خيط الريح الجزء 12

-بعدما مشاو كاملين للدار ينعسو خلاوها معاه هي لي رافضة رفض قاطع تخليه..تمناو ليهم ليلة سعيدة و خرجو بعدما الزاهية شبعات نزهة توصيات..

▪︎▪︎▪︎▪︎

"تهلاي أبنيتي..حضي معاه لا يبغي يشرب..الى جاه الحريق عيطي ليهم"

ولوخرا عاطياها غي جملة:

"واخا أخالتي كوني هانيا حسبي راسك بحالا هنا"

▪︎▪︎▪︎▪︎

جلسات حداه فطرف السرير وشدات يديه وقالت:شويا دابا؟؟

ميمون:الحمد لله..لي عندو نزهة يحمد الله

ضحكات بشوية وقالت:نزهة ماتقدرش بلا ميمون..(تنهدات)كنت غنموت كون طرات ليك شي حاجة

ميمون:(داعب يديها بصباعو)ݣاع هذاا حب تتحبيني أبنتي ههههه

نزهة:(بدلع)علاه غي كنبغيك وسكتي، ههههه(ضحكات) كنترعد عليك أولد الزاهية بالحب

ميمون:(ضحكاتو)احح ههههه خليني غي حتى نبرا و تعنبي

نزهة:ݣلت غي الحقيقة(كضحك)والله حتى كنت غنموت كون طرات ليك شي حاجة..

طلع يدو لوجهها كيتفحصو بعينيه المتعبتين مبسم ليها ..ونطق:قربي ..

معطلاتوش عرفات شوفتو كيديرها فاش كيبغي يبوسها..فكانت البادرة منها أنها قربات ليه وقبلاتو بشوية قبلة سطحية على شفايفو مع بغا يزيد يبوسها وهي تعضو فالشفة السفلى وقالت:تشهيتها فيك ݣبيلا..

ضحك بشوية وطلع يدو حطها على خدها وجرها كيبوس فيها بنهم فشفايفها ويتشارك معاها الريق وحتى هي مبادلاه القبلة بنفس الوتيرة حتى رواو عطشهم وقال:الى نتي كتبغيني أنا راه كنشوفك نتي هي لالة تالبنات.. ممعمرش قلبي بحتى وحدة من غيرك..مابغيتكش على زينك بغيتك على قلبك البيض(باسها من جديد ففمها)ݣاليا جمال بكيتي بزااف(قبل عويناتها)..

نزهة:(بدلع باقي منتاشية بالقبلة)كنت غنتسطى أ ميمون..قلبي كان غيخرج من بلاصتو بالخلعة..

ميمون:(نزل بفمو طبع قبلة على ذقنها)الله يحفظك ليا أمو ترمة مكورة..

نزهة:ويخليك ليا السلݣوط هههههه نعس ترتاح ليك شويا

ميمون:علاش مابغيتيش تعشاي؟؟(كيلعب فوجهها بفمو)

نزهة:ماقديتش، شهيتي مسدودة وصافي(تنهدات)شداتني واحد الخلعة عليك حسيت بالنفس تقفلات فيا..

ميمون:(بحب)حمدت الله لي عشت حتى لقيت لي يخاف عليا.. على يامي كنت كنموت ومكانش لي يݣوليا حتى كي بقيتي..

باستو ففمو بعذوبة:الله يحفظك ليا ياربي وينجيك..نعس ترتاح قبل مايبداك الحريق..

ميمون:واخا(تفوه)فيا شي نعاس نييت ..سيري تكاي لهيه.

نزهة:(تفوهات)عيييت منعست ماشتو..(حيدات الفولار)

ميمون:نعسي الزين تصبحي على خير..

نزهة:(غادية للفوتوي)تصبح على خير أ حبيبي الى خصاتك شي حاجة فيقني

ميمون:واخا

-بمجرد ما تكات فوق الفوتوي محيدا فولارها غفات ديك الساعة بكثرة التعب أما هو خدا وقت قصير عاد نعس..

*****

-فالصباح ضرباتها الفيقة هي لولة بالشعا لي دخل عليها وضرب فيها ..تفوهات وناضت كتعجز و عينيها عليه لي ناعس براحة مشات دوزات الريدو باش ما يفيقش وهزات من الصاك لي جابت لاتخوس ديالها دخلات بدلات عليها من جديد وحكات سنانها وغسلات وجهها..رشات ريحة خفيفة وخرجات كتماصي شعرها من الفروة وطالقاه مع بغات تهز عينيها بان ليها براهيم واقف قدامها وهي تشهق. .

مع بغات تهز عينيها بان ليها براهيم واقف قدامها وهي تشهق..طلعات الفولار دغيا وقالت:صباح الخير..

براهيم:(بنظرات كيتفحصها بيهم)صباح النور.

نزهة:(كتقاد الشال)ما حسيتش بيك إيمتا جيتي؟؟

براهيم:ياله دخلت..كي بقا؟

نزهة:نعس البارح شويا..

-رجعات للحمام وبقا متبعها؛ جمعات شعرها ودارت فولارها مقاد وخرجات من جديد لقاتو جلس فالفوتوي ..حنات راسها ومشات رجعات لاتخوس للصاك.. دخل الطبيب ديك الساعة لقى تحية الصباح ومشا كيفحص فميمون لي بمجرد ما قاسو فاق منزاعج.

الطبيب:موسيو ميمون صافا؟؟

ميمون:(باقي مضهشر بالنعاس)هممم..

نزهة:(تدخلات)الحمد لله مزيان، قدر ينعس البارح . .

الطبيب:(كيقرا الملف لي حداه)خدا البارح كالمون فالليل جوبونص..

نزهة:إمتا؟؟

الطبيب:سي خداه..عطاتو ليه لانفيغمييغ إيمان ..

نزهة:ميمون بصح؟

ميمون:مممم جاني الحريق وجات وعطاتني برا..

الطبيب:بون راك غادي مزيان خصك غي توكد شويا

ميمون: إمتا نخرج؟

الطبيب:مزال واحد دوجوغ معانا..

ميمون:(مفهموش)ممم..

نزهة:يوماين زعما أ دكتوغ كافية؟؟

الطبيب:كيف سبق وݣلت ليكم الجرح ماشي بليغ..كان خفيف وحتى سي ميمون صحتو مزيانة غي هو خصك تنقص من الكارو..

ميمون:ما كنكميش..

براهيم:كيشيش..

الطبيب:بحال بحال..كيبقا دخان كندخلوه للرئة ديالنا

نزهة:كون هاني غيحيدها كاع

الطبيب:(تبسم)بالشفاء..

خرج وهو ينطق ميمون معيبها:كون هاني غنحيدها..

نزهة:وشنو ؟؟مريض وتديرها؟؟حربششش تحطها ففمك أصلا لا قدرتي تنوض تصاوبها غي نوض

ميمون:(ضاحك)غتصايبيها ليا نتي الزين

نزهة:تكمي فيها السم ههههه

ضحك ميمون وقال:بنت الحرام كدعي فيا هههه لقيتيني معطووب

نزهة:اوا هاني هضرت ههههه

-براهيم حاضيهم كيفاش كيهضرو بعفوية وكيفاش خايفة عليه وعينيه كيعيا يحيدهم عليها لكن كيمشيو ليها ديركت لدرجة كبيرة..

ميمون:فين مي؟؟

براهيم:خليتهم وݣلت نجي لا يخصكم شي حاجة..

ميمون:ماخصني والو غي جيب الفطور لنزهة الله يحفظك أخويا..

براهيم:(وقف)ايييه علاش لا(تبسم)أش بغيتي تفطري؟

نزهة:(بأدب) الدنيا هانيا أخويا لي جبتيه غنشربو

ميمون:جيب من شي بلاصة نقية كضرها المعدة

براهيم:واخا

-خرج وهي تمشي عندو عطاتو بوسة ففكو وفحنوكو بجوج وفعينيه وقالت:صباح الزين هههه علاش مفيقتينيش فاش فيك الصداع..

ميمون:(مستحلي البوسة)أري شي وحدة ففمي طويلة نرضي عليك..

-معطلاتوش باااستوو مزيان وطلقاتو مغددة وقالت:الواحد ياكلك هههه

ميمون:دلمها كتشهيني فيها ههههه..

بغات تجاوبو و هو يصوني تيليفونو، مشات جبداتو وقالت:ختك هادي!!نجلاء

ميمون:جاوبي..

شدات الخط وهو يتسمع صوتها:انتو ف أنهي مستشفى

نزهة:إنتي جيتي؟؟

نجلاء:كلنا هنا

نزهة:الشيخ خليفة بن زايد..الأوضة 204..

نجلاء:تمام ..

قطعات معاها وقالت:خواتاتك جاو؟؟

ميمون:(بعفوية)مسااكن جاو فالصباح بكري..

نزهة:راه مفاوتين فالسوايع (تبسمات)عزيز عند كلشي إلا أنا كنبغيك..

ميمون:نقصي القح*** وب راه ماقادرش نوض ليك..

نزهة:(قلبات عينيها) بصحتيييي و رااحتي هههه

- بقات جالسة معاه حتى دخل براهيم بالفطور وحتى ميمون جابو ليه فطورو فطراتو وفطرات مع بغات تجغم آخر جغمة تحل الباب و دخلو المصريات بربعة ..هدى لابسة لباس أسود باقي فالحداد والبنات عادي..

ميمون كي شافهم تبسم بفرحة وبغا يهضر لقاهم عند راسوو ضايرين بيه..

نجلاء:ألف سلامة عليك يا حبيبي..

سارة:ألف سلامة يا خويا..كنا هنموت لما سمعنا الخبر..

هدى:انتا كويس دلوقتي؟؟حاسس بإيه؟..

زُهرة:بالراحة عليه يا بنات..ايه ده(لمسات حنوكو)..

ميمون:(ضحك)عههه بشوية بشوية أنا لباااس (مد يديه ليهم)أجيو..

تلاحو باسوه كاملين وتنهدو براحة عليه..عاد نتابهو لنزهة لي كانت متبعة المنظر مبسمة بحب رفقة براهيم..

نزهة:(جات سلمات عليهم)الحمد لله على سلامتكم

نجلاء:(تبسمات ليها)اييه ده يا ميمون ايييه الجمال ده

زُهرة:لازم تكون خفيت دلوقتي ..

نزهة:ههههههه والله ..من ذوقكم..

هدى:ايه لي حصل يا ميمون؟؟مين عمل فيك كده

ميمون: (ضحك) واخا حتى نبغي نشرح ليكم منعرفش..نزهة عاودي ليهم..

عاودات ليهم نزهة كيفما سمعات وسالات وهي تنطق هدى:هو الراجل ده مجنون ولا إيه؟؟لازم يتعاقب؟؟أنا هكلم أدهم يشوف محامي هنا..

نزهة:هو مش عايز كده بيقول صاحبو ومكانش فنيتو يضربو..

نجلاء:إنتا أكيد مجنون!!

تحل الباب من جديد ودخلات الزاهية ورباعتها لي غي قشعات البنات قلبها ضرب ضربات كثار..كيفكروها بحسن مكتكرهمش لكن من صلبو كيخليوها تحسس منهم..

مشاو سلمو عليها ومشات لولدها كتقلب فيه وتسول فيه..تجمعو العائلة كلها عند راسو حتى خت نزهة جات هي وراجلها والداخل والخارح عليه..

ضايرين بيه منسينو مرضو والألم لي كيزورو إلا أنه إنسان كيعجبو الجموع والناس يضورو بيه ويضحكو معاه ويجيو عندو..

بعدما خرجو الأغلبية بقات غي نزهة وخواتاتو وخوتو ومو نطقات نجلاء:شد حيلك يا بابا عاوزينك فمصر ..

الزاهية:(مفافية)كيفاش؟(غيرات لهجتها)يعني ايه مصر...

نزهة:(تدخلات)غي غيمشي يشوف خواتاتو تما وصافي أخالتي ..

هدى:لو تيجي معاه إنتي كمان هنتشرف بيكي..

زُهرة:اه طبعا..هتنوروونا..

ميمون:إن شاء الله

سارة:طيب نسيبك يا حبيبي دلوقتي..

ميمون:جمال عفااك وصلهم لداري

هدى:لا ياحبيبي احنا حجزنا فالأوتيل هنا..

ميمون:ثاني مرة كتجيو ومكتبغيوش تمشيو لداري؟؟

سارة:(شافت فنزهة)الترجمة يا ستي هه

نزهة:بيقولكو انتو ثاني مرة تيجو ومتقعدوش عندو فالبيت ليه الأوتيل..

زُهرة:لا ياسيدي مش كده بس احنا لما حجزنا الرحلة القسم بتاع الشركة حجز الاوتيل كمان..

نجلاء:متشغلش بالك يا حبيبي كلو زي بعضو المهم تقوم لنا بالسلامة

ميمون:لي بغيتو ..

سلمو عليه ومشاو يرتاحو ..تنهد براحة وقال:ماغتغداوش

براهيم:غنمشيوو..مي ياله تغداي

الزاهية:ايييه واخا..ياكما خاصاك شي حاجة أولدي؟؟

ميمون:راحتك أمي

الزاهية:الله يرضي عليك..

خرجو كلهم خلاوها معاه كي ديما وهو يقول:نزهة بغيت ندخل للطواليط

نزهة:واش تقدر توقف؟؟

ميمون:نشوف..

-حيدات ليه الغطا الخفيف وقالت بحذر شادة فيه:نخاف غي متقدرش وتطيح ..

