حكاية أنثى الجزء 73

من تأليف لبنى السرابي
2022طور الكتابة

محتوى القصة

رواية حكاية أنثى


غوتات حتى حضناتها اييدو مرجعاها الوعيهاا

كانت وسط فرااشهاا واقف عند راسها هود وحداه اقبال والغالية ناضت كتجري ملي سمعات غواتهاا


حياة(كتنهج وبلغوتة عطاتها لفتحة لحرييق ..موعتاها وهيا هاايجة كتبكي بهيستيرية )هءهءهءه مااااات وااا هءهءهء ميمووتش


اقبال(شدات ليها رجليهاا )حياة رجووع الله حيااة


هود(حضنها بخوف )حياة اغيييت

الغالية:حياة ...حياة رجوع الله مالك ابنتيي


هيبة (هزات اسماعيل كيبكي مخلووع )نعيط لفرملية

هود(برجاء)وي سيلتوبليي


حياة:هءهءهءهه وبغييت ولديي ولديي هءهء واقبالل ولدي ماات


بغات تنتر السيروم وشدها هود تكاها بزز وقال:مامااتش حيااة ..راه عاايش ...


جات الفرملية كنجري ومعاها طبيب لقاوها فحالة هستيرية

اضطرو يديرو ليها برا يهدنوها حيت الجرح مزال جديد والحركة المفرطة تقدر تحلوو


هود(مسح عينيها) ششش صافيي

اقبال(بعدات عليها من بعد متهدنات كتنخصص بتعب وهوا كيحاول يهدنهاا اشارت براسها لهيبة والغالية وخرجو مخلينهم بجوج


خدا راحتو كتر هز ايدها قبلهاا ونطق بالفرنسية :دازت العملية بخير

حياة(عاد استوعباات اش وقع )حلمتو ماات

تلمس حنوكها وقال:غير حلمة خايبة (تبسم ليها )دازت العملية بخيير ...


حياة(بهمس )بغيت نشوفوو ...مغنرتاحش تنشوفو


هود: منقدروش نشوفوه داباا حتى يسمح لينا طبيب منهنا لغدا ان شااء الله


حركات راسها باه وعينيها تقالو عليهاا قالت بصوت متقطع :لحريق فياا ممم


هود(تنهد )تحركتي دغياا (دوز ايدو على شعرهاا بلطف ) نعسي رتااحي انبقا حدااك


مجاوباتوش حيت لساانها تقال عليهاا حدها غمضات عينيهاا ونعسات بعدها جا طبييب طمن عليهاا قلب ليهاا جرحة وبدل ليها لفاصمة وخلا معاها هوود كلس فلفوطوي بتعب مراقبهاا...ظلم عليها البيت وغطاهاا وخرج كيقلب على شهيد لي وصاه على دار يستاقرو فيها حالياا ماحد لبيبي فلكلينيك كيف قاليهم طبيب ميقدرش يخرج دابا الا من بعدا خمسطاش ليوم فحالة ما الامور مشات مزيانة


شهيد:لقيتيني جاي عندك

هود:لقيتي شي اباغطمون

شهيد:تمشي تشوفهاا قريبة لكلينيك فهاد لعمارات مفرشة ومقادة

حرك راسو باه وتحرك معاه في حين جابر واقف بعيد كيصوني فالتيليفون حتى جاوباتو

جابر:فين لايحة تيليفونك تاني


غيثة:كنت دايرة ليه سيلونس ...مزال مجاي ؟

جابر:شوية ونشدو طريق ...تغديتي

غيثة:ممم خديت واحد لبيتزاا وااعرة

جابر:ااابقاي لديل مك مع ديك ماكلة الزنقة

غيثة:مزيانة نجيب ليك شي سلگوطة هههههه تموت على الزنقة

جابر:نهرس ليكم الرجلين نتي وياها

غيثة:حربووش

جابر:ههه ياله سيريي شوية ونجيي

غيثة:ؤك بب


هيبة:هشام حبيبي يمكن غنكلس مع البنات هنا

هشام:فين غتكلسوو !

هيبة:سمعتي طبيب قال لولد ميقدر يخرج من لكلينيك تدوز شي خمسطاش ليوم على العملية وحياة متقدرش تمشي لمكناس ...راجلها خدا شي دار هنا مشا يشوفوها ...غير تخرج اقبال بوحدها بزاف عليهاا


هشام:دابا شنو نرجع بوحدي اناا منبقاش فيك

هيبة:ههه ايرجع معاك جابر

هشام(قرصها فحنكها )جابر ايمشي عند مراتوو ...انا شكون يتخش فيا بليل

هيبة:مزيانة توحشني ههه منطلعش ليك فراس ديما معااك

هشام(قرب جيهتها هامس )مكنملش منك الحب

,تبسماات وقالت:صافي احبيبي

هشام:واخة الزين ماشي مشكيل على هاد الحساب شوية ونمشي وجبتي حوايجك بعدا

هيبة:اه جبتهم

هشام:لمهيم ردي لبال انا نسالي شي خدمة راه نجي عندك

هيبة:ؤك حبيبي


طمنو على الولد لي فلعناية المركزة مدور بلخيووط كلو ...خرج شهيد عاطي سوارت ل اقبال: خليها معاك

اقبال:ونتا باش غترجع !

شهيد:غندي معايا لواليد انسوك طموبيلتو ...نتي لي غادي تبغي تحركي كتر ...من بعد وكتبي لياا اش خاصك من دار باش نجيبو معاياا

اقبال:صافيي واخة

شهيد(ربت على عنقها بلطف )خاصك ترتااحيي راك منااعساش

اقبال:ايكون خير


ركبو فسيارة هشام مستاعدين يرجعو

جابر:على بركة الله الى عيتي ارا نسوݣ

هشام:وا عليه


**

دخلات غيثة مهلوووكة لداار كلسات فالصالة كتحيد لفلولار وتسووط غير مع حوايجهاا ...لابسة تيشورت اوڤر سايز فلموف وسروال بوي فراند دجين

تكات طالقة شعرها كتمااصي فييه وهزات تيليفونها هضرات مع خوتاتهاا او جابر علماتو بلي فدار وكلساات كدور فانسطاا وتيكتوك تفرج فلفيديوات ..حتى صونات انصاف وناضت حلات عليها لباب


غيثة:جيتي فطاكسي !


انصاف(كدور فعينيها )ممم نتي لبااس

غيثة(بعياء تكات )كنموت بلعياا عيت بلوقفة

انصاف:معندك مديري صبر

غيثة:اووف

صونا تيليفون انصاف وجاوبات :الو ماما

الغالية:فينك مشيتي عند ختك

انصاف:عاد دخلت عندها

شافت فيها غيثة وهزات حاجبها وقالت:اراي دغياا

مدات ليها التيليفون وقالت:ماما

الغالية:انعاام

غيثة:وبااز انا الى مصونيت متصوني لياا

الغالية:وتيي واش هترتي ولا خرج ليك العقل ياك عاد دوينا معاك

غيثة:انا لي صونييت انا لي كنسول ...عمرك قلتيي نسول فيهاا كيدايرة مع تماارة ولحمل

الغالية(بهدوء شادة ليها الخاطر )ابنتيي راك ديما معاياا علاه مالي مكنشوفش


غيثة:معاك فين كتشوفينيي غاسولي واخة غير بالضحك انصاف مامعاكش


ساطت انصااف سااكتة كتسمع ليها


غيثة:صافي صافيي الله اعاون


قطعات عليها كتبركم وناضت لبيتها :قالت ليك ديما معاياا


غرغو عينيها وهيا كتبدل فحوايجهاا وتنتر وتنفخ دخلات لدوش غسلاات

انصاف:غيثة نطيب شي حاجة

غيثة(كتنشف فوجهها )طيبي لي بغيتي ...حاسة بلمعدة منفووخة

انصاف:نطيبو الروز بلحليب تشهيتوو وزوين لييك حتى نتي

غيثة:طيبيي ..جبتي بيجامتك ولا اجي نعطييك

انصتف:مجبتش جيت نيشان عندك

مشات لماريو عطاتها بيجامة وقالت:كاينة شي وحدة طويلة عليها ! هادي قصييرة منقدرش قدام جابر

غيثة:بيجاماتي كلهم قصار ...اه شوفي هادي جابتها لياا هيبة ولكن ديال لحمل مزال ملبستهاش

انصاف:ههه لا ويلي لي مصور فيها لبيبي كيطل هههه منقدرش نلبسها عطيني بينواار

غيثة:راه معلق ....انصاف انتكا شوية وخة

انصاف:صافي اختي ...كيتحرك !

غيثة:اه ولكن دابا يمكن عيان هههه شتو نعس

انصاف:ملي يتحرك قوليها ليا ههه

مشات غيثة قشرات الديسير وكلسو ف الصالون حاطة سقاطة ودانون فالاخير تكات وانصاف جمعات روينة ومشات غسلات لماعن لي فلكوزينة ودارت الروز يطيب جات طل على غيثة لقاتها نعسات جابت مانطة من لبيت غطاتها بيهاا وكلسات الاخيرة شادة تيليفون كتفرج حتى طاح ضلاام


غيثة(حلات عينيهاا )ففف غيبت

انصاف:عيت نفيق فييك

غيثة:مقدرتش نحل عيني سمعتك مزال موصلش جابر ...طيبتي الروز ؟

انصاف:طاااب طفيت علييه

غيثة:فيا جووع ومامشهياش الروز

انصاف:اشنو تشهيتي

غيثة:تسخري ليا ابب ل سناك ؟

انصاف:ظلاام الحاال انااري


غيثة(هزات حاجبهاا )معرت شكون لي لقيتها فالصيدلية فجوج تاع الليل

انصاف(سكتات شوية وقالت)شنو بغيتي

غيثة:تقلقتيي ؟

انصاف:لاا عادي

غيثة:اكنضحك معاك اصاحبتيي

انصتف:نتي عارفاني مكنحملش نتفكر داكشي ...انا لخاطري خارجة فجوج تاع الليل

غيثة:وصافي استسمح ...واش تصخري لياا

انصاف:شنو خاصك

غيثة:دير ليا بلا غويال

انصاف:اش فيه

غيثة:وغير قوليه بلا غويال وقوليه يكتتتر لفرييت


مشات لبسات لمونطو وخرجات

**


جاي فطموبيل سايك ومو اللور او ناصر قدام

مينة: دخلني العجب انا فهاد تزويجة

شهيد:اشمن تزويجة !

مينة:حياة كانت مزوجة بلحاج ولات مزوجة بهاد لكاوري

شهيد:لا راه نصو مغريبي مو لي كاورية

مينة:اييه وايمتى طلقات من الراجل لاخر

شهيد:ولي فراسي انا تزوجو غير على لوراق ملي مشات تما طلقات منو هدا مكان

مينة(بعدم تصيق)هاااح ياك غفاش ولدات اقبال هدر معاها فتيليفون وبارك لاقبال

ناصر:ومالك نتي اش بغيتيهاا !

مينة:اوى غير نفهموو منين وكيفاش وعلاش يبقا ضارني راسي

شهيد:مكاين ميتفهم الواليدة داكشي لي كاين راه كااين ...حياة والحاج طلقو مدة ولكن بقا كيعاونها تماا هوا اصلا زواجهم غير على ود لورااق وصافي


مينة:وراه باينة وحدة صغيرة تزوج بيه شارف علاش على زينو ...حياة طميميعة وخة هكاك

شهيد:طماعة ولالا شغلها هدااك ...هدا لي شفتيه هوا رااجلها متبقاي تقولي لحاج لا نص راه واخة كيهدر فرونسي راه كيفهم العربية


مينة:ياك مطلقين

شهيد: وااا مينة نعلي الشيطان راه رجعو

مينة(ميقات)ممم دخلوك معاهم


حرك راسو بلا حول وسكت مخليها كتهدر مع ملاك فتيليفون


***

دخل جابر لدار تبسم ليها ملي جات عنقاتوو وقالت:اي مييس يوو

جابر:شنو هادي

غيثة:توحشتك بلونكلي

جابر(باسها فخدها)صافي ساليتي من التركيا

غيثة:وغير باش نوعو شوية ...


ضحك بايسها من شفايفها بخفة وقال: انصاف جات ؟

غيثة:جاات ..مشات ليا لسنااك فيا جوع


جابر(هز حاجبوو )سناك تااني معيتيش من داك السم

غيثة:هوا لي كيدوز لياا ماكلة دار مبقيتش حملتها

جابر:معرفتك واش بصح كتوحمي ولا غير دايراها سبة ...مسخرة البنت بليل اغيثة واش خرج ليك العقل

غيثة:علاش ماالهاا مكتخرجش

جابر:الله اهدييك اغيثة البنت معارفاش هناا وزايداها مسخراها بليل واش كتفكري ولا لا البنت اماانة عارفاني جاي صوني ليا نجيب ليك اش بااغة معااياا


غيثة:غتكون جااية مالك فهاد لغوات ...دايرين انصاف باقة صغيرة راه كبيرة وعارفة

جابر:كبرتي حتى نتي بقا غي ختك صغر منك

غيثة؛لمرة جاية نمشي الراسي

جابر(كيحط تجاكيط)فوتي لباب بليل نهرس لييك ركاابي ...صوني لختك شوفي فين كااينة


هزات تيليفون كتنفخ دوزات نمرة انصاف لقات التيليفون كيتشارجا مداتوش

رجع لبس تجاكيط وقال:اشمن سنااك مشات

غيثة(بنفخة )ديال براهيم


جابر:حاافضاااهم معندي ميتسالك ...غتقتلي راسك وتقتلي داكشي لي فكرشك بهاد تخربيق

غيثة(كلسات كتغبن )تشكا عليك شي حد ! صافي بعد منيي ...مبقييتش بغيت ناكل كولوو نتاا


تسمعات غوتة من الزنقة تنقزات غيثة مخلوعة وقالت:انصااف صوت انصااف



هبط كيجري كيسمع فكلب كينبح حل لباب كيلقا انصاف كالسة فلعتبة كتبكي


جابر:انصااف اش وااقع


تكلم واحد جار لكلب من السمطة بزز :اسمح لينا اخاا جابر ..البنت شافت لكلب وهرباات وبغا يتبعها


نزلات غيثة جرات انصاف كتقلب فيها :يكماا عضك


انصاف:هءهءه لااا

جابر:واش نتاا مريض اصااحبيي طالق لكلب فزنقة

_والله مطالقو راه دايز شادو حتى شافتو وهربات

جابر(خنزر فييه)دي لحرام لكحل ديه


جرو بزز ..عينيه خرجو ف انصاف بغا يطير عليهاا شداتها غيثة ودخلاتها حتى تبعهم جابر مخنزر

جابر:انصااف شوية !! يكما قرب لييك


انصاف(كترعد )لاا غير كنخاف منهم كان غيعضني كون ما جرو

غيثة:ولد لحراام


هز عينو فيها مخنزر وقال:كانت غتكون هدرة خرا معااك


غيثة"بدات كتبركم" :زمر لبلا تابعني


عطاوها لماا شرباتو عاد رجع فيها اللون ولات صفرة مقطوع فيها الدم


غيثة: هههه ناريي كيوليتي

انصاف:والله حتى تخلعت بزاف كنت غنمووت

غيثة:ههههه تموتي ومجبتيش ليا لپلا غويااال

هز عينو فيها ياله بغا يهدر ضحكات :اكنضحك ازمر مالك

جابر:غنوض نزمرها علييك

غيثة(بدلع )ومنبقااش فييك

جابر(هز لما شرب )ضربي السم وسكتيي ...شهدي على ختك اش كتااكل نهار تلوااي لحساب طويل ديك السااع


انصاف:ههه غير مع لوحم

جابر:ملي تزادت وهيا كتوحم هادي


ناض خلاها كضحك و قالت:زيدي كولي معاياا

انصاف:الخلعة شبعاتني

غيثة:ههههه هاكي هاد طريف تاع لكفتة يفيقك هههه

غفلها من وراها هز ليها طروفة تاع الصوصيص وغوتات كتغبن


جابر:برب ميطيح فكرشك

غيثة:ولاااا حراام علييك اجاابر

دخل لااحو فزبل وحرك سطل غسل ايدو ومشا البيت خلاها كتنكر


غيثة:فاااقصنيي ...مشهيااه دابا شنو ندير

انصاف:اختي لبلا عامر مبان ليك غير لمصران معمر !

غيثة(فمها عامر وكتنفخ )بحالك بحالو انا بغيت الصوصيص


من البييت كيغوت باش تسمعو:وغير بقااي تغبنيي نجي نطير ليك داك روين كلو


انصتف:كولي وسكتي كولي ههه

غيثة:اصلا فيه لخضرة نبغي ندير بحال هاد لبلا ميجينيش زوين ممم خودي نوݣيت فنين لفريت عندهم واعر مممم


هيا كتبنن او انصاف كضحك عليها وكتقارن بين هشام و جابر او شهيد كل واحد فيهم مكيشبهش لاخر فالتعامل كل واحد كيفاش كيبين حبو لطرف الاخر

تعشات حتى هيا بالروز اما جابرر دوش عليه ومشا لبيت مخليهم على خاطرهم فرشو فالصالة كيهدرو مجمعيين على فيلم فالتلفازة


تقلبات انصاف لجيهة لحيط غاطية فنعاس ...طفات التلفازة غيثة وبقات متكية كل مررة تقلب لجيه ...ناضت بهمس لبسات بينوار فوق شورت وديباردو وكريشتها بارزة حيت مزيرين عليها لحوايج دايرة الضو بالتيليفون حتى حلات الباب تاع البييت سنات لفلاش ف جابر ناعس على كرشو وسط لفراش


غيثة:منشوور هههه


شعلات لفيووز وطلعات فوقو. تهز راسو فيها وقال:منعستيش المعزة

غيثة:كبووديي

لاح راسو على لمخدة مغمض عينيه وقال:ا كبيدة


ضحكات وباستو فعنقوو وقالت:مجانيش نعااس


هز ايدو شدها ضار على ظهرو تقاد فلكلسة لصقها معاه وهيا فوقوو وقال:اش خاص لمعزة باش يجيها نعاس

غيثة:(باستو كضحك )شي بوسة



ضحك جابدها عندوو خدا وقت طويل فتقبييلها حتى اجسادهم لتااهبات وقال بهمس:ختك نعساات

غيثة:ممم

جابر(بفحيح )نوضي تنعسيي قبل منشدك هناا

غيثة(بغنج كتحكك عليه وضحك بانوثة)وشدني شكون حابسك

جابر(باس عنقها )حابسني زايد فداار

غيثة(بهمس كضحك )غنسد فميي خهه ...عرفتي اشنوو قالو

جابر(معسل عينيه فيهاا كيبووس فكتاافها وكيهبط ليها ديباردو على صدرها )ممم


غيثة:بلي العلاقة الى كانت كثيرة فشهورة اللخريين ...كتسهال لولادة شوية

جابر:انا موجوود خاص غير تكوني نتيي قادة عليا كل نهار


ضحكات قبل ميسد ليها فمها بقبلة تشاركو فيها حتى اللسان وتسالا لكلاام ...حاولو ما امكن دوز العلاقة بلا اصوات تخرج على براا


نعسها فجنبوو بعدما خدا العيا نصيبو منها...تكا عليها كينهج ومكمل رحلة تقبيل جسدهاا بنغم مساخيش بييه


***


فسكون الليل حلات عينيها لقات ظلام ...للحضة نسات فين هيا حتى تحركات


حياة(بالم)احح ممم اربيي

سمعات صوتو من ظلاام حتى ولا خيالو حداهاا وشعل الضو فوق رااسهاا وقال:ماڤي صافاا


حياة:ممم صافا ففف تحركت بجهد وتقسحت ااي


هود؛نعيط لفرملية تعطيك شي دوا

حياة:اححح دوا تاع لحرييق كتحرقني برااسهاا بلاااش مكدير ليا والو غير كتعدبنيي ...فين ماما والبنات

هود:مشاو يرتاحو فدار لي كريت

حياة:شي خبار على جود

هود(تبسم )قاليا طبيب الى صبح مزيان نقدرو نشوفوه

حياة:يااربيي يصبح بخيير

هود:ان شا الله ...فيك جوع

حياة: هز ليا راسي شوية عيت بنعسة


طلع ليها سرير حتى ولات كالسة شعل ضو وقالت:عطيني غير دانون

مدو ليها مع معيلقة وكلس جنبهاا كيوكل فيها وهيا كضحك


حياة:هه اي مافيا لي يضحك

هود:انا توحشت ديك الضحكة

حياة(تنهداتت )حتى انا توشحت راسي


هود:انا عجباتني حياة ظريفة

حياة:مم وبلاتي نبراا وتشوف زيت لي تخرج منك حياة


هود:غير برااي ميهمش


حياة(تنهدات بديق عطاها شربات لماا )تعاوني نوض خاصني نمشي لطواليط


هود(وقف )وي بيان سيغ تبغي نهزك ؟

حياة:نن خاصني نتمشاا باش نبرا دغياا عيت بنعااس


عطاها لبانطوفة شدها من خصرها حتى ناضت شادة فيه وفلفرااش رمات الخطوة بزز مقادرااش حاسة بروجها غتخرج الهدرة مبغاتش طلع ليهاا مزال...حاول معاها حتى داها لطواليط


شدات فلافابو غطييح وقالت:هود جيب ليا صاك صغير عفاك

مشا جابو ليها قضات حاجتها وبدلات وعينيها عليهم ضبابة ...صباح عاوناتها اقبال فكلشي دابا حسات بايديها فااشليين ورجليها كتر ..مبقاتش قدرات تنووض وحتى الصوت مبقاش بغا يخرج حسات بتبوريشة وراسها كيدور ...نطقات سميتوو بهمس حيت حسات بجهد والو



هود؛حياة ساليتي !


