طاحت الورقة من يدها وطاح هم العالم على قلبها حلات فمها كتنفس تقول الروح كطلع حتى جات فالارض على طولها ويدها على صدرها كتحاول تنفس.. دخلات جارية من الجواري دالصباح لجناح الامير اللي كتساعدو ولقات لاللة روح الندى طايحة وبقات كتغوت جمعات عليها الخدم والوصيفات هزوها فوق الفراش وعتقوها بالماء وبداو يقراو عليها القرآن وهي كتبكي وكتجر فوسادتو وتعنق .. تشوطات حتى بقا فيها غير الرماد وسمحات فكلشي وهجرات كلشي وتوحدات مابقات كتسول فحتى حاجة ولا هامها شي حاجة .. لولا عبدية و وذو الفقار اللي مسيرين شؤون القصر والديوان لا تخرب كلشي وبقات غير السمية .. حتى الحياة فالقصر ولات مملة وحتى جناح العمبر خيمات عليه سحابة كحلة ..الهضرة بقات كدور حتى وصلات للملك محمد اصيل ووقف كيضحك فجناحو وقال لحكيم
مزياان .. مزيان هادشي اللي وقع احكيم .. هادي الفرصة اللي كنت كنتسنى ..حا الوقت فين خصنا نتحركو
هبط حكيم راسو وقال
امر امولاي
رفع الملك محمد اصيل راسو وقال
هانا غنوريك الدقة اللي مكتنوضش العجاج .. غدا احكيم الصباح غادي تشد طريق نتا واتباعك لقشتالة .. وماضيعوش الوقت .. عندكم شهر نبغي العجاج ينوض .
ضرب حكيم على صدرو وخرج وبقا الاصيل واقف كيتأمل من شرفة جناحه فاتجاه قرطبة وقال
تنهد وخرج من جناحو ااح عليه عبايتو ووصادف لاللة جوريا فالطريق عندو وجهها اصفر ..حدرات ليه راسها وقالت
مولاي ..سمعت باللي وقع شي مشكل بين الملكة روح الندى والامير يور ..سمعت باللي تنازل على كلشي وخرج من القصر
تبسم رتب على كتفها وزاد مع الطريق خرج طلع على الخيل ديالو وشد الطريق حتى ليشبونة ودخل للقصر القديم التابع لبلادو .. استقبلو المجيئ ديالو المفاجأ وبالزربة قادو الترتيبات ورافقوه حتى لجناحو الخاص ووقفو مصافين قدامو . هز راسو فالسما وامر يحضرو ليه سبأ.. خرجو فالحين جهزوها وحضروها ليه وسط جناحو ..دخلات حادرة راسها كضحك وطاحت عندو رجلو باست ليه يدو ووقفها كيشوف فتعابير وجها الجميل اللي عمرو شاف بحاله ..دوز يدو على شعرها وقال
وفين وصلتي فالتعليم ؟
تبسمات ببرائة وقالت
كنتعلم باللي والنهار امولاي .. هادشي كله من فضلك من بعد الله سبحانه وتعالى
تبسم وتفاجأ وقال ::باين كتعلمي وراسك خفيف.. وحتى الدين شديتيه من الطريق الصحيح
تبسم وقال: جلسي اسبأ.. وعاودي ليا شنو وقع معاك بالضبط انا جاي باش نعرف منك اشنو وقع
جلسات جنبو بدات كتحكي وتعاود حتى سالات وسكتات كتشوف فيديها
حرك راسو بالايجاب وقال
حتى واحد معارفك هنا .. باش نتفاداو بحال هاد المشاكل اللي وقعات .. المهم.. كيفاش تعاملو معاك فقصر الملكة روح الندى؟
تنهدات وشردات قدامها وقالت : عاملو بحال الاميرة امولاي .. وصاهم عليا سمو الامير الله يجازيه بالخير ..ماخلاوني مخصوصة من حتى حاجة
هز الملك محمد اصيل راسو وقال : كيفاش تعامل معاك فاش عرفك من عندي
شرد الاصيل ففطورو مع روح الندى وهي جالسة معاه فالطبلة وتفكر غناها وصوتها ووصفها ليه وتغزلها بيه وكاع اللحضات الرمنسية حتى تبسم بلا ميشعر وحل عينيه مسح على لحيتو وناض كتفقد احوال القصر مع المشرفين عليه واجتامع بالقائد دليشبونة اللي رسم عليها ودوز النهار كله فالديوان حتى اذن العشا ودخل لجناحو يتعشا ..جلس وبقا كيشوف فالعشا مطولا من بعد امر يجيبو ليه سبأ تتعشا معاه وحضرات فأيهى حلة .. انبهر بجمالها وابتسامتها البريئة وحط ليها وسادة جلسات عليها وقالت بابتسامة
امرني امولاي.. اشنو حب خاطرك
ضحك وهوا كيشوف فيها وقال
قولي لي اسبأ.. كتعرفي تغني؟
ردت بالنفي وقالت . كنعرف نعزف على العود ..ونقول الشعر امولاي
هز حاجبو بابتسامة وقال: كتعرفي تقولي الشعر بالفطرة ولا تعلمتي ليه ؟
تبسمات وهي جالسة مستقيمة رافعة راسها والابتسامة مكتخطاهاش وقالت
بالفطرة امولاي.. ولاكن بالعربية مزال صعيب شوية .. قبل كنت نضم الكلام بلغتي .. وحتى دابا نضمو لمولاي الى بغيتي ..
ضحك وقال : باينة من طريقة جوابك الغزالة .
يالاه عطيني شي ابيات من المفردات اللي تعلمتي.
قالت على مسمعه وهوا كيتعشى
قالوا عشقت صغيرة فأجبتهم
أشهى المطيّ إليّ ما لم يركب
كم من حبّة لؤلؤ مثقوبة
لبست وحبّة لؤلؤ لم تثقب
هز حاجبه متفاجأ وقال بابتسامة :
ماخفتيش كتعتارفي بهاد العشق قدامي؟ ولمن ؟
تبسمات وقالت رافعة راسها
أدور في القصر لا أرى أحدا
أشكو إليه ولا يكلمني
حتى كأني ركبت معصية
ليست لها توبة تخلصني
ضحك وقال كيعطيها حبة عنب لفمها
خلصتكي فصاحة لسانك .. وعذب كلامك .. ان وقع قلبك عاشقا .. فلا مفر امامك .
ودت بفصاحة لشان وقالت :
يا من يغطي هواه
من ذا يغطي النهارا
قد كنت أملك قلبي
حتى علقت فطارا
تعشات معاه وسمعتتو اعذب الكلام حتى نساتو فهمو وأيامو ونسا معاها حتى احلامو ، وفاش سالات الامسية ورجع ذاكرتو وشنو وراه وشنو قدامو تبسم وقال كيشوف فيها وعينيها تقال بالنعاس وهي جالسة جنب الطبلة
الى شي نهار خيرتك بين .. تمشي لقصر الامير سلطان ..ولا قصر الاميو يور
صبح الحال وشد طريق الرجعة لقصر الحمراء .. ودخل مباشرة لجناحو ومشا لطاولة كبيرة عليها اوراق كثيرة وريشة وحبر وطلق الورقة وكتب عليها ..
الامير يور بن محمد اصيل المرتضي بالله
تبسم ولواها وشدها فيدو وقال
هاحنا غنشوفو الاللة روح الندى .. يا اما تبان الحقيقة ويتيحيد الشك يا اما غنسكفو الدم ونحدوها لهاد اللعب
الاصيل علن الحرب الساخنة على روح الندى وهي مافراسها ما يتعاود.. ناعسة فجناحها كتبكي وحازنة وكل شوية تنوض تسول واش الامير رجع ولالا .. بقات هاكاك ايام وليالي مريضة والرسائل التهديدية كل مرة توصلها وحدة .. بغات تحماق وبغات تعرف شكون من غيرهم بثلاتة اللي عارف بالسر .. دازت عليها ايام وليالي كحلة زحلة ..وكما كيقول المثل .. المشاكل الى نزلات كتنزل دقة وحدة ..وهاكا نزلات المشاكل عاى روخ الندى .. الاصيل من جهة واخا حسو مقطوع مكتسمعوش ومكيوصلها صهد منو .. ولا يمكن هادشي اللي كيحساب ليها. هي.. مافراسهاش باللي جميع البلاوي اللي نزلات عليها من تحت راسو .. كملات وجملات فالنهار المشؤوم اللي صبحات عليها عبدية برسالة اخرى ..لاكن هاد المرة الرسالة رسالة حرب.. فتحاتها وهي جالسة ففراشها لقاتها رسالة تهديدية من ملك قشتالة .. واللي جات مملكتها على جنوب مملكة قشتالة وكيطالبو تسلم ليهم قرطبة وترجع تحت الحكم المسيحي. . والا غادي ياخدوها بالقوة ويهدو القصر فوق راسها كما هداتو فوق راس اتباعهم اللي كانو حاكمين قبل منها . نزل الخبر بحال الساعقة خلاها توقف واخا مافيها حتى عرق صحيح ، ماقدراتش تصدق شنو كيوقع وتذكرات كلام شادية ليها وهزات صبعها بالزربة قالت لعبدية
ربعات شادية يديها وقالت :الزمان اللي قلبني .. عطيت كلشيوماخديت والو .. وخسرت كولشي ومابقا ليا منخسر.. انا والله هاد الساعة .. فسفينة بوحدي.. ضحيت وماطلعلي من التضحية غير الريح ..دابا يا اما غتنفدي شرطي ونفد الطلبات ديالك .. يا اما غنهزكم كاملين معايا فهاد السفينة اللي كتغرق ونغرقو جميع .. حنا غارقين غارقين .. ونتي خاسرة خاسرة .. وكما سبق وقلت ليك .. هاد الحرب غتقلب الدنيا سفاها على علاها .. ولا نتي. غتبقاي حاكمة ..لا حنا غنبقاو خدم عندك .. وماشي بعيد حتى نتي تولي وخدة منا
زيرات روح الندى كف يدها وغززات سنانها حتى خرجو عروقها وقالت
هضري شنو هوا هاد الشررررط
جمعات شادية النفس وقالت رافعة راسها وعيني عينك فلاللة روح الندى
شرطي نتزوج بالامير
حلات روح الندى عينيها مصدومة وقالت : شنوووو؟؟؟ لا نتي تسطيتي نيشان .. تزوجي ؟؟ وبالامييير !
ردت شادية باصرار وقالت : تقدري ديري اي حاجة وهادي اسهل حاجة عندك ..
ضربات روح الندى بيدها على الطبلة وقالت : انااا مستحيل نزوج ولدي الوحيد ليك نتي..يا السحارة
تصدمات شادية فاش عرفاتو ولدها لاكن بقات كتسائل واش كتعني ولدها ولدها يعني والداه من كرشها ولا ولدها حيت رباتو ! ركزات فالاهم وخلات عليها التحليلات الخاوية وقالت
زيرات روح الندى على سنانها وجرات عليها من البيت وبقات بوحدها غتفرقع وتهضر .. عيطات على ذو الفقار دخل كيجري عندها ووقفات قالت ليه سير دابا تسارا فالمدينة .. شوف ليا شي شوافة وجيبها ليا فالحين .. ولابد يكون شي واحد من غير هاد بنت الحرام .. غير بلاتي . ولا عليك اشادية غير حتى نتوالاك ونوريك .. غير بلاتي عليك
خرج دو الفقار خلاها كتاكل جنابها ومشا كيجمع ليها فالشوافات ديال المدينة كلها ..داما شادية خرجات نيشان مشات لجناحها وجمعات كموستها وكاع اللي كتكسابو وتعلامو من ثواب الحرير والبروكار والذهب والفضة وكاع اللي جادت بيه لاللة روح الندى عليها .. واستعدت لأي هجوم او طرد او شي حاجة تقدر تصيبها .. حطاتها فالقنت مخبية ومشات نزلات للمطبخ كتقلب على ختها حتى لقاتها وخرجاتها من تما كتعتر فقفطانها الكحل وقنتاتها فواحد القنت وقالت
سمعي مزيان ايامنة .. غتمشي داابا للبيت ديالك وتجمعي شطايطك .. راه مي رسلات ليا مرسول باش نهربو من ااقصر ونمشيو لحقو عليها فواحد المدينة زوينة
حلات يامنة عينيها وقالت : بصااح !! مي باقا حية !! وناااري وا بي سبع رواح هاد مسعودة
شادية: داباا واش غتمشي معايا ولا غنريد ونخليك كضربي فتمارة فهاد القصر
زيدي تحركي جمعي رزمتك ولا غادي نجيب ليك مسعودة لهنا تشتف على يامك يالاه تحركي دفعاتها مشات يامنة كتنهق تجمع حوايجها ورجعات شادية للعمبر دخلات عليهم بحال الرعد وهما متكين كل وحدة فوق سريرها كضحك وجالسين كيدفرو لبعضياتهم . شافت هاكا وهاكا وبانت ليها عويشة جالسة فسريرها وغير شافتها ناضت وقفات مصدومة . قصداتها شادية هازة راسها وجراتها من يدها خرجاتها ولاحتها مع الحيط .. هزات عويشة صبعها مخرجة عينيها لاكن قبل متنطق ضرباتوليها شادية وقالت هادة صبعها
سمعي اديك الشيخة .. هادشي اللي نتي فيه قرب يسالي وغادي يتقلب ويتشقلب هاد القصر وغتمشي تتباعي للكفار بحال اي جارية .. ديري فبالك باللي حنا داخلين فحرب وخارجين منها خاسرين .. سمعتي .. سمعي شكنقول من فمي.. خارجين منها خاسرين .. والملكة روح الندى مغتبقاش حاكمة .. ايوا دابا نتي تعرفي اشنو ديري الى بغيتي تعتقي راسك ..اللهم اني قد بلغت. بسلامة عليك الخاوة دالقش
جمعات شادية الرزمة وتحزمات بيامنة ختها وباتت ماصبحات .. تلتمات وتسلتات بين الشجر جارة الهبيلة ديامنة وراها وكل وحدة حاملة رزمتها فنصاص الليل حتى خرجات من القصر وبعدات على المدينة وقصدات الواد الكبير اللي كيفصلبين روح الندى والاصيل وقطعاتو فالفلوكة ..لا عين شافت لا قلب وجع ..
ايوا وصبح الصباح وصبحو كاع الشوافات مصافات فصف واحد قدام روح الندى .. دارو النوبة كل مرة يقرب واحد ولا وحدة يشوف ليها لاكن حتى واحد ماطلع كلامو بحال كلام روح الندى .. كلهم غير الكدوب والبهتان .. ونيت لقاو روح الندى مغلغلة وحتى واحد ماجا ليها فالحرب اللي تعلنات عليها وبالفقصة بخات غضبعا عليهم كاملين وحبساتهم تحت القصر وجلسات شدات راسها كتبكي حتى عيات واستسلمات وهزات راسها شافت فعبدية وقالت باستسلام
جيبي ليا شادية
هبطات عبدية راسها مشات كتجري تجيبها لاكن صادفات عابد جاي كيقلب عليها ورقفها وقال لاللة عبدية .. يامنة المهبولة باتت ماصبحات .. هربات لينا من القصر
حلات عبدية عينيها تفكرات شادية ومشات كتجري حلات البيت لقاتو خاوي ومشات كتقلب بين الحوايج لقات غير الخزنة خاوية وخرجات كتجري عند روح الندى وتنهج سخفانة وقالت
لاللة لاللة … المتعوسة هربات من القصر هي وختها الهبيلة
وقفات روح الندى كتشوف فيها وقالت
كيفاش؟؟ شكون اللي هرب؟
بلعات عبدية ريقها خافت تقجها وقالت
شادية هربات من القصر
تصدمات روح الندى ودازت فيها وخرجات كتجري مشات لبيتها دخلات عليه كتقلب عليها وتقلب بين حوايجها وتلوح هما ولهيه ودور بلاصتها وشدات فراسها بغات طرطق وخرجات لبرا كتغوت تجمعو عليها كاع المشرفين دالقصر حادرين الراس .. ساطت فالاخضر واليابس كتغوت وتسرفق
روح الندى: اشنو هي خدمتكم ؟؟؟ شنو هي ؟؟ شنووووو الدور ديالكم فهاد القصر دالويل.. جوج بنات هربو وحتى واحد ماشاق ليهم الخبار .. شي هارب شي داخل وشي خارج ونتوما ناعسين .. ناعسين الكلاااب
بقات كتغوت ومابردات حتى سمعات صوت النفار كينفر من بعيد وهزات راسها كتسمع ..ج ا حارس كجري هبط راسو قاليها
لاللة مولاتي.. الملك محمد اصيل فالقصر لزيارة سيادتكم
دخلات جناحها سدات عليها هي والوصيفات ورجعو الخدم والعبيد كيجريو يوجدو لاستقباله
خل الاصيل بخطوات بطيئة لصالة الضيافة كيسرح عينيه وبلا وفد بلا حرس.. غير حكيم اللي معاه وبقا واقف برا طالق عينيه وكيشوف احوال القصر والجو كي داير تقدم كيتمشى والعبيد تابعينو حانيين الراس ويرحبو بيه قاليه عابد اسمر اللون
مولاي.. سمح لينا على هاد الاستقبال.. لاللة مولاتي خرجات للزناهة مع سمو الامير
حرك الملك راسو وقال كيتأمل فزخرفة السقف
واخا قوليها انا غنتسناك هنا حتى ترجعي من النزاهة
حدر عاقد راسو وقال
هي اللولة امولاي
مشا عابد كيجري ودور الاصيل عينو ورا ضهر ضحك بسخرية ومشا جهة واحد الخزانة ديال الكتب وبدا كيقرا العناوين ولفت انتباه كتاب مكتوب على عنوانه كن حاكما فقيرا
هزو وجلس كيقرا بعض الاسطر في حين دخل عابد كيجري عند لاللة روح الندى بقاها قدام المراية لابسة تكشيطة من الثليحة حمرا وكتلبس الحوالق فودنيها ومصاوبة مشطة لشعرها وكتزرب باش تلبس حلتها الملكية
عابد: لاللة مولاتي.. قلت ليه مشيتي للنزاهة مع سمو الامير .. وقالي غادي نتسناها حتى ترجع تلفتات شافت فيه كتنفخ قالت ليه اويلي واش هادا مسالي ماعندو شغل ؟ سير عيط ليا على ذو الفقار يحضر عندي فالحين
طارت روك الندى على الورقة شافتها لقات فيها رسالة عبارة عن رسم لان شادية مكتعرفش تكتب .. بقات روح الندى كتحقق فالرسم وشنو كيعني .. بان ليها بحال شكل قبر وعليه سهم وحداه اشاب على راسو تاج كيعني انه الامير يور .. وفوقو القمرة والشمس .. وكبها الخوف من الرسم وقدات كترعد ووقفات مصدومة والورقة فيدها ولسانها تقيل .. ماقدراتش تفرز المقصود من ديك الرسمة ويالاه هزات راسها بغات تهضر دخل على جناحها الملك محمد اصيل وجات عينو فعينها خلاها مصمرة كتشوف فيه ولسانها مربوط وقال
كي دازت النزاهة الاللة روخ الندى
رمشات وعاودات كتستوعب وشارت بيدها للجميع يغادرو الجناح من قعد ما كملو ليها اللباس وقالت كتشوف فيه مصدومة
شنو بغيتي ؟. اش هاد الزيارة المفاجأة اللي ماشي من شيام الملوم والسلاطين اجلالة الملك
تقدم كيتسارا فجناحها وقال
حاجة وحدة اللي كتجي على غفلة ..هي الموت .. وانا جيت باش نساندك فهاد الحرب اللي سلاطت عليك ونتي ماشي قدها
ضحكات بسخرية وقالت كتشوف فيه
شكون قاليك انا ماشي قدها ؟ راك مزال غالط اجلالة الملك .. انا روح الندى … ماشي اي وحدة .. مزال ماستسلمت ومزال غادي ندهشك .. غادي نصدمك حتى تقول تسليم
حرك راسو بالايجاب وتلفت شاف فيها وقال وهوا كيقرب منها خطوة خطوة
ماشي هاد المرة اروح الندى .. هاد المرة الحرب على ابواب مدينتك .. وقريب غتقتاحم هاد القصر وتهدو فوق راسك .. نتي قدام مملكة قدها قداش واسطول ديال المحاربين ونضام قتالي.. باش غتقاتلي ؟ هاا؟ باش غادي تحاربي ونتي عندك جيش صغير .. خمسية الف محارب اشنو غيدير قدام ربعين الف محارب ؟؟ ولا عندك شي تعويدة غادي طلقيها عليهم من السما باش تربحي الحرب
رفعات راسها وهي كتشوف فيها ونفسو كضرب فوجهها ونيفو حدا نيفها وقالت بلا متزعز ولا تململ
زيرات على سنانها كتشوف فيه وقالت كنحرك راسها بالايجاب
غادي يوصلك خبر الاغتصاب .. من بعد منغتاصبهم انا واحد واحد .
رجع اللور طلق النفس وجاشف فيها وقال
هانا كنتسنا الرد ديالك .. ماضحيش بالشعب بسبب عنادك
شار ليها بصبعو وزاد خرج وطاحت جلسات كتنفس ويدها على صدرها وكترعد وعيطات للحراس كلمو ليها لخدم وعطاوها تشرب وهي كتشهق تقول غرقات ورجعات فيها الروح .. اما محمد اصيل خرج كيفك صداف العنق وكيكحب مخنوق ونزل خرج داز قدام حكيم اللي كان كيدور فالباب وهبط راسو بسرعة تبعو ودور عينيه فجنابو وقال
مولاي.. كاينة شي حاجة واقعة فالقصر
زفر الملك كيسوط ويقك الخنقة غادي وعينيه الحادة قدامو وقال
كاينة الحرب
رد حكيم وقال
لا امولاي القضية ماشي قضية حرب.. عرفت شي خبر كيتعلق بسمو الامير
وقف الملك وتلفت صغر عينيه وقال
اشمن خبر ؟
رد حكيم وقال: سمعت الجواري بالتخبية كيهضرو .. واضح ان سمو الامير مناقش مع جلالة الملكة .. وفعلا تنازل على الحكم وخرج وحتا واحد معارف فين مشا.. القصية حامضة فهاد القصر امولاي والصدع اللي بين الملكة وسمو الامير ماشي عادي .. والا علاش يسمح فالجمل وما حمل ويخرج ..وزيد على هاد سمعت باللي الجواري بداو كيهربو .. وكيهضرو على شي شعودة ماشعودة
قلب الملك عينيه بسخرية مابغاش يزيد يسمع فداك الكلام اللي ماليه تا معنى وخرج ركب على العود وقال
كل واحد لشنو كيخطط .. كل واحد علاياش مضمر .. اما روح الندى تلفات وداخت وماعرفات اشنو دير .. حتى العقل باش تفكر هرب ليها .. دوزات الليلة كلها سهرانة غادية جاية كتشوف فالرسم حتى صبح الحال وحسات براسها خفافت والدهشة مشات وناضت وقفات هزات ريشة كتبات رد لملك قشتالة كطلب منو يعطيها شوية دالوقت تفكر فيه وترد عليه فما يخص تسليم البلاد.. لوات الرسالة وعطاتها لرسول القصر انطلق بيها كيجري يوصلها..لاكن كانت عيون كتربص بيه من بعيد حتى بعد على اصوار القصر وخرج للمدينة وتبعوه خطوة بخطوة فوق العود حتى خرجو على اصوار المدينة العضيمة وشد طريق قاحلة فاحلة كيجري النهار كله .. عيا الرسول وجلس يرتاح تحت شجرة وجبد الماء شرب وحط راسو جنب الخيل المربوط حداه كيرتاح . . فهاد الاثاء نزل اللي كان كيتربص بيه بعيد وربط عوده فشجرة بعيدة وهز رزمة على كتفو ومشا قصده دايز حداه والشمس كتغلل فوق راسهم ولاح ليه السلام .. ود عليه الرسول السلام وهنا تبسم العابر المزيف وقرب منو وقال
اهلا باخي في الاسلام
مد يدو صافحو وجلس جنبه قاليه
باين عليك جاي من بلاد بعيدة
رد الرسول وقال انا في مهمة .. شفتك غادي على رجلك ماعندكش دابة تحملك
ضحك الزائر وقال : انا فقير والحمد الله .. دابتي هما رجلي.. غنرتاح حداك شوية ونكمل طريقي
جبد من الرزمة ديالو قارورة لبن وخبز وتقاسمه مع الرسول وعرض عليه يشركو الطعام ،وبالفعل شركو الطعام لاكن سرعان ما غفا الرسول ونعس واللقمة مزالة فمو وطيح القارورة من يدو وغاب على الدنيا.. وقف الزائر بسرعة كيقلب طياته حوايجه وجبد المرسول خداه ومشا لفين رابط الخيل وركب عطا رجلو للريح راجع لمدينةقرطبة .. لاكن قبل مايدخل المدينة كانو رجال فوق الخيل ومن بينهم خيل مميز اسود اللون وعليه شاب شهم وذو بنية قوية لابس سروال اسود وسترة خفيفة سوداء وعلى راسو وشاح اسود مدور على جبهتو ولحيته ونيفو .. مد ليه حامل المرسول الرسالة وشدها طلق بيد وحدة بحدة وهبط الثام قرا الرسالة ورجع لواها وهز عينيه كيفكر
تكلم واحد من بين الثلاتة اللي معاه ومنهم حامل الرسالة وقال
شنو غنديرو اسمو الامير يور ؟
تنهد بغيض ورد الرسالة لحاملها وقال
غنتسناو شوية ونشوفو شنو غيوقع .. رجع الرسالة للصاحبها وماتخليه يشك فحتى حاجة .. وخلي عينك على باب القصر
رجعات الرسالة لمكانها وفاق الرسول لقا راسو شبع نعاس ونعس الليل كامل حتى صبح الحال وناض مفزوع كيقلب جنابه مالقا حداه حتى واحد وتفحص راسه واش تسرق لقا راسو كما هوا حتى حاجة مامشات ليه وتنهد كيرتاح ويضحك وقال
بكثرة العيا مت ماشي نعست ..
ركب الخيل ديالو وانطلق كمل طريقو ،. وكملات حتى لالل روح الندى تخطيطاتها وطاحت عليها فكرة جهنمية ماطيحش على ابليس.. ناضت تحزمات ورفعات راسها وقالت
ماعنديش جيش.. ماعنديش اسطول .. خمسالاف ضد اربعين الالف..وعلاش منخليش خمسالاف ضد خمسالاف باش تكون حرب نزيهة .. هانا غنوريكم الحكرة ونوريكم الحرب .انا اللي غادي نوقف عليها بيدي
نزلات رافعة راسها واسترجعات طاقتها وعزمات ودخلات للديوان من بعد ما هجراتو وخلات الرجال كيستاشرو غير بوحدهم كأنه ما عمدهم حاكم ولا سلطان .. تخل باب الديوان وحذر ليها الكل راسه ودخلات قدامهم كتشوف فيهم وترأساتهم وجلسات وعطات الاشارة ليهم يجلسو وقالت
حنا قدام حرب بحال البحر .. فأي لحضة تقدر تلتاهمنا كلنا وماعندناش خيار اخر
تكلم الوزير الاول وقال : عندنا حل الاللة روح الندى والحل بين يديك ..
حدر راسو بقا ساكت ماقدرش يقول وتكلم وتخد اخر بلاصتو وخايف يثير غضبها وطير ليه الراس بلا متشعر وقال
كيقصد نتاحدو الاللة ..ونضمو المدينة للدولة الاموية … وديك الساعة حتى واحد ميقدر يوصلنا بسوء
وقفات وجهها احمر وقالت
اااخر مرة نسمع هاد الهضرة ..ووهاد الافكار اللي عندكم يا اما تمحيوها ولا نمحيكم من المناصب ديالكم .. انا فاش غزيت هاد المدينة غزيتها بوحدي ماشي بالمساعدة ديال الدولة الاموية وماباغاش نتاحد معاهم ولا مع غيرهم .. هاد الكلام مابغيتوش يتكرر
قطعو الحس كاملين ورجعات جلسات كتنهج وترتاح وقالت
انا جمعتكم هنا باش نعلمكم باللي غادي نخوضو هاد الحرب هادي ..
شافو فيها مصدومين وبقاو شي كيشوف فشي وحتى واحد ماقدر يعارض قرارها لاكن حتى وتخد مراضي عليه .. شارت بيدها وخرجات جميع المستشرين والوزراء وعيطات على المهندسين وكبار العمال واستقبلاتهم فالديوان وطلقات ورقة على واحد الطبلة كبيرة وهزات حبر وبدات كتشرط وقالت
بغيت نبني فجهة حدودنا مع قشتالة انفاق تحت الارض وانابيب ..شحال غيستغرق ديال الوقت هادشي؟
رد عليها كبير العمال وقال
غيستغرق على الاقل اربع سنوات
هزات راسها وقالت
سنة وحدة اللي خصو يستغرق.. ولا قل.. وخاص الانابيب توصل لحدودنا مع قشتالة .. وهادشي خاصو يتبنا بالليل والنهار غتقسم العمال لجوج اقسام ..قسم يخدم اللي ورتاح فالنهار وقصم يخدم النهار ويرتاح فالليل ..وبلا صدع بلا ضجيج وبلا مايعرف حتى واحد شنو كنبني .. اللي سولك قوليه نفق الماء حيت المدينة محتاجة للماء. وهاد الانابيب خصها تبدا من المكان اللي غنحطو فيه الخيام دالحرب ماشي من المدينة تفاهمنا
حدر كبير العمال راسه أيدها وتلفتات للمهندسين طلبات من كل وحد يقدم ليها رسم وخط اللي تشوفو مناسب وبدات الخدمة من بعد الاجتماع بنهار وخدات الرسم دالنفاق الديقة وبدات الانطلاقة والخدمة بالليل والنهار بلا راحة لمدة ست اشهر وشهر على شهر والخدمة كتزيد تكبر وتزيد تبان وروح الندى فالمرسالات مع ملك قشتالة وكل مرة تعطيه سبب وكتأخر فالوقت وفالرد وعينها على الخدمة اللي فالحدود وكل مرة كتلثم وتمشي تراقب الشغل وفنفس الوقت مراقبها الامير من بعيد وحتى الملك محمد اصيل اللي وصلاتو خبارها بدات البني وتابعها فخطواتها باغي يعرف لشنو كتخطط وشنو كتنهدس وحتى واحد ماعطاه خبارها حيت حتى واحد معارف علاش كتبني دوك الانابيب تحت الارض وعلاش هاد الجهد وتمارة كلها تقول خدامين فيه الجنون ماشي بشر .. نهار على نهار كيتمددو الانابيب اكثر واكثر وكل نهار كتخرج رزمات ديال الفلوس للساهرين على هاد الخدمة وكتعطي ودعم وتشجع حتى لقات راسها صرفات تروة على قبل ديك الانابيب العملاقة تحت الارض..
