ضحكات عاود أمل وقالت:الله يهديك هههههه انا باغيا عي مصلاحتك كون ماشفتك بنت الناس والله منسول عليك ونبهك.
نزهة:واخا الالة(مغددة)نتلاقاو ونشوفو شنو غا تݣولي
امل:من هنا ساعة فكافي****
نزهة:واخا
قطعات عليها تاتضور فعينيها فالبيت وعينيها طاحو على خيط الريح ديال مها لي من نهار تخطبات وهي حاطاه فوق كوافوزها تاتشوف فيه وتفرنس..شنو لي مخليها تقبل تلاقا بيها ؟؟معرفاتش إنما فقط بغات ترضي فضولها . .
ناضت لبسات عليها لبسة العيد غير الجلابة مأنقة كي ديما فآخر المطاف هي مرا ولي غاتلاقاها الاكس ديال خطيبها غتبغي تبان عليها..تريحات وخرجات عالماهم بأنهه غتلاقا مع إلهام . .
شدات طاكسي وعقلها كايخمم ويضرب اخماس فأسداس وتاتقول مع راسها شنو هاد تبرهييش والى كانت باغيا تشتت ليها الشمل..مافيقها هي صوت الشيفور تايعلمها بالوصول..خلصاتو ونزلات. .
و بعينين معمرهم البرود تتقلب وسط القهوة على ضرتها تا لقاتها شيرات ليها و مشات ليها.. بلا سلام بلا كلام جلسات ونطقات بنرفزة:هاني شنو بغيتي؟؟(هزات صبعها فيها)شوفي الى كنتي مزالا طامعة فعمر غي خوي راسك ولي ݣلتيها ماغنتيقكش انا جيت باش نشوف اش غتكذبي؟؟
أمل (بهدوء)شنو تشربي؟؟
دارت نظرة استهزاء ونطقات:مجاياش نشرب...هضري الا بغيتي تهضري . .
أمل: أول حاجة بغيتك تبردي شويا ونهضرو بحال اي جوج متحضرين..راه ماشي دراري صغار...
نزهة: (وعات على راسها)كانسمعك
أمل:(سكتات مدة تتجمع شجاعتها)معرفتش منين غنبدا ليك ولكن من الاحسن نعاود ليك من لول ونتمنى تسمعيني بلا متقاطعيني. .
نزهة:(تنهدات) واخا معرفتش شنو لي يخليني نسمعك ولكن هضري. .
امل: (شربات من قهوتها وقالت)خودي شي حاجة تشربيها الهضرة كثيرة
نزهة: (شيرات للسرباي وجا)كافي كخيم
امل:نعاود ليك من أول مرة تعرفت على عمر..كنت فالمغرب جيت فاكونص حتا صونا تيليفوني بنمرة ماكنعرفهاش حيت ياله خديت نمرة مغربية وجاوبت ولقيتو غالط فالنمرة ..صافي بقا كل مرة كايعيط حتا لقيت راسي شادة معاه الهضرة(بابتسامة استهزاء)وبالصدفة طلع حتى هو من نفس المدينة ودرنا نتلاقاو..ماننكرش عجبني وعجبتو(شافتها تتشوف فيها ببرود) وموراها تلاقينا وعاودنا فديك المدة كاملة لي كنت فيها هنا ..وتطورات العلاقة حتا حملت منو
نزهة:(خرجات عينيها)بأمنية؟؟
حركات راسها بابتسامة:وي بأمنية..واجهتو ومنكرنيش بتاتا عتارف انه هو باها وملي ݣلت ليه نديرو الحل ݣاليا سيري ل إيطاليا و ولدي وديك ساعة نديرو حل لراسنا..وبالفعل هزيت راسي ومشيت لإيطاليا حيت كانعيش فيها مع بابا ..وهزيت فيها المسؤولية بوحدي الحمل كولو داز على ظهري بوحدي دوزت أكفس تسع شهور فحياتي. .
قاطعاتها نزهة بفضول:باباك مݣاليك والو على الحمل؟؟
أمل:بابا خدام كايديبلاصا بزاف ماكانش كايشوفني بزاف... مهم جات ساعة الولادة مشيت لسبيطار بوحدي و قلت لبابا راه غير مشيت على حساب ظهري حيت كيضرني .. بعت ذهبي باش نهز المصاريف وعمر معرفني بحتا ريال ...دخلت و بقيت 3 أيام بوحدي كنتوجع و المشكلة بوحدي طاح علي الضيم حتال نهار 3 ...الليلة لي غا نولد فيها بالفتيح(تنهدات) أصعب مرحلة دوزت ...ولدت بنية و نساتني في كلشي دوزت 4 ايام أخرى في السبيطار ..
جا سرباي حط القهوة ومشا وكملات هي هضرتها : نهار قبل مانخرج عيط ليا بابا و ݣالي نجي نشوفك و ملي جا تصدم انا مقدرتش نتخلى على بنتي و مقدرتش نفرق والديا ݣلت ليه عندها باها ݣالي عطيها ولا خليها بقيت كانرغب و نبكي حتا تفكات لي الفتحة بابا ملي شافني بقيت فيه ݣالي انا منلوحكش قلت ليه كاين باها ݣاليا نهضر معاه ..وفعلا هضر معاه و ݣاليه انا معتارف بالبنت ... خرجت من السبيطار و ساقو العائلة الأخبار و ماما قطعات علي الهضرة مدة حيت تصدمات درت الوكالة لبابا و نزل كتب لي العقد من بعد معاه.. بقيت كانجري على وراق البنت حتا صاوبت ليها الوراق و الباسبور و في هاديك الفترة دوزت العذاب و تفكات لي الفتحة تاني و عاودتها...داز الوقت ونزلت للمغرب وقالو لي تجي بلا عرس بلا والو ماما رفضات وجلست عندها دارت ليا غاع لي كايدار للنفيسة ومن بعد مشيت عندهم..وهنا غيبدا العذاب مع مو وختو..اش غانݣوليك؟؟ الى ماسمحتش ليهم معندهم فين يحطو الراس..كانت معاملتهم خايبة بزاف وحاسبيني غريبة عليهم دايرين مني خدامة. .
نزهة:(بصرامة)نتي لي بغيتي هاد الحالة!!
امل:(محركة راسها بتأييد) نفس الجملة لي سمعت من ماما وبابا ..وفعلا انا لي بغيت حيت كنت كانبغيه..ما غاديش ننكر، تعاملو زوين واخا كتافو كانو باردين حيت كان مرة خدام مرة نو ولكن كنت كنݣول أب بنتي نصبر معاه مع العلم عيشتي فايطاليا حسن ليا...نكمل ليك..من بعد طلعت لإيطاليا باش نطلع ليه وراقو ويجي لعندي(باستهزاء)أصلا من هاد لافير كاملة كان باغي غي الوراق ويجرب حظو فايطاليا ..كنت هبيلة ههه مكانش كايعرفني بحتا ريال مرة مرة الى صيفت شي حاجة..كنا مرة نتخاصمو مرة نتصالحو والحب عمااني وكنترجى فيه الخير
نزهة:(وذنيها تيسوطو)كملي. .
أمل: الوقت كايدوز والبنت ولات عندها تلت سنين وهو ماكيعرفهاش بحتا بدرهم هي لخرا وانا كي الهبيلة كنصرف على وراقو باش يطلعو..(زفرات)خرجو ليه وراقو وجا لعندي..ݣلت كلشي تقاد وغيهديه الله و يولي إنسان كيف ما حبيتو ساعا عاد مازاد طغى...فإيطاليا عرفت عمر اخر غير لي عرفت فالمغرب أناني وكيبغي راسو ماباغيش يخدم انا لي كانصرف عليه ومرة مرة كيخدم ويجلس بزاف وصابرة باش ما نتحملش نتيجة غلطي...دازت الأيام والبنية كبرات وانا وياه ديما فالمخاصمات والمضاربات على بزاف تالحوايج حتا وصلات النقطة لي فيضات الكاس ومقدرتش نكمل معاه فيها. .
نزهة:لي هي؟؟
امل:الأعوام لولة ديالو فإيطاليا كان عادي إنسان عادي من بعد بديت كنلاحظ أن تفكيرو تبدل وأن هضرتو تبدلات ولى كايترافݣ مع دوك المثقفين ولي قارين تا كفرو..وهذا بالضبط هو لي خلاني نحبس ونقول سطوب لحياتي معاه حيت حسيت براسي وصلت للفان معاه مبقا عندي فين نزيد. .
نزهة:لقيتيه تيخونك؟؟
أمل:ههه ياريت كون لقيتو مع شي مرا ولا الفضيحة لي دار حممم عمر مبقاش مسلم ولى (م ل *ح د. .)
حركات راسها بهدوء وستأنفات كلامها :سي عارفة ..عمر ماعندو لا ملة لا دين ..ترافق مع شي ملاحدة لهيه وخرجوه الطريق عطاوه كتوب كثيرة وتخلى على دينو وولى (م ل ح* د. .)
أمل:ومستعدة نتحمل عواقبها..عمر كولو زوين وصبرت ليه لشي حوايج تا بنت متصبر ليهم ولكن الإ لح اد ديالو قتل كل حاجة زوينة فيا من جهتو..إنسان ماكيأمنش بالله شنو غتعني ليه نتي. .
نزهة:(هودو دموعها بصدمة)كملي!
امل:واجهتو حيت لاحظت قطع الصلا وولى كيترافق مع الم ل حد ي ن كايعرضهم للدار وكنسمع نقاشاتهم على الدين وشي حوايج كيتݣالو كيبورش لحمك عليهم..نصحتو يبعد عليهم وكايطنش، حتال نهار واجهتو وعتارف ليا بلي ولى "م لح *د" ومكيأمنش بالله. . (تنهدات بألم)عرفتي باش حسيت؟؟بقا فيا بزاف ذنوبو فيا يقدرو يتغفرو ولكن الشرك بالله مكيتغفرش. .
نزهة:(كتبكي على زهرها بصمت)هادشي علاش بغيتي تهضري معايا
أمل:ختي نزهة حسبتك ختي ومابغيتكش تضيعي. داك سيد مايصلاحش ليك
نزهة:(تترعد)علاش محاولتيش تهضري معاه ؟؟
امل:فنظرك غنكون مامحاولاش؟؟ماخليت شنو ݣلت ليه وكنت كانبغي نلاقيه مع علماء الدين وكايرفض حيت صافي قتانع كليا أن الله أستغفر لله عليها كلمة غير موجود(شافتها ساكتة)كانشوف راسي غانخرج على بنتي وغاتكبر تما لا ملة لا دين ونضت دعيتو وطلقنا وسالات قصتنا ومن تما كنعرفو غي ب اب أمنية لاغير. .
الصدمة لي تلقاتها نزهة كانت قوية على عقلها وقلبها..إنسان بحال عمر يكون (مل**ح د) هي الفكرة لي باقي مستوعبهاش عقلها..كيفاش وعلاش؟؟ولاش ملاحظاتش من الأول. .
بدا دماغها تلقائيا تايركز فعدة تصرفات وعينيها تايجولو من بلاصة لبلاصة بوجه باينة ساهي تايفكر وتايخمم وبعيون فيهم لمعة دموع..وصوت أمل تايتسمع لكن بعيد..معرفاتش راسها واش باقي واعية ولا سخفات ولا شنو. .
مجرد مواقف كايجيو لبالها مع عمر تتحلل فيه هضرتو لي كانت كتاخدها بحب من طرفو رغم انه كان تايبان انه عندو أسلوب فكري مغاير لما عندها هي..الصيام لي مايكصومش..ان شاء الله لي ماكيقولش ...مكيحكرش على شي حاجة دينية مثلا رمضان او العيد..الشراب لي محبسوش قبل الربعين وغيرها من الاشياء لي كانت غافلة عليها. .
فيقها صوت أمل من شرودها مع شافت فيها مع عينيها طاحو منهم دموع كثار ونطقات بصوت باكي:الى لقيتك كتكذبي..
قاطعاتها أمل:أش عندي من ربح فيه!! أنا نصحتك حيت مابغيتكش تصدمي (هزات صاكها)بسلامة عليك . .
رغم أنه باقي شوي تالشك فبالها أنه هضرة أمل خاطئة..بدون تردد هزات تيليفونها..يد تتمسح بيها دموعها ويد تتشد بيها نمرتو وترعد..
تسنات الرنات بزااف تا جا صوتو كي الرحمة فقلبها ناطق اسمها بحب:نزهة
نزهة:فينك!!عمر فينك؟؟
عمر:(لمس الترعيدة فصوتها)حبيبة مالك؟؟
نزهة:(تتسرط ريقها)فينك؟؟فين كاين
عمر:فدارناا علاش؟؟
نزهة:خليك تما متحركش أنا جايا عندك
عمر:داكوغ انا نتسناك
قطعات وناضت بلا عقل تتحط فلوس الكونصوماصيون وخرجات متوترة غير كي دخلات ونيوفها عامرين بغات هي تسوسهم ..العينين تايبكيو ماشي عليه إنما حسرة على زهرها لي ماعمرو بغا يتقاد ولا يتكود وكل تزوجية تبغي تكمل فيها تتعكس ليها ...
أول طاكسي لقات تلاحت فيه وعطاتو العنوان..نفسها ممنتاظمش وهضرة أمل كلها تتعاود ليها فوذنها من أول كلمة لاخر كلمة لي ضراتها بزاف..مسافة الطريق و وصلات لقدام العمارة فين غاتسكن معاه بعد الزواج..بحسرة خلصات ونزلات..باغيا تفسير باغيا تبرير ولي يكذب هضرة أمل ويخرجها من ضيق الخاطر لي هي فيه
صونات فالشقة مرة وجوج وتفتح الباب من طرفو بلباس بيتي وبتسامة حلوة فوجهو لي هي شاف حالتها تلغات وبانو ملامح القلق ونطق وهو ماد ليها يديه:حبيبة مالك؟؟(دخلها وهي مهضراتش)
نزهة:الصمت
عمر:(مشوش شدها من ذراعها)نزهة مالك أحبيبة؟؟(بدون وعي)واش تشفرتي ولا شنو؟؟
جلسها فاقرب فوتوي ومشا تيجري جاب ليها الما مخليها تتضور عينيها فالدار والبكية شاداها كثر..خايفة يتقادا حلمها ويتبخر فثواني حيت الجزء الكبير منها صدق هضرة أمل. .
عطاها الما شربات وعينيها عليه لي بمجرد م لمح شوي تدموع مد يديه مسحهم و نطق بحب:نزهة مالكي ؟؟خلعتيني عليك
عمر:(مقرض على قرون صباعو وشاد فركابيها)سولي مالكي؟؟
نزهة:(شداتها البكية ومحاملاش تنطق بالكلمة لي تتضر أي مسلم) واش بصح نتا "م ل **ح د؟؟"
جمدو ملامحو بعد هاد الجملة ومهضرش بتاتا حدو حقق فيها الشوفة فعينيها لي تترجاه يكذب هضرتها..تصدم ومعرفهاش منين جابت الهضرة..وفاخر المطاف وقف على رجليه ومشا لأقرب بلاصة جلس فيها مفرق رجليه وحاط يديه عليهم وقال بهدوء:شكون قالها ليك؟؟؟
جملة كفيلة باش تبرد نارها وتأكد شكوكها...كون كان العكس غايقوليها شنو كاتقولي لكن هو أكد ليها بشكون قالها ليك يعني الخبر الصحيح..عضات على فمها ونزلو دموعها ونطقات:بصح؟!هاد الهضرة بصح ياك؟؟
عمر:(زفر وشد عينيه بقرون صباعو)مستاعدة تسمعيني؟؟
وقفات بسرعة ونفاجرات فوجهو باكية :الله يااخد فيك الحق الله ياخد فيك الحق اش غانسمع؟؟
نتافض تاهو عندها شدها حيت قفزاتو بديك النوضة وقال محاول يسكتها:نزهة حبيبة ..سمعيني غير نشرح ليك ونفهمك. .
تنطرات من يديه وغوتات فوجهو:اش غنسمع؟؟اش غنسمع يا عدو الله!!!مانتا بيهودي مانتا نصراني...(بمرارة)م ل ح د !
نزهة:(بحسرة)هذاك الشرك بالله(تداركات )لا ماشي شرك بالله هذاك كفر بالله..لي تايشرك حسن منك بألف درجة هءهءهءهء هو مأمن انه كاين الخالق ونتا شنو؟؟
عمر:أنا معمري ماناقشت معاك قناعاتك ولا ديانتك ولا شنو باش كتأمني..نهار لول عرفتك متبعة الاسلام ومحكرتش!!مݣلتش ليك لا وعلاش تبعتيه ؟؟وعلاش كتأمني هادوك مبادئك وقناعاتك نتي ..نتي ختاريتهم ومتناقشتش معاك فيهم يعني حتا أنا قناعاتي مجبدتهمش..(برضى) واش أنزهة عمري نقصت من دينك ولا قللت منو!؟ياك كنشوفك كاتصلي وكاتصومي عمري نقصت منك!؟ أنا م لح *د ولكن ماشي بالمفهموم لي فاهماه نتي..انا إنسان بحال أي واحد مالقاش أجوبة منطقية لأسئلة تضور فراسو وقرر ميعتانق تا ديانة فين غلطت؟؟
نزهة: (بصوت مرتافع)غلطتي فأنك جيتي باغي تزوج بيا أنا لي مسلمة(تتضرب ففخاضها بشوي)أويلي أميمتي أويلي على زهري ومغرفتي هءهءهءهءهء كون كنتي كاتعبد الأصنام نصرطها . .
قاطعها بجدية:نزهة..انا مكنديرش لي يأذي الناس انا هاكا داير معمري نأديك ولا نقلل منك ولا من ديانتك ومكنتش غنحبسك على أي حاجة فقناعاتك. .
عمر:لو كنت عارف أنك غتفهمي بشوي شنو أنا كنت غنݣولها ليك نهار لول. .
نزهة:(قاطعاتو تتبكي )حيت عارف راسك من لول غالط وغادي فطريق غالطة ولي مشا فيها حارق ورااقيه مع الله(وقفات تترعد وتتعرعر عليه)واش عارف راسك أش داير؟؟واش واعي شنو معيش راسك فيه؟؟راك شركتي بالله (بتأكيد)ما خرجتي على إسلام ما بدلتيه نتا حرقتي وراقيك كامليين..ربي بشانو عظيم مكتأمنش بيه ...تا واش ماكاتخافش؟؟خااف تجيك المووت خاف من نهار الحساب هءهؤهؤهؤ(منهارة)خاف أعمر خاف. .
عمر:(وقف )هاد الخوف والمصطلحات لي نتي كاتهضري عليهم مكاينينش. . انا ماشي شي واحد مكلخ باش نهضر من فراغ..انا قلبت وبحثت وقريت وثقفت راسي عاد وصلت لهاد المرحلة لي نتي كاتبان ليك كفر أنا كاتبان ليا قناعة شخصية. .
نزهة:(تتبكي)هءهءهءهءهءهء قناعة جهنمية هادي أ عمر هءهءهء شريتي لراسك جهنم وكفرتي بالخالق هءهءهء شنو كان خاصك فالاسلام أعمر باش تنكر الله؟؟شنو دار ليك ربي الحنين باش تنكرو هءهءهءهءه أش قلبتي واش بحثتي ..قلبتي فالبلاصة الغلط هءهءهءهء
عمر:(زفر)نزهة ..هذا موضوع صغير وكبرتيه و...
قاطعاتو بالغوات فوجهو وقالت:هذا موضووع حياتي كاتفهم؟؟هذا هو الحياة..كيفاش بغيتيني نبغي ونعيش مع واحد مكيأمن بلي خلقو بقا غي يبغيني انا!!كيفاش نعيش مع واحد قاطع يديه من رحمة الله هءهءههءهءه
عمر:(بجدية)عمري أذيتك؟؟عمرك شفتي مني العيب..هاد الوجه لي شفتي هو لي غيبقا ديما ..
نزهة:(وجها عمر بالدموع ولات حالتها بالبكا حيدات خاتمها تالخطبة وجرات يديه حطاتو ليه فيها وهي كتألم) وجهك خليه عندك والى نتا شاري سخطك مع الله انا منقدرش. .
عمر:(تصعق من تصرفها وشدها من ذرعانها)نزهة واش عارفا أش كديري؟؟باغيانا نتفارفووو(مزير عليها)أنا منقدرش نعيش بلا بيك
تنطرات منو ببرد وعيونها جفو من الدموع ..نطقات جملتها لي خلاتو يتحسس بيها:لي ماقادرش يعيش بلا الله قادر يعيش بلا بيا..(بحسرة)لي بيناتنا سالا أعمر ..نتا من طريق وانا من طريق. .
عمر:نزهة نزهة(تيردد اسمها بحالا كايهددها)أش كاتقولي؟؟واش تنساي كلشي على ود هاكا..واش انا ممنحقيش نعيش كيف ما بغيت ..هذا تفكيري وماعمرو مغيقرب ليك..عمري نتدخل فدينك ولا فمعتقداتك ..الى بغيتي نحلف ليك كاع. .
دارت بتسامة سخرية على شفايفها:باش غتحلف؟؟تحلف بشي حاجة محاسبهاش تا اش كاينة..كون (تغنغن صوتها)كون أعمر شفت فيك قد هاكا تاع أنك عندك شك وباغي تستغفر الله كنت نزعم معاك ونعاونك ولكن نتا هءهءهءهء نتا أصلا مباغيش نتا مشيتي فطريق الكفر والإ ل ح . ا د ومعمرك غترجع هءهء هء(تنطرات من يديه وهزاتت صاكها مكسورة وهو كثر منها)الله يرد بييك لدين الحق. .
خرجات من عندو مكسورة ..حلمها أنها تكون عروس حتى قربات تحققو وتبخر مبقاتش عارفا واش فيها شي عكس ولا ربي مبغاش يكمل ليها معاه..
