حكاية أنثى الجزء 72

اضطرو يكدبو باش يهدنوهاا نطقات الغالية وقالت مطمناها :شفنااه ابنتي غارتااحي راه مزياان غير داه طبيب ياك ا اقبال

اقبال(حركات راسها باه ساكتة )اه غير ترتاحي طبيب غيجي عندك احياة ...تهدني ونتي عاد فااتحة باش كتحسيي !

شهيد:اقبال انا برا نجاوب جابر كيصوني

حركات ليه راسها بااه وخرج حدا الباب مخليهم على راحتهم

حياة:بديت كنحس برجلي شوية ...او شوية لحريق ...حاسة بشي حاجة فوق كرشي خانقاني

حطات اقبال ايدها فوق كرشها لقات داكشي قاسح :يمكن حطو ليك داك الصاك تاع الرملة فوق الفتحة ضروري على ما سمعت

الغالية:كلشي غيدوز غير صبري ابنتيي

حياة:فف بغيت نشوفوو باش نرتااح وخة يكون فيا لموت تاع لحريق ميهمش غير يكون هوا بخيير

اقبال:غيكون بخيير ان شاء الله

شهيد؛اقبال واحد دقيقة

خرجات تبان ليها طبيب فيصل واقف فشلو عليها ركابي قبل متوصل قلبها كيضرب بجهد قربات لييه وقالت: كيف بقا لولد

_للاسف منقدروش نديرو ليه العملية داباا

اقباال(بخوف )علاش علاش ياك قلتيي العملية اتكون ليوم !

_ هدشي لي كان مقرر ولكن لبيبي عندو مشكيل فالتنفس حالتو مامستقراش

شهيد:والعملية الى تعطلات مغيكونش شي خطر ولا لا !

_مبغيتش نخلعكم ولكن غنحطكم فالصورة ...شفت لبيبي نوبة الاعضاء لي على برا ماشي كبيرة بزاف ولكن غتستغرق وقت شوية ...وحالة لبيبي ماكطمنش ومغيستحملش يتبنج ...منقدرش نغامر بيه ...حالياا نتمناو وضعو يستاقر باش يكون امل عندكم ان العملية تنجح ...بون ديرو فبالكم كاع الاحتمالات الممكنة ...كنتمناا يقاوم حتى دوز العملية بسلام ....خليتكم على خير الى كان شي جديد غنعلمكم

مشا وخلاهم واقفين كيشوفو فبعضياتهم

رجعو دخلو عند حياة لي مرتاحتش نهائياا كتسول وتعاود تسول والبنج بدا كيطير بداها لحريق شوية

حياة(بالم )احح لحرييق شوية

الغالية:هاديك غير لوالدة كترجع بلاصتها ابنتي معليك غير بصبر

_الله اخليكم ...تقدرو تخرجو شوية غيخصني نعاونها تلبس ونحطها فبلاصتهاا

الغالية:ابنتي راه فيها الحريق

_غندير ليها دوا ضروري

خرجو مخلينها لبساتها الملابس ديال لفوق لبساتها كوشة كيلوط وعاوناتهاا حتى حطاتها فبلاصتهاا مع تحركات توعتات بالم كتسووط

حياة:ااحح لحريق بزااف

_دكات سائل داز ليها فسيروم حتى حرقها فعرووق ايديهاا

حيتة:دكيتي لياازا ولا السسم

_هههه ضروري يحرقك فسيروم ولكن غترتاحي عليه شوية

حياة:او ولدي منقدرش نشوفو !

_ولدك امدام مكاينش فهاد لجناح ...كاين فلبلوك تانيي ملي يسمح ليك طبيب غتشوفييه

حياة:واخة اختي شكرا

طاح فبالها هود وفين يكون وصل مرة مرة تكمش ملامحها ب الم من لحريق وتعض على فمها كتبرد فيه ونعاس فعينيهاا ...هزات عينيها فالساعة لي معلقة لقات 12 ونص تاع الليل يعني مزال يكون فطيارة كيف قاليها ميوصل تال جوج

دخلات اقبال والغالية عندهاا

اقبال:باقي الحريق

حياة(بعياء)شوية اختيي ياله دݣات ليا لبراا

اقبال:غمضي عينيك رتاحي ...

حياة:فين غتباتوو

اقبال:غنبقاو غير فطموبيل ليعيطو ليناا ...نتي غير رتاحي حنا فينماا كنا هانية

الغالية:نعسي ابنتيي ورتااحي

حياة(بعيااء )الى فاتني هاد لحرييق ...عفاك اقبال سولي على طبييب ...هود غيجي مع ديك جوج مصوناش فين تيليفوني

اقبال:لا مصوناش فكرتيني تيليفونك حطيه حداك لكانت شي حاجة صوني لياا غنكونو حدا لكلينيك

حركات راسها باه توادعو معااها بغاو يخرجو من شومبر وصادفوو سيدة اخرا مدخلينها لشومبر تاهيا عاد ولدات سلموها فطريقهم وخرجو مودعين حياة

لقاو شهيد كيهضر فتيليفون حدا طموبيل تشافهم ومد تيليفون لغالية وقال:لواليدة بغات تهدر معاك

الغالية: الوو

مينة:الو الغالية ...على سلامة حياة تفكات على خير

الغالية:الله اسلمك امينة ختيي تفكات الحمد لله غا هيا عقلها مع ولدها

مينة:قالها ليا شهيد ولي مكتبها ربي غتكون لمكتاب لداك لوليد يعيش غيطول ليه ربي فلعمر

الغالية:داكشي لي كااين

مينة:راه كاينة لوستي تماا ...سيرو باتو عندها راه مبعيداش على لكلينيك

الغالية:لا لا اختي منبرزطوهمش هاحنا هنا ليعيطو ليناا متعرف لوقت اش تجيب

مينة:الله يكتب مكاتب الخير الغالية دوزي ليا اقبال

دوزاتها ليهاا باركات ليهاا لختهاا وسولاتها على اسماعيل وقطعات

شهيد: ميمكنش تبقاو بلا ماكلة

الغالية:منين غيدوز اشهيد اولدي

شهيد:واخة هكاك ضروري تاكلو شي حاجة نتي كتشربي دواك

اقبال:عندو الصح

مشاو كلسو فسناك قريب لكلينيك كبير تما طلبو كلهم صلاد يعميو جوع فقط غير كينقبوو وكيهدرو على حالة لبيبي

شهيد:قالياا طبيب لولد تزاد شعرو بيض

الغالية:هاااويليي

وحلات ليهاا وتقجات ناضو كيشربو فيها فلماا ترجع لونها حمرر

اقبال:بشوية علييك مالك !

