شريفة:( بسعادة قالت كتشوف فسيد الرجال ) نديرو حنينة باش ربي يحن علينا ..!
حكيم:( غمض عينيه و رجع فتحهم ) بصحتك ..!
حناتلها صبيع بنقش خفيف عصري كيفما اختارت شريفة .. لي فرحات بيه بحال داك البنيتة الصغيرة لي عطاوها طرف د الحلوة ..! و حتى حكيم ما عطلهاش و دوزها خذات حلوة د مولاي دريس باش تكمل الصورة و ما تخرج من فاس حتى تكون ذات الذواقة ..!
ذاقت من جميع الاشكال .. المعسلة باللوز .. د كاوكاو .. دالنوكا و أخيرا د الزنجلان ..!
شريفة:( عطاتوو طرف دالحلوة لفموو .. كتمشى حاضية مع حنتها و مستمتعة بالأجواء ) حلي باش تولي ا الغالي ..!
حكيم:( خذا من يديها و عضها بشوية فصبعها حتى هرباتوو كتضحك .. شاد عليها البواطة و عينيه مبسمين معاها ..! ) شنوو قلتي ؟ ( شافت فيه باستغراب ) شكون الغالي ؟
شريفة:( ضحكات حتى تغمضوو عينيها ) ااااه هههههه نتا ( مصات فمها من الحلوة كترمش بهدوء ) من ديما غالي و غتبقى غالي .. و نقولك ؟ فرحت بزاف فاش رجعت تلاقيتك من جديد ..! كنتي و غتبقى أحسن ذكرى فحياتي ( حطات عينيها فعينيه ) غالي و ما تصورش قداش ..!
كلامها عنى ليه لدرجة ما تصورش واخا كان عفوي من جهتها ..! جرها بعدها من طريق و تحنى باسلها جبهتها مغمض عينيه و شفايفوو سخان محطوطين على جلدها .. احساس غريب اجتاحها فهاذ اللحظة ..!
الفترة لي عاشرات حكيم عرفات فيها بلي ما عندوش مع الهضرة و ما كيعرفش يعبر فاش كيكون فرحان عكس فاش كيتعصب ..! لكن كيحاول يبين امتنانوو بأفعال ملموسة ..!
حكيم:( بعد عليها شوية و بنبرة صوت خاترة قال ) الملح يبنن الطعام والصح يبنن الكلام ( حط يديه على صدرو ) و باقي الزمان يوريك غلاوتك عندي ..!
شريفة:( ضحكات حانية راسها و قالت ) أجي نشوف واحد الحاجة فهاذ المحل ..!
حرك راسوو بالايجاب و دخل معاها كيسرح فعينيه بهدوء ..! المحل مختص فالملابس الرجالية التقليدية .. عقد حجبانوو باستغراب كيشوف فيها .. هي لي قالت للبنت المكلفة ..!
شريفة: بغيت بحال هاذ جابادور فالبلوو غوايال على قياسوو ( شيرات لحكيم و قربات منوو بابتسامة من بعد ما مشات البنت تجيبلها شنوو طلبات ) ناخذولك الباروك ..!
حكيم: ما كاين لاش .. شوفي نتي يلا عجباتك شي حاجة فالطريق خوذيها ..!
قاطعاتهم البنت لي جبدات البياسة مداتها لحكيم .. خداها من عندها و دخل يقيص تحت اصرار شريفة لي بقات كتاوي فالثمن حتى خرج لعندها ..! الجبادور جاه عبار بحال يلا مخيط عليه .. الكتاف مجبدين و الصدر مدفوع بتكلظيمة ..! و كيبقى احسن لباس هو اللباس التقليدي .. النخوة .. الهمة و الشان ..!
هربات عينيها لجهة المعلم .. بانلها ديكشي مطراسي و مجبد عليه الثوب ..! خرجاتلها ضحكة خفيفة و غير حسات على راسها فين كتشوف .. هزات عينيها فيه كتلف بالهضرة ..!
شريفة: ما بغات تنقص والوو ( قربات منوو كتضحك ) غتطيح عليك هاذ السفرة بغسيل الفندق ..! غير النهار لول و جيابك قربوو يتساسوو ..!
حكيم:( تبسم ) كلشي ديالك ( بصوت خافت كمل ) اللحم .. العظم .. الجيب و الز** لي حداه ..!
شريفة:( خرجات عينيها فيه عرفاتوو عايق بيها .. تزنكوو حناكها حشمانة منوو و غالباها الضحكة .. حطات راسها على صدرو مخبعة وجهها ) ههههههه حكيم هو حكيم ..!
حط يديه على راسها بعينيه مبسمين كيشوف فالنقش ديال يديها لي حاطاها على ذراعوو ..! هزها لعندوو كيشوف فيها .. بدات كتفتت شوية خارجة لها أورونجية مع بياض لحمها ..!
حكيم: شوية من الحنة و شوية من رطوبية اليدين ( غمزها بثقالة ) الحناني و القلب الهاني ..!
متكية فوق السداري هازة تيليفونها مخشعة كتشاطي مع هذا و ذاك .. خالقاها غير مع راسها ..! حتى طلع لها أبوني جديد فالحساب د عدنان .. ساطت النفس و دخلات قبلات الكونط كتمتم
ملاك: هانا على عديدين حتى هو ولاو البنات طايحين عليه كي الشتا .. ما كاين غير متابعة تابعة ختها .. اي هاي على سي الفقيه ..!
هزات عينيها فحبيبة لي جلسات قدامها و بصوت رقيوق غوتات حتى خلعاتها
ملاك: مااااااماااااا
حبيبة:( شدات على قلبها ) يعطيك الغمة ا بنتي .. سكتيلي الحس و عاد ارتاحي
ملاك: وا عيييت بغيت نسافر حتى أنا ( دلات شنايفها ) علاش حكيم ما دانيش معاه .. شنوو غنبقى ندير انا مع الشارفات ؟
حبيبة:( خرجات فيها عينيها ) دابا أنا شارفة ؟ ( قرصاتها فيديها ) و لا قد القب قد السطل .. ادوييي ا بوبريصة ..!
ملاك: اححح طلقي طلقي ( رخات منها و قربات عندها كتفشش عليها ) صافي رجعت بوبريصة أ حبيبة قلبي .. ما بقيتش عسولة ديالك ا مامي الغزالة ..!
حبيبة:( ضحكات و عنقاتها ) الفشوش و شكديريلهم ابنتي ..! ( باستها ) توحشتك ا ماما .. خليتيني بوحدي بين ربعة د الحيوط .. كنت غنهبل ..!
ملاك:( زيرات عليها ) حتى أنا و يالاه نسافرو ا ماما .. نمشييوو غير لأكادير نتبحرو مالنا ما عليناش الله ..!
حبيبة: سيدنا رمضان ما بقالوو والوو و محمد أمين باغي يدير دارو قبل ما يدخل .. تابعنا التوجاد للخطبة و الرشيم و عاد العرس ( تنهدات ) ايوا نكملوو هاذ الحريرة و يحن الله ..!
ملاك: وا نسبقوو السفر هو لول و منين نجييو نبداو التوجاد .. رمضان راه مزال ليه 45 يوم ..! ( هزات تيليفونها طلع لها مسج فالأنسطا .. دخلات كتبقشش فيه و تهضر ) فوقاش تافقوو على الخطبة ؟
حبيبة: من هنا جوج سيمانات على ما يجي حكيم من السفر عاود ( تنهدات بصوت مسموع ) احاااح فوقاش يتهنى فحياتوو تا هو .. قلبي حارقني عليه و ما لقيت ليه جهد .. الله يهديه على راسوو هذا ما نقول ..!
ملاك:( طلعات vu للمسج عاد عوالة تقراه و بعينين مصغرين شافت فحبيبة ) ا ربي هذاك وجهك و لا مسلفاه ؟ ياك نتي لي ملسقة فيه داك العقوبة ..! غير نوضي جري على راسك ا ماما ما تكون غير دارتلك حتى نتي باخا .. باش لي قالت تقولي واخا ههه ..!
حبيبة:( حركات راسها بالنفي ) ما بغيتوش تفهموني .. أنا بنتوو لي فكرشها لي هازالها الهم .. نهار تولدها ما نعرفها من هنا لهنا .. باركة عليا غير حفيدتي .. واخا بغيتها تتربى بيناتهم بجوج .. ولايني يلا كانوو غيربيوها وسط الصداع و المشاكيل مناقص منها عيشة ..!
ملاك: حتى يخليها لها .. يسحابلك حكيم ساكت لها غير هكاك ؟ ( علمات فالحيط ) يلا خلى لها لبنت هانا هانتي و قولي ماري قالت ..! و تا محمد أمين هضر معاه على النهار لي شدوها عند الفقيه و جاوبها ليه للكوميسارية ..! قالوو راه المحضر تكتب و لكن ما تدفعش و بقى عندو .. حيث يلا تقيد خاصها تدوز القليلة 48 ساعة تما و هي كان شادها الحريق .. سيفط مور باها و تبرا ليه قالوو ها أمانتك و لي بيني و بينها اليوم تحد و حرام عليا ليوم الدين لا باقي دخلات عليا مراة ..!
حبيبة:( تنهدات ) كيبقى فيا غير باها .. راجل الله يعمرها دار مسكين .. لا حول و لا قوة إلا بالله ..!
ملاك: حتى كريمة فاش يديرلها حكيم صابونة يزلق فيها جمل .. غتولي الله يعمرها دار تا هي ( هزات كتافها ) لي ما رباوه واليديه يربيه المخزن ..!
ملاك: هههههه خليني ندير فيها اللوسة السوسة ( شدات على قلبها ) الله يعطيني عكوزة بحالك توقف معايا فوجه ولادها واخا نكون أنا لي غالطة .. اودي غير لي يشبع فيك بوسان
ملاك:( شدات على قلبها ) الله يعطيني عكوزة بحالك توقف معايا فوجه ولادها واخا نكون أنا لي غالطة .. اودي غير لي يشبع فيك بوسان
حبيبة: ههههههه حمقة ( طبطبات على يديها ) ذنوب بنات الناس ا ماري صعاب فوقما تخيلي و انا ما قادراش عليهم .. ولادي مني و فيا .. شنوو ما درت لهم ما غيهزوش فقلبهم من جيهتي و عمرهم يخطاوني .. ماشي بحال ..!
ملاك:( باستها ) و حتى عروستك كتحماق عليك .. فينما ندوز عندها للكابيني ديالها ( بسمة طبيبة ..! ) كتسلم عليك و تعاود .. ضريفة بسمة مسكينة ..!
حبيبة: ايوا لهلا يحاشمنا يا ربي .. و باقي الخير و البركة فالطريق .. نشوفوو مغرفة عدنان و خليل شنوو غتهزلهم حتى هما و عاد المفششة ديالنا عسيلة خوتها ( بحب ) الله يعطيكم ا وليداتي سعد حسن من سعدي و يهني بالكم و بالي عليكم
ملاك: هههه أميييين يا ربي ( هزات التيليفون عاد غتقرا المسج .. لي جايها من كونط باسم " جميلة الجميلات " )
~: غلطت و صححت الغلط ديالي و طلبت منك السماحة .. كنت كنتسنى الكلمة الطيبة منك .. كيفما كتبين للناس من بوسطاتك .. ساعة كلشي نفاق فنفاق ..!
ملاك:( عقدات حجبانها و بصوت خافت قالت ) هاذ الفقيه حتى هو عندو المعجبات قالك .. اش داني أنا نقبل و لا نمسح شي وحدة من لول ( هزات كتافها ) نعطيه الكونط ديالوو و يضبر محاينوو فيه و نرجع نخدم الانسطا ديالي حسن ( سكتات شوية ) ايييه ا ماري باش يخرجلك داك الزمر د حسام من الجنب ثاني .. غير تحطي شي حاجة يمشي يشكم بيك لحكيم .. تفوو داير كي فاطنة البركاكة هاذشي لي مقابل ..!
حبيبة:( سمعاتها كتبركم ) ا مالك ثاني ؟ معامن شاداها ؟
ملاك: حتى واحد كنهضر بوحدي ما نهضرش ؟ ( سكتات كتكتب فمسج مغزفة ) ما بقيتوو تعرفوو لا لي مزوج لا لي خاطب لا لي خاطيه هاذ الضسارة ديال البراهش .. بلا ما تبقاي تنقزي بلا سليب .. يلا كتعرفي فالدين ما تسيفطيليش من لول ما انا خوك ما انا باك باش تغلطي فيا .. كثرتوو ..!
سيفطاتوو و رجعات سيبخيمات الصداقة بيناتهم و كون كان البلوك فالانسطا كون بلوكاتها ..!
********************************
هزات عينيها فيه بابتسامة .. جالسة حاطة رجل على رجل كتلعب فشعرها و الحنة فيديها بذات كتطلق اللون شوية بشوية ..!
الفراش بلدي بتلامط الخريبة و الطبالي و الكوانات د الخشب ثقال منقوشين هما و الجبص لي فالسقف .. داخل بحال القبة ..! مع زليج بلدي فالأزرق فالحيوط ..!
شريفة: زوين هاذ الرياض و احسن حاجة ما كاينينش الناس بزاف .. تاكل و تصور بخاطرك ما كاين لي يبرزطك ..!
حكيم:( جلس حداها موسع بين رجليه و حاط يديه موراها بحال يلا معنقها ..! ) ها هما غيوجدولك الرفيسة لي بغيتي ( شاف فساعتوو ) نتغذاو و نشدو الطريق .. تعطلنا ..!
شريفة: اودي الجودة من الجدود ماشي من الموجود لي سخي سخي ..! ( سكتات كتمضغ تا كملات و رجعات قالت ) ما داروش المساخن و حتى العطرية ناقصة بزاف .. حسيتي بيها و لا غير أنا ..؟
حكيم: ما عندهمش المساخن و العطرية أنا لي قلتها لهم .. هاكا و راه كثيرة .. ما مزياناش للصحة ..!
هزات كتافها بفهم و كملات غذاها .. دخلوو فالكصعة طول و عرض .. هي وكالة و عزازين عليها الشهيوات .. كتمذق و تلذذ بالشوية عليها ما تابعاها حتى حاجة ..! و حكيم قالها ما كتعرفيش ..! ضرب التريبل ( ×3 ) ديالها عاد رجع لوور .. مخليها مبهوطة فيه و كتقول تبااااارك الله .. وا معذورو ما يكون مربي الصحة ..! يهزك و يهرب بيك ا شريفة و تجيه بحال الريشة ..!
حكيم: الحمد لله ( شاف فيها ) شبعتي ؟
شريفة:( طلعات النفس بصعوبة ) قول تبلوكيت .. بقيت معاندة معاك حتى شديت التنافس هههه
حكيم:( وقف و قال ) بالصحة .. يالاه تمشي الحمام باش نتوكلوو بحالنا ..!
زادت قداموو تال الحمام .. دخلات هي لجهة د العيالات و حكيم للرجال .. غسلات و قادات راسها و شعرها .. كترمش بهدوء فالمرايا حتى وقفات حداها وحدة كتعكر و تدندن بأغنية اسبانية ..!
بعفوية شافت فيها شريفة و قلبات عينيها .. لكن سرعان ما ولات ضورات راسها جهتها عاقدة حجبانها ..! البنت كتشبه لها لدرجة غرييييبة .. ملامح الشبه واضحة بشكل كبير ...!
بلا ما تحس لقات راسها متبعاها بعينيها ..! الاحساس لي كتشوفي بيه شي واحد لأول مرة و لكن كتقولي فايتة شفتوو و لا كنعرفوو واقيلة غير ما عقلتش .. نفسوو لي خلاها تركز معاها تا سمعاتها كتهضر فالتيليفون ..!
....: وي papa أنا ف wc ( الحمام ) .. سيفغي جيتوو ؟ اوك أنا خارجة لعندكم .. بيزو ..!
خرجات من حداها كتزرب فالمشية ..! أما شريفة غير فاتت الدهشة اللولة رجعات قلبات عينيها للمرايا كتتأكد واش كلشي مقاد هو هذاك ..! جبدات نظاظر د الشمش دارتهم فوق راسها و خرجات من الحمام كتقلب على حكيم .. حتى لمحات نفس البنت واقفة حدا الساقية د الما ..!
حاطة يديها على كريشة د بنت اخرى واقفة قدامها بكسوة قصيرة مطراسية مع كرشها المنفوخة .. لي باينة من حجمها تكون عندها داك سبع شهور ..! خلطوو عليهم جوج رجال .. واحد شاب فمنتصف التلاثينات و الآخر كبير فالعمر .. لكن مهلي فراسوو و شاد صحتوو ..!
لابس دجين واسع و قاميجة د الثوب طويلة هابطة على كرشوو لي خارجة ليه شوية ..! داير نظاظر كوحل ديال رايبان و كيضحك بسعادة .. كلهم مركزين فكرش البنت و هي جايبة فشوشها عليهم .. بلهجة مخلطة ما بين الداريجة و الاسبانية و الفرنسية ..!
قارنات الشبه بين البنات و الراجل و بينها هي و بابتسامة استهزاء و برود تام قلبات وجهها جهة حكيم لي حط يدوو على كتفها .. هاز ديكشي لي شراو فيديه الثانية ..!
حكيم:( بهدوء ) مشينا ؟
شريفة:( ردات بابتسامة ) نتصورو بعدا و نمشييو ..!
بفرحة مشات لجهة البيانوو و جلسات بالنخوة حاطة رجل على رجل .. مبتسمة ابتسامة خفيفة و مهبطة عينيها ...!
صورها فالرياض كامل .. مرات بوحدها و مرات معاه .. حتى شبعات و قنعات عاد تموو خارجين بحالهم ..! دازو من قدام نفس الراجل الكبير و لي لبنات بجوج كيديو ليه فالشبه و حتى شريفة لي حسات غيكون باها او واحد من عائلتوو لكن ما تسواقتش عندها زايد ناقص ما باغى تعرفوو ما باغى تشوفوو و حتى الكبدة على شي حاجة سميتها الأب ما كايناش ..!
كبيرة ممكن مأثرة فيها حيث عاشت معاها مدة لكن باها ما عندو حتى بلاصة فحياتها لا دابا لا من بعد فحالة ما تعرفوو على بعضياتهم شي نهار ..!
بعفوية هز عينيه فيها حتى تفيكساو عندها ما قادرش يزعزعهم .. احساس غريب تولد من جهتوو و خلاه يقرب جهتهم و بنبرة صوت عالية عيط ..!
.....: سينيورا ..!
ضارت بالجهد حتى ضار معاها شعرها و ضرب حكيم فوجهوو .. ضحكات ببراءة عاضة على شنافتها
شريفة: هههههه ناري عميييتك ..!
حكيم:( رد بختورية و حركات تقال ) ماشي غير عميتيني ..! ضربتيني على الشعا ..!
شريفة:( زادت ضحكات بحنيكات مزنكين شافت فالراجل و قالت ) نعام ا الشريف ؟
.....: سمحيلي ا بنتي غير شبهتك ( بتساؤل كمل ) واش فايتين تلاقينا و سمحيلي نوبة اخرى حيث وقفتك ..!
شريفة: نوو ما كنعرفكش اول مرة نشوفك ..! ( بهدوء ) ما كاين حتى مشكل .. يخلق الله من الشبه أربعين ..!
.....: وي عندك الصح .. غراسياس سينيورا ..!
رجعات ضارت عند حكيم لي ما علقش على الموضوع نهائيا ..! خرجوو من الرياض و فالباب المقابل معاهم .. كانت محطوطة كصعة ديال الفخار مهرسة .. شافت فيها و نعتات ليه بصبعها ..!
شريفة: عرفتي هاذي المصائب لي يمكن يديرو بيها ..! ( رمشات بهدوء كتتمشى ) السحر لي عمرو يطيح فبالك غير بيها .. و هاذي نصيحة من عندي جات بلا وقت .. و قولها حتى لماماك .. عمر الفخار و ديكشي ديال الطين يترمى فباب الدار .. يتهز و يتلاح لبعيد ..!
حكيم:( عقد حجبانوو باستغراب ) منين كتعرفي نتي هاذشي كامل بعدا ؟
شريفة:( ردات بتوضيح ) باباها د اسية كان ديما كيوصي كبيرة و يعاود على الفخار ما تلوحوش فالباب ..! و كانوو كيجيو عندو العيالات ها لي عندها التوكال و ها لي ساحرينلها كيرقيهم عندنا فالدار ..! كان كيدير واحد الطنجرة عامرة بالما و العشوب مخلطين و كيعطيهم يشربوو ..! أنا غير هاذشي لي بقيت عاقلة عليه و لكن السحر بصفة عامة كنخاف منوو بزاف يقدر يخرج على الواحد فخطرة .. و نهار ملاك جابتلي تصويرتي و داك مونيكات .. تخلعت د بصح و ما عرفت ما ندير .. بحال ديكشي ما نعرف ما نفك فيه ... عليها جيت معاها لعندكم و قلت ماماك غتكون عارفة شنوو خاصني ندير ..!
