كلمة خلات قلبها افرفر ويتعصر ويضحك بلهلا يطريه ليها ..عضات على شفايفها ودورات وجهها فاص ليها حشمانة ساكتة مقادرتش تهضر..تتخمم فهاد الزين الشايب لي عطاها الله
وصلها بعيد شوي على دارهم بطلب منها باش ميشوفها حد ..توادعات معاه ونزلات تتفرنس قربات تشطح فالزنقة..وغادية لي تلاقات ليه تسلم عليه تاوصلات للدار لقات مها جات
تسمعات الهضرة كثيرة برا ووذنين نزهة كايلقطو الأصوات ولكن صوت عمر مسمعاتوش..حدها كاتسمع عبارات الترحيب طاغية من طرف الرجال. .
جلس عمر لي كان في كامل اناقتو.. الزين الشايب هو هذا.. طويل وعامر وفيه شيبات .. بكوستيم زوين فالأسود ومسرار ومعاه مو لي لابسة ومقادة ولكن بملامح صارمة. .
وكذلك ختو لي نفس ملامح مها اما الرجال لوخرين راه كايهضرو مع عبد الجليل ومحمد ويرحبو بيناتهم. .
دخلات ام نزهة فرحانة بفقطانها التقليدي القديم المناسب لعمرها مشمرة على خصرها بطابلية مطرزة بالأخضر..
مبتاسمة و مقاداها فرحة سلمات على النسا والرجال لقات السلام بفمها وتبعاتها ختها وسميرة جالسين معاهم وكايرحبو بيهم. .
الأم:مرحباا بيكم الالة ..نهار كبير هذا
نجية:(ببرود)ربي يخليك..اوا فيناهيا عروستنا ولا موجدة لينا شي حاجة خراا. .
خزر فيها ولدها لي جالس ساكت ولكن تيحلل فهضرتهم..إنسان إجتماعي لكن مع فئة محددة من الناس ..الناس لي يجيوه مثقفين ويستافد منهم ثقافيا اما هضرة عادية راه يعطيك صوابك وصافي. .
الأم:اوا الالة ساعة الشيطان ديما حاضرة(بغات تلف الهضرة)سميرة جيبي الصينية ابنيتي
تقرات الفاتحة وتطلقات تزغريتة من طرف سعيدة فالكوزينة وناضت نزهة باست لعجوزتها راسها وبداو كايباركو ليهم فرحاانين وعمر هي كايحرك راسو مبتاسم وجوابو شكرا فقط. .
فرحتو مايعطيها لحد ووناض سلم بيديه على نزهة لي حشمانة ونطق:مبرووك الالة نزهة
نزهة:الله يبارك فيك. .
رجع كنزز حداها واهيا جلسات حداه حشمانة..تكب اتاي وتفرق عليهم بدوازو والهضرة عادية على الحال والأحوال فرحانين بالنسوببة الجديدة إلا مو لي جالسة عاقدا يديها على بعضهم وكاتشوف ساكتة. .
اما فالكوزينة راه دعاء تتسرسر لمها كولشي لي جراا قبل مايجيو وكيفاش مو مابغاتش وسيمااتة وهو كايقنع فيها باش تجي ورفضات رفض قاطع هي وختو على الشوهة لي دارت ليهم. .
سعيدة:(تنهظات)واش ابنيتي هو مزيان؟؟
دعاء:(تتنقب من الفقاص)اماما هو زوين والله يعمرها دار ويعيشها مزيان
سميرة:(ضربات فخضها )اميمتي كايموت ليا على الزهو . .
عبد الجليل:ههههههههههه. .
فوسط فراشها بعد يوم عمرها.. كيف كاتحس.. شادة الحديث مع عمر بعدما عاوناتهم ف جميع الروينة فرحانة .. فيها جهد ربعين واحد..لي حط يدو فشي حاجة تحيدها ليه بحجة هي لي غاتجمع وتنضي
عمر:حبيبة مرتاحة ؟؟. .
نزهة:(عاضة على شفايفها)مرتاحة.
عمر:قولي ليا الالة نزهة فين تبغي تعيشي؟؟
نزهة:(كاتحس براسها غاتسخف)هاا فين عندك الدار!!
عمر:عندي فالرحمة ولكن الا ما عجباتكش نشريو وحدة خرا. .
نزهة:لالا مزيانة..مهم نكون فيها معاك
عمر:سيفغي نكونو بجوج..مهم انا غا نعطيك السوارت تاع الدار غدا فاش نخرجو اونسومبل نتغداو . . نتي فرشيها على ذوقك
نزهة:(مرطبة صوتها)وامتى غانعقدو؟؟
عمر:الى بغيتي من غدا ولكن راك شفتي شنو تݣال..
نزهة:واحبيبي راه عرس ليلة تدبيرو عام وانا باغيا نفرح براسي..
عمر:(بابتسامة)على هاد حبيبي ديري لي بغيتي
نزهة:واخا هههه
عمر:غدا ندوز عليك للخدمة نتغدااو
نزهة:واخا ان شاء الله
عمر:ياله نخليك ترتاحي شويا غاتكوني عييتي
نزهة:شويا وصافي
عمر:بونوي ما شيغي
نزهة:تصبح على خير. .
قطع الخط مخليها غاطير بالفرحة مع حيدات تيلي من وذنها شافت كمية الميساجات لي وصلوها بعد ما حطات صورها معاه من الخطبة
العااالااام كامل لي عندها تصدم وبدات التساؤلات على هيئة رسائل..
-نزهة واش تزوجتي؟؟
-ايهاي واهي عرضي علينا نفرحوو ليك
-مبرووك احبيبة الله يكمل عليك بالخير
-ماشاء الله خطيبك زوين جيتو مع بعضياتكم
و غيرها من الرسائل لي كاتقراهم بلا مدخل ليهم وفرحانة نااشطة..كانت كاتسنا بفارغ الصبر هاد اللحظة لي كلشي اتساءل عن خطوبتها..بكثرة ماكتسمع سؤال:
- "علاش متزوجتيش؟؟"
ولات مشهية تسمع "مبروك" وهاهيا سمعاتها. .
جلسات على راحتها تتجاوب كلشي بالصواب والآداب ...ها لي من نيتو فرحان ليها ها لي حاسدها على الزين لي خدات وها لي مطلعها عليها حيت واخيرا تزوجات..
مجتمعنا هاكا داير..تزوجي انتقادوك..تقراي وتخدمي انتاقدوك.. ولدتي بنت انتاقدوك ولدتي ولد اهضرو فيك والألسنة ماكتسكتش
جاوبات كلشي وحطات تيليفون وعينيها على يديها لي مزينها خاتم الخطوبة..
واعين بعض لي خدامين معاها كانو خارجين اتغداو راهم عليها وهي كي شي اميرة نافخة ريشها زعمة شوفوني حيت نفسهم الناس لي تايسمعوها الهضرة . . طلعات حداه مفرنسة ومد ليها حنكو بحب سلم عليها وقال:مدامتي كي راك؟؟
نزهة:فينما حبيتي غير احبيبي جوج خصها تلقاني فالخدمة
عمر:واخا احبيبة..ماكتفكريش تبدلي خدمتك؟؟
نزهة:(بتساؤل)لا حيت ملقيتش شي خدمة حسن منها
عمر:(شاف فيها ورجع شاف فالطريق)الى عطيتك ماحسن تخرجي؟؟
نزهة؛الى القيت سالير حسن نبدل علاش لا
عمر:انا نشوف ليك مع واحد صاحبي تخدمي معاه ويدير ليك صالير مزيان
نزهة:(زادت فرحات)مغسيييي..
عمر:(حبس عند الريسطو)نزلي احبيبة. .
نزلات وجا حداها شد يديها مشابكين تايبانو كوبل خطير ودخلو للمطعم الراقي ..خداو بلاصة وجلس فاص ليها مبتاسم وعينيه على الخاتم لي مزين صبعها تاوترها وقال:جاك زوين احبيبة. .
نزهة:ههه بصح(شافت فيديها)دوقك زوين احبيبي
عمر:بصحتك
وقف عليهم السرباي حط لموني وزاد وقال:شنو بغات لالة نزهة تغدا؟؟
نزهة:(جايبا عليه دلالها) ختار ليا نتا احبيبي
عمر:واخا
دوز نظرة على الموني وهي حاضياه بإعجاب وحاضية جميع تفاصيلو الجذابة. .
حتى ختار وعيط للسرباي وعطاه شنو طلبو وهي مرفوعة تا كمل عاد وعات ورجعات لهضرتها هي وياه لي لا تخلو من الحب والغرام..تحط ليهم الأكل لي طلبوه وبداو تياكلو واهضرو فحديث مايمكنش يتمل منو مع عمر لي من موضوع لموضوع..
انسان تا الى مربطاتكش معاه علاقة حب غتستافد منو حيت كتاب وجالس حداك..
هز كاس كايشرب منو المشروب الكحولي لي ختار وف فمو تبسيمة ليها وهي تنطق بعدما نتابهات
للكاس:شراب هذاك؟؟
عمر:(محافظ على نفس ملامحو)اشمن شراب؟؟
نزهة:ههه الشراب زعما الشراب
عمر:(حط الكاس)فاللغة العربية الشراب هو اي مشروب سوا الما ولا قهوة ولا اتاي ولا اي حاجة سائلة تتشرب..شنو قصدتي نتي؟
نزهة:(ضحكاتها طريقتو فالمراوغة)هههههه الشراب لي هو بالعربية(مكمشة عينيها ضاحكة)الخمر
عمر:هههههه وا هانتي حددتي..سيي الخمر
نزهة:(تجمعات بتسامتها)ولكن راه دخلات الربعين
عمر:وشنو العلاقة؟؟
نزهة:ربعين يوم قبل رمضان حرام الواحد يشرب حيت ماكيدوزش ليه رمضان
عمر:(جغم من كاسو بدون مايحيد عينيه عليها وتيلعب بالمشروب ففمو بذكاء)لي قال ماتشربووش فربعين قال الشراب ممنوع لعام كاامل اولا؟؟
نزهة:وي سي فغي(ضهشرها)ولكن المسلمين عامة ماكيشربوش فاش كيقرب رمضان
عمر:وشكون قاليهم ميشربووش؟؟
نزهة:الله سبحانه وتعالى
عمر:اوا راه حرام حتا فالايام العادية او لا؟؟
نزهة:اااه عندك صح ولكن...
على رنة هاتفها توقف الحوار ونطق بحب:جاوبي احبيبة
نزهة:واخا هه
هزات هاتفها كانت المتصلة هي الهام صاحبتها لي كانت مسافرة ملحقاتش تحضر للخطبة..خاطباتها بضحك وبمزح ولوخرا تتبارك وتعاود تاسالات وحطات تيلي وعينيه مفارقوهاش
عمر:صاحبتك؟؟
نزهة:ههههه ااه صاحبتي مسكينة كانت مسافرة مقدراتش تحضر للخطبة
عمر:اوا تحضر للعرس
نزهة:(فرحها بكلامو)ان شاء الله هههه(شافت ساعة)
عمر:باقي الحال احبيبة هي تغداي فخاطرك..
نزهة:واخا احبيبي
عمر:مرتاحة فخدمتك احبيبة؟؟
نزهة شويا وصافي ههه اي خدمة فيها تمارا
عمر:فكري فهضرتي وجلسي منها والوقت لي بغيتي نصيفطك عند صاحبي
شدات فيها ولوخرا فمها حلف لا تجمع بضحك:واش كنحلم؟؟راه الحب هذاا. .
سميرة:ههههه زيدي طلعي وعاودي ليا هههه
طلعو بجوج مالقات حد مها بايتة عند ختها غي هي وياها جلسو تتعاود ليها وتضحك فرحانة ومقداها فرحة ولوخرا تدعي ليها بالتيسير والسعادة. .
****
- دخل الشهر الفضيل فالمغرب شهر الغفران والعبادات والصلوات..الشهر لي كيحاولو فيه المسلمين رغم كل شيء أنهم يتقربو من الله ويغفرو فيه الذنوب. .
صايبات نزهة بالفرحات عليها سليلو والحلوة، الشباكية بلوز مقومة على حقها وطريقها مع البشنيخة وبليغات والبريوات لي كايدخلو للفريكو..مهم سيدة ممقصراش من حقها دوزات ويكاند كولو غي فالتصاويب حيت تتعطي لختها ولخوها ويديها تتخرج منها العسل. . دخل عليها عبد الجليل وقال:ساليتي
نزهة:(لابسة بيجامة بيتية كيوت وجامعة شعرها الفوق وكاتستف فالشباكية فسوبيرة)اه خاصني غي نجمع هاد الروينة وصافي..شوف هاك(هزات سوبيرات كبار من فوق الثلاجة)دي هادو لمحمد. .
عبد الجليل:كون غي درتي بالناقص
نزهة:(فهماتو)انا صايبتهم لولاد خويا ولخويا اما إلا جيت عليها هي مانصيفتش ليها حتا جغمة ديال الما. .
هزهم مازادش الهضرة وخرج يديهم ليهم فنص نهار الحد فحين هي جمعات الكوزينة وسيقات الدار من التعليكة . . رجعاتها تاتشعل ماجاتش فين ترجع سميرة من الحمام تا لقاتها نضات كلشي. .
نزهة:(تاتحيد الطابلية)فففف عيييت ياختي
سميرة:سيري راه شديت ليك بلاصة فالحمام زويين تغسلي براحتك. .
جلسو فاص ليها وعاد حلى لنزهة التبركيك واخا ضارباها اللقوة بقوة المفاجأة معارفاش كيفاش تعامل معاها ولا شنو فنيتها. .
أمنية:زوينة أبابا
عمر:وشنو أبابا راه كنختار الزين ههه (شاف فنزهة)أمنية جات اليوم للمغرب هي وماماها و بكثرة مكنعاود ليها عليك بغات تعرف عليك. .
نزهة:ربي يخليك احبيبة ..تشرفت بييك
فالجلسة ديالهم كان أغلب الحوار بين عمر وبنتو لي كايبانو مفاهمين وبزااف كاع ماتقولش عليهم معايشينش ع بعضهم انما عادي.. كيهضرو كاتعاود ليه وكلشي وتحاول تناقش تا مع نزهة..
معاملاها معاملة زوينة وعادي ماشي بحساسية حيت هي بنت تربات برا وعايشة بالعقلية ديال برا وتفهماات طلاق واليديها وحتى انه كل واحد عندو حياتو. .
داز اللقاء ناجح وكل واحد فيهم خدا انطباع على لاخر زوين ..ناضت هي جاو ليها خوالها و هو وصل نزهة لدارهم بعدما دوزو أمسية زوينة توادعو فيها على أمل اللقاء من جديد. .
إستعدادات رمضان على قدم وساق..وكأي دولة مسلمة مع تايقرب رمضان تايبدا التوجاد فما بالك الدولة المغربية لي معروفة بالتاويل والتوجاد. .
وعيالاتها معروفين بتوجاد رمضان من الأطباق ما لذ وطاب وناسها تايوجدو راسهم نفسيا للتعبد لله تعالى ومغفرة الذنوب. .
كأي إمرأة مغربية كبرات وسط تاويل مها لي كانت طباخة فالعراسات راها تاتجري وتجاري على رمضان..
جالسة وسط صالونهم تتفرجمع مرات خوها وبنتها تانطقات البنية:عميتو واش دابا نتي غاتزوجي؟؟
نزهة:(بمرح)ان شاء الله احبيبة
جنات:وانا شكون غايبقا يديني للحمام ..
سميرة:(شادة تيليكوموند تاتفرج)ياك اختي ههه وانا
جنات:(ببراءة)عمتي كادير ليا جيل فيه ريحة زوينة نتي كاديري ليا غي صابونة. .
نزهة:(بابتسامة حلوة)هاحنا اختي..قاليا عمر لبارح نمشي نشوف الدار كي دايرا باش نشوف لا فيها مايتزاد فالفراش. .
سميرة:اوا والعقد؟؟
نزهة:نشوفو مور العيد ان شاء الله
سميرة:ان شاء الله بلي فيه الخير...غتمشي عند مليكة
نزهة:دايراها فبالي باش متبقاش شادة فخاطرها من جهتي
اليوم الموالي لي هو يوم الأحد فاقت فالصباح بكري ولبسات عليها ومشات للحمام غسلات قبل مايفيقو وجدات الفطور. .كتتقلب ف آتاي صونا تيليفونها وكان عمر..شدات الخط بحب . .
:وهانتي ياختي ليك على لي ݣلنا ولات مع البايرات جابتو ملعق. .
جميلة:(تاتفك شعر الزبونة)كضرب غي من لتحت..عندها الزهر كايهرس الحجر ياختي انا كون مشافتهاش جهان منقولش راه بصح خانز فلوس. .
الزبونة:اوا الله يعطينا سعد البايرات بحالنا حنا 23 عام لا خدمة لا زواج جالسين نخسرو ف 30 درهم تالبروشينغ على والو. .
خرجات تاتسنى خوها حتا بان ليها وركبات معاه غاديين كايتحدثو بروح مرحة..من ديما علاقتها معاه زوينة وهادئة عكس محمد..
وصلو أمام المجمع السكني لي باين راقي غي من الطونوبيلات لي مساسطيونين حداه. .
دخلو للعمارة وخداو المصعد وطلعو ديركت للشقة لي بمجرد ماوقفو قدامها حلوها وتحلو فامهم كانت غزاالة وراقية وعصرية مية فالمية ديال راجل عازب مئة بالمئة..ولكن منظمة من ناحية الديكور. .
عبد الجليل:هادشي زويين
نزهة:(بفرحة)غزاال!!!غي هو عصري بزااف (شافت صالة كبيرة) هنا غانردو صالون بلدي . .
ضارت فالشقة كاملة وفلاتها فأدق التفاصيل وكاتقول اش غاتبدل وتقيد فدماغها..عجباتها وحمقاتها ومسخاتش تخرج منها غي بزز. .
وصلها جليل لدرب السلطان أكبر مول فكازا ههههه حسن من بزاااف ديال مراكز التجارية تلقا فييه كلشي والرخى لله. . ملي دخلات مابقات خرجات تا كيلات شخااصها وحطات زبالة تالفلوس ..لي دخل ليه يعول يخلي فلوسو تما ويخرج بلا فلوس الترونسبور وهذا ماوقع مع نزهة لي مابقات ليها تا خمسة دراهم..
ضحكات على راسها وعيطات لصاحبتها الهام تصوفيها..تسناتها تاجات من بعيد كضحك عليها:ههههه صافي خليتي كلشي
خدات طاكسي بيض ومشات فحالها متقلة..مع نزلات مع صونا ليها عمر شدات الخط بابتسامة:الو
عمر:حبيبة صافا؟؟
نزهة:حمد لله ونتا؟؟رجعتي؟؟
عمر:وي راني دخلت لكازا وبغيت نشوفك
نزهة:انا ياله غادية لدار نحط شي تقدية
عمر:سي بون وندوز عليك اوك
نوهة:واخا ههه
قطعات معاه ومشات تاتزرب لدارهم مع حلات ليها جنات طلعات تاتجري وتقول ماجريت حطات تقدية ومشات دوشات خفا زربان مبغاتوش يشم فيها ريحة العرق حيت نهار كامل وهي فالزحام..تقادات من جديد دغيا وسميرة واقفة عليها كضحك تا دخلات مها
الام:اتي فين غادية؟؟
نزهة:نشوف عمر امي..
