حدرات الراس لزمت الصمت وتراجعات اللور ستأذنات وخرجات من جناحو وهزات راسها كتنفس ويدها على صدرها كانت غتسخف وهي تحت الضغط قدامو .. بلعات ريقها وماعرفاتش فين تمشي حتى لمحها ذو الفقار ومشا وقف عليها وقال
اشنو كديري هنا بوحدك ؟
سرحات عينو فملامح وجهها بلا ميشعر واخا عارف داكشي لا يجوز لاكن الفتنة قدام عينيه وبيناتهم خيط رقيق ..دور وجهه كيرمش وقال شاير بيدو قدامو
هاد الآية هدية الملك الآصيل وهي مميزة وتعلمات على يدو ..مغتحتاجيش تعلميها تقدري نتي تعلمي منها .. ردي ليها البال وراقبيها عنداك توقع ليها شي حاجة فجحر الافاعي ديالكم ..
ضارت بصيرة شافت فيها وقالت
كن هاني.. مللي قلتي مميزة غادي نخليوها مميزة
رجعات بابتسامة هزات راسها وقالت
مرحبا بيك.. مرحبا بيك فجنة العمبر ..تفضلي
شارت ليها بصيرة بيدها لابواب العمبر كبيرة اللي تحلو فوجهها وهي هازة عينيها كتشوف فالابواب العملاقة وسرحات عينيها فروعة المكان المليئ بالبنات والزين كيطرطق لداخل شكال والوان من جميع الاجناس..
تقدمات هازة راسها كتشوف فيهم وهما كينوضو ويتلفتو والهضرة كتقل بيناتهم حتى عم الصمت وتوجهات ليها الاعين كتراقبها وتراقب كل تفصيلة فيها وهي داخلة كتقراب بدورها المكان والوانه الزاهية كأنها فجنة نسائية وكتشوف فالاسرة والبنات وكل سرير على راسو اسم مولاتو .. داتها بصيرة لاخر سرير جا فالقنت فراس العنبر كان فارغ وحداه جدار من الخشب المنقوش ومجر صغير من الخشب وقالت
هادا مكانك ..اشنو سماك الله الغزالة
تلفتات شافت فيها كترمش بهدوء وقالت
سبأ
مدات بصيرة يدها بتبسيمة وقالت بصوت مرتفع
هادي اختكم سبأ.. حتى هي هدية لمولاي وصلات ليوم .. بادرو بالخير البنات ورحبو بيها
ناضو البنات بحال العادة كيتقدمو ويسلمو عليها وكيرحبو بيها بحال اللي كيرحبو بأي بنت جديدة دخلات عليهم للعمبر واخا راه كترو عليهم الهديات ودخلو عليهم بنات عربيات وشينويات .. كاينة اللي تقبلات سبأ ودازت وكاينة اللي غارت وحسدات داك الزين المميز وغارت .
جلسات جنب سريرها كتشوف فيهم ودارو بيها بعض البنات كيضحكو جلسو جنبها وقالت وحدة سمراء بحال القمرة
ردت سبأ وقالت: اه كنربي الغزال..كان عندي الغزال فالقصر كنت كنربيه ..وكنقول ليه الشعر
ضحكات شهد وقالت
حنا عندنا غير غزال واحد فالقصر
بداو كيضحكو وضحكوها حتى هي ودوزو الوقت فتقرقيب الناب حتى رجعات ليهم بصيرة ودخلت كدق الجرس هي والخدم
شافتهم سبأ ناضو فصف واحد تقادو ولبسو حوايجهم وبداو خارجين مثنى مثنى وهي جالسة مافاهمة اش كيوقع
مشات عندها بصيرة عطاتها توب خفيف بحال اللي لابسين البنات مفتوح من الجناب حتى للركبة ويديه مجموعين من الكمام وفيه فتحة من الكتف حتى للكم والدراع كيبان .. لبساتو ولبساتو البلغة وتبعات بصيرة داتها للحديقة الخاصة بالملك وتما لقات البنات منتاشرين بحال الحمام فديك الحديقة الكبيرة .. ها اللي كتسقي الورد وها اللي كتنقي الاوراق اليابسة وها اللي كتنضف بالممسحة العروش وها اللي كترشو بالماء لحلو
لوحة فنية اكثر من رائعة .. ابتسمت سبأ عجبها الجو والبرودة ديال العشية ومشات بين البنات هزات منشفة وبدات كتمسح الاوراق من الغبار والبنات كيغنيو وبسرعة انسجمت ودارت صحابات وبداو كيرشو بعضياتهم بالماء وصوت القهقهة كيطلع حتى وصل لأذن الملك يور اللي كان دايز كيهضر هوا وذو الفقاو فديك العشية فملابس مريحة عبارة سروال خفيف وسترة وبلغة صفرا .. تلفت لمح البنات وسط الحديقة وخرج من بين الاصوار كيتمشى ووقف كيتفرج فيهم بابتسامة وهما كيلعبو ن
نزلات لاللة روح الندى فديك الاثناء لقاتو واقف بوحدو كيتأمل فالبنات وبدات حتى هي كتشوف فيهم وتلفتات للجنب قالت لعبدية
فين هي هدية الاصيل ؟
شارت عبدية بعينها وقالت الزوينة فيهم الاللة هي هديته
ردت لاللة روح الندى وقالت: هضري وقولي بلا ماتزيدي من راسك
تصدمات سبأ ورجع وجهها احمر وشدات رزمتها وقطعات فيها النفس وحركات راسها بالايجاب وتبعات بصيرة خرجاتها من باب الخدم فوق الخيل مرافقة بالعبيد ..شافهم ذو الفقار كيتخلتلو ومشا حصل بصيرة قطي وقال
شنو كديري ؟ شنو كتخططي
تخلعات بصيرة وقالت
اموامر لاللة مولاتي.. هي امرات نرجعو الهدية الحية للملك
زفر ذو الفقار من مناخرو وقال
واش عارفة اشنو كديري ؟؟ واش عارفة شنو هي تردي لهدية لحاكم واش باغيين تخليوها حرب ..
نتر ديها بغضب ومشا كيجري لمكان خاص فين كيجلس فيه الملك يور وكيصارب السهام ديالو وخدر راسو كينهج وقال
مولاي.. لاللة مولاتي امرات يرجعو الجارية اللي هداك الملك محمد اصيل ..وخرجوها من القصر هاد العشية
وقف فالبلاصة خرج عينيه وقال
غطير تلحق عليها وتردها لهنا .. مننوع توصل لقصر الملك محمد اصيل .. تحرك
مشا طو الفقار كيجري وينعل ويسب فبصيرة اللي دارت شغل يديها بلا متعلمو وكيتحلف عليها وركب الخيل تبع الهدية في حين زير الملك على يدو بنفاد الصبر ساد عينيه وطلع لجناح الملكة دخل عليها خلعها وقال والهضرة معكسة فحلقو مابغاتش تخرج وهوا مزير على عينيه
كتحكي نحاسي.. كتحكي نحاسي وانا كنحاول نرضيك ونتي كتزيدي توسخي الجو بينياتا.. اش داك لهدية الملك اصيل حتى ترديها ليه؟؟ اش بينك وبينو خلاك تكرهيه وتحقديه عليه
دورات وجهها وقالت
كيفاش كتقبل هدية منو ماخفتيش يكون كيضمر ليك على الغدر وسيفط ليك هاد الجارية توصل ليه الخبار
تنهد بتعب وملل وقال
نتي عارفاااني كي داير وعارفاني ماتخفا عليا خفية وكيفاش نعرف العدو من الصديق وهاد الجارية اسهل ما يمكن ليك تتصوري شنو فعقلها .. علاش كديري هادشي والله مافهمت جهد الله غلاب هادشي اللي غنقول ليك
خرج خلاها كتسوط ومشا كينفخ نزل كيتسنا ذو الفقار يوصل ومل شوية كيهز عينيه فالسما يعرف الوقت حتى وصل ذو الفقار مع مغيب الشمس وجا كيجري حنا ليه الراس ..شافو الملك جاي بوحدو وقال
فين هي الجارية اللي مشيتي تجيب؟!
قال ذو الفقار وعينيه كيدورو مخلوع
مشيت نجيبها امولاي ووقفتهم فالطريق جنب الواد .. وهما فالفلوكة غيقطعو بيها العبيد..جريتها نخرجها من الفلوكة ومابغاتش ..قلت ليها جلالة الملك اللي رسلني نردك ..ووقالت لي .. قالت لي..
عقد الملك حجبانو قاليه بغضب شنو قالتك ليك نطق
حشم ذو الفقار يكمل وقال فخجل
قالت ليا ..قول للملك ديالك بزااف عليك بنات القصر .. يا السارح فالسواق يا قليل للاصل
هز الملك راسو احمر وتزير وكان غيطرطق من غيضه وبلع ريقه بحال الى كيبلع الشوك وقال
فين هي هاد سليطت اللسان فييين؟
بلع ذو الفقار ريقه وقال
عضاتني من يدي امولاي ورمات راسها فالواد.. هي كتعرف تعوم وحتى واحد فينا مكيعرف.. هربات وو..
زفر الملك من عضبه وعيا يصبر وقال
وشنو؟
بلع طو الفقار ريقه وقال
ضارت عندنا وهي فالماء وبزقات علينا الماء اللي فمها
سد الملك عينيه وضار عطاه بالضهر وجمع القبضة ديدو حتى زيرها وضرب واحد الحيط وتلفت والنار كتشرشر من عينيه وقال
حيد من قدامي
هرب ذو الفقار بحلدو وبقا الملك كيسوط ويشوف قدامو والمعيورة كدور ليه فودانو ومشا ركب الخيل ديالو وشد الطريق لقصر الملك محمد اصيل ..استقبلوه بحال العادة وتفاجأ الاصيل بهاد الزيارة وخرج عنده رحب بيه بصدر رحب وقال
اش هاد المفاجأة هادي مانويتش تجي عندي برجلك فهاد الوقت
حرك الملك يور راسو وقال بابتسامة كيتنهد.. جيت نرد الهدية اللي رسلتي ليا ..
استغرب الاصيل وقال :اشمن هدية ؟ !!
استغرب يور وقال
الجارية !! ماجاتش عندك؟
زاد استغراب الملك وقال
ماعندي حتى خبار ؟؟!
عيط على حكيم ورسله يتفقد احوال الحرم ورجع عندو بنفس الرد وقال
ماجاتش امولاي وحتى الحراس متأكدين وحاسبين اللي خرج واللي دخل
تلفت ااصيل عند يور وقال
شنو اللي وقع ؟ فين سبأ؟
حشم الملك يور مالقا باش يجاوب وقاليه
يمكن ولفات عندكم هنا وخرجات بغات ترجع ..ولاكن فين غتكون دابا هادا هوا المشكل
مسح الاصيل على لحيتو وبسرعة امر حكيم يخرج الجنود ونتاشرو فغرناطة كلها يقلبو عليها وقال
صبح الصباح وصبح البراح كيبرح فالمدينة وسط الزناقي والدروب والاسواق والحوانت
اللي شاف حمامة ممشوقة القد والقامة .. زينة مسرارة مقطرة فعنقها شامة ..مابيضا ماسمرا مكتشقى على يتاما ..حرة غرة بنت القصر كابرة فالشان والهمة ..لعيون سحابة والرموش غابة يتيهو فيها الحطابة …. ترهق العاشق اللي على العشق خطى باب التوبة .. شعرها ترابي كيتراقص بحال النار الى علات .. هادي مطلوبة سالمة غانمة واللي سلمها للقصر يطلب ويتمنى ..وفالحين يبلغ المقصود وبمراده يتهنى ..
وحتى الفقهى دالمساجد صبحو كينشروفااخبر من بعد الصلاة وشنعات الخبار على الفام ففرناطة وقرطبة وكلشي كيسمع وغير من الرصف حل فمو مبهور .. شكون هاد اليمامة ممشوقة القد والقامة ؟ اللي مابحالها حد ماقدها قد؟ اما النخاسين بياعين الحريم .. لقاوها وجيبة وشكو فجنابهم ..اللي عندو شي جارية كيجري بيها للقصر ويعرضها قدام الملك يور ولا قدام الملك الاصيل فقصره .. جابو نشا اشكال انواع ولا وحدة كتشبه ليها ولا وحدة قريبة ليها.. ضل البراح كيبرح النهار كامل غادي جاي وداز جمب واحد الدار من الديور اللي وسط السوق وغير هوا داز طلات من موراه مور الحيط القطرة الحاصلة فالسما وعلى وجهها لتامها ومخبية فملحفها .. سمعاتو كيبرح وعرفاتو كيقصدها ..خافت على راسها ويتكشف سرها ويشدوها ويديوها للقصر وهي اصلا كحلاتها مع الملك ..وبلا شك غادي يقطع ليها راسها على سليط لسانها .
رجعات اللور كدور عينيها مخلوعة حتى داز فيها نخاس من النخاسين طيحها حتى غوتات شادة جنبها وطاح اللثام على وجهها عنقها وبان شعرها وشهقات كتتألم من جهد الطيحة .. اما النخاس اللي بحال الغول غير شافها قرا الوصف عليها وساحت ريوكو عرفها هي ومكاينش من غيرها ونقز عليها بغا يشدها ..طارت عليه عضاتو حتى كانت غطير ليه صبعو وهربات كتتخبى فملحفتها وهوا تابعها كيجري ويغوت
هاهي..هاااي شدوها ..شدوها
تخلعات وعينيها خرجو وكلشي ناض من بلاصتو خلا خضرتو وتبعها وهي كتجري وتقول ماجريت ..تالفة بين الزناقي الديقة حتى بغات تسخف مابقات عارفة فين كتزطم ولا واش راها طالعة ولا هابطة حتى لقات راسها فوق سطح والارض لتحت وتقل عليها الجهد باش كانت كتجري وعيات طير بيديها فالسما باش تشد راسها لاكن هبطات على راسها وجات فوق واحد الكروسة واقفة عامرة تبن مشتت جارها حمار وغابت ..
غير طاحت تمات هبيلة الهبيلات جايا هازة سلة فيه التبن كتنكر وتهرنط بحال عادتها فقفطانها الكحل وحزامها لقدام وكلها معبرة والعسك على راسها كحلة خوات السلة بلا متشوف فين كتخويها وعمرات الكروسة بالتبن هز ورمي وطلعات فوق الحمار قالت ليه
تا زييد .. زييد اوجه النحس يالاه نطركو نلحكو للدار ..كوراه بنت الحرام كلات وخلاتنا بي جوعنا بحال ديما.. هي تبرك في الخيمة تكدب على الناس وانا نضل دايعة نجمع في التبن للزريبة ونتسارا في الاسواق
مشات كتنكر جالسة جنب وطيش برجليها المشكين والصندالة مقطعة وتنكر وغادية شادة عصا فيدها حتى خرج فيها النخاس سخفان كينهج وقال
ماشفتيش واحد البلارة تالفة ماعندها والي ولا تالي
عمشات قنات حجبانها وفمها وقالت ليه
هها؟؟ بلارة ماعندها والي ولا تالي؟ هاد الساعة شفت غا الغبار وتمارة الكحلة اسيدي..
لحقو عليه الرجال كيجريو قالو ليها راه دازت من هنا واش مابانت ليك شي بنت هاربة خيفانة
حلات عينيها قالت ليهم بي لعمى ماشفت شي بنت هاربة تالفة ..غا توما اللي شفتكم تالفين موضرين
خلاوها وزادو كيجريو وهي جالسة على الحمار متبعة ليهم العين حتى فاتو وضربات الحمار قالت ليهتا زيد .. تازيد شحال فك ديال التحنزيز اناري
كملات طريقها كتهضر بوحدها غادية بين ديور التراب الفقيرة ودخلات بالحمار لدار كتبان عندها حيط وباب من القدام لاكن من لداخل ماعندهاش سقف لوسط الدار وفيها بيت كبير بوحدو الللي مغطي وعندو خامية فالباب.. جنيات الحمار للجنب حطاتو بلاصتو وبدات تعيط
هزات واسها فالسما كتعيط والدجاج كيقاقي حداها حتى تمات شادية نازلة فدروج من التراب صغار فالقنت وهابطة من سطح داك البيت لابسة قفطان زرق مغبر وعكسة على راسها وكتنقض فيه قالت ليه ا
بلاتي مالكي كتبرحي سمعتك .. كنت كنسد واحد التقبة بالطين كدخل لفيران
هزات يامنة كتفها قالت ليها امم الفيراان.. الفيران مالقاو عند من يدخلو غا عدنا حنا اللي مكيشيط لينا حتى شنتوفة دالماكلة..هاد الفيران راه غا الله يسمح لينا منهم تا هما
دازت حداها شادية قالت ليها حيدي حيدي.. نتي الكبيرة زعما وبلاصت ما نعول عليك معولة عليا .. زيدي نهبطو هاد التبن قبل مايضلام الحال
ماشاو طيحو ضهر الكروسة ميلوه وبداو يهزو التبن حتى بانت ليهم البنت الوسط مكاييان راسها من رجليها …تخلعو ورجعو اللور كيشوفو فبعضياتهم وقالت شادية بشوية
اوييلي شنو هادشي؟؟
هزات يامنة يديها وقالت. بسسسم الله الرحمان الرحيم
هزات شادية البالة بدات تبعد التبن حتى وضحات الصورة وشهقو بجوج ورجعو اللور
ردت شادية وقالت وهاد الشعر ديالك وتنضيم الكلام باش غينفعنا؟؟ هادشي الاللة اللي عندك كينفع فالقصور ماشي فالخيام والديور .. اما الغنى والشعر وداكشي مغيوكلكش .. اري الى كتعرفي طيبي ولا تخبزي ولا تصاوبي شي حاجة ولا عندك شي حرفة .. اما الى ماعندكش راه مكاينش اللي يعتقك حتى بجغمة دالماء .. اجي ياكما هاربة من شي قصر؟؟ شوفي اختي ماخصنا صدع ولا تابع .. من هنا كنقولها ليك
دوك اللواني تقولي غسلتيهم بالدفال .. تي مالكي معيفينة شو كي حالتك ويامك
عيطات شادية من بلاصتها مغطية بكاشة قالت ليهم تكعدو تركدووو
ناضت يامنة ونوضات سبأ قالت ليها تكعدي تركدي
تبعاتها سبأ بداك البيت اللي كان طويل مفرش بحصيرة من الراس حتى للراس وفيه سريجم صغيور مسدود بالخشب ومفرشين غير النص ديالو .. طاحت يامنة تنعس حدا شادية وقربات منها سبأ بغات تنعس.. طلات عليها يامنة من فوق الكاشة وقالت كوحزي عليا لهيه
كحزات سبأ نغرة ورجعات قربات حطات راسها على المخدة وبدات تتقلب وتتقلب وصوت البومة كيغرغر فالسطح ..عيات تقلب وتشقلب وجنابها ضارينها حتى بغات تبكي من الحالة اللي هي فيها .. ناضت ليها يامنة نفضات الكاشة وجلسات ربعات قالت ليها
ليمن ليسر ليسر ليمن تقلبي بحال الموجعة ماتشدي تا جيهة ماتخلينا نشدو معاك طريق الموت .. غا كدوري في بلاصتك تقول فيك حر الولادة
غززا فيك الله .. كتشوفي في الماء نشف قدامم عينيك ومخلياه كيغلغل فوق العافية ..وادابا كمديها
كمداتها نيت وجلسات كتبكي شافت القهرة وتمارة غير فليلة عرفات راسها متقدرش عليها وبدات كتفكر ترجع للقصر عند الاصيل وطلب السماحة وهوا اكيد غيسمح ليها ..مربيها على يدو وفمرتبة عالية وكانت كتنعس غير الريش وكتاكل غير الوز والبط ولحم لغزال .. شافت القهرة ديال بصح وقارناتها بالصبر فالقصر ولا الصبر فوق الارض والحصير .. .. قالت اللهم الصبر فالقصر ولا هاد الفقر والحوع والقهوة دبصح .
اللي قال مقهور يجرب الفقر .. رجعات كتحمد الله على عيشتها القديمة ومكانت كتعرف على الفقر غير سميتو حتى شافتو بعينيها وهي ماعندها صحة ولا جهد ليه ومنهار خلقت وهي ففمها معلقة من الذهب.. ماتكمل الشهر حتى تموت وفعلا الى ما ماتتش بالجوع والقهرة وتمارة غنموت بالفقصة والحصرة ..
رجعات شادية فملحفتها وحلات الباب لقاتها لقاتها جالسة فواحد الدرجة مكمشة وساهية ورجلها منفوخة قدامها مكتقدرش تزيد. عليها ….
قربات منها شادية ودارت يدها على جنبها وقالت
صافي كان ناقصنا غير مريض يشد الركنة ..ولاهيلا كملات
دارت شادية يدها على جنبها وقالت ليها هاي هاي على المومنة المنافقة؟ شكون قالك شرك اصلا ؟؟ مالنا كنسحرو
بعدات وسبأ ختيفة وقالت ليها لااالا انا مافيا اللي يمشي يتشوا فجهنم اختي ..غا غلاي ديال الماء صلقني كان غيقتلني حسبلاك العافية دجهنم ..ربي يغفر كولشي الا الشرك بالله .
استغربات شادية وقالت
ونتي شكون قالك هادشي؟!!فين اختي قريتيه ؟؟
رتابكات شبأ وقالت ليها قريتو فالقرآن وفالمسيد وتعلمتو .. المهم قريت وصافي . وهادشي اللي كديري غادي يحاسب عليه الله
تنهدات شادية وقالت ليها انا خدامة بدراعي مكنآدي حتى واحد والحمد لله .. مابغيتيش نشوف ليك تكعدي من حدايا عطيني تيساع ماتوقفيش ليا فباب رزقي
ناضت سبأ من حداها رجعات جلسات فالدروج كدور عينيها وقالت ليها في حيرة ..واش معندكم والو ؟ لا سرير لا فراش لا والو؟
خرجات ليها يامنة من الكوزينة كتجري وقفات قدامها كتمسح فحوايجها وقالت ليها لااا اختي عدناااا واحد القصر عاد كي كنبنيو فيه وجينا جلسنا هنا تا يكمل ونمشيو ليه لابغيتي تمشي معانا
شدوه طلعوه وسبأ وتقفة فالجنب كتشوف فيهم حتى نزلو وقالت ليها شادية سيري طلعي حداه قابليه لا يتقزر المشاش يشتتوه
هزات سبأ راسها فالمسا وقالت
الشمس كتغلي ..غتحرقني
هزات شادية حاجبها وقالت
تحرقك؟؟ هاي هاي على تحرقني.. وا طلعي ولا زيدي مع الباب
سكتات سبأ وطلعات كتنهد سخفانة وبزز كتشوف فرجلها وجلست حداه فوق واحد الحجرة كتشوف فيه والشمس متوسطة فالنهار فوق راسها .. حلات عليها الملحف شوية وهزات راسها كتسوط وتعرق مقابلة الزرع .. هي مقابلة الزرع والجار ديالهم اللي حداهم مقابلها وحال فمو فيها حتى طلعات مرتو موراه هبطاتو ورجعات كطل وتشوف فيها وتبركك ..خرجات عينيها على كبرهم ونزلات كتجري لاحت عليها ملحفتها ومشات هازة غلضها معاها وتقلها نيشان قصدات القصر وبدات كطلب وتراوك يخليوها دخل لاكن منعو عليها تفوت باب القصر.. بقات ليهم تما كتزاوك حتى خرج ذو الفقار على غفلة فوق الخيل شافها ووقف كيسول شنو واقع
شدات ليه وقالت ليه
سيدي .. سيدي. بن سيدي. لقيت ليكم الولية اللي كتقلبو عليها ..شعرها ترابي مايل بحال النار وفعنقها شامة وممشوقة القد والقامة
حل فيها ذو الفقار عينيه وقال
فين هي ؟ كتهضر بصح ولا حتى نتي تشابهات ليك
يلعات ريقها سخفانة كتحلف وقالت
والله اسيدي حتى شفتها بعيني .. وعمرني فزينها فحياتي .. هاكا منورة واخا مخشية فواحد الدربالة ..عنقها رقيق ووجهها صغير بلارة .. كتافها واقفين ومحفورة العضام وشافاها واحة تروي العطشان
تلفت شاف فالحرس قاليهم تبعوني وهزو معاكم هادي نشوفو هاد الحريرة ..على الله تكون هي ونفكو هاد المنامة
تحمرات سبأ فالسطح اكثر من الزرع وخدات ليه اللون وخلاتو بلا لون .. شبعات جلاس حتى نشفات واذن العصر وعيات وناضت بغات تنزل .. تما هابطة مع الدروج كتعرج والدقان فالباب.. خرجات شادية تحل وتبعاتها يامنة هازة البانيو فيه الماء بغات ترش بيه ديك الوسعة ..حلات شادية الباب ودخل عليها ذو الفقار طلع عينيها بالصدمة وشاف فيها مطولا كأنه سبق ليه شافها وكيعرفها وتلفت لقا سبأ نازلة من الدروج كتعرج وبالخلعة كانت غطيح ..شار ذو الفقار بيدو وقال بسرعة
جمعات سبأ جلايلها كتفتف وقربات كتعتر وتعرج مقاراش تفارق الرجل على ختها بالخلعة حتى وصلات عندو وشافت بيه بنص عين لقاتو كيشوف فيها وحناكها مطبعين بالحموم وشعرها مدفور فالجنب مشنتف ..هز ليها وجهها من فكها وبدا كيزير عليها ويشوف فعينيها معصب والغضب باين فعينيه وقال
شنو كيحساب ليك راسك؟؟ مغنلقاكش؟ هانتي رجعتي حتى لعندي باش نقطع ليك هاد اللسان الطويل
طلق ليها من وجهها ومارضاتش بقات ساكتة وعينيها كيتحجرو بالدموع والنفس تحبسات فيها ..بغات طرطق عليه واخا يكون شكون ما بغا يكون لاكن ماقدراتش وطرطقات لداخل حتى كان قلبها غيوقف..تمنات تشق الارض وتبلعها ولا تجي شي عاصفة طيرها وماتبقاش واقفة ديك الوقفة فوق طاقتها وقدرة تحملها وهي بحال الحمامة بين يدينه متقدر دير والو
بقا كيشوف فحالتها وسكت ماهضرش ..غير دوك الشوفات اللي دار فيها كانو كافيين باش طرطرق الفلفلة الحارة فصدر سبأ وهي مارضياش ونفسها كتقلى وتتشوط على نار مهيلة .
