خرجات من قدامو و مشات للبيت كتبكي تبعاتها ذكرى و بقا حميد متبع طيفها مصدوم و قلبو واجعو ...قرب منو طلحة و نطق
طلحة: دخل لداخل نهضرو
حميد :(بحزن) ماعندي فين ندخل …
طلحة: نعل الشيطان و دخل انحلو هاد المشكل
با صطوف: كون تسمع الهضرة باراكا من قسوحية الراس
حميد: هاهوا داخل
...دخل جلس فصالون و دخلو يجلسو معاه و كيسولوه شنو دار و فين كان و هو كيعاود ليهم ...أما اكرام كانت هي و ذكرى فلبيت و عاطياها لبكاوات
اكرام: وعلااااش رجع علااااش ...ياك فرط فيا و مشا
ذكرى: هو ماسمحش فيك ا اكرام ...راه خوك الله اهديه لي قسح معاه لهضرة
اكرام: مشكلتو مع طلحة انا شنو درتلو حتى يغبر عليا بشهورة؟؟
ذكرى: اوا هاهو رجع طالب راغب فيك و باغي يتزوجك
اكرام: مابغيتش نشوف وجهووو
...تدق الباب و دخل طلحة ...غير شافتو اكرام بدات تمسح دموعها و نطق
طلحة: ذكرى وجدي براد د اتاي يدخل هو لول
ذكرى: واخا
...خرجات ذكرى و بقات اكرام هي و ياه ...قرب منها و جلس حداها من بعد ماوضع يدو على يدها
طلحة: علاش كتبكي واش بزز عليك شي حد شيحاجا؟؟ ولا ياكما جريت عليك من دار ؟
اكرام: حاشا اخويا ماشي هكك ...أنا غير …
طلحة: ماتحتاجيش تنطقي ...عارفك مقسحة و لي دارو حميد خايب و لكن راه مادارش لي دارو حيت هو بغا و إنما الظروف بززاتها عليه
اكرام: و شنو هي هاد الظروف اخويا لي تخليه يمشي
طلحة: نتي ...بوحدك نتي لي خليتيه يتكرفص و يدمر هاد شهورة باش يكون جامع شوية د لفلوس و يجي عندك
اكرام:(كتحاول تكتم شهقتها) لي بقا فيا هو ماعلمنيش و ماسولش فيا
طلحة: الغايب حجتو معاه …(تنهد) مانكدبش عليك تقلقت منكم بزاف حسيت بيكم غدرتوني و انا داير فيكم التيقة و لكن منين صدقتو كتبغيو بعضياتكم ماضيعوش هاد الحب فتقلاق الخاوي
اكرام:(عضات شفايفها) ماعرفتش ...أنا حايرة
طلحة: شنو بانلك تهضري معاه و تفهمي منو هو حسن
اكرام:(بتردد) باقي هنا ؟
طلحة:(ابتاسم) كيتسناك
اكرام: صافي نهضر معاه …
...خرجو هو و ياها من لبيت و دخلو لصالة ...رجع خرج عند ذكرى لقاها وجدات الصينية و هزها ليها و بدات تبع ليه ف شكيلات الحلوة و الكيكة و التقاوت...حتى سالاو كولشي و جلسو و اكرام حانية راسها و حميد كيشوف فيها كيتسناها غير تشوف فيه و ترحمو...ساد الصمت فلحظة حتى نطق با صطوف بابتسامة
با صطوف: نهار كبير هادا لي تجمعنا فيه كولنا
طلحة: مرحبا بيكم الدار داركم
با صطوف: داكشي علاش ماجيناش غير هكك و جينا و قصدنا شريف ...الى عطانا ربي ...نتوكلو عليه
طلحة: الى عطاكم ربي انا عاطيكم و الله يكتب لي فيها الخير
با صطوف: انا وولدي حميد جينا طالبين راغبين فيد بنتي اكرام على سنة الله ورسوله شنو قلتو
طلحة: القرار اللول و التالي كيبقا ديالها (شاف ف اكرام) شنو بالك
ذكرى: نتوما صافي بديتو مابقالكم ماتكملو هههه الله اكمل كولشي مبارك و مسعود
...رجعو لصالة و عطات اكرام موافقتها و توكلو على الله ...تافقو على العقد و ضريب صداق يكونو فنهار واحد و يعشيو لعيالات و رجال و كولشي يكون بسيط و مزروب….حيت اكرام و حميد ماقادرينش يصبرو كثر ...با صطوف قرر انه يسكنهم عندو و رفض بشكل قطعي انهم يخرجو يكريو...فرحو فرحة كبيرة و بداو اوجدو من داك نهار و يقيدو ...فمدة 15 يوم تروح اكرام عروسة ..
….صبح صباح جديد فاقت فيه ذكرى مقلوبة و خاطرها مروع ...مشات لحمام كتستفرغ و ناض من موراها طلحة تابعها ...لقاها كتغسل سنانها ووجهها...داز من موراها و طبع قبلة فعنقها …
طلحة: مال حبيبتي
ذكرى: يمكن ضربني لبرد ...خاطري تروعات
طلحة: (بخوف) فييين كيضرك؟
ذكرى: معدتي و راسي
طلحة: اجييي رتااحي انجيبلك دوا
ذكرى: ماتخافش عليا دابا يفوتني هادشي
طلحة: وغير اجي دابا …
….رجعو للبيت و نعسها و نعس حداها معنقها كيدوز بيدو على معدتها و راسها و هي مخشية فيه كتسخن ...باستو فعنقو بوسة طويلة و نطقات بانتعاش
ذكرى: ريحتك كتحمق المحابسي
طلحة: فيقيه و هو على سبة
ذكرى: حربش تقيسني...ليل كاملو كتمخض فيا
طلحة: كنحاول نرخف عليك و لكن حلاوتك عاد مكتزيد …
ذكرى: (قلبات شنايفها) بغيتي تقول ...غلاضيت
طلحة: ربييتي لي كيعجبني
ذكرى: الله يخليني ليك و نقوم بيك
طلحة: امين اروحي
ذكرى:(تكعدات) اوا خليني نوض كاين بزاف مايدار
طلحة: بحالاش
ذكرى: اندوز انا و الحاجة عند الخياطة
طلحة: اممم انا و حميد انتكلفو بالباقي …
ذكرى: جيبو لقوام راه طيابات ايجيو ليوم و نتا عارف غدا ليلة ختك و كولشي خصو يكون واجد
طلحة: جوج سيمانات و حنا كنوجدو ...كنظن كولشي واجد
ذكرى: كولشي واجد و متول الله اخليك لينا
طلحة: خاصاك شيحاجا؟
ذكرى: خاصني فلوس بغيت نمشي للكوافورة غدا
طلحة: و علاش؟
ذكرى: اوا لعيالات غدا جايين و انبسطو شوية
طلحة: ضربي و قيسي و نشووفك خارجة ليا بوجهك مطعرج و شعوراتك لزنقة مانتفاهمش معاك
ذكرى: و صافي هضرة وحدة كنفهموها
طلحة:(باسها فحنكها و عطاها لفلوس) سيري سيري ...باش يقدك النهار
...ناضت كتلبس جلابيتها….خرجات هي و طلحة لقاو اكرام موجدة لفطور ووصاوها ترتاح و تهلا فراسها ...حيت كولشي وجد ...الدار تفرشات من جديد و الديكور تبدل ...و كولشي مفجج...فطرو و خرجات هي وياه شادة فيه و مبتاسمين...كتهضر ليه فوذنو و يضحكو و حتى وصلها لدارهم و خرجات عندها مها عاد خلاهم و مشا يقابل شغلو...كانت كتشوف فيهم بنظرات دقيقة و الغيرة كتاكل فيها ...الأعصاب ركبوها و نفسها ضاقت...شهورة و هي ماهضرات معاه مالقاتلو طريق و فينما تشوفو يا لاسق ف ذكرى يا غادي لجامع ...الحسد عماها من حبو ليها و الشيطان وسوس ليها و بدموع لي تحجرو ف عينيها دخلات لدارهم ….كتشوف ناس لي كيجيو عندهم بنية تقادليهم الامور و يشوفو زمانهم شنو مخبي ليهم...تحسرات على حالتها و جلسات فلبيت حدا مها...حاطة راسها على الحيط
ربيعة: ايبقا هاكا قلبك فيه الغمة و خاطرك مضيقة
الزاهية: و علاه لقيت الحل و كرهتو
ربيعة: لحل كاين غير نتي مابغيتيهش
الزاهية: مابغيتوش يجي ب سحور
ربيعة: لمحبة داتها بنت الحاج ...عمرو يكون ليك على هاد لحساب
الزاهية:(بانفعال) و انااا منو نخلاااااق
ربيعة: ساعفيني ...بغيت تصاورهم و شعرهم...عمرهم يشوفو نهار لبيض مع بعضياتهم...ايكرهها و هي اتبغي تهرب منوو
الزاهية: كيفااااش انجيب تصاورهم و شعرهم ...دايرين لراسهم برج مامضسرينش الجيران عليهم
ربيعة: خلي هادي عليا ...ياك غدا ليلة ختو ...تماك فين غادي نضربو الضربة ...بغيتك تجيبيلي حاجا وحدة
الزاهية:(شافت فيها و دمعات كيطيحو على خطها) لي هي؟
ربيعة: دم المغدور؟
الزاهية:(بلعات ريقها) منين؟
ربيعة: من الشيبة العاصية...عظامو تقال و حتى دمو ايكون تقيل
الزاهية:(طرطقات فيها عينيها) ناوية على السحور لكحل؟
ربيعة: نتي و شطارتك...السحور ايتدفن فقبرو
الزاهية: لي هامني هو طلحة مايبقاش ليييها...بغيتو يذوقها لمرار
ربيعة :..العين عمرها تعلى على الحاجب...ولكن كتشتت ديور و تفرق لحباب ...كتآذي لقلوب و تخلي الحقاني يرجع ظالم ....الموت كتحوم عليهم كيف نسمة لهوا....و طريق بنت الحاج باقا جمر و شوك ...
الزاهية:(تمتمات بكلامها و كتشوف فشمعة مشعولة) طريق بنت الحاج ...باقا جمر و شوك
رجعات ذكرى و لحاجة لدار ...جايبة معاها القفاطن و لقمايص لي تخيطو ...دخلات هي و اكرام للبيت و حطوهم فليفاليز ديال الدهاز...بقات كتفكر شنو ناقص لقاو كولشي قادره و لعيالات كانو فسطح كيقادو ف دجاج و اللحم ...وصل الديسير و طلعو حميد و طلحة ف الكوربات و مابقا ليهم غير يوجدو حاجات بساط...جلسات اكرام و ذكرى يرتاحو فالبيت و بداوها بالمعاودات
اكرام: شحال فرحااانة والله ...العرس بلدي بحال هاكا بحلاوتو
ذكرى: و مازال غدا تمشي لكوافورة و نجيبوك لهنا تنقشي و يجيو لعيالات و العاونيات و اتشخد بالمزيان
اكرام: قلتيها لطلحة؟؟؟ عنداك مايبغيش
ذكرى: رجال ايكونو فدار با صطوف تماك ايعشيوهم...ايشوفونا غير فاش يدخل حميد مع لعدول تعقدو و يخرجو
اكرام: صراحة كولشي متيول و ضربتيلو لحساب لهلا يخطيك عليااا
ذكرى: بلا جميل راك عزيزة و غالية ...احم قوليلي ماغاديش تعرضي ماماك و خوك ؟
اكرام: بغيت نعرضهم و لكن ماغاديش يبغيو يجيو راني عارفاهم فيهم النفخة الخاوية
ذكرى: غير عيطي ليهم ماعرفتي يجيو
اكرام: واخا غير خلي حتى لبلاتي و نعيط ليهم
ذكرى: لي بانلك (شافت جيهة الشرجم مبتاسمة ) غدا نهار جديد الله اخلينا ديما فرحانين
...كانت بين درب الشماكريا كتسارا و حاطة شال على وجهها و كترجف و ضور فعينيها...قربات لجوج شماكريا مقطعين و هوما غير شافوها ناضو
...الزاهية ...توحشتي الدرب لقديم ولا …
الزاهية: جبت ليكم همزة فيها لفلوس
...أتينا
الزاهية:(عطاتهم فلوس فيديهم) بغيتكم تشفرو راجل فليلة لي من بعد هادي ...مع لفجر ...كيمشي للجامع ...اتعرضو ليه فالزنقة الخاوية حيت كيدوز منها (كتبلع ريقها) اتلقاو عندو فلوس
...الطليبة لي جات من خالتي ربيعة ...نديروهاا ولكن هااا اتزيدينا لفلوس
الزاهية: لي بغيتو دياااالكم ...فكوني خلاص
...سيري نتلاقاو ...فلفجر …(بغات تمشي و شدها) ماشفتينا ماشفناك
الزاهية:(خنزرات فيه) و لي غاتشوفوه فديك ليلة يبقا بينكم و بين نفوسكم
….مشات ابنت الشوافة
….ووصل اليوم المعهود و ليلة زهات و نورات...و الضياف بداو يطلعو لدار ...الرجال عند دار با صطوف و النسا عند دار طلحة ...و كيعشقو على النبي ...كانت اكرام محنية رجليها و يديها و جالسة فالبرزة لي قادو ليها و حداها مارية لي جات فوق خاطرها و ماعاجبهاش لجو و لكن خصها تبان فالواجهة ..العيالات كيبسطو و يغنيو و يطبلو و لبنيتات كيشطحو….هداو لعيالات وطلع طلحة هو و حميد و لعدول لدار مشاو ديريكت لبيت أخرى لمحاتو ذكرى و بدات تصلي على النبي و كتعاون اكرام فجلايلها باش تنوض ...بداو لعيالات ازغرتو ...دخلوها لبيت فين كانت الطبيلة مقادة و حميد و طلحة و لعدول جالسين و جلسو حتى هوما ...طلع طلحة عينو ف ذكرى لقاها لابسة قفطان بيض مرصع بلحمر و ماكياج ثقيل و شعرها شعر العودة مطلوق على ظهرها ...بقا كيشوف فيها مبهوط و كيخنزر فيها حيت نساات الشال ...بلع الغصة ...ماباغيش انكدها عليهم و دغيا بدا لعدول يسول و ينطق حتى سناو العقد و الشهود عطاو ليكارط و تسمعو زغاريد تاني و حميد بأس راس اكرام و فرحانين بزاااف و ناضو رجال خارجين …اعتبارا حتى لغدا عاد تروح ...داز طلحة من حدا ذكرى و جرها قنتها فواحد القنت و كيخنزر فيها و ينطق بصوت مبحوح بالعصبية
طلحة: شنووو قاااالك راااسك جايا لعند الرجال بلا فولار و بهاد لوجه...باغيا تسطيييني نتياااا
ذكرى: (كتشوف فيه معصب) راه غيير نسييت
طلحة:(زير على دراعها) كيييفاااش نسيتي اذكرى ...كتنسااااي راااسك دايرة الحجاب
ذكرى: كضرنييي اطلحة ...مالك هاكا (كتنهج) كنت فرحانة و ناشطة و نتااا (شداتها دوخة و تسندات عليه) علاش كديرلي …
...فشلات كاملها و طاحت بين درعانو و هو شادها مخلوع و كينادي بسميتها
….حمرية...دار التيجاني
….كانت ودة و حياة كيلبسو فقفاطنهم و ذهوباتهم...كيوجدو راسهم باش الحقو على العرس لي معروضين ليه ...كانت خديجة فالبيت حتى هي كتلبس حوايجها و فرحانة حيت و اخيرا اتشوف برا و تفوج شوية...دخلات عندها ودة مخنزرة فيها و نطقات
ودة: فين غادا ؟
خديجة: (طلعات فيها عينيها) لعرس اكرام
ودة: و شكون قالك اتمشي؟ بغيتي نخويو الدار جملة؟؟
خديجة: راني قنطت و بغيت نفوج شوية
ودة: داك التفواج و ضوران نسايه فداركم ..ولدي مكيبغيش هادشي
حياة:(لبسات طالونها و دخلات) كيجيتكم
ودة: كتحمقي ابنتي الله احفظك ليا من شر الخلق و عينين الحساد
….خرجو كاملهم و هي متبعة ليهم العين و شاداها البكية ...رجعات لبيتها كتبكي و كتبدل فحوايجها ...كتشوف ف لقنات ديال الدار لي بنسبة ليها حبس ...و كتشدها لغمة كلما كتفكر تعاملهم معاها و كيفاش لاحت راسها فحفرة صعيب تخرج منها ...طفات ضواو ...و تكمشات بلاصتها...كتشهق و ترد لقلبها...حتى بشوية كتحس ب أنفاس كيضربو فعنقها...ناضت مخلوعة لقاتو شيخها...يالاه بغات تغوت و سدلها فمها...و حاكمها بيدو و شادلها فصدرها بطريقة وحشية….
حمادي:(بصوت مقرف و مدعدع) ماكاين لي يعتقك.…
...كترجاه بعينيها و كدفعو...كتحاول تغوت و كتبكي باش يحن فيها ...لكن كان أقوى منها و سابق كيحيدلها حوايجها
...ترونات القضية و هوما ضايرين عليها كيفيقو فيها و هي سخفانة...ضامها بين يديه و كيطبطب على وجهها و قلبو غادي يخرج بالخلعة عليها ...خرجو لعيالات من الصالون كيشوفو فيها و شي داخل شي خارج و كيوشوشو ...و فهاد لحريرة كاملها و الروينة لي تخلطات بالبشر ….كانت ربيعة طالعة بين الدروج ...مسلتا ...مغطية وجهها و كتشوف من لتحت للتحت...ضربات طلة عليهم لقات روينة وكولشي مجمع و بقات تقلب على بيت نعاس...دازت من الكولوار لقات لباب مسدود و فتحاتو ...شافتو بلي الحمام و رجعات سداتو ...مشات لباب اخر بغات تحلو لقاتو مسدود ...عرفات بلي بيت نعاس هاديك و تخززات….حتى لشوية كتلمح شيواحد جاي قاصد لبيت و بعداتلو ...كان الحاجة جبدات الساروت و حلات و دخلات ...جابت ريحة من لبيت و خرجات بلا عقل ...بقات كتشوف ربيعة فالبيت و كتشوف ف لحاجا مبتاسمة….دخلات للبيت و بدات تقلب على اي حاجا تنفعها..هزات المشطة...و لقات صورة جامعة بين ذكرى و طلحة و هزاتها و خرجات دغيا….كانت السخفانة كيشمو ليها فريحة و يقرقبو عليها فسوارت حتى بدات تحل عينيها و توكض
حبيبة: الله ابنيتي و شنو جرالك هادي غير عوينة و قاستك
اكرام: ذكرى نني بيخير
ذكرى: شنو وقع؟ راسي كيحرقني
طلحة:(هزها بين يديه و خداها للبيت ترتاح حطها فوق النموسية) باش كتحسي دابا
ذكرى: ماعرفتش (كتمسد راسها) بلا ماتشوشو عليا كملو لحفلة
حبيبة: خصك ترتاحي ابنتي راك عييتي
طلحة: صافي الحاجة غير سيري جلسي مع ضياف ماتشوشيش عليها انا معاها
حبيبة: واخا اولدي
….خرجات و سدات لباب وراها و بقا طلحة كيساري عينيه عليها
ذكرى: حاااول عليااا نتا ...و باراكا من الغيرة زايدة اتقتلني واحد نهار
طلحة : ششش (عنقها) سمحيلي
ذكرى:(تخشات فيه) بقا معايا
طلحة: و هاني معاك
….معانقين بجوج ...و بوحدهم فلبيت منقاطعين على العالم الخارجي ….لعيالات كيشطحو و يغنيو برا و رجال كانو تعشاو و خرجو ...و هوما باقيين على نفس الحال...لاهي بغات طلقو و لا هو راضي يخليها و هي عياااانة ….بقاو على ديك لحال ساعات حتى بدات كتخوا الدنيا و آذان لفجر كيأذن ….كان با صطوف خارج من دارو من بعد ما خلا فيها حميد وودعو الرجال ...كان بغا يدوز على طلحة لكن منين قالو ليه بلي مع مراتو عيانة قال بلا مايدوز عليه و يخليه ...بقا كيتمشى بخطواتو بشوية كيستغفر فطريقو و قاصد الجامع ...وصل لزنقة مطفي فيها الضو و غير نور القمرة لي مضوي ...بقا كيسمع خطاااوي موراه و ماجا فين يضور حتى تدفع و ضارو بيه جوج
….طلع شنو عندك
با صطوف: نعلو الشيطان و خليوني نمشي راه الصلاة اتفوتني
….بقات الزاهية كتشوف فيهم و مخبية مور واحد ركيزة...كترجف و تبلع ريقها و كتشوف ف جنوية ف يديها ...تمشات ناحيتهم بخطوات مزروبة و ستاغلات الشدة لي كانو شادينو و طعناتو فظهرو طعنة قوية لدرجة خرج الجنوي من الجهة لوخرا و نيشان لقلبو...شهقات و دمعتها طاحت بلخوف...أما دوك جوج منين شافوها شنو دارت بعدو منها مصدومين و مشاو كيجرييو...بقا با صطوف كيشوف ف سما و الدم كيخرج ليه من فمو ...ابتسامة الموت زارتو و طاح على طولتو كيحاول يجمع سبابتو و كيشهد بصوت متقطع ...هبطات لعندو بسرعة و حيدات الجنوية و بدات تجمع فدم و هي كترجف و كتشوف واش ماشافها حد أما حتى شماكريا ماساخياش عليهم روحهم يضربوها فلحبس…جلسات حداه للحظة كتشوف فيه و مابغاتش تقيسو...فقط كتشوف فيه و فجنوية لي فيديها و كتهضر مع راسها
الزاهية : الجنوية تخشات بلا مانحس... و دم المغدور سال أميمتي ….