الام:هاد كثرة خروج ودخول مامسلكاش..رمضان داخل والناس كادوي
خزر فمو وناض معصب:كنبغي نجي نشوفكم ونجلسو كي الناس ساعة نتوما غي كتسممو فالهضرة!!فاش وصلاتك هاد مها حتا كتݣولي عليها لفعة..الى أنا لي مدوز معاها العجب وماكانݣولش فيها هادشي.
نجية:ايييه لفعة وكبيرة اللفعاات لي مغربة البنت على هلها
عمر:الواليدة لأخر مرة غنݣوليك خرجي سوقي..البنت بنتي والقانون واضح عاطي الحضانة لمها نهار متبغيش تعيش مع مها غتجي عندي. .
الأخت:هاد بنتك كانعرفوها غي بالسمية ماعمرها جات ݣلسات معانا شي سيمانة من نهار تفرقتي على مها
محمد:(نهرها بصوتو)مكاين فين تمشي تكمشييي لدااركم (هز صبعو بتحذير)نلقاك باقي خارجة من غير للمدرسة نهرس ليك رااسك(زاد خارج)تفوووووو على تريكة. .
مليكة:(تتجعوق)مالي والدااااهم بوووحدي شابهاااكم ترييكة الجوع والنوووع ونتي يا البرهوشة شكون عمر ليك راسك برمضان عندهم؟؟. .
ايناس:(رتاحت ملي خرج باها)وا ماما كانقنط وعند عمتي زويين . .
مليكة:تعماااي من عينييك ان شاء الله تريكة خانزة تموتو فبعضياااتكم. .
ناضت ايناس تتجدب و تضرب فجنابها بغات تدوز رمضان عند جدااها ساعا عكس ليها باها
هاكا احوال الناس كلها وكي تايشوف الحاجة بمنظورو الخاص وكلها عندو قناعات ومبادئ خاصة بيه..
دخل الشهر الفضيل و استقبلوه المغاربة بحب وراحة حيت عارفينو شهر الغفران..وكذلك نزهة لي ستقبلااتو برحابة صدر وبالفرحة والتاويل والعشق مع عائلتها وعمر لي ولى جزء من حياتها. .
كيما عادتها كل رمضان بالإضافة للصلاة والإستغفار والتروايح وقراءة القرءان كاين تاويل الكوزينة وهي إنسانة متولة بزااف تاتبغي تلقا طابلة متولة تتسناها وكل ماتشهاه الخاطر. .
واقفة ب بيجامتها البيتية القصيرة تتلقي نظرة على آخر اللمسات على أول طبلة ديال الفطور فيها من كل فن طرب.
دخل عبد الجليل لابس قميص وقال بابتسامة:تهليتي فينا تاني ها ههه الى تزوجتي شكون يوجد لينا هاكا
تجمعو على الطبلة ضاحكين ناشطين تيتسناو الآذان يقول الله وأكبر ونطقات الأم:النهار زوين
عبد الجليل:باش عرفتيه ونتي من قبيل كضربي فطباسل تسلو
الأم:ههههه ربي لي عطااني مانصومش
اذن الآذان وفطرو النااس وناضو يصليو صلاة المغرب وفيها دعات نزهة ربها باش يسر ليها الأمور فزواجها...
طوات الصلاية ومشات تتفطر عادي ومن بعد تكسلو حدا الفطور ياذن العشا وهي تنطق مها:نزهة نوضي ابنيتي تنعسي عييتي الخدمة والشقا. ..
نزهة:غدا مخدامااش امي
عبد الجليل:علاش؟؟
نزهة:جلست منها
سميرة:ويلي حااي وعلاش؟؟
كلشي نتابه ليها وهي تنطق:عيييت وبغيت نرتاح
عبد الجليل:عمر لي قالها ليك؟؟
نزهة:(بنفي)لالا مݣالييش هو باغي غي راحتي انا لي عييت وبغيت نرتاح ونوجد لعرسي على راحتي ومور الزواج غي نقاد أموري ونرجع نقلب على خدمة وحتى عمر ݣاليا وقتما تبغي تخدمي نلقا ليك خدمة وحسن من هادي. .
الأم:(حطات صبعها بتعجب على حنكها)ماتشاورتي ماوالو ممولفاش ليك؟
سميرة:زربتي لا؟؟كون شديتي شي يامات وصافي
عبد الجليل:حتانا جاني زربتي
نزهة:والله مزربت، سنين وأنا معاهم وصاليري واقف مزادو مانقصوو وعييت ݣلت نرتاح وتمارة راه عطاها الله
الأم:ودايرا بعدا شي حاجة تحت يديك ولا والو؟؟
نزهة:كاين الخير الحمد لله
عبد الجليل: مالها غا تشيط راها تعيش بخيير..لي بان ليك اختيي ديريه. .
نزهة:الرزاق الله
الكل:ونعم بالله
كملو وناضو صلاو تراويح وغسلو ماعنهم وكلشي مشا ينعس يرتاح بعد يوم صيام متعب..
عمر:(بابتسامة)مزيان ترتاحي شوي باش فالعرس تكوني زوينة. .
نزهة:ومالي دابا مازويناش ههه
عمر:لالا غزاالة
نزهة:اوا قلت مع راسي نرتاح شويا ونوجد على خاطري باقي شلا ماتابعني. .
عمر:تاتصيفطي ليا الكونط ديالك نفيرسي ليك باش تقدااي
نزهة:لا ويلي انتقدا من عندي
عمر:علاش زعما؟؟راه حنا واحد دابا، فلوسي دياولك عرفتي شنو قطعي دابا صيفطي ليا rib ديالك ونفيرسي ليك من الابليكاسيون
نزهة:ولكن!!!
عمر:مكاين ما ولكن، موضوع ماكيتناقشش...شحال عندي من نزهة أنا
نزهة:(غاطير بالفرحة)يخليك ليلي يالعمر. .
عمر:ياله صيفطيه
قطعات معاه وصيفطاتو ليه وفيرسا ليها ديك ساعا مبلغ مهم خلاها مخرجة عينيها وهي تصوني ليه فور ماتشد الخط نطقات :بزااف عليا هادشي احبيبي.
عمر:مايغلاش عليك احبيبة...ياله سيري رتاحي ليا مع راسك غتكوني عييتي..
نزهة:والله حتى عييت..بونوي حبيبي
عمر:بونوي احبيبة تهلاي فراسك. .
- قطعات معاه مبتاسمة وتخشات في فراشها تاتقلب فتيليفونها على السكرينات لي مسكرينيا من عهد الفراعنة تاع القفاطن والجهاز تاع العروس وتخطط شنو تشري وشنو تحط وعينيها تايتغمضو بالنعاس تا غفات على حلم هي فالعمارية وهو قبالتها كيشوف فيها. .
*********
-اليوم الموالي فايقة مع العشرة لبسات عليها دجين وعباية كحلة تاتجي مفتوحة و راقية،
دارت مورد الخدود وليكرون ديال الشمس وخرجات هي وسميرة يتقداو اش خاصهم واخا الصيام لكن الفرحة عمات ليها العينين..مشات تيرااات الفلوس و هي تقول :لبارح ياختي فيرسا ليا فلوس صحيحة ههه
اسماء:(بعفوية)جمعي اولاد خالتك الوازنة من الكبير للصغيى وقولي بخير ههههه امدرا اش عندكم انشوف دوك الثواب ملي دخلتو وانا عيني على لاميكة ههههه. .
نزهة:هههههه أسماء هي أسماء هههههه هاكي اختي هادو تفااصل عرسي
شهقات اسماء بضحكة وقالت بسرور: الله اكبر ! منين ضبرتي عليه ؟ (عنقاااتها تتضحك ونزهة تتشوف فيها بشوفة من نيتك) من صباح وانا تنقلب فين نقشب هههه هانتي طحتي فالبلان
مدات ليها سميرة ثوب وقالت:هذا بغيتو قفطان من داكشي وكلشي على ذوقك. .
خدات ليهم اسماء القياسات حيت الإنسان مرة يغلاض مرة يضعاف وبقاو شادين معاها جموع لي ماكيتقادااش عاد مشاو رجعو فحالهم بعد يوم متعب .
أحد أيام رمضان الكريم كانت متكية حتى جاها اتصال من النجار لي دارت معاه يخدم ليها الصالون فدارها ولي عجبها كثر انه عمر مخليها تكلف بكلشي على ذوقها وراحتها.
نزهة:الو سلام وعليكم
النجار:وعليكم السلام لالة نزهة بخير صحيحة!!
نزهة:الحمد لله ونتا بخير؟؟
النجار :نحمدو الله ونشكروه عيطت ليك اختي بغيت العبارات ديال الصالون باش نخدم
نزهة:اييييه واخا شنو تمشي معايا
النجار:ديري ليا هي وقيت
نزهة: إلا كنتي مسالي نمشيو دابا نيت
النجار:اييييه واخا عطيني الادريسا
نزهة:******* من هنا ساعة نتلاقاو حدا باب العمارة ونطلعو
النجار:وعليه..الله يعاون. .
قطعات معاه وناضت تاتبدل عليها بجلابة خفيفة راقية كي ديما و وجهها منور بالفرحة..خبرات مها وخرجات واخدة طاكسي لدارو أو بالأحرى دارها وفوذنها التيليفون تتاصل بيه تعلموو رغم انه ديما عاطيها حرية التصرف. .
تسنات شوي وتم جاي النجار وطلعات معاه حلات الباب ودخل تايتفحص الصالون لي جاي فاص مع الباب وكبير نييييت مفرش بالعصري . .
وقال:متيسع
نزهة:اه..شوف الله يعطيك ستر دير ليا شي سدادر احمرو ليا وجهي
النجار:لهلا يحشمنا. .
خلاو الباب محلول مسدوهش وبدا تيعبر وهي تاتشد معاه وتايقيد فالمذكرة ديالو وتيقتارح عليها شنو يديرو وتاهيا تتناقشو بكل أدب وثقافة لانها كاتموت على الديكورات والتفراش باختصار مرأة مغربية حقيقية. .
خدا العبارات لي خاصينو وقال:انا غنبدا الخدمة ونعلمك ان شاء الله. .
نزهة:صافي ان شاء الله شكرا اخويا. .
حلاتو لقاتو عامر وهي تعقد غوباشتها باستفهام ...حتى قطع تساؤلاتها صوت الباب لي كايتحل حطات شنو فيديها وخرجات وهي تلقاه هو لي داخل وفيديه صاشية تقدية لابس سورفيت رائعة وتيبان وسيم..
استغرب من وجودها ونطق بحب:حبيبة
نزهة:صافا؟؟(باقي علامات الإستغراب فوجهها شكات تكون شي مرا). .
عمر:(قرب ناحيتها بغا يسلم عليها بوجهو)تخيي بيان(بعدات وجهها)مالك. .
خرجات معاه براحة وصلها واغلب حديثهم عادي تايتناقشو على الدار وللعرس وماغيرها من الاشياء المتعلقة بحياتهم. .مرتاحة معاه لدرجة تلغاو جميع الرجال فعينيها. .
مع استمرار الشهر الفضيل ولي فيه تاتنزل السكينة على المسلمين وتيرتاحو نفسيا ..تيصومو واصليو قصد مغفرة الذنوب..
والليلة الكبيرة عندهم هي ليلة القدر ولي مامعروفش ليلتها امتا لي عارفينو الأغلبية هو انه كاتجي في يوم فردي وهذا مايقال والمغاربة راه رجحوها لليلة 27. .
واقفة قدام مرآتها تتوضع ماسك لوجهها لي كيشعل بالنقا والبيوضة واليديدات رطبيين ..ماسك النشا والروز مع دانون مسوس وحداها بنت خوها تتطالبها تدير ليها تاهيا. .
تتوجد بالعشق لفرحها ..تفاصل وتكاشط جابتهم من عند الخياطة وجامعاهم وكل نهار تخرج تشري حاجة تهلات فراسها وحتى عمر ممقصرش من جيهتو يضل يعطيها باش تقدا. .
وبين عائلتها تذاع خبر خطوبتها وزواجها القريب وشي كيوصل لشي بلي نزهة لي جلسات تا مشا عليها الكار كيما قالو داتو شهوة منوو..ولي شافو ولا عرفو من بعيد كايوصل الهضرة لواحد اخر بلي دات الزين والضرافة والفلوس مزال..كاين لي فرح ليها وكاين لي جاتو فشكل وأولها للشعوذة وزيد وزيد كلها وكيفاش..
لكن هي كان شغلها الشاغل هو تاخد سي عمر لي مهلي فيها وداير ليها قيمة..
بقا لرمضان عشر أيام ويسالي وفالعشر الأواخر كيف كاع المسلمين تايكثار الإعتكاف فالمساجد والمسلم الحقيقي تيجهد على راسو باش اتقرب كثر من الله سبحانه. .
اليوم نزهة مقررة تخرج تفطر برا مع إلهام رفيقة دربها الوحيدة يغيرو الروتين..لبسات عليها وخرجات بعدما علمات عمر لي ما عارضش بتاتا ...
تلاقات ب إلهام قرابة الفطور فباب المطعم لي قررو يفطرو فيه..تسالمو بالأحضان ونطقات:ياختي واش مخاصمين ههههه غبرتي عليا. .
الهام:الخدمة ازين..اش هادشي؟؟زيانيتي جا معاك الحب..ياكما سبقتي الدخلة ههههههه
نزهة:اللهم اني صائمة هههه زيدي والله حتى توحشتك
دخلو مبتاسمين وناشطين حيت تلاقاو خداو طبلة و جلسو تيتبادلو اطراف الحديث عن الحال والاحوال
الهام:فين وصلتي فالتوجاد؟؟
نزهة:ياختي تلفت هههه نشري حاجة ونتفكر حاجة مشريتهاش
الهام:كثري غي من ليشوميز دونوي هههه هادوك هوما المهم
نزهة تشوكات وما بيناتش بتاتا حدها حولات عينيها بشبح ابتسامة للسيدة لي كانت كبر منها باينا لكنها باقي شادة فراسها لابسة حجاب ولباسها أنيق تتشبه ليها امنية..
الأخرى كذلك بتاسمات بود وقالت:مشرفين امداام..مبروك عليكم
نزهة:(صدماتها وحافظات على بتسامتها الغريبة)الله يبارك فيك احبيبة مشرفين
امنية:نخليوكم تاخدو راحتكم..بصحتكم الفطور
نزهة:بصحتكم حتا نتوما أحبيبة(باستها من جديد). .
مشاو من حداهم وجلسات هي مصدومة ولوخراا تتشوف فيها تتسنى تفسير وقالت:واش شفتي شنو شفت؟؟
نزهة:حمم والله مافهمت هههه هادي مراتو اللولة
الهام:وي باينا هههه وشفتيها كي تصرفات؟؟تصرفات عادي هههه
نزهة:(حشمات من تصرفها)كانتفكرها كنبغي الارض تحل وتسرطني هههه من تما ماماك خدات علي نظرة خايبة . .
عمر:نن ما كايناش هاد الهضرة..خوي راسك منها
نزهة:لهلا يحشمنا(شافت تيليفونها شعل فيه ضو حيت دايرا الكيت). .
عمر:ياله احبيبة نخليك غانعس (تفوه)
نزهة:(بدلع)سير اكبيدة رتاح ليا مع راسك
عمر:(بضحكة)أ نزهة راني دغيا كانشعل هههه
نزهة:هههه سير تنعس رمضان هذا
عمر:بونوي حبيبة
نزهة:بونوي العمر
قطعات معاه وشافت الميساج لي وصلها من نمرة معرفاتهاش حلات الميساج وهي تغوبش:سلام نزهة انا أمل..بغيت نشوفك غدا الا كان ممكن. .
عقدات حجبانها وستغربات من هاد السيدة لي دخلات فيها طول وعرض ومسحات ميساجها ونمرتها وناضت لمالين دارهم تجلس معاهم على طبلة فيها اتاي وسليلو فقط(سلو ..سفوف)مجمعين. .
الأم:اوا الالة بنتي..شريتي كلشي؟؟
نزهة:كلشي ههه بقا ليا غي نعربن النݣافة
عبد الجليل:امتا العقد؟؟
نزهة:ان شاء الله نهار ثاني عيد..
سميرة:اوا خصنا اختي نشمرو على ذراعنا راه العرس كايبغي قوامو وحبابكم نتوما كثار خصنا نسمنو ونوجدو الحلوة .
نزهة:هههههه خفتي توحلي
سميرة:وانا نعاود ماجرا ليا فعرس بنت سعيدة هههههه تكبو الناس
الأم:اوا نعيطو لختك تعاونا ومرات خوك. .
نزهة:ماتوصلني مانوصلها حجارها يشدوها منها من الضياف منشوفها حتال نهار العرس...
الام:لواه راها مرات خوك وبنت خالتك حشوومة يابنيتي. .
سميرة:أ خالتي هاديك راه لفعة وسنانها بغات غي فمن تمضييهم حنا قاديين بشغلنا
عبد الجليل:تلاقيت محمد البارح فالقهوة وسولني
نزهة:شفتو قطع رجليه وحتى إيناس ما صيفطهاش لينا
سميرة:تلقاي ديك العقرب حبساتها. .
عبد الجليل:(حمر فيها)دخلي سوق راسك وقيليها عليك مواصلاك بوالو. .
لمطات فمها وقلبات وجهها ونطقات نزهة:انا قادة بشغلي..غي يقرب العيد ونصايب المسمن والحلاوي على حسابي. .
سميرة:لا اختي ماتحطيش يديك فشي حاجة نتي عروسة..انا وسعيدة نتكلفو ونعيطو لدعاء حتى هيا وراه قاديين. .
مرت أيام قليلة وعيد الفطر على الأبواب مابقات ليه غي ربع أيام فقط..ونزهة مثلها مثل أي بنت مغربية تتجري وتجاري باش تخرج نهار العيد بقوامو وعاد حيت عندها العرس والتكاتيب..عربنات النكافة وختارت اللباسي والقاعة تكلف بيها عمر حلف حتى يخلصها ممخليها مخصوصة من والو. .
اليوم كي فاقو شدو طاكسي هي وسميرة بعدما لبسو جلالبهم وخرجو يتقداو قوام الحلوة لي غاتكون مضوبلة عليهم..ولأنها انسانة حادكة وشاطرة مكتقداش من اي بلاصة تتمشي للهريات الكبار لي تيبعو داكشي نقي وزوين وتقدا منهم وتفنن فاهمة وعارفا فما يخص الكوزينة . .
وقفو قدام واحد الهري كبير مسطوكية السلعة قداامو والناس بزاف كايتقدااو والدراري تيسربيو النااس..هذا حال الناس مع العيد كيموتو فالزحام والتقدية تاع اخر لحظة . .
