عرس الذيب الجزء الثاني

تقطعات الموسيقى الصاخبة و تعوضات بالآلة و الايقاع .. الحجامة حطوو الطبالي و بداو كينوضوا الناس يجلسوا يتعشاو ..

شريفة:( تحنات على المجر هزات واحد الدوا جاي بحال القويلب .. دارتوا بين صدرها و زيرات عليه مزيان كتقاد فلبستها ) يالاه أنا هبطت دابا نسيفطلك حقك حتال عندك

أسية: جلسي ونسيني .. راه يلا مشى حتى شافك غيق٠٠تلك

شريفة: البعر لواه .. أنا كرشي هم ليا من بنادم غيير باش نقوولك ما كنقدرش نصبر عليها و يلا شفت الحاجة و ما كليتهاش كتبقى تطلع و تهبط فيا ما نشوف راحة .. ديما كرشي خارجة عليا و لايني ما عندي ما ندير اللهم فيها و لا فالبشر ..

أسية:( هزات كتافها ) وا ضبري لمخك معاه

شريفة: ولات فيك الفهامة بزاف .. حيدي عليا نمشي نوحلها لداك الكل٠بة .. أما هو ها شنو غيشد ( عطات صبع ) غنمشي حداه و نكوز .. ما غيقول حتى كلمة

قربات منها باستها و زادت عليها سلهام فالأبيض محجر على شكل فراشة فالظهر و هبطات كتمختر و تميق ، محولة عينيها فالناس لي متبعينها منين ما دازت .. تقول ما عندهم شغال من غيرها ..؟ حتى وقفات عليها وحدة من البنات لي كيعاونوا فالدار و جالسين معاهم رسمي ..!

الخدامة: لالة شريفة راه طبلتكم فالجردة .. نعاونك فشي حاجة ؟

شريفة: عليك كنت كنقلب .. قادوا بلاطوا مشكل و طلعوه لأسية راها عندي فالبيت ( عينيها تبسموا بشيطانية ) وجدتوا البيت لنجاة ؟

الخدامة: واخا هي لولة ( حنات راسها ) ااه ا لالة شريفة وجدناه

شريفة: امم مزيان ..! المهم .. قالك إلياس جمعولها حتى هي العشى و طلعوهلها للبيت ( حولات عينيها ) مسكينة غتكون حشمااانة ما غتاكلش فخاطرها

الخدامة: ااء ؟ سي إلياس لي قالها ؟

شريفة:( تسيفات عليها مخرجة عينيها ) لا كذبني نييت هاااذشي لي بقى .. قريينتك أنا !!!

الخدامة:( ترعدات مخلوعة ) حاشا ا لالة حاشا .. ما قصدتش غير

شريفة: صافي سكتينا ( خشات يديها فصدرها كضور فعينيها .. جبدات الكينة و مداتها لها ليديها بلا ما يشوفها حد .. كتهضر تحت سنانها ) هاذي تدقييها و تخلطيها مع الماكلة دنجاة سمعتي ؟

الخدامة:( صفاارت بغات تبكي ) لا ا لالة الله يرحم ليك الوالديين سي إلياس غيق٠٠تلني يلا ساق لخبار

شريفة:( زيرات على سنانها بعصبية و رجعات تنهدات كتدوز على كتفها بابتسامة صفرة ) سيك إلياس ما عندو منين يعرف و يلا ما درتيش لي قلت لك أنا لي غنطلع برووحك .. فهمتي ؟ ( حركات راسها و هي مكمشة .. تا رجعات خرجات عينيها فيها ) تحركي لخدمتك يالاه

الخادمة: واخا ا لالة

شريفة: أجي بعدا ( قربات منها ) راني بنت الشرفة الحرار .. سيري لوحيها و ما تديريهاش فالماكلة لا ما نوقف عليك فالمنام نخنقك بيدي بجوج ( حطات يديها على عنقها و زيرات شوية ) حتى يولي يبانلك عزرائيل كيسلم عليك

طلقات منها و زادت خلفة مخلياها موراها كتولول و تفتف مخلوعة ..أما هي مشات ديريكت للجردة .. ما حسو بيها تا ضربات نجاة لكتافها قفزاتها هي و إلياس لي جالس حداها

شريفة: صحبة زينة عندك ا نجيجية .. أنا الحاجة المخيرة نقولهم والوو هاذي ديال صااحبتي .. و نتي مكبرة فيا دجاج عرسك ؟ ( شافت فإلياس بشوفة مخطوفة ) و نتا ا حبيبة ما ضنيتهاش فيك .. قسحتيني فقلبي الهشيش ( رمشات فيه عينيها كتمسكن و تطنز عليهم ) يدوز لك العشى بلا بيا إخص عليك ..!

إلياس: جلسي و نقصي من الطيران شوية .. راك عيقتي أ شريفة ..!

دازت من موراهم و جلسات حدا إلياس من الجنب الثاني مكتشوفش فيه نهائيا عارفاه غيكون مطرطق فيها داك العينين

شريفة: بغيتوا يوحل لكم فالركابي ا ولاد الكلا٠ب

هزات راسها فيهم كتقلب فعينيها و ترفرف بدوك الشفار .. و مع جلساات مع جات خت نجاة باش تجلس فبلاصتها لقات يديها و الريح .. عمراتها شريفة و مول المليح باع و راح .. الطبلة كملات ما بقى حتى كرسي خاوي .. تلفات ما بقات عارفة ما دير غير غادية و جاية عليهم .. حتى انتابهات لها شريفة و بصوت شبه مسموع قالت

شريفة: بناادم عايش فالزحام .. دييكووولاس .. !

سمعها إلياس و هز عينوو فيها : وجهك قاااسح غير

ديال التهراس

شريفة:( ميلات راسها و طلعات حجبانها فيه بواحد الشووفة تذوب الحجر ) لا احبيبة وجهي غييير ديال البووسااان ( بخناث خرجات شفايفها ) و الطبطبة هههه

إلياس:( غلباتوا الضحكة .. قلب وجهوا حاط يديه بونية على فمو كيضحك بثقالة ) ههه لا حول و لا قوة إلا بالله

نجاة: حبيبة ( شبكات يديها معاه كتشوف بنص عين فشريفة حتى تبسمات بفرحة فاش هز يديهم مشابكين و باسلها يديها .. غمض عينيه لثانية و رجع فتحهم فيها بابتسامة هادئة ) ما مقلقش ؟

إلياس: المهم نتي فرحانة ؟

نجاة:( حطات راسها على كتفوا ) ما حدك معايا حتى حاجة ما تبرزطني و لا تقلق راحتي

أما شريفة راه قلبات وجهها من جهتهم حاطة رجل على رجل كتلعب فيديها و مرة مرة تتنهد كأنها جالسة على الجمر ما حاملاهمش لا هما لي عاد جاهم يديرو فيها روميو و جوليت و يصفيوا القلوبة ..! و لا من جهة الناس لي ما قالوهاش و غير حاضينها .. عيات صابرة و هزات راسها بتخنزيرة محمرة عينيها فواحد الجوج معاهم فالطبلة ..!

خلاتهم كيتفتفوا من شوفاتها و عينيها لي ما هبطاتهمش نهائيااا تا كاع لي معاهم شافووا فيهم .. واخا هما حشموا على عرضهم و تباعدو كل وحدة قلبات وجها لجنب ..!

إلياس:( حط يديه على يديها تشوف فيه يهضر معاها لأنووا النظرة لي دايرة ديال غتنوض تقلب عليهم الطبلة بلي فيها .. لكن ما عبراتووش .. و ما فكهم من الموقف غير الحجام لي حطلهم أول طبق ..) يالاه بسم الله مرحبا بيكم

بداو لهم بسالاد غوايال عامرة بفواكه البحر و الفواكه الاستوائية و خضر مخلطينهم بدي صووص مذاقهم غرييب و متناقذ بين الحلاوة و المرورة .. لكن لذييذ جدا غير كتولفي بالمذاق ريوكك كيبغيوا يسيلوا عليه و تا هي طاحت عمية فالماكلة جابولها ديكشي لي كيعجبها و ما بقات تسوقات لحد حانية على طبسيلها فسكات حاضية غير جلايلها و راسها .. حتى كملات على خاطر خاطرها ..!

بالخف هزو السالاد و نقاو الدنيا و تحط الطبق الثاني لي عبارة على نص حولي مشوي مع الخضرة مسطووكية .. عاودات كلات حقها و حق الجيران و عندها الماكلة ثقيلة و كتمذذذق بشوية عليها و تلذذ ... مخلياهم مبهوطين فيها .. كاين لي كيقول تبااااارك الله و كاين لي غير حال فمو و عينيه فيها .. مع العلم من طايتها باين فيها الخير .. هي ماشي دبدوبة و لكن وااافية و كتبانلك مبطبطة و بحلاوتها .. ماشي لدرجة تتشوه بالغلض حتى يخسر لحمها ..!

تعاود تهز اللحم و تحط الدجاج محمر مع شلايضو .. كلات شوية و جمعات يدييها .. تا تحط الديسير و قطعات طرف دلاكلاص كتاكل فيه ..!

نجاة: حبيبة فين غنسافروا فالهاني مون ؟ كاع ما قلتيلي ؟

طاحت هاذ الجملة فقاع وذن شريفة حتى جافت و بدات كتكح و تقلب على الما .. عطاوه لها بالزربة هبطات عليه كترد النفس

إلياس: من بعد ا نجاة ماشي دابا وقت الهضرة ( شاف فشريفة ) شوية ؟

شريفة: تفووو بنادم غيطيرك بعينيه تقول عمرهم شافوو شي حد كياكل ( حولات عينيها لقات إلياس كيشوف فيها مغذذ من هضرتها ) ندمت لي نزلت حداكم ما خلاوني حتى ناكل فخاطري .. ما لقيتي غير هاذ القوم المجواع تتناسب معاه ؟ ويلي سيفطووهالي بعينيهم فالبلاصة

إلياس:(مسح على وجهوو كيستغفر مولاه ) كليتي ؟ يالاه تهزي لبيتك ( بصرامة ) تحركي

شريفة:( وقفات و بصوت مسموع ليهم كاملين قالت ) ها هي غادية بففف اصلا كثر البشر ما بقينا عارفين نتنفسوو حتى فخاطرنا غير مكججين على زبلهم كي الذبان .. !

خشاتلهم الهضرة غير بالفن مخلياها كطلع و تنزل فييهم حتى جمعوو الوقفة تا هماا ما راضيينش بيها .. المجمع بدا كيخوى شوية بشوية و لي عندوو شي دااار رااه نايض يقصدها ..!

أما لالتهم شريفة مع خرجات من الجردة ضايرة من لور باش تدخل للفيلا لداخل .. لقات عمر خو نجاة فوجهها .. ما عرفاتوش منين خرجلها .. قلبها تهز و تحط فبلاصتو بالخلعة .. شافت فيه و قالت

شريفة: الله ا خويا الله شوية ما تسكتلي القلب .. دير الصوت .. نحنح .. شعل الضوو غير نعرفوك من الانس و لا الجن

عمر:( ضحك و قال ) سمحيلي ما بغيتش نخلعك

شريفة:( عوجات فمها ) هانية الله اودي .. مالك جالس فهاذ القنت بوحدك ؟ تعشيتي بعدا ؟

عمر:( تنهد ) شنو غنقولك اختي .. الساعة لله و صافي .. كن ما كانت الواليدة .. الضربة ما نزيدهاش فهاذ القنت .. و لكن واحد كيدوز على وجه الثاني

شريفة: ما قلتي عيب .. راجل ( طولاتها ) تبارك الله .. لواحد هو لي يكون بنفسوو .. أنا واخا العريس من عائلتي وا لايني حتال الظلم ربي ما يبغيهش .. حشومة عليه كاع ماشي فعايل هاذو

عمر: الله يهدي ما خلق اختي

شريفة: و لكن بيني و بينك أحسن ما درتي .. داك العشى ما فيه ما يتشاف .. الشلاضة لي مسكدة فيه لا غيير .. اللحم قاااسح وحلي غير فسناااني ( مصمصات بين شفايفها ) و شي بلايص باقيين بدمهم كاع ما طايبين أما داك سيدهم الدجاج ريحة زفورية كتعطعط منوو و طرووفة دالبصلة هاكاك محطوطين .. قاسحين تغززهم تغزااز اويلي ! و مكملينها و مجملينها بلاكلاص تقوول غير دانون د جبلي زايدين ليه السكر و مجمدينوو .. قالك تشيز كيك البعر لواه ..!

عمر:( ضحك و قال ) العجب .. ما تشرفتش بمعرفتك بعدا ( مدلها يديه ) ؟؟

شريفة:( بضحيكة حلوة و نظرات بريئة خجولة مدات يديها سلمات عليه ) أنا مهى و صحابي لقراب كيعيطولي نوارة ( رمشات بخفة ) حيث كاع لي دخلت لحياتوا كنورها الله يحجبني

عمر: ههههه و أنا عمر ( بمزاح ) و صحابي كيعيطولي عميمير

شريفة:( بصوت خافت ) عميمير على وزن زوي**ل ويلي على الحموضة

عمر: نعام ؟؟ ما سمعتكش ؟

شريفة: قتلك مشرفين واخا انا تنعرفك من قبل .. السمية العزيزة

عمر: الله يكبر بيك .. ما عقلتش عليك ؟ فايتين تشاوفنا من قبل ؟

شريفة: لا أول مرة .. و عيب فحقي هاذ السؤال .. أنا لي شافني مرة عمرو ينساني فحياتوا الزين ( غمزاتوا ) شفتك غير فالتصاور ديال ضريب الصداق ( كملات بتفسير ) أنا بنت خوه للعريس .. إلياس عمي الصغير

عمر:( باستغراب ) سي فغي ؟؟ كتباني قريبة ليه فلاج لا ؟

شريفة: نوو إلياس عمي غير بالرضاعة ( حطات يد على يد ) هي أنا شارفة ا سي عمر ؟

عمر: لا غير استغربت .. بالعكس شباب تبارك الله

شريفة:( ضحكات ) غير كنبسط معاك عنداك تقلق .. و راه نيت بافية صغيرة فعمري عشرين عام .. يالاه قفلتها الشهر لي فات ..

