لا تجبرني على حبك الجزء 13

🍷 الفصل3: حالات حب 🍷

هناك حب..يمنحنا الحياة ... و حب يسرق منا حق الحياة..

حب تشعر معه بالأمان ..وحب لا تشعر معه إلا بالضياع 

حب تبتسم له .. وحب تبكى من أجله ..

حالات حب تختلف من شخص لاخر حسب القلوب .. ولكل قلب حكاية حب ...

لا تجبرني على حبك ...❤

~رسالتك الحزينة اثارت رهبتي قبل قرائتها .. برؤية اسم حن له قلبي على شاشة هاتفي ..تسارعت نبضات قلبي اليكِ..في غضون ثوانٍ قليلة ...الاحق زفرات انفاسي الباقية لأصل بها إليكِ... لكن اسقطتني شهقتي الاخيرة ..~

الموكب العروس او بما يسمى بكورتاج !

سيارااات كثيييييييرة غادية جنب بعضها.. و الدراجاات النارية كذلك تيبركيو بجنب السيارات و وسط منهن..هازين فيديهم الدراابوو ديال المغرب و الورد تيرمييوه على سياارة العرييس...

كان منضر غزاال و مبهج للانظار.. السيارة ديال العرسان جاية الوسط.. و باقي السياراات ضايرين بيهم.. الغاازي كيف العادة هو الي مسبق لهم تيعطيهم الاشارات من يدوزو و فين يمشيو.. و شنو يديروو.. صوت غناااهم و القنبوول لي تيطرطقوو فالسمااا مخلي بناادم وااقف على حافة الطرييق و تيصووروو فداك الموكب الرائع بمعنى الكلمة...

في خضم جولتهم على المدييينة.. في خضم فرحتهم و بهجتهم و سروووور قلبهم.. بانت لهم السيااارة اللييي قايدة حركتهم تهزاات حتال السماا و تفركعااات فجزء من ثانية اللهيب النار عمى عيوونهم !! للكل شدو فرانات و حبسو وسط طريق .. و الماطر انحرفو على الطرييق كلها هارب من دااك الانفجار ، الا الشخص واااحد لي شاف صديق عمرو تزاوط من الطموليل الارض ونزل تيجري وهيااا تابعاه تتصرخ بكل قوتها حجنرتها تجرحت و الثوب الابيض مجرجر فالارض و اللهيب النار خلاها تنهااار 

مهرة ..... صداااااااام ! صداااااااااااام اولي فيييين غاااادي مااااتمشييييش ...

... تيجري و بكم يديه حابس تنفس لا يتختق ..وقف تيبحث عليه و انفجااااار السيارة لي تتحرق و تتزيد تنفجر خلاه يهرب شوية ودراري تابعينوو ..تالقاوه بعيد على الحادثة بعد تلتمية متر تلاوح من قوة الانفجار لي مزالين الشضايا ديااالو نازلين من السماا ...

صدام و انس لي سبقو ..ركع على رجليه امام جسمو لي لي واضح عليه حروق و زجاج كثير ...

انس ...الغااااازي مااااديريش فياااا هكااااا نووووض اولد ال**** نوووض ... 

رحيم ..."تيلهث و يجري تااوقف'' ..السلامة السلامة ! عيطت للومبيلونص جاية ماتمسووش 

مسمعش منووو .. بغاا يقييسوو بغااا يجروو بغااا يمخضوو يقوول لوو نووض فيييق وقف على رجلييك ماشي الغازي لي يطييح هاد الطيحة و مينوووضش يااامااا طااح بالمووطووور ياامااا علق رجلييه فالسماا بقوة الجبص لي تجبصووو ولااو كااع عضاااامو ملقميين .. لكن هااد النعسة فالارض مااشي ديالوووو .. جروو صداام بعدووو علبيه بش مييقيييصوووش لكن الانساان فاش تيشووف خووه فدبيك الحااله متيعقلش ااش غايديير باقي ...

انس.." عينيه غرغرووو بالدموووع.. شنق على صدااام" خوووووياااا هذاااااا الق** وييييي كييفاااش مانقييييسوووووش... ينعل ال*ااامل بووووكم على هااااد ال** ي 

صدام ..."صاعر خاايف علييه حتى هووو " ...يااااا ربييي ياااااالعاالي وييين ربهااا هاد لووومبيلووونص

نس.." سد ودنييه ماعارفش اااش يدييير خووه حدااه و مرمي على الارض مااقاادر حتى يقييسو.. بعد عليييه و عض على يدوو طلللق صرخة بحر جهدو ضاارب برججلييه الحجر لي قداامز " اااااااااااععععععع ... ،

رحيم..تيتصل و يعاود و الدنيا عمرت اقدرو يطفيو العافية السيارة لكن صريخ مهرة و فرح لي كانت راكبة مع رحيم فالسيارة وفايزة عافيتها ماحبسااتش

فرح ...جالسة فالارض تتجدب و تغوت و فايزة شداها اما مهرة مبقى لها والووو تحماق لانهم كانو غايكونو مكاانووو كوون ماا ربي قلب قدرهم ...

الصدمة !! الخووووف !! الرعب !! الهرااج صداااع.!!

. شي تيصوور شي تيسنابي هذاا حاال البشر هاد الاياام مع موااقع التوااصل كأن الرحمة انعدمت من قلووبهم باش يشوفوو وااحد السيييد مرمي فالارض بين الحيااة و المووت.. و هوما تيفكرو فلي جيم و البارطااج فعلا انعدمت الانسااانية .... 

جات فرح تتجريييي و شدها رحييم بعدها.. كسرات الدنيا بالغوااات و البكااء و النذييب على حااالتوو لي كانت تشفيي العدووو... 