دموعها نازلين كي الشتا فوجهها مقدراتش تحبسهم كيما حابسة غوتة فالداخل ديالها..صوتو وهو كينادي عليها كايزيد يعذبها كثر مغاديش تنكر كان زوين معاها ولقات فيه لي تمناه أي وحدة فشريك حياتها لكن القدر ليه حكاية وحدة خرا. .
الإ ل ح اد او بالعربية تتاعرابت الكفر..انك متكونش مسلم ممكن الواحد يسرطها حيت حنا فعالم فيه بزاف تالديانات لا تعد ولا تحصى فيهم لي هي لي مشروعة وربي نزلها وفيهم لي ختارعها البشر ..
الديانات السماوية هي ثلاثة المسيحية ،اليهودية والاسلام.. وهي ديانات مختالفة نزلها الله تعالى على الرسل والأنبياء لتبليغ الرسالة وتختم بالديانة الإسلامية باش تشمل جميع سكان الأرض لكونها ديانة شاملة ودين توازن واعتدال..
وكايجيو ناس من بين هاد الديانات الثلاثة كيختارعو ديانات خرين باش يعتانقوها كيديروها تحت شنو ما حبو وشنو ما بغات رغبتهم..وكاينة طائفة أخرى لي فاتت سطاج الديانات ومبقاتش مقتانعة انه كاين الخالق وختارت لنفسها مصطلح م ل ح *د . .
الملاحدة أنواع وأشكال وعمر الال حا د فالعالم قديم بزااف جا نتيجة لبعض الافكار وخلل فالدماغ لي تيخلي الواحد يلغي أي فكرة ممكن تديه للنور..الإل ح اد فالاول كان كيضرب الغربيين فقط أما اليوم ولى فأي بلاصة مشيتي ليها. .
الم ل ح د العربي والغربي الفرق بيناتهم نقطة واحدة ولي فنفس الوقت تتشكل فرق كبير رغم صغرها.. الغربي كايقول انه وصل لمرحلة أنه مبقاش تيأمن لا بخالق ولا بتا حاجة وكيكتافي بقناعاتو ومبادئو لراسو وكيحتارم الطرف الاخر ويقدر يتعامل معاه عادي بدون ميحير فشنو تيدير فحياتو عكس العربي لي كايكون غي سامع على الا لح ا د فشي فيديو من شي واحد خارج من سبيطار الحماق او قاري شي كتاب ديال شي كاتب هو براسو كيأمن غي رافض يعتارف بديك الفكرة. .
أغلب الم ل حدي ن مكيضربوش الديانات الاخرى كيضربو الديانة الإسلامية لعدة أسباب من بينها أنهم على يقين أن المسلمين صعيب يتزعزع ليهم الفكر ديالهم ومقتانعيين أن الله واحد وأن محمد رسول (صلى الله عليه وسلم)وأن الأديان السماوية كاينة وأن الرسل والأنبياء السابقون كاينين..لهذا كنلقاو الملا حدة العرب تيهضرو على المسلمين بكثرة حيت هوما الديانة الوحيدة لي باقي متحرفاتش لحد الساعة. .
النوع ديال عمر باين..هو إنسان لقاو ثغرة فتفكيرو ولقاو قلة الوعي وتقنع بسهولة وتخلى على ديانتو باش يتسما حر..والحرية عكس تماما شنو فاهم. .
الإسلام هو دين الحق وباقي الديانات السماوية كذلك منزلة من الله وهادي حقيقة لا يمكن تكذبيها ..الاسلام هو الديانة الوحيدة لي تتعتارف بجميع الرسل والأنبياء..وهي الديانة الوحيدة لي الأتباع ديالها تيسميو أسماء رسل وأنبياء غير اسم محمد مثل عيسى موسى ابراهيم يونس وغيرها من الأسماء
باختلاف الأديان وباختلاف الشرائع تيبقا الاسلام هو الدين الوحيد لي جاي وسطية واعتدال..مكرم المرأة وعاطي لكل حاجة حقها بالحق مع احترامنا لجميع الاديان..
*******
أول طاكسي تلاقاتو رمات فيه راسها وبصوت خافت عطاتو العنوان بحالا جهدها تهد..كتفكر فعمر وفالعرس ..فسعادتها لي تطفات دغيا وزيد وزيد ..لو بان ليها غي شوي أنه فيه مايتصلح كانت صلحاتو...وحدة خرا بلاصتها تقدر تكمل عادي ويجيها عادي وتعايش لكن هي لا ...وملايين البنات بحالها غيرفضو . .
طلقات دموعها يتسربو على وجهها وحابسة صرختها علاما توصل..مع شافت الحومة خلصاتو ونزلات تتزرب حلات دارهم وطلعات لبيتها تتسمع السكات والصقيل عرفات مكاين حد..تلاحت على ناموسيتها وعطاتها للبكا بصوووت عالي بالتنخصيص ووجها خاشياه فمخدة بحالا كاتخنق راسها و كلمة م ^ل ح*د تتعاود فوذنيها..فين غاتعطي راسها وفيمن غتشوووف ولمن غتشرح. .
بكاات تا طابت بالبكا والتنخصيص وندبات على زهرها مزيان وحسرتها على قلبها لي تهرس من جهتو..بغات تكمل معاه لكن باش تعصي الخالق ميمكنش ..اخر ماتصورات هو تتحط فهاد الموقف. .
ناضت مستجمعة شوي من نفسها تتمسح دموعها وينزلو لوخرين تا جات عينيها على لي فاليز ديالها لي حطات فيهم دهازها..هاد الاخير وجداتو بالعشق وعيونها تيبنيو أحلام كثيرة مع عمر..خرجات شهقتها من وسط فمها وبدات تتعلي صوت بكيتها وتنخصيصها تا بداو يديها بلا شعور تيضربو فراسها وفحنكها وتندب زهرها بشتى أنواع الكلمات ..
وفلحظة غير مسبوقة ناضت تتحل الشانطات وتتجبد لي فصلات ولي شرات ولي وجدات وتتقطعو وتلوحووو وتشرك بلي لقات قدامها وتغوت وتبكي بحال السعدية لي فالبرتقالة المرة تا فضات مع كلشي وخلاتو منشور فالارض وجلسات وسطهم تتعدد عليهن وتبكي ..الشعر تشنتف ووقف للسما والوجه ولى حمر بالبكا بلا الجسم لي تيترعد..
وهي فوسط روينتها تحل باب بيتها ودخلو دارهم لي كانو خارجين لعند سعيدة ختها وسمعو تنخصيصها وبكاها بصوت عالي من درووج تا كيلقاوها فديك الحالة..
شهقات مها ومشات تاتجري لعندها وعينيها تضورهم على البيت والحوايج :اويلييي مالكييي نزهة(تتحرك فيها)نزهة بنيتييي
عبد الجليل:(عنقها)وا عاودي لخوووك مالكي؟؟واش دار معاك عمر شي حاجة. .
نزهة:(شافت فيه بانكسار)ممكتابش ليا أخويا ندير وليداات هءهءهءهءهء. .
هادي هي الجملة الوحيدة لي قالت ورجعات تتبكي فحضنو ولوخرين ضايرين بيها مفاهمين والو فيها لي فهمو انه مبقا لا زواج لا والو..بقا معاها معنقها تا غفات وحطها تنعس وخرج هو ومو ومراتو سادين عليها البيت مخلينها موسدة دموعها. .
جرات ولادها لي كيتساءلو على حال عمتهم ويدمعو عليها فحين عبد الجليل شد الإتصال لعمر ومو مترقباه بغات تفهم..رنات كثار فالاخير تفتح الخط
ونطق:ألو سي عمر لباس كلشي بيخير..الامور مزيانة..الحمد لله أخويا ...مم بغيت غي نسولك على نزهة..كيفاااش؟؟شهاد الهضرة!! ممم واخا واخا. .
قطع معاه وزفر بنفاذ صبر ونطقات مو بتساءل:أشنو؟؟أش ݣاليك؟؟
عبد الجليل:تناقشوو ومبقا والو من هادشي
الأم:(ضربات على فخادها وطلقات حلوقها)هااويلييي ياا ويلي على بنتي أويلي على سعدها....أويلي واش نديرو!! عرضنا الناس وعربننا النݣافة أميمتي(تتجر حناكها)أويلي على بنتتي أويلي على كبيدتي أويلي ميمتي. .
عبد الجليل:(ناض معصب تيشد ليها يديها)وااامييي الله يهدييك..واش بقات دروك فالنݣافة ولا الزبل الكحل..بقات فبنتك. .
سميرة: (جات وسمعات كلشي)خالتي الله يهديك سكتي غتسمعك تزيد تمرض..مناش هادشي؟؟مݣاليك والو. .
عبد الجليل:ݣاليا هي لي بغات تفرتكها ماشي هو. .
سميرة:خالتي سكتي غاتمرضي وخليونا نفهمو منها هي أش واقع..(شدات فيه)نوضي أخالتي تنعسي ترتاحي ومولاها ربي غدا. .
عبد الجليل:نوضو تنعسو بناقص من شي عشا..(زفر)أستغفر لله العظيم وأتوب اليه. .
دات سميرة عدوزتها تنعس ومشات هي لبيتها بعدما تأكدات من نوم ولادها لان الحال كان شوي بكري جوايه ثمنية..واي بيت مغربي فيه السكات بكري راه كاين فيه حزن ولا ناسو هاجرينوو. .
******
صبح الصباح وربي مولا صباح وماكيسد باب تاكيحل بيبان..عبارة لو تمعنا فيها غنلقاو ان رحمة ربي كبيرة وواسعة وعريضة وطالما رزقك بيد ربي راه تاحد ميحيدو ليك والى حيد ليك ربي الحاجة الا وفيها خير..
شكون فينا ماكيضيقش ومكتجيهش لحظة ضعف وتيقول علاش أربي أنا وماشي لاخر؟؟ وهذا بحد ذاتو خطأ كبير..خاص ديما نقولو الحمد لله والشكر لله..الحمد في الفرح وفي القرح . .
شي مرات تيقول الواحد مع راسو علاش هذاك مغني ولا ممثل ولا خارجة الطريق وحياتهم مسݣدة على ديالي أنا لي من مشكلة لمشكلة ..والجواب بسيط هو ربي مناسيكش. .
"إن الله اذا أحب عبدا ابتلاه" حديث مريح وتيلخص ليك كل المشاكل..الله سبحانه فاش كايبغي يختابر العبد تيعطيه بلاء وتايشوف واش عبدو غيتشكا ولا غيحمد الله..عكس الناس لخرين لي تنشوفوهم تيديرو الموبيقات والسيئات ومكيلحقهم تا ضرر هنا راه المعنى واضح وهو أن الله سبحانه ناسيهم ومعاطيهم تا بلاء باش يستغفروه فيها وهذا أشد عقاب فالدنيا. .
ضرباتها الفيقة فالفجر لقات راسها وسط بيتها بحوايجها ودهازها ضاير بيها ..بعيون منفوخة ونفس كئيب..كان اليوم هو يوم عقد قرانها لكنو تبخر..
تنهدات بحزن وهي تتشوف حوايجها مليوحين حداها..حيدات عليها الليزار الخفيف وناضت من بلاصتها وعينيها ناشفين من الدموع بكات بما فيه الكفاية..
هزات صاكها بغات تيليفونها لي فور ماشعلاتو طلعو ليها اتصالاتو فالشاشة قرابة خمسين اتصال..مسحات نمرتو ديك ساعة بوجه ملامحو جامدة وبلوكاتها وتوجهات للطواليط توضات وخرجات بدلات عليها وتوجهات للقبلة..صلات فجرها وطلبات الله يعطيها الصبر ويجازيها بما حسن. . فاخر المطاف دمعتها خانتها وتكمشات على راسها فوق زربية الصلاة تتبكي وتعاود..وتشكي همها لله..
بقات هاكاك تا تسمع باب بيتها تحل فإذا بها جنات بنت خوها بصوت طفولي نطقات:عمتي خفت. .
مدات ليها يديها بوجه باكي باش تجي عندها وحضناتها تتدمع وتعاود كانها لقات شكون تعاود ليه من جديد ..بكات تاعيات وناضت هزات جنات دارتها ففراشها وتخشات حداها تتحسر على حظها. .
مع وصلات العشرة فاقو مالين الدار بنفس كئيب على بنتهم..طلو عليها لقاوها ناعسة وخرجو ..تجمعو على الفطور تا تسمع الباب نزل عبد الجلبل حل الباب فإذا به محمد ومليكة..صبحو عليهم وطلعو ..سلمو وجلسو ولوخرا تضور عينيها عليهم وقالت:فينها لالة العروسة؟؟
الصمت كان هو الجواب تاحد مهضر وتاهيا نمرودة قشعات أنه كاينة شي حاجة وهي تحمحم من جديد وقالت:خالتي فيناهي نزهة؟؟ . .
محمد:(بصوت غليض)ياكما جا عمر وداها للعقد..؟؟
عبد الجليل: (زفر)مبقا والو من داكشي أخويا. .
محمد غوبش باستفهام وقال:كيفاش ؟؟
مليكة:(دارت شبه بتسامة فسرها)هااااا ويلي علاش؟؟
الأم:(تنهدات)البارح فاش جينا من عند سعيدة دخلنا للدار لقيناها كاتغوت وتبكي وتقوليك كلشي مشا ملي هضرنا مع السيد قاليك تفرقو. .
قطعات معاها ودوزات الاتصال لخواتاتها علماتهم تاهوما وتتعاود ناشطة وتضحك على نزهة وتزيد فيخرات من عندها..ومجاتش فين تعاشات العشية تا كانت الخبار داعت فالعائلة وكلشي عرف أن نزهة فرتكات الجقلة وبداو التساؤلات:
-علاش خلاها؟؟
-لالا هادي عندها شي سحور ولا شي ثقاف
-هذا هو الرابع واقلة لي زاد وخلاها. .
-ويلي تشوهات مسكينة معرفت كي غدير تشوف فالناس
وبزاف تالأقاويل لي كايدي فيهم بنادم الذنوب ومعندو فيهم دخل ناسيين أن ناس خرين كيتدمرو بهاد الكلام. .
وهنا بالظبط نزهة فين تدمرات نيت..تكسرات وتهرسات نفسيتها وعاشت أيام لي متوقع يكونو أيام فرحة فحياتها..عتاكفات فبيتها ماكدخل ماكتخرج الا لبغات تنوض لطواليط تا الماكلة عزلاتها عليهم لمدة شهر وهي على ديك الحالة ..
نقصات حيويتها وحماسها وهضرة الناس تتوصلها من بعيد لبعيد وكل مرة جاي شي حد من عائلتها يشوفها وكاترفض لكن وذنيها كيلقطو الهضرة ديال الشفقة.. وهاد الإحساس بالظبط هو لي كارهاه هي مبغاتش الشقفة ومابقاتش بغات تسمع مصطلح ديال"مسكيينة". .
كيف كل يوم من أيامها راها فبيتها تتفرج فبيسي ديالها ففيلم مدوزة بيه الوقت..تحت عينيها كحل وشعرها جامعاه سفنجة مهملة مشات منو الحيوية بقلة العناية لأن الصدمة جاتها قاسحة ماشي عليه إنما على زهرها والنحس لي لاقية..
تحل الباب ودخلات سميرة وقالت:الزين جات إلهام صاحبتك
نزهة:(بصوت مبحوح)معاها شي حد؟؟
سميرة:لا غي وحدها
نزهة:هاني نايضة
ناضت بتثاقل معندهاش الخاطر ولا الݣانة للهضرة حيت عارفا أغلب الأسئلة لي غاتطرح وهي معندهاش جواب ودموعها غايخونوها.
نزهة:(تنهدات)والله ماعرفت..ماعرفتش واش بغيتو ولا هي تعلقت بيه ولا . .
سميرة:أنا جاني غي ولفتيه وصافي..وهو ولد الحرام كان ضريف وما كايخسرش ليك . .
نزهة:(تتفكر أفعالو)الله يعاونو ويرد بيه هذا ما نݣول. .
سميرة:(بتساؤل)باقي كايعيط ليك؟؟
نزهة:ديما..من نهار وقع داكشي وهو كايصوني بلوكيت نمرتو وكايعيط ليا من نماري خريين. .
سميرة:حتا عبد الجليل ݣاليك جا عندو بغا يهضر معاه وجرا عليه. .
نزهة: (هزات حاجبها)أش بغا مزال؟؟
سميرة:الله وأعلم..حفظك ربي منو وصافي..
نزهة:وايييه..صافي سديت على موضوع الزواج ..الى كتاب ليا ندير وليدات غنديرهم مكتابش ربي يرزقني لي فيه حسن خصني نوض نقابل راسي وليت حالتي ونوض نقلب على خدمة حسن ليا. .
اليوم الموالي فاقت بنفس جديد وتتكابر تخرج من محنتها حيت الحياة الى مواجهتيهاش متسناش الغير يواجهها على قبلك..
طاكي على راسك باش توقف وخلي الحزن مايفوتش 3 أيام..مشات ضرباتها بفركة فالحمام واخا كاع لي تتعرف تلاقاتهم ولقات تا اسئلتهم لي مكتحبسش:
- واش بصح أجلتي عرسك؟؟
-واش بصح تفارقتو؟؟
'اوا الله يجيب ليك ماحسن أ مسكينة. .
خلاوها تبخ الدم بالفقصة وتخرج من الحمام عيانة عكس ما بغات تخرج منو..واخا سميرة تتضور فبنادم لكن لي حشري وفضولي راه واخا ضوري فيه..مقدراتش تحمل نظرات الكسالات لي علماتهم بلي غاتجي تدير عندهم حمام العروسة والعيالات ديال حومتهم لي عارفين بلي غتزوج كلشي كيشوف فيها بنظرة ممزوجة بين الفضول والشفقة وهادي أعدى نظرة عندها. .
كيف دخلات للدار وهي معصبة غي مع راسها وتا سميرة خلاتها ..ناضت تلف ووجدات باش تدخل عند مليكة كيفما كان الحال هي مولات الصواب..تسناو عبد الجليل تا جا من الخدمة ودارهم فطونوبيلتو ومشاو محملين يحيدو عليهم الواجب. .
مع دقوو حلات اإيناس لي طارت على نزهة بتعنيقة وتبوس فيها فرحانة حيت جات عندهم..دخلو للصالون لقاو مليكة وخواتاتها ومها لي هي خالتها وهو يتقبض قلبها عرفات راسها عدوز عشية كلها حشيان تالهضرة والجهد باش تجاوب مكاينش. .
طلعوها ونزلوها وباشرات تتسلم عادي دايرا بتسامة خفيفة وتتسول على الحال والأحوال والعينين تيطلعو فيها وينزلو..غي من لتحت ولقات تا ختها سعيدة تما جلسات حداها
نزهة:كي وقع ليك ؟؟
مليكة:اوا ياختي عوينة وصابتني..كنت كانسيق حتى طحت وهانتي تشوفي. .
جميلة:(أخت مليكة)العين حق ونتي ياختي دغيا كاتشد فيك
سعيدة:عندها الصح كاين لي كاتتشد فيه العين غي من شي حاجة عادية. .
نزهة تزنكات وماعندهاش جهد لي تجاوب معاها ..ومع سكوتها نطقات حبيبة أخت مليكة لوخرا: ولكن ماشاء الله مدات منك لا حق لا باطل..نحلفو عليك راجعة من شهر العسل. .
الام:اوا فيها خير ربي لي كاييزرق
الخالة:شوفي ابنيتي نصحك لوجه الله ومعزتك من معزة بناتي راكي بنت ختي ..سيري جري على راسك وشوفي لمديور ليك شي حاجة انا شكيت واش عكس. .
مليكة:ويلي ياختي مي مسكينة غي قلبها عليك وديما كاتسولني عليك كون تشوفي شحال بقا فيها الحال عليك(تتلمط شفايفها)عزيتي عليها. .
حبيبة : كلنا بقيتي فينا والله شاهد. .
سميرة:اوا بعدا هي ربي نجاها وفكات الجرة من لول وخرجات صحيحة فصيحة كية لي جلس حتى غرق ودار دراري ولقى راسو حاصل.. أنا بعدا كانقول الحمد لله مالها اش خاصها واكلة شاربة ولابسة ومسرارة على ألف وحدة مزوجة..الى كنت غانتزوج باش نتسمى مزوجة وأنا راجلي باقي عقلو فقنت اخر غا بلاش (كلاشات مليكة) والى كانت غاتزوج باش تشد النوبة على فلوس الحمام وتزير على الريال باش تكمل الشهر غا بلاش (كلاشات حبيبة) أما إلا كانت غاتزوج باش كل سيمانا جايا غضبانة حيت كاتبقا نهار و ما طال مضاربة مع لويساتها وعدوزتها غا خليها هاكا مزيناتها. .
الصمت هو سيد القاعة ودخلو سوق جواهم كايضورو فعينيهم كي حنش بوسكة، ونزهة تتسناهم يهضرو باش تعطيهم علاش يقلبو حتى دخل محمد وحمحم سلم على مو وعلى نزهة بوجهو وقال:مزيانة؟؟
نزهة:الحمد لله
مليكة:اوا نوض نحطو اتاي
نزهة:غي خليك انا نتكلف نتي عيااانة
الام:الله يرضي عليك ابنتي. .
ناضت نزهة مخلياهم تاينممو فسرهم عليها منهارها معندهاش معاهم حيت سامااات وعاشو بعيد عليهم بسبب المشاكل لي كانت من الأول بين الأمهات على حساب الورث. .
*****
توالات الايام على نزهة لي تتحاول تخرج راسها من عزلتها..كدوز ايام روتينية بزاف ..كاتضل فالدار تشغل راسها بالشقا وكدفع فالمواقع للخدمة لي ندمات حيت خلاتها ولقات راسها تتقلب وتعاود ووالو مكاينش لي يعيط ولا يسول..