شهيد:هدشي عادي وموجود

الغالية:اويلي اولدي على نوجود شاايب من لكرش ؟

شهيد:لا ماشي شعرو كلوو (سكت شوية وقال )سيفط ليا طبيب تصويرتو تبارك الله زوين الله يزيد فعمرو

الغالية(حطات لفورشيط )وسااكت اشهيد اولديي عطيني غا نشوفوو (تغرغو عينيها ) نبرد غا قلبي

شهيد (جبد تيليفون وراه ليهم ) مبغيتش نزيد عليكم وصافي

اقبال :مسيكين ...شحال زوين ما شاء الله واش هاد الشيب عادي ؟ ولا يكما تهوا شي مرض اشهيد

شهيد:لا ماشي مرض غير داكشي فلهرمونات يقدر مع لوقت يمشي ويقدر يبقا ليه هكاك ...وحالات قليييلة لي كيتزادو هكا

الغالية:ولدها جمع كاع الغابراات

اقبال:واللهيلا ههه لجات غير فالشيب موو هاديك خدمتهاا

شهيد:ان شاء الله ربي يسر ودوز العملية مزيانة

الغالية:هاهوا عند الله مسيكين (كتشوف فتصويرة ) لحييمة مسكين ...سيفطها ليا اولدي فلواتسااب

اقبال:لمن غتسيفطيها تاني

الغالية:غاا لبناات

شهيد:كتبي ليهم ان لم تقل سبحان الله فاعلم ان الشيطان يمنعك

اقبال:حتى نتا تابعها فهبالهاا

دردشو شوية تلفوو ستريس لي عاشوه هاد الساعات لي دازو فلكلينيك ورجعو لبارك تاع لكلينيك وقفوو مقابلين مع لباب الغالية اللور طافين ضواو ...غمضات اقبال عينيهاا بتعب حتى حسات بيه رما عليهاا لكاشكول ديالو تقييل وحلات عينيها فيه بابتساامة وقالت:غيضربك لبرد عاد وليتي بخير

شهيد:الطموبيل سخونة ...نعسي رتااحي

دورات راسها ل غالية لقاتها غمضات عينيهاا متكية على مخدة صغيرة على لباب او مغطية بلكاب ديالها سخوون...رجعات بتنهيدة غمضات عينيها..حط ايدو فوقهاا هبطات ايديهاا شابكاتها معااه كتستامد منو القوة زير عليها وهوما سااكتيين ...فجو سااكن فطموبيل عكس رجل لي متقطعاتش على لكلينيك وبلاصة المستعجلات مكاينش فيها راحة

حياة نعساات بضع ساعات بتاتير البنج لي باقي فيها من بعد فااقت كتوجع بلحرييق كتعصر كلهاا جات لفرملية دكات ليها برا خرا ف فخضها تاع لحريق والوو مقدات فيها حتى حااجة

تسمعات فطموبيل طزز

حلو عينيهم شافو فبعضياتهم ونطق شهيد غالب عليه الضحك :اش هدشيي

دورات اقبال راسها لغالية لقاتها نااعسة ورجعات شافت قدامها كتهز بالضحك وشهيد كتر منها كيضحكو بهمس تكا على لفولون بغا يحبس الضحكة مقدرش

اقبال(خرجات من طموبيل مخنوقة بالضحكة وتبعها خرج كيضحك )ههههه

شهيد: هههه وانقول لمن شابه لحزاق تاع ولدك

اقبال:الله امسخك ههههه

كلسو على لكابو تاع طموبيل كيشوفو فبنادم داخل خاارج حتى وقفاات طاكسي قداام باب لكلينيك...ركزات اقبال عينيها فيه ملي شافت لعكاز

اقبال:يمكن وصل

شهيد:شكون ؟(شاف فطاكسي )اشنو سميتو

اقبال:هود (شافتو )هوا ...سير هدر معاه وشرح ليه اش كااين

شهيد:كيفهم لعربية

اقبال:هدر معاه بلفرونسي عربيتو معكلة لانتا غتفهمو لا هوا غيفهمك مزيان

شهيد:واخة دخلي لطموبيل من لبرد

نزل هوود داعم رجلو بلعكااز فهاد شهراين قدر يرجع صحتو شوية واخة مزال باين فييه تعب تهوا داكشي لي داز منو مكانش بالساهل ينوض منهاا...ولكن ربيي ملي كيبغيي ينوضك من لحاجة وخة معرت شنو يوقع ربي كينجييك والا تقادة عمرك وخة يتجمعو اطبااء الكون كلهم ميجيوش فوق قدرة الخالق

مشطون باالوو على جوج تالاشخاص كيعنيو ليه بزااف ..شخص كان معارض يدخل لقلبوو بلا هواه استوطن قلبوو وتفكيرو والشخص التااني كان معاارض يجي لهاد دنييا ولا باغييه ومتشبت بييه ...الساعة تشير ل جوج نص تاع الليل غادي داخل حتى سمع شهيد كيعيط علييه وتحرك جيهتوو كيعرج شوية

شهيد:سلام حمم كيوصلتي بخير

هود:بخيير شكرا ...حياة ؟

شهيد:ولداات الحمد لله

هود:بخيير؟ ولبيبي ؟

شهيد: حياة بخير ولبيبي مزال معطاوناش شي حاجة منهنا لصبااح تستاقر حالتو ان شاء الله ابخي يديرو لو العملية

هود:شنو وقع لييه علاش تستاقر حالتو !

