حكيم: نشوفوو بَّا لي ح** و ما خلصتيهش عاد ندخلوو للدوش جميع ..! أنا جيت نتخلص بلاصتوو .. هو فالقبر ما عندو كي يدير يوصل لك هاذ الساعة ( هز حاجبوو فيها ) و منها نيت تخوريني باش نبرد ..!
شريفة: باركة من الضحك ديال البناية ..!
شافت فيه كترمش بعينيها باغى تنوض و ما قادراش ذاتها مرخية عليها .. رجليها عريانين بالجلابة لي تهزات لها و هو واقف قدامها على ركابيه فوق الناموسية ..!
لاح التيشورط للأرض قدام عينيها تا طلعات معاها الصهدة و سرطات لسانها ..! فعفعها بداك الفورمة ..! عندو بنية جسدية قوية و متكاملة ..! صدرو عامر بكثرة الرياضة لي كيلعب .. عضلات مفتولة و كتاف عراض ..! شعر فالكحل مشتت على صدرو باغراء نازل مع كرشوو فشكل مميز حتى بقى خط واحد ماشي تال تحت الشورط ..! فخاذو مطراسيين و ليموليي عندو قاسحين .. كل عصبة معزولة بوحدها ..!
شريفة:( دوزات يديها على عنقها و ردات بارتباك كتلف الشوفة فيه .. حاساه مجروح منها و بتبرير قالت ..! ) ما قصدتش نجبد باباك الله يرحموو ..! نتا عصبتيني و هضرتي خرجات بوحدها ..!
حرك راسوو من التحت لفوق و جرها من رجليها تا زلقات على ظهرها و طلع فوق منها و ببرود قال ..!
حكيم: نتي راك واحد بنت الق*** و عاااارفك علاياش كتقلبي ( باستهزاء )و ما طلبتي غير الموجود .. بغيتي غير نفرع مك هاذ النهار .. أنا غنشمعهالك و نتي كتشوفي ..!
توسعوو عينيها و دقات قلبها بداو كيتسمعولها فقاع وذنيها .. كإنذار ليها من بعد ما كانت كتقول ما غيديرلها وااالووو ..! يالاه بغات تنوض .. كان تكى عليها تا حسات براسها دخلات فالفراش و غرقات .. مسارنها غيخرجوو من بلاصتهم ..!
جمعلها يديها لي كضرب بيهم و طلعهم للفوق شادهم و رجليها جالس عليهم .. كتهز و تحط فبلاصتها و صدرها كينهج و هو كثر ..! كاع الأعصاب لي ركباتهم فيه هاذ النهار .. بردهم فيها ..! شدها من فكها بزز و هي كتحرك راسها بلا ..! و عضها من شفايفها تا سيل لها الد٠م و تسمع صوت أنيينها ..!
بعد شوية كيشوف مرة فعينيها مرة ففمها .. حاس بيها مخلوعة و داخل معاها الصح ..! ما بقاتلهاش الطاقة فين تنوضها معاه ..! غير من عينيها باغى تأثر عليه ..! أما حتى فمها ما قادراش تحلوو بالحريق ..! خلى لها شفايفها كيرجفوو ..!
بهدووء رجع قرب و باسها جامعلها شفايفها بجوج ففموو كيمصهم تا كتبغي تبكي من التوزويز ديالهم ..! و بصوت خافت قال ..!
حكيم: زيدي غوتي دابا يجييو يفكوك ..! ( هز حاجبوو كيرد عليها بهضرتها لي قالت لا غير ..! ) شنوو دابا ؟ نح***ك بالذنجال لي يجي على قياسك و يبردلك قلبك ؟
شريفة:( فهمات من هضرتوو بلي واخا يسمعوها حتى واحد ما يقدر يفتح بيتوو عليهم يلا ما قالهاش حكيم بفموو ..! بصعووبة ردات عليه ) لا .. نتا قلتيلي ما غتجيبنيش عندك و تشدني بالسيف ( رمشات فيه ) ضحكتي عليا
غمضات عينيها حاساه كيحكوو معاها من فوق الجلابة بوثيرة بطيييئة .. رابطها ما قادرة لا تتحرك لا تغوت بفمها لي مجروح ..!
حكيم: هاذشي كان قبل ما تحلي فمك ..! ( دوز ابهاموو بالشوية على شنافتها ) نساي هضرتي و نساي هاذ الوجه ..! نكملوو و الله يعاونك ..! ( هز حاجبوو ) و غنقلب على لي يح** نيت يلا عاودت خرجت فطريقك من جديد ..!
طلق من يديها لي كان جامعهم لها و بدون أي مجهود رفعها على كتافوو باغي يحيدلها الجلابة و هي كتفركل هازة راسها فالسقف لي عاد انتابهات ملسق فيه مرايا طويلة عريضة ..! و فعز الأزمة .. الخلعة و الندم لي كيزحف على لحمها بحال النمل مبورشها ..! خرجاتلها الضحكة مخلطة مع البكية لي سارطاها فحلقها ..! و فنفسها كتقول ..!
شريفة: هههههه غنشوف قشاوش كوثر ب 3D لي يطلبها يطلبها كبييييرة ( غوتات بصوت مسمووع هو كيطلع الجلابة بيد و هي كتهبطها بيد .. كتفركل كي الدجاجة عندو ) وا تسسسسنى البغل غييير ندخل ندوش .. مالك عزيز عليك التمرميد ..!
شداتلوو فيديه كضحك بهستيرية حتى فشلات ما بقات قادرة لا تهضر لا تبعدوو ..! فشات قلبها تا شبعات و هو كيشوف فيها طالعلوو الد٠م كيتسناها تكمل ..!
بردات و حطات يديها على حناكوو بجوج و بحنية باستوو فجبهتوو .. مخلياه مستغرب منها و ببطئ كيحطها للأرض تا وقفات على رجليها مقابلة معاه و بلطف قالت .. كتشوف فيه مخربق من تصرفها ..!
شريفة: نتا عارف باباك شحال كنعزو و لا ما عارفش ؟ كن كنا كنختارو واليدينا ما غنلقاش حسن منوو يكون بابا ..! كيفاش كان كيعاملكم و يخاف عليكم .. كان نعم الأب ( غمضات عينيها و رجعات حلاتهم ) الله يرحموو و يوسع عليه
حكيم:( دوز يدوو على وجهوو و بتنهيدة رد ) أميين ..!
بابتسامة شدات فيديه و جراتوو معاها جهة الناموسية حتى جلس و جلسات حداه قابطة فيديه ..!
شريفة: اللسان ما فيه عظم و الواحد فاش كيتعصب ما كيعقلش على راسوو ( حركات عينيها جهتوو ) منك و جبد .. أو لا ..؟
حكيم: وي ..!
شريفة:( هزات راسها بالايجاب ) يعني ما كاين لاش يبقى فيك الحال من هضرتي .. كيفما حتى انا كندوز شحال من كلمة كتجرحني و كنقول الله يحسن العوان ما عليش ..! ( حطات يديها على شنافتها لي ضراتها و مكابرة كتهضر ) هو أنا بصح تبدلت و لكن عمري نبغي نقهر شي واحد يتيم فواليديه .. حتى أنا عشت نفس الحرقة لي عشتي و يمكن كثر منك ..! على الأقل نتا دفنتيه تحت التراب و عندك حبيبة تعوضك .. أنا ما دفنتهم ما بكيت عليهم و قلت اححح و بردات ..!
حكيم:( تنهد بقوة و بهدوء قال حاط يديه على حنكها و بإبهاموو مسح دمعة وحيدة هبطات من عينيها ..! ) شششش صافي دابا .. هما لي خاسرين ماشي نتي ..!
شريفة:( ردات بهدوء ) ما كنبكيش عليهم ..! أنا عارفة هما الخاسرين .. عرفتي بعد المرات بسباب الهضرة د الناس كنوصلوو لشي حوايج عمرنا تخيلناهم ..! و داك بنت الزنقة و موسخة خلاتني نشرب من د٠م أي واحد حاول يقرب مني ..!
حكيم:( حرك راسوو و قال ) ما كنتش غنقيسك لا داك المرة لا دابا و قلتها لك قبل و غنعاودها حاجة د بزز ما عندي ما ندير بيها و ماشي اي حاجة كنخرجوها كنكونوو قاصدينها ..!
شريفة: عارفة ..! و عارفاك واخا شنوو ما درت عمرك تسمح فيا و متأكدة منها ( بضحيكة كملات ) و غنحمقك غير بلاتي عليك ما نرتاح تا نركب فيك الشيب الاحمر ..!
حكيم:( تبسموو عينيه و عض على فموو داير فيها نظرة كتذوب ..! ) غنسلخ مك على هاذ الخفة ..!
تكى فبلاصتوو كيشوف فيها ملامحوو مبهجين .. قدرات تطفي غضبوو بسهوولة ..! ضرب قداموو بمعنى طلعي ..!
شريفة: غندخل ندوش هو اللول باش تجي تكمل لي النص لاخوور من الهضرة .. بغيت نفهم شحال من حاجة .. من أقشور و زيد للقدام ..! ( وقفات ) الحمام مشعول ؟
حكيم: مشعول .. هزي باش تبدلي معاك و دخلي ..!
شريفة:( ردات بتأكييد ) و غتعاودلي ..! سرطت كاع لي درتي قبل حيث عارفة راسي أنا السباب و لكن البلان د القهوة لدابا واحل لي شوكة فحلقي .. ما قادرة نبلعها ما قادرة نخليها ..!
حكيم: بقات فيك العصا د القهوة ؟ ( هز حاجبوو و ببرود رد عليها ..! ) هاذيك تستاهليها ..!
شريفة: ياك ا خويا ؟ و علاش بالسلامة ..!
حكيم: على التق*** لي فيك و الضسارة الخاوية ..! ما احتارمتي حتى واحد قدامك ؟ لا داك ( خسر وجهوو ) ديالك لا لي جايا معاه ..!
شريفة: إلياس و مهدي زعما ؟
حكيم: حافضة دروسك ..! ( هز صبعوو كيعد لها مخنزر فيها ) مزوجة براجلك لي ما قاداه فرحة بيك .. عارفك مولفة بالتصاحيب و التنواع من واحد لواحد ..! غير هاذ المرة صدقات فواحد بمراتوو ..!
شريفة:( ردات بانفعال ) هذاك لي سميتوو طليقي غير كيهضر باغي يشوهني ..! طلقتوو قرن و زمارة هاذي .. و لاخور بصاحبتوو ماشي مرتوو و هي مولات هاذ المشاكيل كاملة مع ختك ..!
حكيم: و أنا ..! عرفتيني و نتي مزوجة ياك ؟
شريفة:( شافت فيه ببرود و قالت ) اه ..! و ما بغيتكش تعرفني شكون و كذبت فالسمية حيث جلاخة منك ما كان و غتجبدلي مشاكل كبر من لي كنت خاشية ك احم راسي فيهم ( شيرات بيديها جهتوو ) و ها البرهان قدامي ..!
حكيم:( هز حاجبوو و رد بتعجب ) مزوجة و واخدة راحتك معايا و ما ساخياش بيا و مقيدة نمرتك ؟ و كن مشينا لبعيد و عرفتك من بعد مزوجة .. شنوو ندير فيك ساعتها ..؟
شريفة: ما غتدير فيا ما غندير فيك .. ماشي هبيلة باش نمشي معاك لبعيد و أنا مزوجة .. نتا نفسك نهار عرفتك بدارك قلبت عليك ( حطات يديها على جنبها كتقلي ليه السم ) غير قول بقات فيك كتطلع و تهبط داك البلوك و درتي ديكشي كامل على كرامتي عزة نفسي ..!
حكيم: تستاهليها على الكذوب و التبدييق و التبرهيش لي فيك ..! ( ضرب على صدرو و كمل ..! ) ضرباتني النفس عليك .. شفتي راسك كي كتباني داك النهار و لا ما شفتيش ؟
شريفة: كي كنبان ؟ فنة كنحمق الله يحجبني ..!
حكيم: ما شفت زين ..! ( طلع و هبط فيها ) بحال الق***ب ديال الطروطوار ...!
شريفة: امم عزيز عليا ننوع ..! حضي راسك معايا لا ندخل عليك حتى نتا الشريك .. باز لوجهك و الله ( ميقات فيه ) ديال الطروطوار أسي أمغار ؟ عليها غادي بيا للتراب تجرب فيا كوية المشاش ..!
حكيم:( رد ببروود ) هانتي فهمتي ..!
شريفة:( غمضات عينيها بفقصة و رجعات شافت فيه و قالت مغذذة ..! ) شفت فالبشر حتى عييت و بحالك عمري شفت .. باز لك ..!
حكيم:( وقف ناض عندها حاط يديه على ذقنوو كيحكوو و ببرود رد ..! ) على شحال من واحد دوزتي أ مدام ؟
شريفة:( غلباتها الضحكة و بتهكم جاوبات ) واااايلي واااايلي ما خليت لا حاحة لا ملاحة .. فين ما كان التيتيز خاشية كرموستي حداه .. ما كاين غير مال مك على هاذ الزين و الغميز و الدق من تحت الدف ..!
حكيم:( حرك راسوو و قال ) قيدي عندك .. راه مكنظلمكش ..!
شريفة:( خرجاتلوو لسانها و ردات معوجة نصها ..! ) أنا مقيدة و الحساب صابوون بيناتنا أ مون شاف .. ( بطنز ) البتول لي عمرو شاف النسا فحياتوو مسكين رمانة مغمضة .. ربي واش من نيتك ؟ الشبكة كتعيب على الغربال هي ديالك ..!
حكيم:( عقد حجبانوو فيها ) باغى نخسر معاك الهضرة عاد ترتاحي ؟
شريفة:( ردات ببرود باغى تردلوو الفقصة و الأعصاب لي كيعصبها و ربي كبير ..! ) ما سولتينيش علاش قبيلة قلت لك متأكدة ما غتنعس معايا ما غتقيسني و غير باغي تخلعني ..!
حكيم:( حرك حاجبوو بمعنى علاش ..! )
شريفة:( عوجات فمها بغنج و ردات ) حيث ا الزين الصافي نتا عارف مزيان بلي باقي ما كملت العدة د الطلاق .. لي هي ثلث شهوور و لا نقولوو ثلاثة د الحيضات ..! ( هزات حاجبها ) من غير يلا كان عندك عادي تشرك مع راجل آخور .. تما ما عرفت ..!
سكت شحال كيشوف فيها ببروود تا شككها فراسها و فاش هضر ندمها على النهار لي حلات فيه فمها .. تمنات كن غير بقات ساكتة و لا تسمع من عندو هاذ الهضرة ..!
شريفة:( هزات حاجبها ) من غير يلا كان عندك عادي تشرك مع راجل آخور .. تما ما عرفت ..!
بقى شحال كيشوف فيها ببروود تا شككها فراسها و فاش هضر ندمها على النهار لي حلات فمها .. تمنات كن غير بقات ساكتة و لا تسمع من عندو هاذ الهضرة ..!
حكيم:( بجدية قال ) ما سولتيش راسك هذا علاش كيهضر معايا هاكا و هو يالاه عرفني ؟ ( هز حاجبوو بثقالة مربع يديه و مبودر عليها بصدرو العاري ..! ) نفسك عزيزة عليك ؟ كتحتارميها ؟ باش أنا نحتارمها ..!
بنظرات جدية كيشوف فيها بعتاب ..! وذنيها بغاو يطرطقوو بالحمورية هما و حناكها .. ما قدراتش تجاوبوو هاذ المرة .. حشمات و ندمات تا عضات فالتراب على هضرتها ...!
حكيم: كتساومي فراسك ..؟ بقالك غير تبيعيه و تشوفي شحال تجيبي لا ..؟ ( عض على فموو كيقشر فشنافتوو ببطئ ..! ) لي مربي كيهضر هاكا ؟ ( باستهزاء ) و لا كتقارني راسك بيا أنا لي راجل ..؟
شريفة:( رمشات عينيها و بتنهيدة ردات ) أنا ما مربياش غير خليني ..!
ضارت ماشية للماريوو تهز الحوايج و تدخل تدوش ..! مزنكة ما كتشوفش فيه .. تا حساتوو جرها من ذراعها و قلبها عندو ..!
حكيم: فاش نكون كنهضر معاك توقفي و تسمعي و تجاوبي .. ما كنعطيوش بالظهر لواحد كيهضر معانا غير يلا ما عجباتناش هضرتوو .. ( حرك عينيه جهتها ) مفهومة هاذي ..!
شريفة:( هزات عينيها فيه ..! ) شنوو دابا غتعاودلي الترابي ؟ باقي تا شهر صحيح ما عرفتك فيه و داخل ليا مع العظام .. فين باغي توصل ما فهمتش ؟ ( حيداتلوو يديه ) كتمرضني فحياتي و تخرج مني شي حاجة ما باغياهاش و فاللخر تجي تحل فمك عليا ..!
حكيم: لي عصبك حلي ليه رجليك .. مزيانة تا هاذي ..! ( هز حاجبوو ) علاياش كتقلبي من هضرتك ؟ نكمل لي بديتوو و لا شنوو بالضبط ..!
شريفة: نتا لي فين باغي توصل ..! و يلا على المساومة راني تعلمتها منك .. شكون لي بدا أنا و لا نتا ؟ ( عوجات وجهها كتعيبوو ) بغيتك ففراشي انننن ..! شكون لي كيبوس الثاني و يقرب منوو بزز ..! تبغي ختك يديرلها شي واحد لي كتديرو معايا ؟
سمع لها تال الأخير و حرك راسوو بهدووء .. ركز عينيه فالأرض و بزربة فالهضرة رد ..!
حكيم: النهار لول قربت منك نجربك لا غير و حتى نتي عجبك الحال تا حاجة ما كانت بزز ( هز عين فيها ) و طلبتك لفراشي و انا مكره و كن قبلتي .. داك الليلة عمرك فحياتك تنسايها و غتحرمي القح** فخطرة .. و عندك الزهر قلتي لا ..! ( بزق فالأرض موراه )
شافت فيه باستغراب من البزقة و الطريقة المعصبة لي كيهضر بيها .. ما فاهماش أنه كيتخيلها كل مرة مع واحد .. و الفكرة ديال البنت لي كان باغيها للزواج منين كانت عندو عشرين عام .. يقيسها واحد اخور و يشوف ديكشي لي نورمالمون هو خاصوو يشوفوو ..! معصبااااه ..!
