خيط الريح الجزء 18 والأخير

مشا ميمون مع سعيدة والطريق كلها وهو كيدوي مسكتش بتاتا كيضحك معاها ويجمع فرحان بولدو ..حتى وصلو و وراها شنو خدات وبدات كتهز وتقاد ومن حسن حظ نزهة أنها كانت كتوجد على تيساع شارية ليه لبيسات فاللون الأبيض والأزرق مع طويقيات ديالهم وأغلب المستلزمات..جمعات ختها كلشي وهزات ليها بيجامة وحتى الميكاب عرفاتها غتبغي تدوز شويا على وجهها

وماهي إلا ساعتين رجعو لعندها لقاوها مازالا ناعسة ومها عند راسها..حط ليها أغراضها طمن عليها ومشا يشوف ولدو

وقف برا قاعة الأطفال كيشوف بزاف منهم فقريعات زجاجية فيهم لي رابطين ليه الدوا ولي دايرين ليه شلا خيوط وفيهم العادي معرفش شكون فيهم ولدو فقط كيشوف وكيعمر عينو بيهم..كل واحد وقع عليه نظرو كيقول هذا ولدي وبمجرد مكيقلب نظرو لجهة خرا كيقول هذا هو ولدي..

بقا تما جهد شي ثلث ساعة وهو غي كيشوف فالدراري قول عمرو شافهم..كلهم خطفو قلبو ورجع معاهم داك الطفل البريئ لي خلاتو مو وهاز لوحتو ويفرنس

وقف عليه محمد وقال محنحن:فيناهو فيهم؟

ميمون: معرفتش (ضحك)مكرهتش يكونو كاملين ولادي

محمد:(بابتسامة)الولاد زوينين ولكن البنات حسن

ميمون:هههههه كنت باغي بنت أنا(بتساءل)اش خبار رضى؟

محمد:مزيان راه كيتقاتل مع قرايتوو ݣاليك بغا يمشي لبرا

ميمون:فين؟

محمد:لألمانيا..بغا يمشي يكمل تما

ميمون:الله يسهل عليه

نزهة:(بتعب)ختي جبتي ليا كلشي!

سعيدة:واراكي شارية نيييت..لقيت كلشي هو هذاك

نزهة:اشمن شريت راه والو..كنت عوالة ندير بيفي فالكلينيك ونوجد على تيساع صدقت والدة فالحمام

حفيضة:ههههههه الولد زربااان

نزهة:معرفتش (بعياء)كنحس بعظامي واكلين العصا

حفيضة:راكي عاد والدة..اجي نلبسووك حوايحك نشوف شنو شراات عرفتها غتكون شرات شي حاجة خفيفة

جبدو ليها بيجامة طويلة فالبيج مع بينوارها طويل من دونتيل بالاضافة لبوندو فالقهوي بارد مايل لكراميل..لبسوها وتكاوها

صونا تيلي لميمون عرف مو وصلات مشا تلقا ليهم..عنقها بحب مزير عليها وقالت:مبروووك أوليدي مبارك ومسعود..زيادة فالإسلام إن شاء الله..

ميمون:(باس راسها ويديها)الله يبارك فيك أمي

عبد الرحمان:مبروك الزيادة..العزري اسيدي

باس راسو ويديه :الله يحفظك أخالي..

خديجة:(عنقاتو)شي مصري هذاا ولا؟؟

ميمون:معرفتش هههه باقي مخرجوهش من القرعة حيت تزاد على سبع شهور

الزاهية:يشد راسو اوليدي ونفرحوو بيه..فينها نزهة؟

ميمون:أجيو معايا(ذرع مو بيديه والضحكة هاربة ليه)

دخلو عندها وهي تلوح عليها شال دغيا حيت شافت عبد الرحمان..عنقاتها الزاهية وعاودات وركبات ليها دبليج ديال الذهب قايلة:هاكي الالة بنتي..مبارك ومسعود الزيادة.

نزهة:(باست يديها)الله يعطيك الخير أخالتي عذبتي راااسك

الزاهية:بصحتك أبنيتي ..الحمد لله على سلامتك

خديجة:(جات علقات ليها لويزة صغيرة ديال الذهب)على سلامتك ابنتي..الله يخليه ليكم ياربي..

نزهة:(باست يديها)ربي يخليك اخالتي لهلا يخطيك..

جلسو معاهم فرحانين بالزيادة وموضوع الساعة الولد..و الزاهية كتسول فنزهة ولوخرا كتعاود ليها على الوجع حتى داز وقت طوييل وطاح الليل وستأذنو يمشيو يرتاحو..

ميمون:أنا نوصلكم ونرجع نبات معاها

سعيدة:غي سير أميمون أنا نبات معاها ..

نزهة:لالا غي سيرو ماخصني والو..سيرو ترتاحو

ميمون:لا غنبااات هنا ضروري ياله نوصلكم..

سلمو عليها كاملين وخرجو بعدما غمزها بلي غيرجع..مع خشاو طلقات تنهيدة راحة وقالت:حمدتك ياربي وشكرتك (تحركات وتعݣرات)احححح اربي..

بقات متكية بلاصتها كضور فعينيها مدة لا بأس بها دخلو ليها عشاها الخفيف تفاديا للقبض..وبدات كتاكل بشويا عليها حتى دخل محبوب الخاطر

تبسم ليها وقال بحرارة حيت نفارد بيها:لالاهم

نزهة:(مبسمة)الحب ديال نزهة ههههه أرا شي بوووسة لمك

ميمون:(قبلها فحنكها)كولي الزين وشبعي كرشك

نزهة:وصلتيهم؟؟

ميمون:اه..نتي مزيان؟؟

نزهة:فيا شويا ديال الحريق وقاعي واكل العصا

ميمون:هلكك الوجع(مسح على وجهو)ݣلت محال تعيشي

نزهة:باش تعرف مناش كندوزو..كيغفر بيها ربي الذنوب

ميمون:الحمد لله على سلامتك أحبيبة(رجع ليها الشعر وراها)

نزهة:شفتيه؟

ميمون:(بفرحة)مشيت شفت ولكن معرفتش شكون فيهم ..كلهم زوينين مكرهتش نديهم معايا كاملين

نزهة:ههههههه مالك خضر ههههههه

ميمون:شدرنا فالسمية الالاهم

نزهة:بغيتي تسمي على باك سميه ولايني غطيرو لخالتي

ميمون:متعطينش خاطري نضرها..نبدلو السمية..

نزهة:(شدات يديه مزيرة عليها)بهاد الخاطر لي عندك راه ياكلك الواحد ههههه

ميمون:(باس يديها من برا ومن الداخل)عطتيني اليوم حاجة زويينة عمري نسااها..درتي ليا التريكة(بعفوية)لدابا باقي كنݣول واش بصح تزاد عندي ولد..

نزهة:مزال نجيب ليك البنت متخافش هههههه

ميمون:إن شاء الله الزين

نزهة:شبان ليك نسميوه سعد

ميمون:(محافظ على ابتسامتو)سعد المزلوط ههههه

نزهة:ههههههه سكت ماتفكرنيييش فيها هههههنه

ميمون:هههههه زوينة ..سعد(كيتخيل)مزياانة...

نزهة:زويونة وخفيفة هههه ومن ديما كتعجبني هاد السمية

ميمون:صافي مشات..(ضحك)سعد ولد نزهة ههههه

براحة تامة نعسات ونعس حتى هو فالفوتوي حداها.. بالحنية لي فيه عز عليه يخليها تبات بوحدها..كل مرة يفيق فاليل وينوض يغطيها ولا يداعب شعرها..الفرحة هربات ليه النعاس خلاتو غي يغمض عينيه فقط..

حلمو باش ميبقاش بوحدو تحقق..و ولات عندو عائلة متكاملة ومزال ناوي يكملها كثر ويدير لولادو لي متدارش ليه..

طلع ضو النهار وبانت شميشة باردة متخفية وسط الغيوم.. خلات نزهة تحل عينيها وسط فراشها الدافي على يد الممرضة لي كتحط ليها فطورها..

الممرضة:صباح نور مدام نزهة

نزهة:صباح نور..واخا تعاونيني عفاك

الممرضة:بيان سيغ..

رمات عينيها للفوتوي لقات ميمون ناعس مغطي عينيه بيديه..تبسمات ومشات شادة فالممرضة لي كتحاول معاها باش تمشى لكن الغراز كيعطيوها الحريق نييت وقتما تحركات..

داتها للحمام عاوناتها حتى طرفات وتريحات واخا الألم الخفيف لي فيها..بدلات ليها ببيجامة اخرى بيج مريحة وانثوية..ورجعات لبلاصتها عاضة على شفايفها من الحريق..

نزهة:نقدر نشوف ولدي؟؟

الممرضة:الى فطرتي نديك تشوفيه من بعيد..راه مزيان وصحتو مزيانة

نزهة:الحمد لله ياربي. شكرا احبيبة غي سيري أنا غنفطر.

إستأذنات منها وعجبها التعامل لي فالكلينيك ناسية بلي الفلوس كدير الطريق فالبحر..حاط عليها فلوس صحاح باش تعامل معاملة خاصة..دقائق عاد فاق ميمون كيتفوه..

نزهة:صباح الحب

ميمون:صباح الخير(ناض عندها )شويا اليوم؟

نزهة:فيا الحريق أميمون ديال الغراز..

ميمون:(جمع يديه بونية وضربها مع كف يدو لوخرا)غرزو ليا المبطبط ديالي ..

نزهة:ههههههههه(شادة فكرشها)ايييي سكت متضحكنيش ههههههه..

ميمون:هههههههه فطري فطري هههههه

نزهة:سير حتا نتا تفطر..شويا غيديوني نشوف سعد..

تبسم بحنية للأسم لي دار بلاصتو بيناتهم فجأة..وبصوت غليض باح نطق:نمشيو الالة نشوفو سعد..

ناض عاونها حتى فطرات وكلات علاش ما قدات..عيطات للممرضة لي جابت ليها كرسي متحرك على حساب باقي متقدرش تحرك مزيان..داروها فيه ولاح عليها شالها قايل:نسيتيه الزين..

داتهم للمكان المخصص للأطفال الخدج لي مزال نموهم مكملش تقريبااا ...حجم صغيير وسط القرعة كيتحرك ببطئ مرة مرة غير بليكووش .

أشارت ليهم الممرضة لبلاصتوو ...وقفات نزهة متأثرة من هاد اللحضة وعينيها مدمعيين ...شافت ف ميمون بضحيكة لقاتوو كيشوف فسعد بحب ...فرحان و مقداه فرحة بداك شوية تاللحم والدم لي من صلبوو ...كلو أمل ووشوق باش يهزو بايدوو وميطلقوو حتى يوصلو لفين بغا ...يكون ليه أب السند لي ملقاهش هو ...يوقف معاه خطوة بخطوة رجل برجل ويعطيه لي متعطاهش هو. .

نزهة:(حطات راسها على كتفو بحنية سرعان مدور عليها يدو على كتفهاا) ونطقات :شوف شحال زوين

ميمون:(بتنهيدة رااحة )شفتوو ...الله يحفضو ليناا او نكبروه بجوج ...نزهة !

نزهة:(هزات راسها فيه)آميين ياربي...نعام احبيبي

ميمون:(باس حنكها وضحك)براي دغيا وزيديني بنت ...عفااك ..

نزهة:هههه اويلي مزال مهزيتي تالول بغيتي التااني

ميمون: أنا بغييت الدراري والبناات بغيت فينما ندور نسمع بابا بابا بابا

نزهة:(بابتسامة حنينة )وخا أبابا..