عمر ملي ضار فيه جليل مبقاش طاف بساحتها وولات تتخرج مرة عند ختها مرة عند دعاء مرة مع الهام . .
على طبلة العشا جالسين تايتعشاو بيهم فجو عائلي تانطق عبد الجليل:الواليدة بغيت نهضر معاك
الام:الله يسمعنا خير
عبد الجليل:(شاف فسميرة ونطق)جاني انتقال. .
نزهة:لفين؟؟
عبد الجليل:الحسيمة
الام:الحسيمة كاع وسير اوليدي راه طرف الخبز هذااك. .
عبد الجليل:(كياكل ويهضر)وقت طويل جاني فيه ثلث سنين
كولشي وحلات ليه الا سميرة لي ديجا فاتحها فالموضوع..حطات نزهة الدغمة وقالت:بصح!!(شافت فسميرة)ماتقولش ليا غاتدي سميرة والدراري. . !!!
عبد الجليل:خصني نديهم راه ثلث سنين
الام:(بحزن)و اولدي أش غادي نݣوليك الى خدمتك راه.مانحبسكش(شافت سميرة)تبغي تمشي؟؟
سميرة:أنا اخالتي لي ݣالها ليا ننديرها. .
نزهة:وراه مايمكنش يخليها هنا ويمشي هو لهيه والحسيمة بعيدة ماديالش يبقا ادير لانافيط. .
سميرة:أنا والله مابغيت فلول. .
الام:وابنيتي نهار لول تزوجتيه هو فينما مشا تبعيه واخا غتخويو علي الدار ولكن مكتاب الله . .
عبد الجليل: غانبقاو نجيو فالعطل أمي وتجي عندنا تانتي..انا كون تساعفيني تمشي معايا. .
الام:لا ابنيتي انا منخوييش دويرتي خلاني فيها المرحوم منخويهاش تانموت. .
الكل:بطولة عمرك . .
عبد الجليل:غايخصني الويكاند نمشي باش الاثنين نبدا معاهم تما. .
نزهة:سير أخويا الله يسهل عليك ..حنا راه نبقاو هنا عايشين وقانعين..
سميرة:(دمعو عينيها)ما سخيييتش
نقزات جنات لي مفاهما والو:فين غاتمشيو؟
نزهة:(هزاتها تاتبوس فيها هي وخوها)نتوما لي غانتوحش كثر ههههه غاتخوي الدار على عميتو. .
جنات:انا ماغنتزوجش باش نبقا معاك اعميتو . .
ضحكو كاملين عليها وكملو عشاهم وجل النقاش كان على الرحيل وشنو غادي يدي وفين غايستاقر ..هو بحكم خدمتو لي عندها علاقة ب la climatisation كديبلاصا بزاف من مدينة لمدينة وتيمشيو لأغلب المدن البعيدة وجاه انتقال للحسيمة وخصو يبقا تما مدة طويلة. .
من نهار تلونصا الخبر ونزهة تاتعاون سميرة فالجميع وتتجمع معاها لي ضروري..عطاوها لماعن وباش تقضي حيت أول مرة غتعزل عليهم..رغم أنهم ماكيجيوش لبعضهم إلا وأن سميرة وبشهادة الجميع بنت الناس وحسباتهم عائلتها وعمرهم شافو منها العيب. .
جا نهار الرحيل هزو قشهم وتوادعو بالبكا..نزهة تبكي وتقول مابكييت وتعنق فولاد خوتها لي مبغاوش اطلقو منها وفسميرة لي كننززات عليهم بالدموع..العشرة الزوينة صعيب تفرق
توادعو وشدو الطريق وخلاو نزهة مع ميمتها فالدار قد الخلا بوحدهم لا حنين ولا رحيم. . .
الأيام متوالية على نزهة روتينية عايشة هي ومها الراس فالراس معمرين على بعضهم.. مرة عند سعيدة مرة عند محمد كل مرة وفين وهي مكتائبة ..
ناقصة حيوية حيت حياتها لي قبل كانت نشيطة فيها كانت تتلاهى بالخدمة وتخرج وتضور ودروك راها شوماج ماخدامة ماردامة وندمات أشد الندم علاش فرطات فخدمتها وخرجات بخلاصة مفادها أنه قاعدة فالحياة ماتانديروش تضحيات بأحلامنا السابقة على ود تحقيق الأحلام المستقبلية بعبارة اخرى مكنتخلاوش على خدمتنا على قبل شي كائن واخا نكونو شاركين معاه الدم...
عمر راه ديما تيعيط ليها وبمجرد ماكتعرفو هو كتقطع وتبلوكي النمرة ولا هو مل باقي مصر يهضر معاها وباقي تيعيط ليها وتتصدو. .
عايشة حالة ديال ماعنديش وماخصنيش أي نعم عبد الجليل كايصيفط ليهم باش يعيشو وعلى قد جهدو تاهو لانه عندو بيت لكنها قدام متطلبات نزهة لي مكتلوموش..
هي انسانة بطبعها مولفة الفلوس فيديها مولفة كل سيمانة حمام معتبر والصالون ديركت وكل شهر الضفار ولاصيغ فالصالون كذلك..وكل شهر راها بلبسة جديدة وكل مرة جايا لدار تصادف مع شي حاجه وتاخدها يعني تاع راسها براس مالها ومهلية فراسها وعايشة حياتها لكن مورا ماخلات خدمتها رجعات محيدة شحال من حاجة ولات لي تديرها فالصالون تديرها فالدار...لاصيغ وبديكير وبروشينغ تتصايب راسها وتقنع وتسكت حيت معندهاش خيار اخر. .
داز الصيف ودخل لبرد ونزهة باقي شوماج فينما دفعات وعيطو ليها دوز كايعطيوها الجملة الشهيرة :دابا نعيطو ليك. .
تالواحد نهار كانت جايا من السوق هازا قفة ت تقدية والبرد تايسوط فوجها والحال داير على الشتا بايتة وصابحة كتصب تاتصادفات مع بنت قرات معاها وبنت الحومة نيت كيتشاوفو مرة مرة ..تسالمو وتهاضرو كأي جوج ونطقات لوخرا:شنو كديري دابا؟؟
نزهة:الدار وصافي ههه
منى:ما خدمتيش؟؟
نزهة:كاندفع ووالو هه كازا هادي لي لقا شي خدمة يشد فيها بيديه وسنانو. .
منى:بغيتي تخدمي؟؟كانعرف واحد صاحبتي غادي تخرج من واحد الخدمة وكايقلبو على شي اسيسطونت . .
أول مادارت صيفتات سيفي ديالها ل منى ومشات تتوجد الغدا ناشطة وماشطة ونزهة لكانت ناشطة تتخرج العسل من يديها..تتشقى وتغني فرحانة تا وجدات الغدا وياله حطووه وهو يصوني الباب ...نزلات تحل فإذا بها تاتلقى سميرة والدراري وعبد الجليل ماشعراتش تا غوتات وطارت تتعنق فسميرة وتبوس الدراري لي غيموتو بالفرحة باش اشوفوها. .
نزلات الأم كذلك شافتهم وفرحات وتعنق وتبووس وتفدي الشوق ديالهم..مكانتش متوقعة مجيتهم خاصة أنهم شهور مجاوش ملي مشاو. .
تلمو الحباب وتجمع الشمل كي تايقولو وطاجين القوق تكتاب ليهم فالبرد..جلسو تيسولو فبعضهم ويتعاودو رغم أنهم ديما على تواصل..
نزهة:زوين الريف؟؟
سميرة:زويين ياختي فن وناسو الله يعمر ليهم الدار..درت الصحابات تما هههه
عبد الجليل:دارت عرس ماشي صحابات ههههه
الأم:اوا خليها راه غا تقنط تما(هزات الإبن لي اسمو أمين)اجي يالكبدة المعاودة توحشتك. .
أمين:الميمة غا تمشي معانا نتي وعمتي ياك. .
جنات:(مخشية فعمتها)غاندي معايا عمتي ههههه
عبد الجليل:نديوهم بجوج أبابا
الام:والله كون مجيتوش كنا غانجيو. .
عبد الجليل:اوا هادي فرصة مزيانة..نديكم معايا دوزو شي أيام. .
الام:نتوما ياله جيتو وبغيتو تمشيو عليا
عبد الجليل:الالة خديت سيمانة باش نݣلسو معاكم وتمشيو معانا. .
نزهة:مرحبا بيكم راه داركم هادي ولكن أنا عفيوني من المشية. .
سميرة:وعلاش أختي؟؟
نزهة:لقيت واحد الخدمة مع واحد الشركة وغانبدا معاهم هاد الأيام
الام:(بفرحة)بصح!!وعلاش مݣلتيهاش ليا ؟
نزهة:ياله ݣالتها ليا منى جارتنا..ديك بنت مول الحانوت
عبد الجليل:كاين شي صالير ولا والو؟؟
نزهة:والله ما عرفت أخويا ولكن المهم نخدم ومانݣلسش فالدار
الام:الله يسمح لي كان السباب كنتي بخدمتك وفلووسك
نزهة:(تحرجات)فيها خير
سميرة:وشنو دابا حتى خالتي ماغاتمشيش؟؟
الام:وشكون يقاابلها؟؟
ضحكات نزهة:هههه ويلي يا مي علاش أنا باقي ديال المقابلة راني قربت للربعين هههه
عبد الجليل: كاتشرفي راسك كانبان شارف عليك هههههه
ضحكو وكملو هضرتهم بمنوال اخر فرحانين برجوعهم..والغد ليه مشات نزهة دوزات اونتخوتيان وتقبلات معاهم واخا الصالير ماشي كيفما كاطمح وماشي بحال لي قبل ولكن المهم ديالها وفيديها...
بدات معاهم وعجباتها الخدمة حيت ساهلة ومالقاتش مشاكل مع لي خدامين معاها وبدات شوي بشوي كتولف الجو وتولف الناس وتولف الفياق بكري يعني حياتها دايزة عادي زي كل الناس..مابقاتش كطمح لحتا حاجة من غير تعيش. .
دوزو معاهم سيمانة وهزو قلوعهم وداو معاهم الأم بعد إصرار كبببير منهم وخلاو نزهة بوحدها..
✍️نزهة:(ستغربات من طريقة هضرتها)إمتا؟؟غي داك نهار هضرنا وماݣلتي ليا والو!
تعطلات باش تجاوبها وهي أونلاين تا فقدات الأمل تجاوبها وسدات الكونكسيون وناضت تجمع الدار بخفة..تاسالات وحلات ميساجات الواتساب وهي تلقى:كلشي جا على غفلة أختي
نزهة:الله يكمل بالخير أحبيبتي ..والله يعطيك الفرحة لي بغيتيها. .
الهام:أمين أحبيبة والعقبة ليك أختي حتى نتي راه دعيت معاك
ضحكات باستهزاء وكتبات ليها:لهلا يخطيك. .
حطات التيليفون وتنهدات..جاها إحساس فشكل ماشي حسد إنما حكرة..كأنو نوع من الشفقة على راسها..فرحات لصاحبتها أكيد وبالطبع ماغاديش تميك على أنها معلماتهاش حيت كانو على تواصل ومقالت ليها والو ..
وزواج إلهام خلاها تفكر مسألة الزواج لي مخلياها كتحسر على سعدها..ضورات عينيها فالدار فيها السكات والصقيل تغرغرو عينيها وقالت بصوت شبه مسموع:هاكا غتلى ليك أنزهة ...بوحدك لا ولد لا بنت لي يهزوووك. . .
"الوِحدة". . .
هو داك الإحساس لي تايجيك فاش تايكونو ضايرين بيك الناس ولكن نتا حاس براسك غريب عليهم..ما عمرها الوحدة ما كانت هي تكون بوحدك لا حباب لا صحاب حيت فهاد الأخيرة تاتكون نتا مستوعب ومتقبل انه ماعندك حد..لكن فاش تاتكون وسط ناس لي هوما فالاصل ناسك وتاتحس براسك بوحدك وبعيد عليهم هاديك هي أعلى مراتب الوحدة. .
الملل أو الروتين هو لي دخل لحياة نزهة..بعدما خوات عليها مها الدار تاتمشي للخدمة وتجي تاكل وتنعس لا جديد فحياتها ومرة مرة تخطف المشية عند ختها ولا خوها..هاد الأخير رفض رفض قاطع أنها تعيش بوحدها ونوض معاها الصداع بحجة هي مرا لكنها مبغاتش تعيش معاه حيت عارفا غتدخل فشد ليا نقطع ليك مع مليكة. .
مها راه كانت شهر هنا وشهر لهيه فالحسيمة تايعز عليها تخلي ولاد عبد الجليل وكتبقا ديبلاصا من هنا لهيه..
مرت أربعة فصول أي سنة..دازت عادية جدا عند نزهة وعند الناس لوخرين شاخدة..كانت خارجة من خدمتها مع السبعة تا صونا تيليفونها بنمرة سعيدة..بتاسمات وشدات الخط:الو.
تعانقو وتباركو بيناتهم وتا دوك جوج رجال لي كانو جالسين حداهم باركوو ليهم وفخضم المباركات جات عينين الشخص الاخر على نزهة..طلعها ونزلها بدون شعور وقلب وجهو للصوت لي نادى بإسمو:ميموون. .
تلفت لمصدر الصوت كانت مرا كبيرة فالعمر بجلابة مغربية وبلغة وبلقة كتقطر بالبيوضة ونطق:مي
ناض من كرسيه وبانت طولتو وعمورية كتافو..شأنو من شأن رجال الثمانينات ..تيكونو كتافهم عامرين واللحية مكتخطاهمش..شد يديها مهدنها وقال:على سلامتك دارها فحضنو)
الأم:فينها فينها بنتي؟؟
ميمون:(بهدوء)أجي امي ݣلسي ترتاحي راه باقي مخرجاتش.
جر مو جلسها تحت أنظار نزهة ليه حيت طمنو على دعاء تيتسناو غي يدخلو عندها . .
جلسات السيدة ونطقات بتساؤل:واش ولدات؟؟ولا باقي
مصطفى:باقي أخالتي راها ممحنة
الام:الله ياربي الله ياربي على خر للمصرانة ياربي توقف معاها ياربي. .
ميمون:(بهدوء)الوليدة دعي معاها ونقصي تعداد
الام:الله يفكها على خيرر
بقا جالس حدا مو كينتاظرو ولوخرين ناضو يشوفو دعاء لأن الممرضة علماتهم بأنهم حولوها لغرفتها..ناضت نزهة مع ختها وبلحظة ميمون دوز عينيه لجيهتها طلعها ونزلها تاني تا مشاات
دخلو عند دعاء ولقاوها فيها النعاس و البيبي حداها منظف باسوه وطمنو عليها وسعيدة غي تاتقلب فيها قلب الام واكلها..فالأخير جرات نزهة وقالت بصوت ياذوب تسمعو:ختيي خصني نوقف على سبوع بنتي. .
نزهة:واش نتوما ماموجدين والو؟؟
سعيدو:والو ياختي كلشي جا على غفلة! .
نزهة:(زفرات)اوا أختي أش غا غنݣوليك ..غانشد سيمانة من الخدمة ونچلس نصايب ليك ..كون علمتوني كون صايبت بيفي واعر فالسبيطار
سعيدة:حيدي علي من داكشي هههه أنا بغيت غي سلو وحلاوي وكثري وماضربي حساب لفلوس. .
نزهة:هههخ واخا..أنا نمشي دابا أختي باش غدا نصبح نتقدا
ودعاتهم وخرجات تاتنهد..تمنات تاهيا واحد النهار تكون أم وتوجع تاهيا وتراري وتسهر..مع غا ضور مع الكولوار لي غايخرجها برا وهي تقشع نفس الشخص لي لمحها بعيونو قبيل..وهو نفسو ميمون. .
فالصباح الموالي علمات الباطرون بالسيمانة لي بغات عكس ليها ولايني قبل فالاخير..بسرعة شدات أدراجها لعطار تاتعرفو تقدات من عندو كاع لي تحتاج باش تصايب سلو ومع هي حارة بقات كاتشطر وتعاود تا خدات أجود المكونات ..تاتعرف الزنجلان البلدي من الرومي غي باليد والشمة..
نزهة:زيد ليا واحد ربعة كيلو ديال اللوز..وأرا نذوق بعدا
نزهة: صافي نمشي هههه الله يكبر بيك جمع ليا الحساب . .
جمع ليها حسابها خلصاتو ومشات مثقلة للدار كي حطات التقدية باشرات مباشرة فالتنقية..لي خصو يتنقا تنقا ولي يتغسل يتغسل باش تقوم سلوو ديال السبوع من داكشي..رابطة الإتصال مع ختها ومها لي جايا هي وخوها وولادو. .
شرقات شميسة باردة من وسط الغيوم لي باقي ماقنعوش من الشتا..فصل كولو بارد ومكزز كايعيشووه..ناضت نزهة من فراشها ماساخياش بمانطتها..نفضات الفراش ديالها وهوات الدار لي تاتحرك فيها بأريحية حيت بوحدها لي فيها فانتظار توصل مها ..
وجدات لراسها فطور خفيف ولبسات عليها جلابة سخونة بستيل عصري مع لي بوط..دارت عكر وماسكرا فقط ورشات بارفان شتاء وخرجات شادة فصاكها والوجهة أغراضها وتقديتها لي خصها تقدى..فأول طاكسي لقاتو كبير طلعات رابطة الإتصال مع ختها تاتشاور معاها . .
نزهة:كي صبحات مزيانة؟؟والوليد هههه أنا لباااس ..لقيتيني ياله غادية نتقدا للحلوة من عند واحد السيد ݣالو ليا عليه كايبيع بالجملة.....ايييه غاندير الكعب..الفقاص ضروري وشي ستة ديال الشكال ديال صابلي ونشوف شي حوايج خرين ديال السبوع..لالا كوني هانيا صافي سلمي عليها غاندوز نشووفها بسلامة.
حطها الطاكسي ونزلات تضور فعينيها تاتقلب على المحل ماقشعاات والو كلشي محلات وكلشي هريات شكون لي قصد ليها معرفاتش..قربات عند واحد الݣارديان وقالت:الشريف واخا نسولك
الكارديان:نعام أختشي
نزهة:واحد المحل هنا ديال واحد كايعيطو ليه ولد المصري
الكارديان:ولد المصري أختشي كاين لهيه أختشي..(كينعت بيديه)شتي داك المحل لي قدامو ݣونݣو هو هذاااك
نزهة:شكرا باراك الله وفيك. .
تمشات باتجاه المحل لي نعت ليها وقدامو الطونوبيلات مباركيين على صف واحد..دخلات ليه وهي تذكر بلي فايت جاية ليه..شافت ولد تايستف شي سلعة ولاخر تيقيد..لقات السلام بصوت أنثوي:السلام وعليكم
تلفتو ليها بجوج طلعوها ونزلوها ونطق واحد فيهم:وعليكم السلام
نزهة:عفاك واش هذا هو المحل تاع ولد المصري (فخاطرها:ويلي يا نزهة عاد ݣالها ليك الكارديان)
الولد:هو هذا أختي..اش خصك؟؟
نزهة:(باحراج)ماكاينش مول المحل؟؟
الولد:لا أختي باقي مجاش..
نزهة:حممم صيفطني الحسن العطار لي ف****
الولد:هههه داك الشلح!!!خصاتك شي حاجة؟؟
نزهة:بغيت نتقدا شي حاجة وݣاليا نجي عندكم
الولد:ولكن أختي راه ماكنبيعوووش ونتشاراو مع الناس غي مع البياعا ومالين الحوانت. .
نزهة:عارفا غي ݣلت على وجهوو تبيعو لياا
شاف واحد فلاخر ونطق الثاني:أشنو خصك؟؟
نزهة:(جبدات وريقة من صاكها و مداتها ليه)هادوو. .
شدهم كايقراهم وقال:هادشي كثير شوية ولكن مانقدرش نعطيك حتا يجي المعلم
نزهة:وفينو المعلم؟؟
نطق صوت من وراهم غليض وببحة باينة مجروحة بالبرد:السلام وعليكم
تلفتات لمصدر الصوت باش عينيها يتفيكساو على الشخص لي هضر..مدارت تا ردة فعل بوجهها فقط عينيها لي تكمشو فالشخص كأنها كتذكرو وفعلا ذاكرتها مخداتش بزااف باش تفكرو..حققات فيه مزيان هو نفسو..الراجل العامر والطويل لابس تريكو سخون وسروال سورفيت لايح كويرة فوقهم وبانطوفة قول جاي ينعس..وتاهو معطلهاش بنظراتو لي ختارقوها بشوية عليه وطلعوها ونزلوها. .
مخرجهم من نظراتهم غي صوت واحد من الدراري قايل:هاهووو أختي...المعلم هاد السيدة كاتسول عليك. .
قرب جيهتها بدون مايشوف فالخدامين تيهضرو..وأول مالغى المسافة الطويلة بيناتهم وقصرها دخلات ريحتها الأنثوية لنيوفو..خلاه يستشعر طعم النقاوة والحلاوة..أما هي راه ماميزات والو بنيفها مافيه تا ريحة ..لكنها لاحظات عينيه لي ماشي خوت كيتفحصوها بإعجاب..مرا بحالها وفسنها ماغيخفاش عليها شي راجل لاعجباتو..تبسمات ومدات يديها بلطافة وقالت:نتا هو ولد المصري أسيدي؟؟
بادلها الإبتسامة تاهو ولامس يديها تا السيد ضربو الضو من ملمسهم الرطب تاتحس براسك تتسلم على مرا ..اليدين كي الكف كي برا رطبيين مسخاش كاع يحيد يديه..وهضر:هو هذا الالة..أش حب الخاطر؟؟
نزهة:(جرات يديها بلطف)صيفطني عندك الحسن الشلح لي ف ******... صراحة أنا عندي واحد المناسبة وبغيت نتقدا قوامها راك عارف المناسبات المغربية كاتبغي القوام وكلشي على حقو اوا وأنا مابغيتش نتقدا من عند أي واحد..وسي الحسن شكرك ليا وجيت عندك عالله ماترضهااش ليا فوجهي. .
