دخلات لداخل و هو بقا كيتخبط ف افكارو…خاطرو تزير عليه و الغضب بدا يتملكو…و الشك دخل لقلبو و الى دخل الشك للقلب كيتعفن و عمر الثقة كترجع …بقاو هكك حتى تغداو الناس و بداو اخرجو فهاد الاثناء بقاو غير هوما فدار … حتى جاه اتصال لادريس و بقا كيهضر و مصدوم
ذكرى:( شافتو تعصب و عينيه حمارو و عروق ف جبهتو برزو تملكها الخوف و نطقات بصوت خافت) اه اه هو
طلحة:(صرخ صرخة بالغدايد و هو ينزل بكروشي جنب وجهها و كون ماهرباتش وجهها كانت اتجي فيها دقة …الباب تشقق شوية و هي طلقاتها للبكا) كااااان هنااااا و كدبتي عليااااا كاااان هنااااا معاااااك و باااااقا كتكدبيييي عليااااا …
ذكرى: (بصوت كيرجف) خليني نشرح ليك
طلحة:( دفعهاااعليييه ) ماااااتقربييييش ليااااا و مااااتقيييسينيش…اعلم الله شنو كنتي كديري نتي وياااااه شنووو بينك و بييينووو رجعتيييي لعواااايدك معااااه
ذكرى: كظلمنييي…انا خبيييت حيت اتعصب
طلحة: قحبة و اتبقاااااي دييييما قحبة وكتلعبيييي بين لخوووت اناااا ليييي مانسوااااش تقت فييييك و رديييتك انا لي مانسواااااش كيحسابني درتيييي عقلك و جمعتي رااااسك
ذكرى:(حطات يدها على فمها كتبكي) والله مادرت شيحاجا
طلحة: سكتيييي مااااتجبديييييش الله على لساااانك نتي مكتعرفييييهش ماااكتخااافيييهش
ذكرى: هووو لبااارح جااا عندي قالي ماغايعاودش يضور بسااااحتنا(كتبكي و تشهق) و قالي مابغاكش تعرف حيت مابغاش تعصب و تفهم غلط …(قربات منو شاداه ف يديه) ماغايبقاش فحيااااتنا صاافي عطااانا تيسااااع
طلحة:(بقا كيشوف فيها مطولا ) اشمن نوع ديال البشر نتي ؟ …علاش واخا كنبغيك و كنتهلا فيك عمرك عرفتي بقيمة هادشي ؟؟ علاش فكل فرصة كطعنيني فقلبي
ذكرى: ماادرت وااالو (طاحت على ركابيها و كتشوف فيه اتهبل بلبكا ) منهار رجعت ليك و انا شادة طريقي معاك..
طلحة:(طلع سبابتو ف وجهها) من ليووم…جامعنا غير هاد الولد بوحدو…مابقا بيني و بينك حتى حاجا .
….بقات كتبكي بحرقة و تشهق و هو خرج زادح لباب و مشا …اصعب حاجا هي الظلم و اصعب حاجا هو انسان نتي مراتو و شرفو و مايتيقكش حسات بالارض تهزات تحت رجليها بعد ماقال ليها ديك الهضرة…حسات بنار شاعلة فقلبها و كتحرقها شوية بشوية…تكمشات بلاصتها فالارض كتبكي…و كتردد غير سميتو… وصل ادريس هو و مو ل كلينيك لي قالولهم عليه …لقا لبوليس تماك و هو كيشوف مخلوع ..توجه لغيسيبسيون كيسول
ادريس: عفاك اختي خديجة اوطالب فينهااا؟
…اطط … شومبر عشرة فليطاج ثاني
ادريس: شكرا
…مشا مرفوع و مو حداه…دغيا وصلو لفين قالت ليهم و دخل … مع كيدخل كيشوفها ناعسة و شاحبة… كتنفس بشوية …دخل و جلس حداها كيشوف ف وجهها الزروقة و جروح… بقا كيحقق فالشوفة و حداه حبيبة بدات تبكي
حبيبة: و شكوون دار فييها هاكااا…وايلي على بنتي شكون تكرفص عليك
…حلات عينيها بثقالة منين سمعات صوت ماغريبش عليها …مابقاتش كتعرف راسها فين ولا شنو حالتها دابا … شافت لجنب و تحطات عينيها عليه ..نظرة وحدة كانت كافية طيح دمعة من عينيها و تبدا تشهق بدموعها كتقولهم تظلمت… بدات كترجف و تهز بلاصتها
ادريس:(كيحاول يشدها) خديييجة…خديييجة ماااالك
خديجة: بعد بعد مني … بعد مني
…دخلو لفرامليا تاني كيحاولو يهدنوها…و ناض كيحاول يبعدهم منين شافهم محاميين علييها… ضمها لعندو و هي تكمشات فيه و كيهديها بيديه
…بدا لسانها كيتقال…حتى شاف فيها لقاها رجعات نعسات بسبب الحقنة لي عطاتها فرملية… حطوها بلاصتها و هو باقي كيشوف فيها …خرج من تماك بخطوات بطيئة و هضرتها كتردد فالمسامع ديالو … مع خرج كيشوف المفتش لي لقاها و معاه طبيب و بداو يهضرو معاه
طبيب: الحالة النفسية ديالها مدمرة جراء الاغتصاب و العصا لي كانت كتاخد
ادريس:(بعدم تصديق ) اغتصاب ؟
طبيب: عارف هادشي قاسح و لكن كاين اغتصاب من الدبر…
المفتش: غادي نفتحو تحقيق و نلقاو مول الفعلة
ادريس: (بعصبية ) عائلة راجلها هووووماااا سباب هوووماااا سباااب
المفتش: هادشي مكيتحلش بالعصبية اسي ادريس… غادي نجيبوهم و نحققو معاهم و الكشف الطبي ايوضح كولشي
ادريس: الى بقات هنا اتزيد تمرض ، من الاحسن تبقا فدار
…. عطاوه اذن باش اخرجها و داكشي لي كان مشا كمل الاجراءات و هزها فيديه خرجها… خداو طاكسي راجعين لدار… طلعو و حطوها بلاصتها… بيتها هي و ذكرى بقات كيما هي بقا كيشوف فيها و هاز يدها و كيبكي بحال شي ولد صغير… كيبكي و يطلب سماحة منها حيت حس بالذنب … بقات حبيبة ف صالة كتبكي و تسمع لولدها و كتشوا… حتى خرج و بدات ضرب ف صدرها
حبيبة: انا سباااااب … انا لي عطيتها للبراني انا لي عمرت ليها راسها و جريت عليها حتى قبلات ، انااا مني كولشي قلت ليها ادريس مابقاش بغاااك و قلت ليها مابقيتش قادرة على لحمل ديالك … انا لي زوجتها و قلت ليك راه هي لي بغات و هي عمرها بغااات، عطيتهم ليها تكرفصو عليها و ردوها خدااامة… و حتى راجلها لي يكون ظهرها بقا برا و عمرو شافها (كتبكي و ضرب فراسها) انا سباب انااا سبااااب فرطت فالامانة… اولدي سمح ليا
… طاح فالارض حاط راسو على ركبتو و كل كلمة قالتهالو دخلات بحال لموس لقلبو… هو لي كان كيحسابلو بلي هي لي بغات تزوج… هو سباب حتى بعدات عليه و عمرو سول فيها و كان كيتشوا على فراقها ، راسو كيضور غير بكلمة وحدة… تكرفصو عليا اولد عمي … شيحاجا لي بزاااف و كتهرس ظهر
ادريس: والله لابقات فيهم و الله حتى ندمهم (خرج كيجري و حبيبة طاحت فالارض كتعيط ليه يرجع )
كانت كتسناه غير فوقاش يجي و تهضر معاه …و بالفعل رجع و لكن مامعبرهاش ، مشا كيفرش فصالون و هي غير كتشوف فيه و دموع ف خدها ، قربات منو خايفة …و صوتها كيرجف
ذكرى: طلحة …علاش كدير هاكا ؟ …اه غلطت كان خصني نقولهالك ولكن خفت تعصب ماشي فنيتي نكدب عليك
…هز سبابتو فوجهها مسكتها..
طلحة: تسالات لهضرة ابنت الناس …
ذكرى: (كتمسح دموعها) وصلنا لهاد لماصل ؟؟
طلحة: حمدي الله و شكريه رجعت لهاد الدار…اتبقاي تزنزني عليا انخوييها
ذكرى: واخا …(بلعات ريقها) بقا على خاطرك
… رجعات فين كانت و بدات تبكي على مخدتها…حسات بشيحاجا تهرسات عمرها ترجع كيف كانت و عمرها تصلح … اما هو فصالون عقلو مشتت كيبغيها اه و لكن حس بيها غدراتو و ماقدرش اتيقها دابا و ماحاملش يشوف فوجهها… أما و عند ادريس لي عماه الغضب و مابقاش كيشوف قدامو…مشا ديريكت لحمرية و جالس كيخبط فباب حمادي و كيغوت لربي لي خلقو باش انزل عندو و فعلا داكشي لي كان و نزلو كاملين عندو…غير تحل لباب و هو يجبدو من لكول
ادريس: مكتخااااااااافش من الله مكتخاااااافوووووش من لي خلقكم… تعدييييييتووووو علىىىىى البنت تعدييييتو عليييها يا الكفرة
…رجع جاهل و كيف الثور غير كيتغاوت و يضارب بقاو هضرة مني منك حتى طرطق عليييه حمادي
حمادي: شنوو عجبااااتك شيااااطة و بغييتي دير لينا فيها مضرووور(شدو من لقرفادة و همس ليه ) هاهيااااك صيفطتها ليه مفروعة من لور (بضحكة قذرة) كان عاجبني لحال و انا كنتعدا عليييها و ماتلوومنيش كنبقاو رجال
…هضرة كانت كافية تخليه يشدو و يضربو لوجهو بكروشي طيحو فالارض و نزل عليه صاعر غير كيضرب و يضرب و يضرب و الهضرة كتعاود ف وذنيه…و هو كيضربو بداو دموعو كيطيحو حس بالضعف حيت ماقدرش احميها حس بالعيا و هو هاز مسؤولية و ماقدرش عليها…حس بكولشي و هادشي والو قدام قلبو لي كان حاس بيه كيتفتت قدامو
ادريس: مرت ولددددك اشمااااااتااااا مراااااات ولدددك و قد بنتك و مااااحنيتييييش فيييييهااااا….هاااااديييك هي انقتل على قبلها الكلب لياااااخد فيييك الحق
…بداو ناس كيحاولو يفكو منين شافو حمادي رجع كاملو دمايات..ماكتافاش حد هنا و انما بقا كيشوف اي حاجا فجنابو كيما بغات تكون..لقا ياجورة بحكم كانت كتبنى حداهم و نزل عليه للراس حتى طوش بدم…تسمعات صرخات من ودة و حياة و بداو ابكيو و يرددو بلي مات و تقتل…بقا كيشوف فيهم و ناض بسرعة كيجري من تماك..مرفوع و عارف راسو شنو دار…كيمسح دموعو و مخنوق …رجع لدارهم دغيا و حبيبة كانت كتسناه غير شافتو كاملو مطلي بدم بدات تغوت و تبكي و طاح ليها فرجليها كيبكي حتى هو و كيغوت
ادريس: كدبتي عليااااا امي كدبتيييي علياااا و خليتيني محروووق عليييها بعدتيييها عليااا و شوفي شنووو وقع ليها و لاش وصلناااا….الله اسمح ليك امي الله اسمح ليييك
حبيبة: شنووو درتييييي اولدي شنوووو
…ناض كيتخبط حتى وصل للبيت و حل لباب لقاها حتى هي كتبكي و ضامة رجليها عندها فخوف قرب منها عينيه حومر و كيرجف
ادريس: قتلتوو اخدييجة…قتلتووو عدو الله لي دار فيك هاكا …(طلع يديه قدام عينيها) دمو هاهو هاااهو
…خداوه بلا مايقاوم و هو كيسمع مو و خديجة كيغوتو و يتباكاو..خرج و هو جاهل بمصيرو و ماعارفش شنو مخبيا ليه دنيا ..خرجات حبيبة تابعاه كتجري …ركبوه فسطافيط و مشاو …ناس كاملهم كيتفرجو …مالقات فين تعطي براس من غير مشات كتجري لدار ذكرى و كدق بجهد و تبكي …حل ليها طلحة لباب ..
