خيط الريح الجزء 17

صونات فدارهم و نزلات جنات حلات ليها، طارت عليها بتعنيقة ودخلات لوخرا مترعة فمها مبسمة لجو عائلتها..كي طلعات لقات كلشي مجموع خوتها وولادهم وعيالاتهم..

سلمات على كلشي وتعانقات معاهم بحالا شحال ماجات

حفيضة:تي ياك كنتي فالقلعة

نزهة:اوا جيت..ميمون جابتو الخدمة وجابني

حنان:(بتعب)مرحبا بيك اختي

نزهة:كي بقيتي شويا؟؟

حنان:الحمد لله

نزهة:هذا ولدك؟؟

حنان:اه

نزهة:الله يحفظو ليك(جرات يااسين)أجي لمك نتا مالك مكتجاوبنيش فالواتساب!!

ياسين:مكنساليش ههههه

حفيضة:تي كي غادة مع الوحم؟

نزهة:هلكني أمي..مكانتش فيا التقية وولات فيا غي كناكل كنحط معدتي كاملة

سميرة:عادي الزين غي الوحم.. تلت شهور وغيفوتك الحال

عبد الجليل:كي راه ميمون؟؟علاش ما جاش؟

نزهة:مع الخدمة مبرزط وصافي..(مبغاتش تعاود ليهم)

جلسات مع عائلتها عطاتها حنان بيجامة وجلسو مجموعين كيديرو الغدا ويضحكو فوجات معاهم ونسات الهم مضورين الهضرة بيناتهم..تغدات ومشات جبدات عليه ناعسة ..مفاقت تالعصر على التقية والرضان خوات مسارنها كاملين..

حفيضة:الله يا بنيتي الله ..كلشي حطيتيه..

نزهة:(سخفانة)عييييت

سميرة:ههه ياله بديتي غا بلاتي مزال الوحم ساهل الترابي لي صعاب

حنان:وقع ليا بحالك حتى أنا محني الوحم فرضى

ايناس:عميتو آش غا تولدي؟

نزهة:أنا بغيت ولد وميمون باغي بنت..

حفيضة:ولدي شي بنت سميْرة بحال باها

نزهة: تبسمات على هاد الجنون لي شاديني عليه خصها تخرج بحالو

سميرة:مكتحمليهش

نزهة:معرفتش..كيجيني كيعصبني وكيشد معايا الضد وشي مرات كيبان ليا مكيحملنييش..

حفيضة:تي ياله عرفتي راسك حاملة

نزهة:وااقبل أمي..قبل كاع منعرف رمضان كولو دوزتو معاه فالنݣير..كيفقصني ..

عبد الجليل:ههههههه غا المعزة هاديك..نسيتي شنو دوزات عليا سميرة فاش حملات بجنات

سميرة:ههههههههههه ما عفكرنيش كنت كنكرهك ههههه ويلي كنت بغيت نطلقو

جنات:(بعفوية)فاش حملتي بيا أماما؟؟(تلاحت على باها)أنا بعدا كنبغي بابا..

سميرة:ههههههه الخانزة لوخرا..

حنان: هي صبري أختي(شربات الما)عيييت..

حفيضة:نوضي تكاي ليك شويا

ناضت حنان بتعب لبيتها مخلياهم محسرين على حالتها ..نطقات نزهة:الله يشافيها مسكينة

حفيضة:دازت عليها فاش دارت الدواا مسكينة بايتا كتقطع بالحريق

عبد الجليل:الله يشافيها..

داز وقت لا بأس به مجمعة معاهم وكيضحكو حتى تفكراتو وناضت دخلات لكوزينة مدوزة نمرتو وبعد رنات خفاف جاوب بصوت ثقيل:الو

نزهة:ناعس ولا؟

ميمون:اه شيشت وداتني عيني

نزهة:تغديتي؟

ميمون:علاه حنيتي فينا خرجتي مخلياني بلا غدا..

نزهة:ههه ديما كنعلف فيك

ميمون:هاهيا فمك..مجاياش؟؟

نزهة:درنا نباات ..جي للعشا

ميمون:غي عفيني ماعنديش الخاطر لي يجي

نزهة:(بترجي)عفاك أحبيبي جي..عارضاك مي ونيت تبدل الجو شويا

ميمون:(زفر)واخا..

نزهة:يخليلي الخضر ديالي لي كيفقص فيا وأنا حاملة

ميمون:عهههههه غا نتي والجران لي غيولدو

نزهة:(قندشات)سير بعد مني تبقا تفقص فيا(قطعات عليه)

ميمون:ههههههه دلمها قطعات..

-ناض كيتفوه من بلاصتو غسل وجهو ودوز نمرة مو تطمن عليها ورجع لبلاصتو شاد التلفازة وساهي فيها وعقلو كولو كيضرب فأخماس وأسداس..كيحاول يتناسا ويرجع لحياتو الطبيعية..

"ومع مرور الوقت نحن نتسناسى ولا ننسى"

****

مع أذن العشا كانت حفيضة كطفي على العشا مشمرة هي وسميرة أما حنان راه ماليها جهد جالسة وكتعاونهم غي بالجموع والى كاين شي ربيع كيتنقا..محمد كيوصي ويعاود عليها دايرها فعينيه فحين نزهة شادة طبسيل ديال البوعويد كتاكل فيه والضحكة مترعة فمها..

نزهة:شوف ليك محمد كيوصي حتا هو ويعاود..

حنان:هههه

سميرة:واشنو راه بنت فاطيمة هادي

إيناس:بابا كيحب ههههه

حفيضة:الله يمسخكم..سيد شايفها مريضة مبغاش يشقيها

نزهة:ههههههههه الله يعطينا حتى حنا

حفيضة:مكتحشمييش ياك المصري داير ليك كي الما القليل

نزهة:(باست صبيعاتها)كنموووت أمي عليه(صونا تيليفونها)عمرو طويل..(ردات)ألو..

ميمون:أنا لتحت

نزهة:أنا نازلة نحل..

قطعات ونزلات ببيجامة طويلة فايتة المؤخرة والشعر مطلوق دايرا بونضو إيناس فيه قنيونات..مع حلات الباب تبسمات ليه ..لقاتو محمل مداخلش بيديه خاويين

وقالت:المصري ديال قلبي

ميمون:(تبسم)لالاهم(باستو فحنكو)شهادا تاني؟

نزهة:(قاست البونضو)قنيونات هههههه كي جيتك؟

ميمون:سدي داك الباب الغادي والجاي كيتفرج فيك

نزهة:(عوجات فيه سيفتها)الله يستر جيتي ولا جابوك؟

ميمون:(ضحك)ههه مالكي وليتي كتردي الهضرة؟؟

نزهة:حيت نتا لي غي حاضيني..(سدات الباب)الزنقة مافيها حد

ميمون:زيدي زيدي باين ليا هاد تسع شهور كلها غدوز هاكا..

طلعات كتعوج عليه فترمتها قايلة:هههه غنولد شي وليد كيشبه ليك حيت جنوني شاديني عليك..

ميمون:هي آش؟؟

حفيصة:(بابتسامة)مرحبا مرحبا ..مرحباا بيك اوليدي(باس راسها)الله يرضي عليك..عذبتي راسك

ميمون:(حشمان)مابيناتناش الواليدة..كي دايرا؟كي دايرا الصحيحة؟

حفيضة:نحمدو الله ونشكروه..زيد أوليدي مرحبا بيك

عبد الجليل:(خرج من بيتو)سي المصري هذاا؟(تسالم معاه سلام رجولي)مرحبا ونهار كبير هذا..

ميمون:الله يكبر بيك أخويا

-داه للصالون فين نظمو ليهم كاملين الا محمد لي كان خارج يصلي العشا..حطات حفيضة أتاي وصينية بقوامها مكبرة بنسيبها وكتسولو على الحال والأحوال وهو بحالا ماشي ميمون الخضر مكاين غي لباس أخالتي ربي يخليك أخالتي...

دخل محمد سلم حتى هو ونظم ليهم فالحديث..خلاو الرجال مجمعين ومشاو كيسربيو لعشا مكبرين بالنسيب الجديد

وعلى طبلة مدورة تجمعو على طبسيل تدجاج محمر بالدغميرة و شلايض كعائلة وحدة ..حطات نزهة طبسيل فيه ديسير قدامها..

ميمون:مغتاكليش؟

نزهة:عايفة الدجاج غناخد غي الديسير

ميمون:ميمكنش..اش غيهز ليك هاد الديسير؟بغيتي شي حاجة تاكليها من برا..

نزهة:لا غي كولو مفخاطري والو..

-معطاتوش خاطرو ياكل وهي لا..كيقطع طريف تدجاج ويبزز عليها ومكتبغيش كتخسر وجهها وجايبة عليه الفشوش حتى نطق يونس ولد محمد:الفشوش الخاوي أنزهة..

محمد:عمتيييي

يونس:لفشوش الخاوي أعمتي ههههه

نزهة:بصحتييي وبراحتي.. خهههه محاسيد..

عبد الجليل:مع نتي أصلا دايز ليك تبوحيط صافي وكملتي شنو خاص

ميمون:اوا الحمد لله ماشي بوحدي لي كنقولها هههه

نزهة:بصحتي ورااحتيي..

تعشاو فجو عائلي بامتياز مخلين ميمون يتناسى شويا ويندامج معاهم..تحط الديسير وكلاوه وقصرو على أتاي ضاحكين ناشطين حتى نطق ميمون:أنا غيخصني نمشي

نزهة:جلس باات

محمد:جلس باات عندنا وفالصباح ديها معاك

نزهة:مالي جايا عندك؟؟بشااار كي داير..

خزر فيها وهي تقول:واشوف نتا آش كتݣول

ميمون:(ضحك)ههههههه ميك عليها راه خصها غي معامن أنا كنقول ليها السلام كتݣوليا كتفقصني..

محمد:لا حول ولا قوة إلا بالله..مجرا عليك حد

نزهة:اوا هاكاك هههه ميمون بقا بات وغدا نمشيو بجوج

ميمون:واخا(نطقها غي بزز)..

محمد:أنا غنمشي ننعس..حنان ياله ترتاحي ليك شويا عيتي اليوم

حنان:الحمد لله على كل حال

ناضت معاه ونزهة حابسة الضحكة غي شافت فولادو وهي تطلقها وتبعوها كيضحكو والبقية معارفينش علاش حتى تسمع صوت محمد من البيت:أتهجروووه...تݣعد نتا وياه لعند مك

ياسين:(باقي كيضحك)عهعهههههه حياتو كلها عمرو ݣال لمليكة حتى صباح الخير

يونس:اوا الحب(شاف فحفيضة)الله يطعمنا

حفيضة:الله يمسخك ماتحشمو ماترمشووو جنس قصييف.

يونس:تصبحو على خير هاحنا مشيينا

-خرجو وجارين معاهم إيناس خلاو البقية كلها فين تلاح بقات نزهة راس فالراس مع ميمون وقالت:ننعسو فالأرض

ميمون:نعسو حتا فالسما هانيا ههه

ناضت جابت فراش مفرنسة ناشطة فرشات ليهم فالصالون فالأرض..فيها ماينعس كل واحد فسداري لكن هي باغيا تجرب نعسة الأرض عند دارهم..سيدة بكثرة البيورية ولات باغيا تجرب كلشي

تلاحو بجوج فالأرض جارين مانطة خفيفة عليهم..سدات الباب وتخشات فيه معنقااه ..حضنها حتى هو وحط يدو على كرشها:مكتحسي بوالو

نزهة:لا باقي تا نوصل ديك ربع شهور

ميمون:(قبلة فراسها)مكرهتش تدوز دغيا تولدي ليا

نزهة:(شافت فيه)مالك حنين هههه حسدت هادشي لي فكرشي غيكون عندو باباه حلووو..

ميمون:خصني غي فين نصرف الحنان ههههه

نزهة:صرفو فيا أنا لولة بعدا

ميمون:هههههه ناقصك..مغنخليش ولادي يعيشو شنو عشت..غندوز معاهم كلشي وغيقراو فأحسن مدرسة وغيلبسو أحسن لباس وغيسكنو فأحسن بلاصة تاحاجة مغتخصهم

نزهة:(بابتسامة)ان شاء الله..غتكون ليهم أحسن بابا(باستو ففمو وعضاتو)

ميمون:ريحي لجدك مبااغيش نݣلبك هناا

نزهة:(كتحكك عليه)وأنا بااغية ههههه كوية دار نسابك

ميمون:(كيعض ففمها)راه غواتك لي مصيبة ههههه

نزهة:(يديها قاست حجرو)نسكت هههههه..

