قطعات معاها لابيل و سكتات ساهية قبالتها كتفكر .. حتى طلعات تنهيدة من قاع قلبها خلات صدرها يتهز و يرجع يتحط ..!
شريفة: نتي لي جبدتيني ..!
دخلات للكونفيرساسيون ديالها هي و ملاك .. هزات الإيمايل و المودباس لي سيفطاتلها ..! و تكونيكطات من الفيس ديال ملاك * Marry Lanam * ..! مشات نيشان للجهة د المسجات كتقلب على شادية حتى لقات الكونط ديالها و سيفطاتلها كوكو ..!
شادية:( ردات عليها فالبلاصة ) أويلي يا الطحبة فين غبرتي عليا .. جلست نتسنى فيك وا لا نتي بنتي و قلتيلي شنوو درتي
شريفة:( هزات حاجبها و ردات كتكتب لها ) راني كليت هلكة د العصا بسبابك يا ختي .. و دابا نيت خويا محيد ليا التيليفون راه غير سرقتوو لماما بالخطفة
شادية: وا قوليلي بعدا شنوو وقع باقي مع داك خيتنا .. واش صافي ؟ شفتها غبرات تا مهدي داير عقلوو معايا هاذ اليامات
شريفة: ناري حكيم جا .. غنرد التيليفون دابا قبل ما يحصلني .. المهم شريفة راها تيقات .. راحنا غاديين للعروبية واحد جوج سيمانات غير يبرد خويا و نعاودلك كاع لي وقع
شادية: واخا صافي سيري ..!
شريفة:( هزات عينيها فأسية ) كملتي ؟
أسية: اه ساليت و راه كيطيب دابا فوق البوطة ..!
شريفة: يخليلي الحداكة و الزين ( سيفطاتلها بوسة و ناضت ) أنا فالبالكون قابليه معاك عنداك يتحرق ..!
خرجات للبالكون هازة طفاية و كارو معاها ..! ردات الباب عليها كتكمي بهدوء .. تقريبا 24 ساعة ما طاح ففمها .. من قبل ما تسافر لكازا مع ملاك و أسية .. إلى حد الساعة .. من بعد ما تقطعات على الآخر و ما بقاتش قادرة تزيد تصبر و تشغل راسها لي بدا يحرقها ..!
عكس فاش كانت مع حكيم تسخسخات بالمعقول حتى طاحت دودة ما قادرة لا تتحرك و لا تفكر فشي بلية و لا مرض .. كيبانلها غير النعاس ..!
🌝🌚 يوم جديد 🌝🌚
بعد اقناع طويييل من أسية و البنات فالصالون .. قررات تركب الشعر و خلاتهم يقادوه لها ..! مبوكلاه من التحت و شاداه من الجناب مخلياه مموج ..!
لابسة فيسط فالكحل مفتوحة من الصدر كتبين البودي البيض د القطن لي من التحت .. جامعاهم بسمطة ديال كوتشي ..!
سروال د الجلد لاسق عليها و صاك فيديها و صوندال خفيف .. معطرة و مزينة راسها بأجمل أنواع الحلي مع مكياج خفييف لاعب على حروفها لا أكثر و لا أقل ..!
خارجة من الريسطوو ديالها بكل ثقة من بعد اجتماع طويل عريض مع كاع لي غيخدموو معاها .. حطوو فيه النقط على الحروف و علماتهم بيوم الافتتاح و التصور ديالها كيف غيكون باش يبداو يوجدو من دابا ..!
ريح مجهد داعب شعرها و هي كتمشى لطونوبيلتها تركب فيها .. حتى تسمع كلاكسون موراها و ضارت بثقالة كترجع شعرها للور بجوج صبعان ..!
و فالمقابل خرج أحمد برادة يديه من لوطوو و شيرلها ..! تبسمات باستغراب و مشات عندو بالشوية عليها ما توقعاتوش يجي عندها لهنا .. واخا عارفاه عندو عنوان المحل .. من الوراق لي كانت عطاتوو باش عاونها فالبنكة و عطاوها الدعم لي مخصص للمقاولات الصغرى و المتوسطة ..!
أحمد برادة:( بجدية فملامحوو و نظرات غريبة قال بمجرد ما وقفات عليه ) بغيتك فموضوع ضروري .. ناخذو un café مجموعين و نهضر معاك ..!
شريفة:( شافت فالساعة و قالت بهدوء ) هاذ الموضوع ما يقدرش يتأجل ؟
أحمد برادة: non du tout " لا أبدا " و كيخصك نتي بالدرجة اللولة ( نحنح و كمل ) نتي و طليقك و مهدي ولدي ..!
أحمد برادة: من الأحسن نمشيو لشي قهوة .. الريسطو ديالك ندخلها نهار الافتتاح ان شاء الله ..!
شريفة:( ضحكات جنب و قالت ) خايف نسجل هضرتك ؟ المهم ..! مشغولة ما عنديش الوقت .. نهضرو عندك فالطونوبيل حسن ..!
ضربات الضورة و فتحات الباب جلسات قداموو بكل هدوء .. من الأول عارفة ما عاونهاش في سبيل الله .. و كانت كتسنى تعرف شنوو هو المقابل بفارغ الصبر ..!
أحمد برادة: ألوغ ندخلوو فالموضوع ديريكت .. ما نزيدش نعطلك ..! Pour être claire avec toi charifa " باش نكون واضح معاك ا شريفة " النهار لول لي شفتك فيه .. عزيتك بزاف و تمنيتك لولدي .. انسانة ضحوكية و حيوية بحالك ما تجي غير مع سيدي مهدي ..!
شريفة:( رمشات عينيها و ردات بذكاء ) فهمت ..! عائلة بحالكم أكيد ما غتقبلش بوحدة بحال شادية عروسة ليها .. و بنتلك أنا من دون الناس تزوجني بولدك باش تبعدوه على صاحبتوو ( زيرات على سنانها ) الغالي سيدي مهدي برادة ..!
أحمد برادة: غنعاملوك بحال بنتنا و ما غتلقايش ما حسن منا .. و حتى مهدي وافق فاش شافك و هضر معاك ..! و أنا كنأكد لك تا واحد ما غيوصلك و لا يقيسك بضر .. لا شادية لا غيرها .. يكفي تنسي ولدي فيها .. ما يبقاش معمر راسوو بيها و يكون مرتاح معاك ..!
شريفة: و يلا ما بغيتش شنوو غادي تدير ؟ ( هزات حاجبها ) ما كاين لاش نمثلوو على بعضياتنا .. كيعجبني الواحد لي كيقصد ديريكت و من ديبار كيبين وجهوو الحقيقي ..!
أحمد برادة:( تنهد ساكت مدة و عاد قال ) هذا دين عليك .. كيفما عاونتك حتى نتي خاصك تعاونيني ..!
أحمد برادة: حتى أنا على ود ولدي غنكون اناني معاك .. مهدي نهار خرجتي نتي و ياه تعرف على الطليق ديالك .. و تخلق ليا معاه مشكل كبير يقدر يوصلنا حتال المحاكم .. فهم بلي ضحكنا عليه و شي حاجة بيناتنا ..!
شريفة: و كالعادة بفلوسوو قدر يشريك حتى نتا ؟ ( باستهزاء ) شي حاجة متوقعة من إلياس ماشي جديدة ..!
أحمد برادة: ما قدرتش نبيع بيك .. و لكن فحالة ما قبلتيش .. غنعطيه كاع التسجيلات د ليزابيل لي عندي و حتى المسجات .. و غتولي القضية بيناتكم بجوج .. نتي طلبتي و أنا نفدت و نصبنا على وحدة بريئة ..!
شريفة:( حيدات النظاظر من عينيها و شابكات يديها بجوج ..! ) فهاذ الحالة حتى نتا غتمشي فيها .. القانون لا يحمي المغفلين ..!
أحمد برادة:( جبد شهادة من الطب النفسي كتأكد بلي هو مريض نفسيا و تصرفاتوو خارجة عن ارادتوو الشخصية و مدها لها .. خلاها حتى قراتها و قال ..! ) إذا قبلتي بالزواج من مهدي غتنساي هاذ الحوار لي ضار بيني و بينك .. لا إلياس لا شادية لا غيرهم غيقدر يوصل لك ..! شنوو قلتي ..!
مصات شنافتها كتبرد فيها اعصابها لي كيغلييو على إلياس .. عمرو يتبدل أو يثوب و باغي يعاود معاها نفس السيناريوو ديال زمان .. الإبتزااااز ..!
شريفة:( ببرود ردات ) و أنا قابلة ..!
شريفة:( ببرود ردات ) و أنا قابلة نتزوج من ولدك .. و لكن بشروطي ( تبسمات من فوق قلبها ) وحدة ضحوكية و حيوية بحالي ما كتمشيش بالساهل واخا تكون تحت التهديد ا موسيو برادة و كنظن من حقي كعروسة أو لا ..؟
أحمد برادة:( بغى يشد فيديها و بعداتها ) احم ..! طلباتك أوامر .. شريفة تيقي بيا ما كنتش باغي الموضوع يوصل لهاذ الدرجة .. و لكن الظروف حكمات علينا ..!
شريفة:( هزات نظاظرها و صاكها و قالت كتحل فالباب ) مسافرة واحد جوج سيمانات فاش نرجع .. أنا غنجي تال عندك و نقولك شروطي ..!
أحمد برادة: d'accord prend soin de toi " اوك متافقين .. تهلاي فراسك "
نزلات من عندو ما كتقشعش بالأعصاب .. جبدات كارو و بريكي كتشعل فيه بيدين كيرجفوو ..! و غير وصلات لطونوبيلتها ركبات و قلعات طايرة من تما .. كتكمي و تبخ لبرا .. العافية شاعلة فيها وا لا بغات تبرد ..!
حنات راسها كتقلب فصاكها جبدات تيليفونها داخلة للريبيرطوار .. عين فالطريق و عين مع التيليفون كتقلب على واحد النمرة ..!
لقاتها و دوزات لابيل كتسنى بفارغ صبر حتى تفتح الخط .. و بلا سلام او لا كلام قالت ..!
شريفة: نشرو الفيديو د إلياس .. غتحملوو نتوما المسؤولية .. و فلوسكم يوصلوو تال باب داركم .. مليون ينطح مليون ..!