ميمون:لالا غي أري يديك..

حركات ليه رجليه بشوية تا قاداتهم ويديه محطوطة على الجرح بشوية..كل حركة كيديرها بترقب خايف يتعكر..خدا وضعية الجلوس وهي فاص ليه وقالت:مزيان؟؟

ميمون:مزيان(شد فيها ووقف وجاتو الدوخة)بلاتي شداتني الدوخة!!..

رجع جلس بشوية مغمض عينيه كيحاول يرجع وعيو وهي تنطق:عادي حيت كنتي مبنج وحتى بقيتي بزااف متكي

ميمون:(حل عينيه)بصح!!

نزهة:آه زيد أرا يديك..

مد ليها يديه دوزاتها على كتافها وقالت:تعكز عليا أحبيبي...

لاح عليها شويا من ثقلو.. وبدا كيتمشا بشويا عليه خطوات صغيرة للطواليط حتى دخلاتو سدات الباب وقالت:قادر؟؟

ميمون:(كيضحك)ضوري كماارتك ههههه

نزهة:(بدلع)خلينا نشوفو الزين!!

ميمون:(سند على الحيط)ههههه شوفيه هو بايت فيك ماشي وهو كيبول. .

نزهة:ههههههههههههههه مسكينة أنا توحشتو ومخلانيش حتى نهضر معاه خليت ليك الله..

ميمون:(كيبول)غا بلاتي نبرا ونتوالاك لحسك نشوف هاد الدودة لي فيك واش غتحد..

نزهة:هههههه تصور معايا كون كنت كنحشم هههههه كون كنتي كتبوسني ونبدا نتزنݣ ونزراق وندير ليك فيها لي مكتعرف والو هههههه

ميمون:(شد منها بابي طواليط)مكنااش غنطولو..كنكره المرا الحشومية مع راجلها..

نزهة:كيفاش زعما؟؟

ميمون:نرجع لبلاصتي ونݣوليك كيفاش. .

غسلات ليه يديه وخرجاتو من جديد لبلاصتو بنفس الطريقة باش جابتو حتى قاداتو وهي تقول:اوا شرح ليا كيفاش..

-ميمون:زعما إلا لقيتك كتحشمي غي مع جنابك غنمل دغيا ونزيد..أنا بعدا مكتعجبنيش المرا لي كتحشم مع راجلها..ياك راجلك لاش تحشمي؟؟الحوايج غنسلتوهم غنسلتوهم.. الدراري غنولدوهم لاش زعما الحشمة..(كيطنز)نبوسك من هنا تعواجي من هنا هههههه ياك لباس؟؟

نزهة:وشنو منكونش كنحشم؟

ميمون:(شد يديها باسها)نوعك أنزهة راه باين..مطلوقة غا معايا راه كنشوفك مع خوتي ومع الناس لخرين كي كتعاملي..مكنعرفكش ديك الساعة حيت أنا شايف نزهة وحدة خرا ..الزوين فالزواج هو تشوف شي حوايج الناس لوخرين مشايفنهمش..أش غيتبدل الى كنتي كيف مع الناس كيف معايا؟؟ ..

نزهة:(باستو ففمو)يخليلي لي يموت فتقح** بيني ههههههه

ميمون:(رجع ليها البوسة)خليك غي معايا هاكا هههه

نزهة: (بالمصرية)هو أنا اقدر أعمل كده مع غيرك ههههه مقدرش..

ميمون:هاكاك أمو ترمة. .

- بعد مرور يومان

ميمون اليوم غيخرج من السبيطار بعدما دوز يوماين خرا كيتلقى العلاج الكامل باش يبرا دغيا..من ورا ماسمعات نزهة توصيات الطبيب خرجو كاملين خلاوها كتلبسو حوايجو باش غيخرج..سورفيت سبور هي لي خرجات بنفسها حتى خداتها ليه مع سبرديلة..مع كملات ليه مع تحنات كتلبسو التقاشر ..دخل براهيم حيت شافهم تعطلو..

شاف المنظر وحمحم قايل:تعطلتو؟

ميمون:بقا ليا غي سبرديلة

براهيم:ختي غي حيدي أنا نلبسها ليه...

نزهة:(مقردة كتسد السيور)لا ماشي مشكل(وقفات)ميمون صافي نمشيو؟(مدات ليه يديها)

شد فيها حتى وقف وقال:ياله

خرجات معاه كيبانو بحلا معانقين تبعهم براهيم مضهشر هاز الصاك ديالو..ممولفش هو هادشي..هو إنسان دوز حتى عيا ماخلا ما دار، ما خلا بيران ماخلا بنات فلخر نهار بغا يتزوج خسر على مو "بغيت نتزوح شوفي ليا شي وحدة "

هاد النوع بالضبط هو لي كيوصفهم نزار قباني ب "الجبناء" كيهمو فقط أن مو تكون راضية عليه ويجيب ليها لي تونسها ولي تولد ليه الدراري ويجي يقيسها وقتما بغا ..كيفاش شكلها؟؟ شنو فعقلها ما كيهمووش بمعنى آخر دقة قديمة من المغاربة ولي كنشوفوه دابا نيت مع أغلب الشباب.. .. كيكون مصاحب مع وحدة ومدوز معاها العجب فالأخير كياخد بنت خالتو ولا بنت عمو ولا بنت من اختيار مو..

تبعهم ودماغو كيتضارب بالأفكار لقا ميمون تعجز على صالح وتمو خارجين كاملين بخوتو وخواتاتو لا من باه ولا من مو..طلع فطونوبيلة جمال معاه الزاهية ونزهة ولوخرين كلشي جاي فطونوبيلاتهم ..أما المصريات راه بالشيافر ديالهم فأحدث السياراات..

وصلو للعمارة ونزلو مطلعينو فالسانسور ومو غي حاضية معاه..ونطقات:زيد أولدي ترتاح فبيتك..

دخلوه لبيتو لي كان مفرش بفراش جديد أصرات نزهة هي لي تجي تقادو..البارح جات ونضات الدار ضربات ليها تخميلة خفيفة ضريفة حيدات الغبرة فنص نهار بعدما خلاتو معاهم وعطراتها..داروه ففراشو وغطاتو.. وقالت:خاصاك شي حاجة أميمون؟؟

ميمون:(بعياء)لا غادي غي نرتاح شويا.

سارة:ألف سلامة عليك ياخويا..

ميمون:شكرا الزين

نجلاء:شد حيلك يا حبيبي عاوزين فرحك

ميمون:(ضحك)العرس زعما؟؟

فتيحة:ايييه غا برا نديرو ليك عرس مطرطرق..

منعم:(معيب مو)ومالو يغلبني ههههه..

جمال:ميمون ماخصك والو..غنخرج نجييب ليك دواك ونمشي نقضي شي أغراض..

ميمون:لا غي سير الله يحفظك حتى تجيب ليا حساب هاد اليومان..

نزهة:ماشي وقيتة الخدمة أميمون غي رتاح..

الزاهية:(بابتسامة)ياله الالة نزهة شي كاس تأتاي من يديك ياك نتي مولات الدار..

نزهة:نتي سبق أخالتي..الدار دارك ..نصايب ليكم أتاي علاش لا..

-خرجات مخلياهم جالسين معاه فبيتو كيهضرو معاه مقرقبين معاه الناب..ومشات للكوزينة كضور راسها ردات الما يطيب وجبدات الماعن لي تقدات من أكادير وعطاتهم ليهم يديهم للدار..

عمرات أتاي على حقو و قادات صينية زوينة بكيسان مغربيين من ذوقها ومشات للثلاجة كتقلب على النعناع ساعا مالقاتش مع بغات تسد الثلاجة مع شهقات فاش شافتو واقف عند راسها كيشوف فيها مبسم..

مع بغات تسد الثلاجة مع شهقات فاش شافتو واقف عند راسها كيشوف فيها مبسم..

نزهة:هيييه خلعتيني أخويا

براهيم:(تبسم بلطف)سمحي ليا..خاصاك شي حاجة؟؟

نزهة:حمم والو ..

براهيم:خاصة شي حاجة فالكوزينة؟؟تقدية زعما

نزهة:حمم شلا ماخاص غنخرج نتقدا إن شاء الله..

براهيم:وعلاش تعذبي نتي؟؟التقدية والثقل خليه لينا حنا لي رجال نتي غي أمري حسبيني بحال ميمون(حط يدو على صدرو)لي ثقالت عليك خفافت عليا..شنو خصك؟

نزهة:(جاها كلامو غريب)شكراا أخويا..لهلا يخطيك..

دخلات الزاهية وهي تقول:وجد أتاي؟

نزهة:أه أخالتي هاهو واجد ..نحطو؟

الزاهية:(شافت الصينية)تي هاد الصينية منين؟؟ولدي معندوش هادشي

نزهة:(بابتسامة)خديتهم من أكادير لقيتهم رخاص وخديتهم زوينين ياك؟؟..

الزاهية:(مبسمة)زينين الله يرضي عليك..أنا نهز الصينية

نزهة:واخا أخالتي غي مع مساليتش أما غنصايب شي حليوات..

الزاهية:(بافتخار)الله يرضي عليك أبنتي زيدو تشربو أتاي..

-تبعاتها ديك الساعة للصالة فين كانو كاملين وقالت:وميمون؟؟

فتيحة:(ضاحكة)هههههههه بغا ينعس أختي ههههه

نزهة: ههه أنا نطل عليه..

مشات للبيت لقاتو غمض عينيه قربات ليه باستو فحنكو وقال:كتسلتي؟؟

نزهة:هه حسابني نعستي

ميمون:عاد غنعس..

نزهة:خاصاك شي حاجة؟؟

ميمون:لا

نزهة:واخا الى خصاتك شي حاجة أنا برا

ميمون:ممم واخا..

خرجات منظمة ليهم لقات الزاهية كتكب أتاي وجلسو تاني شادين الجموع شويا وتقول واش كيتقادااو من الهضرة..

الزاهية:لالة مولات الدار شغديري لينا للغد؟

نزهة:(تبسمات ليها)عهههه لي بغاتو خاطرك أخالتي نديروه

الزاهية:(عاجبها لحال حيت كتنݣف فيها)ديري لينا اللحم بالبرقوق من يديك ونيت خواتات ولدي يذوقو ماكلتنا..

نزهة:واخا غي هو معنديش التقدية..

صالح:أنا نتقدا ليك

براهيم:غا خليك أنا خارج

نجلاء:(بعفوية)حناكل أكل مغربي ههه

نزهة:اااه..

زُهرة:ممكن تعلميني إزاي

نزهة:طبعااا أكيد حمم أنا نبدل عليا ونجي ..

ناضت من حداهم وهي تنطق الزاهية بافتخار:تبارك الله عليها كتخرج من فمها غي العسل..

فتيحة: ههههههه الله يستر

هدى:أنا هروح أزور قبر بابا ..

نجلاء:خوديني معاكي...

-مشاو بجوجات يزورو باهم فالقبر والرجال كلشي شد سداري شاعلين التلفازة واخدين كونجي أما الزاهية راه كتقرقب الناب مع بنتها فنزهة..

هااد الأخيرة لي دخلات للبيت وسداتو..مشات لصاك صغير جابتو البارح فاش جات عرفات غتجلس..جبدات بيجامة بيتية قصيرة ..ياله قلعات كلشي بقات بدوبياس وهي تسمع صوتو الغليض:الله ياخد فيك الحق

نزهة:(ضحكات)ههههه مالك المصري

ميمون:(كيطلع وينزل فجسمها)قربي نعطيك بووسة فداك الصدر

نزهة:(ضحكات)هههههه الدار عامرة غتبوسني غنبغي ماكثر اوا هههه

ميمون:ههههههه كنموت عليها الناس حيت كتموت ليا على قلة الحيا..

نزهة:(كتلبس)تربيت على يديك ههههه..

ميمون:(كيعبرها بالبيجامة)جاتك زوينة هاد البيجامة

نزهة:عيونك الحلوة يا حلو هههه(لاحت فوقها كاب طويل)

ميمون:ياله كنت غنهضر ههههه

نزهة:عااارفة الدار مخلطة(مشات باستو ففمو)غندير الغدا شنو نطيب ليك..

ميمون:(رجع شعرها ورا وذنيها)لي درتي هو هذااك..ديري فولارك

نزهة: واااعااارفاا ههههه(جرات شال دارتو عكافة)كي جيتك هههه

ميمون:مق ودة ههههههه

عدلات الشال عادي من جديد ضاحكة وقالت:خضر..أنا فالكوزينة إلى خصاتك شي حاجة علمني

ميمون:شوفي حلي داك البلاكار فيه واحد الكوفر..

حلاتو ولقات كوفر وقال:ديري ********

دارتو ولقات عرمة تالفلوس وهي تقول:واش كتخبي فلوسك فالدار أميمون؟؟

ميمون:لا ماشي كلشي..هزي منو شحال يقدك باش تقداي على ود المصروف..

نزهة:واخا..

هزات شنو خصها وخرجات مخلياه يرتاح مع راسو..قصداتهم من جديد وقالت:خويا براهيم باقي خارج ياك؟؟

براهيم:(هاز فيها عينيو)واخا..شنو خصك؟؟

نزهة:خصني ربعة كيلو لحم و كيلو برقوق (كتفكر)كيلو لوز..

الزاهية:كترتي لا؟؟

نزهة:هذاك هو قياسنا..

