حكاية أنثى الجزء 71

حياة (كلسات كترعد ودموع فعينيها )كيفااش واش غيمووت شرحي لياا شنو كايين

_حياة لخلعة غير مغتزيد تكفس الامور ...الطونسيون ديالك طاح بزااف وهدشي اتر على الجنين ديالك ودقات قلبو نقصوو ...سخفان دونك خاصك تولديي فاسرع وقت باش ميكونش مشكييل اخور لقدر الله

اقبال:و فين دابا غتولد هنا ولا فكازاا

_اقبال حياة خاصها تولد فكازاا ...الى ولدات هناا لبيبي غيتهز لكازاا يقدر يتمحن ...هدشي مافيهش اللعب لولد خاصاه عمليية ايغجون ورا الزياادة ...لوقت ماشي فصالحو باش يتزاد هنا ويمشي لكازاا

اقبال:واخة صاافي غنمشيو داباا

_غنتااصل بلبروفيسور شخصيا ا اقبال كوني هاانية غيدير لي فجهدو

اقبال:عمري نسا خيرك ا امال

كتباات برا لطبيب وعطاتو فيها التعليمات وحالة حياة المستعجلة خرجاتها من تماا خاايفة وتاالفة

اقبال:غتجمعي رااسك احياة ماشي وقت لخوف داباا سمعتيني

حركات راسها بااه كتصوني لهود فتيليفون قطع عليهاا ورجع صوناا ليهاا

هود: مافي صافا

حياة:هود راني طالعة لكازا داباا ...خاصني نولد ليوم

هود:كواا وعلااش بقا لك ان سومين بوغ لضات لي تعطاتك

حياة:درت كونتروول ليوم وطبيبة قالت ليا دقات لقلب عند لبيبي خفااف خاصو يتزااد ليوم

هود(سكت شوية)او ماي ݣوود اش هدشي سي تخو ... اوك حياة ...تنكييت پا وخة ...انا نخرج داباا نجي

حياة:قطعتي على غدا

هود:اخر هميي حيااة ...انجيي

حياة:واخة

قطع معاها وركبات فطموبيل كدوز ايدها على كرشهاا .. عطات السكاتة لاسماعيل وبدات كتلعب ليه فشعروو وعينيها عمرو بدموع ...

انك تعرف بلي ممكن الجنين ديالك يودع الحياة حتى قبل متشوفو شي حاجة لي صعييبة بزااف ...مكتعرف لتفرح ولا تسناا الاسوء يوقع

وصلها ميسااج وحلاتوو لقاتو من هود :دوزت ليك لفلوس فلكونط الى تعطلت تصرفيي

حياة:ؤك

هود:جوتيم ماڤي يوقع لي وقع ؤك

مسحات دمعتهاا وجاوباتوو :ان شاء الله ميوقع والوو

هود:ان شا الله

وصلو لداار لقاو الغالية كتمشي وتجي دايقة بيها تجااو لقاو غيثة وجابر لي جا وصلها تسمعو لخبار وكلسو يتسناو ومعاه شهيد تدخلو

اقبال:غنمشيو داباا لكازا

الغالية:علاش اش قالت ليكم

حياة:خاصني نولد ليوم

شهيد:هدشي كيوقع احيااة متخافيش

الغالية:تا انا غنمشيي

اقبال:وانصاف تبقا بووحدهاا

انصاف:معنديش مشكيل اختيي

غيثة:انصاف اتبقا معاياا

شهيد:اتدي اسماعيل !