فاصلهم مع ولدهم زااج فقط ولكن كيشوفوه كيتحرك مزال محالش عويناتو ...كيتأملو فييه كأنهم عمرهم شافوو دراري صغار بلهفة كيتسناو ايمتا يهزوه ..

رجعات كلسات وقالت:عييت

ميمون:(جا وراهاا جر الكرسي )ريحي لياا امو ترمة مكورة

نزهة:صافي تفشاات هههه طار نفيخ الحمل المصري

ميمون: ماتخميش ...مع توقفي نعمروها تاانيي

نزهة:باغي تقتلني

ميمون:لاا باغي نكوي ونطلع نتبومباا فوق الاواط اختي

ضحكات ومقادرتش بتحتهاا بزز دخلها للسويت المخصص ليها مامزاحمها حد ...هازها على كفوف الرااحة ...مدلعها ومفششها ولي بغاتها نزهة تحضر ..

قادها ففراشهاا وغطاهاا ...ياله بغاات تقاد لمخدة نزل عليهاا بقبلة باغتها على شفايفهاا حتى شهقات مخليااه مستوطن تغرهاا ..بقبلة لطيفة كتروي حبهم فكل مرة ...ودائما ما كتكون القبلة ليها طعم خااص وكتلخص الاف الكلمات لي كتكون واحلة فالحلق ...فصل القبلة مخلي راسو قريب ليهاا باس نيفها وقال: عرفتي احسن حاجة وقعات ليا انزهة ؟..

فصل القبلة مخلي راسو قريب ليها باس نيفها وقال: عرفتي أحسن حاجة وقعات ليا أ نزهة ؟..

نزهة:(باست نيفو )شنو أحبيبي

ميمون:(بابتسامة )نتيي ...كنحمد الله لي لقاني ببنت النااس بحالك ...مجموع فيها كلشي ...(بتساؤل)كتبغيني الالاهم ؟..

نزهة:(ضحكات بغنج ) وهدا سؤال معارفش جوابوو ؟

ميمون:(براحة)عارف ...(رجع ليها شعرها اللور )مرة مرة فكريني ...كيعجبني تگوليها ليا

نزهة:هههه كنتوفى على حسك هههههه

ميمون:(باس جبهتها كيضحك) تحلوين أنزهة فالسبيطار

نزهة:أنا هوكا دايرة ههه احح اربيي

ميمون:شرشمو ليا رزقيي

نزهة؛ههه الله يمسخك سكت راه كضرني تمشي تحل ليا شي غرزة

ميمون:(خرجو عينو)هدشي مامعاناش تكاي وبراكة من الضحك

نزهة:(تكات كضحك )واخة ههه فيا النعاس

ميمون:(غطاها )نعسي الالاهم و رتاحي ليا

نزهة:وخا.

باس يدها وغمضات عينيها براحة فالوقت لي كيلمس شعرها بلطف ...فرحان ومرتاح وكيحمد الله ويشكرو على نعمو الكثيرة علييه ...

هادي هيا الدنيا ونتا وشنو مكتب ليك الله تعيش ...مرة عليك مرة لييك تيسالي أجلك .. وميمون كرفصاتو الدنيا مزيان ولكن ربي جزاه على صبرو وطيبتو ونيتو الصافية بزوجة دايرة ليه كي الما القليل.. مرتااح وفرحان ومخاصو خير معاها

*إن بعض العسر يسرا *

آية كتلخص حياتنا كاملة وبلي كيفما غنفرحو غنكعااو غنتقلقو غنشطو وغادية هكا ...وتستمر الحياة..

▪▪▪▪

اليوم آخر نهار ليها فالسبيطار بعد أربعة أيام دوزاتها حتى طمنات على راسها وعلى ولدها لي شدوه حتى يتأكدو من صحتو مزيان..جالسة فسريرها لابسة سورفيت سخونة مقطنة مع تجاكيط طويلة وسبرديلة ومها كتنݣر عليها..

حفيضة:تي ديري الدرة راه البرد عليك

نزهة:(كتقاد فالشال)وا مي راه مغطيين زعما واش بغيتيني نتغلف

سعيدة:(كتسد صاكها)راه عندعا الصح خصك تغطي راسك المرا كتكون محلولة فالنفااس..

نزهة:عرفت عرفت ..

تحل الباب ودخل ميمون هاز فيدو ابنو "سعد"..عينيه كيبريو بالفرحة مقربو ليه كل مرة يخطف بوسة من راسو الصغيور

نزهة:(بفرحة)أراااه ليا أرااا

حطو ليها فيديها حتى سرات معاها التبوريشة كتعمر عينيها بيه كيف كيقولو..الضحكة مرسومة فثغرها وقلبها غيخرج بالفرحة....

نزهة:(بدون ماتزيح النظر عليه)كيشبه ليا هههه

حفيضة:(طلات عليه)يا فرحي بالعزري ديالي(شداتو من عندها)سبحان الله غا نتي فصغرك..

سعيدة:شوفي فيه حتى هو عندو توحيمة حدا نيفوو

ميمون:ديك الخالة(قاسها فوجه سعد)مبايناش بزااف مع غيبدا يكبر مع غتبان..

نزهة:الله يحفظوو(شدات يديه الصغيورة كتبوس فيها)

ميمون:واجدة؟؟

نزهة: آه عطيه ليا أمي..

ميمون:خليه ليها نتي عيانة حتى نوصلو للدار

حركات راسها بالنفي وقالت:غي عطيني..

مدوه ليها شداتو فحضنها ماساخياش بيه وقالت:مشينا؟

ميمون:ياله..(ذرعها بيدو)كلشي كيتسناكم..

بالفعل خرجو من السبيطار كتمشى بشويا عليها معاملة راسها كي الما القليل قبل مايعاملها شي حد هاكاك...حاضنة ولدها لي شبه نائم ومكيحلش عينيه بلبسة زرقة..بشرتو حمرة وشعير كحل رطب عندو وحمة صغيرة بحال مو او بالأحرى خالة كتبان مطراسية فالأسود ..

ركبو فالطونوبيل وشدو الوجهة لدارها لي كانت فيها الزاهية وبناتها بجوج وعريساتها كاملين بولادهم..الدار تضربي ليها تشطح بالناس ...ريحة الطياب معطية منها فانتظار وصول الحفيد الغالي ..

وماهي إلا مسافة الطريق نزل ميمون شد منها سعد وتبعاتو حتى هي ..طلعو تلقاو ليها بالحليب والتمر والزاهية مكرهاتش تغني..شدات منو الوليد بابتسامة وفرحة عارمة..

الزاهية:تبارك الله ماشاء الله على وليدي حنيني..ولدي

فتيحة:ايهاي على الزيييين(باست نزهة)على سلامتك أختي

رشيدة:على سلامتك أختي..شهاد الزين والدة لينا..

نزهة:الله يسلمكم هههه..

حفيضة:دوزي نتي تنعسي راكي نفيييسة

الزاهية:(سابقاهم للبيت)زيدي زيدي ابنيتي كلشي واجد

وبالفعل حيدات تجاكيطها وتكات بالسورفيت باغيا حتى ترتاح عاد تبدل...تجمعو عليها كاملين إلا ميمون لي مشا عند جمال للصالون هو وخالو..

حكيمة:على سلامتك ملي تفيكيتي أختي

نزهة:الله يسلمك اختي

الزاهية:شهاد الرضى ولدتي لينا هههههه

رشيدة:تبارك الله كيجيب منك

سعيدة:مزال ميبان حتى تولي شويا..

الزاهية:لا..غا ولدي ملي تزاد هاكا كااان..

نادية:(غيمسخها الضحك)واخالتي ميمون سمر!

الزاهية:واخا سمر..حروفو بحال باااه(بابتسامة فرحة)غي عينين باااه.

فتيحة:الله يستر هههههه أري ليا الزين ديال عمتووو(شداتو باستو)الله يحفظو ياربي ويكبر نولي نلعب بيه ..

رشيدة:نتناسبو أختي نزهة هههههه

نزهة:ههههههه اييييه علاش لا

بدا سعد كيبكي باغي يرضع وصوتو رقيق يادوب كيحل عويناتو...مداتو ليها فتيحة وقالت:هاكي أختي رضعييه

شداتو من عندها باحترافية حيت فايتة مربية ولاد خوتها..بيد وحدة خرجات البزولة وضعاتها ليه ففمو باش يسكت لكن بتاتا واش شدها..كتبغي تحطها ليه كيمص شويا ويلوحها

نزهة:معرفت مالو مبغاهاش؟؟

سناء:ياكما مافيكش الحليب؟؟

نزهة:(بخوف)موحالش(كتعصر بزولتها)احححح

حفيضة:جربي عاود ليكون غي معرفش ليها..

جربات مرارا وتكرارا بشتى الطرق عاد شدها كيمص فيها ورتاح قلبها هي:فففف حسابني مافياش الحليب

الزاهية:أنا ندير ليك شويا ديال حب الرشاد يقوي ليك الحليب

حفيضة:ايييه الالة الزاهية

رشيدة:ياله خرجو خليوها ترتاح شويا والدري ينعس

خرجو كاملين خلاوها مع سعيدة لي تسناتها حتى كملات وحطاتو حداها مغمض عينيه..بأصابعها كدوز على بشرتو الحريرية وقالت:ولدي زويين..

سعيدة:هههههه اوا راه ولدك شبه لييك

نزهة:معرفتش كي وقع .. على الوحم لي كان فيا على ميمون ݣلت غيخرج كيشبه ليه..

سعيدة:حتا أنا..(بصوت منخافض)سمعتي العدوزة شݣالت؟؟كيشبه لباه

نزهة:هههههه خالتي راه ميمون كتحلف عليه كيشبه ليها هههه ميمون غي بااه

سعيدة:هههههههه ..

عاوناتها حتى لبسات بيجامة حريرية وطلقات شعرها وعطاتها دارت ماكياج خفيف عاد تهنات..تدق الباب دخل ميمون مبسم وقال:نعس؟؟

سعيدة:(حشمانة)زيد أولدي أنا نخرج..

ميمون:غا خليييك

سعيدة:لالا غي دخل

خرجات خلاتهم بجوج مع "سعد" فلذة كبدهم..مشا ليه ديركت كيلعب فوجهو وقال:غلبتيني أنزهة ههههه كيشبه ليك

نزهة:ههههههههه والله حتى تصدمت هههنهه على داك الجهد لي كنت كنتوحم عليك بيه خصو يشبه ليك..

ميمون:المهم الصحة وصافي...الله يحفظو(ناض كيبدل عليه)وݣدي ألالاهم بغينا نديرو السابع..

نزهة:بغيتي رأيي..بلاش

ميمون:علاش؟؟

نزهة:أنا ݣلت يشد راسو شويا و نطهروه ونجمعو سبوع وختانة ولكن حتى نبرا راك عارف ماوجدت والو..بغيت أنا كلشي نوجدو بيدي..

ميمون:(كيدوز يدو على عنقها)غتعيي راسك على والو

نزهة:غي سمعني .. نخليوه غي حتى تولي عندو ديك ربع شهور ونختنوه ...دابا نديرو وليمة خفيفة جمع خوتك وخوتي وملي نولي شويا نديرو ليه شي سبوع زويين وديال المصري نيييت ..

ميمون:(كيفكر)معرفتش..أنا حيت هو الزيادة لولة عندي بغيت نفرح بيه ..

نزهة:(طبعات قبلة فحنكو)عارفة أحبيبي راك فرحان بيه..دير ليا خاطري ..

