لاحها ليها فوجهها "مطلقة" طلقها قدام أمة محمد ورما عليها الطلاق الثلاث لي لا رجعة فيه..وماشي فلحظة غضب إنما تراكمات لسنين كثيرة كان كيتفادا فيها هاد الحل لكن رجع ولقاه هو المناسب. .
كان وقع الكلمة فوذنيها تصفار شرعات عينيها هي وخواتاتها ومها مصدوومين مظنوهاش توصل لهنا..أما سعيدة راه علاين تطيح بالصدمة
عبد الجليل:محمد رجوع الله..أش هاد الهضرة؟؟
محمد:الهضرة لي كان خصني نديرها شحال هذا ...وكنت صابر باش الدم ميرجعش ما..ولكن الى على فعايلك أمليكة راه وصلتي معايا للحد...خرجي عليا برااا ودي معاك ولاااادك وتسناي براتك توصلك ...وعلى وجه ولادي غنخليك فديك الدار ومصروفك كل شهر غيوصلك
أم مليكة:أويلي أ سمحمد أش هاد الهضرة؟؟
محمد:شوفي أخالتي ولا لخرا هزي بنتك(كيدفع فيهم جيهة الباب)وخرجو فحالكم عليا من داري. .
ياسين حنى راسو وخرج كان متوقع كثر من هاكا..لا هو لا خوتو كانو كل نهار كيتوقعو هاد اللحظة حيت عايشين فأسرة مشتتة..دفعهم برا خرجهم كيغوتو ويتلاغتو ومليكة طالقة حلوقها عليه:بزااااف عليك أنا حتى تطلقني أعيفة الرجال...بزااف عليك هذا هو خيري درت منك رااجل وجمعتك تا درتي دارك و وليتي كي الرجال...خديتك شمكار مافيك مايتشاااف أولد الحرااام(كتغوت)سسير الله ياخد فيك الحق أولد الحراام
ياسين: (كيجر فيها)زيدي ألواليدة
مليكة:الله يعطيك شي موصيية ياربي تجيني خبااارك
محمد:(برد ليه القلب ملي طلقها)خرجي خرجي ...بيناتنا المحكمة ..
محمد:ماشغل حتى واحد فيا..لي بقات فيه يمشي يتبعها..دلمها كتشفر فيا وتصيفط الولد للموت وبغاتني نبقا معاها
عبد الجليل:زربتي أخويا؟؟وولادك؟؟
محمد:(بالغوات)مالهم ولادي؟؟راهم عايشيين بيها ولا بلا بيها..المرا لي تصيفط ولدها للموت تفرح ليها؟!!لي بغا يعيش معايا يجي لي بغاها يمشي عندها..كثر من 20 عام وأنا صابر مزوج بوحدة ماباغيهاش وصابر عليها لفعايلها ولتشيطينها على وجه ولادي وفلخر تنوض تشفرني وتصيفط ولدي للموت!!!
لحظة صمت كلشي ساكت وقلوبهم هي لي كتهضر..كلشي حاضرين ليه وعارفينو من نهارو ماباغيهاش ومحاملهاش ومو لاحت عليه السخط يديها ومياخدش بنت فاطمة لكن اليوم ثقبات الورقة وفاض الكاس..طلقها وتهنى منها ..حس براسو زاح حمل ثقيل على قلبو..
سعيدة:أ خويا والدراري؟؟
محمد:(بجدية وملامحو مزالا غاضبة)مال الدراري؟؟هزيت ليهم الهم وحتا واحد فيهم ماهازو ليا...ولادي عايشين بيا ولا بلا بيا ..(شاف فإيناس)نتي بغيتي تعيشي معايا بقاي بغيتي مك وصليها..
ايناس:(دخلات لبيت نزهة كتبكي)
عبد الجليل:رجوع الله أ محمد واش نتا باقي ديال طلوع وهبط فالمحكمة..داكشي لي تخسر فنفقتها كثر من لي شفرات ليك..
سعيدة:لاحول ولا قوة إلا بالله..مبقات فيا غي هاد البنية لي ضايعة بيناتكم..
دخلات عند إيناس دايراها فحضنها ولوخرا كتبكي وتعطي لصحتها..أما محمد راه مشا لبيت جليل القديم محيد صباطو وتلاح ناااعس كأن شيئا لم يقع. .
"مليكة"
الزوجة الغير مرغوبة من طرف محمد..هي من نهارها عارفاه مباغيهاش لكن تحايلات على خالتها وبقات عليها بالأدب والصواب والحداكة تا ولات منها تخلاق عكس محمد لي كان مزعوط وباغي يكمل حياتو مع وحدة خرا..
خداها رغما عنو ودار معاها وليدات غي باش ميديش السخط لكنو عاش جسد بدون روح معمرو بغاها من قلبو ومعمرو حن ليها وحتى هي معمرها دارت علاش يحن ليها ولا يبغيها متبعة هضرة مها وخواتاتها ديال الراجل كيتشد بالولاد لاغير..
كي دخلو للدار وهي تشد راسها كتبكي و خواتاتها كيتلاغطو حداها ويتغاوتو ويتحلفو فيه ها لي تقول نزهة حرشاتو ها لي تقول حركو ليه المجامر. .
كي دخلو للدار وهي تشد راسها كتبكي و خواتاتها كيتلاغطو حداها ويتغاوتو ويتحلفو فيه ها لي تقول نزهة حرشاتو ها لي تقول حركو ليه المجامر. .
أم مليكة:اري ليا داك التيليفون شدي ليا نمرة ختي نوريها شنو دار ولدها
حبيبة:مبقا مايتعاود أمي...راه طلقها بالثلاث
مليكة:(كتبكي)الله أربي أش هاد الحالة لي وليت فيها...عوجووه عليا وعمرووه الله يعطيهم موصيية وتشتيتة إن شاء الله...الله يشتت ليهم الشمل
أم مليكة:أويلي على شوهتي..فخر عمري بنتي ترجع ليا مطلقة وبثلاثة ديال الولاد
مليكة:(كتبكي ومغددة)والله لاخرجت ليه من هاد الدار...هنا غنبقا ومنخويهاش ليه
جميلة:هاكاك..بقاي فيها وهو يمشي فحالو ...ولد الحراااام الله يعطيه شي موصيية
ألام:أنا غنهضر مع ختي..هي لي غترجع ليه عقلووو
مليكو:(بالغوااات)وااامي واااامييي ورااه طلقني بالثلاث مبقا رجوووع...أمي شوهني ومرمد بيا الأرض والله ليه منرجع ولكنت ليه مرا
اللغا كثير وكلها كيهضر من وجهة نظرو وكلها كيشوف الحاجة كيما صورها ليه مخو على صح..فقصة مليكة تخلطات بفرحة رجوع ولدها لي مهضرش حدو مشا لبيتو فين لقى خوه جالس شاد راسو سمع كلشي ونطق:طلقها؟
ياسين:(بحسرة)اه
يونس:حسن ليهم بجوج(ناض ماسح دمعتو و خارج مكيشوفش قدامو داز عليهم بلا ميهضر)
ضحايا الطلاق هم الأطفال💔. .
*****
فالعشية رجعات نزهة للدار ناشطة ماشطة ضاحكة تقوليها سلام تقوليك الزين ديالي..تلقات ليها سعيدة على الدخلة خلعاتها و قالت:مالكي؟؟
سعيدة:واا هيا ناري وتعرفي اش وقع؟؟
نزهة:خلعتيني اش واقع؟؟
سعيدة:محمد طلق مليكة بالثلاث.
شهقات نزهة وحطات يديها على فمها ممصدقاش وقالت:اويلي على طلقها!؟؟كي وقع؟؟
سعيدة:زيدي للكوزينة نعاود ليك..بيتك ناعسة فيه إيناس
جراتها للكوزينة باقي بحوايجها كتسمع الصقيل فالدار عكس كي خلاتها ولوخرا خوات ليها المزيودة كاملة . .
نزهة:نكذب عليك..أختي كانت كتقلب عليها هاهيا لقاتها..واش لي تصيفط ولدها للموت مراا...أنا والله مبقات فيا ومغتبقاش فيا حيت دارتها بيديها وكانو شحال ما طولو غيطلقها حيت فعايلها راه فعايل بنات الحرام مقطرين..
سعيدة:(بحزن)كون تشوفي وجه إيناس وياسين يعلم الله و حتى هو يونس كي غتكون حالتو
نزهة:(تنهدات)إيناس ممشاتش معاها؟؟
سعيدة:والله اختي مجراتهاش معاها..جرا عليهم وبقات هي غا كتشوف
نزهة:فينها الحبيبة تعميتو؟؟
سعيدة:فبيتها أختي...نوضي شوفيها أنا غيخصني نمشي
نزهة:سيري أختي لدارك أنا هنا..
ناضت لبيتها لقات إيناس ناعسة باستها وتنهدات كيعزو عليها غا ولاد خوتها...بدلات عليها ومشات كتاكل حتى دخل عبد الجليل ومحمد بجوج ناضت سلمات وجلسو ساكتين تاحد مهضر حتى نطق محمد:فين إيناس؟؟
إيناس:(بصوت ناعس خارجة من بيت نزهة)هاني
محمد:غتمشي عند مك ولا تعيشي معايا؟؟
ايناس:(تخشات حدا نزهة حيت كتخاف منو)نمشي عند ماما
محمد:(ببرود)نوضي ندييك
نزهة:صبر خليها غا تاكل شويا وديها..
حرك راسو و سكت مخليها كتاكل بزز عليها وعينيها منفوخين حتى سالات وناض داها للدار ونزل معاها..كي حل الباب تصادف مع يونس خارج باينة فيه مراشقاش ليه..باس يديه وقال:دخل خصني نهضر معاكم
رجع يونس أدراجو وباه وختو تابعينو ...لقا مليكة وخواتاتها فالصالة مع مهم غي شافتو شعلات فيها العافية وضحكات بسخرية:علاش جاي؟؟
محمد:جاييب ليك بنتك لي نسيتيها...وندي حوايجي..سمعيني نݣوليك لا نتي لهاد القوم الدار غنخويها ليك وغتعيشي فيها مع ولادك حتى تموتي ..مصروفهم غيوصلك كل شهر والطلاق غنطلقك وغتسمحي فكلشي ولا قسما بالله حتى نذبحك ونمشي عليك الحبس(هز يديه للفوق)راه معندي مانخسر ونتوما(شير لولادو)غتبقاو عايشيين هنا مع مكم ولي نسمع عليه قد هاكا(شير بصبعو)غنجي نعاود ليه الترابي من لول وجديد. .
مليكة:(بغل)والله لكانت ليك...سمعتيني والله متكون ليك..نخرج أنا من هاد التزويجة بوالو؟؟الى ماجرجرتك فالمحاكيم راني بنت الحرام. .
محمد:واخا ديري لي بان ليك وأنا ندير لي بان ليا ونشوفو
دخل مخليها كتلغط وكتنݣر ومها معاوناها فالنݣير جمع كااع حواايجو وزاد فحالو ساد وراه باب من ابواب جهنم بالنسبة ليه. .
فاتصال هاتفي كيف مولف كيعيط ليها كل ليلة جلسات كتعاود ليه على نيتها كلشي وتاهو كيسمع عليها قول عايش معاهم . .
ميمون:على حساب معاودتي ليا خصهم يتفرقو
نزهة:بقاو فيا غي الدراري
ميمون:حتى هي راه تبقا فيك ماشي ساهلة فسنها تطلق
نزهة:نكذب عليك ماشي غنݣول فرحت ولكن اللهم يتفرقو راهم كثر من عشرين عام وهوما فالحرب اللهم الفراق وديك السيدة واخا بنت خالتي راه متسوا بصلة
مبمون:ههههه المشرارة الله يهديك
نزهة:والله أميمون على مدوزت أنا وياها تالحرب راه هاكا خصني نكون
ميمون:فيها خير..غيعيش معاك؟؟
نزهة:اه..غيرجع معايا للدار
ميمون:يونسك نيت شويا ههههه
نزهة:(بدلع)عندي الونيس أنا منحتاجش
ميمون:شكون كيونسك؟؟
نزهة:واحد الزين مصري عندي مخليني بلا عقل..كيونسني ومعمر عليا
ميمون:(ضحك)ههههههههه سعداتك بيه..ضريف مسكين
نزهة:علاه غي ضريف وسكتي ههههه حلو وهازني فوق رموشو
ميمون:لوااه..متزيديش فيه باقي مفشتتكش
نزهة:اوا أش كتسنا طلق راسك ههههه(سمعات الصوت)ميمون قطع جااو الدراري
ميمون:ههههه سيري أنا خارج
نزهة:مممم واخا..
قطعات معاه و خرجات عندهم لقاتهم مغوبشين.. وقالت:تعشااو؟؟
عبد الجليل:أنا شبعان باغي غي ننعس
محمد:حطي ليا ناكل..
مشات حطات العشا وتجمعو ليه كياكلو الا عبد الجليل لي جابد عليه سالاو وناضت غسلات الماعن وتخشات ففراشها شادة تيليفونها طالعة نازلة فالفيسبوك تا غفات ..
أما ميمون راه كي قطع معاها رجع لحدا جمال فين جالس كيخشي فوجهو وقال:شي نهار تفرݣع
جمال:(فمو عامر)معامن كنتي كتهضر؟
ميمون:ديها فراسك هههه(نقب)مكاين والو اليوم
جمال:كول ونوض بدل عليك وياله أنا عارض عليك لواحد القصارة اش نݣوليك!!؟؟ راه النݣعة ديال النشاط
مبمون:(كياكل)واخا هههه
كلاو وناض نقز الطبلة خلاها هاكاك معذورو زوفري..مشا بدل عليه وتأنق وتريح وخرج رفقة جمال شادين الطريق للخرجة تكازا فين كاينة فيرما ديال صحابهم كيقصرو فيها من الويكاند للويكاند ولا من الشهر للشهر..وكل مرة على حساب واحد فيهم..
كي وصلو كيسمعو الشعبي على جهد فرنس ميمون. وقال:الشيخات؟؟
جمال:هادو راه الختورية ديال الشيخات...جبت ليك النݣعة ديالهم هههه
ضحكو ونزلو بجوج داخلين وميمون كيحرك راسو كي الهبيل مع الأغنية أما جمال راه عينيه قربو يسبقوه لعندهم..حل ليهم العساس ودخلو ولقاوها ناضية كيف توقعو. .
ثلاثة تصحابهم مقصرين فالصالون الكبير مع طبلة عامرة قطعة بالشراب والشيشة والتقيوتات وربعة تشيخات لابسين ومحزمين والنص فصدىهم باين..بموزونهم كيشطحو على انغام الكاسيطة..جو كتحس فيه بأيام الإستعمار أيام الباشا الݣلاوي
سقل وبقا كيشيش وكيتفرج معاهم وهوما كيضورو عليهم لي بغا يعلق راه كيعلق لي بغا ينوض يشطح راه كيشطح والدخاخن والشراب على الجهد...عينيه تعسلو والشيخة لي كتحوم عليه وتشطح وتلوز ليها ولات كتبان ليه نزهة ونقطة نهاية.
مع كتحرك وتعوج فخصرها وتلوي فمؤخرتها كيتخايلها نزهة كتشطح ليه لدرجة شداتو الشهوة من جهتها..
******
•••••
وان كان وصولي لك سيؤذيني..
بلغي الأذى أني قادم وتعطري
•••••
فالصباح هي خدامة على راسها كتراجع فاكتوراتها مدوزة يومها عادي وبان ليها ميمون ماصوناش وهي تمشي للطواليط وصونات ليه وبعد عدة رنات جاوب بصوت مبحوح :الو
نزهة:(بصوت دلوع)المصري ديالي ناعس باقي؟؟
ميمون:(بصوت مدعدع)تواضعي شوية ونقصي عليا الصباح هذا
نزهة:خاصك فطور أ زين؟؟
ميمون:مكرهتش..شي فطور من يديك وشي بوسة نريقو بيها
نزهة:ههههههههههه جاتك أحبيبي ههههه مالك صابح معطل فالنعاس؟؟
ميمون:منعستش مزيان وصافي..مزيان لي صونيتي خصني نوض نمشي للمحل
نزهة:نوض دوش توݣد وخرج قضي شغالك باش تجي تشوف حبيبتك
ميمون:هههههه
نزهة:نتا لي ولفتيني هادشي ..
ميمون:نجي نشوفك الالاهم..ماعنديش منك عشرة غي اليوم غنتلاقاو فاش تخرجي واخا
نزهة:(كطنز عليه بصوتها عارفاه غيذوب)الوقت لي ساليتي ليا الزين
ميمون:هههههههه سيري فحالك من الروطوبية المصبوغة هههههه
نزهة:ههههههههه حافضني بعدا...ياله بسلامة
ميمون:بسلامة
قطع معاها وتفوه رامي ثقلو على ناموسيتو وناض كيتعجز داز للبيت لاخر لقا جمال منشور بحواييجو بسيف وهوما مدخلو حتال الفجر بقاو عاصرين على الشطيح والرديج والشيشة تاتبخ راسهم.
دوش صحصح وضرب قهوة يوكد بيها وخرج لشغالو من هادي لهادي والوقت شاداه ماحس براسو حتى وصلات العشية ..صونا ليها ودار معاها يجي لعندها وبالفعل تسناتو حتا جا غي بان ليها وهي تفرنس ليه..طلعات ومدات حنكها باسها فيه وقال:لحووب
نزهة:لباس؟؟كي ضليتي؟؟
ميمون:فتمارة(تحرك)نتي مزيان؟؟
نزهة:الحمد لله..
ياله بغا يهضر صونا تيليفونو وجبدو دوز الخط ودارو فوذنيه وبدون مايرد البال دار السبيكر كان جمال:حمم الو
جمال:أفين المصري..خرجتي خليتيني بوحدي
ميمون:مزوج بيك ولا ههههه
جمال:هههههه فيا الجوع
ميمون:كولني ههههه سير تاكل ولا طيب ليك راه الثلاجة عامرة
نزهة:الشيطان ولا لخرا ماشي سوقي...ضبر راسك أنا غي متبقاش تعرفني ولا تجي تهضر معايا...وصراحة عبرتي عليا نستاهل حيت مشيت معاك فالطريق ولكن نتوما كلكم بحال بحال
ميمون:(عض على شفايفو)نزهة عرفي أش كتݣولي
نزهة:(خزرات فيه)نݣول لي بغيت وتعاود تعيط ليا ولا تجي تهضر معايا وتشوف أش ندير ليك
زادت خلفة مخلياه كيشوف فيها عارف لهضرها دابا غتشوهو حيت نوعا ما شرعة لتعصبات..زفر ورجع لطونوبيلتو بعدما شافها شدات طاكسي وتبعها حتا شافها نزلات حدا دارهم ودخلات عاد ضور الروايض مراشقاش ليه عارف راسو غالط ..
أاما هي راه الجنون شعلو فيها..كلشي تسرطو الا يخورها
داخلة مخنزرة مكتهضرش مالقات حد من غير محمد حيت جليل رجع فحالو سلمات ودازت لبيتها بدلات عليها ورجعات كتوجد فكاسكروط معصبة وخصها غي معامن وفخاطرها كتغرق ليه..
"أنا يخورني مع الشيخات"
"السلݣوط لاخر"
"ولكن سري أنا لي شادة معاه الطريق هذا غي الدرويش و أش داير للق***** حوب"
كتضرب بالماعن وتنݣر فخاطرها ومحمد طالق وذنيه معاها حتى وقف عليها وقال:مالكي كتخبطي فالماعن؟؟
نزهة:(بدون ماتشوف فيه)طالع ليا الدم
مزادش الهضرة عارفها شرعة معصبة وخلاها تضبر راسها ..رجع شاد التلفازة حتى تحط كاسكروط وبداو كياكلو فصمت حتا صونا تيليفونها لقاتو هو قطعات وبلوكات نمرتو ورجعات كتاكل مغددة.. .نوعها كيبرد سمو فالماكلة وكيغلاض عكس النوع لي كيتعصب كتسد ليه الشهية..
بعدما ردات العشا وجمعات الدار مخنزرة وكتسب فيه فداخلها وتغرق ليه أما هو راه كيصوني حتى كيقطع شويا مبقاش كيصوني كاع ..كتشد النمرة تتقطع قبل مايصوني كانت بلوكاتو مخلياه كي الحنش لي مقطوع ليه راسو ..كيفيبري برجليه معصب وعينيه معقودين لي هز تيلي لوذنيه لي رجعو ليديه كيعاود يشد النمرة وحداه جمال كياكل كيف ديما
جمال:واصاحبي براكة من التعياط
ميمون:عرفتي نتا(مغدد)باقي تعيط ليا نلوح مك من أم الربيع
جمال:هههههههه أنا ݣلت ليك سمعها هضرتي هههههه تزعطتي زعطة خايبة.
ميمون:مبلاانش لي درت معاها..السيدة شادة معايا الطريق وأنا كنعور ليها فالعينين
جمال:ههههههه تزوج بيها وتهنى
ميمون:خليتي فيها نتا شي تزوج بيها(شافو كياكل ممسوقش وغددو)تاكل فيه السم الق . . واد ..
جمال:هههههههه دابا شنو مغتمشيش للقصارة اليوم
شاف فيه شوفة من نيتك ورمى عليه قرعة تالما جاتو فوجهو وزاد كيضحك ممسوقش..ورجع تاني لتعياطو و والو واش كيتشد الخط حتى صونا من نمرة جمال كيصوني مع قال الو قطعات عليه وبلوكاتو
ميمون:قطعات!!شد مسح نمرتها
شدها كيمسح فيها والضحكة غالباه خايف يضحك و يضربو . .
نزهة:(بلوكات النمرة لوخرا)ياله سير تخرا عليا نتا وهضرتك وحكامك الى خليتها فيك راني بنت الحرام(دخلات على محمد لبيتو)خويا تعود توصلني معاك للخدمة وتجيبني..
محمد:(كيستاعد باش ينعس)ممم واخا معاش كتمشي؟
نزهة:ثمنية ونص نخرج من هنا وكنخرج مع سبعة
محمد:واخا
نزهة:تصبح على خير مخصك والو
محمد:لا
خرجات وهي تفرنس وقالت فخاطرها:الى ماربيتك المصري راني بنت الحرام
دخلات تنعس ممسوقاش ويديها كتاكل فشيبس كتبرد غدايدها فيها تا غفات اما هو راه عيا يصوني ووالو فالاخير نعس حتى هو معول يعس عليها فخدمتها
******
صباح جديد ناضت باقي مغوبشة مامسروطاش ليها بلي مشا مقصر...هي أنثى وأي أنثى ولو تكون مكتبغيش داك الشخص راه مغتقبلش فكرة تكون معاها مرا خرا كطرف اخر فمابالك نزهة لي أحاسيسها منوغشين من جيهة ميمون
لبسات عليها لباس معتدل حيت بدا الحال كيدفى شويا باقي البرد فصباح لكن كيدفى الحال ماشي بحال أيام الشتا..تزينات وتعطرات كأنها باغا تفقصو .. نادى عليها محمد وقالت:سير تفطر راه الفطور فالكوزينة..
