دخل الاصيل لغرفة مغلقة خارج منها صوت حكيم بغضب وبكاء عبدية.. حنا الكل للاصيل اللي وقف قدام عبدية وهي جالسة فالارض مهبطة راسها ولابسة قفطان مزرق بالورد وبلغة فرجلها وبلغة مرمية حداها وسروال قنديريزي مجموع بلاستيك تحت الركبة .. مسكينة مرعودة وحالتها تشفي العدا وغتموت غير بالخلعة وهي على قد الحال..حيدات يديها على وجهها وتنهصص وهزات راسها وعينيها بتتاقل شافت فيه من البوت وهي طالعة للحزام اللي داير على خصرو حتى لعقاد عنقو وحلات عينيها فعينيه الشرانية وهبطات راسها بسرعة خبات وجهها مدعورة وكترعد من الخوف
حرك راسو لحكيم وبسرعة جبدو خنشة وخرجو منها الرجال لفعة كحلة زحلة كتلحلح بلسنانها وراسها كيشطح ..شدوها وقربو من عبدية اللي ماقدراتش تشوف فيها وكتغوت لربي اللي خلقها حتى بالت فسروالها وهبطات البولة قدام عينيه كيشوفو فيها سايحة فوق الارض المسطحك بالتراب.. شاف حكيم فالملك لقاه كيشوف حتى هوا ماشافوه عينيهم وكيتسنا الجواب
شدوها العبيد من يديها ورجليها وحطو ليها الحية بين عينيها حتى غابت وسلمات امرها ..خواو عليها سطل دالما فيقوها وغير حلات عينيها لقات الاصيل قدامها بحال قباط الارواح وهي تهز راسها كتتوسل وقالت
..رحمني امولاي ..رحمني وانا اللي كنعرفو نقولو ليك …منخبي عليك حتى حاجة غير رحمني وماتخليهم يأديوني
حرك راسو بالايجاب وقال : يالاه دوي..ولدي اللي هربات بيه روح الندى فكرشها ..فييين هوا
بلعات ريقها كتشوف فيه بهوف وقالت : حي امولاي حي وكاين موجود
قرب بعينيه عندها وقال
فين كاين ؟
شافت فيهم كترجف وفالحية اللي كتتخرك وسط الخنشة وقالت ..كاين ففف..ففتاروادانت امولات
اعتارفات عبدية للملك بمكان ولدو المخفي وهزوها من رجليها داك الصباح مع الفجر ومشاو رجلها على رجلهم والملك برجلو مشا وفسفينة خشبية كبيرة وبحرو فطريقهم لتاروادانت .. يام وليالي وواخا قطعو الشط شدو طرقان طويلة ..المسألة كلها خداها الاصيل حرب بالنسبة ليه وخاصو كيسكب هاد الحرب وبرجلو وقف عليها ومشا يبحث بنفسه حيت الضايع من يديه من دمو ولحمو وخاصو يرد الدم لماليه واخا يكلفو الثمن غالي.
وصلو لتاروادانت بلا ما يعرفهم حتى واحد شكون يكونو .. مان لباسهم لباس التجار لكبار وحاولو ما أمكن مايلفتو لانتباه فالمدينة حيت اصلا صغيرة وناسها قلال والغريب دغيا كيبان واها يعيا يتلتم ..هادا علاش دارو براسهم انهم تجار وحطو رحالهم فقصبة بعيدة شوية على المدينة واللي سولهم شكون نتوما كيرد حكيم ويقول حنا تجار جوالة وجابتنا طريق الصين من هنا وغاديين للاندلس ..نرتاحو شي يامات ونكملو طريقنا ..
وخفاو الهوية الحقيقية واخا كان واضح على الملك من هبته وقامته وشخصيته انه شي حجرة تقيلة وتقيلة نيت هادا علاش كان كيتفادا الكلام ولا تلفت الانضار وكان بعيد على عينين الناس حتى كرات عبدية بمكان ولدو وهزوها فنصاص الليل بلا ميهولو القبيلة وناسها وحد مايسيق ليهم الخبار ..مشاو لعين المكان وعبدية قدامهم كترجف ومضويين الطريق بالقنديل حى وصلو لواحد الدار فوق راس الجبل ووقفات كتشوف فبابها وترعد
تكلم الملك وهوا على الخيل كتشطح وراه وقال هادي هي الدار دالناس اللي عطات ليهم الولد؟
ردت وهي كترجف
اه امولاي..يستحيل تهفا عليا وانا عطيتو ليهم بيديا
حرك الملك راسو لحكيم واتاجهو جهة الباب يدخلو عليها لاكن ردت عبدية وقالت مخلوعة
مولاي ..مولاي ..عرفتي الدار المقصودة ..ولاكن ماعرفتيش الولد مزيان وماشي هاكا امولاي دخل عليه وعلى واليديه اللي رباوه ..ندق عليهم باللاتي هي احسن ونخرجو ليكم انا وقدام عينيكم ..
زفر الملك وميل راسو برضى وقلة صبر وأمرها حكيم تتقدم وتقدمات كتفتف وتترعد وتشوف وراها ودقات الباب الخشبية وعاودات دقات مرى اخرى ،،خرج ليهم راجل طويل وقوي عليه فوقية واسعة وقال
..شكون نتوما ؟؟ اشنو بغيتو فهاد الليل؟
شافت عبدية وراها وقالت
بغينا الولد اللي عندكم يخرج
ضحك الراجل مور الدار وتلفت وراه قاليهم بسخرية ،ًخرجو اولادي
بداو يخرجو الرجال من الدار واحد مور واحد واللي خرج كيشهر سيفو المخبي فطيات توبه ..وهنا حس الملك انه فخ وشهر سيفه بسرعة فوجه العدو ودخلو فقتال بحال الحشر. والدميات مطير فالسما والرجال كيزيدو يخرجو منين الدار اللي شبه كوخ صغير كانها كتولدهم وهي متقدر تهز فيهم حتى جوج ..اما عبدية جروها رجال الحوخ لداخل بالزربة وعطاوه وجهه لعافية الاصيل اللي بحر الشمتة والطريق اللي جبد على شمتة كيدبح بلا شفقة وبلا رحمة .. ولحسن حضها عبدية فلتات من يدو وسط الدبيحة ودخلات للكوخ اللي كان عندو باب اخر اللور كيهبط فالحدورة وركبات فوق الخيل مع فارس من الفرسان هربها كيجري بيها حتى بعد وتنفسات لاكن فجأة جا فيه سهم وسط عنقو من اعلى الجبل طيحو وبقات بوحدها كتشطح فوق الخيل ورجليها مقلشين ماعرفات فين تشد ولا كي دير ليه وهي عمرها ركبات على شي عود فحياتها ..
لاحها الخيل وسط الضلمة جات فوق القش وناضت كتحبو بالخلعة عرفات الملك ورجالو غيتبعوها ..بقات كتحبو هاربة فالغابة وتشوف وراها والخيال كتجري موراها .. وصلات للقبيلة وبدات تجري هنا ولهيه ومن كدية لكدية حتى قربو يوصلو ليها وهي دور مخبية تخشات فواحد الكوري ديال البهايم وبدات كطل بعينيها خلاتهم حتا دازو وخرجات بشوية كطل ودقات على مالين الدار الترابيه وهي حالتها حالة مخلوعة كترعد والقش فراسها والتراب على حوايجها حتى سمعات مرى من لداخل قالت
اشكون كيدق علينا وحنا غير الوليات فالدار ؟ شكون ؟
شافت عبدية يمين وشمال كتبلع ريقها الناشف وقالت
انا من القصر حلي
ردت عليها المرى من لداخل وقالت
من القصر؟؟؟ واش شي خبار على بناتي مع هاد الفجر ؟
حلات. مولات الدار الباب وطلات براسها لقات عبدية واقفة كترجف بحال الجنية وقالت كتحزنز فيها
بسسسم الله الرحمان الرحيم
دخلات عليها عبدية دفعاتها وسدات الباب زادت خلعاتها وقالت كتنهج
سمعو صوت الخيل بحال الزلزال دايز حدا الدار وهما ساكتين حتى كسر سكاتهم صوت الغولة بغيت نقول البنت اللي خرجات من واحد البيت كتحك راسها المشعكك ولحمها وعينيها مسدودين وقالت
مييي واا مييي… بلت في الفراااش
زفات عليها مسعودة بالبلغة للراس قالت ليها
اااش نوضك ..اش نوضك ابنت الحرام فهاد الليل
سكتاتهم عبدية وقالت بصوت منخفض سكتو سكتو غيتلفتو لينا القطاطعية والى مشاو حتى شدونا راه مايخليو فينا غير اللي نساو هادشي الى خلاونا حيين
حزمات مسعودة العكدة على راسها وقالت بعينين مخلوعين خارجين
اش سلطك علينا فهاد الليل الاللة شكون تي؟؟
برداتها عبدية وقلت ليها ..غير بشوية وماعندك مناش تخافي..انا وصيفة من وصيفات القصر وفطريقنا للقصر وحنا راجعين من سفرنا تلقاو لينا لقطاطعية وصفاوها لكولشي وهربت انا الحمد لله .. ورماتني القدرة عندك. غير ماتخلعي مدهشي
ردت مسعودة وضربات فخادها وقالت
وبناااتي اللي ديتو للقصر فين هماااا
استغربات عبدية وقالت
اشمن بنات الاللة شوري عليا
ردت يامنة وهي مكمشة حدا الباب فراحد القفطان كحل مجرتل وقالت
بدات عبدية تمتم وكتحاول تفهم و هزات مسعودة يديها كترعد قال ليها بغضب
واش غتنوضي تركدي يا البوالة ولا غننخرجك للقطاطعية يقطو باباك طراف
ردت عبدية وقالت مصدومة
شادية وعويشة بناتك ؟
جمعات مسعودة يد على يد كتمسكن وقالت كدور فراسها
بناااتي يالاللة ..ترزيت في رزقي ورزق حياتي
ردت عبدية وقالت ليها ..لاااا الاللة مارزاك حتى واحد ..بناتك في الحفظ والصون .. وراهم جنب لاللة مولاتي عايشين العيش الكريم واكثر .. وكيتسراو بحال الحمامات وسط القصر
صبح الصباح وصبحات عبدية جالسة بديك الحالة .. بغات تخرج ولاكن خافت تحصل و بلا شك رجالك الاصيل غيبقاو يتختلو بالقبيلة حتى يطيحوها فالمصيدة ..وهاد المرة الى حصلات ..غيعصرها الاصيل فالمعصرة دالزيتون حتى تقطر الحقيقة بزز منها .
تنهدات ويدها على خدها جالسة ومسعودة كتخوي اتاي فوق الميدة والبغرير والخبز محطوط وقالت ليها وعينيها كيمشيو ويجيو ويشطحو فبلاصتهم وتغمز وسط الكلام بلا نخازات
مسعودة: هي دابا شادية وعويشة !! فالقصر مع لاللة ولاتي ومتتعين ومخليني انا هنا. فهاد القهرة !!
تنهدات عبدية من قوة الهضرة والبحث ديال مسعودة وقالت
راهم فبلاد بعيدة ..قطعو الجبال والبحور ماعندهم كيف يديرو يوصلو ليك
يا والله حتى نوصلهم .. تتي غا قولي ليا سميتها وتسوخري اللور .. ايلا مايلقاوني واقفة ليهم في باب الخيمة راني ماي مسعودة
تنهدات عبدية وقالت : اشمن خيمة الاللة هادا راه قصر ..واش عارفة شنو هوا قصر؟؟ قصر بحال المدينة وفوسط مدينة واش غير اجي ودخل ليه
دق الدقان وهما كيتحدثو وتقفزات عبدية مخلوعة قالت ..
مولاي الاصيل هادا
ناضت مسعودة تشوف شكون وقالت ليها. تي اشمن اصيل ولا حصير .. راه هلل الهلال والبهايم خصها تخرج ترعى وناس ناضو يقضيو شغالهم
ماخلاتها عبدية تحل الباب ووقفو بجوج كيسولو شكون حتى سمعو صوت راجل قال
ذو الفقار اعبدية
دفعات عبدية مسعودة حيداتها من قدام الباب وحلات طلات عليه لقاتو ملتم ولابس لباس التجار وجار حمارة عليها سلعة النسا وشاف فيها من تحت لثامه وهبطو شوية اكد ليها شكون هوا ولاح ليها كموسة قاليها
خرجات عبدية كتجري ملتمة بحال الراجل ومشات كتختل هاربة للمسيد دالقبيلة ولقات تما ذو الفقار دوزها بلا ميعرفها حتى واحد وطيرها لقصر الامير يور اللي تما ودخلات كتجري وتسول عليه قالو ليها خرج للصيد بحال العادة .
استقبلوها الخدم والحشم اللي تما وتعجبو لهاد المجية ديالها لاكن خبات وطمرات كلشي ومابغات تهضر مع حتى واحد ..انفاردات هي والقائد ذو الفقار فواحد البيت وسدو عليهم كيكتبو مرسول للاللة روح الندى
لاللة مولاتي.. تبعت الخط كما قلتي لي وعلمتيني..الحمد لله درتي بحساب هاد النهار وعلمتيني باش الى شي نهار طحت فيدو نرسلو للنعث اللي عطيتني .. الحمد راني رسلتو ومشا برجلو على رجلي ..وتما لقيت الحمية اللي فكاتني ودابا راني فلت من يديه وراني فأمان الله فقصركم فتاروادانت حتى تخبريني واش نجي ولا نبقا هنا .
لوات المرسول وجمعاتو وعطاتو لذو الفقار اللي واجب عليه يرجع لعند الملكة من بعد ما تمم المهمة بنجاح وسبق الاصيل للنعت وحط ليه تما مفاجأة اللي تلفاتو على طريق عبدية
كمشات روح الندى المرسول من بعد ما قراتو وذو الفقار واقف قدامها وضحكات حتى دمعو عينيها وعطاتو بالضهر غادية جاية كتجر فقفطانها اللي بلا حزام وقالت
ااااه يا ربي .. تشهييييت نشوف وجه الاصيل ..تشهيييت نشوف وجهه هاد الساعة وهوا غيطرطق من حر الشمتة .. امنيتي نشوف وجهه هاد اللحضة ..وحتى الى مت بعدا نموت شبعانة ضحك …
هادي مهمتك الثانية … بغيتك تجيب ليا خبار الحرب اللي بين الاصيل وملك القوط … بغيت نعرف خبار النصر ديالهم قبل ماتوصل للاصيل.. بخيتك تكون بحال البراق ..
تكلم ذو الفقار وقال : ولاكن حنا مزال ماعرفناش واش غينتاصر ولا لالا الاللة
ضحكات بسخرية وقالت : غينتاصر كون متأكد .. نتا غير جيب ليا خبارو … الاصيل مستحيل يخسر هاد الحرب واخا يقدم فيها اغلى مكيملك .. حيت ماعندوش الوجه يقابلني بالفشل ديالو .. هادا علاش غادي يربح الحرب وغيسحق ديك الارض .. نار الغضب اللي شاعلة فيه هاد الشهر بسبب الشمتة مغطفيها ليه غير خبار النصر .. اما الى خسر … صافي غينتاحر. هههه
ضواو انوار القصور واصوار القصر برقات .. ورح الندى مقاداها سعادة .. ضحكات ليها الايام والفرح والسعد فالقصر غير كيتسارا من قنت لقنت ..ايوا اله يدومها فرحة .. ماشي غير عليها ..على جميع اهل القصر .. كي شفتي دابا القصر مافيهش غير العرب.. فيه حتى لغرب .. فيه حسنوات فيهم اللي سلمو وفيه اللي مزال ماسلم .. الزين مشتت فالقصر .. ويلعبو مع العبيد والخدم .. يرميو الورد ويرشو بالماء .. يدورو على نافورات القصر ووقهقهاتهم واصلة حتى للجردة ..شي داخل شي خارج ..شي كيشطح وشي كيغني ..لا رجال غراب يدخلو لقصر ولا ضياف .
نزلات روح الندى كتمختو وتسارا وضحك مع الحريم وهما كيلعبو وكتسنط للعود والشعر وانغامه .. وقفات الوسط جنب نافورة كتشرشر بالماء وقالت كضحك مع البنات
يالاه يالاه …تجمعو قدامي البنات براكة من اللعب ..
تجمعو البنات كيجريو قدامها وكاين اللي مشات بالفرحة باست ليها يدها وكل وحدة كفاش عبرات على الحب ديالها لملكتها … تجمعو العبيد وتصافو قدامها ووقف عابد جنبها كيقاد ليه الحريم حتى تقاد كلشي وبقات غير الروينة ديال الورد والمخاد والتواب باش كيانو كيلعبو ويشطحو مشتتين فارجاء المكان ..
لاحت ليهم بوسة فالهوا ومشات كتمختر وخلات الموسيقى والزين كيتراقص وحتى العبيد اللي مشاو مع هوا البنات من نهار حلو عينيهم كيضحكو ويبسطو معاهم بحال العادة ودقة فيا دقة فيك جري عليا نجري عليك والضحك كيسرح مع الهوا فالسماء
زيد اسيد المير وغير بشوية عليك .. مرحبا بيك فقصر الملكة .. ار بالاحرى قصر الايناث.. منبع الجمال وغزل البنات ..
من الدخلة ديال الامير سلطان فوق العود وهوا مستغرب من جمال هاد القصر وجناناتو الخضراء..حراسه مستفين على اصراره العالية والعبيد والخدم بحرية كيتحركو .. اللي داز قدامو كيحدر ليه الراس احتراما حتى وقل لباب من ابواب القصر الكثيرة والل كيأدي لجناح الملكة الكبير المقسم اقسام ..قسم الديوان والقاعة الكبرى الموسيقية والحديقة الخاصة وقسم شامل اقرب الرصيفات ليها وغرف نومهم .