رد بصوت مدعدع : لي تافقنا عليه النهار اللول يتحط فوق الطبلة .. و رجعي للور ما كنعرفوك ما كتعرفينا ..!
شريفة: اعتابروهم وصلوكم من دابا ..!
قطعات و لاحت التيليفون قدامها فالكوسان .. كتكمي بعصبية وجهها مزنك و عقلها خدام كيفكر فشي حل لموصيبتها الجديدة حتى وصلات حدا عمارتها ..!
لقات حكيم واقف كيتسناها لتحت هو و أسية لي كتمد ليه فلي فاليز يديرهم فالكوفر .. غززات سنانها و هبطات قاصداه نيشان .. جن كيطلعها و جن كيهبطها ..!
شريفة: شنوو كتتسنى مني حتى نتا نعطيك ؟؟ ( هزات حاجبها كتهضر بالزربة و د٠مها كيغلي وسط عروقها ) فوقاش غتكشف وراقك ؟ باش من دابا نقولك يا غتكون معايا را٠جل يا قووووود عليا من اللخر ( حطات يديها جهة عنقها ) هنا وصلات بيا ..! كتسسسسمع .. هنا وصلات بيا و عيييييت من النفاق د الز* ( شيرات بصبعها للأرض ) دابا بغييت جواب أ حكيم .. بيض بيض .. كحل كحل .. باش نساليو هاذ الفيلم و نطلعوو الكتبة ..!
عقد حجبانوو و ببرود قرب منها .. جارها من ذراعها لعندو ..!
شريفة:( شيرات بصبعها للأرض ) دابا بغييت جواب أ حكيم .. بيض بيض .. كحل كحل .. باش نساليو هاذ الفيلم و نطلعوو الكتبة ..!
عقد حجبانوو و ببرود قرب منها .. جارها من ذراعها لعندو و رد عليها بملامح خاسرة ...!
حكيم: عارفة راسك معامن طايحة و لا ما عارفاش ؟ يلا موالفة بالقوا٠ويد لي طامعين فيك و مخبيين موراك كي القح** ( ضرب على صدرو ) هذا لي واقف معاك راااجل و يمووت معاك و هو را٠جل ..!
حكيم:( حركها و قال مخرج عينيه فيها .. هاز صبعوو بتهديد ..! ) هضرة وحدة دخليها لعقلك أ مدام و ما غنعاودهاش معاك مرة اخرى ..! من اليوووم راك محسوبة عليا .. نلقاك كتلعبي مور ظهري ننحر مك و لي سميت موو را٠جل و مختن بلا حريق يقرب لساحتك ..! ( عوج راسوو فيها ) مسلكاك هاذي ؟
شريفة:( رمشات عينيها ببطئ .. مركزة فعينيه و فحركاتوو و بصوت مسموع ردات ) اه مسلكاني ..!
حرك راسوو بمعنى مزيان و طلق من ذراعها قالب وجهوو للجنب كيقشر ففموو بسنانوو ..! ساكتين بجوج كل واحد فين كيشوف ..! و أسية واقفة فالجنب مكمشة كتسمع و الضحكة فالتة لها .. تا شافت حكيم ضار عند شريفة و جرها بالشوية معنقها ..!
و بسلام و طمأنينة بادلاتوو العناق حاطة يديها على ظهرو و مغمضة عينيها براحة كتتنهد من أعماقها ..! ما كذباتش فكل مرة قالتلوو فيها تعنيقتك حنينة .. فيها كتحس بالأمان د الدنيا و الدين معاه ..!
راجل واقف فجنبها و متحمل مسؤوليتها .. عارفاه قادر يكون بيها و معاه ما عندها مناش تخاف .. عكس كاع لي عرفاتهم من قبل .. ديما ما مرتاحاش و دايرة أطونسيون منهم .. ديما كتفكر فأسوء الاحتمالات ..! و المضحك فالموضوع هو أكثر واحد قادر يهرسها هو نفسوو لي كتلقى راسها هاربة لعندو فكل مرة عيات و وحلات فيها .. بلا ما تحس ..!
يكفي أنوو ما نافقهاش .. و وراها وجهوو الحقيقي من لول ..! شافت منوو الخير و الشر .. العذاب و الأمان .. الهدوء و الاستفزاز ..! و جميع المتناقضات لي ممكن تكون فالإنسان .. و الاختيار بين يديها هي و شمن جانب باغى تحتافض بيه معاها ..!
حكيم:( حك يديه على ظهرها و بصوت خافت قال ) ارتاحيتي دابا ؟ ( بعدات شوية حتى شافت فيه كترمش ) يلا بغيتي تهضري أنا هنا و غنسمعلك ..!
شريفة:( حركات راسها بالايجاب و بتنهيدة طويلة ردات ) بغييت و لكن ( ضورات عينيها على أسية تا شافتها و شيراتلها تجي عندها ) حتى نكونوو بوحدنا .. عندي بزااااف ما نقولك ..!
حكيم:( حنى عينيه فأسية لي وقفات عليهم و بهدوء قال ) مشيينا هذا هو الوقت .. يالاه نلحقوو عليهم ..!
شريفة: هي ماشيين عند سيدي عبد البائي و لالة فاخيتة هههه ايوا شبيبة و حريمل عليهم ( عوجات فمها بغنج و ابتسامة ) بنات الئاع و الباع و الخلخال مربع و الخاتم في الصبع و الكبش يبعبع و الصباط يئربع و كل شي بالطابع ..!
ضحكات أسية بالجهد تا دمعوو عينيها و رشقات شريفة فكفها لي فاتحاه لها .. كتضحك معاها بطفولية مخرجة لسانها ..!
مخلية حكيم متبعها باستغراب .. عاد كانت غتطرطق و باينة واصلة فيها للجذر و دابا كضحك و تتدلع بحال حتى حاجة ما واقعة ..!
فتحات الباب و ركبات حداه و بهدوء قالت و هي كتجر فالسمطة ..!
شريفة: علاش ما جبتيش ملاك معاك ؟
حكيم: بقات مع حَبيبة غيسافرو بجوج ..!
قاطع هضرتوو صوت ثلاثة د المسجات وصلوو متابعين .. و بفضول طلات بنص عين على تيليفونوو لي محطوط حدا البواط أ فيطاس .. حتى قشعات سمية كريمة و رجعات شافت قدامها ساكتة ..!
سكتات كترمش قدامها بهدوء و أسية موراها متكية على الشرجم داخلة للأنستغرام د عدنان لي شحال و هي تقلب عليه و غير لقاتوو فالصباح دارتلوو متابعة مباشرة ..!
دايرة لي زيكوتور فوذنيها كتفرج لمقاطع حاطهم عندو فالصفحة .. من بعض الليالي القرآنية لي كيحييهم ..! مركزة مع ملامحوو كيفاش كيتبدلوو هما و أبسط تفصيل فيه ..!
تزنكوو حناكها بخجل حاسة بقلبها كيضرب بالجهد .. مخطوف من بلاصتوو و إحساس بالخوف منتابها ..! ضورات عينيها بشقاوة .. كترد على السطوري ديالوو ..!
أسية: شوفي أ صاحبتي تبارك الله .. صوتوو شحال كيريح و كيخليك تتخشعي معاه .. أنا بعدا جاتني البكية ..!
سيفطاتوو و جلسات كتسنى الرد من عندو .. أكيد من بعد ما يقرا المسج و يفهم من هضرتها بلي بغات تسيفطوو لصاحبتها و لكن سيفطاتولوو هو بالغلط ..! و مع حيدات لي كيط من وذنيها سمعات حكيم قال
حكيم: شنوو مخططة تديري من هنا للقدام ؟ ( شاف فيها كيصوك براحة ) قربتي تبداي فالمشروع و لا مزال ؟
شريفة: كل خير إن شاء الله ( بابتسامة سعيدة كملات كلامها ) الريسطو كمل فالإصلاحات .. رجع كيفما كنت متخيلاه فعقلي .. متأكدة غتشوفوو غيعجبك بزاف .. شي حاجة ما ضايراش ..!
حكيم:( ضحك جنب ) بحال مولاتوو ..! و من بعد ؟
شريفة: من بعد أ سيدي .. غيكون تحدي ليا .. يا ننجح فيه يا ننجح فيه ما كاينش التخرشيش ..! ( هزات حاجبها مركزة معاه و بحماس كتشرحلوو ..! ) لقيت فورماسيون على الإدارة و التسيير لشهراين .. غنتسجل فيها و منها ناخذ أفكار جداد و نعرف نرصي راسي فشي حاجة جديدة عليا .. ما باغاش ندخل فضومين أنا عمية فيه غير كنتفتف ..!
حكيم:( حرك راسوو و قال ) مزيان الواحد يكون طموح و كيتقاتل باش يوصل ماشي حاط رجل على رجل و كيتسنى يوصلوو ليه اللقمة لفموو ..!
شريفة: متافقة معاك ..! فتحت باج فالأنسطا للمطعم و غنحاول نطلعها شوية بشوية .. و راك عارف المغاربة كيموتوو على الحاجة د فابور .. درت مع شي مغنيين غيجييو عندي نهار الافتتاح باش يديرولي الاشهار ..!
حكيم: ما تنسايش أهم حاجة .. الماكلة تكون فالمستوى و تخلي أي واحد مشى يرجع و زيدي عليها السيغفيس تا هو .. الخدمة تكون بروفيسيونال يشدو الخاطر للناس و ما يتعطلوش عليهم ... ( هز حاجبوو ) أما الانسطا غتخلصي مونطون قليل و غتبدا تطلع الباج ديالك لكاع الناس د الرباط و تقدري تزيدي معاها حتى كازا و النواحي القراب ..!
شريفة: بصح .. على هاذشي درت معاهم اجتماع هاذ الصباح و رصينا بيناتنا كلشي .. حتى من ل menu واجد .. و زدت فيه طبق رئيسي بيه غيتعرف الريسطوو ( مصات شنافتها ) و هذا أنا لي غنطيبوو بيدي .. خاصك تذوقوو و تعطيني رأيك ..! و ماشي غير هو .. كل شهر غيكون طبق جديد ننوعوو بيه ..!
حكيم:( رد كيبلاصي فالشارع حدا سوبير مارشي صغير ) مخيرة كاع ..! ( شيرلها بعينيه ) خاصك شي حاجة ( هز عينيه فالمراية ) أسية ؟
شريفة: يلا عندهم ل X جيبلي شي كانيط نبرد بيها .. سخون الحال ..!
