خيط الريح الجزء 16

طعم الحرية مذاق لا يعرفه الا المساجين..

عمر ريتو بالهواء مرتاح وعينيه متشوقة تشوف حبابو ورا هاد المحنة لي مستغرقاتش بزاف لكنها خلاتو يعرف بزاف تالحوايج..شاف نزهة وجمال واقفين..ورغم كلشي رسم إبتسامة متعبة خفيفة فورا تحولات لإبتسامة عريضة وهو كيشوف لالاهم كيف مسميها كتجري لعندو حتى نص الشال زلق..بدون تردد حضنو ستقبل جسمها المشتاق لعناقو..

تلاحت عليه معنقاه مزيرة عليه وحتا هو ضمها بحب محتاويها بين ذرعانو..وكيبوس فراسها ..وذنيه كيلتاقطو كلمات فشفايفها فيهم غي توحشتك وكنبغييك..

ميمون:(ضحك)لالاهم ههههه (بعدها عليه شويا باسها فحنكها)نزهة ديالي

نزهة:(واضعة يديها على وجهو كتقلب فيه)الحمد لله على سلامتك.. (عينيها كيتفحصو وجهو)راك مزيان؟؟

ميمون:(باس يديها من الداخل)الحمد لله على كلشي(زيرها من جديد فحضنو)

نزهة:(بحب مخنششة فيه)كنت غنموت بالفقصة عليك

جمال:ساليتو المسخ ديالكم هههه(تعانق مع ميمون وكيضرب على ظهرو)على سلامتك العاود

ميمون:الله يسلمك(تنهد براحة)دازت خايبة بزااف

جمال:الحبس ماتبغيه لعدوك..خرجات طريفة الحمد لله

ميمون:(عنقو من جديد عناق رجولي)يحفظك..منساش ليك وقفتك معايا

جمال:(زاد وخلاه)تحرك فيا الجوع

ميمون:هههههه هبيزة صافي..

نزهة:(مدورا يديها على خصرو)زيد خالتي كتسناك

ميمون:ياله

ركبو لور مع جمال محيداتش من حداه خايفاه يهرب ليها..غي شادة فيديه وكتسول فيه أسئلة بتفاصيل مملة.. أش كليتي واش شربتي..

وصلو للدار وناضت الزاهية تدمع وتعاود وتعنق فيه ..كذلك خوتو كاملين لي تكبو ..تعانقو معاه وداروه وسطهم فرحانين برجوعو..وحتى هو مبسم واخا التعب متمكن منو..

حطات نزهة رفقة رشيدة وفتيحة الطبلة منوعة ومشكلة وكتقرب ليه كل حاجة ...وهو كيعاود ليهم على تجربتو فالحبس كيفاش دازت عليه ديك المدة..والنقاش طوال أكيد وكولو على بلان الحشيش حتى بداو عينيه كيتغمضو وقال:غتسمحو ليا غنوض ننعس

الزاهية:سير أوليدي ترتاح سير

سبقاتو نزهة كتحول الماعن غي حطاتهم دازت للبيت عندو مبسمة بفرحة وقاالت:تدوش وتنعس؟؟

ميمون:(بتعب تلاح فوق الناموسية)مافياش لي يحرك حتا عظم..

نزهة:(كتحيد ليه تقاشرو)ندوش ليك؟

ميمون:الدار عامرة(مد ليها يدو)قربي

قربات حداه وبحب طبعات قبلة على فمو وقالت:دازت عليك(صباعها كيدوزو على تجاعيد عينيه)غمض عينيك نعس ملي تفيق دوش وصحصح

ميمون:(غمض عينيه)واخا..

غطاتو وخرجات خلاتو غاطس فنعاس عميييق بفرط العيا نعس فالبلاصة..

****

بعد مرور خمس ساعات وهو ناعس مفاقش بتااتا حتى حس براسو شبع نعاس عاد ناض كيتعجز ويتفوه..نادى باسمها وجات عندو كتقاد فالشال مبسمة:فقتي؟؟

ميمون:اه (تعجز)عظامي كانو واكلين العصا

نزهة:دوش يخفافو عليك

ميمون:غندخل دابا

نزهة:نوجد ليك الدوووش

جرها من كابها الطويل جابها مليوحة على ظهرها فوقو وقال:لي عندو نزهة يحمد الله

نوهة:ههههههه نزهة توحشاتك

ميمون:شوفي الصكوعية مع جيت من مصر مع تشديت..مخلاونيش البوليس حتى نكوي مع كري

نزهة:ههههههههههههه الليلة نديرو شي ليلة تبقا وقتما تنهدتي تفكرها

ميمون:(زير على خصرها ويديه تحطات على كرشها)شي سبت عاوتاني هههههه

نزهة:(باستو فحنكو)ملي غي رجعتي ليا نرجع يامنا كلها سبت

ميمون:هههههه نعل حسها كتموت ليا على قلة الحيا هههههه

ناضت من حداه قايلة:الله يخليني هاكة هههههه نمشي نوجد ليك الدوش

حطات ليه حوايجو ومشات كتقاد فالدوش وتحط ليه كلشي وبالفعل داز ديركت دوش وحيد العيا ومع جلس نيت تافرك راسو خرج حمر بحال شي فاخرة زاندة..

نزهة:(شافتو جاي)بان فيك الضو

الزاهية:(نقزات)مالو كان مظلم..ولدي زييين شابهني

رشيدة:ههههههه مكتحشميش هههههه ميمون مكيبانش كاع ولدك هو سمر نتي بيضة

فتيحة:(غمزاتهم)كيشبه لسي حسن الله يرحمو

الزاهية:(ميقات)الخلا والجلا...ولدي كيشبه ل با الله يرحمو

ميمون:(جا ذرعها بيديه)بعدو ليا من مي..أنا كنشبه ليها هي

رشيدة:مكتحشمش ههههههه نتا كي الفاخرة هي بيضة

ميمون:ههههههه طمري...فين الدراري؟

فتيحة:كلشي خارج

فالليل بعدما تعشاو وكلشي تفرق لبيتو ينعس..أكيد ماشي كلشي بات عندهم كلشي تفرق على ديور جمال..ناضت نزهة دوشات بالخف وتعطرات بمعطرات الجسم الجذابة ..منساتش أكيد مسك الطهارة ..سرحات شعرها دغيا ودارت ماكياج خفيف..مع سدات الخلخال فرجليها مع تحل لباب

طلعها وهبطها بعينيه والإعجاب باين علييه نطق كيسد لباب وراه وقال:لالاهم

بضحيكة ناضت كتمايل بخيرها كيضرب فالليسر وفليمن مطراسي من الشوميز وصدرها قريب يخرج يطل.. لونها الابيض كيبري.. عاد زيد الروايح لي وصلات تال جيوبو الأنفية ...داعبات صدرو بغنج وقال:سيدهم ...وتاج راسي

ابتسامتو وساعت.. فورا دور يدو عليها وعض على فمو وقال: ليوم كاين الزايد(خدش عنقها بلحيتو)...نديرو كوية لواليدين

نزهة:(بضحكة طويلة لاحت راسها على صدرو وتجبدات على صباعها حتى وصلات لعنقوو ومصاتو حتى تنهد مزير عليها )حتى منكونش نزهة ونرضى ليك بكوية لواليدين أولد المصري ههههه

مهضرش باقي حدو جرها عندو معسل عينو بقبلتها الطاغية على عنقو ...جر شفايفها كياخد ريقها منهم.. مدورة عليه يديها ...تلمس جنابها كيعبز فيها تقول شهور مشاافها

ميمون: توحشتك أنزهة

نزهة:(كتحل ليه فصدفة السروال وكتعوج )حتى نزهة توحشات ميمون قلبها ....ندير لحبيبي مساج

ميمون:لز** ؟

نزهة(كركرات ليه عليها ) فينما حبات خاطرك الزيين

ميمون:ههههههه ديري خدمتك

دفعاتوو على سرير حتى جلس ومشات كتعوج بطرمتها قداموو ولخلخال كيعزف على أوتار رغبتو الجنسية ...ترخا وتكا كيتسناها تجي ..مشات شعلات شميعات ومبيخرة ديال الضو فيها ريحة لعود خفيفة كترخي .....هزات قريعة من زيووت لمسااج لي مكيخطاوهاش بزيت لخزامة لخفيف

عينيه فلحمها وجسمها لي مغطي بطرف توب حريري معري كتر من لي مغطي

ميمون:واانزهة باغي نكوي

نزهة:واصبر هههه مالك خضر

تقدمات عندو ...جرداتو من لحوايج وتكاتوو على ضهرو جات فووق منوو كتمارس طقوس الاغرااء ...دهنات يدها بزييت وسرحاتهم على صدرو وكتافو وعنقو حتى غمض عينيه قريب ينعس بين يديها من الراحة باش حس ...بقات هابطة حتى دوزات يديها على حجرو تبسم منيم عينيه وقال:تما أ نزهة فرحيه ليا

نزهة:ههههه نوض ݣوليه يدير خدمتوو المصري

قلبها تحتو حتى شهقات ونزل عليها بالقبل سرحات فظهرو وتنهيداتها زايدينوو فالعذاب فينما قاسها كتوحوح ليه

كان موحشها وموحش علاقة جنسية معاها بأدق التفاصل ...رغم سكات لي مامولفينش عليه فعلاقتهم الاكتوائية صبرو راسهم حيت دار عامرة

ميمون: (كيبوس فكرشهاا ويمص )كتجهليني أنزهة

نزهة:(بنشوة)ميمون ممم توحشتك

ميمون(طلع وجها عندها باس شفايفها )شكوون فينا الحب ؟ممم

نزهة:(مشات لوجهو مبادلاه التقبيل )بجوج أكبيدة ديالي ....وتكايس لحيوط كتسمع ههه

داز على جسمها قبل سااخنة مخلي بصمتو فكل إنش منها حتى أنوثثها مسلماتش منو

كانت علاقتهم مشحوونة بالحب والاغراء والكتير من الرغبة ..داخلين فحرب جنسية خطيرة كبحاولو يخرجو منها بجوج رابحين

قلبها فوقو مخليها كتنهج وهو كتر منها...ضربها لمؤخرتها وقال :اححح أش درتيي فهاد الفرعوني أنزهة

نزهة:ومزال لعاطي يعطي

ليلة حميمية دازت بينهم ستسلمو فيها بعد ساعات من فائض المشاعر والحميمية بيناتهم ...تكات فحضنو كترجع أنفاسها وعينها ناعسين وقال: تعديتي علي كنت باغي غير نبووسك ونعس ..

نزهة:وتعطيك خاطرك ههههههه هاد الزين كامل غي يبوسوه الناس

قرصها فمنطقتها توحوحات ليه وقال:نمووت على لمبطبط ...ريحتو كتخليني جاهل أش كديري ليه

نزهة:(هزات حاجبها كضحك )من عند الله أحبيبي ريحتو زويينة ههههه

ميمون:خليه ليا هكا ديما زوين هههه نعطي لي فوقي ولي ورايا...(باسها فجناب راسها)كنموت فنزهة و ح** نزهة هههههههههه

نزهة:هههههههه أويلي كترتي علييا من لمسخ نقص شوية المصري

ميمون: (باس عنقهاا ) شي ح** مع صباح ؟ تقاد ليا لمجاج

نزهة:(بعيون معسلة ) غير نوضنيي ونكون واجدة

ميمون: ههههه عارف لي كاااين مرتي كتمووت فقلة لحيا

نزهة:معاك أحبيبي(بايتو فصدرو)بقات بلاصتك عندي قداش

ميمون:(كيلعب بصباعو فذراعها )معمري نسا هاد ليام(تنهد)الحبس صعيب

نزهة:خاصة نتا مظلوم

ميمون:لي دازت على الراس تنفع

نزهة:(كتجمع الهضرة فحلقها)ميمون نسولك؟

ميمون:كنسمعك

هزات راسها شافت فيه بتساؤل:علاش كتبتي ليا الدار؟

ميمون:(تبسم ويديه كتبعد الشعر على وجهها)حيت عارف غيجي النهار لي غتوقفي عليها

نزهة:امتا كنتي ناوي تݣولها ليا؟؟كون مطراتش هاد المصيبة مكنتش نعرف

ميمون:الموت والحياة هادي معرفناش شكون لي سابق ولكن ݣلت نضمن ليك حقك..

نزهة:حقي عاطيه ليا الشرع

ميمون:شوفي ماحدي فالحياة حتى حاجة ماتخصك..الى جاب ربي مت ديك ساعة أبنت الناس ضبري راسك..كتبتها ليك باش حتى نتي واحد نهار متوقفيش..الدنيا غدارة ومكتعرفي خوك من عدوك غي فالشدة..وأنا شفت الويل فحياتي مبغيتكش تعذبي بحالي(كيدوز على حنوكها وعينيه فعينيها السوداوتين)الدنيا قراتني بلي الى معندكش الفلوس كلامك مسوس..أنا ضيعت سنين بزاف وأنا كنبني فهادشي..كي كيݣولو بالعز فرشت طريقي ومبغيتكش تعذبي ..كون مخرجتش من الحبس فين كنتي غتمشي؟؟كنتي حتى نتي غتلقاي راسك فالزنقة..مي عندها ولادها وخوها ميفرطوش فيها ونتي؟

نوهة:(كتمعن فهضرتو)زعما خوتك يسمحو فيا

ميمون:مغيسمح فيك حد..ممشيطكش لشي حد باش يسمح فيك ولالا...أنا بالجهد باش كنبغيك مبغيتكش تحسي براسك شطتي..كتبتها ليك بالنية الصافية باش الى سبقت أنا لدار الحق تلقاي راسك عندك فين تعيشي

نزهة:(لمعو عينيها بالدموع)مالك حنين هاكا؟؟تعلم تفكر فراسك شويا

ميمون:دوزت الويل أنزهة ومكاينش ماصعب من بنادم يدق عليه مول الكرا ..لا دار لا دوار كي كيݣولو.مكنتش باغيك تعرفي وملي جابتها الوقت وعرفتي مزيانة..هادي دارك

نزهة:(باستو فحنكو بحب)ياربي تعطيني شي بنية حنينة بحالك هاكا وكتفكر للناس بحالك

ميمون:كنفكر غي لي عندي عزاز..نتي ماشفت منك غي الخير وديما واقفة معايا وبغيتيني على الصفا..بغيتي ميمون العروبي لي ماقااري حتا حرف..بغيتيني وأنا خضر مكنعرف لا نهضر لا نلبس لا ندير والو حيت خدمتي قلبك وبغيتيني بيه..مالقيت حتى جهد من غير نكتب ليك دار

نزهة:(بحب تنخششات فيه)الله يحفظك ليا ويطول ليا عمرك ياربي

ميمون:(زير عليها)نعسي الالاهم ...حردتك اليوم هههه

نزهة:ومزال الصباح هههههه التقليد عليك لخليتيني ننعس

ميمون:ههههههههه كوني هانية

*****

فالصباح الباكر جوايه السبعة تصباح كان ميمون ونزهة غارقين فالعسل من جديد..معطلهاش حتى هو مع شرقات الشمس ودخل ضو تسيدي ربي بدا كينغز فيها حتى لقاو راسهم من جديد فعلاقة حميمية على الريق خلات هرمون السعادة عندهم يطلع..بعد.مدة عاد نااضت كتلوي عليها البينوار الأسود قايلة:صافي براكا متبقاش تهرني

ميمون:(ناشط مغطي نصو )نتي لي مك غي كنقيسك تبداي تقحبني عليا هههههههه

نزهة:(صيفتات ليه بوسة)موااااح نمشي ندوش غيفيقو ونصدق محاشمة معاهم

ميمون:أري ليا سروالي نوض نشوف واش خاوية الطريق

عطاتو ليه ناض لابسو وخرج شاف مكاين حد والسقيل فالدار..دار ليها الطريق بعدما قرصها فترمتها ومشات هازا حوايجها دوشات ورجع هو تكا مغمض عينيه فقط لكن كيسمع

دوشات ناشطة ماشطة فيها مايصايب ستة كيلو تالكعبة فرحانة...خرجات لابسة عليها ودايرا فوطة وتلاقات بالزاهية ..تبسمات وقالت:صباح العسل فالشهدة وصباح خالتي الزاهية بعدا

الزاهية:ههههه صباح النور أبنتي(بفضول)تي مالكي مشيرة صابحة مدوشة على الصباح

نزهة:كنعراق أخالتي وصافي..أنا نشف شعري ونوجد الفطور

الزاهية:واخا..