براهيم:غا كتبي ليا أختي مغنعقلش

نزهة:ااه واخا

براهيم:ولا ولفتي ميمون مقاريش..

نزهة:(عرفاتو حشا ليه الهضرة)حمم لا ميمون مكيتقدااش ليا كاع كيعطيني نتقدا راسي(كذبات)..

-مشات كتقلب على ورقة كتبات ليه شنو خاصها مع بغات تضور وهي تلقاه من جديد وراها واقف متكي على باب الكوزينة مبسم ليها..تفافات ومدات ليه الورقة:هاك أخويا ها شنو خصني(مدات ليه الفلوس)..

براهيم: (شد الورقة بشوية عليه)لا حاشا متديريش هاكا..منتخلصش منك ميمون راه خويا..

نزهة:(مبغاتش تدخل فنقاش)واخا..عفاك متعطلش..

بغا يهضر وهي تقفزو فتيحة لي نطقات:ياله سير فحالك..

خرج ديك ساعة يتقدا مخليهم جالسين كيهضرو كيف العادة وهي دماغها كيضرب فأخماس وأسداس كتحاول تفسر تصرفاتو الغريبين..

******

جاب براهيم التقدية لي خصاتها حطها ليها فالكوزينة وقال بلطف:خاصاك شي حاجة؟؟

نزهة: لاء، شكرا!!

-هزات كلشي وباشرات عملها باحترافية..من ديما كتعجبها الكوزينة وكترتاح فيها وكتبدع..نادات لخواتات ميمون المصريات وبدات كتصايب اللحم بالبرقوق على الطريقة المغربية التقليدية وهوما كيسولوها على المقادير وتعطيهم الوقت خلاوها بلا ميحسو يقضيو وقت مع بعضهم وتعارفو فيه كثر ونضامات ليهم حتى فتيحة عطاوها للضحك والتكركير حتى سالات وباشرات فشلايض لي كتفنن فيهم خاصة أن براهيم تقدا تقدية شاملة من خضرة وديسير بحالا مقدي لدارو..صايبات لميمون غداه حتى هو وغسلات يديها ونقات الكوزينة وخرجات مخليا الغدا يطيب..

زُهرة: مطبخكم تحفة..

نزهة:حبيبتي إنتي..أنا هغير هدومي وراجعة لكم

فتيحة:لاش؟

نزهة:لصقات فيا ريحة الطياب نيت ونطل على ميمون..

دخلات لبيتها لقاتو نااعس هزات حوايجها ومسائلها وخرجات للدوش طرقات عليها دوشات وتريحات ولبسات تما نيت عاد خرجات من جديد..ومشات جلسات معاهم..

الزاهية:أعطات الريحة!!

نزهة:وايييه هههه

الزاهية:و وليدي أش درتي ليه؟؟

نزهة:خضيرة.. قاسح عليه اللحم مدسم

الزاهية:لي بان ليكم أنا غنمشي نتكا..

بقات مجمعة مع البنات وحتى خوتو مخرجوش بقاو جالسين فالداار ..براهيم كيلعب فالتيليفون وطالق وذنيه مع هضرتهم لي كلها مشتريات وحوايج وأغراض بنات حتى طاب الغدا..

رجع جمال والبنات وحطات الغدا متول اللحم معسل ورطب مزين بالبرقوق واللوز..دات الطبسيل وحطاتو والخبز تكلفو بيه من الزنقة..فيقات ميمون وشدات فيه حتى ناض نظم ليهم حطات ليه غداه ونطق:شهادشي؟؟نتوما اللحم وأنا الخضرة..

فتيحة:اوا أش دير ؟؟حتى تبرا

داق جمال و قال:الله علللى لحم شحال بنين..كيذووب كيذوووب بالرطوبة(بدا كياكل)حقك فالجنة أميمون..

ميمون:تاكل فيخ جغديد

الزاهية:واكول أوليدي غا كول مايدير ليك والو

هدى:بلاش يا ميمون..خد أكل صحي..

سلم أمرو لله وهز فورشيط كيضرب فالخضرة منسمة ومبخرة والباقي كيشكرو طياب نزهة

براهيم:هادشي زين..يديك بنينة أختي..

نزهة:بصحتكم

ميمون:(بمزح)جبت ليكم طبااخة حتال عندكم

الزاهية:واصراحة تقال ...بنين هشيش عرفتي ليه أنا ݣلت محالش تعرفي للحم بالبرقوق..

نزهة:علماتني مي

الزاهية:شتي عريساتي مكيعرفوووش ليه

جمال:(كيدخل فاللحم)ختي نزهة كتعرفي للرفيسة؟؟

ميمون:نافسة نتا؟؟ههههههههه سير عند مراتك تطيبها ليك

جمال:حياني الله حتى وليتي تعايرني يالباير بالزواج اييييه هههههههه..

صالح:صافي مبقااش باير تزوج ههههه

براهيم:على ياامو كاان عايش كي الزوفري..دارو إلا دخلتي ليها تلقا الروينة نايضة فيها..

ميمون:(ضحك)ههععههههه دابا نيت غتلقاو فيها الروينة

نجلاء:هي ايه الروينة دي هههههه...

واحد اللحظة ميمون بغا ينقب اللحم ونزهة بعفوية ضربات يدو بشوية وقالت:هههه غتضرك اميمون

الزاهية:(شافت الفلاش)نتا فعار الله أوليدي..أويلييي بغا غا يذوق والخير موجود تي لاش ضربيه

•••

-نزهة:(تقرصات)أخالتي واعرة عليه غيمرض

الزاهية:ولايني مضربيهش ليديه(عطاتو لحيمة)هاك أوليدي كوول..

ميمون:(حس بنزهة تقرصات)لا بلاش كي ݣالت غتضرني

الزاهية:طريف صغير ماعندو مايدير ليك..

حشم وشدو ذاق شوية وحطو حاط خواطرهم بجوج بين وبين..لزمات نزهة الصمت من بعد كتاكل بهدوء مدارت حتى شي تغيير فملامحها..أما المصريات راه حسو بالوضع ومعجبهمش..

كملو داك الغدا وناضت حطات ليهم التحلية لي قادات وجلسات حدا ميمون مطمرة كتصرف عادي وهوما ممسوقينش كيهضرو عادي..

ميمون:(بهدوء وبصوت منخافض)أجي نهضر معاك

نزهة:(تبسمات ليه)ماشي هنا أميمون..

ميمون:(رد ليها الإبتسامة)واخا..

ستأذنو المصريات يمشيو واخا شداتهم نزهة حتى عيات وفالأخير مشاو بوعد أنهم يعاودو يرجعو..

دخلات للكوزينة جمعاتها دغيا وطرفاتها ومشات لبيتها تكات فيه مخلياه مع خوتو حتى نطق بجدية:الواليدة شديك الهضرة ݣلتي لنزهة؟؟

الزاهية:إينا هضرة أوليدي؟؟

ميمون:فاش ضرباتني فيدي.

منعم:ونتا كلك تضربك مراتك فيديك؟؟

مبمون:(خزر فيه)هضرت مع مي..

الزاهية:وا وليدي نتا خاطرك فلحيمة وتحيدها ليك..أنا هضرت غا على مصلاحتك..

فتيحة:واش غتعرفي حسن منها هي لي قارية وعارفا أش يصلاح ليه..

براهيم:عندها الصح..الليدام واعر عليه ضرتي فالبنت ضورة خايبة

الزاهية:أنا منويتش نقلقها غا هضرت وصافي راكم عارفيني

ميمون:مݣلناش نويتي ولكن حشوومة..باقا جديدة

الزاهية:(بهدوء)المسامحة أوليدي..

ميمون:حاشا أمي واش درتي العيب معايا غي هي لي مبغيتهاش تسمع بحال ديك الهضرة كتبقا مراتي ومولف معاها داك المزاح..

الزاهية:(لجم ليها الفم)وانتا تعرف أوليدي

ميمون:غنوض نتكا بلاصتي شويا

جمال:ميمون البياعا لي معاك بغاو يجيو عندك

ميمون:مرحبا بيهم

جمال:بعد غدا غيجيو للغدا

ميمون:صافي واخا..(مد يديه للهادي)عاوني..

عاونو حتى وقف و وصلو حتال حدا بيتو وخلاه يدخل راسو مخلي الزاهية كتنݣر بهمس على فتيحة:واااشووف المنكاار أش ݣلت أنا ها..

فتيحة:غا كتروني أمي..حشومة داكشي.. البنت مافنيتها والو غا خايفة عليه..

جمال:كون تشوفي حالتها فاش عرفاتو مرض ..تعرفيها خايفة عليه

صالح:(بانزعاج)دخلي أمي سوق راسك ..

الزاهية:(جمعات فمها)أنا لي فضووولية(منفخة)

براهيم:الله يهديييك أنا غنرجع للقلعة، دراري غادييين؟

منعم:نمشيييو وواحد فينا يجيب البنات

الهادي:أنا نجيبهم..

توادعو مع مهم وخرجو شادين الطريق أما نزهة راه كانت متكية شبه ناعسة مغافياش مئة فالمئة ..غي تكا وهي تقفز :هيييه

ميمون:بشويا عليك غي أنا

نزهة:(بصوت ناعس)مالك؟؟ضاراك شي بلاصة؟؟

ميمون:ضارني ز****

نزهة:(ضحكات ورجعات تكات)ههههههه الله يمسخك

ميمون:قربي نݣوليك واحد الحاجة ففمك!!

قربات كتفرنس بدلع ..باااسها بنهم فشفايفها وقال:دلمها حلوة هههه

نزهة:(ضاحكة)هههههههههه كون تشوف نتا

ميمون:(شد خصلة من خصلات شعرها)توحشتك..

قربات حداه لايحة غي راسها على كتفو ويديها حاطاها على يديه لي فوق جرحو وقالت:حتى أنا..عوينة وخرجات فيك

ميمون:داكشي ديال الله...(هز يديها باسها)مسحي فيا شنو ݣالت مي ݣبيلة

نزهة:ههههههههه وانسيييت عادي راه مك هاديك

ميمون:هي راه خضرة بحالي ولكن حنييينة ومكتبغيش تظلم..

نزهة:ههههههه عارفاا نسا أنا درت بحالا موقع والو

ميمون:(قبل راسها)الله يرضي على مو ترمة ديالي

نزهة:امين..خاصني تقدية من المحل عندك!!

ميمون:غتشدي شي خدمة؟؟

نزهة:لا غنصايب حلوة لداري..نتا معروف والناس غتبدا تدخل وتخرج أش نحطو ليهم

ميمون:(كيبوس فيها فعنقها)نشريو من الزنقة

نزهة:اوا حتى منكونش الحلاوية نزهة باش داري تدخل ليها حلوة الزنقة ههههه ..

ميمون:(عضها فعنقها) ݣولي شنو خاصك؟؟

عطاتو شنو خاصها صونا للدراري فالمحل و طلبهم يدوزوهم ليه وهي تقول:شلا ماتابعني

ميمون:العرس هاد الساعة مبقاش

نزهة:شكون جبد العرس..خليه حتى تبرا ونعرس أنا وياك هادشي إلا محملتش..

ميمون:فين أختي قصتك؟؟هههههه ياك شحال ونتي مصوماني

نزهة:بالخلعة ديالك باقي ممشاتش هههه

ميمون:أنا راني صݣع

نزهة:(تفوهات ودارت يديها)أستغفر الله

ميمون:(باسها فحنكها)نعسي الزين ترتاحي ليك شويا..

ناضت عطاتو دواه شربو وتكات حداه كيلعب فتيليفونو حتى غفاات مافاقت حتال العصر..

مع صلات العصر وصلاتها التقدية لي خصاتها حطاتها فالكوزينة وهي دخل الزاهية بتساؤل:شداكشي أبنيتي؟..

نزهة:غنصايب الحلوة أخالتي..ميمون عزيز عند الناس غدا ولا بعدو يتكبو الناس علينا..

الزاهية:الله يرضي عليك..خصك العوين؟؟(بدات كتبرح)فاتيييييحة..

نزهة:خصني الونيس جلسي أخالتي نتوانسو ..مجابتهاش الوقت نهضرو نديو ونجيبو فالهضرة..

الزاهية:(بابتسامة)ايييه نجلس(جلسات)الله يرضي عليك..

-باشرات عملها باحترافية تحت نظرات الزاهية لي كدقق فتفاصيل شغلها..ماهمها لا زين لا فورمة كتشوف غي الحداكة حيت هي مثل الناس القدام عندهم معيار الجمال هي الحداݣة..

شكلات نزهة ونوعات فالحليوات كيفما بغات وجلسات مقابلة الفران كتطيب وشادة الخاطر للزاهية لي مكتسالاش من الهضرة حتى وذن العشا ولقاتها الوقت ياله كتفيني الصابلي..

دخل ميمون كيتمشا بشويا عليه على حساب الجرح وقال:شكديرو؟؟

فتيحة:(كتلصق الصابلي)كنحليو ههههه..

ناضت نزهة شدات فيه وجلساتو قايلة:أش نوضك؟؟رخف على جرحك أميمون كتحرك بيه بزاف..

ميمون:عيييت بالنعااس..

فتيحة:(ناضت)اوا أش دير...نمشي نصلي العشا

نزهة:الله يقبل

مشات وخلاتهم الراس فراس حاضيها كتفيني وقال:حتى فالكوزينة زوينة..

نزهة:ههههه غا فالكوزينة؟؟

ميمون:(بصوت منخافض)فالفراش مقودة كاااع..