بابتسامة لعوبة رسمها على شفايفو هز يدو وجرها من وجهها ناحيتو وبدا كيطبق على ثغرها قبلات جهنمية وبنهم مأنو كياكل فشي حلوة معلكة..وأكيد هي ميمكنش تسقل ديما كتبادرو تفس الشيء..كتقبلو بحب ويديها لتحت كدير مساج لشيخ الشباب خلاتو حمر قبل الوقت..قلبها على ظهرها وبشوي حتى ولى فوقها ..توقف للحظة كيشوف فوجهها الجميل بالنسبة ليه وعينيها المشفرين منيمين بحر القبلة لي خدات..نطق بحب:الناس تكبار ونتي تصغاري

دورات يديها على عنقو جاراه عندها عاضة على شفايفها بجرأة وقالت:غا فعويناتك أحبيبي

تبسم ونقض عليها بكم هائل من القبلات مخلك ليها فم وحنك وعين ...ويديه كتقلع ليها الفوقاني تالبيجامة متشوق بشوف صدرها..هاد الاخير مسلمش من مداعباتو ليها بحب واعجاب..شويا بدات كديماري ليه بالصوت وهو يسد ليها فمها بيديه كينهج قايل:باغيا مك تنوض لينا

نزهة:(بشهوة)بشويا ههههه

ميمون:(زدحها)خلينا ندقو على بنتي نشوفوها اش كدير

نزهة:(تقلبو عينيها)غتقتلها ههههه(عضاتو ففمو)

ميمون:مباغاش تحيدي منك هاد القاعيدة تالعضاان هااا(زدحها)لݣاي

ضحكات بشوي وبهمس مراعية للظروف لي هوما فيها فحين هو نغماتو وطلعات ليه الݣانة بكوية دوزوها صامت وكلها دلع وأنوثة متوقفو حتا جابو الربحة عاد تلاح جنبو كينهج وحتى هي كترد النفس قايلة:هلكتيني كانو رابطيينك

ميمون:نتي لي مسبقة الفم هههههه(جرها لحضنو)

نزهة:(غمضات عينيها فحضنو)مهم نشبع

ميمون:الى بقيت مقابلك ماغاديش تشبعي ههههههه غتبقاي ديما باغية

نزهة:ههههههه راه 34 سنة وحنا سادين عليها عششات ليا فيه الرتيلة

ميمون:(قرصها فيه)هذا غي معششة فيه الرتيلة وحلو هاكا كون كانت فيه الغمولية كي غيكون

نزهة:ههههههه بنين كي ديما

ميمون:(باسها فراسها)الزوين فيك هو مكتحيديش ليا الفراش

نزهة:حيت حتا أنا كيعجبني(كتحس بصبعانو عند كتافها)

ميمون:نعل حسك ههههه متنعسيش مزال الشوط الثاني

نزهة:(ضحكات بشوي)ولبيلانتيات هههههه

بغا يضحك بجهد وحبسها حيت سالاتهم ليه معطلهاش ناض ليها عاود عصر عليها وعصرات عليه حتى بردو دودتهم بجوج عاد لبسو عليهم وتخشاو ناعسين فحضن بعضهم..

نزهة:(باستو فعنقو)كنبغيك فراسك

ميمون:هه لا مفراسيش

نزهة:كنموت عليك الخضيضر ديالي هههه

ميمون:نعسي لجدك

ضحكات وغفات فحضنو بعد ليلة دوزو نصها علاقة حميمية...مفاقو تال صباح ..ناضت هي بكري صونات لسميرة وخرجات عندها كتفوه

نزهة:سمحي ليا فيقتك

سميرة:مالكي؟

نزهة:عفاك شي بيجامة من عندك

سميرة:مال هاديك؟

نزهة:واغااا أري اويلي

سميرة:(فهماتها)هههههههههههههه بايتين مقصرين هههه

نزهة:دوزي شدي النوبة على الدوش

سميرة:تسناي ههههههههه

مشات جابت ليها بيجامة ولوخرا دخلات دوشات بالخف وخرجات دايرا درة حياتي راجعة عند ميمون لي كان غارق فالنعاس..تنشرات حداه كتبوس فيه ففمو وفحنوكو وتهرو فعنقو ببوسات حتى حل عينيه بزز قايل:ريحي لنوض نݣلبك

نزهة:ياله دوووشت(بابتسامة)شفتي كوية النساب شحال حلوة

جرها خاشيها فيه ونيفو حطو فعنقها البارد وقال بصوت باح:كلشي دوزتو معاك هههه دوشتي(خرج وجهو كيشوف فيها)الزين مصبح علي بالدرة (شقمها ببوسة بجغها)كيجي معاك تعكفي راسك

نزهة:ههههههه البلدي لاخر..نوض للدوش

ميمون:تسطيتي لا؟؟غنمشي لدار ندوش

نزهة:اوا نفطرو ونمشيو

ميمون:نفطر بجنابتي؟؟سيري اختي سيري باغياني نولي مزلوط

نزهة:هادشي اينا جامع قريتيه؟؟

ميمون:جامع الشيخااات هههههههه(عضها)

ناض لبس عليه باسها فحنوكها وقال:العشية ندوز عليك عندي مانقضي

نزهة:(مفرنسة)واخا..فطر بعدا

ميمون:واخا

خرج كيتسلت حشمان يدوش عند النساب فحين هي جلسات كي البهلة كتفرنس عاجبااها الليلة لي دوزات نشطاتها..جمعات الفراش ومشات كتوجد الفطور ناشطة ماشطة ودوزات نهارها مع عائلتها ضاحكين..

فالعشية صونا ليها ونزلات مودعاهم مبسمة حيت رتاحت نفسيتها شويا..مع طلعات باستو فحنكو وهو يقول:شداكشي فضفارك؟

نزهة:صباغة(وراتهم ليه)جاتني زوينة ياك؟

ميمون:(قندش )نبقاو حنا غي نهضرو؟؟الزواق هضرنا عليه فالزنقة لا

نزهة:(غوبشات)من ديما كندير الصباغة فين عمرك هضرتي؟

ميمون:كديري الحمرة ؟؟كديريهم خفاف هادشي شفتها انا من بعيد..واحد اخر غيقشعها

نزهة:(الجواب الوحيد لي عندها)واحضيني

ميمون:كنهضر بصح..ممسلكينش هاد كثرة الزواق فالزنقة..غندخلو وغتمسحيها؟

نزهة:شناااهو؟؟نمسحها؟؟جالسة أنا كنصبغ ونبرض ونقطع باش فلخر نمسحها؟؟من نيتك؟

ميمون:هبطي صوتك أنزهة...هضرت وغنعاود نهضر..الزواق فالزنقة نساااايه باااقي..

نزهة:(غددها)ماشي شغلك..خديتيني هاكا نهار لول

ميمون:(عصباتو)تعاودي هاد ماشي شغلك تشوفي لي مايعجبك..شغلي الالة ..الى مقابلتكش نتي شكون غنقابل..كنتي مكتزوقيش وطمع فيك القواااد

نزهة:واݣول من لول القضية هاكا دايرا؟؟وليتي داير مني الحساب؟؟حسابك أنا عندي يد فداكشي

ميمون:(نيوفو تفرشو بالعصب)بلا خراا فالهضرة ..ݣلت ليك نساااي الزبل

نزهة:نتا لي مباغيش تنساا وداير ليا العصا فالرويضة..حاضيني فكلشيي خنقتيني

ميمون:الا مبدلتيش هاد العجب لي فضفارك مزال غندير معاك كثر

نزهة:(بزكارة)والله منحيدو

بقاو مني منك كيتغاوتو على حاجة تافهة..هو ولى على سبة خصو غي معامن وخاصة من جهتها حاضيها فالدخلة والخرجة وشنو كدير..ركبو الوسواس كيبقا يقول شمن تفاصيل حضا براهيم فيها حتى تحرش ليه بيها

وصلو وهي منفخة متقولش هادي لي كانت ناشطة وحتى هو غي حطها زاد متفادي يتعصب معاها ..

*****

صباح جديد فاقت فيه نزهة شابعة نعاس حيت ولات مدام نوعيسة..مكتلقا مدير كتمشي تنعس وتا الوحم لاعب عليها..لقاتو منشور حداها. .خسرات سيفتها وجات بغات تنوض وهو يجرها بعينين شبه مغمضين:صباح الخير

نزهة:صباح الخير(بغات تنوض وشدها)اشنو؟

ميمون:تمشي للطبيبة اليوم؟؟

نزهة:شمن طبيبة هادي لي خدامة فيام العيد؟

ميمون:وحدة كيعرفها جمال وعاود ليا عليها مزيانة

نزهة:(عوجات فمها)واخا

قرصها فشفايفها وقال:أرا متعوجي عليا داك الفم

ناضت كتلوي ففمها متجاهلاه حيت كيعصبها..وجدات الفطور فطرو وهي تمشي بغات تلبس ووقف عليها كي قباض الرواح..ساطت بعصببة وقالت:واش غتبقا حاضيني؟؟

ميمون: آش غاتلبسي؟؟

لاحت شنو فيديها بعصببة:مخارجااش باااقي.

قرب منها وجرها عندو بحنية قبل راسها قايل:متحسبينيش كنشك فيك..حسبيها غيرة وصافي..

نزهة:وليتي خايب معايا!!من ايمتا وليتي كدخل فلباسي

ميمون:منهار بديتي كتزياني..أنا وعيني مكتفلتكش واحد اخر شنو يدير..مغتعرفيش ݣنس الرجال بحالي أنزهة

نزهة:الصباغة وحيدناها حتى الحوايح نحيدهم!!

ميمون:(باس يديها)كتسمعي الهضرة خليك سامعاها..

تنطرات منو بعصبية ومشات كتقلب على شنو تلبس مالقات والو وهي تقندش كثر قايلة : كاينين غي دجينات

ميمون:لبسي جلابة

ساطت بخلق ضيق ومشات لبسات جلابتها ودارت فولار مع صنيديلة وهزات صاكها باقي عاقدة سبعة فربعة..شافها وضحك وقال:هانتي زوييينة بلا كثرة زواق

نزهة:حسابك غلبتيني غي مبغيتش تطرا لولدي شي حاجة أما نتا والله حتى مرييض

ميمون:(ذرعها بيديه خارجين)خلي المكور والمزوق نشوفو غي أنا

نزهة:يا نتزوق فزنقة يا نقطعو عليك فدار

ميمون:ههه غنشوفو

خداو الوجهة لعند الطبيبة النسائية لقاوها معندهاش ناس بزاف..شدو بلاصتهم بعدما سجلات معلوماتها ..خشات يديها فذراعو كتهضر بشويا:كرشي غتولي مقنبلة بحالها هههه

ميمون:مكور لݣداام

سمعات سميتها وناضو دخلو مبسمين ..جلسو فاص لطبيبة لي بدات كطرح أسئلة روتينية عاد دوزاتها للفحص..

وبالفعل وسط الشاشة بان رحمها والطبيبة كتهضر:هاد النقيطة لي مكتبانش بزاف هي البيبي

ميمون:(متبع معاها)بنت ياك؟

طبيبة:مانقدروش نعرفو دابا حتى دوز ربع شهور

نزهة:كلشي مزيان ياك؟

طبيبة:كلشي بخييير

مسحات ليها وخرجات تابعهم كيتسناو تعليماتها :التحاليل ديرهم ليا غدا..باش نعطيك فيتامينات يعاونوك..حاولي تريحي راسك فبداية الحمل حتى يثبتو

نزهة:دكتوغ واش نوغمال نكون كنعس بزااف

طبيبة:وي نوغمال..النعاس الردان قلة الماكلة

ميمون:(بعفوية)مكتحملنيش واش عادي؟؟

ضحكات طبيبة وقالت:وي نوغمال كيكونو الهرمونات ممقادينش توقع كلشي

ميمون:(شي شدو شي لا)واخا

كتبات ليهم التحاليل وخرجو كيضحكو معيباه:مكتحملنييش

ميمون:وا بزااف راه مكتشمينيش هههه

نزهة:كتعصبني ههههههنه

درعها بيديه وباسها فحنكها:عطي الراحة لراسك الالهم

نزهة:خصني شي مرا تعود تعاوني مبغيتش نشقا بزااف

ميمون:ههههه غا نتي و الجران لي والدين

فأحد المستشفيات الخاصة فمدينة الدار البيضاء كانت حنان رفقة محمد فواحد شومبغ كتسنى دورها باش دير الحصة الثانية ديال الشيمي..لونها شاحب والعيا متمكن منها بلا النفسية لي ضعيفة بجهد

حنان:خايفة

محمد:خلي إيمانك بالله قوي..غي صبري كلشي غيبقا غي تعاويد

حنان:كنتهلك أمحمد

محمد:(تنهد)ربي معااك(شد يديها)خلي ففمك الله

حنان:ماشي هادي هي الحياة لي خصنا نعيشوها أ محمد

محمد:ربي دارني فطريقك من جديد باش نعاونك ومتبقايش بوحدك..ومزال غنعيشو حياتنا

حنان:إن شاء الله

دازت ساعتين وجاو داوها باش تدخل تدوز الحصة الثانية..فطابق كولو مرضى السرطان لي الى دخلتي ليه غتحمد الله وتشكرو على النعم فاش عايشين..مرضى السرطان كيصارعو كل نهار الألم وكيحاربو بجسمهم الهزيل لي مخلا فيه العلاج حتى ذرة صبر..كيصارعو المرض وداخلين فحرب يا غالب يا مغلوب..

تسناها برا كيتنهد وفداخلو كيدعي معاها وأكبر حسرة كيتحسرها هي على أيامو لي قضاها بعيد عليها..يمكن هو رجل تقليدي بامتياز وواعر وحار ومكانش الإبن البار لكن حبو لبنت فاطيمة عمرو زاال حيت كان أول حب..