حبيبة: عفاك اولدي لحق ادريس…عفاك داوه لبوليس
ذكرى:(هبطات حتى هي ) شنو واااقع اماما
حبيبة: عفاك لحقوو ايمشي فييهااا
طلحة: واخا اخاالتي ماااتبكييش انمشي دااابااا (خرج بسرعة لقا حميد خرج من دار من بعد ما سمع صداع و هو ينادي) حميد تبعني
حميد: هي لولة
مشاو بجوج كيجريو لاحقين ادريس و ذكرى لبسات حوايجها و سدات الدار و مشات مع مها لدارهم…لقات خديجة تماك مافهمات والو …خصوصا حالة خديجة…بقاو كيعاودو ليها بلبكا و شهيق و هي كتبكي معاهم و معنقة خديجة …كل بالهم دابا مع ادريس…حتى صبح صباح و رجع طلحة هو و حميد …باينة فيهم قلة نعاس و لعيا …لقاو لعيالات مجموعين و حبيبة غير شافتهم ناضت عندهم
حبيبة: شنووو واااقع اولديي شنو
طلحة:(بحزن) لقضية صعيبة شوية الحاجة..ادريس خداوه بمحاولة قتل راه ضرب سيد بحجرة لراسو و دخل ل سبيطااار
ذكرى: و كيييفااااش ايبقاااا تمااااك ؟؟؟
طلحة: راه متاهم بمحاولة قتل و شهود شاهدين عليه …كولشي ضدو…لي قدرنا نديرو شدينا ليه محامي مزيان و يكون خير
حبيبة: داابااا شنو اولدي واش ايخرج ؟؟؟
طلحة: قالينا المحامي بلي الى ماتنازلوش على القضية غادي نوصلو للمحكمة
حبيبة: ماغاديش يتنازلو اولدي انااا لي عااارفااهم وااش لي تعدااااو على لبنت و تكرفصو عليها فقلبهم رحمة و شفقة ؟؟
ذكرى: ربي عوين اميمتي…
بقاو شوية معاهم كيحاولو يخففو عليهم و لكن حالتهم كتشفي لعدا…رجعات ذكرى مع طلحة و اكرام مع حميد و خديجة بقات مع حبيبة حاطين راس على راس و كيدعيو…دازو ايام و ايام و نفس الروتين… كيهبطو و يطلعو فالمحاكم و فلكوميسارية مع المحامي حتى نهار الجلسة لخرة لي دخلو فيها عند القاضي كانت غير خديجة و حبيبة لي جاو عند ادريس لي من عينيه ماكانش ندمان و تمنى كون قتلو و لكن مع الاسف ماقتلوش…حكم القاضي عليه ب عاماين ديال الحبس بعد ماطلب المحامي التخفيف و تطرقات المطرقة…شحال بكاو عليه و غوتو … خرجو لبوليس و لمينوط فيديه ….خرجو و هوما يتلاقاو ب ودة و حمادي لي كان محزم راسو و كيهضرو معاهم
ودة: شتييي لاش وصل ولدك احبيبة و هكك ايبقا فلحبس يتعلم يمد يدو على سيادو
حبيبة:(كتبكي) سييييرووو الله يااااخد فيكم الحق ياربي
ودة: و هكك اتبقاااا بنتك حتى يجي ولدي من الخاااارييييج…اتبقا معلقة مااااهي مزوجة ماهي مطلقة…الى ماحررتش عليكم العيشة راني ماشي ودة
خديجة:(كتمسح دموعها ) زيدي اخالتي ربي كبير كيشوف كولشي زيدي
…كملو طريقهم خاطرهم مهرس …شدو طاكسي و هوما دموع مانشفوش من عينيهم و كيفاش ايديرو دابا …الشخص لي كان سند ليهم دخل للحبس عاماين و هي لي تكرفصات بهاد زواج الناقص و حبيبة لي ماحيلتها لولدها ماحيلتها لتأنيب الضمير لي كيجيها على خديجة … وصلو للدرب كانت ذكرى كتسناهم هي و اكرام فدار غير دخلو و بداو يتباكاو و يقولو ليهم شنو كاين ..رضاو بقضاء الله و قدره و بقاو يواسيو بعضياتهم…تعاشات لعشية و رجعات ذكرى للدار .. كل مرة هادا هو حالها كتفيق مكتلقاهش فدار و كتنعس قبل مايجي قليل فين كيجي لا هو كياكل فدار لا هو كيعمر فيها …هاد الاهمال لي كيدير ليها خنقها و لي كيزيد اخنقها هو كتحس براسها عيانة و مازال كتشوف الكوابيس و حالتها حالة…مامرتاحاش و ماعاجبهاش راسها ابدا …تبهدلااات ديال بصح …أما عند طلحة لي كان خاشي راسو غير فشغل و تمارة…صحتو قلالت ووجهو ذبل و ايكون كداب الى كان مكيفكرش فيها و قلبو مكيتوجعش على فراقها…شيحاجا فيه كتقولو غلطتي فحقها و ماعاملتيهاش مزيان و حاجا اخرى كتقولو كدبات عليك و عمرها تبدل…كثرة تفكير و الارهاق…خلاتو يحس براسو عيااان و حتى حميد مسافر على قبل لخدمة و ماكاين لي يعاونو…كيحس بذاتو سخونة و حط يدو على جبهتو كيلقا سخانة كدگدگ فيه …حط كولشي من يدو و سد المحل ..كيتمشى غير بشوية ..باغي يوصل لدار …لعيا دلمرض فرعووو…كانت كتشوفو…اصلا هادي هي خدمتها…غير مراقباه…شافتو تسند على الحيط و بسرعة وقفات عليه
الزاهية: سيدي طلحة ياك لباس
طلحة: (طلع عينيه فيها بثقالة و نطق ) انا بيخير
الزاهية: مابنتيش ليا مزيان …و دارك شوية بعيدة…اجي لداري تشرب كاس د لما و منبعد سير
طلحة: شكرا بلا مانشقيك…انا شوية و نوصل
الزاهية : حشووومة تقول هاكا …زيد عفاك
…حطات يدها على دراعو كتجرو بشوية ..اما هو المقاومة لي يقاوم ماكانش قادر عليها …جلس فالارض على ركابيه …المرض تمكن منو و ماخلاهش يزيد
…أغمي عليه كينهج و هي هبطات عندو كتفيقو…عيطات لجوج رجال كانو دايزين و طلبات منهم اهزوه لدارها و داكشي لي كان …هزوه حتى لدارها و دخلوه و حطوه فوق السداري
ربيعة: اويلي شنو هادشي؟
الزاهية: احياني اميمتي مرض ليا الراجل(جلسات حداه و حطات راسو على ركابيها كدوز بيديها على شعرو)
…جابتلها داكشي لي بغات و خرجات تاني …ماعرفات ماديرلو و خافتو تكون بيه شيحاجا كبيرة و لا سحورها لي مرضو و لكن هي دارت غير سحور لفراق اما ذكرى دارتلها سحور يهد صحتها و يخرج عليها…حاطة يديها على راسو كتقيس الحرارة فيه …كتشوف فيه بعينين عامرين بالحنان و الشوق و مامتيقاش راسها بلي ناعس فحضنها و مرة يحل عينيه بثقالة و يرجع يسدهم…عيان لأقصى درجة و عقلو حبس من تفكير… حلال حرام ؟ شكون تسوق ، دخلو فدوامة الشك و الانتقام حتى تلغاو المفاهيم و طعنو فدين …دخلات مها عندها هازة مجمر فيه لبخور و نطقات
الزاهية:(كتشوف فيه و كتلعبلو فشعرو بابتسامة) لا … غير خليني معاه
ربيعة: لفقيه جا بخاطرو…تهلاي فيه علاما تفوت ليه سخانة
الزاهية: وجدي ليه بلاصة حدايا…
ربيعة: هي لولة
…خرجات مشات دير كيما طلبات منها بنتها اما هاد الاخيرة مازالة كتشوف فيه بكل حب …هبطات عندو و طبعات قبلة فجبينو و نطقات بصوت هامس كتشوف ف تقاسيم وجهو
الزاهية: نبيع عمري كاملو و نبقا حداك هاكا …ماكنتش انتيق كون قالولي اتكون بين يدي …نتا ديالي .. ديالي بوحدي
….بقاو على داك الحال حتى طاح الظلام و ذكرى بدات كتشوش…و هاد لمرة بقات فايقة حتى لوقت طويل …خرجات لبرا تشوف لكاراج و لكن لقاتو مسدود و رجعات قالت مع بالها فين يكون مشا و شنو يكون كيدير …رجعات لدار خايفة و كترجف بالافكار لي كيجيوها فبالها…اما هو كان مليوح بسخانة و كينادي بسميتها…الزاهية كتسمعلو و مفقوصة و لكن مقابلاه حيت كتبغيه و كتواعدو تنسيه فيها …طول الليل و هي مقابلاه طول ليل و خي سهرانة عليه …حتى لصباح منين فاق و لقا راسو فبلاصة اخرى و باقي مهدود شوية …ناض كيضور عينيه للبيت و كيحيد من راسو الشرويط…دخلات لعندو مبتاسمة و حلات سراجم…
الزاهية : كيبقيتي مزيان ؟
طلحة:(حاط فعينيه نظرة تساؤل و صدمة) شنو كندير هنااا ؟؟
الزاهية : مااااتخااافش راه لبارح تلهيت معاك ماساليتش نقولهالها و لكن يالاه صيفطت عندها دابا
طلحة:(تنهد) خصني نمشي …
الزاهية… جلس تفطر راك باقي عيااان…
طلحة:(ضغط على قبضة يدو و نطق) ختي الزاهية شكرا على لبارح…
…خرج بلا مايزيد شي كلمة و هي جلسات مغددة…عياااات معاااه و تقول واش بغااا يطيح فشبكة و لكن نفضات افكارها حيت لي وجداتو كبير بزاااف…كانت ذكرى فدارها كتبكي بعد ما وصلاتها لخبار بلي طلحة عند الزاهية…هي لي ليلة كاملها مانعساتهاش و بقات كتخمم فيه …فصباح تدق بابها و منين حلاتو لقات برهوش كيقول ليها قالت ليك زاهية ماتشوشيش على طلحة راه عندها…شعلات فيها لعافية ماتوقعاتش الخيانة تجي منو واخا يوقع لي يوقع ماكانش كيحساب ليها بعد عليها لهاد الدرجة… تحل الباب و دخل …
ذكرى: دخلتي اراجلي و غطا راسي …(ناضت تقابلات معاه بابتسامة) عمرني ضنيتك توصل لهادشي …عمرني تخيلت بلي وحدة اخرى غادي تديك ليا كنت كنقول غير تقليقة و غادي دوز انا غلطت و كنعتارف و لكن ماشي لدرجة نتعاقب هاكا …ماشي لدرجة تخوني و تبات فدار الزاهية
ذكرى :(ضحكات بطريقة هستيرية و هي كتشوف فيه ضحكة مع دمووع كتحس براسها اتحماق) الله اربح اسيدي كيجاتك لقصارة مزيااانة
طلحة: كتخرجي شيحوايج من راسك ماعندهم حتى معنى و اصلا علاش انشرح ليك الى ماكنتيش كتيقي بيا
ذكرى: الثقة …اااه هادا موضوع مهم …الثقة ..الثقة لي عمرك درتيها فياااا ياااك …كيما مكتيقش بيا حتى انا مكنتيقش بيك (غوتات) و كنت كنتعاااااااااامااااا علىىىىىى شحاااااال من حااااااجا و كتزيييييد فيييييه
طلحة: باااارااااكا واااااش تسطييييتي ماااابيني و بينهاااا وااالوووو
ذكرى: كنتيييي عندهااااا فداااارهاااا و كتقووولي مابينك و بينها والو …هي سبااااب مشااااكيلنا و ماشي بعيد هي لي تكون شتتات شملنااااا…(كتشوف فيه بحرقة و كتشهق) علاش مكتيقش فيا …(قربات منو) مكتيقش فاش كنقولك مخنووووقة
طلحة: (شدها من دراعها) ذكرى كيما قلت ليك بلي كنت عندها انقول ليك بلي مادرت حتى شيحاجا و ماعرفتش كيفاش وصلت عندها…اه انا وياك مخاصمين و مقلق منك و لكن عمرني نفكر نخووونك
طلحة:(كيمسح على وجهو) نتي لي غالطة بعدتي على طريق الله حتى بغيتي تحماااقي
ذكرى: مااااااتجبدش لياااااا طريق الله ….كنحط راسي على السجادة كنحس بلماس داخلييين فياااا….كنشووووف فييييك كنعيف راسي و كنبغييييي نقتلك (كدفعو)
طلحة: بااااارااااكا من هااااااد لهضرة الخاااااوية
ذكرى: كوووولشيييي منها ….كولشيييي من زااااهية هي لي دارتلينا شيحاجا (كضرب فصدرها) انا حاسة ...كندوز من حداها و كضحك ...كتشوف فيا و كتقولي بعينيها بلي نستاهل و كتشفااااا
طلحة: بقااااتلك غييير الزااااهية...لبنت مادارتلك واااالو ...لبنت داخلة سوق راسها و عمرني شفت منها العيييب...بنت الناس و مربية و كتهضر عليك بلخير
ذكرى: معلووووم تجييييك هاااااكا حيت كتهضرووو و ديما كنلقاااااك معاااااها...ضحكتك كتسمع من راس الدرب
طلحة: الحمد لله كضحكني مااااشي بحاااالك غير كندخل للدار كنلقا لبكا و تنخصيص ….كرهتيني فرجووووع لهااااد الداااار
ذكرى: (كدفعو) وااااا خرج ...خرج بحااااالك و سييير لعندهاااا….مااابقيييتش حااااملة سييييرتكم...بغيييت نتهنا منك و من هاد لعيشة د زبل و هاد الدرب و وجوه الفقر لي كنشوف…..
طلحة: (شد الفك ديالها بيدو ضاغط عليها حتى حبسات من الحركة و كتشوف فيه ) زمييييي فمك ...حسك مانسمعوووش
ذكرى:(كتنخصص و طاقتها كتلاشا ) كنتقطع...بغيت نرتاح
طلحة: عمرك ماغاترتااااحي و نتي هاكا …عييت عييت من هاد الوهم ديالك …كتوهمي شيحاجا ماكايناش
…فعلا خرج حيت ماباغيش يزيد يتخاصم معاها و حيت قالو لبعضياتهم كلام مكيتقالش و صعيب يتغفر ليه …بصح خرج و خرج خرجة خايبة خلاتها طيح فالارض بالاعصاب و كتبكي و تشهق طااااحت فكريز خاااايبة لدرجة بدات كتحس براسها كتقطع من لداخل … كتبكي و طاقتها متلاشية…لوجع فكرشها قتلهااا ديال بصح و هي عارفة هاد لوجع ديالاش …
غير خرج من دار …بقا كينهج …مشا ديريكت للمحل لقا حميد تماك
حميد: سااط فين كنتي ..لباس عليك
طلحة: مالاباس ماوالو فرقني عليك احميد
حميد : مالك معصب اصاحبي …واش لهضرة لي سمعت بصح ؟؟
طلحة: اشمن هضرة عاوتاني ؟؟
حميد : ناس ديال درب كاملهم كيهضرو فيييكم نتا و ديك الزاهية …كيقولو نعستي عندها..شوف انا مكنتيقش بهادشي (حط يدو على كتفو)
طلحة:(كيشوف فيه) عندهم الحق كنت عندها
حميد:(كيشوف فيه مطولا و حيد يدو مغدد ) خنتي ذكرى …لفقيه لي تسنينا براكتو دخل لجامع ببلغتو
طلحة: حتى نتا احمييد ؟؟؟ كتشك فيا نديرها …ماعرفتش حتى كيفاش وصلت عندها كنت مريييض و عياااان
حميد: واااش بعقلك اصاحبييي غير قوليا شكون ايتيق هادشي
الأرض كاملها عمرات بالدم ...و الجو مضيم و فيه البرد...سكوون مخيف كيتسمعو فيه تنهيداتها المتألمة...كتشوف الشعر فيديها طايح بالكبات و التقية مابغاتش تحبس ليها...كتقطع من حجرها و كتشوف ف دمها نازل و كتغوت لربي لي خلقها...كتحاول غير توصل للباب و كتنادي على اي شخص ياريتو يسمعها…
ذكرى: عتقووني…
مامن مجيب ليها و طلعات راسها الفوق كتغوت بجهد.
...تقلبات على كرشها كتزحف باش توصل لتيليفونها و كل ما كتقرب الالم كيشوط فيها و صابرة ...ماعارفاش باش تبلات و لا شنو واقع ليها ...كتشوف كولشي ظلام و شيحاجا واقفة عليها كتخنقها و تبعدها ...بقات كتنهج و العرق كيهبط منها و كتمتم ببعض الكلمات...حلات عينيها تاني و بدات تكمل حتى وصلات لتيليفونها لي كان فوق النموسية و ضورات اول نمرة جات فبالها و كتخاطبو بصوت مترجي و باكي
ذكرى: ….ليث...عتقني ا ليث ...عفاك عتقني غادي نموت
…داز وقت باش يوصل عندها …لقا لباب د برا محلول و طلع عندها اما لباب لوسطاني مسدود…بقا كيضرب فيه حتى فرعو و دخل …لقاها بداك لمنظر غارقة فدمها و سخفانة…هزها فيديه و خرج كيجري بيها …وقيتا ديال الظهر نهار لقهار مكيضور حد برا…ركبها و زاااد بيها لكلينيك…اما طلحة عقل فلخدمة و عقل مع هاد لموصيبة لي تسلطات عليه …حظ كولشي من يدو و مشا عند الزاهية كيدق فبابها حتى حلات ليه غير شافتو ابتاسمات
الزاهية: طلحة …رجعتي
طلحة: الزاهية …سمحيلي الى جبت ليك المشاكيل و حتى انا ماناقصيني ليرضي عليك زيدي معايا عند ذكرى و قولي ليها بلي ماكاينة حتى حاجا بيناتنا و عاوديلها شنو وقع بضبط
الزاهية :(تلاشات ابتسامتها) ماتكون غير على خاطرك
طلحة: نسالي خدمتي و نرجع عندك …عارفك بنت ناس ماتبغيش ليا الضرر الله ارحم الوالدين
…مشا رجع للمحل يكمل الخدمة و هو باقي على اعصابو…ماقدرش يكمل و يزيد يجلس كأن شيئا لم يكن …نعل الشيطان و رجع لعندها باغي يتصالح معاها و يبداو صفحة جديدة …غلطات فحقو و غلط فحقها و لكن هادا هو الزواج مبني على الصبر و التفاهم غادي لدار باغي يصلح الغلط …مكيعجبوش يبكيها و لا يفقصها…و حتى باغي يأكد ليها بلي عمرها خانها والا غادي يخونها فحياتو …بلي هي لي فقلبو و عقلو و عمر بنت لمرا تجي بلاصتها و غادي يجيب الزاهية تعتارف ليها و تقول كلمة الحق …وصل لدار و طلع حتى كيلقا بابو مفروع…مافهم والو و حط عليه يديه كيتفحصو…دخل بسرعة كينادي بسميتها…هبط عينيه للارض كيشوف بقع دم و بقا متبعهم و قلبو كيزدح…حتى وصل لبركة دم كانت كبيرة …تحنى على ركابيه بدون ملامح و مصدوم…مافهم والو او بعبارة اصح مابغاش افهم …ناض مرة اخرى كيغوت و ينادي باسمها و قلبو كيضرب فتسعين …الخوف امتالكو ديال بصح …خرج كيف لحمق كيقلب عليها و كيسول عليها الناس و حتى واحد ماشافها…و شكون ايشوفها من غير رب العالمين لي كيشوف مرارة قلبها و نغصة لي فيه …طيحات ولدها و تلاحت فسبيطار…و حداها هاداك لي مشارك فالجريمة و سبابها فعذابها…كيشوف فيها بشفقة و حسرة …بدات كتحل عينيها و اول حاجا حطات يدها على كرشها كتحسسها و شافت فجنب فيه و هو ناض عندها جلس حداها …
ليث: الحمد لله منين فقتي
ذكرى:(ببرود) واش مات ؟
ليث: ماكتابلوش يعيش …الحمد لله نتي حية
ذكرى: (شافت فالسقف) طاح ولدي و طرف من كبدتي …طاح عمري فرمشة عين
ليث: بكي الى كان لبكا ايريحك…بكي باش ترتاحي
ذكرى:(ابتاسمات عكس حالتها و داخلة فصدمة) نشفووو دموعي …كان عندك الحق عذبني و تكرفص عليا …سمح فيا و فولدو و خاني …
ليث:(شدلها فيدها ) انا معاك
ذكرى:(رجعات كتشوف فيه ) حتى نتا انقول عليا حمقة و مسطية ياك ؟ حيت كنشوف خيال كيخنقني و مامرتاحاش و خاطري مزير عليا …اتقول عليا مسطية؟؟؟
…نعسات باش ترتاح و هو غطاها و خرج …هضرتها و تصروفاتها لي ماكانوش طبيعيين…الى كانت ذكرى ليوم تصرفات هاكا ف كتخبي بركان هاااايج عالم بيه غير اي خلقها…اتحرق راسها قبل لخضر و ليابس…جبد تيليفونو…و صونا ليها ..