ضحكات بدلع وقالت:سكت لا تنوض فيا السواكن ههههه

هز الصابلي وقال:ل حسها كتموت ليا عليه هههههه كي ندير لهادشي

نزهة:ههههههه غنولي نزيدك تعاوني فاش نشد الكوموندات

ميمون:(بطيب خاطر)مرحباا..

وراتو كيفاش وبدا كيلصق معاها متكي على الحيط باش يكون مرتاح وشاد معاها الهضرة ..حتى دخلات مو لي شافت المنظر وتصعقات..شدات صبعها ويلات بيه فحنكها وقالت:تا شساير دير؟؟

ميمون:كيفاش؟؟

الزاهية:ويلي أولدي نتا مزينك راجل وتصايب الحلوة...نوض أوليدي هذا شغل العيالات..

مبمون:(ضحك)قلة مايداار وصافي..

الزاهية:(بإصرار)حيد داكشي من يديك راه عييييب ..

نزهة:حممم خالتي شعلي على ديك المريقة نتعشاو بيها..

سخنات العشا وناضو تعشاو ورجعات هي كملات الفنيسيون مخلياهم مجمعين حتى سالات..هزات حوايجها من جديد دوشات دوش خفيف وتعطرات عاد مشات لبيتها كدهن يديها ورجليها وهو يدخل شادا فيه فتيحة..

ميمون:(سد الباب)بالصحة..

نزهة:يعطيك الصحة أحبيبي(تفوهات)فيا النعاس عاود

ميمون:نعسي الزين ترتاحي ليك ..

ناضت عطاتو دواه ونعساات حداه كيتعاودو ويضحكو حتى غفاو بجوج..

-أما الزاهية راها كتنݣر بهمس على فتيحة:أويلي تي باتت معاه؟؟

فتيحة:راه راجلها

الزاهية:ولايني عيب مدايرينش العرس...

فتيحة:نعسي نعسي ماترحمي ماتخلي رحمة ربي تنزل..هضرات معايا سناء ݣبيلا قالت ليا غدا جااييين

الزاهية:اييييه كاملين؟؟و الداراري

فتيحة:(كتفوه)منعرف نعسي ..

الزاهية:(مزال كضور فكرة نعسو بجوج فراسها)تباتي فراحة الله أبنيتي..

******

-مع بونبير فاقت نزهة شابعة نعاس..دوزات روتينها الصباحي وتوجهات للكوزينة هي عارفة كود الزاهية هي الحداكة وعارفة راسها غتحط مع مرا كتعيب كلشي و ولادها طوب عندها داكشي باش قصدات تستاغل الفرصة فاش تجمعات معاها وتبهرها براسها ماشي على ود تنال رضاها لكن على ود ميمون..

صايبات المسمن و الملوي بالكثرة خدا ليها اليد نيت مجاتش فين تفيق الزاهية حتى لقاتها كتغسل فيديها من الزيت ..

الزاهية:صباح الخير أبنيتي

نزهة:صباح النور اخالتي(باست راسها)كي صبحتي نعستي مزيان؟؟

الزاهية:الحمد لله أبنيتي..ياكما سهر ميمون؟؟

نزهة:لالا نعس

الزاهية:درتي المسمن(مشات كتقلب فيه)تبااارك الله كي مفرز..

نزهة:ربي يحفظك..سيري غسلي وجهك أنا نوجد الفطور

الزاهية:حممم واخا ...ݣولي ليا أبنيتي نعستي مع ميمون فبيتو؟؟

نزهة:ااه علاش؟

الزاهية:حممم بغيت نسولك أبنيتي.. (لاحتها ليها بخضورية)واش صبحتي؟؟. .

-وذنين نزهة تصمكو آخر ماتوقعات هو تسولها هاد السؤال..عارفاها خضرة لكن ماشي لدرجة الفضول..جلسات لثواني كتخمم فالجواب لي تعطيها و مابخسرش خاطرها فيها ميقوليها ديها فراسك ولكن حشمات..

دخلات فتيحة قاطعات هضرتهم كتفوه ملقية تحية الصباح لقاتها بحال شي فكاك فكها..وتلفات الهضرة..

وجدات الفطور فطرو وميمون باقي ناعس جابد عليه..حتى فاق وعلمهم بلي صحابو غيجيو فا قررات نزهة تخرج تتقدا..

ميمون:هزي طونوبيلتي راها لتحت

نزهة:(مدات ليه يديها)سوارتها؟؟

ميمون:(ضرب ليها يديها ضاحك)فالبيت..

مشات هزاتهم وخرجات رفقة فتيحة للسوق تقدا شنو خصها عامة حيت تقدية الرجال مكتبردش القلب..

فتيحة:(كتقاد السمطة)ياختي سعداتك كتعرفي تسوكي

نزهة:دوزي البيرمي تانتي

فتيحة:مقارياش بزاااف

نزهة:علاه هو بالقراية؟؟كتحفضي غي الكود والله غي دوزيه أختي..

فتيحة:إن شاء الله نݣول لميمون يدوزو ليا..

نزهة:ميݣولش ليك لا..راك عندو عزيزة

فتيحة:صراحة تا هو عزيز عليا هو السخي فخوتي والحنين فيهم واخا خضر ..

نزهة:(ضحكات)ههههههههههه علاه غي خضر وسكتي ههههههه خضر نيييت..

فتيحة:واييييه..

-مشاو تقداو مجموعين شنو خصهم مارجعو حتى كانو محملين ومجملين و زربانين باش يلحقو الغدا...تلاقاو جمال عاونهم..كي دخلات ديركت للكوزينة باشرات عملها كتطيب وتحرك من هنا لهنا وفتيحة معاوناها خالقة هي وياها جو جاتها على كانتها..

جاو صحاب ميمون من البياعا لي معاه وكانو كثار جهد شي 14 راجل..ساعا لقاو نزهة مولفا بحال هادشي سربات الغدا من ألذ مايكون والديسير راقي ولذيذ .. بطريقة جديدة خلات كلشي ياكل ويتبنن..ما خرجو حتى شربو أتاي عاد تسرسبو واحد تلو الآخر..

غسلات يديها ومشات للصالون فين كانو لقات ميمون جالس مع جمال..جلسات حداه بتعب وهو يقول:عييتي؟؟

نزهة:بزااف..

دوز يدو على كتفها معنقها بشوية وقال:حقك علينا ياست الكل هههههه

جمال:(كيعيط)عمتييي واجي ولدك كيهضر المصرية..

جات الزاهية وفتيحة وقالت:مزينها علي هضرة..ولدي مغربي..

ميمون:(ضحك)كلشي بحال بحال..

فتيحة:عيييت والله باز ليك أنزهة..

نزهة:اوا اش نديرو ما كيجي عندك غي لي كيبغيك

ميمون:(مزير عليها)الحلالف طاحو ليا فالماكلة عمييين هههه وأنا ومذقتهاش..

نزهة:خليك نتا فالريجيم هههههه نوض نجمع ديك الكوزينة

ميمون:خليها نصوني للسيدة تجي تعاونك..

نزهة:لي كانت كتجمع ليك؟؟

حرك راسو باه وهضر معاها تجي مخلي نزهة ترتاح ليه..

*****

- مرت يوماين هادئة عليهم فيها نزهة تشغلات بضياف ميمون لي ما كيتسالاوش..عندو معارف بزااف كل ماكتقول راه صافي كيبانو ناس من الجنب..جاو صحابو تكازا كامليين و عائلة مو كاملة ..ولد خالة جدات مو جا..لي قريب وبعيد..ناس لي ميمون قبل مايرجع التواصل مع مو ما كانش كيعرفهم ..

بقدر ماهو مريض بقدر ما فرح فاش جاو عندو الناس..كيحماق على يدخل يلقا الدار عامرة وفيها الناس ويجيو عندو حيت عاش بوحدو..

فهاد اليومان تمارة دازت على نزهة وفتيحة مكيخرجوش من الكوزينة من هادي لهادي للكاسكروط للغدا تهلكو نيت رغم أنه كاينة السيدة كتعاونهم لكن الناس كثار..

مع المغرب خرج آخر فوج من الناس ونادات الزاهية:نزهة نزهة..

جات نزهة كتجمع فالطابلة وعينين ميمون متفحصينها عزاات عليه بالشقا وهو ينطق: دوزي تݣلسي خليهم حتاترتاحي

نزهة:تابعيني تابعيني هههه ..

ميمون:(بمزح)قتلوك ليا بالعيا الالة نزهة..

ضحكات بخجل من مو وقالت:شتي شتي حبابك كثار..

الزاهية:واا ولدي عزيز عند الناس ماكيجي عندك غي لي كيبغيك ..

نزهة:داكشي لي كاين اخالتي

دات الماعن وخلات السيدة كتغسلهم ورجعات جلسات حداهم بتعب:مكرهتش غي شي حمام..

فتيحة:(داخلة)والله ماكرهتوو

ميمون:سيرو غدا..

نزهة:غدا نوضو بكري ونمشييو ليه..

الزاهية:ولايني غدا جايين ولادي وختك رشيدة..

نزهة:انمشيو فالصباح اخالتي..نعلم البنات لوخرين يمشيو معانا..

ميمون:بالصحة مسبقا(مد ليها يديه)أري يديك نوقف...

شدات فيه حتى وقف داتو للطواليت ودخلات معاه تحت نظرات الزاهية لي غي كضور فعينيها:أميمتي هاد ولدي مكيحشمش..

فتيحة:علاش؟(كتلعب فالتيليفون) ..

الزاهية:تي غا لاصق فيها مرة يعنݣها مرة تدخل معاه للطواليت..

فتيحة:حسابك مجموعين على القرآن ههههه دخلي سوق راسك وحمدي الله ميمون لقى هاد بنت الناس مكبرة بيه..كتشقا من نيتها باغيا تكبر بيه..

الزاهية:(بصوت منخافض)وامانكذبوش حاارة وحادݣة وماكلتها كتقتل بالبنة ولايني يا بنيتي راهم خضريين

فتيحة:بحالك ننههه..

فالطواليت عاوناتو حتى قضا حاجتو وقالت:ندوش ليك أميمون؟؟

ميمون:مكرهتش ولكن الجرحة؟

نزهة: غير غا نطرف ليك ..

ميمون:(جرها باسها بشوية فراسها بحب)بزاف عليا هادشي أنزهة..راك تهليتي و وفيتي..

نزهة:متبقاش تݣول هاكا..راك حبيبي وكبيدة ديالي وراجلي وفيك كلشي ...

ميمون:(قبلها ففمها)توحشتك..

نزهة:(رجعات ليه القبلة)حتى أنا ههه ولاكن الصبر..شنو واش نطرف ليك ؟

ميمون:واخا

نزهة:جلس لهيه(جلساتو)تسناني نجي..

-خرجات ومشات لبيتهم هزات شنو غيخصها من ضمادة خاصة بالإستحمام خداتها ليه وكذلك صابون خاص باش ميطيحوش المواد لوخرا على جرح حيت خصو يبقا ناشف..

دخلات لعندو وبدات كتسخن ليه فالدوش..وكتحيد ليه حوايجو حتى خلاتو بالبوكسر ..دارت الضمادة لي مضادة للماء ومكتخليش الما يتسرب للجرح وبدات كتغسل ليه شعرو بالشويا وتفركو ليه دايراا مسااج خلاتو يتنهد براحة مستمتع بالدلع لي عاطياه..طرفات ليه دغيا حيدات عليه غي العيا أما الحكان باقي ميقدرش عليه..مولفة كل نهار كطرف ليه غي بالفوطات مكيدووش..

- سالات ليه وشللات بنعومة محاولة عليه وحتى هو حس بالحنان فيديها خلاتو يعشقها أضعاف..

نشفات ليه ولبساتو حوايجو كيضحكو كيف ديما مقشبينها بقلة الحيا حتى سالا وهي تقول:ياله خرج هههه

هز يديها باسها من برا ومن الداخل وقال:لهلا يخطيك عليا الالاهم..

نزهة:(تبسمات)الله يشافيك ليا ياربي..

شدات فيه بشويا حتى خرجاتو من الحمام وداتو لبيتو تلاقاو بالزاهية لي تبسمات بحب وقالت:تعوم فالجنة أوليدي

ميمون:أنا وياك أمي..

الزاهية:الله يرضي عليك أبنيتي الله يرضي عليك مهلية ليا فولدي ..

نزهة:(حابسة الضحكة)آمين ..

حطاتو ففراشو ومشات دوشات بالخف لبسات عليها وخرجات من جديد كتوجد العشا ليهم حتى كمل نهارهم وهي متكية حدا حبيب الروح كيتعاودو..

-تكتمل بعض العلاقات بالمودة والبعض الآخر ينتهي بسبب الحب..

▪︎▪︎▪︎▪︎

-إن المودة هي التي تجمع بين شخصين لمدة طويلة ذلك أن ما يتزعمه البعض و يلقبونه بالحب ماهو إلا تسمية لشعور لحظي...

المودة هي من تصنع الحب وليس العشق...أولو الألباب يعشقون المواقف وليست الكلمات..

▪︎▪︎▪︎▪︎

-مع بونبير باقي بوصبيح.. كيصوني باب الدار ديال ميمون فيق الزاهية لي نعاسها خفيف وناضت كتضرب فجلايلها وتصايب عكافتها وتهضر:تاا شكوون أتا بلاتي..