وقف الطبيب المختص بحالتها محيي محمد وقايل:موسيو محمد ممكن دقيقة من وقتك

محمد:واخا

تبعو للمكتب ديالو وجلس فاص ليه كينتاظر شنو ممكن يقول حتى نطق بالقنبلة قدامو:حالة المدام حنان ماغادياش في تحسن إنما العكس..الجسم ديالها مناعتو ضعيفة

محمد:شنو نديرو باش نطلعو ليها المناعة؟

الطبيب:غنكون معاك صريح..مراتك كتاشفات المرض معطل

محمد:ماشي هادشي لي ݣال الطبيب ديالها

الطبيب:سي فالفحص الأولي تبين غي المرض مي منساوش راه مرض الكبد..والبنكرياس..تقاس ليها حتى هو وسرطان البنكرياس صعيب يتداوى ..نسبة النجاح فيه هي 1٪

محمد:(رعداتو هضرتو)كيفاش زعما؟؟

الطبيب:غنصحك نصيحة طبيبة..مراتك مناعتها طايحة بزاااف ..العلاج الكيميائي غي ماغيزيد يضعف مناعتها..نصيحتي ديها للدار وخلي ماتبقى من حياتها يدوز بعيد على الدوا..المرض عندها كينتاشر وبزاف

محمد:(قلبو كيضرب)غتموت؟؟

الطبيب:الأعمار بيد الله أناا غي عطيت رأيي كطبيب..الحصة جايا منقدرش ندخلها حيت مناعتها كضعاف ورا كل حصة..

تزير محمد ووذنيه كيسوطو..وجهو ولى حمر بلا بؤبؤ العين لي تفيكسا فبلاصة وحدة..خبر نزل عليه كي الصاعقة والطبيب كان كلامو على يقين..سرطان الكبد والبنكرياس مكيتداواش بتاتا إلا فئة قليلة فالعالم حيت كيضرب جميع الأجهزة

ناض بدون مايهضر خرج لبرا فين خلاتو كيمسح على وجهو وينهج وهضرة الطبيب متعاود فوذنو ..زفر بقلق ناطق:الله يدير شي تاويل ديال الخير ياربي..

بقا جالس فالإنتظار كيتسناها حتى بانت لمعة دمعة نازلة على خدو شاقة طريقها من تضاريس وجهو الشاهدة على زمان طويل..زمان لو يرجع بيه للور مكانش غيطاوع مو بتاتا

حسرة وصدمة ووضع أمام الامر الواقع..فاش كيقوليك الطبيب صافي ما بقا أمل او كيخسر عليك جملة وحدة وهي "ديوه لدارو مبقا عندنا مانديرو ليه"

هنا كتكون عارف أن الحقيقة الموجعة لا مفر منها وكتولي عايش على أساس أن الشخص الآخر غيموت..

*****

- بعد مرور قرابة شهر ونصف -

عيد الأضحى على الأبواب..بقات لو عشر أيام والمغرب كولو من طنجة للݣويرة فيه جو العيد المغربي بامتياز..الزناقي عامرين بالناس كتبيع وتشري فجميع مستلزمات العيد..

فبيتهم..عش زوجيتهم كانت واقفة قدام المراية لابسة كسيوة حد الفخض والشعر جامعاه للفوق..كتبان كرشها شويا مطرااسية منفوخة شويا حيت الكسوة لاصقة عليها فالأسود مع كلاكيط ودايرا خلخال فرجليها..تبسمات وهي كتمرر يدها على كريشتها كيف كدير كل صباح حاضية نموها بشغف...

دخل كيمسح وجهو بفوطة ويديه، كان كيتوضى وقال:بقاي حاضية ديك الكرش هههع.

نزهة:زوينة هههه

جا عندها تحنى باسها وقال:مرضية باها

نزهة:هههههه راه غيطلع ولد غي هني رااسك ههههه

ميمون:أنا عارف غتكون بنت

نزهة:خصني غي نولد على خير وبخير لي ولدت مزيان مهم يكونو من ميمون..

ضحك وهز الصلاية شاد القبلة وقال:باقي غتخرجي؟

نزهة:اه خصاتني شحال من حاجة

ميمون:نصلي ونديك

نزهة:خليني غنمشي مع مي بغات تقدا..حنان مريضة مديالش تخرج معاها..

ميمون:(كيضورها فمخو)مع مك؟؟واخا

نزهة:الله يقبل. .

بدا كيصلي فحين هي مشات كتقلب على ماتلبس مع سالا الصلاة لقاها كتلبس كسوة طويلة حجابية وواضعة شالها وكترش ريحتها ..

ميمون:دوشي بيها وتهناي

نزهة:ههههه الله يستر..

ميمون:(هز سروالو مد ليها الفلوس)ها باش تقداي..غنمشي للمحل

نزهة:اوك بيبي

ميمون:بدات تبعصص عليا بالفرونسي تاني هههههه متعطليش أنزهة وفوتي الزحام..

نزهة:واخا(باستو فحنكو)بسلامة

مشات كي الفراشة فرحانة غتقدا لدارها للعيد الكبير أصلا هي هذا هو جوها ولي كترتاح فيه...أما هو شد الطريق لمحلو وكان مع الدراري كيستفو السلعة وبرفقتو ياسين لي بدا معاه الخدمة حتى دخلو خوتو كاملين بإستثناء براهيم..

ميمون:(تبسم)أهلااا ولاد الزاهية(كيسلم عليهم)..

صالح:فين المصري؟؟لباس؟

ميمون:الحمد لله ونتوما؟؟مݣلتوش ليا جايين؟؟

منعم:غا خطفنا وصافي

عبد الهادي:اوا شهراين ماطلعتي ماشفناك ݣلنا نجيو حنا

ميمون:مرحباا الله أودي..ريحوو..

جاب ليهم كراسا كامليين وجلسو كيهضرو ويذاكرو عادي على الحال والأحوال

ميمون:كون جبتو مي!

صالح:مكانتش غتبغي تجي حمممم بغينا نهضرو معاك أميمون

ميمون:فاش؟؟

عبد الهادي:ولكن إلا غاتعصب علينا بلاش

ميمون:الله يسمعنا خير مالكم؟؟

منعم:هضر أصالح

صالح:حممم..حنا كلنا عارفين أش طرا؟؟وعارفين أش وقع وكلنا حضرنا لشنو وقع..

ميمون:(عقد حجبانو)ومن بعد!

عبد الهادي:حنا جينا باش نهدنو النفووووس ومتبقاش العداوة بيناتكم فلخر كتبقاو خوت..

ميمون:(طلعات ليه القردة)عمري عايرت شي واحد فيكم ياك؟؟وا دوخو عليا دابا قبل مانبدا نسب فعرووقكم(وقف معصب).. ..

-وقفو كاملين وهو ينطق صالح:نعل الشيطان أميمون العواشر هادي..وخوك راه من دمك عمر الدم مكيولي ما...مݣلناش لا! آه عارفينو غلط ولايني راه ندم كون تشوف حالتوو راه يعز عليك..

ميمون:(رفع صوتو)شوف القوا د نتا وياه..لا تجيوش تفرعو ليا كري بهاد الديسك ديال الشرفة إلى نتا وياه نفسكم خاوية أنا لااا...الى نتوما خوتو من مو وباه أنا راه نسيتو ݣاع واش كااااين؟؟كي كنبان ليكم أنا؟؟دروييش آه وصبار ااه ولكن باش تقيسني فعرضي ...نحسب ربي مخلق حتا واحد..

منعم:مالنا فتخسار الهضرة..العواشر هادي جابيين نصلحو لا كان مايتصلح

ميمون:(كيترعد بالأعصاب) إلا نتا قابل مراتك يضور بيها خوك وتسكت وتسامح أنا راجل علييك..

منعم:(غوبش)ولينا فالمعيور..

ميمون:غنعاير ونخلي دار عشتك حيت خوك وكبر منك. ..والى نتوما سرطتوها ليه أنا واخا نشوفو كيمووت مغنحنش فيه...لي غدر بيا وموقفش بيه فحلقو طعامي وخيري نفرح ليه؟؟

عبد الهادي:ميمون راه فاهمين وعارفين ولكن....شوف بحساب مي حتا هي واكلة الدق..

ميمون:مي لبغات ولدها تمشي عندو أنا محابس حد على حد(هاز يديه للفوق)منهاري عايش بوحدي وكبرت بوحدي وغنموت بووحدي لا كتاب...والى نتوما مرجالش وتقبلو على عيالاتكم الذل أنا حار عليكم..

صالح:ما معاكش المفاهمة

ميمون:(بصوت مرتافع)هاد المفاهمة زيدها فك رك نتا وياه...ملي وليتو تجيو من صف ق و ا ** د ديال الخلا ..مݣلتيش مع راسك نتا وياه يمكن يكون ضار بعيالاتكن؟؟مخفتوش على بناتكم؟؟ياكما حسابكم مكلخ ولا دمدومة..كنفهم كلشي وكنميك وكنݣول ماعلييش خوتي هانياا حيت دايركم رجال ولكن باش تجيو لعندي ولمحلي وتطلبو مني نسامح لخوكم هنا ثقبتو معايا الورقة والكلام لي عمركم سمعتوه مني غتسمعوه(ضار راجع لداخل)الطريق لي جابتكم ترجعكم..

تسمع صوت كيناديه بهدوء مغيخفاش عليه بتاتا..ضار بسرعة فإذا به كيشوف براهيم بشحمو ولحمو مربي اللحية وكيبان عيان وندماان وحشمان حاني راسو مقادرش يشوف فيه..غي شافو ولى بحال الثور فاش كيشوف اللون الأحمر..حرك عنقو يمين شمال وحاول يثبت أعصابو ماباغيش يقيسو حدو نطق ببرود:غتخرجو وتديو معاكم هاد الشما تة ولا الصطافيط هي لي غا تجي وتجمع

الزا مل بوووه(كيشر ليهم بصبعو)ياله غبر!!

براهيم:(قرب خطواتو)ميمون سمع ليا خوووياا أنا والله حتا نادم

ميمون:(بسخرية)حياتك كاملة غتبقا كل ب..والكل ب النباح مكيعضش..غي نتا باش تضرب ولد المصري دزتي لأق ود بلاصة وهي مراااتييي..الى كان كيحسابك غنتيق بيك راه غي كضيع الحجرات معايا...أنا أولد القح بة ماشي دمدومة تعشرت مع لي رجل منك وعارف الق حاب من الناس..ونتا زااام -\-\ل وغتموت هاكاك..

براهيم:(بندم)لي ݣلتيه فيا عندك فيه الصح...درت الفالطة ولايني نااادم..الشيطان لعب بياا..

هز ميمون يديه سدد ليه لكمة لنيفوو حتا طوش الدم فالبلاصة وقال بالغوات:الشيطان مبانت ليك غي مراتتي؟؟غي شرفي تشوف فيه...كنت دايرك خويا وممخلي مداير على قبلك..عرسك ودرتو ليك وولادك وصرفت ليك عليهم ل نتا ا لا هاد الشما يت لي جايين معاك وفرحانين حسبيني شم -\-\اتة وغنسا كلشي ونݣوليهم الله يسامح ولكن الغلطة ديالي ديما مولفكم الله يسامح تديروها فحقي يغرق فيها الجمل وننسا...أنا لي مخلي الما دايز وساااكت أما تريكة الشريف بحالو ميسواوش ومافيهمش الخيير!!

صالح:ولينا فالمعيووور ياااك؟؟

ميمون:غتهزو عليا هاد الشماتة وتخرجو تقا ودو علي ولا نسلخ جدكم كاامليييين ...جايبين ليا ق و ا د مأمنو على داري ومخليه فيها ويضور لياا بمرااتيي واخة نكون عدووه

عبد الهادي:ميييمون صافي أخويااا

ميمون:خرج عليا براا نتا وياااه..متحطووش رجليكم فمحلي مرة خرا ونتا الى ما فرقتيش ساحتي غنغرقك بمونتيف تبغي غي تشوف الشمس ومتعرفش فين جااات...ضربوك القنات ما لقيتي فين تبات ولا فين تنعس..جيبك خواا داكشي باش جاي تطلب السماحة.. ياله براااا..

خرجو مصافين ومتابعين حانيين الراس..نواو يصلحو بينهم وخرجو بالمنقي من خيارهم..عمر ميمون ماعايرهم ولا سبهم كان كيشوفهم كيديرو الغلط وميعايرهمش بتاتا كيهضر باللتي هي أحسن..على حساب تفكيرو كيشوف بلي أداوه بأكثر طريقة بشعة..نقطة ضعفو نزهة حيت عمرو حلم يلقى لي تبغيه بديك الطريقة وهادشي ترسخ فعقلو من مواقف كثيرة دارتها معاه نزهة ديما كيجي فبالو ..

-"بغاتني كثر من والديا"-

خلاو دموو كيغلي عليهم كيمشي ويجي فالمحل ويعرعر بينو بين رااسو حتى زعف وهو يهز سوارتو وخرج مالقاهمش باقي..قصد دارو يبدل الساعة بخرا ومورالو واالو مشاا..

أما الخوت راه طلعو لطونوبيلاتهم وقصدو قهيوة جالسين فيها مع براهيم لي غي حاني راسو نادم حيت تحوزق ومبقا عندو الريال ..حفصة طلقاتة ورماتو ومشات لدارهم وهو بقا لا دار لا دوار لا أم..هاد الأخيرة لي ديما كيجي عندها وكتجري عليه بدون ماتشفق عليه الشيء لي خلاه يتدمر

منعم:شوف ليك المصري شبعنا معيوور

براهيم:نستاهل

صالح:نتا تستاهل وحنا اش درنا؟؟هادشي غنعاودو لمي

عبد الهادي:سير عاودو ليها وتشوف لا ماتبعاتك لهاد مجبد البلا بالسخط حسابك غترحمك على قولتها هي لي قدر يخلي ميمون قادر ينسى لوخرين..