اخيراا وصلت الاسعاف مع المطافئ و البوليس ! هزوه و انس تابعو تيبكي و مخلوع .. صدام ركب فسيارتو معاه مهرة لي قربت طيح بالخوف كلها تترجف عمرها شافت فحال هادشيي .. و رحيم بطموبيلتو معاه فايزة و فرح لي تاتبكي قربات تسخخف ....موكب عروس تحول للمأساة ماكانت على خاطر ولا البال ....

اما انس من داخل اسعاف تيشوف خوه مثل الجثة ! وجهو عامر الدم و حروق قاصتو جبد تلفون دوز رقمها ..تاسمع صوتها 

انس ...حفصة ! خوووك دار كسيدة فيها يعيش فيها يموت اختي .... آجي تسامحي مع اخوووك....

...الصدمة بعض الاحيان تتجردنا من مراعاة المشاعرمتيكوونش عندنا العقل باش نفكروو .. تتنتصرفو بدوون تفكير لان القلب المكوي لي تيتصرف ماشي حنا .. القلب المحرووق على الحباب لي تيگيدنا هو لي تينطق ماشي اللسان .. ..حتى مكان البكا نضحكو او العكس صحيح.. انس رماها لاختو فوجها لي كانت يلاه ودعت سجى بدقائق وغادين يركبو هيا مروان فالسيارة ..مجرد ما سمعت الكلام بداات تصرخ و تغوت فالباركينگ و الناس تيشوفو فيها مستغربين من حالتها ..

مروان ..." ضار عندها شدها من يدها'' حفصصصة مااالكي شكون لتصل بيك 

حفصة .."بهسترية" ..خوووياا تيموت دار كسيدة خوويا انس لي هضر معايا انا عندي جوج ادا هووو الحبيب الغالي هووو الغااازي 

مروان .."بصدمة معتلية وجهه نطق'' ..واش مات ؟ 

حفصة ..."تتتبكي بحرارة و تجدددب"...وااااخوووويااا واااا حبيبي !ديني عند خويا.

مروان تلف فكونطاكط اللحظة لي فتح لها الباب لقاها طارت غادة تتجري متجهة الباب دخول مطار و تتغوت والبوليسي شدها فالباب 

حفصة ...."/الدمووووع على عبنيها سااايلييييين و عبنيهاتا كي جغمة تالدم دخلت في حالة هستيرية !" ...سجاااااا ماااتمشييييش سجى الغااااازي تيمووووت سجااا....

البوليس ..ابنتي رجوع الله ! بلا غوات راه مايمكنش نخليك دخلي بلا باسبور 

حفصة .." تتشووووف فيييه بدموع .. تتوسلو بعيونها و تشير للداخل باصبعه"ا ..صااحبتي داخل و خووويا البرا تيموووت خاصها تخرج نمشي تسامح معاه

مروان..."شدها تيجر فيييها..حفصة براكة اختي ... سجى غاتكون طلعت طيارة 

حفصة ..."بجنون تتخبط .. و تجررر من قبضة بدوو لي مزيرة عليهااا'' ..دخللل جيبهااا الا مات خوووويا عمرهاااا فين تسامحووور؟ ااااه 

بوليس..." بقات فييه بقوة ما تتبكييي حالتها تشفي .. لي دااز تيوصف يشووف فيها كاااع لي تم قطعات لهم فالقلب الا عندك شي زهر انا ندخل نشوفها ليك !! ياك البنت مولات شعر كحل ديك الصغيرة ؟ .

حفصة..''قربت تبوس ليه يديه" ...هيا اعمي هياا هياااا

دخل البوليس للمطار تيبحث عليها بانظارو تاكان غايرجع لانه مالقاهاش و هيا تبان ليه واقفة تتاخد قهوة من كافتيريا توجه نباشرة لعندهاا وقف عليها 

البوليس ... مادموزيل سجى العالي ممكن تتفضلي معانا

سجى .." شافت فيه موسعة عينيها " شنو درت ؟؟...

بوليس..ابنتي الناس لي وصلوك راه رجعو ليك قالك شي احد فالعائلتك تيموت

..طيح لها اليد مع رجل لي عقلت عليه ان صاكها معلقاه وراقها فيديها اما باكاج مشى ..خرجت تتجري و دموع فعينيها ضربت فحفصة معنقها مروان وتتبكي و تعد تانطقت تارعد 

سجى ..." ...بانت لها حفصة شادة فدراع مروان منهاااارة بالبكااا قربات طييح .."/.. ويلي .. حفصة مالك ؟؟؟" مجاوباتهاش و هي ترفع صووتهااا!" ...حااافصة واش بابا ؟ 

مروان ..."طلق من حفصة خااااب امالو من شافها رجعت "..ماشي باباك احبيبتي ! جاركم 

حفصة ...الغااازي تيموووت اسجى الغاااازي تيموووت .." 

.. 

سجى .." وسعات فيها عينيها بصدمة ممزوجة باستغراب" .. ك.. كيفاش ؟ مالو الغازي .."/حنات راسها شافت فيها و طلعاتوو شافت فمروان!"/.. مال الغازي امرواان ؟؟

مروان .."/تنهد و شاف فيها''.. اتصل بيها انس .. خبرها الغازي دير اكسيدون .. 