مشا للكوزينة لقا طبيلة مشكلة ومنوعة على حقها عارفاه كيبغي يفطر بالبلدي..هز حاجبو وقال:هادي إمتا فاقت
جلس يفطر مع راسو عايش دورو فحياتو الطبيعية آخر مرة فطر بكري كانت من زيادة إيناس حيت مليكة مكتوجدش الفطور بكري..جات حتى هي كتفطر وتقلب فتيليفونها كتشوفو شحال من مرة شدو البلوك لقات كثر من 30 أبيل..تجاهلاتو وحطاتو وناضت كتجمع لغداها فحين هو نزل سبقها حتى تبعاتو حطها فخدمتها وداز لخدمتو
بدات نهارها عادي ومع العشرة بدا تيليفونها كيشدو بالبلوك حتا جاتها الضحكة وهي طلقها وقالت كتهضر مع راسها: تستاهل أولد الحرااام نوريك الشياخ واسير دابا هز ليهم الموزون
رجعات لخدمتها كتناسى أمرو هو لي كيصوني وكيفطر..كيصوني وكيسوق المهم سيد عقلو بغا يخرج بالصونيت ..ومع الوحدة مشا ليها قدام الخدمة عاس تما عليها تخرج وحلفات هي لخرجات تنشر تما ساعة ونص ومخرجاتش كانت لداخل كتغدا من غداها لي جابت معاها ومبردة حيت عارفاه غيكون لتحت وحلفات حتى تندمو
عيا مايتسنا ولا هي حنات وجاوباتو..ماشي نزهة لي تتخان وماشي نزهة لي تخور وعلى قولتها "لي حن يتمحن"
تجاهلاتو بهاد المفهوم أي نعم عزيز عندها لكن كرامتها فوق كلشي..كملات خدمتها على راحتها وصونات لمحمد.. مانزلاتش بتاتا عرفات غتلقاه كيتسناها وبالفعل كان كيتسناها تنزل لكن غي شافها نزلات وقصدات طونوبيلا أخرى غوبش وعقد حجبانو مع بغا ينزل يحيح عليها مع تحركات الطونوبيل وتبعها حتى هو مغدد وداكشي لي خصو فنهارو كملاتو ليه...هي ما دات ماجابت ..كي وصلو لحدا دارهم شاف محمد نزل معاها و دخلو عرفو خوها..زفر معصب وتحرك غادي فحالو لدارو معاجبوش الحال وفبالو أنه كسرها بتصرفو و واحد بحال ميمون حنين مايبغيش لي عزيز عندو يتقلق
استمر الوضع على هاد الحال طيلة الأيام لي بقات باش تسالي السيمانة..كيصوني من نماري خرين وكتبلوكيه مفرنسة وناشطة حيت بقدر مانوغشها تصرفو بقدر مارضات غرورها وهو تابعها بالإتصالات اليومية ولى هي قلبها رطاب ولاحن..كتمشي لخدمتها مع محمد وترجع معاه ومامرة ماجوج شافت طونوبيلتو حدا خدمتها و كدير راسها مشافتهاش..قاهراه غي بالتجاهل..
اليوم السبت رجعات من الخدمة فطاكسي حيت محمد كيخدم نهار كامل..حضات وردات البال حتى عيات ومشافتوش راه وراها هي لي ركبات فطاكسي حمر على غير العادة..كي وصلات تلفتات مالقات حد وهي تنزل..وجدات غداها ومشات جبدات عليه ناعسة كتحيد عليها عيا تالسيمانة..
مفاقت حتال الخمسة كتعجز..غسلات وجهها وصايبات قهوة كحلة كتشرب فيها وتلبس عليها سورفيت كحلة مزيرة لاصقة عليها ساترة غير شوي من مؤخرتها..وقفات قدام المراية الكبيرة لي فقاع الدار كتشوف فورمتها وقالت:ترمة خرجات والكرش حلفات لنقصاات ..تݣولي بنتي
هزات صاكها الرياضي ومسائلها وخرجات ناسية تيليفونها لي العلبة الصوتية مزال كتشد ميمون..هاد الأخير لي صعراتو وتغدد عليها لكن كايشفع ليها أنه هو لي غالط ..تنشر حدا دارهم من لي جات حتى خرجات غي قشعها وهو يعقدهم وقال: يااك الالة نزهة. .
ياله بغا يهبط شيرات لطاكسي حمر حيت لاصال قريبة بغات تزرب باش تلحق الكور ديالها ديال لايروبيك كتحيد بيه ستريس وكطيح بيه الوزن...تبعها مغدد ومحلف باغيها غي ايمتا تطيح فيديه باش يعتاذر منها وفنفس الوقت يعاتبها على تشوميرة لي دايرا ليه مخلياه بلا شغل..مع وقفات الطاكسي بغا يبلاصي باش ينزل لقاها طارت ودخلات...ضرب على الفولون وقال:لق** لاوي
هاد المرة عيا بالمشي والمجي ومقدرش يصبر يتسناها فقرر ينزل ولي ليها ليها...قبل كان كيحشم فخدمتها مباغيش القيل و القال عليها يكثر لكن دابا راه رعداتو عليها..تبعها داخل لاصال كيضور فعينيه كيقلب عليها تقول سرطاتتها الأرض داز للإستقبال يسول عليها..حمحم هو لول عاد نطق:السلام
..:وي سيدي
ميمون:عفاك واحد السيدة دخلات دابا لابسة الكحل فين دخلات
...:دابا؟؟صراحة مانقدرش نفعك حيت لي كليون كيدخلو ويخرجو مكنردش البال..
ميمون:(زفر)واخا
رجع أدراجو وهاد المرة معصب ومخنزر وحلف لاطلع للطونوبيل بقا واقف مسند عليها كيتسناها حتى تخرج حالف ميمشي حتا يهضر معاها..وفنفس الوقت كيدير اتصالاتو تالخدمة مع لي فورنيسور...دازت ساعة وهو ماتحركش حتى شافها خارجة من بعيد كتمايل بمشيتها وفخاضها الغلاض مطراسين بسورفيت وكضحك ضحكتها لي كتخليه منشور بالحب..ومعاها مرا وراجل الكوتش ديالهم ..كي شافها رجع تيليفونو لجيبو وتم قاصدها بحالا باغي يحاصرها زعما والله متهربي. .
هي لي كانت مشرعة فمها كضحك جامعة شعرها سفنجة و وجها عرقان من الحصة غي شافتو تلغات ضحكتها وعقداتهم ودعاتهم وعينيها مخنزرين فيه مع قربات ليه قلبات عينيها بطفولية ممناسباش بتاتا لعمرها..بغات تفوتو وهو يجرها من ذراعها تا جابها عند خنشوشو..وجها ملاصق مع وجهو..عينيه رتاحو وصفاو بشوفتها عن قرب..وخاطرو تفكات ملي ريحتها وصلات لقصباتو الهوائية ..كمش عينيه فيها وقال مختارقها بنظراتو :غضيبك واعر الالة تالبنات. .
كطلع بعينيها من عينيه لنيفو وللحيتو لفمو ..وأعضائها كلهم متجاوبين مع مسكو ليها ومع ريحتو..عنقها عرقان لدرجة الخلفة لي عندها فالجناب تشعرها لصقات عليها..
نزهة:(بغات تجر يديها)شنو جيتي دير هنا؟؟
ميمون:(بهدوء عكس الدخان لي بدا يشعل من الداخل)مالكي معايا؟؟محرامش عليك تخليني تابعك كي الحمق
نزهة:(عاقدة حجبانها)مطلبك حتى حد تبعني..خليك فشيخاتك وفالقصاير
ميمون:(عض على شفايفو وزاد قرب منها كيهضر بصوت كتسمعو غي هي)الله يهديك عليا..خلينا نهضرو
ميمون:(بحنية)حرام تݣولي هاكا...حنا عاد غنبداو الالاهم..خليني غي نطلب السماحة منك متعطينيش خاطري نخليك هازا من جهتي
نزهة:(بملامح قاسحة لابسة قناع البرود)متشطنش بالك..أصلا هذا هو سري حيت ثايقة فيك وغادية معاك بنيتي أما كون كنت دايرا وراك شي واحد كون راك غادي معايا فالطريق
ميمون:(كيلعب بلسانو داخل فمو محاملش هضرتها بان هو الظالم)سمحي لياا(تقدم شد وجهها بين يديه وباس جيهتها بوسة طويلة معنفج فيها حناكها بين يديه)..
نزهة راه جاتها بوسة الجبين على الوتر الحساس..كمية تالحنان دوز ليها فيها ميمكنش شحال كبيرة..حسسها أنه بالمعقول كيعتاذر ماشي غي بوسة ودازت..معرفات ماتصرف من غير تشوف فيه بهدوء لاغية نظرة البرود وقالت محيدة يديه من وجهها:ماشي ساهل ننسا..راك كتسمى غدرتي بيا
ميمون:(بسرعة)لالاا والله أنزهة ما قصت شي وحدة..مغنكذبش مشينا وجلسنا وقصرنا ولكن والله ماقربت لشي وحدة
نزهة:مكاين لاش تحلف ليا؟؟شكون أنا حتى تحلف ليا؟؟فلخر كنبقا غي صاحبتك
ميمون:(هز يديها مقاطعها باسها فيها من الوسط مطيب بخاطرها)نتي حبيبتي ومن غير هادشي معزتك عندي كبيرة..معارفاش راسك شنو بدلتي فيا..أنا عارف راسي دايرها يغرق فيها الجمل وجاي نزاوݣ فيك تسمحي ليا...دوزي ليا غير هادي ..عمر خاطرك يخسر والحاجة لي تضرك نحيدها. .
شد يديها عندو قبلها بحب من لداخل وهي الحركة لي ولف يديرها ليها ديما حتى كيضرب قلبها ونطق: أناالغالط هاد المرة ونتي مولات العقل..يتهرس خاطري ويبقا ديالك صاين
نزهة:منسمحش ليك على هاد الفقصة لي فقصتيني(كتزيد فيخرات)لا ماكلة كليتها فراحتي لا نعاس شتو فراحتي
ميمون:(تيقها حيت كتهضر بجدية )وايلي أنزهة؟؟(مد يدو حطها على عنقها جرها لعندو فغفلة منها قبل جنب راسها وعينيه على الطريق)سمحي ليا
تسلات منو بشوية خايفة تفرشها الضحكة حيت ثيقها وقالت:سمحي ليا هي لي غترد ليا خاطري
ميمون:عارف درتها قد راسي وجيت نزاوݣك تسمحي ليا..خاطرك انا نرطبو
نزهة:الله يسمح ليك
سكتات متلاتش هضرات خافت تطلق الضحكة حيت مظناتوش يتيقها بتاتا على الماكلة والنعاس لي مكتشوفهمش هي غي بغات تزيد ليه فيه..أما هو مطلقش يديها بتاتا يضور ضورة ويبوسها ومهضرش نهائيا مستمتع بهاد لحظات الراحة لي تعطاوه ولي سيمانة كيقلب عليهم
وقف بعيد على دارهم وهي تهز صاكها تسبور بغات تنزل ..تا شدها من مرفقها:جاوبيني لا صونيت ليك
نزهة:تيليفوني خاسر مخدما غي ديال الخدمة وماشي نمرتي
ميمون:عطيني هاد النمرة؟؟
نزهة:محافضاهاش
ميمون:وفاش نعيط ليك أنا؟؟
نزهة:دابا نخدم نمرتي فيه حتى ناخد تيليفون
ميمون:(بلطف)أشمن تيليفون بغيتي؟؟
نزهة:مخصنيش..شكراا(باستفزاز)بسلامة..
جرها عاود وقال ملين الهضرة:ماتسلميش عليا
نزهة:(هزات حاجبها)خليتي فيها نتا شي سلام
عرف راسو مقفرها وطايح مع وحدة نفسها فوق نيفها..لكن جرها بالزربة قبلها فحنكها وقال:سيري أحبيتبي رتاحي ليك..خدمي نمرتك وأنا نصوني ليك
نزهة:يكون خير
نزلات تحت نظراتو متبعينها كتمشى عادي لكن فنظرو هو راه كتعوج..السورفيت لاصقة قرقشات ليه العينين بقا حاضيها تا غبرات..دوز اتصال ديك ساعة وقال: خويا سعيد..خاصني شي تيليفون..اه اه جديد جيب ليا أخر مكاين ..صافي شكراا حتى ندوز ليه
نزهة:(كتحول للبيت)أنا محضرتش عاودات ليا سعيدة...ݣالت ليك ݣال ليها حرام عليا ديني لا كنتي ليا مرا ورما عليها الطلاق بالثلاث
حفيضة:(كتحول معاها وتعجز)أويلي على المسخوط خلاها حتال دابا فاش شرفو عاد يجري ويتجارا فالمشاكل
نزهة:أنا مسولتو ما ݣلت ليه علاش..
حفيضة:(جلسو)كبي كبي أتاي يدخل ونهضر معاه
نزهة:(كتكب فاتاي بالكشكوشة)دخلي سوق راسك أمي..زوجتيه وبززتي عليه خرجي سوقو..
حفيضة:يا ويلي على ندخل سوق راسي..ودوك الدراري عارهم علامن؟؟
نزهة:عارهم على مهم وعليك نتي ...نتي لي درتي ليه هاد الخطية أشمن زين فمليكة حتى تعشقيها ليه..
حفيضة:غدراتني الحرايمية بحداكتها وشقاها وزينها وهضرتها و مكاين غي خالتي غي خداتو وهي تقلب..
نزهة:أنا نݣولها ليك من هنا...الى ݣاليك لي ميعجبك أنا منهضرش راه ماشي صغير السيد قرب للستين ومزال غتهضري معاه
حفيضة:(تنهدات)خفت الدم يولي ما
نزهة:نهار جبتي بنت ختك الدم ولى ما لي تحرش راجلها وتضارب مع لوستها واخا هي باقي صغيرة أش كيحسابك أ مّي!!
سكتات الأم كتفكر فغلطة حياتها لي رتاكبات...حالها من حال بزاف ديال الأمهات لي كيبغبو العروسة هوما يجيبوها كيختاروها على أُسس ومبادئ كتبان ليهم هوما أنها أساسيات العيش..مثلا حادكة وحارة وشغلها زين وصبارة وزينة ..غلط حفيضة أنها رفضات بنت فاطيمة لي كانت مها معروفة فالحومة شيخة وديك ساعة الشيخة عيب وعار وكتسمى عاهرة...حبها محمد وهي صغر منو بأعوام كثيرة وحتى هي حباتو رغم أن حتى مها كانت ضد هاد العلاقة..نهار بغا يتزوج ناضت حفيضة رمات السخط لا خداها بحجة "قلب الݣدرة على فمها تشبه البنت لمها" ودارت صورة فدماغها لبنت فاطيمة على أساس أنها سلݣوطة ..هنا محمد تحط فاختيار صعيب وختار مو وضيع حب حياتو وبعدها رحلو من تم ومعمرو شاف بنت فاطيمة إلى يومنا هذا ومعمرها غادرات عقلو واخا تزوج و ولد وكان على اسمها باغي يسمي إيناس لكن مليكة رفضاات..
مع آذان المغرب دخل محمد عياان لقى مو سلم عليها وجلس مسخسخ..نطقات نزهة:خويا تشرب أتاي؟؟
محمد:الشمل معمرو كان مجموع إلى نتي كيحسابك شملي مع مليكة مجموع راكي غي كتخربقي..طلقتها ومغنرجعهاااش والهضرة هنا سداات.
نزهة:(دخلات هازا البراد)هادشي غي وصيتك دخلي سوق راسك
محمد:(تجاهل هضرتها)إيناس بغات تجي عندك
نزهة:وتجي مرحبا بيها(كتمد ليه اتاي)
محمد:نعطيك نمرتها شريت ليها تيليفون بقاي تهضري معاها فيه
نزهة:إن شاء الله
كلى وناض مخلي حفيضة شاعلة فيها العافية ..من جهة وجه ختها ومن جهة قلب ولدها..ناضت تصلي العشا وخلات نزهة كديبلوكي ميمون ..غي طلقاتو وهو يصوني وناضت خرجات لبيتها تعطلات باش تشد الخط فالأخير قالت :نعام
ميمون:رتاحيتي؟
نزهة:الحمد لله
ميمون:متوحشتينش
نزهة:(لاحتها ليه فوذنو)لا
ميمون:(كيضحك)واغا شويا وصافي..فين هي المصري ديالي و كبيدة وداك التحلوين؟؟
نزهة:اوا نتا لي درتيها لراسك..نايض مقصر ليا وتلقا شحال من مرة غي ربي فرشك داك النهار والله يخلصك
ميمون: (بجدية)عرفت غلطت واخليني نرطب معاك ونرجعو كي كنا..
نزهة:(تنهدات)معارفش نتا باش حسيت..ولا أش داز عليا..عرفتي شنو هي مرا تتغدر من الراجل ولا غي داوي كون نتا حصلتيني مكنتيش حتى تشوف فيا
ميمون:هههههه يهديك الله أ نزهة..واش حتى وصلت 41 سنة عاد تبداي تغيري عليا
نزهة:الى مغرتش عليك نغير على موحماد مول الحانوت
ميمون:هههههههه لا ولكن مجاتش..تغيري على واحد بحالي مزال أنا لا غرت عليك جات معايا عندي الزين وعندي الحلاوة أنا علاش جاتني..
نزهة:منعرف..نخليك غنمشي نݣلس مع مي
ميمون:جات مك؟
نزهة:مممم
ميمون:على سلامتها..نتشاوفو غدا أ نزهة؟؟
نزهة:مامسالياش كاينة مي
ميمون:تواضعي شوية غي خمسة دقايق وسيري
نزهة:حتى نشوووف
ميمون:صافي غدا نتلاقاو (بسرعة) تصبحي على خير الالاهم
قطع عليها وهي تشوف فالتيلفون مشوكية ونطقات:خضر!!!
****
يوم الأحد يوم الراحة عند العاملين فيه كيديرو كلشي كاين لي كتخصصو لراسها كاين لي كدوزو فتوجاد شنو غطيب فايام الأسبوع وكاين لي كولو تخمال وزيد وزيد..
وعلى غرارهم نزهة لي صابحة ناعسة مفاقت حتال العشرة على صوت خوها كيهضر مع مو على طبلة الفطور...ناضت حداهم كتفطر وكتسمع ليهم كيهضرو على موضوع مليكة..صبحات عليهم وجلسات كتفطر مكتعطيش رأيها بتاتا فالأمر حتى صونا تيليفونها و ناضت منساحبة من حداهم بهدوء لكن محمد رد ليها البال وتبعها بعينه..
دخلات لبيتها وشدات الخط:الو
ميمون:صباح الخير
نزهة:صباح الخير
ميمون:خرجي نشوفك
نزهة:ياله فقت
ميمون:فطري وخرجي ضروري
نزهة:واخا
ميمون:واحد ساعة ونصوني ليك
نزهة:نتلاقاو ف ******
ميمون:واخا..
قطعات معاه ورجعات حداهم لقات غي مها محمد خرج جمعات دغيا وخبرات مها بلي غتخرج وطبعا مكتعارضش حيت كبرات على المشاورة...لبسات كيف عادتها وتأنقات وشدات وجهها قاداتو مزيان ورشات ريحتها وخرجات بعدما شدات تيليفون مها دارت فيه كارطتها مغتنساش أنها كذبات بخصوص تيلفونها وتخاف تفرش قدامو..
ودعات مها وخرجات مخلية ريحتها مالية الدار..خدات طاكسي كبير وغادية بأقل من مهلها قاصدة أنها تجننو بتعطالها ناسية أنه ميمون مكيتعصبش من أي حاجة
صونا ليها مرارا وتكرارا ومجاوباتش تا وصلات عاد شدات الخط:الو
ميمون:دلمك جايا ضاربة الحطة
نزهة:(كدور بعينيها على المكان)فينك؟؟
ميمون:فالسما أختي ههههه أنا وراك
تلفتات وقشعات طونوبيلتو ومشات ديركت لعندو ومع كل خطوة كتقيس ليه قلبو ديركت..من نهارها كتعجبو وكتفشلو ..تبسم ليها فور ما طلعات ونطقات بفمها:السلام
ميمون:واخا نكون بايت معاك هههه(جرها تا باسها فحنكها)
نزهة تشلل ليها اللسان آخر ماتوقعات أنه ميمون يبغي يتزوج بيها..أي نعم بغات تزوج لكن معمرها فكرات فمستقبل علاقتها مع ميمون أنه ممكن يكون زواج..عايشة علاقتها معاه بلحظتها مكتفكرش للمستقبل..سرطات ريقها وعينيها تضببو بلمعة فرحة ممبيناهاش:ميمون واش بغيتينا نتزوجو؟؟
ميمون:(فرنس)واش فيها..شوفي أنزهة عارفاني باغيك ونهار لول تعرفت عليك باش الى تفاهمنا نتزوجو ..ياك هادشي لي ݣلت ليك النهار لول؟؟(حركات راسها بالايجاب)اوا نتزوجوو مالنا
نزهة:واش عارف أش كتݣول؟؟راه الزواج هذاا
ميمون:عارفو الزواج راحنا كبار وعارفين أش كاين..41 سنة لي عندي وبغيت حتى أنا نتزوج ونتي لي تستاهلي نأمن ليك حيت طلعتي بنت الناس..وديال العشرة وأنا مباغيش غي مرا باغي لي نرتاح معاها ..لي نسند عليها وتسند عليا..بغيتك نتي حيت كتحني فيا وأنا هادشي لي خاصني..(باس يديها)ومن جيهتي غنهزك فوق راسي ومعمري نغدر بيك..
نزهة كلامو دخل ليها مع القلب ديركت..عارفاه من نهارو عفوي ومعندوش مع تزواق الهضرة لي فقلبو كينطقها..وعارفاه دابا كيهضر من نيتو وطلبو جا عن حسن نية..زيرات على يديه والتبوريشة طالعة معاها..حدها نطقات:متأكد؟؟
ميمون:واش أنا باقي صغير ولا عاد غنعرفك بغيت نتزوج بيك حيت دفات فيك خاطري وعارفك نتي لي تقبلي عليا
نزهة:(عينيها لمعو متأثرة)كتبغيني أ ميمون؟؟
ميمون:(ضحك كيحك فراسو بيد لي مشادتش يدها)واقلة هو هذا أنا اش غنعرف فهادشي هههه
ضحكات حتا هي وطارت عليه عنقاتو رامية راسها فحضنو من شدة الفرحة..مغتنكرش باغيا تزوج وحلمها عمرو يتبدل..باغيا تزوج وتدير وليدات حيت العمر كيفوت باغيا تلبس "خيط الريح" وتعيش حتى هي أنوثتها مع الراجل لي باغياه أو بالأحرى لي غادي على مقايسها..وميمون لو طلب منها الزواج فلول مكانتش توافق بتاتا لأنه مكانش كيعجبها لكن دابا فاش عرفاتو وتعرفات عليه مزيان وقراتو مغترددش بتاتا حيت درويش..
ميمون:(زير عليها حتى هو وقبلها فراسها)متقلقيش مني على بلان الشيخة..غبرتي عليا سيمانة خصاتني الدنيا كاملة(كرر قبلتو لجبهتها)حقك عليا ههه
نزهة:(شداتة من موسطاجو مزيرة)الى عاودتيها والله متبقا تشوف وجهي
شداتها بتساؤل حلاتها وهي تلقاه براسلي غليض لليد ذهبي باينة من الطيارة دهب..ضحكات وقالت:وابزاااف عليا هادشي
ميمون:(شدو من عندها كيحلو)تستاهلي الالاهم(لبسو ليها تحت نظراتها الحنونة ولي قربات تنقز تبوسو)جا فيديك زوين(تحنا باس مرفقها)بالصحة
فرحتها فهاد اللحظة متعطيها لحد..الزواج والبراصلي من لفوق..عنقاتو مزيرة عليه وقالت:شكراااا(باعجاب)حمقنييييي بزااف(كتحرك فيديها)
ميمون:بصحتك ههه
نزهة:صافي نبقى نغضب ديما هههه
ميمون:ولااا تاني داخلين على المعقول مبغيناش الغضيب(بهدوء)هضري مع مك ورصي معايا النهار فاش نجي
نزهة:صافي واخا ههههه أنا نهضر معاها ونعلم عبد الجليل
ميمون:إن شاء الله..نمشيو نتغداو
نزهة:منقدرش أكبيدة ..مي خليتها بوحدها جات حشوومة
ميمون:واخا ماشي مشكل نوصلك للدار
نزهة:واخا
وبالفعل وصلها للدار وطول الطريق وهو كيضحك معاها ويبوس فيديها ويكركرو كي موالفين حتى وصلها وحطها بعيد..طبعات قبلة على حنكو ونطقات بدلع:لهلا يخطيك عليا احبيبي
ميمون:آمين هههه شعلي تيليفونك ونهضرو..
حركات راسها بالإيجاب ونزلات مخلياه متبع ليها العين حتى غبرات...اما هي راه قربات تدير بيديها شكل الجناوح وتبدا تطير بالفرحة مبطا عليها هي إيمتاا تدخل للدار تفرح مها ..مع دخلات فالتة ليها الضحكة وحلم الزواج كيراودها من جديد كي سدات الباب مع تلفتات مع جاتها تصرفيقة للحنك لاحتها فالأرض مصدومة...