شافها مجاوباتوش ودخل لقاها صفرة ...زرب لعندها

هود:حياة مالك

حياة:عاوني مقاداش نووض

عاونهاا نااضت قاد ليها السروال رش ليها وجهها بلما وعنقها كذلك وخرجهاا كلسها على لفوطوي وحل السرجم يدخل ليها لبرد جاب بينوارها لبسو ليهاا وكلس جنبهاا حاضنهاا حتى حطات راسها على صدرو


حياة:اح صعيبة سيزاريان بزااف

هود(باس راسهاا بلطف )كلشي غيدوز مزيان تنكييت


كيداعب شعرها فنفس الوقت كيتفرج فيوتوب هزات عينيها فيه لقاتو كيشارجي فسور القران من يوتوب


حياة(تبسمات)شنو كدير

هود:بغيت نحفضهم باش نصلي بيهم

حياة:كتصلي ؟

هود:ليوم اول مرة ...(تنهد )حسيت بوااحد الرااحة احياة زويينة

حياة:حتى انا ملي كنصليي كنحس بالرااحة

هود:غير تولي بخير ...نصليو بجوج ؤك

حياة:ضروري احبيبي ...

هود(باس نيفهاا وكمل كيقلب

حياة:طلق لينا سورة البقرة

هود:كيفاش نكتبهاا ؟

شدات من عندو التيليي وخدمات سورة البقرة وخلاتهاا


بقات فحضنو هكاك حتى نعس وهيا كدالك نعسات فحضنو والقران خدام


***

مرت تلات ايام على وجودها فلكلينيك

واقفة هيا وهود بلبااس طبيي من بعدما استقرات حالة طفلهم وسمح ليهم يشوفوه ... مدورين علييه لخيوط وفاصمة كبيرة على كرشو غير شافتو متحكماتش فدموعهاا مكرهاتش تشدوو وتعنقوو وتشم ريحتو ولكن مامسموحش يتهز من بلااصتوو ...قدرات تلمس ايدوو بلطف ...ديك الكتلة الصغيرة لحجم


حياة:هءهءه كبيدة دياليي ...واش ...واش محلش عينييه (هزات عينيها فلفرملية كتسولها )


_كيحلهم مرة مرة امدام مخفتيش الحمد لله غادي وكيتحسن وموقع حتى شيي تغير ورا العملية وطبيب كل ساعتين كيجيي يفحصو


حياة:او مكيرضع موالوو !

_نن حالياا الحليب مزال ميرضعو كندوزو ليه كلشي ف السيروم ...حيت الامعاء ديالو مزال عاد كتشد بلاصتها الطبيعية عاد تبدا تخدم


حركات راسها بااه وشافت فيه نتابهات لشعروو وقالت:هود شوف شعرو

هود:ويي بيض (تنهد )يشبه مون بيغ الله ارحمو

حياة:واش عاديي ؟

هود: جيسييغ كو نوغمال

_سي تيكون عامل الورااثة او نقص فلميلانين هههه شنو سميتوه

حياة:جوود

_ اسمو جميل بحالو ما شاء الله



بعد مدة خرجو من عندوو على الاقل رتااحت شوية تبسمات ليها اقبال ملي شافت ملامح وجها ارتاحو نوعا ما وقالت:شفتييه

حياة:الحمد لله مامخلينش من جهدهم

اقبال:ربي كبير ...الله يزيد فراحتوو ...وياله خلييت مك منوضاها مع لكاورية

حياة:اربيي ههه هيا لي خاصة

كان هود دخل هز الصاك وحياة لابسة سورفيت وشال خفيف على راسها كتجر فبانطوفتها مسندة على اقباال ضربات فيها شمشية تاع صبااح


حياة:الله لجو زويين

اقبال:دخلي لطموبيل راه البرد


ركبات اللور ساكتة اقبال وهود حداها


هود:اقباال ..بغيت نكري شي ڤواتيغ تعرف شي لوكازيون !

اقبال:نسول لييك شهيد هوا عارف كازا كتر

هود:ؤك ميغسيي


طلعو فالسانسور جارة اقبال الشانطة

حياة:ريحة دجاج معرفت شكون دايرو

اقبال:ههه مك


حل هود لباب معاون حياة دخل تبسمات ليها لي جات عندها وموراها الغالية مشمرة ودايرة لفواطة على خصرها وريحة دجاج عاطية فلعماارة


الغالية:مرحبااا بنتي الحمد لله على سلامة


عنقوها تجات لاورا فاتحة ايديها وقالت ؛هياااة اوووه

عنقاتهاا هيا الاخيرة فرحانة بيهاا

لاورا(بالالمانية)انا فرحاانة

حياة:اش قالت

هود:فرحانة بزااف

حياة:ههه

صونا تيليفون اقبال ومشاات تجاوب خلات شي كيترجم لشي هود يترجم الالمانية وحياة ترجم لالغالية الفرونسي وهيبة كتموت بالضحك


الغالية:نوضي ابنتي تكااي راك مزال عياانة

حياة:غير خليني هنا عييت بنعاس

لاور(بالفرنسية )شفتوو جود

هود:وي راه بخير


اقبال:هود (عطاتو التيليفون )شهيد

هود:ويي وي

مشا لبالكون كيهدر معاه

هيبة:ماما نوض نعجن !

الغالية:اوى هادي لوقت ياله يرتاح


مشاو بجوج لكوزينة وتبعاتهم لاوراا كتكتااشف وقالت بلفرنسية:ا شكديرو

هيبة:رفيسة

لاورا:فيسة

الغالية:رررررفيسة

لاورا:وي وي رفييسة ...نعاونك(كتهز فتريكو )

الغالية:اش قالت هادي

هيبة:هههه بغات تعاونك عطيها تعجن

ضحكات الغالية وقالت:تعجنيي

لاورا:ها

الغالية(دارت حركة على انها كتعجن )تعجنييي

لاورا:داكووغ !

مشات كتزرب غسلات ايديها فلفابو وحيدات الساعة ولخاتم لبسوها الطابيلة وصايبات ليها هيبة النايفية على شعرهاا عجبهااا لحال قدات ليها القصرية دارت ليها فيها لمقادير واقفة حداها الغالية كتوريها كيفاش تعجن غير بالاشارات


الغالية:بياان بياان (دارت ليها ؤك بايدها )

هيبة:هههههه وميمتي كرشي


طلو البنات كيضحكو ومعاهم هود شافها ورجع لصالون

اقبال:بقات ليكم غير لكاورية

لاورا:رفيسة ههه

هيبة:ضرتني كرشي بالضحك هههه



لاورا:اولالااا غاليااا

الغالية:وكترتي لمااا ويلي ويليي

تلهاو بلهدرة وهيا راه كتكب لماا تولات لعجينة حريرة ولاو كيزيدو فطحيين


هيبة:ماما دجاج راه طاب غير نطفي عليه

الغالية:صافي طفي


حياة:غنمشي نتكاا شوية

اقبال:او وجدي راسك شوية وغيجي شهيد ومعاه لعدول

حياة : زربتو علياا

اقبال:قدما دوزتو هدشي غيكون حسن ...مزال تابعكم شلا جري وطلع وهبط على وديت وراق لولد او الحالة لمدنية وزيد وزيد

حياة:بصح ..صافي


دخلات لبيت معاوناها اقبال مفرش بفراش زوين ومشمس تكات وغطاتها خلاتها كترتااح


بعد مدة سمعو الصونيت فباب دار ومشا هود يحل بابتسامة استقبل جابر ومعاه غيثة وانصاف


هود:جابر صافاا

تسالم معاه:بخير الحمد لله ونتاا

هود:الحمد لله (شاف فلبنات )مرحبا

غيثة(كتشوف فيه باستغراب وشافت فانصاف )حم

جات اقبال سلمات عليهم ودخلو وغيثة مشات كطير سلمات على مهاا معنقاهاا


غيثة:هااي

لاوراا:هاااي صافاا ماشيغي !

غيثة:هههه صافاا اي طوا !

لاورا(كدير كويرات تريد): ههه سوبيغ

غيثة:هههه شكون هادي اويلي

هيبة:شش هادي عكوزت حياة

غيثة: واش لولد ولدو (شهقات)نااري عليكم

الغالية(خرجاتوعينيها) :وسدي فمك شوية

غيثة:الغدر بعينيه وجابر كتاار منكم بااز كاديرو فيها فقهة غير معاياا وبااز

الغالية:اقبااال

غيثة:صافي صافي ههه

مشات حلات الباب على حياة لقاتها ناعسة ومشات تلاحت حداها تقفزاتها

حياة:جهل خلعتيني واش حاملة بنونوس اش هاد طيحة

غيثة:لبونج مخفت والو ههه (باستهاا )توحشتك

حياة:ممم تيقتك البرهوشة

غيثة:دابا هداك لي على براا غيكون راجلك

حياة:مم

غيثة:تيتيز ابنت لحرام

حياة:يسمعك جابر يلعب بعينيك لبي

غيثة:هداك خاصو غي علاش ههه منقدروش نشوفو لبيبي ! ياك ولا بخير


حياة(تنهدات )لاا متقدروش تشوفوه غير انا وباباه لي نقدرو ندخلو عندو وغير مرة فنهار


غيثة:ياك غيولي لباس

حياة:ان شاء الله ...شفتي طبيب ! عرفتي شنو عندك

غيثة: ديت معايا انصاف وهيا عارفة شنو عندي ...بغيت ندير حفلة

حياة:ميييمتي على جيل لانسطاا يكما حتى نتي اديري سبوع بنكافة ولعمارية


غيثة:فاش حسن مني بيوطي ؟ انديروو ...وغندير لبوفي وغنفرش ليه لبييت نفرح برااسي اختااي


حياة:هههه بصحتك الزين

غيثة:غير براي دغياا باش نديرو لبيبي شاور


دخلات عليهم هيبة كتمسح فايديها وقالت: تعاش لبيبي شاور


غيثة:تاعي ههه انديرو فلعطلة تاع ربيع

هيبة(ضحكات)هدشي فخبار مولاي عابد

غيثة:الى مبغاش حياة اتعطيني زرورتها

حياة:انعطييك نبݣ

غيثة:وباش نتوما خواتات !

هيبة: انا نديرو لييك ولكن بشررط

غيثة:حلفي شنو الشرط

هيبة:لكانت بنت انا نسميها

غيثة:شااا وانا اش نسميي ....لا لا مامتافقيينش

هيبة:اوى لهلا

غيثة:ممم



دخلات انصاف سلمات على حياة وكلسات جنبهاا كتسولها على لولد حتى دخلات اقبال وقالت:حياة وجدي راسك

حياة:واخة

هيبة:نشوف ماما اش كدير ونجي نعاونك

حياة:صافي البنات يعاونوني

انصاف:راه جبت الشانطة لي قلتي لياا

حياة:جبدي ليا منها قفطان خزي ...غيثة صايبي ليا شعري

غيثة:واخة


هيبة:اش هادوك

الغالية(كتحل فالصاك )هادو لمساخن


لاورا (داقت سلو كتبنن )مممم (بلفرنسية )منين كتجيبوه زويين


هيبة(بابتسامة )لا كتصايبو ماما هداك كنقولو ليه الزميطة ولا سلو

لاورا:مم بنين ..او هادي

هيبة:صابلي انا لي مصايبااه


لاورا:واو نتوما راه شااف كبير مشاا الريجيم

هيبة:ماما كدير الريجيم ونتي لا


الغالية:اش فيهاا لي دايرة الريجيم كالسة تبنن كيلموحمة هههه

هيبة:مديريش لمساخن فكلشي واعرين على غيثة

الغالية:تانتي متاكليهمش ...لتكوني حاملة


هيبة(يميلات راسهاا بملل ) مكاين والو اماما هاد الساعة

الغالية:دااابا ان شاء الله تولديهم ويشيبوك ههه مالكي شرفتي راه لطيفة رأفت تاا ضربات لخمسين عاد ولدات عساك نتي مزال مادرتي تال تلاتين !


هيبة:خليتها فيد الله اماما ...كنفكر ندير راديو على لكرون

الغالية: صعييب اهيبة اناري

هيبة:راه طلباتو ليا طبيبة قالت ليا ليكون شي كرن مسدود لييك ...مزال مقلتهاش لهشام ميبغييش بحال والو نديرو هنا فكازا ...شحال من وحدة غير دارتو وحملات من وراه


الغالية:ماعرفت ابنتي انا هدشي منفهمش فييه


هيبة:ايكون خير


صونا الباب ودخل شهيد معاه جوج تناس من العدول عمرو اتااي وحطو دوازو وسلو والحلوة رجال فقط فالصالون

كلسات حياة بزز مكابرة باش تمشى عادي حتى كلسات وبدا العدول فكلامو

_شديتي صداقك ابنتي

حياة:اه شديتو

هود(شاف فيها هود باستغراب ساكت )حم


سنا هود وتبعاتو هيا وسنا جابر وشهيد وختموها بالفاتحة والدعاء ...ناضت حياة البييت وتبعها هود وقال:تعاش صداق ! فلوس !

حياة:هههه فلوس ودهب وشي فيلا جنب البحر


هود(منيتو )بصااح

حياة:وييي

هود:مقلتيش لياا ...شنو تبغي فصداقك

حيا؛الى غير عشنا او وسط منا جود هداكشي لي بغييت والله

هود(تبسم ليها وقال )هدشي غيكون ...ابخي نهدرو فصدااق امراتي غزالة

حياة:الغزااالة

هود؛الغزالة ههه



تنهدات بابتسامة من بعدما كلسات فبيتهاا كدور فلخاتم وعقلها طاير لعند ولدهاا وفرحتها ناقصة وكلستها نااقصة حاسة بطرف منها نااقص وبلا بيه تحاجة مكتحلا ...


تجمعو الخواتات ورجالهم ناقص فيهم غير هشام وهدشي لي خلا هيبة محسرة علاش مجاش ؟علاش متاصلش


خرجات لبالكون كدوز فنمرتو وكتسناه يجاوب

هشام:الحب .. صافاا؟

هيبة:الحمد لله ونتاا

هشام:بخير ولله الحمد اش كديري

هيبة:والو كلشي مجموع من غيرك ...بان ليا متوحشتينيش

هشام:علاش هاد لهضرة !

هيبة:قلتي ليا لويكاند نجي وهانتا مجيتيش ومكتسول حتى كنسول عليك

هشام:احبيبتي والله حتى مرون مع الشركة وجري عليا نجري عليك خاصني شلاا ورااق طالع هابط عليهم شهيد او جابر راه خدمتهم ديال راسهم وهدشي علاش حتى انا كنجري باش نكون ليبر فلوقت لي بغييت ماشي بحال دابا كلشي مني بروجيات اجتماعات شونتي وزيد وزيد


هيبة:عارفة ...ولكن حتى انا لقا ليا وقت بين هدشي كلو منستاهلش !


هشام:تستاهليي اكبيدة ....نسالي شغالي ونجي عندك ونتي مهداكش الله ترجعي لدارك

هيبة(بدلع)لاا مزال جي نتا عندي

هشام:واخة الالة ...الحاجة بغات تجي عندكم

هيبة:بصااح مرحبا بيهاا امتاا

هشام: غدا يمكن ادريس طالع لكازا وغيجيبهم معاه

هيبة:مرحباا مزيان لي علمتيني

هشام؛ تهلاي فراسك احبيبتي ومتقلقيش ليا راك فبالي كل وقت


تبسمات وقالا:حتى نتا(عضات على فمها)جوتيم

هشام:جوتيم زيونات


قطعات عليه مبتاسمة ودخلات حطو الغداا وعلماتهم بلي نزهة والحاج غيجيو غدا خرجات اقبال وهيبة يتقداو من مرجان داكشي لي خااص ورجال راه خرجو القهوة بتلاتا


غيثة:غتبقاي هنا احياة. ..دار واعرة

حياة:منقدرش كتخنقني كازا غير نخرج ولدي وغنرجع

الغالية:ان شاء الله ابنتي


غيثة:ماماا ...تشهيت الحرشة

انصاف:الحمد لله تشهيتي شي حاجة ديال الدار

غيثة:ههه والله تشهيتها او تكون معسلة بزبدة والعسل (سرطات ريݣهاا )ومنسمة بليمون

الغالية:كيفاش تاني

حياة:عجنيها ليها بليمون وسقيها بلعسل او زبدة

غيثة:او لكوك

الغالية(جبدات تيليفونها كتصوني لاقبال)ملي جاتنا فلحرشة لبااس ...الو اقبال ابنتي جيب معااك لكوك او سميدة رقيقة

غيثة:او الليمون

الغالية:او شي جوج كيلو ليمون او قرعة تاع العسل ...الزمزاامي متجيبيش لاخر كيتلصق غاسكر هداك


قطعات معاهاا ونطقات اقبال:اجي ناخدو سميدة

هيبة:بغاتها غيثة

اقبال:وحمها هبيل بحالهاا ...معقلت على راسي كاع توحمت

هيبة:نتي وحمك بوحدو داز سااهل ...حياة توحمات على لحلو انا كنت توحمت على لمالح


اقبال:يعني هدشي معندو علاقة بولد ولا بنت

هيبة:مكنضنش ...يختي مو مزال جون شو لفورمة(شافو قدامهم لاورا لي مشات معاهم لمرجان دايرة نضارات طبية وكتهز فشي بواطات



اقبال:المرا فينما مشات عاجبينها لبواطات ماشي غير لمغربيات هههه

هيبة:هلكاتها ماما بلعجينة ليوم هههه

اقبال:عااجبهم لحال فهادشي حيت مكيديروهش اما حنا راه طلع لينا فرااس

هيبة:شوفي هاد سربيس تاع لقهوة فن

اقبال:شوفي داك لكحل زوين

عيبة:وااعر يااختي ندي واحد ونحطوه نيت لضياف ملي يجيو

اقبال:خوديي

هيبة:مزال مخدينا لكادو ل حياة او لبخيخيش

اقباال:بحالي بحالك معرفتش لمهيم منهنا لكادو يحن الله تحاجة متحلا ليها الى مخرج ولدها


لاورا:إكباال

هيبة:ههههههه متلفة كاع لحرووف

اقباال:ويي

لاورا: 500درهم شحال بالاورو !