عمر: بطولة العمر و أنا خمسة و عشرين ( صوناليه التيليفون شاف شكون و قطع شادو بين يديه ) ممكن النمرة ؟ غير نزيدو نتعرفوا شوية و علاش لا تكون بيناتنا شي حاجة فالمستقبل

شريفة:( حطات يديها على صدرها و فتحات فمها بصدمة مصطنعة ) حشومة عليك و الله قولي نتا هاكا ؟؟ صافي غير هضرت معاك جوج كلمات نويتيها فيا خايبة ؟

عمر:( شد فيديها ) ما تفهميش غلط

شريفة:( بعدات يديها كضور فعينيها ) طلق مني يشوفنا شي حد يوصلوها لبابا .. تطيح روح هاذ ليلة .. لا لا اخويا انا بنت دارنا ما ديال مصاحبة .. بغيتي المعقول جيب واليديك تخطب

عمر:( تبسم و قال ) ما غنديرلك حتى مشكل .. و الغرض شريف .. عطيني طون نيميغوو نكملوا الهضرة أبيل حسن .. أنا رتاحيت لك و حسيت براسي كنعرفك من شحال هاذي .. خاصنا غير شوية ديال الوقت .. نتفاهمو مع بعضياتنا ..!

شريفة:( هزات حاجبها و قالت ) واخا عطيني نقيدهالك و عنداك تعطيها لشي حد .. أنا تقت فيك

مدلها التيليفون كتباتها ليه و رداتلوا ديالوا .. طالقة زينها عليه و هو غيحوال .. حمقاتوا و طيرات ليه العقل .. ما كرهش يهزها و يهرب بيها

شريفة: يالاه تهلى .. بسلامة

دخلات بالزربة كتسلت خايفة يحصلها شي واحد .. حتى تضربات مع الخدامة لي براسها خارجة كتسلت جهة الجردة .. شداتلها فمها بالزربة مخرجة عينيها فيها

شريفة: ششش سكتي .. غير أنا ( طلقات منها و البنت صدرها كيترعد بالخلعة لي خلعاتها ) فين غادية فهاذ ليل بالسلامة ؟

سهام: غ غير كنت ( سكتات حاطة يديها على صدرها مهبطة راسها كتسوط ) تخلعت

شريفة: عليا أنا ولا ؟؟ قوليلي غادية نشوف عبد الله الجارديني .. مالكي حشمتي ( طلعات حاجبها )

سهام:( شافت فيها بنص عين ) وا راك عارفة ا لالة .. كاملين بنات و عيبنا واحد

شريفة: عيبكم نتوما أختي ما تجمعينيش معاكم الله يستر عليك ( مدات يديها ضوراتها و قالت ) قلبي الروايض و سيري تنعسي تصنتي لعظامك .. مالكم خفاف بزاف كطيرو ؟ ديري العز لراسك يعطيك دقة .. الراجل لي كيجي عند المراة و هي تتشرط و تتدلع عليه كيفما بغات .. راك كتقلبي على خلاك بهاذ الخفة لي فيك .. ها وذني منك

سهام: راه باغي يخطبني من عندكم ا لالة شريفة .. غير على ما تتفاجى شوية عليه راكي عارفة لي كاين

شريفة: أنا بانتلي غير عيشة قنديشة لي غتخبطك فهاذ ليل .. بقاي تتسلتي كي سحت ليل حتى يصمكوك صحاب المكان ( ضحكات ) درتي ديكشي لي قتلك ؟

سهام: اه أ لالة .. و راها طلعات لبيتها قبيلة و سي إلياس مع الحاجة حجيبة فالبيت

شريفة:( عوجات فمها و رجعات شافت فيها ) وا سيري تنعسي تصبحي على خير

سهام: و نتي بخير .. الله يفرحك

شريفة:( زادت خطوة و رجعات شافت فيها و قالت ) دفعي كبير و ديما شوفي راسك أحسن وحدة .. راهم ولاد الحرام مقطرين فاش كتعجبهم الوحدة كيبغيوا يطيحولها المعنويات و يبينوها قل منهم ببزاف .. كيد الرج٠٠ال كفس من كيد النسا .. ديريها فبالك

سهام: بحالاش زعما .. ما فهمتش ؟

شريفة:( غمضات عينيها بصبر كتمتم فنفسها ) زهري غير فالمصنكعات شحال قدي نقري فيكم ؟ ( حلات عينيها) مثلا تخرجي معاه لشي بلاصة و تبداي تهضري و تناقشي مع الناس هو غيبغي يقمعك و يبينك نتي زيرو ما كتفهمي والو و غير ضلعة عوجة .. تلبسي شي لبسة تجيك مقو٠٠ة هو عاد غيجيه التعواج و يرضك دوقك عروبي و غتحشمي بيه .. و لا يبغي يكبرك فالعمر و يردك شارفة و يجلس عليك وايلي ما باينش فيك هاذ العمر ؟ بصح ؟ اه غير سمحيلي و داك التق٠٠٠٠ن العوج ديالهم .. ما تفتحيش الفرصة لشي قمقوم يديرك تحت السباط واخا تكوني ما تكسابي حتى درهم .. كرامتك هي راس مالك .. يلا مشات هي مشى كلشي

سهام:( حركات راسها بابتسامة ) فهمت .. كوني هانية ا لالة

شريفة: و فنفس الوقت كوني بنوتة كتقطري بالخناث و الفشوش و الدلع ..! ما تخليهش يحس بلي واقف مع شي صاحبوا الفرق بيناتكم غير الموسطاج لي كتحسنيه من الشهر لشهر .. بحلاوة اللسان تاكلي الواحد بحوايجوا ( دوزات يديها على جبهتها كتماصيها و عينيها حمارو غيطرطقوا ) صافي هنينا .. تلاحي حتى نتي

زادت بحالها كتتنهد و راسها مفروع عليها بالحريق .. طلعات للطابق الفوقاني فين كاينين البيوتة ..! خلات بيتها على ليمن و قلبات طريقها لعند نجاة .. بلا احم و لا دستور فتحات لباب و دخلات عندها كتجبد فحجبانها و بصوت دلوع قالت

شريفة: بوونسواغ

حطات لكوطون " القطن " من يديها بزعفة و وقفات كتهضر بعصبية .. أما شريفة غير كطلع و تهبط فيها و فسوميج دونوي لي لابسة و على وجهها ضحكة استهزاء

نجاة:( رفعات صبعها لجهتها ) اااخر مرة توصليني و لا تقربي من جهتي و لا غنوريك شي حااجة مكتعجبكش فهمتي ؟ يسحابلك بفعايلك و هضرتك خسرتي ليا ليلتي و فرحتي ؟؟ هههه لا احبيبة غير نتي لي بنتي مريضة بيا و شوية غيطرطق فيك شي عرق

شريفة:( ضحكات حاطة يديها على جبهتها ) هههههه اوووف و الله حتى كضحكيني ا صاحبتي .. شوفي فالمرايا يبانلك شكون فينا لي غتمووت فأرضها ؟ لهاذ الدرجة ما تيقاش فراسك ؟؟

نجاة:(بغضب ) اش باغى دابا ؟؟؟

شريفة:( جمعات الضحكة و قربات منها و برد فعل غير متوقع هزات يديها تال السمى و طرشاتها ) جيت نبارك لك احبيبة .. سحابلك غدوز بالساهل ؟

نجاة:( غوتات شادة على حنكها ما متيقاش راها بصح طرشاتها ..! تمات مندافعة جهتها ) شنووو درتي الحما٠رة ؟؟

حتى شريفة ما كانتش من العاكزين و هاذشي لاش جايا عندها أصلا .. مع قربات ترد لها الطرشة لوات يديها على شعرها هبطاتها تحت رجليها و حكماتها كتنتف فيها و نجاة كتغوت لربي لي خلقها

حتى شريفة ما كانتش من العاكزين و هاذشي لاش جايا عندها أصلا .. مع قربات ترد لها الطرشة لوات شريفة يديها على شعرها هبطاتها لتحت رجليها و حكماتها كتنتف فيها و نجاة كتغوت لربي لي خلقها .. سنانها خيزو عليها .. كتضرب بيديها و رجليها و كاع داك الضحك رجع بعصبية

شريفة:( كتعصي فيها و تهضر ) أنا باللقمة لفمك و نتي بالعود لعيني الق** ؟؟ فرحانة وصلتي للي كنتي تحلمي و تتمناي فيه ؟ وا وجدي كرك لشوى

طرات عليها بعضة لحنكها حتى تسمعات غوتتها فالطابق كامل و تمات داخلة أسية كتولول و تجر فيها

أسية: اويلي شريفة طلقي غتقتليها .. نعلي الشيطان

بزقات عليها و وقفات كتقاد فشعرها .. حاطة يديها على جنبها كتسوط و تدوز يديها على عنقها بحال شي وحدة مخنوقة كتقلب على الهوا للدوا

نجاة:( كتبكي مكمشة ) و الله حتى ندمك على لي درتي الشمكارة .. أنا بزاف عليك ( بتسميم ) طيري و لا نزلي إلياس ديتوا و تزوجت بيه

شريفة:( يديها كيترعدوا عليها و أسية شاداها ) كتسمعي فالق** ؟ ياك كتسمعيها يلا خسرت لمها كمارتها ما يلومني حد ؟

أسية: صافي ا ختي خليها تهضر .. هاذشي لي باغى هي أصلا

مع كلامها دخل إلياس كيحيد فالكرافاط .. شافهم كاملين مجموعين تما .. شريفة كتنهج و نجاة كتبكي .. عقد حجبانوا و قال

إلياس: آش واقع هنا ؟؟

شريفة:( شافت فيه بغضب ) مرحبا بمولاي السلطان نتا لي كنتي ناقصنا نورتي ..!

مشات عندو و ضرباتو بالجهد لصدرو حتى رجع خطوة لور و مد يديه زير عليها قالبها جهة الحيط و هي كتهز و تحط باغى تاكلهم

شريفة: ما لقيتي غير هاذ الق** تدخلها لدارك ؟ منين شركتي شرك بعدا مع بنات الأصل ( شافت فنجاة ) نسيتي و لا نفكرك .. نسيتي الك٠٠لبة نهار لي هزيتي نمرتي من الفيسبوك و معيطة عليا كتبكي و تشهقي بقالك شوية تبوسي رجلي نجي عندك للمحطة .. الشتا خيط من السما و الليل طاح و أنا منوضة الروعة مع هاذ الق** باش يخليني نجي عندك .. واخا ما بيني و بينك حتى قل** و لكن محيى علاش بقيتي فيا و طحتي فيا بنت الخير و مجربة الزنقة و عارفة بحرها ..

أسية:( شافت فيها بحزن و حنات راسها ساكتة )

شريفة: كرهت الفيس و الجروبات لي عرفوني بموو٠سخة بحالك ( دفعاتوا عليها و ضربات فصدرها بقوة ) دخلتك لداري و وكلتك من طعامي .. كسيتك من لباسي .. و هذا لي كتهضري عليه و فرحانة بيه .. بالمقاتلة باش قبل تدخلي لدارو و نهار شافك قالي هاذي ق*** عطيها الفلوس باش ترجع لمدينتها و بعدي من الزبل .. كثير شي منين عرفناك جايا من فاس تال اليوسفية تشوفي الصاحب

نجاة:( وقفات كتغوت ) سكككتي ا شريفة سككككتي

شريفة: علاش نسكت ؟ خلي كولشي يسمع .. لي ما شرا يتنزه ( هزات حاجبها ) و عند بالك دابا دايرة الطايلة ؟ راك باقى كتباني ليه غا ق** .. ما كاين حتى فرق بينك و بين لي كتفارق مع صاحبها و تمشي تضور بصاحبو .. كيسحابلها كتنتاقم منو و هو كتبانلوا بحال طارو دالزبل .. ح** و دوزها لصاحبوا يكو٠يها و غير يشبعوا منها يطلعوا معاها الصبع

حطات يديها على نصها و هزات عينيها بنظرات تحذيرية فإلياس لي قرب منها يجرها .. فهمها غير من الشوفة كتقول ليه يا ويلك تقرب مني .. أما أسية واقفة مسكينة كتسمع على قلبها و حشمانة ما عرفات تمشي بحالها تخليهم يفكوا أمورهم و لا تبقى

شريفة:( شافت فأسية ) ما حكمتش عليها عارفة الظروف كتخليك تديري لي عمرك تخيلتيه .. سمعتلها هو لول .. عرفت بلي الصاحب من بعد ثلث شهور هضرة فالفيس دار معاها يتلاقاو هنا و جات عندو من فاس تشوفوا و فلخر طفى عليها التيليفون و خلاها الله كريم .. شبعت فمها سبان و جاتني النفس عليها .. أنا لي كنطير مع الطيور عمري درتها و كنخاف على كري يمشي شي حد يغت٠٠اصبني و لا يدير فيا شي مصيبة .. لدينمها ما كانتش شايفة حتى كمارتو كي دايرة و جايا لعندو خرزتها كتاكلها باغى لي يحكها لها ..

نجاة:( حطات يديها على وذنيها و وجهها حمر .. لعباتلها على أعصاب أعصابها هاذ النهار و حتى باش تسكتها ما تقدرش .. يلا مشات تا قربات منها تفرسها خصوصا شريفة صحيحة و دايرة منها جوج )

شريفة: جايا كاذبة على دارهم معولة على بو ق** يخلص عليها .. يكو٠يها و يكمش لها ربعمية فيديها .. و دايرة فيها بنت دارهم و غير ضحكوو عليها ( شافت فنجاة ) و واخا هاذشي كامل وقفت معاك و عاونتك و لا لا ؟ تيقتك و قلت الحب دارها بيها مسكينة .. الحب صعيب يوصلك لما كفس ..!

