قطعات الخضاري لي بغات تصايب بيهم لي صالاد ونضاتهم وحطات كلشي واجد فالثلاجة وهادي عملية كيقومو بيها الحلاويات وصحابات ليكوموند فالدار كيوجودو لي ميزونبلاص ديالهم على تيساع كاتلقاهم الفحر خدامين ولا نص الليل المهم توصل الطلبية..
بعدما فطرات و ناضت تتوجد راسها للخدمة والعيا راكبها من ساسها لراسها..قادات قهيوة توكد بيها بيدما وصلات الوقت وخرجات لخدمتها بنفس جديد وراسها فيه الطلبية وميمون لا غير. .
ماشي من نوعها المفضل وماشي من نوع أي وحدة فينا من هاد العصر..كنبغيو الراجل يكون يعرف يلبس ويتقاد ومهلي فراسو وقاري و واعي حيت بصريح العبارة كيطغى علينا المظهر.. لكن لصق فبالها بطريقة زوينة ...هي إنسانة خاترة وعمرها خلاها تعرف تقرا النظرات ..نظرتو فالخوف عليها خلات قلبها يرفرف بأمان..عندها خوتها ولكن عمرها ماشافت نظرة الخوف فيهم من سنين طويلة
دوزات نهارها فالخدمة عادي بين الخدمة والجموع مع لي خدامين معاها تا وصلات الثلاثة وهي تنوض دخلات عند المدير ديالها ربيع..باحترام لقات السلام وقالت:موسيو ممكن نطلب منك طلب الى ما كانش غايشكل شي إشكال
حرك ليها راسو وخرجات وهو يهز راسو مفرنس متبعها فحين هي مشات نظمات مكتبها وخرجات بالزربة للدار باش تكمل ليه الكوموند..لقات التقدية وصلاتها تبسمات وسلمات على مها ومباشرة بدلات عليها ومشات تتحط لمها باش تزوق ليها الصابلي تعاونها شوية ..وراتها التزيين لي بغات ومشات بدات كاتقاد فالميزونبلاص تاع البساطل واكتحرك بعفوية فالكووزينة
وصلات المغرب وهي مزالها فالكوزينة تتحرك كي الفراشة لابسة طابلية فالكحل ويديها خدامين كيعجنو شكل اخر تاع الحلوة والتعب واضح على وجهها..من هادي لهادي صعيبة عليها
الحلاويات ديالنا كيتعبو باش يخرجو من يديهم البنة... هذا حالها هي لي ملي دخلات وهي من هادي لهادي ما رتاحت تا سالات الحلاوي وطابو وبقا ليها غي التزيين ديالهم أما البسطيلة ماغتعمرها تال غدا باش ديرها تطيب على خاطرها فالصباح و وقت الغدا تديها ليه
مع التسعود ديال الليل ..هزات فوطتها بعدما كلات بغات تدخل تخفف عليها عظامها وتيليفونها كيصوني برقمو..تبسمات وهزاتو وحطات ترمتها فوق ناموسيتها وشدات الخط بنبرة هادئة:الو
ضحكها وهي تقطع عليه وناضت دوشات رخات عظامها ومسات على مها وتخشات ففراشها تتفوه بسرعة نعسات بعدما دارت الساعة فالفجر تفيقها ومشات فسبات عميق
****
فقلعة السراغنة ..بلاد الخير والجود والكرم..فوسط دار مبنية من الفوق تالتحت مصلوحة على حقها وطريقها باأرقى الإصلاحات لي داز من حداها يفها فيها لكبر مساحتها ولبنايتها ..كانت الزاهية جالسة وسط صالونها لابسة قفطانها ومشمرة على ذرعانها وملامحها غاضبة ..
عينيها مكمشيين و حولهم الكحل سايح..يديها ذهوبات ورجليها محنيين وحداها ولادها وخوها وهي صوتها طالع السما
الزاهية:كنتي عارف أخويا وماعلمتينيش؟؟
عبد الرحمان:(راجل كبير فالعمر لابس جلابة سخونة )واش أخي باغيا ندخل فالدري وفباه؟؟باه جاي عندو أش فيها؟؟
الزاهية:(غتبخ الدم)مايجيش..فين كان ملي الدري مكرفص وملاوح هاا ياك جابو لاحو ليا وزاد ماعرفو تا ربى الكتاف ودار خيرو وجاي طامع فيه
عبد الرحمان:يا هاد المرا تاقاي الله..باه عندو خيرو نتي عاقلة على حسن ملي كان قليل
الزاهية:(بعصبية)ماتجبدش سميتو فداري..
عبد الصادق:أمي يهديك الله..خليه يدير لي بغا راه كبير وبعقلو ...واش تحبسيه على باه؟؟كايبقا بااه
فتيحة:(بلا مبالاة)شحال فيك ديال النݣير أمي..خليه يجي عندو ولا يمشي هو نيت عندو
الزاهية:(غرغرو عينيها وسط عصبيتها)ماعارفيينش كيداير داك الݣنس !!!!هذاااك شيطان شييطان باغي يدي ليا ولدي ..يغربو ليا فديك البلاد
عبد الرحمان:(بصرامة)راك زدتي فيه الزاهية..اش هاد الهضرة ؟؟راك والدة راجل ..ماشي دري صغير راه 41 عام عندو غايجي باه ويدييه...وزايدون معندهمش نفس الكنية..ماداهش فصغرو يديه دروك
الزاهية:(كاتضرب فصدرها)توريني أنا فالكلب وعلى مدوز علي هءهءهءهء ولدي لي عندي بغا يقلبووو علي
عبد الرحمان:(خزر فيه)نعلي الشيطان أختي وحيدي هاد الوساويس من بالك...ولدك راجل وعارف أش كيدير..ونفتارضو بغا يديرو فسميتو راه مزيان
الزاهية:(عينيها بغاو ينقزو من بلاصتهم)لالالالالالاا هادي هي لي عمرها تكون ليييه...عاطياه كنيتي يبقا فكنييتيييي
عبد الرحمان:(شير لراسو)عاطيييه كنيييتيي ماشي عااطيياه ..
الزاهية:(عينيها بغاو ينقزو من بلاصتهم)لالالالالالاا هادي هي لي عمرها تكون ليييه...عاطياه كنيتي ابقا فكنييتيييي
عبد الرحمان:(شير لراسو)عاطيييه كنيييتيي ماشي عااطيياه...جمعي معايا راسك راه حتانتي غالطة ..ياك تانتي خليتيه؟؟(شافت فيه بحرقة)هادشي لي بغيتي تسمعي..خليتيه تانتي ياك أنا لي هزيتو..وماحقدش علييك كون شي واحد اخر مايشوفش فيك(زفر)أستغفر الله العظيم كتخليو الواحد يݣول شي هضرة ففففف نعلي الشيطان وفرقي عليك الولد كيفما نتي مو هو بااه واش يدي رضااك ويخلي سخط بااه
بقاو ساكتين كايتمزكو لديسكها المعتاد وقتما سمععات حس حسن طليقها كايشدوها الجنون وكتبغي تبخ الدم...عندها ميمون كي مومو تعنيها..مهلي فيها وباني ليها دار قد الخلا ساكنة فيها هي وخوتو وداير ليها الشهرية لي تقدها تاتموت..عندها قريب وحنين واخا معاشش معاها كاتفضلو على باقي ولادها حيت لقاتو حنين وولد الخير
مع بزوغ فجر جديد والشتا خيط من السما والزناقي عامرين بالما..كلشي مخشي فدارو فمانطتو مسخن عظامو وشابع نعاس إلا الأقلية لي كاينوضو للفجر ماكايفلتووش فرصة اللقاء مع الله . .
نزهة من بينهم..ناضت بزز كاتفوه على صوت المنبه طفاتو وتحركات بتثاقل..توضات صلات ومشات للكوزينة ديركت مكمشة فبينوار أسود من البرد..
جبدات الحلاوي لي بقا ليهم التزيين قاداتهم كاملين وصوت الشتا كايتسمع حتى لعندها ..ستفات كلشي ونضاتو وقدااتوو وحطاتهم بعيد..عاد دازت للشلايض لي تفننات فيهم مزياان بغات تعجبو ماكلتها والسبب معرفاتوش. .
قادات تا البساطل وخلاتهم حتى يطلع الضو مزيان وتديرهم فالفران..وفالأخير وجدات فطور ليها ولمها ماجاتش فين تضرب العشرة لقات راسها فطرات وسالات ونضات..تفوهات ومشات تكات شويا جهد ساعة وناضت من جديد كاتصايب ولاحت البساطل فالفران وقابلاتهم تا طابو وسولفات كلشي..
ملي عرفات كلشي ناضي تبسمات وهزات التيليفون دوزات نمرتو بعد عدة رنات جا صوتو الغليض:حممم الو
نزهة:صباح الخير
ميمون:نتي هادي!!صباح الخير
نزهة:كي راك لباس؟؟
ميمون:بصوتك الزين ولينا لباس نههه توحشتيني على الصباح ولا؟؟
نزهة:ماشي قضية خلاص مي فين غانلقا الطاكسي (تفكرت)صافي صافي كنعرف واحد
ميمون:صافي ..كاتعرفي****** إقامة****** جي لتما وصوني ليا أنا ننزل. .
نزهة:واخا صافي
قطعات معاه وناضت لبسات حوايجها تأنقات كيف ديما وصونات لجارهم مول الطاكسي يديها ومارفضش ليها ..بعد نصف ساعة جا وبدات كاتنزل فالبلاطويات مسولفين وتحطهم لور داكشي تيشهي ..طلعات لحداه وهو ينطق:شي عراضة هادي ههه
نزهة:غا خدمة خدمت لواحد السيد وغانوصلهم ليه وصافي
عطاتو النعت وتحرك فالإتجاه ديالو وبعد مسافة الطريق وقفو قدام العمارة وهي تحل فمها...آخر ما ظناتو يكون ساكن فبلاصة بحال هادي..الحي رااقي بزااف ونقي وفيه غي الحديد الواعر ما لمحاتش بتاتا طونوبيلتو..فمها بقا شوي محلول وكتحلل فراسها ..صونات ليه جوج مرات عاد جاوب وخبرها بلي نازل . .
نزلات تاهيا مكمشة فمونطوها من البرد ومن حسن حظها الشتا حبسات..كتمشى مسافة صغيرة وترجع باش تسخن عظامها عاد تم نازل من العمارة لي كلها زاج..قشعاتو وهوما يتقرقشو عينيها. .
تبدل نهائيا على ميمون لي كتعرف..لابس سروال كحل دجين ومعاه تريكو طالع تال العنق فالبيج ولايح فوقهم كويرة كحلة من الجلد الرفيع..وݣاط فالقهوي فاتح، مناسق مع التريكو لي لابس..وريحة عطرة كاتفوح منو شماتها باقي موصلش لعندها..ماغتنكرش أنه عجبها حيت تبدل نهائيا رجع كيباان غزاااال. .
وقف عليها ماد يديه وهي باقي مضهشرة فيه تانطق:الالة تالبنات عذبتك معايا؟؟
ميمون:(قرب لجيهتها)زوين كاع!!! مانوصلش لزينك الزين(كايقاد فتجاكيط)غا ولد خالي لي لصقني فهاد اللبسة
نزهة:(بابتسامة إعجاب)وغاتمشي تلاقا باك بحوايج عاديين!!الواحد مرة مرة يحلق على الحالة
ميمون:نتي ديما محلقة عليها ههههه
نزهة:اوا شنو راني مرااا
ميمون:(تنهد بإعجاب وفمو فيه ابتسامة)علاه غي مرا وسكتي هه(مسح على لحيتو)خليني سااكت
نزهة:ههههههه ها الكوموند ديالك..طلعها للفوق
ميمون:(غادي لطاكسي)اوا عاونيني هههه السلام عليكم كي داير اسيدي بخير
...:الحمد لله..ياكما نعاونك؟؟
ميمون:ايييه الله يكبر بيك
نزل خرج معاه لي بلا وطلعوهم بجوج وبقات هي لتحت التفرنيسة هاربة ليها حيت حمقها..وسييم بدرجة خفيفة لكنو عجبها حيت أول مرة تشوفو أنيق هاكا. .
طلعو كلشي وتحاسب مع السيد ومشا مخليه واقف معاها قايل:غي من الشوفة كايبان داكشي بنين
نزهة:ذوق ورد علي الخبار ههه
ميمون:اييييه(جبد جوا من جيبو)هاكي ها رزقك
شداتو بهدوء مبسمة وقالت:شكرااا
ميمون:حسبيهم هههه
نزهة:بيناتنا الثقة هههه
ياله بغا يهضر صونا تيليفونو وعينيه عليها ماحيدهمش وهو كيجبد التيليفون حتى شاف المتصل وحرك صبعو :بلاتي
رجع خطوات لور دوز الخط وبقا تايهضر مبرد وحجبانو معقودين ومن نبرة صوتو باينة فيه معصب...هي مراقباه بنص عين مابغاتش تبان حاضياه ولكن فاهمة أنه كايتناقش معصب غي داير ملامح البرودة على وجهو..
قطع الخط وعقد حجبانو كثر حتى نيوفو تفرشوو بالغضب هه ..قرب حداها مبدل على قبل
وهي تنطق: مالك؟؟
ميمون:والو غي شي مشاكل...شكرا على كلشي
نزهة:(تحرجات )حمم واخا ماشي مشكل..
ميمون:بغيت نوصلك ولكن الطيارة قربات
نزهة:(بهدوء)لالا غاناخد طاكسي للخدمة ديركت بصحتك
ميمون:شكراا
رجعات خطوتين للور ومشات فحين هو طلع لدارو معصب وعاقدهم خاصو غي معامن..المكالمة رعداتو على جهد وخلات دمو يفور وكبح راسو قدامها أما هي خدات أول طاكسي لخدمتها وخاطرها مغير..عاد كان مزيان وتقلب دغيا رجع بحالا ماكيعرفهااش..تحسسات الظرف لي فيه الفلوس وكملات طريقها تال خدمتها لي بدات فيها مباشرة وعقلها خدام معاه هو فقط على تغيرو المفاجئ. .
******
"بعد مرور أسبوع"
الحال على ما هو عليه..حياة نزهة روتينية فهاد الأسبوع كل نهار فالخدمة كاتجي كاترتاح و تهضر مع مها وصافي لا جديد فيها وحتى ميمون معاوداتش هضرات معاه من داك نهار ..لا هو صيفط ميساج لاهو عيط ليها ورجحات الأمر أنه تشغل مع باه وفي غضون أربعة أيام تناساتو ودارت بحالا ما وقع والو ورجعات عادية كيف كانت قبل مايبان فحياتها . .
اليوم جالسة فدارهم مع مها فالعشية دايرين كاسكروط مع ختها سعيدة وولادها كاملين وكايضحكو ويهضرو ويقشبو. .
تا نطقات سعيدة:شوفي راه جارتي حليمة بغاتك تصايبي ليها حلوة للخطبة ديال بنتها
دعاء:(كتراري بالتربية)شكون فبناتها؟؟
سعيدة:آية حشاك ههههه ديك البرهوشة
نزهة:(بمزح)أنا لي برهوشة هههههه أما بنت الفين ضبرات فراجل
ضحكو كاملين وكملو هضرتهم فمنحى آخر مدوزين وقتهم حتا مشاو وخلات ليها نمرة السيدة صونات ليها وتافقو على الثمن ورجعات كاتجمع فالماعن تاوقفات عليها مها كتعجز:اححح ا ركابيا .
نزهة:شرفتي شرفتي هههع
الأم:حتى دوزي أش دوزت ههههه عيط خوك ݣبيل
نزهة:شكون فيهم(كاتغسل الماعن)
الأم:(تنهدات)المرضي ديالي أما الكبير من داك نهار ماسول ماعيط ماشفتو ..كيتو فقلبي مشوية داك الولد
نزهة:(بهدوء)الغلط ديالك أمي..نتي مي ونݣولها ليك فوجهك نتي لي بززتي عليه بنت ختك وحرمتيه من ديك لي بغا
الأم:(تنهدات)ندمت ندمت ..الله يدير لي فيها الخير
نزهة:(شافت الحسرة فعيون مها)شنو بغا عبد الجلبل
الأم:بغاني نمشي عندو هههه
نزهة:(طلعات حاجبها)واراه الحݣرة هادي..ݣلسي معايا
الأم:وا شوية هنا وشوية لهيه عارفاني ماكنسخاش بولادو
نزهة:(عوجات فمها)وأنا كاتسخاي بيا هههه
الأم:كبري عقلك حتانتي..إن شاء الله غي شي أيام ونرجع تاني
نزهة:إمتا عوالة؟؟
الأم: حتى تكملي حلوة حليمة و نمشي باش نعاونك شوية.
نزهة:واخا الالة هههه خصني نمشي نتقدا
الأم:كون تقداي أبنتي كلشي دقة وحدة وتهناي
نزهة:أمي راه لي كايتقدا بمرة وبالكثرة هو لي كايشد الخدمة كل نهار يديها ما تحيدش من الحلوة وأنا ياله بديت كناخد على ݣدي . .
الأم:واخا ابنيتي لي بان ليك..أنا نوض نتكا شويا
نزهة:سيري أميمتي سيري
مشات الأم وبقات نزهة كاتغسل فالماعن وعقلها كايضور واش تمشي تقدا من عند ميمون ولالا!!قلب عليها قلبة وحدة ..كانت كاتنتاظر اتصالو ماشي حيت عاجبها فقط إنما كان كيرضي غرورها كإمرأة..كاتبغيه يتحمس ليها ويبين بلي عاجباه و واصل لدرجة كثر منها فالإعجاب..وتعجبات من غبرتو..
عبد الهادي:(قراها فالسما)حمم لا من نهار مات باه ماجاش. .
سمعات الخبر وهي تبلووكا بلاصتها وعينيها تفيكساو فبلاصة وحدة آخر حاجة تسنات تسمعها هي هادي..كيفاش وعلاش و وقتاش مافهماتش لي استوعبو عقلها أن باه توفى يعني هادشي لاش غابر..حزنو ملامحها وحلات فكها بصدمة:أويليي..امتا مات؟؟
عبد الهادي:شي خمسيام هادي اختشي..مافراسكش؟؟
نزهة:(سدات فمها بيديها)الله يرحمو مسكين و يوسع عليه..
عبد الهادي:آميين
نزهة:وفين هو ميمون؟؟مشا لمصر؟
عبد الهادي:لا أختشي..حضرنا للݣنازة هنا نيت فالمغرب..سي ميمون دابا غا فدارو بيناتنا غا التيليفون
نزهة:ااه صافي واخا...المهم ها السلعة فالعشية غايدوز واحد الراجل سميتو حمد عطي ليه السلعة،
عبد الهادي:كوني هانيا اختشييي
خرجات من عندو بملامح متحسرة على حالة ميمون اخر ماتوقعات هو موت باه...تنهدات بحسرة وقالت:إنّا لله وإنّا إليه راجعون ..
جبدات تيليفونها دوزات نمرتو بدون تردد لكن بزااف تاع الرنات مقابل عدم الرد.. ردات تيليفون لصاكها وشيرات لطاكسي عوالة تمشي تدير الصواب وتعزيه وتيليفونها ماسكتش من الرنين عليه حتى وصلات لنفس البلاصة لي عطاتو فيها الكوموند..
خلصات الطاكسي ونزلات وهي تشدها الرهبة وعاد بدا عقلها يخدم "نطلع؟؟لا مانطلعش...خاصني نعزيه!! لالا خليه تا يجاوب فالتيلفون..كاتلوم فراسها وتعاود من جديد ورجل خاطية خطوة قدام العمارة ورجل راجعة للور.."
زفرات بعصبية وندم وغلبها وجهها وهي تزطم فأول خطوة وسولات الكونسييغج وعطاها رقم الدار والإيطاج..طلعات فالأسانسور كاترعد ومزال كاتساءل شنو هادشي.. خرجات قدام باب الدار وهي تزفر جامعة قوتها وصونات جوج مرات وقلبها كايضرب بالجهد علاين يسكت ماعارفاش علاش..زادت صونات من جديد لكن لا جواب تا فقدات الأمل أنه يحل ظناتو خارج ياله غادي ضور فحالها وهو يتحل الباب. .
رجعات من نصف الدورة لي كانت عوالة تدير باش تمشي فحالها..عينيها جاو على جسدو الضخم بلباس بيتي وملامح وجهو عيانين تقدر تطلع معاه فالاسانسور وتعرفو أنه مريض..ثقبها بعينيه وختارقها وهي أيضا عمرات عينيها بيه ..آخر وحدة يتوقعها تجي لعندو هي نزهة..
جملتو نطقها بواحد الحسرة قاستها فقلبها...هادي هي الدنيا كايقولها الواحد ملي تايكون متيقن بقضاء الله وكايحمد لله ويشكرو على أي حاجة دازت فحياتو ...هاد المستوى من الصبر ماكيوصلش ليه أي واحد كايوصل ليه غي لي عارف معنى الثبات عند البلاء. .
نزهة:(خطات يديها على ذراعو )ماديرش فبالك ربي بغاه
ميمون:واييه داكشي..دخلي شربي معايا أتاي
نزهة:(بابتسامة)مابغيتش نبرزطك؟
مد يدو شد يديها باش قاستو وحتاضنها بين كف يديه تا وصلاتها درجة الحرارة لي فجسمو وقال وعيونو فعينيها عاجبو لجيست لي دارت لأنه فهاد الوقت بالظبط خاصو لي يخفف عليه
ميمون:غا برزطيني الالة
جرها تا دخلات و خطات أول خطوات تجاه دارو وسد الباب ويديه مافرقاتش يديها وعلى ملامحو هدوء خطير..
تنهد وقال:ݣلسي أنا جاي
حركات راسها وما تململاتش من بلاصتها لكن عينيها كانو تيضورو دورة شرفية على الدار لي أقل مايقال عليها تحفة..
فراشها غالي وأنيق ومصروع والديكورات واعرة وحتى التفصيلة باش مفصلة زوينة كاتحس براسك جالس فدار راقية..بان ليها السيجور بفراش أنيق ولي ستور مغطيين الشراجم والتلفازة مشعولة على قناة المجد مطلوق فيها القرآن . . وفواحد السداري مانطة مخربقة باينة تما كان ناعس وفالطبلة الزجاجية الوجه ومن الجناب خشب كانت خنيشة ديال الدوا وكلينكس مرمي..كاتساءل شنو كادير؟؟ و آش هاد الزعمة لي زعمات من جيهتو..ولي محيرها كثر أنها ماخايفاش..
حيدات سبرديلتها وبقات بتقاشر بيضين نصاصيين ومشات شدات قنت تاع السداري فاش ناعس وصاكها حداها وعينيها كايضورو على الصباغة ولي طابلو وحتى التصميم .. مليون فالمية مصممها شي مهندس ديكور..
وذنيها كايسمعوه كايقرقب فالكوزينة باينة حيت سمعات حس الكيسان..تا تم جاي هاز صينية فيها أتاي وقال:مرحبا ا لالة نزهة عندي
نزهة:شكراا حممم عذبتي راسك ونتا مريض
ميمون:(حط صينية)عادي كنت كانوجد فيه بغيتو يسخن ليا عظامي
نزهة:الدار دافية!!
ميمون:(جلس حداها بيناتهم مسافة تقدر بربعة اليدين)مع مريض فيا تبوريشة
نزهة:(كا تشوف فداك أتاي كايخوي فيه)حممم الله يشافيك(جرات خنيشة تدوا كتقلب فيه)مزيان هاد الدوا غايفوتك الحال
شاف ردة فعلها وماحكرش عارفها تقدر تكون خايفة يدير ليها فيه شي حاجة حالها من جيلها وأي جيل تفرج فالسلسلة الشهيرة "من دار لدار" بقات فعقلهم ديك الصورة ديال المنوم فالعصير مرسخة وتاهو شد كاسوو شرب منو جوج جغمات وتخشا وقال:شنو مشيتي تديري فالمحل؟؟
ميمون:(بجدية)ماكانش الوقت..كلشي جا على غفلة وتبرزطت مع الدفين والمشاكل(مخسر وجهو)ختي مرمية فالسبيطار وهو خاصو يتدفن ولخرين بغاوه يتدفن لهيه
نزهة:(حسات بيه مبرزط)حممم واخا تسمح ليا نسولك!!باش مات
ميمون:(بهدوء)كسيدة. .
🔙🔙🔙🔙
ملي تفارقات معاه ومشات لخدمتها..طلع هو لدارو عاقد حجبانو ومخيخ بعد الإتصال لي جاه من مو لي بدات كاتخاصم عليه وتبكي عليه رافضة رفض تام أنه يجي عندو باه وهو حيت كايحتارمها ماقدر يقول ليها تا حاجة حدو سمع ليها وقطع ..دار نظرة أخيرة على الطبلة ودار إتصال للبنت لي كاتجي تجمع ليه الدار وصاها تنضي ليه كلشي من صينية و أتاي وماغيرو وخرج فحالو هاز طونوبيل ديال ولد خالو فإتجاه المطار. .
فمطار محمد الخامس واقف برا حدا طونوبيلتو وعينيه على مخرج المطار كايتسنا يبان ليه باه وحجبانو معقودين باقي هضرة مو فوذنيه...لكن سرعان مالمحو من بعيد تفكات غوباشتو وجات بلاصتها إبتسامة خفيفة. .
راجل كبير فالعمر لابس كوستيم ديالو ولايح فوقو سلهام مصري ديال الصعايدة..نسخة كبرى على ميمون فالملامح..
وحداه بنت شابة تكون فالثلاثينات من عمرها لابسة دجين مزير وطالون مع شوميز وشادة صاكها بكل أناقة وعينيها مغطياهم بنظارات شمسية تقدر من بعيد تلمح فيها الغرور عكس طبيعتها. .
حسن غي شاف ولدو وهو يفتح يديه بفرح والإبتسامة شقات وجهو ولاخر مشا لعندوو تبادلو عنااق رجوولي وباه كيضرب على ظهرو ويهضر بلكنة مصرية:أهلا أهلا بإبني حبيبي... (بعدو عليه تيشوف فيه بشوق) ليك وحشة يا إبني
ميمون:(فهم شوي)على سلامتك(شاف فختو)نجلاء. .
تقدمات عندو مبتاسمة تعانقات معاه وحتى هو عنقها بفرحة وقالت:وحشتيني أوي يا ميمون(بالفتحة على الميم)..كده برضو ما تسألش عليا. .
ميمون:أنا الغلطان هههه مرحبا بيكم. .