دوزات وحد منديل حدا وجهه كتغني وقالت ..نورتي القصر امولاي
جره شادين فيديه كيلعبو وداوه جلسوه فمكان مريح قدام الخصة وبداو يشطحو ويدورو عليها ووحدة كترمي اخرى فالماء والغوات والضحك والعبيد داخلين مصافين بطبايق الفاكية والمشروبات .. بقا الامير سطان كيضحك ويتفرج حتى نزلات لاللة روح الندى بحال العادة ..عروسة كيف ديما وتقدمات حتى لوسط الجناح بابتسامة والوصيفات وراها وبسرعة انساحبو البنات حادرين الراس برقة واللي فزكات تلوات فتوب ومشات كتجري باللور خادرة الراس واللي والعبيد كذلك حتى مابقا فالجناح الفسيح المحلول على اعضم حديقة باسوار عالية غير روح الندى والامير اللي وقف استقبل حضورها والخدم اللي بلمح البصر جمعو المخاد والشراوط من الارض ورجع المكان كيشعل شعيل
وقفات قدامو لاللة روح الندى وقالت هازة يديها كضحك
الامير سلطان عندنا فقربطة !!! نورتي المدينة
ابتسم وشار ليها براسها وقال
منورة بنوركم الاللة مولاتي
ابتسمت وجلسات جنبه برقة وقالت
يا ترى شنو سبب الزيارة اللي خلاتك تخلي غرناطة وطلع عندي لقرطبة ؟ كنتمنى ماتكونش شي حاجة سلبية
ابتسم وقال كيشوف فيها باعجاب
ضاروري خاص تكون شي حاجة عاجلة باش نجي نشوف سيادتكم ونزوركم ؟
دورات وجهها كضحك وعينيها كيدورو بلاصتهم وقالت
امم .. شرف لينا يجي الامير بنفسو يزورنا ..ولاكن على حد علمي وما خبرني جلالة الملك ..انه مشيتي للحرب مع الحملة ؟ ولا انا غالطة؟
تبسم وقال بعفوية : بصح كنت غنمشي ونترأس الحملة ..ولاكن جلال الملك جاه صفر مفاجأ اللي ماخلاهش يتسنا واضطريت نبقا فالبلاد فغياب الملك الاللة مولاتي
تنهدات بابتسامة كدور فعينيها وقالت
كنتمنى ماتكونش تسافيرتو فيها شي حاجة خايبة اللي تقلقل راحتو
رد الامير وقال : شكون عرف ؟ الملك كيبغي يحتافظ ديما باسراره وحركاته لنفسه ..
حركات راسها وقالت : امم وماعرفتيش فين مشا سافر وعلاش؟
رد النفي: ماعرفتش ماخبر حتى واحد .. ولاكن كنضن مشا على قبل اجتماع مع القادة ديالنا اللي فالمغرب
ناضت من حداه كضحك ومشات وقفات حدا واحد الشجرة دالور عرفات الملك خفت عليهم حقيقة سفره لتاروادانت مع عبدية وضمس القضية
تلفتات عندو وقالت كتحاول تعرف خال الملك من بعد الشمتة اللي تشمت
مزيان .. وكيف ماشي مع حربه عاى ملك القوط
رد كيضحك وقال : اسرار دولة الاللة مولاتي .. كيفاش نعطي مثلا اسرار ودولتنا للي حتل مدينة من المدن ديالنا
هزات حجبانها مصدومة من رده وقالت اااه ..علاش ماشي كانت محتلة اصلا من قبل ولا جيت انا سلبتها منكم
هز راسه كيضحك وقال
حتى واحد ميقدر يسلب منا شي شبر الاللة روح الندى .. كنبقاو مسلمين وحنا سعداء بدخول قرطبة تحت سيادة المسلمين ..ولاكن بالرغم من ذلك كتبقا محتلة والمدينة فقلب مملكتنا .. طبعا ماشي من شيام المسلمين انهم يتحاربو على البلاد ..وانما باش يمددو الاسلام ويرفعو رايته ..هادا هوا الهدف من وجودنا حنا كحكام وسلاطين
الامير سلطان كان جوابو كافي باش يخلي لاللة روح الندى تبدل الموضوع فمرة وتخرج هيا وياه للحديقة وهي كتسول وتبحث من حين لآخر على نضام الملك اصيل للدولة والقوانين ديالهم .. ابتسم وقال كيضحك
المشكل دابا ماشي فهادشي .. المشكل فاليهود اللي كثار فهاد البلاد .. المشكل كنحاولو نغيرو العادات اللي خداو وندخلو الاسلام بسلاسة .. ولاحضت باللي مزال الدنيا مخلطة هنا فقرطبة..مزال متأقلمتي مع الوضع وسيطرتي عليه
ابتسمت وقالت : مزال حيت يالاه ضهور قليلة باش دخلت المدينة وكنحاول نتعرف على عاداتهم كيف قلتي ونمط العيش ..باش نعرف نحط قوانين بطريقة اللي ماتخلقش ليا تمرد ..كما شفتي الاعداء كثار وكيدورو بين من جانب ..وانا مامستاعداش ندخل فمشاكل مع الشعب ونخلي العدو يتستاغل الفرصة ويدخل عليا
رد بعفوية وقال: مدام حنا جنبك فماعندك مناش تخافي.. مهما كانو المشدات او المشاكل بيننا فمغديش نخليو العدو الكافر ي دخل عليك ..كنبقاو مسلمين مهما وقع ومهما بلغ حجم المشكل او الصراعات بين المسلمين ..حنا ضهر واحد فرتاحي من هاد الناحية وان شاء الله مابقاتش قرطبة غتخرج على صدر الاسلام مهما يكن
خدات كلام الامير حلقة فودنها وقالت باستغراب
ولاكن الحمد لله حنا لحد الساعة مابيناتناش مشاكل..علاش كتهضر على المشاكل كأنك عايشهم
تنهد وقال : حيت جلالة الملك الهدف ديالو يوحد الدولة الاسلامية وتمشي تحت نضام واحد ..وهادشي فصالح الجميع ..مع الوقت غتعرفي اكثر على الملك محمد اصيل وغادي يوضح ليك هوا بنفسه الموضوع .
عقدات حجبانها ورفعات راسها وقالت : ماعرفتش لشنو كيخطط ..طبعا فهوا حاكم من سلالة عريقة واخا ماعرفتش مسقط رأس هاد السلالة بالضبط. لاكن عارفة انه عندو نفود وعندو اسطول ديال العساكر وقوة وعقل سياسي ودكاء كبير
ابتسم سلطان وهوا كيتمشى جنبها ومد يدو ليها شد فيها هبطات مع الدروج وقال
حنا عروقنا شريفة من المشرق .. بدات اول مسيرة الخلافة من بعد عهد الخلفاء الراشيدين .. ومن تتابع الحكم بين افراد عائلة كبيرة .. يعني بتعاون وتخطيط ومأمرات ونزالات مع مرور ازمن توغلو فوق الارض من جهة المشرق حتى وصلو للسند والهند وموراء النهرين وبإفريقيا كذلك حتى وصلنا للاندلس واستمرت الخلافة بعد فتح الاندلسحتى لعصرنا هادا اللي حنا فيه دابا و ضمينا جميع المناطق اللي فتحنا للدولة الاموية ى ومزال انشطة اللفتوحات الاسلامية مستمرة فوق جميع انحاء الارض الاللة روح الندى من مشرقها لمغربها وان شاء الله غنزيدو بفتوحاتنا حنا اللي من جهة الاندلس تحت قيادة الملك محمد اصيل حتى لمملكة قشتالة من بعد ما نرحبو الحرب مع ملك القوط ونضمو المنطقة حتى هي لدولتنا . وهادشي واجب عليك حتى نتي ..كما كيقولو فالاتحاد قوة
بقات ساكتة وماضناتش قوتهم وجذورهم يتمدد كاع هاد التمدد ويكون عندهم حكام وممالك كثيرة ويكونو مجموعات لا تعد ولا تحصى من الحكام في اتحاد واحد .. لاكن رغم هادشي كله بغات تخلي صورتها زوينة قدام الامير وقالت طبعا .. حنا اصلا شنو الهدف ديالنا من هادشي ..
عطاتو جواب اللي يريحو ومايخليهش داير منها احتياط حتى هوا وكملو النزاهة كيتسراو .
فهاد الاثناء هادي مع اذان العصر حطات سفينة على واد اقليم اللي على شمال غرناطة ونزلو الناس المسافرين مع السلع ونزلات من بينهم مسعودة بلثامها ولحافها وموراها يامنة بالحزمة على راسها ولحافها ولثامها بين الصنادق والرواج اللي على الشط وسط التجار ..
وصلات حتى لواحد المجمع فالسوق ديال عربات النقل فباب السوق ووهي حاللة فمها فهاد البلاد الغريبة عليها وعلى قبيلتها !! مولفة غير بديور الطين والنوالات والجبال والكديات ..ماشي بحال هادالاصوار العالية المحاوطة المدينة وهاد الناس لكتار واليد عاملة الكثيرة .. شي غادي شي جاي والبيع الشرا فكل مكان .. تلفتات يامنة للجنب حدا باب سور من اسوار السوق والزرابي والخيام المعلقة عليه وشافت راجل لابس الكحل وطاقية مدورة على راسو ومستف حداه بنات عاريات بلا حوايج عارضهم للبيع .. طيحات اللثام على وجهها وحلات فمها وخرجات عينيها وقالت
وااامي…واااهيا العالي
ضارت مسعودة وراها شافت ماشافت عينين يامنة وكانت غتسخف من الصدمة ورجعات اللور خبات وجهها وهبطات ليامنة راسها كتولو
ويلي وياي ويلي ويلي تي شهاد المسخ وهاد المنكر اناري تي شهاد الشي
خبات وجهها هربات تالفة وسط السوق وماعارفاش راسها باللي راه فسوق العبيد و الحريم .. داخت وهي كتشوف النسا كل مجموعة فين واقفة وجالسة شي بلا حوايج وشي لابس غير شطيطة ومربوطين بالسلاسل من رجليهم ومزيينين بالورد من راسهم والحلي فعنقهم ويديهم ..داخت مسعودة وتلفات ليها الطريق ماعرفات راسها فين وشنو كيوقع؟ الرجال كيدورو بالنسا ويقلبوهم بحال البضاعة وفيهم اللي باينة على وجهها مجبرة وفيهم اللي هازة يدها كتعرض نفسها للبيع فاش كيبان ليها شي تاجر كبير ..
ضربات مسعودة يامنة هزات ليها ضهرها وقالت كتغوت
حدري عينيك الكافرة بالله حدري عينيك يعطيك العمى .. اويلي اويلي يا ريلي اش هاد جهنم الكحلة فين دخلت انا
مشات كتقلب على طريقها مني جات وجارة وراه يامنة بحال البهيمة غير مدرمة وكرشها سابقاها وعينيها معلقين وفمها محلول .. لاكن مسعودة واخا خرجات لباب السوق وسط البياعة ماهناهاش خاطرها وفضولها تعرف شنو كيوقع ومشات طلات على واحد ليهودي فقشابة ترابية ولحية طريلة شايبة وقالت ..
السلام اسيدي.. بغيت نسولك الله يزازيك بيخير ..تا واش كدير اناري؟ شكون هادو ؟
شاف فيها اليهودي وقال كيحقق فيها وفبنتها بلغة عربية تقيلة
بلا شك نتي من المغرب جايا .. هانتي الاللة ..عندي اللي تشهات خاطرك وحباتها .ك اختاري لا تحتاري وبثمن زوين
عقدات حجبانها قالت ليه تا واش جالس تبيع فالنسا اناري؟؟ هاوييلي حي شهادشي
تخلعات وخرجو عينيها خافت على راسها وعلى بنتها ومشات هربات حارة يامنة بعدو من سوق العبيد رجعو للعربات وبدات دور وتسول على غرناطة حتى وراوها العربة اللي غادية ليها ومشات كتجري سبقات بنتها دفعاتها ركبات وطلعات حداها جلسات جنب حتى كانت غتقلب الكروسة هي وبنتها بالغلض ونوضها مولاها جلسها من الجهة لاخرى كينكر ومد ليها يدو تخلصو
بلعات ريقها كتمتم وتقلب على الكموسة فشونها حتى جبداتها ويامنة قدامها مكمشة فلاحفها وخايفة من الغاشي.
جبدات شي ريالات مداتهم ليه وقال ليها زيدي
بدات تبكي عليه قالت ليه واسيدي ..راه فلوس البقرة والعجل هادشي اللي قضاو ليا ..بحرا وصلوني لهنا ..كن تشووووف الشريف شداز عليا وشحال من قافلة مشيت معاها وعاد السفينة هي اللخرة صفاتها ليا ..صافي هادشي اللي بقا لي غير قبل عليا
شدهم وفهم من كلامها غير شوية واخا تعابير وجهها وبكاها الصفر كان كافي باش يفهم شكاها ..
انطلقت العربة تخت الشمس هازة الناس وضرباتهم شلا طرقان حتى قربو لغرناطة فين يرتاحو ويكملو الصبح مسيرتهم ..رااحت البغال شوية من الطريق وتنصص الليل والناس فالكروسة جالسين كيتسناو الحال يصبح .. وقبل مايصبح الحال داز عليهم طوفان من الرجال فوق الخيل كيجري مافهمو راسهم من رجليهم حتى لقاو راسهم وسط السهام والسيفو وبدا مول العربة كيغوت ويقول
هربو ..هربو العدو دخل علينا هربو هربو
نقزات يامنة بالخلعة كتغوت وسط النزال ويديها على راسها وسمحو فحوايجهم وكل واحد فين صد بالخلعة وتلفات مسعودة على بنتها وماجا فين يصبح الحال حتى كلشي تشير وشي ماعارف الطريق اللي يشد
شرقات الشمس الحارة على مسعودة اللي جالسة وناشرة رجليها فالارض وكنبرخ وتبكي وتعيط
وااااا يامنة …واااا يامنة فين صديييتي… واهيا العالي شوف من حالي … وا رجال البلاد … واربي ربي .. واربي ربي ربي .. وا ربي شرف من حالي لا فلوس بقاو عندي لا طريق نشد لا بنتي فخضني.. يا ربي وقف معايا ..يا ربي صبرني ياربي
اما يامنة فشرقات عليها الشمس تحت واحد الكدية بين الشجر على طريق واحد الواد صغير كيرشرش وهي ناعسة كتشخر حتى حركاتها واحد العصا وحلات عينيها مخلوعة قفزات وقالت
مييي وا مي
رد عليها راجل كبير بلحيتو وراه جوج بغال وعود محملين ومجملين ومعاه واحد الخويدم عبد وقال ليها كيشوف فحالتها ويحقق فيها
شكاديري هنا ؟
بوحدك فهاد الغابة ؟
ناضت حالتها حالة وكربزة بحال الكرداسة والحزام دالقفطان نازل والحية مربوط على كتفها والغابر والقش لاسق فيها وقالت كتكتم وتبرك على الحروف بحال عادتها
عاااا عاااا امن عليا ونقوليك
عقد حجبانو وقال
عليك الامان
بلعات ريقها وقالت كتبكي وتنخنخ
ااانا تلفت على مي … تلفات عليا مماااي واااقيلا صفاوها ليها .. وو و انا هربت من القطاطعية اللي هجمو علينا
بقا كيحقق فيها وقال
مك ماصفاها ليها حتى واحد .. رجعات للسوق كتقلب عليك زيدي نوصلك عند مك
حلات عينيها وقالت
بصاااح ..رجعات كتقلب عليا ..شتي اناا راه انا هيا موموووو عينيها .. قيصها في عينيها وماتقيصعاش فياا اااه اه
شاف فالعبد وشار ليه براسو وقاليه جيبها
شدها العبد من يدها وجرها قاليها زيدي نوريك مك
شافت يمين يسار كتقلب على شطايطها وهزات بلغتها كتجري تبعاتهم غادية وراهم وهما ضاربين الطريق حتى بغات طيح بالعيا ومابقارش رجليها هازينها وقالت سخفانة
تركنات وسلسلو ليها الرجلين مع بعضياتهم ونوضوها مع الحريم اللي لاحو عليهم ملاحفهم تسترو وجرهم العبد بحال البهايمة فوق واحد الكروسة داهم لدار النخاس اللي وسط الديور فالمدينة صغيرة فيها جوج بيوت وبهو كبير معري من السق و ومطبخ كلشي محطوط فالارض .
دخلات يامنة مخلوعة كتشوف فجنابها وسدو عليهم باب الدار ..حلو ليها السلاسل هي ثلاتة من الحريم معاها وتركنات فواحد القنت مكمشة مخلوعة .. جلس النخاس يرتاح وغوت عليها قاليها
جر العبد يامنة داها للمطبخ حطاها الطاس فيه الماء ودفعها قاليها تحركي يالاه
مشات كتشطح بيه ساكتة حطاتو فالارض غطس فيه النخاس رجليه في حين كانت وحدة منهم جالسة حداها يلمس ويبوس فيها والاخريات جالسين قاطعين الحس حتى رتاح النخاس وجرا عليهم كاملين من قدامو بحال الكلاب وجلس كيسكر حتى شبع وضار عند الجارية كمل السهرة وخلا لخرين كل وحدة فين مكمشة ناعسة .
تنصص الليل وكرش يامنة بدات تعيط.. صوتها ميغيط والجوع كيدور وماقدراتش تصبر ..ناضت كتختل للكشينة وتقلب ولقات طبق فيه الخبز وجبانية داللبن وطبسيل دالحبن وجلسات فالارض هادي تنفع هادي الضر فدات جوع النهار والطريق كامل حتى تقلات مزيان وهزات الماعن ركناتهم وناضت كتمسح يديها وفمها حتى وصلات عند الجاريات بجوج اللي ناعسين حداها ودهنات ليهم فمهم باللبن وحطات فتات الخبز حداهم وقالت بصوت خافت
هاكا كانت دير ليا ديك السحيحيرة دشادية بنت الحرام
شرقات الشمس فدار النخاس وشرق معاها السوط والصدع ووقف قدام البنات كيغوت بحال التور وهما كيترعدو مخلوعات
كليتو وشربتو وسرقتوني وانا فداااااري .. اليوم نسلخ ليكم الجلدة
بلعات يامنة ريقها وكحزات بعدات منهم وقالت كتفتف
ااانا انا الشريف ماكليتو مادكتو هما اللي كلاو ..ها فمهم يعطيهم الخبار
جرها العبد من شعرها قاليها سيري كنسي البيت تحركي
هربات وهزات الشطابة وبقا النخاس هاز السوط يالاه كان غيشحطهم وبالهلعة هزات وحدة فيهم موس كان مرمي حدا الطبلة فالارض وحطاتو على حنكها وقالت ليه كتنهج
انا غادي نهنيك مني
لاح السوط وبدا يهدن الوضع باش مضربش وجهها وتمشي ليه فمرة وهوا شاريها بالثمن ومايقبل عليها حتى واحد ..لاكن رجاه مانفع فوالو وشرطات وجهها خلات الدم كيشرشر وتحررات من زي الجارية النجسة للابد وعطات فرصة للبنات اللي معاها حتى هما شرطو وجههم وطاح النخاس على ركابيه كيغوت ويردد فالسما
تشوط النخاس وخدا درس لا ينسى وماكان بيديه مايدير غير يغرز ليهم ..غرز ليهم العبد حناكهم والنخاس شاد فراسو وكيردد
شكون غيقبل على مشرطين الحنوك.. ماينفعو عبيد ماينفعو
خدم
بقا ينوح حتى عيا فاللخر خرجهم وحشمان يعرضهم للبيع فالسوق .. بقا غادي بيهم ا ايام وحتى وحدة ماتبعات حتى لواحد العشية وهوا جالس داير يدو على خدو فالسوق وهما جالسين حداه ..وقف عليه عبد من ا لعبيد لكبار بلباس نقي وغالي وقاليه
..عندك شي خدم مزيان اليهودي
ووقف اليهودي كيشكر ليه فيهم وقال
هانتا اسيدي عابد.. تشرط كيف بغيتي ..واش بغيتيهم للقصر؟
قاليه النخاس: انا شرطت ليهم الحنوك باش يضلو عبيد وخدم
رد عابد وقال: لاللة مولاتي كتبغي الزين ماشي ها المصايب اللي جبتي .. ولاكن ماعندي وقت .. جمع عليها هادشي ..شحال كطلب فيهم ؟
ضحك النخاس وقال
عشرين قروش
لاح عابد الكموسة فيدو ودفع ليه النخاس يامنة حتى هي معاهم وقال
هادي حتى هي هدية مني ليك بالصحة والراحة ..غير مللي فكتيني منهم هادا هوا الربح ..المهم بعدا هاد عشرين قروش تجيب ليا واحد الجوجات نعاود نحيي بيهم التجارة من جديد
جرو العبيد البنات مور عابد ودواهم لعربة وحدة كانو سبق وجمعو فيها خدم وعبيد مختارين للقصر وزادو شي على شي وانطلقت العربة فطريق لقصر
وصلو العبيد والخدم ودخلوهم للقصر حاللين فواهم ..هادي مدينة ماشي قصر !! مدينة باصوارها وابوابها وسقفها العالي المنقوش!! شيء ولا فالاحلام ..خلا البنات مسكينات مشرطات الحنوك فرحانات .. شكون قال شريطة تكون سببهم فدخول القصر ! وتحررهم من داك الذل والنخاس اللي شاريهم .. غير العيشة فقصر ماشي بحال العيشة فالقبر وتمارة من لفوق . مهما كان الاحال وبقاو عبيد وخدم .. غادي يعيشو بين الاسوار العالية والدار الكبيرة الغالية .