نجاة: ما غتسكتيش ؟

شريفة:( كملات كلامها كتشوف فأسية و كلهم كيسمعوا لها ) قطعتلها فالكار و عطيتها باش تاكل و تركب منين توصل لدارها .. و مسيفطاها و قلبي واكلني عليها ما كرهتش نديها بيدي حتى نتأكد كلشي هو هذاك

إلياس:( حط يديه على كتفها تا شافت فيه و قال بالشوية غير بينوا و بينها ) ما كاين لاش هاذ الهضرة دابا .. صافي

شريفة:( دفعاتوا ) لا ا خويا كاااين لاش .. ياك بيديك وصلتيني عندها تال حدا دارهم فاش رجعات عيطات كتبكي و تشكي بصاحبتها فضحاتها مع دارهم و قاتلهم ها لي كاين و ها لي كاين و بنتكم ما باتت عندي ما شفتها .. ياك جريتك بزز منك كنرغب و نزاوك فيك حتى جينا لعندها و حاولنا ندخلوا بخيط بيض مع عائلتها ( قلبات عينيها لنجاة ) باك لي هلكك عصى و خرجك لزنقة مبري منك و مك و خواتاتك لي طاحوا فالركنة بالفقصة ..

أسية:( بصوت خافت ) وا عائلة عليا

شريفة:( سمعاتها و ضحكات ضحكة مجننة ) بلا خوتها الدراري لي ما كلفوش راسهم حتى يجيوا جوج خلفات يوقفوا مع ختهم .. كل واحد فيهم فمدينة عايشين الحياة و ما مسوقينش .. كلهم عطاوها بالظهر تضبر راسها .. و باها حلف ما يدخلها .. و نضت أنا هزيتها لداري .. حسبتها بحال نفسي و كنتقاتل باش نصالحها مع باها ( ركزات فأسية بنظرة حزينة دوحدة واصلة فيها لجذر ) شفت فيها راسي و أنا بنت 14 العام هازاك بسناني و نتي لقمة و الذياب ضايرين بينا من كل جهة .. ما كاين لي يعتقنا حتى بكاس دالما .. كلشي طامع فينا .. أنا ما لقيتش لي يعاونني و هي

عينيها غرغروا و الهضرة ما قدراتش تكملها حتى قربات منها أسية عنقاتها كتدوز على ظهرها بيديها

شريفة:( بصوت مبحوح ) الخير كامل لي درتوا ما كَرش فيك حتى شوية ؟ لا نتي لا ولاد الك٠٠لاب ديال عائلتك .. طمعتي فعيشتي و فراجلي و نسيتي أنا ماشي هي نتي و عمرك توصليني .. ما غتشوفيش منو حتى الربع لي داير على ودي ( هزات صبعها شيراتلها ) عاودتلك شوية من مشاكيلي و اعتابرتك بحال نفسي .. باش فلخر تعايريني أنا بالملقطة ؟

ما عرفوهاش كي دارت حتى طارت عليها طيحاتها للأرض جالسة عليها كتضرب فيها بالصقل و النتيف .. بلا ظفارها لي غرزاتهم فلحمها تا سيلات دمها ..

ما هزها إلياس من فوقها كتفركل حتى كانت عطات و كفات و يديها ماتوا على شعرها .. خرجها من تما بزز .. باغى ترجع تكمل عليها .. و مع دخلها لبيتها .. ضارت عندو بتسرفيقة جابتهالوا فالوذن تا حمارت و بدات تزنزن عليه ..!

شريفة: و نتا القو** بوجهك حمر جاي عندي ؟؟ يلا هي ق*** نتا راه شما٠٠تة و عييفت الر٠٠جال

مع كملات كلامها هز يديه و عطاها واحد مولاتي تسرفيقة تا زعزعات لها الضروس و حسات بالبولة هبطاتلها مع سروالها، غير نقيطة صغييرة ..!

إلياس:(جرها من شعرها ) طوال لوالديك اللسان ؟ ما لقيتي لي يحكمك ؟؟ مقزبة و خاارجة مزيرة على طر٠٠متك كتصوري بيها الناس ؟؟ من الصباح و أنا كنجمعلك و لا نتي حشمتي ( زادها تسرفيقة ) بقالك فالحساب غير التاشيخات الكل٠٠بة .. رخفتلك بزاف حتى ما بقيتي حااسبة حد .. مالنا ياك لباس ؟؟

شريفة:( بجنون ضرباتو للحنك حتى تصوروا صباعها و كملاتها بظفارها مهبطة ليه الحنك و العنق .. تنترات منو كتغوت ) وااا سييير تمووووت .. بعد منييي غير قووووووووووود علييياااا

كتنهج و تقلب بعينيها على باش تسيل ليه دموو تا جات يدييها على فاز صغير .. ما فكراتش جوج مرات .. قبل ما تهزو و تشير عليه بيه .. غير جا معاه الله و خوا لها فآخر لحظة .. أما جبهتوا تمشي شتات ..!

شريفة: تاقي شري حسن لك و لا ليوووم نذبحك و نشرب من دمك الحرايمي ( مشات لكوافوز و لي بانلها كتشير بيه ) سييير عند مرتك راها كتسناك حكم فيها تحكم فيك ضبروا مخكم .. غير أنا فوووتوا جرتي عليييكم و لا آخرتها حبس بيناتنا .. و بالأخص نتا القو** .. ما تعرفني ما نعرفك

إلياس: و باقي عندك الوجه تهضري ؟ مرتي ياك ؟؟؟ ( قرب منها بالزربة .. غفلها حتى لقات راسها مزدوحة فوق الناموسية و هو فوق منها موسع بين فخاذو و واقف عليها مغذذ ) شكووون بسبتوو تزوجت هااا ؟؟؟ ماشي نتي ؟؟

شحطها معاهاا للفخااض تا غوتات و بالحر جراتلوو يدييه و غززات سنانها فيها حتى حسات بمذاق الملوحة ففمها عاد بعدات و فالبلاصة بزقات عليه للوجه ..!

شريفة: لقيتيها سبة تسلكك ياك ؟ ( رجعات شافت فيه بجنون مخرجة عينيها .. دفعاتوا و وقفات على ركابيها كتغوت حتى العرووق ديال راسها تطراساو كيزدحو ) نتاااا عاااااارف ا إلياس مزيااااان شنووو داااز عليااا .. أنااااا ( بلعات الهضرة و دموعها بداو كيقطرو كتهضر بحرقة ) عمممري غننسى لي دوزتووا و كندوزوا وااش كتفهم ؟؟ شووفني مريييييضة و لا مععععقدة ضبببر لكرك فووت غير كري علييييك ( ضربات فصدرها بقوة ) و لوالدة لي نجيب بيها ولادي لهاذ الدنيا غييير باش نتسمى ولدت .. نحيييد أصل مهااا من الجذر .. ما غنوووولدش حيت غنتكرفس عليهم و ذنووبهم غيتبعووني تاااال قبري .. ذنووووب الولاد حاااااريييين ا الياااس حااارين ( بدات كترعد )

إلياس:( زير على يديها ) ششش صافي تهدني

شريفة:( بحال خوا العافية على ليسوونص ) مااا تقووووليييش تهددددني بغييتي ولادك سييير قوووود علياااا عطى الله لي يهزهم و لكن مااا تحسبنييش بالوذنييين .. النهاار لول هاااانية ما تولدييش و راحتك هي كلشي و نهاااار يحزقلك الضمييير و تخوونني .. ترد السبة بالولاد

إلياس: ماااا خنتكش ا شريفة فهميييهااا

شريفة: و هااذيك لي فالبيييت شنووو ؟؟

إلياس:( غوت تا حلاقموا بغاو يخرجوا من بلاصتهم ) دايراني حم٠ار .. و ماشية محيدة الوالدة بلا خباري .. اش كتسناااي مني ما فهمتش ؟؟ شنوو أنا قدامك ؟؟ موحال واش كنبانلك را٠٠جل ؟؟

شريفة:( كتنهج ) من لول عارف كلشي .. حطيت وراقي مكشوفين ليك و بكيت دم قدامك ... شرطتها عليك من لول .. الولاد هما لي ما نولدش .. لا معاك لا مع غيرك .. و نتا قبلتي ( خرجات عينيها فيه ) و لكن باش تنوض تبدلي الدوا و تبغي تلعب عليا عشرة هي لي ما تكون لك .. اللحم لحمي و الط** .. ط**ي .. نذبحو نخشي فيه موس .. كن حبلت غنمشي نطيحوا .. و أنا ما ناقصة ذنوب .. لحمي و أنا حررررررة فيه

إلياس:( سكت كيشوف فيها بنظرة عارفاها هي مزيان )

شريفة: حتى نتا حر دير لي عجبك و لكن عرف بلي خسرتيني و آخر خيط كان جامعنا بيديك قطعتيه ( عينيها تغرغرو ) البنت كيكونوا فحياتها ثلاثة دالرج٠٠ال .. لول باها لي كتحتارموا و الثاني خوها لي كتخاف منو و الثالث را٠جلها لي كتبغيه و تقدرو .. و أنا كنت دايرهم بثلاثة فيك بوحدك .. نتا لي عندي .. باش فلخر بيديك تديرني علكة بين ضروس عباد الله

إلياس:( دوز يديه على لحيتوا و رد ) فاش يتسالاو لك قلبيها دراما .. دابا بلا ما نبقاو نزيدو فالهضرة الخاوية غنقولك جوج كلمات .. أ تديري عقلك تبارك الله .. ما غديريهش تحملي مسؤوليتك فلي غيوقع لك

شريفة:( ضحكات باستهزاء ) من ديما متحملاها نهار نجي نبكي عليك و نقولك ندمت .. العيب عليك يلا ما مسحتيش فيا رجليك .. مزيانة هاذي ؟

إلياس:( شاف فيها مطولا و رجع قلب وجهوا كيتنهد ) تبدلتي بزاااف

شريفة: نتوما لي خليتيوني نكون هاكا ( هزات صبعها فوجهوا ) و ما عند حتى واحد الحق يلومني على شي حاجة درتها فراسي .. نتا أكثر واحد خاص يشد فموا و يحشم حتى يشوف فيا ..!

جلسات فوق الناموسية جامعة رجليها عندها كتلعب بيهم بالأعصاب و يديها خدامين كيشعلوا فكاروا .. من نوع كلامور رقيق .. شاف فيها بنص عين و بصوت هادئ قال

إلياس: ما غترخفيش على داك الصدر ؟؟

شريفة:( ساطت الدخان فالسما و بنبرة ثقيلة ردات ) خلي مو يتخرشش شنو مشالك ؟ صحتي كليتوها نتوما قبل منوو ( شافت فالكارو كيتحرق بين صباعها ) هو بعدا من لول داخلني على الصفا .. كية لي كيبدل جلدو بين ليلة و نهار ..

هزات تيليفونها كتبقشش فيه حتى تسمعات أغنية " ظلموني " هزات عينيها فيه

شريفة: غني ا حبيبة و أنا غندير فيها متأثرة و نبكي معاك ( حطات يديها على حنكها كترمش فيه ) يا دمعة دونت طيحي

إلياس:( قلب وجهوا كيضحك تا كيتهزوا كتافوا ) ما كتهديش نتي ؟

شريفة: الله يعطيك هدة نتا نيت ا ولد حجيبة

إلياس:( جلس حداها و بهدوء خدا يديها بين كفوفوا ملس عليها و بنبرة حزينة نوعا ما و هادئة كليا .. قال ) نتي عارفة مزيان معزتك عندي قداش .. ما دوزناش القليل .. عمري نفرط فيك واخا يوقع لي وقع .. عمر الخيط لي جامعنا يتقطع .. ديريها فبالك .. كنبغيك و غنبقى نبغيك حياتي كاملة

شريفة:( حنات راسها .. صدرها كيطلع و يهبط بالجهد ) لي كيبغي ما كيفرحش منين يشوف حبيبوا مضرور .. نتا قت٠٠لتيني ماشي غير ضرتيني .. ما لقيتي غير نجاة تتزوج بيها ؟ و مسكنها فقلب داري حاطها فوجهي .. زعما نتي موتي طرطقي ( شافت فيه بتأنيب ) مكبر بيها و معرس لها و خاسر عليها غسيل الفندق .. كتبوس فيها قدامي ما عندي أنا قلب ياك ؟

إلياس:( زفر بصوت مسموع ) كتهضري على أساس نتي مظلومة ؟ مريضة فراسك لا ؟ العمر غير غادي و كينقص حتال فوقاش كنا غنبقاو كنتناقشو فنفس السيجي ؟ انا باغي ندير ولادي ما حد باقيلي شوية دالجهد و نتي شنو درتي ؟؟

شريفة: و أنا ما باغمش واش ما كتفهمش ؟؟ من لول سير عند وحدة معشوقة فالولاد تولد لك حتى عشرة ما تجيش عندي أنا .. هادي هي التبهلة و سريق العواد

إلياس:( بتسميم ) تا دابا باقي الحال .. هانا مشيت عند لي تولد لي و فكينا هاذ المنامة ..!

شريفة: مع نجاة أ إلياس ؟ نجاة ؟ ( غززات سنانها ) أنا بغيتك تولدهم من عينك ان شاء الله .. طفرتيه زعما ؟ و لكن كيقولوها ما تبدل صاحبك غير بما كرف .. كحلة النك تا هي يفرحولها الناس ( قلبات وجهها ) تواتيتي نتا و راس الهيضورة يخليها سلعة

تقطع صوت الموسيقى لي كانت مطلوقة و طلعات فالشاشة نمرة بريفي كتصوني .. حسات بلي عمر مولاها ..! تمتمات فنفسها باستهزاء

شريفة: زربان على كرك حتى نتا ( وقفات حيداتلوو الصوت و قلباتوا على وجهوو فوق الكوافوز )

إلياس: علاش مكتجاوبيش ؟؟ ( هز حاجبوو ) شكون هذا لي كيعيطلك فنص ليل ؟؟

مع خطفولها يرد .. لقاه ديجا تقطع .. زير على ذراعها و جرها لعندو مخرج عينيه فيها

شريفة:( قسحها تا غرسات ظفارها فلحموو ) طلق البعر راه لحمي هذا .. إلياس ما كنضحكش طلق من يدي و هضر عيقتي دالخرا

إلياس:( زاد زير و تحت سنانوا قال ) شكوووون هذاا ؟؟؟؟ آخر مرة غنسولك شكون ؟؟

شريفة:( حاسة بيديها غتقطع عليها بالحريق و مع ذلك مكابرة ) ضرك ا حبيبة .. مالك غير نتا لي تعرف تجيب الضرة و تغذرني ؟ ( ببرود ) حتى انا كنعرف ا راجلي الحبيب و ما تخافش ما غنجيبوش كي طر٠مة الهجالة ديال نجاة .. عندي الذوق عليك كوميم ..!