يد صفعاتها لحنكها حتى طاحت فالأرض لاغية ابتسامتها مجاتش فين تستوعب حتى شداتها يدو من شعرها وصرخ فوجهها بملامح غاضبة وكشاكشو خارجبن:تبارك الله على الخانزة ديالنا
نزهة:(مضهشرة )محمد
محمد:(زير عليها وكيغوت)محمد يالق**** جالسة كتخوري فيه...محشمتييش الكلبة هااا(كيدي ويجيب فيها من شعرها)حتى شرفتي عاد باغيا تقحبني ياك
طارت عليه بعضة ليديه باش شاد شعرها حتى طلق منها وضارت بغات تهرب تحل الباب ساعا شدها عاود معصب وفمو كيطلق غي السم تالهضرا أما هي كتغوت لربي لي خلقها وتجار معاه..هو كيضرب فيها وهي قوتها غي فالغوات والقميش وجهو كامل زوقاتو ليه...نزلات مهم لي كانت متكية حتى قفزات على غوات نزهة ومحمد..نزلات كتعرج والجهد فيها جهدين خاصة فاش شافتو حاني ليها راسها لتحت وكيضرب فيها وهي كتغوت...
الأم:(كتجر فمحمد واخا قوتها ضئيلة)أ طلق من ختك...أويلي مالكم
محمد:(كيغوت)حيدي نربي الخااااانزة
نزهة:(كتبكي وتجار باغا تسلخو)طلق الله يعطيك شي مصيبة الكلب
حفيضة:(فكاتو منها وجات وسطهم كتنهج)أ مالكم؟؟مالك كضرب ختك؟؟
نزهة:راااااجل علييييك وحسن منك ولقيت فيه لي مالقيتوش فيك نتا لي خويا...لي با كيموت ويوصيك على خوتك ...ونتا يا عيفة الرجال أش درتي؟؟مشيتي تزوجتي ونسيتينا..مافيكش الخير حتى مك ماعمرك كسيتيها ولا سولتي فيها كي الناس...وها ذنوبها كيخرجو فييييك الكلب(غوتات بأحر جهدها)راك كتخلص فحيااااتك
محمد:(كيتحلف عليها ممسوقش لهضرتها)الى مك مرباتكش أنا لي غنربييك من جديد وهذاااك الحي-\-\ وااان غنصفيها ليييييه
نزهة:بزاااف عليك كتسمع...راجل عليك وهو لي غا ندي(كتغدد فيه)وغنتزوج بيه
محمد:والله ميكون ليك..مغتزوجيش برعواني والله لاديتيه والى عرفتك خرجتي من هاد الباب رجليك نقطعهم ليك
نزهة:غنخرج وغنتزوج بيه ونتا سير عوم بحرك وهاد الدار متبقاش ترجع ليها ولاا انا لي غنخرج ليك منها ونخويها يالكلب..والى نتا مخديتيش بنت فاطيمة مغنديرش نفس غلطتك...
حفيضة:(دارت صلاتها لفمها باش تسكت)سكتتتيييي سكتييي أبنت الحراااام..
حل لباب وخرج كيسب فيها ويغرق ليها وحتى هي تابعاه بالدعاوي ومها كتطلع فيها وتسكتها وهي عاد مزايدة فيه..كترعد وغددها ..
شخصية محمد ونزهة هوما علامن كتنطابق الشخصية المتناقضة..لي يمكن نعرفوها أنها كتقول حاجة وكدير حاجة خرا..كيمشيو ب مبدأ الفقيه "ديرو شنو كنݣوليكم ماشي شنو كندير"
محمد بشخصيتو المتناقضة هو لي كيقول مديريش متفعليش ولكن ميعطيك مايرحمك مايخلي رحمة ربي تنزل..ونزهة هي الأخرى متناقضة مع ذاتها..تفرقات مع عمر لأنه مكيأمنش وتخبات تحت مبدأ الدين ناسية أنه الفرق بيناتهم فقط الإيمان..
واحد م. ل. ح. د كيكمي كيشرب كيزني وهي مكتشربش لكن مصاحبة وكتزني هي الاخرى بنفس درجتو مهم كتسمى حرام..
نسات راسها وطبعات عليها شخصيتها ودخلات تحت دوامة التناقض..تنتاقد عمر حيت مكيأمنش وفعايلها ديالو حيت لا جينا نحللو تصرفاتها راهم حرام..كتقارب هي وميمون يعني راه زنى وزيد وزيد..
خلاها كتغلي وتدعي فيه وحنكها مصورة فيه يدو ومها كتغوت عليها:أش درتي ليه؟؟أش وصلكم للضرب؟؟
نزهة:(طاحو دموعها)الله يعطيه دقة هءهءهء ضربني الله يعطيه ضربة..
نزهة:(جات تلاحت كتبكي عليها)هءهءهء ديما محرم عليا فرحتي الله ياخد فيه الحق كنت جاية فرحانة نݣوليك.. غنتزوج وغيجي يخطبني ميمون وجا كيضرب فيا
حفيضة:(عنقاتها بحنان)وابنيتي راه شافك معاه!!
نزهة:ماكنت كندير والو حدو جاب ليا تيليفون(كتوريها من صاكها)هءهء وجاب ليا هاد لبراصلي تذهب أمي هءهء هانتي شوفي(كتوريها كي الدري الصغير)وݣاليا نهضر معاك باش يجي يخطبني
حفيضة:(تنهدات بتعب)أنا عيييت معاكم ..هديتوني حتى كنݣول تݣاديتو وترجعو تضاربووو ..واش أنا فخر يامي يتجمعو عليا النااس
نزهة:(كتمسكن وتبكي)وأنا أش درت ليه؟ديما حاݣرني
حفيضة:نوضي نوضي خليه يبرد ونهضر معاه
نزهة:(ناضت كتجمع شنو جبدات ودموعها دايزين)هءهءهء الله يعطيه فاش يتلاها..
دخلات لبيتها كتبكي وتقول مابكيت..كون جا هضر معاها يمكن متكذبش وتقلب القفة عليه منهارها هي ومحمد ممݣادينش..كانت كضارب مع مليكة بزااف وكيجي يفاكهم ومليكة تكذب ويتيقها وتنوض هي تاكل العصا من عندو حتى ولات يجيوها مضارباتها معاه عاديين يديه بيديها واخا فارق السن الكبير بيناتهم..بدلات عليها كتسب فيه وتعاود وركبات تيليفونها الجديد شعلاتو وجلسات كتفلي فيه عاجبها طالعة معاها فرحة الزواج والكادوات
*****
عند ميمون لي ناشط وقلبو هاني حيت أخيرا نزهة لي دفات فيها خاطرو غتولي ديالو وقبلات تزوج بيه..من وسط دارو جالس كيشرب فأتاي معمرو راسو دوز الخط لخالو ..حمحم وقاد نبرة هضرتو وقاال:ألو الخال..
عبد الرحمان:أولدي..كيداير لباس عليك؟؟
ميمون:الحمدلله ونتا مزيان؟
عبد الرحمان:نحمدو الله ونشكروه..أش كاين؟؟
ميمون:(ضحك)هههههه كتعيق بيا
عبد الرحمان:مكتصونيش ليا غي هاكاك
ميمون:لي سمعك يݣول راه مكنسولش فيه
عبد الرحمان: (ضحك بصوت غليض)ههه حاشا أولدي..كتسول الله يرضي عليك..
ميمون:حممم بغيتك فواحد الغرض ونتا لي غتنفعني
عبد الرحمان:ايييه ݣول نسمع
ميمون:(كيجمع شجاعتو)بغيتك تهضر ليا مع مي..ناوي نتزوج
عبد الرحمان:(تبسم)على سلامتك أولدي..هادي خبار زينة
ميمون:(حشم)ههه اوا عاد كتاب.أشنو تهضر معاها؟؟
عبد الرحمان:ومالك أولدي متهضر معاها نتا نيت
ميمون:واراك عارفني غنحشم..اللهم ݣولها ليها نتا باش نشوفو إمتا نمشيو عند الناس..
عبد الرحمان:إن شاء الله أنا اليوم بالليل نݣولها ليها ويكون خير إن شاء الله..منين هي العروسة؟؟
ميمون:كازاوية
عبد الرحمان:بلي فيه الخير أولدي الله يتمم ليك كلشي بالخير
ميمون:آمين ياربي الله يعاون
قطع معاه وشد كاسو كيشرب منو ودوز نمرتها هي لقاه كيصوني وبعد رنات جاوبات بصوتها لي كيفشلو مكيعرفها كديرها بصح ولا هي هاكاك صوتها مقحبن:الو
حفيضة:اوا أش نݣوليك..نهضرو مع خوك يحني الراس شويا ويمشي يسول عليه
نزهة:دعي معايا أمي ندير وليداتي مع ميمون
حفيضة:(ضحكات)هههههه الله يمسخك درتيه فكرشك..
نوع تنزهة واضح..هي الصغيرة اخر مابزلات حفيضة وسط خوتها كبار..محمد راه عاقل عليها حتى تزادت وسعيدة راه كبراتها ياله جليل لي مفاوتة معاه بشوية لكنها بقات هي الصغيرة لي ملحقات فباها والو ..مفششاها مها لي هضر معاها لا خليوها تقرا خليوها تخدم خليوها تلبس..واخا كبرات بقات هي الصغيرة ..ولقات ميمون جابت عليه فشوشها وكتشكي عليه بحالا محمد ظالمها..
فقلعة السراغنة مجموعة الزاهية و ولادها و عيالاتهم مع ولادهم وخوها ومراتو على كاس تاتاي مشحر بحقو وطريقو فالصالون الكبير بعد العشاء لي غلقو فيه..لقمات الزاهية أتاي وكتفرق فالكيسان مشاركة الحديث مع خوها
حتى نطق :الزاهية عندي ليك شي هضرة على ميمون
الزاهية:(كتسمع ميمون قلبها كيترعد باقي فيها نفس الخلعة ديال نهار خداوه ليها)مالو ولدي؟؟
عبد الرحمان:كل خير
منعم:مالكي صفاريتي أمي هههه غا بشوية
عبد الرحمان:كل خير الالة...عيط ليا الصباح (بابتسامة)ݣاليا هضر ليا مع مي ناوي يكمل دينو إن شاء الله. .
لحظة صمت كلشي وصلاتو الهضرة وكلها كي شدها فعقلو..عتالات تفرنيسة من القلب فوجه الزاهية ونطقات بفرحة:ولدي!!! ولدي غيتزوج!؟(دارت يديها على صدرها)بالفرحات عليا بالفرحات عليا يتزوج ليا وليدي
فتيحة:أيهاي على المصري صافي نوا
عبد الهادي:شكون غياخد؟؟شي مصرية؟؟
الزاهية:(قندشات)الخلا والجلا سكت فمك لاحسو كلب..(تبسمات من جديد فوجه خوها)ݣوليا أخويا منين هي؟؟ولا بغاني نقلب ليه
عبد الرحمان:لا لقاها..من الدار البيضاء
منعم:(هز حاجبو)كازاوية زعما؟؟كيف دار ليها
براهيم:اتلقاها غي من نواحي كازا وصافي..وشنو ݣاليك اخر؟؟
عبد الرحمان:ݣاليا من الدار البيضا..وبغا يمشي يخطب (تبسم) تمشي تخطبي ليه..
الزاهية:(بدات تفايش على عريساتها) أنا عطيتهم الجوهر ديال الشرفة..أنا زوجتهم غي الشريف على خوه....(شافت فيهم)الزين والوݣفة والخدمة والصواب و الدين(بافتخار)راني والدة وعارفة أش والدة الله يرضي عليكم
عبد الصادق:هههههه الواليدة و ولادها ههههههه
فتيحة:الزاهية غا نتي و الجران فالواد لي والدين ..كبرتي الشان لهاد ولادك حتى ولاو شانكين
صالح:ومالك ؟؟منستاهلوش؟؟
فتيحة:شلا ههههههههه
الزاهية:واتي شدي ليا النمرة خلاص..
دوزات ليها نمرة ميمون و التبسيمة غا مشتتة ففمها..كي تشد الخط وهي تنطق تحت أنظار ولادها:أولدي
قالو ناس زمان يصبح ويفتح ومقالوها حتى عرفو بلي ربي كيغير حال الناس وأحوالهم ..
نزهة كي عادتها لبسات وتقادات وخرجات لخدمتها ضاربة هضرة محمد وتهديدو فعرض الحائط مغطية حنكها لي زراق ليها بفوندوتان وطالقة الشعر تدرق بيه حيت يديه قاسحة ولحمها دغيا هز الدقة...
أمّا ميمون راه فاق موراها بشي ساعتين صونا ليها أكيد باش يطمن عليها ويضحك معاها كيف مولفها وبعدها شد الطريق عند محمد لمقر عملو ولي هو محل ديال النجارة فيه المتعلمية..وقف طونوبيلتو ونزل بلباس زوين وريحتو كتشم من بعيد..تشجع حيت هو براسو كيحشم فهاد المواقف..دخل للأتولي كيشوف الدراري خدامين سول واحد فيهم:السلام وعليكم..المعلم ديالك فيناهو؟؟
...:راه لهيه(نعت ليه). .
تمشى جيهتو كان عاطيه بالظهر محني على واحد الخشبة كيحك فيها بطابلية ديالو..حمحم ونطق:السلام وعليكم..
تلفت محمد لعندو ياله بغا يرد السلام وهو يشوفو و كيفاش ميعقلش عليه؟؟ هو حقق فيه داك النهار ..عقد ملامحو ولاح شنو فيديه ببرود وقال:أش كاين؟؟
ميمون:(مكمش عينيه)نقدرو نهضرو؟؟
محمد:(بصوت بارد)الباب لي دخلك يخرجك حسن ليك..
ميمون:(بهدوء)سي محمد مكاين لاش تعصب عليا..خلينا نهضرو بحال الرجال ..
محمد:(بجدية)ماعندي ما نݣول معاك(هز صبعو بتهديد)وختي غتفرقها عليك ولا ماغيعجبك حال!!!
محمد:ماحدي عايش غي نساها..وديك لي مصيفطاك لعندي باقي حسابي معاها طويل..
ميمون:(هز عليه صبعو بتهديد)إلى قربتي ليها كنقسم ليك بفمي بالله حتا نريب عليك هاد المحل..وسير سول على ولد المصري فكازا غا يعطيوك خباري!
زاد مقال والو باقي مخليه متبع ليه العين بحقد وغضب ماحملوش مبغاش يتسرط ليه..وحتى ميمون معجبوش ومدخلش ليه لخاطرو..دخل متفائل وخرج معصب ومخنزر محملش هضرتو ..أعدى ماعندو هو لي يحݣرو حيت عاش نصف حياتو محݣور..حاݣراه الدنيا والوالدين ..ويجي واحد يݣوليه عروبي راه تطلع ليه القردة للراس..
ركب فطونوبيلتو معصب ومقندش..مزير على الفولون محاملش راسو..كان منتاظر يهضرو ويقنعو لكن السيد عقلو مسدود..مشا لدارو صايب ليه شيشة برد بيها دمو وزاد تشبث بنزهة كثر وكثر..ماقدرش يصوني ليها حتى يبرد فحين محمد متعطلش باش يدوز نمرة نزهة بعصبية..
محمد:وغنزيد نطلي دلمك إلى باقي صيفطتي ليا شي حد..حسابي معاك هو لخر حتى نرجع
نزهة:(بعصبية)سير الله ياخد فيك الحق أولد الحرام..ݣلت ندير بحسابك ساعا نتا مديالش الخاوة..متبقاش تجي تعرفني عوم بحرك وعيش حياتك ومتبقاش تعرف نزهة وهذاااك والله حتى غناخدو وضد فيك غناخدو
محمد:والله متاخدييييه ..
قطعات عليه كترعد عرفاتهم غيكونو ضاربو ولا شي حاجة ..دوزات أبيل لميمون مرارا وتكرارا ومكيجاوبش حتى تعصبات وبدا الزايد كيدخل معاها..وكتساءل:
يكون تخلى عليا؟؟
زعما يكونو ضاربو وتخلى عليا؟
طلع معاها العصب مخدمات ماشافتو بقات ملاهية وكرشها مزيرة عليها وعقلها مرفوع..مع وصلات وقت البوز شدات راسها حارقها وهو يصوني تيليفونها تا قفزات لقات اسمو..شدات الخط بزربة بصوت متعب:ألو
بعدات عليه وتحرك بيها لمطعم راقي حيت كيخاف عليها من التسممات كيقول مع راسو اللهم مطعم معروف وغالي ولا لي عاديين..دخلات شادة فيديه وحاسة براسها فأمان معاه..كيجيها حنين وخاصو تاهو لي يحن عليه ..
خداو طبلة وجابو ليهم الموني ونطق:ختاري نتي أنا مافاهمش هادشي
ضحكات وبداات كتقرا وتشرح ليه متعايشة مع أمر أنه مقاريش..ختارت وقالت:علله يعجبك
ميمون:(جمع يديه عندو)عجبتيني كاع نتي.. هضرت مع مي
نزهة:هضر معاها خالك؟؟واش ݣالت؟؟
ميمون:(تبسم)فرحات ..كانت بغات تجي اليوم
نزهة:هههه مسكينة
ميمون:بقيت ليها غي أنا لي عزري ههههه بغات تزوجني والسلام
نزهة:الله يحفظها ليك..أش سميتها؟؟
ميمون:الزاهية
نزهة:(بحماس)عاود ليا عليها شويا باش نعرف كيف نتصرف معاها
ميمون:مي كلشي عندها زوين متجبديش ليها غي المصري حسن هههههههه الى جبدتيه كيركبوها الجنون
نزهة:هههههههه علاش؟؟ياك مات
ميمون: راه مكتحملش با الله يرحمو ههههههه خوتي الى بغاو يجننوها كيݣولو ليها ميمون غيتزوج مصرية هههههه
نزهة:ههههههههههههه وعلاش؟؟ماعمرها تلاقاتو؟
ميمون:معرفتش..انا ݣلت لا والله أعلم..حتى هو كان صعيب معاها
ميمون:اييه..حنا غنتزوجو وخاص من لول نهضرو فشي حوايج..عندك شي شروط؟؟
نزهة:(عوجات راسها فيه بدلع)بعد على الشيخات
ميمون:(ضحك)ههههههههههه لا تربيت من ديك الغضبة لي غضبتي عليا
نزهة:ههههههه تستاهل ومزال نغضب ليك مزال
ميمون:هههههه لا تاني متعيقيش..أش تشرطي عليا الالة تالبنات؟
نزهة:(تبسمات)أنا عندي شرط واحد هو سير معايا فالطريق ومتفرقنا غي الموت
ميمون:(تمعن فهضرتها وضرب بيديه حداه)أجي هنا
ناضت تحت أنظارو وجات حداه حيت كراسا تالريسطو فيهم كراسا وفوطويات وهو كان جالس ففوطوي عريض..
جلسات حداه ونطق ويديه كتدوز شعرها ورا وذنيها كيما مولفها ديما وقال بجدية:كوني كيفما بغيتك ومعمري نأذيك ولا نقص منك(حط يدو على صدرو)نعطيك عهد الله من مصري حر معمري نغدر بيك وعمري نقلقك ولا نهرس خاطرك
لقاءات نزهة وميمون كلها ضحك وتكركير وهذا هو لي كتقلب عليه هي..هو خضر وكيتصرف بطبيعتو كيقتلها بالضحك وهي كتموت بالضحك معاه ولي ميضحككش تا يدمعو عينيك غا رجعيه لمو..
تغداو وناض وصلها للخدمة وقبل ماتنزل قبل راحة يديها كيف موالف وقال :فكري فهضرتي..النهار الكبير عندي هو نهار تلبسي الحجاب مابغيتش نجي نخطبك ونتي ملابساهش
نزهة:(ضحكات)تخوي ليا بلاكاري وتعمرو عاود؟؟
ميمون:من دابا ياله خرجي شري لي بغيتي لي يقدك شريه ولبسيه
نزهة:اوا يكون خير
ميمون:علمي خوك لاخر ومك ورصي معايا نهار نجيب مي فيه
قطع معاه وزاد يكمل شغالو فحين هي دخلات لخدمتها غير كي خرجات..مرتاحة وقلبها هاني ناسية محمد بتاتا لي منوض روينة فدارهم فوقيتة تالغدا جا يتغدا ومو كتهدن فيه وهو جالس يغرق ليها..
محمد:(معصب)جاي عندي بلا حشمة بلا حيا
حفيضة:أولدي الله يهديك..واش باغين تقتلوني..داري عمر ناض فيها الصداع حتى كبرتو
محمد:ماغاديش تزوج بيه والى خداتو متعرفني مانعرفها
حفيضة:(كتقطع الخبز)أشمن عيب لقيتي فهاد ولد الناس؟؟سولتي عليه؟؟السيد ما فيه عيب برزقو والله يعمر ليه الدار
حفيضة:واش باغيين تشادو ليا هنا..هي باغاه ومافيه حتى عيب
محمد:(شاف فيها بجدية)إلى خداتو وعصات كلمتي عمر هضرتي تجي فهضرتها..وغنساها واش ختي
حفيضة:ايمتا تفكرتيها اوليدي؟؟(بحسرة)مبانتش ليك نزهة هاد السنين كاملة حتال دابا..
محمد:أنا هضرت وكلامي مايطيحش.
كمل ماكلتو فصمت وعينيه كيضورو كي الثعلب معصب و مغدد ومنرفز والسبب؟؟معارفش..خاطرو مبغاش ليه ميمون بتاتا..هو إنسان عصبي بدرجة كبيرة مكيتفاهمش نهائيا
*****
فالعشية دخلات من خدمتها عيانة كي حطات رجليها فالصالة لقاتو مكسل وهي تخنزر فيه وقلبات وجهها كتنادي لمها لي خرجات من بيتها وقالت:جيتي
نزهة:عاد دابا..فيا الجوع أمي
حفيضة:بدلي وحطي ليك تاكلي كلشي واجد..
مشات بدلات عليها مطنشة محمد نهائيا ..مافيها لي يحمق راسها معاه ..حطو كاسكروط كياكلو بالسكات حتى وذن العشا وناض يصلي مع خرج مع نطقات نزهة:مي ميمون ݣاليا بغا يجيب مو!!
حفيضة:أ بنيتي ماعندو فين يجي دابا...خوك مكحل بالعما من جيهتو
نزهة:خويا راه ديما مكحل بالعما من جهة الناس..مشا عندو السيد ماخلى ماݣاليه
نزهة:سمع ولا مسمعش يضبر راسو ماشي هو عاش حياتو مزفتة باغي يورث ليا هادشي..
تسمع صوت محمد من الباب ممشاش بقا كيتسنط عليهم عارفهم ايجبدو الموضوع:خوديه ولا موتي نتي ݣاع..ضبري لراسك ولكن نهار تجي تشكي منعقلش عليك وأنا نسايني عليك..
تلفتات شافت فيه ونطقات:من نهارك مقسح وكدير لي فراسك..كلشي غالط نتا بوحدك لي فاهم ..غيجي واحد النهار غتندم على هادشي. .
زاد للجامع مجاوبهاش فحين هي زفرات بحسرة وقالت:مبغيتش هادشي أمي ولكن ...
حفيضة:(تنهدات)أنا لي درتها لولدي فنيت ليه عمرو مع مرا ماباغيهاش
نزهة:أش باقي دار فالطلاق؟؟
حفيضة:مشا دعاها باش يطلقها..
نزهة:بلي فيه الخير...أشنو دابا؟؟نجيب ليك تدوي مع عبد الجليل
ناضت ديك ساعة ناشطة دارت العشا مطنشة محمد لي غي كيخنزر فيها ماعاجبو حال خاصة فاش تاصل بيه عبد الجليل وجلس كيتغاوت معاه فالتيليفون ونزهة كتسمع وتطنش..فالأخير قطع عليه وناض نعس بلا عشا..
بدا نهار جديد فيه خاطر ميمون مرتاح وهاني حيت صبح على إتصال نزهة لي بشراتو فيه بنهار السبت...دوز ديك ساعة الإتصال لمو فداك الصباح عارفها كتفيق بكري..