حكيم:( رد بفهم ) حبيبة تقضي معاك فبحال هاذشي .. و لكن غير بالقرآن ..!
شريفة:( شافت فيه ) و نتا ؟ مور ما عرفتوو كريمة كتسحر لك ما دارت حتى حاجة تفكك بيها ؟
حكيم:( زفر النفس بصوت مسموع .. ما كيبغيش يهضر فهاذ الموضوع ..! ) خاصك تعرفي بلي زواجي بكريمة جا فوقت ماشي تال تم .. كثرة التبرزيط و صافي ( دوز يديه على راسوو ) من اللول ما كناش مفاهمين و قليل فين كناكل من عندها من الديبار .. يلا شربت شي حاجة و صافي .. ما تعمريش راسك بزاف بهاذشي ..!
شريفة: اييوا ..؟
حكيم:( شاف فيها كيحرك فحجبانوو بمعنى شنوو ؟ ) نهار عرفت راه فرقناها بيناتنا ..! و حبيبة تا هي دارت لي عليها و عطيناها الخاطر لي عاطيينوو لك .. و دابا هنينا حتى نتي ..!
شريفة:( ردات فنفسها ) لا باااااين الخاطر ديالك كي داير .. يعطيك موصيبة يا المهتوكة المشروكة .. السحارة ديال كيلوو لارب المدودة الخانزة اتفوو قالك كريمة نتي كان خاصهم يسميوك لحم الراس ( حيث لاسقة عليه بحال لحم الراس ههههه ) ...!
شدوها جبدة ديال الطريق حتى خرجوو فالبطحة .. داز للبنكة هي اللولة مشى عندهم للداخل باش يجبدولوو الفلوس .. حيث الكيشي ما غيخرجلوش كثر من 5000 درهم فالنهار ..!
و غير كمل رجع لعندها نوضها شاد فيها مشابكين يديهم تا دخلوو لعند مول التيليفونات .. سرح عينيه فالفيترينا قداموو و بهدوء قال ..!
حكيم: جبدلنا هذا ا سيموحمد ..! ( زيرات على يديه حتى شاف فيها و حركات راسها بالنفي .. حناكها غيطرطقوو بالسخونية د الشمش زائد الموقف لي حطها فيه .. حشمات منوو بالزايد ..! غمض عينيه و رجع حلهم ..! ) غير قضي ..!
شريفة: لا عافاك .. بلاش حتى ناخذو أنا .. غير دابا ما هازاش معايا .. عيقت عليك و الله ..!
حكيم:( رد هاز حاجبوو ) وااايلي ..! ( حك يديه مع ظهرها ) شوفيه واش صالح لك و يلا ما عجبكش اختاري ها المحل حداك .. يالاه ..!
شريفة: تء ..!
عضات على شنافتها حشمانة كتضور فعينيها .. هزاتوو كتقلبوو و حكيم كيسولوو شحال فيه من ميغا و الخاصيات ديالوو خصوصا الباطري ..! خلاتهم كيتناقشوو حتى سكتوو و شاف فيها
البائع:( لحكيم ) سلعة نقية و نعطيك الكارونتي عليه يلا وقعلك فيه شي حاجة مرحبا .. نترزقوو الله معاكم و غير ليكم انخليه ب 8800 درهم .. و السوق حداك سول على الثمن د iphone xs max و رد عليا ..!
خرجات عينيها من الثمن .. ما قالت غتخرجلوو هاذ السفرة بغسيل الفندق حتى راها بغسيل الفندق نيت .. بالتيليفون غيكون خسر كثر من مليون هاذ الصباح ..! مصات شنافتها قالبة وجهها للجنب .. ما كتشوفش فحكيم لي كيحط زرقة تابعة ختها و مول المحل كيجمعلها التيليفون فكارطونتوو بكاع الماطريال لي كيمشي معاه ..!
شريفة:( خذاتوو و شدات فذراعوو ) سمحيلي بزاف و الله .. كلفتي راسك ..!
حكيم:( جبدلها نيفها بحركة دلوعة ليها ..! ) حتى حاجة ما تغلى عليك ..!
ضحكات بكياتة و سكتات شادة فيه و حشمانة فنفس الوقت ..! حرك فداخلها أحاسيس الدلع و الغنج من جديد ..! عارفة بلي معاها راجل ديال بصح و متحمل مسؤوليتها كاملة .. ماشي غير بالهضرة و الوعود ..!
هي انسانة بحال جميع النساء .. عندها احاسيس و مشاعر جياشة ما كتحركش بسهولة لأي واحد .. طموحاتها عالية و نفسها فوق الجميع .. لكن كتبقى فداخلها طفلة صغيرة محتاجة لي يرعاها و يحافظ عليها .. شخص تتيق فيه .. تلقى فيه الصديق قبل الحبيب ..! تعيش معاه طفولتها و حتى مراهقتها لي ما قدراتش تعيشهم بحال أيها الناس .. و لكن دابا جا الوقت لي تزهر فيه .. يمكن السكرة لي سكرات كانت أحسن حاجة وقعات معاها ..!
بيها فاقت على راسها و عرفات نتيجة أفعالها فين كانت غتوصلها و الأهم أنها اختاصرات الطريق مع حكيم .. لدرجة كبيرة .. و لحد الساعة ما ندماتش و ما كظنش أنها تقدر تندم شي نهار ..! فرحانة و مرتاحة معاه و عاطياه مساحة كبيرة يكتاسحها فحياتها ..!
بالرغم من أنها متناقضة مع راسها فبعض المواقف لكن هذا شيئ طبيعي حالها حال جميع البشر .. مرة كتبع عقلها و تخطيطاتها و مرات ثانية كتعطي لنفسها فرصة فين تغلب عليها و تعيش حتى هي و اكيد كل ممنوع كيكون مرغوب ..! و مرات كتخلي قلبها هو لي يكيدها و بسعادة كتتأرجح معاه .. و على العموم فجميع الحالات كتكون مستعدة للعواقب و متحملة مسؤولية أفعالها ...!
شريفة:( توسعوو عينيها بدهشة و بحماس كبير قالت ) حكيييييم ..!
حكيم:( تبسموو عينيه و قال ) شنوو حب الخاطر ؟
شريفة:( ضحكات و نعتات ليه بصبعها ) نركبوو تما بلييييز .. عاااافااااااك .. هو يوصلنا للطونوبيل بلاصة ما نركبوو فطاكسي ..!
حكيم:( غلباتوو الضحكة ..! ) بغيتي تركبي فالكوتشي ؟ ( دوز يديه على وجهوو ) يالاه قضي و كان ..!
شريفة: احيييييه ( باستوو بخطفة فحنكوو و هربات كتجري قداموو .. راجعة باللور كتشوف فيه و هو مبسم معاها ) أحسن حكيم فالعااالم ..!
الكوتشي شكلهم تماما بحال العربات د ايام زمان ..! جلسة فخمة على الهواء الطلق .. مجرورة بجوج ديال الخيول لي مهليين فيهم بسرج فألوان مبهجة و أجراس موسيقية فيهم رنة خاصة ..!
توالموو فالثمن و الوجهة و ركبوو بجوج حاطين حداهم لي ساشي و كيسرحوو عينيهم فجمالية مدينة فاس ..! الجو مشمش و هوا خفيف كيضرب فيهم و هما كيجربوو متعة من نوع ثاني ..!
الضحكة ما حيداتش من فمها و هي كتهضر و تقشب مع حكيم لي بدورو مرتاح معاها لأقصى حد ..! تكات عليه براسها و مد يديه جرها عندو معنقاه و هي كتدندن بصوت خافت ..!
شريفة: ما زال ما نسيت الجلسة بفاس .. خيلعة و زريع الكاس ( هزات يديها جبدات عينيها بحال الكحول ) و العين الكحلة يا ناس يجرحوو الكبيدة ..!
حكات حنكها معاه بمعنى الهضرة عليك يا الحاذر عينيك ..!
حكيم:( دوز ابهاموو تحت جفونها و قال بثقالة كيمعني على عينيها ) قطرة العسل كي تطيح على الجرح تداويه ( هزات راسها فيه و هي باقى معنقاه .. كترمش بهدوء ) عيون الظباء ..!
المراهقة كل واحد و باش جاتوو .. لكن فأغلب الاحيان كتخلينا نديرو تصرفات غريبة و ما موالفينهاش ..! الحماس و الاعجاب لي حسات بيه من جهة عدنان أول ما شافتوو .. رجع لها بحرقة كبيرة كتكوي فقلبها و هي كتقرا المسج و تعاود ..!
Adnane amghar : ما بقيتوو تعرفوو لا لي مزوج لا لي خاطب لا لي خاطيه هاذ الضسارة ديال البراهش .. بلا ما تبقاي تنقزي بلا سليب .. يلا كتعرفي فالدين ما تسيفطيليش من لول ما انا خوك ما انا باك باش تغلطي فيا .. كثرتوو ..!
عينيها غرغرو بالدموع .. وجهها مزنك و النفس مخنوق فيها .. عيات صابرة و فلخر ناضت من البيت لي جالسة فيه و خرجات كتسلت حتال برا .. واقفة فالساحة جنب .. كتشهق و تبكي حتى روحها بغات تزهق ..!
قمعة و حرقة خايبة حسات بيها .. بكات تا فشات قلبها و مع هزات راسها لقات * أيوب * القائد لي وصاه حكيم باش ينتابه ليها .. بابتسامة قرب منها و قال ..!
أسية:( ضحكات وسط دموعها ) ههههه الشهيبة جات بحال الشعيبية
أيوب:( فرنس ) نتي الشعيبية و أنا كبوور هههه ( مد لها يديه تا سلمات عليه و زير عليها ) أنا أيوب .. يلا احتاجيتي اي حاجة سولي عليا و ما تخافيش حكيم اليوم و لا غذا كاع يوصل علينا ..!
حكيم: قطرة العسل كي تطيح على الجرح تداويه ( هزات راسها فيه و هي باقى معنقاه .. كترمش بهدوء ) عيون الظباء ..!
شريفة:( ضحكات حتى تشدو عينيها ) ههههههههههههه باقي عاقل ناريي هه اول واحد يقولها لي و يلاحظها ..!
حكيم:( رد باختصار ) ما كننساش ..!
شريفة:( سهات كتفكر ) عيون الظباء هما عيون الغزال .. كيكونوو كبار و مجبدين .. نهار تلاقينا فأقشور و قلت لك سميتي مها .. شرحتيلي معاناها .. عيون المها ..!
حكيم: اممم شوفي هنا ..! ( جبد تيليفونوو و صورهم ..! )
و مرت الساعات .. طحن فيهم حكيم الطريق بلا توقف .. مركز فالسوكان ساكت و حداه شريفة طالقة الويفي من تيليفونوو لعندها كتبروغرامي فالايفون فرحانة بيه و كتحاول ترد لي كونط ديالها ..! دازو على تازة و كملوو للحسيمة ..!
دخلوو بين الجبال و تما خرجات شريفة راسها من الشرجم مبهوووطة ..! المناظر الطبيعية كي دايرة و الجبال كي مرسومين ..! الطريق ضايرة بحال يلا غاديين فدائرة نتي كتزيدي و نتي كتطلعي كثر .. و الجبال ضايرين بيك من كل جهة و طريق ..!
حكيم: شريفة دخلي من تما ..!
شافت فيه و فصف الطونوبيلات لي قدامها و دخلات .. حاضياه كينقص فالسرعة بالتدريج حتى وقف ..! الآلات ديال الحفير خدامين فالجبال على الجهد باش يوسعوو الطريق .. و واحد من دوك الجبال بدا كيريب .. تقطعات الطريق على ما يتحل المشكل و من زهرهم وقفوو قدام دوار قريب تما ..!
بابتسامة شافت فبنيتات صغار بعاد كيشوفوو فالطونوبيلات و يشير بيديهم فرحانين .. شيراتلهم بيديها تا هي كتضحك ..!
شريفة: نهبط لعندهم ؟
حكيم:( طفى الطونوبيل و حيد الكونطاكط ) انتابهي للطريق شوفي واش ما جاي حتى واحد ..!
نزلوو بجوج شد فيها و قطعوو لعندهم .. مخليها كتهضر معاهم براحتها و هو بعيد شوية .. مدولها البنات تاج دالورد مصوبينوو بيديهم .. باسوها و مشاو بحالهم كيجريوو ..!
شريفة:( قربات منوو حاطاه فوق راسها و دايرة وجهها بين كفوفها كترفرف بعينيها ) دستوور حضرت السلطانة شريفة خانوم ..!
حكيم:( تبسم معاها و حط يديه على راسها و بثقالة قال ) لي يخالط الورد يدي ريحانوو و لي يخالط الفحم يدي كحوليتوو ..! ( غمض عينيه و رجع فتحهم ) خلي قلبك كي البحر ما يشرب منو غير الغارق ا نوارة الحدود ..!
معنى كلاموو كان واضح و باين بالنسبة لشريفة لي كتموت على ضريب المعاني و الهضرة بالألغاز و جا حكيم قالها ما كتعرفيش ..!
لي يخالط الورد يدي ريحانوو و لي يخالط الفحم يدي كحوليتوو قصد بيها .. فاش فرغات قلبها عليه و خالطات لي ترتاح معاه " حكيم " .. فاحت ريحة وردها و الضحكة ما خطاتهاش و ريحانها تنور ..! عكس فاش كانت مع الياس .. عاشت غير فالكحولة و العذاب .. حياتها ضايرة غير على الانت٠قام و جري مورايا نجري موراك و يلا كان شي واحد غيلوموو على حالة شريفة من بعدها هي غيكون سيهم إلياس ..!
خلي قلبك كي البحر ما يشرب منو غير الغارق ا نوارة الحدود .. فالمقصود هنا هو حتى يلا تهنات من داك الكحولية لي فحياتها .. تبقى ديما هاكا .. غامضة و صعيب تتفهم ..! ما تكونش بحال الرغوة د البحر أي واحد يجي يلعب فيها و لكن تكون هي الجهة الغارقة د البحر لي ما يوصلها غير لي غرق فيها و شاف معندها ..! و يلا غرَّق و شرب من ماها .. غيكون بوحدو و ما مشاركها معاه حتى حد ..! و بهذا ما غتكونش فرطات بقلبها لأي واحد .. و هاذشي كامل نقدرو نلخصوه فنوارة الحدود ..!
********************************
دور الشباب كاينين فكل مدينة و بادية فالمغرب .. فيهم قادة و مسؤولين كينظموو الدراري و البنات لي كيجييو ينشطوو معاهم ..! كيهتاموو بالمواهب و يطوروهم .. من غناء لمسرح لكتابة شعر و الرقص و مختلف المواهب بصفة عامة ..!
كاينين منظمات كل وحدة و أنشطتها و قوانينها و من بين هاذ المنظمات .. كنلقاو " منظمة كشاف الأطلس " لي أعرافها خاصين نوعا ما و مزيرين بزاااف فشي حوايج لي غنكتاشفوهم بالتدريج ..!
مخيمهم كيدوز مميز و كيكون مرة وحدة فالعام عكس باقي المنظمات لي كيمشييو حتى عشرة د المرات ..!
كلاكصونا كيضربلهم فالضوو حتى فتحوولوو الباب و دخل ..! المكان عبارة على وحدة من التعاونيات لقدام و لي دولة عطاتها للمندوب الجهوي د الكشافة هو و الماطريال باش يأطرو داك الأيام لي غيخموو فيهم ..! و هاذ المنظمات بدورهم عندهم تبعية سياس٠ية .. بحيث كيكونوو مع واحد من الاح٠زاب كيدعموه فالانتخ٠ابات و بزاف د الامور ..!
وذن المغرب و طاح الظلام ..! بتعب نزل حكيم هو و شريفة لي كتسرح عينيها باعجاب .. تقريبا مية و خمسين واحد واقفين مرتبين فصفوف غاديين من الصغار للكبار و فاصلين بين البنات و دراري .. كل صف فيه سبعة د الناس .. بزي موحد .. سروال فالكحل و توني فالازرق فالظهر ديالوو الشارة د الكشفية ..! و مقابلين معاهم القادة بأزياء خاصة بيهم تا هما فاللون الرمادي و فكتافهم نجمات على حسب الرتب ..!
الكشافة لي غير شافوو حكيم .. نطقوو كاملين بصوت واحد كيهز الدنيا .. كل كلمة كيلحنوها و يطولوو آخرها ..!
~: شرف .. الله .. يا من .. شرفتونا بالحضور .. جئتم .. شرفتونا أهلا بكم .. فل تعيشوو مسرورين .. جمعنا جمعكم واحد واحد .. كشافة و مرشدات و قائدوووون ..!
حكيم:( عطاهم التحية و شاف فجوج فرقات ديال الدراري .. لكبار فيهم كاملين و بصوت حرش و قوي قال ) جَوووووووووااااال ( jawal )
ردو عليه بصوت موحد و غير كملوو ضربوو فجناب فخاضهم من الجهات بجوج و جمعوو رجليهم بحال العسكر ..!
~: دااااااائمااااا موووووووستعيييييد ( مستعد )
بسعادة شافوو فيه فرحانين بيه و غير ضحك لهم .. جاو عندو كيجريو و هزوه محاميين فيه .. كينقزو و يغنييو مخليين شريفة متعجبة و عاجبها هاذ الجو فنفس الوقت ..!
أسية:( بعدات شوية ) خليك مني .. نتي لي واش مزيانة ؟ خفت عليك بزااااف كن وقعات لك شي حاجة .. غنحماق معاك و زاد حكيم كمل عليا بالخلعة خفتوو يخليك و يمشي بحالوو ..!
شريفة:( تبسمات و هزات عينيها فين وقف ضايرين بيه و هو عاطيهم صوابهم ..! رخات النفس بالجهد و قالت ) المهم دازت على خير ( باستها فحنكها بالجهد ) شكرااا بزاف على لي درتيه .. واخا نعيى ن
أسية:( قاطعاتها ) علاش حنا بيناتنا شكرا ؟ ( ضحكات ضحكة ما واصلاش لعينيها ) المهم دابا حنا مجموعين و حتى واحد فينا ما مقيوص ..!
شريفة:( حركات راسها بشكل دائري بمعنى لهلا يوريك ..! ) يالاه شفتهم بداو يدخلوو ( هزات عينيها فحكيم لي شيرلها تدخل تا هي حتى يجي لعندهم ..! )
أسية:( جراتها معاها بحماس ) أجي نوريك .. هنا كنديرو التجمع .. التجمع هو لي كنا دايرين قبيلة لقيتونا سالينها .. حتى ل غذا و تشوفي كي كيديرولوو هاذشي عندهم زوين
شريفة: هههه اهاه
أسية: هنا تيساعة يلا بغيتي تجلسي .. و هنا فين تغذينا قبيلة .. دابا جمعوو الطبالي كيكونوو حاطينهم و قبالتك البلاصة ديال ديدجي .. النهار كامل و الموسيقى مطلوقة غير وقفات دابا على ما نكملوو و يردوها .. و هنا نيت غيبقاو يديرو السهرات .. هاذشي لي قالولي ..!
شريفة: و فين غنعسوو ؟
أسية: فالبيت مع البنات و لكن ما كيتسماش بيت كنقولوو ليه شالي ههه .. كل واحد و مطلوق ديالوو بحال ناموسية ديال واحد .. رقيقة ديال البونج ..! هاذ الكولوار كيدي لعندنا و كاينة واحد الباب صغيرة كتخرج للساحة لوور ماشي منين دخلتوو .. وحدة اخرى هاذيك ..! و الكولوار لاخور للجهة ديال الدراري الصغار و الكشافة ..!
أسية: على ما شرحولي .. كاينين * الزهرات * و *الأشبال *.. هاذو الوليدات الصغار كاع .. من سبع سنين ل 14 لعام هكاك ..! و كاينين * الكشافة * هما الدراري لي كبر منهم .. حدهم حد 17 لعام .. و عاد الجوالة هاذوك هما الكبار كاع .. لي مشاو عند حكيم هزوه .. و حنا * المرشدات * .. فيهم بنات من 15 العام و نتي طالعة ..!
شريفة: صافي فهمت ( دازو حدا واحد الباب ) امم هاذي الكوزينة و هذا الحمام .. مزيان قرابين للشالي ( سرحات عينيها لبرا كتشوف من الشراجم ) و داك الخيمات ديالمن ..!