نزهة:اميمتي هذا راه الزحام عندو
ضورات سميرة عينيها على باقي المحلات:وراه كلشي هاكاك..شوفي هذاك .
قطعو الشانطي لعند الهري الكبير ولي معامرش بزاف فيه هي الرجال الكبار كايتقدااو بالجملة وربعة دراري كيسربيوو..مع دخلات مع ضورات عينيها فداكشي وقالت:عندو كلشيي حممم خوياا
هز الدري راسو وقال:نعام الالة؟؟
نزهة:كتبيعوو لكلشي ياك؟؟
الدري:بلاتي الالة غي نكمل مع هاد سيد ونشوف معاك. .
حركات راسها بتفهم وجلسات هي وسميرة تيذاكرو شنو خصهم وشنو تقداو ويتفكرو ليكونو نساو شي حاجة
سميرة:شحفت ماكرهتش شي عصير
نزهة:هههه نخرجو دابا و نشريه لختي ديال لافوكا هههههه. .
سميرة:ههههههههههه طنااازة ههههه
تسمع صوت الدري:المعلم شوف مع هاد السيدة. .
جا عندهم راجل طويل لابس بلوزة فالاخضر وباين فيه العيا وقال:اش حب الخاطر الالة؟؟
جرات سميرة وخرجو غايطرطقو بالضحك وهي تنطق:محشمتييش على واحلة فروحي..امتا نعستي مع عويمير باش تحملي هههه. .
نزهة:ههههههههههههههه كون ماݣلتش ليه هاكاك ولله ما يبغي يعطيني ..صحاب الجملة راه ولاد الحرام كيبغيو غي مع صحاب الكثرة ههههه غايضيع وقتو معايا لي شريت 290 درهم ولا مع لي غايحط الملاين ههههههه اللهم نكذب الله يعغفر لينا. .
سميرة:محالش يغفر
نزهة:ولايني خزييت مسرباني تا كنت غانجيف بريحة الصنان قول مكاين الما فالدنيا..خاانز كي الݣط . .
سميرة:ههههههههه زيدي اشعبية زيدي ههههههه
منها من أي مرا مغربية متولة وقادة بشغلها تتوجد حليوات وبلاطوات العيد ..حيت العيد مناسبة كايتلمو فيها الحباب والصحاب . .
واقفة كاطيب الحلوة وعرقانة وكلها مجرتلة والعطش تالصيام تا تحل الباب وتسمع صوت محمد تيحنحن. .وهي تخرج عندو مستغربة وقالت:خويا
عم السكوت من جديد هي الام لي تاتجبد الهضرة من محمد لي ميشبعك تاهضرة اما مليكة هازا تيليفون ممسوقاش ناضت نزهة مع ايناس للكوزينة ممسوقاش ليها حيت عارفة ماشي اول مضاربة ليها مع مليكة راهم ديما منوضيينها ومناتفين وتيرجعو يهضرو على قبل محمد. .
جمعات ليها مليكة الوقفة بغات تنوض تسلخها وحبسوها وهي تتبغي تبين انها هي لي حاكمة وتتربي بنتها.
جلسات مغددة وتتحلف فيها و لوخرا تاتبكي متذمرة وتدعي لراسها بالموت على هاد الحياة. .
البنت فسن المراهقة تتحول تحول جذري ببساطة لانها تتخرج من الطفولة وتتدخل فالمراهقة وهنا تيخص الام او الاب او هوما بجوج يكونو حالين عينيهم مع التغييرات لي تتطرأ على البنت فهاد السن..والعكس وشدان الزكير بحجة التربية تيخليهم ينفرو ويديرو زبايل كثر من لي تتوقع. .
استسلمات نزهة وخرجات مع جنات للصالون تتحسر على ديك البنية..شدات النوبة مكملات تال الثلاثة تليل وجنات نعسات ليها صونات لعبد الجليل وجا ليها تينݣر على التعطال..لقاوهم باقي قصاارين..
صايبات ضفارها والشعر دارتو بووكل ودارت لاصيغ معولة على خزيت ههه مهم تهلات فرااسها مزياان كي دخلات صايبات لايناس شعرها ومشات طاحت دودة
*****
صباح العيد مصبحة نزهة بكامل اناقتها بقفطان جوهرة بالمجدول والشعر مطلوق مبوكلي مع ماكياج ناعم بزااف خلاها تبان أميرة فدار باها وكذلك سميرة لي لبسات قفطان والشال ديالو تاتبان زوينة..الا مليكة لي مصبحة ببيجامة تاع 30 درهم فقط. .
المشكل هنا ماشي فانها معندهاش ولا ان البيجامة عيب ولا حرام المشكل أنه محمد عندو رزقو والى بغات تشري ماتلبس غاتشري..ميقات فيهم وباركات ليهم العيد ونطقات:مسبقين العرس ولا
خيط الريح الجزء الثاني
محتوى القصة
كلمة خلات قلبها افرفر ويتعصر ويضحك بلهلا يطريه ليها ..عضات على شفايفها ودورات وجهها فاص ليها حشمانة ساكتة مقادرتش تهضر..تتخمم فهاد الزين الشايب لي عطاها الله
وصلها بعيد شوي على دارهم بطلب منها باش ميشوفها حد ..توادعات معاه ونزلات تتفرنس قربات تشطح فالزنقة..وغادية لي تلاقات ليه تسلم عليه تاوصلات للدار لقات مها جات
نزهة:(سلمات عليها)ميمتي!!
الأم:على السلامة المرضية .
نزهة:الله يسلمك
سميرة:(هازا طاجين )كنا كانتسناوك غي نتي ههه(حطاتو)عبد الجليييل(تتنادي)زيد تغدا
نزهة:نغسل ونجي
غسلات يديها وتجمعو على الطاجين كلهم تيهضرو واجمعو
نزهة:كي لقيتي سعيدة؟؟
الأم:لباس عليها سلمات عليكم كامليين
نزهة:تا ندوز عندها شي نهارر
جليل:دزتي عند محمد؟؟
الام:واشنو نخليه راه ولدي
جليل:مقلتش لا
نزهة :كي دايرين دراري؟؟
الام:كي الشهد تبارك الله..ولادو امزينهم محببهم ربي عند الناس
سميرة:(بضحكة)بحال مهم ياك اخالتي هههههه
الكل ههههههه
الأم:ففف السم ديك السيدة حشاك ابنت ختي
جليل:نهار لول ݣلتها ليكم بعد من دمك ليطليك..الله يطليه بيها
نزهة:ياكما قللات منك
الأم:مالي ساهلة ليها..دار ولدي هاديك والى معجبها حال تشرب البحر
نزهة:جبداتني؟؟
الام:لا تݣول..غي ساكتة الله يستر ماتهضرك ماتدويك متݣوليك خالتي اش خصك تقولي عدووتها ماشي عدوزتها
جليل:(غمز سميرة)نتي مولفة الهيلالة مع هادي خهههه
الأم:وشنو!!انا شارفة وكنبغي نجمع ونضحك و لي يفرق معايا الكلام ماشي ساكتين وغي كتسوط كي اللفعة
نزهة:ههههه داكشي باش نيت دايرا سيفتهم..
تغداو وناض جليل هو لول وهي تنطق سميرة:حط ليا فلوس الحمام
جليل:غاديين..اتمشي امي!!
الام:مقادا على حمام نمشي نسخن عظامي ونجي تاني نبردهم لالا
نزهة:ياله راه نغسل ليك دغيا
الام:هي سيرو بصحتكم انا براكا علي غي الدوش
الحفيدة الأصغر:ميمة نبقا معاك
سميرة:شو كي وليتي كتقطري بلوسخ وتبقاي معاها
ضحكو وناضو جمعو الماعن وجمعو حوايجهم..وداو جميع اللوازم..
وقفات نزهة قدام مرايتها تتدهن شعرها بزيت من قريعة ووقفات حداها الحفيدة الصغرى لي اسمها"جنات":عميتو ديري ليا زييت لشعوراتي
نزهة:ههههههه شعوراتك ههه هادي أزوينة فيها الثومة اتدوخك
جنات:ونتي مدوخكش
نزهة:ههههه كي ندخل نغسلها
جنات:واعقلي هههه
طلات لشعرها زيت الفلفلة مع ضروس تتثومة ولاحت عليها جلابتها وهزو اغراضهم وخرجو اتحمحمو تحمحيمة مغربية دايزها الكلام
دخلو وخداو بلاصتهم وجبدات نزهة بواطةة فيها تبريمة اللحم فحين لوخرا بغات تدوز صابون
نزهة:بلاتي ديري الحنة
سميرة:شداكشي فيها؟؟
نزهة:حنة..الورد..الخزامة والحلبة ولحمص والفول والعكر الفاسي
سميرة:داكشي طحنتي داك نهار؟؟لاش كتصلاح؟؟
نزهة:زوينة كتصفي اللحم وكتنقيه ..
خلطاتها بما سخون وقطرات فيها خامضة وطلاوها للحمهم من غير لوجه وجلسو تيسخنووو عاد شللوها..واراك للشعرية...تيحكو والوسخ اتبعهم
سميرة:اختي عيييت الوسخ مبغاش اسالي
نزهة:هههه حسابك الحمام ساهل هههه حكي حكي وخلي جنات نغسل ليها
سميرة:هههه واخا
كملو حكانهم وشللو عاد نزلو شعورات ودوزو جيل للحمهم وخرجو تيشقشقو بالزين باين عليهم الحمام و عظامهم مرتاحين خصهم هي شي كاس تاتاي
دهنات نزهة للحمها بكريم تالورد ديال نيفيا ولبسات عليها وخرجات رفقة مرات خوها راجعين للدار تيضحكو..
دازو من حدا مول ليمون لي تيعصرو وشدو كاس تليمون زݣحوه عاد تحركو للدار..مع ضارو على الدرب مع تيبان ليها جليل واقف مع عمر وهي تخرج عينيها مصدومة. .
خرجات عينيها مصدومة وقالت مخاطبة سميرة: سميرة عتقي..عمر واقف مع عبد الجليل. .
سميرة:(بتشكيك)اش جا يدير؟؟زيدي نشوفو. .
تمشاو بسطولهم تاوقفو عليهم وتلفت هو ليها طلعها ونزلها بحب ليها فحين هي مشافتش فيه حدها سميرة نطقات:عبد الجليل
جليل:(بجدية)دخلو لدار انا نسالي مع السيد ونجي..
حركو راسهم ودخلو مستغربين ماعاودوش تلفتو..
كي حطو السطولة طارت نزهة للشرجم كاتطل بالشوية ولوخرا وراها:واراه غيضربك البرد
نزهة:(كاتحاول تسمع)ششش خليني نسمع. .
خرجات الأم من الكوزينة هازا صينية:على سلامتكم..شدي شدي أ سميرة الصينية.. ركابيا فشلو علي(شافت بنتها)أتي دخلي من البرد..
نزهة:(سدات الشرجم وراسها ضارها)هاهيا..
تحطات صينية وكبو اتاي يرويو عطش الحمام تاطلع جليل نضم ليهم وهي تنطق:اش بغاك داك السيد!!
جليل:(بهدوء)سولني عليك عاود
حمارت بالحشمة وقالت:كيفاش؟؟
الأم:اينا سيد؟؟
جليل: السيد لي جابو محمد يخطب..عاود رجع تاني..
حطات الأم صبعها على حنكها وقالت:ياو راه عطيناه جوابنا..
جليل:(شاف فختو)ماسمعناش جواب نزهة!!!
نزهة:(الصمت وتتزير على الكاس ديال اتاي)
الأم:مافهمتش هضرتكم
جليل:حمم نزهة كاتعرفيه؟؟
نزهة:لا
جليل:السيد بان ليا باقي باغيك واخا ديك الشوهة لي درتي...شوفيه وجلسي معاه ماتعرفي رزقك فين كاين
نزهة:الصمت
جليل:انا اختي راه مامثقلة عليا ماهازك فوق كتافي راكي فدار باك معززة مكرمة مايخصك حتا خير
نزهة:حمم واخا اخويا
بتاسم وقال:بالخير ان شاء الله..خلى ليا نمرتو وغانعلمو يجي
سميرة:اتعلمو خوك؟؟
الأم:(باقي مامستوعباش)توما دغيا درتو خطبة..(شافت فنزهة)ابنيتي هضري شهادشي
نزهة:أ مي بلي فيه الخير
عبد الجليل:(هز كاس تاتاي)انا طالع نكمي. .
خرج عن قصد مخليهم بوحدهم ونطقات نزهة بثبات: أمي سيد جا ليا لخدمة وهضرنا ولقيتو الله يعمرها دار وباقي ناوي المعقول
سميرة:ودريويش و ولد ناس خداام وبرزقوو وزييين ههههه
الأم:وديك مو وختو لي عايرتي داك نهار؟؟
نزهة:الله يسامح امي هو معندو حتى مشكل وسامح ليا
الأم:(تنهدات)بلي فيه الخير ابنتي(حطات يديها على فخض نزهة)انا ابنيتي بغيت ليك غي السترة وتكوني بدارك ووليداتك ونكون مهنية عليك
نزهة:(باست حنكها)الله يطول لينا فعمرك ياربي..
- شربو داك اتاي ودوزوه ب عمر ونزهة تتعاود ليهم وتيليفونها كايصوني فالبيت..تا كملات وناضت لبيتها كاتحيد الشال وتطلق شعرها باش ينشف..
هزات فوطة نقية لواتو فيها بعدما حيدات جلابتها ومشات لتيلي لقات اتصالااتو وعاودات الإتصال ودغيا شد وقال:فيينك
نزهة:(بصوت مرخي)هانا معاك
عمر:كنعيط مكتجاوبيش
نزهة:كنت كاندير كاسكرووط مع مالين الدار..علاش ماݣلتيش ليا جاي
عمر:(بهدوء)الصراحة ماكنتش غانجي..غي كانعيط ليك وماكتجاوبيش وݣلت ندوز يمكن نلقاك..وتصادفت خوك وصارحتوو..نتمنى مانكونش سببت ليك شي مشكل
نزهة:(حالة فمها فصوابو)لا..حمم غي سولني خويا
عمر:وشنو امتا نجيو؟
نزهة:هههه دغيا درتيه قبل
عمر:أ حبيبة انا هضرت معاه وݣاليا نتشاور معاها اوا وراه الجواب باين
نزهة:هههه بلي فيه الخير ان شاء الله
عمر:امتا نجيو؟؟
نزهة:(غاتنقز بالفرحة)ماعرفتش ههه لي مناسبكم..
عمر:نجيو الويكاند الجااي؟؟
نزهة:(بدون شعور)مرحبا بيكم
عمر:(براحة)صافي الويكاند هاني عندكم ياله سيري ترتاحي
نزهة:بسلامة(عااضة على شفايغها)
حطات تيلي على صدرها ووجها مزين بابتسامة خجولة ..عينيها كايبريو كاتحس براسها حلمها قرب يتحقق. .
انك تحلمي تزوجي ماشي عيب حيت الزواج سنة وهو نصف الدين كي تايقولو..ولي هرب للدين هرب لطاعة..
ووحدة بحال نزهة راها قرات وخدمات وتبرعات وبغات تعيش الحب فالحلال ودير وليداتها..
دارت يديها فوضعية الدعاء وقالت بفرحة:ياربي تمم ليا على خير ياربي ويسر ليا ياربي راه نيتي زوينة. .
كلشي واجد وكلشي ناضي..الصالون راه مخمل و مفرش وريحة البخور خفيفة عاطية منو..والماكلة واجدة خاص هي من ياكلها..
ولالة العروسة كذلك راها لابسة قفطانها الخفيف فالشيبي مرصع بالقليل من الأحجار..ب ماكياج خفيف وشعر بوكلي جات غزاالة ومسرارة كي كايقولو. .وكذلك أهلها لي ما مقصرينش تاهوما بقفاطن خفاف ضراف ماشي معيقين بحالا العرس..
فاخر لحظة تدق لباب ودخل محمد بوحدو مع ولادو بدون مليكة مخنزر قبل راس مو وقال:لباس؟؟
الأم:لباس اوليدي نتا لباس؟؟(تيبوسوها حفايدها)الكبدة المعاودة غبرتو علي..
يونس:الميمة غي القراية..فينها عمتي؟
سميرة:راه فبيتها
مشا عندها لقاها متوترة وجالسة على الشوك ..واجدة محلقة مانتكة
وقال:اش هاد الزين أنزهة؟؟
نزهة:(على نيتها)بصح جيت زوينة؟؟
يونس:زوييينة(باسها فحنكها)الله يسرليك اعمتي
نزهة:(بحنان)امين احبيبي جات مك؟؟
يونس:لا مريضة جا بابا
حركات راسها بتفهم..عقلها كولو مقادرش يفكر فمليكة وتصرفها وهي توترها كولو على الخطبة.. تسمع سرسار عرفاتهم هوما وهي تنقز :اويلي جااو
يونس:(مكسل فوق ناموسيتها)ههههه واقلة ..
نزهة:(بتوتر)واش نيت جيت زوينة ايونس؟؟
يونس:(ناض كايطل) ايهااي طونوبيلات...
نزهة:(حشمانة ونازل عليها التبات تاع العريسات مقدراتش تمشي تطل)حممم شكون جا
يونس:العريس راه باين معاه مرا كبيرة وشي مرا قدوو وشي جوج رجال وراجل دعاء ودعاء..شوف ليك البرهوشة ههه
نزهة:ففف اربي مال قلبي كايضرب هوكاا(تحل لباب دخلات سميرة) هوما ياك ..
سميرة:ايييه هوما يالالة..وجدي راسك هههه
نزهة:ناري على خلعة فيا كولي عرقانة
سميرة:ومالو المعقول ساهل ههه
تسمعات الهضرة كثيرة برا ووذنين نزهة كايلقطو الأصوات ولكن صوت عمر مسمعاتوش..حدها كاتسمع عبارات الترحيب طاغية من طرف الرجال. .
جلس عمر لي كان في كامل اناقتو.. الزين الشايب هو هذا.. طويل وعامر وفيه شيبات .. بكوستيم زوين فالأسود ومسرار ومعاه مو لي لابسة ومقادة ولكن بملامح صارمة. .
وكذلك ختو لي نفس ملامح مها اما الرجال لوخرين راه كايهضرو مع عبد الجليل ومحمد ويرحبو بيناتهم. .
دخلات ام نزهة فرحانة بفقطانها التقليدي القديم المناسب لعمرها مشمرة على خصرها بطابلية مطرزة بالأخضر..
مبتاسمة و مقاداها فرحة سلمات على النسا والرجال لقات السلام بفمها وتبعاتها ختها وسميرة جالسين معاهم وكايرحبو بيهم. .
الأم:مرحباا بيكم الالة ..نهار كبير هذا
نجية:(ببرود)ربي يخليك..اوا فيناهيا عروستنا ولا موجدة لينا شي حاجة خراا. .