حسن: ما شاء الله ربيت راجل قد الدنيا ربنا يحميك من كل شر يا إبني. .
ميمون:آمييين..كي راكم مزيان؟؟
نجلاء :(بمزح)بقولك اييه الترجمة حاتنزل إمتى هههه عشان أنا مش فاهمة حاجة
حسن:تعرف يا ميمون(بفتح الميم)كانت أمك بتعمل لي شاي مغربي إنما اييه تحفة
نجلاء:ااه صحيح هي فين ست الحجة؟؟
ميمون:ههههه با هنا وتجي هي.
نجلاء:ايه؟
حسن:(كيضحك)أنا هنا وعايزاها تيجي..
نجلاء:يا بابا ده إنتَ عامل عمايل في شبابك إنما إيييه ههههه
ضحكو وكركو مزيان وميمون مقاداه فرحة ماكرهش يفرش ليهم الورد ..نجلاء علاقتو بيها عادية ماكيهضروش بزااف ولكن عزيز عندها حيت ماعندهاش خوتها دراري وهي الصغيرة فخواتاتو أما باه راه فرحان بولدو وماقاداه فرحة حتى هو حيت فالأخير تايبقا هو ولدو الوحيد. .
تغداو وكلاو وضحكو وعجبهم الأكل المغربي وحتى ميمون عجبو طياب نزهة بزاااف حمرات ليه وجهو..
ميمون:نجلاء الى عيانة سيري للبيت تكاي
نجلاء: بابي ممكن الترجمة ههه
حسن: بيقولك لو تعبانة روحي نامي شوية،
نجلاء:حموت من التعب..هاروح أسند شوية
ميمون ناض معاها وراها البيت نقي ومنظم وقال:رتاحي هنا
نجلاء:تسلم يا حبيبي..
خرج مخليها تاخد راحتها وترتاح ورجع حدا باه شاد هو وياه الهضرة تانطق باه:عملت ايه فلي قولتلك عليه؟؟
ميمون:عارفني مابغيتش بلاش ماتبقا تحكر عليا
حسن:(كايفهم المغربية)ده حقك يا إبني وأنتت هتتحرم منو
ميمون:(هز يديه باسها)أنا مابغيت والو..براكا غي تجي عندي نشوفك هادي هي الدنيا . .
حسن:(بتاسم)طول عمرك حنين وإبن أصول ..بس يابني العمر بيجري وأنا عاوز أضمن لك حقك تاخدو زيك زي خواتك. .
ميمون:أنا مابغيتش..خليني على خاطري
حسن: إلي تشوفوو يا إبني الي تشووفوو. .
بعدها كملو حديثهم على منوال آخر ..حديث بين أب وإبنو لي ميمون بغا يعيشو سنين هادي ومتاحتش ليه الفرصة..كايتناقشو بزاف ديال المواضيع ماحاسينش بالوقت تا وصلات العشية وناض خرجهم دارو قهوة فالزنقة فأرقى كافي فيك يا كازا وجلسو كايهضرو تا عياو ونطق باه
حسن:أنا تعبت شوية عاوز أرتاح . .
ميمون:نمشيو للدار؟
حسن:لاء يا إبني احنا حاجزين في أوتيل هنا .
ميمون:(عقد حجبانو)علاش؟؟داري كبيرة والى مرتاحيتوش فيها نشوف دار خرا
حسن:هه لا يا إبني مش كده..إحنا كده كده كنا هننزل في أوتيل وهنشوفك كل يوم أكيد . .
نجلاء:ماتيجي معانا بكره هنسافر
ميمون:فين؟؟
نجلاء:بص هو أنا مش فاكرة المكان إلي هنروحو .. إلي هو اييه يا بابا إسمها إيه
حسن:مراكش
نجلاء:ايووه دي..صحابي كلهم زاروها وبيقولو إنها تحفة عشان كده عاوزه أزورها أنا كمان. .
قرب ليها وجبدت تيليفونها آخر ماكاين وبدات كتوريه تصاور خواتاتو لي شحال ما شافهم:دي يا سيدي زهرة أختي الكبيرة مش أكبر منك يعني بس أكبر مني..شوف هي شبهك إزاي ههه وده إبنها وبنتها حسن و سلمى،
ميمون:كاين شبه بيني وبينها
نجلاء:ااه ودي أختك الثانية سارة ..دي متجوزة واحد من الأمن يعني ممم(كتفكر )شرطي بالعربية الفصحى هههه وده ابنها هيثم شووف هو أمور إزاي...ودي هدى دي مش شبهنا خالص بتحب تذاكر وتقرا كتب يعني مش شكلنا خالص وهي لي بتشتغل مع بابا فشغلو ومشاريعو. .
نجلاء:ياعم انتو لغتكم صعبة جدا هههههه هنكلمهم أحسن. .
دوزات ليهم ابيل فيديو ودارو لكيت وهضرو معاه كاملين وفرحانين بيه كايتسبمو ليه ويسولو فيه ويهضرو معاه فرحانين وكيعرضو عليه فالاخير قطعو المكالمة وشبع مع نجلاء تصاور وناض داهم لأوطيل بعدما أصرو انهم يباتو فيه. .
فالصباح الموالي ..فاق حسن وبنتو فطرو فلوطيل فخم ونزلو لقاو سيارة مرسيديس فإنتظارهم طلبها حسن ..طلعو والشيفور سايق بيهم فأزقة الدار البيضاء ولكن تجري المياة بما لا تشتهي السفن..
كازا معروفة بالإزدحام وشي كيقطع على شي وشي حابس شي وشي مضوبل شي..فواحد الطريق ماعامراش بزااف كانت سيارة من نوع clio جايا بسرعة مفرطة صاحبها كان زربان لدرجة موقفش فسطوب والميرسيديس جايا من طريقة المطلوقة عادي بسرعة فوق 60 برغبة من حسن باش يزربو..و وقع اصطدام من طرف clio بجهد تاتنحات الطوموبيل لوخرا للجنب وماتوقفش الأمر هنا فقط.. الميرسيديس كلات العصا من الطونوببل لي وراها حيت مدايراش بحساب غاتوقف لي قدامها دخلات فيها تاتقلبات للجنب والدخان تايخرج منها وكانت حادثة سير مميتة آخر ماتسمع فيها هو صرخة نجلاء . .
حوادث السير هي ظاهرة قاتلة عرفات إرتفاع كبير فالمغرب وأغلب أسبابها هي السرعة ورغم المجهودات لي كاتقوم بيها الوزارة والسلطات باش يحدو من هاد الظاهرة إلا أنه غادية فارتفاع بسبب قلة الوعي وعدم إحترام السرعات المسموح بيها زائد عدم احترام قانون السير...
شباب وناس كبار خسرو حياتهم فحادث سير ..وناس كثار تصابو باعاقة مدى الحياة كاين لي تقطعات ليه رجليه وكاين لي خسر يديه وكاين لي دخل فغيبوبة والأسوأ هو الموت. .
"السرعة تقتل"
تقلبات الميرسيديس على جنب و الطريق وقفات إلا مول clio لي كمل طريقو عادي..دخاخن خارجين منها وكلشي واقف وتيلي فوذنيهم كايعطيو لومبيلونص ..تجمعات الجوقة بطونوبيلات تا جاو البوليس ولومبيلونص خرجووهم بستة وستين كشيفة حيت مقلوبين وللأسف حسن والشيفور ماتو فالبلاصة ونجلاء مغيبة . .
نقلو حسن و الشيفور لمستودع الأموات ونجلاء للمستشفى العمومي محمد الخامس..وميمون راه مافراسو مايتعاود كيصوني لباه ويصوني لختو ولا من مجيب..قدرو البوليس يهزو الهويات وعرفوهم ماشي مغاربة تواصلو مع عائلة الشيفور.. وفصاك نجلاء لي تلقات فيه الهوية كان تيليفونها لي متضررش كايصوني وجاوب واحد من البوليس وكان ميمون وعطاه خبار أن البنت فاليبيطار والباقي أموات. .
الحسرة لي حس بيها ميمون ماعمرو حسها تا وهو يتيم بواليدين عايشين..كان عايش اليتم لكن دروك غايعيشو بصح..طاح عليه الخبر كي الرصاصة دخلات لقلبو وذبحاتو..ماحس تا كانت دمعة نازلة من عينيه مصدوم .. وخرج فإتجاه السبيطار يستفسر وهو ماعارفش شي كايديه لشي وشي كايصيفطو لشي وكثرة الدمايات والناس كاتموت فسبيطار الدولة خلاتو كي الحمق تا بحرا مالقا البوليسي المكلف ..وعطاه خبر تأكيد أن باه توفى لأنه كان نوعا ما مامتيقش. .
مالقا مايدير من غير يكبح دمعتو قدامو ورجع لور شاد فراسو مصدووم غي لبارح كان باه معاه واليوم تحت التراب..نزلو دموع من عينيه صامتين ماقادرش يغوت وماقادرش يتركل حيت الصدمة غلبات عليه..كيفاش وعلاش؟؟ماعارفش لي عارف أنه باه مشا وفارق الحياة فحادث سير مميت بسباب شخص مامسوقش ..
بقا تما لساعات والناس كايدوزو عليه ويجيو حتى وعى ودوز الخط لخالو هو لي يقدر يعاونو فهاد المحنة خسر عليه فقط "با ماات" . .
قفز عبد الرحمان لي كان جالس وسط خوتو و ولادو كايشربو فأتاي ضاحكين إلا الزاهية لي مغوبشة. .
ونطق بحسرة:الله واكبر. . إنا لله وإنا إليه راجعون. .
خديجة:(زوجتو)ياك لباس أسيد الحاج؟؟
عبد الرحمان:(شاف فالزاهية)حسن مااات
كلشي تصدم وشهق ومن بيهم الزاهية لي طاح فبالها غي ولدها..ضربات ففخاضها وقالت :أويليييي ولدي ولدي ياكما وقعات ليه شي حاجة . .
عبد الرحمان:هو لي عيط ليا ݣالها ليا..باه لي مات..ياله زيدي ݣدامي
الزاهية:(بحسرة)الله على وليدي مسكيين الله على الحنين ديالي مسكييين غايموت بالقهرة الله على كبيدتي.
فتيحة:وااامي براكا من نديب زيدي لبسي جلابتك وياله
عبد الرحمان:أنا نعيط لدراري كلشي يمشي. .
وبالفعل صونا لولادو ولخوت ميمون ولخوتو هو وكلشي شد الرحال للدارالبيضاء باش يوقفو مع ميمون ..والزاهية تتعدد وتعاود. .
بقا ميمون فالسبيطار كايطمن على حالة ختو لي كانت نوعا ما عادية حيت عندها هرس فيديها وبعض الكدمات .. حاس براسو غايطيح على وقفتو موكد تا جا خالو وشافو من بعيد.. جرو عنقو هو وخوتو كيعزيوه أمة مو طلقات دموعها وجراتو معنقاه وتتبكي تا هبطو دموعو
مسح دغيا دمعتو وحرك راسو ونيوفو حمرين مقادر لا يهضر ولا يحرك شي حاجة
عبد الرحمام:ميمون وݣد اولدي..الموت علينا حق..فينها ختك؟
ميمون:مغيبة هي لي طلعات عايشة
براهيم:ماديرش فبالك أخويا حنا معاك الله يصبرك. .
جرو الرجال ميمون ومشاو سولو على الجثة باش تدفن لكن الرفض كان جوابهم غايصيفطوه لمصر يتدفن تما أو لا تكلف بيه الدولة حيت ميمون على حسب علمو فالوراق ماشي ولدو ومعندوش الحق أنه يتصرف...تعصب وزادو الحزن ولات حالتو تشفي العدو..
صالح:ميمون عندك نماري ديال خواتاتك؟؟هوما لي غيعطيوك الإذن باش يتدفن
ميمون:(مرفوع)ففف لالا كاينين عند نجلاء
عبد الرحمان:عطاوك تيليفونها ؟؟
ميمون:اه اه
براهيم:واݣولها من صباح أصاحبييي فففف
خزر فيه عبد الرحمان باش يجمع راسو وشدو من عندو تيليفون تايقلب وتيسولوه على السميات ومن حسن حظهم تيليفون نجلاء كان بلا كود..تكلف عبد الرحمان وخبرهم بالوفاة وأراك للغوات والصداع بزز باش سمعوه بلي خصهم يجيو للمغرب. .
حالة الموت باينة والحزن مخيم على قلب ميمون فقط الباقي كاييواسيوه لاغير لأن حسن ماكيعنيش ليهم شي حاجة المعني عندهم هو ميمون لاغير..غادرو السبيطار كلهم إلا ميمون وخالو بقاو تيتسناو خواتاتو يوصلو حيت غايخصهم إذن بالدفن فالمغرب..قلب ميمون معصور على باه ساكت فقط لاحرااك تا صبح الصباح جديد عاد صونا تيليفون نجلاء هزو جاوب :الو
هدى:(بصوت باكي)هو فين؟؟
ميمون:سبيطار محمد الخامس
هدى:(تتبكي مفاهمة والو)انتا بتقول إيه؟؟
عطا التيلي لخالو لي هضر معاها وبسط ليها وقطع وهو يقول:هاهوما جايين..صبر راسك أولدي . .
ميمون:الله يرحمو مالحقتش حتا نشبع منو
عبد الرحمان:هادي هي الدنيا..ݣول الحمد لله على ابتلاء الله
ميمون:(بنفس مكسور)الحمد لله. .
مادازتش ساعة حتى وقفات سيارة فخمة قدام السبيطار ..لمحاتها عينين ميمون ونزلو منها ثلاثة تالبنات...نزل تاهو ومشا وقف عليهم...كانو كلهم بالأسود وبشال خفيف فوق راسهم
سارة:(نفاجرات بالبكا)ياا حبيبي يا بابا يا حبيبي يا بابا
ميمون:على سلامتكم. .
هدى:(تتبكي هي الاخرى)هو فين؟؟ايييه لي حصل؟؟
ميمون:كسيدة
تدخل واحد الشاب اسمو أدهم:قصدو عمل حادثة..
زوهرة:(مخشية فزوجها)هءهء يا رب كان مستخبي لينا ده فين هءهءهء
ادهم: أخوك عندو حق ..أبوك لازم يدفن، إكرام الميت دفنه
سارة:هءهء لاء لاء بابا لازم يدفن فمصر فبلدو. .
ميمون:(عض على فمو عصبوه)علاش شنو فيها الى تدفن هنا؟؟
هدى:(بغضب وبكاء)إسمع لما قولك أنا بابا مصري وهيدفن فمصر مش فالبلد دي(غلباتها البكية) إلي كانت وش نحس عليييه هءهءهء
زوهرة:ياريتووو سمع كلامي ومسافرش كان زمانو لساته معانا هءهءهء
عبد الرحمان:يهديكم الله ...أرض الله كيف كيف..خص حسن يتدفن ونكرمووه ..ختكم مريضة حتا هي. .
هدى:هي نجلاء كويسه؟؟
ميمون:(زفر)مزيانة...مهرسة من يديها
سارة:يعني ايييه هءهءه
ادهم:يعني عندها كسر فإيديها
بكاو تاني على ختهم وبداو ينوحو تنواح المصرييين مخلاو ليه هو مايقول..ولي فراسهم تدار دخل ادهم دار إجراءات إخراج الميت وبعض الإتصالات باش يخرج ليه السفر تنقل الميت وميمون ماعندو مايدير حيت فالوراق ماشي ولدو...هضر وغوت وتخاصم مع هدى ووالو . .
برا سبيطار واقف ميمون محيح عليهم حيت دارو النقل وكايغوت:أش نفهم أنا من هاد الفعايل ؟؟رااه بااا هذااك. .
هدى:(مخنزرة فيه)اسمع انتا اما قولك ... ما تكونش فاكر إنك عندك كلمة على جثة بابا الله يرحموو...احنا بناتو واحنا المسؤولين عنو وبابا هيتدفن فمصر
ميمون:(شي فهمو شي لا)ينعل دنمها ساعة لي لاقاتني بيكم تفووووو. .
سارة:استهدو بالله يا جماعة..بابا لسه مدفنش وانتو بتتخانقو هءهء هدى ارجوكِ خلينا ندفنو هنا أحسن من المرمطة دي هءهءه مكتوبو أنو يموت هنا
زوهرة:وبعدين معاكي يا هدى..هنروح ونسيب نجلاء هنا !!
غلباتها البكية ودارت يديها على وجهها تتبكي ولوخرا قالبة وجهها تتبكي وملامحها غاضبة ماراضياش على هاد الوضع..ميمون من رقة قلبو جر زوهرة عندو دارها فحضنو وهي تعنقو وبدات تتبكي وتنوح بصوت مسموع ونضامات ليهم تا سارة لي تلاحت فحضنو تتبكي تاهيا بحرقة على باها . .
أما هدى شافتهم هاكاك وخزرات وبعدات بعيد تتبكي فصمت..من يوم يومها وهي هاكاك ماتاتبغيش تبين مشاعرها لشي حد..قاسحة وصارمة ومقصحاها الوقت لكن فداخلها حنينة بزااف وهي القريبة من باها حيت تضل معاه. .
بكاو فحضن خوهم تا بردو وتاهو عنقهم وطبطب عليهم ونطق : براكا من البكا..سيرو للدار أنا نتكلف بكلشي. .
أدهم:(واقف وتيشوف)زوهرة..سارة (حط يدو على راس زوهرة)تعالي رتاحي شويا...أنا وقفت الإجراءات وهيتدفن هنا إن شاء الله. .
ميمون:إن شاء الله...(مكابر كيهضر)سيرو لداري رتاحو فيها أنا نوصي خويا يوصلكم
وبالفعل مشاو البنات مع منعم وبقا هو مع أدهم تا خرجو الميت لي خدا مدة ثلاثة ساعات ونادى لخوتو وخوالو باش يمشيو معاه يدفنوووه ...
فسيارة الأموات بيضة ومكتوب فيها بالاخضر "انا لله وانا اليه راجعون" و "يا أيتها النفس المطمئنة ارجعي الى ربك راضية مرضية فادخلي في عبادي وادخلي جنتي"
ولأن المصريين تا نسا كايمشيو فالكنايز ماعتارضش ميمون بتاتا انهم يجيو ...لحقهم فطونوبيلات ميردسيس ودموعهم ماحبسووش حيت موتو كانت على غفلة لأن السيد مامريضش ومابيه والو. .
تدفن الميت فآخر بيت ليه وخلى وراه أحبة كثيرة متحسرين عليه ..تدار ليه اللازم وتدار ليه العزو فدار ميمون بالطلبة والمقرئين..خالو و ولادو تكلفو بكلشي وداز عزوه على أتم وجه كيما كايدار لأي مسلم على وجه الأرض...كلشي حضر من خوت ميمون وخواتاتو الا هدى لي رفضات تحضر ومشات تتحسر بوحدها فالاوطيل.
"أصعب ألم للأنثى هو فقدان الاب"
البنت ظهرها هو باها كان خايب ولا زوين تايبقا درع حامي ليها ونهار كايموت كتولي مكسورة على جوج وعمرها غاتتجمع من جديد...وكسرة خاطر بنات حسن كانت قوية حيت هو لي عندهم ومحضروش ليه..بكاو وناضو وطاحو وطرطقو عليه لكنه قدر الله وخصهم يصبرو عليه. .
يوماين دازت على الموت والحزن مخيم على دار ميمون وقلبو..ومكابر وواقف على وديت الناس لي كايعزيوه وعلى ود خواتاتو لي ماتحملوووش الفراق خاصة نجلاء لي فاقت وخبروها ..بكات ونوحات وطاحت بالأعصاب عليه حتى بردات وغيبات من جديد...حولها ميمون لأحسن كلينيك فكازا وعطا لخوه يتكلف وبقا كايزورها كل نهار. .
➡️➡️➡️➡️➡️➡️
نزهة:(غرغرو عينيها وهي تتسمع ليه شنو كايعاود وكايبان عيان وحزين بزاف) الله يرحموو ويوسع عليه . .
ميمون:(تنهد )آميين
نزهة:فين خواتاتك دابا؟؟
ميمون:فالأوطيل كايستناو نجلاء تبرا باش يمشيو
نزهة:كي بقات شويا؟؟
ميمون:شويا كتكابر..ملي بقا ليها عمرها هذاك هو الفضل. .
كانت قريبة منو شوية شد يدها فيديه وقال:مزيان ملي جيتي..فرحتيني
نزهة:(بلوكاها)حمم كون سقت الخبار كون جيت من لول..(داعب يديها بلطف وبغات تفاداه)تاكل شي حاجة؟؟
مبمون:(بمزاح)شي طاجين؟؟
نزهة:(على نيتها)نوجدو ليك..كلشي كاين فالدار؟
ميمون:غي كانضحك معاك...مافياش لي ياكل . .
نزهة:والدوا تشربو على الجوع؟؟ غا نوجد ليك شي حاجة خفيفة وصافي . .
ميموت:واخا...سيري راه الكوزينة وجدي لي بغيتي
نزهة:(بإبتسامة)واخا . .
ناضت من حداه متوترة من لمسة يدو..تمشات حفيانة بتقاشر بيضين وهو عينيه فاص ليها ...ريحات خاطرو بمجيتها حيت كان محتاج لشي حد بجنبو ...دارو عائلتو واجبهم و وفاو لكنو فالأخير راجل باغي مرا معاه بجنبو كيفما المرا كاتبغي السند هو براسو خاصو علامن يسند. .
دخلات للكوزينة وحلات فيها فمها مجهزة بجميع الأجهزة إلا ماكينة العجينة..مزيج بين التقليدي والعصري ومريحة فالخدمة تشهاي تشقاي فيها ..لقات شي ميعنات نيت فلافابو ..توجهات للثلاجة جبدات الدجاج باقي فميكتو بدمو ما منقي ماوالو.
و هي تخرج عندو وقالت بصوت هادئ لقاتو مغمض عينيه:ندير ليك شي طاجين
حل عينيه بالشوية وحرك راسو وحمحم:حمم ديريه . .
دخلات من جديد شدات الدجاج غسلاتو مزيان ونقاتو بالملحة وخلاتو يترقد فالخل..بقات تاتقلب تالقات طاجين فالبلاكارات جبداتو ورجعات للدجاج شرملاتو مزيان بشرمولتو حيت لقات العطرية فاص ليها ..شلضات بصيلة وحطاتو يتقلى فيها بيدما نقات البطاطا ..ماجاش فين يتشحر تا دارت البطاطا وشوية تاع الزيتون بقششاات عليه فالثلاجة...السيدة تصرفات بحالا فدارها متناسياه هو لي خامر وجابد عليه..
دارتو يطيب ونقصات عليه ومشات خارجة عندو عوالة تمشي ساعا لقاتو جابد عليه نااعس..بقات كاتشوف فيه دايرا جلسة سرية بينها وبين نفسها على ملامح وجهو المبينة على مراحل كثيرة من حياتو..ملامح كلها قهرة وحزن حيت الى جا يحسب عدد فرحات حياتو غايلقاهم محسوبين على الأصابع..
خطوط رقيقة تحت عينيه وسمورية وجهو لي فمستوى طالع على سمورية لحمو..وحتى بعض الشعرات القليلة فلحيتو لي فيها الشيب كاتهضر و تحكي على حياة عامرة تمارة وقهرة لكنو كان دائم الحمد ودائم الشكر. .
ما بغاتش تبرزطو وهي تمشي شدات راس السداري فاش جالس حيت السداري طويل بحكم البيت كبير بزاف..جالسة مقنتة هازا تيليفونها وعينيها كايشوفو فيه ويشوفو فميمون..ماعارفاش راسها شنو كادير وعلاش كادير؟؟فيها ماينوض ويمشي ولكن عز عليها ..
سقلات فبلاصتها حاضية صدرو طالع نازل حتى صونا تيليفونو خلاه يحل عينيه بزز وعينيه مغوبشين ..طاحو عينيه عليها هي لي مكمشة ساقلة ..هز تيليفونو، كانت ختو جاوبها تحت نظراتها الخجولة هي تا سالا وقال: ساليتي؟
نزهة:(ضحكات بخجل كضور فعينيها)جاك عادي نكون أنا وياك فنفس الدار؟؟
ميمون:عادي..بحال خوك هههههههه قربت ليك؟؟حاديتك؟؟اوا عادي ماشي حيت معايا فالدار غايحضر الشيطان...(ضحك) واهو حاضر غا لقيتيني ماعندي خاطر هههه
نزهة:(ضرباتو برجليها لرجليه من تحت المانطة)اوا الله يمسخك
ميمون:(شد رجليها بيديه الضخمة وضحك بشوي) رصاي ههههه اوا شنو..(بجدية) الهضرة كانت غاتكون فبلاصة خرا وجابتها الوقت هنا
نزهة:أشمن هضرة؟؟
هز فيها حاجبو بمعنى من نيتك ولاحها ليها فوجهها:عارفة راسك كتعجبيني وكتبوهلي عليا. .
صدمها بالطريقة باش قالها حيت لاحها ليها فوجهها مكاين لا لف ولا دوران ديركت..ماكيحشمش وبغا يقوليك الحاجة غايعطيها ليك فوجهك واخا يكون موضوع حساس..هي مظناتوش يهضر فهادشي فهاد الظروف ناسية أن حزن الرجال ماكيفوتش لحظة وكاتبقى قلوبهم لي هازا الحزن وخارجهم عادي. .
شافها مجاوباتوش حدها بقات مبلقة فيه عينيه وهو ينغزها من رجليها وقال:أ معاك داوي الزين..عارفا راسك كاتعجبيني وبزااف
خلاتو وزادت كاتطل على الطاجين وكاتببلو ونسات راها جهدات عليه شويا دغيا شرب بلولو..مع بغات تضور لقاتو واقف من وراها كيحل ثلاجة ويهضر:تحرݣ
نزهة:كان غايتحرݣ ونبقاو بلاش
ميمون:(جغم من قرعة ديال الما باردة )ديك ساعة غاتعاوديه
نزهة:أويلي الشتا خيط من السما ونتا كتشرب فلما بارد..غاتمرض راسك
حط القرعة فوق البوطاجي ووقف قدامها ونطق:أش بان ليك فهضرتي؟؟
نزهة:(عينيها تفيكساو فعينيه)حمم أشمن هضرة؟؟(شافتو هز حاجبو)ميمون هادا ماشي وقت هادشي..نتا باك ياله مات وكتهضر فهادشي
ميمون:نقدر نبان ليك ماعندي ݣلب ولكن لي هازو أنا هنا(حط يدو على صدرو)محال واش شي راجل هازو..أنا همي كنهزو فقلبي وكيبقا تابعني حياتي كاملة ..وأنا هو لي كلا العصا فموت باه حيت ماشبعتش منو ومدوزتش معاه بزااف
نزهة:أنا مقصدتش هاكاك (تتلعب بيديها بجوج وتشابك صبعانها متوترة)أنا غي ݣلت باقي الحال على هاد الهضرة..مكتعرفنيش وعاد مكت...
