بقا يور ساكت كيوف قدامو قاليه بصوت ضعيف باقا حية؟؟ هادشي كيعني باللي كتاب ليه عمر جديد ثاني!! جناح النسر هداتها الايام كتقصد قوة جديدة تعطات ليها من عند شي واحد فاولاد الملك بجوج اللي فالقصر..
قاليه الاصيل ومن عند الري والشوار حيت كتقول فالسطر اللخر
فلحناني تعجن ليه
كتقصد بالحنة الفرح ..يعني يا اما غيتزوجها يا اما شي حاجة المهم جامعة بينهم كتبين انها قريبة ليه فالسعد ..
دار الاصيل صبعو حدا فمو كيفكر ليه قاليه تماما ..يعني بسلاحنا غادي طعنو
الرسالة كتقول بالمعنى المختصر
انا بنتكم اللي ربيتو ولولدكم هديتو ..ذو التيجان ..كتقصد بيه اللي مو وباه ملوك ولا كانو ملوك وهوا ولي العهد على الجهات بجوج ..خسرات قوتها وصحتها ولحسن حضها ماماتتش واالي نقدها غيكون واحد من الخوت اللي مدها بالقوة من جديد وغالبا فيكون تغرم بيها حيت جامعاهم فرحة وكاسنى الوقت المناسب والرد من عندنا باش طعنو بفرحته .نوض لولدي على سلامتك جاب ليك الله فرصة ترجع بيها بلادك ماعندك فين تمشي دابا
دخلو لجناح السلطان وحطو ورقة وريشة كيتناقشو على الخطة اللي يمشيو عليها وكتب بيها الاصيل الرد
"هاج البحر بالحوت بين الخوت ..طعم واحد كافي يخلي الحوت يموت "
تنهد الاصيل قاليه على الله تفهم المعنى كما هوا..حاولت نعقدو باش حتى الى طاح فيد شي واحد مايفهم اش كيعني
شد يور الرسالة قاليه غتفهم انا عارفها شاطرة وذكية .. وغتكون كتفهم لغتهم حتى حاجة ماصعيبة عليها دابا
رفع الاصيل راسو امر الحراس يجيبو ليه عابد وغير دخلوه كان غيسخف من الصدمة فاش يور على قيد الحياة وفشل طاح على ركابيه..لاكن السلطان ماخلاش ليه فين يفكر عطاه المكتوب قاليه وصلو وعنداك يضيع منك ..كنا وصلتي لينا الرسالة فالحفظ والصون وصلها فالحفظ والصون
قرب. منو يور شاف فيه قاليه عابد! .. شخبار يمامة لاباس عليها
حدر ليه عابد راسو قاليه مكنشوفها ما كنريها امولاي..بعيدة بزاف على جناح الخدم ..الله يطول فعمرك امولاي هادا نهار السعد اللي شفناك فيه
تبسم يور قاليه الى شفتي يمامة قوليها على ماشافت عينيك ..وبلغ ليها سلامي . يالاه سير ورد البال للمرسول
قصر قرطبة .
فجناح صغير واقف جسد نصو عريان قدام المراية كدور يدها على جرج كبير ملموم عبارة عن شرطة حمراء جنب السرة .. هزات بيدها شوية دالعسل من الشهدة اللي فااطبسيل دهناتها مزيان وطلقات عليها توب نضيف ابيض غطاتها وجمعات كرشها بتوب عريض خفيف دوراتو مزيان وطلقات عليها قميص خفيف حتى للارض.
سمعات الباب تحل ودخلا خادمة صليبية عندها هازة راسها قالت ليها بعربية متقطعة الامير لوسيوس كيتسناك على الغدا
تلفتات شافت فيها بابتسامتها الساحرة وحركات ليها راسها بالايجاب وخرجات معاها دايرة دفيرة للجنب واسعة وعقد خفيف فيه بولة حمراء ومشات لقاعة فيها طاولة طويلة كان على راسها الامير لوسيوس بلباسه الصبيبلي والاوسمة على كتافو ..طويل وعريض واشهب الشعر واللحية وعيونو خضرا ..وجهه باسل بحال العصيدة بلا ملحة واخا حروفو زينة .
تبسم وكان فيدو مشروب هزو جيهتها وهي كتقدم ناحيتو بجسدها النحيف وتحت عيونها ازرق واللون هارب من وجهها تقول مشات يمامة وبقا ريشها ..نضرتها لاشياء نضرات باردة ووجها اصبح انحف تقول مكتاكلش النعمة .
جلسات جنبو قالت ليه شكرا على الدعوة سمو الامير
تكلم واحد جنبو شرح ليه كلامها العربي وتبسم ليها الامير قاليها بلغته بغيتك تتعلمي لغتنا فأقرب وقت .. مجاتش معاك هاد اللهجة نهائيا ..كن كنتي مسيحية كان يكون احسن واسهل فعلاقتنا
تلفت عندها المطرجم شرح ليها وهي كتشوف فالامير بابتسامة باردة وعينيها كيتوعدون وقالت ليه
كنتسنا نرجع عافيتي امولاي باش نقدر نتحمل التعلم والمواضبة ..
كانو كيهرو والمطرجم فكل مرة كيشرح وقاليها الامير
وهوا كيقرب منها وشد يدها
شفت حتى عييتي وماعمرني شفت فالزين بحالك
تبسمات قالت ليه انا مي شيعية الاصل فارسية ..وبا مسلم وخرجت كنشبه لمي اكثر وماخديت من با غير شي حاجة بسيطة
قاليها الامير وعلاش نحفتي لهاد الدرجة..نهار دخلت لهاد القصر ولقيتك مرمية على الارض ماكنتيش بهاد الضعف..كنتي بحال الملاك ..شيديتيني ليك واخا كلنو عيونك مسدودين ..ولاكن دابا تبدلتي واش كيعاملك ب واحد معاملة قاصية؟ واش مكيعطيوكش تاكلي
تبسمات وشدات فيدو قالت ليه لا بلعكس..شكون يقدر يكسر اوامر سمو الامير..انا كنشرب عشوب قاصحة على قبل الجرح مكتخلينيش ناكل من بعدها ..هادا ماكان امولاي ..
خوا ليها الشراب فالكاس قاليها شاركيني مشروبي وخلينا نحتافلو بهاد النهار الجميل..فبحال هاد النهار بالضبط ربحت الحرب ..وشفتك فيه ودخلت لهاد القصر .. وقريب غادي نتزوج بأجمل امرى فهاد العالم وغنكون اسعد انسان ..امير ..وجنبي اجمل مرى ..اش هاد الحياة السعيدة سعدااتي
غرغرو عينيها حتى نتباه ليهم وحتى كان غيتكلم عليهم لاكن دخل راجل بلباس عربي طويل ورا قائد من القياد للقاعة كيلهت وهبط على رجلو قاليه بلغتهم الاسبانية مولاي .. عندي ليك خبار مهمة من قصر الحمراء
شهقات يمامة وطيحات الكاس اللي حداها وتلفت عندها لوسيوس ضن ان الجرح ناض عليها وقاليها تمشي ترتاح بيدو ولغته وشدات فالطبلة كترعد غادية جهة الباب وكتسمع الامير كيغوت قاليه شنو هاد التخربيق.ك دار غليه العام وهوا ميت كيفاش على قيد الحياة
قاليه الجاسوس تاضح انه ماماتش والسلطان محمد اصيل كان خفاه على عينين البشر..وليوم الصباح استقبلوه فالقصر وعلنو عليه فالديوان ونتاشر الخبر ..
ضرب لوسيوس الطبلة بغضب قاليه اش هادشي !! هادشي مكيتقبلوش العقل ..سمع غادي ترجع للقصر وحاول تقرب منو اكثر .. خاصك تجيب ليا خبارهم وتخطيطاتهم كلها والى دعى الامر ضحي باعضائك باش تقرب منهم ..يالاه خرج
خرجات يمامة شادة كرشها من الصدمة وكتمشي مع جنب الحيط حتى صادفات خوه توأمه الامير لويس وهبطات ليه راسها وهوا كيشوف فيها بنص عين حتى داز عاد جلسات كترد النفس فواحد القنت ويدها على قلبها كتهشق وتبكي من الفرحة ..ناضت مامصدقاش شنو سمعات رجعات لجناحها وسدات عليها مشات كتجري لواحد الصندوقة تحت فراشها جبداتها كانت فيها سمطة ديال الجلد اللي كيزير فيها على كف يدو وتذكرات يوم بقات بوحدها فجناحو وهزاتها من بين اغراضه واختافضات بيها كحزام على يدها ..شداتها زيرات عليها جهة صدرها وبلعات ريقها وخرجات عيونها الكبيرة اللي بقاو كايبانو اكبر من اللي كانو بسبب ضعف وجهها
قالت ليها عبدية يور فالقصر والسلطان حتى هوا ! الى سولو عليك؟
هزات روح الندى كتفها قالت ليها طلعو ليا فراسي واحد كيرميني لاخر واش انا نبقا مقابلاهم غير هما ! منشوفش راسي ؟! احم وزايدون بغيت نتعرف اكثر على القاضي..صورتو مكتمشيش من بالي كنحس بواحد الاحساس زوين ..عاجبني الحال
بقات عبدية غير كتشوف فيها قالت ليها ايوا الله يستر..حتى شاب عاد علقو ليه حجاب
قالت ليها عبدية نوضي ضربي الفكد فراسك قبل مايسيق ولدك الخبار يقلب عليك الدنيا.. عنداك تكون بصح البنت بنتو ونتي لايحاها هي ومها ..
قالت ليها روح الندى سيري عيطي على شادية ومها جيبيهم ليا لهنا نشوف هاد خيتي وحريرتها ..مزيان تبارك الله بغاتني نقطع لباباها اللسان ..مادير خير مايطرد باس هي نيت كن جريت على مها نهار الاول
قالت ليها عبدية اش بغيتي عندها المرى عزات عليها بنتها مسكينة هزو الحمل بوحدهم !! لا عوين لا رحيم وساكتين ..والى بصح كانت البنت بنتو راه غتجيب الحق عليك
خرجات عبدية مشات لبيت شادية دخلات لقاتها جالسة فواحد الركنة شادة بنتها كترضعها وساكتة ومها معاها كطوي حوايج الترابي فالكموسة ..شافت فيها مسعودة بنص عين مداتهاش فيها وتنهدات قالت
حسبي الله ونعم الوكيل فالضالم
دارت عبدية يد على يد قالت ليها لا حولة ولا قوة الا بالله العلي العضيم
ناضت مسعودة شدات فيد شادية قالت ليها نوضي يالاه نشوفو شنو غادي تقول هاد المرة ..الله ياخد الحق .
شافت فعبدية وقالت ليها بنتي بنت الاصل والمفصل اعبدية..والله شاهد على هادشي ..مامسوها يدين من غير يدين ولدكم الله يرحمو ويغفر ليه على ما دار فالبنت وبنتها ..لا هي باها سلطان ولا مها اميرة ..غير شادية الدريوشة بنت مسعودة والجيلالي الحطاب لهلا يطيحها ليه في ودن ..ماتقد تقول ييه ولا لا قدامكم..درتو فيها مابغيتو ولاكن ربي كبير ..حنا ها حنا صابرين حتى يحن مولانا وهازين الدقة في قلبنا ..والدعوة بيكم لله سبحانه
بقات عبدية ساكتة كتشوف فيها وجرات مسعودة شادية قالت ليها زيدي ابنيتي زيدي ..زيدي نشوفو. شنو ثاني نسات لاللاهم مادارت فينا عاد تفكراتو
طلعو ورا عبدية لجناح روح الندى ودخلو حادرين الراس..شادية دايرة الزيف على راسها ديال الشلوح ولابسة قفطانها الحمر وشادة بنتها فيدها مغطياها وصوتها كيبكي ويتسمع فارجاء البيت ..اما مسعودة دايرة يد على يد بسروال قندريزي والقفطان مجموع فالخزام والشمار على يديها والزيف على راسها ازرق بالهدف وكتشوف فالارض وتنهد
وقفات روح الندى كتشوف فيهم وفداك الترابي وقالت لمسعودة ياك هضرت معاك قلت ليك سدي فمك
قالت ليها مسعودة انا ماقلت غير الحق الاللة..وربي شاهد عليا
خرجات فيها روح الندى عينيها قالت ليها ومزال زايدة فيه !! الحق ؟!! واش بنتك شبعات زهو ورجال وجايا كتقولي الحق دابا؟!! ولاكن انا اللي سكت ليك نهار الاول
قالت ليها شادية انا الالة روح الندى ماشبعت والو ..فاش مابغيتي نحلف ليك نحلف واحق سيدي بن عاشر ما قربني شي واحد من غير المرحوم ..
ردت روح الندى بغضب قالت ليها سكتي يا اللفعة بفمك اعتارفتي ولا صافي تنادم معاك الحال !! سمعي امسعودة اخر الكلام ..غتهزي بنت بنتك .. وغتخرجي من القصر وتعيشي نتي وياها برا يالاه نفدي
خرجات شادية عينيها قالت ليها وانا ؟!!
قالت ليها روح الندى نتي ماعندك فين تمشي..مك اللي غتخرج
عنقات شادية بنتها ووقفات ورا مسعودة اللي كتفتف من قرار روح الندى وقالت ليها نمشي مع امي انا منتفرقش على بنتي
قالت ليها مسعودة الله يالاللة وشدرنا ليك ؟! اش. درنا حتى تجازينا بهاد الشتات
خرجات فيها روح الندى عينيها قالت ليها قلت ليك هزي البنت وسيري ولا غندفنك حية هنا
بدات مسعودة تبكي وشادية تبكي وشي لاسق فشي كيرغبو والبنت كتغوت فيديهم حتى سمع يور صوت البكا فجناح روح الندى وهوا مع السلطان غادي يوريه جناحو بنفسه اللي جنب روح الندى ..وقفو بجوج كيسمعو صوت طفل صغير والصدع والغوات ومشاو دخلو عليهم لقاو الروينة نايضة .شافتهم روح الندى وقفزات من بلاصتها قادات الوقفة وزراق وجهها وقالت لعبدية ديهم من هنا حتى لمن بعد يالاه
ضارت عندهم عبدية كتنخزهم وهما ملاسقين شي لاسق على شي حتى تلفت يور جهة شادية اللي مخبية ورا مها شافها وقاليها
شاف الترابي فيدها وروح الندى كتخرج عينيها فعبدية متقول ليها خرجيهم والاصيل كيتفرج فكلشي وكيشوف فيها ويشوف فمسعودة ومها وقاليها اش واقع هنا اروح الندى؟!!
شار يور بيدو لعبدية قاليها بلاتي تسناي
قرب من شادية ومها مخلوعة كترجع باللور وتشد فبنتها وكتسولها شكون هادا؟!!
اما شادية تصمكات بقات غير كتشوف فيه وهوا كيقرب منها ويشوف فديك التربية اللي كتغوت وقاليها شنو هادشي ؟!
غوتات روح الندى من بلاصتها مكمشة يديها قالت ليها بغضب شاااادية
خرجات فيها عينيها باش متهضرش وسكتات بقات كتفتف ومسعودة كتشوف هنا ولهيه والاصيل عاد مزاد استغرب لروح الندى وردة فعلها وعقد حجبانو كيشوف فيها حس بشي حاجة تما مخبية ماشي حتى لهيه وشار بيدو جهة الام وبنتها قاليهم وقفو ..
بقاو عينيه تابتين على روح الندى قاليها شنو كيوقع هنا ؟
بلعات ريقها ورافعة راسها خرجات ضحكات بزز قالت ليه والو غير غلطو وو وكنعاقبهم .. مسعوودة خرجي بنتك وسيري من هنا تحررركي
داخت مسعودة ماعرفات مادير وبنتها كتبكي وتشوف فيور وكتحرك ليه راسها بالنفي والخلعة فعينيها لاكن مسعودة طلقات الرمانة فالارض وشافت فروح الندى بنص عين وحطاتها بوجهها قدامهم وهزات صبعانها قالت ليهم انا فعارك امولاي السلطان ..انا فعارك شرف من حالي وحالي بنتي راه هاد البنية هادي بنت المرحوم السلطان يور
شافت فيها مسعودة كترعد وشافت فالسلطان اللي مصدوم من كلامها ويور قدامها ماعمرها شافتو ولا عرفات شكون وقالت ليه كترجاه
والله مكنكدب عليك امولاي هاحنا نحسبوليها من الاول..واحق مولاي الضاوي هاد البنت حفيدتك عاد ولداتها بنتي شادية هادي شي شوية دالوقت ونكراتنا لاللة روح الندى بغات تخرجني انا وبنت بنتي للزنقة ..الضلم هادا امولاي حق ربي الى الضلم
دارت الزيف على نيفها كتبكي اما السلطان قلب وجهو بحال الشيطان جيهة روح الندى شاف فيها ويور جر شادية دوز يدو على راسها وهبط عينيه شاف فديك البنت مسكينة ودوز يدو على غطاها وراسها الصغير وتلفت عند روح الندى والشر فعينيه ومشا قرب ليها وهي توجع اللور كتبلع ريقها قالت ليه شنو؟!! شنو شفتي ؟ كتكدب ياك
هز يور راسو وعينيه فروح الندى كيخزر قال لعبدية خرجيهم الاللة عبدية وردي بالك على بنتي ومها حتى نجي
حلات روح الندى عينيها مصدومة شافت فيه ومسعودة اللور جهة الباب كتشوف فعبدية قالت ليه هاا؟ اينا مها انا؟
قالت ليها عبدية زيدي وسكتي كحالت عليك مع لاللة روح الندى ولاكن عندك الزهر فلتي من هادي دابا
خرجاتهم وخلات غير روح الندى واقفة بين السلطان والامير ماكاين اللي يفكها وكتشوف فهادا وتشوف فهادا وتمتم قالت ليه انا ولدي والله ماعرفت واش بنتك؟ ماقدرتش نتيق راه ديك المسخوطة كدابة وشيطانة
قالت ليه كتفتف باش غنعلمك ؟! راه مشات غبرات شهور وزيادة ورجعات وقبل ماخلات مادارت ماخلات عبيد ولا خدم راه بفمها قالتها لي وهاد الموصيبة اللي جا كتمشي معاه وعاد كانت على علاقة مع العبيد شحال هادي فقرطبة قبل مادخل للخلوة
جمع يور القبضة ديدو كيشوف فيها ويسمع اش كتقول وقاليها سكتي…سكتي براكة
قالت ليه والله مكنكدب عليك انا مك وعارفة مصلاحتك ..هاد اللفعة ماقصراتش من جهدها قبل ما دير معاك شي علاقة وانا دابا مزال ماقدراش نتيق باللي البنت بنتك!!! اويلي ميمكنش
ربع الاصيل يديه لاقا حجبانو كيشوف فيها وهي من نيتها كتهضر لاكن يور نفد ليه الصبر وقال ليها هاديك البنت بنت الشرف وبنت الاصل..نقا من الماء دالشتاء .. صعيب عليك تفهمي هادشي وتميزي بين بنات الاصل وبنات الزنى …من اليوم ماعندك حتى علاقة بيها ..لا هي لا مها ولا خواتاتها.. ومن ليوم انا المسؤول على هاد الناس وماعندكش فيهم حق ..وحتى ديك البنت ممنوع تمسيها ولا تقربيها .مننوع تهضري معاهم ..من ليوم هما خارج الخطوط ديالك تفاهمنا
عطاها بضهره خرج خلاها واقفة والروح بغات تخرج ليها مارضاتش قدام السلطان وبلعات ريقها وهزات خنافرها كارمة فبلاصتها .. دوز السلطان على لحيتو وبدا كيضحك قاليها
لحنش كيولد ماطول منو .. جاب ليك الله لي يحك ليك زنافرك اروح الندى..هاي هاي ،،هاد الشر كاع خرج منك
قالت ليها شادية راه هاداك اللي كان مع السلطان هوا ولدو ..راه ماماتش امي هوا بات هاد البنية
قالت ليها مسعودة اناري حي ..تي بقا حيوو!!