اقبال:50 اورو

لاورا: ميغسيي اكبال

هيبة:قولي ليها غير بيلو

لاورا:بيلو ...سوبييغ هههه


خرجو من مرجان محمليين بالصاشيات وصيكان تكلفات لاورا بلخلاص بزز


وصلو العمارة تنطقات اقبال:هداك هشام !


هزات راسها بالزربة وتبسماات والفرحة بانت فيها :جاا (شافت راسها لابسة جلابة كحلة والصابو تاع الغالية او شال بيض )ويلي على حالة فاش خرجت يشوفني هكاا غيخاصم مكيحملنيش نخرج هكا ...اش لابسة نتي

اقبال(شافت فرجليها كضحك )سبرديلة بيضة

هيبة:ههه ارايهاا لابسة انا تقاشر

تحناات كتحيد فيهاا ولاورا اللور كتشووف فييهم كيتبادلو سبابط صايبات الشاال مع لمراية وهبطات


غادية عندو مترعة فمها بالضحكة متكي على طموبيل داير ايدو فجيابو تشاافهاا خرج ايد وامئليها باش تمشي عندوو مشات كضحك حاوط خصرها بايد وباسها فحنكها مخليها كتفرنس لبرد كي لهبيلة


هيبة:ههه حشومة عليك ديما كدير لياا هكاا

هشام:بغيت نفاجئك زعمة ...مفرحتيش ولاا

هيبة:باينة فيا مفرحتش ههه ...عاد جيتي ؟

هشام :عاد جيت صونيت فتيليفونك وجاوباتني غيثة هيا لي سيفطات ليا لوكاليزاسيون


هبطات اقبال كتجر فالصابو لي اعدى حاجة عندها هيا تلبس صابو فزنقة


اقبال:هشام لبااس

هشام:لباس اختيي ...ارا نعاونك

اقبال:لالا مكاين لاش ...كاين السانسوور

طلعات مع لاورا محمليين بصيكان خلاو هيبة مع هشام فطموبيل شوية طلعو وراهم جاو رجال ملي عرفو هشام جا

الغالية فلكوزينة كتوجد ليهم فلكوتي معاوناها هيبة او اقبال

غيثة:والحرشة امامااا


الغالية:وصبريي يكون فيك شوية صبر

حطات ليها طبسيل فيه الحرشة معسلة ومرشوش فوقها لكوك


غيثة:اححح كيشهييي


كلسات كتاكل فييه او كدوز بكاس تاع اتاي منعنع حتى شبعاات

حطو لرجال كاسكروط مجموعين علييه طبلة مغربية كتشهيي الخاطر حاضر فيها البغرير والحرشة وماجورهماا من دواز اتاي من فاكية وحلوة وسلو لي ميمكنش ميكونش فدار النافسة


لاورا او حتى هود عجبهوم تبننو فييه

حياة:كول لبرغير هههه

هود(بهمس)اناكلك نتي

حياة:دير بعدا ركابي

هود:معنديش ؟

حياة:ههههه خاصك سنوات ضوئية باش تولي مغريبي قح ولكن متخافش انا معاك


هود(بلعربية ) ديما تكوني معاياا



كانت فلكوزينة كتغسل فلماعن حتى فيبرا تيليفونها فجيب جبداتو كتمسح فايدها

هشام: تمشي معايا

هيبة:فين احبيبي

هشام:دوزي معايا هاد نهار هنا

هيبة:طلبني ههه

هشام:الله ارضي عليك ههه

هيبة:بلاتي نساليي لكوزينة ونلبس حوايجي ونخرجو


رجعات تيليفون وكملات لماعن وقالت :ماما غنخرج مع هشام

الغالية:سيري ابنتيي

هيبة:نمشي نلبس


دخلات البيت لقات اقبال كتمشي وتجي باسماعيل كتنعس فييه وحياة شادة التيليفون كتسوط


هيبة:مالك

حياة:طلبت من لفرملية النمرة صونيت ليها مجاوباتنيش دابا

اقبال:غتكون مشغولة صبري

حياة:يكما واقعة لولد شي حاجة

اقباال:الله اهديك احياة تفائلي خير


حياة:ها هيا كتصوني (جاوبات)الو نورة ...يكما ديرونجيتك ..اااه سمحيلياا حم كيف بقا جوود (بابتسامة )واش بصح ...تقدري تصوريه لياا عفااك ...نورة(برجاء )عفاك اختي فينما دخلتي عندو صيفطي ليا سوا فيديو سوا تصويرة الله اعطيك منويتي والله منسااك اختي ...شكرا لهلا يخطييك


قطعات معاها بابتسامة وقالت:كانت فلبلوك قالت ليا راه حل عويناتو قبيلة ورجع نعس

اقبال:مسيكين

هيبة:الى سيفطات ليك تصاور صيفطهم لياا

اقبال:غيثة فيك نعاس ؟

غيثة:فيا لموت تنعااس

اقبال:سيري لشومبر لخرا ورتاحي فالنعسة

ناضت عينيها كيتلصقو بنعاس خرجات

هيبة(شات لصاك )غنخرج مع هشام البنات

اقبال:سيري الزين(حطات اسماعيل حدا حياة ناعس ) طيح ليا كتاافي هاد لبخوشة

هيبة:ههه بسلامتوو مشطوون من دابا ههه

حياة:لي بقاليك ايكملو ايسوو


ضحكو وهيبة وراهم بدلات حوايجها مكات شوية وصايبات فولارها هزات صاك ولبسات سباط طالون كحل وقالت:كيجيت

حياة(بعياء)توتة

هيبة:هه انا مشيت

اقبال:ااا زمر حطي السباط

هيبة:ويلي نسييت ههههه

حياة(كطبطب على اسماعيل لي قفز من صوت الطالون وهيبة خرجات هزاه كضحك دازت الباب نيشاان

هشام:خليتكم على خير

سلم عليهم وخرج تابع ريحتها لي بقات وراهاا تالباب العمارة لقاها واقفة تبسماات ليه وجا عندها وقال:روايح تااني

هيبة:عجباتك

هشام:سييي ولكن متبقايش ديريها فالزنقة ديريها غير لياا

هيبة:علااش

هشام(شابك ايدو مع ايدهاا )الريحة كتجر لواحد

هيبة:واخة ...فين نمشيو

هشام (لاح ايدو على كتفهاا )فينما بغات لحب نديها

هيبة:معرفتش معارفة تحاجة فكازا ههه

هشام :هاحنا كندورو فينما عجبنا نوقفوو


خداو كافي بجوج من وراها مشاو لموروكو مول تقدات ماكياج وفولارات او سباط وملابس داخلية مخرجاتش بلاش ...بعدها تعشاو فريستو


هيبة:شهوتي نيت فلحوت شحال ماكليناه

هشام:بصحتك اكبيدة ... مناوياش ديري لبيررمي خلاص !

هيبة:هههه انا نسوݣ طموبيل منقدرش كيوليو ايدي يترعدو

هشام:خاصني غير نلقا شي وقت نعلمك طلقي ايدك من بعد دوزيه

هيبة:والله معرفت كنخاف بزااف من طريق ...انا الشانطي منقدرش نقطعو بوحدي بزز هههه عساك نسوݣ


هشام:لبيرمي ولا من الضروريات متعرفي الوقت شنو تجيب

هيبة:واخة ...شي ناس باقي كنتسالوهم لكونجي اونصوومبل

هشام:عارف احبيبتي صبري علياا غير حتى ربيع بينما نيت لجو دفى

هيبة:ممم وعندااك

هشام:الراجل هوا لكلمة ...فين تبغي تمشي

هيبة:معرفتش

هشام:اش بان ليك نمشيو لايطاليا

هيبة:شهوتي فتركياا ههه

هشام:مالكم مضروبين على تركياا

هيبة(تقرصات )شكون حناا



هشام:كلشي

هيبة(حكات رقبتها )فايت ماشي ليها على هاد لحساب

هشام: لا لا جامي

هيبة:او ايطالياا

هشام:ماشي ليها ملي عاد شديت لباك قريت تما انجينيوغ دو ميطود

هيبة؛اااه تما فين عرفتي لݣاوري

هشام:ههه سي صدفة كنت فلويكاند كنخدم فواحد سناك وكنت كنبريباري لشي اݣزام وشافني وقالياا داير شي شركة فلمغريب ملي ساليت هبطت فالصيف ومشيت عندو دوزت معاه تقريبا شي تلت شهور ودخلت معاه ملي عجبني لبووسط ليومناا هدا دابا راه (كيتفكر )شي عشر سنين وانا معااه ...ولكن عييت لواحد من الاحد يدير ديالو الحمد لله ليكسبيريونص كاينة لي كليون كاينين وحتى لي يخدم مجوودين ..خاصني دابا غير فيين نستاقر


هيبة:ان شاء الله احبيبي

هشام:تعشااي


تبسمات ليه كتعشاا ..جو هادئ بيناتهم على اضواء خافتة كلاو عشاهم طلبو تحلية ..قصدو اوطيل قريب تما هزات لي شرات وطلعو لشومبر كيضحكو كتنائي جميل

سد الباب وجبدها لعندو من خصرهاا طابع قبلة على شفايفها وهيا مبتاسمة لييه وقال:شهوتي فهاد شنايف ملي شفتك


هيبة(بدلع )بوسهم كي بغيتي

هشام:غنبووسهم ...ونعضهم ...ونمصهم كيبغييت

لاحت الصاشيات ودورات على عنقو ايديها كضحك :خود رااحتك


اما عند حياة تعشاو فاجواء عائلية ودفئ العائلة عجب هود وانساجم معاهم كلمة يشدها كلمة يشرحوها لييه مرة يضحكو على شي كلمة خارجة عوجة مرة يفهموه وهوا عاجبو الحال وكدالك لاورا لي هداتها الغالية قفطان بتوب كريب مطروز بطرزة خفيفة من صدر كيتلبس بلا حزام حلفاات لاهيا تحطو حمقها او وتااها


شهيد او جابر نعسو فلبيت لي فيه جوج نوامس او لبنات لاورا والغالية فرشو فالصالون


الغالية:الكاورية فين تنعس

غيثة:انصاف يكما كتركليي

انصاف:لا اختي هههه

غيثة:ههه ومنعرف تولديني على ربع شهور

لاورا:غالياا (دارت اشارة بايدها )ايسي

اقبال:بغات تنعس تماا

الغالية:هاه


هود حك سنانو ودخل البيت لقا حياة فالتيليفون مبتااسمة سد الباب وراه ومشا جيهتهاا كيعرج برجلو شوية حتى تكا حداها وسرحهاا بالم


حياة:باقة كضرك !

هود: ويي شوية...ملي كنوقف بزااف ...اش تشوفي

تكات على كتفوو كتوريه فتصاور لي سيفطات ليهاا الفرملية وقالت:شووف ههه هادي عاد سيفطاتهاا


هود(شد من عندها كيدووز فتصاور بفرحة وكيزوميو علييه )سي تخي بوو ما شا الله

حياة:قلتي ليا حتى باباك كان فيه هاد شعر بيض

هود:ويي نعقل على دي فوطو تاعو فيهم هكا...نرجع المانية ونوريهم ليك


حياة:سبحان الله

طفا التيليفون حطو فجنب وشاف فيها ونطق بلعربية :دابا نتي ديالي

حياة:شنو بان ليك

هود:ديالي

تحنا براسو لعندها وهيا كدالك مجرورة لجيهتو بلهفة لتاحمو شفايفهم بعد غربة وشوق ...تسللات ايدو فشعرها تحيدات لباانضة وطلقوو كيتدوقو طعم ثغرهاا وكيمص ريق شفايفهاا برغبة

تحل الباب على غفلة بعدو قافزيين

الغالية:حياة المان(خرجو عينيهات )ويلي ويلي سمحوولياا نسييت ويلي ويلي

سدات الباب كتولول وتزنكاات نساات كاع واش هود كااين

اقباال:امالك

الغالية:نسيت واش هود معاها فلبييت

اقبال:ولفي ولفي ههه

الغالية:بغيت غير مانطة تاع اسماعييل وييل على تحشييمة كون كان حاط حوايجو ! كون بت ماصبحت هناا



حياة:غتنعس هناا

هود:ههه بيان سييغ (داعب خدها)بغيتي نمشي

حياة:نن

رجع بااسها بلطف وناض مشا كيبدل في حين هياا استغلات لوضع وبدات كتشم فرااسهاا


ناضت وقال:نعاونك !

حياة(حطات ايدها على جرح )لاا ففف خاصني نبدا نووض باش نتحرك شوية

كان ماريو تما ستفات ليها اقبال حوايجها جبدات بيجامة فلبيج بسروال ستان حريرية وخدات لحليب ديال الجسم او جيل ديالها مع ملابس داخلية وفوطة صحية

لبسات بانطوفتهاا وخرجات لقات اقبال فدوش كتغسل سنانها ...خوات ليها طريق والاخيرة دخلات وسدات الباب


اقبال(شللات فمهاا )نعاونك الالة العروسة

حياة: كاين لما سخون تماا خاصني نغسل

عمرات ليها سطيلة وخرجات بقات واقفة حدا دوش ولخرين كلشي نعس تسمعاتها كتعيط ليها ودخلات


حياة:مقدرتش نلبس سروال

عاوناتها حتى لبسات وقالت:صدري تنفخ وضرني ا اقبال

اقبال: خاصك تخويه بتيرلي ...باش لحليب ميمشيش ليك

حياة:تالغدا ناخدوها من لفارماسي

غسلات وجهاا ورطباتوو تكلفات اقبال جمعات دوش وحوايجهاا دخلات لبيت لقات هود واقف شدها من ايدها عاونها حتى كلسات فبلاصتها وقاد ليها المخدة وغطاهاا وجا حداها من جنب لااخر مخشي حداهاا ...مالت عندوو وتكات على حضنوو


حياة:ناقصني غير جود باش تكمل الفرحة


هود (داعب كتفها باطمئناان ) ان شاء الله دوز كانز جووغ ونجيبوه

شدات عينيها بتنهيدة وقالت:ان شاء الله


***


بعد ساعات متكية فحضنو ساترين راسهم بلغطا متشاركيين الحديث


هيبة(داعبات ايدو متكية على لمخدة وهوا مسند راسو لحيط وحاط ايدو فوق راسو ساهي )حبيبي ..مالك

ميل راسو ليهاا وقال بابتسامة :مالي !

هيبة:انا لي سولتك ههه جيتيني بالك مشطون

هشام :اش غنقوليك اهيبة مشاكيل وصافي

هيبة:كيفاش مشاكيل وصافي (تقدات حداه )شنو واقع

سكت شوية ونطق :لواليد بغا يتزوج


خرجو عينيها بصدمة تقادات فبلاصتها بحالا ضربها الضو :اوييييلي ...كيفااش بغا يتزوج او خالتي

هز حاجبوو بتنهيدة :كيف كتسمعي اهيبة قاليك بغا يتزوج

سكتات شوي وقالت:واش قالها ليكم


حرك راسو باه وبدا كيعاود ليها

***

كان وصل مو لفاس عند خواتاتهاا ورجع لدار لقا دريس فدار لتحت عرف بلي مرت خوه مكايناش ودخل حتى هواا لقا الحاج كالس فالصالون شاد تيليفونو


هشام :مولاي مخدامش

دريس:عاد جييت بدلت لكونتوني كنسالي مع 3

هشام:مخيرة

دريس:نهار كلوو وليت كنتهلك

هشام:مروان ومرتو مكاينيش

الحاج:خغجاات الحبيب او سيدي مروان موجد لينا واحد طويجين تااكلو عليه صبيعاتكم

دريس:داكشي لي كيعرف يدير طواجن او جوانات

هشام:ههه سكت شوية

الحاج:اوى الله اغصبك مبقيتيشاي تحشم منيي ولا من خاك كبغ منك


مروان حط الطاجين وسلم على هشام وكلس


هشام :اشنو درتي فدار امروان ؟

مروان:ملقيتش شي حاجة زوينة ...راني كنقلب اخوياا وزايدون ها انا هنا ياك كنصرف اولا الحاج

الحاج:كاااتصرف الحبيب مقلنشاي لاا

هشام:ومرتك راه مخلاتناش نتجمعو مزال ...شي واحد فينا مزال يتيق

مروان:مسحها فياا اخاي والله حتى ندمات راه غير لوحم اما متحطش ايدها على تاع النااس ...لقاتوو طايح وطمعات مهزاتوش من قاع لبيت



دريس:من هادي لتما

مروان:دخل اخاي دريس بخيط بيض ولا سكت تء

دريس:لا نوض ضربني نيت باقي كيخرج فعينيه !

الحاج:هنيونااا هنيونا...راني باغي نهضر معاكم فواحد لموضوع ...نسا مكاينينش ونتوما ولاادي


هشام:ياك لبااس اش وااقع

دريس:اش تااني الله اسمعنا خير

الحاج(تنهد كيتمسكن )انا مبءيتش لاءي غاحتيي

مروان:اش قلق راحتك الحااج

دريس شاف فهشام وطمر وقنديشة بدات كطلع لييه

الحاج:انا صافي قررت ...غنتزوج على سنة الله وغسوله


دريس(بفقصة )بلااتي راني مسمعتش مزياان شنوو بغيتي ؟

هشام:اش هاد لهضرة تااني

دريس(بانفعال )راك سمعتييه اهشاام سمعتييه

هشام:سكت خلينا نفهموو ...كيفاش تزوج الحاج و ميي شنوو تلووحها لتوش


الحاج:مك عياات ولات حاضية غير تسبيحها معاطينيشااي ءيمة راني ماشي شغفت وعندي لعكاكز مزال صغيغ


دريس:برب الجليل وديرهاا كسكسو ناكلوو علييك (خبط على طبلة تطاح لما)مييي مغتزوجش عليهااا

الحاج:اوى مزيان تباغك الله شكون والد لاخوغ وليتي تهدد فياا ؟ تءادو لكتااف

هشام:دريييس كلس (شاف فلحاج )اشمن زواج واش مبقاتش فيك ديك لمراا لي دوزات معااك 38 عام تاع زوااج مراعيتيش ليهاا !