نزهة:(فهماتها عوجة وهي تقندش)ياااك أسيدي ولات معيورة؟؟
شد يديها عندو مشابكة بيد وحدة وعينيه فعينيها مكرهش يلغي المسافة بيناتهم لكنو خافها تفهم غلط ونطق محافظ على جديتو ملين صوتو:آر حاجة نفكر فيها هي هادي..ماشي حيت جيتي عندي راكي خارجة الطريق..نتي جابك صوابك وݣلتي هذا كنتقدا من عندو نمشي نعزيه عادي فين المشكل..لي بغيتك تفهميه هو حتا واحد من لي كنعرف مجاش عندي ..كيعطيو فالتيليفون صافي..
نزهة:(زفرات)ماعرفتش أميمون..أنا ماشي شي وحدة لي صغيرة..عندي 34 سنة ماشي برهوشة باش عاد ندخل فشي علاقة . .
ميمون:هه 34 سنة حاسبة راسك كبيرة فالعمر ولا شنو؟؟34 سنة را باقي العقل ماعندكش وماخصكش تديريه..وشكون ݣاليك حنا غندخلو باش نتفلاو..من ݣال نتفاهمو ونرتاحو كثر لبعضياتنا ونكملو مع بعضياتنا
نزهة:(تنهدات)نتا معارفش مناش دزت!!
ميمون:(مبسم )وماباغيش نعرف..حياتك قبل مني متنتحاسبش معاك فيها...أنا خاطري رتاح ليك وعجبتيني لا من برا ولا من لداخل حيت بنت الناس وصارحتك..بغيتي نزيدو نعرفو بعضياتنا راه هذاك هو النهار الكبير
نزهة:ومن بعد التعارف؟؟
ميمون:(عرفها لاش كتلمح)الى توالمنا و تفاهمنا نديرو الشرع ونتزوجو
نزهة:شديت كوموند جديدة وخصاتني شي تقدية داكشي باش جيت عندك
ميمون:غاتوصلك تالدار كوني هانيية .خليك معايا (تحسس يديها بيديه بجوج ونزل طبع قبلة عليها من لفوق)
نزهة:(ضهشرها لدرجة بقات غي تاتبلق فيه عينيها)حممم واخا . .
جرها وراه للبلاصة فين كان ناعس تخشا وكانت بغات تخشا من الجيهة لوخرا و وجهها باقي عليه ملامح مبهمة مافاهمة والو ..ودايخة بالأفكار من جيهتو جات على حاجة صدقات فحاجة وحدة خرا ..تفاجأت بيه جارها حداه بغاها تكا حداه وهي تطلق منو ومانعات قايلة:أويلي لاا
ميمون:زيدي راه ماغناكلكش
نزهة:واش نتا شويا لباس؟؟لالا حشومة. .
جرها بلهلا يطريه ليها و خشاها حداه وتغطاو بمانطة وحدة وهي كترطا قايلة:ويلي حشووومة طلق مني راك عيقتي . .
ميمون:بركي للأرض..وخوي راسك من داك التخربيق
نزهة:(شافت فيه وجهها قريب لوجهو لكنو كيتصرف عادي)أشمن تخربيق راه عيب هادشي
سكتات ساقلة تتشوف فوجهو تا عيات وهي تحط راسها على صدرو حيت ديجا محاوطها بذراعو...تنهدات بشوية كأنها كاترتاح من تعب...صمت خفيف فالدار كتسمع غي صوت تنفساتو حيت قراب ليها..كاتشم فيه ريحة زوينة .. تجرأت وحطات يديها على صدرو وقتلات ضميرها واستسلمات لشيطانها لي زين ليها النعسة ..غمضات عينيها تاهيا وترخات على صدرو ويديه محاوطاها متحركاتش بتاتا..رجليها كيقيسو رجليه ..يمكن مغمضة عينيها لكن عقلها خدام كيحلل شنو كادير وكاتحاول تستوعب وكطرح على راسها اسئلة:
واش بغيتيه أنزهة ؟
واش مرتاحة ليه؟
نزهة عارفا شنو كديري دابا؟؟
كلهم مالقاتش ليهم جواب وحلات عينيها وكاتشوف فيديها محطوطة على صدرو وقلبها مرتاح من هاد الحضن لي ماكتعرف عليه والو..من هاد الشخص لي ماتوقعاتوش يبان فحياتها..
نوع ميمون أكيد ماشي المفضل عندها ماعرفاتش واش مابغاتش تقوليه لا وهو فهاد الظروف ولا فعلا كي قال هو خاطرها دفات فيه. .
داز وقت طويل وهي فحضنو ..هو ناعس وهي هازا تيليفونها طالعة هابطة فالفيسبووك عارفا الطاجين قاتلة عليه العافية غيطيب على خاطرو ..حسات بيه كايتحرك حداها وهي تبدا توتر من جديد حيت حساتو زيرها عندو خاشيها فيه ونطق بصوت مبحوح:طاب الغدا؟؟
نزهة:أنا نطل عليه
طلق منها وناضت حوايجها كاملين مجنترين قول كان كيشلقم فيها..خلاتو كايتفوه..لقاتو كيبقبق وطايب وهي تطفي عليه بعدما ذاقت المريقة واش هي هاديك فالملحة..
نزهة:(بصوت مرتافع)راه طاب نحطو دابا؟؟
ميمون:واخا
حطات الطويجين كايشهي ومعاه الصالاد فخوي وداكشي متول كل حاجة شادة بلاصتها وجابت الخبز وعينيه حاضيينها بهدوء تا شافت فيه وحركات راسها :مالك كتشوف فيا؟؟
ميمون:حيت خايبة كانشوووف فيك وصافي
ضحكات ليه وجلسات حداه..قطع الخبز وقال ممازحها باغي يخرج من جو الحزن:انشوفو هاد الحداكة واش حتا فالطواجن؟؟
كلات ذغمة وقالت:بااااززز على مزويناتو طاجين شهوة . .
ميمون:(يد فالطاجين ويد شد يديها باسها وفمو كيندغ)الله يعطيك صحة زوييين غي كاانضحك معاك. .
نزهة:(سكتها عاود وتبسمات بخجل)بصحتك. .
كلاو بعدها فصمت والتلفازة كاتهضر فقط..هي كاتدير دغمات صغار حيت من عوايدها وهو راجل راه يد فالفم ويد فالطاجين تا سالا وهو يرجع لور وقال جامع يديه :الله يعطيك صحة طيابك زوين
نزهة:حممم بصحتك...كول مزال
ميمون:ناكل طاجين؟؟ هههه الله يخلف حيدي نغسل يدي. .
حيدات ليه ومشا فحين هي جمعات يديها وتبعاتو غسلات بديها وتبهرات بالحمام من جديد..مع خرجات مع لقاتو قدامها وقالت:دارك زوينة؟؟شكون مفرشها ليك؟؟
ميمون:(سابقها لبلاصتهم)أنا
نزهة:زعما هذا ذوقك بوحدك؟؟(كاضور عينيها)هادشي بان ليا فيه مرا
ميمون:هههه أشمن مرا؟؟لالا أنا لي مفرش وأنا لي ختاريت كل حاجة
نزهة:ذوقك زوييين هاا(تتهز الماعن). .
ميمون:(ناض هاز تكاسر الخبز)ملي عجبتيني نتي راه ذوقي زويييين هههه
على ذكر المحل تفكرات هضرة الدراري لي خدامين عندو وهي تسها قدامها حايرة بين تقولها ليه ولا تكمش . . مبغاتوش يتخور وفنفس الوقت مابغاتش تقطع رزق حد..
ميمون:(شافها سكتات)مالكي؟؟
نزهة:(تصايبات فجلستها)ميمون نݣوليك شي حاجة واكلاني ففمي. .
ميمون:(مركز فطريق)ݣولي ماتخلي تا حاجة لداخل غي هضري. .
نزهة:حمم ݣبيل فاش مشيت للمحل قبل ماندخل سمعت الدراري لي عندك كايهضرو. .
ميمون:اوا . .
نزهة:فففف(تنهدات)ميمون واش كثيق فيهم؟
ميمون:(لبس قناع الجدية)واحد فيهم من عائلة الواليدة شي حاجة بعيدة و واحد صاحبو.. علاش؟؟
نزهة:سمعتهم كايهضرو على شي لعيبات كايخرجوهم بلا خبارك. .
ميمون:(هز حاجبو وببرود )شي حاجة معارفهااش أنا؟؟أش كانو كايݣولو؟
عاودات ليه المنزلة من أولها لأخرها كيفما سمعاتها وهو كايسمع بعدما وقف فبلاصة فين تشد طاكسي تاسالات. . وتنهد بحسرة كيشوف فاص ليه:هضرتك مأكدة منها؟؟
نزهة:أنا شنو ليا باش نكذب؟؟ كنت غانسكت كاع مانݣولش ولكن مابغيتش نخليك مقلوبة عليك القفة. .
ميمون:(شاف فيها)أنا ماكذبتكش ولكن جاتني فشكل..ماشي أول واحد كايشفرني صراحة حيت كنأمنهم على رزقي بنية صافية..ربي شاهد حاسبهم خوتي الصغار ولكن لي ولد الحرام راه ولد الحرام ماعندي مانبدل فيه
نزهة:أش ناوي دير؟؟
ميمون:والله ماعرفت(زفر ومسح على وجهو)مولاها ربي .
نزهة:ماتبقاش تتيق..الوقت صعيبة ورزقك وقف عليه بيديك
ميمون:ماخليت شكون جبت ..وديما كنلقا الشفرة فالسلعة وكاندير عين ميكة
نزهة:داير كاميرات؟؟
ميمون:ااه كاينين ولكن انا ماكنفهمش فداكشي ركبهم واحد السيد صاحبي غي باش يباانو وصافي أما ديما مطفيين وماكانش عندي كي ندير نخدم بيهم. .
نزهة:(عز عليها)خدمهم فتيليفونك نيت...سير عند لي ركبهم ليك نهار لول وݣوليه يديرهم فتيليفونك ويوريك راه ساهل..وبقا تحضي رزقك
نزلات من سيارتو مودعاه وبقا واقف تا شيرات لطاكسي وهو يقلب الضورة ديركت للسبيطار لعند خواتاتو عارفهم غيكونو تماك. .
كي دخل للبيت ديال نجلاء وكيف مولفهم بهادشي باش جاو لابسين الكحل حيت من عادتهم الحزن حتى فالحوايج.. كانت نجلاء فسريرها متكية هازا يديها لمهرسة و وجهها شاحب مع بعض الخدوش فوجهها حيت جرحها زاج الطونوبيل وتحت عينيها كحل بالبكا..وخواتاتها كل وحدة شادة قنت كايشوفو فيها بحزن ..مساهلش عليهم فقدان الأب خاصة أنه كان كايعاملهم مزيان. .
ميمون:السلام وعليكم
شافو فيه وردو السلام كاملين وحتى أدهم ..ونطقات زهرة:ميمون..إزيك يا خويا؟؟
ميمون:(مشا سلم عليها بالوجه كانو عينيها مدمعين)الحمد لله نتي مزيانة؟؟
ادهم:ازيك إنتا؟؟
ميمون:الحمد لله . .
مشا لنجلاء داعب شعرها وقال:راك بخير؟؟
نجلاء:(طاحو دموعها دغيا)الحمد لله . .
جرها دارها فحضنو وقال بهدوء:الله يرحمو ويوسع عليه ضيقة القبور..خاصك تبراي باش توقفي على رجليك. .
نجلاء:(شادة فحوايجو وتتبكي)أنا مش مصدقة إلي بيحصل ده هءهءهء يعني أنا مش هشوف بابا تاني. .
سارة:(عينيها مدمعين جات حداها)وحياة النبي بطلي عياط ..إحنا كلنا مدمرين بس قدر ربنا هنعمل ايييه. .
بقات كتبكي فحضنو ونظرات هدى ليه كانت باردة كتشوف فيه وكتعبرو..عكس ماسمعات من مها لي كانت ديما كاتروج ليها كلام مسموم على أنه الوريث الوحيد لباه وأنه ما غايحنش فيهم..تا طاحت عينيه عليها تبسم ليها . .
وقال:نتي مزيان؟؟
هدى:الحمد لله
أدهم جالس حدا زهرة فالفوتوي وعينيه على ميمون ماعاجبوش الحال..نطق فوذن مراتو:هو ده حيفضل يلعب دور الأخ ..
زهرة:(خنزرات فيه وبهمس نطقات)إخرس خالص هو ده وقتو. .
هدى:(ربعات يديها وعلامات الجدبة على وجهها)المقصود لازم تطلع مصر ...المحامي تصل بيا مبارح وقال أنو بابا كان كاتب وصية. .
ميمون:(بعدم فهم)وصية؟؟واش غاتخرقو شرع الله..سمعيني الالة ختي (هز صبعو فوجهها محذرها ومخنزر)ختي على راسي وعيني ولكن باش تفوتي معايا الحد غنقلب عليك وجهي...الى كان كايحساب ليكم أنا باغي فلوسو ولا باغي شي حاجة من داك الورث لي مسخنين الفم بيه غي جمعو وطويو والطيارة لي جابتكم تديكم...أنا با بغيت غي نشوفو ونعيش معاه شويا ..الى نتي(كيشير ليها لوجهها)كبرتي مع مك وباك أنا لا...معرفتووش حتا وليت راااجل ..
هدى:(شي فهماتو شي لا)اييه يا بني الكلام ده...انتا بتقول ايه
ادهم:حمممم ميمون ..خلينا نشرح لك(فرحان من داخلو)ده حقك
ميمون:(مغوبش)ماخصني حق...مابغيت والو ..أنا باغي حاجة وحدة هي لي تعطيوها ليا فحقي..تبقا علاقتي بيكم ماتقطعش..حيت خوكم ونتوما خواتاتي..كنتو كتفكرو الفلوس الله يعاونكم. .
زاد وخلاهم مكملش معاهم تا الهضرة..آر مكان يفكر فيه هو الميراث مع العلم هو الذكر الوحيد يعني غيشد لي يعيشو قايد وباه كان ديما مصدعو بأنه يحطو فاسمو باش ياخد حقو بحالا كان عارف بانه موتو قربات لكن واحد بحال ميمون داز من ظروف صعيبة ومعاشش فوسط عائلي باغي فقط "جو عائلي" الفلوس دارهم وهو باقي فيه مايعطي وعندو لي يعيشو مزيان باغي فقط عائلة...
الكثير من الناس كبرو بين أب وأم وإخوة وعائلة كتزورهم..عاشو فرحة العيد فاش كيبقاو فايقين ومعنقين حوايجهم..عاشو ضحك ونشاط الأضحى وعاشو كذلك أجواء العائلة والعراس والداخل والخارج ومك تطل عليك وباك يسول فيك..جو أنه باك يضربك لا ما بغيتش تقرا ومك تزيرك تقرا وتنعس مع خوتك فبيت واحد واخا الضيق كاين التيساع فالخاطر..الكثير كايجيهم هادشي عادي لكن بالنسبة لواحد معاشش مع والديه هادي عندو هي الفرحةوهذا هو مثال ميمون تمنى غي لمة مع العائلة ويجيو عندو الناس ويمشي عندهم ويكونو خوتو وخواتاتو لكنو مالقاش هادشي..
هدى:(زفرات)وبعدبن معاه هنعمل ايه يا ادهم؟؟
أدهم:(مرتاح)أديك شفتي بعينك..هو رافض تمام فكرة الإرث
هدى:بس إنتا عارف بابا كانت أمنيتو أنو ميمون يكون على اسمو
ادهم:متسهدي بالله شويا يا هدى..أديك شفتي رأيو ايه وبالعكس ده أحسن ليك إنتي وإخواتك ..كولو الفلوس هتبقى ليكو . .
هدى:(بجدية)أنا مبيهمنيش الفلوس قد مابيهمني أنو أمنية بابا تتحقق
أدهم:(من داخلو محاملش راسو)خلي الموضوع ده علي. .
دخلو للبيت وهي تنطق سارة:كنتي فين؟؟كلمتي ميمون فالموضوع
هدى:لسه في حاجات كثيرة في الموضوع ده (تنهدات)لازم يسوي وضعيتو القانونية
زهرة:(بحنية)أنا مش عايزة منكو حاجة انا عايزة بس شملنا يبقا كده ومع ميمون كمان. .
نجلاء:إ شاء الله يارب. .
ركب ميمون طونوبيلتو وحجبانو معقودين..آخر مافكر فيه هو الفلوس ..هو من النوع لي ماكيعجبوش المظاهر ومكيعجبوهش الماديات بزاف..حيت دوز فترة من حياتو محوزق ماعندو عشا ليلة ...دوز بعض الإتصالات بخصوص الخدمة بيدما وصل لقدام المحل ..بلاصا طونوبيلتو وفوذنيه تيليفون . .
دخل عليهم لقاهم في وضعية عادية كيستفو السلعة و واحد فيهم كيبيع لواحد السيد جديد ..ماهضر ما قال والو حدو لقى السلام ودخل للسطوك كايضور فعينيه المعقودين وشفايفو كيعض فيهم مع يدو لي كتحك فمسطاجو وتيجبدو فانتظار الشخص لي بغا..
دازت عشرة دقايق دخل شاب فمقتبل العمر هاز كارطابل تسالمو ونطق: عيطت ليك بغيتك تخدم هاد الكاميرات. .
ميمون:وقفت..شوف ݣالو ليا كاينة واحد القضية ديال نبقا نشوف أش طاري فالمحل غير من التيليفون. .
...:كاينة بغيتي نصايبها ليك
ميمون:(مد ليه تيليفون)هاك دير خدمتك . .
شدو من عندو ومشا كيدير خدمتو وميمون كيضور بين السلعة مكمش عينيه..الشك نوغشوو وتمكن منو وباغي يزيد يتأكد قبل مايقطع الرزق . .
مدازت تا ساعة كان سالا الدري حيت ديجا الكاميرات ماآنسطالين خصو غير يخدمهم ..مد ليه التيليفون و شرح ليه الطريقة مرارا وتكرارا وقال:صافي فهمتي
ميمون:فهمت أخويا الله يحفظك..(جبد فلوس كيحسبهم من جيبو)شد رزقك. .
...:الله يكبر بيك
خرج وخلاه تايعاود يشوف فالطريقة ويتنهد وفالأخير خرج مرتاح بدون مايهضر معاهم وهادي ماشي من عادتو..
قصد طريق دارو لوخرا لي فيها مو وختو وخوه وتيليفونو فوذنيه كيصوني لنزهة لي بعد رنات قليلة جاوبات
نزهة:الو
ميمون:لالة البنات وصلتي؟؟
نزهة:حمممم بلاتي(ناضت من حدا الناس)وي وصلت ݣبيل دزت عند ختي
ميمون:وصلتي مزيان؟؟
نزهة:اه الحمد لله..كي لقيتي ختك؟
ميمون:مزيانة(كمل تايعاود)بغاو يمشيو فحالهم كاع
نزهة:لمصر زعما؟؟
ميمون:أه ..كانشوف أنا البنت باقي مريضة وباقي عيانة وهوما باغيين يمشيو كون غي بغات تبقا معايا. .
نزهة:(لمسات الحنية فهضرتو)سعداتها هاد ختك بيك ههه
ميمون:شحال عندك نتي من خوك؟
نزهة:جوج
ميمون:اوا تهلاي فيهم الخوت زينين هه. .
نزهة:يتهلاو فيا هوما بعدا ههههه
ميمون:مامهلينش فيك؟؟بنااقص أنا نتهلا فالزين ديالي...أش خاصك؟؟
نزهة:هههههههه على القرص حتى نتا ههههه ماخصني والو خصني غي السلعة باش نخدم للسيدة حلوتها. .
ميمون:فكرتيني هههه شنو خاصك كاع؟؟
نزهة:خلصتو وكلشي خص غي توصلني
ميمون:واخا فالعشية يدوزها ليك السيد
نزهة:واخا أسيدي..ياله سير نخليك خليت ختي كتسناني
ميمون:سيري أزين بسلامة. .
قطع معاها مبسم ونزل من سيارتو فحي زوين وراقي تاهو طلع لدارو وكيف كان متوقع لقى مو وختو أما خوه مكاينش..تلقات ليه مو وعنقها وهي كتطبطب عليه :الحنين ديالي كي بقيتي شويا؟
ميمون:(باس بديها)الحمد لله أمي..شويا
الزاهية:ولاش أولدي تجي ونتا عيان كون جلستي فدارك حتا تبرا
الزاهية:صابرين ليا؟؟أنا لي صابرة ليهم أناا...احححح وكان كبرنا ومابقا حد عاجبيينو ايييه واكبري وربي(منعم وفتيحة كيحركو راسهم مولفين الموال)وقري وتولي وفلخر مافيك صبر..كون تشوفوني لاش صبرت مع باكم . .
فتيحة:(كضحك عليها)هههههه وملي فيك الصبر صبري مع المصري الله يرحمو كون راه درووك كانفرقو فالورث هههههه ماشي مع با مات وخلاك الله كريم جوج بليدات والنعاج . .
ضحكو كاملييين إلا الزاهية لي قندشات فيها وقالت:الله يقل حياك الماسخة...نوضي الله يمسخك. .
ميمون:هههههه تفرقو ليا على مي هههه
منعم:واش كذبنا؟؟كون راه دابا كنفرقو الملايين
ميمون:غي مشتتين غي دوز تفرق وتهز ههههه
فتيحة:ومالك ماشي مشتتين؟؟شفتي غي الطونوبيلات فاش جاو كي دايريين هادو ماعرفت كي عايشين تما
خرج مخليهم غي تيشوفو فبعضهم وساكتين غي تفاوت و هو ينطق منعم وصبعو مشير جيهة الباب:هاد ولدك أمي والله حتى مكلخ .
فتيحة:علاه غي مكلخ وسكتي..أويلي واش كاين لي كيبعد عليه النعمة.
الزاهية:(خزرات فيهم)غاتسكت نتا وياها ولا نوض نعاود ليكم الترابي...ولدي سييد الرجال ولي دارها جات معاه..أش جاه من هاد بااه وهو فالحياة باش يجيه وهو فالممات. .
منعم:(ضحك مغدد)أودي كيتعطا الفول لي ماعندو ضراس..عطاتو ليام
فتيحة:فقصني ومشاا يخخخخخ
الزاهية:المساخيط خزيييت(ناضت). .
نزهة وسط دار ختها هي ومها مجمعين على صينية تاتاي ودوازو متولة الطبلة ..التاويل عندهم وراثة لاهيا لاختها غي بثلاثة بيهم كيتعاودو ويضحكو ماكاين لي يبرزطهم . .
نزهة:خصنا نمشيو أمي غاتوصل السلعة باش غنخدم مايلقاو حد
نزهة:واختي راني 34 سنة..التران راه غادي وكيفوتني (بحسرى)حتا أنا بغيت ندير وليدات قبل مايفوت الفوت
سعيدة:نزهة..نساي عليك هاد الهضرة ديال الزواج ..واش غي تزوجي ولباس!!ماعرفتي هاد الراجل كي غيكون
نزهة:كون بغيت غي نتزوج ولباس كون تزوجت وانا بنت العشرين..بغيت غي شي ولد الناس يحسن بيا ويكون راجل بحال با الله يرحمو
سعيدة:بحال با راه مابقاوش..خوي راسك من زواج مالكي اش خاصك؟؟رزقك غيجيبو ليك الله واخا تكون عندك خمسين عام..الزواج راه مافيهش غي الولاد فيه الصبر وشحال من حاجة
نزهة:بلي فيه الخير ياربي
سعيدة:(تبسمات)اش سماه الله هاد ااسيد
نزهة:(ردات ليها الابتسامة)ميمون نههههه
سعيدة:ههههههه سمية زوينة...لي نوصيك هو حضي راسك اما تكوني تعرفيه تاحد ميعيق بيك
نزهة:داكشي لي غندير..انا أصلا مكنفكرش فيه من ناحية الزواج
سعيدة:لي بان ليك
الأم: (دخلات)ياله نوضي ابنيتي نمشيو قبل لا يطيح الظلام
ميمون:اوا حتال ديك ساعة وتكون هضرة خراا...ياله دوخي فحالك
نزهة:ههخهه سير تصبح على خير
ميمون:بسلامة
-قطع عليها خلاها عاضة على شفايفها وعينيها مفيكسين فاص ليها كتفكر فشنو دير معاه...تصرفاتو ضريفين بزااف وكيبان ولد الناس لكن جانب من عقلها ماباغيش يتقبلو معرفات راسها واش دايرا ليه الخاطر ولا مدوزة بيه الوقت. . . .
كملات شغلها وتعشاو . . و ناضت تخشات فبلاصتها بعدما مسات على مها وعقلها فيه مطارق كثيرة كي دير تخدم الكوموند ديال السيدة أما هو كي رخاتو الشيشة جبد عليه
فاليوم الموالي جالسة بكامل أناقتها كيف العادة لباسها ماشي غالي لكن كاتختار بياسات زوينين وكلاص متوسطين الثمن..الشعر مطلوق وكطابي فالبيسي تا وقفات عليها وحدة من لي خدامين معاها فيديها ضوسي وقالت:نزهة هاكي اختي هاد الضوسي صيفطو ليك موسيو ربيع
نزهة:مغسي حبيبة...مالكي كتباني عيانة؟
إيمان:أختي عيانة و ستريس قاهرني والله
نزهة:نظمي وقتك أختي ديما كنݣولها ليك..النظام كيخلي الستريس بعيد عليك
خيط الريح الجزء الخامس
محتوى القصة
نزهة:بزاااف كاع ههههه الله يمسخك غا بغيت نعطيك شنو خاصني
ميمون:كي بقيتي شويا؟؟
نزهة:نسيت ههه دازت صافي..