شار بصبعو لعبدية قربات وقالت ليها. رديها بلاصتها ..عطيوها تاكل باينة من لبارح ماكلات .. وشوفو ياكما ناقص يد ولا رجل ..وردي ليا الخبار
قلب عينيه مشا بحالو وخلاها طيحاتهم حجر تقال فصمت حتى بغاو عينيها يطرطقو ومشات مع عبدية داتها للحمام لقات تما شادية ويامنة كيغسلو الحالة والطيابات مقابلينهم .. غير دخلات ناضت ليها شادية بالمعيور ماخلات فيها غير اللي نسات ويامنة مركنة فالمنشفة فارقة شعرها الوسط كتشرح فيه وتشكي وحتى واحد مادايها فيها .. مشات سبأ نيشان لواحد الركنة تركنات وتكمشات وخلاتها كتعاير وطرطقات بالبكا وبلا متشعر هزات واحد الحجرة دالرجلين وبدات كتنزل على يدها حتى سال الدم ..حيدوها ليها الطيابات قبل متبدل البلاصة وتنزل على راسها وشدوها خلاوها كتلوى وكتخرج كاع ماكانت شادة حتى خلعاتهم كاملين وقالت ليهم يامنة وهي كتهرب اللور
ياكما مسكونة بسم الله الرحمان الرحيم
تخلعات شادية وهربات للقنت حتى هي تيقات هضرة يامنة وحتى الطيابات حساب ليهم نفس الشيء وبقاو شادين معاها حتى تهدات وجلسات كترد النفس ماهضرات مانطقات ودوروها دغيا كيغسلو ليها حالتها وهي محنية على ركابيها كتشوف قدامها وساكتة
دخل الملك لجناحو كتب مرسول كيخبر فيه الملك الاصيل باللي لقا سبأ وردها للقصر باش مايبقاوش كيقلبو عليها ورسلو مع رسول القصر وجلس مقابل مع الشرفة داير يديه تحت فكه كيفكر فاللخر عيط لذو الفقار دخل عنده دار ليه التحية وقال غدا فالصباح غتخرج سبأ من العمبر ودخلها للكوزينة .. عطيها الاعمال الشاقة حتى تتأدب ..ومتنعسش فالعمبر ..تنعس مع الخدم ..ممنوع تفوت خط الخدم ولا ترد الكلام بكلام ولا يحن فيها شي واحد
تبسم ذو الفقار وقال
امرك امولاي
حرك راسو بالايجاب تنهد وقال :واخا هي تستاهل الدبيحة على قلة الاداب اللي فيها
خرج ذو الفقار وفنفس الوقت طلعات عبدية لجناح روح الندى كتجري ودخلات عليها لقاتها متكية كتخمم والوصيفات كيدلكو ليها عضامها
عبدية : لاللة ..المتعوسة رجعات الاللة
هزات روح الندى راسها وتقادات فالجلسة وقالت
شكون؟؟
عبدية: شادية
حلات روح الندى عينيها وقالت تحت سنانها .. جابك الله ابنت الحرام ورجعتي حتى لعندي..هانا غنوريك دابا تسنطيح مع سيادك كي داير .. سيري جيبيها ليا لهنا دابا
هبطات عبدية كتجري لقاتهم خرجو من الحمام ولبسوهم لباس نضيف بحال كاع الوصيفات وبان فيهم الضوء وجالسين فواحد البيت قدام الميدة عامرة ماكلة كياكلو ويقولو ماكلينا .. وقفات عليهم عبدية وشافت فشادية قالت ليها كولي مزيان ماعرفتي اش تابعك المنحوسة
مارداتش سبأ وبقات هاكاك على نفس الحالة فاللخر خرجات جرات شادية وطلعات لجناح روح الندى وطول الطريق وشادية متعصر فيديها وتسول على شنو بغاتها وشنو كيتسناها حتى وصلات ودخلاتها عبدية حانية الراس خايفة ووقفاتها قدام روح الندى اللي ناضت وقفات كتشوف فيها وهزات يدها حتى للسما وعطاتها طرشة حتى عواج ليها الحنك وقالت
فين حدك تهربي وانا اللي جبتك بيدي لهاد البلاد؟
شدات شادية حنكها كتبكي وطايحة فالارض وروح الندى كتشوف فيها وتشير بصبعها وقالت كتجبد الورقة من طيات توبها
جراتها روح الندى حتى لعندها وقالتها شنو كيعني هاد الرسم .. هضري شنو كيعني
بلعات شادية ريقها وقالت
ليها كيعني باللي سيدي. يور ..خاصو يسبق الموت قبل متوقع .. حيت فكفك الموت محتوم .. والحل هوا يتحقق ..خاصو يتدفن ..وتشرق عليه الشمس ويضوي عليه القمر ..من بعد يخرج من القبر هادا هوا الحل
اوييلي وحدي على ندفنو ؟!!! كي غندير ليه ندفنو وهوا قد الصور دالمدينة ..لالالالا منقدرش.. ندفنو ونطمرو اويلي منقدرش منقدرش ندفن ولدي بيديا واخا غير بالضحك..شوفي ليا شي حل من غير هادا .. ولا عاودي شوفي ليا شي خط اخر
جلسات عطاتها يدها وشادية كتجمع شعرها المنتوف وتمسح فخناينها ..طلات على اليد وقالت
الحرب دازت الاللة اللي كانت طالعة ليا ..وخسرتي فيها
تنهدات روح الندى وقالت : خصرت فيها بصح مع وجه الويل مع كحل السعد اللي خارج ليا فعودي.. خسرت اكبر خسارة فحياتي واللي سعيت ليه كامل جا كوش عليه ودار وادي تحت يدو
هزات شادية يدها وقالت
ايوا الحمد لله خرج هادشي صحيح..بقا ليك غير هاد الدفين خاصو ولابد يتم
شنقاتها عليها روح الندى مخرجة عينيها وقالت. ليها قولي ليا شي حل من غير هادا.. شوفي ليا شي واحد يموت بلاصتو ونلبسو لباسو ونعلق ليه حتى التاج على راسو ..المهم نتفك من هاد الموصيبة
ودت روح الندى بالزربة وقالت : شنو خدامة شنو واش خدامة ليا السحور ولا داكشي المعقول شمن خدمة ؟ وصفيها ليا كيف دايرة؟
حنات شادية راسها وقالت ليها قريبة من قلبك الاللة .. قريبة منو بزاف وباغا تاخد كلشي باغا تشطب كلشي .. باغا تخليك الله كريم ولا تصفيها ليك فمرة .. جاياك من جهة العدو الحبيب.. ايييه .. شكون هوا العدو الحبيب الاللة
هزات روح الندى يدها وقالت
اشمن عدو حبيب حيدي عليا وكملي شكون هاد بنت الحرام ؟؟ واش من جيهة هاد العدو الكحل؟
شافت شادية وقالت ليها من جيهتو وقريبة ليه ..جاياك فالطريق ردي بالك ردي بالك راها جاياك ..خطك هنا حبس الاللة خاص شوية من هادشي اللي تقال يفوت باش يطلع الخط حديد
جمعات روح الندى يدها وقالت
شوفي انا ماكرهتش تقراي لولدي الخط نعرف واش طالعة فيه الموت ولا طالعة غير عندي
تخلعات شادية وقالت ليها وكيفاش غادي نقرا ليه هاد الخط وانا منقدرش نوصل حتى للطريق منين كيدوز الاللة
سدات روح الندى عينيها عاضة فالصبر وقالت ليها شوفي. ياك كتحلمي تزوجي بيه ومانعرف شنو .. انا غادي نعطيك عشية .. عشية وصافي معاه.. الى ماقريتيش ليا فيها خط يدو وديتيها قالشي لاخر غنصفيها ليك بلا منشوف وجهك سمعتي.. واخا نتي ماشي ديالو اذلالة العبيد
هبطات شادية راسها بأسى وقالت مترددة
سمحي ليا الاللة ..سمحي ليا كدبت عليك .. انا باقا عزبة ومكاين والو من داكشي اللي قلت ليك .. غير من خوفي على ختي تخرج الزنقة ضحيت وما جا فطريقي غير هاد التضحية ..
هزات روح الندى يدها كاع ما داتها فهضرتها وقالت ليها كتشير تمشي
خرجات شادية حانية الراس وتكات على واحد الحيط كترد النفس.. الحمد الله ماقطعاتش ليها راسها ..وحتى هي كانت باغا ترجع للقصر وترتاح من القهرة والزلط.. عندها الحق عويشة اللي لسقات مابغات تخرج ..اما حتى حسابات شادية خرجو فالصو وحساب ليها الفقر ساهل .. قبل كانت كتاكل وتنعس ماعارفاش منين كتجي النعمة حتى وقفات عليها برجليهت ورجعات تخمم ليل ونهاو اشنو تاكل غدا ..الهم كيقتل وكيشرف وكيدير جميع الامراض.. اش داها لقصوحية الراس وهي ماليها لا والي لا تالي ..لقصر قدو قداش والبيت كي داير والماكلة اللي عمرها حلمات بيها كتلقاها واجدة .. اش داها لشي تمارة والخوف كل ليلة خايفة يهجم عليها شي واحد ولا يشدها شي واحد يبيعها فسوق العبيد .. مشات كدور بشوية عليهت وتفكرات عويشة ختها وقالت اجي نمشي نشوف فين وصلات وشنو كدير
هبطات للعمبر كتختل وطلات لقاتو مقمح بالبنات ماشي بحال من قبل كانو فيه بنات قلال .. دابا بقوة البنات مابقاتش قادرة تعرف عويشة فين هي ..شافت حتى عيات ورجعات اللور تصادفات مع بصيرة شادة فسبأ غادية بيها
ودت بصيرة وقالت : اللي غير زايدة فالعمبر كنخرجوها تخدم فالقصر .. هادشي اللي كاين .. ونتي الى بقيتي كدوري بلا شغل ماتعرفي اشمن باب يسيفطوك ليه ولا برج يطلعوك ليه
زادت بصيرة وجارة وراها سبأ اللي شافت فشادية ومشات حتى هي ماعارفاش اشنو باغين بيها .. دخلاتها بصيرة للمطبخ الملكي وقفاتها وهزات راسها فرئيس الطباخين وقالت
يعقوب..
تلفت يعقوب بو كرشي كبيرة وقرع الراس عليه تزارة وهز عينو فسبأ بانبهار وقال
سمعي مزيان .. مابقا ليك مكان فالعمبر وهادا مكانك من اليوم .. ديري هاكا ولا هاكا غتشوفي ما اكثر .. يعلم الله اش درتي حتى نزلو عليك بهاد العقاب..وعلى اي .. حمدي الله اللي عاقبوك بشي حاجة تنفعك ..ماتعرفي ليوم ولا غدت يسوط فيك الريح وتلقاي راسك الله كريم .. لا دراع لا ركابي ..تعلمي ماينفعك وبلا متمردي.. راكي فداو القانون ومولاي مكيضلمش.
مشات خلاتها واقفة مخلوعة ورجعات اللور كتشوف فديك الروينة اللي فالكشينة .. وقف عليها يعقوب كيشوف ويبعد عينيه وقال
سمعي مزيان .. الى مادرتيش داكشي اللي كنقولليك متلومي غير راسك .. يالاه تحركي نقي ديك باطاطا كلها اللي فديك السلة ..وفاش تسالي رقدي الحمص كامل اللي فداك السطل .. وطلقي راسك راه مشا الحال
كان فهاد الاثناء الملك يور داخل من الصيد وعلى يديه صماطي دالجلد بحال العادة والسروال والسترة مغبرين .. نزل من فوق العود داخل وتعرض ليه عابد حادر راسو وقال
الحمام سخون واجد امولاي.. شكون تبغي نرسل ليك مع البنات
رد وهوا كيحسد من يديه الجلدات وقال
رسل ليا متعة . حدر عابد راسو ومشا كيجري علم بصيرة اللي دخلات على العنبر فالباب وقالت
رجع يعقوب يشوف فين وصلات سبأ من بعد ما غاب عليها حوالي نص ساعة لقاها شوهات البطاطا ورزاتهم فسلة مشات كلها مع القشور وخلات ليهم فالسطل حبات منقيين قد المشمامشة.. ضرب. يعقوب فهادو فاش شاف داك الضلم اللي رات فبطاطة ونوضها من تمت حيد ليها البقية ويعدها وهي هازة يديها وفيها جرحة وقال
وكلت عليك الله لا نتي لا اللي جابتك .. نتي اللي كنتي نتقصاني فهاد الكشينة
بعدات من حداه تخطات ديك الروينة وقالت
شوف صبعي كيف كيسيل بالدم ونتا كتغوت عليا؟!! مالها شهوة منها منقية حسن من شي ناس
حطاتها فالارض ورجعات اللور بغات تمشي لاكن خافت من المشاكيل وهي مزالة غارقة فيهم ورجعات هزات الصينية طلت على الحناح من لداخل لقات الحس مقطوع ..سبقات رجلها وهي لابسة قفطات كحل خفيف مليفة غير بالعقاد من القدام على للارض والسفيفة بالباج مايلة للدهبي شوية وفيه فتحات من الجناب حتى للركبة محلولين بالسفيفة ونازل مع جسدها فخياطة مخزاينة متولة بالكمام وبلغة من الصم فالكحل والاصفر وشعرها المموج فالجنب والفرقة الوسط .. زيرات شفاها مع بعض كتختل وصفاء رجليها وكدامها الحومر كيبانو وتقدمات كدور عينيها المكحلة اللي كيطيحو الزردور من فوق الصور ورموشها المولوية تقول غير سنابل الزرع .
قالت ماهنا حد ومشات نيشان دفعان باب الحمام الخشبي المنقوش. دخلات بلا سلام حتى كتلقى قدامها منضر شهوة منو يا سلام .. اشمنك يا بخار وزليج الفسيفساء داير بالحيوط .. الوخام فالارض كيزلق والشمع فقناتو مضوي بالخيوط .. النافورة الوسط كتخرخر والماء بحنابها ضاير.. وسريج مدور بالرخام وسطو ماء بالبخار .. مزينو الشمع الكبير والصغير ووسطو سيدي ومولاي مكسل ناعس العيون
اما البنات فنص توب زايدين الحمام صهد فوق السخون .. بقات المسكينة سبأ مصدومة حالة فمها وماعرفات تزيد ولا ترجع
ي زادت وسط داك الدخان كتقرب من السريج وحل عينيه شاف خيال كيقرب بين ديك الضبابة حتى قربات كتفت حطاتو جنبو وشافت فيه بنص عين لقاتو كيشوف فيها بنص عين كتسخر ..حدرات راسها بغات تمشي وقبل ماتوصل للباب هز يدو من وسط الماء حدا الصينية دفع زلافة دزبيب سمعات وسط الحمام كتقرقب . . تلفتات شافتها تشتات وشافت فالبنات تحمعو يهزوها وضارت قدامها بغات تخرج .. هز صبعو شار ليها وقاليها
نتي اجي جمعيها
تلفتات شافت فيه مافهماتش شكون كيقصد وقالت كتشوف فالبنات
انا؟!!
شافت فيه بتساؤل وشار ليها بعينيه وهوا كيشوف فيها نيشان باش تجمعها وحط يدو متبعها ..
تراجعو البنات اللور رحعو لشغلهم وخلاوها واقفة وعنقها كيعرق والصهد وبدات كتشوف بجنابها وعيونها كتقطع فالقلب .. بلعات ريقها وتحنات بشوية حيدات بلغتها حطاتها فالجنب ووقفات المسكينة هزات طرف قفطانها طلعاتو على لحزام وزادت جنب الساريج جالسة على صبعان رجليها كتلقط فالزبيب حبة بحبة ومولاي السلطان متكي ساد عينو ووراه متعة كدلك ليك عنقو .. جات العين فالعين بين سبأ ومتعة وسولاتها الاخيرة بعينيها مبسمة على سبب الحزن اللي على وجهها .. لاكن سبأ حركات راسها بالنفي ومسحات جبهتها من الصهد سخفانة وناضت وقفات حطات الزبيب فالبلاصة ديالو .. فتح السلطان عينيه شاف فيها وقاليها
هز عينو شاف فيها شوفة خلاتها تحشم من تصرفها وحدرات عينها حطاتو ومشات بقات متعة غير متشوف فيها معوجة سيفتها باشمأزاز
خرجات سبأ من الجناح الملكي كتغلي غليان وطرقات العوينات بالدموع حتى وصلات للبيت اللي حولوها ليه ودخلات سدات عليها وطارت على يدها عضاتها حتى تحفرو سنانها فلحمها وبدات كضرب فوجهها كأنه وجه عدوها بلا متشعر وخرجات فراسها كاع السم اللي جمعات فالاخير وبكات حتى عيات فالاخير جلسات كتمسح دموعها وشدات ريشة وورقة كتبات رسالة ولواتها وخرجات من جناحها للحديقة الكبيرة حدور وتقلب حتى لقات رسول القصر واقف كيمسح السرج على الخيل فواحد الجهة وقصداتو حتى وقفات عليه .. هز عينو من الارض وقف شاف وجهها وخرج عينين قال بلا ميعشر
مالو وجهك تقول حدورة ودازو عليها الكلاب
عطاتو المرسول وصدرها كيتخنق وقالت
هادا خودو لقصر الحمرا
شد المرسول مستغرب وقال
قصر الحمرا؟؟ ولمن في قصر الحمرا؟! انا مكنوصلش المكتوب شوفي شي رسول القصر الثاني هوا اللي يوصلو ليك
حل عينيه مخلوع وقال ليها لا منقدرش مننوع عليا الى وصلتو غيقطع لي راسي
ردت بالايجاب قالت ليه غير وصلو انا من اقرب الناس للملك .. ومتأكدة ميقول والو على المرسول بلعكس غيفهم علاش عطيتو ليك نتا بالدات
خاف يشدو من عندها فالاول لاكن اصرت عليه وشرحات ليه انها هدية وعطاها ليها الحق تراسلو وحيدات قلادة من عنقها عطاتها ليه وقنعاتو عاد شدها من بعد ما صدق كلامها ومشا خرج نيشان للقصر تصادف فطريقو مع رسول القصر فعرناطة ووقف عطاه التحية وقال ليه. واش عمدك شي شغل عندنا
رد الرسول الثاني وقاليه نفس الشغل اللي جايب عندنا
تبادلو التحية بروح مرحة وكل واحد كيمل طريقو ..
حط الرسول الرسالة فيدين الملك الاصيل فباب الديوان وهوا خارج وقال حادر راسو خايف
مولاي.. عذرني على جرأتي .فهاد الرسالة .. رسلاتها بنن من حريم القصر قالت لي باللي عطيتيها الامان تراسلك .
استغرب الاصيل كيشوف فيه وفتح الرسالة لقا سميتها وشار بيدو وهوا كيقرا للرسول يرجع بحالو وطوا الرسالة كيشوف قدامو ويردد الجملة الوحيدة اللي كتبات ليه
" انا احتضر… "
فنفس الوقت وصل رسول الحمرا لقصر قرطبة قدام رجلين الملك يور اللي كان جالس يالاه لبس حوايجو وكيمسح خواتم. يديه بمنديل وينضفهم .. شد الرسالة وشار بيدو حتى للرسول خرج وحلها بدا كيقرا حتى سالا وطواها تكا بيدو على ركبتو كيطبل برجليه الحافية فوق الزربية في حيرة .. ناض من بلاصتو مشا فتح صندوق صغير خاوي كانو فيه مجموعة من الرسائل اللي من نفس الشخص وحطها سد الصندوق ودار يديه وراه كتمنضر من الشرفة دجناحو وكيفكر وقرر يعمل زيارة صلة وقرابة لقصر الحمرا .. لبس ملابس اشبه بعادية بحال العادة اللي معضمها سراويل مجموعة وسترات او قميجات بالطرز البلدي والصائف والاحدية الطويلة حتى للركبة .. اناقة كتميز بيها على باقي الملوك اللي لباسهم تقيل اغلبيته عبايات طويلة .. لاكن الملك يور كان معروف عليه عند الملوك وحتى فالقبائل والمدن وحسب ما كيحكي شي لشي انه بحال الخيول الجبلية الحرة اللي كتكره اللجام والسرج والتقيد بالزيادات من غير جلدها ..كان دوقو مختالف على كل الادواق وخصوصا فاش رجع ملك وكيتوجب عليه يلبس ملابس تليق بقامو ومقام اللي كيجتامع بيهم .. هنا ابدع الخياط الخاص بيه وخرج ليه ملابس انيقة وفيعة واللي تليق بمقامو وفنفس الوقت يحتارم اختياره وراحته فالملابس الشبيهة بالصيد والحرية..
ركب الخيل واتاجه مباشرة لقصر الحمرا بلا حتى مايعلم ملك غرناطة اللي تفاجأ بزيارته فديك العشية لاكن رحب بكل صدر رحب . واستقبله فحديقته الخاصة كيتجمعو على احوال البلاد واستقرارها والسلم والسلام اللي كتعيشه .
شوية دازت من تمت لالة جوري بوصيفاتها وخوها الصغير من شهرزاد شاداه فيدها .. شاف الاصيل ويور جالسين كيتحدثو وطلق من يدها مشا كيجري عندها .. ابتسمم الملك يور ابتسامة عريضة ومد ليه يديه هزو عندو جلسو على رجلو كيضحك وقال
مرحبا بالبطل
رد الصغير وقال
مرحبا بيك انت اللي ضيف
هز الملك يور راسو كيضحك وتبسم الاصيل وقال
ماشي ضيف هوا مول الدار الكبيرة اولدي
هز الصغير يدو وقال : انا مول هاد الدار الكبيرة
ضحك الاصيل ويور فدقة وبقا اكيشوف فيهم شارد وهما كيهضرو ويور كيلعب معاه .. تقدمات الاميرة جوري وعيونها كتبرق لمعان من شدة الفرح السرور فاش شافت الضيف العزيز عندهم وحنات راسها ليهم باحترام وقالت
مرحبا بمولاي شرفتي الحمرا
هز عينيه فيها بتسيمة وقال :ليا الشرف الاللة جوري ..نشوف هاد النهار
تهز حاجب الاصيل وهوا كيشوف فيهم بجوج وبدا كيلاحض التقارب والاعجاب اللي بيناتهم وبسرعة تدخل وقال
جوري ..خودي خوك ودخلي للقصر غيضربو البرد
شدات فخوها وحنات راسها دخلات للقصر وعين الملك يور كترقبها حتى دخلت وشتت تفكيرو الاصيل اللي وقف قدامو وقال
جوري كتبغي الضياف .. حيت مكتخرج من القصر وكتبغي تعرف على ناس جداد
بقا الملك يور ساكت مطولا وقال بابتسامة
الله يطول فعمرها ونشوفوها عروسة ان شاء الله
بقا الاصيل ساكت وتنهد ميشوف فيه قال ليه بصوت تقيل ان شاء الله
رد عليك الملك يور وقال بابتسامة رافع راسه ويديه اللور بحال على العادة
بغيت نشرك على الهدية اللي رسلتي ليا .. قمة الدوق والابداع اجلالة الملك
ضحك الملك تفكر الهدية وهوج من الشرود ديالو وقال
تستاهل اكثر .. تستاهل نهديك دولة كلها اجلالة الملك يور .. كنت ديما كنتمنى يكون عندي ولد بهاد الصفات وهاد الشجاجة والشهامة والمبادئ اللي عندك .. لاكن ماتوفقتش كل التوفيق ..
ود الملك يور بسرور وقال
هادا شرف كبير ليا امولاي.. وحتى انا كنتمنى فيوم من الايام يسطع اسمي بحال اسمك .. ونوصل ولو لشوية من الغزوات ديالك .. وكنتمنى من قلبي هاد الصداقة والمودة دوم للادب.. وتزيد تتوطأ اكثر وتنساجم وتتقرب ونوليو عائلة وحدة .
حل الاصيل عينيه بقا ساكت مك وفضل يسكت ودورها فالسما ولزم الصمت وابتسم وقال
حتى حاجة ما تغلى عليك احبيبي
ابتسم الملك يور وتنهد مرتاح وتكلم الاصيل بدل الموضوع وقال
اه .. وشنو درتي فشأن الجارية اللي هرسلت ليك
تلفت يور وقال كيضحك
بالمناسبة .. بغيت نشكرك بزاف على الهدية اللي رسلتي ليا.. السيف قمة فالروعة ماعندي منقول..اما الهدية اللي كتمشي بالروح كن ما هرباتش كانت غتكون احسن
بدا الاصيل كيضحك وهما كيتمشاو فالحديقة وقال
علاش هربات ليك ؟ متكونش خلعاتها شي فارة
ضحك يور وقال: الفيران كاينين غير هما .. ولاكن هادي باسلة شوية
ضحك الاصيل وقال: بلعكس … عندها بزاف مايتقال.. فنانة والا مكنتش غنرسلها من دوك البنات .
هز راسو يور بالايجاب وقال بسخرية كيضحك
لا هي من ناحية الفن فنانة خصها تسقل الفن ديالها خصو مزال السقل
هز الاصيل حاجبو كيضحك فهمو اش كيصدق وقال
كتفكرني فواحد البنت كنت عرفتها شحال هادي ..كانت قدها .. وحتى هي تسقلات ولاكن تسقلات سقلة كبيرة هزات وحدة وحطات وحدة .. القساوة بزاف مامزياناش كتولد لينا اعداء فالمستقبل مكنضربوش ليهم حساب نهائيا
رد يور ب بنية وقال كيسرح عينيه فالحديقة
هي تبارك الله كبرات وتبدلات وزادت زيانت ..ولاكن واخا قرات وتعلمات مكتقدرش تشد لسانها وكتزيدها بالنفخة
ضحك الاصيل وقال ليه المرى مكتضربش بالسوط ولا باليد .. المرى كتضرب بالمرى . هاد الهضرة نيت كن عرفتها وانا قدك كانت شحال من حاجة غتظبط
رد عليه يور بابتسامة بسيطة وقاليه اللي طوالت نقصروها اصلا المرى الزوينة كتجيب وجع الراس..
ضحك الاصيل وقال ليه والخايبة كتجيب حريق المعدة
ضحك يور وقاليه خير الامور اوسطها .. وكما كان الحال كتبقى مرى والنبي(ص) وصا وقال رفقا بالقوارير .. تعطيهم على قد جهدهم ولا عطيهم التيساع احسن وهادي احسن حاجة .. اللي دارت دارت ليك حجرة فلطريق خليها وبدا الطريق كاع
تنهد الاصيل وقال ليه فهادي عندك الحق..شي مرات الانسان كيتبع النزوات ديالو وكينسى المهم حتى كتولي النزوة اكبر همومو
فالقصر عادية روح الندى جايا وكتحك يديها واللي فيها ما مهنيها.. عيات تخمم وتفكر فشكون هادي اللي كضمر الشر لولدها .. من جهة الاصيل ؟!! كاع الاوصاف كيرشدوها لوحدة وهي..!!