تتسمع طنين فوذنها... قوتها خارتها شدها غير مروان وغادي بيها السيارة ... ركبت حفصة وهيا تتبكي و تدعي ربي يحفض لها خووهااا و شحال طويلة ديك الطريييق اسوء افكار تياجيووك هوما فدووك اللحظات ! يدهم على خدهم ودمعتهم نازلة ....اخبار السوء دغيا تتوصل و املهم الوحيد انهم يلقاوه حي ...سجى مسكينه حساات بالدووخة

..... غيير تتشوووف .. مانطقات حتى كلمة. . مابكاات ما غوتات .. كانت جالسة جنب مروان فحال شي وحدة غاايبة ولا مامتيقاش الخبر .. مزالة تتقوول فراسها ان هادي حيلة داروها هاد الزوج باش ماتمشيش ولا نقولوو هاداا كان امل و رجااء لرب العالمين ... !!! ...

مروان ..."تيدوز رقم انس!...جاوب اناااس جاوب ... نعرفو غير اشمن كلينيك 

حفصة ..."تاتبكي تدوز رقم انس'' ...الووو خويا انا طبيب ؟ 

انس ...**** 

....عطاتو عنوان و تحركو غااادين !! كان قريب لهم غير وصلو لقاو دنيا برا مقلوبة بوليس دخلو تيتجراو وروحهم بين رجليهم نزلو للمستعجلات تاشفوهم واقفين كلها فين مفرق .....

......

وقفات قدام غرفة العناااية موسعة عينيها .. حمريييييين و حتى نقطة ديال الدموووع ما ناازلة منهم ..بقوة الصدمة بقاات غير حاالة عينيها .. !!/.. ممتييقااش .. اااش هادشي ؟؟ واش بصح .. علاش .؟؟ كيفاااش و وقتاااش ... علاش هو بالضبط .. علاش هي بالضبط لي خصها تعااني. شافت فالارجاااء .. كل واااحد كاان شااد جهةةة .. حفصة داخلة تتبكي معنقة مامااها لي سخفاانه فوق الكرسي ... انس حتى هو عاصر عينيه تيحااول يحبس دموووعووو ... رحيم شااد فراسو فوااحد القنت واقفة جنبو فايزة تتواسيه فرح حالتها حااالة سخفاانة فوق الكرسي جنبها ممرضة تتعطييها الماااء... 

.. صداام مزير على يد مهرة لي كانت تااا هي منهااااارة الدمووع ناازلين على عينيها الرجفة ديال الخوف مزال مقدرات تتخلص منها غير تتفكر ان ديك السياارة هووما لي كانووو غايتوااجدوو فيييها تتزيييد تزيير على يد صداام.. حالتوو مكانتش احسن من حالة ولا واااحد تماا غير هو صاابر و ساااكت كاتمها فقلبووو.. صديق عمرو و السيد لي كان معتبرو اكثر من خووه مدوزوووش القليل فلحظة تيشوفو بين الحياة و المووت دابا و ماليدوو مايديير.. الاطبااء دااخلين خارجين لعندوو .. واااحد الجو ديال الكئااااابة يبكييي الحجرررر 

ماحسات سجى براسها حتى طااحت وااقفة على ركابيها وسط ديك الكولواار.. طااحت على وقفتها الصدمة زادت اثرت عليها.. كانت غادية فحالها تعييش بعيد على حب حياتها حتى سمعاات خباروو ...سمعات لب خلاها تجرييي بلاا عقل لعندوو.. تقدم عندها مروان تحنى على ركابيه و شد لها على يدها تيملس على شعرها بحنان 

مروان... " مزير على سنانو بالعصاب.. مقدرش يتخايلهااا دايرة هاد الحالة على ودوو" .. .. سجى.. نوضي وقفي.. وشدي فراااسك ...مايكون غير الخير

سجى....'' تترمش عنيها بزربة.. " ماااابغيت والو امروان! غير يعيش للوالديه و نشوفو بخير ! حتى هادي الدنيا عزاتها عليا ؟ ماابغييييت والووو غير نسمعو بخييير ...

مروان ..." عاونها حتى وقفات"،.. واخة غير نوضي معايا.. اجي ريحي فووق الكرسي... 

.. فداخلو الغيرة تتاكلو ماكرهش يسمع اخبارو اليوووم قبل غدا ! . مااكرهش يرجع مجرد ذكرى ! لان في كل فرصة تيتأكد ان سجى تتبغيه حب حقيقي ..نفس الحب لي تيكنو ليها خلاه يتنازل للبنت الي تيبغيها و خطيبتوو جايبها بيديه من المطااار باش تشووف حبيبها لي تتبغييه .. ياااااه على سخرية القدر..... قرب لها و شدها من دراعها تيحاول ينووضها.. ولكن ركابيها فحال لا فشلووو .. هزها و توجه بيها ديريكت لكراساا بعااد علييهم شوية.. مخلية عينين فرح تااابعييينها تتشوووف فيها بعصبية و كلام كثير على فمها ! وجودها غير مرغوب فييه .. وجودها تيخليها تكرهها ... لي الداخل خطيييبها راااجلها مستقبلي و لي فقدو ولدهم بجوج وشد فيديها و كمل معاها وهيا شككون ...

حالة سجى دازت على عيييون الكثييير و لي مكانش فاااهم فهم.. و لي ردات البال اكثر هي مهرة... شافت فصدام لي بااين عليه الخوف على صاااحبو هو من الناس لي تيبقاو ساكتين فهاد الموااقف... تيردها لخااطرو حيت لا مشا حتى خرج لي فقلبو غاينووض شي اعصار فداك المكان ميخلي حتى حااجة صحيحة... 

مهرة... " لمسات دراعو" شكون هاد البنت؟

صدام.. " شاف فيها".... شمن بنت؟ 

مهرة... " شيرات ليه لمكان فين كاينه سجى..." ديك البنت لي كانت طاايحة هنا... داوها لهيه.. ...

صدام.. " حرك راسو" هاديك بنت جيرانهم و معزتها من معزة اختو

مهرة... " بلعات ريقها و طبطبات عليه" نتا شوية! 