اقبال:والله معرفت

شهيد:نخليوه للواليدة حسن

اقبال:اسماعيل صعييب ...بلاتي نشوف هيبة هيا كيسكت عندها البنات قاريين

شهيد:حسن هيا عندها لخاطر ليه

جابر: غدا ان شاء الله نجي وراكم الى مسكتش راه نجيبو معاياا

شهيد:مزياانة (شد فكتف اقبال كدوز تيليفون)انا مشيت لبس

حركات ليه راسها بااه كتصوني لهيبة

كانت بدورهاا كتنصب فلعشاا وهشام وسيليا كتسمع هضرتهم كيلعبو فالصالون حتى جابت ليها سيليا تيليفونها نشفات ايدها وشدات الخط

هيبة:بيلوو اش خبارك

اقبال:لبااس ...هيبة فيك ميشد اسماعيل ليوم ؟

هيبة:ياك لبااس اش وااقع

اقبال:غنمشيو لكازا مع حيااة خاصها تولد ليومم

هيبة(بخوف )علاش شنو وقع مزال لحال يكما وقع شي حاجة لولد ؟

اقبال:هيبة (سدات لباب هابطة لدارها )دري خاصو يتزاد ليوم قلبوو ضعيف تشدي لياا اسماعييل منقدرش ندييه مغنساليش لييه

هيبة:نشدو ونمشي معاكم

اقبال:اش غنديرو كاملين فسبيطار منهنا لغدا جيو نتوماا ..

هيبة:واخة اختي لي بان لييك صافي انجي ندي اسماعيل وجديه لياا

قطعات معاها وخرجات عند هشام وقالت:هشام توصلني عند ماما

هشام (كالس فزربية كيلعب مع بنتو )خير ؟ ياك لبااس

هيبة:بغاو يمشيو لكازاا حياة غتولد نمشي نجيب اسماعييل يبقا معاياا

سيليا نقزاات وقالت:ياااس جيبيه اطاطا

هشام: وخة

مشات طفات على لعشاا لبسات جلابتهاا وهبطو زربانين كدير فالشال ديالهااا وكدعي مع ختهاا ...مسافة الطريق وكانو حدا دار لقاو لغالية كدير الصاك فطموبيل لابسة جلابتها ولخلعة باينة فيهاا تقوليها مالك تبكييهم حجر ...قلب الام مكيتبدلش

هبطات حيااة لابسة مونطو ديالهاا متصنعة القوة رغم الخوف فعينيها عنقاتها هيبة لي دغيا طاحو دمووعها و قالت:ان شاء الله يتزاد بخيير

حياة (بصوت مرعد )ان شاء الله

معروف على هيبة دموعها محطوطين خرج فيها هشام عينيه و مسحاتهم دغياا

هشام:حيااة ختي الله اسهل الامور ان شاء الله

حياة:ان شاء الله ...تهلا اخويا فهاد هرنونة

هشام(تبسم ليهاا ) الله اودي

هبطات اقبال لابسة واسماعيل فايديهاا شاف هيبة وتلاح فيها عطاتها الصاك ديالو وقالت: هشام غير صبر مع صداع هاد الليلة وسمح لينا

هشام:حناا عائلة وحدة اختي متقولوش هكاك ...لكانت شي حاجة فاش نعاونكم مرحباا

اقبال(بامتنان)الله اكبر بيك اخويا شكراا

هيبة: عنداك طفي تيليفونك جاوبوني ...ماما هزيتي دواك

الغالي(تالفة )دواياا ...لا ..انصاف جري ابنتيي جيبي لييا لكينة راه حدا راس الناموسية جريي

مشات بجريي جابتو ليهاا

هشام (شاف فهيبة )قولي ل انصاف تمشي معاناا متبقاش بووحدهاا

هيبة:اه واخة

قرب جابر لطموبيل وحط ايدو على كتف حياة وضارت عندو غير شافتو تسرسبو دموع فعينيهاا وترمات فحضنوو كتشهق

اقبال(تنهدات)تء حيااة الله اهديك

جابر:حياة نعلي الشييطان كلشي غيدوز مزيان

حياة :جابر بلاصتك ربي لي عالم بيهاا اخوياا لشتي مني العيب سمحلياا ...بنادم مامعصومش من الغلط هءهء