خرجات عينيها شاف ت جهة الباب وهيطات لعبديدة حضرات فالحال وخرجات عينيها قالت ليها بصوت خفيف كيخوف
جيبي سبأ
حدرات عبيدية راسها وخرجات كتقلب عليها لقاتها فالكشينة عاطيينها العجينة كتعجن والخادم واقف عليها كيوريها .. جراتها من تما عبدية والغجينة فيديها داتها شللات ليها ووصلاتها عند روح الندى .. شافت فيها سبأ مطولا بن بعد ما خدرات ليها راسها وهزاتو وقربات ليها روخ الندى بحقدكتخزر فيها
قالت ليها علاش بالضبط سيفطك لاصيل ؟ علاش نتي بالضبط.. عاد تفكرت فين شفتك من. قبل ! نتي الي شراك من الاسواق ودخلك للقصر !! عاد عقلت على صتك ااغريبة ؟
شافت فعبدية شارت ليها تخرجها وعيطات لعابد حضر فالحين فيها الت ليه سمع .. كاينة خاينة كبيرة جات من غرناطة .. غادي تخرج منها الحقيقة برز .. وكتعرف علينا شلا حوايج .. هرج منها الهضرة والى اضطريتي كاع كويها بالعافية باش تهضر.. ولدي اولى من كولشي
هبطو سبأ وهي مافاهماش علاش واخدين لبيت من اير بيتها ودخلوها كان كبير وديال الخزين ووقفوها كيسولوها ..ويخوفوها بانواع الخوف اللي كانو غيقتلوا بالخلعة وهي كتحلف وتعاود وتسد عينيها من ااخرف حتى بغات كانت غترقع ليها شي حاجة فعقلها من شدة الخوف . عيات تقول الصدق وباللي معارفة اش كيقصدو واشنو كيقولو. لاكن فالاخير ما القاو. حتى حل باشيخرحو منها. الهضرة وشداها عابد كواهل بالسفود من يدها حتى غابت ليه وناض خلاها مجبدة وقف قاليهم هادي غتموت لنا وعلى سبة .. وحنا ماحليتنا للاللة ولا لسيدي
دخلات عليهم بصيرة فجأة تخلعات من داكشي اللي شافت وجات مع الجملة الاخيرة دعابد وغوتات. دايرة يدها على فمها .. قلت ليه اليوم يطير ليك الراس المسخوط على هادشي اللي درتي ليوم
شارت بيدها للعبيد هزوها خرجوها وقبل ما يوصلو بيها للبيت استاعدت الوعي ديالها ودخلوها سدو علينا وخرجو بأمر من بصيرة اللي داخت وعتحمل مسؤ وليتها هي اول وحدة .. بقات بوحدها كدور فبلاصتها وسبأ كدور عينيها فالبيت واسترجعات الوقائع وبدات كتنهج وناضت جلسات شافت يدها وعوتات كتبكي وماقدراتش تتقبل الوضع وشنو وصلات ليه وماقدراتش تستحمل وكانت غطيح لبصيرة .. شداتها جلساتها كتهدن فيها وخرجات كتجري كدور حدا الباب وتقلب على اللي تسهر حتى بان ليها واحد من الخدم سيفطاتو يجيب الحكيمة ومشات كتجري تجيب الماء ورجعات بيه هازاها .. دفعات الباب بيدها كتشوف فالبيت مالقاتش سبأ ضارت وراها للجهة الاخرى وهي طيح الكاس وغوتات لربي اللي خلقها شافتها معلقة راسها بوشاح والطبلة صغيرة طايحة حداها وبلا عقل خرجات كتجري كتعيط على اللي يجي يشوف. الموصيبة اللي يوقف معاها حتى صادفات الملك يور داخل وغادي لجناح لاللة روخ التدى وشافها فديك الحالة صفرا وشهقات ورقف تلفت قاليها ياك لاباس
حلات فمها بغات تهضر لاكن ماقدراتش وبالخلعة طاحت جلسات على الحيط كتحل فمها وكتحاول تنطق .. قرب منها كيشوف فيها عرف شي كترثة واقعة وقال ليها هضري شنو كاين نطقي
سمع الملك ما قالت ليه بصيرة وعاود سول كأنه مصدقش او ما مسمعش مزيان
قالت ليه بصحيح العبارة راه سبأ شنقات راسها ومشا كيجري تبعها للبيت اللي معلقة فيه ودخل بحال الموجة لقاها معلقة لاكم عند رجليها عابد هازها والعبيد كيتجاراو يقطعو الوشاح .. دخل وسطهم هزها وكيسول شنو شنو وقع شنو اللي جرا وطرا لاكن حتى واحد مالقا باش يرد عليه من العبيد .. اما عابد فكان لونو سمر غامق زراق رجع بحال الدنجالة وكيتفف ويشوف فيصيرة اللي كانت كتفتف وتعاون وبدورها شافت فيه نضرة توعد على شنو غيرقع عليه ومتأكد ليه كلامها اللي سبق .. طيحوها فوق الارض وفتح الملك يور الخيط على عنقها بسرعة على امل يلقاها حية ولقا عنقها دايز بالدم من قوة الثقل والخيط خلا اثار على اللحم .. حط يدو على عنقها كيتسنط لدقات القلب وكيقلب على الدقات فأنحاء عنقها مالقاهمش ،دخل اثنائها الحكيم كيجري خواو ليه العبيد الطريق داز بدا بالروح هي اللولة كيقلب واش طلعات ولا باقا حية وتأكد بجميع الطرق دياله وشاف فالملك اللي كان جالس جنب الكسدة على ركابيه كيتسنى يسمع خبار زوينة .. لاكن تأسف الحكيم وقاليه
اجرنا وأجرك عند الله امولاي.. البنية خرجاتها الروح
تصدم الملك يور وماتوقعش طيح البطانة فداك النهار ولول كاع كان حلم بيها فمنامه مكانش يتيق .. والنهار اللي اصلا كان غيسالي والكل غيمشي ينعس صدق النهار مسالي بأكبر كارثة اللي طاحت على راس الملك يور واثرات عليه وبقا مصدوم .. شي حاجة اللي ماقدرش يصدقها !! سبأ؟ عاد كانت فالحمام صحة سلام وعاد جبدها هوا والاصيل فجأة شنقات راسها ؟!! وعلاش؟ بقا كيفكر وحتى التعابير وردود افعالها الاخيرة راجعهم وكيجمع الاسباب لقا انه السبب فشنو وقع ليها .. بل تأكد انها ماتقبلاتش حياتها الجديدة والاحداث الاخيرة اللي وقعات ليها وتجرحات جرح كان الألم ديالو قوى من انها تصبر ليها وكان اسهل عليها تنتاحر على انها تحمل داكشي اللي حسات بيه واخا فنضره كان شي حاجة اللي ماتستاهلش نهائيا ومنها عدد اللي كان فالعمبر ورجع من الخدم وهادشي متعودين عليه وحتى الاهانات اللي كيتلقاوها تما من بعضياتهم معتادين عليها .. دور وجهه سد عينيه ماقدرش يشوف فداك الخليقة دالله اللي مشات صغيرة وتحسر على ضياعها وقاليهم يهزوها من الارض وناض خرج لبرا للجردة وجلس على واحد الحجرة كبيرة شابك يديه وحاطهم على جبتهم .
انتشر الخبر بسرعة البرق وكان صدمة للجميع .. تصدمو ناس المطبخ ومنهم يعقوب اللي بقات فيه وحتى الخدم اللي كانو كيعلموها .. وتصدمو. البنات فالعمبر وطاحو صحاباتها ومنهم متعة و سمر وبنات اخرين مصدومين كيبكيو و كايتسائلو علاش نتاحرات ؟ وشنو السبب؟ واش حيت خرجات من العمبر ؟ واش حيت رجعات من الخدم وماتقبلاتش حياتها ووضعات ليها حد ؟؟ علاش ؟؟
اما شادية وروح الندى فحانو بجوج فالجناحي الملكي دروح الندى كيقلبو على كيفاش ينفدو الخطة ديال الدفن ديالو بلا ميحس حتى دخلات عليهم عبدية حزينة على سبأ وحدرات ليها الراس قالت ليها
لاللة .. طاحت الروح هاد العشية فالقصر
تصدمات روح الندى ورقفات وكذلك شادية وسولات
روح من ؟!!
هبطات عبدية راسها بأسى وبتعابير كيعبرو على عدم الرضى والضلم والخذلان اللي حساتو من حيهة روح الندى وقالت كتشوف قدامها سبأ
وقفات روح الندى مصدومة شافت فشادية ورجعات شافت فعبيدة ومدات يدها لشادية بتتاقل قالت ليها تأكدي من الكلام اللي قلتي لي دابا ..
هبطات شادية راسها متأسفة وشافت فيده روح الندى وهزات عينها قالت كتنهد مافهمتتش علاش طلبات منها تعاود تشوف وقالت
كلشي باقي كما هوا الاللة
رمشات روح الندى بارتباك وقالت
شوفي لي المرى اللث دكرت
قربات منها عبدية كتشوف فيها بغير تصديق وقالت
كنقول ليك سبأ انتاحرات.. مشات ؟!! اش هاد القلب اللي رجع عندك لهاد الدرجة ماحركاتش فيك حتى حاجة
نترات روح الندى يدها قالت ليها هازة راسها وكتستحمع قوتها
اللي بغا يقتل ولدي ماعندو ميأثر عليا
ردت شادية قالت ليها ولاكن اللة امولاتي سبأ غير هدية ماهياش غتقتل مولاي وماطايحش الخط ديالها
شافت فيهم بجوج قالت لبهم هدية فاش بقات .. وانا اللي عارفة ماشي نتوما ..المهم دابا الله يرحمها ديرو ليها الواجب ودفنوها ونتي سيري لبيتك حتى نعيط ليك
حدرات شادية راسها خرجات وبقات غير عبدية كتشوف فروح الندى مصدومة فيها وقالت ليها
عقدات روح الندى حجبانها قالت ليها ماتهضريش معايا بهاد الطريقة .. واش نسيتي شكون انا؟
قربات منها عبدية فخيبة امل قالت ليها مانسيتش.ولاكن حتى نتي ماتنسايش شكون انا .. اما ام يور الثانية ..نتي ولدتي وانا ربيت .. وكما كنحتارمك غتحتارميني من اليوم .. ردي بالك اروح الندى عاقبتك مغدوزش على خير .. ذنب هاد البنت والدنوب اللي مزال كتجمعي غيخرجو فيك مرة وحدة جهد اللي ماتململيش من مكانك.. نخاف عليك غير تاكليها قبل ماتوبي وتوصلي مولاك شابعة دنوب..اما حتى هاد الدوريشة هادي اللي كانت كافرة راه تابت فاش حلات عينيها على الحقيقة وعرفات مولاها ..
هزات روح الندى يديها انفاجرات في حيرة وبينات حقيتها المخفية ورا ديك القوة وقالت كتمشي وتجي فبلاصتها
ردت عبدية كتوبخها اشد التوبيخ وقالت ليها ضلمتي .. ضلمتي تابعك طريق الضلمة كتقمري بارواح العباد.. هادا ماشي ذنب ماشي ضلم ماشي الحكرة؟ هااا؟ شكون قالك نتي ديك البنت هي اللي عندك فدام الخط شكون؟ قدرتي غير هاكاك وماقال ليك راسك .. ايوا نشوفو شكون الثاني هاكا غتبقاي غارقة فهاد المرض اللي تبليتي بيه حتى تحصدي رواح العباد كاملين .. ديك الطريق ماغتنفعكش.. عند بالك غتسلكي راسك بيها ونتي غير كتزيدي تغرقي باش تعرفي الشرك بالله فين كيوصل وغتبقاي مطمسة حتى يفوت الفوت ومايبقا ليك فين ترجعي .. الله يهديك هادشي ما نقول ليك
رادت عبدية خرجات وطاحت روح الندى شادة وجهها كتشوف قدامها عاد حسات بالروح اللي طاحت ديال بنادم ماشي حشرة عاد انتبهت لراسها وهي عمرها فكرات فيوم من الايام تقتل شي واحد حتى تعمات ليها البصيرة
من قوة الصدمة فضل يجلس كل واحد بوحدو ويحكي مع ضميره.. وحتى اللي نسا الموت رجع تفكرها واللي ماعارفين والو فشنو طاري هز يديه وقال ايييه عاد كانت جالسة معانا مسكينة .. وشحاال كانت زوينة مسكينة .. عاد هضرت معاها مسكينة.. بقات فيا مسكينة .
بقاو هاكاك حتى صبح الحال وصبح على روح الندى ناعسة عوجة فبلاصتها فين بقات جالسة وضميرها كيأنبها وصبح الملك يور داخل من ديك الحديقة اللي تمشاها كلها فديك الليلة بلا ميحس وهوا كيخمم لدرجة كره السلطة ومايجي منها وتمنا كن كان بحالو بحال كاع اللي قدو .. من ديما كانت شهوتو يركض فالدنيا ويجرب حياة الانسان العادية بعيدا على حياة السلاطين الناذرة.. كان كيتمنى يجرب البيع والشرا .. كان كيبغي يخالط الناس.. كان كيتمنى يزطط القوافل ويعيش متعة السفر والمغامرات .. كان كيتمنى يشوفوه الناس عادي بلا الاحترام الزايد ويعيش الحقيقة يعرف الصديق من الحبيب ..كان كيتمنى يعيش حياة صحابو ومغامراتهم وطريقة العيش العادية ويجوع ويعرف بحق النعمة ويخدم عليها ويجرب الشقاء والكفاح وويدوق حلاوة المنال وسعادتها من بعد الصبر .يعيش الشغف ومايكونش عماد الشعب والبلاد كلها ..تنهد وهوا داخل للقصر قال بينو وبين نفسه بصوت منخفض
خادم الرجال سيدهم ..وسيد الرجال خادمهم هادي هي الحقيقة
وفعلا.. واخا هوا سيد الرجال لاكن فنفس الوقت الخادم ديالهم والساهر على راحتهم وحامل همومهم دهنيا.. لاكنه بتفصيل اخر اللي كينتطابق على المثال الاصلي خادم الرجال سيدهم اللي فعلا سيدهم حيت ماهاز هم ما هاز دنب وعندو اللي سهران على حمايتو واكله وشربه ومبيته وحتى المدخل ديالو .
وهوا شارد الذهن صادف بصيرة جايا وراها الخدم مشغولين فداك الصباح ووقفات ليه حادرة راسها وقالت ليه صباح النور امولاي
رد كيشوف فيها بعيون تقيلة ويديه اللور قاليها كرمو المرموحة ..وبغيت ديرو ليها كنازة اسلامية يحس بيها القصر كامل
هبطات راسها لتنفيذ الاوامر ومشات كتجري نوضات فالخدم الريكاطا ومنعات الغنى ومنعات القرايا ومنعات كاع الانشطة فالقصر اللي خاصة بالحريم وجلساتهم النهار كامل فالعمبر والقرآن مطلوق .. والماكلة كتوجد للصدقة حتى توسطات الشمس فنص السماء وعطات حرها ومشات عبدية مريضة بجو الكنازة طلات على المرحومة لقاتهم غسلوها وكفنوها فالبيت اللي كانت كتنعس والخدم كيدورو ويجمعو حوايجها وكل ما كيتعلق بيها ..تحسرات وهي كتشوف فيها فكفن ابيض كلها مسدودة ودعات ليها بالرحمة .. دخلتت عليهم اثنائها روح الندى بلا متعلمهم كتشوف فيهم عيونها فيها الخوف وكتبلع ريقها ..حنا ليها كلشي الا عبدية اللي هزات راسها شافت فيها رقالت ليها بنفس لوامة
بعات روح الندى ريقها ويدها كتفتف ورجعات اللور خطوة مع تزدحات مع شي صور مع كلشي حدر الراس حتى للركبة وهي كتشوف فيهم ومنهم عبدية.. تلفتات وراها لقات الملك يور واقف وتجنبات للجنب ساكتة
ماهضرش معاها وكان باغي غير يودع سبأ قبل متدفن ومشا وقف جنبها عرا ليها على وجهها والقطن في فمها ابيض ونيفها ووجها ابيض وحروفها تغمقات .. بقا كيشوف فيها مطولا بأسى وسد عينيه كأنه كيتسامح معاها والندم على وجهه وروح الندى كتشوف فيه بنص عين منكاسرة الوقفة حتى غطا ليها على وجهها وامرهم يدفنوها . ويكثرو عليها الصدقات وحتى بدورها قل مينزل امر ذو الفقار يخرج قدر اعلى نسبة من الصدقة عليها لعل الله يغفر ليه وليها . خرج من البيت وخرجات موراه روح الندى مشات نيشان لطلعات لاحد الابراج اللي كيطلو على روضة القصر وبدات كتشوف فيهم مخرجينها من باب مقابل معاها اللي فجهة الحرم على كتافهم ويدعيو الله يرحمها ويوسع عليها .. وكان فهاد الاثناء الملك يور واقف وجنبو ذو الفقار متبعين الكنازة اللي دايزة قدام عينيهم غاديين بيها للروضة.. حتى فجأة بدات المرحومة كتتحرك وتتركل فوق النعش وخرجات راسها من الكفن وناضت جلسات مخرجة عينيها ساطت مخنوقة لاحت القطن اللي فمها وشافت الناس وراها وجنابها غاديين بيها كيقراو فرمشة عين وغوتات مخلوعة والقطن كيطل من نيفها وشعرها تحل كامل خلعات كاع الناس شي هرب شي. تلف شي طاح شي سخف شي كان غيسكت ليه القلب يمشي بلاصتها واللي هازينها ماعرفو شنو واقع شافو الناس هربو وسمعو الغوتة ما عرفو منين جات حتى نتابه واحد فيهم شاف يدها طلات عليه وهي كطلب شادة الكفن عليها مخبية فيه وغوت حتى سخف طاح فالاوض وطاح كت فوقو بالنعش ديالها طيحات كاع اللي مانو هازينها هربو بالخلعة وخلاوها بوحدها كتشوف فكلشي هربان وفراسها ملابسة والو غير المفن ملوي .. تصدم كولشي وذو الفقار كيردد بسم الله الرحمان الرحيم ..اما الملك مافهم اش واقع شاف كولشي كيهرب شي غادي لهاد الجهة شي هارب لديك الجهة. خلاوها بوحدها ومشا كيجري عندها وذو الفقار والحرس والخدم تابعينو
روح الندى من قوة الصدمة والعجب اللي شافت رجعات باللور مخلوعة والدروج وراها فالبرج نساتهم وطاحت تركبات جات هي فجهة والتاج فجهة والبلغة فجهة ووصيفاتها كيتجاراو وهي عينيها مخلوعين الصورة دسبأ قدام عينيها وراسها مقلوب ماقدراتش تحرك يابسة وهازة واحد اليد تا قالت صافي الموت هادي لكن حتى هي طلعات بسبع رواح هزوها هبطوها مرابعة كيجيرو بيها لجناحها ومشاو كيجريو عند السلطان اللي مزال مصدوم فالميت اللي رجع حيا قدامو والطبة دايرين بيه حيدو ليها القطن من نيفها وهي جالسة مكمشة فالكفن مخلوعة تقول رجعات من الغيبوبة
سدات عينيها سخفانة لاكن ماقدراتش تسكت قالت ليه اشنو وقع ؟؟ الميت ناض ولا شنو
تنهد قاليها ماماتش دقات القلب سكتات فديك الوقيتة اللي شافها الحكيم ومن بعد رجعات وبقات غايبة حتى فاقت فوق النعش.. سبحان الله كتاب ليها عمر جديد
شهقات روح الندى قالت ليه انا اللي غنموت
باس يدها وطبطب عليها قاليها الله يطول عمرك وعطي الراحة راسك شوية
حركات ليه راسهت بالايجاب ويالاه بغات تسد عينيهت وناض هوا وقف دخل عابد كيجري هاز فيدو مرسول قاليها لاللة جاك مرسول من قصر الحمرا
تلفت السلطان شاف فيه باستغراب قاليه من قصر الحمرا وشاف فروح الندى لقاها صفرا مابقا عارف صفورية الخلعة من داكشي اللي وقع ولا من الطيحة اللي طاحت .. قالت لعابد بالزربة عطيني المرسول غيكون من عند لاللة شهرزاد بحال العادة
رجع السلطان كمل طريقو مشا وشدات المرسول قراتو وشافت فعبدية اللي حاطة يد على يد واقفة رقالت ليها شنو بغا مني هادا عاوتاني قالي خصو ضاروري نتلقاها هاد النهار حدا الواد المنحوس ؟!! شنو اللي ضاروري عاوتاني ؟
دورات عبدية راسها كتسوط قالت ليها حمدي الله بعدا وشكريه اللي البنت كتاب ليها عمر جديد اما كن راه ذنبها على رقبتك ليوم الدين
عبسات روخ الندى قالت ليها جيبي ليا ورقة ونرد عليه
مدات ليها عبدية شنو بغات كتبات ليه مرسول باش مايتأملش يتلاقا بيها ولا يعاود يفكر يتلاقاها ورسلاتو ليه وحطات يدها على جبهتها كترتاح حتى داها النعاس ونعسات النهار كامل حتى قالو ماتت لاكن فالخقيقة ردات عذاب الليلة الفايتة حتى ماعقلاتش على راسها لولا عبدية اللي دخلات فيقاتها ووقفات حاطة يد على يد قالت ليها كتنهد
جاو عندك الضياف .. قالو بلا ميعديوك حتى للواد
شافت فيها روح الندى وهي كتحرك يدها بزز وعنقها محطوط بحال الترابي وقالت ليها مخلوعة شكون؟
حطات عبدية يد على يد قالت ليها الاصيل بشحمه ولحمه ..وراه مع السلطان فقاعة الصيافة وجبدو الهضرة عليك قاليه طاحت من الدروج ..ودابا راه جاي يطمن عليك ففراشك ايوا كي جاتك هادي؟
شهقات روخ الندى حتى بغات تهضر وتحل الباب دخل وفالبلاصة حدرات ليه عبدية الراس خرجات من حداه خلاتو معاها داخل كيشوف فيها مكسلة وهي متبعاه بعينها وقال كيضحك
تلفت الاصيل هز راسو نفخ حتى تفش وقال ليها باغي القرب الاللة .. لبارح جا عندي باغي يتناسب معايا ولمح ليا على جويريا
دارت يديها على حناكها قالت ليه. اوييلي على باغي يتناسب معاك ومالقا معامن ؟!!!
هز حاجبو قاليها ااه الاللة الى نتي كتشوفيني لتحت ولدي كيشوفني قدوة ليه … ولدي اللي غبرتيه على وجه الارض وكبرتيه مكيعرفش باه الخايب اللي نتي كيبان ليك مكيسواش كيحساب ليك حتى ولدي غيكون بحالك.. طلع كيشوفني مثله الاعلى .. ماشي نتي اللي مثله الاعلى والقدوة ديالو وكيسعى للقرب وبغا يتزوج لاسباب سياسيةًويعلم الله واش بيناتهم شي حاجة
ضربات راسها وناضت من الفراش وقفات حتى كانت غطيح وشدات فيه كلاها بيدو ردها لناموسيتها وقالت ليه
بيناتهم؟!!! اش بيناتهم؟!! ودمك بارد تقول ماشي ولدك ؟!! عاجبك الحال اويلي شهاد الموصيبة شهاد الكارثة
دار يديه عاى جنابو كيشتت النضر في حيرة وقال ليها المشكلة جويريا مهتمة ومعجبة بيه .. شوفاتها ليه فاش جا اخر مرة ماشي عادية .. والى كانت وقعات بيناتهم شي حاجة فالسر راه غتكون كارثة عليا وعليك وعليهم وصافي الله يرحمنا جميعا .
شدات وجهها بين يديها مصدومة وناضت كتجر ققفطانها المحلول وتزطم فيه حتهضر بوحدها وشعرها الملوي كيتحل ورا ضهرها وجلس هوا بلاصتها تكا على ركابيه مهبط راسه كيفكر فصمت وكيسمع ليها كتقول مع راسها
ميمكنش !!! اش داه ليها وفين وامتى ؟ اويلي!! فهاد العالم كله مابانت ليه غير جويرية ؟!! يتزوج ؟! يتزوج كاع فكر فالزواج هوا كاع
تلفت شاف فيها قالها الحريرة ماشي فهادشي.. عادي يفكر يتزوج راه الزواج ويبغي يتناسب معايا راه كيشوف فهاد الزواج بزاف ديال المصالح .. اللي غينفعو البلاد وينفعوه هوا مع باقي البلدان لاخرى.. ونتي شخصيا حاشة السامعين عارفة شنو كيعني الزواج بالنسبة لملك وسلطان ولا حاكم وخليفة ودي عينك على كاع السلاطين شوفي زوجاتهم شكون هما غتفهمي علاش .. فالحياة العادية هادشي طبيعي وعادي وكايشوفوًفيه منفعة كبيرة
هزات يدها كتفكر بتوثر وقالت ليه
عطا الله الحريم اشكال وانواع عندو فالعمبر مالو طار للزواج
قالت ليه عرفتي شنو غندير .. غادي نزوجو شي وحدة من العمبر ونسد ليه على صبعو
وقف كيضحك ويسرح عينيه قاليها اش داك لشي عرش وشي مشاكل ونتي مقادرا حتى تفهمي حياة السلاطين علاش دايرة .. يتزوج بوحدة اللي اصلا هي ملكو ..جارية عندو مزوج بيها بلا فاتحة !! بحال الى غنعاود نتزوج انا بشهرزاد وفهامة عندك ..الاللة راه ملك كيختم على مرى حرة .. اميرةولا ملكة سلطانة بنت خليفة بنات صحاب التاج اللي ميمكن تكون جارية كيستولى عليها بسهولة وفنفس الوقت تكون بنت سلطان عضيم باش يزيد بالبلاد القدام ..اما جارية علاش غيتزوجها ؟! اش ناقصو معاها باش يتزوجها
بقات ساهية كتشوف فيه وقربات منو خزرات فيه مزيان وقالت
بقا غير كيشوف فيها وقال ليها والدنيا هانيا عندك يتزوج ختو واخا ماشي بنتك ؟
هزات كتفها عطاتو بالضهر قالت ليه ونتا علاش ما درتيش الحد لهادشي علاش ماقلتيش ليه مخطوبة ولا شفت ليه شي تسييقة من ذكائك المبهر ولا كتخدمو غير فاش كترشق ليك
مشا جهة الباب بغا يخرج وقاليها
شوفي ليك شي حل لحريرتك انا مبري منك
خرج وخلاها جالسة كدور تالفة على بلاصتها كتمشي وتجي وتخمم ..كانت فهاد الاثناء بصيرة وعبدية بنفسها جنب سبأ اللي رجعات من الموت لاكن ماشي طبيعية ومزالة مصدومة جالسة فوق سريرها الصغير ف بيتها الصغير وجنبها عبدية وبصيرة كيداويو ليها يدها المحروقة وعنقها المجروح من بعد ما حيدو عليها الكفن اللي بقا تأثره على نفسيتها كبير ولبسوها قفطان خفيف لون سماوي مايل للخضر "فاختي"
مسحات عبدية على يدها اللي عليها حرقة وقالت كطيب جروحها
ها الحمامة ديالنا رجعات .. وربي بغاها وزادها فالعمر .. ايووا وغادي .. الحمد لله يا بنتي على سلامتك .. رجعتي منورة تبارك الله بحال العروسة وكتاب ليك الله حياة جديدة .. غادي تبراي وترجعي حساااان كاع من اللول.