من بعد الرسائل السياسية والمفاوضات وكسب الوقت اللي كانت كدوز بين ملك قشتالة والملكة روح الندى وكانت كلها كتمر غلى يدين يور .. جاء اليوم الاخير وانفد صبر ملك قشتالة ورسل رسالته الاخيرة واللي طاحت فيد الامير بحال العادة وقرا المرسول
سالات المهلة اللي عطيتك باش تسلمي ليا قرطبة بالخاطر.. جهزي راسك دابا باش ناخدها منك بالقوة .
هز الامير راسو لوا المرسول ورجعو لحامله يديه للرسول اللي كل مرة ناشب ليه خطة فشكل باش ياخد الرسالة بلا ميحس.. خرج الامير هوا وصحابه من الكهف اللي كانو جالسين ورقفو كيطلو على الدنيا من الفوق وقال
الملكة روح الندى مكانتش غتعطي قرطبة لملك قشتالة.. باين كانت كتسايسه ودابا جا الوقت فين خاصنا نتحركو .. مية راجل بقوة ميات راجل .. احسن من الالاف الرجال بقوة العيالات .يالاه
طلعو فوق الخيول وهبطو مع الجبل لمكان سري جا بين الجبال وكانو تما فرسان كل فارس هاز فدراعه قوة ميات فارس.. كان عددهم قليل مكيفوتش المية فارس .. لاكن كانت قوتهم لا يستهان بيها .. وواضح انهم نكينتمير لا لجيش ولا دولة ولا مدينة ولا حتى شي سلطة .. لاكن كان باين احترامهم وتقديرهم للامير كأنهم كيعرفوه من مان بعيد.. وحافض اسمائهم كلهم وكيعرفهم واحد واحد كما كيعرف خوتو .. لقاهم جالسين منتاشرين وكل واحد وشنو كيدير .. وكل واحد فين كيمضي سيفه .. وقف هز يدو قاليهم تجمعو يا الاخوان .. الحرب جايا فالطريق
تكلم واحد صوت و كيزعزع الجبال وقال
حنا مستاعدين امولاي .. غنفرسو جيش قشتالة كما كسفرس السبع الضحية .. ياك الاخوان
بداو كيضحكو وضربو واحد لكتفو وقاليه باين فيك الجوع ديال ستين عام الهيش كتهضر غير بالرفس
حل فمو لاخر كيضحك وقال ليه خاصني نضرب فالماكلة قد ماضربت من تاروادانت لهنا ديال الطريق .. باش نقدر نشرك دوك الفلالس فكمشة وحدة وانا شبعان
هز. الامير راسو قاليه من بعيد
غادي تاكل حتى يخرج ليك من ودنيك ا السرًّاد .. غير عنداك تقل بالماكلة وتولي نتا الرفيسة ديال الفلالس .
بقا كلشي كيضحك والسراد كيشوف فيهم وكيضرب على صدرو قاليهم كضحكو .. دابا تشوفو .. هاا دابا نوريكم كيفاش غنبجغهوم واحد واحد غير ضحكو
تلفت الامير عند واحد فصحابو قاليه غنرجع للقصر ا فتاح .. هادا هوا الوقت .. ونتوما خليكم هنا حتى يوصل اليوم الموعود وشرح ليهم مزيان الخطة وكل نهاو فكرهم فيها .. الى لقيت شي وقت غنرجع لهنا .. الى مالقيتش الوقت غادي نتلاقاو فالحرب كما تافقنا ..وتسناو اشارة مني قبل ماديرو حتى حاجة
رد فتاح وحرك راسو هبطو وقال
السمع والطاعة امولاي.. كون هاني من جيهتنا .. الصيد راه هوانا .. ماكلتننا وشرابنا .. سير وكون هاني من جيهتنا
لقا نضرة على البقية وضرب الخيل برجلو رجع للقصر لاكن قبل مايوصل لاصوار المدينة ويدخل رمقاتو العيون السهرانة عليهم من طرف الملك محمد اصيل وخرجو من الغيران كيتربصو بيه وهوا دايز ونشبو ليه مصيدة .. فالطريق شدوه بيها لاكن فشلات فاش حس بالخطر وجبد من جنابو خناجر مدورة بحال المناجل فتت بيها الشبكة اللي طاحت عليه وطلع على الخيل كيشوف فجنابه باغي يعرف شكون اللي بغا يصيدو لاكن ماشاف والو بانو ليه الخيالات بين الشجر مخبيين ولاحو عليه حبل بغاو يجروه صدق جاروهم كاع اللي كانو شادين الحبل طيحهم قدامو شي فوق شي وعينيه كيدورو حس بالخطر وبغا يحمي راسو من النشبات اللي دايرين ليه وهوا ماعارفهمش وبقا كيشوف هنا ولهيه والخيل كينقز بيه .. عاودو رماو عليه شبكة وحبل بغاو يشدوه وفلت منها بغا يهرب من ديك البلاصة لاكن تعرضو ليه فالطريق دارو بيه والخيل كيوقف بيه كل شوية كيبغي يزطم عليهم وكيهربو .. بقاو فصراع معاه مخاصرينو حتى بان حكيم ولوا عليه لثام وشار بصبعو للرجال فرقهم باش يشدوه وحط وراه رجال اخرين يلهيوهم وبغاو يهبطوه على الخيل لاكن ماشي بعاد السهولة وماشي كما كانو متوقعين .. بل كلفهم هاد الصيد الشبه مستحيل عناء كبير وصراع لا منتهي وتهرس منهم النص وتصاب النص وبداو يقلالو وحكيم بدا كيفقد الامل والى ماشدوش غادي يطير ليه الملك الراس وفنفس الوقت مخاصوش يدخل للقصر .. مصيبة كحلة اضطر حكيم يخرج ملثم وعرق حتى هوا باش يشدو كما عرقو اللي قبل منو واضطر يضربو بالسيف لكتفو بغفلة منو لاكن جات الاصابة فالجنب دكرشو ومع ذلك قاوم الامير وبغا يخرج من داك الحصار وهرب ليهم وتبعوه كيجيو وتبعو حكيم فوق الخيل كيجري عرقان وماجا فبالو غير يخلع الخيل باش مايقدرش يزيد ونجح فاخافة الخيل وطاح وطيح الامير معاه وانقضو عليه بالشبكة والحبال وعددهم فوق العشرة كتفوه وحطو ليه مخدر فنيفو غاب وداوه كيجريو بيه
رجع حكيم للقصر عرقان وكامل غبابر سخفان ودخل عند الاصيل لجناحو حدر ليه الراس وقال
مولاي.. سمو الامير فقبضتنا
تلفت الملك شاف فيه وقال
عنداكم تكونو آديتوه
سكت حكيم كيرمش ماردش وهز الملك حزامو بالزربة دارو على كرشو وخشا فيه خنجر وخرج كيجري وحكيم وراه دارو حدا لاللة شهرزاد اللي بقات متبعة ليهم العين وبغات تعرف شنو اللي كيخطط ليه الملك لاكن شكون غيعطيها الخبار والكل كيقدم ليه الولاء وخايف على راسو يطير .
وكب عودو وانطلق للدار اللي خارج غرناطة بحال الرياض ودخل بالخيل وحكيم وراه كيجري قاليه
مولاي ..جبهنا لهنا كما امرتي امولاي
دخل الاصيل لبيت كبير وسط دار الرياض المزوق ولقاه فوق واحد السرير ناعس عريان وجنبو الحكيم ومجمر زاند كيسخن فيه الموس باش يسد الجرح من النزيف .. تهز قلب الاصيل فاش شافو مجبد وقالي وجهه للجهة الاخرى غايب وضار عند حكيم خرج عينيه هزهم كاملين بالخلعة وقال
قلت ليك تجيبو ليا سالم غانم ماتقيس منو حتى شعرة .. جبتيه ليا جثة مجبد
حدر حكيم راسو وقال كيتفتف: مولاي واه دخلنا معاه فحرب بحال الحشر وطاف بينا بحال الطوفان وجات فيه الضربة بلا منقصدو
كشكش عليهم الاصيل وشنق على حكيم قاليه كن قتلتيه .. كن مات ؟؟
بلع حكيم ريقه وعينيه خرجو بالخلعة ماطلقو الاصيل حتى شاف الموت بالخوف .. تلفت الاصيل بسرعة عند الامير وطلع بركبتو على السرير كيتفقد حاله وقلبه كيضرب.. بقا كيشوف فيه عن قرب ويشوف فالعرق على جبتهته وكيحقق فملامح وجهه لون بشرته وسواد شعره ودقات قلبه كنزيد تصارع حتى حس بالضبابة على عينيه وحط يدو على طرف عينو مامصدقش. ان هادوك دموع وحجبات عليه الرؤية .. تصدم فشنو كيجبد من عينيه وانتبه لدقات قلبه وتلفت للجنب سد عينيه مطولا شاف فالحكيم اللي قاليه
مولاي.. غادي نكوي الجرح باش يتسد
حرك الاصيل راسو وتلفت دور وجهه مابغاش يشوف فالجرح وسد عينيه حتى سمع تأوه الامير مع الحطة دالموس الحامي وزير على يدو وناض خرج للبهو عند حكيم وقال بغضب
شفتي شنو درتي وفين وصلتيه .. الى ماناضش منها غنطير ليك الراس احكيم سمعتي
حدر حكيم راسه ساكت ورجع الملك للبيت قرب من الامير وتلفت قالي للحكيم
الى ساليتي شغلك خرج
ناض الحكيم حد ليه الراس وخرج وانفرد بيه الاصيل بوحدو كيتأمل ملامحه عن قرب وعينيه مسدودين وكيشوف فالعضمة اللي قدامو وقداش رجع وقال
نتا هوا ولدي.. نتا هوا ولدي اللي مشا جنين فكرش ديك اللفعة .. انا قلبي مكيضربش لشي واحد غير هاكاك ولا يتعلق بشي واحد .. انا متأكد وغنزيد نتأكد
دوز يدو على شعره وهبطها مع كتفو وقال نتا اللي حرمتيني النوم هاد السنين كلها .. ومك حرماتني من الفرحة اللولة .. وغادي تخلص على كاع داكشي اللي دارت .. غادي تخلص حيت هرباتك على باك الحقيقي .. وحيت حرماتك من باك ونتا صغير ..وحرماتني منك هاد السنين حتى رجعتي قد هاكا تبارك الله ..
تنهد مطولا وهوا كيشوف فيه وتكا حداه ضم راسو العرقان لصدرو وسد عينيه وقال
شد ليه فيدو دوز عليها كيتفحص التفاصيل الصغيرة والكبيرة لقا كل التفاصيل اللي فيه طبق لاصل ديالو .. والشبه بيناتهم كبير حتى فأصابه اليدين وشعر الصدر واللحية والعينين .. وحتى وهوا غايب كيشبه ليه
حيد ليه خاتم الختم اللي فصبعو وهزو بين يديه كيشوف فيه وقال
هانا غندوقك من نفس الكاس اللفعة
ناض من حداه بشوية وامر يحيدو ليه حوايجو اللي لابس وحضو ليه حوايج اخرى وجمعو كل ما كان عليه فرزمة ومعاهم الخاتم ورشوهم بالدم اكثر ووقف عليها الاصيل كيشوف فيها من الفوق ولاح وسطها رسالة وشار لحكيم براسو جمعها وانطلق بيها هوا شخصيا لقصر الملكة روح الندى ودخل بين الحراس لابس زي فارس من فرسان قصر الملكة باش يسمحو ليه يدخل ومشا حتى وصل للباب وتلفت كيقلب يمين وشمال وتلثم وبقا كيتسنى حتى ضهرات عبدية وخرج ليها بحال الجن وقف قدامها ملثم وقال
هادي امانة للاللة روح الندى
مدها وطلع على الخيل وهي كتعيط وتغوت مصدومة مافاهة والو لاكن طار حكيم بحال البرق خرج من القصر وخلا ليها الرزمة كتشوف فيها وطلعاتها لروح الندى اللي كانت فحناحها شاردة كتفكر فالحرب وفكلام شادية والورقة المرسومة اللي خلات ليها فيدها كتشوف فيها وتحاول تفهم المقصود منها .
هزات عينها شافت الرزمة وسولات على شنو داكشي وقالت ليها عبدية اللي كاين وعطاتها ليها شداتها في استغراب وهي جالسة وحلاتها .. خرجو عينيها وهي كتشوف فداكشي مقطع كامل ديامات وكتهز فيهم وحالة الصرع بدات كتبان على وجهها حتى دازت على حوايجو كلهم وهبطات عينيها ويدها مشنجة والنفس كتقطع لقات الرسالة وجنبها الخاتم وهزاتهم بجوج افت فالخاتم مزيان وحلات الرسالة بالزربة لقات مكتوب عليها
الامير يور بن محمد اصيل المرتضي بالله في ذمة الله
طاح الخاتم من يدها وطاحت الورقة وهزات راسها للسما كتشهق شهقات متتالية وكترجع باللور وعبدية تابعاه مخلوعة حتى طاحت طيحة وحدة
ناضت من الغيبوبة المؤقتة ويدها مزال مزيرة على الخاتم والسترة دولدها .. لقات كلشي داير بيها وحلات عينيها شافت فيهم وقالت بصوت مقطع
شدات فيها عبدية وهي كتبكي مشوطة على ماجرا وهي براسها خاص اللي يواسيها .. اما لاللة روح الندى حالتها تشفي العدو .. حالتها وصلات للخر ديالها وبقا فيها غير الفتات .. تحطمات وتكسرات كأنها صومعة ورابت ..ناضت وقفات قدامهم كتهضر بوحدها والكل مخلوع عليها وماقدروش يفرزو كلامها .. غادية جارة قفطانها البيج دالموبرة المحلول من الجناب حتى للخصر والقميص تحت منو شفاف مشبك ..لا حزام لا تاج لا حتى حاجة معلقة .. وجهها ابيض بحال السحابة وفمها ناشف وشعرها محلول بحال الزربية كحل ورا ضهرها وغادية كتجر فالبلعة دالصم وتردد
بقات غادية وسط القصر وكتهضر وكاع العبيد والخدم واقفين مخلوعين وتابعينها خايفين طيح ولا توقع ليها شي حاجة ..
بقات هاكاك غلدية بلا عقل تقول ناعسة وعينيها محلولين .. خرجات للساحة ووقفات كتشوف قدامها وكتهضر كأنها كتشوف شي واحد وكتهضر معاه ويديها طايحين .. فجأة سمعات صهيل الخيل وصوت الركض فالارض وحلات عينيها تلفتات بالغرض البطيء .. شافت عود الامير راجع ووالسرج على ضهرو خاوي وداخل كيجري حتى وقف قدامها وهز رجليه فالسما وضربهم مع الارض .. بقا كينقز قدامها ويصهل ويهز رجليه حتى كيقرب ينزل عليها وكيرجع.. مدات يديها شدات فيه هبطاتو وحطات وجهها على وجهو عنقاتو وعينيها محلولين كأنها تسطات.. بدات كدور يدها على وجهه وتعضر والعود كينفخ ويسوط ويضرب برجلو فالارض والكل اللي حاضر واقف كيشاهد وكيبكي .. هزات راسها بدات كدور بيه ودوز يدها حتى دارت على دم فوق السرج وهزات يدها كتشوف فيها بملامح شاحبة .. بغات تركب على الخيل لاكن شدات فيها عبدية متخلاتهاش ..نترات روح الندى يدها وطلعات فوق الخيل ومشا كيجري بيها في حين شار ذو الفقار براسو لبعض الرجال وركبو الخيل تبعوها وهي غادية كتجري فوق الخيل والشعر والتوب كيطير فالسما . فهاد الاثناء كان واحد من رجال الملك كيراقب بوابة القصر الكبيرة وشافها خارجة ومشا كيجري يخبر الملك محمد اصيل اللي كان مزال فالرياض جنب الامير . تحنا قدامو التابع ديالو وقال
مولاي.. الملك روح الندى خرجات من القصر فوق العود دسمو الامير .. باين على حالتها تشيرات ولا خرجات العقل .. ماعليهاش سيفة الملكة ..تقول جنية وتسيفات فسيفتها
ناض الاصيل وقف وقال
اشمن طريق سلكتات؟
رد الاخر وقال : ماسالكا حتى طريق .. تقول الخيل اللي مسلكها
خرج الاصيل على وجه السرعة ركب العود ديالو وعطا وجلو للريح كيجري والغبابر كطير والعجاج موراه عرفها فين مشات وعرف العود فين يكون داها .. مشا كيجري لحق عليها للبلاصة فين تم صيد الامير ولقاها تما جالسة على اثار الدم فالارض فالمكان اللي تشد فيه وكتلعب بصباعها فوق التراب والتوب وراسها مدلي والخيل حداها كيشمشم فالارض
نزل من فوق العود غادي جيهتها كيشوف فيها وفالحالة اللي وصلات ليها وشكوكو كتتأكد واليقين كيدخلو وشاف السترة فيها شاداها وحالتها بحال اي ام فقدات ولدها الوحيد ..
هزات عينيها من رجليه وهي طالعة حتى لعينيه وناضت وقفات كتعتر فجلايلها وبقات كتشوف فيه مطولا وحتى وقف قدامها كيشوف فيها وفالحالة اللي وصلات ليها .. غرغرو عينيها وقالت والضحكة كتخرج من فمها ببساطة
مااات .. صافي كلشي تسالا
عقد حجبانو وقال : شكون اللي مات
قربات منو شافت فيه مزيان وقالت
ولدي … ولدك .. ولدك اللي كتقلب عليه ..مشا .. مشا وبقيت انا.. هانتا شوف..شوف شنو خلااا من موراه
تصدم وتأكدات جميع الشكوك ووصل اخيرا بعد معانات وبحث طويل لحقيقة ولده وانزاح الهم وارتاح القلب لاكن الحقد بقا عامي ليه العنين وقال
عطاتو بالضهر كضحك ورجعات جلسات فوق الرملة كتلعب وكتغني وتشطب بداك الطرف ديال التوب وهوا كيشوف فيها مصدوم .. فيها .. ناضت جمعات اشلائها ومشات جرات العود من لجامو غادية بيه فالطريق بلا متعرف فين غادية.
تبعها الاصيل وقف قدامها وقال بغضب شديد
خبيتي عليا ولدي حتى كبر ورجع راجل .. وقابلتيني معاه عيني عينك ولعبتي بيا وضحكتي عليا كما بغيتي .. وقلت ليك اروح الندى ماتلعبيش معايا راني ماشي قدك ..ونبهتك ونتي تماديتي ..حلفت باش نهار نعرف ولدي منعقلش عليك وغادي نصفيها ليك فمرة ..ولاكن اللي فيك دابا كافيك ..هادا اكبر عقاب وعذاب اكثر من الموت
بقات كتشوف فيه وهضرتو دخلات من ودن وخرجات من ودن وماعطاتو حتى جواب وماكانتش اصلا مركزا معاه وحتى العقل اللي يركز مكاينش .خلاتو واقف وزادت جارة العود وغادية سارحة بيه وهوا واقف فبلاصتو عاطيها بضهرو وكيشوف قدامو وينهج .. برد ليه القلب وكانت تعابير وجهه كتشفا فيها بالمعقول..زاد وخلاها حتى وصل للعود ديالو ووقف جمع القبضة ديدو وجبد واحد الخنجر بخفة يدو من حزامو وبدا كيضرب بيه الشجر المدلي حداه ويخدش الجدع وغرسو فواحد الشجرة بغضب وتعصر حتى خرجو عروقو ورجع هز راسه فالسما ونتر الخنجر من الشجرة بغضب حطو فجنبو وضار وراه مشا تبعها جرها من يدها وجر العود ورجع بحالو ركبها قدامو فوق العود وهي كسدة بلا روح وشد اللجام لحصان الامير وانطلق بيها كيجري للرياض فين ناعس الامير ودخل العود ودخلها جارها من يدها نيشان لواحد البيت لاكن مابغاتش تدخل .. هوا كيدفع وهي كتدفع وضرب فاللخر طلقها خلاها مشات جلسات جنب حصان الامير وتكات عليه كدوز يدها وتغني. ليه .. بقا الاصيل كيشوف حتى عيا وخلاها فديك الجريدة جالسة ووصا عليها الحراس وتلفت كيسول على حكيم .. قبل ميكمل السؤال جا حكيم كيجري وراسو كيسيل بالدم وقال
مولاي.. مولاي .. سمو الامير هرب
دفعو الاصيل ومشا كيجري لبيت الامير لقا غير الفراش خاوي والحراس كيتلواو كل واحد فقنت .. طج الاصيل من حوايجو بغا يطير وبدا كيغوت با يتبعوه .. ناضو كيجريو يلحقو عليه ومنهم حكيم لاكن وقفو الملك وقاليه نتا غتمشي للقصر تجيب شي وصيفات يقابلو روح الندى .. وجلس هنا حضيها وعنداك توقع ليها شي حاجة ..هاد المرة والله منرحمك احكيم .
خرج من الرياض كيجري وتلاقا واحد من الحراس راجع عندو وحنا ليه الراس وقال
مولاي .. سمو الامير هرب على العود ديالك
سد الملك عينيه وشد راسه وهزو فالسما وقال بغضب
جيب اي. عود الحمار تحررك
هز الامير الدقة فجنبو وعينيه مزال كيتسدو وهوا كيجري فوق العود وكيشوف موراه واش تابعو ي واحد لقا عجاجة من الرجال تابعينو .. ضرب الخيل باللجام ويدو على جنبو مكمدها وكيجري ويقول ماجريت حتى بعد على عينيهم وتكا على العود كيرتاح وماوقف حتى وصل عند صحابو اللي كانو جالسين ناصبين الخيام ناشطين بيناتهم ..شافو الخيل ابيض جاي بشوية عليه كيتمشى وعليه جريح وناضو سرحو عينيهم تعرضو ليه وتصدمو فاش لقاو الامير عليه ويدو على جنبو .. هبطوه من فوق الخيل بشوية دخلوه لواحد الخيمة ضارو بيه كيسولو مالو وهوا مزير صابر لألم الجرح وسخفان بسبب المجهود اللي دار ..تكلم فتاح بعد الرجال عليه وقال
بعدو الاخوان شوية خليوه يتنفس.. بعدو حتى يرتاح ونعرفو منو اش وقع
ضحك السرّاد وقال ليه كنتي فارس وليتي فريسة امولاي
هز الامير تينو شاف فيه ونزل عليه فتاح للضهر قاليه واش مكتعرفش شنو كتخرج على فمك الدحش.. قد الفيل وعقلك قليل
دور السراد عينيه كيشوف فجنابو وقال
سمحو ليا غير كنت كنضحك
خرج كيحك ضهرو ويلوم راسو على قلة فهماتو وجلس فوق واحد الحجرة شاد واحد العود فيدو كيخطط بيه .. داخل الخيمة عرا فتاح على جرج الامير طل عليه وجمع الاعشاب باش كيتعالجو بدا كيضمد ليه البلاصة وهوا كيسول على العدو فين وصل وقال
شي خبار على الملكة روح الندى ..فين وصلات وشنو كتخطط ؟
رد فتاح وقال. ماعندنا حتى خبار امولاي كنتسناو نعرفو الخبار من عندك
زفر الامير وقال: ماقدرتش نوصل للقصر.. الخونة عمرو البلاد وتعرضو ليا فالطريق خطفوني ..بزز باش باش فلت من يديهم
رد فتاح وقال: كيفاش امولاي تعرضو ليك شكون غيكون تعرض ليك؟
دور الامير عينيه كيحلل وقال : ماعرفتش ولاكن غالبا غيكونو المسحيين ولاد الكلاب.. بغاو يبعدوني على الحرب وينفاردو بالملكة .. خاصني نرجع للقصر فأقرب وقت .. نتا والسراد سيرو للحدود شوفو كيوقع تما .. مابغيناش شي هجوم مفاجئ ..وديك المفاجأة ديال الصباح مابغيناش نشوفوها ..ماخصناش نصبحو على جيش قدامنا وحنت ناعسين ..مننوع النعاس..اللي نعس عمرو يعاود ينوض من النعاس خاصكم تردو بالكم
رد فتاح وقال: الجرح مزال مبرا وحرارتك مرتافعة امولاي..خاصك الراحة وخطر عليك تتحرك ونتا فهاد الحالة
طلق الامير حوايجو اللي لبسوه على لحمو غطا الجرح وهز الماء شرب وقال : ماعندناش الوقت ..البلاد فخطر وحنا كلنا فخطر اكبر من هاد الجرح افتاح ..
رد فتاح وقال:على الاقل يمشي معاك شي جوج ولا ثلاتة من الاخوان باش متعرضش لشي اغتيال اخر ونتا فطريقك امولاي
حرك الامير راسو ورتاح شوية من التعب وناض كيتألم شاد فجنبو وقال
انا قاد براسي .. خليوكم هنا وتسناو مني الاشارة .. والى عرفتي شي خبار جديدة لحق عليا للقصر
خرج الامير وهز راسو كيتفس ويجمع النفس وخدا انبلة والسهام من عند صحابو وطلع فوق الخيل اللي جابو ومشا كيجري رجع للقصر هاد المرة واخد الحذر ديالو .. دخل سالم غانم لقا كولشي كيشوف فيه وكلشي هاز راسو لا تحية لا احترام واستغرب فأمر اهل القصر وهوا داخل كيشوف فيهم من فوق الحصان حتى وصل لباب لقصر الداخلاني وشاف كولشي خارج كيجري ومنهم عبدية وذو الفقار اللي جا كيطير ووقفو كيشوفو فيه حتى نزل وقال ليهم
مالكم كتشوفو فيا بحال هاكا؟؟ عمركم شفتوني؟!!
انفردات بيه عبدية وذو الفقار فجناحه من بعد الموجة دالصدمةاللي مرو بيها وجلسو كيشرحو ليه ويفسرو ليه ويعاودو ليه شنو وقع بالتفصيل الممل تصدم وناض وقف كيشوف فيهم وقال
شكون اللي سيفط ليها الحوايج والخاتم ؟
وقفات عبدية وقالت
ماعرفتش امولاي انا اللي عطاه ليا كان ملثم وغير شديت الامانة وهرب ..المشكل الكبير هوا شادية قالت للاللة روح الندى باللي الامير راه هاشنو شنو ..وبقا عقلها معاك وشادية هربات من القصر وخلات ليها الرسم ..مافهمنا شنو عنات بيه
ضار بلاصتو معصب والعرق كيسيل من جبينو وعينيه تقال بالعيا وقال
اش هاد التخربيق .. اشمن رسم ولا شادية فين الملكة ؟؟ فين مشات فين خرجات؟؟
حدر ذو الفقار راسو وقال
تبعناها امولاي نشوفو فين مشات ولاكن غبرات تقول سرطاتها الارض..طارت من قدامنا وعيينا نقلبو عليها مابان ليها اثار
شد فراسو وجلس بغا يستطا وهز يدو ضرب ذو الفقار وقال
خرجات قداام عينيكم وخليتوها هاكاك اشمن حراس انتم ولا قياد
نزل على ذو الفقار بالضرب وعبيدة مركنة ناض عندها وقف قدامها بغضب وقاال نتي ماكلفاتكش نفسك تشديها وترجعي ليها عقلها .. ولا تحبسيها فبيتها .. كن بصح كنت ميت دابا؟؟؟ كن بصح انا مت شنو غيوقع لمي؟؟ شنو الدور ديالكم فهاد القصر علاااش ماحميتوهاش من راسها علاش خليتوها خرجات
سخط عليهم الامير وهبط القصر على راس الجميع وشركهم كلهم وهز صبعو كيحلف وحوايجو فازكين بالعرق. وقال
والله معنرحم فيكم شي واحد.. كاع اللي كان حاضر وشافها غادي يودي .. سبتو وضسرتو ولاكن انا غادي نقادكم
طلع لجناحو خلى كلشي كيقفقف والبديع مهرس فالارض والحراس كل واحد فاش شاد ..ها اللي شاد نيفو ها اللي شاد راسو والعبيد شي لاسق حدى شي وحتى واحد مكيتحرك ..
