تنهدات و هزات راسها بالشوية كتشوف فيه ..! جالس بنفس التيشورط و السروال د قبيلة ..محطوطين عندو فوق البيرو شي ملفات كيكتب فيهم ببرود بحال لي ما واقفينش قداموو .. مخليهم كيتقلاو فنار مهيلة ..!
خصوصا أسية لي رجليها فاشلين عليها .. شادة فشريفة بيد كترجف و كتبكي فسكات .. قلبها كيضرب بالجهد و شنافتها كترجف ..! حتى غلبات عليها البكية و طلقاتها بالجهد تا تسمعات فالمكتب كامل و كاع لي تما ضارو كيشوفوو فيها ..! بقات فيهم حيث مخلوعة بالجهد و باينة فيها من ملامحها و صوتها الرقيوق بلي باقى صغيرة ...! الدم ما بغاش يبرد فيها واخا عيات تعنق فيها شريفة و تسكتها ..!
أما حكيم سمع البكية و بهدوء دوز يديه على راسوو كيتنهد و رجع حطها فوق البيرو كيطقطق بصبعانوو ..!
هز قرعة دالما فتحها و هز راسوو كيشرب منها و يسرح فحلقوو .. حجبانوو معقودين شوية و عينيه باقيين مزيرين بالاعصاب ..!
حرك حاجبوو بثقالة كيشوف فيهم بالواحد و عينيه كيقلبوو على كريمة و البنت لي كتبكي ..! كمل الصف اللول و داز كيشوف فالصف الثاني .. حتى لمحها واقفة بالجلابة و الشعر قصير كترمش فعينيها .. دايرة فيه ابتسامة صفرة بزز كتبان ..! قدامها أسية كتشهق و تبكي و ترجع تقطع فراسها التنخصيصة ..! و كريمة حداهم بزز واقفة على رجليها حانية راسها ما هزاتوش فيه نهائيا ..!
بؤبؤ عينيه توسع بنظرة ما عرفاتش فين تصرفها ..! يديه حبسوو من الحركة و القرعة حطها ببرود فوق البيرو .. كيرمش بعينيه ببطئ .. ضور راسوو للجنب كيدوز على عنقوو من لوور و رجع شاف فيهم بثلاثة واخا مخبعين ما باغيينش يبانوو ليه ..!
ضرب فالبيرو بكف يديه و وقف تا تدفع الكرسي اللور .. بحركة غير متوقعة بحال يلا قرصاتوو شي نحلة و قفز ..! داز قدامهم بحال البرق ما شافش فيهم حتى الشوفة ..! فتح الباب و بصوت قوي عيط ..!
حكيم: عبد الحق ( شير بعينيه ) هبط مهم للتحت حتى يرطاب لهم الراس و نساليلهم عاد طلعهم نضايفهم عندي ..!
دخلوو جوج د الضباط خرجوهم من جديد .. قدام حكيم لي حاط يديه على جنبوو و متكي على الحيط مكروازي رجليه جاي بحال شي بزناز بداك الوقفة و التكلظيمة ..! تا دازو قداموو داك الثلاثي العجيب و ببروود مد يديه شد شريفة من مرفقها و جرها من وسطهم
شريفة:( ردات برفض قاطع كتنثر لوو من يديه و كتغوت باغى توصل لها ) أسسسية لا أسسسية ..! ( شافت فيه بترجي ) ما تخليهومش يديوها هي ما عليها والوو .. تبقى معايا و لا نهبطوو بجوج ..!
قلب وجهوو شاف فأسية و حالتها و رجع شيرلهم بيديه يطلقوها هي و كريمة لي ضربات الطم داخل معاها الصح ..!
حكيم: زيدو لهنا ..! ( قربوو منوو بخوف .. خصوصا أسية لي غير حط يديه على كتفها غوتات ) شششش مالنا ؟ ( حرك حاجبوو بثقالة ) سيري لداك البيرو دقي عليه و دخلي جلسي معاه .. قولوو حكيم سيفطني نبقى حداك تا يجي مورايا
أسية:( بتردد ردات كتشهق ) و شريفة ..!
حكيم:( شاف فيها و رد بزعفة ) يالاه أ بابا طلقينا من البكى ما عندناش النهار كامل ( ضحك باستهزاء ) سيري عند عموو ابراهيم يعطيك طوفيطة .. زيدي قبالتي هانا حاضيك و نتوما ( لشريفة و كريمة ) دخلوو للداخل هانا راجع لديلمكم ..!
حركات شريفة راسها و دخلات بلا ما يعاود هضرتوو مرة اخرى .. المهم عندها أسية تكون بخير و ما يوقع لها والوو .. أما هي عارفة نهارها ما غيطلعش فيه الشمش و كحلاتها من جميع النواحي ..!
بتوثر كتمشي و تجي مخيطة داك المكتب بسير و أجي حتى بلاصة ما سايعاها عكس كريمة لي جلسات كترتاح ساكتة .. وجهها صفر باينة فيها مخلوعة غير من الطم لي ضربات ...!
شريفة:( بنرفزة قالت ) يالاه فين هو هاذ عبد العالي ديالك يفكنا ..؟ ( دوزات يديها على شعرها كتجمعوو و ترجع تطلقوو ) خرينا و جلسنا فوقوو .. تفوو تفوو تفوو
كريمة: راه كاعد مع الفوج الثاني مgدمينهم عند الشاف ..!
شريفة: و مزاااال زايدة فيه ..!
شافت فيها باغى تغززها و رجعات سكتات فاش تزدح الباب د البيرو بالجهد و دخل حكيم هاز سمطة فيديه لاحها فوق البيرو و باستهزاء قال
حكيم: وليتوو دايرين ليا ريا و سكينة هنا ..! مزياااان مزياااان ( تحنى لعند كريمة حاط يد على الكرسي و الثانية على البيرو محاصرها ) دابا برد عليك لحمك ما بقيتيش سخفانة ؟ صافي غير نكملوو منين حبسنا ..؟
شريفة:( مصات شنافتها و قالت بخوف مزيرة على بين رجليها ) حكيم ..!
حكيم:( ضار عندها بنص وجهوو ) زربانة على كرك ؟ ها نوبتك جايا لا زربة على صلاح .. انا ما بقى عندي شغال من غيركم هاذ الساعة ..!
بعد من على كريمة و مشى للسمطة لواها شوية على يدو و شحطها مع مراتوو تا نقزات و ببرود قال
حكيم: الهضرة بالعقل و هضرنا .. الغوات و غوتنا .. العصا و عصينا .. الحريق و حرقنا ..! ما غتوبيش ياك ؟ واخا نقطع لحمك طراف قدامك و نوكلولك ما غترجعيش على هاذ الطريق لي ماشية فيها ..؟
كريمة:( ردات بصوت مرعوب و باين على وجهها العيى ديال بصح .. مخلطة عليها من كل جهة و طريق ..! ) يانا
حكيم:( قاطعها مشيرلها لباب ) خرجي من هنا قبل ما نقتل مك نتي و ديكشي لي فكرشك ( خرج عينيه ) سيري تتقوووودي ..!
وقفات كتفتف ما قاداها فرحة عكس شريفة لي حاضية السمطة لي ملوية على يديه و كتبلع فريقها ..! عرفاتوو جابها على ودها هي ماشي كريمة .. تغرغرو عينيها بالدموع قبل حتى ما يضور لعندها .. حانية راسها ساكتة تا هزاتوو بصدمة من الجملة لي قال
حكيم:( قبل ما تزيد من حداه قال ) سيري راكي مطلقة و حرام ديني يلا رديتك ليا مراة ( حرك عينيه ) وقفي دابا حدا عبد الحق على ما نكمل مع الزعيمة ديالكم ( شاف فشريفة و خنزر ) يتكتب المحضر و غنعيط لباك يجي موراك
بقات كريمة غير كتشوف فيه بلا ما ترمش ما متيقاش شنوو قال ..! حتى كتجي تهضر و كترجع تسكت .. الحروف هربولها ما بقات تفرق بين الألف و الزرواطة ..! حتى مشى لعندها بيديه جرها بكل برود فتح لباب و خرجها مجلسها فواحد الصف دالكراسة مقابل مع مكتبوو .. غمز عبد الحق و قال
حكيم: تكلف معاك ..! ( رجع لعند شريفة .. طرق عليهم الباب بجوج و بهدووء قال كيشوف فرجليها ) حيدي داك الصندالة و تسرحي فالأرض .. ما نبغي لا صداع لا غوات .. يالاه ..!
شريفة:( ردات مخلوعة مكمشة رجليها ) علاش ؟( غلباتها البكية ) خليني غير نشرحلك بعدا راه ختك ملاك هي و كريمة لي زعموني أنا
سكتات كتطلع النفس بالزربة و الدموع بداو كيقطرو من عينيها تخلعات ديال بصح ..! و تا هو فاش شافها فداك الحالة ما قربش منها .. تكى على البيرو رجل مهزوزة و الثانية فالأرض كيضرب فيديه بالسمطة ببرود ..!
حكيم: هانا كنتسناك .. يالاه كملي نسمع ..!
شريفة:( مسحات حناكها بيدين كيرجفوو و ردات بصوت دلوع ) و ما غتضربنيش ؟ ( شافتوو غينوض و هي تحرك يديها بالزربة سرسباتلوو كلشي ..! ) ملاك هي و صاحبتها سحرولي .. هي وراتني تصويرتي مكتوب فيها شي حوايج كيخلعوو عليها داك النهار أنا مشيت احم سكرت
حكيم:( حط السمطة من يديه و ضار على البيرو كيقلب حتى جبد تيليفونوو ) اييه زيدي ..!
شريفة: و فاش قلت لها غنعلمك خافت و جابتني عند ماماك زعما تفكلي ديكشي و وقع لي وقع
حكيم:( حرك راسوو و قال مغذذ ) مزيان هاذشي .. زعما برافوو ما عندي ما نسالكم ..! ( حط صبعوو على فموو بمعنى سكتي ) وي محمد أمين .. راك فالدار ؟ حداك ملاك ..!
محمد أمين:( رد كيشوف فختوو ) ها هي معايا بغيتيها ؟
حكيم: امم ..! غتجي نتا و ياها لعندي للخدمة فاش توصل صوني عليا نسيفطلك عبد الحق يدخلها .. يالاه تهلى ما تعطلش من بعد و نشرحلك ( قطع عليه و رجع شاف فيها ) ها هي غتجي و غنشوفوو هاذ السحور لي رجع كيمشي لكم فالعروق ..!
شريفة:( ردات كتمسكن ) أنا و الله عمري فكرت نمشي لعند شي مشعود .. كريمة و ملاك لي زعموني باش نلقاو الشفار و بقاو عليا بالهضرة حتى ديت كريمة لعند داك الفقيه و يالاه جينا نخرجوو انا و اسية و هما يشدونا .. و الله ما كنكذب عليك هي عرفات مشالي الصاك و ما بقالي حتى حاجة عليها هي و صاحبتها باش نزيرهم و ضحكات عليا بلعاني باش تغرقني
شافت فالسمطة و بلعات ريقها كتحاول تقنعوو بجميع الوسائل الممكنة واخا باينلها فعينيه غير ما كيزيد يتعصب كثر ..!
شريفة: ياك عندك الكاميرات فالبيت ..! رجعلهم و شوف شنوو وقع .. أنا و الله حتى غير مكدمة فهاذشي كامل .. خليني نمشي ا حكيم الله يستر عليك ( رمشات عينيها ببراءة و قالت و هي عاضة على فمها ) ياك أنا نوارة الحدود ديالك
حكيم:( رد باستهزاء كيعيبها ) شتي على هاذ نوارة الحدود غتاكلي و تبقي .. غير تهناي ..!
شريفة:( مصات شنافتها و قالت كتهز فكتافها ) اييوا صافي سلخني دابا قبل ما تجي ختك .. اصلا من شحال هاذي ما درت شي مساج يالاه يخفافوو عليا عظامي غير ما تحملنيش حرام عليك اويلي مالي بنت ست سنين .. خلينا غير نتفاهموو ..!
جالسة قداموو فالمكتب .. جامعة رجليها و حانية راسها ما كتشوفش فيه .. حناكها مزنكين و عينيها يالاه بداو يبردو من البكى و الخلعة لي كانت شاداها ..!
تفتح الباب و دخلات بنت مع الباب مكلظمة و هضرتها مرجلة شوية تزدحات مقابلة معاها فوق الكرسي .. كتشوف فابراهيم ..!
...: باقي ما كملتي أ الساط ؟ ( هزات واحد من الملفات كتقرا فيه و كتهضر ) شكون هاذ
غمزاتوو باتجاه أسية لي غير ما زادت غرقات فبلاصتها حشمانة ..!
ابراهيم:( رد كيتكسل بتعب ) سيفطها حكيم قبيلة حتى يسالي و يرجعلها .. راه غارق دابا تجمعات عليه من كاع الجوايه ..!
...: و لقى بعدا ل ( بلا ما تعيق .. حركات يديها بمعنى الفردي ) تشغلت ما بقيتش عرفتكم شنوو درتوو
ابراهيم: لقيييناهم راهم لتحت تهبطي تشوفيهم يبقاو فيك و لكن يستاهلوو .. المهم هو الأمانة ديالوو رجعات بعدا ..!
....: يستاهلوو و لكن خاصوو يمشي لداك ختوو هي لولة يسلخ لمها اليدين لي مشاو لشي حاجة ماشي ديالهم باش عمرها تفكر تقرب ليه مرة اخرى ( بتعحب ) ما بانلها غير هو زعما ؟ شنوو باغى تصنع بيه ما فهمتش ..!
ابراهيم:( رد بتأييد ) تستاهل العصا الصراحة .. جبداتلوو الصداع من والوو و راك عارفاه كي داير غيهز على ظهرو المسؤولية كاملة و ما عندو ما يقدم فختوو أصلا ..! هو بعدا غيتعاتقوو معاه شوية اما هي واااهلي ..!
....: واش غيديكلاري بيه ؟ و لكن راه لقاه صافي ما كاين لاش ..!
ابراهيم: ضروووري يديكلاري بلي تسرقلوو من الوقت لفلاني للوقت الفلاني .. و يلا كانوو دارو بيه شي كارثة تتسمى فيه هو ؟ ما تعرفي شنوو يخرجلوو من بعد ..!
....: بففف حتى هو ما دار فيها ما يصلاح واش ديكشي كنخليوه محطوط قدام البراهش ( شافت فأسية و رجعات قلبات عينيها بلا مبالاة )
ابراهيم: غتكون شي حاجة ما خلاتلوش العقل باش حطوو و نساه .. هو أكثر واحد كيوصي و يعاود عليه و فلخر طبز لمها العين
....: دابا شنوو غيديرو معاه و كان ؟
ابراهيم: غذا يبان شنوو غيقررو .. و لكن غالبا غيمشي يدخلها حبس باش يتربى على الاهمال ديالوو .. هاذشي ما فيهش اللعب ( هز كاسو دالقهوة جغم منوو و كمل ) يلا تعاملوو معاه راه يوقفوه من الخدمة بلاصة الحبس
....:( وقفات و قالت بعصبية ) لعب الدراري الصغار هو هذا .. نتمناو تشفعلوو هاذ 11 العام د الخدمة بلا حتى غلط و لا مشكل من جهتوو .. يعاقبوه بعدا بشي حاجة بسيطة ..!
ابراهيم: دابا غير يخرج من داك البيرو و يحن الله .. يمكن غيكتب بلي تعرضوو ليه و سرقوه منوو و عقل عليهم و قدرنا نجبدوهم .. و تما غتقواااد على داك الجوج لي كيتبردو لتحت ( جبد شعرو ) وحلة حطاتوو فيها ..! تا هاذ ختوو غير ديال التسرفيق
....: وا كتخاف زعما ما عرفت كي طرا لها .. المهم أنا مع حسام حتى تكمل و خلط علينا .. القضية مخروضة عندو تما
شريفة: خلينا غير نتفاهموو بالعقل راه الأعصاب بزاف ما مزيانينش ( ضحكات ) غتموت صغير أ الصكع ..!
هزات عينيها فيه و بالتدريج بدات كتجمع الضحكة من التخنزيرة لي ضارب فيها .. زاد عقد حجبانوو و قال بعصبية ..!
حكيم: كنشطَّح لك فالقرودة هنا ؟ شنوو لي كيضحك فهاذشي ؟ ( بقات ساكتة كتضور فعينيها ما كتشوفش فيه ) ضحكينا معاك ..!
قرب منها بالخف .. جرها من ذراعها لجهتوو مخرج عينيه فيها .. كيزعف فوسط وجهها تا تكمشات متكية بنصها على البيرو .. كتسمع على وذنيها ..!
حكيم: شنوو كيسحابلك راسك باغا تديري هااا ..!!! ( ضرب فوق البيرو بيديه تا قفزات ) علاياش كتقلبي ؟؟ ما فكرتيش تخرج فيك شي قرطاسة تشتت لمك الدماغ ..!!!
شريفة:( ردات بحزن مكمشة حجبانها ) نتا تعديتي عليا و سبيتيني بلا ما تسمعني ( رمشات عينيها ببطئ ) ساومتيني ننعس معاك و كتهضر معايا بحال بنات الزنقة .. كنت باغى غير نحمقك عليه و تحس باش حسيت فاش دخلتي فيا طول و عرض
حكيم:( عض على فموو مغذذ و بعصبية قال ) بنات دارهم لي مربيين ما كيديروش لي كديريه نتي .. سمعتي ..!!!
شريفة:( ردات بالغوات مخرجة عينيها فيه ) ماااا سوووقكش فيا و مربية حسن منك
هز يديه كيترعد عليها بالأعصاب و جمعها معاها بتسرفيقة للوجه حتى عوجولها و سكتات كتنهج شادة على حنكها و هو مقابل معاها ما كرهش يذ٠بحها و يشرب من د٠مها ..!
حكيم: تعاودي تهزي عليا صووتك وجهك نهرسولك .. يلا عند بالك انا بحال داك الرويجل لي كنتي معاه .. راك غااااالطة غتجمعي معايا كرك و لا غنشمعها لك ا بنت ال*** ..!
شريفة:( سكتات كتفكر و ردات كتسايس معاه ) يكون قلبك سميح و خليني نمشي ( رمشات عينيها و عوجات شفايفها فيه بغنج ) علاش تبدلتي معايا و وليتي هاكا ؟ شفتي أنا و ياك غنتفاهموو مزيان خاصنا غير نطورو علاقتنا الديبلوماسية فجو زوين ( ضورات عينيها فالمكتب ) ماشي فالكوميساريات
حكيم:( هز راسوو للسما كيسوط و بزعفة جرها من وذنيها ) بنتلك كنرضع صبعي ؟؟ برهوش يالاه حطوو الكار ؟ ( لوالها وذنيها و جبدها للفوق حتى تهزات معاه واقفة على صبعانها ..! ) يا بنت ال*** هضرت معاك و ضربتي هضرتي فالحيط و زدتي خلفة باغى تطيري ( هز حاجبوو ) مشيتي بخاطرك ؟ عارفة راسك غادية عند فقيه ؟ ياك ما كذبوش عليك ؟
شريفة:( شداتلوو فيديه و هو كيلوي لها فوذنيها .. تا سخن فيها الد٠م حاسة بيها غتقطع من بلاصتها .. دمعوو عينيها و قالت ) قصحتيني حكييم طلق مني
حكيم:( زاد زير عليها ) جاااااوبي ..!
شريفة: ففف اه كنت عارفة و لكن بغيت غير نوصلها اممم
غمضات عينيها موجعة و حاكمها ما عندها فين تتحرك هو قدامها و البيرو من موراها مزيرها ..!
حكيم:( ضحك بعصبية و قال ) مزياااان هاذ المرة توصليها و المرة الجايا تدخلي و تجربي و هي غادية ياك ؟
شريفة: لا لا و الله ما هكاك .. حكيم انن طلق مني ضريتيني حشوومة عليك ( دلات شنافتها و عينيها مغرغرين بالدموع )
حكيم:( مد يديه هز السمطة من موراها كيقشر فشنايفوو ) بقيتي غير نتي تمشي فداك الطريق و نرجع تابعك من واحد لواحد ( طلق من وذنيها كيلوي السمطة فيديه ) بنت ست سنين ضحكوو عليك ؟ ما عندش أصل مك العقل لي يفكر ؟
شريفة:( وسعات عينيها فيه و بدات كتبكي بالجهد مزيرة بين فخاضها غتديرها فسروالها ) حكييم حكييم لا غير سمعني و الله ما
حكيم: باش المرة الجايا قبل ما تنوي تديري شي قل** تفكري هاذ النهار .. ماركيه عندك ..!
شحطها معاها لجنبها حتى غوتات بالجهههههد حاسة بالضوو ضربها و طلقات البولة فسروالها ..! ما عندهاش حتى كي تدير تهرب من قداموو حنات راسها كتشهق بقهرة ..! هو هايج و هي لحمها غياكل حتى يطيب ..! ما فكاتها غير الباب لي كتتدق بالجهد حيث مطرق عليهم ..! زفر بصوت مسموع و لاح السمطة مخليها مكمشة كتترعد ..!