أسية: هاذوك ديال الجوالة و القادة الكبار بحال حكيم لي كيكونوو مسؤولين على قادة اخرين .. أما لي شادين غير فرقة كيباتوو مع فرقتهم ..!
أسية: اااه كلشي مفرق .. و كل فرقة و شنوو سميتها .. أنا فالقطة الأليفة .. خاصكي تهضري مع القائدة تزيدك معايا
دفعوو الباب د الشالي لي بيت كبير و مقسم على جوج .. جهة دخلانية كتطل على الساحة اللور هي و شي خيمات و الجهة الثانية على الزنقة ..! فارقين بيناتهم بشراجم ديال ميكة قاسحة كتبين ..!
يالاه قالت بسم الله و نوات تدخل .. شافت وحدة كتنقز بالفرحة ..!
~: حكيييييم جااااااا البنات ناري شحال توحشتوو .. المخيم بلا بيه باسل و غبر علينا .. شحال ما مشى معانا .. اوووهووو هووو حكيييم جااا
شريفة:( عقدات حجبانها و ردات بصوت مسموع لكن مع الصداع ما انتابهوش لها ..! ) بسم الله عليك نتي فالعار النبي .. رخفي فيك النفس لا تحماقي ..!
أسية:( سمعاتها حيث لاسقة فيها ) هههههه غير ميكي من قبيلة و هي تسناه ..!
شريفة:( رمات شعرها موراها ) أنا أصلا قررت نولي أنثى متكاملة .. غنقطع المحرمات و العياذو بالله و نصحح كاع ديكشي الخايب فيا ( حركات راسها بالايجاب ) غنخدم على راسي مزيان و ما غنبقاش نخسر الهضرة .. لي جبدني و عايرني غنقولوو .. اخرس أيها الحق٠ير .. اللع٠نة عليك و على أمثالك .. كف٠٠ار قري٠٠ش ..!
حط الساكادو ديالوو و لي فاليز ديال البنات عندو فالخيمة حتى يدوزهم ليهم ..! تكسل بتعب و حيد التيشورط كيمسح بيه ..!
هاز تيليفونو كيقلب فيه ..! ديرونجاه العميد بليزابيل ديالوو و حلف لا جاوبوو .. حيث عارف يقدرو يحتاجوه و يرجعوه فأي لحظة واخا موقف من الخدمة ..! ما جاتش لبالوو نهائيا تكون كريمة مشات لعندو بكات عليه و طلباتوو يهضر معاه ..!
هز حاجبوو بثقالة و دوز اتصال بولد رقية لي كيتعامل معاه مرة مرة هو و كانتوو ..! كيتحرك فالخيمة كيفما بغى .. عوال يبدل عليه و يرتاح شوية من الطريق عاد يخرج ..! تشد ليه الخط و بصوت مدعدع حرش قال ..!
حكيم: آخر مرة هضرتيلي على داك الهوتة .. شكون مولاها ؟
ولد رقية:( رد بضحكة ) هي تراجعتي على هضرتك ؟ مولاها داك خينا د الفوسفاط .. الكيراني إلياس ..!
حكيم:( هز حاجبوو ) سلك ليه البلان و لا باقي ؟
ولد رقية: وا باقي كنتسناوك .. gلت ليه بلي الدنيا مزيرة و ما عندنا كي نديرو نعاونوه ..!
حكيم:( ببرود رد ) غادي نخدموو هاذ المرة و غنبدلوو المدينة .. فعوط طنجة غتكون الناظور ..! ( نحنح كيسرح حلقوو ) غير هو غنحتاجوو يوقف على شغالوو بيديه .. المهم حتى نجي لكازا و نخلط عليك للبلاصة المعلومة و نهضرو ..!
ولد رقية: مشات ا خاي حكيم .. نتا لي كاين بالرب ..!
حكيم: اممم ..! باقي بلان آخور .. مهدي برادة .. بيني و بينوو حساب .. قلبوو عليه فالرباط و دخلوه بالتريكيل و الباقي خليه عليا .. أنا غنgلك شنوو المعمول ..!
قال كلاموو و قطع راميه فوق البيرو لي تما ..! حسابوو فراسوو بوحدو على داك الجوج و حالف حتى يثوبهم و خصوصا الياس ..! جبد حوايجوو و ديودورون رشها على لحموو لي نقية .. لبس بالزربة عليه .. خارج من تما داير مناقص من شي نعاس .. حيث الوقت زحم حتى لليل و يرتاح فخطرة ..!
تمشى كيخلف جار فكل يد فاليزة ..! تلاقى المنذوب ( هو المسؤول على كلشي ) و بهدوء قال
المندوب: محتاجينك غنديرو اجتماع دابا ..! القادة تفرقوو و كل واحد شد فرقتوو و الشاليات ترتبوو .. جبنا الطريطور و تافقنا معاه على الماكلة هو و الطباخة .. و حتى الطرونسبور لي غيبقى يدينا للبحر نضينا معاه .. بقى غير البروغرام ديال غذا يتقاد و نرتاحوو
حكيم:( رد بهدوء ) لبروغرام غذا و ناقشوه ( شاف فالساعة ) يالاه يكفينا الوقت لسهرة التعارف .. خليهم يرتاحوو يصبح و يفتح ..!
المندوب: واخا أ قائد ..! نتا خلاص خليناك قائد الأقسام .. غتكلف بيهم كاملين ..!
حكيم: ما عليش ..! ( عقد حجبانوو بتساؤل ) الرياضة غتكون هاذ العام و لا والوو ؟
المندوب: موحال .. هاذ الجيل فاشلين بلا والوو عاد يلا زدتيهم نتا بالرياضة ..!
حكيم: المهم .. نخليك هاذ الساعة .. نتلاقاو فالسهرة .. هضر مع الجوالة يقادو الجلسة برا .. جلسة ضايرة و يشعلوو العافية الوسط .. حسن من الداخل ..!
المندوب: يتحط العشا .. نتعشاو و يتقاد كلشي .. نتا رتاح لك هاذ النهار من الطريق غتكون عييتي ..!
حركلوو راسوو بهدوء و ضرب على كتافوو .. مكمل طريقوو تال الشالي ديال المرشدات .. نحنح و دق تا خرجات عندو وحدة من القائدات و علماتهم بلي غيدخل عندهم يتسترو ...!
قلب بعينيه على شريفة و شيرلها تجي لعندو تدي حوايجها .. حتى تسمع صوت نفس البنت د قبيلة و لي صدقات قائدة معاهم ..!
.....: حكييييم أخيرا جيتي لعندنا توحشتك بزاف ..!
بهدوء شافت فيه بنص عين .. بانلها عقد حجبانوو و قلب راسوو معوجوو فالبنت .. قراتها طايرة فالسما بلي غيقمعها شي قمعة تندم على النهار لي عرفاتوو فيه ..!
حكيم:( ببرود قال كيشوف فيها بصرامة ) عاودي شنوو قلتي ؟؟ ( هز حاجبوو بثقالة ) حكيم ؟ كنت كنتسالف أنا و ياك فالكتوبة ؟
حكيم:( هز حاجبوو بثقالة مخرج عينيه فيها ..! ) حكيم ؟ كنت كنتسالف أنا و ياك فالكتوبة ؟
كلشي شاف فيها .. كاينين لي غلباتهم الضحكة و كاينين لي بقات فيهم من التحشيمة لي دارلها حتى تزنكات بغات تطرطق و بصوت مقجوج قالت
....: احم قائد حكيم .. سمحلي ..!
حكيم:( رد ببرود ) قائد أمغار ..!
فهمات بوضوح أنوو كيمعني لها بلي حتى سميتوو ما عندهاش الحق تنطقها .. يكفي تعيط ليه باللقب ديالوو ..!
.....: قائد أمغار ..!
حكيم:( قلب عينيه من جهتها .. ما زادش هضر فالموضوع ..! شاف فيهم كاملين مصغر عينيه و بهدوء قال ) فين هي القطة الأليفة ؟ ( لي فداك الفرقة هزولهم يديه و فكل مرة عيط كتكرر العملية ) الغزالة السريعة ؟
سكت مدة كيفكر و هما كيشوفوو .. مجمعين عليه ..!
حكيم: الفراقي غيتعاودو يتقادو .. هاذشي ما عاجبنيش
بدا كيختار هو على خاطرو .. فرق شريفة على أسية و كل وحدة حطها ففرقة ..! حاط ورقة حداه كيقيد و يهضر
حكيم: شريفة نتي غتكوني العَريفة ف الغزالة السريعة و ابتسام نائبة العريفة ( نفس الشي دارو مع لوخرين ..! و بتوضيح لشريفة لي ما فاهمة حتى لعبة .. قال ) العريفة هي لي كتقاد الطليعة ..! الطليعة هي الصف لي كتديري نتي و فرقتك فأي تجمع او خرجة ..! كتكون هي اللولة و النائبة ديالها اللور .. حاضيين معاهم و مكلفين بيهم .. و شي لاخور دابا تفهموه مع الوقت
شريفة:( ردات بابتسامة ) واخا أ قائد
حكيم:( لعب بلسانوو ففموو ) تسمعوو التصفار .. غتخرجو بالطلائع ديالكم للعشا .. و غتسناو حتى تكمل الفرقة ديالكم ماكلتها و تخرجو كيفما جيتوو ( هز حاجبوو و عطاهم التحية و ردوهالوو )
خداو لي فاليز ديالهم و شافت شريفة فين غتنعس .. كتعرف على البنات لي تما و بهدوء كتقاد فحوايجها و بلاصتها .. و أسية جالسة فالجنب كتنهد .. باقى البكية خانقاها و كل ساعة كترجع تدخل للأنسطا تقرا الميساج .. بحال يلا ما متيقاش داك الجواب و كتتمنى تكون غير كتخيل ..!
شريفة: عجبني الجو هنا .. حتى نتي بانلي ولفتي ياك ا تاسانوو ؟
ضارت عندها كترمش .. شافتها ساكتة عينيها فيهم حزن غريب ..! طلعات تنهيدة من قاع قلبها .. خلات شريفة تعقد حجبانها و تقرب منها .. خطفاتلها التيليفون من بين يديها .. تا قفزات أسية و شداتها باش ما تقراش الميساج ..!
شريفة:( ردات بصرامة ) ياك لباس ؟ وليتي غير ساهية و مهمومة .. تقول مات لك الراجل و خلى لك سبعة د النفوس توكليهم و ما عالم بيك غير الله .. آش هاذ البعر ؟
أسية: غير .. غير جايب لك الله ( كتفتف ) ع عطيني تيليفوني .. عطيني ديالي
شريفة: هاذ التيليفون لي رجعتي غير حاضنة عليه تا هو خرج لنا من الجنب ( هزات حاجبها ) أنا غنشوف شنوو عندك فيه و علاياش دايرة عليه هاذ الحالة كاملة ..!
أسية:( خرجات عينيها فاش دفعاتها باش تفتحوو .. تزاد معاها الزايد و كاع داك الخلعة و الغبينة لي شاداها رجعات لها بالغوات )واااااا بعععععععدييييي منييييي ( مطرطقة عينيها العسلين فيها و وجهها دغيا رجع حمر ) ماااا سوووقكش فيا .. أنا حررررة نديييير لي بغيييييت شوفي غير راسك نتي .. ماااا بقييييتش صغييييرة باش تقلبي مورايا .. واعووووو عطييييني ديااااالييي بعدووو منيييي
عينيها غرغرو بالدموع و صوتها مسموع فالقنت كامل .. كتغوت لربي لي خلقها ..! صدمات شريفة و كاع لي فالشالي .. حاطين يديهم على فمهم كيتفرجوو .. و قبل ما يهضر حتى واحد تسمع من الشرجم لي كيطل على الساحة اللور .. صوت حكيم ..!
حكيم: هاذي لي كتغوت تخرج عندي دابا ( نهض بالجهد ) تحححححركي ..!
بنت المغرب حلاها غير
حتى دلعها والتغلي ذوق
من حسنها كل البنات تغير
مثل القمر دايم مكانه فوق
البنت المغربيه ...
في كل ديرة مثلها مايصير
ما كل مخلوق مثل مخلوق
من شافها قلبه وراها يطير
يتبع غلاها بالغلا والشوق
البنت المغربيه...
في وصفها كل العقول تحير فيها
على كل البنات فروق
أخت القمر تستاهل التقدير والبال
يهدى بشوفها ويروق
البنت المغربيه...
لها على قلبي أنا تأثير
ولها علي غير الحقوق حقوق
البنت المغربيه...
يا وجه الخير
أنتي الهوى والشوق والمعشوق
البنت المغربيه ....البنت المغربيه...
Malika nachet
سكتات صدرها كينهج بالغوات و العصبية لي عمرها كانت فأسية .. بندم شافت فشريفة لي قلبات وجهها و لاحت لها تيليفونها فوق فراشها .. عاطياها بالظهر بمعنى ضبري مخك ...! و حتى هي ما عاوداتهاش معاه فالبلاصة خرجات عندو ..!
مخلية شريفة محروقة من الداخل من الموقف و فنفس الوقت خايفة عليها لا يمشي يضربها ..! قلبها ما هناهاش و وقفات تابعاها .. حتى خرجات فطريقها نفس البنت د قبيلة .. كتطلع و تهبط فيها ..!
....: فين غادية ؟ دوزي تجلسي .. ما كاينش الخروج بوحدك .. خاص حتى تكون معاك قائدتك ..!
شريفة:( خرجات عينيها فيها و قالت ) قائدة و لا قوااادة .. سيري تقو*** عليا من الفهامة الخاوية ( دفعاتها و زادت خارجة ) ما تبقايش تطيري من المقلة .. البعر ..! بقيتيلي غير نتي فالحساب هاذ الساعة ..!
رخات رجليها كتزرب و تقلب بعينيها عليهم .. تفكرات الخيمات و قالت على الأغلب غيكونوو تما .. نمشي و نسول .. لي عندو لسانوو ما يتلف .. و بالفعل بقات كتبحث حتى لقاتها .. وقفات مجنبة كتسمع و تشوف من الجنب ما دايراش الحس ..!
*************************
هز قرعة د الما كبها على راسها كاملة .. تا شهقات مخنووقة و هو عاقد حجبانوو فيها ..!
أسية:( ردات كتمسح الما من وجهها مزنكة ..! ) أنا م ما عرفتش هي لي
حكيم:( قاطعها مجهد صوتوو ) عدددددو ربي لي نهضر معاه و يبدا يتفتف عليا و يضور من هنا و من لهيه .. نطقي مكاااد ( قربلها كثر ) فين مشى صوتك لي عاد كنتي مطرطقاه ؟؟
اسية:( بندم قالت ) ما عرفتش كي درت غوتت عليها .. أنا شريفة كنعزها و هي ( سكتات غالباها البكية )
حكيم:( هز حاجبوو ) يلا كبرتي و فرعنتي ما تكبريش على لي رباتك كتسمعي ..؟ ( كمل بزعفة ) شريفة ما كتتسنى لا منك لا من غيرك شي حاجة .. معزوزة و محطوطة فوق الراس من زمان ..! لي عليك نتي تحتارميها لا غير ..! ( جرها من وذنيها ) نسمعك عليتي عليها صوتك من جديد .. لسانك نجبدولك من بين حلاقمك ( جبدها لها ) كتسمعي ؟
أسية:( ردات شادة فيديه كتبكي ) اااه
حكيم:( زاد جرها و قال ) دابا غترجعي تطلبي منها السماحة قدامهم .. و فاش تسمحلك غتمشي للكوزينة غتلاقاي عقوبتك كتستناك ( طلقها ) تحركي نشوف ( بزعفة ) يااالاااه ..!
شريفة:( بصوت خافت قالت و هي هربانة من تما ) مك يا مك .. ما غتمشي حتى تخليني نطيح فيك .. طيحة الفريت فالموطارد ..!
تسمع صوت التصفار .. بمعنى جا وقت العشا كلشي يخرج ..! و فنفس الوقت دخلات أسية كتحك فيديها مع بعضياتهم وجهها حمر .. حشمانة و خايفة من شريفة .. هي نيت ما حساتش على راسها و الضغط خلاها تنفاجر .. شعرها فازك بالما هو و التيشورط ..!
تلاحت عليها قدامهم كتبكي معنقاها و شريفة قالبة وجهها للجنب .. عاقدة حجبانها ما كتشوفش فيها ..!
أسية: ضربيني و غوتي عليا غير ما تغضبيش مني عااافااك و الله ما نويتها .. سمحيلي ا شريفة عافاك .. سمحي لتاسانوو ديالك .. الله يخليك ليلي .. أنا حماارة ما نساوش .. عافاك ما تهزيش فقلبك مني
شريفة:( حيداتلها يديها و قالت ) لاش كتطلبي السماحة ا لالة ؟ ياك نتي كبرتي و حرة .. صافي ضبري مخك و ديري لي عجبك و يلا رجعت هضرتك راني بحالك
دخلات فيها بكتفها و كملات طريقها .. ما تسنات حتى واحد و ما باغى تشوف او تهضر مع تا حد ..! لمحات حكيم واقف فلخر ديال الكولوار و معاه واحد من القادة لي كان نفسوو * أيوب * .. بهدوء مشات لعندو كترمش فعينيها ..!
أيوب:( شافها فيها و قال ) اهلا اختي .. مرحبا بيك معانا فالمخيم ( لحكيم ) نخليكم أنا هاذ الساعة ..!
خلاهم الراس فالراس واقفين ..! مد حكيم يديه شد فيها و جرها لعندو بالشوية متكي على الحيط موراه و السارية حداه مدرقاه ..! حرك راسوو بهدوء بمعنى مالك ..؟ لكن فريع الراس تابعهم فينما مشاو ..!
.....: شكديري هنا ؟ واش انا غنبقى غير تابعاكم و نجمع فيكم .. سيري للطليعة ديالك و باقي نتفاهموو على قلة الأداب ديالك
شريفة:( قلبات وجهها ) ا بنتي مالك معصبة بوحدك غتطرطقي ؟ غير رخي النفس فيك و سيري شربي كويس دالما بردي بيه و غبري من قدامي قبل ما ندير عقلي فوحدة قد بنتي و نمسح بيها الركاني ديال هاذ المخيم ..!
حكيم:( تقاد فالوقفة و طل عليها ) ياك لباس ا قائدة ؟ كاين ما نقضييو ؟
......: عاد شافتوو .. صدمها ) هضرت معاها و ما حتارماتنيش .. خسرات معايا الهضرة و قللات مني قدام البمات عليا .. خاصها تتأدب و تتعلم القوانين ..!
حكيم:( شاف فشريفة هاز حاجبوو و تا هي لعبات بعينيها مبلقاهم فيه تا حط يديه على كتافها و قال ) هاذي خرجي سوقها .. تا حد ما مسؤول عليها من غيري ( عوج راسوو ببرود ) و المدام عندي شوية حربية .. غتقلبي عليها حسن لك .. و دابا سيري قابلي فرقتك ( خنزر فيها ) و لا الكار لي جابك يردك ( قلب وجهوو ) الفريع د الز**
شريفة:( تبسمات بشفاية كتشوف فيها حتى مشات و بهدوء قالت ) يسحابلي غتغوت عليا على ودها ..!
حكيم:( دوز بيديه على راسوو و رد ) يلا كان غير بحالها الله ينعل طب** مهم جملة .. فعايل الق** ( هز حاجبوو فيها على ديك * على ودها * و بالسوسية قال ) ماديوين تاضوت سلحرير .. ماديوين أكمار سو غيول ..!
حكيم:( ضحك بثقالة و قال ) ياك بعدا ..! ( حك يديه مع ذراعها ) الواليد الله يرحموو كان ديما كيقولي .. اولدي اللحية كتهز اللحية غير للقبر ..!
شريفة:( جمعات حجبانها باستغراب ) شنوو معناتها ؟
حكيم:( شدلها كفها كيخطط فيه بصبعوو ) بمعنى .. الراجل هو لي يكون عوال على راسوو و ما يتسنى حتى حد يصرف عليه و لا يهزو .. نهار يموت تما فين اللحية غتهز اللحية للقبر باش يتدفن لا غير ..! ( هز عينيه فيها ) فهمتي ا فحل كيف البارود ..!
شريفة:( ضحكات و قالت ) و لكن نتا هاز خوتك .. واخا كبرو ؟
حكيم:( صغر عينيه و قال ) باش عرفتيني هازهم ؟
شريفة:( حركات كتافها ) باينة ..! لاحظتها غير داك النهار فاش كنت عندك فالدار ..!
حكيم:( بهدوء قال ) كلها و كيفاش تربى .. واخا يديرو ولادهم غيبقى بالي معاهم ..!