بتاسم من طريقة كلامها لي مايمكنش متعرفهاش بيها انها مصوابة وعاد الصويت الرقيق خلاوه بلهلا يطريه ليه يفرنس ونطق:مرحبا بييك ..علاه حنا نقدروو نخسرو ليك خاطرك.. أجي معايا. .
فرنسات ليه مبينة على سنانها وتبعاتو دايزين على المتعلمية لي غي تيشوفو مافهمو والو..داها لداخل المحل فين كاين كونطوار وقف فيه مترقباه بمشيتها تيتسناها تلحق لعندو ..ماغاينكرش أنها سحراتو من أول نظرة..بمجرد ماوقفات وهو ينطق: أش خصك؟؟
نزهة:(مدات ليه الوريقة لي خدات من عند الدراري)هادشي صافي..راك عارف مالين الحوانت كايزيدو فالثمن وأنا ياله بادية فهادشي مابغيتش نخسر بزاف راك عارف وسي الحسن صيفطني لعندك
...:هادشي باش مكتوب(تايشوف فالورقة)خطك مباينش(مدو ليها)واخا تقرايه ليا. .
بلطافة شداتو ولاحظات سمورية يدييه وكبرهم وقراتهم عليه كامليين وعينيه مركزيين على شفايفها المزيانهم بالعكر وراسماهم بشكل زوين..ونطق بعدما سكتات:واخا الالة مانخسروش ليك خاطرك..نعطيوك شنو بغيتي ملي جيتي من عند اللحسن. .
ميمون:واخا(جبد من جيبو تيليفون عادي غي الو وسلام)قولي
نزهة:زيغو سيس سواسوونت ويت.
قاطعها:درجي معانا ألالة نزهة راه غي عروبي لي واقف ݣدامك
ضحكات بخفة وقالت:هههه سمح ليا..06*******
تسناتو تا صونا عليها وقالت:شكرا بزااف لهلا يخطيك..فالعشية أنا فالدار
ميمون:إن شاء الله الالة نزهة(مد ليها يديه)
نزهة:الله يكبر بيك
عطاتو تبسييمة وزادت مخلياه متبعها بعينيه وتيحك لحيتو السوداء ولي فيها شوية تشيب الى ماقربتيش ليه ماغتقشعوش تا خرجات عاد نطق:بنت الحرام شحال زوييينة
عبد الهادي:(باقي واقف حداه مضهشر)شكون لي زوييين المعلم؟؟
ميمون:(ضحك)ههههههه نتا أولدي ههههه
عبد الهادي:تيتيزة هادي الشاف ياك
ميمون:متوتة..زينها عربي مزيان معرفتش منين غاتكون؟؟
عبد الهادي:هادي راه إما شلحة ولا دكالية
ضربو لكتافو تيضحك وهز سوارتو لي نسا ورجع على قبلهم اصلا وقال:تجمع لجدك..وسير قضي شغلك. .
شدات طاكسي للدار تاني حيت عارفا تابعاها تمارة كحلة بمجرد ما وصلات لقات قدام الباب محمد وإيناس صيفطها باش تعاونها شوية..تلاحت عليها بتعنيقة وطلعات وهي تنطق
نزهة:دخل إخويا
محمد:لا خدام..ردي لبال مع ديك البرهوشة
نزهة:كون هاني
مشا فحالو وطلعات هي بدلات عليها وصايبات الغدا عاد كملات التنقية ديال قوام سلو مونسة بإيناس لي تاتعاونها على نيتها حتى صونا تيليفونها بنمرة ممعروفاش ..شدات الخط
نزهة:الو
ميمون:لالة نزهة فين عندك السكنة؟؟
عرفات دغيا صوتو وفرنسات مع راسها ونطقات:تعرف ل******
ميمون:عرفتو
نزهة:الى وصلتي صوني ليا ننزل نشد من عندك داكشي
ميمون:واخا
قطع ورجعات لشغلها عادي تاعاود صونا وهي تنزل ببيجامة سخونة مبينة طايتها والشعر مجموع للفوق..حلات الباب وهي تشوفو من بعيد فطونوبيلتو الݣونݣو وشيرات ليه..هو الاخر كي شافها طلعها ونزلها وتنهد وقال وهو نازل:توووتة فالدااار. .
نزل وحل الكوفر وتايجبد ليها فسلعتها مجاش فين يهبط كلشي تا كانت عند راسو واقفة مكمشة من البرد..تنهد بشوي وطلعها ونزلها عاود تتفوح منها رائحة دوخاتو..جات عينه فعينيها السود المشفرين وقال:ها سلعتك
نزهة:لهلا يخطيك برزطتك معايا والله شكرااا بزاااف
ميمون:دنيا هانيا مرحبا..نديهم ليك حتال الدار؟
نزهة:غي خليهم انتعافر معاهم بلا مانبرزطك تاني مانكونش باسلة
ميمون:تعذيبة مخلص فيها ههههه الله يعاون المحل محالك. .
تبسمات ليك وقالت:شكراا
ماعاودش دوا قطع طريقو لطونوبيلتو خلاها متبعة ليه العين مفرنسة عجبها جاها حلوو وضريف وضحووكي..ركب فسياتو وزاد بدون ميشوف فيها ..ضحك على راسو وقال:الرجال لي هوما رجال سبقوو وداو الزين. .
خيط الريح الجزء الثالث
محتوى القصة
فالمساء كانت تترتاح من تعب نهار العيد..كثرة دخل وخرج وها الحلاوي ها اتاي وزيد وزيد..متكية فبيتها تاتقلب فالانسطا تا صونا تيليفونها بنفس النمرة زفرات وشدات الخط:وي
امل:مسالية؟؟
نزهة (بعصببة )أختي مالك على هاد التحكار؟؟واش باغيا تفرقينا؟؟
تسمعات ضحكة أمل ونطقات: واخا يعطيوني عمر فدية مانرجعش ليه..خاصني نبهك ونوريك بمن غاتزوجي
نزهة:لهاد الدرجة قاتلك السم؟؟
ضحكات عاود أمل وقالت:الله يهديك هههههه انا باغيا عي مصلاحتك كون ماشفتك بنت الناس والله منسول عليك ونبهك.
نزهة:واخا الالة(مغددة)نتلاقاو ونشوفو شنو غا تݣولي
امل:من هنا ساعة فكافي****
نزهة:واخا
قطعات عليها تاتضور فعينيها فالبيت وعينيها طاحو على خيط الريح ديال مها لي من نهار تخطبات وهي حاطاه فوق كوافوزها تاتشوف فيه وتفرنس..شنو لي مخليها تقبل تلاقا بيها ؟؟معرفاتش إنما فقط بغات ترضي فضولها . .
ناضت لبسات عليها لبسة العيد غير الجلابة مأنقة كي ديما فآخر المطاف هي مرا ولي غاتلاقاها الاكس ديال خطيبها غتبغي تبان عليها..تريحات وخرجات عالماهم بأنهه غتلاقا مع إلهام . .
شدات طاكسي وعقلها كايخمم ويضرب اخماس فأسداس وتاتقول مع راسها شنو هاد تبرهييش والى كانت باغيا تشتت ليها الشمل..مافيقها هي صوت الشيفور تايعلمها بالوصول..خلصاتو ونزلات. .
و بعينين معمرهم البرود تتقلب وسط القهوة على ضرتها تا لقاتها شيرات ليها و مشات ليها.. بلا سلام بلا كلام جلسات ونطقات بنرفزة:هاني شنو بغيتي؟؟(هزات صبعها فيها)شوفي الى كنتي مزالا طامعة فعمر غي خوي راسك ولي ݣلتيها ماغنتيقكش انا جيت باش نشوف اش غتكذبي؟؟
أمل (بهدوء)شنو تشربي؟؟
دارت نظرة استهزاء ونطقات:مجاياش نشرب...هضري الا بغيتي تهضري . .
أمل: أول حاجة بغيتك تبردي شويا ونهضرو بحال اي جوج متحضرين..راه ماشي دراري صغار...
نزهة: (وعات على راسها)كانسمعك
أمل:(سكتات مدة تتجمع شجاعتها)معرفتش منين غنبدا ليك ولكن من الاحسن نعاود ليك من لول ونتمنى تسمعيني بلا متقاطعيني. .
نزهة:(تنهدات) واخا معرفتش شنو لي يخليني نسمعك ولكن هضري. .
امل: (شربات من قهوتها وقالت)خودي شي حاجة تشربيها الهضرة كثيرة
نزهة: (شيرات للسرباي وجا)كافي كخيم
امل:نعاود ليك من أول مرة تعرفت على عمر..كنت فالمغرب جيت فاكونص حتا صونا تيليفوني بنمرة ماكنعرفهاش حيت ياله خديت نمرة مغربية وجاوبت ولقيتو غالط فالنمرة ..صافي بقا كل مرة كايعيط حتا لقيت راسي شادة معاه الهضرة(بابتسامة استهزاء)وبالصدفة طلع حتى هو من نفس المدينة ودرنا نتلاقاو..ماننكرش عجبني وعجبتو(شافتها تتشوف فيها ببرود) وموراها تلاقينا وعاودنا فديك المدة كاملة لي كنت فيها هنا ..وتطورات العلاقة حتا حملت منو
نزهة:(خرجات عينيها)بأمنية؟؟
حركات راسها بابتسامة:وي بأمنية..واجهتو ومنكرنيش بتاتا عتارف انه هو باها وملي ݣلت ليه نديرو الحل ݣاليا سيري ل إيطاليا و ولدي وديك ساعة نديرو حل لراسنا..وبالفعل هزيت راسي ومشيت لإيطاليا حيت كانعيش فيها مع بابا ..وهزيت فيها المسؤولية بوحدي الحمل كولو داز على ظهري بوحدي دوزت أكفس تسع شهور فحياتي. .
قاطعاتها نزهة بفضول:باباك مݣاليك والو على الحمل؟؟
أمل:بابا خدام كايديبلاصا بزاف ماكانش كايشوفني بزاف... مهم جات ساعة الولادة مشيت لسبيطار بوحدي و قلت لبابا راه غير مشيت على حساب ظهري حيت كيضرني .. بعت ذهبي باش نهز المصاريف وعمر معرفني بحتا ريال ...دخلت و بقيت 3 أيام بوحدي كنتوجع و المشكلة بوحدي طاح علي الضيم حتال نهار 3 ...الليلة لي غا نولد فيها بالفتيح(تنهدات) أصعب مرحلة دوزت ...ولدت بنية و نساتني في كلشي دوزت 4 ايام أخرى في السبيطار ..
جا سرباي حط القهوة ومشا وكملات هي هضرتها : نهار قبل مانخرج عيط ليا بابا و ݣالي نجي نشوفك و ملي جا تصدم انا مقدرتش نتخلى على بنتي و مقدرتش نفرق والديا ݣلت ليه عندها باها ݣالي عطيها ولا خليها بقيت كانرغب و نبكي حتا تفكات لي الفتحة بابا ملي شافني بقيت فيه ݣالي انا منلوحكش قلت ليه كاين باها ݣاليا نهضر معاه ..وفعلا هضر معاه و ݣاليه انا معتارف بالبنت ... خرجت من السبيطار و ساقو العائلة الأخبار و ماما قطعات علي الهضرة مدة حيت تصدمات درت الوكالة لبابا و نزل كتب لي العقد من بعد معاه.. بقيت كانجري على وراق البنت حتا صاوبت ليها الوراق و الباسبور و في هاديك الفترة دوزت العذاب و تفكات لي الفتحة تاني و عاودتها...داز الوقت ونزلت للمغرب وقالو لي تجي بلا عرس بلا والو ماما رفضات وجلست عندها دارت ليا غاع لي كايدار للنفيسة ومن بعد مشيت عندهم..وهنا غيبدا العذاب مع مو وختو..اش غانݣوليك؟؟ الى ماسمحتش ليهم معندهم فين يحطو الراس..كانت معاملتهم خايبة بزاف وحاسبيني غريبة عليهم دايرين مني خدامة. .
نزهة:(بصرامة)نتي لي بغيتي هاد الحالة!!
امل:(محركة راسها بتأييد) نفس الجملة لي سمعت من ماما وبابا ..وفعلا انا لي بغيت حيت كنت كانبغيه..ما غاديش ننكر، تعاملو زوين واخا كتافو كانو باردين حيت كان مرة خدام مرة نو ولكن كنت كنݣول أب بنتي نصبر معاه مع العلم عيشتي فايطاليا حسن ليا...نكمل ليك..من بعد طلعت لإيطاليا باش نطلع ليه وراقو ويجي لعندي(باستهزاء)أصلا من هاد لافير كاملة كان باغي غي الوراق ويجرب حظو فايطاليا ..كنت هبيلة ههه مكانش كايعرفني بحتا ريال مرة مرة الى صيفت شي حاجة..كنا مرة نتخاصمو مرة نتصالحو والحب عمااني وكنترجى فيه الخير
نزهة:(وذنيها تيسوطو)كملي. .
أمل: الوقت كايدوز والبنت ولات عندها تلت سنين وهو ماكيعرفهاش بحتا بدرهم هي لخرا وانا كي الهبيلة كنصرف على وراقو باش يطلعو..(زفرات)خرجو ليه وراقو وجا لعندي..ݣلت كلشي تقاد وغيهديه الله و يولي إنسان كيف ما حبيتو ساعا عاد مازاد طغى...فإيطاليا عرفت عمر اخر غير لي عرفت فالمغرب أناني وكيبغي راسو ماباغيش يخدم انا لي كانصرف عليه ومرة مرة كيخدم ويجلس بزاف وصابرة باش ما نتحملش نتيجة غلطي...دازت الأيام والبنية كبرات وانا وياه ديما فالمخاصمات والمضاربات على بزاف تالحوايج حتا وصلات النقطة لي فيضات الكاس ومقدرتش نكمل معاه فيها. .
نزهة:لي هي؟؟
امل:الأعوام لولة ديالو فإيطاليا كان عادي إنسان عادي من بعد بديت كنلاحظ أن تفكيرو تبدل وأن هضرتو تبدلات ولى كايترافݣ مع دوك المثقفين ولي قارين تا كفرو..وهذا بالضبط هو لي خلاني نحبس ونقول سطوب لحياتي معاه حيت حسيت براسي وصلت للفان معاه مبقا عندي فين نزيد. .
نزهة:لقيتيه تيخونك؟؟
أمل:ههه ياريت كون لقيتو مع شي مرا ولا الفضيحة لي دار حممم عمر مبقاش مسلم ولى (م ل *ح د. .)
خرجات عينيها بصدمة وفمها تحل ويبس فيها الدفال فشفايفها..شنو تاتقول هادي اشمن هضرة تتخرج بحرا ماجمعات الكلام ففمها:شنوو؟؟واش عارفة اش كتݣولي؟؟. .
حركات راسها بهدوء وستأنفات كلامها :سي عارفة ..عمر ماعندو لا ملة لا دين ..ترافق مع شي ملاحدة لهيه وخرجوه الطريق عطاوه كتوب كثيرة وتخلى على دينو وولى (م ل ح* د. .)
نزهة:(بغات تهز صاكها تنوض ممثيقاش)لالا نتي كتكذبي!!!
شداتها وجلساتها بهدوء وقالت:ݣلسي أنزهة نكمل ليك.
فينها نزهة دابا؟؟راه عقلها تبلوكا وعينيها تفيكساو فالطبلة تتحلل فهضرتها..شافت فيها بعينين مدمعين:عارفة هضرتك واعرة ؟؟
أمل:ومستعدة نتحمل عواقبها..عمر كولو زوين وصبرت ليه لشي حوايج تا بنت متصبر ليهم ولكن الإ لح اد ديالو قتل كل حاجة زوينة فيا من جهتو..إنسان ماكيأمنش بالله شنو غتعني ليه نتي. .
نزهة:(هودو دموعها بصدمة)كملي!
امل:واجهتو حيت لاحظت قطع الصلا وولى كيترافق مع الم ل حد ي ن كايعرضهم للدار وكنسمع نقاشاتهم على الدين وشي حوايج كيتݣالو كيبورش لحمك عليهم..نصحتو يبعد عليهم وكايطنش، حتال نهار واجهتو وعتارف ليا بلي ولى "م لح *د" ومكيأمنش بالله. . (تنهدات بألم)عرفتي باش حسيت؟؟بقا فيا بزاف ذنوبو فيا يقدرو يتغفرو ولكن الشرك بالله مكيتغفرش. .
نزهة:(كتبكي على زهرها بصمت)هادشي علاش بغيتي تهضري معايا
أمل:ختي نزهة حسبتك ختي ومابغيتكش تضيعي. داك سيد مايصلاحش ليك
نزهة:(تترعد)علاش محاولتيش تهضري معاه ؟؟
امل:فنظرك غنكون مامحاولاش؟؟ماخليت شنو ݣلت ليه وكنت كانبغي نلاقيه مع علماء الدين وكايرفض حيت صافي قتانع كليا أن الله أستغفر لله عليها كلمة غير موجود(شافتها ساكتة)كانشوف راسي غانخرج على بنتي وغاتكبر تما لا ملة لا دين ونضت دعيتو وطلقنا وسالات قصتنا ومن تما كنعرفو غي ب اب أمنية لاغير. .
الصدمة لي تلقاتها نزهة كانت قوية على عقلها وقلبها..إنسان بحال عمر يكون (مل**ح د) هي الفكرة لي باقي مستوعبهاش عقلها..كيفاش وعلاش؟؟ولاش ملاحظاتش من الأول. .
بدا دماغها تلقائيا تايركز فعدة تصرفات وعينيها تايجولو من بلاصة لبلاصة بوجه باينة ساهي تايفكر وتايخمم وبعيون فيهم لمعة دموع..وصوت أمل تايتسمع لكن بعيد..معرفاتش راسها واش باقي واعية ولا سخفات ولا شنو. .
مجرد مواقف كايجيو لبالها مع عمر تتحلل فيه هضرتو لي كانت كتاخدها بحب من طرفو رغم انه كان تايبان انه عندو أسلوب فكري مغاير لما عندها هي..الصيام لي مايكصومش..ان شاء الله لي ماكيقولش ...مكيحكرش على شي حاجة دينية مثلا رمضان او العيد..الشراب لي محبسوش قبل الربعين وغيرها من الاشياء لي كانت غافلة عليها. .
فيقها صوت أمل من شرودها مع شافت فيها مع عينيها طاحو منهم دموع كثار ونطقات بصوت باكي:الى لقيتك كتكذبي..
قاطعاتها أمل:أش عندي من ربح فيه!! أنا نصحتك حيت مابغيتكش تصدمي (هزات صاكها)بسلامة عليك . .
مشات بحالا مقالت ليها والو ببرود مخلياها تتبكي بصمت ويديها على ذقنها وعينيها فالطابلة مقادراش تهزهم..قلبها كيضرب بجهد..كاتحس براسها غتموت فبلاصتها بقوة الصدمة . .
رغم أنه باقي شوي تالشك فبالها أنه هضرة أمل خاطئة..بدون تردد هزات تيليفونها..يد تتمسح بيها دموعها ويد تتشد بيها نمرتو وترعد..
تسنات الرنات بزااف تا جا صوتو كي الرحمة فقلبها ناطق اسمها بحب:نزهة
نزهة:فينك!!عمر فينك؟؟
عمر:(لمس الترعيدة فصوتها)حبيبة مالك؟؟
نزهة:(تتسرط ريقها)فينك؟؟فين كاين
عمر:فدارناا علاش؟؟
نزهة:خليك تما متحركش أنا جايا عندك
عمر:داكوغ انا نتسناك
قطعات وناضت بلا عقل تتحط فلوس الكونصوماصيون وخرجات متوترة غير كي دخلات ونيوفها عامرين بغات هي تسوسهم ..العينين تايبكيو ماشي عليه إنما حسرة على زهرها لي ماعمرو بغا يتقاد ولا يتكود وكل تزوجية تبغي تكمل فيها تتعكس ليها ...
أول طاكسي لقات تلاحت فيه وعطاتو العنوان..نفسها ممنتاظمش وهضرة أمل كلها تتعاود ليها فوذنها من أول كلمة لاخر كلمة لي ضراتها بزاف..مسافة الطريق و وصلات لقدام العمارة فين غاتسكن معاه بعد الزواج..بحسرة خلصات ونزلات..باغيا تفسير باغيا تبرير ولي يكذب هضرة أمل ويخرجها من ضيق الخاطر لي هي فيه
صونات فالشقة مرة وجوج وتفتح الباب من طرفو بلباس بيتي وبتسامة حلوة فوجهو لي هي شاف حالتها تلغات وبانو ملامح القلق ونطق وهو ماد ليها يديه:حبيبة مالك؟؟(دخلها وهي مهضراتش)
نزهة:الصمت
عمر:(مشوش شدها من ذراعها)نزهة مالك أحبيبة؟؟(بدون وعي)واش تشفرتي ولا شنو؟؟
جلسها فاقرب فوتوي ومشا تيجري جاب ليها الما مخليها تتضور عينيها فالدار والبكية شاداها كثر..خايفة يتقادا حلمها ويتبخر فثواني حيت الجزء الكبير منها صدق هضرة أمل. .
عطاها الما شربات وعينيها عليه لي بمجرد م لمح شوي تدموع مد يديه مسحهم و نطق بحب:نزهة مالكي ؟؟خلعتيني عليك
نزهة:(مصات شفايفها تتجمع قوتها وحطات لكاس فطبيلة صغيرة)نسولك وجاوبني بصراحة. .