جابر :ربيي غفور رحييم احياة شديي فرااسك واخة

بعدات عليه كتسمح فدمووعها حل ليها الباب اللورااني تركبات وسدوو وقال:طريق السلامة

بقا واقف تمشاو ورجع لعند البنات وهشام لي بقاو واقفين حدا طموبييل

جابر:غيثة ..انصاف نمشيو

هيبة:صافي غير خليو انصاف معاياا

غيثة:لاا تمشي معاياا

انصاف(حشمات معرفات لمن دير لخاطر )بحال بحاال عندي

هيبة:صافي ياله معاياا ...منهنا نيت تعاونيني ف اسماعييل

انصاف:صافي واخة

غيثة:عقلي فييهاا

جابر:زيديي من لمحاسبة ...سي هشام الله اعاونك

هشام؛ مع السلامة ...مشينا اهيببة

انصاف:نجيب كتوبتي او نجي

مشات جابت كتوبتها وحوايجها ومشاات ركبات اللور معاهم شادة اسماعيل كيتجبد لشعر سيلياا حتى نتفهاا

سيليا:طاطااا ايسو نتفنيي

هيبة:ههه عجبو شعرك

سيليا:وليتي بااسل اه اه

انصاف:ههه

اسماعيل؛نننن ماا ماا اععع

سيليا(كتعيب فييه )مامما ننن ههههه بوسنيي (مدات ليه حنكها وهوا يكمش عليها بايدوو تبدات كتبكيي

هشام:اش هدشي اسي اسمااعيل

هيبة:ياك قلت لييك متعطييهش وجهك احح قمشك ابنتيي !

سيليا:هءهءه قسحنيي اطاطا

اسماعيل:هههه

انصاف:صافيي صافيي هاهوا بغا يتصالح معااك

تخبات ورا يديها وهوا كيطل عليهاا دغيا نسات وبدات كتلعب معااه منوضين حيحة فاللور صدعو لانصاف راسها وهيا سااكتة كتسمع توصلوو لدار

نزلات انصاف غير سااكتة مكتزعمش على هشام بزاف حيت مكتشوفوش ديماا ومبغاتش تمشي مع غيثة حيت عارفاها غتجيب فشوشهاا عليهاا وغيصدقو منوضينها بليل

**

الوصول كان المدينة البيضاء.. امام كلينيك شيخ خليفة بن زايد وقف شهيد وهبطو لبنات والغالية شادة فحياة لي عيااتها طريق وطونسيون لاعب عليها مرة يهبط مرة يطلع

حياة(بعياء )اقبال هود ڤيرسة لفلوس عندك فلكونط

اقبال:صافيي دخلي نتي وخوي راسك من كلشيي احيااة

حياة/بخوف)دعيو معاياا ...دعيو مع هاد لبيبي يعييش ومنتشواش علييه اختي والله مقادة

الغالية:متقوليش هكا ابنتي ربي كااين ...لهلا يشوي شي حد فكبدتو

سبقهم شهييد عطاهم لمعلوومات والبرا ديال طبيبة طلعوهم لطاج التااني ديال الولادة استقبلاتهم صاج فاام تماا وقالت:مدام حيااة تبعيني عفااك

حياة:واخة

طلقات من ايد اقبال ومشات معاها بقاو هوما فلكولوار كالسيين

دخلاتها لشومبر وقالت :كلشي غيدوز مزيان ان شاء الله مالك خايفة

حياة:ان شاء الله

_ حطي احيااة حوايجك كلهم يااك ...لبسي لبلوزة وفوقها هاد لبينوار

دارت داكشي لي خاص حطات حوايجهاا كلهم فدوش الخاص بشومبر لبسات لباس العملية وفوق بينوار من لبرد وخرجات لقات الفرملية قدات ليها لبلاصة وكتصايب ف الة فحص دقات قلب الجنين او تعبر الطونسيون دورات بيها الالات سمطة فكرشها برونشاتها ومشات لجيهة لخراا دارت ليها الصمطة فدراعهاا وبرونشاتها كدالك فجيهة لخراا