صدام... "حرك راسو و بدووون ولا كلمة جرها عندو زير عليها حط فمو على جبينها مدة عاد طلقها".. كولشي راه يدوز على عينيك نطلبو ربي ينجيه ...

احساسها حركها خلات صدام و مشات هازة كسوتها معنكشااها فالمشية حتى وصلات عندها.. شافت فمروان... 

مهرة.. خليني معاها!! 

حرك لها راسو و مشا وقف جنب انس تيوااسيه..... حطات يدها على كتف سجى لي كانت ذااااابله فوق دااك الكرسي... 

مهرة... ماتخافيش غايولي مزياان... ربي غاينجيه... دعي معااه.. اكثر حااجة محتاااجها دابا هي دعائك... 

كملات مهرة كلامها.. شافت فيها سجى و خلات الدمووع تسيييل من عيوونها... تنخصييصها و بكااها تيقهر القلب... كانت فحال شي بنيييتة تووضرات على باباها مقدرااتش تصبر.. تنهييداتها بعد كل شهقة و صدرها لي تيهتز بعنف لدرجة تتحبس فيها النفس... خلات مهرة دموعها سالو معاها في ساع مسحاتهم و جراتها عندهاا و تطبطب عليها.. عنقااتها و زيرات عليها خلاتها تزييد فبكاائها لعلها ترتااح.. مكانتش تتعرفها لا شكوون هي ولا ااش تتجييه لكن فهمات انه بالنسبة لها شخص معلقة بيه الحياة...

مهرة... " بقااات فيها" الموومن مصاااب ... محتاج دعاائنا !!

سجى... " كمشات يديها على الكسوة ديال مهرة... قااتله راسها بالبكااء..." منقدرش نعيييش بلا بيه منقدرش الى مشاا.. ههء.. لا مشاا غانتبعوو.. تحملت بزااااف على قبلووو.. تحملت معاملتوو الزوييينه و الخاااايبة.. تحملت كلاااام السم لي كان يرميييه فوجهيييي.. تحمللللللت نهار خطب قداام عينييييي و تحملت نشوووفو معاها كل نهاااار.. تحمللللت نشوووفوو معاها فالفراااااش شفتهم فكاااع الحالااااات و تحملت.. " طلعات راسها"... ماااااااشي من حقووو دابااا يمشييي.. انا تحملت كووولشي على ودووو.. هو كاااان كوولشييي و باااقي.. كنت بااغية نهرب منوو اااااه ولكن مخليااااه و عاارفااه بيخير.. خليييتووو مع خطيييبتوو.. و بغيييت نمشي بااش نساااه واااخة عارفة راسي منقدرش.. منقدرش نساااه ؛. " يدييها كااع تيرجفو تتهزهم تمسحح وجهها بكماام التريكوو ديالها قلبها بغا يسكت بالبكااا" علااش تيديير فياا هكذا وااش مكفاااهش داكشي لي دااار.. مكفاااهش قلبي لي هرسووو.. مااشي من حقوو يمشييي... بعد كلللللل هاد العشق لي عشقتووووو.. بعد كاااااع هاد العذاااب لي تعذبتووو.. و النعااااس لي مابقييييتش نشوووفووو.. حراااااام عليييه حرااااام علييييه يدييير فيااا هكذااا مااااشييييي من حقووو يمشيييي و يخلينيييييي.. قووووليها ليييه عافاااااك.. "ناضت وقفات شدات فيد مهرة تتنووض فيها".. اجييي قوووليهاااا ليييه غايسمع منك نتي كبييييرة.. اناااا ماتيسمعلييييش.. انا غييييير صغييييورة.. نووووضييي معاياااا... 

جراتها و تماات غاادية بيهاااا تتبكييي و تغووت بحر جهدها قطعات لمهرة فقلبها ماقدرات لا توقفها لا والووو... بنية قد هادي هازة كاااع هادشي فقلبها... لي فحالها يالله تيبدااو حياتهم و زهرة شبابهم تتفتح.... 

بان لهاا انس و مشات جراااتو حتى هو من يديه.. 

سجى... " تطييحهم حجججر من عينيها" علاااااش واااقف هناااا.. اجييي.. اجييي هاااد البنت غاتمشي ترغبووو مايمشييش.. اجييي نمشيييو عندوووو كااااع بينا غاايسمع لييكم.. 

انس... " جرها من يدها زير عليهااا"... شووووت.. فين غانمشيو الله يهديك. سجى تهدني الله يرحم ليك الواليدين هادشي لي تديري فيه ميصلاحش.. ها طبيب غايخرج يكون خير انشاء الله... 

سجى... " تتحرك راسها بنفي... االااااا... الااااا راه غييير شاادينو الدااخل ماماالوو والووووو... يالله نمشيييو عندووو... ميمكنش يدييرهاا الغاااازي تنعرفووو.. 

فرح..." ناضت تتجري عندهم شداتها من يدها زيرات عليها"... اااااش هاد الشووووهة تتدييرييي نتييييي.. 

سجى..." دااابلة لي قااسها تمشي و تجي معاااه.. ".. ف.. فرح.. ااه.. نتي غاسمع منك.. ياك نتي خطيبتو.. تتبغيو بعضياتكم ادخلي عندووو.. قوولي لوووو يفيييق... قوولي لوو سجى متقدرش تعييييييييش فهااااد الدنياااا لا ماكنتيييش نتااااا فييييها.. 

فرح.. " عينيها نزلووو منهم دموووع ماحاااملااش تشوووفها قداامها.. محاملاااش تسمع حتى صووتها"... خرجي عليااا فحااااالك من هنااا مبغييييتش نشووووفك ماااابغبييييتش نسمع حسك.. " جراتها من يدها".. سيريييي فحااالك ااش تدييري هناااا.. شكوووون نتي... شكووون نتي بااش تجييي خرجييي فحااالك.. 