المنظر كيغيلفوو ..! من إلياس و جبد .. واخا راجلها بالحلال و واخا تا هو تزوج و دوز من قبل و ما عندوش الحق يهضر من الأصل ..!
من الاول كان باغي يوصل لواحد النقطة من طلبوو .. و وصلها و فاش رفضات و سباتوو .. فرح و عجبوو الحال .. عكس ردة فعلوو لي كانت متخيلاها هي ..!
حكيم:( بنفاذ صبر دوز يديه على راسوو و قال ..! ) عرفتك تال للقهوة من سميتك و من أسية و حتى راجلك كنعرفوو من بعييد ..!
شريفة:( باستغراب ) فين كتعرفوو ؟
حكيم: داكشي بعييد عليك ..! المهم ..! داك الليلة بغيت غير نخلعك باش تعرفي شنوو ممكن يوقع لبنت كتلعب بين جوج رجال ..!
شريفة: عارفة شنوو ممكن يوقع .. غير عذبتي راسك و صافي ..!
حكيم: فاش هربتي عرفتك غتمرضي من لي وقع و تبعتك .. لقيت لاكارط و زدت تأكدت بلي نتي هي ..! و الباقي عندك ( هز صبعوو ) هانا وضحت و آخر مرة غنعاود نهضر فهاذشي ..!
شريفة:( قلبات وجهها كتمتم بصوت خافت ) نتا كتقاتل ماشي كتوضح ..! ( شافت فيه و بحزن قالت ) داكشي كامل غير باش تخلعني ؟ مال قلبك رجع حجر ..!
حكيم:( هز حاجبوو و بهدوء قال ) كن هضرت ما غتردعيش و ما غتعقليش على داك النهار ..! غير يبردو وذنيك غتنساي كاع لي وقع ( شيرلها ) عكس دابا ماركيتيه عندك .. بحال اليوم ..!
شريفة: شنوو زعما أنا مكنفهمش بالهضرة ؟ كنفهم غير بالتمرميد ؟ زويينة هاذي ..!
حكيم: الحاجة لي كنذوقوو منها العذاب كنعقلوو عليها ..! ( زفر بصوت مسموع كيشوف فوجهها و حمورية يدو لي باقى باينة ..! ) و نقولك واحد الحاجة ؟
شريفة: شنوو ؟
حكيم: نقصي شوية من الخفة و من اللعب الخايب لي غيجيبهالك فعظامك ..! ( دوز صبعوو على حنكها و كمل هضرتوو ..! ) آخر مرة تقربي لشي حاجة ماشي ديالك .. ديري معايا عقلك و خلينا طرونكيل أ شريفة و من عندي عمري نحط يدي عليك ..!
شريفة:( ردات مصغرة عينيها فيه ..! ) نتا معصب بوحدك و دمك كينوض يغلي على كلمة .. ما تجيبش سبتك عليا ..!
حكيم:( رد عاطيها بالظهر كيقلب على البيسي ديالوو ..! ) خرجيني على طوعي و رديني معصب بوحدي ..! ( ضار عندها كيلبس التيشورط ) الماريوو حداك هزي لي يصلاح لك و ها البيت نعسي فيه .. أسية هناي عليها غتكون مع ملاك ناعسة ..!
شريفة: و نتا ؟
حكيم: غنبات فالصالون .. باقي تابعاني شي خدمة خاص نكملها اليوم ..!
شريفة:( حركات راسها كتشوف فلابتوب ..! ) أجي بعدا فين هو تيليفوني ؟ منين عطيتولك ما بقيت شفتوو ..! ( حطات يديها على جنبها ) شبعتي فيه تقلاب ؟ لقيتيها فرصة و مناسبة ..!
حكيم:( جمع حجبانوو و قال ) علاش غنقلبوو ؟
شريفة: شوف نتا ..!
حكيم:( رد بجدية ) كل واحد و الخصوصية ديالوو لي هو حر فيها .. يلا بغيت ندير شي حاجة غنديرها قدام عينيك ..! الموضوع .. موضوع احترام ..! لي على غيري كينطابق عليا أنا لول ( هز حاجبوو و شاف فالشارجور د البيسي لي فيديه ) هاذ الشارجور هو اللخر ما نبغيش يتهز من بلاصتوو يلا ما يتطلب مني و غنجي تال عندك و نقلب تيليفونك ؟ بشمن حق ..!
شريفة:( حركات راسها بتعجب .. حتى كتقول فهماتوو و كيخرجلها ببلان من الجنب كيضربلها كلشي فالزيرو ..! ) صافي دابا .. غير سولتك .. عطيهلي معاك ..!
حكيم:( شيرلها بيدوو ) فتحي الكوافوز غتلقايه تما .. غيكون ديشارجا دابا حتى للصباح و شارجيه ..!
شريفة: واخا ( شافتوو خارج و بصوت حنييين عيطاتلوو ) حكييم ..! ( رمشات عينيها بأنوثة ) بون نعيسة ..!
حكيم:( تبسم و رد ) تصبحي على خير ..!
بتنهيدة ضارت و فتحات الماريوو كتقلب بين حوايج كريمة ..! جبدات كنضورة طويلة فالأبيض .. مطرزة بالعقيق فصدرها .. مع شورط قصير .. و فوطة فقط ..!
دخلات للدوش كتسرح عينيها .. طرقات عليها الباب و بدات كتحيد فحوايجها و تقاد الما فالسخون .. و فنفس الوقت كتشوف الشبكة لي عندهم تما و المستحضرات لي فيها .. واش تعجبها ريحتهم ..!
بعد مدة من الوقت خرجات ملوية فوطة على شعرها .. حناكها مزنكيين بالفوار .. ريحة زوينة كتتشم فيها .. خليط بين الكوك و الشوكولا ..!
عينيها تقالوو ما بقى كيبانلها واالوو من غير الفراش و النعاس .. طفات الضواو و تخشات فالناموسية براحة و تعب شديييد خلاها تمشي فسابع نومة بلا ما تحس .. العيى هلكها بالمعقوول ..!
🌞 يوم جديد 🌞
فتحات عينيها لي ولاو لها منفوخين قد الطبل بالنعاس و البكى .. كتكسل و تجبد فالفراش .. صابحة فاشلة و غير الشعى د الشمش لي فيقها ..!
تكات كترمش بعينيها فالبيت و فالمرايا لي معلق فالسقف .. غالباتها الضحكة و هي كتتخيلوو مع كريمة .. واخا زوينة و طايتها عامرة كيف كيبغيو بزاف د المغاربة ..! و لكن هضرتها و عقليتها دايرينها ضحكة قدام العادي و البادي ..!
للحظة خرجات عينيها بصدمة و بالزربة حطات يديها على الشورط كتقلب فيه هو و الفراش .. و براحة تنهدات فاش ما لقاتش الفزاك ..! غمضات عينيها و مرة مرة كتنهد تا كيتهز صدرها .. لقات السكات و سهات لي خلاها تفكر فشحال من حاجة .. بحال يلا كترتب وراقها من أول و جديد حتى عيات و
بهدوء وقفات للدوش كتشوف فوجهها لي صبح عادي مزنك شوية و صافي ! بلا شفايفها لي تفلحولها شوية ..! كانت هازة الهم يزراقلها من داك التسرفيق لي خدات ..!
شريفة: ولاو عندي جووج بزولات ماشي جوج عينين ..!
باستهزاء حنات راسها كتغسل فوجهها و سنانها غير بصبعها كتحكهم بالدوا تا شمات ففمها ريحة زوينة دالنعناع عاد خرجات لعندهم لوسط الدار .. لقات أسية و ملاك حاطين الفطور كيفطرو .. جلسات قدامهم و قالت بضحيكة ..!
شريفة: صباح الخير و الرباح و رزق ربي يجيكم مفتاح و لي ما صبح عليكم ما يجيه خير ..!
ملاك: واااعرة عندك هاذي ههههه صباح النوور كي بقيتي ؟
شريفة: صافا ( شافت فأسية و باستها فحنكها بحب ) ارتاحيتي أ تاسانوو ( دوزات على شعرها ) الزعيعرة ديالي
شريفة:( ضحكات و قالت كتشوف فالطبلة ) أنا ديييما فرحانة .. ما كايناش قهوة ؟
ملاك: لا ما صوبتهاش ..! نوض نطيبها لك و لا تبغيها د الماكينة نعصرها لك ..!
شريفة:( ردات بهدوء ) ماشي مشكل أنا نعصرها كيفما كنبغيها غير وريني فين حاطينها ..!
ملاك: واخا أجي معايا ..!
ناضت تبعاتها تال للكوزينة و وراتها فين محطوطة و خلاتها تما و رجعات تكمل فطورها .. أما شريفة عرات البلاصة فين كيديرو الما .. لقاتها عامرة ..!
استغربت و هزات البواطة خواتها من الما و شلاتها مزيان و عمراتها ..! معيافة فهاذشي و ما كتاكلش و تشرب من عند أي واحد ..! هزات كبسولة و دارتها كتعصر لها فكاس دالقهوة خاوي نقي ..!
حطات البلاطوو فين تدير كاسها .. مع معلقة صغيرة و مشات للثلاجة كتقلب على الما .. لقات قراعي شفافين فالألوان ديال الرياضة ..! فيهم الحامض مقطع و الخيار ..!
هزات وحدة فتحاتها كتشوف و تحرك باستغراب .. باغى تشرب و مترددة خصوصا فاش انتابهات لشي قشور بويض رقاق ..! رجعات جبدات الثانية لقات نفس الحاجة .. واخا لي ما حققش مزيان ما ينتابهش ..!
هزات كتافها و بلا عكز عليها خواتهم فالقادوس و شلالتهم حاطاهم فالشبكة دالمواعن .. لي هزات منها كاس خاوي عمراتوو بالما و دارتوو فالبلاطوو خارجة كتهضر مع ملاك و الباب تحلات داخل حكيم ..!
شريفة: داك القراعي لي فيهم الديطوكس راه واقيلة فسدوو أنا كبيتهم تا تصوبوو وحداخرين ..!
حكيم:( رد عليها بهدوء ) ما عليش هاذوك قداموو كنت غنلوحهم فاش نسالي
ملاك:( شافت فيه و قالت ) جيتي بكري هاذ النهار ..! فطرتي و لا باقي ؟
رد عينيه على شريفة لي جلسات كتشرب فكاسها دالقهوة ..! ما كتشوفش فيه .. بهدوء كتفطر و مرة مرة تضحك مع اسية ..!
حكيم: رجعت بيطالي ..! ( جلس قدام ختوو متكي ) خدموو عليا حتى نتوما شوية .. هذا الجهد ..!
ملاك:( ضحكات و تكات عليه كتحلون ) ويلي حلف ؟؟ ( باستوو فحنكوو ) بصح توحشناك يالاه تبقى معانا و تعمر علينا الدار ا حبيبي
شريفة:( هزات راسها فيه و قالت ) واش بصح ؟؟ على الموضوع د البارح نيت ..؟ ياك حليتي المشكل او لا ..؟
حكيم:( رد كيطنز ) بقيت بلا خدمة بسبابك ..! ديري معايا الحل يالاه ( قلب عينيه كيفكر ) ايييه فين نسيت الريسطوو ديالك .. هذاك يوكلنا انا و ياك ..!
شريفة:( حطات رجل على رجل و بابتسامة هادئة قالت ) نيت ناقصني واحد الفيدور .. يضرب العسة عليا و على المحل .. تخدم و لا نقلب على غيرك ؟
حكيم: و غنربح شي فلوس معاك و لا ناشفة القضية ..!
شريفة:( غلباتها الضحكة ) هههه كاينة الله يرحم لك الواليدين .. ما كافياكش ؟
حكيم:( رد كيحرك فراسوو ..! ) كافية و معدية ..!
شريفة:( شربات من كاسها و قالت ) دابا بصح و بلا ضحك شنوو دارو معاك .. درت لك مشكل كبير ؟
شريفة: ااااه ..! ( غمضات عينيها و رجعات حلاتهم ) سمحلي مرة اخرى ما نويتهاش هكاك .. و ما بغيت نديرلك حتى مشكل ..!
حرك راسوو بمعنى هانية ..! و رجع سكت كيكتب فالتيليفون مركز .. حتى هز راسوو و رجع قال بتساؤل ..!
حكيم: تبغي تسافري واحد دو سومين ..؟ ( هز حاجبوو ) غنوريك الادمان ديالي أنا كي داير ..!
شريفة:( ردات بابتسامة مستغربة ..! ) نسافرو ؟ أنا و ياك زعما ..؟ ( حركات راسها بالنفي ) لا ما نقدرش نديرها ..! شنوو بيناتنا باش نسافر معاك ..؟
حكيم:( تبسموو عينيه هو فاهمها و هي فاهماه ..! ) اعتابريه فواياج اوغكانيزي .. و ما غنكونوش بوحدنا ..! حنا و شي 100 او كثر .. يلا بغيتي تا أسية تمشي معاك .. الله يربح ..!
ملاك: و أنا ؟؟
حكيم:( شاف فيها و قال ) حتى نتي .. ماشي مشكل ( هز حاجبوو فشريفة ) غيعجبك الحال .. فكري مزيان فرصة لا تعوض ..!
بكلاموو قدر يحرك الحماس و الفضول لي فيها ..! فين غيمشييو ؟ و شنوو هو هاذ الادمان ديالوو ..؟ أكيد غتكون رحلة مغايرة على كاع رحلاتها هي و إلياس .. غتشوف الحياة من منظور ثاني .. غتعيش المغامرات لي من زمان و هي كتقلب عليهم ..!
شخصية بحال حكيم .. الحياة معاه فيها مفاجآت كثار ما كرهاتش تكتاشف أول وحدة جات فطريقها ..!
شريفة:( بتردد قالت ) و لفيين زعما ؟؟ و فوقاش هاذشي ؟
حكيم: بعد غذا ..! دابا اه أو لا ( حرك التيليفون فيديه ) باش نعلمهم يديرو بحسابكم ..!
شريفة: واخا دير بحساب 3 د البلايص .. انا و أسية و ملاك ..!
حرك راسوو بمعنى تمام .. و رجع لتيليفونوو كيكتب فمسج .. مخلي الفضول كياكل فيهم .. حتى من ملاك ما عرفاتوش علاياش كيهضر ..! أما شريفة من دابا بدات تتخيل هاذ جوج سيمانات كي غيدوزو .. واش غتفرح و ترتاح معاه و لا تقدر تندم من بعد ..!
حكيم:( هز عينيه فيها و قال ) سيفطيلي شحال كتلبسوو فالتوني الفوق .. فاش تمشي للدار ..! رجليك كثري لهم السبرديلات .. الذهب و لا شي حاجة غالية بلا ما تجمعيها .. انا علمتك ..! ( سكت كيتفكر ) اااه .. ما تنسايش تهزي شي قفطان و لا شي لبسة د العراسات معاك ( غمزها )
غمزها بثقاااالة بنظرات جذابة و عيون مبتاسمة ..! خلاها مبسمة معاه باستغراب جامعة حجبانها ..! الضحكة مرة مرة كتفلت لها و ترجع تحرك راسها بالنفي .. حتى كملات فطورها و قالت ..!
شريفة: خاصنا نمشييو دابا .. غتوصلنا ياك ؟
حكيم:( رد بالايجاب ) أنا كنتسناكم ( ضرب ملاك لكتفها بالشوية ) نوضي حتى نتي .. حَبيبة الصباح كامل و هي فاضحاني عليك ..!
شريفة:( شافت فأسية و قالت ) حتى حنا واجدين .. نهز غير صاكي و نهبطوو ..!
وقفات بهدووء دازت من حداه تا هز راسوو فيها كيشوف فالكنضورة لي جات مفصلة عليها عبار تقول مخيطة ليها و حتى و لونها فتح لها وجهها جاي معاها ..! فيها جوج فتيحات فجناب رجليها .. كيبانوو سيقانها منهم مرة مرة ..! كدامها حوومر بالنقى و ظفارها صابغاهم بفخانش خفيف ..!
حكيم:( نحنح و ناض هاز التيليفون و الكونطاكط ) أنا لتحت ما تعطلوش ..!
خلاهم بخاطرهم و هبط حدا الطونوبيل كيكمي و كيتسناهم ..! حتى لمحهم خارجين من باب العمارة و لاح البينتة للأرض زاطم عليها ..!
ركبات ملاك اللور هي و أسية و خلاو القدام لشريفة ..! لي تبسمات كترفرف بعينيها و بلطافة قالت و هي كتجر فلاسانتيغ ..!
شريفة: سمحلنا عذبناك معانا هاذ النهار على الصباح .. غيكون عندك ما تقضي و حنا شادينك ..!
رد بهدوء مخرج يديه من الشرجم كالعادة كيطقطق بجوج صبعان .. عين معاها و عين مع الطريق ..!
حكيم: مرحبا ..!
شريفة: ربي يخليك أ خويا ( قلبات وجهها للشرجم كتشوف فالطريق ) قلال الناس بحالك فهاذ الوقت ..!
حكيم:( شاف فيها هاز حاجبوو و رد بطنز ) الله يحفضك أختي ..!
شريفة:( ردات عينيها لجهتوو و بابتسامة حلوة قالت ) هذا هو المضمون فيك ..! ( بتساؤل ) بعدا عارف البلاصة فين ؟
حكيم: اه ..! نوصلوو لتما و نتأكدوو ..!
حركات راسها بواخا و سكتوو بجوج .. غاديين فصمت تام بربعة بيهم .. حتى وقفها حدا طونوبيلتها و قال ..!
حكيم: هي هاذي ؟
شريفة:( ردات بسعادة أخيرا جاها الإفراج و غترجع لدارها .. فتحات لاسانتيغ و هزات صاكها فوق حجرها ) ااااه هي .. شكرا بزاااف مرة اخرى ..! أسية يالاه ..!