عمر:(مقرض على قرون صباعو وشاد فركابيها)سولي مالكي؟؟
نزهة:(شداتها البكية ومحاملاش تنطق بالكلمة لي تتضر أي مسلم) واش بصح نتا "م ل **ح د؟؟"
جمدو ملامحو بعد هاد الجملة ومهضرش بتاتا حدو حقق فيها الشوفة فعينيها لي تترجاه يكذب هضرتها..تصدم ومعرفهاش منين جابت الهضرة..وفاخر المطاف وقف على رجليه ومشا لأقرب بلاصة جلس فيها مفرق رجليه وحاط يديه عليهم وقال بهدوء:شكون قالها ليك؟؟؟
جملة كفيلة باش تبرد نارها وتأكد شكوكها...كون كان العكس غايقوليها شنو كاتقولي لكن هو أكد ليها بشكون قالها ليك يعني الخبر الصحيح..عضات على فمها ونزلو دموعها ونطقات:بصح؟!هاد الهضرة بصح ياك؟؟
عمر:(زفر وشد عينيه بقرون صباعو)مستاعدة تسمعيني؟؟
وقفات بسرعة ونفاجرات فوجهو باكية :الله يااخد فيك الحق الله ياخد فيك الحق اش غانسمع؟؟
نتافض تاهو عندها شدها حيت قفزاتو بديك النوضة وقال محاول يسكتها:نزهة حبيبة ..سمعيني غير نشرح ليك ونفهمك. .
تنطرات من يديه وغوتات فوجهو:اش غنسمع؟؟اش غنسمع يا عدو الله!!!مانتا بيهودي مانتا نصراني...(بمرارة)م ل ح د !
عمر:(ماعرف مايقول باقي)نزهة تكالماي وݣلسي نشرح ليك كلشي غاتفهمي كلشي وغاتعذريني. .
نزهة:(تتضرب فحناكها على زهرها)أش غانفهم؟؟أش غانفهم؟؟نفهم بلي كنت غانتزوج بواحد كافر هءهءهءهءهءهء واربي فين مخبي ليا هادشي كولو
عمر:(بدون شعور عنقها فحضنو)نزهة سكتي سكتي شهاد الهضرة!!غي سمعيني وغاتفهمي كلشي الموضوع ماشي كيفما كيحساب ليك . .
نزهة:(بعدات عليه مكرهة)أش غاتشرح؟؟(تترعد بالبكا)أش غاتشرح؟؟كنتي غاتزوج بيا ونتا كافر . .
عمر:(مسح على وجهو بعياء)ݣلسي ونشرح ليك هاكا ماغتفهمي والو والغوات ماشي نقاش.
نزهة:(بحسرة كاتشوف فيه)خسارة خسارة أ عمر ..مشيت معاك بنيتي ونويت ندير معاك وليدات ونتا كنتي تتحفر ليا
عمر:(وفر)وا حبيبة أشمن كانحفر ليك؟؟راهم قناعاتي هادوك. .
خزرات فيه فالبلاصة وقالت صارخة فوجهو:حماقك هذاك والى نتا كافر مقطر حارق وراقيك مع الله أنا ماغاديش نتبعك فهبالك ونعصي ربي باش نتزوج
شدها من ذراعها باقي مكالمي وقال: ݣلسي غي نشرح ليك وديك ساعة لي قررتيه انا معاك فيه. .
نزهة:(تتحرك راسها بنفي وعينيها مبغاوش ينشفو من الدموع) ماعندك ماتشرح ليا هءهءهءهء كلشي فهمتو
عمر:(باس راسها بقوة )مافهمتي واوو غي ݣلسي ونشرح ليك. .
جلسها مهدودة تتبكي فصمت وتتحسر على زهرها فحين هو جاب كرسي وجلس فاص ليها ونطق بهدوء مراقب تفاصيل وجهها:نهار عرفتك عجبتبني وبغيتك تكوني مراتي بغيتك بالمعقول وعجبتيني بصح..وخفت نصارحك بمبادئي ومتفهميهش . .
نزهة:(بحسرة)هذاك الشرك بالله(تداركات )لا ماشي شرك بالله هذاك كفر بالله..لي تايشرك حسن منك بألف درجة هءهءهءهء هو مأمن انه كاين الخالق ونتا شنو؟؟
عمر:أنا معمري ماناقشت معاك قناعاتك ولا ديانتك ولا شنو باش كتأمني..نهار لول عرفتك متبعة الاسلام ومحكرتش!!مݣلتش ليك لا وعلاش تبعتيه ؟؟وعلاش كتأمني هادوك مبادئك وقناعاتك نتي ..نتي ختاريتهم ومتناقشتش معاك فيهم يعني حتا أنا قناعاتي مجبدتهمش..(برضى) واش أنزهة عمري نقصت من دينك ولا قللت منو!؟ياك كنشوفك كاتصلي وكاتصومي عمري نقصت منك!؟ أنا م لح *د ولكن ماشي بالمفهموم لي فاهماه نتي..انا إنسان بحال أي واحد مالقاش أجوبة منطقية لأسئلة تضور فراسو وقرر ميعتانق تا ديانة فين غلطت؟؟
نزهة: (بصوت مرتافع)غلطتي فأنك جيتي باغي تزوج بيا أنا لي مسلمة(تتضرب ففخاضها بشوي)أويلي أميمتي أويلي على زهري ومغرفتي هءهءهءهءهء كون كنتي كاتعبد الأصنام نصرطها . .
قاطعها بجدية:نزهة..انا مكنديرش لي يأذي الناس انا هاكا داير معمري نأديك ولا نقلل منك ولا من ديانتك ومكنتش غنحبسك على أي حاجة فقناعاتك. .
نزهة: (مغددة وتتبكي)وإمتا كنتي بالسلامة ناوي تصارحني؟؟تانولدو
عمر:لو كنت عارف أنك غتفهمي بشوي شنو أنا كنت غنݣولها ليك نهار لول. .
نزهة:(قاطعاتو تتبكي )حيت عارف راسك من لول غالط وغادي فطريق غالطة ولي مشا فيها حارق ورااقيه مع الله(وقفات تترعد وتتعرعر عليه)واش عارف راسك أش داير؟؟واش واعي شنو معيش راسك فيه؟؟راك شركتي بالله (بتأكيد)ما خرجتي على إسلام ما بدلتيه نتا حرقتي وراقيك كامليين..ربي بشانو عظيم مكتأمنش بيه ...تا واش ماكاتخافش؟؟خااف تجيك المووت خاف من نهار الحساب هءهؤهؤهؤ(منهارة)خاف أعمر خاف. .
عمر:(وقف )هاد الخوف والمصطلحات لي نتي كاتهضري عليهم مكاينينش. . انا ماشي شي واحد مكلخ باش نهضر من فراغ..انا قلبت وبحثت وقريت وثقفت راسي عاد وصلت لهاد المرحلة لي نتي كاتبان ليك كفر أنا كاتبان ليا قناعة شخصية. .
نزهة:(تتبكي)هءهءهءهءهءهء قناعة جهنمية هادي أ عمر هءهءهء شريتي لراسك جهنم وكفرتي بالخالق هءهءهء شنو كان خاصك فالاسلام أعمر باش تنكر الله؟؟شنو دار ليك ربي الحنين باش تنكرو هءهءهءهءه أش قلبتي واش بحثتي ..قلبتي فالبلاصة الغلط هءهءهءهء
عمر:(زفر)نزهة ..هذا موضوع صغير وكبرتيه و...
قاطعاتو بالغوات فوجهو وقالت:هذا موضووع حياتي كاتفهم؟؟هذا هو الحياة..كيفاش بغيتيني نبغي ونعيش مع واحد مكيأمن بلي خلقو بقا غي يبغيني انا!!كيفاش نعيش مع واحد قاطع يديه من رحمة الله هءهءههءهءه
عمر:(بجدية)عمري أذيتك؟؟عمرك شفتي مني العيب..هاد الوجه لي شفتي هو لي غيبقا ديما ..
نزهة:(وجها عمر بالدموع ولات حالتها بالبكا حيدات خاتمها تالخطبة وجرات يديه حطاتو ليه فيها وهي كتألم) وجهك خليه عندك والى نتا شاري سخطك مع الله انا منقدرش. .
عمر:(تصعق من تصرفها وشدها من ذرعانها)نزهة واش عارفا أش كديري؟؟باغيانا نتفارفووو(مزير عليها)أنا منقدرش نعيش بلا بيك
تنطرات منو ببرد وعيونها جفو من الدموع ..نطقات جملتها لي خلاتو يتحسس بيها:لي ماقادرش يعيش بلا الله قادر يعيش بلا بيا..(بحسرة)لي بيناتنا سالا أعمر ..نتا من طريق وانا من طريق. .
عمر:نزهة نزهة(تيردد اسمها بحالا كايهددها)أش كاتقولي؟؟واش تنساي كلشي على ود هاكا..واش انا ممنحقيش نعيش كيف ما بغيت ..هذا تفكيري وماعمرو مغيقرب ليك..عمري نتدخل فدينك ولا فمعتقداتك ..الى بغيتي نحلف ليك كاع. .
دارت بتسامة سخرية على شفايفها:باش غتحلف؟؟تحلف بشي حاجة محاسبهاش تا اش كاينة..كون (تغنغن صوتها)كون أعمر شفت فيك قد هاكا تاع أنك عندك شك وباغي تستغفر الله كنت نزعم معاك ونعاونك ولكن نتا هءهءهءهء نتا أصلا مباغيش نتا مشيتي فطريق الكفر والإ ل ح . ا د ومعمرك غترجع هءهء هء(تنطرات من يديه وهزاتت صاكها مكسورة وهو كثر منها)الله يرد بييك لدين الحق. .
خرجات من عندو مكسورة ..حلمها أنها تكون عروس حتى قربات تحققو وتبخر مبقاتش عارفا واش فيها شي عكس ولا ربي مبغاش يكمل ليها معاه..
دموعها نازلين كي الشتا فوجهها مقدراتش تحبسهم كيما حابسة غوتة فالداخل ديالها..صوتو وهو كينادي عليها كايزيد يعذبها كثر مغاديش تنكر كان زوين معاها ولقات فيه لي تمناه أي وحدة فشريك حياتها لكن القدر ليه حكاية وحدة خرا. .
الإ ل ح اد او بالعربية تتاعرابت الكفر..انك متكونش مسلم ممكن الواحد يسرطها حيت حنا فعالم فيه بزاف تالديانات لا تعد ولا تحصى فيهم لي هي لي مشروعة وربي نزلها وفيهم لي ختارعها البشر ..
الديانات السماوية هي ثلاثة المسيحية ،اليهودية والاسلام.. وهي ديانات مختالفة نزلها الله تعالى على الرسل والأنبياء لتبليغ الرسالة وتختم بالديانة الإسلامية باش تشمل جميع سكان الأرض لكونها ديانة شاملة ودين توازن واعتدال..
وكايجيو ناس من بين هاد الديانات الثلاثة كيختارعو ديانات خرين باش يعتانقوها كيديروها تحت شنو ما حبو وشنو ما بغات رغبتهم..وكاينة طائفة أخرى لي فاتت سطاج الديانات ومبقاتش مقتانعة انه كاين الخالق وختارت لنفسها مصطلح م ل ح *د . .
الملاحدة أنواع وأشكال وعمر الال حا د فالعالم قديم بزااف جا نتيجة لبعض الافكار وخلل فالدماغ لي تيخلي الواحد يلغي أي فكرة ممكن تديه للنور..الإل ح اد فالاول كان كيضرب الغربيين فقط أما اليوم ولى فأي بلاصة مشيتي ليها. .
الم ل ح د العربي والغربي الفرق بيناتهم نقطة واحدة ولي فنفس الوقت تتشكل فرق كبير رغم صغرها.. الغربي كايقول انه وصل لمرحلة أنه مبقاش تيأمن لا بخالق ولا بتا حاجة وكيكتافي بقناعاتو ومبادئو لراسو وكيحتارم الطرف الاخر ويقدر يتعامل معاه عادي بدون ميحير فشنو تيدير فحياتو عكس العربي لي كايكون غي سامع على الا لح ا د فشي فيديو من شي واحد خارج من سبيطار الحماق او قاري شي كتاب ديال شي كاتب هو براسو كيأمن غي رافض يعتارف بديك الفكرة. .
أغلب الم ل حدي ن مكيضربوش الديانات الاخرى كيضربو الديانة الإسلامية لعدة أسباب من بينها أنهم على يقين أن المسلمين صعيب يتزعزع ليهم الفكر ديالهم ومقتانعيين أن الله واحد وأن محمد رسول (صلى الله عليه وسلم)وأن الأديان السماوية كاينة وأن الرسل والأنبياء السابقون كاينين..لهذا كنلقاو الملا حدة العرب تيهضرو على المسلمين بكثرة حيت هوما الديانة الوحيدة لي باقي متحرفاتش لحد الساعة. .
النوع ديال عمر باين..هو إنسان لقاو ثغرة فتفكيرو ولقاو قلة الوعي وتقنع بسهولة وتخلى على ديانتو باش يتسما حر..والحرية عكس تماما شنو فاهم. .
الإسلام هو دين الحق وباقي الديانات السماوية كذلك منزلة من الله وهادي حقيقة لا يمكن تكذبيها ..الاسلام هو الديانة الوحيدة لي تتعتارف بجميع الرسل والأنبياء..وهي الديانة الوحيدة لي الأتباع ديالها تيسميو أسماء رسل وأنبياء غير اسم محمد مثل عيسى موسى ابراهيم يونس وغيرها من الأسماء
باختلاف الأديان وباختلاف الشرائع تيبقا الاسلام هو الدين الوحيد لي جاي وسطية واعتدال..مكرم المرأة وعاطي لكل حاجة حقها بالحق مع احترامنا لجميع الاديان..
*******
أول طاكسي تلاقاتو رمات فيه راسها وبصوت خافت عطاتو العنوان بحالا جهدها تهد..كتفكر فعمر وفالعرس ..فسعادتها لي تطفات دغيا وزيد وزيد ..لو بان ليها غي شوي أنه فيه مايتصلح كانت صلحاتو...وحدة خرا بلاصتها تقدر تكمل عادي ويجيها عادي وتعايش لكن هي لا ...وملايين البنات بحالها غيرفضو . .
طلقات دموعها يتسربو على وجهها وحابسة صرختها علاما توصل..مع شافت الحومة خلصاتو ونزلات تتزرب حلات دارهم وطلعات لبيتها تتسمع السكات والصقيل عرفات مكاين حد..تلاحت على ناموسيتها وعطاتها للبكا بصوووت عالي بالتنخصيص ووجها خاشياه فمخدة بحالا كاتخنق راسها و كلمة م ^ل ح*د تتعاود فوذنيها..فين غاتعطي راسها وفيمن غتشوووف ولمن غتشرح. .
بكاات تا طابت بالبكا والتنخصيص وندبات على زهرها مزيان وحسرتها على قلبها لي تهرس من جهتو..بغات تكمل معاه لكن باش تعصي الخالق ميمكنش ..اخر ماتصورات هو تتحط فهاد الموقف. .
ناضت مستجمعة شوي من نفسها تتمسح دموعها وينزلو لوخرين تا جات عينيها على لي فاليز ديالها لي حطات فيهم دهازها..هاد الاخير وجداتو بالعشق وعيونها تيبنيو أحلام كثيرة مع عمر..خرجات شهقتها من وسط فمها وبدات تتعلي صوت بكيتها وتنخصيصها تا بداو يديها بلا شعور تيضربو فراسها وفحنكها وتندب زهرها بشتى أنواع الكلمات ..
وفلحظة غير مسبوقة ناضت تتحل الشانطات وتتجبد لي فصلات ولي شرات ولي وجدات وتتقطعو وتلوحووو وتشرك بلي لقات قدامها وتغوت وتبكي بحال السعدية لي فالبرتقالة المرة تا فضات مع كلشي وخلاتو منشور فالارض وجلسات وسطهم تتعدد عليهن وتبكي ..الشعر تشنتف ووقف للسما والوجه ولى حمر بالبكا بلا الجسم لي تيترعد..
وهي فوسط روينتها تحل باب بيتها ودخلو دارهم لي كانو خارجين لعند سعيدة ختها وسمعو تنخصيصها وبكاها بصوت عالي من درووج تا كيلقاوها فديك الحالة..
شهقات مها ومشات تاتجري لعندها وعينيها تضورهم على البيت والحوايج :اويلييي مالكييي نزهة(تتحرك فيها)نزهة بنيتييي
سميرة:(ضربات ففخاضها)أويلي قطعتي كلشي؟؟أويلي علاش.؟
عبد الجليل:(مصدوم وتيقلب فختو)نزهة نزهة(تيضرب فحنوكها بشوي)رجووع الله مالكي!؟
نزهة:(تتبكي من جديد)تكوييييت فقلبيييي أ مي تكوييييت فقلبي هءهءههءهءهءهءهءهءهء ماعنديش الزهر أمي ماعنديييش ..منحوووووووسة أمي منحووووووسة هءهءهءهء. .
عنقاتها الام بدورها لي مافاهمة والو وتتسول فيها مخلوعة:أمالكي ابنيتي علاش قطعتي دهازك؟؟هالعار ابنيتي لما ݣولي ليا مالكي.
نزهة:(تتحرك راسها بحسرة)تشمت اميمتي تشمت هءهءهءهء علاش أمي حتا حاجة مبغات تقاد فحياتي هءهءهءهء . .
عبد الجليل:نزهة(جرها لعندو تيمسح دموعها )هضري أختي أش واقع؟؟دار ليك عمر شي حاجة ؟؟
جهدات فالبكا والتنخصيص وهي تنطق بحروف ياذوب جمعاتها:هءهءهءهءهء مبقااااش عمر مبقاااااش هءهءهءهءهءهءهء. .
سميرة:(مخلوعة)أويلي علاش؟؟مالوو شدار؟؟
الام:(تترعد بغات هي تفهم)ياااهضري الله يرضي على بنتي أش دار؟؟واش ضربك؟؟
عبد الجليل:(حس بيها غيبات وتخلع)نزهة نزهة نزهة...ففففف سخفااات
الام: (تتغوت)وااابنتيييييييي
عبد الجليل:(هزها دارها فوق سرير وتيغوت لسميرة)جيبي الما دغيا راه غيبااات. .
مشاات تتجري فايتة ولادها لي واقفين فالباب تيتفرجو وخايفيين..جابت بصلة والما رشوووها وشمموها البصلة عاد شويا حلات عينيها ونطق عبد الجليل:جري عيطي لمحمد يجي نديوها لسبيطار. .
الام:(بخوف)جري جري بنتي كاتموت ليا
نزهة: (بسيف تتلقط انفاسها)هءهءهء لالا(تتحاول تهز يديها بتعب)متعيطوو لحد. .
الام:ابنيتي نديوك للسبيطار
نزهة:لالا (شربها خوها الما)هءهءهء غي خليوني مافيا والو
عبد الجليل: نزهة أش وقع معاك اختي؟؟
نزهو:(رمات راسها فحضن خوها تتبكي)هءهءهءهءهء معنديييش الزهر اخويا
عبد الجليل:(عنقها)وا عاودي لخوووك مالكي؟؟واش دار معاك عمر شي حاجة. .
نزهة:(شافت فيه بانكسار)ممكتابش ليا أخويا ندير وليداات هءهءهءهءهء. .
هادي هي الجملة الوحيدة لي قالت ورجعات تتبكي فحضنو ولوخرين ضايرين بيها مفاهمين والو فيها لي فهمو انه مبقا لا زواج لا والو..بقا معاها معنقها تا غفات وحطها تنعس وخرج هو ومو ومراتو سادين عليها البيت مخلينها موسدة دموعها. .
عبد الجليل: (جلس فاقرب كرسي)أش واقع؟؟
الأم:(مسحات دموعها وجلسات فالأرض سخفانة)ماعرفتش ماعرفتش..عيط عيط(تتنهج)عيط لعمر سولووو. .
سميرة:اييه عيط عيط ليه سولو أش كاين(جرات ولادها)زيدو نتوما تنعسوو. .
جرات ولادها لي كيتساءلو على حال عمتهم ويدمعو عليها فحين عبد الجليل شد الإتصال لعمر ومو مترقباه بغات تفهم..رنات كثار فالاخير تفتح الخط
ونطق:ألو سي عمر لباس كلشي بيخير..الامور مزيانة..الحمد لله أخويا ...مم بغيت غي نسولك على نزهة..كيفاااش؟؟شهاد الهضرة!! ممم واخا واخا. .
قطع معاه وزفر بنفاذ صبر ونطقات مو بتساءل:أشنو؟؟أش ݣاليك؟؟
عبد الجليل:تناقشوو ومبقا والو من هادشي
الأم:(ضربات على فخادها وطلقات حلوقها)هااويلييي ياا ويلي على بنتي أويلي على سعدها....أويلي واش نديرو!! عرضنا الناس وعربننا النݣافة أميمتي(تتجر حناكها)أويلي على بنتتي أويلي على كبيدتي أويلي ميمتي. .
عبد الجليل:(ناض معصب تيشد ليها يديها)وااامييي الله يهدييك..واش بقات دروك فالنݣافة ولا الزبل الكحل..بقات فبنتك. .
الأم:(تتبكي وتعدد براسها)واابنتي بنتي مسكيينة لي مكتابش ليها الفرح..بنتييي شوااهاا ليهووودي بغيييت ليه دقة المرحووم. .
سميرة: (جات وسمعات كلشي)خالتي الله يهديك سكتي غتسمعك تزيد تمرض..مناش هادشي؟؟مݣاليك والو. .
عبد الجليل:ݣاليا هي لي بغات تفرتكها ماشي هو. .
سميرة:خالتي سكتي غاتمرضي وخليونا نفهمو منها هي أش واقع..(شدات فيه)نوضي أخالتي تنعسي ترتاحي ومولاها ربي غدا. .