خزر فيها ولدها لي جالس ساكت ولكن تيحلل فهضرتهم..إنسان إجتماعي لكن مع فئة محددة من الناس ..الناس لي يجيوه مثقفين ويستافد منهم ثقافيا اما هضرة عادية راه يعطيك صوابك وصافي. .
الأم:اوا الالة ساعة الشيطان ديما حاضرة(بغات تلف الهضرة)سميرة جيبي الصينية ابنيتي
الاخت:ترحب بيك الجنة الالة...فينها العروسة؟؟
سعيدة:حشمانة شوية نتي مولات الخير..انا نعيط ليها ههه
ناضت متوترة من هاد الجو المشحون بين العيالاات اما الرجال راهم ناشطين كايهضروو ماعاطينهمش وذن إلا عمر لي جالس على اعصابو. .
سعيدة:(فالكوزينة)شو ليك العدووزة
سميرة:(تتفحص الصينية)شفتها ياختي..حسن عوان نزهة مسكيينة. .
سعيدة:باينة ما نساتش شنوو دارت..اجي نݣوليك مارديتيش البال جاو طواال مجابو والو . .
سميرة:(بحالا وݣداتها)ولاهيلا ..مجابو لا لباس لا والو..اويلي(ضربات فخاضها بشوي)تا سكر مجابووهش اميمتي شهادشي . .
سعيدة:(بانزعاج)سيري عيطي لنزهة والله يدير شي تاويل تالخير هادشي فشكل. .
مشات سميرة لبيت نزهة لقاتها مع ولاد خوتها كلهم ضايرين بيها بحال صحاباتها وهي تقول:نزهة ياله باش دخلي الصينية
نزهة:واخا (وقفات كا تنش على وجهها)والله حتى خايفة
ياسين:سيري سيري راك لوووز اعمتييي. .
ضحكات وخرجات حشمانة وقلبها كايضرب على الجهد ..كاتحس براسا غا طيح..دازت ديركت للكوزينة كاترعد ونطقات ختها باعجاب:ربي يحفظك هزي الصينية دخليها ها سميرة تبعك بالحلاوي
نزهة:خايفة ياختي خااايفة
دخلات عليهم دعاء فرحانة عنقاتها وشجعااتها وصيفطووها كاترعد هازا الصينية وحشمانة وعينيها فالأرض. .
مع دخلات مع قشعها عمر وبتااسم حيت كان تيتسنا ظهوورها فحين مو وختو كايبجقو اما خوتها مبتاسمين ليها ..رغم كل الخلافات ولكن مفرنسيين ليها . .
حطات الصينية وهزات عويناتها بخجل ناحية العدوزة وتحنات باست ليها راسها ولوخرة متبعاها ببرود وقالت:كي دايرا اخالتي
أم العريس :الحمد لله
سلمات على الاخت وحتى هي جاوباتها ببرود وتلفات ماعرفات مادير من غير تجلس بتوتر حداهم حشماانة. .
الأم:ومسلمتيش على راجلك ابنتي
نزهة:هاا(بابتاسمة خجولة)نسييت
محمد:باقي اياام الله. .
نطق خال العريس وهو راجل كبير ورزين:اوا اسيدي ساعة سعيدة هادي..مجيتنا باين غرضها جينا طالبين راغبين فيد بنتكم لولدنا الى قبلتوو علينا..
كلشي بتاسم الا نساء العريس..ونطق محمد:مرحبا بيكم اسي عبد العالي..و يزيد من فضلك لتناسبنا معاكم..وحنا مناسبين قبل عطيناكم بنتنا دعاء ..
عبد الجليل:الله يكبر بيك اسي عبد العالي
عمر:(بثبات وبدون خجل)انا غرضي باين هو نتزوج وندير وليداتي(نزهة صوتو كايزنݣها وكايخلي الفراشات يلعبو فكرشها)نسولو لالة نزهة اش قالت؟؟
الأخت:اوا لواه نشربو اتاي نتشاركو الطعام وعاد نشوفو
عمر:لي يطوال يقصار دابا نيت(شاف فمحمد) أنا راجل بداري ومشروعي ..ختكم مايخصها والو معايا ونديرها فالمقام لي حطيتوها فيه. .
محمد:راكم نااس عزاز والله يعمرها دار وباينة من وجهكم..
عبد العالي:اوا على بركة الله نقراو الفاتحة ونشركو الطعام
محمد:نسمعو جواب ختي..اش ݣلتي انزهة
نزهة:(حشمانة وكاع الأعين عليها) حمم بلي فيه الخير اخويا
محمد:اوا على بركة الله حم حم(دار يديه فوضعية الدعاء)من عندك اسيدي. .
هزو كلهم كفوفهم شي راضي وشي غير راضي وهازها بزز وشي مهازهاش كاااع ..
تقرات الفاتحة وتطلقات تزغريتة من طرف سعيدة فالكوزينة وناضت نزهة باست لعجوزتها راسها وبداو كايباركو ليهم فرحاانين وعمر هي كايحرك راسو مبتاسم وجوابو شكرا فقط. .
فرحتو مايعطيها لحد ووناض سلم بيديه على نزهة لي حشمانة ونطق:مبرووك الالة نزهة
نزهة:الله يبارك فيك. .
رجع كنزز حداها واهيا جلسات حداه حشمانة..تكب اتاي وتفرق عليهم بدوازو والهضرة عادية على الحال والأحوال فرحانين بالنسوببة الجديدة إلا مو لي جالسة عاقدا يديها على بعضهم وكاتشوف ساكتة. .
اما فالكوزينة راه دعاء تتسرسر لمها كولشي لي جراا قبل مايجيو وكيفاش مو مابغاتش وسيمااتة وهو كايقنع فيها باش تجي ورفضات رفض قاطع هي وختو على الشوهة لي دارت ليهم. .
سعيدة:(تنهظات)واش ابنيتي هو مزيان؟؟
دعاء:(تتنقب من الفقاص)اماما هو زوين والله يعمرها دار ويعيشها مزيان
سعيدة:عنداك تقولي هادشي لشي حد..ماتجبديها حدا حد خلي كلشي يدوز بخير. .
دعاء:ماقلتها لحد انا علمتك غي نتي. .
سعيدة:بلي فيه الخير نوضي نݣلسو مع الناس
دخلات سميرة هازا بواطة تالخواتم وقالت:واختي غا يلبسو الخواتم
سعيدة:توما هادو كي دارو ليها؟؟جايين يرشمو صدقو غيلبسو الخواتم. .
دعاء:واماما لي نطولوه نقصرووه لاش تدير جوج جلسات..اللهم تلبس دابا الخواتم
سميرة:وازيدي وجدي الصينية والحليب والتمر
سعيدة:(تلفات)انا تلفت(جلسات فوق الكرسي)وكلنا الله وݣلسنا لرض
سميرة:دعاء وجدي معايا الصينية اختي عفااك
فالداخل نطق عمر بحزم:سي محمد انا كانفكر نعقد السيمانة جايا باش ندي مراتي معايا. .
نجية :لواه اولدي مجابتهاش الدار.. عرس ليلة تدبيرو عام أو لا الالة ام نزهة؟؟
الأم:اييه عندك الحق..خاصنا نوجدو وندهزو راه هي وحيدة لي عندنا
عمر:لي حسبتوه علي انا موجود. .
محمد:حتى حنا بغينا نفرحو بختنا وندهزوها..مور رمضان ان شاء الله العقد
عبد العالي:تا هذا نظر
نجية:والعروسة عندها شي هضرة خرا؟؟
نزهة:لالا اخالتي لي درتوه قابلة بيه
الأخت: (عوجات فمها)اوا هاكا يكونو بنات الناس
عمر لتازم الصمت فضل مايهضرش و مايدخلش فنقاشات هو فغنى عنها.. جابو صينية فيها الخواتم لي شراهم عمر خصيصا ودوقو رفيع جدا فالاختيارات. .
زغرتات سعيدة وتجمعو كاملين عليهم مخلينهم حدا بعضهم وقدامهم صينية تالحليب والتمر والخواتم واخة مامديكوريش مزيان حيت ماموجدينش ليه مزيان..
دعاء تكلفات بالتصوير صورات كل لحظة من تركاب الخاتم تال الحليب لي شربوه. .
كان مثل الحلم بالنسبة ليها..حلم وبدا تايتحقق..واخيرا غاتلبس تاهيا
"عود الريح" او خيط الريح . .
وتسمى تاهيا عروسة..وبمن؟؟بعمر لي تمناه الف وحدة وفيه جميع المواصفات. .
التبسيمة ماحيداتش من فمها والفرحة باينة فملامحها وكذلك فوجه عمر لي فرحان بيها وماحيدش يديه من يديها مور ما ركبو الخاتم..
تحط الغدا وتسربا كلشي متول وراقي ومظناتش مو وختو بلي متولين هاكاك ماخلاو ماحطو وتهلاو تا ولات تطلع ليهم التبسيمة بلهلا يݣزيه ليهم..
شاركو الطعام والملح ولاو عائلة تقريبا ..كلشي فرحان وناشط وغادروهم بأدب ولباقة. .
نجية:الله يكمل عليكم بالخير ابنتي..ديري عقلك . .
نزهة:(فهمات قصدها)امين ياربي اخالتي
الاخت:مبروووك
نزهة:الله يبارك فيك اختي..ربيي يخليك
تسالمو مع بعضهم وغادرووهم مخليين الفرحة مالية جدران دارهم..
تبعاتهم نزهة من الشرجم بشوفة خفيفة تا مشااو ورجعات تتنقز وتزغرت بشوي فرحانة براسها
سعيدة:هههه الحمقة تبثي
نزهة:(عنقاتها)ناري فرحتي مانعطيها لحد هههه دعاء اري اري نشووف التصاور..ياكما نسيتي ليا شي لقطة. .
دعاء :هههههه مانسيت والو
شدات من عندها التيليفون تاتفرج فرحااانة وتوري لمها لي مسرورة لبنتها..كلهم التصاور زوينين تا دخلو خوتها وهجمو ولاد خوتها. .
محمد:الله يعاونكم...يوووونس ياله
سعيدة:جلس اخويا باقي الحال
محمد:(بصرامة تقول ماشي هذا لي كان تايضحك مع الناس)لا خاصني نمشي
نزهة:شكرا اخوياا
محمد:(بدون ميشوف فيها)ديري عقلك
خرج مخليهم تيشوفو فبعضهم وتبعو يونس لي قبل نزهة فحنكها..هاد الأخيرة لي ماتسوقاتش لخوها حدها تتعمر عينيها بالتصاور
نطق عبد الجليل:اوا مبروووك الالة نزهة هههههه نوضو نوضو جيبو طعارج لعبوو ليا شوي
سميرة:(ضربات فخضها )اميمتي كايموت ليا على الزهو . .
عبد الجليل:ههههههههههه. .
فوسط فراشها بعد يوم عمرها.. كيف كاتحس.. شادة الحديث مع عمر بعدما عاوناتهم ف جميع الروينة فرحانة .. فيها جهد ربعين واحد..لي حط يدو فشي حاجة تحيدها ليه بحجة هي لي غاتجمع وتنضي
عمر:حبيبة مرتاحة ؟؟. .
نزهة:(عاضة على شفايفها)مرتاحة.
عمر:قولي ليا الالة نزهة فين تبغي تعيشي؟؟
نزهة:(كاتحس براسها غاتسخف)هاا فين عندك الدار!!
عمر:عندي فالرحمة ولكن الا ما عجباتكش نشريو وحدة خرا. .
نزهة:لالا مزيانة..مهم نكون فيها معاك
عمر:سيفغي نكونو بجوج..مهم انا غا نعطيك السوارت تاع الدار غدا فاش نخرجو اونسومبل نتغداو . . نتي فرشيها على ذوقك
نزهة:(مرطبة صوتها)وامتى غانعقدو؟؟
عمر:الى بغيتي من غدا ولكن راك شفتي شنو تݣال..
نزهة:واحبيبي راه عرس ليلة تدبيرو عام وانا باغيا نفرح براسي..
عمر:(بابتسامة)على هاد حبيبي ديري لي بغيتي
نزهة:واخا هههه
عمر:غدا ندوز عليك للخدمة نتغدااو
نزهة:واخا ان شاء الله
عمر:ياله نخليك ترتاحي شويا غاتكوني عييتي
نزهة:شويا وصافي
عمر:بونوي ما شيغي
نزهة:تصبح على خير. .
قطع الخط مخليها غاطير بالفرحة مع حيدات تيلي من وذنها شافت كمية الميساجات لي وصلوها بعد ما حطات صورها معاه من الخطبة
العااالااام كامل لي عندها تصدم وبدات التساؤلات على هيئة رسائل..
-نزهة واش تزوجتي؟؟
-ايهاي واهي عرضي علينا نفرحوو ليك
-مبرووك احبيبة الله يكمل عليك بالخير
-ماشاء الله خطيبك زوين جيتو مع بعضياتكم
و غيرها من الرسائل لي كاتقراهم بلا مدخل ليهم وفرحانة نااشطة..كانت كاتسنا بفارغ الصبر هاد اللحظة لي كلشي اتساءل عن خطوبتها..بكثرة ماكتسمع سؤال:
- "علاش متزوجتيش؟؟"
ولات مشهية تسمع "مبروك" وهاهيا سمعاتها. .
جلسات على راحتها تتجاوب كلشي بالصواب والآداب ...ها لي من نيتو فرحان ليها ها لي حاسدها على الزين لي خدات وها لي مطلعها عليها حيت واخيرا تزوجات..
مجتمعنا هاكا داير..تزوجي انتقادوك..تقراي وتخدمي انتاقدوك.. ولدتي بنت انتاقدوك ولدتي ولد اهضرو فيك والألسنة ماكتسكتش
جاوبات كلشي وحطات تيليفون وعينيها على يديها لي مزينها خاتم الخطوبة..
باستو بعينين كلهم لمعة فرح وغمضات عينيها سارحة فاحلام عرسها وكيف غايكووون. .
*****
على صوت لالغم فاقت قافزة من حلم غزال فيه هي وعمر بارزين فعرسهم والناس ضايرة بيهم. .
مع شافت الخاتم ضحكات وناضت بحيوية قضات روتينها اليومي وخرجات لخدمتها لي فور موصلاتها تلقاو ليها لي خدامين معاها بالمباركات والتهاني وهي تتجاوب بأدب ولباقة..
دوزات روتينها الصباحي عادي وجا وقت الغدا هزات قشها ونزلات وكيف توقعات لقاتوو تما بطونوبيلتو الفخمة .
واعين بعض لي خدامين معاها كانو خارجين اتغداو راهم عليها وهي كي شي اميرة نافخة ريشها زعمة شوفوني حيت نفسهم الناس لي تايسمعوها الهضرة . . طلعات حداه مفرنسة ومد ليها حنكو بحب سلم عليها وقال:مدامتي كي راك؟؟
نزهة:(حشمانة والضحكة مبغاتش تجمع ليها)صافا ونتا؟
عمر:تخي بيان ملي خطبناك (شد يديها وتحرك)نمشيو نتغداو؟؟
نزهة:فينما حبيتي غير احبيبي جوج خصها تلقاني فالخدمة
عمر:واخا احبيبة..ماكتفكريش تبدلي خدمتك؟؟
نزهة:(بتساؤل)لا حيت ملقيتش شي خدمة حسن منها
عمر:(شاف فيها ورجع شاف فالطريق)الى عطيتك ماحسن تخرجي؟؟
نزهة؛الى القيت سالير حسن نبدل علاش لا
عمر:انا نشوف ليك مع واحد صاحبي تخدمي معاه ويدير ليك صالير مزيان
نزهة:(زادت فرحات)مغسيييي..
عمر:(حبس عند الريسطو)نزلي احبيبة. .
نزلات وجا حداها شد يديها مشابكين تايبانو كوبل خطير ودخلو للمطعم الراقي ..خداو بلاصة وجلس فاص ليها مبتاسم وعينيه على الخاتم لي مزين صبعها تاوترها وقال:جاك زوين احبيبة. .
نزهة:ههه بصح(شافت فيديها)دوقك زوين احبيبي
عمر:بصحتك
وقف عليهم السرباي حط لموني وزاد وقال:شنو بغات لالة نزهة تغدا؟؟
نزهة:(جايبا عليه دلالها) ختار ليا نتا احبيبي
عمر:واخا
دوز نظرة على الموني وهي حاضياه بإعجاب وحاضية جميع تفاصيلو الجذابة. .
حتى ختار وعيط للسرباي وعطاه شنو طلبو وهي مرفوعة تا كمل عاد وعات ورجعات لهضرتها هي وياه لي لا تخلو من الحب والغرام..تحط ليهم الأكل لي طلبوه وبداو تياكلو واهضرو فحديث مايمكنش يتمل منو مع عمر لي من موضوع لموضوع..
انسان تا الى مربطاتكش معاه علاقة حب غتستافد منو حيت كتاب وجالس حداك..
هز كاس كايشرب منو المشروب الكحولي لي ختار وف فمو تبسيمة ليها وهي تنطق بعدما نتابهات
للكاس:شراب هذاك؟؟
عمر:(محافظ على نفس ملامحو)اشمن شراب؟؟
نزهة:ههه الشراب زعما الشراب
عمر:(حط الكاس)فاللغة العربية الشراب هو اي مشروب سوا الما ولا قهوة ولا اتاي ولا اي حاجة سائلة تتشرب..شنو قصدتي نتي؟
نزهة:(ضحكاتها طريقتو فالمراوغة)هههههه الشراب لي هو بالعربية(مكمشة عينيها ضاحكة)الخمر
عمر:هههههه وا هانتي حددتي..سيي الخمر
نزهة:(تجمعات بتسامتها)ولكن راه دخلات الربعين
عمر:وشنو العلاقة؟؟
نزهة:ربعين يوم قبل رمضان حرام الواحد يشرب حيت ماكيدوزش ليه رمضان
عمر:(جغم من كاسو بدون مايحيد عينيه عليها وتيلعب بالمشروب ففمو بذكاء)لي قال ماتشربووش فربعين قال الشراب ممنوع لعام كاامل اولا؟؟
نزهة:وي سي فغي(ضهشرها)ولكن المسلمين عامة ماكيشربوش فاش كيقرب رمضان
عمر:وشكون قاليهم ميشربووش؟؟
نزهة:الله سبحانه وتعالى
عمر:اوا راه حرام حتا فالايام العادية او لا؟؟
نزهة:اااه عندك صح ولكن...
على رنة هاتفها توقف الحوار ونطق بحب:جاوبي احبيبة
نزهة:واخا هه
هزات هاتفها كانت المتصلة هي الهام صاحبتها لي كانت مسافرة ملحقاتش تحضر للخطبة..خاطباتها بضحك وبمزح ولوخرا تتبارك وتعاود تاسالات وحطات تيلي وعينيه مفارقوهاش
عمر:صاحبتك؟؟
نزهة:ههههه ااه صاحبتي مسكينة كانت مسافرة مقدراتش تحضر للخطبة
عمر:اوا تحضر للعرس
نزهة:(فرحها بكلامو)ان شاء الله هههه(شافت ساعة)
عمر:باقي الحال احبيبة هي تغداي فخاطرك..