شهيد:مكاين لاش تخلع داكوغ ! اجراءات عادية حيت تزاد عيان تنفس ديالو كان ضعيف ميقدرش يدخل لعملية هكا دونك داعمينو بالاوكسيجين من بعد لوبيغاصيون

مسح على وجهو بتعب وقال:واش نقدر نشوفوو !

شهيد:معرفتش حنا مخلاوناش ولكن نتاا باباه جوبونص يبغييو

هود(بلهفة ) ندخل نشوف ...وحياة منقدرش نشوفها داباا ؟

شهيد:لا تالصباح

دخل بلهفة الاستقبال كيسول وخبروه بلي ممنوع داباا يشوفو شي حد من غير الطاقم الطبي فقط

خرج عند شهيد وخبرو بلي كااين وقال:دابا نتا اتكون عياان بسفر خاصك ترتااح

هود؛نرتاح ملي نشووفهم

حلات الغالية عينيها وشافت شهيد واقف مع هود وشافت ف اقبال لي كتخندش فتيليفون : هداك هوا هود ؟

اقبال:فقتيي ! اه هوا عاد وصل

الغالية:محملتش نشرب هاد دوا كينعسني

اقبال:وغير نعسي مالك

شهيد:متبقاش واقف ..كاين اوطيل قريب هنا بقا فييه تالصباح

هود:نن انا مرتااح هنا ...(بامتنان نطق بلعربية )شووكرا

شهيد:تعرف لداريجة شوية

هود:ماش بزاف شواياا

شهيد (تبسم ليه كيكتب فميساج لاقبال لاخيرة لي هبطات من لقدام ورجعات اللور حدا لغالية ) ملي مباغيش تمشي لاوطيل اجي كلس فطموبيل

هود:نن ما

شهيد: بلا هدرة تفضل

هود:ميغسيي ..

شهيد:شهيد

هود:شهيد (مد ليه ايدو )هود

مشاو لطموبيل قال السلام وكلس شهيد بغا يريح لجو وقال:هادي نسييبتك

هود(مفهموش ) شنو تعني

شهيد:هههه مامات حياة

هود:وي وي نعرف

الغالية(لمطات فمها كتهمس) : هوا عارف لخالة لخرة فقزيبة حياة وميعرف مها

اقبال:تء (خرجات فيها عينيها )هنيناا

الغالية:مك مجاتتش معاك

هود:مك! تقصد ما ميغ ياك

شهيد:هههه ڤوالا

هود (كيجمع لكلمات )حم تجي دومان ...غدا عشية

الغالية:ااه مزيان

اقبال داتها عينيها نصها فايق نصها ناعس مرة مرة تقفز ...فيقهم صوت لومبيلونص لي داز من طريق حداهم فاقو قافزين كلهم نعسو الا هود

لقاو ضو باان قرابة 8 تاع صباح

تيليفونها كيصوني جبداتو لقات حيااة قلبها ضرب من لخوف هبطات ضارب فيها النسيم الصباحي البارد وجاوبات

اقبال:حياة صباح الخير

حياة(بعياء )صباح الخير شي خبار ! هضرتو مع طبيب

اقبال: مزال شوية ونطلعو عندك ...هود راه جاا كنتسناو غير 9 توصل باش نطلعو عندك ...خاصك شي حاجة !

حياة(بصوت منغنغ )بغيت نشوفو باش نرتااح ا اقبال منعست ماشفتو لحريق ليل كلوو وقلبي مقبوط علياا ...مامخبين عليا والو يااك

اقبال:مكاين منخبيو عليك احيااة شوية ونطلعو ...عطي راحة لراسك راك فاتحة احياة

قطعات معاها تهبطات الغالية وقالت :ومنديرو ليها لا فطور لا والو (تنهدات )معندنا حد ف دار البيضا

اقبال: راهم كيتكلفو ب لماكلة تخرج وتهلاي فيها تاتشبعي ...نطلعو بعدا نشوفوها كيف بقات ونسولو على داك لولد كي صبح

شهيد:لواليدة جاية

اقبال:ااه مزياان ..فين هود ؟

شهيد:مشاا طلع ..نتسناو الواليدة ونطلعو

اقبال :واخة

عطاوه نمرة الشومبر وفين جاات طلع فالسانسور باغي غير امتاا يطلع مع وصل لطاج كيسمع صوت بكاء شي رضيع كيدور وجهوو يشوف منين جاي الصوت معظم لبيبان مسدوديين بان ليه رقم الشومبر تاع حياة ومشاا مقصد ليهاا كيتعز حل لباب بشوية كتبان ليه سيدة اخرى وتراجع اللور وقال:بااغدون

ياله كان رااجع جاه صوت حياة نادات باسمو ورجع طل براسو كيبان ليه سرير لاخر لي جا فطرف

توجه جبهتهاا بلهفة شوق وخوف لابسة بيجامة ستان رطبة شومبر دافية متكية و حلات ايدها لييه دوز ايدو من ورا عنقهاا وحضنهاا بقوة

هود(باس حنكهاا )مااڤي توڤا بيان شيغي ؟

حياة:بخيير انا بخيير ونتاا

هود:بياان ..(بعد عليها قليلا وبقا محني مسح على حناكها كيقاد فشعرهاا ) فيك لحريق ؟