عبد الجليل:نوضو تنعسو بناقص من شي عشا..(زفر)أستغفر لله العظيم وأتوب اليه. .
دات سميرة عدوزتها تنعس ومشات هي لبيتها بعدما تأكدات من نوم ولادها لان الحال كان شوي بكري جوايه ثمنية..واي بيت مغربي فيه السكات بكري راه كاين فيه حزن ولا ناسو هاجرينوو. .
******
صبح الصباح وربي مولا صباح وماكيسد باب تاكيحل بيبان..عبارة لو تمعنا فيها غنلقاو ان رحمة ربي كبيرة وواسعة وعريضة وطالما رزقك بيد ربي راه تاحد ميحيدو ليك والى حيد ليك ربي الحاجة الا وفيها خير..
شكون فينا ماكيضيقش ومكتجيهش لحظة ضعف وتيقول علاش أربي أنا وماشي لاخر؟؟ وهذا بحد ذاتو خطأ كبير..خاص ديما نقولو الحمد لله والشكر لله..الحمد في الفرح وفي القرح . .
شي مرات تيقول الواحد مع راسو علاش هذاك مغني ولا ممثل ولا خارجة الطريق وحياتهم مسݣدة على ديالي أنا لي من مشكلة لمشكلة ..والجواب بسيط هو ربي مناسيكش. .
"إن الله اذا أحب عبدا ابتلاه" حديث مريح وتيلخص ليك كل المشاكل..الله سبحانه فاش كايبغي يختابر العبد تيعطيه بلاء وتايشوف واش عبدو غيتشكا ولا غيحمد الله..عكس الناس لخرين لي تنشوفوهم تيديرو الموبيقات والسيئات ومكيلحقهم تا ضرر هنا راه المعنى واضح وهو أن الله سبحانه ناسيهم ومعاطيهم تا بلاء باش يستغفروه فيها وهذا أشد عقاب فالدنيا. .
ضرباتها الفيقة فالفجر لقات راسها وسط بيتها بحوايجها ودهازها ضاير بيها ..بعيون منفوخة ونفس كئيب..كان اليوم هو يوم عقد قرانها لكنو تبخر..
تنهدات بحزن وهي تتشوف حوايجها مليوحين حداها..حيدات عليها الليزار الخفيف وناضت من بلاصتها وعينيها ناشفين من الدموع بكات بما فيه الكفاية..
هزات صاكها بغات تيليفونها لي فور ماشعلاتو طلعو ليها اتصالاتو فالشاشة قرابة خمسين اتصال..مسحات نمرتو ديك ساعة بوجه ملامحو جامدة وبلوكاتها وتوجهات للطواليط توضات وخرجات بدلات عليها وتوجهات للقبلة..صلات فجرها وطلبات الله يعطيها الصبر ويجازيها بما حسن. . فاخر المطاف دمعتها خانتها وتكمشات على راسها فوق زربية الصلاة تتبكي وتعاود..وتشكي همها لله..
بقات هاكاك تا تسمع باب بيتها تحل فإذا بها جنات بنت خوها بصوت طفولي نطقات:عمتي خفت. .
مدات ليها يديها بوجه باكي باش تجي عندها وحضناتها تتدمع وتعاود كانها لقات شكون تعاود ليه من جديد ..بكات تاعيات وناضت هزات جنات دارتها ففراشها وتخشات حداها تتحسر على حظها. .
مع وصلات العشرة فاقو مالين الدار بنفس كئيب على بنتهم..طلو عليها لقاوها ناعسة وخرجو ..تجمعو على الفطور تا تسمع الباب نزل عبد الجلبل حل الباب فإذا به محمد ومليكة..صبحو عليهم وطلعو ..سلمو وجلسو ولوخرا تضور عينيها عليهم وقالت:فينها لالة العروسة؟؟
الصمت كان هو الجواب تاحد مهضر وتاهيا نمرودة قشعات أنه كاينة شي حاجة وهي تحمحم من جديد وقالت:خالتي فيناهي نزهة؟؟ . .
محمد:(بصوت غليض)ياكما جا عمر وداها للعقد..؟؟
عبد الجليل: (زفر)مبقا والو من داكشي أخويا. .
محمد غوبش باستفهام وقال:كيفاش ؟؟
مليكة:(دارت شبه بتسامة فسرها)هااااا ويلي علاش؟؟
الأم:(تنهدات)البارح فاش جينا من عند سعيدة دخلنا للدار لقيناها كاتغوت وتبكي وتقوليك كلشي مشا ملي هضرنا مع السيد قاليك تفرقو. .
محمد:(بغضب)كيفاش تفرقو؟؟(تيضرب بساروت فوق الطبلة)
عبد الجليل:كي سمعتيها
مليكة:(دايرا راسها قلبها عليهم)ويللييي ..أش وقع؟؟علاش خلاها تاهو؟؟
نطقات سميرة لي عارفة أش فنيتها:مخلاهاااش أختي هي لي خلاتوووو ومبقاتش بغاتوو. .
محمد: (زمجر بغضب)كيفاش مبقاتش بغاتو؟؟واش هادي غتبقا غي ترد فالراجل ولا شنو؟؟
عبد الجليل:محمد سكت الله يرحم باك راه ماعرفش أش واقع. .
محمد:(بصوت مرتافع)واش نتوما حماق..جايين على عقد البنت وتݣولو ليا مكاين بوعقد وخلاتو!!! فيناهيا تݣولينا لاش خلاتووو لقاااتوو بعدا باش تخليه. .
مليكة:اوا هادي زوينة ..واش فينما يجيها شي راجل تلقا ليه السبة مالها باقي تاع التشرااط . .
سميرة:(ضارت فيها)نتي غي سكتي كتهضري بحالا قلبك عليها ونتي تلقايك فرحاانة ليها
خزر فيها جليل وقال:سمييييرة
الأم:سكتوو من الصداع غتفيق ..مبقاتش بغاتو وصافي ملي تفيق تعاود لينا
محمد:نتي لي مضسراها أمي نتي لي خسرتيها بفشوشك..فاش كانو لالياتها كايتزوجو كنتي تݣولي خليوها تقرا..قرات وخدمات وتتشرط ليا فالرجال..ودابا جاها السيد مزيان وخانز فلوس وتخليييه. .
تسمع صوتها من ورااه بتعب ونفس مكسورة:بغيتني نتزوج بواحد كافر أخويا؟؟
تلفتو ليها كاملين ووقفات مها بغات تمشي عندها لكنها تقدمات هي لعندهم وكملات كلامها:اوا هضر ياله
محمد:(بغضب)أش كتخربقي كيفاش كافر؟
نزهة:(بنظرة باردة)نبسطها ليك..عمر أ سيدي صدق
م ل ح د كافر مكيأمنش(بصوت مرتافع)ماعندو لا دين لا ملة . .
كلشي تصدم وشرع فمو بصدمة ونطق عبد الجليل:متأكدة من هاد الهضرة أ نزهة؟؟شكون ݣالها ليك؟
نزهة:(بانكسار)هوو بفمو
محمد:(تشوكا وجلس )أش هادشي؟؟مبايناش فيه
الأم:أعوذ بالله من شيطان الرجيم..أستغفر الله واتوب اليه
سميرة:ويلي ويلي على اليهودي
نزهة:كون كان يهودي فيه الضو..السيد مكيأمنش ومكيعرفش الله مكيصلي مكيصووم
مليكة:(دايرا راسها متأثرة)ويلييي ياختيي وازهر هوووو عندك . .
خزر فيهت محمد ونطق معصب:زمي فمك
خزرات فيه تاهيا وفداخلها نااشطة أما نزهة نطقات بصرامة:مبقا والو لغيو كلشيي..ماغنتزوجش براجل كافر
الأم:(عنقات بنتها)خيرو فغيرو أبنتي ..لهلا يقلب بييه
سميرة:(بهدوء)دا البااس أختييي. .
مليكة: ويلي والناس لي سايقين الخبار والعربون والحوايج أش ديرو ليهم(تنهدات براحة)اوا خيرو فغيرو حتانتوما كان عليكم تسولو هو لول. .
غوت محمد فوجهها:واش غتسكتي ولا غنضرب دنمك..سكتييي. .
ضربات الطم مخنزرة فيه ونطق بجمود:ميمكنش تزوجي بيه أنزهة..الى هضرتك بصح راه مايمكنش.
نزهة:(عينيها دمعو)واش غنكذب؟؟واش كرهت نفرح تانا..
عبد الجليل:هو لي خاسر ..ماغتخسريش علاقتك مع الله على ودو. .
تنهدات وسكتات وعينيها فالارض مكسورة وفرحتها تلغات فالاخير رجعات لبيتها وسدات عليها منهارة ومنخصصة شابعة بكا. .
دخل محمد لدارو مع مليكة لي ناشطة قولي كانت فعرس..تلقات ليهم ايناس بلهفة:مشيتو وجيتو؟؟علاش مديتونيش معاكم؟؟(موجهة السؤال لباها)بابا؟
محمد:(بصرامة)سيري حيدي لهيه
مليكة:(بلطف)اوا أبنيتي مزيان نيت لي مامشيتيش..عمتك فرتكات التزويجة وماغتزوجش باقي
ايناس:وعلاش(مصدومة)
مليكة:اوا ملي بنادم كايطيح فيديه الرزق وماكيعرفش ليه هو هذا. .
محمد:(نهرها)شوفي أديك العݣربة غاتسكتي ولا غنوض نبرد فيك هاد السم لي فيا. .
مليكو:(تاتحيد شالها مبردة )الله يسترر مالي أنا لي ݣلت ليه خليها. .
خرج حاقد كايسب ويعرعر ويشتم فيها وهي مامسوقاش ناشطة وحالفة متخسر ليها فرحتها..فحين إيناس تحسرات وقالت:علاش أماما عميتو مبغاتش تزوج؟؟
مليكة:(كتعيب نبرة صوتها)وسيري سولي عميتو ديالك علاش؟؟ترييكة مولف بالبيورية ..كاع هذا زهر عند ديك البايرة تديه كامل مكمول. .
ايناس: ماما حشووومة عليك . .
خزرات فيها وصاحت فوجها:تكعدي عليا فحالك ..حشومة عليك ݣالت ليك..بحالك بحالهم تريكة اللفاعي..نوضي غبري علي كمارتك. .
ناضت إيناس تاتنطر وتفقص حيت كانت معولة على العرس فحين لوخرا دايرا ابتسامة ناشطة ..حيدات جلابتها ودوزات نمرة مها ..وبعد رنات نطقات
بابتسامة:فين كنتي حاطاه؟؟
الأم :ها حدايا..تي كاينة فدارك ولا عندهم؟؟
مليكة:(طلقات ضحكة)هههههههههههه فدااري ياا ختي ههههه فداري مبقا بو زواج. .
الأم:هاويلي شسايرا تݣولي؟؟
مليكة:كيما سمعتيها يا مي..مبقا بو زواج..الراجل طار ماسما مبقاش بغاها زاد وهرب بحال لي سبقوه ههههههه
الام:هههههههههههه لاتݣوليها ههههههه وعلاش؟
مليكة:مانعرف ههههه ولايني راه معذور واش يدي وحدة هاكاك دايراا كون فيها شي نفع كون طارو بيها فالعشرينات ماشي تال دابا لي قربات تغسل ههههه
الأم:ههههههههههه اوا هادي زوينا...معرت كي دايرا حالتهم
مليكة:حالة اليهود المقطرين هههه نص فلوسهم حطوهم فالعرابن والتوجاد ههههه. .
الام:(بطنز)اوا نعيط لختي نواسييها مسكييينة ههههههه
مليكة:سيري هههههه انا نصوني للبنات نعلمهم حالفة تا نضرب ليهم الطر. .
الام:عنداك يسيق ليك الخبار محمد. .
مليكة:يعرف ݣاع مالو غيقتلني..محمد أمي درتو تحت يدي كارههم ماعندووش معاهم..والى مشوهتهاش وضربت ليها الطر منتسماش مليكة بنتك نوريها أنا تعايرني ببنت فاطمة. .
الأم:هههههه يا بنت كرشي نخاف منك
مليكة:خافي عليا مع هاد القوم هههه سيري بسلامة. .
قطعات معاها ودوزات الاتصال لخواتاتها علماتهم تاهوما وتتعاود ناشطة وتضحك على نزهة وتزيد فيخرات من عندها..ومجاتش فين تعاشات العشية تا كانت الخبار داعت فالعائلة وكلشي عرف أن نزهة فرتكات الجقلة وبداو التساؤلات:
-علاش خلاها؟؟
-لالا هادي عندها شي سحور ولا شي ثقاف
-هذا هو الرابع واقلة لي زاد وخلاها. .
-ويلي تشوهات مسكينة معرفت كي غدير تشوف فالناس
وبزاف تالأقاويل لي كايدي فيهم بنادم الذنوب ومعندو فيهم دخل ناسيين أن ناس خرين كيتدمرو بهاد الكلام. .
وهنا بالظبط نزهة فين تدمرات نيت..تكسرات وتهرسات نفسيتها وعاشت أيام لي متوقع يكونو أيام فرحة فحياتها..عتاكفات فبيتها ماكدخل ماكتخرج الا لبغات تنوض لطواليط تا الماكلة عزلاتها عليهم لمدة شهر وهي على ديك الحالة ..
نقصات حيويتها وحماسها وهضرة الناس تتوصلها من بعيد لبعيد وكل مرة جاي شي حد من عائلتها يشوفها وكاترفض لكن وذنيها كيلقطو الهضرة ديال الشفقة.. وهاد الإحساس بالظبط هو لي كارهاه هي مبغاتش الشقفة ومابقاتش بغات تسمع مصطلح ديال"مسكيينة". .
كيف كل يوم من أيامها راها فبيتها تتفرج فبيسي ديالها ففيلم مدوزة بيه الوقت..تحت عينيها كحل وشعرها جامعاه سفنجة مهملة مشات منو الحيوية بقلة العناية لأن الصدمة جاتها قاسحة ماشي عليه إنما على زهرها والنحس لي لاقية..
تحل الباب ودخلات سميرة وقالت:الزين جات إلهام صاحبتك
نزهة:(بصوت مبحوح)معاها شي حد؟؟
سميرة:لا غي وحدها
نزهة:هاني نايضة
ناضت بتثاقل معندهاش الخاطر ولا الݣانة للهضرة حيت عارفا أغلب الأسئلة لي غاتطرح وهي معندهاش جواب ودموعها غايخونوها.
خرجات لصالون لقات إلهام مع سميرة ..تسالمو وجلسات حداها عيانة وقالت:مالكي أصاحبتي ماكاتجاوبيش؟؟
نزهة:والله أختي ماعندي ݣانة نهضر. .
سميرة:أنا نصايب ليكم قهيوة
ناضت مخلياهم ونطقات صاحبتها مواسياها:نزهة أختي مالكي فهاد الحالة؟أش يكون هذا لي ديري فراسك هاكا. .
تنهدات بحسرة وعينيها ذابلين:والله أختي مبقا فيا هو قد مبقا فيا راسي كانشوف راسي معندي زهر ...نهار نويت نفرح ونتزوج تانا وندير وليدات خسرات ليا فرحتي
الهام:يا هاد البنت راه نجاك الله منو ...والرزق وقتما جا ينفع
نزهة:(طاحت دمعتها)خفت رزقي يتعطل وتمشي فرحتي هءهء خفت أختي يفوتني الكار ومنولدش وأنا حرقتي عليهم ݣداش. .
الهام:(عنقاتها)نزهة نعلي الشيطان ..من إمتا ونتي عندك هاد التفكير؟؟الرزق عند الله وربي معطل رزقك ومكتب ليك ماحسن ماتبقايش تديري فراسك هاكا..نتي غزاالة وألف واحد يتمناك . .
نزهة:أنا بغيت غي شي وليد ولا بنييتة يعمرو علي حياتي ..مابغيتش نموت بوحدي
الهام:وماتعرفي تولديهم مساخط متبقايش تݣولي هاكا أنزهة..ربي تيزرق كل واحد فالوقت..هاني أنا ياك تزوجت بكري وهاني تطلقت. .
نزهة:(تتمسح دموعها)نتي فزتي بداك الوليد عايشة على ودو عندك هدف فحياتك انا راه تخطاني مي نولي غي ناكل ونشرب . .
الهام:ماشي هادي هي نزهة لي كانعرف..نزهة لي كاتݣول كلشي بالمكتاب ..نوضي قولي اعوذ بالله وستغفري الله راه الحياة هادي. .
نزهة:(تنهدات)الحمد لله على كل حاال. .
دخلات سميرة بقهيوة وقالت مبتاسمة:اوا هاكا تݣولي. ..نجاك الله منو وحيدو من طريقك(عطاتهم قهوة)نوضي أختي ورجعي كي كنتي راه لا نتي مرتاحة لا مك مرتاحة. .
نزهة:(بصوت مغنغن بالبكا)حݣا فين مي؟؟
سميرة:مشات تطل على مليكة طاحت من درووج
نزهة:أش طرا ليها؟؟
سميرة:(ضحكات)ههههههههه على حساب مݣال خوك راه كانت كتسيق حتا ضرباتها بزلقة وتفدعات من يديها هههههه
نزهة:مسكينا تا ندوز ونشوفها. .
سميرة:نتي لي مسكينة أما هي لفعة مقطرة ماخلات مݣالت عليك مورا ماوقع المشكل..ضربات ليك الطر وتتوصلني الهضرة من بعيد سرها بغيت ليها ماكثر. .
نزهة:يخلصها الله. .
الهام:أجي نݣوليكم..ماعمركم شكيتو فهاد مليكة لتكون هي لي دايرا ليك شي حاجة. .
نزهة:(حركات راسها بنفي)لالا مديرهاش خوافة واخا هاكاك. .
سميرة:والحق يتݣال هي لفعة وكاضرب غي من التحت ولايني مديرهاش . .
الهام:اوا الله يهدي ماخلق
شربو داك الكويس تالقهوة مجمعين تيحاولو اخلقو ليها جو ترتاح فيه تا دخلات مها لي فرحات فاش شافت بنتها موكدة ونايضة. .
دخلات لبيتها بعدما مشات إلهام وبنفس شوية حسن من لي قبل..تقابلات مع مرايتها تتشوف فراسها ذابلة وجاها راسها كثرات فالحداد..
زفرات وعينيها لصقو على "خيط الريح" لي عطاتها مها..مذهب وزوين..لمساتو بيديها ورجعاتو للمجر وسدات عليه بحالا تتسد على شي موضوع مبغاتش تناقش فيه. .
حلات شراجم بيتها وهواتو وومشطات شعرها ولبقات ليه خلطة زيوت تعتاني بشعرها وكتافها مفرودين حتى دخلات سميرة مبتاسمة وقالت:نزهة
نزهة:زيدي دخلي
دخلات وجلسات حداها وقالت:هاكا نبغيك..ماشي تشدي الركنة وتجلسي تبكي
نزهة:صعييية اختي صعيية ..تشويت ديال بصح
سميرة:كنتي كاتبغيه؟؟
نزهة:(تنهدات)والله ماعرفت..ماعرفتش واش بغيتو ولا هي تعلقت بيه ولا . .
سميرة:أنا جاني غي ولفتيه وصافي..وهو ولد الحرام كان ضريف وما كايخسرش ليك . .
نزهة:(تتفكر أفعالو)الله يعاونو ويرد بيه هذا ما نݣول. .
سميرة:(بتساؤل)باقي كايعيط ليك؟؟
نزهة:ديما..من نهار وقع داكشي وهو كايصوني بلوكيت نمرتو وكايعيط ليا من نماري خريين. .
سميرة:حتا عبد الجليل ݣاليك جا عندو بغا يهضر معاه وجرا عليه. .
نزهة: (هزات حاجبها)أش بغا مزال؟؟
سميرة:الله وأعلم..حفظك ربي منو وصافي..
نزهة:وايييه..صافي سديت على موضوع الزواج ..الى كتاب ليا ندير وليدات غنديرهم مكتابش ربي يرزقني لي فيه حسن خصني نوض نقابل راسي وليت حالتي ونوض نقلب على خدمة حسن ليا. .
سميرة:(بفرحة)اوا هاكا نبغيك..نوضي جمعي حوايجك نمشيو غدا للحمام
نزهة:إن شاء الله..وندوز عند ديك الزغبية ديال مليكة نشوفها
سميرة:(خسرات سيفتها)اوا خلاص علي من مليكة..مالها مجات طلات عليك هي . .
نزهة:الى جيت ندي عليها راه شحال هذا غنكونو قطعنا الهضرة..كايبقاو فيا دوك الوليدات ومبغيتش يكبرو بعيد علينا وراك عارفاني مع ولاد خوتي. .
سميرة:عميتو الحلوة ههههههه حتى ولاد خوتك كايحماقو عليك. .
نزهة:ههه الله يحفظهم ياربي..ربي شاهد كانحسبهم بحالا طرف مني. .
سميرة:حتانتي عزيزة عليهم..ياله نوضي خرجي جلسي معانا شويا
*****
اليوم الموالي فاقت بنفس جديد وتتكابر تخرج من محنتها حيت الحياة الى مواجهتيهاش متسناش الغير يواجهها على قبلك..
طاكي على راسك باش توقف وخلي الحزن مايفوتش 3 أيام..مشات ضرباتها بفركة فالحمام واخا كاع لي تتعرف تلاقاتهم ولقات تا اسئلتهم لي مكتحبسش:
- واش بصح أجلتي عرسك؟؟
-واش بصح تفارقتو؟؟
'اوا الله يجيب ليك ماحسن أ مسكينة. .
خلاوها تبخ الدم بالفقصة وتخرج من الحمام عيانة عكس ما بغات تخرج منو..واخا سميرة تتضور فبنادم لكن لي حشري وفضولي راه واخا ضوري فيه..مقدراتش تحمل نظرات الكسالات لي علماتهم بلي غاتجي تدير عندهم حمام العروسة والعيالات ديال حومتهم لي عارفين بلي غتزوج كلشي كيشوف فيها بنظرة ممزوجة بين الفضول والشفقة وهادي أعدى نظرة عندها. .