حلات الباب فإذا بيها كتلقى رشيدة بنتها وبنتها الصغيورة وكذلك ولادها كاملين وعيالاتهم فقط بدون أولاد..تبسمات بفرحة وبدات تعنق وتبوس فيهم وترحب بيهم فرحانة بعريساتها قول مشافتهمش سنين..دخلاتهم هازا بنت رشيدة وتسول على الحال والأحوال كيهضرو بصوت مرتافع حتى فاقت نزهة على صواتهم مخسرة وجهها ..ستوعبات الأصوات وناضت كتنهد عيانة معندهاش العضم لي تهز..لاحت عليها كاب طويييل بزاف واصل الركبة والفولار ودازت للدوش هو لول غسلات وجهها وسنانها وتعطرات عاد جمعات النفس وخرجات تعرف على عيالات اللواس لي جاو كاملين..

"حفصة مرات براهيم"

"نادية مرات منعم"

"سناء مرات صالح"

"حكيمة مرات عبد الهادي"

كلهم شابات باقي صغر من ميمون ويمكن صغر منها هي لكن الهيئة مكتبنيش داكشي..لابسين كاملين الجلالب ولي قدرات تميزو من صباطهم هو أغلبهم صابوات وصبابط تقليدية..تبسمات بحياء ودخلات :أهلا أهلا..

هزو فيها ريوسهم وكلشي كيفليها فالعرايسات مشات بحب كتسلم عليهم راسمة إبتسامة ترحيبة حارة وتلقات نفس الشيء من طرفهم ..سلمات على خوتو بيدها وجلسات كتسول فيهم على الحال والأحوال بأدب مخدمة حلاوة اللسان...

سناء:على سلامة ميمون أختي

نزهة:الله يسلمك ويحفظك أحبيبة..مرحبا بيكم(مخاطبة رشيدة)أري ليا الخنفوسة نشووفها..

شدات البنية كتلعب معاها وتضحك معاها غافلة على نظرات براهيم لي كيرمقوها من التحت لتحت كيعبرها من رجليها لوجهها...وكيدير مقارنات بينها وبين حفصة..

عطاتها لمها وناضت قايلة:مرحبا بيكم الدار داركم منحتاجش نرحب بيكم..

حكيمة:الله يبارك فيك أختي عارفين لي كاين

مشات للكوزينة براحة حيت حيدات عليها التعارف لولاني لي كيجيب الرهبة فالأول ..وجدات فطور مغربي على حقو وطريقو عارفاهم كيعجبهم التقليدي وبدات كتحط وترحب بيهم بأدب عاطية للزاهية حق البراد تكب هي.

براهيم:حممم ميمون ناعس؟؟

نزهة:ااه أخويا الدوا كيرخيه شويا

حفصة:مافيها بااس يرتاح ليه شويا

الزاهية:أتوما فين خليتو ولادكم؟؟

نادية:(بمزح)موالدينش أخالتي ههه

الزاهية:هههههه نكرتوهم كون غي جبتو ليا الشميعات تاع داري يعمرو عليا هنا

حفصة:كون راه الصالون مقلوب كلنا خليناهم للواليدين

نزهة:شحال هوما؟

الزاهية:حفصة والدة جوج سناء جوج نادية ثلاثة وحكيمة واحد

نزهة:الله يحفظهم ليكم ياربي

سناء:(كتفحصها )ربي يخليك ويعطيك حتى نتي مانويتي

نزهة:آمين

سمعات صوتو وناضت لعندو لقاتو فايق وقالت:خليك هنا نجيب ليك تغسل وجهك وسنانك خوتك برا

ميمون:واخا الكبدة

جابت ليه تالعندو يغسل وجهو وسنانو محسساه أنه أمير زمانو وحتى هو عاجبو الحال كيعشقها فاش كدلعو هاكا..عطاتو فوطة مسح وقال:أجي قربي

قربات ليه ضاحكة وعطاتو بوسة حلوة وقالت:مكرهتش ماكثر

ميمون:(تنهد)دلمي كنطيب غي بشوية نهار نبرا غنشويك أبنتي يا نزهة

نزهة:(عضات على شفايفها )مكرهتش شي سبت آخر

ميمون:(قبلها فعنقها)جاك الالاهم غي نبرا نبيت جدو فيك حتى نحيد عليا هاد الوحش لي فيا ليك

تبسمات بدلع وقالت:احححح امتا هههههه. .

ضحك وشد فيها نايض خرجاتو لعندهم كلشي ناض كيسلم عليه ويسولو على حالتو..ستقر بيناتهم فرحان كيفطر من شنو حطات ليه نزهة وكتقرب ليه كل حاجة وكلشي حاضي التعامل حيت كلشي وصلاتو الهضرة..

وحدة جريئة فتعاملها معاه غتوصل تنقنيقتها دغيا...يكفي أنها كتبين حبها ليه بدات بالبوسة فالراس فالسبيطار وختماتها بالتهلية والمعاملة لي كتبان عليها من جيهتو

أكيد الزاهية مفلتاتش فرصة خروج نزهة تقدا أنها تصوني ليهم وتعاود ليهم الشادة والفادة عليها لدرجة رسمو عليها نظرة قبل مايجيو..

نوع نزهة واضح..كتعطي دقة وحدة وكتاخد دقة وحدة..ميمون مشافت منو غي الخير و المعاملة الحسنة فامبخلاتش عليه بحنانها وعطفها نظرا لأنها عارفاه شنو دوز وشنو عاش وأنه هادشي لي يقدر يجي لشي واحد عادي هو عندو بالدنيا وثانيا لأنه إنسان حنون وكتبغيه..

نضمات ليهم فتيحة حتى هي والفطور طوال شدوها بالجموع والضحك بيناتهم مرة مطلعينها على الزاهية مرة يتعاودو..معمرين عليه الدنيا بوجودهم..

الزاهية:اوا نوضوو لا غنردو الغدا دابا يدخل شي حد عاود

ميمون:لا اليوم مجاي حد

نزهة:مأكد؟؟

ميمون:وهذا علمي مافراسيش(يديه ورا كتفها )

ناضت جمعات الطبلة وغسلات الماعن بالزربة وعيطات للزاهية كتشاور فيها على الغدا وهادي هي نقطة الزاهية هي لي يعطيها قيمة ونزهة عاطياها ليها كتسولها وتشاورها

عطاتها شنو دير ومشات كتوجد مع لمستها أكيد مخلية الرجال مجمعين فالصالون والعيالات ناضو يبدلو جلالبهم..

دخلاتهم فتيحة لبيت الضياف وهي تنطق سناء:وا داار هي واشمن دار(كضور راسها)زوينة مصلوحة مزيان..

حكيمة:ايييه ياختي ..شوفي غي الفراش

فتيحة:اوا شنو راه دار ميمون هادي

نادية:حتى مراتو زوينة ماشاء الله

سناء:ضريفة صرااحة

فتيحة:الله يعمر ليها الدار بنت الناس

صالح:اوا أسي ميمون مناويش تنزل لشغلك؟؟

ميمون:باقي عياان أخويا

الزاهية:مازربان فين خليك أولدي حتى تبرا

براهيم:ولايني شغلك راه واقف

ميمون:لالا جمال حاضي ليا كلشي حتى نولي شويا ونرجع

صالح: غا مابغيتش تعطينا الأمان أما ندخلو نحضيو ليك شغلك حسن من البراني

ميمون:شكون البراني ؟؟جمال؟

براهيم:اييه هو ..مأمن ليه لكلشي..

ميمون:(عقد حجبانو)راه خويا هذاااك كيفاش براني

منعم:غا فالوراق أخويا لي خوك خوتك هوما حنا..نتا نية وكثيق

ميمون:(باستغراب)راه كتهضرو على جمال..عشيري وخوياا أشمن نية ولا ثقة؟؟مالو خاصوو ؟؟

براهيم:واحنا غا ݣلنا ليك وصافي..كون تخلي لينا نعاونوك حسن

ميمون:كلها عندو فاش كيفهم ..خدمتي ݣاد بيها غي بالتيليفون..

الهادي:نتا تعرف أخويا..

ناضت نزهة كأي سيدة بيت قامت بالواجب و وجدات غداء منوع..كاع لي تعلماتو فسنين حطاتو فهاد الأيام..بغات تكبر بيهم وترحب بيهم كبداية لعلاقة زوينة حيت كيبقاو عيالات اللواس..

-قادات الشلايض وتفننات فالطياب حتى سمعات صوتهم بحالاا عوالين يخرجو وهي تخرج عندهم وقالت موجهة كلامها لميمون:خارج؟؟ . .

ميمون:(مزال جالس )نحرك رجلي شويا قنطت

نزهة:باقي عيان عطي لراسك الراحة..الجرح جديد أ ميمون

براهيم: ممولفش النعاس والراحة مولف تمارة ههه ..

نزهة:كون تدير بهضرتي ݣلس ماتخرجش غتبقا تحرك بزاف تحل ليك الفتحة..

ميمون:ما غيوقع والو غي هنا ونرجع..

نزهة:واخا..أجي تبدل عليك

صالح:خليه غا هاكا

نزهة:لا أخويا ماجاتش يخرج بالبيجامة غيدي معاه المرض للزنقة وهو باغي يبدل الجو(مدات ليه يديها)ياله..

شد فيها و وقف وداتو معاها مخلية عبد الهادي كيضحك بهمس لخوتو:عطااتك هههههه خليها ترقعو شويا..

براهيم:لا رقعاتو نييت هههه شو غي السورفيتات لي ولى كيلبس..

-أما نزهة داتو للبيت بدلات ليه وكتوصي عليه كي الدري الصغير وهو كيضحك عليها عاودات خرجاتو ومشات للبلاكار تسبابط جبدات سبرديلتو ..تحنات حتى لبساتها ليه تحت نظراتهم كاملين ...

نظرات الزاهية الراضية ونظرات خوتو المستغربة حيت تاواحد فيهم مكيتعامل هاكا..

-كي سالات وقفات باسها فحنكها وقال:الله يرضي عليك

نزهة:(تزنݣات وهضرات بشوية)خضر ههه سير رد البال..

ناضو خوتو لي شافو البلان من بعيد حابسين الضحكة شدو فيه بشويا حتى خرجو من الدار تحت توصياتها..

فتيحة:زيدي تݣلسي أنزهة ماعيتييش

نزهة:(جلسات)والله حتى عييت..تمشي للحمام العشية؟؟

فتيحة:نمشي

نزهة:غاديين حتا البنات المصريات(شافت فلوخرينات)تمشيو البنات؟؟

حفصة:غاسلين الزين قبل مانجيو

الزاهية:غا سيرو أنا نحضي ميمون لا تخصو شي حاجة

نزهة:واخا أخالتي..

ناضت لشغلها من جديد مخلية الجلسة تالنميمة فيها بين سناء وحكيمة كيهضرو غي بهمس..

حكيمة:شفتي ياختي كي بااسها؟؟مابقات حشمة!

سناء:اتي غا سكتي ماشتيهاش كي تحنات ليه كتلبسو ههه شتي أنا والله ميشوفها من عندي..

حكيمة:خليها دابا تعرف وجه ولاد الزاهية ..سبعيام تالباكور دغيا كدوز غتشوفهم نيت وتعرفهم بلي مسݣيين بمغرفة وحدة وراضعين بزولة وحدة..بزولة الزاهية..

سناء:هاحنا كنشوفو هههه(كضور عينيها فالدار)الدار زوينة ياختي تعشقي غي تعيشي فيها .

حكيمة:اوا راه ميمون هذاك حسابك رجالنا لي على قد الحال هذا راه خرج لتمارة بكري..

سناء:الله يعطينا زهرو..

-طاب الغدا وحطاتو نزهة بعدما رجعو من الخرجة تجمعو عليه تاني كأي عائلة مغربية حديثة التشكل..غي سالاوه ناضت بغات تجمع الماعن وهي تنطق الزاهية:حفصة نوضي عاوني نزهة..

ناضت بالفعل عاوناتها وتكلفات نزهة بالماعن غي غسلاتهم مشات كدوز نمرة المصريات علماتهم..جمعات حوايجها وهزات شنو غيخصها وخرجات هازا صاك ميمون تاع الحمام لقات فتيحة واجدة وقالت:بسلامة عليكم وسمحو ليا

الزاهية:سيري ابنيتي تعومي فالجنة بصحتك..

-خرجات مع فتيحة خداو طونوبيلة ميمون طالقين موسيقى ضاحكين ناشطين..دازو على المصريات لي لقاتهم فطونوبيلاتهم بشيافر خداو الطريق لحمام تركي باش يدلعو نفسهم..

المنظر جا للبنات فشكل ..قلعو جوايجهم ودخلو مع نزهة وفتيحة للحمام لي كان غزال تركي بدقة مغربية..جبدات نزهة صاشيات ديال التبريمة ديالها المعتمدة والقريبة لقلبها وهي تبريمة ..

"@sillia cosmetics"

مدات لكل وحدة ساشي وقالت:دي بأ الحنة المغربية هتخليكو تحفة..

تبعوها فهضرتها مفرنسين عاجبينهم الأجواء ..دارو الحنا وطلاو الصابون غي شللو شدو كسالات تحمحمو مزيااان وخرجو كيشعلوو بلارات..لبسو عليهم ودازو للصالون نشفو شعرهم وتقادو عاد رجعو للدار مجموعين عند ميمون..