لاللة ..جيت من السوق جايب معايا عبيد وخدم ..القصر كبير ماشي بحال قلعتنا قتاروادانت ..ولازمو شلا خدم
تلفتات وقالت رافعة راسها
خود من الخدم والعبيد مايكفيك .. وعلم البنات اللي لقينا هنا فالقصر ما ينفعهم ومايفيدهم .. ووجد ليا صف من الحريم الجديد.. يكون صافي نقرة .. ماشافوه عينين ما لمسوه يدين .. وفتح ليا بيبان العنبر الملكي .. وعمرو ليا بالشهد والزين ديال الدنيا والدين .. لولدي يور اللي شاد طريقو لصدر مو لحنين .
حنا العبد راسو وقال في حيرة
لاللة مولاتي ..صعيب نلقاو حرات غرات و فالزين فسرات ومسرارات ..والاهم صغيرات وبكرات ..خصوصا فهاد البلاد اللي حتلينا و كانت من قبل غربية ..وبنات الغرب الاللة مابقاوش فيهم الفحلات ..غير العهر و العرا وباقي لدابا فالسوق كيتسارا ..
شد ذو الفقار المرسول وطار بيه بحال البرق لقصر الاصيل. اللي كان فهاد الاثناء يالاه خرج رافع راسو من جناحه . تعرض ليه رسول القصر ديالهم وهبط مد ليه المرسول وقال
مولاي.. هادا مرسول من الملكة روح الندى ..
شد المرسول فيدو وقال
مسينا على الله
ارا نشوفو شنو واقع تاني
دخل للقصر حل المرسول قراه لقا فيه ..
مولاي جلالة الملك محمد المرتضي بالله .. اود ان اكون او من يهنئكم بفوزكم العضيم وكسبك الحرب مع ملك القوط.. اتمنى لكم دوام الصحة والعافية والعمر المديد..الملك روح الندى
كمش الورقة فيدو حتى مابقاتش كتبان وشعلا النيران فعينيه وخرجو دخاخنها من نيفو وهوا واقف بغيض كيردد
ولا عاليك الجدرة .. ولله لاخليتك ملكة فوق ديك الارض .. باش نوريك الاستفزاز كيفاش داير .
خرج يشوف شغالو كما عادتو حتى اذن الفجر ووصل المرسول من الحرب للبلاد هاز علام النصر ووراه جوج فرسان مهبرون البلاد بخبر النصر ومنين ما دازو كيهتفو الناس بفرحة النصر حتى وصلو للقصر وتفتحات ليهم ابوابها الكبيرة ودخلو بالخير كيجريو والزغارت فالقصر والهتف والفرحة مالية المكان وصوت المدافع كتضرب من فوق اصوار المدينة معلنين خبر النصر .. خرج الاصيل من جناحو لواحة القصر لقا المرسول والرفقة من الجيش واقفين وهازين العلامات .. حناو ركعو وتكلم المرسول وقال
..انتصرنا امولاي … والجيش كيوجد رحالو باش يرجع للديار
هز الاصيل راسو وغزز على سنانو وسد عينيه تفكر المباركة دروح ااندى حتى كان غيطرطق ورجع رخا فيه النفس وقال
فوقاش انتهت الحرب بالضبط
رد المرسول وقال
انتهت مع الفجر دليلة امس امولاي .. من بعدها مباشرة انطالقنا بالخبر
بلعو ريقو ورجع دخل للقصر رافع راسو وداز حدى الامير سلطان اللي كان فرحان وهبط راسو بغا يهضر معاه لاكن ماعطاهش الاصيل وقت وكذلك مع لاللة شهرزاد اللي صادفاتو فالطريق غادي وابتسمت فرحانة كتردد ..مبروك علينا .. هادا خبار زوين امولاي الله يخليك لينا
خلاها كتهضر ومشا لجناحو سد الابواب عليه وطق بالغيض والغضب وضرب بيديه على طاولة خشبية كيزفر وقال
اللفعة .. يدها تمدات اكثر من القياس وبغات تلويها عليا ..كيفاش عرفات الخبار فنهارها وباركات ليا مع العصر ..منين سلاطيتي عليا منين .
هز راسو بغضب وعيط على حارسه بصوت مرتفع دخل كيجري عندو .. امره يجيب ليه المرسول واللي معاه للديوان وخرج مشا لقاهم كايتسناوه تما هما ومجموعة من رجال القصر منهم المستشرين و الوزراء وحتى الفقهاء الكبار والادبيين باش يباركو ليه النصر .
دخل والكل مبسم ليه فوجهه لاكن قمعها فيهم ورفع صوتو بغضب وقال
الحرب سالات مع الغجر دالبارح والخبار وصلات ثاني يوم ؟؟ فين كنتو عاد جايبين ليا الخبار ؟؟
تعجب الجميع وبقا شي كيشوف فشي مافهمو والو من كلام الملك ..وحتى المرسول مافهم غضب السلطان عليه وتكلم وقال
والله شاهد علينا امولاي ..انطلقتا مباشرة من بعد ما تعلق علامنا على قلعة قربيز ..
تللفت عطاهم بالضهر كينفخ باغي يطق وقال
هاد الخبار كان خاصها توصل لبارح قبل المغرب ماشي ليوم مع الفجر
رد المرسول وقال
مسافة الطريق امولاي ومارتاحينا ما وقفنا ..الفرحة بالنصر خلاتنا نجريو كاع هاد المسافة بلا راحة
تلفت كيشد فلحيتو ويجرها وقال تحت سنانو كيتفخ
خر ج عليا من هنا
ناض المرسول خرج بالزربة وكلس الملك كينهج ويشوف قدامو ..تكلم واحد من الوزراء وقال حاذر راسه
مولاي.. المهم جابو النصر .. هادا هوا الاهم امولاي
رد بغضب وقال
انا اللي عارف الاهم والمهم هناااا ..يالاه كل واحد لشغلو
تحلو ابواب العنبر فقصر روح الندى .. وهاد العنبر المهم فهاد القصر هوا عبارة عن صالة مقفلة بها ثلانة صفوف من الأسِرة على طولها مسافة بانتضام وستائر كتفصل الصفوف عن بعضها .. تقدمات لاللة روح الندى تشوف لمساتهم الاخيرة للعنبر والافرشة الجديدة وزرابيها ونضافتها وبدات تلمس بيدها ملمس الاتواب بابتسامة ..سحراتها زينة الريش الكبيرالزهري اللي حطو بين كل سرير وسرير واللي توالم مع الافرشة البيضاء والستائر الناعمة البيضاء كانها غرفة فوق السحاب.. روعة المكان ورائحته كتفتح النفس .. من بين اجمل الاماكن اللي فالقصر كاين هاد العنبر المفرش بالزرابي الزهرية واللي رجع حلم كل وحدة من حريم القصر .. وقفات روح الندى وسط منو ورفعات راسها لفوق وقالت استنشق عطر المكان وهي كتتملم مع كبار الخدم والعبيد وأولهم عابد وقالت
عشقت هاد المكان ..وكنا خليتوه يبان بحال شي جنة بغيت حتى البنات يكون حور العين ..باش تكمل اللوحة ..
دابا الاهم من هادشي ..غتناو عليا جناح الحريم وكاع العادات اللي كانت عندنا فالقصر فتاروادانت .. دابا فصل جديد ..وحياة جديدة ومابقيناش محصورين بين القلعة والقبايل ..دابا تفتحنا عل العالم وغادي نخليو سيرتنا على كل لسان وكلشي غيدكرنا من هنا لقدام ..وكما خلينا نضام خاص للقصر وبروتوكول على قولة هاد ليهود ..حتى هاد العنبر غادي نحطو ليه نضام وبروتوكول.. ونتا يا عابد من هنا لفوق غادي تتكلف بالعمبر ..
تلفتات شافت فخادمة من الخدم دالقصر اللي اصولها اندلوسية ولاحضات فيها طريقتها فالكلام التاويل وتصرفاتها الادب والهدوء ولقاتها مناسبة جدا لهاد الجناح الحساس الرهيف وقالت
..نتي يا بصيرة ..غتكوني ضل الحريم وجناحهم ..غتكوني معلمتهم وامهم فيما يخص المسائل الحساسة والشخصية كما كتعرفي.. ختاري من الخدم دابا اللي يسعادك فهاد العمل ..وبيتك غيكون جنب العنمبر باش يكون تحت عينيك . يالاه ختاري من الخدم اللي كفيك باش نكملو نضام الحرم
تلفتات بصيرة كتشوف وتقلب وبدات تختار من بين الخدم حتى وصلات لسبة ديال الخدامات اللي يكفيوها لهاد العمبر العضيم ..
تعزلو بوحدهم ورفعات لاللة روح الندى يدها وهي كتسارا وسط الستائر البيضاء الجميلة وكتلمس الريش بيدها واللي عجبها اكثر انه خالي من الالوان ..فقد الزهري والابيض والزرابي السوداء الداكنة اللون ..فعلا لوحة فنية واللي تكلف بزينة العمبر جدا موهوب .
قالت لاللة روح الندى : اولا ..نتوما المكلفات بالعمبر ..لباسكم موحد ..ونبغي تسريحة شعر موحدة .. وتفيقو البنات بطريقة وحدة ونضام واحد بدون حتى حركة زايدة ..منبغيش خطوة او خلفة متابتاش.
شافت فعابد وقال
عاابد جا دورك .. كما جبتي مزيين اللي رتب الغرفة وهندهصها غتجيب اللي يعلم الخادمات خطوات العمل ..والرقة واللباقة ..لانهم اول من خصهم يتعلمو حيت هما اللي غيربيو حريم الامير .وكما قلت ليك ..نبغي طريقة وحدة تفيقو بيها البنات من النعاس ..ونضام تام ونتوما داخلين .. وشي حركة خارجة على نضام العمل مولاتها غاتتعاقب عليها .مفاهمين
حنا الجميع راسو وقال :مفاهمين الاللة
الخطوة الثانية ..البنات ديال العمبر ..مايفوتوش تمنطاش لسنة .. ومننوع تكون البنت ملموسة او مزوجة او على علاقة ..البنت البكر هي اللي دخل لهنا ..وقبل ما تفوت على العمبر .. تمر من عند الحكيم ولا الحكيمة ويدار ليها فحص شامل ..وتكون صافية بلارة ومافيهاش نقطة سوداء . الخطوة الثالتة .. وخدمتك نتي ابصيرة.. اولا ..النضام فالنوم ..فالاكل.. فالحياة اليومية .. تعليم اصول الاداب .. والغزل .. والمشي والكلام .. وطبعا الرقص والغناء باش معروفين حنا ..ويلى نسيت شي حاجة غادي نعلمكم بيها من بعد ..واللي بغا يعرف شي حاجة يخبرني بيها .
قاطعاتها روح الندى وقالت :مابغيتش بنات من السوق للامير ..انا بغيت بنات حرات غرات يدخلو لحريم ماشي دازو من يدين شحال من نخاس
هادشي خليه من بعد حيت مزال غنرسلو للحريم ديالو اللي فتاروادانت يجيو .. وعزلو من بنات القصر اللي مؤهلات وبهاد المواصفات .. ااه نسيت . ختارو ليه وحدة من الخواتات ..شادية وعيشة ..ومننوع على الخواتات يدخلو الحريم بجوج . يالاه انطلقو
بدات الترتيبات فالقصر كما امرات الملكة يطبق .. وبداو خادمات العمبر بالتدريبات و التعلم هما اللولين وفنفس الوقت بداو الخدمة بانتضام تام وستفو جميع حريم القصر قدام عينيهم وحطو جمال الصورة هي الاولى عاد يدوزو للبقية ..تستفو كاع البنات فصالة الخصة اللي كيلعبو فيها وكل وحدة كتنمى تكون من المختارات العمبر واخا مسدود عليهم حاليا ومامسموحش ليهم يدخلو ليه او يشوفوه .
نزلات شادية حينها وعويشة لاسقة عليها ووقفو حتى هما مافهمو والو ودخلو فالصف كيوشوشو
عويشة : علاش جابونا لهنا ؟
شادية ماعرفتش علاش؟ ؟
تلفتات شادية هضرات مع وحدة من البنات حداه وشرحات ليها البنت المغزى بسعادة .بلعات شادية ريقها لاكن عويشة عجبها الحال و فرحات ..لاكن صدماتها البنت الاخرى وقالت
قالك منوع على الخواتات يدخلو الحريم ..وقالك غيعزلو البنات اللي يدخلو العمبر واللي ماتعزلوش غيخرجو من للقصر
تصدمات شادية وعويشة وشافو بعضياتهم وحسو بساعة الفراق وصلات وغتبقا يا هي يا عويشة فالقصر..ولاكن المشكل لكبير هوا الى هزو عويشة ودخلوها للحريم. ..وشادية سبق ليها وجلسات مع الامير ..واخا ماشي شي جلسة لاكن سبق ليه وعرض يكون معاها وباح ليها بالحب وهي ماقبلاتش وتراجعات ودار بيناتهم حديث طويل اللي بدات تسترجع
داز الحوار الاخير قدام عيون شادية وسدات عينيها كتنهج حتى فيقها عابد وقال
شادية..دوزي لهاد الجيه ..
حلات عينيها لقات راسها مختارة العنمبر وتلفتات شافت فعويشة اللي كان غيسكت ليها القلب وقالت كترعد
غتخرجوني..وانا فين غنمشي ؟؟؟
قاليها عابد غتخرجي طردي رزقك ..ممنوع على الخواتات يدخلو العمبر
جرات وحدة من الخادمات شادية لقدام وهي كتشوف فعويشة كتبكي وماقدراتش تفرط فختها وداست على قلبها بدون تفكير وقالت
لا لا ..انا .. انا مانليقش بمقام مولاي .. خليو عويشة تمشي بلاصتي..حتى هي عندها حقها من الزين
ذرفات دمعتها وعابد كيشوف فيها وشار بعينو لبصيرة جراتها قنتاتها وشافت فيها قائلة
شنو السبب؟ عطيني سبب مقنع ؟
بقات شادية ساكتة والدموع كتجري من عينيها ونالقات حتى سبب تعطيه وماعرفات باش تجاوب ..قالت ليها بصيرة ..واش عاشرتي شي عبد من العبيد؟
ربقات شادية ساكتة وقالت مع راسها الى كان هاد السبب غيخلي عويشة تبقا فاللهم التهمة قد الخلا ولا تخرج ختها تباع وتشرا برا . انا هي عارفة راسها مضمونة والملكة متقدرش تفرط فيها وكتوقف عليها بلا عنمبر بلا حريم.
هزات بصيرة راسها بغيض وزيرات على كتفها بدفارها وقالت
بلعات روخ الندى ريقها ونسات روحها ملكة ورجمعات راسها بالزربة خافت يعيقو بماضيها اللي شحال من مرة كيطيح فلسانها وكتقرب تفضح راسها براسها بلا متنتابه
بصيرة : ختارينا ختها عويشة .. وهي غنجريو عليها من القصر
دورات روح الندى عينيها من جديد كتقلب على سبب مقنع باش مايبانش انها كتمارس طقوس وخصها تبقا مثالية قدام الجميع فالقصر وقالت
خليها .. منعو عليها الماكلة يوماين حتى تتربى على فعلتها ..ولاكن ماتجريوش عليها من القصر .. انا اللي جبتها من القلعة وماتعطينيش خاطري نخرجها فبلاد مكتعرف فيها حتى واحد
جرات بصيرة شادية خرجاتها كتشهق وداتها لاحتها فالبيت اللي كتبات فيه هي وختها وسدات عليها تما وخلاتها كتبكي فواحد الركنة بوحدها
تحبسات شادية لا ماكلة لاشراب ..اما بصيرة رجعات للعزلة وعويشة غطير بالفرحة وختارت الوجوه الزينة والباقي داهم عابد وخلا ليها الشهدة على ختها ..ستفاتهم وحدة وحدة فواحد البهو والخادمات فجنابها بلباس موحد وتسريحة وحدة ..هزات راسها وقالت
حيدو ليهم حوايجهم
شدات عويشة حوايجها عندها كتمتم ووحدة من الخدم كتفسخ ليها الخيوط وشافت كلشي تعرا كما تخلقو وسكتات سمحات ليهم عراوها وبداو كيشوفو المفاتن واش صافية ونضيفة ..واللي لقاو فيها شي عيب او او حروق او طبعك او ناقصك فمافتنها كيبعدوها حتى نقاوهم وانتهت المرحلة الاولى ودازو للمرحلة الثانية .. كان عدد الحريم كيفوق الربعين لاكن فاش عرضوهم على الحكيمة صبح عددهم عشرين بنت بكر فقط ، وبدا الفصل الاخير من التجهيز فاليوم الثالت اللي كانت فيه شادية سخفانة فجناحها وعاد عفا عليها الله وفتحو عليها الباب ولنتهت عقوبها وحطو ليها تاكل واخا ماقادراش تهد يدها ..كانو اثنائها فهاد الوقت البنات فالحمام بشكل منضم ..غسلو وتعطرو ولبسو لباس واحد موحد خفيف بحال النوم فالابيض ودازو لتنشيف الشعر وقص الاطراف وتقليم الادافر ومراقبة النضافة حتى صبحو جاهزين مية فالمية ويليقو بمقام الامير عاد خداوهم فصفوف منتضمة فصمت و الخادمات فالجوانب بانتضام حتى لباب العمبر الكبير ..وهنا تحلو ابواب الجنة ليهم فهاد القصر وضرباتهم ريحة العنبر ولعطور الناعمة ودخلو هازين عيونهم كيشوفو فروعة المكان ..عياو يتخيلو لاكن بحال اللي شافوه عمرو طاح ليهم فراسهم .. السقف العالي المنقوش والستائر نازلة منو والنعومة حسو بيها قبل مايلمسو الاسرة والفراش.