قالت ليها شادية و راني كنت عارفاه حي ولاكن دابا فاش شفت بعيني عاد تقت
هزات مسعودة يديها فالسما قالت ليها الله …ضهر الحق وربي ستاجب…حمدتك ياربي وشكرتك
دخل عليهم لقا مسعودة هازة يديها فالسما وبالزربة ناضت بغات تبوسليه يدو وخطفها بعدها من كتافها وهي كتبارك ليه ..وقفات شادية حنات ليه الراس قالت ليه على سلامتك امولاي
تبسم قاليها الله يسلمك
طلات عليها طامو اللي وصلاتو لعندها قالت ليها مسعودة ..اجي
قالت ليها مسعودة بيدها فين غنجي
قالت ليها طامو كتخنز ااجي تحركي
خرجاتها من تما وسدات الباب عليهم وبقات غير شادية مهبطة راسها وبالزربة هزات بنتها من بلاصتها ومداتها ليه بابتسامة وبرائة قالت ليه هاهي بنتك امولاي
شدها فيدو كيشوف فيها وفشعرها الاشقر وبياض وجهها بحال الحليب وجلس على سداري طويل كيمرر يدو على وجهها الصغير وقال لشادية اللي جلسات جنبو
شحال دابا باش ولدتيها ؟
هز عينو فشادية كيشوف فيها ويتأمل ملامحها وهي حمرا قالت ليه بزاف دالوقت شوية.. ماعرفتش شحال تكون
ضحك وجرها من راسها باسها فجبهتها وضمها جهة صدور وعاود باسها قاليها شنو سميتها ؟
قالت ليه سماتها مي تيليلا
شاف فالبنية وقاليها تيليلا ..اسم زوين تبارك الله
عرا ليها يديها ورجليها كيمرر صبعانه عليهم وباسها من رجلها الصغيرة وقال لشادية وكيف بقيتي نتي؟ شوية ؟
حركات راسها قالت ليه الحمد لله دابا مزيان
مد ليها البنت قاليها ردي بالك ليها ولراسك.. الى بغيتي شي حاجة اجي عندي
اما روح الندى بالغدايد حلفات لا زادت دقيقة واللي بغا يوقع يوقع .. لبسات حوايجها وتجهزات من داكشي الرفيع لاكن تخلات على التاج واكتفت بخيط الريح نازل مع الفرقة دشعرها ووقفات قدام المرايا كتقاد راسها وعبدية حداها قالت ليها ياهاد المرة الله يهديك.. فين غادية برجليك للهاوية
هزات روح الندى سلهامها لاحتو عليها قالت ليها الهاوية هي فين راني دابا بين الثلج والعافية..بعدي من طريقي خليني نطج ..زايدون حتى واحد مغيسول فيا دابا كي شفتي دابا راهم عليا فالشوق ..ماباغيين حتى يشوفو وجهي
لاحت هزات قلادة من الذهب زوينة صغيرة شافت فيها قالت لعبدية تجي هدية لبنت القاضي ياك
دورات عبدة وجهها وكمشات فمها ماجاوباتهاش وحمعات روح الندى الهدية وشافت فيها قالت ليها لبسي عليك الملحقة ديالك وزيدي
قالت ليها عبدةي فين غنزيد؟
قالت ليها روح الندى علاه مالي غنمشي بوحدي للاللمة؟! زيدي يالاه العاصر هادي وعلاين المغرب ومع العشا غتسالي الللامة سربي يالاه يالاه
بقات روح الندى كدور من هادي لهادي تالفة بجنابها حتى ودنات المغرب وبدا الضو يبهات عاد خرجات سلتات فواحد العربة عادية من باب صغير هي وعبدية ومشات .
اما يور دخل لجناحو الكبير اللي خصص ليه السلطان وبدا كيحاول يتأقلم مع الجو وحياته الجديدة وجلس فالشرفة حاط يديه على ركابيه كيتسنط لعضامر ويراجع حساباته وتذكر رسالة يمامة وجبدها من جيبو عاود قراها وتمعن فيها وفخط يدها وهز الورقة كمشها وحط يديه حدا نيفو ستنشق ريحتها وتكا على ضهرو فوق كرسي كبير وطويل كيشوف فمنضر الجبال العالية اللث قدامو مباشرة من الشرفة دالبيت والهدوء التام ..تنهد وسد عينيه مطولا تكا شوية ورجع هز راسو تبسم وتلفت جهة كتفو شار بيدو للعبيد اللي لداخل معاه قال لواحد فيهم يكلم ليه عبدية ومشا كيقلب عليها مالقاهاش وصادف طامو سولها وسولاتر لاش باغاها وحتى هي ماعندها خبار عليها ومشات بلاصتها دخلات عندو حدرات ليه الراس وشافت فيه بحدر كونها اول نهار ليه فالقصر ومزال معارفة طباعو
قاليها فين عبدية
قالت ليه غتكون مع لاللة روح الندى فالحمام امولاي وجيت نلبي الطلب بلاصتها الى سمحتي
ناض وقف تنهد قاليها جيبي ليا شادية هاد الليلة للعشا
حدرات راسها قالت ليه امرك امولاي
خرجات ديك الساعة دخلات على شادية لقاتها كترضع ووقفات قدامها قالت ليها وجدي راسك من دابا ..الحمام كيتسنا فيك
استغربات شادية قالت ليها علاش؟
قالت ليها طامو مولاي طالبك فالخلوة هاد الليلة
تفجآت شادية وقالت ليها طالبني انا!!! بصح؟!!
قالت ليها طامو كيف كتسمعي..واش مشات عليك بعدا الحيضة؟
ناضت وقفات وكتشوف فيه بنص عين كتسناه يقول شي حاجة لاكن زاد طعنها مقال حتى كلمة وبقات كتبعد وهوا على نفس الوضعية حتى خرجات وهوا مزال كما هوا مادار حتى ردة فعل..خرجات لبرا وطرقات بالدموع ومشات كتجري لبيتها دخلات كتشهق على مها خلعاتها وشداتها قالت ليها اتي مالكي اناري اش وقع ؟!! اتي دوي اناري !!
جلسات شادية هبطات راسها وهزات يدها فالسما قالت ياربي هزني من هاد الدنيا ياربي ..ياربي كن غير ماتولدش
هبطات ليها مسعودة يديها قالت ليها مالكي على هاد الدعاوي يعطيك الويل جالسة دعي والطفلة ناعسة..اش كاين دوي ولا راه غنمشح بيه الارض عاد تبكي نيشان
تنهدات مسعودة قالت ليها الله يرحمك ابنيتي فهاد النهار خليتي في قلبي كية
قالت ليها شادية ديك الوقت هضر معايا الامير يور قالي بغاني للزواج..وقالي ماكرهش يعيش معايا اللي قسم الله ..وبغاني فالمعقول..ولاكن ديك الساعة انا كان يسحابني مزال نرجع بحالي وماكنتش عارفة الوقت اش مخبية ليا..قلت ليه بغيت غير واحد على قد الحال ماخصني بأمير ولا سلطان وماشي قد مقامو امي..قالي على خاطرك ..نساي اش قلت ليك واش سمعتي..ديري براسك ماقلت ليك والو..ومن ديك الساعة تقول عمره عرفني ولا تلفت جيهتي..حيت قلت ليه بغيت حطاب ونعيش معاه غير فنوالة
شداتها مسعودة طلعات معاها بواحد القرصة بيد وسدات ليها فمها باليد لاخرى حتى خرجو عينيها وقالت ليها يا وجه الحطب والفقر واش كاين شي كلب كيرمي العضم ..يا الكلبة يا سلوكية كاينة شي مرى بعقلها تقول لا لسلطان وتخلي القصر وتمشي للنوالة ..هاويييلي جيتني والليل هادا واللنت ناعسة اما والله غا لما قددت ليك اللحم وطيرتو ليك على العضم .. ايوا قولي ودابا لاش جايا تخنخنق عليا
قالت ليها شادية والبكى مخلط بالهضرة
قريب يتزوج ..طالعت على يدو لقيت فيها زواج
ندبات مسعودة حناكها قالت ليها اويييلي خي مزالة مابغيتي توبي؟ هاد النحس كامل ورا هاد التشعويد ديالك هوا اللي غيخرج عليك وعلى قبيلتنا ..دوزي تركدي حتى يصبح ويفتح الله يخليك بالخلى ..قالك حطاب..هانتي دابا لاحطاب لا دباغ مانتي مزوجة مانتي مطلقة
شي كيبكي شي كيضحك حتى كتبان ليه ضرسة دالعقل..نسات الهم والغم ووصلات لدار العرس بالنخوة والهمة والزين كيقطر ..ماعرفوها شكون ولا شكون تكون ..استقبلوها العبد دالقاضي بالترحيب والزغارت واحتارمو الهبة ديالها والهمة ديالها قبل ميعرفو شكون ودخلوها لوسط الرياض العاري والعروسة لوسط كتحني والنسا ضايرين بيها من كل صنف ..جلسات مبسمة فبلاصة قريبة من العروسة فوق مخدة فالارض بحال كاع النسى وحيدات السلهام عطاتو لعبيدة اللي حداها وتنهدات كتزول اللثام على وجها المنور البشوش وعينيها كيشوفو فثريات البلاد حاضرين كيشوفو فيها ويهضرو عليها
قالت وحدة لوحدة شكون هاديك اللي لهيه ؟ باينة من ناس الخيار
ردات عليها اللي حداها قالت ليها غير ديك الخويدم ديالها وتاويلها ولباسها هما يعطيوك لخبار على لاللاه ..عمرني شفتها ولا ريتها!!
ردات عليها الاولى قالت ليها عندك الحق باينة من رزانة ديك الخويدم اللي حداها حافضة شغلها وشكادير
مدات روح الندى يدها وهي مبسمة للعروسة لعبدية جبدات ليها الهدية وشارت ليها بعينها تحطها على طبلة الحنة دالعروسة كما جرات العادة .
اما واحد الخادم كانت شغلتو غير يحضيها واش وصلات ..غير قشعها دخلات مشا كيطير وبلغتو فيديه عند القاضي دخل عندو وسط الجماعة فخزانة كبيرة فسطح الرياض وطاح ليه على ودنو قاليه سيدي سيدي..بنت القصر جات .. وراه دخلات للرياض عند النسى
شاف فيه القاضي قاليه واش كتكلم بصح ؟ متأكد من كلامك ؟
قاليها الخادم متأكد اسيدي يحيى وبهاد العينين شفتها
تبسم القاضي للحضور وناض من بلاصتو نزل لساحة الرياض لوسط من جهة كتفصل بين واحد البيت والرياض بجدار خشبي منقوش ووقف هوا ومربية بنتو وقاليها
شكون فيهم هاد المرى اللي جات الاللة عيشة..
لفتات انتباهه روح الندى من بين جميع النسى وركز عليها فاعجاب كبير كيتسنى لاللة عيشة تقولليه شكون حتى شارت بيدها لجهتها قالت ليه هاديك المرى امولاي..كاع ماعرفتها شكون تكون .
بلحق باينة عليها من الناس لخيار
انباهر القاضي بجمال روح الندى ورقتها وغطات على جميع النسى مابقات حتى وحدة كتبان وبقا كيشوف فيها بابتسامة والحناية كتعد وتغني وتحل الهدايا قدام كولشي وتعد بالسميات ..هادو دبالج الفضة هادو خلاخل ..هادو حوالق هادا خاتم الذهب جابتو مرت الذهايي فلان حتى وصلات لصندوقة روح الندى الصغيرة وحلاتها لقات فيها قلادة طويلة من الذهب الهالص كتفتن وهزاتها قدام عيون الحاضرين قالت ليهم
زغرتو يا لعيالات ..لاللة مرجانة جاتها قلادة من الذهب شكون مولات هاد القلادة ..شكون بنت الدار لكبيرة العقبة ما نردو ليها فالخير ان شاء الله
بقات النقاشة كضحك فرحانة وتسول بعينيها شكون حتى طاحت عينها على روح الندى قالت ليها نتي يا لاللة
تنهد القاضي قاليها هادي هي فرحتي فالدنيا اعيشة..عاد ضحكات ليا لايام وحسيت براسي حي
تبسمات عيشة وشافت فيه بنص عين كضح قالت ليه لواه لواه علاه من قبل كنتي ميت اسيدي يحيى
مسح على صدروه كيتنهد قاليها جيبيها نتكلم معاها شوية
مشات لاللة عيشة عند روح الندى مبسمة وهمسات فودنها وناضت معاها وبغات حتى عبدية تنوض لاكن ماخلاتهاش روح الندى تمشي معاها ومشات بوحدها دخلات لواحد الصالة كبيرة مضورة بالسدادر دايرة لثامها على نيفها ولايحة عليها حايك عبدية اللي جات بيه ودخلات عندو للصاللة لبعيدة على الصدع لقات تما القاضي يحيى واقف كيتسناها ..لابس البلدي على حقو وطريقو ونقي كيشعل النور كيسطع من وجهه ولحيته كتلمع ..غزال ومسرار وحشم يشوف فيها بقا كيشوف فالارض ورحب بيها قاليها
نهار كبير هادا الاللة روح الندى ..نهار كبيري..شرفتيني ونورتيني مرحبا بيك والف مرحبا
وراها فين تجلس وهي كدور فعويناتها جلسات قالت ليه ترحب بيك الجنة السيد القاضي
هز عينو فيها كيرمش حشم قاليها يحيى ..غير يحيى كافية
تبسمات قالت ليه الله يكبر بيك بيك السي يحيى
جلس جنبها بعيد عليها كيشوف قدامو ساكت وهي ساكتة بدات كدخلها الزيت وكتعرق ماكانتش كاع متوقعة غادي تحشم على عرضها حتى هي وتتوثر .. قاليها منين فالخوت الاللة روح الندى
بقا ساكت كيشوف فيها وفعينيه توثر كبير وتنهد قاليها عاودي هاد المجية مرة اخرى الى جات على خاطرك.. ماتغبريش علينا
قالت ليه ان شاء الله ..السي يحيى خليت ليك الراحة
خرجات قدامو غمزات عبدية ناضت ديك الساعة من بلاصتها تبعاتها للعربة وقبل متقلع تلفتات روح الندى شافت جهة باب الرياض لقات القاضي واقف كيشوف فيها وتبسمات ليه ومشات بحالها .
بقا ساكت وهي كتهضر وطلات عليها قالت لقه سي يحيى..ياك لاباس السي يحيىى
تنهد شاف فيها قاليها ديري اللي بان ليك اعيشة..انا غنطلع نرتاح شوية
دخلات روح الندى فالسر لجناحها وماضحكات ما نطقات..عبدية غير تابعاها كتشوف فيها وخلاتها على خاطرها عاوناتها بدلات حوايجها ومشات نعسات فالشرفة تحت النجوم بحال العادة باش تهرب من عقل السلطان .
وقفات عليها عبدية قالت ليها مالك صبحتي شاردة؟ من لبارح ونتي ماشي حتى لهيه
تنهدات روح الندى قالت ليها حرت اعبدية.. ماعرفت اش ندير
استغربات عبدية قالت ليها علاش اش وقع ؟
قالت ليها روح الندى لبارح هضرت مع القاضي ..قلت ليه شكون انا..وشفت اللون تبدل فوجهه..حسيت بيه كان باغي يقول شي حاجة وتراجع ..منكدبش عليك اعبدية..هادشي درتو فالاول غير ضحك كنت متأكدة منلقاش اللي ينسيني فالاصيل ولا يعمر عيني..ولاكن بان ليا هاد اللعب صدق بصح.. كنحس بالقاضي محتل تفكيري.. كبر بيا وماكرهش يجلسني فوق رموش عينيه .. حسسني بنفسي وبقيمتي ..حسيت براسي مرى اعبدية وحسيت بمشاعري تحركات من جهة اخرى..عجبني الحال وماعرفت ما ندير..بان ليا القاضي تراجع على شي فكرة عندو فراسو ..شفت الحسرة فعينيه..اول مرة نكره السلطة والملك ..اول مرة نتمنى لو كنت بسيطة مايخاف مني حتى واحد ما يعاملني حتى واحد زوين بسبب الخوف..اول مرة نحس بمعاملة زينة حقيقية بلا خوف ..ولاكن فاش عرفني شكون انا تبدل وعرفت الفرق بين المعاملة النابعة من القلب وبين المعاملة بالاجبار..عاد عرفت علاش يور كان كيرتاح فالبساطة ..حيت جال وعرف الدنيا وخفاياها .. شحال زوينة الحرية اعبدية ..عرفتي شنو ..انا ونتي مكاينش بيناتنا فرق.. بين العبد والامير مكاينش فوق..الفرق فاللباس والتاج ..اما العبودية فهي نفسها
تلفت وراك وقدامك راه قصير القامة نحيف الوجه كينهش فعضامك .. ناقص من ولادو الصغير ..وسطل كحل جنب البير وخفيف بحال الطير.حمامة من عش لعش دور من سطح لسطح تجمع فالقش .
لوات المرسول وخشاتو فالخبز ورسلات الصينية تعرض ليها الخويدم الخفيف القافز طيرها فالهواء قنتها وجبد الورقة من وسط الخبزة جمعها ومشا مدها لعابد لاعين شافت لا لقب وجع .
خلي الكلب يدخل ويخرج كيف بغا راه ريحته عطات وعطيناه عضم فاش يتلهى ..
خرج من جناحو مشا رسل المرسول مع عابد ورجع دار يديه وراه غادي جاي كيفكر شكون هاد مسخوط الواليدين اللي كيدي الخبار ويجيبها شكون غيكون
تلفت وراه شاف يور غادي زربان ومشا جيهته بان ليه ركب على الخيل خرج واستغرب متبع ليه العين سول واحد حداه قاليه فين مشا ؟
قاليه مشا للصيد امولاي
تنهد الاصيل وتلفت جنبه بعفوية عند الخادم الي سول لقاها ماشي خادم وانما المكلف بنضام الخدم وفجأة نتابه لوجه وعقله كيعرض الحجاية وكيفسرها فوجه الراجل النحيف قصير القامة الضعيف..شطل كحل جنب البير !! تماما كما هوا واضح على وجه هاد المسخوط ..زبيبة كحلة كبيرة جنب فمو ..