أسية:( ردات بهدوء حشمانة ) أنا بلاش .. شكرا ..!
ما ردش عليهم .. خلى الكونطاكط مركب فبلاصتوو حدوو طفاها و هبط ..! ضحكات شريفة بتشيطين .. و بلا ما تفكر جوج مرات نقزات لبلاصتوو ..!
طرقات عليهم البيبان كاملين و حنات كتشوف حدا البواط أ فيطاس فين حاط تيليفونوو و صرف دراهم ..!
هزات من تما جوج دراهم و خلاتوو حتى وقف عليها كيدق فالشرجم تحلوو الباب من بعد ما حاول معاه و ما بغاش ..!
فتحات الشرجم شوية و مداتلوو داك جوج دراهم و قالت بهدوء
شريفة: الله يسهل أ الشريف ..!
قلبات وجهها للجنب كتضحك ما عرفاتووش كي دار خشى يديه من الشرجم و شدها من عنقها و هي الدموع بغاو يهبطولها بالضحك ..!
شريفة: اححح طلق مني غيجي واحد الراجل مشى يتسخر و الله لوالديك لا تفاك معاك راه واحد الجلاخة منوو ما كان هههههههه
حكيم:( رد بعينين مبسمين ) حلي من البسالة لمك
شريفة: شفتك بحال يلا تيقتي راسك أ الشريف ؟ أويلي سبحان الله العظييم .. غير تصدقنا عليك بغيتي تلصقنا اما كن دينا و جبنا معاك فالهضرة واااايلي واااايلي
حكيم:( زير عليها من عنقها تا غوتات كتضحك ) ما غتحلييش ؟ ( هز حاجبوو ) نزير ؟
فشلها حتى بركات على البوطون و فتح عليها الباب غالباه الضحكة كيحرك فراسوو بلا حولة ..! شافت فيه كترمش و قالت مادة ليه يديها
شريفة: سلم عليا نتافقوو على واحد الحاجة بعدا ( سلم عليها مزير عليها ..! ) باش نكونوو مفاهمين من دابا و ما نفرجوش فينا عباد الله .. نتا عليك التسيير و القيادة ( قلبات عينيها ) اييه فيديك العصمة ا سي امغار .. قرر و سيرنا كيفما عجبك
حكيم:( لعب بلسانوو ففموو و بابتسامة رد ) و نتي أ مدام ؟
شريفة: أنا ا كبيدة .. قبل ما تدير حتى حاجة غتجي عندي تشوف واش عاجباني بخاطري و إرادتي الكاملة قابلة بيها ..! و هاكا ها حنا قاسمينها .. شنوو قلتي أ الشاف ؟
حكيم:( رد باستهزاء ) نزلي من تما قبل ما تاخذي مخالفة أ القرعة ..!
هبطات قداموو كتجري خايفة يهرب عليها .. ضحك و مد يديه ضربها بالشوية للقرفادة .. عاد ركب كيشوف فيها عاض على فموو
حكيم: ما فيك أمان ..!
شريفة:( رمشات عينيها و بغنج ردات ) حشووومة عليك .. أنا غيير هبييلة و نية .. ياك أ أسية ؟
أسية:( ردات دايخة عقلها غير مع المسج ) أء ؟
شريفة:( هزات حاجبها ) مالكي نتي هاذ النهار ؟ دايخة غير بوحدك ما موالفاش لك .. ياكما عيانة أ تسانوو ؟
حكيم:( مدلها ساشي ليها و ببرود قال هاز حاجبوو ) حطي داك التيليفون شوية من يديك
شاف فشريفة و عطاها الساشي ديالها من بعد ما جبد قرعة د الما كبيرة كيشرب منها مخلي أسية بحال ماطيشة بالحمورية ..! جبدات شريفة كانيط فتحاتها جغمات منها و قالت
شريفة: شعل معاك لاكليم و طلق لنا الموسيقى نتوانسوو بيها فالطريق ( شافت فأسية و ضحكات ) دير للزين ديالي أنا سكرت ..!
مد لها تيليفونوو فسكات .. حاضي مع الطريق ..! و هي كتقلب عليها تا خدماتها و تطلقات مجهدة فالطونوبيل .. كتحرك راسها و كتافها مع الموسيقى حتى وصلات للمقطع لي كيعجبها و بدات كتغني معاها بالجهد و تشالي بيديها .. كضحك و تشطح ما مسوقاش و أسية من موراها عايشة معاها اللحظة ..!
قلبات شعرها للجنب و شربات من الكانيط .. كتنشط راسها بيديها
شريفة: يا ميمتي gوليلي .. علاه صحابي و ضارو عليا .. كي شافوني تبليت .. قلبوو الفيسطا عليا
هزات لافيسط لي لابساها بجوج صباع من الكتف .. مصغرة عينيها فحكيم لي مبسم و مخليهم على خاطرهم
شريفة و اسية : فين هما حبابي لي gالوو حنايا دوريجين
شريفة:( شيرات بصبعها لصدرها و غوتات بحماس ) أيييي سممممع سممممع ..! ( ضربات حكيم بكتافها تا شاف فيها كتقلي لوو السم بجوج صباع ) يا قيد قيد .. أنا السيد و نتايا المكيد ( شيراتلوو بيديها حاطة ليد الثانية على جنبها كتعوج ) اووه ني با لي ميم .. ماشي كيفك وايا القريد
خرجاتلوو لسانها مقربة منوو كضحك ..!
شريفة: عارفاك مريض بيا .. فعايلك نتايا كيف الولية .. يا رواح الله يشافيك .. ياكما يسحابليك أنا ( غوتات كضحك) اععععععع مك يا مك طلاااااق
شدها من عنقها خشالها راسها بين رجليه و زير عليها جهة ركابيه مخليها كتغوت و كتضرب فيه بيدها .. غالبة عليها الضحكة .. مقاتلة غير بوحدها ..!
طلق منها تا ناضت كلها مشنتفة مغوبشة فيه و غالباها الضحكة .. و هو بدورو ملامح وجهوو مرخية .. مرتاح و مبسم .. راشقالوو عليها ..!
شريفة:( خرجات لسانها و كملات آخر مقطع فالأغنية ..! ) فوتوني غير نتوما راني عايش انا بخير .. فران أنا و كاد بحومة .. عارف روحي واش ندير ..!
حكيم:( حرك راسوو بمعنى عارفة اش تديري نيت و باستهزاء قال ) نعاودلك نكتة ؟ ( ردات عليه بالايجاب و كمل هو هضرتوو ) هذا واحد السيد كساب .. أول عام ليه فالبيع و الشرا ديال الحوالة .. جا العيد الكبير و جمع كاع القطيع لي عندو فالكوري و مشى مع صحابوو الكسابة طالب معاشوو بحالوو بحالهم ..!
شريفة:( ردات مركزة معاه ..! ) اهاه ؟
حكيم: الطريق كاملة و هما يوصييو فيه باش يحضي راسوو من الشناقة لي فالسوق ..! يمشيو يوقفوو عليه يسولوه بشحال الحولي .. مع يجي يتشاطر معاهم يلقى يدو و الريح .. ناصبين عليه ..! وصلوو للسوق و كل واحد فيهم خذا بلاصتوو ..! و الكساب المعلوم .. لي سولوو بشحال الحولي .. كيهز راسوو و يضوروو و يقول بشحححححال الححححححولي .. بمعنى راه عايق و فايق بيهم حتى كمل النهار و لقى راسوو ما باع حتى راس هو اللخر ..!
شريفة:( جمعات فمها تا جمعاتوو و فلخر طلقاتها فوجهوو مدلية شنافتها و مغوبشة ) لي يمعني عليا يمعني على موو ..!
عقد حجبانوو مخرج عينيه فيها ..! فثانية تقلب ليه المود حساتوو غيضربها و هي تخبع وجهها مبعدة من قداموو عاطياه بالجنب .. حتى سمعاتوو قال بنرفزة ..!
حكيم: ماشي ضحكت معاك غتركبي فوق راسي و تدلي رجليك ( هز حاجبوو ) يلا سخن عليك راسك نبردو لك ( قلب وجهوو جهتوو ) التبرهيش د والوو ..!
تقادات فالجلسة و سكتات ما باغاش تجاوبوو باش ما يقنبلوهاش بيناتهم من دابا .. و تا هو سكت ما بقاش هضر فخطرة .. صايك عاقد حجبانوو كيشوف قبالتوو حتى وصل للكاموني و بلاصى مقابل مع الشوايات د الكفتة .. هز تيليفونوو و بزطاموو و قال ..!
حكيم: هبطوو ..!
تبعاتوو شريفة و موراها أسية .. طرق الطونوبيل و لحق عليهم .. داخلين لgيطون كبييير داير بحال شي موسم .. طبلة حدا طبلة حدا ختها .. ضايرين بيهم الكراسة ديالهم .. ريحة الشوا كتشم من بعييد و كناوة ضايرين على الناس كيلعبوو بالطاكية فراسهم و يطقطقوو بآلة موسيقية فيديهم ..!
تبسمات شريفة عاجبها الجو هي و أسية .. ما موالفينش يجييو لبحال هاذ البلايص ..! جلسهم حكيم فالبلاصة لي عجباتهم و مشى طلب لهم الغذا و رجع لعندهم هاز تيليفونوو كيكتب فيه ..! ما هضرش نهائيا مع شريفة لي عيات ساكتة و فلخر قالت بهدوء
شريفة: وا صافي سمحلي آخر مرة ما نعاودش نجبدها ..!
حكيم:( هز حاجبوو و شاف فيها ببرود ) هاذ الساعة كنشوف غير لسانك لي غادي و كيتجبد و يطوال ..!
تبسموو عينيه و حنا راسوو شادو بين يديه .. شي مرات كيتسالاو ليه معاها .. كيبقى غير يشوف ..!
حكيم: سبحاااااان من خلقك ..!
أخيرا بعد رحلة طويلة وصلوو لوجهتهم ..! العاصمة العلمية .. مدينة فاس لي معروفة بكرم ناسها .. لباقتهم فالهضرة .. التاويل .. الحداكة و اللسان الحلوو ..!
بلاصى الطونوبيل مقابل مع دار شباب الزهور فالمونفلوري ..! جاو مع الوقت هو هذاك .. جوج ديال الكيران كبار واقفين تما .. الناس مجموعين بالضحك و النشاط .. ها لي جاي مع ولادو ها لي مسافر هو نيت ..!