براهيم:مكانش غيبغي يساامح(تنهد) ..

صالح:درتيها يغرق فيعا جمل لي ݣال فيك رااه عندو صح

منعم:زاااد فيييه ولد المصري ..لحاصول درنا لي علينا أخا براهيم مبغااش صافي خليه ..

براهيم:وأنا؟؟ لا دار لا دوار..مي مبغاتش باقي تشوف فيا

صالح:غادي تبرد وترجع تهضر معاك ولكن الدار منظمنش ليك ترجع ليها حيت ديال ميمون..

عبد الهادي:دابا ݣاع ملي حاملة المرا الى ولدات ليه الولد صافي غي نكبو الما على كرووشنا

منعم:من نهار خداها وهو مبدل.. السيد ولى غي مخرج عينيه

براهيم:الله يدير شي تاويل بغيت غي مي ترضي علي راها مق ودة عليا

صالح:مدرتي فيها مايصلاح..

▪▪▪▪▪▪

الناس أنواع وأشكال لكن النوع لي مكيبغيش يتفهم هو النوع لي وجهو قاسح لي كيجرحك ويغدرك ويضرك

ويقتلك ويجي يخسر عليك

-"الشيطان..ولا اسمح ليا"-

عمر سمح ليا مكداوي القلوب ولا كتصلح لي فات غي كنعتابروها كلمة لتصفية الخاطر لكان فيه مايصفى لكن فحالة ميمون كان صعيب عليه يتناسى...كلشي الا الغدر..

- تزعجهم ردة فعلك.. و بأفعالهم لا يشعرون.. -

دخل لدارو منيرفي ونفس الحالة اللولانية بدات كترجع ليه..حاول يكالمي راسو ..مشا صايب شيشة وربط الإتصال بياسين يعلمو بأنه مغيجيش..شد قنت فالسدراي وجلس كيشيش وعينيه مفيكسين فبلاصة وحدة لمدة طويلة حتا شاف الإتصال من مو..حط التيو ديال الشيشة وشد الخط..

ميمون:الو

الزاهية:أوليدي ..كيداير

ميمون:بخير أمي ونتي؟؟

الزاهية:نحمدو الله ونشكروه..كي دايرا نزهة؟

ميمون:لباس عليها أمّي

الزاهية: إوا شتك ماجيتي ماطليتي..والعيد قرب..

ميمون:مغنعيدش أمي تما..غنعيد فداري

الزاهية:(بصدمة)وعلاش؟؟

ميمون:(خلقو ضيق)مكاين والو أمي غي معنديش الݣانة نجي

الزاهية: يااك أوليدي تعطيك خاطرك تعيد بلا مك يااك..وأنا لي كنتسنا غي امتا تجي ونفرحو ونتجمعو معاك فالعواشر

ميمون:عذريني أمي معندي جهد ولا خاطر نجي..راكي عارفة لي كاين..

الزاهية:أوليدي راني عارفا أش كاين وعارفا أش جاري فيك ولايني العواشر جي عيد معايا أنا وخوتك راه مكاين لي يقلقك ولا يقلق نزهة..

ميمون:ماشي هاكاك أمي..غي داك القنت كرهتو وصافي

الزاهية:الى على داك المسخوط راه مكيطوفش بهنا غا تهنى

ميمون:حتا نرد عليك أمي

الزاهية:متخسرش ليا خاطري أوليدي وجي عيد معانا

ميمون:يكون خير(تنهد)

الزاهية:أرا ليا نزهة نهضر معاها

ميمون:خرجات مع مها تقدا مكايناش..

الزاهية:واخا أوليدي سلم عليها

ميمون:مبلغ بسلامة أمي..

قطع معاها وزفر بتعب معارف مايدير من جهة مباغيش يحط رجليه تما ومن جهة مباغيش خاطر مو يخسر..دخلات نزهة مع الباب هازا بزاف تساشيات وهي تنطق كتنهج:اوووووف عييييت

ميمون:(ناض شد من عندها)صوني ليا ديك ساعة

نزهة:(باستو فحنكو)محسابنيش غتكون فالدر

ميمون:جيت بكري..

حط الساشيات وشافها كتحيد شالها وتدير البرد لراسها ناطقة:علاش رجعتي

ميمون:(رجع جلس وهز تيو)تعطلتي؟

نزهة:وا راك عارف التقدية (ناضت هزات ساشية)جبت ليك واحد الكندورة فنة فالݣرونة(جبداتها)غتجييك زوينة..

تبسم ليها بلطف ومد يدو شدها وقال:تهليتي فينا عاود هاا

نزهة:نوض جربها نووض ..

ناض من نيتو لبسها قدامها ومشا حدا المراية

قايل:كتعرفي تقدااي

نزهة:(جايا وراه)جاتك زوينة عبااار هههه بالصحة

ميمون:(جابها قدامو فاص للمراية ودار ذقنو فوق كتفها)كتبغيني أنزهة؟

نزهة:(باستغراب)علاش هاد السؤال؟

ميمون:(باسها فحنكها)بغيت نعرف وصافي

نزهة:(بابتسامة لعوبة)لا ..كنموووت عليك هههههههه

تبسم ودورها دارها فحضنوو مزير عليها قايل:لهلا يخطيك عليا الزين ديالي

نزهة:امييين هههه

ميمون:ماخديتي والو

نزهة:لا عندي شلا قفاطن وشلا جلالب

ميمون:لي بان ليك

مشا كيحيد فيها ورجع لبلاصتو مخليها مشات كتبدل عليها حتى تمات جايا هازا ديسير مقطع..ريحات حداه وقالت:قاسحة عليا الشيشة أ ميمون نقصها شويا

ميمون:نسييت(ناض كيحل الشراجم)..

نزهة:امتا غنمشيو للقلعة؟

ميمون:غنعيدو غي هنا يمكن

نزهة:علاش؟

ميمون:هاكاك..داك القنت مبقاش كيعجبني..

نزهة:(فهمات الموضوع)لي بان ليك

*******

رغم أنه مباغيش يعيد فالقلعة وأنه معندوش الݣانة لكن إتصالات مو وإلحاحها عليه خلاتو يحشم ويمشي للقلعة ..

الزاهية كانت ساقت الخبار لشنو دارو ولادها خبرها عبد الرحمان..هاد الأخير لي جا عندو براهيم كيطالب بالصلح لكنو طلاه وصبنو وجرا عليه..وملي عرفات الخبار حيحيات وعايرات وطلاتهم مخلات فيهم غي لي نسااات حتى حناو الراس وحشموو..كلشي الا تقلق ليهم الزاهية

مع المغرب كانو وصلو للقلعة لي بمجرد ماوقف ميمون قدام دارو حس بخاطرو مزير ورجعو ليه نفس البلانات لدماغو..ستغفر الله ونزل برفقتها تلقات ليهم الزاهية وعريساتها بالبسمة والفرحة واخا ميمون مكانش ناشط بتاتا داير غي الخاطر لمو فقط..حتى خوتو كان سلامو معاهم بارد..

الزاهية:كي بقيتي مع الوحم؟؟

نزهة:شويا أخالتي..نقصات بعدا التقية غي النعاس هلكني

نادية:عادي أختي..غا دوز تلت شهور غتولي بخير

سناء:معرفتيش شنو عندك؟

نزهة:باقي ݣلت ورا عيد الكبير نشووف..

فتيحة:تولد شي مصري لوين بحال بااه..

نزهة:على هاد الوحم لي جاني عليه خصني نولدو كيشبه ليه واخا هو باغي بنت..

الزاهية:لي جابها الله مرحبا بيها..غا هو أنا تريكتي كلهم كيفرخو الدراري بزااف راه عندي غي جوح بنات حفيدات

نزهة:ماعرفت أخالتي أنا نيت بغيت ولد هو لي ديما بنت بنت ههه

الزاهية:البنات حنانات ابنيتي..نوضي رتاحي ليك شويا ..

ناضت نزهة هازا صاكها طلعات للفوق ياله سدات الباب وحيدات الشال دخل هو وقال:علاش مݣلتيش ليا طالعة؟

نزهة:خصني نݣولها ليك؟؟

ميمون:اه

نزهة:(جراتو)رخف فيك النفس شويا راه باينة فوجهك محاملش تجي..واخا غا على وجه خالتي..

ميمون:(نيوفو تفرشو)محااملش نجيي

نزهة:يوماين دغيا تدوز ونمشيو صافي

حرك راسو بالإيجاب ومشا تنشر يتكا وحتى هي تكات حداه..

****

-صباح العيد الكبير..أصوات الأضحيات كتسمع فكل دار..وجو العيد حاضر عند الزاهية صابحة على الصباح طالقة البخور ومحزمة ومرزمة ومكفضة لتمارة العيد واخا هي مكدير والو حدها كتأمر

إستقبلات القبلات والتهاني والتبريكات من عند ولادها والتبسيمة مشرعة وجهها غا دوز وترضي عليهم وعلى طبلة الفطور دوراتهم بيها كيفطرو ضاحكين ناشطين عاديين إلا ميمون لي غي كيتبسم فقط..خاطرو مغير وجالس غا بزز

صالح:ياله الشرفة نوضو لي عندو شي أضحية يمشي ليها

ميمون:نبدل ونتبعكم للسطاح..

مشا فعلا لبيتو بدل عليه ولبس سروال قندريسي وكلاكيط مع تيشورت نص كم ..دخلات عليه نزهة وقال:الزين

نزهة:كتعرف تذبح أميمون؟

ميمون:اه

نزهة:شكون علمك؟

ميمون:خالي..هو معامن كنت كنعيد وكان كيعلمني

نزهة:تزعطت عاود فيك ههههههنهه

ميمون:غا البارح مكنتيش حاملاني هههههه

نزهة:كتعصبني

ميمون:مطلعيش للسطاح والى غطلعي لبسي عليك شي حاجة طويلة

نزهة:(هزات حاجبها)منشوفش ضحيتي كتذبح؟؟مريض نتا لا..وشكون غيغسل الدوارة ..جدة!؟؟

ميمون:جوابك على نابك ههههه(طلعها وهبطها)دوزي ياله نشوفو واش حادݣة فغسيل الكرشة

نزهة:(طانزة)يععع

ميمون:زيدي زيدي ههههه(ذرعها بيديه)

طلعو لسطاح الكبير فين كانو الحوالا كل واحد وديالو ومعزة ديال الزاهية على حساب السكر..بداو عملية الذبح كيفما نص عليها الإسلام ..ذبحو كلشي وسلخو كلشي وكل عروسة شدات دوارتها غسلاتها وتكلفات بيها فبيت فسطاح أما الرجال راه محنهم المعزي خلاوها ماليها " سليخ المعزي واعر" كيفهم كيف أي عائلة مغربية كملو ذبيحتهم ونزلو كاملين يدوشو..كانت نزهة هي لولة سالات الغسيل بقا ليها غي الراس خلاتو حتى يتشوط وهي تقول:خالتي أنا غنهبط نبدل عليا ساليت كلشي..

الزاهية:سيري

نزلات لبيتها لقات ميمون كيلبس عليه بعدما دوش وهي تقول:تشويت بالشمس

ميمون:غا تكحالي شويا

دوشات عليها ونزلات للكوزينة كتعجن الخبز من تلقاء نفسها فحيت الرجال راع كيرتاحو..

المجمر زند والكبادي واجدين مع الشحمة باش يديرو بولفاف..ولي مقبلاه هي الزاهية لي جالسة قبالة المجمر كتلوي ليها نزهة وتعطيها تشوي..وكل مرة جاي برهوش باغي يذوق ..وريحة أتاي معطعط با ليقامة "النعناع"

كلاو وشربو وشبعو الكريشة..نزهة غلقات كل مرة خاطفة قطيب شهوتها فيه وميمون حاضيها غي هي كيعطيها فالشوا حتى خرج ليها من وذنيها..لكن مع جلسات الماكلة نص ساعة فكرشها تروعات ليها وناضت للطواليط تقياتها كااملة وتم تابعها كيشوفها كترجع كلشي..

ميمون:غلقتي الحلوفة هههههه

نزهة:(كتغسل وجهها)ناري حطيت كلشي(شداتها البكية)

ميمون:هههههه ومالكي غدمعي دوزي نشوي ليك عاود

نزهة:لالا مبغيتش حلقي زاافر..بغيت الموناضا

الزاهية:(طلات عليهم)تي كلشي رجعتيه؟؟مكتبقاش الماكلة فكرشك

نزهة:والو اخالتي الى مشربتش الدوا كنرجع كلشي

الزاهية:ماعليش..

ميمون:انعطيها الموناضا

الزاهية:ممزياناش ليها أوليدي

ميمون:(شاف فيها)دوزي ضربي الزعتر وتكمشي ..

خرجات سخفانة رجعات حداهم صفرة شربات غي أتاي وسقلات..ناضو العريسات جمعو الماعن عارفينها هي مغتخليهاش الزاهية تنوض..

سناء:كون غا حملت فالعيد الكبير

نادية:ههههههه الله يمسخك

حكيمة:لي زين فالزاهية كتوحمنا نيييت ..