_طونسيون هابط لييك

حياة:نقدر نسمع دقات لبيبي

_ضروري صبري شوية

برونشاتها فالضو قدات التخطيط بدا كيتسمع لكن بشكل بطيئ على المعتااد وخة هكاك فرحات لي مزال النبض كاين

حياة:واش طبييب كاين ؟

_كااينين امدام دايرين اجتمااع على وديت لبيبي ديااك ابخي ادخلي لبلووك خاص غير الطونسيون يتقاد شوية

حياة:عمر شي حالة دازت عندكم هكا

_سمعت لبروفيسوور كان ف فرانسا ديجا دازو حالات عندو انا ملي خدمنا هادي عشر سنين جامي دازت حالة هناا ..تفائليي خير ان شاء الله كلشي يدوز مزييان

حركات راسها بااه هيا خرجات ودخلات عندهاا اقبال والغالية

اقبال(بارتياح )الحمد لله سمعي قلبوو

حياة:قالت ليا طبيب لي غيولدني وطبيب لي غيتكلف بلبييي دايرين شي اجتماع

اقبال: هاد طبيب كلشي كيشكرو على الله دوز الامور مزياانة الفلوس مكتهمش

الغالية(كلسات على لفوطوي )ان شاء الله خيير ...ياربيي ...يااربي

دازت سااعة اخرى وهياا كتسنا كل مرة يجيو يقلبو الطونسيوون جا طبيب لي غيتكلف بولادتها طل عليهاا طمنها وكدالك طبيب لي غيتكلف بلعملية

***

هيبة:ششش صااافي احبيب طاطااه ...انصاف بردات الرضاعة

انصاف(مداتها ليهاا ) اه بردات

هيبة:(عطاتها لييه يرضع وسيليا حداهاا كتشد ليه الرضااعة كل مرة هيبة طلع تنهييدة وعقلها مع حيااة )انصاف حلي اختي يمكن هشاام

مشات حلات الباب حتى كتصادف دريس خرجو عينيها بغات تسد عليه الباب ودار رجلو كيضحك وقال: واش مضروبة فكرش مك ولا مالك ههههه..

ملحق 09/02/2021

انصاف(تزنكات ) هاا احمم شنو بغيتي

ادريس(بهمس )نتيي ...زارتنا البركة والخير لي طليتي عليناا

سيلياا:عميموو (عنقاتو فرجلو حتى هزهاا )عندنا ايسووو (وراتو حنكها )شوف لباسل كيدير لي بيتيز قمشنيي

دريس:ايااي واعر مع راسو (شاف فانصاف)ياك هانية الوقت

خرجات عندو هيبة من بعدما دارت شالها وتبسمات ليه :خوياا لبااس

دريس؛لباس الحمد لله هدا ولد شهيد ...ياك لبااس !

هيبة:ااه مشاو لكازا

دريس:على وديت حياة !

هيبة:طاح ليها الطونسيون ولبيبي حتى هوا سخف

دريس:الله اكبر ...داكشي كنت داير مع شهيد فلقهوة مجاش قلت واش نساا

هيبة:لاا راه مشااو طايريين

دريس:ان شاء الله يدوز كلشي مزيان ...فين هشام

هيبة:خرج يصلي العشا مزال مجاش

دريس:صافي شكراا انتسناه لتحت

دخلو لبنات سدو الباب وراهم كلسات هيبة كتنعس ف اسماعيل بزز بغا ماماه وانصاف كتحفض توصلات لتمرين فالماط وراتو لهيبة مفهماتوش

هيبة:صبري يجي هشام

انصاف:انشوف ملاك

جبدات تيليفونها صورات التمرين ودخلات لواتسااب كتشوف فهيبة ورتجع تشوف فالتيليفون ...جبدات نمرتو الحوارات عادية بيناتهم مكاين لبسالة لا والو سيفطات ليه الصورة وقالت :معرفتش لهاد التمرين تصححو لياا !