شريفة:( ردات بنبرة حزينة ..! ) غير ما يجيش نهار يخرجوو عينيهم فيك و يقلبوو وجههم بحال عمرك كبرتي الحاجة فراسك و عطيتيها لهم ..! بغيتيهم كثر من أي واحد و كتمنى لهم يكونوو حسن منك و يعيشوو لي نتا تحرمتي منوو على ودهم ..!
تنهدات بصوت مسموع و رجعات التقليقة لي كانت فعينيها أول ما وقفات عليه .. حسها مجروحة من أسية بزاف ..! هزلها راسها فيه و قال ..!
حكيم: بحال هاذشي كيوقع فأي دار ..! ( هز يديه سرحها ) خوتي لي كتهضري عليهم .. نهار كنوضوو لبعضياتنا ما كنفكوها حتى كنشوفوو الد٠م قدامنا .. و غير كنبردو كنرجعوو كيف كنا بحال حتى حاجة ما وقعات ..!
شريفة:( غلباتها الضحكة ) قول نتا لي ما كتوقف حتى تشوف الد٠م و حتى كتبرد عاد كترجع على خاطرك ..!
حكيم:( قلب عينيه بملل ) المهم ..! و هاذشي ما كيعنيش غنكرههم و نحقد عليهم يلا دارولي شي بلان ما هواش ..! ( هز حاجبوو فيها ) ربيها بطريقتك .. و هضرة قلتيها ما ترجعيش فيها واخا تنطابق الارض مع السما ..!
شريفة:( رمشات عينيها بهدوء ) أنا قلبي ما قاسحش بحالك و خصوصا معاها هي ..! ( تنهدات ) أسية عمرها كانت هاكا .. ما فهمتش مالها .. رجعات غير ساهية و حزنانة بلا التيليفون لي ما كتحطوش .. فاش هزيتوو لها ناضت كتغوت .. ركبات فيها الصعرة و هانا رديتولها .. تضبر راسها ..!
حكيم: طبيعي غتتبدل .. راها غادية و كتكبر ( لعب بلسانوو ففموو و قال ) علاش نتي ما تبدلتيش ؟ شريفة د الصغر هي ديال دابا ؟
شريفة: هههههه لا ..! ( صغرات عينيها فيه ) تخيل كن تزوجنا و حنا صغار .. موووحال كنا نتفاهموو انا و ياك فداك الوقت .. شحال ما بقينا غنفرتكوها ..!
حكيم: علاش ؟
شريفة: هكاك ..! احساس و صافي ..!
حكيم:( تبسموو عينيه و بهدوء رد عليها ) أنا بعدا من نهار شفت رجليك .. عرفت راسي غنتفاهم معاك مزيان ..!
شريفة:( غلباتها الضحكة ) هههه رجلي .. علاش ؟
حكيم: أنا لي عارف علاش ..! ( سكت شوية و رجع قال ) حيث نقية ..!
شريفة: اااه هههه زعما النقاوة كتبان منهم هما اللوالة يعني غنكون نقية فكلشي ..! ( حرك راسوو بمعنى اه ) اييه عليها كنتي باغي تحملني .. تديرلي الفلقة بحال يلا برهوشة عندي ست سنين ( ميقات فيه ) كن درتيها عمري فحياتي نسمحلك ..!
حكيم:( رد ببرود ) هه ..! بغيني و لا كرهيني ما كيهمش ( زير بيديه على عنقها ) بالرب حتى عندك الزهر .. لقيتيني بردت .. أما غير لي يقسم مك على الخفة لي فيك ..! وصلتي للفردي كااااع ..!
شريفة: ههههههه وا بغيت نحمقك عليه و صافي ( زادت كتضحك بالجهد ) ههههههههههههههه نلعبووو ههههههههههه شفارة و بوليس أنا وياك ههههههه واااكوااااك الحق ههههههههه
تحنات كتضرب ففخاذها و كترشقوو لكتافوو ..! الدموع د الضحك هابطين لها من جناب عينيها .. جاتها هستيرية حتى ضحكاتوو تا هو ...!
حكيم: هكااااك هههههه ..!
شريفة:( مسحات عينيها كتجمع الضحكة بالتدريج ) ههههه هوووف .. الله يخرج هاذ الضحك على خير .. احم فين خليناها ؟
حكيم:( شافهم بداو يخرجو يتعشاو و رجع تفكر أسية ) تعلمي تشدي فهضرتك .. الولاد ماشي هما لي كيضغطوو علينا و يمشييو هضرتهم ( حط صبعوو على صدرو ) هاذيك خدمتنا حنا ..! هزيتي التيليفون ما غترديهش منين تبدا تغوت .. ما دام هضرات معاك هكاك إلا و راه كاينة شي حاجة خاصك تشوفيها ..!
شريفة:( سكتات كتسمع )
حكيم: و رخي لها الحبل شوية .. تتحمل مسؤوليتها و تخرج تتحك مع الدنيا .. تعرف لي ليها و لي عليها و داك الساعة بسم الله ..!
شريفة: بصح ..! ما بقى لها والوو و تكمل 18 لعام .. شحال قدني نحضي معاها ( تنهدات ) اوديي ..!
جالسة فالكوزينة فوق كرسي عالي مقابلة مع البوطاجي و حداها فالأرض سلة كبيرة عامرة بالبصلة ..!
عينيها حمارو مدمعين بريحتها .. كتهزها تنقيها بالموس و تحطها فوق القطاعة كتقطعها لطراف كبار و تلوحها فالبانيوو ..!
الدنيا عامرة حداها بالحجامة و الطباخة لي كيسربيو لعشا .. و بالتدريج بداو كيمشييو حتى بقات بوحدها .. يديها و عينيها طابوو و قلبها معصور على شريفة لي ما بغاتش تهضر معاها ..!
حطات راسها على البوطاجي كتبكي بصوت عالي حتى سمعات تنحنيحة موراها ..! هزات راسها بوجه حممر .. لقات أيوب واقف كيشوف فيها ..!
أيوب: هذا هو اليوم العالمي للبكاء عندك ؟ ( قرب جلس فوق البوطاجي حداها ..! ) حالفة تغرقيلنا المخيم هاذ النهار بالدموع و لا ؟
أسية:( مدات يديها كتمسحهم ) كيهبطوو بوحدهم هء ..!
أيوب: الله ..! ( حط يديه على راسوو ) كاااارثة هاذي و كي نديرو نفكوها ا الشهيبة ؟ ( شاف فالسلة ) أجي نوريك هاذ الخير كي كنديرولوو ..!
أسية:( ضحكات وسط دموعها ) غتعاونني ههه ؟
أيوب:( ضحك ) يلا بغى الله .. يد وحدة ما كتسفقش على الله نكملوو قبل من السهرة .. حسن ما نصدقوو ناعسين بلا عشا و متظامنين مع افريقيا
أسية: هههه علاش المغرب فين جا ؟
أيوب: وا الأفارقة لي عندهم المجاعة
أسية: وا هما عندهم المجاعة و أنا نبقى بجوعي ؟ اويلي هههه
أيوب: يالاه ا الشعيبية دوزي تتعاوني مع كبور باش تسربييو راسكم ..!
سهرة التعارف الهدف منها كيكون هو كاع الناس لي فالمخيم تتعرف على بعضياتها فاطار الانسجام .. و ما تبقاش داك الحساسية و الدهشة اللولة ..!
فالساحة اللورانية و تحت ضو القمر و الأضواء الخافتة فالجناب .. جالسين فوق الشلي .. دايرين دائرة كبيرة .. و الوسط واقف المندوب كيهضر و يرحب بيهم ..!
كمل و جلس تا هو معاهم ..! كل فرقة معاها القائد ديالها ...! الجوالة و المرشدات منوضينها بيناتهم بالضحك و المعاطية ..! الزهرات معاندين حتى هما .. و كلها و بلانوو ..!
حكيم:( وقف الوسط دايرة حركة بيديه كتعني نقطة نظام .. و بصوت قوي قال ) أقووووووول ...!
الكل: أسسسسسسمع ..!
حكيم:( رد بزعفة عاقد حجبانوو ) ما غنبقاوش نسكتوو فيكم واحد بواحد .. لي عندو شي فرقة يضبطها و لي ما باغيش يحضر يمشي بحالوو ينعس ..!
سكتهم كاملين حتى ما بقى تا حد كيهضر و شريفة كتشوف فيه حاطة رجل على رجل كترمش فعينيها ..! الضوو ضارب فيه و الجو بارد و زوين .. كتسمع لهضرتوو و تتبسم بهداوة .. الكاريزما و لمن عطاها الله ..!
متأكدة النص فهاذو لي هنا طايحين فيه بهيبتوو و رجولتوو الزايدة فالهضرة و الحركات ..! تا شخصيتوو الغامضة و المتقلبة كتلعب دور كبييير و كتخليك لا اراديا يتحرك الفضول ديالك تجاهوو ..!
حكيم:( شير لواحد فيهم ناض بلاصتوو .. عطاه التحية و جلس مخليه كيغني ..! )
عضات على شنافتها كتضحك على الأغنية ..! مشات خولة عندو .. لي كانت بنت صغيرة تكون عندها سبع سنين هكاك ..!
وقفات بلاصتوو كتشطح و هو رجع جلس بحالوو .. مخليها كتغني و تعيط لواحد آخور .. الدربوكة خدامة هي و الايقاع د الأغاني .. خالقينها بيناتهم ..! حتى جات نوبة أيوب .. ينشط .. و نوض أسية .. لي شافت فشريفة بحزن و أسى و قالت كتغني ..!
أسية: أنا .. أنا ..! ( جوج ضربات فصدرها ) أنا أسية ..! ( ضربات من جديد ) عندي وردة ..! ( ضربات تا كتسمع بحال تسفيقة ) وردة حمرة ..! كنهديها لشرييييفة ..!
عوجات فمها و وقفات كتقاد فحوايجها .. ما كتشوفش فيها عكس أسية لي قربات لها بحذر و لسقات عليها معنقاها بجوج يدين كتشهق و تبكي ..!
شريفة:( تنهدات بصوت مسموع و عنقاتها حتى هي كتلمس على شعرها ) آخخخر مرة ا أسية .. آخر مرة ..!
*******************************
كملات السهرة و تموو راجعين يدخلوو ..! قرب حكيم من شريفة لي غير شافتوو ضحكات و قالت
شريفة: ا ترباكا تاكووكا هههههههه هربت ..!
حكيم:( تبسموو عينيه و قال ) سيري تنعسي خليت لك الخيمة ديالي .. غترتاحي فيها حسن لك ... و أنا غننعس مع الدراري ..!
شريفة:( ردات بالنفي ) لا لا غير خليني مع البنات .. بغيت نجرب هاذ الجو ..!
حكيم:( بهدوء قال ) ما غتلقاي حتى مشكل ؟
شريفة:( باستغراب ) مشكل من اينا نووع زعما ما فهمتش ؟
دارتلها طراق للراس .. كيهضر على البول ..! عارفاه حس عليها ما مرة ما جوج و لكن باش كيعجبها فهاذشي كيميك و عندو زايد ناقص .. ماشي برهوش يشد فيها و يضحك عليها .. او حتى يعايرها بيها كيفما كان كيدير إلياس .. بعد المرات ..!
شريفة: اننن لا ماشي مشكل ( رمشات ببطئ و مشات كتزرب ) بون نعيسة ..!
كلاموو يمكن جا عفوي منوو و لكن بالنسبة لها كان قمة الرجولة ..! كيفاش فكر ليها و خاف عليها من الاحراج ..! و حتى هاذ المخيم كامل حاساه جاي ليه غير على ودها .. باش تعيش ديكشي لي ما قدراتش تعيشوو فصغرها .. أما بالنسبة ليه هو .. هاذشي كبر عليه و بزااااف و كيجيه مبرهش ..!
ممتنة ليه و فنفس الوقت باغى تجرب داك لومبيونس لي كتكون بين البنات .. المعاندة و الضحك و التكركير فالليل ..! عارفة مشكل التبول لا ارادي .. كيكون عندها كثير فحالة ما سكرات و شربات بزاف ..!
اما فالأيام العادية و خصوصا منين كتكون نفسيتها مزيانة و كتقطع السوائل قبل من السبعة د العشية ..! كتفيق اونفوغم و ما بيها حتى حاجة ..!
دخلات للشالي هزات حوايجها و رجعات للحمام تبدل .. لبسات بيجامة بسروال طويل و تيشورط نص كم واسع ..! جمعات شعرها و رجعات باش تنعس .. عيات بالطريق و الدوران .. كيبانلها غير الخدية و النعاس هاذ الساعة .. حتى راسها عاطيها الحريق خاصها تكمي ..!
جايا ليوماين ما حطاتوش ففمها و ما عندهاش هاذ الساعة منين تجيبوو و فنفس الوقت ما باغاش تطلبوو من حكيم باش ما ينوضوهاش ..!
باست أسية لي ناعسة حداها و تخشات فبلاصتها .. معجبة من البنات .. العرا لعلك ترضى .. ما كاين غير الشورطات بحال السليبات و تيشورطات سماطي هابطين على الصدر بشوية ..!
قلبات عينيها كتميق حتى لمحات وحدة جايا عندها .. وجهها منور بضحيكة .. ملوية الفولار على راسها ..!
....: نتي شريفة ياك ؟
شريفة:( بهدوء ) هي هاذي ..!
...:( مدات لها يديها ) انا بثينة .. نتي معايا فالفرقة .. مشرفة بيك ا حبيبة و نتمنى يعجبك الجو معانا .. ما تديهاش على ديك الحمقة ما يحسابلهاش قائد أمغار راجلك ..!
شريفة:( تبسمات حانية راسها من كلمة راجلك .. و رجعات شافت فيها كتسلم عليها ..! ) الشرف ليا ا الزيونات ..! ماشي مشكل .. الغلط كيوقع غير هو لي كيحتارم شي واحد كيحتارموو لراسوو .. ماشي لشكون هو او بمن مزوج و لكن مزالة صغيرة ما نديش عليها ..!
و هما باقيين كيهضرو تسمع صوت الضرب بالحجر فالحديد د الشراجم ..! غوتوو البنات غوتة وحدة حتى تقبوو لشريفة وذنيها ..! هي لي بقات جالسة فبلاصتها حدها جرات أسية عندها ..!
بثينة:( وقفات بالزربة ) ما تغوتوش ا البنات .. أنا نمشي نشوف شنوو واقع .. غير بعدوو من حدا الشرجم .. شيماء حضيهم معاك لا يمشييو يتقاسوو أنا جايا
شريفة:( دوزات على شعرها و قالت ) صافي راه ما بقى والوو .. غيكونوو حلوو المشكل ( عقدات حجبانها ) بففف حكيم برا عنداك يكون تقاس ..! ( طبطبات عليها ) تسناي نوض نشوفوو ..!
وقفات و مشات لواحد الباب كتخرج للساحة .. سمعات صوت الكلاب و تكمشات مع الحيط مجنبة .. تا وصلات لوسط الساحة لي عامرة غير بالرجال .. منهم قادة و منهم جوالة .. حارسين تما ..!
لمحها واقفة ببيجامتها المستورة و شعرها مجموع سفنجة مرخوفة ..! ريح خفيف ضارب كيحرك لها الخلفة القدامية د شعرها ... ما حسات بيه حتى جرها من لوور مطرطق فيها عينيه و بعصبية قال ..!
حكيم: شكاديري هنا ؟؟؟ ( عض على فموو و قال مورك على الحروف ) غترجعي تتقو** من جيتي و لا غنعصر مك هنا ( جهد صوتوو ) تححححركي ..!
ما خلالهاش الفرصة فين تجاوبوو .. فالبلاصة جرها من يديها مرجعها للشالي .. تلاقى ببثينة فالطريق و بغضب قال
عضات على فمها و نترات يديها منوو .. دايزة فيه للداخل كتبركم ..!
شريفة: على بنادم كي داير تفوو
أسية: تلاقيتيه ؟
شريفة: تا داك العجل كيتضرب و لا يتقاس .. ضارباه تالافة غير بوحدو .. انا لي حمقة ماشية عندو .. تفوو ( زدحات راسها نعسات و طلعات عليها ليزار مغطية ) بون نعيسة تاسانوو ..!
بثينة:( مدة قليلة و تبعاتها .. دخلات و قالت كتشوف فيهم ) ما تخافوش راه القادة دايرين حراسة غير نعسوو مرتاحين .. و نقصوو البنات من العرا شوية .. هاذ الجهة محافضة بزاف .. فاش شافوكم تصدموو و بداو يضربوو بالحجر .. تا تبعهم قائد أمغار و شد واحد فيهم هضر معاه ..!
شريفة:( هزات راسها ) هضر معاه ؟؟ ( فنفسها .. على هذاك كيعرف يهضر بلا ما يخدم يديه ..! )
بثينة: ااه هضر معاه و عرض عليهم يجييو عندنا يحضرو للأنشطة و شرحلوو شنوو كنديرو هنا .. و بلي ما جايينش نديرو الفتنة كيفما تصورلهم هما .. اما كن تضاربوو معاهم كن جابوو صحابهم و هجموو ثاني ..!
شريفة: اه بون ..!
بثينة: يالاه تقادو فبلايصكم ا البنات باش نطفي الضوو نعسوو .. عندنا الفياق بكري غذا .. عولوو السبعة د الصباح تفيقوو .. السبعة و نص كيكون التجمع عاد الفطور ..!
تقادو فبلايصهم و طفاو الضوو نعسوو و أولهم شريفة لي عيات بالجهد و الطريق د الحسيمة صعيبة كتدوخ ..! بعد ساعات تسمعوو ضحكات خفاف فالأرجاء و صوت الخطوات كيقربوو للبنات لي ناعسيين ..!
عرس الذيب الجزء 14
محتوى القصة
شريفة:( بسعادة قالت كتشوف فسيد الرجال ) نديرو حنينة باش ربي يحن علينا ..!
حكيم:( غمض عينيه و رجع فتحهم ) بصحتك ..!
حناتلها صبيع بنقش خفيف عصري كيفما اختارت شريفة .. لي فرحات بيه بحال داك البنيتة الصغيرة لي عطاوها طرف د الحلوة ..! و حتى حكيم ما عطلهاش و دوزها خذات حلوة د مولاي دريس باش تكمل الصورة و ما تخرج من فاس حتى تكون ذات الذواقة ..!
ذاقت من جميع الاشكال .. المعسلة باللوز .. د كاوكاو .. دالنوكا و أخيرا د الزنجلان ..!
شريفة:( عطاتوو طرف دالحلوة لفموو .. كتمشى حاضية مع حنتها و مستمتعة بالأجواء ) حلي باش تولي ا الغالي ..!
حكيم:( خذا من يديها و عضها بشوية فصبعها حتى هرباتوو كتضحك .. شاد عليها البواطة و عينيه مبسمين معاها ..! ) شنوو قلتي ؟ ( شافت فيه باستغراب ) شكون الغالي ؟
شريفة:( ضحكات حتى تغمضوو عينيها ) ااااه هههههه نتا ( مصات فمها من الحلوة كترمش بهدوء ) من ديما غالي و غتبقى غالي .. و نقولك ؟ فرحت بزاف فاش رجعت تلاقيتك من جديد ..! كنتي و غتبقى أحسن ذكرى فحياتي ( حطات عينيها فعينيه ) غالي و ما تصورش قداش ..!
كلامها عنى ليه لدرجة ما تصورش واخا كان عفوي من جهتها ..! جرها بعدها من طريق و تحنى باسلها جبهتها مغمض عينيه و شفايفوو سخان محطوطين على جلدها .. احساس غريب اجتاحها فهاذ اللحظة ..!
الفترة لي عاشرات حكيم عرفات فيها بلي ما عندوش مع الهضرة و ما كيعرفش يعبر فاش كيكون فرحان عكس فاش كيتعصب ..! لكن كيحاول يبين امتنانوو بأفعال ملموسة ..!
حكيم:( بعد عليها شوية و بنبرة صوت خاترة قال ) الملح يبنن الطعام والصح يبنن الكلام ( حط يديه على صدرو ) و باقي الزمان يوريك غلاوتك عندي ..!
شريفة:( ضحكات حانية راسها و قالت ) أجي نشوف واحد الحاجة فهاذ المحل ..!
حرك راسوو بالايجاب و دخل معاها كيسرح فعينيه بهدوء ..! المحل مختص فالملابس الرجالية التقليدية .. عقد حجبانوو باستغراب كيشوف فيها .. هي لي قالت للبنت المكلفة ..!
شريفة: بغيت بحال هاذ جابادور فالبلوو غوايال على قياسوو ( شيرات لحكيم و قربات منوو بابتسامة من بعد ما مشات البنت تجيبلها شنوو طلبات ) ناخذولك الباروك ..!