خلاتوا كينهج بالأعصاب ما حس براسوا حتى ضربها بتسرفيقة جاهلة تا حسات بمذاق الدم ففمها .. و مع ذلك كملات

شريفة: مالك تعصبتي ؟؟ من نوع لي غينغمك ا كبيدة و علاش لا نديرو plan à 3 ( بلان بثلاثة ) تكفينا الناموسية بعدا ياك ؟؟ و نزيدو معانا حتى نجاة .. ما طالعاش ما طالعاش ..!

طلق منها واقف كيترعد .. نفسوو كطلع بالجهد .. و عينيه قرطاس عليها .. خلعها بنظراتوا حتى رجعات خطوة للور و تعكلات مع الناموسية .. جات جالسة .. تكى بيديه بجوج حدا جنابها .. مقرب بوجهوا لعندها

إلياس: فين باغى توصلي بهاذشي ؟ علامن كتلعبي ؟ عليا و لا على راسك ؟ ( هو كيهضر و شريفة ساكتة كترمش فيه ) عارفة راسك شكديري و لا ما عارفاش ؟

شريفة: إلياس

إلياس: كتقلبي نفوت فيك شي دقة حتى تشدي الركنة ؟؟ بلان بثلاثة ياك ؟؟ عندي ق** كنقو** فيها ؟؟ ( مد يديه لسمطة كيحل فيها و هي عينيها مخرجاهم فيه ) نقتل مك قبل ما تفكري فيها ( كينهج ) باغاني نقتلك ؟؟

جر السمطة سلها قدام عينيها كيلوي فيها .. محاصرها بين الكادر دالناموسية و بينوا .. ما لقاتش حتى فين تهرب .. شفايفها ترعدو و هي كتجمع الحروف .. من عينيه بانلها لا مجال للمفاوضة و ماشي وقت تخراج العينين و الغوات ..!

شريفة: إ إلياس ؟؟ من نيتك غتضربني ؟؟ بالسمطة من الفوق ؟ واش بعقلك ؟؟

إلياس: عييت ندوزلك وا لا نتي حشمتي .. غير ما زايدة فعمايلك .. لا ليسط ديالك معايا وصلات للافان ( النهاية )

هز يديه جاهل و شحطها معاها بكل جهدو لفخضها حتى غوتات لربي لي خلقها كتحس بلحمها كيزنزن عليها و زاد جرها من شعرها جهتوو مغذذ و مع قربات ليه سقلاتوو و طارت على وذنوو عضاتها لاسقة عليها

شريفة:( طلقاتها مغذذة كضرب فيه بيديها بجوج ) أناا تضربني القو** .. الله ينعل الق*** مك ا ولد الواسعة

هي كضرب فيه من جهة و هو من جهة أخرى كيشحط فيها حتى كتنقز تنتفوو و تقمش فيه .. لحموو شرطاتولوا بظفارها و هي لحمها كامل حمار و شي شحطات تنفخوو و بداو كيبياضوو باينين بحال زطامي دالرملة .. حتى تهدوو بجوج و كل واحد فين جلس كينهج ..!

إلياس: نق٠٠تلك و نبكي عليك فخطرة .. و منخليك تلعبي مورايا أ شريفة .. نتهناو أنا و ياك من حريق الراس فمرة ..!

شريفة: و الله حتى ندمك الك٠٠لب .. يلا بقات فيك تبقى فيا كحلة زحلة .. تسنى دابا تشووف ( حنات راسها كتبكي و تبرد فلحمها ) كتحكر عليا حيت ما عندي حد ... عندي الله فضل ليا من كلشي .. غير بلاتي عليك ا فرطوطو

إلياس: شكووون هذا لي كيعيطلك ؟؟؟

شريفة: وا مكنعرفوش الله يعطيك دقة نتا و ياه .. الله يهزك عندوو و يهنيني منك

رجع عندها مغذذ كولو كيترعد .. طاح عليييها كينهج و بيد وحدة سدلها فمها حتى خرجات فيه عينيها كتركل برجليها و تضرب بيديها

إلياس: سسسسكتي ( بدا النفس كيبرد فيه و ينقص من صوتوا ) سكتي قبل ما ندير فيك شي كارثة

شريفة:( عضاتوو تا هربها ) ما أنا سااهلة ليك الله يحرق طاسيلتك الك٠لب .. أنا ماشية بنيتي معاكم و نتووما كتخوروني من لور و دايريني ضحكة قدامكم و هانية ياك ؟؟ حلال عليك و حرام عليا ؟ ا سبحان الله الشريف ..!

ناض من فوق منها بلا جواب .. حتى قالت غيمشي بحالوو .. و هو يبانلها هز تيليفونها باغي يديه ..! مشات كطير كي الزواق ما عرفها كي دارت بعتات عليه و خطفات تيلي .. زادحاه بالجهد مع الحيط مشى شتات .. و هي قداموا مخرجة عينيها

شريفة: يالاه دييه دابا

إلياس:( تنهد بعمق حاس براسوا ماشي هو هذاك ..! ) نتي ما معاك هضرة هاذ الساعة ... يصبح و يفتح .. نبدل سااعة بأخرى حسن ليا و لييك ..!

شريفة: يلا غييير على وجهك لهلا يصبحوو

خلاتوو حتى خرج و تحنات جبدات كارط بيس ديالها و لاكارط ميموار .. كتبوس فيهم و تدعي الله لي عماه و ما هزهمش لها ..!

بسوميج دونوي فالأبيض جالسة فوق الناموسية مربعة رجليها .. دموعها هابطين شلال على وجهها لي مزوق بيديين شريفة ..! جارة عندها البلاطوو دالعشى كتبرد فيه هوايشها و عينيها معلقين مع الباب كتسنى فإلياس يدخل .. تقريبا ساعة و هي بنفس البوزيسيون .. ملات و قنطات و لا هو بان .. حتى بدات كتحس بمسرانها كيتلواو فكرشها و حريق فشكل شدها ..! خرجات عينيها كتوجع و وقفات بالزربة غادية لجهة الحمام كتعصر ..!

******************

من بعد ما جمعات البيت و كاع لي هرسات .. خوات عليها سطل دالما .. بدلات حوايجها بغوب سميطات فالأحمر .. نازلة حد فخاضها .. ثوبها حريري كلوو كيزلق ..!

فتحات بلاكار صغيير فالجنب جاي مدرق بالكوافوز .. مستفين فيه أشكال أنواع من الشراب و البيرات .. عينيها تفتحوو بابتسامة و هي حاطة صبعها على شفايفها كتتخير و تتعزل بعوينات الغزال ..! فالأخير هزات قرعة لونها شفاف .. مبين اللون الأصفر للمشروب ..!

حطات القرعة فوق الكوافوز و حداها كاس مربع .. كتحرك بكل أريحية بحال شي فراشة .. هزات بريكي كتشعل بيه الشمع لي مزوق البيت .. بأشكال جميلة .. منهم لي مربعين لي دائرين و لي مفتحين بحال الوردة .. كيعطييوا رائحة زكية ..! غير كملات هزات جوج عواد طوال فالقهوي .. شعلات لهم راسهم تا بداو كيتحرقوا و ريحة العود كتعطي .. حطاتهم فمكانهم المخصص ..!

و قبل ما تجلس تصنت لعظامها كانت ناقصاها آخر حاجة .. صوت أم كلثوم و لا وردة لي كيطربها و يطلعلها السكرة تال الطوب ..!

حاطة القرعة بين فخاضها كتعمر فكاسها و تشرب منوو بهدوء بحال يلا كتشرب شي عصير ..! منغمة بالجو و ريحة العود و الشمووع الرومانسية لي عاطية لمسة أنثوية جميلة .. كأنها أميرة فالسبعينات .. مدلعة نفسها على الآخر ..! مرخية و كتافها كيتحركو بثقالة مع كلمات الأغنية .. سامحة لراسها تنثاقل لعالم غييير هذا لي حنا فيه ..!

هادئة على غير عادتها و هي صاحية .. ابتسامة حلوة ملازمة شفايفها .. عينيها تجبدوو و صغارو و داك الحمورية لي ضايرة بيهم كتبينهم معسليين و جذابين ..!

للحظة لمحات إلياس دايز قبالتها للجردة .. ما عرفاتش واش مجرد هلوسة بتأثير الشراب و لا بصح هو ..! سهات كتبسم بشقاوة و تجغم من كاسها لمدة كافية تشد فيها السكرة نيت .. بعدها هزات كاسها و ناضت كتمشى بتباث و بثقالة .. ما كتخطي الخطوة حتى كتزكي رجليها و كتعرف فين تحطها ..!

ما وقفات تال الجردة فين بانلها إلياس جالس فمرجيحة من الثوب مثبثة مزيان جايا مقابلة مع لابيسين .. بجرأة قربات منوو و خلات عينيه يتملاو بشوفتها .. يافعة .. جميلة .. سٌُكَرَةْ .. انحناءات جسمها عنوان للإغراء و الأنوثة .. عيونها بحر من الألم ، الحزن، القوة و الجبروت .. براءة ملامحها مرة تنعاكس على داخلها و تبان كطفلة بريئة تحتاج عطف و احتواء .. و مرات ثانية كبحر هائج .. يسرط الحي و الميت .. باختصار هي دمار ..!

إلياس:( بلع ريقوا لي نشف عليه من منظرها ..! شاف فالكاس لي فيديها و بهدوء قال ) ما كتحنيش فلحمك ؟؟ لهاذ الدرجة عزيزة عليك العصا يلا ما ذقتيش منها ما دوزلكش الراحة ؟؟

قربات منوو بابتسامة جلسات قدامو بالجهد كتلعب برجليها حتى كتمشي بيهم الأرجوحة و تجي

شريفة:( حطات يديها على لحيتوو ) يلا ما حنيت أنا حن نتا ا بيض القلب

حطات شفايفها على شفايفوو ببو٠سة سطحية و رجعات تكات على كتفوو حتى حسات بيديه غمروها و زيروا عليها .. معنقها عندو و يديه كيلعبوو ففخاضها .. كيدوز براس صبعانوو بحال يلا كيهرها ..!

إلياس: الدنيا مخلطة و نتي هابطة هاكا ؟؟ ( ركز فيها تا تبسمات معاه ببراءة ) خاصوو شي تخريطة تشدي بيه الأرض واحد السيمانة .. ياك ا هشيشة القلب

شريفة:( بعينين معسلين و هدوؤ منعاكس على ملامحها ) توحشتك ا حبيبة و جيت عندك ( باستوو بخفة ) نمشي بحالي ؟

إلياس:( عينيه تبسموو و زاد خشاها فيك ) شكون يسخى بيك ؟؟

شريفة:( خشات صبعها فكاس دشراب تا ولا كينقط و هزاتوا كدوز بهدوء على شفايفوا حتى فتح فموو كيم٠صولها ) نتا سخيتي و مشيتي عند تر٠مة الهجالة

إلياس: ااخخ ا شريفة ااخخ

شريفة:( شهقات و حطات يديها على فمها ) ششش شريفة ماتت ( قربات منو كترمش ) خليها بيني و بينك .. عنداك يسمعونا أ حبيبة

ضحك و دوز على شعرها كيردو مور وذنيها .. جاتو بحال السٌُكَرَة على قلبوو .. توحش هدوئها و راحة بالوا لي كان مكيلقاها غير معاها ..!

إلياس: ماتت كاع ؟ فين مشات امم ؟

شريفة:( عضات على شنافتها و هزات يديها على شكل طيارة و صفرات بفمها حتى غلباتها يديها و رجعات تقلبات عليه ) شريفة غتمشي .. لبعييييد .. و نتا ( شهقات ) خليك مع حما٠رتك ..!

إلياس:( هز حاجبوا و زير عليها لعندو ) هاذيك لي ما تحلمي بيها .. من حدايا ما غتزعزعي

شاف فشفايفها لي بحال شي فريزة كتشهي .. تحنى عليهم كيبو٠س فيهم و يم٠صمص .. يديه مزيرين عليها .. باغي يطيرها .. بعد مدة قليلة حط راسوا على جبهتها كيلهث ..!

إلياس: فهمتي ؟؟

شريفة: تمو٠ت معايا ؟ ( تكات على صدرو مسهوتة و يديها كيلعبوا فشعروا ) شبتي أ حبيبة ( قلبات عينيها كتمضغ فالهضرة تسمعات غير الجملة الأخيرة ) ثلاثة دالوقات لي بقات

إلياس: شنوو ؟؟

شريفة: ريحتك خانزة ( بعدات عليه راسها كيلعب و هو غير كيشووف فيها بعينين مبسمين ..! ) لسقات فيك ريحة نجاة الخراية ( بدات كضحك ) خسرتلكم ليلتكم ا حبيبة

إلياس:( صغر عينيه و قال بابتسامة ) شنوو درتي المشاغبة ؟؟

شريفة:( حطات يديها على صدرها ) أناا ؟؟؟ ( طاحت عليه كضحك ) أنا غييير حليييت لها جعابيها المخنووقيين و صافي أحبيبة ( ضوراتلوا وجهوو جهتها و قالت بهمس ) خليها فطواليطها مع جنونها و نتا خليك معايا لولوسة ديالي

إلياس:( ما قدرش ما يضحكش على ضرافتها و عاود موراها ) لولوسة ؟؟ ( جرلها نيفها بجوج صباع ) ما حرامش عليك تمرضيها ؟ شنوو عطيتيها ؟؟

شريفة:( ضورات عينيها و حطات يديها على فمها كضحك ) لااااائح حلااااال .. ما قاريش القرآن ا لولوسة ؟؟

إلياس: هههههههههه بقالك غير القرآن السكايرية

شريفة: انن ؟ ( تكات كتشوف فالسمى ) نتوما قتلتوني و أنا أنعطيكم السم ههههههههه تبداو تلقفوو و نجي نقطر ليكم .. حنيييينة أنا .. نبقى معاكم تا يدي مول الأمانة أماانتوو .. لولوسة الخاين و نجاة لاتخراشاي غيتشواو بحال السردين .. غنضحك عليكم هههههههههههههه

إلياس: هههه و نتي فين غتكوني ؟؟

شريفة:( بلقات عينيها فيه ) عرفتي أناااا ؟؟ ( سكتات شحال حتى حركها و قالت بصوت ناعس ) تووحشتك

إلياس:( بفرحة و عينين لامعين هزلها راسها جيهتوو و باسها بقوة مرة أخرى .. كيفدي فيها الشوق حتى قطع فيها النفس و خلاها كتلهث و هو حاط جبهتوو على جبهتها كيرد النفس ) أنا كثر ..!