ميمون:واخا الالة لي بغيتي أنا المهم عندي تكونو مزيانين

نزهة:الحمد لله..فخبارك مافياش الحليب بزااف

ميمون:بصح؟؟علاش؟؟(لاح عينو لصدرها)..

نزهة:معرفتش..قبيل عطيتو يرضع كيجبد مسكين حتى عيا جاني ماشبعش

ميمون:هي آش؟؟

نزهة:غنهضر مع الطبيبة تشوف واش ندخل ليه الحليب ديال الفارماسيان باش نعاون بيه

ميمون:لي بغيتي(باس سعد فراسو)أنا نخرج عطي راسك ألالة

نزهة:واخا

ناض خرج وخلاها كترتاح وكل مرة داخلين عندها يشوفو سعد بحالا عمرهم شافو داري الصغار

ولادة "سعد" كانت المناسبة الزوينة لي خلات عائلة ميمون يجيو عندو إلا براهيم وحفصة معمرو شافهم باقي ..وكذلك عائلة نزهة كل مرة جاي فوج كيزرر ويبارك ولي سول على السبوع تقوليه تأجل..

دازت ثلاثة أيام كلها عاشتها نزهة مخنثة مفششها بحالا بوحدها لي ولدات فالعالم جاب ليهم ميمون جوج عيالات يعاونوهم فالشقا ولاو غي كيطيبو والجميع للعيالات..ومن أحسن البلايص فكازا جاب حلوة بالكثرة للناس وكذلك التقدية..السيد تقولي ليه سلام يقوليك عندي ولد..ولى كيخرج ساعة ويرجع زربان يهز سعد ويبوس فيه وفالليل كيبقا لاصق حداه..

****

وقف بسيارتو وسيارة جمال أمام العمارة ونزل منها هو وخواتاتو وولادهم وجوج عماتو فرحان وغي كيفرنس ..معزة خواتاتو من باه كبيرة حيت كيعاملوه زوين..

نجلاء:استنو نجيب شنطة سعد

زوهرة:حبيب عمتووو حموت واشوفه..

طلع ليهم ميمون الشوانط لي بغاو وطلعو كيضحكو فالسانسور مذرع عمتو مع بغا يحل الباب حلات الزاهية غي شافت عماتو وهي تكحل بالعما. . ميقات ومشات مهضراتهمش ..حنحن ميمون محرج وقال:مرحبااا بيييكم

تلقات ليهم حفيضة والبقية كيرحبو بيهم وهوما لهفتهم غي فسعد..عنقو نزهة لي خرجات عندهم وكيباركو ليها فرحانين

هدى:هو سعد فين؟؟

سارة:فين حبيب قلبي

نزهة:تعالو معايا

مشاو معاها كيزربو غي دخلو تفاجات خاطرهم ومشاو واقفين عليه كيضحكو فرحانات وكل وحدة نزلات باستو فراسو حيت ناعس

العمة:مش شبه ميمون خالص هههههه

نزهة:شبهي أنا ههههه

نجلاء:(بلهفة باستو فراسو)ياحبيب عمتك انتا

زوهرة:(جبدات من صاكها هدية)دي عشانو

نزهة:(بحب)شكرااا..عذبتو راسكم

هدى:(باست رجيلاتو)متقوليش كده ده ابن الغالي ...حفيد بابا(دمعو عينيها)كان نفسو يشوف ولاد ميمون ..

حسن:(ابن زوهرة)ممكن ناخدو معانا مصر

هدى:لا هههههه بس أكيد لما يكبر حيجي يزورنا دايما

فرحو بيه المصريات قد الدنيا وضارو بيه كي الوردات ..مقدروش يهزوه خافو يعݣروه..بقاو لاصقين حداه كل وحدة حاطة ليه كادو عند راسو لدرجة الدري حداه عمر..

ومنساوش نزهة كذلك غرقوها كادوات وكبرو بيها بزااف كيبان الحب فعينيهم من جهة ميمون حيت باهم كبرهم على أنه عندهم خوهم واحد وكان كيعاود ليهم عليه الا هدى لي مكانش عندها معاه فلول لكن فاش عرفات طيبوبتو ومعدنو عزاز عليها ولات كتشوفو فمقام باها..حيت باش يسمح ليهم فكلشي وثروة باه تعيشو حياتو كاملة من أغنياء مصر..عمرو سولهم على شي حاجة ومبانش طماع بتاتا صارحهم فقط أنه باغي الخاوة تبقى بيناتهم..

فرحة العائلة بقدوم ولد ميمون خلات كل واحد وشنو جاب ليه خدا محبة الناس وهو باقي لحيمة..وصار هو حديث الساعة.

جاو صحاب ميمون من البياعا والشرايا دارو ليهم وليمة ترجال فقط وجابو الطلبة قراو شويا تالقرءان وتعشاو الناس وبدا كيتسرسبوو..

فبيت نزهة كانت كتبدل ليه ليكوش ومعاها خواتاتو كاملات وهي تنطق عمة ميمون:كان نفسي تسموه حسن..

نزهة:مكرهناش

فتيحة:(ضحكات)باش تسخف لينا الزاهية

زوهرة:الترجمة الترجمة ههههه

العمة:هههه أم ميمون مش عايزا مش كده

حركات راسها بالايجاب مبسمة وقالت:مش مهم الإسم المهم أنه حفيد المصري..

دخل ميمون عليهم وهزو من عندها قايل:مال هذا مابغاش يحل عينيه نشوف غي واش شبه ليا شويا

رشيدة:ههههههه جابتو بحالها العقبة للآخر

ميمون:ان شاء الله

هدى:هاتو يا ميمون..

عطاه ليها كتبوس فيه وتعاود حتى تناص الليل وناضو بغاو يمشيو وصلهم للأوطيل تحت إصرارهم ورجع فحالو لقى كلشي تسرسب ينعس..دخل لبيتو مالقاهاش ومشا لسعد كيلعب بلور تصباعو فحنوكو وعيونو كيبريو حتى دخلات هي

نزهة:اححح أميمتي شرشموني

ميمون:باقي فيك الحريق؟؟

نزهة:شويا هههه خليه أميمون بحرا مانعس(مشات كتقاد البيبغون)

ميمون:غتبداي تعطيها ليه

نزهة:و أنا كرهت نرضعو وصافي..راك شفتي مافياش الحليب بزاف ومكيشبعش ..نبدا ليه بالبزولة ونكمل ليه بيها

ميمون:وأنا إمتا نرضع؟

نزهة:هههههههه سير بعد مني هاد الربعين يوم

ميمون:ماضرني غي يوماين ماقستكش وليت ف 42 يوم هههههههه

نزهة:هههههههههههه الله يمسخك دوز تنعس..

ميمون:(جرها)زيدي الحب..

جرها تخشات حداه وعينيهم على سرير سعد الصغيور فالأبيض حداهم كيراقبو بشوق ثمرة حبهم لبعض..غمضو عينيهم برااحة كيقلبو على النعاس وماهيا إلا ساعة ونص حتى فاق سعد وناضت معاه هي..رضعاتو ورجع نعس وكل شويا يفيق شي ثلاثة تالمرات وهي كتفيق تهزو تراري بيه ومكانت هادي إلا البداية..

كيقولو النسا لي والدين ومعاودين بلي الولاد صعاب ورا تسع شهور فالتربية..وبالفعل كلامهم صحيح..تسع شهور دغيا كدوز كتبقى غي معاودة لكن التربية لي صعيبة.. كدوزي معاه العام لول غي فالفياق والرضاعة والسهير والعام الثاني كيبدا يدير رجيلاتو وخصك تبقاي حاضياه..

كيتعلم يدير يديه ففمو ويهز من الأرض ويلقط وكيتعلم يحبو وشي مرات كيسبقو المشية هي لولة..وأكيد السنان ولي كيصعرهم هادشي بلا الأمراض لي كيمرضو و وراها كتبداي سلسلة تعليمية.. يدير شحال من حاجة ضرورية من الأكل والطواليت ومايمشيش لهادي وتحضيه ونتي غادية فسلسلة مكتساليش ..

جزء من هادشي واقع مع نزهة لي بدات كتعيش دور الأم ..دور جديد عليها ولفات مع ولاد خوتها كتحضيهم وتبدل ليهم وتنعسهم لكن غي مرة مرة ماشي المسؤولية عليها هي..

دخول سعد لحياتها خلاها تكتاشف حوايج جداد معاه..كترضع ببزولتها وبالبيبرون معاونة بيها وكضل غي مقبلاه . . وهو من يد ليد من عمتو لعمو لعماتو المصريات لباه لي غيحماق عليه..

تحط سعد باسمو الكامل "سعد المزلوط" على سمية باه وفرحات بيه العائلة كاملة لي شويا بشويا بداو كيغادرو..بداو العريسات وفالأخير مشات حتى الزاهية بعدما ضربو ربعين يوم عند نزهة مونسينها ومعاونينها وأكيد مهليين فيها تحت توصيات ميمون لي يضور ضورة ويقوليهم تهلاو ليا فيها..

دخل من خدمتو كيف العادة فالعشية مشوق يشوف سعد ويهزو وبالفعل كي دخل شدو من عند نزهة باسو وبقا حاطو عندو عاطيه صبعو شاد فيه وكيشمشم فريحتو بحب..

نزهة:(كتسد صدايف البيجامة)راه غنبدا نغير ههههه

ميمون:تغيري من ولد صغير هههه(هز راسو فيها وطلعها بعينيه)باقي الزين ماصفتيش؟

نزهة:صفيييت هههه صفيت ربع يام هادي..

ميمون:ياك؟؟وعلاش مݣلتيهاش ليا؟

نزهة:مي ومك كاينين وحنا غا المدود على خوه مكنعرفوش بشويا ..

ميمون:ياك الالة؟؟ها مك ومي اليوم مكاينيش نشوفو شكاين؟

نزهة:(ناضت للكوزينة كتعوج)كل الخير الزين

ضحك وقال:لويييها لجد مك ههههه

نزهة:شد ليا سعد غندوش نريح عظامي

ميمون:حطي ليا فيا الجوع وسيري

نزهة:من عينيا الإثنين . .

مشات حطات ليه كاسكرووط وجلسات حتى كلات معاه حاطين سعد فالسداري كيغنغن بوحدو ..وناضت بعدها للدوش خدات دوش رخات فيه عظامها وعتانات براسها بجميع أنواع الكريمات عاد خرجات لعندو ملوية فبينوار لقاتو كيحط سعد بلاصتو ناعس وقالت:نعس

تلفت عندها وجرها من يديها:هاهو نعستو ليك..اشنو؟؟

نزهة:(تعلقات فيه)اشنو نتا هههه متصبرش حتال ليل..

طلق منها ومشا مبسم كيهبط الريدوات ديال البيت قايل:مݣداتكش 42 يوم ههههههه غتخلصي الضريبة الزين

نزهة:بغيتيها كاش ولا بالشيك..

ميمون:(شدها من خصرها) منين نبداك أمو ترمة مكورة

نزهة :(بضحكية تعلقات فيه )بدانيي من لفوق ونتا غادي

( زيرها عندو كيبوس فشايفها متعطش ) ليلتك سوودة الالاهم ..

نزهة:(عضات على شفايفوو كضحك )خد راحتك أولد المصري..

حيد ليها البينوار وبان جسمها قداموو حوالو عينيه وشهوتو طاغية من نهارو كيحمقو جسدها..رغم أنه عندها الكرش شويا..هي كانت طالبة عليها .. مخجلاتش تبيين رغبتها فيه ..