الزاهية: شكاين ؟
ليث: الزاهية حبسي هادشي باراكا…بعدي منها و فكي داك زمر لي درتيه
الزاهية: لا غير تهنى ماغاتموتش…فاش تبقا بعيدة عليه ماغاتبقاش هكك
ليث: شوووفي مااابغييتهاااش توقع ليها شيحاجا
الزاهية: (قاطعاتو) هنينا داكشي لي تافقنا عليه كنطبقوه…هي ليك و طلحة ليا (قطعات)
جات كتجري عند خوها للكاراج و هو غير غادي جاي …دخلات بسرعة و بدات تهضر
اكرام: راااه ماكايناش فدارهم
طلحة: كنت عااارف و مابغيتش نزيد نقلق الحاجة و هي مريضة و هازة لهم (كيمسح على وجهو) فييين اتكووون
حميد: ماعرفت اصاحبي مانقولك والله ماعرفت
طلحة:(جلس فلكرسي) ياربي تكون بيخير (رجع ناض) انمشي عند البوليس انمشي لكلينيك انمشي لأي قنت غيير نلقاااها (خرج)
حميد: طلحة تسناااني (خرج تبعو)
…كانت معاه فطوموبيل غاديين هي ساكتا و هو حداها كيصوگ و كيشوف فيها مرة مرة حتى نطقات
ذكرى: فين اتديني ؟
ليث: لدار
ذكرى: (حطات راسها على زاج ) توحشت ليام لي كنا كنخرجو فيهم و نقصرو (ضحكة بخفوت)
ليث: نتي غير براي و نعاودو نقصرو
ذكرى: عندك كارو ؟
ليث:وي (مدو ليها هو و لبريكة )
ذكرى: (حطاتو ففمها و بدات كتكمي بشوية و كطلع لمزاج) شحال هادي ماكميت
ليث: كان قاطعو ليك طلحة
ذكرى: قطع بزاف دلحوايج
ليث: كولشي كيفوت (حل السرجم)
ذكرى: توحشت صحابنا لي كنا كنقصرو معاهم …عيط ليهم فليل و نديرو قصارة فدار
ليث: راك باقا عيانة و حجرك كيضرك
ذكرى: حتى حاجا مكضرني غير عيط ليهم ندوزو لوقت
ليث:(تنهد) اوكي
…وصلو لدار و نزل و ضار لعندها نزلها …بقات ثواني كتشوف ف الفيلا من برا عاد دخلات …مشاو نيشان لبيت ليث و خلاها تماك جالسة و رجع خرج …هبط لقا مو فصالة و دخل عندها كيشوف فيها
ليث: جبت ذكرى معايا
ماريا: ذكرى؟ علاااش و خوك فينووو ؟؟؟
ليث: مايستاهلهاش و طيحات بسبابو و هي لي طلبات مني نعاونو
ليث: عفاك الوليدة عييت من هاد لهضرة دابا نساي و ماتقوليش ليها شي هضرة ضيع خاطرها
ماريا: هادشي لي كديرووو ماااااشي هو هاداك اليث
ليث: و لي كيديرو ولدك حتى هو مامزيانش
….خلاها و مشا كتهز و تحط بوحدها…مشا لعند ذكرى راجع عندها …لقاها ماكايناش و بدا يناديها…سمع تخرشيش فدريسينغ و دخل لقاها جالسة فالارض كتكمي و حاطة قرعة د شراب ديالو حداها كتشرب منها ….كتشرب جغمات كبار و كاع ماجاها حار …حيد ليها لكارو طفاه برجليه و حيد ليها لقرعة و نوضها
ليث: ذكرى ماشي عيب تبكي و تغوتي…خوي شنو فقلبك و ماديريش هاد الحالة حيت ماجاتش معاك
ذكرى: شنو لي ماجاش معايا ؟ نشرب و نكمي ياك كنت مولفاها هممم…(كضربو بسبابتها فصدرو و كطلع راسها فيه بثقالة) ياك نتا علمتيني نكمي و نشرب هممم و دابا كتقولي ماديريش هاد الحالة
ليث:(بحزن) نتي مجروحة
ذكرى: و مقهوورة (بهمس) هادي حالة وحدة خسرات كولشي (كتشدد عليها ) كولشي … و عادي فهمتي الحياة فرص …واش نبقاو مضيومين…(جلسات على النموسية و تكات عليها) كولشي كيفوت …ليلة نقصرو كيما ولفنا عادي اه عادي
…بقا كيشوف فيها مطولا …خلعاتو ديال بصح …كون بكات و غوتات ماكانش ايتخلع و لكن هاد لحالة اي وصلات ليها و تبدلات فخطرة ماعجباتوش …خلاها على خاطرها و خرج مرفوع مافاهم حتى وزة…
طاح الليل و نسج خيوطو… و كانت قدام لمراية كتقاد وجهها و كضحك…دخل عندها حاط يديه فجيابو و كيراقبها شحال هادي ماشافها لابسة لباس قصير و لا مقادة وجهها و شعرها ابتاسم ليها و زاد قرب …
ليث: هادي هي ذكرى لي كنعرف …زوينة ديما
ذكرى : (ضحكات) جاو دراري و لبنات
ليث: جاو ووجدنا جليسة على حقها و طريقها
ذكرى: ليوم نقصرووو…نخرج كاع لي فقلبي
ليث: يالاه زيييدي
…شبك يدو مع يدها و خارجين كيضحكو…مشاو ديريكت لصالة عند عشرانهم و بقاو كيتسالمو و فرحانين حيت شافوها اخيرا…بداو الخدم كيسربيوهم فشراب و لي بغاو ردو داك القنت بحال البار و هوما كاع مامسوقين غير كيضحكو…هي كانت غير كتشرب و تكمي فلحشيش باغا ترفع فدقة و تنسى لهم ينساها …كانت كطل عليهم من لفوق و مقززة من لي كتشوفو ماحملاتش راسها و هي تعيط لاكرام معصبة… هاد الاخيرة لي جاوباتها
ماريا: واش خوك تسطى ولا شنو واقع ليه مخلي مرتو تجي لهنا
اكرام: وااااش ذكرى تمااااك ؟؟؟
ماريا: قوليه يجي يهز مرتو راه عيقات (قطعات)
…كان راجع هو و حميد من بعد ماخلا حتى بلاصة قلب عليها حتى بدا يفقد الامل و حس باحساس خايب بزاف…شاف اكرام جايا لعندو بسرعة منين قشعاتهم من سرجم و نطقات
اكرام: خويا ذكرى كاينة فالفيلا عاد عيطات ليا ماما و قالتها
طلحة: (كيشوف فيها مطولا) كاينة فلفيلا د الخماري ؟؟
….باقا كضحك و تقشب معاهم و هي تنوض هازة فيديها كاس
ذكرى: عرفتو شنو اجمل حاجا ف الحياة …لفلوس و شراب و لكوااا هههه هادو بثلاثة جربتهم و واعريييين راه مايمكنش
ليث: ههههه و حتى صوت بنت الحاج واعر ماناوياش تغني كيما موالفة
ذكرى: لا لا بغيت نشطح هاد لمرة …نشطحو و نغنيو يالاه نوضو معايا نوضو
…طلقو شعبي و ناضو كيشطحو و هي فوسطهم كيف شيخة كتحرك الطرف و تهزو…و ضرب بشعرها و صدرها هنا و هنا ….قصرو دياااااال بصح و شطحو و بردو لقلب…هي كتبرد الكية ديالها حابسة دموعها بضحكة و كتشطح على خلا دار بوها…كدير كولشي فهاد اللحظة من غير انها تفرح و تنشط حيت ماحاس بالمزود غير لي مخبوط بيه …كيفو هو لي كان كيحس بلماس داخلين ليه و هو كيشوف لباسها و شطيحها فوسط لعزارة و ضحكتها…كيشوف الكارو فيديها و لكاس فليد لوخرا و مامتيقش واش بصح هادي هي ذكرى لي عشق واش بصح هادي مراتو واش كيحلم…حيت الى كان كيحلم بغا يفيق خلاص و يلقاها حداه ماباغيش يعيش هاد اللحظة…و مايستاهلش لي كيشوفو…
من كثرة الصدمة و منين شافو ليث حبس الموسيقى و سكتو كاملهم كيتسمع غير صوت ضحكتها و مياعتها فالهضرة
…ماحسات براسها غير تجبدات من يدها حتى طاحت فالارض و عاود ناضت…كتحاول تفهم باش تبلات و شكون كيجرجر فيها ..طلعات عينيها لقاتو طلحة …زادت ضحكات و مدوخة
ذكرى: لمحابسي جا عندي
…ماهضر ماتكلم …بسرعة حيد السلهام د لفوقية و لبسو ليها يسترها من لبرد و شوهة و كيجرها و هي كتمايل و دايخة…كيسمعها كتقول هضرة مامفهوماش و لكن اعصابو مامخليهش مركز معاها…ركب فطوموبيل لي جاب هو و حميد لي كان كيصوگ …بقاو ساكتين و حميد كيشوف ف طلحة عمرو شافو معصب حتى لهاد لمرة و كيسكت مكيعبرش على العصبية ديالو …وصلو للدرب و هبط طلحة و جر معاه ذكرى لدار
حميد: طلحة بلعقل كيتحلو المشاكيل
طلحة: تلاح لدارك احميد ….
…طلعها لدار و هي كتمايل وضحك ماقادراش تزيد و كيدفعها حتى دخلات لدار …مع غادي طلع راسها فيه مع حسات ب تصرفيقة حارة جاتها ف حنكها خلاتها طيح فالارض …تبدلو تعابيرها فخطرة …اما هو بقا كيشوف فيها و مغدد …و كيشوف ف يدو لي ضربها بيها كترجف هو لي عمرو هز يدو عليها ولا فكر حتى فيها …
طلحة : أكبر منافقة و ق*حبة شفتهااااا فحيااااااتيييي هي نتييييي اللله انعل نهاااار ليييي لاااقااااانيييي بيييك لهلا ارحم فيك شي عظم
….ماكانتش كتسمعلو كانو عينيها على الدم ديالها لي باقي فالارض و حاطة عليه يديها…هزات يديها قدام عينها و بدات كترجف كأنها يالاه فاقت و بقات تبكي …
ذكرى: مات …طاحلي …مات
…ناضت و ضارت عندو كتشوف فيه و فيديها لي عامرين دم …
ذكرى: شوف الدم لي وسختي بيه يديك …شووووف دم ولدك لييييي قتلتيييييه بفعااااايلك
طلحة:(كيتمتم و مركز فيها مصدوم ) اش اشكتخربقي (شدها من دراعها ) ماماتش ماااامااش
ذكرى:(دفعاتو كتغوت فوجهو) وااااااا ماااااات مشااااااا عند الله ماااات ….فااااش فقصتيني و خرجتي و خليتيني كنتقطع علييييه راااااه ماااات ….فاش جا خوك كيجري باااااش يعتقني لقاااااوه مااااات ….و لكن انا مت فاش كنتي عندها و مت و نتا كتجاهلني و مت من التعااااامل ديااااالك….الى كان كيحسابلك تصرفيقتك وجعااااتني فرااااه درتيييي ماكثر منهاااا….(كضربو ف صدرووو) و انااااا (كتزيد ضربو) درت مااااكثر….(كضربو) تعريييت قدامهم و شطحت و سكرت و كمييييت(كضربو بجهالة) شفتييييي شنووو درت شفتييييي (كتنهج و بعدات منو) نتااا قتلتيلي ولدي و قتلتيني (بدات تبكي فوجهو و تشهق) قتلتيني عمرني نسمح لييك عمرني
…طاحت فالارض كتبكي …و هو كيشوف فيها و كل كلمة قالتها دخلات ل لعقلو و قلبو و جرحااتو بقا كيشوف فيديه و بدرع باش كيطلع الهضرة …ضار على جنبو كيشوف انعكاسو فلمراية…و رجع كيشوف فيها
طلحة: شنو درت ؟؟؟ (كيشوف راسو فلمراية ) شنو درت فحقك و فحق لي خلقني …(هبط راسو ضاغط على قبضة يدو ) تحرمتي عليا ابنت الحاج
ذكرى:(رجعات كضحك) ههههههههههه تعقل تعقل نهار قلتيلي حرام عليا ديني نهار نبكيك و لا نهز يدي عليييك نتاااا رااااك قتلتييييني نتاااا قتاااال و اتبقا قتاااال دييييما و على هادشي دخلتي للحبس حيت قتاااال …(طلعات راسها فيه ) بحالك بحال الحاج بجوووووجكم بحال بحاااال و بجوجكم كنكرهكم….
…بدا كيتحرك بخطواتو لور و مركز فيها شوفاتو ملاميحو مقسحين من هضرتها ماقدرش يزيد يسمع و خرج و هي بدات تزيد تغوت
ذكرى: هرب كيييما مواااالف هرااااب دييييما و تخليييني حيييت خوااااف مكتقدرش تسمع الحق ….سيييير الله يااااخد فيك الحق كنكرهك وااا كنكرهك
كتغوت بجهالة و تبكي …صوت الصدى كيتسمع و شوية د الوقت داز علاما رجع لعندها و دخل لقاها متكية بلاصتها كتبكي و تشهق…جلس حداها مضمر ووصلات فيه لعضم و نطق
طلحة: عمرني فكرت نخونك و لا خنتك الله شاهد عليا …عمرني يأست من انني نرجعك لطريق و نعاونك توبي…و عمرني حبست من حبي ليك واخا كيضرني و كيخنقني (مسح دمعة طاحت ) حتى فاش غدرتيني و هربتي بقيت كنبغيك و حتى فاش كرهتيني بغيتك و مافرطتش فيك ، كنت كنشوف ولادي معاك وولدي مشا دابا و قضاء الله و ما شاء فعل…مابيدي حيلة و لكن ماشي انا السباب اذكرى …فعايلك خايبين و عمرك تبدلي انا عييت نحاول و نتي عييتي تصبري و حرارت العيشة بيناتنا…اييه حرارة لدرجة هزيت يدي عليك و نتي هزيتي صوتك و خطيتي فكلامك و طعنتي فشرفي بلباسك و فعايلك
ذكرى:(كتشوف ف نقطة وحدة و صوتها مبحوح) تستاهل كل ما جرا فيك
طلحة: نستاهل عندك الحق …جبت الحاجة معايا خرجي شوفيها
…منين قاليها هاكا ناضت كتجري خرجات لقات مها واقفة تلاحت عليها ذكرى كتبكي و تشهق و هي مها كتسكتها و تبكي معاها
حبيبة: صافي ابنتي طيبتي عينيك
ذكرى: ديني معاك اماما ديني معاك عفاك
حبيبة: خصك ترتاحي ابنتي …شنو واقع بيناتكم ؟
طلحة: غير الخير الحاجة و ابغض الحلال
….شافت فيه ذكرى و حتى هو شاف فيها …طوالت الشوفة بيناتهم…نظرات مختالفة على شنو قال لسانهم…قاطعها بصوت متقطع ماقادرش يدوي و كيشوف فيها
طلحة: نتي مطلقة اذكرى …
كيما كاينة الفرحة و الضحكة كاينة لغبينة و الدمعة…يوم ليك و عشرة عليك و هادي هي دنيا لي ماخرج منها ماخرج من عقايبها…و شكون كان كيقول بلي علاقة بحال هاكا كانت اتسالا…بعد داك الحب لكبير و لهضرة لغزالة كولشي تبخر و رجع فخبر كان بحال عمرو كان …دازو ايام على ديك ليلة و فواحد صباح …كانت فحجر مها و ناعسة بلاصتها و خديجة ناعسة حتى ف حجر حبيبة و بثلاثة بيهم غير ساكتين و ناشفين دموعهم
ذكرى: شحال هادي ماتجمعنا هاكا
خديجة: هاحنا تجمعنا
ذكرى: اه (ابتسامة) بحال شحال هادي …
خديجة: ولكن الحاج ماكاينش و ادريس ماكاينش…و انا تكرفصو عليا (بلعات ريقها) و نتي ..