حكيم:( فتح الباب و خرج عاقد حجبانوو ) شكاااين ؟؟
حسام:( رد باستغراب ) محمد أمين من قبيلة و هو كيعيط عليك فاش ما جاوبتيهش صونا عليا .. راه وصل هو و ملاك سيفطت لهم لي يدخلهم ..!
حسام:( بهدوء و بصوت خافت قال ) واش جبتيها على ود السلاح ؟
حكيم: شنوو وصلها هي لشي سلاح ؟
حسام:( باستغراب ) ياك هي البرهوشة لي هزاتوو ..! ما عندكمش شي وحدة كطير فالدار من غيرها ..؟
حكيم:( حط يديه على كتفوو و باستهزاء قال ) البراهش كثار أ المعلم .. ملاك ما هزاتوش حتى فاش كانت لاسقة مع الأرض بقى غير دابا ..!
حسام: و شكون هزاتوو ؟ سيفط مها تتربى علاش مستر عليها ..!
حكيم:( رد ببرود ..!) دابا تهز و لي عطى الله عطاه كي هي كي غيرها .. أنا لي مني الديفوو ماشي هما ..!
حسام:( سكت كيشوف فملاك بابتسامة .. جايا هي و محمد أمين مع ضابط موصلهم ..! ) الزين ما نشوفوكش ؟ غبرتي عليا حتى وليت نحلم بيك ليالي ..!
ملاك:( عيبات وجهها مخرجة لوو لسانها ) كون تشووف أنا ا حسام كندعي ليل و نهار يلا ما شفتكش غير الله يهزني عندو .. موتي حسن من حياتي ..!
محمد أمين:( ضحك و سلم عليه ) نتوما عمركم تديرو عقلكم ؟ فين أ با حسام غيووب هاذوو ..!
حسام: هههه مع الوقت و صافي ( غمزو ) ا خويا والدين الزين ( دوز لسانوو على فموو ) شنوو نجي نخطب أ لالة ماري .. ياك قابلة بعدا ..! ما تلقايش حسن مني ..!
ملاك: لا ا خويا بغيت نكمل قراااايتي .. هضر مع صاحبك ا حكيم ..!
هزات عينيها مبسمة فحكيم لي ساكت كيسمع لهم تا جات العين فالعين و بهدوء قال
حكيم: تبعيني بغيتك ( حرك راسوو مشيرلها للبيرو ) محمد أمين ها نتا هنا مع كازانوفا ( على حسام ..! ) أنا راجع لعندكم ..!
محمد أمين: أجي بلاتي بعدا
حرك صبعوو بمعنى من بعد .. فتح لباب لملاك دخلات و تبعها ..! خلاها واقفة فنص المكتب كتشوف فشريفة لي عاطياها بالجنب كتشهق فبلاصتها جاتها قهرة و ما بغاتش تسكت نهائيا ..!
عينيها رجعوو بحال الجمر كتطلع الشهقة من قاع قلبها تا كيتسمع تنفسها بالجهد بحال يلا كتلقف ..!
شريفة:( ردات بصوت متقطع ) ب ببب عععد دي بععععدي م مني اهء
حكيم:( جبد الصاك من خزانة صغيرة عندو تما .. فتحوو و كب ديكشي لي فيه الوسط .. كيهضر و عينيه على شريفة ) حيدي من تما ..! جاتك عجوبة ؟ عمرك شفتي شي واحد كيبكي ..؟
هز التصويرة قابلها معاها هي و داك المونيكات و العجب كامل لي وهموو شريفة بلي راه سحور ..! صفار وجه ماري .. شاداها الرعدة من لي جاي .. فهمات و ما فهمات ..!
حكيم: شنوو هاذشي ؟ ( هز حاجبوو و بجدية كمل فاش ما رداتش عليه ) ما غنعاودش هضرتي عشرة الاف مرة ..!
ملاك: أنا ام دابا انا نقولك
حكيم:( جرها من شعرها حتى خرجوو عينيها و رد ) عرفتي و تكذبي حتى نتي .. بالرب تا نعلق مك من وذنيك .. كتسمعي ؟ ( طلقها )
ملاك:( تغرغرو عينيها بالدموع و بصوت باكي ردات ) أنا ما درت والوو أنا نقولك
غمضات عينيها كترعد و مع بدات تهضر تفتح الباب و دخل محمد أمين حتى هو كيسمع .. مستغرب من شريفة لي معاهم تما و صوتها مسموع بالجهد ..!
ملاك: صاحبتي شادية معامن تضاربات شريفة داك النهار فالقهوة .. مصاحبة مع داك الدري الثاني لي كان مع شريفة و هي بغات تخلعها بالسحور باش تبعد منوو و يبقى معاها ..! هي خدات هاذشي و صوباتوو فالدار غير ديال بلعاني و صافي و الله ما فيه شي حاجة .. و رغباتني نهضر أنا مع شريفة و نقولها راه بغات تسحر لك و انا ما خليتهاش و دابا بعدي من المهدي ..!
شافت فيها شريفة كتشهق و ترعد فبلاصتها و فنفس الوقت كتسمعلها .. ما متيقاش بلي سرسباتلوو لي كاين فجوج دقائق .. و من طريقة هضرتها باين فيها ما كتكذبش و كتموت من حكيم بالخوف ما تقدرش تلعبها عليه ..!
حكيم:( سكت كيشوف فيها لمدة و ببرود قال ) هاذشي كامل خرج منك ؟؟ مرضتوو البنت فصحتها على الخوا الخاوي ..!
هز يديه تا غطات وجهها ..! شير لمحمد أمين لي تا هو ما متيقش شنوو دارت ختوو .. سيغطوو فاش بانتلوو التصويرة فوق البيرو ..!
حكيم: عيط على عدنان و خليل يسبقونا للدار عندي ..! ( شهقات ملاك كتبكي مكمشة فالقنت .. تا غوت ) قططططعي حسك حسن لك ..! محمد أمين ديها معاك أنا جاي
حطات يديها على فمها كتشوف فمحمد أمين لي مخنزر فيها تا هو .. كيتحلف بعينيه ..! و بلا ما يهضر زادت قداموو فسكات .. مخليين حكيم مغمض عينيه كيتنفس بالجهد و كيسمع البكى د شريفة لي غير ما كتكسيري كثر و كثر ..!
بهدوء ضار هز قرعة دالما مجنبة فالأرض و مشى نوضها عندو بالشوية .. كيشوف فوجهها كي تطبع بالحمورية د البكى و د يديه ..!
حكيم: على دقة دايرة هاذ الحالة كاملة ؟ ( هز حاجبوو بالشوية ) ظلمتك ؟
حكيم:( حرك راسوو كيمسحلها فوجهها و مدلها القرعة لفمها ) شربي قبل ما تموتي لنا هنا ..! يلا ما جيتيش نتي .. أنا نجي تال عندك غير ارتاحي ..!
شريفة:( حطات يديها على صدرها حاسة بقلبها كيرجف من لداخل .. بزز كطلع النفس ) ب ببب عععد د بععععد م مني اهء
زولات فمها من على القرعة ما باغاش تشرب ..! حاضنة على راسها بيديها و قالبة وجهها من عليه ..! كلها كترعد و تشهق بصوت كيقطع فالقلب .. شاف حتى عيى و جرها لعندو عنقها كيدوز بيديه على شعرها و هي كدفعوو ما باغاهش يقيسها ..!
حكيم:( ضحك كيسمع و يديه كيطبطبوو عليها ) لعبي فينما عجبك و لكن ( طل عليها براسوو ) توصلي لشي حاجة فخدمتي نعلقك من هاذ الشفار لي فرحانة بيهم
دوز صبعوو على شفارها كيمسحهم لها من الدموع و هي شوية بشوية بدات كتتهدن و تسكت بين يديه لي معنقينها بمعزة لي يشوفوو يقول هذا الحنان كيتفرق منوو ..!
شريفة: عمممري نقرب منها ( هزات كتافها ) أصلا انا غنمشي بحالي دابا تشتاقني و ما تلقانيش ( جمعات يديها بونية و ضرباتوو لكرشوو ) العتروس لي حطك ( شد على كرشوو كيطنز عليها ) امم قتلتك ؟ نعيطوو لك على ويويو ؟
حكيم: هههههه
خربقلها فشعرها كيضحك و هي كتضربوو ليديه مخنزرة فيه ..! بغات تبعد و زير عليها تا تكات براسها على صدرو ساكتة و مرة مرة كطلع لها الشهقة .. باقى ما بردات نيشان ..!
خلاها على خاطرها لمدة عاد حط يديه على ذقنها و هزلها راسها لعندو مقابل وجهها معاه ..! و بملامح جدية قال ..!
حكيم: هاذ المرة دوزتها و ما درتلك والوو ( وسعات عينيها فيه بمعنى من نيتك ..! تا هو فهمها و ببرود كمل هضرتوو ) اليوم غير ضحكت معاك .. المرة الجايا غتاكليها مضوبلة .. ها وذني منك ..! ( هز حاجبوو فيها بنظرة مغذذة ) نقطع مك طراف يلا لقيتك تابعة داك الق** لي برا ( على كريمة ) ..!
طلق منها و تحنى هز القرعة دالما فتحها و فزك يديه مزيان و قرب منها كيمسحلها وجهها و بجدية كيهضر
حكيم: كرهيني و لا جلسي ..! هاذشي ما كنضحكش فيه .. كيف مشيتي بخاطرك كيف لا .. داك الطريق ما تقربيش من جهتوو باش نبقاو مزيانين ..!
شريفة:( عطاتوو وجهها كيغسلوو لها و هي كتسمع ساكتة حتى كمل و قالت بصوت فاشل و نيفها مخنوق بالبكى ) ما سوقكش فيا نمشي فينما عجبني نتا بعدا شوف غير ختك شنوو دايرة ..!
حكيم:( رجع فزك يديه و حطها على نيفها ساسلها مناخرها و تحنى كيغسل فصبعانوو و بصوت هادئ قال ) ختي ها نتي غتشوفي شنوو غيوقعلها و الضسارة الخاوية بشحال كتقام ..! ( طلع عينيه فيها بابتسامة لي غير ما كتزيد تفقصها ) تصالحنا دابا ؟
هزات كتفها و دلات شنافتها بحركة غنووجة .. بمعنى لا ..! يالاه جات تهضر كان جرها عندو و تحنى مصلها شنافتها التحتانية كيرضع فيها و رجع باسها بسطحية .. و بعد مخرج لسانوو شوية ..!
حكيم: فمك مالح هه ..!
شريفة:( شافت فيه كترمش بعينيها لي تقالوو بالبكى ..! ما بغاش يتفهم لها هاذ الكائن الفضائي لي قبالتها ..! ) مالح بالخنوونة أ راس الكومة ..! أصلا ديكشي لي تستاهل تذوقوو ( ضرباتوو لصدرو مفقوصة و كملات هضرتها مغزفة ) علاش كتبوسني يا وجه الثومة ؟ شنوو بيني و بينك باش تقرب مني هاااا ؟
حكيم:( هز حاجبوو و قال ) هي باغى تكون بيناتنا شي حاجة ؟
شريفة:( سكتات شحال كتشوف فيه و قالت ) فخبارك كتستافزني هاكا و غتخرج مني شي حاجة ما كتعجبش .. يلا كنت ساكتة لك تال دابا غير باش نفهم فين باغي توصل ؟ و كن أكيد ما بقى والوو و غنفركعوها نيت ..!
حكيم:( سرح يديه و قال ) فركعيها ..!
شريفة: حكيم ..! واش باغي تمرضني بفعايلك ؟ عزيز عليك تشوفني معصبة كنغلي و كندير عكس لي كنقولوو ياك ..؟
حكيم:( تكى على الحيط كيشوف فيها و بكل هدوء رد عليها ) لا ..!
شريفة:( حكات شنايفها مع بعضياتهم و قالت باستهزاء ) لا ؟ و هاذشي لي كتدير فيه من نهار عرفتك شنوو هو ؟
قربات منوو و حطات صبعها على صدرو كتحركوو بالشوية تحت أنظارو .. و بنبرة مستفزة قالت
شريفة: عرفتي نتا شنوو مشكلتك ؟ ( قربات من وذنوو و همساتلوو بكل أنوثة كتنغم فسميتها ) شريفة ..! ( بعدات كترمش فعينيها ) شريفة ممرضاك فحياتك .. نتا شاعلة فيك العافية لداخل من جهتي .. باغي توصل ليا و ما قادرش .. باغي تهضر و تفهم و داك النيف عندك دافع بخ .. ما مخليكش .. داخل فحرب غير مع راسك ...!
جرها عندو تا لسقات عليه ..! حاط يديه على ظهرها مكالي بيها و هي مبعدة وجهها شوية باش تقرا تعابيرو ..!
حكيم:( ركز فعينيها و ببرود قال ) و الله أ النوارة ما كاين شي واحد فينا لي شاعلة فيه العافية قدك ( هز حاجبوو ) دابا من لخر شنوو باغى تعرفي ؟
شريفة: كلشي ..! باغى نعرف كلشي و غندخل فيك طول و عرض كيفما درتي ليا .. غتخلص مزيان على فعايلك غير تسنى ..!
قلبات عينيها كتميق و ترمش بالشوية .. معوجة فمها بغنج و يديها حطاتهم على كتافوو ..!
شريفة: خايف من السحور د الفقيه ؟ ( تبسمات و دوزات يديها على عنقوو ) أنا غنسحرك بعويناتي و رموشي لي فرحانة بيهم ..! غنذوبك أ كبيدة على نار مهييييلة ..! عارفة فضولك محرك من جيهتي و غنزييد نحركوو عمرك تشدني بين يديك ..! غنقلق مجاجك و راحتك كيفما دخلتيلي مع العظام بزز مني ( بابتسامة حلوة حطات يديها على عقلوو ) هنا غنعشش لك ( هبطات يديها لقلبوو ) و هنا غنسكن ..!
فكاتلوو يديه من ظهرها و بعدات كترجع بلوور بحركات غنووجة .. كتبان كيووت خصوصا مع نيفها حمر و حناكها مزنكين ..! عينيها مزيرين تنفخوو و صغاروو فيهم خطوط حومر وسطهم ..!
شريفة: ما كنتش باغاك فحياتي و لكن دابا غتدخل بزز منك .. بغيتي و لا كرهتي .. غنربيك على كاع لي درتيه و غتشوف العيالات علاش قادات ..! مشيتي غاااالط يلا سحابلك أنا نعجة من دوك النعاجي لي كتعرف لا أ حبيبة أنا لالاهم شريفة و هذا رهان بيناتنا طال الزمان و لا قصار ( غمزاتوو )
حكيم:( سهى فيها و فطريقة هضرتها .. عجباتوو بصراحتها و ضحكاتوو فنفس الوقت .. قرب منها حتى هو و قال ) و أنا قبلت ب رهانك أراي ما عندك ..! ( شاف فالساعة و قال ) غنكمل شغالي هنا و نجي نخرجك .. جلسي بعقلك ..!
شريفة:( ميقات فيه و قالت هازة حاجبها ) و ما غتكتبليش محضر أ الشاف ؟ و نهز لوحة و يصوروني بحال أخطر المجرمين ؟
شريفة:( حركات يديها بحال فردي و قالت ) غنسرق قلبك أ حبيبة و نتا حال عويناتك كتشوف فيا و فرحان و موراها غنزطم عليه حتى نهرسوو لك ..!
حكيم: متأكدة ؟
شريفة:( هزات راسها بثقة ) مليار فالمية و الوقت يحكم بيناتنا ( ببرود ) غير نتا وريني كي غادي تدير تملك نوارة الحدود ليك بوحدك بلا ما تخلص روحك عليها ..! و كي غادي تدير تهرس وحدة ديجا مهرسة خمسالاف مرة .. ما كتربيش الكبدة على ولاد الق** ..!
شاف فيها مطولا و بجدية رد ..!
حكيم: ما تغلاش عليك ( قصد روحوو ) .. يلا كنتي كتستاهلي ..! و يلا مهرسة نجبروك حاشا واش نبغي نهرسك و نكمل عليك ..!
شريفة: أنا كنستاهل و لكن نتا لي واش كتستاهل ؟ ما كنظنش الصراحة ..! بحالك بحالهم ( قلبات وجهها ) مشيت غالطة فيك فلول ..!
حكيم:( تنهد بقوة و قال ) عرفتي شنوو يجيك مليح ؟ جلسي دابا نطرقوو هاذ المسمار بيناتنا ( شيرلها للكرسي و بنبرة صوت مغذذة قال ) علاش هربتي من داركم ؟
شريفة: يلا باغي تهضر .. هضر نتا لول .. ماشي نخرج حلقي معاك فلخر تلوحلي جوج كلمات و تزيد .. تقول كتخلص على الهضرة ..!
سكت حتى قالت ما غيقول حتى كلمة لكن فالأخير نحنح و بدا كيهضر و هو عاقد حجبانوو ..!
حكيم: قيدي عندك هاذ الهضرة .. آخر مرة غنعاود نفكر فهاذشي ..! ما كنبغيش كثرة اللغى على والوو ( قلب عينيه كيسرح فحلقوو ) المهم نسالييو هاذشي هنا ..!
شريفة:( جلسات فالكرسي لي عطاها ) دابا غير هضر من الفهامة الخاوية ..! ( سكتات شوية و رجعات قالت ) سولتيني علاش هربت ؟ أنا دابا لي غنسولك علاش ما جاوبتينيش من مور ما عيطتلك داك الليلة ؟ اوك كنتي مشغول ..! و لكن غيوصلك الخبار من بعد و غتشوف تيليفونك .. غتفهم شي حاجة واقعة او لا ؟ ( طلعات حاجبها فيه ) راك ماشي مكلخ ..! نزق و كتطيرها فالسما السابعة .. أول حاجة غتجي لبالك هربت لعندك ما دام غابرة من أكادير .. هه ..! علاش أنا كنت كنعرف شي واحد من غيرك ؟ زعما تال هاذ الدرجة جاتك المحطة بعيدة تقلب عليا فيها و تقطع الشك ..؟
حكيم:( تكى على البيرو مقابل معاها و رد عليها بجدية ..! ) ما كنتش عارف ..! ما سقت الخبار تا دازت مدة ..! كنت يالاه تقبلت فالمعهد الملكي د البوليس لي فقنيطرة .. ما كان لا تيليفون لا خروج ..!
حكيم: كانت القضية مزيرة عندنا ماشي بحال دابا طالقين اللعب شوية ..! ( سكت كيشوف فرجليه مدة قصيرة و رجع كمل ) نتي أول وحدة سولت عليك فاش ترخفات عليا القضية و تما وصلاتني الهضرة بلي هربتي مع صاحبك ..!
شريفة:( ضحكات باستهزاء ) هههه مع صاحبي ؟ جاتك على قلبك ياك ؟ ( ضرباتوو لرجليه مغذذة ) صدقتي حتى نتا بو وذينة و خاصك غير ما تسمع ..؟
حكيم: حتى ما نكونش كبرتك على يدي و كنعرفك كثر من راسي ..! ( شاف فعينيها و بهدوء قال ) كنتي بنتي ماشي غير بنت الجيران ديريها فبالك ..!
شريفة:( سكتها بكلاموو ما عرفات ما تقول ..! بقات غير كترمش عينيها فيه ..! ) و شنوو ؟
حكيم: راه ما كنرضعش صبعي أ مدام ..! و عارفك كي دايرة و لا نقولوو كنت كنعرفك ..! ( ببرود هز حاجبوو و كمل ) و بلا هاذشي كامل ما كاينش هذا لي تعرفيه مورايا و يعمرلك العين ..!
شريفة:( وسعات عينيها فيه و قالت ) اش هاذ الثقة فالنفس كاملة ؟ نقص شوية من كلوريكس أ الشريف ...!
حكيم:( ضحك مبين على سنانوو ) رحم الله امرئ عرف قدر نفسه ..! ما كاينش هذا لي يجي قدامي ( هز حاجبوو فيها ) كذبيني فهاذي ؟
سكتات و سكت حتى هو ..! حتى شيراتلوو بيديها لجهة وذنوو ..!
شريفة: كتسمع هذا الصوت ؟ امم ..! هاذو غير ملائكتك كيمسخوو فيك .. بقالك شوية و تولي بحال القرد بهاذ التواضع لي فيك ( طلعات فيه عينيها هازة حاجبها ) و أنا نقول و نتا قول الله و علم ..!
حكيم:( تبسموو عينيه ) هه ..! طوال لمك اللسان البرهوشة ..! المهم ..! ( عقد حجبانوو و كمل بجدية ..! ) مك فاش هربتي ديكلارات بيك و كلشي عرف بلي هربتي مع صاحبك و داك القو** لي كان معاكم حصلك هو و أسية خارجين ..! ضربتيه و خذيتي البنت معاك ..!
حكيم: بقات حبيبة كل مرة كتسول عليك و دايرة ما فجهدها تلقاك ..! أنا ما عنديش الكونجي و مربوط فالمعهد ..! أول ما خرجت طلعت للبلاد قربلتها مع كبيرة و والوو عيينا نقلبوو ما كاين خبار عليك ..!