تبعاتو عبدية كتعتر فجلايلها لجناحو لاكن جرا عليها وخرجات وقفات حدا الباب كتبكي وجلس شد فاطراف السرير كينهج و البيت كيدور بيه ..عيط لواحد من حراسه حضر ليه الحكيم حا كيجري وقف قدامو حاذر الراس وقاليه
شوف ليا سم نشربو دقة بطلة ..كنحس براسي كنغرق
قرب الحكيم شاف ليه عينيه وهوا كينهج ويشوف فالارض وعروق راسه كتفركع .. لقا عينيه حومر والحرارة طالعة بزاف كامل كيشرشر بلعرق ويدو على ركبتو كترجف وقال
مولاي الحالة ديالك صعيبة.. حالتك صعيبة
جرو الامير من حوايجو ووجهه احمر قاليه شكون اللي نشب ليا ديك المصيدة؟؟ شكون اللي دار هاد الفعلة دوي
الاللة عتقيني راه مولاي السلطان كيهلوس وخايف يقتلني وانا مادرت لا بيدي لا برجلي .شوفي ليا شي رجال شداد يوقفو معايا
مشات كتفتف عيطات لذو الفقار طلع كيجري وجهه منفوخ بالدق ومعاه رجال اخرين دخلو عند الامير لقاون جالس كيسوط وكيهضر بوحدو وفازك تقول خوا عليه سطل دالماء
دخل فهاد الاثناء الملك الاصيل للقصر بلا ميعلم لقا الدنيا مقلوبة وشي كيجري لهاد الجيه شي لهاد الجيه وحتى واحد مانتابه ليه ومشا برجلو كيدور فالقصر لقاهم كيجمعو البديع المهرس ووقف واحد من العبيد دايز كيجري وقال
سمو الامير كاين هنا ؟
حدر ليه العبد راسو وقال
كاين امولاي فجناحو
طلع الملك لجناح الامير تابع الخدم والعبيد اللي كيجريو جهة الجناح حتى وصل لقا الدنيا مرونة فالباب والحرس واقفين ودخل بالزربة لقاه عريان لابس غير السروال والفوقاني مقطع مرمي فالارض وشاد فذو الفقار كيهضر معاه ..حاول الاصيل يفهم اش واقع وتدخل وسطهم .. غير هضر قال اش كاين وهي تقفز عبدية من بلاصتها ضارت شافت فيه وتخلعات قالت ليه كتفتف
تعصب امولاي حيت اللي وقع هاد النهار عمرو وقع من قبل
اخيرا بعد الصراع والمجهودات الجبارة اللي دارت فجناح الامير قدرو يهدنوه وخلاوه يرتاح وغطاوه بتوب خفيف وقفلو عليه الجناح خلاو معاه غير الملك محمد اصيل.. قرب منو وهوا ناعس ومسح على راسو وقال
حياتي كلها كنقلب عليك .. ومغنسمحش للموت تخطفك مني
خلاه كيرتاح ومشا كيسوط خرج للشرفة ديال جناحو كيطل ويتأمل روعة المكان اللي كتبين المدينة كلها .. بقا ساهي مطولا وجلس على واحد الكرسي من الخشب ودار يدو على خدو كيخمم حتى ضلام الحال وحس بالحركة لداخل فالبيت ودخل يتفقد الامر لقا الامير ناض جلس كيتنفس ويديه على الفراش كيشوف فالارض ونشف من العرق والصهد ونقز ديك الحالة اللي كان فيها .. هز الامير عينيه لقا الاصيل قدامو وتصدم بقا كيشوف فيه .. قرب الاصيل وتبسم وقال
كي بقيتي؟ رتاحيتي شوية؟
بقا الامير كيشوف فيه ويتسائل بعينيه على شنو كيدير فقلب جناحو وجاوبو الملك على اسألته وقال
عارفك دابا مصدوم كتقول شنو كندير هنا .. سمعت باللي وقع وجيت .. لقيتك فواحد الحالة صعيبة ومابغيتش نمشي ونخليك حتى نرتاح من جيهتك
وقف الامير مهموم والحزن على وجهه وقال بعفوية
مي خرجات من القصر وماعرفتش فين تكون مشات..
رمش الاصيل وقال:مك !!
مسح الامير على وجهه وقال : حساب ليها الملك قتلوني.. غيكونو المسحيين اللي دارو فينا هاد الحالة باش يستوليو على الارض بسهولة
جمع الاصيل النفس وطلقها وقال:
علاش ماقلتيش باللي الملكة روح الندى مك
تلفت الامير وقال :انا ماشي فهادشي دابا اجلالة الملك ..انا خاصني نلقاها قبل مايديرو فيها شي حاجة ..مغنسمحش لراسي عمرني نسمح لراسي انا السبب فهادشي
شد راسو وضرب واحد الطبلة بغضب وبدا ينهج ويلوم راسو .. قرب ليه الاصيل وحط يدو على كتفو وقال
ماتخفاش على مك انا لقيتها وهي فالحماية ديالي دابا
تلفت الامير شاف فيه وقال مصدوم
لقيتيها ؟ فين وفين هي بغيت نشوفها
شدو الاصيل من كتافو وقال
قلت ليك هي فالحماية ديالي ومرتاحة .. واحسن تبقا بعيدة باش ميستهدفوهاش مرة اخرى..من الاحسن خليها غابرة وخلي العدو يرتاح ويحتافل بفعلتو اللي فشلات .. تيق بيا . . انا جنبك ومغنخليكش فهاد الحرب بوحدك
تهز الامير من بلاصتو بغضب قلب واحد الطبلة فالسما وقال كيترعد وكشاشكو خارجة
قسما لزما مغنرحم فيهم شي واحد .. والله حتى نحرقهم كلهم ونردم قشتالة فوق راسهم ونشتت اراضيهم تشتات
تبتو الاصيل وهوا كيشوف فيه بتبات وكيدرس شخصيتو وقال
انا رتاحيت ليك ..وحاس باللي غادي نكونو اصدقاء حقيقيين من هنا لقدام
تبسم الاصيل ومسح على دراعه وقال
غنكونو اكثر من الاصدقاء .. كنواعدك بهادشي .
دار الامير يدو فيد الاصيل واقترح عليه ينضم للاتحاد ويتحد الاسلام فقبضة وحدة .. فسر ليه الاصيل انه غيبقا مالك لبلادو لاكن الفرق هوا يكون تابع للدولة الاموية ومايبقاش منعزل وغيبقا سلطان على بلادو وحتى الى وقعات شي حاجة فغيكون عمدو الدعم والسند وحتى فالغزوات ديالو الى طلب الدعم غيلقاه وان الهدف ديالهم نشر الاسلام ويزيدو يتمددو فالارض اكثر واكثر…
رحب الامير بالفكرة ولقاها مناسبة وفضل ينضم للدولة الاموية ويقوى على انه يبقا منعازل واهدافه محدودة .. لقا ان البلاد غتكون فأمان اكثر وهي تحت السيادة الاسلامية في حالة ما وقعات شي حاجة قدرها الله . جبد ليه الاصيل اتفاقية الانضمام وانضم ليهم الامير بكل صدر رحب وهاكا اصبحات الاندلس موحدة ومامقسماش وتحت القياد المسلمين.. فرح الاصيل بهاد الانضام وحتى الامير لقا راحته وخرج من ديوان الملك محمد اصيل مبتاسم وقال
رتاحيت من جهة البلاد وأمنتها .. دابا خاصني نرتاح من جهة الملكة روح الندى
رتب الاصيل على كتفه وقال
سير طمن عليها ..وانا غنوجد الدعم للهاد الحرب .. كوني هاني مربوحة ان شاء الله
تصافح الامير مع الاصيل لاكن جرو الاخير ضمه وقال
هاكا كيتصافحو الحباب
ضحك الامير وركب الخيل ديالو خرج من القصر وبقا الاصيل واقف هاز راسو فالسما وكتنهد .. اخيرا وحكيم وحداه واقف .. تلفت بابتسامة وقال
اخيرا دخلات قرطبة للدولة الاموية ..ومابقاش هاد المسمار خارج من الحيط ..كلفني مجهود كبير ولاكن يستاحق
تبسم حكيم وقال: اكثر حاجة فاجأتني هي قرار الامير..فكر فالبلاد اكثر مايفكر فراسو
رد الملك بسعادة وقال : كنت ديما كنتمنى يكون عندي ولد بحالو .. يكون راجل..الحمد لله عطاني الله اكثر ما تمنيت… راجل بميات راجل عاطي الاولوية لماههوا مفيد.. نشر الاسلام فوق كل اعتبار ..هادا هوا ولي العهد اللي محتاجة ليه الدولة الاموية ..غيكون ليه شاه عضيم فيوم من الايام ..الطريق اللي سالك طريق صحيحة واللي كيسلك الطريق الصحيح كيوصل واخا تكون طريقو طويلة
تبسم حكيم وقال :ماتنساش باللي كاين امير سلطان.. وكيشوف راسو ولي العهد من هنا القدام امولاي
رد الاصيل وقال: انا كنشوف وهما كيشوفو .. واللي كيستاحق الولاية هوا اللي غياخدها..المسألة متعلقة بالرسالة ماشي بولادي ولا بولاد اخرين احكيم.. وسلطان كيفكر فالولاية والسلطة ..ولاكن مكيفكرش فما بعد الولاية والسلطة وشنو الهدف من السلطة .. كاينين ناس دراوش وناس دنوبهم على رقبتنا .. خصنا نفكرو ليهم قبل منفكرو لراسنا … هاد السلالة استشهدو فيها بزاف ومنهم خوتي.. وهدرو دمهم على البلاد باش ماتشتتش .. وانا دوزت حياتي كلها لحد الان كنقاتل ونحارب فسبيل الله وسبيل الاسلام .. هاد المجهود كامل اللي كيتقال فكلمة ساهلة تخرج من الفم ..ميمكنش نعطيه لشي واحد ماعارفش معنى تكون حاكم .. تكون ملك ولا سلطان .. سلطان على ا مة .. امة معولة عليك وغتحسابك غدا قدام الله
وصل لامير للرياض ودخل كيجري متلهف يشوف مو .. داز وسط الخدم والوصفات كيقلب ولقاها فالجردة على واحد المخدة جالسة ومتكية على العود ديالو وكتمد ليه العلف بيدها وساهية .. مشا طاح قدام رجليها كيبكي فعفعها وهز راسو كيسبو ليها يدها ويطلب منها السماحة وهي مصدومة كتشوف فيه وتمرر يديها على وجهه وترمش ماقادراش تصدق .. بدات كضربو وهوا كيعنقها وانفاجرات بالبكا وجراتو عنقاتو كتبكي .. بكات البكا اللي مابكاتوش فالموت ديالو ورجع معاها كولشي خرجاتو دموع وكتغوت وتقول ولدي حي .. ولدي حي
بقات هاكاك كتغوت حتى رجع ليها عقلها ووقفات مع صهيل الخيل اللي وقف برجليه وبدا كيسوط.. طاحو بجوج بالدموع واحد كايواسي لاخر وخرجها من تما هي والخيل وركبها رجعها للقصر بالزغارت والحليب والتمر ستقبلوها .. عمت الفرحة ورجعات الحياة للقصر من جديد ورجعات الروح فروح الندى وبقوة الفرحة ماخلات مادارت .. خرجات الصدقة وتصدقات وامرات فبناء مسجد على اسم " رحمة الله" اللي نزلات عليها فعز البؤس والحزن .. فهاد الاثناء اللي هي كتحتافل وتخرج الصدقات وتفك عقد الناس وكربتهم كما تفكات عقدتها وكربتها كانت الحرب نايضة بين قرطبة وقشتالة .. وكانت حرب مدمرة ومجزرة لا تنسى بقيادة الملك محمد اصيل والامير يور جنبا الى جنب.. بتعاون الاخوان اصحاب يور اللي خرجو من حيت لا يدري العدو تتسلطو على الجزء الرئيسي اللي فيه ملك قشتالة و من جهة اخرى كمل الامير على خطة لاللة روح الندى وصب اطنان من الزيت فالانابيب اللي كانت ماشية تخت الارض حتى لفين رصى العدو وتبعها بنياران مشتعلة تفجرات على اثرها الارض اللي تحت الجيش فالمقدمة على حدود قشتالة بحال البركان .. شتات الصفوف الامامية كلها فضربة وحدة وكانت خطة ناجحة وضربة قاضية لملك قشتالة وكملو الحرب باندفاع جيش الملك محمد اصيل على بقية الجيش المتبقي ..ملك قشتالة هرب بجلدو وخلا المجزرة وراه اللي دازت فضرف ساعتاين وتمت ادابة المسحين ادابة لم يحدث مثلها في التاريخ . وخرجات قشتالة منهازمة ومشا فيها اربعين الف محاوب مسيحي وخرجات قرطبة منتاصرة و ومية مستشهد مقابل الاربعين الف مسيحي
بعد مرور ثلاتة اشهر ..
مرت الثلات اشهر على الحرب .. ودارت العدة على المستشهدين اللي مشاو فالحرب.. وتبدلا الاحوال وبدا فصل جديد.. فصل الربيع اللي نور بقدومو الدنيا وبهج بألوان المدينة والاندلس المزخرفة كاملة .. اجمل منطقة على وجه الارض فالزينة والزخرفة والفن والابداع .. منها كيتفرق الفن وكيتفرقو الالحان وكيتعلمو الشعراء الشعر والاداب و منبع للحياة وملحأ للكثير من المهاجرين فداك الزمان .. بلاد البهجة والفرحة والنشاط والرقص والطرب الغرناطي والاندلسي بصفة عامة .. كان الفن والملحون والالحان كلها من مميزات الاندلس .. بحيث كانو النساء كيعطيو قيمة كبيرة للفن والغناء وكانت اجمل النساء هي اللي كتنضم الكلام وتشتر الاشعار وترقص بحزام .. كانت قصورها من اجمل القصور وزينتها كتتميز على زينات العالم بأكمله حتى صبحات هدف للصليبين اللي كان الحلم ديالهم يستولو عليها بكل مافيها .. باراضيها واشجارها وجمالها ونسائها وادبها وتقافتها وحتى رخرفتها الغربية اللي تخلطات بالزغرفة البلدية المغربية وعطات واحد الفن اللي ماقدروش يعطيو ولو الشبه ديالو من بعد . او حتى التقليد .
من بعد اتستقرات البلاد وحطات ساس صحيح وتوحدات وبدات كتنمي راسها .. ساقت لاللة روح الندى الخبار فجناحها وخبرها الامير بانضمامه للدولة الاموية .. طيحات من يدها التحفة الاثرية واللي كان طبسيل ساوي ثرات من يدها بقوة الصدمة تهرس بين رجليها وشافت فيه قالت بلسان تقيل
بقا ساكت مطولا وشاف فيها قاليها هادا هوا الصح .. هادشي اللي خاصو يكون .. فالاتحاد قوة وهاد القوة غتزيد تكبر الى بقينا مجموعين .. اما الى تعاندنا غادي تتقسم البلاد وتشق وكل يحكم باش ما بغا وهاكا غيكون ساهل على العدو يصيدنا بحال الحجل واحد مور واحد..دابا حتى واحد ميقدر يحط عينو على شبر من ارضنا مادامنا هاكا متاحدين ..من اللول كنا يد وحدة مكانتش قشتالة تستهدفنا . اشنو فيها الى قدمنا الدعم لبعضياتنا وكانت عندنا كلمة وحدة وطريقنا واحد..واش ماشي الهدف ديالنا نقضيو على الصليبيين وكاع كفار الكرة الارضية ونحكمو الارض بالدين الاسلامي..
غوتات بغضب وقالت
اشمن ارض. اشمن حكم واش كتحلم ؟؟ واش كتحلم؟؟ شكون اللي كيفكر فهاد الارض وهاد الدين الاسلامي اللي كتهضر عليه بوحدك مغتقدرش وعمرك مغيكفيكش وغضيع حياتك فشي حاجة اللي مغتقدرش توصل وحطيتينا قدام الاصيل عبيد من بعد ما كنا مستاقلين ومرتاحين
هانتي قلتيها بفمك ..عمرنا على قد الحال مكافيش باش نوصلو لشنو بغينا .. وفنفس الوقت مغنبقاش خالدين فهاد الاستقلالية وهاد الهز والجاه اللي نتي باغا.. اخرتها كلنا غنهيطو تحت هاد الارض اللي كنمشيو عليها وغيمشيو فوقنا اجيال واجيال وغيبقا غير دين الحق ودين الله عز وجل وشنو قدمنا وشنو اخرنا ..حنا عايشين عايشين ها العز ها الجاه ها السلطة ها المال .. عطانا الله كلشي ..ولاكن ماشي باش نستحودو على كلشي ونسرطوه ونساو راية الاسلام اللي علاش حنا اصلا كاينين ..
غرغرو عينيها بدات كتبكي وقالت
علاش بالضبط الاصيل علاش؟؟؟ علاش تعاهدتي معاه كنتي تعاهد اي واحد من ملوك الدولة الاموية ولا قيادها ولا طلب الانضمام وهما غيرحبو بيك ..علاش مشيتي للاصيل بالضبط ودرتي يدك فيدو غادي يبقا ديما شانت بيها وحاسب راسو كبيرنا وغتسجل عليه توحيد الاندلس وغيبقا مدكور فالتاريخ ..علاش بالضبط هوا ؟؟
رفع يديه على جنابو وقال معصب
ماشي شغلي فهادشي فاش نموت كاع لايذكرني لا تاريخ ولا حاضر ولا ماضي مايدعيوش فيا غير الناس وغنكون مرتاح مع راسي..واش كتفكري غير فشنو غيتذكر .. واش حنا عرفنا شنو غيوقع؟؟ واش عارفين شنو كاين من هنا لقدام ..واش غتشقق البلاد من جديد ويبان شي واحد من حفادنا ويلمها ولا تزيد تكبر وتتضخم ..واش حنا عارفين شكون فينا غيذكرو التاريخ ولا شكون فيها اعضم من لاخر !؟؟ حنا كنديرو جهدنا واللي جايين غيديرو جهدهم المهم كل واحد يموت على عهدو وعلى بلادو واللي فجهدو يديرو
ضربات فخادها وقالت كتتغبن
اويييلي على الحنش دورني من كاع الجوايه .. دورني وحلف ووفا
بقا الامير كيشوف فيها مافهم ا كتقول ومشا بغا يخرج وصل حتى للباب وقال
المهم انا كنت جاي باش نقول ليك باللي غيجي الملك محمد اصيل عندنا للقصر من دابا واحد الثلت ايام ..احتفالا بهاد النصر اللي كسبنا مجموعين
لاحولة ولا قوة الا بالله العلي العضيم .. مالكي على سو الضن ..ماوصلنا لا بعيب لا بعداوة ومن اطيب خلق الله ..مالكي معاه هازة من جيهتو
سدات عينيها كتبركم بفمها خلاتو حتى خرج وهزات واحد التوب عضاتو وغوتات لربي اللي خلقها وضربات يديها مع الارض وجلسات حادرة الراس كتبكي
التحضيرات للاحتفال بدات فالقصر وكلشي كيتجارا ..الطباخ كيطير وينزل والسوق مغلغل والخدم فالزرابي والورد كيفرشو وفتخمال القصر كيهزو ويحطو .. البلاد كلها فرحانة الا لاللة روح الندى اللي جالسة فجناحها فكعانة .. سهات وخممات حتى عيات فالاخير رسلات ذو الفقار للديوان يجمع ليها المجمع كامل ويخبر الامير ويتسناوها تهبط ..ناضت بخطوات تقيلة قدام المرايا وطلقات يديها خلات الخدم والعبيد يجهزوها وحطو التاج على راسها ورافقوها والكل كيحني ليها. تحلو ابواب الديوان الملكي ولقات الكل واقف حاضر والامير على راسهم ..خوا البلاصة فين كان واقف وحدر راسه ليها دازت رافعة راسها وجلسات بلاصتها وقالت
جمعتكم ليوم .. وبهاد المناسبة . .. اللي برهن ليا فيها سمو الامير على مسؤوليته ووده وفائه لبلادو وشعبه .. هاد الحرب كانت اختبار لينا كاملين..كاين اللي نجح فالاختبار ..وكاين اللي فشل.. وفيها حطات النقط على الحروف.. ووضحات جميع الامور.. ليوم .. وبإسمي واسم الشعب اللي حب هاد الامير ..وعشقه وقدم ليه الولاء.. كنعلن على تنازلي لكرسي العرش لملكم ولي عهدكم .. الملك يور بن محمد..
اللي كيستاحق هاد المكانة اكثر مني .. واللي البلاد محتاجة لملك بهاد القلب وهاد العقل وهاد القوة .. محتاجة لملك هدفه نشره الاسلام والحفاظ على اراضيه وشعبه قبل من نفسه . اللي كيضحكي ومقدم حياته وسنين عمره كلها فداء لهاد الرسالة ..
هي تهضر والامير مصدوم من كلامها وكيشوف فيها بعيون عابسة ماراضيش على هاد القرار اللي نزل من السما بلا مايكون ليه علم بيه..
كملات كلامها ووقفات حيدات الخاتم من يدها وقدم ليها ذو الفقار وثيقة التنازل على العرش وتقديمه لودها .. ختماتها قدامهم وتلفتات شافت فالامير كتسناه يتقدم لاكن ماتقدمش.. بدا كيبان فعينيه التمرد لاكن روح الندى شافت بعيون باردة وقالت
انا كنتيق فالامير.. كنتيق فيه وحتى نتم تيقو فيه .. حيت عمرو غيحشمكم ولا يطيح بقيمتكم لارض قدام اللي يبغيكم واللي يكرهكم
جمع القبضة ديدو كمشها وسد عينيه كيترعد وتقدم كأنه هاز الحديد فرجليه وهبط قدامها ركبع على ركبته .. تلفتات للصندوق اللي قدمو ليها هزات منو سيف الملوك قدماتو ليه وهزات الراية مطوية قدماتها ليه وفوقها خاتم الختم الملكي اللي كيعرفو العالم كامل وعارف انتمائه .. هزات كذلك التاج المتوارث عن اجدادها واللي دفعات عليه الغالي والنفيس باش لقاتو ولقات ثراتها واصلها واحتافضات بيهم طيلة هاد السنين حتى جا الوقت اللي جبداتهم فيه وقدماتهم لسمو الامير اللي صبح ملك فمكانها وناض خوات ليه المكان وقفاتو بلاصتو وهوا متبعها بالعين كيشوف فيها والصهد كيخرج من نيفو .. حدر ليه الديوان كامل الراس وحدرات ليه حتى راسها ودقات الاجراس فالقصر وانتشر الخبر حتى وصل عند الاصيل وفاتو حتى وصل للدولة الاموية كلها وكان اول واحد كيهنأ الملك يور هوا محمد اصيل ..اللي بعث ليه رسالة تهنأة وقار قراها الملك يور وهوا فجناحو ساد عليه وعارف باللي انكسار روح الندى هوا اللي خلاها تسلم ليه كلشي..
تلفت من بعد ما قرا التهنأة وقال لذو الفقار
مزال سادة على راسها وماباغا تشوف حتى واحد
رد ذو الفقار وقال
مزال امولاي.. والتحضيرات جاهزة لاستقبال ملك غرناطة ..
تنهد الملك يور وشار ليه بيدو خرج ورجع لشغالو هاز الهم من جهة روح الندى .
تعاشات العشية وها الملك الاصيل وصل بهبته وقامته للقصر مرافقاه لاللة شهرزاد فعربة موراه وهوا على الخيل بلباس رسمي انيق وعلى راسو تاج من ذهب داير على جبته والخيل داخل وكيرقص برجلو والعبيد والهدم مستفين على طول الطريق مستقبلين الملك وعشيرته ..
نزل من العود وجنبه حكيم وتلفت للعربة مد يدو لاللة شهرزاد نزلات بحال الشمعة مضوية فقفطان كان قاصد ومقصود لهاد المناسبة كأنها فمسابقة اجمل امرأة فالعالم .وفعلا كانت اكثر من جميلة وهي اميرة والابتسامة على وجهها وجنبها ملك الملوك شاد بطولو وعرضه ووسامته اللي البنات فريعان شبايهم طامعين يكونو مكانها .
استقبلهم الملك يور وجنبه ذو الفقار وكان فديك الليلة البراقة المحتاجة لشاب شجاع وسيم يكمل لوحتها الفنية .. كان تقيل برزانته وجميل فتواضعه ومحتارم بتعامله وانيق بأدبه وجامع جميع صفات الملوك الجميلة .. تصافح مع الاصيل بالصدر وعيون شهرزاد عليهم بجوج كتغلغل وصدرها كان كينفاجر وفدات لتوازن والتركيز وهي كتشاهد داك العناق الحار بين جوج دالملوك الل عمرها شافتو فشي مملكة من قبل.. شار ليه الملك يور بيدو ودخل معاهم تحت اضراء الشموع البراقة واستقبلهم فبهو كبير محلول على حديقة فسيحة باش يمتعو النضر بزينة الورود اللي صاوبوها خصيصا لهاد الحفل ويسمعو لخرير المياه اللي كيجري والنافورة فالجنب كتشرشر .. لقا الاصيل نضرة خفيفة مستغرب لغيابها لاكن ماهي الا لحضات وهوا كيقلب بعينيه حتى تمات نازلة مع دروج من الرخام كبار واشعين وسط البهو بحال القمر كيتمشا على رجليه.. كانت فأناقة بيضاء فقفطان من الثليجة مخزاني مفتوح بالسفيفة من الجناب حتى للخصر و تحته شبكة من الحرير كتبين منسادلة بخيرط الصم الذهبية وشربيل من الصم الحر ومضمة ذهبية بحجر خضر فاتح سماوي والجوهر محموع فالعنق ابييض كتوسطو حجرة ذهبية وحوالق بلدين مواتين مع المضمة والشعر بحال الماء هابط وراها كيبري تقول شلال كحل ونازل كيشرشر .. جامعة اطرافه الامامية للور فتسريحة خفيفة ضريفة والفرقة الرسط كتبري باليوضة متوسطها تاج بحال السفينة مذهب ومحجر بحجر سماوية .. هللات عليه بوجها المشرق بحال البدر ووصيفاتها موراها وبملامح باردة بلا تعابير معينة ضوات المكان عليهم تقول كانت ناقصاهم غير هي.. شاف فيها الاصيل جايا وبقا هاز عينيه متبع خطواتها كأنها يالاه تولدات من جديد.. اما الملك يور فعاد رتاح وبرد فاش خرجات من جناحها وطلات عليهم واخا باين عليها هابطة وخليا قلبها فالبيت .
تقدم شد ليها فيدها وباسها وقال
نهار كبير هادا الاللة مولاتي .. الفرحة ماتكمل بلا بيك
مارداتش عليه بقات ساكتة وتقدمات فصمت للضيوف ..مارحبات ما نطقات .. تقول بلعات لسانها .. حتى حاجبها ماحركاتو .. تقول مكيبانوش قدامها . اما لاللة شهرزاد فتقول جايا غير باش تبركك وتعرف اشنو فالمزيودة وشنو اللي راه كيجرا وهي فالقصر مكاين لا اللي يجي لها خبار ولا هضرة.. وجاتها الفرصة فين ماخصها تزكل حتى نضرة .. تحلل وتفصل ووفلان روح الندى بعينيها حتى كانت غتجيبها على راسها.. ضرباتهت بالعين وتعكلات قبل ماتزيد شي خطوة .. شد فيها الملك الاصيل من جيه والملك يور من جيه ووقفوها بحال شي جوهرة خاصة بالملوك
قادات وقفتها وجرات يدها من يد الاصيل وقلبات وجهها ساكتة وجلسات معاهم فجلسة فوق الارض كلها وسائد من الريش وميادي نحاسية محطوطة وزرابي .. جمعات رجليها جنب فوق وسادة كبيرة حمرا بين الاصيل ويور الليتكاو كل واحد فجهة على يدو ولاللة شهرزاد فجهة الاصيل علي ليمن وعينها فالجنب على روح الندى اللي مكتشوف فحتى واحد فيهم ومكتشاركهمش الهضرة لا فالسياسة. ولا فالحياة الخاصة .. تقدمات ليه طبايق الحليب والتمر معمر ومشكل .. والفواكه الجافة والطرية وانواع الاجبان والحلويات والحوالا تفرقو مشويين .. لاكن لاللة روح الندى فضلات تاكل لحم لارنب وقالت لوحدة من لخدم
جيبي لحم لارنب..ويكون مشوي على لفحم بلا عطرية
تلفتات ليها لاللة شهرزاد وقالت
علاش لحم لارنب بالضبط الاللة روح الندى .. عندك شي مشكل فالصحة لقدر الله ؟
ضحك الاصيل وقال
لحم لرنب مافيه شحمة ولا لحمة مدسمة .. وخفيف ضريف على المعدة الى كانت معصبة
ماجاوباتوش وبقات ساكتة وسمعات لاللة شهرزاد حتى هي طلبات لحم لرنب مشوي على الفحم وابتسمت ليهم وهي كتسمع لكلامهم اللي كامل سياسي.. ملات روح الندى من الجلسة معاهم وناضت وقفات قالت ليهم سمحو ليا
انا مابقا لي شغل فالسياسة .. وكيعجبني نشوف الارنب وهوا كيتشوا
ميلات راسها ليهم باحترام ومشات خلاتهم جالسن خرجات للجردة اللي قدامهم فين كيشويو الحوالا ومشات للشواية دالارنب وقفات حداها وبدات كدورها بيدها وتشويها .. واحد الشوية داز الهوا على نيفها منسم بنسمة من غير ريحة الشوا .. حسات بيه وراها ودورات عينيها للجنب كتحس حتى تأكدات منو وراها وكملات الدورة ديالها للارنب كتشوي ساكتة .. تكلم وقال ليها ولدي خصو يعرف شكون باه
حلات عينيها وزدح قلبها وتلفتات شافت فيه عيني عينك وقالت
شنو كتقول؟
هز حاجبو وقال : كنجلس انا ولدي فطبلة وحدة .وهوا معارفش شكون باه ..
استغربات وقالت: وشكون هاد باه اللي خصو يعرف
قرب منها الاصيل حتى وصل لنيفها وعقدهم وقال
انا..