ذكرى:(ضحكات و قاطعاتها) طلقني و رماني ههه
حبيبة: يهديكم الله هادشي داز عليه شهر …ربي كبير ماتبقاوش تخممو فهادشي
خديجة: حتى حاجا مكتنسى اخالتي
ذكرى: غير كنكمدوها فقلبنا و نسكتو
حبيبة: نوضو عليا نوضو طيبتولي قلبي …شنو نقول انا لي ولدي مليوح فالحبس حتى انا راه كنتشوا
ذكرى:(تنهدات و ناضت ) دار لحاج تشتتات
خديجة:(حتى هي ناضت كتمسح دموعها ) دازت شهر كامل و مابغاش هادشي يتنسا
ذكرى: صاااافي مسحو دموعكم مسحوو..عندي ليكم واحد الخبر
حبيبة: شكاين ؟
ذكرى: جاتني خدمة فواحد الشركة كبيرة فكازا و الخلصة مزيانة
خديجة:(بفرح) بصح؟؟ الله اسهل عليك
حبيبة: الحمد لله ابنتي شتي ها ربي مكيسد باب حتى كيحل بيبان
ذكرى: داكشي علاش زيدو نمشيو منهنا …نبيعو دار و نرحلو مانبقاوش هنااا
حبيبة: شنو كتقولي ؟؟ بغيتيني نفرط فدار لي خلا ليا الحاج و نسمح ف خوك و نمشي
ذكرى: انا ماقادراش نبقا هنا كولهم كيشوفو فيا و يتشفاو و ينعتو فيا بصباعهم
خديجة: حتى انا …كنسمع غير كلمة هاهياك هاديك لي تعدا عليها شيخها
حبيبة:(تنهدات) سيرو نتوما بجوجات…
ذكرى: و نخليوك هنااا ؟؟؟
حبيبة: انا هنا انبقا حتى يخرج خوك ان شاء الله ،نتوما سيرو خدمو و بداو حياتكم توانسو بيناتكم و حطو راس على راس راكم خواتات و موس واحد يذبحكم
خديجة:(كتشوف ف ذكرى) و لكن مازال ماخرجات ليك ورقة طلاق
ذكرى: (بدلات ملامحها) اتخرجلي هاد الايام…هضرت مع المحامي و قالي ايرد عليا
حبيبة: الله افتح ليكم بيبان الخير
ذكرى: يالاه نجمعو حوايجنا اخديجة
خديجة: قوليلي فين انسكنو و شكون ايورينا لبلايص تماك
ذكرى: السكنة على حسابهم و لبلايص غادي نسولو لي عندو فمو مايتلف (صونا ليها التيليفون)
خديجة: شكون ؟؟
ذكرى: المحامي…جبد الكلب و هز الزرواطة (جاوبات) الو وي …اه (زيرات على قبضة يدها) اه ..شكرا بزاف (قطعات)
حبيبة: شنو كاين ابنتي؟
ذكرى: والو امي غير تفك صراحي (خلاتهم و مشات لطواليط سداتو و بداو دموعها كيهبطو و كتهضر بصوت مجروح ) الله اسهل عليك
فنفس النهار جمعو حوايجهم و كاع لي يحتاجوه خداوه…كانو على سبة غير يتفكو و يغيروها…يوماين ديال جميع و كولشي سالاوه ووصل النهار لي ايخرجو فيه …توادعو مع حبيبة لي كتعنق فيهم و تبوس و تمنى ليهم الخير و خرجو هازين ليفاليز ديالهم و صيكانهم و لابسين طويل مع فولارهم…غادين كيتمشاو علاما يوصلو لشاريع يشدو طاكسي يوصلهم لاكار ديال تران …سمعو نداء ..و ضارت ذكرى هاد صوت ماخافيش عليها
ذكرى: اكرام ؟
اكرام:(عنقاتها) لباس عليك ؟؟
ذكرى: بيخير اختي و نتي
اكرام: غبرتي…سمعت شنو وقع كاع مابغيناكم توصلو لهاد لماصل نتي و طلحة
ذكرى: مكتاب الله تصرف ماعندنا مانديرو الله اسهل عليه
اكرام: و فين غاديين ؟
ذكرى: قررنا نخويو مكناس…مابقا عندنا مانديرو هنا
اكرام: (بحزن) الله اسهل عليكم
…عنقاتهم هي و خديجة و خلاتهم يمشيو…و رجعات ادراجها غادية ل كاراج…لقات حميد و طلحة خدامين و بقات كتشوف مطولا ف طلحة لي كيبان عادي …
اكرام: تلاقيت ب ذكرى
حميد:(طلع راسو فيها و شاف ف طلحة لي مادار حتى ردة فعل ) اوا
اكرام: خوات مكناس …مشات و عمرها ترجع
حميد: الله اسهل على كل واحد
اكرام: و نتا اطلحة ؟
طلحة:(شاف فيها) مالي انا ؟
اكرام : شنو باقي كدير هنا ؟
طلحة:(بتهكم) كنخدم
…تنهدات و مشات خلاتو لي فيه كافيه و فعلا حتى واحد مكيشوف نار لي فقلبو و دابا منين عرفها مشات ماقدرش يستحمل و حط المنشار من يديه و خرج …مشا طلع لدار كيلقا سكون رهيب…شهر و هو عايش فيه …كيشوف ف ركاني و مابقاش حامل هاد الدار …هاد لمرة خرج منها فدقة و سدها و طرقها مزيان و خرج …داز على حميد فالكاراج و نطق
طلحة: رد لبال انا راجع
حميد : فين ؟؟
…خلاه هكك بلا مايجاوبو و مشا شد طاكسي و نعتلو بضبط فين يوصلو …طريق كلها و هو كيفكر حيت شهر و هو محمق راسو بتفكير ووصل لفين بغا …كيشوف ف المزرعة من طرف حتى لطرف و دخل كلما كيقرب من لفيلا خاطرو كيتزير و لكن هانيا تزير قبل منها و باقي صابر….بقا كيتمشى بخطواتو…شافتو لخدامة و مشات عيطات لمارية لي فورما سمعات الخبر هبطات مبتاسمة عندو
بعد بضع ساعات كانو مجموعين فالبيرو بربعة…طلحة ،اكرام و ليث و ماريا …غير ساكتين و الغريب فالامر ان ليث بعد ماعرف مادارش ردة فعل تقبلها…
ماريا: شوية و ايجي المحامي و غادي يسلمك كاع لوراق
طلحة: بغيتو يدير تعديل عليهم …مابغيتش كولشي بغيت غير حق الوليد لي كان كيخدم عليه بالحلال…مابغيتش فرنك واحد يدخل عليا بلحرام
ماريا: كتقصد الشركات و شي مطاعم ؟
طلحة: اي حاجا ديال الوليد ماشي ورثها من الخماري ولا عندها علاقة بيهم (شاف ف ليث) شي لاخر تقدر تاخدو
ليث: مانقدرش نخلي خدمة العائلة توقف …المزارع و معامل شراب انشدهم و حتى الشركة لي كتصدر السلعة
طلحة: شغلك هاداك
اكرام: كيفاش ؟؟ دابا قسمتو بيناتكم (شافت ف طلحة) كنتي رافض الفكرة فالاول و دابا ياك بعدنا على كولشي ؟
طلحة: تيقي بيا مابقيتش حامل نبقا تماك (ابتاسم ليها) الوليد ماكانش كيدير الخدمة دلحرام و فلوسو نقية
اكرام: انا مابغيتش لحرام (شدات فيدو) انخدم معاك
ماريا: دابا منين تفاهمتو و بعدما غادي يعدل المحامي لوراق…بغيتكم تجيو تسكنو هنا كاملين ..نتوما خوت
طلحة:(كيشوف ف ليث) خوت
…خرجات ماريا و تبعاتها اكرام و بقا غير طلحة و ليث …ساكتين و هادئين …طلحة كيشوف ف ليث و هاد الاخير لي كيتهرب من نظراتو
ليث: ماتبقاش تشوف فيا هكك …ماشي انا لي فرقتك عليها …كنت كنبغيها بحالك و كثر
طلحة:(ربع يديه و باقي كيشوف فيه ) ماهضر معاك حد
ليث: كنعرف شوفاتك مزيان …(ناض) دابا منين انعيشو فدار وحدة كلها يحتارم راسو نتا بطريق و انا بطريق
طلحة:(ناض و شدو من دراعو باقي كيشوف ف عينيه و ليث كان متوتر ) الذنب و تأنيب الضمير كياكلوك…و هادشي كافيني …
…نفضو من يديه و خرج و ليث جلس فوق البيرو كيمسح على راسو مايكدبش على راسو …بصح كيحس بتأنيب الضمير و كثر منين كيتفكر شنو دار …و لي كيأنبو كيشوف طلحة اخر قدامو طلحة لي تبدل 180 درجة ديك الروح الزوينة مشات ليه و الحزن عشش قلبو…كيشوف بلي ذكرى خرجات من حياتهم بلا حس و هي ظهرها مهرس و ماعندها ذنب و كيشوف بلي لفعايل لي دار زادو على الحد ديالهم …بلع ريقو و جبد تيليفونو كيشوف فيه مدة طويلة و ضور النمرة و نطق
ليث: ألو…البوليس
….بعد مرور عامين ….
صوت اذان الفجر كان عالي فالارجاء…تغلغل مقامو لدار لي كانت لاسقة معاه …صوت التجويد خلاها تفتح عينيها و تنفس بعمق مع ابتسامة فشفايفها…ناضت من بلاصتها كتكسل و كتسلسل على اطراف صباعها …دازت من حدا واحد لبيت و تمشات بهدوء و زادت لطواليط توضات و خرجات و عاد مشات للبيت لي دازت من حداه و حلاتو …دخلات كطل مالقاتهاش فبلاصتها و زفرات و قلبات عينيها…توجهات لصالون لقاتها حاطة السجادة و كتسلم و التسبيح بين يديها و لابسة خمارها بيض و وجهها من نور مضوي…ابتاسمات ليها و نطقات
خديجة: فوقاش نضتي و فوقاش بديتي الصلاة ماحسيتش بيك
ذكرى:(ابتاسمات ليها) فقت ساعة قبل صليت ركيعات علاما تفيقي
خديجة: ديك ساعة فيقيني نصلي معاك
ذكرى: عارفاك كتعياي للخدمة و خليتك ترتاحي و هاني كنتسناك نصليو لفجر
…لبسات خديجة خمارها ووقفات حداها و بداو الصلاة بخشوع و تضرع …صلاو الصبح و بداو يدعيو …هزات يديها و بدات تدعي و مغمضة عينيها ماحسات غير بدموعها كيهبطو ككل مرة كتصلي …مسحاتهم و ناضت كتقرا القرآن و خديجة كتوجد لفطور…شوية و ناضت تبعاتها كتعاونها و حطو لفطور و بداو كيفطرو
ذكرى: معاياش اتسالي لخدمة ؟
خديجة: كيف ديما …علاه؟
ذكرى: قلت نخرجو نتساراو شوية و نشريو شي حاجات
خديجة: غير عفيني كنجي راسي كيبغي يطرطق
ذكرى: (كترشف من اتاي ) وا نتي لي بغييتي اختي تقري لبزوز
خديجة:(ابتاسمات) حشومة عليك والله حتى ظريفين و صغيورين و زيدي عليها ليوم اخر نهار و نشد كونجي
ذكرى:(ابتاسمات هي الاخرى) حتى نتي ظريفة و صغيورة ههه و خليني نوض حيت الخدمة مكتسناش و الباطرون ايكعا عليا
خديجة: سيري يالكديديبة علاه فين عمرو كعا عليك
ذكرى:(كضحك و غادا للبيت تلبس حوايجها) وا باراكا من طنز
توجهات لبيتها و جبدات عباية خضرة طويلة مع شال باج و طالون باج..دارت ماكياج طبيعي و لبسات و هزات صاكها مجموع فيه كولشي و خرجات …ركبات فطوموبيل ديالها و تحركات في اتجاه الشركة لي خدامة فيها …وقفات طوموبيل فالباركينغ و دخلات…كولشي وقف و كيتسمع صقيل و محتارمينها و هي مبتاسمة ليهم …دخلات للبيرو ديالها و يالاه جلسات و هي دخل عندها السكرتيرة…
ناضت تاني …جبدات تيليفونها كتشوف ف وجهها دغيا و خرجات بخطوات ثابتة…وصلات لبيرو لي كان ف اخر طبقة و هي دق فالباب ..حتى سمعات بلي أذن ليها بالدخول…حلات الباب و ابتاسمات فوجهو و بادلها الابتسامة…كان شاب ف الثلاثينات حروفو كحلة و باقي صغير ف اكيد عائلتو مرموقة و شاد الشركة ديال باه لي خلاها ليه …دخلات كيما طلب منها و اشار ليها بيديه تجلس و داكشي لي كان ..
ذكرى: ميسيو اليعقوبي طلبتيني
أشرف: لا لا قوليلي ميسيو اشرف
ذكرى:(خسرات سيفتها ) لا كضحك على نطقي لراء
أشرف : مانضحكش والله
ذكرى: واخا ميسيو اشرف (كتنطق الراء كروازية)
…ضحك بصوت عالي عليها …هادا هو حالهم ديما كيدير ليها هاكا و كيعجبو تنطق سميتو باش يضحك و عمرو عجباتو سميتو حتى عجباتو عندها …
ذكرى:(خنزرات فيه ) بسالات
اشرف : صافي صافي (كيكتم ضحكة) هاني سكت
ذكرى: علاش طلبتيني
اشرف:(تكا على الكرسي و طول فيها الشوفة) واش ضروري خصني نطلبك حيت باغي منك شيحاجا اذكرى ؟
ذكرى:(تزنكات و هبطات راسها ) احم
اشرف: عندنا شراكة مع واحد الشركة و بغيت نصيفطك نتي تقادي الامور بصفتك مديرة العلاقات العامة و مولات الشركة كأنني انا لي حضرت
ذكرى: شركة ديالاش بغيت نشوف وراقها باش نقاد اموري
اشرف :(ناض كيتمشى و جلس فالبيرو مقابل معاها هي لي كانت جالسة فوق الكرسي ) شركة كنصدرو ليها لخشب باش تصنعو و و داكشي لي كتصنع كيتحط فبوتيكات كبار و كيتباع ب اثمنة خيالية
ذكرى: دونك هوما لي محتاجينا
اشرف: ماشي صون بوغصون الشركات لي بحالنا و لي كيصدرو ليهم لخشب عطاهم الله و لكن حنا الى تعاقدنا معاهم ايزيدو مشارعنا للقدام و حتى ارباحنا و مهمتك تخليهم يتيقو فينا و يتعاقدو غير معانا
ذكرى:(ابتاسمات) اعتبر الصفقة خذيناها
اشرف: (ابتاسم) عارف اناخدوها حيت نتي انسب وحدة لهاد المهمة
ذكرى:(تنهدات) ميسيو اشرف انا حاليا مكنفكرش فزواج و مامستاعداش ندخل لعلاقة
اشرف: انا عارف التجربة اللولة كانت خايبة و لكن هادشي مكيعنيش انك تسدي على قلبك و تحكمي على راسك بالوحدانية حياتك كاملها…عاماين و انا كنتسنى جوابك و مامليتش
ذكرى: ماغاتفهمنيش واخا نشرح ليك …انا ماقادراش على تجربة اخرى هاد الساعة بغيت نركز على خدمتي
اشرف: ماعليش اذكرى انزيد نتسنى و نشوف جوابك
ذكرى: سمحلي (كتشوف فيه بترجي) و خيرك عليا سابق
اشرف: كولشي ديالك انا ماكنمنش عليك و حتى الى ماكتابيناش لبعضياتنا على الاقل حاولت نكون معاك …و نتي تستاهلي كل خير و ديري فبالك بلي كولشي خديتيه بمجهودك لا غير
ذكرى:(ابتسامة) شكرا
اشرف: وجدي راسك غدا غادي تمشي لمكناس
ذكرى: مكناس ؟ !
اشرف: وي الشركة كاينة فمكناس كاين شي مشكل ؟
ذكرى:(شافت فيه مطولا) لا لا …ياك غير انتعاقد معاهم و نرجع دغيا
لا تغرنك خمرة شفتيها الجزء العاشر
محتوى القصة
دخلات لداخل و هو بقا كيتخبط ف افكارو…خاطرو تزير عليه و الغضب بدا يتملكو…و الشك دخل لقلبو و الى دخل الشك للقلب كيتعفن و عمر الثقة كترجع …بقاو هكك حتى تغداو الناس و بداو اخرجو فهاد الاثناء بقاو غير هوما فدار … حتى جاه اتصال لادريس و بقا كيهضر و مصدوم
ادريس: انا جاااي…واخا
حبيبة: ولدي شنو واقع ؟؟؟
ادريس: لقييت خديجة
ذكرى: خديجة ??? علاه فييينهاااا
ادريس: هانا مشيت
حبيبة: انمشي معاك اولدي
ذكرى: شنوو كاين فهموني
حبيبة: حتى نرجعو
ذكرى: انمشي معااكم
طلحة:(شدها من يدها) ماعندك فين تمشي
ذكرى: راااه خصني نمشي
طلحة:(بصرامة) قلت ليييك ماعندك فين تمشي ..تحركي قدامي لدااار
…بقات غير كتشوف فيه مافهمات والو … مشات مها و ادريس و هي تحركات معاه لدار …غير دخلو ضارت عندو بتساؤل
ذكرى: علاااش درتي هاكا ؟؟
…ساكت مكيجاوبهاش..مشا ديريكت للبيت و جاب ساشيات فيديه…
طلحة:(بصوت مبرد) شكون جاب هادو ؟؟
ذكرى:(بلعات ريقها) قلت ليك …ادريس
طلحة: (غمض عينيه) ادريس ماجاش لدار لبارح..شكون جاب هادو ؟
ذكرى: بدييتي كتزيد فيييه…
طلحة:(كانت بغات تتخطاه و شدها من دراعها زدحها مع باب البيت لي مسدود حتى شهقات) ليث كااااان هنااااا هووو ليييي جاااابهم ؟؟؟
ذكرى:(كتحس ب بصباعو كيغرسو دراعها و مصدومة فيه ) طلحة كتوجعنييي
طلحة: نطقييييي دخلتييييييه لباااارح لدااااار هوووو لييييي جاااااب هااااادشييييي نطقيييي قبل مانغلط فييييييك
ذكرى:( شافتو تعصب و عينيه حمارو و عروق ف جبهتو برزو تملكها الخوف و نطقات بصوت خافت) اه اه هو
طلحة:(صرخ صرخة بالغدايد و هو ينزل بكروشي جنب وجهها و كون ماهرباتش وجهها كانت اتجي فيها دقة …الباب تشقق شوية و هي طلقاتها للبكا) كااااان هنااااا و كدبتي عليااااا كاااان هنااااا معاااااك و باااااقا كتكدبيييي عليااااا …
ذكرى: (بصوت كيرجف) خليني نشرح ليك
طلحة:( دفعهاااعليييه ) ماااااتقربييييش ليااااا و مااااتقيييسينيش…اعلم الله شنو كنتي كديري نتي وياااااه شنووو بينك و بييينووو رجعتيييي لعواااايدك معااااه
ذكرى: كظلمنييي…انا خبيييت حيت اتعصب
طلحة: قحبة و اتبقاااااي دييييما قحبة وكتلعبيييي بين لخوووت اناااا ليييي مانسوااااش تقت فييييك و رديييتك انا لي مانسواااااش كيحسابني درتيييي عقلك و جمعتي رااااسك
ذكرى:(حطات يدها على فمها كتبكي) والله مادرت شيحاجا
طلحة: سكتيييي مااااتجبديييييش الله على لساااانك نتي مكتعرفييييهش ماااكتخااافيييهش
ذكرى: هووو لبااارح جااا عندي قالي ماغايعاودش يضور بسااااحتنا(كتبكي و تشهق) و قالي مابغاكش تعرف حيت مابغاش تعصب و تفهم غلط …(قربات منو شاداه ف يديه) ماغايبقاش فحيااااتنا صاافي عطااانا تيسااااع
طلحة:(بقا كيشوف فيها مطولا ) اشمن نوع ديال البشر نتي ؟ …علاش واخا كنبغيك و كنتهلا فيك عمرك عرفتي بقيمة هادشي ؟؟ علاش فكل فرصة كطعنيني فقلبي
ذكرى: ماادرت وااالو (طاحت على ركابيها و كتشوف فيه اتهبل بلبكا ) منهار رجعت ليك و انا شادة طريقي معاك..