ففترة تحمامهم ناض ميمون من جديد خرج مع جمال يتمشى ويهضرو فخدمتو بعيد على الدار..ومبقا فالدار غي الزاهية لي مغمضة شويا وعريساتها أما ولادها كلها فين طالق رجليه فكازا ها لي مشا يتزدنق ها لي مشا يتقهوى ..

حكيمة:(واقفة فالحمام كتشوف الديكور)فن ياختي سعدااتووو كون نصيب داري تكون هاكا..

سناء:ياختي مكرهناش ولايني ولاد الزاهية مكيفرقوش على مهم

حكيمة:تي هذا غا الحمام ما عرفت البيت كيداير؟؟

سناء:زيدي نشووفو أختي راه خرجات..

حكيمة:(بشك)و ماحشوماش؟؟

سناء:تي زيدي شمن حشومة ..شكون شافنا؟؟غا نشوفو شكاين؟؟..

طاوعاتها حكيمة فريها ومشاو بالشوية لبيت ميمون حيت عارفين كلشي ملهي ..حفصة ونادية هازين مشاقفهم والزاهية مغمضة كتكسر نهارها..

حلو الباب ودخلو بدون خجل ناسسين أن البيت حرمة شخصية ..لقاوه مديكوري زوين وفراشو غزاال منظم مجموع..

حكيمة:(بإعجاب)غزااال ..شهوة..شوفي دووك ريدوات

سناء:على مزيناتو(جلسات فوق الناموسية)رطبة ديالي قاسحة..

حكيمة:ياك عاد بدلتيها؟؟

سناء:ماعجباتنيش..شوفي(هزات كريم من فوق كوافوز)هذا ديالاش؟؟..

-حلاتو دارت منو بدون ماتعرف ديالاش..شمات ريحتو وقالت:فنة ريحتو..

حكيمة:تي هاد نزهة عامرة تخالط هههه شوفي الماكياج شداير

مشاو للطابل دونوي فالبيض لي تزادت غي مؤخرا كيهزو فروايحها يرشوهم ويتشاورو واخدين راحتهم حتى قفزهم صوت الزاهية الرقيق:شكديروووو هناااا؟؟

-قفزو مخلوعين وضارو عندها مسقطر منهم الدم، غواتها كيرعدهم خاصة عارفينها حارة وصعيبة..لقاوها مخنزرة وكتشوف فيهم عاقدة حجبانها تا تجاعيدها تكمشو كثر..

حكيمة:خالتي غييي..والو غييي(كتمتم فالهضرة)

الزاهية:شكديروو فبيت ولدي؟؟؟شدخلكم ليه؟؟

سناء:والو أخالتي(دافعة الجبهة)ما درنا والو غا جرونا رجلينا ليه

الزاهية:جروك رجليك؟؟مالهم أبنتي كياكلوووك (بالغوات) شدخلكم لبيت ولدي ومراتو..شهاد قلة الحيا؟؟تدخلو لبيت البنت مكاينااش باشمن موجب شرع؟؟مالها سايبة؟؟

حكيمة:لا أخالتي ماشي هاكاك غي ݣلنا ندخلو نشوفو دار ميمون حيت ماعمرنا جينا لهادي.

الزاهية:(طالقا حلوقها)حتى مانكونش كنعرفكم ياللفعات.. التبرݣيݣ داير فيكم مابغا..وداخلين لبيت ولدي معرفتوه مجموع معرفتو حوايجو منشوورين غا داخلين كي البݣرات ...مالنا ياك لبااس؟؟فين لقيتو هاد القاعيدة؟ أنا لي مو ومكندخلش ليه..

سناء:واخالتي مالنا فهاد الهضرة دابا؟؟(مهبطة صوتها)وا غا بغينا نشوفو وصافي

الزاهية:تشوفي خلاك و جلااك...آش جابكم لهنا؟؟؟باغيين تشوفو تسناو مولاتو تجي وتوريكم!!!..

-على الغوات تحل الباب، دخل ميمون وجمال لي سمعو حلوق الزاهية منين ومنين مقندشة ومعصبة عدوها قلة الحيا .

جمال:عمتي ياك لباس؟؟

حكيمة وسناء غي سمعو صوت جمال عرفو القضية غاتكبار..شافو ميمون حتى هو لي نطق مستغرب من تواجدهم فبيتو:مي أش كاين؟؟..

حكيمة وسناء غي سمعو صوت جمال عرفو القضية غاتكبار..شافو ميمون حتى هو لي نطق مستغرب من تواجدهم فبيتو:مي أش كاين؟؟

-نادية:(مستدركة الوضع)والو اخويا غا مناݣرين وصافي

الزاهية:لا مامناݣرينش..ديما نهضر وتردوني أنا لي نݣارة ونتوما فعايلكم ديال الشياطين؟؟فينااهووما ولادي يجيو يجمعو عيالاتهم من هنا؟؟

ميمون:شكديرو هنا؟؟

الزاهية:هاد المسخوطات لقيتهم فبيتك ماعرفتهم شكايديرو فيه؟؟

جمال:(فهم البلان)صافي أعمتي موقع بااس..

ميمون:(بجدية)حكيمة خصاتك شي حاجة فبيتي أختي؟؟

-حركات راسها بالسلب لسانها تسرط..وجه نفس السؤال لسناء لي كان ردها:والو أخويا والله مقصدنا فيها شي حاجة غا عجباتنا الدار والفراش وݣالت ليا ختي حكيمة نشوفو البيت حتى هو حيت بغات تبدل الفراش. .

-ميمون:سولو نزهة ديك الساعة(معجبوش الحال)..

الزاهية:(مغددة)خرجوو من هنااا خرجووو الله يخرج فيكم الحماق، نشوف آش خصكم حتى بغيتو تبدلو البيوت .. .

خرجو مسرسبين للصالة حمرين مزنكين بالحشمة لي تحشمو مع ميمون لي معمرو هزو فيه العين وطولوها..

ميمون:(مخاطب مو)مّي سكت هاد المرة و غندير ماوقع والو ..ولكن مغاديش نعاود نسكت مرة خرا..على راسي وعيني خوتي وعيالاتهم ولادهم ولكن بيتي مايدخل ليه حد..حاط فيه كلشيي وعاد دابا مشاركة معايا بنت الناس فيه..

الزاهية:(تحرجات)سمح ليا أوليدي..مسحها فيا

ميمون:(باس راسها)حاشا أمي واش نمسحها فيك..هضري معاهم

الزاهية:صافي غي ضربهم على حسابي

جمال:(مستغرب)أنا غنمشي ..ميمون عطي راحة لراسك

ميمون:تهلا أخويا

-خرج جمال مخليهم مكمشين فبعضهم عارفين راسهم مكحلينها..فحين ميمون سد الباب ومشا تكا مغمض عينيه معاجبووش لجيست بتاتا عدووه الفضول ولا لي يدخل ليه فحياتو..

مشات ليهم الزاهية مغوبشة وهي تصيح فوجههم:تبارك الله عليكم وليتو تحشموني مع ولدي

حكيمة:والله أخالتي ماقصدنا فيها شي حاجة

الزاهية:(دارت صبعها على فمها )ششش مانسمعش حسكم غدا سيرو فحالكم..ماعنديش أنا لي يبقا يقلب فحوايج الناس..السيدة خلاتنا فدارها و تايقة فينا ما سدات حتى قنت كلشي محلول وتنوضو نتوما تدخلو ليها لبيتها...فين عمرني تخطيت بيووتكم نتوما(شافت فنادية)نتي لولة فعريساتي عمري دخلت لبييتك بلا شوارك؟؟عمرهم بناتي دخلو لبيتك؟؟(حركات نادية راسها بالسلب)منين جبتو هاد القاعيدة الخاسرة؟؟..

سناء:(تحرجات)والله أخالتي ما قصدنا سمحي لينا..

الزاهية:(مخيخة)غدا رجعو للدار..

دازت تتوضى مخلياهم محرجين من الموقف وهي تنطق حفصة:مالكم فهاد الخفة؟؟..

حكيمة:(شيرات لسناء)هاهيا لي ݣيداتني لهاد الموصيبة..شبيني وبينك حتى تبعتك؟؟ ..

سناء:الله يمسخك ياك حتى نتي بغيتي تشوفي البيت

نادية:على قلة البيوت..حشوومة والله..السيدة مأمنة لينا على دارها ونتوما تقلبوو فبيتها...هاحنا غنرجعو فحالنا مابقا لا ضوران لا كازا(مغبنة)حرام عليكم..

حفصة:(تقلقات)والله حتى باز ليكم..كنا عوالين نرتاحو شويا من هم الشقا والدار ونفوجو ساعا خفتكم غترجعنا من غدا..

-بقاو كيبيضو فعينيهم حاسين بالذنب بشنو دارو وسقلو شي كيشوف فشي حتى دخلات نزهة وفتيحة من الحمام

نزهة:السلام

الكل:بصحة والراحة

نزهة:الله يعطيكم الصحة..واحد التحميمة عويناتكم(باست يدين الزاهية)..

الزاهية:بصحتكم(شافت فتيحة)بان فيك ههه

فتيحة:(براحة)واحد الحمام غزااال خرجت كنشعل ههههه

نزهة:بصحتك..مكاين حد؟؟

الزاهية:ميمون ناعس و ولادي منعرف..

حيدات الشال كتنفس وهي تقول:أنا نشوف ميمون..

ناضت لعندو لقاتو مغمض عينيه قربات ليه باستو فحنكو وقالت:عارفاك فايق

ميمون:(حل فيها عينيه)جيتي الكبالة؟؟

نزهة:هههههههه هادي هي بصحة لالاهم الحمام

ميمون:(حط يدو على خدودها الرطبين)الحمام لي تمشي ليه ونتي مدايراش علاش حراام أختي هههه..

نزهة:(باستو فحنوكو بجوج)واحد الحمام تشهيت نغسل فيه أنا وياك ههههه..

ميمون:(جرها باسها مطول ففمها)خصني غي نبرا والله منزݣلك

نزهة:(بحب)كي بقيتي؟؟

ميمون:مليييت

نزهة:ندير ليك فيلم؟؟

ميمون:(رجع شعرها ورا وذنها)بغيت نبقا معاك الراس فالراس

نزهة:(مبسمة)والناس لي برا؟؟..

ميمون:موحشك حتى وليت كنݣول نهزك نهرب بيك ههه

نزهة:(ضحكات)مكرهتش ولكن الظروف..إن شاء الله عندنا العمر كامل مع بعضياتنا غنبقا معاك حتى نطلع ليك فالراس

ميمون:(منتاشي بعويناتها)مور هاد الوقفة لي وقفتي معايا عمرك طلعي ليا فراسي(باسها فعويناتها)الله يحفظك ليا ويعطيني الصحة حتى نرد ليك كاع هادشي لي درتي معايا..

نزهة:علاش كتحسبني كنديرو معاك بالجميل؟؟ميمون راه واخا متكونش راجلي كنت غندير معاك هادشي..قبل ماتكون راجلي راه كنبغيك..سكنتي ليا قلبي وعقلي ..كون لقيت نهز عليك هاد الدقة ومنشوفكش فهاد الحالة..

ميمون:(قرب منها ملاصق نيفهم مع بعض )والديا ومبغاونيش ݣد هاكا ...شنو عجبك فيا؟؟..

نزهة:(مبسمة بعذوبة)نقي..نقي من الداخل وقلبك زوين..كتهلا فيا وديما هاز ليا الهم وعارفا نهار نطيح غنلقاك..

سكتها بقبلة حميميى لصق فيها شفايفهم بجوج باش تتلاها تبادلات للألسنة بشغف..مفرقوها حتى رواو عطشهم.. وقال:هادشي ممسلكش

نزهة:برا المصري وندير ليك ليلة دايزها الكلام

ميمون:تشطحي ليا أنزهة؟؟

نزهة:(عضاتو من شفتو)ݣوليا شطحي ليا أحبيبة؟

ميمون:(رد ليها العضة)تشطحي ليا أحبيبة

نزهة:نركز ليك ݣااع هههه

ميمون:عطيني غي نبرا وهاني معاك

نزهة:غنوض نوجد كاسكروط خوتك دابا يدخلو

ميمون:خليك تكاي شويا مالك فيه؟

نزهة:حشومة عندنا خوتك وعيالاتهم(كتغير فسورفيت ببيجامة)خصني بيجامات وشلا حوايج..

ميمون:هزي الزين وسيري شري.

نزهة:غندوز الكوموند غي من التيليفون..حتى لليل وختار معايا..