الزاهية:ألو
ميمون:صباح الخير أمي
الزاهية:صباح الخير والخمير أوليدي..وا صباح زين هذا
خيط الريح الجزء الثامن
محتوى القصة
لاحها ليها فوجهها "مطلقة" طلقها قدام أمة محمد ورما عليها الطلاق الثلاث لي لا رجعة فيه..وماشي فلحظة غضب إنما تراكمات لسنين كثيرة كان كيتفادا فيها هاد الحل لكن رجع ولقاه هو المناسب. .
كان وقع الكلمة فوذنيها تصفار شرعات عينيها هي وخواتاتها ومها مصدوومين مظنوهاش توصل لهنا..أما سعيدة راه علاين تطيح بالصدمة
عبد الجليل:محمد رجوع الله..أش هاد الهضرة؟؟
محمد:الهضرة لي كان خصني نديرها شحال هذا ...وكنت صابر باش الدم ميرجعش ما..ولكن الى على فعايلك أمليكة راه وصلتي معايا للحد...خرجي عليا برااا ودي معاك ولاااادك وتسناي براتك توصلك ...وعلى وجه ولادي غنخليك فديك الدار ومصروفك كل شهر غيوصلك
أم مليكة:أويلي أ سمحمد أش هاد الهضرة؟؟
محمد:شوفي أخالتي ولا لخرا هزي بنتك(كيدفع فيهم جيهة الباب)وخرجو فحالكم عليا من داري. .
ياسين حنى راسو وخرج كان متوقع كثر من هاكا..لا هو لا خوتو كانو كل نهار كيتوقعو هاد اللحظة حيت عايشين فأسرة مشتتة..دفعهم برا خرجهم كيغوتو ويتلاغتو ومليكة طالقة حلوقها عليه:بزااااف عليك أنا حتى تطلقني أعيفة الرجال...بزااف عليك هذا هو خيري درت منك رااجل وجمعتك تا درتي دارك و وليتي كي الرجال...خديتك شمكار مافيك مايتشاااف أولد الحرااام(كتغوت)سسير الله ياخد فيك الحق أولد الحراام
ياسين: (كيجر فيها)زيدي ألواليدة
مليكة:الله يعطيك شي موصيية ياربي تجيني خبااارك
محمد:(برد ليه القلب ملي طلقها)خرجي خرجي ...بيناتنا المحكمة ..
لاح كلشي برا وسد الباب وطلع مخنزر لقاهم حالين فمهم فيه..وإيناس كتبكي شافها وهو يغوت عليها:مالكي؟؟ياك لباس؟؟بغيتي مك تبعيها بغيتي تعيشي معايا بقاي هنا. .
سعيدة:أش هادشي درتي أمحمد!؟؟
محمد:ماشغل حتى واحد فيا..لي بقات فيه يمشي يتبعها..دلمها كتشفر فيا وتصيفط الولد للموت وبغاتني نبقا معاها
عبد الجليل:زربتي أخويا؟؟وولادك؟؟
محمد:(بالغوات)مالهم ولادي؟؟راهم عايشيين بيها ولا بلا بيها..المرا لي تصيفط ولدها للموت تفرح ليها؟!!لي بغا يعيش معايا يجي لي بغاها يمشي عندها..كثر من 20 عام وأنا صابر مزوج بوحدة ماباغيهاش وصابر عليها لفعايلها ولتشيطينها على وجه ولادي وفلخر تنوض تشفرني وتصيفط ولدي للموت!!!
لحظة صمت كلشي ساكت وقلوبهم هي لي كتهضر..كلشي حاضرين ليه وعارفينو من نهارو ماباغيهاش ومحاملهاش ومو لاحت عليه السخط يديها ومياخدش بنت فاطمة لكن اليوم ثقبات الورقة وفاض الكاس..طلقها وتهنى منها ..حس براسو زاح حمل ثقيل على قلبو..
سعيدة:أ خويا والدراري؟؟
محمد:(بجدية وملامحو مزالا غاضبة)مال الدراري؟؟هزيت ليهم الهم وحتا واحد فيهم ماهازو ليا...ولادي عايشين بيا ولا بلا بيا ..(شاف فإيناس)نتي بغيتي تعيشي معايا بقاي بغيتي مك وصليها..
ايناس:(دخلات لبيت نزهة كتبكي)
عبد الجليل:رجوع الله أ محمد واش نتا باقي ديال طلوع وهبط فالمحكمة..داكشي لي تخسر فنفقتها كثر من لي شفرات ليك..
محمد:أقسم بالله ماتشوف مني الريال الحمر غنطلق وغتسمح فكلشي ولا غنذبح مها ونتهنى
سعيدة:لاحول ولا قوة إلا بالله..مبقات فيا غي هاد البنية لي ضايعة بيناتكم..
دخلات عند إيناس دايراها فحضنها ولوخرا كتبكي وتعطي لصحتها..أما محمد راه مشا لبيت جليل القديم محيد صباطو وتلاح ناااعس كأن شيئا لم يقع. .
"مليكة"
الزوجة الغير مرغوبة من طرف محمد..هي من نهارها عارفاه مباغيهاش لكن تحايلات على خالتها وبقات عليها بالأدب والصواب والحداكة تا ولات منها تخلاق عكس محمد لي كان مزعوط وباغي يكمل حياتو مع وحدة خرا..
خداها رغما عنو ودار معاها وليدات غي باش ميديش السخط لكنو عاش جسد بدون روح معمرو بغاها من قلبو ومعمرو حن ليها وحتى هي معمرها دارت علاش يحن ليها ولا يبغيها متبعة هضرة مها وخواتاتها ديال الراجل كيتشد بالولاد لاغير..
كي دخلو للدار وهي تشد راسها كتبكي و خواتاتها كيتلاغطو حداها ويتغاوتو ويتحلفو فيه ها لي تقول نزهة حرشاتو ها لي تقول حركو ليه المجامر. .
كي دخلو للدار وهي تشد راسها كتبكي و خواتاتها كيتلاغطو حداها ويتغاوتو ويتحلفو فيه ها لي تقول نزهة حرشاتو ها لي تقول حركو ليه المجامر. .
أم مليكة:اري ليا داك التيليفون شدي ليا نمرة ختي نوريها شنو دار ولدها
حبيبة:مبقا مايتعاود أمي...راه طلقها بالثلاث
مليكة:(كتبكي)الله أربي أش هاد الحالة لي وليت فيها...عوجووه عليا وعمرووه الله يعطيهم موصيية وتشتيتة إن شاء الله...الله يشتت ليهم الشمل
أم مليكة:أويلي على شوهتي..فخر عمري بنتي ترجع ليا مطلقة وبثلاثة ديال الولاد
مليكة:(كتبكي ومغددة)والله لاخرجت ليه من هاد الدار...هنا غنبقا ومنخويهاش ليه
جميلة:هاكاك..بقاي فيها وهو يمشي فحالو ...ولد الحراااام الله يعطيه شي موصيية
ألام:أنا غنهضر مع ختي..هي لي غترجع ليه عقلووو
مليكو:(بالغوااات)وااامي واااامييي ورااه طلقني بالثلاث مبقا رجوووع...أمي شوهني ومرمد بيا الأرض والله ليه منرجع ولكنت ليه مرا
اللغا كثير وكلها كيهضر من وجهة نظرو وكلها كيشوف الحاجة كيما صورها ليه مخو على صح..فقصة مليكة تخلطات بفرحة رجوع ولدها لي مهضرش حدو مشا لبيتو فين لقى خوه جالس شاد راسو سمع كلشي ونطق:طلقها؟
ياسين:(بحسرة)اه
يونس:حسن ليهم بجوج(ناض ماسح دمعتو و خارج مكيشوفش قدامو داز عليهم بلا ميهضر)
ضحايا الطلاق هم الأطفال💔. .
*****
فالعشية رجعات نزهة للدار ناشطة ماشطة ضاحكة تقوليها سلام تقوليك الزين ديالي..تلقات ليها سعيدة على الدخلة خلعاتها و قالت:مالكي؟؟
سعيدة:واا هيا ناري وتعرفي اش وقع؟؟
نزهة:خلعتيني اش واقع؟؟
سعيدة:محمد طلق مليكة بالثلاث.
شهقات نزهة وحطات يديها على فمها ممصدقاش وقالت:اويلي على طلقها!؟؟كي وقع؟؟
سعيدة:زيدي للكوزينة نعاود ليك..بيتك ناعسة فيه إيناس
جراتها للكوزينة باقي بحوايجها كتسمع الصقيل فالدار عكس كي خلاتها ولوخرا خوات ليها المزيودة كاملة . .
نزهة:نكذب عليك..أختي كانت كتقلب عليها هاهيا لقاتها..واش لي تصيفط ولدها للموت مراا...أنا والله مبقات فيا ومغتبقاش فيا حيت دارتها بيديها وكانو شحال ما طولو غيطلقها حيت فعايلها راه فعايل بنات الحرام مقطرين..
سعيدة:(بحزن)كون تشوفي وجه إيناس وياسين يعلم الله و حتى هو يونس كي غتكون حالتو
نزهة:(تنهدات)إيناس ممشاتش معاها؟؟
سعيدة:والله اختي مجراتهاش معاها..جرا عليهم وبقات هي غا كتشوف
نزهة:فينها الحبيبة تعميتو؟؟
سعيدة:فبيتها أختي...نوضي شوفيها أنا غيخصني نمشي
نزهة:سيري أختي لدارك أنا هنا..
ناضت لبيتها لقات إيناس ناعسة باستها وتنهدات كيعزو عليها غا ولاد خوتها...بدلات عليها ومشات كتاكل حتى دخل عبد الجليل ومحمد بجوج ناضت سلمات وجلسو ساكتين تاحد مهضر حتى نطق محمد:فين إيناس؟؟
إيناس:(بصوت ناعس خارجة من بيت نزهة)هاني
محمد:غتمشي عند مك ولا تعيشي معايا؟؟
ايناس:(تخشات حدا نزهة حيت كتخاف منو)نمشي عند ماما
محمد:(ببرود)نوضي ندييك
نزهة:صبر خليها غا تاكل شويا وديها..
حرك راسو و سكت مخليها كتاكل بزز عليها وعينيها منفوخين حتى سالات وناض داها للدار ونزل معاها..كي حل الباب تصادف مع يونس خارج باينة فيه مراشقاش ليه..باس يديه وقال:دخل خصني نهضر معاكم
رجع يونس أدراجو وباه وختو تابعينو ...لقا مليكة وخواتاتها فالصالة مع مهم غي شافتو شعلات فيها العافية وضحكات بسخرية:علاش جاي؟؟
محمد:جاييب ليك بنتك لي نسيتيها...وندي حوايجي..سمعيني نݣوليك لا نتي لهاد القوم الدار غنخويها ليك وغتعيشي فيها مع ولادك حتى تموتي ..مصروفهم غيوصلك كل شهر والطلاق غنطلقك وغتسمحي فكلشي ولا قسما بالله حتى نذبحك ونمشي عليك الحبس(هز يديه للفوق)راه معندي مانخسر ونتوما(شير لولادو)غتبقاو عايشيين هنا مع مكم ولي نسمع عليه قد هاكا(شير بصبعو)غنجي نعاود ليه الترابي من لول وجديد. .
مليكة:(بغل)والله لكانت ليك...سمعتيني والله متكون ليك..نخرج أنا من هاد التزويجة بوالو؟؟الى ماجرجرتك فالمحاكيم راني بنت الحرام. .
محمد:واخا ديري لي بان ليك وأنا ندير لي بان ليا ونشوفو
دخل مخليها كتلغط وكتنݣر ومها معاوناها فالنݣير جمع كااع حواايجو وزاد فحالو ساد وراه باب من ابواب جهنم بالنسبة ليه. .
فاتصال هاتفي كيف مولف كيعيط ليها كل ليلة جلسات كتعاود ليه على نيتها كلشي وتاهو كيسمع عليها قول عايش معاهم . .
ميمون:على حساب معاودتي ليا خصهم يتفرقو
نزهة:بقاو فيا غي الدراري
ميمون:حتى هي راه تبقا فيك ماشي ساهلة فسنها تطلق
نزهة:نكذب عليك ماشي غنݣول فرحت ولكن اللهم يتفرقو راهم كثر من عشرين عام وهوما فالحرب اللهم الفراق وديك السيدة واخا بنت خالتي راه متسوا بصلة
مبمون:ههههه المشرارة الله يهديك
نزهة:والله أميمون على مدوزت أنا وياها تالحرب راه هاكا خصني نكون
ميمون:فيها خير..غيعيش معاك؟؟
نزهة:اه..غيرجع معايا للدار
ميمون:يونسك نيت شويا ههههه
نزهة:(بدلع)عندي الونيس أنا منحتاجش
ميمون:شكون كيونسك؟؟
نزهة:واحد الزين مصري عندي مخليني بلا عقل..كيونسني ومعمر عليا
ميمون:(ضحك)ههههههههه سعداتك بيه..ضريف مسكين
نزهة:علاه غي ضريف وسكتي ههههه حلو وهازني فوق رموشو
ميمون:لوااه..متزيديش فيه باقي مفشتتكش
نزهة:اوا أش كتسنا طلق راسك ههههه(سمعات الصوت)ميمون قطع جااو الدراري
ميمون:ههههه سيري أنا خارج
نزهة:مممم واخا..
قطعات معاه و خرجات عندهم لقاتهم مغوبشين.. وقالت:تعشااو؟؟
عبد الجليل:أنا شبعان باغي غي ننعس
محمد:حطي ليا ناكل..
مشات حطات العشا وتجمعو ليه كياكلو الا عبد الجليل لي جابد عليه سالاو وناضت غسلات الماعن وتخشات ففراشها شادة تيليفونها طالعة نازلة فالفيسبوك تا غفات ..
أما ميمون راه كي قطع معاها رجع لحدا جمال فين جالس كيخشي فوجهو وقال:شي نهار تفرݣع
جمال:(فمو عامر)معامن كنتي كتهضر؟
ميمون:ديها فراسك هههه(نقب)مكاين والو اليوم
جمال:كول ونوض بدل عليك وياله أنا عارض عليك لواحد القصارة اش نݣوليك!!؟؟ راه النݣعة ديال النشاط
مبمون:(كياكل)واخا هههه
كلاو وناض نقز الطبلة خلاها هاكاك معذورو زوفري..مشا بدل عليه وتأنق وتريح وخرج رفقة جمال شادين الطريق للخرجة تكازا فين كاينة فيرما ديال صحابهم كيقصرو فيها من الويكاند للويكاند ولا من الشهر للشهر..وكل مرة على حساب واحد فيهم..
كي وصلو كيسمعو الشعبي على جهد فرنس ميمون. وقال:الشيخات؟؟
جمال:هادو راه الختورية ديال الشيخات...جبت ليك النݣعة ديالهم هههه
ميمون:الواحد كيحلف يتوب معاك ووالو هههه(بضحكة)هز فلوس الغرامة..
ضحكو ونزلو بجوج داخلين وميمون كيحرك راسو كي الهبيل مع الأغنية أما جمال راه عينيه قربو يسبقوه لعندهم..حل ليهم العساس ودخلو ولقاوها ناضية كيف توقعو. .
ثلاثة تصحابهم مقصرين فالصالون الكبير مع طبلة عامرة قطعة بالشراب والشيشة والتقيوتات وربعة تشيخات لابسين ومحزمين والنص فصدىهم باين..بموزونهم كيشطحو على انغام الكاسيطة..جو كتحس فيه بأيام الإستعمار أيام الباشا الݣلاوي
...:أ مرحبا بولد المصري...غبرتي أخويا(كيهضر فوذنيه حيت الصداع)
ميمون:(عينيه فشيخات)اوا راه با مات...شهادشي جايب؟؟
...:شهوة ياخويا
جمال:(مع الدخلة مشا كيشطح مع واحد الشهبة)وااححح ياخاي هاكاك لويها راكي كاتدي فيها الأجر
ميمون:(هز تيو تشيشة كيشيش ويعمر عينيه بالشيخات)مال هاد شيشة باسلة
...:نوض صايبها
سقل وبقا كيشيش وكيتفرج معاهم وهوما كيضورو عليهم لي بغا يعلق راه كيعلق لي بغا ينوض يشطح راه كيشطح والدخاخن والشراب على الجهد...عينيه تعسلو والشيخة لي كتحوم عليه وتشطح وتلوز ليها ولات كتبان ليه نزهة ونقطة نهاية.
مع كتحرك وتعوج فخصرها وتلوي فمؤخرتها كيتخايلها نزهة كتشطح ليه لدرجة شداتو الشهوة من جهتها..
******
•••••
وان كان وصولي لك سيؤذيني..
بلغي الأذى أني قادم وتعطري
•••••
فالصباح هي خدامة على راسها كتراجع فاكتوراتها مدوزة يومها عادي وبان ليها ميمون ماصوناش وهي تمشي للطواليط وصونات ليه وبعد عدة رنات جاوب بصوت مبحوح :الو
نزهة:(بصوت دلوع)المصري ديالي ناعس باقي؟؟
ميمون:(بصوت مدعدع)تواضعي شوية ونقصي عليا الصباح هذا
نزهة:خاصك فطور أ زين؟؟
ميمون:مكرهتش..شي فطور من يديك وشي بوسة نريقو بيها
نزهة:ههههههههههه جاتك أحبيبي ههههه مالك صابح معطل فالنعاس؟؟
ميمون:منعستش مزيان وصافي..مزيان لي صونيتي خصني نوض نمشي للمحل
نزهة:نوض دوش توݣد وخرج قضي شغالك باش تجي تشوف حبيبتك
ميمون:هههههه
نزهة:نتا لي ولفتيني هادشي ..
ميمون:نجي نشوفك الالاهم..ماعنديش منك عشرة غي اليوم غنتلاقاو فاش تخرجي واخا
نزهة:(كطنز عليه بصوتها عارفاه غيذوب)الوقت لي ساليتي ليا الزين
ميمون:هههههههه سيري فحالك من الروطوبية المصبوغة هههههه
نزهة:ههههههههه حافضني بعدا...ياله بسلامة
ميمون:بسلامة
قطع معاها وتفوه رامي ثقلو على ناموسيتو وناض كيتعجز داز للبيت لاخر لقا جمال منشور بحواييجو بسيف وهوما مدخلو حتال الفجر بقاو عاصرين على الشطيح والرديج والشيشة تاتبخ راسهم.
دوش صحصح وضرب قهوة يوكد بيها وخرج لشغالو من هادي لهادي والوقت شاداه ماحس براسو حتى وصلات العشية ..صونا ليها ودار معاها يجي لعندها وبالفعل تسناتو حتا جا غي بان ليها وهي تفرنس ليه..طلعات ومدات حنكها باسها فيه وقال:لحووب
نزهة:لباس؟؟كي ضليتي؟؟
ميمون:فتمارة(تحرك)نتي مزيان؟؟
نزهة:الحمد لله..
ياله بغا يهضر صونا تيليفونو وجبدو دوز الخط ودارو فوذنيه وبدون مايرد البال دار السبيكر كان جمال:حمم الو
جمال:أفين المصري..خرجتي خليتيني بوحدي
ميمون:مزوج بيك ولا ههههه
جمال:هههههه فيا الجوع
ميمون:كولني ههههه سير تاكل ولا طيب ليك راه الثلاجة عامرة
جمال:بغيت الشيشة!!
ميمون:صايبها
نزهة:(تمتمات)سلاݣط
جمال:الشيشة لي كتصايب نتا واعرة
ميمون:شوف أداك الخنشة نوض كول وخرج شيش فشي كوان أنا ممساليش
جمال:واخا القواد كتسالي غي وقتما بغيتي..خبارك توصل لزاهية وتشوف . .
ميمون:(عرفو غيزهق فشي كلمة)سير فحالك معايا الناس
جمال:واخا..حاول ترجع بكري نمشيو نقصرو تاني..كاينة واحد القصارة تاني واااعرة
ميمون:قا ود
قطع عليه عرفو غيفرشوو مع قطع مع نطقات نزهة:كنتي مقصر لبارح؟؟
ميمون:مممم
نزهة:قصرتو؟؟(هزات حاجبها)كانو الشيخات؟؟
ميمون:ممم
نزهة:ميمون كنهضر معاك!!!قصرتي مع الشيخات
ميمون:تي أش هاد الهضرة ...قصرنا بيناتنا
نزهة:حلف ليا بلي مكانوش الشيخات؟؟
ميمون:شهاد الهضرة ديال حلف ليا...مبيناتناش الثقة
نزهة:(بحدة)سولتك جاوبني..كانو الشيخات اه ولالا؟؟
ساط و سكت مهضرش وهي تشعل حيت فهمات جوابو من سكوتو...حدها كتمات غضبها ونطقان ببرود:وقف وحطني هنا. .
ميمون:تبتي بلا تبرهييش
نزهة:(رفعات صوتها)وقف وحطني هنا و سير الله يعاونك مع شيخاتك
ميمون:(عقد حجبانو)نزهة شهاد الهضرة؟؟
نزهة:(غوتات)وقف وحطني ولا غندير ليك الشوهة
وقف ميمون وتلفت ليها مغوبش:نزهة..الله يهديك
نزهة:(كتحيد السمطة)أنا لي حمقة دايرا راسي فواحد زهواني...أنا ناعسة ونتا غادي مقصر ليا مع الخانزااات؟؟؟
ميمون:(شدها متنزلش)تركني الأرض راه مدرت والو غي نشطنا
نزهة:(تنطرات منو)نشط ولا ضبر لمخك...ماشي أنا لي تقلب عليا القفة أسي المصري...بايت ناشط على الخانزات كيلوزو ليك وجاي عندي..
ميمون:(زفر)نزهة ݣلسي لأرض وخليني غي نشرح ليك...
نزهة:(رفعات صوتها وجنونها طلعو فيه)ماتشرح ليا مانشرح ليك..عطيني التيساع ونساني عليك وسير عوم بحرك مع شيخاتك(نزلات). .
هبط حتى هو تبعها جرها من يديها مغددة ولات حمرة بالعصب بغا يرجعها لطونوبيل:زيدي بلا تبرهييش نهضرو
نزهة:(تنطرات منو)أقسم بالله ومتطلق مني حتا نجمع عليك الناس...فرقني عليك وبعد مني وسير زهى على الشيخات السلݣووط وقيلني عليييك ...نهار تعيط ليا ولا تهضرني غنشوهك..
شد ليها فمها بيديه وصاح فوجهها:مال دلمك على الشوهة ياك لباس؟؟؟زيدي نهضرو
نزهة:(دفعاتو بغاع جهدها وتجننات)متهضرش معايا...كنت حاسباك راجل وغادي معايا فالخط ساعا نتا التسلݣيط غادي ليك فالدم...وربي فضحك ݣدامي يعلم الله شحال من مرة مقصر معاهم وجاي كتضحك عليا أنا بهضرتك
ميمون:(مسح على وجهو)نزهة(شد يديها باسهم وجراتهم معصبة)دوزي ليا غي هادي...راه الشيطاان
نزهة:الشيطان ولا لخرا ماشي سوقي...ضبر راسك أنا غي متبقاش تعرفني ولا تجي تهضر معايا...وصراحة عبرتي عليا نستاهل حيت مشيت معاك فالطريق ولكن نتوما كلكم بحال بحال
ميمون:(عض على شفايفو)نزهة عرفي أش كتݣولي
نزهة:(خزرات فيه)نݣول لي بغيت وتعاود تعيط ليا ولا تجي تهضر معايا وتشوف أش ندير ليك
زادت خلفة مخلياه كيشوف فيها عارف لهضرها دابا غتشوهو حيت نوعا ما شرعة لتعصبات..زفر ورجع لطونوبيلتو بعدما شافها شدات طاكسي وتبعها حتا شافها نزلات حدا دارهم ودخلات عاد ضور الروايض مراشقاش ليه عارف راسو غالط ..
أاما هي راه الجنون شعلو فيها..كلشي تسرطو الا يخورها
داخلة مخنزرة مكتهضرش مالقات حد من غير محمد حيت جليل رجع فحالو سلمات ودازت لبيتها بدلات عليها ورجعات كتوجد فكاسكروط معصبة وخصها غي معامن وفخاطرها كتغرق ليه..