بقا كيحقق فيه مزيان بعينيه ويطلع ويهبط فيه وزاد تأكد من السطر اللخر فاش حل الراجل يديه جمع لجام خيل كان حداه وكان ناقص صبع الصغير من صبعان يديه وهنا فك الاصيل الحجاية كلها ورفع راسه تبسم بخبث وقاليه
اشنو سميتك
قاليه الخادم وراسو فالارض سميتي رمان امولاي
ضحك الاصيل بسخرية قاليه شميتك ارمام ريحتك عاطية من بعيد
بدا رمان كيضحك قاليه هادشي اللي عطا الله امولاي الوالديني سماوني عاد السمية
قاليه السلطان خليه غادي ينفعنا احكيم ..غير حط عليه العين ورد ليه البال مزيان
شي كيتكشف وشي كيتخبا والدنيا كدور ..
شي فرحان شي مكهوم وشي فكعان.. يمامة فالقصر طالقة ودنيها كتفهم كلامهم بالحرف وحتى واحد معارف اصلها وصفها وحدهم عرفوها وحدة من الحريم وسالات القصة.. بدات كدور ودير بلاصتها ودخلاتهم بالنية وقلة الفهامة ولعبات لعب كبر منها ..دخلات بين الخوت وكان زينها وحلاوة لسانها ورطوبيتها هما سلاحها الفتاك وبدات خطواتها الاولى فالايقاع بين لويس ولوسيوس غير بالسياسة ودايرة فيها نية وهبيلة وطالبة السلاك ..
اما الاصيل ويور مشطون مع شغلاتو اللي اهمها حاليا قرطبة ..
وشادية مسكينة بحالها بحال متعة وحدة شادة ولدها ولخرى شادة بنتها والامور غادية كتجري..اما روح الندى فصراع مع راسها بين تنسى القاضي ولا تغامر بيه وبراسها . هاكا غادية الامور نهار ليهم نهار عليهم حتى لواحد العشية من لعشات الله الهادية ..ومع جوايه الضهر دخلات عيشة على القاضي لجناحو لقاتو جالس شارد بحال عادته ومابقا لا كياكل لا كيشرب وغير ساهي وكيتنهد ..بنتو مشات عليه وبقا بوحدو تقول هاز هم الدنيا على ضهره
تنهدات عيشة قالت ليه ماكليتي والو السي ايحيى
شار بيدو قاليها غير هزي النعمة للي محتاجينها انا ماعندي نفس للماكلة
قالت ليه واه اسي يحيى..اش هادشي عامل فراسك ..البنت الى تزوجات الله يسخر ليها
وقف عندها شاف فيها قاليها الى جبتيها ليا غنكون ممنون ليك اعيشة..عمرني نسا خيرك
قالت ليه كن هاني..عطيني شوية غير دالمال وانا نتكلف ليك
قاليها امري اعيشة شحال ما بغيتي نعطيك ..تستاهلي
قالت ليه ماشي ليا ..لهاد الخدمة اللي غندير السي يحيى
تلفت وراه جبد ليها رزمة عطاها ليها وخرجات مشات وجدات واحد الرزمة ديال التواب الرفيعة على واحد العربة ومشات بيها للقصر مع جوايه العصر ..وقفوها فالباب وعيطو عليها على المسير خرج عندها وقالت ليه رسلات ليا لاللة روخ الندى
دخلها بلا مايعتارض ومشا بيها وبصنادقها حتى لجناح روح الندى اللي كانت جالسة طالقة رجليها ساهية ويدها على خدها كتنهد من حنك لحنك
حدر راسو قاليها لاللة روح الندى ..هاد المرى قالت لي رسلتي ليها
داها خرجها مشات بحالها وبقات روح الندى غادية جاية فجناحها قلبها واكلها فاللخر قررات تمشي واللي ليها ليها
خلات حتى ضلام الحال مابقا حتى واحد يسول عليها وخرجات هي ووحدة من وصيفاتها خلات فالبيت عبدية تسلك الامور ومشات لابسة ملحفة كحلة كتجري فوق العود حتى لدار القاضي ورسلات وصيفتها دقت بابو والطريق بين الرياضات خاوية فالمدينة ..حل ليها الخادم الباب وقالت ليه بغيت لاللة عيشة
دخلاتها لواحد البيت كبير بالسدادر ومشات كتجري طلعات عند القاضي لقاتو جالس شاعل القنادل فالنوافد وكيقرى فواحد الكتاب غليض جنب واحد الشرفة صغيرة كدخل الهوا
بلا ميشوف فعيشة قاليها مافيا اللي يتعشى اعيشة غير سيري تنعسي
تصدم وحط الكتاب بشوية وناض وقف قاليها شهاد المزاح اعيشة ؟!
قالت ليه واش انا مولفة نتمازح السي يحيى
قاليها واش بصح اعيشة !!
قالت ليه ايوا الى مصدقتيش هبط تأكد بنفسك
مشا جهة الباب حتى كان غيخرج ورجع دخل شاف فلباس نومه الشفاف اللي كيبن صدرو من لداخل ومحلول من العنق بزاف ومشا لبس عليه دراعية شرقية طويلة كحلة عاد نزل يتأكد..دخل للبيت والشك فراسو لقاها جالسة عاد صدق عينيه وماعرف مايدير ديك الساعة .. ناضت وقفات شارت لوصيفتها بعينها خرجات وقالت ليه مس الخير السي يحيى
خرج نفس طويلة قاليها مس الخيرات الاللة روح الندى..مرحبا والف مرحبا ..كنتي تعلميني نستقبلك بمقام يليق بيك
قالت ليه انا مابغيتش هاد المقام ..ماجيتش باش تستقبلني..جيت غير نقوليك شي كلام ونمشي
شار ليها بيدو قاليها جلسي بعدا رتاحي
جلس جنبها وقال لعيشة تضايقها وحطات ليها اشهى انواع الفايكة وصينية واتاي ومشات
بقات روح الندى شادة فلتامها كيبانو غير عيونها وقالت ليه
قالت ليها عيدية راه طيري حتى تعياي وتجي فالارض فين خليتي يور والاصيل والله لا خلاوك حتى تحلمي ..داك السيد مسكين الله يرحمو من دابا والله الاصيل لا خلاه ليك فوق الارض وراكي كتعرفياش كيسوت
تقلبات روح الندى على كرشها شافت فيها قالت ليها الاصيل يمشي ينبك .. خلاها السي يحيى الموت على العشق شهادة ..كيتي انا دابا اللي حية وميتة ما حياة ما والو ..عايشة والبهيمة احسن مني وزايدون الاصيل صافي طاح ..يتقبلها ولا يجلس المهم بالنسبة ليا غلبو القاضي ..ايييه اعبدية القاضي سالا مع الاصيل والى دار ليه شي حاجة راه ضعف منه هوا ماشي من القاضي..وزايدون ماعندو مايدير يمشي يعاود لمخو
قالت ليها روح الندى بحالو بحال باه سلعة وحدة ..مايصلاح ليهم غير فعايل بنات الحرام هما اللي كيجيو مع بحالهم
داز اسبوع على لقاء روح الندى والقاضي وروح الندى يوم على يوم كتحاول تقرب من يور اللي غاضب عليها مكيدوزشمن حداها من نهار المشكل ديال شادية وهوا هاز من جيهتها ..ماعرفات كي دير دوز ليه وكتشوفو رايم جيه باه غير غادي جاي هوا وياه ماعارفاهم لاياش كيخططو.. عيات تسنا الفرصة ولا بغات تجي وهي كل نهار كتشوط وتحرق قلبها طايب وعقلها مرفوع . تسنات حتى شبعات فالاخير وقفات وشافت فعبدية رافعة راسها قالت ليها عبدية.. وجدي ليا حوايجي غنخرج عند القاضي
قالت ليها روح الندى صافي قررت اعبدية ومغنرجعش فقراري
عيات فيها عبدية دير ليها عقلها لاكن شافتها محروقة على الزواج من القاضي وخلاتها على خاطرها
لبسات حوايجها وتزينات زينة الاميرات وخرجات عاين باين هي ووصيفاتهاوعبدية معاها بحجة النزاهة بحال العادة ومشات فعربة ما خلات حتى واحد يشك فيها حيت خرجات كما موالفة قدام عينين الكل.
بعدات حتى بعدات وتسلات فملحف قهوي بلا ماتبان وخلات وصيفاتها وعبدية معاهم ومشات على العود نيشان لدار القاضي استقبلاتها عيشة بالحليب والتمر ودخلات ها ضايفاتها فالرياض ..تلفتات روح الندى يمين يسار قالت ليها كاين السي يحيى ؟
قالت ليها عيشة هاهوا جاي الاللة ..مشا للمسجد يصلي صلاة الجمعة وغيجي..
تبسمات روح الندى وخدات راحتها حيدات الملحف على راسها بشوية وقادات حوالقها وخيط اللويز اللي على راسها والجوهر فعنقها وتكات سدات عينيها قالت
الله على راحة فهاد الرياض ..
سرحات رجليها ببلغتها وسط ديك الساحة المعرية والخضورية ضايرة بيها على واحد السداري مزوق وحطات يدها جنب راسها كتشم الهوا وتسنط لعضامها فهدوء والسقاية قدامها وشاردة حتى سمعات تحنحين راجل وحلات عينيها لقات القاضي واقف قدامها وهي ساقها معرية حتى للركبة ..كيشوف فيها ويغض البصر شوية وناضت بزربة جلسات حشمانة ودارت عليها الملحفة ودوزاتها على نيفها كتمتم قالت ليه السي يحيى ..الله يقبل
حط السجادة وهز جلابتو البيج والبلغة كتشعل فرجليه تقول العيد الصغير ..متول وريحة الحروشية والرجولة كتفوح منو ..قاليها بابتسامة كيشوف قدامو مرحبا بيك الاللة نهار كبير هادا
جمعات قوتها مابغاتش ضيع الوقت قالت ليه السي يحيى .. انا جيت وجبت ليك جوابي
شاف فيها قاليها الله يسمعني خبار الخير الاللة روح الندى
بقات ساكتة مطولا وقالت ليه انا قابلة
قبل مايعيش الفرحة قالتليه ولاكن بشرط
قاليها شرطي وامري الاللة
قالت ليه غنتزوج بيك ..ولاكن فالسر
استغرب قاليها كيفاش فالسر؟
قالت ليه حتى واحد مايسيق الخبار
قاليها ميمكنش !!! الزواج راه خصو الاعلان
قالت ليه انا قابلة ..ولاكن ولدي لا ..الى غتقدر ضحي وتصبر معايا يكون حسن ..هادشي الى كنتي بصح عاشق صادق كما قلتي
بقا ساكت كيشوف فيها ماردش عليها وجاه داكشي فشكل خصو تفكير..لاكن روح الندى ماعطاتوش مهلة يرتب افكاره وشافت فالصمت ديالو الرفض وجمعات كبريائها وناضت قالت ليه خليت ليك الراحة السي يحيى ..حسبني ماقلتليك والو
وقفها قبل ماتمشي قاليها عشقك صادق الاللة روح الندى؟
بقا كيشوف فيها وتبسم قاليها ماشي خسارة فيك التضحية الاللة روح الندى ..شرطك على عيني وراسي واللي قلتيها هيا اللي تكون
جات عيشة هازة واحد لاللة وماليقصرية ديال الطعام بالكديد وسبع خضاري حطاتها ليهم وشار ليها القاضي بيدو قاليها مرحبا ليك الاللة ..لا كلام على طعام
ضحكات روح الندى وجلسات قالت ليه باش يدوز ليا رسل للامام يجي ياكل معانا
بقا القاضي كيشوف فيها مبسم من عينيه وقاليها هي اللولة الاللة روح الندى
شار بيدو للخادم ديالو رسلو يجيب الامام ومد ليها معلقة خشبية قاليها نشركو الطعام هوا اللول
شداتها وهبطات الملحفة كتاكل وهوا كيشوف فيها فكل مرة وعينو جهة الباب حتى كلاو وسالاو عاد وصل الامام ودخلوه لبيت اخر تجمع فيه هوا والقاضي كيهضرو على سبب الدعوة وعيطو لروح الندى دخلاتها عيشة عندهم جلسات بعيدة ورا ستار كحل شفاف
بدا الامام كيسألها قاليها الحالة ديالك الاللة ..حرة ولا جارية
تكلمان قالت ليه حرة اسيدي
قاليها مسلمة ؟
قالت ليه مسلمة
قاليها مزيان
كمل الاسئلة ديالو وقاليها واش قابلة بالسي يحيى المنصوري زوجا لك على مهر قدره سبعين قطعة
قالت ليه بصوت خجول اه اسيدي قابلة
رجع للقاضي طرح عليه نفس الاسئلة قاليه قابل وتزوجو وقراو فاتحتهم وناض الامام تبسم ومد يدو للقاضي قاليه مبروك عليك السي يحيى ..بالرفاه والبنين ان شاء الله ..وان شاء الله زواجكم غيكون مبارك بهاد اليوم المبارك
تبسم القاضي وشكرو وخرج معاه في حين حيدات روح الندى الثام تنفسات الصعداء واستوعبات شنو دارت وسمعات زغارت عيشة جايين والمباركات ليها وتبسمات مامصدقاش راسها انها فعلا تزوجات وتجاوزات جميع الخطوط الحمراء وتجرآت لاقصى لحدود وتحدات الكل واولهم نفسها
سكت ماقال والو وباس يدها قاليها على خاطرك الاللة روح الندى ..
دارت الحايك على راسها وخرجات مبسمة مشات وبقا القاضي واقف فمكانو كيتنهد وعيط على عيشة قاليها عاودي بيت لاللة رو الندى من جديد ..جيبي ليه كلشي جديد .. خصنا جناح كبير يليق بلاللة روح الندى .. والخزانة دالكتب حولوها للبيت اللي حداه ..وجهزي ليا حوايج يليقو بيها فاش تجي تلقا كلشي واجد ماتحسش بالفرق
قالت ليه عيشةغدا يصبح كلشي كما طلبتي يا السي يحيى
وصلات روح الندى للعربة دخلات فيها وجلسات جنب عبدية وقطعات الحس حتى وصلات للقصر ويالاه نزلات من العربة لقات يور والسلطان قدامها كيتمشاو ..ماطولاتش فيهم الشوفة وقلبات عينيها مشات دخلات لجناحها وجلسات سدات عينيها رتاحت وعبدية عند راسها كتسول اشوقع
عطاتها روح الندى بالضهر مشات جهة الشرفة وقالت ليها كيف كتسمعي..وراضية على زواجي وعلى راجلي..ربي هداه ليا ومن خيرة الرجال..نقولو لا باش سيهم الاصيل وداك المسخوط يبقاو على خاطرهم ! مالي عبدة عندهم ؟!
ضارت عندها روح الندى قالت ليها اللي بغا يوقع يوقع ..الى كان عمري طويل حتى واحد مغيحدو ليا غير تهناي..وزايدون انا تزوجت فالسر باش يبقا السيي يحيى بعيد على بطش الاصيل وغيرة يور المجنونة ..مكان عندي حتى حل من غير هادا
قالت ليها عبدية ومالكي مزروبة ؟!!
قالت ليها روح الندى ماعندي مانتسنى .. انا لقيت راحتي ورتاح قلبي لسيي يحيى ..صافي وقررت ونفدت .هادشي يبقا سر والله يجعلو يبقا مخفي حتى للموت ماعنديش مشكل
قالت ليه رافعة راسها غنمشي لتارودانت..ياكما ممنوع عليا ولا حرام!
قاليها وعلاش بغيتي تمشي لتارودانت ؟اشنو السبب
قالت ليه بيساطة توحشت ارضي وبلادي..توحشت قصري وحريتي..توحشت اهلي وحبابي وشعبي وتراب بلادي..الانسان مكيرتاح غير فدارو يا السي الامير..خليك هما مع باك انا اصلا ماعندي باش نفعكم
بقا كيشوف فيها وشنو كتقول وقاليها خلينا بعدا ندرسو هادشي ماجاتش تمشي بين ليلة ونهار
قالت ليه ماعندك مادرس.. درس غير حياتك ومستقبلك اما انا راني حياتي مدروسة وباينة ..قاليها وعندك عادي تمشي وتخلي ولدك وحفايدك هنا وتزيدي!!