فتحات ملاك الباب من جهتها باش تهبط و سلمات عليها بحرارة ..! أما شريفة غير جات تنزل .. شدها حكيم من يديها و بعينين مبتاسمين قال
حكيم: ما غتسلميش ا الباسلة ؟
ضورات عينيها و مصات شنافتها قالبة وجهها لجنب و هو حاضي حركاتها و مبتاسم بهدوء ..! هز يدو رد لها الشعر مور وذنيها بالشوية و قرسلها حنكها بجوج صباع ..!
حكيم: تهلاي فراسك ..!
شافت فيه حابسة الضحكة تا تزنكوو حناكها و لمعوو عينيها المجبدين بالنعاس ..!
شريفة: حتى نتا ..!
فتحات الباب و هبطات هازة ساكها .. شيرات بيديها لملاك و مشات للطونوبيل كتقلب فساكها على الكونطاكط غير من الجنب بلا ما تحلوو ..! حتى لقات الساروت و ركبوو هي و اسية .. جبدات نظاظرها دالشوف دارتهم و ديمارات ..!
عطاهم الطريق زادت قداموو و هو تابعها اللور ..! حتى قربات تدخل للوطورط و دارلها السينيال باش تقل .. تا تقابل معاها و قال
حكيم: بلا ما نوصل معاك لسلا ؟ كلشي ناضي عندك ؟
شريفة: لا لا كلشي مزيان .. صافي غير سير لشغالك .. كفيتي و وفيتي ..!
حكيم:( حرك راسوو و قال ) واخا .. منين توصلي علميني .. الله يعاون
هز يديه بمعنى بسلامة و زاد قدامها و هي ضارت باش تدخل للوطورط ..!
شريفة: قبيلة فاش كنت كنقلب على الساروت حسيت بشي أونفلوب مخشي تما .. هزي الصاك عندك شوفي شنوو ديكشي ؟
هزاتوو أسية .. حيدات السروال لاحتوو اللور و جبداتلها اونفلوب فالصفر .. حلاتوو لقات فيه غير الزرقات مستفين ..!
شريفة:( ميلات راسها و بتنهيدة طويييلة قالت ) حكيييم يا حكيم ..!
هزاتوو أسية لعندها .. حيدات السروال لاحتوو لور و جبداتلها اونفلوب فالصفر .. حلاتوو لقات فيه غير الزرقات مستفين ..!
شريفة:( ميلات راسها و بتنهيدة طويييلة قالت ) حكيييم يا حكيم ..! شوفي شحال تما ؟
أسية:( سكتات كتحسب حتى كملات ) هاذي 5000 درهم .. نص مليون ..! ( رداتهم للصاك و قالت ) واش حطها لك بلا خبارك ؟
شريفة: و فنظرك أنا غنطلب منوو الفلوس لا هو لا غيرو ؟
أسية:( بابتسامة ردات كتشوف فيها ..! ) غيكون عارفك ما خداماش دابا و ما عندك منين تصرفي و حطهم لك بلا ما يحرجك ..! ( سكتات شوية و رجعات قالت ) عرفتي أ شريفة و الله حتى كيبغيك و عمرو نساك ..! نتي محتاجاه و تا هو محتاجك فحياتوو غير من لي عاودات لنا ختوو .. عطييوا لراسكم فرصة و تعرفو من أول و جديد .. بلاصة ما تدابزو و تتغاوتوو هضرو بالعقل
شريفة:( ضحكات و قالت ) يخليلي مولات العقل ( سيفطاتلها بوسة فالسما ) أنا باركة عليا غير هاذ الزين كامل لي عندي ..!
أسية: ضحكي عليا تما ..!
شريفة:( ردات بهدوء مركزة فالطريق ) راه ما بقاتش فواش محتاجاه و لا لا ..! راه هو لي فيه المشكل و صعيييب نشرحلك .. و لكن هو فاهمني و أنا فاهماه مزيان و هاذشي ممرضوو كثر و كثر ..! ( هزات حاجبها ) اما على نعطييو لراسنا فرصة ..! حاااااجييييتك هه ..! هو أصلا حاسبنا داخلين فغولاصيون ..!
أسية: ههههههه كيفاش ؟ و علاش صعيب نفهم ..؟
شريفة: واخا غنشرحلك كثر ( شافت فيها و رجعات قلبات عينيها و بجدية قالت ..! ) حيث حتى نتي بنت و غيجي واحد النهار لي تبغي تجربي و تعيشي علاقات فحياتك ..! أنا ماشي ضد و لكن هاذشي عندو العمر ديالوو .. فاش تسالي قرايتك و تخدمي و تهزي راسك و راسي قدام كولشي .. و باش حتى داك الانسان لي تعرفيه يكون ناضج و متحمل مسؤوليتوو قبل ما يتحمل مسؤوليتك معاه .. ماشي برهوش باقي تا ما طلع سروالوو و لا شارف عليك و هو واصل فحياتوو و نتي عاد بادية و غتضيعي راسك على ودو و شوف واش يصدق و لا لا ..!
أسية:( ردات مزنكة ..! ) أنا فاهماك و عارفاك خايفة عليا
شريفة:( حركات راسها ) حيث نتي لي عندي و فاش كنشوف كي كبرتك كنفرح و كنقول بعدا درت شي حاجة زوينة فحياتي .. ما باغاش توقعلك شي حاجة خايبة .. ما باغاش قلبك يتهرس فهاذ العمر ..! ( بلعات ريقها بصعوبة ) نتي جوهرة و الجوهرة ما كتعطاش لأي واحد ..! هذا لي كيوصل لها كيحفر و يعرق عليها عاد كيفرح بيها و يهزها بالشوية مفتاخر قدام كلشي .. ديريها فبالك أ أسية ..!
أسية:( بغات تبكي .. دمعوو عينيها و قربات منها عنقات يديها و باستها متكية عليها ) و أنا غنفرحك بيا بديكشي لي كتمناي .. كنبغييك بزاااف ا شريفة و واخا ما كتبغيش تسمعيها و لكن نتي ماشي غير فبلاصة ختي .. نتي ماما و أحسن و أقوى وحدة عرفت فحياتي .. نتي القدوة ديالي ..!
أسية:( ضحكات و ردات كتمسح عينيها ..! ) كمليلي على حكيم حيث بصح ما بقيتش فاهماكم شنو باغيين ..!
شريفة: هههههه و الله يا ختي تا كلشي باين و وااااضح غير بنادم كيتعامى و صافي .. المهم أنا نشرحلك باش كيفما قلت لك يلا جابتها و تلاقيتي مع نوعوو تديري أطونسيون
شريفة:( دوزات الفيطاس و قالت بهدوء ) شرحيلي واحد الحاجة .. شنوو كتعني بنهضرو أنا وياه بالعقل و نعطييو فرصة لبعضياتنا ؟ ( كمشات حجبانها ) بمعنى نعاود ليه على حياتي ؟ و على الظروف لي دزت منها ؟
أسية: وي ..!
شريفة: علاش غنعاود ليه ؟ و شنوو مشى ليه فشي حاجة بعيييييدة عليه بعد السما على الأرض ؟ واش يلا هضرت شي حاجة غتتبدل من لي فات ؟ واالووو ..! غتقولي اه حقا هو فاهمك غلط .. غنقولك طووووز فيه و عقلوو هذاك يفكر كيفما بغى
أسية: ايوا تما بقيتوو على هاذ الحساب ..!
شريفة:( تبسمات و قالت ) هو باغي يحطني تحت الأمر الواقع .. كيستفزني و كيعصبني ديال بصح .. باغي بهاذ الطريقة يضغط عليا و نهضر .. ما راضيش يطلبها مني نيشان .. قالها مرة فالكوميسارية و بزز و ما قدرش يعاودها ..! بحال يلا سولني نيشان و هبط كواريه غينتاحر
أسية: و يلا هبط كواريه و سولك تقدري تعاوديلوو ؟
شريفة:( هزات كتافها ) ما عنديش مشكل ..! نواجهوو هو و عشرة منوو .. أي حاجة درتها أنا مفتاخرة بيها ..! و ما عند تا واحد الحق يحاسبني على شي حاجة .. واخا يشوفني كنقح* كااااع .. و هو عارف هاذشي مزيان و عارف شنوو معنى وحدة فعمري تخرج للزنقة و هازة مسؤولية فوق ظهرها ..!
أسية: صعيب الحال و هو خدمتوو كتوريه ما كثر خاصوو يحس بيك ماشي يمرضك ..!
شريفة:( حركات راسها بالنفي ..! ) راه هو لي مريض بالتفكير و الأفلام فعقلوو و ما راضيش يهضر .. و غيبقى صابر حتى يتفركع .. حيث صافي غيوصل للحد .. و أنا كنتسنى فهاذ النهار و باغى نزيد نمرضوو كثر و كثر .. هاكا أنا نيت كنشوف ردات فعلوو على بزاف د الأمور كي كتكون و كيفاش كيفكر و كنفهم شخصيتوو بالتدريج ..!
أسية:( ردات بحماس ) و شنوو فهمتي ؟؟
شريفة:( ضحكات و قالت ) ههههه حمقة هاذي .. عرفتي علاش الطلاق كثر فهاذ الوقت ؟ حيث البنات فالفترة د الخطبة و لا حتى المصاحبة .. كيدوزوها ضحك و ملاغة .. وحدة كتفوح على الثانية بلي عندها .. شكون الزوين و الطويل و المرفح بوكو اللعاقة فرجالهم و يلا جيتي تسوليها على أبسط حاجة عليه ما تعرفهاش .. حتى كتشد الباب عليهم فدار وحدة و كتزول الصباغة و تما أراك للحرب و المشاكيل .. كيلقاو راسهم عمرهم عرفو بعضياتهم ..!
أسية: عندك الصح ..!
شريفة:( دوزات يديها على عنقها و قالت ) داك الفترة خاصها تكون كلها تجارب و اختبارات .. بيهم كتعرفي واش داك بنادم يصلاح لك و لا حيد بالاك ..! راه الملوك فاش كانوو كيبغييو يديرو حرب مع شي بلاد .. كياخذو سنيين و هما كيخططو و كيحاولوو يفهموو التفكير د العدو و يدرسوه بالشوية .. عمرنا كنلوحوو رجلينا فالخوا و نزيدو ..!
أسية:( ضحكات ) هي حكيم عدو كتوجدي ليه و جالسة كتختابري فيه باش تجيبيلوو التمام ههههه
شريفة: هههههه يا ختي على الفهامات ( سكتات شوية و رجعات قالت غالباها الضحكة ) المشكلة حكيم gamer من ديكشي الرفيييع و ها بوجور ديالوو من عندي ( عطات التحية كتبتاسم )
شريفة: هههه هي ..! غير هو كيلعب بالبنت ماشي بالgايم ..! هاذ النوع صعيب بزاااف تفهميه .. كيبغي يلعبك على صباعوو .. مرات كيكون معاك طوووب ديال الضرافة و التعامل .. يشبعك هضرة زوينة و ضحك و نشاط ..! و مرات ثانيين ( سكتات كتفكر ) مثلا ..! يبدا يقارنك مع البنات و يطيح منك .. تكوني كتناقشي معاه و يقاطعك و يحتاقر هضرتك .. بحال هاذشي زعما ..!
أسية: هكاااك ..!
شريفة: و هاذو بالذااااث دغيا كيطيحوو على زنافرهم يلا عرفتي تتعاملي معاهم ..! و تا البنات كيموتوو عليهم حيث غامضين و دغيا كينفرو من الحاجة و يطلع لهم الدم ..! قاسحين مع راسهم و مع كاع لي ضايرين بيهم ..! و مع ذلك كيكونوو هما الكل فالكل و عائلتهم و معارفهم كيحتارموهم بزااااف و غير من ملاك يبانلك البلان .. عطاها قتلة تموت و ما تنساها و ما قدراتش تخليه غضبان عليها تا ساعة د المكانة ..!
شريفة: اييوا يا الحبيبة .. الحل هو يطلع تطلعي .. يهبط تهبطي .. تبقاي تلعبي معاه قشقاش .. تبيني هضرتوو ما كتهمكش ..! مرة كبري بيه .. مرة اخرى طيحي منوو و ماشي غيؤ بالهضرة تا التصرفات و الحركات ديالك كيلعبوو دور و الرج٠ال راه كيلاحظو بحال هاذشي و كيفهموه طاير و نقولك ..! حكيم داير هاذشي كامل حيث باغي يسمع مني و تتوضح ليه الأمور ..! نهار يتحطوو النقط على الحروف غتتبدل شحال من حاجة و هو غيرتاح فخاطرو ..!
أسية: اييوا ريحييه ..!
شريفة:( تبسمات بسم و قالت ) لا ..! حيث حتى انا فاقصني و داخل فيا طول و عرض .. كن جا و قالي ا فلانة عجبتيني و مرتاح لك ما كرهتش نتعرفوو كثر .. غنقولوو اوك بسم الله .. و لكن لا هو عندو كلشي بزز و بالتهديد ..!
أسية:( ردات ببرود ) وا غير بداي نتي و سبقيه و هو غيكمل .. راه نتي لي خاصك تديري الحل ..!
شريفة:( رمشات بعينيها عاضة على شنافتها جنب ..! ) يا الكبيدة ديالي .. قالو سبقتك بخلفة قالو خورتك بصبع ..! ما ناقصة تخوار هاذ الساعة ..!
أسية: هههههههههه ناري حرام عليك و الله تا عندي عزيز و قبل حتى ما نشوفوو ..!
شريفة:( هزات حاجبها ) و نهار شفتيه كنتي غتبولي بالخلعة غير بوحدك ما قاسك حد .. شوية ما تسخفي قداموو فالكوميسارية
أسية:( غطات وجهها كتحرك راسها بالنفي ) ناااااري ما تفكرينيش يا صاحبتي .. على خلعة جاتني .. كنقول صافي هاذي آخرتي ما غنخرجش من تما على رجلي ..! ( هزات راسها فيها ) هو بصح كتحسي بالهبة منوو و كيخلع شي مرات و لكن و الله تا رجووولة و مواتيين بجوج ..!
شريفة:( قلبات عينيه كتميق ) مخليك محامية عليه ؟ أنا بغيت غير نعرف هاذ حكيم شمن خير داير حتى كتضوري تضوري و ترجعي تشكريه ؟
أسية: حيث فرحك و كان شي حاجة زوينة فحياتك ( ضحكات كتلعب بحجبانها ) عقلتي فأقشور فاش شفتيه داك النهار كي كنتي ؟
شريفة:( ردات باستهزاء كضحك ) هههه كان شي حد ضاربني بتسرفيقة مضخمة تا شفت الجن كيعجن و رجعت لبلاصتي ..!
أسية: لا كنتي فرحانة و مرتاحة .. ايوا راه تما حكيم طاح فيك و عجبتيه .. راه ما كاينش هذا لي تعيطي عليه و يضرب الطرقان على ودك و هو ما كيحس بوالوو من جهتك .. غير فاش عاونك و نتي مهرسة و جاي من كازا للرباط عندك و واقف معاك .. راه راج٠ل تعولي عليه
شريفة:( تنهدات و قالت ) يلا على تعولي عليه راك تعووولي .. و عرفتي راه واخا كاع لي قلت لك .. صعييييب نفهم تفكيرو و عقليتوو .. فهمت شوية من شخصيتوو لي هو مبينها .. لا غير ..!
أسية: ايوا ها السفر جاي و تفاهمي نتي و عمي الجديد هههههه
شريفة: يعمي الشييييطان .. يعميييه ( هزات حاجبها كتشوف قدامها مركزة مع الصوكان و كتهضر ..! ) علاه بالسلامة تا هذا غتولي تعيطي ليه عمي ؟
أسية: وا راه كبر مني ب 16 العام .. شنوو نعيط ليه حكيم حافية ..؟
شريفة: عيطي عليه باسيدي الحنين .. حسن لك ( سكتات شوية و قالت ) خدمي لنا شي حاجة نتصنتوو عليها بتيليفونك أكتيفي معاك البلوتوت .. ديالي مديشارجي تا ندخل للدار و نشارجيه ..!
أسية: سمعي هاذي غتعععععجبك .. سميتها أنا سكرت سكرت ..!
جالسة فالصالون جامعة فمها الصغييور بفقصة .. وجهها حمر و رجليها كيلعبوو غير بوحدهم بالأعصاب ..!
حبيبة: يلا باغي تقتلني و تدفنني تحت التراب ؟ غير قولها من دابا ..! ( سكتات كتنهج و رجعات غوتات ) وا هذا معناتها هاااااذااا معناااتها ..!!!
ضربات ففخاضها كتولول و كتشوف فيه ..! هو لي مببببرد السوق .. حاط رجل على رجل .. كيدوز بيديه على لي موليي .. ما هزش حتى العين فيها .. حدو رمالها الهضرة و رجع اللور ..!
حبيبة: حكيم راه كنهضر معاك ما كنهضرش مع الحيط !!!
حكيم:( هز راسوو فيها ببطئ .. مطلع حاجبوو للسما ) كثرة اللغى بلا فايدة ما كاين لاش أ حَبيبة ..! و للمرة المليوون غنقولك ما تبقايش تحكي على الواحد بزااااف .. هضرنا و سالينا .. ما كاين رجووع ..!
حبيبة: كيفاش ما كاين رجووع ؟؟ ( سكتات شوية و رجعات قالت كتسايس معاه ) ا ولدي الله يفرشك و يغطيك بالرضى لما سمع مني و جيبها لعندي أنا نقابلها حتى تولد .. نتا ما تشوفها ما تراها .. حتى تهز بنتك بين يديك و دير لي بانلك ساعتها ..!
حكيم:( وقف طالعلوو الخز للراس و قال ..! ) يَّما هاذ السيجي بلعيييه هنا الله يحفضك .. درت فالخاطر تا عييت و فلخر أنا لي بقيت بلا خاطر ( ضرب يد مع يد ) دابا صافي .. جمعي و طوي علينا هاذشي
وقفات تا هي و قربات منو شادة فيه كتحاول تقنعوو ..!
حبيبة: راه حرام ا الغالي تطلقها و هي حاملة .. لا فالشرع لا فالقانون .. و نتا راك تبارك الله واعي و عارف حسن مني ..! و لكن هي حال و عقل .. غتمشي تدير شي كارثة فراسها و فلي فكرشها و نوحلوو فيها حنا ..!