وقفو الخادمات بانتضام قادو كل وحدة لمكانها الخاص بيها وخلاو بين كل جوج سرير فارغ نضرا لكثرة الاسرة وكبر العمبر.. وقفات بصيرة هازة راسها وكتشوف فيهم وقالت بصرامة
وقفو بانتضام يالاه
وقفو كل وحدة حدا سريرها خافيين الضحكة والسعادة وحادرين الراس ، دورات بصيرة عينيها شافت فيهم وقالت
العمبر عندو خاص ..واللي خالفات النضام غتخرج وعمرها تحلم ترجع ليه .. الحوايج اللي كتشوفو قدامكم مطويين هادا هوا الزي ديالكم الصباحي اللي غتلبسو باش تمشيو لواحة الادب ..غتتعلمو الرقة واللباقة والكلام بالطريقة اللي تليق بالقصر . وحدا الفراش فوق الارض غتلقاو النعال اللي تلبسو وسط العمبر ..وممنوع على شي وحدة تخرج بداك النعال خارج العمبر .. غتنعسو فوقت واحد ..وغير تسمعو بحال هاد الصوت
خط الحياة على يدك كيبين الهدنة هاد الساعة ..والسكينة .. ولاكن من بعد هاد الهدنة جايا عاصفة .. وعاصفة غتقلب كلشي ..
روح الندى: هادالعاصفة فيها شي قتيلة
ودت روح الندى: فيها ارواح كثيرة .. ولاكن ماشي قريبة .. ووالقدر غيجمعك بملك الملوك ..بيناتكم سماء مغيمة ومضببة ..ولاكن هنا كتبانو ليا جالسين على طبلة وحدة ..ويدك فيدو ..وقريب غادي يعلى شانك ومقامك وعرشك غياهد مكان بين عروش همة وشان.
عقدات روح الندى حجبانها وقالت : كيفاش مافهمتش؟ اش لاقاني بكحل السيفة حتى ندير يدي فيدو الله يعطيه موصيبة
ردت روح الندى وقالت : غادي ديري يدك فيدو الاللة ..ولاكن من بعد ماتعصق السما دم .
سدات روح الندى عينيها ماقدراتش تزيد تسمع وقالت
شوفي زهري اش كيقول ؟
روح الندى : مزال خط الحياة عندو مايقول.. ومزال غتجينا هدية للقصر ..هدية كبيرة وغالية ..وغتكون ليها فالقصر البلاصة المخيرة .. اما سيدي يور فحط رجليه على تراب رجليك الاللة ..وفطريقة للقصر يقدر يوصل ليوم ولا غدا
تنهدات روح الندى وقالت :الحمد لله على سلامتو .. شوفي ليا زهري شنو كيقول
ردت روح الندى وقالت :زهرك ديما معاك ..ولاكن ممكن الاقدار تبدل كلشي فرمشة عين .. وخط القلب…
جمعات روح الندى يدها وقالت
صافي شكرا ..انا عارفة قلبي اش كيقول ماتحتاجي تقراي ليا الكف عليه ..صافي سيري شوفي ليك ماتقضي.. وخلي موصيبتك سر مانبغي يعرفو حتى واحد فهمتي
تحلو بيبان العمبر ..وخلو الخادمات فصف واحد والاجراس فيديهم كيرنو وهما كيدورو على صفوف الحريم .. فاقو البنات موردات من اجمل نعسة نعسوها فحياتهم .. وقفو فالبلاصة بلا تعطال وكما علماتهم بصيرة دارو ..طوار فراشهم فحركة وحدة وبنفس الطريقة ووقفو مصافين للصف اللي قدامهم كيعاونوهم فلباسهم وكذلك عاونوهم الصف فتبدالهم ..ولبسو النعال فخطوة وحدة واتاجهو للميدة الطويلة وجلو مقابلين مع بعضياتهم يفطرو والفرحة غتخرج من عينيهم .. ماصدقو دخلو للعمبر وعندهم الخدم اللي يخدمهم ..كل وحدة دايرة عقلها ومرزنة وختيفة على بلاصتها لا تمشي ليها وتهرج لسوق الدلالة عريانة . تحطو ليهم اشهى الطعام واصنافه للفطور .. وغير الماكلة الصحية ..بداو يفطرو والخادمات كيدورو بيهم ويراقبهم ويعلمهم كفاش يهزو الدغمة ويشدو الكاس.. وكفاش يجلسو بضهر مستقيم و يشدو الموس… وممنوع الهضرة وقت الماكلة . كلاو حتى شبعو وناضو فصف واحد بقفاطن مخزانية خفيفة بلا خزام ومشاو شدو الصف حدا الباب فين كانت بصيرة واقفة كتسناهم ..خرجاتهم للحمام وعلماتهم كفاش يغسلو الفم من الماكلة وينضفو الحالة ..من بعد فرقات عليهم وحدة من لخدم عرق السوس اللي هازة فطبسيلها ..ووراتهم بصيرة كيفاش يشدون ففمهم ويغززوه وفنفس الوقن يحك ليهم السنان طول فترة التعلم ديالهم فواحة الادب والاخلاق اللي دخلو ليها وجلسو فصف واحد قدام مرى غير من وقفتها وراسها العالي وعينيهافالازض باينة عليها عارفة بزاف .. بدات فتعليهم طريقة المشي والكلام والجلاس ..والى صادفو الامير كيفاش يعطيوه التحية .. وكيفاش يتصرفو الى شي وحدة فيهم مشات للخلوة .
فهاد الاثناء اللي كان القصر مشغول بتجهيزات الاستقبال وصل الامير والوفد ديالو على خيول رفيعة والعلامات سابقاهم .. دخلو المدينة والناس مجمعين على جناب الاصوار باغيين يشوفو الامير والورد كيتلاح عليه منين ما داز حتى وصل للقصر ولقا استقبال حافل فأبوابه الكثيرة ..مدافع كطلق نيران قوية واصوات النفور والاجراس الضخمة كتعلم وصول الامير ..
وقفات اثنائها روح الندى وشادية فدقة وحدة غير كل وحدة وقفات فبيتها .. شادية طلات من الشرفة واخا بعيدة عليها الساحة وروخ الندى هزات راسها فأبهى حلتها وخرجات تستقبل ولدها بنفسها ..انا بصيرة فجمعات البنات كاملين بالزربة لبساتهم التكاشط وزيناتهم وجهزاتهم قدام البابعلى شكل صفوف مقابلة ..نزلات لاللة روح الندى وسط البنات فواجهة الباب والتاج على راسها والحرس واقفين بانتضام وفمقدمتهم القائد ذو الفقار . دخل الوفد هوا اللول كيلقي التحية على الملكة ويتجنب للجنب ..ومن بعدو دخلات عبدية فرحانة بشوفة الملكة اللي حتى هي بدورها فتحات ليها يديها وعنقاتها ووقفات حداها ..واخيرا دخل الامير مع بابالقصر والكل متلهف يشوفو ومنهم شادية اللي واقفة بعيد كطل بنص عين بلا مايشوفها حتى واحد ..كان شاب شجاج من اقوى الشبان .. بهبة وعضمة وطول وقد دخل مع الباب فلباس فارس اسود كما تمنات تشوفو روح الندى ..شعر قصير ولحية كثيفة وعلى راسو مدور وشاح صحراوي كحل ولايح طرفه على الجنب ..نضرة صارمة وحادة لاكن فنفس الوقت مليئة بالشوق والحضن الدافئ دالام . ابتسم بشفاهه المخفية وسط اللحية وتقدم فسروال من الجلد بحزام من الخصر عريض وقميص كحل بالاصداف حتى للعنق جامع بينه وبين السروال حزام عريض من الجلد مزير .. كانو ليه درعان قوية صليبة وشاد معصم يديه بجوج بأساور حديدية مزيرة بخال ديال شي مارد تقيلة من بداية المعصم حتى لثنية الاكواع وعلى يديه ملفوف احزمة سوداء من بداية الكف حتى لضهر اليد. لابس حدا من الجلد طلع حتى للركبة وكان لباسه عادي بدون نقش او زواق من غير الاسوار الحديدية الغليضة و التقيلة اللي عليها نقش صحراوي محفور واتار االخدوش والضربات ديال السيف اللي تعرض ليهم بيدو . كان شاب شهم وذو بنية قوية اكثر من الفرسان اللي معاه ..وتربات هاد البنية والادرع نتيجة عشقه للصيد اللي كيضل فيه نهار كامل كيجري ويعرق وينشف ..يتسلق الجبال ويقطع الانهار ويتخطا الاشجار .. لاكن كان كيتمتع بحدة البصر بحال الصقر .. وقوة السمع بحال الديب ..وقوة الجسد بخال السبع ..وحاسة شم قوية بحال سمك القرش . وكان ليه وجه جميل وشديد الوسامة ..حتى البنات اللي كانو حاضرين فاستقباله بقاو معلقين فيه وكيتسناوه يتلفت ليهم ..
تقدم بابستسام حرك راسو للبنات كتحية لاكن الحريم كانت ليه اوامر اخرى في استقباله وبدات تتقدم كل وخدة منهم خطوة ويبوسو ليه يدو بكل سعادة حتى وصل عند عويشة وتقدمات فرحانة شدات ليه يدو باسها ..وقف لولهة بقا كيحدق فيها وهزات عينيها فيه ابتسمت ورجعات حدراتهم شادية كتشوف فداك المنضر الحاد بحال الخنجر وعينيها كيبكيو بصمت .. ماقدراتش تتحمل ومشات كتجري رجعات لجناحها خلاتهم محتافلين وهوا فحضن الملكة اللي كانت عينها غتنشف بحر الاشتياق
ذو التيجان الجزء الثاني
محتوى القصة
دخل الاصيل لغرفة مغلقة خارج منها صوت حكيم بغضب وبكاء عبدية.. حنا الكل للاصيل اللي وقف قدام عبدية وهي جالسة فالارض مهبطة راسها ولابسة قفطان مزرق بالورد وبلغة فرجلها وبلغة مرمية حداها وسروال قنديريزي مجموع بلاستيك تحت الركبة .. مسكينة مرعودة وحالتها تشفي العدا وغتموت غير بالخلعة وهي على قد الحال..حيدات يديها على وجهها وتنهصص وهزات راسها وعينيها بتتاقل شافت فيه من البوت وهي طالعة للحزام اللي داير على خصرو حتى لعقاد عنقو وحلات عينيها فعينيه الشرانية وهبطات راسها بسرعة خبات وجهها مدعورة وكترعد من الخوف
تكلم الاصيل وقال كيشوف فيها ..مزال ماهضرات ؟
رد حكيم بالنفي وقال : مابغاتش تهضر امولاي .
حرك راسو بالايجاب وقال بغضب
وفية للالة روح الويل ..ولاكن غنشوفو هاد الوفاء ديالك شحال غيبقا صامد ..
حرك راسو لحكيم وبسرعة جبدو خنشة وخرجو منها الرجال لفعة كحلة زحلة كتلحلح بلسنانها وراسها كيشطح ..شدوها وقربو من عبدية اللي ماقدراتش تشوف فيها وكتغوت لربي اللي خلقها حتى بالت فسروالها وهبطات البولة قدام عينيه كيشوفو فيها سايحة فوق الارض المسطحك بالتراب.. شاف حكيم فالملك لقاه كيشوف حتى هوا ماشافوه عينيهم وكيتسنا الجواب
شدوها العبيد من يديها ورجليها وحطو ليها الحية بين عينيها حتى غابت وسلمات امرها ..خواو عليها سطل دالما فيقوها وغير حلات عينيها لقات الاصيل قدامها بحال قباط الارواح وهي تهز راسها كتتوسل وقالت
..رحمني امولاي ..رحمني وانا اللي كنعرفو نقولو ليك …منخبي عليك حتى حاجة غير رحمني وماتخليهم يأديوني
حرك راسو بالايجاب وقال : يالاه دوي..ولدي اللي هربات بيه روح الندى فكرشها ..فييين هوا
بلعات ريقها كتشوف فيه بهوف وقالت : حي امولاي حي وكاين موجود
قرب بعينيه عندها وقال
فين كاين ؟
شافت فيهم كترجف وفالحية اللي كتتخرك وسط الخنشة وقالت ..كاين ففف..ففتاروادانت امولات
اعتارفات عبدية للملك بمكان ولدو المخفي وهزوها من رجليها داك الصباح مع الفجر ومشاو رجلها على رجلهم والملك برجلو مشا وفسفينة خشبية كبيرة وبحرو فطريقهم لتاروادانت .. يام وليالي وواخا قطعو الشط شدو طرقان طويلة ..المسألة كلها خداها الاصيل حرب بالنسبة ليه وخاصو كيسكب هاد الحرب وبرجلو وقف عليها ومشا يبحث بنفسه حيت الضايع من يديه من دمو ولحمو وخاصو يرد الدم لماليه واخا يكلفو الثمن غالي.
وصلو لتاروادانت بلا ما يعرفهم حتى واحد شكون يكونو .. مان لباسهم لباس التجار لكبار وحاولو ما أمكن مايلفتو لانتباه فالمدينة حيت اصلا صغيرة وناسها قلال والغريب دغيا كيبان واها يعيا يتلتم ..هادا علاش دارو براسهم انهم تجار وحطو رحالهم فقصبة بعيدة شوية على المدينة واللي سولهم شكون نتوما كيرد حكيم ويقول حنا تجار جوالة وجابتنا طريق الصين من هنا وغاديين للاندلس ..نرتاحو شي يامات ونكملو طريقنا ..
وخفاو الهوية الحقيقية واخا كان واضح على الملك من هبته وقامته وشخصيته انه شي حجرة تقيلة وتقيلة نيت هادا علاش كان كيتفادا الكلام ولا تلفت الانضار وكان بعيد على عينين الناس حتى كرات عبدية بمكان ولدو وهزوها فنصاص الليل بلا ميهولو القبيلة وناسها وحد مايسيق ليهم الخبار ..مشاو لعين المكان وعبدية قدامهم كترجف ومضويين الطريق بالقنديل حى وصلو لواحد الدار فوق راس الجبل ووقفات كتشوف فبابها وترعد
تكلم الملك وهوا على الخيل كتشطح وراه وقال هادي هي الدار دالناس اللي عطات ليهم الولد؟
ردت وهي كترجف
اه امولاي..يستحيل تهفا عليا وانا عطيتو ليهم بيديا
حرك الملك راسو لحكيم واتاجهو جهة الباب يدخلو عليها لاكن ردت عبدية وقالت مخلوعة
مولاي ..مولاي ..عرفتي الدار المقصودة ..ولاكن ماعرفتيش الولد مزيان وماشي هاكا امولاي دخل عليه وعلى واليديه اللي رباوه ..ندق عليهم باللاتي هي احسن ونخرجو ليكم انا وقدام عينيكم ..
زفر الملك وميل راسو برضى وقلة صبر وأمرها حكيم تتقدم وتقدمات كتفتف وتترعد وتشوف وراها ودقات الباب الخشبية وعاودات دقات مرى اخرى ،،خرج ليهم راجل طويل وقوي عليه فوقية واسعة وقال
..شكون نتوما ؟؟ اشنو بغيتو فهاد الليل؟
شافت عبدية وراها وقالت
بغينا الولد اللي عندكم يخرج
ضحك الراجل مور الدار وتلفت وراه قاليهم بسخرية ،ًخرجو اولادي
بداو يخرجو الرجال من الدار واحد مور واحد واللي خرج كيشهر سيفو المخبي فطيات توبه ..وهنا حس الملك انه فخ وشهر سيفه بسرعة فوجه العدو ودخلو فقتال بحال الحشر. والدميات مطير فالسما والرجال كيزيدو يخرجو منين الدار اللي شبه كوخ صغير كانها كتولدهم وهي متقدر تهز فيهم حتى جوج ..اما عبدية جروها رجال الحوخ لداخل بالزربة وعطاوه وجهه لعافية الاصيل اللي بحر الشمتة والطريق اللي جبد على شمتة كيدبح بلا شفقة وبلا رحمة .. ولحسن حضها عبدية فلتات من يدو وسط الدبيحة ودخلات للكوخ اللي كان عندو باب اخر اللور كيهبط فالحدورة وركبات فوق الخيل مع فارس من الفرسان هربها كيجري بيها حتى بعد وتنفسات لاكن فجأة جا فيه سهم وسط عنقو من اعلى الجبل طيحو وبقات بوحدها كتشطح فوق الخيل ورجليها مقلشين ماعرفات فين تشد ولا كي دير ليه وهي عمرها ركبات على شي عود فحياتها ..