نزهة:واخا احبيبي
عمر:مرتاحة فخدمتك احبيبة؟؟
نزهة شويا وصافي ههه اي خدمة فيها تمارا
عمر:فكري فهضرتي وجلسي منها والوقت لي بغيتي نصيفطك عند صاحبي
نزهة:لهلا يخطيك عليا(مدات يديها شدات يديه)من نهار دخلتي لحياتي وانا مزيانة
عمر:(بتودد)تانتي احبيبة..متصوريش شحال فرحان حيت غانكمل حياتي معاك
بتاسمات ليه بحب ورجعات لماكلتها وتاهو..سلاو وخلص وخرجو مشادين وصلها للخدمة ومد ليها سوارت الدار..وقال:وقتما بغيتي سيري ليها شوفي شنو خاص وفرشيها على ذوقك ولي حسبتيه صيفطيه ليا انا نخلص
نزهة:(شداتهم حشمانة )لهلا يخطيك احبيبي...بسلامة
***
نزلات نزهة كي الحمامة لي غادية فوسط الحبوب.. كاتنزه بعويناتها لي كيبريو بالفرحة..
دخلات لخدمتها لي ولات تتجيها عادية بعد هضرة عمر..دوزات عشيتها بابتسامة أكثر من عادتها وهي تفرنس وتضحك داخلها الحب من كاع الثقابي..
فالعشية تلاقات بعمر لي أصر يتلاقاها وجا هزها من حدا خدمتها وتاهيا مامنعاتش وخداها ديركت لمحل تاع الذهب ديال صاحبو.. . وقلبها كيضرب بجهد غيطرطق بالفرحة..وكتساءل مع راسها:
واش كتحلم؟؟
واش بصح هي وعمر فيدين بعضهم وداخلين ياخدو الخواتم؟؟. .
هذا حلمها لي تمناتو من صغرها وكيف ما تخيلاتو كيف ما تحقق مع إضافة بسيطة وهي الأحاسيس المختلطة. .
__
البائع:أهلا موسيو عمر
عمر:صافا كلشي مزيان؟؟
البائع :تخي بيان..المدام ياك؟؟
عمر:(بابتسامة)وي...شوف لينا شي حاجة تليق بهاد الزين. .
نزهة: (غتنقز بالفرحة )ههه عمر(همسات فوذنيه بأدب)شنو كدير
عمر:un petit cadeau
نزهة: (حشمات)واخا هه
شكون فينا لي ميتعرضش عليها الكادو وترفضو خاصة من انسان غيدخل لقلبها..
لبات طلبو وخداو وتعزلو براصلي زوين تذهب وراقي رفقة خاتم اخر..ولاحظ ذوقها راقي وبسيط وعجباتو كثر. . خلص وخرجو مشادين غيطيرو بالفرحة هو كايعيش مراهقتو معاها وهي كاتعيش أحلامها معاه
وصلها لدارهم بعدما عشاها ودخلات فرحانة مع سدات الباب شدات راسها مزيان وبدات كاتتنقز كي الهيشة وتزغرت بشوي فرحانة براسها بحال السعدية لي فهاينة ملي عطاوها الطارة كتضرب ههه...طلات سميرة من لفوق للتحت. .
وقالت:على سلامتك .
نزهة:ههههههه ختي ختي نزلي نزلي راه قلبي ايسكت. .
تمات نازلة كاضحك ببيجامة بيتية وقالت:مالك اختيي هههه شداكشي فيديك. .
شدات فيها ولوخرا فمها حلف لا تجمع بضحك:واش كنحلم؟؟راه الحب هذاا. .
سميرة:ههههه زيدي طلعي وعاودي ليا هههه
طلعو بجوج مالقات حد مها بايتة عند ختها غي هي وياها جلسو تتعاود ليها وتضحك فرحانة ومقداها فرحة ولوخرا تدعي ليها بالتيسير والسعادة. .
****
- دخل الشهر الفضيل فالمغرب شهر الغفران والعبادات والصلوات..الشهر لي كيحاولو فيه المسلمين رغم كل شيء أنهم يتقربو من الله ويغفرو فيه الذنوب. .
صايبات نزهة بالفرحات عليها سليلو والحلوة، الشباكية بلوز مقومة على حقها وطريقها مع البشنيخة وبليغات والبريوات لي كايدخلو للفريكو..مهم سيدة ممقصراش من حقها دوزات ويكاند كولو غي فالتصاويب حيت تتعطي لختها ولخوها ويديها تتخرج منها العسل. . دخل عليها عبد الجليل وقال:ساليتي
نزهة:(لابسة بيجامة بيتية كيوت وجامعة شعرها الفوق وكاتستف فالشباكية فسوبيرة)اه خاصني غي نجمع هاد الروينة وصافي..شوف هاك(هزات سوبيرات كبار من فوق الثلاجة)دي هادو لمحمد. .
عبد الجليل:كون غي درتي بالناقص
نزهة:(فهماتو)انا صايبتهم لولاد خويا ولخويا اما إلا جيت عليها هي مانصيفتش ليها حتا جغمة ديال الما. .
هزهم مازادش الهضرة وخرج يديهم ليهم فنص نهار الحد فحين هي جمعات الكوزينة وسيقات الدار من التعليكة . . رجعاتها تاتشعل ماجاتش فين ترجع سميرة من الحمام تا لقاتها نضات كلشي. .
نزهة:(تاتحيد الطابلية)فففف عيييت ياختي
سميرة:سيري راه شديت ليك بلاصة فالحمام زويين تغسلي براحتك. .
نزهة:ياختي نمشي نشد طيابة تحك ليا عيييت مافياااش والى حكيت غانتعطل وانا باقي خارجة . .
سميرة:(بصوت هامس) مع سي عويمير ههه
نزهة:اه ياختي ههه نعطيه حقو من باروك رمضان
سميرة:باغيا تسحريه بالحداݣة هههه
نزهة:اييه ههههه فين ولادك؟؟
سميرة:حلفو لطلعو كايلعبو
نزهة:نوض نهز حوايجي ونزيد للحمام غندوز للصالون ديركت. .
سميره:بصحتك هههه
مشات نزهة هزات مسائلها تالحمام بالفرحة حيت هي انسانة كتموت فالحماحم والتبارم والتهليات وزيد النقا..
خدات كسالة كسلاتها مزيااان صح مايتمكن وغسلات هي ماتبقى خرجات كتشعل بالزين والبيوضة ودازت ديركت بسطولها لعند الكوافورة ديال الدرب صايبات شعرها ضاحكة ناشطة مكركرة وتشد جموع. .
خرجات بشعير مقاد والضفيرات مصبوغين خاسرة على راسها الفلوس ..
مشات لدار كلات وشربات ومشات بدلات عليها ومع اخر رشة من عطرها صونا تيليفونها برقمو بتاسمات وشدات الخط. .
نزهة :الو
عمر:ما فام صافا
نزهة:(تاتشوف فالمراية حشمانة)ههه صافا حبيبي ونتا؟؟
عمر:تخي بيان..راك واجدة انا لتحت
نزهة:واخا انا نازلة
هزات صاكها وخرجات من بيتها مخاطبة مها و مرات خوها:هاني مشيت عمر لتحت
سميرة:هزي سوبيراتك ههه
الأم:الله يرضي عليك. .
نزلات كاتمختر بلبيسة زوينة وراقية لقات سيارتو كاتسناها وعيون بعض الجارات عليها ..طلعات بشوي عليها تحت نظرات الإعجاب من طرفو..قرب باس يديها وقال:اش هاد الزين. .
نزهة:ههه غي شويا وصافي
عمر:زويينة من نهار عرفتك..شنو داكشي؟؟
مداتهم ليه وقالت:هادا باروك رمضان ههه
عمر:ههه بغيتي تبيني ليا حداكتك زعما ههه انا باغيك كيف ما نتي. .
نزهة:هههه اوا حشومة مانعطيك والو
دارهم لور وقال محرك بالسيارة:عندي ليك واحد المفاجأة صغيورة . .
نزهة:شنو هي؟؟
عمر:ماغاتبقاش مفاجأة ههه اجي شنو درتي جمعتي وراقك؟؟
نزهة:باقي شي حاجة..راك عارف خدامة وماكنجي تاال اشمن وقت والى جلست شي نهار ماغايعطيونيش كونجي ديالي ديال العرس كانصيفط غي خويا مسكين. .
عمر:خدمتك بدات كديرونجيني احبيبة..واخدة منك النهار كامل..فاش نتزوجو زعما غا تبقاي هاكا ما كاتجي تال سبعة و مانتشاوفوش نهار كامل. .
نزهة:اوا اشنو ندير
عمر:مكرهتش كون حبستيها عليك حسن احبيبة شوفي ماحسن سيتو..ولي كيعطيوه ليك نعطيه ليك قابليني غي أنا ههه
نزهة:اوا شنو نولي زعما مولات الدار
عمر:هههه مولات داري أنا وصافي هههه
نزهة:نفكر ونشوف ههه
وصلو ونزلات معاه مشاديين اليدين. . وعينيه كيضورو على الكافي. . تا توجه بيها للطبلة فيها شابة فعمر 17 سنة تقريبا . .
وقال:ما بخانسيس
تلفتات الشابة الجميلة والبريئة ووقفات بحماس وقالت:بابا
عنقاتو وباستو ونطقات:هادي هي نزهة؟؟
نزهة غي تاتشوف فالبنت وتاتقول ويلي هادي بنتوو امبوسيبل..كانت زوينة بشعر طويل لابسة لباس مامغطي مامعري بين وبين نظرا لعقليتها وعيشتها برا مكتشبهش بتاتا لباها. .
عمر:وي هي..حبيبة هادي أمنية بنتي
نزهة:(بسرعة دارت بتسامة خجولة وسلمات عليها)مشرفين احبيبة
امنية:الشرف ليا ههه جلسو. .
جلسو فاص ليها وعاد حلى لنزهة التبركيك واخا ضارباها اللقوة بقوة المفاجأة معارفاش كيفاش تعامل معاها ولا شنو فنيتها. .
أمنية:زوينة أبابا
عمر:وشنو أبابا راه كنختار الزين ههه (شاف فنزهة)أمنية جات اليوم للمغرب هي وماماها و بكثرة مكنعاود ليها عليك بغات تعرف عليك. .
نزهة:ربي يخليك احبيبة ..تشرفت بييك
فالجلسة ديالهم كان أغلب الحوار بين عمر وبنتو لي كايبانو مفاهمين وبزااف كاع ماتقولش عليهم معايشينش ع بعضهم انما عادي.. كيهضرو كاتعاود ليه وكلشي وتحاول تناقش تا مع نزهة..
معاملاها معاملة زوينة وعادي ماشي بحساسية حيت هي بنت تربات برا وعايشة بالعقلية ديال برا وتفهماات طلاق واليديها وحتى انه كل واحد عندو حياتو. .
داز اللقاء ناجح وكل واحد فيهم خدا انطباع على لاخر زوين ..ناضت هي جاو ليها خوالها و هو وصل نزهة لدارهم بعدما دوزو أمسية زوينة توادعو فيها على أمل اللقاء من جديد. .
إستعدادات رمضان على قدم وساق..وكأي دولة مسلمة مع تايقرب رمضان تايبدا التوجاد فما بالك الدولة المغربية لي معروفة بالتاويل والتوجاد. .
وعيالاتها معروفين بتوجاد رمضان من الأطباق ما لذ وطاب وناسها تايوجدو راسهم نفسيا للتعبد لله تعالى ومغفرة الذنوب. .
كأي إمرأة مغربية كبرات وسط تاويل مها لي كانت طباخة فالعراسات راها تاتجري وتجاري على رمضان..
جالسة وسط صالونهم تتفرجمع مرات خوها وبنتها تانطقات البنية:عميتو واش دابا نتي غاتزوجي؟؟
نزهة:(بمرح)ان شاء الله احبيبة
جنات:وانا شكون غايبقا يديني للحمام ..
سميرة:(شادة تيليكوموند تاتفرج)ياك اختي ههه وانا
جنات:(ببراءة)عمتي كادير ليا جيل فيه ريحة زوينة نتي كاديري ليا غي صابونة. .
ضحكو بجووج ونطقات نزهة:وقتما نبغي نمشي للحمام نجي ندي بنتي معايا
جنات:اوا هاكاك ههه فعرسك غانلبس تكشييطة زوينة
نزهة: (عصراتها ببوسة)اخليلي الفن ديال عميتو
سميرة:حݣا انزهة فين وصلتو؟؟
نزهة:(بابتسامة حلوة)هاحنا اختي..قاليا عمر لبارح نمشي نشوف الدار كي دايرا باش نشوف لا فيها مايتزاد فالفراش. .
سميرة:اوا والعقد؟؟
نزهة:نشوفو مور العيد ان شاء الله
سميرة:ان شاء الله بلي فيه الخير...غتمشي عند مليكة
نزهة:دايراها فبالي باش متبقاش شادة فخاطرها من جهتي
اليوم الموالي لي هو يوم الأحد فاقت فالصباح بكري ولبسات عليها ومشات للحمام غسلات قبل مايفيقو وجدات الفطور. .كتتقلب ف آتاي صونا تيليفونها وكان عمر..شدات الخط بحب . .
نزهة :الو
عمر:الزين صافا؟؟
نزهة:الحمد لله ونتا
عمر:تخي بيان..شوفي احبيبة انا عندي سفر لأكادير نشوف شي صحابي نتي سيري للدار شوفيها. .
نزهة:شكون صحابك؟؟
عمر:غي معرفة وصافي..ماغنباتش علمتك غي حيت كنا دايرين نشوفو الدار. .
نزهة:واخا ماشي مشكل..طريق السلامة
عمر:مغسي حبيبة. .
قطعات معاه وحطات اتاي والفطور على حقو وطريقو كي الحمامة بيدما فاقو الدار لي فرحانين ليها كثر من اللازم..
نزهة:خويا خلي سميرة تمشي معايا نشوف الدار
عبد الجليل:اشمن دار؟؟
نزهة:حمم دار عمر هو مسافر وبغاني نشوف لا تكون خاصاها شي حاجة
عبد الجليل:وباشمن موجب شرع تمشيو نتوما عيالات..انا لي غانمشي معاك
نزهة:تاهاكا مزياان اخويا..مي تمشي؟؟
الأم:مالنا غاديين نجمعو الزيتون؟؟غي سيري ابنيتي وشوفي اش خاصك
نزهة: ومن تما ندوز نتقدا شخاص لرمضان راه بقات غي ثلث ايام
سميرة:واخا ان شاء الله
فطرو وناضت لبسات عليها وتأنقات كي ديما وخرجات دازت للصالون قادات شعرها عند كوافورتها المعتادة. .
جميلة:ݣالو ليا تخطبتي؟؟
نزهة:ههه شݣون قالها ليك؟؟
جميلة:اوا الخبار الزوينة دغيا كاتوصل..هي بصح؟؟
وراتها الخاتم الزوين فصبعها وقالت:اااه
جميلة:اوا هنية عليك اختي..فرحناا ليك والله
نزهة:لهلا يخطيك احبيبة
جميلة:ݣولي ليا شكون هذا؟؟كانعرفوه؟؟
نزهة:لا ازين مكتعرفييهش ماشي من هنا كان برا ياله دخل
وحدة من الزبائن وتاهيا بنت الحي تاتسمع وتهز فحاجبها:هي شي ݣاوري؟؟
نزهة:هههه لالا الله ينجينا منهم هذا مغربي قح
جميلة:وفين عرفتيه الغدارة ههه شافتكم داك نهار جهان بنت ختي فواحد الكافي هي خدامة فيها ݣالت ليا بوكو حبة
نزهة:(تتفايش عليها حيت ديما تيحشيو ليها الهضرة)اوا عندو رزقو الزين..عندو بروجيات ديالو
جميلة:تباارك الله واصمتي حتا صمتي وفطرتي على خبزة مشحمة عامرة
نزهة:الحمد لله داكشي غي أرزاق
الزبونة:اوا عنداك تنساينا انزهة فالعرس
جميلة:وانا نماكي ليك
نزهة:مرحبا بيكم من دابا..عفاك أزين طلقي يديك شويا عبد الجليل خويا كايتسناني نمشي نشوف الدار
جميلة:ايهاااي..واخا الزين. .
دركات ليها شعرها وناضت خلصاتها وخرجات مخلية التحلية تيدوزوها بيها
:وهانتي ياختي ليك على لي ݣلنا ولات مع البايرات جابتو ملعق. .
جميلة:(تاتفك شعر الزبونة)كضرب غي من لتحت..عندها الزهر كايهرس الحجر ياختي انا كون مشافتهاش جهان منقولش راه بصح خانز فلوس. .
الزبونة:اوا الله يعطينا سعد البايرات بحالنا حنا 23 عام لا خدمة لا زواج جالسين نخسرو ف 30 درهم تالبروشينغ على والو. .
خرجات تاتسنى خوها حتا بان ليها وركبات معاه غاديين كايتحدثو بروح مرحة..من ديما علاقتها معاه زوينة وهادئة عكس محمد..
وصلو أمام المجمع السكني لي باين راقي غي من الطونوبيلات لي مساسطيونين حداه. .
دخلو للعمارة وخداو المصعد وطلعو ديركت للشقة لي بمجرد ماوقفو قدامها حلوها وتحلو فامهم كانت غزاالة وراقية وعصرية مية فالمية ديال راجل عازب مئة بالمئة..ولكن منظمة من ناحية الديكور. .
عبد الجليل:هادشي زويين
نزهة:(بفرحة)غزاال!!!غي هو عصري بزااف (شافت صالة كبيرة) هنا غانردو صالون بلدي . .
ضارت فالشقة كاملة وفلاتها فأدق التفاصيل وكاتقول اش غاتبدل وتقيد فدماغها..عجباتها وحمقاتها ومسخاتش تخرج منها غي بزز. .
وصلها جليل لدرب السلطان أكبر مول فكازا ههههه حسن من بزاااف ديال مراكز التجارية تلقا فييه كلشي والرخى لله. . ملي دخلات مابقات خرجات تا كيلات شخااصها وحطات زبالة تالفلوس ..لي دخل ليه يعول يخلي فلوسو تما ويخرج بلا فلوس الترونسبور وهذا ماوقع مع نزهة لي مابقات ليها تا خمسة دراهم..
ضحكات على راسها وعيطات لصاحبتها الهام تصوفيها..تسناتها تاجات من بعيد كضحك عليها:ههههه صافي خليتي كلشي
نزهة:(جاتها ضحكة)ويلي نعاودها لحفار قبري هههههه مخليت والو. .
الهام:و مالكي فهادشي كولو؟؟
نزهة:اوا راكي عارفاني هههه كانبغي رمضان يدوز بالجديد.