"أنا يخورني مع الشيخات"
"السلݣوط لاخر"
"ولكن سري أنا لي شادة معاه الطريق هذا غي الدرويش و أش داير للق***** حوب"
كتضرب بالماعن وتنݣر فخاطرها ومحمد طالق وذنيه معاها حتى وقف عليها وقال:مالكي كتخبطي فالماعن؟؟
نزهة:(بدون ماتشوف فيه)طالع ليا الدم
مزادش الهضرة عارفها شرعة معصبة وخلاها تضبر راسها ..رجع شاد التلفازة حتى تحط كاسكروط وبداو كياكلو فصمت حتا صونا تيليفونها لقاتو هو قطعات وبلوكات نمرتو ورجعات كتاكل مغددة.. .نوعها كيبرد سمو فالماكلة وكيغلاض عكس النوع لي كيتعصب كتسد ليه الشهية..
بعدما ردات العشا وجمعات الدار مخنزرة وكتسب فيه فداخلها وتغرق ليه أما هو راه كيصوني حتى كيقطع شويا مبقاش كيصوني كاع ..كتشد النمرة تتقطع قبل مايصوني كانت بلوكاتو مخلياه كي الحنش لي مقطوع ليه راسو ..كيفيبري برجليه معصب وعينيه معقودين لي هز تيلي لوذنيه لي رجعو ليديه كيعاود يشد النمرة وحداه جمال كياكل كيف ديما
جمال:واصاحبي براكة من التعياط
ميمون:عرفتي نتا(مغدد)باقي تعيط ليا نلوح مك من أم الربيع
جمال:هههههههه أنا ݣلت ليك سمعها هضرتي هههههه تزعطتي زعطة خايبة.
ميمون:مبلاانش لي درت معاها..السيدة شادة معايا الطريق وأنا كنعور ليها فالعينين
جمال:ههههههه تزوج بيها وتهنى
ميمون:خليتي فيها نتا شي تزوج بيها(شافو كياكل ممسوقش وغددو)تاكل فيه السم الق . . واد ..
جمال:هههههههه دابا شنو مغتمشيش للقصارة اليوم
شاف فيه شوفة من نيتك ورمى عليه قرعة تالما جاتو فوجهو وزاد كيضحك ممسوقش..ورجع تاني لتعياطو و والو واش كيتشد الخط حتى صونا من نمرة جمال كيصوني مع قال الو قطعات عليه وبلوكاتو
ميمون:قطعات!!شد مسح نمرتها
شدها كيمسح فيها والضحكة غالباه خايف يضحك و يضربو . .
نزهة:(بلوكات النمرة لوخرا)ياله سير تخرا عليا نتا وهضرتك وحكامك الى خليتها فيك راني بنت الحرام(دخلات على محمد لبيتو)خويا تعود توصلني معاك للخدمة وتجيبني..
محمد:(كيستاعد باش ينعس)ممم واخا معاش كتمشي؟
نزهة:ثمنية ونص نخرج من هنا وكنخرج مع سبعة
محمد:واخا
نزهة:تصبح على خير مخصك والو
محمد:لا
خرجات وهي تفرنس وقالت فخاطرها:الى ماربيتك المصري راني بنت الحرام
دخلات تنعس ممسوقاش ويديها كتاكل فشيبس كتبرد غدايدها فيها تا غفات اما هو راه عيا يصوني ووالو فالاخير نعس حتى هو معول يعس عليها فخدمتها
******
صباح جديد ناضت باقي مغوبشة مامسروطاش ليها بلي مشا مقصر...هي أنثى وأي أنثى ولو تكون مكتبغيش داك الشخص راه مغتقبلش فكرة تكون معاها مرا خرا كطرف اخر فمابالك نزهة لي أحاسيسها منوغشين من جيهة ميمون
لبسات عليها لباس معتدل حيت بدا الحال كيدفى شويا باقي البرد فصباح لكن كيدفى الحال ماشي بحال أيام الشتا..تزينات وتعطرات كأنها باغا تفقصو .. نادى عليها محمد وقالت:سير تفطر راه الفطور فالكوزينة..
مشا للكوزينة لقا طبيلة مشكلة ومنوعة على حقها عارفاه كيبغي يفطر بالبلدي..هز حاجبو وقال:هادي إمتا فاقت
جلس يفطر مع راسو عايش دورو فحياتو الطبيعية آخر مرة فطر بكري كانت من زيادة إيناس حيت مليكة مكتوجدش الفطور بكري..جات حتى هي كتفطر وتقلب فتيليفونها كتشوفو شحال من مرة شدو البلوك لقات كثر من 30 أبيل..تجاهلاتو وحطاتو وناضت كتجمع لغداها فحين هو نزل سبقها حتى تبعاتو حطها فخدمتها وداز لخدمتو
بدات نهارها عادي ومع العشرة بدا تيليفونها كيشدو بالبلوك حتا جاتها الضحكة وهي طلقها وقالت كتهضر مع راسها: تستاهل أولد الحرااام نوريك الشياخ واسير دابا هز ليهم الموزون
رجعات لخدمتها كتناسى أمرو هو لي كيصوني وكيفطر..كيصوني وكيسوق المهم سيد عقلو بغا يخرج بالصونيت ..ومع الوحدة مشا ليها قدام الخدمة عاس تما عليها تخرج وحلفات هي لخرجات تنشر تما ساعة ونص ومخرجاتش كانت لداخل كتغدا من غداها لي جابت معاها ومبردة حيت عارفاه غيكون لتحت وحلفات حتى تندمو
عيا مايتسنا ولا هي حنات وجاوباتو..ماشي نزهة لي تتخان وماشي نزهة لي تخور وعلى قولتها "لي حن يتمحن"
تجاهلاتو بهاد المفهوم أي نعم عزيز عندها لكن كرامتها فوق كلشي..كملات خدمتها على راحتها وصونات لمحمد.. مانزلاتش بتاتا عرفات غتلقاه كيتسناها وبالفعل كان كيتسناها تنزل لكن غي شافها نزلات وقصدات طونوبيلا أخرى غوبش وعقد حجبانو مع بغا ينزل يحيح عليها مع تحركات الطونوبيل وتبعها حتى هو مغدد وداكشي لي خصو فنهارو كملاتو ليه...هي ما دات ماجابت ..كي وصلو لحدا دارهم شاف محمد نزل معاها و دخلو عرفو خوها..زفر معصب وتحرك غادي فحالو لدارو معاجبوش الحال وفبالو أنه كسرها بتصرفو و واحد بحال ميمون حنين مايبغيش لي عزيز عندو يتقلق
استمر الوضع على هاد الحال طيلة الأيام لي بقات باش تسالي السيمانة..كيصوني من نماري خرين وكتبلوكيه مفرنسة وناشطة حيت بقدر مانوغشها تصرفو بقدر مارضات غرورها وهو تابعها بالإتصالات اليومية ولى هي قلبها رطاب ولاحن..كتمشي لخدمتها مع محمد وترجع معاه ومامرة ماجوج شافت طونوبيلتو حدا خدمتها و كدير راسها مشافتهاش..قاهراه غي بالتجاهل..
اليوم السبت رجعات من الخدمة فطاكسي حيت محمد كيخدم نهار كامل..حضات وردات البال حتى عيات ومشافتوش راه وراها هي لي ركبات فطاكسي حمر على غير العادة..كي وصلات تلفتات مالقات حد وهي تنزل..وجدات غداها ومشات جبدات عليه ناعسة كتحيد عليها عيا تالسيمانة..
مفاقت حتال الخمسة كتعجز..غسلات وجهها وصايبات قهوة كحلة كتشرب فيها وتلبس عليها سورفيت كحلة مزيرة لاصقة عليها ساترة غير شوي من مؤخرتها..وقفات قدام المراية الكبيرة لي فقاع الدار كتشوف فورمتها وقالت:ترمة خرجات والكرش حلفات لنقصاات ..تݣولي بنتي
هزات صاكها الرياضي ومسائلها وخرجات ناسية تيليفونها لي العلبة الصوتية مزال كتشد ميمون..هاد الأخير لي صعراتو وتغدد عليها لكن كايشفع ليها أنه هو لي غالط ..تنشر حدا دارهم من لي جات حتى خرجات غي قشعها وهو يعقدهم وقال: يااك الالة نزهة. .
ياله بغا يهبط شيرات لطاكسي حمر حيت لاصال قريبة بغات تزرب باش تلحق الكور ديالها ديال لايروبيك كتحيد بيه ستريس وكطيح بيه الوزن...تبعها مغدد ومحلف باغيها غي ايمتا تطيح فيديه باش يعتاذر منها وفنفس الوقت يعاتبها على تشوميرة لي دايرا ليه مخلياه بلا شغل..مع وقفات الطاكسي بغا يبلاصي باش ينزل لقاها طارت ودخلات...ضرب على الفولون وقال:لق** لاوي
هاد المرة عيا بالمشي والمجي ومقدرش يصبر يتسناها فقرر ينزل ولي ليها ليها...قبل كان كيحشم فخدمتها مباغيش القيل و القال عليها يكثر لكن دابا راه رعداتو عليها..تبعها داخل لاصال كيضور فعينيه كيقلب عليها تقول سرطاتتها الأرض داز للإستقبال يسول عليها..حمحم هو لول عاد نطق:السلام
..:وي سيدي
ميمون:عفاك واحد السيدة دخلات دابا لابسة الكحل فين دخلات
...:دابا؟؟صراحة مانقدرش نفعك حيت لي كليون كيدخلو ويخرجو مكنردش البال..
ميمون:(زفر)واخا
رجع أدراجو وهاد المرة معصب ومخنزر وحلف لاطلع للطونوبيل بقا واقف مسند عليها كيتسناها حتى تخرج حالف ميمشي حتا يهضر معاها..وفنفس الوقت كيدير اتصالاتو تالخدمة مع لي فورنيسور...دازت ساعة وهو ماتحركش حتى شافها خارجة من بعيد كتمايل بمشيتها وفخاضها الغلاض مطراسين بسورفيت وكضحك ضحكتها لي كتخليه منشور بالحب..ومعاها مرا وراجل الكوتش ديالهم ..كي شافها رجع تيليفونو لجيبو وتم قاصدها بحالا باغي يحاصرها زعما والله متهربي. .
هي لي كانت مشرعة فمها كضحك جامعة شعرها سفنجة و وجها عرقان من الحصة غي شافتو تلغات ضحكتها وعقداتهم ودعاتهم وعينيها مخنزرين فيه مع قربات ليه قلبات عينيها بطفولية ممناسباش بتاتا لعمرها..بغات تفوتو وهو يجرها من ذراعها تا جابها عند خنشوشو..وجها ملاصق مع وجهو..عينيه رتاحو وصفاو بشوفتها عن قرب..وخاطرو تفكات ملي ريحتها وصلات لقصباتو الهوائية ..كمش عينيه فيها وقال مختارقها بنظراتو :غضيبك واعر الالة تالبنات. .
كطلع بعينيها من عينيه لنيفو وللحيتو لفمو ..وأعضائها كلهم متجاوبين مع مسكو ليها ومع ريحتو..عنقها عرقان لدرجة الخلفة لي عندها فالجناب تشعرها لصقات عليها..
نزهة:(بغات تجر يديها)شنو جيتي دير هنا؟؟
ميمون:(بهدوء عكس الدخان لي بدا يشعل من الداخل)مالكي معايا؟؟محرامش عليك تخليني تابعك كي الحمق
نزهة:(عاقدة حجبانها)مطلبك حتى حد تبعني..خليك فشيخاتك وفالقصاير
ميمون:(عض على شفايفو وزاد قرب منها كيهضر بصوت كتسمعو غي هي)الله يهديك عليا..خلينا نهضرو
نزهة:(جرات يديها بهدوء)معندنا فاش نهضرو أميمون..أنا وياك سالينا
ميمون:(بحنية)حرام تݣولي هاكا...حنا عاد غنبداو الالاهم..خليني غي نطلب السماحة منك متعطينيش خاطري نخليك هازا من جهتي
نزهة:(بملامح قاسحة لابسة قناع البرود)متشطنش بالك..أصلا هذا هو سري حيت ثايقة فيك وغادية معاك بنيتي أما كون كنت دايرا وراك شي واحد كون راك غادي معايا فالطريق
ميمون:(كيلعب بلسانو داخل فمو محاملش هضرتها بان هو الظالم)سمحي لياا(تقدم شد وجهها بين يديه وباس جيهتها بوسة طويلة معنفج فيها حناكها بين يديه)..
نزهة راه جاتها بوسة الجبين على الوتر الحساس..كمية تالحنان دوز ليها فيها ميمكنش شحال كبيرة..حسسها أنه بالمعقول كيعتاذر ماشي غي بوسة ودازت..معرفات ماتصرف من غير تشوف فيه بهدوء لاغية نظرة البرود وقالت محيدة يديه من وجهها:ماشي ساهل ننسا..راك كتسمى غدرتي بيا
ميمون:(بسرعة)لالاا والله أنزهة ما قصت شي وحدة..مغنكذبش مشينا وجلسنا وقصرنا ولكن والله ماقربت لشي وحدة
نزهة:مكاين لاش تحلف ليا؟؟شكون أنا حتى تحلف ليا؟؟فلخر كنبقا غي صاحبتك
ميمون:(هز يديها مقاطعها باسها فيها من الوسط مطيب بخاطرها)نتي حبيبتي ومن غير هادشي معزتك عندي كبيرة..معارفاش راسك شنو بدلتي فيا..أنا عارف راسي دايرها يغرق فيها الجمل وجاي نزاوݣ فيك تسمحي ليا...دوزي ليا غير هادي ..عمر خاطرك يخسر والحاجة لي تضرك نحيدها. .
نزهة:(جرات يديها مزال صامدة فموقفها)مافيا لي يهضر عفاك عيانة بغيت نرتاح..هلكني هاد الموضوع فصحتي بغيت نرتاح..خليني عليك..
ميمون:(عاود شد يديها)ياله نهضرو ومتقسحيش راسك..إلى كنت عزيز عليك
نزهة:(هزات فيه حاجبها)كون تعرف بحق المعزة متغدرنيش أ ميمون
ميمون:ماتسميهاش غدرتك..مكايناش بنت المرا لي تشد بلاصتك عندي وربي شاهد عليا..عطيني غي وقيت نهضرو
نزهة:(بنفخة)مامسالياش دابا خاصني نمشي
ميمون:(زير على يديها)ماغتمشي حتى نهضرو ..كنصوني ليك مكتجاوبينيش؟؟
نزهة:تيليفوني هرستو بمسبتك..فقصتيني بكثرة التعياط وفقصتيني نتا وشيخاتك وهرستو قسمتو على جوج وتشخشخ
ميمون:نخلصوو الالة تالبنات غي سمعي ليا وتواضعي معايا متخلينش هاكا وراك
نزهة:(ربعات يديها )مطلبك حتى واحد نتا لي بغيتي
ميمون:(تبسم)باش تعرفي راسك عزيزة عندي..ماخليت كي درت باش ندوي معاك وا رخفي راسك حتى نتي معايا
نزهة:(كمشات فيه عينيها)كون نتا كنتي بلاصتي لقيتيني مع شي واحد غتسمح ليا؟؟(شافتو ساكت)اوا شفتي
ميمون:نتي ماشي أنا...أنا سلݣوط خليتيها نتي ..نتي بنت الناس ونقية ماديالش داكشي
نزهة:اوا منصلاحش ليك السلݣوط
ميمون:(هز يديها باسهم بجوج من برا وعينيه فيها)عاودي لهاد السلݣوط التربية على يديك
نزهة:(بهدوء)ميمون..مابقيتش مرتاحة ..الثقة مشاات
ميمون:أش وصلنا لهاد الهضرة؟؟نسيتي شكون أنا؟؟أنا ميمون الحب ديالك كي كتݣولي..تيقي فيا نعطيك كلمة الرجال منعاودها...
زفرات رافضة تهضر فالموضوع وتاهو بعدما شافها هاكاك مابغاش يطول فالهضرة وقال:ياله نوصلك
نزهة:مكاين لاش..غناخد طاكسي
ميمون:هي باقا مقلقة مني؟؟
نزهة:وشنو بغيتيني ننسا دغيا؟؟كون كنتي بلاصتي كون راك كتسلخ فيا. .
ضحك بشوية وقال ماد يديه لجيهتها محسس حنكها بلطف: متعطينيش خاطري نسلخ هاد الزين
نزهة:(حيدات ليه يديه)جمع يديك
ميموت:ههه قصحتك هاد المرة(جرها تا قربها ليه)حقك علي يا ست الكل. .
نزهة:هضرتك راه ماغتنفعكش معايا...منساهاش ليك واخا نموووت
ميمون:(قرب منها باغي يخشي نيفو فعنقها متأثر بقربها)توحشتك أنزهة
نزهة:(رجعات راسها لور)
ميمون:مقصحة من جهتي وعندك علاش..غنعاود نݣولها سمحي ليا
نزهة:الهضرة مكترجع والو..بنادم كيبينو ليه فعايلو
ميمون:(تبسم)رضاي من جيهتي ونبين ليك..(هز يدو ليسرية لمس حنكها)
نزهة:بغيت نمشي
من هضرتها كانت باينة فݣعانة وعطاتو القاسح بزااف..فحالة أخرى يقوليها توحشتك تنزل عليه بالتحلوين حتى يطيب بالمهل لكن دابا كرامتها طالعة لفوق راسها وجالسة كتركز..وتاهو عارف راسو شنو داير ميك وصبر ونطق:ياله نوصلك (شافها غتهضر وهز صبعو فوجهها)بلا متݣولي لا...زيدي
شافت فيه هازا حاجبها ودازت قدامو ركبات فطونوبيلتو وتبعها هو عينيه لفصالتها ليتقادات بلاصال..كي طلع نطق:كي دوزتي السيمانة بلا بيا؟؟
نزهة:(كتشوف فاص ليها)ولله الحمد
مبمون:(تحرك)باينة توحشتيني هههه
نزهة:(كطنز)بزاااف كاع ...نتا فاقصني ومهرس ليا خاطري ونتوحشك..
شد يديها عندو قبلها بحب من لداخل وهي الحركة لي ولف يديرها ليها ديما حتى كيضرب قلبها ونطق: أناالغالط هاد المرة ونتي مولات العقل..يتهرس خاطري ويبقا ديالك صاين
نزهة:منسمحش ليك على هاد الفقصة لي فقصتيني(كتزيد فيخرات)لا ماكلة كليتها فراحتي لا نعاس شتو فراحتي
ميمون:(تيقها حيت كتهضر بجدية )وايلي أنزهة؟؟(مد يدو حطها على عنقها جرها لعندو فغفلة منها قبل جنب راسها وعينيه على الطريق)سمحي ليا
تسلات منو بشوية خايفة تفرشها الضحكة حيت ثيقها وقالت:سمحي ليا هي لي غترد ليا خاطري
ميمون:عارف درتها قد راسي وجيت نزاوݣك تسمحي ليا..خاطرك انا نرطبو
نزهة:الله يسمح ليك
سكتات متلاتش هضرات خافت تطلق الضحكة حيت مظناتوش يتيقها بتاتا على الماكلة والنعاس لي مكتشوفهمش هي غي بغات تزيد ليه فيه..أما هو مطلقش يديها بتاتا يضور ضورة ويبوسها ومهضرش نهائيا مستمتع بهاد لحظات الراحة لي تعطاوه ولي سيمانة كيقلب عليهم
وقف بعيد على دارهم وهي تهز صاكها تسبور بغات تنزل ..تا شدها من مرفقها:جاوبيني لا صونيت ليك
نزهة:تيليفوني خاسر مخدما غي ديال الخدمة وماشي نمرتي
ميمون:عطيني هاد النمرة؟؟
نزهة:محافضاهاش
ميمون:وفاش نعيط ليك أنا؟؟
نزهة:دابا نخدم نمرتي فيه حتى ناخد تيليفون
ميمون:(بلطف)أشمن تيليفون بغيتي؟؟
نزهة:مخصنيش..شكراا(باستفزاز)بسلامة..
جرها عاود وقال ملين الهضرة:ماتسلميش عليا
نزهة:(هزات حاجبها)خليتي فيها نتا شي سلام
عرف راسو مقفرها وطايح مع وحدة نفسها فوق نيفها..لكن جرها بالزربة قبلها فحنكها وقال:سيري أحبيتبي رتاحي ليك..خدمي نمرتك وأنا نصوني ليك
نزهة:يكون خير
نزلات تحت نظراتو متبعينها كتمشى عادي لكن فنظرو هو راه كتعوج..السورفيت لاصقة قرقشات ليه العينين بقا حاضيها تا غبرات..دوز اتصال ديك ساعة وقال: خويا سعيد..خاصني شي تيليفون..اه اه جديد جيب ليا أخر مكاين ..صافي شكراا حتى ندوز ليه
قطع معاه وتنهد براحة وقال:اخخخخ عليك أ نزهة ومدرتي فهاد المصري..
غادية للدار وكتحبس فالضحكة ناشطة وعاجبها الحال..شكون فالنسا لي يتبعها راجل ويلصق عليها لصقة ويبقا يطلب ويرغب ومتحسش بانوثثها ومتحسش بالغرور..هي كلامو وتحزارو كولو دوزات وطاح فقلبها ديركت لكن باش تبين ليه مستحيل..خصو يندم ويعرف علاش ندم..
كي دخلات لدار سمعات الحس ظناتو محمد حتا كتفاجئ بمها وهي تطير عليها بالتعناق والبوسان ولوخرا كضحك وتعنق فيها كتبقى أخر العنقود ..
حفيضة:فين كنتي؟؟
نزهة:فلاصال..إيمتا جيتي؟؟علاش مݣلتيهاش ليا؟؟
حفيضة:ياله كي دخلت هانتي تشوفي باقي بجلابتي
نزهة:(باست يديها)على سلامتك أمي والله حتا خويتي علي الدار
حفيضة:(بتساءل)خوك فينو؟؟
نزهة:فالخدمة..نوضي حيدي جلابتك أنا ندوش ونوجد كاسكرووط
حفيضة:يا بسم الله ..
وبالفعل دخلات للدوش دوشات والتفرنيسة غتهرب ليها من فمها..كتفكرو فاش كيحزر ويبزر وكيطلعو ليها الݣرايد..دوشات وخرجات كتعمر فاتاي وتجبد تسخن وتحط مجمعة مع مها فموضوع الساعة..
حفيضة:كون تشوفي ختي داك نهار صونات ليا مخلات فيا غا لي نسات..
نزهة:(غوبشات) بنت الحراام صافي..ݣاع مادرتيها نتي فاش بنتها صيفطات ياسين للغراق..
حفيضة:واش نييت أبنيتي لاح عليها الطلاق؟؟
نزهة:(كتحول للبيت)أنا محضرتش عاودات ليا سعيدة...ݣالت ليك ݣال ليها حرام عليا ديني لا كنتي ليا مرا ورما عليها الطلاق بالثلاث
حفيضة:(كتحول معاها وتعجز)أويلي على المسخوط خلاها حتال دابا فاش شرفو عاد يجري ويتجارا فالمشاكل
نزهة:أنا مسولتو ما ݣلت ليه علاش..
حفيضة:(جلسو)كبي كبي أتاي يدخل ونهضر معاه
نزهة:(كتكب فاتاي بالكشكوشة)دخلي سوق راسك أمي..زوجتيه وبززتي عليه خرجي سوقو..
حفيضة:يا ويلي على ندخل سوق راسي..ودوك الدراري عارهم علامن؟؟
نزهة:عارهم على مهم وعليك نتي ...نتي لي درتي ليه هاد الخطية أشمن زين فمليكة حتى تعشقيها ليه..
حفيضة:غدراتني الحرايمية بحداكتها وشقاها وزينها وهضرتها و مكاين غي خالتي غي خداتو وهي تقلب..