طلحة:(طلع سبابتو ف وجهها) من ليووم…جامعنا غير هاد الولد بوحدو…مابقا بيني و بينك حتى حاجا .
….بقات كتبكي بحرقة و تشهق و هو خرج زادح لباب و مشا …اصعب حاجا هي الظلم و اصعب حاجا هو انسان نتي مراتو و شرفو و مايتيقكش حسات بالارض تهزات تحت رجليها بعد ماقال ليها ديك الهضرة…حسات بنار شاعلة فقلبها و كتحرقها شوية بشوية…تكمشات بلاصتها فالارض كتبكي…و كتردد غير سميتو… وصل ادريس هو و مو ل كلينيك لي قالولهم عليه …لقا لبوليس تماك و هو كيشوف مخلوع ..توجه لغيسيبسيون كيسول
ادريس: عفاك اختي خديجة اوطالب فينهااا؟
…اطط … شومبر عشرة فليطاج ثاني
ادريس: شكرا
…مشا مرفوع و مو حداه…دغيا وصلو لفين قالت ليهم و دخل … مع كيدخل كيشوفها ناعسة و شاحبة… كتنفس بشوية …دخل و جلس حداها كيشوف ف وجهها الزروقة و جروح… بقا كيحقق فالشوفة و حداه حبيبة بدات تبكي
حبيبة: و شكوون دار فييها هاكااا…وايلي على بنتي شكون تكرفص عليك
…حلات عينيها بثقالة منين سمعات صوت ماغريبش عليها …مابقاتش كتعرف راسها فين ولا شنو حالتها دابا … شافت لجنب و تحطات عينيها عليه ..نظرة وحدة كانت كافية طيح دمعة من عينيها و تبدا تشهق بدموعها كتقولهم تظلمت… بدات كترجف و تهز بلاصتها
ادريس:(كيحاول يشدها) خديييجة…خديييجة ماااالك
خديجة: بعد بعد مني … بعد مني
…دخلو لفرامليا تاني كيحاولو يهدنوها…و ناض كيحاول يبعدهم منين شافهم محاميين علييها… ضمها لعندو و هي تكمشات فيه و كيهديها بيديه
ادريس: انا معاك ماغانخليكش صافي (باسها ف راسها و طيح دمعة يتيمة) ماتخافيش
خديجة:(بدات كتبكي عندو) تكرفصو عليااا… حمادي وودة رماوني لزنقة… تكرفص عليااا ا ادريييس
…بقا غير معنقها كيسمع ليها… و هي كتشهق تجمد بلاصتو ماقدرش يهضر…
خديجة: كانو كيعاملوني بحال لخدامة… غسلو عليا يديهم مزيااان… لي نصبح عليه نمسي عليييه… تكرفصو عليا اولد عمي … تكرفصوو عليااا
…بدا لسانها كيتقال…حتى شاف فيها لقاها رجعات نعسات بسبب الحقنة لي عطاتها فرملية… حطوها بلاصتها و هو باقي كيشوف فيها …خرج من تماك بخطوات بطيئة و هضرتها كتردد فالمسامع ديالو … مع خرج كيشوف المفتش لي لقاها و معاه طبيب و بداو يهضرو معاه
طبيب: الحالة النفسية ديالها مدمرة جراء الاغتصاب و العصا لي كانت كتاخد
ادريس:(بعدم تصديق ) اغتصاب ؟
طبيب: عارف هادشي قاسح و لكن كاين اغتصاب من الدبر…
المفتش: غادي نفتحو تحقيق و نلقاو مول الفعلة
ادريس: (بعصبية ) عائلة راجلها هووووماااا سباب هوووماااا سباااب
المفتش: هادشي مكيتحلش بالعصبية اسي ادريس… غادي نجيبوهم و نحققو معاهم و الكشف الطبي ايوضح كولشي
ادريس: بغيييت نخرجها منهنا مايمكنش تبقااا هنااا انخرجها دابا
طبيب: ولكن حالتها متدهورة
ادريس: الى بقات هنا اتزيد تمرض ، من الاحسن تبقا فدار
…. عطاوه اذن باش اخرجها و داكشي لي كان مشا كمل الاجراءات و هزها فيديه خرجها… خداو طاكسي راجعين لدار… طلعو و حطوها بلاصتها… بيتها هي و ذكرى بقات كيما هي بقا كيشوف فيها و هاز يدها و كيبكي بحال شي ولد صغير… كيبكي و يطلب سماحة منها حيت حس بالذنب … بقات حبيبة ف صالة كتبكي و تسمع لولدها و كتشوا… حتى خرج و بدات ضرب ف صدرها
حبيبة: انا سباااااب … انا لي عطيتها للبراني انا لي عمرت ليها راسها و جريت عليها حتى قبلات ، انااا مني كولشي قلت ليها ادريس مابقاش بغاااك و قلت ليها مابقيتش قادرة على لحمل ديالك … انا لي زوجتها و قلت ليك راه هي لي بغات و هي عمرها بغااات، عطيتهم ليها تكرفصو عليها و ردوها خدااامة… و حتى راجلها لي يكون ظهرها بقا برا و عمرو شافها (كتبكي و ضرب فراسها) انا سباب انااا سبااااب فرطت فالامانة… اولدي سمح ليا
… طاح فالارض حاط راسو على ركبتو و كل كلمة قالتهالو دخلات بحال لموس لقلبو… هو لي كان كيحسابلو بلي هي لي بغات تزوج… هو سباب حتى بعدات عليه و عمرو سول فيها و كان كيتشوا على فراقها ، راسو كيضور غير بكلمة وحدة… تكرفصو عليا اولد عمي … شيحاجا لي بزاااف و كتهرس ظهر
ادريس: والله لابقات فيهم و الله حتى ندمهم (خرج كيجري و حبيبة طاحت فالارض كتعيط ليه يرجع )
كانت كتسناه غير فوقاش يجي و تهضر معاه …و بالفعل رجع و لكن مامعبرهاش ، مشا كيفرش فصالون و هي غير كتشوف فيه و دموع ف خدها ، قربات منو خايفة …و صوتها كيرجف
ذكرى: طلحة …علاش كدير هاكا ؟ …اه غلطت كان خصني نقولهالك ولكن خفت تعصب ماشي فنيتي نكدب عليك
…هز سبابتو فوجهها مسكتها..
طلحة: تسالات لهضرة ابنت الناس …
ذكرى: (كتمسح دموعها) وصلنا لهاد لماصل ؟؟
طلحة: حمدي الله و شكريه رجعت لهاد الدار…اتبقاي تزنزني عليا انخوييها
ذكرى: واخا …(بلعات ريقها) بقا على خاطرك
… رجعات فين كانت و بدات تبكي على مخدتها…حسات بشيحاجا تهرسات عمرها ترجع كيف كانت و عمرها تصلح … اما هو فصالون عقلو مشتت كيبغيها اه و لكن حس بيها غدراتو و ماقدرش اتيقها دابا و ماحاملش يشوف فوجهها… أما و عند ادريس لي عماه الغضب و مابقاش كيشوف قدامو…مشا ديريكت لحمرية و جالس كيخبط فباب حمادي و كيغوت لربي لي خلقو باش انزل عندو و فعلا داكشي لي كان و نزلو كاملين عندو…غير تحل لباب و هو يجبدو من لكول
ادريس: مكتخااااااااافش من الله مكتخاااااافوووووش من لي خلقكم… تعدييييييتووووو علىىىىى البنت تعدييييتو عليييها يا الكفرة
ودة: طلق منووو اولد الحااااااج… سيييير شووووف ديك سايبة فين هربااااات و جاي تشوهنااااا
ادريس:(دفعها و بقا يغوت) نتوووومااااا تعدييييتووو علييييهااااا نتوووما يا لكلاب
حمادي:(كيدافع معاه ) خلييي لخير منين يدووز ماتخليينيش نغلط فيك
ادريس: غلطتووو فيييهاااا بحاااال غلطتيييي فياااا
…رجع جاهل و كيف الثور غير كيتغاوت و يضارب بقاو هضرة مني منك حتى طرطق عليييه حمادي
حمادي: شنوو عجبااااتك شيااااطة و بغييتي دير لينا فيها مضرووور(شدو من لقرفادة و همس ليه ) هاهيااااك صيفطتها ليه مفروعة من لور (بضحكة قذرة) كان عاجبني لحال و انا كنتعدا عليييها و ماتلوومنيش كنبقاو رجال
…هضرة كانت كافية تخليه يشدو و يضربو لوجهو بكروشي طيحو فالارض و نزل عليه صاعر غير كيضرب و يضرب و يضرب و الهضرة كتعاود ف وذنيه…و هو كيضربو بداو دموعو كيطيحو حس بالضعف حيت ماقدرش احميها حس بالعيا و هو هاز مسؤولية و ماقدرش عليها…حس بكولشي و هادشي والو قدام قلبو لي كان حاس بيه كيتفتت قدامو
ادريس: مرت ولددددك اشمااااااتااااا مراااااات ولدددك و قد بنتك و مااااحنيتييييش فيييييهااااا….هاااااديييك هي انقتل على قبلها الكلب لياااااخد فيييك الحق
…بداو ناس كيحاولو يفكو منين شافو حمادي رجع كاملو دمايات..ماكتافاش حد هنا و انما بقا كيشوف اي حاجا فجنابو كيما بغات تكون..لقا ياجورة بحكم كانت كتبنى حداهم و نزل عليه للراس حتى طوش بدم…تسمعات صرخات من ودة و حياة و بداو ابكيو و يرددو بلي مات و تقتل…بقا كيشوف فيهم و ناض بسرعة كيجري من تماك..مرفوع و عارف راسو شنو دار…كيمسح دموعو و مخنوق …رجع لدارهم دغيا و حبيبة كانت كتسناه غير شافتو كاملو مطلي بدم بدات تغوت و تبكي و طاح ليها فرجليها كيبكي حتى هو و كيغوت
ادريس: كدبتي عليااااا امي كدبتيييي علياااا و خليتيني محروووق عليييها بعدتيييها عليااا و شوفي شنووو وقع ليها و لاش وصلناااا….الله اسمح ليك امي الله اسمح ليييك
حبيبة: شنووو درتييييي اولدي شنوووو
…ناض كيتخبط حتى وصل للبيت و حل لباب لقاها حتى هي كتبكي و ضامة رجليها عندها فخوف قرب منها عينيه حومر و كيرجف
ادريس: قتلتوو اخدييجة…قتلتووو عدو الله لي دار فيك هاكا …(طلع يديه قدام عينيها) دمو هاهو هاااهو
…طاحت حبيبة كتبكي
خديجة:(كتشهق و تبكي) شنووو درتيييي ضيعتي عمرك شنوو درتي ا ادريس
ادريس: ماغاتقيييسك حتى حاااجااا…(باس جبهتها) ماتبكيش مااتبكييش نتي ماغلطتيش…(كيشوف ف عينيها بحرقة) كنبغيك
…كيسمعو لباب كيتدق…الدقة ديال لمخزن…و هو عارف مزيان و كلهم عارفييين
ادريس:(رجع كيشوف ف خديجة) تسنايني…(ناض كيشوف ف مو) خديجة امانة فرقبتك امي
حل لباب مسلم امرو لله …و لبوليس كانو معرضين فلباب
…ادريس اوطالب
ادريس: هو انا
…زيد معانا
…خداوه بلا مايقاوم و هو كيسمع مو و خديجة كيغوتو و يتباكاو..خرج و هو جاهل بمصيرو و ماعارفش شنو مخبيا ليه دنيا ..خرجات حبيبة تابعاه كتجري …ركبوه فسطافيط و مشاو …ناس كاملهم كيتفرجو …مالقات فين تعطي براس من غير مشات كتجري لدار ذكرى و كدق بجهد و تبكي …حل ليها طلحة لباب ..
حبيبة: عفاك اولدي لحق ادريس…عفاك داوه لبوليس
ذكرى:(هبطات حتى هي ) شنو واااقع اماما
حبيبة: عفاك لحقوو ايمشي فييهااا
طلحة: واخا اخاالتي ماااتبكييش انمشي دااابااا (خرج بسرعة لقا حميد خرج من دار من بعد ما سمع صداع و هو ينادي) حميد تبعني
حميد: هي لولة
مشاو بجوج كيجريو لاحقين ادريس و ذكرى لبسات حوايجها و سدات الدار و مشات مع مها لدارهم…لقات خديجة تماك مافهمات والو …خصوصا حالة خديجة…بقاو كيعاودو ليها بلبكا و شهيق و هي كتبكي معاهم و معنقة خديجة …كل بالهم دابا مع ادريس…حتى صبح صباح و رجع طلحة هو و حميد …باينة فيهم قلة نعاس و لعيا …لقاو لعيالات مجموعين و حبيبة غير شافتهم ناضت عندهم
حبيبة: شنووو واااقع اولديي شنو
طلحة:(بحزن) لقضية صعيبة شوية الحاجة..ادريس خداوه بمحاولة قتل راه ضرب سيد بحجرة لراسو و دخل ل سبيطااار
ذكرى: و كيييفااااش ايبقاااا تمااااك ؟؟؟
طلحة: راه متاهم بمحاولة قتل و شهود شاهدين عليه …كولشي ضدو…لي قدرنا نديرو شدينا ليه محامي مزيان و يكون خير
حبيبة: داابااا شنو اولدي واش ايخرج ؟؟؟
طلحة: قالينا المحامي بلي الى ماتنازلوش على القضية غادي نوصلو للمحكمة
حبيبة: ماغاديش يتنازلو اولدي انااا لي عااارفااهم وااش لي تعدااااو على لبنت و تكرفصو عليها فقلبهم رحمة و شفقة ؟؟
ذكرى: ربي عوين اميمتي…
بقاو شوية معاهم كيحاولو يخففو عليهم و لكن حالتهم كتشفي لعدا…رجعات ذكرى مع طلحة و اكرام مع حميد و خديجة بقات مع حبيبة حاطين راس على راس و كيدعيو…دازو ايام و ايام و نفس الروتين… كيهبطو و يطلعو فالمحاكم و فلكوميسارية مع المحامي حتى نهار الجلسة لخرة لي دخلو فيها عند القاضي كانت غير خديجة و حبيبة لي جاو عند ادريس لي من عينيه ماكانش ندمان و تمنى كون قتلو و لكن مع الاسف ماقتلوش…حكم القاضي عليه ب عاماين ديال الحبس بعد ماطلب المحامي التخفيف و تطرقات المطرقة…شحال بكاو عليه و غوتو … خرجو لبوليس و لمينوط فيديه ….خرجو و هوما يتلاقاو ب ودة و حمادي لي كان محزم راسو و كيهضرو معاهم
ودة: شتييي لاش وصل ولدك احبيبة و هكك ايبقا فلحبس يتعلم يمد يدو على سيادو
حبيبة:(كتبكي) سييييرووو الله يااااخد فيكم الحق ياربي
ودة: و هكك اتبقاااا بنتك حتى يجي ولدي من الخاااارييييج…اتبقا معلقة مااااهي مزوجة ماهي مطلقة…الى ماحررتش عليكم العيشة راني ماشي ودة
خديجة:(كتمسح دموعها ) زيدي اخالتي ربي كبير كيشوف كولشي زيدي
…كملو طريقهم خاطرهم مهرس …شدو طاكسي و هوما دموع مانشفوش من عينيهم و كيفاش ايديرو دابا …الشخص لي كان سند ليهم دخل للحبس عاماين و هي لي تكرفصات بهاد زواج الناقص و حبيبة لي ماحيلتها لولدها ماحيلتها لتأنيب الضمير لي كيجيها على خديجة … وصلو للدرب كانت ذكرى كتسناهم هي و اكرام فدار غير دخلو و بداو يتباكاو و يقولو ليهم شنو كاين ..رضاو بقضاء الله و قدره و بقاو يواسيو بعضياتهم…تعاشات لعشية و رجعات ذكرى للدار .. كل مرة هادا هو حالها كتفيق مكتلقاهش فدار و كتنعس قبل مايجي قليل فين كيجي لا هو كياكل فدار لا هو كيعمر فيها …هاد الاهمال لي كيدير ليها خنقها و لي كيزيد اخنقها هو كتحس براسها عيانة و مازال كتشوف الكوابيس و حالتها حالة…مامرتاحاش و ماعاجبهاش راسها ابدا …تبهدلااات ديال بصح …أما عند طلحة لي كان خاشي راسو غير فشغل و تمارة…صحتو قلالت ووجهو ذبل و ايكون كداب الى كان مكيفكرش فيها و قلبو مكيتوجعش على فراقها…شيحاجا فيه كتقولو غلطتي فحقها و ماعاملتيهاش مزيان و حاجا اخرى كتقولو كدبات عليك و عمرها تبدل…كثرة تفكير و الارهاق…خلاتو يحس براسو عيااان و حتى حميد مسافر على قبل لخدمة و ماكاين لي يعاونو…كيحس بذاتو سخونة و حط يدو على جبهتو كيلقا سخانة كدگدگ فيه …حط كولشي من يدو و سد المحل ..كيتمشى غير بشوية ..باغي يوصل لدار …لعيا دلمرض فرعووو…كانت كتشوفو…اصلا هادي هي خدمتها…غير مراقباه…شافتو تسند على الحيط و بسرعة وقفات عليه
الزاهية: سيدي طلحة ياك لباس
طلحة: (طلع عينيه فيها بثقالة و نطق ) انا بيخير
الزاهية: مابنتيش ليا مزيان …و دارك شوية بعيدة…اجي لداري تشرب كاس د لما و منبعد سير
طلحة: شكرا بلا مانشقيك…انا شوية و نوصل