مشات نزهة حابسة الضحكة دخلات على ميمون وقالت:مك راه كتقتلني بالضحك هههههههههه شافتني وقالت ليا مالك صابحة مدوشة

ميمون:ديك ساعة ݣولي ليها بايتا هازا القل*** وة ههههههههه

مرت أيام عادية عليهم بعد المصيبة لي طاحت على راسهم..المياه رجعات لمجاريها ورجع ميمون لخدمتو عادي بعدما تبرأ من جميع التهم وحتى ممتلكاتو رجعات ليه..

الشهر الفضيل على الأبواب..ونزهة كأي مرا مغربية غدوز أول رمضان مع ميمون ناضت وشمرات على ذراعها أصلا هي تسوليها شكتعرفي ديري تݣوليك نحداݣ..

كتوجد فرمضانها لول ممخلياش من جهدها ها شباكية ها لسان الطير ها بشنيخة..بالإضافة للكوموندات لي شدات مع إقتراب الشهر الفضيل كيبغيو الموظفات طبلتهم تكون كاملة ولضيق الوقت كيعطيو لي تصايب ليهم وهنا نزهة كضرب يديها..عشرين يوم قبل وهي حاطا السطوك منقية كلشي غي كتجيها الكوموند كتبدا تعجن وتشكل وتقلي وتعسل ..طلبيات مختالفة ومتنوعة بمؤكولات رمضان الحلوة ولي كيتميز بها الشعب المغربي

كضل فالكوزينة ملي كيخرح ميمون حتى كيجي كيلقاها مزال غارقة..اتصالات براهيم تقطعو وحتى جمال مهضرش شاف أنه ميمون ياله خارج من مشكل ونفسيتو عيانة مبغاش يفاتحو فالأمر ومع ذالك مكمل التجسس بمجرد ماكتصوني ليها نمرة غريبة كيسمع الأبيل وملي كيلقاها كليان كيحط كلشي ..

فالجهة الأخرى كان محمد مزال خيطي بيطي عند لالة حنان كيزاوݣ ويطلب فيها باش تقبل تزوج بيه ..كيف ديما تبعها واحد النهار ملي خرجات من الخدمة عند شركة كدير ليهم الميناج شافها شدات طاكسي ومشات لغير وجهتها المعتادة..قصدات شارع من شوارع كازا الكبار لي فيها الطبة والمحاميين..وبالفعل قدام عمارة وقفات بها الطاكسي ونزلات لعمارة فيها طبيب اختصاصي ..حانية راسها كتبان داخلة سوق جواها..كتسنى نوبتها حتى عينيها قشعو محمد داخل..خرجاتهم فيه وهو يتم جاي تنشر حداها وقال:مريضة أحنان؟؟

حنان:(بصوت منخافض)أش كدير هنا؟؟

محمد:نتي لي أش كديري هنا؟؟

حنان:(زيرات على صاكها)كتعصبني هاكا مالك فينما مشيت نلقاك تابعني

محمد:غنبقا تابعك حتى تقبلي تزوجي بيا

حنان:(معندهاش الخاطر)بعد مني أمحمد

محمد:أش بيك؟مالك حتى جاية للطبيب

حنان:ماشي شغلك وسير فحالك من هنا..رجعتي دري صغير ولدي ومكيديرش هاد الفعايل لي كدير..رجعتي برهوش

محمد:(قطب حجبانو)برهوش حيت تابعك على الحلال

حنان:(راسها ضارها)بعد مني عفاااك

سمعات سميتها وناضت دخلات للطبيب خلاتو وراها مع شافها غتسد الباب تالبيرو وهو ينوض دخل معاها خنزرات فيه لكن متسوقش..قلبو باغيه يعرف مالها..

جلسات قدام الطبيب بحياء وقالت:هاك ادكتور ها التحاليل

الدكتور:هاد السيد راجلك؟

حنان:(حشمات)اه

محمد:(تبسم)اه راجلها مالها؟؟

حل الجوا ديال التحليلة وبدا كيقراها وعلامات الجدية على وجهو ..كيقرا ويعاود وكل مرة ملامحو كتقساح..سد التحاليل ونطق بعدما زفر

الطبيب:مدام حنان شحال ونتي كتحسي بكرشك منفوخة؟

حنان:شي عام هذا ..كنحط يدي هنا(وضعات يديها جنب كرشها)كنحس بحال شي كورة منفوخة ملي مشيت لطبيب لول ݣاليا ورم حميد وصافي يعني غي غنحيدوه وصافي..مقنعاتينش هضرتو وݣلت نبدلو

الطبيب:مافيكش أعراض خرا؟؟شهيتك عادية؟

جنان:لا ..نقصات كنت كناكل مزيان دابا لا..ورجلي كيتنفخو ليا بزااف

محمد:واش عندها شي حاجة؟

الطبيب:(بهدوء)سمعيني أمدام حنان حنا فعصر كلشي ليه الدوا..كلشي كيتعالج وبلادنا تطورات بزاف والعلاج كاين لكلشي..

حنان:(تخلعات)شنو كاين أدكتور خلعتيني..

الطبيب:للأسف عندك سرطان الكبد..

"ليست كل الفرص تعطى لنا ثانية بعض الفرص تأتي هكذا دفعة واحدة كالموت"

-السرطان

أو مايسمى بالمرض الخبيث وحاليا كيسميوه مرض العصر لأنه نتاشر بين الناس بشكل كبير..مرض أقل مايمكن قوله عليه هو أنه مميت لكن ماشي كيقتلك مرة كيقتلك شوية بشوية

مرض لي نهار كتعرف راك مريض بيه كتبان ليك المقبرة هي الأول لأنه بقدر ماعاشو وراه ناس بقدر ماماتو بيه الناس..وأصعب مرحلة فالكفاح ضد هاد المرض هي مرحلة الشيمي لأنه ألمو كيقتل فيك كل الخلايا..

جمدو ملامح حنان وتفيكساو عينيها فالطبيب باقي كتحاول تستوعب التشخيص لي عطاها ..أما محمد راه الخبر طاح عليه كي الصاعقة..رعد ليه قلبو..

ياله بغا يعيش معاها ماتبقى من عمرو وياله بغا يسترجع معاها أيام من حياتهم لي ضاعت حتى فاجئهم المرض..ويالسخرية الحياة ..

الطبيب:(بلطف)مدام حنان ميخلعكش المرض ..الحمد لله دوا موجود والعلاج تطور غاتشافاي بحالك بحال الناس لي قبل منك

محمد:(مسح على وجهو مخلوع)واش عندها الخايب بزااف؟

الطبيب:كتقصد اشمن مرحلة وصل؟

محمد:(مقادرش يهضر)اه

حنان:(عينيها تضببو بالدموع)غنموت؟

الطبيب:ماشي المرض لي كيقتل امدام..ناس كان فيهم ديال الدم وبراو منو وعاشو حياتهم عادي ولله الحمد..غنصيفطك عند طبيب مختص فهاد الكلينيك (كيكتب فورقة)باش ديري التحاليل لي خاصك وتبداي الحصص ديالك ديال الشيمي

محمد:(شد الورقة)كاين أمل فالشفاء؟

الطبيب:أكيد..لي نوصيك عليه أمدام..النفسية ديالك خصها تكون مزيانة وعالية حيت العلاج الكيميائي كيبغي الصبر والنفسية تكون مزيانة..

ناض محمد وقفها وقلبو كيتقطع عليها هي لي عينيها فاص مضببين بالدموع..تفكيرها كولو ف "رضى"..

ولدها لي ماعندو حد من غيرها ..شنو غيكون مصيرو وفين غيتلاوح..بمجرد ماطلعها لطونوبيلتو نهامرو دموعها على خدها وضربات حنوكها وطلقات الصرخة لي كانت حابسة وبدات كتبكي وتشهق خايفة ومرعودة وعلى فمها فقط

-"غنموووت لمن غنخلي ولدي"

شدها محمد عندو هو الآخر عينيه دمعو من منظرها..معرفها الدنيا كتعاقبو ولا كضحك عليه حيت باش دوز سنين وتلقى المرا لي كنتي باغي وتلقاها مريضة بمرض خبيث الميت بيه كثر من العايش خصك تكون سميتك محمد..

عنقها عندو كيهضر معاها مصبرها وهو براسو خصو لي يصبرو ويواسيه لأنه كيكن ليها حب عميق

محمد:نعلي الشيطان احنان..ربي لي كيشافي..الأعمار بيد الله كنعرف شحال من واحد مرض وبرا وهاهو عايش دابا نيت..

حنان:(وجهها عامر بالدموع)هءهءهءه لا لمن غنخلي ولدي..ولدي ماعندو حتى حد ..

محمد:أنا كاين..متبقايش تݣولي هاكا..غتبداي حصص الشيمي وغتداواي وتبراي وتولي بخير ..متديريش هاكا كلشي عند الله قريب..

بقا كيهدنها بهضرتو لكنها والو ..حالتها حالة لي عاد عرف بلي مريض بالسرطان ميمكنش يتقبلها كيجيه ديك الساعة فبالو غير الموت..

بكات حنان وتنخصصات حتى طابت ومخلات ماقالت وتشكات وهو كيسمع ليها وقلبو كيتعصر عليها وعلى حالتها ومواعد راسو يدخل فصراع مع مرض السرطان يا غالب يا مغلوب..

محمد:ياله تمشي تاكلي شويا وغدا ندوز عليك نمشيو للطبيب نشوفو اش نديرو

حنان:(شافت فيه كتبكي)اش غنݣول لولدي؟؟

محمد:متݣولي ليه والو..خلي حتا يبان لينا كلشي وݣوليها ليه عندو الباك غيتأثر

حنان:(شافت فاص ليها)الحمد لله ياربي أستغفر الله العلي العظيم وأتوب اليك..سبحانك لا إله الا الله إني كنت من الظالمين

محمد:هادشي لي خصك تݣولي.. هي صعيبة شويا ولكن الحمد لله

حنان:ديني لداري

محمد:واخا

وصلها لدارها بعدما رفضات أنه تمشي تاكل..مع بغات تنزل طبطب على يديها وقال:أنا معاك أحنان

حنان:(حركات راسها بتفهم)ماعندي حتى حد من غيرك(طاحو دموعها)

محمد:(قرب باس راسها )ربي معانا بجوج..

نزلات بالفعل شابعا بكا وقلبها عامر بالهموم..خلاتو هو غادي فحالو وعقلو كيضرب بالأفكار نفس أفكارها هي ولكن خصو يكون قوي قدامها باش تشجع منو..

نفسية مرضى السرطان كتكون على الحضيض أقل حاجة كتأثر فيهم..خص محيطهم يكون كيبين القوة باش يستامدوها منهم ويقاومو الدوا ديال الشيمي..

حالة محمد وحنان علامن طبق مقولة

"استغل فرصتك في أولها"

-ضيعو سنين من عمرهم وهو لي مستاغلش فرصتو معاها ونهار لقاها خطفها المرض منو..

*****

مرت الأيام ثقيلة على محمد وحنان لي من طبيب لطبيب من سبيطار لسبيطار وكلشي كيقول نفس الشيء وعطاوها تبدا حصص الشيمي باش تبدا أولى مراحلها فالعلاج..

-ليلة رمضان..تعلن عليه فجميع وسائل الإعلام..شهر الغفران كيما كيقولو..وفيه الناس كتوحد وكتبغي تدوز الشهر كولو صلاة وعبادة تقربا لله..

فكوزينتها كتحط الماعن فماشين ديالهم بعدما خداها ليها ميمون..وكتهضر معاه بجهد هو لي فالدوش

نزهة:وصلات لخالتي شباكيتها؟

ميمون:اااه

نزهة:الله يدخلو علينا بالخير(خرجات من الكوزينة تصادفاتو ياله خرج من الدوش باقي بفوطتو)هاد المنكر أخويا منشوفكش بيه فرمضان نصدق فاطرة مع العصر

ميمون:(شدها من عنقها كيبوس فيها)صايمة بالجميل لدلمك هههههه

نزهة:كنشوف الزين كنتلف ههههه(باستو)ذقتي الشباكية؟

ميمون:مصايباها ليا نزهة ومناكلهاش

نزهة:ههههه كيجاتك؟

ميمون:معسلة بحالك هههه (صونا تيليفونو)غايكون غي جمال

نزهة:باش غتسحر؟

ميمون:البطبوط

نزهة:ههههههه الله يمسخك ..باغي تسحر بكوية

ميمون:لدلمك راه باغي البطبووط لي كتعجني ماشي داك لي لاصق فيك ههههههه

نزهة:(كركرات)هههههههههههههههه ناري ولى عقلي كيمشي بعيد..سير تلبس عليك

مشا كيضحك لبس عليه وصونا عاود لجمال غي تشد الخط وقال:فين كنتي الحمار؟

ميمون:كنت كندوش..مالك؟

جمال:خصني نهضر معاك

ميمون:منهار جيت ونتا فاضحني باغي نهضر معاك باغي نهضر معاك..دوي

جمال:امتا غطلع؟؟

ميمون:فالعيد إن شاء الله

جمال:(زفر)حتى أنا ما غاديش نسالي باش نزل لكازا

ميمون:هضر هنا نيت..

جمال:الهضرة مديالش التيليفون خصني نكون حداك

ميمون:اوا خلي حتى للعيد نتلاقاو وارا ماتهضر..

جمال:واخا..ݣول لنزهة شكرا على الشباكية

ميمون:150 درهم غنحسبها ليك نتا..

جمال:ههههههه قاود

قطع عليه خلاه كيضحك وبتاتا واش خمم فاش ممكن يهضر معاه..فحين نزهة مشات شادة تيلي مقابلة التلفازة حتى وصلها ميساج من نمرة غريبة فيه

-"مبروك رمضان الالة نزهة..توحشتك"

كي قراتو وهي تصفار..عقلها رجح ليها الأمر لبراهيم..بلوكات النمرة عاوتاني كل مرة خارج ليها بنمرة ويديها كيترعدو حتى كتقول تناسا الأمر ويرجع من جديد

وقف عليها ميمون طير ليها التيليفون قايل:شكاديري بهاد التيليفون هاا؟؟

قفزها وهي تحيدو ليه خباتو وراها وقالت:شنو غيكون فيه؟

ميمون:(هز حاجبو)بسم الله عليك ههههه غا كتخشي فيه وجهك مكتبقايش عاقلة عليا

نزهة:كنهضر مع كلياناتي كنشوف كي جاتهم الحلوة؟

ميمون:(ريح حداها)زوينة والله حتى بنينة

نزهة:عرفتي راه ضربت يدي نييت فهاد 15 ليوم واخا عييت ولكن مهم..وحدة كتجيب لوخرا..والباج طلعات ليا

ميمون:مزيانة هاكا..بقاي لي شديتيه خبييه حتى ديري راس المال..