حياة(تنهدات )تعدبت لحريق بزااف ومزال فياا عاد عطاتني برا تااني

هود:سي نوغمال ؟

حياة:قالت ليا نوغماال ...هود شفتي جود ؟(بلهفة )بغيت نشوفوو

هود:مزاال ...غنشوفووه غير يخليوناا نتي خاصك ترتااحي باش تبراي دغياا

حياة:منقدرش نرتاح حتى نعرف ولدي بخيير

هود :علاش نتوما جوج فلاشومبغ ؟

حياة:مختاريتش يكون سويت

هود:داكوغ انا نتكلف باش ترتااحي كتر

حركات راسهاا بااه رجع باسهاا فجبتهاا وكلس جنبهاا مشابك ايدها معااه ...حتى دخلو لسيدة لي معاهاا لبيبي ديالهاا تبعاتو حياة بعينيها حتى حطاتو فلكونة حداهاا وعطاتو ليها فايدهاا بقات متبعااه بحسرة وعينيها عمرو. دمووع...دور ليها هود وجهها عندو ومسح تحت عينيها وقال:متقلقييش غيكون بخير ...فطرتي !

حركات راسها باه وقال:شوية ونجي نهدر معاهم يبدلو ليك لاشومبغ

حياة:واخة

خرج وبقات عينيهاا لبيبي لي كيبكيي وهيا كتحطو حداها جبدات كترضع فيه تهزات عينيها فحياة وتبسمات ليهاا

حياة:عندك بنية !

_اه ونتي

حياة(بحزن)ولد ولكن مزال مشتووش

_الله افرحك اختي وتشووفييه اول ولدة لييك (حركات راسها باه )حتى انا فلولدة اللولة تزاد ولدي سخفااان معطاوه لياا تبغيت نتسطا...ولكن جابوه لييا متكوني نتي ان شاء الله

حياو(بتنهيدة)يااربي

غادين طالعين توقفات طموبيل ناصر هبطات منهاا مينة او عمة شهيد حلو لكوفر وجبدو سلة ومغطية بسربيتة بيضة

قربو لعندهم سلمو عليهم كيباركو

مينة:كيبقات شفتو دري

اقبال:عاد طالعين عندها ولولد مزال مشنااه

مينة:الغالية ها لفطوور لحسوة بلحليب تقويها وقهوة كحلة ولماا تقوت شوية

الغالية(بامتنان ) الله اعطيك كل خير اميينة ختيي كنت هازة لهم ومكنعرف حد هناا

مينة:متقوليش هكاك حنا راه تشاركنا دم

اقبال. :شكرا اخالتي

مينة:وياله ندخلو

ناصر:ان شاء الله الالة الغالية يدوز كلشي بخير

الغالية(مسحات دموعها )ان شاء الله اسي نااصر دعييو لياا معااه بنتي تمشي فيهاا

شهيد:والله يهديكم

طلعو لبلاصتهاا لقاوها بوحدهاا سااهية حتى تبسمات ليهم حاولات تقااد مقدرااتش

اقبال:خلييك خليك متحركييش...كيصبحتي

حياة:شوية اختي شوية وصافيي ...هزي ليا راسي

تحنات اقبال هزات ليها سرير من لتحت ݣعداتها شوية تحنات عليها الغالية كتسلم عليها وكدالك مينة او عمة شهيد وناصر ربت ليها على راسهاا بلطف وقال:على سلامتك ابنتي عقبة متهزي وليدك حداك

حياة:يااربي اعميي يااربي دعيو ليا معااه

مينة:دازو الناس مااكتر من هكا وراهم صحة سلاام ميكون غا لخيير ...الغالية عطيها تفطر

حياة:ماقداش والله شربت غير لحليب

مينة:ولواه باش غتنوضي بلحليب درت ليك لحسوة لي درت لاقبال فنفاس دغيا تبارك الله نااضت

حياة:وخةة

جابوو طبيلة من حدا رجليهاا قادوها ليهاا كبات ليها لحسوة سخوونة مع طريفات لفرماج كيري وحبيبات الناافع مطحونين عاطين نسمة زوينة فيهاا

حياة:كرشي منفووخة بزااف

مينة: شربي قهوة كحلة باش تنفسي هادوك غير لمسران

الغالية: قلبتيها طبيبة امينة هههه

مينة:اوى كيقولو الناس تاحناا كنقولو ههه راني والدة شهيد بلفتييح ومجربة حروو شربي قهوة كحلة باش تنفسيي وترتااحي

حركات راسها بااه كبات ليها طاس تاع لقهوة ياله بغات تفطر دخل هود هزو عينيهم فيه

دخلات وراه لفرملية وقالت:مداام غير تفطري نبدلوك لشومبغ لاخرى داكوغ (شافت ف هود وهضرات فرونسي )ملي توجد علمني نعاونها

هود:داكوغ ميغسي (شاف ف شهيد )شي خباار

شهيد(توجه جيهتو )نن اجي نسولوو

مينة كمشات عينيها وشافت فلغالية :شكون هدا

مينة : شكون هدا ؟

الغالية (ارتابكات ومعرفت متقوول )هاا ...واش غتبدلي لبيت احياة

حياة:اه غنمشي لشومبر بوحدي

الغالية:اوى فطريي فطري دغياا

لبسوه لباس معقم كلو وداير باڤيط معاه طبيب حتى هوا بنفس اللباس ...قدام رضيع صغيير الحجم صدرو كيطلع بقوة ...مغطين ليه النص لتحتيي من لجراتيم داير ليه لاوكسيجين مغطي نصف وجهو