الزاهية : حشووومة تقول هاكا …زيد عفاك
…حطات يدها على دراعو كتجرو بشوية ..اما هو المقاومة لي يقاوم ماكانش قادر عليها …جلس فالارض على ركابيه …المرض تمكن منو و ماخلاهش يزيد
الزاهية: واش بيخير اطلحة؟؟؟ حالتك مابانتليش مزياااان
…أغمي عليه كينهج و هي هبطات عندو كتفيقو…عيطات لجوج رجال كانو دايزين و طلبات منهم اهزوه لدارها و داكشي لي كان …هزوه حتى لدارها و دخلوه و حطوه فوق السداري
ربيعة: اويلي شنو هادشي؟
الزاهية: احياني اميمتي مرض ليا الراجل(جلسات حداه و حطات راسو على ركابيها كدوز بيديها على شعرو)
ربيعة: و شنو وقعلو
الزاهية: السخااانة…جيبي شرويطة نحطها ليه فراسو جيبي
…جابتلها داكشي لي بغات و خرجات تاني …ماعرفات ماديرلو و خافتو تكون بيه شيحاجا كبيرة و لا سحورها لي مرضو و لكن هي دارت غير سحور لفراق اما ذكرى دارتلها سحور يهد صحتها و يخرج عليها…حاطة يديها على راسو كتقيس الحرارة فيه …كتشوف فيه بعينين عامرين بالحنان و الشوق و مامتيقاش راسها بلي ناعس فحضنها و مرة يحل عينيه بثقالة و يرجع يسدهم…عيان لأقصى درجة و عقلو حبس من تفكير… حلال حرام ؟ شكون تسوق ، دخلو فدوامة الشك و الانتقام حتى تلغاو المفاهيم و طعنو فدين …دخلات مها عندها هازة مجمر فيه لبخور و نطقات
ربيعة: هادا شوية ديال لبخور كيريح…نجيب ليكم شيحاجا
الزاهية:(كتشوف فيه و كتلعبلو فشعرو بابتسامة) لا … غير خليني معاه
ربيعة: لفقيه جا بخاطرو…تهلاي فيه علاما تفوت ليه سخانة
الزاهية: وجدي ليه بلاصة حدايا…
ربيعة: هي لولة
…خرجات مشات دير كيما طلبات منها بنتها اما هاد الاخيرة مازالة كتشوف فيه بكل حب …هبطات عندو و طبعات قبلة فجبينو و نطقات بصوت هامس كتشوف ف تقاسيم وجهو
الزاهية: نبيع عمري كاملو و نبقا حداك هاكا …ماكنتش انتيق كون قالولي اتكون بين يدي …نتا ديالي .. ديالي بوحدي
….بقاو على داك الحال حتى طاح الظلام و ذكرى بدات كتشوش…و هاد لمرة بقات فايقة حتى لوقت طويل …خرجات لبرا تشوف لكاراج و لكن لقاتو مسدود و رجعات قالت مع بالها فين يكون مشا و شنو يكون كيدير …رجعات لدار خايفة و كترجف بالافكار لي كيجيوها فبالها…اما هو كان مليوح بسخانة و كينادي بسميتها…الزاهية كتسمعلو و مفقوصة و لكن مقابلاه حيت كتبغيه و كتواعدو تنسيه فيها …طول الليل و هي مقابلاه طول ليل و خي سهرانة عليه …حتى لصباح منين فاق و لقا راسو فبلاصة اخرى و باقي مهدود شوية …ناض كيضور عينيه للبيت و كيحيد من راسو الشرويط…دخلات لعندو مبتاسمة و حلات سراجم…
الزاهية : كيبقيتي مزيان ؟
طلحة:(حاط فعينيه نظرة تساؤل و صدمة) شنو كندير هنااا ؟؟
الزاهية: كنتي مريض ليل كاملو و بقيت مقابلاك…
طلحة:(ناض ) علاااش ماااقلتيييهااااش لذكرى ؟؟؟ فخباااارهااا رانييي هناااا ؟؟
الزاهية : مااااتخااافش راه لبارح تلهيت معاك ماساليتش نقولهالها و لكن يالاه صيفطت عندها دابا
طلحة:(تنهد) خصني نمشي …
الزاهية… جلس تفطر راك باقي عيااان…
طلحة:(ضغط على قبضة يدو و نطق) ختي الزاهية شكرا على لبارح…
…خرج بلا مايزيد شي كلمة و هي جلسات مغددة…عياااات معاااه و تقول واش بغااا يطيح فشبكة و لكن نفضات افكارها حيت لي وجداتو كبير بزاااف…كانت ذكرى فدارها كتبكي بعد ما وصلاتها لخبار بلي طلحة عند الزاهية…هي لي ليلة كاملها مانعساتهاش و بقات كتخمم فيه …فصباح تدق بابها و منين حلاتو لقات برهوش كيقول ليها قالت ليك زاهية ماتشوشيش على طلحة راه عندها…شعلات فيها لعافية ماتوقعاتش الخيانة تجي منو واخا يوقع لي يوقع ماكانش كيحساب ليها بعد عليها لهاد الدرجة… تحل الباب و دخل …
ذكرى: دخلتي اراجلي و غطا راسي …(ناضت تقابلات معاه بابتسامة) عمرني ضنيتك توصل لهادشي …عمرني تخيلت بلي وحدة اخرى غادي تديك ليا كنت كنقول غير تقليقة و غادي دوز انا غلطت و كنعتارف و لكن ماشي لدرجة نتعاقب هاكا …ماشي لدرجة تخوني و تبات فدار الزاهية
طلحة: (بتعابير جدية و عيان) شنو كتقولي ؟ كتخربقي
ذكرى: كنخربق (طاحولها دموعها و قربات منو ) قولي كنتي عندها ولالا ؟؟؟ ماتكدبش
طلحة: انا مكنكدبش بحالك …كنت عندها
ذكرى :(ضحكات بطريقة هستيرية و هي كتشوف فيه ضحكة مع دمووع كتحس براسها اتحماق) الله اربح اسيدي كيجاتك لقصارة مزيااانة
طلحة: كتخرجي شيحوايج من راسك ماعندهم حتى معنى و اصلا علاش انشرح ليك الى ماكنتيش كتيقي بيا
ذكرى: الثقة …اااه هادا موضوع مهم …الثقة ..الثقة لي عمرك درتيها فياااا ياااك …كيما مكتيقش بيا حتى انا مكنتيقش بيك (غوتات) و كنت كنتعاااااااااامااااا علىىىىىى شحاااااال من حااااااجا و كتزيييييد فيييييه
طلحة: باااارااااكا واااااش تسطييييتي ماااابيني و بينهاااا وااالوووو
ذكرى: كنتيييي عندهااااا فداااارهاااا و كتقووولي مابينك و بينها والو …هي سبااااب مشااااكيلنا و ماشي بعيد هي لي تكون شتتات شملنااااا…(كتشوف فيه بحرقة و كتشهق) علاش مكتيقش فيا …(قربات منو) مكتيقش فاش كنقولك مخنووووقة
طلحة: (شدها من دراعها) ذكرى كيما قلت ليك بلي كنت عندها انقول ليك بلي مادرت حتى شيحاجا و ماعرفتش كيفاش وصلت عندها…اه انا وياك مخاصمين و مقلق منك و لكن عمرني نفكر نخووونك
…كتشوف فيه بعدم تصديق و بهتان …
ذكرى: علااااااش مكتيقش بياااا ….علاش مكتيقش بيا فاش كنقول ليك نفسي ضايقة عليا و كنشوف كولشي ظلاااااام
طلحة:(شادها من كتافها و كيرمقها بنظرات حزينة) ماكاينة حتى حاجا اذكرى غير كتوهميييي
ذكرى:(كتحرك راسها و كتبكي) مكنتوهمش تيييق بيا والله حتى بصح …
طلحة: وليتي كتخربقييي ...رحمي راسك و رحميني
ذكرى: كنتوهم؟؟؟ (كتجبدلو شعرها) شعريييي كاااااملووو مشاااا و كنحس بشيواااحد معااايااا
طلحة:(كيمسح على وجهو) نتي لي غالطة بعدتي على طريق الله حتى بغيتي تحماااقي
ذكرى: مااااااتجبدش لياااااا طريق الله ….كنحط راسي على السجادة كنحس بلماس داخلييين فياااا….كنشووووف فييييك كنعيف راسي و كنبغييييي نقتلك (كدفعو)
طلحة: بااااارااااكا من هااااااد لهضرة الخاااااوية
ذكرى: كوووولشيييي منها ….كولشيييي من زااااهية هي لي دارتلينا شيحاجا (كضرب فصدرها) انا حاسة ...كندوز من حداها و كضحك ...كتشوف فيا و كتقولي بعينيها بلي نستاهل و كتشفااااا
طلحة: بقااااتلك غييير الزااااهية...لبنت مادارتلك واااالو ...لبنت داخلة سوق راسها و عمرني شفت منها العيييب...بنت الناس و مربية و كتهضر عليك بلخير
ذكرى: معلووووم تجييييك هاااااكا حيت كتهضرووو و ديما كنلقاااااك معاااااها...ضحكتك كتسمع من راس الدرب
طلحة: الحمد لله كضحكني مااااشي بحاااالك غير كندخل للدار كنلقا لبكا و تنخصيص ….كرهتيني فرجووووع لهااااد الداااار
ذكرى: (كدفعو) وااااا خرج ...خرج بحااااالك و سييير لعندهاااا….مااابقيييتش حااااملة سييييرتكم...بغيييت نتهنا منك و من هاد لعيشة د زبل و هاد الدرب و وجوه الفقر لي كنشوف…..
طلحة: (شد الفك ديالها بيدو ضاغط عليها حتى حبسات من الحركة و كتشوف فيه ) زمييييي فمك ...حسك مانسمعوووش
ذكرى:(كتنخصص و طاقتها كتلاشا ) كنتقطع...بغيت نرتاح
طلحة: عمرك ماغاترتااااحي و نتي هاكا …عييت عييت من هاد الوهم ديالك …كتوهمي شيحاجا ماكايناش
ذكرى: خرررررج منهناااا ماااابقييييتش حااااملة نشووووف وجهك خررررج عليااااا خررررج خرااااااج
…فعلا خرج حيت ماباغيش يزيد يتخاصم معاها و حيت قالو لبعضياتهم كلام مكيتقالش و صعيب يتغفر ليه …بصح خرج و خرج خرجة خايبة خلاتها طيح فالارض بالاعصاب و كتبكي و تشهق طااااحت فكريز خاااايبة لدرجة بدات كتحس براسها كتقطع من لداخل … كتبكي و طاقتها متلاشية…لوجع فكرشها قتلهااا ديال بصح و هي عارفة هاد لوجع ديالاش …
غير خرج من دار …بقا كينهج …مشا ديريكت للمحل لقا حميد تماك
حميد: سااط فين كنتي ..لباس عليك
طلحة: مالاباس ماوالو فرقني عليك احميد
حميد : مالك معصب اصاحبي …واش لهضرة لي سمعت بصح ؟؟
طلحة: اشمن هضرة عاوتاني ؟؟
حميد : ناس ديال درب كاملهم كيهضرو فيييكم نتا و ديك الزاهية …كيقولو نعستي عندها..شوف انا مكنتيقش بهادشي (حط يدو على كتفو)
طلحة:(كيشوف فيه) عندهم الحق كنت عندها
حميد:(كيشوف فيه مطولا و حيد يدو مغدد ) خنتي ذكرى …لفقيه لي تسنينا براكتو دخل لجامع ببلغتو
طلحة: حتى نتا احمييد ؟؟؟ كتشك فيا نديرها …ماعرفتش حتى كيفاش وصلت عندها كنت مريييض و عياااان
حميد: واااش بعقلك اصاحبييي غير قوليا شكون ايتيق هادشي
طلحة: هنينا احميييد صاااافي… رجع للخدمة و سد عليا هاد الموضوع ….
الأرض كاملها عمرات بالدم ...و الجو مضيم و فيه البرد...سكوون مخيف كيتسمعو فيه تنهيداتها المتألمة...كتشوف الشعر فيديها طايح بالكبات و التقية مابغاتش تحبس ليها...كتقطع من حجرها و كتشوف ف دمها نازل و كتغوت لربي لي خلقها...كتحاول غير توصل للباب و كتنادي على اي شخص ياريتو يسمعها…
ذكرى: عتقووني…
مامن مجيب ليها و طلعات راسها الفوق كتغوت بجهد.
...تقلبات على كرشها كتزحف باش توصل لتيليفونها و كل ما كتقرب الالم كيشوط فيها و صابرة ...ماعارفاش باش تبلات و لا شنو واقع ليها ...كتشوف كولشي ظلام و شيحاجا واقفة عليها كتخنقها و تبعدها ...بقات كتنهج و العرق كيهبط منها و كتمتم ببعض الكلمات...حلات عينيها تاني و بدات تكمل حتى وصلات لتيليفونها لي كان فوق النموسية و ضورات اول نمرة جات فبالها و كتخاطبو بصوت مترجي و باكي
ذكرى: ….ليث...عتقني ا ليث ...عفاك عتقني غادي نموت
…داز وقت باش يوصل عندها …لقا لباب د برا محلول و طلع عندها اما لباب لوسطاني مسدود…بقا كيضرب فيه حتى فرعو و دخل …لقاها بداك لمنظر غارقة فدمها و سخفانة…هزها فيديه و خرج كيجري بيها …وقيتا ديال الظهر نهار لقهار مكيضور حد برا…ركبها و زاااد بيها لكلينيك…اما طلحة عقل فلخدمة و عقل مع هاد لموصيبة لي تسلطات عليه …حظ كولشي من يدو و مشا عند الزاهية كيدق فبابها حتى حلات ليه غير شافتو ابتاسمات
الزاهية: طلحة …رجعتي
طلحة: الزاهية …سمحيلي الى جبت ليك المشاكيل و حتى انا ماناقصيني ليرضي عليك زيدي معايا عند ذكرى و قولي ليها بلي ماكاينة حتى حاجا بيناتنا و عاوديلها شنو وقع بضبط
الزاهية :(تلاشات ابتسامتها) ماتكون غير على خاطرك
طلحة: نسالي خدمتي و نرجع عندك …عارفك بنت ناس ماتبغيش ليا الضرر الله ارحم الوالدين
…مشا رجع للمحل يكمل الخدمة و هو باقي على اعصابو…ماقدرش يكمل و يزيد يجلس كأن شيئا لم يكن …نعل الشيطان و رجع لعندها باغي يتصالح معاها و يبداو صفحة جديدة …غلطات فحقو و غلط فحقها و لكن هادا هو الزواج مبني على الصبر و التفاهم غادي لدار باغي يصلح الغلط …مكيعجبوش يبكيها و لا يفقصها…و حتى باغي يأكد ليها بلي عمرها خانها والا غادي يخونها فحياتو …بلي هي لي فقلبو و عقلو و عمر بنت لمرا تجي بلاصتها و غادي يجيب الزاهية تعتارف ليها و تقول كلمة الحق …وصل لدار و طلع حتى كيلقا بابو مفروع…مافهم والو و حط عليه يديه كيتفحصو…دخل بسرعة كينادي بسميتها…هبط عينيه للارض كيشوف بقع دم و بقا متبعهم و قلبو كيزدح…حتى وصل لبركة دم كانت كبيرة …تحنى على ركابيه بدون ملامح و مصدوم…مافهم والو او بعبارة اصح مابغاش افهم …ناض مرة اخرى كيغوت و ينادي باسمها و قلبو كيضرب فتسعين …الخوف امتالكو ديال بصح …خرج كيف لحمق كيقلب عليها و كيسول عليها الناس و حتى واحد ماشافها…و شكون ايشوفها من غير رب العالمين لي كيشوف مرارة قلبها و نغصة لي فيه …طيحات ولدها و تلاحت فسبيطار…و حداها هاداك لي مشارك فالجريمة و سبابها فعذابها…كيشوف فيها بشفقة و حسرة …بدات كتحل عينيها و اول حاجا حطات يدها على كرشها كتحسسها و شافت فجنب فيه و هو ناض عندها جلس حداها …
ليث: الحمد لله منين فقتي
ذكرى:(ببرود) واش مات ؟
ليث: ماكتابلوش يعيش …الحمد لله نتي حية
ذكرى: (شافت فالسقف) طاح ولدي و طرف من كبدتي …طاح عمري فرمشة عين
ليث: بكي الى كان لبكا ايريحك…بكي باش ترتاحي
ذكرى:(ابتاسمات عكس حالتها و داخلة فصدمة) نشفووو دموعي …كان عندك الحق عذبني و تكرفص عليا …سمح فيا و فولدو و خاني …
ليث:(شدلها فيدها ) انا معاك
ذكرى:(رجعات كتشوف فيه ) حتى نتا انقول عليا حمقة و مسطية ياك ؟ حيت كنشوف خيال كيخنقني و مامرتاحاش و خاطري مزير عليا …اتقول عليا مسطية؟؟؟
ليث:(عض شفايفو بكره) انا متيقك ..نعسي ترتاحي شوية …غادي نخرجك و نديك لدار ترتاحي
ذكرى: (غمضات عينيها) انعس …(بصوت خافت) كنتمنى عمرني نفيق
…نعسات باش ترتاح و هو غطاها و خرج …هضرتها و تصروفاتها لي ماكانوش طبيعيين…الى كانت ذكرى ليوم تصرفات هاكا ف كتخبي بركان هاااايج عالم بيه غير اي خلقها…اتحرق راسها قبل لخضر و ليابس…جبد تيليفونو…و صونا ليها ..