الحاج: انا صافي ءررت انا جيت غي نعلمكم ولمغا غاكم كتعرفوهاا مزيااان منحتاج شاي نءلب


هشام:شكون هادي

الحاج:مكتولدشااي ومطلئة (كيدور فعينيه)

دريس:وهدر شكون هاادي

الحاج:غااضية لوسة وردة


دريس(بفقصة ضحك كيشوف فهشام )واش غتبقاا ساكت ههه واش مغتدويش راه غنسا بليي باا اهشااام دوي اصااحبي دوي


مروان:وايلي الوالييد مديرهااش تهاديك يتزوجو بيها نااس

الحاج:مالها حتى نتا كيف جاتك زينة وضغيفة وداخلة سوء راسها


هشام:هدرت معاك وهدرت وعاودت ولكن نتاا لي فرااسك فرااسك ...ولكن باش تفقص ميي هاديك لي عمرها تكون بغيتي تزوج الله اعاونك سكنها حتى فتلت لخاالي ...وردة خليها فتيقاار رااضية ولا زمر واش باغيي تشوهنااا مع نااس ولا شنوو باغي تزوج على مي بلوسة ختيي واش كتفكر واش العرق لي باقي كيضرب فديك السيدة لي فنات شبابها معاك بغيتي تسكتو ليهاا !


دريس:قالييك رااضية مزياان ...عرفتي تسمع وردة هدشي غتنسا واش نتاا باهاا الى مشيتي حتى تزوجتيي غا ضرب علييا حتى من لحالة لمدنية


الحاج؛نتاا طول عمغك مسخووط ولد يمااك متبغيشااي لخيغ لياا ...اسيدي انا بااغيي حقيي باغيي حقي


هشام(تعصب )وبااااركة اشمن حق ولا باااكور الحااج نعل الشيطااان كليييتي حقك غمض عينيك....تزوج ولا ضبر لرااسك انا متعرفني منعرفك ...عندك دارك ففاس الله اعااونك معاهااا مييي متوصلهااش مييي مبغيتش كلمة وحدة ضرها فخااطرهاا اقسم بالله وتسيب الخباار ....ديرني مت ودفنتيني وسيرر سيير عيش راك بااقي شباب


دفع الطبلة ونااض وتبعو دريس بقا غير مروان


مروان:متعصبش راسك الحاج

الحاج:مقلتشااي العييب ...ربي حلل لينا ربعة فااين المشكيل وااه هوما يتزوجو ويعيشو حياتهم وانا نبءا هكاا ؟ او لاا لاا


مروان:دير لي بغيتي شكون والد لاخور ! انا نمشي معااك تاتخطب غاهوا مي متسيقش لخبار راه تموت فيهاا


الخاج:انا غاه عيني فوحدااا خغااا وينيي مبغيتشااي لمشاكيل مع هشاام اما عيني مشافتش شاااي حسن منهاا ...وا شانا منتمتعشااي ! نبقا نشووف تنموت ! حسو بيااا وااه


مروان(باس كتفو)وصافي متقلقش شرع راه حلل ليك تزوج ..راه هشام تزوج جوج مرات شكون هدر معاه

الحاج:متء استغفغ الله العضيم

مروان:وزيد كول

الحاج:مخلاوليشاي منين يدوز الحبيب صافي شبعت

***


بقات كتشوف فصدمة حتى كمل وقالت:واش كيفكر ولا لا ! حشومة علييه وخالتي مريضة الا مشات حتى سمعاتها تموت بالفقصة


ملحق 23/02/2022


هشام:بغا يتزوج يبعد عليا ويضبر لراسو مدام باغي الزواج غايديرها سوا بخبارنا سو لعكس

هيبة:وغير ميقولهاش لخالتي وصاافي مسكينة غتمرض فيهاا والله ...عرفتي اشناهيا يتزوج عليك من بعد عشرة طوييلة راه صعيبة

هشام(بتنهيدة ): نكار العشرة شنو غنديرو ليه ...هدشي لي عطا الله هي عارفااه ...صبرات على قبلناا وصافي اما راه لي فيه شي طبع عمرو يحيد


هيبة(باستو فحنكو ) وصافي متبقااش مقلق يدير الله خير

هشام (تبسم ليها وقال ) يدير الله خير ...امتى ترجعي معاياا الالة حبي


هيبة:حتى تسبع ختي مبقا والو هههه

هشام:واخة الزين

هيبة:خاصني نااخد ليها شي كادوو احبيبي

هشام:شحال خاصك

هيبة:مزال معرفتش

هشام:اوى شوفي شنو خاصك بعدا


تبسمات ليه وناضت من حداه لبسات قميجتو سترات جسمها شافت التيليفون يكما صوناو ليها ورجعات حطاتوو


هشام:شفتك نضتي !صافي ساليناا

هيبة:ههه غير طليت على تيليفونيي

كلسات حداه وقالت:هشااام


هشام (شاف فيهاا غير من ديك سميتو لي طولات عرف الطلب فشكل )نعام الحب


هيبة(كتلعب فلحيتو مكتشوفش فيه ) حم ...كيعاودو على واحد جينيكو هنا مزيانة ...وقلت نمشي نشوفها

هشام:علاش؟

هيبة:هء كيفاش علااش كضحك علياا ؟

هشام:لا حاشاا...غير بغيت نعرف علاش ..كتحسي بشي حاجة

هيبة:بغيت نمشي على وديت لحمل اهشام

هشام:ااه اهيبة مباغاش تفهمي راه داكشي بيد الله

هيبة: نديرو السبب

هشام:راه نفس دوا لي عطاتك هادي غتعطيه ليك لخرا راه حاجة وحدة لي كاينة هوا ربي ملي غادي يبغي غتكتااب غتكتااب هدشي لي كنعرف انا باش تبقاي تخلطي فدواياات لاا هيا لاا سدينا موضووع دواياات ياك درتي التحاليل خرجو مزيانين شنو بغيتي هاد طبيبة تخرج منك


هيبة(حكات ودنها كدور فعينيها ) :قالت ليا ندير راديو لكرون باش نحيدو الشك فمرة

هاشم(توسعو عينوو وتقاد فكلستو )الرااديو ...اشمن شك غتحيدي


هيبة:قالت ليا يقدر يكون شي ݣرن مسدود ليك


هشام (مسح على وجهو مبرد مباغيش يتعصب معاها)هيبة الراديو مغاديش ديريه اتبقاااي تلعبي فصحتك على والو

هيبة:لولاد شي حاجة والو اهشام

هشام: ضروري لولاد؟

هيبة:كيفاش ضروري ! نتا مغتحسش بداكشي لي كنحس بيه حيت نتاا ديجا عندك بنت

هشام:صافي غير عندي بنت مغنحسش بيك ...حتى انا مكرهتش ولد ولا بنت معاك ولكن داكشي كيبقا فيد الله طبيب غير سبب ونتي درتي السبب مرة وجووج


هيبة(سكتات شوية كتشوف فيه بحزن) : قول مباغيش لولاد معاياا وصافي


بقا كيشوف فيها كيستوعب هدرتها وقال:اش كتخربقي تااني


ناضت من حداه شفايفها كيترعدو وقالت : كلشيي باااين ...ملي كنهدر معاك على لوللاد كتقلب ... عمرك حتى وقفتي معاياا عند طبيبة جوج مرات بلحسااب وغير بزز منك كتمشي معااياا بطليب ورغيب ...بحالا هدشي مكيهمش مامسوقش كااع لياا...واحد باغي لولاد غيدير معاك جهدو كامل


وقف بهدوء كيلبس فشورط ديالو ومشا عندها هيا لي وقفات ودموعهاا هبطو كيف لعادة سابقين كلامهاا شدها من دراعها بلطف وقال:بلاش مانوصلو لهاد لهدرة لي معندها اسااس اهيبة ...عمري بينت لييك عكس كلامي شنو لي خلاك تقولي مباغيش معاك لولاد


بعدات منو كتشهق وكلسات على لفوطوي وقالت:نتا عندك غير بنتك و صاافي انا غير وحدة مشاركاك لفرااش ولدات منك هيا هاديك مولداتش معندك غرااض ....ولا مرة وحدة اهشاام سولتيني وقلتي لياا نشوفو هاد طبيب ولاا نهدرو فهاد لموضوع معمررك تسوقتيي كاع هءهءهء بووحدي كنتشوا بااش نولد منك بووحدي


كلس حداها حضنها بايد كيمسح فوجهو وقال:علاش كلمة جوج كترجعيني خاايب وباغي فيك غير مصلاحتي واش نتيي حماقيتي اهيبة ....كيفاش مشاركاك غير لفرااش هاد لعام كلو لي دوزت انا وياك بان ليك مشاركين فيه غير لفرااش ...نتي راه مشاركاني حيااتي اهيبة حيااتي ماشي فرااشي نهار كنمرض نتي لي كنلقااك نهار نحتاجك نتي لي كنلقااك


دورات وجها عليه كتمسح فدموعهاا وشنايفها كيترعدوو :وانا بغيتك توقف معايا غير فهادشي نحس بيك بجنبيي بحال كاع النااس ...غير مرة وحدة قوليي تسنايني حتى نمشي معاك عند طبيبة مرة وحدة ...نتاا والو اهشاام حاضي لياا غير متمشيش تهلكي صحتك يااك صحتيي اوى خلينيي ندير فيها لي بغييت تاحد مقاليك شرب شي حاجة انا لي كنشرب ...انا لي محرووقة على لولاد نتاا عندك بنتك الله اخليها لييك (بتنخصيصة )انا لي زاايدة


نفخ النفس كيسووط وقال:لا حول ولا قوة الا بالله ...شنو لمطلوب مني داباا

ناضت كتمسح فنيوفها كتهز فملابسها الداخلية :مامطلووب منك والوو ...صافيي ...ندوش وصلني لعند ماما حسن لياا



خلاتو ودخلات لدوش كتشهق مرة مرة يسمعها كالس فلفوطوي جبهتو كتزدح بكترت لمطارق فيها خدمة مشاكيل طليقتو على ود بنتوو لي مكتسالاش زادو باه لي باغي يتزوج على موو ...جاي يرتاح مع مرتوو ويشاركها هموو كتزيييد تزند عليه لعاافية مبقا عارف لمن يعط الرااس واش فعلا ظالمهاا ولاا هيا عاطفية بلا قيااس


ممكن مع كترت جري انه يستاقل فخدمتو ويدير ديالو وشركتو الخاصة لهاه على شريكة عمرو يمكن تهوا مفرط كيف قالت هياا

وقف هز لفوطة ديالو من الصاك وتوجه لدوش صوت لما واصلوو ..دخل لدوش حط لفوطة وتوجه عندها هيا لي سمعات الباب تحل وعطات لباب بظهرهاا ودموعها تخلطو بلما

حل لباب الزجاجي لي فاصلهم كتسنااه يهدر حتى حسات بيه حاوطها بايدو تشهقاات بخفوت ...زير عليها ودخل معاها تحت لما...دوز على كرشها لي كتهز مع شهقتهاا


باس ادنها وقال :شش صافيي اهيبة دياليي ...(تنهد )سمحيلياا لشفتيني مقصر من جيهتك

دورها عندوو وعينيها حومر خشاها فحضنو كيرضي خاطرهاا ويريحها شوية

هز وجهها باس عينيهاا من جديد وقال:وصاافي ...نخلص الحق ...مكنبغيش نبين لييك حيت شايفك شحال باغة لولاد هدشي علاش كنسكت مكنبغيش نفكرك ...الى جاب الله لولاد معااك داكشي لي بغييت ...الى ربي مكتب عليناا شي حاجة خرا غنرضااو بيهاا ...انا كافيااني نتيي


هيبة(بصوت باكي مقطع )ه هء هء بغيت نولد معااك ...بغيت نفرحك ونفرح راسي

هشام:نتي مفرحااني مهلية فياا ومرتااح معااك فوق متصوري وهدشي كافيني ...


خرجها من دوش نشف ليهاا كتافها ولوات عليها فوطة وخرجها لبيت كلس قدامها شاد ايدها وقال: هانتي اتخلي حتى نمشيو لبرا ونشوفو شي طبيب بروفيسيونيل ديك الساع نشوفو الرااديو ..انا مباغيكش ديريه حيت صعيب علييك واش مقريتيش علييه !راه صعييب.... نتي ديجا حملتي يعني مسألة وقت وصافي وقدما شغلتي بالك بداكشي راه صعيب تحمليي ...خوي رااسك اهيبة وحتى ديك لكلسة فداار بلاش منهاا غير غنرجعو ادخلي ل شي ايكول ديري شي ديبلوم ضيعي فيه الوقت ودوزي البيرميي صاافي محدك كالسة فدار غادي غير تمرضي ...متاافقيين (زير على ايدها )هيبة واخة


حركات راسها بواخة وكمل كلامو:دونك نحيدو هاد الراديو من بالناا حتى نشوفو شي طبيب اخر على برا


هيبة:واخة


باس ايدها بعمق وقال: اجي احبيبتي تنعسي

هيبة:نلبس حوايجي

جرها حتى طاحت ليها لفوطة وقال ممازح حاضنها : موحش لحوايج اناا زيدي لحسك


هيبة(ضحكات فحضنوو) ههههه


****


فاق على لما ترش ليه على وجهو تحل عينوو قاافز ولقاها قدامو مسح وجهوو كيتاوب ونطق بصوت ناعس

جابر:غيثة ياك لبااس

غيثة:صباح الخيير ...غتبقا ناعس !

جابر(هز التيليفون بانت ليه 8 شاف جيهة شهيد لقاه مكاينش

جابر:نتوما ناعسين فالصالة اش نوض ندير ...فين شهيد

غيثة(كلسات حداه )مشا يتسخر ل بيلوو ..كبودي نخرجو

جابر:فين ؟

غيثة:ندوزو نهار براا

جابر:نتي جاية دوري ولا تشوفي ختك

غيثة:تء بغيت نخرج شوية عفااك ...شنو غنكلس ندير !غيجي لحاج او مرتو او هشام او دريس خوه (قلبات عينيها)نبقا ندور بين رجال ! وراه متعولش ندير لفولار فدار كيخنقني


جابر:لقيتيها تسلك زعمة على قلة فين تخشااي وتركني تيمشيو


غييثة:جابر نوض عفااك نفطرو براا ...تشهيت شفنج ممم ويكون سخووون (بتدمر )لي عااارف راه دا مرتو لباارح بات خاشها نتا قلنا ليك ندوزو غير نهار مبغيتيش

جابر:نكير تاني على صبااح


غيثة:والله ومتخرجني حتى ندعي فييك

جابر:نوضيي (دفعها برجلوو )انا لي غندعييك لي خلقك نوضيي

غيثة:نمشي نلبس ياله متعطلش راه فيا جووع...مواح



مشات خلاتوو ناض وجمع لفرااش كيلبس فحوايجو وكيتاوب ...قال صباح الخير لي داز من حداه لي نصهم باقي ناعس فقط لغالية او اقبال لي فايقين او غيثة طبعاا


صلى وهيا لبساات فدوش مكاات وتقدات على صبااح تموت على لخروج وماكلة الزنقة


غيثة:بيلو هاني خارجة

اقبال: سيري

الغالية:ادواحة واش مكتعيايش !

غيثة:لااا تشكيت عليك انا منعياش من زنقة (شافتو جاي) راه كنتخنق كنبغي نتمشاا اماما

الغالية(بهمس )شوف ليك الحرامية كي تاتمسكن

جابر:اقبال خاصة شي حاجة

اقبال:لا لا مخاص والو

غيثة:باااي


ساعف ساعف هادي هيا الكلمة باش كتوخرها الغالية لجابر عارفاه محن معاهاا طلباتها كتاااار وطبعها صعيب بزز ولا غادي معاها فلخط ولكن نهار كيشوفها كترات علييه كيخرجهم فيها حتى كتكمش تاني ...هادي هيا غيثة


داها كيقلب ليها على شفنج لي صابحة توحم علييه لقاوه فشاريع جنب قهوة مشات كلساات فلقهوة طالبين اتاي ولفطور وهوا مشا جاب ليها شفنج سخوون


***

ناعسة فحضنو باريحية حط ايدو على كرشها حتى قفزات باقة كضرهاا

هود(بصوت ناعس )بااغدون ...ضرك !


حياة (حركات راسها باه كتحاول تقاد فنعسة بزز كدور )صباح الخير

هود:صباح النور ...تحس براسك بخير !.

حياة(بالم)شوية مزال لحرييق ...مزال لعشرة !

هود(شاف الساعة ) نن مزال


حركات راسها بلايجاب وتكات جار عليها لغطا


وقف هوا ومشا كيلبس فتيشورت وتوجه لناحية لبالكون حلو ضرب فيه برد صبااح دنيا عامرة ضبابة صابحة طايحة شوية ولجو مبرد


ناضو لبسو عليهم والغالية دخلات لحياة لفطور فطرات وخرجو لكلينيك مع ميقات لعشرة يطلو على فلدة كبدهم لي ميرتاح ليهم بال حتى يحطوه جنبهم


لقاوه مزال على حالو لي طمنهم كتر تنفسو طبيعي ومرتاح حيدو ليه الاوكسجين ولا كيتنفس طبيعي ولكن مزال مامسموح ليهم يهزوه او يتحرك بزااف طول لوقت كيكون ناعس


دخلات هيبة لداار ناشطة لقاتهم كيوجدو لغدا لضياف لي جااين شمرات على ايدها هيا الاخيرة وبدات كتساابق لوقت باش يتحط لغدا مشكل ...اما غيثة راه حاطة رجليهاا فرملة وهازة السروال شوية وجابر تابعهاا


تعلقات فظهرو وركبهاا ...شوية تاني لصقات فيه الصاك ومشات كتصور فلماج كيضربو رجليهاا


مع وقت الغدا ريحة المااااكلة عاااطية فالدار، الغالية غادية جاية ولاورا لاصقة ليها فجنابها باغة تعلم.... فهاد الاثناء تسمع الصونيط فالباب وهي تمشي إنصاف باش تحل، لقات الحاج و نزهة برفقة ادريس...

نزهة (بابتسامة) : بنتي لاباس

إنصاف (سلمات عليها و عينيها كايهربو عند ادريس) : لاباس الحمد لله اخالتي "باست لحاج يدو"

الحاج : تباااغك الله... الله يغضي عليك

بتاسمات ليه و مدات يدها لادريس لي مشافش فييها گاع عاقد حجباااانو و كاايسوط باااينة عليه محاملش راسو فهاد اللحظة.... جا شهيد مني سمع الهضرة هو و هود سلمو عليهم و دخلوهم لصالون.... الغالية كانت فالكوزينة قادات فولارها و دخلات عندهم

الغالية : مرحبا بلالة نزهة

نزهة : ترحب بيك الجنة... على سلامة حياة

الغالية : الله يسلمك و ينجيك اختي "سلمات على الحاج" سيد الحاج لاباس

الحاج (كااايطلعها و يهبطها) : بخيييغ الالة الغاالية بخ "حبس كلامو مني شاف لاورا داااخلة بداك الشعر الزعر و العينين زرقين"

لاورا : بونجوغ

قاطعهم دخلو لبنات متابعين سلمو عليهم و جلسو كاايتبادلو أطراف الحديث و الحاج رااسو ضاارو باغي يعرف هاديك شكون... عيى ساااكت وهو ينطقها بلا ماايتسوق

الحاج (شاف فالغالية) : لالة لغالية شكون هاد نصغانية

الغالية ( نطقات فخاطرها) : بقات ليك غير هادي..... احم هادي عگوزة حياااة الحاج

الحاج (بصوت غير مسموع) :وا عگوووزة هي

ادريس قلب وجهو كااايسوط محاملش راسو و تصرفات باه لي مني دخل وهو حاضيه كايزيدو يشعلو فيه.... هاد الاخير لي جالس كااايتبادل معاهم أطراف الحديث ولكن عينيه راه كاايشوفو فلاورا و يرجعو يشوفو فالغالية حتى عبرهم بجوج على خاطرو و نطق فنفسو...