ضحكات بصيرة وهي كدفر ليها شعرها قالت ليها باش تعرفي راسك عزيزة وغالية.. هانتي حضرتي لكنازتك كاع وشفتي شحال ديال الناس بكاو عليك..وفرحو فاش رجعتي بالسلامة.. وصحاباتك كاملات كيسولو عليك وباغين غير فوقاش يشوفوك .
طاحت واحد الدمعة من عينها مسحاتها بيدها وقالت ليهم
الله ياخد فيهم الحق
ردات عليها عبدية قاليها لااا وعلااش ابنتي ..كلهم حزنو عليك وبقينتي فيهم ومابغاوش ليك هادشي… نتي بنية مزيانة وداخلة سوق راسك وقارية وفاهمة .. ومشيتي بغيتي تقتلي راسك..بغيتي تمشي حهنم نيشان
طلات عليها بصيرة شادة فدفرتها وقالت ليها وعلااش ؟؟ كنتي غتمشي لا دنيا لا اخرة بسبب الخلق وتخسري توابك مع الله ..
قالت ليهم قاطعة البكية فيها عمرني نسمح ليهم .. كن قتلوني مع عائلتي احسن ليا
قالت ليها عبدية ايوا حمدي الله اللي ماقتلوش ودخلتي للاسلام ديالنا .. وغادي تمشي للجنة .. كن قتلوك فالحرب كن مشيتي جهنم .. ربي دار ليك السبب ابنتي
ردات عليها بصيرة قالت ليها والحرب لا مفر منها.. يا قاتل يا مقتول وحنا عائلتك الثانية وحضناك
وراتها سبأ يدها قالت ليه حضنتوني
تنهدو عليها كيشوفو فيها وقالت ليهم الاسلام كيقول ليكم هادشي؟؟ نتوما مسلمين؟
شدات ليها عبدية يدها كتمسح عليها قالت ليها ربي خلق وفرق.. والاسلام كينهي على هاد المنكر ..ولاكن بني ادم عندو ثلاتة دالنفوس.. مرة تلقايه كيعصى الله ..مرى كيبكي وندمان ..مرى راضي وفرحان .. ايوا هادا اختبار وصافي الله يهدي ماخلق.. دعي الله يصلح احوالك ويفك رقبتك
هزات يدها بحرقة قالت ياربي كما فكيتي سيدنا يونس من بطن الحوت فكني من هاد القيود ومن هاد العيشة وخرجني للضو وطيب خاطري يا ربي
حنات راسها على ركابيها كتبكي وهما غير كيشوفو فيها .. دخلو ليها الخدم تاكل وحتى هما جاهم فضول يشوفوها وخطو الماكلة وعينيهم كيدورو وخرجو .. تبعاتهم بصيرة خلات معاها عبدية ورجعات للعمبر تشوف اش واقع فيه ودخلات لقاتهم حاميينهت للهضرة وغير شافوها ناضو وقفو كلهم تجمعو عليها واول وخدة سولات هي متعة .. قالت ليها واش بصح داكشي اللي سمعنا على سبأ واش بصح مزالة حية ماماتتش؟
ضحكات بصيرة قالت ليهم كتاب ليها عمر جديد.. وبحال والو ترجع عندكم للعمبر نقزات سمر قالت ليها بصح؟؟ واش بصح ماماتش ؟؟ بصح باقا حية
فرحو البنات كلهم وتصدمو من هاد المعجزة واخا حتى بحر ماصافي بلار وكان فالعمبر الزوين والخايب ..الحنين والرحيم والحاقد والخبيث ..تشفاو شوية وفرقات ليهم بصيرة المجمع سيفطات نصهم للموسيقا ونصهم للمنسج. والنص لاخر للجردة .
اما السطان ولد السلطان مللي ودع باه اللي مزال ماعرفوش مشا صلى ليه العصر وجلس فالشرفة لابس واحد الفوقية الكول ديالها مدور على العنق بالسيفة وفقه جوج عقدات فالجنب ومربع رجليه بقا كيحفض شوية حتى اذن المغرب ودخل ذو الفقار سولو فين يبغي يتعشا وهز راسو س المصحف وتلفت ليه والشمس كتغيب قدامو فمنضر رائع وقاليه جيب ليا سبأ وقت العشا لهنا
حذر ذو الفقار راسو وخرج وناض السلطان حط المصحف ومشا يصلي المغرب
بسطات ليه الامور وقالت ليه حيت سبأ كان صعيب عليها تعيش مع ذكريات كحلة دازت عليها .. داكشي علاش شنقات راسها وماتت ..لاكن يمامة قادرة تعيش ..تماما بحال اليمامة ..لا ذكرة تقل على جناحها ولا جروح يقطعو فيها النفس ..باش تبقا الحمامة محلقة فالسما خاصها تكون خاليا من جميع السليبات .. باش ماطيحش شي نهار امولاي
تنهدات ساكتة مطولا ساهية وقالت ليه انا كنعرف واحد الادبي ..علمني الشعر وعلمني المفردات وكان كيلمح ليا على زواج .. الى تزوجت بيه غادي يعاوني نشهر الشعر ديالي وحقق هاد الحلم .. وحتى انا رتاحيت لهاد السيد وبغيت نبدا معاه الى سمحتي ليا وعذرني على صراحتي..
بقا ساكت زاد جبد حجبانو من الاطراف وباين عليه عدم الراحة والشرود والتفكير وقاليها حاسة براسك غترتاحي مع هاد السيد اكثر من القصر
تبسمات قالت ليه انا بلعكس امولاي انا كنت مرتاحة هنت فالقصر.. درت صحابات ودرت بلاصتي ولاكن كنشوف راسي ماشي بنت العمبر ..ولا المطبخ .. ولا حتى حاجة من هادشي.. انا كنشوف راسي فبيت شاعر بحال ابيات الشعر
هز يدو تنهد قاليها واخا لاللة ..والى بغيتك تبقا هنا فالقصر.. وتبقاي كما نتي.. وتاخدي راتب على الاشعار ديالك وتنساي بيت الشاعر والشاعر ..ًتقبلي
تلفت وراه عيط على ذو الفقار دخل حنا ليه الراس وشار بيدو جهتها قاليه عطي ليمامة ثلاثين دابة من ملكي الخاص هدية ليها
قال ليه ذو الفقار خرفان ولا جمال امولاي؟
سبقات السلطان وقالت ليه طبعا جمال واش مولاي غيهديني الخرفان ؟!!
بقا السطان غير كيشوف فيها وقال لذو الفقار واش كان ضروري تسول ..انا كنت كنقصد خرفان ودابا واجب عليك تعطيها الجمال
تلفتات يمامة شافت فيهم كيضهرو بيناتهم وهي كتخوي اتاي .. مشا ذو الفقار ورجع السلطان للجلسة ديالو قاليها كنتمنى تبقاي على خاطرك ..تبسمات قالت ليه هادشي من السخاء ديالك
امولاي
رجعات رشقات ليه من جديد وقاليها غنكون سخي معاك اكثر وغنهديك فرس.. غدا خرجي للاسطبل وختاريها بنفسك
ذو التيجان الجزء الخامس
محتوى القصة
ابتسم وقال ..مرحبا بيك
حدرات الراس لزمت الصمت وتراجعات اللور ستأذنات وخرجات من جناحو وهزات راسها كتنفس ويدها على صدرها كانت غتسخف وهي تحت الضغط قدامو .. بلعات ريقها وماعرفاتش فين تمشي حتى لمحها ذو الفقار ومشا وقف عليها وقال
اشنو كديري هنا بوحدك ؟
سرحات عينو فملامح وجهها بلا ميشعر واخا عارف داكشي لا يجوز لاكن الفتنة قدام عينيه وبيناتهم خيط رقيق ..دور وجهه كيرمش وقال شاير بيدو قدامو
كنضن باللي كبرتي فدار الشرفة وعارفة القواعد .. مانحتاج نشرح ليك ونقول ليك شنو الصح وشنو الصواب.. تفضلي معايا
حركات ليه راسها ومشات قدامو بحال النسمة والعبيد كيدوزو حداها ويتبسمو ليها .. شكون اللي مكيعشق الزين .. شكون اللي مايقدر يخضر عينيو وهي فتيلة وغادية حتى وصلها لجناح لحريم وعيط على بصيرة حضرات فالحين قدامو ..تلفتات شافت فيها وابتسمت فوجهه هاد الجمال وقالت
شكون هاد الآية
جرها من يدها بعدها شوية وقال
هاد الآية هدية الملك الآصيل وهي مميزة وتعلمات على يدو ..مغتحتاجيش تعلميها تقدري نتي تعلمي منها .. ردي ليها البال وراقبيها عنداك توقع ليها شي حاجة فجحر الافاعي ديالكم ..
ضارت بصيرة شافت فيها وقالت
كن هاني.. مللي قلتي مميزة غادي نخليوها مميزة
رجعات بابتسامة هزات راسها وقالت
مرحبا بيك.. مرحبا بيك فجنة العمبر ..تفضلي
شارت ليها بصيرة بيدها لابواب العمبر كبيرة اللي تحلو فوجهها وهي هازة عينيها كتشوف فالابواب العملاقة وسرحات عينيها فروعة المكان المليئ بالبنات والزين كيطرطق لداخل شكال والوان من جميع الاجناس..
تقدمات هازة راسها كتشوف فيهم وهما كينوضو ويتلفتو والهضرة كتقل بيناتهم حتى عم الصمت وتوجهات ليها الاعين كتراقبها وتراقب كل تفصيلة فيها وهي داخلة كتقراب بدورها المكان والوانه الزاهية كأنها فجنة نسائية وكتشوف فالاسرة والبنات وكل سرير على راسو اسم مولاتو .. داتها بصيرة لاخر سرير جا فالقنت فراس العنبر كان فارغ وحداه جدار من الخشب المنقوش ومجر صغير من الخشب وقالت
هادا مكانك ..اشنو سماك الله الغزالة
تلفتات شافت فيها كترمش بهدوء وقالت
سبأ
مدات بصيرة يدها بتبسيمة وقالت بصوت مرتفع
هادي اختكم سبأ.. حتى هي هدية لمولاي وصلات ليوم .. بادرو بالخير البنات ورحبو بيها
ناضو البنات بحال العادة كيتقدمو ويسلمو عليها وكيرحبو بيها بحال اللي كيرحبو بأي بنت جديدة دخلات عليهم للعمبر واخا راه كترو عليهم الهديات ودخلو عليهم بنات عربيات وشينويات .. كاينة اللي تقبلات سبأ ودازت وكاينة اللي غارت وحسدات داك الزين المميز وغارت .
جلسات جنب سريرها كتشوف فيهم ودارو بيها بعض البنات كيضحكو جلسو جنبها وقالت وحدة سمراء بحال القمرة
انا سهر من قرطاج
ردت البيضا وقالت
انا جنة من وغير من هنا
تكلمات وخدة اخرى وقالت
انا سميتي مُتعة رسلني امير بغداد
ابتسمت سبأ وقالت باسغراب متعة ؟!!
ابتسمت سمر وقالت : اه سماها مولاي متعة حيت كتعرف تشطح وتعاود النكات ..وكضحك
رجعات بصيرة قاطعاتهم وقالت
سمر.. يالاه
ناضت سمر ومشات مع بنات اخرين داتهم معاها بصيرة وبقات سبأ جالسة وتلفتات عند متعة وقالت
كيفاش كتعيشو هنا فالقصر؟
تنهدات متعة وقالت : بحال الاحلام .. احسن بزاف من قصر بغداد.. هنا كنقراو ..كنتعلمو .. كنلعبو .. وكنخرجو للنزاهة فغابة القصر وكنهبطو للواد الذهبي .. كيعطيونا الهادايا وكنتعاونو. فكلشي.. وديما سهرانين وناشطين .. غيعجبك الحال
ردت سبأ وقالت: وهادشي مكتملوش منو؟؟ ماعندكمش شي خدمة تزاولوها
ضحكات بنت اخرى اسمها شهد وقالت
شنو غنخدمو .. اصلا مكاينش الوقت باش نملو .. ديما الجديد ونتي شنو كنتي كديري من قبل؟
ردن سبأ وقالت:انا كبرت فدار الشرفة وكنت كنقرا .. وكنكتب وكنربي الغزال
حلات سمر عينيها وقالت : كتربي الغزال؟
ردت سبأ وقالت: اه كنربي الغزال..كان عندي الغزال فالقصر كنت كنربيه ..وكنقول ليه الشعر
ضحكات شهد وقالت
حنا عندنا غير غزال واحد فالقصر
بداو كيضحكو وضحكوها حتى هي ودوزو الوقت فتقرقيب الناب حتى رجعات ليهم بصيرة ودخلت كدق الجرس هي والخدم
شافتهم سبأ ناضو فصف واحد تقادو ولبسو حوايجهم وبداو خارجين مثنى مثنى وهي جالسة مافاهمة اش كيوقع
مشات عندها بصيرة عطاتها توب خفيف بحال اللي لابسين البنات مفتوح من الجناب حتى للركبة ويديه مجموعين من الكمام وفيه فتحة من الكتف حتى للكم والدراع كيبان .. لبساتو ولبساتو البلغة وتبعات بصيرة داتها للحديقة الخاصة بالملك وتما لقات البنات منتاشرين بحال الحمام فديك الحديقة الكبيرة .. ها اللي كتسقي الورد وها اللي كتنقي الاوراق اليابسة وها اللي كتنضف بالممسحة العروش وها اللي كترشو بالماء لحلو
لوحة فنية اكثر من رائعة .. ابتسمت سبأ عجبها الجو والبرودة ديال العشية ومشات بين البنات هزات منشفة وبدات كتمسح الاوراق من الغبار والبنات كيغنيو وبسرعة انسجمت ودارت صحابات وبداو كيرشو بعضياتهم بالماء وصوت القهقهة كيطلع حتى وصل لأذن الملك يور اللي كان دايز كيهضر هوا وذو الفقاو فديك العشية فملابس مريحة عبارة سروال خفيف وسترة وبلغة صفرا .. تلفت لمح البنات وسط الحديقة وخرج من بين الاصوار كيتمشى ووقف كيتفرج فيهم بابتسامة وهما كيلعبو ن
نزلات لاللة روح الندى فديك الاثناء لقاتو واقف بوحدو كيتأمل فالبنات وبدات حتى هي كتشوف فيهم وتلفتات للجنب قالت لعبدية
فين هي هدية الاصيل ؟
شارت عبدية بعينها وقالت الزوينة فيهم الاللة هي هديته
ردت لاللة روح الندى وقالت: هضري وقولي بلا ماتزيدي من راسك
ضارت فهاد الاثناء سبأ بشعرها وحوايجها مرشوشين بالماء وقالت عبدية
هاهي الاللة .. غزالة فتانة
مولات الشعر القهوي الطويل..
شافتها روح الندى وقالت
جيبيها ليا لجناحي
رجعات روح الندى لحناحها ومشات عبدية عند بصيرة هضرات ليها فودنها ومشات بصيرة للجردة سلات من بين البنات سبأ وطلعاتها لجناح لاللة روخ الندى اللي كانت جالسة دايرة رجل على رجل كتسنا ..دخلات سبأ وحدرات الراس ..شارت روخ الندى بعينها لكلشي خرج وهزات راسها فسبأ وقالت
قربي لعندي
قربات سبأ حاذرة راسها حشمانة منها وروح الندى كتشوف فيها وقالت
بحال الى سبق لي شفتك .. واش فايت شفتك؟
ردت سبأ وقالت
انا اول مرة نتشرف بشوفتك الاللة مولاتي ..
تنهدات روح الندى وقالت مع راسها يمكن تشابهو ليها قوة البنات حتى ولات كدوخ ..
روح الندى: رسلك الاصيل ياك؟
حركات راسها وقالت
اه الاللة امولاتي
قالت روح الندى:منين نتي ؟ وشنو قصتك وكيفاش رسلك الاصيل
حكاات ليها سبأ على قصتها كما عاشتها من غير المجية ديالها للقصر هادي ثلت سنين ..سالات كلامها ورفعات روح الندى راسها وامرتها تمشي وجات بلاصتها عبدية حادرة الراس
هزات روح الندى حاجبها وقالت
جمعي ليها رزمتها . ورجعوها للاصيل ليوم قبل غدا
حدرات عبدية راسها ومشات علمات بصيرة اللي دخلات للعمبر فغياب الجميع وجمعات لسبأ حوايجها فرزمة ومشات جابتها من الجردة ودخلاتها للعمبر وقالت
غادي ترجع للقصر منين جيتي
تصدمات سبأ ورجع وجهها احمر وشدات رزمتها وقطعات فيها النفس وحركات راسها بالايجاب وتبعات بصيرة خرجاتها من باب الخدم فوق الخيل مرافقة بالعبيد ..شافهم ذو الفقار كيتخلتلو ومشا حصل بصيرة قطي وقال
شنو كديري ؟ شنو كتخططي
تخلعات بصيرة وقالت
اموامر لاللة مولاتي.. هي امرات نرجعو الهدية الحية للملك
زفر ذو الفقار من مناخرو وقال
واش عارفة اشنو كديري ؟؟ واش عارفة شنو هي تردي لهدية لحاكم واش باغيين تخليوها حرب ..
نتر ديها بغضب ومشا كيجري لمكان خاص فين كيجلس فيه الملك يور وكيصارب السهام ديالو وخدر راسو كينهج وقال
مولاي.. لاللة مولاتي امرات يرجعو الجارية اللي هداك الملك محمد اصيل ..وخرجوها من القصر هاد العشية
وقف فالبلاصة خرج عينيه وقال
غطير تلحق عليها وتردها لهنا .. مننوع توصل لقصر الملك محمد اصيل .. تحرك
مشا طو الفقار كيجري وينعل ويسب فبصيرة اللي دارت شغل يديها بلا متعلمو وكيتحلف عليها وركب الخيل تبع الهدية في حين زير الملك على يدو بنفاد الصبر ساد عينيه وطلع لجناح الملكة دخل عليها خلعها وقال والهضرة معكسة فحلقو مابغاتش تخرج وهوا مزير على عينيه
كتحكي نحاسي.. كتحكي نحاسي وانا كنحاول نرضيك ونتي كتزيدي توسخي الجو بينياتا.. اش داك لهدية الملك اصيل حتى ترديها ليه؟؟ اش بينك وبينو خلاك تكرهيه وتحقديه عليه
دورات وجهها وقالت
كيفاش كتقبل هدية منو ماخفتيش يكون كيضمر ليك على الغدر وسيفط ليك هاد الجارية توصل ليه الخبار
تنهد بتعب وملل وقال
نتي عارفاااني كي داير وعارفاني ماتخفا عليا خفية وكيفاش نعرف العدو من الصديق وهاد الجارية اسهل ما يمكن ليك تتصوري شنو فعقلها .. علاش كديري هادشي والله مافهمت جهد الله غلاب هادشي اللي غنقول ليك
خرج خلاها كتسوط ومشا كينفخ نزل كيتسنا ذو الفقار يوصل ومل شوية كيهز عينيه فالسما يعرف الوقت حتى وصل ذو الفقار مع مغيب الشمس وجا كيجري حنا ليه الراس ..شافو الملك جاي بوحدو وقال
فين هي الجارية اللي مشيتي تجيب؟!
قال ذو الفقار وعينيه كيدورو مخلوع
مشيت نجيبها امولاي ووقفتهم فالطريق جنب الواد .. وهما فالفلوكة غيقطعو بيها العبيد..جريتها نخرجها من الفلوكة ومابغاتش ..قلت ليها جلالة الملك اللي رسلني نردك ..ووقالت لي .. قالت لي..
عقد الملك حجبانو قاليه بغضب شنو قالتك ليك نطق
حشم ذو الفقار يكمل وقال فخجل
قالت ليا ..قول للملك ديالك بزااف عليك بنات القصر .. يا السارح فالسواق يا قليل للاصل
هز الملك راسو احمر وتزير وكان غيطرطق من غيضه وبلع ريقه بحال الى كيبلع الشوك وقال
فين هي هاد سليطت اللسان فييين؟
بلع ذو الفقار ريقه وقال
عضاتني من يدي امولاي ورمات راسها فالواد.. هي كتعرف تعوم وحتى واحد فينا مكيعرف.. هربات وو..
زفر الملك من عضبه وعيا يصبر وقال
وشنو؟
بلع طو الفقار ريقه وقال
ضارت عندنا وهي فالماء وبزقات علينا الماء اللي فمها
سد الملك عينيه وضار عطاه بالضهر وجمع القبضة ديدو حتى زيرها وضرب واحد الحيط وتلفت والنار كتشرشر من عينيه وقال
حيد من قدامي
هرب ذو الفقار بحلدو وبقا الملك كيسوط ويشوف قدامو والمعيورة كدور ليه فودانو ومشا ركب الخيل ديالو وشد الطريق لقصر الملك محمد اصيل ..استقبلوه بحال العادة وتفاجأ الاصيل بهاد الزيارة وخرج عنده رحب بيه بصدر رحب وقال
اش هاد المفاجأة هادي مانويتش تجي عندي برجلك فهاد الوقت
حرك الملك يور راسو وقال بابتسامة كيتنهد.. جيت نرد الهدية اللي رسلتي ليا ..
استغرب الاصيل وقال :اشمن هدية ؟ !!
استغرب يور وقال
الجارية !! ماجاتش عندك؟
زاد استغراب الملك وقال
ماعندي حتى خبار ؟؟!
عيط على حكيم ورسله يتفقد احوال الحرم ورجع عندو بنفس الرد وقال
ماجاتش امولاي وحتى الحراس متأكدين وحاسبين اللي خرج واللي دخل
تلفت ااصيل عند يور وقال
شنو اللي وقع ؟ فين سبأ؟
حشم الملك يور مالقا باش يجاوب وقاليه
يمكن ولفات عندكم هنا وخرجات بغات ترجع ..ولاكن فين غتكون دابا هادا هوا المشكل
مسح الاصيل على لحيتو وبسرعة امر حكيم يخرج الجنود ونتاشرو فغرناطة كلها يقلبو عليها وقال
الى مارجعاتش للقصر فين غتمشي؟؟ ماعندهاش فين تمشي وجلدها رهيف ميصبرش لقصوحية الارض
تأسف الملك يور وقال
غنرجع لقرطبة ونرسل الجنود يقلبو عليها .. كنتمنى تكون هاد الخبار خفيفة وماتقلقش راحتك
تبسم الاصيل وخط يدو على دراعه وقال
تكون غير نتا بيخير هادا هوا كلشي.. تصبح على خير
تبسم يور وقال
ونتا من أهله ..
خرج من القصر على الخيل وبقا الاصيل كيدور فعينيه وقال
مايكونو غير فعايلك اروح الندى ..هه وهل تخفا خفية ولا دوزيها عليا ..هججتي البنية ودرتي اللي بغيتي
رجع للقصر دخل وكمل يور فطريقو وعقله حاير فين تكون مشات ؟ فين عندها ماتمشي هاد سليطت اللسان .. غتصبح كتباع فالسواق هادي مافيهاش شك
صبح الصباح وصبح البراح كيبرح فالمدينة وسط الزناقي والدروب والاسواق والحوانت
اللي شاف حمامة ممشوقة القد والقامة .. زينة مسرارة مقطرة فعنقها شامة ..مابيضا ماسمرا مكتشقى على يتاما ..حرة غرة بنت القصر كابرة فالشان والهمة ..لعيون سحابة والرموش غابة يتيهو فيها الحطابة …. ترهق العاشق اللي على العشق خطى باب التوبة .. شعرها ترابي كيتراقص بحال النار الى علات .. هادي مطلوبة سالمة غانمة واللي سلمها للقصر يطلب ويتمنى ..وفالحين يبلغ المقصود وبمراده يتهنى ..
وحتى الفقهى دالمساجد صبحو كينشروفااخبر من بعد الصلاة وشنعات الخبار على الفام ففرناطة وقرطبة وكلشي كيسمع وغير من الرصف حل فمو مبهور .. شكون هاد اليمامة ممشوقة القد والقامة ؟ اللي مابحالها حد ماقدها قد؟ اما النخاسين بياعين الحريم .. لقاوها وجيبة وشكو فجنابهم ..اللي عندو شي جارية كيجري بيها للقصر ويعرضها قدام الملك يور ولا قدام الملك الاصيل فقصره .. جابو نشا اشكال انواع ولا وحدة كتشبه ليها ولا وحدة قريبة ليها.. ضل البراح كيبرح النهار كامل غادي جاي وداز جمب واحد الدار من الديور اللي وسط السوق وغير هوا داز طلات من موراه مور الحيط القطرة الحاصلة فالسما وعلى وجهها لتامها ومخبية فملحفها .. سمعاتو كيبرح وعرفاتو كيقصدها ..خافت على راسها ويتكشف سرها ويشدوها ويديوها للقصر وهي اصلا كحلاتها مع الملك ..وبلا شك غادي يقطع ليها راسها على سليط لسانها .