سناء:اوا هاهيا نزهة دروك كتوحمها هههههه زيدو نجمعو هاد الروينة..

عبد الهادي:أنا غنعس تسخسخت..

ميمون:انا برا غنشوط الريووس..

منعم:انا نعاونك

وبالفعل خرجو برا مزندين العافية بالعواد..خرجات ليه نزهة كاسكيط ورجعات دخلات مريحة مع الزاهية مجمعيين هي وياها دايرين كي القياد مكيديرو والو..أما ميمون راه كان مقابل الريوس يقلب هذا ويحط هذا ولي تشوط يحيد ليه ݣرونو بالمقدة الماضية لي فيديه...واحد اللحظة كان كيهز المقدة ويضرب الݣرون حتا سمع صوت مألوف ومغيخفاش عليه ..

واحد اللحظة كان كيهز المقدة ويضرب الݣرون حتا سمع صوت مألوف ومغيخفاش عليه:خويا..

-هز راسو كيلقا براهيم واقف عليه وعينيه حاملين الندم ..دفل فالأرض ووقف ليه بالمقدة فيديه قايل:شخصك؟؟نبقاو حنا غي نعاودو الهضرة مع الز امل بووك

براهيم:الله يرحم ليك باك سمح ليااا...والله حتى نادم

منعم:(وقف)براهيم سير منهنا متشوفكش ميي بلا صداااع

براهيم:مغنمشي حتا تسمع ليا أخويا...أنا مزاوݣ نبوووس ليك رجليييك غي سمح لياا..

ميمون:(رفع صوتو)ضور تقا ود ولا نهبط على جدك بهاد المقدة مايلقاو مايجمعو فيك..(باستهزاء)ضربوك القنات ورجعتي كي والو يااك؟؟

براهيم:(عينيه دمعو)أنا متايب الله اخويا سمح ليا...حتى مرااتك نطلب منها السماحة عمري نطوف بساحتها..

ميمون غي جبد ليه مراتو هز المقدة بدون مايحس هبط عليه بيها بدون تردد وتسمع غوات منعم باسم براااهييييييم

أما الداخل سمعو الغووات وخرجو كيجرييو كلشي إلا نزهة لي كانت شادة تيلي كتسمع فوذنها صوت مها من مكاالمة هاتفية كتقول ليها جملة وحدة:بنت فاطيمة ماتت أنزهة ..

"الموت"

-أحد الحقائق التي لا يمكن إنكار وجودها

***

-خرجو كاملين كيتجاراو حيت سمعو الغوات وصوت المقدة تسمع فالأرض..وقفو عليهم وكلشي شهق جاو مع ميمون شانق على براهيم ملصقو مع الحيط خانقو والمقدة فالأرض..مضربوش بيها بالجهة الماضية إنما بسط المقدة ونزل عليه بيها لذراعو بدون مايتجرح..

تدخلو الخوت كيفارقو بيناتهم هو لي شانق عليه مزير من عنقو قرب يخنقو ..هاد الأخير لي عينيه خارجين من التزييرة لي مزيروو..بزز باش جرووه مغدد وكيغرق ليه فجدودو وطوااسلو وكشاكشو خارجيين: قاا ووو دددد عليا من هناااا

جمال:(كيدفع فبراهيم)تݣعد من هنااااا فحالك

الزاهية:(كتشوف فبراهبم بعدم رضى)هادا حالك المسخوووط...ماݣرش فيك طعام خوووك

براهيم:(كيبكي وناض تلاح على رجلين مو)هالعارر أمي سمحي ليا..سمحي لياا والله منعاااود ندمت أمي ندمت

الزاهية:(رجعات لور ببرود وعينيها عامرين حقد)لي يغدر خوه غيغدر موو..نوووض علييييا(هزات عليه صبعها بتهديد)عمري نشووفك حطيتي رجليك فدااااري مانا مك مانتا ولدي

دخلات بكل برود وحقد ..إنسانة لا تسامح و مكتغفرش الزلات الكبرى بتاتا..كاين نوع لي كيبرد وكيسامح وكاين لي كيسامح ديك ساعة ولكن كاين أسوأ نوع هو لي مكيغفرش وكلمتو مكطيحش للأرض وهاد النوع هو الزاهية..

خزر فيه ميمون مزيان دفل وتم داخل مقندش خصو غي معامن..نعل الشيطان فآخر لحظة ورجع لور..بقاو الخوت برا كيشوفو فبعضهم مع عبد الرحمان وولادو لي لقى كلمة..

اخيرة:سير فحالك مابقيتيش محسووب مناا

صالح:يهديكم الله أخالي

عبد الرحمان:(خزر فيه)الى نتا تقدر مزال تحط مراتك معاه وولادك تبعووو

كلشي دخل ميمكنش يعصيو كلام الزاهية وعبد الرحمان مخلين براهيم بوحدو ضاربة فيه الشمس ومتأسف على حالو..

اما الداخل كانت نزهة شادة راسها كتبكي ويديها على الطبلة ودموعها ملاقييين عند ذقنها..مع شافها ميمون شعل كثر حساابو كتبكي على وديت براهيم..صرخ بصوت عالي: مالنا؟؟شكاين؟؟

هزات فيه رااسها باكية ووجها مسيق نيت بالدموع ونطقات بكلمات بين شفايفها:حنان مرات خويا ماتت..

جمد بلاصتو للحظات حتا مص من الداخل ديالو الغضب..زفر ومسح على وجهو ناطق:إنا لله وإنا اليه راجعووون

قرب بخطوات سراع عندها ذرعها بيدو وقال:عاد دابا؟

نزهة:(كتشهق)هءهءهء اه صونات ليا مي..خصني نمشي

ميمون:نوضي لبسي نمشييو

الزاهية:(كانت واقفة سمعات كلشي)الله وأكبر..يااربي ترحمها وتغفر ليها ياربي(باقي فيها الخلعة تالغوتة)نوضي ابنيتي نمشيو نوووضي يعلم الله بحالة داركم..

ناضت معاها كتبكي وتقول مابكيت..عزات عليها حنان حيت ياله تجمعات بخوها وتوفات..فحين ميمون بدل عليه وخرج شوانطهم لي باقي بلايصهم..ذاعت الخبار فالدار وقرر خالو ومو ومرات خالو وجمال غيرافقوهم..

لاحت عليها جلابة ومشات ركبات فسيارتو كتدمع باسى وراسها متكي على كتف خديجة مرات خالو وعينين ميمون عليها من المراية..يديه باقي مكنززين بالعصاب على براهيم وعينيه غي كيضورو كي مينوش.

****

-فاز السرطان وماتت حنان.

في صراع مع سرطان الكبد والبنكرياس لي تقاس ليها ..مشات الروح لبارئها بعدما فشل معاها الشيمي وبصريح العبارة خبرهم الطبيب لي السيدة مناعتها طاحت ومتقدرش تحمل مزال..

فالشهر الأخير كانت رجعات هازا خيبة أمل فقلبها بعدما عرفات بلي مكاينش الشفاء بتاتا وإن الموت لا محالة

وفبيت محمد كان جسدها فوق الناموسية مقبلة أكيد جيهة القبلة وشلا دوايات حدا راسها بعدما خرجات روحها لبارئها ومغطية كلها بإيزاار وحداها محمد حاط راسو على كتفها وكيبكي بصمت مقادرش حتى يغوت ويصرخ..

كان القدر معاه قاسي بزاف كأنه عقاب ليه حيت ضيع الفرصة لولة معاها واليوم بعدما تلاقاو ورا سنين عطاتو الدنيا بالظهر وخدات منو أعز ماعشق قلبو..

رضى كان جالس فالأرض ويديه فيديها الباردة مخرجها من ليزار..لي بمجرد ماحيدو محمد على وجهها بان شاحب وضعيف وأهم شيء كحل ظلام حيت المرض سراا معاها بزااف..منظرها وهي ميتة تقشعر له الأبدان..ووضع رضى وهو كيبكي بصمت على مو كان أسوأ..

🔙🔙فلاش باك

كانت ففراشها عيانة وعينيها كيشوفو فالسما وفمها محلول شويا كتسمع خرير أنفاسها بحال خرير المياه دال على صعوبة تنفسها...بؤبؤ عينيها أصفر ولونها تمزج بين الأصفر والأسود. .كأنها هاد السيدة عمرها كانت بيضة لأنه سرطان الكبد والبنكرياس كيضرب على جميع الأعضاء لي عندك حتى الجلد كيأثر عليه..كرشها منفوخة ورجليها كذلك..يد شادها رضى ويد شادها محمد لي ممحركينش من حداها كيسمعو لهضرتها لي ياذوب كتجمع الكلمات باش تنطقهم بعد شهر من العذاب والتعب اللامتناهي مع السرطان لي كل نهار كينهش لحمها وكل عضو فيه..

حنان:محمد ولدي ..متخليش ليا ولديييي..ولدي ماعندو حد(سرطات الريق بصعوبة)ولدي..

رضى:(باس يديها وناض باسها فحنكها)الواليدة سكتي شويا ورتاحي ..مغيوقع والو

دخل عبد الجليل معاه الفقيه وقال:محمد سي عبد الله جا

حرك ليه راسو وجا الفقيه عندها قلب عينيها وقال:مقبلة؟؟

عبد الجليل:اه

رضى:(برفض)شكديييروو؟؟خليو عليكم مييي غتنوووض

محمد:(بحرقة)رضى أجي اولدي خلي الفقيه يشوف شنو نديرو ليها

رضى:(كنزز على مو)لا..منحيدش من حدا مي

الفقيه:خليييوه..السيدة فيها سكرات الموت

محمد:(قلبو تزير وعينيه دمعو)شنديرو؟؟

الفقيه:القطن والما نقطرو ليها ونقراو ماتيسر من القرآن

لباو طلبو وجابو ليه النسا شنو خصو وبقاو واقفين والدموع فعينيهم على حالتها

حفيضة:(تنهدات)الله يشوف من حالها

سميرة:آمين ياربي

بدا الفقيه كيقطر ليها ويقرا عليها القرءان وهي فعالم ثاني لي تاحد معمرو عرف شنو فيه ولا غيعرف..إنما هو على حساب مكيعاودو بلي الانسان فاش كيفقد القدرة على الكلام وهو ففراش الموت كتكون تحيدات الجلالة لي على عينيه وكيولي كيشوف كلشي لي ميكشوفوش الإنس..وكتولي بينو وبين الموت خطوة واحدة

صوت القرآن كيتردد على لسان الفقيه لي شاد ليها فيديها كيشهد ليها باش وقتما تخرجها الروح تلقاها على شهادة..وكيف قالو لوالا "الله يثبتنا على الشهادة"..

اما حنان كانت بالفعل كتحاضر جسديا ونفسيا وفالمقابل راه محمد ورضى كيحتاضرو معاها..كيشوفها كتلفظ اخر أنفاسها فالدنيا ومقادر يدير والو..عينيه مضببين بالدموع ..دموع اخر العمر لي مكطيح حتى كتكون صافي وصلات بيك للعظم..

مرت ساعتين والفقيه محبسش من القراية وولاد عمهم كيذبحو الفوق ليهم حيت هوما مسالاوش بتاتا حتى واحد اللحظة تسمع شبه صوت حنان بحالا كتخرخر بحلقها..سبابتها مرفوعة فوضعية شهادة وفلحظة مكتقدرش برمشة سلمات روحها لبارئها ورتاحت روحها بعد صراع كبير مع المرض وبهذا كيكون السرطان فاز وماتت حنان

تعالات صرخة رضى لي بغا يطير عليها لكن شدو عبد الجليل مثبتو مباغينوش يكسر فيها الموت على مكيقولو لكن غواتو كان كاسر الدار كاملة وكينادي فقط ب "مي"

تنهد محمد بحسرة و طاحو دموعو على خدو مرورا بتجاعيد وجهو ..عينيه عليها ومقادرش يدير والو..مغيقدرش يعارض قدر الله لكنو فقط كتافى باستغفار وبكلمة "انا لله وانا اليه راجعون"

بكاء..صراخ ونديب من طر٦ق رضى أما البقية كانو كيتنخصصو مصبرين راسهم حيت كانو متوقعين موتها ..الفرق بين موت الغفلة وهادي هي أنه اللولة مكتعولش عليها كتكون قاسحة بزااف فحين لي كيكون الإنسان مريض كتخفف عليك شويا من الصدمة

*****

🔙Back

عبد الجليل:(بصوت حزين)خويا خصهم يغسلوها

محمد:الصمت

حفيضة:(دموع معمرين وجهعا)الله يرضي عليك اوليدي الى ماصبر راسك..جاو العيالات خصهم يغسلوها

وقف رضى قبل راسها وخرج مدرم ووجهو عامر دموع عارف راسو تيتم ..بكثرة الحرقة والألم طلع للسطاح فين مكان حد وعلى كرسي والشمس ضاربة فيه جلس وبدا كيبكي كي الولية شاد على صدرو لي كيحس بيه مزير وغيتفركع

"الى مات باك وسد الركبة والى ماتت مك وسد العتبة"..

خواو البيت للعيالات وبداو الجيران كيدخلو بعدما سمعو خبار الموت لأن حنان معندها حد من غير رضى..تغسلات وتكفنات وكاع إجراءات الدفن تكلف بيهم عبد الجليل اما محمد غي جالس وكيشوف كأنه مشوكي..لي داز كيعزيه وكيحرك غي راسو لاغير..وبسرعة تجمعات عائلتو من ولاد عمامو وعماتو يقومو بالواجب ونهار العيد عندهم تحول لجنازة..