الزاهية: شكاين ؟
ليث: الزاهية حبسي هادشي باراكا…بعدي منها و فكي داك زمر لي درتيه
الزاهية: مالنا شواقع ؟؟؟
ليث: حيدي ليها سحور لي درتي بااارااكا راها كتموت حالتها خايبة
الزاهية: لا غير تهنى ماغاتموتش…فاش تبقا بعيدة عليه ماغاتبقاش هكك
ليث: شوووفي مااابغييتهاااش توقع ليها شيحاجا
الزاهية: (قاطعاتو) هنينا داكشي لي تافقنا عليه كنطبقوه…هي ليك و طلحة ليا (قطعات)
جات كتجري عند خوها للكاراج و هو غير غادي جاي …دخلات بسرعة و بدات تهضر
اكرام: راااه ماكايناش فدارهم
طلحة: كنت عااارف و مابغيتش نزيد نقلق الحاجة و هي مريضة و هازة لهم (كيمسح على وجهو) فييين اتكووون
حميد: ماعرفت اصاحبي مانقولك والله ماعرفت
طلحة:(جلس فلكرسي) ياربي تكون بيخير (رجع ناض) انمشي عند البوليس انمشي لكلينيك انمشي لأي قنت غيير نلقاااها (خرج)
حميد: طلحة تسناااني (خرج تبعو)
…كانت معاه فطوموبيل غاديين هي ساكتا و هو حداها كيصوگ و كيشوف فيها مرة مرة حتى نطقات
ذكرى: فين اتديني ؟
ليث: لدار
ذكرى: (حطات راسها على زاج ) توحشت ليام لي كنا كنخرجو فيهم و نقصرو (ضحكة بخفوت)
ليث: نتي غير براي و نعاودو نقصرو
ذكرى: عندك كارو ؟
ليث:وي (مدو ليها هو و لبريكة )
ذكرى: (حطاتو ففمها و بدات كتكمي بشوية و كطلع لمزاج) شحال هادي ماكميت
ليث: كان قاطعو ليك طلحة
ذكرى: قطع بزاف دلحوايج
ليث: كولشي كيفوت (حل السرجم)
ذكرى: توحشت صحابنا لي كنا كنقصرو معاهم …عيط ليهم فليل و نديرو قصارة فدار
ليث: راك باقا عيانة و حجرك كيضرك
ذكرى: حتى حاجا مكضرني غير عيط ليهم ندوزو لوقت
ليث:(تنهد) اوكي
…وصلو لدار و نزل و ضار لعندها نزلها …بقات ثواني كتشوف ف الفيلا من برا عاد دخلات …مشاو نيشان لبيت ليث و خلاها تماك جالسة و رجع خرج …هبط لقا مو فصالة و دخل عندها كيشوف فيها
ليث: جبت ذكرى معايا
ماريا: ذكرى؟ علاااش و خوك فينووو ؟؟؟
ليث: مايستاهلهاش و طيحات بسبابو و هي لي طلبات مني نعاونو
ماريا: اوييلي اليث واش باغي تحمقني واااش تسطيييتي باغي المشاكيل
ليث: عفاك الوليدة عييت من هاد لهضرة دابا نساي و ماتقوليش ليها شي هضرة ضيع خاطرها
ماريا: هادشي لي كديرووو ماااااشي هو هاداك اليث
ليث: و لي كيديرو ولدك حتى هو مامزيانش
….خلاها و مشا كتهز و تحط بوحدها…مشا لعند ذكرى راجع عندها …لقاها ماكايناش و بدا يناديها…سمع تخرشيش فدريسينغ و دخل لقاها جالسة فالارض كتكمي و حاطة قرعة د شراب ديالو حداها كتشرب منها ….كتشرب جغمات كبار و كاع ماجاها حار …حيد ليها لكارو طفاه برجليه و حيد ليها لقرعة و نوضها
ليث: ذكرى ماشي عيب تبكي و تغوتي…خوي شنو فقلبك و ماديريش هاد الحالة حيت ماجاتش معاك
ذكرى: شنو لي ماجاش معايا ؟ نشرب و نكمي ياك كنت مولفاها هممم…(كضربو بسبابتها فصدرو و كطلع راسها فيه بثقالة) ياك نتا علمتيني نكمي و نشرب هممم و دابا كتقولي ماديريش هاد الحالة
ليث:(بحزن) نتي مجروحة
ذكرى: و مقهوورة (بهمس) هادي حالة وحدة خسرات كولشي (كتشدد عليها ) كولشي … و عادي فهمتي الحياة فرص …واش نبقاو مضيومين…(جلسات على النموسية و تكات عليها) كولشي كيفوت …ليلة نقصرو كيما ولفنا عادي اه عادي
…بقا كيشوف فيها مطولا …خلعاتو ديال بصح …كون بكات و غوتات ماكانش ايتخلع و لكن هاد لحالة اي وصلات ليها و تبدلات فخطرة ماعجباتوش …خلاها على خاطرها و خرج مرفوع مافاهم حتى وزة…
طاح الليل و نسج خيوطو… و كانت قدام لمراية كتقاد وجهها و كضحك…دخل عندها حاط يديه فجيابو و كيراقبها شحال هادي ماشافها لابسة لباس قصير و لا مقادة وجهها و شعرها ابتاسم ليها و زاد قرب …
ليث: هادي هي ذكرى لي كنعرف …زوينة ديما
ذكرى : (ضحكات) جاو دراري و لبنات
ليث: جاو ووجدنا جليسة على حقها و طريقها
ذكرى: ليوم نقصرووو…نخرج كاع لي فقلبي
ليث: يالاه زيييدي
…شبك يدو مع يدها و خارجين كيضحكو…مشاو ديريكت لصالة عند عشرانهم و بقاو كيتسالمو و فرحانين حيت شافوها اخيرا…بداو الخدم كيسربيوهم فشراب و لي بغاو ردو داك القنت بحال البار و هوما كاع مامسوقين غير كيضحكو…هي كانت غير كتشرب و تكمي فلحشيش باغا ترفع فدقة و تنسى لهم ينساها …كانت كطل عليهم من لفوق و مقززة من لي كتشوفو ماحملاتش راسها و هي تعيط لاكرام معصبة… هاد الاخيرة لي جاوباتها
ماريا: واش خوك تسطى ولا شنو واقع ليه مخلي مرتو تجي لهنا
اكرام: وااااش ذكرى تمااااك ؟؟؟
ماريا: قوليه يجي يهز مرتو راه عيقات (قطعات)
…كان راجع هو و حميد من بعد ماخلا حتى بلاصة قلب عليها حتى بدا يفقد الامل و حس باحساس خايب بزاف…شاف اكرام جايا لعندو بسرعة منين قشعاتهم من سرجم و نطقات
اكرام: خويا ذكرى كاينة فالفيلا عاد عيطات ليا ماما و قالتها
طلحة: (كيشوف فيها مطولا) كاينة فلفيلا د الخماري ؟؟
….باقا كضحك و تقشب معاهم و هي تنوض هازة فيديها كاس
ذكرى: عرفتو شنو اجمل حاجا ف الحياة …لفلوس و شراب و لكوااا هههه هادو بثلاثة جربتهم و واعريييين راه مايمكنش
ليث: ههههه و حتى صوت بنت الحاج واعر ماناوياش تغني كيما موالفة
ذكرى: لا لا بغيت نشطح هاد لمرة …نشطحو و نغنيو يالاه نوضو معايا نوضو
…طلقو شعبي و ناضو كيشطحو و هي فوسطهم كيف شيخة كتحرك الطرف و تهزو…و ضرب بشعرها و صدرها هنا و هنا ….قصرو دياااااال بصح و شطحو و بردو لقلب…هي كتبرد الكية ديالها حابسة دموعها بضحكة و كتشطح على خلا دار بوها…كدير كولشي فهاد اللحظة من غير انها تفرح و تنشط حيت ماحاس بالمزود غير لي مخبوط بيه …كيفو هو لي كان كيحس بلماس داخلين ليه و هو كيشوف لباسها و شطيحها فوسط لعزارة و ضحكتها…كيشوف الكارو فيديها و لكاس فليد لوخرا و مامتيقش واش بصح هادي هي ذكرى لي عشق واش بصح هادي مراتو واش كيحلم…حيت الى كان كيحلم بغا يفيق خلاص و يلقاها حداه ماباغيش يعيش هاد اللحظة…و مايستاهلش لي كيشوفو…
من كثرة الصدمة و منين شافو ليث حبس الموسيقى و سكتو كاملهم كيتسمع غير صوت ضحكتها و مياعتها فالهضرة
ذكرى: وا علاش حبسات الموسيقى…(كتشوف ف كاسها) تسالالي
…ماحسات براسها غير تجبدات من يدها حتى طاحت فالارض و عاود ناضت…كتحاول تفهم باش تبلات و شكون كيجرجر فيها ..طلعات عينيها لقاتو طلحة …زادت ضحكات و مدوخة
ذكرى: لمحابسي جا عندي
…ماهضر ماتكلم …بسرعة حيد السلهام د لفوقية و لبسو ليها يسترها من لبرد و شوهة و كيجرها و هي كتمايل و دايخة…كيسمعها كتقول هضرة مامفهوماش و لكن اعصابو مامخليهش مركز معاها…ركب فطوموبيل لي جاب هو و حميد لي كان كيصوگ …بقاو ساكتين و حميد كيشوف ف طلحة عمرو شافو معصب حتى لهاد لمرة و كيسكت مكيعبرش على العصبية ديالو …وصلو للدرب و هبط طلحة و جر معاه ذكرى لدار
حميد: طلحة بلعقل كيتحلو المشاكيل
طلحة: تلاح لدارك احميد ….
…طلعها لدار و هي كتمايل وضحك ماقادراش تزيد و كيدفعها حتى دخلات لدار …مع غادي طلع راسها فيه مع حسات ب تصرفيقة حارة جاتها ف حنكها خلاتها طيح فالارض …تبدلو تعابيرها فخطرة …اما هو بقا كيشوف فيها و مغدد …و كيشوف ف يدو لي ضربها بيها كترجف هو لي عمرو هز يدو عليها ولا فكر حتى فيها …
طلحة : أكبر منافقة و ق*حبة شفتهااااا فحيااااااتيييي هي نتييييي اللله انعل نهاااار ليييي لاااقااااانيييي بيييك لهلا ارحم فيك شي عظم
….ماكانتش كتسمعلو كانو عينيها على الدم ديالها لي باقي فالارض و حاطة عليه يديها…هزات يديها قدام عينها و بدات كترجف كأنها يالاه فاقت و بقات تبكي …
ذكرى: مات …طاحلي …مات
…ناضت و ضارت عندو كتشوف فيه و فيديها لي عامرين دم …
ذكرى: شوف الدم لي وسختي بيه يديك …شووووف دم ولدك لييييي قتلتيييييه بفعااااايلك
طلحة:(كيتمتم و مركز فيها مصدوم ) اش اشكتخربقي (شدها من دراعها ) ماماتش ماااامااش
ذكرى:(دفعاتو كتغوت فوجهو) وااااااا ماااااات مشااااااا عند الله ماااات ….فااااش فقصتيني و خرجتي و خليتيني كنتقطع علييييه راااااه ماااات ….فاش جا خوك كيجري باااااش يعتقني لقاااااوه مااااات ….و لكن انا مت فاش كنتي عندها و مت و نتا كتجاهلني و مت من التعااااامل ديااااالك….الى كان كيحسابلك تصرفيقتك وجعااااتني فرااااه درتيييي ماكثر منهاااا….(كضربو ف صدرووو) و انااااا (كتزيد ضربو) درت مااااكثر….(كضربو) تعريييت قدامهم و شطحت و سكرت و كمييييت(كضربو بجهالة) شفتييييي شنووو درت شفتييييي (كتنهج و بعدات منو) نتااا قتلتيلي ولدي و قتلتيني (بدات تبكي فوجهو و تشهق) قتلتيني عمرني نسمح لييك عمرني
…طاحت فالارض كتبكي …و هو كيشوف فيها و كل كلمة قالتها دخلات ل لعقلو و قلبو و جرحااتو بقا كيشوف فيديه و بدرع باش كيطلع الهضرة …ضار على جنبو كيشوف انعكاسو فلمراية…و رجع كيشوف فيها
طلحة: شنو درت ؟؟؟ (كيشوف راسو فلمراية ) شنو درت فحقك و فحق لي خلقني …(هبط راسو ضاغط على قبضة يدو ) تحرمتي عليا ابنت الحاج
ذكرى:(رجعات كضحك) ههههههههههه تعقل تعقل نهار قلتيلي حرام عليا ديني نهار نبكيك و لا نهز يدي عليييك نتاااا رااااك قتلتييييني نتاااا قتاااال و اتبقا قتاااال دييييما و على هادشي دخلتي للحبس حيت قتاااال …(طلعات راسها فيه ) بحالك بحال الحاج بجوووووجكم بحال بحاااال و بجوجكم كنكرهكم….
…بدا كيتحرك بخطواتو لور و مركز فيها شوفاتو ملاميحو مقسحين من هضرتها ماقدرش يزيد يسمع و خرج و هي بدات تزيد تغوت
ذكرى: هرب كيييما مواااالف هرااااب دييييما و تخليييني حيييت خوااااف مكتقدرش تسمع الحق ….سيييير الله يااااخد فيك الحق كنكرهك وااا كنكرهك
كتغوت بجهالة و تبكي …صوت الصدى كيتسمع و شوية د الوقت داز علاما رجع لعندها و دخل لقاها متكية بلاصتها كتبكي و تشهق…جلس حداها مضمر ووصلات فيه لعضم و نطق
طلحة: عمرني فكرت نخونك و لا خنتك الله شاهد عليا …عمرني يأست من انني نرجعك لطريق و نعاونك توبي…و عمرني حبست من حبي ليك واخا كيضرني و كيخنقني (مسح دمعة طاحت ) حتى فاش غدرتيني و هربتي بقيت كنبغيك و حتى فاش كرهتيني بغيتك و مافرطتش فيك ، كنت كنشوف ولادي معاك وولدي مشا دابا و قضاء الله و ما شاء فعل…مابيدي حيلة و لكن ماشي انا السباب اذكرى …فعايلك خايبين و عمرك تبدلي انا عييت نحاول و نتي عييتي تصبري و حرارت العيشة بيناتنا…اييه حرارة لدرجة هزيت يدي عليك و نتي هزيتي صوتك و خطيتي فكلامك و طعنتي فشرفي بلباسك و فعايلك
ذكرى:(كتشوف ف نقطة وحدة و صوتها مبحوح) تستاهل كل ما جرا فيك
طلحة: نستاهل عندك الحق …جبت الحاجة معايا خرجي شوفيها
…منين قاليها هاكا ناضت كتجري خرجات لقات مها واقفة تلاحت عليها ذكرى كتبكي و تشهق و هي مها كتسكتها و تبكي معاها
حبيبة: صافي ابنتي طيبتي عينيك
ذكرى: ديني معاك اماما ديني معاك عفاك
حبيبة: خصك ترتاحي ابنتي …شنو واقع بيناتكم ؟
طلحة: غير الخير الحاجة و ابغض الحلال
….شافت فيه ذكرى و حتى هو شاف فيها …طوالت الشوفة بيناتهم…نظرات مختالفة على شنو قال لسانهم…قاطعها بصوت متقطع ماقادرش يدوي و كيشوف فيها
طلحة: نتي مطلقة اذكرى …
كيما كاينة الفرحة و الضحكة كاينة لغبينة و الدمعة…يوم ليك و عشرة عليك و هادي هي دنيا لي ماخرج منها ماخرج من عقايبها…و شكون كان كيقول بلي علاقة بحال هاكا كانت اتسالا…بعد داك الحب لكبير و لهضرة لغزالة كولشي تبخر و رجع فخبر كان بحال عمرو كان …دازو ايام على ديك ليلة و فواحد صباح …كانت فحجر مها و ناعسة بلاصتها و خديجة ناعسة حتى ف حجر حبيبة و بثلاثة بيهم غير ساكتين و ناشفين دموعهم
ذكرى: شحال هادي ماتجمعنا هاكا
خديجة: هاحنا تجمعنا
ذكرى: اه (ابتسامة) بحال شحال هادي …
خديجة: ولكن الحاج ماكاينش و ادريس ماكاينش…و انا تكرفصو عليا (بلعات ريقها) و نتي ..