حكيم: ما كاين لاش .. شوفي نتي يلا عجباتك شي حاجة فالطريق خوذيها ..!
قاطعاتهم البنت لي جبدات البياسة مداتها لحكيم .. خداها من عندها و دخل يقيص تحت اصرار شريفة لي بقات كتاوي فالثمن حتى خرج لعندها ..! الجبادور جاه عبار بحال يلا مخيط عليه .. الكتاف مجبدين و الصدر مدفوع بتكلظيمة ..! و كيبقى احسن لباس هو اللباس التقليدي .. النخوة .. الهمة و الشان ..!
هربات عينيها لجهة المعلم .. بانلها ديكشي مطراسي و مجبد عليه الثوب ..! خرجاتلها ضحكة خفيفة و غير حسات على راسها فين كتشوف .. هزات عينيها فيه كتلف بالهضرة ..!
شريفة: ما بغات تنقص والوو ( قربات منوو كتضحك ) غتطيح عليك هاذ السفرة بغسيل الفندق ..! غير النهار لول و جيابك قربوو يتساسوو ..!
حكيم:( تبسم ) كلشي ديالك ( بصوت خافت كمل ) اللحم .. العظم .. الجيب و الز** لي حداه ..!
شريفة:( خرجات عينيها فيه عرفاتوو عايق بيها .. تزنكوو حناكها حشمانة منوو و غالباها الضحكة .. حطات راسها على صدرو مخبعة وجهها ) ههههههه حكيم هو حكيم ..!
حط يديه على راسها بعينيه مبسمين كيشوف فالنقش ديال يديها لي حاطاها على ذراعوو ..! هزها لعندوو كيشوف فيها .. بدات كتفتت شوية خارجة لها أورونجية مع بياض لحمها ..!
حكيم: شوية من الحنة و شوية من رطوبية اليدين ( غمزها بثقالة ) الحناني و القلب الهاني ..!
متكية فوق السداري هازة تيليفونها مخشعة كتشاطي مع هذا و ذاك .. خالقاها غير مع راسها ..! حتى طلع لها أبوني جديد فالحساب د عدنان .. ساطت النفس و دخلات قبلات الكونط كتمتم
ملاك: هانا على عديدين حتى هو ولاو البنات طايحين عليه كي الشتا .. ما كاين غير متابعة تابعة ختها .. اي هاي على سي الفقيه ..!
هزات عينيها فحبيبة لي جلسات قدامها و بصوت رقيوق غوتات حتى خلعاتها
ملاك: مااااااماااااا
حبيبة:( شدات على قلبها ) يعطيك الغمة ا بنتي .. سكتيلي الحس و عاد ارتاحي
ملاك: وا عيييت بغيت نسافر حتى أنا ( دلات شنايفها ) علاش حكيم ما دانيش معاه .. شنوو غنبقى ندير انا مع الشارفات ؟
حبيبة:( خرجات فيها عينيها ) دابا أنا شارفة ؟ ( قرصاتها فيديها ) و لا قد القب قد السطل .. ادوييي ا بوبريصة ..!
ملاك: اححح طلقي طلقي ( رخات منها و قربات عندها كتفشش عليها ) صافي رجعت بوبريصة أ حبيبة قلبي .. ما بقيتش عسولة ديالك ا مامي الغزالة ..!
حبيبة:( ضحكات و عنقاتها ) الفشوش و شكديريلهم ابنتي ..! ( باستها ) توحشتك ا ماما .. خليتيني بوحدي بين ربعة د الحيوط .. كنت غنهبل ..!
ملاك:( زيرات عليها ) حتى أنا و يالاه نسافرو ا ماما .. نمشييوو غير لأكادير نتبحرو مالنا ما عليناش الله ..!
حبيبة: سيدنا رمضان ما بقالوو والوو و محمد أمين باغي يدير دارو قبل ما يدخل .. تابعنا التوجاد للخطبة و الرشيم و عاد العرس ( تنهدات ) ايوا نكملوو هاذ الحريرة و يحن الله ..!
ملاك: وا نسبقوو السفر هو لول و منين نجييو نبداو التوجاد .. رمضان راه مزال ليه 45 يوم ..! ( هزات تيليفونها طلع لها مسج فالأنسطا .. دخلات كتبقشش فيه و تهضر ) فوقاش تافقوو على الخطبة ؟
حبيبة: من هنا جوج سيمانات على ما يجي حكيم من السفر عاود ( تنهدات بصوت مسموع ) احاااح فوقاش يتهنى فحياتوو تا هو .. قلبي حارقني عليه و ما لقيت ليه جهد .. الله يهديه على راسوو هذا ما نقول ..!
ملاك:( طلعات vu للمسج عاد عوالة تقراه و بعينين مصغرين شافت فحبيبة ) ا ربي هذاك وجهك و لا مسلفاه ؟ ياك نتي لي ملسقة فيه داك العقوبة ..! غير نوضي جري على راسك ا ماما ما تكون غير دارتلك حتى نتي باخا .. باش لي قالت تقولي واخا ههه ..!
حبيبة:( حركات راسها بالنفي ) ما بغيتوش تفهموني .. أنا بنتوو لي فكرشها لي هازالها الهم .. نهار تولدها ما نعرفها من هنا لهنا .. باركة عليا غير حفيدتي .. واخا بغيتها تتربى بيناتهم بجوج .. ولايني يلا كانوو غيربيوها وسط الصداع و المشاكيل مناقص منها عيشة ..!
ملاك: حتى يخليها لها .. يسحابلك حكيم ساكت لها غير هكاك ؟ ( علمات فالحيط ) يلا خلى لها لبنت هانا هانتي و قولي ماري قالت ..! و تا محمد أمين هضر معاه على النهار لي شدوها عند الفقيه و جاوبها ليه للكوميسارية ..! قالوو راه المحضر تكتب و لكن ما تدفعش و بقى عندو .. حيث يلا تقيد خاصها تدوز القليلة 48 ساعة تما و هي كان شادها الحريق .. سيفط مور باها و تبرا ليه قالوو ها أمانتك و لي بيني و بينها اليوم تحد و حرام عليا ليوم الدين لا باقي دخلات عليا مراة ..!
حبيبة:( تنهدات ) كيبقى فيا غير باها .. راجل الله يعمرها دار مسكين .. لا حول و لا قوة إلا بالله ..!
ملاك: حتى كريمة فاش يديرلها حكيم صابونة يزلق فيها جمل .. غتولي الله يعمرها دار تا هي ( هزات كتافها ) لي ما رباوه واليديه يربيه المخزن ..!
حبيبة:( ضرباتها لراسها ) هاذ فلفلة حارة هاذي .. الدم د سنانك كريمة ..!
ملاك: هههههه خليني ندير فيها اللوسة السوسة ( شدات على قلبها ) الله يعطيني عكوزة بحالك توقف معايا فوجه ولادها واخا نكون أنا لي غالطة .. اودي غير لي يشبع فيك بوسان
ملاك:( شدات على قلبها ) الله يعطيني عكوزة بحالك توقف معايا فوجه ولادها واخا نكون أنا لي غالطة .. اودي غير لي يشبع فيك بوسان
حبيبة: ههههههه حمقة ( طبطبات على يديها ) ذنوب بنات الناس ا ماري صعاب فوقما تخيلي و انا ما قادراش عليهم .. ولادي مني و فيا .. شنوو ما درت لهم ما غيهزوش فقلبهم من جيهتي و عمرهم يخطاوني .. ماشي بحال ..!
ملاك:( باستها ) و حتى عروستك كتحماق عليك .. فينما ندوز عندها للكابيني ديالها ( بسمة طبيبة ..! ) كتسلم عليك و تعاود .. ضريفة بسمة مسكينة ..!
حبيبة: ايوا لهلا يحاشمنا يا ربي .. و باقي الخير و البركة فالطريق .. نشوفوو مغرفة عدنان و خليل شنوو غتهزلهم حتى هما و عاد المفششة ديالنا عسيلة خوتها ( بحب ) الله يعطيكم ا وليداتي سعد حسن من سعدي و يهني بالكم و بالي عليكم
ملاك: هههه أميييين يا ربي ( هزات التيليفون عاد غتقرا المسج .. لي جايها من كونط باسم " جميلة الجميلات " )
~: غلطت و صححت الغلط ديالي و طلبت منك السماحة .. كنت كنتسنى الكلمة الطيبة منك .. كيفما كتبين للناس من بوسطاتك .. ساعة كلشي نفاق فنفاق ..!
ملاك:( عقدات حجبانها و بصوت خافت قالت ) هاذ الفقيه حتى هو عندو المعجبات قالك .. اش داني أنا نقبل و لا نمسح شي وحدة من لول ( هزات كتافها ) نعطيه الكونط ديالوو و يضبر محاينوو فيه و نرجع نخدم الانسطا ديالي حسن ( سكتات شوية ) ايييه ا ماري باش يخرجلك داك الزمر د حسام من الجنب ثاني .. غير تحطي شي حاجة يمشي يشكم بيك لحكيم .. تفوو داير كي فاطنة البركاكة هاذشي لي مقابل ..!
حبيبة:( سمعاتها كتبركم ) ا مالك ثاني ؟ معامن شاداها ؟
ملاك: حتى واحد كنهضر بوحدي ما نهضرش ؟ ( سكتات كتكتب فمسج مغزفة ) ما بقيتوو تعرفوو لا لي مزوج لا لي خاطب لا لي خاطيه هاذ الضسارة ديال البراهش .. بلا ما تبقاي تنقزي بلا سليب .. يلا كتعرفي فالدين ما تسيفطيليش من لول ما انا خوك ما انا باك باش تغلطي فيا .. كثرتوو ..!
سيفطاتوو و رجعات سيبخيمات الصداقة بيناتهم و كون كان البلوك فالانسطا كون بلوكاتها ..!
********************************
هزات عينيها فيه بابتسامة .. جالسة حاطة رجل على رجل كتلعب فشعرها و الحنة فيديها بذات كتطلق اللون شوية بشوية ..!
الفراش بلدي بتلامط الخريبة و الطبالي و الكوانات د الخشب ثقال منقوشين هما و الجبص لي فالسقف .. داخل بحال القبة ..! مع زليج بلدي فالأزرق فالحيوط ..!
شريفة: زوين هاذ الرياض و احسن حاجة ما كاينينش الناس بزاف .. تاكل و تصور بخاطرك ما كاين لي يبرزطك ..!
حكيم:( جلس حداها موسع بين رجليه و حاط يديه موراها بحال يلا معنقها ..! ) ها هما غيوجدولك الرفيسة لي بغيتي ( شاف فساعتوو ) نتغذاو و نشدو الطريق .. تعطلنا ..!
شريفة: قلتي لهم بالمساخن ؟ ( ضحكات ) يلا جامعين شي برد ليوم نتهناو منوو .. كيسخنوو بالمزيان ..!
حكيم:( هز حاجبوو مطمر ) و يلا سخن علينا الراس و خشينا يدينا فالغيران كنقلبوو تا عضنا الحنش ( غمزها بثقالة ) شنوو نديرو ساعتها ؟
ضحكات باستغراب .. واخا هي فاهماه مزيان شنوو بغى يقول و لكن باغية تشد الموضوع هنا قبل ما يصدقوو منوضينها بيناتهم ..!
شريفة: ما فهمتش شنوو قصدتي ؟
حكيم: والوو ما ديريش فبالك .. غير كنهضر ..! ( دوز يديه على ظهرها ) مرتاحة ؟
شريفة:( بسعادة قالت ) بزاااااف
تسمع صوت الكيطار هو و البيانوو كيتعزفو فقلب الرياض مرافقين بدندنات شاب كيغني باحساس ..!
" أ يا عمري يشهد ربي .. مزال ما نسيتك اااه .. من نهار لي حبيتك اااه .. واخا خليتيني و خليتك اااه .. راكي عايشة فقلبي تووجوغ .. بوغطون نبغيك جيسكا لاموغ "
ضحكات كتسمع للأغنية و مرة مرة كتضرب لحكيم فكف يديه .. خالقينها بيناتهم تا تحط لهم الغذا لي عبارة على كصعة ديال الرفيسة .. متولة على حقها و طريقها ..!
شريفة:( غمضات عينيها و قالت ) احححح على ريحة ( هزات فورشيطة و مداتلوو تا هو ) هاك بسم الله ..!
حكيم:( حط الفورشيط فوق الطبلة و قال و هو كيلكم بيديه ) هاذي هاكا كياكلوها الناس .. خلي البريستيج لوقتوو ( عطاها لقمة لفمها كلاتها كتسوط من السخونية )
شريفة:( ضحكات و قربات تا هي كتاكل بيديها ) لا نتا معاك الحياة .. راني غنولف و توحل فيا ... اممم جيني للماكلة و رجع لوور
حكيم:( قال كيضحك ) عولي ما غتنوضي من هنا حتى تلحسي الطباسل .. راني حاط عليك فلوسي عنداك تضيعيني هه ..!
شريفة:( ضرباتوو بيدها الثانية لكتفوو ) هههههههه لي يسمعك يقول بصح هذا غير شي مقشاش الدرهم ما يخرجوو حتى يعدف لك الجرة ..!
حكيم:( ضحك هاز حاجبوو ) وا راه الفلوس هاذو .. مالنا كنطبعوهم ؟
شريفة: اودي الجودة من الجدود ماشي من الموجود لي سخي سخي ..! ( سكتات كتمضغ تا كملات و رجعات قالت ) ما داروش المساخن و حتى العطرية ناقصة بزاف .. حسيتي بيها و لا غير أنا ..؟
حكيم: ما عندهمش المساخن و العطرية أنا لي قلتها لهم .. هاكا و راه كثيرة .. ما مزياناش للصحة ..!
هزات كتافها بفهم و كملات غذاها .. دخلوو فالكصعة طول و عرض .. هي وكالة و عزازين عليها الشهيوات .. كتمذق و تلذذ بالشوية عليها ما تابعاها حتى حاجة ..! و حكيم قالها ما كتعرفيش ..! ضرب التريبل ( ×3 ) ديالها عاد رجع لوور .. مخليها مبهوطة فيه و كتقول تبااااارك الله .. وا معذورو ما يكون مربي الصحة ..! يهزك و يهرب بيك ا شريفة و تجيه بحال الريشة ..!
حكيم: الحمد لله ( شاف فيها ) شبعتي ؟
شريفة:( طلعات النفس بصعوبة ) قول تبلوكيت .. بقيت معاندة معاك حتى شديت التنافس هههه
حكيم:( وقف و قال ) بالصحة .. يالاه تمشي الحمام باش نتوكلوو بحالنا ..!
زادت قداموو تال الحمام .. دخلات هي لجهة د العيالات و حكيم للرجال .. غسلات و قادات راسها و شعرها .. كترمش بهدوء فالمرايا حتى وقفات حداها وحدة كتعكر و تدندن بأغنية اسبانية ..!
بعفوية شافت فيها شريفة و قلبات عينيها .. لكن سرعان ما ولات ضورات راسها جهتها عاقدة حجبانها ..! البنت كتشبه لها لدرجة غرييييبة .. ملامح الشبه واضحة بشكل كبير ...!
بلا ما تحس لقات راسها متبعاها بعينيها ..! الاحساس لي كتشوفي بيه شي واحد لأول مرة و لكن كتقولي فايتة شفتوو و لا كنعرفوو واقيلة غير ما عقلتش .. نفسوو لي خلاها تركز معاها تا سمعاتها كتهضر فالتيليفون ..!
....: وي papa أنا ف wc ( الحمام ) .. سيفغي جيتوو ؟ اوك أنا خارجة لعندكم .. بيزو ..!
خرجات من حداها كتزرب فالمشية ..! أما شريفة غير فاتت الدهشة اللولة رجعات قلبات عينيها للمرايا كتتأكد واش كلشي مقاد هو هذاك ..! جبدات نظاظر د الشمش دارتهم فوق راسها و خرجات من الحمام كتقلب على حكيم .. حتى لمحات نفس البنت واقفة حدا الساقية د الما ..!
حاطة يديها على كريشة د بنت اخرى واقفة قدامها بكسوة قصيرة مطراسية مع كرشها المنفوخة .. لي باينة من حجمها تكون عندها داك سبع شهور ..! خلطوو عليهم جوج رجال .. واحد شاب فمنتصف التلاثينات و الآخر كبير فالعمر .. لكن مهلي فراسوو و شاد صحتوو ..!
لابس دجين واسع و قاميجة د الثوب طويلة هابطة على كرشوو لي خارجة ليه شوية ..! داير نظاظر كوحل ديال رايبان و كيضحك بسعادة .. كلهم مركزين فكرش البنت و هي جايبة فشوشها عليهم .. بلهجة مخلطة ما بين الداريجة و الاسبانية و الفرنسية ..!
قارنات الشبه بين البنات و الراجل و بينها هي و بابتسامة استهزاء و برود تام قلبات وجهها جهة حكيم لي حط يدوو على كتفها .. هاز ديكشي لي شراو فيديه الثانية ..!
حكيم:( بهدوء ) مشينا ؟
شريفة:( ردات بابتسامة ) نتصورو بعدا و نمشييو ..!
بفرحة مشات لجهة البيانوو و جلسات بالنخوة حاطة رجل على رجل .. مبتسمة ابتسامة خفيفة و مهبطة عينيها ...!
صورها فالرياض كامل .. مرات بوحدها و مرات معاه .. حتى شبعات و قنعات عاد تموو خارجين بحالهم ..! دازو من قدام نفس الراجل الكبير و لي لبنات بجوج كيديو ليه فالشبه و حتى شريفة لي حسات غيكون باها او واحد من عائلتوو لكن ما تسواقتش عندها زايد ناقص ما باغى تعرفوو ما باغى تشوفوو و حتى الكبدة على شي حاجة سميتها الأب ما كايناش ..!
كبيرة ممكن مأثرة فيها حيث عاشت معاها مدة لكن باها ما عندو حتى بلاصة فحياتها لا دابا لا من بعد فحالة ما تعرفوو على بعضياتهم شي نهار ..!
بعفوية هز عينيه فيها حتى تفيكساو عندها ما قادرش يزعزعهم .. احساس غريب تولد من جهتوو و خلاه يقرب جهتهم و بنبرة صوت عالية عيط ..!
.....: سينيورا ..!
ضارت بالجهد حتى ضار معاها شعرها و ضرب حكيم فوجهوو .. ضحكات ببراءة عاضة على شنافتها
شريفة: هههههه ناري عميييتك ..!
حكيم:( رد بختورية و حركات تقال ) ماشي غير عميتيني ..! ضربتيني على الشعا ..!
شريفة:( زادت ضحكات بحنيكات مزنكين شافت فالراجل و قالت ) نعام ا الشريف ؟
.....: سمحيلي ا بنتي غير شبهتك ( بتساؤل كمل ) واش فايتين تلاقينا و سمحيلي نوبة اخرى حيث وقفتك ..!
شريفة: نوو ما كنعرفكش اول مرة نشوفك ..! ( بهدوء ) ما كاين حتى مشكل .. يخلق الله من الشبه أربعين ..!
.....: وي عندك الصح .. غراسياس سينيورا ..!
رجعات ضارت عند حكيم لي ما علقش على الموضوع نهائيا ..! خرجوو من الرياض و فالباب المقابل معاهم .. كانت محطوطة كصعة ديال الفخار مهرسة .. شافت فيها و نعتات ليه بصبعها ..!
شريفة: عرفتي هاذي المصائب لي يمكن يديرو بيها ..! ( رمشات بهدوء كتتمشى ) السحر لي عمرو يطيح فبالك غير بيها .. و هاذي نصيحة من عندي جات بلا وقت .. و قولها حتى لماماك .. عمر الفخار و ديكشي ديال الطين يترمى فباب الدار .. يتهز و يتلاح لبعيد ..!
حكيم:( عقد حجبانوو باستغراب ) منين كتعرفي نتي هاذشي كامل بعدا ؟
شريفة:( ردات بتوضيح ) باباها د اسية كان ديما كيوصي كبيرة و يعاود على الفخار ما تلوحوش فالباب ..! و كانوو كيجيو عندو العيالات ها لي عندها التوكال و ها لي ساحرينلها كيرقيهم عندنا فالدار ..! كان كيدير واحد الطنجرة عامرة بالما و العشوب مخلطين و كيعطيهم يشربوو ..! أنا غير هاذشي لي بقيت عاقلة عليه و لكن السحر بصفة عامة كنخاف منوو بزاف يقدر يخرج على الواحد فخطرة .. و نهار ملاك جابتلي تصويرتي و داك مونيكات .. تخلعت د بصح و ما عرفت ما ندير .. بحال ديكشي ما نعرف ما نفك فيه ... عليها جيت معاها لعندكم و قلت ماماك غتكون عارفة شنوو خاصني ندير ..!