حكيم:( رد باستهزاء ..! ) شناااهوااا ؟ مالنا عايشين فغابة ..؟ هه ..! ( حرك راسوو ببطئ كيتحلف ) مزيان خليها تدير لي عجبها و التاااالي مببببببخر ..!
حبيبة:( تنهدات بقوة كتمسح على وجهها ) دابا هاذي آخر هضرة عندك ؟ و أنا كنقول حكيم هو المعقل و المرضي فخوتوو .. باغي تفقصني و طيحني فالركنة ياك أ ولدي ياك ..!
تبسموو عينيه كيسمعلها و هي كتبوحط عليه .. كيفما مولفة مع ولادها كاملين .. الخاطر و الفشوش لي كيشدوه لها .. تا راجلها ما كانش كيشدولها ..! كلهم مقطرة لهم من عينيهم ..! و تا هي ديما مكبرة بيهم و محتارماهم ..! قليل فين كتتدخل فقراراتهم و تتعاكس معاهم ..! و حتى دابا كن ما كريمة حاملة كن بيديها كركباتها من الدروج .. و لكن شي كيغطي على شي ..!
حكيم:( قرب لها كثر باسلها راسها و بثقالة رد ) الواااليييدة ..!
غمض عينيه و رجع فتحهم .. داير فيها نظرة عارفاها مزيان ..! كيمعني لها ما تعيقش بالنكير .. صافي هضرة وحدة راه قالها ..!
حبيبة: اييوا لي بانلك ..! ( دوزات يديها على ذراعوو ) راحتك عندي فضل من كووولشي ..! رجع تجلس نشبع غير من شوفتك .. ما عرفت فوقاش حنا غنتهناو و نرتاحوو من هاذ المشاكيل ..!
حكيم:( زفر النفس بالجهد و قال مبدل الموضوع .. كيلعب بلسانوو ففموو ..! ) يلا عرفتي أ حَبيبة شكون سولات فيك من البلاد ..! كتعرفيها مزيان و واكلة من طعامك ..!
حبيبة:( رددات من موراه ) من أكادير ..! كنعرفها مزيان ..! واكلة من طعامي و سولات فيا ؟ ( باستغراب ) شكوون هاذي ؟
حبيبة:( حطات يديها على فمها كتفكر و تشوف فيه متعجبة ) واش مراة كبيرة و لا باقى صغيرة بعدا ..!
حكيم:( رد بهدوء ) قد خليل فالعمر .. عاد هي كبر منوو بخمس شهور هكاك ..! جابتها الصدفة تلاقينا و سولات فيك باغى تشوفك ..!
حبيبة: ايييه و عارف عمرها ..؟ ايوا مرحبا بيها .. يلا شفتيها مرة اخرى عرض عليها لعندنا .. الدار دارها ..! نشموو فيها غير ريحة البلاد ..!
جبد التيليفون من جيبوو كيصوني باسم " ثيسليث أوجنّا " ( بمعنى عروس السما لي هي قوس قزح ..! ) .. حرك راسوو و قال من بعد ما قطع على شريفة ..!
حكيم: دارك غتدخل لها و هي عروسة ..!
بلقات فيه عينيها .. صدمها مخليها غير كتشوف فيه و فملامح وجهوو المبهجة ..! ما عرفاتوو كيطنز عليها و لا كيهضر من نيتوو ..!
حبيبة: أء ؟ كي كيفاش زعما ؟ ( شافتوو ضحك و هي تغوبش ) درتيها بلعاني ..!
حكيم:( رد كيكتب فمساج ) درتها بصح ..!
*****************************
واقفة قدام الماريوو ملوية عليها فوطة .. كتلبس فبيجامة قصيرة بالشورط و الديباغدوغ .. سمعات صوت مسج وصلها .. و بهدوء هزات التيليفون راكب فلاشارج كتقرا شنوو كتب لها من بعد ما ديبلوكاتوو من جديد ..!
حكيم: وصلتي ؟ كلشي مزيان ..؟
ردات عليه بأوديوو ..! يديها خدامين كيرطبوو فلحمها بالكريمات ..! خصوصا فالشحطة لي عطاها فجنبها .. بقات مصورة بحال زطمة فالرملة ..!
شريفة: وصلنا مزيان .. الطريق مسرحة و خاوية دغيا لحقت للدار .. يالاه نخليك دابا مشغولة .. أ تووت ..!
حكيم:( لعب بلسانوو ففموو و رد ) نجي نسقيهم لك لا ..؟
شريفة:( ردات بأوديوو كتعوج فمها و عينيها فالمرايا كتشوف فراسها كي كتهضر ..! ) و ما حشمتيش باغي تدير لزغيباتي الرقية الشرعية .. عاودولك فيهم المس ؟ هذا كامل أجر و صواب فيك ..!
حكيم:( تبسم كيحرك راسوو بلا حول و رجع رد عليها كيكتب و موو حاضياه بنص عين ..! ) مزيان الواحد يدير الأجر مرة مرة .. ما تكونيش مسمومة ..!
شريفة: يخليلي الحنيييييين ..!
طلعلها ل vu و شد التيليفون عينيه مبسمين بوحدهم ..! واخا هكاك ماشي أي واحد يقدر يقراه و يعرف واش فرحان و لا قرحان ..! لأنوو فغالب الأحيان كتبان غير من عينيه واش مبسمين و لا مقلقين و مبرزطين ..!
حركاتوو و هضرتوو ديما ثقال ..! كيهضر شوية و يسكت عاد يرجع يكمل .. عكس فاش كيكون معصب كيهضر بالزربة و كيطلق بلا فرانات حتى كيبرد و كيندم فبعض الأحيان .. و كيحاول يصلح شنوو دارو لسانوو و يديه .. بأفعال ملموسة ..!
حبيبة: كمل معايا .. شكون العروسة ؟
حكيم:( هز عينيه فيها و بطنز قال ) شي عرس قريب هذا ؟
حبيبة:( وقفات و قالت ) ننوض نعيط لخوتك نتجمعوو على لقيمة د سكسكوو .. أما نتا عاد رشقاتلك على الطنز و الضحك ..! راه فعنقك بنت 24 عام و حاملة من الفوق .. خليها تا تفك و يحن الله ما تعرف ربي يحن عليك مع فكاكها حتى نتا ..!
طلع حاجبوو و مد يديه هز التيليكوموند دار الجزيرة .. ما ردش عليها .. خلاها مشات كتعيط على ولادها و هو كيسمع للأخبار فهدوء و صمت ..!
****************************
دارت الحوايج فالصبانة خلاتهم كيتغسلوو .. و ناضت محزمة للدار تجمعها ..! هازة شيفون فيديها كتمسح بيه الغبرة و تجمع الزبل فسلة صغيرة ..! جبدات الناموسية و دوزات الجفاف على البيت ..!
نفس الشيئ للدار كاملة من غير الكوزينة و الحمام لي حكاتهم و سيقاتهم ..! كملات و هزات العود دايراه فمبخرة ديال الضوو .. طالقاه فنص الدار معطرة بيه الجو .. معروف عليها كتمووت على ريحتوو ..!
شريفة:( فتحات الباب حاطة يديها على جنبها ) شفتك مكسلة ليا هنا .. ياكما كارية من عندك أختي و أنا ما فخباريش ؟
أسية:( ردات كتفوه ) وا عييت بالطريق ..!
شريفة: مسكينة جيت هازة عليك الملحة عذبتك معايا غير سمحيلي ( هزات حاجبها ) وا الله يمسخ مك .. تهزي وجديلنا ما ناكلوو .. هاذي المليون ما عوالاش تتغذاي ؟ و لا كتسناي الخادم تجيبولك تال عندك أ كبيدة ؟
شريفة:( ردات بتعب ) صاوبي غير طاجين د الخضرة .. و سربي باش نديك معايا للصالون .. غتتعطلي غنخرج ناكل فالزنقة و نسمح فيك هنا
أسية: و الريسطو ديالك غتمشي تشوفي فين وصلوو فيه ؟
شريفة: هذاك تال غذا فالصباح قبل ما يجي عندنا حكيم باش نمشيوا ..! دايرة اجتماع مع كاع لي خدامين تما نحطو النقط على الحروف باش يعرفوو لي عليهم و لي ضدهم و نخدموو مرتاحين ..! أما المحل تقريبا وجد ما بقى فيه والوو .. أنا لي غنأجل الافتتاح حتى نرجعو ..!
أسية:( ردات و هي نايضة للكوزينة ) أنا غير خليني بلا ما نسافر معاكم .. سيرو غير بوحدكم و فوجوو مع راسكم
شريفة:( تبعاتها جلسات قدامها فالكرسي كترتاح و بنفي ردات ) ما نقدرش غير بلا ما تحاولي ..! أنا نخليك فسلا بوحدك ؟؟ فأحلامك ا تاسانو ..!
أسية: مالي صغيرة ؟ راني بعقلي و ما عندك مناش تخافي .. سيري و نتي مرتاحة .. بلا ما نتقل عليكم ..!
شريفة:( هزات كتافها و قالت ) لي ما غيقبلش بيك و غادي ثقلي عليه .. ما عندي ما ندير بيه .. يا غتمشي يا غنجلسوو بجوج ..!
أسية:( تنهدات بقلة حيلة .. عارفة واخا تعيى تقنع فيها قالت لا هي لا ) فوقاش نجمعوو لي فاليز ؟
شريفة: نتغذاو و نرجعوو من الصالون و نجمعوهم ..!
أسية: اووك ..! و شنوو غتصوبي بعدا ؟
شريفة: لاسيغ للحمي كامل ( شافت فيديها ) و نقاد ظفراني .. جيل بيغمانونط .. و شعري غنقطعوو و نصبغوو .. غنديرلوو البالاياج فلاكاجوو و لا الرمادي مشهية ليميش هكاك خفيف و مموج ..!
أسية: و علاش ما تركبيش الشعر طويل .. كيجيك واعر ..!
شريفة: الصهد ( هزات شعرها كتسوط على عنقها بيديها ) أنا هذا و مقنطني ..! بلحاق غندي معايا الشيشوار و كاع لي غنحتاج فالسفر .. يلا كان شي عرس نقادو .. باش نتحير بيه ههههه
أسية: ههه ما عرفتيش فين غنمشييو ؟ سوليه باش نعرفوو شنو نهزو معانا ..!
حركات راسها بمعنى تسناي .. مشات لبيتها فين دايرة تيليفونها كيتشارجا .. لقاتوو عمر و حيداتوو .. خارجة كتكتب ليه ..!
شريفة: بس .. راك هنا ؟ قولي فين غنمشيو باش نعرف شنو نهز فاللباس .. زعما واش بحر و لا جبل و لا شنوو بالضبط ..؟ و معاياش غذا غتكون عندي ؟
طلعات لها شرطة وحدة منين تسيفط المسج عرفاتوو ما داخلش مشغول و حتى هي ما حكراتش ..! دازت كتقلب فالمسجات الثانيين لي عندها .. لقات ملاك مسيفطالها .. إيمايل و مودباس ..! تبسمات و سجلات لها اوديوو
شريفة: هذا الفيس ديالك ؟ ما هضرتيش باقي مع شادية ياك ؟
ملاك:( جاوباتها فالبلاصة ..! ) اه هو هذا .. راها ديما معمرة الفيس غير سيفطيلها من عندي و غترد عليك .. غتكون كتتسنى تعرف شنوو وقع من بعد ..!
تنهدات كتفكر بهدووء هازة التيليفون فيديها ..! و بلا ما تردد دوزات النمرة د كريمة لي قيداتها عندها .. بقى شحال كيصوني عاد تقبط الخط و برقة قالت ..!
شريفة: ألوو السلامُوو ( طولاتها ) عليكم .. كريمة الزين ..! كي دايرة مع الخفة ؟ ارتاحي شوية بعدا و لا والوو ؟
كريمة: ياو شكوون معايااا أ خويتي ؟؟ النيميرو تاعك كاع ما مسجلة عليها تاع من ..!
شريفة:( مصات شنافتها و قالت بميوعة ) شرييييفة لي معاك ..! عاد خرجت من الكوميسارية و قلت نسول فصاحبتي آش دارت حتى هي ( هزات حاجبها ) و باغاك فواحد الخديمة .. يلا ما كنتش غنعذبك معايا ..!
فيبرا التيليفون فوذنيها حتى حيداتوو و شافت من الفوق مسج د حكيم مجاوبها ..!
حكيم: بحر و جبل بجوج .. و الوقت بلاتي و نعلمك فوقاش ..!
رمشات عينيها متحمسة باغى تغوت و فنفس الوقت ساكتة مركزة مع كريمة لي كتهضر ..!
كريمة: واا شريييفة تي آش سايرة تعاودي ا خيتي ؟ لgيتي لي يطرgك من الكوميسارية بعدا و لا تحنسرتي فالمركوب ؟ ( سكتات شوية و بفضول رجعات قالت ) و مولا داري اش كعد يgولك من مورايا ؟
شريفة:( ضورات راسها و قالت ) سخسخني يا ختي سخسخني ..! حتى نتي .. شنوو غيقولي ؟ شبعني غير سبان و مسمنات من يديه تا طبت ( هزات حاجبها ) باز لك معاه و الله .. ما خرجت من تما حتى ربي غفرلي كاع الذنوب لي متقلة بيهم .. و جيت عندك نجمع شوية عاود ..!
كريمة: هههههه يا تي غير gولي .. كيما وgفتي معايا داك النهاريات .. نوgف معاك تا يانا ..!
شريفة: ربي يخليك ا حبيبة .. أنا واخا تعصبت عليك فلخر و لكن غير حيث كنت خايفة راجلي يسيق الخبار هزوني من عند فقيه و داوني للكوميسارية .. و راك عارفة فاش الخلعة كتشدك كتبقاي غير تدخلي و تخرجي فالهضرة ..!
كريمة: كا نتي مزوجة ولا ؟؟ و انا كاعدة نgولك داك البنت زينة و عزبة ما داها تا حد .. gوليلي نتي عندك لي شاريك ههههه
شريفة:( تمتمات فنفسها ) شاريني ؟ بقرة أنا ..! ( بصوت مسموع قالت ) ايييه و لكن حنا تقريبا مطلقين و هو رمى عليا يميين الطلاق .. بقى غير نكملوو الوراق فالمحكمة و ها حنا مفارقين فخطرة ..!
كريمة: gوليلي هوووكاك .. كيفما حالاتي تا يانا ..! ( بحزن ) تي سمعتيه اش gال ليا gدامك
شريفة: سمعتوو ..! و عرفتي دابا وصلاتني خبار شعلات فيا العافية من الداخل ..! ( بتوضيح ) الراجل علامن معولة قالك يا لالة تصاحب مع واحد لالة مولاتي ضايرة بيه كي اللفعة كتطلق فسمها غير بالشوية ..! و ما نكذبش عليك .. حنا غير عيالات بيناتنا .. أنا تنادم معايا الحال على لي درت معاه و بغيت نردو و ما عرفت منين نبدا و هو حالف عليا حلفة قطعية ..! قلت نلقى أنا وياك شي حل .. و لي تجربيه نتي نجربوو أنا موراك ( سكتات شوية ) شنوو قلتي ؟
كريمة: اش نgولك ا شريفة ؟ كيما gلتي حنا عيالات و نفهموو بعضنا .. و ما عندنا لفين على رج٠النا .. و يانا محزمة لهذاك لي عندي حالفة بحلوفي تا نردو كي الك٠لب يطلب ..!
كريمة: و تا يانا سايرة نضور على شي شوافة تخدملي شي حاجة .. على ما يخرج عبد العالي ياو نباليو بيه .. راه كاعد يوجد ليه فخدمة صحيييحة .. و راني شاكة واش مكنها ( عطاها ) لصحيبتي لي نترافg معاها عندو .. باش تطرgني و تمدها ليا
شريفة:( ردات بعينين موسعين ) بصح ؟؟ و شنوو هاذ الخدمة ؟؟ آتيني بيها نبقى ندعي معاك ليل و نهار و غير نشد راجلي بين يدي نتهلى فيك ..!
كريمة: يانا gاع ما عالمة شنوو هي الخدمة و لكن gال ليا هاذي هي لي غتجيب ليه التمام
شريفة:( هزات يديها كتشالي بيها و قالت ) و هاذ صاحبتك كانت كتجي لعندك للدار ياك ؟ ايوا عيطيلها و ردي عليا ( هزات حاجبها ) غتكوني شريفة حرة و ببركتك يلا كان عطاها لها عبد العالي قبل ما يتشد ..!
كريمة: ياو نتمناو .. المهم أنا كاعدة نgلب بالليل و النهار على لي ينوب على عبد العالي .. غير نلgى نتي لاولية ( لولة ) نعلمك
شريفة: واخا ا الزين لهلا يخطيك و ها التيليفون بيناتنا .. فينما كان شي جديد نعلموو بعضياتنا .. حتى أنا كنقلب بالريق الناشف ..!
عرس الذيب الجزء 11
محتوى القصة
حكيم: نشوفوو بَّا لي ح** و ما خلصتيهش عاد ندخلوو للدوش جميع ..! أنا جيت نتخلص بلاصتوو .. هو فالقبر ما عندو كي يدير يوصل لك هاذ الساعة ( هز حاجبوو فيها ) و منها نيت تخوريني باش نبرد ..!
شريفة: باركة من الضحك ديال البناية ..!
شافت فيه كترمش بعينيها باغى تنوض و ما قادراش ذاتها مرخية عليها .. رجليها عريانين بالجلابة لي تهزات لها و هو واقف قدامها على ركابيه فوق الناموسية ..!
لاح التيشورط للأرض قدام عينيها تا طلعات معاها الصهدة و سرطات لسانها ..! فعفعها بداك الفورمة ..! عندو بنية جسدية قوية و متكاملة ..! صدرو عامر بكثرة الرياضة لي كيلعب .. عضلات مفتولة و كتاف عراض ..! شعر فالكحل مشتت على صدرو باغراء نازل مع كرشوو فشكل مميز حتى بقى خط واحد ماشي تال تحت الشورط ..! فخاذو مطراسيين و ليموليي عندو قاسحين .. كل عصبة معزولة بوحدها ..!