💔 لعنة السحر لم تفقدني حبك وحدها قسوتك و طغيانك افقداني إياك …و رب العزة إغفر لي 💔
ليلة كيما كاع الليالي كدوز فلمح البصر …كتبان لكل واحد ليلة فرحة و ليلة هادئة و يمكن حتى ليلة الم و كره و فراق ماكانش على البال …اما بنسبة للمتعوسة لي توسخو يديها بالدم و هي فعز شبابها …عمرها اتنسى الليلة لي تحركو فيها لمجامر … و تكتب على تصاور و تلواو فوسط جلدة الضبع و تسدو بالقفل لمصدي …ريحة لبخور و الجاوي عاطيين و صوت لكلام لي مامفهومش عااالي …و هي كتشوف بعينيها الحومر ف خدمة مها و هي كتغطس لمعمول فدم المغدور … خرجاتو و شافت فيها
ربيعة: يتدفن مع الجيفة
الزاهية : (مسحات دمعة من عينيها) ايتفارقو ؟
ربيعة : ايتعذبو…هي اتعذب كثر و هو اينفرها…هوما مع بعضياتهم ايذوقو لمرار
الزاهية : (ناضت ل سرجم حلات ريدو شوية ) شمس بدات تشرق
ربيعة : و لخبار شاعت
….لبوليس عمرو دنيا فراس الدرب ..طوقو لبلاصة و طاقم الجنايات كيفحص الجثة …ناس تجمعو و لبكا و نواح كيتسمع فلقنات…لعروسة خرجات بحنتها و قفطانها لبيض جالسة فالارض و لعريس واقف فوق راسها و لاول مرة دموع فعينيه كيخبيهم و هو محتاضنها…سعداتهم قدرو يبكيو و يفجرو شنو بيهم اما سي لفقيه كان واقف بلا حركة كيشوف ف الجثة قدامو ماقدرش يبكي و ماقدرش يحيد عينيه …حالة صدمة شداتو و هي كانت حداه خايفة من حالتو و كتزعزع فيه و تبكي على موت لا صطوف و حالة راجلها …هزوه لبوليس يديوه يشرحوه و مع ذلك ماتزعزعش …مشا حميد مع لبوليس و الجثة و بقا طلحة واقف …جلس على ركابيه و هي شادة فيدو كتزعزعو و تشهق … كانت الحالة حالة الله و ناس ففمهم كلمة الله ارحمو …و البوليس كيقلبو فنفس لبلاصة على شي دليل
…. الجثة ديناها تشرح و انجيبوها باش دفنوها …بغيت اقوالكم واش الضحية كانو عندها اعداء ؟؟
ذكرى؛(كتمسح دموعها) لااا لا با صطوف لكبير و صغير كيعرفو و كولشي كيحتارمووو
ادريس: خويا طلحة الشد بالله إنا لله و إنا اليه راجعون الله اصبرك
ذكرى : طلحة (عنقاتو ) كتاب الله ماعندنا مانديرو
…ناض وقف بدون تعابير و خلاها متبعة ليه لعين … تبعاتو حتى وصلو لدار و طلعات من وراه … حتى لدابا كان مهدن مادار حتى ردة فعل غير وصل لنص الصالة و جلس …طلع عينو فيها بنظرة منكسرة عينيه فيهم دموع و حومر و نطق بصوت مبحوح متألم
طلحة: انا تيتمت لثاني مرة …با مات لثاني مرة … ظهري تهرس …
طاحت على ركابيه كتبكي على حالو… عنقاتو عندها و هو حط راسو على كتفها كيبكي بحرقة ماكانش غير اب بالنسبة ليه …هو كان سند ليه من نهار دخل للحبس و غير هو لي كيزورو و كيجيب ليه كل ما يحتاج حتى نهار خرج لقاه هو قدام الباب …شد بيديه و علمو الحرفة د نجارة و عطاه المحل ديالو يسترزق منو …و نهار طاح فعشق ذكرى هو لي مشا معاه يخطبهالو…خيرو ديما سابق و عمرو يتنسى…حس بلي خسر حاجا قيمتها كبيرة و هاد الاحساس ماحسوش حتى فاش مات باه لحقيقي … بكاو قلوبهم كيما بكات السما داك نهار و شتتات الجموع و غسلات دم المغدور لي تلطخ فالارض … العزايا جاو بعزيو فدار طلحة و دار با صطوف لي كانو كيغسلوه ف دارو و باغيين اخرجو بيه اصليو عليه و يدفنوه … كانت ماريا حدا اكرام كتمسح دموعها حيت مصطفى كان كيخدم عندها و عز عليها …عيطات فتيليفون على ليث باش يحضر و داكشي لي كان …دغيا جا ..كيقلب على اي فرصة باش اشوف ذكرى و مكيهموش الزمان و المكان ….بقا واقف حدا مو حتى خرجو با صطوف من جامع و دازو من حدا لعيالات …كان ادريس و حميد و طلحة و رجال من لور هازين الصندوق حتى قرب ليث من جنب لي حدا طلحة و هز معاهم و هوما كيشوفو فبعضياتهم و مشاو مرددين "لا اله الا الله محمد رسول الله " …وصلو للمقابر و دفنوه و رجعو كانت الدنيا خوات شوية و يقاو غير مالين دار …جات الزاهية و مها يعزيو و يديرو الصواب لي عامر حقد و سم …كانت الزاهية كترجف…وليلة لبارح كتشوفها قدامها
ربيعة: البركة فراسكم …كان راجل مزيان و عزيز الله ارحمو
…بقات كتشوف ف ليث و هو كيشوف فيها …دازو من حداه و هي طيح تسخف فالارض و سبق شدها ..بقا كولشي كيتساءل مالها و ربيعة برراتها على انها بكات بزاف …هزها ليث ووصلها لدارهم غير حطها ..شدات فيديه و دازو دموع ف عينيها
الزاهية : درت لي تافقنا عليه …انا بديت كنفرق فيهم
ليث: داكشي لي بغيت
الزاهية: شفتي بلاصة دفين ؟؟
ليث: كنت معاهم
الزاهية: ليلة اتجي لعندي نمشيو ليها
ليث: علاش
الزاهية: بغيت نكمل شغلي (شافت فيه ) الى بغيتي بنت الحاج معاك خصك توصلني
ليث: الليلة نتشاوفو
….ناض و خلاها فنفس الوضعية …خرج من تماك غادي لمجمع لي خلاه …دخل لدار با صطوف لقا كولشي حاضر و باقي لبكا …لمح ذكرى طالعة لسطح و تبعها … نطق من وراها فاش حيدات حجابها تتنفس
ليث: كتخبعي زينك
ذكرى :(رجعات الزيف و خنزرات فيه) شنو بغيتي
ليث: مدة ماشفتك …توحشتك
ذكرى: عيقتي (تخطاتو و شدها من يدها )
ليث: القلب لي كيدوي
ذكرى: لي ماعندوش النفس حتى لقلب مايكسابوش (نترات يدها منو) احتارم لجنازة
…ابتاسم و فتح ليها المجال دوز و هبطات بسرعة …ماهي إلا دقائق هبط حتى هو و مشا مع ماريا بحالهم …اما ف دار التيجاني …لي كان عبارة عن مقبرة اخرى و سكون قاسي عمر لمكان بعد ما كانو صرخات ترجي و بكاء كثير من خديجة لشيخها لي نهش لحمها و اغتاصبها من بلاصة لحرام و تزعزع عرش الرحمان ….ناضت لطواليط بلا اي تعابير و ماحاولاتش تغطي جسمها العريان بعد ما الفولار ماكانش كيفارق راسها حتى ف دار …بقات كتشوف راسها ف لمراية و اثار الضرب فوجهها و جسمها و شعرها منتوف … شافتو من وراها كيقرب ليها لكن سرعان مابعد منين سمع صوت لباب و مراتو و بنتو جاو و انساحب …هبطات للارض جلسات و كتجمع حوايجها لي لاحهم ليها فالارض و هي كترجف و كتبكي من لداخل بحرقة و افكار كثيرة كيديوها و يجيبوها و كتسمع دقان فلباب من عكوزتها ….تحل الباب
طلعاتها و هبطاتها بنظرات احتقار و غوتات عليها …
ودة: انا كنقلب علييييك و نتي مخشية هنا
خديجة:(كترجف و تبكي)
ودة: نتي مااالك كترجفي و تبكي عليا …هادشي كاملو حيت ماخليناكش تمشي اوا غير تهناي العرس رجع جنازة …و مصطفى النجار مات
…طلعات فيها عينيها بصدمة كتسمعها شنو كتقول …
ودة: لقاوه مقتول مع لفجر
…بقات غير كتشوف فيها شنو هاد الحياة هادي و بداو دموعها يطيحو كثر و تبكي و تنوح…صرخااات بجهد و ماقدراتش تحبس …بقات ودة غير كتشوف فيها ماعرفات مالها و قالت مع بالها غير عزيز عليها و كتبكي و هي ماعارفاش بلي راجلها اغتاصبها فشبابها و هازة جبال على كتافها … خرجات خلاتها و هي بقات لا حنين لا رحيم لا لي يحس بيها لا لي تعاود ليه … ناضت جامعة راسها و باقا كتبكي و ماقادراش تمشا و كترجف …سدات عليها كتشهق و تخشات بلاصتها كتقطع بلوجع و ماعارفة مادير لراسها من غير تكويها فقلبها و تسكت على وجعها…..طاح الليل و ظلام الحال حتى خوات الزنقة و مشاو العزايا و كل واحد دخل لدارو و شد وقرو … وصلات طوموبيلتو لراس الدرب و بقا كيتسنى و كيشوف ف ساعتو حتى شافها جايا لعندو لابسة حوايجها و دايرة شال على راسها و ملثمة …ماهضراتش معاه دغيا طلعات لطوموبيل و هو طلع معاها و انطالق
ليث: فين انمشيو ؟
الزاهية: لمقابر …قبر النجار
ليث:(بلع ريقو) شنو بغيتيه
الزاهية: من مصلاحتي و مصلاحتك نمشيو
…ماطولش معاها لهضرة و مشاو ..غير وصلو نزلو بجوج و دار البيل ديال تيليفونو و حيداتوليه
الزاهية: ايشوفنا لعساس … ضو الگمرة كافي …فين قبرو
زاد قدامها …كيحاول يعقل على القبر …بقاو غاديين لداخل حتى وقف قدامو و اشارلها بيدو …مشات بسرعة تحناات كتحفر بيدها بجهالة و هو واقف عليها كيشوف شنو كدير ….شافها حفرات حفرة كبيرة و جبدات من تحت جوايجها المعمول و حطاتو و رجعات عليه تراب
ليث: شنووو دااااكشيييي و شنو كديري؟؟
الزاهية: سحرت ليهم …ايعيشو لمرار مع بعضياتهم
ليث: هادشي غير كدوب و خرافات
الزاهية: ماقضاوش فلوسك …سحوري ايقضيو
ليث: انعرفك نهار تكون بنت الحاج ليا
الزاهية: كيما دفنت سحور هنا …سرنا يتدفن حتى هو هنا
ليث: تافقنا
لي كلا الضربة كلاها شحال هادي و لي ماكايخافش الله و باع قلبو للشيطان دار مابغا و زاد طغا و تكبر و هاكا الزاهية دارت مابغات و حققات مرادها و ليث فخبثها غادي و همو لول و تالي بنت لحاج تكون ليه مادار بحساب الخاوة والا بحساب رب العالمين لي كيشوف كولشي و نساو بلي الله يمهل ولا يهمل…أما واحد جوج لي ماهوما عرسان ما هوما عزاية…جالسين ف دار با صطوف و طول هاد الفترة لي دازت و هوما غير مهمومين و ماعارفين مايديرو…لمحاتو دخل لدار بعد ما خرج صباح بكري و ناداتو يجلس حداها
اكرام: حميد فين كنتي ؟
حميد :(جلس حداها و باسها فحنكها) كنت فالمحل مع طلحة
اكرام: و شنو بغاك ؟
حميد: اقتارح عليا نخدم معاه و انا وافقت
اكرام: اتولي تخدم ف نجارة ؟
حميد: اه
اكرام:(ابتسمات ) حسن هاكا …اللهم بالحلال
حميد: و زيدي عليها مابغيتش نخليه بوحدو دازت شهر على موت با صطوف
اكرام: انا مامسوقاش ليهم و لكن طلحة حالتو ماعاجبانيش …كتقولي ذكرى بلي ماكلتو قلالت و نعاسو قلال و مكيهضرش معاها بزاف و كيلهي راسو يا بالخدمة يا بصلاة و العبادة
حميد: طلحة مجروح بزاف و ماتنسايش بلي با صطوف كان بمثابة اب ليه
اكرام: و لكن ايهلك صحتو الى بقا على هاد الحال
حميد: هضري نتي مع ذكرى خليها تخرجو من حالتو
اكرام: حاولات و عيات معاه و تقول واش تزعزعات فيه شيحاجا …انا راه وليت خايفة عليها هي كثر …كتبكي و تعطي لقلبها
اكرام: و حنا احميد ؟ …هاد الدار لي جالسين فيها ديال با صطوف و ماشي ديالنا
حميد: با صطوف ماعندو عائلة و فاش قلتها لطلحة قالي نقدرو نجلسو فيها حتى يسهل الله و نديرو دارنا
اكرام:(تنهدات) ان شاء لله
حميد: مامشيتيش عند مك ؟
اكرام: ماعندي ماندير عندها مابقاتش كتبغيني نجي
حميد: واخا هكك سيري نتي عارفاها مريضة
اكرام: الله اهديها حتى هي فعايلها وصلوها لهادشي
حميد:(قرب منها و باسها ف حنكها) نساي عليا كولشي …كاين شي عسل نذوقوه ؟
اكرام: ههههه لعسل كتاكلو كل ليلة العود
حميد: مانستاهلوش نذرقوه فصباح
اكرام: و علاه انا نحيد ليك شيحاجا ههه
حميد:(هزها بين يديه و هي كضحك بصوت عالي ) اجي العسيلة اجي
كانت ف دارها سادة عليها و كطل من لبالكون و تخمم…ماخلات مادارت معاه و باقي مابغاش يفيق من الحزن لي منعس قلبو…شهر و هوما عايشين فالحداد و بحال لخوت فدار…هضرتو قليلة معاها و حتى هي كتخليه على خاطرو ولكن توحشاتو بزاف و هازة هم كثر منها …دخلات لبيتها و تقابلات مع المراية شافت سواد تحت عينيها ووجها ذبل…بقات كدوز اطراف صباعها على وجهها و شعرها و ابتاسمات
ذكرى: كيفاش بغيتو يرجع ليا و انا هاملة فراسي …ايكون ليا طلحة نهار نكون ذكرى
نفضات الهم و الغم و حلات السراجم يدخل نور سيدي ربي …ضرباتها بأحسن تجفيفة لدار خلات ريحة الورد كتفوح منها و بخرات ب العود و مشات دخلات دوشات بالخف و خرجات قادات فراسها و ماكياجها كيما كيبغي هو و لبسات كسيوة لاسقة عليها و خرجات للكوزينة كطيب فشهيوات عارفاه بلي على الاقل كيتعشا فدار… طلقات القرآن و هي كتشقى حتى حسات ب خاطرها تزير من كلمات الله و نفسها بدات تضياق…غمضات عينيها شوية و هي كتفكر دوك الكوابيس لي كيجيوها كل ليلة و كتنوض مفزوعة…حلات عينيها بجهد و مشات بسرعة طفاتو و جلسات …هادي مدة كتحس بهاد الاحساس …سمعات صونيط فلباب و هبطات تحل …لقاتها مها لي جات عندها …رحبات بيها و دخلات
حبيبة: كيبقيتي ابنتي لباس عليك
ذكرى: بيخير اماما و نتي
حبيبة: بنتيلي ماشي هي هاديك شنو واقع ؟
ذكرى: والو غير وليت كنعييا بزاف
حبيبة: لا لا لا نتي ماعجبتينيش من ديك لمرة فاش سخفتي
ذكرى: غير حيت جهدت راسي
حبيبة: زعما ماتكونيش حاملة ؟
ذكرى:(طرطقات فيها عينيها) حاملة ؟
حبيبة: اه ابنتي واش درتي طيست
ذكرى: و فين هو لعقل لي غادي يديرو تلهينا مع لكنازة ديال با صطوف و زيدي عليها طلحة شاغلي بالي
حبيبة: يكون خير ابنتي (ناضت ) انا كنت جاية من سويقة قلت ندوز عندك نطل عليك
ذكرى: بقاي شوية
حبيبة: لا لا لحال بدا يمشي و خصني ندير لعشا لخوك
ذكرى: كيما بغيتي
…تسالمو و خرجات بحالها و هي رجعات لدار و راسها كيضور من كلام مها…حطات يدها على كرشها وابتاسمات و الى كانت هاد لهضرة بصح اتفرح بزاف حيت كتمنى تولد ليه ولد و حتى هو باغي لولاد منها …بقات كضور بلاصتها…بغات تعرف ليوم قبل غدا …فكرات تخرج ولكن ماصالحش ليها دابا و بقات كتفكر واحد طريقة قديمة كيديروها باش اعرفو لمرا حاملة…دخلات لطواليط و دخلات معاها جافيل و ماهي الى دقائق حتى بانت ليها النتيجة و حطات يديها على فمها فرحانة و كتنقز…بقاو دموعها كينزلو و قلبها كيضرب …سمعات لباب تحل و عرفاتو هو لي جا و دغيا غبرات داكشي و مسحات دموعها و خرجات مبتاسمة ليه ..بقا كيشوف فيها و فزينها وابتسامة منورة فوجهها….
ذكرى: على سلامتك احبيبي دار نورات بيك
طلحة: كيبان ليا نورك لي طاغي (باسها ف جبهتها)
ذكرى: (ضحكات بشوية) دخل ترتاح وجدت ليك الدوش و الماكلة لي كتبغي
طلحة: الله اعطيك الصحة
مشا دخل نيشان لدوش بدا كيدوش و يرتاح گلس فالبينوار مرجع راسو لور و صوت نفسو كيتسمع…حس بيديها على كتافو كتمسدهم ليه …
ذكرى: توحشتك …
طلحة:(حل عينيه بثقالة و باي يدها بلا مايدوي )
ذكرى: شنو بانلك منين نتعشاو و نديرلك مساج باش ترتاح كثر
طلحة: الخاطر ماكاينش اذكرى…عفيني
ذكرى: و حتى ل إمتى …حالك مابقاش عاجبني
…ناض بلا مايدوي معاها لبس بينوارو و خرج و هي بقات كتشوف ف نقطة وحدة و كتحس بالغمة…تنهدات و ناضت خرجات مشات ديريكت للكوزينة كتوجد لي غادي تحط …وجدات كولشي فوق الطبلة عاد لمحاتو جاي …جلس كياكل و هي كتحط ليه قدامو
ذكرى: تبغي نصايب ليك شيحاجا؟
طلحة: هادشي كافي
ذكرى:(قربات منو و طبعات قبلة ف عنقو ) و ماناقصاك حتى حاجا ؟
طلحة: حاليا بغيت غير نرتاح ..عييت من لخدمة…(هز كاس د الما يشرب ) الحمد لله شبعت
ذكرى: شبعتييي ؟؟؟! …ولكن ماكليتي والو
طلحة: الحمد لله
…ناض تاني و خلاها و هاد لمرة بدون شعور هبطو دموعها…هاكا حالهم منين مات با صطوف…الضحكة فارقاتهم و دنيا كحالت فوجههم…ناضت جمعات الطبلة و طرفات دنيا و دخلات بدلات حوايجها و مسحات ماكياجها و ضارت كتشوف فيه ناعس فالجهة ديالو …مشات طفات الضو و نعسات ف جيهة ديالها و هي باقا كدمع….فراغ كبير فوسطهم هوما لي كانو مكيحلاش ليهم النعاس من غير الى عنقو بعضياتهم…هو بكثرة حزنو هملها و نسا بلي مراتو و عندها احتياجات و هي ماحاساش بالحرقة لي فقلبو و بلي الحزن طغى على عقلو …..