قالت ليه حفايدي راه عندهم مواتهم ..ونتا كبرتي مابقيتش مسؤولة عليك..الولد فاش كيكبر على حضن مو كيصغار فحضن مراتو ..ونتا تبارك الله عندك الحضان ضايرين بيك من كل جهة .. خليت ليك الراحة
قلبات عينيها خرجات خلاتو واقف كيشوف فيها ومشات رجعات لجناحها كتجمع حوايجها بشوية عليها في حين خرج يور ديك الساعة مشا عند الاصيل لجناحو لقا معاه شامة جالسة ..غير دخل ناضت خرجات خلاتهم وقال للسلطان لاللة روح الندى بغات تمشي لتارودانت.. ماعرفت اشنو ندير باش نمنعها
وقف الاصيل متفاجأ قاليه تمشي لتارودانت!! وعلاش؟
قاليه يور توحشات البلاد قنطات هنا ومامرتاحاش..منقدرش نخليها تمشي وحنا. داخلين على حرب..فأي لحضة يتقلب علينا كولشي وخروجها من البلاد لبلاد اخرى خطار علينا وعليها
قاليه الاصيل ماعندها فين تمشي ..انا غنفهمها اشنو كاين راه مجايبة للدنيا خبار وغتبقا حتى دير زبلة يغرق فيها جمل ..مك وانا عارفها اكثر منك فاش كيزندو عوادها كتبدا تشير بيهم
خرج الاصيل مشا عندها نيشان لجناحها دخل عليها لقاها كتستف فالصنادق ووقف كيتمنضر ..ناضت وقفات ربعات يديها كتنهد وقاليها شفتك جمعتي القافلة فين عوالك تزططي؟
قالت ليه غنرجع بحالي لتارودانت الى كتب الله
قاليها الله مزالك ماكتب ليك تمشي ومزال مطولة معانا هنا ..غير تكاي تسنطي لعضامة
دارت ليها عيشة خمسية صغيرة وخلاتها شوية ومسحاتها وبدات كتسنط لوحدة من الخدم كتغني حتى دخل السي يحيى ومشا نيشان متلفت جهة الحريم ..قربات عبدية قالت ليها اجي انا جاني السي يحي صغير ياكما صغير عليك
هزات روح الندى حاجبها قالت ليها اويلي قالك صغير عليا..راه قدي قدو ولا كبير ليا بشي حاجة مك وصافي..راه عاد كي زوج بنتو الوحيدة ومزالة صغيرة عاد حلات عينيها حتى هي!! شحال بغيتي يكون عندو
هزات روح الندى راسها قالت ليها ايوا شتي..هانتي بديتي تفهمي
مسحات ديك الخمسية قبل ماتعطي حموريتها اكثر وقالت ليها عيشة مرحبا بعمارة الدار ..اجي نوريك بيتك الاللة وقبلي علينا
ناضت روح الندى كضحك مشات معاها طلعاتها للبيت وحلات ليها الباب دخلات وسرحات عينيها ..كان بيت بلدي كبير عندو شرفة صغيرة وعندو دروح فالقنت كيطلعو للسطيح اللي فوقو ..متول ومرتب والروايح الزكية كتفوح منو ..قالت ليها عيشة خليت ليك الراحة الاللة روح الندى
مشات عيشة وبقات روح الندى كدور فالبيت وشافت السجادة مسرحة فالارض ..سمعات صوت نازل من دوك الدروح وكان السي يحي اللي هبط عندها وعينيه كلهم شوق ليها واعجاب وفرحتو من عينيه باينة للعمى ..قرب منها وقف قدامها كيشوف فيها ويتأمل ملامح وجهها وقاليها
عارف مقامي ماشي من مقامك وتستاهلي بيت اكبر من هنا وقصر ..ولاكن راه جهد الله غلاب
ضحكات قالت ليه شكون قالت بغيت قصر ؟ ولا جناح ؟ كن كان معمر ليا لعين كاع منهرب منو ونجي
هبط راسو شد ليها فيديها باسهم بجوج واشاف فيها كيضحك قاليها توحشتك
قالت ليه غير من لبارح لليوم
قاليها من دابا موحشك ..موحش مراتي واخا هي معايا
هبطات راسها وحسات بقلبها زدح .اول مرة تسمع هاد الكلمة وتحس بيها وعجبها تعاود تسمعها وقالت ليه شكون توحشتي؟
قربها منو كتر حط يديها على صدرو وشدها من خصرها قاليها توحشت مرتي..عمارت داري..النسمة اللي محلية حياتي
بقات كتشوف فيه ساكتة ورمشات بخجل فرحانة حتى بغاو يدمعو عينيها ..هز يدو حيد ليها التاج على راسها بشوية وتبسم قاليها
القاعدة؟
هبطات راسها كضحك وضارت عطاتو بضهرها ووجها احمر حل ليها المضمة ودوز يديها بشوية على خصرها ضورها عندو وقرب كيشوف فعينيها والنفس كتخالط ويدها على صدرو حتى وصل لشفايفها قبلها وسدات عيونها حسات بديك القبلة نابعة ليه من اعماق قلبو ووصلات لاعماق قلبها واستسلمت لمشاعرها ورغباتها كل الاستسلام ودخل بيها كأنها اول دخلة ليها من بعد سنين طويلة ..عاد بدات تتعرف على الحياة الجنسية وبداو رغباتها كيتسابقو ويطلبو وبدات تدريجيا كتحيا بحال شي وردة دابلة وبدات كطرطق بحال شي عوينة ناشفة من الماء .. حسات برغبة القاضي القوية فيها وحسات بمشاعره الصادقة اتجاهها وكانت كتعيش الحب قبل الشهوة مع الراجل اللث ماتوقعاتش يفيض بداك الحب وداك العشق هاداك كامل ويهزها على رموش عينيه بحال قطرة دالماء
ماحسات براسها حتى رخات يديها كأنها حطات الحمل والتعب وحتى الدنوب دقة وحدة وتنهدات بارتياح وتكات على جنبها جنب السي يحيى اللي قربها منو اكثر وقبل جبينها وهي سادة عينيها ويدها على صدرو
ذو التيجان الجزء العاشر
محتوى القصة
كمش الاصيل الرسالة فيدو ودارها ورا ضهرو قاليه شكون عطاك هادشي ؟
قاليه عابد انا عطا ليها غير واحد الخادم امولاي
قاليه السلطان شنو كيوقع فالقصر ؟
قاليه عابد الله وعلم انا حدي غير فجناح الخدم ..مكنشوف شنو كيوقع مكنفهم اش كيقولو
شار السلطان بعينو للحرس قاليهم ماتخليوهش يمشي حتى نأمركم
رجع بحالو وعقلو شارد شاف يور جاي عندو قاليه جلالة الملك ..انا قررت نرجع لتارودانت ان شاء الله انا ومي وولدي
خرج السلطان يدو من مور ضهرو عطاه الورقة قاليه هاك ..قرا شنو مكتوب هنا
خدا من عندو الورقة حلها قرا الحجاية وفتح عينيه مصدوم كيشوف قدامو مامصدقش وقال
منين جات هاد الورقة
قاليه السلطان جات من قصر قرطبة.. ولاكن شكون البنت اللي كتبات هاد المرسول ..قالت ليك يمامة ربيتوها ولذو التيجان هديتوها
قاليه يور وهوا فدهشة هادي سبأ..انا سميتها يمامة..
ضحك السلطان قاليه اسم على مسمى ..نعم الاختيار والتربية ..سبحانك يا جليل كتغير الحال من الموحال
قاليه يور قالو ماتت!! تكون باقا حية؟!!
قاليه كتقول فالمرسول جناحها داست عليه الاقدام..اي بحال الطير فاش كيفقد جناحو ويطيح ..بالنسبة ليها جناحها هوا قوتها وصحتها ..وجناح النسر هداتها الايام
بقا يور ساكت كيوف قدامو قاليه بصوت ضعيف باقا حية؟؟ هادشي كيعني باللي كتاب ليه عمر جديد ثاني!! جناح النسر هداتها الايام كتقصد قوة جديدة تعطات ليها من عند شي واحد فاولاد الملك بجوج اللي فالقصر..
قاليه الاصيل ومن عند الري والشوار حيت كتقول فالسطر اللخر
فلحناني تعجن ليه
كتقصد بالحنة الفرح ..يعني يا اما غيتزوجها يا اما شي حاجة المهم جامعة بينهم كتبين انها قريبة ليه فالسعد ..
قاليه يور وشنو قصدات بمرودكم تنقش ليه كتقصدنا حنا كتقصد بالنقش الطعن هادشي اللي فهمت
دار الاصيل صبعو حدا فمو كيفكر ليه قاليه تماما ..يعني بسلاحنا غادي طعنو
الرسالة كتقول بالمعنى المختصر
انا بنتكم اللي ربيتو ولولدكم هديتو ..ذو التيجان ..كتقصد بيه اللي مو وباه ملوك ولا كانو ملوك وهوا ولي العهد على الجهات بجوج ..خسرات قوتها وصحتها ولحسن حضها ماماتتش واالي نقدها غيكون واحد من الخوت اللي مدها بالقوة من جديد وغالبا فيكون تغرم بيها حيت جامعاهم فرحة وكاسنى الوقت المناسب والرد من عندنا باش طعنو بفرحته .نوض لولدي على سلامتك جاب ليك الله فرصة ترجع بيها بلادك ماعندك فين تمشي دابا
ضحك يور قاليه ماشي خسارة فيك التربية ايامامة ..صدقتي احسن بزاف دالناس
دخلو لجناح السلطان وحطو ورقة وريشة كيتناقشو على الخطة اللي يمشيو عليها وكتب بيها الاصيل الرد
"هاج البحر بالحوت بين الخوت ..طعم واحد كافي يخلي الحوت يموت "
تنهد الاصيل قاليه على الله تفهم المعنى كما هوا..حاولت نعقدو باش حتى الى طاح فيد شي واحد مايفهم اش كيعني
شد يور الرسالة قاليه غتفهم انا عارفها شاطرة وذكية .. وغتكون كتفهم لغتهم حتى حاجة ماصعيبة عليها دابا
رفع الاصيل راسو امر الحراس يجيبو ليه عابد وغير دخلوه كان غيسخف من الصدمة فاش يور على قيد الحياة وفشل طاح على ركابيه..لاكن السلطان ماخلاش ليه فين يفكر عطاه المكتوب قاليه وصلو وعنداك يضيع منك ..كنا وصلتي لينا الرسالة فالحفظ والصون وصلها فالحفظ والصون
قرب. منو يور شاف فيه قاليه عابد! .. شخبار يمامة لاباس عليها
حدر ليه عابد راسو قاليه مكنشوفها ما كنريها امولاي..بعيدة بزاف على جناح الخدم ..الله يطول فعمرك امولاي هادا نهار السعد اللي شفناك فيه
تبسم يور قاليه الى شفتي يمامة قوليها على ماشافت عينيك ..وبلغ ليها سلامي . يالاه سير ورد البال للمرسول
قصر قرطبة .
فجناح صغير واقف جسد نصو عريان قدام المراية كدور يدها على جرج كبير ملموم عبارة عن شرطة حمراء جنب السرة .. هزات بيدها شوية دالعسل من الشهدة اللي فااطبسيل دهناتها مزيان وطلقات عليها توب نضيف ابيض غطاتها وجمعات كرشها بتوب عريض خفيف دوراتو مزيان وطلقات عليها قميص خفيف حتى للارض.
سمعات الباب تحل ودخلا خادمة صليبية عندها هازة راسها قالت ليها بعربية متقطعة الامير لوسيوس كيتسناك على الغدا
تلفتات شافت فيها بابتسامتها الساحرة وحركات ليها راسها بالايجاب وخرجات معاها دايرة دفيرة للجنب واسعة وعقد خفيف فيه بولة حمراء ومشات لقاعة فيها طاولة طويلة كان على راسها الامير لوسيوس بلباسه الصبيبلي والاوسمة على كتافو ..طويل وعريض واشهب الشعر واللحية وعيونو خضرا ..وجهه باسل بحال العصيدة بلا ملحة واخا حروفو زينة .
تبسم وكان فيدو مشروب هزو جيهتها وهي كتقدم ناحيتو بجسدها النحيف وتحت عيونها ازرق واللون هارب من وجهها تقول مشات يمامة وبقا ريشها ..نضرتها لاشياء نضرات باردة ووجها اصبح انحف تقول مكتاكلش النعمة .
جلسات جنبو قالت ليه شكرا على الدعوة سمو الامير
تكلم واحد جنبو شرح ليه كلامها العربي وتبسم ليها الامير قاليها بلغته بغيتك تتعلمي لغتنا فأقرب وقت .. مجاتش معاك هاد اللهجة نهائيا ..كن كنتي مسيحية كان يكون احسن واسهل فعلاقتنا
تلفت عندها المطرجم شرح ليها وهي كتشوف فالامير بابتسامة باردة وعينيها كيتوعدون وقالت ليه
كنتسنا نرجع عافيتي امولاي باش نقدر نتحمل التعلم والمواضبة ..
كانو كيهرو والمطرجم فكل مرة كيشرح وقاليها الامير
وهوا كيقرب منها وشد يدها
شفت حتى عييتي وماعمرني شفت فالزين بحالك
تبسمات قالت ليه انا مي شيعية الاصل فارسية ..وبا مسلم وخرجت كنشبه لمي اكثر وماخديت من با غير شي حاجة بسيطة
قاليها الامير وعلاش نحفتي لهاد الدرجة..نهار دخلت لهاد القصر ولقيتك مرمية على الارض ماكنتيش بهاد الضعف..كنتي بحال الملاك ..شيديتيني ليك واخا كلنو عيونك مسدودين ..ولاكن دابا تبدلتي واش كيعاملك ب واحد معاملة قاصية؟ واش مكيعطيوكش تاكلي
تبسمات وشدات فيدو قالت ليه لا بلعكس..شكون يقدر يكسر اوامر سمو الامير..انا كنشرب عشوب قاصحة على قبل الجرح مكتخلينيش ناكل من بعدها ..هادا ماكان امولاي ..
خوا ليها الشراب فالكاس قاليها شاركيني مشروبي وخلينا نحتافلو بهاد النهار الجميل..فبحال هاد النهار بالضبط ربحت الحرب ..وشفتك فيه ودخلت لهاد القصر .. وقريب غادي نتزوج بأجمل امرى فهاد العالم وغنكون اسعد انسان ..امير ..وجنبي اجمل مرى ..اش هاد الحياة السعيدة سعدااتي
غرغرو عينيها حتى نتباه ليهم وحتى كان غيتكلم عليهم لاكن دخل راجل بلباس عربي طويل ورا قائد من القياد للقاعة كيلهت وهبط على رجلو قاليه بلغتهم الاسبانية مولاي .. عندي ليك خبار مهمة من قصر الحمراء
حلات يمامة عينيها وتهزات بلعات ريقها كتشوف فيه وقاليه لوسيوس تكلم اشمن خبار جايب
قاليه الراجل اللي واضح انه جسوس فالقصر ..الخبار في غاية السرية امولاي
تلفت الامير شاف فيمامة وضحك قاليه هضر طلقنا مكاينش من غيري وغيرك والقائد كيفهم اشنو غتقول
شار بيدو للمطرجم خرجو وقاليه الجاسوس
السلطان يور على قيد الحياة سمو الامير
شهقات يمامة وطيحات الكاس اللي حداها وتلفت عندها لوسيوس ضن ان الجرح ناض عليها وقاليها تمشي ترتاح بيدو ولغته وشدات فالطبلة كترعد غادية جهة الباب وكتسمع الامير كيغوت قاليه شنو هاد التخربيق.ك دار غليه العام وهوا ميت كيفاش على قيد الحياة
قاليه الجاسوس تاضح انه ماماتش والسلطان محمد اصيل كان خفاه على عينين البشر..وليوم الصباح استقبلوه فالقصر وعلنو عليه فالديوان ونتاشر الخبر ..
ضرب لوسيوس الطبلة بغضب قاليه اش هادشي !! هادشي مكيتقبلوش العقل ..سمع غادي ترجع للقصر وحاول تقرب منو اكثر .. خاصك تجيب ليا خبارهم وتخطيطاتهم كلها والى دعى الامر ضحي باعضائك باش تقرب منهم ..يالاه خرج
خرجات يمامة شادة كرشها من الصدمة وكتمشي مع جنب الحيط حتى صادفات خوه توأمه الامير لويس وهبطات ليه راسها وهوا كيشوف فيها بنص عين حتى داز عاد جلسات كترد النفس فواحد القنت ويدها على قلبها كتهشق وتبكي من الفرحة ..ناضت مامصدقاش شنو سمعات رجعات لجناحها وسدات عليها مشات كتجري لواحد الصندوقة تحت فراشها جبداتها كانت فيها سمطة ديال الجلد اللي كيزير فيها على كف يدو وتذكرات يوم بقات بوحدها فجناحو وهزاتها من بين اغراضه واختافضات بيها كحزام على يدها ..شداتها زيرات عليها جهة صدرها وبلعات ريقها وخرجات عيونها الكبيرة اللي بقاو كايبانو اكبر من اللي كانو بسبب ضعف وجهها
فقصر الحمراء
دخلات روح الندى لجناحها مرتاحة وجلسات طلقات رجليها وشافت فعبدية قالت ليها
يالاه ..وجدي ليا حوايجي نمشي للامة دبنت القاضي
ضربات عبدية وجهها قالت ليها اويلي على اللامة ؟
قالت ليها روح الندى ومالها اش فيها؟
قالت ليها عبدية يور فالقصر والسلطان حتى هوا ! الى سولو عليك؟
هزات روح الندى كتفها قالت ليها طلعو ليا فراسي واحد كيرميني لاخر واش انا نبقا مقابلاهم غير هما ! منشوفش راسي ؟! احم وزايدون بغيت نتعرف اكثر على القاضي..صورتو مكتمشيش من بالي كنحس بواحد الاحساس زوين ..عاجبني الحال
بقات عبدية غير كتشوف فيها قالت ليها ايوا الله يستر..حتى شاب عاد علقو ليه حجاب
هزات روح الندى حاجبها شافت بيهابالجنب ليها قالت ليها بزاف عليك نتي اللي شبتي اما انا شهوة مني مزال ندك وندردك ونزيد الاولاد !! هه ء قالك حتى شاب علد علقو ليه حجاب
..سيري بعدا عيطي ليا على ديك المسخوطة دشادية تشرف ليا شنو مخبيليا مكتوبي
تنهدات عبدية قالت ليها شادية!! عاد بانت ليك!! ماسولتي على غيابها ما سولتيعلى شنو فكرشها ؟!!
قالت ليها روح الندى ومالها علاش نسول فيها
خرجات فيها عبدية عينيها قالت ليها راه شادية ولدات الى مافراسك الخبار ومها منين ما دازت كتقول ليهم بنت السلطان
عقدات روح الندى حجبانها قالت ليها ولدات؟!! علاه دغيا ولدات بهاد الزربة!!
قالت ليها عبدية نوضي ضربي الفكد فراسك قبل مايسيق ولدك الخبار يقلب عليك الدنيا.. عنداك تكون بصح البنت بنتو ونتي لايحاها هي ومها ..
قالت ليها روح الندى سيري عيطي على شادية ومها جيبيهم ليا لهنا نشوف هاد خيتي وحريرتها ..مزيان تبارك الله بغاتني نقطع لباباها اللسان ..مادير خير مايطرد باس هي نيت كن جريت على مها نهار الاول
قالت ليها عبدية اش بغيتي عندها المرى عزات عليها بنتها مسكينة هزو الحمل بوحدهم !! لا عوين لا رحيم وساكتين ..والى بصح كانت البنت بنتو راه غتجيب الحق عليك
خرجات عبدية مشات لبيت شادية دخلات لقاتها جالسة فواحد الركنة شادة بنتها كترضعها وساكتة ومها معاها كطوي حوايج الترابي فالكموسة ..شافت فيها مسعودة بنص عين مداتهاش فيها وتنهدات قالت
حسبي الله ونعم الوكيل فالضالم
دارت عبدية يد على يد قالت ليها لا حولة ولا قوة الا بالله العلي العضيم
نوضي ابنتي يالاه تكلمي لاللة روح الندى كتسناك ..وحتى نتي امسعودة
ناضت مسعودة شدات فيد شادية قالت ليها نوضي يالاه نشوفو شنو غادي تقول هاد المرة ..الله ياخد الحق .
شافت فعبدية وقالت ليها بنتي بنت الاصل والمفصل اعبدية..والله شاهد على هادشي ..مامسوها يدين من غير يدين ولدكم الله يرحمو ويغفر ليه على ما دار فالبنت وبنتها ..لا هي باها سلطان ولا مها اميرة ..غير شادية الدريوشة بنت مسعودة والجيلالي الحطاب لهلا يطيحها ليه في ودن ..ماتقد تقول ييه ولا لا قدامكم..درتو فيها مابغيتو ولاكن ربي كبير ..حنا ها حنا صابرين حتى يحن مولانا وهازين الدقة في قلبنا ..والدعوة بيكم لله سبحانه
بقات عبدية ساكتة كتشوف فيها وجرات مسعودة شادية قالت ليها زيدي ابنيتي زيدي ..زيدي نشوفو. شنو ثاني نسات لاللاهم مادارت فينا عاد تفكراتو
طلعو ورا عبدية لجناح روح الندى ودخلو حادرين الراس..شادية دايرة الزيف على راسها ديال الشلوح ولابسة قفطانها الحمر وشادة بنتها فيدها مغطياها وصوتها كيبكي ويتسمع فارجاء البيت ..اما مسعودة دايرة يد على يد بسروال قندريزي والقفطان مجموع فالخزام والشمار على يديها والزيف على راسها ازرق بالهدف وكتشوف فالارض وتنهد
وقفات روح الندى كتشوف فيهم وفداك الترابي وقالت لمسعودة ياك هضرت معاك قلت ليك سدي فمك
قالت ليها مسعودة انا ماقلت غير الحق الاللة..وربي شاهد عليا
خرجات فيها روح الندى عينيها قالت ليها ومزال زايدة فيه !! الحق ؟!! واش بنتك شبعات زهو ورجال وجايا كتقولي الحق دابا؟!! ولاكن انا اللي سكت ليك نهار الاول
قالت ليها شادية انا الالة روح الندى ماشبعت والو ..فاش مابغيتي نحلف ليك نحلف واحق سيدي بن عاشر ما قربني شي واحد من غير المرحوم ..