شريفة: و علاش حاقد عليا من هاذشي كامل ؟ ( باستهزاء ) عند بالك طلعاتلي العيشة فالدار فالراس و قلت مع راسي نوضي أ شريفة تجربي الزنقة تا هي كي دايرة .. ما طالعاش ما طالعاش ..؟
حكيم: المعهد قريت فيه عاماين و غير تخرجت منوو سيفطوني لوجدة خدمت فيها ..! و درت المستحيل باش نعرف فينك ..!
شريفة: و تما عرفتيني تزوجت ..!
حكيم: كان صعيب نلقاك .. فيها حريق الراس بالمعقول و ماشي غير أجي و جبد .. واخا فالبوليس باش ما تمشيش غالطة ...! ( هز حاجبوو ) لقيتك بايعة شبابك على ود الفلوس ..! مزوجة بواحد قد باك ..! شفقت عليك كثر ما كرهتك
شريفة:( عضات على شنافتها كتسمع و بصوت مبحوح قاطعاتوو ) نتا ما عارف حتى لعبة ..! أنا كن كنت كنتفرج من بعيد غنشبع ضحك على حياتي و نبدا ياه كان خاصها تدير هاكا ماشي هاكا .. ويلي شنوو هاذ الكلاخ ؟ ناري شحال كتمرض فراسها على الخوا الخاوي ..! ( ضربات فوق البيرو ) لا نتا لا غيرك دوزتوو لي أنا دوزت باش تحكموو عليا ..!
حكيم: شنوو دوزتي ؟
شريفة:( هزات حاجبها ) ياك شفتي الضوسي ديالي ؟؟ و لا غير زواجي لي بان لك فالقصة كاملة ؟
حكيم: ما شفتوش و صعيب نشوفوو فداك الوقت و أنا يالاه بادي ..! عرفتك تزوجتي و تأكدت بعيني ما عاودلي حد .. كنتي مرتاحة معاه و فرحانة ..!
شريفة:( ردات بجدية كتشوف فعينيه ) عرفتي شنو تعلمت من هاذ السنين لي فاتوو كاملين ؟ ( حرك راسوو بمعنى شنوو )الدنيا علماتني الصبر ..! ( هزات يديها برقم واحد ) ص ..! هي الصيرورة كلشي غادي يدوز و دوام الحال من المحال .. حتى حاجة ما كتبقى كيفما كانت و شحال ما عضيتي فالصبر غيجي واحد النهار توصل و تنال فيه ..! ( دارتلوو حركة بمعنى رقم جوج ) ب ..! هي البشرى ههه ..! نبقى ديما ضاحكة و نعيش حياتي بالطول و العرض المهم أنا فرحانة و لهلا يقلب بكحل الراس ..! يلا تعصبت و مرضت فخاطري حتى حاجة ما غتتبدل .. على هاذشي غتلقاني واصلة لي للجذر كتنخر فيا و أنا ضاربة الدنيا بطالوون ما مسوقاش ..! ( هزات يديها بمعنى ثلاثة ) ر ..! هي الرضى ..! نكون راضية على راسي و ثايقة فيه و متحملة مسؤولية كاع لي كندير ..! ( بثقة وقفات و كملات )
بثقة وقفات و زادت لحداه كتهضر و عينيها كيلمعوو ..! لكن هاذ المرة لمعة قوة ..!
شريفة: ربيت راسي براسي .. صبرت على لي ما يصبروش عليه الرج٠ال بشلاغمهم ..! كليت فالدق حتى كنت كنقول غنمووت صافي هذا هو الحد .. و لكن نضت و وقفت و لقيت باب و خرجت منوو و راسي مرفوع ..! ( حطات صبعها على صدرو و حفرات بيه ) لا نتا كبرتيني على يدك لا غيرك .. من نهار نهاري ما عندي حد و ما محتاجة تا واحد فحياتي ..!
حكيم:( حرك يديه بثقالة و رد بهدوء ) متأكدة ؟
شريفة:( هزات حاجبها فيه ) لي متأكدة منوو دابا هو ما كرهتش نشكم بيك لباباك بحال أول مرة عرفتك فيها و يسلخك قدامي مرة اخرى يالاه يبردلي قلبي فيك .. هو لي كيعرفلك ..!
حكيم:( سهى كيتفكر ..! عينيه مبسمين و ملامحوو هادئة ..! ) الواليد توفى أ شريفة الله يرحموو ..!
رمشات عينيها بالشوية ..! كانت حاسة حيث حتى ملاك ما جبداتولهاش فاش كانوو جايين فالطونوبيل ..! ما عرفاتش شنوو تقول ليه ؟ هي عمرها حسات بحب الواليدين و المشاعر لي يتحركوو جهتهم هما بالذاث بعطف ما عندهاش ..!
شريفة: الله يرحموو ..! كي وقعلوو ؟
حكيم: ديال الله ..! ( هز حاجبوو ) حتى واحد ما خطاوه المشاكيل ..! من مور زواجك رجع الواليد بملاك لعندنا للدار .. كانت باقى صغيرة و تقبلناها عادي واخا من مراة اخرى و مزوج بيها بلا خبارنا ..!
شريفة:( ردات باستغراب ) زعما نتوما الرج٠ال غير لي يطحنكم فشي مولينيكس و يتهنى ..! دابا ماماك كاين شي حد عندو العقل يتزوج عليها ؟
حكيم:( رد بتحذير ..! ) الله يرحممممو ..!
شريفة: اييه اييه الله يرحموو ..! ايوا زيد كمل ؟
حكيم: شنوو غنكمل ؟ صافي من موراها بشي يامات توفى الواليد و ناض الصداع على الورث و كترو المشاكيل حتى رجعت دخلت بحالي لكازا و جبتهم لعندي ..!
شريفة: و نسيتي أكادير و ناسها و تزوجتي ( باستهزاء ) بمولات دارك تحلب نتا وياها بقيرات و تعيطوو على الصالحين و الجواد ..!
حكيم: هه ..! لا كنت كنتسناك ترجعي باش نعطيك واحد جوج تسرفيقات تا تضوري أ بون أبيتي ..!
شريفة:( وسعات عينيها فكرها فالنهار د تطوان فاش قمشاتها القطة و اقشور ..! ) نسيتي أهم حاجة ..! فوقاش عرفتيني ؟؟ فالقهوة و لا قبل ..!
حكيم:( شاف فالساعة و قال ) جلسي هنا نمشي نفك الكارثة لي درتي و نرجعلك ( هز حاجبوو ) و لاكاب كيتسناك يلا ما سرحتيش داك اللسان و هضرتي ..!
شريفة: شنوو زعما يلا ما عاودتلكش غتهبطني للتحت ؟
حكيم:( رد باستهزاء كيقلب بين الملفات ) بحال يلا شفتيها بعينيك ..!
شريفة: دابا ما حدي عندك غير دير ما بغيتي تا نخرج و نتفاهموو أسي أمغار ..! ( سكتات كتشوف فيه كيكتب فواحد الورقة بخط يدوو ..! ) ااااه قبل ما ننسى ..! الفردي حالوو ساهل ..! لقيتي الصاك يعني لقيتيه تا هو و النص فالكارثة تحل ..! غتقولهم ناضت شي مدابزة فشي درب لي اكيد ما فيهش الكاميرات باش ما يلقاو منين يشدوك و نتا كتفك تسرقلك الفردي من الطونوبيل .. كنتي خاشيه فشي شانطة ..! تبعتيهم و هربوو ما قدرتيش تشدهم .. من بعد أنا جيت لعندكم و ديكلاريت صاكي تسرق مني .. و ما دازش بزاف و جبتوو الشفارة لي أنا صورتهم فيديو باين فيه وجههم و كان معاهم الصاك و الشانطة ديالك لي فيها الفردي .. تا هما غير لقاوها مليوحة و باين لي سرقوك فلول شافوه و تخلعوو و لاحوه فشي خلى تا لقاوه المساخط لي شديتو .. غير يلا بغيتوو تعقدوو الأمور و صافي ..!
شريفة:( هزات كتافها ) غير يلا بغيتوو تعقدوو الأمور و صافي ..!
حكيم:( هز عينيه فيها و باستهزاء قال ) نقصي شوية من الأفلام ..!
ميقات فيه و رجعات جلسات حاطة رجل على رجل كتضور فعينيها باغى غير فوقاش تخرج تمشي تبدل عليها .. قنطاااانة براسها و فنفس الوقت مرتاحة حيث ما قال تا كلمة أو شم شي رائحة ماشي تال تم ...!
شافت فيه بلا ما تعييق .. غير من التحت للتحت باش ما يحصلهاش و تتحشم ..! باغى تتأكد من ملامح وجهوو واش بصح ما شمش ريحتها ؟
كيبان عليه مشغول و مركز فخدمتوو ..! حاط قداموو وراق بويض كيكتب فوحدة منهم ..! ركزات فيديه لي مشعرين بطريقة جميلة و نقيين فنفس الوقت غير من الحمورة د كفوو ..! داير كورميط دالخيط مضفرة فيديه متوسطاها دائرة ذهبية منحوتة على شكل نسر ..!
مصات شنافتها متبعة معاه و هو كيكتب بخط مقروء واضح .. واخا كيزرب فالكتابة و ما كيشوفش فالورقة نهائيا ..! داير شدة فريدة للقلم ..! كمل و هز الطابع كيسوط عليه و يطبع فالوراق لي كتب .. فوق السينياتور ديالوو ..!
حكيم:( رد بالزربة خارج من البيرو ) أنا راجع ما تقيسي حتى حاجة ..!
زدح الباب موراه تا تسمع الصوت فداك الجهة كاملة ..! مخلي شريفة كتزرب تبدل عليها داك الحالة ..! حيدات السروال لي لابسة من تحت الجلابة و لواتوو مزيان خاشياه فصاكها ..!
هزات مراية صغيرة كتشوف فوجهها و تقاد شعرها طايح عليها السر بالتزنيكة واخا العينين منفوخين و حوومر ..! رشات عليها من عطرها حتى ولات ريحتها تتشم من بعيد و جلسات جامعة رجليها كتقلب فوراقيها واش حتى حاجة ما ناقصة ..!
شريفة:( تكات فوق البيرو بفشلة و شوية بشوية بدات تديها عينيها و نعسات تما كتمدغ فالهضرة كتتفكر كاع لي وقع ..! ) شف ننن شفااار امننن شدوه
نعسات لمدة طوييييلة من بعد العذاب لي داز عليها و الطبخة د البكى لي بكاتها ..! طاح الظلام عاد تفتح الباب و دخل حكيم كيتكسل بتعب .. شاف جهتها و بهدوء قرب لعندها كيفيقها ..!
حكيم: شريفة ( دوز يديه على شعرها ) نوضي يالاه نمشييو .. براكة من النعاس ..!
حلات عينيها بالشوية .. شادة على عنقها لي كرفساتوو فالنعاس تا ضربها الضوو فيه ..! ذاتها كاملة كتحرقها و عيانة ما قادراش تتحرك نهائيا ..!
هزات صاكها و خرجات قداموو لقات أسية كتسناها وجهها صفر و بان فيها العيى و الجوع كثر من شريفة لي غير شافتها عنقاتها بالجهد كتبوس فراسها و كتقلب فنفس الوقت بعينيها على كريمة لي ما بقاش بانلها الأثر ..!
أسية:( حطات يديها على الدقة د جبهتها لي زراقت و تبوقات ) خاصك تمشي لطبيب تشوفي واش ما عندك والوو .. راك درتي كسيدة ا شريفة ما تهمليش راسك ..!
شريفة:( تنهدات بقوة و قالت ) نخرجوو بحالنا من هاذ الدار الكحلة و يحن الله داك الساعة ..!
حكيم:( طرق البيرو و قال ) مشيينا ..!
شريفة و أسية: يالاه ..!
حرك يديه بمعنى زيدو ..! تمشاو قداموو و هو تابعهم من لور بهدووء كيوريهم منين يسلكوو حتى خرجوو من تما على خير و بخير ..!
شريفة: طونوبيلتي خليتها فسباتة قدام واحد القهوة فجهة دشي سويقة تما ..! المهم وصلنا لتما و غنعقل على البلاصة بالضبط ..!
شاف فيها و رجع ركز مع الطريق بلا حتى كلمة ..! غاديين فسكاااات حتى واحد فيهم ما بقى هضر كلها و هموو ..! هو راسوو تطبخ عليه و شريفة العيى قتلها باغى غير توصل لدارها تدوش و تحط راسها فوق المخدة .. أما أسية كتشوف بعينيها و مكمشة فبلاصتها ..!
بلاصى قدام وحدة من العمارات فحي راقي ..! السكات و الشارع نقي .. حس الهضرة ما كضورش تما ..!
شريفة:( باستغراب و قلة صبر قالت ) فين حنا ؟ علاش جينا لهنا ما فهمتش ؟ راه قلت لك فين خليت طونوبيلتي بغيت نمشي بحالي ا حكيم .. عيييت صافي ..!
حكيم: هبطي ( حرك حاجبوو ) ما غتمشيش فهاذ الليل و بهاذ الحالة .. تال غذا و أراي ما يعاودو عليك ..!
حكيم:( فتح الباب و قال مكره ) بلا فريع الكر ديالك راه راجل معاك ماشي مكب٠وت حاكموو ز** باش نجيبك تال عندي و نشدك صحة ..! ( قلب عينيه بملل و هبط ) الدار عامرة ما غنح**ك ما غنخراولك غير ارتاحي ..!
شريفة:( غوتات كتسمعلوو ) وااا القلا*** ما تبقاش تخسر الهضرة قدام البنت .. مالك مصووفج ( قلبات راسها للجنب ) تفوو على بنادم كي داير
أسية: يالاه نهبطوو أ شريفة .. نتي أصلا عيانة ما غتقدريش تصوكي .. نباتوو بجوج أنا و ياك و الصباح نرجعوو بحالنا
شريفة:( حركاتلها راسها و فتحات الباب هبطوو ) قالك يح** ههه ..! حتى يكون عندو باش هاذ وجه الثومة هذا ..!
أسية:( عضات على فمها كتولول ) سكتي غيسمعك أويييلي ..!
قلب راسوو كيهضر فالتيليفون و اليد الثانية هاز بيها الكونطاكط .. برك عليهم حتى تطرقات الطونوبيل و تشدو البيبان .. و فنفس الوقيتة ردات شريفة على أسية تا سمعها ..!
شريفة: و يسمع يدوو فيه ..! ( باستهزاء ) يقتلوك غير بالشفوي و هما عضلات عنتر و قشاوش كوثر ..!
حكيم:( قطع لابيل و ببرود قال ) تجربي ؟
شريفة:( ردات ببرود حتى هي كتقلب فعينيها ..! ) شربنا من البير ملي كان الما صافي أما ملي كترو فيه اليدين خليناه غير لغسيل الرجلين ( غمزاتوو ) ما عنديش مع الحاجة المشروكة أ الزين .. ما كنجربها ما كنقرب لها ..!
حكيم:( هز حاجبوو بثقالة ) ايااااه ..!
شريفة: هاذشي لي كاين ..! ( عوجات فمها ) غتخلينا واقفين هنا ؟
بعد من قدامهم و سرح يديه بمعنى ها الطريق قدامك .. حتى هي ما كانتش من العاكزين جرات أسية عندها و طلعات فالدروج غادية فاتجاه السانسور ..! ركبوو مجموعين و طلع بيهم للطابق الثالث فين الدار د حكيم ..!
فتح لهم الباب بهدوء كيشوف فيها مزنكة و بحال يلا حشمانة تدخل و مترددة ..!
دخلات بالشوية كتسرح عينيها فالدار .. فتصميمها و الأثاث ديالها و ريحة النقاوة لي عاطية منها ..! كحزات للجنب خلاتوو يدوز يسبقهم و زادت موراه هي و أسية مزنكين ..!
حكيم:( لاح السوارت و حرك راسوو بالايجاب ) السلام عليكم ..!
عدنان: و عليكم السلام و رحمة الله تعالى و بركاته ( حرك يديه بتساؤل ) من قبيلة و حنا نتسناو فيك .. فين تعطلتي ؟
شريفة:( زادت قدامهم و قالت بخجل ) احم السلام ..!
حكيم:( ضار موراه لقى محمد أمين خارج من الكوزينة هاز كانيط فيديه هو و خليل .. بهدوء قال كيشير لك واحد فيهم ..! ) شريفة .. أسية ..! و هذا عدنان .. خليل و محمد أمين ديجا شفتوه ..!
الكل: مشرفين ..!
عدنان:( وقف ما كيشوفش فالبنات حدو النظرة اللولة ..! ) غنمشي دابا .. حتى تكون مسالي و نتلاقاو ..!
هزات أسية عينيها فيه باستغراب ..! كتطلع و تهبط فيه ..! شعرو كحل قوي .. مربي اللحية مخليها كثييفة عاطياه جمال و وقار من نوع ثاني ..! حروفوو كوحل و حجبانوو قويين و غولض مرسومين من عند الله ..! لحموو بيضة و مرافقوو سوومر بالشمش .. مسرااار و عينيك بلا ما تحسي كتهرب لجهتوو .. عندو واحد القبول عجييب ..!
حكيم: جلس بلاتي باغيك فشي حاجة ( ضربلوو على كتافوو و شاف فشريفة ) أجي معايا ..!
تبعاتوو محرجة من الموقف ..! مخلية أسية غارقة فبلاصتها كتشوف غير فالأرض .. تا دخلها محمد أمين تجلس ..!
شريفة:( بثوثر قالت و هي كتشوف فيه كيقلب فالمجورة ) كن غير وصلتينا نمشييو بحالنا .. ما غنرتاحش هاكا و الله ..!
حكيم: الحمام مشعول دخلي ارتاحي من العيى ديال هاذ النهار .. و ها الماريوو حداك لبسي شي حاجة من حوايج كريمة و خرجي ( ضار عندها هاز سمطة ملوية لاحها جهتها و قال ) شدي ..!
شريفة:( قبطاتها قبل ما تطيح للأرض و باستغراب قالت ..! ) ما فهمتش ؟ مال هاذي ؟
حكيم: غتخرجي من الدوش غتلقاي ملاك كتسناك هنا فالبيت ..! خلصيها فلي دارتوو معاك ..! ( هز حاجبوو فيها ببرود ) غتاخذي حقك بيديك منها و لا نتي لي غتاكليها بيها فبلاصتها .. اختاري وحدة من جوج ..!
شريفة:( رمشات عينيها و قالت ) لا يمكن فهمت غلط ؟ شنوو قلتي ..؟
حكيم: راه هضرت معاك ما غنعاودش كلامي جوج مرات ..!
شريفة: يعني سمعت مزيان ..! ا خووويا واش مغنساليوش حنا من العصا هاذ النهار ؟ بغيتي تضربها شغلك هذاك نتا و خوتها ..! ضبرو مخكم معاها المهم أنا خليني فالتيقار ..!
حكيم: دونك ( إذن ) تاكليها بلاصتها نتي .. ياك ؟
شريفة: غادي نبعر بلاصتها ( حطات يديها على جنبها و تنفسات مزيان و بهدوء كملات هضرتها ..! ) ما نقدرش نضربها بهاذ الطريقة و أنا كنشوف فيها كتبكي قدامي .. راه كوميم ماشي قلبي حجرة .. نتا جات معاك و غتقبلها منك أنا لا و غتكرهني على والوو و مالي على هاذ القرع نمشطلوو راسوو ..!
حكيم:( رد بلا مبالاة ) و لهلا فين تبغيك ..! فين كاين المشكل ؟ لي دار الذنب يستاهل العقوبة .. باش المرة الجايا قبل ما تدير شي حاجة تفكر فيها مزيان
شريفة: بلا ما تعصبني الله يرحم باك ما غنحطش فيها يدي و زايدون ( هزات صبعها جيهتوو ) ما تبقاش تشوف غير الناس .. بدا براسك نتا لول .. الغلط غارق فيه من ساسك لراسك ..!
حكيم:( قرب جهتها و بثقة قال ) أنا راسي و قاسح معاه .. مكنخليهش يتمادى ..! معاك و لا مع غيرك ..! و يلا مشيت حتى ظلمتك فشي حاجة غنعاقب راسي بيدي ( بهدوء ) نفسي ما كتغلبش عليا ..! و لهاذ النهار باقي ما ظلمتك فوالو .. كتخلصي على نتي شنوو كتديري .. لا غييير ..!
شريفة:( ضحكات باستهزاء ) ههه ..! زوينة عندك هاذ كتخلصي على شنوو كتديري ؟ و نتا شنوو مشى لطباسل و فراشط مك تا تتدخل فيا ؟ ( هزات حاجبها ) داكشي كامل لي درتيه و ما ظلمتينيش ؟ شنوو غنقولك الله يعطينا وجهك و صافي ..!
حكيم:( دوز يديه على راسوو قالب وجهوو من جهتها ) و باقى كتسول اش دخلني فيها ؟ ( شاف فيها ) رشقااااتلي عليك مزيانة هاذي ؟
شريفة:( عصبها ) وا يلا مزيانة طلعها معاك و عيط على لي يحمرلك السوة ديالك .. يالاه تبرد الدودة لي شاعلة فقزيبتك كتقلب على لي يخورها ..!