نزهة:(فرنسات)أرا ليا راس المال

عطاها بوسة ففمها وقال:هاكي الزين

****

دخل الشهر الفضيل على الكوبل الجديد وأول رمضان ليهم تهلات فيه نزهة من جيهة الماكلة عارفاه وكال غي جالسة وتعلف فيه كل نهار شهيوة السيد ولى كيجي بكري ويعاونها..مرة تلقايه كيصايب شلاضة مرة يحط معاها الطبلة..عايشين حياة زوجية أساسها التعاون..دوزو رمضان كولو عسل وتفاهم ..يفطرو ويمشيو للجامع يرجعو ويجلسو مقصرين هي وياه بسليلو وأتاي..

-فوسط رمضان دار محمد على حنان العقد ومصرحش بمرضها بتاتا حتى واحد ماعارض كلشي راضي طالما اختيارو يضبر راسو..جات حفيضة عاشت مع حنان فنفس الدار أيام قليلة ومشات عاود لعند عبد الجليل والحياة غادية..

العيد على الأبواب ونزهة يديها خدامين 10 أيام قبل كتستقبل الطلبيات ..حاطا السطوك فالدار وخدامة كتكون كتصايب فالصابلي وتجيها كوموند تالفقاص ..عشر يام وهي عاطية لاطاك للخدمة مكترتاحش حتى ولى التعب باين عليها

باقي يوماين ويسالي الشهر كانت كتليفري آخر كوموند ليها ورا المغرب بعدما فطرو وسالاو..كي حطوها لمولاتها رجعات طلعات حداه فالطونوبيل عيانة ..

ميمون:(عاقدهم)ساليتي؟؟

نزهة:ااه..ديني لحدا لبحر حاسة براسي عيانة

ميمون:(معاجبوش الحال)غدوزي تنعسي تريحي راسك مالك فيه..مدرتش معاك هادشي أنزهة؟

نزهة:(بانزعاج)وصافي أميمون هاني غنرتاح دابا ..غي معرفتش مالي وليت فاشلة

ميمون:(سايق)مكتنعسيش مزيان وضالا فتمارة ...زيدي ريحي مخك شويا العيد قرب

نزهة:(شافت فيه)تديني غدا للصالون

ميمون:(شاف فيها مبسم)غتحلقي على الحالة تاني

نزهة:ديما محلقة هههه العيد هذا خصني نتݣاد

ميمون:نديك...بعد غدا غنمشيو للقلعة نعيدو مع مي

نزهة:إن شاء الله...غدا خصني نخرج نجيب حوايجي من عند الخياطة ونشوف قفطان خالتي..

ميمون:حتى تفكريني نعطيك تقداي لعيالات خوتي شي حاجة

نزهة:(سمعات سميتها وشافت قدامها ببرود)مامقدية لحد

ميمون:علاش؟

نزهة:هاكاك..

ميمون:(شاف فيها)هضرة جديدة هادي

نزهة:هضرة المعقول..تشديتي ومصونات عليا حتى وحدة غي بالضحك..

ميمون:وا نزهة واش تدي عليهم؟

نزهة:علاش لي منديش عليهم؟؟مالهم حمقات؟؟ اش صرفت فيهم من عيب؟؟عندهم نمرتي كامليين وحتى وحدة ماصونات تݣوليا كي راكي؟وحتا وحدة مصونات تݣوليا على سلامتو..صونات ليك شي وحدة؟..

ميمون:شبيني وبينهم حتى يصونيو ليا؟

نزهة:خو رجالهم..خصهم الى معيطووش ليك نتا يعيطيو ليا أنا على الأقل..جا رمضان صيفطت ليهم كاملين مبارك العواشر شي جاوبني شي لا..كنكون كنهضر مع فتيحة ابيل فيديو وكيكونو حداها وحتى وحدة معمرها ݣالت نسلم عليها..درت موقع والو وواحد نهار كنت كنهضر مع مك وهي تقوليها خالتي لسناء اجي دوي مع مرات المرضي خصرات عليها ممسالياش؟؟ياك لباس؟؟خمسة دقايق لي غتخسر علي

ميمون:(بهدوء)لي بان ليك..

نزهة:أنا ما خايباش ولكن البلاصة لي نشيط فيها ماعندي مندير فيها..ختك ومك وخوتك على راسي وعيني وحتا هوما نييت على راسي تجيبهم الوقت وتشوف اش ندير ليهم ولكن باش الواحد ميحسبنيش واش كاينة لا سمح ليا مندير ليهم والو..خواتاتك فمصر وكيسولو ونصوني ليهم ويصونيو ليا ويسولو مرة مرة وهادو لي غي عيالات لوايسي دافعين عليا شبابهم غالي..

ميمون:(كيسمع ليها بهدوء)مسحيها فيا الالة..لي يريحك ديريه

نزهة:غنديرو..

سدو الهضرة وقلبوها فجهة خرا وفعلا دوزات اخر يوماين كلها جري وتقضية وتوجاد للعيد..مجاش فين يوصل اخر نهار حتى كانو شاديين الطريق للقلعة صايميين والنهار متمكن منهم موصلو حتا قرب المغرب مساليين..

ستقبلاتهم الزاهية وتريكتها كاملة بخوها وعائلتو..بعد السلام الحار والترحيب دخلو للدار كيرتاحو من عناء السفر والزاهية غي كتسول فيهم..

الزاهية:الكازاوية كي درتي مع الطريق..

نزهة:الحمد لله واخا عيييت

حكيمة:مالك كنتي صايݣة؟

ميمون:غا حيت خدمات بزاف فرمضان مع الناس

جمال:(ساكت سخفان)واش أعباد الله باقي مبغاش يوذن

لطيفة:(مراتو)يا الآذان كيوذن ونتا مزال كتاكل وكتسول على المغرب

جمال:(على نيتو)مي ضعافيت ياك هلكني رمضان..

ضحكو عليه كاملين ونطق باه:ههههههه نقصو ليك غي الحنوك...نوض لجد بووك تحرك ليك ونتا رمضان كامل ونتا غي شاد السداري..

جمال:الجوع لا أبا الا الجوع أبا ..

الزاهية:(مخاطبة عريساتها)توما نوضو وجدو الطبلة

حفصة:كلشي واجد اخالتي

نزهة:ميمون عطيني سوارت طوموبيل نعطيهم داكشي لي جبت يحطوه للفطور

الزاهية:عذبتي راسك ابنتي الله يدير بحسابك

نزهة:هانية اخالتي..

خرجات لبرا لجيهة الطونوبيل كتقلب فالكوفر وتعزل شنو غتهز حيت جايبة حلوة العيد وحتى بعض الشهيوات هازاهم مثقلة بيهم من كازا للقلعة..وهي كتقلب تسمع صوت رجولي حداها نطق:لالة نزهة..

قفزات وشافت فيه مخرجة عينيها ناطقة:بعد منيي

براهيم:مالك أنزهة معايا؟؟هه

نزهة:(كتهضر بصوت منخافض)غاتبعد مني ولا غنسمعك لي عمرك سمعتيه...(دفلات فالأرض)تفوووو على بناادم مكيعرف لا رمضان لا شعبان

دازت فيه داخلة خلاتو غا كيشوف فلخر ضحك وقال:الكازاويات حارات..

مدات شنو جابت لنادية وقالت:قبلو عليا أختي

حكيمة:(فالكوزينة)عذبتي راسك وصافي مالو ناقص الخير هنا .

نزهة:(شافت فيها ببرود)هادو غي لخالتي كيعجبووها..

زادت وخلات حكيمة كتعيب فيها قايلة:كيعجبوووها الخلا والجلا تي وخالتك..ماحلات غا ليك مدوزة رمضان رااسك حنا لي دوزناه مع الزاهية..

سناء:سكتي ماناقصنا صداع خليهم يدوزو العيد ويمشيو فحالهم

حفصة:بااااز مكتحشموش(دخل براهيم)فين كنتي ا الراجل؟

براهيم:كاين شي فطوور!؟

حفصة:كاين سير راه خوك جا..

حرك راسو ومشا لجيهة الصالون الكبير حيت هو لي هازهم لقاه هاز ولدو وكيلعب معاه سلم عليه وتنشر حداهم..نزهة قالبة عينيها منو وكتهضر مع الزاهية وفتيحة حتى وصل الآذان..

مع تسمعات الله وأكبر..هز ميمون تمرة قسمها على جوج وعطاها نصها..شداتها مطمرة فحين العريسات كيتغامزو وينغزو فبعضياتهم..فطروو وناضو يجمعو الماعن وهي غي جالسة الجهد باش تنوض مكاينش..

عبد الرحمان:غتصليو العشا؟

منعم:ضروري أخالي

نزهة:(فوذن الزاهبة)خالتي باغيا نبدل عليا

الزاهية:طلعي لبيتك

مع ناضت من بلاصتها وهي تبدا كيبان ليها من بنادم جوج والضبابة على عينيها ..بغات ترجع لبلاصتها وهي تسمع خباااط فالأرض..

تسمع صوت طيحتها فالأرض و تلاتو غوتة ولد منعم خلاو كلشي يضور بسرعة البرق لمصدر الصوت..كلشي جات عينيه على نزهة وهي مغيبة فالأرض..أول من أسرع ليها هو ميمون لي تهز قلبو عليها..هزها من الأرض كيحرك فيها مخلوع وكيضرب فحناكها بشوية..تجوقو عليه كامليين

الزاهية:رشها رشها بالمااا

ميمون:(كيرش فيها)نزهة...نزهة..فيقي..أش وقع ليها؟؟

نادية:ياكما دخل عليها الصيام؟

رشها بالما مزيان و كيشمم ليها البصلة حتى بدات كتحل عينيها والضبابة فيهم..شدات راسها بعدم فهم:آش وقع؟

ميمون:(كيدوز على وجهها الفازݣ)حاسة براسك مزيان؟؟

نزهة:(شدات فيديه)فيا الدوخة..

الزاهية:نتي فعار الله أبنيتي..نوضي جلسي شويا غيكون دخل عليك النهار..

-شدات فيه حتى ناضت للسداري وراسها باقي كيضور كيبانو ليها كاملين مجوقين عليها خلعاتهم

ميمون:(جلس القرفصاء عند رجليها)مزيانة دابا؟؟أش ضارك؟؟

نزهة:معرفتش كنت غادي نوض حتى دخت (كتحك فعينيها)

سناء:(مدات ليها تمرة)كولي الحلاوة لا يكون الطونسيو

شداتها كلاتها وراسها كيدوور..وهي تنطق الزاهية:نوضي أبنيتي تنعسي ..الجهد ضربتيه فنص رمضان ودابا مع السفر غتكوني عييتي..

نزهة:واقلة(هزات الما شربات)

ميمون:(ملامح وجهو مقلقين)شويا؟؟نوضي ترتاحي

حركات راسها بالإيجاب وصايبات شالها مع بغات تنوض وقفها وهو يهزها دغيا وتم غادي بيها للبيت ديالهم تابعاهم الزاهية مخليينهم مستغربين من طيحتها..

حطها ميمون فالفراش وسندها بمخدة قايل:هضرت معاك و ماكتسمعيش..ماكتنعسي ما كتشوفيه على قبل جوج دريال

نزهة:(راسها ضارها)صافي أميمون براكا

ميمون:هضرتي ديما مدوزاها ورا وذنييك ..

الزاهية:صافي براكا أوليدي خليها ترتاح..غيكون غي الجهد والعيا لي دار ليها هاكا..شوفها كي دايرا مسقطرة من الدم

ميمون:(داير يديه فجنابو)تمشي للطبيب؟؟

نزهة:(كتستاعد باش تغمض عينيها)بغيت غي نتكا وصافي

الزاهية:خليها ترتاح

ميمون:غي سيري أمي دابا نريح حداها شويا وننزل

الزاهية:واخا أوليدي..

خرجات وهو يسد الباب وتلاح حداها جرها عندو مزير عليها قايل بهدوء:رخفي على راسك أنزهة

نزهة:(مغمضة عينيها)معرفتش مالي..كندوخ بزااف واقلة فقر الدم

ميمون:كان فيك؟

نزهة:داز مني تلت سنين هذا وكيميشي وكيرجع ليا

ميمون:نرجعو لكازا ونمشيو لشي طبيب شوفي أش كاين

نزهة:واخا..نوض جيب ليا حوايجي بدل ليا

ميمون:نعسييي بجلابتك

نزهة:ولااا مغنرتاحش

ميمون:(ناض)واخا الالة..

ناض نزل لتحت طلع ليها حوايجها وبدلهم ليها..باس راسها وقال:خصك شي حاجة؟؟

نزهة:لا

ميمون:أنا غنمشي نصلي العشا مع خالي فالجامع..الى خاصاك شي حاجة نبقا

نزهة:(بعيون متعبة)غي سير أحبيبي أنا غنعس دابا

ميمون:واخا..

نزل للتحت غادي و يوصي مو عليها وهو يسمع الهضرة فيها فالكوزينة من طرف عيالات خوتو..

حكيمة:دايرا راسها مريضة باش متشقاش معانا

نادية:السيدة صفرة أصاحبتي مافيهاش نقطة ديال الدم ملي جات وهي عيانة حشومة عليك..

سناء:عندها الزهر هاهيا غتهنى من تمارة العيد(بتذمر) الناس تدوز العيد ناشطة وحنا كنسربيو آتاي لتريكة الزاهية لي مكتساليش..

فتيحة:(ضربات بطبسيل فوق البوطاجي)شوفي أديك اه غتجمعي فمك ولا نصيفط ليك هاد الطبسيل لزنفارتك.. مالك فيها؟؟حتا حد مابزز عليك تشقاي!!!!! غا تريكة الزاهية لي كتجي؟؟مك وخوتك وتريكتك نتي لا!؟

حفصة:فتيحة نعلي الشيطان راه معندها عقل

فتيحة:وقريني أحكيمة راه تعطلت أنا وياك للصداع

حكيمة:(ببرود)واصاحبتي واش مبقا حد يضحك هههه ويلي ياصاحبتي..

فتيحة:كنعرفك العݣرب (ضحكات)هههههههه

- حمحم ميمون ونادى "مي"

فتيحة:راها مشات للجامع

ميمون:فتيحة عينيك مع نزهة طلي عليها مرة مرة

فتيحة:واخا اخويا.. كون هاني

مشا ميمون داي فوذنيه هضيرات نيت ..سرطهم و قصد الجامع فحين نزهة غاطسة فنومها كترتاح ..

رجعات الزاهية من الجامع مبسمة وقالت:الحادݣات..مبارك عواشركم

الكل:الله يبارك فيك أخالتي

الزاهية:طليتو على نزهة

فتيحة:طليت عليها ..راها ناعسة

الزاهية:مسكينة عيات نحيد جلابتي ونطل عليها.