الحاج : الصغاحة مكاين ماحسن من لالة الغالية داك الخيغ لي عندها مكاين عند هاد الصفغة لا صدغ لا كغ(ميق )اشويني فيك



هيبة:خالتيي كيبقيتي شوية ..قالي هشام كنتي عيانة

نزهة:هانا الحبيبة لبااس ونتيي

هيبة:الحمد لله اخالتي


هشام (همس لدريس)مال باك فصبعو

دريس: سديت عليه لباب تاع طموبيل صباح

هشام:اش ؟

ادريس:مدرتهاش بلعاني (بهمس)شو عينيه كيتيدورو هادا مدخلش عليه لجهنم

هشام:هنينا شوية

تحط لغدا و الحاج ماردش لسانو لفمو يدور يدور و يلوح الهضرة لغالية باغي يجمع معاها بزز هادشي لاحظوه البنات لي عارفينو حاط عليها العين على حسب ما عاودات ليهم...

حياة (نطقات فودن اقبال) : شيخ ختك كايتزلل على مك

اقبال : سكتي شوية اصااحبتي

غيثة (سمعاتهم) : والله ماعندو علاش يحشم

خرجات فيهم اقبال عينيها و هما يسكتو مابقاوش دواو... ناضو جمعو الطبلة وهو ينطق كي الحزقة

الحاج : تبااغك الله طيااابك بنين كيف لعادة الالة الغالية

الغالية(هازة الطبسيل) : بصحتكم "خرجات من لبيت" يلوي ليك المصااارن "سمعات الحس وراها و ضارت قافزة" خلعتيني اولدي

ادريس (بغير نفس) : سمحي ليا اخالتي بغيت طواليط

الغالية (بانت ليها انصاف خارجة من الكوزينة) : انصاف وري دريس فين جات الطواليط

مشات قدامو كاتقفقف خاايفاه لايدير شي تصرف يحشمها بحال ديما ولكن تفاجآت مني بقى غادي وراها بهدوء مادوا ماتكلم حتى وصلو حدا طواليط...

انصاف : هاهي

ادريس (ببرود) : شكرا

انصاف (بإحراج) : العفو

دخل و سد لباب وهي بقات واقفة مصدومة مفاهماش مالو مني جا ماطول فيها الشوفة و دابا دوا معاها ببرود ماشي طبعوا هذا نهائيا..... مشات لكوزينة حادرة راسها كاتخمم اشنو لي غايكون بدلو....

هاد الاخير خرج من الطواليط وهو يتصادف مع شهيد...

شهيد:دريس مالك اش واقع


ادريس : نخرجو لقهوة راسي غيتفركع

شهيد : بلاتي نهز تليفوني سبقني هاني جااي

مشى هز تليفونو و خرجو فاتجاه القهوة بطموبيل ادريس لي مني ركب وهو كاايسوط...وهادشي لاحظو شهيد و بقى ساكت حتى وصلو لقهوة

شهيد : تا مااالك اليوم معااجبنيش مني جيتي و نتا قالب وجهك ياك لاباس

ادريس : اودي خليني ساكت

شهيد(باصرار) : هضر اصاحبي

ادريس : لواليد بغا يتزوج

شهيد ( خرج عينيه) : مااتتقولهاش واش ساط ليه لبرد فدماغو !

ادريس : ماتقولهاش غير نتا اما هو قاالها و خرج فينا عينيه قاليك "خبط الطبلة" طلع لديييلمي لق '**وي لرااااس "مغدد" كون مكان باااا كون ضربتو براااس نوگضو حق الرب حتى كنشوف فيه غير ظلاام

شهيد : نعل الشيطان اصاحبي

ادريس (بعصبية) : اشمن نعل الشيطاااان وهو بغا يفقص ليا مي و يحطها فالركنة... قالك باااغي حقو..... لوا و مزال مابغى يحشم ...واش لي خلاه فشبابو ايكملوو داباا ملي ضفر الشيب

شهيد (فلتات ليه الضحكة) : هههه هاد لحاج عالام...اش كيقول هشام


ادريس: لق** ديال مروان لقاها تسلكوو قاليه انا نمشي معااك

شهيد(مسح على لحيتو مصدوم ) على هاد لحساب السيد باغي يتزوج وربي كبير


ادريس:وزوينة قاليك بغا خت راجل وردة ! دابا هادا شنو باغي ...ماشي تقطع لجدو داك علاش مفرعن


شهيد:لا لا تااني ميعيقش هدا باغي يفرتها لولادو ويتزوج هواا مديالوش هاد تخربيق

ادريس:اعطيني واعطي لمي شبر ديال التيسااع يتزوج حتى بعيشة قنديشة الله اجعلها تركبوو

شهيد:برد برد كيبقا بااك

ادريس:الواليدين لي ميهزوش بييك اشهيد اشمن واليدين هااه كونما مي لا اناا لا هشاام غنوصلو لهادشي اما هوا راه كان حاضي الكلبات او لقرااعي نهار قلنا تاب السيد ومشا الحج بحال الناس زعمة جاي باغي يتزوج ؟



ملقا شهيد ميقول هوا عارف الحاج سنين هادي وعارف ماضيه الوسخ وشحال من مرة كان كيحصلو هوا ودريس مع شي وحدة وينوض يتغاوت معااه داكشي علاش هوا والحاج دايرين كيلمش ولفار


شهيد(تنهد )بغا يتزوج يضبر لراسو ا ادريس ... نتا لواليدة ديالك حاولو متسيقش لخبار لهاد روينة راك عارف صحتها على قد لحال

ادريس(بحقد )توقع شي حاجة ليها بسبتوو نساا بلي باا


شهيد(ضرب فكتفوو )نعل الشيطان وياله نمشيوو ...برد اصاحبي برد


ارتاح نوعا ماا ومشاو لدار غير شافوو كيكركر مخاصو خير كحل بلعماا مشا كلس حدا خوه لي كان مجمع مع جابر او هود


جابر:ياله نخليكم اناا...غيثة نمشيو


خرجو عينيها وقالت:مزال الحاال تالغدا

جابر:معندك قراية غدا


غيثة:فف امتا غتجيو لمكنااس !

حياة:مغنجي حتى يخرج جود ان شاء الله

غيثة:ونتي اماما !

الغالية:حتى انا ابنتيي مالك قنطتي

غيثة:ممم حتى نتوما البناات !

اقبال:غير تولي حياة مزيان غنجي

هيبة: لاربعا غنجي ...نديرو سبوع لحياة

حياة:اشمن سبووع ههه مغيكون والو حتى من بعد ان شاء الله غير تكركبو لديوركم

هيبة:سمعتيها كتجري عليناا

اقبال:بغا غير لي يديرها قد فمهاا

حياة(ضحكات )نخاف غير نساب الغاليية يتحلفو فياا ههه


ضحكو الجميع وناضو البنات انصاف وغيثة لبسو حوايجهم ودريس حتى هوا مشاا ودعات هيبة هشام حدا طموبيل


هيبة:حبيبي متبقاش مقلق ...شوف حتى ادريس شفتو كالس غير بزز خالتي غتعيق

هشام: مشاكيل صافي ...تهلاي فراسك لاربعا نجي

هيبة:وخة اكبيدة تهلا فراسك بوس لياا سيلياا ...بغيت نهدر معاها ولكن مبغيتش لمشاكل مع مهاا

هشام:ماشي مشكيل نوصل ليها سلامك الزين بسلامة


***

انصاف كتمسح لميساج وترجع تكتبو حتى زعمات وكتبات ليه


انصاف: شفتك مقلق ...عندك شي مشكيل ؟


كان سايك ولكونيكسيون مطلوقة وصلو لميسااج وهز التيليفون واقف فسطوب


الحاج:متبقاشي هاز طيليفون فالشاغيع

هز عينو فيه مخنزر مهضروش وحل التيليفون لقا ميساجهاا ..تحلو ملامح وجهو شوية وكتب ليهاا : والو الزين ديالي غير شي مشاكيل

انصاف:ؤك الله يوصلك على خير


ادريس:امين ملي تكوني بوحدك قوليها لياا نصوني ليك نهدرو شوية

انصاف:واخة ان شاء الله



الغالية(شهقات )اويلي على باغي يتزوج ولد لحرااام

اقبال (كتغسل فلماعن ) داكشي بانو لياا ولادو مغيرين

حياة(كالسة فلكرسي حدا هيبة ) بقات فياا غير الحاجة دروويشة متسمعيش صوتها

هيبة:عزات علياا

اقبال:سدي فمك من تبروييل لتمشي تزلق ليك معاها

هيبة(شهقات)والله تيقتلني


حياة:هههه تخيلو كون ناصر تزوج على مينة

الغالية:غير لبغا يكون قبرو شوكة ههه هاديك واعرة

هيبة:عنداك يسمعكم شهيد

اقبال:خرجو قبيلة ...حياة شوفي عكوزتك فين زادت دابا تلف فكازا

حياة:مشات لمول انمشي نتكا شوية عييت

الغالية:سيري ابنتي


مشات لبلاصتهاا كلسات كدوز فتصاور لي كترسل ليهاا الفرملية حتى داتها عينيهاا


فيقها بايدوو كينادي باسمهاا بخفووت


هود.:حيااة ...حياة فيقييي مشا لحال

حياة(بصوت ناعس )شحال داباا

هود:العشرة خاصنا نجيبو هوود فازي


ناضت قافزة وقالت:ففف منعستش بليل تالصباح

هود:سي با كغاف بشوية عليك باقة عياانة


وقفات مشات لدوش

بعد مرور 15 يوم بدات كترجع صحتهاا

غسلات ومشطات لبسات حوايجهاا والغالية كتوجد لفطور ولاورا كتعاونهاا اما لبنات كل وحدة مشات لدارها

حياة:مصوناتش اقباال علمتيها راه غنشدو طريق !

الغالية:علمتها ...نمشي معاك

حياة:لا صافيي غنمشي غير انا وهود مغنتعطلوش اتلقاونا واجدين

هبطات هيا وياه كيزربو ركبو فطموبيل لي كرا فهاد الايام توجهو لكلينيك


توجهو لعند طبيب فالاول استقبلهم فلبيرو بابتسامة وقال:كلسوو مرحباا

هود:ميغسي

نطق بلفرنسية مكمل كلامو : انا عرفكم زربانين تاخدو جود ...ولكن ضروري نعطيكم تعليمات لي تمشيو عليهم خصوصا فهاد لعام اللول

حياة:ؤك


_ غيكون عندو كونترول كل شهر فهاد لعام اللول ديالو ...خاص تكون مرااقبة عليه وعلى صحتوو الى شفتو شي تغيرات علييه متلا السخاانة ولا التقية ...كاكا ديالو كيديرها بلون الابيض هنا خاصكم تجيبوه فاسرع وقت ...الى شفتوه كيتعصر ويزرااق ولا كيبكي بزااف ...لمهيم ايي تغير ماموالفش لييه جيبوه ...دونك منهنا كانز جوغ اتجيبوه لييا


حياة:واخة


مشا معاهم لقاو لفرملياات لبسوه من لحوايج لي جابو لييه كانت اول مرة تلقاه فايق كيتحرك عادي بلا خيووط مقراتش تحبس دموعهاا هبطو وهيا كتشووف فعويناتو الزورق كيدورو كيكتاشفو الاضواء

_جود صافي سخيتي بيناا هها دوي البوكووص

حياة(مسحات عينيها )نهزو ؟

_وي مدام خودي ولدك ههه وخة مسخيناش بييه


هزاتو بحدر شديد وهود واقف متأمل اللحظة وساكت باستو فحنكو الرطب وايدها حركات شعروو بشوق ضاماه لقلبها لي كيضرب


ملحق 28/02/2021


خرجاتو من لكلينيك فرحانة بييه كون لقات دخلوو فقلبها وتسد عليه


كيفاش طفل لحيمة قدر يبدل بزااف تاع لحوايج ف حياة الانسانة لي عندها لفلوس اهم شيء والباقي كتعوضو لفلوس


دابا دخل معاها ڤيس الامومة ولات كتخااف ولات عندها راحة طفلها غلا من راحتهاا هي


فرحة الغالية بالحفيد التاني كانت لااا توصف شدو طريق لمكنااس وهيا حااضنااه بغات غير امتا توصل عند خواتاتها وتعيش معاهم فرحتهاا


الغالية:حياة عطيه يرضع ابنتي

حياة:نسييت ههه ..اراايه

عطاتو ليهاا دايرين ليه كي لما لقليل لاورا راكبة لقدام وهود ساايݣ شافت فيه وتبسمات ورجع ليها الابتساامة الداافية ...نطقات بالالمانية وقالت:راني فرحاانة بزااف ملي كنشوفك فرحان كنفرح كتر


هود(حرك راسو. باه مبتاسم تاشوكاتوو بقرارها


لاورا:انا قررت ...قررت ندخل الاسلام

هود(جمع الضحكة بدهشة ) كيفاش ! متأكدة

لاورا:متأكدة مليون فلمية ...هاد كانز جوغ. شفت فيها حوايج زوينين


الغالية(بهمس)اش كيبشلشبش

حياة:هههههه سكتي الشووهة ههه كيهدرو بلالمانية انا براسي كي لبهيمة مكنفهمهاش

الغالية:اش كيتعاودو ؟

حياة:حتى لدار ونسولو شفتو مصدوم

العالية:يكما بغات تزوج


ضحكو اللور ولخرين مزال الحديث خدام بين دهشة وفرحة


***


واقفة فدريسينك كتجمع الشانطة وقالت: هشام غيكون لبرد ولا الصهد !

هشام (من البيت )شهر تلاتا هدا يعني بين وبين متديش حوايج لبرد حتى لتماا بلامتقلي بيهم

هيبة: واش غتجيب سيليا ليوم !

هشام:غيجيبها ادريس معاه فطريق ...

هيبة:خاصني واحد لكريم حتى نخرجو ونجيبو توصلني ؟

هشام:ليوم جاية حياة

هيبة:اه راهم جايين ...


خرجو قصدو داار خلاها ومشا لخدمتو


اقبال:انصاف كلسي نهدر معااك

كلسات قبالتهاا قلبها كيضرب بجههد وقالت:نعام اختي

اقبال: بينك وبين ادريس شي حاجة

وجهها صفار متقدرش تكدب حيت غتفرش كيفاش سولاتها معرفاتش

اقباال(بهدوء )سولتك محطيتش عليك موس ...


انصاف(تلعتمات )مم (سرطات ريقها )ميمشيش بالك بعيد

اقبال:شوفي ...ششفتو لبارح وصلك بطموبيل حتى لهناا ...انصاف راني مناعساش على ودني وعارفة شنو داير بياا ...ماتكدبيي ماتخلعي سولتك جاوبيني على قد السؤال


انصاف(حركات راسها بااه تحرجااات ولات حمرة)اه ...قاليا نديرو خطبة فصيف

اقبال:وعلاش مزال مجاش !

انصاف:انا لي مبغيتش ...بغيت تالصيف هدا مكان


اقبال:نتي بااغة !

انصاف:شرطت عليه زواج ورا الباك او وافق

اقباال:بقات لك تلت شهور تكملي 18 ...نتي بغاه ؟

انصاف(حركات راسها باه )

اقباال:قوليه .. يجيب دراهم ويجي فهاد الايام

انصاف:علااش (بصدمة )

اقباال: باش بلاما تبقاي تخبااي وطلعي لسطح تهدري ...بغاك جيو من لباب غير هدرة والخطبة لكبيرة فالصيف ان شاء الله (ناضت ) هيبة جات



خلاتها كالسة مزنكة قطرة مافيهاا قلبها كيضرب بجهد دخلات هيبة كتهدر دخلو لكوزينة يوجدو لاستقبال حياة فدار


جات غيثة حتى هياا متدني ماتحني فشوشها هلكهم فصحة وزادها لحمل كتر


غيثة:كاين لبانان اهيبة

هيبة:اش بغيتيه

غيثة:ديري ليا لبان كيك بلبنان حميمتك كيعجبني وديري فيه الشكلاط


هيبة:كاين الشكلاط ا اقبال !

اقبال:داك لي بغات هيا مكااينش

انصاف:انمشي نجيبوو شكلاط حبيباات

غيثة:قوليه تاع كوكيز


خرجات بسورفيت لحانوت ودايراها سبة ...خرجات من لعمارات لقاتو واقف مشات عندو كتمرش خايفة من ظلهاا


إدريس؛نهار دايزو لكلام ملي انصاف بغات تشوفني

انصاف:اقبال شافتني راكبة معاك

ادريس(تلغات ضحكتو )وايلي مقاليا شهيد والو

انصاف:مفراسووش

ادريس:ياك قلت ليك خليني نهدر معاهاا نتي راسك قاسح ا انصااف معرفتش مالك واش الى تخطبنا دابا غنعضك ؟شنو الفرق


انصاف:قالت لياا يجي هاد الاياام نهدرو و الخطبة حتى لعطلة


ادريس: مزياانة ... نهدر مع هشام ونقوليك امتا نجيو

انصاف :واخة ...انا مشيت

ادريس:ماتمشييش


هبطات كضحك مشات بجري دات الشكلااط لقاتهم مجموعين


اقبال:امتا غادية !

هيبة: السيمانة جاية ورا العطلة حنا غنمشيو تنين هكاك ...حياة مبغاتش دير سبووع

اقبال: دبيحة راه دبحو نهار السابع ...لعراضة وداكشي لاا بغات حتى يكبر ولدها شوية ويشد صحتو

هيبة:احسن حاجة...غيثة هاك لبان كيك


كلسات حداهن فلكوزينة وقالت: ديني معاك

هيبة:نديرك فجيبي ههه

غيثة:نهار جابر دكر السفر نهار حملت ماشي لعكووس

هيبة:ماشي مشكيل حتى تولدي وسيري براحتك


غيثة:غندير شاور بيبي هناا السيمانة جاية

هيبة:ديريه قبل منسافر

غيثة:صافي انبدا نوجد لييه لقيت لي غتصايب ليااا ديكور واحد لباج واعرة

هيبة:غيضربوك تاضووري حنا نصايبو ليك

غيثة:نو بغيت داكشي يكون بروفيسيونييل اختااي ...نتوما جيبو ليا غير لكادوياات


اقبال:هنينونا من لهدرة وقادو داك الصالون شوية ويدخلوو ...انصاف اسماعيل فااق عطيه لحليب ديالو


***


كالس فلقهوة حتى كلس حداه هشاام وقال:اش تماا

دريس: ساعة باش عيطت لييك

هشام: مسالي ليك اناا ! ...كنت فدار

دريس:امتا مسافر

هشام:ندوز لعطلة مع سيليا ونمشي ان شاء الله

دريس؛ممم مزيان غتكلسو فاوطيل

هشام:سي ريزيرفيت هدشي سولو ليا فدار اش بغيتي

ادريس:هههه بغيتك فعمل قبل متسافر ....تمشي معايا نخطبو

هشام:هداك هوا نهار الكبير شكون ؟

ادريس:انصاف نسيبتك

هشام:دريس واش طانز على لوقت ! لبنت مزال صغيرة ...دويتي فيها ومبغاتش


ادريس:اللخرة خليها علياا هضرت معاها او وافقات ...بالنسبة لصغيرة راه غي خطبة حالياا مزال مكاين زواج ...بينما نيت جمعت رااسي وكملت دار فلفرااش وباقي ليا لكريدي فلماطريال تاع لكابيني ...