لاحها الخيل وسط الضلمة جات فوق القش وناضت كتحبو بالخلعة عرفات الملك ورجالو غيتبعوها ..بقات كتحبو هاربة فالغابة وتشوف وراها والخيال كتجري موراها .. وصلات للقبيلة وبدات تجري هنا ولهيه ومن كدية لكدية حتى قربو يوصلو ليها وهي دور مخبية تخشات فواحد الكوري ديال البهايم وبدات كطل بعينيها خلاتهم حتا دازو وخرجات بشوية كطل ودقات على مالين الدار الترابيه وهي حالتها حالة مخلوعة كترعد والقش فراسها والتراب على حوايجها حتى سمعات مرى من لداخل قالت
اشكون كيدق علينا وحنا غير الوليات فالدار ؟ شكون ؟
شافت عبدية يمين وشمال كتبلع ريقها الناشف وقالت
انا من القصر حلي
ردت عليها المرى من لداخل وقالت
من القصر؟؟؟ واش شي خبار على بناتي مع هاد الفجر ؟
حلات. مولات الدار الباب وطلات براسها لقات عبدية واقفة كترجف بحال الجنية وقالت كتحزنز فيها
بسسسم الله الرحمان الرحيم
دخلات عليها عبدية دفعاتها وسدات الباب زادت خلعاتها وقالت كتنهج
شوو … قطعي الحس..قطعي الحس القطاطعية كاينين فالقبيلة هاد الليلة
سمعو صوت الخيل بحال الزلزال دايز حدا الدار وهما ساكتين حتى كسر سكاتهم صوت الغولة بغيت نقول البنت اللي خرجات من واحد البيت كتحك راسها المشعكك ولحمها وعينيها مسدودين وقالت
مييي واا مييي… بلت في الفراااش
زفات عليها مسعودة بالبلغة للراس قالت ليها
اااش نوضك ..اش نوضك ابنت الحرام فهاد الليل
سكتاتهم عبدية وقالت بصوت منخفض سكتو سكتو غيتلفتو لينا القطاطعية والى مشاو حتى شدونا راه مايخليو فينا غير اللي نساو هادشي الى خلاونا حيين
حزمات مسعودة العكدة على راسها وقالت بعينين مخلوعين خارجين
اش سلطك علينا فهاد الليل الاللة شكون تي؟؟
برداتها عبدية وقلت ليها ..غير بشوية وماعندك مناش تخافي..انا وصيفة من وصيفات القصر وفطريقنا للقصر وحنا راجعين من سفرنا تلقاو لينا لقطاطعية وصفاوها لكولشي وهربت انا الحمد لله .. ورماتني القدرة عندك. غير ماتخلعي مدهشي
ردت مسعودة وضربات فخادها وقالت
وبناااتي اللي ديتو للقصر فين هماااا
استغربات عبدية وقالت
اشمن بنات الاللة شوري عليا
ردت يامنة وهي مكمشة حدا الباب فراحد القفطان كحل مجرتل وقالت
هاديك سحيحيرة ديال شادية وديك اللفعة دعيشة اللي خلاونا حتاااا مشيتا نزورو انا ومي هاو دارو مابغاو في القبييلة
بدات عبدية تمتم وكتحاول تفهم و هزات مسعودة يديها كترعد قال ليها بغضب
واش غتنوضي تركدي يا البوالة ولا غننخرجك للقطاطعية يقطو باباك طراف
ردت عبدية وقالت مصدومة
شادية وعويشة بناتك ؟
جمعات مسعودة يد على يد كتمسكن وقالت كدور فراسها
بناااتي يالاللة ..ترزيت في رزقي ورزق حياتي
ردت عبدية وقالت ليها ..لاااا الاللة مارزاك حتى واحد ..بناتك في الحفظ والصون .. وراهم جنب لاللة مولاتي عايشين العيش الكريم واكثر .. وكيتسراو بحال الحمامات وسط القصر
خرجات يامنا عينيها وخلات فمها والشعر منتوف على خجبانها وقالت ليها مصدومة
هااا ؟!!!هادوك اللفعات رجعو حمامات
صبح الصباح وصبحات عبدية جالسة بديك الحالة .. بغات تخرج ولاكن خافت تحصل و بلا شك رجالك الاصيل غيبقاو يتختلو بالقبيلة حتى يطيحوها فالمصيدة ..وهاد المرة الى حصلات ..غيعصرها الاصيل فالمعصرة دالزيتون حتى تقطر الحقيقة بزز منها .
تنهدات ويدها على خدها جالسة ومسعودة كتخوي اتاي فوق الميدة والبغرير والخبز محطوط وقالت ليها وعينيها كيمشيو ويجيو ويشطحو فبلاصتهم وتغمز وسط الكلام بلا نخازات
مسعودة: هي دابا شادية وعويشة !! فالقصر مع لاللة ولاتي ومتتعين ومخليني انا هنا. فهاد القهرة !!
تنهدات عبدية من قوة الهضرة والبحث ديال مسعودة وقالت
راهم فبلاد بعيدة ..قطعو الجبال والبحور ماعندهم كيف يديرو يوصلو ليك
خبطات مسعودة البراد مكمشا شنايفها اللي بحال الخط وقالت مخرجة عينيها
ايوا الى ماعندهم كي يديرو يوصلو ليا .. انا الاللة غادي نوصل ليهم .. وغادي نقطع الوديان والبحور حتى نلقاهم .. تي عطيني غا النعت الصحيح وانا غنعرف كيف ندير حتى نوصل ليهم
شدات عبدية راسها اللي تنفخ بالهضرة دمسعودة وقالت
راني قلت ليك الاللة راهم فبلاد بعيدة واش غير اجي وقطع الوديان والبحور
حطات نسعودة بونية على الميدة وقالت
يا والله حتى نوصلهم .. تتي غا قولي ليا سميتها وتسوخري اللور .. ايلا مايلقاوني واقفة ليهم في باب الخيمة راني ماي مسعودة
تنهدات عبدية وقالت : اشمن خيمة الاللة هادا راه قصر ..واش عارفة شنو هوا قصر؟؟ قصر بحال المدينة وفوسط مدينة واش غير اجي ودخل ليه
دق الدقان وهما كيتحدثو وتقفزات عبدية مخلوعة قالت ..
مولاي الاصيل هادا
ناضت مسعودة تشوف شكون وقالت ليها. تي اشمن اصيل ولا حصير .. راه هلل الهلال والبهايم خصها تخرج ترعى وناس ناضو يقضيو شغالهم
ماخلاتها عبدية تحل الباب ووقفو بجوج كيسولو شكون حتى سمعو صوت راجل قال
ذو الفقار اعبدية
دفعات عبدية مسعودة حيداتها من قدام الباب وحلات طلات عليه لقاتو ملتم ولابس لباس التجار وجار حمارة عليها سلعة النسا وشاف فيها من تحت لثامه وهبطو شوية اكد ليها شكون هوا ولاح ليها كموسة قاليها
حدا باب المسيد اعبدية
شدات عبدية الكموسة ورجعات اللور ومشا هوا كيعيط. ها السواك ..ها الكحل ..ها الداد ..
سدات عبدية الباب وحلات الكموسة لقات فيها حوايج الرجال وعمامة وجبداتهم لبساتهم بالزربة ومسعودة كدور بيها وتسول
قولي ليا فين بناتي.. قولي ليا ولا راه غندير صبعي فودنيا ونعيط على اهل القبيلة نجمعهم عليك ..
جمعات عبدية حوايجها بالزربة مخلوعة وقالت ليها
شتي نتي ..راك مزال معارفك بالخطر اللي داير بينا ..البولة جبتها فسروالي من الاندلس بالخلعة حتى لعندك ..ولاكن نتي سرك تكوني بلاصتي باش تعرفي علاش كنهضر ..بغيتي يالاللة تعرفي فين بناتك؟؟
ايوا تبعيهم للاندلس ..لقصر قرطبة تما غتلقايهم بسلامة عليك
خرجات عبدية كتجري ملتمة بحال الراجل ومشات كتختل هاربة للمسيد دالقبيلة ولقات تما ذو الفقار دوزها بلا ميعرفها حتى واحد وطيرها لقصر الامير يور اللي تما ودخلات كتجري وتسول عليه قالو ليها خرج للصيد بحال العادة .
استقبلوها الخدم والحشم اللي تما وتعجبو لهاد المجية ديالها لاكن خبات وطمرات كلشي ومابغات تهضر مع حتى واحد ..انفاردات هي والقائد ذو الفقار فواحد البيت وسدو عليهم كيكتبو مرسول للاللة روح الندى
لاللة مولاتي.. تبعت الخط كما قلتي لي وعلمتيني..الحمد لله درتي بحساب هاد النهار وعلمتيني باش الى شي نهار طحت فيدو نرسلو للنعث اللي عطيتني .. الحمد راني رسلتو ومشا برجلو على رجلي ..وتما لقيت الحمية اللي فكاتني ودابا راني فلت من يديه وراني فأمان الله فقصركم فتاروادانت حتى تخبريني واش نجي ولا نبقا هنا .
لوات المرسول وجمعاتو وعطاتو لذو الفقار اللي واجب عليه يرجع لعند الملكة من بعد ما تمم المهمة بنجاح وسبق الاصيل للنعت وحط ليه تما مفاجأة اللي تلفاتو على طريق عبدية
كمشات روح الندى المرسول من بعد ما قراتو وذو الفقار واقف قدامها وضحكات حتى دمعو عينيها وعطاتو بالضهر غادية جاية كتجر فقفطانها اللي بلا حزام وقالت
ااااه يا ربي .. تشهييييت نشوف وجه الاصيل ..تشهيييت نشوف وجهه هاد الساعة وهوا غيطرطق من حر الشمتة .. امنيتي نشوف وجهه هاد اللحضة ..وحتى الى مت بعدا نموت شبعانة ضحك …
تنهدات ولوات المرسول غادية تحرقو فالمدفئة اللي قدامها وقالت
..باااقي ماشفتي والو امولاي.. مستاهن بعقلي وقوتي ..ولاكن غادي نوريها ليك غير صبر ..صبر عليا وغتشوف شنو مزال ندير فيك .
مشات جلسات دارت رجل غلى رجل كتبات الرد لعبدية وأمراتها تبقا تما مع يور حتى تقرر فأمرها وناضت هزاتر
عطاتولذو الفقار وهزات حاجبها وقالت ..
رسل هاد المرسول لعبدية .. ونتا اذو الفقار عند اكرامية على هاد الخدمة النقية اللي درتي ليا
لاحت ليه كموسة دالفلوس ليدو شدها وحنا راسو باحترام كيشكرها ..
ابتسمت وقالت ليه بكل سعادة وارتياح
هادي مهمتك الثانية … بغيتك تجيب ليا خبار الحرب اللي بين الاصيل وملك القوط … بغيت نعرف خبار النصر ديالهم قبل ماتوصل للاصيل.. بخيتك تكون بحال البراق ..
تكلم ذو الفقار وقال : ولاكن حنا مزال ماعرفناش واش غينتاصر ولا لالا الاللة
ضحكات بسخرية وقالت : غينتاصر كون متأكد .. نتا غير جيب ليا خبارو … الاصيل مستحيل يخسر هاد الحرب واخا يقدم فيها اغلى مكيملك .. حيت ماعندوش الوجه يقابلني بالفشل ديالو .. هادا علاش غادي يربح الحرب وغيسحق ديك الارض .. نار الغضب اللي شاعلة فيه هاد الشهر بسبب الشمتة مغطفيها ليه غير خبار النصر .. اما الى خسر … صافي غينتاحر. هههه
ضواو انوار القصور واصوار القصر برقات .. ورح الندى مقاداها سعادة .. ضحكات ليها الايام والفرح والسعد فالقصر غير كيتسارا من قنت لقنت ..ايوا اله يدومها فرحة .. ماشي غير عليها ..على جميع اهل القصر .. كي شفتي دابا القصر مافيهش غير العرب.. فيه حتى لغرب .. فيه حسنوات فيهم اللي سلمو وفيه اللي مزال ماسلم .. الزين مشتت فالقصر .. ويلعبو مع العبيد والخدم .. يرميو الورد ويرشو بالماء .. يدورو على نافورات القصر ووقهقهاتهم واصلة حتى للجردة ..شي داخل شي خارج ..شي كيشطح وشي كيغني ..لا رجال غراب يدخلو لقصر ولا ضياف .
نزلات روح الندى كتمختو وتسارا وضحك مع الحريم وهما كيلعبو وكتسنط للعود والشعر وانغامه .. وقفات الوسط جنب نافورة كتشرشر بالماء وقالت كضحك مع البنات
يالاه يالاه …تجمعو قدامي البنات براكة من اللعب ..
تجمعو البنات كيجريو قدامها وكاين اللي مشات بالفرحة باست ليها يدها وكل وحدة كفاش عبرات على الحب ديالها لملكتها … تجمعو العبيد وتصافو قدامها ووقف عابد جنبها كيقاد ليه الحريم حتى تقاد كلشي وبقات غير الروينة ديال الورد والمخاد والتواب باش كيانو كيلعبو ويشطحو مشتتين فارجاء المكان ..
ابتسمت وهي كتشوف فيهم وقالت كضحك
يخليلي الزين اللي عندي والبيوضة .. ايوا البنات مخاصكمش تبقاو علطيينها فير للعب والضحك والتنقاز .. لازمكم تتعلمو شوية اللي ينفعكم .. وعابد هوا اللي غيتكلف بتربيتكم الغزالات .
دخل اثنائها عبد من العبيد فجأة كيجري وهبط راسو قدامها وقال
لاللة لاللة ..مولاي الامير سلطان ابن الملك حاكم غرناطة فطريقو لزيارتكم الاللة .. وراه قرب يوصل.
ابتسمت وهزات حاجبها ضحكات وقالت
ايوا وهاد الزيارة ..بخبار الوالي ولا خفية .؟ ههه
عطاتو بالضهر كضحك وقالت كتنهد
ااااح عليك الحمرا ومادايرة فيا .. مزال غادي نطيرك للاصيل ونخليه يشوف فيك غير من بعيد لبعيد .. كملو لعبكم البنات ..وفاش يجي الامير رحبو بيه وماتخليوهش يقنط ..حتى نوجد ونهبط
لاحت ليهم بوسة فالهوا ومشات كتمختر وخلات الموسيقى والزين كيتراقص وحتى العبيد اللي مشاو مع هوا البنات من نهار حلو عينيهم كيضحكو ويبسطو معاهم بحال العادة ودقة فيا دقة فيك جري عليا نجري عليك والضحك كيسرح مع الهوا فالسماء
زيد اسيد المير وغير بشوية عليك .. مرحبا بيك فقصر الملكة .. ار بالاحرى قصر الايناث.. منبع الجمال وغزل البنات ..
من الدخلة ديال الامير سلطان فوق العود وهوا مستغرب من جمال هاد القصر وجناناتو الخضراء..حراسه مستفين على اصراره العالية والعبيد والخدم بحرية كيتحركو .. اللي داز قدامو كيحدر ليه الراس احتراما حتى وقل لباب من ابواب القصر الكثيرة والل كيأدي لجناح الملكة الكبير المقسم اقسام ..قسم الديوان والقاعة الكبرى الموسيقية والحديقة الخاصة وقسم شامل اقرب الرصيفات ليها وغرف نومهم .
نزل الخيل كيسرح عينيه وسوق العود والغنى وضحك البنات كيجرو لداخل والعبيد كيستقبلوه ويرحبو بيه ..قدمو. ليه الحليب والتمر فالباب ودخلوه لجناح الطرب والمسبح الرسط بزليج الفسيفساء والبنات متكيين على جنابو كيغنيو ومنتشارين فارجاء القاعة كلها على سدار فكل مكان وورسايد فالارض وارجوحات والعبيد مقابلينهم .. دوروه البنات كيجريو وتلاحو عليه كيغنيو ويشطحو ويردوو
اش حب الخاطر امولاي
ضارت وحد عليه كتشطح وقالت : مرحبا بالامير عندنا
دوزات وحد منديل حدا وجهه كتغني وقالت ..نورتي القصر امولاي
جره شادين فيديه كيلعبو وداوه جلسوه فمكان مريح قدام الخصة وبداو يشطحو ويدورو عليها ووحدة كترمي اخرى فالماء والغوات والضحك والعبيد داخلين مصافين بطبايق الفاكية والمشروبات .. بقا الامير سطان كيضحك ويتفرج حتى نزلات لاللة روح الندى بحال العادة ..عروسة كيف ديما وتقدمات حتى لوسط الجناح بابتسامة والوصيفات وراها وبسرعة انساحبو البنات حادرين الراس برقة واللي فزكات تلوات فتوب ومشات كتجري باللور خادرة الراس واللي والعبيد كذلك حتى مابقا فالجناح الفسيح المحلول على اعضم حديقة باسوار عالية غير روح الندى والامير اللي وقف استقبل حضورها والخدم اللي بلمح البصر جمعو المخاد والشراوط من الارض ورجع المكان كيشعل شعيل
وقفات قدامو لاللة روح الندى وقالت هازة يديها كضحك
الامير سلطان عندنا فقربطة !!! نورتي المدينة
ابتسم وشار ليها براسها وقال
منورة بنوركم الاللة مولاتي
ابتسمت وجلسات جنبه برقة وقالت
يا ترى شنو سبب الزيارة اللي خلاتك تخلي غرناطة وطلع عندي لقرطبة ؟ كنتمنى ماتكونش شي حاجة سلبية
ابتسم وقال كيشوف فيها باعجاب
ضاروري خاص تكون شي حاجة عاجلة باش نجي نشوف سيادتكم ونزوركم ؟
دورات وجهها كضحك وعينيها كيدورو بلاصتهم وقالت
امم .. شرف لينا يجي الامير بنفسو يزورنا ..ولاكن على حد علمي وما خبرني جلالة الملك ..انه مشيتي للحرب مع الحملة ؟ ولا انا غالطة؟
تبسم وقال بعفوية : بصح كنت غنمشي ونترأس الحملة ..ولاكن جلال الملك جاه صفر مفاجأ اللي ماخلاهش يتسنا واضطريت نبقا فالبلاد فغياب الملك الاللة مولاتي
تنهدات بابتسامة كدور فعينيها وقالت
كنتمنى ماتكونش تسافيرتو فيها شي حاجة خايبة اللي تقلقل راحتو
رد الامير وقال : شكون عرف ؟ الملك كيبغي يحتافظ ديما باسراره وحركاته لنفسه ..