قرب منها مخرج عينيه فيها بعصبية و غوت هاز يديه عليها ..!
حكيم: غنضرب ديلمك حتى تطيري الله ينعل الز*** بووك ابنت الق*** ( هبط يديه ما باغيش يقيسها ..! زاد قربلها دافع جبهتو جهتها ) كتقلبي عليا نفرع ط** مك .. ما عييتيش ؟
هزات يديها عطاتوو بتسرفيقة تا طراساتلوو الحنك و قبل ما يشدها نقزات من فوق الناموسية مطلعة الجلابة لنص فخاذها ..!
مشات لجهة الكوافوز و أول عطر جا على يديها سيفطاتوو جهتوو تا تهرس لطراف فالأرض ..!
شريفة: يلا نتا كتقلب على لي يح*** ما تجيييش عندي أنا غيييير بنت ما عندي باش نفعك ..! عطى الله الدنجال لي يبرد القلب غير قلب و غتلقى قياسك ..! ( كتهضر و تسيفط عليه العطورة و المكياج د كريمة كامل دكدكاتوو ) أنا بنت الق*** ؟ ياكما ح** باك و ما خلصتووش فعرق كتافووو ؟
شافتوو جاي لها ما كيعقلش بالأعصاب .. و هي تسمح فلي فيديها و ضرباتها بجرية كي الزواق كتطير ..! فتحات الباب و خرجات للصالة عند الدراري و أسية لي جالسة مكمشة حشمانة ..!
مشات كتنقز و طلعات موراهم بثلاثة بيهم شانقة عليهم قدامها .. ما عرفوها منين تسلطات عليهم ..!
حكيم: خرجي تتقودي من تما حسن لك ..!
شريفة:( ردات كتقلي ليه السم ) وا كنقسم لك بالله و تحط عليا يديك يلا ما درت سيرتيفيكا و مشيت ديكلاريت بيك عند الشاف ديالك و جبت عليك طناش لشاهد .. راني خليت الدل على العيالات
ما ردش عليها قرب منهم بعصبية و جرها من يديها بنثرة تا خرجها من وسطهم و عطاها بتسرفيقة قلبات لها الوجه و يالاه جاو يتدخلوو يفكوهم كانت وقفات و نزلات عليه للوذن كضرب بيديها و رجليها ..! جراتلوو جبهتوو بظفارها تا سيلات دموو و بقات القمشة باينة جهة الحاجب ..! بصعوبة بعدوهم على بعضياتهم كينهجوو .. واقفين بثلاثة بيهم وسطهم ..!
أما شريفة و حكيم فراه كيشوفوو فبعضياتهم بتخنزيرة د الموت ..! هو عارف يلا مشى حتى شدها دابا ما هما فخير فما دايرش مجهود نهائيا باش يوصلها .. و هي ما كرهاتش تربطوو و تبقى عليه هاك بلاك حتى ترد ليه كرشوو رطب من ظهرو بالاستفزاز لي كيستفزها ..!
خرجات عندو ملاك كترعد من الغوتة لي غوت ..! شيرلها للبيت و بلا ما تعاودها معاه سبقاتوو لتما و هو موراها مخنزر ..!
دخل زدح الباب و طرقها عليهم ..! و خوتوو واقفين مبهوطين فشريفة .. ما فهموش شنوو وقع بيناتهم لداخل ..! و واش بصح ضرباتوو و ما دارلها والوو ؟؟ هما لي رجال و عمرهم فكرو فيها ..!
شريفة:( قالت كترد النفس ) وا بقاو حاضييني ...! ( خرجات عينيها ) سييروو عتقوو ختكم قبل ما يقت٠لها داك المصعوور
باقي ما كملات هضرتها تسمع غوات ملاك و بكاها من البيت ..! غمضات عينيها كتمشي و تجي بلاصتها و محمد أمين عاد كيعاود للجوج لوخرين شنوو واقع كان كيتسنى حكيم تا يجي و يهضرو ..!
شريفة:( شافت فيهم حاطة يديها على جنبها ) بلاتي عليكم مزاااال الحال .. وااا نوضوو فرعوو عليه الباب .. ياك أنا لي ضراتني وا مسامحة لها ( فقصوها ببرودية د٠مهم ) الدعوة بيكم لله غتهبطولي النقطة هاذ النهار ..!
ردو عليها بثلاثة ببرووود : خليها تستاهل ..!
شريفة:( شافت فيهم و قالت مفوهة فمها بصدمة ) سوووووبحان من خلقكم ..!!!!
محمد أمين:( رد عليها بجدية ..! ) ما بقاتش فواش نتي سمحتي لها أو لا ..! هي مشات لشي حاجة ما فيهاش الضحك و عارفة مزيااااان باش غتخرجلها معانا فاش نعرفوو و خصوصا مع حكيم لي دازت عليه بسباب هاذ الزبل ..!
خليل:( رد بتأييد ) خاصها تتربى ..! هاذ الفعايل ماشي ديال ماري لي كنعرفوو ..!
شريفة:( جلسات حدا اسية مقابلة معاهم ) ايييه تتربى ما قلناش لا .. و لكن ماشي بهاذ الطريقة ..! واش كاينة غير العصا باش نفهموو الواحد بلي داك الحاجة ما مزياناش ؟
محمد أمين: فبحال هاذشي .. ااه كاينة غير هي ..! هي لي كتنفع ..!
عدنان:( ناض وقف كيشوف فخوتوو ..! ) غيخصني نمشي دابا .. نرجع من بعد ( حرك راسوو جهة البيت ) صافي حكيم راه تكلف .. هو فيه الخير و البركة ..!
محمد أمين: جلس أ صاحبي .. بغينا نتجمعوو هاذ ليلة زعما .. راك عارف ( غمزو بمعنى الفاهم يفهم ..! )
عدنان:( رد بالنفي ) لا لا خاطيني ديكشي .. المهم بصحتكم .. غنمشي للمحل نشوف الأمور تما .. نتقاشعوو اليوم و لا غذا فالدار لهيه ..!
محمد أمين:( هز يديه باستسلام ) على خاطرك أ خاي .. تا حبيبة غتكون طالعة لها النقشة .. النهار كامل و هي توجد على حكيم و فلخر ما تلاقاتوش و رجع أجل معاها لغذا ..!
عدنان:( شاف فأسية هاز حاجبوو باستغراب من نظراتها لي قلقوه ..! و رجع قلب عينيه ) الخدمة هي هاذي .. ما عندو ما يدير ..!
تسالموو معاه و مشى خرج مخلي أسية متبعاه بعينيها ساهية فيه بلا ما تحس حتى غبر من قدامها و تكات براسها على كتف شريفة لي حاضياها بنص عين و وذنيها مع ملاك لي صوت بكاها و رغيبها كيوصل تال عندهم ..!
شريفة:( حطات يديها على شعرها محمرة عينيها فيها ) راها مايلة لك نيت و كتقلبي نتسيف عليك وا الله يعميها لك من عندي ..!
أسية:( تزيرات تا الدموع بغاو ينقزو من عينيها ..! ) ما درت والوو ...!
شريفة: على أنا غنتسناك حتى تديري بالسلامة ؟ ( هزات حاجبها ) جمعي راسك شوية ..! قربتي تاكلي السيد بعينيك .. هو حشم و نتي حلفتي لا شفتي قدامك ..؟ كتقلبي عليه يضور فيك شي ضورة تخدم عليك حياتك كاملة و لا شنوو ..؟
غمضات عينيها و سكتات مكمشة فيها بحناك مزنكين مزيرة شادة البكية بزز ما كتحملش شريفة تضور فيها و لا تحاسبها على شي حاجة .. غير بالهضرة كتندمها و تأنبها ..و تا هي مربية و مكالمية ماشي شي وحدة لي كتطير ..!
تنهدات و دوزات يديها عليها ..! متكية باغى غير ترتاح ما قادرة تفكر فحتى حاجة ..! بالها هاذ الساعة غير مع كرشها لي كتتلوى بالجوع و هاذيك لي تقطع حسها لداخل ...!
تقريبا شي خمسة و ربعين دقيقة و الباب مسدودة عليهم ..! عاد خرج حكيم مبدل عليه بشورط حد الركبة فالكحل و الأبيض مع تيشورط كحل و صندالة رياضية فرجليه ..!
ما هضرش معاهم مشى نيشان فتح باب الدار لقى العساس واقف كيتسناه هاز فيديه قوة الساشيات .. خداهم و دخل من بعد ما خلصوو و شكرو ..!
حكيم:( شاف فخليل ) فين خليتي جيم ؟
خليل: راه فالسطح عند حبيبة .. عطيتوو ماكلتوو و كاع لي يحتاج عاد جيت ..!
حط الساشيات فوق الطبلة و بدا يجبد .. ستة ايمانسي مخلطين نص د اللحم و النص الثاني د الدجاج .. ستة د البيتزات كاطخ سيزون و ستة ديال سلاد دو فخوي بلافوكا و المكسرات ..!
حكيم: سير عيط عليها تجي تاكل ..! ( شاف فأسية ) نوضوو قربوو ( شير بيديه باش يدخلوو للداخل و مشى للكوزينة جاب الطباسل و لي فورشيط ..! )
شريفة:( رمشات عينيها و بصوت خافت قالت لأسية ) مال هاذ الزمر ما كيهضرش معايا ؟ شنوو زعما غضبان ..!
أسية:( هزات كتافها و ردات ) ما عرفت لكم نتوما حال و أحوال .. المهم جلسي دابا راه فيا الموت د الجوع ..!
تجمعوو على الطبلة .. شي ساكت بحال حكيم و شي كيهضر على نهارو و الطرائف لي دوز بحال خليل .. و شي حشمان بحال أسية ..! تا خرجات ملاك عينيها طايبين بالبكى و وجهها مزوق بالتسرفيق .. كل شوية تشهق و ذاتها باقى كترعد ..!
محمد أمين:( شاف فيها و مدلها بواطة كان مخليها حكيم حداه فالجنب ) هذا دجاج ديالك ..!
خذاتوو من عندو و يالاه حلاتوو شهقات بالجهد تا شافوو فيها كاملين و بالزربة وقفات ترمات معنقة حكيم كتبكي عليه ..!
ملاك: سسسس مممح سسسمممحلي هء عاااافااااك ا حكيم ما تبقاش مقلق عليا ( بعدات و باستوو فحنكوو كتشوف فيه و عينيها شلال .. شادة على صدرها لي كيطلع و يهبط بالزربة ) بغييت نعاون غير صاحبتي سمحلي ..!
و هما كيهضرو تطفى الضوو تا ما بقى كيبان والووو .. و يالاه جا يشعل حكيم البيل د التيليفون كان دخل خليل هاز طاغط فيديه .. شاعلين فيها الشمع كيطرطقوو و هو كيغني ليه ..!
شافت فيه شريفة باستغراب و سرعان ما غلباتها الضحكة من ملامح وجهوو لي باين منهم بلي متفاجئ و حشمان فنفس الوقت .. مخلطة عليه الدعوة ..!
شريفة:( حركات راسها و قالت ) عيد ميلاد متووورخ عمرك تنساه ..!
حكيم:( ما ردش عليها حدو وقف كيشوف فخوتوو و بامتنان قال ) عذبتوو راسكم ( غمض عينيه و رجع فتحهم ) الله يحفضكم ..!
خليل:( ضحك معاه و قال ) يالاه طفي الشمع أ سي حكيم .. ايييه على 33 سنة ( شاف فمحمد أمين ) وا الناس شرفوو ا الساط
أسية:( نقزات بحماس ) تمنى أمنية .. غتحقق لك ..!
شاف فيها بهدوء و ساط على الشمع حتى تطفى و رجعوو شعلوو الضواو كيسفقوو ..! طلق لهم خليل الشعبي و جر ملاك عندوو كيشطح معاها و يمسحلها فدموعها .. هاز يديه بحال شي فار كيضور فبلاصتوو و محمد أمين خارج كيزرب تا هو يضرب الزطمة هنا و لهيه تقول كيقتل فسراق الزيت ..!
شريفة:( ضحكات من قلبها على شكلهم ) هههههههههههه ناري ما يمكنش ..!
أسية:( نغزاتها كتشوف فحكيم لي ساكت كيتفرج فيهم .. عينيه مبسمين بملامح هادئة ..! ) نوضي نشطح أنا و ياك ..!
شريفة: هههههه ما بقى فيا تا عظم صحيح أ تاسانوو غير نووضي نتي يلا بغيتي ..!
شطحوو حتى شبعوو و رجعوو لعند حكيم عطاوه الموس قطع الحلوة و فرقوها بيناتهم .. النص كلاوه هو و العشا باش ما يبردش و النص الثاني خلاوه جنب ..! غير كملوو ماكلتهم بداو بالتشيار و التنقاز .. لي يشوفهم ما يقولش راهم شارفين بعقلهم ..!
محمد أمين:( شير على شريفة بطرف صغير د لاطاغط .. جاتها فالعين تا وقفات سادة عين و حالة الثانية مفوهة فمها ) نتي معاندة مع هذاك لي حداك و لا كيفاش ؟؟ ( على حكيم )
شريفة:( مسحات عينيها و قالت باستهزاء ) لا كنزرع الزعفران زغبة زغبة فالمحابق ما مسالياش
تحنات على الحلوة تا عمرات يديها و خرجات لعندو ..!
شريفة: مك يا مك كحلتيييها ( خلفات كتجري و صوت ضحكتها كيتسمع فالصالة كاملة ..! ) إلى الجهااااااااد وحدووووووه ...!
تبعاتوو تا طلساتوو بلاكريم و رجعات فاشلة .. دازت من قدام حكيم يالاه بعد رجليه باش تدخل .. رجعات خطوة اللور و هزات شوية د لاكريم دوزاتوو على نيفوو و قالت بصوت دلوع مبتاسمة بسعادة ..!
شريفة: الناس غضبانين علينا و دافعين كبييير نعام أ لالة ...!
بعد راسوو كيمسح وجهوو مخليها بلاكة تا جمعات الضحكة و دخلات مركنة فبلاصتها كتاكل فالحلوة و متبعة خوتو لي مشاو جابوو كادويات لحكيم فرحانين بيه و هو دايرلهم خاطرهم و صافي ..!
شريفة:( بخجل قالت ) ما كانش فخباري أما نجيبلك الكادو معايا ..!
حكيم:( بهدوء رد ما كيشوفش فيها ) هانية ماشي مشكل ..!
حشمات من نظراتهم كلهم كيتسناوها تغني .. حتى من حكيم ضار شاف فيها .. حاط رجل على رجل كيلعب بالكلاكيط
شريفة: احم .. شوية و صافي .. شنوو نغنيلكم ؟
سكتات كتفكر شنوو تغني .. و بهدوء غمضات عينيها كتلحن بالشوية .. و باحساس كيبورش و خامة صوت قوية بدات كتغني و مرة مرة تشوف فيه بين شفارها .. حناكها وذنيها مزنكين غيطرطقوو بالحمورية ..!
شريفة: هييسطوار قديمة يا عودات حيااااة ..! تلاقينا تفكرنا لي فات .. الحب لي كان عمره مامات يا عمره مامات .. مكتوب علينا أنا و ياك فهاذ العشق ..! معاك أ في ( vie) و حتى للممات ..! قدما إيسييت ( حاولت ) عليك نبعد .. نلقى روحي مازالني قرييب .. قدما إيسييت ندير الجديد نلقي gلبي مزال حديد ..!
سكتات و فتحات عينيها كترمش .. حشمانة منهم و هما كيسفقوو عليها ..!
محمد أمين:( سهى كيتفكر ) الشاب عقيل و ياماتوو ..!
ملاك: صووتك وااااعر أويلي على غير شوية و صافي ..!! أجي علاش ما تشاركيش فشي برنامج دالغنى ..؟
شريفة:( ضحكات و بنظرة كيوت ردات ) ههه اييه شي نهار علاش لا ؟
حكيم:( تسناها حتى شافت فيه و حرك راسوو بالايجاب ) برافوو عندك ما تقوولي ..!
رمى لها هاذ جوج كلمات و ناض بحالوو من تما .. نظراتوو مقلقين و مغير فخاطرو من جهتها ..!
خليل: غتبات هنا ؟؟
محمد أمين:( شاف فالساعة و قال ) لا ..! دابا شوية غنمشي ندي لبسمة العشا .. عندها لاكارد فالطبيب هاذ الليلة ..!
خليل: صافي وصلني معاك للدار و كمل طريقك لعندها ..!
شريفة:( قربات بهدوء لعند ملاك و قالت ..! ) ما نسيتش صاحبتك شنوو دارت ( رمشات عينيها فيها ) هو بصح سمحتلك و لكن يلا ما درتيش لي قلت لك .. غنحسبك بحالك بحالها و ما غنعقل على تا وحدة فيكم ديريها فبالك ..!
ملاك:( ردات بتفاجئ ) شريفة ..!
شريفة:( حركات راسها ببرود ) يلا كان على البلانات أنا موولاتهم و ما تخيليش شحال كنموت عليهم ..! جيتوو تال عند لي تديكم للبحر و ترجعكم عطشانات و بغيتوو تلعبوو ؟ و دابا أنا عاد غنلعب مع داك الغزالة لي مسيفطاك
ملاك: شنوو بغيتي مني دابا ؟ ما خاصني حتى مشكل مع خوتي انا غلطت و خلصت ( عراتلها شوية من لحمها و قالت ) شوفي شنو دارلي كولي كنوزوز لدابا
شريفة:( كمشات حجبانها من المنظر .. زرقها بالمعقوول .. حسات بلحمها حرقها بلاصتها ..! ) خوك ما غيسيق لخبار لحتى حاجة .. هاذشي غيكون بيناتنا و تا داك الصحبة الناقصة ما عندك ما تديري بيها ..!
ملاك:( تنهدات ) صافي واخا ..!
شريفة: المهم حتى نمشي لداري و نسيفطلك نهضر معاك ( دوزات يديها على عنقها و قالت ) بغيت ندخل ندوش و نبدل عليا واخا توريني فين ..!
ملاك: تسناي نقولها لحكيم ..!
ناضت خرجات من الصالة .. دقات عليه فالبيت لقاتوو متكي فبلاصتوو هاز البيسي عندو كيكتب فيه و النظاظر بروطيكسيون فعينيه ..!
ملاك: حكيم ..! شريفة بغات تدخل تدوش و تبدل عليها باش تنعس هي و ختها ..!
حكيم: سيفطيها لعندي ..! الدراري غيمشييو و لا غيبقاو هاذ الليلة ؟
ملاك: لا شوية و يمشييو أنا لي غنبقى ا حبيبي ..! أنا نعيطلك لشريفة تصبح على خير
خلات الباب مردودة و مشات وصلات المسج للمعنية بالأمر و جلسات قدام أسية كيتفرجوو فالتلفزة ..! مخليين شريفة غادية لعندو و مع شدات الباب لقاتوو واقف قبالتها ..!
شريفة:( قالت كتقلب فعينيها ..! ) فين غندوش ؟
حط يديه على ذراعها و جرها بهدووء لعندو تا هي تبعاتوو بخاطرها تفهم مالوو ..! حتى وصل قدام الناموسية و دفعها جات مزدوحة للوور كتبومبا .. و قبل ما تنوض طلع تا هو مفرق رجليه قدامها كيحيد فالتيشورط ..!
حكيم: نشوفوو بَّا لي ح** و ما خلصتيهش عاد ندخلوو للدوش جميع ..! أنا جيت نتخلص بلاصتوو .. هو فالقبر ما عندو كي يدير يوصل لك هاذ الساعة ( هز حاجبوو فيها ) و منها نيت تخوريني باش نبرد ..!
عرس الذيب الجزء العاشر
محتوى القصة
تنهدات و هزات راسها بالشوية كتشوف فيه ..! جالس بنفس التيشورط و السروال د قبيلة ..محطوطين عندو فوق البيرو شي ملفات كيكتب فيهم ببرود بحال لي ما واقفينش قداموو .. مخليهم كيتقلاو فنار مهيلة ..!
خصوصا أسية لي رجليها فاشلين عليها .. شادة فشريفة بيد كترجف و كتبكي فسكات .. قلبها كيضرب بالجهد و شنافتها كترجف ..! حتى غلبات عليها البكية و طلقاتها بالجهد تا تسمعات فالمكتب كامل و كاع لي تما ضارو كيشوفوو فيها ..! بقات فيهم حيث مخلوعة بالجهد و باينة فيها من ملامحها و صوتها الرقيوق بلي باقى صغيرة ...! الدم ما بغاش يبرد فيها واخا عيات تعنق فيها شريفة و تسكتها ..!
أما حكيم سمع البكية و بهدوء دوز يديه على راسوو كيتنهد و رجع حطها فوق البيرو كيطقطق بصبعانوو ..!
هز قرعة دالما فتحها و هز راسوو كيشرب منها و يسرح فحلقوو .. حجبانوو معقودين شوية و عينيه باقيين مزيرين بالاعصاب ..!