رجعات اللور كدور عينيها مخلوعة حتى داز فيها نخاس من النخاسين طيحها حتى غوتات شادة جنبها وطاح اللثام على وجهها عنقها وبان شعرها وشهقات كتتألم من جهد الطيحة .. اما النخاس اللي بحال الغول غير شافها قرا الوصف عليها وساحت ريوكو عرفها هي ومكاينش من غيرها ونقز عليها بغا يشدها ..طارت عليه عضاتو حتى كانت غطير ليه صبعو وهربات كتتخبى فملحفتها وهوا تابعها كيجري ويغوت
هاهي..هاااي شدوها ..شدوها
تخلعات وعينيها خرجو وكلشي ناض من بلاصتو خلا خضرتو وتبعها وهي كتجري وتقول ماجريت ..تالفة بين الزناقي الديقة حتى بغات تسخف مابقات عارفة فين كتزطم ولا واش راها طالعة ولا هابطة حتى لقات راسها فوق سطح والارض لتحت وتقل عليها الجهد باش كانت كتجري وعيات طير بيديها فالسما باش تشد راسها لاكن هبطات على راسها وجات فوق واحد الكروسة واقفة عامرة تبن مشتت جارها حمار وغابت ..
غير طاحت تمات هبيلة الهبيلات جايا هازة سلة فيه التبن كتنكر وتهرنط بحال عادتها فقفطانها الكحل وحزامها لقدام وكلها معبرة والعسك على راسها كحلة خوات السلة بلا متشوف فين كتخويها وعمرات الكروسة بالتبن هز ورمي وطلعات فوق الحمار قالت ليه
تا زييد .. زييد اوجه النحس يالاه نطركو نلحكو للدار ..كوراه بنت الحرام كلات وخلاتنا بي جوعنا بحال ديما.. هي تبرك في الخيمة تكدب على الناس وانا نضل دايعة نجمع في التبن للزريبة ونتسارا في الاسواق
مشات كتنكر جالسة جنب وطيش برجليها المشكين والصندالة مقطعة وتنكر وغادية شادة عصا فيدها حتى خرج فيها النخاس سخفان كينهج وقال
ماشفتيش واحد البلارة تالفة ماعندها والي ولا تالي
عمشات قنات حجبانها وفمها وقالت ليه
هها؟؟ بلارة ماعندها والي ولا تالي؟ هاد الساعة شفت غا الغبار وتمارة الكحلة اسيدي..
لحقو عليه الرجال كيجريو قالو ليها راه دازت من هنا واش مابانت ليك شي بنت هاربة خيفانة
حلات عينيها قالت ليهم بي لعمى ماشفت شي بنت هاربة تالفة ..غا توما اللي شفتكم تالفين موضرين
خلاوها وزادو كيجريو وهي جالسة على الحمار متبعة ليهم العين حتى فاتو وضربات الحمار قالت ليهتا زيد .. تازيد شحال فك ديال التحنزيز اناري
كملات طريقها كتهضر بوحدها غادية بين ديور التراب الفقيرة ودخلات بالحمار لدار كتبان عندها حيط وباب من القدام لاكن من لداخل ماعندهاش سقف لوسط الدار وفيها بيت كبير بوحدو الللي مغطي وعندو خامية فالباب.. جنيات الحمار للجنب حطاتو بلاصتو وبدات تعيط
شادية ..وا شاااادية .. واتي فينك راني جبت التبن للعشة دالدجاج
هزات واسها فالسما كتعيط والدجاج كيقاقي حداها حتى تمات شادية نازلة فدروج من التراب صغار فالقنت وهابطة من سطح داك البيت لابسة قفطان زرق مغبر وعكسة على راسها وكتنقض فيه قالت ليه ا
بلاتي مالكي كتبرحي سمعتك .. كنت كنسد واحد التقبة بالطين كدخل لفيران
هزات يامنة كتفها قالت ليها امم الفيراان.. الفيران مالقاو عند من يدخلو غا عدنا حنا اللي مكيشيط لينا حتى شنتوفة دالماكلة..هاد الفيران راه غا الله يسمح لينا منهم تا هما
دازت حداها شادية قالت ليها حيدي حيدي.. نتي الكبيرة زعما وبلاصت ما نعول عليك معولة عليا .. زيدي نهبطو هاد التبن قبل مايضلام الحال
ماشاو طيحو ضهر الكروسة ميلوه وبداو يهزو التبن حتى بانت ليهم البنت الوسط مكاييان راسها من رجليها …تخلعو ورجعو اللور كيشوفو فبعضياتهم وقالت شادية بشوية
اوييلي شنو هادشي؟؟
هزات يامنة يديها وقالت. بسسسم الله الرحمان الرحيم
هزات شادية البالة بدات تبعد التبن حتى وضحات الصورة وشهقو بجوج ورجعو اللور
شادية..بنت ؟؟
يامنة : جنييية بسم الله الرحمان الرحيم
بدات سبأ تحرك يديها ومن موراه حركات راسها وحلات عينيها بزز كتشوف قدامها .هزات راسها وفمها فيه التبن وبدات دفل وتنفض حالتها وجلسات كتبهد عليها القش وتعيف وتنقش شعرها .. شوية هزات عينيها لقات راسها فدار مقزبة وتلفتات شافت شادية ويامنة واقفين كيشوفو فيها وهازين البالات وتخلعات رجعات اللور كتهرب برجليها وقالت
بببب .. بب. ممم مامم فففين انا
خرجات فيها يامنة عينيها والعصا على كتفها وقالت
قلتي مع راسك الدار ساكنين فيها جوج بنات اجي نمشي نكشطهم هااا؟؟
نخزاتها شادية سكتاتها وقالت ليها شكون نتيي؟؟ وشنو كدير فوق الكروسة ديالنا
بلعات سبأ ريقها كتشوف فيهم وقالت
أمنو عليا ونقول ليكم
هبطات شادية البالك فالارض وقالت
عليك الامام .. يالاه هضري
هزات يامنة نيفها وقالت نزلي بعدا من فوق الحمار مسكين سخفتيه.. حكلو وصل بزز
ناضت سبأ وقفات بالزربة كتمتيل بلاصتها مخلوعة والقش لاسق فيها والدجاج كيدور وينقب من حوايجها وقالت
انا غير بنت بحالي بحالكم .. ماعندي لا والي لا تالي ومكنعرف حتى واحد
خرجات يامنة عينيها وقالت بشوية. ياكما باعوك لشي واحد وهربتي ليه ؟؟
حركات سبأ راسها ماعرفات اش تقول ليهم باش تأمن عندهم وقالت
كيشبه لداكشي
هزات شادية حاجبها وقالت: وفين كنتي عايشة قبل؟. وعندمن؟ دوي تكلمي
بلعات سبأ ريقها وقالت
ببب. ب با طلق مي ..ومي شنقات راسها وبقيت بوحدي تايهة ..
تنهدات يامنة وقالت : مسكيييينة طرا ليك بحالنا .. غا حنا بانا مي للي سيفطاتو للقبور بي الفقصة وبقات ماهي من الناعسين ما هي من الفايقين ومحناتنا معاها
تنهدات شادية وقالت : ودابا شنو ؟ شنو غنديرو ليك حنا؟
دورات سبأ عينيها فالدار وقالت في حيرة
خليوني معاكم هنا .. انا والله منآديكم .. نحلف ليكم باش ما بغيتو
ردت شادية وقالت : كيفاش نخليوك معانا وحنا مكنعرفو عليك والو وماعرفناك واش كتهضري بصح ولا كتكبدي
شدات فيها يامنة وقالت عا خليها باينة في كمارتها مكتكدبش ..خليها تشقا علينا وتسخر علينا وطيب لينا وتخرج تجمع التبن على كلبها ونتسنطو شوية لعضامنا
بقات شبأ كتشوف فيهم مخلوعة من كلامهم وهمت كيتناكرو قدامها فاللخر حطات شادية البالة وتكات عليها وقالت
شنو كتعرفي ديري الاللة ؟؟ عندك شي صنعة شي حرفة؟؟ حنا ماعندناش باش نعيشوك تعيشي راسك براسك وتعاوني على الزمان
رمشات سبأ وقالت ليها
كنعرف نضم الكلام وكتب الشعر ..
قاطعاتها يامنة وهزات صبعها شيرات بيه فالارض وقالت
ونيييت فينا الجوع يالاه اختي حطي لينا شي حفنة نك ْليوها نشوفوك واش بصح كتهضري ولا غا كتكدبي
ردت شادية وقالت وهاد الشعر ديالك وتنضيم الكلام باش غينفعنا؟؟ هادشي الاللة اللي عندك كينفع فالقصور ماشي فالخيام والديور .. اما الغنى والشعر وداكشي مغيوكلكش .. اري الى كتعرفي طيبي ولا تخبزي ولا تصاوبي شي حاجة ولا عندك شي حرفة .. اما الى ماعندكش راه مكاينش اللي يعتقك حتى بجغمة دالماء .. اجي ياكما هاربة من شي قصر؟؟ شوفي اختي ماخصنا صدع ولا تابع .. من هنا كنقولها ليك
ردت سبأ وقالت : لالالااالااا انا قلت ليكم منين جايا يعني علاش غنكدب عليكم !!
هزات شادية نيفها وقالت
ايوا اللي نطولوه نقصروه.. مللي ماعندك صنعة غتخرجي تشقاي على برا فوق الحمارة مع يامنة
نقزات يامنة بلاصتها كتنهق وقالت
وعلاش يااامنة علاااش علاااش يامنة تشقا بوحدها هي ولحمارة
ودت سبأ وقالت : لالا ..اناا منعرفش للشقا برا غير خليني لداخل واللي بغيتيها نديرها .. نتي غير قولي ليا شنو ندير وانا ندير
طلعات فيها شادية وهبطات وقالت
المهم يصبح ويفتح دابا مكاين منقول … ماتعطينيش خاطري نخرج ولية والليل طاح . راه دار الوضوء فداك القنت سيري ليه قضي حاجتك ونقي حالتك وزيدي نوريك بلاصتك فين تركدي
ردات سبأ بالايجاب ومشات طرفات حالتها وغسلات وجهها وجمعات شعرها ومشات لقاتهم جالسين مضويين اللمبة وحاطين الميدة كياكلو عليها وجلسات معاهم كتشوف فشنو حطو للعشا لقات خبزة دالشعير وزيتون كحل وقهوة ..سكتات وبقات كتبلع ريقها كتسنا شي حاجة اخرى تحط لاكن ماحطو والو وخواو ليها كاش دالقهوى كحلة قدامها وعطاوها الخبز وخلاوها منها ليه كتشوف فيه وقالت
هادشي اللي غناكل؟ !!
هزات فيها شادية عينها وقالت
ايوا ياختي حمدي الله لقيتي ماتاكلي بعدا ؟!! وكتشررطي؟
حلات يامنة فمها عامر ماكلة وقالت
الى مابغيتيهش اريه ليا ونوضي تركدي
تنهدات سبأ في حيرة وبقات كتشوف فالنعمة والجوع كيغيط فمسارنا .. قاست الخبز لقاتو يابس وبدات تقطع بزز وتاكل من شدة الجوع وتبلع حتى سالات وشافت شادية فيامنة قالت ليها تكعدي جمعي الميدة كتسناي فيها تجمع راسها
ضارت يامنة عندسبأ قالت ليها وا تكعدي واش مكتسمعيش الهضرة
ناضت سبأ جمعاتها وكدور فبلاصتها كتقلب على الكوزينة ومشات حطاتهم تما وقالت ليها يامنة من بعيد
غسليهم راه البديزة حداك
هزات سبأ الماء شللاتهم وحطاتهم كتنهد وخلات المياهات غارقة ومشات جلسات مكمشة ..دخلات موراها شادية لقات الارض فازكة وغوتات على يامنة ناضت كطير وقفات عليها وراسها سابقها
شادية : شهاد المياهات الارض. مطيسة غتبات هاكا حتى للصباح
شارت يامنة بيدها وقالت
هاديك الموصيبة اللي دارت هاد الروينة هادي هانا نعيط ليها
غوتات شادية وقالت
جمعي عليا هادشي ولا عنغطس ليك راسك فيه
رجعات يامنة كتكمش فحوايجها وتمسح يديها وراسها كيشطخ قالت ليها واخا وتحنات عاودات لغسيل للماعن كلهم وشطبات الدنيا وخرجات جلسات حدا سبأ وقالت ليها
دوك اللواني تقولي غسلتيهم بالدفال .. تي مالكي معيفينة شو كي حالتك ويامك
عيطات شادية من بلاصتها مغطية بكاشة قالت ليهم تكعدو تركدووو
ناضت يامنة ونوضات سبأ قالت ليها تكعدي تركدي
تبعاتها سبأ بداك البيت اللي كان طويل مفرش بحصيرة من الراس حتى للراس وفيه سريجم صغيور مسدود بالخشب ومفرشين غير النص ديالو .. طاحت يامنة تنعس حدا شادية وقربات منها سبأ بغات تنعس.. طلات عليها يامنة من فوق الكاشة وقالت كوحزي عليا لهيه
كحزات سبأ نغرة ورجعات قربات حطات راسها على المخدة وبدات تتقلب وتتقلب وصوت البومة كيغرغر فالسطح ..عيات تقلب وتشقلب وجنابها ضارينها حتى بغات تبكي من الحالة اللي هي فيها .. ناضت ليها يامنة نفضات الكاشة وجلسات ربعات قالت ليها
ليمن ليسر ليسر ليمن تقلبي بحال الموجعة ماتشدي تا جيهة ماتخلينا نشدو معاك طريق الموت .. غا كدوري في بلاصتك تقول فيك حر الولادة
ناضت ليهم شادية طلات عليهم وقالت
والله وماخليتوني نتخمد غا لمابيتكم برا حدا الحمارة والدجاج راني ماسميتيش شادية
سكتات يامنة طلعات عليها الكاشة وبدات سبأ كتقلب فبلاصتها فاللخر ناضت كدور عينيها فداك البيت المضلم لعل وعشى تلقا شي حاجة رطبة تنعس عليها لاكن والو .. سكتات وبقات هاكاك كتقلب من ليمن ليسر حتى صبح الحال وصبحو عضامها مهرسين تقول بايتة كتاكل فالعصى .. غير كتشد فجنابها ودراعها والعيا باين فوجهها وكملات ليها شادية صبحات خارجة وخلاتهم يوجدو الفطور .. جلسات جنب يامنة كتشوف فيها ساكتة وقدامها الكانون فوقو الماء كيطيب قفزاتها يامنة قالت ليها هزي الماء تقادا
وطارت سبأ هزاتو ورجعات طلقاتو لاكن تخوا على رجلها وغوتات ربي اللي خلقها ويامنة مخرجة عينيها قالت ليها
غززا فيك الله .. كتشوفي في الماء نشف قدامم عينيك ومخلياه كيغلغل فوق العافية ..وادابا كمديها
كمداتها نيت وجلسات كتبكي شافت القهرة وتمارة غير فليلة عرفات راسها متقدرش عليها وبدات كتفكر ترجع للقصر عند الاصيل وطلب السماحة وهوا اكيد غيسمح ليها ..مربيها على يدو وفمرتبة عالية وكانت كتنعس غير الريش وكتاكل غير الوز والبط ولحم لغزال .. شافت القهرة ديال بصح وقارناتها بالصبر فالقصر ولا الصبر فوق الارض والحصير .. .. قالت اللهم الصبر فالقصر ولا هاد الفقر والحوع والقهوة دبصح .
اللي قال مقهور يجرب الفقر .. رجعات كتحمد الله على عيشتها القديمة ومكانت كتعرف على الفقر غير سميتو حتى شافتو بعينيها وهي ماعندها صحة ولا جهد ليه ومنهار خلقت وهي ففمها معلقة من الذهب.. ماتكمل الشهر حتى تموت وفعلا الى ما ماتتش بالجوع والقهرة وتمارة غنموت بالفقصة والحصرة ..
رجعات شادية فملحفتها وحلات الباب لقاتها لقاتها جالسة فواحد الدرجة مكمشة وساهية ورجلها منفوخة قدامها مكتقدرش تزيد. عليها ….
قربات منها شادية ودارت يدها على جنبها وقالت
صافي كان ناقصنا غير مريض يشد الركنة ..ولاهيلا كملات
مشات وخلات جالسة ، شوية بداو الناس كيدخلو وسبأ كتراقب متفهمات والو شافتهم كيعطيو الكف بالنوبة لشادية وكيحطو ليها الفلوس والدجاج واللي طلباتو منهم وكيخرجو وبغات تفهم شنو داكشي اللي كيوقع .. قربات من شادية كتعرج فاش بقات بوحدها كتحسب داكشي وقالت ليها
عفاك اختي نسولك..شنو كديري؟
هزات شادية عينها وصغراتهم فيها وقالت
اجي جابك الله نيت نشوف اش وراك ..جلسي
جلسات جنب شادية وقالت ليها شنو تشوفي؟
ردت شادية وقالت
غادي نشوف ليك اشنو عندك ..زهرك شنو فمستقبالك ..شنو سبق ورقع ليك وعلاياش مضمر خاطرك ..غنشوف ليك حياتك
كمشات سبأ يدها عندها وقالت ليها ولاكن هادشي راه حرام فالدين الاسلامي.. هادشي سميتو الشرك بالله
ردت شادية وقالت :ولاااا انا ماشي كنسحر. للناس ..انا غييير كنشوف اشنو يوقع ليهم وصافي..شنو فقلبهم ..فمهتييي؟؟ واري نشوف ليك حتى نتي
ردت سبأ بالنفي وقالت
لا حتى هادا شرك بالله .. لايعلم الغيب الا الله
دارت شادية يدها على جنبها وقالت ليها هاي هاي على المومنة المنافقة؟ شكون قالك شرك اصلا ؟؟ مالنا كنسحرو
بعدات وسبأ ختيفة وقالت ليها لااالا انا مافيا اللي يمشي يتشوا فجهنم اختي ..غا غلاي ديال الماء صلقني كان غيقتلني حسبلاك العافية دجهنم ..ربي يغفر كولشي الا الشرك بالله .
استغربات شادية وقالت
ونتي شكون قالك هادشي؟!!فين اختي قريتيه ؟؟
رتابكات شبأ وقالت ليها قريتو فالقرآن وفالمسيد وتعلمتو .. المهم قريت وصافي . وهادشي اللي كديري غادي يحاسب عليه الله
تنهدات شادية وقالت ليها انا خدامة بدراعي مكنآدي حتى واحد والحمد لله .. مابغيتيش نشوف ليك تكعدي من حدايا عطيني تيساع ماتوقفيش ليا فباب رزقي
ناضت سبأ من حداها رجعات جلسات فالدروج كدور عينيها وقالت ليها في حيرة ..واش معندكم والو ؟ لا سرير لا فراش لا والو؟
خرجات ليها يامنة من الكوزينة كتجري وقفات قدامها كتمسح فحوايجها وقالت ليها لااا اختي عدناااا واحد القصر عاد كي كنبنيو فيه وجينا جلسنا هنا تا يكمل ونمشيو ليه لابغيتي تمشي معانا
شدات سبأ راسها كتنهد وتمات شادية جايبة سطل ديال الزرع فازك قالت ليامنا زيدي طلعي معايا السطل للسطح
شدوه طلعوه وسبأ وتقفة فالجنب كتشوف فيهم حتى نزلو وقالت ليها شادية سيري طلعي حداه قابليه لا يتقزر المشاش يشتتوه
هزات سبأ راسها فالمسا وقالت
الشمس كتغلي ..غتحرقني
هزات شادية حاجبها وقالت
تحرقك؟؟ هاي هاي على تحرقني.. وا طلعي ولا زيدي مع الباب
سكتات سبأ وطلعات كتنهد سخفانة وبزز كتشوف فرجلها وجلست حداه فوق واحد الحجرة كتشوف فيه والشمس متوسطة فالنهار فوق راسها .. حلات عليها الملحف شوية وهزات راسها كتسوط وتعرق مقابلة الزرع .. هي مقابلة الزرع والجار ديالهم اللي حداهم مقابلها وحال فمو فيها حتى طلعات مرتو موراه هبطاتو ورجعات كطل وتشوف فيها وتبركك ..خرجات عينيها على كبرهم ونزلات كتجري لاحت عليها ملحفتها ومشات هازة غلضها معاها وتقلها نيشان قصدات القصر وبدات كطلب وتراوك يخليوها دخل لاكن منعو عليها تفوت باب القصر.. بقات ليهم تما كتزاوك حتى خرج ذو الفقار على غفلة فوق الخيل شافها ووقف كيسول شنو واقع
شدات ليه وقالت ليه
سيدي .. سيدي. بن سيدي. لقيت ليكم الولية اللي كتقلبو عليها ..شعرها ترابي مايل بحال النار وفعنقها شامة وممشوقة القد والقامة
حل فيها ذو الفقار عينيه وقال
فين هي ؟ كتهضر بصح ولا حتى نتي تشابهات ليك
يلعات ريقها سخفانة كتحلف وقالت
والله اسيدي حتى شفتها بعيني .. وعمرني فزينها فحياتي .. هاكا منورة واخا مخشية فواحد الدربالة ..عنقها رقيق ووجهها صغير بلارة .. كتافها واقفين ومحفورة العضام وشافاها واحة تروي العطشان
تلفت شاف فالحرس قاليهم تبعوني وهزو معاكم هادي نشوفو هاد الحريرة ..على الله تكون هي ونفكو هاد المنامة
تحمرات سبأ فالسطح اكثر من الزرع وخدات ليه اللون وخلاتو بلا لون .. شبعات جلاس حتى نشفات واذن العصر وعيات وناضت بغات تنزل .. تما هابطة مع الدروج كتعرج والدقان فالباب.. خرجات شادية تحل وتبعاتها يامنة هازة البانيو فيه الماء بغات ترش بيه ديك الوسعة ..حلات شادية الباب ودخل عليها ذو الفقار طلع عينيها بالصدمة وشاف فيها مطولا كأنه سبق ليه شافها وكيعرفها وتلفت لقا سبأ نازلة من الدروج كتعرج وبالخلعة كانت غطيح ..شار ذو الفقار بيدو وقال بسرعة
جمعوهم كاملين ..وعنداكم تقيسو هاديك بسوء
نعت ليهم سبأ وفرمشة عين جمعوهم كيغوتو طايروهم نيشان للقصر وحكموهم مابقا ليهم فين يهربو .
دخل ذو الفقار للديوان عند الملك يور لقاها يالاه سالا المجمع مع الاعضاء وتفرقو وبقا هوا جالس كيشوف فالخريطة ..حدر ليه الراس وقال على عجلة
مولاي.. اخيرا لقينا الهدية التايهة .. وراه جبناها للقصر هي ورباعتها امولاي
سمح الملك فالخريطة وكل ما كان فيدو وخرج معاه نيشان للحديقة الخاصة فمكانو فين كيجلسش ووقف قدامهم بثلاتة وهما حادرين الراس
بقا كيشوف فيهم وفحالتهم وهزو فيه العين بثلاتة كيرمشو ورجعو حدرو الراس
تفاجأ الملك فالثلاتي اللي قدامو وتلفت شاف فسبأ هي اللولة وجهها صفر ورجع شاف فشادية وتبع ليها يامنة وقال
شاادياا؟؟!!! اش هاد الغيبة وفين مخبية..كاع هادشي طلع منك؟ !!
بقات شادية قاطعة الحس كتبلع ريقها ويامنة كتمسح وتعاود فحوايجها بالخلعة وكترجع مور شادية اللي كدفعها تبعد منها ركيتناخرو وحدة كتقب لخرى ..تلفت عند يامنة شاف فيها وقاليها
يامنة !! تعلمتي تحارميات حتى نتي
هزات يامنة صبعانها كتباع ريقها وحلات عينيها قالت ليه والله امولاي مادرت شي حاجة .. هاد بنت الحرام اللي خرجاتني قالتي ليا حكا ما حكا مي كتسناني وخرجت معاها نشوف مي..الساعة لقيت غا يديا والريح ..فاش سولها على مي قالت ليا الغمة.. واه خرجتك حيت جايا الحرب والقصر غيتهد فوق راسنا
تلفت شاف فشاديا وهي كتشوط البيض قدامو وقال
مزال ما بغا يعفو عليك الله من هاد البلية ؟. .
قالت بتلعثم
م..ماشي لخاطري امولاي لالة مولاتي امراتني
شار الملك بيدو لذو الفقار وقال
رد هاد الجوجات فين كانو
حدر ذو الفقار راسو قال
للدار ديالهم امولاي؟
رد الملك ونوا كيشوف فسبأ وقال
ردهم لداخل لقصر ..واللي فكرات تفوت الباب قطع ليها الراس
خرجات يامنة عينيها مخلوعة ورجعات عندو قالت ليه هارة صبعانا خايفة
انا بالله وبالشرع مع هادي ماهي ختي مانا ختها ..راسي غيطير ليا بسببها فرقها عليا
جرها ذو الفقار داها كتنكر على شادية وبقات سبأ واقفة بحال الركيزة اللي كيديها الريح ويجيبها وقاطعة الحس
طلعها وهبطها مزيان وهز صبعو قاليها زيدي لهنا ابنت القصور وبنت الاصل ..
جمعات سبأ جلايلها كتفتف وقربات كتعتر وتعرج مقاراش تفارق الرجل على ختها بالخلعة حتى وصلات عندو وشافت بيه بنص عين لقاتو كيشوف فيها وحناكها مطبعين بالحموم وشعرها مدفور فالجنب مشنتف ..هز ليها وجهها من فكها وبدا كيزير عليها ويشوف فعينيها معصب والغضب باين فعينيه وقال
شنو كيحساب ليك راسك؟؟ مغنلقاكش؟ هانتي رجعتي حتى لعندي باش نقطع ليك هاد اللسان الطويل
طلق ليها من وجهها ومارضاتش بقات ساكتة وعينيها كيتحجرو بالدموع والنفس تحبسات فيها ..بغات طرطق عليه واخا يكون شكون ما بغا يكون لاكن ماقدراتش وطرطقات لداخل حتى كان قلبها غيوقف..تمنات تشق الارض وتبلعها ولا تجي شي عاصفة طيرها وماتبقاش واقفة ديك الوقفة فوق طاقتها وقدرة تحملها وهي بحال الحمامة بين يدينه متقدر دير والو
بقا كيشوف فحالتها وسكت ماهضرش ..غير دوك الشوفات اللي دار فيها كانو كافيين باش طرطرق الفلفلة الحارة فصدر سبأ وهي مارضياش ونفسها كتقلى وتتشوط على نار مهيلة .