حركات راسها وقالت : امم وماعرفتيش فين مشا سافر وعلاش؟
رد النفي: ماعرفتش ماخبر حتى واحد .. ولاكن كنضن مشا على قبل اجتماع مع القادة ديالنا اللي فالمغرب
ناضت من حداه كضحك ومشات وقفات حدا واحد الشجرة دالور عرفات الملك خفت عليهم حقيقة سفره لتاروادانت مع عبدية وضمس القضية
تلفتات عندو وقالت كتحاول تعرف خال الملك من بعد الشمتة اللي تشمت
مزيان .. وكيف ماشي مع حربه عاى ملك القوط
رد كيضحك وقال : اسرار دولة الاللة مولاتي .. كيفاش نعطي مثلا اسرار ودولتنا للي حتل مدينة من المدن ديالنا
هزات حجبانها مصدومة من رده وقالت اااه ..علاش ماشي كانت محتلة اصلا من قبل ولا جيت انا سلبتها منكم
هز راسه كيضحك وقال
حتى واحد ميقدر يسلب منا شي شبر الاللة روح الندى .. كنبقاو مسلمين وحنا سعداء بدخول قرطبة تحت سيادة المسلمين ..ولاكن بالرغم من ذلك كتبقا محتلة والمدينة فقلب مملكتنا .. طبعا ماشي من شيام المسلمين انهم يتحاربو على البلاد ..وانما باش يمددو الاسلام ويرفعو رايته ..هادا هوا الهدف من وجودنا حنا كحكام وسلاطين
الامير سلطان كان جوابو كافي باش يخلي لاللة روح الندى تبدل الموضوع فمرة وتخرج هيا وياه للحديقة وهي كتسول وتبحث من حين لآخر على نضام الملك اصيل للدولة والقوانين ديالهم .. ابتسم وقال كيضحك
المشكل دابا ماشي فهادشي .. المشكل فاليهود اللي كثار فهاد البلاد .. المشكل كنحاولو نغيرو العادات اللي خداو وندخلو الاسلام بسلاسة .. ولاحضت باللي مزال الدنيا مخلطة هنا فقرطبة..مزال متأقلمتي مع الوضع وسيطرتي عليه
ابتسمت وقالت : مزال حيت يالاه ضهور قليلة باش دخلت المدينة وكنحاول نتعرف على عاداتهم كيف قلتي ونمط العيش ..باش نعرف نحط قوانين بطريقة اللي ماتخلقش ليا تمرد ..كما شفتي الاعداء كثار وكيدورو بين من جانب ..وانا مامستاعداش ندخل فمشاكل مع الشعب ونخلي العدو يتستاغل الفرصة ويدخل عليا
رد بعفوية وقال: مدام حنا جنبك فماعندك مناش تخافي.. مهما كانو المشدات او المشاكل بيننا فمغديش نخليو العدو الكافر ي دخل عليك ..كنبقاو مسلمين مهما وقع ومهما بلغ حجم المشكل او الصراعات بين المسلمين ..حنا ضهر واحد فرتاحي من هاد الناحية وان شاء الله مابقاتش قرطبة غتخرج على صدر الاسلام مهما يكن
خدات كلام الامير حلقة فودنها وقالت باستغراب
ولاكن الحمد لله حنا لحد الساعة مابيناتناش مشاكل..علاش كتهضر على المشاكل كأنك عايشهم
تنهد وقال : حيت جلالة الملك الهدف ديالو يوحد الدولة الاسلامية وتمشي تحت نضام واحد ..وهادشي فصالح الجميع ..مع الوقت غتعرفي اكثر على الملك محمد اصيل وغادي يوضح ليك هوا بنفسه الموضوع .
عقدات حجبانها ورفعات راسها وقالت : ماعرفتش لشنو كيخطط ..طبعا فهوا حاكم من سلالة عريقة واخا ماعرفتش مسقط رأس هاد السلالة بالضبط. لاكن عارفة انه عندو نفود وعندو اسطول ديال العساكر وقوة وعقل سياسي ودكاء كبير
ابتسم سلطان وهوا كيتمشى جنبها ومد يدو ليها شد فيها هبطات مع الدروج وقال
حنا عروقنا شريفة من المشرق .. بدات اول مسيرة الخلافة من بعد عهد الخلفاء الراشيدين .. ومن تتابع الحكم بين افراد عائلة كبيرة .. يعني بتعاون وتخطيط ومأمرات ونزالات مع مرور ازمن توغلو فوق الارض من جهة المشرق حتى وصلو للسند والهند وموراء النهرين وبإفريقيا كذلك حتى وصلنا للاندلس واستمرت الخلافة بعد فتح الاندلسحتى لعصرنا هادا اللي حنا فيه دابا و ضمينا جميع المناطق اللي فتحنا للدولة الاموية ى ومزال انشطة اللفتوحات الاسلامية مستمرة فوق جميع انحاء الارض الاللة روح الندى من مشرقها لمغربها وان شاء الله غنزيدو بفتوحاتنا حنا اللي من جهة الاندلس تحت قيادة الملك محمد اصيل حتى لمملكة قشتالة من بعد ما نرحبو الحرب مع ملك القوط ونضمو المنطقة حتى هي لدولتنا . وهادشي واجب عليك حتى نتي ..كما كيقولو فالاتحاد قوة
بقات ساكتة وماضناتش قوتهم وجذورهم يتمدد كاع هاد التمدد ويكون عندهم حكام وممالك كثيرة ويكونو مجموعات لا تعد ولا تحصى من الحكام في اتحاد واحد .. لاكن رغم هادشي كله بغات تخلي صورتها زوينة قدام الامير وقالت طبعا .. حنا اصلا شنو الهدف ديالنا من هادشي ..
عطاتو جواب اللي يريحو ومايخليهش داير منها احتياط حتى هوا وكملو النزاهة كيتسراو .
فهاد الاثناء هادي مع اذان العصر حطات سفينة على واد اقليم اللي على شمال غرناطة ونزلو الناس المسافرين مع السلع ونزلات من بينهم مسعودة بلثامها ولحافها وموراها يامنة بالحزمة على راسها ولحافها ولثامها بين الصنادق والرواج اللي على الشط وسط التجار ..
جرات مسعودة بنتها وكموستها فيدها وزادت كتقلب منين دوز وفين تمشي؟
وصلات حتى لواحد المجمع فالسوق ديال عربات النقل فباب السوق ووهي حاللة فمها فهاد البلاد الغريبة عليها وعلى قبيلتها !! مولفة غير بديور الطين والنوالات والجبال والكديات ..ماشي بحال هادالاصوار العالية المحاوطة المدينة وهاد الناس لكتار واليد عاملة الكثيرة .. شي غادي شي جاي والبيع الشرا فكل مكان .. تلفتات يامنة للجنب حدا باب سور من اسوار السوق والزرابي والخيام المعلقة عليه وشافت راجل لابس الكحل وطاقية مدورة على راسو ومستف حداه بنات عاريات بلا حوايج عارضهم للبيع .. طيحات اللثام على وجهها وحلات فمها وخرجات عينيها وقالت
وااامي…واااهيا العالي
ضارت مسعودة وراها شافت ماشافت عينين يامنة وكانت غتسخف من الصدمة ورجعات اللور خبات وجهها وهبطات ليامنة راسها كتولو
ويلي وياي ويلي ويلي تي شهاد المسخ وهاد المنكر اناري تي شهاد الشي
خبات وجهها هربات تالفة وسط السوق وماعارفاش راسها باللي راه فسوق العبيد و الحريم .. داخت وهي كتشوف النسا كل مجموعة فين واقفة وجالسة شي بلا حوايج وشي لابس غير شطيطة ومربوطين بالسلاسل من رجليهم ومزيينين بالورد من راسهم والحلي فعنقهم ويديهم ..داخت مسعودة وتلفات ليها الطريق ماعرفات راسها فين وشنو كيوقع؟ الرجال كيدورو بالنسا ويقلبوهم بحال البضاعة وفيهم اللي باينة على وجهها مجبرة وفيهم اللي هازة يدها كتعرض نفسها للبيع فاش كيبان ليها شي تاجر كبير ..
ضربات مسعودة يامنة هزات ليها ضهرها وقالت كتغوت
حدري عينيك الكافرة بالله حدري عينيك يعطيك العمى .. اويلي اويلي يا ريلي اش هاد جهنم الكحلة فين دخلت انا
مشات كتقلب على طريقها مني جات وجارة وراه يامنة بحال البهيمة غير مدرمة وكرشها سابقاها وعينيها معلقين وفمها محلول .. لاكن مسعودة واخا خرجات لباب السوق وسط البياعة ماهناهاش خاطرها وفضولها تعرف شنو كيوقع ومشات طلات على واحد ليهودي فقشابة ترابية ولحية طريلة شايبة وقالت ..
السلام اسيدي.. بغيت نسولك الله يزازيك بيخير ..تا واش كدير اناري؟ شكون هادو ؟
شاف فيها اليهودي وقال كيحقق فيها وفبنتها بلغة عربية تقيلة
بلا شك نتي من المغرب جايا .. هانتي الاللة ..عندي اللي تشهات خاطرك وحباتها .ك اختاري لا تحتاري وبثمن زوين
عقدات حجبانها قالت ليه تا واش جالس تبيع فالنسا اناري؟؟ هاوييلي حي شهادشي
تخلعات وخرجو عينيها خافت على راسها وعلى بنتها ومشات هربات حارة يامنة بعدو من سوق العبيد رجعو للعربات وبدات دور وتسول على غرناطة حتى وراوها العربة اللي غادية ليها ومشات كتجري سبقات بنتها دفعاتها ركبات وطلعات حداها جلسات جنب حتى كانت غتقلب الكروسة هي وبنتها بالغلض ونوضها مولاها جلسها من الجهة لاخرى كينكر ومد ليها يدو تخلصو
بلعات ريقها كتمتم وتقلب على الكموسة فشونها حتى جبداتها ويامنة قدامها مكمشة فلاحفها وخايفة من الغاشي.
جبدات شي ريالات مداتهم ليه وقال ليها زيدي
بدات تبكي عليه قالت ليه واسيدي ..راه فلوس البقرة والعجل هادشي اللي قضاو ليا ..بحرا وصلوني لهنا ..كن تشووووف الشريف شداز عليا وشحال من قافلة مشيت معاها وعاد السفينة هي اللخرة صفاتها ليا ..صافي هادشي اللي بقا لي غير قبل عليا
شدهم وفهم من كلامها غير شوية واخا تعابير وجهها وبكاها الصفر كان كافي باش يفهم شكاها ..
انطلقت العربة تخت الشمس هازة الناس وضرباتهم شلا طرقان حتى قربو لغرناطة فين يرتاحو ويكملو الصبح مسيرتهم ..رااحت البغال شوية من الطريق وتنصص الليل والناس فالكروسة جالسين كيتسناو الحال يصبح .. وقبل مايصبح الحال داز عليهم طوفان من الرجال فوق الخيل كيجري مافهمو راسهم من رجليهم حتى لقاو راسهم وسط السهام والسيفو وبدا مول العربة كيغوت ويقول
هربو ..هربو العدو دخل علينا هربو هربو
نقزات يامنة بالخلعة كتغوت وسط النزال ويديها على راسها وسمحو فحوايجهم وكل واحد فين صد بالخلعة وتلفات مسعودة على بنتها وماجا فين يصبح الحال حتى كلشي تشير وشي ماعارف الطريق اللي يشد
شرقات الشمس الحارة على مسعودة اللي جالسة وناشرة رجليها فالارض وكنبرخ وتبكي وتعيط
وااااا يامنة …واااا يامنة فين صديييتي… واهيا العالي شوف من حالي … وا رجال البلاد … واربي ربي .. واربي ربي ربي .. وا ربي شرف من حالي لا فلوس بقاو عندي لا طريق نشد لا بنتي فخضني.. يا ربي وقف معايا ..يا ربي صبرني ياربي
جلسات تغوت وتبكي تنوح ومشات كتقلب ماقدراتش تفوق ديك البلاصة فين ناضت القتيلة ..
اما يامنة فشرقات عليها الشمس تحت واحد الكدية بين الشجر على طريق واحد الواد صغير كيرشرش وهي ناعسة كتشخر حتى حركاتها واحد العصا وحلات عينيها مخلوعة قفزات وقالت
مييي وا مي
رد عليها راجل كبير بلحيتو وراه جوج بغال وعود محملين ومجملين ومعاه واحد الخويدم عبد وقال ليها كيشوف فحالتها ويحقق فيها
شكاديري هنا ؟
بوحدك فهاد الغابة ؟
ناضت حالتها حالة وكربزة بحال الكرداسة والحزام دالقفطان نازل والحية مربوط على كتفها والغابر والقش لاسق فيها وقالت كتكتم وتبرك على الحروف بحال عادتها
عاااا عاااا امن عليا ونقوليك
عقد حجبانو وقال
عليك الامان
بلعات ريقها وقالت كتبكي وتنخنخ
ااانا تلفت على مي … تلفات عليا مماااي واااقيلا صفاوها ليها .. وو و انا هربت من القطاطعية اللي هجمو علينا
بقا كيحقق فيها وقال
مك ماصفاها ليها حتى واحد .. رجعات للسوق كتقلب عليك زيدي نوصلك عند مك
حلات عينيها وقالت
بصاااح ..رجعات كتقلب عليا ..شتي اناا راه انا هيا موموووو عينيها .. قيصها في عينيها وماتقيصعاش فياا اااه اه
شاف فالعبد وشار ليه براسو وقاليه جيبها
شدها العبد من يدها وجرها قاليها زيدي نوريك مك
شافت يمين يسار كتقلب على شطايطها وهزات بلغتها كتجري تبعاتهم غادية وراهم وهما ضاربين الطريق حتى بغات طيح بالعيا ومابقارش رجليها هازينها وقالت سخفانة
خالييني نجلس شوية فوق البغلة ..
تلفت التاجر وقاليها . قربنا نوصلو ماشتاكيتيش لمك
تنهدات كتبلع ريقها وقالت
وا تواااحشاشتها ولاكن الركابي اللي يديوني عندها صاافي ماتو ليا الشريف
تنهد التاجر ووقف القافلة بغا حتى هوا يرتاح من عناء الطريق وجلسو فواحد القنت تحت الشجر وجبدو المونة ياكلو شوية ..لاحو ليها طرف دالخبز شداتو هنشراتو فرمشة عين وبدات دور فعينيها حشمات تقوليه زيدني .عطاوها تشرب وناضو كملو طريقهم حتى وصلو للمدينة وتجاوزو الحدود ودخلو بين اصوارها العالية الكبيرة وابوابها الكثيرة من بوابة سوق المدينة الكبير ودخلو كيتساراو جارين القافلة وبداو يفرقو بضاعتهم على التجار ريتساومو عليها ويامنة ساكتة وتابعاهم .. تعاشات العشية وتباعت البضاعة وبقات غير يامنة مور البغال خاوية وغاديك والسوق بغا يروح والليل قرب يطيح .. مشات يامنة كدور فعينيها وتشوف حتى لقات راسها من دا وجديد فسوق فيه النسا والحريم شي عريان شي لابس شطيطة .. درقات وجهها وبدات طل بنص عين وتفرج فالرجال بحال السلعة للبيع ..ها الخدم ها العبيد ..
وقف التاجر قدام واحد من النخاسين اللي كيبعيو النسا وسلم عليه وباينة بيناتهم معرفة قديمة .. تلفت النخاس شاف فيامنة وقال
اش هاد البضاعة الجديدة جبتي لقرطبة هاد المرة
تلفت التاجر وقال كيشوف فيامنة
لقيتها فحدود غرناطة .. تشري؟
رد النخاس وقال : نشري هاد الخطية شوف حالتها كيف دايرة
رد التاجر وقال: الباقي عليك نتا تحف عليها شوية وهاهي واجدة
حك النخاس لحيتو وقال كيشوف فيها
حيدي حويجك نشوف اشنو تحت دو الشراوط
تخلعات يامنة ورجعات اللور وقالت بصوتها التقيل الغليض
انااا ماااا نكلع حوايجي بغيتي مماي تسلخني..هااا ناري
هز النخاس حاجبو وقال للتاجر كيشوف فيها
نعطيك فيه خمسة دالقروش براكة عليك
رد التاجر وقال : ماشي مشكل ..انا اصلا طايحة عليا باطل وماعندي مندير بيها
رد التاجر وقال : اصلا شكون غيبغي يشري هاد البقرة .. غير ضحيت معاك فيها ب خمس قروش وصافي اما هي ماترد حتى قرش .. يالاه تحركي نتي زيدي لهنا
بغات تهرب تخلعات لاكن شدها واحد من عبيد النخاس وهي كتركل حطها قدامو وهزها النخاس من فكها قاليها
سمعي..من اليوم ما بقيتيش حرة كتسمعي ..من ليوم نتي عبدة . راني شريتك بالفلوس ماشي بالحجر يالاه قطعي الحس ولا غنشويك بالقطيب ونروديك
رجعات اللور كترعد قالت ليه لقطيب لااا لقطيب لااا انا مزاوكة ..صافي هانا هانا
تركنات وسلسلو ليها الرجلين مع بعضياتهم ونوضوها مع الحريم اللي لاحو عليهم ملاحفهم تسترو وجرهم العبد بحال البهايمة فوق واحد الكروسة داهم لدار النخاس اللي وسط الديور فالمدينة صغيرة فيها جوج بيوت وبهو كبير معري من السق و ومطبخ كلشي محطوط فالارض .
دخلات يامنة مخلوعة كتشوف فجنابها وسدو عليهم باب الدار ..حلو ليها السلاسل هي ثلاتة من الحريم معاها وتركنات فواحد القنت مكمشة مخلوعة .. جلس النخاس يرتاح وغوت عليها قاليها
هااااه نتي..دوزي غسلي ليا رجلي .. ونتي يا الغزالة اجي جلسي جنبي
جر العبد يامنة داها للمطبخ حطاها الطاس فيه الماء ودفعها قاليها تحركي يالاه
مشات كتشطح بيه ساكتة حطاتو فالارض غطس فيه النخاس رجليه في حين كانت وحدة منهم جالسة حداها يلمس ويبوس فيها والاخريات جالسين قاطعين الحس حتى رتاح النخاس وجرا عليهم كاملين من قدامو بحال الكلاب وجلس كيسكر حتى شبع وضار عند الجارية كمل السهرة وخلا لخرين كل وحدة فين مكمشة ناعسة .