الهام:غاتكوني تاني شريتي كلشي من جديد هههه
نزهة:وشنو هههه هزي هزي معايا ويلاه لدار معايا وليتي كاتغبري
الهام:تي خليني نمشي تانا نقابل سلو(مدات ليها فلوس طاكسي)هاكي ازين
باستها نزهة وقالت:مغسي الحب انا مشيييت
الهام: بسلامة
خدات طاكسي بيض ومشات فحالها متقلة..مع نزلات مع صونا ليها عمر شدات الخط بابتسامة:الو
عمر:حبيبة صافا؟؟
نزهة:حمد لله ونتا؟؟رجعتي؟؟
عمر:وي راني دخلت لكازا وبغيت نشوفك
نزهة:انا ياله غادية لدار نحط شي تقدية
عمر:سي بون وندوز عليك اوك
نوهة:واخا ههه
قطعات معاه ومشات تاتزرب لدارهم مع حلات ليها جنات طلعات تاتجري وتقول ماجريت حطات تقدية ومشات دوشات خفا زربان مبغاتوش يشم فيها ريحة العرق حيت نهار كامل وهي فالزحام..تقادات من جديد دغيا وسميرة واقفة عليها كضحك تا دخلات مها
الام:اتي فين غادية؟؟
نزهة:نشوف عمر امي..
الام:هاد كثرة خروج ودخول مامسلكاش..رمضان داخل والناس كادوي
نزهة:(تلفتات ليها)وامبقا والو امي ونديرو العقد
الأم:انا هي ݣلت..
صونا تيلي وهزاتو ومشات تاتزرب نازلة عندو تتفرنس شاف فيها:شنو هاد الزين؟؟
نزهة:(بابتسامة)عيونك الاجمل حبيبي
هز يديها باسها وقال:المصيويبة ديالي ههه
ضحكات بخجل مستحلية يديه لي شادا يديها وقالت:اوا شنو؟؟
عمر:حبيبة شفتي الدار
نزهة:ااه شفتها غزالة ماشاء الله. .
عمر:دارك احبيبة هاديك..شنو تبغي تبدلي شي حاجة؟؟
نزهة:هههه ماكرهتش
عمر:فازي ݣولي شنو بغيتي تبدلي نبدلوه
نزهة:مكرهتش ندير صالون تقليدي
عمر:ههه واخا معنديش معاه مي بوون بدليه احبيبة
نزهة:يخليك ليلي. .
عمر:وراقك واجدين. .
نزهة:بقات ورقة وحدة..نديرو لاكط مور رمضان!!
عمر:نتسناو حنا شهر كامل؟؟لاش؟؟الى واجدين فاي وقت نديروه. .
نزهة:عرفتي شحال غايخصني تتوجاد. ..متزربنيش عفااك هههه. .
عمر:واخا نصبر شهر اخر معلييش
مشاو ديك ساعة لمحلات كبار فالمدينة كتضور معاه على الفراش وتاهو شاد ليها الخاطر وتيعطيها رأيوو تا دوزو العشية كاملة تما وتمو راجعين بعدما تعشاااو وصلها وزاد فحالو لدار مو. .
*****
حط الاوطو وهز السوبيرات لي كانت عطاتو وطلع للشقة فين ساكنة مو ولي كبيرة بزاااف..حلات ليه ختو تسالم معاها ونطقات:شنو هادشي؟؟
مدهم ليها وقال:هادو صيفطاتهم ليكم نزهة(قبل راس مو لي جالسة فقاع الصالة)كي راك اميمتي؟؟
نجية: مصيفطا لينا الشياطة!!
هز حاجبو وقال:الواليدة البنت دارت الصواب. .
جلسات ختو ولاحت السوبيرات بعدم اهتمام فوق طبلة:شلا ماصيفطات..مذوقانا بحالا ناقصانا النعمة. .
عمر:(خنزر)شهاد الهضرة
الأخت:انا غي قلت وصافي..اجي واش بنتك كاينة هنا
عمر:ممم
الأم:ولاش ماجبتيهاش؟؟ولا مها لي حبساتها. .
عمر:لالا غي نسيت غاتجي ضروري تشوفكم
الأم:جات معاها ديك اللفعة؟؟. .
خزر فمو وناض معصب:كنبغي نجي نشوفكم ونجلسو كي الناس ساعة نتوما غي كتسممو فالهضرة!!فاش وصلاتك هاد مها حتا كتݣولي عليها لفعة..الى أنا لي مدوز معاها العجب وماكانݣولش فيها هادشي.
نجية:ايييه لفعة وكبيرة اللفعاات لي مغربة البنت على هلها
عمر:الواليدة لأخر مرة غنݣوليك خرجي سوقي..البنت بنتي والقانون واضح عاطي الحضانة لمها نهار متبغيش تعيش مع مها غتجي عندي. .
الأخت:هاد بنتك كانعرفوها غي بالسمية ماعمرها جات ݣلسات معانا شي سيمانة من نهار تفرقتي على مها
عمر:باين شنو غديرو ليها(هز سوارتو)الواحد ميجيش عندكم كااع. .
الأم:هاكاك هاكاك اوليدي عطينيي نستاااهل
عمر:لي غانݣوليك درووك هو وجدي راسك مور رمضان غندير لاكط. .
خرج وخلاهم كيتقلاااو فسمهم ..نطقات نجية مغددة:اميمتي ولدي وعوينة وحدة داااوه ليا بنات العيالات..لولة داتو غربااتو علي وهادي زربات عليه بالعقد الشارفة لوخرا. .
الأخت:اوا هانتي تشوفي(شافت فسوبيرات)وزايداها مصيفطا لينا زبلها زعما شوفوني راني حادكة. .
توالات هضرتهم وتزادت على نزهة وتصرفها نهار خطبوها ..لي مبغاش يتنسا ليهم فحين هي كانت نيتها تصلح ما دارت والانسان خطاء
أما فبيت محمد فكان ياله دخل وفيديه سوبيرات لقا مليكة جالسة ببيجامة بيتية كاشفة وعاݣدة راسها بزيف حياتي شادا تيليكوموند وحس العواشر واش دايراه. .
محمد:فين الدراري؟؟
مليكة:(ببرود)وعليكم السلام ورحمة الله..
محمد:فينهم؟؟
مايكة:دراري عندهم الكورة والبنت عند صاحبتها(شافت سوبيرات)شداكشي. .
محمد:باروك رمضاان صيفطاتو الواليدة
بجقات فمها وقالت:شلا..شيااطتهم
محمد:(زفر)مالك عدووك منك؟؟مي لي هي خالتك غا تصيفط ليك الشياطة وكون فيك الصواب ره العروسة لي كاتصيفت ماشي العجوزة. .
مليكة:(بتاسمات باستهزاء)راه مشيتي عندهم تاني جاااي عندي عاامر ومشاررجيي عزاات عليك مك. .
محمد:(ناض معصب)ينعل اصل مك يا بنت ال****...ماتعرفي رمضان متعرفي عواااشر تفووووووو. .
دخلات بنتو المراهقة وعينيها تايضورو عليهم خيفانة من باها حيت قاسح وقاطعها فيهم. .
محمد(لقا فمن يبرد سمو)فين كنتي البرهووشة؟؟
ايناس:أبابا هييي عند ماجدة صاحبتي
تيقرب ليها وهي تهرب ليه خاايفة وقالت:والله ابابا مامشيت بعيد ديت ليها كتوبها حيت ماغنكووونش. .
مليكة:(متفك ماتنوض)علاه فين رايحة بسلامة
ايناس:(نقزو الدموع من عينيها)غاندوز رمضان مع الميمة ياك ابابا قلتها ليك يااك هءهء. .
مليكة:(خرجات نيابها)دوزي تجلسيي وشكون يعاوني انا فرمضااان . .
محمد:(نهرها بصوتو)مكاين فين تمشي تكمشييي لدااركم (هز صبعو بتحذير)نلقاك باقي خارجة من غير للمدرسة نهرس ليك رااسك(زاد خارج)تفوووووو على تريكة. .
مليكة:(تتجعوق)مالي والدااااهم بوووحدي شابهاااكم ترييكة الجوع والنوووع ونتي يا البرهوشة شكون عمر ليك راسك برمضان عندهم؟؟. .
ايناس:(رتاحت ملي خرج باها)وا ماما كانقنط وعند عمتي زويين . .
مليكة:تعماااي من عينييك ان شاء الله تريكة خانزة تموتو فبعضياااتكم. .
ناضت ايناس تتجدب و تضرب فجنابها بغات تدوز رمضان عند جدااها ساعا عكس ليها باها
هاكا احوال الناس كلها وكي تايشوف الحاجة بمنظورو الخاص وكلها عندو قناعات ومبادئ خاصة بيه..
دخل الشهر الفضيل و استقبلوه المغاربة بحب وراحة حيت عارفينو شهر الغفران..وكذلك نزهة لي ستقبلااتو برحابة صدر وبالفرحة والتاويل والعشق مع عائلتها وعمر لي ولى جزء من حياتها. .
كيما عادتها كل رمضان بالإضافة للصلاة والإستغفار والتروايح وقراءة القرءان كاين تاويل الكوزينة وهي إنسانة متولة بزااف تاتبغي تلقا طابلة متولة تتسناها وكل ماتشهاه الخاطر. .
واقفة ب بيجامتها البيتية القصيرة تتلقي نظرة على آخر اللمسات على أول طبلة ديال الفطور فيها من كل فن طرب.
دخل عبد الجليل لابس قميص وقال بابتسامة:تهليتي فينا تاني ها ههه الى تزوجتي شكون يوجد لينا هاكا
حفيضة:اوا الله يسمح ليك هههه مال مراتك محادݣاش
دخلات سميرة هازا كيسان ديال الما :هانتي تشوفي ههه ياله شدو بلايصكم قرب يأذن
تجمعو على الطبلة ضاحكين ناشطين تيتسناو الآذان يقول الله وأكبر ونطقات الأم:النهار زوين
عبد الجليل:باش عرفتيه ونتي من قبيل كضربي فطباسل تسلو
الأم:ههههه ربي لي عطااني مانصومش
اذن الآذان وفطرو النااس وناضو يصليو صلاة المغرب وفيها دعات نزهة ربها باش يسر ليها الأمور فزواجها...
طوات الصلاية ومشات تتفطر عادي ومن بعد تكسلو حدا الفطور ياذن العشا وهي تنطق مها:نزهة نوضي ابنيتي تنعسي عييتي الخدمة والشقا. ..
نزهة:غدا مخدامااش امي
عبد الجليل:علاش؟؟
نزهة:جلست منها
سميرة:ويلي حااي وعلاش؟؟
كلشي نتابه ليها وهي تنطق:عيييت وبغيت نرتاح
عبد الجليل:عمر لي قالها ليك؟؟
نزهة:(بنفي)لالا مݣالييش هو باغي غي راحتي انا لي عييت وبغيت نرتاح ونوجد لعرسي على راحتي ومور الزواج غي نقاد أموري ونرجع نقلب على خدمة وحتى عمر ݣاليا وقتما تبغي تخدمي نلقا ليك خدمة وحسن من هادي. .
الأم:(حطات صبعها بتعجب على حنكها)ماتشاورتي ماوالو ممولفاش ليك؟
سميرة:زربتي لا؟؟كون شديتي شي يامات وصافي
عبد الجليل:حتانا جاني زربتي
نزهة:والله مزربت، سنين وأنا معاهم وصاليري واقف مزادو مانقصوو وعييت ݣلت نرتاح وتمارة راه عطاها الله
الأم:ودايرا بعدا شي حاجة تحت يديك ولا والو؟؟
نزهة:كاين الخير الحمد لله
عبد الجليل: مالها غا تشيط راها تعيش بخيير..لي بان ليك اختيي ديريه. .
نزهة:الرزاق الله
الكل:ونعم بالله
كملو وناضو صلاو تراويح وغسلو ماعنهم وكلشي مشا ينعس يرتاح بعد يوم صيام متعب..
تكات بلاصتها وهزات تيليفونها لقاتو مصوني ليها وهي تعاود ليه ناشطة . .
عمر:الو
نزهة:حبيبي
عمر:فين كنتي؟؟
نزهة:مشيت للجامع صليت التروايح وجيت ونتا؟؟
عمر:جالس مع مالين دار
نزهة:كي دوزتي نهارك؟؟ياكما دخل عليك النهار ههه
عمر:هه صافا مزيان ونتي؟؟
نزهة:حمد لله اليوم لخر فالخدمة
عمر:(بابتسامة)مزيان ترتاحي شوي باش فالعرس تكوني زوينة. .
نزهة:ومالي دابا مازويناش ههه
عمر:لالا غزاالة
نزهة:اوا قلت مع راسي نرتاح شويا ونوجد على خاطري باقي شلا ماتابعني. .
عمر:تاتصيفطي ليا الكونط ديالك نفيرسي ليك باش تقدااي
نزهة:لا ويلي انتقدا من عندي
عمر:علاش زعما؟؟راه حنا واحد دابا، فلوسي دياولك عرفتي شنو قطعي دابا صيفطي ليا rib ديالك ونفيرسي ليك من الابليكاسيون
نزهة:ولكن!!!
عمر:مكاين ما ولكن، موضوع ماكيتناقشش...شحال عندي من نزهة أنا
نزهة:(غاطير بالفرحة)يخليك ليلي يالعمر. .
عمر:ياله صيفطيه
قطعات معاه وصيفطاتو ليه وفيرسا ليها ديك ساعا مبلغ مهم خلاها مخرجة عينيها وهي تصوني ليه فور ماتشد الخط نطقات :بزااف عليا هادشي احبيبي.
عمر:مايغلاش عليك احبيبة...ياله سيري رتاحي ليا مع راسك غتكوني عييتي..
نزهة:والله حتى عييت..بونوي حبيبي
عمر:بونوي احبيبة تهلاي فراسك. .
- قطعات معاه مبتاسمة وتخشات في فراشها تاتقلب فتيليفونها على السكرينات لي مسكرينيا من عهد الفراعنة تاع القفاطن والجهاز تاع العروس وتخطط شنو تشري وشنو تحط وعينيها تايتغمضو بالنعاس تا غفات على حلم هي فالعمارية وهو قبالتها كيشوف فيها. .
*********
-اليوم الموالي فايقة مع العشرة لبسات عليها دجين وعباية كحلة تاتجي مفتوحة و راقية،
دارت مورد الخدود وليكرون ديال الشمس وخرجات هي وسميرة يتقداو اش خاصهم واخا الصيام لكن الفرحة عمات ليها العينين..مشات تيرااات الفلوس و هي تقول :لبارح ياختي فيرسا ليا فلوس صحيحة ههه
سميرة:الله يخليه ليك هههه زيدي زيدي نشريو الثواب ونحطوهم للخياطة
نزهة:تلفت والله ماعرفت اش غنشري وشنو نخلي
سميرة:زيدي بعدا الثواب ومن بعد نقوليك ههه
تشادو ومشاو شادين طاكسي خدااو التواب وداكشي لي بغات خاطرها وشدوها عند الخياطة أسماء الملقبة بماشا
نزلو من الطاكسي عرقانين وشحفانين وقدام محل الخياطة****** ونطقات :عالله تسربيهم ليا
سميرة:أسماء ديالتنا كوني هانيا. .
دخلو للمحل المجهز والراقي ديال الخيّاطة أسماء..كان بارد من لاكليم وفيه أشكال وأنواع ديال التكاشط. . كاتعامل غي مع العارضات والنكافات..خدمتها متقونة ورزينة..تسمع صوت من بعيد:بسلامة اماشا هههه
الخياطة:ولد الحرام فعايلو والله تا دا ليا 200 درهم..تريكة مية وحدااش اتهبلني
نزهة:هههههههه ماشتي نتي اش دايرا فيه هههه
أسماء بصوت حلو ورقيق من بعيد:اهلا اهلا بالزين ديالنا ! فين آختي غبورك ؟
تلفتو ليها وهي تشرع فمها بابتسامة وقالت:ياختي وشحال توحشتك هههه. .
جات عندهم الخياطة اسماء بمشيتها الحلوة لابسة من تصاميمها كسوة حجابية مع فولار زالق منو الشعر ويدها فيه لعيبة ديال البراوات وقالت معناقاها:أختي كتغبري كتفكريني غي لبغيتي تخيطي ههههه
نزهة:راك فالبال ازين والله ههههه
سميرة:اوا وانا؟؟
جراتها عنقاتها وقالت بعفوية :يا سحيحرة ههههه زيدي توحشتك (بمزح) والله الا ديما فبالي اصاحبتي ( نادات على البنت ) وجدو الله يرضي عليك شي براد آتاي ! ( شافت فيهم ) ولا قهوة ؟
نزهة:ماكرهنااش معاه شي غريبة ههههه
داتهم بضحك جلسو ففوتويوات وجلسات قدامهم وقالت تتحرك فراسها :جابوكم جلالب العيد !؟
نزهة:ماشا ديالنا ههههه تتصرع ليا جلالبي وقفاطني
سميرة:ياختي لي خيطتها عندك اشكروها لي هههه
أسماء: بسييف عليا نصرعها احح على انا داز عليا باش رجعت الخيااااطة اسمااااء القباااج ! اوا بعدا شخبارك وشخبار الواليدة وخوتك
نزهة:كلشي بخير ونتي شخبارك وشخبار وليداتك والحاج. .
اسماء:(بعفوية)جمعي اولاد خالتك الوازنة من الكبير للصغيى وقولي بخير ههههه امدرا اش عندكم انشوف دوك الثواب ملي دخلتو وانا عيني على لاميكة ههههه. .
نزهة:هههههه أسماء هي أسماء هههههه هاكي اختي هادو تفااصل عرسي
شهقات اسماء بضحكة وقالت بسرور: الله اكبر ! منين ضبرتي عليه ؟ (عنقاااتها تتضحك ونزهة تتشوف فيها بشوفة من نيتك) من صباح وانا تنقلب فين نقشب هههه هانتي طحتي فالبلان
سميرة: عمرك تشرفي اختي
نزهة:هههههه هبييلة ايييه ديال عرسي ومرحبا بيك نتي والحاج والوليدات. .
اسماء: ( هزت راسها جبدات ضحكة ) ويلي قداش قلتيها ! ( تتهز صبعها و تهضر ) انا الحاج يجيبني نحضر للعرس ؟ الحرام آختي حرام ههههه اري دوك ثواب لا تيقلب ليا ثاني مورال
مدات ليها الثواب كاتقلب باحترافية وقالت:زوينين كاليطي اش بغيتي فيهم(هزات واحد)هذا غا يجيك قفطان من داكشي..
نزهة:بحالا علمك الله...مهم هذا راه تكشيطة ل عرسي وغيكون مورا العيد ان شاء الله
اسماء: ياكما حتى انتي من داكشي لي جا على غفلة ؟ شهر صعيب ، عندي كوليكسيون الجديدة غارقة فيها
نزهة: داكشي كوليه الكليان جداد ! حنا القدماء محاربين و ميتخافش عليك يديك خفيفة فالخدمة ومتقونة راه ديما كانقولها ليهم كانقوليهم مانخيطش من غير عند ماشا ههههه..
أسماء: كاينة ! كليان لماضي ..ونتي مابغيتي تخيطي والو ؟
مدات ليها سميرة ثوب وقالت:هذا بغيتو قفطان من داكشي وكلشي على ذوقك. .