رمشات شريفة عينيها ببطئ و باستغراب ضارت عندو كتسناه يشرحلهم و يحطهم فالصورة ..!
حكيم:( شاف فيهم بجوج و رجع ركز فشريفة ) غنمشيو للمخيم مع منظمة كشاف الأطلس " osa " هاذو من زمان و أنا معاهم .. واخا تزير عليا الحال مع الخدمة و ما بقيتش كنلقى الوقت نخيم و لكن كيبقاو هما لي فتحولي عيني على التريب و
شريفة:( قاطعاتوو بتساؤل ) osa ?
حكيم: organisation scout atlas .. غيعجبك الحال المخيم كيدوز معاهم ناضي .. غتعيشي معاهم حوايج جداد غيعجبوك ( هز حاجبو ) غنتافقوو من دابا على شي حوايج و بلا ما تخليني نعاودهم مرة أخرى
شريفة : شنوو ؟
حكيم:( رد بجدية ما كيضحكش ) غتخسري الهضرة غنهرس لمك فمك .. سطري عليها و دخليها لعقلك .. الصداع و المشاكل الخاوية بعدي عليهم ..! ما نبغي تا واحد يجي يتشكى ليا منك و يحل فموو عليك ..! زيري معايا السمطة باش نبقاو طرونكيل .. الكشفية مزيرين اللعب .. عندهم قوانين و أعراف مقووودين .. اللهم ديري هاذشي فبالك من دابا و رصي راسك .. و فاش نوصلوو للحسيمة غيشرحولكم كلشي
شريفة: صافي فهمت .. زايدون أنا مسافرة معاك .. كنعرفك غير نتا و بس .. هما يضبرو مخهم ( ضحكات بحماس مع أسية ) ya ayyy غنمشييو للحسيمة
حكيم:( شاف فأسية ) الهضرة لي قلت لشريفة نفسها ليك حتى نتي ..! المهم دابا نزلوو نمشي نجيب لكم لي توني ديالكم ..!
هبطوو البنات شادين فبعضياتهم كيشوفوو بهدوء ساكتين و حكيم حداهم كيسلك لهم الطريق و كل شوية كيوقفو واحد يسلم عليه .. حتى دخلوو للداخل فين مجموعين الكشافة بمختلف الأعمار .. ناشطين مع بعضياتهم ..!
حكيم: جلسوو حداهم أنا جاي دابا ..!
حركوو راسهم بالايجاب و مشاو فين قالهم ..! و مع جلسات شريفة فابكرسي و هزات راسها كتضور عينيها فالبلاصة .. لقات عمر مقابل معاها مخرج عينيه فيها بحال يلا كيتأكد واش هي و لا كذب ..!
رمشات ببطئ شديد و رجعات قلباتهم بصدمة ..! طالعة معاها السخانة للراس .. آخر حاجة كانت كتوقعها هي تتلاقى بخوو نجاة .. عمر او نقولوو عميمير كيفما كانت كتعيطلوو .. واخا عارفة دار ضرتها السابقة من فاس .. لكن نساتهم من بالها نهائيا لا هي لا بنتهم و ما بقاتش سولات حتى على نجاة شنو دارو معاها مزال ..!
أسية:( باستغراب قالت من بعد ما لمحاتوو حتى هي ) شريفة هذا ماشي عمر لي كنتي قلتي لإلياس دخل عليك لبيتك .. أويلي خوو نجاة هذا ( تحت سنانها ) شفتوو جاي لعندنا
عمر:( وقف عليهم و بتهكم قال ) جالسة مرتاحة هنا القت٠الة ..!
عمر:( وقف عليهم و بتهكم قال ) جالسة مرتاحة هنا أ القت٠الة ..! عجبك الحال فاش شتتي عائلة على قدها ؟ عايشة مع راسك الحياة و ختي مليوحة فالحباسات
شافت فأسية بمعنى جلسي هنا ما تنوضيش .. و وقفات تا دازت من قداموو سابقاه .. بعدات على الناس و بجدية قالت و هي كتشوف فيه بتقزز
شريفة: شفت فولاد الحرام حتى عييت و بحالكم ما لقيتش .. واش ما عندكمش الوجه لي يحشم ؟ و شكون هاذي لي قتلت بالسلامة ؟ ( باستهزاء ) ختك ماتت نجي نعزي فيها ؟ كيفما كان ما دوزناش القليل ..!
عمر:( قرب منها كثر و بعصبية قال ) أنا لي غنطلع بروحك غير تسناي .. جيتي لمدينتي برجليك و منها ما غتخرجيش سالمة باش نوريك الفعايل لي درتي معايا و الولد لي طاح لختي من كرشها بمسبتك فالحبس و راجلها لي خليتيه يطلقها و يلوحها كي الزبل كتمرمد فالحباسات
شريفة:( شدات على جبهتها و بحدة ردات ) أ خوويا ما تجيش تعاودلي قصة حياتكم .. يموت لها الولد .. تولد من عينيها .. تتزوج تتطلق .. هذاك شغااااالكم أنا بعيدة عليكم .. و يلا سميتك را٠جل و مزغرتة عليك مك .. قيس فيا
يالاه جا يرد عليها و هو يسكت ..! تبدلوو ملامحوو فثانية .. من غضب لإبتسامة .. هاز راسوو فشي حد جاي من مور شريفة .. لي بدورها ضارت تعرف هاذ خينا فين كيشوف و مالوو تسيف بوحدو ..! و بنظرات مستغربة شافت فحكيم لي بان لها قاصدهم ..!
عمر: قائد الأقسام .. سي حكيم .. عاش من شافك قائد ؟ ( مد يديه يسلم عليه )
ركز بعينيه فشريفة لي باين من وجهها معصبة ..! و حط يديه على ظهرها مقربها لعندو .. مخلي عمر بلاكة تا جمع يديه محرج ..! حاضي الشدة لي دايرلها و لي مبيناهم معانقين من بعيد ..!
غمزو معوج فموو و حاجبوو مهزوز فالسما .. و ببرود قال ..!
حكيم: كاين شي ما نقضييو ؟؟
عمر:( تفعفع ما فهم والوو فيهم ..! ) اء ؟ و واش كتعرفها أ قائد ؟
حكيم:( رد بتخنزيرة عاقد حجبانوو ) المدام ..! ( حنى راسوو لشريفة لي ساكتة مزيرة على فمها باش ما تفلتش لها التبسيمة ) شي مشكل ؟
عمر: ا كيفاش ؟؟؟ المدام ؟؟ ( سكت شوية و رجع قال ) احم لا غير كنت كنسولها واش غتمشي معانا للمخيم باش ن
حكيم:( هز يديه الثانية مقاطعوو ببرود ) بغيتي تهضر .. هضر معايا .. ما نلقاكش كتحوم عليها مرة أخرى .. مفهوووم ..!
سكت حاني راسوو .. ما عندوش الحق يرد على حكيم .. لي أعلى رتبة منوو ..! عطاه التحية الكشفية و قال قبل ما يمشي من حداهم ..!
عمر: مفهوم ..!
شريفة:( بابتسامة ضارت عندو عاضة جنب شنافتها بشقاوة و دلع قالت ) سي أمغار أنا فوقاش تزوجت بيك ؟
حكيم:( هز حاجبوو فيها ) فين كتعرفيه و شنوو بغى منك ؟
شريفة:( ضورات عينيها و بابتسامة ردات ) والو غير كان كيسولني و صافي ..! سحابلوو أسية بنتي و جايا معاها .. بغى يقادلها شي وراق ..!
حكيم:( دوز يديه على راسوو و مدلها الساشي لي فيه التوني ) كيعجبني بنادم لي واخا يكون منزل على راسوو السيف يقول الحق ..! المهم أجي معايا نوريك فين تبدلي
بلعات ريقها و ردات بحزن .. ما باغاش تكذب عليه و لكن حياتها مخربقة .. يلا جات تعاود ليه على عمر خاصها تعاودلوو على كلشي .. و البلاصة لي هما فيها ماشي د الهضرة فبحال داك المواضيع ..!
شريفة: ما كذبتش عليك أ حكيم
حكيم:( حرك راسوو بمعنى واخا ) تحركي دابا تقيسي لي فيديك باش يلا جاك مزير نبدلو لك ..!
تنهدات كتقلب بعينيها على عمر ما بقاش بانلها نهائيا ..! مشات مع حكيم ساكتة حتى وصلها لواحد الجهة مدرقة بخامية كحلة .. شادة القنت من الطرف للطرف ..!
حكيم: طلعي غتلقاي البنات كيبدلوو لداخل .. ما عندك مناش تخافي تا حد ما كيقرب لهاذ القنت .. أنا غنمشي نجيب لأسية ديالها عاد غيجبدوهلي و نسيفطها لعندك ..!
شريفة: صافي واخا
ضارت طالعة فالدروج باش تدخل من الجنب د الخامية ..! للحظة وقفات و عيطات عليه تا شاف فيها و بحنان قالت ..!
شريفة: شكرا ..!
غمض عينيه و رجع حلهم بمعنى هانية ..! حرك يديه باش تدخل و تسناها حتى تحجبات من العين و مشى عند أسية لي جالسة مهدنة كتشوف بعينيها لا غير .. و داها معاه ما تبقاش بوحدها ..!
أما شريفة لقات تما جوج بنات .. وحدة كتلبس و الثانية كملات ..! تبسمات معاهم بهدوء و مشات للجنب كتفتح فالساشي و عينيها فالتوني لي نص كم .. فالزرق و مكتوب فالظهر " منظمة كشاف الأطلس " و فالصدر الشارة ديالهم ..!
..... 1 : هاذ العام زاهية القضية .. شفتي قائد حكيم غيمشي معانا .. راه جا قبيلة .. ناااااري المخيم كي كيدوز معاه يا صاحبتي و شحال فرحت فاش بانلي داخل ..!
..... 2 : اه قشعتوو قبيلة مع المندوب .. هو قائد د الأقسام كاملين .. واخا هكاك مزير البق ما يزهق معاه .. يالاه أ حليمة أنا ساليت ..!
ما تهنات حتى سمعات حديثهم كامل و تبعاتهم بعينيها خارجين عاد حيدات السمطة د كوتشي و لافيسط .. بقات بديباردور فالأبيض مزير .. حيداتوو تا هو حيث الثوب د التوني سخون شوية و واقف كيخنق ما مبردش ..!