مرت قرابة عشرين يوم أخرى ..فيها ميمون بدا كيسترجع صحتو شويا بشويا تحت رعاية نزهة لي مفرقاتوش نهائيا مشاو ناس وجاو ناس عندو من عائلة مو أكثرية أما باه راه غي خواتاتو فقط لي بمجرد ماطمنو عليه هزو رحالهم لمصر

خوتو مشاو كلها يرجع لشغالو ويرجع لحياتو الطبيعية بقات معاه غي مو وفتيحة الكارد كور ديالها لي مكتفرقش على مها

نزهة راه فوتات أيامها لي مرخصة ليها فالشهادة الطبية وعقلها كيتلخبط بالأفكار بخصوص هاد الموضوع وكيف ديما كتلتاجئ لعبد الجليل لي كتحس بيه كيقراها و كيفمها..ربطات معاه اتصال فأحد العشيات كانت خارجة تقدا ..بعد السؤال على الحالة باشراتو ديركت فالموضوع

نزهة:أخويا بغيت نتشاور معاك..بغيت رأيك بصراحة

عبد الجليل:ݣولي نسمع

نزهة:ݣلت مع راسي نحبس الخدمة وندير بروجي ديالي

عبد الجليل:شمن بروجي؟؟الحلوة نيت

نزهة:ااه..ݣاع هاد ليام كنخمم ونعاود..ساليت الوقت لي شديت فشهادة طبية وخصني ندخل للخدمة وݣلت مع راسي علاش لي منديرش ديالي..الكليان عندي مشتتين كيصونيو ليا هاد الايام بالعرارم وغي كنردهم مكرهتش نبدا ندير ديالي

عبد الجليل:جامعة شي حاجة؟؟

نزهة:جامعة 8000 درهم وزيد عليها خمسة تالمليون لي عطاني ميمون فالصداق..غنشري الماتريال ونبدا نخدم غي من الدار..نص الماتريال راه عندي فدار ميمون الفران زوين والباطوغ خصني غي شي حوايج قلال ونبدا

عبد الجليل:شوفي الفكرة زوينة خاصة أنه غتخدمي راسك لا ضريبة لا والو..غي هو غيخصك الدماغ لي يفكر ليها ويدير لكل حاجة طريق

نزهة:سي فكرت وخممت ..غندير باج فالانسطا نحط شنو كنصايب وغنبدا نخدم للناس العاديين هذا عرس هادي ختانة هذا انيفيغسيغ وهاكا غادية ونبقا نعطي لكاخت فزيت ديالي

عبد الجليل:مكافيش؟؟

نزهة:راني قبل مانهضر عارفا خدمتي مزيانة وراك دايق ماكلتي كتعجب الناس يعني لكاليطي عندي

عبد الجليل:أش نݣوليك..ديريها وزطمي فيها الله يسر ليك..راجلك فراسو؟

نزهة:بالفرحات عليه نݣلس فحالي من الخدمة من لول مكانش باغيني نخدم غي داير ليا خاطري وصافي..وحتا هو مشجعني على الحلاوي

عبد الجليل:كيبان إنسان الله يعمر ليه الدار وماشي شي واحد لي سقرام

نزهة:والله مسقرام أخويا سخي وعارفاه غيعاوني داكشي باش زعمت وغنتخلا على خدمتي

عبد الجليل:اللهم يسر..بدااي وماعلينا غي نعاونك لاخاصاك شيحاجة

نزهة:دعيو معايا غير هههه ياله سير أنا وصلت للدار سلم على مي

عبد الجليل:مبلغ أختي تهلاي فراسك وسلمي على ميمون

قطعات معاه ونزلات مرتاحة من بعدما شاوراتو فلي فبالها..طلعات للدار محملة بالتقدية ..مع حلات لباب لقاتو فاص ليها واقف على رجليه تبسم وقال:تعطلتي؟؟

نزهة:وا هذا هو الجهد(نهجات)حيد نحط هادشي

شدهم عليها ودارهم فالكوزينة وهي تابعاه كتنكر:راه ثقيل عليك ويلي

ميمون:رجعتيني ولية والله خههه

نزهة:فين خالتي؟؟

ميمون:مشات لحمام ياله وصلتها غدا غيشدو الطريق للقلعة

نزهة:(كتحيد الشال)كون غي تݣلس معانا مزال

ميمون:(شدها من خصرها كالاها مع البوطاجي ووجهو ديركت تخشا فنيفها)توحشات دارها بحال كي موحشك أنا

نزهة:(يديها تخللات شعرو)حتا أنا توحشتك

ميمون:(باسها ففمها)طلقينا للفراجة ألالاهم

نزهة:ههههه شي سهرة

ميمون:(بشهوة)تشطحي ليا(باسها ففمها وعضها)

نزهة:(رجعات ليه العضة)طيبتي ليا فمي بالعضان هههه

ميمون:(يديه على خصرها)كنبرد فيه غدايدي عليك..

نزهة:(دورات يديها على عنقو معلقة فيه قايلة)عندي ليك شي هضرة!!

ميمون:(قبلة فأرنبة أنفها)شمن هضرة!!

نزهة:خصها نݣلسو (جراتو من يديه)أجي معايا

داتو لبيتهم جلسو فالسرير كيشوف فيها كيتسناها تهضر..تشجعات وقالت:غنحبس الخدمة

ميمون:(هز فيها حاجبو)نعام؟؟

نزهة:ااه غنحبسها ولكن غندير مشروع ديالي

ميمون:لي هو؟؟

نزهة:الحلاوي..ياك نتا ݣلتي ليا عودي خدمي من الدار اوا قررت نخدم من الدار

ميمون:(تبسم برضى)عارفاني من لول مباغيش خدمتك..ملي باغيا تخدمي من الدار خدمي براحتك حسن ليك(درعها بيديه ونطق بتشجيع)الله يسر ليك

نزهة:(بدلع)وغتعاوني؟؟

ميمون:علاش ما قديت..خاصينك فلوس؟؟

نزهة:لا (طلقات ضحكة عالية)غتعود تلصق معايا الصابلي

ميمون:ههههههه نلصقو الصابلي ونلصقوك حتا نتي ههههه(براحة)والله حتى فرحتيني مكنتش كنحمل ديك المشية للخدمة

نزهة:علاش زعما؟؟

ميمون:معرفتش كنبقا منوغش فدماغي ههه حسن الدار والى بغيتي كاع ناخدو ليك شي محل تبداي فيه

نزهة:لالا عندي بلانات خريين فراسي شي جلسة خرا ونعلمك بيهم

ميمون:إ شاء الله

*****

دوزو عشيتهم عادي مجموعين على الضحك و التكركير مع ختو ومو حتى سالات ليلتهم.. ومع الصباح فاقت نزهة بكري توجد الفطور للعجوزة لي حاولات ما أمكن تحملها فهاد الوقت..نݣارة وحكارة على التاويل وديري هادي وقضي ديك لكن فالاخير كتقول "الله يرضي عليك"

حضرات ليها سوبيرات فيهم شكيلات الحلوى مختالفين وفاش خرجات لبارح شرات ليها لبسة كاملة هي وفتيحة باغيا تكمل معاهم صوابها على وجه ميمون غادية بمبدأ "شي كيدوز فوجه شي" .

وجدات طبيلة تليق بيهم عاد فاقو صبحو عليها وحطات الفطور مشكل كيف ديما غي فطرو وقف عليهم جمال ناضو لبسو عليهم و وقفو مودعينها هي لي مدات ليهم أش شرات

نزهة:هاكي أخالتي قبلي علي

الزاهية:شهادا أبنيتي؟؟

نزهة:غا واحد ثوب وبلغة تلبسيهم بالصحة و الراحة

الزاهية:(فرحات)الله يعطيك الخير أبنيتي .

فتيحة:(تعانقات معاها)الله يكبر بيك أختي وشكرا بزااف وسمحي لينا.

نزهة:نتوما لي سمحو ليا لاقصرت معاكم..سلمو عليهم كاملين الله يوصلكم على خير..

تعانق ميمون مع مو لي ففمها غي الله يرضي عليك ..توادعو معاهم وداهم جمال للقلعة مخليهم الراس فالراس..تخشات فيه معنقاه وقالت:غتمشي للمحل؟؟

ميمون:غنطل ونرجع

نزهة:(هزات فيه راسها)عطي الراحة لراسك أميمون باقي مبريتيش مزيان

ميمون:لا الحمد لله وليت بخير(باسها فراسها)سيري نعسي شويا

نزهة:منقدرش..موجدة ليك شي حاجة

ميمون:(تبسم)أش موجدة؟

نزهة:شي حاجة وصافي هعهه سير شوف خدمتك وتكايس على راسك

ميمون:نبدل عليا ونخرج..

مشا لبيتو فحين هي جمعات الماعن كتحولهم للكوزينة حتا خرج خلاها راسمة بتسامة حلوة على شفايفها وعقلها خدام كيخطط لليلة اليوم..دوزات الماعن وردات الغدا ومشات طرفات الدار شويا شادة الإتصال مع مها مونسة بيها حتى تحل لباب بالساروت كان هو لي رجع مور ساعتين ..

نزهة:(متكية بجنب)على السلامة

ميمون:الله يسلمك..(لاح سوارت)

نزهة:(تفوهات )ياله لقيتيني بغيت نتكا شويا البارح بقينا شادين الجموع أنا وياك حتال أشمن وقت.

ميمون:(جلس حداها كيمسح على شعرها )نوضي للبيت ونعسي .

نزهة:(ناضت)واخا

تحركات من حداه وهو يشخطها لترمتها وقال:مالها مسكينة لوات

نزهة:(غادية كتبعكك وتحرك فيها)اوا شحال مسكينة ماتشوات

ميمون:اليوم نشوي مها هههه

نزهة:(تلفتات ليه)اوا اليوم نقصر أنا وياك ونشوفو جهدك

ميمون:(مفرنس)لعاار أنزهة كاينة القصارة اليوم

نزهة:(بدلع)قصارة دايزها الكلام هههه نمشي نريح عظامي تابعني السهير اليوم

ضحك وخلاها تمشي تتكا حيت عارف دازت عليها فهاد الفترة ماحيلتها ليه ولا للناس وبقا هو كيتفرج وكينقب من اللوز لي كانت حاطة

****

العشية خرج عاود يطل على المصبنة وخلاها هي كتوجد فالقصارة لي واعداتو بيها..

أول مبدات بيه هو الطبلة لي خصها تكون ناضية..شدات بلاطو زجاحي دارت فيه زليفات قاعهم مرايا وعمراتهم بالفواكه الجافة..قادات تشيز كيك بالحامض ومغتنساش أكيد الماكلة لي قررات تلعب على المالح نوعات فالمملحات لي أغلبها طلبهاتها من برا مبقاش ليها وقت فين تقاد..وأكيد منساتش كاوكاو مالح بالجبن والزيتون وغيرهم

وقفات كتشوف فالطبلة بحب مستمتعة وهي كتقوم بهادشي..مشات خدات ليها دوش غسلات فيه شعرها مزيان وتهلات فجسمها بمقشرات خلاوها ترطاب كثر

خرجات دازت ديركت للبيت نشفات وذهنات بكريم بنكهة الكوك ورشات السبراي المنعش..نشفات الشعر وخلاتو مطلوق..لبسات دوبياس فالأسود وكسوة صيفية جات حد الفخاض..دارت ماكياج خفيف ورشات ريحة أخف منسمة بيها الجو..فرجليها لي مصبوغين بالبيج بيبي دارت خلخال والخاتم فالصبع الوسطاني ومشات كتصوني ليه يجي لقاتو فالعمارة نيت . .

ضربات طليلة على الطبلة مبسمة ومشات للتلفازة لي متصلة بالويفي كتقلب على أغنية هادئة تطلقها تنسم بها الوضع ..

سمعات سوارت فالباب وهي تحط التيليكوموند ومشات كتجري عندو تعلقات فيه بايساه فحنكو مضهشراه ..رمش وطلعها ونزلها ونطق مسحور:طلقتي علينا الزين تاني؟؟(شد يديها ودورها على راسها)ماشاء الله على الحب كي طالع

نزهة:(مبسمة بعذوبة)جيت زوينة؟؟

ميمون:(عض على شفايفو)قتالة(باسها فحنكها)أش كاين الالاهم؟؟

نزهة:(تخشات فيه لاغية المسافة بيناتهم)نقصر أنا وحبيبي

ميمون:هي نوجد فلوس الغرامة!!!

نزهة:خوي علي بزطامك

ميمون:(قبلها فجنب وذنيها)نخوي جيبي على مولات الشيبي

نزهة:هههههه سعداتي..ياله سير تدوش وأجي عندي

ميمون:هاني راجع ليك نشوف مك مالكي فين غادية بهاد الزين(عجن ترمتها بيديه)وهاد البونجة لي غي مكتزيد تفيض

نزهة:(خمسات ليه)بصحتي ههههه

ضحك ومشا يدوش مخليها كتقلب على أغنية مناسبة تركز عليها..محسات حتا كان خارج مدوش مفرنس ليها ومطلعها ومنزلها

ميمون:(ضرب على الطبلة)هاد الطبلة خصها غي شي شيشة (نقب من اللوز)

نزهة:خاصها العصا ههههه أشمن أغنية ندير

ميمون:أجي جلسي نعمر بيك عيني بعدا السهرة مزال طويلة

جات تنشرات حداه بدلع ضرب على الخلخال:لالا حلقتي ليا تاني(دور يديه على خصرها)مال هادشي مكانش فاش كانو؟؟

نزهة:ههههههه تشوفني مك هاكا تعواج ههههه خلي هادشي غي ليك(باستو ففمو)توحشتك

معطلهاش حتا هو خدا شفايفها وسط شفايفو لي مشتاقين ليها..كيلعب بيهم ويقبلهم بحب مع يديه لي متحيداتش من جنبها..كيتبادل معاها أحاسيس الحب المزينة بالشهوة..

قطعو القبلة وقالت: كول

ميمون:(مسح ليها على فمها)ناكلو الالة

بداو كياكلو مجمعين ضاحكين كي ديما حتا ساط فكلشي وقال غامزها:ياله طلقينا للفراجة

نزهة:(حشمات بدون سابق إنذار)كاع ديك الزعامة لي فيا مشات ههههه(خشات وجهها فحضنو)عمري شطحت قدام شي راجل

ميمون:(ذرعها بيدو)علاه أنا ݣلت ليك عمرك درتيها هههه عارفك كي دايرا غا نوضي حسبيني مكاينش هههه

جمعات شجاعتها وناضت قايلة :واصبر تسناني هنا

ميمون:واخا الالة(بهدوء)غنصايب شيشة ونجي

نزهة:(برفض)ميمووون

ميمون:سيري سيري خلينا نزهاو اليوم غا شيشة وحدة معندها مادير ليا.