شار بصبعو لعبدية قربات وقالت ليها. رديها بلاصتها ..عطيوها تاكل باينة من لبارح ماكلات .. وشوفو ياكما ناقص يد ولا رجل ..وردي ليا الخبار
قلب عينيه مشا بحالو وخلاها طيحاتهم حجر تقال فصمت حتى بغاو عينيها يطرطقو ومشات مع عبدية داتها للحمام لقات تما شادية ويامنة كيغسلو الحالة والطيابات مقابلينهم .. غير دخلات ناضت ليها شادية بالمعيور ماخلات فيها غير اللي نسات ويامنة مركنة فالمنشفة فارقة شعرها الوسط كتشرح فيه وتشكي وحتى واحد مادايها فيها .. مشات سبأ نيشان لواحد الركنة تركنات وتكمشات وخلاتها كتعاير وطرطقات بالبكا وبلا متشعر هزات واحد الحجرة دالرجلين وبدات كتنزل على يدها حتى سال الدم ..حيدوها ليها الطيابات قبل متبدل البلاصة وتنزل على راسها وشدوها خلاوها كتلوى وكتخرج كاع ماكانت شادة حتى خلعاتهم كاملين وقالت ليهم يامنة وهي كتهرب اللور
ياكما مسكونة بسم الله الرحمان الرحيم
تخلعات شادية وهربات للقنت حتى هي تيقات هضرة يامنة وحتى الطيابات حساب ليهم نفس الشيء وبقاو شادين معاها حتى تهدات وجلسات كترد النفس ماهضرات مانطقات ودوروها دغيا كيغسلو ليها حالتها وهي محنية على ركابيها كتشوف قدامها وساكتة
دخل الملك لجناحو كتب مرسول كيخبر فيه الملك الاصيل باللي لقا سبأ وردها للقصر باش مايبقاوش كيقلبو عليها ورسلو مع رسول القصر وجلس مقابل مع الشرفة داير يديه تحت فكه كيفكر فاللخر عيط لذو الفقار دخل عنده دار ليه التحية وقال غدا فالصباح غتخرج سبأ من العمبر ودخلها للكوزينة .. عطيها الاعمال الشاقة حتى تتأدب ..ومتنعسش فالعمبر ..تنعس مع الخدم ..ممنوع تفوت خط الخدم ولا ترد الكلام بكلام ولا يحن فيها شي واحد
تبسم ذو الفقار وقال
امرك امولاي
حرك راسو بالايجاب تنهد وقال :واخا هي تستاهل الدبيحة على قلة الاداب اللي فيها
خرج ذو الفقار وفنفس الوقت طلعات عبدية لجناح روح الندى كتجري ودخلات عليها لقاتها متكية كتخمم والوصيفات كيدلكو ليها عضامها
عبدية : لاللة ..المتعوسة رجعات الاللة
هزات روح الندى راسها وتقادات فالجلسة وقالت
شكون؟؟
عبدية: شادية
حلات روح الندى عينيها وقالت تحت سنانها .. جابك الله ابنت الحرام ورجعتي حتى لعندي..هانا غنوريك دابا تسنطيح مع سيادك كي داير .. سيري جيبيها ليا لهنا دابا
هبطات عبدية كتجري لقاتهم خرجو من الحمام ولبسوهم لباس نضيف بحال كاع الوصيفات وبان فيهم الضوء وجالسين فواحد البيت قدام الميدة عامرة ماكلة كياكلو ويقولو ماكلينا .. وقفات عليهم عبدية وشافت فشادية قالت ليها كولي مزيان ماعرفتي اش تابعك المنحوسة
هزات شادية راسها شافت فيها مخلوعة وقالت
اش تابعني الاللة عبدية
دورات عبدية راسها وقالت ليها نوضي زيدي قدامي وغتعرفي
تلفتات شافت فيامنة لقاتها كتاكل الطبلة ورجعات شافت فسبأ لقاتها بعيدة على الماكلة ومكتشوفش جيهتها ..ربعات عبدية يديها وقالت. ليها
مالكي ماكتاكليش؟
بقات سبأ ساكتة وراسها بين يديها وعاودات سولاتها وقالت ليها كولي. هاااخير قدامك
ردت بلاصتها يامنة وفمها عامر وقالت كتشير بيدها
غا خليها انا ناكل بلاصتها ..
رجعات شافت فيها عبدية وقالت
كليها واش ماعتزيديش تاكلي
مارداتش سبأ وبقات هاكاك على نفس الحالة فاللخر خرجات جرات شادية وطلعات لجناح روح الندى وطول الطريق وشادية متعصر فيديها وتسول على شنو بغاتها وشنو كيتسناها حتى وصلات ودخلاتها عبدية حانية الراس خايفة ووقفاتها قدام روح الندى اللي ناضت وقفات كتشوف فيها وهزات يدها حتى للسما وعطاتها طرشة حتى عواج ليها الحنك وقالت
فين حدك تهربي وانا اللي جبتك بيدي لهاد البلاد؟
شدات شادية حنكها كتبكي وطايحة فالارض وروح الندى كتشوف فيها وتشير بصبعها وقالت كتجبد الورقة من طيات توبها
هضري.. شنو كيعني هادشي؟؟؟ شنو كيعني هادشي اللي رسمتي نطقي
نوضوها الوصيفات وقفوها وهي كتشوف فالورقة وقالت كتفتف موت الاللة ..
شداتها روح الندى من شعرها بغضب وقالت
شنو قلتي اخر مرة ؟. هاا؟ قلتي ليا زوجيني ونوريك الحل.. يالاه هضري دابا ولا عندفنك حية
بلعات شادية ريقها وقالت
الحل هوا هادا اللة مولاتي .. خليت ليك الرسم واخا غرني الشيطان وجابهتك
جراتها روح الندى حتى لعندها وقالتها شنو كيعني هاد الرسم .. هضري شنو كيعني
بلعات شادية ريقها وقالت
ليها كيعني باللي سيدي. يور ..خاصو يسبق الموت قبل متوقع .. حيت فكفك الموت محتوم .. والحل هوا يتحقق ..خاصو يتدفن ..وتشرق عليه الشمس ويضوي عليه القمر ..من بعد يخرج من القبر هادا هوا الحل
زيرات روح الندى عليها بغضب وقالت وانا كيفاش غادي ندير لهاد الحل ؟ كيفااااش؟واش انا عندي فروج ؟. واش عندي قنية انشدها ندفنها شوية ونخرجها؟كيفاش غندير نخرجو من هاد التنبؤات ديالك الكحلة هضري
ضربات روح الندى فخادها وقالت كتمشي وتجي
اوييلي وحدي على ندفنو ؟!!! كي غندير ليه ندفنو وهوا قد الصور دالمدينة ..لالالالا منقدرش.. ندفنو ونطمرو اويلي منقدرش منقدرش ندفن ولدي بيديا واخا غير بالضحك..شوفي ليا شي حل من غير هادا .. ولا عاودي شوفي ليا شي خط اخر
جلسات عطاتها يدها وشادية كتجمع شعرها المنتوف وتمسح فخناينها ..طلات على اليد وقالت
الحرب دازت الاللة اللي كانت طالعة ليا ..وخسرتي فيها
تنهدات روح الندى وقالت : خصرت فيها بصح مع وجه الويل مع كحل السعد اللي خارج ليا فعودي.. خسرت اكبر خسارة فحياتي واللي سعيت ليه كامل جا كوش عليه ودار وادي تحت يدو
هزات شادية يدها وقالت
ايوا الحمد لله خرج هادشي صحيح..بقا ليك غير هاد الدفين خاصو ولابد يتم
شنقاتها عليها روح الندى مخرجة عينيها وقالت. ليها قولي ليا شي حل من غير هادا.. شوفي ليا شي واحد يموت بلاصتو ونلبسو لباسو ونعلق ليه حتى التاج على راسو ..المهم نتفك من هاد الموصيبة
تنهدات شادية وقالت
نجربوها الاللة .. نجربوها ونشوفو واش باقا غطلع لينا ولا تفكات
حركات روح الندى واسها وقالت ليها كملي انا الصباح غادي نحضر هادا اللي يموت بلاصتو سيري كملي
طلات شادية على يدها وقالت ليها
قلبك مضيووم ومغبون وحلول نصين .. جرحو عميق وطري من هدي سنين
خرجات فيها روح الندى عينسها وقالت ليها ونتي مالك ومال قلبي شوفي ليا شنو يوقع شنو غيجرا باش نرد بالي من اللي جاي.. شوفي ليا ولاد الحرام اللي ضايرين بيا شكون .. وشنو غيوقع
قرمات شادية كتشوف وقالت .. هاد الساعة السما صافية والبحر هادي.. بلاتي.. بلاتي؟!!! هيييييه بسم الله الرحمان الرحيم … مرى الاللة .. قد وقامة شان وهمة فسيفة الشيطان .. واقفة اي فالطريق وعوالة على خزيت .. مضمرة ليك على الشر وفقلبها الضغينة .. هاهي كضحك ليك ..كضحك ليك بسم الله الرحمان الرحيم..اللي شافها يقول ماكتحرك الدجاجة من بلاصتها ..وهي كتوجد ليك الدقة الساكتة اللي ماتخليكش تحلي عينك الاللة
خرجات روح التدى عينيها وشافت فيها قالت ليها اوييلي شكون هاد بنت الحرام؟؟ كنعرفها ؟
شافت شادية وقالت ليها اييه الاللة ..وقريييية ليك هاهي..هاهي غير حداك خدامة ليك ..
ودت روح الندى بالزربة وقالت : شنو خدامة شنو واش خدامة ليا السحور ولا داكشي المعقول شمن خدمة ؟ وصفيها ليا كيف دايرة؟
حنات شادية راسها وقالت ليها قريبة من قلبك الاللة .. قريبة منو بزاف وباغا تاخد كلشي باغا تشطب كلشي .. باغا تخليك الله كريم ولا تصفيها ليك فمرة .. جاياك من جهة العدو الحبيب.. ايييه .. شكون هوا العدو الحبيب الاللة
هزات روح الندى يدها وقالت
اشمن عدو حبيب حيدي عليا وكملي شكون هاد بنت الحرام ؟؟ واش من جيهة هاد العدو الكحل؟
شافت شادية وقالت ليها من جيهتو وقريبة ليه ..جاياك فالطريق ردي بالك ردي بالك راها جاياك ..خطك هنا حبس الاللة خاص شوية من هادشي اللي تقال يفوت باش يطلع الخط حديد
جمعات روح الندى يدها وقالت
شوفي انا ماكرهتش تقراي لولدي الخط نعرف واش طالعة فيه الموت ولا طالعة غير عندي
تخلعات شادية وقالت ليها وكيفاش غادي نقرا ليه هاد الخط وانا منقدرش نوصل حتى للطريق منين كيدوز الاللة
سدات روح الندى عينيها عاضة فالصبر وقالت ليها شوفي. ياك كتحلمي تزوجي بيه ومانعرف شنو .. انا غادي نعطيك عشية .. عشية وصافي معاه.. الى ماقريتيش ليا فيها خط يدو وديتيها قالشي لاخر غنصفيها ليك بلا منشوف وجهك سمعتي.. واخا نتي ماشي ديالو اذلالة العبيد
هبطات شادية راسها بأسى وقالت مترددة
سمحي ليا الاللة ..سمحي ليا كدبت عليك .. انا باقا عزبة ومكاين والو من داكشي اللي قلت ليك .. غير من خوفي على ختي تخرج الزنقة ضحيت وما جا فطريقي غير هاد التضحية ..
هزات روح الندى يدها كاع ما داتها فهضرتها وقالت ليها كتشير تمشي
سيري سيري دابا سيري. وفكري غشنو قلت ليك وعقلي.. يالاه رجعي بحالك.. عندك الزهر واقفة عليك اما كن وريتك سخونيك الراس باش كترجع
خرجات شادية حانية الراس وتكات على واحد الحيط كترد النفس.. الحمد الله ماقطعاتش ليها راسها ..وحتى هي كانت باغا ترجع للقصر وترتاح من القهرة والزلط.. عندها الحق عويشة اللي لسقات مابغات تخرج ..اما حتى حسابات شادية خرجو فالصو وحساب ليها الفقر ساهل .. قبل كانت كتاكل وتنعس ماعارفاش منين كتجي النعمة حتى وقفات عليها برجليهت ورجعات تخمم ليل ونهاو اشنو تاكل غدا ..الهم كيقتل وكيشرف وكيدير جميع الامراض.. اش داها لقصوحية الراس وهي ماليها لا والي لا تالي ..لقصر قدو قداش والبيت كي داير والماكلة اللي عمرها حلمات بيها كتلقاها واجدة .. اش داها لشي تمارة والخوف كل ليلة خايفة يهجم عليها شي واحد ولا يشدها شي واحد يبيعها فسوق العبيد .. مشات كدور بشوية عليهت وتفكرات عويشة ختها وقالت اجي نمشي نشوف فين وصلات وشنو كدير
هبطات للعمبر كتختل وطلات لقاتو مقمح بالبنات ماشي بحال من قبل كانو فيه بنات قلال .. دابا بقوة البنات مابقاتش قادرة تعرف عويشة فين هي ..شافت حتى عيات ورجعات اللور تصادفات مع بصيرة شادة فسبأ غادية بيها
بصيرة: شنو كديري هنا ؟؟
حدرات شادية راسها وقالت : جيت نشوف ختي تلت سنين والزيادة ماشفتها
عقدات بصيرة حجبانها وقالت شكون ختك ؟
ردت شادية وقالت : ختي عيشة ..واش نسيتي علينا انا وختي عيشة وشادية
صغرات بصيرة عينيها وقالت ليها ااه ..عويشة.. ايوا عويشة مابقاتش فالعنبر ..
استغربت شادية وقالت
فين مشات خرجات من القصر؟
ردت بصيرة وقالت
حولناها لبرج الاسود
زاد استغراب شادية وقالت
برج الاسود؟ وعلاش؟
ودت بصيرة وقالت : اللي غير زايدة فالعمبر كنخرجوها تخدم فالقصر .. هادشي اللي كاين .. ونتي الى بقيتي كدوري بلا شغل ماتعرفي اشمن باب يسيفطوك ليه ولا برج يطلعوك ليه
زادت بصيرة وجارة وراها سبأ اللي شافت فشادية ومشات حتى هي ماعارفاش اشنو باغين بيها .. دخلاتها بصيرة للمطبخ الملكي وقفاتها وهزات راسها فرئيس الطباخين وقالت
يعقوب..
تلفت يعقوب بو كرشي كبيرة وقرع الراس عليه تزارة وهز عينو فسبأ بانبهار وقال
اش هاد الوجبة ؟!!
جراتو بصيرة وقالت ليه بصوت منخفض
سمع مزيااان الاوامر .. هاد الطاوسة بغيتك تروديهت مزيان .. بغيتها تربا وتتعلم الصبر .. حيت راه معلمة لكلشي الا الصبر والدراع ماعندهاش.. بغيت نرجع المرة الجاية نلقاها ناضية ماضية تتحط على الجرح يبرا.. ومابغيتهاش تآدا. حيت من العمبر وتحت الوصاية .. والى تمردات ماتحطش يدك فيها وعيط ليا انا نتكلف بيها .. يالاه نفد
دار يدو على راسو وقال : نهار كبير هادا نهار غليض غادي تزهى بهاد الغزالة معانا فالكشينة
جراتو خزرات فيه وقالت
الى سمعك مول الي غادي يحيد ليك الزهو من جميع البلايص ونتا كتشوف بعينيك .. حدر عينيك راه الصبع الصغير هاديك ..وعزيز على مولاه يلاه بدا
مشات عند سبأ اللي واقفة كتشوف فالكزينة ودور عينيها فصمت وقالت ليها بصرامة
سمعي مزيان .. مابقا ليك مكان فالعمبر وهادا مكانك من اليوم .. ديري هاكا ولا هاكا غتشوفي ما اكثر .. يعلم الله اش درتي حتى نزلو عليك بهاد العقاب..وعلى اي .. حمدي الله اللي عاقبوك بشي حاجة تنفعك ..ماتعرفي ليوم ولا غدت يسوط فيك الريح وتلقاي راسك الله كريم .. لا دراع لا ركابي ..تعلمي ماينفعك وبلا متمردي.. راكي فداو القانون ومولاي مكيضلمش.
مشات خلاتها واقفة مخلوعة ورجعات اللور كتشوف فديك الروينة اللي فالكشينة .. وقف عليها يعقوب كيشوف ويبعد عينيه وقال
سمعي مزيان .. الى مادرتيش داكشي اللي كنقولليك متلومي غير راسك .. يالاه تحركي نقي ديك باطاطا كلها اللي فديك السلة ..وفاش تسالي رقدي الحمص كامل اللي فداك السطل .. وطلقي راسك راه مشا الحال
بلعات ريقها كتشوف فيه وقالت
وكيفاش غندير نقيها وانا مكنعرفش؟؟؟
مشا لديك السلة هز واحد البطاطا قشرها قدامها وشار بصبعو ..هاكا ديري. ليها يالاه تحركي
تنهدات كدور فعينيها ومشات جلسات حدا الشبكة هزات الموس وبطاطا وبدات كتقلب منين تبدا
كان فهاد الاثناء الملك يور داخل من الصيد وعلى يديه صماطي دالجلد بحال العادة والسروال والسترة مغبرين .. نزل من فوق العود داخل وتعرض ليه عابد حادر راسو وقال
الحمام سخون واجد امولاي.. شكون تبغي نرسل ليك مع البنات
رد وهوا كيحسد من يديه الجلدات وقال
رسل ليا متعة . حدر عابد راسو ومشا كيجري علم بصيرة اللي دخلات على العنبر فالباب وقالت
متعة ..
وقفات متعة اللي كانت جالسة كدفر لصاحبتها شعرها وشارت ليها بصيرة براسها وتبعاتها كتجري وتلعب بتوبها وضحك ودارت رقصة بكتافها للبنات اللي معاندينها ومشات
رجع يعقوب يشوف فين وصلات سبأ من بعد ما غاب عليها حوالي نص ساعة لقاها شوهات البطاطا ورزاتهم فسلة مشات كلها مع القشور وخلات ليهم فالسطل حبات منقيين قد المشمامشة.. ضرب. يعقوب فهادو فاش شاف داك الضلم اللي رات فبطاطة ونوضها من تمت حيد ليها البقية ويعدها وهي هازة يديها وفيها جرحة وقال
وكلت عليك الله لا نتي لا اللي جابتك .. نتي اللي كنتي نتقصاني فهاد الكشينة
بعدات من حداه تخطات ديك الروينة وقالت
شوف صبعي كيف كيسيل بالدم ونتا كتغوت عليا؟!! مالها شهوة منها منقية حسن من شي ناس
دار يديه على حنابو كيشوف فيها وقال
الزين فالدفلة وحار .. والعروسة اللي مكتشوف راسها ركيزة ديال الدار عروسة غاملة بحال الكركاهة الخامجة ..ايوا طفرناه معاك
هزات صبعها قالت ليه عضر معايت بالادب ولا غنعطيك خو جوابك اللي تبات كتفكريه
عيبها كيقلدها وجلس كيتناكر هوا واياه حتى جا خادم الطباخ هاز صينية ديال الفاكية وقال
شي واحد يوصل هادي لحمام مولاي بالزربة
شد يعقوب الصينية وقاليها شدي وصليها ..ولا حتى السخرة متعرفي ليها .. يالاه سربي راسك
شدات الصينية كتشوف فيها وقالت
هادي ساهلة .. غادي غير نوصلها ونرجع ماشي بحال ديك بطاطا طريقها لاوية
مشات كتجري بيها للجناح الملكي لاكن وقفات فالباب كتشوف فجنابها وقالت
ويلي؟؟ وشكون غيدخلها ؟؟ ..
هزات عينها فالحارس اللي على ليمن. قالت ليه بابتسامة. عافاك دخل هادي لداخل الى جات على خاطرك
رد وراسو القدام : مننوع عليا الاللة .. نتي اللي خاصك دخليها
حلات عينيها حطاتها قالت ليه : هيه !! والله مندخلها .
حطاتها فالارض ورجعات اللور بغات تمشي لاكن خافت من المشاكيل وهي مزالة غارقة فيهم ورجعات هزات الصينية طلت على الحناح من لداخل لقات الحس مقطوع ..سبقات رجلها وهي لابسة قفطات كحل خفيف مليفة غير بالعقاد من القدام على للارض والسفيفة بالباج مايلة للدهبي شوية وفيه فتحات من الجناب حتى للركبة محلولين بالسفيفة ونازل مع جسدها فخياطة مخزاينة متولة بالكمام وبلغة من الصم فالكحل والاصفر وشعرها المموج فالجنب والفرقة الوسط .. زيرات شفاها مع بعض كتختل وصفاء رجليها وكدامها الحومر كيبانو وتقدمات كدور عينيها المكحلة اللي كيطيحو الزردور من فوق الصور ورموشها المولوية تقول غير سنابل الزرع .
قالت ماهنا حد ومشات نيشان دفعان باب الحمام الخشبي المنقوش. دخلات بلا سلام حتى كتلقى قدامها منضر شهوة منو يا سلام .. اشمنك يا بخار وزليج الفسيفساء داير بالحيوط .. الوخام فالارض كيزلق والشمع فقناتو مضوي بالخيوط .. النافورة الوسط كتخرخر والماء بحنابها ضاير.. وسريج مدور بالرخام وسطو ماء بالبخار .. مزينو الشمع الكبير والصغير ووسطو سيدي ومولاي مكسل ناعس العيون
اما البنات فنص توب زايدين الحمام صهد فوق السخون .. بقات المسكينة سبأ مصدومة حالة فمها وماعرفات تزيد ولا ترجع
تبسمات ليها متعة اللي شافتها دخلات وتقدمات قالت ليها
سبأ .. حطيه هنا
ي زادت وسط داك الدخان كتقرب من السريج وحل عينيه شاف خيال كيقرب بين ديك الضبابة حتى قربات كتفت حطاتو جنبو وشافت فيه بنص عين لقاتو كيشوف فيها بنص عين كتسخر ..حدرات راسها بغات تمشي وقبل ماتوصل للباب هز يدو من وسط الماء حدا الصينية دفع زلافة دزبيب سمعات وسط الحمام كتقرقب . . تلفتات شافتها تشتات وشافت فالبنات تحمعو يهزوها وضارت قدامها بغات تخرج .. هز صبعو شار ليها وقاليها
نتي اجي جمعيها
تلفتات شافت فيه مافهماتش شكون كيقصد وقالت كتشوف فالبنات
انا؟!!
شافت فيه بتساؤل وشار ليها بعينيه وهوا كيشوف فيها نيشان باش تجمعها وحط يدو متبعها ..
تراجعو البنات اللور رحعو لشغلهم وخلاوها واقفة وعنقها كيعرق والصهد وبدات كتشوف بجنابها وعيونها كتقطع فالقلب .. بلعات ريقها وتحنات بشوية حيدات بلغتها حطاتها فالجنب ووقفات المسكينة هزات طرف قفطانها طلعاتو على لحزام وزادت جنب الساريج جالسة على صبعان رجليها كتلقط فالزبيب حبة بحبة ومولاي السلطان متكي ساد عينو ووراه متعة كدلك ليك عنقو .. جات العين فالعين بين سبأ ومتعة وسولاتها الاخيرة بعينيها مبسمة على سبب الحزن اللي على وجهها .. لاكن سبأ حركات راسها بالنفي ومسحات جبهتها من الصهد سخفانة وناضت وقفات حطات الزبيب فالبلاصة ديالو .. فتح السلطان عينيه شاف فيها وقاليها
منلقا حتى حبة فالارض
هبطات راسها قالت ليه جمعتو امولاي كله
شار بيدو قاليها صافي سير ي وخرجات هزات شربيلها وسدات الباب.. يالاه مشات جات وخدة من البنات قالت كتجري قالت ليه مولاي.. هاهوا لقيتو لهيه طايح
هز عينو شاف فيها شوفة خلاتها تحشم من تصرفها وحدرات عينها حطاتو ومشات بقات متعة غير متشوف فيها معوجة سيفتها باشمأزاز
خرجات سبأ من الجناح الملكي كتغلي غليان وطرقات العوينات بالدموع حتى وصلات للبيت اللي حولوها ليه ودخلات سدات عليها وطارت على يدها عضاتها حتى تحفرو سنانها فلحمها وبدات كضرب فوجهها كأنه وجه عدوها بلا متشعر وخرجات فراسها كاع السم اللي جمعات فالاخير وبكات حتى عيات فالاخير جلسات كتمسح دموعها وشدات ريشة وورقة كتبات رسالة ولواتها وخرجات من جناحها للحديقة الكبيرة حدور وتقلب حتى لقات رسول القصر واقف كيمسح السرج على الخيل فواحد الجهة وقصداتو حتى وقفات عليه .. هز عينو من الارض وقف شاف وجهها وخرج عينين قال بلا ميعشر
مالو وجهك تقول حدورة ودازو عليها الكلاب
عطاتو المرسول وصدرها كيتخنق وقالت
هادا خودو لقصر الحمرا
شد المرسول مستغرب وقال
قصر الحمرا؟؟ ولمن في قصر الحمرا؟! انا مكنوصلش المكتوب شوفي شي رسول القصر الثاني هوا اللي يوصلو ليك
ردت بالايجاب قالت ليه انا عارفة كتوصل غير للملوك .. داكشي علاش قصدتك نتا بالدات
استغرب وقال كيشوف فداك المرسول الملوي وقال
ولمن بغيتيه نوصولو
ردت بتردد خايفة من الرفض وقالت
لملك الحمرا ..محمد اصيل
حل عينيه مخلوع وقال ليها لا منقدرش مننوع عليا الى وصلتو غيقطع لي راسي
ردت بالايجاب قالت ليه غير وصلو انا من اقرب الناس للملك .. ومتأكدة ميقول والو على المرسول بلعكس غيفهم علاش عطيتو ليك نتا بالدات
خاف يشدو من عندها فالاول لاكن اصرت عليه وشرحات ليه انها هدية وعطاها ليها الحق تراسلو وحيدات قلادة من عنقها عطاتها ليه وقنعاتو عاد شدها من بعد ما صدق كلامها ومشا خرج نيشان للقصر تصادف فطريقو مع رسول القصر فعرناطة ووقف عطاه التحية وقال ليه. واش عمدك شي شغل عندنا
رد الرسول الثاني وقاليه نفس الشغل اللي جايب عندنا
تبادلو التحية بروح مرحة وكل واحد كيمل طريقو ..