تنصص الليل وكرش يامنة بدات تعيط.. صوتها ميغيط والجوع كيدور وماقدراتش تصبر ..ناضت كتختل للكشينة وتقلب ولقات طبق فيه الخبز وجبانية داللبن وطبسيل دالحبن وجلسات فالارض هادي تنفع هادي الضر فدات جوع النهار والطريق كامل حتى تقلات مزيان وهزات الماعن ركناتهم وناضت كتمسح يديها وفمها حتى وصلات عند الجاريات بجوج اللي ناعسين حداها ودهنات ليهم فمهم باللبن وحطات فتات الخبز حداهم وقالت بصوت خافت
هاكا كانت دير ليا ديك السحيحيرة دشادية بنت الحرام
شرقات الشمس فدار النخاس وشرق معاها السوط والصدع ووقف قدام البنات كيغوت بحال التور وهما كيترعدو مخلوعات
كليتو وشربتو وسرقتوني وانا فداااااري .. اليوم نسلخ ليكم الجلدة
بلعات يامنة ريقها وكحزات بعدات منهم وقالت كتفتف
ااانا انا الشريف ماكليتو مادكتو هما اللي كلاو ..ها فمهم يعطيهم الخبار
جرها العبد من شعرها قاليها سيري كنسي البيت تحركي
هربات وهزات الشطابة وبقا النخاس هاز السوط يالاه كان غيشحطهم وبالهلعة هزات وحدة فيهم موس كان مرمي حدا الطبلة فالارض وحطاتو على حنكها وقالت ليه كتنهج
انا غادي نهنيك مني
لاح السوط وبدا يهدن الوضع باش مضربش وجهها وتمشي ليه فمرة وهوا شاريها بالثمن ومايقبل عليها حتى واحد ..لاكن رجاه مانفع فوالو وشرطات وجهها خلات الدم كيشرشر وتحررات من زي الجارية النجسة للابد وعطات فرصة للبنات اللي معاها حتى هما شرطو وجههم وطاح النخاس على ركابيه كيغوت ويردد فالسما
ااااش درتو ليااااااا اااش درتو ليااااا ..سلعتي ..راس مالي… فلوس وذهبي كلشي ضااع
تشوط النخاس وخدا درس لا ينسى وماكان بيديه مايدير غير يغرز ليهم ..غرز ليهم العبد حناكهم والنخاس شاد فراسو وكيردد
شكون غيقبل على مشرطين الحنوك.. ماينفعو عبيد ماينفعو
خدم
بقا ينوح حتى عيا فاللخر خرجهم وحشمان يعرضهم للبيع فالسوق .. بقا غادي بيهم ا ايام وحتى وحدة ماتبعات حتى لواحد العشية وهوا جالس داير يدو على خدو فالسوق وهما جالسين حداه ..وقف عليه عبد من ا لعبيد لكبار بلباس نقي وغالي وقاليه
..عندك شي خدم مزيان اليهودي
ووقف اليهودي كيشكر ليه فيهم وقال
هانتا اسيدي عابد.. تشرط كيف بغيتي ..واش بغيتيهم للقصر؟
هز عابد حاجبو وقال
واش هادو لايقين بالقصر!! اش هاد النسا مشرطين الحنوك؟
قاليه النخاس: انا شرطت ليهم الحنوك باش يضلو عبيد وخدم
رد عابد وقال: لاللة مولاتي كتبغي الزين ماشي ها المصايب اللي جبتي .. ولاكن ماعندي وقت .. جمع عليها هادشي ..شحال كطلب فيهم ؟
ضحك النخاس وقال
عشرين قروش
لاح عابد الكموسة فيدو ودفع ليه النخاس يامنة حتى هي معاهم وقال
هادي حتى هي هدية مني ليك بالصحة والراحة ..غير مللي فكتيني منهم هادا هوا الربح ..المهم بعدا هاد عشرين قروش تجيب ليا واحد الجوجات نعاود نحيي بيهم التجارة من جديد
جرو العبيد البنات مور عابد ودواهم لعربة وحدة كانو سبق وجمعو فيها خدم وعبيد مختارين للقصر وزادو شي على شي وانطلقت العربة فطريق لقصر
وصلو العبيد والخدم ودخلوهم للقصر حاللين فواهم ..هادي مدينة ماشي قصر !! مدينة باصوارها وابوابها وسقفها العالي المنقوش!! شيء ولا فالاحلام ..خلا البنات مسكينات مشرطات الحنوك فرحانات .. شكون قال شريطة تكون سببهم فدخول القصر ! وتحررهم من داك الذل والنخاس اللي شاريهم .. غير العيشة فقصر ماشي بحال العيشة فالقبر وتمارة من لفوق . مهما كان الاحال وبقاو عبيد وخدم .. غادي يعيشو بين الاسوار العالية والدار الكبيرة الغالية .
شدهم عابد كلهم وامر العبيد والخدم باش يفركوهم ..وحطو ليهم الحوايج وعتقوهم بالطعام اللي يسد جعوهم ويشبعهم .. وطلع عابد لجناح الملكة وحدر راسه قاليها
لاللة ..جيت من السوق جايب معايا عبيد وخدم ..القصر كبير ماشي بحال قلعتنا قتاروادانت ..ولازمو شلا خدم
تلفتات وقالت رافعة راسها
خود من الخدم والعبيد مايكفيك .. وعلم البنات اللي لقينا هنا فالقصر ما ينفعهم ومايفيدهم .. ووجد ليا صف من الحريم الجديد.. يكون صافي نقرة .. ماشافوه عينين ما لمسوه يدين .. وفتح ليا بيبان العنبر الملكي .. وعمرو ليا بالشهد والزين ديال الدنيا والدين .. لولدي يور اللي شاد طريقو لصدر مو لحنين .
حنا العبد راسو وقال في حيرة
لاللة مولاتي ..صعيب نلقاو حرات غرات و فالزين فسرات ومسرارات ..والاهم صغيرات وبكرات ..خصوصا فهاد البلاد اللي حتلينا و كانت من قبل غربية ..وبنات الغرب الاللة مابقاوش فيهم الفحلات ..غير العهر و العرا وباقي لدابا فالسوق كيتسارا ..
تنهدات بعمق وقالت : هادي مهمتك اعابد وهادا شغلك.. جيب ليا البنات واخا يكون فبلاد بعيدة .ماكيهمش المهم العنبر يعمر ..وبغيتو من ليوم يتهوا ..غادي نزل ليه من دابا اسبوع نشوف كيفاش وجع. يالاه سير شوف شغلك .
خرج عابد كيجري ولوات هي المرسول اللي جاها من ولدها وخباتو .. وقبل ماتبدا شغل من شغلاها دخلات وصيفة من وصيفاتها وقالت حاذرة راسها
لاللة : ذو الفقار فالباب بغا يشوفك
وقفات على انتباه وقالت ليها
دخليه
دخل ذو الفقار وحدر الراس..حط يدو على صدرو وكان باين عليه عرق السفر على جبته وطريقو الطويلة ما حبساتش حتى وصل لرجلين روح الندى
ذو الفقار : لاللة ..الملك بقدر شانو ربح الحرب ..واقتاحم القصر وهزو وحطو باللي فيه .. والقايد ودراعه ليمن حكيم ليوم رسل مرسول للقصر .. وانا قبل مايوصل المرسول ليدييه جبت ليك خباره كما امرتيه .
ضحكات ورفعات راسها وقالت ..كما كنت متوقعة تماما
تلفتات بسرعة وهزات ورقة وريشة كتبات مرسول بتمعن وختمات عليه ولاوانتو فضرف نحاسيوقالت كضحك
هادا يوصل للقصر قبل مايأذن العاصر .. طير اذو الفقار وعطيه للمرسول يوصلو ليه .
شد ذو الفقار المرسول وطار بيه بحال البرق لقصر الاصيل. اللي كان فهاد الاثناء يالاه خرج رافع راسو من جناحه . تعرض ليه رسول القصر ديالهم وهبط مد ليه المرسول وقال
مولاي.. هادا مرسول من الملكة روح الندى ..
شد المرسول فيدو وقال
مسينا على الله
ارا نشوفو شنو واقع تاني
دخل للقصر حل المرسول قراه لقا فيه ..
مولاي جلالة الملك محمد المرتضي بالله .. اود ان اكون او من يهنئكم بفوزكم العضيم وكسبك الحرب مع ملك القوط.. اتمنى لكم دوام الصحة والعافية والعمر المديد..الملك روح الندى
كمش الورقة فيدو حتى مابقاتش كتبان وشعلا النيران فعينيه وخرجو دخاخنها من نيفو وهوا واقف بغيض كيردد
ولا عاليك الجدرة .. ولله لاخليتك ملكة فوق ديك الارض .. باش نوريك الاستفزاز كيفاش داير .
خرج يشوف شغالو كما عادتو حتى اذن الفجر ووصل المرسول من الحرب للبلاد هاز علام النصر ووراه جوج فرسان مهبرون البلاد بخبر النصر ومنين ما دازو كيهتفو الناس بفرحة النصر حتى وصلو للقصر وتفتحات ليهم ابوابها الكبيرة ودخلو بالخير كيجريو والزغارت فالقصر والهتف والفرحة مالية المكان وصوت المدافع كتضرب من فوق اصوار المدينة معلنين خبر النصر .. خرج الاصيل من جناحو لواحة القصر لقا المرسول والرفقة من الجيش واقفين وهازين العلامات .. حناو ركعو وتكلم المرسول وقال
..انتصرنا امولاي … والجيش كيوجد رحالو باش يرجع للديار
هز الاصيل راسو وغزز على سنانو وسد عينيه تفكر المباركة دروح ااندى حتى كان غيطرطق ورجع رخا فيه النفس وقال
فوقاش انتهت الحرب بالضبط
رد المرسول وقال
انتهت مع الفجر دليلة امس امولاي .. من بعدها مباشرة انطالقنا بالخبر
بلعو ريقو ورجع دخل للقصر رافع راسو وداز حدى الامير سلطان اللي كان فرحان وهبط راسو بغا يهضر معاه لاكن ماعطاهش الاصيل وقت وكذلك مع لاللة شهرزاد اللي صادفاتو فالطريق غادي وابتسمت فرحانة كتردد ..مبروك علينا .. هادا خبار زوين امولاي الله يخليك لينا
خلاها كتهضر ومشا لجناحو سد الابواب عليه وطق بالغيض والغضب وضرب بيديه على طاولة خشبية كيزفر وقال
اللفعة .. يدها تمدات اكثر من القياس وبغات تلويها عليا ..كيفاش عرفات الخبار فنهارها وباركات ليا مع العصر ..منين سلاطيتي عليا منين .
هز راسو بغضب وعيط على حارسه بصوت مرتفع دخل كيجري عندو .. امره يجيب ليه المرسول واللي معاه للديوان وخرج مشا لقاهم كايتسناوه تما هما ومجموعة من رجال القصر منهم المستشرين و الوزراء وحتى الفقهاء الكبار والادبيين باش يباركو ليه النصر .
دخل والكل مبسم ليه فوجهه لاكن قمعها فيهم ورفع صوتو بغضب وقال
الحرب سالات مع الغجر دالبارح والخبار وصلات ثاني يوم ؟؟ فين كنتو عاد جايبين ليا الخبار ؟؟
تعجب الجميع وبقا شي كيشوف فشي مافهمو والو من كلام الملك ..وحتى المرسول مافهم غضب السلطان عليه وتكلم وقال
والله شاهد علينا امولاي ..انطلقتا مباشرة من بعد ما تعلق علامنا على قلعة قربيز ..
تللفت عطاهم بالضهر كينفخ باغي يطق وقال
هاد الخبار كان خاصها توصل لبارح قبل المغرب ماشي ليوم مع الفجر
رد المرسول وقال
مسافة الطريق امولاي ومارتاحينا ما وقفنا ..الفرحة بالنصر خلاتنا نجريو كاع هاد المسافة بلا راحة
تلفت كيشد فلحيتو ويجرها وقال تحت سنانو كيتفخ
خر ج عليا من هنا
ناض المرسول خرج بالزربة وكلس الملك كينهج ويشوف قدامو ..تكلم واحد من الوزراء وقال حاذر راسه
مولاي.. المهم جابو النصر .. هادا هوا الاهم امولاي
رد بغضب وقال
انا اللي عارف الاهم والمهم هناااا ..يالاه كل واحد لشغلو
تحلو ابواب العنبر فقصر روح الندى .. وهاد العنبر المهم فهاد القصر هوا عبارة عن صالة مقفلة بها ثلانة صفوف من الأسِرة على طولها مسافة بانتضام وستائر كتفصل الصفوف عن بعضها .. تقدمات لاللة روح الندى تشوف لمساتهم الاخيرة للعنبر والافرشة الجديدة وزرابيها ونضافتها وبدات تلمس بيدها ملمس الاتواب بابتسامة ..سحراتها زينة الريش الكبيرالزهري اللي حطو بين كل سرير وسرير واللي توالم مع الافرشة البيضاء والستائر الناعمة البيضاء كانها غرفة فوق السحاب.. روعة المكان ورائحته كتفتح النفس .. من بين اجمل الاماكن اللي فالقصر كاين هاد العنبر المفرش بالزرابي الزهرية واللي رجع حلم كل وحدة من حريم القصر .. وقفات روح الندى وسط منو ورفعات راسها لفوق وقالت استنشق عطر المكان وهي كتتملم مع كبار الخدم والعبيد وأولهم عابد وقالت
عشقت هاد المكان ..وكنا خليتوه يبان بحال شي جنة بغيت حتى البنات يكون حور العين ..باش تكمل اللوحة ..
دابا الاهم من هادشي ..غتناو عليا جناح الحريم وكاع العادات اللي كانت عندنا فالقصر فتاروادانت .. دابا فصل جديد ..وحياة جديدة ومابقيناش محصورين بين القلعة والقبايل ..دابا تفتحنا عل العالم وغادي نخليو سيرتنا على كل لسان وكلشي غيدكرنا من هنا لقدام ..وكما خلينا نضام خاص للقصر وبروتوكول على قولة هاد ليهود ..حتى هاد العنبر غادي نحطو ليه نضام وبروتوكول.. ونتا يا عابد من هنا لفوق غادي تتكلف بالعمبر ..
تلفتات شافت فخادمة من الخدم دالقصر اللي اصولها اندلوسية ولاحضات فيها طريقتها فالكلام التاويل وتصرفاتها الادب والهدوء ولقاتها مناسبة جدا لهاد الجناح الحساس الرهيف وقالت
..نتي يا بصيرة ..غتكوني ضل الحريم وجناحهم ..غتكوني معلمتهم وامهم فيما يخص المسائل الحساسة والشخصية كما كتعرفي.. ختاري من الخدم دابا اللي يسعادك فهاد العمل ..وبيتك غيكون جنب العنمبر باش يكون تحت عينيك . يالاه ختاري من الخدم اللي كفيك باش نكملو نضام الحرم
تلفتات بصيرة كتشوف وتقلب وبدات تختار من بين الخدم حتى وصلات لسبة ديال الخدامات اللي يكفيوها لهاد العمبر العضيم ..
تعزلو بوحدهم ورفعات لاللة روح الندى يدها وهي كتسارا وسط الستائر البيضاء الجميلة وكتلمس الريش بيدها واللي عجبها اكثر انه خالي من الالوان ..فقد الزهري والابيض والزرابي السوداء الداكنة اللون ..فعلا لوحة فنية واللي تكلف بزينة العمبر جدا موهوب .
قالت لاللة روح الندى : اولا ..نتوما المكلفات بالعمبر ..لباسكم موحد ..ونبغي تسريحة شعر موحدة .. وتفيقو البنات بطريقة وحدة ونضام واحد بدون حتى حركة زايدة ..منبغيش خطوة او خلفة متابتاش.
شافت فعابد وقال
عاابد جا دورك .. كما جبتي مزيين اللي رتب الغرفة وهندهصها غتجيب اللي يعلم الخادمات خطوات العمل ..والرقة واللباقة ..لانهم اول من خصهم يتعلمو حيت هما اللي غيربيو حريم الامير .وكما قلت ليك ..نبغي طريقة وحدة تفيقو بيها البنات من النعاس ..ونضام تام ونتوما داخلين .. وشي حركة خارجة على نضام العمل مولاتها غاتتعاقب عليها .مفاهمين
حنا الجميع راسو وقال :مفاهمين الاللة
الخطوة الثانية ..البنات ديال العمبر ..مايفوتوش تمنطاش لسنة .. ومننوع تكون البنت ملموسة او مزوجة او على علاقة ..البنت البكر هي اللي دخل لهنا ..وقبل ما تفوت على العمبر .. تمر من عند الحكيم ولا الحكيمة ويدار ليها فحص شامل ..وتكون صافية بلارة ومافيهاش نقطة سوداء . الخطوة الثالتة .. وخدمتك نتي ابصيرة.. اولا ..النضام فالنوم ..فالاكل.. فالحياة اليومية .. تعليم اصول الاداب .. والغزل .. والمشي والكلام .. وطبعا الرقص والغناء باش معروفين حنا ..ويلى نسيت شي حاجة غادي نعلمكم بيها من بعد ..واللي بغا يعرف شي حاجة يخبرني بيها .
حنات بصيرة راسها وقالت :لاللة مولاتي: صعيب نلقاو بنات بهاد المواصافات ..السوق ..
قاطعاتها روح الندى وقالت :مابغيتش بنات من السوق للامير ..انا بغيت بنات حرات غرات يدخلو لحريم ماشي دازو من يدين شحال من نخاس
هادشي خليه من بعد حيت مزال غنرسلو للحريم ديالو اللي فتاروادانت يجيو .. وعزلو من بنات القصر اللي مؤهلات وبهاد المواصفات .. ااه نسيت . ختارو ليه وحدة من الخواتات ..شادية وعيشة ..ومننوع على الخواتات يدخلو الحريم بجوج . يالاه انطلقو
بدات الترتيبات فالقصر كما امرات الملكة يطبق .. وبداو خادمات العمبر بالتدريبات و التعلم هما اللولين وفنفس الوقت بداو الخدمة بانتضام تام وستفو جميع حريم القصر قدام عينيهم وحطو جمال الصورة هي الاولى عاد يدوزو للبقية ..تستفو كاع البنات فصالة الخصة اللي كيلعبو فيها وكل وحدة كتنمى تكون من المختارات العمبر واخا مسدود عليهم حاليا ومامسموحش ليهم يدخلو ليه او يشوفوه .
نزلات شادية حينها وعويشة لاسقة عليها ووقفو حتى هما مافهمو والو ودخلو فالصف كيوشوشو
عويشة : علاش جابونا لهنا ؟
شادية ماعرفتش علاش؟ ؟
تلفتات شادية هضرات مع وحدة من البنات حداه وشرحات ليها البنت المغزى بسعادة .بلعات شادية ريقها لاكن عويشة عجبها الحال و فرحات ..لاكن صدماتها البنت الاخرى وقالت
قالك منوع على الخواتات يدخلو الحريم ..وقالك غيعزلو البنات اللي يدخلو العمبر واللي ماتعزلوش غيخرجو من للقصر
تصدمات شادية وعويشة وشافو بعضياتهم وحسو بساعة الفراق وصلات وغتبقا يا هي يا عويشة فالقصر..ولاكن المشكل لكبير هوا الى هزو عويشة ودخلوها للحريم. ..وشادية سبق ليها وجلسات مع الامير ..واخا ماشي شي جلسة لاكن سبق ليه وعرض يكون معاها وباح ليها بالحب وهي ماقبلاتش وتراجعات ودار بيناتهم حديث طويل اللي بدات تسترجع
داز الحوار الاخير قدام عيون شادية وسدات عينيها كتنهج حتى فيقها عابد وقال
شادية..دوزي لهاد الجيه ..
حلات عينيها لقات راسها مختارة العنمبر وتلفتات شافت فعويشة اللي كان غيسكت ليها القلب وقالت كترعد
غتخرجوني..وانا فين غنمشي ؟؟؟
قاليها عابد غتخرجي طردي رزقك ..ممنوع على الخواتات يدخلو العمبر
جرات وحدة من الخادمات شادية لقدام وهي كتشوف فعويشة كتبكي وماقدراتش تفرط فختها وداست على قلبها بدون تفكير وقالت
لا لا ..انا .. انا مانليقش بمقام مولاي .. خليو عويشة تمشي بلاصتي..حتى هي عندها حقها من الزين
ذرفات دمعتها وعابد كيشوف فيها وشار بعينو لبصيرة جراتها قنتاتها وشافت فيها قائلة
شنو السبب؟ عطيني سبب مقنع ؟
بقات شادية ساكتة والدموع كتجري من عينيها ونالقات حتى سبب تعطيه وماعرفات باش تجاوب ..قالت ليها بصيرة ..واش عاشرتي شي عبد من العبيد؟
ربقات شادية ساكتة وقالت مع راسها الى كان هاد السبب غيخلي عويشة تبقا فاللهم التهمة قد الخلا ولا تخرج ختها تباع وتشرا برا . انا هي عارفة راسها مضمونة والملكة متقدرش تفرط فيها وكتوقف عليها بلا عنمبر بلا حريم.