مهرة.." مخنزرة فيها".. مريضة نتي صافا با.. متتشووفيييش حالة البنت.... 

فرح.. " مسحات دمووعها و شدات فراسها"... لي لدااااخل خطييبي حياااتي ! حالتي اكثر منكم كاااملين 

مهرة... "شافت فيها بتحدي"... .. هاد الهضرة ماشي بلاصتها ولا وقتها... الله يصبر الجميع

رجعات فرح بلاصتها تتبكييي حالتها حاالة مجخلطة فالمكيااااج مشات عندها فايزة تتوااسي فيهااا... اما سجى فحال لا ماسمعات منها والو فعلا مااسمعااات والوو كانت مزاالة تترغب فانس و تغووت كااع لي تماا قطعات لهم فالقلب.. كوولهم بقاات فيهم بكااها تيقطططع نييييت القلب بداك الصووت الرقيييوق و دييك النبرة الطفوولية.. تتبكيي و تنخصص.. اصعب حاااجة تحسي بلي الشخص لي تتبغي على حاافة المووت.. تجمعو عليها تيواسيوها ولكن والو.. هي غيى تتغووت و تبكيي حتى قرب لها صداام.. مالقااش حل ااخر غير انه هز يدووو و صرفقها من الصدمة سكتات... كااع لي تما شدووو على فمهم..

مهرة.... " عنقاتها و زيرات عليها وصرخات "... صدااااام !! ششششش

رحيم... " تدخل"... تهدنو خاصها تفيق من الصدمة هادي طريقة الوحيدة 

صدام ..."شد فراسو " ياااارب العاااالي ......

سجى.. " شافت فيهم واااحد وااااحد.. فحال لا تتقلب على شخص واحد معين... و كي مالقاااتوووش نطقااات اسموو بنبرة كللللهاااا رجااء... '' الغــــــاااااازي... 

مزاادتش كلمة اخرى.. طااحت على طوولها بين يدين مهرة لي نزلات معاها حتى هي كاانت فاااشلة عليها ذااتها و بداا كوولشي يتجمعع عليهم تاني.. هزها مروااان و غوت على الفرملية لي جات تتجري عندوو وجهااتوو للغرفة يحطها فيها و مشات عيطات على الطبيب.. بقات وااقفة جنبها مهرة و تتشووف فيها بقااات فيها بزااف دورات راسها للسرجم كان الصبااح بداا يطلع و شميسة بدات تباان ... مهرة غير حااضياااها تتقوول فرااسها اااش عرف هادي فالحب و هي قد هكذاا ااش وصلها لهاد الدرجة تالعشق .. فتاة صغيييرة عاااشقة ..جسد مراهقة و قلب امرأة ....بقات معاها حتى دخل طبيب عاد خرجات ...كاانو نيت خرجو طاقم الممرضين و الطبيب من المستعجلات وجهو لا يبشر بالخير

صوت الدجاج و زقزقة العصاافييير مالي المكاان.. فيقووها على النبوري.. مشات فطرات مع الجماعة و رجعات لبيتها... بقات متكية فبلاصتها حسااات بالملل ... شافت فداك الباب ديال الخشب... تفكرات رحيم و ااخر مكالمة ليها معاه.. شحال بكات على الزهر لي معندهااش .. تمناات كوون غير اتصالوو كاان تيخبرهاا فبه بالطلاق بدل مبخبرها بزواجوو .... تطلعت من جديد للباب المغلق بسكون.. هاد الباب متيعني والووو قدام الف بااب و باب مسدود بينها و بينو و اولهم باب قلبها لي من ديما رافضة تفتحوو ليه... 

بالسيف ناضت من بلاصتها و مشات فتحات السرجم ديال البيت ديالها و اخذت نفس عميييييق بعد ليلة كلها تفكيييير.. مقدراتش تحبس دموعها فيها.. وااخة معارفااش علاش كانت تتبكي.. وااش على رحيم لي تزوج عليها و لااا على الوقت لي قضااتو معاااه و ناادمة على مل دقيقة مرت منه.. ولا على اخبااره ليها بديك الطريييقة.. و لا حيت هو شاااف حيااتو و هي بقات وااقفة فبلاصتها فالنهار لي مات فيه حبيبها... ماعرفاتش مالها لكن الليل كلو و هي بايتة تتحلم باحمد.. و تفييق تبكيي.. شي دخل فشي احمد.. رحيم.. احلام دخلت في بعضها... تنهدات و علقات راسها لتحت مدات حتى يديها تتكسسسل.. .. نزلت عينيها بانت لها واحد البقرة ناعسة حدا شجرة و العجل ديالها تيلعب و ينقز فووق منهاا .. و الوليدات الصغات كاع ولاد الاعائلة مكينش البراني حتى هوما تيلعبو حدااهم .. ابتسماات... بالرغم من كاااع دوك المضاربات لي تتحس بيهم داخلها.. لكن تتبقى مجيتها للبلاد هي احسن حااجة دارتها... 

مشات هزات للفاليز ديالها حطاتها فوق النموسية .. فتحاتها و جبدات كسيوة صيفية فالبييج فيها وريدات بالاورونج و الاصفر .. مزيرة من الصدر و الباقي مرخووف .. طويلة حط الركبة .. لبسات معاها صنيدلة خفيفة صميطات ديال جلد .. دوزات شعرها للجنب و مشات مبااشرة للكوززييينا ضربات فيها ريحة ديال الطياااب من باب بيتها .. تما النااس تيطييبو غدااهم على بكري ماتجي توصل التانبة عشر حتى يدخلو الرجاال يلقاو غداهم محطوط.. 