-الفوق كانت نزهة ناعسة حتى تحل عليها الباب بشويا مادايرش الصوت..وتم داخل بخطوات ضيقين كيتسلت بالشوية عليه كي الشفار عينيه كيضورو فالبيت وراسو كيضور لور لا يكون شي حد وراه..وبعينين كلهم برود كيشوف فيها ناعسة براحة بشعرها عريان وببيجامة حريرية كالحورية..منظر يقدر ميمون يجيه عادي حيت موالفها أما براهيم راه أقل حاجة كتجيه فشكل ويجلس يقارن بينها وبين مراتو وهو لو يخسر شويا تالفلوس على حفصة كانت تجي أجمل منهم كاملين..

قرب منها بشوية وعينيه كيتفحصوها كلها بدون مايقول عيب ولا حشوومة..تجرأ ومد يديه ليها قايسها فحنكها بشويا حتى بانت تبسيمة عليه..ستحلاها حتى تحركات حكات وجهها وهي فغمار النعاس..

جر يديه عندو ووقف منهد مكرهش ميخرجش من حداها..قرر يخرج قبل مايحصلو شي حد لكنه مع الإلتفاتة مع خرج عينيه من الشخص لي لقى قداامو..لسانو تعقد وعينيه خرجو بلا وجهو لي حمار..

-سرط ريقو و وجهو دغيا حمار..جمع يديه مزير عليهم والكلام من فمو هرب..بحرا ماجمع جوج حروف نطق بيهم:مّي

الزاهية:(علامات الصدمة عليها)شكنتي كدير؟؟(فكها كيترعد وعينيها خارجين)خرج من هنا خرج..

براهيم:مي راه غي

الزاهية:(دارت صبعها على فمها)شششش خرج من بيت خووك دابا!!!!!

خرج حاني راسو ومحرج..مظنش تحصلو الزاهية بتاتا قلبو كيضرب ومعارفش آشمن حجة يعطيها..أما الزاهية راه قلبها علاين يسكت..شافت كلشي ملي دخل كيتسلت كانت هي كدير آخر خطواتها من الدروج حيت مع نهايتهم كتلقى بيت ميمون..الأفكار كتلخبط فراسها معارفاش آش دير ولا آش تقول..حدها دارت فحالها وعينيها دمعوو رافضة تسمع لراسها لي كيلوح ليها فكرة واحدة ..

-"براهيم دخل على مرات خوه للبيت وحط عليها يديه"

مع سدات الباب بدات كتستغفر الله وتلعن الشيطان وبدا فمها كينادي بإسمو بصوت مرتافع لكن مامن مجيب..مع نزلتها من الدروج تصادفات ولدو:فين باك؟

..:خرج أمي..هز طونوبيلتو وخرج

الزاهية:(بالغدايد)خرج خرررج أسي براهيم يخرج فيك جن كافر.. خرررج ..خرجتي ليا من الجنب الكلب..

-مشات لبيتها جلسات فيه شادة راسها كتحركو وتديه وتجيبو و الدموع نازلين على خدها وكتويل فمصيبتها

-\-\"أربي اش درت حتى نشوف هاد المنكر"

راسها طبخ عليها بالمنظر وبراهيم غابر ليه الأثر..جمعات شجاعتها وخرجات كتستكشف فالأرجاء وتسول عليه وكلشي ماشافوش!

تحط العشا وهو غايب حدها مراتو قالت راه مع صحابو..ناض ميمون طلع لنزهة العشا حيت متقدرتش تنزل..لقاها باقي ناعسة وبدا كيفيق فيها ببوسات حلوين على خدها حتى حلات عينيها وبدات كتعجز

ميمون:نوضي الحب تعشااي نوضي(باسها ففمها)مبروك العيد

نزهة:(بابتسامة)الله يجعل يامك كلها عيد(رجعات ليه البوسة)مالك زوين السمير؟

ميمون:(ضحك)نوضي ونتي كتنعسي وتشارجاي لينا بالقحوب

نزهة:اوا الشياطين لي كانو مشدودين راه تطلقو ههههه

ميمون:هههههههه شويا دابا؟؟

نزهة:الحمد لله..جبتي ليا العشا؟؟

ميمون:متنزليش خليك هنا رتاحي تعشاي ورجعي نعسي

نزهة:بغيت نصبغ ضفاري(شافت فيديها)مكرهتش نحني

ميمون:هههههه اوا شتي الضسارة!!!

نزهة:(تخشات فيه)خالتي مغتجيبش النقاشة؟؟

ميمون:ومنعرف هههههه واقلة كتجيبها..

نزهة:اوا عالله..نزل تتعشا

ميمون:كولي نتي بعدا

كلات وهبط الماعن وجلس يتعشا فحين هي مشات كتعجز..حكات سنانها ومشات كتصبغ فضفرانها بلون أحمر دم الغزال بشهوة محمقها مشبعا ضفرانها تصاور حتى دخلات فتيحة عالماها بلي غتجي النقاشة..

وبالفعل لاحت عليها كاب طويل ونزلات لتحت لقاتهم جمعو الماعن وجات النقاشة بنت حومتهم كلشي نقش كلشي دار باروك العيد..كلشي نقش يديه ورجليه إلا نزهة كتافات غي بخلخال بالحنة فالرجلين...جو العيد عند الكل الا الزاهية لي غي كتشوف وساهية كتحسر على مصيبتها..

*****

-صباح العيد..العيد الديني الأول للمسلمين..فيه كتجمع العائلة والحباب وكيتناساو البغض والحقد ..ناضت نزهة مع بونبير ..لبسات عليها قفطان فالخزي مع تشاميرو عريض وشال ديالو وأكيد الإكسسوارات ديالها مع الحنينة الخفيفة فاليد جات راقية..وبمكياج عيون غامق تزينات..مع رشات الريحة مع فاق ميمون مصبح على الزين..وقفات كضور عليه وقالت:مبارك العيد أولد المصري

ميمون:ميمتي على الزين ولمن عطاه ربي(حل ليها ذراعو)أجي أنزهة نعطيك كوجاكا؟

نزهة:نننهههههههه نوض تلبس عليك هههههه العيد هذا كوجاك فالليل

ميمون:(حط يدو على قلبو)أجي غي شي بيسة راه حرام نشوف هاد الزين منقيس مانبوس

نزهة:(جمعات ليه فمو وباستو)احححح الله ..شهاد العسل والدة ليا الزاهية

ميمون:(مفرحاه)كثرتي عليا هههههه جاك القفطان زوين الالاهم

نزهة:ماشي لالاهم غي بالسمية راني لالاهم نييت(شافت فالمرايا)نوض راه حوايجك واجدين ننزلو

ميمون:واخا..

ناض بالفعل دوش ولبس عليه جلابة فالسوسدي فالأزرق ملكي جات عبار على طولتو وضخامتو..رشات ليه ريحتو وعطاتو بلغتو ونزلو بجوج كيف الملك وملكتو...لقاوهم فايقين..باركات للزاهية العيد وللعريسات كاملين وكلهم كيطلعو ويهبطو فيها مع العلم حتى هوما لابسين قفاطن.

الزاهية:(فرنسات لميمون)تبارك الله جيتي زيين أوليدي..شكون شرا ليك الجلابة

نزهة:أنا اخالتي..جات معاه ياك؟

الزاعية:أوليدي زين ولي لبسو يجي معاه

ميمون:(باس راسها)الله يطول لينا عمرك أمي..

مشاو للصالون فين كانت الطبلة عامرة بألذ المأكولات وأشهاها وكأي عائلة كبيرة تجمعو عليها كيفطرو حتى دخل عبد الرحمان وتريكتو يباركو العيد..كلشي مأنق وكلشي مبسم وفرحان إلا الزاهية لي باقي منوغشة فعقلها خاصة فاش شافت براهيم ..

الداخل والخارج فدار الزاهية والعريسات شمرو على ذراعهم كيسربيو البرارد والحلاوي..توالات نزهة البرارد كتعمر فهادا ويجي هذا خاوي مخرجاتش بتاتا حدها كتسربي حيت أغلب الزوار رجال..

خرج ميمون وخوتو إلا براهيم وولاد خوالو يباركو للعائلة العيد وبالفعل خوات الدار شويا..جلسات نزهة كترتاح فالكوزينة وقلبها كيضرب بالجهد كتحس بروحها غتخرج على غفلة..مع دخلات نادية بدات كتناشد فيها تعتقها حتى داخت ومالت طاحت للأرض وهي تغوت من جديد نادية حيت كانت هازا صينية مكاينش كي دير تشدها..

تجوقو عاود من جديد كينوضو فيها ..سمع براهيم الغوات وجا كيجري ..تعاونو تا خرجوها للصالة مغيبة كيرشو فيها بحرا مفاقت

عبد الرحمان:السيدة عيييانة دوزو نديوها للطبيب

فتيحة:نعيطو لميمون..

صوناو ليه وهو يتسمع تيليفونو غي فالصالة نساه..لبسات الزاهية جلابتها ولبسات نزهة جلابتها وخرجو شادين فيها سخفانة مشات معاها حفصة مسنداها ..داهم عبد الرحمان لأقرب مستشفى خاص حيت الطبة مخدامينش نهار العيد

بعد ساعة رجع ميمون مع خوتو ضاحكين ناشطين ..مع دخل لقاوها ليه فالباب:مراتك داوها للطبيب

ميمون:مالها؟؟(تخلع)أش وقع ليها؟؟

براهيم:طاحت سخفات

ميمون:(كيقلب على تيليفونو)فيناهو الزبل!!!

تسمع صوت الطونوبيل برا..خرج كيزرب كتبان ليه نزهة فالطونوبيل عيانة و معاها الزاهية وحفصة..مشا بالزربة حل عليها الباب ونطق مسولها:أش وقع ليك ؟؟(شدها من وجهها)مزياانة؟؟

نزهة:(مبسمة)بخير

ميمون:اش وقع؟؟اش قال الطبيب؟؟

الزاهية:(مبسمة برضى)وازيد دخل أوليدي بعدا مابيها والو..

شد فيها ذرعها بيدو مدخلها وكيسول فيها هي لي فمها غتهرب ليها التفرنييسة قربات تبوسو قدامهم..

ميمون:أش ݣاليك الطبيب؟

الزاهية:(بفرحة)مراتك كتوحم أوليدي..

وذنيه لقطو الخبر ديال مراتك كتوحم..بانت على وجهو تفرنييسة ..شاف فنزهة وقال:حلفي هههههه

نزهة:والله ههههههه

-ماحس براسو غي وهو معنقها مزير عليها فرحان ضاحك ناشط سعيد..هادو هوما الكلمات لي ممكن يوصفو فرحتو بهاد الخير السعيد..ولد أة بنت من لالاهم كيف مسميها..بدون مايفكر عنقها قدام خالو وكيضحك ويسول فيها:غتولدي ليا أنزهة..

عبد الرحمان:(ضحك ومشا حشمان )أستغفر الله هههه

الزاهية:(ضحكها)تا مالك خضر خالك واقف ههههههه

كلشي زاد كيضحك أما هو ما مسوقش معنقها كيبووس فراسها فرحان وقال:هذا هو العيد هههههه

الزاهية:مبروك عليك أوليدي الله يفكها على خير

ميمون:(ذرع نزهة)آمين أمي هههه هي هاد الدوخة والسخفة منهم

نزهة:(بعيون مدمعة)اه

ميمون:مبرووووك ههههه

جمال:(ضحك)غتسميه جمال ياك هههههههه مبروك عليكم

نزهة:آمين شكرااا..

تلقاو المباركات من الكل بما فيهم براهيم لي بارك ببرود وطلع لبيتو..

ميمون:يله طلعي ترتاحي

نزهة:راني مزيانة دابا

ميمون:(جارها)وتݣول..طلعي ريحي رااسك

غي تفاوتو وهي تنطق سناء ضاحكة:تي هذا تخوطر ههههههه أويلي ݣاع حملنا وولدنا وما دارو علينا هاد الحالة

فتيحة:ضحكني ههههههه لي شافو يݣول مشوݣ فالتريكة وشحال داز باش مولدش..

الزاهية:خضر ههههههه ݣالس يعنݣ فيها ݣدام خالو

جمال:لقينا حنا منعنݣوو وكرهنااه أعمتي هههههه

لطيفة:عنݣ واحد الزربية فالسطاح خص لي يهبطها ههههههه..

الفوق..كان ميمون كيقبل فنزهة بحب ونهم..غياكل ليها شفايفها ومزيرها معاه ..باغي يسرطها حتى خنقها

نزهة :بشوية هههه كليتيني

ميمون:(كيتحسس مؤخرتها)على هاد الخبار الزوينة مكرهتش نسرطك(باس راسها)فرحتيني أنزهة..

نزهة:أنا كنت غنطير بالفرحة ههههه نسيت ݣاع واش مجاتنييش

ميمون:عمرت ليك الكريشة(هز يديه فوضعية دعاء)ياربي تكون بنت

نزهة:(بدلع)ومالو إلى كان ولد

ميمون:بغيت بنت..البنات زوينين كيكونو حنان ههه ولى التوام ݣاع

نزهة:نتفك غي على خير وصافي(باستو ففمو)غنطير من بلاصتي

ميمون:خباار زينة هادي..

نزهة:(عنقاتو)الله يجعل يامنا كلها فرحة وحب..غنولي ماما هههه

ميمون:هههههه

نزهة:نصوني لمي نفرحها

ميمون:سيري بدلي عليك ورتاحي ليك شويا ..نقصي من طلوع و الهبوط

نزهة:ويلي بلا ما توصي ههههه

-مشات بدلاات عليها خلاتو هو نازل مفرنس تقوليه السلام يقوليك فراسك مراتي حاملة..كمل جليستو مع خوتو مفرنس فرحان ناااشط..فحين هي فرحات مها وخوتها كلشي علماتو ورجعات تكات كتحسس كرشها بحب باغيا تحماق بفكرة راها حاملة..

صونا تيليفونها بنمرة غريبة ومع الفرحة تناسات حدها جاوبات قايلة:الو

براهيم:مبروك الالة نزهة

نزهة:(تلغات إبتسامتها)الله يعطيك شي مصيبة

براهيم:متقطعيش..بغيت غي نبارك ليك

نزهة:أسيدي وقرني عليك وبعد مني. . الله يعطيك فاش تلاها

براهيم:مغنساكش أنزهة..

قطعات عليه كدعي فيه وتعاود وتسب وتلعن فيه خسر فيها فرحتها..ونفس المكالمة سمعها جمال برا فطونوبيلتو حيت غي شاف نمرة غريبة ناض من المجمع..نيوفو تفرشو بالغضب من هضرة براهيم مكرهش يطلع يفرشخوو على هضرتو..زفر بعصبية ورجح الأمر بعقلو وقرر يخبر ميمون..صونا ليه وقال:خرج عندي بغيتك فبلان

ميمون:شمن بلان

جمال:بلان ضروري خصك تعرفو ولا غطيح الروح..

ناض ميمون ستأذن من الجماعة وخرج ناشط باقي طالعة معاه تبويقة الحمل..مخلي براهيم نايض عند مو لي عيطات ليه..واحد خرج لعند جمال وواحد خرج عند مو.

طلع ميمون لسيارة جمال وقال:شكاين هانا؟؟

جمال:(بهدوء)هاد الهضرة لي بغيت نݣوليك بغيتك تدخلها لدماغك مزيان وتفهمها!

ميمون:(بجدية)هضر خلاص!!

****

فبيت الزاهية السفلي كانت جالسة فطرف السرير جلايل قفطانها واصلين للأرض..وكتسنا فالمسخوط ديال ولادها لي بمجرد مادخل نطقات بعيون كلها غضب:سد الباب!