شريفة:( دوزات يديها على عنقها و ردات بارتباك كتلف الشوفة فيه .. حاساه مجروح منها و بتبرير قالت ..! ) ما قصدتش نجبد باباك الله يرحموو ..! نتا عصبتيني و هضرتي خرجات بوحدها ..!
حرك راسوو من التحت لفوق و جرها من رجليها تا زلقات على ظهرها و طلع فوق منها و ببرود قال ..!
حكيم: نتي راك واحد بنت الق*** و عاااارفك علاياش كتقلبي ( باستهزاء )و ما طلبتي غير الموجود .. بغيتي غير نفرع مك هاذ النهار .. أنا غنشمعهالك و نتي كتشوفي ..!
توسعوو عينيها و دقات قلبها بداو كيتسمعولها فقاع وذنيها .. كإنذار ليها من بعد ما كانت كتقول ما غيديرلها وااالووو ..! يالاه بغات تنوض .. كان تكى عليها تا حسات براسها دخلات فالفراش و غرقات .. مسارنها غيخرجوو من بلاصتهم ..!
شريفة:( غوتات بالجهد بزز كدفع فيه ) نووض غتقت٠لني البعر .. وااااا عتقوووووونيييي
جمعلها يديها لي كضرب بيهم و طلعهم للفوق شادهم و رجليها جالس عليهم .. كتهز و تحط فبلاصتها و صدرها كينهج و هو كثر ..! كاع الأعصاب لي ركباتهم فيه هاذ النهار .. بردهم فيها ..! شدها من فكها بزز و هي كتحرك راسها بلا ..! و عضها من شفايفها تا سيل لها الد٠م و تسمع صوت أنيينها ..!
بعد شوية كيشوف مرة فعينيها مرة ففمها .. حاس بيها مخلوعة و داخل معاها الصح ..! ما بقاتلهاش الطاقة فين تنوضها معاه ..! غير من عينيها باغى تأثر عليه ..! أما حتى فمها ما قادراش تحلوو بالحريق ..! خلى لها شفايفها كيرجفوو ..!
بهدووء رجع قرب و باسها جامعلها شفايفها بجوج ففموو كيمصهم تا كتبغي تبكي من التوزويز ديالهم ..! و بصوت خافت قال ..!
حكيم: زيدي غوتي دابا يجييو يفكوك ..! ( هز حاجبوو كيرد عليها بهضرتها لي قالت لا غير ..! ) شنوو دابا ؟ نح***ك بالذنجال لي يجي على قياسك و يبردلك قلبك ؟
شريفة:( فهمات من هضرتوو بلي واخا يسمعوها حتى واحد ما يقدر يفتح بيتوو عليهم يلا ما قالهاش حكيم بفموو ..! بصعووبة ردات عليه ) لا .. نتا قلتيلي ما غتجيبنيش عندك و تشدني بالسيف ( رمشات فيه ) ضحكتي عليا
غمضات عينيها حاساه كيحكوو معاها من فوق الجلابة بوثيرة بطيييئة .. رابطها ما قادرة لا تتحرك لا تغوت بفمها لي مجروح ..!
حكيم: هاذشي كان قبل ما تحلي فمك ..! ( دوز ابهاموو بالشوية على شنافتها ) نساي هضرتي و نساي هاذ الوجه ..! نكملوو و الله يعاونك ..! ( هز حاجبوو ) و غنقلب على لي يح** نيت يلا عاودت خرجت فطريقك من جديد ..!
طلق من يديها لي كان جامعهم لها و بدون أي مجهود رفعها على كتافوو باغي يحيدلها الجلابة و هي كتفركل هازة راسها فالسقف لي عاد انتابهات ملسق فيه مرايا طويلة عريضة ..! و فعز الأزمة .. الخلعة و الندم لي كيزحف على لحمها بحال النمل مبورشها ..! خرجاتلها الضحكة مخلطة مع البكية لي سارطاها فحلقها ..! و فنفسها كتقول ..!
شريفة: هههههه غنشوف قشاوش كوثر ب 3D لي يطلبها يطلبها كبييييرة ( غوتات بصوت مسمووع هو كيطلع الجلابة بيد و هي كتهبطها بيد .. كتفركل كي الدجاجة عندو ) وا تسسسسنى البغل غييير ندخل ندوش .. مالك عزيز عليك التمرميد ..!
شداتلوو فيديه كضحك بهستيرية حتى فشلات ما بقات قادرة لا تهضر لا تبعدوو ..! فشات قلبها تا شبعات و هو كيشوف فيها طالعلوو الد٠م كيتسناها تكمل ..!
بردات و حطات يديها على حناكوو بجوج و بحنية باستوو فجبهتوو .. مخلياه مستغرب منها و ببطئ كيحطها للأرض تا وقفات على رجليها مقابلة معاه و بلطف قالت .. كتشوف فيه مخربق من تصرفها ..!
شريفة: نتا عارف باباك شحال كنعزو و لا ما عارفش ؟ كن كنا كنختارو واليدينا ما غنلقاش حسن منوو يكون بابا ..! كيفاش كان كيعاملكم و يخاف عليكم .. كان نعم الأب ( غمضات عينيها و رجعات حلاتهم ) الله يرحموو و يوسع عليه
حكيم:( دوز يدوو على وجهوو و بتنهيدة رد ) أميين ..!
بابتسامة شدات فيديه و جراتوو معاها جهة الناموسية حتى جلس و جلسات حداه قابطة فيديه ..!
شريفة: اللسان ما فيه عظم و الواحد فاش كيتعصب ما كيعقلش على راسوو ( حركات عينيها جهتوو ) منك و جبد .. أو لا ..؟
حكيم: وي ..!
شريفة:( هزات راسها بالايجاب ) يعني ما كاين لاش يبقى فيك الحال من هضرتي .. كيفما حتى انا كندوز شحال من كلمة كتجرحني و كنقول الله يحسن العوان ما عليش ..! ( حطات يديها على شنافتها لي ضراتها و مكابرة كتهضر ) هو أنا بصح تبدلت و لكن عمري نبغي نقهر شي واحد يتيم فواليديه .. حتى أنا عشت نفس الحرقة لي عشتي و يمكن كثر منك ..! على الأقل نتا دفنتيه تحت التراب و عندك حبيبة تعوضك .. أنا ما دفنتهم ما بكيت عليهم و قلت اححح و بردات ..!
حكيم:( تنهد بقوة و بهدوء قال حاط يديه على حنكها و بإبهاموو مسح دمعة وحيدة هبطات من عينيها ..! ) شششش صافي دابا .. هما لي خاسرين ماشي نتي ..!
شريفة:( ردات بهدوء ) ما كنبكيش عليهم ..! أنا عارفة هما الخاسرين .. عرفتي بعد المرات بسباب الهضرة د الناس كنوصلوو لشي حوايج عمرنا تخيلناهم ..! و داك بنت الزنقة و موسخة خلاتني نشرب من د٠م أي واحد حاول يقرب مني ..!
حكيم:( حرك راسوو و قال ) ما كنتش غنقيسك لا داك المرة لا دابا و قلتها لك قبل و غنعاودها حاجة د بزز ما عندي ما ندير بيها و ماشي اي حاجة كنخرجوها كنكونوو قاصدينها ..!
شريفة: عارفة ..! و عارفاك واخا شنوو ما درت عمرك تسمح فيا و متأكدة منها ( بضحيكة كملات ) و غنحمقك غير بلاتي عليك ما نرتاح تا نركب فيك الشيب الاحمر ..!
حكيم:( تبسموو عينيه و عض على فموو داير فيها نظرة كتذوب ..! ) غنسلخ مك على هاذ الخفة ..!
شريفة:( هزات كتافها ) سير سلخها بيناتكم أ بيضاوة ..!
تكى فبلاصتوو كيشوف فيها ملامحوو مبهجين .. قدرات تطفي غضبوو بسهوولة ..! ضرب قداموو بمعنى طلعي ..!
شريفة: غندخل ندوش هو اللول باش تجي تكمل لي النص لاخوور من الهضرة .. بغيت نفهم شحال من حاجة .. من أقشور و زيد للقدام ..! ( وقفات ) الحمام مشعول ؟
حكيم: مشعول .. هزي باش تبدلي معاك و دخلي ..!
شريفة:( ردات بتأكييد ) و غتعاودلي ..! سرطت كاع لي درتي قبل حيث عارفة راسي أنا السباب و لكن البلان د القهوة لدابا واحل لي شوكة فحلقي .. ما قادرة نبلعها ما قادرة نخليها ..!
حكيم: بقات فيك العصا د القهوة ؟ ( هز حاجبوو و ببرود رد عليها ..! ) هاذيك تستاهليها ..!
شريفة: ياك ا خويا ؟ و علاش بالسلامة ..!
حكيم: على التق*** لي فيك و الضسارة الخاوية ..! ما احتارمتي حتى واحد قدامك ؟ لا داك ( خسر وجهوو ) ديالك لا لي جايا معاه ..!
شريفة: إلياس و مهدي زعما ؟
حكيم: حافضة دروسك ..! ( هز صبعوو كيعد لها مخنزر فيها ) مزوجة براجلك لي ما قاداه فرحة بيك .. عارفك مولفة بالتصاحيب و التنواع من واحد لواحد ..! غير هاذ المرة صدقات فواحد بمراتوو ..!
شريفة:( ردات بانفعال ) هذاك لي سميتوو طليقي غير كيهضر باغي يشوهني ..! طلقتوو قرن و زمارة هاذي .. و لاخور بصاحبتوو ماشي مرتوو و هي مولات هاذ المشاكيل كاملة مع ختك ..!
حكيم: و أنا ..! عرفتيني و نتي مزوجة ياك ؟
شريفة:( شافت فيه ببرود و قالت ) اه ..! و ما بغيتكش تعرفني شكون و كذبت فالسمية حيث جلاخة منك ما كان و غتجبدلي مشاكل كبر من لي كنت خاشية ك احم راسي فيهم ( شيرات بيديها جهتوو ) و ها البرهان قدامي ..!
حكيم:( هز حاجبوو و رد بتعجب ) مزوجة و واخدة راحتك معايا و ما ساخياش بيا و مقيدة نمرتك ؟ و كن مشينا لبعيد و عرفتك من بعد مزوجة .. شنوو ندير فيك ساعتها ..؟
شريفة: ما غتدير فيا ما غندير فيك .. ماشي هبيلة باش نمشي معاك لبعيد و أنا مزوجة .. نتا نفسك نهار عرفتك بدارك قلبت عليك ( حطات يديها على جنبها كتقلي ليه السم ) غير قول بقات فيك كتطلع و تهبط داك البلوك و درتي ديكشي كامل على كرامتي عزة نفسي ..!
حكيم: تستاهليها على الكذوب و التبدييق و التبرهيش لي فيك ..! ( ضرب على صدرو و كمل ..! ) ضرباتني النفس عليك .. شفتي راسك كي كتباني داك النهار و لا ما شفتيش ؟
شريفة: كي كنبان ؟ فنة كنحمق الله يحجبني ..!
حكيم: ما شفت زين ..! ( طلع و هبط فيها ) بحال الق***ب ديال الطروطوار ...!
شريفة: امم عزيز عليا ننوع ..! حضي راسك معايا لا ندخل عليك حتى نتا الشريك .. باز لوجهك و الله ( ميقات فيه ) ديال الطروطوار أسي أمغار ؟ عليها غادي بيا للتراب تجرب فيا كوية المشاش ..!
حكيم:( رد ببروود ) هانتي فهمتي ..!
شريفة:( غمضات عينيها بفقصة و رجعات شافت فيه و قالت مغذذة ..! ) شفت فالبشر حتى عييت و بحالك عمري شفت .. باز لك ..!
حكيم:( وقف ناض عندها حاط يديه على ذقنوو كيحكوو و ببرود رد ..! ) على شحال من واحد دوزتي أ مدام ؟
شريفة:( غلباتها الضحكة و بتهكم جاوبات ) واااايلي واااايلي ما خليت لا حاحة لا ملاحة .. فين ما كان التيتيز خاشية كرموستي حداه .. ما كاين غير مال مك على هاذ الزين و الغميز و الدق من تحت الدف ..!
حكيم:( حرك راسوو و قال ) قيدي عندك .. راه مكنظلمكش ..!
شريفة:( خرجاتلوو لسانها و ردات معوجة نصها ..! ) أنا مقيدة و الحساب صابوون بيناتنا أ مون شاف .. ( بطنز ) البتول لي عمرو شاف النسا فحياتوو مسكين رمانة مغمضة .. ربي واش من نيتك ؟ الشبكة كتعيب على الغربال هي ديالك ..!
حكيم:( عقد حجبانوو فيها ) باغى نخسر معاك الهضرة عاد ترتاحي ؟
شريفة:( ردات ببرود باغى تردلوو الفقصة و الأعصاب لي كيعصبها و ربي كبير ..! ) ما سولتينيش علاش قبيلة قلت لك متأكدة ما غتنعس معايا ما غتقيسني و غير باغي تخلعني ..!
حكيم:( حرك حاجبوو بمعنى علاش ..! )
شريفة:( عوجات فمها بغنج و ردات ) حيث ا الزين الصافي نتا عارف مزيان بلي باقي ما كملت العدة د الطلاق .. لي هي ثلث شهوور و لا نقولوو ثلاثة د الحيضات ..! ( هزات حاجبها ) من غير يلا كان عندك عادي تشرك مع راجل آخور .. تما ما عرفت ..!
سكت شحال كيشوف فيها ببروود تا شككها فراسها و فاش هضر ندمها على النهار لي حلات فيه فمها .. تمنات كن غير بقات ساكتة و لا تسمع من عندو هاذ الهضرة ..!
شريفة:( هزات حاجبها ) من غير يلا كان عندك عادي تشرك مع راجل آخور .. تما ما عرفت ..!
بقى شحال كيشوف فيها ببروود تا شككها فراسها و فاش هضر ندمها على النهار لي حلات فمها .. تمنات كن غير بقات ساكتة و لا تسمع من عندو هاذ الهضرة ..!
حكيم:( بجدية قال ) ما سولتيش راسك هذا علاش كيهضر معايا هاكا و هو يالاه عرفني ؟ ( هز حاجبوو بثقالة مربع يديه و مبودر عليها بصدرو العاري ..! ) نفسك عزيزة عليك ؟ كتحتارميها ؟ باش أنا نحتارمها ..!
شريفة: حكيم ما ت
حكيم:( هز يديه قاطعها بهدوء ..! ) شنوو هو الاحترام عندك ؟ حنا كلشي كنتجابهوو بيه ..! ( ضحك جنب ) شنوو دابا كتسناي مني ؟ نسفق لك نتي واعرة ..!
بنظرات جدية كيشوف فيها بعتاب ..! وذنيها بغاو يطرطقوو بالحمورية هما و حناكها .. ما قدراتش تجاوبوو هاذ المرة .. حشمات و ندمات تا عضات فالتراب على هضرتها ...!
حكيم: كتساومي فراسك ..؟ بقالك غير تبيعيه و تشوفي شحال تجيبي لا ..؟ ( عض على فموو كيقشر فشنافتوو ببطئ ..! ) لي مربي كيهضر هاكا ؟ ( باستهزاء ) و لا كتقارني راسك بيا أنا لي راجل ..؟
شريفة:( رمشات عينيها و بتنهيدة ردات ) أنا ما مربياش غير خليني ..!
ضارت ماشية للماريوو تهز الحوايج و تدخل تدوش ..! مزنكة ما كتشوفش فيه .. تا حساتوو جرها من ذراعها و قلبها عندو ..!
حكيم: فاش نكون كنهضر معاك توقفي و تسمعي و تجاوبي .. ما كنعطيوش بالظهر لواحد كيهضر معانا غير يلا ما عجباتناش هضرتوو .. ( حرك عينيه جهتها ) مفهومة هاذي ..!
شريفة:( هزات عينيها فيه ..! ) شنوو دابا غتعاودلي الترابي ؟ باقي تا شهر صحيح ما عرفتك فيه و داخل ليا مع العظام .. فين باغي توصل ما فهمتش ؟ ( حيداتلوو يديه ) كتمرضني فحياتي و تخرج مني شي حاجة ما باغياهاش و فاللخر تجي تحل فمك عليا ..!
حكيم: لي عصبك حلي ليه رجليك .. مزيانة تا هاذي ..! ( هز حاجبوو ) علاياش كتقلبي من هضرتك ؟ نكمل لي بديتوو و لا شنوو بالضبط ..!
شريفة: نتا لي فين باغي توصل ..! و يلا على المساومة راني تعلمتها منك .. شكون لي بدا أنا و لا نتا ؟ ( عوجات وجهها كتعيبوو ) بغيتك ففراشي انننن ..! شكون لي كيبوس الثاني و يقرب منوو بزز ..! تبغي ختك يديرلها شي واحد لي كتديرو معايا ؟
سمع لها تال الأخير و حرك راسوو بهدووء .. ركز عينيه فالأرض و بزربة فالهضرة رد ..!
حكيم: النهار لول قربت منك نجربك لا غير و حتى نتي عجبك الحال تا حاجة ما كانت بزز ( هز عين فيها ) و طلبتك لفراشي و انا مكره و كن قبلتي .. داك الليلة عمرك فحياتك تنسايها و غتحرمي القح** فخطرة .. و عندك الزهر قلتي لا ..! ( بزق فالأرض موراه )
شافت فيه باستغراب من البزقة و الطريقة المعصبة لي كيهضر بيها .. ما فاهماش أنه كيتخيلها كل مرة مع واحد .. و الفكرة ديال البنت لي كان باغيها للزواج منين كانت عندو عشرين عام .. يقيسها واحد اخور و يشوف ديكشي لي نورمالمون هو خاصوو يشوفوو ..! معصبااااه ..!
المنظر كيغيلفوو ..! من إلياس و جبد .. واخا راجلها بالحلال و واخا تا هو تزوج و دوز من قبل و ما عندوش الحق يهضر من الأصل ..!