حكيم:( رد بفهم ) حبيبة تقضي معاك فبحال هاذشي .. و لكن غير بالقرآن ..!
شريفة:( شافت فيه ) و نتا ؟ مور ما عرفتوو كريمة كتسحر لك ما دارت حتى حاجة تفكك بيها ؟
حكيم:( زفر النفس بصوت مسموع .. ما كيبغيش يهضر فهاذ الموضوع ..! ) خاصك تعرفي بلي زواجي بكريمة جا فوقت ماشي تال تم .. كثرة التبرزيط و صافي ( دوز يديه على راسوو ) من اللول ما كناش مفاهمين و قليل فين كناكل من عندها من الديبار .. يلا شربت شي حاجة و صافي .. ما تعمريش راسك بزاف بهاذشي ..!
شريفة: اييوا ..؟
حكيم:( شاف فيها كيحرك فحجبانوو بمعنى شنوو ؟ ) نهار عرفت راه فرقناها بيناتنا ..! و حبيبة تا هي دارت لي عليها و عطيناها الخاطر لي عاطيينوو لك .. و دابا هنينا حتى نتي ..!
شريفة:( ردات فنفسها ) لا باااااين الخاطر ديالك كي داير .. يعطيك موصيبة يا المهتوكة المشروكة .. السحارة ديال كيلوو لارب المدودة الخانزة اتفوو قالك كريمة نتي كان خاصهم يسميوك لحم الراس ( حيث لاسقة عليه بحال لحم الراس ههههه ) ...!
شدوها جبدة ديال الطريق حتى خرجوو فالبطحة .. داز للبنكة هي اللولة مشى عندهم للداخل باش يجبدولوو الفلوس .. حيث الكيشي ما غيخرجلوش كثر من 5000 درهم فالنهار ..!
و غير كمل رجع لعندها نوضها شاد فيها مشابكين يديهم تا دخلوو لعند مول التيليفونات .. سرح عينيه فالفيترينا قداموو و بهدوء قال ..!
حكيم: جبدلنا هذا ا سيموحمد ..! ( زيرات على يديه حتى شاف فيها و حركات راسها بالنفي .. حناكها غيطرطقوو بالسخونية د الشمش زائد الموقف لي حطها فيه .. حشمات منوو بالزايد ..! غمض عينيه و رجع حلهم ..! ) غير قضي ..!
شريفة: لا عافاك .. بلاش حتى ناخذو أنا .. غير دابا ما هازاش معايا .. عيقت عليك و الله ..!
حكيم:( رد هاز حاجبوو ) وااايلي ..! ( حك يديه مع ظهرها ) شوفيه واش صالح لك و يلا ما عجبكش اختاري ها المحل حداك .. يالاه ..!
شريفة: تء ..!
عضات على شنافتها حشمانة كتضور فعينيها .. هزاتوو كتقلبوو و حكيم كيسولوو شحال فيه من ميغا و الخاصيات ديالوو خصوصا الباطري ..! خلاتهم كيتناقشوو حتى سكتوو و شاف فيها
شريفة: صافي مزيان ( رمشات عينيها ببطئ فيه ) عجبني ..!
البائع:( لحكيم ) سلعة نقية و نعطيك الكارونتي عليه يلا وقعلك فيه شي حاجة مرحبا .. نترزقوو الله معاكم و غير ليكم انخليه ب 8800 درهم .. و السوق حداك سول على الثمن د iphone xs max و رد عليا ..!
خرجات عينيها من الثمن .. ما قالت غتخرجلوو هاذ السفرة بغسيل الفندق حتى راها بغسيل الفندق نيت .. بالتيليفون غيكون خسر كثر من مليون هاذ الصباح ..! مصات شنافتها قالبة وجهها للجنب .. ما كتشوفش فحكيم لي كيحط زرقة تابعة ختها و مول المحل كيجمعلها التيليفون فكارطونتوو بكاع الماطريال لي كيمشي معاه ..!
حكيم: هزي رزقك ا مدام ..! ( شاف فمول المحل ) الله المعين ..!
شريفة:( خذاتوو و شدات فذراعوو ) سمحيلي بزاف و الله .. كلفتي راسك ..!
حكيم:( جبدلها نيفها بحركة دلوعة ليها ..! ) حتى حاجة ما تغلى عليك ..!
ضحكات بكياتة و سكتات شادة فيه و حشمانة فنفس الوقت ..! حرك فداخلها أحاسيس الدلع و الغنج من جديد ..! عارفة بلي معاها راجل ديال بصح و متحمل مسؤوليتها كاملة .. ماشي غير بالهضرة و الوعود ..!
هي انسانة بحال جميع النساء .. عندها احاسيس و مشاعر جياشة ما كتحركش بسهولة لأي واحد .. طموحاتها عالية و نفسها فوق الجميع .. لكن كتبقى فداخلها طفلة صغيرة محتاجة لي يرعاها و يحافظ عليها .. شخص تتيق فيه .. تلقى فيه الصديق قبل الحبيب ..! تعيش معاه طفولتها و حتى مراهقتها لي ما قدراتش تعيشهم بحال أيها الناس .. و لكن دابا جا الوقت لي تزهر فيه .. يمكن السكرة لي سكرات كانت أحسن حاجة وقعات معاها ..!
بيها فاقت على راسها و عرفات نتيجة أفعالها فين كانت غتوصلها و الأهم أنها اختاصرات الطريق مع حكيم .. لدرجة كبيرة .. و لحد الساعة ما ندماتش و ما كظنش أنها تقدر تندم شي نهار ..! فرحانة و مرتاحة معاه و عاطياه مساحة كبيرة يكتاسحها فحياتها ..!
بالرغم من أنها متناقضة مع راسها فبعض المواقف لكن هذا شيئ طبيعي حالها حال جميع البشر .. مرة كتبع عقلها و تخطيطاتها و مرات ثانية كتعطي لنفسها فرصة فين تغلب عليها و تعيش حتى هي و اكيد كل ممنوع كيكون مرغوب ..! و مرات كتخلي قلبها هو لي يكيدها و بسعادة كتتأرجح معاه .. و على العموم فجميع الحالات كتكون مستعدة للعواقب و متحملة مسؤولية أفعالها ...!
شريفة:( توسعوو عينيها بدهشة و بحماس كبير قالت ) حكيييييم ..!
حكيم:( تبسموو عينيه و قال ) شنوو حب الخاطر ؟
شريفة:( ضحكات و نعتات ليه بصبعها ) نركبوو تما بلييييز .. عاااافااااااك .. هو يوصلنا للطونوبيل بلاصة ما نركبوو فطاكسي ..!
حكيم:( غلباتوو الضحكة ..! ) بغيتي تركبي فالكوتشي ؟ ( دوز يديه على وجهوو ) يالاه قضي و كان ..!
شريفة: احيييييه ( باستوو بخطفة فحنكوو و هربات كتجري قداموو .. راجعة باللور كتشوف فيه و هو مبسم معاها ) أحسن حكيم فالعااالم ..!
الكوتشي شكلهم تماما بحال العربات د ايام زمان ..! جلسة فخمة على الهواء الطلق .. مجرورة بجوج ديال الخيول لي مهليين فيهم بسرج فألوان مبهجة و أجراس موسيقية فيهم رنة خاصة ..!
توالموو فالثمن و الوجهة و ركبوو بجوج حاطين حداهم لي ساشي و كيسرحوو عينيهم فجمالية مدينة فاس ..! الجو مشمش و هوا خفيف كيضرب فيهم و هما كيجربوو متعة من نوع ثاني ..!
الضحكة ما حيداتش من فمها و هي كتهضر و تقشب مع حكيم لي بدورو مرتاح معاها لأقصى حد ..! تكات عليه براسها و مد يديه جرها عندو معنقاه و هي كتدندن بصوت خافت ..!
شريفة: ما زال ما نسيت الجلسة بفاس .. خيلعة و زريع الكاس ( هزات يديها جبدات عينيها بحال الكحول ) و العين الكحلة يا ناس يجرحوو الكبيدة ..!
حكات حنكها معاه بمعنى الهضرة عليك يا الحاذر عينيك ..!
حكيم:( دوز ابهاموو تحت جفونها و قال بثقالة كيمعني على عينيها ) قطرة العسل كي تطيح على الجرح تداويه ( هزات راسها فيه و هي باقى معنقاه .. كترمش بهدوء ) عيون الظباء ..!
المراهقة كل واحد و باش جاتوو .. لكن فأغلب الاحيان كتخلينا نديرو تصرفات غريبة و ما موالفينهاش ..! الحماس و الاعجاب لي حسات بيه من جهة عدنان أول ما شافتوو .. رجع لها بحرقة كبيرة كتكوي فقلبها و هي كتقرا المسج و تعاود ..!
Adnane amghar : ما بقيتوو تعرفوو لا لي مزوج لا لي خاطب لا لي خاطيه هاذ الضسارة ديال البراهش .. بلا ما تبقاي تنقزي بلا سليب .. يلا كتعرفي فالدين ما تسيفطيليش من لول ما انا خوك ما انا باك باش تغلطي فيا .. كثرتوو ..!
عينيها غرغرو بالدموع .. وجهها مزنك و النفس مخنوق فيها .. عيات صابرة و فلخر ناضت من البيت لي جالسة فيه و خرجات كتسلت حتال برا .. واقفة فالساحة جنب .. كتشهق و تبكي حتى روحها بغات تزهق ..!
قمعة و حرقة خايبة حسات بيها .. بكات تا فشات قلبها و مع هزات راسها لقات * أيوب * القائد لي وصاه حكيم باش ينتابه ليها .. بابتسامة قرب منها و قال ..!
أيوب: هاذ العوينات ماشي د البكى ( حط يديه على راسوو ) علاش كتبكي ا الشهيبة ..!
أسية:( ضحكات وسط دموعها ) ههههه الشهيبة جات بحال الشعيبية
أيوب:( فرنس ) نتي الشعيبية و أنا كبوور هههه ( مد لها يديه تا سلمات عليه و زير عليها ) أنا أيوب .. يلا احتاجيتي اي حاجة سولي عليا و ما تخافيش حكيم اليوم و لا غذا كاع يوصل علينا ..!
أسية:( جرات يديها بالشوية كتمسح دموعها ) واخا شكرا
********************************
حكيم: قطرة العسل كي تطيح على الجرح تداويه ( هزات راسها فيه و هي باقى معنقاه .. كترمش بهدوء ) عيون الظباء ..!
شريفة:( ضحكات حتى تشدو عينيها ) ههههههههههههه باقي عاقل ناريي هه اول واحد يقولها لي و يلاحظها ..!
حكيم:( رد باختصار ) ما كننساش ..!
شريفة:( سهات كتفكر ) عيون الظباء هما عيون الغزال .. كيكونوو كبار و مجبدين .. نهار تلاقينا فأقشور و قلت لك سميتي مها .. شرحتيلي معاناها .. عيون المها ..!
حكيم: اممم شوفي هنا ..! ( جبد تيليفونوو و صورهم ..! )
و مرت الساعات .. طحن فيهم حكيم الطريق بلا توقف .. مركز فالسوكان ساكت و حداه شريفة طالقة الويفي من تيليفونوو لعندها كتبروغرامي فالايفون فرحانة بيه و كتحاول ترد لي كونط ديالها ..! دازو على تازة و كملوو للحسيمة ..!
دخلوو بين الجبال و تما خرجات شريفة راسها من الشرجم مبهوووطة ..! المناظر الطبيعية كي دايرة و الجبال كي مرسومين ..! الطريق ضايرة بحال يلا غاديين فدائرة نتي كتزيدي و نتي كتطلعي كثر .. و الجبال ضايرين بيك من كل جهة و طريق ..!
حكيم: شريفة دخلي من تما ..!
شافت فيه و فصف الطونوبيلات لي قدامها و دخلات .. حاضياه كينقص فالسرعة بالتدريج حتى وقف ..! الآلات ديال الحفير خدامين فالجبال على الجهد باش يوسعوو الطريق .. و واحد من دوك الجبال بدا كيريب .. تقطعات الطريق على ما يتحل المشكل و من زهرهم وقفوو قدام دوار قريب تما ..!
بابتسامة شافت فبنيتات صغار بعاد كيشوفوو فالطونوبيلات و يشير بيديهم فرحانين .. شيراتلهم بيديها تا هي كتضحك ..!
شريفة: نهبط لعندهم ؟
حكيم:( طفى الطونوبيل و حيد الكونطاكط ) انتابهي للطريق شوفي واش ما جاي حتى واحد ..!
نزلوو بجوج شد فيها و قطعوو لعندهم .. مخليها كتهضر معاهم براحتها و هو بعيد شوية .. مدولها البنات تاج دالورد مصوبينوو بيديهم .. باسوها و مشاو بحالهم كيجريوو ..!
شريفة:( قربات منوو حاطاه فوق راسها و دايرة وجهها بين كفوفها كترفرف بعينيها ) دستوور حضرت السلطانة شريفة خانوم ..!
حكيم:( تبسم معاها و حط يديه على راسها و بثقالة قال ) لي يخالط الورد يدي ريحانوو و لي يخالط الفحم يدي كحوليتوو ..! ( غمض عينيه و رجع فتحهم ) خلي قلبك كي البحر ما يشرب منو غير الغارق ا نوارة الحدود ..!
معنى كلاموو كان واضح و باين بالنسبة لشريفة لي كتموت على ضريب المعاني و الهضرة بالألغاز و جا حكيم قالها ما كتعرفيش ..!
لي يخالط الورد يدي ريحانوو و لي يخالط الفحم يدي كحوليتوو قصد بيها .. فاش فرغات قلبها عليه و خالطات لي ترتاح معاه " حكيم " .. فاحت ريحة وردها و الضحكة ما خطاتهاش و ريحانها تنور ..! عكس فاش كانت مع الياس .. عاشت غير فالكحولة و العذاب .. حياتها ضايرة غير على الانت٠قام و جري مورايا نجري موراك و يلا كان شي واحد غيلوموو على حالة شريفة من بعدها هي غيكون سيهم إلياس ..!
خلي قلبك كي البحر ما يشرب منو غير الغارق ا نوارة الحدود .. فالمقصود هنا هو حتى يلا تهنات من داك الكحولية لي فحياتها .. تبقى ديما هاكا .. غامضة و صعيب تتفهم ..! ما تكونش بحال الرغوة د البحر أي واحد يجي يلعب فيها و لكن تكون هي الجهة الغارقة د البحر لي ما يوصلها غير لي غرق فيها و شاف معندها ..! و يلا غرَّق و شرب من ماها .. غيكون بوحدو و ما مشاركها معاه حتى حد ..! و بهذا ما غتكونش فرطات بقلبها لأي واحد .. و هاذشي كامل نقدرو نلخصوه فنوارة الحدود ..!
********************************
دور الشباب كاينين فكل مدينة و بادية فالمغرب .. فيهم قادة و مسؤولين كينظموو الدراري و البنات لي كيجييو ينشطوو معاهم ..! كيهتاموو بالمواهب و يطوروهم .. من غناء لمسرح لكتابة شعر و الرقص و مختلف المواهب بصفة عامة ..!
كاينين منظمات كل وحدة و أنشطتها و قوانينها و من بين هاذ المنظمات .. كنلقاو " منظمة كشاف الأطلس " لي أعرافها خاصين نوعا ما و مزيرين بزاااف فشي حوايج لي غنكتاشفوهم بالتدريج ..!
مخيمهم كيدوز مميز و كيكون مرة وحدة فالعام عكس باقي المنظمات لي كيمشييو حتى عشرة د المرات ..!
كلاكصونا كيضربلهم فالضوو حتى فتحوولوو الباب و دخل ..! المكان عبارة على وحدة من التعاونيات لقدام و لي دولة عطاتها للمندوب الجهوي د الكشافة هو و الماطريال باش يأطرو داك الأيام لي غيخموو فيهم ..! و هاذ المنظمات بدورهم عندهم تبعية سياس٠ية .. بحيث كيكونوو مع واحد من الاح٠زاب كيدعموه فالانتخ٠ابات و بزاف د الامور ..!
وذن المغرب و طاح الظلام ..! بتعب نزل حكيم هو و شريفة لي كتسرح عينيها باعجاب .. تقريبا مية و خمسين واحد واقفين مرتبين فصفوف غاديين من الصغار للكبار و فاصلين بين البنات و دراري .. كل صف فيه سبعة د الناس .. بزي موحد .. سروال فالكحل و توني فالازرق فالظهر ديالوو الشارة د الكشفية ..! و مقابلين معاهم القادة بأزياء خاصة بيهم تا هما فاللون الرمادي و فكتافهم نجمات على حسب الرتب ..!
الكشافة لي غير شافوو حكيم .. نطقوو كاملين بصوت واحد كيهز الدنيا .. كل كلمة كيلحنوها و يطولوو آخرها ..!
~: شرف .. الله .. يا من .. شرفتونا بالحضور .. جئتم .. شرفتونا أهلا بكم .. فل تعيشوو مسرورين .. جمعنا جمعكم واحد واحد .. كشافة و مرشدات و قائدوووون ..!
حكيم:( عطاهم التحية و شاف فجوج فرقات ديال الدراري .. لكبار فيهم كاملين و بصوت حرش و قوي قال ) جَوووووووووااااال ( jawal )
ردو عليه بصوت موحد و غير كملوو ضربوو فجناب فخاضهم من الجهات بجوج و جمعوو رجليهم بحال العسكر ..!
~: دااااااائمااااا موووووووستعيييييد ( مستعد )
بسعادة شافوو فيه فرحانين بيه و غير ضحك لهم .. جاو عندو كيجريو و هزوه محاميين فيه .. كينقزو و يغنييو مخليين شريفة متعجبة و عاجبها هاذ الجو فنفس الوقت ..!
الجوالة: قائدنااا نااا نااا .. نووحبووهوو .. هوو .. هوو .. لأنهوو هووو هووو يحبنااا نااا نااا
شريفة: ههههههه ناري .. مك مك غيطيحوووه ( لمحات أسية جايا عندها كتزرب .. فتحات لها يديها و عنقاتها بالجهد ) تاسانوو .. خليتك بوحدك ( باستها فراسها مزيرة عليها ) ياك نتي مزيانة ؟
أسية:( بعدات شوية ) خليك مني .. نتي لي واش مزيانة ؟ خفت عليك بزااااف كن وقعات لك شي حاجة .. غنحماق معاك و زاد حكيم كمل عليا بالخلعة خفتوو يخليك و يمشي بحالوو ..!
شريفة:( تبسمات و هزات عينيها فين وقف ضايرين بيه و هو عاطيهم صوابهم ..! رخات النفس بالجهد و قالت ) المهم دازت على خير ( باستها فحنكها بالجهد ) شكرااا بزاف على لي درتيه .. واخا نعيى ن
أسية:( قاطعاتها ) علاش حنا بيناتنا شكرا ؟ ( ضحكات ضحكة ما واصلاش لعينيها ) المهم دابا حنا مجموعين و حتى واحد فينا ما مقيوص ..!
شريفة:( حركات راسها بشكل دائري بمعنى لهلا يوريك ..! ) يالاه شفتهم بداو يدخلوو ( هزات عينيها فحكيم لي شيرلها تدخل تا هي حتى يجي لعندهم ..! )
أسية:( جراتها معاها بحماس ) أجي نوريك .. هنا كنديرو التجمع .. التجمع هو لي كنا دايرين قبيلة لقيتونا سالينها .. حتى ل غذا و تشوفي كي كيديرولوو هاذشي عندهم زوين
شريفة: هههه اهاه
أسية: هنا تيساعة يلا بغيتي تجلسي .. و هنا فين تغذينا قبيلة .. دابا جمعوو الطبالي كيكونوو حاطينهم و قبالتك البلاصة ديال ديدجي .. النهار كامل و الموسيقى مطلوقة غير وقفات دابا على ما نكملوو و يردوها .. و هنا نيت غيبقاو يديرو السهرات .. هاذشي لي قالولي ..!
شريفة: و فين غنعسوو ؟
أسية: فالبيت مع البنات و لكن ما كيتسماش بيت كنقولوو ليه شالي ههه .. كل واحد و مطلوق ديالوو بحال ناموسية ديال واحد .. رقيقة ديال البونج ..! هاذ الكولوار كيدي لعندنا و كاينة واحد الباب صغيرة كتخرج للساحة لوور ماشي منين دخلتوو .. وحدة اخرى هاذيك ..! و الكولوار لاخور للجهة ديال الدراري الصغار و الكشافة ..!