دورات وجها بعدات شوية وقالت
شكون قاليك نتا هوا باه ؟؟اش هادالتخربيق؟
ضحك بسخرية وقال
لا نسيتي .. كان مرفوع عليك القلم فاش قلتيها بفمك .. وانا تأكدت بلا ماتحتاجي تعتارفي.. بفمو قالي شكون مو
دارت يدها على فمها كتتهرب وقالت
هادشي غير تخربيق غير كدب عليك .. واصلا كان مرفوع عليا القلم واش كاين شي وتحد كيتيق فواحدمرفوع عليه القلم
خلاتو ومشات كتتهرب بعدات وماعارفاش حتى فين غادية .. تبعها جرها من يدها دورها وقرب منها بجدية وقال
يا اما غتقولي ليه شكون باه بطريقتك. ولا غنقولها ليه انا بطريقتي.. ختاري الطريقة اللي عجباتك فيهم
عقدات حجبانها وقالت
هادي غير هضرة خاوية
هز راسو وقال واخا هانتي غتشوفي بعينيك الهضرة العامرة
ضار بغا يمشي وجراتو من دراعه بالزربة شدات فيه وقالت كتفتف
غير بلاتي.. مالك على هاد الزربة مزال حتى متأكدتي مزيان
صغر عينيه شاف فيها وقال
كاين شي واحد كيتسطا على ربيبو ولا شي واحد من غير ولادو؟. امم؟
سدات عينيها وهزات يديها بنفاد الصبر من يعد ما عرفات راسها حصلات وعرفاتو عرف الحقيقة وقالت
واخخخااا.. واخا .. يور ولدك صافي.. تهنيتي؟؟
رد وقال: عارفو ولدي خاصو هوا يعرف باه .. انا باقي حي باقي نشتف على عشرة بحالك ونتي قتلتيني وصفيتيها ليا فمرة ماخليتي ليه حتى امل باش ميسولكش على باه ..شنو غتقولي ليه دابا؟ امم؟ شنو ؟؟ انا ماعندو علاش يحقد عليا بحالي بحالو بجوجنا لعبات بينا مو .. نتي اللي غترفع عليك القلم عاوتاني
بلعات ريقها جمعات النفس سادة عينيها حتى استحمعتت قوتها وحلات عينيها فيه وقالت
انا عندي ميات سبب .. انا ضحيت .. انا نفدت بجلدي وعشت على قبل ولدي.. عشت لولدي ومادرتش ولاد من غيروو ومافرطتش فيه وما استمعت حتى دقيقة بلا ولدي.. هاد باه اللي كتهضر عليه يمكن نسا شنو دار فمو .. نسا العذاباللي دوز عليها .. نسا المحاين ونسا على كاع الايام الكحلة اللي شافت.. ماشفع ليها لاسنها الصغير .. ولا حتى ذرة من داكشي اللي كانت كتكن لباه .. حتى داك العشق ماكانش باه كيشوفو .. مشافش علاش كانت كتحمل وتنسا دغيا غير من تبسيمة منو .. ماشاف حتى حاجة .. مشافش شحال كانت كتبغيه وشحال حلمات وبنات وعلات معاه .. وشحال فرحات فاش حملات وتمنات تولد ولدها وتربيه بين واليديه بجوج. ماشي تهرب بيه وتولدو فوق سفينة والشتا كطيح عليه.. هاديك البنت المسكينة الدرويشة اللي نية وهبيلة وكطير من المقلة وماعارفاش عواقب الاخطاء ديالها .. هاديك البنت اللي شحال من مرة تكرفستي عليها وحكمتي عليها بحالها بحال الرجال وهي متقدر تهز حتى دقة .. وكتاكل الدق وكتنسى ..كتاكل الطرش وكتنسى .. كيتكرفس عليها وكترجع ضحك وكتنسى .. هاديك البنت اللي يالاه قالت بسم الله فالدنيا مزال عاد بدات كتعلم .. عاد بدات الصيام وعندك فداك القبر .. عاد بداو اخطائها يتحسبو وكتابها تحل .. قلبها ابيض وعقلها صغير وعاد كتتعلم .. هاديك المسكينة ترمات فالحبس بحالها بحال الكلاب وبحال العبيد والشفارة والرجال .. وتضربات بالسوط وتجلدات مية جلدة وحتى واحد مادخل يفكها ولا يشفع ليها .. منها للجلاد.. ضهرها منو للسوط .. واش سولتي راسك شي مرة ؟ سولتي راسك وقلتي مع راسك نفرقبين عقاب الرجال وعقاب النسا؟؟ واش قدرتي ترتاح وبنت صغيرة كتتعدب فداك الحبس .. ربي رحمني وشاف من جيهتي ونتا حرام واش حنيتي فيا..وعلاش؟ حيت خويت اتاي على سيديهم قويسم ..الامير اللي ماخاصش الناموسة تعضو .. وهادشي بلا منقصد وترجيتك وتحنيت عند رجليك .. تحنيت وبكيت وخليتيهم هزوني هاكاك كنطلبك .. اشنو دنبي؟. اشنو دنبي انا ندوق عداب جهنم وانا من المسلمين ويالاه حق عليا الصيام؟؟ اشنو دنبي نتلاح فالمطمورة ويتلاح عليا الحجر ونبقا تما بالجوع والعطش.. اشنو ذنبي حتى ذلني داك الذل كله .. وعمرني تشكيت ..حيت دغيا كنسى.. كنت صغيرة وكنسى.. ولاكن دابا لاا ..دابا تبدلت .. تبدلو فيا بزاف ديال الحوايج .. تعلمت من الدنيا مايكفيني باش نواجهك ونواجه اللي بحالك .. معارفش شنو دار على راسي ..كتشوفني هاكا قدامك واقفة عادي..ولا معارفش اشنو داز عليا وشنو تعلمت من الدنيا من نهار حليت عيني عندك فداك القصر.. اللي حتى الصيام مانتش كنعرف ليه .. ونزيدك ما كفس.. يتمتوني وشردتوني حتى وليت كنقول للبراني با .. صفيتوها لعائلتي ودمرتو قبيلتي وحرقتنا مجموعين ..سلالتكم لعنة وصابتنا.. ولاكن ربي كبير وكان ديما كيشق ليا طرقان وينجيني من الضلم ديالكم وديالك نتا بلخصوص.. هاد الراس هاز كل كبيرة وصغيرة من النهار الاول عندك فداك القصر حتى لدابا .. ومابقاش كينسى .. واللي دارت عليه كيعقل عليها كما كنعقل انل على سميتي.. هااا ولدك لداخل..سير عندو قوليه فوجهه انا هوا باك ..انا هوا جلاد مك وقتال خوالك .. انا هوا اللي غنتقتلك ونتا فكرش مك ونقتلهت حتى هي معاك كن ماهربات ديك الليلة بيك وقطعات بيك البحور فنصاص الليل
خلاتو واقف وعطاتو بالضهر مشات ماتلات كلات ولا شربات ..طلعات نيشان لجناحها بلا ماينتابه حتى واحد وسدات عليها وطاحت فالارض شادة وجهها وكتبكي وتنوح حتى سخفات وجلسات رتاحت وناضت وقفات شافت قدامها بحقد وقالت
غادي نتخلص منك .. غادي نتخلص منك على كل ما درتي فيا ومغنخليكش تزيد تعدبني كثر من هاكا
وجع الاصيل للبهو فسيفة اخرى غير السيفة اللي خرج بيها .. الهضرة دروح الندى فرشات ليه الحقيقة كلها بالوانها قدام عينيه .. فيقاتو من سبات كان تناساه ودازو عليه سنين.. فكراتو فالصغيرة والكبيرة اللي تنسات بين الاحداث اللي عاش طيلة هاد السنوات .. فدقيقة جات بحال الموت فكراتو فاللي بقا عاقل واللي نسا عليه .. ضار بيه القصر ديالها وتخنق فيه .. حتى النعمة مابقاش قادر يدوقها وحتى الماء ماهبطش مع حلقو .. جلس جنب الملك يور وبقا كيشوف فيه والبنات قدامهم كترقص وتلعب .. لا صوت فودنيه ولا صورة كتحرك قدامو من غير وجهه ولدو اللي مهني من هاد الحقيقة المرة . تلفت على غفلة بابتسامة للاصيل وقاال
بغيت نشكرك على داك النهار اللي عتقتيني فيه وانا مصاب.. عتقتيني من يدين دوك اللي ماعرفتهم قطاطعية ولا صليبيين .. شكرا اللي داويتي جرحي فداك الرياض ..وسمح ليا ضربت رجالك حيت حسابني بين يدين ولاد الحرام ومافكرتش حتى دقيقة فاش حليت عيني
سد الاصيل عينيه وتنهد تنهيدة عميقة ماقال حتى كلمة .. عقلو فجهة اخرى وخايف شي نهار يتقلب ولدو ويتحجر قليو ويحقد ويكره ومايبقاش بهاد الصفات النبيلة كما جرا لروح الندى .. خايف يكتاشف الحقائق المرة ويمسو الغدر من اقرب الناس ليه لي كيتيق فيهم .. خايف عليه من الانكسار والخذلان اللي كيتسبب فنشأة روح شيطانية كل ما كان فيها الجرح اعمق كانت الروح اخبث وعمات العينين بالانتقام وسودات القلب وقضات على كل بذرة نضيفة ومبادئ وقيم كبرو معاه .. فضل يسكت ومايزيدش يتحايل او يستعمل اساليب ابليس مع اشخاص يحال يور .. ويخلي الاساليب الشيطانية للي هما شياطين فسيفة الناس.
تنهد وناض وقف بغا يودعو لاكن الملك يور طلب منو يجلس معاه اكثر وماسخاش بيه وبالسهرة معاه ..لاكن الاصيل كان محتاج للوحدة وودعو وخدا معاه لاللة شهرزاد اللي حققات فالملك يور مزيان وابتسمت ليه وركبات عربتها مشات .
من بعد ما ودعهم الملك يور رجع لجناح لاللة روح الندى اللي كانت مزالة جالسة فالارض وساهية كتشوف قدامها .. سمعات الطرق فالباب لاكن رفضات تشوف شي واحد ..تكلم يور من ورا الباب وقال
انا ولدك ..باغي نهضر معاك شوية ماتحليش ليا؟
ردت بنفس السيفة المصمرة وقالت
محتاجة نرتاح
تنهد وخلاها ترتاح ومشا لجناحو سد عليه عقله معاها ماعرفش كيفاش يراضيها وكيفاش غيرتاح وهي مامرتاحاش.
صبح الحال عليهم وحتى واحد ماصبح كيف الصباح المنور .. وحتى واحد ماقدر ينعس وكلها وهمو وماداقو طعم النوم والراحة ..
صبحات لاللة روح الندى لابسة سلهامها الكحل وجاهزة باش تخرج .. خرجات بكري ركبات فوق العود ومدات مرسول لذو الفقار وقالت
رسلو لملك غرناطة فالحال
حدر الراس مشا فدمو لرسول القصر وانطلقت هي شدات طريقها ونسمة الهوا النضيفة كتستنشقها .. وصل الرسول فالحال لقصر الاصيل وعطاه المرسول من يدو ليد حكيم اللي قدمو مباشرة للاصيل وهوا فجناحو صابح مكسور ..صبح على مرسول روح الندى وفتحو بالزربة لقاها كاتبة ليه موعد جنب الواد اللي شافتو فيه اول مرة فحياتها وهي كتغسل شعرها مع عبدية وطامو وطلبات منو يلتاخق بيها فلحين .. لوا المرسول وناض بالزربة شار بصبعو للعبيد يعطيوه حوايجه يمشي يشوف اش بغات وخرج من القصر فوق العود نيشان للواد لقاها دايرة قب السلهام و كتمشى على جنبو .. نزل على الخيل وهبط عندها جنب الواد تقابل معاها وقال
باستغراب
شنو اللي خلاك تصبحي على هاد الواد ؟
ضحكات وهي كتسارا جنبو وقالت
هاد الواد هوا اللي لقاني بيك نهار الاول .. باقي كيشرشر .. قلت غيكون نشف حيت شحال من حال تبدل
قرب منها وسد عينيها ماعرف باش يبدا .. شافت فيه قالت ليه فكرتي فالهضرة دالبارح؟
مزال مصر ولدك يعرف الحقيقة
تنهد وقاليها
غادي يعرفها ليوم ولا غدا .. واخا منقولهاش ليه انا غادي يعرف حتى حاجة مكتبقا مخبية..
هزات راسها شافت فيه بمكر وقالت
الا القهرة والبؤس اللي كيبقاو فالصدر مخبيين
جبدات من طياتها خنجر بلا مايشوفو وكانت غتعرسو وسط كرشو كن مافطن بيها وشاف المكر فعينيها وشد ليها يدها وناب الخنجر كيبري على حزامو وهي بكل كره وحقد كتعصب معاه باغا دخلو وسط مسارنو .ك وكتردد بسانها
سمع كلمة السم وشك لايكون الخنجر مسموم وغير جرحة منو تقدر تقضي على واحد فيهم .. لوا ليها يدها بالزربة وطيح الخنجر من يدها لاحو فقاع الواد وهبط ليها يدها وقال كيشوف فيها
كنا بجوج صغار.. كنا بجوج طايشين وماخاترينش.. كنت قاصي فحكامي وكنتي كتصرفي بطيش وحتى انا كنت عصبي ودقت المرار .. نتي تعدبتي فقصري عام .. وانا تحرقت على ولدي اعوام .. مابقاش عندك علاش تزيدي تنتاقمي نتاقمتي تقبلت انتقامك .. وكنطلب منك نفتحو صفحة بيضا .. ننسا شنو شربتيني وتنساي شنو داز عليك .. ونطفيو هاد الغضب وهاد النار اللي شاعلة بيناتنا
غزات سنانها وقالت
عمرني مغنمشي معاك فطريق وحدة .. عمرني مغنخط يدي فيدك .. خديتي مني كلشي ..كلشي وباغي تاخد مني حتى ولدي
شد لي يديها اللي كل شوية باغا تهزها ماتايقش فيها وكيقول الى طلقتها غتجبد عليه شي عجب اخر من بين حوايجها .. زفر كنهج وقال
كلشي غيرجع ليك ..شنو بغيتي غيرجع ليك .. نساي اللي وقع وكلشي غتوصلي ليه بالخاطر .. اصلا ولدك هوا ولي العهد هوا اللي غيخلفني.. هوا اللي غيحكم كلشي.. شنو بغيتي اكثر من هادشي.. مغتربحي والو بهاد الحقد
تسيفات عليه وطرطقات عينيها وقالت اصلا ولدي ماهامو لا جاه ولا سلطة ومن غدا يخلي ليك كلشي ويطلع يرعى فالجبل .. مزال غالط بزااا ف غالط ومزال معارف شنو ولدتي .
شحال زوين الجو وهوا مستقر .. وشحال زوين الصيف بلا عجاج بلا حرب بلا ضر ..
دازت فصول صعيبة واصعبهم فصل الشتا على الاندلس فايام الحرب.. لاكنولله الحمد مشات ديك الايام وجات ايام الفرح والسعد .. جات ايام التهاني والهديات اللي وجدو التجار الكبار وقضات البلاد وكاع الحجرات التقيلة .. كانو يتسناو فصل الصيف باش يحتافلو بعيد العرش.. اليوم اللي تتوج فيه الملك يور ملك على قرطبة .. اللي مشافت فيه البلاد حتى نهار كحل فأيامو ولا ضلم ولاقهرة وحكرة .. كرعبون المحبة والمودة والاحترام والتقدير من كل بلاد ومن كل قبيلة جاياه هدية .. وطيلة الاشهر الاخيرة عاش القصر اجواء جميلة في استقبال الهداية البعيدة والقريبة ..هادي خيول عربية أصيلة من الشرق.. وهادي صنادق الذهب والفضة من الغرب.. هادي ازهار ناذرة من السند وهادو فيالة هائلة من الهند.. جواري اشكال والوان من الشرق للغرب ..ومن الشمال للجنوب .. قد وقامات تليق بملك ملوك الدولة الاموية .. اللي جاتو منها هدية على حد امتدادها .. اما اهل الاندلس فماقصروش من جهدهم ..وبعثو ليه اجمل الزرابي ومانسجات يديهم .. وافخم التحف والاحجار واعذب الكلام والشعر من الشعراء والادبيين اللي كانت مكتوبة خصيصا للملك يور . كان كيهتم بيحلل هاد الرسائل وتنضيم الكلام اللي كيعنيه ..وكان كيعجبو يقرا الشعر ويسرح بخيالو فالوصف ويستمتع بابداع الكاتب والادبي وماختار من كلمات وعبر لا تخطر على البال .
كجميع الايام اللي كتمر فجو الهدايا اللي كتوصلو كان طلب من احد الادبيين يكتب ليه شعر على المرأة ..وكان كيقصد بهادالمرأة مو اللي يهديه ليها ويصالحها ماتبقاش كتهضر معاه بالنفخة وتنسا ما حرا فالماضي فيام الحرب وترجع المياه لمجاريها كما كانت فالاول.. لاكن الشاعر الادبي وصف وصف اخر مافيهش كاع نكهة الام وقدمو للملك وهوا فحديقة قصره وجنبه الحريم القديمة والجديدة بحال الورد كيتسخرو عليه .. شد الورقة فيدو وهوا متكي على جنبو كيقرا ويتبسم ويتمعن فكلمات الوصف ولغزل اللي عبر بيها الشاعر
بَلْ يَا بَهَاءَ هذا الوُجُودِ قد رأَيْنا الشُّعُورَ مُنْسَدِلاتٍ كلّلَتْ حُسْنَها صباحُ الورودِ ورَأينا الجفونَ تَبْسِمُ أو تَحْلُمُ بالنُّورِ، بالهوى، بِالنّشيدِ وَرَأينا الخُدودَ، ضرّجَها السِّحْرُ فآهاً مِنْ سِحْرِ تلكَ الخُدود ورأينا الشِّفاه تبسمُ عن دنيا من الورد غضّة أملُود أنفوسٌ جميلة ، كطيور الغابِ تشدوُ بساحر التغريدِ طاهراتٌ، كأَنَّها أَرَجُ الأَزَهارِ في مَوْلِدِ الرّبيعِ الجَديد وقلوبٌ مُضيئة ٌ، كنجوم الليل ضَوَاعة، كغضِّ الورودِ
تنهد الملك ورفع راسو شاف الخدم كيتسارعو جهة الباب من بعدي لقا رسول القصر حدا ودنه حاذر الراس وقال
مولاي.. جات هدية م عند الملك محمد اصيل ومعاه هاد المكتوب
تبسم الملك ووقف خدا المكتوب فتحو وقرا
ليهنكَ بعد عهدك عيدُ عرش
يريكَ بقلبِ حاسدكَ انفطارا
أتاكَ وفوقَ غرَّتهِ هلالٌ
إذا قابلتهُ خجلًا توارى
يشيرُ وعادَ نحوكَ كلَّ عامٍ
يحدِّدُ فيكَ عهداَ وازديارا
تسعد الملك يور بهاد الرسالة الغالية ومشا يشوف هدية الاصيل وخرج حشد من الناس داخلين هازين طيافر كلها ورد وبخور وتمر وصناديق من الذهب والاتواب الفاخرة .. وبالنفار داخلين مهللين ووسطهم فيل مزين بالورد وعلى ضهره هودج من لخشب مغطي بالتوب ..تقدمات الهدايا قدام الملك يور تحت انضار روح الندى مراقبة
اللي. مراقبة الهدية من فوق احد الشرفات .. وفع الامير راسو شاف فالفيل وقال
شنو فوق الفيل؟
حنا حكيم راسو بابتسامة وقال : فوق منو اجمل ما يمكن تشوف عينك امولاي.. هدية خاصة من مولاي لمولاي .. جمال قلبا وقالبا .
رد الملك براسو وقال واخا .. دخلو هاد الهدايا لجناحي
دخلو ليه الصنادق لجناحو الا الجمال اللي فوق الهودج واللي كان خارجين من بين طيات اترابه اصابع بيضاء رقيقة كتتفحص من خلال شقتهم عيون كبيرة جذابة شنو كيجرى على برا ..
لحق الملك يور بجناحو يكتاشف الهدايا ولفت نضره صندوق كبير عريض وسول حكيم اللي رافق الهدية وقال
شنو فهاد الصندوق ؟
فتحو حكيم وشع منو شعاع بحال الشمس.. وكان وسطو سيف تقيق هاد من ذهب .. ويدو مرصعة بالاحجار الكريمة البراقة .. حملو حكيم على مهل قدمو للملك فيدو .. خرجو الملك من الغمد ديالو فإذا به سيف منقوش بكلمات شعرية مذكور بينها اسم الملك يورو ودعاء للتحصين ..حب الملك يور الهدية وعشقها وخصص ليها مكان خاص حطها فيها وتلفت شاف باقي الهدايا اللي كانو كيخرجو الخدم وبقات اخر هدية اللي دخلت على رجليها مع الباب مرافقة بالوصيفات .. كان لباس من اغلى الثياب .. ..متوسطة القد والطول .. ممشوقة القوام وصاحبة مشية ساحرة كأنها تخلقات باش تكون هدية .. او اسم الهدية نفسها .. كانت لابسة توب من الحرير ابيض ناصع مطرز بخيوط ذهبية طويل مدايرة لا حدام لا مجدول وفرجلها شربيل من الصم وراسها مغطي بتوب شفاف طويل مكيفرز ملامح وجهها .. عطرها فايح انعش جناح الملك اللي جاه فضول يشوف شكون تحت داك الغطا ..
قربوها منو وركعات قدامو راسها فالارض.. هز حينها حكيم صبعو وشار للخدم ديالهم ينصارفو وخرج الجميع بقا فالجناح غير الملك يور والهدية
دخلات عبدية عند روح الندى لقاتها واقفة كطل وقالت
لاللة روح الندى .. هانا جيتك حاضرة ناضرة
تلفتات روح الندى وقالت
شنو جاه فالهدية؟؟
تبسمت عبدية وقالت
جاه الاللة شلا وزان تقال.. صنادق كبار وتواب من الحرير ويذهب يتوزن بالقنطار .. وجاتو الاللة جارية كيقولو عليها بنت الملوك .. كبرات فدار الشرفة وقرات على يد الاصيل وكيقولو عليها ذكية ولبيبة وطير من طيور الجنة .. قالك الاللة كتفتن بالزين .. تعمى لعين اللي متصلي على النبي.. كتنضم الكلام .. وتقول الشعر .. وجوهرة هاكا كتشعل ..اختارها سيد الاصيل من بين كاع البنات ورسلها لمولاي تاج راسنا تزول عليه الغبينة وتونسو فالكعدة وطيب نعاسو وتزيد فراحتو .
هزات روح الندى راسها كتسوط. وقالت
ماعرفتش شنو مزال باغي مني .. كيدير ما فجهدو باش يقرب منو.. ويكسب تيقتو ..
فهاد الاثناء قرب الملك يور ووقف الهدية قدامو .. استنشق عطرها الفتان وطلع التوب الشفاف على وجهها وصغر عينيه كيشوف فيها منبهر
ذو التيجان الجزء الرابع
محتوى القصة
طاحت الورقة من يدها وطاح هم العالم على قلبها حلات فمها كتنفس تقول الروح كطلع حتى جات فالارض على طولها ويدها على صدرها كتحاول تنفس.. دخلات جارية من الجواري دالصباح لجناح الامير اللي كتساعدو ولقات لاللة روح الندى طايحة وبقات كتغوت جمعات عليها الخدم والوصيفات هزوها فوق الفراش وعتقوها بالماء وبداو يقراو عليها القرآن وهي كتبكي وكتجر فوسادتو وتعنق .. تشوطات حتى بقا فيها غير الرماد وسمحات فكلشي وهجرات كلشي وتوحدات مابقات كتسول فحتى حاجة ولا هامها شي حاجة .. لولا عبدية و وذو الفقار اللي مسيرين شؤون القصر والديوان لا تخرب كلشي وبقات غير السمية .. حتى الحياة فالقصر ولات مملة وحتى جناح العمبر خيمات عليه سحابة كحلة ..الهضرة بقات كدور حتى وصلات للملك محمد اصيل ووقف كيضحك فجناحو وقال لحكيم
مزياان .. مزيان هادشي اللي وقع احكيم .. هادي الفرصة اللي كنت كنتسنى ..حا الوقت فين خصنا نتحركو
هبط حكيم راسو وقال
امر امولاي
رفع الملك محمد اصيل راسو وقال
هانا غنوريك الدقة اللي مكتنوضش العجاج .. غدا احكيم الصباح غادي تشد طريق نتا واتباعك لقشتالة .. وماضيعوش الوقت .. عندكم شهر نبغي العجاج ينوض .
ضرب حكيم على صدرو وخرج وبقا الاصيل واقف كيتأمل من شرفة جناحه فاتجاه قرطبة وقال
قربات نهايتك الحية .. وغنشدك من رقبنك ونخرج منك كاع العداب اللي دوزتي عليا ..
تنهد وخرج من جناحو ااح عليه عبايتو ووصادف لاللة جوريا فالطريق عندو وجهها اصفر ..حدرات ليه راسها وقالت
مولاي ..سمعت باللي وقع شي مشكل بين الملكة روح الندى والامير يور ..سمعت باللي تنازل على كلشي وخرج من القصر
تبسم رتب على كتفها وزاد مع الطريق خرج طلع على الخيل ديالو وشد الطريق حتى ليشبونة ودخل للقصر القديم التابع لبلادو .. استقبلو المجيئ ديالو المفاجأ وبالزربة قادو الترتيبات ورافقوه حتى لجناحو الخاص ووقفو مصافين قدامو . هز راسو فالسما وامر يحضرو ليه سبأ.. خرجو فالحين جهزوها وحضروها ليه وسط جناحو ..دخلات حادرة راسها كضحك وطاحت عندو رجلو باست ليه يدو ووقفها كيشوف فتعابير وجها الجميل اللي عمرو شاف بحاله ..دوز يدو على شعرها وقال
وفين وصلتي فالتعليم ؟
تبسمات ببرائة وقالت
كنتعلم باللي والنهار امولاي .. هادشي كله من فضلك من بعد الله سبحانه وتعالى
تبسم وتفاجأ وقال ::باين كتعلمي وراسك خفيف.. وحتى الدين شديتيه من الطريق الصحيح
تبسم وقال: جلسي اسبأ.. وعاودي ليا شنو وقع معاك بالضبط انا جاي باش نعرف منك اشنو وقع
جلسات جنبو بدات كتحكي وتعاود حتى سالات وسكتات كتشوف فيديها
حرك راسو بالايجاب وقال
حتى واحد معارفك هنا .. باش نتفاداو بحال هاد المشاكل اللي وقعات .. المهم.. كيفاش تعاملو معاك فقصر الملكة روح الندى؟
تنهدات وشردات قدامها وقالت : عاملو بحال الاميرة امولاي .. وصاهم عليا سمو الامير الله يجازيه بالخير ..ماخلاوني مخصوصة من حتى حاجة
هز الملك محمد اصيل راسو وقال : كيفاش تعامل معاك فاش عرفك من عندي
هبطات راسها وتنهدات وقالت : فالحين قالي رجعي … وماتناش معايا الكلام امولاي..
حك فلحيتو وقال: ماقصاش عليك؟
حركات راسها بالنفي وقالت بلعكس.. عمرني شفت شي امير حنين بحالو .. متواضع .. امير مع الامير وفقير مع الفقير ..غامر بحياتو ونقدني من القطاطعية .. واخا مهضرتش بزاف وماجلستش معاه بزاف .. ولاكن حسيت بيه .. وحسيت بيه اكثر ماباغينيش.. ماطمع فزين ما طمع فصغر .. ماتغرش .. كاع الدياب دالسوق اللي شافوني طمعوفيا .. اما سمو الامير فما تلفتش جيهتي.. واخا شريت راسي ليه وعطيت راسي هدية . حررني وانا من خوفي لسقت فيه ..حسيت معاه بالامان ..حسيت بيه غادي يحميني ..واخا بززت نفسي عليه . فعلا مابغانيش امولاي ورفضني وفوق نفسه مشيت معاه .
تنهد الملك ومسح عاى راسها وقال
الاحساس مكيخونش اسبأ.. كملي تعليمك .. الجمال ماشي هوا كلشي..العقل هوا كلشي.. لعقل اسبأ.. والى كان الراس واعي ومتعلم كيفوق الجميع العقول.. والتباتة..والرزانة .. والصمت .. هادو اهم الاشياء خاصك تعقلي عليهم .. نوضي كملي تعليمك راه مابقا ليك والو وتصومي ..يالاه .
ناضت باست ليه يدو وخدات الرضى وخرجات من جناحو خلاتو شارد ورجع بيه الزمان اللور تفكر روح الندى فاش صامت عامها الاول ..
شرد الاصيل ففطورو مع روح الندى وهي جالسة معاه فالطبلة وتفكر غناها وصوتها ووصفها ليه وتغزلها بيه وكاع اللحضات الرمنسية حتى تبسم بلا ميشعر وحل عينيه مسح على لحيتو وناض كتفقد احوال القصر مع المشرفين عليه واجتامع بالقائد دليشبونة اللي رسم عليها ودوز النهار كله فالديوان حتى اذن العشا ودخل لجناحو يتعشا ..جلس وبقا كيشوف فالعشا مطولا من بعد امر يجيبو ليه سبأ تتعشا معاه وحضرات فأيهى حلة .. انبهر بجمالها وابتسامتها البريئة وحط ليها وسادة جلسات عليها وقالت بابتسامة
امرني امولاي.. اشنو حب خاطرك
ضحك وهوا كيشوف فيها وقال
قولي لي اسبأ.. كتعرفي تغني؟
ردت بالنفي وقالت . كنعرف نعزف على العود ..ونقول الشعر امولاي
هز حاجبو بابتسامة وقال: كتعرفي تقولي الشعر بالفطرة ولا تعلمتي ليه ؟
تبسمات وهي جالسة مستقيمة رافعة راسها والابتسامة مكتخطاهاش وقالت
بالفطرة امولاي.. ولاكن بالعربية مزال صعيب شوية .. قبل كنت نضم الكلام بلغتي .. وحتى دابا نضمو لمولاي الى بغيتي ..
ضحك وقال : باينة من طريقة جوابك الغزالة .
يالاه عطيني شي ابيات من المفردات اللي تعلمتي.