ميمون:سعداتك نسيتي أنا بقيت كانترعد على الكلب مابردت حتا غرقت والديه
نزهة:(باهتمام)شنو درتي باقي؟؟
ميمون:هضرت مع واحد الكوميسير صاحبي وعطيتو كارط ديالو وغايقلبو عليه يمشي فين يتربا شي ست شهور
نزهة:(تنهدات)ماقادا على ذنووب الناس..غانشوي مو عليه كون غي درتي بناقص
ميمون:(مقصح صوتو)واش نتي مريضة ولا مالك؟؟فين كانت هاد مو ملي الناس كايربيو ولادهم ..لي مارباوهش والديه المخزن يربيه..اليوما نتي غدا غيرك
نزهة:لي بان ليك..أنا غانصيفت ليك شنو خاصني فالواتساب
ميمون:سجليه باش يبقا عندي غدا يدوزوها ليك الدراري للدار أنا غنكون مبرزط
نزهة:ماشي غدا غايجي باك؟؟
ميمون:لالا باقي ..بعد غدا إن شاء الله...
نزهة:الله يجيبو على خير..صافي أنا نسجل ليك داكشي ونصيفطو
ميمون:إن شاء الله ياله دوخي فحالك عندي الناس فالدار
نزهة:(بمزح)شي شيخة!!
ميمون:بحالا علمك الله ههههه
نزهة:(شوكاها)تصبح على خير
ميمون:وانتي من أهلو هههه
قطع معاها وحط تيلي فوق الطابلة لي فالكوزينة ورجع كايصايب الشيشة ديالو باحترافية وكيعصر المعسل بين يديه واقادوه تحلفي عليه جمايري
نضاها وداها للصالون فين كان راجل صغر منو مخشي فمانطة وقدامو طبلة عامرة بالماكلة تزنقة وتلفازو مشعولة والقنت مقلوب بالشيشة
ميمون:هاهيا ناضية(بغا يشدها)جمع يديك الجرة لولة ديالي
...:ارا من الفعايل هادي ديالي
ميمون:صبر از****
جر جرة مزياان وساطها ومدها ليه وقال:واااعرة
جمال :مممم واااعرة هههه كاتصرع الشيشة المسخوط
ميمون:(شاد التيليفون البصمة)بالصحة وݣول كانسااك
جمال:امتا جاي باك؟؟
ميمون:بعد غدا..غايجيب معاه نجلاء
...:هي غاتكون زاهيا عندك مصرية هنههه
ميمون:والله أخويا جمال ماعارف كي ندير معاها هي هههههه مزال با كايفهم المغربية
عماد:شوف مع باك يجيب ليك شي اه ونص من تما ههههههه كان عاود ليا عليه با ݣاليك زهواني
ميمون:هههههه وشنوو، راه زهواني بزااف تزوج مورا مي بزااف تالمرات(وصلو أوديو وطلقو)
جمال:(راخي وذنيه)وليتي كاتخدم مع العيالات أبا ميمون!!
ميمون:سكتنا الخرااا
جمال :اوا ديرو فوذنيك مانسمع والو ههه
ميمون: كي ندير؟؟
عماد:(شدو حطو ليه حدا وذنيه)سمع راااسك
بقا كايتسنط راخي راسو مع صوتها مامسوقش كاع لشنو بغات انما كيسمع داك صويت الرقيق لي تيعجبو منشوي عليه تاكمل وصيفط ليها أوديو فيه :واخا إن شاء الله.
تلفت لعماد وقال:شوف راه مي مفراسهاش با جاي عنداك توصلها ليها
جمال:(كايشيش)هههه لالا ماتخااافش
كمل تقلابو فتيليفون يدخل من هنا ويخرج من لهيه تايخربق فيه يكتاشفوو تاعيا وهو يضور مخشي فمانطو ناعس مخلي ولد خالو تيشيش وكيتفرج فتيليفونو
*****
يحدث أن نشتري قدرا لا يلائمنا
ونلتقي بقدر لا يباع
***
مع الفجر فاقت نزهة كتعجز وللبرد معجزها تنوض..غسلات وجهها وسنانها ومشات كتشرب فنص قرعة تالما على الريق وعينيها على الشتا لي كتنقط فشرجم الكوزينة..
توجهات ديركت لعجينتها كاتفوه لقاتها كيما خلاتها ..قسماتها وبدات كتشكل فيها كيما دايرا فبالها..مجاتش فين تضرب ساعة ونص لقاتها شكلات جوج شكال بكمية كثيرة ويديها تتخدم بزربة طيباتها وحطاتها فبواطة تالعشية وتجي تزوق..
قطعات الخضاري لي بغات تصايب بيهم لي صالاد ونضاتهم وحطات كلشي واجد فالثلاجة وهادي عملية كيقومو بيها الحلاويات وصحابات ليكوموند فالدار كيوجودو لي ميزونبلاص ديالهم على تيساع كاتلقاهم الفحر خدامين ولا نص الليل المهم توصل الطلبية..
بعدما فطرات و ناضت تتوجد راسها للخدمة والعيا راكبها من ساسها لراسها..قادات قهيوة توكد بيها بيدما وصلات الوقت وخرجات لخدمتها بنفس جديد وراسها فيه الطلبية وميمون لا غير. .
ماشي من نوعها المفضل وماشي من نوع أي وحدة فينا من هاد العصر..كنبغيو الراجل يكون يعرف يلبس ويتقاد ومهلي فراسو وقاري و واعي حيت بصريح العبارة كيطغى علينا المظهر.. لكن لصق فبالها بطريقة زوينة ...هي إنسانة خاترة وعمرها خلاها تعرف تقرا النظرات ..نظرتو فالخوف عليها خلات قلبها يرفرف بأمان..عندها خوتها ولكن عمرها ماشافت نظرة الخوف فيهم من سنين طويلة
دوزات نهارها فالخدمة عادي بين الخدمة والجموع مع لي خدامين معاها تا وصلات الثلاثة وهي تنوض دخلات عند المدير ديالها ربيع..باحترام لقات السلام وقالت:موسيو ممكن نطلب منك طلب الى ما كانش غايشكل شي إشكال
ربيع:(مركز فشي اوراق)طلبيي نشوف هه
نزهة: حمم بغيت ناخد اليوم فالعشية وغدا فالصباح عندي شي أغراض
ربيع:شي حاجة مهمة؟؟
نزهة:وي..الخدمة كاملة واجدة كاع لي فاكتيغ وكاع لي فيش واجديين
ربيع:واخا..ماشي مشكل مي آخر مرة انزهة
نزهة:(تبسمات)إن شاء الله ..شكرا بزاااف
حرك ليها راسو وخرجات وهو يهز راسو مفرنس متبعها . .
حرك ليها راسو وخرجات وهو يهز راسو مفرنس متبعها فحين هي مشات نظمات مكتبها وخرجات بالزربة للدار باش تكمل ليه الكوموند..لقات التقدية وصلاتها تبسمات وسلمات على مها ومباشرة بدلات عليها ومشات تتحط لمها باش تزوق ليها الصابلي تعاونها شوية ..وراتها التزيين لي بغات ومشات بدات كاتقاد فالميزونبلاص تاع البساطل واكتحرك بعفوية فالكووزينة
وصلات المغرب وهي مزالها فالكوزينة تتحرك كي الفراشة لابسة طابلية فالكحل ويديها خدامين كيعجنو شكل اخر تاع الحلوة والتعب واضح على وجهها..من هادي لهادي صعيبة عليها
الحلاويات ديالنا كيتعبو باش يخرجو من يديهم البنة... هذا حالها هي لي ملي دخلات وهي من هادي لهادي ما رتاحت تا سالات الحلاوي وطابو وبقا ليها غي التزيين ديالهم أما البسطيلة ماغتعمرها تال غدا باش ديرها تطيب على خاطرها فالصباح و وقت الغدا تديها ليه
مع التسعود ديال الليل ..هزات فوطتها بعدما كلات بغات تدخل تخفف عليها عظامها وتيليفونها كيصوني برقمو..تبسمات وهزاتو وحطات ترمتها فوق ناموسيتها وشدات الخط بنبرة هادئة:الو
ميموت:غبرتي علي هاد النهار الزين؟؟
نزهة:هههه وانتا عاطيني فاش نتلاهي
ميمون:هههه كملتيها؟؟
نزهة:(بتعب)البساطل تالغدا ونطيبهم..والحلاوي بقا ليا الدريساج
ميمون:مممم عذبتك غي سمحي ليا
نزهة:(بمزح)عذاابك فلوووس خلصنيي عههه
ميمون:هههههه عندك شي شهود أختي؟؟أنا ماكنعرفكش(تفوه)
نزهة:اوا حتى دابا نوض نتعشا نيت أنا بدوك البساطل
ميمون:واعرضيني زايدة فيا أنا وياك
نزهة:ههههه ماضربش ليا تمارتي فالزيرو..
ميمون:سيري رتاحي تالغدا وكملي
نزهة:(على نيتها)ياله لقيتيني غاندوش ونرتاح شويا باش غدا نفيق بكري
ميمون:(كايتفوه)أنا نيت غانمشي ننعس ضليت اليوم فالجري
نزهة:اوا سير
ميمون:نكمل واحد الشيشة وننعس
نزهة:(باستغراب) كاتشيش؟؟
مبمون:مممم اه (كيطنز)ونتي؟؟
نزهة:هههههههههه كانكمي وكانشرب
ميمون:أعووذ بالله سيري أختي نتي راه كا...ف...رااااة هههه أنا غي كانشيش
نزهة:لي كايشيش غيشرب ويكمي
ميمون:(بجدية)ماشي بالضرورة ..أنا كانشيش و كنكمي ولكن الشراب قاطعو
نزهة:بعني كنتي كتشرب؟؟
ميمون:فاش كنت صغيير الزين دابا لا عفا الله كيبطل ليا الصلاة ههههه
نزهة:(شداتها الضحكة)اوا لباس بعدا كتصلي
ميمون:كلشي إلا الصلاة هههه
نزهة:ولكن كاتصلي وكاتشيش؟؟
ميمون:المغاربة راه كيشربو ويصليوو ههههه المهم مقاطعينش الصلة مع الله وربي كيقبل
نزهة:هههههه باااز لوجهك أسكايري
ميمون:عمرني سكرت عليك هههههه سيري أختي تنعسي باطلك صعيب
نزهة:ههخهخخخهههه الله يعفو عليك..أنا مشيت ننعس
ميمون:راه كنتي غادية تدوشي زݣي هضرة وحدة ههههه
ضحكها وهي تقطع عليه وناضت دوشات رخات عظامها ومسات على مها وتخشات ففراشها تتفوه بسرعة نعسات بعدما دارت الساعة فالفجر تفيقها ومشات فسبات عميق
****
فقلعة السراغنة ..بلاد الخير والجود والكرم..فوسط دار مبنية من الفوق تالتحت مصلوحة على حقها وطريقها باأرقى الإصلاحات لي داز من حداها يفها فيها لكبر مساحتها ولبنايتها ..كانت الزاهية جالسة وسط صالونها لابسة قفطانها ومشمرة على ذرعانها وملامحها غاضبة ..
عينيها مكمشيين و حولهم الكحل سايح..يديها ذهوبات ورجليها محنيين وحداها ولادها وخوها وهي صوتها طالع السما
الزاهية:كنتي عارف أخويا وماعلمتينيش؟؟
عبد الرحمان:(راجل كبير فالعمر لابس جلابة سخونة )واش أخي باغيا ندخل فالدري وفباه؟؟باه جاي عندو أش فيها؟؟
الزاهية:(غتبخ الدم)مايجيش..فين كان ملي الدري مكرفص وملاوح هاا ياك جابو لاحو ليا وزاد ماعرفو تا ربى الكتاف ودار خيرو وجاي طامع فيه
عبد الرحمان:يا هاد المرا تاقاي الله..باه عندو خيرو نتي عاقلة على حسن ملي كان قليل
الزاهية:(بعصبية)ماتجبدش سميتو فداري..
عبد الصادق:أمي يهديك الله..خليه يدير لي بغا راه كبير وبعقلو ...واش تحبسيه على باه؟؟كايبقا بااه
فتيحة:(بلا مبالاة)شحال فيك ديال النݣير أمي..خليه يجي عندو ولا يمشي هو نيت عندو
الزاهية:(غرغرو عينيها وسط عصبيتها)ماعارفيينش كيداير داك الݣنس !!!!هذاااك شيطان شييطان باغي يدي ليا ولدي ..يغربو ليا فديك البلاد
عبد الرحمان:(بصرامة)راك زدتي فيه الزاهية..اش هاد الهضرة ؟؟راك والدة راجل ..ماشي دري صغير راه 41 عام عندو غايجي باه ويدييه...وزايدون معندهمش نفس الكنية..ماداهش فصغرو يديه دروك
الزاهية:(كاتضرب فصدرها)توريني أنا فالكلب وعلى مدوز علي هءهءهءهء ولدي لي عندي بغا يقلبووو علي
براهيم:أش هاد الهضرة أمي كيفاش ولدي لي عندي هاا؟؟حنا طارو تالزبل
عبد الرحمان:(خزر فيه)نعلي الشيطان أختي وحيدي هاد الوساويس من بالك...ولدك راجل وعارف أش كيدير..ونفتارضو بغا يديرو فسميتو راه مزيان
الزاهية:(عينيها بغاو ينقزو من بلاصتهم)لالالالالالاا هادي هي لي عمرها تكون ليييه...عاطياه كنيتي يبقا فكنييتيييي
عبد الرحمان:(شير لراسو)عاطيييه كنيييتيي ماشي عااطيياه ..
الزاهية:(عينيها بغاو ينقزو من بلاصتهم)لالالالالالاا هادي هي لي عمرها تكون ليييه...عاطياه كنيتي ابقا فكنييتيييي
عبد الرحمان:(شير لراسو)عاطيييه كنيييتيي ماشي عااطيياه...جمعي معايا راسك راه حتانتي غالطة ..ياك تانتي خليتيه؟؟(شافت فيه بحرقة)هادشي لي بغيتي تسمعي..خليتيه تانتي ياك أنا لي هزيتو..وماحقدش علييك كون شي واحد اخر مايشوفش فيك(زفر)أستغفر الله العظيم كتخليو الواحد يݣول شي هضرة ففففف نعلي الشيطان وفرقي عليك الولد كيفما نتي مو هو بااه واش يدي رضااك ويخلي سخط بااه
منعم:محمقة راسك أمي على والو..
الزاهية:(سقلات تتدمع)أنا مابغيتووش يتغر بباه مبغيتوش يشبه ليه..هذاك حرايمي ميسوا ظفر ولدي مسكين..ولدي حنين بحالي هءهءهء
بقاو ساكتين كايتمزكو لديسكها المعتاد وقتما سمععات حس حسن طليقها كايشدوها الجنون وكتبغي تبخ الدم...عندها ميمون كي مومو تعنيها..مهلي فيها وباني ليها دار قد الخلا ساكنة فيها هي وخوتو وداير ليها الشهرية لي تقدها تاتموت..عندها قريب وحنين واخا معاشش معاها كاتفضلو على باقي ولادها حيت لقاتو حنين وولد الخير
مع بزوغ فجر جديد والشتا خيط من السما والزناقي عامرين بالما..كلشي مخشي فدارو فمانطتو مسخن عظامو وشابع نعاس إلا الأقلية لي كاينوضو للفجر ماكايفلتووش فرصة اللقاء مع الله . .
نزهة من بينهم..ناضت بزز كاتفوه على صوت المنبه طفاتو وتحركات بتثاقل..توضات صلات ومشات للكوزينة ديركت مكمشة فبينوار أسود من البرد..
جبدات الحلاوي لي بقا ليهم التزيين قاداتهم كاملين وصوت الشتا كايتسمع حتى لعندها ..ستفات كلشي ونضاتو وقدااتوو وحطاتهم بعيد..عاد دازت للشلايض لي تفننات فيهم مزياان بغات تعجبو ماكلتها والسبب معرفاتوش. .
قادات تا البساطل وخلاتهم حتى يطلع الضو مزيان وتديرهم فالفران..وفالأخير وجدات فطور ليها ولمها ماجاتش فين تضرب العشرة لقات راسها فطرات وسالات ونضات..تفوهات ومشات تكات شويا جهد ساعة وناضت من جديد كاتصايب ولاحت البساطل فالفران وقابلاتهم تا طابو وسولفات كلشي..
ملي عرفات كلشي ناضي تبسمات وهزات التيليفون دوزات نمرتو بعد عدة رنات جا صوتو الغليض:حممم الو
نزهة:صباح الخير
ميمون:نتي هادي!!صباح الخير
نزهة:كي راك لباس؟؟
ميمون:بصوتك الزين ولينا لباس نههه توحشتيني على الصباح ولا؟؟
نزهة:(قلبات عينيها)فيق فيق هههه صونيت ليك حيت وجدات الكوموند ديالك غاتجي ليها
ميمون:مامساليش والله...باقي غانمشي ندوش ونلبس ونمشي نجيبهم
نزهة:وشنو؟؟
ميمون:خودي طاكسي وجيبيها لعندي وأنا نخلصو
نزهة:ماشي قضية خلاص مي فين غانلقا الطاكسي (تفكرت)صافي صافي كنعرف واحد
ميمون:صافي ..كاتعرفي****** إقامة****** جي لتما وصوني ليا أنا ننزل. .
نزهة:واخا صافي
قطعات معاه وناضت لبسات حوايجها تأنقات كيف ديما وصونات لجارهم مول الطاكسي يديها ومارفضش ليها ..بعد نصف ساعة جا وبدات كاتنزل فالبلاطويات مسولفين وتحطهم لور داكشي تيشهي ..طلعات لحداه وهو ينطق:شي عراضة هادي ههه
نزهة:غا خدمة خدمت لواحد السيد وغانوصلهم ليه وصافي
عطاتو النعت وتحرك فالإتجاه ديالو وبعد مسافة الطريق وقفو قدام العمارة وهي تحل فمها...آخر ما ظناتو يكون ساكن فبلاصة بحال هادي..الحي رااقي بزااف ونقي وفيه غي الحديد الواعر ما لمحاتش بتاتا طونوبيلتو..فمها بقا شوي محلول وكتحلل فراسها ..صونات ليه جوج مرات عاد جاوب وخبرها بلي نازل . .
نزلات تاهيا مكمشة فمونطوها من البرد ومن حسن حظها الشتا حبسات..كتمشى مسافة صغيرة وترجع باش تسخن عظامها عاد تم نازل من العمارة لي كلها زاج..قشعاتو وهوما يتقرقشو عينيها. .
تبدل نهائيا على ميمون لي كتعرف..لابس سروال كحل دجين ومعاه تريكو طالع تال العنق فالبيج ولايح فوقهم كويرة كحلة من الجلد الرفيع..وݣاط فالقهوي فاتح، مناسق مع التريكو لي لابس..وريحة عطرة كاتفوح منو شماتها باقي موصلش لعندها..ماغتنكرش أنه عجبها حيت تبدل نهائيا رجع كيباان غزاااال. .
وقف عليها ماد يديه وهي باقي مضهشرة فيه تانطق:الالة تالبنات عذبتك معايا؟؟
نزهة:(فاقت على راسها)حمم لالا دنيا هانيا..
ميمون:(تبسم ليها بشوية )عجبتك؟؟ݣولي الصراحة. .
حبسات الضحكة الخجولة لي غاتفرشها..قرا نظراتها دغيا وعيات تكابر فالأخير بانت تستيفة سنانها بضحكة حشمانة
وقالت:تبدلتي بزاااف ههه ولكن جيتي زوين
ميمون:(قرب لجيهتها)زوين كاع!!! مانوصلش لزينك الزين(كايقاد فتجاكيط)غا ولد خالي لي لصقني فهاد اللبسة
نزهة:(بابتسامة إعجاب)وغاتمشي تلاقا باك بحوايج عاديين!!الواحد مرة مرة يحلق على الحالة
ميمون:نتي ديما محلقة عليها ههههه
نزهة:اوا شنو راني مرااا
ميمون:(تنهد بإعجاب وفمو فيه ابتسامة)علاه غي مرا وسكتي هه(مسح على لحيتو)خليني سااكت
نزهة:ههههههه ها الكوموند ديالك..طلعها للفوق
ميمون:(غادي لطاكسي)اوا عاونيني هههه السلام عليكم كي داير اسيدي بخير
...:الحمد لله..ياكما نعاونك؟؟
ميمون:ايييه الله يكبر بيك
نزل خرج معاه لي بلا وطلعوهم بجوج وبقات هي لتحت التفرنيسة هاربة ليها حيت حمقها..وسييم بدرجة خفيفة لكنو عجبها حيت أول مرة تشوفو أنيق هاكا. .
طلعو كلشي وتحاسب مع السيد ومشا مخليه واقف معاها قايل:غي من الشوفة كايبان داكشي بنين
نزهة:ذوق ورد علي الخبار ههه
ميمون:اييييه(جبد جوا من جيبو)هاكي ها رزقك
شداتو بهدوء مبسمة وقالت:شكرااا
ميمون:حسبيهم هههه
نزهة:بيناتنا الثقة هههه
ياله بغا يهضر صونا تيليفونو وعينيه عليها ماحيدهمش وهو كيجبد التيليفون حتى شاف المتصل وحرك صبعو :بلاتي
رجع خطوات لور دوز الخط وبقا تايهضر مبرد وحجبانو معقودين ومن نبرة صوتو باينة فيه معصب...هي مراقباه بنص عين مابغاتش تبان حاضياه ولكن فاهمة أنه كايتناقش معصب غي داير ملامح البرودة على وجهو..
قطع الخط وعقد حجبانو كثر حتى نيوفو تفرشوو بالغضب هه ..قرب حداها مبدل على قبل
وهي تنطق: مالك؟؟
ميمون:والو غي شي مشاكل...شكرا على كلشي
نزهة:(تحرجات )حمم واخا ماشي مشكل..
ميمون:بغيت نوصلك ولكن الطيارة قربات
نزهة:(بهدوء)لالا غاناخد طاكسي للخدمة ديركت بصحتك
ميمون:شكراا
رجعات خطوتين للور ومشات فحين هو طلع لدارو معصب وعاقدهم خاصو غي معامن..المكالمة رعداتو على جهد وخلات دمو يفور وكبح راسو قدامها أما هي خدات أول طاكسي لخدمتها وخاطرها مغير..عاد كان مزيان وتقلب دغيا رجع بحالا ماكيعرفهااش..تحسسات الظرف لي فيه الفلوس وكملات طريقها تال خدمتها لي بدات فيها مباشرة وعقلها خدام معاه هو فقط على تغيرو المفاجئ. .
******
"بعد مرور أسبوع"
الحال على ما هو عليه..حياة نزهة روتينية فهاد الأسبوع كل نهار فالخدمة كاتجي كاترتاح و تهضر مع مها وصافي لا جديد فيها وحتى ميمون معاوداتش هضرات معاه من داك نهار ..لا هو صيفط ميساج لاهو عيط ليها ورجحات الأمر أنه تشغل مع باه وفي غضون أربعة أيام تناساتو ودارت بحالا ما وقع والو ورجعات عادية كيف كانت قبل مايبان فحياتها . .
اليوم جالسة فدارهم مع مها فالعشية دايرين كاسكروط مع ختها سعيدة وولادها كاملين وكايضحكو ويهضرو ويقشبو. .
تا نطقات سعيدة:شوفي راه جارتي حليمة بغاتك تصايبي ليها حلوة للخطبة ديال بنتها
دعاء:(كتراري بالتربية)شكون فبناتها؟؟
سعيدة:آية حشاك ههههه ديك البرهوشة
نزهة:(بمزح)أنا لي برهوشة هههههه أما بنت الفين ضبرات فراجل
معاذ:(ولد ختها)كايزربو على راسهم وصافي ههه
سعيدو:سكتونا خليني نوصل ليها هضرة حليمة..ݣالت ليك الالة بغات خمسة تالبلاطوات نهار الخميس شكليهم كيفما بغيتي. .
نزهة:(كتنقب فاللوز)واخا..وعطيتيها الثمن؟؟
سعيدة:لا ياختي أنا باش غانعرف باش كاتخدمي..نخلي ليك نمرتها وتفاهمي معاها. .
نزهة:واخا..ولي سولك ݣوليه كاتحسب للحبة ماشي للكيلو صافي
سعيدة:واخا أختي(تبسمات)شويا ديري حتا نتي مشروعك تولي سميتك الحلاوية نزهة . .
دعاء:ههههه وخدميني عندك عفاك
حفيضة:نتي صافي شديتي خدمتك دارك وولادك هههه
معاذ:أنا لي غاتخدمني خالتي ياك ههههه
نزهة:ولاد الهم كاتبانو غا دابا ملي كانبغي لي يعاوني كاتغبرو ههههه
ضحكو كاملين وكملو هضرتهم فمنحى آخر مدوزين وقتهم حتا مشاو وخلات ليها نمرة السيدة صونات ليها وتافقو على الثمن ورجعات كاتجمع فالماعن تاوقفات عليها مها كتعجز:اححح ا ركابيا .
نزهة:شرفتي شرفتي هههع
الأم:حتى دوزي أش دوزت ههههه عيط خوك ݣبيل
نزهة:شكون فيهم(كاتغسل الماعن)
الأم:(تنهدات)المرضي ديالي أما الكبير من داك نهار ماسول ماعيط ماشفتو ..كيتو فقلبي مشوية داك الولد
نزهة:(بهدوء)الغلط ديالك أمي..نتي مي ونݣولها ليك فوجهك نتي لي بززتي عليه بنت ختك وحرمتيه من ديك لي بغا
الأم:(تنهدات)ندمت ندمت ..الله يدير لي فيها الخير
نزهة:(شافت الحسرة فعيون مها)شنو بغا عبد الجلبل
الأم:بغاني نمشي عندو هههه
نزهة:(طلعات حاجبها)واراه الحݣرة هادي..ݣلسي معايا
الأم:وا شوية هنا وشوية لهيه عارفاني ماكنسخاش بولادو
نزهة:(عوجات فمها)وأنا كاتسخاي بيا هههه
الأم:كبري عقلك حتانتي..إن شاء الله غي شي أيام ونرجع تاني
نزهة:إمتا عوالة؟؟
الأم: حتى تكملي حلوة حليمة و نمشي باش نعاونك شوية.
نزهة:واخا الالة هههه خصني نمشي نتقدا
الأم:كون تقداي أبنتي كلشي دقة وحدة وتهناي
نزهة:أمي راه لي كايتقدا بمرة وبالكثرة هو لي كايشد الخدمة كل نهار يديها ما تحيدش من الحلوة وأنا ياله بديت كناخد على ݣدي . .
الأم:واخا ابنيتي لي بان ليك..أنا نوض نتكا شويا
نزهة:سيري أميمتي سيري
مشات الأم وبقات نزهة كاتغسل فالماعن وعقلها كايضور واش تمشي تقدا من عند ميمون ولالا!!قلب عليها قلبة وحدة ..كانت كاتنتاظر اتصالو ماشي حيت عاجبها فقط إنما كان كيرضي غرورها كإمرأة..كاتبغيه يتحمس ليها ويبين بلي عاجباه و واصل لدرجة كثر منها فالإعجاب..وتعجبات من غبرتو..