دخلات خالتو ومليكة وبناتها جايين يعزييو حتا هوما..توجهات مليكة لعندو ونطقات:البركة فراسك اولد خالتي

حرك ليها راسو ودازت للبيت مع العزايا جالسة بينهم ومعاها مها وخواتاتها..وفوق من نعاش من العود مغطية بثوب أخضر هزوها الرجال ومشاو صلاو عليها صلاة الجنازة بحرقة من محمد ورضى لي كيصلي ويبكي .. وفمقبرة قريبة منهم دفن محمد المرا لي بغا فحياتو كاملة والندم كياكل فيه..راسو فيه سؤال واحد

"علاش مواجهتش مي وخديت بنت فاطيمة نهار اللول"

أما رضى راه تيتم بالفعل كان يتيم الأب وولى ستيم الأم..لا دار لا دوار ربي والريح..ذرعو محمد بيدو وجرو معاه للدار حانيين راسهم للأرض مباغيينش يهزوه حيت عارفين كي غيشوفو الناس غتنهامر دموعهم..والرجال على قولتهم مكيبكيوش وكيخبيو الحزن

مع دخلو للدار تلاقا ميمون وقف طونوبيلتو ونزلات نزهة لي غي شافت خوها مشات عندو عنقاااتو وزادت كتبكي وتهضر:الله يصبرك أخويا..فالجنة ان شاء الله تكتاب ليك

محمد:(بصوت متعب)آمين

ميمون:(سلم عليه)البركة فراسك اخويا الله يرحمها ويوسع عليها

محمد:آمين

نزهة:(عنقات رضى)الله يصبرك أحبيبي

حرك غي راسو وطلع ديركت مشا للسطاح جالس حاني راسو و كيبكي ويعطي لصحتو حاس براسو بوحدو ماعندو حد ..جلسات حداه إيناس لي معرفهاش امتا طلعات دموعها ماليين عينيها وقالت بحنية:الله يصبرك

رضى:الصمت

إيناس:(شافت فيه)أنا عارفاك غتكون مشوي عليها ومن حقك..

رضى:الله يرحمها

جات قدامو و تحنات على ركابيها وعنقاتو بحب قايلة:الله يصبرنا ياربي..دعي معاها

رضى:(طاحو دموعو وذرع إيناس مزير عليها وبدا كيبكي)مشاات ليا مييييي

ايناس:الله يرحمها(كتبكي معاه)الله يرحمها ياربي...دعي معاها..

بقا معنقها شحال كيبكي كي الدري الصغير حتى تهدن شويا عاد بعد كيمسح دموعو ..ناض غسل وجهو من الروبيني لي فالسطاح ورجع جلس ساكت مكيهضرش وتاهيا سقلات حداه غي مبغاتش تخليه بوحدو ويحس براسو وحيد..

لتحت كانت نزهة يديها من يدين دارهم لي كيسربيو اتاي للجيران تالعزايا..تاحد مكيعرفها مزيان لكنها كتبقى كنة حفيضة وخصهم يديرو اللازم..تكبات عائلتهم كاملة عندهم

أم مليكة:(بهمس)شوفي أديك اه..نوضي شوفي بات ولادك فين راه

مليكة:وأنا مالي أمي..برزطتيني نجي نعزي ايوا ياله فحالنا

أم مليكة:(قرصاتها بشوية وكتهضر تحت سنانها)بركي الأرض لا نوض نعاود ليك الترابي هادي هي الوجيبة..محمد خوا دابا هادي هي الوجيبة ترجعو كيف كنتو

مليكة:(ميقات فيها)غا بركي وحلمي عليا تم..نوضي فحالك حسن لينا درنا الصواب

ناضت مشات سلمات على حفيضة ببرود وخرجات راسها عارفا ولادها غيبقاو تما وتاهيا محكراتش بتاتا..

دار العزو كتكون عامرة وبكثرة التضامن والسلمية لي فالمغاربة لي داز كيجي يعزي رغم اي مشاكل كانو.. فالعزو كلشي يتلغى.. ..مخواتش الدار حتال العشا عاد مشا كلشي وبقاو غي مالين الدار

جات نزهة كتنهد . . رجليها حارقيينها جلسات معاهم فالصالون قايلة:فين رضى؟

عبد الجليل:فبيت مو ناعس..مسكين بكاا حتا عيا

الزاهية:الله يرحمها ياربي..الموت راحة الله يدينا حتى حنا فالضو

حفيضة:(بحسرة)بقا فيا وليدي مسكين حتا ݣال لقاها وتزوج بيها

سميرة:داكشي ديال الله..ربي مكتب ليها هاكا الله يرحمها معرفتهاش قديم ولكن راه الله يعمرها دار

نزهة:الله يرحمها ياربي ويثبتها عند السؤال

ياسين:الواليد معرفتو فين صاد؟

نزهة:خرج ݣبيل..خليوه على راحتو محامل يشوف حد

ميمون:(حمحم)الله يرحمها(ناض وقف)أنا غنمشي للدار..نتي باتي مع داركم

الزاهبة:أنا غنبقا هنا حشوومة نخلي الناس..

حفيضة:(باقي متحسرة)الله يدير بحسابك أختي

ودعهم وناض برفقتها نازلة معاه رجليها عاطينها الحريق..مع وصلو حدا الباب قال:سيري نعسي ترتاحي شويا..مريحتيش الأرض اليوم

نزهة:(عينيها تغرغرو)عزاات عليا مسكييينة

دارها فحضنوو مقبل فوق راسها ناطق:الله يرحمها ويصبر خوك وولدها

نزهة:اميين..

ميمون:بقاي مع داركم شي ايام ونجي نجيبك نتي ومي

نزهة: واخا شكرا..تهلا فراسك

ميمون:يكون خير(حط يدو على كرشها)ردي البال لراسك ..

*****

الجو كئيب فبيت نزهة حالهم من حال دار العزو...رغم انها معاشتش معاهم بزاف لكن ماشافو منها غي الخير والمعاملة الحسنة

دخل رضى عينيه حمرين ومنفوخين وهو ينطق عبد الجليل:رضى بغيتي تعشا

رضى:(حرك راسو بالسلب)لا بغيت ننعس

عبد الجليل:دخل أولدي رتاح شوياا

دخل تحت أنظارهم وتكا بعينين محاولين باقي الصدمة مأثرة عليه كل مكيقول عيونو جفو من الدموع كينزلو بسرعة من جديد..

سميرة:(تنهدات)الله يرحمها ياربي ويصبر هاد الوليد

الكل:اميين

حفيضة:نزهة تعشيتي؟؟نوضي متوحليش فراسك

نزهة: غير نقبت أمي معندي شهية

الزاهية:نتي واحلة فروحك وبلا والو كتسخفي

نزهة:معندو منين يدوز نمشي نتكاا وصافي

فمسجد الحومة كان محمد مربع رجليه كيقرا القرآن لابس جلابة عريضة وداير القب بيناتو كبير فالسن كثر من عمرو..كان كيقرا وعينيه مضببين بالدموع ماشي انسانة عادية على قولتو هي "بنت فاطيمة"

وقف الإمام عند راسو وربت على كتفو قايل:سي محمد

محمد:(سد القرآن)حممم

الإمام:خصنا نسدو الجامع..البركة فراسك مرة خرا

محمد:ممشا معاك باس

حط المصحف وخرج داير يديه فجيوب الجلابة حاني راسو وبالو معاها فقط. . وكيتساءل

".ياترى كيف غتكون أول ليلة ليها فالقبر..غتكون الأرض ضماتها وعصرات جسدها الهزيل لي مخلا فيه المرض والو..غتكون دازت من الأسئلة الثلاثة..."

وغيرها من الأسئلة لي عصرات دماغو وخلات دموعو يخونوه فالطريق..فين غادي معرفش..ولين غادي معارفش..فقط باغي يهرب من حقيقة موتها..هو أكيد ماشي كفر منو او رفض لقضاء الله لكن قلبو مزال خصو وقت باش يتقبل موتها

بقا من شارع لشارع حتى عياو ركابيه وجلس فالطروطوار كيشوف الغادي وللجاي ..دازو من حداه بزاف تالناس منهم الراجلين ومنهم لي راكبين وتقول واش حس بالوقت حتى وعى على راسو مع الطنناش تليل عاد تم راجع لدارو عياان حاني راسو..مع دخل مع لقا مو وخوتو واقفين كيتساءلو على غبورو حدو نطق:كنت فالجامع

تاحد مقدر يهضر ولا يسولو حالتو تعطيك العربون..حدهم حركو راسهم وشافوه تا دخل لبيتو مع حنان وسد عليه

سعيدة:عززز عليا والله

نزهة:الله يصبرو ياربي كان كيبغيها

عبد الجليل:دوزو ترتاحو هاهو بخيييير

تنهدو كاملين وكل واحد شد بلاصة تكا فيها..نزهة غي مغمضة عينيها النعاس مزارش جفونها بتاتا كتسمع للزاهية كتشخر وتعاود هي وسعيدة وحفيضة كيترادو

مغفات تال الفجر على صوت التقرقيب فالدار عرفاتو محمد لي ناض غي من تحنحينتو..

*****

أحبو بعضكم فالإشتياق بعد الموت لا يطاق..

-بعد مرور بضعة أيام

نزهة مع دارهم كيفطرو كلهم إلا محمد..خوات لرضى أتاي ناطقة:دوز كاسك ارضى مبقيتي كتاكل والو

رضى:شبعت

عبد الجليل:خصك ترجع للمدرسة غيبتي بزاااف

رضى:ضروري

دخل محمد برفقة ميمون لقاه قدام الباب..لقى السلام وتنشر حدا نزهة لي كبات ليه أتاي

نزهة:وصلتي خالتي؟؟

ميمون:حطيتها وجيت

حفيضة:نوضي حتى نتي لداارك عشر أيام مخليا راجلك بوحدو

نزهة:مالو صغير ههه

محمد:حممم رضى خصك ترجع للمدرسة

رضى:غنبقا عايش معاك؟؟

محمد:(بهدوء)وفين غتمشي؟؟غتعيش معايا هنا حتى تكمل قرايتك وتخدم

حفيضة:(بمزح)ونزوجووك إن شاء الله

رضى:واخا

كانت مابيدو حيلة بتاتا حيت معندو فين يمشي مكيعرف تاحد فما كان عليه غي يبقا معاهم ..

ناضت نزهة لاحت عليها جلابتها وهزات أغراضها..ودعاتهم وخرجات شادة فميمون لي غي ساكت..كي طلعو للطوموببل نطقات:بيك شي حاجة؟

ميمون:لا

نزهة:ومالك ساكت؟

ميمون:بغيتيني نشيخ ليك

نزهة:بااز

بقاو ساكتين مدة حتى وصلو للدار ونزلو..ذرعها بيدو من كتافها وباسها فحنكها وقال:توحشاتك الدار

نزهة:توحشت مولاها أنا

تبسم ليها بهدوء على غير عادتو ..دخلو للدار وهي تقول:نمشي ناخد ليا شي دوش..

ميمون:واخا

بالفعل جهزات مستلزماتها ومشات تدوش فحين هو صايب الشيشة وجلس فالكوزينة كيشيش كيتسمع صوت التيو حتال عندها..خرجات لابسة بيجامة حريرية ودايرا فوطة على راسها وريحة سبراي لذيذ كتشم منها..دخلات الكوزينة كيبانو ليها الدخاخن..جاتو من لور عنقاتو وهو جالس..باستو فحنكو وبقات محافظة على وضعيتها:مال ولد المصري مقلق ليا؟؟

زفر الدخان المنعش بريحة التفاح وقال:اجي

دورها لعندو وجلسها فوق رجليه وتيو ففمو كيبخ فالجهة المعاكسة

نزهة:مالك أميمون؟؟

ميمون:والو

نزهة:(كتلعب فلحيتو )هاد والو ديالك مريحاتنيش

ميمون:معندي والو

نزهة:(جمعات شجاعتها)منهار عرفتي بشنو وقع ونتا هاكا!!!فاش كتفكر أميمون؟؟

ميمون:(قبلها ففمها حتى تغلغلات فيها ريحة الشيشة)نساي شنو وقع..غي البال ممرتاحش..

نزهة:(كتنش بيديها)راني حاملة زعما...شنو لي ممريحش بالك؟

ميمون:كنحس براسي محطوط فالعافية..من جيهة مي مبغيتش نفرقها على ولدها ومن جهة انا مغنقدرش نعاود نشوف كمارتو فداري بلا مانقت لو..

نزهة:ݣالت خالتي شي حاجة؟

ميمون:لا هي صافي رمات عليه السخط

نزهة:كيبقا ولدها

ميمون:(شاف فاص ليه)خلاتها هي..لي يقدر يلوح ميمون قادر ينسى براهيم!

نزهة:(هزات حاجبها)خالتي قالت هاد الهضرة؟

ميمون:(تنهد وحط تيو تشيشة)ماوقع بااس..