ميمون:ديري بحساب سعد

نزهة:ممم

حيدات ليه ما تبقا من حوايجو وهبطها على سرير كيلتاهم فجسدها كتنين وتعصر تحتوو جابت ليه تمام بصوتها لمحلون

نغنغ سعد وطلع سد ليها فمها وقال:خليني ن*** فخاطري أنزهة

نزهة:ففف كوا بلا صوت أميموون هههههه

ميمون:نمشيو لبيت لاخر

نزهة:منقدرش يقدر يفيق صافي كمل ههه وهي بشوي دير بحساب لغراز عاد براو أحبيبي

مجاوبهاش دغيا رجع نساجم مع جسمها ورطوبيتو توصل لقاع لي علييه كيبوس ويلعب من قبيلة لقاه واجد وكيف ديما نقي وريحة المسك الخفيفة كتبعت بالنقا والعناية

ميمون:(قرصها فيه وقال)توحشت لمطبطب دياليي

نزهة:تانا توحشت الرطب ولي كيعطب

ميمون:كوني هاني ليوم يفرعك

ضحكات ولاحت راسها اللور مستمتعة معاه بالمداعبة واللمسات مخلياه يبوس ويمص عايشة معاه

حسات بالإيلاج وبدات كتزير وبلاصة النشوة ولا الم

نزهة:ميمووون ففف حبس

ميمون:تزيرتي الزين

نزهة:(بالم )احح ضريتيني

ميميون:نحاول بشوية

نزهة:واخة وبشوية

بدا لمحاولة من جديد حاسة بلحمها كيتقطع غوتات بلا متحس توقف قافز وقال:مالك

نزهة:ففف وعتينييي اححح

ميمون:مزالين غير فلباب ...نديرو شي حاجة ! يكما سدوك المصيبة

نزهة: الله يستر

ضحك ورجع لتقبيلها وقال :صبري نتيقن

بدات مندامجة معاه دقة دقة رغم الألم ملي كيزعم حتى بدات الطريق تسرح سمعو تنعنيغ تاع سعد وحبسوو قاطعين لحس باش يرجع ينعس حتى شدها بالبكية تجبد ميمون كيحرك فلكونة ديالو وهو فوق نزهة ..

مميون:داكشي لي خاص ....نعس أولدي غير نص ساعة أش بغا هدا ؟

نزهة:عطيه اللهاية ديالو

مدها لييه شدها وسكت ورجع غمض عينيه ورجع الاخير لحضن نزهة عايشين لعلاقة حتى رجع كيبكي تاني

ميمون:فف خراا

نزهة:ششش بلاتي اميمون

ميمون:خليه يبكيي شوية بلاتي

نزهة:أويلي واش حماقيتيي بلاتيي راه فيه جوع

ميمون:مبقيتش فييك دابا أنا؟ تزيرت أحبيبة

نزهة: وغي صبر دغيا ينعس

خلاتوو بغا ياكل راسو بالفقصة ..ناضت هزات بينوار حريري من لماريو لبساتو وميمون كالس كيسووط كيتسناها

ميمون:وا نزهة سربي نعسيه

نزهة:(كتمسح فصدرها )صبر شوية

دازت هزاتوو وتكات كترضع فييه وطبطب فييه وهو عاد مجاه يحل عويناتو كتحطو كيبكي كتهزوو كيسكت

ميمون:ياك شبعان مبدل صافي حطييه

نزهة:كيبكي

ميمون:وشنوو دابا نبكي أنا ؟ على خر أيامي نولي كفايتيي

نزهة:ههههههههه ويلييي الله يعطيك المسخ..هاهو غينعس

حتى كينعس وتبغي تحطو ويبدا يبكي تقول عاق بيهم أش بغاو يديرو.. ميمون عيا يصبر حتى كيفرح وينوض يجعوق ليهم يهرس فييه كلشيي

ميمون:(بهمس )نعس !

نزهة:اه ششش

ميمون:(وقف جرها )زيدي قدامي

نزهة:فيين هههه

جرها بهمس داها لبيت لاخور مخلهاش تهدر مزال دفعها على قنت سرير وطاح عليها كيف شي جيعان

لقا راسو بين أحضانها فعلاقة حميمية بزز كملوها مرة توعت مرة سعد كيبكي

توالات عليهم الأيام مع فلذة كبدهم مدوزينها بحلوها ومرها كيحاولو يتعودو على وجودو وعلى التغييرات لي دار فحياتهم..منها نعاسهم لي مبقاش مقاد مغتنكرش نزهة أنه كيعاونها وكيشدو ليها وبالليل كيفيق معاها ماشي كيسمع الغوات وينوض يبدل البلاصة كيف كيديرو أغلب الرجال بحجة راه خدام فالصباح...

مع 12 تنهار كانو كيفطرو مبوقيين بالنعاس فالصالة وكيهضرو وأغلب هضرتهم كتكون عليه.

ميمون:البرهوش الفجر كيوذن وهو باقي كيغوت

نزهة:ههه أنا عيني ولاو كحليين من لتحت

ميمون:(دوز يدو على تحت عينيها)غي يتݣاد ليه نعاسو وغترتاحي

نزهة:عيييت والله..وهادشي باقي ݣاع مختناه..

ميمون:صبري شويا

نزهة:(بدلع)جيب ليا احبيبي لي تعاوني..

ميمون:(كيرتاشف من كاس تأتاي)غلباتك الدار؟؟

نزهة:بغيت غي لي تجي تجمع ليا وصافي..كنبقا سهرانة معاه مكنساليش لراسي باقي

ميمون:واخا نجيبو ديك المرا نشوفها تعود تݣلس معاك وتشقا ليك ولكن..

قاطعاتو مبسمة:الطياب لا هههه عارفة..

ميمون:هاكاك ههههه طيبي وخلي ليها هي كلشي نتي قابلي غي سعد..

تسمعات تنغنيغتو دليل على أنه بدا كيفيق وهي تقول:كون غي ذكرتي مية مليون هههه هاهو فاق..

ضحك وهي تنوض عندو لقاتو كينغنغ وسط لبيستو الزرقة..بتاسمات ليه وهزاتو دايراه فوق كتافها وكتمسح على ظهرو تا بدا كيسكت كيحاول يحل عينيه..خرجات بيه عندو كتقاد صوت الدراري صغار:هانا أبابا فقت..فقت نعاود نصدعكم..

تبسم بحب وشدو من عندها كيعدل ليه فحوايجو..باسو فراسو وقال:واش نتا متنعسش وتخلينا هانيين هههه(هز فيها راسو)الغش هذا راه مكيشبهش ليا حتى بشوية

نزهة:(بغرور)اوا شبه موو..غيكون سعد مرضي ميمتو

ميمون:شمتيني فهادي..طلقي راسك بغينا البنت

نزهة:هههخخ واخا حلم حلم اراه ليا نرضعو راه غيبدا يغوت

مدو ليها وبدات كترضع فيه وكتذاكر معاه قايلة:الى كانت غتجي المرا غنبدا نوجد للسبوع

ميمون:شوفي شنو خصك وصيفطيه ليا يدوزوه ليك الدراري

نزهة:واخا

ناض كيمسح فمو باسها فشفايفها وقال:أنا مشيت الى خصاتك شي حاجة صوني ليا..غنصيفط ليك المرا

نزهة:لهلا يخطيك علي أحبيبي رجع للغدا.

حرك راسو وخرج لأشغالو معطل حيت بايت سهران مع سعد أما هي راه غي رضعاتو حطاتو بلاصتو كيفركل برجليه ويديه ومشات كتجمع الماعن وتديرهم فلاماشين مستمتعة بالأمومة

وبالغعل تكلفات بكلشي وكل نهار كتحيد عليها حاجة منظمة وقتها وغادية بشويا عليها مقابلة غي سعد وتوجادها للسبوع مابغات تا حاجة تخص وفكرات فكاع التفاصيل باش تطلع السبوع على أكمل وجه

مرت عليها أيام قليلة وجدات فيها كلشي وشافت حتى القاعة فاش غتدوز ليه السبوع.. ماخلات تا تفصيل من حوايجهم نضاتهم..

****

اليوم فالصباح فاقت بكري على صوت سعد كينغنع مبوقة بالنعاس كيفيق ليها بزااف رغم أنه عندو 4 شهور لكن نعاسو باقي متقادش ليه..ولات كتنعس غا نص نعسة ..العين مغمضة والدماغ خدام معاه..

هزاتو كتراري بيه خشات ليه البزولة ففمو مغمضة عينيها بتعب..شعرها مخربق وراسها عاطيها الحريق بقلة النعاس

حسات بقبلة على عنقها وصوتو الغليض فوذنيها:فاق عاود؟

نزهة:(شداتها البكية)مكينعسش ݣاع..راسي غيطرطق عليا بالحريق والعيا..

ميمون:(كيمرر يدو على كتافها بحب)زيدي صبري شويا..سولت واحد السيد صاحبي بنتو طبيبة ݣالت ليك عادي باقي ميتݣادش ليه النعاس..

نزهة:واقلة(شافت فسعد مغمض عينه)هادشي غي ممختنش

ميمون:رضعيه ونوضي دوشي خففي عظامك(ذرعها بيدو )ندوش ليك؟

نزهة:لا غندوش راسي..شوف ليا غي شي دوليبران باش نمشيو

ميمون:واخا الالاهم

ناض من حداها لا يقل عنها تعبا لكن هو كان كيغمض مرة مرة ونعاسو ثقيل مكيفيقوش الغوات خصو شحال عاد يفيق..

رضعاتو وبدلات ليه عاد حطاتو فسريرو..ومشات كتفوه وتجمع شعرها بتعب..خدات دوش خففات بيه عظامها ووذنيها كيلقطو صوت التقرقيب فالكوزينة..خرجات لعندو بالبينوار لقاتو كيحط الفطور..تبسمات وقالت:حبيبي

ميمون:سيري لبسي واجي تفطري..خصنا نديو سعد يتختن

نزهة:واخا

لبسات عليها وتمات جايا بدجين لاصق وشوميز نازلة من المؤخرة فالموف ..هز حاجبو ونطق:قربتي تخرجي من راسك زيت السروال

نزهة:(باستو فحنوكو)وابرااكا...

سكت مطمر وجلسات كتفطر معاه فالأخير شربات دوليبران وناضت هزات ولدها وخرجات برفقتو نحو الطبيب لي غيختنو ويديها كيعراقو عليها..

وصلو للمصحة فين غيتختن ونزلات برفقتوو هو لي هازو وكيتبسم ليه ويهضر معاه بحالا كيسمعو..عمرات ليه هي المعلومات الخاصة بيه وتكلف هو بالخلاص ومشاو للبلاصة فين غيتختن وهو ينطق:غندخل معاه

نزهة:(بخوف)مسكين ولدي

ميمون:اللهم دابا ولا حتى يكبر..أنا بقيت عاقل عليها ههههه

نزهة:ويلي مالك هبيل كنتي صغير باش غتعقل؟

ميمون:راه ماتختنت حتى ولات عندي خمس سنين هههههه(كيتذكر)باقي عاقل عليها منسمحش لداك لي ختني

نزهة:(طلقاتها بضحكة عالية)ههههههه أويلي على خمس سنين اميمون؟؟ويلي علاش مختنوكش؟

ميمون:والله حتى خمس سنين عاقل على كلشي هههه(حط يدو على حجرو)

نزهة:(مزالا كضحك)هههههههههه وعلاش؟؟

ميمون:با مختنيش ومي معارفاش كاع واش كاين اوا خالي دار فيا الأجر وختني هننهه أما كون راني دابا ب'** كامل مكمول

نزهة:(شدا كرشها)عععههههه الله يسمخك ههههه أميمتي فوجتي عليا عمرك ݣلتيها ليا

ميمون:(طانز )ياك كضلي تبوسي فيه ديك ساعة سوليه راه يعاود ليك همو مسكين

نزهة:هههههه مسكين شيخ الشباب ديالي محنوه ليا لا سماحة ليهم

ميمون:هههههه خلاوها ليا متورخة ههههه(نادت عليهم الممرضة ووقف)خليك هنا

باست سعد بحرارة وناض بيه مدخلو للقاعة لي غيتختن فيها..حال عويناتو وكيفركل برجليه بقا غي واقف كيشوف فيهم كيحيدو ليه حوايجو من التحت دارو ليه بنج خفيف باش ميتحركش وبنج موضعي باش ميحسش لكن الدري مزال فايق غي أطرافو لي مكيحركش باش ميبرزطهمش ..