من الاول كان باغي يوصل لواحد النقطة من طلبوو .. و وصلها و فاش رفضات و سباتوو .. فرح و عجبوو الحال .. عكس ردة فعلوو لي كانت متخيلاها هي ..!
حكيم:( بنفاذ صبر دوز يديه على راسوو و قال ..! ) عرفتك تال للقهوة من سميتك و من أسية و حتى راجلك كنعرفوو من بعييد ..!
شريفة:( باستغراب ) فين كتعرفوو ؟
حكيم: داكشي بعييد عليك ..! المهم ..! داك الليلة بغيت غير نخلعك باش تعرفي شنوو ممكن يوقع لبنت كتلعب بين جوج رجال ..!
شريفة: عارفة شنوو ممكن يوقع .. غير عذبتي راسك و صافي ..!
حكيم: فاش هربتي عرفتك غتمرضي من لي وقع و تبعتك .. لقيت لاكارط و زدت تأكدت بلي نتي هي ..! و الباقي عندك ( هز صبعوو ) هانا وضحت و آخر مرة غنعاود نهضر فهاذشي ..!
شريفة:( قلبات وجهها كتمتم بصوت خافت ) نتا كتقاتل ماشي كتوضح ..! ( شافت فيه و بحزن قالت ) داكشي كامل غير باش تخلعني ؟ مال قلبك رجع حجر ..!
حكيم:( هز حاجبوو و بهدوء قال ) كن هضرت ما غتردعيش و ما غتعقليش على داك النهار ..! غير يبردو وذنيك غتنساي كاع لي وقع ( شيرلها ) عكس دابا ماركيتيه عندك .. بحال اليوم ..!
شريفة: شنوو زعما أنا مكنفهمش بالهضرة ؟ كنفهم غير بالتمرميد ؟ زويينة هاذي ..!
حكيم: الحاجة لي كنذوقوو منها العذاب كنعقلوو عليها ..! ( زفر بصوت مسموع كيشوف فوجهها و حمورية يدو لي باقى باينة ..! ) و نقولك واحد الحاجة ؟
شريفة: شنوو ؟
حكيم: نقصي شوية من الخفة و من اللعب الخايب لي غيجيبهالك فعظامك ..! ( دوز صبعوو على حنكها و كمل هضرتوو ..! ) آخر مرة تقربي لشي حاجة ماشي ديالك .. ديري معايا عقلك و خلينا طرونكيل أ شريفة و من عندي عمري نحط يدي عليك ..!
شريفة:( ردات مصغرة عينيها فيه ..! ) نتا معصب بوحدك و دمك كينوض يغلي على كلمة .. ما تجيبش سبتك عليا ..!
حكيم:( رد عاطيها بالظهر كيقلب على البيسي ديالوو ..! ) خرجيني على طوعي و رديني معصب بوحدي ..! ( ضار عندها كيلبس التيشورط ) الماريوو حداك هزي لي يصلاح لك و ها البيت نعسي فيه .. أسية هناي عليها غتكون مع ملاك ناعسة ..!
شريفة: و نتا ؟
حكيم: غنبات فالصالون .. باقي تابعاني شي خدمة خاص نكملها اليوم ..!
شريفة:( حركات راسها كتشوف فلابتوب ..! ) أجي بعدا فين هو تيليفوني ؟ منين عطيتولك ما بقيت شفتوو ..! ( حطات يديها على جنبها ) شبعتي فيه تقلاب ؟ لقيتيها فرصة و مناسبة ..!
حكيم:( جمع حجبانوو و قال ) علاش غنقلبوو ؟
شريفة: شوف نتا ..!
حكيم:( رد بجدية ) كل واحد و الخصوصية ديالوو لي هو حر فيها .. يلا بغيت ندير شي حاجة غنديرها قدام عينيك ..! الموضوع .. موضوع احترام ..! لي على غيري كينطابق عليا أنا لول ( هز حاجبوو و شاف فالشارجور د البيسي لي فيديه ) هاذ الشارجور هو اللخر ما نبغيش يتهز من بلاصتوو يلا ما يتطلب مني و غنجي تال عندك و نقلب تيليفونك ؟ بشمن حق ..!
شريفة:( حركات راسها بتعجب .. حتى كتقول فهماتوو و كيخرجلها ببلان من الجنب كيضربلها كلشي فالزيرو ..! ) صافي دابا .. غير سولتك .. عطيهلي معاك ..!
حكيم:( شيرلها بيدوو ) فتحي الكوافوز غتلقايه تما .. غيكون ديشارجا دابا حتى للصباح و شارجيه ..!
شريفة: واخا ( شافتوو خارج و بصوت حنييين عيطاتلوو ) حكييم ..! ( رمشات عينيها بأنوثة ) بون نعيسة ..!
حكيم:( تبسم و رد ) تصبحي على خير ..!
بتنهيدة ضارت و فتحات الماريوو كتقلب بين حوايج كريمة ..! جبدات كنضورة طويلة فالأبيض .. مطرزة بالعقيق فصدرها .. مع شورط قصير .. و فوطة فقط ..!
دخلات للدوش كتسرح عينيها .. طرقات عليها الباب و بدات كتحيد فحوايجها و تقاد الما فالسخون .. و فنفس الوقت كتشوف الشبكة لي عندهم تما و المستحضرات لي فيها .. واش تعجبها ريحتهم ..!
بعد مدة من الوقت خرجات ملوية فوطة على شعرها .. حناكها مزنكيين بالفوار .. ريحة زوينة كتتشم فيها .. خليط بين الكوك و الشوكولا ..!
عينيها تقالوو ما بقى كيبانلها واالوو من غير الفراش و النعاس .. طفات الضواو و تخشات فالناموسية براحة و تعب شديييد خلاها تمشي فسابع نومة بلا ما تحس .. العيى هلكها بالمعقوول ..!
🌞 يوم جديد 🌞
فتحات عينيها لي ولاو لها منفوخين قد الطبل بالنعاس و البكى .. كتكسل و تجبد فالفراش .. صابحة فاشلة و غير الشعى د الشمش لي فيقها ..!
تكات كترمش بعينيها فالبيت و فالمرايا لي معلق فالسقف .. غالباتها الضحكة و هي كتتخيلوو مع كريمة .. واخا زوينة و طايتها عامرة كيف كيبغيو بزاف د المغاربة ..! و لكن هضرتها و عقليتها دايرينها ضحكة قدام العادي و البادي ..!
للحظة خرجات عينيها بصدمة و بالزربة حطات يديها على الشورط كتقلب فيه هو و الفراش .. و براحة تنهدات فاش ما لقاتش الفزاك ..! غمضات عينيها و مرة مرة كتنهد تا كيتهز صدرها .. لقات السكات و سهات لي خلاها تفكر فشحال من حاجة .. بحال يلا كترتب وراقها من أول و جديد حتى عيات و
بهدوء وقفات للدوش كتشوف فوجهها لي صبح عادي مزنك شوية و صافي ! بلا شفايفها لي تفلحولها شوية ..! كانت هازة الهم يزراقلها من داك التسرفيق لي خدات ..!
شريفة: ولاو عندي جووج بزولات ماشي جوج عينين ..!
باستهزاء حنات راسها كتغسل فوجهها و سنانها غير بصبعها كتحكهم بالدوا تا شمات ففمها ريحة زوينة دالنعناع عاد خرجات لعندهم لوسط الدار .. لقات أسية و ملاك حاطين الفطور كيفطرو .. جلسات قدامهم و قالت بضحيكة ..!
شريفة: صباح الخير و الرباح و رزق ربي يجيكم مفتاح و لي ما صبح عليكم ما يجيه خير ..!
ملاك: واااعرة عندك هاذي ههههه صباح النوور كي بقيتي ؟
شريفة: صافا ( شافت فأسية و باستها فحنكها بحب ) ارتاحيتي أ تاسانوو ( دوزات على شعرها ) الزعيعرة ديالي
أسية:( بابتسامة عاوداتلها البوسة ) الحمد لله .. صبحتي فرحانة هاذ النهار ..!
شريفة:( ضحكات و قالت كتشوف فالطبلة ) أنا ديييما فرحانة .. ما كايناش قهوة ؟
ملاك: لا ما صوبتهاش ..! نوض نطيبها لك و لا تبغيها د الماكينة نعصرها لك ..!
شريفة:( ردات بهدوء ) ماشي مشكل أنا نعصرها كيفما كنبغيها غير وريني فين حاطينها ..!
ملاك: واخا أجي معايا ..!
ناضت تبعاتها تال للكوزينة و وراتها فين محطوطة و خلاتها تما و رجعات تكمل فطورها .. أما شريفة عرات البلاصة فين كيديرو الما .. لقاتها عامرة ..!
استغربت و هزات البواطة خواتها من الما و شلاتها مزيان و عمراتها ..! معيافة فهاذشي و ما كتاكلش و تشرب من عند أي واحد ..! هزات كبسولة و دارتها كتعصر لها فكاس دالقهوة خاوي نقي ..!
حطات البلاطوو فين تدير كاسها .. مع معلقة صغيرة و مشات للثلاجة كتقلب على الما .. لقات قراعي شفافين فالألوان ديال الرياضة ..! فيهم الحامض مقطع و الخيار ..!
هزات وحدة فتحاتها كتشوف و تحرك باستغراب .. باغى تشرب و مترددة خصوصا فاش انتابهات لشي قشور بويض رقاق ..! رجعات جبدات الثانية لقات نفس الحاجة .. واخا لي ما حققش مزيان ما ينتابهش ..!
هزات كتافها و بلا عكز عليها خواتهم فالقادوس و شلالتهم حاطاهم فالشبكة دالمواعن .. لي هزات منها كاس خاوي عمراتوو بالما و دارتوو فالبلاطوو خارجة كتهضر مع ملاك و الباب تحلات داخل حكيم ..!
شريفة: داك القراعي لي فيهم الديطوكس راه واقيلة فسدوو أنا كبيتهم تا تصوبوو وحداخرين ..!
حكيم:( رد عليها بهدوء ) ما عليش هاذوك قداموو كنت غنلوحهم فاش نسالي
ملاك:( شافت فيه و قالت ) جيتي بكري هاذ النهار ..! فطرتي و لا باقي ؟
رد عينيه على شريفة لي جلسات كتشرب فكاسها دالقهوة ..! ما كتشوفش فيه .. بهدوء كتفطر و مرة مرة تضحك مع اسية ..!
حكيم: رجعت بيطالي ..! ( جلس قدام ختوو متكي ) خدموو عليا حتى نتوما شوية .. هذا الجهد ..!
ملاك:( ضحكات و تكات عليه كتحلون ) ويلي حلف ؟؟ ( باستوو فحنكوو ) بصح توحشناك يالاه تبقى معانا و تعمر علينا الدار ا حبيبي
شريفة:( هزات راسها فيه و قالت ) واش بصح ؟؟ على الموضوع د البارح نيت ..؟ ياك حليتي المشكل او لا ..؟
حكيم:( رد كيطنز ) بقيت بلا خدمة بسبابك ..! ديري معايا الحل يالاه ( قلب عينيه كيفكر ) ايييه فين نسيت الريسطوو ديالك .. هذاك يوكلنا انا و ياك ..!
شريفة:( حطات رجل على رجل و بابتسامة هادئة قالت ) نيت ناقصني واحد الفيدور .. يضرب العسة عليا و على المحل .. تخدم و لا نقلب على غيرك ؟
حكيم: و غنربح شي فلوس معاك و لا ناشفة القضية ..!
شريفة:( غلباتها الضحكة ) هههه كاينة الله يرحم لك الواليدين .. ما كافياكش ؟
حكيم:( رد كيحرك فراسوو ..! ) كافية و معدية ..!
شريفة:( شربات من كاسها و قالت ) دابا بصح و بلا ضحك شنوو دارو معاك .. درت لك مشكل كبير ؟
حكيم:( حرك عينيه بمعنى دوز حيد ..! ) توقفت شهراين بلا خلصة ..! ( بكسل كمل كيتفوه ) مزياااانة نرتاح شوية ..!
شريفة: ااااه ..! ( غمضات عينيها و رجعات حلاتهم ) سمحلي مرة اخرى ما نويتهاش هكاك .. و ما بغيت نديرلك حتى مشكل ..!
حرك راسوو بمعنى هانية ..! و رجع سكت كيكتب فالتيليفون مركز .. حتى هز راسوو و رجع قال بتساؤل ..!
حكيم: تبغي تسافري واحد دو سومين ..؟ ( هز حاجبوو ) غنوريك الادمان ديالي أنا كي داير ..!
شريفة:( ردات بابتسامة مستغربة ..! ) نسافرو ؟ أنا و ياك زعما ..؟ ( حركات راسها بالنفي ) لا ما نقدرش نديرها ..! شنوو بيناتنا باش نسافر معاك ..؟
حكيم:( تبسموو عينيه هو فاهمها و هي فاهماه ..! ) اعتابريه فواياج اوغكانيزي .. و ما غنكونوش بوحدنا ..! حنا و شي 100 او كثر .. يلا بغيتي تا أسية تمشي معاك .. الله يربح ..!
ملاك: و أنا ؟؟
حكيم:( شاف فيها و قال ) حتى نتي .. ماشي مشكل ( هز حاجبوو فشريفة ) غيعجبك الحال .. فكري مزيان فرصة لا تعوض ..!
بكلاموو قدر يحرك الحماس و الفضول لي فيها ..! فين غيمشييو ؟ و شنوو هو هاذ الادمان ديالوو ..؟ أكيد غتكون رحلة مغايرة على كاع رحلاتها هي و إلياس .. غتشوف الحياة من منظور ثاني .. غتعيش المغامرات لي من زمان و هي كتقلب عليهم ..!
شخصية بحال حكيم .. الحياة معاه فيها مفاجآت كثار ما كرهاتش تكتاشف أول وحدة جات فطريقها ..!
شريفة:( بتردد قالت ) و لفيين زعما ؟؟ و فوقاش هاذشي ؟
حكيم: بعد غذا ..! دابا اه أو لا ( حرك التيليفون فيديه ) باش نعلمهم يديرو بحسابكم ..!
شريفة: واخا دير بحساب 3 د البلايص .. انا و أسية و ملاك ..!
حرك راسوو بمعنى تمام .. و رجع لتيليفونوو كيكتب فمسج .. مخلي الفضول كياكل فيهم .. حتى من ملاك ما عرفاتوش علاياش كيهضر ..! أما شريفة من دابا بدات تتخيل هاذ جوج سيمانات كي غيدوزو .. واش غتفرح و ترتاح معاه و لا تقدر تندم من بعد ..!
حكيم:( هز عينيه فيها و قال ) سيفطيلي شحال كتلبسوو فالتوني الفوق .. فاش تمشي للدار ..! رجليك كثري لهم السبرديلات .. الذهب و لا شي حاجة غالية بلا ما تجمعيها .. انا علمتك ..! ( سكت كيتفكر ) اااه .. ما تنسايش تهزي شي قفطان و لا شي لبسة د العراسات معاك ( غمزها )
غمزها بثقاااالة بنظرات جذابة و عيون مبتاسمة ..! خلاها مبسمة معاه باستغراب جامعة حجبانها ..! الضحكة مرة مرة كتفلت لها و ترجع تحرك راسها بالنفي .. حتى كملات فطورها و قالت ..!
شريفة: خاصنا نمشييو دابا .. غتوصلنا ياك ؟
حكيم:( رد بالايجاب ) أنا كنتسناكم ( ضرب ملاك لكتفها بالشوية ) نوضي حتى نتي .. حَبيبة الصباح كامل و هي فاضحاني عليك ..!
شريفة:( شافت فأسية و قالت ) حتى حنا واجدين .. نهز غير صاكي و نهبطوو ..!
وقفات بهدووء دازت من حداه تا هز راسوو فيها كيشوف فالكنضورة لي جات مفصلة عليها عبار تقول مخيطة ليها و حتى و لونها فتح لها وجهها جاي معاها ..! فيها جوج فتيحات فجناب رجليها .. كيبانوو سيقانها منهم مرة مرة ..! كدامها حوومر بالنقى و ظفارها صابغاهم بفخانش خفيف ..!
حكيم:( نحنح و ناض هاز التيليفون و الكونطاكط ) أنا لتحت ما تعطلوش ..!
خلاهم بخاطرهم و هبط حدا الطونوبيل كيكمي و كيتسناهم ..! حتى لمحهم خارجين من باب العمارة و لاح البينتة للأرض زاطم عليها ..!
ركبات ملاك اللور هي و أسية و خلاو القدام لشريفة ..! لي تبسمات كترفرف بعينيها و بلطافة قالت و هي كتجر فلاسانتيغ ..!
شريفة: سمحلنا عذبناك معانا هاذ النهار على الصباح .. غيكون عندك ما تقضي و حنا شادينك ..!
رد بهدوء مخرج يديه من الشرجم كالعادة كيطقطق بجوج صبعان .. عين معاها و عين مع الطريق ..!
حكيم: مرحبا ..!
شريفة: ربي يخليك أ خويا ( قلبات وجهها للشرجم كتشوف فالطريق ) قلال الناس بحالك فهاذ الوقت ..!
حكيم:( شاف فيها هاز حاجبوو و رد بطنز ) الله يحفضك أختي ..!
شريفة:( ردات عينيها لجهتوو و بابتسامة حلوة قالت ) هذا هو المضمون فيك ..! ( بتساؤل ) بعدا عارف البلاصة فين ؟
حكيم: اه ..! نوصلوو لتما و نتأكدوو ..!
حركات راسها بواخا و سكتوو بجوج .. غاديين فصمت تام بربعة بيهم .. حتى وقفها حدا طونوبيلتها و قال ..!
حكيم: هي هاذي ؟
شريفة:( ردات بسعادة أخيرا جاها الإفراج و غترجع لدارها .. فتحات لاسانتيغ و هزات صاكها فوق حجرها ) ااااه هي .. شكرا بزاااف مرة اخرى ..! أسية يالاه ..!
فتحات ملاك الباب من جهتها باش تهبط و سلمات عليها بحرارة ..! أما شريفة غير جات تنزل .. شدها حكيم من يديها و بعينين مبتاسمين قال
حكيم: ما غتسلميش ا الباسلة ؟
ضورات عينيها و مصات شنافتها قالبة وجهها لجنب و هو حاضي حركاتها و مبتاسم بهدوء ..! هز يدو رد لها الشعر مور وذنيها بالشوية و قرسلها حنكها بجوج صباع ..!