هود: mon petit (بتاثر نطق بالفرنسية )حالتو مزيانة

_منقدر نقوليك والو دابا حتى دوز لعمليية

حرك هود راسو بااه و نتابه لزغيبات بيضين فشعرو وقال:شنو هدا ؟

_هههه سي لاموض

هود(حرك راسو بابتساامة )نصورو

_ وي وي خود راحتك

خدا ليه صورة مقربة وخرج بتنهيدة حيد لبااس وخرج لعند شهيد لي واقف كيتسناا

شهيد:شفتيه

هود(حرك راسو باه )ميي كيبان عياان وكيتنفس بزز

ربت على كتفوو وقال :هوا فايد الله داباا

هود:وي بيان سييغ ..ربي يحفضو ان شا الله

شهيد:ان شاء الله

جات لفرملية وهوما خرجو حاولات تنوضهاا معاوناها اقبال شادة فيها

_مدام خاصك تمشاي شوية

حياة:مقادراش(كتنهج )فيا دوخة مقادراش

اقبال:غير بشوية علييك حيااة ...بلاتي عفاك تولي لبااس وتمشى

_راه ماشي صحي لفتحة خاص لحم يبرا مقاد

اقبال:وخة غير خليها داباا

سمعات ليهم وكلسوها على لكرسي المتحرك قدات ليهاا اقبال رجلهاا وغطاتها بلكااب ...سبقاتهم لفرملية او هيا جراهاا حتى لشومبر لي كانت كبيرة فيها فوطويات وتلفازة ودوش وبلاكار خاص بلحوايج حطو فيه حوايجها ..

كان هود داخل عندهم لقاهم كيحاولو ينوضوهاا وهيا مقادرااش بلحريق توجه لجيهتها حط لعكاز وتحنا عندها

حياة(بتعب )لاا هود رجلييك

تحنا هزهاا وحطها فبلاصتها وقال:سي با كغاف نتي مزيانة !

حياة(بالم )ممم ويي شوية

غطاتها اقبال وقدات ليها شعرها ولمخدة عطاتها تشرب وهود حدا راسها

حياة:واش منقدرش نشوفو !

قبل ميجاوبوها دخلات مينة والغالية كيهدرو فلباب شافت هود وبقات كتشوفييه وتستغرب

مينة:حياة علمتي راجلك بلي ولدتي !

حياة(شافت فاقبال وهود جنبهاا خافت تقول شي كلمة ضر ختها اما هيا معندها سوق )اا

اقبال:راجلها حداها اخالتي مشفتيهش

مينة:شكون هدا ؟ (قربات ليها ) ياك مزوجة بلحااج

اقبال:حمم اجي معايا اخالتي نشوفو شهيد

خرجو من شومبر مخلينهم كيشوفو فبعضياتهم

مينة: واش حياة مكانتش مع لحاج

اقبال:لحااج راه طلقات منو مدة هاادي وتزوجات بهدا

مينة:هاااا كيدارت ليهاا

اقبال:تاحنا معرفناش طلقات من لحاج جاية لعام دابا وتزوجات بهداا

مينة:وهادشي جديد عليناا ! ولولد ولد من ولد لحاج

اقبال:راه قلت ليك طلقات من لحاج فايتة لعام

مينة:او هاد طلاق لي طلقات هادي ربع شهور ؟

اقبال:مع هدا ...كانو تنااقشوو وجاتها مع لوحم مبقاتش حاملاه خالتي راك عارفة لوحم كيف داير دخلات لمغريب ...كانو دابزو عقلتي نهار غبرات اوى تما ديك الساع راه حاملة ...او داباا باغين يرجعو

مينة(قلبات فمها )لعب دراري هدا ماشي زواج ...خلاص علي انا مشيت جاية مع لفجر قلت منعس تنشوفكم

اقبال:الله يجيك الخير اخالتي شكرا

مشات وخلاتها كتسووط مكتحملش تكدب ...كلسات فلكرسي كتسووط حتى كلس حداها شهيد وقال:مال لواليدة

اقبال:سولاتني شكون هود

شهيد:شنو قلتي ليها

اقبال:داكشي لي قلتي لياا

شهيد:صافي هدشي مع لوقت غيتضمس ومريضنا معندو بااس ...عيطي لمك نمشيو نفطرو ونخليوهم بجوج يتفاهمو اشنو بغااو يديرو فهادشي

اقبال:واخة

دخلات عندهم وقالت:حياة خاصك شي حاجة غنمشيو نفطرو ونجيو

حياة:صافيي مخاصني والو

اقبال:التيليفون بيناتناا

خرجو خلاوهم بجوج توادعوو مع مينة وناصر ومشاو فطرو فقهوة قريبة لكلينيك

***

وصلها لمعهد وقال:لعشية غنرجع

غيثة:مكرهتش نمشي معااك

جابر:حتى لسبت ونديك

غيثة:وعنداك تعطل

جابر:لا لعشية نكون هناا ...صوني لانصاف تجي عندك فلعشية

غيثة(باستو )واخة ارا دور معاياا

جابر:لااا حولة ولا قوة الا بالله

غيثة:تبغيي ولدك يبقا بجووع

جابر(بطنز)لااا شبعييه طاكووس وفريت وموناضة حتى تكولااي

غيثة:بصحتي وطلق

بغا يعطيها ميا وطيرات ليه ميتين من وسط لفلوس وهربات كيكلاكصوني عليهاا تدخلات كضحك مخلياه كيتحلف فيهاا

**

حسات بدغدغة فعنقهاا حتى تكمشاات وحلات عينيها مبتااسمة فيه وقالت:صباح لخيرر

هشام:صباح النوور (باسهاا فعنقها )