شريفة: ههههه شدك الوحش ا كبيدة

إلياس:( ضحك و جرها عندو كيب٠وس فوجهها و عنقها بلهفة و هي كتموووت بالضحك ) الوحش هو لي غياكل مك طرف بطرف ( عضها فحنكها ) ما غنحنش فوالديك على هاذ القطعة لي قطعتيني

شريفة: ههههههههه ( مدات يديها عنقاتوو من كتافوو و قربااتوو لعندها أكثر حتى همساتلوو فوذنيه و نفسها كيضرب فعنقوو متعمدة تبوورشوو ) عطييتك الضوو الخضر ا عمري ( عضات فمها و شافت فيه كتسبل عويناتها ) توحشت لساانك بين شفييراتي .. نبدا و لا تبدا ؟؟

قهقه بالجهد و حط يديه على حناكها بجقهم حتى خرجوو شفايفها و تحنى عليهم بلهفة كيفدي فيها القديم و الجديد ..!

ما خلاهاش حتى ترد النفس .. دغيا وقف و جرها داخل بيها للفيلا .. تا غوتات كتعيط

شريفة: هييييهووو طلقوو الموسيقى ( جرها بالجهد حتى كانت غتجي على وجهها ) عندنا عرس ليووما

إلياس:( حط يديه على فمها ) ششش سكتي غتفيقيهم

شريفة:( بصوت خافت مخرجة عينيها كتبقلل فيهم ) ششش غنفيقهم ششش ا شريفة ( طلق منها و حطات صبعها على فمها ) شش انا ساااكتة

إلياس:( ناقص صوتوو ) يالاه نطلعوو لفوق و بلا صداع

شريفة:( كضحك ) نطلعوو نديرو الساكوفاح أ حبيبة و نجاة لي غتخنقلنا القوادس ههههههههههههه ( حاطة يديها على فمها كتسكت راسها بزز ) شنوو نديرو مع طب*** مها ؟؟

شداتوا الهستيرية ديال الضحك و كيجر فيها مطلعها بزز .. الدموع بغاو يهبطولوا بالضحك .. حتى كيقول سكتات و كترجع تطلقها كثر من راسها .. ما وصل لبيتها تا ربي غفرلوو الذنووب .. أما هي دخلات كتمايل .. كتقلب على شي حاجة شنوو هي الله و أعلم

إلياس: شكديري ؟ أجي دابا من بعد و قلبي ..!

شريفة: شششش مشغووولة ( عيات تقلب فلخر جلسات مربعة رجليها شاداها الشهقة و شنايفها مدليين .. مفكوعة ..! ) ما لقيتووش

إلياس:( تنهد و نزل عندها ) شنوو هو نقلبلك عليه ؟

شريفة: القرآن ا حبيبة ( عقد حجبانوو فيها و هي هزات صبعها كتديه و تجيبوا قدام عينيها و تحقق فيه ) ما دير نونو فالجعيبة حتى تحلف ليا ما قستي حتى وحدة من غيري ( ما حس تا كانت سرفقاتوا و يديها فاشلة عليها ) يا الغذاااار

إلياس:( شد حنكوو محمر عينيه فيها ) بقى لمك غير القرآن دابا السكايرية

شريفة:( سرحات رجليها و ترخات فالأرض ) ما تقيسنيش

إلياس:( قرب منها بغى يبوسها و قلبات وجهها جات فحنكها ) وا صافي أ كبيدة .. خلينا دابا نقضييوا و منين تصحصحي نحلف لك .. متافقين ؟

شريفة:( سرفقاتوا حتى غمض عينيها معصب و بلسان ملوي قالت ) هبيلة أناا تضحك عليا أنااااا ؟؟

ما زادش معاها الهضرة مرة أخرى .. وقف و نوضها بزز كتنثر حتى دفعها فوق الناموسية جات ناعسة على ظهرها مفرقة بين رجليها و كل يد شادة قنت .. عجباتها اللوحة تا بدات كتبومبا و ضحك .. قطع فيها الضحكة و هو كيعريها و يتعرى عليها .. شوقوا ليها كبير ..!

طاح عليها بحال العطشان ما هزش الراس .. تا سمعها كتردد بصوت محلون ثقيل .. و عليها كينطبق المثل .. ديال سكران و حاضي حوايجوو ..!

شريفة: خرجوو .. ما تخوييش فيا فف .. إلياس عنداك .. غتضرني ..!

حبس شاف فيها كيلهث و خرجوا خواه فوق كرشها و طاح فالبلاصة قدامها على كرشوو .. تسالى ليه الجهد و شداتوا واحد النعسة حلوووة .. حاس براسوا مهلوك باغي غير يغمض غميضة .. و الفضول لي فيه ما هناه .. لسانوو كياكلوو باغي يفهم

إلياس:( بصوت ناعس ) حسيت بشي حاجة مبدلة .. فشكل ديكشي ؟؟ ما عرفتش شنوو بالضبط ؟؟

شريفة:( غمضات عينيها نعسات هكاك كيفما خلاها .. ردات بزز بجوج كلمات و مشات فسابع نومة ) درت عملية

بقى كيتسناها تزيد تهضر يفهم منها .. لكن ضرباتها بنعسة و خلاتوو كيبني و يعلي .. إحساس غريب اجتاحوو فالعلاقة بيناتهم .. و هنا ما كيهضرش على الوالدة .. لأنوو ما كاين حتى فرق بيها او بلاش .. و مستحيل يعرف او يحس بلي محيداها ..!

حاجة أخرى مبدلة فيها ما فهمهاش و ما عرفش شنوو هي .. ! تنهد و قال ممكن حيت مدة ما تعاشرو و غير جابلوا الله .. جرها عندو مسحلها كرشها و غطاها من البرد دالصباح لي بدا كيطلع .. و نعس هو الآخر بتعب ..!

*********************

بعد ساعات قليلة صبح الصباح .. الشعى ضارب مجهد فالبيت حتى عمالها العينين و بدات تأفأف و تقلب فبلاصتها .. قنطانة من راسها .. ناضت دايخة مخلية طبعة كبيييرة دائرية بااينة فليزار دالناموسية ..!

يالاه زادت خطوة و هي تنتابه لراسها زبطة كيفما تولدات .. خرجات عينيها بصدمة و ضارت كتشوف فالناموسية لقاتوا ناعس على كرشوو .. حال فموو نص حلة كيتسمع صوت أنفاسووا .. حطات يديها على راسها لي كيزدح عليها و كتحركوو بالنفي

شريفة: لاااا .. لااا .. لااا .. غير كنحلم لااا أ شريفة لا

غوتات صاعرة و هزات كاس شيرات بيه بالجهد على المرايا حتى تشققات و فاق طاافج ..

غوتات صاعرة و هزات كاس شيرات بيه بالجهد على المرايا حتى تشققات و فاق طاافج .. شاف فيها عينيه معمشين ... فاتح وحدة و مغمض الثانية ..!

إلياس: مالك ؟؟

شريفة:( سكتات مطولا كتغزز فسنانها و عقلها كيدي و يجيب حتى تبسمات بزز و قالت ) غير كانت شي حاجة فالمرايا و تخلعت و ضربتها بلي لقيت قدامي .. ما علينا .. بغيت نهضر معاك فشي حاجة ضرورية .. و ما تقوليش لا أ إلياس .. عمري طلبتك ..!

تقاد فالنعسة متكي على الكادر .. عظاموو طايحين عليه .. متبعها بعينيه كتمشى زبطة .. حتى جبدات بينوار قصير زادتوا عليها و رجعات ربعات رجليها حداه جالسة ..!

إلياس: كنسمعك ؟

شريفة: بغيت ندير مشروع ديالي

إلياس:( فالبلاصة رد برفض قاطع ) لا .. هاذ الموضوع غير بلا ما تناقشيني فيه

شريفة:( غمضات عينيها بصبر و رجعات تبسمات فوجهوا بصفورية ) أوك خديت جوابي و لكن واخا تسمعني حتى نتا ؟ خليني نكمل تال لخر و لي بانلك نديروه ..!

إلياس:( حرك عينيه بمعنى اوك )

شريفة: أنا ماشي نكارت الخير .. خيرك كبييير عليا عمري نوفيه .. اييه كاع لي حليت عليه فمي كيجيني حتال بين يدي .. مكبر بيا و ما ناقصني معاك والو

إلياس: و منين هاذشي لاش باغى مشروعك ؟ ما عندك ما ديري بهاذ صداع الراس

شريفة: لا عندي ما ندير بيه .. ما غنبقاش بين ربعة دالحيوط كناكل فراسي بالغذايذ .. حتى لشي نهار نخشي فمرتك شي موس نسيفطها للقبر و أنا للحبس ..

إلياس: يلا غير على ود نجاة ..! من غذا نديرلها دارها بوحدها و نفرقوو هاذ المجمع ..!

شريفة: كيفاش دارها بوحدها ؟

إلياس: تسكن فالدار ديال ocp غير مشدودة .

شريفة:( زفرات بالجهد ) ا حبيبة راه المشكل ماشي فنجاة بوحدها .. أنا ما بقيتش حاملة هاذ الجلسة فالدار .. راك خانقني ا إلياس .. و بزاااف كاع .. بغيت نشم غير الهوا دسيدي ربي و نحس براسي تانا بحال الناس كندير شي قل** فهاذ الدنيا

إلياس:( دوز على عينيه كيحيد العماش و رد ) واكلة شاربة مكسية .. شنوو ناقصك ؟ الناس لي كتهضري عليهم كيتمناو عيشتك

شريفة: من عندي غير الله يطليهم بيها .. راه بغيت ندير علاياش نرجع .. الدنيا هاذي و ما عرفنا السابق من اللاحق .. واش مك و خوتك غيهزوني من موراك ؟

إلياس:( رد ما عاجبوا حال ) هاذشي لي بقالك غير تقتليني ( ركز فيها مخنزر ) داك الساعة غتورتيني .. غيكون عندك حقك منك منهم .. و باش نفضيوا هاذ المسألة غنكتب وصية ليك .. ارتاحيتي ؟

شريفة: لا وصية للوارث أ إلياس .. راه باطلة .. و زايدون أنا مكنتيقش حتى فحوايجي حراك نتيق فيهم ؟ عاد غنتسناهم يحنوو فيا ؟

إلياس: راه كتهضري على دارنا الحاجة

شريفة:( قاطعاتوو بابتسامة لطيفة شادة فيديه ) على هاذشي كنقولك ندير مشروع نوقف عليه و ننعلوا الشيطان و نخزيوه .. و يلا على المدخول كامل يمشي للكونط ديالك فالبانكة أنا ما ندي والوو .. غير يكون ديكشي فسميتي نضمن راسي و صافي .. الله يطول فعمرك .. بعد سنين طويلة ان شاء الله ( بقى ساكت حتى عصبها ) شنوو دابا غتخليني كنرغب فيك و لا كيفاش ؟؟

إلياس: و ديالاش هاذ المشروع ؟؟

شريفة:( بتنهيدة ) كن خليتيني نقرا التجميل و نشد شي ديبلوم كنت نفتح صالون

إلياس: غنرجعوو لنفس السيجي ؟

شريفة: غير كنهضر و صافي .. انا عندي مع جوج حوايج .. دونك يا صالون دالتجميل يا شي ريسطوو ( بحماس ) نديرلهم حتى الأكل الشرقي .. قليل فين كيديروه هنا .. شنوو بالك ؟

إلياس:( بغى ينوض ) أنا بانلي ديري مناقص من شي مشروع و لا خدمة .. مهم يدوزو هاذ اليوماين و يحن الله

شريفة:( وسعات ضحكتها من الوذن تال الوذن ) حلف ؟؟ كلمة دالرجال .. عنداك ترجع فهضرتك ..!

إلياس: هضرنا معاك .. نقصي من فريع الراس

شريفة: غتدوش ؟ ( حرك راسوا بالايجاب ) داكوغ .. سربي باش ندخل حتى أنا .. خاصني نوجد راسي نخرج

إلياس:( ضار شاف فيها ) غتخرجي ؟ اييه هزي راسك و زيدي خلفة ( خرج فيها عينيه ) معامن تشاورتي بالسلامة ؟

شريفة: ظلمتيني فهاذي ا كبيدتي و الظلم خايب كثييير شي يلا كان على الصباح .. باقي ريقي ناشف ما نلقى حتى باش نبلع هضرتك .. شفتي دابا سبقتي العيب ؟

إلياس:( خربقاتلوو الدماغ ) كيفاش ؟ ما فهمتش ؟؟

شريفة: راه عاد فقنا .. كنت غنعلمك دابا نيت .. أصلا خاصني الطونوبيل باش نتحرك .. غنمشي نجيب نظاظري غيكونوا وجدو .. ليلونتي حيدتهم حرقوني فعيني .. و هي هاذيك نشوف شي تيليفون

إلياس:( شاف فيها مطولا ) آخر مرة نرجع ناخذلك شي حاجة هرستيها بيديك .. ديريها فبالك .. و ما كاين خروج هاذ النهار

شريفة:( نطقات سميتوو حرف بحرف كازة عليها ) إليااااس ما تخليش الكَناوية تطلع ليا عليك على الصباح .. من قبيلة و أنا صابرة لك وا ما تزيدش فيه من العياقة د والوو .. ساعتين دالماكنة و هانا معاك ( هزات حاجبها ) و لا خاصك ضرووري الحضية من مورايا ؟؟

إلياس: خلي تال غذا و نديك أنا و لا تمشي معاك الحاجة .. بوحدك ما كاين خروج ( خرج عينيه ) فوقاش كانت باش تكون دابا ؟؟ و لا غير بانتلك نجاة بغيتي طيري

شريفة: يعطيك طيار راه غتمشي معايا أسية ( غوتات مخرجة عينيها فيه ) مالك على هاذ التق*** ديال *بي .. جيب شي قنبة و ربطني فينما مشيتي جرني معاك .. وااااه على مرض ..!