نزهة:أنا نݣولها ليك من هنا...الى ݣاليك لي ميعجبك أنا منهضرش راه ماشي صغير السيد قرب للستين ومزال غتهضري معاه
حفيضة:(تنهدات)خفت الدم يولي ما
نزهة:نهار جبتي بنت ختك الدم ولى ما لي تحرش راجلها وتضارب مع لوستها واخا هي باقي صغيرة أش كيحسابك أ مّي!!
سكتات الأم كتفكر فغلطة حياتها لي رتاكبات...حالها من حال بزاف ديال الأمهات لي كيبغبو العروسة هوما يجيبوها كيختاروها على أُسس ومبادئ كتبان ليهم هوما أنها أساسيات العيش..مثلا حادكة وحارة وشغلها زين وصبارة وزينة ..غلط حفيضة أنها رفضات بنت فاطيمة لي كانت مها معروفة فالحومة شيخة وديك ساعة الشيخة عيب وعار وكتسمى عاهرة...حبها محمد وهي صغر منو بأعوام كثيرة وحتى هي حباتو رغم أن حتى مها كانت ضد هاد العلاقة..نهار بغا يتزوج ناضت حفيضة رمات السخط لا خداها بحجة "قلب الݣدرة على فمها تشبه البنت لمها" ودارت صورة فدماغها لبنت فاطيمة على أساس أنها سلݣوطة ..هنا محمد تحط فاختيار صعيب وختار مو وضيع حب حياتو وبعدها رحلو من تم ومعمرو شاف بنت فاطيمة إلى يومنا هذا ومعمرها غادرات عقلو واخا تزوج و ولد وكان على اسمها باغي يسمي إيناس لكن مليكة رفضاات..
مع آذان المغرب دخل محمد عياان لقى مو سلم عليها وجلس مسخسخ..نطقات نزهة:خويا تشرب أتاي؟؟
محمد:سخنيييه...مي اليوم عاد جيتي؟؟
حفيضة:اييه أولدي هاد العشية جيت..كي داير وكي دايرين الدراري
محمد:بخير..شفت يونس هاد العشية
حفيضة:اوا أوليدي أش هاد الحالة درتي..ݣلستي حتا شرفتي عاد طلقتيها
محمد:(عقد حواجبو)الواليدة موضوع مليكة سديه ..حيت طلقتها بفمي ومغنرجعهاش واخا تسخطي عليا تاني
حفيضة:(بنفي)وأنا إيمتا سخطت عليك ؟؟أولدي أنا(بهدوء محاولة ترطب خاطرو)مبغيتش ولادك يكبرو مفرقين ..نعل الشيطان وجمع الشمل..
محمد:الشمل معمرو كان مجموع إلى نتي كيحسابك شملي مع مليكة مجموع راكي غي كتخربقي..طلقتها ومغنرجعهاااش والهضرة هنا سداات.
نزهة:(دخلات هازا البراد)هادشي غي وصيتك دخلي سوق راسك
محمد:(تجاهل هضرتها)إيناس بغات تجي عندك
نزهة:وتجي مرحبا بيها(كتمد ليه اتاي)
محمد:نعطيك نمرتها شريت ليها تيليفون بقاي تهضري معاها فيه
نزهة:إن شاء الله
كلى وناض مخلي حفيضة شاعلة فيها العافية ..من جهة وجه ختها ومن جهة قلب ولدها..ناضت تصلي العشا وخلات نزهة كديبلوكي ميمون ..غي طلقاتو وهو يصوني وناضت خرجات لبيتها تعطلات باش تشد الخط فالأخير قالت :نعام
ميمون:رتاحيتي؟
نزهة:الحمد لله
ميمون:متوحشتينش
نزهة:(لاحتها ليه فوذنو)لا
ميمون:(كيضحك)واغا شويا وصافي..فين هي المصري ديالي و كبيدة وداك التحلوين؟؟
نزهة:اوا نتا لي درتيها لراسك..نايض مقصر ليا وتلقا شحال من مرة غي ربي فرشك داك النهار والله يخلصك
ميمون: (بجدية)عرفت غلطت واخليني نرطب معاك ونرجعو كي كنا..
نزهة:(تنهدات)معارفش نتا باش حسيت..ولا أش داز عليا..عرفتي شنو هي مرا تتغدر من الراجل ولا غي داوي كون نتا حصلتيني مكنتيش حتى تشوف فيا
ميمون:هادشي علاش ربي خلقكم نتوما حنانات علينا حيت كتسامحو..
نزهة:ماشي غي أجي وسامح
مبمون:خلي ليا غي منين ندير ليك فين تسامحي ليا
نزهة:الصمت
ميمون:نتشاوفو غدا ؟؟
نزهة:ممسالياش
ميمون:شنو عندك؟؟غدا لحد !!
نزهة:(بنفخة)عندي مانقضي
ميمون:ݣولي ليا أش غتقضي؟؟
نزهة:(شادة الضد)مبقاش عندك الحق تعرف أش غنقضي
ميمون:(تبسم)صدقتي واعرة الالة نزهة..راني غي ميمون ديالك
نزهة:ميمون لي يشركوني فيه الشيخات ماعندي ماندير بيه
ميمون:(ضحك)ههههههههخههه عليك علامن غناو مغيارة هههههههه
نزهة:(فقصها)فينما كانت شي شيخة عارفها وحافضها
ميمون:هههههه يهديك الله أ نزهة..واش حتى وصلت 41 سنة عاد تبداي تغيري عليا
نزهة:الى مغرتش عليك نغير على موحماد مول الحانوت
ميمون:هههههههه لا ولكن مجاتش..تغيري على واحد بحالي مزال أنا لا غرت عليك جات معايا عندي الزين وعندي الحلاوة أنا علاش جاتني..
نزهة:منعرف..نخليك غنمشي نݣلس مع مي
ميمون:جات مك؟
نزهة:مممم
ميمون:على سلامتها..نتشاوفو غدا أ نزهة؟؟
نزهة:مامسالياش كاينة مي
ميمون:تواضعي شوية غي خمسة دقايق وسيري
نزهة:حتى نشوووف
ميمون:صافي غدا نتلاقاو (بسرعة) تصبحي على خير الالاهم
قطع عليها وهي تشوف فالتيلفون مشوكية ونطقات:خضر!!!
****
يوم الأحد يوم الراحة عند العاملين فيه كيديرو كلشي كاين لي كتخصصو لراسها كاين لي كدوزو فتوجاد شنو غطيب فايام الأسبوع وكاين لي كولو تخمال وزيد وزيد..
وعلى غرارهم نزهة لي صابحة ناعسة مفاقت حتال العشرة على صوت خوها كيهضر مع مو على طبلة الفطور...ناضت حداهم كتفطر وكتسمع ليهم كيهضرو على موضوع مليكة..صبحات عليهم وجلسات كتفطر مكتعطيش رأيها بتاتا فالأمر حتى صونا تيليفونها و ناضت منساحبة من حداهم بهدوء لكن محمد رد ليها البال وتبعها بعينه..
دخلات لبيتها وشدات الخط:الو
ميمون:صباح الخير
نزهة:صباح الخير
ميمون:خرجي نشوفك
نزهة:ياله فقت
ميمون:فطري وخرجي ضروري
نزهة:واخا
ميمون:واحد ساعة ونصوني ليك
نزهة:نتلاقاو ف ******
ميمون:واخا..
قطعات معاه ورجعات حداهم لقات غي مها محمد خرج جمعات دغيا وخبرات مها بلي غتخرج وطبعا مكتعارضش حيت كبرات على المشاورة...لبسات كيف عادتها وتأنقات وشدات وجهها قاداتو مزيان ورشات ريحتها وخرجات بعدما شدات تيليفون مها دارت فيه كارطتها مغتنساش أنها كذبات بخصوص تيلفونها وتخاف تفرش قدامو..
ودعات مها وخرجات مخلية ريحتها مالية الدار..خدات طاكسي كبير وغادية بأقل من مهلها قاصدة أنها تجننو بتعطالها ناسية أنه ميمون مكيتعصبش من أي حاجة
صونا ليها مرارا وتكرارا ومجاوباتش تا وصلات عاد شدات الخط:الو
ميمون:دلمك جايا ضاربة الحطة
نزهة:(كدور بعينيها على المكان)فينك؟؟
ميمون:فالسما أختي ههههه أنا وراك
تلفتات وقشعات طونوبيلتو ومشات ديركت لعندو ومع كل خطوة كتقيس ليه قلبو ديركت..من نهارها كتعجبو وكتفشلو ..تبسم ليها فور ما طلعات ونطقات بفمها:السلام
ميمون:واخا نكون بايت معاك هههه(جرها تا باسها فحنكها)
نزهة:(معوجة فمها)شد فمك عندك
ميمون:(قرب ليها لاغي ليها المسافة وعينيه ففمها)خوديه معاك
رجعات لور حابسة الضحكة وقالت:الناس كتشووف
ميمون:ههههه(رجع لور)مزيانة؟؟
نزهة:الحمد لله الى خطانا كحل الراس
ضربها لراسها من لور معابز معاها وقال كيضحك:كتلوحي ليا الهضرة ياك ههههه أنا هو كحل الراس..
نزهة:واا رصى..شعري كولو خربقتيه
ميمون:(راشقة ليه كيزيد يشنتف ليها الشعر)ههههه نشوفوك مشعككة لمك ..جايا مقادة باغيا تطرطقي ليا الݣلب
نزهة:(كتبعد ليه فيديه)سير بعد مني أنا من نهاري زوينة وكنتقاد
ميمون:(شد ليها يديها بيد وحدة )رصاي لمك ههههه
نزهة:(جننها)واش جايبني تشبع فيا نتيف
ميمون:(طلق منها)قتلناك هاا ههههههه (حل لبواط أكون لي حداها وجبد كارطونة)هاكي(حطو ليها فحجرها)
نزهة:(شافت علبة تيليفون اخر مكاين)شنو هذا؟؟
ميمون:تيليفون
نزهة:عرفتو تليفون لاش حاطو ليا
ميمون:ياك هرستي ديالك؟؟هاكي تيليفون جديد
نزهة:(هزات حاجبها)باغي تحزرني بايليفون ونسا ليك بلان الشيخات
ميمون:(بجدية)لا التيليفون حق حيت هرستيه بسبابي..وبلان الشيخات(شداتو الضحكة)غا سرطيه ليا هاد المرة
نزهة:(كتعوج ففمها)وشكون ضمن ليا ماغتعاودش؟؟
ميمون:(حط يدو على صدرو)نحلف ليك بالله منبقا نوصلهم ولا نقصر معاهم
نزهة:(شافت قدامها وتنهدات)محملتش راسي أميمون..حسيت براسي بحالا ممقنعاكش ومعاجباكش..
ميمون:(شد يديها عندو باسها ليها من الوسط)والله حتى عاجباني وبزاف غي قلة العقل دارتها ليا..دوزيها ليا
نزهة:(كتشوف فاص ليها)مممم دابا نشووف
تبسم وجرها عندو باسها فحنكها بلطف وقال:ݣلتي ليا جات مك؟؟
تلفتات شافت فيه بملامح هادئة وقالت:اه
ميمون:(بجدية)نجي نشوفها ؟؟
نزهة:(باستغراب)شويا لباس!!باغي محمد يقتلني واقيلا!!!
سكت للحظات وشد يديها كيلعب فصباعها بحب وقال:بغيت نجيب مي
نزهة:(صدمها)هاااا
ميمون:مالكي؟؟(بتساءل)مابغيتيش تزوجي بيا؟؟
نزهة تشلل ليها اللسان آخر ماتوقعات أنه ميمون يبغي يتزوج بيها..أي نعم بغات تزوج لكن معمرها فكرات فمستقبل علاقتها مع ميمون أنه ممكن يكون زواج..عايشة علاقتها معاه بلحظتها مكتفكرش للمستقبل..سرطات ريقها وعينيها تضببو بلمعة فرحة ممبيناهاش:ميمون واش بغيتينا نتزوجو؟؟
ميمون:(فرنس)واش فيها..شوفي أنزهة عارفاني باغيك ونهار لول تعرفت عليك باش الى تفاهمنا نتزوجو ..ياك هادشي لي ݣلت ليك النهار لول؟؟(حركات راسها بالايجاب)اوا نتزوجوو مالنا
نزهة:واش عارف أش كتݣول؟؟راه الزواج هذاا
ميمون:عارفو الزواج راحنا كبار وعارفين أش كاين..41 سنة لي عندي وبغيت حتى أنا نتزوج ونتي لي تستاهلي نأمن ليك حيت طلعتي بنت الناس..وديال العشرة وأنا مباغيش غي مرا باغي لي نرتاح معاها ..لي نسند عليها وتسند عليا..بغيتك نتي حيت كتحني فيا وأنا هادشي لي خاصني..(باس يديها)ومن جيهتي غنهزك فوق راسي ومعمري نغدر بيك..
نزهة كلامو دخل ليها مع القلب ديركت..عارفاه من نهارو عفوي ومعندوش مع تزواق الهضرة لي فقلبو كينطقها..وعارفاه دابا كيهضر من نيتو وطلبو جا عن حسن نية..زيرات على يديه والتبوريشة طالعة معاها..حدها نطقات:متأكد؟؟
ميمون:واش أنا باقي صغير ولا عاد غنعرفك بغيت نتزوج بيك حيت دفات فيك خاطري وعارفك نتي لي تقبلي عليا
نزهة:(عينيها لمعو متأثرة)كتبغيني أ ميمون؟؟
ميمون:(ضحك كيحك فراسو بيد لي مشادتش يدها)واقلة هو هذا أنا اش غنعرف فهادشي هههه
ضحكات حتا هي وطارت عليه عنقاتو رامية راسها فحضنو من شدة الفرحة..مغتنكرش باغيا تزوج وحلمها عمرو يتبدل..باغيا تزوج وتدير وليدات حيت العمر كيفوت باغيا تلبس "خيط الريح" وتعيش حتى هي أنوثتها مع الراجل لي باغياه أو بالأحرى لي غادي على مقايسها..وميمون لو طلب منها الزواج فلول مكانتش توافق بتاتا لأنه مكانش كيعجبها لكن دابا فاش عرفاتو وتعرفات عليه مزيان وقراتو مغترددش بتاتا حيت درويش..
ميمون:(زير عليها حتى هو وقبلها فراسها)متقلقيش مني على بلان الشيخة..غبرتي عليا سيمانة خصاتني الدنيا كاملة(كرر قبلتو لجبهتها)حقك عليا ههه
نزهة:(شداتة من موسطاجو مزيرة)الى عاودتيها والله متبقا تشوف وجهي
ميمون:هههه(خمج ليها وجهها)والله لمك منتفرق عليك
نزهة:واراه عيقتي جيفتيني كاملي..شد يديك عندك
ميمون:هههههههه كيعجبني نجننك
نزهة:(هزات تيلي)شنو هذا هو ديال الحزارة
ميمون:(خشا يديه لجيب تجاكيط)لا هذااك حيت هرستيه بسبابي ها ديال الحزارة(مد ليها بواطة حمرة)
شداتها بتساؤل حلاتها وهي تلقاه براسلي غليض لليد ذهبي باينة من الطيارة دهب..ضحكات وقالت:وابزاااف عليا هادشي
ميمون:(شدو من عندها كيحلو)تستاهلي الالاهم(لبسو ليها تحت نظراتها الحنونة ولي قربات تنقز تبوسو)جا فيديك زوين(تحنا باس مرفقها)بالصحة
فرحتها فهاد اللحظة متعطيها لحد..الزواج والبراصلي من لفوق..عنقاتو مزيرة عليه وقالت:شكراااا(باعجاب)حمقنييييي بزااف(كتحرك فيديها)
ميمون:بصحتك ههه
نزهة:صافي نبقى نغضب ديما هههه
ميمون:ولااا تاني داخلين على المعقول مبغيناش الغضيب(بهدوء)هضري مع مك ورصي معايا النهار فاش نجي
نزهة:صافي واخا ههههه أنا نهضر معاها ونعلم عبد الجليل
ميمون:إن شاء الله..نمشيو نتغداو
نزهة:منقدرش أكبيدة ..مي خليتها بوحدها جات حشوومة
ميمون:واخا ماشي مشكل نوصلك للدار
نزهة:واخا
وبالفعل وصلها للدار وطول الطريق وهو كيضحك معاها ويبوس فيديها ويكركرو كي موالفين حتى وصلها وحطها بعيد..طبعات قبلة على حنكو ونطقات بدلع:لهلا يخطيك عليا احبيبي
ميمون:آمين هههه شعلي تيليفونك ونهضرو..
حركات راسها بالإيجاب ونزلات مخلياه متبع ليها العين حتى غبرات...اما هي راه قربات تدير بيديها شكل الجناوح وتبدا تطير بالفرحة مبطا عليها هي إيمتاا تدخل للدار تفرح مها ..مع دخلات فالتة ليها الضحكة وحلم الزواج كيراودها من جديد كي سدات الباب مع تلفتات مع جاتها تصرفيقة للحنك لاحتها فالأرض مصدومة...
يد صفعاتها لحنكها حتى طاحت فالأرض لاغية ابتسامتها مجاتش فين تستوعب حتى شداتها يدو من شعرها وصرخ فوجهها بملامح غاضبة وكشاكشو خارجبن:تبارك الله على الخانزة ديالنا
نزهة:(مضهشرة )محمد
محمد:(زير عليها وكيغوت)محمد يالق**** جالسة كتخوري فيه...محشمتييش الكلبة هااا(كيدي ويجيب فيها من شعرها)حتى شرفتي عاد باغيا تقحبني ياك
نزهة:(توكدات وكتجار معاه باغية توقف)طلق مني...طلق منيي
محمد:(وقفها ناتفها ويديه كتصرفق فيها)يااك الق**** ...وليتي تبواسي فالطونوببلات
نزهة:(عصبها وبدات كتجار معاه وكتغوت)طلق منيي الحيو**** اااان متحطش عليا يديك الكلب اععععععععع(جبدات ليه وجهو)
طارت عليه بعضة ليديه باش شاد شعرها حتى طلق منها وضارت بغات تهرب تحل الباب ساعا شدها عاود معصب وفمو كيطلق غي السم تالهضرا أما هي كتغوت لربي لي خلقها وتجار معاه..هو كيضرب فيها وهي قوتها غي فالغوات والقميش وجهو كامل زوقاتو ليه...نزلات مهم لي كانت متكية حتى قفزات على غوات نزهة ومحمد..نزلات كتعرج والجهد فيها جهدين خاصة فاش شافتو حاني ليها راسها لتحت وكيضرب فيها وهي كتغوت...
الأم:(كتجر فمحمد واخا قوتها ضئيلة)أ طلق من ختك...أويلي مالكم
محمد:(كيغوت)حيدي نربي الخااااانزة
نزهة:(كتبكي وتجار باغا تسلخو)طلق الله يعطيك شي مصيبة الكلب
حفيضة:(فكاتو منها وجات وسطهم كتنهج)أ مالكم؟؟مالك كضرب ختك؟؟
محمد:(كيترعد)هاد القح**** ديال بنتك ݣلسات حتى شرفات وبغات تدير الضحك فراسها وفينا(فمو كيكشش)
نزهة:(محمية بمها الشعر واقف و حنكها حمر وعيونها عامرين بالدموع)وااابعد منييي عطيني التيسااااع..سير فحالك وخرج سوقي الكلب ماشيي شغلك(كتهضر بالغوات)بعد منيي وديها فراسك
محمد:(بغا يطير عليها وحبساتو حفيضة)حتا تكوني ديال راسك ا الكلبة الخاااانزة...بنتك أمييي لقيتها كتبوووس فواحد الز*** فالطونوبييييل..
حفيضة:(شهقات)هييييه سكت سكت شهاد الهضرة؟؟أعوذ بالله من الشيطان الرجيم..سكتتتتت
نزهة:(بصوت عالي)وا ديهااا فراسك سير قابل غي راسك وطلق رااااسك متجيش تحكم فيا سمعتيييي...أنا بزااااف عليك وراااجل علييييك ..
محمد:(طار شدها من شعرها كيسلخ فيها)أنا نوريك الق**** الرجاااال...على خر يامي تحطي ليا وجههي فالترااااب غنعاود لدلمك التربية
حفيضة:(كتغوت)واعتقوووو الروح أعباد الله(كتفاكهم جاوها مجهدبن كلها منين كيجر)وااااعباااد الله
نزهة:(لي فيها ماهناها)واااسيييير عاود لراسك كتسمعها...بعد مني ندير لي بغييييت...وتطياح الباطل الله يجعلو يخرج فيك وفصحتك أولد الحرام(تنترات منو وخلات شعرها فيديه)كون راااجل وسير شوف حياااتك وقيلني عليك فاش زايدني؟؟؟خويا غي بالفم عمرك ماجيتي سولتيني أش خاصني ولا خسرتي عليا درهم وجاي دابا تحاااسب معايا
محمد:(مغدد وكيتحلف عليها)كتهضري دابا ياااك؟؟وليتي حاشية مضورة بيك الز***
نزهة:راااااجل علييييك وحسن منك ولقيت فيه لي مالقيتوش فيك نتا لي خويا...لي با كيموت ويوصيك على خوتك ...ونتا يا عيفة الرجال أش درتي؟؟مشيتي تزوجتي ونسيتينا..مافيكش الخير حتى مك ماعمرك كسيتيها ولا سولتي فيها كي الناس...وها ذنوبها كيخرجو فييييك الكلب(غوتات بأحر جهدها)راك كتخلص فحيااااتك
محمد:(كيتحلف عليها ممسوقش لهضرتها)الى مك مرباتكش أنا لي غنربييك من جديد وهذاااك الحي-\-\ وااان غنصفيها ليييييه
نزهة:بزاااف عليك كتسمع...راجل عليك وهو لي غا ندي(كتغدد فيه)وغنتزوج بيه
محمد:والله ميكون ليك..مغتزوجيش برعواني والله لاديتيه والى عرفتك خرجتي من هاد الباب رجليك نقطعهم ليك
نزهة:غنخرج وغنتزوج بيه ونتا سير عوم بحرك وهاد الدار متبقاش ترجع ليها ولاا انا لي غنخرج ليك منها ونخويها يالكلب..والى نتا مخديتيش بنت فاطيمة مغنديرش نفس غلطتك...
حفيضة:(دارت صلاتها لفمها باش تسكت)سكتتتيييي سكتييي أبنت الحراااام..
محمد:(كيترعد عليها ونطق بملامح غاضبة)حتى تكوني نتي شريفة بحالها...بنت فاطيمة متوصليهاش حتا فتراب رجلييييها(شاف فمو مخنزر) ها تربيتك وفعايلك فين وصلاناا..ولايني أنا نربيها(شير بصبعو للباب)نهار تعتبي داك الباب غتكون هضرة خراا
نزهة:(جعرها)واسير عاود راسك...غنخرج حيت مكتصرفش عليا ومكتعطينيش الريال ..وإلى سميتك راجل حبسني..
حل لباب وخرج كيسب فيها ويغرق ليها وحتى هي تابعاه بالدعاوي ومها كتطلع فيها وتسكتها وهي عاد مزايدة فيه..كترعد وغددها ..
شخصية محمد ونزهة هوما علامن كتنطابق الشخصية المتناقضة..لي يمكن نعرفوها أنها كتقول حاجة وكدير حاجة خرا..كيمشيو ب مبدأ الفقيه "ديرو شنو كنݣوليكم ماشي شنو كندير"
محمد بشخصيتو المتناقضة هو لي كيقول مديريش متفعليش ولكن ميعطيك مايرحمك مايخلي رحمة ربي تنزل..ونزهة هي الأخرى متناقضة مع ذاتها..تفرقات مع عمر لأنه مكيأمنش وتخبات تحت مبدأ الدين ناسية أنه الفرق بيناتهم فقط الإيمان..
واحد م. ل. ح. د كيكمي كيشرب كيزني وهي مكتشربش لكن مصاحبة وكتزني هي الاخرى بنفس درجتو مهم كتسمى حرام..
نسات راسها وطبعات عليها شخصيتها ودخلات تحت دوامة التناقض..تنتاقد عمر حيت مكيأمنش وفعايلها ديالو حيت لا جينا نحللو تصرفاتها راهم حرام..كتقارب هي وميمون يعني راه زنى وزيد وزيد..