هزات بصيرة راسها بغيض وزيرات على كتفها بدفارها وقالت
اااش درتي..واش عارفة شنو درتي الحمقة؟؟ دوي شكون هاد العبد اللي عاشرتي..نطقي ..مستحيل تبقاو بجوج فالقصر
دارت شادية يدها على فمها كتبكي ماقداتش تهضر لاكن موصيبة بحال هادي مايتسكتش عليها ..
حركات بصيرة راسها ومشات رجعات عند البنات وقلت بصوت عالي
عويشة.. دوزي لهاد الجيه..نتي اللي غدخلي العمبر
هات عويشة عينيها المدمعين مصدومة وضحكات بالفرحة وتلفتات جهة شادية اللي كانت كتشوف فيها وكتبكي ودورات وجهها خباتو بيدها ورجعات بصيرة عندها جراتها من يدها قالت ليها زيدي قدامي
داتها لجناح الملكة ووقفاتها قدامها وهي كتحل حوالقها بشوية باش تكا ترتاح
بصيرة : لاللة مولاتي..موصيبة وقعات
تلفتات روح الندى شافت فيهم وشافت شادية كتبكي فالدم قدامها وراسها هابط وقالت
شادية؟ مالك اش درتي
دفعاتها بصيرة وقالت ليها تكلمي قولي اش درتي.. يالاه نطقي
طاحت شادية كتبكي فالارض وروخ الندى هادة راسها وكدور فعينيها وتفكر وتحلل فشنو ممكن تكون عملت شادية .. تكلمات بصيرة بغيض كتشوف فشلدية وقالت
.مارسات الرذيلة مع عبد من العبيد
حلات روح الندى عينيها وتخلعات وقالت
شنووو؟ كيفاش؟
زاد بكا روح الندى وتحنات قالت ليها شنو درتي؟؟؟ اشنو
هزات يدها عطاتها واحد الطرشة حتى تلاحت للجنب وناضت وقفات قالت ليهم جيبو ليا هاد العبد هادا لهنا
بصيرة : مابغاتش تقول شكون العبد الاللة
زفرات روح الندى من مناخرها وقالت
شكون هاد العبد اللي عاشرك؟ هضريي
ردت شادية وفمها كيترعد وخدها حمر وقالت : ماشي هنا الاللة .. فقلعة تاروادانت
زيرات روح الندى على يديها بغضب وقالت
عرفتي كن ماكنت عارفة ببرودة الضس اللي فالحبس وسوط الحلاد كن هبطتك ليه يجلدك .
بلعات روخ الندى ريقها ونسات روحها ملكة ورجمعات راسها بالزربة خافت يعيقو بماضيها اللي شحال من مرة كيطيح فلسانها وكتقرب تفضح راسها براسها بلا متنتابه
بصيرة : ختارينا ختها عويشة .. وهي غنجريو عليها من القصر
دورات روح الندى عينيها من جديد كتقلب على سبب مقنع باش مايبانش انها كتمارس طقوس وخصها تبقا مثالية قدام الجميع فالقصر وقالت
خليها .. منعو عليها الماكلة يوماين حتى تتربى على فعلتها ..ولاكن ماتجريوش عليها من القصر .. انا اللي جبتها من القلعة وماتعطينيش خاطري نخرجها فبلاد مكتعرف فيها حتى واحد
ابتسمت بصيرة وقالت حادرة راسها : ديما كتبهرينا بطيبة قلبك الاللة ..اللع يخليك لينا تاج فوق راسنا والدرع الحامي لينا
جرات بصيرة شادية خرجاتها كتشهق وداتها لاحتها فالبيت اللي كتبات فيه هي وختها وسدات عليها تما وخلاتها كتبكي فواحد الركنة بوحدها
تحبسات شادية لا ماكلة لاشراب ..اما بصيرة رجعات للعزلة وعويشة غطير بالفرحة وختارت الوجوه الزينة والباقي داهم عابد وخلا ليها الشهدة على ختها ..ستفاتهم وحدة وحدة فواحد البهو والخادمات فجنابها بلباس موحد وتسريحة وحدة ..هزات راسها وقالت
حيدو ليهم حوايجهم
شدات عويشة حوايجها عندها كتمتم ووحدة من الخدم كتفسخ ليها الخيوط وشافت كلشي تعرا كما تخلقو وسكتات سمحات ليهم عراوها وبداو كيشوفو المفاتن واش صافية ونضيفة ..واللي لقاو فيها شي عيب او او حروق او طبعك او ناقصك فمافتنها كيبعدوها حتى نقاوهم وانتهت المرحلة الاولى ودازو للمرحلة الثانية .. كان عدد الحريم كيفوق الربعين لاكن فاش عرضوهم على الحكيمة صبح عددهم عشرين بنت بكر فقط ، وبدا الفصل الاخير من التجهيز فاليوم الثالت اللي كانت فيه شادية سخفانة فجناحها وعاد عفا عليها الله وفتحو عليها الباب ولنتهت عقوبها وحطو ليها تاكل واخا ماقادراش تهد يدها ..كانو اثنائها فهاد الوقت البنات فالحمام بشكل منضم ..غسلو وتعطرو ولبسو لباس واحد موحد خفيف بحال النوم فالابيض ودازو لتنشيف الشعر وقص الاطراف وتقليم الادافر ومراقبة النضافة حتى صبحو جاهزين مية فالمية ويليقو بمقام الامير عاد خداوهم فصفوف منتضمة فصمت و الخادمات فالجوانب بانتضام حتى لباب العمبر الكبير ..وهنا تحلو ابواب الجنة ليهم فهاد القصر وضرباتهم ريحة العنبر ولعطور الناعمة ودخلو هازين عيونهم كيشوفو فروعة المكان ..عياو يتخيلو لاكن بحال اللي شافوه عمرو طاح ليهم فراسهم .. السقف العالي المنقوش والستائر نازلة منو والنعومة حسو بيها قبل مايلمسو الاسرة والفراش.
وقفو الخادمات بانتضام قادو كل وحدة لمكانها الخاص بيها وخلاو بين كل جوج سرير فارغ نضرا لكثرة الاسرة وكبر العمبر.. وقفات بصيرة هازة راسها وكتشوف فيهم وقالت بصرامة
وقفو بانتضام يالاه
وقفو كل وحدة حدا سريرها خافيين الضحكة والسعادة وحادرين الراس ، دورات بصيرة عينيها شافت فيهم وقالت
العمبر عندو خاص ..واللي خالفات النضام غتخرج وعمرها تحلم ترجع ليه .. الحوايج اللي كتشوفو قدامكم مطويين هادا هوا الزي ديالكم الصباحي اللي غتلبسو باش تمشيو لواحة الادب ..غتتعلمو الرقة واللباقة والكلام بالطريقة اللي تليق بالقصر . وحدا الفراش فوق الارض غتلقاو النعال اللي تلبسو وسط العمبر ..وممنوع على شي وحدة تخرج بداك النعال خارج العمبر .. غتنعسو فوقت واحد ..وغير تسمعو بحال هاد الصوت
شارت بيدها لوحدة من الخادمات اللي هادة جرس فيدها نحاسي وحركاتو وكملات بصيرة كلامها وقالت
تسمعو هاد الصوت تفيقو وتنوضو وطويو فراشكم بالطريقة والحركات اللي غنوريكم دابا . ومن بعد منها مباشرة تلبسو النعال ..واللي فهاد الصف غادي يعاون اللي فهاد الصف يلبس ..من بعدها اللي فهاد الصف اللي لبس غيعاون الصف اللي عاونو يلبس .. وبانتضام وفحركة وحدة وفصمت ..من بعد غتمشي فصف واحد مور واحد لهاد الطبلة الطويلة اللي فراس العمبر وتجلسو تفطرو .. عندكم المخاد فالارض وممنوع شي وحدة تجلس منها للارض فوق الزربية .. وكل جوج يجلسو مقابلين ..ممنوع يبقا المكان المقابل فارغ . من بعد فاش تساليو غديرو الصف هنا حدا الباب حيت غتلقاونا واجدين باش تمشيو تضفو فمكم وحالتكم وتمشيو لحصة الادب مباشرة . يالاه كلشي ينتابه لطريقة طي الفراش ويحفظ الحركات .
علماتهم بصيرة كيفاش يطويو الفراش ووقفات سارت بيدها وقالت ..يالاه كل وحدة على فراشها
دخلو ففراشهم فرحانين كيفركلو وبداو الخادمات كيدورو على العنبر بانتضام ويطفيو الشموع وخرجو مثنى مثنى وتسدات ابواب العمبر
دخل عابد على شادية اللي ناعسة ومناعسة فالبيت وعينيها منفوخين بالبكا وقال
لاللة مولاتي بغاتك فجناحها فالحين
مسحات اهر دمعة على خدها وناضت وقفات بالزربة تجهزات ومشات مع عابد لحناح الملكة اللي كانت جالسة وشاردةفشرفة جناحها ..تقدمات شادية خادرة راسها وروح الندى كتشوف فيها ومزالة غضبانة عليها .. شارت بيدها جلساتها ووقالت
-كيفاش غادي نشوف فيك دابا وانا كنتخيلك فمضاعجة مع عبد!؟؟؟ على قلة الرجال ؟ ها القياد ها الوزراء ها المستشارين .. ضيعتي على راسك فرصة تكوني مرى محترمة ..واش عرفتي شنو كيعني تعاشري عبد؟ راه قمة النذل والحقارة واللي سمع بهاد الخبار واخا يكون باغيك غادي يدير بناقص
حدرات شادية راسها فصمت والحزن مخيم على وجهها وروح الندى كتشوف فيها باشمأزاز وقالت
جلسي شوفي ليا الامير فين وصل .. وداك راس الحية شنو كيدير ولاياش كيخطط
جلسات روح الندى وبدات تشوف فيد الملكة وقالت
خط الحياة على يدك كيبين الهدنة هاد الساعة ..والسكينة .. ولاكن من بعد هاد الهدنة جايا عاصفة .. وعاصفة غتقلب كلشي ..
روح الندى: هادالعاصفة فيها شي قتيلة
ودت روح الندى: فيها ارواح كثيرة .. ولاكن ماشي قريبة .. ووالقدر غيجمعك بملك الملوك ..بيناتكم سماء مغيمة ومضببة ..ولاكن هنا كتبانو ليا جالسين على طبلة وحدة ..ويدك فيدو ..وقريب غادي يعلى شانك ومقامك وعرشك غياهد مكان بين عروش همة وشان.
عقدات روح الندى حجبانها وقالت : كيفاش مافهمتش؟ اش لاقاني بكحل السيفة حتى ندير يدي فيدو الله يعطيه موصيبة
ردت روح الندى وقالت : غادي ديري يدك فيدو الاللة ..ولاكن من بعد ماتعصق السما دم .
سدات روح الندى عينيها ماقدراتش تزيد تسمع وقالت
شوفي زهري اش كيقول ؟
روح الندى : مزال خط الحياة عندو مايقول.. ومزال غتجينا هدية للقصر ..هدية كبيرة وغالية ..وغتكون ليها فالقصر البلاصة المخيرة .. اما سيدي يور فحط رجليه على تراب رجليك الاللة ..وفطريقة للقصر يقدر يوصل ليوم ولا غدا
تنهدات روح الندى وقالت :الحمد لله على سلامتو .. شوفي ليا زهري شنو كيقول
ردت روح الندى وقالت :زهرك ديما معاك ..ولاكن ممكن الاقدار تبدل كلشي فرمشة عين .. وخط القلب…
جمعات روح الندى يدها وقالت
صافي شكرا ..انا عارفة قلبي اش كيقول ماتحتاجي تقراي ليا الكف عليه ..صافي سيري شوفي ليك ماتقضي.. وخلي موصيبتك سر مانبغي يعرفو حتى واحد فهمتي
تحلو بيبان العمبر ..وخلو الخادمات فصف واحد والاجراس فيديهم كيرنو وهما كيدورو على صفوف الحريم .. فاقو البنات موردات من اجمل نعسة نعسوها فحياتهم .. وقفو فالبلاصة بلا تعطال وكما علماتهم بصيرة دارو ..طوار فراشهم فحركة وحدة وبنفس الطريقة ووقفو مصافين للصف اللي قدامهم كيعاونوهم فلباسهم وكذلك عاونوهم الصف فتبدالهم ..ولبسو النعال فخطوة وحدة واتاجهو للميدة الطويلة وجلو مقابلين مع بعضياتهم يفطرو والفرحة غتخرج من عينيهم .. ماصدقو دخلو للعمبر وعندهم الخدم اللي يخدمهم ..كل وحدة دايرة عقلها ومرزنة وختيفة على بلاصتها لا تمشي ليها وتهرج لسوق الدلالة عريانة . تحطو ليهم اشهى الطعام واصنافه للفطور .. وغير الماكلة الصحية ..بداو يفطرو والخادمات كيدورو بيهم ويراقبهم ويعلمهم كفاش يهزو الدغمة ويشدو الكاس.. وكفاش يجلسو بضهر مستقيم و يشدو الموس… وممنوع الهضرة وقت الماكلة . كلاو حتى شبعو وناضو فصف واحد بقفاطن مخزانية خفيفة بلا خزام ومشاو شدو الصف حدا الباب فين كانت بصيرة واقفة كتسناهم ..خرجاتهم للحمام وعلماتهم كفاش يغسلو الفم من الماكلة وينضفو الحالة ..من بعد فرقات عليهم وحدة من لخدم عرق السوس اللي هازة فطبسيلها ..ووراتهم بصيرة كيفاش يشدون ففمهم ويغززوه وفنفس الوقن يحك ليهم السنان طول فترة التعلم ديالهم فواحة الادب والاخلاق اللي دخلو ليها وجلسو فصف واحد قدام مرى غير من وقفتها وراسها العالي وعينيهافالازض باينة عليها عارفة بزاف .. بدات فتعليهم طريقة المشي والكلام والجلاس ..والى صادفو الامير كيفاش يعطيوه التحية .. وكيفاش يتصرفو الى شي وحدة فيهم مشات للخلوة .
فهاد الاثناء اللي كان القصر مشغول بتجهيزات الاستقبال وصل الامير والوفد ديالو على خيول رفيعة والعلامات سابقاهم .. دخلو المدينة والناس مجمعين على جناب الاصوار باغيين يشوفو الامير والورد كيتلاح عليه منين ما داز حتى وصل للقصر ولقا استقبال حافل فأبوابه الكثيرة ..مدافع كطلق نيران قوية واصوات النفور والاجراس الضخمة كتعلم وصول الامير ..
وقفات اثنائها روح الندى وشادية فدقة وحدة غير كل وحدة وقفات فبيتها .. شادية طلات من الشرفة واخا بعيدة عليها الساحة وروخ الندى هزات راسها فأبهى حلتها وخرجات تستقبل ولدها بنفسها ..انا بصيرة فجمعات البنات كاملين بالزربة لبساتهم التكاشط وزيناتهم وجهزاتهم قدام البابعلى شكل صفوف مقابلة ..نزلات لاللة روح الندى وسط البنات فواجهة الباب والتاج على راسها والحرس واقفين بانتضام وفمقدمتهم القائد ذو الفقار . دخل الوفد هوا اللول كيلقي التحية على الملكة ويتجنب للجنب ..ومن بعدو دخلات عبدية فرحانة بشوفة الملكة اللي حتى هي بدورها فتحات ليها يديها وعنقاتها ووقفات حداها ..واخيرا دخل الامير مع بابالقصر والكل متلهف يشوفو ومنهم شادية اللي واقفة بعيد كطل بنص عين بلا مايشوفها حتى واحد ..كان شاب شجاج من اقوى الشبان .. بهبة وعضمة وطول وقد دخل مع الباب فلباس فارس اسود كما تمنات تشوفو روح الندى ..شعر قصير ولحية كثيفة وعلى راسو مدور وشاح صحراوي كحل ولايح طرفه على الجنب ..نضرة صارمة وحادة لاكن فنفس الوقت مليئة بالشوق والحضن الدافئ دالام . ابتسم بشفاهه المخفية وسط اللحية وتقدم فسروال من الجلد بحزام من الخصر عريض وقميص كحل بالاصداف حتى للعنق جامع بينه وبين السروال حزام عريض من الجلد مزير .. كانو ليه درعان قوية صليبة وشاد معصم يديه بجوج بأساور حديدية مزيرة بخال ديال شي مارد تقيلة من بداية المعصم حتى لثنية الاكواع وعلى يديه ملفوف احزمة سوداء من بداية الكف حتى لضهر اليد. لابس حدا من الجلد طلع حتى للركبة وكان لباسه عادي بدون نقش او زواق من غير الاسوار الحديدية الغليضة و التقيلة اللي عليها نقش صحراوي محفور واتار االخدوش والضربات ديال السيف اللي تعرض ليهم بيدو . كان شاب شهم وذو بنية قوية اكثر من الفرسان اللي معاه ..وتربات هاد البنية والادرع نتيجة عشقه للصيد اللي كيضل فيه نهار كامل كيجري ويعرق وينشف ..يتسلق الجبال ويقطع الانهار ويتخطا الاشجار .. لاكن كان كيتمتع بحدة البصر بحال الصقر .. وقوة السمع بحال الديب ..وقوة الجسد بخال السبع ..وحاسة شم قوية بحال سمك القرش . وكان ليه وجه جميل وشديد الوسامة ..حتى البنات اللي كانو حاضرين فاستقباله بقاو معلقين فيه وكيتسناوه يتلفت ليهم ..
تقدم بابستسام حرك راسو للبنات كتحية لاكن الحريم كانت ليه اوامر اخرى في استقباله وبدات تتقدم كل وخدة منهم خطوة ويبوسو ليه يدو بكل سعادة حتى وصل عند عويشة وتقدمات فرحانة شدات ليه يدو باسها ..وقف لولهة بقا كيحدق فيها وهزات عينيها فيه ابتسمت ورجعات حدراتهم شادية كتشوف فداك المنضر الحاد بحال الخنجر وعينيها كيبكيو بصمت .. ماقدراتش تتحمل ومشات كتجري رجعات لجناحها خلاتهم محتافلين وهوا فحضن الملكة اللي كانت عينها غتنشف بحر الاشتياق
يتبع...
التنقل بين الأجزاء