-سد الباب و سرط ريقو وجهو مقادرش يلاقيه مع مو..هي لي معمرها حصلات عليه شي حاجة كيدير الموبيقات تالعالم ومتوصلش لمو..حمار ليه وجهو دغيا تحت نظراتها العاتبة. .ناضت وقفات وكتقرب ليه وفكها كيهضر :عاجبك شنو درتي أسي براااهيم؟؟دوي..ولينا فالغدر أولد الحرااام

براهيم:(كيجمع الهضرة ففمو)مي..ماتفهميش هاكاك أنا ماشي كي فهمتي غيير..

قاطعاتو رافعة صبعها فوجهو:سكتتتتت حتاا هضرة ماتزيدها..كون يجيو يݣولوها ليا أولد كرشي منتيقش..ولدي مرضي وميديرش الحرام..كون يجيو يعاودوها ليا منتيقش ولايني شفتك أولد كرشي بعييينييي(كتنعت لعينيها لي سايحين بالكحل)هاااد العييينيين لي غياكلهم الدوود..شفتك شدرتي وشفعلتي..يااك أبراهيم؟؟هادي هي التربية؟؟هادي هي الصلاة وهذا هو المعقول؟؟هادي هي تربيتي ليك...(طاحو دموعها)

براهيم:(شد يديها بجوج باسهم )ميي والله مانويت ندير شي حاجة..الشيطان ولد الحرام لي لعب بيا.

الزاهية:(تنطرات منو)من إمتا كضور بمرات خوك؟؟(بغصة مقادراش تنطقها)

براهيم:(نكر)عمري أمي درتها ولا نويت نديرها...داك النهار غي الشيطان

الزاهية:(قلبها كيتزير عليها بهضرتو خاصة فاش ثبت ليها صحة ماشافت)ياااك أبراهيم؟؟كتغدر فخوووك؟؟لي لحم كتافك من خيرو.. خووووك الحرااامي ليي مامخلي مداير عليك...خوك لي هازك وهاز مراتك وولادك ومسكنكم فالداار ومعيشكم معايا كون بقينا على رزق باااك عمرك تعتبها هاااا (ضربات حنوكها كتويل)أويلي أعباااد الله على فضيحتي وشووهتييي أميميتي فين ندير وجهي مع ولدي أعباد الله(كتبكي وتنتف فراسها)ولاااادي على خر يامي واحد يموت وواحد يتشد...أويلييييي على تربيتي فين خرجاتني...أويلي أميميتي على يامي وكي ولات..صبرت مع باك للقهرة وخليت ولدي وراااياا ...خلييت ولدي ورايا باش منعيشكمش شنو عااااش هوو وفلخر هاكا باش تجازيينييي؟؟ (بصوت مرتافع) هضررررر !! هاكا باش ترد ليا خييرييي الحراااامييي(هزات يديها تالفوق كتنزل عليه بصفعات قوية لوجهو وهو كي الجماد)يالكللللب يااا نكاااار الخيييير...المسخووووط كدووور لخوووك بمراااتووو... كتلعب وراااا ظهرووو وتجازيييه ببومزوي على خيررررو (كضرب فحناكها وفجنابها)أميميتي وفين ندير وجهي أميميتي واشمن وجه نشوف بيه فخوك هااااا..

براهيم:(كيشد ليها يديها مباغيهاش تطيح)هالعااار امي الى مسكتي راني عارف راسي غللللطت(كيبوس فيديها كي الكلب)هالعااااار أمييييي غي هاد المرة..

الزاهية:(طاحت على ركابيها كتبكي وتنخصص)وواااا ولد الحراام خرجتي عليا وعلى رااااااسك...خرجتيي على راااسك مع خووووك يالكلب (بصوت مرتافع) كضوووور لخوووك بمرااااتوووووو طامع لخوك فمراااتووو ..

مع آخر جملة تحل الباب على الجهد عليها خلاتهم يضورو بزربة قافزين ..

مع آخر جملة تحل الباب على الجهد عليها خلاتهم يضورو بزربة قافزين وشكون من غيرو..ميمون لي سمع كلشي من طرفهم وسمع هضرة جمال...ميمون لي حاسب راسو عايش مع خوتو صدق مضور بيه الخونة والغدارا..ميمون لي نهار دار شويا تالفلوس سبق مو هي لولة شرا بقعة وبنا ليها دارها وبقا كل مرة يصلح ويفرش .. ميمون لي عاش يتيم بوالدين حيين و ماكرهش خوتو حيت فضلاتهم مو عليه..

ميمون لي كتنطابق عليه مقولة:

-\-\ "دخلناهم من السمرا بغاو يكويو لينا المرا"

كان فكو كيترعد بالعصب ويديه مزيرين عليه..لازال تحت صدمة شنو سمع من جمال لي عاود ليه لافير كاملة من لول تالخر وعطاه الدليل باش يبرأ نزهة ..تمنى يموت ولا يسمع الغدر من أقرب الناس ليه...تمنى كون غي مجاش ومعاشش باش يسمع الخيانة لي كسرات خاطرو..

-بان ليه براهيم وتسمعات فوذنيه هضرة مو..إذن كلشي عارف هو لي وسطهم كي الحمار ( حاشا الكبيدا الحمار هو عدوك ) هو هادشي لي أول بيه هضرتهم..ماحس بيه برهيم حتى كان شانق عليه كيسدد ليه فلكمات كثيرة لوجهو وكشاكشوو خارجيين كيسب فيه وينعل بأبشع الألفاظ السوقية..

ميمون:مرااااتيييي الزا *** ( غا يبلوكينا مارك المسخوطة )*** اامل ... مرااااتييي. .مراااااتيييي(كيعطيه لوجهو بيد ويد شانقة عليه حتى كيخرجو عيينيييه) كضوووور ليا بمراااتيييي يالق واااد

-عيا براهيم مايفك راسو لكن ميمون فايتو فالجهد..بالحرقة والعصب والغضب شنق عليه وكيضرب فيه ..كيردخ ليه راسو مع الحيط ويضرب فينما جاتو الدقة لدرجة عطاه جوح دقات لحجروو بالسم لي فيه...تحت غوات الزاهية لي بغات تفك لكن مالقات ماتفك..كتغوت وتصيح:واااعباااااد الله واعتقوووو الروووح..

دخل جمال كيجري مع خوت ميمون والباقي لي سمع الصداع..كلشي تجوق كيشوفو فميمون متكي براهيم للأرض وكيضرب فييه كيجر جمال وهو مكنزز عليه بحال شي حمق لقا فمن يبرد سمو..

جمال:(كيغوت)ميمون طلللق منوووو غتقتلوو طللللق

صالح:ميمووووون غتقتلوووو كيجيف..

وفعلا كان براهيم كيجيف حيت خانقو ميمون بيديه من قرجوطتو .. تال آخر لحظة تحاماو خوتو كاملين وجرووه من عليه كينهج وكشاكشوو خارجيين كيغوت :طلللللق منييييي نقتل الزاا -\-\*& امل لي حطوووووووو(بصوتو المرتافع وباااح)كيضوووور لياااا بمرااااتيييييي ..

تسمعات فوذنيهم كاملين كلشي شهق وكلشي تصدم ..أما ميمون راه كان كيتحارب مع خوتو باغي يكمل على براهيم هاد الأخير لي كيلقط أنفاااسووو وكينوضووه ولاد خالو كولو دمايات ماقادرش حتى يهضر ..

الزاهية:(كتبكي)هااويلييي على ولادي كيتقاااتلوووو أميمتي..

-نزلات نزهة لي سمعات الصداع مفيقها من غرق النعاس مع دخلات للبيت كيبان ليها ميمون تنطر ومشا ليه كيضرب فيه عاود ويركل ويشد راسو يردخو ليه مع الأرض ويسب بابشع الصفاات:يالكلب مراااتييي لي بااانت ليييك....مدخلك لداااري وكضووور ليا بمراااتييي..على قلة القح اااااب شمن عييييب صرفت فالزا & // مل لي ولدك شمن عيييييب؟؟(بجهااالة)هضااااااااار

نزهة:(طاح ليها الما فالركابي )ميموووون

ماسمعهاش ومدراااش بوجودها كيفما وذنييه تصمكو على هضرة لوخرييين...جروو خالووو معصب.. نااطق:ميمووووووون صافي . ..

ميمون:(كشاشكو خارجين وخوتو شاديينو)حيييييد من ݣدااامي اليوووم ياا بيااا يااا بيك واحد فينا غيتخص فالدنيااااا...أنا تبيدقنيييي على قلة العيالات مبانت ليك غي مراتيييي

الخبر طاح فوذن الحضور كي الصاعقة شي فاهم شي مفاهمش..منهم حفصة لي حاضنة على ولادها بجوج فالقنت مغطية ليهم عينيهم مايشوفوش باهم كيتضرب وكتبكي..

عبد الرحمان:شواااقع هنااا؟؟

براهيم:أنا مادرت والوو (كينهج)هي لي جبداتني..

مع نطقها مشا ليه ميمون نازل عليه عاود دقة فيه دقة فالأرض حيت كيجرووه خوتو..حوايجو تجرتلوو وكيسب فيه :مزاااال زااايد فيييه مزاااال كتكذب...شدرت ليك؟؟شمن عيييب صرفت فيك...فعايلك ديال ولاد القح ااب وكنت كنمييييك علييييك ونسكت حيت حشوووومة خووويااا وفلخر ضووور ليااا بمراااتيييي(هزو من حوايجووو)مراااتيييي..

الزاهية:(كدفع فميمون وتبكي بترجي قلبها مقسوم على جوج)ميموووون هالعاااار أولدي طلق منووو مايستاهلش تقتلوووو ميستاهلش تمشييي عليه للحبس(ضارت عند براهيم كتبكي وتعدد)وسير الله ياخد فيك الحق المسخوووط كيفما بغيتي تشتت ليا شمل خوووتك الله يعطيييك موصيبة نتهناااا منك(رفعات يديها بغضب لله)سير أنا ساخطة عليك دنيااا وآخره مانتا ولدي ماانااا مك...أنا ساخطة عليييك حتال غدا قدام الله..

تسمع السخط فوذنيه خلاه يقفز شاهق..كلشي إلا الزاهية تسخط عليه..واحد ساخطين عليه والديه عمر النهار الزين يشوفو فحياتو ..عمرو يعيش مرتاح ولا تسݣد ليه.

الكل خرج عينيه من كلامها كلشي عارف الزاهية كتموت على التراب لي كيمشيو عليه ولادها وتحيدها لراسها وتعطيها ليهم وباش تنطق بهاد الكلمة عرفوها وصلات بيها للعظم..

ميمون:(هزو من الكول )خررررج عليييا براااااا

عبد الرحمان:(كيفرقو عليه)ميمون طلق منوووو غتقتلوووو

ميمون:(كشاكشو خارجين)كيضوووور ليااا مرااااتي وكيصوني ليها فغيااااابيييي(سدد ليه ضربة براسو تا طوش دم من نيفو)كييعيط ليها ويتزلل عليييها كي الكللللب

عبد الرحمان:(مصدووم)طلق منوو أولدي ..طلللق منو...

جمال:(كيجر فميمون)متوسخش فيه يديك خلي الك** لب براكا غي السخط لي خدا

الزاهية:(فشلات فالأرض كتبكي)أمييي فين كان مخبي ليااا هادشي..أمي على المسخوووط شتت ليا الشمل..

الخوت مصدومين معارفينش أشمن جهة يصدو كلشي جاهم على غفلة..كيفكو غي ميمون وبراهيم..لي كنزز عليه وتم جااروو معصب وكيسلخ فيه خرجو لبرا وحل لباب صايح فوجهووو وبدفعة قوية رماااه برا حتا جا طاايح وصاح فوجهو:حمد الله مقتلتكش وخصصتك لولاااادك..من اليوم مانتا خويا مانا كنعرفك وداااري عمرك تحط فيها رجليييك ولا تعتبهااا(ردخ الباب عليه وضار كيشوف فالرجال البقية)الى حط رجليييه هنا (كشاكشو خارجين وكيترعد بالعصب)كلشيي غيخرج برااا..لي بغا خوه يخرج عندوووو ..ق واد ديال الخلا وزلال كيضور ليا بمراتي ندفنو ونمشي عليه الحبس..

عبد الرحمان:(بالغوات)أسيدي فهمونا أش واقع؟؟

جمال:(نطقها بحذر)براهيم كيضور بنزهة..

عبد الرحمان:أش هاد الهضرة ؟؟أستغفر الله العظيم

-جبد جمال تيليفونو طلق ليهم تسجيل المكالمات وتسمع كلشي قدامهم كي النسا كي الرجال وكلشي بدا كيويل ويستغفر الله من المنكر لي كيسمعوه..

أما نزهة كانت شادة راسها كتبكي لي خافت منو طاحت فيه..القتيلة والمضاربة والغوات والصداع وقع..ولي خافت على ميمون منو راه طرا..خايفاه يقتلو ويمشي عليه لحبس وهو ميستاهلش..كتشهق فبلاصتها مغطية وجهها وكتحس بروحها غتخرج بالسخفة لي فيها والترعيدة لي شداتها..

صالح:انا مفهمت والو

حفصة:(نطقات كتبكي هازا ولدها)عندكم الصح(شداتها التنخصيصة) ديما كنشوفو كيحضيها وكيبقا متبع ليها العين

نهار ضربني كنت ضاربت معاه على ودها..

ميمون:(مشا ليها باغي يخلطها و هو يشدو جمال)كلللكم عااارفيييين...علاش سكتيييي؟؟؟علاااااش؟؟؟علاش مݣلتيهااااش مخلية ليا الزا -\-\ مل كيضور ليا بمراااتي ويبسل عليها

حفصة:خفت..مكان غيتيقني حد هءهءهءهء براهيم منهارو عينيه فنزهة وكيتبسل عليها..

جن جنون ميمون وقلبو كيضرب بالجهد ومعصر عليه ..هو الوسط والخيانة كضور بيه..الخيانة كتنهش فيه من جميع البلايص..كان كيتغدر من البراني وكيسرطها لكن من خوه لي مشارك معاه الدم جاتو قاسحة بزاف..

ضرب بكرسي حداه برجليه وكيردخ فالبيبان مغدد مكرهش يخرج يعصر كثر لكن كيحبسوو فيه ويشدوه ..كيطنطر بالغضب كي الثور جاهل وخوتو كيشدوه ويهدنوه..للحظة تسمعات صرخة الزاااهية بإسم نزهة..

جراو كاملين للبيت لي فيه مهم ..لقاو نزهة مغيبة وطايحة فالأرض...مشا ليها ميمون هزها معصب كيفيق فيها ويردد اسمها..الحمورية لي كانت فيه بالغضب رجعات صفورية بالخلعة عليها..

عبد الهادي:ميمون هز مراتك للسبيطار

مترددش باش يهزها تابعينو من لور دارها لور وطلع حداها تكلف جمال بالسياقة وركب حداه صالح..دايرها فحضنو وقلبو كيضرب خايف توقع ليها هي ولي فكرشها شي حاجة..كل مرة كيحرك فيها عالله تفيق ليه..كي وصلو لكلينيك دخلوها لمستعجلات ودخل كيزرب معاهم تالف ..

مع داوها مع مسح على وجهو بغضب ويديه مزيرين بالعصب..طبطب عليه خوه وقال:يكون خيير إن شاء الله.. غتكون غي تخلعات..