-سكتات للحظات كتشوف فيه بثبات..رفض يعاود التفاصيل لكن أكيد سمع هاد الهضرة...مالقات غي أنها تعنقوو بحب وتزير عليه..وبقبلة حنونة فعنقو قالت:كنبغيك

ميمون:(زير عليها)الله يحفظك ليا(كيمرر يديه بود على ظهرها)

نزهة:(باستو فعنقو من جديد)وليا ياربي

ميمون:اوا ريحي من للتقحبييين لغنوووض ليك

نزهة:(ضحكات)هههههههه علاش بسلامة مناويش تنوض. عشر أيام مزرنا ماشفنا ماتشوفنا هههه(وقفات جاراه معاها)زيييد

ميمون:(صرفقها لمؤخرتها)ينعل حسها كتموت ليا فقلة الحيا...

••••••••

-غمض عين و حلها تلقى راسك داز وقت ..تنكونو عايشيين حتى كنلقاو شي حدث داز عليه العام..وكنقولو مع راسنا الوقت كتطير وهو راه العمر لي كيطير

وهاكا الأيام كدوز بسرعة على نزهة وميمون لي عايشين كأي كوبل مغربي..بقدر مكاين تفاهم كاينين نقاشات بيناتهم بسبب البعد الفكري بيناتهم هو مكيعرفش يتناقش وهي غي كتشوفو كيرون فالهضرة كطلق عليه حلوقها لكن فآخر المطاف معندهم غي بعضياتهم..

-مرت "أربعة أشهر" عليهم ..كرشها تقنبلات و وزنها تضاعف..الوجه عمر حتى كيبانو الثنيات فالرقبة واليدين والرجلين منفوخين بحالا فيها الملحة ..بدون ماننسا الكرش لي ولات مكورة بحالها بحال المكور ديالها..

الشتا كانت كتنقط برا مهداتش كتفرج فيها من البالكون لابسة بيجامة دافية عازلة ليها كرشها ويديها شادا بيهم ظهرها..

دخل ميمون فالعشية بمونطو قصير وكاط فرجليه ..تبسم ليها وقال:مو كرش مكورة

نزهة:ههههه السلݣوط..

ميمون:(كيحيد صباطو)بردتي؟؟

نزهة:كتعصبني وتسولني واش بردتي!

ميمون:غا المعزة هاديك(تحنا باسها فراسها)كي ضليتي؟؟(قاس كرشها) كاين شي قباحة؟

نزهة:(بدلال)شبعني ركييل غي نبغي نݣلس كيعطيني شي ركلة حتى كنتعوج

ميمون:(كيمرر يدو بحنان)شي كوايري هذا ههههه

نزهة:عيييت والله بغيت غي امتا نتفك

ميمون:ثقلتي ومكتخرجييش تحركي شويا شوفي رجليك ݣداش ولاو

نزهة:واش لخاطري؟؟راه كنعياا..

ميمون:(وقف)ضبري راسك مكتسمعيش هضرة الطبيبة..غندوش ونجي..

نزهة:واخا

خلاها هزات تيليفونو كتقلب فمواقع الشراء حيت ديالها فالشارج ..سيدة من دابا كتوجد وتفنن وتبحث وتضل فارعة ليه راسو ها شنو غندير ها شنو غندير

جا ريح حداها بعدما دوش هز رجليها فوق فخاضو كيماسيهم ليها وقال:هاد النفيخ امتا يحيد

نزهة:حتى نولد(ضورات تيلي)شوف هذا زوين ياك

ميمون:هههه هذا مبقاش ولد ولى عروسة ݣالسة ودهزي فيه ههههههه

نزهة:ههههه بصحتو ولدي وا ݣول واش زوين؟

ميمون:زوين زوين خوديه لبغيتي

نزهة:خصني نعيط لصحاب المحل لي خديت منو لول لي يجيو يمونطيوه..

ميمون:مممم(هز تيليكوموند)سلمات عليك زوهرة

نزهة:دويتي معاهم؟

ميمون:ديما(عينيه فالتلفازة)غيجيو فاش تبغي تولدي

نزهة:فرحانات بزااف حيت غنولد

ميمون:نجلاء كضل علي ابن اخويا حبيبي لما يجي بالسلامة حعملو حاجات كثير ههههه

نزهة:ههههههه كلشي ديالهم..فيك الجوع؟

ميمون:كلييت مع الدراري فالمحل

قفزات فالبلاصة من نغزة وشدات كرشها:ااااي

ميمون:مالك؟(تلفت ليها)ركلك؟

نزهة:(بملامح توحي بالألم)احححح واحد الوجع فكرشي فففف

ميمون:بسلامة شحال عندك؟ست شهور

نزهة:لا سبعة شهور..

ميمون:(حط يدو على كرشها)كي درتي ليها؟

نزهة:فففففف(شادا فظهرها)راه كنت حاملة فرمضان غي معرفتش

ميمون:(كيتذكر)ااه حيت رمضان مكليتيش فيه

نزهة:فففف أربي شهادا

ميمون:تمشي للطبيبة؟؟

نزهة:لالا باقيةالحال راني غي سبع شهور

ميمون:تكاي ريحي ظهرك شويا

نزهة:واخا

عاونها حتى تقادات بلاصتها وجلس عند رجليها كيماصيهم ليها وهي مرة مرة كينغزها الوجع وتميك عليه كل مرة ضاربها فقنت..

بقات على ديك الحال العشية كاملة مرة ينغزها ومرة يهمد..وهو عند راسها كيلعب فشعرها وقال:شدايرا لهاد الشعر عاوتاني؟

نزهة:زيووت باش يقوا ههه اححح اربي هاد البرهوش مغيخرج حتى يحمقني

ميمون:(تبسم)بطا عليا امتا يتزااد ههههه

نزهة:(شدات يديه باستها)ياختي على الحنين ديالي ههههه

ناض هو لي قاد العشا خربق دغيا وجابو حطوه كيتعشاو ويتناݣرو عاد ناضو ينعسو..

نزهة:ميمون دهن ليا كرشي

على وعدو وسعدو مشا هز زيت اللوز وزيت اركان وبدا كيدهن ليها كرشها ويماااصي وهي مفرنسة ليه

ميمون:هههههه هاد الولد غيخرج مزيت على عاد الزيت لي كتعطيه

نزهة:مبغيتش تشرط ليا كرشي

ميمون:واخا الالة..شي حاجة خرا

نزهة:ذهن ليا رجلي بالكريم ديالهم راهو لهيه..وارا ليا ديال فمي حتى هو

ميمون:وا ها الحماق هههه نعسي نعسي

نزهة:وأراا

مد ليها كلشي لي بغات وهي تقول:اخر حاجة ههههه جمع ليا حوايجي ديال الحمام ههههه

ميمون:(ضحك)هههههههه ياربي تستر

جمع ليها شنو بغات وحطهم وقال:نعسو دابا

نزهة:أجي أكبيدة ننعسو

تلاح حدااها على كرشو ودار يديه على كرشها.. وقال:تصبحي على خير

نزهة:بوندودو

ميمون:الزواق ههههه

*****

فاقت نزهة على قريصات فبطنها مع الثمنية تصباح خسرات ملامح وجهها بانزعاج وقبل ماتحل عينيها طلقات أنين ألم على إثرو ضار عندها ميمون لي كان كيلبس عليه..

ميمون:مالك؟؟نزهة!!

نزهة:(كتحل عينيها)فيا الوجع

ميمون:فين؟

نزهة:فكرشي فففف

ميمون:نوضي نمشيو للطبيبة

نزهة:لا دابا غيفوتني راه غي الولد كيركلني مجهد

ميمون:نعسي ريحي راسك متنوضي فين

نزهة:واخا..والفطور؟

ميمون:نعسي مابغيت والو..خصاتك شي حاجة؟؟

حركات راسها بلا..طبع قبلة على راسها وقال:ردي البال لراسك

نزهة:واخا

خرج لخدمتو مخليها كتقلب يمين شمال مرة يهمدو عليها مرة ينوضو حتا كيقفزوها..كتحس بظهرها غيتقسم وكرشها بداو فيها نغيزات الوجع..ماناضت من بلاصتها حتال العشرة ..واقفة كتجر فرجليها بتعب..وجدات لراسها فطور وجلسات كتفطر وتمسد كرشها حتى همد عليها شويا..عاد هزات قشها وهبطات للحمام..

وكيف عادتها ضروري ليها من تبارم والوصفات مشات ناضية بتبريمتها الحب من عند@siliya. Cosmitecs

مع بدات كتطلي للحمها مع شحطها الوجع فكرشها كي الضو خلاتها تقفز من بلاصتها وتخسر ملامح وجهها..شدات على كرشها وبدات كتنفس بشوية باش تطرد الحريق..

وقفات عليها الطيابة فالحمام التركي لي ولات كتمشي ليه وقالت:واجدة؟

نزهة:بلاتي فففف فيا شي وجع

...:ياكما غتولدي؟

نزهة:لا باقي عليا الحال(مدات ليها يديها)اري يديك عفاك حكي ليا دغيا بغيت نخرج..

شدات فيها وداتها للباياص لي غتحك ليها فيه..تكات والوجع مزال كينغزها..حكات ليها الطيابة مزيان وشللات ليها مع بغات تنزل من الباياص مع طلقات غوووتة عاليية صمكات بيها وذنين الناس لي فالحمام..شدات كرشها بألم صارخة:اعععععععععععععع

تجمعو عليها العيالات وضارو بيها الطيابات كيتساءلو على حالها هي لي غي كتغوت كل مرة ناغزها الوجع وشاحطها من قنت ..طاحو دموعها وبوضعية منحنية جالسة شادة كرشها كتبكي من الألم لي فيها..مثل وجع تالعادة الشهرية لكن مضروب فعشرة المرات..

الطياابة:وااقلة غتولدي الالة

نزهة:الحريييييق اععععععععععععع اربييييي اربي

...:نعيطو لمبيلونص السيدة جوبونص غتولد

نزهة:اععععععععع

الطيابة:صبري نشلل ليك شعرك دغيا .

فبلاصتها كتوجع وتبكي دغيا زربو ليها على شعرها وشللو ليها بالما وهي مزالا كتوجع..الحمام سخنها وسرع ليها الوجع لكن السقية مطرطقاتش بتاتا ..

بالبكا والتهراط مخرجينها كيلبسو فيها فحين لي فلاكيص صونات لومبيلونص ديال كلينيك معروف تجي تديها

نزهة:(كيلبسوها)عطيني تيليفوني نعيط لراااجليييي

عطاتو ليها دوزات نمرتو كتبكي غي تشد الخط بدات فالفشوش والبكا:ميموووون غنولد هءهءهء

ميمون:(قفز من وسط محلو)اشنو؟؟؟كيفاش غتولدي؟؟

نزهة:هءهءهء جي ديني عفاااك هءهء كنموووت بالحريق(غوتات)اعععععععععععع

ميمون:(تخلع)كاينة فالدار هاني جاي

نزهة:اهعععع لالا فحمام******* جي دغيا ..

ميمون:واخا واخا(متوتر)هاني جاي خليك معايا فالخط

نزهة:هءهءهءهء واخا متعطلش اععععععع

خرج كيجري وتابعو جمال لي كان حداه ..تيلي فوذنيه كيسمع غواتها كتغوت وتبكي وكيزيد يتنيرفا وجمال حداه كيسمع فيها كتغوت ويتكمش تاهو قول عمرها ولدات ليه المرا..

أما نزهة راه ماحيلتها لكرشها ولا لظهرها ولا للزحمة لي شاداها ..الطيابات كينشو عليها ويعطيوها الما وتدفلوو..والدموع عشرة للعين وحدة تهبط ولوخرا تعمر

وقفات سيارتو قدام الحمام تتم نازل كيجري باغي يدخل حتى جرو جمال من قرفادتو:وتا واش هبيل باغي دخل لحمام اليعالات

ميمون:حييييد خليني نجيب مراتي..

جمال:(غلبو ضحك )أصبر هههههه ختييي ختييي(كينادي على لي فلاكيص)عفاك السيدة لي فيها الوجع لداخل ݣوليها تخرج..

دخلات تخرجها وبقا ميمون بحالا فيف البولة كيتسناها ونطق:شمن كلينيك نديوها؟

جمال:برد بعدا هو لول ونتا بحالا غاتولد...فين كاينة طبيبتها غنديوها.