متعطلش بزاف وشاف لميسااج كانت كتكتب حتى وصلها وهزاتو كتفتف غير بوحدها بحالا كتسرق وخافت الناس تشوفهاا

دريس:نصححو لحبي

تزنكاتت ودنيها سخنوو وهيبة كتمشي وتجي قداامها حطات التيليفون خلاتو كيكتب ماصة شفايفها كترمش كترعد

#قبل شهراين كان جوابهاا ليه كالتالي

ملاك: وتي جاوبي السيد اصاحبتي مالكي هكاا

انصاف: منقدرش والله

ملاك:شوفي ا انصاف والله دريس حتى ولد النااس انا صاحبتك منبغيش ليك لخايبة وهوا ميقدرش يضحك علييك راك خت مرت خوه ونسيبة صااحبوو عشييرو ميقدرش يخسر الصحبة على والو ...راه بعقلو اصاحبتي كنهدرو على طبيب ماشي شمكار فراس الدرب ...عرفتي باش تلقاي شي حد بااغيييك من قلبوو ودوا فييك وقلتي لاا وهدر معاك وبلوكيتيه ومزال باغييك راه كيبغييك ...زعمة نتيي مكيعجبكش

انصاف (غلبات عليها الضحكة )غير شوية

ملاك:هههه باينة ملي تشوفيه ونتي ترعدي تقولي ضاربك الضو ...وجاوبيه

انصاف:شنو نقوليه ....لا لا مخاصنييش من هادشيي

طيرات ليها التيليفون من ايدها وجرات لدوش وسداات عليها كضحك

انصاف:ملاااك حرام علييك ملاااك اصااحبتيي متقولي والو والله منسمح لييك

ملاك (كتكتب وكضحك ) شوفي من بعد اتشكريني

انصاف:راه اصلا غيعرفني مكاتبااهش ....ملااك (تزيراات )حرام علييك اصااحبتيي مبغيتش لمشاكيل مع لبنات والله

ملاك:مالك اصاحبتي فهادشي ديالك ...اللهم تجربي ولا تبقاي تحسري عليه نهار يتزوج بشي وحدة ! ...مقلتش لييك انا خرجي رجليك لشواري معااه راه عارف حدودو وزايدون باغي لمعقول هههه

انصاف:اش كتبتيي لييه وحليي لباب

ملاك:كتبت ليه داكشي لي فخاطرك ههه صبريي ... كتبت لييه موافقة

انصاف:علايااش موافقة واش تسطيتي اصااحبتيي

ملاك: موافقة تصاحبي معاه منهنا العطلة ديرو الخطبة هههههههههه

انصاف(ضرب قلبهاا )قولي بلي غير كضحكي ا ملاك

ملاك:ههههههه وحق الله مكنضحك راه كنهدر معااه تهوا على لقرص ههههههه

حلات الباب لقاتها صفرة عطاتها تقراا ملقات متمسح لميساجات تقراو وجاوب علييهم وملاك كتمرغ بالضحك عليها وهيا كتقرا

دريس: لحاجة لي ضرك معندي مندير بيها ا انصاف انا باغي غير نعرف واش نتسنااك ولا نبعد الى كنت غير كنديرونجيك

جاه الرد من ملاك على انها انصاف : تسناني ..