بقات بسوتيامات مشبكين على اللحم .. و بالزربة هزات التوني كتقلب فيه باش تلبسوو .. مع خشات راسها حسات بيد شداتلها فمها خانقاها بالثوب و اليد الثانية حلات لها السمطة د السوتيامات تا تدفك صدرها قدامها و زير على يديها بجوج باغي يشدها بالقوة ..!
شريفة:( بصوت مخنووق تا من نفسها مقطوع ) ممممممم
عمر:( و بصوت متهكم قال ) نهار الفيلا ما كملناش .. دابا جيت نهز التهمة ديال بصح .. باش ما نتسماش تعديت عليك باطل ..!
بيد شادلها فمها خانقها ما قادرة تغوت و لا حتى تطلع النفس ..! و اليد الثانية مزير بيها على يديها باغي يحكمها و هي كتهز و تحط كدفع فيه .. تا كالاها مع الحيط و مد يديه لصدرها غير قاسها تما ضربها الضوو .. الدموع بغاو ينقزو من عينيها ..! و بكل جهدها هزات رجليها و زطمات عليه بالطالوون حتى غوت و طلق منها ..!
فالبلاصة بعدات مهبطة التوني بالزربة ساترة راسها .. وجهها حمر كتترعد ..! عينيها خارجين و لمعة خفيفة فيهم .. حاسة بحرقة كتطلع و تهبط فصدرها ذابحاها من الداخل لدرجة لا تصور ..! و بداك العافية لي شاعلة فيها مشات عندو هو لي حاني على رجليه كيشوف واش تقباتهالوو .. ما قادرش يحركها نهائيا ..!
عمر: كلللللللبة مصعوووورة
شداتوو من شعرو بداك القوة لي عطاها الله و جراتوو موراها تا دفعاتوو من المسرح المغطي فين كيبدلوو للأرض لتحت .. مهبط معاه داك الريدوو كامل و هو كيغوت .. مخلي كاع لي كاينين فداك الجهة كيتفرجو فيه و فشريفة لي هبطات فالدروج كتسب فيه ..!
شريفة:( كتغوت عقلها خارج ) الله ينعل ط** مك اولد الق** الواسعة يا القو*** د خواتاتووو .. يا العائلة د الزو**** اعععععععع الحماااااار
لحقات عليه و جمعات معاه بتسرفيقة تا تصورات فوجهوو و رجعها لها فالبلاصة و هي شانقة عليه كتدي و تجيب فيه .. عينيها مغرغرين بالدموع ..! باغى تاكلوو بسنانها يالاه تبرد شوية .. و لكن ما خلاوهاش .. جروها مبعدينهم على بعضياتهم ..!
حتى تم داخل حكيم لي سمع الصداع و غواتها من بعيد ..! شاف فعمر لي شادينوو باغيين يفهموو منوو شنوو واقع و رجع شاف فشريفة لي كترعد على وقفتها .. و بلا ما تحس طاحوو دموعها مفزكين حناكها .. و بيدين كيرجفوو كتمسحهم ..!
عرف شي كارثة واقعة ... شريفة ما كتبكي و توصل لهاذ الحالة حتى كتحفر فيها للعظم .. بغضب مكتووم قال و عينيه عليها بحال الصقر ..!
حكيم: شنوو واقع هنا ؟؟؟؟
شريفة:( ردات بصوت خافت ) بغى يتعدى عليا .. دخل عليا و أنا كنبدل و قاس فيا و
سكتات و قلبات وجهها غالباها البكية و السوتيامات باقيين مفتوحين تحت التيشورط ..!
عوج راسوو ببطئ و ضار عندو مخنزر فيه كيطلع النفس بثقاااالة .. قرب منوو كيقشر فشنافتوو .. واصل لأقصى درجات الأعصاب .. هز جوج يدين باستسلام و قال
حكيم: يتدخل شي قوا** فيكم غنصفيها للقح** د موو و هو كيشوف ..!
جرو من وسطهم كيغلي باغي يطرطق و هو كيتخيل المنظر فبالوو بأبشع الصور ..! حط يديه على ذراعوو و بجوج يدين قسمهالوو تا غوت لربي لي خلقوو و لي باقي ما سمع الدباز راه سمعوو و جا كيجري يتفرج ..!
حكيم: هضرت مع القو** لي حطك ( دفعوو من صدرو ) gلت لك الزا** حاجتي ما تقربش منها .. ما نشوفكش كتحوم عليها ..!
قرب منوو و عمر كيبكي بالحريق د يدو لي تهرسات ما بقاش قادر يهضر .. و حتى واحد ما تدخل يفكوو ..! ضربوو بروسية تا مشى راسوو و جا .. الضبابة طالعة مع عينيه ..!
حكيم: توحشتي تخوار الزو*** يا القواد ( قلب عينيه كيقلب .. الشوفة ما زاكياش فعينيه حتى بانت ليه قرعة د الزاج د موناضا محطوطة فالجنب ) ما لقيتي لي يح** و جاي لعندي نجلس الز** لي جابك فوق القرعة ( باستهزاء ) يا مراحب ..!
خلاه دايخ بالروسية لي عطاه تا بلع لسانوو لي كان كيغوت بيه بالجهد من الصعر د الحريق لي عاطياه يدوو ..!
هز حكيم القرعة خواها فالأرض من الموناضا و تم راجع لعندو ..! كلشي مصدوم فيه و فشنوو باغي يدير ..! التوشويش كثر على الجهد .. شي حاضي عمر و حكيم لي هاج و تا حد ما قدر يشدوو .. كيضرب فيه الضرب ديال الغصب و القت٠يلة تا خلاه شرويطة و قلبوو على كرشوو هاز داك القرعة باغي يطلعها معاه ..!
و شي عينيه مع شريفة لي كتترعد فبلاصتها .. دموعها ما بغاوش يحبسوو .. واقفة حداها أسية مزيرة عليها ..! و هي كتسمع الهضرة عليها فقاع وذنيها كتتعاود ببطئ شديييد .. رادين اللومة ليها هي على كاع لي وقع .. أما عمر كيبقى را٠جل و أكيد غتكون هي لي غواتوو و مشات عندو برجليها ..!
الأرض ضايرة بيها و غمة كبييرة خانقاها .. بحال يلا شي حجرة محطوطة فوق صدرها مخلياها كتطلع النفس و تهبطوو بصعووبة كبيرة ..! كتشوف الدنيا فعينيها غير سواد فسواد ..!
علاش هي من دون الناس ؟ واش لهاذ الدرجة هي خايبة و ما كتسواش ؟ فينما حطات يديها كيتعكسولها الامور .. كتدير فالخير حتى تعيى و فلخر كلشي كيرجع لها ببومزوي ..! من صغرها لهاذ اليوم .. ما كاينش هذا لي عرفاتوو و ما طمعش فيها ..! كان را٠جل و لا مراة ..!
هي بصح ماشي ملاك و لكن فنفس الوقت ماشي شيطان .. هما لي كيخرجوو أسوء ما فيها .. هي كانت بريئة هما لي ردوها هاكا ..! غمضات عينيها بألم .. صعيب تحس براسك نتا ديما مول المشاكيل و الصداع تابعك فينما مشيتي .. تقهرات و عيات بما فيه الكفاية .. حتى من غوات عمر غير ما كيزيد يخنقها كثر و كثر ..!
جرات يديها من أسية و آخر شوفة قبل ما تخرج من القاعة .. لمحات حكيم كيهبطلوو سروالوو و الدراري داخلين بيناتهم كيرغبو فيه يبدل ساعة بأخرى .. باركة غير الدق لي كلاه تا وجهوو تخمج بالد٠م و تزوى من ضلوعوو ..!
خلاتهم مشانقين و مشات كتضرب فكتاف عباد الله تا وصلات لفين كانوو جالسين فلول .. بانلها صاكها باقي محطوط تما .. مشات نيشان هزاتوو و خرجات كتجري بلا عقل .. صدرها كيتهز و يتحط معاها و السوتيامات مفتوحين ضابرينها فلحمها كيزيدو يفكروها فشنوو وقع .. الذكريات كيتكبوو عليها بحال الشتا .. ألم محفوور فقلبها مع كل ضخة د٠م فشرايينها كتبكي من الداخل ميات مرة فالثانية ..!
لقات طاكسي حمر واقف فباب دار الشباب ركبات فيه كتمسح دموعها و قالت
شريفة: خرجني من هنا .. زيد بيا للسونطر فيل ..!
بضياع حطات راسها على الشرجم .. دموعها كيحرقوها ..! شادة على راسها كتجبد فشعرها باغى تسكت الصوت لي كيتسمع فوذنيها و الصور لي كيدوزو بين عينيها .. ابتداءا من خالها تال عمر ..!
وصل بيها الطاكسي للأطلس كيتسارى بيها ففاس باش يضور و يحطها فالسونطر ..! حتى لمحات بار مقابل معاها .. واقفين جوج د الفيدورا بالكوستيم مكلظمين ..! بلعات ريقها بتردد كتحس بعروقها ناشفين و داخلها خاوي ..!
باغى تبعد من الشراب و ما قادراش .. يوميا كتق٠تل فراسها عرق بعرق باش ما تمدش يديها و تشرب .. لا عقلها راصي معاها و كيريزوني أفعالها .. لا نفسيتها مقادة و مع ذلك كتغطي كولشي بضحكة و حماس .. ببساطة يلا استسلمات للحزن حتى حاجة ما غتتبدل من غير ناس عزاز عليها غيتضرو و هما كيشوفوها كتصارع فداك الحالة و أولهم أسية ..!
شريفة:( بعد تفكير قالت ) غير شي بلاصة هنا الشريف .. شحال جاتني ؟
البنات حاميين الغوات بالجهد كيعددو و يصرصرو لربي لي خلقهم ..! الرجال و الدراري شادين فحكيم لي عينيه معميين بالغضب .. صاعر و هايج عليهم ديال بصح ..!
و منين عرف راسوو ما غيشدوش و يدير فيه ما بغى .. دفعهم بكاع جهدو و مشى لعمر لي جالس فالأرض بحال الشرويطة سروالوو طايح شوية كيبان الكارصون منوو ..! ما قادرش يتحرك غير كيأنن فبلاصتوو ..! هز داك القرعة دالموناضا فرشخها عليه فوق كتفوو ديال يدو الثانية .. تا تقسمات و طاحوو طروفة د الزاج كبار .. مخليين الد٠م كيشرشر من لحموو ..!