هيبة:شحال داباا

هشام:تمنية ونص

هيبة:هيي نسييت سيلياا فطرات ؟

هشام؛فطرات وديتها وجيت ونتي خااامرة

هيبة:والله محسييت سهرني اسماعيل

هشام:سمعتوو كيبكيي واحد لوقت

هيبة(تاوبات وناضت كتلبس بينوارها ) بغا ماماه ولكن رجع نعس بزز

هشام(شاف فيه نااعس وسكاتة فمو )دابا وخة تغوتي حداه ميفيقش ههه

هيبة:داكشي بلعكس ههه انمشي نتوضى نصلي ونلبس

هشام:غيمشي معانا حتى جابر بلاش كل واحد يمشي بطموبيل

هيبة:صافي واخة دغيا نوجد ونشوف انصاف نفيقها داخلة مع ل 10

مشات قضات روتينها وطيبات لفطور مشات حلات لباب على انصاف لقاتها فايقة جامعة لبييت ولابسة وكالسة

هيبة:فقتيي

انصاف:صباح لخير اه فقت قبييلة

هيبة:ياله نوضي تفطري ..شوية ونخرجو ...ملي تخرجي مع 12 اتمشي لدار

انصاف:اه نبدل كتوبتي

هيبة:والعشية سيري عند غيثة

انصاف:صافيي واخة

فطرو وصلو انصاف ليسي وشدو طريق لقاو جابر كيتسنااهم ركب لقدام اما هيبة ركبات اللور شادة اسماعيل مرة ناعس مرة كيبكي

وصلو واخيرا لكلينيك دخلات هيبة مركبة اسماعيل القدام حتى بان ليهاا شهيد او هود واقفيين عضات على فمهاا كتشوف فجابر كيفاش غيتصرف

شهيد:بعدا دغيا وصلتوو

جابر:الله اودي ودنينا تسوطاو مع ولدك

شهيد:تاتولدهم وتشووف روينة ديال بصح

شاف جابر فهود واحتراما مد ايدو ليه وقال:السلاام

هود(رد ليه السلام بلايد )سلام

هشام بدورو سلم على هود وشهيد وهيبة كدالك وبقاو واقفيين

شهيد:هدا راجل حياة اهشام ...الداريجة عندو(اشار بايدوو شوية )

هود؛نن هدرو عربية باش نفهم

هشام:ههه مزيان اسيدي ...امضرا لولد شفتوه

هود:ويي مي مزال مدخلوهش اوبيغاصيون

شهيد: دابا دخل عندو طبيب باش مكان غيقوليناا اشنو كااين ...حياة لي مشطونة ومبغاتش ترتااح

هيبة:راه صعيب عليهاا وخصوصا لشافتو غير غادي تزيد تأزم

جابر:الله يصااوب. ...ندخلو نشوفوهاا بعداا

هيبة:اه ياله فين اقبال

شهيد:معاها هيا وماماك شومبر 305

طلعو وهيبة فايدها بوكي ديال لورد دخلات لشومبر هيا اللولة

هيبة:عيييو ماما حياااة

حياة(تبسمات ليها ) عييو

جات بااستهاا وعنقاتها وقالت:الحمد لله على سلامتك

حياة:الله اسلمك

هيبة(باست اقبال والغالية تكات فوق لفوطوي نعسات )ماما نعسات

اقبال:عياات (شدات اسماعيل لي غير فاق بانت لييه وبدا كيتركل )لفاار فقتي ...صدعكم فطريق ههه

هيبة:ههههه مش نييت شبعنا قمييش

حياة:حبيب طاطاه توحشتوو اجي بووسنيي الكبيدة

تحنات اقبال وتحنا حتى هوا بغا يمشي عند حيااة بااستو حتى فاقت الغالية

الغالية:هيبة بنتي جيتي

هيبة:جيت اماما كيبقيتي شوية

الغالية:احح شوية ابنتي رجلي لي تنفخوو

حياة:بلوقفة ...عيييت هكاا

اقبال:نعيط على لفرملية

مشات عيطات ليهاا دخل جابر وهشام سلمو عليهاا كلسو شوية تجات لفرملية وخرجو مخلينها تعاونهاا توقف

حياة:فففف مقدرتش مقدرتش

_ضروري امدام غير حاوليي

شدات فيها اقبال معاوناهاا وهيبة كلسات شادة اسماعيل حدا الغالية

كلساتها على لفوطوي شوية كتنهج مقدراتش تكمل والدووخة ضببات ليها العينين

شربوهاا لماا عاد توكضات شوية

حياة:طبيب تعطل فف

اقبال:حياة الى بقيتي هكاا غيمشي ليك لحليب قبل حتى ترضعييه نعلي الشيطان

كان طبيب جاي لقا رجال على برا وتوجه عندهم وقال: التنفس ديالو تقاد الحمد لله

هود:دونك ؟

_العملية اتبدا دابااا بغيت غير نعلمكم

شهيد:ان شاء الله دوز الامور مزياانة

الكل:ان شاء الله

ملحق 14/02/2022

مع خروجها من ليسي عيطات ليهاا جيهاان وتسناتها توصلات عندهاا

جيهان:انصااف تسناي

انصاف(بهدوء )نعاام

جيهان: ليوم عيد ميلادي

انصاف:مزيان عيد ميلاد سعيد

جيهان:شكرا ...عارضة على صحاباتي غنديروه فواحد لكافي زويينة غير لبنات ...تمشي معاياا ؟

انصاف:منقدرش ...غير بصحتك تساليني لكادو

جيهان:عفااك

انصاف:جيهان معنديش لخاطر لشي حاجة

جيهان:علاش

انصاف:حياة ختي ولدات او ولدهاا بين لحياة ولموت مراشقة ليا لوالوو ...سيري دوزي عيد ميلادك براحتك كيجيت كيما جيت شنو غيتبدل (شافت طموبيلتو )باباك كيتسناك

جيهان: واش حياة لي عينيها خضرين ياك

انصاف:اه

جيهان(باسف )مسكيينة ...مكرهتش نكلس معاهم ...انصاف انا راني بحالي بحالكم ماليا دنب بوالو غلطو لكبار ماشي نخلصو حنا

حميد: سلام البنات

جيهان:بابا حياة ولدات او ولدها مريض مسكيين

حميد:وايلي ..(شاف فانصاف )فين كاينة داباا

شافت فيه انصاف وتنهدات وقالت:جيهان انا مشييت

حميد:انصااف اجي نوصلك معاياا ...انصااف

خلاتو كيهدر حتى صونا تيليفونها وقفات جبداتو طلعات سميتوو وجاوبات :الو

ادريس:الفنون خرجتي !