دريس :منهنا لصيف تكون هدرة خراا ! نتي دابا وحدة من العائلة ...انا مباغيش مصااحبة ومباغيش نتفلا جيتك نيشاان ...الى كان هاد لحل منااسبك نديروه بينما تكملي تمنطاش فالصيف نديرو خطوبة

_واخة

دريس:على بركة الله هههه

حطات التيليفون وقالت:واش تسطيتي (شدات راسهاا )شكون قاليك بغيتي نتخطب لييه

ملاك:عويناتك اكبيدة ههههه ...هانتي ليك ضبرت ليها على عريس بوكوص وجون ومزاال منفخة

ضرباتها بمخدة وقالت:سكتيي منسمحش لييك

ملاك:تالعرسك ونفكرك هههه علاش لا نديرو عرس واحد انا بالاستااد ونتي ب طبيب

انصاف:عرفتي ويعرفك شهيد مصااحبة مع الاستااد ديال لمااط

ملاك(ضحكات ) غيدير ليا لكسوور التلاتية هههه ندوزو حب ليسيي تاحنا ولكن فحدود اصااحبتي

##

هزات تشوف جوابوو لقاتو خرج ليها التمرين فورقة كتزومي على خطوو وكضحك خرجات التمرين وقالت:شكرا

دريس:عطيني بلاصتها شي بوسة نصبرو بيهاا تالصيف

غير كتسمع الصيف للحمها كيشوك بلخلعة اما لبووسة مجاوباتو كاع عليهاا

دريس:بوسة اخوية متفهميش غلط

انصاف (ضحكات )خليني نقرا شكرا بااي

حبسات لكونيكسيون ورجعات لتمارينها هيبة نعسات اسماعيل حطاتو فلبيت حتى دخل هشاام حطو لعشاا لي مبغاش يدوز لهيبة والتيليفون فايدها كل مرة كتسول

هشام:هيبة عيتي دوزي تنعسي

هيبة:غير سير احبيبي

هشام(باسها فكتفهاا ) غنمشي حدا سيليا حتى تنعس واخة !

هيبة(تبسماات ليه )خود راحتك احبيبيي تاهيا راه بغاتك حداهاا

هشام (باسها فحنكها )لهلا يخطييك

انصاف فرشات ليهاا فبيت الضياف لي فرشااتو بيت نعاس مفرش ومقاد وهياا توضاات ودخلات البيت فوق السجادة كتصليي وكدعيي معاها ومع ختهاا

حتى صونا تيليفونها فوق الطبلة ناضت كتعتر بلعباية لقاتها اقبال جاوبات قلبها كيضرب

هيبة:الو

اقبال: دعي معاهاا راه دخلوها لبلوك داباا...دعي مع تربيية يعيش ليها (تنهدات ) محال تصبر الى ضاع ليها

هيبة (تغرغرو عينيهاا ) لهلا يحرمها منو ياربي

اقبال:اميين يااربيي ...اسماعيل نعس

هيبة:اه رضعتو ونعس

اقبال:واخة اختي تصبحي على خير

قطعات معاها واقفة قدام لبلوك والغالية كالسة جات كلسات لوسط حدا شهيد وتنهدات

شهيد : وهوا مغيجيش ؟

شافت فتيليفون حياة: شي ساعتين دابا باش ركب

شهيد؛ باقة ليه شي 3 سوايع تاع طريق

اقبال :ياربي غير تفك على خير فينما وصل

***

دخلوها لبلووك دارو ليها لفرمليات لبوني على شعرهاا كترعد بلبرد ...لبوك باارد لفرفراات فوقهاا لحمهاا زراق بلبرد

حياة:كاين لبرد بزااف

_ضروري امدام راه غتفتحي باش ميكونوش لميكروبات ...غير غيدكو ليك لبراا مغتحسيش بلبرد مزال

حياة:كتقسح

_ ماشي بزااف ...اتحسي بسخوونة سرحات معاك وغترخاي شوية ...نتي متشغليش بالك ...عطيني ايدك امدام

عبرات ليهاا الطونسيون دارت ليهاا لبرا تاع السيروم حتى توعتات

عراوها وغطاوها بغطاء العمليات معقم

دخل الفريق الطبي لي غيتكلف بيهاا من بنااج وطبيب وكان لبروفيسور لي غيتكلف بلبيبي حتى هوا حاضر للعمليية ...طمنوها بكلاامهم بعدو كيداكروو مخلين الفرملياات والبنااج يتكلفو بالتخدير والقسطرة الخ ...