كي دخلتت لقاات البنات كاع مجمووعين فديك الكوزينا كلها و اشنو تيديير شي تيعجن المسمن شي تيطييبو ... و شي تينصب المرقة فالطنجة .. خدااماات و تيغنييو اغنية بالامازيغية. . 

مريم .. صباح الخيير عليكم .. 

الكل .. صباح النوور .. 

مريم .." شافت فوحدة منهم'' لطيفة شنو تديروو ؟؟ 

لطيفة ... تنديرو الرفييسة يا لالة .. 

مريم .." جرات كرسي و جلسات عليه '' اممم ... اللله شحال توحشتها عرفتي من زماان مكليتها .. 

لطيفة .. اواا و الرفييسة ديالي كاااع انااااا قالت لهم سييروو ماتعرفوووش مكينش لي يدووقها و متعجبووش .. زبدة دووب فالفم. 

مريم .. "بابتسامة باهتة على وجهها!" تبارك الله 

لطيفة .. " طلعات فبها راسها '' مالك اختي وجهك صفر كي الاستدعا؟؟ 

مريم .. ... منعستش مزيان

بقات مريحة معااهم مجمعين تتلف فالوقت و مرة مرة تنقب من المسمن لي تيطييبوو .. لقاات راسها مع نااس .. و ناس طيبيين بزااف .. ديال العشرة ينسيوك الهم غير بالغنا و الضحك و النكت واخة لي فالقلب مايتنسا .. دغيا تفووت معاااهم السااعة كاع ما تحس بيها ... 

لطيفة ...." مدت لختها طنجرة صغيرة '' .. نبيلة .. ها ديالك مفيهاش مساخن

نبيلة ... . "/شداتها من عندها '' .. مريامة ..ياكما حاملة ؟؟ 

مريم .." وسعات عينيها و بلعات ريقهااا بصدمة '' .. اااا .. كيفاش حاملة ؟؟ علاش ..؟؟

نبيلة ... ههه والو غير باش نعزل لك معايا مرقة بلا مسااخن .. 

مريم. ." طلعات حواجبها'' .. علاش هاد المسااخن باش غايضرو الحاملة ؟؟

نبيلة .. اوا راه المسااخن سخاان على الحااملة يطيحوو لها بناادم احبيبتي. . 

مريم .." سكتاات مدة .. دوزات يدهااا على بطنها من الفووق بدون ما يحس بيها حد و طلعات راسها فيها'' .. .. محاملاش .. غاناكل مع الجماعة ..

بعد معانااات كل واحد من الجالسييين فداك الكولواار تيتسنااو خبار على ولدهم او خوووهم اخيرا خرج الطبيب مع الممرضيين و وجهه متيبشرش بالخير .. كل واحد فيهم بااين عليه الارهاااق لانهم تما جلسو بالساعات .. 

الطبيب .. شكون لي جاي مع هاد السيد .. الغازي ابن احمد ؟؟

تقدمو لعندوو كل من انس و صدااام و رحييم الام ديالوو حتى هي وااخة ماقااداااش تهز الرااس البقية كاهم وقفوو تيتسناااو وااخة غير خباار زينة تريحهم و طمنهم ... 

صدام .. امضرا دكتور ...خير ..؟؟ .. كيف راه ؟؟

الام .." تضرب على صدرها برجاااء و عينيها حمريييين بالدموووع'' .. الله يحفضك لوليييداتك قووولي غييير ولدييي بيخييير .. بغييييت نشوووووف ولديييي قلبييي غايسكت ... بغيييت نشوووف ولديييي عويييناتييي... اااااااه .....

الطبيب .." طبطب لها على كتفها'' .. تهذني الالة .. و سمعوني مزيان .. المريض ديالناا عندو عدة حروق هاهوما تيعتنيو بيهم الداخل ماشي حرووق كبييرة ... عندو كسر بسيط فاليد ديالو حتى حالياا راه تنعتنيو بيه .. الحالة ديالو مزال ممستقراش

رحيم .. " مسح على وجهو'' .. كفاش الكلمة اخيرة ؟

الطبيب ..." كمل كلامو''دابا تنتسنااو فالنتائج ديال السكانير لي يقطع الشك باليقين لانه مر بكااارثة .. ملي الدقات القلب ديالو تيضربو و مزال عايش .. هادي راها معجزة من عند الله ...هادشي لي غانقول لكم ... الان محتاج دعواتكم..

الأحداث و الموااقف المؤلمة التي نمر بها في حياتنا في بعض الأحيان تتخلينا نديرو تصرفات غير مدركين حجمها.. غافلين على عواقبها .. متنفكروش بالعقل متنخدموهش انما تنمشيو بدااك العقل الباطن قالك دير هاد الحاجة تديرها بدون تفكير حتى لو فيها ضرر ليك .. لكن منين تتكون فحالة لي متتفكرش فيها متتكوونش عارف اش تدير بالمرة ولا تتحسب حساب لمخلفات دووك التصرفات و القرارات ...

بعد الحوار لي ضار بينها و بين نبيلة التزمت الصمت ... توقف عقلها عن التفكير .. حتى من تيسولووها تتجاوب على قد السؤال.. ناضت خرجات من بعد ما اتذنات .. رجليها قادووها لعند اكثر شخص محتاجتاه الان. دقات الباب على الجدة ديالها .. و حين طال صمتها حلاتو و دخلات تطمئن عليها... غير دخلات بانت لها جالسة على سجادتها .. حاملة كتاب الله بين يديها .. و السبحة فحجرها .. مربعة رجليها ..مدة و هي واقفة تتأملها .. و تتستشعر السكينة لي ضايرة بالمكان .. غرفة دافئةةة فيها ريحة البخور .. اتاثها بسييط يشبه الجدة ...بسييييطة و في نفس الوقت تيبعث فالروح بالراحة و الامان .. بعد لحظات نطقت بين شفتيها 

الجدة ... صدق الله العظيم .. مولانا الكريم .. اللهم اعني على رضاك يا رب العالمين .... 