ردت روح الندى بغضب قالت ليها سكتي يا اللفعة بفمك اعتارفتي ولا صافي تنادم معاك الحال !! سمعي امسعودة اخر الكلام ..غتهزي بنت بنتك .. وغتخرجي من القصر وتعيشي نتي وياها برا يالاه نفدي
خرجات شادية عينيها قالت ليها وانا ؟!!
قالت ليها روح الندى نتي ماعندك فين تمشي..مك اللي غتخرج
عنقات شادية بنتها ووقفات ورا مسعودة اللي كتفتف من قرار روح الندى وقالت ليها نمشي مع امي انا منتفرقش على بنتي
قالت ليها مسعودة الله يالاللة وشدرنا ليك ؟! اش. درنا حتى تجازينا بهاد الشتات
خرجات فيها روح الندى عينيها قالت ليها قلت ليك هزي البنت وسيري ولا غندفنك حية هنا
بدات مسعودة تبكي وشادية تبكي وشي لاسق فشي كيرغبو والبنت كتغوت فيديهم حتى سمع يور صوت البكا فجناح روح الندى وهوا مع السلطان غادي يوريه جناحو بنفسه اللي جنب روح الندى ..وقفو بجوج كيسمعو صوت طفل صغير والصدع والغوات ومشاو دخلو عليهم لقاو الروينة نايضة .شافتهم روح الندى وقفزات من بلاصتها قادات الوقفة وزراق وجهها وقالت لعبدية ديهم من هنا حتى لمن بعد يالاه
ضارت عندهم عبدية كتنخزهم وهما ملاسقين شي لاسق على شي حتى تلفت يور جهة شادية اللي مخبية ورا مها شافها وقاليها
شادية!!!
هزات عينيها شافتو وكانت غطيح بالصدمة وحلات فمها قالت ليه هااا!!!!
شاف الترابي فيدها وروح الندى كتخرج عينيها فعبدية متقول ليها خرجيهم والاصيل كيتفرج فكلشي وكيشوف فيها ويشوف فمسعودة ومها وقاليها اش واقع هنا اروح الندى؟!!
شار يور بيدو لعبدية قاليها بلاتي تسناي
قرب من شادية ومها مخلوعة كترجع باللور وتشد فبنتها وكتسولها شكون هادا؟!!
اما شادية تصمكات بقات غير كتشوف فيه وهوا كيقرب منها ويشوف فديك التربية اللي كتغوت وقاليها شنو هادشي ؟!
غوتات روح الندى من بلاصتها مكمشة يديها قالت ليها بغضب شاااادية
خرجات فيها عينيها باش متهضرش وسكتات بقات كتفتف ومسعودة كتشوف هنا ولهيه والاصيل عاد مزاد استغرب لروح الندى وردة فعلها وعقد حجبانو كيشوف فيها حس بشي حاجة تما مخبية ماشي حتى لهيه وشار بيدو جهة الام وبنتها قاليهم وقفو ..
بقاو عينيه تابتين على روح الندى قاليها شنو كيوقع هنا ؟
بلعات ريقها ورافعة راسها خرجات ضحكات بزز قالت ليه والو غير غلطو وو وكنعاقبهم .. مسعوودة خرجي بنتك وسيري من هنا تحررركي
داخت مسعودة ماعرفات مادير وبنتها كتبكي وتشوف فيور وكتحرك ليه راسها بالنفي والخلعة فعينيها لاكن مسعودة طلقات الرمانة فالارض وشافت فروح الندى بنص عين وحطاتها بوجهها قدامهم وهزات صبعانها قالت ليهم انا فعارك امولاي السلطان ..انا فعارك شرف من حالي وحالي بنتي راه هاد البنية هادي بنت المرحوم السلطان يور
غوتات روح الندى وسدات عينيها بغات طرطرق كتشطح فبلاصتها قالت ليها مسسسسعووداااا
شافت فيها مسعودة كترعد وشافت فالسلطان اللي مصدوم من كلامها ويور قدامها ماعمرها شافتو ولا عرفات شكون وقالت ليه كترجاه
والله مكنكدب عليك امولاي هاحنا نحسبوليها من الاول..واحق مولاي الضاوي هاد البنت حفيدتك عاد ولداتها بنتي شادية هادي شي شوية دالوقت ونكراتنا لاللة روح الندى بغات تخرجني انا وبنت بنتي للزنقة ..الضلم هادا امولاي حق ربي الى الضلم
دارت الزيف على نيفها كتبكي اما السلطان قلب وجهو بحال الشيطان جيهة روح الندى شاف فيها ويور جر شادية دوز يدو على راسها وهبط عينيه شاف فديك البنت مسكينة ودوز يدو على غطاها وراسها الصغير وتلفت عند روح الندى والشر فعينيه ومشا قرب ليها وهي توجع اللور كتبلع ريقها قالت ليه شنو؟!! شنو شفتي ؟ كتكدب ياك
هز يور راسو وعينيه فروح الندى كيخزر قال لعبدية خرجيهم الاللة عبدية وردي بالك على بنتي ومها حتى نجي
حلات روح الندى عينيها مصدومة شافت فيه ومسعودة اللور جهة الباب كتشوف فعبدية قالت ليه هاا؟ اينا مها انا؟
قالت ليها عبدية زيدي وسكتي كحالت عليك مع لاللة روح الندى ولاكن عندك الزهر فلتي من هادي دابا
خرجاتهم وخلات غير روح الندى واقفة بين السلطان والامير ماكاين اللي يفكها وكتشوف فهادا وتشوف فهادا وتمتم قالت ليه انا ولدي والله ماعرفت واش بنتك؟ ماقدرتش نتيق راه ديك المسخوطة كدابة وشيطانة
قاليها السلطان وبهدوء كيشوف فيها ويديه وراه
كاين شي شيطان قدك .. شكاندير انا هنا ماجيتيش علمتيني بحاجة بحال هادي؟
قالت ليه كتفتف باش غنعلمك ؟! راه مشات غبرات شهور وزيادة ورجعات وقبل ماخلات مادارت ماخلات عبيد ولا خدم راه بفمها قالتها لي وهاد الموصيبة اللي جا كتمشي معاه وعاد كانت على علاقة مع العبيد شحال هادي فقرطبة قبل مادخل للخلوة
جمع يور القبضة ديدو كيشوف فيها ويسمع اش كتقول وقاليها سكتي…سكتي براكة
قالت ليه والله مكنكدب عليك انا مك وعارفة مصلاحتك ..هاد اللفعة ماقصراتش من جهدها قبل ما دير معاك شي علاقة وانا دابا مزال ماقدراش نتيق باللي البنت بنتك!!! اويلي ميمكنش
ربع الاصيل يديه لاقا حجبانو كيشوف فيها وهي من نيتها كتهضر لاكن يور نفد ليه الصبر وقال ليها هاديك البنت بنت الشرف وبنت الاصل..نقا من الماء دالشتاء .. صعيب عليك تفهمي هادشي وتميزي بين بنات الاصل وبنات الزنى …من اليوم ماعندك حتى علاقة بيها ..لا هي لا مها ولا خواتاتها.. ومن ليوم انا المسؤول على هاد الناس وماعندكش فيهم حق ..وحتى ديك البنت ممنوع تمسيها ولا تقربيها .مننوع تهضري معاهم ..من ليوم هما خارج الخطوط ديالك تفاهمنا
عطاها بضهره خرج خلاها واقفة والروح بغات تخرج ليها مارضاتش قدام السلطان وبلعات ريقها وهزات خنافرها كارمة فبلاصتها .. دوز السلطان على لحيتو وبدا كيضحك قاليها
لحنش كيولد ماطول منو .. جاب ليك الله لي يحك ليك زنافرك اروح الندى..هاي هاي ،،هاد الشر كاع خرج منك
قلبات وجهها كترمش قالت ليه انا وولدي هادا هوا حالنا ..مرة مصالحين مرة مغايرين .
قاليها لاالاا باين وهاد المرة فاض ليك الكاس مع ولدك اروح الندى ..مشراارة مع راسك
شافت فيه قالت ليه انا كنحتارمك امولاي ..حتارمني
قرب من وجهها قاليها مشهي فيك شي سلخة نيت
ميلات وجهها فالسما مكمشة فمها قالت ليه الله يرحمها ديك الوقت كانت النية
هز حاجبو قاليها عنداك يحساب ليك كبرتي عليها.. ولا كتعناي بولدك ..والله غا لما شديتك سلختك مزيان هاد المرة بيدي .. يا المشرارة كحال ليك القلب نكرتي بنت ولدك وبغيتي تسيفطها للزنقة.! نعلة الله وعليك
خزر فيها وخرج خلاها واقفة غير مشا جلسات فالارض غوتات كترعد قالت لوصيفتها اللي دخلات كتجري جيبي ليا مسعوووودة الله يعطيها الموت
دخلات عبدية ديك الساعة رجعات سمعاتها قالتها بغيض بغات طرطق وقالت ليها تبتي مابقات لا مسعودة لا غيرها ..دابا نيت تلاقيت سمو الامير قالي ممنوع دوري بساحتهم ..كمديها وسكتي بلا متزيدي ترونيها دابا نتي درتيها بيديه
نزل الامير لبيت شادية فين كانت جالسة شادة بنتها ومها حداها مربعة يديها كتنكر
يالاه غزييت فيها
قالت ليها شادية راه هاداك اللي كان مع السلطان هوا ولدو ..راه ماماتش امي هوا بات هاد البنية
قالت ليها مسعودة اناري حي ..تي بقا حيوو!!
قالت ليها شادية و راني كنت عارفاه حي ولاكن دابا فاش شفت بعيني عاد تقت
هزات مسعودة يديها فالسما قالت ليها الله …ضهر الحق وربي ستاجب…حمدتك ياربي وشكرتك
دخل عليهم لقا مسعودة هازة يديها فالسما وبالزربة ناضت بغات تبوسليه يدو وخطفها بعدها من كتافها وهي كتبارك ليه ..وقفات شادية حنات ليه الراس قالت ليه على سلامتك امولاي
تبسم قاليها الله يسلمك
طلات عليها طامو اللي وصلاتو لعندها قالت ليها مسعودة ..اجي
قالت ليها مسعودة بيدها فين غنجي
قالت ليها طامو كتخنز ااجي تحركي
خرجاتها من تما وسدات الباب عليهم وبقات غير شادية مهبطة راسها وبالزربة هزات بنتها من بلاصتها ومداتها ليه بابتسامة وبرائة قالت ليه هاهي بنتك امولاي
شدها فيدو كيشوف فيها وفشعرها الاشقر وبياض وجهها بحال الحليب وجلس على سداري طويل كيمرر يدو على وجهها الصغير وقال لشادية اللي جلسات جنبو
شحال دابا باش ولدتيها ؟
هز عينو فشادية كيشوف فيها ويتأمل ملامحها وهي حمرا قالت ليه بزاف دالوقت شوية.. ماعرفتش شحال تكون
ضحك وجرها من راسها باسها فجبهتها وضمها جهة صدور وعاود باسها قاليها شنو سميتها ؟
قالت ليه سماتها مي تيليلا
شاف فالبنية وقاليها تيليلا ..اسم زوين تبارك الله
عرا ليها يديها ورجليها كيمرر صبعانه عليهم وباسها من رجلها الصغيرة وقال لشادية وكيف بقيتي نتي؟ شوية ؟
حركات راسها قالت ليه الحمد لله دابا مزيان
مد ليها البنت قاليها ردي بالك ليها ولراسك.. الى بغيتي شي حاجة اجي عندي
حركات راسها بالايجاب وناضت وقفات معاه طبطب على كتفها وخرج خلاها فرحانة ومشا
اما روح الندى بالغدايد حلفات لا زادت دقيقة واللي بغا يوقع يوقع .. لبسات حوايجها وتجهزات من داكشي الرفيع لاكن تخلات على التاج واكتفت بخيط الريح نازل مع الفرقة دشعرها ووقفات قدام المرايا كتقاد راسها وعبدية حداها قالت ليها ياهاد المرة الله يهديك.. فين غادية برجليك للهاوية
هزات روح الندى سلهامها لاحتو عليها قالت ليها الهاوية هي فين راني دابا بين الثلج والعافية..بعدي من طريقي خليني نطج ..زايدون حتى واحد مغيسول فيا دابا كي شفتي دابا راهم عليا فالشوق ..ماباغيين حتى يشوفو وجهي
لاحت هزات قلادة من الذهب زوينة صغيرة شافت فيها قالت لعبدية تجي هدية لبنت القاضي ياك
دورات عبدة وجهها وكمشات فمها ماجاوباتهاش وحمعات روح الندى الهدية وشافت فيها قالت ليها لبسي عليك الملحقة ديالك وزيدي
قالت ليها عبدةي فين غنزيد؟
قالت ليها روح الندى علاه مالي غنمشي بوحدي للاللمة؟! زيدي يالاه العاصر هادي وعلاين المغرب ومع العشا غتسالي الللامة سربي يالاه يالاه
بقات روح الندى كدور من هادي لهادي تالفة بجنابها حتى ودنات المغرب وبدا الضو يبهات عاد خرجات سلتات فواحد العربة عادية من باب صغير هي وعبدية ومشات .
اما يور دخل لجناحو الكبير اللي خصص ليه السلطان وبدا كيحاول يتأقلم مع الجو وحياته الجديدة وجلس فالشرفة حاط يديه على ركابيه كيتسنط لعضامر ويراجع حساباته وتذكر رسالة يمامة وجبدها من جيبو عاود قراها وتمعن فيها وفخط يدها وهز الورقة كمشها وحط يديه حدا نيفو ستنشق ريحتها وتكا على ضهرو فوق كرسي كبير وطويل كيشوف فمنضر الجبال العالية اللث قدامو مباشرة من الشرفة دالبيت والهدوء التام ..تنهد وسد عينيه مطولا تكا شوية ورجع هز راسو تبسم وتلفت جهة كتفو شار بيدو للعبيد اللي لداخل معاه قال لواحد فيهم يكلم ليه عبدية ومشا كيقلب عليها مالقاهاش وصادف طامو سولها وسولاتر لاش باغاها وحتى هي ماعندها خبار عليها ومشات بلاصتها دخلات عندو حدرات ليه الراس وشافت فيه بحدر كونها اول نهار ليه فالقصر ومزال معارفة طباعو
قاليها فين عبدية
قالت ليه غتكون مع لاللة روح الندى فالحمام امولاي وجيت نلبي الطلب بلاصتها الى سمحتي
ناض وقف تنهد قاليها جيبي ليا شادية هاد الليلة للعشا
حدرات راسها قالت ليه امرك امولاي
خرجات ديك الساعة دخلات على شادية لقاتها كترضع ووقفات قدامها قالت ليها وجدي راسك من دابا ..الحمام كيتسنا فيك
استغربات شادية قالت ليها علاش؟
قالت ليها طامو مولاي طالبك فالخلوة هاد الليلة
تفجآت شادية وقالت ليها طالبني انا!!! بصح؟!!
قالت ليها طامو كيف كتسمعي..واش مشات عليك بعدا الحيضة؟
حركات ليها شادية راسها قالا ليها اه اه الاللة مشات
قالت ليها طامو ايوا نوضي يالاه خلي لبنت لمك وسيري وجدي راسك
قالت ليها شادية والى بغات ترضع!!
قالت ليها طامو غترضعها المرى اللي كتعاون متعة فالرضاعة ..يالاه نوضي
بلعات شادية ريقها قالت ليها عفاك بلا متقولي لمي فين غنمشي صافي..راه مكتفهم لا خلوة لا والو حسن قولي ليها غنمشي عند لاللة روح الندى صافي
بقات طامو غير كتشوف فيها ورسلات لمها جات كتجري قالت ليها شدي البنت فيدك قابليها ..شادية عندها خلوة مع سمو الامير
رجع وجه شادية حمر وغرقات فحوايجها اما مسعودة شدات البنت وقالت ليها شنو هي هادي؟
قالت ليها طامو بصرامة عندها الليلة مع الامير واش مكتفهميش
خرجات مسعودة عينيها قالت ليها شنوو؟!!! هاوييلي
جرات طامو شادية قالت ليها زيدي نتي طلقي راسك ..ونتي الى ماعجبك حال سيري بلاصتها وقولي ليه هاوييلي. زايدون راه خاصك تفرحي ليها غادي تولي عندها قيمة ويعلى شانك حتى نتي معاها
جرات شادية من يدها مزنكة داتها وحدها بعدات طلقات واحد الضحكة وبانت الفرحة فعينيها ومشات طير للحمام دخلات توجد راسها
دخلات شادية لجناح الامير بحال العروسة..شهوة منها والابتسامة على وجهها والخجل محمر خدودها .. تسد عليهم الباب وقاليها من الشرفة دالبيت قربي اشادية
مشات عندو بغات تبوس بيه يدو وخطفها وطبطب على كتفها وشد ليها دقنها كيشوف فيها قاليها شهاد الزين ؟ اش هاد الجمال
ضحكات وبقات ساكتة قالت ليه حيت وجعتي امولاي كلشي رجع بلاصتو
عنقها وتنهد قاليها ربي راضي عليا اللي خلا كاع الناس اللي كنبغي قراب ليا..ومتشتت حتى واحد فيهم..ورزقني بجوج وليدات من نعم الجنة ..ومن اعز الناس عندي
بقات ساكتة كترمش ومشات جلسات هي وياه حدا الطبلة ديال العشا وحشمانة تمد يدها .. شد فيدها قاليها كي دازت الولادة ميسرة ولا واعرة
عضات شنايفها قالت ليه الله ياربي الله ..ماعمرني نعاود
ضحك حتى شبع قاليها عمرك تعاودي ! ايوا هاحنا غنشوفو
قالت ليه لااالا الله ينجيني..عمرني نعاود كنت غادي نموت
حيد واحد العضم دالفاكهة من فمو قاليها دابا نفكرك
هزات كتفها قالت ليه انا متايبة لله مزال حتى منسيت اش داز عليا ..الموت شفتها بعيني
شاف فيها وقاليها راه فيها مغفرة للدنوب..قالك الوجع دلولادة حسب دنوب كل مرى ..