مسات على مها حيت تاتنعس بكري ومشات تخشات ففراشها كاتدهن يديها بكريم مرطب وتيلي قدامها محتارة واش تتاصل ولالا فالأخير عدلات لالاغم ومشات تنعس فانتظار صباح جديد. .
واقفة كاتسنا الطاكسي يدوز يوصلها لعند ميمون لمحلو.. بعد مشاورات طويلة فعقلها وخطط كثيرة خرجات بقرار تمشي تقدا من عندو حيت كايدير ليها ثمن زوين ماغتلقاهش فبلاصة خرا وسلعتو زوينة وحتى باش ترضي فضولها ناحيتو وتعرف سبب غبورو...لابسة سورفيت فالرمادي وسبرديلة من decathlon كاتبان سبورتيف والشعر مجموع جمعة خفيفة..شيرات للطاكسي وعطاتو النعت وعقلها باقي كايضرب أخماس فاسداس...
وصلات وتوجهات للمحل بخطوات خفاف بحالا تاتقول لعقلها وا عتق ورجع قبل ماتبان مذلول ...لكن خاطرها داها ليه مع بغات تدخل سمعات حوار داير بين جوج متعلمين
...:أش درتي مع لي دوزنا ليه السلعة فالليل؟؟
...:باقي ماخلصش أصاحبي
...:واش كاتسنا؟؟باغي تخرج علينا...غدا ولا بعدو يجي يقلب أش يلقى يديه والريح . .
...: مالك كاتفكر بزااف..ميمون ماكيقلبش مورايا السلعة أنا لي شاد الداخلة والخارجة ماكيسولش كايعرف غي لفلوس..غايحير هو فشوية ديال الدݣيݣ مخرجينو تخبية
...:ضبر لراسك أنا غي تابعك
خرجات عينيها وعرفاتهم خادمينوو..كتماتها وحنحات ودخلات وفمها كايلقي السلام بهدوء..
تلفتو ليها ونطق واحد فيهم:لالة نزهة لباس عليك؟؟
نزهة:(حاولات تبين بلي مسمعات والو)وهه عقلتي عليا..صافا الحمد لله ونتوما بخير؟؟مالين الدار
عبد الهادي:(بإحترام)الله يحفظك اختشي
نزهة:حمم ميمون ماكاينش؟؟
عبد الهادي :لا أختشي باقي شي سيمانة ماجاش..بغيتي شي حاجة راه وصانا عليك
نزهة:(فرحات فداخلها)حمم أه بغيت شي تقدية تاني
عبد الهادي:مرحبا أختشي..أشنو خاصك؟؟
جبدات الورقة عطاتها ليه وقالت:هاشنو خاصني!
شدهم تيقراهم وقال:واخا أختشي دابا نجمعهم ليك
مشا كايجمع ليها وهي مراقبة لاخر لي كايتصرف عادي كايستف السلعة الخفيفة لي كاتبان للكليان أما الثقال كاينين لداخل فالديبو حيت المحل كبير..
ومحسرة على ميمون عرفاتو كايتخور لكن جواب الدري انه غايب سيمانة فهمات أنه مشغول مع باه..وجد ليها السلعة وقال:غاتقدي تهزيهم راسك؟؟
نزهة:اوا واش ندير!! معاش كاتسدو؟؟
عبد الهادي:الثمنية أختي
نزهة:غنخلصك فيهم وخليهم حتى يدوز ليهم واحد مول الطاكسي حيت الدݣيݣ ثقيل
عبد الهادي:واخا أختشي عندك 500 درهم. .
جبدانها حطاتها ليه حيت مامقدياش بزااف وهي تنطق: ماكايجيش ميمون لهنا؟؟
عبد الهادي:(قراها فالسما)حمم لا من نهار مات باه ماجاش. .
سمعات الخبر وهي تبلووكا بلاصتها وعينيها تفيكساو فبلاصة وحدة آخر حاجة تسنات تسمعها هي هادي..كيفاش وعلاش و وقتاش مافهماتش لي استوعبو عقلها أن باه توفى يعني هادشي لاش غابر..حزنو ملامحها وحلات فكها بصدمة:أويليي..امتا مات؟؟
عبد الهادي:شي خمسيام هادي اختشي..مافراسكش؟؟
نزهة:(سدات فمها بيديها)الله يرحمو مسكين و يوسع عليه..
عبد الهادي:آميين
نزهة:وفين هو ميمون؟؟مشا لمصر؟
عبد الهادي:لا أختشي..حضرنا للݣنازة هنا نيت فالمغرب..سي ميمون دابا غا فدارو بيناتنا غا التيليفون
نزهة:ااه صافي واخا...المهم ها السلعة فالعشية غايدوز واحد الراجل سميتو حمد عطي ليه السلعة،
عبد الهادي:كوني هانيا اختشييي
خرجات من عندو بملامح متحسرة على حالة ميمون اخر ماتوقعات هو موت باه...تنهدات بحسرة وقالت:إنّا لله وإنّا إليه راجعون ..
جبدات تيليفونها دوزات نمرتو بدون تردد لكن بزااف تاع الرنات مقابل عدم الرد.. ردات تيليفون لصاكها وشيرات لطاكسي عوالة تمشي تدير الصواب وتعزيه وتيليفونها ماسكتش من الرنين عليه حتى وصلات لنفس البلاصة لي عطاتو فيها الكوموند..
خلصات الطاكسي ونزلات وهي تشدها الرهبة وعاد بدا عقلها يخدم "نطلع؟؟لا مانطلعش...خاصني نعزيه!! لالا خليه تا يجاوب فالتيلفون..كاتلوم فراسها وتعاود من جديد ورجل خاطية خطوة قدام العمارة ورجل راجعة للور.."
زفرات بعصبية وندم وغلبها وجهها وهي تزطم فأول خطوة وسولات الكونسييغج وعطاها رقم الدار والإيطاج..طلعات فالأسانسور كاترعد ومزال كاتساءل شنو هادشي.. خرجات قدام باب الدار وهي تزفر جامعة قوتها وصونات جوج مرات وقلبها كايضرب بالجهد علاين يسكت ماعارفاش علاش..زادت صونات من جديد لكن لا جواب تا فقدات الأمل أنه يحل ظناتو خارج ياله غادي ضور فحالها وهو يتحل الباب. .
رجعات من نصف الدورة لي كانت عوالة تدير باش تمشي فحالها..عينيها جاو على جسدو الضخم بلباس بيتي وملامح وجهو عيانين تقدر تطلع معاه فالاسانسور وتعرفو أنه مريض..ثقبها بعينيه وختارقها وهي أيضا عمرات عينيها بيه ..آخر وحدة يتوقعها تجي لعندو هي نزهة..
ميمون:(بهدوء)نزهة؟؟أش كاديري هنا!!
نزهة:(مزيرة على ساكها)حمم ..كنت فالمحل ووووو(ربكوها نظراتو )وݣالو ليا توفى باك وجيت نعزييك
ميمون:(بدون ابتسامة)شكراا(تنحى باش يخليها تدوز )دخلي. .
تنوغشات فعقلها من كلمة "دخلي" فين غاتدخل؟وعند من؟؟وعلاش؟..
لكن عقلها نطق بلسانها:لالا ماكاين لاش جيت غي نعزيك وصافي وصونيت ليك بزاف وماجاوبتيش. .
ميمون: حمم كنت ناعس مرييض
نزهة:(سرطات ريقها متوترة منو)شنو ضارك؟
ميمون:ضاربني البرد ..لعقتها نهار الݣنازة كانت شتا وفزݣت
نزهة:(لمسات الحزن فعينيه)حمم مايكون باس..خديتي شي دوا؟؟
ميمون:شريت شي دوا وهاني كنشرب فيه..واش غاتبقاي واقفة تما زيدي دخلي
نزهة:حممم حشووومة
ميمون:(دار شبه إبتسامة)غا زيدي عليك الأمان . .
فور مالمحات بتسامتو تقدمات خطوة اولى ناحيتو وقالت:البركة فراسك ماكانتش فراسي والله
ميمون:(تنهد)مامشا معاك بااس..هادي هي الدنيا. .
جملتو نطقها بواحد الحسرة قاستها فقلبها...هادي هي الدنيا كايقولها الواحد ملي تايكون متيقن بقضاء الله وكايحمد لله ويشكرو على أي حاجة دازت فحياتو ...هاد المستوى من الصبر ماكيوصلش ليه أي واحد كايوصل ليه غي لي عارف معنى الثبات عند البلاء. .
نزهة:(خطات يديها على ذراعو )ماديرش فبالك ربي بغاه
ميمون:واييه داكشي..دخلي شربي معايا أتاي
نزهة:(بابتسامة)مابغيتش نبرزطك؟
مد يدو شد يديها باش قاستو وحتاضنها بين كف يديه تا وصلاتها درجة الحرارة لي فجسمو وقال وعيونو فعينيها عاجبو لجيست لي دارت لأنه فهاد الوقت بالظبط خاصو لي يخفف عليه
ميمون:غا برزطيني الالة
جرها تا دخلات و خطات أول خطوات تجاه دارو وسد الباب ويديه مافرقاتش يديها وعلى ملامحو هدوء خطير..
تنهد وقال:ݣلسي أنا جاي
حركات راسها وما تململاتش من بلاصتها لكن عينيها كانو تيضورو دورة شرفية على الدار لي أقل مايقال عليها تحفة..
فراشها غالي وأنيق ومصروع والديكورات واعرة وحتى التفصيلة باش مفصلة زوينة كاتحس براسك جالس فدار راقية..بان ليها السيجور بفراش أنيق ولي ستور مغطيين الشراجم والتلفازة مشعولة على قناة المجد مطلوق فيها القرآن . . وفواحد السداري مانطة مخربقة باينة تما كان ناعس وفالطبلة الزجاجية الوجه ومن الجناب خشب كانت خنيشة ديال الدوا وكلينكس مرمي..كاتساءل شنو كادير؟؟ و آش هاد الزعمة لي زعمات من جيهتو..ولي محيرها كثر أنها ماخايفاش..
حيدات سبرديلتها وبقات بتقاشر بيضين نصاصيين ومشات شدات قنت تاع السداري فاش ناعس وصاكها حداها وعينيها كايضورو على الصباغة ولي طابلو وحتى التصميم .. مليون فالمية مصممها شي مهندس ديكور..
وذنيها كايسمعوه كايقرقب فالكوزينة باينة حيت سمعات حس الكيسان..تا تم جاي هاز صينية فيها أتاي وقال:مرحبا ا لالة نزهة عندي
نزهة:شكراا حممم عذبتي راسك ونتا مريض
ميمون:(حط صينية)عادي كنت كانوجد فيه بغيتو يسخن ليا عظامي
نزهة:الدار دافية!!
ميمون:(جلس حداها بيناتهم مسافة تقدر بربعة اليدين)مع مريض فيا تبوريشة
نزهة:(كا تشوف فداك أتاي كايخوي فيه)حممم الله يشافيك(جرات خنيشة تدوا كتقلب فيه)مزيان هاد الدوا غايفوتك الحال
ميمون:إن شاء الله(مد ليها كاس شداتو تتسخن بيه يديها بدون ماتشرب)
شاف ردة فعلها وماحكرش عارفها تقدر تكون خايفة يدير ليها فيه شي حاجة حالها من جيلها وأي جيل تفرج فالسلسلة الشهيرة "من دار لدار" بقات فعقلهم ديك الصورة ديال المنوم فالعصير مرسخة وتاهو شد كاسوو شرب منو جوج جغمات وتخشا وقال:شنو مشيتي تديري فالمحل؟؟
نزهة:(رتاحت ملي شافتو شرب وجغم من الكاس وهي تشرب تاهيا) عندي كوموند وخصاتني التقدية (بتساؤل) علاش مݣلتيش ليا بلي باك مات؟
ميمون:(بجدية)ماكانش الوقت..كلشي جا على غفلة وتبرزطت مع الدفين والمشاكل(مخسر وجهو)ختي مرمية فالسبيطار وهو خاصو يتدفن ولخرين بغاوه يتدفن لهيه
نزهة:(حسات بيه مبرزط)حممم واخا تسمح ليا نسولك!!باش مات
ميمون:(بهدوء)كسيدة. .
🔙🔙🔙🔙
ملي تفارقات معاه ومشات لخدمتها..طلع هو لدارو عاقد حجبانو ومخيخ بعد الإتصال لي جاه من مو لي بدات كاتخاصم عليه وتبكي عليه رافضة رفض تام أنه يجي عندو باه وهو حيت كايحتارمها ماقدر يقول ليها تا حاجة حدو سمع ليها وقطع ..دار نظرة أخيرة على الطبلة ودار إتصال للبنت لي كاتجي تجمع ليه الدار وصاها تنضي ليه كلشي من صينية و أتاي وماغيرو وخرج فحالو هاز طونوبيل ديال ولد خالو فإتجاه المطار. .
فمطار محمد الخامس واقف برا حدا طونوبيلتو وعينيه على مخرج المطار كايتسنا يبان ليه باه وحجبانو معقودين باقي هضرة مو فوذنيه...لكن سرعان مالمحو من بعيد تفكات غوباشتو وجات بلاصتها إبتسامة خفيفة. .
راجل كبير فالعمر لابس كوستيم ديالو ولايح فوقو سلهام مصري ديال الصعايدة..نسخة كبرى على ميمون فالملامح..
وحداه بنت شابة تكون فالثلاثينات من عمرها لابسة دجين مزير وطالون مع شوميز وشادة صاكها بكل أناقة وعينيها مغطياهم بنظارات شمسية تقدر من بعيد تلمح فيها الغرور عكس طبيعتها. .
حسن غي شاف ولدو وهو يفتح يديه بفرح والإبتسامة شقات وجهو ولاخر مشا لعندوو تبادلو عنااق رجوولي وباه كيضرب على ظهرو ويهضر بلكنة مصرية:أهلا أهلا بإبني حبيبي... (بعدو عليه تيشوف فيه بشوق) ليك وحشة يا إبني
ميمون:(فهم شوي)على سلامتك(شاف فختو)نجلاء. .
تقدمات عندو مبتاسمة تعانقات معاه وحتى هو عنقها بفرحة وقالت:وحشتيني أوي يا ميمون(بالفتحة على الميم)..كده برضو ما تسألش عليا. .
ميمون:أنا الغلطان هههه مرحبا بيكم. .
حسن: ما شاء الله ربيت راجل قد الدنيا ربنا يحميك من كل شر يا إبني. .
ميمون:آمييين..كي راكم مزيان؟؟
نجلاء :(بمزح)بقولك اييه الترجمة حاتنزل إمتى هههه عشان أنا مش فاهمة حاجة
حسن: (بضحكة)بيقولك إزَّيك هههه ..
نجلاء :تمام الحمد لله ياخويا وإنتا إزّيك؟؟ إزّيِ أمك وإخواتك؟
ميمون:الحمد لله...زيدو ياله معايا
حسن:يزيد فضلك يا إبني ..ربنا يرضى عنك. .
تقدمو معاه لطونوبيلتو وراجل وراهم جار ليهم ليفاليز ديالو فالشاريو..دارهم فالكوفر وطلع جنب باه كايفرنس ومشاعر زوينة كتخالجو. .
ميمون:كي دازت السفرة؟؟
حسن:الحمد لله يا إبني كل حاجة كانت تمام..أصل إحنا كنا فالسعودية عملنا عمرة ربنا يتقبل منا يارب. .
نجلاء:انا خلاص بقيت الحجة نجلاء هههه
ميمون:مشيتي بدلتي السمية ولا هههه
حسن:ههههههه تمام كده
ميمون:كي راهم البنات؟علاش مجاوش؟؟
حسن:الحمد لله كلهم بخير وبيسلمو عليك. إنتَ ماتعرفش غلاوتك عندهم قد إيه ..كلهم بيحبووك . .
نجلاء:هو الجميل دا مايتحبش بس أنا زعلانة منك أوي ..انتا ليه ما بتجيش مصر وتقعد معانا كام يووم. .
ميمون:حممم ان شاء الله نجي غي المشاغل
حسن:أخبار شغلك ايه؟؟كولو تمام؟
ميمون:مزيان حمد الله
حسن:هو ده الى أنا عايزو يا إبني، ربنا يزيدك من فضلو. .
- داهم لدارو فين لقى البنت حاطة صينية والحلاوي والطبلة مزينة بمسمن بغرير وأي حاجة مغربية ...دارو على الطبلة و نجلاء غي كاتشكر و تعاود،
نجلاء:اييه الأكل التحفة ده...الأكل المغربي بسم الله ما شاء الله حلو جدا، و لا يعلى عليه.
حسن:هخخخخهخ يعني هو حلو بس مش زي المصري بتاعنا
ميمون:هههه كلشي زوين(فرحان بمجيتهم باينة فوجهو)شرب أتاي
حسن:تعرف يا ميمون(بفتح الميم)كانت أمك بتعمل لي شاي مغربي إنما اييه تحفة
نجلاء:ااه صحيح هي فين ست الحجة؟؟
ميمون:ههههه با هنا وتجي هي.
نجلاء:ايه؟
حسن:(كيضحك)أنا هنا وعايزاها تيجي..
نجلاء:يا بابا ده إنتَ عامل عمايل في شبابك إنما إيييه ههههه
ضحكو وكركو مزيان وميمون مقاداه فرحة ماكرهش يفرش ليهم الورد ..نجلاء علاقتو بيها عادية ماكيهضروش بزااف ولكن عزيز عندها حيت ماعندهاش خوتها دراري وهي الصغيرة فخواتاتو أما باه راه فرحان بولدو وماقاداه فرحة حتى هو حيت فالأخير تايبقا هو ولدو الوحيد. .
تغداو وكلاو وضحكو وعجبهم الأكل المغربي وحتى ميمون عجبو طياب نزهة بزاااف حمرات ليه وجهو..
ميمون:نجلاء الى عيانة سيري للبيت تكاي
نجلاء: بابي ممكن الترجمة ههه
حسن: بيقولك لو تعبانة روحي نامي شوية،
نجلاء:حموت من التعب..هاروح أسند شوية
ميمون ناض معاها وراها البيت نقي ومنظم وقال:رتاحي هنا
نجلاء:تسلم يا حبيبي..
خرج مخليها تاخد راحتها وترتاح ورجع حدا باه شاد هو وياه الهضرة تانطق باه:عملت ايه فلي قولتلك عليه؟؟
ميمون:عارفني مابغيتش بلاش ماتبقا تحكر عليا
حسن:(كايفهم المغربية)ده حقك يا إبني وأنتت هتتحرم منو
ميمون:(هز يديه باسها)أنا مابغيت والو..براكا غي تجي عندي نشوفك هادي هي الدنيا . .
حسن:(بتاسم)طول عمرك حنين وإبن أصول ..بس يابني العمر بيجري وأنا عاوز أضمن لك حقك تاخدو زيك زي خواتك. .
ميمون:أنا مابغيتش..خليني على خاطري
حسن: إلي تشوفوو يا إبني الي تشووفوو. .
بعدها كملو حديثهم على منوال آخر ..حديث بين أب وإبنو لي ميمون بغا يعيشو سنين هادي ومتاحتش ليه الفرصة..كايتناقشو بزاف ديال المواضيع ماحاسينش بالوقت تا وصلات العشية وناض خرجهم دارو قهوة فالزنقة فأرقى كافي فيك يا كازا وجلسو كايهضرو تا عياو ونطق باه
حسن:أنا تعبت شوية عاوز أرتاح . .
ميمون:نمشيو للدار؟
حسن:لاء يا إبني احنا حاجزين في أوتيل هنا .
ميمون:(عقد حجبانو)علاش؟؟داري كبيرة والى مرتاحيتوش فيها نشوف دار خرا
حسن:هه لا يا إبني مش كده..إحنا كده كده كنا هننزل في أوتيل وهنشوفك كل يوم أكيد . .
نجلاء:ماتيجي معانا بكره هنسافر
ميمون:فين؟؟
نجلاء:بص هو أنا مش فاكرة المكان إلي هنروحو .. إلي هو اييه يا بابا إسمها إيه
حسن:مراكش
نجلاء:ايووه دي..صحابي كلهم زاروها وبيقولو إنها تحفة عشان كده عاوزه أزورها أنا كمان. .
ميمون:واخا نمشي معاكم
حسن:هنعمل ايه بقا الست نجلاء كده
ميمون:هههه كون غي جاو البنات لوخرين
نجلاء:أنا فهمتك هههه اخواتي دول نكديات مش بيفهمو فالسفريات هههه مشغولين بعيالهم وبيتوهم. .
ميمون:عندك شي تصويرة ليهم ماشفتهمش ملي كانت عندي 18 لسنة
حسن:ماهو إنت يا إبني مش عندك تيليفون كامرا عشان تكلمهم ويكلموك كده . .
ميمون:(تحرج)حممم غلطي أنا
نجلاء:تعالا أفرجك عليهم
قرب ليها وجبدت تيليفونها آخر ماكاين وبدات كتوريه تصاور خواتاتو لي شحال ما شافهم:دي يا سيدي زهرة أختي الكبيرة مش أكبر منك يعني بس أكبر مني..شوف هي شبهك إزاي ههه وده إبنها وبنتها حسن و سلمى،
ميمون:كاين شبه بيني وبينها
نجلاء:ااه ودي أختك الثانية سارة ..دي متجوزة واحد من الأمن يعني ممم(كتفكر )شرطي بالعربية الفصحى هههه وده ابنها هيثم شووف هو أمور إزاي...ودي هدى دي مش شبهنا خالص بتحب تذاكر وتقرا كتب يعني مش شكلنا خالص وهي لي بتشتغل مع بابا فشغلو ومشاريعو. .
ميمون:زوينين بزااف الله يحفظهم
نجلاء:تحب نكلمهم
ميمون:واخا
نجلاء:(ببلاهة)هي اييه واخا دي...
ميمون:(طرطق بضحك)ههههههههههههههههههههههه لالا بزااف هههههههههه
حسن:واخا يعني حاضر هههه أو طيب
نجلاء:ياعم انتو لغتكم صعبة جدا هههههه هنكلمهم أحسن. .
دوزات ليهم ابيل فيديو ودارو لكيت وهضرو معاه كاملين وفرحانين بيه كايتسبمو ليه ويسولو فيه ويهضرو معاه فرحانين وكيعرضو عليه فالاخير قطعو المكالمة وشبع مع نجلاء تصاور وناض داهم لأوطيل بعدما أصرو انهم يباتو فيه. .
فالصباح الموالي ..فاق حسن وبنتو فطرو فلوطيل فخم ونزلو لقاو سيارة مرسيديس فإنتظارهم طلبها حسن ..طلعو والشيفور سايق بيهم فأزقة الدار البيضاء ولكن تجري المياة بما لا تشتهي السفن..
كازا معروفة بالإزدحام وشي كيقطع على شي وشي حابس شي وشي مضوبل شي..فواحد الطريق ماعامراش بزااف كانت سيارة من نوع clio جايا بسرعة مفرطة صاحبها كان زربان لدرجة موقفش فسطوب والميرسيديس جايا من طريقة المطلوقة عادي بسرعة فوق 60 برغبة من حسن باش يزربو..و وقع اصطدام من طرف clio بجهد تاتنحات الطوموبيل لوخرا للجنب وماتوقفش الأمر هنا فقط.. الميرسيديس كلات العصا من الطونوببل لي وراها حيت مدايراش بحساب غاتوقف لي قدامها دخلات فيها تاتقلبات للجنب والدخان تايخرج منها وكانت حادثة سير مميتة آخر ماتسمع فيها هو صرخة نجلاء . .
حوادث السير هي ظاهرة قاتلة عرفات إرتفاع كبير فالمغرب وأغلب أسبابها هي السرعة ورغم المجهودات لي كاتقوم بيها الوزارة والسلطات باش يحدو من هاد الظاهرة إلا أنه غادية فارتفاع بسبب قلة الوعي وعدم إحترام السرعات المسموح بيها زائد عدم احترام قانون السير...
شباب وناس كبار خسرو حياتهم فحادث سير ..وناس كثار تصابو باعاقة مدى الحياة كاين لي تقطعات ليه رجليه وكاين لي خسر يديه وكاين لي دخل فغيبوبة والأسوأ هو الموت. .
"السرعة تقتل"
تقلبات الميرسيديس على جنب و الطريق وقفات إلا مول clio لي كمل طريقو عادي..دخاخن خارجين منها وكلشي واقف وتيلي فوذنيهم كايعطيو لومبيلونص ..تجمعات الجوقة بطونوبيلات تا جاو البوليس ولومبيلونص خرجووهم بستة وستين كشيفة حيت مقلوبين وللأسف حسن والشيفور ماتو فالبلاصة ونجلاء مغيبة . .
نقلو حسن و الشيفور لمستودع الأموات ونجلاء للمستشفى العمومي محمد الخامس..وميمون راه مافراسو مايتعاود كيصوني لباه ويصوني لختو ولا من مجيب..قدرو البوليس يهزو الهويات وعرفوهم ماشي مغاربة تواصلو مع عائلة الشيفور.. وفصاك نجلاء لي تلقات فيه الهوية كان تيليفونها لي متضررش كايصوني وجاوب واحد من البوليس وكان ميمون وعطاه خبار أن البنت فاليبيطار والباقي أموات. .
الحسرة لي حس بيها ميمون ماعمرو حسها تا وهو يتيم بواليدين عايشين..كان عايش اليتم لكن دروك غايعيشو بصح..طاح عليه الخبر كي الرصاصة دخلات لقلبو وذبحاتو..ماحس تا كانت دمعة نازلة من عينيه مصدوم .. وخرج فإتجاه السبيطار يستفسر وهو ماعارفش شي كايديه لشي وشي كايصيفطو لشي وكثرة الدمايات والناس كاتموت فسبيطار الدولة خلاتو كي الحمق تا بحرا مالقا البوليسي المكلف ..وعطاه خبر تأكيد أن باه توفى لأنه كان نوعا ما مامتيقش. .
مالقا مايدير من غير يكبح دمعتو قدامو ورجع لور شاد فراسو مصدووم غي لبارح كان باه معاه واليوم تحت التراب..نزلو دموع من عينيه صامتين ماقادرش يغوت وماقادرش يتركل حيت الصدمة غلبات عليه..كيفاش وعلاش؟؟ماعارفش لي عارف أنه باه مشا وفارق الحياة فحادث سير مميت بسباب شخص مامسوقش ..