حرك حاجبوو بثقالة كيشوف فيهم بالواحد و عينيه كيقلبوو على كريمة و البنت لي كتبكي ..! كمل الصف اللول و داز كيشوف فالصف الثاني .. حتى لمحها واقفة بالجلابة و الشعر قصير كترمش فعينيها .. دايرة فيه ابتسامة صفرة بزز كتبان ..! قدامها أسية كتشهق و تبكي و ترجع تقطع فراسها التنخصيصة ..! و كريمة حداهم بزز واقفة على رجليها حانية راسها ما هزاتوش فيه نهائيا ..!
بؤبؤ عينيه توسع بنظرة ما عرفاتش فين تصرفها ..! يديه حبسوو من الحركة و القرعة حطها ببرود فوق البيرو .. كيرمش بعينيه ببطئ .. ضور راسوو للجنب كيدوز على عنقوو من لوور و رجع شاف فيهم بثلاثة واخا مخبعين ما باغيينش يبانوو ليه ..!
ضرب فالبيرو بكف يديه و وقف تا تدفع الكرسي اللور .. بحركة غير متوقعة بحال يلا قرصاتوو شي نحلة و قفز ..! داز قدامهم بحال البرق ما شافش فيهم حتى الشوفة ..! فتح الباب و بصوت قوي عيط ..!
حكيم: عبد الحق ( شير بعينيه ) هبط مهم للتحت حتى يرطاب لهم الراس و نساليلهم عاد طلعهم نضايفهم عندي ..!
دخلوو جوج د الضباط خرجوهم من جديد .. قدام حكيم لي حاط يديه على جنبوو و متكي على الحيط مكروازي رجليه جاي بحال شي بزناز بداك الوقفة و التكلظيمة ..! تا دازو قداموو داك الثلاثي العجيب و ببروود مد يديه شد شريفة من مرفقها و جرها من وسطهم
حكيم: رجعي نتي منين جيتي ( حرك راسوو للداخل و بزعفة كمل ) تحركي ..!
شريفة:( ردات برفض قاطع كتنثر لوو من يديه و كتغوت باغى توصل لها ) أسسسية لا أسسسية ..! ( شافت فيه بترجي ) ما تخليهومش يديوها هي ما عليها والوو .. تبقى معايا و لا نهبطوو بجوج ..!
قلب وجهوو شاف فأسية و حالتها و رجع شيرلهم بيديه يطلقوها هي و كريمة لي ضربات الطم داخل معاها الصح ..!
حكيم: زيدو لهنا ..! ( قربوو منوو بخوف .. خصوصا أسية لي غير حط يديه على كتفها غوتات ) شششش مالنا ؟ ( حرك حاجبوو بثقالة ) سيري لداك البيرو دقي عليه و دخلي جلسي معاه .. قولوو حكيم سيفطني نبقى حداك تا يجي مورايا
أسية:( بتردد ردات كتشهق ) و شريفة ..!
حكيم:( شاف فيها و رد بزعفة ) يالاه أ بابا طلقينا من البكى ما عندناش النهار كامل ( ضحك باستهزاء ) سيري عند عموو ابراهيم يعطيك طوفيطة .. زيدي قبالتي هانا حاضيك و نتوما ( لشريفة و كريمة ) دخلوو للداخل هانا راجع لديلمكم ..!
حركات شريفة راسها و دخلات بلا ما يعاود هضرتوو مرة اخرى .. المهم عندها أسية تكون بخير و ما يوقع لها والوو .. أما هي عارفة نهارها ما غيطلعش فيه الشمش و كحلاتها من جميع النواحي ..!
بتوثر كتمشي و تجي مخيطة داك المكتب بسير و أجي حتى بلاصة ما سايعاها عكس كريمة لي جلسات كترتاح ساكتة .. وجهها صفر باينة فيها مخلوعة غير من الطم لي ضربات ...!
شريفة:( بنرفزة قالت ) يالاه فين هو هاذ عبد العالي ديالك يفكنا ..؟ ( دوزات يديها على شعرها كتجمعوو و ترجع تطلقوو ) خرينا و جلسنا فوقوو .. تفوو تفوو تفوو
كريمة: راه كاعد مع الفوج الثاني مgدمينهم عند الشاف ..!
شريفة: و مزاااال زايدة فيه ..!
شافت فيها باغى تغززها و رجعات سكتات فاش تزدح الباب د البيرو بالجهد و دخل حكيم هاز سمطة فيديه لاحها فوق البيرو و باستهزاء قال
حكيم: وليتوو دايرين ليا ريا و سكينة هنا ..! مزياااان مزياااان ( تحنى لعند كريمة حاط يد على الكرسي و الثانية على البيرو محاصرها ) دابا برد عليك لحمك ما بقيتيش سخفانة ؟ صافي غير نكملوو منين حبسنا ..؟
شريفة:( مصات شنافتها و قالت بخوف مزيرة على بين رجليها ) حكيم ..!
حكيم:( ضار عندها بنص وجهوو ) زربانة على كرك ؟ ها نوبتك جايا لا زربة على صلاح .. انا ما بقى عندي شغال من غيركم هاذ الساعة ..!
بعد من على كريمة و مشى للسمطة لواها شوية على يدو و شحطها مع مراتوو تا نقزات و ببرود قال
حكيم: الهضرة بالعقل و هضرنا .. الغوات و غوتنا .. العصا و عصينا .. الحريق و حرقنا ..! ما غتوبيش ياك ؟ واخا نقطع لحمك طراف قدامك و نوكلولك ما غترجعيش على هاذ الطريق لي ماشية فيها ..؟
كريمة:( ردات بصوت مرعوب و باين على وجهها العيى ديال بصح .. مخلطة عليها من كل جهة و طريق ..! ) يانا
حكيم:( قاطعها مشيرلها لباب ) خرجي من هنا قبل ما نقتل مك نتي و ديكشي لي فكرشك ( خرج عينيه ) سيري تتقوووودي ..!
وقفات كتفتف ما قاداها فرحة عكس شريفة لي حاضية السمطة لي ملوية على يديه و كتبلع فريقها ..! عرفاتوو جابها على ودها هي ماشي كريمة .. تغرغرو عينيها بالدموع قبل حتى ما يضور لعندها .. حانية راسها ساكتة تا هزاتوو بصدمة من الجملة لي قال
حكيم:( قبل ما تزيد من حداه قال ) سيري راكي مطلقة و حرام ديني يلا رديتك ليا مراة ( حرك عينيه ) وقفي دابا حدا عبد الحق على ما نكمل مع الزعيمة ديالكم ( شاف فشريفة و خنزر ) يتكتب المحضر و غنعيط لباك يجي موراك
بقات كريمة غير كتشوف فيه بلا ما ترمش ما متيقاش شنوو قال ..! حتى كتجي تهضر و كترجع تسكت .. الحروف هربولها ما بقات تفرق بين الألف و الزرواطة ..! حتى مشى لعندها بيديه جرها بكل برود فتح لباب و خرجها مجلسها فواحد الصف دالكراسة مقابل مع مكتبوو .. غمز عبد الحق و قال
حكيم: تكلف معاك ..! ( رجع لعند شريفة .. طرق عليهم الباب بجوج و بهدووء قال كيشوف فرجليها ) حيدي داك الصندالة و تسرحي فالأرض .. ما نبغي لا صداع لا غوات .. يالاه ..!
شريفة:( ردات مخلوعة مكمشة رجليها ) علاش ؟( غلباتها البكية ) خليني غير نشرحلك بعدا راه ختك ملاك هي و كريمة لي زعموني أنا
سكتات كتطلع النفس بالزربة و الدموع بداو كيقطرو من عينيها تخلعات ديال بصح ..! و تا هو فاش شافها فداك الحالة ما قربش منها .. تكى على البيرو رجل مهزوزة و الثانية فالأرض كيضرب فيديه بالسمطة ببرود ..!
حكيم: هانا كنتسناك .. يالاه كملي نسمع ..!
شريفة:( مسحات حناكها بيدين كيرجفوو و ردات بصوت دلوع ) و ما غتضربنيش ؟ ( شافتوو غينوض و هي تحرك يديها بالزربة سرسباتلوو كلشي ..! ) ملاك هي و صاحبتها سحرولي .. هي وراتني تصويرتي مكتوب فيها شي حوايج كيخلعوو عليها داك النهار أنا مشيت احم سكرت
حكيم:( حط السمطة من يديه و ضار على البيرو كيقلب حتى جبد تيليفونوو ) اييه زيدي ..!
شريفة: و فاش قلت لها غنعلمك خافت و جابتني عند ماماك زعما تفكلي ديكشي و وقع لي وقع
حكيم:( حرك راسوو و قال مغذذ ) مزيان هاذشي .. زعما برافوو ما عندي ما نسالكم ..! ( حط صبعوو على فموو بمعنى سكتي ) وي محمد أمين .. راك فالدار ؟ حداك ملاك ..!
محمد أمين:( رد كيشوف فختوو ) ها هي معايا بغيتيها ؟
حكيم: امم ..! غتجي نتا و ياها لعندي للخدمة فاش توصل صوني عليا نسيفطلك عبد الحق يدخلها .. يالاه تهلى ما تعطلش من بعد و نشرحلك ( قطع عليه و رجع شاف فيها ) ها هي غتجي و غنشوفوو هاذ السحور لي رجع كيمشي لكم فالعروق ..!
شريفة:( ردات كتمسكن ) أنا و الله عمري فكرت نمشي لعند شي مشعود .. كريمة و ملاك لي زعموني باش نلقاو الشفار و بقاو عليا بالهضرة حتى ديت كريمة لعند داك الفقيه و يالاه جينا نخرجوو انا و اسية و هما يشدونا .. و الله ما كنكذب عليك هي عرفات مشالي الصاك و ما بقالي حتى حاجة عليها هي و صاحبتها باش نزيرهم و ضحكات عليا بلعاني باش تغرقني
شافت فالسمطة و بلعات ريقها كتحاول تقنعوو بجميع الوسائل الممكنة واخا باينلها فعينيه غير ما كيزيد يتعصب كثر ..!
شريفة: ياك عندك الكاميرات فالبيت ..! رجعلهم و شوف شنوو وقع .. أنا و الله حتى غير مكدمة فهاذشي كامل .. خليني نمشي ا حكيم الله يستر عليك ( رمشات عينيها ببراءة و قالت و هي عاضة على فمها ) ياك أنا نوارة الحدود ديالك
حكيم:( رد باستهزاء كيعيبها ) شتي على هاذ نوارة الحدود غتاكلي و تبقي .. غير تهناي ..!
شريفة:( مصات شنافتها و قالت كتهز فكتافها ) اييوا صافي سلخني دابا قبل ما تجي ختك .. اصلا من شحال هاذي ما درت شي مساج يالاه يخفافوو عليا عظامي غير ما تحملنيش حرام عليك اويلي مالي بنت ست سنين .. خلينا غير نتفاهموو ..!
جالسة قداموو فالمكتب .. جامعة رجليها و حانية راسها ما كتشوفش فيه .. حناكها مزنكين و عينيها يالاه بداو يبردو من البكى و الخلعة لي كانت شاداها ..!
تفتح الباب و دخلات بنت مع الباب مكلظمة و هضرتها مرجلة شوية تزدحات مقابلة معاها فوق الكرسي .. كتشوف فابراهيم ..!
...: باقي ما كملتي أ الساط ؟ ( هزات واحد من الملفات كتقرا فيه و كتهضر ) شكون هاذ
غمزاتوو باتجاه أسية لي غير ما زادت غرقات فبلاصتها حشمانة ..!
ابراهيم:( رد كيتكسل بتعب ) سيفطها حكيم قبيلة حتى يسالي و يرجعلها .. راه غارق دابا تجمعات عليه من كاع الجوايه ..!
...: و لقى بعدا ل ( بلا ما تعيق .. حركات يديها بمعنى الفردي ) تشغلت ما بقيتش عرفتكم شنوو درتوو
ابراهيم: لقيييناهم راهم لتحت تهبطي تشوفيهم يبقاو فيك و لكن يستاهلوو .. المهم هو الأمانة ديالوو رجعات بعدا ..!
....: يستاهلوو و لكن خاصوو يمشي لداك ختوو هي لولة يسلخ لمها اليدين لي مشاو لشي حاجة ماشي ديالهم باش عمرها تفكر تقرب ليه مرة اخرى ( بتعحب ) ما بانلها غير هو زعما ؟ شنوو باغى تصنع بيه ما فهمتش ..!
ابراهيم:( رد بتأييد ) تستاهل العصا الصراحة .. جبداتلوو الصداع من والوو و راك عارفاه كي داير غيهز على ظهرو المسؤولية كاملة و ما عندو ما يقدم فختوو أصلا ..! هو بعدا غيتعاتقوو معاه شوية اما هي واااهلي ..!
....: واش غيديكلاري بيه ؟ و لكن راه لقاه صافي ما كاين لاش ..!
ابراهيم: ضروووري يديكلاري بلي تسرقلوو من الوقت لفلاني للوقت الفلاني .. و يلا كانوو دارو بيه شي كارثة تتسمى فيه هو ؟ ما تعرفي شنوو يخرجلوو من بعد ..!
....: بففف حتى هو ما دار فيها ما يصلاح واش ديكشي كنخليوه محطوط قدام البراهش ( شافت فأسية و رجعات قلبات عينيها بلا مبالاة )
ابراهيم: غتكون شي حاجة ما خلاتلوش العقل باش حطوو و نساه .. هو أكثر واحد كيوصي و يعاود عليه و فلخر طبز لمها العين
....: دابا شنوو غيديرو معاه و كان ؟
ابراهيم: غذا يبان شنوو غيقررو .. و لكن غالبا غيمشي يدخلها حبس باش يتربى على الاهمال ديالوو .. هاذشي ما فيهش اللعب ( هز كاسو دالقهوة جغم منوو و كمل ) يلا تعاملوو معاه راه يوقفوه من الخدمة بلاصة الحبس
....:( وقفات و قالت بعصبية ) لعب الدراري الصغار هو هذا .. نتمناو تشفعلوو هاذ 11 العام د الخدمة بلا حتى غلط و لا مشكل من جهتوو .. يعاقبوه بعدا بشي حاجة بسيطة ..!
ابراهيم: دابا غير يخرج من داك البيرو و يحن الله .. يمكن غيكتب بلي تعرضوو ليه و سرقوه منوو و عقل عليهم و قدرنا نجبدوهم .. و تما غتقواااد على داك الجوج لي كيتبردو لتحت ( جبد شعرو ) وحلة حطاتوو فيها ..! تا هاذ ختوو غير ديال التسرفيق
....: وا كتخاف زعما ما عرفت كي طرا لها .. المهم أنا مع حسام حتى تكمل و خلط علينا .. القضية مخروضة عندو تما
شريفة: خلينا غير نتفاهموو بالعقل راه الأعصاب بزاف ما مزيانينش ( ضحكات ) غتموت صغير أ الصكع ..!
هزات عينيها فيه و بالتدريج بدات كتجمع الضحكة من التخنزيرة لي ضارب فيها .. زاد عقد حجبانوو و قال بعصبية ..!
حكيم: كنشطَّح لك فالقرودة هنا ؟ شنوو لي كيضحك فهاذشي ؟ ( بقات ساكتة كتضور فعينيها ما كتشوفش فيه ) ضحكينا معاك ..!
قرب منها بالخف .. جرها من ذراعها لجهتوو مخرج عينيه فيها .. كيزعف فوسط وجهها تا تكمشات متكية بنصها على البيرو .. كتسمع على وذنيها ..!
حكيم: شنوو كيسحابلك راسك باغا تديري هااا ..!!! ( ضرب فوق البيرو بيديه تا قفزات ) علاياش كتقلبي ؟؟ ما فكرتيش تخرج فيك شي قرطاسة تشتت لمك الدماغ ..!!!
شريفة:( ردات بحزن مكمشة حجبانها ) نتا تعديتي عليا و سبيتيني بلا ما تسمعني ( رمشات عينيها ببطئ ) ساومتيني ننعس معاك و كتهضر معايا بحال بنات الزنقة .. كنت باغى غير نحمقك عليه و تحس باش حسيت فاش دخلتي فيا طول و عرض
حكيم:( عض على فموو مغذذ و بعصبية قال ) بنات دارهم لي مربيين ما كيديروش لي كديريه نتي .. سمعتي ..!!!
شريفة:( ردات بالغوات مخرجة عينيها فيه ) ماااا سوووقكش فيا و مربية حسن منك
هز يديه كيترعد عليها بالأعصاب و جمعها معاها بتسرفيقة للوجه حتى عوجولها و سكتات كتنهج شادة على حنكها و هو مقابل معاها ما كرهش يذ٠بحها و يشرب من د٠مها ..!
حكيم: تعاودي تهزي عليا صووتك وجهك نهرسولك .. يلا عند بالك انا بحال داك الرويجل لي كنتي معاه .. راك غااااالطة غتجمعي معايا كرك و لا غنشمعها لك ا بنت ال*** ..!
شريفة:( سكتات كتفكر و ردات كتسايس معاه ) يكون قلبك سميح و خليني نمشي ( رمشات عينيها و عوجات شفايفها فيه بغنج ) علاش تبدلتي معايا و وليتي هاكا ؟ شفتي أنا و ياك غنتفاهموو مزيان خاصنا غير نطورو علاقتنا الديبلوماسية فجو زوين ( ضورات عينيها فالمكتب ) ماشي فالكوميساريات
حكيم:( هز راسوو للسما كيسوط و بزعفة جرها من وذنيها ) بنتلك كنرضع صبعي ؟؟ برهوش يالاه حطوو الكار ؟ ( لوالها وذنيها و جبدها للفوق حتى تهزات معاه واقفة على صبعانها ..! ) يا بنت ال*** هضرت معاك و ضربتي هضرتي فالحيط و زدتي خلفة باغى تطيري ( هز حاجبوو ) مشيتي بخاطرك ؟ عارفة راسك غادية عند فقيه ؟ ياك ما كذبوش عليك ؟
شريفة:( شداتلوو فيديه و هو كيلوي لها فوذنيها .. تا سخن فيها الد٠م حاسة بيها غتقطع من بلاصتها .. دمعوو عينيها و قالت ) قصحتيني حكييم طلق مني
حكيم:( زاد زير عليها ) جاااااوبي ..!
شريفة: ففف اه كنت عارفة و لكن بغيت غير نوصلها اممم
غمضات عينيها موجعة و حاكمها ما عندها فين تتحرك هو قدامها و البيرو من موراها مزيرها ..!
حكيم:( ضحك بعصبية و قال ) مزياااان هاذ المرة توصليها و المرة الجايا تدخلي و تجربي و هي غادية ياك ؟
شريفة: لا لا و الله ما هكاك .. حكيم انن طلق مني ضريتيني حشوومة عليك ( دلات شنافتها و عينيها مغرغرين بالدموع )
حكيم:( مد يديه هز السمطة من موراها كيقشر فشنايفوو ) بقيتي غير نتي تمشي فداك الطريق و نرجع تابعك من واحد لواحد ( طلق من وذنيها كيلوي السمطة فيديه ) بنت ست سنين ضحكوو عليك ؟ ما عندش أصل مك العقل لي يفكر ؟
شريفة:( وسعات عينيها فيه و بدات كتبكي بالجهد مزيرة بين فخاضها غتديرها فسروالها ) حكييم حكييم لا غير سمعني و الله ما
حكيم: باش المرة الجايا قبل ما تنوي تديري شي قل** تفكري هاذ النهار .. ماركيه عندك ..!
شحطها معاها لجنبها حتى غوتات بالجهههههد حاسة بالضوو ضربها و طلقات البولة فسروالها ..! ما عندهاش حتى كي تدير تهرب من قداموو حنات راسها كتشهق بقهرة ..! هو هايج و هي لحمها غياكل حتى يطيب ..! ما فكاتها غير الباب لي كتتدق بالجهد حيث مطرق عليهم ..! زفر بصوت مسموع و لاح السمطة مخليها مكمشة كتترعد ..!
حكيم:( فتح الباب و خرج عاقد حجبانوو ) شكاااين ؟؟
حسام:( رد باستغراب ) محمد أمين من قبيلة و هو كيعيط عليك فاش ما جاوبتيهش صونا عليا .. راه وصل هو و ملاك سيفطت لهم لي يدخلهم ..!
حكيم:( حرك راسوو ) مزيان نفكوو علينا هاذ المنامة ..!
حسام:( بهدوء و بصوت خافت قال ) واش جبتيها على ود السلاح ؟
حكيم: شنوو وصلها هي لشي سلاح ؟
حسام:( باستغراب ) ياك هي البرهوشة لي هزاتوو ..! ما عندكمش شي وحدة كطير فالدار من غيرها ..؟
حكيم:( حط يديه على كتفوو و باستهزاء قال ) البراهش كثار أ المعلم .. ملاك ما هزاتوش حتى فاش كانت لاسقة مع الأرض بقى غير دابا ..!
حسام: و شكون هزاتوو ؟ سيفط مها تتربى علاش مستر عليها ..!
حكيم:( رد ببرود ..!) دابا تهز و لي عطى الله عطاه كي هي كي غيرها .. أنا لي مني الديفوو ماشي هما ..!