بقاو هاكا ….حتى واحد فيهم ماناعس غير ساكتين مدة طويلة …حتى أذن لفجر و سمعاتو ناض و هي تقلبات على الجهة لوخرات كتحس ب قلبها ايخرج و الغمة فيها …حطات لوسادة على راسها ماباغاش تسمع صوت الاذان…ولكن غير مكيزيد خاطرها يتزير…بدات كتبكي ب طريقة هستيرية و كتسد فمها بيديها …ناضت طافجة من لبيت …ووقفات قدام الصالون…كان كيجود ب صوتو القرآن ب طريقة روحانية كتبعث الطمأنينة فقلب لي سمعو…جلسات فالارض بعد. ما فشلات و دموعها مابغاوش احبسو ماتنكرش بلي فشلات و مابقاتش قادرة فين تصبر …نطقات بنبرة عالية ف اتجاهو…خلاتو يرفع راسو و يشوف فيها
… أما عند خديجة…هاد البنت لي كانت عايشة الرعب ف هاد الشهر…الشقا و نگير ماخاطيينهاش و كون غير حدات فهادشي…الاغتصاب ديال اخر مرة خلاها غير خايفة من جنابها و فاش كتشوف الشخص لي سبب ليها فالرعب كتزيد تخاف …تحججات انها مكيعجبهاش تبقا بوحدها وولات كتنعس مع حياة فبيت وحدة غير باش مايلقالهاش عدو الله طريق ليها …كانت ف الكوزينة كتشقا و توجد فلعشا حتى دخلات عندها عگوزتها…
ودّة: نتي سكنتي تمااااك تقولي كتوجدي لينا القطبان
خديجة: كولشي ايوجد دابا اخالتي
ودة: حيدتي لحوايج من سطح
خديجة:(بلعات ريقها) نسيتهم
ودة: اويلي على لخطية لي جابلي سيدي ربي …ايكون ندى كيطيح عليهم
خديجة: انطلع دابا نحيدهم
ودة: غير خليك قابلي داك لعشا…انا نحيدهم
…مشات طلعات تحيدهم و خديجة بقات كتقابل لعشا و توجد…حتى حسات بيدين ف خصرها و هي تقلب الزيت لي كانت كتقلي فيها لفريت بغات تغوت و هو يسد ليها فمها و بدا يتمحكك عليها …
حمادي :(بصوت هامس و مقزز ) ديالي توحشك بزاااف
بقات كتنين و دموعها كيهبطو و كترجف
حمادي: اجي اجي لبيت مايصلاحناش هنا
بقات كتقاومو و تحاول ضرب فيه و هو حاكمها مزيان …حتى حط ليها موس ف عنقها
حمادي : غادي تحركي معايا و لا وجهك نخسرولك و نرميك ف زنقة
…شافت فالموس مابقات قدرات دير والو جرها من شعرها لبيتو و زدح الباب و لسقها فيه و باقي ساد ليها فمها …بزز باش كتقدر تخرج الحرف و كتحس ب سروالها كيتنصل من لتحت
خديجة: عفاك بعد مني …ليرحمليك الوليدين لاما رحمني و خليني ف تييقااااار
حمادي:سكتييي ماتصدعيليش راسي
…طلقات غوتة سرعان مارجع سد ليها فمها و هي كتنين بطريقة هستيرية…كتحس بيه فالدبر ديالها كيمشي و يجي و مقسحها فكرة انه شيخك أب راجلك و فمثابة انه يكون اب ليك هاكا …من عالامات الساعة و هادشي ماكايبغيه لا ربي لا عبدو …كيغتاصب فيها ف كل مرة كتسمحلو الظروف و هي ساكتة و مستحملة على قبل انه ماعندها فين تمشي لا حنين لا رحيم …ماقدراتش تزيد تصبر على الالم و على الذل و على الحگرة …عضاتو فاليد لي ساد ليها فمها بيها و غوتات ب أعلى ما فجهدها…ضارت و دفعاتو و خرجات و ماحسات براسها غير طايحة ف نص الصالة و هو شاد ليها ف شعرها و طلعها عندو و عطاها تصرفيقة…خرجات حياة كتجري من بيتها منين سمعات لغوات شافت باها كيضرب ف خديجة و مراتو هبطات من سطح
ودة: شنو وقع اناري شهاد لغوات
حياة: بابا مالك
حمادي :(بنبرة طالعة) هااااااد لقحبة لي جبناهااااا و سترناااااها داااااخلة بحال سوسة و جالسة تلسق فياااا و باغاااانا نديييير معاها لحرااااام نسات بلي هي مرات ولدي
ودة: (ضربات ففخاضها ) اوييييييلي على لفضيحة
خديجة:(كترجف و تبكي) لا اهئ اهى لا والله مادرت شيحاجا (كتشوف فيه ) الله ياخد فيييك الحق الله ياخدو فيك علااااش كتكدب
خديجة: مااااادرت وااااالو والله هو لي غتاصبني اهئ اهئ غتاصبني نهار مشيتو لعرس اهئ اهئ
ودة:(ركلاتها برجليها) و ماااازاااال زااايدة فلكدوب و مطيحة لباطل…ليوووم نفرج فييك الجيران
خديجة:(رجعات كتزحف لعندها و شداتلها ف رجليها) والله مادرت شيحاجا …ماتشوهينيش مادرت وااالو راجلك دار كولشي …مادرت واااالو
ودة:(تعصبات و رجعااات حمرة كاملها) مااازاااال كتكدبييييي و شنوووو كنتي كدييري فبييييتي القحبة شنووو
…هبطات لعندهاااا كضرب فييييها و راجلها كيسب معاها …يد منهنا و يد منهنا حتى مابقاتش كتشعر بلي حداها …يديهم عمرو بدمها و باقيي كضرب فيها حتى تقطع الصوت ليها
حياة: ماما وقفييييي …(حطات يدها على فمها) قتلتيها
ودة:(ناضت كتنهج) الله انعل بنات الحاج فينما كاااانووو ….خليييني نقتلها و نشرب من دمهاااا
حمادي:(كيطل على خديجة ) شنو درتي أودة لبنت تقطعلها النفس
ودة:(بلعات ريقها) واش ماتت
حمادي : بهاد الدق موحال تعيش …شنو لمعمول دابا
ودة: عااااوني نهزوها نحطوها ف طوموبيل و نربيوها ف لخلا
حمادي : وااااش تسطيتي و منين يسولونا عليها
ودة: نقولو هربات ماعرفناهاش فين زادت و زيدون موحال تعيش…(ركلاتها) موتها حسن من حياتها
بقات كتشوف فيه بنظرات مكسورة و قلب موجوع و نفسها بغات تقطع منها من بعد لهضرة لي قالتلو…أما هو سد القرآن و قرب منها
طلحة: ذكرى … مالك
ذكرى: عييت من هاد التعامل ديالك …مابقيتيش طلحة لي كنعرفو…تبدلتي عليا بزااف
طلحة: شنو كتقولي..يهديك الله انا باقي كيما كتعرفيني
ذكرى: لا مابقيتيش…موت با صطوف قهرك لدرجة هملتي راسك و هملتيني (كتمسح دموعها لي كيطيحو بلا هواها) انا محتاجاك
طلحة:(نوضها من الارض ) سمحيلي
ذكرى: بغيتك ترجع كيما كنتي مابقيتش بغيت نشوف لحزن فوجهك
طلحة: موتو قهرني اذكرى…و كون فهمتي هادشي كنتي اتعذريني
ذكرى: علاه انا ماماتش ليا با ؟
طلحة: و راك شفتي حالتك كيفاش كانت …و شحال بقيت كنتسنا فوقاش يرجع وجهك يضوي…بالنسبة ليًا با صطوف كان أب و سند ليا …هو لي عندي و مشا و كون غير مات موتا د الله ،…هو مات مقتووول اذكرى…مقتول و انا ماعارفش شكون قتلووو…شكون هادا لي ناعس مرتاح فدارو من بعد ما قتلوو
ذكرى: ربي كيشوف كولشي ا طلحة و ربي كيحاسبنا حتى على النفس ديالنا واش تهلينا فيها و لالا …
طلحة: عيان بزااااف و ماقادرش نكون ليك كيما بغيتي
ذكرى:(هزات راسو بين يديها كتشوفليه ف عينيه ) شنوو كتخربق هادي غير غيمة و غادي دوز
طلحة: حااااس باي كثر من غيمة…مابقيت قادر على حتى حاجا
ذكرى:(شهقات شهقتها و بعدان منو و باقا كتبكي و تشوف فيه كترجاه بعينيها …هزاتلو يدو و حطاتها على كرشها) أنا حاملة أطلحة…ماتفرطش فينا أنا وولدك
…. هزوها ف طوموبيل بعد ما حضاو من جيران لايكون شافهم شيواحد…دغيا ديماراوها و نطالقو بسرعة خارجين من لمدينة باغيين غير ابعدو و يتهناو من هاد الهم …مرة مرة كطل عليها ياكما تحركات و لكن كانت بحال الجثة جامدة…خرجو لبرا و ظلام و لحال مشا و دغيا حلات الباب و رماتها فنص طريق و رجعو بسرعة هاربين من فضيحتهم و ظالمين بنت ماعندها حتى يد فهاد الذنب …طايحة فطريق حتى واحد ماشايفها و لكن كان رب العالمين شايف كولشي امكن هوما نساوه و لكن هو عمرو مكينسى و لا كيغفل….عزيز ذو انتقام….
كتشوف دهشة كبيرة فعينيه …و الصمت ساد فديك اللحظة لي نطقات فيها …عينيها كيحكيو كولشي و هو دقات قلبو المتسارعة كيجاوبو على كل دمعة كطيح من عينيها…بلل شفايفو و نطق بصوت مرتجف
طلحة: شنو..قلتي
ذكرى: ماتخليييناش انا وولدك …
طلحة:(كيشوف ف كرشها ) ذكرى ..نتي حاملة ؟
ذكرى: اه ..كنت كنتوقع أيجي فظروف حسن مابغيتوش يجي فهاد الظروف
طلحة:ذكرىىى (بنبرة مرتجفة و صوت عالي ) نتييي حااااملة …حاملة بولدي…نتي اتجيبيلي ولدي (تحنى على ركابيه كيضحك و كيقيس فكرشها)
ذكرى:(حطات راسها على صدرو) مابغيت والو من هاد دنيا غير نهز ولدي فيدي و تكون نتا معانا
طلحة:(تنهد) ربي كبير اذكرى ..من بعد ماظلامت دنيا فعيني …رجعات نورات بهاد لخبار …(حط يدو على كرشها) مصطفى الخماري جاي ف طريق
ذكرى:(شافت ق عينيه مبتاسمة) و الى كانت بنت
طلحة: كنتمنى مايشوف فيها حتى شيواحد بعين لحسد
ذكرى: (بتعجب ) علاااش ؟
طلحة: أطلع زوينة بحال مها
ذكرى: و متخلقة بحال باها
طلحة:(باسها فجبهتها ) نوضي نصليو جوج ركعات …نشكرو الله على فضلو
ذكرى:(بلعات ريقها) ماقاداش..كنحس بصحتي طايحة عليا
طلحة: ياك لباس ؟ ياكما كضرك شيحاجا ؟؟
ذكرى: لا غير خاطري مزير عليا ..غدا فاش تخرج عيط لماما تجي عندي
طلحة: واخا كيما بغيتي
…ناضت تمشي لبيتها ترتاح …نعسات بلاصتها مطمنة أما هو ناض و صلا صلاتو و مشا للبيت ..قرب منها و تخشا فيها معنقها و هي شادة فيه …حاسين بلي بهاد الحمل كاين بصيص أمل بيناتهم و هو لي رجع الفرحة لقلب طلحة و نتاشلو من ظلام الحزن لي كان غارق فيه …باش يصبح صباح جديد مغاير على صباحات …
تسمع الصونيط فبابها و خرجات من لكوزينة غاديا تحل…لقات مها هي و اكرام مبتاسمين ليها و فرحانين…دخلو و بدات حبيبة كتزغرت و تعنق فبنتها…
حبيبة: مبارك و مسعووود ابنتييي الله اجيب ليك لفكاك الساهل
اكرام: هادشي غير بسباب الحمل (تنهدات) حمدي الله و شكريه على هاد النعمة …كاين لي مالقاهاش
ذكرى:(شدات ليها فيديها) ماتقوليش هاد لهضرة ..ولادي هوما ولادك ..راك اتربيهم معايا و ايكونو غير معاك
اكرام:(ابتاسمات ليها ) انكون بحال ماماهم و مايخصهم حتى حاجا (ضحكات بخفوث) ايكونو طرف من كبدتي
ذكرى:(ابتاسمات ليها ) عارفاك ماغاتقصريش
….. كان ف الكاراج هو و حميد كيخدمو و يضحكو…ديك الضحكة لي شحال هادي مازارتهم من موت با صطوف …حتى دخلات عندهم…بخطوات محسوبين و ملامح معبورين
الزاهية: صباح الخير اسيدي طلحة
طلحة:(شاف فيها ) صباح الخير اختي زاهية …شنو حب الخاطر
الزاهية :(ابتاسمات) والو سمعت ضحكتك من برا و بيني و بينك شحال هادي ماسمعناها ..باينة شيحاجا زوينة و مافيها عيب نشاركو معاك فرحتك
طلحة:(ابتاسم) الحمد لله ربي لي كيرزق الفرحة …و هو رزقني و عطاني من خيرو
الزاهية : (بحيرة ) و شنو عطاك ؟
طلحة: نعمة لولاد …(بنبرة مسرورة) ذكرى حاملة ..
ابتاسمات بحرقة فوسط ابتسامتو و هزات عينيها فعينيه و نطقات بنبرة كاذبة
الزاهية: مبروك ..يتربى فعزكم…سلم ليا على ذكرى حتى نطلع نبارك الله
طلحة: الله ابارك فيك
…خرجات من عندو اتاكل جنابها …رجع وجهها حمر بتزنيكة…و قلبها كيتحكك بوحدو…قربات توصل لدارهم و هي تشوف طوموبيل واعرة داخلة للدرب…وقفات شوية حتى كتلاحظ ليث هابط هو و مو و باين قاصدين دار ذكرى…لمحها ليث و ماكانش أقل منها فالعصبية …
ليث: طلعي الوليدة انا شوية و نجي
…. مشا ف اتجاه الزاهية و قبل مادوي نفاجر فوجهها
ليث: ماكانش عليا نتييييق بيييك حيت مادرتييي حتى لعبة …كنتي كتقولي اتفرقيهم و لي شفتو هو عاد مازادو قربووو و كيفرخو فلولاد (بنبرة قاسية) طلعتي غير دجالة (بزق فالارض)
الزاهية: ماشفتيي وااالوو…(بغوات) نار شااااعلة ماتلوومنيش على شيحاجا باقي مابان مفعوولها…غاااادي يتفاااارقوووو (تحت سنانها) و الى ماتفارقوش نقطع يدي لي سحرت بيها
…خلاها هكك و طلع للدار ديال ذكرى أما هي دخلات ساخطة لدار و مشات نيشان لبيت لمظلمة لي كتسحر فيها مها …جبدااات الجلدة ديال ضبع..و حلاتها و جبدات منها مونيكة مغروسة ب لمسامر و بدات طعن فيها ف كرشها
الزاهية: غاااادي يموووت خصووو يموووت …موتووو بجووووج موووتوو بجوووج (كدخل و تخرج لمسمار بجهالة و رجعات حالتها) طلحة ديالي ديالي بوحدي….
…. عماها حب التملك و الهوس ب راجل مزوج…مابقات كتشوف حتى حاجا من غير يكون ليها و تقدر دير اي حاجا باش يكون من نصيبها…نوات الشر لمرا بحالها …ما أذاتها ف حتى حاجا من غير مشاركين فحب راجل واحد …كانت ذكرى جالسة و حداها ماريا و ليث لي كيباركو ليها
ماريا: منين قالتلي اكرام لخبار فرحت
ذكرى: شكرا
ماريا: الى حتاجيتي شيحاجا قوليهالي…نتي حاملة دابا بولد لخماري واخا فوق طاقتي و خاطري
اكرام: ماما اش وصلنا لهاد الهضرة
ذكرى: خليها ا اكرام ولفت
…دخل طلحة لدار بعد ما وصلاتو لخبار بلي مو و خوه جاو ..ألقا التحية و جلس حدا ذكرى
ماريا: مبروك عليك اولدي
طلحة: الله ابارك فيك (كيشوف ف ليث ) غير هي مكنبغيش نشوف لبراني داخل ل داري
ماريا: مكاين براني …حنا عائلة
ليث:(ناض) مبروك مرة اخرى …(شاف ف طلحة) وصلات و هاهو غادي
طلحة: لباب كتعرفو ولا نوريه ليك
ماريا:(بعصبية ) طلحة ؟؟ شهاد الهضرة (ناضت) كتجري على ليث بحال الى كتجري عليا
طلحة: حاشا واش كنجري على شيواحد و لكن لي خاطياه العفة و صواب مكنرحبش بيه
تنهدات و خلاتو على خاطرو مافيهاش لي يتناقش معاه من بعد ما حسات ب دوخة و مشات لبيتها ترتاح … أما واحد الشخص آخر لي كان فالمحل ديالو …تفكيرو كامل داتو هاديك لي ساكنة عقلو و قلبو…ماقادرش انه يتقبل بلي ديال راجل اخر توحشها و عارف بلي هو سباب تعاستو…ليلو كيف نهارو..و حياتو تقلبات …دخل حمادي عندو للمحل ووجهو فيه العصبية
حمادي: السلام عليكم
ادريس: و عليكم السلام سي حمادي
حمادي : شهادشي اسي ادريس كنعرفو عليك راجل حقاني و تربية الحاج و هادشي حتى واحد مكيقبل بيه
ادريس: ياك لباس ؟ كاين شي مشكل
حمادي : اه …باش مرات ولدك تخرج من دار و ترجع لدارها بلا شوار هادشي مامقبولش…راه كيوقعو المشاكل بين لعيالات و لكن هادشي مايخليهاش تخرج
ادريس: مرة اخرى ان شاء الله …(شاف ف مو ) الوليدة يالاه
…خرج هو و مو و عقلو كيضور شنو غادي يقول ليها و كيفاش ايتكلم…تلف و قلبو من لخلعة نقز…مابقا عارف مايقدم والا يوخر…اما ذكرى و طلحة بعد ما تعشاو و هضرو شوية لاحظ عليها لعيا
طلحة: كنحس بيك عيانة ؟
ذكرى: راسي تقيل عليا شوية
طلحة: صليتي صلاتك ؟
ذكرى: ماقادراش
طلحة: سيمانة و نتي هاملاها
ذكرى: و غير حيت كنعيا
طلحة: اجي اجي تنعسي ترتاحي …(مسندها عليه و غادي بيها لنموسية)
ذكرى: نعس حدايا ..
طلحة: انا حداك أعمري..
…نعس حداها و تخشات فيه …كتحس بقلبها مقبوط بقربها ليه لكن و مع ذلك مقربة..اما هو كيحس بنفسو مقطوع و كيستغفر الله و كيرجع بيخير …مشاو ف نوم عميق …حتى بداو الكوابيس كيزوروها و ظلام طالع من رجليها…مناظر بشعة و أولهم الدم..بقات كتقلب و كاملها عرقات و كتهتف…باغا تغوت و شيحاجا حابسالها حلقها..فاق جراء الحركة المفرطة ديالها و شافها ف ديك الحالة و بدا يفيق فيها …حتى ناضت مفزوعة و كترجف
طلحة: بسم الله عليك ..