بقا تما لساعات والناس كايدوزو عليه ويجيو حتى وعى ودوز الخط لخالو هو لي يقدر يعاونو فهاد المحنة خسر عليه فقط "با ماات" . .
قفز عبد الرحمان لي كان جالس وسط خوتو و ولادو كايشربو فأتاي ضاحكين إلا الزاهية لي مغوبشة. .
ونطق بحسرة:الله واكبر. . إنا لله وإنا إليه راجعون. .
خديجة:(زوجتو)ياك لباس أسيد الحاج؟؟
عبد الرحمان:(شاف فالزاهية)حسن مااات
كلشي تصدم وشهق ومن بيهم الزاهية لي طاح فبالها غي ولدها..ضربات ففخاضها وقالت :أويليييي ولدي ولدي ياكما وقعات ليه شي حاجة . .
عبد الرحمان:هو لي عيط ليا ݣالها ليا..باه لي مات..ياله زيدي ݣدامي
الزاهية:(بحسرة)الله على وليدي مسكيين الله على الحنين ديالي مسكييين غايموت بالقهرة الله على كبيدتي.
فتيحة:وااامي براكا من نديب زيدي لبسي جلابتك وياله
عبد الرحمان:أنا نعيط لدراري كلشي يمشي. .
وبالفعل صونا لولادو ولخوت ميمون ولخوتو هو وكلشي شد الرحال للدارالبيضاء باش يوقفو مع ميمون ..والزاهية تتعدد وتعاود. .
بقا ميمون فالسبيطار كايطمن على حالة ختو لي كانت نوعا ما عادية حيت عندها هرس فيديها وبعض الكدمات .. حاس براسو غايطيح على وقفتو موكد تا جا خالو وشافو من بعيد.. جرو عنقو هو وخوتو كيعزيوه أمة مو طلقات دموعها وجراتو معنقاه وتتبكي تا هبطو دموعو
الزاهية:ويا الحنين ديالي ماديرش فبالك أوليدي..الله يصبرك أوليدي حنيني..الله يصبرك مديرش فبالك أوليدي مديرش فبالك . .
مسح دغيا دمعتو وحرك راسو ونيوفو حمرين مقادر لا يهضر ولا يحرك شي حاجة
عبد الرحمام:ميمون وݣد اولدي..الموت علينا حق..فينها ختك؟
ميمون:مغيبة هي لي طلعات عايشة
براهيم:ماديرش فبالك أخويا حنا معاك الله يصبرك. .
جرو الرجال ميمون ومشاو سولو على الجثة باش تدفن لكن الرفض كان جوابهم غايصيفطوه لمصر يتدفن تما أو لا تكلف بيه الدولة حيت ميمون على حسب علمو فالوراق ماشي ولدو ومعندوش الحق أنه يتصرف...تعصب وزادو الحزن ولات حالتو تشفي العدو..
صالح:ميمون عندك نماري ديال خواتاتك؟؟هوما لي غيعطيوك الإذن باش يتدفن
ميمون:(مرفوع)ففف لالا كاينين عند نجلاء
عبد الرحمان:عطاوك تيليفونها ؟؟
ميمون:اه اه
براهيم:واݣولها من صباح أصاحبييي فففف
خزر فيه عبد الرحمان باش يجمع راسو وشدو من عندو تيليفون تايقلب وتيسولوه على السميات ومن حسن حظهم تيليفون نجلاء كان بلا كود..تكلف عبد الرحمان وخبرهم بالوفاة وأراك للغوات والصداع بزز باش سمعوه بلي خصهم يجيو للمغرب. .
حالة الموت باينة والحزن مخيم على قلب ميمون فقط الباقي كاييواسيوه لاغير لأن حسن ماكيعنيش ليهم شي حاجة المعني عندهم هو ميمون لاغير..غادرو السبيطار كلهم إلا ميمون وخالو بقاو تيتسناو خواتاتو يوصلو حيت غايخصهم إذن بالدفن فالمغرب..قلب ميمون معصور على باه ساكت فقط لاحرااك تا صبح الصباح جديد عاد صونا تيليفون نجلاء هزو جاوب :الو
هدى:(بصوت باكي)هو فين؟؟
ميمون:سبيطار محمد الخامس
هدى:(تتبكي مفاهمة والو)انتا بتقول إيه؟؟
عطا التيلي لخالو لي هضر معاها وبسط ليها وقطع وهو يقول:هاهوما جايين..صبر راسك أولدي . .
ميمون:الله يرحمو مالحقتش حتا نشبع منو
عبد الرحمان:هادي هي الدنيا..ݣول الحمد لله على ابتلاء الله
ميمون:(بنفس مكسور)الحمد لله. .
مادازتش ساعة حتى وقفات سيارة فخمة قدام السبيطار ..لمحاتها عينين ميمون ونزلو منها ثلاثة تالبنات...نزل تاهو ومشا وقف عليهم...كانو كلهم بالأسود وبشال خفيف فوق راسهم
سارة:(نفاجرات بالبكا)ياا حبيبي يا بابا يا حبيبي يا بابا
ميمون:على سلامتكم. .
هدى:(تتبكي هي الاخرى)هو فين؟؟ايييه لي حصل؟؟
ميمون:كسيدة
تدخل واحد الشاب اسمو أدهم:قصدو عمل حادثة..
زوهرة:(مخشية فزوجها)هءهء يا رب كان مستخبي لينا ده فين هءهءهء
عبد الرحمان:السلام وعليكم
ادهم:وعليكم السلام
عبد الرحمان:ربنا يرحمو يارب..خصنا ندفنوه؟
هدى:(وسط دموعها)يعني ايييه؟؟بابا يدفن هناا؟؟ده على جثتي..بابا هيروح بلدو ويدفن. .
ميمون:(خزر)سيد مات البارح نزيدوه نهار آخر فالدنيا
ادهم: أخوك عندو حق ..أبوك لازم يدفن، إكرام الميت دفنه
سارة:هءهء لاء لاء بابا لازم يدفن فمصر فبلدو. .
ميمون:(عض على فمو عصبوه)علاش شنو فيها الى تدفن هنا؟؟
هدى:(بغضب وبكاء)إسمع لما قولك أنا بابا مصري وهيدفن فمصر مش فالبلد دي(غلباتها البكية) إلي كانت وش نحس عليييه هءهءهء
زوهرة:ياريتووو سمع كلامي ومسافرش كان زمانو لساته معانا هءهءهء
عبد الرحمان:يهديكم الله ...أرض الله كيف كيف..خص حسن يتدفن ونكرمووه ..ختكم مريضة حتا هي. .
هدى:هي نجلاء كويسه؟؟
ميمون:(زفر)مزيانة...مهرسة من يديها
سارة:يعني ايييه هءهءه
ادهم:يعني عندها كسر فإيديها
بكاو تاني على ختهم وبداو ينوحو تنواح المصرييين مخلاو ليه هو مايقول..ولي فراسهم تدار دخل ادهم دار إجراءات إخراج الميت وبعض الإتصالات باش يخرج ليه السفر تنقل الميت وميمون ماعندو مايدير حيت فالوراق ماشي ولدو...هضر وغوت وتخاصم مع هدى ووالو . .
برا سبيطار واقف ميمون محيح عليهم حيت دارو النقل وكايغوت:أش نفهم أنا من هاد الفعايل ؟؟رااه بااا هذااك. .
هدى:(مخنزرة فيه)اسمع انتا اما قولك ... ما تكونش فاكر إنك عندك كلمة على جثة بابا الله يرحموو...احنا بناتو واحنا المسؤولين عنو وبابا هيتدفن فمصر
ميمون:(شي فهمو شي لا)ينعل دنمها ساعة لي لاقاتني بيكم تفووووو. .
سارة:استهدو بالله يا جماعة..بابا لسه مدفنش وانتو بتتخانقو هءهء هدى ارجوكِ خلينا ندفنو هنا أحسن من المرمطة دي هءهءه مكتوبو أنو يموت هنا
زوهرة:وبعدين معاكي يا هدى..هنروح ونسيب نجلاء هنا !!
غلباتها البكية ودارت يديها على وجهها تتبكي ولوخرا قالبة وجهها تتبكي وملامحها غاضبة ماراضياش على هاد الوضع..ميمون من رقة قلبو جر زوهرة عندو دارها فحضنو وهي تعنقو وبدات تتبكي وتنوح بصوت مسموع ونضامات ليهم تا سارة لي تلاحت فحضنو تتبكي تاهيا بحرقة على باها . .
أما هدى شافتهم هاكاك وخزرات وبعدات بعيد تتبكي فصمت..من يوم يومها وهي هاكاك ماتاتبغيش تبين مشاعرها لشي حد..قاسحة وصارمة ومقصحاها الوقت لكن فداخلها حنينة بزااف وهي القريبة من باها حيت تضل معاه. .
بكاو فحضن خوهم تا بردو وتاهو عنقهم وطبطب عليهم ونطق : براكا من البكا..سيرو للدار أنا نتكلف بكلشي. .
أدهم:(واقف وتيشوف)زوهرة..سارة (حط يدو على راس زوهرة)تعالي رتاحي شويا...أنا وقفت الإجراءات وهيتدفن هنا إن شاء الله. .
ميمون:إن شاء الله...(مكابر كيهضر)سيرو لداري رتاحو فيها أنا نوصي خويا يوصلكم
ادهم:لا شكرا هنروح على اوتيل
ميمون:لا..خواتاتي يمشيو لداري ..(نادى لخوه)منعم وصلهم للدار عندي(مد ليه السوارت).
ادهم:مش عايزين نتعبك
ميمون:ماشي مشكل
هدى:(جات حداهم)أنا هروح للأوتيل..أدهم اتصرف إنتَ(بنبرة أمر)وقت الدفن كلمني. .
ادهم:تمام
وبالفعل مشاو البنات مع منعم وبقا هو مع أدهم تا خرجو الميت لي خدا مدة ثلاثة ساعات ونادى لخوتو وخوالو باش يمشيو معاه يدفنوووه ...
فسيارة الأموات بيضة ومكتوب فيها بالاخضر "انا لله وانا اليه راجعون" و "يا أيتها النفس المطمئنة ارجعي الى ربك راضية مرضية فادخلي في عبادي وادخلي جنتي"
ولأن المصريين تا نسا كايمشيو فالكنايز ماعتارضش ميمون بتاتا انهم يجيو ...لحقهم فطونوبيلات ميردسيس ودموعهم ماحبسووش حيت موتو كانت على غفلة لأن السيد مامريضش ومابيه والو. .
تدفن الميت فآخر بيت ليه وخلى وراه أحبة كثيرة متحسرين عليه ..تدار ليه اللازم وتدار ليه العزو فدار ميمون بالطلبة والمقرئين..خالو و ولادو تكلفو بكلشي وداز عزوه على أتم وجه كيما كايدار لأي مسلم على وجه الأرض...كلشي حضر من خوت ميمون وخواتاتو الا هدى لي رفضات تحضر ومشات تتحسر بوحدها فالاوطيل.
"أصعب ألم للأنثى هو فقدان الاب"
البنت ظهرها هو باها كان خايب ولا زوين تايبقا درع حامي ليها ونهار كايموت كتولي مكسورة على جوج وعمرها غاتتجمع من جديد...وكسرة خاطر بنات حسن كانت قوية حيت هو لي عندهم ومحضروش ليه..بكاو وناضو وطاحو وطرطقو عليه لكنه قدر الله وخصهم يصبرو عليه. .
يوماين دازت على الموت والحزن مخيم على دار ميمون وقلبو..ومكابر وواقف على وديت الناس لي كايعزيوه وعلى ود خواتاتو لي ماتحملوووش الفراق خاصة نجلاء لي فاقت وخبروها ..بكات ونوحات وطاحت بالأعصاب عليه حتى بردات وغيبات من جديد...حولها ميمون لأحسن كلينيك فكازا وعطا لخوه يتكلف وبقا كايزورها كل نهار. .
➡️➡️➡️➡️➡️➡️
نزهة:(غرغرو عينيها وهي تتسمع ليه شنو كايعاود وكايبان عيان وحزين بزاف) الله يرحموو ويوسع عليه . .
ميمون:(تنهد )آميين
نزهة:فين خواتاتك دابا؟؟
ميمون:فالأوطيل كايستناو نجلاء تبرا باش يمشيو
نزهة:كي بقات شويا؟؟
ميمون:شويا كتكابر..ملي بقا ليها عمرها هذاك هو الفضل. .
نزهة:(بهدوء مسحات دمعة خانتها)الله يصبرهم..وقف معاهم راك خوهم الوحيد. .
ميمون:الله يقدرني
نزهة:داركم مشاو؟؟
مبمون:(جر مانطتو تخشا فيها وتكا واخد راحتو)لا كاينين فداري لوخرا..بغيت نبقا بوحدي
نزهة:وجيت أنا برزطتك؟؟
كانت قريبة منو شوية شد يدها فيديه وقال:مزيان ملي جيتي..فرحتيني
نزهة:(بلوكاها)حمم كون سقت الخبار كون جيت من لول..(داعب يديها بلطف وبغات تفاداه)تاكل شي حاجة؟؟
مبمون:(بمزاح)شي طاجين؟؟
نزهة:(على نيتها)نوجدو ليك..كلشي كاين فالدار؟
ميمون:غي كانضحك معاك...مافياش لي ياكل . .
نزهة:والدوا تشربو على الجوع؟؟ غا نوجد ليك شي حاجة خفيفة وصافي . .
ميموت:واخا...سيري راه الكوزينة وجدي لي بغيتي
نزهة:(بإبتسامة)واخا . .
ناضت من حداه متوترة من لمسة يدو..تمشات حفيانة بتقاشر بيضين وهو عينيه فاص ليها ...ريحات خاطرو بمجيتها حيت كان محتاج لشي حد بجنبو ...دارو عائلتو واجبهم و وفاو لكنو فالأخير راجل باغي مرا معاه بجنبو كيفما المرا كاتبغي السند هو براسو خاصو علامن يسند. .
دخلات للكوزينة وحلات فيها فمها مجهزة بجميع الأجهزة إلا ماكينة العجينة..مزيج بين التقليدي والعصري ومريحة فالخدمة تشهاي تشقاي فيها ..لقات شي ميعنات نيت فلافابو ..توجهات للثلاجة جبدات الدجاج باقي فميكتو بدمو ما منقي ماوالو.
و هي تخرج عندو وقالت بصوت هادئ لقاتو مغمض عينيه:ندير ليك شي طاجين
حل عينيه بالشوية وحرك راسو وحمحم:حمم ديريه . .
دخلات من جديد شدات الدجاج غسلاتو مزيان ونقاتو بالملحة وخلاتو يترقد فالخل..بقات تاتقلب تالقات طاجين فالبلاكارات جبداتو ورجعات للدجاج شرملاتو مزيان بشرمولتو حيت لقات العطرية فاص ليها ..شلضات بصيلة وحطاتو يتقلى فيها بيدما نقات البطاطا ..ماجاش فين يتشحر تا دارت البطاطا وشوية تاع الزيتون بقششاات عليه فالثلاجة...السيدة تصرفات بحالا فدارها متناسياه هو لي خامر وجابد عليه..
دارتو يطيب ونقصات عليه ومشات خارجة عندو عوالة تمشي ساعا لقاتو جابد عليه نااعس..بقات كاتشوف فيه دايرا جلسة سرية بينها وبين نفسها على ملامح وجهو المبينة على مراحل كثيرة من حياتو..ملامح كلها قهرة وحزن حيت الى جا يحسب عدد فرحات حياتو غايلقاهم محسوبين على الأصابع..
خطوط رقيقة تحت عينيه وسمورية وجهو لي فمستوى طالع على سمورية لحمو..وحتى بعض الشعرات القليلة فلحيتو لي فيها الشيب كاتهضر و تحكي على حياة عامرة تمارة وقهرة لكنو كان دائم الحمد ودائم الشكر. .
ما بغاتش تبرزطو وهي تمشي شدات راس السداري فاش جالس حيت السداري طويل بحكم البيت كبير بزاف..جالسة مقنتة هازا تيليفونها وعينيها كايشوفو فيه ويشوفو فميمون..ماعارفاش راسها شنو كادير وعلاش كادير؟؟فيها ماينوض ويمشي ولكن عز عليها ..
سقلات فبلاصتها حاضية صدرو طالع نازل حتى صونا تيليفونو خلاه يحل عينيه بزز وعينيه مغوبشين ..طاحو عينيه عليها هي لي مكمشة ساقلة ..هز تيليفونو، كانت ختو جاوبها تحت نظراتها الخجولة هي تا سالا وقال: ساليتي؟
نزهة:حمم أه ساليت..وغانمشي
ميمون:(تفوه ودار يدو)فففف فين غاتمشي؟؟ ݣلسي ونسيني وتغداي معايا
نزهة:حممم خفت نتعطل
ميمون:غي ݣلسي أنا نوصلك من بعد مالك فين زربانة؟؟
نزهة:حتا فين
ميمون:عطات ريحة الطاجين
نزهة:ههه لوااه..باش غاتاكلو؟؟
ميمون:غنزل نجيب الخبز ونجي..(حيد المانطة)خاصاك شي حاجة من برا؟
نزهة:لا
جر بانطوفتو و هز بزطامو وتيليفونو وتم خارج مخليها كي القردة فالدار ماخايفة ما والو واش حيت كايتصرف عادي ولا حيت تاتحس معاه بالأمان ولا حيت ماتيتصنعش
بقات فبلاصتها مكمشة تتقلب فتيليفون وشويا ناضت تتقلب فالطاجين دارت ليه شوية تاع الما سخون تبللو وغطات عليه يطيب ..ماجاتش فين ترجع لبلاصتها تا كان الباب تحل من طرفو هاز ساشيات كثار..تبسم ليها وقال:مليتي؟؟
نزهة:لالا..مشيتي تجيب الخبز(كتلف من نظراتو عليها)صدقتي مقدي؟
ميمون:(مد ليها ساشيات)كانت خاصاني تقدية فدار وصافي
شداتهم من عندو وداتهم للكوزينة حفيانة غي بتقاشر وهو متبع ليها العين ..قلبات لقاتو سقايط والديسير بأنواعو وأشكالو..ضحكات وقالت بعفوية بصوت تسمع عندو:كتاكل السقاطة؟؟
ميمون:لا جبتها ليك
تبسمات ومشات قادات صلاد فخوي ودارتها فالثلاجة ورجعات حداه مقنتة بعيد عليه..تبسم ونطق:مالكي جالسة بعيدة..جري مانطة وتكمشي
جرات مانطة وتخشات تاهيا من جهة لوخرا ديال السداري لكن مشاركين نفس الغطا رجليها جيهة يديه..
ميمون لاحظ إرتباكها وضحك بصوت مسموع وعينيه محاصرين زينها:ههههههه مالكي كاترعدي؟؟
نزهة:(ضحكات بخجل كضور فعينيها)جاك عادي نكون أنا وياك فنفس الدار؟؟
ميمون:عادي..بحال خوك هههههههه قربت ليك؟؟حاديتك؟؟اوا عادي ماشي حيت معايا فالدار غايحضر الشيطان...(ضحك) واهو حاضر غا لقيتيني ماعندي خاطر هههه
نزهة:(ضرباتو برجليها لرجليه من تحت المانطة)اوا الله يمسخك
ميمون:(شد رجليها بيديه الضخمة وضحك بشوي) رصاي ههههه اوا شنو..(بجدية) الهضرة كانت غاتكون فبلاصة خرا وجابتها الوقت هنا
نزهة:أشمن هضرة؟؟
هز فيها حاجبو بمعنى من نيتك ولاحها ليها فوجهها:عارفة راسك كتعجبيني وكتبوهلي عليا. .
صدمها بالطريقة باش قالها حيت لاحها ليها فوجهها مكاين لا لف ولا دوران ديركت..ماكيحشمش وبغا يقوليك الحاجة غايعطيها ليك فوجهك واخا يكون موضوع حساس..هي مظناتوش يهضر فهادشي فهاد الظروف ناسية أن حزن الرجال ماكيفوتش لحظة وكاتبقى قلوبهم لي هازا الحزن وخارجهم عادي. .
شافها مجاوباتوش حدها بقات مبلقة فيه عينيه وهو ينغزها من رجليها وقال:أ معاك داوي الزين..عارفا راسك كاتعجبيني وبزااف
نزهة:(سرطات ريقها)حممم ماشي وقت هاد الهضرة ا ميمون..نتا ياله توفى باك
ميمون:الله يرحمو ويوسع عليه..هاد الهضرة كنت باغي نݣولها شحال هذا غي مع تبرزطت بمجية المرحووم
نزهة:(مسحات على شعرها بإحراج)حممم ماعرفت مانݣوليك أميمون والله
ميمون:ݣولي لي فخاطرك
نزهة:حممم(شمشمات)ريحة الحرااق ويلي(ناضت تاتجري هاربة منو)
ميمون:(تبسم)أتبارك الله على الحادݣة . .
خلاتو وزادت كاتطل على الطاجين وكاتببلو ونسات راها جهدات عليه شويا دغيا شرب بلولو..مع بغات تضور لقاتو واقف من وراها كيحل ثلاجة ويهضر:تحرݣ
نزهة:كان غايتحرݣ ونبقاو بلاش
ميمون:(جغم من قرعة ديال الما باردة )ديك ساعة غاتعاوديه
نزهة:أويلي الشتا خيط من السما ونتا كتشرب فلما بارد..غاتمرض راسك
حط القرعة فوق البوطاجي ووقف قدامها ونطق:أش بان ليك فهضرتي؟؟
نزهة:(عينيها تفيكساو فعينيه)حمم أشمن هضرة؟؟(شافتو هز حاجبو)ميمون هادا ماشي وقت هادشي..نتا باك ياله مات وكتهضر فهادشي
ميمون:نقدر نبان ليك ماعندي ݣلب ولكن لي هازو أنا هنا(حط يدو على صدرو)محال واش شي راجل هازو..أنا همي كنهزو فقلبي وكيبقا تابعني حياتي كاملة ..وأنا هو لي كلا العصا فموت باه حيت ماشبعتش منو ومدوزتش معاه بزااف
نزهة:أنا مقصدتش هاكاك (تتلعب بيديها بجوج وتشابك صبعانها متوترة)أنا غي ݣلت باقي الحال على هاد الهضرة..مكتعرفنيش وعاد مكت...
قاطعها:رتاحيت ليك وكي كنݣولو دفات فيك خاطري وحنيت ليك..مانظنش كاينة شي مرا تجي لعند راجل غريب للدار وهي ماكتعرفووش غي باش تعزيه
نزهة:(فهماتها عوجة وهي تقندش)ياااك أسيدي ولات معيورة؟؟
شد يديها عندو مشابكة بيد وحدة وعينيه فعينيها مكرهش يلغي المسافة بيناتهم لكنو خافها تفهم غلط ونطق محافظ على جديتو ملين صوتو:آر حاجة نفكر فيها هي هادي..ماشي حيت جيتي عندي راكي خارجة الطريق..نتي جابك صوابك وݣلتي هذا كنتقدا من عندو نمشي نعزيه عادي فين المشكل..لي بغيتك تفهميه هو حتا واحد من لي كنعرف مجاش عندي ..كيعطيو فالتيليفون صافي..
نزهة:(زفرات)ماعرفتش أميمون..أنا ماشي شي وحدة لي صغيرة..عندي 34 سنة ماشي برهوشة باش عاد ندخل فشي علاقة . .
ميمون:هه 34 سنة حاسبة راسك كبيرة فالعمر ولا شنو؟؟34 سنة را باقي العقل ماعندكش وماخصكش تديريه..وشكون ݣاليك حنا غندخلو باش نتفلاو..من ݣال نتفاهمو ونرتاحو كثر لبعضياتنا ونكملو مع بعضياتنا
نزهة:(تنهدات)نتا معارفش مناش دزت!!
ميمون:(مبسم )وماباغيش نعرف..حياتك قبل مني متنتحاسبش معاك فيها...أنا خاطري رتاح ليك وعجبتيني لا من برا ولا من لداخل حيت بنت الناس وصارحتك..بغيتي نزيدو نعرفو بعضياتنا راه هذاك هو النهار الكبير
نزهة:ومن بعد التعارف؟؟
ميمون:(عرفها لاش كتلمح)الى توالمنا و تفاهمنا نديرو الشرع ونتزوجو
نزهة:(مالقات متقول)يكون خير إن شاء الله
-تبسم ليها وهز يدو لوخرا قاس بيها شعرها ودارو ورا وذنيها وقال:هاكا نبغيك كوني تسمعي الهضرة..ومن عندي أنا راه مايخصك معايا والو
نزهة:(الصمت)حممم
ميمون:ياله زيدي تجلسي حتا يطيب طاجينك
نزهة:خاصني نمشي تعطلت خرجت غي على وديت التقدية
ميمون:اش خاصك؟؟(برم حجبانو )
نزهة:شديت كوموند جديدة وخصاتني شي تقدية داكشي باش جيت عندك
ميمون:غاتوصلك تالدار كوني هانيية .خليك معايا (تحسس يديها بيديه بجوج ونزل طبع قبلة عليها من لفوق)
نزهة:(ضهشرها لدرجة بقات غي تاتبلق فيه عينيها)حممم واخا . .
جرها وراه للبلاصة فين كان ناعس تخشا وكانت بغات تخشا من الجيهة لوخرا و وجهها باقي عليه ملامح مبهمة مافاهمة والو ..ودايخة بالأفكار من جيهتو جات على حاجة صدقات فحاجة وحدة خرا ..تفاجأت بيه جارها حداه بغاها تكا حداه وهي تطلق منو ومانعات قايلة:أويلي لاا
ميمون:زيدي راه ماغناكلكش
نزهة:واش نتا شويا لباس؟؟لالا حشومة. .
جرها بلهلا يطريه ليها و خشاها حداه وتغطاو بمانطة وحدة وهي كترطا قايلة:ويلي حشووومة طلق مني راك عيقتي . .
ميمون:بركي للأرض..وخوي راسك من داك التخربيق
نزهة:(شافت فيه وجهها قريب لوجهو لكنو كيتصرف عادي)أشمن تخربيق راه عيب هادشي
ميمون:(دورها فحضنو وغمض عينيه ممسوقش ليها)تركني للأرض وخليني ننعس ..
نزهة:(كترطى بغات تنوض برزطاتو)واانعس لبغيتي أنا طلق منييي حشووومة. .