خدات ليهم اسماء القياسات حيت الإنسان مرة يغلاض مرة يضعاف وبقاو شادين معاها جموع لي ماكيتقادااش عاد مشاو رجعو فحالهم بعد يوم متعب .
أحد أيام رمضان الكريم كانت متكية حتى جاها اتصال من النجار لي دارت معاه يخدم ليها الصالون فدارها ولي عجبها كثر انه عمر مخليها تكلف بكلشي على ذوقها وراحتها.
نزهة:الو سلام وعليكم
النجار:وعليكم السلام لالة نزهة بخير صحيحة!!
نزهة:الحمد لله ونتا بخير؟؟
النجار :نحمدو الله ونشكروه عيطت ليك اختي بغيت العبارات ديال الصالون باش نخدم
نزهة:اييييه واخا شنو تمشي معايا
النجار:ديري ليا هي وقيت
نزهة: إلا كنتي مسالي نمشيو دابا نيت
النجار:اييييه واخا عطيني الادريسا
نزهة:******* من هنا ساعة نتلاقاو حدا باب العمارة ونطلعو
النجار:وعليه..الله يعاون. .
قطعات معاه وناضت تاتبدل عليها بجلابة خفيفة راقية كي ديما و وجهها منور بالفرحة..خبرات مها وخرجات واخدة طاكسي لدارو أو بالأحرى دارها وفوذنها التيليفون تتاصل بيه تعلموو رغم انه ديما عاطيها حرية التصرف. .
تسنات شوي وتم جاي النجار وطلعات معاه حلات الباب ودخل تايتفحص الصالون لي جاي فاص مع الباب وكبير نييييت مفرش بالعصري . .
وقال:متيسع
نزهة:اه..شوف الله يعطيك ستر دير ليا شي سدادر احمرو ليا وجهي
النجار:لهلا يحشمنا. .
خلاو الباب محلول مسدوهش وبدا تيعبر وهي تاتشد معاه وتايقيد فالمذكرة ديالو وتيقتارح عليها شنو يديرو وتاهيا تتناقشو بكل أدب وثقافة لانها كاتموت على الديكورات والتفراش باختصار مرأة مغربية حقيقية. .
خدا العبارات لي خاصينو وقال:انا غنبدا الخدمة ونعلمك ان شاء الله. .
نزهة:صافي ان شاء الله شكرا اخويا. .
حلاتو لقاتو عامر وهي تعقد غوباشتها باستفهام ...حتى قطع تساؤلاتها صوت الباب لي كايتحل حطات شنو فيديها وخرجات وهي تلقاه هو لي داخل وفيديه صاشية تقدية لابس سورفيت رائعة وتيبان وسيم..
استغرب من وجودها ونطق بحب:حبيبة
نزهة:صافا؟؟(باقي علامات الإستغراب فوجهها شكات تكون شي مرا). .
عمر:(قرب ناحيتها بغا يسلم عليها بوجهو)تخيي بيان(بعدات وجهها)مالك. .
نزهة:ويلي راه رمضان راحنا صايمين هههه
عمر:(حك لور تراسو بالساروت)حم نسييت..شنو جيتي ديري؟؟(ضحك)هههه زعما مافراسيش راه تجي. .
نزهة:صونيت ليك بزاااف مجاوبتيش جيت مع النجار خدا العبار باش يقااد ليا الصالون. .
عمر:(حط سوارتو وداز احط تقدية فالكوزينة وشاف الماعن وتلبك)حمم مزيان وشحال دار معاك؟؟
تبعاتو وقالت:جوج ونص
عمر:مزيانة!!مهم غي يعجبك
نزهة:(شافت فالماعن)شكون كلا فدوك الماعن؟؟
عمر:هاا هادو!!ديال البارح
نزهة:البراد باقي سخون(ربعات يديها بعدم فهم وملامحها خاليين من الليونة )شكون كان عندك هنا؟؟
عمر:نونو حبيبة متفسريهاش هاكاك..اجي نشرح ليك
نزهة:(هزات فيه حاجبها)شنو ؟؟كانت شي مرا ياك؟؟
عمر:(بان على وجهو التوتر)اشمن مرا؟؟صافا پا لا؟؟اجي نݣلسو ونهضروو. .
جرها من يديها وداها لصالا مونجي والحمورية كتاسات وجهو من حرجو بالموقف وعقلو تايقلب كيفاش يدير يخبرها بالأمر وكيفاش يواجهها..
جلسو وهي ملامحها جامدين تيتسناو تفسير حيت شكها مشا ديركت لشي مرااا . .
عمر:حم نزهة حبيبة الأمر ومافيه هو انه باغي نصارحك ولكن خايف نخسرك. .
نزهة:شنو؟ هضر أعمر ماتشرطش الهضرة راني على سبة. .
عمر:المرا مكايناش دونك غي هني بالك
نزهة:وشنو؟؟لاش دوك المااعن؟؟
عمر:(نطق بسرعة)فيا السكر وماكنصومش رمضان. .
نزهة:(خرجات عينيها كنوع من الصدمة)شنوووو!!!
عمر:(تفاجأ من ردة فعلها)كنت باغي نصارحك من شحال هذا ولكن كنت متردد متوافقيش تزوجي بيا
نزهة:(مسحات على جبهتها لي عرقات)حمم ماشي هاكاك غي جاتني بيزااغ وصافي .من ايمتا فيك؟؟
عمر:(تيشوف فاص ليه)سبع سنين هادي. .
تنهدات وقالت:وعلاش ماݣلتيهاش ليا قبل؟؟مالها شنو فيها؟؟مرض بحال كاع الامرااض
عمر:(تنهد بارتياح وبانت شبه علامة الابتسامة على وجهو)سي فغي ماعندكش إشكال؟؟
نزهة:(حركات راسها بنفي)لا لا علاش يكون مشكل..الله يشافيك وصافي هذا مانݣوليك. .
شد يديها باسها وقال بسرور:كنت عارفك بنت النااس
جرات يديها كضحك وقالت:أ الشريف العلوي راه صايمة انا ههههه
عمر:هههه نسيت..
نزهة:معليش ربي لي عطاك الرخصة تفطر حقك فالجنة ان شاء الله..انا غنمشي للدار
عمر:علاش؟؟خليك معايا ونسيني
نزهة:هههههه اثنان والشيطان ثالثهما ههههههه
عمر:هههههه نوصلك!!
حركات راسها بالنفي وقالت:اناخد طاكسي نتا فطر وخود دوااك. .
عمر:نن ضروري نوصلك ماشي مشكل. .
خرجات معاه براحة وصلها واغلب حديثهم عادي تايتناقشو على الدار وللعرس وماغيرها من الاشياء المتعلقة بحياتهم. .مرتاحة معاه لدرجة تلغاو جميع الرجال فعينيها. .
مع استمرار الشهر الفضيل ولي فيه تاتنزل السكينة على المسلمين وتيرتاحو نفسيا ..تيصومو واصليو قصد مغفرة الذنوب..
والليلة الكبيرة عندهم هي ليلة القدر ولي مامعروفش ليلتها امتا لي عارفينو الأغلبية هو انه كاتجي في يوم فردي وهذا مايقال والمغاربة راه رجحوها لليلة 27. .
واقفة قدام مرآتها تتوضع ماسك لوجهها لي كيشعل بالنقا والبيوضة واليديدات رطبيين ..ماسك النشا والروز مع دانون مسوس وحداها بنت خوها تتطالبها تدير ليها تاهيا. .
نزلات دارتو ليها وقالت:ياله غبري ههههه
كملاتو ومشات تكات حاطة دواور تاع الخيار على عينيها تتنقص بيهم الهالات السوداء ووذنيها تيسمعو الهضرةلي ضايرة حداها ديال مرات خوها ومها . .
تتوجد بالعشق لفرحها ..تفاصل وتكاشط جابتهم من عند الخياطة وجامعاهم وكل نهار تخرج تشري حاجة تهلات فراسها وحتى عمر ممقصرش من جيهتو يضل يعطيها باش تقدا. .
وبين عائلتها تذاع خبر خطوبتها وزواجها القريب وشي كيوصل لشي بلي نزهة لي جلسات تا مشا عليها الكار كيما قالو داتو شهوة منوو..ولي شافو ولا عرفو من بعيد كايوصل الهضرة لواحد اخر بلي دات الزين والضرافة والفلوس مزال..كاين لي فرح ليها وكاين لي جاتو فشكل وأولها للشعوذة وزيد وزيد كلها وكيفاش..
لكن هي كان شغلها الشاغل هو تاخد سي عمر لي مهلي فيها وداير ليها قيمة..
بقا لرمضان عشر أيام ويسالي وفالعشر الأواخر كيف كاع المسلمين تايكثار الإعتكاف فالمساجد والمسلم الحقيقي تيجهد على راسو باش اتقرب كثر من الله سبحانه. .
اليوم نزهة مقررة تخرج تفطر برا مع إلهام رفيقة دربها الوحيدة يغيرو الروتين..لبسات عليها وخرجات بعدما علمات عمر لي ما عارضش بتاتا ...
تلاقات ب إلهام قرابة الفطور فباب المطعم لي قررو يفطرو فيه..تسالمو بالأحضان ونطقات:ياختي واش مخاصمين ههههه غبرتي عليا. .
الهام:الخدمة ازين..اش هادشي؟؟زيانيتي جا معاك الحب..ياكما سبقتي الدخلة ههههههه
نزهة:اللهم اني صائمة هههه زيدي والله حتى توحشتك
دخلو مبتاسمين وناشطين حيت تلاقاو خداو طبلة و جلسو تيتبادلو اطراف الحديث عن الحال والاحوال
الهام:فين وصلتي فالتوجاد؟؟
نزهة:ياختي تلفت هههه نشري حاجة ونتفكر حاجة مشريتهاش
الهام:كثري غي من ليشوميز دونوي هههه هادوك هوما المهم
ضرباتها بضحك لكتافها وقالت:نتي واقلة مصايماش ههههه
الهام:ههههههه صايمة غي تنصح فيك ههههه مهم شري شنو خصك وماتكثريش عليك كثرة الشراوط. .
نزهة:درت غي داكشي الخفيف وصافي ههه(وقف عليهم السرباي عطاهم لموني)ميغسيي. .
ختارو فطورهم كيما تشهاوه وصونا تيليفونها كان عمر جاوباتو تتفرنس ولوخرا حاضياها تضحك عليها حيت شافت الفرحة فعينين صاحبتها مع قطعات مع قالت:خسر ليك النهار ههههه
نزهة:الله يمسخك هههه
الهام:وشنو ݣاليك حتا كتضحكي هههخ
نزهة:ݣاليا توحشتك ههههه سيتو. .
ضحكات الهام وقالت:واش هذا ماصايمش ههههه اويلي على توحشتك
نزهة:والله ماصاايم ههههه عندو مسكين السكر . .
الهام ::بصح؟؟مسكين!!!كايدير الأنسولين؟؟
نزهة:(بعفوية)يمكن
الهام:طالما ماكيصومش يعني راه الأنسولين حيت صحاب السكر لي ماكايديروهش كيصومو عادي .
نزهة:(بتأكيد)وي وي غيكون كيديرو أكيد...
الهام:(حابسة ضحكة)عنداك يكون عاجز جنسيا ههههه راه صحاب سكر دغيا كيسخفو. .
نزهة:(حركات راسها بأحياني)هههههههه واخا يحلف ليا عليها مانتيق سيد باينا فيه مجهد. .
الهام:هههههه اوا شبعي حلوة
نزهة:(حشمانة وقلبات عينيها)هاد النهار راه مامحسوبش ليك ههههههه ضيعتيه
ضحكو بجوج وتحط ليهم الفطور فانتظار المغرب لي كايتسمع فارجاء المدينة..بحالهم بحال كاع الناس لي فالمطعم كايتسناو المغرب . .
وهوما فغمار حديثهم سمعات اسمها بصوت رقيق انثوي:طاتي نزهة ههه
هزات راسها ولقاتها أمنية بنت عمر ومعاها مرا كبيرة شوي ..وقفات بابتسامة متفاجئة وقالت:أهلا أهلا بالغزالة
تسالمو معانقين وقالت:صافا أطاتي؟؟
نزهة:حمد لله ونتي؟؟كي غادة مع رمضان مزيان؟؟
أمنية:شويا ههه أنا مولفتش نصوم فالمغرب
نزهة:غي صبري ما بقا والو ههههه جيتي تفطري. .
امنية :وي ههه(شافت فالمرا)نقدم ليك هادي ماما ..ماما هادي طاتي نزهة مرات بابا. .
نزهة تشوكات وما بيناتش بتاتا حدها حولات عينيها بشبح ابتسامة للسيدة لي كانت كبر منها باينا لكنها باقي شادة فراسها لابسة حجاب ولباسها أنيق تتشبه ليها امنية..
الأخرى كذلك بتاسمات بود وقالت:مشرفين امداام..مبروك عليكم
نزهة:(صدماتها وحافظات على بتسامتها الغريبة)الله يبارك فيك احبيبة مشرفين
امنية:نخليوكم تاخدو راحتكم..بصحتكم الفطور
نزهة:بصحتكم حتا نتوما أحبيبة(باستها من جديد). .
مشاو من حداهم وجلسات هي مصدومة ولوخراا تتشوف فيها تتسنى تفسير وقالت:واش شفتي شنو شفت؟؟
نزهة:حمم والله مافهمت هههه هادي مراتو اللولة
الهام:وي باينا هههه وشفتيها كي تصرفات؟؟تصرفات عادي هههه
نزهة:انا راه تصدمت ههههه جاتني بيزاااغ تاني
الهام :(تتشوف فيهم)حممم مامسوقينش حتاهوما..هادو عقلية ݣاورية واقلة
نزهة:ههههه واييييه(تسمع الاذان)بصحة فطورك
الهام :بصحتك احبيبة
كسرو صيامهم وفطرو وهوما مجمعين متناسيين امر مراتو لي بقات حاضياها من بعيد وتتشوف وتنهد. .
واحد الوقيتة ناضت نزهة للطواليت مع دخلات تتغسل يديها مع تحل الباب دخلات الاكس تعمر بتاسمات ليها ودازت تاهيا تتغسل يديها ولوخرا متوترة حيت طاحت معاها فنفس البلاصة فالاخير تتبقا انسانة كانت فحياة زوجها المستقبلي. .
...:سميتك نزهة ياك؟؟
تصدمات من سؤالها لي سمعاتو وهي خارجة فحالها وتلفتات مبتاسمة وقالت:وي
...:أنا أمل
نزهة:(باستغراب)مشرفين احبيبة
ساطت أمل بضيق وقالت:مدام نزهة ممكن نسولك واحد سؤال؟؟
نزهة:(بدا كيتزايد معاها الزايد) وي حبيبة(قلبها كيضرب تتسنا شنو غتقول)
أمل:فين تعرفتي على بابات امنية؟؟
نزهة:(بملامح جدية)علاش هاد السؤال؟؟
أمل:بغيت نعرف وصافي
نزهة:فين مكتاب لينا نتعارفو راه تعارفنا. .
امل:(بابتسامة)باينة فيك بنت الناس، امنية شكراتك ليا بزااف وعجبتيها. .
نزهة:لهلا يحشمنا
امل:(تنهدات)عارفة هضرتي غاتجيك بيزاغ مي الى كان ممكن تخلي ليا نمرتك
نزهة:(بعدم فهم)نعام؟؟علاش؟؟
امل:(بهدوء)ماتفهمينيش غلط انا نيتي ماشي فانني ندير ليك مشاكل مع بابات امنية ..غي بغيت نهضر معاك ضروري. .
نزهة:انا كنسمعك هضري(ربعات يديها)
امل:نن ميصلاحش نهضرو هنا(مدات يديها وضعاتها على ذراع نزهة)سيلتوبلي..مسألة ضرورية . .
نزهة:شنو هاد المسألة الضروري؟؟
امل:مايصلاحش نݣولها هنا..انا بغيت غي نشرح ليك واحد الحاجة. .
نزهة:(بتشكيك)واخا (جبدات لوخرا تيليفون وكتباتها ليها)
امل:مغسي بوكووو والله يكمل عليك بالخير احبيبة. .
نزهة:(راسها داخ بهضرتها)مغسيي
خرجات من الحمام غير كي دخلات..بأفكار مخربقين ..علاش الاكس ديالو بغات نمرتها..جلسات مع صاحبتها عقلها مرفوع وصارحاتها بشنو وقع وبجوج ستغربو
الهام:عنداك تكون هاد خيتي باغية تفرقك عليه وتمشي تعمر ليك راسك عليه ماتيقيش اصاحبتي راه العيالات لفعات. .
نزهة:تهضر تا تعيا..انا تايقة فيه وعارفاه شنو كيسوا..لحد الساعة هاد ولد الناس عمري شفت منو العيب وانهم تفارقو راه عادي مكتابوش لبعضياتهم. .
الهام:لي ݣالت ليك ݣوليها ليه باش متسمايش تتلعبي ورا ضهرو..الزواج لي تايبدا بالنية والصفا تيدووم
نزهة:عندك الصح انا أصلا مامعمراش بيها راسي غي الطريقة باش طلبات نمرتي برزطاتني. .
الهام:ان شاء الله خير ..نتي متسمعيش ليها درتي معاها الصواب حيت أم بنتو وصافي. .
حركات راسها بالإيجاب وطلبو الحساب ومشااو فحالهم متوادعيين على أمل اتلاقاو فالقريب. .
فمكالمة هاتفية معاه كيف كل ليلة كيفما مواعدها تايهضرو ويتحدثو عن حياتهم وكايزيدو يتعرفو كثر ومتحمسين يعيشو بجوج ماتبقى ليهم من العمر. .
نزهة:اليوم شفت مامات امنية
عمر:سي ݣالتها ليا
نزهة:(باستغراب)شكون لي ݣالها ليك؟؟
عمر:(ضحك حيت حس بيها غارت)ههههههههههههه لا احبيبة أمنية لي ݣالتها ليا . .
نزهة:حمم وزعما ماماها ماكتهضرش معاها؟؟
عمر:بيان سيغ كانهضرو راه بيناتنا بنية خصنا نهضرو على أمورها وعلى حياتها ومشاركين فتربيتها..
نزهة:حم مزياان..ماعمرك ݣلتي ليا علاش تفارقتو؟؟
عمر:ماتفاهمناش سيتوو..كل واحد خدا طريقو
نزهة:مممم
عمر:لالة نزهة غارت ليا ولا شنو هههه
نزهة:(رطابت) هه لالا مكايناش الغيرة. .
عمر:ماكرهتش نشوفك كتغيري عليا. .
نزهة:الله ينجينا راه يوليو فيا عشرة هههه
عمر:بحال نهار جينا نخطبوك وجيتي كاتحيحي علينا هههه. .
نزهة:(حشمات من تصرفها)كانتفكرها كنبغي الارض تحل وتسرطني هههه من تما ماماك خدات علي نظرة خايبة . .