ذكرى: (حطات يدها على قلبها ) حلمة خايبة…استغفر الله
طلحة:(مد ليها اما ) شربي (بقلق كيشتت نظراتو عليها ) انا معاك
ذكرى: انوض لطواليط
…ناضت كتجر فرجليها و دخلات لطواليط …غسلات وجهها و تقابلات مع لمراية…شافت شعرها مطلوق و بغات تجمعو حتى كتحس بخصلة كبيرة طاحت منو ..تخلعات و عاودات جبداتو و لقات نفس الحاجا..حسات ب شيحاجا دايزة بين فخاضها و هي تحط يدها و لقات دم….بدات كترجف مامتيقاش و كتنادي ب اسم طلحة … حتى هبطات على ركابيها كتبكي و صرخات صرخة عالية…نابعة من الاعماق …
صوت الالات الطبية كتسمعهم فوذنيها بشكل خافث…السيروم لاسق ليها فيديها و الاكسيجين فنيفها…حلات عينيها بثقالة كتشوف أشعة الشمس ضاربة فعينيها الشيء لي ماخلاهاش تحلهم و بداو الذكريات كيجيوها لعقلها بحال الصاعقة …و هاد المرة حلاتهم بجهد و هي كتنفض بلاصتها… حيدات الاكسجين من على فمها و هي كتنهج و تغوت …كتهز و تحط …دخل طبيب و لفرمليات كيجريو عندها و كيحاولو يهدنوها…حتى غرسو حقنة مهدئة ف عروقها و بدات قواها كتلاشى و رجعات نعسات…راسها راس لمحاين منين كانت صغيرة …لا حنين لا رحيم لا واليدين يقومو بيها…وحدانية هازة هم الجبال و ماكاينش فرجال لي يتلفت ليها و يكون ظهرها و حاميها…طعنة مور طعنة و صدمة كبيرة دخلات ليها أتكلفها عمرها و زهرة شبابها….بقاو لفرمليات معاها كيشوفو فيها و يهضرو
….ياختي مانعرف شنو قصتها
…جابوها لبارح كانت مغتاصبة و مضروبة بزاف
…مسكينة شوفي كمارتها كاملها زراقت…امضرا عرفتو شكون هي ؟
…مانعرف…لقاوها شي ناس مليوحة فطريق
…اوا الله اشوف من حالها
ربي شايف من حالها و شايف شكون ظلمها و اذاها و ربي مكينسا حد … و كينزل عقابو فلوقت حتى على لي بغا يفرق بين جوج كيبغيو بعضياتهم…كانت مسندة عليه و هو شاد فيها و جالسين قدام طبيبة لي كطمنهم على حالتها…
طبيبة: خصك تهتمي بالاكل ديالك و تبعدي من التوتر و اي حاجا تقدر تعصبك…انا انكتب ليك دوا تبعيه
طلحة: و الى تعاود النزيف ؟
طبيبة: الى تبعتو هادشي ماغاديش يتعاود (كتشوف ف ذكرى) الى لاحظتي بقع دم اجي عندي بسرعة
ذكرى: واخا
…خرجو من عندها و بقات كتمشى بوحدها علاما يلحقها طلحة …فلحظة بقات غير كتبكي حتى تحطات يدو على كتفها و ضارت عندو عينيها مدمعين و صوتها مغنغن بلبكا…
ذكرى: مابغيتووش يطيييح …انموت من وراااه مابغييتش نخسرو اطلحة (حطات راسها على صدرو كتشهق)
طلحة:(كيطبطب على ظهرها و قلبو مقطع عليها و على ولدو لي كان غايطيح) ششش ماخصكش تعصبي راسك و تبكي سمعتي طبيبة شنو قالتلك تبعي هضرتها و ماغاديش توقع ليه شيحاجا
ذكرى:(شافت فيه و هو كيمسحلها دموعها بصبعانو) غادي يكون مزيان ؟
طلحة: (بابتسامة امل ) غادي يكون بيخير و ايتزاد و يعيش بيناتنا و نربيوه بجوج
….هضرتو زرعات فيها الامل و عنقاتو مخشية فيه …مشاو ركبو فطاكسي راجعين لدار بجوج …دخلو و هي مشات نعسات كترتاح…مشا قاد ليها متاكل و رجع عندها لقاها نعسات و خلاها مابغاش يفيقها و هي عاشت ليلة صعيبة … كيتفكر فاش غوتات منين شافت دم و كان عقلها ايطير من بلاصتو…هزها بسرعة و خداها لكلينيك و ليلة كاملة و هي تماك …عاش حتى هو ليلة مرعبة …خلاتو يتضرع لله و يبكي فصلاتو و هو كيدعي من قلبو ماتوقع حتى حاجا لا ليها لا لولدو…هوما لي بقاو ليه و حالتها كتقطع ليه فقلبو…
كان كيضورفبلاصتو و مو حداه جالسة و حاطة يدها على راسها و كتحرك رجليها بتوتر و كتشوف ولدها لي معصب…نطقات و هي مخلوعة
حبيبة: و فين اتكون مشااات …
ادريس: و باش عرفت انا …(وقف شاف ف مو) تكون واقعة ليها شيحاجا ؟
ادريس: شوفي ألحاجة انا ماكنتيقش بهاد لخرايف ديال هربات ولا زمرات (جلس حداها حمر فيها عينو) واش ماقالتلك حتى حاجا ماشكاتش عليك ؟
حبيبة: لا اولدي قليل فين كنطل عليها من نهار شفناها انا و ختك
ادريس: كيفاااش قليل فين كطلي عليها ؟؟ واااش عطيتي لبنت و سمحتي فيها ؟
حبيبة: اولدي ناسها ماكيبغيوش كثرة دخول و لخروج
ادريس:(كيمسح على وجهو بعصبية) هوما لي دارو ليها شيحاجا …انا عارف خديجة مافيهاش ديك زعامة حتى تهرب
حبيبة: و شنو نديرو نمشيو للبوليس ؟
ادريس: هادا هو الحل
…ناض خرج بسرعة و هي كتقاقي و كطلب من الله تكون بيخير و مايوقع ليها والو .. أما عند ذكرى من بعد ما فاقت معطلة لقات الشمس كتغرب..حطات يدها على كرشها مبتاسمة و ناضت كتكسل…خرجات لبيت لجلاس لقات طلحة باقي
ذكرى: باقي هنا ؟؟
طلحة: كيبقيتي مزيان؟
ذكرى: كيحسابني خرجتي للكاراج
طلحة: حتى نشوفك بعدا واش بيخير
ذكرى:(جلسات حداه بعد ماشافت الماكلة محطوطة) فيا لمووت دجوع
طلحة: كولي مزياان و الى تشهيتي شيحاجا قوليهالي و ماتجهديش راسك
ذكرى: (شداتلو فيدو بابتسامة) حتى نتا تهلا فصحتك على قبلنا
طلحة: (قرب منها و طبع قبلة ف جبهتها) انكون مزيان الى كنتي نتي مزيان
حولات عينيها بزربة لجنب بعد ما شافت خيال داز من حداها و سمعات صوت مزعج فوذنيها …سرعان مارجعات كتشوف ف طلحة و خاطرها مزير تاني
ذكرى: طلحة ..عرفتي هادي مدة كنبقا نحلم حلمات خايبين و بحال الى حقيقيين و كنشوف بحال خيال دايز من حدايا و صوت فشكل …كنحس بحال معايا زايد فدار
طلحة: صلي و قراي القرآن هادشي غير من لخيال ديالك و صاف
ذكرى: و راه كيتزير عليا خاطري فاش كنصلي ولا كنسمع القرآن
طلحة: ماتخليش شيطانك يغلبك …(شد فيدها )
ذكرى:(بلعات ريقها) غير كنتخيل ..
طلحة: تهلاي فراسك و فولدي و كولي مزيان و شربي الدوا فلوقت…
ذكرى: الى طلعات بنوتة شنو نسميوها هه
طلحة: مكنعرفش فسميات لبنات هه
ذكرى: اممم شي سمية زوينة بحال ديالي هه
طلحة: بحال سميتك ماكايناش…(قرب منها و طبع قبلة فشفتيها) ذكرى وحدة لي كاينة و جمرة وحدة لي فقلبي
ذكرى:(كتشوف ف عينيه و فلحظة بعدات منو ) حتى يتزاد و نسميوه هه
طلحة:(تنهد) غدا الربعين ديال با صطوف…بغينا انا و حميد نديرو صدقة فدارو
خرج طلحة و هي بقات بوحدها…كتخاف تبقا بوحدها حيت اي حاجا كتقفزها و لي شافتو كيخلعها…لبسات جلابيتها و شالها و خرجات من دار و سداتها..قاصدة تمشي عند اكرام …دازت من حدا الكاراج و طلات على طلحة …
ذكرى: راجلي قرة عيني
طلحة: (ضحك بخفوت ) كتوحشيني دغيا شنو خرجك
ذكرى: بغيت نمشي عند اكرام
حميد: سيري اختي عندها توانسو حتى هي كتبقا غير بوحدها
الزاهية: بنت الحاج كيبقيتي وصلاتني خبارك بلي كنتي ف سبيطار
ذكرى: مسينا على الله ازاهية … شنو بغيتي تاني
الزاهية: وااالو غير كنسول فيك …عار الجار على جارو
ذكرى: عطيني بتيساع لي فيا كافيني…
الزاهية : حضي جنابك مزيااان و حتى الى ماكملش الله فلحبالة ماعليش
ذكرى: فمك لاحسو كلب
الزاهية: ماغايكتابش ليك تولدي ولدو(كتلعب فشعرها)
ذكرى:(حطات يدها ف كرشها و كتبلع ريقها) تفرقي علينااا
الزاهية:(قربات ليها و همسات) راجلك ديالي و ليام اتبين ليك
….مافيها لي يزيد يتغانن معاها مابغاتش تعصب و تغوت و تفقص فراسها و طبيبة وصاتها … يالاه قربات توصل ل دار اكرام لقات تيليفونها كيصوني بنمرة كتعرفها مزيان و شكون من غيرو…ليث اي مصدعها فحياتها…دقات على اكرام من بعد ماطفات تيليفونها و حلات ليها لباب
اكرام: اهلا دخلي دخلي
ذكرى: و فين غبرتي
اكرام: غير سمحيلي ماطليتش عليك كنت انجي عندك دابا عاد قالي حميد بلي كنتو فلكلينيك…
ذكرى: غير خليها على الله كنت انموت
اكرام: سكتي ماتقوليش هاكا مازال ربي مطول ليك فعمرك نتي وولدك…انا كنت كنجمع دار حيت غدا الصدقة
ذكرى: و فين وصلتي قاديتي كولشي و لا نعاونك
اكرام: لا صافي قاديت كولشي غدا يجيو طيابات يتكلفو بلباقي
…بقاو كيشربو كاس د اتاي و كيتجمعو و يضحكو…حتى ناضت ذكرى ترجع بحالها …دخلات لدارها و بدلات حوايجها و كتسنى ف طلحة يجي حتى صونا بابها و لكن ماشي ديال برا غير ديال نص الدار …حلاتو و اذا بيها كتفاجأ…
ذكرى : ليث ؟؟
بقات كتشوف فيه بحيرة كبيرة …و مارتاحتش من المجية ديالو…اما هو دخل كأن الدار دارو و جايب فيديه ساشيات حطهم فالارض
ليث: اه ليث …كيبقيتي
ذكرى: شنو كدير هنا ؟؟ شنو بغيتي ؟ خرج قبل مايجي طلحة
ليث: سمعييني…جيت نطلب منك سماحة ..حيت ماغاديش تعاودي تشوفيني هادي لمرة لخرة لي انجي عندك فيها …صافي فهمت بلي انا بلاصتي ماشي معاك و بلي نتي مرات خويا
ذكرى: و شنو بغيتي ؟؟
ليث: بغيت نبدا صفحة جديدة معاك ، الى حتاجيتي اي حاجا اتلقايني و ماتردديش حيت انعاونك فلي بغيتيها
ذكرى: شنو بغيتي تقصد ؟
ليث: فهمت بلي عمرك تكوني ليا و مابقيتش انحاول ، المهم عندي تكوني بيخير و فرحانة…جبتلك هادشي حيت اتحتاجيهم عتابريهم عربون صداقة و عفاك ماتقولي والو لطلحة باش مايتعصبش و يفهم غلط
ذكرى:(تنهدات) مزيان منين درتي عقلك و فهمتي خلاص … الله اسامح
ليث: تهلاي فراسك و الى خصاتك شيحاجا مرحبا و تهلاي ليا فلكريشة
ذكرى:(حطات يدها على كرشها) شكرا
…مشا خرج و هي سدات الباب كتنفس بزربة كانت خايفة و مقطوعة فيها … مادازش بزاف ديال الوقت حتى جا طلحة
ذكرى: عمري جيتي (باستو ففمو)
طلحة: (رجع جبدها كيبوس فيها) اروحي
ذكرى: توحشتك…(كدوز صبعانها على صدرو) توحشت (اشارتلو بعينيها لحجرو)
طلحة:(هبط لعنقها عضها) راه شهر شهر ماقستك
ذكرى:(هبطات شنافتها بغنج) ماتوحشتينيش
طلحة: ماااشي غير توحشتك …شيحاجا كثر (ضور عينيه و شاف الساشيات) شنو داكشي
ذكرى: هادوك (كضور عينيها) غير شيحاجا جابهالي ادريس
طلحة: جا ادريييس لهنااا ؟؟
ذكرى: قبييلة…(جراتو من يدو) اجي احبيبي الجمرة نوات تكويك
طلحة:(هزها فيديه) نتكوااا فجمرتيييي…محاابسي و دوزت ماكثر
ذكرى:(كتبوسو بلهفة) اش ايصبرني عليك
طلحة: كولي ديالك ابنت الحاج…
كيتباوسو بواحد الشوق بحال كانو سادين عليهم و لا مباعدينهم…حطها فوق النموسية و بدات كتحيد فحوايجها و هو كذلك و باقيين كيتباوسو…كتجبد لسانو بلسانها و هو يديه دازو ديريكت لصدرها كيجبد فيهم… جبداتو عندها حتى هبط تكا على النموسية و طلعات فوقو كتلعب بيديها ف لمعلم و هابطة بالبوسان من عنقو لحتى صدرو… جبداتو بيديها و بقات كتشوف فيه بعينين مقحبنييين و نطقات
ذكرى: بوحدو كيبردلي لگلب و يفرعلي الوالدة
طلحة: هاد ساعة ايفرعلك غير الحلق
… هبطها من شعرها و بدات كتلحس فيه و تبنن و دير صوت لي كيهيجو… بقات كتحرك فيه … حتى خواه ليها ففمها و سرطاتو… نوضها و نعسات بلاصتو و بقا كيرضع ليها فصدرها و هي كتخربق لفراش بيديها
ذكرى: طلحة…اممم بشوية اححح
طلحة: كتحمقيني…كتسطيني
ذكرى: دخلووو عفاااك…
…حطو ليها فوق توتو و بقا كيدوزو من لفوق و بقات كتلوا و عاد دخلو فيها و كيشوف فعينيها ياكما قسحها ماباغيش افورصي عليها على قبل لي كرشها… بقا فالمد و الجزر و هي كتأوه و لكن فلحظة حسات بوجع و بلي كولشي ظلام قدامها و شيحاجا واقفة عليها …بقات كضرب فيه …فظهرو و تحاول تبعدو
ذكرى: طلحة كضرنيييي…رخييي منيييي
…ماكانش سامع ليها بكثر ماهو منتاشي…بقات كتبكي و تغوت و كدفعو
ذكرى: طلحة كنتخنق…بعد منييييي
…بعد منها بسرعة قافز و كيشوفها كتنهج و ماقادراش تنفس …بقا كيحرك فيها …دغيا لبس سروالو و مشا جاب ليها تشرب لما و هو كيضرب فظهرها… تكمشات بلاصتها كتبكي…جامعة رجليها عندها …
طلحة: شنوو واااقع نتي بيخير نمشيو لطبيب ؟؟؟
ذكرى: مااااقااادراااش نعس معاااك…كنحس براسي مخنوقة و انا حداك…مابغيتش ماابغيتش
طلحة: ششش مكيهمنيش هادشي لمهم تكوني بيخير..رتاحي
ناض يدوش و هي لبسات حوايجها و ماحسات براسها غير و هي ناعسة…سالا دوش ديالو توضى.. و مشا للبيت شافها ناعسة خلاها هكك و جلس حداها…خايف عليها و حالتها مابقاتش عاجباه…
كان ف طوموبيلتو و راسم على وجهو ملامح استياء…شاف فيها هي لي كانت جنبو و نطق
ليث: انا راه مامسااالييييش نبقا نجرب كل مرة …بغيييتها تكون ليا
زاهية : اتكون ليك كيما خوك ايكون لياااا (حلات طوموبيل و قبل ماتخرج رجعات ضارت عندو) خلي الباقي عليا …
…خرجات غاديا لدارهم و هو كسيرا بطوموبيلتو غادي …صبح صباح جديد و هاد المرة ف دار لا صطوف لي كانو مجموعين فيها ناس و الطلبة كيقراو القرآن و طلحة و حميد كيستقبلو ناس ف دخلة… و لعيالات فلكوزينة كيطيبو و اكرام و ذكرى جالسين معاهم …كيتصنطو للقرآن و ذكرى مرة تبقا فلكوزينة و مرة طلع لسطح… بقاو هكك حتى جا ادريس لي الملامح ديالو عيانين و باينة فيه قلة نعاس
ادريس: السلام عليكم
طلحة: و عليكم السلام..فين كنتي ا ادريس
ادريس: غير سمحلي والله ماساليت ندوز عندكم راني مرون
طلحة: ياك لباس شنو واقع ؟
ادريس: والو غير شي مشاكيل و كنتسنى واحد الابيل… كيبقات ذكرى؟ لبارح مع كنت مشغول مادزتش نطل عليها
ادريس : غير سمحلي والله ماقدرت…،اندخل نجلس حدا رجال علاما تلحقونا
….داز و خلاه كيتخبط ف افكارو …عاد لبارح قالت ليه بلي جا خوها و عطاها ساشيات و دابا ادريس كيقول لعكس شنو هادشي مافهم والو …قاطع افكارو صوت انثوي عارفو مزيان ..شاف فيها و هي ابتاسمات ليه
الزاهية : الله اجعلها ف ميزان حسناتك و الله ارحم لا صطوف ياربي
طلحة: امين
الزاهية : كنت جايا نسول فذكرى ..كيبقات ؟
طلحة: الحمد لله بيخير اتلقايها لداخل
الزاهية: مسكينة ماكرهتش نجي نقابلها الله شاهد بحال ختي و كثر …جيت نعاونكم الى كاين فاش نعاون راه با صطوف كان عزيز عليا و ماتخيلش قداش فرحت و حتى هو ايكون فرحان فقبرو دابا منين تصالحتي مع عائلتك
لا تغرنك خمرة شفتيها الجزء التاسع
محتوى القصة
خرجات من قدامو و مشات للبيت كتبكي تبعاتها ذكرى و بقا حميد متبع طيفها مصدوم و قلبو واجعو ...قرب منو طلحة و نطق
طلحة: دخل لداخل نهضرو
حميد :(بحزن) ماعندي فين ندخل …
طلحة: نعل الشيطان و دخل انحلو هاد المشكل
با صطوف: كون تسمع الهضرة باراكا من قسوحية الراس
حميد: هاهوا داخل
...دخل جلس فصالون و دخلو يجلسو معاه و كيسولوه شنو دار و فين كان و هو كيعاود ليهم ...أما اكرام كانت هي و ذكرى فلبيت و عاطياها لبكاوات
اكرام: وعلااااش رجع علااااش ...ياك فرط فيا و مشا
ذكرى: هو ماسمحش فيك ا اكرام ...راه خوك الله اهديه لي قسح معاه لهضرة
اكرام: مشكلتو مع طلحة انا شنو درتلو حتى يغبر عليا بشهورة؟؟
ذكرى: اوا هاهو رجع طالب راغب فيك و باغي يتزوجك
اكرام: مابغيتش نشوف وجهووو
...تدق الباب و دخل طلحة ...غير شافتو اكرام بدات تمسح دموعها و نطق
طلحة: ذكرى وجدي براد د اتاي يدخل هو لول
ذكرى: واخا
...خرجات ذكرى و بقات اكرام هي و ياه ...قرب منها و جلس حداها من بعد ماوضع يدو على يدها
طلحة: علاش كتبكي واش بزز عليك شي حد شيحاجا؟؟ ولا ياكما جريت عليك من دار ؟
اكرام: حاشا اخويا ماشي هكك ...أنا غير …
طلحة: ماتحتاجيش تنطقي ...عارفك مقسحة و لي دارو حميد خايب و لكن راه مادارش لي دارو حيت هو بغا و إنما الظروف بززاتها عليه
اكرام: و شنو هي هاد الظروف اخويا لي تخليه يمشي
طلحة: نتي ...بوحدك نتي لي خليتيه يتكرفص و يدمر هاد شهورة باش يكون جامع شوية د لفلوس و يجي عندك
اكرام:(كتحاول تكتم شهقتها) لي بقا فيا هو ماعلمنيش و ماسولش فيا
طلحة: الغايب حجتو معاه …(تنهد) مانكدبش عليك تقلقت منكم بزاف حسيت بيكم غدرتوني و انا داير فيكم التيقة و لكن منين صدقتو كتبغيو بعضياتكم ماضيعوش هاد الحب فتقلاق الخاوي
اكرام:(عضات شفايفها) ماعرفتش ...أنا حايرة
طلحة: شنو بانلك تهضري معاه و تفهمي منو هو حسن
اكرام:(بتردد) باقي هنا ؟
طلحة:(ابتاسم) كيتسناك
اكرام: صافي نهضر معاه …
...خرجو هو و ياها من لبيت و دخلو لصالة ...رجع خرج عند ذكرى لقاها وجدات الصينية و هزها ليها و بدات تبع ليه ف شكيلات الحلوة و الكيكة و التقاوت...حتى سالاو كولشي و جلسو و اكرام حانية راسها و حميد كيشوف فيها كيتسناها غير تشوف فيه و ترحمو...ساد الصمت فلحظة حتى نطق با صطوف بابتسامة
با صطوف: نهار كبير هادا لي تجمعنا فيه كولنا
طلحة: مرحبا بيكم الدار داركم
با صطوف: داكشي علاش ماجيناش غير هكك و جينا و قصدنا شريف ...الى عطانا ربي ...نتوكلو عليه
طلحة: الى عطاكم ربي انا عاطيكم و الله يكتب لي فيها الخير
با صطوف: انا وولدي حميد جينا طالبين راغبين فيد بنتي اكرام على سنة الله ورسوله شنو قلتو
طلحة: القرار اللول و التالي كيبقا ديالها (شاف ف اكرام) شنو بالك
اكرام: قبل مانقرر بغيت نهضر معاه
حميد:(ابتاسم) نهضرو
طلحة:سيرو للبيت (شاف ف ذكرى) سيري معاهم (همس ليها) ضروري من المحرم
ذكرى:(ضحكات بخفوث) هي لولة هه
ناضو و تاجهو للبيت و معاهم ذكرى ...جلسو حدا بعضياتهم و هي واقفة عليهم ...كيشوفو فعينين بعضياتهم حتى حنحن و دوا
حميد: سمحيلي حيت تعطلت عليك …
اكرام: كثر من شهر كنتسناك قدام الدار على أمل انك تجي و ماجيتيش
حميد: كان لابد نقلب على راسي باشما كان ...بغيت فاش نرجع ناخدك من داركم
اكرام:(مسحات دمعة خفيفة) خليتيني مشوشة عليك
حميد: عارف و جيت نصحح غلطي ...مشيت للفيلا هي لولة تلقاتلي مك و سمماتني بهضرتها
اكرام: انا خليتها منها للي خلقها و سمحت ليها فكولشي مابقيتش بغيت حتى درهم من عندهم
حميد: (شدلها فيدها) و انا ماغادي نقص عليك والو ...القفة مضمونة بغيتك تصبري معايا ابنت الناس
اكرام: انا نصبر عليك و نتا واش اتصبر عليا؟؟ ...أنا عاقرة و نتا عارف هادشي ...ماغاطلبليش على لولاد واحد نهار
حميد: بغيتك نتي … و محتاجك نتي ...لولاد لامكتبهومش لينا الله ماعندنا مانديرو هاديك المشيئة ديالو
اكرام:(هزات صبعها فوجهو) ماغاتزوجش عليا ولا تعرف مورايا شيوحدة ؟؟؟
حميد: كتهضري بزاااف (جبدها لعندو من شعرها باسها بوسة طويلة فشفااايفها ...بقا كيمصمص و بعد ) شحال توحشت هاد شنيفات
ذكرى: اوييييلي على المساخيط….خرجو خرجو لاتصدقو متكيين هناااا ...خليو هادشي حتى لمور زواج
اكرام:(عنقاتو كضحك) توحشتك هههه
حميد:حتى انا أعسيلة هه ...زيدي نكملو الطليب و رغيب فخوك زيدي
ذكرى: نتوما صافي بديتو مابقالكم ماتكملو هههه الله اكمل كولشي مبارك و مسعود
...رجعو لصالة و عطات اكرام موافقتها و توكلو على الله ...تافقو على العقد و ضريب صداق يكونو فنهار واحد و يعشيو لعيالات و رجال و كولشي يكون بسيط و مزروب….حيت اكرام و حميد ماقادرينش يصبرو كثر ...با صطوف قرر انه يسكنهم عندو و رفض بشكل قطعي انهم يخرجو يكريو...فرحو فرحة كبيرة و بداو اوجدو من داك نهار و يقيدو ...فمدة 15 يوم تروح اكرام عروسة ..