قالت ليه لااالا غير كدوب الحمد لله مادرت دنوب باش يدوز عليا كاع داك العداب
هز حجبانو قاليها الله وعلم
قالت ليه فين كنتي امولاث كاع هاد اوقت؟
قاليها كنت حتى انا مع الموت ههه
بدات كضحك وقاليها شنو دوزتي فهاد المدة هادي كلها
هبطات راسها كتجر فواحد الحزام قالت ليه دوزت غير السراط مع مي وتمارة الكحلة
قاليها وشخبار خواتاتك
تنهدات قالت ليه عويشة مسكينة ماتت فديك الخرب الكحلة نجيت منها غير انا ويامنة
تنهد شاف قدامو قاليها الله يرحمها ويوسع عليها
عاود شاف فيها قاليها مزال كتقراي الكف
شدات فطرف شهرها قالت ليه شوية وصافي
قاليها مامزيانش داكشي ماتبقايش تابعة الجهل
شافت فيه وضحكات قالت ليه انشرف ليك كفك
هز حاجبو قاليها عاد قلت ايك بعدي من هاد الطريق
قالت ليه وغير نشوف وصافي ماشي بصح
قاليها لا
جرات ليه يدو كيضحك قالت ليه عفااك ماشي بصح غير نشوف
بقات كتجر وهوا شاد كاس داتاي ختى طلقها ليها وشداتها شافت فيها وبقات تقرى فصمت شوية تبدل لون وجهها وصفارت وبقات مصمرة ..شاف فيها بنص عين لقاها كارمة وجمع يديه قاليها مال لون وجهك تبدل
هزات عينيها فيها مصدومة وحلات فمها ساكتة
هز حاجبو قاليها مالكي يبستي
ضرب ليها حنكها بيدو وهي كتشوف فيه وقالت ليه بصوت تقيل مصدومة
خليني نعاود نشوف..غير شي حاجة
عقد حجبانو قاليها اخر مرة نعاود نقوليك بعدي من هاد الطريق اشادية..شهاد البلية مبلية بيها الله يهديك
تلفت جنبو كيمسح يديه وهي كتشوف فجنابها وبلعات ريقها شافت فيه مطولا وهوا كيمسح يدو ورجع ضار عندها نسا الموضوع ولاح يدو ورا ضهرها ضهرها كيشوف فيها ويتأمل ملامح وجهها عن قرب حتى قرب يبوسها وتبسمات ليه قائلة
مولاي..عقلتي شحال هادي شنو كنتي قلتي لي
استغرب قاليها شنو قلت ليك؟
قالت ليه كنتي قلتي لي كتبغيني ياك
بقا ساكت كيشوف فيها بعيون مبسمة وقالت ليه واش مزال كتبغيني بحال هادي شحال
دوز يدو على خدها قاليها اه كنبغيك بحال هادي شحال..وعزيزة
قالت ليه وعقلتي شنو قلتي لي
تنهد قاليها شنو قلت ليك عاوتاني؟
قالت ليه بتردد قلتي ليا تزوجي بيا حول نضره للجنب ساكت وهي كتشوف فيه قالت ليه انا قابلة نتزوجو
هزالبراد خوا ليه كاس اخر ماردش عليها وهي كتشوف فيه وقالت ليه تبردد
ماقلتي والو ؟
قاليها شنو كنت قلت ليك هادي شحال ؟
حركات راسها قالت ليه شنو ؟
قا ليها فكري مزيان غتفكري شنو قلتي وشنو قلت ليك انا ساعتها فداك الوقت
بقات ساكتة كتشوف فيديها مارضاتش ودمعو عينيها تمنات كن تشق الارض وتبلعها ووحلات ليها غصة فحلقها وهوا جالس حداها كيشوف قدامو ساكت شاد شافه العلوية بسنانو والكاس فيدو متكي بيه على ركبتو ..
مسحات خدها ورمشات قالت ليه غتكون تيليلا كتبكي عليا خصني نمشي
ناضت وقفات وكتشوف فيه بنص عين كتسناه يقول شي حاجة لاكن زاد طعنها مقال حتى كلمة وبقات كتبعد وهوا على نفس الوضعية حتى خرجات وهوا مزال كما هوا مادار حتى ردة فعل..خرجات لبرا وطرقات بالدموع ومشات كتجري لبيتها دخلات كتشهق على مها خلعاتها وشداتها قالت ليها اتي مالكي اناري اش وقع ؟!! اتي دوي اناري !!
جلسات شادية هبطات راسها وهزات يدها فالسما قالت ياربي هزني من هاد الدنيا ياربي ..ياربي كن غير ماتولدش
هبطات ليها مسعودة يديها قالت ليها مالكي على هاد الدعاوي يعطيك الويل جالسة دعي والطفلة ناعسة..اش كاين دوي ولا راه غنمشح بيه الارض عاد تبكي نيشان
قالت ليها شادية خليني اللي فيا كافيني
جلسات جنبها مسعودة تنهدات وبدات تمسح على راسها قالت ليها مالها بنيتي مسكينية مالها اش بيك ابنيتي
هزات شادية راسها كتبكي قالت ليها ماعندي زهر فهاد الدنيا..كلشي الناس عندهم الزهر الا انا
قالت ليها مسعودة وشنو وقع عاودي لميمتك ابنيتي يالاه قولي شنو وقع
قالت ليها شادية انا غير زايدة ناقصة فهاد القصر..كي ولدت كي ماولدتش..ماعندي بلاصة ..بلحق نستاهل انا درتها راسي
تنهدات مسعودة قالت ليها اش درتي يااابنتي هديتني هضري اش واقع
قالت ليها شادية شحال هادي فاش جينا لقرطبة انا وعويشة الله يرحمها
تنهدات مسعودة قالت ليها الله يرحمك ابنيتي فهاد النهار خليتي في قلبي كية
قالت ليها شادية ديك الوقت هضر معايا الامير يور قالي بغاني للزواج..وقالي ماكرهش يعيش معايا اللي قسم الله ..وبغاني فالمعقول..ولاكن ديك الساعة انا كان يسحابني مزال نرجع بحالي وماكنتش عارفة الوقت اش مخبية ليا..قلت ليه بغيت غير واحد على قد الحال ماخصني بأمير ولا سلطان وماشي قد مقامو امي..قالي على خاطرك ..نساي اش قلت ليك واش سمعتي..ديري براسك ماقلت ليك والو..ومن ديك الساعة تقول عمره عرفني ولا تلفت جيهتي..حيت قلت ليه بغيت حطاب ونعيش معاه غير فنوالة
شداتها مسعودة طلعات معاها بواحد القرصة بيد وسدات ليها فمها باليد لاخرى حتى خرجو عينيها وقالت ليها يا وجه الحطب والفقر واش كاين شي كلب كيرمي العضم ..يا الكلبة يا سلوكية كاينة شي مرى بعقلها تقول لا لسلطان وتخلي القصر وتمشي للنوالة ..هاويييلي جيتني والليل هادا واللنت ناعسة اما والله غا لما قددت ليك اللحم وطيرتو ليك على العضم .. ايوا قولي ودابا لاش جايا تخنخنق عليا
قالت ليها شادية والبكى مخلط بالهضرة
قريب يتزوج ..طالعت على يدو لقيت فيها زواج
ندبات مسعودة حناكها قالت ليها اويييلي خي مزالة مابغيتي توبي؟ هاد النحس كامل ورا هاد التشعويد ديالك هوا اللي غيخرج عليك وعلى قبيلتنا ..دوزي تركدي حتى يصبح ويفتح الله يخليك بالخلى ..قالك حطاب..هانتي دابا لاحطاب لا دباغ مانتي مزوجة مانتي مطلقة
شي كيبكي شي كيضحك حتى كتبان ليه ضرسة دالعقل..نسات الهم والغم ووصلات لدار العرس بالنخوة والهمة والزين كيقطر ..ماعرفوها شكون ولا شكون تكون ..استقبلوها العبد دالقاضي بالترحيب والزغارت واحتارمو الهبة ديالها والهمة ديالها قبل ميعرفو شكون ودخلوها لوسط الرياض العاري والعروسة لوسط كتحني والنسا ضايرين بيها من كل صنف ..جلسات مبسمة فبلاصة قريبة من العروسة فوق مخدة فالارض بحال كاع النسى وحيدات السلهام عطاتو لعبيدة اللي حداها وتنهدات كتزول اللثام على وجها المنور البشوش وعينيها كيشوفو فثريات البلاد حاضرين كيشوفو فيها ويهضرو عليها
قالت وحدة لوحدة شكون هاديك اللي لهيه ؟ باينة من ناس الخيار
ردات عليها اللي حداها قالت ليها غير ديك الخويدم ديالها وتاويلها ولباسها هما يعطيوك لخبار على لاللاه ..عمرني شفتها ولا ريتها!!
ردات عليها الاولى قالت ليها عندك الحق باينة من رزانة ديك الخويدم اللي حداها حافضة شغلها وشكادير
مدات روح الندى يدها وهي مبسمة للعروسة لعبدية جبدات ليها الهدية وشارت ليها بعينها تحطها على طبلة الحنة دالعروسة كما جرات العادة .
ناضت عبدية حطات الهدية فمكانها جنب الهديات ورجعات جلسات بلاصتها مربعة يديها
اما واحد الخادم كانت شغلتو غير يحضيها واش وصلات ..غير قشعها دخلات مشا كيطير وبلغتو فيديه عند القاضي دخل عندو وسط الجماعة فخزانة كبيرة فسطح الرياض وطاح ليه على ودنو قاليه سيدي سيدي..بنت القصر جات .. وراه دخلات للرياض عند النسى
شاف فيه القاضي قاليه واش كتكلم بصح ؟ متأكد من كلامك ؟
قاليها الخادم متأكد اسيدي يحيى وبهاد العينين شفتها
تبسم القاضي للحضور وناض من بلاصتو نزل لساحة الرياض لوسط من جهة كتفصل بين واحد البيت والرياض بجدار خشبي منقوش ووقف هوا ومربية بنتو وقاليها
شكون فيهم هاد المرى اللي جات الاللة عيشة..
لفتات انتباهه روح الندى من بين جميع النسى وركز عليها فاعجاب كبير كيتسنى لاللة عيشة تقولليه شكون حتى شارت بيدها لجهتها قالت ليه هاديك المرى امولاي..كاع ماعرفتها شكون تكون .
بلحق باينة عليها من الناس لخيار
انباهر القاضي بجمال روح الندى ورقتها وغطات على جميع النسى مابقات حتى وحدة كتبان وبقا كيشوف فيها بابتسامة والحناية كتعد وتغني وتحل الهدايا قدام كولشي وتعد بالسميات ..هادو دبالج الفضة هادو خلاخل ..هادو حوالق هادا خاتم الذهب جابتو مرت الذهايي فلان حتى وصلات لصندوقة روح الندى الصغيرة وحلاتها لقات فيها قلادة طويلة من الذهب الهالص كتفتن وهزاتها قدام عيون الحاضرين قالت ليهم
زغرتو يا لعيالات ..لاللة مرجانة جاتها قلادة من الذهب شكون مولات هاد القلادة ..شكون بنت الدار لكبيرة العقبة ما نردو ليها فالخير ان شاء الله
بقات النقاشة كضحك فرحانة وتسول بعينيها شكون حتى طاحت عينها على روح الندى قالت ليها نتي يا لاللة
تبسمات روح الندى ليها وبدات كتزغرت ولاللة عيشة كتشوف مستعجبة قالت للقاضي شكون هادي اسيدي يحيى؟ اللي هدات بنتي مرجانة هاد القلادة الثمينة
تنهد القاضي قاليها هادي هي فرحتي فالدنيا اعيشة..عاد ضحكات ليا لايام وحسيت براسي حي
تبسمات عيشة وشافت فيه بنص عين كضح قالت ليه لواه لواه علاه من قبل كنتي ميت اسيدي يحيى
مسح على صدروه كيتنهد قاليها جيبيها نتكلم معاها شوية
مشات لاللة عيشة عند روح الندى مبسمة وهمسات فودنها وناضت معاها وبغات حتى عبدية تنوض لاكن ماخلاتهاش روح الندى تمشي معاها ومشات بوحدها دخلات لواحد الصالة كبيرة مضورة بالسدادر دايرة لثامها على نيفها ولايحة عليها حايك عبدية اللي جات بيه ودخلات عندو للصاللة لبعيدة على الصدع لقات تما القاضي يحيى واقف كيتسناها ..لابس البلدي على حقو وطريقو ونقي كيشعل النور كيسطع من وجهه ولحيته كتلمع ..غزال ومسرار وحشم يشوف فيها بقا كيشوف فالارض ورحب بيها قاليها
نهار كبير هادا الاللة روح الندى ..نهار كبيري..شرفتيني ونورتيني مرحبا بيك والف مرحبا
وراها فين تجلس وهي كدور فعويناتها جلسات قالت ليه ترحب بيك الجنة السيد القاضي
هز عينو فيها كيرمش حشم قاليها يحيى ..غير يحيى كافية
تبسمات قالت ليه الله يكبر بيك بيك السي يحيى
جلس جنبها بعيد عليها كيشوف قدامو ساكت وهي ساكتة بدات كدخلها الزيت وكتعرق ماكانتش كاع متوقعة غادي تحشم على عرضها حتى هي وتتوثر .. قاليها منين فالخوت الاللة روح الندى
تنهدات شافت فالجنب قالت ليه ضاروري نقول بيك السي يحيى؟
هز عينو فيها قاليها الى جات على خاطرك ماكرهتش نعرف
بقات ساكتة ومابغاش تكمل ديك الخطوة اللي بدات بالكدوب وقالت ليه
انا الاميرة روح الندى ..
بقا كيشوف فيها قاليها واش بنت السلطان ؟
حركات راسها بالنفي قالت ليه لا السي يحيى..انا كنت فواحد الوقت من الحريم ديالو
تصدم ومشات التبسيمة من على وجهه ونزلات عليه خيبة امل قاليها شنو قلتي؟
قالت ليه بهدوء ما عندك علاش تدهش السي يحي
انا حرة ..
بقا السي يحيى كما هوا عليه فخيبة الامل واخا قالت ليه حرة مالقا ما يقول
بقات كتشوف فيه قالت ليه بان لي هادشي زعجك السي يحيى..الى كان شي مشكل نمشي بحالي دابا
هز عينو بحسرة قاليها لالا حاشا …الله اودي الاللة روح الندى مرحبا بيك فأي وقت الدار دارك
قالت ليه وعلاش تبدل لونك ؟ انا لبيت الدعوة وصافي وخاصني نرجع بحالي
ناضت قالت ليه ماديرهاش مني قلة الصواب الى قللت راحتك
وقف شاف فيها بأسى متردد يهضر وقاليها خليك حتى تعشاي معانا ..
قالت ليه ماشي لعشا اللي جابني السي يحيى ..خليت ليك الراحة
وقفها قاليها بلاتي الاللة روح الندى..
وقفات شافت فيه قالت ليه نعام
بقا ساكت كيشوف فيها وفعينيه توثر كبير وتنهد قاليها عاودي هاد المجية مرة اخرى الى جات على خاطرك.. ماتغبريش علينا
قالت ليه ان شاء الله ..السي يحيى خليت ليك الراحة
خرجات قدامو غمزات عبدية ناضت ديك الساعة من بلاصتها تبعاتها للعربة وقبل متقلع تلفتات روح الندى شافت جهة باب الرياض لقات القاضي واقف كيشوف فيها وتبسمات ليه ومشات بحالها .
خرجات عمدو لاللة عيشة لقاتو واقف مهموم قالت ليه نسبقو لعشا السي يحيى
بقا ساكت وهي كتهضر وطلات عليها قالت لقه سي يحيى..ياك لاباس السي يحيىى
تنهد شاف فيها قاليها ديري اللي بان ليك اعيشة..انا غنطلع نرتاح شوية
دخلات روح الندى فالسر لجناحها وماضحكات ما نطقات..عبدية غير تابعاها كتشوف فيها وخلاتها على خاطرها عاوناتها بدلات حوايجها ومشات نعسات فالشرفة تحت النجوم بحال العادة باش تهرب من عقل السلطان .
صبح الحال وصبحات جالسة فديك الشرفة نيت بتحتية ديال لقميص ابيض خفيف والطبلة دالفطور وشعرها محلول ساهية كتشوف فالجبال
وقفات عليها عبدية قالت ليها مالك صبحتي شاردة؟ من لبارح ونتي ماشي حتى لهيه
تنهدات روح الندى قالت ليها حرت اعبدية.. ماعرفت اش ندير
استغربات عبدية قالت ليها علاش اش وقع ؟
قالت ليها روح الندى لبارح هضرت مع القاضي ..قلت ليه شكون انا..وشفت اللون تبدل فوجهه..حسيت بيه كان باغي يقول شي حاجة وتراجع ..منكدبش عليك اعبدية..هادشي درتو فالاول غير ضحك كنت متأكدة منلقاش اللي ينسيني فالاصيل ولا يعمر عيني..ولاكن بان ليا هاد اللعب صدق بصح.. كنحس بالقاضي محتل تفكيري.. كبر بيا وماكرهش يجلسني فوق رموش عينيه .. حسسني بنفسي وبقيمتي ..حسيت براسي مرى اعبدية وحسيت بمشاعري تحركات من جهة اخرى..عجبني الحال وماعرفت ما ندير..بان ليا القاضي تراجع على شي فكرة عندو فراسو ..شفت الحسرة فعينيه..اول مرة نكره السلطة والملك ..اول مرة نتمنى لو كنت بسيطة مايخاف مني حتى واحد ما يعاملني حتى واحد زوين بسبب الخوف..اول مرة نحس بمعاملة زينة حقيقية بلا خوف ..ولاكن فاش عرفني شكون انا تبدل وعرفت الفرق بين المعاملة النابعة من القلب وبين المعاملة بالاجبار..عاد عرفت علاش يور كان كيرتاح فالبساطة ..حيت جال وعرف الدنيا وخفاياها .. شحال زوينة الحرية اعبدية ..عرفتي شنو ..انا ونتي مكاينش بيناتنا فرق.. بين العبد والامير مكاينش فوق..الفرق فاللباس والتاج ..اما العبودية فهي نفسها
بقات عبدية ساكتة ساهية وكتنهد قالت ليها شنو اخرت هادشي دابا اروح الندى
هبطات روح الندى راسها قالت ليها عادي نوقف هادشي.. داك السيد ماشي ديالي وانا ماشي ديالو ..نخاف عليه من الأدية.. الى تأدى بسببي عمرني نسامح لراسي اعبدية ..
شي فرحان وشي فكعان ..هادا حال الدنيا ..