قالت على مسمعه وهوا كيتعشى
قالوا عشقت صغيرة فأجبتهم
أشهى المطيّ إليّ ما لم يركب
كم من حبّة لؤلؤ مثقوبة
لبست وحبّة لؤلؤ لم تثقب
هز حاجبه متفاجأ وقال بابتسامة :
ماخفتيش كتعتارفي بهاد العشق قدامي؟ ولمن ؟
تبسمات وقالت رافعة راسها
أدور في القصر لا أرى أحدا
أشكو إليه ولا يكلمني
حتى كأني ركبت معصية
ليست لها توبة تخلصني
ضحك وقال كيعطيها حبة عنب لفمها
خلصتكي فصاحة لسانك .. وعذب كلامك .. ان وقع قلبك عاشقا .. فلا مفر امامك .
ودت بفصاحة لشان وقالت :
يا من يغطي هواه
من ذا يغطي النهارا
قد كنت أملك قلبي
حتى علقت فطارا
تعشات معاه وسمعتتو اعذب الكلام حتى نساتو فهمو وأيامو ونسا معاها حتى احلامو ، وفاش سالات الامسية ورجع ذاكرتو وشنو وراه وشنو قدامو تبسم وقال كيشوف فيها وعينيها تقال بالنعاس وهي جالسة جنب الطبلة
الى شي نهار خيرتك بين .. تمشي لقصر الامير سلطان ..ولا قصر الاميو يور
ولا تعيشي عندي فالقصر وتحت كنفي … اشنو تختاري؟
هزات راسها فصمت كتشوف قدامها مطولا وقالت .. نعيش تحت كنفك امولاي ..
حرك ليها راسو بالايجاب وقال
علاش مابغيتيش تمشي تعيشي فقصر الامير سلطان ..وتحت كنفه
تبسمات وقالت : الامير سلطان سيد الامراء… لاكن راحة قلبي مكانها فقصر الحمراء .
ضحك الملك محمد اصيل وقال :
ختاصرتي الكلام .. وقصر الامير يور اشنو اللي ماخلاكش ترتاحي فيه ؟
تبدل لون وجهها وتعابيرها ورفعات راسها كتشوف فجهة اخرى وقالت
انا والذل … كالسيف والنسل
قطع الرأس ..اريح من مذلة الناس.
تعجب من كلامهت وابتسم وقال : واش هادا هوا السبب الوحيد اللي خلاك تفضلي تعيشي تحت كنفي لا تعيشي تحت كنف. الامير يور .. جربتي كاع القصور دابا ولالا؟
بقات ساكتة مطولا وحنات راسها تنهدات وقالت
الري ريك والشوار شوارك .. فضلك عليا كبير امولاي نتا امر وانا نفد
طبطب على كتفها وقال: حاليا كملي الاداب والفن ديالك .. حتى يحين الوقت المناسب ويوضاح طريقك من طريق رفيقك . يالاه نوضي تنعسي
تبسمات وباست ليه يدو وغادرات جناحو خلاحو متكي .. مسح على لحيتو وتكى على ضهرو ساهي كيفكر وسد عينيه شارد .
صبح الحال وشد طريق الرجعة لقصر الحمراء .. ودخل مباشرة لجناحو ومشا لطاولة كبيرة عليها اوراق كثيرة وريشة وحبر وطلق الورقة وكتب عليها ..
الامير يور بن محمد اصيل المرتضي بالله
تبسم ولواها وشدها فيدو وقال
هاحنا غنشوفو الاللة روح الندى .. يا اما تبان الحقيقة ويتيحيد الشك يا اما غنسكفو الدم ونحدوها لهاد اللعب
الاصيل علن الحرب الساخنة على روح الندى وهي مافراسها ما يتعاود.. ناعسة فجناحها كتبكي وحازنة وكل شوية تنوض تسول واش الامير رجع ولالا .. بقات هاكاك ايام وليالي مريضة والرسائل التهديدية كل مرة توصلها وحدة .. بغات تحماق وبغات تعرف شكون من غيرهم بثلاتة اللي عارف بالسر .. دازت عليها ايام وليالي كحلة زحلة ..وكما كيقول المثل .. المشاكل الى نزلات كتنزل دقة وحدة ..وهاكا نزلات المشاكل عاى روخ الندى .. الاصيل من جهة واخا حسو مقطوع مكتسمعوش ومكيوصلها صهد منو .. ولا يمكن هادشي اللي كيحساب ليها. هي.. مافراسهاش باللي جميع البلاوي اللي نزلات عليها من تحت راسو .. كملات وجملات فالنهار المشؤوم اللي صبحات عليها عبدية برسالة اخرى ..لاكن هاد المرة الرسالة رسالة حرب.. فتحاتها وهي جالسة ففراشها لقاتها رسالة تهديدية من ملك قشتالة .. واللي جات مملكتها على جنوب مملكة قشتالة وكيطالبو تسلم ليهم قرطبة وترجع تحت الحكم المسيحي. . والا غادي ياخدوها بالقوة ويهدو القصر فوق راسها كما هداتو فوق راس اتباعهم اللي كانو حاكمين قبل منها . نزل الخبر بحال الساعقة خلاها توقف واخا مافيها حتى عرق صحيح ، ماقدراتش تصدق شنو كيوقع وتذكرات كلام شادية ليها وهزات صبعها بالزربة قالت لعبدية
عيطي ليا على شادية .عيطي ليا على شادية بالزربة
مشات عبدية كتجري حضرات ليها شادية لاكن هاد المرة كانت شادية فسيفة اخرى غير البنت الدرويشة اللي حانية الراس.. وقفات بملامح باهتة ويديها مرخيين وشعرها محلول وممشوط اللور وقالت
نعام الاللة
جراتها روح الندى من يدها كتنهج وقالت
قلتي ليا غتنوض الحرب.. ياكي قلتي ليا غادي يموت الامير .. انا باقا عاقلة على كل كلمة قلتيها ليا .. باقا عاقلة وماخلتيكش تكملي .. كملي نشوف .. كملي وماتخبي عليا حتى حاجة خاصني نعرف كولشي ..خاصني ضاروري نعرف
بقات شادية ساكتة كتشوف بعيد ولاللة روح الندى كتمشي وتجي بهستيرية ومدات ليها يدها لاكن شادية ماتحركاتش من بلاصتها حتى انتبهت روح الندى لردة فعلها وقالت
مالكي مكتهضريش؟؟؟ هضري واش صماكيتي
تلفتات شادية شافت فيها وقالت
غنشوف ليك ..ولاكن بشرط
عقدات روح الندى حجبانها وقالت : بشرط؟؟؟ وليتي كتشرطي؟
هزات شادية نيفها وقالت : اه . .. والى ماقبلتيش الشرط ديالي مغنشوفش ليك .. ومغنقولش ليك حتى كيفاش تحمي الامير من داك الشر المضمر ليه
رجعات روح الندى اللور كنرطم فقفطانها الابيض المحلول وشعرها الكحل مطلوق وزيرات عينيها كتشوف بحقد فشادية وكتسف النفس بزز وقالت كتبلع ريقها كأنها كتبلع السم
شنو هوا هاد الشرط اللفعة .. درت فيك خير ودابا تقلبتي عليا
ربعات شادية يديها وقالت :الزمان اللي قلبني .. عطيت كلشيوماخديت والو .. وخسرت كولشي ومابقا ليا منخسر.. انا والله هاد الساعة .. فسفينة بوحدي.. ضحيت وماطلعلي من التضحية غير الريح ..دابا يا اما غتنفدي شرطي ونفد الطلبات ديالك .. يا اما غنهزكم كاملين معايا فهاد السفينة اللي كتغرق ونغرقو جميع .. حنا غارقين غارقين .. ونتي خاسرة خاسرة .. وكما سبق وقلت ليك .. هاد الحرب غتقلب الدنيا سفاها على علاها .. ولا نتي. غتبقاي حاكمة ..لا حنا غنبقاو خدم عندك .. وماشي بعيد حتى نتي تولي وخدة منا
زيرات روح الندى كف يدها وغززات سنانها حتى خرجو عروقها وقالت
هضري شنو هوا هاد الشررررط
جمعات شادية النفس وقالت رافعة راسها وعيني عينك فلاللة روح الندى
شرطي نتزوج بالامير
حلات روح الندى عينيها مصدومة وقالت : شنوووو؟؟؟ لا نتي تسطيتي نيشان .. تزوجي ؟؟ وبالامييير !
ردت شادية باصرار وقالت : تقدري ديري اي حاجة وهادي اسهل حاجة عندك ..
ضربات روح الندى بيدها على الطبلة وقالت : انااا مستحيل نزوج ولدي الوحيد ليك نتي..يا السحارة
تصدمات شادية فاش عرفاتو ولدها لاكن بقات كتسائل واش كتعني ولدها ولدها يعني والداه من كرشها ولا ولدها حيت رباتو ! ركزات فالاهم وخلات عليها التحليلات الخاوية وقالت
ماشي مشكل الاللة .. ولاكن ودعي ولدك فهاد الحرب
هبطات شادية راسها باحترام ورجعات اللور بغات تمشي لاكن تلفتات روخ الندى وراها وهي فحالك ماكتسمحش ليها تعاند معاها وقالت
وقفي.. وقفي .. انا قابلة هاد الشرط
وقفات شادية وقالت : تزوجيني قبل نانشوف ليك.. وقبل ما تفكي هاد العصيدة
ردت روح الندى بغضب وقالت : انا قلت ليك غنزوجك .. ونتي كتشوفي الخالة دابا و اجراس الحرب كتطرق ..انا ماشي فالزواج وحتى الامير مكاينش
ردت شادية وقالت: زوجيني الامير غيابيا ونتي توكليه .. هاكا تزوجات مي فاش مشا با للقافلة وتعطل حولين كاملين . حتى نتي تقدري تزوجيني الامير وهوا غايب .
زيرات روح الندى على سنانها وجرات عليها من البيت وبقات بوحدها غتفرقع وتهضر .. عيطات على ذو الفقار دخل كيجري عندها ووقفات قالت ليه سير دابا تسارا فالمدينة .. شوف ليا شي شوافة وجيبها ليا فالحين .. ولابد يكون شي واحد من غير هاد بنت الحرام .. غير بلاتي . ولا عليك اشادية غير حتى نتوالاك ونوريك .. غير بلاتي عليك
خرج دو الفقار خلاها كتاكل جنابها ومشا كيجمع ليها فالشوافات ديال المدينة كلها ..داما شادية خرجات نيشان مشات لجناحها وجمعات كموستها وكاع اللي كتكسابو وتعلامو من ثواب الحرير والبروكار والذهب والفضة وكاع اللي جادت بيه لاللة روح الندى عليها .. واستعدت لأي هجوم او طرد او شي حاجة تقدر تصيبها .. حطاتها فالقنت مخبية ومشات نزلات للمطبخ كتقلب على ختها حتى لقاتها وخرجاتها من تما كتعتر فقفطانها الكحل وقنتاتها فواحد القنت وقالت
سمعي مزيان ايامنة .. غتمشي داابا للبيت ديالك وتجمعي شطايطك .. راه مي رسلات ليا مرسول باش نهربو من ااقصر ونمشيو لحقو عليها فواحد المدينة زوينة
حلات يامنة عينيها وقالت : بصااح !! مي باقا حية !! وناااري وا بي سبع رواح هاد مسعودة
شادية: داباا واش غتمشي معايا ولا غنريد ونخليك كضربي فتمارة فهاد القصر
دورات يامنة عينيها بحنابها وقالت : وعلاش ماتجيش مي تسكن معانا هانايا ؟ علاش نخرجو من هاد العز وهاد الخير ؟؟
تعصبات شادية وجراتها من كتقعا قالت ليها
زيدي تحركي جمعي رزمتك ولا غادي نجيب ليك مسعودة لهنا تشتف على يامك يالاه تحركي دفعاتها مشات يامنة كتنهق تجمع حوايجها ورجعات شادية للعمبر دخلات عليهم بحال الرعد وهما متكين كل وحدة فوق سريرها كضحك وجالسين كيدفرو لبعضياتهم . شافت هاكا وهاكا وبانت ليها عويشة جالسة فسريرها وغير شافتها ناضت وقفات مصدومة . قصداتها شادية هازة راسها وجراتها من يدها خرجاتها ولاحتها مع الحيط .. هزات عويشة صبعها مخرجة عينيها لاكن قبل متنطق ضرباتوليها شادية وقالت هادة صبعها
سمعي اديك الشيخة .. هادشي اللي نتي فيه قرب يسالي وغادي يتقلب ويتشقلب هاد القصر وغتمشي تتباعي للكفار بحال اي جارية .. ديري فبالك باللي حنا داخلين فحرب وخارجين منها خاسرين .. سمعتي .. سمعي شكنقول من فمي.. خارجين منها خاسرين .. والملكة روح الندى مغتبقاش حاكمة .. ايوا دابا نتي تعرفي اشنو ديري الى بغيتي تعتقي راسك ..اللهم اني قد بلغت. بسلامة عليك الخاوة دالقش
جمعات شادية الرزمة وتحزمات بيامنة ختها وباتت ماصبحات .. تلتمات وتسلتات بين الشجر جارة الهبيلة ديامنة وراها وكل وحدة حاملة رزمتها فنصاص الليل حتى خرجات من القصر وبعدات على المدينة وقصدات الواد الكبير اللي كيفصلبين روح الندى والاصيل وقطعاتو فالفلوكة ..لا عين شافت لا قلب وجع ..
ايوا وصبح الصباح وصبحو كاع الشوافات مصافات فصف واحد قدام روح الندى .. دارو النوبة كل مرة يقرب واحد ولا وحدة يشوف ليها لاكن حتى واحد ماطلع كلامو بحال كلام روح الندى .. كلهم غير الكدوب والبهتان .. ونيت لقاو روح الندى مغلغلة وحتى واحد ماجا ليها فالحرب اللي تعلنات عليها وبالفقصة بخات غضبعا عليهم كاملين وحبساتهم تحت القصر وجلسات شدات راسها كتبكي حتى عيات واستسلمات وهزات راسها شافت فعبدية وقالت باستسلام
جيبي ليا شادية
هبطات عبدية راسها مشات كتجري تجيبها لاكن صادفات عابد جاي كيقلب عليها ورقفها وقال لاللة عبدية .. يامنة المهبولة باتت ماصبحات .. هربات لينا من القصر
حلات عبدية عينيها تفكرات شادية ومشات كتجري حلات البيت لقاتو خاوي ومشات كتقلب بين الحوايج لقات غير الخزنة خاوية وخرجات كتجري عند روح الندى وتنهج سخفانة وقالت
لاللة لاللة … المتعوسة هربات من القصر هي وختها الهبيلة
وقفات روح الندى كتشوف فيها وقالت
كيفاش؟؟ شكون اللي هرب؟
بلعات عبدية ريقها خافت تقجها وقالت
شادية هربات من القصر
تصدمات روح الندى ودازت فيها وخرجات كتجري مشات لبيتها دخلات عليه كتقلب عليها وتقلب بين حوايجها وتلوح هما ولهيه ودور بلاصتها وشدات فراسها بغات طرطق وخرجات لبرا كتغوت تجمعو عليها كاع المشرفين دالقصر حادرين الراس .. ساطت فالاخضر واليابس كتغوت وتسرفق
روح الندى: اشنو هي خدمتكم ؟؟؟ شنو هي ؟؟ شنووووو الدور ديالكم فهاد القصر دالويل.. جوج بنات هربو وحتى واحد ماشاق ليهم الخبار .. شي هارب شي داخل وشي خارج ونتوما ناعسين .. ناعسين الكلاااب
بقات كتغوت ومابردات حتى سمعات صوت النفار كينفر من بعيد وهزات راسها كتسمع ..ج ا حارس كجري هبط راسو قاليها
لاللة مولاتي.. الملك محمد اصيل فالقصر لزيارة سيادتكم
خرجات عينيها قالت ليه
هاااا؟؟ حم مم محمو محمد المالييييك؟؟ اش جابو اش بغا هادا
رجعات كتجري وتعتر فالقفطان المدلي بلا حزام والشعر محلول تابعها وهربات لجناحها هازة يديها والوصيفات تابعينها من اللور
انا مكايناش.. اااانااا مكايناش ضايفوه فصالة الضيافة حتى يمشي بحالو.. انا خرجت مع الامير يور للنزاهة اصلا ماعلمنيش بالمجية ديالو .. صافي انا مكايناش
دخلات جناحها سدات عليها هي والوصيفات ورجعو الخدم والعبيد كيجريو يوجدو لاستقباله
خل الاصيل بخطوات بطيئة لصالة الضيافة كيسرح عينيه وبلا وفد بلا حرس.. غير حكيم اللي معاه وبقا واقف برا طالق عينيه وكيشوف احوال القصر والجو كي داير تقدم كيتمشى والعبيد تابعينو حانيين الراس ويرحبو بيه قاليه عابد اسمر اللون
مولاي.. سمح لينا على هاد الاستقبال.. لاللة مولاتي خرجات للزناهة مع سمو الامير
حرك الملك راسو وقال كيتأمل فزخرفة السقف
واخا قوليها انا غنتسناك هنا حتى ترجعي من النزاهة
حدر عاقد راسو وقال
هي اللولة امولاي
مشا عابد كيجري ودور الاصيل عينو ورا ضهر ضحك بسخرية ومشا جهة واحد الخزانة ديال الكتب وبدا كيقرا العناوين ولفت انتباه كتاب مكتوب على عنوانه كن حاكما فقيرا
هزو وجلس كيقرا بعض الاسطر في حين دخل عابد كيجري عند لاللة روح الندى بقاها قدام المراية لابسة تكشيطة من الثليحة حمرا وكتلبس الحوالق فودنيها ومصاوبة مشطة لشعرها وكتزرب باش تلبس حلتها الملكية
عابد: لاللة مولاتي.. قلت ليه مشيتي للنزاهة مع سمو الامير .. وقالي غادي نتسناها حتى ترجع تلفتات شافت فيه كتنفخ قالت ليه اويلي واش هادا مسالي ماعندو شغل ؟ سير عيط ليا على ذو الفقار يحضر عندي فالحين
نزل عابد كيجري حضرو ليها قدامها وقالت ليه شير جيب ليا شادية فين ما كانت ..كانت فالسما هبطها ..كانت فالارض طلعها
خرج ينفد الاوامر ويالاه خرج دخلات عبدية عندها هازة ورقة فيدها وقالت
لاللة مولاتي .. هاد الورقة لقيتها فبيت شادية.. واقيلا خلاتها ليك
طارت روك الندى على الورقة شافتها لقات فيها رسالة عبارة عن رسم لان شادية مكتعرفش تكتب .. بقات روح الندى كتحقق فالرسم وشنو كيعني .. بان ليها بحال شكل قبر وعليه سهم وحداه اشاب على راسو تاج كيعني انه الامير يور .. وفوقو القمرة والشمس .. وكبها الخوف من الرسم وقدات كترعد ووقفات مصدومة والورقة فيدها ولسانها تقيل .. ماقدراتش تفرز المقصود من ديك الرسمة ويالاه هزات راسها بغات تهضر دخل على جناحها الملك محمد اصيل وجات عينو فعينها خلاها مصمرة كتشوف فيه ولسانها مربوط وقال
كي دازت النزاهة الاللة روخ الندى
رمشات وعاودات كتستوعب وشارت بيدها للجميع يغادرو الجناح من قعد ما كملو ليها اللباس وقالت كتشوف فيه مصدومة
شكون سمح ليك دخل عليا هاكا لجناحي بلا اذن ؟
دور عينو فروعة الجناح وفخامته وقال
مانزلتيش للصالة قلت نطلع عندك نشوفك
يبعات ريقها واستجمعت قواها ووقفات رافعة راسها وقالت
شنو بغيتي ؟. اش هاد الزيارة المفاجأة اللي ماشي من شيام الملوم والسلاطين اجلالة الملك
تقدم كيتسارا فجناحها وقال
حاجة وحدة اللي كتجي على غفلة ..هي الموت .. وانا جيت باش نساندك فهاد الحرب اللي سلاطت عليك ونتي ماشي قدها
ضحكات بسخرية وقالت كتشوف فيه
شكون قاليك انا ماشي قدها ؟ راك مزال غالط اجلالة الملك .. انا روح الندى … ماشي اي وحدة .. مزال ماستسلمت ومزال غادي ندهشك .. غادي نصدمك حتى تقول تسليم
حرك راسو بالايجاب وتلفت شاف فيها وقال وهوا كيقرب منها خطوة خطوة
ماشي هاد المرة اروح الندى .. هاد المرة الحرب على ابواب مدينتك .. وقريب غتقتاحم هاد القصر وتهدو فوق راسك .. نتي قدام مملكة قدها قداش واسطول ديال المحاربين ونضام قتالي.. باش غتقاتلي ؟ هاا؟ باش غادي تحاربي ونتي عندك جيش صغير .. خمسية الف محارب اشنو غيدير قدام ربعين الف محارب ؟؟ ولا عندك شي تعويدة غادي طلقيها عليهم من السما باش تربحي الحرب
رفعات راسها وهي كتشوف فيها ونفسو كضرب فوجهها ونيفو حدا نيفها وقالت بلا متزعز ولا تململ
غنلوح التعويذة … وماتستاخفش بالتعويدات ديالي حيت هما اللي خرجو عليك
هبط عينيه كيشوف فشفايفها ونيفها وهي كتهضر وكل شوية كيزيد يقرب باش تهد لاكن بقات فمكانها صلبة حتى مابقاش الهوا كيدوز بيناتهم وقال
عندك حل واحد.. ديري يدك فيدي وغنعاونك على هاد الاسطول
بلعات ريقها وهي واقفة والعروق دعنقها كتبان وقالت فتبات
ندير يدي فيد الشيطان ومنديرهاش فيدك امحمد اصيل
ضحك ضحكة جابنية وقال كيتأمل فملامح وجهها عن قرب
هانا غنتسنا الرد ديالك ..قبل مايدخلو عليك العديان ويغتاصبوك فقلب جناحك
زيرات على سنانها كتشوف فيه وقالت كنحرك راسها بالايجاب
غادي يوصلك خبر الاغتصاب .. من بعد منغتاصبهم انا واحد واحد .
رجع اللور طلق النفس وجاشف فيها وقال
هانا كنتسنا الرد ديالك .. ماضحيش بالشعب بسبب عنادك
شار ليها بصبعو وزاد خرج وطاحت جلسات كتنفس ويدها على صدرها وكترعد وعيطات للحراس كلمو ليها لخدم وعطاوها تشرب وهي كتشهق تقول غرقات ورجعات فيها الروح .. اما محمد اصيل خرج كيفك صداف العنق وكيكحب مخنوق ونزل خرج داز قدام حكيم اللي كان كيدور فالباب وهبط راسو بسرعة تبعو ودور عينيه فجنابو وقال
مولاي.. كاينة شي حاجة واقعة فالقصر
زفر الملك كيسوط ويقك الخنقة غادي وعينيه الحادة قدامو وقال
كاينة الحرب
رد حكيم وقال
لا امولاي القضية ماشي قضية حرب.. عرفت شي خبر كيتعلق بسمو الامير
وقف الملك وتلفت صغر عينيه وقال
اشمن خبر ؟
رد حكيم وقال: سمعت الجواري بالتخبية كيهضرو .. واضح ان سمو الامير مناقش مع جلالة الملكة .. وفعلا تنازل على الحكم وخرج وحتا واحد معارف فين مشا.. القصية حامضة فهاد القصر امولاي والصدع اللي بين الملكة وسمو الامير ماشي عادي .. والا علاش يسمح فالجمل وما حمل ويخرج ..وزيد على هاد سمعت باللي الجواري بداو كيهربو .. وكيهضرو على شي شعودة ماشعودة
قلب الملك عينيه بسخرية مابغاش يزيد يسمع فداك الكلام اللي ماليه تا معنى وخرج ركب على العود وقال
حكيم .. ليوم بالليل وجدو الشغل .. مانبغيش شي خطأ يوقع .. خطأ صغير غيكلفنا ثمن كبير.. والشغل الثاني نبغيه متقون .. ورجال يكونو شداد .. ومانبغيش الامير يتصاب ولا تتمس شعرة منو . يالاه تحرك
كل واحد لشنو كيخطط .. كل واحد علاياش مضمر .. اما روح الندى تلفات وداخت وماعرفات اشنو دير .. حتى العقل باش تفكر هرب ليها .. دوزات الليلة كلها سهرانة غادية جاية كتشوف فالرسم حتى صبح الحال وحسات براسها خفافت والدهشة مشات وناضت وقفات هزات ريشة كتبات رد لملك قشتالة كطلب منو يعطيها شوية دالوقت تفكر فيه وترد عليه فما يخص تسليم البلاد.. لوات الرسالة وعطاتها لرسول القصر انطلق بيها كيجري يوصلها..لاكن كانت عيون كتربص بيه من بعيد حتى بعد على اصوار القصر وخرج للمدينة وتبعوه خطوة بخطوة فوق العود حتى خرجو على اصوار المدينة العضيمة وشد طريق قاحلة فاحلة كيجري النهار كله .. عيا الرسول وجلس يرتاح تحت شجرة وجبد الماء شرب وحط راسو جنب الخيل المربوط حداه كيرتاح . . فهاد الاثاء نزل اللي كان كيتربص بيه بعيد وربط عوده فشجرة بعيدة وهز رزمة على كتفو ومشا قصده دايز حداه والشمس كتغلل فوق راسهم ولاح ليه السلام .. ود عليه الرسول السلام وهنا تبسم العابر المزيف وقرب منو وقال
اهلا باخي في الاسلام
مد يدو صافحو وجلس جنبه قاليه
باين عليك جاي من بلاد بعيدة
رد الرسول وقال انا في مهمة .. شفتك غادي على رجلك ماعندكش دابة تحملك
ضحك الزائر وقال : انا فقير والحمد الله .. دابتي هما رجلي.. غنرتاح حداك شوية ونكمل طريقي
جبد من الرزمة ديالو قارورة لبن وخبز وتقاسمه مع الرسول وعرض عليه يشركو الطعام ،وبالفعل شركو الطعام لاكن سرعان ما غفا الرسول ونعس واللقمة مزالة فمو وطيح القارورة من يدو وغاب على الدنيا.. وقف الزائر بسرعة كيقلب طياته حوايجه وجبد المرسول خداه ومشا لفين رابط الخيل وركب عطا رجلو للريح راجع لمدينةقرطبة .. لاكن قبل مايدخل المدينة كانو رجال فوق الخيل ومن بينهم خيل مميز اسود اللون وعليه شاب شهم وذو بنية قوية لابس سروال اسود وسترة خفيفة سوداء وعلى راسو وشاح اسود مدور على جبهتو ولحيته ونيفو .. مد ليه حامل المرسول الرسالة وشدها طلق بيد وحدة بحدة وهبط الثام قرا الرسالة ورجع لواها وهز عينيه كيفكر
تكلم واحد من بين الثلاتة اللي معاه ومنهم حامل الرسالة وقال
شنو غنديرو اسمو الامير يور ؟
تنهد بغيض ورد الرسالة لحاملها وقال
غنتسناو شوية ونشوفو شنو غيوقع .. رجع الرسالة للصاحبها وماتخليه يشك فحتى حاجة .. وخلي عينك على باب القصر
رجعات الرسالة لمكانها وفاق الرسول لقا راسو شبع نعاس ونعس الليل كامل حتى صبح الحال وناض مفزوع كيقلب جنابه مالقا حداه حتى واحد وتفحص راسه واش تسرق لقا راسو كما هوا حتى حاجة مامشات ليه وتنهد كيرتاح ويضحك وقال
بكثرة العيا مت ماشي نعست ..
ركب الخيل ديالو وانطلق كمل طريقو ،. وكملات حتى لالل روح الندى تخطيطاتها وطاحت عليها فكرة جهنمية ماطيحش على ابليس.. ناضت تحزمات ورفعات راسها وقالت
ماعنديش جيش.. ماعنديش اسطول .. خمسالاف ضد اربعين الالف..وعلاش منخليش خمسالاف ضد خمسالاف باش تكون حرب نزيهة .. هانا غنوريكم الحكرة ونوريكم الحرب .انا اللي غادي نوقف عليها بيدي
نزلات رافعة راسها واسترجعات طاقتها وعزمات ودخلات للديوان من بعد ما هجراتو وخلات الرجال كيستاشرو غير بوحدهم كأنه ما عمدهم حاكم ولا سلطان .. تخل باب الديوان وحذر ليها الكل راسه ودخلات قدامهم كتشوف فيهم وترأساتهم وجلسات وعطات الاشارة ليهم يجلسو وقالت
حنا قدام حرب بحال البحر .. فأي لحضة تقدر تلتاهمنا كلنا وماعندناش خيار اخر
تكلم الوزير الاول وقال : عندنا حل الاللة روح الندى والحل بين يديك ..
تلفتات شافت فيه وقالت : قول ليا هاد الحل السي الفاهيم!
حدر راسو بقا ساكت ماقدرش يقول وتكلم وتخد اخر بلاصتو وخايف يثير غضبها وطير ليه الراس بلا متشعر وقال
كيقصد نتاحدو الاللة ..ونضمو المدينة للدولة الاموية … وديك الساعة حتى واحد ميقدر يوصلنا بسوء
وقفات وجهها احمر وقالت
اااخر مرة نسمع هاد الهضرة ..ووهاد الافكار اللي عندكم يا اما تمحيوها ولا نمحيكم من المناصب ديالكم .. انا فاش غزيت هاد المدينة غزيتها بوحدي ماشي بالمساعدة ديال الدولة الاموية وماباغاش نتاحد معاهم ولا مع غيرهم .. هاد الكلام مابغيتوش يتكرر
قطعو الحس كاملين ورجعات جلسات كتنهج وترتاح وقالت
انا جمعتكم هنا باش نعلمكم باللي غادي نخوضو هاد الحرب هادي ..