كيف دخلات للدار وهي معصبة غي مع راسها وتا سميرة خلاتها ..ناضت تلف ووجدات باش تدخل عند مليكة كيفما كان الحال هي مولات الصواب..تسناو عبد الجليل تا جا من الخدمة ودارهم فطونوبيلتو ومشاو محملين يحيدو عليهم الواجب. .
مع دقوو حلات اإيناس لي طارت على نزهة بتعنيقة وتبوس فيها فرحانة حيت جات عندهم..دخلو للصالون لقاو مليكة وخواتاتها ومها لي هي خالتها وهو يتقبض قلبها عرفات راسها عدوز عشية كلها حشيان تالهضرة والجهد باش تجاوب مكاينش. .
طلعوها ونزلوها وباشرات تتسلم عادي دايرا بتسامة خفيفة وتتسول على الحال والأحوال والعينين تيطلعو فيها وينزلو..غي من لتحت ولقات تا ختها سعيدة تما جلسات حداها
نزهة:كي وقع ليك ؟؟
مليكة:اوا ياختي عوينة وصابتني..كنت كانسيق حتى طحت وهانتي تشوفي. .
جميلة:(أخت مليكة)العين حق ونتي ياختي دغيا كاتشد فيك
سعيدة:عندها الصح كاين لي كاتتشد فيه العين غي من شي حاجة عادية. .
مليكة:بحال نزهة (دايرا راسها مأثرة)ضرباتها عوينا وتبعوها على التزويجة حتا خرجات ليها فالصو. .
نزهة تزنكات وماعندهاش جهد لي تجاوب معاها ..ومع سكوتها نطقات حبيبة أخت مليكة لوخرا: ولكن ماشاء الله مدات منك لا حق لا باطل..نحلفو عليك راجعة من شهر العسل. .
الام:اوا فيها خير ربي لي كاييزرق
الخالة:شوفي ابنيتي نصحك لوجه الله ومعزتك من معزة بناتي راكي بنت ختي ..سيري جري على راسك وشوفي لمديور ليك شي حاجة انا شكيت واش عكس. .
نزهة:(قندشات وتتحاول تبرد)خالتي داكشي غي تخربيق والزواج غي أرزاق وزايدون أنا مامبرزطنيش هاد الموضوع..
مليكة:ويلي ياختي مي مسكينة غي قلبها عليك وديما كاتسولني عليك كون تشوفي شحال بقا فيها الحال عليك(تتلمط شفايفها)عزيتي عليها. .
حبيبة : كلنا بقيتي فينا والله شاهد. .
سميرة:اوا بعدا هي ربي نجاها وفكات الجرة من لول وخرجات صحيحة فصيحة كية لي جلس حتى غرق ودار دراري ولقى راسو حاصل.. أنا بعدا كانقول الحمد لله مالها اش خاصها واكلة شاربة ولابسة ومسرارة على ألف وحدة مزوجة..الى كنت غانتزوج باش نتسمى مزوجة وأنا راجلي باقي عقلو فقنت اخر غا بلاش (كلاشات مليكة) والى كانت غاتزوج باش تشد النوبة على فلوس الحمام وتزير على الريال باش تكمل الشهر غا بلاش (كلاشات حبيبة) أما إلا كانت غاتزوج باش كل سيمانا جايا غضبانة حيت كاتبقا نهار و ما طال مضاربة مع لويساتها وعدوزتها غا خليها هاكا مزيناتها. .
الصمت هو سيد القاعة ودخلو سوق جواهم كايضورو فعينيهم كي حنش بوسكة، ونزهة تتسناهم يهضرو باش تعطيهم علاش يقلبو حتى دخل محمد وحمحم سلم على مو وعلى نزهة بوجهو وقال:مزيانة؟؟
نزهة:الحمد لله
مليكة:اوا نوض نحطو اتاي
نزهة:غي خليك انا نتكلف نتي عيااانة
الام:الله يرضي عليك ابنتي. .
ناضت نزهة مخلياهم تاينممو فسرهم عليها منهارها معندهاش معاهم حيت سامااات وعاشو بعيد عليهم بسبب المشاكل لي كانت من الأول بين الأمهات على حساب الورث. .
*****
توالات الايام على نزهة لي تتحاول تخرج راسها من عزلتها..كدوز ايام روتينية بزاف ..كاتضل فالدار تشغل راسها بالشقا وكدفع فالمواقع للخدمة لي ندمات حيت خلاتها ولقات راسها تتقلب وتعاود ووالو مكاينش لي يعيط ولا يسول..
عمر ملي ضار فيه جليل مبقاش طاف بساحتها وولات تتخرج مرة عند ختها مرة عند دعاء مرة مع الهام . .
على طبلة العشا جالسين تايتعشاو بيهم فجو عائلي تانطق عبد الجليل:الواليدة بغيت نهضر معاك
الام:الله يسمعنا خير
عبد الجليل:(شاف فسميرة ونطق)جاني انتقال. .
نزهة:لفين؟؟
عبد الجليل:الحسيمة
الام:الحسيمة كاع وسير اوليدي راه طرف الخبز هذااك. .
عبد الجليل:(كياكل ويهضر)وقت طويل جاني فيه ثلث سنين
كولشي وحلات ليه الا سميرة لي ديجا فاتحها فالموضوع..حطات نزهة الدغمة وقالت:بصح!!(شافت فسميرة)ماتقولش ليا غاتدي سميرة والدراري. . !!!
عبد الجليل:خصني نديهم راه ثلث سنين
الام:(بحزن)و اولدي أش غادي نݣوليك الى خدمتك راه.مانحبسكش(شافت سميرة)تبغي تمشي؟؟
سميرة:أنا اخالتي لي ݣالها ليا ننديرها. .
نزهة:وراه مايمكنش يخليها هنا ويمشي هو لهيه والحسيمة بعيدة ماديالش يبقا ادير لانافيط. .
سميرة:أنا والله مابغيت فلول. .
الام:وابنيتي نهار لول تزوجتيه هو فينما مشا تبعيه واخا غتخويو علي الدار ولكن مكتاب الله . .
عبد الجليل: غانبقاو نجيو فالعطل أمي وتجي عندنا تانتي..انا كون تساعفيني تمشي معايا. .
نزهة:وأنا شكون يبقا معايا هههههه سير فحالك خلي ليا مي. .
سميرة:ياله نمشيو كاملين والله
الام:لا ابنيتي انا منخوييش دويرتي خلاني فيها المرحوم منخويهاش تانموت. .
الكل:بطولة عمرك . .
عبد الجليل:غايخصني الويكاند نمشي باش الاثنين نبدا معاهم تما. .
نزهة:سير أخويا الله يسهل عليك ..حنا راه نبقاو هنا عايشين وقانعين..
سميرة:(دمعو عينيها)ما سخيييتش
نقزات جنات لي مفاهما والو:فين غاتمشيو؟
نزهة:(هزاتها تاتبوس فيها هي وخوها)نتوما لي غانتوحش كثر ههههه غاتخوي الدار على عميتو. .
جنات:انا ماغنتزوجش باش نبقا معاك اعميتو . .
ضحكو كاملين عليها وكملو عشاهم وجل النقاش كان على الرحيل وشنو غادي يدي وفين غايستاقر ..هو بحكم خدمتو لي عندها علاقة ب la climatisation كديبلاصا بزاف من مدينة لمدينة وتيمشيو لأغلب المدن البعيدة وجاه انتقال للحسيمة وخصو يبقا تما مدة طويلة. .
من نهار تلونصا الخبر ونزهة تاتعاون سميرة فالجميع وتتجمع معاها لي ضروري..عطاوها لماعن وباش تقضي حيت أول مرة غتعزل عليهم..رغم أنهم ماكيجيوش لبعضهم إلا وأن سميرة وبشهادة الجميع بنت الناس وحسباتهم عائلتها وعمرهم شافو منها العيب. .
جا نهار الرحيل هزو قشهم وتوادعو بالبكا..نزهة تبكي وتقول مابكييت وتعنق فولاد خوتها لي مبغاوش اطلقو منها وفسميرة لي كننززات عليهم بالدموع..العشرة الزوينة صعيب تفرق
توادعو وشدو الطريق وخلاو نزهة مع ميمتها فالدار قد الخلا بوحدهم لا حنين ولا رحيم. . .
الأيام متوالية على نزهة روتينية عايشة هي ومها الراس فالراس معمرين على بعضهم.. مرة عند سعيدة مرة عند محمد كل مرة وفين وهي مكتائبة ..
ناقصة حيوية حيت حياتها لي قبل كانت نشيطة فيها كانت تتلاهى بالخدمة وتخرج وتضور ودروك راها شوماج ماخدامة ماردامة وندمات أشد الندم علاش فرطات فخدمتها وخرجات بخلاصة مفادها أنه قاعدة فالحياة ماتانديروش تضحيات بأحلامنا السابقة على ود تحقيق الأحلام المستقبلية بعبارة اخرى مكنتخلاوش على خدمتنا على قبل شي كائن واخا نكونو شاركين معاه الدم...
عمر راه ديما تيعيط ليها وبمجرد ماكتعرفو هو كتقطع وتبلوكي النمرة ولا هو مل باقي مصر يهضر معاها وباقي تيعيط ليها وتتصدو. .
عايشة حالة ديال ماعنديش وماخصنيش أي نعم عبد الجليل كايصيفط ليهم باش يعيشو وعلى قد جهدو تاهو لانه عندو بيت لكنها قدام متطلبات نزهة لي مكتلوموش..
هي انسانة بطبعها مولفة الفلوس فيديها مولفة كل سيمانة حمام معتبر والصالون ديركت وكل شهر الضفار ولاصيغ فالصالون كذلك..وكل شهر راها بلبسة جديدة وكل مرة جايا لدار تصادف مع شي حاجه وتاخدها يعني تاع راسها براس مالها ومهلية فراسها وعايشة حياتها لكن مورا ماخلات خدمتها رجعات محيدة شحال من حاجة ولات لي تديرها فالصالون تديرها فالدار...لاصيغ وبديكير وبروشينغ تتصايب راسها وتقنع وتسكت حيت معندهاش خيار اخر. .
داز الصيف ودخل لبرد ونزهة باقي شوماج فينما دفعات وعيطو ليها دوز كايعطيوها الجملة الشهيرة :دابا نعيطو ليك. .
تالواحد نهار كانت جايا من السوق هازا قفة ت تقدية والبرد تايسوط فوجها والحال داير على الشتا بايتة وصابحة كتصب تاتصادفات مع بنت قرات معاها وبنت الحومة نيت كيتشاوفو مرة مرة ..تسالمو وتهاضرو كأي جوج ونطقات لوخرا:شنو كديري دابا؟؟
نزهة:الدار وصافي ههه
منى:ما خدمتيش؟؟
نزهة:كاندفع ووالو هه كازا هادي لي لقا شي خدمة يشد فيها بيديه وسنانو. .
منى:بغيتي تخدمي؟؟كانعرف واحد صاحبتي غادي تخرج من واحد الخدمة وكايقلبو على شي اسيسطونت . .
نزهة:ايييه اختي نخدمها ماشي مشكل..
منى:هانتي نخلي ليك نمرتي وصيفطي ليا سيفي ديالك فالواتساب وأنا غادي نصيفطو ليهم. .
نزهة:صافي واخا أزين..(جبدات تيليفونها لقاتو تايصوني وهو صامت بنمرة مامعروفاش قشعاتها تاع عمر وقطعات)الخلا وجلا تفوو. .
مداتو ليها سجلاتها وشكراتها وزادت بحيوية لدارهم ناشطة حيت تفائلات تلقا خدمتها..دخلات مثقلة لقات مها معمرة أتاي وعاصرة عليه وهي تنطق:جيتي
نزهة:جييت..جبت القوق غاندير ليك شي طويجين بالقوق والجلبانة تاكلي عليه صبيعات يديك. .
الام:هههه الله يرضي عليك...
أول مادارت صيفتات سيفي ديالها ل منى ومشات تتوجد الغدا ناشطة وماشطة ونزهة لكانت ناشطة تتخرج العسل من يديها..تتشقى وتغني فرحانة تا وجدات الغدا وياله حطووه وهو يصوني الباب ...نزلات تحل فإذا بها تاتلقى سميرة والدراري وعبد الجليل ماشعراتش تا غوتات وطارت تتعنق فسميرة وتبوس الدراري لي غيموتو بالفرحة باش اشوفوها. .
نزلات الأم كذلك شافتهم وفرحات وتعنق وتبووس وتفدي الشوق ديالهم..مكانتش متوقعة مجيتهم خاصة أنهم شهور مجاوش ملي مشاو. .
تلمو الحباب وتجمع الشمل كي تايقولو وطاجين القوق تكتاب ليهم فالبرد..جلسو تيسولو فبعضهم ويتعاودو رغم أنهم ديما على تواصل..
نزهة:زوين الريف؟؟
سميرة:زويين ياختي فن وناسو الله يعمر ليهم الدار..درت الصحابات تما هههه
عبد الجليل:دارت عرس ماشي صحابات ههههه
الأم:اوا خليها راه غا تقنط تما(هزات الإبن لي اسمو أمين)اجي يالكبدة المعاودة توحشتك. .
أمين:الميمة غا تمشي معانا نتي وعمتي ياك. .
جنات:(مخشية فعمتها)غاندي معايا عمتي ههههه
عبد الجليل:نديوهم بجوج أبابا
الام:والله كون مجيتوش كنا غانجيو. .
عبد الجليل:اوا هادي فرصة مزيانة..نديكم معايا دوزو شي أيام. .
الام:نتوما ياله جيتو وبغيتو تمشيو عليا
عبد الجليل:الالة خديت سيمانة باش نݣلسو معاكم وتمشيو معانا. .
نزهة:مرحبا بيكم راه داركم هادي ولكن أنا عفيوني من المشية. .
سميرة:وعلاش أختي؟؟
نزهة:لقيت واحد الخدمة مع واحد الشركة وغانبدا معاهم هاد الأيام
الام:(بفرحة)بصح!!وعلاش مݣلتيهاش ليا ؟
نزهة:ياله ݣالتها ليا منى جارتنا..ديك بنت مول الحانوت
عبد الجليل:كاين شي صالير ولا والو؟؟
نزهة:والله ما عرفت أخويا ولكن المهم نخدم ومانݣلسش فالدار
الام:الله يسمح لي كان السباب كنتي بخدمتك وفلووسك
نزهة:(تحرجات)فيها خير
سميرة:وشنو دابا حتى خالتي ماغاتمشيش؟؟
الام:وشكون يقاابلها؟؟
ضحكات نزهة:هههه ويلي يا مي علاش أنا باقي ديال المقابلة راني قربت للربعين هههه
عبد الجليل: كاتشرفي راسك كانبان شارف عليك هههههه
ضحكو وكملو هضرتهم بمنوال اخر فرحانين برجوعهم..والغد ليه مشات نزهة دوزات اونتخوتيان وتقبلات معاهم واخا الصالير ماشي كيفما كاطمح وماشي بحال لي قبل ولكن المهم ديالها وفيديها...
بدات معاهم وعجباتها الخدمة حيت ساهلة ومالقاتش مشاكل مع لي خدامين معاها وبدات شوي بشوي كتولف الجو وتولف الناس وتولف الفياق بكري يعني حياتها دايزة عادي زي كل الناس..مابقاتش كطمح لحتا حاجة من غير تعيش. .
دوزو معاهم سيمانة وهزو قلوعهم وداو معاهم الأم بعد إصرار كبببير منهم وخلاو نزهة بوحدها..
جالسة فالبيت الصغير هازا تيليفون طالعة نازلة فالفيسبوك السكات فالدار تا كطلع ليها صاحبتها إلهام دايرا فالفيسوك زواج والناس تتبارك ليها ...عقدات حجبانها بتساؤل ومشات للواتساب صيفتات ليها ميساج فيه. .:
✍️:كوكو الهام صافا
✍️الهام:أهلا الزين لباس عليك؟؟
✍️نزهة:الحمد لله ونتي؟؟واش بصح تزوجتي؟؟
✍️الهام:وي ختي تزوجت
✍️نزهة:(ستغربات من طريقة هضرتها)إمتا؟؟غي داك نهار هضرنا وماݣلتي ليا والو!
تعطلات باش تجاوبها وهي أونلاين تا فقدات الأمل تجاوبها وسدات الكونكسيون وناضت تجمع الدار بخفة..تاسالات وحلات ميساجات الواتساب وهي تلقى:كلشي جا على غفلة أختي
دارت بتسامة استهزاء وكتبات ليها :غي داك النهار كنا بجوج مݣللتي ليا والو. .
الهام:والله أحبيبة مادرت بحسابو
نزهة:الله يكمل بالخير أحبيبتي ..والله يعطيك الفرحة لي بغيتيها. .
الهام:أمين أحبيبة والعقبة ليك أختي حتى نتي راه دعيت معاك
ضحكات باستهزاء وكتبات ليها:لهلا يخطيك. .
حطات التيليفون وتنهدات..جاها إحساس فشكل ماشي حسد إنما حكرة..كأنو نوع من الشفقة على راسها..فرحات لصاحبتها أكيد وبالطبع ماغاديش تميك على أنها معلماتهاش حيت كانو على تواصل ومقالت ليها والو ..
وزواج إلهام خلاها تفكر مسألة الزواج لي مخلياها كتحسر على سعدها..ضورات عينيها فالدار فيها السكات والصقيل تغرغرو عينيها وقالت بصوت شبه مسموع:هاكا غتلى ليك أنزهة ...بوحدك لا ولد لا بنت لي يهزوووك. . .
"الوِحدة". . .
هو داك الإحساس لي تايجيك فاش تايكونو ضايرين بيك الناس ولكن نتا حاس براسك غريب عليهم..ما عمرها الوحدة ما كانت هي تكون بوحدك لا حباب لا صحاب حيت فهاد الأخيرة تاتكون نتا مستوعب ومتقبل انه ماعندك حد..لكن فاش تاتكون وسط ناس لي هوما فالاصل ناسك وتاتحس براسك بوحدك وبعيد عليهم هاديك هي أعلى مراتب الوحدة. .
الملل أو الروتين هو لي دخل لحياة نزهة..بعدما خوات عليها مها الدار تاتمشي للخدمة وتجي تاكل وتنعس لا جديد فحياتها ومرة مرة تخطف المشية عند ختها ولا خوها..هاد الأخير رفض رفض قاطع أنها تعيش بوحدها ونوض معاها الصداع بحجة هي مرا لكنها مبغاتش تعيش معاه حيت عارفا غتدخل فشد ليا نقطع ليك مع مليكة. .
مها راه كانت شهر هنا وشهر لهيه فالحسيمة تايعز عليها تخلي ولاد عبد الجليل وكتبقا ديبلاصا من هنا لهيه..
مرت أربعة فصول أي سنة..دازت عادية جدا عند نزهة وعند الناس لوخرين شاخدة..كانت خارجة من خدمتها مع السبعة تا صونا تيليفونها بنمرة سعيدة..بتاسمات وشدات الخط:الو.
سعيدة:عتقيني اختي ماعندي من غيرك. .
نزهة:(بخوف)مالك ياك لباس؟؟
سعيدة:دعاء كاتولد
ضحكات نزهة وقالت: يعطيك طيارة العشا والناس كاتعشا خلعتيني هههههه أشمن كلينيك؟
سعيدة:****** أجي أختي راه ما عارفة ما ندير. .
نزهة:دابا شكون لي كبير هههه كبدة المشاش ههههه هاني جاية. .
قطعات معاها تاتضحك وفرحانة غاتولي خالة مضوبلة..شدات طاكسي صغير وتوجهات للكلينيك لي فور مادخلات صونات لختها ونعتات ليها قاعة الإنتظار فين كاينين نيت الناس تايتسناو..لقاتها هي وراجل دعاء وباها وعجوزتها..
جلسات حدا ختها وقالت:أمدرا؟؟ولدات؟؟
الزوج:لا اختي باقي كنا ݣلسين تاناضت كتغوت بالوجع ومضربانش ليها الحساب. .
سعيدة:(قربات تبكي)أميمتي على بنتي ..كون تشوفيها كي كتغوت. .
نزهة:ههههه رجوع الله اختي هههه ياك تانتي ولدتي
سعيدة:أختي عوينة وحدة لي عندي..عزات عليا. .
ضحكات العجوزة وقالت:دابا تولد ونفرحو بتيلادها ههه
نزهة:خلي أملك فالله..إن شاء الله تولد بيخير و على خير. .
سكتو تايتسناو والممرضات غادين جايين وكذلك الناس...بالقرب منهم كانو زوج رجال تايهضرو بجدية وصوتهم هو لي كايتسمع تما . .
....:لمن خليتي البنية؟؟
...:خليتها لختي..
...:صونيتي لمي
...:صونيت أخويا..خصها غير تفك على خير.
بتاسم الاخر ونطق بصوت غليض:ديك ساعة ملي جاها الوجع دوزها للكلينيك مباشرة ماشي تديها تكرفص. .
...:تلفت أخويا والله..كنت جالس تا صونات ليا كاتغوت ماعرفت باش تبليت وديتها ديركت لأقرب سبيطار وراك شايف الحالة . .
....:كون عيطتي ليا نجي نديها ..وصيتها شحال من مرة إلا جاها الوجع تصوني ليا
...:مكنبغبوش نبرزطووك اخويا وصافي
....:أشمن تبرزيط راه ختي الصغيرة هاديك..
تنهدات سعيدة لي مسترقة السمع هي ونزهة والعدوزة حيت هادي قاعيدة فالمغاربة..تكون داير الكيت تحيدهم تاتسمع اش كاين ..وهي تنطق:أحيانا على الكبدة..أحيانا على الولادة وشحال حارة
نطق واحد منهم:الله يجعلها ليهم مغفرة للذنوب والله حتا كايتمحنو. .