وماهيا إلا شوية ديال الوقت حتى كان سعد تختن وكمل أحد شروط الإسلام..سواناو ليه وباقي غي كيشوف محاسش بتاتا حيت باقي مبنج..

ميمون:(ضرو خاطرو)مكيغوتش؟

الطبيب:نوغمال راه مبنج

ميمون:عفاك واخا تشرح لمو كيفاش تداويه

الطبيب:بيان سبغ

خرج برفقة الطبيب وخلاوهم كيسوانيو ليه مزال..نزهة كي شافتو وقفات كتسرط ريقها:فين ولدي؟

الطبيب:كلشي داز مزيان الحمد لله(مد ليها ورقة)هذا الدوا لي غتاخدو ليه وفالفاغماسي غيشرحو ليك كيفاش تداويه

نزهة:شكراا

خرجوه ليها ساكت شداتو بشوية خايفة تعݣرو..باستو فجبهتو وقالت:على سلامتك اولدي

ميمون:ياله مشينا

داو سعد للدار وباقي محاسش خداو ليه الدوا وشرحو ليهم كيفاش هي دغيا ستوعبات وكتسول على أبسط التفاصيل..

وبالفعل ماهيا الا ساعة حتى طلقو البنج واراك للغوات والحيحة ..الدري بالحريق لي فيه ولى عاطيها للبكا والنحيط مبغاش يسكت..كتدير ليه البزولة ففمو وتراري بيه ديرو فرولاكس تحرك بيه ووالو مزال الدري كيغوت..دوز ساعتين غي بكا ونحيط عاد بدا شويا كيسكت و ينين ..محيدا ليه كلشي مخليا غي ليكوش وقلبها كيتعصر عليه ..شعر راسها وقف ..معاها غي المرا لي كتعاونها أما ميمون خرج جاب الله فالأخير جات عندها حفيضة وسعيدة كيمدوها بالنصائح من تجاربهم

أول ليلة ليه منعسات ماشافتو نهائيا بقات غي مخرجة بزولتها وكتراري مخلات مدارت ليه ووالو الدري فيه الجعرة حتى زادت كتبكي معاه..فاق ميمون كيسمع صوت غواتو من الصالة حاطاه فرولاكس وكتبكي حداه شداتو الضحكة عليها..

وقف عليها وقال ممازح:واربينا بكري هههه كتكبي كاع

نزهة:بعد مني الله يرحم باك راسي غيتشق

ميمون:حيدي سيري تنعسي أنا نقابلو شويا

نزهة:مغتعطينش خاطري (كتدمع)مسكين ولدي

ميمون:هههههه هشيشة يا هاد المرا (هزو بشوية)مالك أبابا هاا؟؟(دار ليه سكاتة ففمو)مالك كتغوت ولا حيت قطعو ليك منو

نزهة:(كتمسح دموعها)راشقة ليك ؟؟

ميمون:معلوم ترشق ليا. ..مختن ولدي وباغياني نكعا..صايبي ليه رضاعتو أنا نقابلو..

مشات وجداتها ليه لقاتو كيمشي ويجي بيه بحالا كيدير بيه الطواف..برهوش صغير محنهم طبيعي هو معندوش تجربة بتاتا وهي راه رغم تجربتها مع ولاد خوتها لكن كانت غي تجربة سطحية كانت علاقة عمة مع إبن او بنت أخ لكن بتاتا واش عاشت تجربة أنه يكون ولدها والمسؤولية عليها كلها بوحدها

عطاوه الرضاعة كيمص فيها بالمشي والمجي تا بحرا ماغمض عينيه على وضعية جلوس ميمون لي كيهزز رجليه وكيتفوه..

نزهة:(بهمس)نعس؟؟

ميمون:خليه واحد شويا يشد فيه النعاس

نزهة:(شادة حنكها)واخا

ميمون:(مبسم)هلكك ليا العزري الالاهم

نزهة:(بتساءل)خيابيت؟؟(دوزات صباعها على تحت عينيها)شوف كي ولى عندي هنا؟

ميمون:باقي زوييينة الالة ..غي السهير لي داير ليك هاكاك..غي يكبر تنساي هادشي

نزهة:إن شاء الله ياربي..نوض نحطوه بلاصتو بغيت ننعس غي شويا

ميمون:(باسها فحنكها)الله يسمح لينا منك

داوه على أقل من مهلهم حطوه فسريرو وجرها حداه عنقها لعندو كيمسح على راسها قايل:غمضي عينيك شويا دابا يعاود ينوض عههه

نزهة:تصبح على خير

ميمون:(بالمصرية)ده نتي الخير كولو

****

الأشغال قائمة على أتم وجه..اليوم دازت سيمانة على ختانة سعد وغيحتافلو بالسبوع وبالختانة دقة وحدة وكيف واعدها فأحسن قاعة فكازا ديال الحفلات غيتقام ..عرضات على عائلتها كاملين منسات فيهم حتى واحد إلا مليكة لي رفضات تجي..وكذلك هو مخلا تا حد فعائلتو مهزش التيليفون وعيط ليه..باغيين يديرو فرح جماعي وكلشي يشركهم فرحة ولدهم "سعد"..

وبتكشيطة مغربية هماوية كانت نزهة متأنقة فلون كراميلي مع فولار غي لايحاه عليها نص شعرها بارز هازا سعد لي ملبساه جبادور بحالو بحال باباه فالأزرق والأبيض.. كيتصورو صورة عائلية خاصة بيهم من داخل القاعة لي كان الطايح كثر من النايض فيها بحال العرس..الشعبي خدام على الجهد والرقي والأناقة غتبان ليك من بعيد..العائلة كلها حاضرة كيشوفو فيهم فرحانين ليهم..بدا سعد كيبكي وهمسات فوذنيه:غنمشي نرضعو

جرها معاه طلعها للفوق فين كاين بيت خاوي..غي دخلو وهو يطرطق عليها:كديري لي فراسك أنزهة..داك الشعر لي باين عارو علامن؟؟

نزهة:فك ليا السمطة نرضع الولد..غا حاضيني

ميمون:(فكها)مغتخرجي من هنا حتى تجمعي دوك الزغبات وتصايبي زيفك ولا مغيكملش هاد السبوع تالخراا

نزهة:(جلسات كترضع فسعد)واش مريض فعقلك؟؟باغي تحرم فيا سبوع ولدي

ميمون:نتي لي محرماه فينا...الدنيا مخلطة وشعرك باااين

نزهة:(ساطت)واخا واخا اسيدي شي اوامر خرا؟

ميمون:(مخنزر)ردي البل لفعايلك معايا..متشوفينش رخفت ليك السمطة وتركبي ليا فوق كتافي(هاز صبعو فوجهها)لي منقبلوش راه منقبلوش واخا تنوضي ليا با من تحت الأرض

نزهة:(قلبات عينيها)ففففف واخا واخا..براكة من الحضية

سكت متلاش دوا منشور حداها كيتسناها تكمل تا غفا سعد وهي تقول:عيط ليا على مي تشدو ليا راه نعس

ميمون:واخا

نزل عيط لمها ولصقات فيهم الزاهية مداتو ليهم وخلاتهم شادين الحديث صداع الغنا والرديح ضارهم فراسهم..وقف ليها عند جنابها تا جمعاتو مغددة ودارت فولارها سايطة وقالت:برد دابا

ميمون:الله يعميها ليك

نزلو بجوح مبردين الطرح مباغينش يخسرو نهار ولدهم..مشاو جلسو فطبلة تالعائلة حاضين كلشي كيشطح ويردح..نوضوه خواتاتو هو معاهم بحالا وركو ليه على البطونة لي بغا..الزهو وتاشياخت والنشاط..يشد مع هادي الطرح ويطلقها ويدوز لوخرا...المصريات مافاهمين والو غا كيتحركو معاه التحياح خلاوه ليه..ومقاليه راسو سير جر نزهة الشيخة الكبيرة وداروهم الوسط وجلس هو وياها على الشطيح والرديح هادي تنفع هادي تضر خلاو كلشي غا حاضيهم حتى سالا الطرح عاد حبسو كيكركرو وتم جارها معاه

سميرة:هههعههه غا هو خضر ونتي شيخة

نزهة:(كتنش على راسها)حيحت اختي شحال ماحيحت ههههههه(ضربات فكتافو)راك ناااضي الزين

ميمون:هههههههه بلاتي يبدا طرح اخر..

نزهة:هههههههه واش أنا مزوجة ميمون ولا عثمان مولين

ميمون:(هاز تيليفونو)ضحكي نتصورو..خلينا ناشطين

نزهة:ههههههه خضر

وعلى هاد المنوال كملو سبوع سعد لي دوزوه شطيح ورديح وكرم وتهلية فالضيوف وجماعة الحباب كلشي فرحان وكلشي ناشط ...جاوهم الغرق ديال الكادوات الغاليين خاصة من طرف عماتو المصريات ومن طرف البياعا والشرايا ماسالا السبوع حتال الفجر عاد كلها تدردب لدارو عيانين مسخسخين..

راكبة لور هازا سعد كتفوه وهو لقدام سايق:فرحانة الالاهم؟؟

نزهة:لي عندها ميمون خصها تكون فرحانة ههههه داز السبوع زوين كيفما تشهيتو

ميمون:بصحتكم الزين..سيري ريحي راسك دابا

نزهة:شكرا على كلشي أميمون

ميمون:زيديها فكرك ههههه حاشا ولدي لي كيسمع

*****

الحياة غادية معاهم بشكل عادي كيفهم كيف أي جوج مزوجين ووالدين معندهمش شي حاجة جديدة او مغايرة..جامعهم الحب و المودة والمحبة والتفاهم..كيربيو ولدهم بجوج وأي حاجة كيتناقشو فيها بجوج عليهم

داخل مع الباب محمل بالتقدية وعينيه كيف العادة كيقلبو عليه مع نزل عينو للأرض مع كيبان ليه جاي من الكوزينة كيحبوو ويزرب فمو مترع بالضحكة وخاوي من السنان..