حط الرسول الرسالة فيدين الملك الاصيل فباب الديوان وهوا خارج وقال حادر راسو خايف
مولاي.. عذرني على جرأتي .فهاد الرسالة .. رسلاتها بنن من حريم القصر قالت لي باللي عطيتيها الامان تراسلك .
استغرب الاصيل كيشوف فيه وفتح الرسالة لقا سميتها وشار بيدو وهوا كيقرا للرسول يرجع بحالو وطوا الرسالة كيشوف قدامو ويردد الجملة الوحيدة اللي كتبات ليه
" انا احتضر… "
فنفس الوقت وصل رسول الحمرا لقصر قرطبة قدام رجلين الملك يور اللي كان جالس يالاه لبس حوايجو وكيمسح خواتم. يديه بمنديل وينضفهم .. شد الرسالة وشار بيدو حتى للرسول خرج وحلها بدا كيقرا حتى سالا وطواها تكا بيدو على ركبتو كيطبل برجليه الحافية فوق الزربية في حيرة .. ناض من بلاصتو مشا فتح صندوق صغير خاوي كانو فيه مجموعة من الرسائل اللي من نفس الشخص وحطها سد الصندوق ودار يديه وراه كتمنضر من الشرفة دجناحو وكيفكر وقرر يعمل زيارة صلة وقرابة لقصر الحمرا .. لبس ملابس اشبه بعادية بحال العادة اللي معضمها سراويل مجموعة وسترات او قميجات بالطرز البلدي والصائف والاحدية الطويلة حتى للركبة .. اناقة كتميز بيها على باقي الملوك اللي لباسهم تقيل اغلبيته عبايات طويلة .. لاكن الملك يور كان معروف عليه عند الملوك وحتى فالقبائل والمدن وحسب ما كيحكي شي لشي انه بحال الخيول الجبلية الحرة اللي كتكره اللجام والسرج والتقيد بالزيادات من غير جلدها ..كان دوقو مختالف على كل الادواق وخصوصا فاش رجع ملك وكيتوجب عليه يلبس ملابس تليق بقامو ومقام اللي كيجتامع بيهم .. هنا ابدع الخياط الخاص بيه وخرج ليه ملابس انيقة وفيعة واللي تليق بمقامو وفنفس الوقت يحتارم اختياره وراحته فالملابس الشبيهة بالصيد والحرية..
ركب الخيل واتاجه مباشرة لقصر الحمرا بلا حتى مايعلم ملك غرناطة اللي تفاجأ بزيارته فديك العشية لاكن رحب بكل صدر رحب . واستقبله فحديقته الخاصة كيتجمعو على احوال البلاد واستقرارها والسلم والسلام اللي كتعيشه .
شوية دازت من تمت لالة جوري بوصيفاتها وخوها الصغير من شهرزاد شاداه فيدها .. شاف الاصيل ويور جالسين كيتحدثو وطلق من يدها مشا كيجري عندها .. ابتسمم الملك يور ابتسامة عريضة ومد ليه يديه هزو عندو جلسو على رجلو كيضحك وقال
مرحبا بالبطل
رد الصغير وقال
مرحبا بيك انت اللي ضيف
هز الملك يور راسو كيضحك وتبسم الاصيل وقال
ماشي ضيف هوا مول الدار الكبيرة اولدي
هز الصغير يدو وقال : انا مول هاد الدار الكبيرة
ضحك الاصيل ويور فدقة وبقا اكيشوف فيهم شارد وهما كيهضرو ويور كيلعب معاه .. تقدمات الاميرة جوري وعيونها كتبرق لمعان من شدة الفرح السرور فاش شافت الضيف العزيز عندهم وحنات راسها ليهم باحترام وقالت
مرحبا بمولاي شرفتي الحمرا
هز عينيه فيها بتسيمة وقال :ليا الشرف الاللة جوري ..نشوف هاد النهار
تهز حاجب الاصيل وهوا كيشوف فيهم بجوج وبدا كيلاحض التقارب والاعجاب اللي بيناتهم وبسرعة تدخل وقال
جوري ..خودي خوك ودخلي للقصر غيضربو البرد
شدات فخوها وحنات راسها دخلات للقصر وعين الملك يور كترقبها حتى دخلت وشتت تفكيرو الاصيل اللي وقف قدامو وقال
جوري كتبغي الضياف .. حيت مكتخرج من القصر وكتبغي تعرف على ناس جداد
بقا الملك يور ساكت مطولا وقال بابتسامة
الله يطول فعمرها ونشوفوها عروسة ان شاء الله
بقا الاصيل ساكت وتنهد ميشوف فيه قال ليه بصوت تقيل ان شاء الله
رد عليك الملك يور وقال بابتسامة رافع راسه ويديه اللور بحال على العادة
بغيت نشرك على الهدية اللي رسلتي ليا .. قمة الدوق والابداع اجلالة الملك
ضحك الملك تفكر الهدية وهوج من الشرود ديالو وقال
تستاهل اكثر .. تستاهل نهديك دولة كلها اجلالة الملك يور .. كنت ديما كنتمنى يكون عندي ولد بهاد الصفات وهاد الشجاجة والشهامة والمبادئ اللي عندك .. لاكن ماتوفقتش كل التوفيق ..
ود الملك يور بسرور وقال
هادا شرف كبير ليا امولاي.. وحتى انا كنتمنى فيوم من الايام يسطع اسمي بحال اسمك .. ونوصل ولو لشوية من الغزوات ديالك .. وكنتمنى من قلبي هاد الصداقة والمودة دوم للادب.. وتزيد تتوطأ اكثر وتنساجم وتتقرب ونوليو عائلة وحدة .
حل الاصيل عينيه بقا ساكت مك وفضل يسكت ودورها فالسما ولزم الصمت وابتسم وقال
حتى حاجة ما تغلى عليك احبيبي
ابتسم الملك يور وتنهد مرتاح وتكلم الاصيل بدل الموضوع وقال
اه .. وشنو درتي فشأن الجارية اللي هرسلت ليك
تلفت يور وقال كيضحك
بالمناسبة .. بغيت نشكرك بزاف على الهدية اللي رسلتي ليا.. السيف قمة فالروعة ماعندي منقول..اما الهدية اللي كتمشي بالروح كن ما هرباتش كانت غتكون احسن
بدا الاصيل كيضحك وهما كيتمشاو فالحديقة وقال
علاش هربات ليك ؟ متكونش خلعاتها شي فارة
ضحك يور وقال: الفيران كاينين غير هما .. ولاكن هادي باسلة شوية
ضحك الاصيل وقال: بلعكس … عندها بزاف مايتقال.. فنانة والا مكنتش غنرسلها من دوك البنات .
هز راسو يور بالايجاب وقال بسخرية كيضحك
لا هي من ناحية الفن فنانة خصها تسقل الفن ديالها خصو مزال السقل
هز الاصيل حاجبو كيضحك فهمو اش كيصدق وقال
كتفكرني فواحد البنت كنت عرفتها شحال هادي ..كانت قدها .. وحتى هي تسقلات ولاكن تسقلات سقلة كبيرة هزات وحدة وحطات وحدة .. القساوة بزاف مامزياناش كتولد لينا اعداء فالمستقبل مكنضربوش ليهم حساب نهائيا
رد يور ب بنية وقال كيسرح عينيه فالحديقة
هي تبارك الله كبرات وتبدلات وزادت زيانت ..ولاكن واخا قرات وتعلمات مكتقدرش تشد لسانها وكتزيدها بالنفخة
ضحك الاصيل وقال ليه المرى مكتضربش بالسوط ولا باليد .. المرى كتضرب بالمرى . هاد الهضرة نيت كن عرفتها وانا قدك كانت شحال من حاجة غتظبط
رد عليه يور بابتسامة بسيطة وقاليه اللي طوالت نقصروها اصلا المرى الزوينة كتجيب وجع الراس..
ضحك الاصيل وقال ليه والخايبة كتجيب حريق المعدة
ضحك يور وقاليه خير الامور اوسطها .. وكما كان الحال كتبقى مرى والنبي(ص) وصا وقال رفقا بالقوارير .. تعطيهم على قد جهدهم ولا عطيهم التيساع احسن وهادي احسن حاجة .. اللي دارت دارت ليك حجرة فلطريق خليها وبدا الطريق كاع
تنهد الاصيل وقال ليه فهادي عندك الحق..شي مرات الانسان كيتبع النزوات ديالو وكينسى المهم حتى كتولي النزوة اكبر همومو
فالقصر عادية روح الندى جايا وكتحك يديها واللي فيها ما مهنيها.. عيات تخمم وتفكر فشكون هادي اللي كضمر الشر لولدها .. من جهة الاصيل ؟!! كاع الاوصاف كيرشدوها لوحدة وهي..!!
خرجات عينيها شاف ت جهة الباب وهيطات لعبديدة حضرات فالحال وخرجات عينيها قالت ليها بصوت خفيف كيخوف
جيبي سبأ
حدرات عبيدية راسها وخرجات كتقلب عليها لقاتها فالكشينة عاطيينها العجينة كتعجن والخادم واقف عليها كيوريها .. جراتها من تما عبدية والغجينة فيديها داتها شللات ليها ووصلاتها عند روح الندى .. شافت فيها سبأ مطولا بن بعد ما خدرات ليها راسها وهزاتو وقربات ليها روخ الندى بحقدكتخزر فيها
قالت ليها علاش بالضبط سيفطك لاصيل ؟ علاش نتي بالضبط.. عاد تفكرت فين شفتك من. قبل ! نتي الي شراك من الاسواق ودخلك للقصر !! عاد عقلت على صتك ااغريبة ؟
هضري قولي ليا علاش سيفطك الاصيل؟ علاش نتي بالضبط ولشنو كتخططي؟
استغربات سبأ وقالت فهدوء
انا ماعندي علاش نوي الاللة مولاتي!! يمكن تشابهت ليك
هزات روح الندى حاجبها وقالت ليها اوزايداها بطولة عمرك كتهضري !!
نتي اللي جايا تقتليه ..ولاكن انا فطرت بيك قبل ما تغداي بيا .. غنوريك شكون هي روح الندى اللي عمدها ولد واحد فهتد الدنيا
بقات سبأ فير كتشوف فيها وقلت بثقة فنفس وببرودة انا ماعندي حتى مشكل الالة معاكم .. وكلشي كيعاملني خايب وماعرفتش علاش وشنو السبب؟!!
ضحكات روح التدى قالت ليها هانتي غتعرفث السبب
شافت فعبدية شارت ليها تخرجها وعيطات لعابد حضر فالحين فيها الت ليه سمع .. كاينة خاينة كبيرة جات من غرناطة .. غادي تخرج منها الحقيقة برز .. وكتعرف علينا شلا حوايج .. هرج منها الهضرة والى اضطريتي كاع كويها بالعافية باش تهضر.. ولدي اولى من كولشي
هبطو سبأ وهي مافاهماش علاش واخدين لبيت من اير بيتها ودخلوها كان كبير وديال الخزين ووقفوها كيسولوها ..ويخوفوها بانواع الخوف اللي كانو غيقتلوا بالخلعة وهي كتحلف وتعاود وتسد عينيها من ااخرف حتى بغات كانت غترقع ليها شي حاجة فعقلها من شدة الخوف . عيات تقول الصدق وباللي معارفة اش كيقصدو واشنو كيقولو. لاكن فالاخير ما القاو. حتى حل باشيخرحو منها. الهضرة وشداها عابد كواهل بالسفود من يدها حتى غابت ليه وناض خلاها مجبدة وقف قاليهم هادي غتموت لنا وعلى سبة .. وحنا ماحليتنا للاللة ولا لسيدي
دخلات عليهم بصيرة فجأة تخلعات من داكشي اللي شافت وجات مع الجملة الاخيرة دعابد وغوتات. دايرة يدها على فمها .. قلت ليه اليوم يطير ليك الراس المسخوط على هادشي اللي درتي ليوم
شارت بيدها للعبيد هزوها خرجوها وقبل ما يوصلو بيها للبيت استاعدت الوعي ديالها ودخلوها سدو علينا وخرجو بأمر من بصيرة اللي داخت وعتحمل مسؤ وليتها هي اول وحدة .. بقات بوحدها كدور فبلاصتها وسبأ كدور عينيها فالبيت واسترجعات الوقائع وبدات كتنهج وناضت جلسات شافت يدها وعوتات كتبكي وماقدراتش تتقبل الوضع وشنو وصلات ليه وماقدراتش تستحمل وكانت غطيح لبصيرة .. شداتها جلساتها كتهدن فيها وخرجات كتجري كدور حدا الباب وتقلب على اللي تسهر حتى بان ليها واحد من الخدم سيفطاتو يجيب الحكيمة ومشات كتجري تجيب الماء ورجعات بيه هازاها .. دفعات الباب بيدها كتشوف فالبيت مالقاتش سبأ ضارت وراها للجهة الاخرى وهي طيح الكاس وغوتات لربي اللي خلقها شافتها معلقة راسها بوشاح والطبلة صغيرة طايحة حداها وبلا عقل خرجات كتجري كتعيط على اللي يجي يشوف. الموصيبة اللي يوقف معاها حتى صادفات الملك يور داخل وغادي لجناح لاللة روخ التدى وشافها فديك الحالة صفرا وشهقات ورقف تلفت قاليها ياك لاباس
حلات فمها بغات تهضر لاكن ماقدراتش وبالخلعة طاحت جلسات على الحيط كتحل فمها وكتحاول تنطق .. قرب منها كيشوف فيها عرف شي كترثة واقعة وقال ليها هضري شنو كاين نطقي
بلعات الريق وحاللة فمها وقالت بصوت متقطع .. ال. ال جارية. .. سأ سأ.. سبا شنقات راسها
سمع الملك ما قالت ليه بصيرة وعاود سول كأنه مصدقش او ما مسمعش مزيان
قالت ليه بصحيح العبارة راه سبأ شنقات راسها ومشا كيجري تبعها للبيت اللي معلقة فيه ودخل بحال الموجة لقاها معلقة لاكم عند رجليها عابد هازها والعبيد كيتجاراو يقطعو الوشاح .. دخل وسطهم هزها وكيسول شنو شنو وقع شنو اللي جرا وطرا لاكن حتى واحد مالقا باش يرد عليه من العبيد .. اما عابد فكان لونو سمر غامق زراق رجع بحال الدنجالة وكيتفف ويشوف فيصيرة اللي كانت كتفتف وتعاون وبدورها شافت فيه نضرة توعد على شنو غيرقع عليه ومتأكد ليه كلامها اللي سبق .. طيحوها فوق الارض وفتح الملك يور الخيط على عنقها بسرعة على امل يلقاها حية ولقا عنقها دايز بالدم من قوة الثقل والخيط خلا اثار على اللحم .. حط يدو على عنقها كيتسنط لدقات القلب وكيقلب على الدقات فأنحاء عنقها مالقاهمش ،دخل اثنائها الحكيم كيجري خواو ليه العبيد الطريق داز بدا بالروح هي اللولة كيقلب واش طلعات ولا باقا حية وتأكد بجميع الطرق دياله وشاف فالملك اللي كان جالس جنب الكسدة على ركابيه كيتسنى يسمع خبار زوينة .. لاكن تأسف الحكيم وقاليه
اجرنا وأجرك عند الله امولاي.. البنية خرجاتها الروح
تصدم الملك يور وماتوقعش طيح البطانة فداك النهار ولول كاع كان حلم بيها فمنامه مكانش يتيق .. والنهار اللي اصلا كان غيسالي والكل غيمشي ينعس صدق النهار مسالي بأكبر كارثة اللي طاحت على راس الملك يور واثرات عليه وبقا مصدوم .. شي حاجة اللي ماقدرش يصدقها !! سبأ؟ عاد كانت فالحمام صحة سلام وعاد جبدها هوا والاصيل فجأة شنقات راسها ؟!! وعلاش؟ بقا كيفكر وحتى التعابير وردود افعالها الاخيرة راجعهم وكيجمع الاسباب لقا انه السبب فشنو وقع ليها .. بل تأكد انها ماتقبلاتش حياتها الجديدة والاحداث الاخيرة اللي وقعات ليها وتجرحات جرح كان الألم ديالو قوى من انها تصبر ليها وكان اسهل عليها تنتاحر على انها تحمل داكشي اللي حسات بيه واخا فنضره كان شي حاجة اللي ماتستاهلش نهائيا ومنها عدد اللي كان فالعمبر ورجع من الخدم وهادشي متعودين عليه وحتى الاهانات اللي كيتلقاوها تما من بعضياتهم معتادين عليها .. دور وجهه سد عينيه ماقدرش يشوف فداك الخليقة دالله اللي مشات صغيرة وتحسر على ضياعها وقاليهم يهزوها من الارض وناض خرج لبرا للجردة وجلس على واحد الحجرة كبيرة شابك يديه وحاطهم على جبتهم .
انتشر الخبر بسرعة البرق وكان صدمة للجميع .. تصدمو ناس المطبخ ومنهم يعقوب اللي بقات فيه وحتى الخدم اللي كانو كيعلموها .. وتصدمو. البنات فالعمبر وطاحو صحاباتها ومنهم متعة و سمر وبنات اخرين مصدومين كيبكيو و كايتسائلو علاش نتاحرات ؟ وشنو السبب؟ واش حيت خرجات من العمبر ؟ واش حيت رجعات من الخدم وماتقبلاتش حياتها ووضعات ليها حد ؟؟ علاش ؟؟
اما شادية وروح الندى فحانو بجوج فالجناحي الملكي دروح الندى كيقلبو على كيفاش ينفدو الخطة ديال الدفن ديالو بلا ميحس حتى دخلات عليهم عبدية حزينة على سبأ وحدرات ليها الراس قالت ليها
لاللة .. طاحت الروح هاد العشية فالقصر
تصدمات روح الندى ورقفات وكذلك شادية وسولات
روح من ؟!!
هبطات عبدية راسها بأسى وبتعابير كيعبرو على عدم الرضى والضلم والخذلان اللي حساتو من حيهة روح الندى وقالت كتشوف قدامها سبأ
وقفات روح الندى مصدومة شافت فشادية ورجعات شافت فعبيدة ومدات يدها لشادية بتتاقل قالت ليها تأكدي من الكلام اللي قلتي لي دابا ..
هبطات شادية راسها متأسفة وشافت فيده روح الندى وهزات عينها قالت كتنهد مافهمتتش علاش طلبات منها تعاود تشوف وقالت
كلشي باقي كما هوا الاللة
رمشات روح الندى بارتباك وقالت
شوفي لي المرى اللث دكرت
قربات منها عبدية كتشوف فيها بغير تصديق وقالت
كنقول ليك سبأ انتاحرات.. مشات ؟!! اش هاد القلب اللي رجع عندك لهاد الدرجة ماحركاتش فيك حتى حاجة
نترات روح الندى يدها قالت ليها هازة راسها وكتستحمع قوتها
اللي بغا يقتل ولدي ماعندو ميأثر عليا
ردت شادية قالت ليها ولاكن اللة امولاتي سبأ غير هدية ماهياش غتقتل مولاي وماطايحش الخط ديالها
شافت فيهم بجوج قالت لبهم هدية فاش بقات .. وانا اللي عارفة ماشي نتوما ..المهم دابا الله يرحمها ديرو ليها الواجب ودفنوها ونتي سيري لبيتك حتى نعيط ليك
حدرات شادية راسها خرجات وبقات غير عبدية كتشوف فروح الندى مصدومة فيها وقالت ليها
بدلتي ..تبدلتي بزااف .. هادشي اللي كديري ماكيدورهش بنات الناس ونتي داز عليك وقلتي كتكرمي المرا فأيامك .. هادا هوا التكريم ؟ تقتلي بنفس باردة وحتى الحزن ماتحزنيش؟. واش ماخفتي مولاك
عقدات روح الندى حجبانها قالت ليها ماتهضريش معايا بهاد الطريقة .. واش نسيتي شكون انا؟
قربات منها عبدية فخيبة امل قالت ليها مانسيتش.ولاكن حتى نتي ماتنسايش شكون انا .. اما ام يور الثانية ..نتي ولدتي وانا ربيت .. وكما كنحتارمك غتحتارميني من اليوم .. ردي بالك اروح الندى عاقبتك مغدوزش على خير .. ذنب هاد البنت والدنوب اللي مزال كتجمعي غيخرجو فيك مرة وحدة جهد اللي ماتململيش من مكانك.. نخاف عليك غير تاكليها قبل ماتوبي وتوصلي مولاك شابعة دنوب..اما حتى هاد الدوريشة هادي اللي كانت كافرة راه تابت فاش حلات عينيها على الحقيقة وعرفات مولاها ..
هزات روح الندى يديها انفاجرات في حيرة وبينات حقيتها المخفية ورا ديك القوة وقالت كتمشي وتجي فبلاصتها
شنو ندير انا شنو ندير يالاه ؟؟؟ شنو شنو تخلي ليهم ولدي ياكلوه ؟؟ واش ماشي ولدي واش ماشي قلبي عليه ؟؟واش انا قتلتها بلعاني!! انا ماقتلهاش هي انتاحرات .. شنو دنبي انا
ردت عبدية كتوبخها اشد التوبيخ وقالت ليها ضلمتي .. ضلمتي تابعك طريق الضلمة كتقمري بارواح العباد.. هادا ماشي ذنب ماشي ضلم ماشي الحكرة؟ هااا؟ شكون قالك نتي ديك البنت هي اللي عندك فدام الخط شكون؟ قدرتي غير هاكاك وماقال ليك راسك .. ايوا نشوفو شكون الثاني هاكا غتبقاي غارقة فهاد المرض اللي تبليتي بيه حتى تحصدي رواح العباد كاملين .. ديك الطريق ماغتنفعكش.. عند بالك غتسلكي راسك بيها ونتي غير كتزيدي تغرقي باش تعرفي الشرك بالله فين كيوصل وغتبقاي مطمسة حتى يفوت الفوت ومايبقا ليك فين ترجعي .. الله يهديك هادشي ما نقول ليك
رادت عبدية خرجات وطاحت روح الندى شادة وجهها كتشوف قدامها عاد حسات بالروح اللي طاحت ديال بنادم ماشي حشرة عاد انتبهت لراسها وهي عمرها فكرات فيوم من الايام تقتل شي واحد حتى تعمات ليها البصيرة
من قوة الصدمة فضل يجلس كل واحد بوحدو ويحكي مع ضميره.. وحتى اللي نسا الموت رجع تفكرها واللي ماعارفين والو فشنو طاري هز يديه وقال ايييه عاد كانت جالسة معانا مسكينة .. وشحاال كانت زوينة مسكينة .. عاد هضرت معاها مسكينة.. بقات فيا مسكينة .
بقاو هاكاك حتى صبح الحال وصبح على روح الندى ناعسة عوجة فبلاصتها فين بقات جالسة وضميرها كيأنبها وصبح الملك يور داخل من ديك الحديقة اللي تمشاها كلها فديك الليلة بلا ميحس وهوا كيخمم لدرجة كره السلطة ومايجي منها وتمنا كن كان بحالو بحال كاع اللي قدو .. من ديما كانت شهوتو يركض فالدنيا ويجرب حياة الانسان العادية بعيدا على حياة السلاطين الناذرة.. كان كيتمنى يجرب البيع والشرا .. كان كيبغي يخالط الناس.. كان كيتمنى يزطط القوافل ويعيش متعة السفر والمغامرات .. كان كيتمنى يشوفوه الناس عادي بلا الاحترام الزايد ويعيش الحقيقة يعرف الصديق من الحبيب ..كان كيتمنى يعيش حياة صحابو ومغامراتهم وطريقة العيش العادية ويجوع ويعرف بحق النعمة ويخدم عليها ويجرب الشقاء والكفاح وويدوق حلاوة المنال وسعادتها من بعد الصبر .يعيش الشغف ومايكونش عماد الشعب والبلاد كلها ..تنهد وهوا داخل للقصر قال بينو وبين نفسه بصوت منخفض
خادم الرجال سيدهم ..وسيد الرجال خادمهم هادي هي الحقيقة
وفعلا.. واخا هوا سيد الرجال لاكن فنفس الوقت الخادم ديالهم والساهر على راحتهم وحامل همومهم دهنيا.. لاكنه بتفصيل اخر اللي كينتطابق على المثال الاصلي خادم الرجال سيدهم اللي فعلا سيدهم حيت ماهاز هم ما هاز دنب وعندو اللي سهران على حمايتو واكله وشربه ومبيته وحتى المدخل ديالو .