….صبح صباح جديد فاقت فيه ذكرى مقلوبة و خاطرها مروع ...مشات لحمام كتستفرغ و ناض من موراها طلحة تابعها ...لقاها كتغسل سنانها ووجهها...داز من موراها و طبع قبلة فعنقها …
طلحة: مال حبيبتي
ذكرى: يمكن ضربني لبرد ...خاطري تروعات
طلحة: (بخوف) فييين كيضرك؟
ذكرى: معدتي و راسي
طلحة: اجييي رتااحي انجيبلك دوا
ذكرى: ماتخافش عليا دابا يفوتني هادشي
طلحة: وغير اجي دابا …
….رجعو للبيت و نعسها و نعس حداها معنقها كيدوز بيدو على معدتها و راسها و هي مخشية فيه كتسخن ...باستو فعنقو بوسة طويلة و نطقات بانتعاش
ذكرى: ريحتك كتحمق المحابسي
طلحة: فيقيه و هو على سبة
ذكرى: حربش تقيسني...ليل كاملو كتمخض فيا
طلحة: كنحاول نرخف عليك و لكن حلاوتك عاد مكتزيد …
ذكرى: (قلبات شنايفها) بغيتي تقول ...غلاضيت
طلحة: ربييتي لي كيعجبني
ذكرى: الله يخليني ليك و نقوم بيك
طلحة: امين اروحي
ذكرى:(تكعدات) اوا خليني نوض كاين بزاف مايدار
طلحة: بحالاش
ذكرى: اندوز انا و الحاجة عند الخياطة
طلحة: اممم انا و حميد انتكلفو بالباقي …
ذكرى: جيبو لقوام راه طيابات ايجيو ليوم و نتا عارف غدا ليلة ختك و كولشي خصو يكون واجد
طلحة: جوج سيمانات و حنا كنوجدو ...كنظن كولشي واجد
ذكرى: كولشي واجد و متول الله اخليك لينا
طلحة: خاصاك شيحاجا؟
ذكرى: خاصني فلوس بغيت نمشي للكوافورة غدا
طلحة: و علاش؟
ذكرى: اوا لعيالات غدا جايين و انبسطو شوية
طلحة: ضربي و قيسي و نشووفك خارجة ليا بوجهك مطعرج و شعوراتك لزنقة مانتفاهمش معاك
ذكرى: و صافي هضرة وحدة كنفهموها
طلحة:(باسها فحنكها و عطاها لفلوس) سيري سيري ...باش يقدك النهار
...ناضت كتلبس جلابيتها….خرجات هي و طلحة لقاو اكرام موجدة لفطور ووصاوها ترتاح و تهلا فراسها ...حيت كولشي وجد ...الدار تفرشات من جديد و الديكور تبدل ...و كولشي مفجج...فطرو و خرجات هي وياه شادة فيه و مبتاسمين...كتهضر ليه فوذنو و يضحكو و حتى وصلها لدارهم و خرجات عندها مها عاد خلاهم و مشا يقابل شغلو...كانت كتشوف فيهم بنظرات دقيقة و الغيرة كتاكل فيها ...الأعصاب ركبوها و نفسها ضاقت...شهورة و هي ماهضرات معاه مالقاتلو طريق و فينما تشوفو يا لاسق ف ذكرى يا غادي لجامع ...الحسد عماها من حبو ليها و الشيطان وسوس ليها و بدموع لي تحجرو ف عينيها دخلات لدارهم ….كتشوف ناس لي كيجيو عندهم بنية تقادليهم الامور و يشوفو زمانهم شنو مخبي ليهم...تحسرات على حالتها و جلسات فلبيت حدا مها...حاطة راسها على الحيط
ربيعة: ايبقا هاكا قلبك فيه الغمة و خاطرك مضيقة
الزاهية: و علاه لقيت الحل و كرهتو
ربيعة: لحل كاين غير نتي مابغيتيهش
الزاهية: مابغيتوش يجي ب سحور
ربيعة: لمحبة داتها بنت الحاج ...عمرو يكون ليك على هاد لحساب
الزاهية:(بانفعال) و انااا منو نخلاااااق
ربيعة: ساعفيني ...بغيت تصاورهم و شعرهم...عمرهم يشوفو نهار لبيض مع بعضياتهم...ايكرهها و هي اتبغي تهرب منوو
الزاهية: كيفااااش انجيب تصاورهم و شعرهم ...دايرين لراسهم برج مامضسرينش الجيران عليهم
ربيعة: خلي هادي عليا ...ياك غدا ليلة ختو ...تماك فين غادي نضربو الضربة ...بغيتك تجيبيلي حاجا وحدة
الزاهية:(شافت فيها و دمعات كيطيحو على خطها) لي هي؟
ربيعة: دم المغدور؟
الزاهية:(بلعات ريقها) منين؟
ربيعة: من الشيبة العاصية...عظامو تقال و حتى دمو ايكون تقيل
الزاهية:(طرطقات فيها عينيها) ناوية على السحور لكحل؟
ربيعة: نتي و شطارتك...السحور ايتدفن فقبرو
الزاهية: لي هامني هو طلحة مايبقاش ليييها...بغيتو يذوقها لمرار
ربيعة :..العين عمرها تعلى على الحاجب...ولكن كتشتت ديور و تفرق لحباب ...كتآذي لقلوب و تخلي الحقاني يرجع ظالم ....الموت كتحوم عليهم كيف نسمة لهوا....و طريق بنت الحاج باقا جمر و شوك ...
الزاهية:(تمتمات بكلامها و كتشوف فشمعة مشعولة) طريق بنت الحاج ...باقا جمر و شوك
رجعات ذكرى و لحاجة لدار ...جايبة معاها القفاطن و لقمايص لي تخيطو ...دخلات هي و اكرام للبيت و حطوهم فليفاليز ديال الدهاز...بقات كتفكر شنو ناقص لقاو كولشي قادره و لعيالات كانو فسطح كيقادو ف دجاج و اللحم ...وصل الديسير و طلعو حميد و طلحة ف الكوربات و مابقا ليهم غير يوجدو حاجات بساط...جلسات اكرام و ذكرى يرتاحو فالبيت و بداوها بالمعاودات
اكرام: شحال فرحااانة والله ...العرس بلدي بحال هاكا بحلاوتو
ذكرى: و مازال غدا تمشي لكوافورة و نجيبوك لهنا تنقشي و يجيو لعيالات و العاونيات و اتشخد بالمزيان
اكرام: قلتيها لطلحة؟؟؟ عنداك مايبغيش
ذكرى: رجال ايكونو فدار با صطوف تماك ايعشيوهم...ايشوفونا غير فاش يدخل حميد مع لعدول تعقدو و يخرجو
اكرام: صراحة كولشي متيول و ضربتيلو لحساب لهلا يخطيك عليااا
ذكرى: بلا جميل راك عزيزة و غالية ...احم قوليلي ماغاديش تعرضي ماماك و خوك ؟
اكرام: بغيت نعرضهم و لكن ماغاديش يبغيو يجيو راني عارفاهم فيهم النفخة الخاوية
ذكرى: غير عيطي ليهم ماعرفتي يجيو
اكرام: واخا غير خلي حتى لبلاتي و نعيط ليهم
ذكرى: لي بانلك (شافت جيهة الشرجم مبتاسمة ) غدا نهار جديد الله اخلينا ديما فرحانين
...كانت بين درب الشماكريا كتسارا و حاطة شال على وجهها و كترجف و ضور فعينيها...قربات لجوج شماكريا مقطعين و هوما غير شافوها ناضو
...الزاهية ...توحشتي الدرب لقديم ولا …
الزاهية: جبت ليكم همزة فيها لفلوس
...أتينا
الزاهية:(عطاتهم فلوس فيديهم) بغيتكم تشفرو راجل فليلة لي من بعد هادي ...مع لفجر ...كيمشي للجامع ...اتعرضو ليه فالزنقة الخاوية حيت كيدوز منها (كتبلع ريقها) اتلقاو عندو فلوس
...الطليبة لي جات من خالتي ربيعة ...نديروهاا ولكن هااا اتزيدينا لفلوس
الزاهية: لي بغيتو دياااالكم ...فكوني خلاص
...سيري نتلاقاو ...فلفجر …(بغات تمشي و شدها) ماشفتينا ماشفناك
الزاهية:(خنزرات فيه) و لي غاتشوفوه فديك ليلة يبقا بينكم و بين نفوسكم
….مشات ابنت الشوافة
….ووصل اليوم المعهود و ليلة زهات و نورات...و الضياف بداو يطلعو لدار ...الرجال عند دار با صطوف و النسا عند دار طلحة ...و كيعشقو على النبي ...كانت اكرام محنية رجليها و يديها و جالسة فالبرزة لي قادو ليها و حداها مارية لي جات فوق خاطرها و ماعاجبهاش لجو و لكن خصها تبان فالواجهة ..العيالات كيبسطو و يغنيو و يطبلو و لبنيتات كيشطحو….هداو لعيالات وطلع طلحة هو و حميد و لعدول لدار مشاو ديريكت لبيت أخرى لمحاتو ذكرى و بدات تصلي على النبي و كتعاون اكرام فجلايلها باش تنوض ...بداو لعيالات ازغرتو ...دخلوها لبيت فين كانت الطبيلة مقادة و حميد و طلحة و لعدول جالسين و جلسو حتى هوما ...طلع طلحة عينو ف ذكرى لقاها لابسة قفطان بيض مرصع بلحمر و ماكياج ثقيل و شعرها شعر العودة مطلوق على ظهرها ...بقا كيشوف فيها مبهوط و كيخنزر فيها حيت نساات الشال ...بلع الغصة ...ماباغيش انكدها عليهم و دغيا بدا لعدول يسول و ينطق حتى سناو العقد و الشهود عطاو ليكارط و تسمعو زغاريد تاني و حميد بأس راس اكرام و فرحانين بزاااف و ناضو رجال خارجين …اعتبارا حتى لغدا عاد تروح ...داز طلحة من حدا ذكرى و جرها قنتها فواحد القنت و كيخنزر فيها و ينطق بصوت مبحوح بالعصبية
طلحة: شنووو قاااالك راااسك جايا لعند الرجال بلا فولار و بهاد لوجه...باغيا تسطيييني نتياااا
ذكرى: (كتشوف فيه معصب) راه غيير نسييت
طلحة:(زير على دراعها) كيييفاااش نسيتي اذكرى ...كتنسااااي راااسك دايرة الحجاب
ذكرى: كضرنييي اطلحة ...مالك هاكا (كتنهج) كنت فرحانة و ناشطة و نتااا (شداتها دوخة و تسندات عليه) علاش كديرلي …
...فشلات كاملها و طاحت بين درعانو و هو شادها مخلوع و كينادي بسميتها
….حمرية...دار التيجاني
….كانت ودة و حياة كيلبسو فقفاطنهم و ذهوباتهم...كيوجدو راسهم باش الحقو على العرس لي معروضين ليه ...كانت خديجة فالبيت حتى هي كتلبس حوايجها و فرحانة حيت و اخيرا اتشوف برا و تفوج شوية...دخلات عندها ودة مخنزرة فيها و نطقات
ودة: فين غادا ؟
خديجة: (طلعات فيها عينيها) لعرس اكرام
ودة: و شكون قالك اتمشي؟ بغيتي نخويو الدار جملة؟؟
خديجة: راني قنطت و بغيت نفوج شوية
ودة: داك التفواج و ضوران نسايه فداركم ..ولدي مكيبغيش هادشي
حياة:(لبسات طالونها و دخلات) كيجيتكم
ودة: كتحمقي ابنتي الله احفظك ليا من شر الخلق و عينين الحساد
حياة:(كتشوف ف خديجة) ياكما كنتي ناوية تمشي معانا؟ …
ودة: اوا هانتي كتشوفي
حياة: ياك مكتبغيش تخرجي بلا نقاب؟؟
خديجة:(تجمعو ليها دموع ف عينيها) انلبسو فوق هادشي و ذكرى فاش جات تعرضنا قالت لينا ايكونو غير لعيالات
حياة : الى كنتي اتمشي و تلبسي نقابك غير بلاااش
ودة: ماغاتمشيش
خديجة:(طاحو دموعها و نطقات بحرقة) لي بانلكم
...ناضت حيدات حوايجها و هوما كملو التقاديد ديالهم ...خرجات معاهم للرحبة كتشوف فيهم
حمادي: سربيو خلاص نوصلكم راه حتى انا معروض لعند رجال
ودة: اوا بلاتي مالك زربان خلي نقادو فراسنا
حمادي: زيدو مابقاش لحااال (شاف ف خديجة) نتي ابنتي ماغاديش تمشي معاهم؟
حياة: لا قالتلك عيانة و مابغاتش
ودة: يالاه زيدوو
….خرجو كاملهم و هي متبعة ليهم العين و شاداها البكية ...رجعات لبيتها كتبكي و كتبدل فحوايجها ...كتشوف ف لقنات ديال الدار لي بنسبة ليها حبس ...و كتشدها لغمة كلما كتفكر تعاملهم معاها و كيفاش لاحت راسها فحفرة صعيب تخرج منها ...طفات ضواو ...و تكمشات بلاصتها...كتشهق و ترد لقلبها...حتى بشوية كتحس ب أنفاس كيضربو فعنقها...ناضت مخلوعة لقاتو شيخها...يالاه بغات تغوت و سدلها فمها...و حاكمها بيدو و شادلها فصدرها بطريقة وحشية….
حمادي:(بصوت مقرف و مدعدع) ماكاين لي يعتقك.…
...كترجاه بعينيها و كدفعو...كتحاول تغوت و كتبكي باش يحن فيها ...لكن كان أقوى منها و سابق كيحيدلها حوايجها
...ترونات القضية و هوما ضايرين عليها كيفيقو فيها و هي سخفانة...ضامها بين يديه و كيطبطب على وجهها و قلبو غادي يخرج بالخلعة عليها ...خرجو لعيالات من الصالون كيشوفو فيها و شي داخل شي خارج و كيوشوشو ...و فهاد لحريرة كاملها و الروينة لي تخلطات بالبشر ….كانت ربيعة طالعة بين الدروج ...مسلتا ...مغطية وجهها و كتشوف من لتحت للتحت...ضربات طلة عليهم لقات روينة وكولشي مجمع و بقات تقلب على بيت نعاس...دازت من الكولوار لقات لباب مسدود و فتحاتو ...شافتو بلي الحمام و رجعات سداتو ...مشات لباب اخر بغات تحلو لقاتو مسدود ...عرفات بلي بيت نعاس هاديك و تخززات….حتى لشوية كتلمح شيواحد جاي قاصد لبيت و بعداتلو ...كان الحاجة جبدات الساروت و حلات و دخلات ...جابت ريحة من لبيت و خرجات بلا عقل ...بقات كتشوف ربيعة فالبيت و كتشوف ف لحاجا مبتاسمة….دخلات للبيت و بدات تقلب على اي حاجا تنفعها..هزات المشطة...و لقات صورة جامعة بين ذكرى و طلحة و هزاتها و خرجات دغيا….كانت السخفانة كيشمو ليها فريحة و يقرقبو عليها فسوارت حتى بدات تحل عينيها و توكض
حبيبة: الله ابنيتي و شنو جرالك هادي غير عوينة و قاستك
اكرام: ذكرى نني بيخير
ذكرى: شنو وقع؟ راسي كيحرقني
طلحة:(هزها بين يديه و خداها للبيت ترتاح حطها فوق النموسية) باش كتحسي دابا
ذكرى: ماعرفتش (كتمسد راسها) بلا ماتشوشو عليا كملو لحفلة
حبيبة: خصك ترتاحي ابنتي راك عييتي
طلحة: صافي الحاجة غير سيري جلسي مع ضياف ماتشوشيش عليها انا معاها
حبيبة: واخا اولدي
….خرجات و سدات لباب وراها و بقا طلحة كيساري عينيه عليها
طلحة:(هز يدها باسها) حالتك مابقاتش عاجباني...غدا نمشيو للطبيب
ذكرى: غير لعيا
طلحة: كنقولك حاولي على راسك
ذكرى: حاااول عليااا نتا ...و باراكا من الغيرة زايدة اتقتلني واحد نهار
طلحة : ششش (عنقها) سمحيلي
ذكرى:(تخشات فيه) بقا معايا
طلحة: و هاني معاك
….معانقين بجوج ...و بوحدهم فلبيت منقاطعين على العالم الخارجي ….لعيالات كيشطحو و يغنيو برا و رجال كانو تعشاو و خرجو ...و هوما باقيين على نفس الحال...لاهي بغات طلقو و لا هو راضي يخليها و هي عياااانة ….بقاو على ديك لحال ساعات حتى بدات كتخوا الدنيا و آذان لفجر كيأذن ….كان با صطوف خارج من دارو من بعد ما خلا فيها حميد وودعو الرجال ...كان بغا يدوز على طلحة لكن منين قالو ليه بلي مع مراتو عيانة قال بلا مايدوز عليه و يخليه ...بقا كيتمشى بخطواتو بشوية كيستغفر فطريقو و قاصد الجامع ...وصل لزنقة مطفي فيها الضو و غير نور القمرة لي مضوي ...بقا كيسمع خطاااوي موراه و ماجا فين يضور حتى تدفع و ضارو بيه جوج
….طلع شنو عندك
با صطوف: نعلو الشيطان و خليوني نمشي راه الصلاة اتفوتني
….بلا قباحة طلع شنو عندك و سير
با صطوف: ماعندي والووو هاز تسابيح فيدي
….(شاف ف صاحبو) باغي يجهلنا هادا (شدو من لكول) طلللع شنو عندك
….بقات الزاهية كتشوف فيهم و مخبية مور واحد ركيزة...كترجف و تبلع ريقها و كتشوف ف جنوية ف يديها ...تمشات ناحيتهم بخطوات مزروبة و ستاغلات الشدة لي كانو شادينو و طعناتو فظهرو طعنة قوية لدرجة خرج الجنوي من الجهة لوخرا و نيشان لقلبو...شهقات و دمعتها طاحت بلخوف...أما دوك جوج منين شافوها شنو دارت بعدو منها مصدومين و مشاو كيجرييو...بقا با صطوف كيشوف ف سما و الدم كيخرج ليه من فمو ...ابتسامة الموت زارتو و طاح على طولتو كيحاول يجمع سبابتو و كيشهد بصوت متقطع ...هبطات لعندو بسرعة و حيدات الجنوية و بدات تجمع فدم و هي كترجف و كتشوف واش ماشافها حد أما حتى شماكريا ماساخياش عليهم روحهم يضربوها فلحبس…جلسات حداه للحظة كتشوف فيه و مابغاتش تقيسو...فقط كتشوف فيه و فجنوية لي فيديها و كتهضر مع راسها
الزاهية : الجنوية تخشات بلا مانحس... و دم المغدور سال أميمتي ….