هشام:شحال فعمرها!

ادريس:قول 18 غتكملها فشهر 6 انا كنت باغي تالشهر 6 ونديرو خطبة ولكن من الاحسن باش نبقاو مزيانين مع نسابك ...نمشيو نداكرو معاهم ونتبتو الامور منهنا لصيف نديرو خطبة رسمية اش بان ليك


هشام(حك دقنو )لي بان ليك اموولاي لكنتي باغي والبنت باغة نتوكلو على الله ...هدر مع لواليدة ولواليد

ادريس:ها لهدرة لخرية نديه يجمع لياا مع لعيالات

هشام:دريس هداك بااك وبحال هاد لمجمع الى مكانش حاضر هيا والوو

ادريس:باا ! نعل لي ميحشم ...جاتني خباارو غير حشمت نمشيي نحرق لمو ديك دار بلي فيها

هشام:لخبار كاع وصلااتناا ولحمار تاع مروان بنفسو مشا معااه داباا سلك ...دغيا يقنع ويفرتك جقلة



ادريس(دمو كيتحرق )ديك دار لي دمرات فيها مي تطيحات صحتها ...دخل لييهاا وحدة ولكن انا بغييتها تسوسو تخليه شروييطة


هشام:اعطي لواليدة غير التيقار يتزوج بلي بغاا ويسكنها فلي بغاا رزقو هداك ومروان حسابو معايا هوا اللخر غير نرجع من السفر منلقاهش لا هوا لا مرتو فديك الدار ...وهداك راه باك واجب يمشي معاك ل خطبة

دريس:قولها ليه نتا انا والله منفسوو

هشام:فف امتا ناوي

دريس:ليوم غيكونو مشطونين مع حياة ...انهدر مع شهيد وندير معاه غدا بليل مزيانة !

هشام؛واا عليه ...هاني مشييت


***


على تزغريتة من غيثة حتى خنزر فيها جابر حيت فزنقة حدا لعمارة دارت راسها مشافتووش وبدات كضحك


غيثة:ياااا عمرييي حبيب طاطاه يختي ياختيي شوفي شحال زوييين

اقبال:على سلامتكم يكما عيا فطريق

حياة:كيفيق يرضع وينعس (عطاتو ليها بحدر )

اقبال(حضناتو )ما شاء الله ماشاء الله ....الله احفضوو ويزيد فصحيحتو


هيبة:وينووو كبيدة شحال صغيور

الغالية:وطلعو لداار بعدا طلعوو


شهيد:هود صافا رجلك ؟

هود:وي وي صافاا نحس بيها مزياان

شهيد(ضربو لكتفوو )سوبيغ ...ياله نطلعو

طلعو لدار الغالية فين مجموعين لبناات استقبلوهم بفرحة وزيادة فرد جديد ولعائلة غادية وكتكبر ولي جااي اكتر


اقبال:دخليه لبيت ينعس مرتاح

حياة:داكشي لي غادي نديرر (بفرحة )شوفيي كيف نااعس

اقبال(باست ايديه )كبيدة


اسماعيل:نننن انن مامااا

حياة :غابلاتي نتا نشدك نبغجك بووساااان

اسماعيل:ماماا

اقبال:دخلي لبيت لكبير

حياة:نهرف على الغالية هههه

اقبال:مزيان ترتاحي فيه نتي وراجلك ولبخوش


حلات لبيت فايحة منو ريحة العود ولفراش نقي ...كان سرير صغير فلكري وفيه مجورة لتحت ملاقي مع سرير لكبير مكتوبة فلمخدة ج بلزرق

حياة:زوييين ههه نتيي لي جبتيه

اقبال:بصحتوو حطيه ينعس لفراش مغسول ومشمش

حياة(حطاتو بلطف وقداتو على جنبو كيف قاليها طبيب ...الرضيع ميتحطش على ضهرو بتااتا حيت ممكن يتعرض لاختنااق لقدر الله ديما لبيبي يتحط على جنبو )


اقبال(تلمسات شعرو رطب او لخصلات البيضة عاطياه جماال خااص )بقاي ديري ليه شي طاݣية لبغيتي تخرجييه ...باش ميجيبش ليك العيين

حياة:ضروري لحية موجودة ...شوفي كي تيضحك

اقبال:خلييه ينعس غير نتيي اضربيه بعينيك بقاي تسمي الله الموصيبة ههه


خرجو لصالون مخلينو ناعس مرة مرة وحدة فلبنات تمشي طل علييه


شهيد:با جابر نتمشاو تالجاامع

هود(تقاد فلكلسة ونطق بلفرنسية )على دكر الجامع ...ما ميغ بغات تسلم

شهيد:سي فغيي

جابر:اش قاال

غيثة :مو بغات تسلم

هود:هه باغدون جابر مزال معرفش كلمات بزاف عربياا

جابر:خود راحتك ههه


الغالية :بياااان لاوراا بياان

حياة:هادي خباار زويينة

شهيد:تمشي معاناا تهدر مع لفقيه ديال جامع

هود:ؤك (هدر مع مو بلالمانية )خاصك تمشي معانا لجامع


لاورا (بابتسامة )ويي ويي

شهيد:ميي ابخي خاصك تلبسيي

الغالية:عطا الله متلبس ...لاوراا اجيي معاياا اجي



ناضت تابعااهاا بفرحة دوشات او هيبة تكلفاات وشرحات ليها كيفاش توضىء بالاستعانة بفيديو وخلاتهاا وخرجات والغالية موجدة ليها قفطان خيطاتو خصيصاا ليها ملي عرفاتها غتجي فسبوع عطاتها بلغة اوفولار بيض ...خرجات لبسات ملابس تحتية ولبسات القفطان لي جاها عريض مخزاني او بلغة والشال رماتو عليها مخلية شعرها كيبان من لقدام من بعدما نشفااتوو


خرجات برفقة رجال ومعاهم هود حتى هواا توجهو لمسجد لقريب ليهم بعد صلاة الضهر دخلات لاورا وقلبها كيضرب وريحة لمسك ضاربة فنيووفهاا ..حسات بالسكينة والفرحة انتابهات لهوود لي تبسم ليها بلطف

وقف جنبهاا مدرعها بايدو والفقيه امامها كيشرح ليه وكيرجع يشرح ليها بلالمانية

_رددي معي...أشهد ان لا اله الا الله

لاورا (بلسان معكل )اشهد ان لا اله الا الله

_واشهد ان محمد رسول الله

لاورا:واشهد ان مهمدا رسول الله

_مبروك عليك الاسلام يا اختااه اللهم تبتهاا واجعل الاسلام نورا عليهاا وعلى ذريتهاا ...


الكل:اميين


خرجو على براا حضن لاوراا بحب ونطق : فرحان بيك وبياا

لاورا(حضناتو كدالك)توحشت عنااقك اولدي ...روحيي روحي

""


**حياة:مامشيتي حتى سلمتي ليهو **دية الغالية


غيثة(كضحك)بيااان بيااان هههه

الغالية:ضرييفة مسكينة وسخيية

هيبة:ههههه كلشي على سخيية

الغالية:انصااف مالك ابنتيي غا سااكتة

انصاف:هاا لا والوو

اقبال: غدا جايين ضيااف

هيبة(بابتساامة عريضة ) ضياف عزاز اختييي

الغالية:ادوي شكون


هربات انصااف والبنات تفركعو بالضحك من غير غيثة مزال كتسنا يهدرو

اقبال: دريس وعائلتو جايين غدا على وديت انصاف

الغالية:ياك مبغاتش

هيبة:اوى راه بغات يكما ناوية تشديها حداك ...خليها تكون مرت لوسي ليجيب شي وحدة تحررها فيا كتر من مرت مروان لي غير هازة كرشهاا وتلوح ليا فلمعاني


الغالية(تربط ليها لسان)باقة صغيرة او

غيثة:صغيرة؟ ملي زوجتيني انا مصغيراش

الغالية:حق مولانا ومتسكتي نتيي تنوض نتفك


اقبال: هدر معاها او وافقات كيفما قالت بغات غير خطبة ومنها تشد لباك يديرو لعرس

العالية:واش نقوليك الى بغاتو منزيدها غير لخيير ...امتا جااين

اقبال:غداا ان شاء الله

هيبة:فراسكم بلاان ... الحاج دار لمرا فااس

الغالية(شهقات)اويلييي ياله خمسطاش ليوم باش قاليهم نتزوج

حياة:شداتو النعرة ! ويليي

هيبة:والله هدشي لي قال واحد صاحب هشام ليه قالييه باك تزوج وجابها تكون عندها غير شي كدا وتلاتيين


حياة: شيخك باغي طروفة خليه دابا يقنع بقات فيا غير مرتو متستااهلش


هيبة:يمكن جااو ...غيثة نوضي حليي

غيثة:مفيااش نوضي نتي لي خفيفة انا تقلت ههه

شافت فيها اقبال محمرة فيهاا تقالت:انا نايضة غي ضحكت هههه


حلات علييهم ودخلوو


لاورا:هياة علمني العربية ههه دغيا علمتي هود

هود :لهلا يوريك كيفاش علماتها لياا منصحكش بييها هههه

حياة: شفتي بعدا هههه

هود (بلعربية )شهيد...هاد لازون مزياانة بغيت نشوف شي اباغطومون زوينة وبحال هكا


شهيد:بغيتي تولي جارناا مرحباا ...تكريها

هود:كيفاش تكريها ؟

شرحها ليه بلفرونسي وقال:نو نو نشريها

شهيد؛وخة نشوف لييك ..موجودين ديور مزيانين


جابر:انا نيت باغي نشوف شي محال وسط لمدينة

اقبال:علاش !

جابر:غنبقا نحط فييه داكشي لي نخدم

شهيد:ااه فهمتك ...اتححط فيه داكشي طالع !

جابر:ايه داكشي لي قلت

شهيد:والصراحة اتكون مزياانة

جابر:دوز ولادة غيثة ونشوف

غيثة:العطلة غندير بيبي شاور


جابر(كمش عينو )بيبي اش

غيثية:لبيبي شاااور

جابر:غير بقااي تعجبي بدااكشي لي فكرشك وتبعي ليا لانسطاا وروين لي داروها ديريها

غيثة(قلبات عينيها)بصحتيي بغيت نفرح برااسي

جابر:طلبي غير لفكاك على خير

غيثة:نتا غير متفقسنيش وصافي

هيبة(بهمس كضحك )شوف ليك لبرهوشة قلت غتخااف

اقبال:عطاها ربي الجهد راه خفيفة الحمد لله واخة لفشوش كتعطيه قتلة

هيبة:الله افكها على خير



دخلات حياة هود لبيت يرتااح وحضنها بايدو ساد الباب وقال:عقلتي هناا


حياة:منسااش

قبل شفايفهاا بلهفة خانق فيها النفس وقال:شحال نصبر ؟

حياة(كتقبل فشفايفو وتبعد كتجنن فيه ) ان موا

هود(بتدمر )نوو سي تخوو وكانز جوغ لي راحت

حياة:فالاصل ربعين يوم ديال النفاس

هود: نصبر ما بلوند


قضاوهاا قبلاات ولمساات فحضن بعض حتى فااق جود وناضو هزاتو بلمهلل عطاتو صدرها كيرضع

هود:عطيني التاانية حتى اناا

حياة:ههه غنعطي لمك لعيين خلي لولد يرضع

هود:شوو كي يشوف فياا ..ملااك اش تشووف هااه(باس ايديه )

حياة(داعبات لحيتو )عرفك باباه كايشوف فييك

هود:بيان سيغ يعرفني .. مون فيس


*****

وصلات العشية جا هشام خدا هيبة ومعاه سيلياا


سيليا:كنت بغيت نشوف جود اطاطا

هيبة:تالغدا احبيبتيي وتشوفيه خليتو ناعس

هشام:صحتو مزيانة دابا

هيبة:مزياانة احبيبيي الحمد لله

هشام(ربت على رجلهاا بلطف )بيك شي حاجة !! من لبارح جيتيني ماهياش

هيبة (تنهدات محركة راسها بلا )لا والو غير لعياا شوية ...او لعيا ديال ليغيݣل بداني وصافي

هشام: واخة الزيين


هيبة:وقف ليا حدا لفاغماصي ...ناخد غير شي حاجة

حرك راسو باه او وقف طلب منها يمشي لكن بغات هيا تمشي خلاها على خاطرها مراقبهاا حتى دخلات لصيدلية وخرجات...تبسمات ليه وكمل طريق بلا ميسولها حيت عرف شنو خداات ...هاد لحالة ديما كتجيها ملي كيبداوها اعراض الدورة الشهرية

بحالها بحال اي محروومة ملي كتسما شهر كلو حتى كيبداو الاعراض يلغييو املهاا


*الله افرح كل محرومة يارب ف هده الشهور المبااركة *


هشام: اش كيقولو خوتاتك على لخطبة

هيبة(تبسمات )مقالو والو ...يكفي هيا باغاه الله يكمل بلخير

هشام:اميين يارب الله يتاويهم لخير

هيبة:امين احبيبي...مبلوكي الزاج ؟ حلوو تخنقت شوية

هشام:سيليا كتبقا طل بلوكيتوو (حلو عليها وحيدات الشال شوية وقف جنب طريق )هيبة !

هيبة:ودني كيصفرو ...طاح لي الطونسيون يمكن ...غير كمل لدار

هشام:متاكدة

هيبة:ممم راني بخير


فعلا كمل لداار دخلات بدلات عليهاا وغسلات وجهها كلات تميرات عاد ولات شوية لباس وطارت ضبابة على عينيها مشات لصالون فين كانو كالسين فزربية كيلعب مع بنتو وهيا مستفة حداه عرام تاع نونوسات

سيليا؛طاطاا طاطا كلسي هناا نجيب ليك كافي !

هيبة:ههه نن جيبي ليي جيس

سيليا:فخيز او أڤوكا ؟

هشام:أفوݣا ب ليفخوي سيك (غمزها كيضحك )

هيبة:خهههه وخة


كالسين مقابلين مع بعضياتهم كيضحكو وكيلعبو برجليهم وسيليا كتعطيهم فلكيسان خاويين



خلاو اسماعيل كيلعب مع شهيد خدات ليها دوش خفيف تريح رااسها بييه وخرجاات لعندهم لقاتو مزال كيتكور فوق لفرااش ويتبجعط

شهيد:واش هاد خيناا مكينعسش كي بنادم


اقبال:نعاسوو حااار

شهيد؛وحقي يضييع داباا

اقبال:حقك كلاه لفاار

ناض وقف وراهاا زيرها عندوو وقال:نبقا تابع لفار حتى نوصل لداك لغاار (حط ايدو فمنطقتها من فوق لبينوار حتى قفزات بالضحك كتنتر منوو


اقبال:ولاا هههه شهييد صاافي

اسماعيل:هءهء ماما ماماا

شهيد:خلعتي لولد ...غير ليبغا يترومنسا معااك الشوهة


ناضت كضحك هزاتو كيبكي وكيشوف ف شهيد


شهيد:نعسييه نسهرو فشي فيلم ليوم

اقبال:وخة شدو نلبس بعدا


شهيد:اجي اباباا (مد ليه ايدوو والاخير تخش فموو كيتبربص مبغاهش )لهلااا ولد مك


حطاتو حداهاا كيبكيي بغاها تهزو ...عيا معاه شهيد حتى لبسات كسوية خفيفة ونشفات شعرهاا خشاتو معاها فلفرااش وطفاو الضو حاضناه...دور عليها شهيد ايدوو من خصرها تبسمات ودورات وجهها لعنو باستو


شهيد(بهمس )نعس !

اقبال(داعبات لحيتو ورجعات كطبطب لاسماعيل ) مزاال

شهيد: ولدتيه باش يفقصني

اقبال:هههه سكت حشوما عليك

اسماعيل(لاح السكاتة كيلعب برجلوو )باباااا باا ماا بفف

شهيد:بلعااانيي ...بلعاني كيديرهاا

اقبال:نعس بنهار بزااف

شهيد(شعل لفيوز )حطيه فبلاصتو يلعب ...

حطاتو فسرير ديالو شبعان منبعدما بدلات ليه عطاتو مجموعة من اللعاب الصوتية مخليااه كيلعب

هوما شعلو التلفازة مرة مرة حتى هوا يوقف ويلصق عينيه مع الفيلم ويشهق ويشير بصبعو لتلفازة


شهيد(حاضن اقبال فحضنو وعينيه فاسماعيل )نعس اصااحبيي نعس

اقبال:خلي عليك لولد اشهيد ههه


لفيلم تسالا وهوا باقيي كيتشعبط فوقهم مرة عند مو مرة عند بااه ...ناض هزو كيراري بييه حتى كيقول نعس وي لقااه حال عينيه فظلام


داز وقت حتى رخا ايديه وتنفس ديالو انتااظم ...داه لبلاصتوو وحطوو غطاه داعب شعرو بلطف ومشا لجيهة لڤيوز شعلو بشو خافت حتى كيتصدم بلالة اقبال نااعسة وحالة فمها شوية


شهيد:منسمح ليكم لا دنيا لا اخرة على هاد النشرة لي نشرتووني


تكا حداهاا ياله عطاها بظهر بغا يطفي لفيوز حتى عنقاتوو كضحك خلعاتو وقالت:هههه متبكييش

شهيد:بنت لهم نتي هههه عند بالي نعستيي

اقبال:واللهيلا نعست فقت ملي حطيتيه ههه

شهيد (داز لفمها نيشاان )خليني نشبع منك راه ولا عندي شرييك


***

في صباح ليوم لمواليي فاقت فحضنو حاسة بوجعيات خفاف فبطنها لتحت ...تنهدات بيأس من جديد وبقات لمدة فحضنوو محاملاش تنووض بعد فترة ناضت كتلبس فبينوار باستو فحنكو بلطف مخلياه ناعس ليوم مخدامش


مشات لدوش خدات بيبي ديالها حطاتها جنب حدا التيست لي جابت لبارح


دوشات بلخف وقفات حدا لفابوو قلبها كيرجف مع انها متأكدة من نتجيتو السلبية لي مرافقاها طيلة هاد الشهور لي مرو


دارت لعينة فالتيست بانت الشرطة لحمرة وقلبها غيسكت من بعد مبقا بان ليها والو مطولاتش الشوفة فيه دغيا تغرغرو. عينيها ورمات التيست ...زمات شفايفهاا ودغيا طاحو دمووع مسرسبين على خدهاا



يمكن يقولو بليي هيا زربانة على لولااد مالها فحالتها ...ولكن تاحد ميحس بيها غير لي مجرب حرهاا..