صونا تيليفون جمال وقطع قايل:عمتي طاحت حتى هي

ميمون:(تهز قلبو)مييي

جمال:السكر واقلة هاهوما جايبينها

ميمون:(ضرب يدو مع الحيط)كلشي بسباب القو اااد لي حطوووو( زير على سنانو)غنسيل دمووو وندمو على النهار لي حط العين عليها..

جمال:ميمون صافي الهضرة هنا سالات..مسكتش باش ميدوزش الما موراك ولكن باش توصل راسك للقتيلة والمشاكل لا..

صالح:أنا باقي مصدووم والله...الكل &*ب كنا عايشين معاه حنا وعيالاتنا وهو كيضور بمرات خووه..

ميمون:(بتوعد)مزال نوريه خو لعبوو غي يصبر علييا

-بقاو كينتاظرو شويا دخلو الزاهية سخفانة حتا هي.. خلاوه على عافية مشروكة ماحيلتو لمو ولا لمراتو ..قلبو كيضرب بجهد وتخلطو عليه الأحاسيس ..

-\-\"خوف..غضب..كسرة خاطر...وخيبة أمل"

•خوف على مو ومراتو..

•غضب من خوتو..

•كسرة خاطر من الزمان..

•وخيبة أمل فالدم لي ولى ما..

- انتظار قصير جات طبيبة لي شدات نزهة وقالت:نتوما عائلة المريضة؟؟

ميمون:أنا راجلها..مزيانة؟؟وداكشي لي فكرشها؟

الطبيبة:السيدة كانت غتجيها ايموغاجي وتطيح البيبي ..لاطونسيون ديالها طايحة ونبضات القلب ماشي نوغمال

ميمون:واش مزيانة ولالا؟؟

الطبيبة:خصها الراحة ومخصش تعصبها شي حاجة ..الشهور لولة البيبي مكيكونش شاد راسو مزيان

جمال:شكرا(مشات)مراتك كانت غيطيح ليها لي فكرشها..

ميمون:(مسح على وجهو بغضب)ينعل دلمو نهااااار ..

وقف عليهم خالو وباقي خوتو كيستفسرو على حالتها حتى جا طبيب الزاهية لي صرح ليهم بلي عندها انخفاض فالسكر شي لي سخفها ..

عبد الرحمان:اللهم لا نسألك رد القضاء لكننا نسألك اللطف فيه..

صالح:الكل .. ب لاخرر بسبابو جاري فينا هادشي

منعم:الحيماري حنا ساكنين معاه ومعانا عيالاتنا وولادنا وهو كيشيطن فمرات خوه

الهضرة كثيرة والموضوع واحد..خوت ميميون متقبلوش نهائيا بلان براهيم وحقدو عليه حيت رغم لي يصرا نما غيقبلوش بقلة الحيا فدارهم ..أما ميمون راه نارو كانت مضاعفة بمجرد ماكيتفكر تسجيلات المكالمات والرسائل لي قرا ليه جمال كيبغي يمشي يقت لوو ويشرب من دموو..

محسو بيه حتا نتافض ومشا خرج معمية ليه البصيرة باغي يطج يهرب ولا يموت وميتفكرش أن نزهة كيتزلل عليها خوه وأنه شاف فيها شوفة عوجة..

موقف تالباب السبيطار كيستنشق الهوا لي يقدر عليه ويفك أزرار القميص لي لابس تحت الجلابة مخنوق..

جمال:(بهدوء)ميمون عارفها صعيبة ولكن رخف على راسك

ميمون:(ضار فيه)علاااش بقيتي ساكت؟؟علاش مݣلتيهاش النهار لول؟؟

جمال:نهار نويت نعلمك تشديتي

ميمون:(مغدد)وموراها؟علاش سكتي؟؟علاااااش؟؟كيضور ليا بمراتي ويتزلل عليها بالهضرة ويعلم الله واش حط عليها يديه ولالا؟؟مدخلو لدااااري(كيضرب فدماغو)مخليه فداااري هو ومراتو مع مراتي يعلم الله شحال من شوفة شاف فيها

جمال:عارف مكانش خاصني نسكت ولكن مكانش خاصني نهضر بلا دليل..براهيم كان كيضل يفرع ليها راسها وتغوت علييه وما تيفوتها..

ميمون:(كيمشي ويجي كي الحمق)القو %$ااد لي حطو وحتى هي سكتات علاااش تسكت علاش؟

جمال:غتكون خافت ماشي ساهلة تهضر معاك فهاد الموضوع

ميمون:نعل دلمي أنا لي دمدومة غا مفرنس للقواو يد أما تريكة الشريف كاملة بحالو متسوا بصلة..

سكت جمال مخليه كيهللل حتى بان ليه عاود داخل كيزرب فخطاويه سول على بيت نزهة ومشا لعندها..فحين جمال قلب أدراجو عند عمتو مبغاش يمشي معاه عندها..

دخل عليها كانت متكية بقفطانها نيت زارت بيه السبيطار جوج مرات..كترتاح حتى قشعاتو داخل بنفس الغوباشة والأرض مهازاهش بالعصب..سبلات فيه عينيها المغرغرين بالدموع ..وقف عليها قايل:شويا؟

نزهة:لا

ميمون:فيك الوجع ؟

نزهة: (حركات راسها بالسلب)سمح ليا خبييت عليك

ميمون:(شاف دمعتها ومسحها)رتاحي الهضرة من بعد ماشي دابا(بنفاذ صبر محاملش يهضر)غمضي عينيك نعسي رتاحي ..

شافت فيه بأسف من الحالة لي وصل ليها..حسات بيه على شوية ويطيح بالعصب..ماشي ساهلة بتاتا راه خيانة وغدر دقة وحدة ..

ميمون:مي جابوها لهنا نشوفها ونرجع

حركات راسها بالإيجاب ومشا متبعة ليه العين مخليها كتنخصص عارفا باقي تابعها عتاب كبيير من طرفو وغيجيها الصداع من هاد المشكل.

أما هو شد الطريق لغرفة مو مع قرب كيسمع الهضرة حيت الباب محلول شوية..وقفوه رجليه وهو كيسمع حوارهم..

عبدالرحمان:الك افر بالله هذا هو الخير لي صرف فيه؟؟معيشو فخيرو وينوض يغدرو ؟؟

منعم:أنا بعدا عمر هضرتي تجي فهضرتو..خوه من مو وداز فمراتو عساك أنا..

الزاهية:(بحرقة كتبكي)مظنيتش يكون كل ب ..غدر خوه لي خير كتافو من لحمو..شواني فاخر يااامي ..كانت غتكون عندي القتيلة فداري وشرا عداوة خوه

جمال:منهارو ما يسواش

عبد الرحمان:(بعد صمت)مكانش عليك تسخطي عليه الزاهية...أنا عارفك غترجعي تهضري معاه..

الزاهية:(شافت فيه بحزم) يحرام عليا ديني أخويا الى خليتو يبقا ولدي..غندير راسي مولدتوش..ماشي الزاهية لي تشوف المنكر و تسكت عليه واخا يكون من كرشي..عارف شناهيا يغدر خوه؟؟أنا بعيني شفتووو فبيت خوه دااخل عليها(غلباتها البكية)بعيني شفتو داخل على مرات خوه لبيتها ..

عبد الرحمان:أستغفر الله أعوذ بالله من الشيطان الرجيم..واش هذا حماق؟؟

ميمون:(برا مزير على يديه)قواا د

الزاهية:سخطت عليه حيت دار علاش...دار الحرام لي ربي ميقبلوووش..ضيعت حياتي مع باهم باش منتسماش مطلقة عاود وربيتو هو العزيز عندي..وفلخر يغدر خوووه يغدر ليا ولدي ..

صالح:يحرق مها هاد الكبدة.. الك .. لب لاخر

عبد الرحمان:(تنهد بتعب)ياربي تلطف بينا مبقا مايعجب..مدار فيها مايصلاح ميمون حقد عليه مغيبغيش يعاود يشوفو ..

الزاهية:عمرو يوريني وجهو أنا ساخطة عليه دنيا واخرة..منسمحش ليه حيت هرس ليا عائلتي وهرس لولدي خاطرو وتعدا على لي ماليهش ..

عبد الرحمان:خايفك الزاهية غي تدوز ليام وتمشي تقلبي عليه..راني عارفك كبدتك عليهم كي ديال المشاش ..

الزاهية:(بتعب)ملي قدرت نخلي ميمون ورايا ونسمح فيه وننساه قادرة ننسا براهيم ومنحسبش راسي واش ولدتو..

- تسمعات جملتها فوذنيه خلات عينيه يتفيكساو فبلاصة وحدة وفمو يدير إبتسامة سخرية فوقت الغضب ..الحقيقة لي كيحاول ينساها ويتعايش معاها ومهزهاش فخاطرو بتاتا جات على لسان مو..

مو لي لتامس ليها ألف عذر..ومعمرو ݣال علاش خلاتني وعلاش عمرها سولات فيا وعلاش عمرها حنات فيا فاش كنت صغير اليوم كتعتارف بلي خلاتو..

كان واعي أنه خلاتو لكن طالما مسمعهاش من فمها كان ناسي الأمر أو بالأحرى متعايش معاه وغادي بمبدأ ديال "ضحك للدنيا تضحك ليك"

للحظة دازو قدامو أيام فاش كان كيمشي يزورها وكيجري عليه راجل مو ولا كيمشي عندها فالعياد وتعاملو عادي كأنها كتشوفو كل يوم..تبسم بسخرية ورجع خطاويه لور جامع ماتبقى من قلبو بعد الكسرة ومغادر المكان بهدوء هاز معاه كسرة خاطر يمكن ما عمرها تبرا ..

****

••

-\-\"قيل عن كسرة الخاطر : هي الكسرةُ الّتي لاَ تُعرَبُ أبداً..وهي المُضافُ الّذي لاَ إضافةَ بعده...وهي الجَبلُ الّذي لا حياةَ بعدهْ"

••

-\-\ "كسرة اليد تشفيها الأيام لكن كسرة الخاطر تبقى في مقبرة قلوبنا كلما أبكتنا الأيام نستحضرها " ••

-خرج لبرا السبيطار مدمر..هضرتها ضراتو بزااف ..كان عارفها لكن يسمعها من فمها صعيبة عليه حسساتو بلي ماعندو قيمة عندها وبلي كان او مكانش زي بعضو..

ما كانش عندو سوارت الطوموبيل حيت جاو فديال جمال..فابعد غي شويا غادي كيتمشا على رجليه وحاني راسو..الشمس ضاربة فيه وعينيه مشوكيين..داك الشخص لي كيتصدم حتى كيبقا غي كيشوف هي ديالو..بعد على الكلينيك بان ليه واحد كيبيع لكارو..شرا باكي بالفلوس لي لقى فجيبو وطلب منو يشعل ليه..وفبلاصة غير بعيدة عليه جلس كيكمي الكارو ببرود وقلبو مكسور ..

غدر الأخ..وكلام الأم خلاتو يتصدم والعصب كولو يرجع عليه بالبرود..كمى كارو ورا كارو وبقا مدة طويلة كيكمي وكل مرة يطلع تنهيدة حارة كيحس بها ما كتخرج حتى كتخلي النخاصي فقلبو..

دازت ساعة وجوج وثلاثة وربعة حتى طاح الظلام وهو لازالو فمكانو..حتى حس براسو رجع لطبيعتو عاد شد الطريق على رجليه عاود للكلينيك وبدا كيتخيل فاش كان كيسرح الغنم..هاز عصية فظهرو وكلب حداه كيضور عليه معاه قطيعة تالغنم مكلف بيهم كيسرحهم..تابعهم من قنت لقنت ..وكيتمشى بيهم ويضحك..محس براسو حتى تبسم بسخرية ..حتى لقى راسو واقف قدام الكلينيك ..

-\-\تنهد بتعب وقال: زيدها أقلبي على محاينك وصبر وكمدها مولاها ربي..

دخل والوجهة عند مو حتى كتبان ليه نزهة واقفة من بعيد مع خوتو غي شافتو جات كتزرب خايفة عليه وقايلة:ميمون فين كنتي؟؟حرام عليك خليتيني مشوشة

ميمون:سيري حدا طونوبيل وتسناي نديك للدار

نزهة:(باستغراب)فين كنتي؟

ميمون:(ببرود)سيري أنزهة!

-داز فيها مخليها متبعة ليه العين للحظة شكات واش ما تاقش فيها..أما هو دخل عند مو بلا هضرة بلا كلام لقى عندها خالو وفتيحة معرفهاش امتا جات..حمحم ودخل باس راسها ويديها قايل:شويا أمي؟؟

الزاهية:(جرات يده باستها ليه)شويا أميمتي(بحزن) مديرش فبالك نتا ولدي المرضي ديالي معاش لي يعصبك لياا(باست ليه يديه من القاع)مسحها فيا

ميمون:(عنقها كأنه كيستامد منها الحنان لي تحرم منو )مادرتي والو أمي نتي...عطي لراسك الراحة كلشي كيفوت

الزاهية:مظنيتهاش فيه أوليدي..حصلتو لبارح وكنت غنعلمك أولدي منخليكش فدار غفلون..منبغيش نسكت على الحق

ميمون:(محاملش يهضر فالموضوع)الله يخلص كل واحد على قد نيتو وجهدو...ضرني أمي فخاطري قاسني فنزهة المرا لي بغيت فحياتي وبغاتني..

الزاهية:الله ياخد فيه الحق انا بارية منووو ومن فعلتوو

باس راسها وقال:نعسي رتاحي

الزاهية:سيرو للدار أولدي رتاحو نتوما(تنهدات)دازت علينا اليوم

فتيحة:غا سيرو أنا نبات معاها..

ميمون:(محكرش)عينيك عليها والى خصات شي حاجة صوني ليا

فتيحة:واخا

باس راسها وخرج من جديد لبرا ناطق لجمال:سوارتك؟

جمال:(مدهم ليه)غتمشي للدار ؟؟

ميمون:اه

جمال:حتا أنا غادي

خرجو بجوج لقاو نزهة برا حدا الطونوبيل ..مهضرش خدو حل ليها الباب لوراني وطلعات حاضية تغييرو المفاجئ..أما هو راه برودة الدم هي لي رجعات معاه..هضرة مو خلاتو يبرد من الخارج والداخل شاعلة فيه العافية ..

الصمت سيد الموقف مهضر حتى حد..حتا وصلو للدار ..نزل حل ليها لباب وتبعاتو فخطاويه داخلين ديركت لبيتهم بجوج وعيدهم تحول لحزن كأنه عندهم جنازة فالدار..كي دخل لبيتو بدا كيتخلص من حوايجو ببرود تحت نظراتها هي لي التعب باقي متمكن منها..تسناتو حتى خرج من الدوش مدوش ..ناضت ناطقة:ميمون واش مقلق مني؟

ميمون:سيري تنعسي عطي لراسك الراحة

نزهة:جاوبني؟؟(وقفات قدامو)ما تايقش بيا؟

ميمون:(خزر فيها)نعسيي نعسيي أنزهة الراس لي يهضى معاك كي بنادم مكاينش غنهضر غنخرا فالهضرة(تلاح فالسرير عطاها بالظهر)...

بقات واقفة بلاصتها كتشوف فيه ناعس عاطيها بالظهر بهدوء..سرطاتها ومشات بدلاات عليها وتخشات فالفراش حداه كتقلب على النعاس..العينين مغمضين لكن النعاس مكاينش..التفكير قهرها وخلاها بلا عقل..داز يوم عصيب عندها وماشي هين ستنزف كل طاقتها..حطات يديها على كرشها وتنهدات بمرارة على الفرحة لي تهرسات فيها. .