وهوا شارد الذهن صادف بصيرة جايا وراها الخدم مشغولين فداك الصباح ووقفات ليه حادرة راسها وقالت ليه صباح النور امولاي
رد كيشوف فيها بعيون تقيلة ويديه اللور قاليها كرمو المرموحة ..وبغيت ديرو ليها كنازة اسلامية يحس بيها القصر كامل
هبطات راسها لتنفيذ الاوامر ومشات كتجري نوضات فالخدم الريكاطا ومنعات الغنى ومنعات القرايا ومنعات كاع الانشطة فالقصر اللي خاصة بالحريم وجلساتهم النهار كامل فالعمبر والقرآن مطلوق .. والماكلة كتوجد للصدقة حتى توسطات الشمس فنص السماء وعطات حرها ومشات عبدية مريضة بجو الكنازة طلات على المرحومة لقاتهم غسلوها وكفنوها فالبيت اللي كانت كتنعس والخدم كيدورو ويجمعو حوايجها وكل ما كيتعلق بيها ..تحسرات وهي كتشوف فيها فكفن ابيض كلها مسدودة ودعات ليها بالرحمة .. دخلتت عليهم اثنائها روح الندى بلا متعلمهم كتشوف فيهم عيونها فيها الخوف وكتبلع ريقها ..حنا ليها كلشي الا عبدية اللي هزات راسها شافت فيها رقالت ليها بنفس لوامة
كنا كنتسناوك الاللة مولاتي تجي توادعي مع المرحومة ..باش نديوها ندفنوها
بعات روح الندى ريقها ويدها كتفتف ورجعات اللور خطوة مع تزدحات مع شي صور مع كلشي حدر الراس حتى للركبة وهي كتشوف فيهم ومنهم عبدية.. تلفتات وراها لقات الملك يور واقف وتجنبات للجنب ساكتة
ماهضرش معاها وكان باغي غير يودع سبأ قبل متدفن ومشا وقف جنبها عرا ليها على وجهها والقطن في فمها ابيض ونيفها ووجها ابيض وحروفها تغمقات .. بقا كيشوف فيها مطولا بأسى وسد عينيه كأنه كيتسامح معاها والندم على وجهه وروح الندى كتشوف فيه بنص عين منكاسرة الوقفة حتى غطا ليها على وجهها وامرهم يدفنوها . ويكثرو عليها الصدقات وحتى بدورها قل مينزل امر ذو الفقار يخرج قدر اعلى نسبة من الصدقة عليها لعل الله يغفر ليه وليها . خرج من البيت وخرجات موراه روح الندى مشات نيشان لطلعات لاحد الابراج اللي كيطلو على روضة القصر وبدات كتشوف فيهم مخرجينها من باب مقابل معاها اللي فجهة الحرم على كتافهم ويدعيو الله يرحمها ويوسع عليها .. وكان فهاد الاثناء الملك يور واقف وجنبو ذو الفقار متبعين الكنازة اللي دايزة قدام عينيهم غاديين بيها للروضة.. حتى فجأة بدات المرحومة كتتحرك وتتركل فوق النعش وخرجات راسها من الكفن وناضت جلسات مخرجة عينيها ساطت مخنوقة لاحت القطن اللي فمها وشافت الناس وراها وجنابها غاديين بيها كيقراو فرمشة عين وغوتات مخلوعة والقطن كيطل من نيفها وشعرها تحل كامل خلعات كاع الناس شي هرب شي. تلف شي طاح شي سخف شي كان غيسكت ليه القلب يمشي بلاصتها واللي هازينها ماعرفو شنو واقع شافو الناس هربو وسمعو الغوتة ما عرفو منين جات حتى نتابه واحد فيهم شاف يدها طلات عليه وهي كطلب شادة الكفن عليها مخبية فيه وغوت حتى سخف طاح فالاوض وطاح كت فوقو بالنعش ديالها طيحات كاع اللي مانو هازينها هربو بالخلعة وخلاوها بوحدها كتشوف فكلشي هربان وفراسها ملابسة والو غير المفن ملوي .. تصدم كولشي وذو الفقار كيردد بسم الله الرحمان الرحيم ..اما الملك مافهم اش واقع شاف كولشي كيهرب شي غادي لهاد الجهة شي هارب لديك الجهة. خلاوها بوحدها ومشا كيجري عندها وذو الفقار والحرس والخدم تابعينو
روح الندى من قوة الصدمة والعجب اللي شافت رجعات باللور مخلوعة والدروج وراها فالبرج نساتهم وطاحت تركبات جات هي فجهة والتاج فجهة والبلغة فجهة ووصيفاتها كيتجاراو وهي عينيها مخلوعين الصورة دسبأ قدام عينيها وراسها مقلوب ماقدراتش تحرك يابسة وهازة واحد اليد تا قالت صافي الموت هادي لكن حتى هي طلعات بسبع رواح هزوها هبطوها مرابعة كيجيرو بيها لجناحها ومشاو كيجريو عند السلطان اللي مزال مصدوم فالميت اللي رجع حيا قدامو والطبة دايرين بيه حيدو ليها القطن من نيفها وهي جالسة مكمشة فالكفن مخلوعة تقول رجعات من الغيبوبة
حدر ليه عابد الراس سخفان بالجرى قاليه مولاي لاللة مولاتي طاحت من الدروج
كمل عليه عابد ومشا كيجري عندها لجناحها لقاها مجبدة كسدة وحدة مكتحركش وشد فيدها كيسول مالها ..كانت عبدية غادي تقوليه منين طاحت لاكن زربات عليها روخ الندى قالت ليه طحت فصالة الضياف فدوك الدروج اولدي.. كنت غنموت
بقا غير كيشوف والحكيمة كدور بيها هزات راسها قالت ليه الحمد لله امولاي على سلامة لاللة مولاتي.. ماوقع ليها هرس ولاكن ضاروري خصها ترتاح مقصحة بزاف
سدات عينيها سخفانة لاكن ماقدراتش تسكت قالت ليه اشنو وقع ؟؟ الميت ناض ولا شنو
تنهد قاليها ماماتش دقات القلب سكتات فديك الوقيتة اللي شافها الحكيم ومن بعد رجعات وبقات غايبة حتى فاقت فوق النعش.. سبحان الله كتاب ليها عمر جديد
شهقات روح الندى قالت ليه انا اللي غنموت
باس يدها وطبطب عليها قاليها الله يطول عمرك وعطي الراحة راسك شوية
حركات ليه راسهت بالايجاب ويالاه بغات تسد عينيهت وناض هوا وقف دخل عابد كيجري هاز فيدو مرسول قاليها لاللة جاك مرسول من قصر الحمرا
تلفت السلطان شاف فيه باستغراب قاليه من قصر الحمرا وشاف فروح الندى لقاها صفرا مابقا عارف صفورية الخلعة من داكشي اللي وقع ولا من الطيحة اللي طاحت .. قالت لعابد بالزربة عطيني المرسول غيكون من عند لاللة شهرزاد بحال العادة
رجع السلطان كمل طريقو مشا وشدات المرسول قراتو وشافت فعبدية اللي حاطة يد على يد واقفة رقالت ليها شنو بغا مني هادا عاوتاني قالي خصو ضاروري نتلقاها هاد النهار حدا الواد المنحوس ؟!! شنو اللي ضاروري عاوتاني ؟
دورات عبدية راسها كتسوط قالت ليها حمدي الله بعدا وشكريه اللي البنت كتاب ليها عمر جديد اما كن راه ذنبها على رقبتك ليوم الدين
عبسات روخ الندى قالت ليها جيبي ليا ورقة ونرد عليه
مدات ليها عبدية شنو بغات كتبات ليه مرسول باش مايتأملش يتلاقا بيها ولا يعاود يفكر يتلاقاها ورسلاتو ليه وحطات يدها على جبهتها كترتاح حتى داها النعاس ونعسات النهار كامل حتى قالو ماتت لاكن فالخقيقة ردات عذاب الليلة الفايتة حتى ماعقلاتش على راسها لولا عبدية اللي دخلات فيقاتها ووقفات حاطة يد على يد قالت ليها كتنهد
جاو عندك الضياف .. قالو بلا ميعديوك حتى للواد
شافت فيها روح الندى وهي كتحرك يدها بزز وعنقها محطوط بحال الترابي وقالت ليها مخلوعة شكون؟
حطات عبدية يد على يد قالت ليها الاصيل بشحمه ولحمه ..وراه مع السلطان فقاعة الصيافة وجبدو الهضرة عليك قاليه طاحت من الدروج ..ودابا راه جاي يطمن عليك ففراشك ايوا كي جاتك هادي؟
شهقات روخ الندى حتى بغات تهضر وتحل الباب دخل وفالبلاصة حدرات ليه عبدية الراس خرجات من حداه خلاتو معاها داخل كيشوف فيها مكسلة وهي متبعاه بعينها وقال كيضحك
طحتي فواحد المصيدة اجا ماخرجك منها .. موحااال تفلتي هاد المرة
عقدات حجبانها قالت ليه شنو بغيتي علاش جيتي
قرب من السرير تكا بيديه على الحديدة قدامها شاد فيه وقاليها باستفزاز كيضحك
نوضي تكعدي فكي ولدك راه بغا يتزوح بختو
خرجات عينيها مصدومة قالت ليه شنووو
نفض يديه ومشا كيتسارا ليها فجناحها ويشوف قاليها ولدك بغا يتزوج بنتي .. وعطيتها ليه .. جيت نعلمك باش توجدي للعرس .. ساعا لقيت دنوبي وصلو قبل منوصل
هزات راسها وبغات تجلس واخا مقادراش تتحرك وراسها كيمشي ويجي بلاصتو شاداه بزز وقالت مخلوعة
كيفاش بغا يتزوج اش كتخربق اشمن ختو ؟؟
تلفت الاصيل هز راسو نفخ حتى تفش وقال ليها باغي القرب الاللة .. لبارح جا عندي باغي يتناسب معايا ولمح ليا على جويريا
دارت يديها على حناكها قالت ليه. اوييلي على باغي يتناسب معاك ومالقا معامن ؟!!!
هز حاجبو قاليها ااه الاللة الى نتي كتشوفيني لتحت ولدي كيشوفني قدوة ليه … ولدي اللي غبرتيه على وجه الارض وكبرتيه مكيعرفش باه الخايب اللي نتي كيبان ليك مكيسواش كيحساب ليك حتى ولدي غيكون بحالك.. طلع كيشوفني مثله الاعلى .. ماشي نتي اللي مثله الاعلى والقدوة ديالو وكيسعى للقرب وبغا يتزوج لاسباب سياسيةًويعلم الله واش بيناتهم شي حاجة
ضربات راسها وناضت من الفراش وقفات حتى كانت غطيح وشدات فيه كلاها بيدو ردها لناموسيتها وقالت ليه
بيناتهم؟!!! اش بيناتهم؟!! ودمك بارد تقول ماشي ولدك ؟!! عاجبك الحال اويلي شهاد الموصيبة شهاد الكارثة
دار يديه عاى جنابو كيشتت النضر في حيرة وقال ليها المشكلة جويريا مهتمة ومعجبة بيه .. شوفاتها ليه فاش جا اخر مرة ماشي عادية .. والى كانت وقعات بيناتهم شي حاجة فالسر راه غتكون كارثة عليا وعليك وعليهم وصافي الله يرحمنا جميعا .
شدات وجهها بين يديها مصدومة وناضت كتجر ققفطانها المحلول وتزطم فيه حتهضر بوحدها وشعرها الملوي كيتحل ورا ضهرها وجلس هوا بلاصتها تكا على ركابيه مهبط راسه كيفكر فصمت وكيسمع ليها كتقول مع راسها
ميمكنش !!! اش داه ليها وفين وامتى ؟ اويلي!! فهاد العالم كله مابانت ليه غير جويرية ؟!! يتزوج ؟! يتزوج كاع فكر فالزواج هوا كاع
تلفت شاف فيها قالها الحريرة ماشي فهادشي.. عادي يفكر يتزوج راه الزواج ويبغي يتناسب معايا راه كيشوف فهاد الزواج بزاف ديال المصالح .. اللي غينفعو البلاد وينفعوه هوا مع باقي البلدان لاخرى.. ونتي شخصيا حاشة السامعين عارفة شنو كيعني الزواج بالنسبة لملك وسلطان ولا حاكم وخليفة ودي عينك على كاع السلاطين شوفي زوجاتهم شكون هما غتفهمي علاش .. فالحياة العادية هادشي طبيعي وعادي وكايشوفوًفيه منفعة كبيرة
هزات يدها كتفكر بتوثر وقالت ليه
عطا الله الحريم اشكال وانواع عندو فالعمبر مالو طار للزواج
هز حاجبو فيها قاليها وبغيتيه ميتزوجش ؟!! علاش بالسلامة الاللة ؟
قالت ليه عرفتي شنو غندير .. غادي نزوجو شي وحدة من العمبر ونسد ليه على صبعو
وقف كيضحك ويسرح عينيه قاليها اش داك لشي عرش وشي مشاكل ونتي مقادرا حتى تفهمي حياة السلاطين علاش دايرة .. يتزوج بوحدة اللي اصلا هي ملكو ..جارية عندو مزوج بيها بلا فاتحة !! بحال الى غنعاود نتزوج انا بشهرزاد وفهامة عندك ..الاللة راه ملك كيختم على مرى حرة .. اميرةولا ملكة سلطانة بنت خليفة بنات صحاب التاج اللي ميمكن تكون جارية كيستولى عليها بسهولة وفنفس الوقت تكون بنت سلطان عضيم باش يزيد بالبلاد القدام ..اما جارية علاش غيتزوجها ؟! اش ناقصو معاها باش يتزوجها
بقات ساهية كتشوف فيه وقربات منو خزرات فيه مزيان وقالت
ليه ناقصها الحرية .. ناقصها تفك من القيود ديالها
ربع يديه كيشوف فيها مطولا مصغر عينيه وقال ليها اجي نتي بعدا .. انا كاع ماحررتك ..هربتي ليا ونتي جارية ولاكن كاع ماحررتك
هزات حاجبها فيه قالت ليه ومن بعد ؟! حررتيني ولا ماحررتينيش المهم حررت راسي وليت ملكة مكتشوفنيش؟! انا كلي ومكنباش ليك ؟!!
قاليها وزواجك من السلطان اللي مات ماشي باطل؟! ولا نسيتي؟!
هزات كتفها قالت ليه مكيهمش.. المهم تحررت .. ودابا حنا فولدنا اللي غيتزوج بنتك .. اللي طاح حبو على الحرام ديالك كيفاش غنفكو هاد الزعلوك هادا هاا؟
هز عينيه فيها قاليها هاد الزعلوك نتي زعلكتيه.. زعلكتيه مزيان ودابا فكيه ماترميش عليا مصيبتك اللي اصلا ماختاريتش نكون معاك فيها غير بزز
جمعات شنايفها بتحدي قالت ليه ايوا سير شوف اش دير .. نتا اللي ولدك غيتزوج بنتك اما انا ولدي غيتزوج بنتك ماشي بنتك غنهيطها بغراف دالما ونضرب الطم يالاه
بقا غير كيشوف فيها وقال ليها والدنيا هانيا عندك يتزوج ختو واخا ماشي بنتك ؟
هزات كتفها عطاتو بالضهر قالت ليه ونتا علاش ما درتيش الحد لهادشي علاش ماقلتيش ليه مخطوبة ولا شفت ليه شي تسييقة من ذكائك المبهر ولا كتخدمو غير فاش كترشق ليك
مشا جهة الباب بغا يخرج وقاليها
شوفي ليك شي حل لحريرتك انا مبري منك
خرج وخلاها جالسة كدور تالفة على بلاصتها كتمشي وتجي وتخمم ..كانت فهاد الاثناء بصيرة وعبدية بنفسها جنب سبأ اللي رجعات من الموت لاكن ماشي طبيعية ومزالة مصدومة جالسة فوق سريرها الصغير ف بيتها الصغير وجنبها عبدية وبصيرة كيداويو ليها يدها المحروقة وعنقها المجروح من بعد ما حيدو عليها الكفن اللي بقا تأثره على نفسيتها كبير ولبسوها قفطان خفيف لون سماوي مايل للخضر "فاختي"
مسحات عبدية على يدها اللي عليها حرقة وقالت كطيب جروحها
ها الحمامة ديالنا رجعات .. وربي بغاها وزادها فالعمر .. ايووا وغادي .. الحمد لله يا بنتي على سلامتك .. رجعتي منورة تبارك الله بحال العروسة وكتاب ليك الله حياة جديدة .. غادي تبراي وترجعي حساااان كاع من اللول.
ضحكات بصيرة وهي كدفر ليها شعرها قالت ليها باش تعرفي راسك عزيزة وغالية.. هانتي حضرتي لكنازتك كاع وشفتي شحال ديال الناس بكاو عليك..وفرحو فاش رجعتي بالسلامة.. وصحاباتك كاملات كيسولو عليك وباغين غير فوقاش يشوفوك .
طاحت واحد الدمعة من عينها مسحاتها بيدها وقالت ليهم
الله ياخد فيهم الحق
ردات عليها عبدية قاليها لااا وعلااش ابنتي ..كلهم حزنو عليك وبقينتي فيهم ومابغاوش ليك هادشي… نتي بنية مزيانة وداخلة سوق راسك وقارية وفاهمة .. ومشيتي بغيتي تقتلي راسك..بغيتي تمشي حهنم نيشان
طلات عليها بصيرة شادة فدفرتها وقالت ليها وعلااش ؟؟ كنتي غتمشي لا دنيا لا اخرة بسبب الخلق وتخسري توابك مع الله ..
قالت ليهم قاطعة البكية فيها عمرني نسمح ليهم .. كن قتلوني مع عائلتي احسن ليا
قالت ليها عبدية ايوا حمدي الله اللي ماقتلوش ودخلتي للاسلام ديالنا .. وغادي تمشي للجنة .. كن قتلوك فالحرب كن مشيتي جهنم .. ربي دار ليك السبب ابنتي
ردات عليها بصيرة قالت ليها والحرب لا مفر منها.. يا قاتل يا مقتول وحنا عائلتك الثانية وحضناك
وراتها سبأ يدها قالت ليه حضنتوني
تنهدو عليها كيشوفو فيها وقالت ليهم الاسلام كيقول ليكم هادشي؟؟ نتوما مسلمين؟
شدات ليها عبدية يدها كتمسح عليها قالت ليها ربي خلق وفرق.. والاسلام كينهي على هاد المنكر ..ولاكن بني ادم عندو ثلاتة دالنفوس.. مرة تلقايه كيعصى الله ..مرى كيبكي وندمان ..مرى راضي وفرحان .. ايوا هادا اختبار وصافي الله يهدي ماخلق.. دعي الله يصلح احوالك ويفك رقبتك
هزات يدها بحرقة قالت ياربي كما فكيتي سيدنا يونس من بطن الحوت فكني من هاد القيود ومن هاد العيشة وخرجني للضو وطيب خاطري يا ربي
حنات راسها على ركابيها كتبكي وهما غير كيشوفو فيها .. دخلو ليها الخدم تاكل وحتى هما جاهم فضول يشوفوها وخطو الماكلة وعينيهم كيدورو وخرجو .. تبعاتهم بصيرة خلات معاها عبدية ورجعات للعمبر تشوف اش واقع فيه ودخلات لقاتهم حاميينهت للهضرة وغير شافوها ناضو وقفو كلهم تجمعو عليها واول وخدة سولات هي متعة .. قالت ليها واش بصح داكشي اللي سمعنا على سبأ واش بصح مزالة حية ماماتتش؟
ضحكات بصيرة قالت ليهم كتاب ليها عمر جديد.. وبحال والو ترجع عندكم للعمبر نقزات سمر قالت ليها بصح؟؟ واش بصح ماماتش ؟؟ بصح باقا حية
فرحو البنات كلهم وتصدمو من هاد المعجزة واخا حتى بحر ماصافي بلار وكان فالعمبر الزوين والخايب ..الحنين والرحيم والحاقد والخبيث ..تشفاو شوية وفرقات ليهم بصيرة المجمع سيفطات نصهم للموسيقا ونصهم للمنسج. والنص لاخر للجردة .
اما السطان ولد السلطان مللي ودع باه اللي مزال ماعرفوش مشا صلى ليه العصر وجلس فالشرفة لابس واحد الفوقية الكول ديالها مدور على العنق بالسيفة وفقه جوج عقدات فالجنب ومربع رجليه بقا كيحفض شوية حتى اذن المغرب ودخل ذو الفقار سولو فين يبغي يتعشا وهز راسو س المصحف وتلفت ليه والشمس كتغيب قدامو فمنضر رائع وقاليه جيب ليا سبأ وقت العشا لهنا
حذر ذو الفقار راسو وخرج وناض السلطان حط المصحف ومشا يصلي المغرب
وجد العشا ووجد جناح السلطان للعشية ..دخل ليه لقاه مزين ومزوق لاكن ممل..كلس فالشرفة بوحدو كيشوف فالعشا مغطي ومتول لاكن فين سبأ؟
دخلات عليه فديك اللحضة عبدية ووراها سبأ مهبطة راسها شوية ومدررها تقول جارينها بزز.. بالدفرة ديالها وداك القفطان وما رضات لا تلبس لا تزوق .. تلفت شاف فيهم وشار بيدو ليها تجي عندو .. ضارت عندها عبدية قالت ليها بهمس ديري عقلك بلا عناد ماتعرفي ليوم يتحلو ليك بيبان الرزق
خرجات خلاتها ومشات جلسات قدامو كتشوف فيديها فصمت .. بقا ساكت كيتمعن فيها وقاليها بأسى تسدو كاع البيبان فوجهك وفضلتي جهنم على كلشي
دورات وجهها للجنب كتسوط من نيفها فهدوء وقالت ليه يمكن جهنم ارحم من هاد الارض
مسل راسو كيشوف فيها بتسائل وقال ليها. وعلاش؟ً على قبل عقاب مارضيتيش بيه
بقات ساكتة مطولا وجبدات من طيات توبها ورقة مداتها ليه قالت ليه هادي غادي تصفي الخواطر
شد الرسالة ولمح بقعة حريق على يدها وشد ليها يدها قاليها مالكي فيدك؟
جمعات يدها بالزربة قالت ليه والو ..
قاليها وكيفاش حتى تحرقتي
بقات ساكتة مطولا وقالت ليه حرقني الكانون
شد ليها يدها دوز صبعو على الحرقة وشاف فيها قاليها خسارة هاد اليدين تاكلهم النار
بقات ساكتةكتشوف فيه بنص عين وجرات يدها عندها .. فتح الرسالة لقا فيها تعابير اعتذار على شتمها وقالت ليه بين السطور
الم يأن للغضبان ان يتعطفا
لقد زاد ظلما في القطيعة والجفا
بعاد ولا قرب ، سخط ولا رضى
وهجر ولا وصل،وعذر ولا وفا.
تبسم وطوا الرسالة شاف فيها قاليها كيأمل فحسنها عن بعد
اذا ما جائت اليمامة بذنب … تسابقه الرقة والحسن بشافعين
تبسمات وقالت ليه خير العفو عقو معجل..وشر العقاب ما يجاز به القدر
تنهد وعرا على داك العشا قاليها مللي تصفات الخواطر نتشاوكو الطعام ..بسم الله
مدات يدها هزات حبة ديال العنب كلاتها وخوات ليه كاس ديال اتاي مداتو ليه وقال ليها
شنو امنيتك فالدنيا ايامامة ؟
تلفتات شافت فيه قالت ليه يمامة؟
حط الكاس وقاليها سمتك من اليوم يمامة
اتغربات من هاد التشبيه وحلات عينيها كتشوف وتستوعبه وابسمت ليه قالت ليه بصح .. سبأ مشات مع النعش للقبر .. وليوم ولادة يمامة
ضحك وقال ليها وعلا قالتي سبأ؟
ردت عليه وقالت حيت مكانتش كتليق بمقامك امولاي .. وبمقام هاد القصر العضيم
قاليها كانت كتليق علاش شكون قاليك مكتلقيتش ؟
قالت ليه ببساطة مكتليقش بيا انا .. سبأ بوحدها ويمامة بوحدها ..ميمكنش يتجمعو فواحد امولاي..
استغرب قاليها علاش؟ وجاه كلامها غريب كيحاول يفهمه
بسطات ليه الامور وقالت ليه حيت سبأ كان صعيب عليها تعيش مع ذكريات كحلة دازت عليها .. داكشي علاش شنقات راسها وماتت ..لاكن يمامة قادرة تعيش ..تماما بحال اليمامة ..لا ذكرة تقل على جناحها ولا جروح يقطعو فيها النفس ..باش تبقا الحمامة محلقة فالسما خاصها تكون خاليا من جميع السليبات .. باش ماطيحش شي نهار امولاي
حرك راسو بالايجاب قاليها وشنو كطلبي ايامامة ؟ بابي محلول فوجهك ليوم
بقات ساكتة مطولا كتفكر وقالت ليه
سألت اليمامة عن الامنية
فلم تطلب ذهبا ولا عطورا زكية
يا نعمة الحياة بالحرية
لذة طاهرة نقية
تبعت للقلب الحَمية
يمامة طليقة وحرية ابدية
تحلق في الافق العلية
بعيدا عن البشر الوحشية
شاعرة ادبية
بحس الحياة الحية
العز .. وكل العز للحرية .
تبسمات فوجهه وهوا كيشوف فيها معجباتوش الامنية وبقا ساكت كيشوف فجهة اخرى كيدور صبعه الابهام على فم الكاس وتلفت قاليها اول مرة فاش حررتك ..شنو قلتي لي؟
قالت ليه قلت ليك خودني معاك ونصبر معاك
قاليها بتأكيد قلتي لي ماعنديش فين نمشي.. ودابا واش عندك فين تمشي؟
تنهدات ساكتة مطولا ساهية وقالت ليه انا كنعرف واحد الادبي ..علمني الشعر وعلمني المفردات وكان كيلمح ليا على زواج .. الى تزوجت بيه غادي يعاوني نشهر الشعر ديالي وحقق هاد الحلم .. وحتى انا رتاحيت لهاد السيد وبغيت نبدا معاه الى سمحتي ليا وعذرني على صراحتي..
بقا ساكت زاد جبد حجبانو من الاطراف وباين عليه عدم الراحة والشرود والتفكير وقاليها حاسة براسك غترتاحي مع هاد السيد اكثر من القصر
تبسمات قالت ليه انا بلعكس امولاي انا كنت مرتاحة هنت فالقصر.. درت صحابات ودرت بلاصتي ولاكن كنشوف راسي ماشي بنت العمبر ..ولا المطبخ .. ولا حتى حاجة من هادشي.. انا كنشوف راسي فبيت شاعر بحال ابيات الشعر
هز يدو تنهد قاليها واخا لاللة ..والى بغيتك تبقا هنا فالقصر.. وتبقاي كما نتي.. وتاخدي راتب على الاشعار ديالك وتنساي بيت الشاعر والشاعر ..ًتقبلي
بقات ساكتك هبطات راسها خطولا وقالت ليه اللي كتشوفو صحيح امولاي
هز حاجبو قاليها وشنو اللي كتشوفيه نتي صحيح؟
قالت ليه اللي كتشوفو عينك امولاي ..
تلفت وراه عيط على ذو الفقار دخل حنا ليه الراس وشار بيدو جهتها قاليه عطي ليمامة ثلاثين دابة من ملكي الخاص هدية ليها
قال ليه ذو الفقار خرفان ولا جمال امولاي؟
سبقات السلطان وقالت ليه طبعا جمال واش مولاي غيهديني الخرفان ؟!!
بقا السطان غير كيشوف فيها وقال لذو الفقار واش كان ضروري تسول ..انا كنت كنقصد خرفان ودابا واجب عليك تعطيها الجمال
تلفتات يمامة شافت فيهم كيضهرو بيناتهم وهي كتخوي اتاي .. مشا ذو الفقار ورجع السلطان للجلسة ديالو قاليها كنتمنى تبقاي على خاطرك ..تبسمات قالت ليه هادشي من السخاء ديالك
امولاي
رجعات رشقات ليه من جديد وقاليها غنكون سخي معاك اكثر وغنهديك فرس.. غدا خرجي للاسطبل وختاريها بنفسك
رجعات السعادة ليمامة من جديد وقالت ليه فرحانة
انا غنهديك حكاية طيب بيها نعاسك امولاي ..وتطرد عليك الملل والتعب والكسل وتخليك تنعس مزيان وتصبح نفسك ناشطة راشقة ناسية الهموم
يتبع...
التنقل بين الأجزاء