سكتات مبغاتش تنزع الليلة ومشات للبيت ديالهم سداتو وجبدات شوميز دونوي فالاسود دونتيل مبين السوتيان لي لابسة والصدر لي قرب يخرج يطل عليه مزيراه حتا تراصات الفرقة..هزات موزون مصري فالأسود فيه صدايف كتخشخش وخرجات كتمشى على قرون صباعها لقاتو مزال كيصايب فيها ما دارتش الحس بتاتا ومشات كتقلب على الموسيقى لي طاحت فبالها وهي دبكة الطبلة المصرية

تم جاي هاز الشيشة فيديه مع قشعها طلعها ونزلها بحب وباعجاب وقال:وابزاااف علي هادشي أنزهة واااه كثرتي عليا فالتبدال وكل مرة جايتني قتالة(بضحكة)قتلي دلمي وتهناي

نزهة:(عوجات جسمها)اوا غي باش نوعو شويا

شد بلاصتو مطلعها ومنزلها وقال:شداكشي فيديك؟؟

نزهة:(وراتو ليه)باروك مصر ههههههه

ميمون:عمري حضرت لشيخات مصر غتكوني نتي لولة

نزهة:وأنا لخرة ههههه

صايبات الحزام على ليهونش بالضبط..وطلقات موسيقى مصرية مئة بالمئة شرقية.

عطاتو بالظهر ومحسش بعينيه حتا تركزو عليها ..وقفات على قرون صباعها وركابيها محنيين للارض وبدات مع أول نغمة تلاحت عوجات خصرها لليمين ثم لليسار باش تعلن على بداية عرض راقص شرقي مئة بالمئة

كتحرك بجسمها السفلي بوحدو والعلوي بوحدو ورجليها ماخلاوش من وضعية الرقص البدائية..كتمايل على أنغام الموسيقى المنبعثة من التلفازة تحت نظراتو الحميمية لي مركزين عليها لاغير..غي فاتت الخطوات الاولى صافي ولات كتشطح بأريحية وتحرك فجنابها ومؤخرتها براحة مع شعرها لمتوسط الطول لي كيتحرك معاها ومكتفلت تا فرصو أنها تقرب حداه وتعوج عليه حتا كيشحطها لمؤخرتها وتجلس تكركر متلفا ليه العقل ..خلاتو بلا هواه يخرج الدخان وينوض عندها يشد فيها كيشطح معاها واخا مكيعرفش..كأنه حائط مخليها تسند عليه وترمى عليه وتتدلع خلاوها المصريين. .

كتلة من الانوثة البسيطة على رجليها ..معندهاش فورمة خارقة للعادة ولا زين لايعلى عليه إنما عندها قبول فقلبو..نشطاتو بحركاتها العفوية والانثوية..كان منتاظر طرح شعبي مغربي لكنها شطحات ليه الشرقي وفاقت كل توقعاتو..محس براسو حتا شدها من خصرها خاشيها فحضنو مطلع راسها لجيهة وجهو حاضيها كتنهج ووجهها جمر بالحركة..بغات تهضر عطاها بوسة خفيفة على شفايفها منتاشي بعرضها الحلو وقال ملصق نيفو مع نيفها:شطيح الحلال زوين الالاهم

نزل بفمو لكتفها طبع عليه قبلة رضى وتم طالع مع عنقها كيرسم لوحة بفمو لو كانو الالوان كانت غتطلع روعة..من عنقها لوجهها لفمها منتاشي بالشهوة لي كتبادلو..لانها معمرها خبات شهوتها فيه

يديه محطوطة على خصرها كتحيد فالحزام وفمو كيقبل فيها بلهفة..بشوي عليه حتا فرق البوسة بحب وقال:أجي

جرها وراه للبيت لي بمجرد مادخلو سد الباب ولصقها مع الباب خاشي وجهو فعنقها كيبووس فيها بشهوة ويديه توجهات ديركت لصدرها كيبعزو بلذة مع تحركاتها لي أقل مايمكن يوصفهم بها هي لذيذة

قلع ليها الشوميز بقات بدوبياس وحتا هي قلعات ليه الفوقاني..مع بغات تبوسو كان ݣيدها للسرير راميها وطايح فوقها عمى..كيتذوق من شهد.جسمها لي قدر عليه..طابع جميع أنحاء جسدها بقبلات سخونة كيطيب فيها بالمهل..

كان باين أنه موحشها من طريقة تقبيلو ولمسو لجسدها وحتى فاش كينطق باسم دلعها فوذنها "لالاهم" كينطقو بحب وشهوة..دليل قاطع على أنه متشوق يكمل فمسيرة الجسد والحب هادي لي غادي فيها

مبخلاتش عليه فاللمسات الحارقة خاصة أن يديها قاست العضو ديالو خلاتو يعضها بلا هواه مستمتع بلمساتها عليه..عارفها كتطيب فيه وكتمتعو كيفما كيدير معاها

مع كل لمسة كان كتأوه فوذنيها ويعطيها قبلة بحال السم كتسري فسائر جسدها..بدون مانساو يديه لي محيدوش من صدرها حتا لقات راسهم مجردين من الحوايج ومن القيود لي كتحكم أي علاقة جنسية بين جوج

غاصو فبحر الحب المزين بالجنس الحلال..غنج ودلال وأصوات مدللة من طرفها وصهد وعرق وتعب من طرفو هو لي كيجاهد كأنو فحرب وخصو يجيب التحرير للوطن

البيت ولى مصهود بالنسبة ليهم..تقيس أجسادهم تجيك العافية كتصهد خاصة وهوما كيفرغو على شنو نتج عليه الفراش لي جامعهم

فرغو شهوتهم الأولية بحب وفداو الشوق عاد ترماو كيرتاحو..جرات الليزار تغطات بيه وحطات راسها على كتفو..مبخلش عليها باش جرها دارها فحضنو وقبل فوق راسها دليل شكر على معاشرتها ليه بحب وقال:فيك الصداع؟؟

نزهة:تݣول غا كانو رابطينك(بدلع)قسحتيني غنكون طبت

ميمون:(ضحك)هههههههه خصو غي يكون طايب باش نوض ليه دابا ناكلو

نزهة:ههههههه تكايس راه عندي غي على قد الحال نتا لي مجهد علي

ميمون:(باسها فحنكها)حلوة أش ندير ليك؟؟جمعتيهم ليا كاملين

نزهة:(شافت فيه مزنكة)حتا نتا..حلو

ميمون:(قرصها فصدرها)كنموت عليك حيت كيعجبك النعاس

نزهة:شكون هادي لي مكيعجبهاش النعاس؟؟

ميمون:بزاااف..كتلقايها غي كضرب العام لول تزواج صافي كتبرد كتولي تعطيه حقو من سيمانة لسيمانة وغي كدير ليه الخاطر

نزهة:وأنا باقي مكملتش العام؟(بمزج )ماتعرف نولي هاكاك

ميمون:هههههه لالا نتي هنا(حط يدو على أنوثثها)شاعلة فيه العافية ديال 34 عام خصني 34 عام خرا باش نبردها

نزهة:(طلقات ليه ضحكة)هههههههههههههه والى بردات أش نديرو؟؟

ميمون:غنكون ديك ساعة مت غا تبرد هههههههه مغنموت حتا نخليك كي الشجرة يحركك الريح وتبقاي لاصقة

ضحكات مكركرة عليه حتا خلاتو يعاود ينوض ليها من جديد معلن عن بداية مباراة جديدة كانو فيها بجوج هوما الحكمين ..مباراة بدون لاعبين هوما قايمين بالدور غاطسين فبحر الحب كيشبعو من بعضهم

تحت دارها لي فحي شعبي كان واقف بطونوبيلتو وعينيه مفكسين على الباب كيستناها تخرج كل مرة يتحل لباب كيتهزو حواجبو للفوق بالفرحة حتا كيخرج شي حد من الكرايا لوخرين

ساعتين وهو مبوانتي تما ولا هي واش خرجات لكن أبدا واش مل..يمكن لانه السنين لي قضاها بعيد خلاتو يزيد يتشبت بيها..لحظات تفتح الباب وخرجات الساكنة قلبو حانية راسها بجلابتها الواسعة لي مغطية جسد امراة مر عليها الكثير ..الزمان قسى عليها واليتم كذلك

غي شافها خرج من طونوبيل مجاتش فين تحط رجليها فالشانطي كان واقف عند راسها وقايل:حنان

تلفتات لمصدر الصوت حتى لقاتو هو وهي تخرج عينيها ونطقات بصوت هامس خايفة المارين يسمعوها:أش كدير هنا؟؟باغي تشوهني

محمد:حنان غي سمعيني يهديك الله..أنا ݣلت ليك قصدي..مباغيش الشوهة بغيتك للحلال

حنان:(بانفعال لكن صوتها هامس)أسيدي فرقني عليك..مبغيتش نتزوج بيك

محمد:(بحنية)ياك أحنان ..نسيتيني؟؟

حنان:ماشي أنا لي سمحت فيك..نتا لي خرجتي العيب..الحلال لي جاي تهضر عليه دابا تسنيتو منك سنين هادي..ولايني نتا طلعتي ولد مك..تزوجتي لي بغاتها مك ولحتي بنت فاطيمة لي مخلات مدوزات معاك

محمد:(بملامح متأسفة)سمحي ليا ..ندمت حيت فرطت فيك..خليني نصلح غلطي ونتزوجو

حنان:مبقيتش بغيتك أولد حفيضة..خليني عليك وإلا معطتينيش التيساع غنعلم بيك

مشات وخلاتو كيشوف فيها باسى معرف ميدير نفس الجواب مصرة عليه ومباغياش تبدلو ملي بدا كيعس عليها تابعها من السوق للخدمة للدار لاصق كي ظلها

خدا سيارتو ومشا فاتجاه دارو محسر على شنو دار

"جرح اليد تصلحه الادوية لكن جرح القلب لا يشفى"

*****

بعد مدة طويلة من المعاشرة الحميمية بيناتهم..كانت متكية على كتفو عريانة ساترة راسها بايزار وهو كذلك كتهضر معاه وتلعب فصدرو بصباعها حتا نطق:نسيت مسولتش فمي واش وصلات

نزهة:صوني ليها..أنا غنوض ندوش

ميمون:(شدها حداه)بركي لارض..نكمل ونوضو ندوشو بجوج

نزهة:(بابتسامة)واخا ههه

صونا لمو طمن عليها وناضو للدوش كملو مابداوه وخرجو ضاحكين ناشطين مخصهم خير..

طلب ليهم العشا وجلسو مخشوشين فبعضهم كيتفرجو كيف عادتهم حتى نطقات:دابا وليتي شويا خصني نرجع لدارنا

ميمون:علاش؟؟

نزهة:خصني نرجع ..ݣاع الناس معارفينش جيت بلا عرس

ميمون:غنديرو العرس ولكن خليك معايا(قبلها فراسها)مسخيتش بيك

نزهة:(رجعات ليه البوسة فحنكو)حتا أنا مسخيتش ولكن خصني نرجع ونوقف على العرس

ميمون:وا بقاي هنا ووقفي هه غتمشي لداركم مافيها حد .

نزهة:مي غتجي...خصني نوجد للعرس

ميمون:(بتساءل)ضروري العرس؟؟

نزهة:وانهاري أحبيبي شنو منديرش..بغيت نفرح براسي

ميمون:خليك معايا عفااك

نزهة:(بضحكة)كاع هذا حب فيك ليا

ميمون:وشنو..لي لقى هاد الزين ومحبوش الله يعطيه الهرس

نزهة:هههههه سعدااتي صافي غنبقا ونتا لي غتوجد معايا للعرس وتعطيني رأيك فلبااسي

ميمون:علاش لا هههه غي هو متعوليش تحيدي الفولار فالعرس

نزهة:مغنحيدش غي تهنا خهههه نسولك؟؟

ميمون:سولي

نزهة:واش خوتك كنتي كتشوفهم من صغرك؟؟

ميمون:الداري؟؟لا حتا كبرو نييت كنت كنشوفهم ولكن مرة فشحال فديك ربع سنين خمس سنين علاش

نزهة:حيت مكاتبانوش واش خوت ههه

ميمون:هوما باهم من جيه وأنا با من جيه ولكن الله يعمر ليهم الدار راك شفتيهم مساكن جاو فاش مرضت كيجريو

نزهة:(كتشوف فاص ليها ووذنيها معاه)عزاز عليك خوتك بزااف

ميمون:ورااه خوتي..أنا راه معندي حد من غير خوتي ومي وخالي وتريكتو

نزهة:وأنا؟؟

ميمون:(جمع ليها فمها على شكل بوسة وعضوو)نتي الزين راكي وليتي مني..نتي راكي الحب والكبدة ههههه

نزهة:الجهل هههههه عضيتيني

ميمون:كنرجع ليك الصرف ههههه

نزهة:(تفوهات)الله يستر خليني ننعس نرتاح

ميمون:(باس راسها)نعسي أحبيبة(غلبو الضحك)خراا وليت رطب ههه

يتبع...

‎