حسام:( سكت كيشوف فملاك بابتسامة .. جايا هي و محمد أمين مع ضابط موصلهم ..! ) الزين ما نشوفوكش ؟ غبرتي عليا حتى وليت نحلم بيك ليالي ..!
ملاك:( عيبات وجهها مخرجة لوو لسانها ) كون تشووف أنا ا حسام كندعي ليل و نهار يلا ما شفتكش غير الله يهزني عندو .. موتي حسن من حياتي ..!
محمد أمين:( ضحك و سلم عليه ) نتوما عمركم تديرو عقلكم ؟ فين أ با حسام غيووب هاذوو ..!
حسام: هههه مع الوقت و صافي ( غمزو ) ا خويا والدين الزين ( دوز لسانوو على فموو ) شنوو نجي نخطب أ لالة ماري .. ياك قابلة بعدا ..! ما تلقايش حسن مني ..!
ملاك: لا ا خويا بغيت نكمل قراااايتي .. هضر مع صاحبك ا حكيم ..!
هزات عينيها مبسمة فحكيم لي ساكت كيسمع لهم تا جات العين فالعين و بهدوء قال
حكيم: تبعيني بغيتك ( حرك راسوو مشيرلها للبيرو ) محمد أمين ها نتا هنا مع كازانوفا ( على حسام ..! ) أنا راجع لعندكم ..!
محمد أمين: أجي بلاتي بعدا
حرك صبعوو بمعنى من بعد .. فتح لباب لملاك دخلات و تبعها ..! خلاها واقفة فنص المكتب كتشوف فشريفة لي عاطياها بالجنب كتشهق فبلاصتها جاتها قهرة و ما بغاتش تسكت نهائيا ..!
عينيها رجعوو بحال الجمر كتطلع الشهقة من قاع قلبها تا كيتسمع تنفسها بالجهد بحال يلا كتلقف ..!
ملاك:( مشات لعندها شدات فيها ) أويلي شريفة ؟؟ مالكي ؟؟
شريفة:( ردات بصوت متقطع ) ب ببب عععد دي بععععدي م مني اهء
حكيم:( جبد الصاك من خزانة صغيرة عندو تما .. فتحوو و كب ديكشي لي فيه الوسط .. كيهضر و عينيه على شريفة ) حيدي من تما ..! جاتك عجوبة ؟ عمرك شفتي شي واحد كيبكي ..؟
هز التصويرة قابلها معاها هي و داك المونيكات و العجب كامل لي وهموو شريفة بلي راه سحور ..! صفار وجه ماري .. شاداها الرعدة من لي جاي .. فهمات و ما فهمات ..!
حكيم: شنوو هاذشي ؟ ( هز حاجبوو و بجدية كمل فاش ما رداتش عليه ) ما غنعاودش هضرتي عشرة الاف مرة ..!
ملاك: أنا ام دابا انا نقولك
حكيم:( جرها من شعرها حتى خرجوو عينيها و رد ) عرفتي و تكذبي حتى نتي .. بالرب تا نعلق مك من وذنيك .. كتسمعي ؟ ( طلقها )
ملاك:( تغرغرو عينيها بالدموع و بصوت باكي ردات ) أنا ما درت والوو أنا نقولك
غمضات عينيها كترعد و مع بدات تهضر تفتح الباب و دخل محمد أمين حتى هو كيسمع .. مستغرب من شريفة لي معاهم تما و صوتها مسموع بالجهد ..!
ملاك: صاحبتي شادية معامن تضاربات شريفة داك النهار فالقهوة .. مصاحبة مع داك الدري الثاني لي كان مع شريفة و هي بغات تخلعها بالسحور باش تبعد منوو و يبقى معاها ..! هي خدات هاذشي و صوباتوو فالدار غير ديال بلعاني و صافي و الله ما فيه شي حاجة .. و رغباتني نهضر أنا مع شريفة و نقولها راه بغات تسحر لك و انا ما خليتهاش و دابا بعدي من المهدي ..!
شافت فيها شريفة كتشهق و ترعد فبلاصتها و فنفس الوقت كتسمعلها .. ما متيقاش بلي سرسباتلوو لي كاين فجوج دقائق .. و من طريقة هضرتها باين فيها ما كتكذبش و كتموت من حكيم بالخوف ما تقدرش تلعبها عليه ..!
حكيم:( سكت كيشوف فيها لمدة و ببرود قال ) هاذشي كامل خرج منك ؟؟ مرضتوو البنت فصحتها على الخوا الخاوي ..!
هز يديه تا غطات وجهها ..! شير لمحمد أمين لي تا هو ما متيقش شنوو دارت ختوو .. سيغطوو فاش بانتلوو التصويرة فوق البيرو ..!
حكيم: عيط على عدنان و خليل يسبقونا للدار عندي ..! ( شهقات ملاك كتبكي مكمشة فالقنت .. تا غوت ) قططططعي حسك حسن لك ..! محمد أمين ديها معاك أنا جاي
حطات يديها على فمها كتشوف فمحمد أمين لي مخنزر فيها تا هو .. كيتحلف بعينيه ..! و بلا ما يهضر زادت قداموو فسكات .. مخليين حكيم مغمض عينيه كيتنفس بالجهد و كيسمع البكى د شريفة لي غير ما كتكسيري كثر و كثر ..!
بهدوء ضار هز قرعة دالما مجنبة فالأرض و مشى نوضها عندو بالشوية .. كيشوف فوجهها كي تطبع بالحمورية د البكى و د يديه ..!
حكيم: على دقة دايرة هاذ الحالة كاملة ؟ ( هز حاجبوو بالشوية ) ظلمتك ؟
شريفة:( ردات بحزن كتشهق ) ع عععمم ري " عمري " ننن ررر ججج عع " نرجع " عععع نننن ددد كك " عندك "
حكيم:( حرك راسوو كيمسحلها فوجهها و مدلها القرعة لفمها ) شربي قبل ما تموتي لنا هنا ..! يلا ما جيتيش نتي .. أنا نجي تال عندك غير ارتاحي ..!
شريفة:( حطات يديها على صدرها حاسة بقلبها كيرجف من لداخل .. بزز كطلع النفس ) ب ببب عععد د بععععد م مني اهء
زولات فمها من على القرعة ما باغاش تشرب ..! حاضنة على راسها بيديها و قالبة وجهها من عليه ..! كلها كترعد و تشهق بصوت كيقطع فالقلب .. شاف حتى عيى و جرها لعندو عنقها كيدوز بيديه على شعرها و هي كدفعوو ما باغاهش يقيسها ..!
حكيم: زكاااي ( سكت مزيرها لعندو و هي كتحلف فيه )
شريفة: غنننن ددد غننند ممم ككك " غندمك " غنننن رررج غننننرجعهاا لك مضووووبلة اهء ددد دااباا تتت شووف
حكيم:( ضحك كيسمع و يديه كيطبطبوو عليها ) لعبي فينما عجبك و لكن ( طل عليها براسوو ) توصلي لشي حاجة فخدمتي نعلقك من هاذ الشفار لي فرحانة بيهم
دوز صبعوو على شفارها كيمسحهم لها من الدموع و هي شوية بشوية بدات كتتهدن و تسكت بين يديه لي معنقينها بمعزة لي يشوفوو يقول هذا الحنان كيتفرق منوو ..!
شريفة: عمممري نقرب منها ( هزات كتافها ) أصلا انا غنمشي بحالي دابا تشتاقني و ما تلقانيش ( جمعات يديها بونية و ضرباتوو لكرشوو ) العتروس لي حطك ( شد على كرشوو كيطنز عليها ) امم قتلتك ؟ نعيطوو لك على ويويو ؟
حكيم: هههههه
خربقلها فشعرها كيضحك و هي كتضربوو ليديه مخنزرة فيه ..! بغات تبعد و زير عليها تا تكات براسها على صدرو ساكتة و مرة مرة كطلع لها الشهقة .. باقى ما بردات نيشان ..!
خلاها على خاطرها لمدة عاد حط يديه على ذقنها و هزلها راسها لعندو مقابل وجهها معاه ..! و بملامح جدية قال ..!
حكيم: هاذ المرة دوزتها و ما درتلك والوو ( وسعات عينيها فيه بمعنى من نيتك ..! تا هو فهمها و ببرود كمل هضرتوو ) اليوم غير ضحكت معاك .. المرة الجايا غتاكليها مضوبلة .. ها وذني منك ..! ( هز حاجبوو فيها بنظرة مغذذة ) نقطع مك طراف يلا لقيتك تابعة داك الق** لي برا ( على كريمة ) ..!
طلق منها و تحنى هز القرعة دالما فتحها و فزك يديه مزيان و قرب منها كيمسحلها وجهها و بجدية كيهضر
حكيم: كرهيني و لا جلسي ..! هاذشي ما كنضحكش فيه .. كيف مشيتي بخاطرك كيف لا .. داك الطريق ما تقربيش من جهتوو باش نبقاو مزيانين ..!
شريفة:( عطاتوو وجهها كيغسلوو لها و هي كتسمع ساكتة حتى كمل و قالت بصوت فاشل و نيفها مخنوق بالبكى ) ما سوقكش فيا نمشي فينما عجبني نتا بعدا شوف غير ختك شنوو دايرة ..!
حكيم:( رجع فزك يديه و حطها على نيفها ساسلها مناخرها و تحنى كيغسل فصبعانوو و بصوت هادئ قال ) ختي ها نتي غتشوفي شنوو غيوقعلها و الضسارة الخاوية بشحال كتقام ..! ( طلع عينيه فيها بابتسامة لي غير ما كتزيد تفقصها ) تصالحنا دابا ؟
هزات كتفها و دلات شنافتها بحركة غنووجة .. بمعنى لا ..! يالاه جات تهضر كان جرها عندو و تحنى مصلها شنافتها التحتانية كيرضع فيها و رجع باسها بسطحية .. و بعد مخرج لسانوو شوية ..!
حكيم: فمك مالح هه ..!
شريفة:( شافت فيه كترمش بعينيها لي تقالوو بالبكى ..! ما بغاش يتفهم لها هاذ الكائن الفضائي لي قبالتها ..! ) مالح بالخنوونة أ راس الكومة ..! أصلا ديكشي لي تستاهل تذوقوو ( ضرباتوو لصدرو مفقوصة و كملات هضرتها مغزفة ) علاش كتبوسني يا وجه الثومة ؟ شنوو بيني و بينك باش تقرب مني هاااا ؟
حكيم:( هز حاجبوو و قال ) هي باغى تكون بيناتنا شي حاجة ؟
شريفة:( سكتات شحال كتشوف فيه و قالت ) فخبارك كتستافزني هاكا و غتخرج مني شي حاجة ما كتعجبش .. يلا كنت ساكتة لك تال دابا غير باش نفهم فين باغي توصل ؟ و كن أكيد ما بقى والوو و غنفركعوها نيت ..!
حكيم:( سرح يديه و قال ) فركعيها ..!
شريفة: حكيم ..! واش باغي تمرضني بفعايلك ؟ عزيز عليك تشوفني معصبة كنغلي و كندير عكس لي كنقولوو ياك ..؟
حكيم:( تكى على الحيط كيشوف فيها و بكل هدوء رد عليها ) لا ..!
شريفة:( حكات شنايفها مع بعضياتهم و قالت باستهزاء ) لا ؟ و هاذشي لي كتدير فيه من نهار عرفتك شنوو هو ؟
قربات منوو و حطات صبعها على صدرو كتحركوو بالشوية تحت أنظارو .. و بنبرة مستفزة قالت
شريفة: عرفتي نتا شنوو مشكلتك ؟ ( قربات من وذنوو و همساتلوو بكل أنوثة كتنغم فسميتها ) شريفة ..! ( بعدات كترمش فعينيها ) شريفة ممرضاك فحياتك .. نتا شاعلة فيك العافية لداخل من جهتي .. باغي توصل ليا و ما قادرش .. باغي تهضر و تفهم و داك النيف عندك دافع بخ .. ما مخليكش .. داخل فحرب غير مع راسك ...!
جرها عندو تا لسقات عليه ..! حاط يديه على ظهرها مكالي بيها و هي مبعدة وجهها شوية باش تقرا تعابيرو ..!
حكيم:( ركز فعينيها و ببرود قال ) و الله أ النوارة ما كاين شي واحد فينا لي شاعلة فيه العافية قدك ( هز حاجبوو ) دابا من لخر شنوو باغى تعرفي ؟
شريفة: كلشي ..! باغى نعرف كلشي و غندخل فيك طول و عرض كيفما درتي ليا .. غتخلص مزيان على فعايلك غير تسنى ..!
قلبات عينيها كتميق و ترمش بالشوية .. معوجة فمها بغنج و يديها حطاتهم على كتافوو ..!
شريفة: خايف من السحور د الفقيه ؟ ( تبسمات و دوزات يديها على عنقوو ) أنا غنسحرك بعويناتي و رموشي لي فرحانة بيهم ..! غنذوبك أ كبيدة على نار مهييييلة ..! عارفة فضولك محرك من جيهتي و غنزييد نحركوو عمرك تشدني بين يديك ..! غنقلق مجاجك و راحتك كيفما دخلتيلي مع العظام بزز مني ( بابتسامة حلوة حطات يديها على عقلوو ) هنا غنعشش لك ( هبطات يديها لقلبوو ) و هنا غنسكن ..!
فكاتلوو يديه من ظهرها و بعدات كترجع بلوور بحركات غنووجة .. كتبان كيووت خصوصا مع نيفها حمر و حناكها مزنكين ..! عينيها مزيرين تنفخوو و صغاروو فيهم خطوط حومر وسطهم ..!
شريفة: ما كنتش باغاك فحياتي و لكن دابا غتدخل بزز منك .. بغيتي و لا كرهتي .. غنربيك على كاع لي درتيه و غتشوف العيالات علاش قادات ..! مشيتي غاااالط يلا سحابلك أنا نعجة من دوك النعاجي لي كتعرف لا أ حبيبة أنا لالاهم شريفة و هذا رهان بيناتنا طال الزمان و لا قصار ( غمزاتوو )
حكيم:( سهى فيها و فطريقة هضرتها .. عجباتوو بصراحتها و ضحكاتوو فنفس الوقت .. قرب منها حتى هو و قال ) و أنا قبلت ب رهانك أراي ما عندك ..! ( شاف فالساعة و قال ) غنكمل شغالي هنا و نجي نخرجك .. جلسي بعقلك ..!
شريفة:( ميقات فيه و قالت هازة حاجبها ) و ما غتكتبليش محضر أ الشاف ؟ و نهز لوحة و يصوروني بحال أخطر المجرمين ؟
حكيم:( ضحك بالجهد ) هههههههه و شنوو التهمة أ مدام ؟
شريفة:( حركات يديها بحال فردي و قالت ) غنسرق قلبك أ حبيبة و نتا حال عويناتك كتشوف فيا و فرحان و موراها غنزطم عليه حتى نهرسوو لك ..!
حكيم: متأكدة ؟
شريفة:( هزات راسها بثقة ) مليار فالمية و الوقت يحكم بيناتنا ( ببرود ) غير نتا وريني كي غادي تدير تملك نوارة الحدود ليك بوحدك بلا ما تخلص روحك عليها ..! و كي غادي تدير تهرس وحدة ديجا مهرسة خمسالاف مرة .. ما كتربيش الكبدة على ولاد الق** ..!
شاف فيها مطولا و بجدية رد ..!
حكيم: ما تغلاش عليك ( قصد روحوو ) .. يلا كنتي كتستاهلي ..! و يلا مهرسة نجبروك حاشا واش نبغي نهرسك و نكمل عليك ..!
شريفة: أنا كنستاهل و لكن نتا لي واش كتستاهل ؟ ما كنظنش الصراحة ..! بحالك بحالهم ( قلبات وجهها ) مشيت غالطة فيك فلول ..!
حكيم:( تنهد بقوة و قال ) عرفتي شنوو يجيك مليح ؟ جلسي دابا نطرقوو هاذ المسمار بيناتنا ( شيرلها للكرسي و بنبرة صوت مغذذة قال ) علاش هربتي من داركم ؟
شريفة: يلا باغي تهضر .. هضر نتا لول .. ماشي نخرج حلقي معاك فلخر تلوحلي جوج كلمات و تزيد .. تقول كتخلص على الهضرة ..!
سكت حتى قالت ما غيقول حتى كلمة لكن فالأخير نحنح و بدا كيهضر و هو عاقد حجبانوو ..!
حكيم: قيدي عندك هاذ الهضرة .. آخر مرة غنعاود نفكر فهاذشي ..! ما كنبغيش كثرة اللغى على والوو ( قلب عينيه كيسرح فحلقوو ) المهم نسالييو هاذشي هنا ..!
شريفة:( جلسات فالكرسي لي عطاها ) دابا غير هضر من الفهامة الخاوية ..! ( سكتات شوية و رجعات قالت ) سولتيني علاش هربت ؟ أنا دابا لي غنسولك علاش ما جاوبتينيش من مور ما عيطتلك داك الليلة ؟ اوك كنتي مشغول ..! و لكن غيوصلك الخبار من بعد و غتشوف تيليفونك .. غتفهم شي حاجة واقعة او لا ؟ ( طلعات حاجبها فيه ) راك ماشي مكلخ ..! نزق و كتطيرها فالسما السابعة .. أول حاجة غتجي لبالك هربت لعندك ما دام غابرة من أكادير .. هه ..! علاش أنا كنت كنعرف شي واحد من غيرك ؟ زعما تال هاذ الدرجة جاتك المحطة بعيدة تقلب عليا فيها و تقطع الشك ..؟
حكيم:( تكى على البيرو مقابل معاها و رد عليها بجدية ..! ) ما كنتش عارف ..! ما سقت الخبار تا دازت مدة ..! كنت يالاه تقبلت فالمعهد الملكي د البوليس لي فقنيطرة .. ما كان لا تيليفون لا خروج ..!
شريفة:( حكات شنايفها مع بعضياتهم كتسناه يطلقها للفراجة ..! ) اهاه ..!
حكيم: كانت القضية مزيرة عندنا ماشي بحال دابا طالقين اللعب شوية ..! ( سكت كيشوف فرجليه مدة قصيرة و رجع كمل ) نتي أول وحدة سولت عليك فاش ترخفات عليا القضية و تما وصلاتني الهضرة بلي هربتي مع صاحبك ..!
شريفة:( ضحكات باستهزاء ) هههه مع صاحبي ؟ جاتك على قلبك ياك ؟ ( ضرباتوو لرجليه مغذذة ) صدقتي حتى نتا بو وذينة و خاصك غير ما تسمع ..؟
حكيم: حتى ما نكونش كبرتك على يدي و كنعرفك كثر من راسي ..! ( شاف فعينيها و بهدوء قال ) كنتي بنتي ماشي غير بنت الجيران ديريها فبالك ..!
شريفة:( سكتها بكلاموو ما عرفات ما تقول ..! بقات غير كترمش عينيها فيه ..! ) و شنوو ؟
حكيم: راه ما كنرضعش صبعي أ مدام ..! و عارفك كي دايرة و لا نقولوو كنت كنعرفك ..! ( ببرود هز حاجبوو و كمل ) و بلا هاذشي كامل ما كاينش هذا لي تعرفيه مورايا و يعمرلك العين ..!
شريفة:( وسعات عينيها فيه و قالت ) اش هاذ الثقة فالنفس كاملة ؟ نقص شوية من كلوريكس أ الشريف ...!
حكيم:( ضحك مبين على سنانوو ) رحم الله امرئ عرف قدر نفسه ..! ما كاينش هذا لي يجي قدامي ( هز حاجبوو فيها ) كذبيني فهاذي ؟
سكتات و سكت حتى هو ..! حتى شيراتلوو بيديها لجهة وذنوو ..!
شريفة: كتسمع هذا الصوت ؟ امم ..! هاذو غير ملائكتك كيمسخوو فيك .. بقالك شوية و تولي بحال القرد بهاذ التواضع لي فيك ( طلعات فيه عينيها هازة حاجبها ) و أنا نقول و نتا قول الله و علم ..!
حكيم:( تبسموو عينيه ) هه ..! طوال لمك اللسان البرهوشة ..! المهم ..! ( عقد حجبانوو و كمل بجدية ..! ) مك فاش هربتي ديكلارات بيك و كلشي عرف بلي هربتي مع صاحبك و داك القو** لي كان معاكم حصلك هو و أسية خارجين ..! ضربتيه و خذيتي البنت معاك ..!
شريفة:( جمعات الضحكة و سكتات قالبة وجهها للجنب كتتنهد ..! )
حكيم: بقات حبيبة كل مرة كتسول عليك و دايرة ما فجهدها تلقاك ..! أنا ما عنديش الكونجي و مربوط فالمعهد ..! أول ما خرجت طلعت للبلاد قربلتها مع كبيرة و والوو عيينا نقلبوو ما كاين خبار عليك ..!
شريفة: و علاش حاقد عليا من هاذشي كامل ؟ ( باستهزاء ) عند بالك طلعاتلي العيشة فالدار فالراس و قلت مع راسي نوضي أ شريفة تجربي الزنقة تا هي كي دايرة .. ما طالعاش ما طالعاش ..؟
حكيم: المعهد قريت فيه عاماين و غير تخرجت منوو سيفطوني لوجدة خدمت فيها ..! و درت المستحيل باش نعرف فينك ..!