حط شنو فيديه وتحنا هزو بشوق باسو فراسو وفحنوكو بجغهم ليه وقال:شهادشي هاا؟؟

نزهة:(خارجة من الكوزينة هازا بيبغون)كنهضر مع الحيط أنا ههههه

ميمون:باغي تشرب حليببة(شافو مترع فمو ليه)فيناهوما السنان هاا؟؟(بجغو بووسان)

نزهة:مجاني والو فدوك البوسات غا كدخل كتسبق ولدك هو اللول

ميموت:(قبلها ففمها)نتي هي كلشي(شد من عندها البيبغون)أري نعطيها ليه

نزهة:نتا عيان أكبيدة سير دوش ورتاح ليك أنا نعطيها ليه

ميمون:(برفض)لا غي خليني

تبسمات ليه على حنيتو ولي زادت بانت فاش تزاد عندو سعد..كيبدل ليه ويرضعو ويهزو ويلعب معاه ممخلي مداير عليه باغي يعيش معاه لي معاشوش هو مع والديه باش واحد النهار ميهزش فخاطرو عليه

نزهة:أنا نوجد ليك الدووش

ميمون:واخا

مشات كتوجدو ليه وكتقاد ليه حوايجو لي بمجرد ماهزاتهم بدات كتشم فيهم بحب وتحطهم على صدرها منتاشية بريحتو الفطرية لي ولات حافضاها

دخل عليها بعد دقائق وقال:كتافي طايحين عليا

نزهة:شي ماساج؟؟

ميمون:فالليل ماسي حتى تعياي..ندخل ندوش باغي ناكل

نزهة:واخا(باستو ففمو)

ميمون:شهادشي الالاهم(دوز يدو على خصرها)

نزهة:(بدلع)منبوسكش؟؟

ميمون:(عضها بشوية فحنكها)لا بوسي غي جاتني فشكل

نزهة:(كدوز صبعها على فمو)علاش ممولفاش ليا نبوسك ديما؟؟مالك نكار ياك كنفيقك بيهم ونعسك بيهم

ميمون:حالك معاجبنش هاد الأيام غي كتبوسي فيا

نزهة:(عوجات فمها)صافي منبقاش نبووسك

ميمون:(ضحك)ههههه هاهيا غتفݣع عاوتاني هههههه الالة غي بوووسي

نزهة:بصحتي ههههه(كتنادي)سعد سعد سعدددد سمع سمع غيبدا ننننننن

نزهة:سعد

سعد:نننننن

ضحكات ومشات لقاتو رضع وسالا عينيه منيمين فرولاكس ديالو..باستو فحنوكو وقالت:شهاد الزين والدة أنا هااا؟؟ياك أماما ياك الزين

سعد:نننننن

نزهة:نعس احبيبي نعس

دوش ميمون وجا حداها كيديرو كاسكروط مشاركين الهضرة وهي غي حاضية يديه وفمو وعينيه واحد اللحظة نطقات:شفارك زوينين

ميمون:ههههه ياربي تستر اش آخر

نزهة:والله ههههه

ميمون:نتي راه وزملتي هاد الأيام ههههههه

نزهة:بصحتي ههههههههه

فاق سعد بعد ساعة ديال النعاس وهزو ميمون كيلعب معاه خالق معاه جو اخر..رجع معاه دري صغير..كيتكا فالأرض ويهزو تالفوق والدري حلوقو غيخرج بالضحك كيعجبو يلعب معاه معنفج..مرة كيديرو فوق ظهرو وكيحبو بيه ولاخر غي كيضحك ...ويهز لعابو يفرتتهم معاه مرة مقادين تران مرا يلوح ليه كرة صغيرة ولاخر مكيقاظش الوقفة مع كيوقف كيطيح ..مهم خالقها معاه على نيتو مخليين نزهة كطيب العشا

دخل عليها للكوزينة قرصها فترمتها وقال:كاين شي مايتكال؟؟

نزهة:هاني كنوجدو

ميمون:ولا..بغينا هذااا(زير عليها)

نزهة:غتجيني لغيكل واقلة

ميمون:لي صكع راه صكع هههههه كملات شهر خلاص

نزهة:(بقات كتشوف فاص ليها)هاااا

ميمون:(كيشرب من القرعة)اليوم لخر الزين وديك ساعة تجي

بقات ساكتة كضورها فدماغها وكتربط الأشياء ببعضها والغد ليه أول ماخرج هو هزات ولدها ومشات جابت تيست ديال الحمل..دخلات للطواليط ودارتو كيف مولفة وبقات كتسنا وتعض على شفايفها ماهيا إلا لحظات طلع ليها بلي حاملة..

بصدمة رمات التيست من يديها لي تحطو مباشرة على فمها من هول مارأت..آخر مافكرات فيه ولا كتفكر فيه هو تكون حاملة..غي شكات وقالت تحيد الشك كان فداخلها إحساس قوي كينفي ليها الخبر لكن التيست مطلع بلي حاملة خلاو قلبها يضرب..طاح فبالها فقط "سعد"..

حاملة يعني غتحبس الرضاعة وغترجع لموال الوحم والحبالة والثقل والنفيخ وغتعاود تولد بنفس الوجع يعني نفس السيناريو كيتعاود خلاو عينيها يدمعو بدون شعور رافضة تقبل الأمر..تسندات بيديها على لاڤابو وبدات كتنزل فدموعها محسرة على ولدها وعينيها غي فداك التيست كترجا تبدل النتيجة..بقات لدقائق تما حتى تدق الباب من طرف السيدة لي كتكون معاها وصوت سعد كيبكي كيتسمع

...:نزهة نزهة

نزهة:(كتسمح دموعها)نعام..واخا أنا خارجة

غسلات وجهها كتحاول تجمع البكية ..نشفاتو وخرجات شداتو من عندها بنيف أحمر ورجعات لوخرا لشغلها..أما هي كي شافتو تزير عليها قلبها وزادت كتبكي بصمت داتو للبيت كترضع فيه وتبكي تقول جايباه من الزنقة..

دوزات صباحها كولو غي كدمع وكتشوف فسعد وتحسر ..معرفاتش كي دارت للغدا نهائيا ..غادرات السيدة حيت السبت ومكتخدمش فالعشية وخلاتها كتوجد الطبلة وهم ثقيل على كتافها..دخل ميمون مبسم كي ديما.. وقال:فين سعد؟

نزهة:(وقفات قدامو شفايفها كيترعدو بالبكية)كيلعب فوق الناموسية

ميمون:(بتساؤل)نزهة مالك؟؟(شد وجهها بين يديه)مالكي (بانت ليه كتبكي)اش واقع؟؟واش طرات للولد شي حاجة؟؟

نزهة:(تلاحت كتبكي فحضنو)هءهءهءهءهءهءه لالا مابيه والو

ميمون:ومالكي كتبكي؟؟مريضة؟؟.

مسكتاتش من البكا بقات غي كتنخصص محاملاش الفكرة وممتقبلاهاش..عصباتو ونطق:واهضري خلاص أنزهة راه طيحتي مني النص

نزهة:أنا حااملة

للحظة جمدو ملامحو وركزو عينيه فعينيها الباكيين لكن دغيا بانت إبتسامة عريضة على وجهو وقال بعدم تصديق:ݣولي والله ههههههههه حلفي حتى حاملة

نزهة:واش غنكذب عليك؟؟وارااانييي حاملة درتها لراااسي هيهءهءهءهءهء خرجت على راسي..

محساتو غي هو معنفجها بتعنيقة خنقها بيها وصوت ضحكتو مسموع فالدار كاملة و كيردد:الحمد لله ياربي الحمد لله ههههههههه علاش كتبكي لحسك؟؟

نزهة:(تنطرات منو معصبة ووجها عامر بالدموع)واش كضحك عليا؟؟؟واش عارف شناهيا حاملة؟؟ولديي باقي مكملش حتى عااام وحملت واش عارف آش تابعني هءهءهءهء

ميمون:(شد وجهها بين يديه كيمسح ليها دموعها بحنان)شششش متبكيييش هذاا خير من عند الله كاين لي بغاهم و مالقاهمش أنزهة

نزهة:(كتحرك راسها بنفي)ولدي باقي صغير أ ميمون هءهءهءه ماغيشبعش مني ولدي

ميمون:مالكي غتهربي عليه هههههه الله يهديك كنت حاسبك بعقلك واااه(عنقها بحب)الحمد لله ربي باغينا نزيدو نولدو عليييه

نزهة:معارفش مناش دزت..الوحم والثقل والنفاخة والعيا عاد رتاحيت شويا وبديت كنرجع صحتي وحملت هءهءهءهء فين كان عقلي فين

ميمون:(ذرعها بيديه)وااصافي انزهة متزيديش فيه..ربي باغييك تحملي(ضحك)وحتى أنا هههههههههههه قضاو فيك الليالي هههههه..

نزهة:(مراشقاش لها)ضحك نتا معامن جات أما أنا بنت الهم تابعاني تمااارة الكحلة ماحيلتي لسعد ماحيلتي للوحم

ميمون:(باسها فحنكها وعنقها)متساليني غي نفشش فيك حتى تولدي ليا لالاهم وحدة خرا حلوة بحالك ههههههه فرحتييينيي اليوم..

نزهة:(شافت فيه بعيون مدمعة)غنعيا أميمون

ميمون:أنا نعاونك بغيتي حتى جوج خدامات يعاونوك مرحبا نجيبهم ليك..متهزي ماتحطي قابلي غي ولادك الالة ههههههههه غنعيط لمي نفرحها

نزهة:خليني نمشي نتأكد عند الطبيبة

ميمون:ههههه الالة راكي حاملة مكاينش الكذووب ههههههه(شقمها ببوسة ففمها)ينعل حسها منهار جات وهي كتجيب ليا غي الزينات

تم سعد جاي كيحبو ويغنغن مع رااسو ناض ميمون تلقا ليه هزو كيلعب معاه كيهزو للفوق وينزلو ضااحك ويدير ليه الطيارة على نزهة لي غي كتشوف ...فيه الجهد باش يلعب ويضحك ويربي عكسها هي لي مغبنة

تنتاشر خبر حمل نزهة للمرة ااثانية وبداو الآراء الخاوية ديال الناس لي معندهمش دخل:

-"ويلي مالها قنية"

-"باغا تشدو بالولاد"

-"هادي غتهلك صحتها غي فالولاد"

وزيد وزيد من التعاليق الخاوية لي تلقاتها نزهة من عائلتو كلشي بدا عليها زربانة كون صبرتي حتى يكبر ولدك كيزيدو يأزموها كثر وهي معالم بيها غي الله...

والعذاب الأكبر ملي قطعات ليه البزولة مكتنعس مكتشوفو سيمانة وهي فالعذاب خاصة حيت ولفها وكثار فيها الحليب جات ختها ومها معاونينها ومعاهم حتى ميمون..مرة تصبر مرة تبكي تجمع عليها الوحم مع الهرمونات تهلكات ليه مزيان ...والإيجابي فالأمر مافيهاش تقية غي الغضبة وطلوع الدم أما كتاكل وتطحن لي جا قدامها كي المالح كي الحلو وحبها هو ميمون كيكون كياكل وتبقا تشوف فيه ولا يكون جالس وتبووس فيه وتبقا تحكك عليه وكي يمشي للخدمة تبقا تعيط ليه امتا غتجي جي بغيت نشووفك وحتى هو صابر وداير الخاطر حتى ولدات ..