خلاها كتغلي وتدعي فيه وحنكها مصورة فيه يدو ومها كتغوت عليها:أش درتي ليه؟؟أش وصلكم للضرب؟؟
نزهة:(طاحو دموعها)الله يعطيه دقة هءهءهء ضربني الله يعطيه ضربة..
حفيضة:(جلسات فاقرب كرسي)أش وقع؟؟أش درتي ليه؟؟
نزهة:(ناضت كتشوف فالمراية حنكها)ولد الحرام هءهءهءه الله يعطيه دقة مطيح عليا الباطل
حفيضة:(بشك)هضري أش واقع؟؟شكون هذااك مع من شافك؟؟
نزهة:(جات تلاحت كتبكي عليها)هءهءهء ديما محرم عليا فرحتي الله ياخد فيه الحق كنت جاية فرحانة نݣوليك.. غنتزوج وغيجي يخطبني ميمون وجا كيضرب فيا
حفيضة:(عنقاتها بحنان)وابنيتي راه شافك معاه!!
نزهة:ماكنت كندير والو حدو جاب ليا تيليفون(كتوريها من صاكها)هءهء وجاب ليا هاد لبراصلي تذهب أمي هءهء هانتي شوفي(كتوريها كي الدري الصغير)وݣاليا نهضر معاك باش يجي يخطبني
حفيضة:(تنهدات بتعب)أنا عيييت معاكم ..هديتوني حتى كنݣول تݣاديتو وترجعو تضاربووو ..واش أنا فخر يامي يتجمعو عليا النااس
نزهة:(كتمسكن وتبكي)وأنا أش درت ليه؟ديما حاݣرني
حفيضة:نوضي نوضي خليه يبرد ونهضر معاه
نزهة:(ناضت كتجمع شنو جبدات ودموعها دايزين)هءهءهء الله يعطيه فاش يتلاها..
دخلات لبيتها كتبكي وتقول مابكيت..كون جا هضر معاها يمكن متكذبش وتقلب القفة عليه منهارها هي ومحمد ممݣادينش..كانت كضارب مع مليكة بزااف وكيجي يفاكهم ومليكة تكذب ويتيقها وتنوض هي تاكل العصا من عندو حتى ولات يجيوها مضارباتها معاه عاديين يديه بيديها واخا فارق السن الكبير بيناتهم..بدلات عليها كتسب فيه وتعاود وركبات تيليفونها الجديد شعلاتو وجلسات كتفلي فيه عاجبها طالعة معاها فرحة الزواج والكادوات
*****
عند ميمون لي ناشط وقلبو هاني حيت أخيرا نزهة لي دفات فيها خاطرو غتولي ديالو وقبلات تزوج بيه..من وسط دارو جالس كيشرب فأتاي معمرو راسو دوز الخط لخالو ..حمحم وقاد نبرة هضرتو وقاال:ألو الخال..
عبد الرحمان:أولدي..كيداير لباس عليك؟؟
ميمون:الحمدلله ونتا مزيان؟
عبد الرحمان:نحمدو الله ونشكروه..أش كاين؟؟
ميمون:(ضحك)هههههه كتعيق بيا
عبد الرحمان:مكتصونيش ليا غي هاكاك
ميمون:لي سمعك يݣول راه مكنسولش فيه
عبد الرحمان: (ضحك بصوت غليض)ههه حاشا أولدي..كتسول الله يرضي عليك..
ميمون:حممم بغيتك فواحد الغرض ونتا لي غتنفعني
عبد الرحمان:ايييه ݣول نسمع
ميمون:(كيجمع شجاعتو)بغيتك تهضر ليا مع مي..ناوي نتزوج
عبد الرحمان:(تبسم)على سلامتك أولدي..هادي خبار زينة
ميمون:(حشم)ههه اوا عاد كتاب.أشنو تهضر معاها؟؟
عبد الرحمان:ومالك أولدي متهضر معاها نتا نيت
ميمون:واراك عارفني غنحشم..اللهم ݣولها ليها نتا باش نشوفو إمتا نمشيو عند الناس..
عبد الرحمان:إن شاء الله أنا اليوم بالليل نݣولها ليها ويكون خير إن شاء الله..منين هي العروسة؟؟
ميمون:كازاوية
عبد الرحمان:بلي فيه الخير أولدي الله يتمم ليك كلشي بالخير
ميمون:آمين ياربي الله يعاون
قطع معاه وشد كاسو كيشرب منو ودوز نمرتها هي لقاه كيصوني وبعد رنات جاوبات بصوتها لي كيفشلو مكيعرفها كديرها بصح ولا هي هاكاك صوتها مقحبن:الو
ميمون:لالاهم..مزيانة؟؟
نزهة:(بصوت دلوع)لا
ميمون:وعلاش؟؟اش قلقك ليا
نزهة:ضربني محمد
قفز من بلاصتو وحط الكاس وعينيه تعقدو بانزعاج فوري ونطق متسائل:كيفاش ضربك؟؟
نزهة:(تضببو عينيها لقات علامن تجيب فشوشها)شافني معاك واقلة فالطونوبيل كي دخلت صرفقني وشبع فيا عصا ماخلة فيا غي لي نسا
ميمون:(تعصب)واش هذا من نيتو؟؟باشمن موجب شرع كيضرب فيك؟؟
نزهة:صرفقني وخلى فيا لاطراس ولد الحرام وݣلس كيتحلف عليا
ميمون:مك مهضراتش؟؟واش هاد الحمار يديه سابقينو
نزهة:غفلني ولد الحرام(طاحو دموعها)ولكن عطيتو حتى أنا وجهو كامل حطيتو ليه بضفاري
ميمون:(رفع صوتو)واخا معرفتش أش يوقع ميحطش عليك يدو بل*** ق** واد لاخر..لقاك حيط قصير
نزهة:منسمحش ليه حيت ديما حاݣرني هءهءه(كتسمح دموعها)
ميمون:(عزات عليه وتعصب فنفس الوقت)صافي مسحي دموعك..مسحيها فيا أنا
نزهة:(كتبكي بصوت مسموع)كنحس براسي محݣورة هءهء ديما منهار عقلت وهو حاݣرني
ميمون:(زفر بعصبية)عطيني نمرتو
نزهة:أش بغيتيها؟؟باش يجي يكمل عليا
ميمون:لا عطيها ليا أنا نهضر معاه ونشرح ليه أش كاين فالقضية
نزهة:منصحكش أميمون خويا عصبي مغيسمعش منك..تنوضو مطايفين هو يدو سابقاه..
ميمون:يدو سابقاه على العيالات أما عليا منظنش..عطيني فين خدام نمشي نهضر معاه مبرد ونعلمو بلي نيتي صافية
نزهة:والى تخاصمتو؟؟راه كيحلف ويعاود مناخدك
ميمون:غيكون غي معصب وصافي..غدا ندوز عندو نهضر معاه ويكون خير..ݣولي ليا فين خدام؟
نزهة:ف ******
ميمون:عرفتها صافي نمشي عندو ونهضر معاه
نزهة:ميمون عفاك الى بان ليك معصب متشادش معاه خليه يضبر راسو
ميمون:يكون خير..مسحي دموعك ونساي أش وقع..غيكون غي معصب وداز فيك
نزهة:خويا عصبي ومكيعقلش ديما أنا وياه هاكا شد ليا نقطع ليك معرفتو شكون شابه
ميمون:(بانزعاج)يكون كيفما بغا يكون ميضربش ختو...عشت حياتي كاملة عمري قست شي وحدة فيهم
نزهة:الله يهدييه
ميمون:آمين..هضرت مع خالي
نزهة:ومك؟
ميمون:خالي غيهضر مع مي باش نشوفو النهار لي نجيو فيه عندكم
نزهة:(زلقات ليها بتسامة)مرحبا بيكم
ميمون:خصنا نتلاقاو ضروري نهضرو فشي حوايج
نزهة:ميمكنش دابا محمد تلقاه داير عليا العسة نخاف يوقع شي مشكل ويتعكس كلشي
ميمون:الى سميتو راجل يهضر..ندوز عليك للخدمة فوقت الغدا ونهضرو ونذاكرو
نزهة:فاش غنهضرو؟؟
ميمون:فشي حوايح راه داخلين على الزواج ههه
نزهة:(كتمسح عينيها)واخا غدا نتلاقاو..نمشي ندوش دابا
ميمون:علاش مامشيتيش للحمام؟؟
نزهة:ههه لا..غندوش وصافي
ميمون:واخا بصحتك..سيري ريحي راسك
نزهة:بسلامة أكبيدة(عطاتو بوسة)مااااح
ميمون:اححح لمك حتى ننلاقاو نعطيها ليك فقاع فمك
نزهة:ههههه الله يمسخك
قطعات معاه ومشات حطات تيلي يتشارجا وخرجات تهضر مع مها لي جالسة فبيت التلفازة كتسبح وعينيها مكمشين فالتلفازة
حفيضة:(عينيها مشاو لحنكها)دار ليك دقة ديال البنايا
نزهة:(منزاعجة)الله يعطيه الهرس
حفيضة:حتى نتي كطيري..واش ابنتي حتال هاد العمر عاد بان ليك تخرجي مع الرجال
نزهة:خرجت ماشي درت شي حاجة خايبة ..وزايدون السيد بغا يشوفني باش يݣوليا غنجي لداركم
حفيضة:وهاد السيد كنعرفوه؟؟
نزهة:تعقلي على مول الجملة لي كان كيضور بيا فاش كنت كنتقدا من عندو
حغيضة:داك لي ݣلتي باسل
نزهة:(بنفي)الله يعمر ليه الدار أمي..ضريف وولد الناس وكيدير ليا كي الما القليل
حفيضة:(دارت يد على يد)وكي طرا حتا ولى يعجبك ياك ماعجبكش
نزهة:(بابتسامة حب)قلبوو زوين وكيبغي ليا الخير وديما واقف معايا ورتاحيت معاه أمي بزاف
حفيضة:مسلم بعدا؟؟
ضحكات نزهة وقالت:مسلم شفتو كيصلي وكيذكر الله هههه وبخدمتو ودارو فواحد الحي واعر
حفيضة: و نتي فين شفتيها؟؟
نزهة:هاا ماشفتهاش أمي غي ݣاليا فين وعارفا تما كيسكنو فيه غي الناس لي شكون وشكون
حفيضة:الزواج أبنيتي مكيبغيش المال كيبغي المعقول والراحة والى كاين علامن تسندي أماا المال راه حدو الدنيا
نزهة:(تكات على كتفها)عارفا أمي ..ميمون فشكل والله دغيا كيدخل للخاطر ولي فقلبو على طرف لسانو..مصواب وكيهضر معايا زوين وديما مهلي فيا...ومحتارمني
حفيضة:منين هو؟؟
نزهة:أصلو مصري مو لي مغربية..باه ميت ومو فالقلعة وعندو ربعة تخوتو دراري وستة بنات
حفيضة:(ضربات فخضها)أويلي ستة تالويساات يا بنيتي ا ناري
نزهة:(ضحكات)ههههههخخخخخخ جوج فالمغرب وربعة فمصر أمي ومغنسكنش معاهم خواتاتو واقلة كلشي مزوج
حفيضة:والعدوزة؟؟
نزهة:عايشة فالقلعة أمي
حفيضة:اوا أش نݣوليك..نهضرو مع خوك يحني الراس شويا ويمشي يسول عليه
نزهة:دعي معايا أمي ندير وليداتي مع ميمون
حفيضة:(ضحكات)هههههه الله يمسخك درتيه فكرشك..
نوع تنزهة واضح..هي الصغيرة اخر مابزلات حفيضة وسط خوتها كبار..محمد راه عاقل عليها حتى تزادت وسعيدة راه كبراتها ياله جليل لي مفاوتة معاه بشوية لكنها بقات هي الصغيرة لي ملحقات فباها والو ..مفششاها مها لي هضر معاها لا خليوها تقرا خليوها تخدم خليوها تلبس..واخا كبرات بقات هي الصغيرة ..ولقات ميمون جابت عليه فشوشها وكتشكي عليه بحالا محمد ظالمها..
فقلعة السراغنة مجموعة الزاهية و ولادها و عيالاتهم مع ولادهم وخوها ومراتو على كاس تاتاي مشحر بحقو وطريقو فالصالون الكبير بعد العشاء لي غلقو فيه..لقمات الزاهية أتاي وكتفرق فالكيسان مشاركة الحديث مع خوها
حتى نطق :الزاهية عندي ليك شي هضرة على ميمون
الزاهية:(كتسمع ميمون قلبها كيترعد باقي فيها نفس الخلعة ديال نهار خداوه ليها)مالو ولدي؟؟
عبد الرحمان:كل خير
منعم:مالكي صفاريتي أمي هههه غا بشوية
عبد الرحمان:كل خير الالة...عيط ليا الصباح (بابتسامة)ݣاليا هضر ليا مع مي ناوي يكمل دينو إن شاء الله. .
لحظة صمت كلشي وصلاتو الهضرة وكلها كي شدها فعقلو..عتالات تفرنيسة من القلب فوجه الزاهية ونطقات بفرحة:ولدي!!! ولدي غيتزوج!؟(دارت يديها على صدرها)بالفرحات عليا بالفرحات عليا يتزوج ليا وليدي
فتيحة:أيهاي على المصري صافي نوا
عبد الهادي:شكون غياخد؟؟شي مصرية؟؟
الزاهية:(قندشات)الخلا والجلا سكت فمك لاحسو كلب..(تبسمات من جديد فوجه خوها)ݣوليا أخويا منين هي؟؟ولا بغاني نقلب ليه
عبد الرحمان:لا لقاها..من الدار البيضاء
منعم:(هز حاجبو)كازاوية زعما؟؟كيف دار ليها
براهيم:اتلقاها غي من نواحي كازا وصافي..وشنو ݣاليك اخر؟؟
عبد الرحمان:ݣاليا من الدار البيضا..وبغا يمشي يخطب (تبسم) تمشي تخطبي ليه..
الزاهية:(غطير بالفرحة)ونمشي مع وليدي حبيبي نخطب ليه..نمشي بالكبرانية نخطب لولدي ونزوجو لالة تالعيالات
فتيحة: صافي هي نوضو نوجدو للعرس
خديجة:(زوجة الخال)إن شاء الله..نمشيو بعدا نهضرو ونشوفو البنت ونزݣيو الكلام وديك ساعة نشوفو العرس
عبد الصادق:صدق ماساهلش غي داك النهار كان هنا مݣالينا والو
فتيحة:وفين عمرو كيݣول..
براهيم:تلقاه شي بياع وشراي صاحبو وراه بنتو وبغا يتوكل وصافي
الزاهية:(جبدات تيليفونها مداتو لعروستها)شدي شدي ليا نمرة ولدي نهضر معاه نسولو ونعرف أش كاين..غدا نمشيو ..
ضحكو كاملين عليها ونطق منعم مقلدها:المرضي ديالي غيتزوج وهادي هي الدنيا
الزاهية:(ناشطة)اييييه ولدي(بافتخار)الحنين ديالي غيتزوج والمرضية لي غتاخدو..زين والصواب والرزق والآداب
خديجة:والصراحة سعداتها راه سعدها زين نيت لي غتاخد ميمون
براهيم:(معاجبو حال)هي حنا دابا عيالاتنا مخداو والو
الزاهية:(بدات تفايش على عريساتها) أنا عطيتهم الجوهر ديال الشرفة..أنا زوجتهم غي الشريف على خوه....(شافت فيهم)الزين والوݣفة والخدمة والصواب و الدين(بافتخار)راني والدة وعارفة أش والدة الله يرضي عليكم
عبد الصادق:هههههه الواليدة و ولادها ههههههه
فتيحة:الزاهية غا نتي و الجران فالواد لي والدين ..كبرتي الشان لهاد ولادك حتى ولاو شانكين
صالح:ومالك ؟؟منستاهلوش؟؟
فتيحة:شلا ههههههههه
الزاهية:واتي شدي ليا النمرة خلاص..
دوزات ليها نمرة ميمون و التبسيمة غا مشتتة ففمها..كي تشد الخط وهي تنطق تحت أنظار ولادها:أولدي
ميمون:مي لباس؟؟
الزاهية:ناشطة أ ولدي وفرحانة..على سلامتك أ ولدي ملي بغيتي تدير دارك و ولادك
ميمون:غا رضاي عليا أمّي هذاك هو المضمون
الزاهية:راضية عليك دنيا وآخرة أوليدي..الله يكمل عليك بالخير...ݣوليا منين هي؟؟واشنو سميتها؟
ميمون:(حشم)نزهة أمّي
الزاهية:(ضحكات)ههههههه نزهة الشيطان هههههههه نزهة ااااااااه(كتفكرو فبلان ربيع)
ميمون:(ضحك)عععههههههه اوا الرزق أمي..أشنو تمشي معايا؟؟
الزاهية:والى مامشيتش معاك معامن نمشي؟؟الله يرضي عليك نمشي معاك بالكبرانية من غدا نجي
ميمون:الله يطول لينا عمرك أمي..غي نكون واجد نجي نجيبك نتي و الدراري وخالي
الزاهية: إن شاء الله أوليدي الله يكمل عليك بالخير
ميمون: آمين أمّي..سلمي على خوتي
الزاهية:مرحبا بسلامك أولدي..تصبح على خير
ميمون:تباتي فراحة الله أمي.
قطعات معاه مفرنسة وقالت:سميتها نزهة هههههه
فتيحة:(ضحكات)ديال داك النهار ياك أمي ههههههه المسخوووط
صالح:منين هي؟؟
فتيحة:البنت خدامة مع ربيع واقلة..كيعرفها
الزاهية:(كتغمز فيها)حشمي الله يقل حيااك..غايكون غي كيعرفها
عبد الرحمان:(حمحم)حننن اوا بلي فيه الخير تصبحو على خير
خديجة:الله يمسيكم على خير..
خرجو مخلينهم كيهضرو وموضوع الساعة "زواج ميمون"
خوتو همهم يعرفو شكون هادي ومنين هي ..وكي غتكون هادي لي غتاخد ميمون وكثرة الأسئلة ..
عبد الصادق:وا يعني كيعرفها وبنت المدينة..مساهلش هاد ميمون يديها بالوظيفة..
الزاهية:وا ولدي مسرار يجيبها حسن كاااع
حفصة:واش غتبقا خدامة مور الزواج؟؟
الزاهية:(حركات صبعها بنفي)موحالش ميمون بلدي..مايبغيش
فتيحة:غا صبري عليه جابها كازاوية غاتشطحو..
الزاهية:مايجيبش غي المصرية كلشي نقبلو
منعم:ههههههه نوضو تنعسو نوضو
مساو على بعضهم وكلها دخل لبيتو والخوت كلها كيشاور مع مراتو ويهضرو ولحد الساعة ميمون هو الموضوع..
فبيت براهيم لي بدل عليه وتخشا ففراشو كيلعب فتيليفونو جات حتى مراتو تخشات حداه ببيجامة بيتية معطعطة بريحة الطياب والشعر مجموع فالشال وقالت:تا خوك نوى صافي
براهيم:مممم اوا راك شتي خالي أش ݣال .
حفصة:وجابها بنت الدار البيضا...ما نتسالووش اا..
براهيم:غتكون غي شي بنت حد السوالم ولا الخيايطة ..ميمون ياخدها مدينية؟؟مايمكنش..
حفصة:وعلاش؟؟ تبارك الله بخيرو وبرزقو ألف وحدة تمناه
براهيم:(مركز فالتيليفون)ولايني راه مقاريش مكيعرفش يهضر مع العيالات كي غيدير ليها..
حفصة:اوا الله وأعلم حنا لي علينا نمشيو نخطبو
براهيم:فين غتمشي؟؟غنمشيو معاه حتال العرس وديك ساعة هضرة خرا
حفصة:كنقنط هنا ..شد شي يامات ونسافرو..
براهيم:(طفا التيليفون وحطو حدا راسو)طفي داك ضو خليني ننعس..مخص والديا غي السفر..
حفصة:(ساطت)بااااازززز
طفات ضو وتخشات حتى هي ناعسة عاطياه بالظهر..
******
قالو ناس زمان يصبح ويفتح ومقالوها حتى عرفو بلي ربي كيغير حال الناس وأحوالهم ..
نزهة كي عادتها لبسات وتقادات وخرجات لخدمتها ضاربة هضرة محمد وتهديدو فعرض الحائط مغطية حنكها لي زراق ليها بفوندوتان وطالقة الشعر تدرق بيه حيت يديه قاسحة ولحمها دغيا هز الدقة...
أمّا ميمون راه فاق موراها بشي ساعتين صونا ليها أكيد باش يطمن عليها ويضحك معاها كيف مولفها وبعدها شد الطريق عند محمد لمقر عملو ولي هو محل ديال النجارة فيه المتعلمية..وقف طونوبيلتو ونزل بلباس زوين وريحتو كتشم من بعيد..تشجع حيت هو براسو كيحشم فهاد المواقف..دخل للأتولي كيشوف الدراري خدامين سول واحد فيهم:السلام وعليكم..المعلم ديالك فيناهو؟؟
...:راه لهيه(نعت ليه). .
تمشى جيهتو كان عاطيه بالظهر محني على واحد الخشبة كيحك فيها بطابلية ديالو..حمحم ونطق:السلام وعليكم..
تلفت محمد لعندو ياله بغا يرد السلام وهو يشوفو و كيفاش ميعقلش عليه؟؟ هو حقق فيه داك النهار ..عقد ملامحو ولاح شنو فيديه ببرود وقال:أش كاين؟؟
ميمون:(مكمش عينيه)نقدرو نهضرو؟؟
محمد:(بصوت بارد)الباب لي دخلك يخرجك حسن ليك..
ميمون:(بهدوء)سي محمد مكاين لاش تعصب عليا..خلينا نهضرو بحال الرجال ..
محمد:(بجدية)ماعندي ما نݣول معاك(هز صبعو بتهديد)وختي غتفرقها عليك ولا ماغيعجبك حال!!!
ميمون:(لاحها بسرعة)بغيتها للزواج..داكشي فاش جيت نهضر معاك..أنا ماشي ولد الحرام أنا نيتي صافية وباغي نزهة للمعقول..بغيت نتزوج بيها وجيت نهضر معاك نتا لول
محمد:(غاضب لكن ملامحو جامدة)شوف نݣوليك العيب درتيه..والى كيحسابك غتجي تضحك علي بهضرتك راك غالط ودابا الباب لي دخلك يخرجك ..
ميمون:دابا لي بغا المعقول راه كيدوخ فالهضرة..سمعني أسي محمد ماشي برهوش لي كيهضر معاك فعمري 41 عام ديت وجبت فالدنيا ونهار شفت ختك بغيتها وجيت عندك بالآداب نهضر معاك
محمد:و أنا ماعنديش ختي لي نعطيك...
ميمون:مالك فقصوحية الراس؟؟ واش حيت شفتيني معاها؟؟مابيني وبينها والو خدامة معايا أنا لي كنعطيها السلعة باش تخدم للناس حلاويهم و وصلتها داك النهار وصافي..
سكت محمد للحظة ونطق :منين أصلك؟؟
ميمون:مصري وكابر فالقلعة..
محمد:باين عربونك..مخلط فيك الدم..سير فحالك من هنا
ميمون:خلينا نهضرو ياله نريحو فشي قهوة ونتذاكرو كلشي كيتحل بالعقل
محمد:ماعندي فاش نهضر معاك..منرضاش نعطي ختي لعروبي بحالك..
لحظة صمت مع عيون قوية كتشوف فيه..هضرتو قاست ميمون فبلايص بعاد..ماظنش يسمع هاد الهضرة.."عروبي"
كيفاش عروبي؟
من إيمتا ولا الفرق بين عروبي وشلح؟؟
حس ميمون فهاد اللحظة بالخݣرة .. حدو خزر فيه وقال:كان كيحسابني راجل بعقلك ساعا ماديالش الهضرة.. شتي هاد العروبي(شير لراسو)هو لي غياخد نزهة..
محمد:ماحدي عايش غي نساها..وديك لي مصيفطاك لعندي باقي حسابي معاها طويل..
ميمون:(هز عليه صبعو بتهديد)إلى قربتي ليها كنقسم ليك بفمي بالله حتا نريب عليك هاد المحل..وسير سول على ولد المصري فكازا غا يعطيوك خباري!