زوج دعاء:الله يسمح لينا من حق الوالديين. .
....:شد راسك أبا صطوف راه بغينا السبووع ..
ضحك مصطفى وقال:غي تنوض ليا رشيدة ندير ليك سبوووع بعيساوة
ضحكو عليه كامليين واخا ماكايتعارفووش ونطقات العدوزة:الله يفكها على خير ياربي هي وجميع المسلمات باربي
الكل :أمين
جات ممرضة لابسة لباسها الطبي وقالت:شكون عائلة دعاء
نقزات مها:أنا ابنيتي أمدرا تفكات
بابتسامة ودودة نطقات:اه ولدات وليد مبرووك عليكم. .
تعانقو وتباركو بيناتهم وتا دوك جوج رجال لي كانو جالسين حداهم باركوو ليهم وفخضم المباركات جات عينين الشخص الاخر على نزهة..طلعها ونزلها بدون شعور وقلب وجهو للصوت لي نادى بإسمو:ميموون. .
تلفت لمصدر الصوت كانت مرا كبيرة فالعمر بجلابة مغربية وبلغة وبلقة كتقطر بالبيوضة ونطق:مي
ناض من كرسيه وبانت طولتو وعمورية كتافو..شأنو من شأن رجال الثمانينات ..تيكونو كتافهم عامرين واللحية مكتخطاهمش..شد يديها مهدنها وقال:على سلامتك دارها فحضنو)
الأم:فينها فينها بنتي؟؟
ميمون:(بهدوء)أجي امي ݣلسي ترتاحي راه باقي مخرجاتش.
جر مو جلسها تحت أنظار نزهة ليه حيت طمنو على دعاء تيتسناو غي يدخلو عندها . .
جلسات السيدة ونطقات بتساؤل:واش ولدات؟؟ولا باقي
مصطفى:باقي أخالتي راها ممحنة
الام:الله ياربي الله ياربي على خر للمصرانة ياربي توقف معاها ياربي. .
ميمون:(بهدوء)الوليدة دعي معاها ونقصي تعداد
الام:الله يفكها على خيرر
بقا جالس حدا مو كينتاظرو ولوخرين ناضو يشوفو دعاء لأن الممرضة علماتهم بأنهم حولوها لغرفتها..ناضت نزهة مع ختها وبلحظة ميمون دوز عينيه لجيهتها طلعها ونزلها تاني تا مشاات
دخلو عند دعاء ولقاوها فيها النعاس و البيبي حداها منظف باسوه وطمنو عليها وسعيدة غي تاتقلب فيها قلب الام واكلها..فالأخير جرات نزهة وقالت بصوت ياذوب تسمعو:ختيي خصني نوقف على سبوع بنتي. .
نزهة:واش نتوما ماموجدين والو؟؟
سعيدو:والو ياختي كلشي جا على غفلة! .
نزهة:(زفرات)اوا أختي أش غا غنݣوليك ..غانشد سيمانة من الخدمة ونچلس نصايب ليك ..كون علمتوني كون صايبت بيفي واعر فالسبيطار
سعيدة:حيدي علي من داكشي هههه أنا بغيت غي سلو وحلاوي وكثري وماضربي حساب لفلوس. .
نزهة:هههخ واخا..أنا نمشي دابا أختي باش غدا نصبح نتقدا
سعيدة:لهلا يخطيك عليا .
قربات نزهة هزات الوليد وباستوو وقالت بتأثر:حبيب خالتو
الزوج:وليتي خالتي معاودة ههه
العدوزة:الله يعطيك حتانتي الذرية الصالحة ياربي. .
نزهة:(تأثرات وحافضات على بتسامتها)أمين ياربي..مبروك عليكم يتربى فعزكم(حطاتو وباست دعاء)نعسي ترتاحي أخالتوو. .
ودعاتهم وخرجات تاتنهد..تمنات تاهيا واحد النهار تكون أم وتوجع تاهيا وتراري وتسهر..مع غا ضور مع الكولوار لي غايخرجها برا وهي تقشع نفس الشخص لي لمحها بعيونو قبيل..وهو نفسو ميمون. .
واقف فالإستقبال وتايهضر مع السيدة..فيكسات عينيها عليه..جسم ضخم وطويل فايتها ببزاف ..شعر راسو كحل وفيه شوي تشيب ماباينش بزااف قشعاتو قبيل فاش كانو جالسيين..
وفورمتو عامرة ماشي عمورية لاصال ..إنما عمورية اليمينة لي تضل خدامة او بالأحرى غليض هاز عليه غي الطول اما غيبان بوبو عجينة..نصف وجهو قشعاتو فيه لحية كثيفة وتايهضر ويخدم يديه ليسرية بزاف . .
لاحظات هادشي كولو فلحظات مشيها للباب من بعد تناسات ومشات لداارها وتيليفونها تايرن للعائلة تعلمهم وتزف ليهم خبر الحفيد الجديد. .
*****
فالصباح الموالي علمات الباطرون بالسيمانة لي بغات عكس ليها ولايني قبل فالاخير..بسرعة شدات أدراجها لعطار تاتعرفو تقدات من عندو كاع لي تحتاج باش تصايب سلو ومع هي حارة بقات كاتشطر وتعاود تا خدات أجود المكونات ..تاتعرف الزنجلان البلدي من الرومي غي باليد والشمة..
نزهة:زيد ليا واحد ربعة كيلو ديال اللوز..وأرا نذوق بعدا
البائع:هانا الالة نزهة..ذوقي اللوز يااللوزة. .
شدات حبة تضحك وقاات:يا الشلح رااك عناب هههههه مممم زوين ياله عبر وتهلا أ دادا. .
ضحك البائع وقال:جات معاك الشلحة ههه هاهو الالة نعبروه
نزهة:ماعندكش قوام الحلوة ياك؟؟
البائع:لا أنا تاندير هي العطرية والعشووب ..كلشي قدام عينيك زنجلان لوز نافع حبة حلاوة . .
نزهة:ماكتعرفش شي حد كايبيع داكشي زوين والثمن مزيان؟
البائع:والغلا فينما مشيتي..غي الدݣيݣ راه تايزيدو فيه النص بين صحاب الجملة وصحاب الهريات ومالين الحوانت. .
نزهة:يعني غي نتقدا من الحانوت ونهني راسي
البائع:(مد ليها اللوز)شوفي غي حيت عزيزة علي ومعرفة قديمة غانصيفتك عند واحد السيد كيبيع بالجملة
نزهة:ومالو غايبيع ليا أنا لي غانشد من عندو غي شوية شوية من الحاجة..
البائع:ݣولي ليه صيفطني عندك اللحسن الشلح غايعرفني ويتهلا فيك
نزهة:وفين جا؟؟
البائع:ف ******* وصلي تما وسولي على ولد المصري. .
نزهة: صافي نمشي هههه الله يكبر بيك جمع ليا الحساب . .
جمع ليها حسابها خلصاتو ومشات مثقلة للدار كي حطات التقدية باشرات مباشرة فالتنقية..لي خصو يتنقا تنقا ولي يتغسل يتغسل باش تقوم سلوو ديال السبوع من داكشي..رابطة الإتصال مع ختها ومها لي جايا هي وخوها وولادو. .
شرقات شميسة باردة من وسط الغيوم لي باقي ماقنعوش من الشتا..فصل كولو بارد ومكزز كايعيشووه..ناضت نزهة من فراشها ماساخياش بمانطتها..نفضات الفراش ديالها وهوات الدار لي تاتحرك فيها بأريحية حيت بوحدها لي فيها فانتظار توصل مها ..
وجدات لراسها فطور خفيف ولبسات عليها جلابة سخونة بستيل عصري مع لي بوط..دارت عكر وماسكرا فقط ورشات بارفان شتاء وخرجات شادة فصاكها والوجهة أغراضها وتقديتها لي خصها تقدى..فأول طاكسي لقاتو كبير طلعات رابطة الإتصال مع ختها تاتشاور معاها . .
نزهة:كي صبحات مزيانة؟؟والوليد هههه أنا لباااس ..لقيتيني ياله غادية نتقدا للحلوة من عند واحد السيد ݣالو ليا عليه كايبيع بالجملة.....ايييه غاندير الكعب..الفقاص ضروري وشي ستة ديال الشكال ديال صابلي ونشوف شي حوايج خرين ديال السبوع..لالا كوني هانيا صافي سلمي عليها غاندوز نشووفها بسلامة.
حطها الطاكسي ونزلات تضور فعينيها تاتقلب على المحل ماقشعاات والو كلشي محلات وكلشي هريات شكون لي قصد ليها معرفاتش..قربات عند واحد الݣارديان وقالت:الشريف واخا نسولك
الكارديان:نعام أختشي
نزهة:واحد المحل هنا ديال واحد كايعيطو ليه ولد المصري
الكارديان:ولد المصري أختشي كاين لهيه أختشي..(كينعت بيديه)شتي داك المحل لي قدامو ݣونݣو هو هذاااك
نزهة:شكرا باراك الله وفيك. .
تمشات باتجاه المحل لي نعت ليها وقدامو الطونوبيلات مباركيين على صف واحد..دخلات ليه وهي تذكر بلي فايت جاية ليه..شافت ولد تايستف شي سلعة ولاخر تيقيد..لقات السلام بصوت أنثوي:السلام وعليكم
تلفتو ليها بجوج طلعوها ونزلوها ونطق واحد فيهم:وعليكم السلام
نزهة:عفاك واش هذا هو المحل تاع ولد المصري (فخاطرها:ويلي يا نزهة عاد ݣالها ليك الكارديان)
الولد:هو هذا أختي..اش خصك؟؟
نزهة:(باحراج)ماكاينش مول المحل؟؟
الولد:لا أختي باقي مجاش..
نزهة:حممم صيفطني الحسن العطار لي ف****
الولد:هههه داك الشلح!!!خصاتك شي حاجة؟؟
نزهة:بغيت نتقدا شي حاجة وݣاليا نجي عندكم
الولد:ولكن أختي راه ماكنبيعوووش ونتشاراو مع الناس غي مع البياعا ومالين الحوانت. .
نزهة:عارفا غي ݣلت على وجهوو تبيعو لياا
شاف واحد فلاخر ونطق الثاني:أشنو خصك؟؟
نزهة:(جبدات وريقة من صاكها و مداتها ليه)هادوو. .
شدهم كايقراهم وقال:هادشي كثير شوية ولكن مانقدرش نعطيك حتا يجي المعلم
نزهة:وفينو المعلم؟؟
نطق صوت من وراهم غليض وببحة باينة مجروحة بالبرد:السلام وعليكم
تلفتات لمصدر الصوت باش عينيها يتفيكساو على الشخص لي هضر..مدارت تا ردة فعل بوجهها فقط عينيها لي تكمشو فالشخص كأنها كتذكرو وفعلا ذاكرتها مخداتش بزااف باش تفكرو..حققات فيه مزيان هو نفسو..الراجل العامر والطويل لابس تريكو سخون وسروال سورفيت لايح كويرة فوقهم وبانطوفة قول جاي ينعس..وتاهو معطلهاش بنظراتو لي ختارقوها بشوية عليه وطلعوها ونزلوها. .
مخرجهم من نظراتهم غي صوت واحد من الدراري قايل:هاهووو أختي...المعلم هاد السيدة كاتسول عليك. .
قرب جيهتها بدون مايشوف فالخدامين تيهضرو..وأول مالغى المسافة الطويلة بيناتهم وقصرها دخلات ريحتها الأنثوية لنيوفو..خلاه يستشعر طعم النقاوة والحلاوة..أما هي راه ماميزات والو بنيفها مافيه تا ريحة ..لكنها لاحظات عينيه لي ماشي خوت كيتفحصوها بإعجاب..مرا بحالها وفسنها ماغيخفاش عليها شي راجل لاعجباتو..تبسمات ومدات يديها بلطافة وقالت:نتا هو ولد المصري أسيدي؟؟
بادلها الإبتسامة تاهو ولامس يديها تا السيد ضربو الضو من ملمسهم الرطب تاتحس براسك تتسلم على مرا ..اليدين كي الكف كي برا رطبيين مسخاش كاع يحيد يديه..وهضر:هو هذا الالة..أش حب الخاطر؟؟
نزهة:(جرات يديها بلطف)صيفطني عندك الحسن الشلح لي ف ******... صراحة أنا عندي واحد المناسبة وبغيت نتقدا قوامها راك عارف المناسبات المغربية كاتبغي القوام وكلشي على حقو اوا وأنا مابغيتش نتقدا من عند أي واحد..وسي الحسن شكرك ليا وجيت عندك عالله ماترضهااش ليا فوجهي. .
بتاسم من طريقة كلامها لي مايمكنش متعرفهاش بيها انها مصوابة وعاد الصويت الرقيق خلاوه بلهلا يطريه ليه يفرنس ونطق:مرحبا بييك ..علاه حنا نقدروو نخسرو ليك خاطرك.. أجي معايا. .
فرنسات ليه مبينة على سنانها وتبعاتو دايزين على المتعلمية لي غي تيشوفو مافهمو والو..داها لداخل المحل فين كاين كونطوار وقف فيه مترقباه بمشيتها تيتسناها تلحق لعندو ..ماغاينكرش أنها سحراتو من أول نظرة..بمجرد ماوقفات وهو ينطق: أش خصك؟؟
نزهة:(مدات ليه الوريقة لي خدات من عند الدراري)هادشي صافي..راك عارف مالين الحوانت كايزيدو فالثمن وأنا ياله بادية فهادشي مابغيتش نخسر بزاف راك عارف وسي الحسن صيفطني لعندك
...:هادشي باش مكتوب(تايشوف فالورقة)خطك مباينش(مدو ليها)واخا تقرايه ليا. .
بلطافة شداتو ولاحظات سمورية يدييه وكبرهم وقراتهم عليه كامليين وعينيه مركزيين على شفايفها المزيانهم بالعكر وراسماهم بشكل زوين..ونطق بعدما سكتات:واخا الالة مانخسروش ليك خاطرك..نعطيوك شنو بغيتي ملي جيتي من عند اللحسن. .
نزهة:(بفرحة)لهلا يخطيك اسيي...شنو سميتك؟؟
...:ميمون
بتاسمات ليه وقالت:مشرفين أسي ميمون..ولهلا يخطيييك مانساش ليك هاد لوجيست. .
ميمون:(بمزح)شي زردة هادي؟؟(نادى للدري)عبد الهادي هاااك
نزهة:سبوع بنت ختي وطلباتني نوجد ليها لسبوعها ومابغيتش نردها ليها فوجهها
جا دري ونطق:جمع هادشي للسيدة دابا...سعداتها بيك..
نزهة:الله يكبر بيك وجمع ليا الحساب عفااك . .
شد ورقة وستيلو وبدا تايكتب الأرقام وهي عينيها تايضورو على المحل وتاتشوف السلعة كي مستفة بالأشكال و الانواع وكثيرة بزااف..تانطق:عندك الالة 750 درهم. .
نزهة:ومغليتش علي!!!
ميمون:ثمن ديالك هذا الالة ...
نزهة:نزهة
ميمون:الثمن غي ليك نتي الالة نزهة..ماكنبيعش انا كاع مع الناس كانبيع غي الهريات والحوانت. .
نزهة:اوا غي نقص نقص ليا شويا ودير بحساب نكون كليانتك ونجيب ليك مزال الكليان. .
تبسم ليها من نيتو وقال:كلشي ديالك غي راه نتي بوحدك لي بعت ليك هاكا..واخا نخلي ليك 700 درهم . .
نزهة:(فوهات فمها ضاحكة)خمسين درهم ديالاش؟؟هههه ماديال ترونسبور ماديال زرورة تالسبوع هههه يهديك الله
تكا على لكونطوار وعينيه غياكلوها بالاعجاب:والله يهديك نتي مخلياني كنتجاقر معاك فخمسين درهم. .
نزهة:(قاطعاتو)هههههه اوا شتي مديالكش هادي اسي ميمون...دير ثمن زوين وعتابرو ديال العشرة الجديدة . .
ميمون:(ضحك)والله حتا نتي قاسحة تصلاحي للبيع والشرا
نزهة:هههه خدمني معاك نعجبك هههه
ميمون:مرحبا بيك المحل حسبيه ديالك
وقف عليهم الدري:المعلم جمعنا كلشي . .
ميمون:عندك شي طونوبيل يهزو ليك هادشي؟
نزهة:لا ولكن ناخد طاكسي(جبدات الفلوس مداتهم ليهم لاحهم فالمجر بلا مايحسبهم)
ميمون:خلي سلعتك غنجيبوها ليك تال دار
نزهة:(عوجات فيه راسها متسائلة)هادشي تاهو كاديروه ولا غي أنا!؟
ميمون:(ضحك باعجاب)ههههههههه لالا غي ليك نتي بوحدك حيت مابغيناش نخسرووك وتعاودي ترجعي عندنا
نزهة:اوا لهلا يخطيك وكان..غا نخلي ليك نمرتي ونعطيك لادغييس حتى تجيبهم ليا
ميمون:واخا(جبد من جيبو تيليفون عادي غي الو وسلام)قولي
نزهة:زيغو سيس سواسوونت ويت.
قاطعها:درجي معانا ألالة نزهة راه غي عروبي لي واقف ݣدامك
ضحكات بخفة وقالت:هههه سمح ليا..06*******
تسناتو تا صونا عليها وقالت:شكرا بزااف لهلا يخطيك..فالعشية أنا فالدار
ميمون:إن شاء الله الالة نزهة(مد ليها يديه)
نزهة:الله يكبر بيك
عطاتو تبسييمة وزادت مخلياه متبعها بعينيه وتيحك لحيتو السوداء ولي فيها شوية تشيب الى ماقربتيش ليه ماغتقشعوش تا خرجات عاد نطق:بنت الحرام شحال زوييينة
عبد الهادي:(باقي واقف حداه مضهشر)شكون لي زوييين المعلم؟؟
ميمون:(ضحك)ههههههه نتا أولدي ههههه
عبد الهادي:تيتيزة هادي الشاف ياك
ميمون:متوتة..زينها عربي مزيان معرفتش منين غاتكون؟؟
عبد الهادي:هادي راه إما شلحة ولا دكالية
ضربو لكتافو تيضحك وهز سوارتو لي نسا ورجع على قبلهم اصلا وقال:تجمع لجدك..وسير قضي شغلك. .
شدات طاكسي للدار تاني حيت عارفا تابعاها تمارة كحلة بمجرد ما وصلات لقات قدام الباب محمد وإيناس صيفطها باش تعاونها شوية..تلاحت عليها بتعنيقة وطلعات وهي تنطق
نزهة:دخل إخويا
محمد:لا خدام..ردي لبال مع ديك البرهوشة
نزهة:كون هاني
مشا فحالو وطلعات هي بدلات عليها وصايبات الغدا عاد كملات التنقية ديال قوام سلو مونسة بإيناس لي تاتعاونها على نيتها حتى صونا تيليفونها بنمرة ممعروفاش ..شدات الخط
نزهة:الو
ميمون:لالة نزهة فين عندك السكنة؟؟
عرفات دغيا صوتو وفرنسات مع راسها ونطقات:تعرف ل******
ميمون:عرفتو
نزهة:الى وصلتي صوني ليا ننزل نشد من عندك داكشي
ميمون:واخا
قطع ورجعات لشغلها عادي تاعاود صونا وهي تنزل ببيجامة سخونة مبينة طايتها والشعر مجموع للفوق..حلات الباب وهي تشوفو من بعيد فطونوبيلتو الݣونݣو وشيرات ليه..هو الاخر كي شافها طلعها ونزلها وتنهد وقال وهو نازل:توووتة فالدااار. .
نزل وحل الكوفر وتايجبد ليها فسلعتها مجاش فين يهبط كلشي تا كانت عند راسو واقفة مكمشة من البرد..تنهد بشوي وطلعها ونزلها عاود تتفوح منها رائحة دوخاتو..جات عينه فعينيها السود المشفرين وقال:ها سلعتك
نزهة:لهلا يخطيك برزطتك معايا والله شكرااا بزاااف
ميمون:دنيا هانيا مرحبا..نديهم ليك حتال الدار؟
نزهة:غي خليهم انتعافر معاهم بلا مانبرزطك تاني مانكونش باسلة
تبسم ليها وحنحن حيت السيد غايسيح وقال:غي بسالي وخليني نهز عليك..ماديالش الثقل نتي
نزهة:(تبسمات ليه)وديالاش أنا؟؟
ميمون:(برزانة)شي نهار نݣوليك ديالاش ههه
سد طونوبيلتو وتعاونو هزو التقدية الكثيرة تا حطها ليها قدام الدار وهي تنادي بصوت رقيق:ايينااااااااس هبطي أماما عاونيني..
هز حجباانو باستفهاام ومجاش فين استوعب تا نزلات لوخرا تاتدردك لقات السلام وهزات التقدية وهي تنطق نزهة:شحال حسبتي عليا؟؟
ميمون:(خشا يديه فجيب تجاكيط)فاش؟؟
نزهة: (مبتاسمة ليه)فليفريزوون
ميمون:(ضحك)هههخهه درجي معانا . .
نزهة:ههههه فالتوصيلة مايمكنش نعذبك هاد التعذيبة غي هاكاك
ميمون:تعذيبة مخلص فيها ههههه الله يعاون المحل محالك. .
تبسمات ليك وقالت:شكراا
ماعاودش دوا قطع طريقو لطونوبيلتو خلاها متبعة ليه العين مفرنسة عجبها جاها حلوو وضريف وضحووكي..ركب فسياتو وزاد بدون ميشوف فيها ..ضحك على راسو وقال:الرجال لي هوما رجال سبقوو وداو الزين. .
يتبع...
التنقل بين الأجزاء