******

بعد مرور ست سنوات

وقفات سيارة ميمون أمام إحدى المدراس التعليمية الراقية فكازا تحت إسم "راضية" ..ميمون لي مزادو العمر غي جمالا وطيبوبة..لابس مزيان وداير نظارات شمسية خافيين عيونو السودة..وحداه نزهة لي منقصات كيلو مازادتو محافضة على الزين والفصالة لي كدوخ ميمون بمجرد ماولدات تواللات راسها..بفولار مغطي شعرها كامل وماكياج خفيف مخدا منها الزمن والو من غير بعض التجاعيد لي بدات كتبان على عينيها..كيف لا وهي بعمر الأربعين وهو راه قرب للخمسين

فلور كان سعد ..الطفل الأول نسخة مصغرة على نزهة بخالة الزين لي مميزاه هو و مو ..بيض وشعر كحل ولابس آخر ماكاين فالحوايج كيبان أنيق ...وبجانبو الطفلة المدللة لي جات بمحض الصدفة ولي مكانوش منتاظرينها ..نسخة طبق الأصل على ميمون..سميمرة بحالو والشعر كحل..شدات من مها غي الشفار الكثاف أما هي غي كتضحك كتبان ولد المصري محطوطة...لابسة كسيوة قصيرة مع لي صندال وطالقة شعرها الطويل الأسود مع فخونش نازلة على عينيها ..ختارو ليها إسم ريحاب

ريحاب:بابا ننزل؟

سعد:علاش كتشاوري؟ننزلو

ميمون:سعد بلا بسالة

نزل هو لول حل ليهم الباب ونزلو كي التوام تقادة وحدة كيف لا وهوما ولاد الغيار يعني مفاوتين غي بعام وشي حاجة قليلة..تبعاتو نزهة وقفات عليهم شدات سعد من يدو مبسمة وقالت:فرحانين؟؟

ريحاب:(كتحيد الشعر على عينيها)أنا خايفة منجيش انا لولة

دوز ميمون يدو على حنوكها وقال:إن شاء الله نتي لولة ابنتي

ملي كتشوف فريحاب كتشوف فميمون بنسخة أنثوية كتشبه ليه لدرجة كبيرة عكس سعد لي ماكيجب منو والو..

نزهة:ياله ندخلو

دخلو للمدرسة كبيرة وراقية جدا باختيار خاص من ميمون باش يقراو فأحسن المدارس..ولقاو الآباء وأولياء الأمور كذلك تما حيت اليوم غيعطيوهم نتائج السنة الدراسية..

دخلو لقاعة كبيرة وعامرة بزاف فيها غيعلنوو على الأوائل فكل مستوى والبقية راه غيشدو نتائجهم عادي..كانت شبه حفلة فيها الأطر المدرسية كاملة فانتظار مول الشي لي كيجي خصيصا كيعطيهم الشواهد التقديرية للأوائل

شدو بلايصهم وسعد بحالا فيه الدودة غي كيبربص.. شاف فيه ميمون وقال:ريح أصاحبي

سعد: ا نمشي لهيه ونجي

ميمون:لا..ݣلس

سعد:عفااك أبابا نشوف غي ياقوت

ميمون:حشومة أصاحبي البسالة لا..البنت مع والديها(بفضول)وريها ليا..

سعد:(نعت ليه بصبعو حشمان)راه فين ݣالسة مع ماماها(تبسم بذكاء)زوينة ياك أبابا؟؟

ميمون:زويونة ههعع كتقرا مزيان ولا بحالك؟؟

سعد:كتقرا مزيان كتجي من لولين

ميمون:إوا اولدي إلى بغيتي تعجيها خصك تجي حتى نتا من لولين ماشي تبقا معكز على حفاضتك

سعد:(حشم وغطا وجهو بيديه)صورها أبابا نوريها لعمتي نجلاء

ميمون: بغيتي لالاهم تخرجني فالجورنال

سعد:(بضحكة)لالاك غي نتا بوحدك هههههه

ميمون:ههههعهه مالك أولدي ضلعة عوجة...ريح الأرض

ريحاب:غيبداو غيبداو ههههه(شدات فيدين ميمون)

هز يديها الصغيورة باسها من لداخل وقال:لي بغاها ربي ياك الفرعونية؟

ريحاب:كولو تمام هههههه

نزهة:سكتو شويا(هزات تيلي)ضحكو..

تبسمو وخدات ليهم سلفي وتسمع ديك الساعة مدير المدرسة كيرحب بأولياء الأمور وكيشكرهم على الحضور

...:غنطلب من السيد منصور الدين ران يتفضل معانا باش يتكلف شخصيا بتوزيع الشهادات التقديرية على تلامذنا المتفوقين (بالفرنسية)..

وبالفعل ناض واحد من الحضور بلباس رسمي طويل وعامر وغي عاقدهم..كيتمشى بشويا عليه تقدر تقرا فحركاتو كاريزما كبيرة ..قبل مايهضر حك نيفو بلباقة وقال بالفرنسية:مرحبا بأولياء الأمور و الأباء ومرحبا بالتلامذ ديالنا..كنتشرفو بعد موسم دراسي حافل بنتائج مشرفة للتلاميذ ديالنا...حمم نبداو بالمستوى الأول حممم على المستوى الأول ..كانت من نصيب بنت وهي ريحاب مزلوط..

ريحاب فور ماسمعات سميتها قفزات فرحانة كضحك وكتصفق على راسها حتى ضحكات الناس فرحانة حيت جات من المتفوقين..مخليا ميمون عينيه مرسومين فيهم القلوبة رفقة نزهة لي غي كتصفق..طلعات للمنصة بكل عفوية قصدات منصور الدين ران لي تحنى حتى باسها بلطف ومد ليها شهادة تقديرية بالكادر وقال بالفرنسية:مبرووك ابنتي

ريحاب:مغسي موسيوو(كضحك)هههههههه

ميمون:(لنزهة)تباارك الله بنتي كتقرا ليا مزياااان

نزهة:ههههههه ماشاء الله عليها

ميمون:شݣال ݣبيل بالفرونسي

نزهة:غي كيرحب بالناس وصافي ههههه سعد فرحان لختك؟

سعد:(عينيه فياقوت)اه اه

ميمون:هذا محاضرش ههههه

ريحاب:بغيت نݣول مغسي لبابا حيت ديما كيشجعني نقرا وديما كيدير ليا لي كوغ وحيت كيقريني فمدرسة زوينة بحالو (صيفتات ليه بوسة) مغسي بابا

ميمون:(مترع فمو كيضحك)ههههههههه تبارك الله عليك ابنتي

نزهة:(مصدومة)ويلي مذكراتنيش

ميمون:ههههه جاك السم(جات كتجري عنقاتو)الله على الزين القراي ديالي(باسها فحنوكها)مبرووووك ابنتي انشووف شحال جبتي!؟

نزهة:(شدات الشهادة كتقرا)برااافووو عليك اكبيدة جبتي 9,46

ريحاب:(باست ماماها)فرحت ههههه غتشريو ليا لي بغيييت

ميمون:(عنقها عندو بحب)نشري لبنتي لي بغات

سعد:سكتو سكتوو نسمعو شكون لاخر

صقلو كيدوزو فالمستوى الثاني لي بمجرد ماتعلن على إسم ياقوت حتى نقز سعد كيصفق عليها كي الشيخة بحالا هو لي ناجح خلا باه باغي يخرا بالضحك..أما مو مالقات فين تدرق وجهها...وعلى هاد المنوال كملو توزيع الشهادات وأكيد سعد مجاش من لولييين ولايني فرحان لياقوت

طلعو لطونوبيلتهم مبسميين فرحانين بولادهم وريحاب غي كتضور ضورة وتفكرهم بنجاحها الساحق وتقلي السم لسعد لي أصلا ممسوقش..

سعد:ماما كون غي بقينا نتصور مع ياقوت

ميمون:غندير ليك التصاور فعظامك..على زين نقطتك

سعد:(جمع شفايفو غضبان)بعدوو مني

ميمون:(معاجبو حال)مالك ماتجي نتا لول ؟؟شوف ختك الله يحفظها كتقرا مزيان نتا مقابل ليا ياقوت وخناثة

سعد:(مسخو الضحك)هههههه خناثة ههههههههه زوينة هادي

نزهة:ههههههه واهضر نتا معاه صافي خلييه

ميمون:هادشي علاش كنضل نغوت أنا العام كامل..حفض قرا ودير راسك واش باغي تولي بوعاري؟؟

سعد:أ بابا راني كنحفظ (بتساءل)نعود ندير السوايع فسونطخ لي كدير فيه ياقوت

ميمون:(ساط)سد فمك حسن لييك ياقوت ولا الويل

نزهة:(ضارت عند سعد)سعد صافي سكت أولدي

صقل سعد كيلعب بصباع يديه ورجليه مكيرصاش ممسوقش لداك لي كيعطيه فالمواعظ على قرايتو أما ريحاب راه كتهضر عند راسهم وفرحانة بنجاحها حتى وصلو للدار..

نزهة:نبدلو علينا ونخرجو نمشيو للقلعة نشوفو الميمة

ريحاب:بابا ماغنمشيوش لمصر فالعطلة؟؟.

ميمون:غنمشيو ابنتي ضروري..عمتك غتزوج خصنا نحضرو لعرسها

نزلو بالفعل لدارهم وهي وسعد كيترامغو ويتضاربو ونزهة تفك فيهم..كي دخلو مشا ميمون لبيتو جاب جوج ساشي ونادا على ريحاب بحب وقال:أجي الالاهم لي فالزين والقراية فايتاهم

ريحاب:(عاجبها راسها كتحرك شعرها)ههههه جبتي ليا كادو

مد ليها ساشية ديالها وعيط لبوراس قايل:هاك كادو ديالك

سعد:(باسو فحنكو)يرضي عليك أولد المصري هههه

ميمون:هههههه منين كتجيب هاد الهضور؟؟

سعد:(كيحل كادو ديالو)كنسمع ماما كتقولهم ههههه

ريحاب:واااو زوينة بابا(عنقاتو)merci ..tu es le meilleur pére du monde

ميمزن:ههههه شݣالت؟؟

نزهة:أحسن بابا فالدنيا ههههه باباكم أحسن بابا وأحسن راجل

ريحاب:وأحسن مصري فالعالم ههههههههه

ميمون:(مفرحينو)الله يحفظكم ليا قراو مزيان باش توصلو وتكونو حسن مني

نزهة:مكاينش ماحسن منك ههههه(باستو فحنكو).

حياة ميمون ورا ما ولدات ليه نزهة تبدلات كليا..عرف معنى الأبوة وعاش إحساس جديد عليه..حس براسو عندو عائلة الشيء لي معمرو حس بيه فحياتو..هي أمور بسيطة عندنا كتبان ليه هو شي حاجة كبيرة خاصة العائلة..

حالتو كتنفي المثل ديال فاقد الشيء لا يعطيه.. هو إنسان عاش الحرمان من العطف والحنان لكن فاش ولد راه كيصرفو لولادو..كتكون نزهة حنينة لكت ميمون أضعاف..كيعاملهم بواحد الرقة والضرافة خاصة لدرجة تسولهم شكون الحنين يقولو ليك "بابا"

لي بغاوها كتحضر ولي تشهاوها كتوجد..ديما معاهم فأي خطوة ..كيسالي خدمتو ويرجع للدار زربان مرة يلعب معاهم ومرة يجلس معاهم مجمعين خالق معاهم جو خاص..

شي مرات كتلقاه نزهة هاز مونيكات ريحاب وكيلعب معاها ولا كتلقاه شاري قصص بالفرنسية وجايبهم ليها تقراهم واخا مكيفهمش..كيدير دورو كأب على أكمل وجه ..

تكسل فوق الناموسية كيرح دماغو ونزهة كتحيد الشوميز ديالها قدامو وقالت:عينيك على الدراري غنمشي ندوش

ميمون:دوشي ومدايراش علاش..حرااام أختي ههههههه

نزهة:الله يمسخك ههههه مناويش تمشي للقلعة

ميمون:ناااوي...سيري دوشي باش ندوزك تشوفي مك ونشدو الطريق

نزهة:واخا

خرجات للدوش وهي تدخل ريحاب هازا نتيجتها باقي فرحانة بيها والشعر كيضرب فظهرها أسود..نسخة مصغرة ديال ميمون مخلات منو والو لا فالسمورية ولا فالضحيكة..غي تضحك تعرفها بنت المصري..