شريفة: و تما عرفتيني تزوجت ..!
حكيم: كان صعيب نلقاك .. فيها حريق الراس بالمعقول و ماشي غير أجي و جبد .. واخا فالبوليس باش ما تمشيش غالطة ...! ( هز حاجبوو ) لقيتك بايعة شبابك على ود الفلوس ..! مزوجة بواحد قد باك ..! شفقت عليك كثر ما كرهتك
شريفة:( عضات على شنافتها كتسمع و بصوت مبحوح قاطعاتوو ) نتا ما عارف حتى لعبة ..! أنا كن كنت كنتفرج من بعيد غنشبع ضحك على حياتي و نبدا ياه كان خاصها تدير هاكا ماشي هاكا .. ويلي شنوو هاذ الكلاخ ؟ ناري شحال كتمرض فراسها على الخوا الخاوي ..! ( ضربات فوق البيرو ) لا نتا لا غيرك دوزتوو لي أنا دوزت باش تحكموو عليا ..!
حكيم: شنوو دوزتي ؟
شريفة:( هزات حاجبها ) ياك شفتي الضوسي ديالي ؟؟ و لا غير زواجي لي بان لك فالقصة كاملة ؟
حكيم: ما شفتوش و صعيب نشوفوو فداك الوقت و أنا يالاه بادي ..! عرفتك تزوجتي و تأكدت بعيني ما عاودلي حد .. كنتي مرتاحة معاه و فرحانة ..!
شريفة:( ردات بجدية كتشوف فعينيه ) عرفتي شنو تعلمت من هاذ السنين لي فاتوو كاملين ؟ ( حرك راسوو بمعنى شنوو )الدنيا علماتني الصبر ..! ( هزات يديها برقم واحد ) ص ..! هي الصيرورة كلشي غادي يدوز و دوام الحال من المحال .. حتى حاجة ما كتبقى كيفما كانت و شحال ما عضيتي فالصبر غيجي واحد النهار توصل و تنال فيه ..! ( دارتلوو حركة بمعنى رقم جوج ) ب ..! هي البشرى ههه ..! نبقى ديما ضاحكة و نعيش حياتي بالطول و العرض المهم أنا فرحانة و لهلا يقلب بكحل الراس ..! يلا تعصبت و مرضت فخاطري حتى حاجة ما غتتبدل .. على هاذشي غتلقاني واصلة لي للجذر كتنخر فيا و أنا ضاربة الدنيا بطالوون ما مسوقاش ..! ( هزات يديها بمعنى ثلاثة ) ر ..! هي الرضى ..! نكون راضية على راسي و ثايقة فيه و متحملة مسؤولية كاع لي كندير ..! ( بثقة وقفات و كملات )
بثقة وقفات و زادت لحداه كتهضر و عينيها كيلمعوو ..! لكن هاذ المرة لمعة قوة ..!
شريفة: ربيت راسي براسي .. صبرت على لي ما يصبروش عليه الرج٠ال بشلاغمهم ..! كليت فالدق حتى كنت كنقول غنمووت صافي هذا هو الحد .. و لكن نضت و وقفت و لقيت باب و خرجت منوو و راسي مرفوع ..! ( حطات صبعها على صدرو و حفرات بيه ) لا نتا كبرتيني على يدك لا غيرك .. من نهار نهاري ما عندي حد و ما محتاجة تا واحد فحياتي ..!
حكيم:( حرك يديه بثقالة و رد بهدوء ) متأكدة ؟
شريفة:( هزات حاجبها فيه ) لي متأكدة منوو دابا هو ما كرهتش نشكم بيك لباباك بحال أول مرة عرفتك فيها و يسلخك قدامي مرة اخرى يالاه يبردلي قلبي فيك .. هو لي كيعرفلك ..!
حكيم:( سهى كيتفكر ..! عينيه مبسمين و ملامحوو هادئة ..! ) الواليد توفى أ شريفة الله يرحموو ..!
رمشات عينيها بالشوية ..! كانت حاسة حيث حتى ملاك ما جبداتولهاش فاش كانوو جايين فالطونوبيل ..! ما عرفاتش شنوو تقول ليه ؟ هي عمرها حسات بحب الواليدين و المشاعر لي يتحركوو جهتهم هما بالذاث بعطف ما عندهاش ..!
شريفة: الله يرحموو ..! كي وقعلوو ؟
حكيم: ديال الله ..! ( هز حاجبوو ) حتى واحد ما خطاوه المشاكيل ..! من مور زواجك رجع الواليد بملاك لعندنا للدار .. كانت باقى صغيرة و تقبلناها عادي واخا من مراة اخرى و مزوج بيها بلا خبارنا ..!
شريفة:( ردات باستغراب ) زعما نتوما الرج٠ال غير لي يطحنكم فشي مولينيكس و يتهنى ..! دابا ماماك كاين شي حد عندو العقل يتزوج عليها ؟
حكيم:( رد بتحذير ..! ) الله يرحممممو ..!
شريفة: اييه اييه الله يرحموو ..! ايوا زيد كمل ؟
حكيم: شنوو غنكمل ؟ صافي من موراها بشي يامات توفى الواليد و ناض الصداع على الورث و كترو المشاكيل حتى رجعت دخلت بحالي لكازا و جبتهم لعندي ..!
شريفة: و نسيتي أكادير و ناسها و تزوجتي ( باستهزاء ) بمولات دارك تحلب نتا وياها بقيرات و تعيطوو على الصالحين و الجواد ..!
حكيم: هه ..! لا كنت كنتسناك ترجعي باش نعطيك واحد جوج تسرفيقات تا تضوري أ بون أبيتي ..!
شريفة:( وسعات عينيها فكرها فالنهار د تطوان فاش قمشاتها القطة و اقشور ..! ) نسيتي أهم حاجة ..! فوقاش عرفتيني ؟؟ فالقهوة و لا قبل ..!
حكيم:( شاف فالساعة و قال ) جلسي هنا نمشي نفك الكارثة لي درتي و نرجعلك ( هز حاجبوو ) و لاكاب كيتسناك يلا ما سرحتيش داك اللسان و هضرتي ..!
شريفة: شنوو زعما يلا ما عاودتلكش غتهبطني للتحت ؟
حكيم:( رد باستهزاء كيقلب بين الملفات ) بحال يلا شفتيها بعينيك ..!
شريفة: دابا ما حدي عندك غير دير ما بغيتي تا نخرج و نتفاهموو أسي أمغار ..! ( سكتات كتشوف فيه كيكتب فواحد الورقة بخط يدوو ..! ) ااااه قبل ما ننسى ..! الفردي حالوو ساهل ..! لقيتي الصاك يعني لقيتيه تا هو و النص فالكارثة تحل ..! غتقولهم ناضت شي مدابزة فشي درب لي اكيد ما فيهش الكاميرات باش ما يلقاو منين يشدوك و نتا كتفك تسرقلك الفردي من الطونوبيل .. كنتي خاشيه فشي شانطة ..! تبعتيهم و هربوو ما قدرتيش تشدهم .. من بعد أنا جيت لعندكم و ديكلاريت صاكي تسرق مني .. و ما دازش بزاف و جبتوو الشفارة لي أنا صورتهم فيديو باين فيه وجههم و كان معاهم الصاك و الشانطة ديالك لي فيها الفردي .. تا هما غير لقاوها مليوحة و باين لي سرقوك فلول شافوه و تخلعوو و لاحوه فشي خلى تا لقاوه المساخط لي شديتو .. غير يلا بغيتوو تعقدوو الأمور و صافي ..!
شريفة:( هزات كتافها ) غير يلا بغيتوو تعقدوو الأمور و صافي ..!
حكيم:( هز عينيه فيها و باستهزاء قال ) نقصي شوية من الأفلام ..!
ميقات فيه و رجعات جلسات حاطة رجل على رجل كتضور فعينيها باغى غير فوقاش تخرج تمشي تبدل عليها .. قنطاااانة براسها و فنفس الوقت مرتاحة حيث ما قال تا كلمة أو شم شي رائحة ماشي تال تم ...!
شافت فيه بلا ما تعييق .. غير من التحت للتحت باش ما يحصلهاش و تتحشم ..! باغى تتأكد من ملامح وجهوو واش بصح ما شمش ريحتها ؟
كيبان عليه مشغول و مركز فخدمتوو ..! حاط قداموو وراق بويض كيكتب فوحدة منهم ..! ركزات فيديه لي مشعرين بطريقة جميلة و نقيين فنفس الوقت غير من الحمورة د كفوو ..! داير كورميط دالخيط مضفرة فيديه متوسطاها دائرة ذهبية منحوتة على شكل نسر ..!
مصات شنافتها متبعة معاه و هو كيكتب بخط مقروء واضح .. واخا كيزرب فالكتابة و ما كيشوفش فالورقة نهائيا ..! داير شدة فريدة للقلم ..! كمل و هز الطابع كيسوط عليه و يطبع فالوراق لي كتب .. فوق السينياتور ديالوو ..!
حكيم:( رد بالزربة خارج من البيرو ) أنا راجع ما تقيسي حتى حاجة ..!
زدح الباب موراه تا تسمع الصوت فداك الجهة كاملة ..! مخلي شريفة كتزرب تبدل عليها داك الحالة ..! حيدات السروال لي لابسة من تحت الجلابة و لواتوو مزيان خاشياه فصاكها ..!
هزات مراية صغيرة كتشوف فوجهها و تقاد شعرها طايح عليها السر بالتزنيكة واخا العينين منفوخين و حوومر ..! رشات عليها من عطرها حتى ولات ريحتها تتشم من بعيد و جلسات جامعة رجليها كتقلب فوراقيها واش حتى حاجة ما ناقصة ..!
شريفة:( تكات فوق البيرو بفشلة و شوية بشوية بدات تديها عينيها و نعسات تما كتمدغ فالهضرة كتتفكر كاع لي وقع ..! ) شف ننن شفااار امننن شدوه
نعسات لمدة طوييييلة من بعد العذاب لي داز عليها و الطبخة د البكى لي بكاتها ..! طاح الظلام عاد تفتح الباب و دخل حكيم كيتكسل بتعب .. شاف جهتها و بهدوء قرب لعندها كيفيقها ..!
حكيم: شريفة ( دوز يديه على شعرها ) نوضي يالاه نمشييو .. براكة من النعاس ..!
حلات عينيها بالشوية .. شادة على عنقها لي كرفساتوو فالنعاس تا ضربها الضوو فيه ..! ذاتها كاملة كتحرقها و عيانة ما قادراش تتحرك نهائيا ..!
شريفة:( حطات يديها على فمها كتفوه ) ففف ساليتي ؟ تعطلتي بزاف ..!
حكيم: زيدي يالاه .. أسية كتسناك برا ..!
هزات صاكها و خرجات قداموو لقات أسية كتسناها وجهها صفر و بان فيها العيى و الجوع كثر من شريفة لي غير شافتها عنقاتها بالجهد كتبوس فراسها و كتقلب فنفس الوقت بعينيها على كريمة لي ما بقاش بانلها الأثر ..!
شريفة:( بصوت خافت ) عذبتك معايا هاذ النهار أ تاسانوو ..!
أسية:( حطات يديها على الدقة د جبهتها لي زراقت و تبوقات ) خاصك تمشي لطبيب تشوفي واش ما عندك والوو .. راك درتي كسيدة ا شريفة ما تهمليش راسك ..!
شريفة:( تنهدات بقوة و قالت ) نخرجوو بحالنا من هاذ الدار الكحلة و يحن الله داك الساعة ..!
حكيم:( طرق البيرو و قال ) مشيينا ..!
شريفة و أسية: يالاه ..!
حرك يديه بمعنى زيدو ..! تمشاو قداموو و هو تابعهم من لور بهدووء كيوريهم منين يسلكوو حتى خرجوو من تما على خير و بخير ..!
شريفة: طونوبيلتي خليتها فسباتة قدام واحد القهوة فجهة دشي سويقة تما ..! المهم وصلنا لتما و غنعقل على البلاصة بالضبط ..!
شاف فيها و رجع ركز مع الطريق بلا حتى كلمة ..! غاديين فسكاااات حتى واحد فيهم ما بقى هضر كلها و هموو ..! هو راسوو تطبخ عليه و شريفة العيى قتلها باغى غير توصل لدارها تدوش و تحط راسها فوق المخدة .. أما أسية كتشوف بعينيها و مكمشة فبلاصتها ..!
بلاصى قدام وحدة من العمارات فحي راقي ..! السكات و الشارع نقي .. حس الهضرة ما كضورش تما ..!
شريفة:( باستغراب و قلة صبر قالت ) فين حنا ؟ علاش جينا لهنا ما فهمتش ؟ راه قلت لك فين خليت طونوبيلتي بغيت نمشي بحالي ا حكيم .. عيييت صافي ..!
حكيم: هبطي ( حرك حاجبوو ) ما غتمشيش فهاذ الليل و بهاذ الحالة .. تال غذا و أراي ما يعاودو عليك ..!
شريفة:( ردات بالنفي ..! ) و بشمن صفة غندخلوو معاك لدارك .. الراس فالراس ؟
حكيم:( فتح الباب و قال مكره ) بلا فريع الكر ديالك راه راجل معاك ماشي مكب٠وت حاكموو ز** باش نجيبك تال عندي و نشدك صحة ..! ( قلب عينيه بملل و هبط ) الدار عامرة ما غنح**ك ما غنخراولك غير ارتاحي ..!
شريفة:( غوتات كتسمعلوو ) وااا القلا*** ما تبقاش تخسر الهضرة قدام البنت .. مالك مصووفج ( قلبات راسها للجنب ) تفوو على بنادم كي داير
أسية: يالاه نهبطوو أ شريفة .. نتي أصلا عيانة ما غتقدريش تصوكي .. نباتوو بجوج أنا و ياك و الصباح نرجعوو بحالنا
شريفة:( حركاتلها راسها و فتحات الباب هبطوو ) قالك يح** ههه ..! حتى يكون عندو باش هاذ وجه الثومة هذا ..!
أسية:( عضات على فمها كتولول ) سكتي غيسمعك أويييلي ..!
قلب راسوو كيهضر فالتيليفون و اليد الثانية هاز بيها الكونطاكط .. برك عليهم حتى تطرقات الطونوبيل و تشدو البيبان .. و فنفس الوقيتة ردات شريفة على أسية تا سمعها ..!
شريفة: و يسمع يدوو فيه ..! ( باستهزاء ) يقتلوك غير بالشفوي و هما عضلات عنتر و قشاوش كوثر ..!
حكيم:( قطع لابيل و ببرود قال ) تجربي ؟
شريفة:( ردات ببرود حتى هي كتقلب فعينيها ..! ) شربنا من البير ملي كان الما صافي أما ملي كترو فيه اليدين خليناه غير لغسيل الرجلين ( غمزاتوو ) ما عنديش مع الحاجة المشروكة أ الزين .. ما كنجربها ما كنقرب لها ..!
حكيم:( هز حاجبوو بثقالة ) ايااااه ..!
شريفة: هاذشي لي كاين ..! ( عوجات فمها ) غتخلينا واقفين هنا ؟
بعد من قدامهم و سرح يديه بمعنى ها الطريق قدامك .. حتى هي ما كانتش من العاكزين جرات أسية عندها و طلعات فالدروج غادية فاتجاه السانسور ..! ركبوو مجموعين و طلع بيهم للطابق الثالث فين الدار د حكيم ..!
فتح لهم الباب بهدوء كيشوف فيها مزنكة و بحال يلا حشمانة تدخل و مترددة ..!
حكيم: رخفي النفس فيك و دخلي .. الدار دارك ..!
شريفة:( رمشات ببطئ و بلطافة ردات ) شكرا ربي يخليك ..!
دخلات بالشوية كتسرح عينيها فالدار .. فتصميمها و الأثاث ديالها و ريحة النقاوة لي عاطية منها ..! كحزات للجنب خلاتوو يدوز يسبقهم و زادت موراه هي و أسية مزنكين ..!
حكيم:( لاح السوارت و حرك راسوو بالايجاب ) السلام عليكم ..!
عدنان: و عليكم السلام و رحمة الله تعالى و بركاته ( حرك يديه بتساؤل ) من قبيلة و حنا نتسناو فيك .. فين تعطلتي ؟
شريفة:( زادت قدامهم و قالت بخجل ) احم السلام ..!
حكيم:( ضار موراه لقى محمد أمين خارج من الكوزينة هاز كانيط فيديه هو و خليل .. بهدوء قال كيشير لك واحد فيهم ..! ) شريفة .. أسية ..! و هذا عدنان .. خليل و محمد أمين ديجا شفتوه ..!
الكل: مشرفين ..!
عدنان:( وقف ما كيشوفش فالبنات حدو النظرة اللولة ..! ) غنمشي دابا .. حتى تكون مسالي و نتلاقاو ..!
هزات أسية عينيها فيه باستغراب ..! كتطلع و تهبط فيه ..! شعرو كحل قوي .. مربي اللحية مخليها كثييفة عاطياه جمال و وقار من نوع ثاني ..! حروفوو كوحل و حجبانوو قويين و غولض مرسومين من عند الله ..! لحموو بيضة و مرافقوو سوومر بالشمش .. مسرااار و عينيك بلا ما تحسي كتهرب لجهتوو .. عندو واحد القبول عجييب ..!
حكيم: جلس بلاتي باغيك فشي حاجة ( ضربلوو على كتافوو و شاف فشريفة ) أجي معايا ..!
تبعاتوو محرجة من الموقف ..! مخلية أسية غارقة فبلاصتها كتشوف غير فالأرض .. تا دخلها محمد أمين تجلس ..!
شريفة:( بثوثر قالت و هي كتشوف فيه كيقلب فالمجورة ) كن غير وصلتينا نمشييو بحالنا .. ما غنرتاحش هاكا و الله ..!
حكيم: الحمام مشعول دخلي ارتاحي من العيى ديال هاذ النهار .. و ها الماريوو حداك لبسي شي حاجة من حوايج كريمة و خرجي ( ضار عندها هاز سمطة ملوية لاحها جهتها و قال ) شدي ..!
شريفة:( قبطاتها قبل ما تطيح للأرض و باستغراب قالت ..! ) ما فهمتش ؟ مال هاذي ؟
حكيم: غتخرجي من الدوش غتلقاي ملاك كتسناك هنا فالبيت ..! خلصيها فلي دارتوو معاك ..! ( هز حاجبوو فيها ببرود ) غتاخذي حقك بيديك منها و لا نتي لي غتاكليها بيها فبلاصتها .. اختاري وحدة من جوج ..!
شريفة:( رمشات عينيها و قالت ) لا يمكن فهمت غلط ؟ شنوو قلتي ..؟
حكيم: راه هضرت معاك ما غنعاودش كلامي جوج مرات ..!
شريفة: يعني سمعت مزيان ..! ا خووويا واش مغنساليوش حنا من العصا هاذ النهار ؟ بغيتي تضربها شغلك هذاك نتا و خوتها ..! ضبرو مخكم معاها المهم أنا خليني فالتيقار ..!
حكيم: دونك ( إذن ) تاكليها بلاصتها نتي .. ياك ؟
شريفة: غادي نبعر بلاصتها ( حطات يديها على جنبها و تنفسات مزيان و بهدوء كملات هضرتها ..! ) ما نقدرش نضربها بهاذ الطريقة و أنا كنشوف فيها كتبكي قدامي .. راه كوميم ماشي قلبي حجرة .. نتا جات معاك و غتقبلها منك أنا لا و غتكرهني على والوو و مالي على هاذ القرع نمشطلوو راسوو ..!
حكيم:( رد بلا مبالاة ) و لهلا فين تبغيك ..! فين كاين المشكل ؟ لي دار الذنب يستاهل العقوبة .. باش المرة الجايا قبل ما تدير شي حاجة تفكر فيها مزيان
شريفة: بلا ما تعصبني الله يرحم باك ما غنحطش فيها يدي و زايدون ( هزات صبعها جيهتوو ) ما تبقاش تشوف غير الناس .. بدا براسك نتا لول .. الغلط غارق فيه من ساسك لراسك ..!
حكيم:( قرب جهتها و بثقة قال ) أنا راسي و قاسح معاه .. مكنخليهش يتمادى ..! معاك و لا مع غيرك ..! و يلا مشيت حتى ظلمتك فشي حاجة غنعاقب راسي بيدي ( بهدوء ) نفسي ما كتغلبش عليا ..! و لهاذ النهار باقي ما ظلمتك فوالو .. كتخلصي على نتي شنوو كتديري .. لا غييير ..!
شريفة:( ضحكات باستهزاء ) ههه ..! زوينة عندك هاذ كتخلصي على شنوو كتديري ؟ و نتا شنوو مشى لطباسل و فراشط مك تا تتدخل فيا ؟ ( هزات حاجبها ) داكشي كامل لي درتيه و ما ظلمتينيش ؟ شنوو غنقولك الله يعطينا وجهك و صافي ..!