اليوم السعد فقصر قرطبة ..وصل المرسول ليد يمامة من عند الخادم الضعيف البنية القصير الاسمر لاكن الذكي وعقلو كبير ..حط ليها الجواب وسط الخبز ديال الفطور وقدموه ليها ..حلاتو قرات الرد
" هاج البحر بالحوت ..طعم واحد كافي يخلي الحوت يموت "
شافت قدامها تبسمات وفسرتو قائلة
هاج البحر بالحوت بين الخوت .. الحوت شي كيشبه لشي ماتفرق بيناتهم حتى بقشرة..كيعني التوام ..البحر كيعني القصر .. طعم واحد كافي يخلي الحوت يموت
هادي خصها شوية دالوقت باش نخلي الخوت يتقاتلو ..ولا خصها شي حيلة مدروسة ماديرش الريحة
تنهدات وخرجات مافطراتش ونزلات كدور فالقصر وكتفكر وتشرف فالركاني وتستلهم الافكار حتى خرجات فعابد شافتو لاول مرة تصدمات ..حدر راسو دار بيه ماشافهاش وقال وهوا دايز
السلطان يور كيبلغ ليك السلام
تلفتات وراها شافتو وحلات عينيها فدهشة تبسمات وتذكرات الجاسوس ورجعات بحالها كتجري دفعات الباب دخلات جبدات ورقة وقلم وقالت
والله لا بقات ليكم هاد البلاد يا الكفرة بالله
زممات وكتبات النتيه بالريشة بشوية فوق ورقة صفراء
تلفت وراك وقدامك راه قصير القامة نحيف الوجه كينهش فعضامك .. ناقص من ولادو الصغير ..وسطل كحل جنب البير وخفيف بحال الطير.حمامة من عش لعش دور من سطح لسطح تجمع فالقش .
لوات المرسول وخشاتو فالخبز ورسلات الصينية تعرض ليها الخويدم الخفيف القافز طيرها فالهواء قنتها وجبد الورقة من وسط الخبزة جمعها ومشا مدها لعابد لاعين شافت لا لقب وجع .
قبط الاصيل المرسول فيدو كما جرات العادة .. قراه وهز عينيه كيفكر فشكون هادا اللي بهاد الوصف ..
مشا لجناحو جلس ورتاح كيوجد الرد وكتب بالقلم
خلي الكلب يدخل ويخرج كيف بغا راه ريحته عطات وعطيناه عضم فاش يتلهى ..
خرج من جناحو مشا رسل المرسول مع عابد ورجع دار يديه وراه غادي جاي كيفكر شكون هاد مسخوط الواليدين اللي كيدي الخبار ويجيبها شكون غيكون
تلفت وراه شاف يور غادي زربان ومشا جيهته بان ليه ركب على الخيل خرج واستغرب متبع ليه العين سول واحد حداه قاليه فين مشا ؟
قاليه مشا للصيد امولاي
تنهد الاصيل وتلفت جنبه بعفوية عند الخادم الي سول لقاها ماشي خادم وانما المكلف بنضام الخدم وفجأة نتابه لوجه وعقله كيعرض الحجاية وكيفسرها فوجه الراجل النحيف قصير القامة الضعيف..شطل كحل جنب البير !! تماما كما هوا واضح على وجه هاد المسخوط ..زبيبة كحلة كبيرة جنب فمو ..
بقا كيحقق فيه مزيان بعينيه ويطلع ويهبط فيه وزاد تأكد من السطر اللخر فاش حل الراجل يديه جمع لجام خيل كان حداه وكان ناقص صبع الصغير من صبعان يديه وهنا فك الاصيل الحجاية كلها ورفع راسه تبسم بخبث وقاليه
اشنو سميتك
قاليه الخادم وراسو فالارض سميتي رمان امولاي
ضحك الاصيل بسخرية قاليه شميتك ارمام ريحتك عاطية من بعيد
بدا رمان كيضحك قاليه هادشي اللي عطا الله امولاي الوالديني سماوني عاد السمية
قاليه الاصيل جات معاه ارمان .
بغا الاصيل يمشي لاكن حدر ليه رمان الراس قاليه نجهز ليك الخيل امولاي؟ تلفت الاصيل طلعو وهبطو قاليه ماشي دابا ارمان
مشا عطاه بالضهر وقبل ميدخل لقا حكيم خارج وقاليه
حط العين على رمان ..راه جسوس لوسيوس وخوه ..
تصدم حكيم قاليه جسوس؟ هاداك رمان جسوس
قاليه السلطان خليه غادي ينفعنا احكيم ..غير حط عليه العين ورد ليه البال مزيان
شي كيتكشف وشي كيتخبا والدنيا كدور ..
شي فرحان شي مكهوم وشي فكعان.. يمامة فالقصر طالقة ودنيها كتفهم كلامهم بالحرف وحتى واحد معارف اصلها وصفها وحدهم عرفوها وحدة من الحريم وسالات القصة.. بدات كدور ودير بلاصتها ودخلاتهم بالنية وقلة الفهامة ولعبات لعب كبر منها ..دخلات بين الخوت وكان زينها وحلاوة لسانها ورطوبيتها هما سلاحها الفتاك وبدات خطواتها الاولى فالايقاع بين لويس ولوسيوس غير بالسياسة ودايرة فيها نية وهبيلة وطالبة السلاك ..
اما الاصيل ويور مشطون مع شغلاتو اللي اهمها حاليا قرطبة ..
وشادية مسكينة بحالها بحال متعة وحدة شادة ولدها ولخرى شادة بنتها والامور غادية كتجري..اما روح الندى فصراع مع راسها بين تنسى القاضي ولا تغامر بيه وبراسها . هاكا غادية الامور نهار ليهم نهار عليهم حتى لواحد العشية من لعشات الله الهادية ..ومع جوايه الضهر دخلات عيشة على القاضي لجناحو لقاتو جالس شارد بحال عادته ومابقا لا كياكل لا كيشرب وغير ساهي وكيتنهد ..بنتو مشات عليه وبقا بوحدو تقول هاز هم الدنيا على ضهره
تنهدات عيشة قالت ليه ماكليتي والو السي ايحيى
شار بيدو قاليها غير هزي النعمة للي محتاجينها انا ماعندي نفس للماكلة
قالت ليه واه اسي يحيى..اش هادشي عامل فراسك ..البنت الى تزوجات الله يسخر ليها
ناض مسح على صدرو قاليها مابياش مرجانة اعيشة.. بيا المرى اللي سلباتني عقلي وتفكيري وراحتي..من داك النهار ماجات ماسمعت عليها شي خبار
قالت ليه واش لاللة روح الندى السي يحيى؟
تنهد شاف فيها حرك ليها راسو بأسى قاليها هاديك اعيشة..خايف منعاودش نشوفها مرة اخرى
حتى قلت الدنيا ضحكات ليا ساعا هي ضحكات عليا
بقات عيشة ساكتة قالت ليه اش بان ليك نجيبها ليك امولاي؟
شاف فيها قاليها اميييرة اعيشة اش غتجيبي ليا
قالت ليه عيشة ويكون كاع ..انا غنجيبها ليك
وقف عندها شاف فيها قاليها الى جبتيها ليا غنكون ممنون ليك اعيشة..عمرني نسا خيرك
قالت ليه كن هاني..عطيني شوية غير دالمال وانا نتكلف ليك
قاليها امري اعيشة شحال ما بغيتي نعطيك ..تستاهلي
قالت ليه ماشي ليا ..لهاد الخدمة اللي غندير السي يحيى
تلفت وراه جبد ليها رزمة عطاها ليها وخرجات مشات وجدات واحد الرزمة ديال التواب الرفيعة على واحد العربة ومشات بيها للقصر مع جوايه العصر ..وقفوها فالباب وعيطو عليها على المسير خرج عندها وقالت ليه رسلات ليا لاللة روخ الندى
دخلها بلا مايعتارض ومشا بيها وبصنادقها حتى لجناح روح الندى اللي كانت جالسة طالقة رجليها ساهية ويدها على خدها كتنهد من حنك لحنك
حدر راسو قاليها لاللة روح الندى ..هاد المرى قالت لي رسلتي ليها
تلفتات بملل شافتها وتصدمات حلات عينيها وناضت وقفات قالت للمسير صافي سير ابوشعيب..
رجع اللور مشا بحالو وتسدو الابواب وقربات روخ الندى من عيشة قالت ليها نتي ..!!!
تبسمات ليها عيشة قالت ليها انا هي الاللة روح الندى..جيتك بخبار ماشي حتى لهيه
تخلعات روح الندى قالت ليها شنو كاين ياكما واقعة للقاضي شي حاجة ؟
قالت ليها عيشة من نهار غبر ليك الاثار وهوا اللور اللور ..مابقا لا كياكللا كيشرب ..ونهار على نهار كتزيد الحالة تتكفس
بقات روح الندى ساكتة قالت ليها وشنو المعمول علاش هادشي؟
قالت عيشة راه كيهتهت بيك بالليل والنهار ..مرض ومالقينا ليه دوا ..غير الى تكرمتي الاللة روح الندى ومشيتي طليتي عليه واخا غير شوية
قالت ليها روح الندى بأسى غادي غير نزيد على مابيه ..ماعندي باش نفعو
قالت ليها عيشة بأسى ايوا نتي اللي تعرفي الاللة روح الندى
تنهدات روح الندى قالت ليها رجعي عندو راه غيكون غياب بنتو أثر عليه ..رجعي وخلي هادشي سر بيناتنا
خرج بوشعيب لبرا لقا حكيم تما وتلفت كيسولو على احوال لحريم قاليه كولشي هاني وسولو على روح الندى قاليه هانيا مكمشة فجناحها مكدخل مكتخرج ..اللي بغاتها ترسل ليها وعاد جات عندها مولات التواب جابت ليها عرام ديال الصنا دق
ضحك حكيم قاليه خليها تلها فالتواب والشراوط حتى حنا نيت ماناقصنا صدع
سير قابل شغلك
مشا المسير تصادف مع عيشة خارجة بصنادقها قاليها صافي ساليتي شغلك ؟
قالت ليه صافي خدات لاللة اش خاصها
قاليها يالاه نوريك الباب
داها خرجها مشات بحالها وبقات روح الندى غادية جاية فجناحها قلبها واكلها فاللخر قررات تمشي واللي ليها ليها
خلات حتى ضلام الحال مابقا حتى واحد يسول عليها وخرجات هي ووحدة من وصيفاتها خلات فالبيت عبدية تسلك الامور ومشات لابسة ملحفة كحلة كتجري فوق العود حتى لدار القاضي ورسلات وصيفتها دقت بابو والطريق بين الرياضات خاوية فالمدينة ..حل ليها الخادم الباب وقالت ليه بغيت لاللة عيشة
مشا عيط ليها لعيشة جات كتجري عندها وقالت ليها لاللة روح الندى جات
خرجات عيشة لبرا طلات وجات روخ الندى بالزربة مخبية فالملحفة دخلات بالزربة وسدو الباب وحيدات لثامها قالت ليها عيشة فرحانة
مرحبا بيك الاللة مرحبا والف مرحبا
قالت ليها روح الندى فين السي يحيى؟
قالت ليها عيشة دخلي ترتاحي مرحبا مرحبا
دخلاتها لواحد البيت كبير بالسدادر ومشات كتجري طلعات عند القاضي لقاتو جالس شاعل القنادل فالنوافد وكيقرى فواحد الكتاب غليض جنب واحد الشرفة صغيرة كدخل الهوا
بلا ميشوف فعيشة قاليها مافيا اللي يتعشى اعيشة غير سيري تنعسي
ضحكات قالت ليه راه عندك واحد الضيف السي يحيى
تلفت عندها مستغرب قاليها ضيف؟ شكون هاد الضيف ورا العشا اعيشة؟
قالت ليه لاللة روح الندى السي يحيى
تصدم وحط الكتاب بشوية وناض وقف قاليها شهاد المزاح اعيشة ؟!
قالت ليه واش انا مولفة نتمازح السي يحيى
قاليها واش بصح اعيشة !!
قالت ليه ايوا الى مصدقتيش هبط تأكد بنفسك
مشا جهة الباب حتى كان غيخرج ورجع دخل شاف فلباس نومه الشفاف اللي كيبن صدرو من لداخل ومحلول من العنق بزاف ومشا لبس عليه دراعية شرقية طويلة كحلة عاد نزل يتأكد..دخل للبيت والشك فراسو لقاها جالسة عاد صدق عينيه وماعرف مايدير ديك الساعة .. ناضت وقفات شارت لوصيفتها بعينها خرجات وقالت ليه مس الخير السي يحيى
خرج نفس طويلة قاليها مس الخيرات الاللة روح الندى..مرحبا والف مرحبا ..كنتي تعلميني نستقبلك بمقام يليق بيك
قالت ليه انا مابغيتش هاد المقام ..ماجيتش باش تستقبلني..جيت غير نقوليك شي كلام ونمشي
شار ليها بيدو قاليها جلسي بعدا رتاحي
جلس جنبها وقال لعيشة تضايقها وحطات ليها اشهى انواع الفايكة وصينية واتاي ومشات
بقات روح الندى شادة فلتامها كيبانو غير عيونها وقالت ليه
بخجل كتشتت النضر ماعرفت اش غادي نقول ليك السي يحيى..مليي جات عندي عيشة قالت ليا راه مريض بسيبك جيت نعرف السبب وعلاش
تبسم شاف الارض ويدو على ركبتو قاليها انا طالب راغب فيك للزواج الاللة روح الندى
حلات عينيها مضدومة بقات كتشوف فيه وقالت ليه ولاكن انا ماشي بيدي ..وخاصك تعرف باللي عندي ولد كبير تبارك الله وحفايد ..وهادشي ماشي ساهل فيه قطعان الريوس
قاليها السي يحيى اللي مات عاشق مات شهيد الاللة روح الندى .. ياما عشاق مشاو ضحية الغرام..بلحق يكون الغرام صادق ماشي خسارة فيه
تصدمات من كلامو وارتاحت لنبرة صوتو وبقات كتشوف فجنابها مبسة وهوا كيشوف فيها باعجاب وحب قال ليها اشنو قلتي الاللة اروح الندى؟ تقبلي
طولات قالسكات وقالت ليه بخجل عطيني شي شويوش ديال الوقت نفكر..ونمهد لولدي
حل عينيه بسعادة فرح وكان واضح من جوابو قبولها وقاليها غادي نتسناك الاللة روح الندى حتى لآخر نهار فعمري
وقفات متوثرة كتحمار وتصفار قالت ليه خليت ليك الراحة السي يحيى
دازت قدامها ورافقها حتى للباب وقبل متخرج قاليها بتردد الى سمحتي نشوف …
ماكملش كلامو بقا ساكت وزادت خلاتو واقف حتى تحل الباب وتلفتات عندو هبطات اللثام على وجهها مبسمة وقلبات وجهها ردات لثامها وخرجات مشات خلاتو واقف سد عينيه ومسح على لحيته تنهد ورجع لبيتو في حين رجعات للقصر حسي مسي ودخلات لجناحها كضحك لقات عبدية واقفة كتسناها قالت ليها كان غيسكت ليا القلب… على سلامتك
مشات روح الندى طاحت على الناموسية قالت ليها انا اللي غيسكت ليا القلب اعبدية.. كنت ضالمة راسي ..الحياة زوينة فيها بزاف مايتشاف
قالت ليها عبدية شنو وقع اش طرا
تكات روح الندى على ضهرها سدات عينيها قالت ليها قاضي القضا بغا يتزوج بيا ..كن تشوفي اعبدية كيفاش كيهضر .. شنو كيخرج على فمو وكيفاش كيعاملني..راه انا ضلمت راسي الصراحة.. طحت فهاد القاضي اعبدية ..اما هوا خلاص عينيه معلقين فيا خايف نطير
قالت ليها عيدية راه طيري حتى تعياي وتجي فالارض فين خليتي يور والاصيل والله لا خلاوك حتى تحلمي ..داك السيد مسكين الله يرحمو من دابا والله الاصيل لا خلاه ليك فوق الارض وراكي كتعرفياش كيسوت
تقلبات روح الندى على كرشها شافت فيها قالت ليها الاصيل يمشي ينبك .. خلاها السي يحيى الموت على العشق شهادة ..كيتي انا دابا اللي حية وميتة ما حياة ما والو ..عايشة والبهيمة احسن مني وزايدون الاصيل صافي طاح ..يتقبلها ولا يجلس المهم بالنسبة ليا غلبو القاضي ..ايييه اعبدية القاضي سالا مع الاصيل والى دار ليه شي حاجة راه ضعف منه هوا ماشي من القاضي..وزايدون ماعندو مايدير يمشي يعاود لمخو
قالت ليها عبدية ايوا وولدك ؟ عند بالك غيديك ليه عروسة
قالت ليها روح الندى بحالو بحال باه سلعة وحدة ..مايصلاح ليهم غير فعايل بنات الحرام هما اللي كيجيو مع بحالهم
داز اسبوع على لقاء روح الندى والقاضي وروح الندى يوم على يوم كتحاول تقرب من يور اللي غاضب عليها مكيدوزشمن حداها من نهار المشكل ديال شادية وهوا هاز من جيهتها ..ماعرفات كي دير دوز ليه وكتشوفو رايم جيه باه غير غادي جاي هوا وياه ماعارفاهم لاياش كيخططو.. عيات تسنا الفرصة ولا بغات تجي وهي كل نهار كتشوط وتحرق قلبها طايب وعقلها مرفوع . تسنات حتى شبعات فالاخير وقفات وشافت فعبدية رافعة راسها قالت ليها عبدية.. وجدي ليا حوايجي غنخرج عند القاضي
قالت ليها عبدية يا هاد الملعوقة ردي بالك لشنو كديري …راه هادشي مامسلكش
قالت ليها روح الندى صافي قررت اعبدية ومغنرجعش فقراري
عيات فيها عبدية دير ليها عقلها لاكن شافتها محروقة على الزواج من القاضي وخلاتها على خاطرها
لبسات حوايجها وتزينات زينة الاميرات وخرجات عاين باين هي ووصيفاتهاوعبدية معاها بحجة النزاهة بحال العادة ومشات فعربة ما خلات حتى واحد يشك فيها حيت خرجات كما موالفة قدام عينين الكل.
بعدات حتى بعدات وتسلات فملحف قهوي بلا ماتبان وخلات وصيفاتها وعبدية معاهم ومشات على العود نيشان لدار القاضي استقبلاتها عيشة بالحليب والتمر ودخلات ها ضايفاتها فالرياض ..تلفتات روح الندى يمين يسار قالت ليها كاين السي يحيى ؟
قالت ليها عيشة هاهوا جاي الاللة ..مشا للمسجد يصلي صلاة الجمعة وغيجي..
تبسمات روح الندى وخدات راحتها حيدات الملحف على راسها بشوية وقادات حوالقها وخيط اللويز اللي على راسها والجوهر فعنقها وتكات سدات عينيها قالت
الله على راحة فهاد الرياض ..