ذكرى:(ضحكات و قاطعاتها) طلقني و رماني ههه
حبيبة: يهديكم الله هادشي داز عليه شهر …ربي كبير ماتبقاوش تخممو فهادشي
خديجة: حتى حاجا مكتنسى اخالتي
ذكرى: غير كنكمدوها فقلبنا و نسكتو
حبيبة: نوضو عليا نوضو طيبتولي قلبي …شنو نقول انا لي ولدي مليوح فالحبس حتى انا راه كنتشوا
ذكرى:(تنهدات و ناضت ) دار لحاج تشتتات
خديجة:(حتى هي ناضت كتمسح دموعها ) دازت شهر كامل و مابغاش هادشي يتنسا
ذكرى: صاااافي مسحو دموعكم مسحوو..عندي ليكم واحد الخبر
حبيبة: شكاين ؟
ذكرى: جاتني خدمة فواحد الشركة كبيرة فكازا و الخلصة مزيانة
خديجة:(بفرح) بصح؟؟ الله اسهل عليك
حبيبة: الحمد لله ابنتي شتي ها ربي مكيسد باب حتى كيحل بيبان
ذكرى: داكشي علاش زيدو نمشيو منهنا …نبيعو دار و نرحلو مانبقاوش هنااا
حبيبة: شنو كتقولي ؟؟ بغيتيني نفرط فدار لي خلا ليا الحاج و نسمح ف خوك و نمشي
ذكرى: انا ماقادراش نبقا هنا كولهم كيشوفو فيا و يتشفاو و ينعتو فيا بصباعهم
خديجة: حتى انا …كنسمع غير كلمة هاهياك هاديك لي تعدا عليها شيخها
حبيبة:(تنهدات) سيرو نتوما بجوجات…
ذكرى: و نخليوك هنااا ؟؟؟
حبيبة: انا هنا انبقا حتى يخرج خوك ان شاء الله ،نتوما سيرو خدمو و بداو حياتكم توانسو بيناتكم و حطو راس على راس راكم خواتات و موس واحد يذبحكم
خديجة:(كتشوف ف ذكرى) و لكن مازال ماخرجات ليك ورقة طلاق
ذكرى: (بدلات ملامحها) اتخرجلي هاد الايام…هضرت مع المحامي و قالي ايرد عليا
حبيبة: الله افتح ليكم بيبان الخير
ذكرى: يالاه نجمعو حوايجنا اخديجة
خديجة: قوليلي فين انسكنو و شكون ايورينا لبلايص تماك
ذكرى: السكنة على حسابهم و لبلايص غادي نسولو لي عندو فمو مايتلف (صونا ليها التيليفون)
خديجة: شكون ؟؟
ذكرى: المحامي…جبد الكلب و هز الزرواطة (جاوبات) الو وي …اه (زيرات على قبضة يدها) اه ..شكرا بزاف (قطعات)
حبيبة: شنو كاين ابنتي؟
ذكرى: والو امي غير تفك صراحي (خلاتهم و مشات لطواليط سداتو و بداو دموعها كيهبطو و كتهضر بصوت مجروح ) الله اسهل عليك
فنفس النهار جمعو حوايجهم و كاع لي يحتاجوه خداوه…كانو على سبة غير يتفكو و يغيروها…يوماين ديال جميع و كولشي سالاوه ووصل النهار لي ايخرجو فيه …توادعو مع حبيبة لي كتعنق فيهم و تبوس و تمنى ليهم الخير و خرجو هازين ليفاليز ديالهم و صيكانهم و لابسين طويل مع فولارهم…غادين كيتمشاو علاما يوصلو لشاريع يشدو طاكسي يوصلهم لاكار ديال تران …سمعو نداء ..و ضارت ذكرى هاد صوت ماخافيش عليها
ذكرى: اكرام ؟
اكرام:(عنقاتها) لباس عليك ؟؟
ذكرى: بيخير اختي و نتي
اكرام: غبرتي…سمعت شنو وقع كاع مابغيناكم توصلو لهاد لماصل نتي و طلحة
ذكرى: مكتاب الله تصرف ماعندنا مانديرو الله اسهل عليه
اكرام: و فين غاديين ؟
ذكرى: قررنا نخويو مكناس…مابقا عندنا مانديرو هنا
اكرام: (بحزن) الله اسهل عليكم
…عنقاتهم هي و خديجة و خلاتهم يمشيو…و رجعات ادراجها غادية ل كاراج…لقات حميد و طلحة خدامين و بقات كتشوف مطولا ف طلحة لي كيبان عادي …
اكرام: تلاقيت ب ذكرى
حميد:(طلع راسو فيها و شاف ف طلحة لي مادار حتى ردة فعل ) اوا
اكرام: خوات مكناس …مشات و عمرها ترجع
حميد: الله اسهل على كل واحد
اكرام: و نتا اطلحة ؟
طلحة:(شاف فيها) مالي انا ؟
اكرام : شنو باقي كدير هنا ؟
طلحة:(بتهكم) كنخدم
…تنهدات و مشات خلاتو لي فيه كافيه و فعلا حتى واحد مكيشوف نار لي فقلبو و دابا منين عرفها مشات ماقدرش يستحمل و حط المنشار من يديه و خرج …مشا طلع لدار كيلقا سكون رهيب…شهر و هو عايش فيه …كيشوف ف ركاني و مابقاش حامل هاد الدار …هاد لمرة خرج منها فدقة و سدها و طرقها مزيان و خرج …داز على حميد فالكاراج و نطق
طلحة: رد لبال انا راجع
حميد : فين ؟؟
…خلاه هكك بلا مايجاوبو و مشا شد طاكسي و نعتلو بضبط فين يوصلو …طريق كلها و هو كيفكر حيت شهر و هو محمق راسو بتفكير ووصل لفين بغا …كيشوف ف المزرعة من طرف حتى لطرف و دخل كلما كيقرب من لفيلا خاطرو كيتزير و لكن هانيا تزير قبل منها و باقي صابر….بقا كيتمشى بخطواتو…شافتو لخدامة و مشات عيطات لمارية لي فورما سمعات الخبر هبطات مبتاسمة عندو
مارية: طلحة …ولدي
طلحة:(بقا كيشوف فيها ) ماكاينش ليث.
ماريا: علااش شنو بغيتيه ؟؟ واش دار شيحاجا
طلحة: بغيت نهضر معاكم بجوج
ماريا: شنو واقع ؟ خلعتيني
طلحة: ماعندك علاش تخلعي (ابتاسم بألم) لي بغيتيه أيكون (حل يديه قدامها بقلة حيلة) الوريث الشرعي ديال الخماري رجع .
بعد بضع ساعات كانو مجموعين فالبيرو بربعة…طلحة ،اكرام و ليث و ماريا …غير ساكتين و الغريب فالامر ان ليث بعد ماعرف مادارش ردة فعل تقبلها…
ماريا: شوية و ايجي المحامي و غادي يسلمك كاع لوراق
طلحة: بغيتو يدير تعديل عليهم …مابغيتش كولشي بغيت غير حق الوليد لي كان كيخدم عليه بالحلال…مابغيتش فرنك واحد يدخل عليا بلحرام
ماريا: كتقصد الشركات و شي مطاعم ؟
طلحة: اي حاجا ديال الوليد ماشي ورثها من الخماري ولا عندها علاقة بيهم (شاف ف ليث) شي لاخر تقدر تاخدو
ليث: مانقدرش نخلي خدمة العائلة توقف …المزارع و معامل شراب انشدهم و حتى الشركة لي كتصدر السلعة
طلحة: شغلك هاداك
اكرام: كيفاش ؟؟ دابا قسمتو بيناتكم (شافت ف طلحة) كنتي رافض الفكرة فالاول و دابا ياك بعدنا على كولشي ؟
طلحة: تيقي بيا مابقيتش حامل نبقا تماك (ابتاسم ليها) الوليد ماكانش كيدير الخدمة دلحرام و فلوسو نقية
اكرام: انا مابغيتش لحرام (شدات فيدو) انخدم معاك
ماريا: دابا منين تفاهمتو و بعدما غادي يعدل المحامي لوراق…بغيتكم تجيو تسكنو هنا كاملين ..نتوما خوت
طلحة:(كيشوف ف ليث) خوت
…خرجات ماريا و تبعاتها اكرام و بقا غير طلحة و ليث …ساكتين و هادئين …طلحة كيشوف ف ليث و هاد الاخير لي كيتهرب من نظراتو
ليث: ماتبقاش تشوف فيا هكك …ماشي انا لي فرقتك عليها …كنت كنبغيها بحالك و كثر
طلحة:(ربع يديه و باقي كيشوف فيه ) ماهضر معاك حد
ليث: كنعرف شوفاتك مزيان …(ناض) دابا منين انعيشو فدار وحدة كلها يحتارم راسو نتا بطريق و انا بطريق
طلحة:(ناض و شدو من دراعو باقي كيشوف ف عينيه و ليث كان متوتر ) الذنب و تأنيب الضمير كياكلوك…و هادشي كافيني …
…نفضو من يديه و خرج و ليث جلس فوق البيرو كيمسح على راسو مايكدبش على راسو …بصح كيحس بتأنيب الضمير و كثر منين كيتفكر شنو دار …و لي كيأنبو كيشوف طلحة اخر قدامو طلحة لي تبدل 180 درجة ديك الروح الزوينة مشات ليه و الحزن عشش قلبو…كيشوف بلي ذكرى خرجات من حياتهم بلا حس و هي ظهرها مهرس و ماعندها ذنب و كيشوف بلي لفعايل لي دار زادو على الحد ديالهم …بلع ريقو و جبد تيليفونو كيشوف فيه مدة طويلة و ضور النمرة و نطق
ليث: ألو…البوليس
….بعد مرور عامين ….
صوت اذان الفجر كان عالي فالارجاء…تغلغل مقامو لدار لي كانت لاسقة معاه …صوت التجويد خلاها تفتح عينيها و تنفس بعمق مع ابتسامة فشفايفها…ناضت من بلاصتها كتكسل و كتسلسل على اطراف صباعها …دازت من حدا واحد لبيت و تمشات بهدوء و زادت لطواليط توضات و خرجات و عاد مشات للبيت لي دازت من حداه و حلاتو …دخلات كطل مالقاتهاش فبلاصتها و زفرات و قلبات عينيها…توجهات لصالون لقاتها حاطة السجادة و كتسلم و التسبيح بين يديها و لابسة خمارها بيض و وجهها من نور مضوي…ابتاسمات ليها و نطقات
خديجة: فوقاش نضتي و فوقاش بديتي الصلاة ماحسيتش بيك
ذكرى:(ابتاسمات ليها) فقت ساعة قبل صليت ركيعات علاما تفيقي
خديجة: ديك ساعة فيقيني نصلي معاك
ذكرى: عارفاك كتعياي للخدمة و خليتك ترتاحي و هاني كنتسناك نصليو لفجر
…لبسات خديجة خمارها ووقفات حداها و بداو الصلاة بخشوع و تضرع …صلاو الصبح و بداو يدعيو …هزات يديها و بدات تدعي و مغمضة عينيها ماحسات غير بدموعها كيهبطو ككل مرة كتصلي …مسحاتهم و ناضت كتقرا القرآن و خديجة كتوجد لفطور…شوية و ناضت تبعاتها كتعاونها و حطو لفطور و بداو كيفطرو
ذكرى: معاياش اتسالي لخدمة ؟
خديجة: كيف ديما …علاه؟
ذكرى: قلت نخرجو نتساراو شوية و نشريو شي حاجات
خديجة: غير عفيني كنجي راسي كيبغي يطرطق
ذكرى: (كترشف من اتاي ) وا نتي لي بغييتي اختي تقري لبزوز
خديجة:(ابتاسمات) حشومة عليك والله حتى ظريفين و صغيورين و زيدي عليها ليوم اخر نهار و نشد كونجي
ذكرى:(ابتاسمات هي الاخرى) حتى نتي ظريفة و صغيورة ههه و خليني نوض حيت الخدمة مكتسناش و الباطرون ايكعا عليا
خديجة: سيري يالكديديبة علاه فين عمرو كعا عليك
ذكرى:(كضحك و غادا للبيت تلبس حوايجها) وا باراكا من طنز
توجهات لبيتها و جبدات عباية خضرة طويلة مع شال باج و طالون باج..دارت ماكياج طبيعي و لبسات و هزات صاكها مجموع فيه كولشي و خرجات …ركبات فطوموبيل ديالها و تحركات في اتجاه الشركة لي خدامة فيها …وقفات طوموبيل فالباركينغ و دخلات…كولشي وقف و كيتسمع صقيل و محتارمينها و هي مبتاسمة ليهم …دخلات للبيرو ديالها و يالاه جلسات و هي دخل عندها السكرتيرة…
السكرتيرة: مادمرازيل ذكرى ميسيو اليعقوبي بغاك فلبيرو ديالو
ناضت تاني …جبدات تيليفونها كتشوف ف وجهها دغيا و خرجات بخطوات ثابتة…وصلات لبيرو لي كان ف اخر طبقة و هي دق فالباب ..حتى سمعات بلي أذن ليها بالدخول…حلات الباب و ابتاسمات فوجهو و بادلها الابتسامة…كان شاب ف الثلاثينات حروفو كحلة و باقي صغير ف اكيد عائلتو مرموقة و شاد الشركة ديال باه لي خلاها ليه …دخلات كيما طلب منها و اشار ليها بيديه تجلس و داكشي لي كان ..
ذكرى: ميسيو اليعقوبي طلبتيني
أشرف: لا لا قوليلي ميسيو اشرف
ذكرى:(خسرات سيفتها ) لا كضحك على نطقي لراء
أشرف : مانضحكش والله
ذكرى: واخا ميسيو اشرف (كتنطق الراء كروازية)
…ضحك بصوت عالي عليها …هادا هو حالهم ديما كيدير ليها هاكا و كيعجبو تنطق سميتو باش يضحك و عمرو عجباتو سميتو حتى عجباتو عندها …
ذكرى:(خنزرات فيه ) بسالات
اشرف : صافي صافي (كيكتم ضحكة) هاني سكت
ذكرى: علاش طلبتيني
اشرف:(تكا على الكرسي و طول فيها الشوفة) واش ضروري خصني نطلبك حيت باغي منك شيحاجا اذكرى ؟
ذكرى:(تزنكات و هبطات راسها ) احم
اشرف: عندنا شراكة مع واحد الشركة و بغيت نصيفطك نتي تقادي الامور بصفتك مديرة العلاقات العامة و مولات الشركة كأنني انا لي حضرت
ذكرى: شركة ديالاش بغيت نشوف وراقها باش نقاد اموري
اشرف :(ناض كيتمشى و جلس فالبيرو مقابل معاها هي لي كانت جالسة فوق الكرسي ) شركة كنصدرو ليها لخشب باش تصنعو و و داكشي لي كتصنع كيتحط فبوتيكات كبار و كيتباع ب اثمنة خيالية
ذكرى: دونك هوما لي محتاجينا
اشرف: ماشي صون بوغصون الشركات لي بحالنا و لي كيصدرو ليهم لخشب عطاهم الله و لكن حنا الى تعاقدنا معاهم ايزيدو مشارعنا للقدام و حتى ارباحنا و مهمتك تخليهم يتيقو فينا و يتعاقدو غير معانا
ذكرى:(ابتاسمات) اعتبر الصفقة خذيناها
اشرف: (ابتاسم) عارف اناخدوها حيت نتي انسب وحدة لهاد المهمة
ذكرى: شكرا ميسيو اشرف على ثقتك فيا
اشرف: كنتمنى تيقي فيا كيما كنتيق فيك …و تحنني قلبك (كيشوف ف صباعو و يعاود اشوف ف عينيها ) فكرتي فشنو قلت ليك ؟
ذكرى:(تنهدات) ميسيو اشرف انا حاليا مكنفكرش فزواج و مامستاعداش ندخل لعلاقة
اشرف: انا عارف التجربة اللولة كانت خايبة و لكن هادشي مكيعنيش انك تسدي على قلبك و تحكمي على راسك بالوحدانية حياتك كاملها…عاماين و انا كنتسنى جوابك و مامليتش
ذكرى: ماغاتفهمنيش واخا نشرح ليك …انا ماقادراش على تجربة اخرى هاد الساعة بغيت نركز على خدمتي
اشرف: ماعليش اذكرى انزيد نتسنى و نشوف جوابك
ذكرى: سمحلي (كتشوف فيه بترجي) و خيرك عليا سابق
اشرف: كولشي ديالك انا ماكنمنش عليك و حتى الى ماكتابيناش لبعضياتنا على الاقل حاولت نكون معاك …و نتي تستاهلي كل خير و ديري فبالك بلي كولشي خديتيه بمجهودك لا غير
ذكرى:(ابتسامة) شكرا
اشرف: وجدي راسك غدا غادي تمشي لمكناس
ذكرى: مكناس ؟ !
اشرف: وي الشركة كاينة فمكناس كاين شي مشكل ؟
ذكرى:(شافت فيه مطولا) لا لا …ياك غير انتعاقد معاهم و نرجع دغيا
اشرف: علاه اديري شيحاجا من غير هادشي ؟
ذكرى:(ابتاسمات بزز) صراحة شحال هادي مامشيت لمكناس هه منهار خويتو و جيت لكازا
اشرف: شكون عندك فمكناس؟
ذكرى: عندي ماما و خويا و دارنا …(تنهدات) تماك تولدت و عشت و تربيت
اشرف: سلميلي على مالين دار و ماعليش الى بغيتي تجلسي معاهم شوية
ذكرى:(ناضت) شكرا ميسيو اليعقوبي انا انوجد راسي
….خرجات ذكرى و اشرف هز التيليفون كيهضر مع السكرتيرة..
اشرف: عطي الضوسي ل ذكرى و صيفطي ضوسي اخر لشركة "السلام " فمكناس (ابتاسم) سجلي ذكرى ب اسم مدام اليعقوبي …
يتبع...
التنقل بين الأجزاء