إلياس: ساعتين و تكوني هنا .. الكونطاكط عند عبد الله ( الجارديني ) حتى تلبسي و هبطي يعطيهلك

شريفة: و الفلوس ؟؟

إلياس: غتمشي عند لوبتيك ديال صاحبنا المعلوم ؟

شريفة: و شكون من غيرو كنتعاملو معاه ؟

إلياس: صافي .. خوذي شغالك حتى ندوز أنا و نخلص .. التيليفون غذا و نجيبلك واحد .. و يلا كان عبد الله مسالي ديه معاك .. يدوز عندي نعطيه باش يخلص

شريفة:( ضحكات باستهزاء ) تخليني أنا و تعطي لعبد الله .. بلاش أ خويا حتى تدوز نتا

إلياس:( شاف فالطبعة و تنهد كيقلب فعينيه ما عاجبو حال )

شريفة: مالك كتنهد عليا هنا ياك لباس ؟؟

إلياس: وصلتي للي باغى ؟ قلبتي وجهك ثاني ؟ نقنبلوها على الصباح ؟؟

شريفة: وا ما عرفت لبنادم كنفوسخووه فابور ما يشد فيه لا سحور لا بووكَليب كحل و زايد بالتنفاخ من الفوق ..!

إلياس: عيطي لسهام تخرج المطربة تشمش من الهضرة ( حل باب الدوش و رجع شاف فيها ) منين درتي العملية و لعبتي تما تا تشبعتي .. كن زيرتي معاك الفيزيبلات دحشونك

شريفة: هه ! مالك نتا ما كتبولش ؟؟ عندك شي سيتيرنا لداخل كتخزن فيها ؟ بقالك غير تنوض تعايرني بمرضي مالي لخاطري ؟

إلياس: سميتها كنضحك معاك .. مالك دايرة هاكا ؟ نتي هانية تقولي لي عجبك و يلا عيب عليك شي حد ما كترضايش

شريفة:( حولات عينيها كترفرف بدوك الشفار ) و يا كيتك يا خلاك أنا بعدا كنقلب لراسي على الحل .. كية لي عندو فيه جوج سانتيم و فرحان بيه ( عيبات وجهها و شيراتلوو بيديها ) سير أودي سير .. ما كاين فينا لي خاصوا العملية قد *** الفنيان

إلياس:( غمض عينيه كيسوط ) شحال ما بقيت غنهرس مك من شي قنت

دخل للدوش مخليها موراه كتبركم .. حتى بانلها البلان فكاس دالقهوة و كارو تعصر عليهم تقاد بيهم المجاج .. دارت كبسولة من نوع إكسبريسو و خلاتها كتعصر حتى وجدلها كاسها .. شمات ريحة القهوة و قالت

شريفة: الله ( طولاتها ) على ريحة ..!

كمات كاروها على خاطرها .. ساهية و عقلها كيدي و يجيب .. ما مرتاحاش نهائيا .. المطارق كيضربوا فراسها و شلى بلانات شاغلينها .. حتى خرج إلياس لابس بينوار فالأبيض و على راسوا فوطة كيمسح بيها

شريفة: بالصحة

إلياس: الله يعطيك الصحة ( فتح الماريو كيشوف شنو يلبس ) غنسبقك للتحت كملي و هبطي .. دابا نسيفط سهام تجمع البيت و تهويه

شريفة:( ساهية ) امم لبارح خويتي فيا ؟؟

إلياس:( حبس و ضار عندها ) علاش كتسولي ؟؟ مزيان بعدا منين جبدتي الهضرة .. بغيت السمية ديال الطبيب لي دارلك الأوبيغاسيون

شريفة:( سكتات بضع ثواني و رجعات ضحكات باستهزاء ) خايف عليا أ كبيدة .. عاد فاق عليك الضمير ؟؟ ( سكتوا بجوج تا رجعات قالت ) ما جاوبتينيش على سؤالي ..!

إلياس: حتى تجاوبيني نتي ؟ و علاش كتسولي بعدا ؟ ياك حيدتي الوالدة كي خويت كي لا ( عوج فموو بحركة كتعني كي والوو )

شريفة: مالك مكلخ ؟ عمرك شفتي شي وحدة محيدة الوالدة راجلها كيخوي فيها ؟ فين غيمشي داك الزبل ديالك ؟ ياكما عندي قادوس غيشربوو راك غتضرني البعر .. هاذي هضرة الطبيب ماشي هضرتي

إلياس:( قنعاتوا نوعا ما .. تقلب كيبدل حوايجوو و قال ) غير تهناي ما خويت فيك والوو ( سكت شوية ) ما قلتيليش سمية الطبيب ؟؟

شريفة: مات الله يرحموو سير تبعوو للقبر قلهم يجبدوهلك ( بنرفزة ) و آخر مرة الله يرحم باك تعاود تقرب ليا و أنا جايبة الكاو

إلياس:( لبس و كمل و دار عندها ببروود ) راك مرتي الحاجة .. يلا نسيتي نفكرك

شريفة:( قربات منوو و قالت ببرود ) عاقلة و عاقلة مزيان .. و الله ينعل النهار لي جمعني معاك اولد حجيبة ( بزقات فالأرض حدا رجليه ) عندك الزهر طحتي معايا بنت الأصل و مكننساش الخير و باقية دايرة بوجه وقفتك معايا أما ندوز عليك من الوذن حتى يلقاوك فالصباح غارق فدمك ( سكتات ) و عاقلة حتى على الشر أ إلياس .. ما كننسى والوو و غيجي النهار لي غنتحاسبوو فيه .. ما بقى قد ما فات

إلياس:( دوز يديه على وجهها و بهدوء قال ) هاذ الهضرة سيري قوليها لغيري .. نهار تبغي تقلبي وجهك .. ما تقلبيهش على لي رباك

شريفة:( دفعاتلوو يديه و عينيها فيهم لمعة جبروت ) ربيتي لفعة فقلب دارك و دوقتيها من سمك حتى ما بقى يكر فيها تا قد هاكا ( دارت إشارة بصباعها كتعني شوية ..! ) غيجي الوقت فين تذوق من سمها حتى نتا غير تسنى

إلياس: هانا كنتسنى ( ضحك باستهزاء ) و من هنا لتما راك مراتي و بزز منك تمتعيني

شريفة: مراتك راها فاتحة فخاضها كتسناك غير تبان و تحضن عليك .. أما أنا واخا نلقاك كتركل حدايا ما نعتقك أ وجه الويل .. تمشي تجمعلي الميكروبات من عند الق*** و تجي تلسقهم فيا ( حركات حجبانها للفوق ) عمرها تكون لك

حرك راسوو مع ضحكة بحال كيقولها دابا نشوفوو .. و يالاه جا يخرج تسمع صوت الدقان .. فتح لباب لقى سهام فوجهوو

سهام: سي إلياس الحاجة حجيبة بغاتك .. سيفطاتني نقلب عليك ..!

إلياس: واخا .. دخلي لعند شريفة راها محتاجاك

ضار نص ضورة شاف فيها و مشى مخليها كتحك سنانها عليه ما كرهاتش تغززوا ..

سهام: نعام أ لالة فاش بغيتيني ؟؟

شريفة:( تنهدات و قالت ) غتمشي تهزي داك القراعي دالشراب لي فداك البلاكار .. خويهم فالقادوس، شربيهم ، عاودي فيهم البيع .. المهم ما نلقاهمش كيدوروا هنا .. و جمعي معاك البيت و داك الناموسية بحال العادة

سهام: واخا هي لولة

شريفة: غندخل ندوش و نتي فاش تكملي سيري عيطي على أسية قلها توجد راسها غنخرجوو

سهام: ما غتحضريش للصبوحي أ لالة ؟ دايرين لهم الغذا و العشية .. الدنيا مقلوبة لتحت بالتوجاد

شريفة:( تسيفات عليها ) نحضر لكنازتك ا سهام لكنااازتك .. يصبحوو عليك ان شاء الله .. ديري لي قتلك و خيطي فمك شوية و نتي خاصك غير ما تبرولي

سهام: أنا أ لالة ؟؟ ( حنات راسها ) حشومة عليك و الله حتى عندي عزاز .. كنهضر عليكم غير بالخير و ربي شاهد عليا

شريفة:( ضورات راسها ) أحياني عليك أ سليعفانة حتى ما نكونش كنعرفك ..! ( نفضاتلها على كتافها ) نقصي من الهضرة شوية و سيري تبحلسي على داك العقروشة باش ديري بلاصتك عندها .. و طلقي من فمك العسل بلا فرانات .. حتى نلقى سيرتي على كل لسان و شوفي شنوو ندير فيك ساعتها يا بنتي يا سهام

سهام: لا لا كووني هانية أويلي ما نديرهاش

شريفة: بالي هاني الحمد لله .. و يلا بغيتي لحمك يفرسوو فيه الكلاب و نتي كتشووفي و نهزو طراف نوكلوو لك .. فتحي فمك بكلمة و عاودي أسراري .. و تفرجي ( بشوفة قااسحة ) سيري لشغالك أ سهام

خلاتها و دخلات للحمام طرقات عليها و مشات نيشان للبلاكار فالجنب الفوق عامر بالدوايات .. جبدات سمطة ديال الدوا فيها حبة وحدة بلعاتها بالخف و ردات كلشي كيفما كان .. شادة على نصها من التحت .. مرة مرة كينغزها بالحريق .. بحال كيضربها الضوو تا كتلوى بالوجع فبلاصتها ... صبرات حتى دازها لحال شوية عاد مشات جهة البانيوو طلقات الما فيه خلاتوو كيعمر و فنفس الوقت كتقلب فالمستحضرات لي غتحتاج .. من زيوت و أملاح معدنية و باندوشات ..و كتكب بكثرة ..!

غير بانلها ديكشي ترغوى مزيان .. سْلاَّت يديها من البينوار تا طاح للأرض و بان جسمها لي واضح وضوح الشمس بلي خاسرة فلوس صحيحة عليه .. باش طلعات داك الفورمة ..! تخشات فالما مغمضة عينيها بهدوء .. مخلية دوك المستحضرات يرخيوها و يم٠صوو حريقها .. كتدوز يديها على كتافها و تماصي بين عنقها و جناب وذنيها و هي هابطة من صدرها تال لتحت .. تجبدات و تكسلات مزيان عاد خرجات من تما كلها كتبري .. خدمات الرشاشة غسلات شعرها و توضات .. نقات راسها و لبسات بينوارها دايرة فوطة صغيرة على شعرها .. شافت فالمرايا و قالت

شريفة: الله ( طولاتها ) وا دابا بعدا وليت بحال بنادم ..!

رجعات بالهداوة فتحات الجلدة دالبانيوو خلاتوو كيتخوى .. كرطات داك الما و جمعات الدنيا بالخف حتى خلاتها كتلمع .. عاد رجعات غسلات يدييها و فتحات مجر قدامها جبدات منو واحد الآلة صغيرة كدوزها على حناكها تا كتلصق و تجبدها للفوق .. كتعاون باش تجبد الوجه و تعطيه نظارة و فنفس الوقت الدم يتحرك فيها .. مدة و هي هكاك حتى تزنكات و حسات بلحمها برد ما بقاش سخوون .. تما دازت للكريمات دالجسم ، الوجه، اليدين ، الرجلين .. عاطية لكل حاجة حقها و أكثر .. ما كتعز فراسها حتى حاجة .. المهم تكون نقية .. تحس براسها رطيطبة و ريحة زوينة كتشمها و تنعشها ..!

خلات لحمها يشرب داك البرودويات و هزات جيل انتيم هو واحد البوماد صغيرة البالاياج ديالها فالخضر .. مشات للاشاص غسلات مزيان و نشفات حتى ما بقات تا قطرة دالما و تما بدات كدهن بتركيز تام فالبوماد .. جمعات يديها و بقات مفرقة رجليها لمدة خمسة دقائق عاد ناضت جمعات الوقفة خبعات كولشي و خرجات تلبس حوايجها ..!

لقات سهام باقى كتضور فالبيت .. شافت فيها و دازت لبلاكار جبدات سليب دالقطن لبساتوو من التحت .. و بينوار قصير حد الفخاض دالحرير فالأحمر .. كتحماق على شي حاجة سميتها الأحمر .. !

شريفة: فيقتي أسية ؟

سهام: ااه راها كتسناك لتحت

بأونسومبل فاللون الأسود مزوقين بوريدات فاللون الأحمر .. خرجات شريفة من بيتها .. صاية سامبل حد الركبة نازلة مكرجة و منفوخة .. مع فوقاني فنفس اللون .. جاي حد صرتها و اليدين هابطين للمرفق .. مزير عليها بالمزيان حتى بان الصدر مطراسي ..!