_حياااة

هزات عينيها فلولد لي قال سميتهاا وشافت فييه وقالت: منير لبااس

منير: الحمد لله (باستغراب )تزوجتيي

حياة :اش كدير هناا

منير:بناج ههه

حياة(حركات راسها بااه ) مزيان

منير:متخافيش مغتحسي بوالو

حياة:وعنداك

منير:هههه باش تنوضي ضربيها ليا بشي نتفة كي درتي فليسي

حياة:ههه كنتي كتصعرني شنو ندير لييك

منير:لوقت دغيا كدوز

حركات راسها بااه وقال: كلسي او تحنااي القداام رخي فيك النفس ومتحركيش ...ابخي مغتحسي بوالوو احياة واخة

حياة(بخوف )غير بشوية عفااك

غمضات عينيهاا خايفة تحرك هكا ولا هكا حسات بساائل بارد قاس ظهرها لتحت كانو كيعقمو ليها لبلااصة ...حسات بوخزة تاع الشوكة وكمشاات على عينيهاا

منير:صاافي (شدها تكاها )متحركيش راسك باش مدوخيش

حسات بدفا فجسمها لي ترعد بلبرد ولات كتعطيهم ايدها فاشلة حطو ليها كل ايد فبلاصة براوات مقووسة ضو مشعشع ضارب فووقهاا

منير:حيااة ...صافا !

حركات جفون عينيها فقط مخلية عينيها يطيحو بدمووع الشيء لي خلا منير يمسحهم وقال: انا مكنعرفكش بكااية احيااة ...الامور كلهاا غدوز مزيانة توكضيي حيت خاصك تكوني قوية لهادشي داكوغ

حياة:مم

بعد مراقب من بعييد ...كتشوف بعينيها لبلوك شبع عامر طبيب لي غيولدها فجييه ولي غيعاونو فجيه جوج اطباء شباب باينة سطاجير حيت واقفين جنب طبيب فرملياات واقفين بعييد شوية لابسين لغوز او وحدين عند راسهاا كل واحد شنو كيدير ...لبروفيسور مبعد شوية وكالس كيشوف وكيتسناا

تكلم طبيب مهرس تأملها فلمكان وقال:حياة ...كتحسي بياا

حركات راسها بلا:مكنحس بوالو

حرك راسو بااه وشاف فليكيب ديالو وقال:نبداو ...بسم الله

مكتشوف والو من غير الغطاء لي قدامها كتحس احساس خفيف ...غمضات عينيهاا كدعي فخاطرهاا وكتقرا فلقراان كطلب الغفران من الله وسماحة على دنبها الكبير

كانو الاطباء اشد حدر فلعملية...كانت عملية ماشي ديما كدار داكشي لاش كانو اطباء متدربيين حتى هوما حاضريين كيفاش يتعاملو مع لحالة تاع جنين اعضااء ديالو على براا كيفاش يتجبد بلا ميتقااس شي عضو من جهاز الهضمي

الكل على اعصاابو على براا كان كيمشيي وييجي قدامها وكلس جنبهاا لاح ايدو من وراا كتفهاا داعبو وحطات ايدها علييه بتنهيدة وتبعاتها راسها على كتفوو اما الغالية بدمووع كدعيي وتطلب ربي ينقص من عمرها ويزيد فعمر بنتها وحفيدهاا التااني

كانو ساكتين صوت المقووسة بوحدو كيتسمع ولحوارات كلهم كانو بلفرنسية مع بعضهم كانه درس فكلية الطب

لحظة كلشي تحرك الفرملياات التانيين لي كانو بعدا لبروفيسور ناض على عجلة والهدرة ولات بزربة كانهم مستعجليين ...زرعو الخوف فحياة حتى منير لي تسولوو كان مشا يكتااشف