ماهيا إلا ثواني قليلة خرجات نزهة بجلابتها مقادراش تقاد الوقفة محنية شادة كرشها وظهرها كتحس براسها غتحط بنادم فالبلاصة..وجهها حمر بالحمام وبالدموع..غي شافها طار عندها شدها من العيالات كيسول فيها مخلوع:نزهة..اش وقع ليك؟؟

نزهة:(طلقات حلوقها للتهراط)كنمووووت بالوجع هءهءهءهءهء أربيي ربييي كنتقطع

جمال:(حل ليه الباب)طلعها الللور نديوها لكلينيك

عاونها حتى طلعات وطلع حداها مخلي جمال كيشد أغراضها ويديرها فالكوفر..زير على يديها وقال:واش غتولدي؟؟علاش غتولدي؟؟

نزهة:(كتبكي وبعصبية ردات )معرافتششش ففففف اوووووف اوووووف(شحطها الوجع عاوود وطلقات غوتة)اعععععععععععععع

ميمون:جمااال تحرك دغياا لا تولد لياا هنااا

نزهة:واربييي واااربييي منولد منعاااود اربيييي

ميمون:غي هاديي غي هادي أنزهة

جمال:(مسخو الضحك)عععهههه غا صبري اختي شويا ونوصلو..تنفسيي مزيااان ومتغوتييش خلي ليك شويا ديال الجهد

نزهة:(ما حيلتها للوجع ولا لهضرتو)سكتتت علييييييا اععععععععع أربي أربييي أربييي شهادشيي أمييييي

ميمون:(عراق معاها)صبري شويا غي صبري دابا نوصلو وتولديي(كيدوز على كرشها)

نزهة:ماوجدت والو هءهءهءه لا حوايج لا والووو

ميمون:نسااي داكشي كلشي نوجدو خصك غي تفكي على خيررر

طول الطريق دوزاتها بكا وغواات الوجع فيها مجهد السقية ماطرطقاتش بتاتا..كتزير على يدين ميمون حتى كتبغي تفدعو وتعطيها للغوات كي وصلو نزل جمال علم الممرضين لي فالدخلة وتمو مخرجيين ليها فاش يحطوها..غي جلسات وهي تزير على ميمون قايلة:متخليينييشش غنموت أميمون

ميمون:مغتموتتيييش

جمال:سير مع مرااتك أنا نتكلف

مشا معاها شاد فيديها كيهدن فيها وهو براسو خصو لي يهدنوو ومالقاش..كتبان ليه كتغوت وتنتف فراسها ..حتى دخلوها للطبيبة وبقا برا كيمشي ويجي بحالا الى والدة ليه المشة فحجرو..فآخر المطاف جلس فكرسي كيتسنا..هز تيلي علم مها وخوها ومو وبقا جالس حتى جا جمال وقف عليه:أمدرا؟؟

ميمون:داوها..جمال اخويا(بجدية)واش عادي تولد على 7 شهور

جمال:عااادي الى كان التربية كامل راه تولد.. ما تنساش خوتك كلهم مزيوودين على سبع شهوور

ميمون:(مسح على وجهو)والى ماتت؟؟

جمال:(مسخو الضحك)تزوج ههههههه ريح أصاحبي معندو مايوقع ليها

جلس وعاود وقف بحالا شي حد كيقرصو فقزيبتو وقال:نتا مراتك هاكا غوتات فاش بغات تولد؟

جمال:أنا مراتي سلخاتني ݣاع هههههه ريح أصاحبي وترجل

ميمون:مشات ليا الرجلة ..مشفتيهاش كي كتغوت

جمال:(جلس حداه )فراسك الحريق لي فيها دابا راه هو الحريق القاسح بعد الحريق ديال تموت محروݣ..راه عظاامها كيتشقوو عليها

ميمون:ياااربي تحفظها لياا

جمال:عناب لاخر ههههههههه هانتا غيتزاد عندك العزري ههههه نعام أسيدي

ميمون:(تبسم)تنوض غي هي بخيرر بعداا

بقاو مريحين حتى خرجات الطبيبة قايلة:خصها تولد حيت وقتها هذا

ميمون:عندها سبع شهوور

الطبيبة:نوغمال..ماشي بالضرورة تكمل تسع شهور

جمال:غتولد نوغمال؟

الطبيبة:نتمناو..غندير جهدي باش تولد عادي

ميمون:نشوفها؟

جمال:دخل معاها نتا ݣاع

طبيبة:نشوف واش سي بوسيبل ..مهم راها تحت الكونتخول ديالنا شويا غتدخل تولد

ميمون:واخا(شافها مشات)واش بصح ندخل معاها؟

جمال:الى عندك الجهد دخل...أنا صراحة مكنقدرش ندخل ولكن لاقدرتي دخل

ميمون:غندخل معاها

وجدوها وحطوها فبيت بوحدها بعدما خلص ميمون كلشي وعطاهم معلوماتها كامليين وأصر على أنها تكون فبيت بوحدها..سمحو ليه يشوفها ومشا لعندها لقاها بلباس المشفى حد الركبة وشعرها مجموع للفوق باقي فازݣ كتبكي وتعاود..يدها محيداتش من ظهرها وكتنين

ميمون:(حضنها مزير عليها)صبري احبيبة صبري غي شويااا

نزهة:بزااااف عليا بزاااف هادشي هذا ءهءه الموت هادي

ميمون:غتولدي وتنساي كلشي ان شاء الله

نزهة:(طلقات صوتها)كنمووووت هءهءهءهءهءهءهءهءه كنحس بحال شي حاجة غطيح منيي

ميمون:صبري صبري..(كيماصي ليها ظهرها )شووووو خلي الجهد للولادة..أنا غنكون معااك كوني هااانياا

رغم كل كلامو وكل محاولاتو فتهدئتها لكن ميقدرش يخفف عليها حتى شويا..حيت ألم الولادة يعادل كسرة العظام وكيتعتابر ثاني أقوى ألم فالعالم..كي كيقولو رجل فالدنيا ورجل فالاخرة..

الشعر تشنتف والعينين حمرين بالبكا وتنخصيص ..دخلات الممرضة جايبة كرسي متحرك قايلة:مدام نزهة غندخلووك تولدي..

نزهة:ميمون جيب ليا حوايج ولدي راه فالصاك وعيط لمي هءهءهء

ميمون:غندخل معاك غي تهناااي(شاد يديها)

الممرضة: تفضل معايا

مشا معاها نسات فولارها نسات كلشي ولات باغيا غي تفك..الحمام سخنها وذاتها كتفور كتحس براسها باغيا تعصرو وتخرج شنو محبوس فيها بحالا فيها القبط..

دخلو لغرقة الولادة وميمون مشا مع الممرضة عطاتو لباس المشفى ودخل عندها لقاهم مفرقين ليها رجليها والطبيبة فاص ليها...تقرقشو عينيه وسرط ريقو ومشا عند راسها شد ليها فيديها كتبكي وتقول مابكييت..

الطبيبة:نعطييك الاوكي زحمي دااكووغ..

نزهة:اااااععع

الطبيبة:أن دوو تخواا زحمييي..

تعصرات نزهة وزحمات بحر جهدها حتى العروق فنواظرها باانوو..والعرق تمكن من جبينها...مرارا وتكرارا تعصرات لكن والو واش الدري خرج الراس.. سبق الرجلين وهادي حالة من الحالات النادرة وكتكون خطييرة حيت كيبقا على الأم اما تدفع باش يخرج دغيا وميت٨نقش ولا يجروه هوما ..

الطبيبة:مدااام كووووني معايا اليز..غتدفعيييي بالجهد حيت الولد سبق رجليه مبغينهاش يتخنق

نزهة:هءهءهءهءهءهء ماقدرتش عيييييت

ميمون:(سمع تخنق وضرو خاطرو)نزهة دفعيييي دفعييييي

جمعات جهدها وتعصراات بجهدد حتى زراق فيها اللون وهبط راس الدري تابع رجليييه..فكاتو الطبيبة حيت كان الحبل السري ملوي عليه.

هزاتو أمام عيون ميمون وقلباتو وبدات كتعطيييه صفعات على مؤخرتو حتى ذاعت صرختو مذوية المكااان كيعلن على قدومو لهاد العالم..

طفل صغير بزاف عاري مهزوز من رجليه ويد الطبيبة كضربو حتى خرج أول صرخة ليه مسكتش موراها..لواوه بسرعة فثوب أزرق وحطوه ليها فوق صدرها ..هي لي كانت كلها عروقات وشعر راسها وقف..الدموع لي شاطو عليها راه ذرفاتهم ملي شدات ولدها بين يديها..حمررر وشعرو كحل رطب..أما ميمون راه غي كيفرنس حط يدو عليه بحب وقال:تبااارك الله ماشاء الله...ولدييي هذاا

نزهة:هههه زوييين

الممرضة:مدام عطيه لينا نقيوه ونفحصوه..

الطبيبة:(كتنقي نزهة وكتغرز ليها)ضروري يدوز فالفحص..راقبو التنفس وحتى الجسم

ميمون:(متبع ليه العين)واش راه مزيان؟

الممرضة:ممكن تفضل معايا

تحنى باس ليها راسها ويديها وقال:أنا براا

خرج مخلينهم كينقيوها وينظفو ليها وكذلك يديرو ليها الغراز..نقصات حدة الوجع وبقاو غي نغيزات خفاف فقط..فحين ميمون خرج مبسم لبرا كيحيد عليه لباس المشفى والفرحة معمرى عينيه بفلذة كبدو لي تزاد عندو

جمال:(مشا لعندو)أمدرا؟؟

ميمون:ولدات هههههههه ولد

جمال:(ضرب على كتفو)هانا تاني على المصري ولى عندو العزري هههههه(تعانق معاه كيضرب على كتافو)مبروووك أخويا يتربى فعزك

ميمون:(باقي مصدوم بالفرحة)الله يبارك فيك(مسح على وجهو والابتسامه مفرقاتوش بحال شي ولد صغير لا شريتي ليه حوايج العيد)

جمال:ههههه كليتي العصا؟

ميمون:لا ههههه تمحنات مسكينة بزااف(تنهد)الله يسمح لينا من حق الوالديين...

جمال:امييين

صونا تيليفون ميمون كان محمد عطاه فين كاينين و ما هي الا لحظات بانت ليهم حفيضة شاد فيها ولدها هي وسعيدة كيتجاراو..

حفيضة:أمدرا؟

ميمون:ولدات..الحمد لله ولدات وليد

محمد:(بابتسامة)مبروووك أسيدي

ميمون:الله يبارك فيكم

حفيضة:وبنتي؟؟كي بقات؟؟ولدات بالفتيح ولا غراز

ميمون:معرفتش ههههه أنا غي حضرت ليها حتى ولدات

سعيدة:(بابتسامة فرحة)الحمد لله على سلامتها ياربي..فيناهيا نشوفوها..

جمال:يطلعوها لبيتها وندخلو عندها(ربت على كتف ميمون) بغينا السبوع المصري ههههه بغيناه بالشيخات واللعب والحيحة هههههه..

ميمون:تسمعك نزهة تنوض تشيخ فوق راسنا ههههه ..غنصوني لمي وخواتاتي..

نصارف من حداهم بأريحية وفقلبو هاز واحد الإطمئنان عمرو حس بيه ..مرتاح فنفسيتو وفرحان بزاف مكرهش يشارك فرحتو مع العالم كولو ..

صونا لمو خبرها وصونا لخواتاتو خبرهم كذلك ..كلشي فرح وزغرت ونشط لكن مايوصلوش فرحتو..

••••فالقلعة ••••

كان صوت الزاهية مالي المكان كتزغرت وتعاود بدون توقف وتخاطب لي حداها:يافرحي ياا سعدي بالمرضي ديالي ولا عندو عزريي يافرحي ياا سعديي واليوما العيد عندي..

منعم:ولدات ولد؟؟

الزاهية:اااه

سناء:ويلي ولدات دابا؟؟ ماعندهاش تسع شهور

الزاهية:واقلة على سبع شهووور(الضحكة مترعة فمها)ههههههههههاد الله أربي حمدتك ياربي وشكرتك

حكيمة:عندنا السبوووع هههههه

الزاهية:نوضو نووضوو عطيوني جلابتي نمشي نشووف حفيدي(هزات حفيدها اخر )يااافرحي وليت جدة تاني

ضحكو عليها كاملين وناضو كيتجاراو باش يوجدوها تمشي لكازا

حولو نزهة للغرفة ديالها بلباس المشفى حيت ماحيداتش حوايجها..غرفة مجهزة بكلشي ودافية محساتش بالبرد بتاتا..أما الدري داوه للفحص وهبطوه للقرعة باش يراقبو صحتو لأنه ولد سبع شهور..

دخلو عليها للبيت فين حطوها كانت مغمضة عينيها بتعب وصفرة مقطرة من الدم ..جمال غا شافها بلا فولار قلب الضورة وخرج

حفيضة:(وقفات عند راسها)نزهة نزهة

حلات عينيها بتعب فيهم كاملين وضوراتهم عليهم وهي تنطق:فين ولدي

محمد:على سلامتك اختي

نزهة:الله يسلمك

ميمون:(هز يديها باسها من القاع والفرحة متمكنة منو)على سلامتك الالاهم ههههه جبتي لينا الزين. .

نزهة:(بابتسامة متعبة)شفتي ولدت ولد

ميمون:ههههههه معليش المرة جايا بنت

نزهة:(بصوت متعب)الى عاودت راني هبييلة

سعيدة:فتيح؟

نزهة:غراز(عظامها عاطيينها الحريق)سعيدة أختي حوايجي عفااك(شافت فميمون)ميمون ديها للدار وريها فين حاطة داكشي لي شريت هي غتعرف شنو تهز

ميمون:واخا..نعسي رتاحي ليك شويا دابا

نزهة:ولدي فينو؟؟

ميمون:خصو يشوفو واش مزيان..على حساب مافهمت من الطبيية تزاد على سبع شهور خصهم يقلبوه واش مزيان ويجيبوه ليك

نزهة:(بابتسامة وعينيها شبه مغمضين)لمن كيشبه؟

ميمون:(بضحكة)معرفتش هههههههههههههه نعسي ترتاحي ياله

حفيضة:نعسي ابنيتي نعسي أنا معاك وختك تجيب ليك كلشي

مجاوباتهمش يكفي أنها غمضات عينيها كتسنط لعظامها..بعدما همد عليها الوجع بغات غي تغمض عينيها ومكذبوش لي قالو النعسة بعد الولادة والوجع ديال ليغيكل كتكون مرييحة بزااف.

يتبع...

‎