غلقت القرٱن الكريم و ضارت عندها ابتسمات لها بملامحها البشووشة رغم نيل السنين منها ... رغم التجاعيد معمرين وجهها ... لكن كيف تيقولو لا مشا زين يبقى حروفو !! .. مازالين العيون الزرقاء كزرقة المااء الصاافي .. مكحلين على الجوام .. مزالت الشفتاان مسووكين كيف العاادة لي لن تغفل و لن تنساها .. مزالت الابتسامة ديالها هي احلى ما يزين داك المنزل ....

الجدة .. مالك وااقفة تما ابنتي .. دخلي زيدي عندي. . 

حلات لها يديها باش تمشي عندها... تخشات فيها و حطات راسها على رجلين الجدة.. خلاتها تتملس لها على شعرها و تمسد الفروة ديال راسها باش تحس بالرااحة ...

الجدة.. مال بنيتي.. ،.؟

مريم... "تتحبس الدموع من عينيها،" عياااانه اميمتي و قلبي ضاارني.. خاطري حتى هو طلعت ليا هاد الدنيا فراسي ..

الجدة.. " تتشوف فيها متألمة لحالتها.. من نهار جات حسات بالحزن لي فداخلها.. و عرفات قلبها عامر بيه".. اعوذ بالله ! اش بغيتي بالهم و الغم صغيرة و هازة على كتااافك غبيييينة كبيييرة ابتي.. رخفي على رااسك شوي.. فكي على قلبك... مزاال الهم نهاار تولدي اولااادك و يكثروو مشااكلهم على راسك . اش نقولو حنا لي ولاو همووم حفادنا يتقلو علينا .. ؟

مريم ..." تنهدات'' ..ربي وحدو لي عالم بيا خااطري كيف داير ... !! دعي معايا فصلاتك احْنّا

الجدة .. "تتمسد لها فراسهاا و تبتسم ا'' ... ربي قال لينا ابنت الغاالي. { يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ } باش ترضي الله امريام .. خااصك تصبري ... و تصلي .. و تدعي ربي يفرجهاا عليك ..ربي ملي قال لينا ان الله مع الصابرين .. عنا بيها انه معاانا و عمرو يخذلنا دييما ربي ينصرك و يكوون معاك ... ولكن خصك تصلي و تصبري ... الصلاة هي مفتااح الرزق .. مفتاح الصبر مفتااح اي حااجة زوينة فحياتنا .. بغيتي ربي يفتحها فوجهك .. صلي بغيتي ربي يرزقك صبر صلي و دعي ربي .. قالك ولا تقنطوو من رحمة الله .. يمكن ماشي اليوم ماشي غداا .. ولكن شي نهار غاتفيقييي فالصبااح غااتلقااي هاد الغبينه لي فقلبك مابقااتش ... 

مريم .." ناضت و تقادات فجلستها كأن كلام الجدة حلالها بغات تسمع اكثر ... " ....و نعم بالله .... 

الجدة ..."طبطبات على يد حفيدتها " .. سمعي هاد الاية مزياان ابتي ......{وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ} جداك قارية غير شوية بالمدرسة ايامات الاستعمار .. و البااقي قريتو فالمسييد .. ولكن فااهمة و حكيمة .. الصلاة والعبادة والدعاء فاش كانحافظو عليهم راه كانحافظو على صلة الوصل بينا وبين ربي سبحانه مننهاا كانشكيو ليه االهموم والحزن لي كايسكنا .. و تيقنييي بلي الله سبحانه وتعالى هو الوحيد لي كايسمعك بلا كلل أو ملل هو الوحيد لي غايسمع لك بلى مايتشكا منك هو الوحيد لي غايعيطك الراحة لقلبك لي كاتقلبي عليهم عند الناس...

مريم "حنات راسها" حالي حال معظم الشباب .. نصلي و نقطع .. ربي يسمح ليا ... 

الجدة ..." تنهدات و حركات راسها" .. بين المؤمن و الكافر الصلاة ابنتي .. و نتي مومنة ... قارية و وااعية ماتهمليش لي خلقك .. باش يحييد الغبينه على قلبك ...

مريم ...'' حركات راسها بالايجاب" ... الله يسمح ليا .. غانبداا نصلي انشااء الله .. غانحاول منقطعهاش هاد المرة ..

الجدة ... الله يرضي عليك ..'' ناضت وقفات بصعوبة و توجهات لواحد المكتبة صغيورة فيها المصااحف و بعض كتب الدين ديال زوجها .. اختارت واحد من الكتبة ديال السنة جابتو مداتو لها" .. لهي فيه وقتك .. قرايه غاينفعك ابنتي .. هداا قراه ولدي عبد الرحمان ماعمرو ولا قطع صلاتو .. و قولي لوحدة من بنات عمامك تعطيك زيف ديال الخبز صلي عليه ..

مريم ...", خذات الكتاب و شافت فيها باستغراب'' .. الزيف دالخبز ؟؟

الجدة .." ضحكات"" .. ههه .. هادي غير عادة ابنتي ... تيقولو لي يصلي و يقطع عطيه زيف الخبز يصلي عليه عمرو يقطع .. 

مريم .." بابتسامة باهتة'' .. واخة .. 