أما هو كان متكي وحال عينيه فاص كيفكر..فصدمتو لي تصدمها فخوه وكيفاش فيوم واحد تبدلات حياتو..معمرو ظن ولا شك بتاتا أن خوه ممكن يضور ليه بمراتو..بقا فايق لساعات فالأخير تقلب على ظهرو ورما عينيه عليها كانت ناسعة والغطا محيد عليها..غطااها وتحسس كرشها بهدوء عاد رجع لوضعيتو كيخمم..

****

مع الصباح كان فايق لابس حوايجو وخارج يجيب مو من السبيطار باش يشد الطريق فحالو..مخليها ناعسة هي لي ماكلات ماشربات من البارح..

مشا بالفعل للكلينيك وكمل الإجراءات بعقلو مرفوع..باقي كتطلع وتنزل فيه الخيانة والهضرة لي سمع..بالعادة فاش كيتهرس خاطرنا كلشي كيرجع علينا بالبرود ..كنوليو غي كنشوفو بحال شي قطة بكثرة مابرد قلبها على الحوت تحطو قدامها ومتسوقش..

خرج مو بهدوء ماهضرش فالموضوع لكن ملامح وجهو موضحة كلشي ومفسرة كاع لي كيحس بيه..جابها للدار بكري خلى خوتو غا كيشوفو..بعدما حطها ففراشها..

نطق :مي غنمشي فحالي

الزاهية:وهنا ماشي فحالك؟؟

ميمون:(باس يديها)خليت خدمتي

الزاهية:(بتعب)مديرش فبالك أولدي ..الزمان كينسي كلشي

ميمون:الله يدير شي تاويل ديال الخير..(باس راسها)خليت ليك الراحة

عبد الرحمان:خليك مزال

ميمون:خليت خدمتي

-مزادش كلمة خرا خرج وهي تنهد الزاهية قايلة:الله ياخد الحق فلي كان السباب

سناء:خالتي حتى حفصة مشات فحالها

الزاهية:مشات معاه؟

حكيمة:لا هزات حوايجها وولادها ومشات لدارهم

صالح:مبقيت عرفت ماندير والله..

طلع للبيت ديالو والبرود مكتاسي وجهو بالإضافة لحجبانو المعقودين كتحس بيه غتقيسو غينفاجر عليك..مع حل الباب كيسمع فاصوات غريبة فالحمام..دق فبابو قايل بصوت غليض:نزهة!!

ماجوباتوش وحل الباب لقاها كتقيا..كتلوا كلها وتقيا غي الصفورية والمرار..تخلع عليها ومشا شادها كتخوي معدتها لي كلها غي ما حيت مواكلاش..

ميمون: آش ضرك؟؟

نزهة:غي الوحم.

استفرغات عاوتاني حتى تهدات ..غسلات وجهها وخرجها شاد فيها فشلانة..جلسها فطرف السرير وهز فوطة كيمسح ليها وجهها بيها قايل:واش هاكا كيوقع لكلشي؟؟

نزهة:غي الوحم عااادي ..

ميمون:تقيتي الصفورية و عادي؟

نزهة:مواكلاش من لبارح (كتنهج)عيييت..

ميمون:تكااي(سندها)أنا نجيب ليك تفطري باش نشدو الطريق

نزهة:(الدم مسقطر منها)غنرجعو لكازا؟

ميمون:مممم

خرج عاود مخليها فحيرة من أمرها والشك كيدخل لدماغها بأنه شك فيها...رجع موراها هاز الفطور وجلس عند راسها حتى كلات وقال:رتاحي نجمع الحوايج باش نمشيو

نزهة:واخا

ماجادلاتوش بتاتا حدها متبعة ليه العين..كيبان معصب ومغدد وغي كيبرد على راسو..جمع كلشي وهي تنوض لبسات جلابتها ولاحت شال على وجهها ماحاملة دير والو..نزل الشوانط ومشا توادع مع مو فقط هي وخالو مهضرش مع شي حد اخر

الزاهية:(فوذن نزهة)شدي ليه الخاطر لي دايز عليه مساهلش

نزهة:واخا.

ودعوهم وخرجو ساكتين شادين الطريق لكازا بهدوء و صمت غير معتاد..هوما ديما إلا ماكانوش كيغنيو راه كيشطحو ولا كيعاودو النكات ويضحكو لكن اليوم غادين بحال الغرباء مكيدويوش بتااتا ...كتشوف فيه عاقد حجبانو وسايق بتركيز كأنها ماشي معاه .. بغات تهضر والهضرة واحلة فحلقها معرفات منين تبدا..واحد اللحظة شافتو جبد كارو شعلو وحل الشرجم كيكمي..صدمها وحتى باش تسولو واش رجع للكارو مقدراتش . .

فضلات تسكت وطول الطريق وهي كتبربص بلاصتها بغاتو غي ينطق ساعا والو حتى دخلو لكازا لي وسط النهار كانت شبه خاوية حيت كلشي كيمشي منها كيعيد فبلادو..كازا كيعيدو فيها غي السكان الأصليين الباقي كلشي كيمشي فالأعياد كتلقى مول الحانوت مكيحل على عشر أيام..

وصلو وهي تنزل شافتو هبط وتحرك غادي معاها فنفس الخط..مهضر ماتكلم كيقتل فيها غي بالصامت..كي دخلو للدار تنفسات براحة كأنها غم وحيد على قلبها..كتشوف فيه كيتحرك بواحد لا مبالاة قتلاتها..تبعاتو للبيت فين بدا كيتخلص من حوايجو وهي تقول:ميمون مغنهضروش؟

ميمون:(عاطيها بالظهر كيحيد تيشورت)مكاين فاش ندويو باغي ننعس..

ضلم البيت ومشا تلاح فوق الناموسية عريان من الفوق خلاها غي كتشوف..بدلات عليها وخرجات كتسرط ففعايلو وكتأول للأمر لأنه مزال معصب من البلان..

هزات بعض الحلويات بقاو عندها ومشات للصالة جالسة كتلعب فتيليفونها بعقل مرفوع كتسناه يفيق ..لكن غلبها العيا وتكات بغات غي تكسر النعاس ساعا جبدات عليه بحالا كانت فعرس...كان هو فهاد الفترة نعس ورتاح وناض خرج مخليها غارقة فالنوم..

*****

الليل طاح عاد فاقت هي من النعاس كتفوه..كتسمع فالمغرب كيأذن ستغربات كاع هادشي نعساتو..ناضت كتجر رجليها وتتفوه غادية للبيت على أمل تلقاه لكنها لقات يديها والريح...مشات تاصلات بيه مرارا وتكرار لا من مجيب.. شدها الجوع ومشات كلات عمرات كرشها بشرااهة وبدات عاود كتصوني ليه وحلف هو لا جاوب..

ساعة ساعتين و ولاو ساعات كثيرة وهي كتصوني لكن مكيجاوبش حتى تخلعات وظنات ليكون بيه شي حاجة..الربعة تصباح مزال حالا عينيها جالسة كتسناه فالصالة ..تصوني عشرة تالمرات فالدقيقة ومكيجاوبش بتاتا حتى تسمعات الساروت فالباب ودخل هو كيعطعط بريحة الشيشة ..واقف صحيح فصيح على رجليه..وقفات كي قباض الرواح قايلة بعتاب:فين كنتي؟؟حرااام عليك خلعتيني

ميمون:نتي باقي فايقة؟؟سيري تنعسي

نزهة:(تابعاه)شويا لباس لا؟؟شهاد التعطيلة الفجر قرب ونتا ياله داخل..فين كنتي(كيبدل حوايجو)راه معاك داااوية!!!

ميمون:(بانزعاج) بلا صداع راس..خليني عليك أنزهة..

دوراتو لعندها معصبة خرجات فيه عينيها:متبقاش متجاهلني هاكا؟؟شنووو درت ليك؟؟علاش كتعامل معايا هاكا؟؟.

ميمون:(عض على شفايفو بعصبية)عطيني بالتيقار انزهة ماباغيش نغلط فيك

نزهة:(مغددة)لا غي غلط أسيدي وشرح ليا مالك معايا(لاحتها ليه فوجهو)شكييتييي فيا أميمون؟

ميمون:(بحالا شعلاتو هز صبعو فوجهها)آخر مرة نسمع من فمك هاد البلان يتجبد فالداار...الى عاود سمعتو من فمك مايعجبك حال!

نزهة:(طلقات عليه حلوقها)غيتجبد أسيدي وغنهضرو فيه وغنوضحو الأمووور!!

ميمون:(صاح فوجهها بغير سابق انذار)وملييي باغياا تجبديييه لااااااش مݣلتيهاش ليااا؟؟؟علاااش بقيتي سااكتة؟؟علاااش مجيتيش تشكيتي ليا ملي بديتي كتحسي بالقو اااد كيضووور بيييك؟؟

نزهة:(جمعات شجاعتها)حيييت خااايفة..أشنو بغيتيني نݣوليك!!! سلام ميمون خوك كيضوور بيا..خوك كيلوح ليا الهضرة وكنحصلو كيشوف فيا

ميمون:(بدون شعور كيضرب فالماريو بيديه وعينيه فعينيها مواجهها)اااااه تجي عندي وتعاودي ليااا باش ميدوزش الما من تحتي...باش منتخورش أنا على خر ياااميي..ساكتة على أش؟؟منااش خفتيييي؟؟

نزهة:خفت تقتلووووو(كتغاوت حتى هي )خفت توقع شي موصصيبة..

ميمون:(مسح على وجهو بعصبية)و مخفتييش يتعداا علييييك؟؟(بصراخ )مخفتيييش توقع شي موووصيبة..سكتي و جلستي كتعايري معاه فالتيليفون بلاصة ماتجي عندي تشكاي لياااا وأنا نربي الك $لب ساااكتة!!!!

نزهة:تاا وحدة بلاصتي ما كانت غتهضر حيت مساااهلاااش..مساااهلااش أميمون!

ميمون:لا ساهلة الالة نزهة..ساااهلة وبزاااف..مخليا الزلال ديال الخلا كيسمعك فا٤ىهضرة وكيصيفط ليك الفيديوات ويتزلل عليك وكل مرة خارج ليك بنمرة وساااكتة..امتا كنتي ناااوية تعلميينيي؟؟نهار يحط عليييك يدوووو (كيضرب فالماريو)امتاا كنتي عوالة تعلميني؟؟كنتي عوالة تسكتي وتسنايه يهديه الله(حط يديه على صدرو)حرقة الق واد باقي كطلع وتنزل فياااا(كشاشكو خارجين)علااش سكتيي؟؟

نزهة:(طلقات حلوقها)مكانتش عندي الجرأة نݣولها لييك...كنت كل نهار كنوي نݣولها ليك ومكنقدرش أميمون..واش عارف فاش كنت عاايشة ولا معارفش؟

ميمون:لي عارف أنا هو الحزقة كنحزقها ونجي نعاودها ليك..كندخل كنعاود ليك كللشي لي درت فالزنقة وفخدمتي. . ولكن نتي لاااا...نتيي بقيتي مخبية عليا بلاان كيضرب فعرضي وفشرفي ..وخليتيني نجيب القو اد لي حطو ويجلس معانا فالدااار و أنا معاااايقش

نزهة:هادشي لي قدرك الله عليه؟؟تلوووم فيااا بحالا أنا كان عاجبني الحااال..

ميمون:(هز تريكو كيلبسو)نعل دلمووو نهار معاااكم. مغتهناو حتى تركبو فيا السكرررر...(تم غادي خارج)الى عتبتيها براا هاد الدار نتفاهم معاااك ..

زدح الباب ديال برا وخرج مخليها مشوكية والدمعة واقفة فعينيها كترعد وحايرة بين واش تنزل ولا تحافظ على كبريائها..

••••

ولكنكَ إِرتَضيتَ لي الأَذى، و أنا الَّذي

كُنتُ أَحْسِبكَ أَرَقُّ عَلى قَلْبي مِنِّي..

- جبران خليل.

الزواج هو أسمى علاقة عند الله سبحانه وباش تنجح زواج فمجتمعنا كيخصك تدوز من بزاف تالمراحل وماتحرق تا مرحلة..كاينين ناس كانو مصاحبين بسنين طويلة كتقوليك دوزنا ثمن سنين وأنا كنعرفو وكيعرفني لكن هي كتعرف فيه غي فلان ديال الموعد ماشي فلان كي كيدوز نهارو وكي كيشوف الأمور من منظورو وكيفاش كيعالجها..

الزواج فيه الزين والخايب والحلو والمر..والى بغيتي تذوق الحلو فيه خصك تكون خرجتي من المر بأقل الأضرار

مواقف كثيرة كيدوزو منها جوج تناس كتختابر فيها علاقتهم ومحبتهم وكدوز من اختبار واش قادرين يكملو ولالا..

***

-ردة فعل ميمون تجاه مخاصمتهم خلات الدمعة تنزل من عينيها ويتهزم كبريائها..خاصة هي فوضع حساس ودموعها على سبة..معجبهاش بتاتا تصرفو ومحملاتش راسها فيه حسات بيه ماشي ميمون لي كتعرف .. ضربات برجليها للأرض صارخة غي بينها وبين راسها:الله يعطيييك حالتي

رجعات لبيتها تخشات ففراشها وجلسات دايرا مندبة بينها وبين راسها..هي أصلا مقلقة وزادها الوحم هلكها بالنفسية لي فالحضيض وحلفات مايصبح الصباح حتى تهز قشها وتزيد لدارهم..

-أما ميمون كان طلع لطونوبيلتو وضرب فالفولون مغدد..وباقي بين عينيه هضرة جمال كتعاود ملي كيوصف ليه كيفاش كيتحرش بيها..وأكيد التسجيلات لي سمع مخلين دمو يفور..مشا لدارو لوخرا بات فيها والتعب نايل منو..

ومع شروق شمس جديدة وطلوع نهار جديد..كانت نزهة كتقلب فبلاصتها بسباب الشمس لي ضاربة فعينيها..ناضت مخنزرة وعينيها حارقينها بالبكا ومنفوخين..فور ماتفكرات التصرف زادت غوبشات وصممات على قرارها..وناضت بلا هواها شربات الما بارد زݣحاتو وفطرات على خاطرها وعينيها كيضورو فالدار ويبلانيو اشمن حل دير معاه..

كي سالات سمحات فالماعن ومشات جبدات شانطتها جمعات فيها حوايجها ولبسات دجين وشوميز وشال خفيف تمات جاراها وراها وغادية مصممة تخرج وقلبها كيتشوى على المراحل لي وصلو ليها..مع بغات تحل لباب لقاتو مسدود..قلبات على سوارت مالقاتش..قلبات فالساك فالعلاّقة فالباب فالمجورا والو واش لقات..عرفاتو طرق عليها..شهقات من الفكرة وقالت مخاطبة راسها:أويلي حماق هذاا؟؟سااد عليا هناا!

-مشات لتيليفونها دوزات نمرتو مرارا وتكرارا كترعد وتهزز فرجليها ..غادية جايا بحالا فيها السهال ووالو واش يجاوب..ضربات بالتيلي للأرض حتى تشق وبدات كتسب وتدعي غي راسها مخلات فيه غي لي نسات..

حاولات بشتى الطرق تحل الباب لكن غبر السوارت معرفاتوش امتا هزهم كاع..وهو راه كان حيدهم من ساكها نهار رجعو من القلعة طيرهم ليها من الساك حيت عارفها عصبية وغدير ماكثر..