شريفة:( ضحكات ) كثرتي عليا تسناي ..! شكون هما الكشافة ؟
أسية: على ما شرحولي .. كاينين * الزهرات * و *الأشبال *.. هاذو الوليدات الصغار كاع .. من سبع سنين ل 14 لعام هكاك ..! و كاينين * الكشافة * هما الدراري لي كبر منهم .. حدهم حد 17 لعام .. و عاد الجوالة هاذوك هما الكبار كاع .. لي مشاو عند حكيم هزوه .. و حنا * المرشدات * .. فيهم بنات من 15 العام و نتي طالعة ..!
شريفة: صافي فهمت ( دازو حدا واحد الباب ) امم هاذي الكوزينة و هذا الحمام .. مزيان قرابين للشالي ( سرحات عينيها لبرا كتشوف من الشراجم ) و داك الخيمات ديالمن ..!
أسية: هاذوك ديال الجوالة و القادة الكبار بحال حكيم لي كيكونوو مسؤولين على قادة اخرين .. أما لي شادين غير فرقة كيباتوو مع فرقتهم ..!
شريفة: اه دابا المرشدات مفرقينهم لفراقي ياك ؟ حيث كثار ..!
أسية: اااه كلشي مفرق .. و كل فرقة و شنوو سميتها .. أنا فالقطة الأليفة .. خاصكي تهضري مع القائدة تزيدك معايا
دفعوو الباب د الشالي لي بيت كبير و مقسم على جوج .. جهة دخلانية كتطل على الساحة اللور هي و شي خيمات و الجهة الثانية على الزنقة ..! فارقين بيناتهم بشراجم ديال ميكة قاسحة كتبين ..!
يالاه قالت بسم الله و نوات تدخل .. شافت وحدة كتنقز بالفرحة ..!
~: حكيييييم جااااااا البنات ناري شحال توحشتوو .. المخيم بلا بيه باسل و غبر علينا .. شحال ما مشى معانا .. اوووهووو هووو حكيييم جااا
شريفة:( عقدات حجبانها و ردات بصوت مسموع لكن مع الصداع ما انتابهوش لها ..! ) بسم الله عليك نتي فالعار النبي .. رخفي فيك النفس لا تحماقي ..!
أسية:( سمعاتها حيث لاسقة فيها ) هههههه غير ميكي من قبيلة و هي تسناه ..!
شريفة:( رمات شعرها موراها ) أنا أصلا قررت نولي أنثى متكاملة .. غنقطع المحرمات و العياذو بالله و نصحح كاع ديكشي الخايب فيا ( حركات راسها بالايجاب ) غنخدم على راسي مزيان و ما غنبقاش نخسر الهضرة .. لي جبدني و عايرني غنقولوو .. اخرس أيها الحق٠ير .. اللع٠نة عليك و على أمثالك .. كف٠٠ار قري٠٠ش ..!
حط الساكادو ديالوو و لي فاليز ديال البنات عندو فالخيمة حتى يدوزهم ليهم ..! تكسل بتعب و حيد التيشورط كيمسح بيه ..!
هاز تيليفونو كيقلب فيه ..! ديرونجاه العميد بليزابيل ديالوو و حلف لا جاوبوو .. حيث عارف يقدرو يحتاجوه و يرجعوه فأي لحظة واخا موقف من الخدمة ..! ما جاتش لبالوو نهائيا تكون كريمة مشات لعندو بكات عليه و طلباتوو يهضر معاه ..!
هز حاجبوو بثقالة و دوز اتصال بولد رقية لي كيتعامل معاه مرة مرة هو و كانتوو ..! كيتحرك فالخيمة كيفما بغى .. عوال يبدل عليه و يرتاح شوية من الطريق عاد يخرج ..! تشد ليه الخط و بصوت مدعدع حرش قال ..!
حكيم: آخر مرة هضرتيلي على داك الهوتة .. شكون مولاها ؟
ولد رقية:( رد بضحكة ) هي تراجعتي على هضرتك ؟ مولاها داك خينا د الفوسفاط .. الكيراني إلياس ..!
حكيم:( هز حاجبوو ) سلك ليه البلان و لا باقي ؟
ولد رقية: وا باقي كنتسناوك .. gلت ليه بلي الدنيا مزيرة و ما عندنا كي نديرو نعاونوه ..!
حكيم:( ببرود رد ) غادي نخدموو هاذ المرة و غنبدلوو المدينة .. فعوط طنجة غتكون الناظور ..! ( نحنح كيسرح حلقوو ) غير هو غنحتاجوو يوقف على شغالوو بيديه .. المهم حتى نجي لكازا و نخلط عليك للبلاصة المعلومة و نهضرو ..!
ولد رقية: مشات ا خاي حكيم .. نتا لي كاين بالرب ..!
حكيم: اممم ..! باقي بلان آخور .. مهدي برادة .. بيني و بينوو حساب .. قلبوو عليه فالرباط و دخلوه بالتريكيل و الباقي خليه عليا .. أنا غنgلك شنوو المعمول ..!
قال كلاموو و قطع راميه فوق البيرو لي تما ..! حسابوو فراسوو بوحدو على داك الجوج و حالف حتى يثوبهم و خصوصا الياس ..! جبد حوايجوو و ديودورون رشها على لحموو لي نقية .. لبس بالزربة عليه .. خارج من تما داير مناقص من شي نعاس .. حيث الوقت زحم حتى لليل و يرتاح فخطرة ..!
تمشى كيخلف جار فكل يد فاليزة ..! تلاقى المنذوب ( هو المسؤول على كلشي ) و بهدوء قال
المندوب: محتاجينك غنديرو اجتماع دابا ..! القادة تفرقوو و كل واحد شد فرقتوو و الشاليات ترتبوو .. جبنا الطريطور و تافقنا معاه على الماكلة هو و الطباخة .. و حتى الطرونسبور لي غيبقى يدينا للبحر نضينا معاه .. بقى غير البروغرام ديال غذا يتقاد و نرتاحوو
حكيم:( رد بهدوء ) لبروغرام غذا و ناقشوه ( شاف فالساعة ) يالاه يكفينا الوقت لسهرة التعارف .. خليهم يرتاحوو يصبح و يفتح ..!
المندوب: واخا أ قائد ..! نتا خلاص خليناك قائد الأقسام .. غتكلف بيهم كاملين ..!
حكيم: ما عليش ..! ( عقد حجبانوو بتساؤل ) الرياضة غتكون هاذ العام و لا والوو ؟
المندوب: موحال .. هاذ الجيل فاشلين بلا والوو عاد يلا زدتيهم نتا بالرياضة ..!
حكيم: المهم .. نخليك هاذ الساعة .. نتلاقاو فالسهرة .. هضر مع الجوالة يقادو الجلسة برا .. جلسة ضايرة و يشعلوو العافية الوسط .. حسن من الداخل ..!
المندوب: يتحط العشا .. نتعشاو و يتقاد كلشي .. نتا رتاح لك هاذ النهار من الطريق غتكون عييتي ..!
حركلوو راسوو بهدوء و ضرب على كتافوو .. مكمل طريقوو تال الشالي ديال المرشدات .. نحنح و دق تا خرجات عندو وحدة من القائدات و علماتهم بلي غيدخل عندهم يتسترو ...!
قلب بعينيه على شريفة و شيرلها تجي لعندو تدي حوايجها .. حتى تسمع صوت نفس البنت د قبيلة و لي صدقات قائدة معاهم ..!
.....: حكييييم أخيرا جيتي لعندنا توحشتك بزاف ..!
بهدوء شافت فيه بنص عين .. بانلها عقد حجبانوو و قلب راسوو معوجوو فالبنت .. قراتها طايرة فالسما بلي غيقمعها شي قمعة تندم على النهار لي عرفاتوو فيه ..!
حكيم:( ببرود قال كيشوف فيها بصرامة ) عاودي شنوو قلتي ؟؟ ( هز حاجبوو بثقالة ) حكيم ؟ كنت كنتسالف أنا و ياك فالكتوبة ؟
حكيم:( هز حاجبوو بثقالة مخرج عينيه فيها ..! ) حكيم ؟ كنت كنتسالف أنا و ياك فالكتوبة ؟
كلشي شاف فيها .. كاينين لي غلباتهم الضحكة و كاينين لي بقات فيهم من التحشيمة لي دارلها حتى تزنكات بغات تطرطق و بصوت مقجوج قالت
....: احم قائد حكيم .. سمحلي ..!
حكيم:( رد ببرود ) قائد أمغار ..!
فهمات بوضوح أنوو كيمعني لها بلي حتى سميتوو ما عندهاش الحق تنطقها .. يكفي تعيط ليه باللقب ديالوو ..!
.....: قائد أمغار ..!
حكيم:( قلب عينيه من جهتها .. ما زادش هضر فالموضوع ..! شاف فيهم كاملين مصغر عينيه و بهدوء قال ) فين هي القطة الأليفة ؟ ( لي فداك الفرقة هزولهم يديه و فكل مرة عيط كتكرر العملية ) الغزالة السريعة ؟
سكت مدة كيفكر و هما كيشوفوو .. مجمعين عليه ..!
حكيم: الفراقي غيتعاودو يتقادو .. هاذشي ما عاجبنيش
بدا كيختار هو على خاطرو .. فرق شريفة على أسية و كل وحدة حطها ففرقة ..! حاط ورقة حداه كيقيد و يهضر
حكيم: شريفة نتي غتكوني العَريفة ف الغزالة السريعة و ابتسام نائبة العريفة ( نفس الشي دارو مع لوخرين ..! و بتوضيح لشريفة لي ما فاهمة حتى لعبة .. قال ) العريفة هي لي كتقاد الطليعة ..! الطليعة هي الصف لي كتديري نتي و فرقتك فأي تجمع او خرجة ..! كتكون هي اللولة و النائبة ديالها اللور .. حاضيين معاهم و مكلفين بيهم .. و شي لاخور دابا تفهموه مع الوقت
شريفة:( ردات بابتسامة ) واخا أ قائد
حكيم:( لعب بلسانوو ففموو ) تسمعوو التصفار .. غتخرجو بالطلائع ديالكم للعشا .. و غتسناو حتى تكمل الفرقة ديالكم ماكلتها و تخرجو كيفما جيتوو ( هز حاجبوو و عطاهم التحية و ردوهالوو )
خداو لي فاليز ديالهم و شافت شريفة فين غتنعس .. كتعرف على البنات لي تما و بهدوء كتقاد فحوايجها و بلاصتها .. و أسية جالسة فالجنب كتنهد .. باقى البكية خانقاها و كل ساعة كترجع تدخل للأنسطا تقرا الميساج .. بحال يلا ما متيقاش داك الجواب و كتتمنى تكون غير كتخيل ..!
شريفة: عجبني الجو هنا .. حتى نتي بانلي ولفتي ياك ا تاسانوو ؟
ضارت عندها كترمش .. شافتها ساكتة عينيها فيهم حزن غريب ..! طلعات تنهيدة من قاع قلبها .. خلات شريفة تعقد حجبانها و تقرب منها .. خطفاتلها التيليفون من بين يديها .. تا قفزات أسية و شداتها باش ما تقراش الميساج ..!
أسية:( بصوت غالباه البكية قالت ) عطيني تيليفوني ا شريفة ..!
شريفة:( ردات بصرامة ) ياك لباس ؟ وليتي غير ساهية و مهمومة .. تقول مات لك الراجل و خلى لك سبعة د النفوس توكليهم و ما عالم بيك غير الله .. آش هاذ البعر ؟
أسية: غير .. غير جايب لك الله ( كتفتف ) ع عطيني تيليفوني .. عطيني ديالي
شريفة: هاذ التيليفون لي رجعتي غير حاضنة عليه تا هو خرج لنا من الجنب ( هزات حاجبها ) أنا غنشوف شنوو عندك فيه و علاياش دايرة عليه هاذ الحالة كاملة ..!
أسية:( خرجات عينيها فاش دفعاتها باش تفتحوو .. تزاد معاها الزايد و كاع داك الخلعة و الغبينة لي شاداها رجعات لها بالغوات )واااااا بعععععععدييييي منييييي ( مطرطقة عينيها العسلين فيها و وجهها دغيا رجع حمر ) ماااا سوووقكش فيا .. أنا حررررة نديييير لي بغيييييت شوفي غير راسك نتي .. ماااا بقييييتش صغييييرة باش تقلبي مورايا .. واعووووو عطييييني ديااااالييي بعدووو منيييي
عينيها غرغرو بالدموع و صوتها مسموع فالقنت كامل .. كتغوت لربي لي خلقها ..! صدمات شريفة و كاع لي فالشالي .. حاطين يديهم على فمهم كيتفرجوو .. و قبل ما يهضر حتى واحد تسمع من الشرجم لي كيطل على الساحة اللور .. صوت حكيم ..!
حكيم: هاذي لي كتغوت تخرج عندي دابا ( نهض بالجهد ) تحححححركي ..!
بنت المغرب حلاها غير
حتى دلعها والتغلي ذوق
من حسنها كل البنات تغير
مثل القمر دايم مكانه فوق
البنت المغربيه ...
في كل ديرة مثلها مايصير
ما كل مخلوق مثل مخلوق
من شافها قلبه وراها يطير
يتبع غلاها بالغلا والشوق
البنت المغربيه...
في وصفها كل العقول تحير فيها
على كل البنات فروق
أخت القمر تستاهل التقدير والبال
يهدى بشوفها ويروق
البنت المغربيه...
لها على قلبي أنا تأثير
ولها علي غير الحقوق حقوق
البنت المغربيه...
يا وجه الخير
أنتي الهوى والشوق والمعشوق
البنت المغربيه ....البنت المغربيه...
Malika nachet
سكتات صدرها كينهج بالغوات و العصبية لي عمرها كانت فأسية .. بندم شافت فشريفة لي قلبات وجهها و لاحت لها تيليفونها فوق فراشها .. عاطياها بالظهر بمعنى ضبري مخك ...! و حتى هي ما عاوداتهاش معاه فالبلاصة خرجات عندو ..!
مخلية شريفة محروقة من الداخل من الموقف و فنفس الوقت خايفة عليها لا يمشي يضربها ..! قلبها ما هناهاش و وقفات تابعاها .. حتى خرجات فطريقها نفس البنت د قبيلة .. كتطلع و تهبط فيها ..!
....: فين غادية ؟ دوزي تجلسي .. ما كاينش الخروج بوحدك .. خاص حتى تكون معاك قائدتك ..!
شريفة:( خرجات عينيها فيها و قالت ) قائدة و لا قوااادة .. سيري تقو*** عليا من الفهامة الخاوية ( دفعاتها و زادت خارجة ) ما تبقايش تطيري من المقلة .. البعر ..! بقيتيلي غير نتي فالحساب هاذ الساعة ..!
رخات رجليها كتزرب و تقلب بعينيها عليهم .. تفكرات الخيمات و قالت على الأغلب غيكونوو تما .. نمشي و نسول .. لي عندو لسانوو ما يتلف .. و بالفعل بقات كتبحث حتى لقاتها .. وقفات مجنبة كتسمع و تشوف من الجنب ما دايراش الحس ..!
*************************
هز قرعة د الما كبها على راسها كاملة .. تا شهقات مخنووقة و هو عاقد حجبانوو فيها ..!
حكيم: برد عليك راسك دابا ؟ ( شيرلها بعينين مخنزرييييين ..! ) شنوو مشكلتك .. ياك لباس ؟
أسية:( ردات كتمسح الما من وجهها مزنكة ..! ) أنا م ما عرفتش هي لي
حكيم:( قاطعها مجهد صوتوو ) عدددددو ربي لي نهضر معاه و يبدا يتفتف عليا و يضور من هنا و من لهيه .. نطقي مكاااد ( قربلها كثر ) فين مشى صوتك لي عاد كنتي مطرطقاه ؟؟
اسية:( بندم قالت ) ما عرفتش كي درت غوتت عليها .. أنا شريفة كنعزها و هي ( سكتات غالباها البكية )
حكيم:( هز حاجبوو ) يلا كبرتي و فرعنتي ما تكبريش على لي رباتك كتسمعي ..؟ ( كمل بزعفة ) شريفة ما كتتسنى لا منك لا من غيرك شي حاجة .. معزوزة و محطوطة فوق الراس من زمان ..! لي عليك نتي تحتارميها لا غير ..! ( جرها من وذنيها ) نسمعك عليتي عليها صوتك من جديد .. لسانك نجبدولك من بين حلاقمك ( جبدها لها ) كتسمعي ؟
أسية:( ردات شادة فيديه كتبكي ) اااه
حكيم:( زاد جرها و قال ) دابا غترجعي تطلبي منها السماحة قدامهم .. و فاش تسمحلك غتمشي للكوزينة غتلاقاي عقوبتك كتستناك ( طلقها ) تحركي نشوف ( بزعفة ) يااالاااه ..!
شريفة:( بصوت خافت قالت و هي هربانة من تما ) مك يا مك .. ما غتمشي حتى تخليني نطيح فيك .. طيحة الفريت فالموطارد ..!
تسمع صوت التصفار .. بمعنى جا وقت العشا كلشي يخرج ..! و فنفس الوقت دخلات أسية كتحك فيديها مع بعضياتهم وجهها حمر .. حشمانة و خايفة من شريفة .. هي نيت ما حساتش على راسها و الضغط خلاها تنفاجر .. شعرها فازك بالما هو و التيشورط ..!
تلاحت عليها قدامهم كتبكي معنقاها و شريفة قالبة وجهها للجنب .. عاقدة حجبانها ما كتشوفش فيها ..!
أسية: ضربيني و غوتي عليا غير ما تغضبيش مني عااافااك و الله ما نويتها .. سمحيلي ا شريفة عافاك .. سمحي لتاسانوو ديالك .. الله يخليك ليلي .. أنا حماارة ما نساوش .. عافاك ما تهزيش فقلبك مني
شريفة:( حيداتلها يديها و قالت ) لاش كتطلبي السماحة ا لالة ؟ ياك نتي كبرتي و حرة .. صافي ضبري مخك و ديري لي عجبك و يلا رجعت هضرتك راني بحالك
دخلات فيها بكتفها و كملات طريقها .. ما تسنات حتى واحد و ما باغى تشوف او تهضر مع تا حد ..! لمحات حكيم واقف فلخر ديال الكولوار و معاه واحد من القادة لي كان نفسوو * أيوب * .. بهدوء مشات لعندو كترمش فعينيها ..!
أيوب:( شافها فيها و قال ) اهلا اختي .. مرحبا بيك معانا فالمخيم ( لحكيم ) نخليكم أنا هاذ الساعة ..!
شريفة:( تبسمات بزز محركة راسها بالايجاب ) شكرا الله يكبر بيك ..!
خلاهم الراس فالراس واقفين ..! مد حكيم يديه شد فيها و جرها لعندو بالشوية متكي على الحيط موراه و السارية حداه مدرقاه ..! حرك راسوو بهدوء بمعنى مالك ..؟ لكن فريع الراس تابعهم فينما مشاو ..!
.....: شكديري هنا ؟ واش انا غنبقى غير تابعاكم و نجمع فيكم .. سيري للطليعة ديالك و باقي نتفاهموو على قلة الأداب ديالك
شريفة:( قلبات وجهها ) ا بنتي مالك معصبة بوحدك غتطرطقي ؟ غير رخي النفس فيك و سيري شربي كويس دالما بردي بيه و غبري من قدامي قبل ما ندير عقلي فوحدة قد بنتي و نمسح بيها الركاني ديال هاذ المخيم ..!
حكيم:( تقاد فالوقفة و طل عليها ) ياك لباس ا قائدة ؟ كاين ما نقضييو ؟
......: عاد شافتوو .. صدمها ) هضرت معاها و ما حتارماتنيش .. خسرات معايا الهضرة و قللات مني قدام البمات عليا .. خاصها تتأدب و تتعلم القوانين ..!
حكيم:( شاف فشريفة هاز حاجبوو و تا هي لعبات بعينيها مبلقاهم فيه تا حط يديه على كتافها و قال ) هاذي خرجي سوقها .. تا حد ما مسؤول عليها من غيري ( عوج راسوو ببرود ) و المدام عندي شوية حربية .. غتقلبي عليها حسن لك .. و دابا سيري قابلي فرقتك ( خنزر فيها ) و لا الكار لي جابك يردك ( قلب وجهوو ) الفريع د الز**
شريفة:( تبسمات بشفاية كتشوف فيها حتى مشات و بهدوء قالت ) يسحابلي غتغوت عليا على ودها ..!
حكيم:( دوز بيديه على راسوو و رد ) يلا كان غير بحالها الله ينعل طب** مهم جملة .. فعايل الق** ( هز حاجبوو فيها على ديك * على ودها * و بالسوسية قال ) ماديوين تاضوت سلحرير .. ماديوين أكمار سو غيول ..!