شافو فيها مصدومين وبقاو شي كيشوف فشي وحتى واحد ماقدر يعارض قرارها لاكن حتى وتخد مراضي عليه .. شارت بيدها وخرجات جميع المستشرين والوزراء وعيطات على المهندسين وكبار العمال واستقبلاتهم فالديوان وطلقات ورقة على واحد الطبلة كبيرة وهزات حبر وبدات كتشرط وقالت
بغيت نبني فجهة حدودنا مع قشتالة انفاق تحت الارض وانابيب ..شحال غيستغرق ديال الوقت هادشي؟
رد عليها كبير العمال وقال
غيستغرق على الاقل اربع سنوات
هزات راسها وقالت
سنة وحدة اللي خصو يستغرق.. ولا قل.. وخاص الانابيب توصل لحدودنا مع قشتالة .. وهادشي خاصو يتبنا بالليل والنهار غتقسم العمال لجوج اقسام ..قسم يخدم اللي ورتاح فالنهار وقصم يخدم النهار ويرتاح فالليل ..وبلا صدع بلا ضجيج وبلا مايعرف حتى واحد شنو كنبني .. اللي سولك قوليه نفق الماء حيت المدينة محتاجة للماء. وهاد الانابيب خصها تبدا من المكان اللي غنحطو فيه الخيام دالحرب ماشي من المدينة تفاهمنا
حدر كبير العمال راسه أيدها وتلفتات للمهندسين طلبات من كل وحد يقدم ليها رسم وخط اللي تشوفو مناسب وبدات الخدمة من بعد الاجتماع بنهار وخدات الرسم دالنفاق الديقة وبدات الانطلاقة والخدمة بالليل والنهار بلا راحة لمدة ست اشهر وشهر على شهر والخدمة كتزيد تكبر وتزيد تبان وروح الندى فالمرسالات مع ملك قشتالة وكل مرة تعطيه سبب وكتأخر فالوقت وفالرد وعينها على الخدمة اللي فالحدود وكل مرة كتلثم وتمشي تراقب الشغل وفنفس الوقت مراقبها الامير من بعيد وحتى الملك محمد اصيل اللي وصلاتو خبارها بدات البني وتابعها فخطواتها باغي يعرف لشنو كتخطط وشنو كتنهدس وحتى واحد ماعطاه خبارها حيت حتى واحد معارف علاش كتبني دوك الانابيب تحت الارض وعلاش هاد الجهد وتمارة كلها تقول خدامين فيه الجنون ماشي بشر .. نهار على نهار كيتمددو الانابيب اكثر واكثر وكل نهار كتخرج رزمات ديال الفلوس للساهرين على هاد الخدمة وكتعطي ودعم وتشجع حتى لقات راسها صرفات تروة على قبل ديك الانابيب العملاقة تحت الارض..
من بعد الرسائل السياسية والمفاوضات وكسب الوقت اللي كانت كدوز بين ملك قشتالة والملكة روح الندى وكانت كلها كتمر غلى يدين يور .. جاء اليوم الاخير وانفد صبر ملك قشتالة ورسل رسالته الاخيرة واللي طاحت فيد الامير بحال العادة وقرا المرسول
سالات المهلة اللي عطيتك باش تسلمي ليا قرطبة بالخاطر.. جهزي راسك دابا باش ناخدها منك بالقوة .
هز الامير راسو لوا المرسول ورجعو لحامله يديه للرسول اللي كل مرة ناشب ليه خطة فشكل باش ياخد الرسالة بلا ميحس.. خرج الامير هوا وصحابه من الكهف اللي كانو جالسين ورقفو كيطلو على الدنيا من الفوق وقال
الملكة روح الندى مكانتش غتعطي قرطبة لملك قشتالة.. باين كانت كتسايسه ودابا جا الوقت فين خاصنا نتحركو .. مية راجل بقوة ميات راجل .. احسن من الالاف الرجال بقوة العيالات .يالاه
طلعو فوق الخيول وهبطو مع الجبل لمكان سري جا بين الجبال وكانو تما فرسان كل فارس هاز فدراعه قوة ميات فارس.. كان عددهم قليل مكيفوتش المية فارس .. لاكن كانت قوتهم لا يستهان بيها .. وواضح انهم نكينتمير لا لجيش ولا دولة ولا مدينة ولا حتى شي سلطة .. لاكن كان باين احترامهم وتقديرهم للامير كأنهم كيعرفوه من مان بعيد.. وحافض اسمائهم كلهم وكيعرفهم واحد واحد كما كيعرف خوتو .. لقاهم جالسين منتاشرين وكل واحد وشنو كيدير .. وكل واحد فين كيمضي سيفه .. وقف هز يدو قاليهم تجمعو يا الاخوان .. الحرب جايا فالطريق
تكلم واحد صوت و كيزعزع الجبال وقال
حنا مستاعدين امولاي .. غنفرسو جيش قشتالة كما كسفرس السبع الضحية .. ياك الاخوان
بداو كيضحكو وضربو واحد لكتفو وقاليه باين فيك الجوع ديال ستين عام الهيش كتهضر غير بالرفس
حل فمو لاخر كيضحك وقال ليه خاصني نضرب فالماكلة قد ماضربت من تاروادانت لهنا ديال الطريق .. باش نقدر نشرك دوك الفلالس فكمشة وحدة وانا شبعان
هز. الامير راسو قاليه من بعيد
غادي تاكل حتى يخرج ليك من ودنيك ا السرًّاد .. غير عنداك تقل بالماكلة وتولي نتا الرفيسة ديال الفلالس .
بقا كلشي كيضحك والسراد كيشوف فيهم وكيضرب على صدرو قاليهم كضحكو .. دابا تشوفو .. هاا دابا نوريكم كيفاش غنبجغهوم واحد واحد غير ضحكو
تلفت الامير عند واحد فصحابو قاليه غنرجع للقصر ا فتاح .. هادا هوا الوقت .. ونتوما خليكم هنا حتى يوصل اليوم الموعود وشرح ليهم مزيان الخطة وكل نهاو فكرهم فيها .. الى لقيت شي وقت غنرجع لهنا .. الى مالقيتش الوقت غادي نتلاقاو فالحرب كما تافقنا ..وتسناو اشارة مني قبل ماديرو حتى حاجة
رد فتاح وحرك راسو هبطو وقال
السمع والطاعة امولاي.. كون هاني من جيهتنا .. الصيد راه هوانا .. ماكلتننا وشرابنا .. سير وكون هاني من جيهتنا
لقا نضرة على البقية وضرب الخيل برجلو رجع للقصر لاكن قبل مايوصل لاصوار المدينة ويدخل رمقاتو العيون السهرانة عليهم من طرف الملك محمد اصيل وخرجو من الغيران كيتربصو بيه وهوا دايز ونشبو ليه مصيدة .. فالطريق شدوه بيها لاكن فشلات فاش حس بالخطر وجبد من جنابو خناجر مدورة بحال المناجل فتت بيها الشبكة اللي طاحت عليه وطلع على الخيل كيشوف فجنابه باغي يعرف شكون اللي بغا يصيدو لاكن ماشاف والو بانو ليه الخيالات بين الشجر مخبيين ولاحو عليه حبل بغاو يجروه صدق جاروهم كاع اللي كانو شادين الحبل طيحهم قدامو شي فوق شي وعينيه كيدورو حس بالخطر وبغا يحمي راسو من النشبات اللي دايرين ليه وهوا ماعارفهمش وبقا كيشوف هنا ولهيه والخيل كينقز بيه .. عاودو رماو عليه شبكة وحبل بغاو يشدوه وفلت منها بغا يهرب من ديك البلاصة لاكن تعرضو ليه فالطريق دارو بيه والخيل كيوقف بيه كل شوية كيبغي يزطم عليهم وكيهربو .. بقاو فصراع معاه مخاصرينو حتى بان حكيم ولوا عليه لثام وشار بصبعو للرجال فرقهم باش يشدوه وحط وراه رجال اخرين يلهيوهم وبغاو يهبطوه على الخيل لاكن ماشي بعاد السهولة وماشي كما كانو متوقعين .. بل كلفهم هاد الصيد الشبه مستحيل عناء كبير وصراع لا منتهي وتهرس منهم النص وتصاب النص وبداو يقلالو وحكيم بدا كيفقد الامل والى ماشدوش غادي يطير ليه الملك الراس وفنفس الوقت مخاصوش يدخل للقصر .. مصيبة كحلة اضطر حكيم يخرج ملثم وعرق حتى هوا باش يشدو كما عرقو اللي قبل منو واضطر يضربو بالسيف لكتفو بغفلة منو لاكن جات الاصابة فالجنب دكرشو ومع ذلك قاوم الامير وبغا يخرج من داك الحصار وهرب ليهم وتبعوه كيجيو وتبعو حكيم فوق الخيل كيجري عرقان وماجا فبالو غير يخلع الخيل باش مايقدرش يزيد ونجح فاخافة الخيل وطاح وطيح الامير معاه وانقضو عليه بالشبكة والحبال وعددهم فوق العشرة كتفوه وحطو ليه مخدر فنيفو غاب وداوه كيجريو بيه
رجع حكيم للقصر عرقان وكامل غبابر سخفان ودخل عند الاصيل لجناحو حدر ليه الراس وقال
مولاي.. سمو الامير فقبضتنا
تلفت الملك شاف فيه وقال
عنداكم تكونو آديتوه
سكت حكيم كيرمش ماردش وهز الملك حزامو بالزربة دارو على كرشو وخشا فيه خنجر وخرج كيجري وحكيم وراه دارو حدا لاللة شهرزاد اللي بقات متبعة ليهم العين وبغات تعرف شنو اللي كيخطط ليه الملك لاكن شكون غيعطيها الخبار والكل كيقدم ليه الولاء وخايف على راسو يطير .
وكب عودو وانطلق للدار اللي خارج غرناطة بحال الرياض ودخل بالخيل وحكيم وراه كيجري قاليه
مولاي ..جبهنا لهنا كما امرتي امولاي
دخل الاصيل لبيت كبير وسط دار الرياض المزوق ولقاه فوق واحد السرير ناعس عريان وجنبو الحكيم ومجمر زاند كيسخن فيه الموس باش يسد الجرح من النزيف .. تهز قلب الاصيل فاش شافو مجبد وقالي وجهه للجهة الاخرى غايب وضار عند حكيم خرج عينيه هزهم كاملين بالخلعة وقال
قلت ليك تجيبو ليا سالم غانم ماتقيس منو حتى شعرة .. جبتيه ليا جثة مجبد
حدر حكيم راسو وقال كيتفتف: مولاي واه دخلنا معاه فحرب بحال الحشر وطاف بينا بحال الطوفان وجات فيه الضربة بلا منقصدو
كشكش عليهم الاصيل وشنق على حكيم قاليه كن قتلتيه .. كن مات ؟؟
بلع حكيم ريقه وعينيه خرجو بالخلعة ماطلقو الاصيل حتى شاف الموت بالخوف .. تلفت الاصيل بسرعة عند الامير وطلع بركبتو على السرير كيتفقد حاله وقلبه كيضرب.. بقا كيشوف فيه عن قرب ويشوف فالعرق على جبتهته وكيحقق فملامح وجهه لون بشرته وسواد شعره ودقات قلبه كنزيد تصارع حتى حس بالضبابة على عينيه وحط يدو على طرف عينو مامصدقش. ان هادوك دموع وحجبات عليه الرؤية .. تصدم فشنو كيجبد من عينيه وانتبه لدقات قلبه وتلفت للجنب سد عينيه مطولا شاف فالحكيم اللي قاليه
مولاي.. غادي نكوي الجرح باش يتسد
حرك الاصيل راسو وتلفت دور وجهه مابغاش يشوف فالجرح وسد عينيه حتى سمع تأوه الامير مع الحطة دالموس الحامي وزير على يدو وناض خرج للبهو عند حكيم وقال بغضب
شفتي شنو درتي وفين وصلتيه .. الى ماناضش منها غنطير ليك الراس احكيم سمعتي
حدر حكيم راسه ساكت ورجع الملك للبيت قرب من الامير وتلفت قالي للحكيم
الى ساليتي شغلك خرج
ناض الحكيم حد ليه الراس وخرج وانفرد بيه الاصيل بوحدو كيتأمل ملامحه عن قرب وعينيه مسدودين وكيشوف فالعضمة اللي قدامو وقداش رجع وقال
نتا هوا ولدي.. نتا هوا ولدي اللي مشا جنين فكرش ديك اللفعة .. انا قلبي مكيضربش لشي واحد غير هاكاك ولا يتعلق بشي واحد .. انا متأكد وغنزيد نتأكد
دوز يدو على شعره وهبطها مع كتفو وقال نتا اللي حرمتيني النوم هاد السنين كلها .. ومك حرماتني من الفرحة اللولة .. وغادي تخلص على كاع داكشي اللي دارت .. غادي تخلص حيت هرباتك على باك الحقيقي .. وحيت حرماتك من باك ونتا صغير ..وحرماتني منك هاد السنين حتى رجعتي قد هاكا تبارك الله ..
تنهد مطولا وهوا كيشوف فيه وتكا حداه ضم راسو العرقان لصدرو وسد عينيه وقال
واخا حتى ماتعتارفش وتبقا مخبية .. انا لقيت ولدي ورتاح قلبي ..ومابقيتش غنزيد نقلب .
شد ليه فيدو دوز عليها كيتفحص التفاصيل الصغيرة والكبيرة لقا كل التفاصيل اللي فيه طبق لاصل ديالو .. والشبه بيناتهم كبير حتى فأصابه اليدين وشعر الصدر واللحية والعينين .. وحتى وهوا غايب كيشبه ليه
حيد ليه خاتم الختم اللي فصبعو وهزو بين يديه كيشوف فيه وقال
هانا غندوقك من نفس الكاس اللفعة
ناض من حداه بشوية وامر يحيدو ليه حوايجو اللي لابس وحضو ليه حوايج اخرى وجمعو كل ما كان عليه فرزمة ومعاهم الخاتم ورشوهم بالدم اكثر ووقف عليها الاصيل كيشوف فيها من الفوق ولاح وسطها رسالة وشار لحكيم براسو جمعها وانطلق بيها هوا شخصيا لقصر الملكة روح الندى ودخل بين الحراس لابس زي فارس من فرسان قصر الملكة باش يسمحو ليه يدخل ومشا حتى وصل للباب وتلفت كيقلب يمين وشمال وتلثم وبقا كيتسنى حتى ضهرات عبدية وخرج ليها بحال الجن وقف قدامها ملثم وقال
هادي امانة للاللة روح الندى
مدها وطلع على الخيل وهي كتعيط وتغوت مصدومة مافاهة والو لاكن طار حكيم بحال البرق خرج من القصر وخلا ليها الرزمة كتشوف فيها وطلعاتها لروح الندى اللي كانت فحناحها شاردة كتفكر فالحرب وفكلام شادية والورقة المرسومة اللي خلات ليها فيدها كتشوف فيها وتحاول تفهم المقصود منها .
هزات عينها شافت الرزمة وسولات على شنو داكشي وقالت ليها عبدية اللي كاين وعطاتها ليها شداتها في استغراب وهي جالسة وحلاتها .. خرجو عينيها وهي كتشوف فداكشي مقطع كامل ديامات وكتهز فيهم وحالة الصرع بدات كتبان على وجهها حتى دازت على حوايجو كلهم وهبطات عينيها ويدها مشنجة والنفس كتقطع لقات الرسالة وجنبها الخاتم وهزاتهم بجوج افت فالخاتم مزيان وحلات الرسالة بالزربة لقات مكتوب عليها
الامير يور بن محمد اصيل المرتضي بالله في ذمة الله
طاح الخاتم من يدها وطاحت الورقة وهزات راسها للسما كتشهق شهقات متتالية وكترجع باللور وعبدية تابعاه مخلوعة حتى طاحت طيحة وحدة
ناضت من الغيبوبة المؤقتة ويدها مزال مزيرة على الخاتم والسترة دولدها .. لقات كلشي داير بيها وحلات عينيها شافت فيهم وقالت بصوت مقطع
خليوني ناعسة ..علاش كتفيقوني خليوني كما انا .. اش بغيتو عندي
شدات فيها عبدية وهي كتبكي مشوطة على ماجرا وهي براسها خاص اللي يواسيها .. اما لاللة روح الندى حالتها تشفي العدو .. حالتها وصلات للخر ديالها وبقا فيها غير الفتات .. تحطمات وتكسرات كأنها صومعة ورابت ..ناضت وقفات قدامهم كتهضر بوحدها والكل مخلوع عليها وماقدروش يفرزو كلامها .. غادية جارة قفطانها البيج دالموبرة المحلول من الجناب حتى للخصر والقميص تحت منو شفاف مشبك ..لا حزام لا تاج لا حتى حاجة معلقة .. وجهها ابيض بحال السحابة وفمها ناشف وشعرها محلول بحال الزربية كحل ورا ضهرها وغادية كتجر فالبلعة دالصم وتردد
يور .. شادية .. الرسم .. الخط .. شادية .. قتلوه ..قتلو ولدي
بقات غادية وسط القصر وكتهضر وكاع العبيد والخدم واقفين مخلوعين وتابعينها خايفين طيح ولا توقع ليها شي حاجة ..
بقات هاكاك غلدية بلا عقل تقول ناعسة وعينيها محلولين .. خرجات للساحة ووقفات كتشوف قدامها وكتهضر كأنها كتشوف شي واحد وكتهضر معاه ويديها طايحين .. فجأة سمعات صهيل الخيل وصوت الركض فالارض وحلات عينيها تلفتات بالغرض البطيء .. شافت عود الامير راجع ووالسرج على ضهرو خاوي وداخل كيجري حتى وقف قدامها وهز رجليه فالسما وضربهم مع الارض .. بقا كينقز قدامها ويصهل ويهز رجليه حتى كيقرب ينزل عليها وكيرجع.. مدات يديها شدات فيه هبطاتو وحطات وجهها على وجهو عنقاتو وعينيها محلولين كأنها تسطات.. بدات كدور يدها على وجهه وتعضر والعود كينفخ ويسوط ويضرب برجلو فالارض والكل اللي حاضر واقف كيشاهد وكيبكي .. هزات راسها بدات كدور بيه ودوز يدها حتى دارت على دم فوق السرج وهزات يدها كتشوف فيها بملامح شاحبة .. بغات تركب على الخيل لاكن شدات فيها عبدية متخلاتهاش ..نترات روح الندى يدها وطلعات فوق الخيل ومشا كيجري بيها في حين شار ذو الفقار براسو لبعض الرجال وركبو الخيل تبعوها وهي غادية كتجري فوق الخيل والشعر والتوب كيطير فالسما . فهاد الاثناء كان واحد من رجال الملك كيراقب بوابة القصر الكبيرة وشافها خارجة ومشا كيجري يخبر الملك محمد اصيل اللي كان مزال فالرياض جنب الامير . تحنا قدامو التابع ديالو وقال
مولاي.. الملك روح الندى خرجات من القصر فوق العود دسمو الامير .. باين على حالتها تشيرات ولا خرجات العقل .. ماعليهاش سيفة الملكة ..تقول جنية وتسيفات فسيفتها
ناض الاصيل وقف وقال
اشمن طريق سلكتات؟
رد الاخر وقال : ماسالكا حتى طريق .. تقول الخيل اللي مسلكها
خرج الاصيل على وجه السرعة ركب العود ديالو وعطا وجلو للريح كيجري والغبابر كطير والعجاج موراه عرفها فين مشات وعرف العود فين يكون داها .. مشا كيجري لحق عليها للبلاصة فين تم صيد الامير ولقاها تما جالسة على اثار الدم فالارض فالمكان اللي تشد فيه وكتلعب بصباعها فوق التراب والتوب وراسها مدلي والخيل حداها كيشمشم فالارض
نزل من فوق العود غادي جيهتها كيشوف فيها وفالحالة اللي وصلات ليها وشكوكو كتتأكد واليقين كيدخلو وشاف السترة فيها شاداها وحالتها بحال اي ام فقدات ولدها الوحيد ..
هزات عينيها من رجليه وهي طالعة حتى لعينيه وناضت وقفات كتعتر فجلايلها وبقات كتشوف فيه مطولا وحتى وقف قدامها كيشوف فيها وفالحالة اللي وصلات ليها .. غرغرو عينيها وقالت والضحكة كتخرج من فمها ببساطة
مااات .. صافي كلشي تسالا
عقد حجبانو وقال : شكون اللي مات
قربات منو شافت فيه مزيان وقالت
ولدي … ولدك .. ولدك اللي كتقلب عليه ..مشا .. مشا وبقيت انا.. هانتا شوف..شوف شنو خلااا من موراه
تصدم وتأكدات جميع الشكوك ووصل اخيرا بعد معانات وبحث طويل لحقيقة ولده وانزاح الهم وارتاح القلب لاكن الحقد بقا عامي ليه العنين وقال
نتي السبب.. نتي اللي وصلتي راسك لهاد المواصل .. هانتي خسرتي كلشي ..رتاحي دابا
عطاتو بالضهر كضحك ورجعات جلسات فوق الرملة كتلعب وكتغني وتشطب بداك الطرف ديال التوب وهوا كيشوف فيها مصدوم .. فيها .. ناضت جمعات اشلائها ومشات جرات العود من لجامو غادية بيه فالطريق بلا متعرف فين غادية.
تبعها الاصيل وقف قدامها وقال بغضب شديد
خبيتي عليا ولدي حتى كبر ورجع راجل .. وقابلتيني معاه عيني عينك ولعبتي بيا وضحكتي عليا كما بغيتي .. وقلت ليك اروح الندى ماتلعبيش معايا راني ماشي قدك ..ونبهتك ونتي تماديتي ..حلفت باش نهار نعرف ولدي منعقلش عليك وغادي نصفيها ليك فمرة ..ولاكن اللي فيك دابا كافيك ..هادا اكبر عقاب وعذاب اكثر من الموت
بقات كتشوف فيه وهضرتو دخلات من ودن وخرجات من ودن وماعطاتو حتى جواب وماكانتش اصلا مركزا معاه وحتى العقل اللي يركز مكاينش .خلاتو واقف وزادت جارة العود وغادية سارحة بيه وهوا واقف فبلاصتو عاطيها بضهرو وكيشوف قدامو وينهج .. برد ليه القلب وكانت تعابير وجهه كتشفا فيها بالمعقول..زاد وخلاها حتى وصل للعود ديالو ووقف جمع القبضة ديدو وجبد واحد الخنجر بخفة يدو من حزامو وبدا كيضرب بيه الشجر المدلي حداه ويخدش الجدع وغرسو فواحد الشجرة بغضب وتعصر حتى خرجو عروقو ورجع هز راسه فالسما ونتر الخنجر من الشجرة بغضب حطو فجنبو وضار وراه مشا تبعها جرها من يدها وجر العود ورجع بحالو ركبها قدامو فوق العود وهي كسدة بلا روح وشد اللجام لحصان الامير وانطلق بيها كيجري للرياض فين ناعس الامير ودخل العود ودخلها جارها من يدها نيشان لواحد البيت لاكن مابغاتش تدخل .. هوا كيدفع وهي كتدفع وضرب فاللخر طلقها خلاها مشات جلسات جنب حصان الامير وتكات عليه كدوز يدها وتغني. ليه .. بقا الاصيل كيشوف حتى عيا وخلاها فديك الجريدة جالسة ووصا عليها الحراس وتلفت كيسول على حكيم .. قبل ميكمل السؤال جا حكيم كيجري وراسو كيسيل بالدم وقال
مولاي.. مولاي .. سمو الامير هرب
دفعو الاصيل ومشا كيجري لبيت الامير لقا غير الفراش خاوي والحراس كيتلواو كل واحد فقنت .. طج الاصيل من حوايجو بغا يطير وبدا كيغوت با يتبعوه .. ناضو كيجريو يلحقو عليه ومنهم حكيم لاكن وقفو الملك وقاليه نتا غتمشي للقصر تجيب شي وصيفات يقابلو روح الندى .. وجلس هنا حضيها وعنداك توقع ليها شي حاجة ..هاد المرة والله منرحمك احكيم .
خرج من الرياض كيجري وتلاقا واحد من الحراس راجع عندو وحنا ليه الراس وقال
مولاي .. سمو الامير هرب على العود ديالك
سد الملك عينيه وشد راسه وهزو فالسما وقال بغضب
جيب اي. عود الحمار تحررك
هز الامير الدقة فجنبو وعينيه مزال كيتسدو وهوا كيجري فوق العود وكيشوف موراه واش تابعو ي واحد لقا عجاجة من الرجال تابعينو .. ضرب الخيل باللجام ويدو على جنبو مكمدها وكيجري ويقول ماجريت حتى بعد على عينيهم وتكا على العود كيرتاح وماوقف حتى وصل عند صحابو اللي كانو جالسين ناصبين الخيام ناشطين بيناتهم ..شافو الخيل ابيض جاي بشوية عليه كيتمشى وعليه جريح وناضو سرحو عينيهم تعرضو ليه وتصدمو فاش لقاو الامير عليه ويدو على جنبو .. هبطوه من فوق الخيل بشوية دخلوه لواحد الخيمة ضارو بيه كيسولو مالو وهوا مزير صابر لألم الجرح وسخفان بسبب المجهود اللي دار ..تكلم فتاح بعد الرجال عليه وقال
بعدو الاخوان شوية خليوه يتنفس.. بعدو حتى يرتاح ونعرفو منو اش وقع
ضحك السرّاد وقال ليه كنتي فارس وليتي فريسة امولاي
هز الامير تينو شاف فيه ونزل عليه فتاح للضهر قاليه واش مكتعرفش شنو كتخرج على فمك الدحش.. قد الفيل وعقلك قليل
دور السراد عينيه كيشوف فجنابو وقال
سمحو ليا غير كنت كنضحك
خرج كيحك ضهرو ويلوم راسو على قلة فهماتو وجلس فوق واحد الحجرة شاد واحد العود فيدو كيخطط بيه .. داخل الخيمة عرا فتاح على جرج الامير طل عليه وجمع الاعشاب باش كيتعالجو بدا كيضمد ليه البلاصة وهوا كيسول على العدو فين وصل وقال
شي خبار على الملكة روح الندى ..فين وصلات وشنو كتخطط ؟
رد فتاح وقال. ماعندنا حتى خبار امولاي كنتسناو نعرفو الخبار من عندك
زفر الامير وقال: ماقدرتش نوصل للقصر.. الخونة عمرو البلاد وتعرضو ليا فالطريق خطفوني ..بزز باش باش فلت من يديهم
رد فتاح وقال: كيفاش امولاي تعرضو ليك شكون غيكون تعرض ليك؟
دور الامير عينيه كيحلل وقال : ماعرفتش ولاكن غالبا غيكونو المسحيين ولاد الكلاب.. بغاو يبعدوني على الحرب وينفاردو بالملكة .. خاصني نرجع للقصر فأقرب وقت .. نتا والسراد سيرو للحدود شوفو كيوقع تما .. مابغيناش شي هجوم مفاجئ ..وديك المفاجأة ديال الصباح مابغيناش نشوفوها ..ماخصناش نصبحو على جيش قدامنا وحنت ناعسين ..مننوع النعاس..اللي نعس عمرو يعاود ينوض من النعاس خاصكم تردو بالكم
رد فتاح وقال: الجرح مزال مبرا وحرارتك مرتافعة امولاي..خاصك الراحة وخطر عليك تتحرك ونتا فهاد الحالة
طلق الامير حوايجو اللي لبسوه على لحمو غطا الجرح وهز الماء شرب وقال : ماعندناش الوقت ..البلاد فخطر وحنا كلنا فخطر اكبر من هاد الجرح افتاح ..
رد فتاح وقال:على الاقل يمشي معاك شي جوج ولا ثلاتة من الاخوان باش متعرضش لشي اغتيال اخر ونتا فطريقك امولاي
حرك الامير راسو ورتاح شوية من التعب وناض كيتألم شاد فجنبو وقال
انا قاد براسي .. خليوكم هنا وتسناو مني الاشارة .. والى عرفتي شي خبار جديدة لحق عليا للقصر
خرج الامير وهز راسو كيتفس ويجمع النفس وخدا انبلة والسهام من عند صحابو وطلع فوق الخيل اللي جابو ومشا كيجري رجع للقصر هاد المرة واخد الحذر ديالو .. دخل سالم غانم لقا كولشي كيشوف فيه وكلشي هاز راسو لا تحية لا احترام واستغرب فأمر اهل القصر وهوا داخل كيشوف فيهم من فوق الحصان حتى وصل لباب لقصر الداخلاني وشاف كولشي خارج كيجري ومنهم عبدية وذو الفقار اللي جا كيطير ووقفو كيشوفو فيه حتى نزل وقال ليهم
مالكم كتشوفو فيا بحال هاكا؟؟ عمركم شفتوني؟!!
انفردات بيه عبدية وذو الفقار فجناحه من بعد الموجة دالصدمةاللي مرو بيها وجلسو كيشرحو ليه ويفسرو ليه ويعاودو ليه شنو وقع بالتفصيل الممل تصدم وناض وقف كيشوف فيهم وقال
شكون اللي سيفط ليها الحوايج والخاتم ؟
وقفات عبدية وقالت
ماعرفتش امولاي انا اللي عطاه ليا كان ملثم وغير شديت الامانة وهرب ..المشكل الكبير هوا شادية قالت للاللة روح الندى باللي الامير راه هاشنو شنو ..وبقا عقلها معاك وشادية هربات من القصر وخلات ليها الرسم ..مافهمنا شنو عنات بيه
ضار بلاصتو معصب والعرق كيسيل من جبينو وعينيه تقال بالعيا وقال
اش هاد التخربيق .. اشمن رسم ولا شادية فين الملكة ؟؟ فين مشات فين خرجات؟؟
حدر ذو الفقار راسو وقال
تبعناها امولاي نشوفو فين مشات ولاكن غبرات تقول سرطاتها الارض..طارت من قدامنا وعيينا نقلبو عليها مابان ليها اثار
شد فراسو وجلس بغا يستطا وهز يدو ضرب ذو الفقار وقال
خرجات قداام عينيكم وخليتوها هاكاك اشمن حراس انتم ولا قياد
نزل على ذو الفقار بالضرب وعبيدة مركنة ناض عندها وقف قدامها بغضب وقاال نتي ماكلفاتكش نفسك تشديها وترجعي ليها عقلها .. ولا تحبسيها فبيتها .. كن بصح كنت ميت دابا؟؟؟ كن بصح انا مت شنو غيوقع لمي؟؟ شنو الدور ديالكم فهاد القصر علاااش ماحميتوهاش من راسها علاش خليتوها خرجات
سخط عليهم الامير وهبط القصر على راس الجميع وشركهم كلهم وهز صبعو كيحلف وحوايجو فازكين بالعرق. وقال
والله معنرحم فيكم شي واحد.. كاع اللي كان حاضر وشافها غادي يودي .. سبتو وضسرتو ولاكن انا غادي نقادكم
طلع لجناحو خلى كلشي كيقفقف والبديع مهرس فالارض والحراس كل واحد فاش شاد ..ها اللي شاد نيفو ها اللي شاد راسو والعبيد شي لاسق حدى شي وحتى واحد مكيتحرك ..