💔 لعنة السحر لم تفقدني حبك وحدها قسوتك و طغيانك افقداني إياك …و رب العزة إغفر لي 💔
ليلة كيما كاع الليالي كدوز فلمح البصر …كتبان لكل واحد ليلة فرحة و ليلة هادئة و يمكن حتى ليلة الم و كره و فراق ماكانش على البال …اما بنسبة للمتعوسة لي توسخو يديها بالدم و هي فعز شبابها …عمرها اتنسى الليلة لي تحركو فيها لمجامر … و تكتب على تصاور و تلواو فوسط جلدة الضبع و تسدو بالقفل لمصدي …ريحة لبخور و الجاوي عاطيين و صوت لكلام لي مامفهومش عااالي …و هي كتشوف بعينيها الحومر ف خدمة مها و هي كتغطس لمعمول فدم المغدور … خرجاتو و شافت فيها
ربيعة: يتدفن مع الجيفة
الزاهية : (مسحات دمعة من عينيها) ايتفارقو ؟
ربيعة : ايتعذبو…هي اتعذب كثر و هو اينفرها…هوما مع بعضياتهم ايذوقو لمرار
الزاهية : (ناضت ل سرجم حلات ريدو شوية ) شمس بدات تشرق
ربيعة : و لخبار شاعت
….لبوليس عمرو دنيا فراس الدرب ..طوقو لبلاصة و طاقم الجنايات كيفحص الجثة …ناس تجمعو و لبكا و نواح كيتسمع فلقنات…لعروسة خرجات بحنتها و قفطانها لبيض جالسة فالارض و لعريس واقف فوق راسها و لاول مرة دموع فعينيه كيخبيهم و هو محتاضنها…سعداتهم قدرو يبكيو و يفجرو شنو بيهم اما سي لفقيه كان واقف بلا حركة كيشوف ف الجثة قدامو ماقدرش يبكي و ماقدرش يحيد عينيه …حالة صدمة شداتو و هي كانت حداه خايفة من حالتو و كتزعزع فيه و تبكي على موت لا صطوف و حالة راجلها …هزوه لبوليس يديوه يشرحوه و مع ذلك ماتزعزعش …مشا حميد مع لبوليس و الجثة و بقا طلحة واقف …جلس على ركابيه و هي شادة فيدو كتزعزعو و تشهق … كانت الحالة حالة الله و ناس ففمهم كلمة الله ارحمو …و البوليس كيقلبو فنفس لبلاصة على شي دليل
…. الجثة ديناها تشرح و انجيبوها باش دفنوها …بغيت اقوالكم واش الضحية كانو عندها اعداء ؟؟
ذكرى؛(كتمسح دموعها) لااا لا با صطوف لكبير و صغير كيعرفو و كولشي كيحتارمووو
….البركة فراسكم الالة غادي نشوفو التشريح شنو ايعطينا و نسلمو ليكم الجثة
…مشا و الهضرة دازت و هي باقا متشبثة بيه كتزعزعو
ذكرى: طلحة دوييي معااايااا عفاااك هضر ماديرش فراسك هاد لحالة
ادريس: خويا طلحة الشد بالله إنا لله و إنا اليه راجعون الله اصبرك
ذكرى : طلحة (عنقاتو ) كتاب الله ماعندنا مانديرو
…ناض وقف بدون تعابير و خلاها متبعة ليه لعين … تبعاتو حتى وصلو لدار و طلعات من وراه … حتى لدابا كان مهدن مادار حتى ردة فعل غير وصل لنص الصالة و جلس …طلع عينو فيها بنظرة منكسرة عينيه فيهم دموع و حومر و نطق بصوت مبحوح متألم
طلحة: انا تيتمت لثاني مرة …با مات لثاني مرة … ظهري تهرس …
طاحت على ركابيه كتبكي على حالو… عنقاتو عندها و هو حط راسو على كتفها كيبكي بحرقة ماكانش غير اب بالنسبة ليه …هو كان سند ليه من نهار دخل للحبس و غير هو لي كيزورو و كيجيب ليه كل ما يحتاج حتى نهار خرج لقاه هو قدام الباب …شد بيديه و علمو الحرفة د نجارة و عطاه المحل ديالو يسترزق منو …و نهار طاح فعشق ذكرى هو لي مشا معاه يخطبهالو…خيرو ديما سابق و عمرو يتنسى…حس بلي خسر حاجا قيمتها كبيرة و هاد الاحساس ماحسوش حتى فاش مات باه لحقيقي … بكاو قلوبهم كيما بكات السما داك نهار و شتتات الجموع و غسلات دم المغدور لي تلطخ فالارض … العزايا جاو بعزيو فدار طلحة و دار با صطوف لي كانو كيغسلوه ف دارو و باغيين اخرجو بيه اصليو عليه و يدفنوه … كانت ماريا حدا اكرام كتمسح دموعها حيت مصطفى كان كيخدم عندها و عز عليها …عيطات فتيليفون على ليث باش يحضر و داكشي لي كان …دغيا جا ..كيقلب على اي فرصة باش اشوف ذكرى و مكيهموش الزمان و المكان ….بقا واقف حدا مو حتى خرجو با صطوف من جامع و دازو من حدا لعيالات …كان ادريس و حميد و طلحة و رجال من لور هازين الصندوق حتى قرب ليث من جنب لي حدا طلحة و هز معاهم و هوما كيشوفو فبعضياتهم و مشاو مرددين "لا اله الا الله محمد رسول الله " …وصلو للمقابر و دفنوه و رجعو كانت الدنيا خوات شوية و يقاو غير مالين دار …جات الزاهية و مها يعزيو و يديرو الصواب لي عامر حقد و سم …كانت الزاهية كترجف…وليلة لبارح كتشوفها قدامها
ربيعة: البركة فراسكم …كان راجل مزيان و عزيز الله ارحمو
طلحة:(بدرع باش كينطق) مامشا معاك باس
ربيعة: لقاو لي دار الفعلة و لا باقي
ذكرى: غادي يلقاوه…الى ماشي ليوم غدا ..و ربي كيشوف كولشي …
الزاهية:(بلعات ريقها) البركة فراسكم
…بقات كتشوف ف ليث و هو كيشوف فيها …دازو من حداه و هي طيح تسخف فالارض و سبق شدها ..بقا كولشي كيتساءل مالها و ربيعة برراتها على انها بكات بزاف …هزها ليث ووصلها لدارهم غير حطها ..شدات فيديه و دازو دموع ف عينيها
الزاهية : درت لي تافقنا عليه …انا بديت كنفرق فيهم
ليث: داكشي لي بغيت
الزاهية: شفتي بلاصة دفين ؟؟
ليث: كنت معاهم
الزاهية: ليلة اتجي لعندي نمشيو ليها
ليث: علاش
الزاهية: بغيت نكمل شغلي (شافت فيه ) الى بغيتي بنت الحاج معاك خصك توصلني
ليث: الليلة نتشاوفو
….ناض و خلاها فنفس الوضعية …خرج من تماك غادي لمجمع لي خلاه …دخل لدار با صطوف لقا كولشي حاضر و باقي لبكا …لمح ذكرى طالعة لسطح و تبعها … نطق من وراها فاش حيدات حجابها تتنفس
ليث: كتخبعي زينك
ذكرى :(رجعات الزيف و خنزرات فيه) شنو بغيتي
ليث: مدة ماشفتك …توحشتك
ذكرى: عيقتي (تخطاتو و شدها من يدها )
ليث: القلب لي كيدوي
ذكرى: لي ماعندوش النفس حتى لقلب مايكسابوش (نترات يدها منو) احتارم لجنازة
ليث: نتي عارفة حتى جنازة با و ماحتارمتهاش
ذكرى: ماتخلينيش نغلط فيك و ماشي تشوف طلحة مرفوع يحساب ليك مارادش لبال
…ابتاسم و فتح ليها المجال دوز و هبطات بسرعة …ماهي إلا دقائق هبط حتى هو و مشا مع ماريا بحالهم …اما ف دار التيجاني …لي كان عبارة عن مقبرة اخرى و سكون قاسي عمر لمكان بعد ما كانو صرخات ترجي و بكاء كثير من خديجة لشيخها لي نهش لحمها و اغتاصبها من بلاصة لحرام و تزعزع عرش الرحمان ….ناضت لطواليط بلا اي تعابير و ماحاولاتش تغطي جسمها العريان بعد ما الفولار ماكانش كيفارق راسها حتى ف دار …بقات كتشوف راسها ف لمراية و اثار الضرب فوجهها و جسمها و شعرها منتوف … شافتو من وراها كيقرب ليها لكن سرعان مابعد منين سمع صوت لباب و مراتو و بنتو جاو و انساحب …هبطات للارض جلسات و كتجمع حوايجها لي لاحهم ليها فالارض و هي كترجف و كتبكي من لداخل بحرقة و افكار كثيرة كيديوها و يجيبوها و كتسمع دقان فلباب من عكوزتها ….تحل الباب
طلعاتها و هبطاتها بنظرات احتقار و غوتات عليها …
ودة: انا كنقلب علييييك و نتي مخشية هنا
خديجة:(كترجف و تبكي)
ودة: نتي مااالك كترجفي و تبكي عليا …هادشي كاملو حيت ماخليناكش تمشي اوا غير تهناي العرس رجع جنازة …و مصطفى النجار مات
…طلعات فيها عينيها بصدمة كتسمعها شنو كتقول …
ودة: لقاوه مقتول مع لفجر
…بقات غير كتشوف فيها شنو هاد الحياة هادي و بداو دموعها يطيحو كثر و تبكي و تنوح…صرخااات بجهد و ماقدراتش تحبس …بقات ودة غير كتشوف فيها ماعرفات مالها و قالت مع بالها غير عزيز عليها و كتبكي و هي ماعارفاش بلي راجلها اغتاصبها فشبابها و هازة جبال على كتافها … خرجات خلاتها و هي بقات لا حنين لا رحيم لا لي يحس بيها لا لي تعاود ليه … ناضت جامعة راسها و باقا كتبكي و ماقادراش تمشا و كترجف …سدات عليها كتشهق و تخشات بلاصتها كتقطع بلوجع و ماعارفة مادير لراسها من غير تكويها فقلبها و تسكت على وجعها…..طاح الليل و ظلام الحال حتى خوات الزنقة و مشاو العزايا و كل واحد دخل لدارو و شد وقرو … وصلات طوموبيلتو لراس الدرب و بقا كيتسنى و كيشوف ف ساعتو حتى شافها جايا لعندو لابسة حوايجها و دايرة شال على راسها و ملثمة …ماهضراتش معاه دغيا طلعات لطوموبيل و هو طلع معاها و انطالق
ليث: فين انمشيو ؟
الزاهية: لمقابر …قبر النجار
ليث:(بلع ريقو) شنو بغيتيه
الزاهية: من مصلاحتي و مصلاحتك نمشيو
…ماطولش معاها لهضرة و مشاو ..غير وصلو نزلو بجوج و دار البيل ديال تيليفونو و حيداتوليه
الزاهية: ايشوفنا لعساس … ضو الگمرة كافي …فين قبرو
زاد قدامها …كيحاول يعقل على القبر …بقاو غاديين لداخل حتى وقف قدامو و اشارلها بيدو …مشات بسرعة تحناات كتحفر بيدها بجهالة و هو واقف عليها كيشوف شنو كدير ….شافها حفرات حفرة كبيرة و جبدات من تحت جوايجها المعمول و حطاتو و رجعات عليه تراب
ليث: شنووو دااااكشيييي و شنو كديري؟؟
الزاهية: سحرت ليهم …ايعيشو لمرار مع بعضياتهم
ليث: هادشي غير كدوب و خرافات
الزاهية: ماقضاوش فلوسك …سحوري ايقضيو
ليث: انعرفك نهار تكون بنت الحاج ليا
الزاهية: كيما دفنت سحور هنا …سرنا يتدفن حتى هو هنا
ليث: تافقنا
لي كلا الضربة كلاها شحال هادي و لي ماكايخافش الله و باع قلبو للشيطان دار مابغا و زاد طغا و تكبر و هاكا الزاهية دارت مابغات و حققات مرادها و ليث فخبثها غادي و همو لول و تالي بنت لحاج تكون ليه مادار بحساب الخاوة والا بحساب رب العالمين لي كيشوف كولشي و نساو بلي الله يمهل ولا يهمل…أما واحد جوج لي ماهوما عرسان ما هوما عزاية…جالسين ف دار با صطوف و طول هاد الفترة لي دازت و هوما غير مهمومين و ماعارفين مايديرو…لمحاتو دخل لدار بعد ما خرج صباح بكري و ناداتو يجلس حداها
اكرام: حميد فين كنتي ؟
حميد :(جلس حداها و باسها فحنكها) كنت فالمحل مع طلحة
اكرام: و شنو بغاك ؟
حميد: اقتارح عليا نخدم معاه و انا وافقت
اكرام: اتولي تخدم ف نجارة ؟
حميد: اه
اكرام:(ابتسمات ) حسن هاكا …اللهم بالحلال
حميد: و زيدي عليها مابغيتش نخليه بوحدو دازت شهر على موت با صطوف
اكرام: و شكون غادي ينسى موتو…و كولشي كيشير ليا فزنقة بلي انا عروسة منحوسة
حميد: ماتديهاش فيهم خليهم يهضرو
اكرام: انا مامسوقاش ليهم و لكن طلحة حالتو ماعاجبانيش …كتقولي ذكرى بلي ماكلتو قلالت و نعاسو قلال و مكيهضرش معاها بزاف و كيلهي راسو يا بالخدمة يا بصلاة و العبادة
حميد: طلحة مجروح بزاف و ماتنسايش بلي با صطوف كان بمثابة اب ليه
اكرام: و لكن ايهلك صحتو الى بقا على هاد الحال
حميد: هضري نتي مع ذكرى خليها تخرجو من حالتو
اكرام: حاولات و عيات معاه و تقول واش تزعزعات فيه شيحاجا …انا راه وليت خايفة عليها هي كثر …كتبكي و تعطي لقلبها
حميد: (شد ف يدها) كولشي ايكون مزيان و هاد المحنة ادوز
اكرام: و حنا احميد ؟ …هاد الدار لي جالسين فيها ديال با صطوف و ماشي ديالنا
حميد: با صطوف ماعندو عائلة و فاش قلتها لطلحة قالي نقدرو نجلسو فيها حتى يسهل الله و نديرو دارنا
اكرام:(تنهدات) ان شاء لله
حميد: مامشيتيش عند مك ؟
اكرام: ماعندي ماندير عندها مابقاتش كتبغيني نجي
حميد: واخا هكك سيري نتي عارفاها مريضة
اكرام: الله اهديها حتى هي فعايلها وصلوها لهادشي
حميد:(قرب منها و باسها ف حنكها) نساي عليا كولشي …كاين شي عسل نذوقوه ؟
اكرام: ههههه لعسل كتاكلو كل ليلة العود
حميد: مانستاهلوش نذرقوه فصباح
اكرام: و علاه انا نحيد ليك شيحاجا ههه
حميد:(هزها بين يديه و هي كضحك بصوت عالي ) اجي العسيلة اجي
كانت ف دارها سادة عليها و كطل من لبالكون و تخمم…ماخلات مادارت معاه و باقي مابغاش يفيق من الحزن لي منعس قلبو…شهر و هوما عايشين فالحداد و بحال لخوت فدار…هضرتو قليلة معاها و حتى هي كتخليه على خاطرو ولكن توحشاتو بزاف و هازة هم كثر منها …دخلات لبيتها و تقابلات مع المراية شافت سواد تحت عينيها ووجها ذبل…بقات كدوز اطراف صباعها على وجهها و شعرها و ابتاسمات
ذكرى: كيفاش بغيتو يرجع ليا و انا هاملة فراسي …ايكون ليا طلحة نهار نكون ذكرى
نفضات الهم و الغم و حلات السراجم يدخل نور سيدي ربي …ضرباتها بأحسن تجفيفة لدار خلات ريحة الورد كتفوح منها و بخرات ب العود و مشات دخلات دوشات بالخف و خرجات قادات فراسها و ماكياجها كيما كيبغي هو و لبسات كسيوة لاسقة عليها و خرجات للكوزينة كطيب فشهيوات عارفاه بلي على الاقل كيتعشا فدار… طلقات القرآن و هي كتشقى حتى حسات ب خاطرها تزير من كلمات الله و نفسها بدات تضياق…غمضات عينيها شوية و هي كتفكر دوك الكوابيس لي كيجيوها كل ليلة و كتنوض مفزوعة…حلات عينيها بجهد و مشات بسرعة طفاتو و جلسات …هادي مدة كتحس بهاد الاحساس …سمعات صونيط فلباب و هبطات تحل …لقاتها مها لي جات عندها …رحبات بيها و دخلات
حبيبة: كيبقيتي ابنتي لباس عليك
ذكرى: بيخير اماما و نتي
حبيبة: بنتيلي ماشي هي هاديك شنو واقع ؟
ذكرى: والو غير وليت كنعييا بزاف
حبيبة: لا لا لا نتي ماعجبتينيش من ديك لمرة فاش سخفتي
ذكرى: غير حيت جهدت راسي
حبيبة: زعما ماتكونيش حاملة ؟
ذكرى:(طرطقات فيها عينيها) حاملة ؟
حبيبة: اه ابنتي واش درتي طيست
ذكرى: و فين هو لعقل لي غادي يديرو تلهينا مع لكنازة ديال با صطوف و زيدي عليها طلحة شاغلي بالي
حبيبة: يكون خير ابنتي (ناضت ) انا كنت جاية من سويقة قلت ندوز عندك نطل عليك
ذكرى: بقاي شوية
حبيبة: لا لا لحال بدا يمشي و خصني ندير لعشا لخوك
ذكرى: كيما بغيتي
…تسالمو و خرجات بحالها و هي رجعات لدار و راسها كيضور من كلام مها…حطات يدها على كرشها وابتاسمات و الى كانت هاد لهضرة بصح اتفرح بزاف حيت كتمنى تولد ليه ولد و حتى هو باغي لولاد منها …بقات كضور بلاصتها…بغات تعرف ليوم قبل غدا …فكرات تخرج ولكن ماصالحش ليها دابا و بقات كتفكر واحد طريقة قديمة كيديروها باش اعرفو لمرا حاملة…دخلات لطواليط و دخلات معاها جافيل و ماهي الى دقائق حتى بانت ليها النتيجة و حطات يديها على فمها فرحانة و كتنقز…بقاو دموعها كينزلو و قلبها كيضرب …سمعات لباب تحل و عرفاتو هو لي جا و دغيا غبرات داكشي و مسحات دموعها و خرجات مبتاسمة ليه ..بقا كيشوف فيها و فزينها وابتسامة منورة فوجهها….
ذكرى: على سلامتك احبيبي دار نورات بيك
طلحة: كيبان ليا نورك لي طاغي (باسها ف جبهتها)
ذكرى: (ضحكات بشوية) دخل ترتاح وجدت ليك الدوش و الماكلة لي كتبغي
طلحة: الله اعطيك الصحة
مشا دخل نيشان لدوش بدا كيدوش و يرتاح گلس فالبينوار مرجع راسو لور و صوت نفسو كيتسمع…حس بيديها على كتافو كتمسدهم ليه …
ذكرى: توحشتك …
طلحة:(حل عينيه بثقالة و باي يدها بلا مايدوي )
ذكرى: شنو بانلك منين نتعشاو و نديرلك مساج باش ترتاح كثر
طلحة: الخاطر ماكاينش اذكرى…عفيني
ذكرى: و حتى ل إمتى …حالك مابقاش عاجبني
…ناض بلا مايدوي معاها لبس بينوارو و خرج و هي بقات كتشوف ف نقطة وحدة و كتحس بالغمة…تنهدات و ناضت خرجات مشات ديريكت للكوزينة كتوجد لي غادي تحط …وجدات كولشي فوق الطبلة عاد لمحاتو جاي …جلس كياكل و هي كتحط ليه قدامو
ذكرى: تبغي نصايب ليك شيحاجا؟
طلحة: هادشي كافي
ذكرى:(قربات منو و طبعات قبلة ف عنقو ) و ماناقصاك حتى حاجا ؟
طلحة: حاليا بغيت غير نرتاح ..عييت من لخدمة…(هز كاس د الما يشرب ) الحمد لله شبعت
ذكرى: شبعتييي ؟؟؟! …ولكن ماكليتي والو
طلحة: الحمد لله
…ناض تاني و خلاها و هاد لمرة بدون شعور هبطو دموعها…هاكا حالهم منين مات با صطوف…الضحكة فارقاتهم و دنيا كحالت فوجههم…ناضت جمعات الطبلة و طرفات دنيا و دخلات بدلات حوايجها و مسحات ماكياجها و ضارت كتشوف فيه ناعس فالجهة ديالو …مشات طفات الضو و نعسات ف جيهة ديالها و هي باقا كدمع….فراغ كبير فوسطهم هوما لي كانو مكيحلاش ليهم النعاس من غير الى عنقو بعضياتهم…هو بكثرة حزنو هملها و نسا بلي مراتو و عندها احتياجات و هي ماحاساش بالحرقة لي فقلبو و بلي الحزن طغى على عقلو …..