انك تسناا 30 يوم باش فاللخر تصدم اصعب حاجة وترجع تجمع املك ل 30 يوم اخرى وترجع طيح فالصدمة هنا كيبدا لخوف وقدما تزادو شعور قدماا كان الشعور اسوء يمكن مع لوقت كيبرد لواحد شوية وكيتقبل الفكرة لكن فالاول صعييب تقبليهاا وخة تعياي تقااومي


مسحات وجهها من دموع والشهقة غالبة عليهاا ...غسلات وجهها بلما بارد على الله يبرد خاطرهاا وقلبها شوية ...خرجات كتجر فنيوفهاا لي حمر وعينيها كدالك دغيا حمارو وبان فيهم لبكا...دخلات لبيت نيشان لدريسينك


كان متبعها بعينيه ملي دخلات ...تنهد بهمس وهوا كيشوفيهاا دايزة ساكتة ...فقلبو مكرهش فعلا تكون حاملة تفرح هيا وتحيد لوساويس انها مغتقدرش تحمل من جديد ...هوا بدورو محتاج يكون اب من جديد ولكن لاا قدرة الا لله سبحانه


وقف لبس عليه وتوجه لعندها هيا لي عيات تحبسهم لكن كيتسااقطو على حناكها بصمت وتمسحهم تحسات بايديه داعبو كتاافهاا وطبع قبلة فعنقهاا

هشام:صباح الخير


حركات راسها باه مبغاهش يشوفها كتبكيي وقالت:صباح لخير

دورها عندو وهيا مهربة وجهها تعياات وشدو ليهاا ...اول مدار طبع جوج قبلات على شفارها لفازكين خلا شفايفها يترعدو وشهقتها تخرج


هشام:اشنو قلناا ؟

هيبة:مكرهتش هء ولكن مقدرتش (مسحات دموعهاا ) فيها خير

هشام :نسااي هاد لموضوع باش ترتااحي ...

هيبة(باتساامة باهتة )مزيان لي غتجيني هاد السيمانة باش نسافرو مرتااحين

هشام (مسح دمعتها )وغنشوفو احسن طبيب تما راني واعدتك ...نتي مابيك والوو جيست خاصك ترتاحي وتخوي راسك


هيبة(بتفاؤل )على الله ياربي (بابتسامة )نمشي نقاد لفطور ...تمشي دوش

هشام:وخة الى مقديتيش نخرج ونصايبو

هيبة:غير نتلف بيه نصلي ونمشي


لبسات حوايج الصلاة توجهات لخالقنا جميعاا صلااة ودعات وقلبها كيتقطع


مشات لكوزينة دارت لما يطيب وبدات كتوجد ف فطور ...مرة مرة ينغزها لوجع وتسووط مشات دارت لما طاايب فيه القرفة وخلاتو يرتااح وهيا كتوجد لفطور


هزات لكااس ياله بغات تشرب قفزها هشام خارج من دووش غير بلفوطة هاز فايدو تيست لي لقاه طايح


هشام:اش كديري ؟

هيبة:شدني لوجع بغيت نشرب شوية القرفة

هشام:حبسي دااكشي

هيبة:علاش !

هشام:الى كان بوزيتيف شحال من شرطة كتكون


هيبة(حطات لكاس كتوشف فتيست )جوج ...علاش ؟

حط التيست حداها وهبطات عينيها ليه بانت ليها شرطة حمرة والتانية خفيفة عليها بشوي


بقات شحاال كتشوف فييه وعقاها راافض يفرح نطقات كترعد:يمكن غير خط التبخر

هشام:عمرو طلع ليك بحال هكا

شافت فيه وحركات رااسهاا بلا كتحك فجبهتها :عفااك اهشاام بلا متفرحني على والو

هشام:نمشيو لطبيبة ! لبسي داباا ياله نمشيو

هيبة:لاا لا بلااش اهشاام

هشام:هيبة معاك كندوي ...نصلي نلقااك لبستي ...(هز داك لكاس خواه فلفابو وطفا على لما جرها من ايدها )ياله شنو خاسرين نتأكدو


معرفاتش كيفاش لبساات ولا هوا عرف كيفاش صلاا صلاتوو هبطو سيلياا بلبيجامة ناعسة عطاها ل حاجة كملات نعاسهاا خرجو لطموبيل سااكتيين او بالاحرى هي فحالة صدمة معرفات تيق ولا لا حدهاا كتدعي وتقول ياارب فرحني وكان دعااء مراافقهاا طول شهورهاا الاخيرة

*داومات على الاستغفاار بكترة

*الالحاح فالدعاء

*دعاء:ياذا الجلال والاكرام أكرمني

كان دعااء ولفو لساانها بكترة مكتقولو فلكوزينة كتشقا وكتردد فيه خارجة كتردد فييه


دخلو لعند طبيبة بحكم ياله العشرة لقات دنيا مزال خاوية كلسو كيتسناو نوبتهم لي سابقاهم سيدة كرشها لفمها ...شد فايدها وتبسمات ليه وقال:انا متفائل ...شوفي حتى لمكان والوو عفاك متقلقييش


حركات راسهاا بواخة حتى عيطو بسميتها نااض مساندها دخلوو بابتسامة لعند طبيبة وقالت:مرحباا هيبة لبااس

هيبة:لبااس الحمد لله

_شنو سبب الزياارة ان شاء الله خير

جبدات التيست مداتو ليها وقالت:درت هدا صبااح شفت شرطة وحدة ابخي راجلي لقاهم جوج شرطات...


_شحال ديال الوقت ...حيت ممكن يكون خط التبخر نتي منتابهتيش لشي خط

هيبة:الصراحة لاا بان ليا خط اللول مشفتش جيهتو مزاال

_بون نتأكدو من ليكوݣغافي حسن ....كيبقا تيسيت ماشي مضبوط تماما


تحولو لغرفة الفحص وهشام فلبيرو كيربت برجلوو بتوتر حتى رجعات وتقاد بلاصتو امضرا

هيبة:معرفتش


جات طبيبة غير شاافتهم وظهرات ابتسامة مشرقة على وجهها وقالت:اونفاان هيبة ...فيليسيطاسيون تي ي اونساانت (نتي حاملة )



تسللات ابتساامة لشفايفوو ونطق :سيغ

_وي سيدي مبروك عليكم (شافت فهيبة )هيبة صافاا


انهارت الاخيرة بلبكاء حتى خلعات هشام او ناض حداهاا شد ايدهاا وقال:واش فرحانة تبكيي كاعية تبكيي ههههه هيبة نعلي الشيطان


بدموع وتنخصيص:الحمد لله هءهءهء الحمد لله


_هههه راه مامزيانش هاد لبكا لبيبي اهيبة اطونسيون ااه هههه خليهاا غير لفرحة هادي (هزات التيليفون )اسية ...جيبي واحد لكاس ديال لما سيلتوبليي


دخلات المساعدة بكاس تاع لماا عطاه ليهاا وقال:حاسة مزييان


حركات راسها بااه مزيرة على ايديه وقالت:مزياان ههه


هشام(تبسم ليها بحب كيضحك )مبرووك صاافي ...ارتاحيتي داباا


عنقاتوو مزيرة علييه وهوا قدامهاا مسح على ضهرها بلطف وقال:مبروك علييك وعليا احبيبتيي مسحي هاد دميعاات مبقيتش بغيت نشوفهم


حركات راسها بااه رجلين لي ينوضو تحشو عليهاا رجع هشام لبلاصتو وضحك ل طبيبة مينكرش فرحتو لكبيرة بهاد لخباار ...حس بحال شي ضبابة كحلة كانت غادية وكتنزل على حياتهم وفرمشة العين طارت


*قولُ الله تعالى (إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ)


هشام:الحمد لله يارب ...قولي لياا ادكتورة كنا موجدين نساافرو لاسومين بخوشين على براا لمغريب


_ممم نن اوموان فهاد لي طخو موان لوالا ايڤيتيو طريق طويلة او السفر حيت فييه فاتييݣ فيه طريق بزااف


هشام:دونك لا

_من الاحسن ...(تبسمات لهيبة )هاد لخباار حسن ليها من السفر اولا اهيبة

هيبة:ههه بزااف ههه

_بوون نبداو تتبع الحمل ديالك ان شاء الله اطونسيوون ديري مدارت حيااة

هيبة:نوو جامي تلقايني كل شهر عندك ههه

_فيليسيطاسيون هيبة ...اسية اتعطيك لكونتخول لماجي ...(كتبات ليها ) هادو دي ڤيتامين ...لاسيد فوليك اتبعييه طخوا موا ...او ليزانالييز شهر لماجي ديريهم وجيبيهم لياا


هيبة:ان شاء الله


خرجو من تما الفرحة غتخرج تجريي من عينيهم بالاخص هيبة مزال مامتيقااش كتشوف فليكوكغافيي مامتيقاش رااسهاا راها حااملة


هيبة:مامتيقااش اهشاام والله

هشام:الحمد لله لي مشربتيش داك لعجب اهيبة


هيبة(قلبها مشا فبلاصتو )الحمد لله مشربتوش

هشام:خليها بعدا غير حتى تهبط وشربي لي بغيتي ...ونتي مزال مهبطاتش كتشربي فداكشي سخوون


هيبة:الحمد لله مشربتووش


حط ايدو على كرشها وهوا ساايݣ وقال:بح ايطالياا ولا

هيبة(ضحكاات )واش فرااسك غيثة وجابر كانو غادين لاسبانيا فصيف ههههه صدقات غتولد فصيف ....حنا بنات لغالية راه برااا مبغاناش براكة علينا غير لبلاد هههه

هشام: سي با كغاف ...ديري شي طخوا موا هكاك سوا نمشيو على برا سوا ندوزو لكونجيي فشي بلاصة احبيبتيي

هيبة:ان شاء الله اكبييدة ...فرحاانة والله

هشام(باس ايدها )وانا فرحان لفرحتك....نمشيو نفطرو !

هيبة:من بعد دوزني لدار عند ماما

هشام:توصليها سخونة

هيبة:ههههه منقدرش نسكت فهاادي الى مفرحو ليا هوما شكون غيفرح لياا ...وخالتي حتى لعشية ملي نكون معاها ونقولها لييها ..ديجا قالت ليا بغات تقدا ميديو لانصاف فلعشية

هشام؛حاولي على رااسك وعلى لبيبي


هيبة:هههه متخاافش نديرو فعيني


داها فطرهاا لي تشهات خاطرها تحلات ليها الشهية ديال عااام تلفرحة جمعاتها فنهار



غيثة بدورهاا كالسة فالصالون كتوجد نهارها حتى هياا شاور بيبي لي غتعرف فييه جنس لبيبي ديالهاا متشوقة ليه يمكن كتر من لوللاادة


كلس حداهاا جابر كيتفرج وقالت:نديروه فسطح تحت دالية غيجي واعر فلعشية اش بان ليك

جابر(شاف جيهتها )شنو !

غيثة: لبيبي شااور ...مبغيتيش تعرف شنو عندي ؟

جابر(داعب حنكهاا )قولي لياا

غيثة:ههه معارفااش بحالي بحالك غنعرف ملي نديرو لحفلة

جابر:ومالك فهادشي كلو طبيبة تقوليك لي كاين

غيثة:وعفاك بغيت نفرح براسي شوية ...غليتيه فيا اجابر ؟

جابر:تحاجة متغلا علييك اغيثة ولكن تكايسي شوية مزال مصاريف تابعاناا

غيثة:ومغاليش بزااف ...غطلع ب 1500 درهم فيها ديكور ولحلوة ولورد وطباليي

جابر:تلاتين الف اغيثة باش طرطقي نفاخة ؟ واش نتي شوية لبااس


غيثة:جابر حرام علييك بغيتي تنكدها عليا وصافي ...

جابر :واخة عا تلاتين ...اش تااني ؟

غيثة(كدور فعينيها )ونكري قفطان غوب ...وندير مشيطة او ميكاب لمشطة ولميكاب غنديرو فصالون حياة والقفطان غنكريه ب 500 درهم

جابر:هيا ربعين ...نشريه ليك حولي اختي وندبحو ليك وكولي تاتفركعي ...جوج حليواات ملونين وكيكة مزوقة بلورد نفاخات تاع درهم ب تلاتيييين اغيثة !


غيثة(حطات ستيلفو بزعفة ودموع تجمعو فعينيها ) صافي بلااش لي معندو زهر معندو


جابر(ساط النفس بجهد وتكا راسو على لمخدة )والله حتى قهرتيني اغيثة بقوة لمصاريف بدووون فائدة بالله شاور بيبي ولا دجاج ...تابعة لياا لانسطاا وزمر شكون هاد لقمقومة لي دارت هاد لحرام لكحل


غيثة(كتنخصص)كلشي كيديرو هءهءه حنا كنديرو الساابع

جابر:بحال السابع لي دارت اقبال نقشتو وضحكتو وتصوورتوو صاافي فيين بانو ليك شي نفاخاات ؟


غيثة:تدابا صافي سكت مبغيتش هؤهءههء


مص شفايفوو وقال:ودابا علاش كتبكيي

حركات كتافها بماشغلكش وكلسات كدمع تعياات كتشوف فيه وتخنزر


غيثة:ديني عند ماما

جابر:علاش

غيثة(منفخة )بغيت كسكسوو تهوا لااا

جابر:واخة


ناضت البيت تلبس عرات كريشتها كدهنها بزيت اركان باش تبقا رطبة تبسمات ليها كتشوفيها من لمرااية ولات كتباان كريشة مدورة ...تزادت فلوزن وصدر حتى هوا ولا كيباان والمؤخرة باينة مامعيقاش


كتجبد متلبس تحسات بلارض ضارت بييهاا كان واقف كيلبس وعينيه كتمشي ليهاا تشافها شدات فصدرهاا

جابر:غيثة !... غيثة مااك

غيثة:شدتني السخفة


مشا لعندها سندها عليه وكلسهاا...حطات راسها على لمخدة كلشي كيدور بيها وقلبها كيضرب ....بدات كتبكيي وقالت:نتاا لي كتعصبنيي هءهءهءهن كدير ليا هكا ديماا هءهءهء


جابر:شش صاافي سكتي من لبكاا ...وسكتي انصرفق مك سكتي


غيثة:هءهءه مغنولدش كل عام حرام علييك خليني ندير لبيبي شااور كي بغييت هءهءه

جابر:امري لله معااك انبقا تاابعك تنولي لايح حوايجي فزنااقي


حطات ايدو على كرشها ودغياا تبسم ونطق :كيتحرك ههه


غيثة:كتعصب ماماه

تحنا باس كرشهاا بلطف موزع قبلات عليها حتى كتعوج من قريص لحيتوو وضحكات:كتقرصنيي ههه جابر


جابر:محنتي هاد جابر

غيثة(بغنج قرصاتو فحناكو )اوى بغيتي لولااد

جابر:سريي سري ....نوضي مبقيتيش باغة كسكسو

غيثة:غير تفوتني السخفة شوية ...عطيني شي بووسة ومعاها ربعين الف ريال

تحنا بااسهاا وقال:شلاا فلوس اتخرج مع ديك ربعين الف

غيثة: تصيدتيي ادكالي

جابر(مكمل تقبيلو وهياا مندامجة معااه جاراه عندها ) غير خليها على الله


هبطات ايدهاا حلات لييه لقميجة وقالت :ندوشو بجوج ؟

جابر:هالكلام زوين لي كيعجبني

ضحكات كتحلون علييه وتحرك ايدها باغراء علييه مخليااه كيف لمجنون فوقهاا



دقاان فلباب ناضت اقبال تحل بحكم مجموعين لفوق ...لقات هيبة فايديها كرطونة صغيرة

اقبال(باستهاا ) بخير

هيبة:ههه لباااس هههه

اقبال(تبسمات )الله اخليك ديما ضااحكة

حياة :هاي هاي النور كيضرب منك هههه اش تماا

هيبة:كاين هود

اقبال:لا خرج مع شهيد كيقلب على دار

لاورا:صافااا هيبة !

هيبة:وييي صااافا ههه

الغالية:وتي لاقية ريال ابنتي هههه فرحينا معاك

حطات لكرطونة وسط الطبلة دارت فيديو وانصاف كتشوف وضحك


هيبة:بيلو حليييه

اقبال:يا باسم الله


حلات لكرطونة ولقات فيها تيست فيه جوج شرطات ...يمكن الفرحة لي حساات بيها كتر من لفرحة فاش حملات هي


شافت فيهاا بصدمة والضحكة تخلطات عليهاا :هيبة حاااملة ! واش حااملة


هيبة(حركات راسها بااه ولعينين مدمعين )هء اااه ههه


حياة(طيرات التيست وغوتات بلفرحة )حاااملة

الغالية(حطات ايدها على صدرهاا ركابي طاحو ليهاا ) اللحمد لله ياربي

عنقوها البنااات ولاورا غير كتشووف


لاورا:هااملة ! كواا

انصاف(بفرحة )اونساانت

لاورا:سيفغييي ....فيليسيطاسيون ماااشيغيي اوووو سي مينيون غاليااا (بلفرنسية)عندك بزاااف تلاحفاد


هيبة:هههه قالت ليك ولاو عندك بزاف تالاحفاد

الغالية(ناضت عنقات هيبة بفرحة كبييرة )حمدتك ياربي وشكرتك على نعمة البناات الحنانات ...تنا بغيت ربي ينقص من عمري ويزيد ليكم فلعمر حتى تشوفو ولاد ولادكم (بدموع )ربي جزاني بييكم واانا كنت معفرة على النعة الساعة ربي كبيير


هيبو(بدموع) : واصاافي اماما علاش كتبكييني داباا

حياة(مسحات دموعها )وبراكة من تهرنين هههه خاصناا نشطووو

انصاف:مبرووك اختيي الله اايجيبو على خير

هيبة:امين ياربي ...دعيو معاياا ربي يتبتو ونفرحو بييه

اقبال(عنقاتها من جديد )ان شااء الله


مشات انصاف حلات الباب. لقات قدامها غيثة وقالت:مجمووعين بلا بياا الغدر هداا...اش وااقع


انصاف:ههه هيبة حاملة


خرجو عينيها بفرحة وقالت:حلفييي (عنقاتها )مبروووك اختيي ههههه ...انصاف عقبة ليك هههه

انصاف:اويلي ههه سيري فحالك ...الله افككم على خير

غيثة:والله حتى نزغرت لولولولولولووي

هيبة:عرفتي مامتيقاش

حياة(ضحكات )حالة رجليها ليل ونهار ومامتيقاش ههنهه


اقبال:الله امسخك

هيبة:اوى وجدتوو لخطبة !

الغالية:ياله غندخل. لكوزينة

غيثة:وكسكسوو لي بغييت اماما !

الغالية:هاني نايضة نديرو ليك سكتينا شوية

هيبة:اوى هاني مشييت الحاجة بغاتني نتقدا معاها شي حاجة لانصااف

الاخيرة حشماات وتزنكاات وضربات الطم


اقبال:ماتجهديش على راسك

هيب :كوني هاني نتلقاو مع تلاتاا هههه

غيثة:انصاف شنو غتلبسي

انصاف؛همم والوو بيجامتي واصلا منخرجش عندهم

حياة:جاين يخطبوني اناا

انصاف:لا لا عفااك متعيطوش علياا راه مانجيش مغنقدرش

حياة:كيغاديري ملي يتسد لباب

انصاف : كيفاش (طلعات معاهاا ) جود فااق يمكن

مشات كطير خلاتهم كيضحكوو وتزادتهم فرحة على فرحة


خرجات هيبة طركو الحاجة علموها فطموبييل بلحمل فرحاات حتى مقداتت ترضي وتعاود علييهم ...تبعهم دريس بلفرحة لي تهوا عرف لخباار بارك لهيبة بفرحة وقال:دابا وليت عميمو تاانيي ههه


هشام:وجد راسك تكون بابا اشريف

دريس:زربتي علياا هنههه اخويا انا مزال صغير من هنا لواحد خمس سنين ونفكر فلموضوع هههه


هشام:فعلا لولاد حتى تدݣ لوتاد


دريس:فعلا

مشاو كيتقداو وبقاو هوما بجوج فطموبيل كيتحتتو



الفرحة طغات فدار الغالية من شفاء جود لحمل هيبة و دابا الخطوبة او نقولو الرشيم حيت غير جايين يهضرو و يذااكرو بيناتهم..... اخر العنقود و العزبة لي بقات عند الغالية جا نصيبها حتى هي....