انصاف:اه غادية لداار

ادريس:معاش قارية !

انصاف:مع الربعة

دريس:انا كاين فطريق ...تسنايني حدا لفاغماصي لي فجنب

قطع معاها قبل مدير ليه اعداار وهيا بقات كتولول حتى ملاك لي تسعدر بيهاا مقارياش هاد صبااح...توجهات لحدا صيدلية واقفة كتمسح ستيلو من ايدهاا تسمعات لكلاكصون هزات عينيها وبان ليها من طموبيل داير كاسكيط كيف ديما

تبسمات ليه قلبها كيضرب ومشات ركبات عينيها كيدورو خايفة ومرعودة قالت السلام وردها عليها وتحرك بطموبيل

ضربات الطم كتقاد فالصمطة وعينيها كيدورو حشمانة حتى ضحك وشافت فيه كضحك وقالت:مالك

ادريس: مالك نتيي اش كدوري فراسك الزين

انصاف:واالو

ادريس:ليوم شداتك النشبة ...انديك تغداي معايا

تلغات ضحكتها ونطقات بخوف :لا منقدرش غيشوفنا شي حد ...عفااك دريس

ادريس:ومتكونيش تااني خايفة بلا قيااس ...غادين لريسطو فيها لبشار مغاديش بيك لقنت خاوي غدا خفيف ظريف وصافي ونيت خاصنا نهدرو شهرايين كتقطري عليا الشوفة بزز

انصاف: ناري راه خفت يشوفني شي حد يوصلها ل اقبال ونتحاشم معاها تااني والله

ادريس(حط ايدو على ايدهاا )مخفتيش

جراتهاا مزنكة ونطقات بخفوت :ولا

ضحك وجر ايدو عندو وقال: وخة فمك قمعتيني ....حيدي الموصيبة ديك الطابليية اتدينا الحبس

حطات الصاك وحيدات الطابلية بقات بقاميجة مخططة دافية وشعرها كيف لعادة ظافراه جنب ودايرة بونظو رقيق وسط شعرها جات كيووت عايشة سنها ببرائة المراهقة

وقف فريسطو راقية خاوية معامراش بزااف سكاات شد طبلة بعيد على النااس كلس وكلسات قدامو كدور فدوك لعينين وضحيكتها سالبااه لي محمقو فيها انه غير تشوف فيها ضحك ...مبشورة وكدخل لقلب

ادريس:مكاين لي محمقني قد ديك ضحيكة لي عندك (سكت شوي وضحك ) ويتك ويتك على تزنيݣة

انصاف:صافيي ههه...اتبقا در ليا هكا نمشي بحاليي

ادريس:حلفي بالله

انصاف :وصاافي ادريس

ادريس:هههه شنو تاكلي ازعيرة

انصاف:معرفتش ...شوف نتاا

ادريس:كناخد من عندهم دي بلا زوينين ناخد ليك معاياا ؟

انصاف:واخة

عطا الطلب لسرباي وتقابل معاها من جديد دار سيلونس لتيلفون باش يبقا غير معاها فقط وقال:بقات 5 شهور

انصاف:لاش

ادريس:عمر ضربك شي حد لصقك مع لحيط !

انصاف:هههه لا

ادريس:شنو تاافقناا على الصيف

انصاف: اه مم

ادريس:فراس شي وحدة من خوتاتك

انصاف:لاا مقدرتش نقولها ليهم

ادريس:ماشي مشكييل ...

انصاف(ترددات تهدر )ولكن عندي واحد الشرط

ادريس(كمش عيميه بتركيز )قولي نسمع !

انصاف:حم غي نديرو غير خطبة يااك !

ادريس:علاش ...مفهمتش شنو بغيتي تقولي

انصاف: زعمة غادي غير نتخطبو ...انا مزال مبغاش لعرس

ادريس:علاش

انصاف:بغيت حتى نشد البااك

ادريس:شنو الفرق

انصاف:انا منقدرش نوفق بيناتهم بجوج ولا يوقع ليا كيف وقع لغيثة كتقراا ودار ومكرفصة وحاملة من لفوق ...الى كملت قرايتي ايكون حسن

ادريس:علاش نتي ناوية بسلامة تشدي لباك وتكلسي !

انصاف؛لاا غنكمل

ادريس:فاش

ادريس:انا امنيتي نولي استادة

ادريس:يعني اتبعي التعلييم

انصاف(بتنهيدة )داكشي لي بغييت (طلقات فلهدرة ) كنت كنقري لمخااد ولكرااساا ههه ونصحح فدفاتر القدام

ادريس:ان شاء الله هدشي يولي بصح

انصاف:ان شاء الله

ادريس:شوفي ا انصااف ... بغيتي لعرس تالورا لباك معنديش مشكيل هدشي نهدرو فيه من بعد ولكن العقد يكون بيناتناا ...منهار شفتك وانا باغيك لحلال..مبغيتش شي حاجة خرا ...ماشي معقولة نبقاو مخطوبيين تلت سنين هيا نيت نبقاو مصاحبين ...نديرو لاكط وديك السااع لعرس ملي تشدي لبااك