زاد مقال والو باقي مخليه متبع ليه العين بحقد وغضب ماحملوش مبغاش يتسرط ليه..وحتى ميمون معجبوش ومدخلش ليه لخاطرو..دخل متفائل وخرج معصب ومخنزر محملش هضرتو ..أعدى ماعندو هو لي يحݣرو حيت عاش نصف حياتو محݣور..حاݣراه الدنيا والوالدين ..ويجي واحد يݣوليه عروبي راه تطلع ليه القردة للراس..
ركب فطونوبيلتو معصب ومقندش..مزير على الفولون محاملش راسو..كان منتاظر يهضرو ويقنعو لكن السيد عقلو مسدود..مشا لدارو صايب ليه شيشة برد بيها دمو وزاد تشبث بنزهة كثر وكثر..ماقدرش يصوني ليها حتى يبرد فحين محمد متعطلش باش يدوز نمرة نزهة بعصبية..
مدازش بزاف جاوباتو بنفخة :شكاين؟؟
محمد:شوفي أ ديك البرهوشة نهار تصيفطي ليا شي قو^**اد لمحالي غننحر دلمك ونتهنا منك...باشمن موجب شرع تصيفطيه ليا لهنا؟؟فرحاانة بيه عروبي ديال الخلا.. الطونوبيل الصحيحة ماعندووش
نزهة:(قندشات)طليتيه يا ولد الحرام؟؟
محمد:وغنزيد نطلي دلمك إلى باقي صيفطتي ليا شي حد..حسابي معاك هو لخر حتى نرجع
نزهة:(بعصبية)سير الله ياخد فيك الحق أولد الحرام..ݣلت ندير بحسابك ساعا نتا مديالش الخاوة..متبقاش تجي تعرفني عوم بحرك وعيش حياتك ومتبقاش تعرف نزهة وهذاااك والله حتى غناخدو وضد فيك غناخدو
محمد:والله متاخدييييه ..
قطعات عليه كترعد عرفاتهم غيكونو ضاربو ولا شي حاجة ..دوزات أبيل لميمون مرارا وتكرارا ومكيجاوبش حتى تعصبات وبدا الزايد كيدخل معاها..وكتساءل:
يكون تخلى عليا؟؟
زعما يكونو ضاربو وتخلى عليا؟
طلع معاها العصب مخدمات ماشافتو بقات ملاهية وكرشها مزيرة عليها وعقلها مرفوع..مع وصلات وقت البوز شدات راسها حارقها وهو يصوني تيليفونها تا قفزات لقات اسمو..شدات الخط بزربة بصوت متعب:ألو
ميمون:(بصوت هادئ)لالهم
تزهة:(رتاح خاطرها بكلمتو)فين غبرتي عليا؟؟كنصوني ليك ومكتجاوبنيش
ميمون:كنت مبرزط مع شي حوايج فالمشروع الجديد..ݣلت نسالي و نصوني ليك بخاطري
نزهة:(تنهدات)شنو وقع مع محمد؟
ميمون:أنا لتحت نزلي
نزهة:خفت يكون محمد تابعني
ميمون:الى سميتو راجل يهضر
نزهة:خايفة
ميمون:نزلي أ نزهة..مكاين حد هنا(زفر)
نزهة:واخا
هزات صاكها وخرجات ممرتاحاش نهائيا..لقاتو قدام خدمتها طلعات ديركت ياله بغات تهضر كان جرها مبعد الشعر على وجهها ..هو حافضها كتدير شعرها من جهة ورا وذنيها واليوم طالقاه ..
عقد حجبانو وهضر بغضب:ولد الحرام...الرعواني كيضرب فالعيالات
نزهة:حتى أنا مخليتش ليه..
تقدم باسها فحنكها وداعب لاخر بيديه وقال:مسحيها فيا
نزهة:(شافت فيه بحب)نتا متقدرش تضربني
ميمون:(بشبح إبتسامة حيت ماشي على برجو)لهلا يجعلني نعيش لاكنت انتكرفص عليك(باسها فجبهتها) . .
نزهة:(بدون شعور تلاحت فحضنو معنقاه)ياربي تحفظك ليا
ميمون:(زير عليها)آمين...(باسها فجنب راسها)نمشي نتغداو
نزهة:واخا
بعدات عليه وتحرك بيها لمطعم راقي حيت كيخاف عليها من التسممات كيقول مع راسو اللهم مطعم معروف وغالي ولا لي عاديين..دخلات شادة فيديه وحاسة براسها فأمان معاه..كيجيها حنين وخاصو تاهو لي يحن عليه ..
خداو طبلة وجابو ليهم الموني ونطق:ختاري نتي أنا مافاهمش هادشي
ضحكات وبداات كتقرا وتشرح ليه متعايشة مع أمر أنه مقاريش..ختارت وقالت:علله يعجبك
ميمون:(جمع يديه عندو)عجبتيني كاع نتي.. هضرت مع مي
نزهة:هضر معاها خالك؟؟واش ݣالت؟؟
ميمون:(تبسم)فرحات ..كانت بغات تجي اليوم
نزهة:هههه مسكينة
ميمون:بقيت ليها غي أنا لي عزري ههههه بغات تزوجني والسلام
نزهة:الله يحفظها ليك..أش سميتها؟؟
ميمون:الزاهية
نزهة:(بحماس)عاود ليا عليها شويا باش نعرف كيف نتصرف معاها
ميمون:مي كلشي عندها زوين متجبديش ليها غي المصري حسن هههههههه الى جبدتيه كيركبوها الجنون
نزهة:هههههههه علاش؟؟ياك مات
ميمون: راه مكتحملش با الله يرحمو ههههههه خوتي الى بغاو يجننوها كيݣولو ليها ميمون غيتزوج مصرية هههههه
نزهة:ههههههههههههه وعلاش؟؟ماعمرها تلاقاتو؟
ميمون:معرفتش..انا ݣلت لا والله أعلم..حتى هو كان صعيب معاها
نزهة:الله يرحمو ..
ميمون: آمين..نتي باك معندكش ياك؟؟
نزهة:مات وأنا عندي 10 سنين
ميمون:الله يرحمو..اوا الالة نزهة خصنا نهضرو..
تبسمات ليه بإعجاب محققة فملامح وجهو:ݣلتي ليا بغيتي تهضر معايا فشي حاجة
ميمون:اييه..حنا غنتزوجو وخاص من لول نهضرو فشي حوايج..عندك شي شروط؟؟
نزهة:(عوجات راسها فيه بدلع)بعد على الشيخات
ميمون:(ضحك)ههههههههههه لا تربيت من ديك الغضبة لي غضبتي عليا
نزهة:ههههههه تستاهل ومزال نغضب ليك مزال
ميمون:هههههه لا تاني متعيقيش..أش تشرطي عليا الالة تالبنات؟
نزهة:(تبسمات)أنا عندي شرط واحد هو سير معايا فالطريق ومتفرقنا غي الموت
ميمون:(تمعن فهضرتها وضرب بيديه حداه)أجي هنا
ناضت تحت أنظارو وجات حداه حيت كراسا تالريسطو فيهم كراسا وفوطويات وهو كان جالس ففوطوي عريض..
جلسات حداه ونطق ويديه كتدوز شعرها ورا وذنيها كيما مولفها ديما وقال بجدية:كوني كيفما بغيتك ومعمري نأذيك ولا نقص منك(حط يدو على صدرو)نعطيك عهد الله من مصري حر معمري نغدر بيك وعمري نقلقك ولا نهرس خاطرك
نزهة:(خشات يديها فيديه الضخمة السمرا)لهلا يخطيك عليا
ميمون:(ضحك)ولكن عندي شروط!!
نزهة:هههههه أ ولد المصري أنا العروسة خصني أنا لي نتشرط
ميمون:تشرطي الالاهم..لي بغيتيها تحضر ولي مكانتش نحضرو دلمها ولي تخسر ليك الخاطر نحيدوها
نزهة:اوا وشنو؟؟(بدلع)خليني نتشرط مالي غنتزوج ديما
ميمون:هههههه واتشرطي محبستكش
نزهة:سمعني نتا لول شروطك
ميمون:(هز صباعو بجوج قدامها)جوج شروط صافي..لول غديري الحجاب انزهة...مغتبقايش هاكا
نزهة:شناهيا غديري؟؟كتأمر فيا!
ضحك وقال:مالها بخاطرك لحسك هههههه نتي زوينة أبنت الحرام وعاطية للعين وأنا منبغيش الزين ديالي يشوفوه الناس وعاد راه فرضو عليك الله
نزهة:اوا والشرط الثاني؟؟
ميمون:تݣلسي من الخدمة
نزهة:(تلغات بتسامتها)ميمون لول متافقة معاك فيه ولكن الثاني لا..خدمتي منفرطش فيها
ميمون:شحال كيعطيوك نعطيه ليك وݣلسي
نزهة:سيپا كستيون ديال فلوس غي
ميمون:(مقاطعها)درجي ونتي غتبداي عليا بالفرونسي
نزهة:ماشي قضية فلوس..خدمتي كنرتاح فيها وكنحس براسي مزيانة وأنا خدامة
ميمون:(بتساؤل)ياك كتشدي خدمة الناس ديري مشروعك راسك وحيدي من ديال الناس
نزهة:غنخدمهم بجوج
ميمون:(هز حاجبو)وأنا فين فهادشي؟؟إمتا غتلقاي ليا الوقت؟؟
نزهة:(تبسمات ومدات يديها كتلعب فتريكوه من لكول وتاهو متبعها) وقتي كولو ليك أنا عارفة كيفاش نظم وقتي
ميمون:(بنفي)ممسلكانيش تخدمي أ نزهة..ماشي مراتي لي تخدم ..مغيخصك والو باش تمشي تخدمي
نزهة:عارفة ماغيخصني والو ولكن أنا ولفت نخدم...
ميمون:(برفض)فكري فهضرتي..شدي خدامي تناس وخدمي من الدار
نزهة:بلا منهضرو فهادشي دابا ..
ميمون:من لول نتفاهمو ماشي حتى نعرسو وتبقاي عليا الخدمة ما الخدمة
نزهة:(فرنسات)غنديرو العرس
ميمون:نديرو العرس والغنا والشطيح والشيخات(غلباتو الضحكة)..
ضرباتو لصدرو ضاحكة وقالت:الله يجعلهم يشطحو ليك فقاع راسك ههههههههه الزهواني لاخر..
ميمون:(فرنس وقرب ليها)نسولك...لعار أ نزهة بردي ليا ݣلبي وجاوبيني
نزهة:خهههههه أشنو
ميمون:(ضحك)كتعرفي تشطحي ياك
نزهة:(طلقات ضحكة عالية حتا قرصها باش تحبسها )ههههههههههههههههههههه أ ميمتي أ ميمتي خضر خضر هههههههههههههههه (كطنز)مكنعرفش نشطح غا هني راسك
ميمون:ههههههههههه ديك التر** مة كاملة ومكتلوزش؟؟الى مكانتش كتعرف تشطح الله يعطيها فشة(تفش)..
طلقاتها عاود بضحكة عالية لدرجة ضربها لكتفها باش تجمع وهي مشتتة بالضحك وقال:جمعي فمك هههههههههنهههههه الشيخة
نزهة:ههههههههه شتي نتا منهار عرفتك وأنا كنضحك ههههههههههه
ميمون:أنا منهار عرفتك وأنا مشوه بهاد الضحكة
نزهة:(تكات على كتفو كترد الروح من الضحك)هههههههه ضحكتيني باغيها تفش وأنا لي مسكينة عاطياها السكوات باش تبومبا
ميمون:(فرنس)واخا معرفتكش أش ݣلتي ولكن باينة كتكبريها ههههههههه(باسها فراسها)غتاخدي الأجر ههههههه
نزهة:الله يمسخك ههههههه..
لقاءات نزهة وميمون كلها ضحك وتكركير وهذا هو لي كتقلب عليه هي..هو خضر وكيتصرف بطبيعتو كيقتلها بالضحك وهي كتموت بالضحك معاه ولي ميضحككش تا يدمعو عينيك غا رجعيه لمو..
تغداو وناض وصلها للخدمة وقبل ماتنزل قبل راحة يديها كيف موالف وقال :فكري فهضرتي..النهار الكبير عندي هو نهار تلبسي الحجاب مابغيتش نجي نخطبك ونتي ملابساهش
نزهة:(ضحكات)تخوي ليا بلاكاري وتعمرو عاود؟؟
ميمون:من دابا ياله خرجي شري لي بغيتي لي يقدك شريه ولبسيه
نزهة:اوا يكون خير
ميمون:علمي خوك لاخر ومك ورصي معايا نهار نجيب مي فيه
نزهة:(زلقات ليها التفرنيسة)ههه واخا ..
نزلات لخدمتها مودعاه فور مادخلات مشا لشغالو رابط اتصالو مع شريكو:الو
...:ميمون فين كاين؟؟
ميمون:أنا جاي..كلشي هو هذاك؟؟
..:كلشي مزيان..خصنا غي نديرو الإفتتاح ..
ميمون:إن شاء الله ..أنا جاي
قطع معاه وزاد يكمل شغالو فحين هي دخلات لخدمتها غير كي خرجات..مرتاحة وقلبها هاني ناسية محمد بتاتا لي منوض روينة فدارهم فوقيتة تالغدا جا يتغدا ومو كتهدن فيه وهو جالس يغرق ليها..
محمد:(معصب)جاي عندي بلا حشمة بلا حيا
حفيضة:أولدي الله يهديك..واش باغين تقتلوني..داري عمر ناض فيها الصداع حتى كبرتو
محمد:ماغاديش تزوج بيه والى خداتو متعرفني مانعرفها
حفيضة:(كتقطع الخبز)أشمن عيب لقيتي فهاد ولد الناس؟؟سولتي عليه؟؟السيد ما فيه عيب برزقو والله يعمر ليه الدار
محمد:عمرات ليك راسك بهاد الهضرة؟؟عروبي ديال الخلا يدي ختي
حفيضة:واش باغيين تشادو ليا هنا..هي باغاه ومافيه حتى عيب
محمد:(شاف فيها بجدية)إلى خداتو وعصات كلمتي عمر هضرتي تجي فهضرتها..وغنساها واش ختي
حفيضة:ايمتا تفكرتيها اوليدي؟؟(بحسرة)مبانتش ليك نزهة هاد السنين كاملة حتال دابا..
محمد:أنا هضرت وكلامي مايطيحش.
كمل ماكلتو فصمت وعينيه كيضورو كي الثعلب معصب و مغدد ومنرفز والسبب؟؟معارفش..خاطرو مبغاش ليه ميمون بتاتا..هو إنسان عصبي بدرجة كبيرة مكيتفاهمش نهائيا
*****
فالعشية دخلات من خدمتها عيانة كي حطات رجليها فالصالة لقاتو مكسل وهي تخنزر فيه وقلبات وجهها كتنادي لمها لي خرجات من بيتها وقالت:جيتي
نزهة:عاد دابا..فيا الجوع أمي
حفيضة:بدلي وحطي ليك تاكلي كلشي واجد..
مشات بدلات عليها مطنشة محمد نهائيا ..مافيها لي يحمق راسها معاه ..حطو كاسكروط كياكلو بالسكات حتى وذن العشا وناض يصلي مع خرج مع نطقات نزهة:مي ميمون ݣاليا بغا يجيب مو!!
حفيضة:أ بنيتي ماعندو فين يجي دابا...خوك مكحل بالعما من جيهتو
نزهة:خويا راه ديما مكحل بالعما من جهة الناس..مشا عندو السيد ماخلى ماݣاليه
حفيضة:أنا غتحمقوني..عيطي لعبد الجليل يجي وتفاهمو هو يهضر معاه عالله يسمع منو..
نزهة:سمع ولا مسمعش يضبر راسو ماشي هو عاش حياتو مزفتة باغي يورث ليا هادشي..
تسمع صوت محمد من الباب ممشاش بقا كيتسنط عليهم عارفهم ايجبدو الموضوع:خوديه ولا موتي نتي ݣاع..ضبري لراسك ولكن نهار تجي تشكي منعقلش عليك وأنا نسايني عليك..
تلفتات شافت فيه ونطقات:من نهارك مقسح وكدير لي فراسك..كلشي غالط نتا بوحدك لي فاهم ..غيجي واحد النهار غتندم على هادشي. .
زاد للجامع مجاوبهاش فحين هي زفرات بحسرة وقالت:مبغيتش هادشي أمي ولكن ...
حفيضة:(تنهدات)أنا لي درتها لولدي فنيت ليه عمرو مع مرا ماباغيهاش
نزهة:أش باقي دار فالطلاق؟؟
حفيضة:مشا دعاها باش يطلقها..
نزهة:بلي فيه الخير...أشنو دابا؟؟نجيب ليك تدوي مع عبد الجليل
حفيضة:(تبسمات)جيبي هه نشوفو هاد ميمون ديالك أش يطلع منو
نزهة:كل خير(فرنسات)ميمون حلو..
حفيضة:المسخ..
شدات ليها نمرة جليل وعلماتو بشنو كاين مانسات والو وقرر يجي فالويكاند ياخد ربع أيام باش يحضر.
حفيضة:غيجي الجمعة فالليل..رصي مع الناس يجيو السبت بالليل دوزو الهضرة
نزهة:(بفرحة)احححح الله...
حفيضة:غيجيو غي نعرفوهم ونعبروهم واش ناس مزيانين ولالا؟؟أما الخطبة باقي بعيد الحال
نزهة:(عوجات فمها)خليوني حتى نغسل من حق الشهر عاد زوجوني
حفيضة:ههههههه ماتخافيشااي ولدتك كبيرة نييت حتى ݣلت كرشي مبقا فيها ولاد
نزهة:(عنقات مها فرحانة)هههههه ياختي راك وخرتي الزين هههههه دعي معايا أمي
حفيضة:الله يسهل عليك ابنيتي ياربي
نزهة:آمين
ناضت ديك ساعة ناشطة دارت العشا مطنشة محمد لي غي كيخنزر فيها ماعاجبو حال خاصة فاش تاصل بيه عبد الجليل وجلس كيتغاوت معاه فالتيليفون ونزهة كتسمع وتطنش..فالأخير قطع عليه وناض نعس بلا عشا..
بدا نهار جديد فيه خاطر ميمون مرتاح وهاني حيت صبح على إتصال نزهة لي بشراتو فيه بنهار السبت...دوز ديك ساعة الإتصال لمو فداك الصباح عارفها كتفيق بكري..
الزاهية:ألو
ميمون:صباح الخير أمي
الزاهية:صباح الخير والخمير أوليدي..وا صباح زين هذا
ميمون:ههههههه بيك أمي..كي دايرا
الزاهية:بخير أوليدي منهار سمعتك غتزوج وأنا مݣاداني فرحة
ميمون:اوا وجدي ليا راسك أمي السبت غنمشيو عندهم
الزاهية:(بفرحة)واجدة أولدي..غدا نصبح عندك ولا اليوم
ميمون:خلي غدا نصيفط لي يجيبكم ولا نوصي خالي ولا جمال..
الزاهية:إن شاء الله..الله يكمل بالخير
ميمون:آمين أمي..
الزاهية:بسلامة أوليدي..
قطعات معاه مفرنسة ..دارت التيليفون فجيب طابليتها المنزلية وهي تضور عينيها فالكوزينة والحس مقطوع فالدار ..غوبشات وهي تخرج لقاع الدار وصاحت بصوت مرتافع:أنووضووو الحادݣات الشمش وصلات فين بغات ونتوما مزال ناعساااات.
نزل براهيم لابس حوايجو وقال:مالك أمي على الغوات
الصباح هذا!
الزاهية:وا وليدي الصباح هذا وهوما باقي ناعسين(باس راسها)الله يرضي عليك ويمتعك بالرضا..زيد تشرب الحليب وتاكل ليك تميرات
براهيم:هههههه أمي راه كبرنا
الزاهية:دوز وسكت هههه خوك عيط هاد الصباح غنمشيو نخطبو نهار السبت..
براهيم:دغيا؟؟مالو زربان؟
الزاهية:تعطل كااع...هو الكبير فيكم كلكم مزوجين وهو لا
براهيم:الجمعة نمشيو؟
الزاهية:لا..غدا يديني خالك ولا جمال أنا منصيبش نتعطل خصني نتقدا شلا حوايج
براهيم:اوا صافي غدا يديك خالي وسيرو قضيو الغرض
الزاهية:وعلاه نتا متمشيش؟؟
براهيم:ممساليش ..سيرو نتوما
الزاهية:(دارت صبعها فحنكها)ياويلي حاي..تا خوك غيخطب وتا ممساليش أويلي خايبة حتى للمعاودة.
براهيم:وااخا أمي نمشي هههه كاين شي فطور حطوه
الزاهية:واتا عيالاتكم معرفتهم مالهم هاد الصباح(بصوت عالي نتاشر فارجاء البيت)حفصاااااا نادييياااااا
براهيم:(سابقها للبيت)حسن عوانهم هههه..
****
فباب خدمتها منتاظرها كيف العادة بسيارتو الݣونݣو العادية حتى تمات نازلة بزينها كتشالي مع طلعات مع عنقاتو بفرحة ودلع وقالت:حبيبي
ميمون:الله(ضمها ليه كأنو كيستامد منها قوتو)فاش كنعنݣك كنسا الدنيا ومشاكلها..
نزهة:(زيرات عليه)أشمن مشاكل؟(بعدات شويا من حضنو وجاهم قراب حطات يديها على لحيتو وبصبيعاتها مشطات موسطاجو)عاود لنزهة ديالك..
ميمون:(عينيه ترخاو فيها طالعين نازلين من شفايفها لعينيها للخالة لي فوجها)خصها ݣلسة بعقلها (شد يديها باسها من القاع)..
نزهة:مكتعاود ليا والو أميمون..محاسبنيش منك؟؟
حرك طونوبيل وشد يديها حطها على قلبو وقال:منهارك مني..غي مكنبغيش نبرزطك بمشاكل الخدمة وصافي
نزهة:واغي عاود ليا..خصك تولف بلي مبقيتيش بوحدك أميمون..عاود ليا باش ترتاح..
ميمون:عشت عمري كامل بوحدي مولفتش نعاود
نزهة:(تبسمات)غنولي مراتك خصك تعاود ليا كلشي االهم فاش كيهزوه جوج كيخفاف
ميمون:أري شي بوسة على هاد غنولي مراتك..
ضحكات ومدات ليه حنكها قبلها فيه وقال:غنحل المحل الجديد
نزهة:المصبنة؟
ميمون:اه..بغيت نعرض عليك ولكن غيكونو غي الرجال
نزهة:بزايد الرزق أحبيبي
ميمون:آمين..شنو فين تمشي تغداي
نزهة:شبعانة مافيا لي ياكل..علمتي مك
ميمون:اه(تبسم )فرحات مسكينة بزاف..غتفرح نيت فاش تشوف الزين لي غنجيب ليها
نزهة:هههههه غتعيش معانا؟؟
ميمون:لا مي فالقلعة ..غنعيشو هنا فالدار راكي عارفاها
نزهة:إن شاء الله..
*******
مرت الأيام بوتيرة سريعة عند نزهة لي مقاداها فرحة لكنها كاتمة فرحتها ..ولات منوية من الإشهار وخايفة ميصدق ليها والو عاود.. داكشي باش ضربات الطم لراسها فراس سميرة وختها سعيدة و ولاد خوتها وأكيد وصلات لمليكة حيت خبراتها إيناس .. كتجي عندهم ودات الخبار ..
وقفات على شغلها معاونة مع ختها صايبو حليوات تدار متولين وتكلفات مها بالطياب البلدي أما نزهة دارت يدها فالبساطل...
نهار السبت فالصباح نايضة على النبوري ضرباتها بتسيقة للدار من الفوق تالتحت مع إيناس ودعاء لي ممخلينش من جهدهم فرحانين بالعمة والخالة المحبوبة...كي سالات مشات للحمام ضرباتها بتحمحيمة فاعلة تاركة تهلات فراسها كي العروس وجات تعطعط بروايح الجسم ..
يتبع...
التنقل بين الأجزاء