و بصعوبة حيدولوو الطرف الثاني خايفين يمشي يخشيه فيه يقت٠لوو ..! و هما هكاك دخلوو البوليس كيجريوو من بعد ما مشاو شي براهش علموهم فالكوميسارية .. لي فنفس الشارع د دار الشباب ..!
****************************
جلسات فطبلة مجنبة من بعد ما طلبات المشروب لي بغات كتسناهم يجيبولها القرعة و الكاس يوانسوها فمصيبتها كما على الله تتناسى شوية و العافية لي كتحرقها من الداخل تبرد بماء الحياة ..!
البار باقي خاوي ما كاينينش الناس بزاف ..! بنت و دري جالسين فالجهة المقابلة معاها .. و دري آخور فالكونطوار هاز كارو فيديه و قداموو كاس كيجغم منوو مرة مرة .. حاضي شريفة بجوع .. عينيه حوالوو بيها .. بزينها و حركاتها .. متبعها كيفاش كتشرب و مستغرب من طريقتها .. باينة فيها بنت الخير غير من جلستها ..!
شربات قرعة و هزات يديها كتمايل يزيدها .. و فكل مرة كملات كتعيط باغى ما كثر ..! جابت الكاو حتى ما بقات كتقشع حتى حاجة قدامها .. كتبكي و تضحك فنفس الوقت ..! واقفة كتشطح فبلاصتها مع الموسيقى و كتعوج بنصها .. تا قرب منها نفس الشاب د الكونطوار لي بدورو شابع شراب و لكن ماشي للدرجة لي واصلاها هي ..!
..... : هاذ الزين كامل جالس بوحدو بلا وناسة ؟
تسناها ترد عليه لكن ما جاوباتوش حتى شد فيها و هي تهز يديها باغى تضربوو و تعكلات تا تكورات عليه و بزز شد فراسوو باش ما يطيحوش بجوج ..!
شريفة:( بلسان ثقيل و عينين كيتشدو ) يا ربي نموووت .. أناا عييييت بغييت ننن نمشي بحالي
..... : هاذ الزين كامل و باغي يموت ؟ أجي معايا ا المعسلة نديك للجنة ( شد فيديها كيساوي معاها ) يالاه ما عندك مناش تخافي .. نتي بلاصتك فالجنة ا حور العين
شريفة:( ردات كتلوى فبلاصتها و كتصغر عينيها فيه شحال عاد كتهضر ..! ) نمشيييو ما يلقاونيش
....: ما يلاقوكش .. كاين غير أنا و ياك ..!
خرجها من تما كتمايل ضاربة الكاو و هو سكران و ما سكران .. كيضحك مع السيرفور و الفيدورا .. باين كيعرفهم واحد واحد ...! و احتمال من جوج يا المحل ديالوو يا ديال باه .. بما أنوو جر شريفة و خرجها من تما بلا خلاص ..!
خرجها لنفس الدرب لي لاسق مع البار .. كضحك بالجهد و كتمايل معكلة غير بوحدها و الناس كيشوفوو فيها معجبين .. كاين لي بقات فيهم كيدعيو معاها بالهداية و كاين لي متبعها بقرف و اشمئزاز ..!
بقى مكيدها حتى دخلها لواحد الدار تما .. R+2 .. فتح الباب و جرها معاه لبيت النعاس .. دفعها فوق الناموسية متكية و هو واقف عليها كيحيد فحوايجوو بالزربة .. هوتة و شمن هوتة طاح فيها .. متشوق يذوقها طرف بطرف و كيتوعد ليها و ليه بليلة فالجنة ..!
تسفح حتى بقى هموو مدلي و مشى لعندها كيشوف فيها نعسات .. مرة مرة كترمش و تمدغ فالهضرة .. بدا كيطلع لها فالتيشورط و كيضرب ضريبات خفاف على حنكها باش تفيق و تعيشوو اللحظة ..!
يالاه طلعلها التيشورط على كرشها شوية .. تسمع صوت ذكوري كيعيط صاعر و يديه كيدقوو فباب البيت بجهالة .. باغيه يخرج عندو ..!
غمض عينيه بنفاذ صبر .. خلاها تما ناعسة .. تحنى هز الكارصون لبسوو و خرج دافع صدرو ..!
... : مال مك على هاذ الدقان ا الز**
رد عليه الثاني مكشكش ..! : واااا ز**ي gلنا لك البرتوش خليه لنا اليوم .. الدرية جايا عندي نقصرو أنا و ياها .. سير تق** لقنت خوور .. دخلنا نخراو فبيت الما لقيناك دغيا عمرتي علينا
.... : وا سير الز** كركب داك زرقة الفم د صحيبتك و أجي تمتع ليا مع راسك فحور العين .. نعمة و نزلات علينا .. نكمل معاها و ندوزها للخويا يذوق مع راسوو ( عض على فموو و ريوكوو سايلين عليها ) غا فريميجة ذايبة ..!
*******************************
واقفة قدام الدار كترعد .. وجهها حمر و الدموع هابطين من عينيها شلال ..! ما عرفاتش منين جاتها الجرأة حتى طارت تبعات شريفة فنفس اللحظة لي خرجات فيها من دار الشباب ..! و من الزهر لقات طاكسيات موجودين حدا .. الباب الدنيا عامرة بالناس لي كل شوية كيوصلوو بباكاجهم عوالين يسافرو ..!
لحقات عليها خايفة تدير شي حاجة فراسها ..! و غير بانت لها هبطات حدا البار و دخلات .. نزلات حتى هي كتجري باغى توصل عليها .. لكن الفيدورا شدوها ما خلاوهاش تدخل ..! غير من ملامحها كتبان باقى صغيرة و قاصرة .. يلا مشات حتى وقعاتلها شي حاجة هما لي غيمشييو فيها ..!
جراو عليها من تما بالعين الحمرة .. حتى بعدات حدا محطة د الطوبيس لي فالأطلس لاسقة عليهم ..! شاعلة فيها العافية فوقاش تخرج من تما و تركيزها كامل فالباب .. خايفة تمشي تغفل عليها و ما تبقاش تلقاها ..! كتعيط عليها فالتيليفون و لكن لا رد ..! و حتى حكيم لي تعيطلوو و تنعت ليه فين هما يعتقهم .. ما عندهاش نمرتوو ..!
بعد مدة لمحاتها خارجة مع واحد كتمشى بوو ..! حيط يضربها و حيط يردها .. واصلة للفينال فالسكرة ..!
ضربات على فخاضها كتولول و مشات من موراهم قلبها كيرجف من الداخل .. كيفاش غادي تكف الانسانة لي ما خلات ما دارت على ودها و كتشوف فيه امها و حياتها كاملة ..!
تبعاتوو بلا حس حاطة عليه تا عرفات الدار بالضبط فين دخلها .. حاطة يديها على صدرها و كتقاقي بوحدها .. صحتها ما مساعداهاش تتغاوت معاه و تحيدهالوو بالسيف .. أبسط حاجة غيديرها هي يدخلها تا هي و يشركهم بجوج ..!
ضورات راسها كتقلب بعينيها بحال الحمقة .. ما عندهاش الوقت خاصها تدير شي حاجة و الا غتفقد شريفة فخطرة و مع تفيق غتلوح راسها من شي جبل ..!
للحظة ضحكات بلهفة وسط دموعها كتشوف فالسطافيط دالبوليس داخلة مع الدرب .. بلا ما تفكر جوج مرات مشات عندهم كتلهث بالجرا .. كتغوت و تنقز قدامهم حتى وقفولها و هبط عندها واحد فيهم مخنزر على شوية كانو غيدوزو فيها ..! بترجي جراتلوو يديه باستها و قالت كترغب و تزاوك فيه
أسية: الله يخلي لك عز ما عندك .. ختي جرها واحد الولد بزز منها قدام عيني و دخلها لهاذ الدار .. الله يستر عليك لما فكها ( كتمسح دموعها بحزن معوجة راسها فيه بكياتة و نظرات بريئة ) هي لي عندي .. غتموووت ما فيهاش .. بغى يتعدى عليها .. العار لما خرجهم من تما ..!
أسية:( كتمسح دموعها بحزن معوجة راسها فيه بكياتة و نظرات بريئة ) هي لي عندي .. غتموووت ما فيهاش .. بغى يتعدى عليها .. العار لما خرجهم من تما ..!
ش:( رد ببرود ) ما منحقيش ندخل عليهم للدار .. سيري ديكلاري و يعطيونا الأمر و نجييو معاك
أسية:( خرجات عينيها و ردات كتبكي بالجهد ) وااا لااا لااات غيتعداااا عليها .. رااه رااه راجلها حتى هو كوميسير غيسيق الخبار خليتوو مراتوو فهاذ الحالة و الله ما يتعاتق معاكم
ش:( تنهد و قال ) كوميسير ؟ وا يالاه زيدي قدامي وريني فين ( هز يديه ) حسن هبط واحد الدقيقة ..!
بلهفة زادت قدامهم حتى وصلاتهم للدار لي فيها شريفة ..! تقدم البوليسي كيدق بالجهد .. تقول كيفرع فالباب .. حتى تفتح الباب من عند صاحبوو و الدري لي جر شريفة واقف وسط الدار لي دايرة كي حك السردين .. باقيين منوضينها بيناتهم على البيت شكون يشدو ..!
ش:( دخل دفعوو و تبعوه جوج بوليس معاه .. رد كيضور عينيه على الدار و الطبلة لي مقابلة معاه فيها الشراب و القطعة و الغبرة مشتتة .. عوالين على ليلة زاهية ..! ) ا تبارك الله على العزارة .. ياكما قطعتها عليكم ؟
رد الولد الثاني بتمسكين .. عرفوهم بوليس غير من اللبسة ..! : وا الشاف راك عارف بليتنا وحدة .. سلكها و حلاوتك عندي
ش:( رد بتخنزيرة ) حَسَن طلع معاكم هاذو .. نتلاهاو بيهم هاذ الليلة ..! تحرك نتا و ياه ..!