انصاف:مبغيتش شي حاجة تلهيني على لبااك

ادريس:بلعكس انا غنعااونك ...غير تيقي بياا شوية

انصاف:حم كونما تاايقة فيك مغنكلسش معاك داباا

تبسم برضى وقال:ميكون غير خاطرك ...نديرو خطوبة ان شاء الله ابخي نهدرو فلاكط

انصاف:ان شاء الله

ادريس:ياله بصحتك ...تغداي

تبسمات ليه كتشوف فلبلا كيشهيي وقالت:الله اعطيك الصحة

هز لفورشيط دار ليهاا شوية من لداند فيمي حلات فمها باستحاء وقالت:شكرا ههه

***

الكل على اعصاابو فلكلينيك واقف جابر وهشام وشهيد اما هود ماكلسش بتوتر غادي جاي قدام لبلووك علاش لا وطرف منوو معرفو يخرج حي ولا ميت من لبلووك

كدالك عند لبنات كل مرة حياة تسول

حياة:اقبال صوني لشهيد قولييه واش خرج

اقبال:حياة ياله قطعت معااه ...تهدنيي شوية

حياة(بدات كتبكي )ققلبيي حاس بليي غتوقع شي حاجة هءهءهء الى مات غير نموت حتى اناا

الغالية:احياة ابنتيي براكة طيبتي لياا قلبيي ...وراه الى مكتابة شي حاجة غتوصل توصل

هيبة(عنقاتها ومسحات دموعهاا ) عفاك احياة وكضي رااسك ...كنتي كتعياي تنصحي فيا دابا كلشيي تبخر !

حياة:هءهءءه مقادراش اهيبة والله حاسة بروحي غتخرج ...صورتو مبغاتش تمشي من باليي غنحمااق ونشدوو

اقبال:غيكون غير الخير احياة وصافي عفاك

كالس شاد راسو بتوتر حتى وقف قدامو وهز راسو كان جابر مد ليه كاس تاع القهوة و قال: خود

هود:شكرا

كلس جنبو فلكرسي وشهيد وهشام خرجو نطق هود بلعربية بصوت باح :تعطلو فلبلوك

جابر(جغم من قهوتو مبلل حلقو )سمعتيه قال العملية اتكون طويلة شوية

هود(حرك راسو بنفي )منبغيهش يمووت مون غيڤ نعيش معاه لي معشتش مع ما فامي س بوغ صا نبغيه يعيش

جابر: ان شاء الله ...قضاء وقدر

مسح على وجهوو بعيااء وقال: ياربيي

الادان فتيليفون جابر جبدو وقال:العصر ...عمرك صليتي

هود(سكت شوية وقال)نن

جابر: ولكن كتعرف

هود:وي نعرف ..اش تقولو تغسلوو

جابر:نتوضاو

هود:وي نعرف نتوضا ملي كونت صغير مو بيغ جابني معاه لماغريب علمني باه هواااا

جابر:جدك نتاا

هود:اه وي مون كغوند بيغ وبقيت نعقل كيفاش نتوضا

جابر: صلاة شرطها ربي على كل مسلم ... فينما داقت بييه فينماا عصااه يتوضاا ويطلب الله يغفر لييه ويتقرب منو ...باش ربي يحن عليينا فهاد دنياا وينجينا من الهم

هود(هبط راسو باسف ) صعيب يغفر لياا على لافوط ل درت

جابر:ربي غفور رحيم ولا رحمة فوق رحمة الله سبحانه (وقف )انمشي نصليي ونجي

حرك ليه راسو باه ناض غادي وقفو هود بهدرتو وقال:نمشي معاك

جابر(بطيب خاطر )مرحباا ...نعاونك؟

هود(هز لعكاز ) نن صافا نقدر

خرجو موجهين لجامع قريب تماا مشااو لبلاصة الوضوء توضاو وتوجهو لمكان الصلااة ...رائحة الطيبة دخلات لنيوف هود

وتنهد كانه هاز جبل على ظهرو متقل بلمعاصيي والخطاياا ...لقاو نيت هشام وشهيد كالسيين فالامام ...نطق جابر بهمس ل هود ...قبل متكلس غتصلي جوج ركعات تحية للمسجد ...

حرك راسو بواخة او وقف حداه كبر جابر وهود حداه كيقرا بالاياات لي حفظ فصغرو ولي بقاو فداكرتو كيرددهم ملي كيدوزو مرة مرة كان كيعجبو يسمع القران ولكن عمرو حاول يتعمق او يفهم او يحفظ فقط تلات صور عالقين فبالو ...الفاتحة ..الاخلاص ...الكوتر

هوما باش صلاا الركعات وسلم كيير لي دار جابر حيت مساا على صلااة وكيفاش كتكوون

لكن بينو وبين لي خلقوو نجاه بالدعااء وربي سميع علييم

صلاة العصر تقامت جهرا فالجامع كلشي مخشع كتسمع غير الله اكبر ...الله اكبر سمع الله لمن حمده ...ربناا ولك الحمد

كلماات بحد داتهاا سمااعها كيجيب طمأنينة للقلب ... سرور ورااحة وبلي ربي جنبك وحدااك وكيسمع لييك ...حس باحساس غريب ...حس بلي كان هاجر دينوو بكل معنى ..معارف عليه والوو ...حشم من رااسو ومن 34 سنة دازت كلها خمر فسااد سهير...كاع السيئات والمحرمات خدا منهم نصيب كبيير وجا الوقت باش يعرف اصلوو ويعرف تارييخ دينو لي غفل علييه ...كان كيقول الحمد لله فقط حيت اعتاد عليها لساان مرة مرة مكانش داري بقدرتها مكانش عارف شنو كتعنيي حرفيا

**

3 ساعات كانهم اعوام طويل. دازوو كيف جمر خرجات بزز لعندهم مكالية بلحييط قلبها مهناهااش لقات اقبال كتبكيي وحداها الغالية قربات لييهم كي لهبيلة

حياة:اش قالييكم هوود دويي (شدات فيه وهوا مصدووم كتجر ليه فلقاميجة )واش مااات ولدي مااات ولااا ولااا ولاا

يتبع...

‎