زيرها بقرصة فذراعها تا غوتات وقال:ياله بركي للأرض خهه حشومة ݣالت ليك(مغمض عينيه)راني شارف ميت ليا الحوت مانقربش ليك
نزهة:(ضحكت)هههههه الله يمسخك
ميمون:(محالش عينيه) خليني نرتاح. .
سكتات ساقلة تتشوف فوجهو تا عيات وهي تحط راسها على صدرو حيت ديجا محاوطها بذراعو...تنهدات بشوية كأنها كاترتاح من تعب...صمت خفيف فالدار كتسمع غي صوت تنفساتو حيت قراب ليها..كاتشم فيه ريحة زوينة .. تجرأت وحطات يديها على صدرو وقتلات ضميرها واستسلمات لشيطانها لي زين ليها النعسة ..غمضات عينيها تاهيا وترخات على صدرو ويديه محاوطاها متحركاتش بتاتا..رجليها كيقيسو رجليه ..يمكن مغمضة عينيها لكن عقلها خدام كيحلل شنو كادير وكاتحاول تستوعب وكطرح على راسها اسئلة:
واش بغيتيه أنزهة ؟
واش مرتاحة ليه؟
نزهة عارفا شنو كديري دابا؟؟
كلهم مالقاتش ليهم جواب وحلات عينيها وكاتشوف فيديها محطوطة على صدرو وقلبها مرتاح من هاد الحضن لي ماكتعرف عليه والو..من هاد الشخص لي ماتوقعاتوش يبان فحياتها..
نوع ميمون أكيد ماشي المفضل عندها ماعرفاتش واش مابغاتش تقوليه لا وهو فهاد الظروف ولا فعلا كي قال هو خاطرها دفات فيه. .
داز وقت طويل وهي فحضنو ..هو ناعس وهي هازا تيليفونها طالعة هابطة فالفيسبووك عارفا الطاجين قاتلة عليه العافية غيطيب على خاطرو ..حسات بيه كايتحرك حداها وهي تبدا توتر من جديد حيت حساتو زيرها عندو خاشيها فيه ونطق بصوت مبحوح:طاب الغدا؟؟
نزهة:أنا نطل عليه
طلق منها وناضت حوايجها كاملين مجنترين قول كان كيشلقم فيها..خلاتو كايتفوه..لقاتو كيبقبق وطايب وهي تطفي عليه بعدما ذاقت المريقة واش هي هاديك فالملحة..
نزهة:(بصوت مرتافع)راه طاب نحطو دابا؟؟
ميمون:واخا
حطات الطويجين كايشهي ومعاه الصالاد فخوي وداكشي متول كل حاجة شادة بلاصتها وجابت الخبز وعينيه حاضيينها بهدوء تا شافت فيه وحركات راسها :مالك كتشوف فيا؟؟
ميمون:حيت خايبة كانشوووف فيك وصافي
ضحكات ليه وجلسات حداه..قطع الخبز وقال ممازحها باغي يخرج من جو الحزن:انشوفو هاد الحداكة واش حتا فالطواجن؟؟
نزهة:(شادة ذغمة تتسناه يذوق)وا ياله عطيني رأيك؟؟
ميمون:(ذاق الذغمة لولة)حممم
نزهة:(بترقب)أمدرا؟؟
ميمون:(زاد الثانية بدون مايشوف فيها مطمر)زوين
نزهة:(عقدات حجبانها)هاد زوين ديالك بانت ليا عادية. .
ميمون:هههه بغيتيها فورص..زويين
نزهة:هههه حلف
ميمون:غايعذبني الله نحلف على كذووب. .
ضرباتو لكتفو بلا ماتشعر وقالت:الله يمسخك
ميمون:هههه يديك مسمومة هههه نوضي جيبي الما هادشي مالح قاطع
كلات ذغمة وقالت:بااااززز على مزويناتو طاجين شهوة . .
ميمون:(يد فالطاجين ويد شد يديها باسها وفمو كيندغ)الله يعطيك صحة زوييين غي كاانضحك معاك. .
نزهة:(سكتها عاود وتبسمات بخجل)بصحتك. .
كلاو بعدها فصمت والتلفازة كاتهضر فقط..هي كاتدير دغمات صغار حيت من عوايدها وهو راجل راه يد فالفم ويد فالطاجين تا سالا وهو يرجع لور وقال جامع يديه :الله يعطيك صحة طيابك زوين
نزهة:حممم بصحتك...كول مزال
ميمون:ناكل طاجين؟؟ هههه الله يخلف حيدي نغسل يدي. .
حيدات ليه ومشا فحين هي جمعات يديها وتبعاتو غسلات بديها وتبهرات بالحمام من جديد..مع خرجات مع لقاتو قدامها وقالت:دارك زوينة؟؟شكون مفرشها ليك؟؟
ميمون:(سابقها لبلاصتهم)أنا
نزهة:زعما هذا ذوقك بوحدك؟؟(كاضور عينيها)هادشي بان ليا فيه مرا
ميمون:هههه أشمن مرا؟؟لالا أنا لي مفرش وأنا لي ختاريت كل حاجة
نزهة:ذوقك زوييين هاا(تتهز الماعن). .
ميمون:(ناض هاز تكاسر الخبز)ملي عجبتيني نتي راه ذوقي زويييين هههه
نزهة:(طلقات ضحكة)ههههههههههههههههه مسخووط..
ميمون:حطي داكشي وياله معايا نشوف خواتاتي ونوصلك. .
نزهة:لالا غنمشي راسي غي سير شوف خواتاتك
ميمون:ياله معايا دغيا نوصلك
نزهة:ويلي أميمون..باشمن صفة نمشي عندهم؟؟لالا خليني فالتيقار سير شوفهم الله يشافي الصغيورة وأنا غانمشي للدار
ميمون:(بابتسامة)لي بان ليك الالاهم...ياله زيدي
مشات تتهز فصاكها وتتلبس فسبرديلتها وتاهو كيلبس فسباطو وفرحات فخاطرها حيد عليها البانطوفة..شافت فمراية حدا الباب كتقاد شعرها وهو كايهز سوارتو دايز من حداها:مافيك مايتشاف غي زيدي
نزهة:هادشي غي باقي جداد أما الى قدامينا غاتولي تعايرني ولا هه
شاف فيها داير تبسيمة خفيفة ليها وعينيه منيمين عليها..دغيا كايقلب نظراتو ليها..نوعو كايبغي المزاح لكن غي مع القراب ليه..ضريف وكيتعامل مزيان لكنو قبيح فشي مواضيع و كيغلب عليه الطبع الزوين..شد صباعها بيد وحدة وعينيه فيها كيقرا ملامح وجهها تا ستاقرو على شامة فوجهها باينة وقال:زينك فشكل ماعرفتش علاش..زينك بلدي ونتي مرجعاه رومي ههه
نزهة:(بهدوء)كانعجبك زعما بزاف؟؟(بغات ترضي غرورها)
ميمون:(طلع يدو لي ماسك بيها يديها لجيهة حنكها تحسسو بلور تيدو) بزاااااف وحبسي هههه زوينة الله يحفظك ليا. .
تبسمات ليه راضية غرورها وقالت:اوا بصحتي ههههه
ميمون:(شدها من قرفادتها خضر معندوش مع الرومانسية)وازيدي أ بصحتي ولا غانسكنو هنا. .
خرجها هاكاك سد الباب ونزلو كايهضرو وهي تتصايب فشعرها..طلعات حداه فطونوبيلتو العادية وقال:غانحطك ف شي بلاصة شدي طاكسي نسالي شغالي ونصوني ليك وݣولي شنو خصك فالمحل
على ذكر المحل تفكرات هضرة الدراري لي خدامين عندو وهي تسها قدامها حايرة بين تقولها ليه ولا تكمش . . مبغاتوش يتخور وفنفس الوقت مابغاتش تقطع رزق حد..
ميمون:(شافها سكتات)مالكي؟؟
نزهة:(تصايبات فجلستها)ميمون نݣوليك شي حاجة واكلاني ففمي. .
ميمون:(مركز فطريق)ݣولي ماتخلي تا حاجة لداخل غي هضري. .
نزهة:حمم ݣبيل فاش مشيت للمحل قبل ماندخل سمعت الدراري لي عندك كايهضرو. .
ميمون:اوا . .
نزهة:فففف(تنهدات)ميمون واش كثيق فيهم؟
ميمون:(لبس قناع الجدية)واحد فيهم من عائلة الواليدة شي حاجة بعيدة و واحد صاحبو.. علاش؟؟
نزهة:سمعتهم كايهضرو على شي لعيبات كايخرجوهم بلا خبارك. .
ميمون:(هز حاجبو وببرود )شي حاجة معارفهااش أنا؟؟أش كانو كايݣولو؟
عاودات ليه المنزلة من أولها لأخرها كيفما سمعاتها وهو كايسمع بعدما وقف فبلاصة فين تشد طاكسي تاسالات. . وتنهد بحسرة كيشوف فاص ليه:هضرتك مأكدة منها؟؟
نزهة:أنا شنو ليا باش نكذب؟؟ كنت غانسكت كاع مانݣولش ولكن مابغيتش نخليك مقلوبة عليك القفة. .
ميمون:(شاف فيها)أنا ماكذبتكش ولكن جاتني فشكل..ماشي أول واحد كايشفرني صراحة حيت كنأمنهم على رزقي بنية صافية..ربي شاهد حاسبهم خوتي الصغار ولكن لي ولد الحرام راه ولد الحرام ماعندي مانبدل فيه
نزهة:أش ناوي دير؟؟
ميمون:والله ماعرفت(زفر ومسح على وجهو)مولاها ربي .
نزهة:ماتبقاش تتيق..الوقت صعيبة ورزقك وقف عليه بيديك
ميمون:ماخليت شكون جبت ..وديما كنلقا الشفرة فالسلعة وكاندير عين ميكة
نزهة:داير كاميرات؟؟
ميمون:ااه كاينين ولكن انا ماكنفهمش فداكشي ركبهم واحد السيد صاحبي غي باش يباانو وصافي أما ديما مطفيين وماكانش عندي كي ندير نخدم بيهم. .
نزهة:(عز عليها)خدمهم فتيليفونك نيت...سير عند لي ركبهم ليك نهار لول وݣوليه يديرهم فتيليفونك ويوريك راه ساهل..وبقا تحضي رزقك
ميمون:(ممازح)ماتجيش تخدمي عندي؟
نزهة:هههه هي مابقات خدمة
ضحك بخفة وضرب فيديها وقال:غانبقا غي مقابلك ونديرو السيزي ههههه
ضحكها وهي طلقها وبدات تاتهز فصاكها وقالت:الله يمسخك ..هاني مشيت بسلامة
ميمون:غادية للدار ديركت؟؟
نزهة:وايييه خليت مي بوحدها..الله يجيب الشفا لختك
ميمون:آمين..تهلاي فراسك
نزلات من سيارتو مودعاه وبقا واقف تا شيرات لطاكسي وهو يقلب الضورة ديركت للسبيطار لعند خواتاتو عارفهم غيكونو تماك. .
كي دخل للبيت ديال نجلاء وكيف مولفهم بهادشي باش جاو لابسين الكحل حيت من عادتهم الحزن حتى فالحوايج.. كانت نجلاء فسريرها متكية هازا يديها لمهرسة و وجهها شاحب مع بعض الخدوش فوجهها حيت جرحها زاج الطونوبيل وتحت عينيها كحل بالبكا..وخواتاتها كل وحدة شادة قنت كايشوفو فيها بحزن ..مساهلش عليهم فقدان الأب خاصة أنه كان كايعاملهم مزيان. .
ميمون:السلام وعليكم
شافو فيه وردو السلام كاملين وحتى أدهم ..ونطقات زهرة:ميمون..إزيك يا خويا؟؟
ميمون:(مشا سلم عليها بالوجه كانو عينيها مدمعين)الحمد لله نتي مزيانة؟؟
ادهم:ازيك إنتا؟؟
ميمون:الحمد لله . .
مشا لنجلاء داعب شعرها وقال:راك بخير؟؟
نجلاء:(طاحو دموعها دغيا)الحمد لله . .
جرها دارها فحضنو وقال بهدوء:الله يرحمو ويوسع عليه ضيقة القبور..خاصك تبراي باش توقفي على رجليك. .
نجلاء:(شادة فحوايجو وتتبكي)أنا مش مصدقة إلي بيحصل ده هءهءهء يعني أنا مش هشوف بابا تاني. .
سارة:(عينيها مدمعين جات حداها)وحياة النبي بطلي عياط ..إحنا كلنا مدمرين بس قدر ربنا هنعمل ايييه. .
ميمون:(زير عليها)صافي ماتبكيييش احبيبة..ربي كبير. .
بقات كتبكي فحضنو ونظرات هدى ليه كانت باردة كتشوف فيه وكتعبرو..عكس ماسمعات من مها لي كانت ديما كاتروج ليها كلام مسموم على أنه الوريث الوحيد لباه وأنه ما غايحنش فيهم..تا طاحت عينيه عليها تبسم ليها . .
وقال:نتي مزيان؟؟
هدى:الحمد لله
أدهم جالس حدا زهرة فالفوتوي وعينيه على ميمون ماعاجبوش الحال..نطق فوذن مراتو:هو ده حيفضل يلعب دور الأخ ..
زهرة:(خنزرات فيه وبهمس نطقات)إخرس خالص هو ده وقتو. .
أدهم:(بنفس النبرة)هو نتي صدقتي الراجل ده!! ده بيعمل كده عشان ياخد ميراثوو وبس
زهرة:(خزرات فيه) أسكت . .
هدى:(بهدوء)إحنا بكره هنطلع مصر..
ميمون:مفهمتش
أدهم:(وقف مبسم داير فيها راسو عزيز عليه)يعني غانمشيو لمصر غدا . .
ميمون:نتا مغربي؟؟
أدهم:لا..مامتي مغربية
ميمون:حممم علاش تمشيو؟؟نجلاء باقي مريضة ...أنا معول تبقاو معايا حتى تبرا ويكمل الواليد ربعين يوم نديرو صدقة وسيرو ديك ساعة. .
هدى:مش فاهمة ولا حاجة من لي قلتوا
أدهم:بيقوليك إنتو عايزين تروحو مصر ليه..نجلاء لسه تعبانة وهو عامل حسابو تقعدو هنا معاه لغاية ماتخف نجلاء. .
سارة:(شافت فميمون)معليش يا حبيبي لازم نروح أنا وزهرة سايبين ولادنا . .
ميمون:خليو نجلاء
هدى:لا مش هنقدر...وراها جامعة هي كمان
نجلاء:(كتسمح دموعها بحسرة)لازم حياتنا تكمل..بابا الله يرحمو مكانش بيحب يشوفنا كده..
ميمون:الله يرحمو..ياله تتغداو نتوما
ادهم:لا تغدااو (مغربيتو معكلة)ههه
ميمون:واخا..خاصكم شي حاجة؟؟
سارة:هو أنا ليه مش بفهم كلامك
ميمون:(تبسم ليها)خاصكم تعلمو المغربية
زهرة:إن شاء الله
ميمون:نخليكم أنا دابا..نمرتي راها عندكم لي خصاتكم صونيو ليا . .
أدهم:إبن الخير والله زي ما عمي كان بيقول عليك بالزبط
حرك ليه راسو وخرج مخليهم متبعين ليه العين ..وكانت هدى هي لي تبعاتو وتبعها أدهم فورا...بإسمو نادات حتى تلفت ليها وقربات ليه قايلة:أنا عايزة أتكلم معاك
أدهم:هدى مش وقتو
هدى:(شافت فيه بحزم وهضرات)هو هده وقتو
ميمون:كاين شي مشكل؟؟
أدهم:حممم هدى خليني أشرح لو جايز ميفهمش كلامك
هدى:طيب
ادهم:الموضوع هو(بمغربية)نتا ابن المرحوم واكيد عندك حقك فالميراث
ميمون:(قطب حجبانو)كيفاش الميراث؟؟الورث زعما؟؟
هدى:اااه الإرث
ادهم:عمي الله يرحمو كان مناه إنك تكون على اسمو وابنو الشرعي. .
ميمون:أنا ولدو من دمو وهادي مكاينش لي يݣول عليها لا
أدهم:ماختالفناش يا سيدي..بس إنتا عارف بعد موتو ..المرحوم عنده ممتلكات وشركات كثيرة
ميمون:واش كاضحك علي؟؟با باقي لحمو متجمعاتش فالتراب ونتا جاي كتهضر ليا على الورث. .
ادهم:يا استاذ ميمون حممم قصدي حممم إنتا ابنو أكيد وضروري نهضرو على هاد الأمور..حتى نتا غتستالم الورق ديالك
هدى:(ربعات يديها وعلامات الجدبة على وجهها)المقصود لازم تطلع مصر ...المحامي تصل بيا مبارح وقال أنو بابا كان كاتب وصية. .
ميمون:(بعدم فهم)وصية؟؟واش غاتخرقو شرع الله..سمعيني الالة ختي (هز صبعو فوجهها محذرها ومخنزر)ختي على راسي وعيني ولكن باش تفوتي معايا الحد غنقلب عليك وجهي...الى كان كايحساب ليكم أنا باغي فلوسو ولا باغي شي حاجة من داك الورث لي مسخنين الفم بيه غي جمعو وطويو والطيارة لي جابتكم تديكم...أنا با بغيت غي نشوفو ونعيش معاه شويا ..الى نتي(كيشير ليها لوجهها)كبرتي مع مك وباك أنا لا...معرفتووش حتا وليت راااجل ..
هدى:(شي فهماتو شي لا)اييه يا بني الكلام ده...انتا بتقول ايه
ادهم:حمممم ميمون ..خلينا نشرح لك(فرحان من داخلو)ده حقك
ميمون:(مغوبش)ماخصني حق...مابغيت والو ..أنا باغي حاجة وحدة هي لي تعطيوها ليا فحقي..تبقا علاقتي بيكم ماتقطعش..حيت خوكم ونتوما خواتاتي..كنتو كتفكرو الفلوس الله يعاونكم. .
زاد وخلاهم مكملش معاهم تا الهضرة..آر مكان يفكر فيه هو الميراث مع العلم هو الذكر الوحيد يعني غيشد لي يعيشو قايد وباه كان ديما مصدعو بأنه يحطو فاسمو باش ياخد حقو بحالا كان عارف بانه موتو قربات لكن واحد بحال ميمون داز من ظروف صعيبة ومعاشش فوسط عائلي باغي فقط "جو عائلي" الفلوس دارهم وهو باقي فيه مايعطي وعندو لي يعيشو مزيان باغي فقط عائلة...
الكثير من الناس كبرو بين أب وأم وإخوة وعائلة كتزورهم..عاشو فرحة العيد فاش كيبقاو فايقين ومعنقين حوايجهم..عاشو ضحك ونشاط الأضحى وعاشو كذلك أجواء العائلة والعراس والداخل والخارج ومك تطل عليك وباك يسول فيك..جو أنه باك يضربك لا ما بغيتش تقرا ومك تزيرك تقرا وتنعس مع خوتك فبيت واحد واخا الضيق كاين التيساع فالخاطر..الكثير كايجيهم هادشي عادي لكن بالنسبة لواحد معاشش مع والديه هادي عندو هي الفرحةوهذا هو مثال ميمون تمنى غي لمة مع العائلة ويجيو عندو الناس ويمشي عندهم ويكونو خوتو وخواتاتو لكنو مالقاش هادشي..
هدى:(زفرات)وبعدبن معاه هنعمل ايه يا ادهم؟؟
أدهم:(مرتاح)أديك شفتي بعينك..هو رافض تمام فكرة الإرث
هدى:بس إنتا عارف بابا كانت أمنيتو أنو ميمون يكون على اسمو
ادهم:متسهدي بالله شويا يا هدى..أديك شفتي رأيو ايه وبالعكس ده أحسن ليك إنتي وإخواتك ..كولو الفلوس هتبقى ليكو . .
هدى:(بجدية)أنا مبيهمنيش الفلوس قد مابيهمني أنو أمنية بابا تتحقق
أدهم:(من داخلو محاملش راسو)خلي الموضوع ده علي. .
دخلو للبيت وهي تنطق سارة:كنتي فين؟؟كلمتي ميمون فالموضوع
زهرة:موضوع إيه؟؟
هدى:موضوع الميراث
نجلاء:(بحزن)انتو لحقتو تتكلمو فالمواضيع دي..ده بابا لسه ميت هءهءهء
سارة:ده حقو يا نجلاء..ومهما كان هيطلبو
هدى:هو رافض أنو ياخد حاجة
أدهم:صدقتيه؟؟ده زمانو بيلعب دور الأخ المحترم
زهرة:(خزرات فيه)أدهم
هدى:(بجدية ورزانة)المرة دي مش معاك حق..ميمون ده إنسان طيب، أنا عارفا الناس كويس وعاشرت ناس كثير وأقدر اعرف الغلبان من الواطي..ميمون مش كده خالص. .
سارة:تصدقو بالله اخونا ده إنسان طيب ..مش باين عليه أبدا انو انسان عاوز الفلوس بس
نجلاء: وأنا كمان شايفة كده...وبعدين هو معاه فلوس كثيرة اوي
ادهم:اده ده نتو صدقتوووه بقا
هدى:(ضارت فيه)ادهم..أرجوك متتكلمش فمواضيع بعيدة عنك..موضوع الميراث ده يتقفل خالص..هو مش عايز حقو . .
سارة:حقو إيه؟؟هو مش شايل إسم بابا
هدى:لسه في حاجات كثيرة في الموضوع ده (تنهدات)لازم يسوي وضعيتو القانونية
زهرة:(بحنية)أنا مش عايزة منكو حاجة انا عايزة بس شملنا يبقا كده ومع ميمون كمان. .
نجلاء:إ شاء الله يارب. .
ركب ميمون طونوبيلتو وحجبانو معقودين..آخر مافكر فيه هو الفلوس ..هو من النوع لي ماكيعجبوش المظاهر ومكيعجبوهش الماديات بزاف..حيت دوز فترة من حياتو محوزق ماعندو عشا ليلة ...دوز بعض الإتصالات بخصوص الخدمة بيدما وصل لقدام المحل ..بلاصا طونوبيلتو وفوذنيه تيليفون . .
دخل عليهم لقاهم في وضعية عادية كيستفو السلعة و واحد فيهم كيبيع لواحد السيد جديد ..ماهضر ما قال والو حدو لقى السلام ودخل للسطوك كايضور فعينيه المعقودين وشفايفو كيعض فيهم مع يدو لي كتحك فمسطاجو وتيجبدو فانتظار الشخص لي بغا..
دازت عشرة دقايق دخل شاب فمقتبل العمر هاز كارطابل تسالمو ونطق: عيطت ليك بغيتك تخدم هاد الكاميرات. .
...:شحال أخويا عييت معاك خدمهم خدمهم ههه وقفتي على هضرتي . .
ميمون:وقفت..شوف ݣالو ليا كاينة واحد القضية ديال نبقا نشوف أش طاري فالمحل غير من التيليفون. .
...:كاينة بغيتي نصايبها ليك
ميمون:(مد ليه تيليفون)هاك دير خدمتك . .
شدو من عندو ومشا كيدير خدمتو وميمون كيضور بين السلعة مكمش عينيه..الشك نوغشوو وتمكن منو وباغي يزيد يتأكد قبل مايقطع الرزق . .
مدازت تا ساعة كان سالا الدري حيت ديجا الكاميرات ماآنسطالين خصو غير يخدمهم ..مد ليه التيليفون و شرح ليه الطريقة مرارا وتكرارا وقال:صافي فهمتي
ميمون:فهمت أخويا الله يحفظك..(جبد فلوس كيحسبهم من جيبو)شد رزقك. .
...:الله يكبر بيك
خرج وخلاه تايعاود يشوف فالطريقة ويتنهد وفالأخير خرج مرتاح بدون مايهضر معاهم وهادي ماشي من عادتو..
قصد طريق دارو لوخرا لي فيها مو وختو وخوه وتيليفونو فوذنيه كيصوني لنزهة لي بعد رنات قليلة جاوبات
نزهة:الو
ميمون:لالة البنات وصلتي؟؟
نزهة:حمممم بلاتي(ناضت من حدا الناس)وي وصلت ݣبيل دزت عند ختي
ميمون:وصلتي مزيان؟؟
نزهة:اه الحمد لله..كي لقيتي ختك؟
ميمون:مزيانة(كمل تايعاود)بغاو يمشيو فحالهم كاع
نزهة:لمصر زعما؟؟
ميمون:أه ..كانشوف أنا البنت باقي مريضة وباقي عيانة وهوما باغيين يمشيو كون غي بغات تبقا معايا. .
نزهة:(لمسات الحنية فهضرتو)سعداتها هاد ختك بيك ههه
ميمون:شحال عندك نتي من خوك؟
نزهة:جوج
ميمون:اوا تهلاي فيهم الخوت زينين هه. .
نزهة:يتهلاو فيا هوما بعدا ههههه
ميمون:مامهلينش فيك؟؟بنااقص أنا نتهلا فالزين ديالي...أش خاصك؟؟
نزهة:هههههههه على القرص حتى نتا ههههه ماخصني والو خصني غي السلعة باش نخدم للسيدة حلوتها. .
ميمون:فكرتيني هههه شنو خاصك كاع؟؟
نزهة:خلصتو وكلشي خص غي توصلني
ميمون:واخا فالعشية يدوزها ليك السيد
نزهة:واخا أسيدي..ياله سير نخليك خليت ختي كتسناني
ميمون:سيري أزين بسلامة. .
قطع معاها مبسم ونزل من سيارتو فحي زوين وراقي تاهو طلع لدارو وكيف كان متوقع لقى مو وختو أما خوه مكاينش..تلقات ليه مو وعنقها وهي كتطبطب عليه :الحنين ديالي كي بقيتي شويا؟
ميمون:(باس بديها)الحمد لله أمي..شويا
الزاهية:ولاش أولدي تجي ونتا عيان كون جلستي فدارك حتا تبرا
ميمون:أش نݣلس ندير أمي..راه خدمتي مرونة
جات فتيحة ختو هازا صينية تاتاي مبسمة:على سلامتك أخويا
ميمون:الله يسلمك...فين منعم؟؟
الزاهية:ماعرفتو فين صد...كبي لخوك أتاي..(بحنية)فيك جوع أولدي
ميمون:لا..ضربت واحد الطاجين
فتيحة:(كاتخوي أتاي)شكون طيبو ليك؟؟على حد علمي نتا والطياب ماشي خوت. .
ميمون:حمممم لا عرض عليا صاحبي . .