حكيم:( دوز يديه على راسوو قالب وجهوو من جهتها ) و باقى كتسول اش دخلني فيها ؟ ( شاف فيها ) رشقااااتلي عليك مزيانة هاذي ؟
شريفة:( عصبها ) وا يلا مزيانة طلعها معاك و عيط على لي يحمرلك السوة ديالك .. يالاه تبرد الدودة لي شاعلة فقزيبتك كتقلب على لي يخورها ..!
قرب منها مخرج عينيه فيها بعصبية و غوت هاز يديه عليها ..!
حكيم: غنضرب ديلمك حتى تطيري الله ينعل الز*** بووك ابنت الق*** ( هبط يديه ما باغيش يقيسها ..! زاد قربلها دافع جبهتو جهتها ) كتقلبي عليا نفرع ط** مك .. ما عييتيش ؟
هزات يديها عطاتوو بتسرفيقة تا طراساتلوو الحنك و قبل ما يشدها نقزات من فوق الناموسية مطلعة الجلابة لنص فخاذها ..!
مشات لجهة الكوافوز و أول عطر جا على يديها سيفطاتوو جهتوو تا تهرس لطراف فالأرض ..!
شريفة: يلا نتا كتقلب على لي يح*** ما تجيييش عندي أنا غيييير بنت ما عندي باش نفعك ..! عطى الله الدنجال لي يبرد القلب غير قلب و غتلقى قياسك ..! ( كتهضر و تسيفط عليه العطورة و المكياج د كريمة كامل دكدكاتوو ) أنا بنت الق*** ؟ ياكما ح** باك و ما خلصتووش فعرق كتافووو ؟
شافتوو جاي لها ما كيعقلش بالأعصاب .. و هي تسمح فلي فيديها و ضرباتها بجرية كي الزواق كتطير ..! فتحات الباب و خرجات للصالة عند الدراري و أسية لي جالسة مكمشة حشمانة ..!
مشات كتنقز و طلعات موراهم بثلاثة بيهم شانقة عليهم قدامها .. ما عرفوها منين تسلطات عليهم ..!
حكيم: خرجي تتقودي من تما حسن لك ..!
شريفة:( ردات كتقلي ليه السم ) وا كنقسم لك بالله و تحط عليا يديك يلا ما درت سيرتيفيكا و مشيت ديكلاريت بيك عند الشاف ديالك و جبت عليك طناش لشاهد .. راني خليت الدل على العيالات
ما ردش عليها قرب منهم بعصبية و جرها من يديها بنثرة تا خرجها من وسطهم و عطاها بتسرفيقة قلبات لها الوجه و يالاه جاو يتدخلوو يفكوهم كانت وقفات و نزلات عليه للوذن كضرب بيديها و رجليها ..! جراتلوو جبهتوو بظفارها تا سيلات دموو و بقات القمشة باينة جهة الحاجب ..! بصعوبة بعدوهم على بعضياتهم كينهجوو .. واقفين بثلاثة بيهم وسطهم ..!
أما شريفة و حكيم فراه كيشوفوو فبعضياتهم بتخنزيرة د الموت ..! هو عارف يلا مشى حتى شدها دابا ما هما فخير فما دايرش مجهود نهائيا باش يوصلها .. و هي ما كرهاتش تربطوو و تبقى عليه هاك بلاك حتى ترد ليه كرشوو رطب من ظهرو بالاستفزاز لي كيستفزها ..!
حكيم:( حرك راسوو من التحت للفوق ) الهضرة ماشي دابا ( غوت ) ملااااااااااااك
خرجات عندو ملاك كترعد من الغوتة لي غوت ..! شيرلها للبيت و بلا ما تعاودها معاه سبقاتوو لتما و هو موراها مخنزر ..!
دخل زدح الباب و طرقها عليهم ..! و خوتوو واقفين مبهوطين فشريفة .. ما فهموش شنوو وقع بيناتهم لداخل ..! و واش بصح ضرباتوو و ما دارلها والوو ؟؟ هما لي رجال و عمرهم فكرو فيها ..!
شريفة:( قالت كترد النفس ) وا بقاو حاضييني ...! ( خرجات عينيها ) سييروو عتقوو ختكم قبل ما يقت٠لها داك المصعوور
باقي ما كملات هضرتها تسمع غوات ملاك و بكاها من البيت ..! غمضات عينيها كتمشي و تجي بلاصتها و محمد أمين عاد كيعاود للجوج لوخرين شنوو واقع كان كيتسنى حكيم تا يجي و يهضرو ..!
شريفة:( شافت فيهم حاطة يديها على جنبها ) بلاتي عليكم مزاااال الحال .. وااا نوضوو فرعوو عليه الباب .. ياك أنا لي ضراتني وا مسامحة لها ( فقصوها ببرودية د٠مهم ) الدعوة بيكم لله غتهبطولي النقطة هاذ النهار ..!
ردو عليها بثلاثة ببرووود : خليها تستاهل ..!
شريفة:( شافت فيهم و قالت مفوهة فمها بصدمة ) سوووووبحان من خلقكم ..!!!!
محمد أمين:( رد عليها بجدية ..! ) ما بقاتش فواش نتي سمحتي لها أو لا ..! هي مشات لشي حاجة ما فيهاش الضحك و عارفة مزيااااان باش غتخرجلها معانا فاش نعرفوو و خصوصا مع حكيم لي دازت عليه بسباب هاذ الزبل ..!
خليل:( رد بتأييد ) خاصها تتربى ..! هاذ الفعايل ماشي ديال ماري لي كنعرفوو ..!
شريفة:( جلسات حدا اسية مقابلة معاهم ) ايييه تتربى ما قلناش لا .. و لكن ماشي بهاذ الطريقة ..! واش كاينة غير العصا باش نفهموو الواحد بلي داك الحاجة ما مزياناش ؟
محمد أمين: فبحال هاذشي .. ااه كاينة غير هي ..! هي لي كتنفع ..!
عدنان:( ناض وقف كيشوف فخوتوو ..! ) غيخصني نمشي دابا .. نرجع من بعد ( حرك راسوو جهة البيت ) صافي حكيم راه تكلف .. هو فيه الخير و البركة ..!
محمد أمين: جلس أ صاحبي .. بغينا نتجمعوو هاذ ليلة زعما .. راك عارف ( غمزو بمعنى الفاهم يفهم ..! )
عدنان:( رد بالنفي ) لا لا خاطيني ديكشي .. المهم بصحتكم .. غنمشي للمحل نشوف الأمور تما .. نتقاشعوو اليوم و لا غذا فالدار لهيه ..!
محمد أمين:( هز يديه باستسلام ) على خاطرك أ خاي .. تا حبيبة غتكون طالعة لها النقشة .. النهار كامل و هي توجد على حكيم و فلخر ما تلاقاتوش و رجع أجل معاها لغذا ..!
عدنان:( شاف فأسية هاز حاجبوو باستغراب من نظراتها لي قلقوه ..! و رجع قلب عينيه ) الخدمة هي هاذي .. ما عندو ما يدير ..!
تسالموو معاه و مشى خرج مخلي أسية متبعاه بعينيها ساهية فيه بلا ما تحس حتى غبر من قدامها و تكات براسها على كتف شريفة لي حاضياها بنص عين و وذنيها مع ملاك لي صوت بكاها و رغيبها كيوصل تال عندهم ..!
شريفة:( بهدوء قالت بصوت خافت كيتسمع غير بيناتهم ..! ) فين كتشوفي نتي ؟؟
أسية: علاش مالي ؟؟
شريفة:( حطات يديها على شعرها محمرة عينيها فيها ) راها مايلة لك نيت و كتقلبي نتسيف عليك وا الله يعميها لك من عندي ..!
أسية:( تزيرات تا الدموع بغاو ينقزو من عينيها ..! ) ما درت والوو ...!
شريفة: على أنا غنتسناك حتى تديري بالسلامة ؟ ( هزات حاجبها ) جمعي راسك شوية ..! قربتي تاكلي السيد بعينيك .. هو حشم و نتي حلفتي لا شفتي قدامك ..؟ كتقلبي عليه يضور فيك شي ضورة تخدم عليك حياتك كاملة و لا شنوو ..؟
غمضات عينيها و سكتات مكمشة فيها بحناك مزنكين مزيرة شادة البكية بزز ما كتحملش شريفة تضور فيها و لا تحاسبها على شي حاجة .. غير بالهضرة كتندمها و تأنبها ..و تا هي مربية و مكالمية ماشي شي وحدة لي كتطير ..!
تنهدات و دوزات يديها عليها ..! متكية باغى غير ترتاح ما قادرة تفكر فحتى حاجة ..! بالها هاذ الساعة غير مع كرشها لي كتتلوى بالجوع و هاذيك لي تقطع حسها لداخل ...!
تقريبا شي خمسة و ربعين دقيقة و الباب مسدودة عليهم ..! عاد خرج حكيم مبدل عليه بشورط حد الركبة فالكحل و الأبيض مع تيشورط كحل و صندالة رياضية فرجليه ..!
ما هضرش معاهم مشى نيشان فتح باب الدار لقى العساس واقف كيتسناه هاز فيديه قوة الساشيات .. خداهم و دخل من بعد ما خلصوو و شكرو ..!
حكيم:( شاف فخليل ) فين خليتي جيم ؟
خليل: راه فالسطح عند حبيبة .. عطيتوو ماكلتوو و كاع لي يحتاج عاد جيت ..!
حط الساشيات فوق الطبلة و بدا يجبد .. ستة ايمانسي مخلطين نص د اللحم و النص الثاني د الدجاج .. ستة د البيتزات كاطخ سيزون و ستة ديال سلاد دو فخوي بلافوكا و المكسرات ..!
حكيم: سير عيط عليها تجي تاكل ..! ( شاف فأسية ) نوضوو قربوو ( شير بيديه باش يدخلوو للداخل و مشى للكوزينة جاب الطباسل و لي فورشيط ..! )
شريفة:( رمشات عينيها و بصوت خافت قالت لأسية ) مال هاذ الزمر ما كيهضرش معايا ؟ شنوو زعما غضبان ..!
أسية:( هزات كتافها و ردات ) ما عرفت لكم نتوما حال و أحوال .. المهم جلسي دابا راه فيا الموت د الجوع ..!
تجمعوو على الطبلة .. شي ساكت بحال حكيم و شي كيهضر على نهارو و الطرائف لي دوز بحال خليل .. و شي حشمان بحال أسية ..! تا خرجات ملاك عينيها طايبين بالبكى و وجهها مزوق بالتسرفيق .. كل شوية تشهق و ذاتها باقى كترعد ..!
محمد أمين:( شاف فيها و مدلها بواطة كان مخليها حكيم حداه فالجنب ) هذا دجاج ديالك ..!
خذاتوو من عندو و يالاه حلاتوو شهقات بالجهد تا شافوو فيها كاملين و بالزربة وقفات ترمات معنقة حكيم كتبكي عليه ..!
ملاك: سسسس مممح سسسمممحلي هء عاااافااااك ا حكيم ما تبقاش مقلق عليا ( بعدات و باستوو فحنكوو كتشوف فيه و عينيها شلال .. شادة على صدرها لي كيطلع و يهبط بالزربة ) بغييت نعاون غير صاحبتي سمحلي ..!
حكيم:( بهدوء رد ) السماحة لمن خاصك تطلبيها ..؟
ملاك:( هزات راسها فشريفة و قالت ) سمحيلي ا ختي عافاك
شريفة:( تنهدات و ردات كتحرك راسها بالايجاب ) المسامحة .. ماشي مشكل ..!
و هما كيهضرو تطفى الضوو تا ما بقى كيبان والووو .. و يالاه جا يشعل حكيم البيل د التيليفون كان دخل خليل هاز طاغط فيديه .. شاعلين فيها الشمع كيطرطقوو و هو كيغني ليه ..!
خليل: هابي بييييرطداااي تووو يوووو حكيييم ..! هابي بييييرطداي توو يووو حكييييم ..! سنة حلووووة يا جمييييل ههه اسكاس امباركي ..!
شافت فيه شريفة باستغراب و سرعان ما غلباتها الضحكة من ملامح وجهوو لي باين منهم بلي متفاجئ و حشمان فنفس الوقت .. مخلطة عليه الدعوة ..!
شريفة:( حركات راسها و قالت ) عيد ميلاد متووورخ عمرك تنساه ..!
حكيم:( ما ردش عليها حدو وقف كيشوف فخوتوو و بامتنان قال ) عذبتوو راسكم ( غمض عينيه و رجع فتحهم ) الله يحفضكم ..!
خليل:( ضحك معاه و قال ) يالاه طفي الشمع أ سي حكيم .. ايييه على 33 سنة ( شاف فمحمد أمين ) وا الناس شرفوو ا الساط
أسية:( نقزات بحماس ) تمنى أمنية .. غتحقق لك ..!
شاف فيها بهدوء و ساط على الشمع حتى تطفى و رجعوو شعلوو الضواو كيسفقوو ..! طلق لهم خليل الشعبي و جر ملاك عندوو كيشطح معاها و يمسحلها فدموعها .. هاز يديه بحال شي فار كيضور فبلاصتوو و محمد أمين خارج كيزرب تا هو يضرب الزطمة هنا و لهيه تقول كيقتل فسراق الزيت ..!
شريفة:( ضحكات من قلبها على شكلهم ) هههههههههههه ناري ما يمكنش ..!
أسية:( نغزاتها كتشوف فحكيم لي ساكت كيتفرج فيهم .. عينيه مبسمين بملامح هادئة ..! ) نوضي نشطح أنا و ياك ..!
شريفة: هههههه ما بقى فيا تا عظم صحيح أ تاسانوو غير نووضي نتي يلا بغيتي ..!
شطحوو حتى شبعوو و رجعوو لعند حكيم عطاوه الموس قطع الحلوة و فرقوها بيناتهم .. النص كلاوه هو و العشا باش ما يبردش و النص الثاني خلاوه جنب ..! غير كملوو ماكلتهم بداو بالتشيار و التنقاز .. لي يشوفهم ما يقولش راهم شارفين بعقلهم ..!
محمد أمين:( شير على شريفة بطرف صغير د لاطاغط .. جاتها فالعين تا وقفات سادة عين و حالة الثانية مفوهة فمها ) نتي معاندة مع هذاك لي حداك و لا كيفاش ؟؟ ( على حكيم )
شريفة:( مسحات عينيها و قالت باستهزاء ) لا كنزرع الزعفران زغبة زغبة فالمحابق ما مسالياش
تحنات على الحلوة تا عمرات يديها و خرجات لعندو ..!
شريفة: مك يا مك كحلتيييها ( خلفات كتجري و صوت ضحكتها كيتسمع فالصالة كاملة ..! ) إلى الجهااااااااد وحدووووووه ...!
تبعاتوو تا طلساتوو بلاكريم و رجعات فاشلة .. دازت من قدام حكيم يالاه بعد رجليه باش تدخل .. رجعات خطوة اللور و هزات شوية د لاكريم دوزاتوو على نيفوو و قالت بصوت دلوع مبتاسمة بسعادة ..!
شريفة: الناس غضبانين علينا و دافعين كبييير نعام أ لالة ...!
بعد راسوو كيمسح وجهوو مخليها بلاكة تا جمعات الضحكة و دخلات مركنة فبلاصتها كتاكل فالحلوة و متبعة خوتو لي مشاو جابوو كادويات لحكيم فرحانين بيه و هو دايرلهم خاطرهم و صافي ..!
شريفة:( بخجل قالت ) ما كانش فخباري أما نجيبلك الكادو معايا ..!
حكيم:( بهدوء رد ما كيشوفش فيها ) هانية ماشي مشكل ..!
أسية:( نقزات كتسفق بيديها ) غني لنا أ شريفة بليييييز ..!
خليل:( رد ) كتعرفي تغني ؟ سمعينا شي حاجة ..!
ملاك: ااااه عفااااك عفاااااك ..!
حشمات من نظراتهم كلهم كيتسناوها تغني .. حتى من حكيم ضار شاف فيها .. حاط رجل على رجل كيلعب بالكلاكيط
شريفة: احم .. شوية و صافي .. شنوو نغنيلكم ؟
سكتات كتفكر شنوو تغني .. و بهدوء غمضات عينيها كتلحن بالشوية .. و باحساس كيبورش و خامة صوت قوية بدات كتغني و مرة مرة تشوف فيه بين شفارها .. حناكها وذنيها مزنكين غيطرطقوو بالحمورية ..!
شريفة: هييسطوار قديمة يا عودات حيااااة ..! تلاقينا تفكرنا لي فات .. الحب لي كان عمره مامات يا عمره مامات .. مكتوب علينا أنا و ياك فهاذ العشق ..! معاك أ في ( vie) و حتى للممات ..! قدما إيسييت ( حاولت ) عليك نبعد .. نلقى روحي مازالني قرييب .. قدما إيسييت ندير الجديد نلقي gلبي مزال حديد ..!
سكتات و فتحات عينيها كترمش .. حشمانة منهم و هما كيسفقوو عليها ..!
محمد أمين:( سهى كيتفكر ) الشاب عقيل و ياماتوو ..!
ملاك: صووتك وااااعر أويلي على غير شوية و صافي ..!! أجي علاش ما تشاركيش فشي برنامج دالغنى ..؟
شريفة:( ضحكات و بنظرة كيوت ردات ) ههه اييه شي نهار علاش لا ؟
حكيم:( تسناها حتى شافت فيه و حرك راسوو بالايجاب ) برافوو عندك ما تقوولي ..!
رمى لها هاذ جوج كلمات و ناض بحالوو من تما .. نظراتوو مقلقين و مغير فخاطرو من جهتها ..!
خليل: غتبات هنا ؟؟
محمد أمين:( شاف فالساعة و قال ) لا ..! دابا شوية غنمشي ندي لبسمة العشا .. عندها لاكارد فالطبيب هاذ الليلة ..!
خليل: صافي وصلني معاك للدار و كمل طريقك لعندها ..!
شريفة:( قربات بهدوء لعند ملاك و قالت ..! ) ما نسيتش صاحبتك شنوو دارت ( رمشات عينيها فيها ) هو بصح سمحتلك و لكن يلا ما درتيش لي قلت لك .. غنحسبك بحالك بحالها و ما غنعقل على تا وحدة فيكم ديريها فبالك ..!
ملاك:( ردات بتفاجئ ) شريفة ..!
شريفة:( حركات راسها ببرود ) يلا كان على البلانات أنا موولاتهم و ما تخيليش شحال كنموت عليهم ..! جيتوو تال عند لي تديكم للبحر و ترجعكم عطشانات و بغيتوو تلعبوو ؟ و دابا أنا عاد غنلعب مع داك الغزالة لي مسيفطاك
ملاك: شنوو بغيتي مني دابا ؟ ما خاصني حتى مشكل مع خوتي انا غلطت و خلصت ( عراتلها شوية من لحمها و قالت ) شوفي شنو دارلي كولي كنوزوز لدابا
شريفة:( كمشات حجبانها من المنظر .. زرقها بالمعقوول .. حسات بلحمها حرقها بلاصتها ..! ) خوك ما غيسيق لخبار لحتى حاجة .. هاذشي غيكون بيناتنا و تا داك الصحبة الناقصة ما عندك ما تديري بيها ..!
ملاك:( تنهدات ) صافي واخا ..!
شريفة: المهم حتى نمشي لداري و نسيفطلك نهضر معاك ( دوزات يديها على عنقها و قالت ) بغيت ندخل ندوش و نبدل عليا واخا توريني فين ..!
ملاك: تسناي نقولها لحكيم ..!
ناضت خرجات من الصالة .. دقات عليه فالبيت لقاتوو متكي فبلاصتوو هاز البيسي عندو كيكتب فيه و النظاظر بروطيكسيون فعينيه ..!
ملاك: حكيم ..! شريفة بغات تدخل تدوش و تبدل عليها باش تنعس هي و ختها ..!
حكيم: سيفطيها لعندي ..! الدراري غيمشييو و لا غيبقاو هاذ الليلة ؟
ملاك: لا شوية و يمشييو أنا لي غنبقى ا حبيبي ..! أنا نعيطلك لشريفة تصبح على خير
خلات الباب مردودة و مشات وصلات المسج للمعنية بالأمر و جلسات قدام أسية كيتفرجوو فالتلفزة ..! مخليين شريفة غادية لعندو و مع شدات الباب لقاتوو واقف قبالتها ..!
شريفة:( قالت كتقلب فعينيها ..! ) فين غندوش ؟
حط يديه على ذراعها و جرها بهدووء لعندو تا هي تبعاتوو بخاطرها تفهم مالوو ..! حتى وصل قدام الناموسية و دفعها جات مزدوحة للوور كتبومبا .. و قبل ما تنوض طلع تا هو مفرق رجليه قدامها كيحيد فالتيشورط ..!
حكيم: نشوفوو بَّا لي ح** و ما خلصتيهش عاد ندخلوو للدوش جميع ..! أنا جيت نتخلص بلاصتوو .. هو فالقبر ما عندو كي يدير يوصل لك هاذ الساعة ( هز حاجبوو فيها ) و منها نيت تخوريني باش نبرد ..!
يتبع...
التنقل بين الأجزاء