بقاو هاكا ….حتى واحد فيهم ماناعس غير ساكتين مدة طويلة …حتى أذن لفجر و سمعاتو ناض و هي تقلبات على الجهة لوخرات كتحس ب قلبها ايخرج و الغمة فيها …حطات لوسادة على راسها ماباغاش تسمع صوت الاذان…ولكن غير مكيزيد خاطرها يتزير…بدات كتبكي ب طريقة هستيرية و كتسد فمها بيديها …ناضت طافجة من لبيت …ووقفات قدام الصالون…كان كيجود ب صوتو القرآن ب طريقة روحانية كتبعث الطمأنينة فقلب لي سمعو…جلسات فالارض بعد. ما فشلات و دموعها مابغاوش احبسو ماتنكرش بلي فشلات و مابقاتش قادرة فين تصبر …نطقات بنبرة عالية ف اتجاهو…خلاتو يرفع راسو و يشوف فيها
ذكرى:…سكت سكت مابقيييييتش باغا نسمع صوووتك…عيييت أطلحة عييييت
… أما عند خديجة…هاد البنت لي كانت عايشة الرعب ف هاد الشهر…الشقا و نگير ماخاطيينهاش و كون غير حدات فهادشي…الاغتصاب ديال اخر مرة خلاها غير خايفة من جنابها و فاش كتشوف الشخص لي سبب ليها فالرعب كتزيد تخاف …تحججات انها مكيعجبهاش تبقا بوحدها وولات كتنعس مع حياة فبيت وحدة غير باش مايلقالهاش عدو الله طريق ليها …كانت ف الكوزينة كتشقا و توجد فلعشا حتى دخلات عندها عگوزتها…
ودّة: نتي سكنتي تمااااك تقولي كتوجدي لينا القطبان
خديجة: كولشي ايوجد دابا اخالتي
ودة: حيدتي لحوايج من سطح
خديجة:(بلعات ريقها) نسيتهم
ودة: اويلي على لخطية لي جابلي سيدي ربي …ايكون ندى كيطيح عليهم
خديجة: انطلع دابا نحيدهم
ودة: غير خليك قابلي داك لعشا…انا نحيدهم
…مشات طلعات تحيدهم و خديجة بقات كتقابل لعشا و توجد…حتى حسات بيدين ف خصرها و هي تقلب الزيت لي كانت كتقلي فيها لفريت بغات تغوت و هو يسد ليها فمها و بدا يتمحكك عليها …
حمادي :(بصوت هامس و مقزز ) ديالي توحشك بزاااف
بقات كتنين و دموعها كيهبطو و كترجف
حمادي: اجي اجي لبيت مايصلاحناش هنا
بقات كتقاومو و تحاول ضرب فيه و هو حاكمها مزيان …حتى حط ليها موس ف عنقها
حمادي : غادي تحركي معايا و لا وجهك نخسرولك و نرميك ف زنقة
…شافت فالموس مابقات قدرات دير والو جرها من شعرها لبيتو و زدح الباب و لسقها فيه و باقي ساد ليها فمها …بزز باش كتقدر تخرج الحرف و كتحس ب سروالها كيتنصل من لتحت
خديجة: عفاك بعد مني …ليرحمليك الوليدين لاما رحمني و خليني ف تييقااااار
حمادي:سكتييي ماتصدعيليش راسي
…طلقات غوتة سرعان مارجع سد ليها فمها و هي كتنين بطريقة هستيرية…كتحس بيه فالدبر ديالها كيمشي و يجي و مقسحها فكرة انه شيخك أب راجلك و فمثابة انه يكون اب ليك هاكا …من عالامات الساعة و هادشي ماكايبغيه لا ربي لا عبدو …كيغتاصب فيها ف كل مرة كتسمحلو الظروف و هي ساكتة و مستحملة على قبل انه ماعندها فين تمشي لا حنين لا رحيم …ماقدراتش تزيد تصبر على الالم و على الذل و على الحگرة …عضاتو فاليد لي ساد ليها فمها بيها و غوتات ب أعلى ما فجهدها…ضارت و دفعاتو و خرجات و ماحسات براسها غير طايحة ف نص الصالة و هو شاد ليها ف شعرها و طلعها عندو و عطاها تصرفيقة…خرجات حياة كتجري من بيتها منين سمعات لغوات شافت باها كيضرب ف خديجة و مراتو هبطات من سطح
ودة: شنو وقع اناري شهاد لغوات
حياة: بابا مالك
حمادي :(بنبرة طالعة) هااااااد لقحبة لي جبناهااااا و سترناااااها داااااخلة بحال سوسة و جالسة تلسق فياااا و باغاااانا نديييير معاها لحرااااام نسات بلي هي مرات ولدي
ودة: (ضربات ففخاضها ) اوييييييلي على لفضيحة
خديجة:(كترجف و تبكي) لا اهئ اهى لا والله مادرت شيحاجا (كتشوف فيه ) الله ياخد فيييك الحق الله ياخدو فيك علااااش كتكدب
ودة:(ندبات راسها) شنو نقوووول لولدي لي جاي لعندك اويييلي واش انا مدخلة لفعة لداري باغا تشتت شمل
خديجة: مااااادرت وااااالو والله هو لي غتاصبني اهئ اهئ غتاصبني نهار مشيتو لعرس اهئ اهئ
ودة:(ركلاتها برجليها) و ماااازاااال زااايدة فلكدوب و مطيحة لباطل…ليوووم نفرج فييك الجيران
خديجة:(رجعات كتزحف لعندها و شداتلها ف رجليها) والله مادرت شيحاجا …ماتشوهينيش مادرت وااالو راجلك دار كولشي …مادرت واااالو
ودة:(تعصبات و رجعااات حمرة كاملها) مااازاااال كتكدبييييي و شنوووو كنتي كدييري فبييييتي القحبة شنووو
…هبطات لعندهاااا كضرب فييييها و راجلها كيسب معاها …يد منهنا و يد منهنا حتى مابقاتش كتشعر بلي حداها …يديهم عمرو بدمها و باقيي كضرب فيها حتى تقطع الصوت ليها
حياة: ماما وقفييييي …(حطات يدها على فمها) قتلتيها
ودة:(ناضت كتنهج) الله انعل بنات الحاج فينما كاااانووو ….خليييني نقتلها و نشرب من دمهاااا
حمادي:(كيطل على خديجة ) شنو درتي أودة لبنت تقطعلها النفس
ودة:(بلعات ريقها) واش ماتت
حمادي : بهاد الدق موحال تعيش …شنو لمعمول دابا
ودة: عااااوني نهزوها نحطوها ف طوموبيل و نربيوها ف لخلا
حمادي : وااااش تسطيتي و منين يسولونا عليها
ودة: نقولو هربات ماعرفناهاش فين زادت و زيدون موحال تعيش…(ركلاتها) موتها حسن من حياتها
بقات كتشوف فيه بنظرات مكسورة و قلب موجوع و نفسها بغات تقطع منها من بعد لهضرة لي قالتلو…أما هو سد القرآن و قرب منها
طلحة: ذكرى … مالك
ذكرى: عييت من هاد التعامل ديالك …مابقيتيش طلحة لي كنعرفو…تبدلتي عليا بزااف
طلحة: شنو كتقولي..يهديك الله انا باقي كيما كتعرفيني
ذكرى: لا مابقيتيش…موت با صطوف قهرك لدرجة هملتي راسك و هملتيني (كتمسح دموعها لي كيطيحو بلا هواها) انا محتاجاك
طلحة:(نوضها من الارض ) سمحيلي
ذكرى: بغيتك ترجع كيما كنتي مابقيتش بغيت نشوف لحزن فوجهك
طلحة: كنحاول كل مرة كنحاول …ماغاتفهمينيش
ذكرى: علاش ماجربتيش تهضر معايا…ياك فوقما عاودتيلي كنخفف عليك
طلحة: موتو قهرني اذكرى…و كون فهمتي هادشي كنتي اتعذريني
ذكرى: علاه انا ماماتش ليا با ؟
طلحة: و راك شفتي حالتك كيفاش كانت …و شحال بقيت كنتسنا فوقاش يرجع وجهك يضوي…بالنسبة ليًا با صطوف كان أب و سند ليا …هو لي عندي و مشا و كون غير مات موتا د الله ،…هو مات مقتووول اذكرى…مقتول و انا ماعارفش شكون قتلووو…شكون هادا لي ناعس مرتاح فدارو من بعد ما قتلوو
ذكرى: ربي كيشوف كولشي ا طلحة و ربي كيحاسبنا حتى على النفس ديالنا واش تهلينا فيها و لالا …
طلحة: عيان بزااااف و ماقادرش نكون ليك كيما بغيتي
ذكرى:(هزات راسو بين يديها كتشوفليه ف عينيه ) شنوو كتخربق هادي غير غيمة و غادي دوز
طلحة: حااااس باي كثر من غيمة…مابقيت قادر على حتى حاجا
ذكرى:(شهقات شهقتها و بعدان منو و باقا كتبكي و تشوف فيه كترجاه بعينيها …هزاتلو يدو و حطاتها على كرشها) أنا حاملة أطلحة…ماتفرطش فينا أنا وولدك
…. هزوها ف طوموبيل بعد ما حضاو من جيران لايكون شافهم شيواحد…دغيا ديماراوها و نطالقو بسرعة خارجين من لمدينة باغيين غير ابعدو و يتهناو من هاد الهم …مرة مرة كطل عليها ياكما تحركات و لكن كانت بحال الجثة جامدة…خرجو لبرا و ظلام و لحال مشا و دغيا حلات الباب و رماتها فنص طريق و رجعو بسرعة هاربين من فضيحتهم و ظالمين بنت ماعندها حتى يد فهاد الذنب …طايحة فطريق حتى واحد ماشايفها و لكن كان رب العالمين شايف كولشي امكن هوما نساوه و لكن هو عمرو مكينسى و لا كيغفل….عزيز ذو انتقام….
كتشوف دهشة كبيرة فعينيه …و الصمت ساد فديك اللحظة لي نطقات فيها …عينيها كيحكيو كولشي و هو دقات قلبو المتسارعة كيجاوبو على كل دمعة كطيح من عينيها…بلل شفايفو و نطق بصوت مرتجف
طلحة: شنو..قلتي
ذكرى: ماتخليييناش انا وولدك …
طلحة:(كيشوف ف كرشها ) ذكرى ..نتي حاملة ؟
ذكرى: اه ..كنت كنتوقع أيجي فظروف حسن مابغيتوش يجي فهاد الظروف
طلحة:ذكرىىى (بنبرة مرتجفة و صوت عالي ) نتييي حااااملة …حاملة بولدي…نتي اتجيبيلي ولدي (تحنى على ركابيه كيضحك و كيقيس فكرشها)
ذكرى: ااه اتولي أب (كتمسح دمعتها)
طلحة: الحمد لله …حمدتك يا ربي و شكرتك
ناض و جرها من يدها
طلحة: اجي اجي جلسي ماتبقايش واقفة
ذكرى:(شداتلو فيدو ) عفاك ماتخليناش
طلحة: كيفاش كظني بلي غادي نخليك ؟! ..و خصوصا دابا منين راك حاملة ..
ذكرى:(حطات راسها على صدرو) مابغيت والو من هاد دنيا غير نهز ولدي فيدي و تكون نتا معانا
طلحة:(تنهد) ربي كبير اذكرى ..من بعد ماظلامت دنيا فعيني …رجعات نورات بهاد لخبار …(حط يدو على كرشها) مصطفى الخماري جاي ف طريق
ذكرى:(شافت ق عينيه مبتاسمة) و الى كانت بنت
طلحة: كنتمنى مايشوف فيها حتى شيواحد بعين لحسد
ذكرى: (بتعجب ) علاااش ؟
طلحة: أطلع زوينة بحال مها
ذكرى: و متخلقة بحال باها
طلحة:(باسها فجبهتها ) نوضي نصليو جوج ركعات …نشكرو الله على فضلو
ذكرى:(بلعات ريقها) ماقاداش..كنحس بصحتي طايحة عليا
طلحة: ياك لباس ؟ ياكما كضرك شيحاجا ؟؟
ذكرى: لا غير خاطري مزير عليا ..غدا فاش تخرج عيط لماما تجي عندي
طلحة: واخا كيما بغيتي
…ناضت تمشي لبيتها ترتاح …نعسات بلاصتها مطمنة أما هو ناض و صلا صلاتو و مشا للبيت ..قرب منها و تخشا فيها معنقها و هي شادة فيه …حاسين بلي بهاد الحمل كاين بصيص أمل بيناتهم و هو لي رجع الفرحة لقلب طلحة و نتاشلو من ظلام الحزن لي كان غارق فيه …باش يصبح صباح جديد مغاير على صباحات …
تسمع الصونيط فبابها و خرجات من لكوزينة غاديا تحل…لقات مها هي و اكرام مبتاسمين ليها و فرحانين…دخلو و بدات حبيبة كتزغرت و تعنق فبنتها…
حبيبة: مبارك و مسعووود ابنتييي الله اجيب ليك لفكاك الساهل
ذكرى: امين اماما الحمد لله
اكرام: (عنقاتها) اكبر فعزكم اختي …ماتخيليش شحال فرحنا أنكون عمة دابا
ذكرى: لهلا اخطيك عليا اختي اكرام..دخلو دخلو
…دخلو و جالسين كيهضرو و يتجمعو و فرحانين بيها …
اكرام: عرفتي طلحة شحال فرحان ماخلا لمن قالها و بدا يفرق فالحلوة لناس الحومة هه
ذكرى:(ابتاسمات) الحمد لله منين رجع كيما كان ..هادشي لي بغيت
حبيبة: قوليلي يا بنتي شنو مشهية تاكلي
ذكرى: حتى حاجا
حبيبة: لاواه نتي دابا موحمة خصك تاكلي مزيان
ذكرى: مابغيت حتى حاجا غير نتشهى انقولك ههه..فين هو ادريس
حبيبة: ادريس فالمحل مازال ماساق لخبار
اكرام: منين قالهالي طلحة …كنت كنهضر مع ماما و وصلاتها لخبار
ذكرى:(خسرات سيفتها) باينة ماعجبهاش الحال
اكرام: لا لا قالت ليك مبروك و دابا دوز تشوفك …داكشي لي فكرشك كيبقا حفيدها
ذكرى:(تنهدات) الله ادير لي فيها لخير
حبيبة: أنوض نقاد ليك الصوبة بالخضرة تهزي بيها الروح …
…ناضت حبيبة و بقات اكرام هي و ذكرى
اكرام: (كتشوف ف وجهها) مالك ا ذكرى وجهك شاحب ؟
ذكرى: غير مكنعسش مزيان و خاطري كيضياق عليا
اكرام: هادشي غير بسباب الحمل (تنهدات) حمدي الله و شكريه على هاد النعمة …كاين لي مالقاهاش
ذكرى:(شدات ليها فيديها) ماتقوليش هاد لهضرة ..ولادي هوما ولادك ..راك اتربيهم معايا و ايكونو غير معاك
اكرام:(ابتاسمات ليها ) انكون بحال ماماهم و مايخصهم حتى حاجا (ضحكات بخفوث) ايكونو طرف من كبدتي
ذكرى:(ابتاسمات ليها ) عارفاك ماغاتقصريش
….. كان ف الكاراج هو و حميد كيخدمو و يضحكو…ديك الضحكة لي شحال هادي مازارتهم من موت با صطوف …حتى دخلات عندهم…بخطوات محسوبين و ملامح معبورين
الزاهية: صباح الخير اسيدي طلحة
طلحة:(شاف فيها ) صباح الخير اختي زاهية …شنو حب الخاطر
الزاهية :(ابتاسمات) والو سمعت ضحكتك من برا و بيني و بينك شحال هادي ماسمعناها ..باينة شيحاجا زوينة و مافيها عيب نشاركو معاك فرحتك
طلحة:(ابتاسم) الحمد لله ربي لي كيرزق الفرحة …و هو رزقني و عطاني من خيرو
الزاهية : (بحيرة ) و شنو عطاك ؟
طلحة: نعمة لولاد …(بنبرة مسرورة) ذكرى حاملة ..
ابتاسمات بحرقة فوسط ابتسامتو و هزات عينيها فعينيه و نطقات بنبرة كاذبة
الزاهية: مبروك ..يتربى فعزكم…سلم ليا على ذكرى حتى نطلع نبارك الله
طلحة: الله ابارك فيك
…خرجات من عندو اتاكل جنابها …رجع وجهها حمر بتزنيكة…و قلبها كيتحكك بوحدو…قربات توصل لدارهم و هي تشوف طوموبيل واعرة داخلة للدرب…وقفات شوية حتى كتلاحظ ليث هابط هو و مو و باين قاصدين دار ذكرى…لمحها ليث و ماكانش أقل منها فالعصبية …
ليث: طلعي الوليدة انا شوية و نجي
…. مشا ف اتجاه الزاهية و قبل مادوي نفاجر فوجهها
ليث: ماكانش عليا نتييييق بيييك حيت مادرتييي حتى لعبة …كنتي كتقولي اتفرقيهم و لي شفتو هو عاد مازادو قربووو و كيفرخو فلولاد (بنبرة قاسية) طلعتي غير دجالة (بزق فالارض)
الزاهية: ماشفتيي وااالوو…(بغوات) نار شااااعلة ماتلوومنيش على شيحاجا باقي مابان مفعوولها…غاااادي يتفاااارقوووو (تحت سنانها) و الى ماتفارقوش نقطع يدي لي سحرت بيها
…خلاها هكك و طلع للدار ديال ذكرى أما هي دخلات ساخطة لدار و مشات نيشان لبيت لمظلمة لي كتسحر فيها مها …جبدااات الجلدة ديال ضبع..و حلاتها و جبدات منها مونيكة مغروسة ب لمسامر و بدات طعن فيها ف كرشها
الزاهية: غاااادي يموووت خصووو يموووت …موتووو بجووووج موووتوو بجوووج (كدخل و تخرج لمسمار بجهالة و رجعات حالتها) طلحة ديالي ديالي بوحدي….
…. عماها حب التملك و الهوس ب راجل مزوج…مابقات كتشوف حتى حاجا من غير يكون ليها و تقدر دير اي حاجا باش يكون من نصيبها…نوات الشر لمرا بحالها …ما أذاتها ف حتى حاجا من غير مشاركين فحب راجل واحد …كانت ذكرى جالسة و حداها ماريا و ليث لي كيباركو ليها
ماريا: منين قالتلي اكرام لخبار فرحت
ذكرى: شكرا
ماريا: الى حتاجيتي شيحاجا قوليهالي…نتي حاملة دابا بولد لخماري واخا فوق طاقتي و خاطري
اكرام: ماما اش وصلنا لهاد الهضرة
ذكرى: خليها ا اكرام ولفت
…دخل طلحة لدار بعد ما وصلاتو لخبار بلي مو و خوه جاو ..ألقا التحية و جلس حدا ذكرى
ماريا: مبروك عليك اولدي
طلحة: الله ابارك فيك (كيشوف ف ليث ) غير هي مكنبغيش نشوف لبراني داخل ل داري
ماريا: مكاين براني …حنا عائلة
ليث:(ناض) مبروك مرة اخرى …(شاف ف طلحة) وصلات و هاهو غادي
طلحة: لباب كتعرفو ولا نوريه ليك
ماريا:(بعصبية ) طلحة ؟؟ شهاد الهضرة (ناضت) كتجري على ليث بحال الى كتجري عليا
طلحة: حاشا واش كنجري على شيواحد و لكن لي خاطياه العفة و صواب مكنرحبش بيه
ليث:(ابتاسم) خليت ليكم الراحة (خرج )
ماريا: (شافت ف طلحة) مابقيتش حاملة نشوف هاد لخصاااام..عيقتو
طلحة: علمي ولدك مايتخطاش الحدود ديالو و نشوفو ديك ساعة
ماريا :(شافت ف ذكرى ) اصلا شنو انتوقع كثر من هاد الموصيبة لي قدامي (خرجات)
ذكرى : طلحة ماكانش عليك دير هاكا جاو يديرو صوابهم و يمشيو
طلحة: كانو يعلموني ماشي يدخلو مدرمين و نتي عارفة مكنحملش ليث يطلع لداري …
تنهدات و خلاتو على خاطرو مافيهاش لي يتناقش معاه من بعد ما حسات ب دوخة و مشات لبيتها ترتاح … أما واحد الشخص آخر لي كان فالمحل ديالو …تفكيرو كامل داتو هاديك لي ساكنة عقلو و قلبو…ماقادرش انه يتقبل بلي ديال راجل اخر توحشها و عارف بلي هو سباب تعاستو…ليلو كيف نهارو..و حياتو تقلبات …دخل حمادي عندو للمحل ووجهو فيه العصبية
حمادي: السلام عليكم
ادريس: و عليكم السلام سي حمادي
حمادي : شهادشي اسي ادريس كنعرفو عليك راجل حقاني و تربية الحاج و هادشي حتى واحد مكيقبل بيه
ادريس: ياك لباس ؟ كاين شي مشكل
حمادي : اه …باش مرات ولدك تخرج من دار و ترجع لدارها بلا شوار هادشي مامقبولش…راه كيوقعو المشاكل بين لعيالات و لكن هادشي مايخليهاش تخرج
ادريس: شنو كتقول اسي حمادي ؟؟ واش كتهضر على خديجة ؟؟
حمادي : و علامن بغيت نهضر ؟
ادريس: و لكن خديجة ماجاتش عندنا
حمادي: كييفاااش ؟؟؟ و عندمن بغات تمشي
ادريس: واش كدوي منيتك ؟ لبنت كانت فداركم انا اي خصني نسولك
حمادي : خرجات من دار ماعرفناها فين مشات قلت مع راسي جات لعندكم
ادريس:(بخوف ) أنا غادي نسول فلحومة…الى رجعات اتكون غير عند ذكرى .
….خرج ادريس بسرعة كيسد المحل و مشا كيزرب ف خطواتو ل دار ديال ذكرى…صونا عليها ف دار و حلات ليه حبيبة …
حبيبة: ولدي مشيتي لدار مالقيتينيش…دخل دخل طل على ختك
ادريس: ياك كولشي بيخير ؟
حبيبة: كل الخير اولدي… ختك حاملة هه
ادريس:(ابتاسم و هو طالع ف دروج) ما شاء الله ..مبروك
…دخل لدار لقا طلحة و ذكرى و سلم عليهم بارك ليهم و عينيه كيقلبو على خديجة ياكما تكون عندها حتى فيقاتو ذكرى
ذكرى: خويا ياك لباس ؟
ادريس: والو باس (ابتاسم) خلينا ليكم الراحة الحال بدا كيمشي خصنا نرجعو لدار
طلحة: جلسو باقي الحال
ادريس: مرة اخرى ان شاء الله …(شاف ف مو ) الوليدة يالاه
…خرج هو و مو و عقلو كيضور شنو غادي يقول ليها و كيفاش ايتكلم…تلف و قلبو من لخلعة نقز…مابقا عارف مايقدم والا يوخر…اما ذكرى و طلحة بعد ما تعشاو و هضرو شوية لاحظ عليها لعيا
طلحة: كنحس بيك عيانة ؟
ذكرى: راسي تقيل عليا شوية
طلحة: صليتي صلاتك ؟
ذكرى: ماقادراش
طلحة: سيمانة و نتي هاملاها
ذكرى: و غير حيت كنعيا
طلحة: اجي اجي تنعسي ترتاحي …(مسندها عليه و غادي بيها لنموسية)
ذكرى: نعس حدايا ..