حكيم: تهلاي فراسك ..!
شافت فيه حابسة الضحكة تا تزنكوو حناكها و لمعوو عينيها المجبدين بالنعاس ..!
شريفة: حتى نتا ..!
فتحات الباب و هبطات هازة ساكها .. شيرات بيديها لملاك و مشات للطونوبيل كتقلب فساكها على الكونطاكط غير من الجنب بلا ما تحلوو ..! حتى لقات الساروت و ركبوو هي و اسية .. جبدات نظاظرها دالشوف دارتهم و ديمارات ..!
عطاهم الطريق زادت قداموو و هو تابعها اللور ..! حتى قربات تدخل للوطورط و دارلها السينيال باش تقل .. تا تقابل معاها و قال
حكيم: بلا ما نوصل معاك لسلا ؟ كلشي ناضي عندك ؟
شريفة: لا لا كلشي مزيان .. صافي غير سير لشغالك .. كفيتي و وفيتي ..!
حكيم:( حرك راسوو و قال ) واخا .. منين توصلي علميني .. الله يعاون
هز يديه بمعنى بسلامة و زاد قدامها و هي ضارت باش تدخل للوطورط ..!
شريفة: قبيلة فاش كنت كنقلب على الساروت حسيت بشي أونفلوب مخشي تما .. هزي الصاك عندك شوفي شنوو ديكشي ؟
هزاتوو أسية .. حيدات السروال لاحتوو اللور و جبداتلها اونفلوب فالصفر .. حلاتوو لقات فيه غير الزرقات مستفين ..!
شريفة:( ميلات راسها و بتنهيدة طويييلة قالت ) حكيييم يا حكيم ..!
هزاتوو أسية لعندها .. حيدات السروال لاحتوو لور و جبداتلها اونفلوب فالصفر .. حلاتوو لقات فيه غير الزرقات مستفين ..!
شريفة:( ميلات راسها و بتنهيدة طويييلة قالت ) حكيييم يا حكيم ..! شوفي شحال تما ؟
أسية:( سكتات كتحسب حتى كملات ) هاذي 5000 درهم .. نص مليون ..! ( رداتهم للصاك و قالت ) واش حطها لك بلا خبارك ؟
شريفة: و فنظرك أنا غنطلب منوو الفلوس لا هو لا غيرو ؟
أسية:( بابتسامة ردات كتشوف فيها ..! ) غيكون عارفك ما خداماش دابا و ما عندك منين تصرفي و حطهم لك بلا ما يحرجك ..! ( سكتات شوية و رجعات قالت ) عرفتي أ شريفة و الله حتى كيبغيك و عمرو نساك ..! نتي محتاجاه و تا هو محتاجك فحياتوو غير من لي عاودات لنا ختوو .. عطييوا لراسكم فرصة و تعرفو من أول و جديد .. بلاصة ما تدابزو و تتغاوتوو هضرو بالعقل
شريفة:( ضحكات و قالت ) يخليلي مولات العقل ( سيفطاتلها بوسة فالسما ) أنا باركة عليا غير هاذ الزين كامل لي عندي ..!
أسية: ضحكي عليا تما ..!
شريفة:( ردات بهدوء مركزة فالطريق ) راه ما بقاتش فواش محتاجاه و لا لا ..! راه هو لي فيه المشكل و صعيييب نشرحلك .. و لكن هو فاهمني و أنا فاهماه مزيان و هاذشي ممرضوو كثر و كثر ..! ( هزات حاجبها ) اما على نعطييو لراسنا فرصة ..! حاااااجييييتك هه ..! هو أصلا حاسبنا داخلين فغولاصيون ..!
أسية: ههههههه كيفاش ؟ و علاش صعيب نفهم ..؟
شريفة: واخا غنشرحلك كثر ( شافت فيها و رجعات قلبات عينيها و بجدية قالت ..! ) حيث حتى نتي بنت و غيجي واحد النهار لي تبغي تجربي و تعيشي علاقات فحياتك ..! أنا ماشي ضد و لكن هاذشي عندو العمر ديالوو .. فاش تسالي قرايتك و تخدمي و تهزي راسك و راسي قدام كولشي .. و باش حتى داك الانسان لي تعرفيه يكون ناضج و متحمل مسؤوليتوو قبل ما يتحمل مسؤوليتك معاه .. ماشي برهوش باقي تا ما طلع سروالوو و لا شارف عليك و هو واصل فحياتوو و نتي عاد بادية و غتضيعي راسك على ودو و شوف واش يصدق و لا لا ..!
أسية:( ردات مزنكة ..! ) أنا فاهماك و عارفاك خايفة عليا
شريفة:( حركات راسها ) حيث نتي لي عندي و فاش كنشوف كي كبرتك كنفرح و كنقول بعدا درت شي حاجة زوينة فحياتي .. ما باغاش توقعلك شي حاجة خايبة .. ما باغاش قلبك يتهرس فهاذ العمر ..! ( بلعات ريقها بصعوبة ) نتي جوهرة و الجوهرة ما كتعطاش لأي واحد ..! هذا لي كيوصل لها كيحفر و يعرق عليها عاد كيفرح بيها و يهزها بالشوية مفتاخر قدام كلشي .. ديريها فبالك أ أسية ..!
أسية:( بغات تبكي .. دمعوو عينيها و قربات منها عنقات يديها و باستها متكية عليها ) و أنا غنفرحك بيا بديكشي لي كتمناي .. كنبغييك بزاااف ا شريفة و واخا ما كتبغيش تسمعيها و لكن نتي ماشي غير فبلاصة ختي .. نتي ماما و أحسن و أقوى وحدة عرفت فحياتي .. نتي القدوة ديالي ..!
شريفة:( عينيها تغرغرو و هزاتهم للسما كترمش بالشوية ما باغاش تبكي .. بضحيكة قالت ) عيني ولاو طالبين مني الشرع .. بقالهم شوية و ينوضوو يدعيوني .. الشكوى بيا لله هههه ..!
أسية:( ضحكات و ردات كتمسح عينيها ..! ) كمليلي على حكيم حيث بصح ما بقيتش فاهماكم شنو باغيين ..!
شريفة: هههههه و الله يا ختي تا كلشي باين و وااااضح غير بنادم كيتعامى و صافي .. المهم أنا نشرحلك باش كيفما قلت لك يلا جابتها و تلاقيتي مع نوعوو تديري أطونسيون
شريفة:( دوزات الفيطاس و قالت بهدوء ) شرحيلي واحد الحاجة .. شنوو كتعني بنهضرو أنا وياه بالعقل و نعطييو فرصة لبعضياتنا ؟ ( كمشات حجبانها ) بمعنى نعاود ليه على حياتي ؟ و على الظروف لي دزت منها ؟
أسية: وي ..!
شريفة: علاش غنعاود ليه ؟ و شنوو مشى ليه فشي حاجة بعيييييدة عليه بعد السما على الأرض ؟ واش يلا هضرت شي حاجة غتتبدل من لي فات ؟ واالووو ..! غتقولي اه حقا هو فاهمك غلط .. غنقولك طووووز فيه و عقلوو هذاك يفكر كيفما بغى
أسية: ايوا تما بقيتوو على هاذ الحساب ..!
شريفة:( تبسمات و قالت ) هو باغي يحطني تحت الأمر الواقع .. كيستفزني و كيعصبني ديال بصح .. باغي بهاذ الطريقة يضغط عليا و نهضر .. ما راضيش يطلبها مني نيشان .. قالها مرة فالكوميسارية و بزز و ما قدرش يعاودها ..! بحال يلا سولني نيشان و هبط كواريه غينتاحر
أسية: و يلا هبط كواريه و سولك تقدري تعاوديلوو ؟
شريفة:( هزات كتافها ) ما عنديش مشكل ..! نواجهوو هو و عشرة منوو .. أي حاجة درتها أنا مفتاخرة بيها ..! و ما عند تا واحد الحق يحاسبني على شي حاجة .. واخا يشوفني كنقح* كااااع .. و هو عارف هاذشي مزيان و عارف شنوو معنى وحدة فعمري تخرج للزنقة و هازة مسؤولية فوق ظهرها ..!
أسية: صعيب الحال و هو خدمتوو كتوريه ما كثر خاصوو يحس بيك ماشي يمرضك ..!
شريفة:( حركات راسها بالنفي ..! ) راه هو لي مريض بالتفكير و الأفلام فعقلوو و ما راضيش يهضر .. و غيبقى صابر حتى يتفركع .. حيث صافي غيوصل للحد .. و أنا كنتسنى فهاذ النهار و باغى نزيد نمرضوو كثر و كثر .. هاكا أنا نيت كنشوف ردات فعلوو على بزاف د الأمور كي كتكون و كيفاش كيفكر و كنفهم شخصيتوو بالتدريج ..!
أسية:( ردات بحماس ) و شنوو فهمتي ؟؟
شريفة:( ضحكات و قالت ) ههههه حمقة هاذي .. عرفتي علاش الطلاق كثر فهاذ الوقت ؟ حيث البنات فالفترة د الخطبة و لا حتى المصاحبة .. كيدوزوها ضحك و ملاغة .. وحدة كتفوح على الثانية بلي عندها .. شكون الزوين و الطويل و المرفح بوكو اللعاقة فرجالهم و يلا جيتي تسوليها على أبسط حاجة عليه ما تعرفهاش .. حتى كتشد الباب عليهم فدار وحدة و كتزول الصباغة و تما أراك للحرب و المشاكيل .. كيلقاو راسهم عمرهم عرفو بعضياتهم ..!
أسية: عندك الصح ..!
شريفة:( دوزات يديها على عنقها و قالت ) داك الفترة خاصها تكون كلها تجارب و اختبارات .. بيهم كتعرفي واش داك بنادم يصلاح لك و لا حيد بالاك ..! راه الملوك فاش كانوو كيبغييو يديرو حرب مع شي بلاد .. كياخذو سنيين و هما كيخططو و كيحاولوو يفهموو التفكير د العدو و يدرسوه بالشوية .. عمرنا كنلوحوو رجلينا فالخوا و نزيدو ..!
أسية:( ضحكات ) هي حكيم عدو كتوجدي ليه و جالسة كتختابري فيه باش تجيبيلوو التمام ههههه
شريفة: هههههه يا ختي على الفهامات ( سكتات شوية و رجعات قالت غالباها الضحكة ) المشكلة حكيم gamer من ديكشي الرفيييع و ها بوجور ديالوو من عندي ( عطات التحية كتبتاسم )
أسية: كيفاش " gamer " ما فهمتش ؟ واش ديكشي د بلايستيشن زعما ؟
شريفة: هههه هي ..! غير هو كيلعب بالبنت ماشي بالgايم ..! هاذ النوع صعيب بزاااف تفهميه .. كيبغي يلعبك على صباعوو .. مرات كيكون معاك طوووب ديال الضرافة و التعامل .. يشبعك هضرة زوينة و ضحك و نشاط ..! و مرات ثانيين ( سكتات كتفكر ) مثلا ..! يبدا يقارنك مع البنات و يطيح منك .. تكوني كتناقشي معاه و يقاطعك و يحتاقر هضرتك .. بحال هاذشي زعما ..!
أسية: هكاااك ..!
شريفة: و هاذو بالذااااث دغيا كيطيحوو على زنافرهم يلا عرفتي تتعاملي معاهم ..! و تا البنات كيموتوو عليهم حيث غامضين و دغيا كينفرو من الحاجة و يطلع لهم الدم ..! قاسحين مع راسهم و مع كاع لي ضايرين بيهم ..! و مع ذلك كيكونوو هما الكل فالكل و عائلتهم و معارفهم كيحتارموهم بزااااف و غير من ملاك يبانلك البلان .. عطاها قتلة تموت و ما تنساها و ما قدراتش تخليه غضبان عليها تا ساعة د المكانة ..!
أسية:( حطات يديها كتسمع و ساهية فالخوا ..! ) ايييوا ..!
شريفة: اييوا يا الحبيبة .. الحل هو يطلع تطلعي .. يهبط تهبطي .. تبقاي تلعبي معاه قشقاش .. تبيني هضرتوو ما كتهمكش ..! مرة كبري بيه .. مرة اخرى طيحي منوو و ماشي غيؤ بالهضرة تا التصرفات و الحركات ديالك كيلعبوو دور و الرج٠ال راه كيلاحظو بحال هاذشي و كيفهموه طاير و نقولك ..! حكيم داير هاذشي كامل حيث باغي يسمع مني و تتوضح ليه الأمور ..! نهار يتحطوو النقط على الحروف غتتبدل شحال من حاجة و هو غيرتاح فخاطرو ..!
أسية: اييوا ريحييه ..!
شريفة:( تبسمات بسم و قالت ) لا ..! حيث حتى انا فاقصني و داخل فيا طول و عرض .. كن جا و قالي ا فلانة عجبتيني و مرتاح لك ما كرهتش نتعرفوو كثر .. غنقولوو اوك بسم الله .. و لكن لا هو عندو كلشي بزز و بالتهديد ..!
أسية:( ردات ببرود ) وا غير بداي نتي و سبقيه و هو غيكمل .. راه نتي لي خاصك تديري الحل ..!
شريفة:( رمشات بعينيها عاضة على شنافتها جنب ..! ) يا الكبيدة ديالي .. قالو سبقتك بخلفة قالو خورتك بصبع ..! ما ناقصة تخوار هاذ الساعة ..!
أسية: هههههههههه ناري حرام عليك و الله تا عندي عزيز و قبل حتى ما نشوفوو ..!
شريفة:( هزات حاجبها ) و نهار شفتيه كنتي غتبولي بالخلعة غير بوحدك ما قاسك حد .. شوية ما تسخفي قداموو فالكوميسارية
أسية:( غطات وجهها كتحرك راسها بالنفي ) ناااااري ما تفكرينيش يا صاحبتي .. على خلعة جاتني .. كنقول صافي هاذي آخرتي ما غنخرجش من تما على رجلي ..! ( هزات راسها فيها ) هو بصح كتحسي بالهبة منوو و كيخلع شي مرات و لكن و الله تا رجووولة و مواتيين بجوج ..!
شريفة:( قلبات عينيه كتميق ) مخليك محامية عليه ؟ أنا بغيت غير نعرف هاذ حكيم شمن خير داير حتى كتضوري تضوري و ترجعي تشكريه ؟
أسية: حيث فرحك و كان شي حاجة زوينة فحياتك ( ضحكات كتلعب بحجبانها ) عقلتي فأقشور فاش شفتيه داك النهار كي كنتي ؟
شريفة:( ردات باستهزاء كضحك ) هههه كان شي حد ضاربني بتسرفيقة مضخمة تا شفت الجن كيعجن و رجعت لبلاصتي ..!
أسية: لا كنتي فرحانة و مرتاحة .. ايوا راه تما حكيم طاح فيك و عجبتيه .. راه ما كاينش هذا لي تعيطي عليه و يضرب الطرقان على ودك و هو ما كيحس بوالوو من جهتك .. غير فاش عاونك و نتي مهرسة و جاي من كازا للرباط عندك و واقف معاك .. راه راج٠ل تعولي عليه
شريفة:( تنهدات و قالت ) يلا على تعولي عليه راك تعووولي .. و عرفتي راه واخا كاع لي قلت لك .. صعييييب نفهم تفكيرو و عقليتوو .. فهمت شوية من شخصيتوو لي هو مبينها .. لا غير ..!
أسية: ايوا ها السفر جاي و تفاهمي نتي و عمي الجديد هههههه
شريفة: يعمي الشييييطان .. يعميييه ( هزات حاجبها كتشوف قدامها مركزة مع الصوكان و كتهضر ..! ) علاه بالسلامة تا هذا غتولي تعيطي ليه عمي ؟
أسية: وا راه كبر مني ب 16 العام .. شنوو نعيط ليه حكيم حافية ..؟
شريفة: عيطي عليه باسيدي الحنين .. حسن لك ( سكتات شوية و قالت ) خدمي لنا شي حاجة نتصنتوو عليها بتيليفونك أكتيفي معاك البلوتوت .. ديالي مديشارجي تا ندخل للدار و نشارجيه ..!
أسية: سمعي هاذي غتعععععجبك .. سميتها أنا سكرت سكرت ..!
شريفة:( ردات كتضحك ) ههههه و هاااااذي فخاااطر الشابة أسية ..!
جالسة فالصالون جامعة فمها الصغييور بفقصة .. وجهها حمر و رجليها كيلعبوو غير بوحدهم بالأعصاب ..!
حبيبة: يلا باغي تقتلني و تدفنني تحت التراب ؟ غير قولها من دابا ..! ( سكتات كتنهج و رجعات غوتات ) وا هذا معناتها هاااااذااا معناااتها ..!!!
ضربات ففخاضها كتولول و كتشوف فيه ..! هو لي مببببرد السوق .. حاط رجل على رجل .. كيدوز بيديه على لي موليي .. ما هزش حتى العين فيها .. حدو رمالها الهضرة و رجع اللور ..!
حبيبة: حكيم راه كنهضر معاك ما كنهضرش مع الحيط !!!
حكيم:( هز راسوو فيها ببطئ .. مطلع حاجبوو للسما ) كثرة اللغى بلا فايدة ما كاين لاش أ حَبيبة ..! و للمرة المليوون غنقولك ما تبقايش تحكي على الواحد بزااااف .. هضرنا و سالينا .. ما كاين رجووع ..!
حبيبة: كيفاش ما كاين رجووع ؟؟ ( سكتات شوية و رجعات قالت كتسايس معاه ) ا ولدي الله يفرشك و يغطيك بالرضى لما سمع مني و جيبها لعندي أنا نقابلها حتى تولد .. نتا ما تشوفها ما تراها .. حتى تهز بنتك بين يديك و دير لي بانلك ساعتها ..!