هبطات للتحت .. لقات أسية جالسة فالصالون كتفطر مع الحاجة حجيبة و وحدة من بناتها .. بابتسامة حلوة جلسات دايرة رجل على رجل

شريفة: صباح الخير .. كي صبحتوو ؟ ماما حجيبة رجليك شوية ؟

حجيبة: صباح الخير و الرباح ابنتي .. شوية شوية .. ها حنا كنكابرو .. دوزي تفطري

مدات يديها كتقرب ليها و تعطيها غير الحاجة المخيرة و بنتها غير كتشوف و تميق .. حتى عيطوو عليها .. ناضت خلاتهم بثلاثة بيهم و مشات توقف على شغالها بيديها

وردة: و نتي أ شريفة كي بقى الخاطر ( هزات حاجبها ) غتكوني موحال نعستي و لا دازت عليك راحة .. بالي كولوا بقى معاك

شريفة:( تبسمات جنب ) و الله و ما تساليني حلوف أ حبيبة حتى نعست مخيرة ( هزات يديها ضوراتها على راسها ) صبحت منورة تبارك الله .. الله يحجبني .. شافني ربي بملوكوو ..!

وردة: الحمد لله .. الواحد هو لي يضحك و يفوج على راسوو واخا الغمة فالقلب غتقتلوو .. لداخل ما عالم بيه غير الله و برا تبسيمة فالوجه .. هاكا نبغيك ( ضحكات ) بعدا الكحول و العكار الأحمر هو لي ما يخطاك .. مريضة و لا صحيحة .. معبسة و لا فرحانة ..!

شريفة:( رداتلها التبسيمة ) الواحد هو لي يتهلى فراسوو و يبانوو عليه فلوسوو .. مالنا شحال غنعيشوو باش نمرضوو راسنا على كحل الراس ؟

وردة:( طلعات و هبطات فيها ) نيت راك ما مرضاش راسك .. اللباس هو اللباس و الحالة هي الحالة

شريفة:( قلبات عينيها كترفرف بشفارها ) الله يحفضني من عين البشر أختي .. يلا خطاك غير التحنزيز و الضحكة فالوجه و الشفاية فالظهر .. تعيش فوق السلك .. من الحامدين و الشاكرين أو لا أ أسية ؟

أسية: بصح اختي

شريفة: ايوا الحمد لله ..!

وردة: و لكن أ ختي سمحيلي نتدخل و ما ديريهاش مني قلة الصواب .. هاذي ماشي حالة ديال مراة مزوجة .. راك غير دايرة الشوهة فراسك لا غير .. أنا راه كبر منكم و خوذوها مني نصيحة .. المراة الحرة هي لي تستر راسها .. تلبس الطويل و تتحجب .. صافي البنت منين تتزوج تجمع راسها من التبرج و تضور بدارها شوية .. ما نمشيوش بعيد ها هي غير شريفة .. عيات تزوق و تطير و تنزل فلخر تزوج عليها .. واخا هما زواجهم من لول ما تماش .. و لكن باقي الحال ديري عقلك فراسك

شريفة:( زهقاتلها ضحكة .. تا تسمعات رنتها فالصالون .. حطات يديها على فمها ) سمحيلي ههه احم اهاه و شنوو آخر ندير ؟

وردة:( عقدات حجبانها ) أنا كنهضر معاك بنيتي و نتي كضحكي عليا و لايني قليلة الترابي

شريفة:( هزات حاجبها ) ربيتي ولادك بعدا و خرجاتلك فيهم الطايلة هه .. هاذاك هو الخير و البركة عندي .. هما مربيين العين ما كيهزوها تبارك الله و صلاة على النبي عليهم .. ايوا اش بغيتي بولاد الناس أ طاطا

أسية:( بغات طرطق بالضحك ) كخخمم احم

شريفة:( شافت فيها ) العيالات الحرات رجعوو هما لي كيلبسوو جلابة من عام الفيل ما يحيدوها حتى يولي لونها كاشف و تعطي منها ريحة الحوت خانزة و هما ما سايقين خبار لراسهم .. ما شايفين فمرايا .. ما مدوزين مشطة على شعرهم لمكَلكِ .. و كيزيدو يعطيوا النصائح و يحسبوو راسهم دايرين الطايلة حيث مزوجين و مستورين براجل .. لي ما زايد علينا غير بجوج بيضات و بنانة

وردة:( وجهها تزنك )

شريفة: نفضل تجي عليا الضرة أ لوستي العزيزة و ما يكونش راجلي كيلعب مورايا و ما خلى حتى وحدة فالمدينة .. و بوجهي حمر نجلس و نعيب فبنات الناس .. يلا هاذو هما العيالات الحرات الصبارات اعتابريني أنا مدلووولة و أفتخر ( ضحكات ) و لاهيييلا زوينة هاذي

وردة:( بغضب ردات ) بزاف عليك تكوني مراة حرة .. نتي غير موسخة و تسلطات على عائلتنا .. دخلتي كي العجاجة عميتي الخوت على بعضياتهم و شتتي الشمل .. و لكن شنوو غنتسنى من بنت الزنقة ما عارفين حتى أصلها منين .. لقطها خويا من الزنقة و جابهالنا .. بقالك غير الحبس راك دخلتيه .. تزويجة زينة هاذي ..!

مع كملات هضرتها هزات عينيها بغضب كترعد و هو يبانلها إلياس واقف فآخر درجة كيسمع لهضرتهم .. وجهوو كحال عليها كثر من شريفة لي كانت غتعطيها على قبة الراس .. لكن منين شافتوو سكتات تشوف شنوو غيقول هو بعدا ..!

وردة: إ إلياس

إلياس:( هبط الدرجة لي بقات و قرب لهم ) اييه زيدي كملي ..؟؟

وردة: هي لي جبداتني و عايراتني .. و يلا كذبت فلي قولتوو نورني لنكون غالطة ؟

إلياس: إياااااه ..! ( حك حاجبوو و هز يديه كيعد ليها ) فتحاتلك باب دارها و دخلاتك تمرحتي فيها ( شاف فالطبلة لي عامرة بلي تتشهاه الخاطر ) كليتي من طعامها و من خيرها .. حتى حاجة فهاذشي ما كَرات فيك ؟ ( رخى يديه حتى تضربات مع فخذو ) كاع هاذشي لي كتشوفي فيه ديال هاذ بنت الناس لي حليتي فمك عليها .. منين ما راضياش بيها آش مزال كديري فقلب دارها ؟؟

وردة:( وسعات شفايفها بصدمة و قالت ) كتجري عليا أ إلياس ؟ كتجري على ختك على ودها ؟

إلياس:( غوت بغضب ) الباب قدامك ما نحتاجش نوريه لك .. لي يهضر فمرتي و ما يحتارمهاش ما عندي ما ندير بمعرفتوو ..!

جات حجيبة كتجري و كاع لي تما كيسمع من بعيد و يوشوشوا بيناتهم .. أما هو ضار ساعر حاط يديه على جنبوو و اليد الثانية كيشير بيها فالسما

إلياس: هاذي لي كتهضري عليها مراة بميات راجل ( ضرب على ذراعوا بالجهد ) خدمات بهاذوو .. عرقات باش تجيب طرف دالخبز .. هزات بنت عندها خمس سنين و تقاتلات عليها .. فالوقت لي هي خاص لي يهزها و يمسح على راسها و يقولها آش خاصك أبنتي

حجيبة: ولدي نعلوو الشيطان كولشي كيسمع

إلياس: خليهم يسمعوو و لي ما عاجبوو حال و ما راضيش بيها ما يورينيش كمارتوو .. بزاااف على الحكرة دوالو .. علاش يقهروها بهضرتهم مالها ما عندها قلب تحس ؟؟ ( شاف فختوو ) شريفة مربية أحسن تربية .. بنت الأصل و معدنها صافي .. شرف من كاع لي كيحلوو فمهم عليها

وردة:( عينيها حمارو ) و الله يكثر خيرك أ خويا و يجازيك هذا ما نقولك .. قاطعتي اللول بسبتها .. دابا جات النوبة عليا ؟

إلياس:( عقد حجبانوو و زاد قرب منها ) ما تهضريش على شي حاجة بعيدة عليك أ وردة .. خليني موقرك و محتارمك .. لي بيني و بينوو ما عند شريفة حتى دخل فيه ( غوت ) كتفهمي ؟؟؟

ما جاوباتوش ضارت باغى تهز الشال ديالها تخرج بحالها من تما .. ما حساتوو غير جارها بالجهد من يديها

إلياس: نهضر معاك جاااوبي حسن ما نهرس لمك وجهك

وردة: طلق مني أ إلياس .. أنا مخلياها لكم يلا عاودت حطيت رجلي فهاذ القنت راني ما نسواش

إلياس:( دفعها جهة شريفة لي ساكتة كتسمع ) طلبي منها السماحة و لهلا يجعلك فين ترجعي

وردة:( حلقها تقج و الدموع خنقوها باغيين يهبطوو .. بلا يدين إلياس لي مزيرين عليها .. ما قدراتش تطيح كلمتوو .. بزز قالت ) سمحيلي أ ختي

شريفة:( بهدوء ) ماشي مشكل

طلقها و ضار كيدوز على لحيتوو كيسمع فيها كتعيط لبنتها بالجهد تجي عندها و الحاجة حجيبة كترغب فيها تبقى ..كتحاول تهدي النفوس .. بدون جدوى ..! لوات عليها شالها و جرات بنتها و زادت زادحة الباب موراها .. و فالبلاصة شاف فيهم إلياس مكره

إلياس: ياك لباس ؟؟ عندي المسرح هنا ؟؟؟

شافوو فيه و حناو راسهم كل واحد راجع لفين كان .. من غير الحاجة حجيبة لي جلسات فبلاصتها مفقوصة .. و شريفة و أسية لي غير كيشوفوا ساكتين

إلياس:( طلعها و هبطها ) نتي خارجة هاكا بالسلامة ؟؟

شريفة:( رمشات فيه ) لا ..! هبطت غير نفطر و صافي .. عارفة الدنيا ما مخلطاش و غير العيالات لي كاينين ( شافت سهام نازلة عباية فيديها فالكحل .. كتشد بالطراقيات خفيفة ) أراي أ سهام

إلياس: لبسي و تبعيني أنا برا

ما رداتش عليه لبساتها بالخف حتى تغطات و خداتها ساكها و نظاظرها .. جارة معاها أسية .. خارجين كيتهامسوو

شريفة: جيت بحال الشيخة شمسة آل مسعود القحطاني بن القباني ولاد آل قح*ون ( هبطات النظاظر على عينيها كتعوج ففمها ) ناقصاني غير شي كاطكاط و شي خالة كتغني يا ليل يا عين و شي حجبان مطراسيين بالسيراج و نبدا ن*ود فالبنات ما كاين غير ضوووباااي

أسية:( طلقاتها بضحكة عالمية ) هههههههههه ما نشدوكش ساعتها

شريفة: وااايلي واايلي تلقايني وصلت للفضاء نولي انا و سينا الفضائية خوت ما كاين غير القنبول .. يتكعد ليا الميمون نعاماسي و زهري ولد الأحبة غيتسكد ( طولاتها ) ما غيبقاش عاطيني بزكوو

أسية: حمقة نتي و الله

شريفة: لي لقى راحتوو فالهبال ما عندوو ما يكجدر بشي عقل .. أنا غا هبيلة و قالولها زغرتي ( غلباتها الضحكة ) بووهالية بوراقي

أسية:( سرحات عينيها فالشارع .. بانلها واحد الحمق جالس فجنب طروطوار كيرسم بصبعوو .. ضحكات و قالت ) ها خووك

شريفة:( شافت فين نعتات لها و تنهدات بالصوت ) ما ضحكيش عليهم .. راه مراض مساكن .. كيبقاو فيا .. يعلم الله من شنوو داز عليهم حتى ولاو هاكا .. دابا هاذو وجه الله علاش ما يجمعوهمش فشي طبيب .. ياخذو فيهم غير الأجر

إلياس:( عيط عليهم تا شافوا فيه و جاو عندو ) شكتسناو ؟؟ عموو صافا ؟

أسية:( قربات منوو سلمات عليه بحناك مزنكين ) الحمد لله ربي يخليك أ عمي

إلياس:( حرك راسوو و شاف فشريفة ) ساعتاين تكوني هنا .. ما تندمينيش حيت خليتك تخرجي ( هز صبعوو بتحذير ) راني مقيد شحال دالكيلوميتراج ضاربة و غنشووف الفرق ها وذني منك ..!

خنزرات فيه من تحت النظاظر و زادت طلعات فبلاصتها كتقاد الكوسان على طولتها .. حطات يديها على الفولا و هزات جوج صبعان كتحركهم جهتوو بمعنى بسلامة

شريفة: بييلا تشاااو أكبيدة

كسيرات مخلية غير العجاج موراها و أسية كتشعل البلوتوت باغى طلق موسيقى .. اختارت أغنية لي عجباتها و طلقاتها حتى تسمعات مجهدة فلوطوو

شريفة: تكمل ديريلنا " متمردة " ديال كاظم الساهر .. اش هاذ الأغاني دالويل .. فين أغاني د أيام زمان الله الله غير الكلمات كيزعزعوك من الداخل أما مولاهم اللحن .. قصة غير

أسية: سيري يا الشارفة .. ما عرفت شنوو كيعجبك فداك الأغاني .. كيجيبوا غير النعاس

شريفة: هاذاك سميتوو الذوق الراقي ( ضحكات ) خليكم مع ذاك طوطو ديالكم و خليوني أنا مع أم كلثووم ،وردة ،فيروز ،عبد الحليم حافظ، فريد الأطرش ،عبد الوهاب الدكالي .. غير سمياتهم يعطييوك الخبار ( كتحرك يديها بشوية كتشرح ) الهبة الحضور الصوت الشخصية .. احييه خليني ساكتة غيشدوني الهوايش

أسية: ههههه الله يستر

شريفة: كيحمقني داك الجو ( عضات على شنايفها و ابتسامة حلوة مزينة ملامحها ) ما كرهتش كن كنت فداك العهد .. المراة كانت مراة بمعنى الكلمة و الراجل راجل .. واقف على الصح .. اللباس و الكويبات دالشعر كي دايرين ( شافت فيها و رجعات ركزات مع الطريق ) كانوو عايشين الحياة واخا هكاك .. كل حاجة بحلاوتها .. الحب كان فشكل كتحسي بيه كينغزك فقلبك حتى كتبغي تذوبي فبلاصتك .. ماشي بحال دابا يعرفك جوج دقايق يقولك ارتاحيت لك و كنبغيك و نموت عليك .. تخليني ننتاحر .. وا يالاه شدي مع هاذو

أسية: و ها نتي عندك عمي إلياس كيبغيك و يدافع عليك و داير جهدو معاك .. أجي بعدا فوقاش كتبلك الفيلا فسميتك ؟ سمعتيه قبيلة قالها الدار دارها

شريفة:( قلبات عينيها فالسمى كتسوط ) نتي فينما نبانلك فرحانة و هانية فمخي نوضي جبديهلي ( سكتات شوية ) كتبلي الزمر .. راه غا طالقها عليها و داير فيها راجل الدار .. الله يعطيهم دقة جملة ( طلقات من الفولا و هزات يديها لسما كتدعي ) يلا فيا شي دعوة مباركة .. بغيتها تخرج فيهم

أسية: اويلي حرام عليك ..