الزاهية:(شدات الكاس مداتو ليه)ومالك أولدي فيها..نوض تزوج أوليدي ودير دارك وجيب مرا تعمر عليك. .
ميمون:(ضحك)ههههههه واش غي أجي وتزوج
الزاهية:(تبسمات ليه)واش خاصك أولدي..خوتك صغر منك ومزوجين و والدين..كي تاع مك كي ديال باك ونتا أولدي بقيتي هاكا. .
فتيحة:(كضحك)غا خليه هذااك أنا لي عارفا ليه...نجييب ليك شي قلعاوية من داكشي الحداكة والتاويل والنقا والزين تجمعك
ميمون:الله ينجيني ههههه
الزاهية:و مالها بنت القلعة ...ياكما ناوي تجيب ليا شي مصرية
ميمون:(جمع الضحكة وهز حاجبو)أمييي
الزاهية:وااا حممم واش أوليدي أنا ولد واحد لي عندي تديه ليا مصرية . .
فتيحة:نتي أمي راك هترتي..ولد واحد ودوك الخرين فين حطيتيهم ولا بغيتي تݣولي ولد واحد لي ولدتي مع المصري . .
ميمون:(معجبوش الحال)الله يرحموو نسيتيها
الزاهية:(تنهدات أوليدي أنا بغيت ليك بنت البلاد تصونك ..ونتا غي شير عليها نمشي بالكبرانية نخطبها. .
ميمون:(باس يديها )الله يطول ليا عمرك أمي..دابا ماكنفكرش با ياله مات. .
فتيحة:وامهضرناش على دابا ايييه السيد ياله مات ولكن من بعد
ميمون:يكون خير
الزاهية:(بغات تبدل الموضوع)خواتاتك هنا باقي ؟؟
ميمون:ݣالو بغاو يمشييو
الزاهية:(كتحاجي ليه بنبرة هادية)ياوليدي ديك السمرة فيهم غا نتا محطوط...كتشبه ليك. .
فتيحة:(ضحكات)ميمون داير الشعر هههه
ميمون:ورااه ختي ههه زُهرة كتشبه ليا وهدى شويا من العينين ولوخرين راه مهم. .
فتيحة:وكاع ماكتشبه لينا حنا ههههه
ميمون:شبهتو باكم وانا شبهت با ههه
الزاهية:(كتكره سيرتو)اوا ماشي مشكل..
دخل منعم الاخ الأصغر كايدندن شاف خوه وجمع فمو وقال:المصري هنا
ميمون:هه نتا لي ماشي هنا ..فين كنتي(تسالمو)
منعم:(جلس)مشيت غي تقهويت وجيت..كازا زوينة فيها مايدار
ميمون:كانضل عليك زيد تخدم زيد تخدم مابغيتيش
منعم:اوا الخال مبغاش يطلقنا هههه دابا نيت راه كايضل يعيط
ميمون:اوا سير اش كتسنا..مي وفتيحة خليهم معايا. .
الزاهية:حممم مانصيبش اوليدي تانا خصني نمشي خليت داري ماعرفتش اش جاري فيها. .
منعم:شغيكون طاري فيها؟؟ناس عايشة عاد تهناو عريساتك من نݣيرك هههههه . .
ميمون:(درع مو)سير نتا وخلي مي انا نهز ليها نݣيرها
الزاهية:(بافتخار)الله يرضي عليك أوليدي..نݣير ݣالك واش كاين شي واحد كاينݣر غير هاكاك...فنيانات وخصهم الحكان . .
منعم:(ممسوقش كيضحك)حسن عوانهم يالزاهية معاك
فتيحة:هههههه والكذوب عالله حرام..نتي أمي راك شويا لباس ههههههه غا صابرين ليك دوك بنات الناس
ميمون:ههههههه سكتو ماتضوروش ليا مي...
الزاهية:صابرين ليا؟؟أنا لي صابرة ليهم أناا...احححح وكان كبرنا ومابقا حد عاجبيينو ايييه واكبري وربي(منعم وفتيحة كيحركو راسهم مولفين الموال)وقري وتولي وفلخر مافيك صبر..كون تشوفوني لاش صبرت مع باكم . .
فتيحة:(كضحك عليها)هههههه وملي فيك الصبر صبري مع المصري الله يرحمو كون راه درووك كانفرقو فالورث هههههه ماشي مع با مات وخلاك الله كريم جوج بليدات والنعاج . .
ضحكو كاملييين إلا الزاهية لي قندشات فيها وقالت:الله يقل حياك الماسخة...نوضي الله يمسخك. .
ميمون:هههههه تفرقو ليا على مي هههه
منعم:واش كذبنا؟؟كون راه دابا كنفرقو الملايين
ميمون:غي مشتتين غي دوز تفرق وتهز ههههه
فتيحة:ومالك ماشي مشتتين؟؟شفتي غي الطونوبيلات فاش جاو كي دايريين هادو ماعرفت كي عايشين تما
ميمون:بحالك بحالهم!حتانتي عايشة هنا مزيان
الزاهية:نكاريين الخير هاد تريكة كرشي خزيييت
منعم:اجي حݣ نسولك ماجبدوش قضية الورث؟.
ميمون:جبدوها حممم(بجدية)وݣلت ليهم مابغيت والو
فتيحة:(خرجات فمها بصدمة)أويلييي أويلي شيطااان
الزاهية:(خزرات فيها) يويلووو علييك أبنت الهم...سكتيييي
منعم:واش اخويا نتا شويا لبااس؟؟كاين شي حد كيرد رزقو
ميمون:اشمن رزق نتا وياها..راه كنيتي ماشي بحالوو منين جيت ولدو . .
منعم:والى كان كاتب ليك شي حاجة؟؟
ميمون:ماخصنيش بداكشي..أنا كون بقا ليا هو حسن وفضل ليا، مات الله يرحموو وفلوسو راه البنات خاصيينهم أما أنا عندي رزقي
الزاهية:الله يرضي عليك أوليدي..ماعندك مادير بطلوع وهبط ..رزقك عندك لاش تمشي تشد فرزقو خليه لخواتاتك. .
منعم:أمي سكتي غي كاتخربقي..اشمن رزق؟؟واش عرفتي بااه شحال غيكون مخلي
فتيحة:(مفقصة)كاتفقصو والله
ميمون:(بحزم)سدو الهضرة هنا..ماخصني فلوووس وماخصني عداوة مع حد...الله يعاون(وقف باس راس مو)
الزاهية:جلس أولدي تعشا معانا
ميمون:مرة خرا عندي بزااف مانقضي..
خرج مخليهم غي تيشوفو فبعضهم وساكتين غي تفاوت و هو ينطق منعم وصبعو مشير جيهة الباب:هاد ولدك أمي والله حتى مكلخ .
فتيحة:علاه غي مكلخ وسكتي..أويلي واش كاين لي كيبعد عليه النعمة.
الزاهية:(خزرات فيهم)غاتسكت نتا وياها ولا نوض نعاود ليكم الترابي...ولدي سييد الرجال ولي دارها جات معاه..أش جاه من هاد بااه وهو فالحياة باش يجيه وهو فالممات. .
منعم:(ضحك مغدد)أودي كيتعطا الفول لي ماعندو ضراس..عطاتو ليام
فتيحة:فقصني ومشاا يخخخخخ
الزاهية:المساخيط خزيييت(ناضت). .
نزهة وسط دار ختها هي ومها مجمعين على صينية تاتاي ودوازو متولة الطبلة ..التاويل عندهم وراثة لاهيا لاختها غي بثلاثة بيهم كيتعاودو ويضحكو ماكاين لي يبرزطهم . .
نزهة:خصنا نمشيو أمي غاتوصل السلعة باش غنخدم مايلقاو حد
حفيضة:داك نيت لي كيجيبها ليك؟؟
شافت فيها نزهة وضحكات :هههههه هذااك
حفيضة:ياكما باقي كايضور بيك
سعيدة:ههههههه أش هادشي؟؟هادشي ماكتعاودوهش
نزهة:هههه اش غنعاود غي مي مسكينا هرب ليها الفريخ نوضي صلي المغرب ودوزي نمشيو للدار
الأم:(ناضت تتعجز)اححح اربي
سعيدة:سيري أمي راه الزربية فالمراح صلي فبيتي
مشات الام وخلاتهم بجوج وهي تنطق سعيدة:هادشي لي ݣالت مي بصح؟؟
نزهة:(كتحك شعرها)بصح اختي
سعيدة:(فرنسات)كي داير هذا لي كايضور بيك ههه
نزهة:(تبسمات)زوين الله يعمر ليه الدار
سعيدة:اوا شدي فيه ماتعرفي زهرك يتݣعد معاه
نزهة:أختي حتا زين مخطاتو لولة..السيد معقول وبفلوسو وماخاصو تا خير ولكن خضر اختي خضر هههه
سعيدة:هههههه كيفاش خضر؟؟
نزهة:ماكيعرفش يهضر ولا يلبس..عرفتي يا سعيدة واحد الدار عندو فشارع ****** راه تفهاي فيها ..والمحل ديالو كايدخل ليه الزبابل تالفلوس ولكن اختي خضر
سعبدو:من قبيل ونتي خضر خضر..كيفاش خضر؟؟
نزهة:واش اختي واحد عندو فلوس نيت صحيحة وتشوفيه فزنقة يحسابك غا مزلوط
سعيدة:مامهليش فراسو؟؟
نزهة:وتݣول!!!داك النوع لي مامسوقش يخرج كيما جاتو الوقت لقاتو لابس صندالة غيجرها ويخرج..لقاتو ببنطوفة غيخرج..
سعيدة:واختي جات معاه تلقايه طالع ليه داكشي فراسو..
نزهة:(حركات صبعها بنفي)لا موحالش..مكيعرفش لداكشي هو مانكرش راه ضريييف والله يعمر ليه الدار وكيتعامل زويين معايا ولكن(بحيرة)معرفتش اختي والله. .
سعيدة:(بفضول)ذاكر معاك الزواج؟؟
نزهة:لالا ماذاكر والو سيد باغي باقي غي يتصاحب ..عندو 41 سنة وكيݣوليا ممزوجش...وأنا هادي مدخلاتش ليا لراسي
سعيدة:العلم لله أختي..مادايرش بخاتم؟؟
نزهة:تأ لا..السيد كيتصرف عادي
سعيدة:ومالكي اختي مقصحة راسك..اش كيدير هذا؟؟
نزهة:عندو محل ف ****** كيدير فيه المواد الغدائية كيبيع لمالين لهري الكبار
سعيدة:بخييرو تبارك الله ههه شدي فيه دوزي غي الوقت
نزهة:ههههههههه حاشاك اختي لي خصها تقوليا لا انزهة بعدي عليه
سعيدة:هههههه عيشي حياتك مالكي ؟؟الزين وزينة نتي غي لي عرفتيه كاتبغيه للزواج ماتعرفيه زين ماتعرفيه خايب. .
نزهة:واختي راني 34 سنة..التران راه غادي وكيفوتني (بحسرى)حتا أنا بغيت ندير وليدات قبل مايفوت الفوت
سعيدة:نزهة..نساي عليك هاد الهضرة ديال الزواج ..واش غي تزوجي ولباس!!ماعرفتي هاد الراجل كي غيكون
نزهة:كون بغيت غي نتزوج ولباس كون تزوجت وانا بنت العشرين..بغيت غي شي ولد الناس يحسن بيا ويكون راجل بحال با الله يرحمو
سعيدة:بحال با راه مابقاوش..خوي راسك من زواج مالكي اش خاصك؟؟رزقك غيجيبو ليك الله واخا تكون عندك خمسين عام..الزواج راه مافيهش غي الولاد فيه الصبر وشحال من حاجة
نزهة:بلي فيه الخير ياربي
سعيدة:(تبسمات)اش سماه الله هاد ااسيد
نزهة:(ردات ليها الابتسامة)ميمون نههههه
سعيدة:ههههههه سمية زوينة...لي نوصيك هو حضي راسك اما تكوني تعرفيه تاحد ميعيق بيك
نزهة:داكشي لي غندير..انا أصلا مكنفكرش فيه من ناحية الزواج
سعيدة:لي بان ليك
الأم: (دخلات)ياله نوضي ابنيتي نمشيو قبل لا يطيح الظلام
سعيدة:والظلام راه طاح ههههه باتو عندي
نزها:(كاتجمع فصاكها)أنا منقدرش شوفي مي لبغات تبات
حفيضة:نمشي ابنيتي لداري خصني نجمع شي حوايج غانمشي للحسيمة
سعيدة:كاديري الفرزيات أمي..عبد الجليل غي لاصقة فيه..أنا ومحمد كاتجي وماكتباتيش
نزهة:زعما محمد مفرش ليها الحرير ههههه
سعيدة:الله يهديه هذا منݣولو
حفيضة:آييين ..ياله نوضي. .
توادعو معاها ومشاو لدارهم على رجليهم مجمعين كي وصلات لقات الدري كايتسناها بالسلعة ..شكراتو وقالت:شحال حسب عليا؟؟
...:والله اختي معرفت أنا ݣاليا وصل ليها السلعة وجي
نزهة:حممم صافي شكراا
مشا دري ودخلات هي السلعة فحين مها طالعة فدروج وكتهضر:واش أبنيتي على قلة منين تقداي مقدية من عند داك الباسل
نزهة:هههههه باش عرفتيه باسل أمي؟؟
حفيضة:(تلفتات ليها)واتبعت غا هضرتك..ݣلتي كايضور بيك
نزهة:هههه درويييش أمي
حفيضة:وريني أنا فالرجال
دخلات كلشي للدار ومشات بدلات عليها ودخلات لكوزينة كاتوجد العشا وغداها وتا اتاي لي غيقصرو عليه ..هزات تيليفونها دارتو مع لكيت بلوتوت فوذنيها ويديها خدامة مصونيا ليه..بعد عدة رنات رد بصوتو اللطيف:الزين. .
نزهة:(تبسمات بدون شعور)وصلاتني السلعة
ميمون:بصحتك
نزهة:شحال حسبتي عليا(كاتقطع البصلة حرفاتها)
ميمون:الله يسخر هذا مانحسب علييك(كايجر من تيو تشيشة)
نزهة:ههههه دعاويك ممقبولينش..كي بقيتي شويا؟؟
ميمون:لا مزيان..مموالفش كنمرض دغيا نضت
نزهة:شكون هذا لي ماكيمرضش؟
ميمون:هو أنا هههه ملي كاتعرف راسك غتمرض ومكاينش لي يقابلك كتنوض دير بناقص من المرض هههه
نزهة:(نزلو دموعها بالبصلة)مممم اوا الله يشاافيك. .
ميمون:مالكي
نزهة:(ضحكات)ههههههه واحد البصلة بنت الحرام بكاتني
ميمون:هههههه شللي عينيك شويا..حطيها وهني راسك
نزهة: والعشا؟؟تطيبو نتا ههه
ميمون:والله ماكرهت شي طاجين اخر من يديك هههه ديال الغدا واعرر. .
نزهة:بصحتك..اوا ماكرهتش ليك ولكن صافي طاجين واحد براكا ههه
ميمون:شنو زعما معمرني نذوق طيابك ولا شنو؟
نزهة:بحالا علمك الله هههههه صافي
ميمون:هههههه صبري نكمل الشيشة ونتفاهمو على هادي
نزهة:(خسرات سيفتها)يععع الشيشة تاني..واش ماكتهلككش؟
ميمون:(مرخي بيها )لا مكتقضي فيا والو
نزهة:بااز ليك مريض وكتشيش. .
ميمون:عادي ههههه
نزهة:ضبر راسك..وا دابا ݣوليا شحال حسبتي ليا باش نفيرسيهم ليك. .
ميمون:(ضحك)معنديش مع البانكة
نزهة:وفين كاتخبي فلوسك؟؟
ميمون:فالمشاريع
نزهة:ههههه نتا لمن صادقة
ميمون:مصدقات ليا حتا ترونات عليا ههههه
نزهة:وا هضر خلاص شحال؟؟
ميمون:راه هضرت وݣلت ليك الله يسخر
نزهة:شنو زعما؟؟
ميمون:كنتي كتسنايني نتخلص منك؟؟
نزهة:(توقفات على شنو كدير)وعلاش زعما؟؟
ميمون:اوا الله يهديك كاين شي حد كيتخلص من الزين ديالو
نزهة:الى هاكا ماغنبقاش نتقدا من عندك..ماشي حيت عزيزة عليك تعطيني فابور وتوصل ليا فابور الخدمة خدمة والحوايج خرين راه بوحدهم. .
ميمون:(ضحك بشوية)ههه عفاك ݣولي ليا الحوايج لخرين اشناهوما؟؟ماكرهتش نسمعهم من فمك
نزهة:(بجدية)هضر بالمعقول أميمون..ماغتخلصش مني فالتوصيلة؟؟
ميمون:(جمع الضحكة)لا
نزهة:وعلاش؟؟صافي غي حيت صاحبتك؟؟
ميمون:الى كنتي كاتسناي نتخلص منك راكي غالطة..وليتي معايا يعني أنا وياك مبيناتناش الفلوس. .
نزهة:ماعاجبنيش هادشي أميمون...غنبان بحالا كنستاغلك. .
ميمون:(ضحك)هههههههههه أش غتباني؟؟؟زوينة هادي ههههههههه سيري تعشاي وتنعسي
نزهة:(فقصها)كضحك ياك؟؟كنعاود ليك النكات؟؟
ميمون:ههههههههه واشوفي نتي أش كتݣولي هههههههه تستاغلني ايهاي..
نزهة:يااك؟؟اوا ضحك ضحك..بسلامة
ميمون:والله وتقطعي حتا نجي ليك لداركم ههههههه لدنمك مالكي حامية فيك البيضة ههههههههه فلوسك خليهم عندك
نزهة:اوا لباقي تقديت من عندك اجي دفل عليا
ميمون:لا غانجي نبووووسك حيت عارفك غتقداي ههههههه تعطيك خاطرك تخلي هاد اللوين (سمر)وتمشي لشي واحد اخر
نزهة:(حابسة الضحكة)راشقة ليك هااا؟؟
ميمون:تأمني بالله ؟؟
نزهة:وحده لا شريك له(متبعاه فهضرتو). .
ميمون:والله ماكانت راشقة ليا قبل ماتجي عندي..راكي عارفا موت با والمرض ومع الببنات ماكنتش حامل ندير شي حاجة. .
نزهة:(تكالمات وتبسمات ويديها كتلعب فميكة ديال الطبلة)حممم سعداتي أنا فوجت عليك
ميمون:خليك هاكا انزهة ..كي عرفتك النهار لول
نزهة:كي عرفتيني؟؟
ميمون:هاكا..مافيكش زواق الهضرة والتبعصيص..عليك زوينة هاكا وضريفة
نزهة:(بمزاح)والى تبدلت؟؟
ميمون:اوا حتال ديك ساعة وتكون هضرة خراا...ياله دوخي فحالك
نزهة:ههخهه سير تصبح على خير
ميمون:بسلامة
-قطع عليها خلاها عاضة على شفايفها وعينيها مفيكسين فاص ليها كتفكر فشنو دير معاه...تصرفاتو ضريفين بزااف وكيبان ولد الناس لكن جانب من عقلها ماباغيش يتقبلو معرفات راسها واش دايرا ليه الخاطر ولا مدوزة بيه الوقت. . . .
كملات شغلها وتعشاو . . و ناضت تخشات فبلاصتها بعدما مسات على مها وعقلها فيه مطارق كثيرة كي دير تخدم الكوموند ديال السيدة أما هو كي رخاتو الشيشة جبد عليه
فاليوم الموالي جالسة بكامل أناقتها كيف العادة لباسها ماشي غالي لكن كاتختار بياسات زوينين وكلاص متوسطين الثمن..الشعر مطلوق وكطابي فالبيسي تا وقفات عليها وحدة من لي خدامين معاها فيديها ضوسي وقالت:نزهة هاكي اختي هاد الضوسي صيفطو ليك موسيو ربيع
نزهة:مغسي حبيبة...مالكي كتباني عيانة؟
إيمان:أختي عيانة و ستريس قاهرني والله
نزهة:نظمي وقتك أختي ديما كنݣولها ليك..النظام كيخلي الستريس بعيد عليك
إيمان:غانحاول..كنفكر ندخل لاصال نديفولا شوية
نزهة:(بإهتمام)كتعرفي شي واحد زوين؟؟بغيت أختي ندخل نحيد هاد الكرش(شدات كرشها) . .
إيمان:وي كنعرف واحد غزاال وفيه واحد المونيتوغ غزاال
نزهة:صافي حتى نديرو شي وقيتة ونمشي نتسجل. .
ايمان: فالبوز ديال الغدا نمشيو وندوزو نيت نتغداو
نزهة: أنا جايبة غدايا ههههه
إيمان:اوا خلاص علي نوعي شويا هههههه الالة أنا عارضااك
نزهة:هههههه واخا..نتلاقاو فالبوز
إيمان:داكوغ. .
مشات وخلااتها ملهية فخدمتها حتى طاح فبالها ميمون واستغربات أنه ما صوناش وبسرعة تناسات..وصلات وقت البوز خرجات برفقة إيمان مشاو شافو لاصال وتسجلو ودازو تغداو ورجعو دغيا للخدمة حيت إيمان عندها طونوببل..مع دخلات لمكتبها وهو يصوني تيليفونها بنمرتو..
جاوبات بهدوء:الو
ميمون:لالة تالبنات مالكي غاضبة عليا؟؟
نزهة:ههههه علاش؟؟
ميمون:ماسولتيش فيا محنيتي عليا. .
نزهة:(ضحكها)هههههههه والله الى غي تبرزطت مع الخدمة والبوز كنت خارجة
ميمون:فين مشيتي؟؟
نزهة:(بدون ماتفكر)ضروري تعرف؟؟
ميمون:(هز حاجبو)شوفي نتي
نزهة:حمم غي قضيت شي غرض مع واحد السيدة خدامة معايا
ميمون:حممم واخا ياله بسلامة. .
نزهة:(عاقت شنو دارت)حممم بسلامة . .
قطع وهي تهز حاجبها فالتيليفون وحطاتو مكملة خدمتها متمسوقاش..تا سلات دوامها وخرجات لدارهم كتزرب باش تبدا الحلاوي
فحين هو كان مجلوق فخدمتو من محل لمحل من هادي لهادي وبزاف تالمطارق فراسو من بينهم خواتاتو لي بقا معاهم تا رصاو فاوطيل بعدما خرجات نجلاء. .
وفالليل تخشا فمانطة فاص لتلفازة وحداه عشاه من الزنقة كياكل منو وكيفكر فيها..فالاخير قادتو نيتو وصونا ليها وبعد رنات جا صوتها مريح: الغضبان
ميمون:عارفا راسك شنو درتي بعدا؟؟
نزهة:(مقابلة الفران)ماعرفتش ولكن حسيت بيك تقلقتي
ميمون:شنو درتي؟؟
نزهة:حيت ماݣلتش ليك فين كنت
ميمون:هاديييك
نزهة:ماشي مابغيتش غي ماكنتش باغية ندخل فتفاصيل يقدر ماتهمكش..
ميمون:علاش ماغتهمنيش؟؟ياك شي حاجة فيها نتي علاش ماتهمنيش
نزهة:(تبسمات ويديها كتحل الفران)مالك ضريف هاكا؟؟(كطنز)راه غانولي نبغيك
ميمون:هههههه ومالكي غتلقاي بحالي
نزهة:شحال متواضع هههههه هبط كواريك. .
ميمون: هههههههه والله الزين الى نتي لي مامتواضعاش ولكن صراحة (تنهد) عندك علاش هههههه زوينة أبنت الحرام. .
نزهة:(ماشعراتش تا طلقات ضحكة عالية من ديك بنت الحرام) ههههههههههههههههههههههههههه
وقفات عليها مها قبل مايجاوبها هو لي كيضحك وقالت:مالكي الشيخة كتضحكي
نزهة:(طمرات)والو ههه عفاك أمي قابلي هاد طاوة هاني نسالي ونجي
حفيضة:واخا
تفاوتات معاها وهو يقوليها:كاطيبي؟؟
نزهة:واايييه الكوموند لي قلت ليك كنوجد فيها
ميمون:أنا جاني كون غي تشدي فحاجة وحدة أما الخدمة برا، ولا الحلاوي. .
نزهة:مابغيتش نفرط فخدمتي حيت جربت نجلس بلا بيها ولقيت راسي ماعندي ريال وحتا هاد الصنعة زوينة كدخل ليا الرزق وبغيت ندير كلياني وعلاش لا إن شاء الله ندير مشروعي . .
ميمون:(بإهتمام)ايييه علاش لا كلشي عند الله قريب واخا فيها تمارة. .
نزهة:(بعفوية)كون تشوف يدي راه تهلكو..الفران مشبعني حريق وضفاري راه مهرسيين . .
ميمون:هههههههه خلاوها المصرين "حق اليدين عليا"
نزهة:هههههههه وليتي كتهضر بيها هاا الأصل غلب
ميمون:كانتجاقر فيها مع خواتاتي وصافي شي كنفهمو شي لا هههه كيزربو عليا . .
نزهة:سااهلة والله أنا بكثرة الأفلام لي كانتفرج فيها وليت كانطير فيها
ميمون:نلاقيك معاهم شي نهار أرا ماتهضري هههههه
نزهة:حممم إن شاء الله ياله نخليك غانمشي نكمل لي عندي
ميمون:واخا سيري..ماتديش علي ݣبيل كنت مبرزط
نزهة:مديتش عليك ههههه
ميمون:نتلاقاو غدا؟؟
نزهة:ماعنديش الوقت خاصني كي نجي للدار نكمل الحلوة
ميمون:وقيتة تالغدا!؟؟ندوز موراك ونمشيو نتغداو. .
نزهة:حمممم واخا إن شاء الله
ميمون:ياله تصبحي على خير
نزهة:تصبح على خير . .
قطعات وهي تبقا تتشوف قدامها وكتفكر شنو قالت ليه شويا وهي تقفز بحالا قرصها شي حد وقالت مأنبة نفسها:اويلي هادشي نتي ماعاجبكش وغتلاقاي معاه تغداو ياله وا فكيييها نتي دابا خخخخ
حفيضة:(كتنادي عليها)يا زيدي كملي شغلك. .
مشات شدات عليها الفران وكملات شغلها معطلة ما نعسات تال الوحدة عاد خمدات. .
******
تبزغ الشمس من عينيك
وكل صباح لا تفتحين فيه عينيك
لا يعتبر يوما
****
يتبع...
التنقل بين الأجزاء