حكيم:( وقف طالعلوو الخز للراس و قال ..! ) يَّما هاذ السيجي بلعيييه هنا الله يحفضك .. درت فالخاطر تا عييت و فلخر أنا لي بقيت بلا خاطر ( ضرب يد مع يد ) دابا صافي .. جمعي و طوي علينا هاذشي
وقفات تا هي و قربات منو شادة فيه كتحاول تقنعوو ..!
حبيبة: راه حرام ا الغالي تطلقها و هي حاملة .. لا فالشرع لا فالقانون .. و نتا راك تبارك الله واعي و عارف حسن مني ..! و لكن هي حال و عقل .. غتمشي تدير شي كارثة فراسها و فلي فكرشها و نوحلوو فيها حنا ..!
حكيم:( رد باستهزاء ..! ) شناااهوااا ؟ مالنا عايشين فغابة ..؟ هه ..! ( حرك راسوو ببطئ كيتحلف ) مزيان خليها تدير لي عجبها و التاااالي مببببببخر ..!
حبيبة:( تنهدات بقوة كتمسح على وجهها ) دابا هاذي آخر هضرة عندك ؟ و أنا كنقول حكيم هو المعقل و المرضي فخوتوو .. باغي تفقصني و طيحني فالركنة ياك أ ولدي ياك ..!
تبسموو عينيه كيسمعلها و هي كتبوحط عليه .. كيفما مولفة مع ولادها كاملين .. الخاطر و الفشوش لي كيشدوه لها .. تا راجلها ما كانش كيشدولها ..! كلهم مقطرة لهم من عينيهم ..! و تا هي ديما مكبرة بيهم و محتارماهم ..! قليل فين كتتدخل فقراراتهم و تتعاكس معاهم ..! و حتى دابا كن ما كريمة حاملة كن بيديها كركباتها من الدروج .. و لكن شي كيغطي على شي ..!
حكيم:( قرب لها كثر باسلها راسها و بثقالة رد ) الواااليييدة ..!
غمض عينيه و رجع فتحهم .. داير فيها نظرة عارفاها مزيان ..! كيمعني لها ما تعيقش بالنكير .. صافي هضرة وحدة راه قالها ..!
حبيبة: اييوا لي بانلك ..! ( دوزات يديها على ذراعوو ) راحتك عندي فضل من كووولشي ..! رجع تجلس نشبع غير من شوفتك .. ما عرفت فوقاش حنا غنتهناو و نرتاحوو من هاذ المشاكيل ..!
حكيم:( زفر النفس بالجهد و قال مبدل الموضوع .. كيلعب بلسانوو ففموو ..! ) يلا عرفتي أ حَبيبة شكون سولات فيك من البلاد ..! كتعرفيها مزيان و واكلة من طعامك ..!
حبيبة:( رددات من موراه ) من أكادير ..! كنعرفها مزيان ..! واكلة من طعامي و سولات فيا ؟ ( باستغراب ) شكوون هاذي ؟
حكيم:( هز حاجبوو بابتسامة ..! ) يالاه ورينا شطارتك ..!
حبيبة:( حطات يديها على فمها كتفكر و تشوف فيه متعجبة ) واش مراة كبيرة و لا باقى صغيرة بعدا ..!
حكيم:( رد بهدوء ) قد خليل فالعمر .. عاد هي كبر منوو بخمس شهور هكاك ..! جابتها الصدفة تلاقينا و سولات فيك باغى تشوفك ..!
حبيبة: ايييه و عارف عمرها ..؟ ايوا مرحبا بيها .. يلا شفتيها مرة اخرى عرض عليها لعندنا .. الدار دارها ..! نشموو فيها غير ريحة البلاد ..!
جبد التيليفون من جيبوو كيصوني باسم " ثيسليث أوجنّا " ( بمعنى عروس السما لي هي قوس قزح ..! ) .. حرك راسوو و قال من بعد ما قطع على شريفة ..!
حكيم: دارك غتدخل لها و هي عروسة ..!
بلقات فيه عينيها .. صدمها مخليها غير كتشوف فيه و فملامح وجهوو المبهجة ..! ما عرفاتوو كيطنز عليها و لا كيهضر من نيتوو ..!
حبيبة: أء ؟ كي كيفاش زعما ؟ ( شافتوو ضحك و هي تغوبش ) درتيها بلعاني ..!
حكيم:( رد كيكتب فمساج ) درتها بصح ..!
*****************************
واقفة قدام الماريوو ملوية عليها فوطة .. كتلبس فبيجامة قصيرة بالشورط و الديباغدوغ .. سمعات صوت مسج وصلها .. و بهدوء هزات التيليفون راكب فلاشارج كتقرا شنوو كتب لها من بعد ما ديبلوكاتوو من جديد ..!
حكيم: وصلتي ؟ كلشي مزيان ..؟
ردات عليه بأوديوو ..! يديها خدامين كيرطبوو فلحمها بالكريمات ..! خصوصا فالشحطة لي عطاها فجنبها .. بقات مصورة بحال زطمة فالرملة ..!
شريفة: وصلنا مزيان .. الطريق مسرحة و خاوية دغيا لحقت للدار .. يالاه نخليك دابا مشغولة .. أ تووت ..!
حكيم:( رد بتساؤل ) مشغولة ؟؟
شريفة:( جاوباتوو بكتابة بعد ما خوات يديها ..! ) امم ..! كنزرع الزعفران زغبة زغبة فالمحابق .. تجي تغرس معايا ؟
حكيم:( لعب بلسانوو ففموو و رد ) نجي نسقيهم لك لا ..؟
شريفة:( ردات بأوديوو كتعوج فمها و عينيها فالمرايا كتشوف فراسها كي كتهضر ..! ) و ما حشمتيش باغي تدير لزغيباتي الرقية الشرعية .. عاودولك فيهم المس ؟ هذا كامل أجر و صواب فيك ..!
حكيم:( تبسم كيحرك راسوو بلا حول و رجع رد عليها كيكتب و موو حاضياه بنص عين ..! ) مزيان الواحد يدير الأجر مرة مرة .. ما تكونيش مسمومة ..!
شريفة: يخليلي الحنيييييين ..!
طلعلها ل vu و شد التيليفون عينيه مبسمين بوحدهم ..! واخا هكاك ماشي أي واحد يقدر يقراه و يعرف واش فرحان و لا قرحان ..! لأنوو فغالب الأحيان كتبان غير من عينيه واش مبسمين و لا مقلقين و مبرزطين ..!
حركاتوو و هضرتوو ديما ثقال ..! كيهضر شوية و يسكت عاد يرجع يكمل .. عكس فاش كيكون معصب كيهضر بالزربة و كيطلق بلا فرانات حتى كيبرد و كيندم فبعض الأحيان .. و كيحاول يصلح شنوو دارو لسانوو و يديه .. بأفعال ملموسة ..!
حبيبة: كمل معايا .. شكون العروسة ؟
حكيم:( هز عينيه فيها و بطنز قال ) شي عرس قريب هذا ؟
حبيبة:( وقفات و قالت ) ننوض نعيط لخوتك نتجمعوو على لقيمة د سكسكوو .. أما نتا عاد رشقاتلك على الطنز و الضحك ..! راه فعنقك بنت 24 عام و حاملة من الفوق .. خليها تا تفك و يحن الله ما تعرف ربي يحن عليك مع فكاكها حتى نتا ..!
طلع حاجبوو و مد يديه هز التيليكوموند دار الجزيرة .. ما ردش عليها .. خلاها مشات كتعيط على ولادها و هو كيسمع للأخبار فهدوء و صمت ..!
****************************
دارت الحوايج فالصبانة خلاتهم كيتغسلوو .. و ناضت محزمة للدار تجمعها ..! هازة شيفون فيديها كتمسح بيه الغبرة و تجمع الزبل فسلة صغيرة ..! جبدات الناموسية و دوزات الجفاف على البيت ..!
نفس الشيئ للدار كاملة من غير الكوزينة و الحمام لي حكاتهم و سيقاتهم ..! كملات و هزات العود دايراه فمبخرة ديال الضوو .. طالقاه فنص الدار معطرة بيه الجو .. معروف عليها كتمووت على ريحتوو ..!
شريفة:( فتحات الباب حاطة يديها على جنبها ) شفتك مكسلة ليا هنا .. ياكما كارية من عندك أختي و أنا ما فخباريش ؟
أسية:( ردات كتفوه ) وا عييت بالطريق ..!
شريفة: مسكينة جيت هازة عليك الملحة عذبتك معايا غير سمحيلي ( هزات حاجبها ) وا الله يمسخ مك .. تهزي وجديلنا ما ناكلوو .. هاذي المليون ما عوالاش تتغذاي ؟ و لا كتسناي الخادم تجيبولك تال عندك أ كبيدة ؟
أسية:( ضحكات و قالت ) ههههه ناري حرام عليك .. شنوو غنوجد ؟
شريفة:( ردات بتعب ) صاوبي غير طاجين د الخضرة .. و سربي باش نديك معايا للصالون .. غتتعطلي غنخرج ناكل فالزنقة و نسمح فيك هنا
أسية: و الريسطو ديالك غتمشي تشوفي فين وصلوو فيه ؟
شريفة: هذاك تال غذا فالصباح قبل ما يجي عندنا حكيم باش نمشيوا ..! دايرة اجتماع مع كاع لي خدامين تما نحطو النقط على الحروف باش يعرفوو لي عليهم و لي ضدهم و نخدموو مرتاحين ..! أما المحل تقريبا وجد ما بقى فيه والوو .. أنا لي غنأجل الافتتاح حتى نرجعو ..!
أسية:( ردات و هي نايضة للكوزينة ) أنا غير خليني بلا ما نسافر معاكم .. سيرو غير بوحدكم و فوجوو مع راسكم
شريفة:( تبعاتها جلسات قدامها فالكرسي كترتاح و بنفي ردات ) ما نقدرش غير بلا ما تحاولي ..! أنا نخليك فسلا بوحدك ؟؟ فأحلامك ا تاسانو ..!
أسية: مالي صغيرة ؟ راني بعقلي و ما عندك مناش تخافي .. سيري و نتي مرتاحة .. بلا ما نتقل عليكم ..!
شريفة:( هزات كتافها و قالت ) لي ما غيقبلش بيك و غادي ثقلي عليه .. ما عندي ما ندير بيه .. يا غتمشي يا غنجلسوو بجوج ..!
أسية:( تنهدات بقلة حيلة .. عارفة واخا تعيى تقنع فيها قالت لا هي لا ) فوقاش نجمعوو لي فاليز ؟
شريفة: نتغذاو و نرجعوو من الصالون و نجمعوهم ..!
أسية: اووك ..! و شنوو غتصوبي بعدا ؟
شريفة: لاسيغ للحمي كامل ( شافت فيديها ) و نقاد ظفراني .. جيل بيغمانونط .. و شعري غنقطعوو و نصبغوو .. غنديرلوو البالاياج فلاكاجوو و لا الرمادي مشهية ليميش هكاك خفيف و مموج ..!
أسية: و علاش ما تركبيش الشعر طويل .. كيجيك واعر ..!
شريفة: الصهد ( هزات شعرها كتسوط على عنقها بيديها ) أنا هذا و مقنطني ..! بلحاق غندي معايا الشيشوار و كاع لي غنحتاج فالسفر .. يلا كان شي عرس نقادو .. باش نتحير بيه ههههه
أسية: ههه ما عرفتيش فين غنمشييو ؟ سوليه باش نعرفوو شنو نهزو معانا ..!
حركات راسها بمعنى تسناي .. مشات لبيتها فين دايرة تيليفونها كيتشارجا .. لقاتوو عمر و حيداتوو .. خارجة كتكتب ليه ..!
شريفة: بس .. راك هنا ؟ قولي فين غنمشيو باش نعرف شنو نهز فاللباس .. زعما واش بحر و لا جبل و لا شنوو بالضبط ..؟ و معاياش غذا غتكون عندي ؟
طلعات لها شرطة وحدة منين تسيفط المسج عرفاتوو ما داخلش مشغول و حتى هي ما حكراتش ..! دازت كتقلب فالمسجات الثانيين لي عندها .. لقات ملاك مسيفطالها .. إيمايل و مودباس ..! تبسمات و سجلات لها اوديوو
شريفة: هذا الفيس ديالك ؟ ما هضرتيش باقي مع شادية ياك ؟
ملاك:( جاوباتها فالبلاصة ..! ) اه هو هذا .. راها ديما معمرة الفيس غير سيفطيلها من عندي و غترد عليك .. غتكون كتتسنى تعرف شنوو وقع من بعد ..!
شريفة: صافي مزيان .. انا غنتكلف نتي خليك بعيدة ...!
تنهدات كتفكر بهدووء هازة التيليفون فيديها ..! و بلا ما تردد دوزات النمرة د كريمة لي قيداتها عندها .. بقى شحال كيصوني عاد تقبط الخط و برقة قالت ..!
شريفة: ألوو السلامُوو ( طولاتها ) عليكم .. كريمة الزين ..! كي دايرة مع الخفة ؟ ارتاحي شوية بعدا و لا والوو ؟
كريمة: ياو شكوون معايااا أ خويتي ؟؟ النيميرو تاعك كاع ما مسجلة عليها تاع من ..!
شريفة:( مصات شنافتها و قالت بميوعة ) شرييييفة لي معاك ..! عاد خرجت من الكوميسارية و قلت نسول فصاحبتي آش دارت حتى هي ( هزات حاجبها ) و باغاك فواحد الخديمة .. يلا ما كنتش غنعذبك معايا ..!
فيبرا التيليفون فوذنيها حتى حيداتوو و شافت من الفوق مسج د حكيم مجاوبها ..!
حكيم: بحر و جبل بجوج .. و الوقت بلاتي و نعلمك فوقاش ..!
رمشات عينيها متحمسة باغى تغوت و فنفس الوقت ساكتة مركزة مع كريمة لي كتهضر ..!
كريمة: واا شريييفة تي آش سايرة تعاودي ا خيتي ؟ لgيتي لي يطرgك من الكوميسارية بعدا و لا تحنسرتي فالمركوب ؟ ( سكتات شوية و بفضول رجعات قالت ) و مولا داري اش كعد يgولك من مورايا ؟
شريفة:( ضورات راسها و قالت ) سخسخني يا ختي سخسخني ..! حتى نتي .. شنوو غيقولي ؟ شبعني غير سبان و مسمنات من يديه تا طبت ( هزات حاجبها ) باز لك معاه و الله .. ما خرجت من تما حتى ربي غفرلي كاع الذنوب لي متقلة بيهم .. و جيت عندك نجمع شوية عاود ..!
كريمة: هههههه يا تي غير gولي .. كيما وgفتي معايا داك النهاريات .. نوgف معاك تا يانا ..!
شريفة: ربي يخليك ا حبيبة .. أنا واخا تعصبت عليك فلخر و لكن غير حيث كنت خايفة راجلي يسيق الخبار هزوني من عند فقيه و داوني للكوميسارية .. و راك عارفة فاش الخلعة كتشدك كتبقاي غير تدخلي و تخرجي فالهضرة ..!
كريمة: كا نتي مزوجة ولا ؟؟ و انا كاعدة نgولك داك البنت زينة و عزبة ما داها تا حد .. gوليلي نتي عندك لي شاريك ههههه
شريفة:( تمتمات فنفسها ) شاريني ؟ بقرة أنا ..! ( بصوت مسموع قالت ) ايييه و لكن حنا تقريبا مطلقين و هو رمى عليا يميين الطلاق .. بقى غير نكملوو الوراق فالمحكمة و ها حنا مفارقين فخطرة ..!
كريمة: gوليلي هوووكاك .. كيفما حالاتي تا يانا ..! ( بحزن ) تي سمعتيه اش gال ليا gدامك
شريفة: سمعتوو ..! و عرفتي دابا وصلاتني خبار شعلات فيا العافية من الداخل ..! ( بتوضيح ) الراجل علامن معولة قالك يا لالة تصاحب مع واحد لالة مولاتي ضايرة بيه كي اللفعة كتطلق فسمها غير بالشوية ..! و ما نكذبش عليك .. حنا غير عيالات بيناتنا .. أنا تنادم معايا الحال على لي درت معاه و بغيت نردو و ما عرفت منين نبدا و هو حالف عليا حلفة قطعية ..! قلت نلقى أنا وياك شي حل .. و لي تجربيه نتي نجربوو أنا موراك ( سكتات شوية ) شنوو قلتي ؟
كريمة: اش نgولك ا شريفة ؟ كيما gلتي حنا عيالات و نفهموو بعضنا .. و ما عندنا لفين على رج٠النا .. و يانا محزمة لهذاك لي عندي حالفة بحلوفي تا نردو كي الك٠لب يطلب ..!
شريفة:( ميقات بفمها و فنفسها قالت ) بغييتوو يعضك ا المصعورة
كريمة: و تا يانا سايرة نضور على شي شوافة تخدملي شي حاجة .. على ما يخرج عبد العالي ياو نباليو بيه .. راه كاعد يوجد ليه فخدمة صحيييحة .. و راني شاكة واش مكنها ( عطاها ) لصحيبتي لي نترافg معاها عندو .. باش تطرgني و تمدها ليا
شريفة:( ردات بعينين موسعين ) بصح ؟؟ و شنوو هاذ الخدمة ؟؟ آتيني بيها نبقى ندعي معاك ليل و نهار و غير نشد راجلي بين يدي نتهلى فيك ..!
كريمة: يانا gاع ما عالمة شنوو هي الخدمة و لكن gال ليا هاذي هي لي غتجيب ليه التمام
شريفة:( هزات يديها كتشالي بيها و قالت ) و هاذ صاحبتك كانت كتجي لعندك للدار ياك ؟ ايوا عيطيلها و ردي عليا ( هزات حاجبها ) غتكوني شريفة حرة و ببركتك يلا كان عطاها لها عبد العالي قبل ما يتشد ..!
كريمة: ياو نتمناو .. المهم أنا كاعدة نgلب بالليل و النهار على لي ينوب على عبد العالي .. غير نلgى نتي لاولية ( لولة ) نعلمك
شريفة: واخا ا الزين لهلا يخطيك و ها التيليفون بيناتنا .. فينما كان شي جديد نعلموو بعضياتنا .. حتى أنا كنقلب بالريق الناشف ..!
يتبع...
التنقل بين الأجزاء