شريفة:( باستهزاء ) قالك كتب ليا فيلا فسميتي ههه ! ديريلي نتي بحال داك بنات الناس لي كيجييو عندي نسلفهم كيسحابلهم جالسة على درزينة دالفلوس .. و باش كيعجبووك عينيهم كبيرة ما كاين غير .. أختي شريفة شي 4000 درهم حتى نديرو و نردولك ..!

أسية: هههه و ديري الخير مالك

شريفة: لقيتها تال مخي .. بقى غير ليهم .. راني فايتاكم غير بالصبر .. و تجي وحدة ما عارفة تا لعبة تبغي تقهرني بالهضرة .. ما مسروطاش لها عيشتي .. كن غير كانت شي عيشة كتفرح نقول اح٠ح و بردات ( وقفات فالضوو كتسنى يشعل ) ختك راه فراس مالها جوج قل** و *ب .. بغيتوه فشي كيفواي ناضي ما نخسرش لخوتي الخاطر و شروط المسابقة ساهلة ماهلة يا تفوتوو عليكم كري يا نخشيه لكم فسو٠تكم

أسية: كتهضري على وردة ياك ؟ راه بنادم مريض و مكيبغيش يشوف خوه مرتاح فحياتوا .. النصيحة كتطلب ما كتعطاش غا هكاك و أصلا كتكون بين جوج .. ماشي تغسلك قدام الناس و تبغي طيح بيك .. باش تبان واعرة ..!

شريفة:( باستهزاء ) معامن جات

أسية:( بتردد ) و لكن ما فهمتش شنوو قصدات بالخوت دخلتي بيناتهم و بالحبس ؟ علاش هضرات معاك هكاك ؟

سكتات شريفة كتشوف قبالتها و ملامح وجهها ما بقاوش مفسرين .. حتى ندمات علاش سولاتها ..!

شريفة: واش عند بالك أنا جالسة معاه بخاطري ؟ كتشوفيني ضاحكة و فرحانة كيسحابلك حاطني فوق رموشوو و غير كيراري بيا بحال البيبي ؟ راني مخنوقة و واصلة ليا حتال الجذر أ أسية .. ما تبقايش تسوليني على هاذشي

أسية: و علاش ما كتخويش قلبك عليا ؟ علاش واكلاها ساكتة ؟ يلا ما كنتيش مرتاحة طلقي منوو و شري راحة بالك ( شافتها مكتجاوبش ) صافي فهمت .. نتي ما كتيقيش فيا و حاسباني وحدة غريبة عليك .. على خاطرك

شريفة: جلسي تبهللي عليا تما ( سكتات شوية ) كنت صغيرة و زوينة كلشي طامع فلحمي .. فينما خدمت و حطيت يدي كنلقى بنادم كيتحرش بيا .. كنت كنخاف بزاف و ما عندي حتى واحد نحط عليه الراس .. لا حنين لا رحيم .. بنادم صعيب بزاااف أ أسية .. لا رحمة لا شفقة

أسية: عارفة ..!

شريفة: خدمت فالديور، درت الميناج ،غسلت المواعن فالقهاوي ، حكيت الطواليطات دالناس ،خشيت راسي مع الرجال بزز منهم و تقاتلت على طرف دالخبز .. تقهرت فوقما تصوري .. مرمدوني حتى عياو ..حكروو عليا و حكوو خنافري مع الأرض ( تنهدات .. تنهيدة مرعودة ) صبرت .. كنت كنفكر غير فيك .. ما نقدرش ندخل بيدي خاوية عليك .. ما نقدرش نقهرك ..!

حطات يديها على قلبها لي كيضرب بالجهد .. دارت السينيال للجنب وقفات .. كانوو ديجا وصلوا للوبتيك عندمن جايين ..

شريفة: تقهرت و عييت .. نتي فاش كنتي كتنعسي أنا كنبات نخمم .. هازة جبل على ظهري .. صحتي كتضيع نهار على نهار و أنا باقى واقفة فنفس النقطة .. حتال فوقاش كنت غنبقى صابرة ؟؟ عاماين دازت من عمري و أنا كناكل من راسي ..!

أسية:( زيرات على يديين شريفة ) ما تبكيش عافاك

شريفة:( حيدات نظاظرها مسحات دموعها و شمرات بنيفها ) ما كنبغيش نتفكر هاذشي .. ماشي ما كنبغيش نعاود لك .. كاين فرق

أسية: عارفة .. صافي حسبيني ما قلت والو .. خليك مرتاحة بلا ما تهضري .. يالاه نزلو

شريفة: ما عليش ( نحنحات ) آخر خدمة ليا كانت عند كوافورة .. كانوو كيعجبوني البنات كيفاش كيتهلاو فراسهم كي كيلبسوا و يهضرو .. كل وحدة و شنوو كتعاود .. واخا أغلب هضرتهم على الدراري ( سهات ) باقى عاقلة واحد النهار .. كانوو البنات لي خدامين معايا دايرين غيخرجوو مجموعين يتقهواو و حلفوو عليا حتى نمشي معاهم .. لبسوني و قادوني على ذوقهم .. كنت فرحانة و خايفة فنفس الوقت ..!

أسية: تما تلاقيتي بعمي إلياس ياك ؟؟

شريفة:( حركات راسها بالنفي ) منين جلسنا و واحد من الدراري لي مقابلين معانا حاضيني .. عاقوو بيه لبنات و بقاو يتغامزو عليا و يضحكوو مطلعينها .. حتى جينا نايضين و وقف عليا طلب النمرة .. لسق عليها حتى خذاها .. كان كيبان لباس عليه و كبير شارب عقلوا .. زوين و مؤدب فهضرتو ..!

أسية: شكون هذا ؟

شريفة: راني كنعاودلك صبري على خبزتك واه .. درتيلي الأرارة ( قلبات عينيها ) المهم .. تعرفت عليه .. كان بيناتنا احترام كبيير و باينة عاجباه .. مكيخلي ما يجيب ليا و يمد و يعطيني .. تما أنا طمعت و تحلوا عيني .. ما بقاش مقنعني غير هو ..!

أسية: اييوا

شريفة: تال واحد النهار عيطات وحدة من الكليانات بغات لي يمشي عندها للدار يقادلها الحالة .. أنا كنت غير كنعاون ما شاداش الحرفة مزيان .. المهم مشيت أنا و واحد البنت خدمنالها و حصرلتنا نجلسوا معاها .. و تما تعرفت على إلياس .. كان كيبان ظريف و كوول لا هو لا لكليكة دصحابو .. ضحكنا مجموعين و دوزنا عشية فنة .. حسيت بلي عجبتوو و حط عليا العين .. خصوصا فاش كتجي عندنا البنت و تقولي راه سول فيك فلان .. راه عارض عليك معانا والو تجي .. و مع المدة وليت أنا و إلياس بجوج

أسية: و لاخور فين مشى

شريفة: ما مشى فين .. تعرفت عليهم بجوج و تصاحبت معاهم بجوج .. تهنيت من القهرة و تمارة و هزوني هما بمصاريفي كاملة .. حتال النهار لي غيتفرش كولشي .. الناس عندهم الزهر و أنا عندي البعر .. الكارثة ماشي هي تفرشت .. الكارثة هي صدقوو ولاد الخالة و خوت بالرضاعة .. واحد الشوهة ناضت نعاودها لحفار قبري

أسية: اويلي على الصكعة و باش ساليتيها معاهم ؟

شريفة:( هزات كتافها ) أنا غيييير قاااصر .. هما لي قد العجل و دايرين راسهم فيا ؟

أسية:( ضحكات ) يخليلي القاصر ههه اييوا .. ؟

شريفة: الغذ ليه صبح عليا إلياس .. كان غياكلني ماكلة .. شوهني فالحومة تا بديت نرغب فيه نبعدوو من داك القنت .. داني لدارو و تما تزايدنا مني منك .. مني منك .. حتى قلت ليه صافي سالينا و خرجت هاربة بحالي

أسية: اهاه ؟

شريفة: فالعشية فاش ديتك للمدرسة .. مع رجعت دقوو عليا البوليس .. خلعوني فلول حيت لابسين عادي سحابلي شفارة .. ما تفرقيش بيناتهم أصلا وجوه الشر تفوو .. ما تقت حتى شفت السطافيط .. داك النهار عمروو يتنسالي ( تنهدات ) ستة بيهم دخلوا قلبوا البيت قليب علاياش كيقلبو ما عرفتش .. فلخر جروني معاهم للكوميسارية و أنا قلبي غيسكت بالخلعة و غير كنبكي ما فاهمة والوو حتى هما ما هضروش معايا حتى لقيت راسي فواحد البيت كناكل فالعصا .. ضرب ديال الق٠تيلة .. ما طلقوني حتى سخفت

أسية:( مخرجة عينيها بصدمة ) و أنا فين كنت فهاذشي كامل .. أويلي ما عاقلة على حتى حاجة

شريفة: راه قتلك كنتي فالمدرسة و صغيرة أصلا ما تعقليش .. طولت بزاف انعطيك المفيد .. صدق إلياس دار شكاية عليا و عطاهم العنوان يجيبوني .. رافع دعوة على اساس تهزاتليه 11 المليون من الدار .. و بلي أنا كنت خدامة عندوو و نصبت عليه .. جاب الشهود و البصمات ديالي و عاد الناس لي شافوني هاربة من الدار فالصباح .. المهم عمر عليا السهريج حتى غرقت و ما بقيت نقشع والوو و اصلا فداك العمر ما كنت كنفهم حتى لعبة .. تجمعوو عليا فداك الكوميسارية بحال الوح٠وش .. كنشووف راسي غادية للمش٠نقة برجليا .. يوماين كنت دزت عند وكيل الملك باش يقدموني للمحكمة ..

أسية: متأكدة إلياس ؟؟؟؟؟

شريفة: ما عرفتش باش تلات بيك فداك الشهراين لي مشيت فيها للإصلاحية و فكل مرة كتكون الجلسة المحامي ديالوو كيأجل بلعاني ( تنهدات ) ما غنقولكش حالتي كيف كانت .. واخا نهضر حتى نعيى ما غتحسيش بيا ..!

أسية: أنا عاقلة كان جا عندي قالي ختك وصاتني عليك هي مسافرة ما بغاتكش تبقاي بوحدك .. خلاني فواحد الدار مع الخدامة .. و لكن بلاتي كيفاش خدامة عندو و نتي قاصرة ؟ راه حتى هو خاصو يتحاسب لي مخدمك عندو ؟

شريفة: ما تسولينيش على هاذشي حيت أنا براسي ما عارفاش .. طبخوها كي بغاو .. ااش ضار بيناتهم الله و علم .. و كبيرة نهار علموها نكراتني قالتلهم ما عندي ولاد تضبر محاينها و ما كنتش كنتسنى منها شي حاجة من الأصل ( سكتات شحال ) تال نهار لي جا عندي إلياس يشوفني .. بكيت دم قداموو .. عاودتلوو كولشي عليا رغبت و زاوكت فيه .. وصلت لدرجة نبوس ليه اليدين و الرجلين باش يخرجني و يسمح ليا .. كنت مستاعدة ندير أي حاجة غير نخرج ..

أسية: موراها تزوجتوو لا ؟

شريفة: كان شرطوو نتزوج بيه و يخرجني .. قبلت ما كان عندي حتى حل آخر .. عطاني شي وراق سنيت ليه عليهم و المحامي ديالوو حاضر .. ما كنتش عارفة ديالاش باغى غير نتفك ( تنهدات ) دازت يوماين قالولي غتخرجي .. فرحتي ما نعطيها لحد داك الساعة .. تقول ردولي الرووح .. و غير شفتوو كيتسناني طفات داك الفرحة و تحطيت قدام الأمر الواقع

أسية: هاذشي لاش قاتلك تقاطعوو الخوت و شتتي الشمل ( سهات ) هاذشي كامل طلع من إلياس .. حرام عليه

شريفة: ولد خالتوو فاش ساق لخبار غنتزوجو ناض فيه الصعر .. وقع صداع كبييير .. الحاجة تقاطعات مع ختها و ولادها .. تا حد فعائلتوا ما كاين كيحملني .. و فيلمهم هما بوحدو

أسية: لا حول و لا قوة إلا بالله .. على هاذشي ما قادراش تطلقي ؟

شريفة: حاولت و هددني بالوراق لي سنيت .. صدقوو كمبيالات .. فيهم الغراق ديال الفلوس .. و ولد الحرام دايرهم بلا تاريخ باش عمرهم يموتوا ( حكات شعرها ) هو ما باغيش يطلق و يلا مشيت حتى دفعت الدعوى غيدفعهم تا هو .. منين غنجيب ليه 400 مليون ؟؟؟

أسية:( شدات على راسها ) صدمتيني و الله .. ما سحابليش هاذشي كامل

شريفة: هو ضامنني .. عارف ما عندي بعاد عليه .. دايرني فالجيب .. ما ننكرش خيرو كبير عليا و دار معايا المستحيل .. و لكن عمري ننسى الشر لي دوزو عليا و زاد كملها بزواجوو دابا .. كرهتوو ا أسية كرهتوو .. خاصني نلقى حل نتفك ما يمكنش نبقى هاكا حياتي كاملة

يتبع...

‎