زاد غادي للبيت الوحيد لي كاين فداك الدار و اسية موراه .. زاعمة بالبوليس لي معاه و قلبها كلوو كيترعد بالخلعة على راسها و على راس الحربة الكبيرة ..!
فتح الباب لي كان مردود و تما لقى شريفة ناعسة فوق الناموسية ما راهاش فهاذ العالم ..! و مع شافتها اسية لابسة حوايجها ما واقع لها والوو .. طلقات تنهيدة من قاع قلبها و تمشات لعندها كتحرك فيها .. خاصها تفيق باش يخرجوو من تما ..!
أسية: شريفة .. فيقي شريييفة
حلات عينيها منيمين فيها كترمشهم ببطئ ما ثابتينش فالشوفة و بصوت سكران ردات كتتمايل
شريفة: شريفة مشاااات ل للهاااي vvvvnnn ( هزات يديها بحال طيارة و رجعات غلبات عليها و طاحت قدامها )
ش: معركاها شراب و طالقاها عليا .. غيتعداو عليها ؟ ( مشى جرها من يديها حتى وقفها و قال ) تحركي ا لالة مولاتي
أسية:( ردات بتوثر كتفرك فيديها ) غيكون شربها شي حاجة بزز بغى يدوخها .. ما كذبتش عليك و الله .. و راجلها راه فالكوميسارية ديال مونفلوري لي حدا دار الشباب و السبيطار د الحومة لي تما .. دينا عندو يلا بغيتي تتأكد ..!
طلعوهم كاملين فالسطافيط .. أسية لاسقة على شريفة شاداها عندها ..! كانت عارفاهم فاش غيسمعوو كوميسير غيبغيو يتعاملوو .. ماشي عليها و لكن على حكيم لي قالت راجلها و بما أنو ولد الضومين غيسبقوو منوو عاد يمشييو بحالهم لأنوو عارفين خطورة التهم لي تقدر تهزهم و فبحال هاذشي كتجي المعرفة عاد القانون ..!
واخا هي ما متأكداش واش تلقى حكيم تما .. و لكن دار الشباب فنفس الشارع ديال الكوميسارية .. بيناتهم جوج خلفات لا غير ..! يلا ما لقاتوو فبلاصة تلقاه فالثانية .. و حتى يلا ما كانش الأغلبية الساحقة د الكشافة كيعرفوه و ضروري ما واحد فيهم تكون عندو نمرتوو .. أما حتى شريفة صاكها نساتوو مليوح فالبار و خرجات ..!
مسافة الطريق و كانوو فالكوميسارية د مونفلوري لي قالت لهم أسية عليها ..! و مع هبطات عينيها بداو كيقلبوو على حكيم .. خاصها تلقاه ضروري و الا حتى هي غتكحلها و يردوها دايراهم ضحكة ..!
هي متأكدة المدابزة لي بدات فدار الشباب ضروري ما غتكمل عند البوليس .. و لكن ما عرفاتش واش تلقاه تما نيت و لا يكون باقي مع الكشافة ..!
جر واحد فيهم شريفة لي رجليها بحال العجينة تحتها .. غير كتلوى بيهم ..! دخلها للكوميسارية لي صغيرة ماشي شي وحدة كبيرة .. فيها ربعة د البيرويات واحد حدا واحد .. و جلسة واسعة لوسط فيها صف دالكراسة .. مقابلين معاهم دروج .. وحدين كيهبطوو و الثانيين كيطلعوو ..!
معلقة فالجنب لافتة فيها ممنوع استعمال الهاتف و ملاسقة معاها ممنوع التدخين ..! و حداهم واقف حكيم عاطيهم بالظهر كيهضر مع بوليسي معاه ..!
.... : خاصك تهضر معاه ما يرفعش بيك دعوة .. راك عارف كثر مني شنوو ممكن يوقع .. و عاد نتا موقف من الخدمة .. غير ما غتزيد تق**
عرفاتوو من لباسوو و وقفتوو ..! و بصوت مرعد عيطات عليه ..!
أسية: عموو حكييم ( ما ردش عليها .. عرفاتوو ما سمعهاش و عقلوو ماشي معاه هاذ الساعة ..! و بصوت عالي غوتات ) وااا عمووووو حكييييم
ضار عندها بالعرض البطيئ حاط يديه على جنبوو فوق السمطة د السروال و الثانية كيدوزها على راسوو ..! معصب غيطرطق و لي معصبوو كثر هي الأرض لي تشقات و سرطات شريفة و أسية .. ما بقى لهم أثر حتى من تيليفونها عيى يعيط لها فيه و لا رد ..!
حنى عينيه فيها و رجع هزهم فشريفة لي شادها واحد من الضباط من ذراعها ..! كتمشي و تجي فبلاصتها و عينيها مقلوبين فالسما ..!
قشر شنافتوو بجهالة حتى دماها و مشى جهتها ..! داز فيهم و جرها من شعرها تا تقابلات معاه و عطاها بتسرفيقة وحدة جابتها للأرض كترد غير الما ..! قلعها طايرة بلي سكرانة من حركاتها لي ولا حافضهم ..! عارفها مزيان كي كترجع فاش كتجيب الكاو ..!
بعدوه عليها من بعد ما تدخل نفس البوليسي لي كان كيهضر معاه فلول .. و تا هو بخاطر خاطرو خلاها كترد فالأرض و مشى عند أسية جرها من وذنيها تا خرجوو عينيها و بصوت مغزف قال
حكيم: فين كنتوو .. تا جاييني فهاذ الحالة ؟؟ ( هز حاجبوو ) عرفتي و تكذبي حتى نتي
أسية:( قاطعاتوو كتبكي شادة فيديه ) هي هي احح هربات و تبعتها مشات للبار سكرات و بغى واحد يتعدا عليها جرها بزز منها و جبتلوو البوليس قبل ما يقيس فيها و لا يديرلها شي حاجة .. ما وقعلها والوو
ش:( رد كيسمع ) الشراب .. الحشيش و الفساد .. مخروضينها من كل جهة و طريق ( بتساؤل ) واش نتا كوميسير هنا ؟ أول مرة نشوفك ..!
رد البوليسي الثاني : فكازا ماشي هنا ..!
طلق حكيم من أسية .. عاقد حجبانوو فشريفة لي مسارنها غتحطهم فالأرض ..! دوز يديه على شعر أسية .. عينيه مزيرين و معصبين لدرجة ما تصورش .. زفر بصوت مسموع و قال ..!
حكيم: تحركي نتي قدامي ( شاف فالبوليسي لي كيعرف ) ديرو خدمتكم .. قيدولها المحضر و طبقوو معاها القانون .. خليها تتحمل مسؤوليتها ..!
رد البوليسي لي جابهم ..! : واش مراتك ؟ راه فيها حتى خيانة زوجية ..!
ضار شافيه بتخنزيرة بحال يلا كيقولوو واش سوق مك ..!؟ معصب لدرجة ما تصورش واصل للماكس .. ما كرهش فهاذ اللحظة يشدها يطحنها عصا و شوف تشوف واش يبرد ..!
..... 2: اشمن خيانة زوجية ا الشاف ( حط يديه على صدرو كيشوف فحكيم ) و الله ا خويا ما حاديناها .. أنا راه gلت لهاذ الحمااار ( غفلهم و عطاه بتسرفيقة ) حشاكم .. يرد السيدة منين جابها
...... 1:( قاطعوو ) وااا ريييح لا نبربقها مع مك .. ا الشاف راه بغات تمووت كلنا نديوها حدانا ناخذو فيها غير الأجر حتى تفيق و نوصلوها لخربتها معززة مكرمة اشمممن شمن خيانة
غمض عينيه كيزفر النفس بصوت مسموع .. واحد سكران باينة غير من صوتو و حركاتوو و الثاني محشش مع راسوو .. منغم على الآخر ..! أما لالة مولاتي الغزالة فين طاحت فين بقات .. عينيها حوومر مدمعين و ناعسيين .. هزاتهم بصعوبة فيه كترمش بثقالة ..!
حكيم:( حرك راسوو مغذذ و قال ) أنا راجع ننحر مك ( شاف فصاحبوو ) تسناوني أنا جاي ..!
جر معاه أسية لي مخلوعة على شريفة ما باغاش تمشي و بزز منها خرجات من تما .. و ما عندها ما تبقى تدير أصلا معاهم ..! وصلها للباب د دار الشباب .. كتشوف بنات و دراري كيركبوو فالكيران و الباكاج مسطوكي فبلاصتوو ..!
وقفها قدام ولد يكون فالعشرينات من عمرو ..! حط يديه على كتفوو كيشوف فأسية ..!
حكيم: أسية أمانة عندكم .. انتابهوو لها حتى نلحق عليكم ( شد على جبهتوو كيسوط ) غذا و لا بعدو كاع و هانا معاكم ..!
أيوب: خويا حكيم واش هانية ؟ ( تبسم مع أسية ) أمانتك فعينينا غير ارتاح ..!
حكيم:( زير على كتفوو ) عارف لي كاين .. المهم ردو لها البال معاكم فالطريق ..!
أسية:( حركات راسها بالنفي و قالت بصوت خافت ) ما بغيتش نمشي .. بغيت نبقى مع شريفة
جبد من بزطاموو 300 درهم عطاها لها ليديها و شد فيها مطلعها للكار .. ما تهنى حتى جلسها فبلاصتها .. شاف فيها عاقد حجبانوو ما عندوش الخاطر ليها هاذ الساعة و مع ذلك كيحاول يبرد و ما يخلعهاش ..!
حكيم: ما عندك مناش تخافي بحال يلا راك معانا ( جبد تيليفونوو و مدولها ) قيدي نمرتك .. فليل غنشد الطريق نلحق عليك
أسية:( قيداتلوو النمرة و رجعاتلوو تيليفونوو ) و شريفة ؟
حكيم: يالاه أ عموو
هز يديه بمعنى بسلامة و هبط من الكار .. بقى واقف مدة كيهضر مع شي دراري و كينعتلهم جهتها .. عرفاتوو كيزيد يوصي عليها ..! حتى شافت واحد فيهم مشى تسخرلوو .. عاطيه قرعة د الما و كارطونة د ألزا و كاس د الما د البلاستيك ..!
خذاهم من عندو و رجع للكوميسارية .. دخل لقى شريفة متكية فوق البيرو د صاحبوو لي مقابل معاها و البقية ما كاينينش ..! شاف فيه و فيها و فتح القرعة خوالها النص على وجهها تا قفزات مخنوقة ..!