حيدات شالها والشوميز بقات غي بديباردور ومشات كتغسل فوجهها بالما بعدما حسات براسها جاتها السخفة..وبدون سابق انذار فرغات كاع لي فطرات..كتقيا وتبكي عليه وعلى حالتها وعلى كل ما جاري ليها ..حتى فشلاات وخرجات جارا رجليها للسرير فبيتها تكات فيه ولى هو المأوى ديالها..

ظلمات البيت ورجعات لمود الإكتئاب من جديد..بكات شحال وتنخصصات وهي تسمع الساروت فالباب..فيها ماينوض يرونها عليه ويغوت تضارب معاه لكن السخفة لي شاداها والعياا لي ولى فيها كثير خلاوها تلازم بلاصتها..حدها غمضات عينيها وخلات وذنيها كيتسنطو عليه..

سمعات حسو قرب للبيت وبخطواتو كيتحركو قراب عرفاتو غيكون فالبيت..فحين هو كي دخل قشع الشانطة وتوقعو كان فمحلو أنها بغات تمشي..زفر وجلس فطرف السرير داير يديه على ركابيه وكيفكر فنفس الموضوع..معاجباهش حالتهم بتاتا..سمع صوت نيوفها كيشخروو عارفها كتبكي..ناض على وعدو وسعدو تلاح حداها ويديه دوزها على كرشها وقربها حتى خشاها فيه ووجهو دخلو فعنقها العاري..وبقبلة اعتذار طبقها على عنقها قايل:سمحي ليا..

كانت الكلمة لي فيضات الكاس عندها..بداو كتافها كيتهزو بالبكا والشهيق..وبغات تفك منو تنوووض لكنو زير عليها قايل:ششش ريحي الأرض

نزهة:(بغضب ممزوج بالبكا)غطلق مني ولا مغيجبك حاال(زيرات على يديه باش شادها)حيييد بغيييت نمشي فحالي..

ميمون:(ببرود)فين فحالك؟؟هنا هو فحالك

نزهة:(قرصاتو من يديه بالسم لي فيها حتى حيد منها يديه)بععععععددد مني!!!!!

بالجعرة ناضت من السرير معصبة والدموع معمرين وجهها..تسولها مالك تقوليك "حكرني وتعدا عليا وظلمني وهرسني وظلمني"..

بصوتها العالي صرخات والصدر طالع هابط بالسخفة:بعععععد منيييي ..والله منزيد معاك فيها الضربة على هاد المعاملة لي كتعاملني بيها بحالا أنا لي رامية راسي علييه..

ميمون:(بصوت مرتافع محذرها)نزهاااااا

نزهة:نزهة ولا لخراااا طليتو خضر معااك ومع هضرتك ومعاملتك؟؟شكاااايحساااب ليك راسك؟؟أنا مونيكة عندك تعاملني هاكا؟؟مالي شنو درت؟؟شنوووو درت(كتغوت وصوتها كيطلع خلاتو ينوض يوقف تاهو داخل معاها فالمواجهة)فاقصني وأنا واحلة فروحي

ميمون:(مسح على وجهو)زيدي بركي الأرض ونتي غطيحي..نقصي الغواات أنزهة كتقلبي عليا

نزهة:(بحالا زاد شعلها)هي باقي شي وجه اخر ماشفتووووش(نفاجرات بالبكا)باقي شي معاملة خراا معاملتينيش بيها؟؟ محسسني بلي أنا غدرتك وخنتك معاه

محس براسو تا جا جيهتها ساد ليها فمها بيديه مزير عليها وعينيه فيها خارجين..وبصوتو الغليض نطق:سكتيييي سكتيييي متجبدييييش ليا هاد البلاان غتزيدي تشعليني نمشي نقتل الزاا% &امل لي ولدوووو

بدات كتنطر ليه وتضرب فيه وتعاود والدموع محبسوش من عينيها..جنونها فيه باغيا غي تعطيه شي دقة تا يغيب حيت كيفقصها ويشد معاها الزكير..

عضات فيديه حتى حيدها ونطقات:بعععععدد منيييي(مشات خارجة) إلا بقيت معاك فيها راني بنت الحرااام

تبعها بزربة عارفها هارب ليها وتديرها وتفوتها..شدها من مرفقها مرجعها للبيت:دوزي تݣلسي بلا خرااااا...فين غتمشي؟؟

نزهة:لشي بلاصة مافيهاش كماااارتتتتك(مشمأزة)غتفرق جرتي ولا نجيب عليك زابوووري

ميمون:(شدها مذرعها كيهدن فيها)نزهة دوزي تريحي ونقصي الغوات واش نتي فيك الجهد ديال تغوتي؟؟غا طالقة حلوقك وكتغاوتي معايا عيني عينيك؟؟

نزهة:(دفعاتوو عليها)وااا بعدددد منيييي ماتشدش فياااا(عايفة)يعلم الله معامن كنتي مقصر وبايت وجاي تشد فيا؟؟حييييد عليا ريحة الشيشة خنقااتنيييي

ميمون:(طلق منها وزفر)دوزي تجلسي بلا طيران..خلينا هانييين

نزهة:الهنا نتا لي مبغيتهش..أش درت ليك حتى تسد عليا الباب؟؟وجاي مكتهضرش معايا؟؟

ميمون:(قرب منها وصرخ فوجهها)علاش تسكتي؟؟علاشش متعاوديش ليا شكاين؟؟

نزهة:(بنفس الحدة)حيت مقدررررتش مقدررررتش...كون نتا ختي لي كضور بيك وكتصيفط ليك ميساجات فنص الليل كنتي غتجي تݣولها ليا؟؟كنتي غتجي تݣوليا نزهة ختك كضور بيا؟؟(شافتو سكت)شفتييي هانتا سكتييي حيت متقدرش كيفما أنا مقدرتش ..مقدرتش واش كتفهمها(كتنهج)مقدرتش مقدرتش مقدرررتش!!

بقات كتعاود الكلمة حتى بدات كتفقد الوعي ديالها مجاتش فين تميل حتى كانو ذرعانو شادينها عندو وهزها دغيا مخلوع دارها فالسرير كيضرب فحنكوها وهي شبه مغيبة..شفايفها كيترعدو..مالقا غي الما كيرشها بيه ويتوسل ليها تحل عينيها..شمشم ليها ريحتها قايل:نزهة..نوضي صاافي غي نوووضي..مديريش هاكا

بقا عند راسها كيرشها بالما كي المريشة تالزهر ويفيق فيها بحرا ماتوكدات شويا قايلة:عطيني شي حاجة حلوة

ميمون:واخا واخا

مشا كيجري جاب ليها التمر وكلو ليها وقادها بلاصتها..غي حس بيها حلات عينيها مزيان وهو يهز يديها بايسها من الوسط قايل :سمحي لياااا(باسها فراسها)مبغيتش نضرك

نزهة:(جرات يديها)ضريتيني ولي عطا الله عطاه

ميمون:(زفر بنفاذ صبر)ديري بحساب حالتي..ماشي ساهلة عليا لي عرفت..راه الغدر هذا..ماشي ساهلة عليا نتغدر من خويا ..كنت غنحماق وغنقتلو وندوو لي بقا ليا فعمري فالحبس

نزهة:(بعيون مدمعة)وأنا شنو درت؟؟أنا غدرتك؟؟شنو درت ليك حتى تدير ليا ديك الحالة؟؟..

ميمون:(باسها فعينيها بجوج)حقك عليا يا ست الكل..مقصدتش ولكن خصني الوقت باش نسرط البلان

نزهة:(تقلبات عطاتو بالظهر)خليني نرتاح

ميمون:(رجعها مقابلة معاه)نوضي تاكلي

نزهة:نتا مهزيتيش ليا الهم واش واكلة ولا شاربة؟؟خارج وساد عليا الباب كون دابا وقعات ليا شي حاجة؟؟كون شعلات العافية فالدار ولا طرطق فيا الشوفو ومتت أنا وولدي غترتاح فحياتك؟؟

ميمون:(دار بتسامة خفيفة)معندكش ولد...بنت بنت

نزهة:(خسرات فيه سيفتها)ماشي نتا لي هازو..

ميمون:نوضي تاكلي يهديك الله...جبت ليك الفطور

نزهة:(بملل وتعب)بغيت غي نتكا..راسي غيطرطق

ميمون:غوتتي بزاف أنزهة..تكايسي على راسك وعلى لي فكرشك(وقف كيحيد فتريكوه)

نزهة:يبعد مني غا كحل اارااس(معناتها عليه)

لاح عليها التريكو وقال:الله يعميها ليك..

لاحت التريكو عايفة وقالت:حييد عليا الويل راه خنقنييي

ميمون:ندوش ونفطرو

نزهة:ضبر راسك

مشا يدوش كيزفر ...غرام ديال الخاطر معندوش لراسو وخصو يشدو هي ليها..رجع لقاها متكية مغمضة عينيها..لبس عليه ومشا كيفيق فيها ناضت مغوبشة فيه ولكن فيها الجوع كرشها كلها خواتها...

جلسات عاقداهم وهو كثر منها مع بدا كيحل الكرطونات نطقات:بغيت نمشي لدارنا

ميمون:(ناض كيعمر اتاي)شغديري فداركم؟؟

نزهة:نشوف مي توحشتها

ميمون:(بجدية)شدي الأرض شويا..

نزهة:(شافت فيه مغوبشة)ياكما غتعاود تسد عليا؟؟بغيت نشوف مي وخوتي

ميمون:واخا نديك تشوفيهم وترجعي

نزهة:(هزات مملحة)غنمشي لراسي..

مجاوبهاش حدو كمل شغلو وجا ريح حداها ونطق:الخريج بوحدك غي نسايه(بغات تنطق وقطعها)كتسخفي بزااف أنزهة شي نهار طيحي فشي بلاصة

نزهة:(كمشات عينيها)مبقيتيش كتيق فيا؟؟

ميمون:(حط البراد بعصبية)غتشعيلني على والو..فطري

عوجات فمها فيه وجلسات غي كتنقب تحت نظراتو ولى موسوس معاها..واحد اللحظة نطق:أجي عندي

نزهة:لا

ميمون:(حال ليها ذراعو)أجي لهنا(جرها)

نزهة:وابشوي..نتا غي كتجر مالك خضرر راني حاملة

ميمون:غا نتي والجران لي غتولدي

نزهة:فاش كتنݣفك مك وتبقا تشكر فيك كنݣول ليها انا شي حاجة؟؟اوا حتانا غنݣف ولدي..

-ميمون:(بشبه ابتسامة)غا تهناي حتاحد ماعندو عزيز من غيرك ..

نزهة:(شافت فيه)مالك؟

ميمون:(باسها فحنكها)عياااان أنزهة..هموم الدنيا طاحت فوق كتافي

نزهة:هادشي مناش كنت خايفة

ميمون:(قبلها ففمها)صافي سدي الهضرة..(حط يدو على كرشها)كولي متبقايش يجوع

نزهة:ميمون(بترجي)متبقاش تعاملني هاكاك..منستاهلش هادشي

ميمون:(تنهد)ماشي بيدي أنزهة هاد الساعة نتي هي لي متستاهلي حتا حاجة ملي طاري..أنا لي الدنيا غادية وكتقواد عليا

نزهة:حاسبني عندي يد فهادشي أميمون؟؟

ميمون:لا..عارفك متغدرينيش هاد الساعة تايق فيك نتي وجمال وخالي..نتي قاريك وعارفك كي دايرا حتى الى بغيتي تغذري متغتمشيش لداك ز****

نزهة:نساا أميمون نسااا. .هادشي دااز صافي هذااك ماشي خوك لي كيدير دوك الفعايل

ميمون:(شاف فاص ليه)مبقا عندي خو أنا

نزهة:مولاها ربي..نوض نمشي لدارنا

ميمون:بدلي عليك

نزهة:غنلوح الشوميز ونمشي

ميمون:(بجدية)لا..لبسي عليك جلابتك

نزهة:مبغيتش(ناضت)

ناض تابعها على نيتو حاضيها كتعوج ليه فيها..مشات هزات الشوميز باغا تلبسها وهو يحيدها ليها قايل:هضرنا

نزهة:طلق بلا زكييير ونتا وليتي كتشد معايا الضدد كي الضرة

ميمون:جلابتك ولا مغتخرجيييش

نزهة:والله وماتعطيني حتى نغووووت ونجمع عليك الناااس..

ميمون:(مد ليها الجلابة)لبسي هادي

نزهة:حيد عليا غنبان شارفة

ميمون:ملي طلعتيها ب 800 دهم مقالش ليك راسك غتشرفي فيها

كمشات فيه عينيها وشداتها وقالت:والله مغنسمح ليك حيت كتفقص فيا

ميمون:(بجدية)هضرت

نزهة:(لاحت الجلابة)والله لا لبستها

ميمون:اوا هي مغتخرجيييش

نزهة:غنعيط لخويا يجي يديني ونتا سطح راسك مع الحيط

ميمون:(زفر)دابا مالكي؟؟مالكي قساح ليك الراس

نزهة:نتا لي تقلبتي عليا دغيااا(هزات شوميز كتلبسها)يوماين هزيتي ميمون وحطيتي لاخر مبقيتش كنعرفك..(كتجمع شعرها مغددة)العيالات كيحملو وكيتفششو وأنا حملت ونتا تقلب عليا

ميمون:دابا أنا اش درت؟؟متلبسيش هاد العجب كيبينك كلك

نزهة:بقا حاضيني ..معندك مايدااار لاصق ليا فجناابيي(صايبات الشال)بعد مني !

ميمون:(كيبدل عليه)هاني هضرت ونتي ضبري راسك..

عوجات فيه فمها ومشات كتلبس فصندالتها وجنونها محاملينووش..كيجيها كيعصبها وكيشد معاها الزكير..

لبس عليه وهز سوارتو غي كيسووط..شافها جرات الشانطة وهو يحيدها ليها:شتي البسالة

نزهة:اراا ليا لهنا آش غنلبس عند مّي!

ميمون:عوالة تباتي؟؟

نزهة:اااه

ميمون:ولاش شانطة كاملة

نزهة:(لوات فمها)بغييييت

ميمون:رداان الهضرة وليتي كتعطيه قتلة..سيري ريحي فداركم وفوتي عليك الشانطة(جارها)

نزهة:بشااااار كي داير

بقاو هاكاك فالنݣير كيعطيعا هضرة وتعطيه عشرة ..محاملاهش بتاتا جنونها طلعو فيه حتى قربو لدارهم وقال: كلشي ساد بغينا غي ماتدخلي فيديك..

نزهة:ماشي مشكل غا دارنا هادوك

ميمون:(وقف)ياله سيري ..اليوم بوحدو لي غتباتي فيه غدا تصبحي عندي

نزهى:دابانشوووف

شاف تاعيا وهو يقول:سلمي عليهم

نزهة:مغتنزلش معاياا

ميمون:نزهة عذريني الخاطر معنديش

نزهة:وفين غتمشي؟

ميمون:للدار

نزهة:واخا

جات هابطة ورجعات باستو فحنكو وقالت:تهلا فراسك

ميمون:(تبسم ليها)أحيانا عليك أمو ترمة..

ضحكات وهبطات مفرنسة تقول ماشي هادي لي بكات مزيان على صحتها..حال وعقل لي شافها يقول مابكات متغوتات ماتجننات..

يتبع...

‎