عمر:نن ما كايناش هاد الهضرة..خوي راسك منها
نزهة:لهلا يحشمنا(شافت تيليفونها شعل فيه ضو حيت دايرا الكيت). .
عمر:ياله احبيبة نخليك غانعس (تفوه)
نزهة:(بدلع)سير اكبيدة رتاح ليا مع راسك
عمر:(بضحكة)أ نزهة راني دغيا كانشعل هههه
نزهة:هههه سير تنعس رمضان هذا
عمر:بونوي حبيبة
نزهة:بونوي العمر
قطعات معاه وشافت الميساج لي وصلها من نمرة معرفاتهاش حلات الميساج وهي تغوبش:سلام نزهة انا أمل..بغيت نشوفك غدا الا كان ممكن. .
عقدات حجبانها وستغربات من هاد السيدة لي دخلات فيها طول وعرض ومسحات ميساجها ونمرتها وناضت لمالين دارهم تجلس معاهم على طبلة فيها اتاي وسليلو فقط(سلو ..سفوف)مجمعين. .
الأم:اوا الالة بنتي..شريتي كلشي؟؟
نزهة:كلشي ههه بقا ليا غي نعربن النݣافة
عبد الجليل:امتا العقد؟؟
نزهة:ان شاء الله نهار ثاني عيد..
سميرة:اوا خصنا اختي نشمرو على ذراعنا راه العرس كايبغي قوامو وحبابكم نتوما كثار خصنا نسمنو ونوجدو الحلوة .
نزهة:هههههه خفتي توحلي
سميرة:وانا نعاود ماجرا ليا فعرس بنت سعيدة هههههه تكبو الناس
الأم:اوا نعيطو لختك تعاونا ومرات خوك. .
نزهة:ماتوصلني مانوصلها حجارها يشدوها منها من الضياف منشوفها حتال نهار العرس...
الام:لواه راها مرات خوك وبنت خالتك حشوومة يابنيتي. .
سميرة:أ خالتي هاديك راه لفعة وسنانها بغات غي فمن تمضييهم حنا قاديين بشغلنا
عبد الجليل:تلاقيت محمد البارح فالقهوة وسولني
نزهة:شفتو قطع رجليه وحتى إيناس ما صيفطهاش لينا
سميرة:تلقاي ديك العقرب حبساتها. .
عبد الجليل:(حمر فيها)دخلي سوق راسك وقيليها عليك مواصلاك بوالو. .
لمطات فمها وقلبات وجهها ونطقات نزهة:انا قادة بشغلي..غي يقرب العيد ونصايب المسمن والحلاوي على حسابي. .
سميرة:لا اختي ماتحطيش يديك فشي حاجة نتي عروسة..انا وسعيدة نتكلفو ونعيطو لدعاء حتى هيا وراه قاديين. .
الأم:اوا على خير..نوضو لكان شي عشا حطوه لينا. .
هاكا توالات الهضرة والكلام ووحدة بحال نزهة مايغلبهاش الشقا راه تدرك كلشييي فالدار وبوحدها وتبرز مزال. .
*****
مرت أيام قليلة وعيد الفطر على الأبواب مابقات ليه غي ربع أيام فقط..ونزهة مثلها مثل أي بنت مغربية تتجري وتجاري باش تخرج نهار العيد بقوامو وعاد حيت عندها العرس والتكاتيب..عربنات النكافة وختارت اللباسي والقاعة تكلف بيها عمر حلف حتى يخلصها ممخليها مخصوصة من والو. .
اليوم كي فاقو شدو طاكسي هي وسميرة بعدما لبسو جلالبهم وخرجو يتقداو قوام الحلوة لي غاتكون مضوبلة عليهم..ولأنها انسانة حادكة وشاطرة مكتقداش من اي بلاصة تتمشي للهريات الكبار لي تيبعو داكشي نقي وزوين وتقدا منهم وتفنن فاهمة وعارفا فما يخص الكوزينة . .
وقفو قدام واحد الهري كبير مسطوكية السلعة قداامو والناس بزاف كايتقدااو والدراري تيسربيو النااس..هذا حال الناس مع العيد كيموتو فالزحام والتقدية تاع اخر لحظة . .
نزهة:اميمتي هذا راه الزحام عندو
ضورات سميرة عينيها على باقي المحلات:وراه كلشي هاكاك..شوفي هذاك .
شافت فين نعتات ليها وقالت:هذاك راه بالجملة ماغايبغيش يعطيني رابعة وكيلو . .
سميرة:وا غي زيدي نشوفو ماتعرفي يبغي راه لبقينا نتسناو هنا راه نفطرو مع الخمسة تالعشية. .
نزهة:(قهرها الثقل والحال سخون)فففف زيدي اختي زيدي. .
قطعو الشانطي لعند الهري الكبير ولي معامرش بزاف فيه هي الرجال الكبار كايتقدااو بالجملة وربعة دراري كيسربيوو..مع دخلات مع ضورات عينيها فداكشي وقالت:عندو كلشيي حممم خوياا
هز الدري راسو وقال:نعام الالة؟؟
نزهة:كتبيعوو لكلشي ياك؟؟
الدري:بلاتي الالة غي نكمل مع هاد سيد ونشوف معاك. .
حركات راسها بتفهم وجلسات هي وسميرة تيذاكرو شنو خصهم وشنو تقداو ويتفكرو ليكونو نساو شي حاجة
سميرة:شحفت ماكرهتش شي عصير
نزهة:هههه نخرجو دابا و نشريه لختي ديال لافوكا هههههه. .
سميرة:ههههههههههه طنااازة ههههه
تسمع صوت الدري:المعلم شوف مع هاد السيدة. .
جا عندهم راجل طويل لابس بلوزة فالاخضر وباين فيه العيا وقال:اش حب الخاطر الالة؟؟
نزهة:الله يعطيك الستر بغيت الشوكولا ديال ݣالا وبغيت فيغميسيل و،
قاطعها:اختي حنا كانبيعو غي مع صحاب الجملة. .
نزهة:(بهدوء)عارفة اخويا غي مع جيت ولقيت كلشي محالات عامرين وواحلة فروحي مقاداش نطلع ونهبط مزال وصايمة وݣلت نتقدا من عندك. .
المعلم:(سمع واحلة فروحي وحشم)واخا اختي اش حب الخاطر؟؟
فرنسات ليه وعطاتو شنو بغات وهو تايعبر ليها ويكيل تاتقدات من عندو كلشي وقال:290 درهم. .
جبداتها عطاتها ليه وقالت:شكرااا بزااف لهلا يخطيك..عيد مباارك
المعلم :الله يبارك فيك. .
جرات سميرة وخرجو غايطرطقو بالضحك وهي تنطق:محشمتييش على واحلة فروحي..امتا نعستي مع عويمير باش تحملي هههه. .
نزهة:ههههههههههههههه كون ماݣلتش ليه هاكاك ولله ما يبغي يعطيني ..صحاب الجملة راه ولاد الحرام كيبغيو غي مع صحاب الكثرة ههههه غايضيع وقتو معايا لي شريت 290 درهم ولا مع لي غايحط الملاين ههههههه اللهم نكذب الله يعغفر لينا. .
سميرة:محالش يغفر
نزهة:ولايني خزييت مسرباني تا كنت غانجيف بريحة الصنان قول مكاين الما فالدنيا..خاانز كي الݣط . .
سميرة:ههههههههه زيدي اشعبية زيدي ههههههه
منها من أي مرا مغربية متولة وقادة بشغلها تتوجد حليوات وبلاطوات العيد ..حيت العيد مناسبة كايتلمو فيها الحباب والصحاب . .
واقفة كاطيب الحلوة وعرقانة وكلها مجرتلة والعطش تالصيام تا تحل الباب وتسمع صوت محمد تيحنحن. .وهي تخرج عندو مستغربة وقالت:خويا
محمد:(ببرود)لباس؟؟
مشات سلمات عليه بالوجه وقالت:مرحبا بيك
تسمع صوت إيناس بنتو بصوت دلوع:عميييتووو
نزهة:(بابتسامة عريضة) الشويطينة (عنقاتها)علاش مصيفطوهاش فرمضان. .
مليكة:اوا وأنا مابنتش ليك؟؟. .
شافتها ورا محمد بجلابة عادية و شال وهازا صويك صغير فيديها مع ساشياات كبار وقالت ببرود:مرحبا بيك . .
مليكة:(سلمات عليها بغير نفس)ترحب بيك الجنة
محمد:(دخل)فين الواليدة؟؟
نزهة:كاتصلي وسميرة خرجات تكسي دراري مع عبد الجليل. .
ايناس:(بلهفة)عمتي حتا أنا شريت واحد الجلابة غزالة. .
جراتها معنقاها واصلة ليها كرشها وقالت:ياختي على زين تاع عمتي وخويتي علي الدار فرمضان. .
مليكة:(تتشوف فيهم ملمطة فمها)اوا وشكون يعاوني انا لجات؟؟
نزهة:(بخو جوايبها)ماشي مشكل..زيدو دخلو
مشات خرجات الطاوة وحطاتها تبرد ورجعات جلسات معاهم فين تاتصلي مها وعيون مليكة عليها اما لوخرا تتعاود مع ايناس. .
محمد:(قبل راس مو)لباس امي؟؟
جمعات الصلاية ونايضة بصعوبة وقالت بفرحة:عاد تفاجيت اوليدي..جيتو تدوزو معايا العيد(باستها ايناس)يالغضيضيبة ماجيتيش عند الميمة ههههه
مليكة:(سلمات سلام ناقص)لباس اخالتي؟؟
الام:نحمدو الله ونشكرووه..فيناهوما ياسين ويونس
محمد:خارجين مايجيو حتى لوقت الفطور. .
نزهة:مزيان ملي جيتو تعيدو معانا نيييت
عم السكوت من جديد هي الام لي تاتجبد الهضرة من محمد لي ميشبعك تاهضرة اما مليكة هازا تيليفون ممسوقاش ناضت نزهة مع ايناس للكوزينة ممسوقاش ليها حيت عارفة ماشي اول مضاربة ليها مع مليكة راهم ديما منوضيينها ومناتفين وتيرجعو يهضرو على قبل محمد. .
كملات الحلوى وزوقات وستفات فسوبيرات ومشات تطيب الفطور ولوخرا مناضتش تابضحك شادة تيليفون وتتفرج ممسوقاش ..وتاهوما ماحكروش مفرحاهم ايناس
تحط الفطور والجو متوتر حيت معندهمش مع مليكة غي الولاد لي جامعينهم يضحكو وينشطو وعينيهم هي عمتهم نزهة الحلوة لي تتهلى فيهم
ياسين:العمة تهليتي فينا هههه ملي دخلو العشر الاواخر والواليدة عاطيانا غي الخبز والبيض ههه
نزهة:وجي يالحبيب ديالي مرحبا بيك دار عمتكم واسعة وعريضة
مليكة:(خرجات فيه عينيها)ياك اليهودي تاكل وتنسى وااعقل عقل(بغل)
عبد الله :وا الصراحة الواليدة كتهلى فينا منكرووش
مليكة:(بتعالي)اوا ݣولها ليها نكار الخير (بلا وعي)بحالك بحال باك
خزر فيها محمد وماهضرش حيت تتقلب عليه وهو يونس :ولكن ماكلة عمتي مابحالاش ههههههه
ضحكو كاملين الا محمك ومليكة لي محملاتش راسها..فحين عبد الجليل نطق:نتا أ بو راس تاكل متعقل هههه
ايناس:انا أ عمتي غنخرج طيابة بحالك ههههه نصرع الطياب
نزهة:نعلم الكبيدة ديالي هههه
مليكة:(بغات تقلب الموضوع)اوا فين وصل العرس؟؟قرب ولا حتى هو مشا مع لي سبقوه
لحظة صمت تيبلعو فيها السم لي لاحت وهي تنطق سميرة:باقي أختي وراه عارضيينك
محمد:حمم إمتا؟؟
نزهة:العقد نهار ثاني عيد والعرس موراه بسيمانة
محمد:الله يكمل بالخير..الى خاصاكم شي حاجة ݣولوها ليا..
الام:الله يرضي عليك اوليدي كلشي موجود عقبال البنية عندك
الكل:أمين
كملو داك الفطور غي بالتوتر والحشيان تالهضرة والردان كي الطعارج. . بحال شي كورة تاع تنس تتلوحها مليكة وتشقمها نزهة وسميرة ..
تهزو الماعن وتغسلو ومليكة متحركاتش شاعلين تلفازة فانتظار انه يتعلن العيد واش يكمل الشهر ولالا..
وبعد لحظات تعلن العيد وباركو لبعضهم وناض لي عندو مايقضي يقضيه نزهة راه تتدير اخر اللمسات للحلوة وتيلي فيديها تتهضر مع الكوافورة لي عندها الزحام
وسميرة تتخوض الحنة لعجوزتها تنقش ليها اما مليكة ولا على بالها ممسوقاش ممدخلاش تا سطل تالحلوة
أجواء العيد راها باينة فكاع الديور المغربية من حنة وحلوة وتزيين وقفاطن وتوجاد للحباب. .
ربطات الاتصال بعمر بفرحة وقالت:حبيبي مبروك عيدك
عمر:حمم مبروك عيدك أحبيبة ممثيقش بلي بقا لينا غي غدا ونتزوجو
نزهة:ههههه ان شاء الله بلي فيها الخير نخليك دابا غنخرج لكوافورة
عمر:نجي نديك احبيبة؟؟
نزهة:بلاش كاين محمد خفتو يهضر.
تنهد وقال:واخا معليييش ..تهلاي ليا فراسك وحلقي على الحالة ليا نبغي حبيبتي ترتاح
نزهة:لهلا يخطيك علي ياربي..بارك العيد لماماك وختك
عمر:واخا ههه بسلامة. .
قطعات معاه وناضت لبسات جلابتها بعدما دوشات وقالت مخاطبة إناس: ايناس نوضي أزين معايا لكوافورة
نقزات مليكة:اشمن كوافورة ..الليل هذا
ايناس:(مغبنة)واماما ليلة العيد هادي بغيت تانا نتقاد
خرجات فيها عينيها:سكتي علي...دروك يجي باك يوريك الكوافورة باغيا رجليك يخرجو للشواري. .
نزهة:مافيها والو ..البنت كبرات وعادي تمشي للكوافورة وعاد راها غادية معايا. .
مليكو:(ببرود)انا هضرت ..باها كايوصي ويعاود ديك الضسارة معندناش الى من دابا تشد ليا الصف عند الكوافورة ملي تكبر اش دير. .
ايناس:(زادت تتبكي)والله حتى حرام عليكم انا عييييت من هادشي هءهءهءهء بغيت نمشي. .
سميرة:ياختي مافيها والو انا نيت غانصيفت جنات معاها العيد هذا. .
مليكة:راني هضرت(خرجات عينيها فإيناس)دوزي تجلسي ولا يجي ونحرشو عليك يسلخك. .
نزهة(بتذمر)باز ليك اختي كبدتك مامنكش والله...(بهدوء )إيناس جلسي أحبيبة حتانجي ونصايب ليك بالبلاك ديالي . .
ايناس:(خرجات من البيت متذمرة)تفوووو على عيشة. .
جمعات ليها مليكة الوقفة بغات تنوض تسلخها وحبسوها وهي تتبغي تبين انها هي لي حاكمة وتتربي بنتها.
جلسات مغددة وتتحلف فيها و لوخرا تاتبكي متذمرة وتدعي لراسها بالموت على هاد الحياة. .
البنت فسن المراهقة تتحول تحول جذري ببساطة لانها تتخرج من الطفولة وتتدخل فالمراهقة وهنا تيخص الام او الاب او هوما بجوج يكونو حالين عينيهم مع التغييرات لي تتطرأ على البنت فهاد السن..والعكس وشدان الزكير بحجة التربية تيخليهم ينفرو ويديرو زبايل كثر من لي تتوقع. .
استسلمات نزهة وخرجات مع جنات للصالون تتحسر على ديك البنية..شدات النوبة مكملات تال الثلاثة تليل وجنات نعسات ليها صونات لعبد الجليل وجا ليها تينݣر على التعطال..لقاوهم باقي قصاارين..
صايبات ضفارها والشعر دارتو بووكل ودارت لاصيغ معولة على خزيت ههه مهم تهلات فرااسها مزياان كي دخلات صايبات لايناس شعرها ومشات طاحت دودة
*****
صباح العيد مصبحة نزهة بكامل اناقتها بقفطان جوهرة بالمجدول والشعر مطلوق مبوكلي مع ماكياج ناعم بزااف خلاها تبان أميرة فدار باها وكذلك سميرة لي لبسات قفطان والشال ديالو تاتبان زوينة..الا مليكة لي مصبحة ببيجامة تاع 30 درهم فقط. .
المشكل هنا ماشي فانها معندهاش ولا ان البيجامة عيب ولا حرام المشكل أنه محمد عندو رزقو والى بغات تشري ماتلبس غاتشري..ميقات فيهم وباركات ليهم العيد ونطقات:مسبقين العرس ولا
نزهة:علاش زعما(تاتحط طبسيل المسمن)
مليكة:اوا لابسين القفاطن مالكم فيه؟؟راه غي العيد
ضحكات سميرة وقالت:وامتا غنلبسووهم..القفاطن تالعيد والبيجامات تشقا هههه
ايناس:عمتي قفطانك زوييين
نزهة:(باستها وحطات ليها خمسين درهم فيديها)هانا أحبيبة عمتو تضويرة العيد
عنقاتها بحب وضورات مع غاع ولاد خوتها..تكبات عندهم العائلةشي يدخل شي يخرج ..وها خالها ها ختها ها عمامها وزيد وزيد والبرارد داخلين خارجين معمرين من الكوزينة ومليكة حلفات لا نااضت تا جات مها عاد ناضت ترحب وتعاود وتحط ليهم وتقرب ليهم وكلشي لاحظها وضاحكيين. .
فوسط روينتهم كان تيليفونها تيصوني مرارا وتكرار بنمرة غريبة منتابهاتش ليه حيت مشغولة مع الناس تا جابتو ليها جنات. . شدات الخط وقالت:الو
أمل:مبروك عيدك اختي
نزهة:الله يبارك فيك ..شكون معايا؟؟
أمل:أمل..مامات امنية
نزهة:(استغربات )وي كاين فاش نعاونك؟؟
أمل :انا لي غانعاونك أ نزهة..خصني نشوفك
نزهة:شوفي اختي ماعندي انا وياك فاش نهضرو
أمل:انا بغيت ليك هي الخير خاصني ضروري نهضر معاك راها مسألة حياة او موت. .
نزهة:هضري كتنسمعك(كتقلب فعينيها). .
أنل:ماشي ديال التيليفون. .نتلاقاو ونهضرو
نزهة:هاد الساعة مامساليااش(لاحتها ليها)عندي العقد. .
أمل:خمسة ديال الدقايق فالعشية ماغتدي منك والو ولايني غاتفيدك حياتك كاملة. .
نزهة:(ساطت)واخا الى ساليت نعيط ليك
أمل:ضروري أ نزهة نهضرو. .
يتبع...
التنقل بين الأجزاء