تبعاتو عبدية كتعتر فجلايلها لجناحو لاكن جرا عليها وخرجات وقفات حدا الباب كتبكي وجلس شد فاطراف السرير كينهج و البيت كيدور بيه ..عيط لواحد من حراسه حضر ليه الحكيم حا كيجري وقف قدامو حاذر الراس وقاليه
شوف ليا سم نشربو دقة بطلة ..كنحس براسي كنغرق
قرب الحكيم شاف ليه عينيه وهوا كينهج ويشوف فالارض وعروق راسه كتفركع .. لقا عينيه حومر والحرارة طالعة بزاف كامل كيشرشر بلعرق ويدو على ركبتو كترجف وقال
مولاي الحالة ديالك صعيبة.. حالتك صعيبة
جرو الامير من حوايجو ووجهه احمر قاليه شكون اللي نشب ليا ديك المصيدة؟؟ شكون اللي دار هاد الفعلة دوي
بعد الحكيم تخلع وقال
بديتي كتهلوس امولاي.. السخانة طلعات ليك بزاف سمح ليا نداويك
دفعو الامير وقال بغضب
فين مشات مي ..نتا عارفها فين مشات
هرب الحكيم لبرا عند عبدية لقاها واقفة وقال كيترعد
الاللة عتقيني راه مولاي السلطان كيهلوس وخايف يقتلني وانا مادرت لا بيدي لا برجلي .شوفي ليا شي رجال شداد يوقفو معايا
مشات كتفتف عيطات لذو الفقار طلع كيجري وجهه منفوخ بالدق ومعاه رجال اخرين دخلو عند الامير لقاون جالس كيسوط وكيهضر بوحدو وفازك تقول خوا عليه سطل دالماء
دخل فهاد الاثناء الملك الاصيل للقصر بلا ميعلم لقا الدنيا مقلوبة وشي كيجري لهاد الجيه شي لهاد الجيه وحتى واحد مانتابه ليه ومشا برجلو كيدور فالقصر لقاهم كيجمعو البديع المهرس ووقف واحد من العبيد دايز كيجري وقال
سمو الامير كاين هنا ؟
حدر ليه العبد راسو وقال
كاين امولاي فجناحو
طلع الملك لجناح الامير تابع الخدم والعبيد اللي كيجريو جهة الجناح حتى وصل لقا الدنيا مرونة فالباب والحرس واقفين ودخل بالزربة لقاه عريان لابس غير السروال والفوقاني مقطع مرمي فالارض وشاد فذو الفقار كيهضر معاه ..حاول الاصيل يفهم اش واقع وتدخل وسطهم .. غير هضر قال اش كاين وهي تقفز عبدية من بلاصتها ضارت شافت فيه وتخلعات قالت ليه كتفتف
كيهلوس امولاي.. طلعات ليه السخانة وكيقول كلام مامفرزش
رد الحكيم وقال
خاصنا ندخلوه فالماء بارد ..
رد حكيم اخر وقال : الجرح مزال طري ماخصوش الماء ولا غيتعفن
شاف الاصيل فجنابو وقال
شي سطل فيه ماء بارد ومنشفات كبار .. يالاه
مشاو حضرو السطل والمنشافات وكفض الاصيل علد دراعه غطس المنشفات فالماء بارد وبدا كيهز ويطلق على عنق الامير وعلى صدره وضهره وكيعاود العملية حتى فهموها الطبة وكملو الشغل كيهبطو ليه الحرار ويقلبو الجرح وهوا كيقلب عينيه سخفان والعرق كيتصبب.. جلس قدامو الاصيل وشد ليه وجهه كيقيس الصهد وقدمو ليه الحكماء دوا فزلافة وشدها الاصيل شربها ليه بيدو وهز ليه راسو كيعطيه شوية بشوية حتى بدات الحرارة تهبط وسمع عبدية كتقول وتمتم
تعصب امولاي حيت اللي وقع هاد النهار عمرو وقع من قبل
اخيرا بعد الصراع والمجهودات الجبارة اللي دارت فجناح الامير قدرو يهدنوه وخلاوه يرتاح وغطاوه بتوب خفيف وقفلو عليه الجناح خلاو معاه غير الملك محمد اصيل.. قرب منو وهوا ناعس ومسح على راسو وقال
حياتي كلها كنقلب عليك .. ومغنسمحش للموت تخطفك مني
خلاه كيرتاح ومشا كيسوط خرج للشرفة ديال جناحو كيطل ويتأمل روعة المكان اللي كتبين المدينة كلها .. بقا ساهي مطولا وجلس على واحد الكرسي من الخشب ودار يدو على خدو كيخمم حتى ضلام الحال وحس بالحركة لداخل فالبيت ودخل يتفقد الامر لقا الامير ناض جلس كيتنفس ويديه على الفراش كيشوف فالارض ونشف من العرق والصهد ونقز ديك الحالة اللي كان فيها .. هز الامير عينيه لقا الاصيل قدامو وتصدم بقا كيشوف فيه .. قرب الاصيل وتبسم وقال
كي بقيتي؟ رتاحيتي شوية؟
بقا الامير كيشوف فيه ويتسائل بعينيه على شنو كيدير فقلب جناحو وجاوبو الملك على اسألته وقال
عارفك دابا مصدوم كتقول شنو كندير هنا .. سمعت باللي وقع وجيت .. لقيتك فواحد الحالة صعيبة ومابغيتش نمشي ونخليك حتى نرتاح من جيهتك
وقف الامير مهموم والحزن على وجهه وقال بعفوية
مي خرجات من القصر وماعرفتش فين تكون مشات..
رمش الاصيل وقال:مك !!
مسح الامير على وجهه وقال : حساب ليها الملك قتلوني.. غيكونو المسحيين اللي دارو فينا هاد الحالة باش يستوليو على الارض بسهولة
جمع الاصيل النفس وطلقها وقال:
علاش ماقلتيش باللي الملكة روح الندى مك
تلفت الامير وقال :انا ماشي فهادشي دابا اجلالة الملك ..انا خاصني نلقاها قبل مايديرو فيها شي حاجة ..مغنسمحش لراسي عمرني نسمح لراسي انا السبب فهادشي
شد راسو وضرب واحد الطبلة بغضب وبدا ينهج ويلوم راسو .. قرب ليه الاصيل وحط يدو على كتفو وقال
ماتخفاش على مك انا لقيتها وهي فالحماية ديالي دابا
تلفت الامير شاف فيه وقال مصدوم
لقيتيها ؟ فين وفين هي بغيت نشوفها
شدو الاصيل من كتافو وقال
قلت ليك هي فالحماية ديالي ومرتاحة .. واحسن تبقا بعيدة باش ميستهدفوهاش مرة اخرى..من الاحسن خليها غابرة وخلي العدو يرتاح ويحتافل بفعلتو اللي فشلات .. تيق بيا . . انا جنبك ومغنخليكش فهاد الحرب بوحدك
تهز الامير من بلاصتو بغضب قلب واحد الطبلة فالسما وقال كيترعد وكشاشكو خارجة
قسما لزما مغنرحم فيهم شي واحد .. والله حتى نحرقهم كلهم ونردم قشتالة فوق راسهم ونشتت اراضيهم تشتات
تبتو الاصيل وهوا كيشوف فيه بتبات وكيدرس شخصيتو وقال
غادي نديرو هادشي مجموعين .. انا ونتا .. ومن اليوم مغاديش تبقاو بوحدكم .. تيق فيا اولدي… احمم حسبني بحال باك ..ولا حسبني باك ..انا كنواعدك مغنخليكش بوحدك .. وغنساندك وغندعمك بدمي ولحمي
بقا الامير مستغرب غير كيشوف فيه وحشم من السخاء اللي سخاه بيه الله وقال
شكرا .. انا معمرني منسا ها الوقفة ديالك معانا
تبسم الاصيل وقربو عندو عنقو وسد عينيه حمع تنهيدة طويلة وطلقها
بعد الامير شوية وشاف فيه مطولا وقال
انا رتاحيت ليك ..وحاس باللي غادي نكونو اصدقاء حقيقيين من هنا لقدام
تبسم الاصيل ومسح على دراعه وقال
غنكونو اكثر من الاصدقاء .. كنواعدك بهادشي .
دار الامير يدو فيد الاصيل واقترح عليه ينضم للاتحاد ويتحد الاسلام فقبضة وحدة .. فسر ليه الاصيل انه غيبقا مالك لبلادو لاكن الفرق هوا يكون تابع للدولة الاموية ومايبقاش منعزل وغيبقا سلطان على بلادو وحتى الى وقعات شي حاجة فغيكون عمدو الدعم والسند وحتى فالغزوات ديالو الى طلب الدعم غيلقاه وان الهدف ديالهم نشر الاسلام ويزيدو يتمددو فالارض اكثر واكثر…
رحب الامير بالفكرة ولقاها مناسبة وفضل ينضم للدولة الاموية ويقوى على انه يبقا منعازل واهدافه محدودة .. لقا ان البلاد غتكون فأمان اكثر وهي تحت السيادة الاسلامية في حالة ما وقعات شي حاجة قدرها الله . جبد ليه الاصيل اتفاقية الانضمام وانضم ليهم الامير بكل صدر رحب وهاكا اصبحات الاندلس موحدة ومامقسماش وتحت القياد المسلمين.. فرح الاصيل بهاد الانضام وحتى الامير لقا راحته وخرج من ديوان الملك محمد اصيل مبتاسم وقال
رتاحيت من جهة البلاد وأمنتها .. دابا خاصني نرتاح من جهة الملكة روح الندى
رتب الاصيل على كتفه وقال
سير طمن عليها ..وانا غنوجد الدعم للهاد الحرب .. كوني هاني مربوحة ان شاء الله
تصافح الامير مع الاصيل لاكن جرو الاخير ضمه وقال
هاكا كيتصافحو الحباب
ضحك الامير وركب الخيل ديالو خرج من القصر وبقا الاصيل واقف هاز راسو فالسما وكتنهد .. اخيرا وحكيم وحداه واقف .. تلفت بابتسامة وقال
اخيرا دخلات قرطبة للدولة الاموية ..ومابقاش هاد المسمار خارج من الحيط ..كلفني مجهود كبير ولاكن يستاحق
تبسم حكيم وقال: اكثر حاجة فاجأتني هي قرار الامير..فكر فالبلاد اكثر مايفكر فراسو
رد الملك بسعادة وقال : كنت ديما كنتمنى يكون عندي ولد بحالو .. يكون راجل..الحمد لله عطاني الله اكثر ما تمنيت… راجل بميات راجل عاطي الاولوية لماههوا مفيد.. نشر الاسلام فوق كل اعتبار ..هادا هوا ولي العهد اللي محتاجة ليه الدولة الاموية ..غيكون ليه شاه عضيم فيوم من الايام ..الطريق اللي سالك طريق صحيحة واللي كيسلك الطريق الصحيح كيوصل واخا تكون طريقو طويلة
تبسم حكيم وقال :ماتنساش باللي كاين امير سلطان.. وكيشوف راسو ولي العهد من هنا القدام امولاي
رد الاصيل وقال: انا كنشوف وهما كيشوفو .. واللي كيستاحق الولاية هوا اللي غياخدها..المسألة متعلقة بالرسالة ماشي بولادي ولا بولاد اخرين احكيم.. وسلطان كيفكر فالولاية والسلطة ..ولاكن مكيفكرش فما بعد الولاية والسلطة وشنو الهدف من السلطة .. كاينين ناس دراوش وناس دنوبهم على رقبتنا .. خصنا نفكرو ليهم قبل منفكرو لراسنا … هاد السلالة استشهدو فيها بزاف ومنهم خوتي.. وهدرو دمهم على البلاد باش ماتشتتش .. وانا دوزت حياتي كلها لحد الان كنقاتل ونحارب فسبيل الله وسبيل الاسلام .. هاد المجهود كامل اللي كيتقال فكلمة ساهلة تخرج من الفم ..ميمكنش نعطيه لشي واحد ماعارفش معنى تكون حاكم .. تكون ملك ولا سلطان .. سلطان على ا مة .. امة معولة عليك وغتحسابك غدا قدام الله
وصل لامير للرياض ودخل كيجري متلهف يشوف مو .. داز وسط الخدم والوصفات كيقلب ولقاها فالجردة على واحد المخدة جالسة ومتكية على العود ديالو وكتمد ليه العلف بيدها وساهية .. مشا طاح قدام رجليها كيبكي فعفعها وهز راسو كيسبو ليها يدها ويطلب منها السماحة وهي مصدومة كتشوف فيه وتمرر يديها على وجهه وترمش ماقادراش تصدق .. بدات كضربو وهوا كيعنقها وانفاجرات بالبكا وجراتو عنقاتو كتبكي .. بكات البكا اللي مابكاتوش فالموت ديالو ورجع معاها كولشي خرجاتو دموع وكتغوت وتقول ولدي حي .. ولدي حي
بقات هاكاك كتغوت حتى رجع ليها عقلها ووقفات مع صهيل الخيل اللي وقف برجليه وبدا كيسوط.. طاحو بجوج بالدموع واحد كايواسي لاخر وخرجها من تما هي والخيل وركبها رجعها للقصر بالزغارت والحليب والتمر ستقبلوها .. عمت الفرحة ورجعات الحياة للقصر من جديد ورجعات الروح فروح الندى وبقوة الفرحة ماخلات مادارت .. خرجات الصدقة وتصدقات وامرات فبناء مسجد على اسم " رحمة الله" اللي نزلات عليها فعز البؤس والحزن .. فهاد الاثناء اللي هي كتحتافل وتخرج الصدقات وتفك عقد الناس وكربتهم كما تفكات عقدتها وكربتها كانت الحرب نايضة بين قرطبة وقشتالة .. وكانت حرب مدمرة ومجزرة لا تنسى بقيادة الملك محمد اصيل والامير يور جنبا الى جنب.. بتعاون الاخوان اصحاب يور اللي خرجو من حيت لا يدري العدو تتسلطو على الجزء الرئيسي اللي فيه ملك قشتالة و من جهة اخرى كمل الامير على خطة لاللة روح الندى وصب اطنان من الزيت فالانابيب اللي كانت ماشية تخت الارض حتى لفين رصى العدو وتبعها بنياران مشتعلة تفجرات على اثرها الارض اللي تحت الجيش فالمقدمة على حدود قشتالة بحال البركان .. شتات الصفوف الامامية كلها فضربة وحدة وكانت خطة ناجحة وضربة قاضية لملك قشتالة وكملو الحرب باندفاع جيش الملك محمد اصيل على بقية الجيش المتبقي ..ملك قشتالة هرب بجلدو وخلا المجزرة وراه اللي دازت فضرف ساعتاين وتمت ادابة المسحين ادابة لم يحدث مثلها في التاريخ . وخرجات قشتالة منهازمة ومشا فيها اربعين الف محاوب مسيحي وخرجات قرطبة منتاصرة و ومية مستشهد مقابل الاربعين الف مسيحي
بعد مرور ثلاتة اشهر ..
مرت الثلات اشهر على الحرب .. ودارت العدة على المستشهدين اللي مشاو فالحرب.. وتبدلا الاحوال وبدا فصل جديد.. فصل الربيع اللي نور بقدومو الدنيا وبهج بألوان المدينة والاندلس المزخرفة كاملة .. اجمل منطقة على وجه الارض فالزينة والزخرفة والفن والابداع .. منها كيتفرق الفن وكيتفرقو الالحان وكيتعلمو الشعراء الشعر والاداب و منبع للحياة وملحأ للكثير من المهاجرين فداك الزمان .. بلاد البهجة والفرحة والنشاط والرقص والطرب الغرناطي والاندلسي بصفة عامة .. كان الفن والملحون والالحان كلها من مميزات الاندلس .. بحيث كانو النساء كيعطيو قيمة كبيرة للفن والغناء وكانت اجمل النساء هي اللي كتنضم الكلام وتشتر الاشعار وترقص بحزام .. كانت قصورها من اجمل القصور وزينتها كتتميز على زينات العالم بأكمله حتى صبحات هدف للصليبين اللي كان الحلم ديالهم يستولو عليها بكل مافيها .. باراضيها واشجارها وجمالها ونسائها وادبها وتقافتها وحتى رخرفتها الغربية اللي تخلطات بالزغرفة البلدية المغربية وعطات واحد الفن اللي ماقدروش يعطيو ولو الشبه ديالو من بعد . او حتى التقليد .
من بعد اتستقرات البلاد وحطات ساس صحيح وتوحدات وبدات كتنمي راسها .. ساقت لاللة روح الندى الخبار فجناحها وخبرها الامير بانضمامه للدولة الاموية .. طيحات من يدها التحفة الاثرية واللي كان طبسيل ساوي ثرات من يدها بقوة الصدمة تهرس بين رجليها وشافت فيه قالت بلسان تقيل
شنو درتي؟؟؟ اشنو ؟؟
دور وجهه ساكت شوية ورجع قال
وقعت تعاهد مع الدولة الاموية
حلات عينيها وقالت
بايعتي الاصيل !!! بايعتي الاصيل وحطيتي رقبتنا بين يديه!!! هضر ؟؟ وااش بايعتيه
بقا ساكت مطولا وشاف فيها قاليها هادا هوا الصح .. هادشي اللي خاصو يكون .. فالاتحاد قوة وهاد القوة غتزيد تكبر الى بقينا مجموعين .. اما الى تعاندنا غادي تتقسم البلاد وتشق وكل يحكم باش ما بغا وهاكا غيكون ساهل على العدو يصيدنا بحال الحجل واحد مور واحد..دابا حتى واحد ميقدر يحط عينو على شبر من ارضنا مادامنا هاكا متاحدين ..من اللول كنا يد وحدة مكانتش قشتالة تستهدفنا . اشنو فيها الى قدمنا الدعم لبعضياتنا وكانت عندنا كلمة وحدة وطريقنا واحد..واش ماشي الهدف ديالنا نقضيو على الصليبيين وكاع كفار الكرة الارضية ونحكمو الارض بالدين الاسلامي..
غوتات بغضب وقالت
اشمن ارض. اشمن حكم واش كتحلم ؟؟ واش كتحلم؟؟ شكون اللي كيفكر فهاد الارض وهاد الدين الاسلامي اللي كتهضر عليه بوحدك مغتقدرش وعمرك مغيكفيكش وغضيع حياتك فشي حاجة اللي مغتقدرش توصل وحطيتينا قدام الاصيل عبيد من بعد ما كنا مستاقلين ومرتاحين
رد بغضب وقال
انا الى مادرتش وماكفانيش عمري ولادنا يقدرو…حفادنا .. حفاد احفادنا .. حنا نجرو وهما يجرو وربي معانا وربي ناصرنا وناصر الاسلام
هانتي قلتيها بفمك ..عمرنا على قد الحال مكافيش باش نوصلو لشنو بغينا .. وفنفس الوقت مغنبقاش خالدين فهاد الاستقلالية وهاد الهز والجاه اللي نتي باغا.. اخرتها كلنا غنهيطو تحت هاد الارض اللي كنمشيو عليها وغيمشيو فوقنا اجيال واجيال وغيبقا غير دين الحق ودين الله عز وجل وشنو قدمنا وشنو اخرنا ..حنا عايشين عايشين ها العز ها الجاه ها السلطة ها المال .. عطانا الله كلشي ..ولاكن ماشي باش نستحودو على كلشي ونسرطوه ونساو راية الاسلام اللي علاش حنا اصلا كاينين ..
غرغرو عينيها بدات كتبكي وقالت
علاش بالضبط الاصيل علاش؟؟؟ علاش تعاهدتي معاه كنتي تعاهد اي واحد من ملوك الدولة الاموية ولا قيادها ولا طلب الانضمام وهما غيرحبو بيك ..علاش مشيتي للاصيل بالضبط ودرتي يدك فيدو غادي يبقا ديما شانت بيها وحاسب راسو كبيرنا وغتسجل عليه توحيد الاندلس وغيبقا مدكور فالتاريخ ..علاش بالضبط هوا ؟؟
رفع يديه على جنابو وقال معصب
ماشي شغلي فهادشي فاش نموت كاع لايذكرني لا تاريخ ولا حاضر ولا ماضي مايدعيوش فيا غير الناس وغنكون مرتاح مع راسي..واش كتفكري غير فشنو غيتذكر .. واش حنا عرفنا شنو غيوقع؟؟ واش عارفين شنو كاين من هنا لقدام ..واش غتشقق البلاد من جديد ويبان شي واحد من حفادنا ويلمها ولا تزيد تكبر وتتضخم ..واش حنا عارفين شكون فينا غيذكرو التاريخ ولا شكون فيها اعضم من لاخر !؟؟ حنا كنديرو جهدنا واللي جايين غيديرو جهدهم المهم كل واحد يموت على عهدو وعلى بلادو واللي فجهدو يديرو
ضربات فخادها وقالت كتتغبن
اويييلي على الحنش دورني من كاع الجوايه .. دورني وحلف ووفا
بقا الامير كيشوف فيها مافهم ا كتقول ومشا بغا يخرج وصل حتى للباب وقال
المهم انا كنت جاي باش نقول ليك باللي غيجي الملك محمد اصيل عندنا للقصر من دابا واحد الثلت ايام ..احتفالا بهاد النصر اللي كسبنا مجموعين
شدات راسها ولقات فيه التاج وهبطات يديها شدات وجهها وقالت كدور بجنابها
وجايبو حتى لعندي يتشفا فيا ويهز عليا مناخرو .. ويزيد عليا بالتهديدات ويمرضني فحياتي
تنهد الامير كيشوف فيها وقال
لاحولة ولا قوة الا بالله العلي العضيم .. مالكي على سو الضن ..ماوصلنا لا بعيب لا بعداوة ومن اطيب خلق الله ..مالكي معاه هازة من جيهتو
سدات عينيها كتبركم بفمها خلاتو حتى خرج وهزات واحد التوب عضاتو وغوتات لربي اللي خلقها وضربات يديها مع الارض وجلسات حادرة الراس كتبكي
التحضيرات للاحتفال بدات فالقصر وكلشي كيتجارا ..الطباخ كيطير وينزل والسوق مغلغل والخدم فالزرابي والورد كيفرشو وفتخمال القصر كيهزو ويحطو .. البلاد كلها فرحانة الا لاللة روح الندى اللي جالسة فجناحها فكعانة .. سهات وخممات حتى عيات فالاخير رسلات ذو الفقار للديوان يجمع ليها المجمع كامل ويخبر الامير ويتسناوها تهبط ..ناضت بخطوات تقيلة قدام المرايا وطلقات يديها خلات الخدم والعبيد يجهزوها وحطو التاج على راسها ورافقوها والكل كيحني ليها. تحلو ابواب الديوان الملكي ولقات الكل واقف حاضر والامير على راسهم ..خوا البلاصة فين كان واقف وحدر راسه ليها دازت رافعة راسها وجلسات بلاصتها وقالت
جمعتكم ليوم .. وبهاد المناسبة . .. اللي برهن ليا فيها سمو الامير على مسؤوليته ووده وفائه لبلادو وشعبه .. هاد الحرب كانت اختبار لينا كاملين..كاين اللي نجح فالاختبار ..وكاين اللي فشل.. وفيها حطات النقط على الحروف.. ووضحات جميع الامور.. ليوم .. وبإسمي واسم الشعب اللي حب هاد الامير ..وعشقه وقدم ليه الولاء.. كنعلن على تنازلي لكرسي العرش لملكم ولي عهدكم .. الملك يور بن محمد..
اللي كيستاحق هاد المكانة اكثر مني .. واللي البلاد محتاجة لملك بهاد القلب وهاد العقل وهاد القوة .. محتاجة لملك هدفه نشره الاسلام والحفاظ على اراضيه وشعبه قبل من نفسه . اللي كيضحكي ومقدم حياته وسنين عمره كلها فداء لهاد الرسالة ..
هي تهضر والامير مصدوم من كلامها وكيشوف فيها بعيون عابسة ماراضيش على هاد القرار اللي نزل من السما بلا مايكون ليه علم بيه..
كملات كلامها ووقفات حيدات الخاتم من يدها وقدم ليها ذو الفقار وثيقة التنازل على العرش وتقديمه لودها .. ختماتها قدامهم وتلفتات شافت فالامير كتسناه يتقدم لاكن ماتقدمش.. بدا كيبان فعينيه التمرد لاكن روح الندى شافت بعيون باردة وقالت
انا كنتيق فالامير.. كنتيق فيه وحتى نتم تيقو فيه .. حيت عمرو غيحشمكم ولا يطيح بقيمتكم لارض قدام اللي يبغيكم واللي يكرهكم
جمع القبضة ديدو كمشها وسد عينيه كيترعد وتقدم كأنه هاز الحديد فرجليه وهبط قدامها ركبع على ركبته .. تلفتات للصندوق اللي قدمو ليها هزات منو سيف الملوك قدماتو ليه وهزات الراية مطوية قدماتها ليه وفوقها خاتم الختم الملكي اللي كيعرفو العالم كامل وعارف انتمائه .. هزات كذلك التاج المتوارث عن اجدادها واللي دفعات عليه الغالي والنفيس باش لقاتو ولقات ثراتها واصلها واحتافضات بيهم طيلة هاد السنين حتى جا الوقت اللي جبداتهم فيه وقدماتهم لسمو الامير اللي صبح ملك فمكانها وناض خوات ليه المكان وقفاتو بلاصتو وهوا متبعها بالعين كيشوف فيها والصهد كيخرج من نيفو .. حدر ليه الديوان كامل الراس وحدرات ليه حتى راسها ودقات الاجراس فالقصر وانتشر الخبر حتى وصل عند الاصيل وفاتو حتى وصل للدولة الاموية كلها وكان اول واحد كيهنأ الملك يور هوا محمد اصيل ..اللي بعث ليه رسالة تهنأة وقار قراها الملك يور وهوا فجناحو ساد عليه وعارف باللي انكسار روح الندى هوا اللي خلاها تسلم ليه كلشي..
تلفت من بعد ما قرا التهنأة وقال لذو الفقار
مزال سادة على راسها وماباغا تشوف حتى واحد
رد ذو الفقار وقال
مزال امولاي.. والتحضيرات جاهزة لاستقبال ملك غرناطة ..
تنهد الملك يور وشار ليه بيدو خرج ورجع لشغالو هاز الهم من جهة روح الندى .
تعاشات العشية وها الملك الاصيل وصل بهبته وقامته للقصر مرافقاه لاللة شهرزاد فعربة موراه وهوا على الخيل بلباس رسمي انيق وعلى راسو تاج من ذهب داير على جبته والخيل داخل وكيرقص برجلو والعبيد والهدم مستفين على طول الطريق مستقبلين الملك وعشيرته ..
نزل من العود وجنبه حكيم وتلفت للعربة مد يدو لاللة شهرزاد نزلات بحال الشمعة مضوية فقفطان كان قاصد ومقصود لهاد المناسبة كأنها فمسابقة اجمل امرأة فالعالم .وفعلا كانت اكثر من جميلة وهي اميرة والابتسامة على وجهها وجنبها ملك الملوك شاد بطولو وعرضه ووسامته اللي البنات فريعان شبايهم طامعين يكونو مكانها .
استقبلهم الملك يور وجنبه ذو الفقار وكان فديك الليلة البراقة المحتاجة لشاب شجاع وسيم يكمل لوحتها الفنية .. كان تقيل برزانته وجميل فتواضعه ومحتارم بتعامله وانيق بأدبه وجامع جميع صفات الملوك الجميلة .. تصافح مع الاصيل بالصدر وعيون شهرزاد عليهم بجوج كتغلغل وصدرها كان كينفاجر وفدات لتوازن والتركيز وهي كتشاهد داك العناق الحار بين جوج دالملوك الل عمرها شافتو فشي مملكة من قبل.. شار ليه الملك يور بيدو ودخل معاهم تحت اضراء الشموع البراقة واستقبلهم فبهو كبير محلول على حديقة فسيحة باش يمتعو النضر بزينة الورود اللي صاوبوها خصيصا لهاد الحفل ويسمعو لخرير المياه اللي كيجري والنافورة فالجنب كتشرشر .. لقا الاصيل نضرة خفيفة مستغرب لغيابها لاكن ماهي الا لحضات وهوا كيقلب بعينيه حتى تمات نازلة مع دروج من الرخام كبار واشعين وسط البهو بحال القمر كيتمشا على رجليه.. كانت فأناقة بيضاء فقفطان من الثليجة مخزاني مفتوح بالسفيفة من الجناب حتى للخصر و تحته شبكة من الحرير كتبين منسادلة بخيرط الصم الذهبية وشربيل من الصم الحر ومضمة ذهبية بحجر خضر فاتح سماوي والجوهر محموع فالعنق ابييض كتوسطو حجرة ذهبية وحوالق بلدين مواتين مع المضمة والشعر بحال الماء هابط وراها كيبري تقول شلال كحل ونازل كيشرشر .. جامعة اطرافه الامامية للور فتسريحة خفيفة ضريفة والفرقة الرسط كتبري باليوضة متوسطها تاج بحال السفينة مذهب ومحجر بحجر سماوية .. هللات عليه بوجها المشرق بحال البدر ووصيفاتها موراها وبملامح باردة بلا تعابير معينة ضوات المكان عليهم تقول كانت ناقصاهم غير هي.. شاف فيها الاصيل جايا وبقا هاز عينيه متبع خطواتها كأنها يالاه تولدات من جديد.. اما الملك يور فعاد رتاح وبرد فاش خرجات من جناحها وطلات عليهم واخا باين عليها هابطة وخليا قلبها فالبيت .