فالكوزينة الغالية كاتقلب اللحم فالطنجرة و غيثة جالسة حداها فالطبلة كتاكل كسكسو...

الغالية (شافت فإقبال) : هاديك الپسطيلة ماندخلوها لفران حتى يجيو باش تكال سخوونة

إقبال : صافي غاتبقى غيثة تقابلها

غيثة : انا غاانمشي نگلس حدا راجلي اختي عيطو لإنصاف تقابل ياك مغادخلش عندهم

اقبال (خنزرات فيها) : وااااش منيتك

غيثة (ضحكات) : ههههه غير ضاحكة اصاحبتي ويلي


الغالية : ايوا الله يعميها ليك


حياة (دخلات كاتشمشم) : ريحة المروزية هادي

الغالية : ايييه رقدت لحم لبارح فالعطرية مااشفتوهش


حياة : مااشفناشاي " وصلها ميساج" هادي هيبة قالت ليا راه خرجو من الدار


ناضو حيدو لبيجامات و لبسو قماايص مجاتش يستقبلوهم بالپيجامة...... خرجات الغالية من البيت كاتقاد زيفها وهي تسمع الصونيط، مشات باش تحل لقات جابر سبقها


جابر (حل لباب لقى هشام و هيبة هما اللولين) : سي هشاااام

هشام : اهلا جابر

بداو كاايتسالمو عند الباب و الغالية دخلات معاها نزهة لصالون عاد لحقو عليهم الدراري كان تما هود و شهيد و جابر مجمووعين و معاهم هشام و دابا تزاد ادريس النسيب اللخر... العائلة غادية و كااتكبر


دخلو بالورد و الشكلاط و الكادوات لإنصاف ، هزوهم غيثة و حياة دايرين بيهم السبة مني هزو عينيهم فالحاج لي كان محلق على الحالة لابس قاميجة و سروال و محسن اللحية و داير جيل لدوك جوج زغبات لي عندو فوق راااسو..... هزو لكادوات داوهم لبيت لي جالسة فيه انصاف وجهها صفر غااتموت بالخلعة....

حياة(كاتموت بالضحك) : ههههههه ميمتي على شيخ عندك نتي هيبة

انصاف (باستغراب) : علاش مالو

غيثة (شادة كرشها و كاضحك) : هههههه غانولد بلا وقت هههه السيد باااغي يصغار بزز لابس ليك السروال و محسن اللحية

حياة : وجهو ولا كي ط ***ن الهجالة

طرقطووووو كاملين بالضحك على هضووور حياة لي مكاايسااليوش

ملاك : ههههههه كاتسالي معايا نتي


ملاك جابها شهيد ماقدراتش دوز انصاف نهار مهم بحال هذا بلا بيها بحكم انها صديقتها الوحيدة....شبعو ضحك و نميمة فالحاج عاد بقششو دوك الكادوات ماعطلوهمش و انصاف شادة غير الورد و كاتشوف فيهم بابتسامة..... برا جالسين مجمعيين فمواضيع مختلفة حتى رجعو حياة و غيثة وهي تغمزهم الغالية و ناضت باش يتبعووها يحطو الغدا.....

تغداو فجو عائلي كايتبادلو أطراف الحديث و مع جمعو الطبلة نطق الحاج....


الحاج : ايوا اسياادنا غاكم غاعفين علاش جينا اليوم...

نزهة (بابتسامة) : بغينا نتناسبو معاك الالة لغالية لثاااني مرة

الغالية : مرحبا الالة نزهة مااانلقاو ماحسن منكم

ادريس(زربان) : نقراو لفاااتحة؟ ؟

هشام : ههههه خلينا نهضرو بعدا

ادريس : اش غانهضرو ياك حنا قابلين نقراو لفاتحة


شهيد : مني انصاف قااابلة "هز يديه" باسم الله

الحاج (قاطعهم) : فيناهي عغوستنا ماشناهاشاي


ادريس (وشوش لهشام) : كون غير حزق و مادواش... انا لي عريس حشمت نسول عليه

هشام : سكتنا اصااحبي

جابر (بجدية) : انصاف كاتحشم الحاج مغاديش تجي غير باسم الله

قراو الفاتحة و بداو كاايذاكرو فامور الزواااج حتى نطق ادريس مخاطب الغالية....

إدريس : خالتي ممكن نهضر مع انصاف على انفراد

الغالية(ناضت وقفات) : ايييه اوليدي زييد


وقف دريس وتوجه لبيت صغير لقا انصاف واقفة فلكولواار حشماااانة طالقة شعرهاا ولابسة قفطان خفيف بلا حزام مشابكة ايدها لقدام بحرج ...تبسمات ليه ملي شاافتو ...الاخير فلتات لييه التبسيمة حتى غرقها فحوايجها بلحشمة


انصاف:حم لبااس

دريس:شحاال تسنييتك مطليتيش

انصاف:مقدرتش والله

دريس:سي با كغاف ...نهدر معاك غير اناا

تبسمات ليه بعيون برااقة عامرة برائة وحشمة وقال:نبقاو واقفين فلكولوار

انصاف:نكلسو فلبيت ؟

حرك راسو باه وتبعهاا


كلساات وكلس حداهاا من بعدما رد لباب

دريس: بخاطرك انصاف ؟

انصاف(هزات عينيها فيه وحركات راسها بااه )مم

هز ايدو تلمس شعرها ورجعو ليها ورا ودنهاا وقال: شروطك هما هماا ههه متنازليش زعمة وتنقصي شي عاام

ضحكات وقالت:الباك هوا البااك

دريس:ولكن العقد ايكون قبل ...انا كنسافر بزااف ديجا كتعرفي هدشي كل ويكاند كيعجبني نخرج برا مكنااس ...حتى نتي بغيتك تخرجي معاياا


انصاف(ميلات راسها )ايكون خير

دريس:كل خير ان شاء الله

هزات عينيها مبتاسمة فوجهو لي عمرها طولات فيه الشوفة كتر من لقياس وقالت:ان شاء الله

دريس (داعب نيفها بصبعوو مبتاسم ليها )

تخلق بيناتهم انجدااب لطيف خلاه ينسا راسوو ويقبل شفايفهاا ملي سهات فيه

قبلة سطحية لامست قلوبهم بلطف ...ناضت طافجة بحالا ضربها الضو هربات خلاتو على وضعيتوو كيدوز لسانو على شفايفوو


دريس:بوستها شحال حلواا



هي راه هربات لبيت لاخور كتولول وقلبها غيسكت بلخلعة كتفكر لباب لي كان محلول وكيفاش زعم وبااسهاا عضات على فمها تقفزاتها ملاك وشدات على قلبها


انصاف:خلعتيني

ملاك:اويلي مالك هههه اش وقع (بهمس )بااسك احح ياك يااك

انصاف:سكتيي الله امسخك

ملاك(عضات على فمها )لبوسة زويينة ياك احح بغيت نجرب اختي مع حب قلبي

انصاف:ملاااك سكتيي


ضحكات علييهاا

في حين دريس مشاا كلس والقبلة بقات فعقلو مكرهش كون كملها ما ان لامس شفايفهاا حس بعاماين ادوز طويلة اش جاب ميساليها


هدرو وتاافقوو وفرقوو المجمع والعائلات كل واحد كيداكر بووحدوو


طلعات هيبة لدار بدلات حوايجها بشوميز دو نوي ومشات كلسات على رجلين هشام داعب كرشهاا وقال: مكيضرك والو ؟

هيبة(حطات ايدها على ايدو )شوية شي نغيزات ...ولكن الطبيبة قالت عاادي غير كيشد بلاصتوو

هشام؛نقصي شوية من درووج والحركة بزااف

هيبة:واخة

هشام:تشهاات لالة حبي شي حاجة ؟

هيبة:هههه لا احبيبيي عييت بغيت غير نعس


دقان فلباب وصوت سيليا كيعيط باباا

هشام:نعاام ابابا

سيليا:نقدر نعس معاكم فلاشوومبغ اباباا

هيبة:نمشي نلبس علياا قوليها تجي

هشام:واخة...دخلي سيلياا


دخلات هازة فايدها ميني ماوس ديالهاا ولابسة بيجامتها تاع نعاس

لبسات هيبة بيجامة حريرية تاع نعاس ومشاا عندها سيلياا وقالت:طاطاتي جمعي لياا شعري ظفييرة

كلساتها على لفراش مشطاتو ليهاا ودارت ليها ظفيرة ..دهنات معاها لكرييم ليديهاا

ومشات تخشات لوسط فلفراش جا حداهاا هشاام نعسات على ايدوو وحداهاا هيبة

هشام:سيلياا ...تبغي يكون عندك خوك ولا ختك

سيليا:ويي باباا بغيييت نسميه اناا ؟

هيبة:شنو تسمييه

سيلياا:سميه اليااس ؟

هشام (داعب شعرهاا )نن بنتيي إلياس مشاا لجنة كيتسنانا تماا (شاف ف هيبة )هوا ويوسف

سيليا شكون يوسف ابابا

هيبة:واحد لبيبي صغييور مشا يونس اليااس ونتي خاص لي يونسك هناا فداار

سيليا:يسسس صافي نسمييه أيوب

هشام:ممم زوينة

سيليا:ويي باباا ايوب كيقرا معاياا عينيه خضرين بحال طاطا حيااة وطاطا الغالية او طاطا انصااف باباا واش عميمو غيتزوج بطاطا انصااف ؟

هشام(ضحك )وي ان شاء الله

سيليا:ههه سووبييغ ...عزيزة علياا طاطا انصاف كتعطيني شكلاط هيا وعمي ملي كنخرجو بتلاتاا


خرجو عينيهم فبعضيااتهم كيضحكو وقالت هيبة:امتاا ههه

سيليا:واحد نهاار ...مشينا كليناا لاݣلاص وطاطا انصااف ظريفة


هشام:ايييه هههه من ورا ظهرناا هدشي

سيليا:دابا امتاا اتجيبو ليا خوياا

هشام(ضحك )نديرو عليك لكموند منهنا تسع شهور ابنتي هههه

سيليا:انا بغيت بنت باش تنعس حداياا ...واش نقدر نديها معاياا عند ماما ؟

هشام:نن هادي غتبقا هنا صاافي

سيليا:وعلاش هيا تبقا وانا لاا حتى انا بغيت نبقاا معاها ديما ...وتجي حتى ماما تسكن معاناا

هشام(شاف فهيبة سكتات غير كتسمع )ابنتي مشا الحال خاصك تنعسيي

سيليا:داكووغ (ناضت باست هيبة وتبسمات ليها )بونوي طاطا

هيبة : بونوي حبيبتي


تخشات فهشام من بعدما باستو وعنقاتو كيحك ليها فشعرها وشاف ف هيبة وقال:عقل صغر

هيبة:مع لوقت اتفهم مزال صغيرة



دازت ايام قليلة فيها غيثة كتوجد لبيبي شاور ديالهاا وكتوصي وتعاود فليكادوو ...ليوم لموعود مع الربعة تاع العشية سطح كان تفرش وتقاد بلورد ولبالونات فلزرق او لغوز مكتوبة فطابلو girl or boy


بزاف تاع الديكورات ...بوفيت عاامر حلاوي وقراعي تاع لماا او لعواصر طبالي فجنااب عارضين على العائلة القريببة وطبيلة حطاتها خاصة بلكاديو لي صغيرة ...اما لحلوة لكبيرة كانت مغطية فيها جنس الجنين مع الاسم ...غيتفصح عليها مليي طرطق نفاخة الكبيرة لي لوسط تاع لبوفيت فلكحل


واقفة بماكيااج هادئ بشعر بووكليي مربوع الطوول ب قفطان فلابيض دايرة السمطة وبااينة كرشها كيووت لماسق لفوق ديددجي خدام


دخلات مينة بلقفطان مأنتكة ومقادة مع ملااك بقفطان فلبيج وشعورات مطلووقة ...كدالك سيلياا والحاجة وبنتهاا وردة لي جات فلعطلة مع وليداتهاا كلشي جايب لي كادو لي عباارة عن استقبال لبيبي كريمات او كل ماا يخص الام والبيبي كل واحد وجهدوو وكل واحد شنوو جااب وحط فطبيلة

كدالك شادية لي جات دوز عطلة الربييع وتسناتها تالاخخر لحظة باش تحضر حتى هياا ..لاورا لي كدور بلقفطاان وتلقط كليمات بلعربيية والبنات لي وحدة تنسيك فلخرى شطيح وردييح


واقفة فبيتهاا كتقاد فلحلقات وجابر كيلبس فلقاميجة


جابر:غيثة


عينيها فلمرااية وقالت:نعاام ...بب اجي سد لياا هاد روينة مبغات (شافتو دوز من فوقها سنسلة دهبية فيها دونتيف لوسطاني على شكل غزالة صغيرة تاع دهب ..ابتسامتهاا عرااضة )جاابر (هزات شعرهاا ولبسها ليهاا وختمها بقبلة على عنقهاا )هههه زويينة احبيبي شكراا


دارت عندو وعنقاتتوو بجهد

جابر:بصحتك الغزالة

غيثة(بابتساامة )كنبغيك الدكاليي

جابر(ضحك )ديما ولا غير ملي كندير ليك خاطرك

غيثة:هههه ديماا والله ...كتبغيني

جابر(مسح ليها لعكر شوية )هادي فيها نقاش ؟

غيثة(باستو )لاا ههه ...كبيدة

جابر:اش كاين تاني

غيثة:ملي نبغي نعرف لبيبيي اطلع يااك ...اتاخد معايا تصااور (برجاء )عفاااك اخر مرة نطلبك

جابر:ندخل وسط لعيالات واش شوية. لبااس

غيثة:عفااك مبغيتيش تعرف شنو عندناا ؟ عفاك احبيبي (برجاء)عفاااك

جابر: تء مشكيلة معااك

غيثة(قلبات شفايفها)عفااك

جابر:واخة تاوكان

غيثة:لهلا يخطيك ازماني ....هادي دهب ؟

جابر:لاا نحااس

غيثة:هههههه كلشي زوين منك

جابر:ديري فولارك حتى طلعي لسطح غيكونو رجال فدار


***

خرجات كتجر فجلايلهاا والضحكة مبهجة ملامحها الجميلة مزادها الحمل غير جمال ...لقات الغالية بقفطانها واقفة على الطياابة لي كطيب فلحم بلبرقوق وديسير فطبااسل مشكلين


غيثة:ماما شنو جبتي ليا فلكاادو ؟

الغالية(كتقاد فشالها)جبت ليك حمار عرج اوى لكادو تاتولدي

غيثة:اويلي اماما كلشي جاب لكادو تاليك اصاحبتي

الغالية: وتاتولدي ...ها لكادو لحم ولبرقوق او دجاج او ديسير


غيثة:وعقلي لبنات جايبة ليهم دهب وانا مجبتي ليا والو


هيبة :ماماا ...خالتي نزهة كتسول عليك لفوق

غيثة:هيبة اش جبتي لياا

هيبة:اختي قلتي غلفو لكادويات غلفناهم حتى تحليهم ...وتكايسي من التنقاز شوية راك حاملة تبتي

الغالية:تبات هوا لي خاصنا نجيبو ليها كادوو

غيثة: عقلو



مشات لقات اقبال وحياة فالصالون شادة ولدها كترضع فييه

تصونا تيليفونها وجاوبات:وصلتيي ؟ اه طلعيي طلعي بلاتي نطل علييك


مشات طلاات بانت ليها بنت فنفس عمرها محجبة بملامح خمرية هازة فايديها لكادو هزات عينيها لفووق وتبسمات لغيثة

غيثة:ليلى طلعييي لباب لكحل


حياة:شكون هاد ليلى

غيثة:صاحبتي وكتقرا معاياا

اقبال:كنعرفوها

غيثة:الا هادي اول عام ليها فمكنااس هيا اصلها من فااس


مشات لدروج كتستقبل فيهاا بابتساامة وقالت:تعطلتي اصااحبتي

ليلى:بسيف بابا خلاني نجي(بابتسامة )جيتي زوينة

غيثة::هههههه حتى نتيي تيتزة ولكن معندك زهر مكاين حتى شي تيتيز بلا زواج ههههههه

ليلى:ابصحتك بيهم


غيثة:ياله نطلعوو هنا فدار غيكونو غير رجال خوتاتي لفوق غير لعيالات


طلعو كلهم الفوق حياة لصقات جود ف هود فداار مرة مرة كتهبط ترضعو وطل علييه ...اما اقبال مكلسات مشاافتو مع ولدهاا باغي هادي وباغي هادي وكيتنتر لورد ولحلوة ويتجبد كتعيا كتهبطو ل شهيد كيعيا كيسيفطو ليهاا


نزلات انصاف فدروج حتى جراتها ايد لدار لوسطاانية شهقاات مخلووعة حتى لقات ادريس وبدات كترجف


:انصاف:ااش اش كدير هناا واش حمااقيتيي خلعتيني (كدور عينيها فدار خاوية عاد فيها الاصلاحات وريحة صباغة


دريس:لتحت عامر وطلعت لحمام لفووق ...حتى شفت الزين بلقفطاان غوج


انصاف:غنمشيي كيتسنااونيي هبطت نعيط على جابر

حاصرها جنب لحييط وقال:فين غتمشيي ...انا متسلميش علياا


انصاف:سلمت ملي جيتيي

ادريس: خطيبك تسلمي عليه من ايدوو ؟

انصاف:ادريس غيشوفنا شي حد والله حتى حشوومة

ادريس:نبوسك وسيري

انصاف(خرجو عينيها) لااا لااا عفااك خليني نمشي

ادريس:والل متمشيي ...بوسة زوينة وسيري

انصاف (قلبها غيخرج من بلاصتووو )دريس را ..


استوطن ثغرها قبل متكمل كلاامهاا ...بقبلة حركات انوثتهاا ...حط ايدو على عنقهاا وجرها عندو حاولات دفعوو شوية لكن مص شفايفهاا بجهد حتى حسات بيه غيطيرهم

انصاف(كلها كترجف نطقات بين لقبلة)عفاك صاافي

رجع بقبلة اخرى حركات مشااعرهاا بدغدغات دافئة فجسمها احساس جديد اول مرة تجربوو...عجبهاا وفنفس لوقت خايفة منوو ...قبلة من شخص قريب من القلب


***


تيليفونو كيصوني وجود فحضنوو ...

هود:جابر شد شوية

جابر:باسم الله

مدو ليه ونااض من حداهم


هود:الو

كان الحوار بالفرنسية

_الوو ...هود ***

هود:ويي سي موا

الو:معاك شريك ميد عمك

دخل لبيت هارب من صدااع :ويي مسمعتكش مزياان

الو:قلت ليك معاك شريك ميد عمك

هود؛شنو بغيتي !

_بغيت نعلمك بلي ميد توفى ليوم ب سكتة قلبية ...كنعرفك غير نتا فعائلتوو


هود(بصدمة )ماات !

_مع الاسف هدشي لي كايين ...معرفوش دابا واش يتدفن ف فرنسا ولا تجيي تكمل الاجراءات ويتدفن فبلاادو حيت هدا طلب ميد ...خلاا لييك براا وقبل ميموت قالياا تاصلو بهود يديني لبلادي


كلس بصدمة على سداري وعينيه عمرو بدمووع مسحهم وقال:مدفنووهش ...غنجيي فاول طياارة سيلتووبلي

_داكوغ هود


يتبع...


التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.