ريحاب:(ببراءة طفولية)بابا نصوني لعمتي زوهرة نوريها شنو جبت

ميمون:(خرج تيليفونو)نصونيو ليها الزين..

دوز ابيل فيديو لمصر وماهيا إلا ثواني بانت زوهرة مبسمة وهي تخطف ليه ريحاب تيلي قايلة:عميييتو

زوهرة:حبيبة قلب عميتو..إزيك يا حبيبتي

ريحاب:كولوو تمام يا حلو..بصي أنا جبت علامات كويسة وأنا الأولى فمدرستي..

زوهرة:(بفرحة)يا حبيبة قلب عمتك..مبرووك علييكيي

ريحاب:(فرحانة) البنات فين؟؟

زوهرة:والله ماعرف..فين باباكي؟؟

ميمون:ههههه هاني(دور الكاميرا عندو)لما تخلص ست الحسن

زوهرة:ازيك ياحبيبي؟؟

ميمون:الحمد لله نتي مزيانة؟؟البنات كلشي مزيان؟

زوهرة:(مبسمة)الحمد لله مستنيينكم عشان الفرح

ريحاب:هنيجيي أكييييد

زوهرة:هتنورووناا ياحبيبتي..أسيبكو بقا أناا هرووح أخرج شويا

ميمون:تمام يا ستي..

ريحاب:باي باي

قطع معاها وهز ريحاب دايرها فوق كرشو وقال:نتي فين تعلمتي المصرية؟؟

ريحاب:اوا الأفلام ابابا..كنتفرج فيهم أصلا سااهلة بحال الفرنسية والانݣلش

ميمون:أنا شدي ليا غي فقرايتك وقراي مزيان القراية مزيانة ابنتي..

ريحاب:(كتحرك راسها )غنقرا مزيان ونولي طبيبة ديال العظام

ميمون:باش داوي لباباك عظامو إلا شرف ههههههه القراية زويينة

ريحاب:وعلاش مقريتيش نتا أبابا ؟

ميمون:(مبسم)قريني نتي الزين

ريحاب:(بحماس)نجيب الكاخطابل ديالي ونجي نقريييك..

ناضت كتجري هي خارجة ونزهة داخلة لابسة عليها وقال:بصحتك الزين..

نزهة:يعطيك الصحة حيدت غي العرق وصافي..نوض لبس الدراري باش نخرجو راه حوايجهم فوق الناموسية..

ناض من بلاصتو كيتعجز ضربها لترمتها وقال:غطي اللحم حتى يطيب كسكسو

ضحكات ومشات كتقاد فوجهها فحين هو مشا لبس سعد وتبعو ريحاب لي هازا دفتر وستيلو وكتقوليه نقريك نقريك ..وبنفس الحماس واللعب نزلو مع الدروج منزلين شوانطهم وشدو الطريق عند حفيضة..

هاد الأخيرة لي كبرات وعيات ولات عايشة هي ومحمد ورضى وعبد الجليل وسميرة وولادهم..رغم وفاة حنان محمد أصر على رضى يبقا معااه ميتفارقش معاه..ورجع عبد الجليل بعد تلت سنين ضربها فالريف وعايشين مجموعين رفقة ولاد محمد لي كل مرة فبلاصة..

دخلو عليهم مع وقت الغدا وبحماس وحب عائلي تجمعو على الغدا ضاحكين ناشطيين فرحانين بولاد نزهة..

محمد:(هز سعد)أداك الضاسر نجحتي؟؟

سعد:نجحت جيت أنا لول ههههه

ريحاب:كذاااب أنا لولة

عيد الجليل:اوا إلا كاع ديك الحفاضة ومجيتيش نتي لولة بااز هههههه

نزهة:ياك بعدا كلكم كتشهدو معايا..ولادي مهلوكين بالقراية

ميمون:إلا مقراوش اش غيديرو؟؟هاني أنا مقريتش آش درت؟

رضى:(بهدوء)والحمد لله راك واصل.

ميمون:ولكن ماقريتش..مبغيتش ولادي يكونو بحالي بغيتهم يقرااو ويوصلو حسن مني أما تمارة راه موجودة..

نزهة:بداك الضغط لي كتضغط عليهم راه مغيقراوش غيكرهو القراية

محمد:مالو شداير ليهم؟؟خليه يزيرهم على القراية.

نزهة:بزااف عاود واش هاد الدراري غيقابلو غي القراية راه خصهم شويا ينوعوو..كنعيا فيه ندخوهم غي لشي كلوب يديرو المسرح ولا الرسم والو السيد ݣاليك ندخلوهم يقراو اللغة هههه ماشي الحماق هذا..

مبمون:شغيديرو ليا بالمسرح ولا الرسم يقراو اللغة يشدوها يهضرو بيها حسن..

إيناس:حسن عوانهم هههههه(وقفات)أنا غنمشي أبابا الويكاند غنمشي مع صحاباتي لمراكش

رضى:(عقد حجبانو)منين خرج لينا هاد مراكش عاود؟؟

إيناس:(متجاهلاه)بسلامة عليكم

حفيضة:سلمي على مك

إيناس:واخا

خرجات عاقداهم وناض تبعها لاخر مجاتش فين تحل باب الدار حتى كان شدها من ذراعها قايل:أجي لهنا

إيناس:(تنطرات منو)بعد مني حسن ليك

رضى:منين خرجات هاد مراكش عاود؟؟

إيناس:(كتقلب فعينيها)ماشي شغلك..بابا لي كيهمني ݣلتها ليه

رضى:ياك الالة وليتي أنا زايد ناااقص..داك الخاتم لي فصبعك شكون ملبسو ليك؟؟..

إيناس:ندمت علاش لبستوو..زايدني الفقصة والإهمال

رضى:(زفر)راكي عارفاني ماشي لخاطري خدمتي مزيرة

إيناس:العالم خدام غي نتا لي سبحان الله مزير...كنطلب فيك نخرجو خدام..نتلاقاوو خدااام وأنا عييييت وغنمشي نفوج مع صحاباتي..

رضى:مال راسك قاسح..صحاباتك ولا صحابك؟؟

إيناس:ماشي شغلك

رضى:(بعصبية)نبقا أنا وياك فشد ليا نقطع ليك ياااك ..

ياله بغات تهضر قاطعهم صوت نزهة لي هابطة مع الدروج جارا ريحاب وتابعينها ميمون وسعد..سكتو وهي تخرج ممسوقاش ليه خلاتو كيتكردد غي بوحدو..زفر وقال:طريق السلامة

ميمون:(مسخو الضخك)عصباتك عاوتاني؟؟أخويا حتى نتا كطير مالقيتي غي بنت محمد..باها بعدا واعر عسااك هي.

نزهة:ههههههه وسع خاطرك

رضى:عيييت معاها..غي نذكر ليها العقد تبدا تعصب.. وخرجات ليا بهاد المشية ديال مراكش معرفتها فين غادية

ميمون:خلي البنت تفوج شويا واش تبقا غي لاصقها

رضى:نتا بلاصتي تخليها؟؟مايمكنش

ميمون:أنا فاش كنت ݣدك باقي كنشيخ مع الشيخات ههههه

سعد:والله مكرهت شي شيخة ابابا ههههههه

نزهة:الله يمسخك ههههههه زيدو مزال تابعانا الطريق

طلع رضى للفوق لقى كلشي تفرق إلا محمد وعبد الجليل..هز تيليفونو غادي لخدمتو وهو ينطق محمد:مالك؟

رضى:والو أعمي

عبد الجليل:تلقاه معصباه بنتك ههههههه

محمد:عقد أولدي وديها لدارك بلا عصب..

رضى:واش أنا كرهت هي لي مبغاتش ݣالت ليك حتى نخدم

محمد:أش نݣوليكم نتوما تعرفو..وسع خاطرك وصبر راسها قاااسح..

رضى:ماعندي غي نصبر وصافي..

فالطريق للقلعة السراغنة كان ميمون محيح مع ولادو فالطونوبيل كل مرة داير ليهم أغنية جديدة وكيغني معاهم ويضرب فالفولون ..عرق تاشياخت لي فيه مزال كينبض وبحرارة وزادو كملو ليه ولادو لي غي كيضربو ويغنيييو..دوزو الطريق كلها نشاااط كيعشقو يسافرو معاه حيت كيتبرهش معاهم ومكيقولش ليهم لا على شي حاجة

وصلو للقلعة نزلو الدراري هوما لولين كيجريييو داخلين للدار لي مكتسدش محسو بيهم تا وقفو عليهم ..تبسمات الزاهية لي زادت فالكبر والركيبات عياو ولات غي كتجلس وتنكر قبل كانت كديرو بالوقيف وقالت:أفرحي سعدييي بالتريكة الزينة (حلات ذراعها!زيدو زيدوووو يالكبدة المعاود)

مشاو كيجريو عندها عنقووها وباااسوووها عندهم عزيزة حيت تاهيا مفششاهم..وضارو على عمامهم كاملين الا براهيم لي مزال الوصل مقطوع بيناتهم وعيالاتهم وولادهم ..

ميمون:(معنق مو)توحشتك أمي..شويا الركاابي؟

الزاهية:ماتو عليا اوليدي شرفت

ميمون:شرفت كاع أنا بقا غي نتي نههنننه

فتيحة:عياو ليها غي الركابي أما اللسان ما عياش ضل تنكر

الزاهية:بغيتوو تقتلوني بلا وقت خزيييت..

جمال:(تم داخل)زريعة المصري هنا ههههههه زيد لمك بوس عمي

سعد:ضعافيتي أعمي..

جمال:(باسو)ضعفاتني خالتك هي تصحاح وأنا نضعاف ههنننههه

سلم عليهم ونظم لجموعهم على الحال والأحوال مع براد ديال أتاي..والدراري كيلعبو برا لقاو راحتهم مكاين غي الجرا واللعب مع ولاد عمامهم مدخلو حتال اشمن وقت ..تعشاو بليل ووكلها شد بيتو ..

فحضن حبيب القلب مخشية كيلعب فشعرها ومرة مرة كيقبلها فراسها كيتشاركو حديثهم الليلي كيف ديما

نزهة:خالتي عيااات

ميمون:كتكبر زعما هههه شرفت أنا نيت شوفي الشيب

نزهة:ميشبش غا التحت أما الفوق الدنيا هانيا هههههههه

ميمون:هههههههه واش نتي قحوبك مناويش يتحد ههههههه

نزهة:كيف عرفتيني كيف نبقا

ميمون:الله يحفظك ليا منهار جيتي لحياتي وأنا غادي للݣدام

نزهة:آمين يارب وتخلينا حتى نوصلو ولادنا فين بغينا(هزات يديه حطاتها على كرشها)شنو بانليك ؟

ميمون:فاش؟

نزهة:نزيد هههه

ميمون:(ضحك)عععههه إلا بغيتيني وقادرة زيدي منقولش ليك لا غتفرحيني زيدي غي شي ولد ولا بنت براكة عليك

نزهة:نشوووف ههههههه وصافيي هههه..

جرها دارها تحتو وطلع فوق منها وبسرعة بدا كيبوووس فحنوووكهت ويهرها وهي كتموت ليه بالضحك وخصها تضحك بشويا ليسمعوها ..عضاتو فشفايفو وقالت:بشويا عليا السلكوط

ميمون:(مفرنس)على الله حكايتك يا ستي نتي.

وإنتهت.. ❤️❤️

🦋|| خيط الريح

🦋|| ميمون نزهة

‎