تقدم شد ليها فيدها وباسها وقال
نهار كبير هادا الاللة مولاتي .. الفرحة ماتكمل بلا بيك
مارداتش عليه بقات ساكتة وتقدمات فصمت للضيوف ..مارحبات ما نطقات .. تقول بلعات لسانها .. حتى حاجبها ماحركاتو .. تقول مكيبانوش قدامها . اما لاللة شهرزاد فتقول جايا غير باش تبركك وتعرف اشنو فالمزيودة وشنو اللي راه كيجرا وهي فالقصر مكاين لا اللي يجي لها خبار ولا هضرة.. وجاتها الفرصة فين ماخصها تزكل حتى نضرة .. تحلل وتفصل ووفلان روح الندى بعينيها حتى كانت غتجيبها على راسها.. ضرباتهت بالعين وتعكلات قبل ماتزيد شي خطوة .. شد فيها الملك الاصيل من جيه والملك يور من جيه ووقفوها بحال شي جوهرة خاصة بالملوك
قادات وقفتها وجرات يدها من يد الاصيل وقلبات وجهها ساكتة وجلسات معاهم فجلسة فوق الارض كلها وسائد من الريش وميادي نحاسية محطوطة وزرابي .. جمعات رجليها جنب فوق وسادة كبيرة حمرا بين الاصيل ويور الليتكاو كل واحد فجهة على يدو ولاللة شهرزاد فجهة الاصيل علي ليمن وعينها فالجنب على روح الندى اللي مكتشوف فحتى واحد فيهم ومكتشاركهمش الهضرة لا فالسياسة. ولا فالحياة الخاصة .. تقدمات ليه طبايق الحليب والتمر معمر ومشكل .. والفواكه الجافة والطرية وانواع الاجبان والحلويات والحوالا تفرقو مشويين .. لاكن لاللة روح الندى فضلات تاكل لحم لارنب وقالت لوحدة من لخدم
جيبي لحم لارنب..ويكون مشوي على لفحم بلا عطرية
تلفتات ليها لاللة شهرزاد وقالت
علاش لحم لارنب بالضبط الاللة روح الندى .. عندك شي مشكل فالصحة لقدر الله ؟
ضحك الاصيل وقال
لحم لرنب مافيه شحمة ولا لحمة مدسمة .. وخفيف ضريف على المعدة الى كانت معصبة
ماجاوباتوش وبقات ساكتة وسمعات لاللة شهرزاد حتى هي طلبات لحم لرنب مشوي على الفحم وابتسمت ليهم وهي كتسمع لكلامهم اللي كامل سياسي.. ملات روح الندى من الجلسة معاهم وناضت وقفات قالت ليهم سمحو ليا
انا مابقا لي شغل فالسياسة .. وكيعجبني نشوف الارنب وهوا كيتشوا
ميلات راسها ليهم باحترام ومشات خلاتهم جالسن خرجات للجردة اللي قدامهم فين كيشويو الحوالا ومشات للشواية دالارنب وقفات حداها وبدات كدورها بيدها وتشويها .. واحد الشوية داز الهوا على نيفها منسم بنسمة من غير ريحة الشوا .. حسات بيه وراها ودورات عينيها للجنب كتحس حتى تأكدات منو وراها وكملات الدورة ديالها للارنب كتشوي ساكتة .. تكلم وقال ليها ولدي خصو يعرف شكون باه
حلات عينيها وزدح قلبها وتلفتات شافت فيه عيني عينك وقالت
شنو كتقول؟
هز حاجبو وقال : كنجلس انا ولدي فطبلة وحدة .وهوا معارفش شكون باه ..
استغربات وقالت: وشكون هاد باه اللي خصو يعرف
قرب منها الاصيل حتى وصل لنيفها وعقدهم وقال
انا..
دورات وجها بعدات شوية وقالت
شكون قاليك نتا هوا باه ؟؟اش هادالتخربيق؟
ضحك بسخرية وقال
لا نسيتي .. كان مرفوع عليك القلم فاش قلتيها بفمك .. وانا تأكدت بلا ماتحتاجي تعتارفي.. بفمو قالي شكون مو
دارت يدها على فمها كتتهرب وقالت
هادشي غير تخربيق غير كدب عليك .. واصلا كان مرفوع عليا القلم واش كاين شي وتحد كيتيق فواحدمرفوع عليه القلم
خلاتو ومشات كتتهرب بعدات وماعارفاش حتى فين غادية .. تبعها جرها من يدها دورها وقرب منها بجدية وقال
يا اما غتقولي ليه شكون باه بطريقتك. ولا غنقولها ليه انا بطريقتي.. ختاري الطريقة اللي عجباتك فيهم
عقدات حجبانها وقالت
هادي غير هضرة خاوية
هز راسو وقال واخا هانتي غتشوفي بعينيك الهضرة العامرة
ضار بغا يمشي وجراتو من دراعه بالزربة شدات فيه وقالت كتفتف
غير بلاتي.. مالك على هاد الزربة مزال حتى متأكدتي مزيان
صغر عينيه شاف فيها وقال
كاين شي واحد كيتسطا على ربيبو ولا شي واحد من غير ولادو؟. امم؟
سدات عينيها وهزات يديها بنفاد الصبر من يعد ما عرفات راسها حصلات وعرفاتو عرف الحقيقة وقالت
واخخخااا.. واخا .. يور ولدك صافي.. تهنيتي؟؟
رد وقال: عارفو ولدي خاصو هوا يعرف باه .. انا باقي حي باقي نشتف على عشرة بحالك ونتي قتلتيني وصفيتيها ليا فمرة ماخليتي ليه حتى امل باش ميسولكش على باه ..شنو غتقولي ليه دابا؟ امم؟ شنو ؟؟ انا ماعندو علاش يحقد عليا بحالي بحالو بجوجنا لعبات بينا مو .. نتي اللي غترفع عليك القلم عاوتاني
بلعات ريقها جمعات النفس سادة عينيها حتى استحمعتت قوتها وحلات عينيها فيه وقالت
انا عندي ميات سبب .. انا ضحيت .. انا نفدت بجلدي وعشت على قبل ولدي.. عشت لولدي ومادرتش ولاد من غيروو ومافرطتش فيه وما استمعت حتى دقيقة بلا ولدي.. هاد باه اللي كتهضر عليه يمكن نسا شنو دار فمو .. نسا العذاباللي دوز عليها .. نسا المحاين ونسا على كاع الايام الكحلة اللي شافت.. ماشفع ليها لاسنها الصغير .. ولا حتى ذرة من داكشي اللي كانت كتكن لباه .. حتى داك العشق ماكانش باه كيشوفو .. مشافش علاش كانت كتحمل وتنسا دغيا غير من تبسيمة منو .. ماشاف حتى حاجة .. مشافش شحال كانت كتبغيه وشحال حلمات وبنات وعلات معاه .. وشحال فرحات فاش حملات وتمنات تولد ولدها وتربيه بين واليديه بجوج. ماشي تهرب بيه وتولدو فوق سفينة والشتا كطيح عليه.. هاديك البنت المسكينة الدرويشة اللي نية وهبيلة وكطير من المقلة وماعارفاش عواقب الاخطاء ديالها .. هاديك البنت اللي شحال من مرة تكرفستي عليها وحكمتي عليها بحالها بحال الرجال وهي متقدر تهز حتى دقة .. وكتاكل الدق وكتنسى ..كتاكل الطرش وكتنسى .. كيتكرفس عليها وكترجع ضحك وكتنسى .. هاديك البنت اللي يالاه قالت بسم الله فالدنيا مزال عاد بدات كتعلم .. عاد بدات الصيام وعندك فداك القبر .. عاد بداو اخطائها يتحسبو وكتابها تحل .. قلبها ابيض وعقلها صغير وعاد كتتعلم .. هاديك المسكينة ترمات فالحبس بحالها بحال الكلاب وبحال العبيد والشفارة والرجال .. وتضربات بالسوط وتجلدات مية جلدة وحتى واحد مادخل يفكها ولا يشفع ليها .. منها للجلاد.. ضهرها منو للسوط .. واش سولتي راسك شي مرة ؟ سولتي راسك وقلتي مع راسك نفرقبين عقاب الرجال وعقاب النسا؟؟ واش قدرتي ترتاح وبنت صغيرة كتتعدب فداك الحبس .. ربي رحمني وشاف من جيهتي ونتا حرام واش حنيتي فيا..وعلاش؟ حيت خويت اتاي على سيديهم قويسم ..الامير اللي ماخاصش الناموسة تعضو .. وهادشي بلا منقصد وترجيتك وتحنيت عند رجليك .. تحنيت وبكيت وخليتيهم هزوني هاكاك كنطلبك .. اشنو دنبي؟. اشنو دنبي انا ندوق عداب جهنم وانا من المسلمين ويالاه حق عليا الصيام؟؟ اشنو دنبي نتلاح فالمطمورة ويتلاح عليا الحجر ونبقا تما بالجوع والعطش.. اشنو ذنبي حتى ذلني داك الذل كله .. وعمرني تشكيت ..حيت دغيا كنسى.. كنت صغيرة وكنسى.. ولاكن دابا لاا ..دابا تبدلت .. تبدلو فيا بزاف ديال الحوايج .. تعلمت من الدنيا مايكفيني باش نواجهك ونواجه اللي بحالك .. معارفش شنو دار على راسي ..كتشوفني هاكا قدامك واقفة عادي..ولا معارفش اشنو داز عليا وشنو تعلمت من الدنيا من نهار حليت عيني عندك فداك القصر.. اللي حتى الصيام مانتش كنعرف ليه .. ونزيدك ما كفس.. يتمتوني وشردتوني حتى وليت كنقول للبراني با .. صفيتوها لعائلتي ودمرتو قبيلتي وحرقتنا مجموعين ..سلالتكم لعنة وصابتنا.. ولاكن ربي كبير وكان ديما كيشق ليا طرقان وينجيني من الضلم ديالكم وديالك نتا بلخصوص.. هاد الراس هاز كل كبيرة وصغيرة من النهار الاول عندك فداك القصر حتى لدابا .. ومابقاش كينسى .. واللي دارت عليه كيعقل عليها كما كنعقل انل على سميتي.. هااا ولدك لداخل..سير عندو قوليه فوجهه انا هوا باك ..انا هوا جلاد مك وقتال خوالك .. انا هوا اللي غنتقتلك ونتا فكرش مك ونقتلهت حتى هي معاك كن ماهربات ديك الليلة بيك وقطعات بيك البحور فنصاص الليل
خلاتو واقف وعطاتو بالضهر مشات ماتلات كلات ولا شربات ..طلعات نيشان لجناحها بلا ماينتابه حتى واحد وسدات عليها وطاحت فالارض شادة وجهها وكتبكي وتنوح حتى سخفات وجلسات رتاحت وناضت وقفات شافت قدامها بحقد وقالت
غادي نتخلص منك .. غادي نتخلص منك على كل ما درتي فيا ومغنخليكش تزيد تعدبني كثر من هاكا
وجع الاصيل للبهو فسيفة اخرى غير السيفة اللي خرج بيها .. الهضرة دروح الندى فرشات ليه الحقيقة كلها بالوانها قدام عينيه .. فيقاتو من سبات كان تناساه ودازو عليه سنين.. فكراتو فالصغيرة والكبيرة اللي تنسات بين الاحداث اللي عاش طيلة هاد السنوات .. فدقيقة جات بحال الموت فكراتو فاللي بقا عاقل واللي نسا عليه .. ضار بيه القصر ديالها وتخنق فيه .. حتى النعمة مابقاش قادر يدوقها وحتى الماء ماهبطش مع حلقو .. جلس جنب الملك يور وبقا كيشوف فيه والبنات قدامهم كترقص وتلعب .. لا صوت فودنيه ولا صورة كتحرك قدامو من غير وجهه ولدو اللي مهني من هاد الحقيقة المرة . تلفت على غفلة بابتسامة للاصيل وقاال
بغيت نشكرك على داك النهار اللي عتقتيني فيه وانا مصاب.. عتقتيني من يدين دوك اللي ماعرفتهم قطاطعية ولا صليبيين .. شكرا اللي داويتي جرحي فداك الرياض ..وسمح ليا ضربت رجالك حيت حسابني بين يدين ولاد الحرام ومافكرتش حتى دقيقة فاش حليت عيني
سد الاصيل عينيه وتنهد تنهيدة عميقة ماقال حتى كلمة .. عقلو فجهة اخرى وخايف شي نهار يتقلب ولدو ويتحجر قليو ويحقد ويكره ومايبقاش بهاد الصفات النبيلة كما جرا لروح الندى .. خايف يكتاشف الحقائق المرة ويمسو الغدر من اقرب الناس ليه لي كيتيق فيهم .. خايف عليه من الانكسار والخذلان اللي كيتسبب فنشأة روح شيطانية كل ما كان فيها الجرح اعمق كانت الروح اخبث وعمات العينين بالانتقام وسودات القلب وقضات على كل بذرة نضيفة ومبادئ وقيم كبرو معاه .. فضل يسكت ومايزيدش يتحايل او يستعمل اساليب ابليس مع اشخاص يحال يور .. ويخلي الاساليب الشيطانية للي هما شياطين فسيفة الناس.
تنهد وناض وقف بغا يودعو لاكن الملك يور طلب منو يجلس معاه اكثر وماسخاش بيه وبالسهرة معاه ..لاكن الاصيل كان محتاج للوحدة وودعو وخدا معاه لاللة شهرزاد اللي حققات فالملك يور مزيان وابتسمت ليه وركبات عربتها مشات .
من بعد ما ودعهم الملك يور رجع لجناح لاللة روح الندى اللي كانت مزالة جالسة فالارض وساهية كتشوف قدامها .. سمعات الطرق فالباب لاكن رفضات تشوف شي واحد ..تكلم يور من ورا الباب وقال
انا ولدك ..باغي نهضر معاك شوية ماتحليش ليا؟
ردت بنفس السيفة المصمرة وقالت
محتاجة نرتاح
تنهد وخلاها ترتاح ومشا لجناحو سد عليه عقله معاها ماعرفش كيفاش يراضيها وكيفاش غيرتاح وهي مامرتاحاش.
صبح الحال عليهم وحتى واحد ماصبح كيف الصباح المنور .. وحتى واحد ماقدر ينعس وكلها وهمو وماداقو طعم النوم والراحة ..
صبحات لاللة روح الندى لابسة سلهامها الكحل وجاهزة باش تخرج .. خرجات بكري ركبات فوق العود ومدات مرسول لذو الفقار وقالت
رسلو لملك غرناطة فالحال
حدر الراس مشا فدمو لرسول القصر وانطلقت هي شدات طريقها ونسمة الهوا النضيفة كتستنشقها .. وصل الرسول فالحال لقصر الاصيل وعطاه المرسول من يدو ليد حكيم اللي قدمو مباشرة للاصيل وهوا فجناحو صابح مكسور ..صبح على مرسول روح الندى وفتحو بالزربة لقاها كاتبة ليه موعد جنب الواد اللي شافتو فيه اول مرة فحياتها وهي كتغسل شعرها مع عبدية وطامو وطلبات منو يلتاخق بيها فلحين .. لوا المرسول وناض بالزربة شار بصبعو للعبيد يعطيوه حوايجه يمشي يشوف اش بغات وخرج من القصر فوق العود نيشان للواد لقاها دايرة قب السلهام و كتمشى على جنبو .. نزل على الخيل وهبط عندها جنب الواد تقابل معاها وقال
باستغراب
شنو اللي خلاك تصبحي على هاد الواد ؟
ضحكات وهي كتسارا جنبو وقالت
هاد الواد هوا اللي لقاني بيك نهار الاول .. باقي كيشرشر .. قلت غيكون نشف حيت شحال من حال تبدل
قرب منها وسد عينيها ماعرف باش يبدا .. شافت فيه قالت ليه فكرتي فالهضرة دالبارح؟
مزال مصر ولدك يعرف الحقيقة
تنهد وقاليها
غادي يعرفها ليوم ولا غدا .. واخا منقولهاش ليه انا غادي يعرف حتى حاجة مكتبقا مخبية..
هزات راسها شافت فيه بمكر وقالت
الا القهرة والبؤس اللي كيبقاو فالصدر مخبيين
جبدات من طياتها خنجر بلا مايشوفو وكانت غتعرسو وسط كرشو كن مافطن بيها وشاف المكر فعينيها وشد ليها يدها وناب الخنجر كيبري على حزامو وهي بكل كره وحقد كتعصب معاه باغا دخلو وسط مسارنو .ك وكتردد بسانها
طال الزمان ولاقصار غادي دوق السم اللي دقت .. غادي نقتلك بيديا
سمع كلمة السم وشك لايكون الخنجر مسموم وغير جرحة منو تقدر تقضي على واحد فيهم .. لوا ليها يدها بالزربة وطيح الخنجر من يدها لاحو فقاع الواد وهبط ليها يدها وقال كيشوف فيها
كنا بجوج صغار.. كنا بجوج طايشين وماخاترينش.. كنت قاصي فحكامي وكنتي كتصرفي بطيش وحتى انا كنت عصبي ودقت المرار .. نتي تعدبتي فقصري عام .. وانا تحرقت على ولدي اعوام .. مابقاش عندك علاش تزيدي تنتاقمي نتاقمتي تقبلت انتقامك .. وكنطلب منك نفتحو صفحة بيضا .. ننسا شنو شربتيني وتنساي شنو داز عليك .. ونطفيو هاد الغضب وهاد النار اللي شاعلة بيناتنا
غزات سنانها وقالت
عمرني مغنمشي معاك فطريق وحدة .. عمرني مغنخط يدي فيدك .. خديتي مني كلشي ..كلشي وباغي تاخد مني حتى ولدي
شد لي يديها اللي كل شوية باغا تهزها ماتايقش فيها وكيقول الى طلقتها غتجبد عليه شي عجب اخر من بين حوايجها .. زفر كنهج وقال
كلشي غيرجع ليك ..شنو بغيتي غيرجع ليك .. نساي اللي وقع وكلشي غتوصلي ليه بالخاطر .. اصلا ولدك هوا ولي العهد هوا اللي غيخلفني.. هوا اللي غيحكم كلشي.. شنو بغيتي اكثر من هادشي.. مغتربحي والو بهاد الحقد
تسيفات عليه وطرطقات عينيها وقالت اصلا ولدي ماهامو لا جاه ولا سلطة ومن غدا يخلي ليك كلشي ويطلع يرعى فالجبل .. مزال غالط بزااا ف غالط ومزال معارف شنو ولدتي .
رد وقاليها عرفيني .. باغي نعرف ولدي وباغي نقربو مني .. وماباغيش نآديك وكنطلب السلم معاك .. واللي خديتو ليك نردو ليك
عززات سنانها وقالت ليه رجع ليا شبابي وصغري ويامي ورجع بيا الدزمان اللور
بلع ريقو كيصارعها وقال
كن بيدي كن رجعت الزمان اللور .. وحتى دابا باقا شابة باقي مافاتك والو .. نعلي الشيطان انا مابغيتش نآديك مابغيتكش تآدي راسك .. نساي اللي فات وخلينا نفتحو صفحة جديدة
نترات يديها رجعات اللور ومشات ركبات على العود ديالها وقالت ليه كتنهج
عمرني مغنسمح ليك وحقي غناخدو منك يا بيا ولا بيك
ضربات العود ولاحت القب على راسها وعطات رجليها للريح مشات بحالها
شحال زوين الجو وهوا مستقر .. وشحال زوين الصيف بلا عجاج بلا حرب بلا ضر ..
دازت فصول صعيبة واصعبهم فصل الشتا على الاندلس فايام الحرب.. لاكنولله الحمد مشات ديك الايام وجات ايام الفرح والسعد .. جات ايام التهاني والهديات اللي وجدو التجار الكبار وقضات البلاد وكاع الحجرات التقيلة .. كانو يتسناو فصل الصيف باش يحتافلو بعيد العرش.. اليوم اللي تتوج فيه الملك يور ملك على قرطبة .. اللي مشافت فيه البلاد حتى نهار كحل فأيامو ولا ضلم ولاقهرة وحكرة .. كرعبون المحبة والمودة والاحترام والتقدير من كل بلاد ومن كل قبيلة جاياه هدية .. وطيلة الاشهر الاخيرة عاش القصر اجواء جميلة في استقبال الهداية البعيدة والقريبة ..هادي خيول عربية أصيلة من الشرق.. وهادي صنادق الذهب والفضة من الغرب.. هادي ازهار ناذرة من السند وهادو فيالة هائلة من الهند.. جواري اشكال والوان من الشرق للغرب ..ومن الشمال للجنوب .. قد وقامات تليق بملك ملوك الدولة الاموية .. اللي جاتو منها هدية على حد امتدادها .. اما اهل الاندلس فماقصروش من جهدهم ..وبعثو ليه اجمل الزرابي ومانسجات يديهم .. وافخم التحف والاحجار واعذب الكلام والشعر من الشعراء والادبيين اللي كانت مكتوبة خصيصا للملك يور . كان كيهتم بيحلل هاد الرسائل وتنضيم الكلام اللي كيعنيه ..وكان كيعجبو يقرا الشعر ويسرح بخيالو فالوصف ويستمتع بابداع الكاتب والادبي وماختار من كلمات وعبر لا تخطر على البال .
كجميع الايام اللي كتمر فجو الهدايا اللي كتوصلو كان طلب من احد الادبيين يكتب ليه شعر على المرأة ..وكان كيقصد بهادالمرأة مو اللي يهديه ليها ويصالحها ماتبقاش كتهضر معاه بالنفخة وتنسا ما حرا فالماضي فيام الحرب وترجع المياه لمجاريها كما كانت فالاول.. لاكن الشاعر الادبي وصف وصف اخر مافيهش كاع نكهة الام وقدمو للملك وهوا فحديقة قصره وجنبه الحريم القديمة والجديدة بحال الورد كيتسخرو عليه .. شد الورقة فيدو وهوا متكي على جنبو كيقرا ويتبسم ويتمعن فكلمات الوصف ولغزل اللي عبر بيها الشاعر
بَلْ يَا بَهَاءَ هذا الوُجُودِ قد رأَيْنا الشُّعُورَ مُنْسَدِلاتٍ كلّلَتْ حُسْنَها صباحُ الورودِ ورَأينا الجفونَ تَبْسِمُ أو تَحْلُمُ بالنُّورِ، بالهوى، بِالنّشيدِ وَرَأينا الخُدودَ، ضرّجَها السِّحْرُ فآهاً مِنْ سِحْرِ تلكَ الخُدود ورأينا الشِّفاه تبسمُ عن دنيا من الورد غضّة أملُود أنفوسٌ جميلة ، كطيور الغابِ تشدوُ بساحر التغريدِ طاهراتٌ، كأَنَّها أَرَجُ الأَزَهارِ في مَوْلِدِ الرّبيعِ الجَديد وقلوبٌ مُضيئة ٌ، كنجوم الليل ضَوَاعة، كغضِّ الورودِ
ضحك الملك يور وهز راسو قاليه ابدعتي .. واخا فهمتيش المقصود ..
رد الشاعر بابتسامة حاذر راسه وقال
عليا حق .. نكتب لمولاي كل ما حب الخاطر
تنهد الملك ورفع راسو شاف الخدم كيتسارعو جهة الباب من بعدي لقا رسول القصر حدا ودنه حاذر الراس وقال
مولاي.. جات هدية م عند الملك محمد اصيل ومعاه هاد المكتوب
تبسم الملك ووقف خدا المكتوب فتحو وقرا
ليهنكَ بعد عهدك عيدُ عرش
يريكَ بقلبِ حاسدكَ انفطارا
أتاكَ وفوقَ غرَّتهِ هلالٌ
إذا قابلتهُ خجلًا توارى
يشيرُ وعادَ نحوكَ كلَّ عامٍ
يحدِّدُ فيكَ عهداَ وازديارا
تسعد الملك يور بهاد الرسالة الغالية ومشا يشوف هدية الاصيل وخرج حشد من الناس داخلين هازين طيافر كلها ورد وبخور وتمر وصناديق من الذهب والاتواب الفاخرة .. وبالنفار داخلين مهللين ووسطهم فيل مزين بالورد وعلى ضهره هودج من لخشب مغطي بالتوب ..تقدمات الهدايا قدام الملك يور تحت انضار روح الندى مراقبة
اللي. مراقبة الهدية من فوق احد الشرفات .. وفع الامير راسو شاف فالفيل وقال
شنو فوق الفيل؟
حنا حكيم راسو بابتسامة وقال : فوق منو اجمل ما يمكن تشوف عينك امولاي.. هدية خاصة من مولاي لمولاي .. جمال قلبا وقالبا .
رد الملك براسو وقال واخا .. دخلو هاد الهدايا لجناحي
دخلو ليه الصنادق لجناحو الا الجمال اللي فوق الهودج واللي كان خارجين من بين طيات اترابه اصابع بيضاء رقيقة كتتفحص من خلال شقتهم عيون كبيرة جذابة شنو كيجرى على برا ..
لحق الملك يور بجناحو يكتاشف الهدايا ولفت نضره صندوق كبير عريض وسول حكيم اللي رافق الهدية وقال
شنو فهاد الصندوق ؟
فتحو حكيم وشع منو شعاع بحال الشمس.. وكان وسطو سيف تقيق هاد من ذهب .. ويدو مرصعة بالاحجار الكريمة البراقة .. حملو حكيم على مهل قدمو للملك فيدو .. خرجو الملك من الغمد ديالو فإذا به سيف منقوش بكلمات شعرية مذكور بينها اسم الملك يورو ودعاء للتحصين ..حب الملك يور الهدية وعشقها وخصص ليها مكان خاص حطها فيها وتلفت شاف باقي الهدايا اللي كانو كيخرجو الخدم وبقات اخر هدية اللي دخلت على رجليها مع الباب مرافقة بالوصيفات .. كان لباس من اغلى الثياب .. ..متوسطة القد والطول .. ممشوقة القوام وصاحبة مشية ساحرة كأنها تخلقات باش تكون هدية .. او اسم الهدية نفسها .. كانت لابسة توب من الحرير ابيض ناصع مطرز بخيوط ذهبية طويل مدايرة لا حدام لا مجدول وفرجلها شربيل من الصم وراسها مغطي بتوب شفاف طويل مكيفرز ملامح وجهها .. عطرها فايح انعش جناح الملك اللي جاه فضول يشوف شكون تحت داك الغطا ..
قربوها منو وركعات قدامو راسها فالارض.. هز حينها حكيم صبعو وشار للخدم ديالهم ينصارفو وخرج الجميع بقا فالجناح غير الملك يور والهدية
دخلات عبدية عند روح الندى لقاتها واقفة كطل وقالت
لاللة روح الندى .. هانا جيتك حاضرة ناضرة
تلفتات روح الندى وقالت
شنو جاه فالهدية؟؟
تبسمت عبدية وقالت
جاه الاللة شلا وزان تقال.. صنادق كبار وتواب من الحرير ويذهب يتوزن بالقنطار .. وجاتو الاللة جارية كيقولو عليها بنت الملوك .. كبرات فدار الشرفة وقرات على يد الاصيل وكيقولو عليها ذكية ولبيبة وطير من طيور الجنة .. قالك الاللة كتفتن بالزين .. تعمى لعين اللي متصلي على النبي.. كتنضم الكلام .. وتقول الشعر .. وجوهرة هاكا كتشعل ..اختارها سيد الاصيل من بين كاع البنات ورسلها لمولاي تاج راسنا تزول عليه الغبينة وتونسو فالكعدة وطيب نعاسو وتزيد فراحتو .
هزات روح الندى راسها كتسوط. وقالت
ماعرفتش شنو مزال باغي مني .. كيدير ما فجهدو باش يقرب منو.. ويكسب تيقتو ..
فهاد الاثناء قرب الملك يور ووقف الهدية قدامو .. استنشق عطرها الفتان وطلع التوب الشفاف على وجهها وصغر عينيه كيشوف فيها منبهر
نظرته تعجز لتوصيف الجمال
و الضوء من وجهها يشع ويغيب
انبهر بخلق من فوق الكمال
و الله انه كاملٍ عن كل عيب
صوّرها الله فــي منظر خيال
والعجب في كامل الوجه العجيب
الشعر من رقـّـته يلعب دلال
و العيون الكحلة تشعل النار لهيب
بريق الجبين كبريق السيف في القتال
اوضح من النور وللحديد مديب
و الحواجب حفـّة تلال
حكمت في الجمال بلا حساب او رقيب
و مثل سلة سيف انفها مال
يذبح العشاق و النظرة تصيب
و الخدود أرّق من نسمة الشمال
و الملامح كلها عالم غريب
و الهدب يقتل و لا يعطي مجال
ولسعة الرموش اقوى من علاج الطبيب
شفاهها جنة تاخذ عقول الرجال
من تلذذها عن الدنيا يغيب
و في راحة صدرها شيء محال
كوطن يحضن البعيد والقريب
و كل شي فيها فوق اللي يقال
يعجز التعبير عن وصفه يجيب
ما يفيد القول لو كثر الجدال مثل الحلم حال
في دهشة منه قال
واش نتي اللي كنتي لبارح سنان لحليب؟؟
رفعات رموشها وعيونها بتااقل وقالت
انا امولاي
يتبع...
التنقل بين الأجزاء