《 آش جاب الصــوف للحـــرير .. و آش جاب الخيل للحميـــر 》
شريفة:( تبسمات و حطات يديها على صدرو و قالت بالسوسية حتى هي مرققة صوتها .. كترمش فعينيها ) أريتنتحودوت سواوالنك .. أرتينيت أوال زوند تامنت .. أوراتينيت أوال أرتيتحاسبت سنات وال ..! أركاز إكى زوند البارود أربدى يفال إدامن فوغن ديس ..!
《 كتسالي معايا بهضرتك .. كلشي موزون بالثقالة ( ضحكات بخفة ) واخا كتنطق غير العسل ..! راجل فحل كيف البارود ديما كتخلي الد٠م يسيل معاك 》
حكيم:( ضحك بثقالة و قال ) ياك بعدا ..! ( حك يديه مع ذراعها ) الواليد الله يرحموو كان ديما كيقولي .. اولدي اللحية كتهز اللحية غير للقبر ..!
شريفة:( جمعات حجبانها باستغراب ) شنوو معناتها ؟
حكيم:( شدلها كفها كيخطط فيه بصبعوو ) بمعنى .. الراجل هو لي يكون عوال على راسوو و ما يتسنى حتى حد يصرف عليه و لا يهزو .. نهار يموت تما فين اللحية غتهز اللحية للقبر باش يتدفن لا غير ..! ( هز عينيه فيها ) فهمتي ا فحل كيف البارود ..!
شريفة:( ضحكات و قالت ) و لكن نتا هاز خوتك .. واخا كبرو ؟
حكيم:( صغر عينيه و قال ) باش عرفتيني هازهم ؟
شريفة:( حركات كتافها ) باينة ..! لاحظتها غير داك النهار فاش كنت عندك فالدار ..!
حكيم:( بهدوء قال ) كلها و كيفاش تربى .. واخا يديرو ولادهم غيبقى بالي معاهم ..!
شريفة:( ردات بنبرة حزينة ..! ) غير ما يجيش نهار يخرجوو عينيهم فيك و يقلبوو وجههم بحال عمرك كبرتي الحاجة فراسك و عطيتيها لهم ..! بغيتيهم كثر من أي واحد و كتمنى لهم يكونوو حسن منك و يعيشوو لي نتا تحرمتي منوو على ودهم ..!
تنهدات بصوت مسموع و رجعات التقليقة لي كانت فعينيها أول ما وقفات عليه .. حسها مجروحة من أسية بزاف ..! هزلها راسها فيه و قال ..!
حكيم: بحال هاذشي كيوقع فأي دار ..! ( هز يديه سرحها ) خوتي لي كتهضري عليهم .. نهار كنوضوو لبعضياتنا ما كنفكوها حتى كنشوفوو الد٠م قدامنا .. و غير كنبردو كنرجعوو كيف كنا بحال حتى حاجة ما وقعات ..!
شريفة:( غلباتها الضحكة ) قول نتا لي ما كتوقف حتى تشوف الد٠م و حتى كتبرد عاد كترجع على خاطرك ..!
حكيم:( قلب عينيه بملل ) المهم ..! و هاذشي ما كيعنيش غنكرههم و نحقد عليهم يلا دارولي شي بلان ما هواش ..! ( هز حاجبوو فيها ) ربيها بطريقتك .. و هضرة قلتيها ما ترجعيش فيها واخا تنطابق الارض مع السما ..!
شريفة:( رمشات عينيها بهدوء ) أنا قلبي ما قاسحش بحالك و خصوصا معاها هي ..! ( تنهدات ) أسية عمرها كانت هاكا .. ما فهمتش مالها .. رجعات غير ساهية و حزنانة بلا التيليفون لي ما كتحطوش .. فاش هزيتوو لها ناضت كتغوت .. ركبات فيها الصعرة و هانا رديتولها .. تضبر راسها ..!
حكيم: طبيعي غتتبدل .. راها غادية و كتكبر ( لعب بلسانوو ففموو و قال ) علاش نتي ما تبدلتيش ؟ شريفة د الصغر هي ديال دابا ؟
شريفة: هههههه لا ..! ( صغرات عينيها فيه ) تخيل كن تزوجنا و حنا صغار .. موووحال كنا نتفاهموو انا و ياك فداك الوقت .. شحال ما بقينا غنفرتكوها ..!
حكيم: علاش ؟
شريفة: هكاك ..! احساس و صافي ..!
حكيم:( تبسموو عينيه و بهدوء رد عليها ) أنا بعدا من نهار شفت رجليك .. عرفت راسي غنتفاهم معاك مزيان ..!
شريفة:( غلباتها الضحكة ) هههه رجلي .. علاش ؟
حكيم: أنا لي عارف علاش ..! ( سكت شوية و رجع قال ) حيث نقية ..!
شريفة: اااه هههه زعما النقاوة كتبان منهم هما اللوالة يعني غنكون نقية فكلشي ..! ( حرك راسوو بمعنى اه ) اييه عليها كنتي باغي تحملني .. تديرلي الفلقة بحال يلا برهوشة عندي ست سنين ( ميقات فيه ) كن درتيها عمري فحياتي نسمحلك ..!
حكيم:( رد ببرود ) هه ..! بغيني و لا كرهيني ما كيهمش ( زير بيديه على عنقها ) بالرب حتى عندك الزهر .. لقيتيني بردت .. أما غير لي يقسم مك على الخفة لي فيك ..! وصلتي للفردي كااااع ..!
شريفة: ههههههه وا بغيت نحمقك عليه و صافي ( زادت كتضحك بالجهد ) ههههههههههههههه نلعبووو ههههههههههه شفارة و بوليس أنا وياك ههههههه واااكوااااك الحق ههههههههه
تحنات كتضرب ففخاذها و كترشقوو لكتافوو ..! الدموع د الضحك هابطين لها من جناب عينيها .. جاتها هستيرية حتى ضحكاتوو تا هو ...!
حكيم: هكااااك هههههه ..!
شريفة:( مسحات عينيها كتجمع الضحكة بالتدريج ) ههههه هوووف .. الله يخرج هاذ الضحك على خير .. احم فين خليناها ؟
حكيم:( شافهم بداو يخرجو يتعشاو و رجع تفكر أسية ) تعلمي تشدي فهضرتك .. الولاد ماشي هما لي كيضغطوو علينا و يمشييو هضرتهم ( حط صبعوو على صدرو ) هاذيك خدمتنا حنا ..! هزيتي التيليفون ما غترديهش منين تبدا تغوت .. ما دام هضرات معاك هكاك إلا و راه كاينة شي حاجة خاصك تشوفيها ..!
شريفة:( سكتات كتسمع )
حكيم: و رخي لها الحبل شوية .. تتحمل مسؤوليتها و تخرج تتحك مع الدنيا .. تعرف لي ليها و لي عليها و داك الساعة بسم الله ..!
شريفة: بصح ..! ما بقى لها والوو و تكمل 18 لعام .. شحال قدني نحضي معاها ( تنهدات ) اوديي ..!
حكيم:( حرك يديه ) سيري تتعشاي دابا ..!
شريفة: و أسية ؟
حكيم: تكمل عقوبتها و غيعطيوها تاكل تما نيت .. يالاه تحركي ..!
*********************************
جالسة فالكوزينة فوق كرسي عالي مقابلة مع البوطاجي و حداها فالأرض سلة كبيرة عامرة بالبصلة ..!
عينيها حمارو مدمعين بريحتها .. كتهزها تنقيها بالموس و تحطها فوق القطاعة كتقطعها لطراف كبار و تلوحها فالبانيوو ..!
الدنيا عامرة حداها بالحجامة و الطباخة لي كيسربيو لعشا .. و بالتدريج بداو كيمشييو حتى بقات بوحدها .. يديها و عينيها طابوو و قلبها معصور على شريفة لي ما بغاتش تهضر معاها ..!
حطات راسها على البوطاجي كتبكي بصوت عالي حتى سمعات تنحنيحة موراها ..! هزات راسها بوجه حممر .. لقات أيوب واقف كيشوف فيها ..!
أيوب: هذا هو اليوم العالمي للبكاء عندك ؟ ( قرب جلس فوق البوطاجي حداها ..! ) حالفة تغرقيلنا المخيم هاذ النهار بالدموع و لا ؟
أسية:( مدات يديها كتمسحهم ) كيهبطوو بوحدهم هء ..!
أيوب: الله ..! ( حط يديه على راسوو ) كاااارثة هاذي و كي نديرو نفكوها ا الشهيبة ؟ ( شاف فالسلة ) أجي نوريك هاذ الخير كي كنديرولوو ..!
أسية:( ضحكات وسط دموعها ) غتعاونني ههه ؟
أيوب:( ضحك ) يلا بغى الله .. يد وحدة ما كتسفقش على الله نكملوو قبل من السهرة .. حسن ما نصدقوو ناعسين بلا عشا و متظامنين مع افريقيا
أسية: هههه علاش المغرب فين جا ؟
أيوب: وا الأفارقة لي عندهم المجاعة
أسية: وا هما عندهم المجاعة و أنا نبقى بجوعي ؟ اويلي هههه
أيوب: يالاه ا الشعيبية دوزي تتعاوني مع كبور باش تسربييو راسكم ..!
سهرة التعارف الهدف منها كيكون هو كاع الناس لي فالمخيم تتعرف على بعضياتها فاطار الانسجام .. و ما تبقاش داك الحساسية و الدهشة اللولة ..!
فالساحة اللورانية و تحت ضو القمر و الأضواء الخافتة فالجناب .. جالسين فوق الشلي .. دايرين دائرة كبيرة .. و الوسط واقف المندوب كيهضر و يرحب بيهم ..!
كمل و جلس تا هو معاهم ..! كل فرقة معاها القائد ديالها ...! الجوالة و المرشدات منوضينها بيناتهم بالضحك و المعاطية ..! الزهرات معاندين حتى هما .. و كلها و بلانوو ..!
حكيم:( وقف الوسط دايرة حركة بيديه كتعني نقطة نظام .. و بصوت قوي قال ) أقووووووول ...!
الكل: أسسسسسسمع ..!
حكيم:( رد بزعفة عاقد حجبانوو ) ما غنبقاوش نسكتوو فيكم واحد بواحد .. لي عندو شي فرقة يضبطها و لي ما باغيش يحضر يمشي بحالوو ينعس ..!
سكتهم كاملين حتى ما بقى تا حد كيهضر و شريفة كتشوف فيه حاطة رجل على رجل كترمش فعينيها ..! الضوو ضارب فيه و الجو بارد و زوين .. كتسمع لهضرتوو و تتبسم بهداوة .. الكاريزما و لمن عطاها الله ..!
متأكدة النص فهاذو لي هنا طايحين فيه بهيبتوو و رجولتوو الزايدة فالهضرة و الحركات ..! تا شخصيتوو الغامضة و المتقلبة كتلعب دور كبييير و كتخليك لا اراديا يتحرك الفضول ديالك تجاهوو ..!
حكيم:( شير لواحد فيهم ناض بلاصتوو .. عطاه التحية و جلس مخليه كيغني ..! )
قائد : ا تيكا تيكا تيكوكا .. اواااايييي ( awayi ) .. ا ترباكا تاكووكا .. اواااايييي .. ا و الله على خيتي خولة اواااييي .. ا شطحي لينا وا هيا خولة .. اوااييي .. ا تيكشبيلا تيوليولا .. اوااييي .. ا ترباكة تاكووكا اواايييي ..!
عضات على شنافتها كتضحك على الأغنية ..! مشات خولة عندو .. لي كانت بنت صغيرة تكون عندها سبع سنين هكاك ..!
وقفات بلاصتوو كتشطح و هو رجع جلس بحالوو .. مخليها كتغني و تعيط لواحد آخور .. الدربوكة خدامة هي و الايقاع د الأغاني .. خالقينها بيناتهم ..! حتى جات نوبة أيوب .. ينشط .. و نوض أسية .. لي شافت فشريفة بحزن و أسى و قالت كتغني ..!
أسية: أنا .. أنا ..! ( جوج ضربات فصدرها ) أنا أسية ..! ( ضربات من جديد ) عندي وردة ..! ( ضربات تا كتسمع بحال تسفيقة ) وردة حمرة ..! كنهديها لشرييييفة ..!
عوجات فمها و وقفات كتقاد فحوايجها .. ما كتشوفش فيها عكس أسية لي قربات لها بحذر و لسقات عليها معنقاها بجوج يدين كتشهق و تبكي ..!
أسية: سممم ح سممممحيلي هء عاااافاك .. عمرها تتعاود .. شريييفة عااافااااك .. أنا نطلب السماحة منك قدامهم كاملين .. سممممحيلي ..!
شريفة:( تنهدات بصوت مسموع و عنقاتها حتى هي كتلمس على شعرها ) آخخخر مرة ا أسية .. آخر مرة ..!
*******************************
كملات السهرة و تموو راجعين يدخلوو ..! قرب حكيم من شريفة لي غير شافتوو ضحكات و قالت
شريفة: ا ترباكا تاكووكا هههههههه هربت ..!
حكيم:( تبسموو عينيه و قال ) سيري تنعسي خليت لك الخيمة ديالي .. غترتاحي فيها حسن لك ... و أنا غننعس مع الدراري ..!
شريفة:( ردات بالنفي ) لا لا غير خليني مع البنات .. بغيت نجرب هاذ الجو ..!
حكيم:( بهدوء قال ) ما غتلقاي حتى مشكل ؟
شريفة:( باستغراب ) مشكل من اينا نووع زعما ما فهمتش ؟
دارتلها طراق للراس .. كيهضر على البول ..! عارفاه حس عليها ما مرة ما جوج و لكن باش كيعجبها فهاذشي كيميك و عندو زايد ناقص .. ماشي برهوش يشد فيها و يضحك عليها .. او حتى يعايرها بيها كيفما كان كيدير إلياس .. بعد المرات ..!
شريفة: اننن لا ماشي مشكل ( رمشات ببطئ و مشات كتزرب ) بون نعيسة ..!
كلاموو يمكن جا عفوي منوو و لكن بالنسبة لها كان قمة الرجولة ..! كيفاش فكر ليها و خاف عليها من الاحراج ..! و حتى هاذ المخيم كامل حاساه جاي ليه غير على ودها .. باش تعيش ديكشي لي ما قدراتش تعيشوو فصغرها .. أما بالنسبة ليه هو .. هاذشي كبر عليه و بزااااف و كيجيه مبرهش ..!
ممتنة ليه و فنفس الوقت باغى تجرب داك لومبيونس لي كتكون بين البنات .. المعاندة و الضحك و التكركير فالليل ..! عارفة مشكل التبول لا ارادي .. كيكون عندها كثير فحالة ما سكرات و شربات بزاف ..!
اما فالأيام العادية و خصوصا منين كتكون نفسيتها مزيانة و كتقطع السوائل قبل من السبعة د العشية ..! كتفيق اونفوغم و ما بيها حتى حاجة ..!
دخلات للشالي هزات حوايجها و رجعات للحمام تبدل .. لبسات بيجامة بسروال طويل و تيشورط نص كم واسع ..! جمعات شعرها و رجعات باش تنعس .. عيات بالطريق و الدوران .. كيبانلها غير الخدية و النعاس هاذ الساعة .. حتى راسها عاطيها الحريق خاصها تكمي ..!
جايا ليوماين ما حطاتوش ففمها و ما عندهاش هاذ الساعة منين تجيبوو و فنفس الوقت ما باغاش تطلبوو من حكيم باش ما ينوضوهاش ..!
باست أسية لي ناعسة حداها و تخشات فبلاصتها .. معجبة من البنات .. العرا لعلك ترضى .. ما كاين غير الشورطات بحال السليبات و تيشورطات سماطي هابطين على الصدر بشوية ..!
قلبات عينيها كتميق حتى لمحات وحدة جايا عندها .. وجهها منور بضحيكة .. ملوية الفولار على راسها ..!
....: نتي شريفة ياك ؟
شريفة:( بهدوء ) هي هاذي ..!
...:( مدات لها يديها ) انا بثينة .. نتي معايا فالفرقة .. مشرفة بيك ا حبيبة و نتمنى يعجبك الجو معانا .. ما تديهاش على ديك الحمقة ما يحسابلهاش قائد أمغار راجلك ..!
شريفة:( تبسمات حانية راسها من كلمة راجلك .. و رجعات شافت فيها كتسلم عليها ..! ) الشرف ليا ا الزيونات ..! ماشي مشكل .. الغلط كيوقع غير هو لي كيحتارم شي واحد كيحتارموو لراسوو .. ماشي لشكون هو او بمن مزوج و لكن مزالة صغيرة ما نديش عليها ..!
و هما باقيين كيهضرو تسمع صوت الضرب بالحجر فالحديد د الشراجم ..! غوتوو البنات غوتة وحدة حتى تقبوو لشريفة وذنيها ..! هي لي بقات جالسة فبلاصتها حدها جرات أسية عندها ..!
بثينة:( وقفات بالزربة ) ما تغوتوش ا البنات .. أنا نمشي نشوف شنوو واقع .. غير بعدوو من حدا الشرجم .. شيماء حضيهم معاك لا يمشييو يتقاسوو أنا جايا
أسية:( مخشية فشريفة معنقاها ) شنوو هاذشي ؟ تخلعت ..!
شريفة:( دوزات على شعرها و قالت ) صافي راه ما بقى والوو .. غيكونوو حلوو المشكل ( عقدات حجبانها ) بففف حكيم برا عنداك يكون تقاس ..! ( طبطبات عليها ) تسناي نوض نشوفوو ..!
وقفات و مشات لواحد الباب كتخرج للساحة .. سمعات صوت الكلاب و تكمشات مع الحيط مجنبة .. تا وصلات لوسط الساحة لي عامرة غير بالرجال .. منهم قادة و منهم جوالة .. حارسين تما ..!
لمحها واقفة ببيجامتها المستورة و شعرها مجموع سفنجة مرخوفة ..! ريح خفيف ضارب كيحرك لها الخلفة القدامية د شعرها ... ما حسات بيه حتى جرها من لوور مطرطق فيها عينيه و بعصبية قال ..!
حكيم: شكاديري هنا ؟؟؟ ( عض على فموو و قال مورك على الحروف ) غترجعي تتقو** من جيتي و لا غنعصر مك هنا ( جهد صوتوو ) تححححركي ..!
ما خلالهاش الفرصة فين تجاوبوو .. فالبلاصة جرها من يديها مرجعها للشالي .. تلاقى ببثينة فالطريق و بغضب قال
حكيم: نتي شنوو مقابلة منين هاذي خرجات بلا ما خبارك ؟ ( هز حاجبوو ) نلقاهى برا مرة اخرى غنتفاهم معاك نتي اللولة ( شاف فشريفة مخرج عينيه ) النعاس داااباا ..!
عضات على فمها و نترات يديها منوو .. دايزة فيه للداخل كتبركم ..!
شريفة: على بنادم كي داير تفوو
أسية: تلاقيتيه ؟
شريفة: تا داك العجل كيتضرب و لا يتقاس .. ضارباه تالافة غير بوحدو .. انا لي حمقة ماشية عندو .. تفوو ( زدحات راسها نعسات و طلعات عليها ليزار مغطية ) بون نعيسة تاسانوو ..!
بثينة:( مدة قليلة و تبعاتها .. دخلات و قالت كتشوف فيهم ) ما تخافوش راه القادة دايرين حراسة غير نعسوو مرتاحين .. و نقصوو البنات من العرا شوية .. هاذ الجهة محافضة بزاف .. فاش شافوكم تصدموو و بداو يضربوو بالحجر .. تا تبعهم قائد أمغار و شد واحد فيهم هضر معاه ..!
شريفة:( هزات راسها ) هضر معاه ؟؟ ( فنفسها .. على هذاك كيعرف يهضر بلا ما يخدم يديه ..! )
بثينة: ااه هضر معاه و عرض عليهم يجييو عندنا يحضرو للأنشطة و شرحلوو شنوو كنديرو هنا .. و بلي ما جايينش نديرو الفتنة كيفما تصورلهم هما .. اما كن تضاربوو معاهم كن جابوو صحابهم و هجموو ثاني ..!
شريفة: اه بون ..!
بثينة: يالاه تقادو فبلايصكم ا البنات باش نطفي الضوو نعسوو .. عندنا الفياق بكري غذا .. عولوو السبعة د الصباح تفيقوو .. السبعة و نص كيكون التجمع عاد الفطور ..!
تقادو فبلايصهم و طفاو الضوو نعسوو و أولهم شريفة لي عيات بالجهد و الطريق د الحسيمة صعيبة كتدوخ ..! بعد ساعات تسمعوو ضحكات خفاف فالأرجاء و صوت الخطوات كيقربوو للبنات لي ناعسيين ..!
يتبع...
التنقل بين الأجزاء