سرحات رجليها ببلغتها وسط ديك الساحة المعرية والخضورية ضايرة بيها على واحد السداري مزوق وحطات يدها جنب راسها كتشم الهوا وتسنط لعضامها فهدوء والسقاية قدامها وشاردة حتى سمعات تحنحين راجل وحلات عينيها لقات القاضي واقف قدامها وهي ساقها معرية حتى للركبة ..كيشوف فيها ويغض البصر شوية وناضت بزربة جلسات حشمانة ودارت عليها الملحفة ودوزاتها على نيفها كتمتم قالت ليه السي يحيى ..الله يقبل
حط السجادة وهز جلابتو البيج والبلغة كتشعل فرجليه تقول العيد الصغير ..متول وريحة الحروشية والرجولة كتفوح منو ..قاليها بابتسامة كيشوف قدامو مرحبا بيك الاللة نهار كبير هادا
جمعات قوتها مابغاتش ضيع الوقت قالت ليه السي يحيى .. انا جيت وجبت ليك جوابي
شاف فيها قاليها الله يسمعني خبار الخير الاللة روح الندى
بقات ساكتة مطولا وقالت ليه انا قابلة
قبل مايعيش الفرحة قالتليه ولاكن بشرط
قاليها شرطي وامري الاللة
قالت ليه غنتزوج بيك ..ولاكن فالسر
استغرب قاليها كيفاش فالسر؟
قالت ليه حتى واحد مايسيق الخبار
قاليها ميمكنش !!! الزواج راه خصو الاعلان
قالت ليه انا قابلة ..ولاكن ولدي لا ..الى غتقدر ضحي وتصبر معايا يكون حسن ..هادشي الى كنتي بصح عاشق صادق كما قلتي
بقا ساكت كيشوف فيها ماردش عليها وجاه داكشي فشكل خصو تفكير..لاكن روح الندى ماعطاتوش مهلة يرتب افكاره وشافت فالصمت ديالو الرفض وجمعات كبريائها وناضت قالت ليه خليت ليك الراحة السي يحيى ..حسبني ماقلتليك والو
وقفها قبل ماتمشي قاليها عشقك صادق الاللة روح الندى؟
رقفات وتلفتات عندو شافت فيه مطولا قالت ليه شنو اللي غيخليني نضحي براسي وبيك ونقدم على هاد الخطوة؟ شنو غيكون الدافع فنضرك؟
بقا كيشوف فيها وتبسم قاليها ماشي خسارة فيك التضحية الاللة روح الندى ..شرطك على عيني وراسي واللي قلتيها هيا اللي تكون
جات عيشة هازة واحد لاللة وماليقصرية ديال الطعام بالكديد وسبع خضاري حطاتها ليهم وشار ليها القاضي بيدو قاليها مرحبا ليك الاللة ..لا كلام على طعام
ضحكات روح الندى وجلسات قالت ليه باش يدوز ليا رسل للامام يجي ياكل معانا
بقا القاضي كيشوف فيها مبسم من عينيه وقاليها هي اللولة الاللة روح الندى
شار بيدو للخادم ديالو رسلو يجيب الامام ومد ليها معلقة خشبية قاليها نشركو الطعام هوا اللول
شداتها وهبطات الملحفة كتاكل وهوا كيشوف فيها فكل مرة وعينو جهة الباب حتى كلاو وسالاو عاد وصل الامام ودخلوه لبيت اخر تجمع فيه هوا والقاضي كيهضرو على سبب الدعوة وعيطو لروح الندى دخلاتها عيشة عندهم جلسات بعيدة ورا ستار كحل شفاف
بدا الامام كيسألها قاليها الحالة ديالك الاللة ..حرة ولا جارية
تكلمان قالت ليه حرة اسيدي
قاليها مسلمة ؟
قالت ليه مسلمة
قاليها مزيان
كمل الاسئلة ديالو وقاليها واش قابلة بالسي يحيى المنصوري زوجا لك على مهر قدره سبعين قطعة
قالت ليه بصوت خجول اه اسيدي قابلة
رجع للقاضي طرح عليه نفس الاسئلة قاليه قابل وتزوجو وقراو فاتحتهم وناض الامام تبسم ومد يدو للقاضي قاليه مبروك عليك السي يحيى ..بالرفاه والبنين ان شاء الله ..وان شاء الله زواجكم غيكون مبارك بهاد اليوم المبارك
تبسم القاضي وشكرو وخرج معاه في حين حيدات روح الندى الثام تنفسات الصعداء واستوعبات شنو دارت وسمعات زغارت عيشة جايين والمباركات ليها وتبسمات مامصدقاش راسها انها فعلا تزوجات وتجاوزات جميع الخطوط الحمراء وتجرآت لاقصى لحدود وتحدات الكل واولهم نفسها
رجع القاضي لعندها وخرجات عيشة مهبطة راسها خلاتهم بجوج وقرب ليها بعيون براقة واقف وقفة مستقية وصدرو عريض مستاقم هبط ليها داك الملحفة وقرب باس جبينها بشوية وقال ليها
هادا اسعد يوم فحياتي الاللة روح الندى.. الى بغات تجي الموت غير تجي
شافت فيه قالت ليه مغتجيش..مزال العمر طويل ان شاء الله ..حنا مادرنا غير الحلال السي يحيى
فتح كف يدو ليها كيتأمل فملامح وجهها قاليها ربي كيبغيني..يسر ليا فكولشي ورزقني فرحة ماكنت كنتاضرها ..
مدات ليه يدها وسط كفو وهزها باسها وسد عينيه تنعم بملمسها وشاف فيها قاليها طلعي ترتاحي فبيتك
قالت ليه بابتسامة خاصني نرجع للقصر.. ولاكن كنواعدك غادي نرجع غدا
سكت ماقال والو وباس يدها قاليها على خاطرك الاللة روح الندى ..
دارت الحايك على راسها وخرجات مبسمة مشات وبقا القاضي واقف فمكانو كيتنهد وعيط على عيشة قاليها عاودي بيت لاللة رو الندى من جديد ..جيبي ليه كلشي جديد .. خصنا جناح كبير يليق بلاللة روح الندى .. والخزانة دالكتب حولوها للبيت اللي حداه ..وجهزي ليا حوايج يليقو بيها فاش تجي تلقا كلشي واجد ماتحسش بالفرق
قالت ليه عيشةغدا يصبح كلشي كما طلبتي يا السي يحيى
وصلات روح الندى للعربة دخلات فيها وجلسات جنب عبدية وقطعات الحس حتى وصلات للقصر ويالاه نزلات من العربة لقات يور والسلطان قدامها كيتمشاو ..ماطولاتش فيهم الشوفة وقلبات عينيها مشات دخلات لجناحها وجلسات سدات عينيها رتاحت وعبدية عند راسها كتسول اشوقع
وقفات روح الندى جمعات قوتها وقالت ليها رافعة راسك انا تزوجت اعبدية
طاحت عبدية على طولها جات جالسةقالت ليها اش درتي!!
عطاتها روح الندى بالضهر مشات جهة الشرفة وقالت ليها كيف كتسمعي..وراضية على زواجي وعلى راجلي..ربي هداه ليا ومن خيرة الرجال..نقولو لا باش سيهم الاصيل وداك المسخوط يبقاو على خاطرهم ! مالي عبدة عندهم ؟!
وقفات عبدةي كضرب حناكها قالت لبها اويلي جنتي على راسك اروح الندى .. هادي اللخرة ليك
ضارت عندها روح الندى قالت ليها اللي بغا يوقع يوقع ..الى كان عمري طويل حتى واحد مغيحدو ليا غير تهناي..وزايدون انا تزوجت فالسر باش يبقا السيي يحيى بعيد على بطش الاصيل وغيرة يور المجنونة ..مكان عندي حتى حل من غير هادا
قالت ليها عبدية ومالكي مزروبة ؟!!
قالت ليها روح الندى ماعندي مانتسنى .. انا لقيت راحتي ورتاح قلبي لسيي يحيى ..صافي وقررت ونفدت .هادشي يبقا سر والله يجعلو يبقا مخفي حتى للموت ماعنديش مشكل
بقات علدية ساكتة شادة راسها مالقات ماتقولوروح الندى كتمشي وتجي فالبيت وقالت ليها جمعي حوايجنا اعبدية
قالت ليها عبدية فين غتمشي؟
قالتل ليها روح الندى غنمشي لدار راجلي..وحتى غتمشي معايا
تصدمات عبدية قالت لبها اويلي وكيفاش غديري لهادي واش هتري!!!
قالت ليها روح الندى نتي غير جمعي انا قادة بشغلي
بدات عبدية بالمجوهرات هما اللولين وروح الندى كتمشي وتجي وتفكر وخرجات مشات نيشان لجناح الامير يور سولات الحرس واش كاين قالو ليها كاين ودخلات عندو فاجآتو وهزات راسها قالت ليه جيت نعلم غدا غنمشي لتارودانت
ناض وقف شاف فيها متفاجأ قاليها فين ؟
قالت ليه رافعة راسها غنمشي لتارودانت..ياكما ممنوع عليا ولا حرام!
قاليها وعلاش بغيتي تمشي لتارودانت ؟اشنو السبب
قالت ليه بيساطة توحشت ارضي وبلادي..توحشت قصري وحريتي..توحشت اهلي وحبابي وشعبي وتراب بلادي..الانسان مكيرتاح غير فدارو يا السي الامير..خليك هما مع باك انا اصلا ماعندي باش نفعكم
بقا كيشوف فيها وشنو كتقول وقاليها خلينا بعدا ندرسو هادشي ماجاتش تمشي بين ليلة ونهار
قالت ليه ماعندك مادرس.. درس غير حياتك ومستقبلك اما انا راني حياتي مدروسة وباينة ..قاليها وعندك عادي تمشي وتخلي ولدك وحفايدك هنا وتزيدي!!
قالت ليه حفايدي راه عندهم مواتهم ..ونتا كبرتي مابقيتش مسؤولة عليك..الولد فاش كيكبر على حضن مو كيصغار فحضن مراتو ..ونتا تبارك الله عندك الحضان ضايرين بيك من كل جهة .. خليت ليك الراحة
قلبات عينيها خرجات خلاتو واقف كيشوف فيها ومشات رجعات لجناحها كتجمع حوايجها بشوية عليها في حين خرج يور ديك الساعة مشا عند الاصيل لجناحو لقا معاه شامة جالسة ..غير دخل ناضت خرجات خلاتهم وقال للسلطان لاللة روح الندى بغات تمشي لتارودانت.. ماعرفت اشنو ندير باش نمنعها
وقف الاصيل متفاجأ قاليه تمشي لتارودانت!! وعلاش؟
قاليه يور توحشات البلاد قنطات هنا ومامرتاحاش..منقدرش نخليها تمشي وحنا. داخلين على حرب..فأي لحضة يتقلب علينا كولشي وخروجها من البلاد لبلاد اخرى خطار علينا وعليها
قاليه الاصيل ماعندها فين تمشي ..انا غنفهمها اشنو كاين راه مجايبة للدنيا خبار وغتبقا حتى دير زبلة يغرق فيها جمل ..مك وانا عارفها اكثر منك فاش كيزندو عوادها كتبدا تشير بيهم
خرج الاصيل مشا عندها نيشان لجناحها دخل عليها لقاها كتستف فالصنادق ووقف كيتمنضر ..ناضت وقفات ربعات يديها كتنهد وقاليها شفتك جمعتي القافلة فين عوالك تزططي؟
قالت ليه غنرجع بحالي لتارودانت الى كتب الله
قاليها الله مزالك ماكتب ليك تمشي ومزال مطولة معانا هنا ..غير تكاي تسنطي لعضامة
قالت ليه وعلاش مالي عبدة ولا جارية ؟
قاليها جلسي تركني راحنا فحرب الاللة ماشي فالسفر ..
تصدمات قالت ليه شنو؟ فحرب؟
قاليها اييه فحرب مع احتلال قرطبة وغادي تنوض قريب وماشي فصالح حتى واحد يخرج برا البلاد..
قالت ليه واش ناويين ترجعو قرطبة ؟
قاليها الى درتي عقلك وماخرجتيش لينا بشي كارثة من الجنب ..عاونينا بسكتات اروح الندى وتكمشي ..الى قنطتي ها الغابة وها السوق وها المدينة وعطا الله فين ديعي..ولاكن تمشي برا البلاد ممنوع
بقات ساكتة كتشوف فجنابها وقالت ليه الى كان على قرطبة ماشي مشكل نصبر
هز حاجبو فيها وخرج مشا خلاها واقفة وجلسات قالت لعبدية ردي هادشي ..مكتاب عليا نتختل فنصاص اللي بحال سراق الزيت
تكشمات روح الندى فمكانها وبدات ترد فالحوايج حتى تهدات ونعسات فبلاصتها تخت ضو القمرة وصبحات كتسكل راشقة ليها ..
لاحت الغطا وناضت قالت لعبدية وجدي الحمام
وجدو ليها الحمام حمموها تحميمك مكمدة خرجات حمرا كتشعل وجلسات بخروها بالعود ولعطر قبل ماتلبس حوايجها وطلقو ليها شعرها بخراتو ليها عبدية وكتغني ليها بشوية ..لبسوها حوايجها ووقفات طلقات يديها هبطو ليها التكشيطة. ديال حرير الدودة فالبيض والتختية بيج فاتح بالسفيفة وخشاو ليا البلغة فرجليها وحزموها وتولوها ولبسوها حوالقها وسرحو ليها شعرها بحال العادة جمعوه ليها والفرقة الوسط حتى زغبة مكتبان والتاج صغير مذهب والخلخال فالرجل والنبالة فاليد والجوهر مزير على العنق بالعمارة الوسط ..خواو ليها الزيت معطرة فيديها دهناتها ودوزات على شفايفها شوية وحطات على خدودها دم الغزال غبرة مخلط بالماء وعلى شفايفها كذلك وناضت كتشوف فراسها ..السر طايح عليها والزين كيقطر ويتعصر ونزلات مع الدروح خارجة هي ووصيفاتها بجوج وعبدية حداها ركبات فالعربة بحال العادة ومشات للسوق خلات وصيفاتها تما حاضيين الغيبة ودازت هي وعبدية لدار القاضي مخبية فسلهاها..
لقات عيشة كتسناها ومع الدخلة تعرضات ليها بالحليب والتمر والشمعة لوسط وعطاتها شمعة اخرى مضوية ليدها ضرات بيها الشمعك اللي لوسط وكلات حبة ديال التمر وشربات الخليب ودازت لقات الرياض مقلوب بريحة العطور والبخور الزكية والميدة لوسط والطايفر عامرين بالحنة والفاكية والعبيد والخدم في استقبالها ..تفاجآت ومدات سلهامها لعبدية ومشات جلسات فالمكان اللي جهزو ليها وجلسات جنبها عيشة شدات المرود كتحني ليها لاكن قالت ليها روح الندى ديري ليا غير الفال وصافي باش منعيق
دارت ليها عيشة خمسية صغيرة وخلاتها شوية ومسحاتها وبدات كتسنط لوحدة من الخدم كتغني حتى دخل السي يحيى ومشا نيشان متلفت جهة الحريم ..قربات عبدية قالت ليها اجي انا جاني السي يحي صغير ياكما صغير عليك
هزات روح الندى حاجبها قالت ليها اويلي قالك صغير عليا..راه قدي قدو ولا كبير ليا بشي حاجة مك وصافي..راه عاد كي زوج بنتو الوحيدة ومزالة صغيرة عاد حلات عينيها حتى هي!! شحال بغيتي يكون عندو
قالت ليها عبدية ايوا تبارك الله مرزن وتقيل ماشاف كاع جيهتنا
هزات روح الندى راسها قالت ليها ايوا شتي..هانتي بديتي تفهمي
مسحات ديك الخمسية قبل ماتعطي حموريتها اكثر وقالت ليها عيشة مرحبا بعمارة الدار ..اجي نوريك بيتك الاللة وقبلي علينا
ناضت روح الندى كضحك مشات معاها طلعاتها للبيت وحلات ليها الباب دخلات وسرحات عينيها ..كان بيت بلدي كبير عندو شرفة صغيرة وعندو دروح فالقنت كيطلعو للسطيح اللي فوقو ..متول ومرتب والروايح الزكية كتفوح منو ..قالت ليها عيشة خليت ليك الراحة الاللة روح الندى
مشات عيشة وبقات روح الندى كدور فالبيت وشافت السجادة مسرحة فالارض ..سمعات صوت نازل من دوك الدروح وكان السي يحي اللي هبط عندها وعينيه كلهم شوق ليها واعجاب وفرحتو من عينيه باينة للعمى ..قرب منها وقف قدامها كيشوف فيها ويتأمل ملامح وجهها وقاليها
عارف مقامي ماشي من مقامك وتستاهلي بيت اكبر من هنا وقصر ..ولاكن راه جهد الله غلاب
ضحكات قالت ليه شكون قالت بغيت قصر ؟ ولا جناح ؟ كن كان معمر ليا لعين كاع منهرب منو ونجي
هبط راسو شد ليها فيديها باسهم بجوج واشاف فيها كيضحك قاليها توحشتك
قالت ليه غير من لبارح لليوم
قاليها من دابا موحشك ..موحش مراتي واخا هي معايا
هبطات راسها وحسات بقلبها زدح .اول مرة تسمع هاد الكلمة وتحس بيها وعجبها تعاود تسمعها وقالت ليه شكون توحشتي؟
قربها منو كتر حط يديها على صدرو وشدها من خصرها قاليها توحشت مرتي..عمارت داري..النسمة اللي محلية حياتي
بقات كتشوف فيه ساكتة ورمشات بخجل فرحانة حتى بغاو يدمعو عينيها ..هز يدو حيد ليها التاج على راسها بشوية وتبسم قاليها
القاعدة؟
هبطات راسها كضحك وضارت عطاتو بضهرها ووجها احمر حل ليها المضمة ودوز يديها بشوية على خصرها ضورها عندو وقرب كيشوف فعينيها والنفس كتخالط ويدها على صدرو حتى وصل لشفايفها قبلها وسدات عيونها حسات بديك القبلة نابعة ليه من اعماق قلبو ووصلات لاعماق قلبها واستسلمت لمشاعرها ورغباتها كل الاستسلام ودخل بيها كأنها اول دخلة ليها من بعد سنين طويلة ..عاد بدات تتعرف على الحياة الجنسية وبداو رغباتها كيتسابقو ويطلبو وبدات تدريجيا كتحيا بحال شي وردة دابلة وبدات كطرطق بحال شي عوينة ناشفة من الماء .. حسات برغبة القاضي القوية فيها وحسات بمشاعره الصادقة اتجاهها وكانت كتعيش الحب قبل الشهوة مع الراجل اللث ماتوقعاتش يفيض بداك الحب وداك العشق هاداك كامل ويهزها على رموش عينيه بحال قطرة دالماء
ماحسات براسها حتى رخات يديها كأنها حطات الحمل والتعب وحتى الدنوب دقة وحدة وتنهدات بارتياح وتكات على جنبها جنب السي يحيى اللي قربها منو اكثر وقبل جبينها وهي سادة عينيها ويدها على صدرو
قالت ليه كن غير كان زواجنا فالعلن السي يحيى
قاليها علاش السي يحيى؟
ضحكات قالت ليه يحيى
قاليها كل شي يدين الله الغرام ديالي
يتبع...
التنقل بين الأجزاء