طلحة: انا حداك أعمري..
…نعس حداها و تخشات فيه …كتحس بقلبها مقبوط بقربها ليه لكن و مع ذلك مقربة..اما هو كيحس بنفسو مقطوع و كيستغفر الله و كيرجع بيخير …مشاو ف نوم عميق …حتى بداو الكوابيس كيزوروها و ظلام طالع من رجليها…مناظر بشعة و أولهم الدم..بقات كتقلب و كاملها عرقات و كتهتف…باغا تغوت و شيحاجا حابسالها حلقها..فاق جراء الحركة المفرطة ديالها و شافها ف ديك الحالة و بدا يفيق فيها …حتى ناضت مفزوعة و كترجف
طلحة: بسم الله عليك ..
ذكرى: (حطات يدها على قلبها ) حلمة خايبة…استغفر الله
طلحة:(مد ليها اما ) شربي (بقلق كيشتت نظراتو عليها ) انا معاك
ذكرى: انوض لطواليط
…ناضت كتجر فرجليها و دخلات لطواليط …غسلات وجهها و تقابلات مع لمراية…شافت شعرها مطلوق و بغات تجمعو حتى كتحس بخصلة كبيرة طاحت منو ..تخلعات و عاودات جبداتو و لقات نفس الحاجا..حسات ب شيحاجا دايزة بين فخاضها و هي تحط يدها و لقات دم….بدات كترجف مامتيقاش و كتنادي ب اسم طلحة … حتى هبطات على ركابيها كتبكي و صرخات صرخة عالية…نابعة من الاعماق …
صوت الالات الطبية كتسمعهم فوذنيها بشكل خافث…السيروم لاسق ليها فيديها و الاكسيجين فنيفها…حلات عينيها بثقالة كتشوف أشعة الشمس ضاربة فعينيها الشيء لي ماخلاهاش تحلهم و بداو الذكريات كيجيوها لعقلها بحال الصاعقة …و هاد المرة حلاتهم بجهد و هي كتنفض بلاصتها… حيدات الاكسجين من على فمها و هي كتنهج و تغوت …كتهز و تحط …دخل طبيب و لفرمليات كيجريو عندها و كيحاولو يهدنوها…حتى غرسو حقنة مهدئة ف عروقها و بدات قواها كتلاشى و رجعات نعسات…راسها راس لمحاين منين كانت صغيرة …لا حنين لا رحيم لا واليدين يقومو بيها…وحدانية هازة هم الجبال و ماكاينش فرجال لي يتلفت ليها و يكون ظهرها و حاميها…طعنة مور طعنة و صدمة كبيرة دخلات ليها أتكلفها عمرها و زهرة شبابها….بقاو لفرمليات معاها كيشوفو فيها و يهضرو
….ياختي مانعرف شنو قصتها
…جابوها لبارح كانت مغتاصبة و مضروبة بزاف
…مسكينة شوفي كمارتها كاملها زراقت…امضرا عرفتو شكون هي ؟
…مانعرف…لقاوها شي ناس مليوحة فطريق
…اوا الله اشوف من حالها
ربي شايف من حالها و شايف شكون ظلمها و اذاها و ربي مكينسا حد … و كينزل عقابو فلوقت حتى على لي بغا يفرق بين جوج كيبغيو بعضياتهم…كانت مسندة عليه و هو شاد فيها و جالسين قدام طبيبة لي كطمنهم على حالتها…
طبيبة: ماتخافيش الجنين بيخير
ذكرى: (عينيها حومر بدموع) و علااش نزل مني الدم ؟
طلحة: (بقلق ) دكتورة واش كاين خطر على الحمل ديالها ؟
طبيبة: هو بصراحة ماعندي مانخبي عليكم…الحمل ضعيف و مانقدرش نضمن ليكم باي هاد الحالة ماغاتعاودش
ذكرى: لااا …انا بغيت ولدي (حاطة يدها على كرشها) مابغيتوش يطيح
طبيبة: خصك تهتمي بالاكل ديالك و تبعدي من التوتر و اي حاجا تقدر تعصبك…انا انكتب ليك دوا تبعيه
طلحة: و الى تعاود النزيف ؟
طبيبة: الى تبعتو هادشي ماغاديش يتعاود (كتشوف ف ذكرى) الى لاحظتي بقع دم اجي عندي بسرعة
ذكرى: واخا
…خرجو من عندها و بقات كتمشى بوحدها علاما يلحقها طلحة …فلحظة بقات غير كتبكي حتى تحطات يدو على كتفها و ضارت عندو عينيها مدمعين و صوتها مغنغن بلبكا…
ذكرى: مابغيتووش يطيييح …انموت من وراااه مابغييتش نخسرو اطلحة (حطات راسها على صدرو كتشهق)
طلحة:(كيطبطب على ظهرها و قلبو مقطع عليها و على ولدو لي كان غايطيح) ششش ماخصكش تعصبي راسك و تبكي سمعتي طبيبة شنو قالتلك تبعي هضرتها و ماغاديش توقع ليه شيحاجا
ذكرى:(شافت فيه و هو كيمسحلها دموعها بصبعانو) غادي يكون مزيان ؟
طلحة: (بابتسامة امل ) غادي يكون بيخير و ايتزاد و يعيش بيناتنا و نربيوه بجوج
….هضرتو زرعات فيها الامل و عنقاتو مخشية فيه …مشاو ركبو فطاكسي راجعين لدار بجوج …دخلو و هي مشات نعسات كترتاح…مشا قاد ليها متاكل و رجع عندها لقاها نعسات و خلاها مابغاش يفيقها و هي عاشت ليلة صعيبة … كيتفكر فاش غوتات منين شافت دم و كان عقلها ايطير من بلاصتو…هزها بسرعة و خداها لكلينيك و ليلة كاملة و هي تماك …عاش حتى هو ليلة مرعبة …خلاتو يتضرع لله و يبكي فصلاتو و هو كيدعي من قلبو ماتوقع حتى حاجا لا ليها لا لولدو…هوما لي بقاو ليه و حالتها كتقطع ليه فقلبو…
كان كيضورفبلاصتو و مو حداه جالسة و حاطة يدها على راسها و كتحرك رجليها بتوتر و كتشوف ولدها لي معصب…نطقات و هي مخلوعة
حبيبة: و فين اتكون مشااات …
ادريس: و باش عرفت انا …(وقف شاف ف مو) تكون واقعة ليها شيحاجا ؟
حبيبة: لالا ماواقع ليها والو …و فين اتكون عطات براس؟
ادريس: شوفي ألحاجة انا ماكنتيقش بهاد لخرايف ديال هربات ولا زمرات (جلس حداها حمر فيها عينو) واش ماقالتلك حتى حاجا ماشكاتش عليك ؟
حبيبة: لا اولدي قليل فين كنطل عليها من نهار شفناها انا و ختك
ادريس: كيفاااش قليل فين كطلي عليها ؟؟ واااش عطيتي لبنت و سمحتي فيها ؟
حبيبة: اولدي ناسها ماكيبغيوش كثرة دخول و لخروج
ادريس:(كيمسح على وجهو بعصبية) هوما لي دارو ليها شيحاجا …انا عارف خديجة مافيهاش ديك زعامة حتى تهرب
حبيبة: و شنو نديرو نمشيو للبوليس ؟
ادريس: هادا هو الحل
…ناض خرج بسرعة و هي كتقاقي و كطلب من الله تكون بيخير و مايوقع ليها والو .. أما عند ذكرى من بعد ما فاقت معطلة لقات الشمس كتغرب..حطات يدها على كرشها مبتاسمة و ناضت كتكسل…خرجات لبيت لجلاس لقات طلحة باقي
ذكرى: باقي هنا ؟؟
طلحة: كيبقيتي مزيان؟
ذكرى: كيحسابني خرجتي للكاراج
طلحة: حتى نشوفك بعدا واش بيخير
ذكرى:(جلسات حداه بعد ماشافت الماكلة محطوطة) فيا لمووت دجوع
طلحة: كولي مزياان و الى تشهيتي شيحاجا قوليهالي و ماتجهديش راسك
ذكرى: (شداتلو فيدو بابتسامة) حتى نتا تهلا فصحتك على قبلنا
طلحة: (قرب منها و طبع قبلة ف جبهتها) انكون مزيان الى كنتي نتي مزيان
حولات عينيها بزربة لجنب بعد ما شافت خيال داز من حداها و سمعات صوت مزعج فوذنيها …سرعان مارجعات كتشوف ف طلحة و خاطرها مزير تاني
ذكرى: طلحة ..عرفتي هادي مدة كنبقا نحلم حلمات خايبين و بحال الى حقيقيين و كنشوف بحال خيال دايز من حدايا و صوت فشكل …كنحس بحال معايا زايد فدار
طلحة: صلي و قراي القرآن هادشي غير من لخيال ديالك و صاف
ذكرى: و راه كيتزير عليا خاطري فاش كنصلي ولا كنسمع القرآن
طلحة: ماتخليش شيطانك يغلبك …(شد فيدها )
ذكرى:(بلعات ريقها) غير كنتخيل ..
طلحة: تهلاي فراسك و فولدي و كولي مزيان و شربي الدوا فلوقت…
ذكرى: الى طلعات بنوتة شنو نسميوها هه
طلحة: مكنعرفش فسميات لبنات هه
ذكرى: اممم شي سمية زوينة بحال ديالي هه
طلحة: بحال سميتك ماكايناش…(قرب منها و طبع قبلة فشفتيها) ذكرى وحدة لي كاينة و جمرة وحدة لي فقلبي
ذكرى:(كتشوف ف عينيه و فلحظة بعدات منو ) حتى يتزاد و نسميوه هه
طلحة:(تنهد) غدا الربعين ديال با صطوف…بغينا انا و حميد نديرو صدقة فدارو
ذكرى: ان شاء الله..الله ارحمو و يجعل مأواه الجنة
طلحة: امين …(ناض ) انخليك دابا خصني نمشي نحل الكاراج نقدر نتعطل فليل
ذكرى: رد لبال لراسك
خرج طلحة و هي بقات بوحدها…كتخاف تبقا بوحدها حيت اي حاجا كتقفزها و لي شافتو كيخلعها…لبسات جلابيتها و شالها و خرجات من دار و سداتها..قاصدة تمشي عند اكرام …دازت من حدا الكاراج و طلات على طلحة …
ذكرى: راجلي قرة عيني
طلحة: (ضحك بخفوت ) كتوحشيني دغيا شنو خرجك
ذكرى: بغيت نمشي عند اكرام
حميد: سيري اختي عندها توانسو حتى هي كتبقا غير بوحدها
طلحة: كليتي شربتي دواك ؟
ذكرى: ااه كولشي درتو
طلحة: صافي سيري الى حتاجيتو شيحاجا صونيو ليا
ذكرى: واخا
…مشات كملات طريقها …حتى خرجات ليها زاهية فطريقها…كتبتاسم ليها
الزاهية: بنت الحاج كيبقيتي وصلاتني خبارك بلي كنتي ف سبيطار
ذكرى: مسينا على الله ازاهية … شنو بغيتي تاني
الزاهية: وااالو غير كنسول فيك …عار الجار على جارو
ذكرى: عطيني بتيساع لي فيا كافيني…
الزاهية : حضي جنابك مزيااان و حتى الى ماكملش الله فلحبالة ماعليش
ذكرى: فمك لاحسو كلب
الزاهية: ماغايكتابش ليك تولدي ولدو(كتلعب فشعرها)
ذكرى:(حطات يدها ف كرشها و كتبلع ريقها) تفرقي علينااا
الزاهية:(قربات ليها و همسات) راجلك ديالي و ليام اتبين ليك
….مافيها لي يزيد يتغانن معاها مابغاتش تعصب و تغوت و تفقص فراسها و طبيبة وصاتها … يالاه قربات توصل ل دار اكرام لقات تيليفونها كيصوني بنمرة كتعرفها مزيان و شكون من غيرو…ليث اي مصدعها فحياتها…دقات على اكرام من بعد ماطفات تيليفونها و حلات ليها لباب
اكرام: اهلا دخلي دخلي
ذكرى: و فين غبرتي
اكرام: غير سمحيلي ماطليتش عليك كنت انجي عندك دابا عاد قالي حميد بلي كنتو فلكلينيك…
ذكرى: غير خليها على الله كنت انموت
اكرام: سكتي ماتقوليش هاكا مازال ربي مطول ليك فعمرك نتي وولدك…انا كنت كنجمع دار حيت غدا الصدقة
ذكرى: و فين وصلتي قاديتي كولشي و لا نعاونك
اكرام: لا صافي قاديت كولشي غدا يجيو طيابات يتكلفو بلباقي
…بقاو كيشربو كاس د اتاي و كيتجمعو و يضحكو…حتى ناضت ذكرى ترجع بحالها …دخلات لدارها و بدلات حوايجها و كتسنى ف طلحة يجي حتى صونا بابها و لكن ماشي ديال برا غير ديال نص الدار …حلاتو و اذا بيها كتفاجأ…
ذكرى : ليث ؟؟
بقات كتشوف فيه بحيرة كبيرة …و مارتاحتش من المجية ديالو…اما هو دخل كأن الدار دارو و جايب فيديه ساشيات حطهم فالارض
ليث: اه ليث …كيبقيتي
ذكرى: شنو كدير هنا ؟؟ شنو بغيتي ؟ خرج قبل مايجي طلحة
ليث: ماشي شغلي فيه (كيشتت نظراتو فيها ) سمعيني
ذكرى:(بخوف ) وااااش باغي ديرلي شوهة ؟؟؟ تفرق عليا الليرحم باك
ليث: سمعييني…جيت نطلب منك سماحة ..حيت ماغاديش تعاودي تشوفيني هادي لمرة لخرة لي انجي عندك فيها …صافي فهمت بلي انا بلاصتي ماشي معاك و بلي نتي مرات خويا
ذكرى: و شنو بغيتي ؟؟
ليث: بغيت نبدا صفحة جديدة معاك ، الى حتاجيتي اي حاجا اتلقايني و ماتردديش حيت انعاونك فلي بغيتيها
ذكرى: شنو بغيتي تقصد ؟
ليث: فهمت بلي عمرك تكوني ليا و مابقيتش انحاول ، المهم عندي تكوني بيخير و فرحانة…جبتلك هادشي حيت اتحتاجيهم عتابريهم عربون صداقة و عفاك ماتقولي والو لطلحة باش مايتعصبش و يفهم غلط
ذكرى:(تنهدات) مزيان منين درتي عقلك و فهمتي خلاص … الله اسامح
ليث: تهلاي فراسك و الى خصاتك شيحاجا مرحبا و تهلاي ليا فلكريشة
ذكرى:(حطات يدها على كرشها) شكرا
…مشا خرج و هي سدات الباب كتنفس بزربة كانت خايفة و مقطوعة فيها … مادازش بزاف ديال الوقت حتى جا طلحة
ذكرى: عمري جيتي (باستو ففمو)
طلحة: (رجع جبدها كيبوس فيها) اروحي
ذكرى: توحشتك…(كدوز صبعانها على صدرو) توحشت (اشارتلو بعينيها لحجرو)
طلحة:(هبط لعنقها عضها) راه شهر شهر ماقستك
ذكرى:(هبطات شنافتها بغنج) ماتوحشتينيش
طلحة: ماااشي غير توحشتك …شيحاجا كثر (ضور عينيه و شاف الساشيات) شنو داكشي
ذكرى: هادوك (كضور عينيها) غير شيحاجا جابهالي ادريس
طلحة: جا ادريييس لهنااا ؟؟
ذكرى: قبييلة…(جراتو من يدو) اجي احبيبي الجمرة نوات تكويك
طلحة:(هزها فيديه) نتكوااا فجمرتيييي…محاابسي و دوزت ماكثر
ذكرى:(كتبوسو بلهفة) اش ايصبرني عليك
طلحة: كولي ديالك ابنت الحاج…
كيتباوسو بواحد الشوق بحال كانو سادين عليهم و لا مباعدينهم…حطها فوق النموسية و بدات كتحيد فحوايجها و هو كذلك و باقيين كيتباوسو…كتجبد لسانو بلسانها و هو يديه دازو ديريكت لصدرها كيجبد فيهم… جبداتو عندها حتى هبط تكا على النموسية و طلعات فوقو كتلعب بيديها ف لمعلم و هابطة بالبوسان من عنقو لحتى صدرو… جبداتو بيديها و بقات كتشوف فيه بعينين مقحبنييين و نطقات
ذكرى: بوحدو كيبردلي لگلب و يفرعلي الوالدة
طلحة: هاد ساعة ايفرعلك غير الحلق
… هبطها من شعرها و بدات كتلحس فيه و تبنن و دير صوت لي كيهيجو… بقات كتحرك فيه … حتى خواه ليها ففمها و سرطاتو… نوضها و نعسات بلاصتو و بقا كيرضع ليها فصدرها و هي كتخربق لفراش بيديها
ذكرى: طلحة…اممم بشوية اححح
طلحة: كتحمقيني…كتسطيني
ذكرى: دخلووو عفاااك…
…حطو ليها فوق توتو و بقا كيدوزو من لفوق و بقات كتلوا و عاد دخلو فيها و كيشوف فعينيها ياكما قسحها ماباغيش افورصي عليها على قبل لي كرشها… بقا فالمد و الجزر و هي كتأوه و لكن فلحظة حسات بوجع و بلي كولشي ظلام قدامها و شيحاجا واقفة عليها …بقات كضرب فيه …فظهرو و تحاول تبعدو
ذكرى: طلحة كضرنيييي…رخييي منيييي
…ماكانش سامع ليها بكثر ماهو منتاشي…بقات كتبكي و تغوت و كدفعو
ذكرى: طلحة كنتخنق…بعد منييييي
…بعد منها بسرعة قافز و كيشوفها كتنهج و ماقادراش تنفس …بقا كيحرك فيها …دغيا لبس سروالو و مشا جاب ليها تشرب لما و هو كيضرب فظهرها… تكمشات بلاصتها كتبكي…جامعة رجليها عندها …
طلحة: شنوو واااقع نتي بيخير نمشيو لطبيب ؟؟؟
ذكرى: مااااقااادراااش نعس معاااك…كنحس براسي مخنوقة و انا حداك…مابغيتش ماابغيتش
طلحة: ششش مكيهمنيش هادشي لمهم تكوني بيخير..رتاحي
ناض يدوش و هي لبسات حوايجها و ماحسات براسها غير و هي ناعسة…سالا دوش ديالو توضى.. و مشا للبيت شافها ناعسة خلاها هكك و جلس حداها…خايف عليها و حالتها مابقاتش عاجباه…
كان ف طوموبيلتو و راسم على وجهو ملامح استياء…شاف فيها هي لي كانت جنبو و نطق
ليث: مافهمتش شنو انستافدو دابا …باينة اتكون قالت ليه جيت
زاهية: شنو خسرنا الى جربنا…
ليث: انا راه مامسااالييييش نبقا نجرب كل مرة …بغيييتها تكون ليا
زاهية : اتكون ليك كيما خوك ايكون لياااا (حلات طوموبيل و قبل ماتخرج رجعات ضارت عندو) خلي الباقي عليا …
…خرجات غاديا لدارهم و هو كسيرا بطوموبيلتو غادي …صبح صباح جديد و هاد المرة ف دار لا صطوف لي كانو مجموعين فيها ناس و الطلبة كيقراو القرآن و طلحة و حميد كيستقبلو ناس ف دخلة… و لعيالات فلكوزينة كيطيبو و اكرام و ذكرى جالسين معاهم …كيتصنطو للقرآن و ذكرى مرة تبقا فلكوزينة و مرة طلع لسطح… بقاو هكك حتى جا ادريس لي الملامح ديالو عيانين و باينة فيه قلة نعاس
ادريس: السلام عليكم
طلحة: و عليكم السلام..فين كنتي ا ادريس
ادريس: غير سمحلي والله ماساليت ندوز عندكم راني مرون
طلحة: ياك لباس شنو واقع ؟
ادريس: والو غير شي مشاكيل و كنتسنى واحد الابيل… كيبقات ذكرى؟ لبارح مع كنت مشغول مادزتش نطل عليها
طلحة: كيفاش مادزتيش طل عليها ؟ علاه ماجيتيش لبارح عندنا ؟
ادريس : غير سمحلي والله ماقدرت…،اندخل نجلس حدا رجال علاما تلحقونا
….داز و خلاه كيتخبط ف افكارو …عاد لبارح قالت ليه بلي جا خوها و عطاها ساشيات و دابا ادريس كيقول لعكس شنو هادشي مافهم والو …قاطع افكارو صوت انثوي عارفو مزيان ..شاف فيها و هي ابتاسمات ليه
الزاهية : الله اجعلها ف ميزان حسناتك و الله ارحم لا صطوف ياربي
طلحة: امين
الزاهية : كنت جايا نسول فذكرى ..كيبقات ؟
طلحة: الحمد لله بيخير اتلقايها لداخل
الزاهية: مسكينة ماكرهتش نجي نقابلها الله شاهد بحال ختي و كثر …جيت نعاونكم الى كاين فاش نعاون راه با صطوف كان عزيز عليا و ماتخيلش قداش فرحت و حتى هو ايكون فرحان فقبرو دابا منين تصالحتي مع عائلتك
طلحة: شنو جاب عائلتي للهضرة ؟؟
الزاهية: كنقصد خوك ..منين شفتو لبارح طلع لداركم عجبني لحال قلت الحمد لله صفاو الخواطر (بصوت منخفض و متنهد) الله ادومها محبة…
يتبع...
التنقل بين الأجزاء