شريفة:( بصوت ثقييل قالت ) طلااااااق من من مني
حكيم:( عض على فموو مغزف كيخلط فألزا بالما ) حتى تصحاي و نتفاهموو ابنت الق*** ( شدها من راسها مزير عليها و هي كتبعد وجهها ) شرررربي الله ينعل ط*** أصل مك و مي معاك
ش:( مشى جابلوو سطل مدو ليه باش ترد فيه .. شادها حكيم و هي كتمايل و تأنن كتخوي مسارنها .. بقى معاها تا صحات و فاقت من السكرة ..!) تهدن أ با حكيم
شريفة: اننن رااااسيييي ( شافت فيه كترمش باستغراب من وجودو و من البلاصة لي هما فيها ..! ) حكيم ؟؟؟
حكيم:( دفع السطل لبعيد و رد كيشوف فيها ) خلينا بوحدنا ا سيمحمد الله يحفضك
ش: و المحضر ؟
حكيم: نكمل معاها و قيدوه ..!
خرج الظابط مخليهم الراس فالراس ..! حكيم عاطيها بالظهر حاط يديه على الحيط .. صدرو كيطلع و يهبط بالأعصاب مغلغل غير بوحدو باغي يطرطق ..!
و شريفة ساكتة كتحاول تتفكر شنوو وقع و لكن ما عاقلة على والوو ..! فهمات من هضرتهم بلي راهم فالكوميسارية و لكن شنوو كيديرو و علاش هي هنا و شمن محضر غيكتبوه لها .. ما عندها حتى فكرة ..! بصوت فاشل عيطات عليه
شريفة: حكيم ؟؟
ضار عندها كيغزز فسنانوو بعصبية بحال يلا كان غير كيتسناها تهضر و يتفركع عليها ..! قرب منها و مد يديه جرها من شعرها ملويه على يدو بقوة تا غوتات شادة فيديه
حكيم: حكيم ؟؟؟ ( ضحك بنرفزة ) أنا رجعت قو** معاك .. ولد الق*** كيتزو*** بيك
عطاها بتسرفيقة حتى حسات بالد٠م هابط مع نيفها و هو مطرطق عينيه فيها .. كشاكشوو خارجين معاها .. كيدي و يجيب فيها من شعرها .. و هي صافي الضبابة بدات تطلع مع عينيها .. دايخة و زاد دوخها ..!
حكيم: غنبقى تااااابعك فالكوميساريات ما عند أصل القو** لي حطني شغل من غيرك ؟؟ ( غوت صاعر ) خوووووتي رجاااااال بشلاغهم و عمممري وصلت معاهم لهاذ السطاج ( هز يديه تال السما و نزل عليها بتسرفيقة ثانية ما كيقشعش قداموو )
شريفة:( ردات بصوت بزز كيتسمع فاشلة و دايخة .. الأرض كتضور بيها ) انننن ااااه طلق
حكيم:( جرها من شعرها لعندو و غوت فقلب وجهها .. عروقوو خارجين عليها و حممممر غيتفركع ) سكرانة و ماشية مع الز*** يخورو فيك حتى يشبعوو ابنت الق*** ( ضربها لراسها ) منين توحشتي تهزي القل** و كتقلبي على لي يشرك لك اللور مع القدام لاش مخلياني مقااااتل على ودك
ضربها بتسرفيقة ثالثة و دفعها حتى دخلات فالكرسي و تقلب للور .. جات طايحة على ظهرها و هو واقف عليها ..!
ضربها برجليه لجنبها و تحنى نوضها من شعرها كيشوف فوجهها لي تزوق بيديه و الد٠مايات غير كتشرشر ..! فتح الباب و جرها مخرجها من البيرو .. داز فصاحبوو و هبطها للتحت ..!
ريحة خانزة كتشم من الطواليط المشروكة لي تما .. ملاسقة مع البلاصة فين كيشدو المحابسية ..! بين العيالات و الرجال غير حدايد لا غير ..! شاف فيها معيبة وجهها من الحريق و من الخنز ..! زاد خنزر و قال باستهزاء
حكيم: كتعيفي ؟ ( دفعها للجهة د الرجال تا تضربات مع الحدايد و كمل كيتحرق عرق بعرق ) لي كتعيف ا بنت الق*** جامعة كرها ( شيرلها بيديه ليهم ) باغى تولي طواليط لي جا يكب فيك زبلوو عاد ترتاحي ؟؟
تسمع صوت من الداخل قال : وا البلية ا خاي
حكيم:( رد بالغوات كيشوف فيها فاشلة قبالتوو و حالتها حالة ) الله ينعل عدوو ر*** هذا لي بلاك .. بالرب و يطيح بين يدي تا نح*** عروق طواسل أصل موو الزا***
ضار بزق فالأرض و فنفس اللحظة طاحت شريفة سخفانة .. تغذذ تا شبع و ضرب فالحيط تا فرع يديه و فلخر هزها مخرجها من تما .. عاقل مزيان نهار سكرات و سرسبات ليه شحال من حاجة .. استنتج و ربط شي مع شي .. باقي خاصوو غير يسمع نيشان ..!
ش:( شاف حالتها و تنهد ) نتا هو نتا عمرك تتبدل ..! شنوو درنا دابا فالمحضر ؟
حكيم:( رد بزعفة ) شفتك تيقتي ؟ شغتكتب لها فهاذ المحضر ؟ ( حطها فوق الكراسا سخفانة و كمل هضرتوو ) الشراب ؟ ما كاينش السكر العلني و ما كاينينش أضرار ..! الفساد ؟ قرينة وجود المتهمين تحت سقف واحد غير كافية لإدانتهما من أجل جنحة الفساد .. و حالتهم ماشي د الفساد بلا ما نضحكوو على بعضياتنا .. الحشيش يحطولي أمر وكيل الملك عاد يهضرو .. و المسافة بينها و بين البلاصة لي لقاوه فيها كثر من 20 متر .. و كاين الطبيب
ش:( قاطعوو هاز يديه باستسلام ) صافي صافي حتى دابا ما قلنا والوو .. ياك نتا لي طلبتيها فلول ..!
فتحات عينيها كترمش بثقالة فالسقف ..! ما كتحس بوالوو من غير الدق لي كلات خدام فذاتها كينخر .. و راسها لي المطارق كيضربوو فيه بالحريق ..!
دوزات يديها على الناموسية فين هي و بالشوية بدات كتكى .. عينيها على السرجم و الظلام لي طاح ..! حتى تفتح الباب و دخل حكيم ملوي السمطة فيديه .. باقي معصب و ما بغاش يتسرط ليه شنوو دارت ..!
بلعات ريقها و رجعات بلور باغى تهرب و ما عندها فين .. عينيها تغرغرو غالباها البكية و ما باغاش تبكي قداموو .. عاقلة على هضرتوو كاملة .. و عصاتوو باقى كتدكد فيها ما قادراش على طرح جديد ..!
حكيم:( وقف عليها و قال باستهزاء ) صباح الخير ..! ولفتي كل مرة تفيقي و تلقاي راسك فقنت ياك ؟ و كن ما أسية غتكوني مفطحة بين جوج كيقلبوو فيك ( شحطها معاها لفخضها تا تسمعات فالبيت و غوتات شادة عليه )
شريفة: اااااييييي ( نقزو الدموع من عينيها و بصوت باكي قالت ) بععععد مني ما منحقكش تضربني و ت
حكيم:( عاودها معاها تا يبسات فبلاصتها و تا الطاقة باش تتجابه معاه ما عندهاش ..! ) ما منحقيش ؟ واخا ا الزوينة فاش تخرجي من هاذ الباب سيري دعيني ..!
شريفة:( سكتات كتحك ففخاضها و السخفة شاداها من راسها لرجليها .. بصعووبة قالت ) حرام عليك
حكيم:( رد بالغوات ) برجلييييك ابنت الق** ماشية لعندهم يخورو فيك تا يشبعوو بيديك فاتحة لهم الباب و باقى كتهضري ؟؟ ( طلع فوق الناموسية جرها عندو حاط يديه على حنكها مفيكسيلها وجهها جهتوو ) الخاطر لي درتوو معاك ما درتوو مع حتى قو** .. يَّما و ما نصبرلهاش بحالك .. و لكن هنا و سالينا
شريفة:( ردات بتعب ) سير حتى نتا بحال لي دارو كلهم ( بخنقة ) تا واحد فيكم ما فاهمني و حاس بيا .. هانا ضرب حتى تشبع .. عارفني ما غنقدرش نحبسك و صحتي ماشي من صحتك ا الحكار ..!
حكيم:( رد مغلغل ) شفتي الفراق عليا هو لي عمرك تحلمي بيه واخا نعرف نق٠تلك ( ضرب بيديه فالخدية حداها ) الله ينعل طب** مو هذا لي غيحكرك و لكن تغلطي غتخلصي .. نشرب من د٠مك و نتي حية
بغات تهضر و رجعات سكتات خارجة تنهيدة من قاع قلبها حتى طلق منها و جلس مقابل معاها مربع رجليه ..!
حكيم: اليوم غنفاريوها .. غتعاودي القلا** من لول بالخاطر و لا بزز .. اختاري لي مسلكك و على الله نشم فهضرتك ريحة الكذوب ( حرك يديه لي ملوي عليها السمطة ) بلاوك مرضوك فصحتك و ظلموك .. يالاه آتيني بهاذ ولاد الق*** حتى هما ..!
شريفة:( بلعات ريقها و بصوت خافت قالت ) حيد السمطة
حكيم:( رد مخرج عينيه فيها .. مخيخ بمعنى الكلمة .. صافي وصلات بيه للجذر ..! ) غتهضري و لا لا ؟
تنهدات بقوة كتشوف فيه و هزات راسها بالايجاب ..! غتكذب يلا قالت ما خيفاش منوو .. و كن ما وقع هاذشي كامل و عصرها مستحيييل تهضر و تعاودلوو و هي صاحية و بخاطر خاطرها .. ما غتقدرش و صعييب عليها بزاااف تخوي قلبها بشنو داز عليها ..! تعصر قلبها كيضرب بالجهد مخلوع .. حاسة بضغط كبير من جهتوو .. و بصعوبة بدات كتهضر ..!
عرس الذيب الجزء 12
محتوى القصة
التنقل بين الأجزاء