لبيبي لي خرج باعضااء مكشوفة

_الاكسجيين دغياا دغياا

_داكوغ دكتووغ

حياة(بخوف وبكاء )اش وااقع قولو لياا واش تزااد هءهءه بغيتي نشووفو واش حيي واش حيي

طل عليها طبيب لي مزال كالس ؛حيي حي غير رتااحي

حياة:غير نشووفو

امرهم باش يغطيوه يخليو غير وجهو ...من حقها تشوفو دوزووه لجيهتهاا ف بلاصتو عليه ساائل ابيض لزج فوق بشرتو وشعرو كحل ...هدشي لي شاافت قبل ميطيرو بييه قبل متشبع فييه الشووفة

نص لي كان فلبلووك خرج منهم طبيب بقا فقط الفرملياات ولي غيتكلف بخياطة الفتحة

خرجات الفرمليية من لبلووك ناضت اقبال عندها وقالت:امضراا اختي

_شكون السيدة !

اقبال:حياة***

_ااه على سلامتهاا ولدات على خير

الغالية:او لولد ابنتيي

_ مااعرفتش الالة مكنتش فنفس لبلوك مي راها ولدات

رجعو لبلاصتهم كيتسنااو على جمر مدايقينش النعمة من العصر وهادي راه قريبة نص الليل وهوما كيتسنااو

خرجات فرملية من لبلوك وتوجهات عندهم : الحمد لله حياة راها ولداات على خير ...يطير منها البنج وغنطلعوها لشومبر

اقبال:الحمد لله ...او ولدها

_ منقدرش نقوليك شي حاجة بداك الخصوص ...داوه لعناية المركزة مع لبروفيسور فيصل ...ملي غيشوف لحالة غيعيط لييكم ...الله اسمعكم خير

اقبال:شكرا اختي

_مكاين لاش تبقاو هناا ...شوية ونطلعوها لفووق امدام ...على سلامتها

الغالية:واش حيي دريي بعدا ماقتلونا ماحياونا

شهيد:طبيب لي غيقدر يقول اش كاين ...هوما ميقدرووش ...ياله نطلعو حتى يجيبوهاا ...تاكلو شي حاجة !

اقبال:منين غيدوز اشهيد منين

الغالية:لا ولدي مبغيت والو

شهيد:خالتي واش باغة السكر يطيح لييك ...هكا مغتنفعوهاش على الاقل كولي باش تاخدي دوااك

الغالية:تنشوف بنتيي عاد دوز لييا اولديي

شهيد:واخة لي بان لييك ياله نتحركو لفووق حسن

طلعو لطاج لفوقاني خاص فقط بلولادة او جناح الاطفال الحضانة ديال حديثي الولادة فقط توجهو لشومبر لي محطوطة فيها الشانطة تاع حياة فيها جوج اسرة نقيييين وخاوين ...خرجو لكولوار واقفيين حدا السانسوور كيتسنااو جهد سااعة اخرى حتى تخلعوو عاد تحل السانسوور وخرجو حياة فسرير متنقل مغطينهاا بمانطة وملبسينها لباس ازرق ...صفرة بلخلعة وعينيها حمريين بلبكا ولخوف

مشات الغالية كتزرب شدات فايدها وبدات حياة كتبكيي :هء ماماا فين ولديي واش شفتوه

الغالية:راه بخير ابنتيي غاوكضي رااسك نتيي

اقبال(داعبات شعرهاا )على سلامتك اختيي

_سمحوليا ندخلهاا

بقاو فاتسااع حتى دخلوها لداخل خلاوهاا فسرير حتى توكض شوية وخرجو ...

دخلو عندها كل وحدة من جيه كيطمنو عليهاا

شهيد:حياة الحمد لله على سلامتك

حياة(حركات راسا باه )قولياا اشهييد واش هضر معاكم طبيب ؟ شفتو ولديي واش شفتووه

يتبع...