قاطعاتهم وحدة من بنات العم استدعتهم للغدااء .. بسرعة فاات الوقت مع الجدة .. كلامها مريح بالنسبة لاي واحد و فعلا كلامها كلو كان على صواب حنا تخلقنا من أجل عبادة الله وعلى الرغم من أن الحكم في هذه الآية لي عطات واضح إلا أن الله سبحانه وتعالى عطانا عقل نميزو به بين طريق الخير وطريق الشر بين الصالح والطالح عقل لي نفكرو به في نوعية العلاقة لي كاتجمعنا مع الله ولي هي علاقة عبد بإله بكل مافيها من محبة وخوف وخشوع إذن أول علاقة لينا في هاد الدنيا هي علاقتنا بالله وهادي أهم علاقة خصنا نحافظو عليها عن طريق الصلاة والعبادة والدعاء فاش كانحافظو على صلاتنا راه كانحافظو على صلة الوصل بينا وبين الخالق و منها. بالدعاء تنطلبو لي بغيينا و ربي سبحاانه يستجيب بقوة الدعاء يستجيب لدعاء عباده ...

توجهو للصالون لي كانو فيه كولشي مجموع .. جلسات بجنب الجد ديالها بعد ما قبلات يدو .. طبلتو هو و مراتو بوحدهم متيفارقهاش فالاكل .. غير حطو القصعة بقات مريم تتشوف فيهم .. كولشي بدا يااكل الا هي تفكرات كلامها مع بنات عمها .. تفكرات نهار تتفصلها على ارتكااب جريمة فحق نفسها و ابنها غيير شبر ... تنفسها علاا لهاد الفكرة .. ضورات عينيها عليهم كاملين و جااات نظرتها مباشرة لبنت عمها لي جالسة تتااكل بوحدها و شادة ولدها بين يديها .. باتسمات تلقاائيا من ديما تتموت على الوليدات و خدمتها كااع معااهم كانت تتشووفهم صباح و عشية بحكم انها طبيبة اطفال .. بدون سابق انذار وقفات ... ماقدراتش حتى تكمل الفكرة ديال انها اتقتل ولدها بيديها و في هاد العالم ملايين من النساء تيتمناو غير ضفره ... 

الجدة .." طلعات فيها راسها" ... مالك وقفتي ابنتي. ؟

مريم ..'' نطقات بتلعثم" ... اا .. لا غاناكل مع نبيلة .. 

الجدة ..." ماغايخفااش عليها هاد التصرف .. و ماغايخفاوش عليها عينين مريم و شنوو فيهم'' .. سيري أبنتي مافيها باس الله يرضي عليك...

~~~بعد مرور يومان على الكارثة !! ~~~

صدام رجع مهرة لي بلباسها ابيض ترتاح فدارها و تغير حوايجها ... رحيم كذلك رجع فايزة فحالها! بقى فالكلينيك غير الام ديال الغازي و انس و حفصة و سجى لي كانت حالتها مزالة متدهورة بعد ديك الصدمة النفسية لي ادت للاهياار ... اما فرح فمشات تغير ملابسها و رجعتثاني يوم .. تتمشي تبات فدارها تولي عندو من جديد ...

الممر قرب الانعاش فين ناعس الغازي عامر بالعائلة و الصحاب....داخلين خارجين تينتابو على نوم و تيخدمو عائلته لي حالتهم يرثى لها ! 

الغازي الحادث خلف فيه اصابات كثيرة ..كان تحت فريق طبي كبير و كل مرة انس تيجري مع الفرمليات لامضاء الفواتير و الاذن و غالبا الامر ايتعلق بسكانير و اشعة و تحاليل الكثييرة لي تيديرو ليه ...الاعصاب بداو تينتهارو و الام صبرها تيتقادا الاب لي كان حتى هو مسافر رجع تيجري من عرف اخبار الابن ديالوو ...لكن لا خبر يؤكد موته أو حياته...

فرح .."بدموع وقفت جنب الام ديالو'' ...ماااايممكنش هادشي ... يقولو غير حالتو و نشوفوه 

رحيمم..."/كان جنبها'' تهدني... كلنا حالتنا حالة،..ماكرهناش نشوفوه لكن الاطبة تيحكمو 

ام لغازي ..."بنهيار و عذاب ''..هدا الله اوليدي الاميت يعطيوني ولدي نشم ريييحتووو و ندفنو الا حي نشوفو ولو دقيقة 

صدام .. الرجوع الله الحاجة.. يولي بيخير انشاء الله .. 

ام الغازي '' قلبها غايطرطق'' ... عيييت اولدي عيييت ... بغيت نشووف ولدي قلبي طااب .." تنهدات'' . الله يدير تاويل ديال الخير ... 

قاطعهم وصول الطبيب المشرف على حالته معاه طبيب ااخر ... 

الام ... " وقفات'' .. دكتور .. ولدي .. عطيوني عليه شي خبار الله يخليك .. 

الطبيب .. تفضلي معانا الالة .. 

رحيم ..." وقفو بكلامه '' .. حنا كولنا خصنا نعرفو حالتو ادكتور !! . 

الطبيب ...'' بتفهم'' .. وااخة... المهم نقدم لكم دكتور الخلفي .. استشاري طب و جراحة العيون.... 

صدام ..''عاقد حواجبو'' واش علاقتو بالحالة لي راا حنا فيها ؟؟

الطبيب... غانحتاجووه يشرح لنا الحالة ديال المريض. .. المهم بالنسبة للحروق لي فالجسد ديالو فهي حروق سطحية .. الجلد ايلتأم من هنا الشهر على حد اقصى بالدواء و يستعيد جلده من جديد لانه حروق ما تتشكلش خطورة ... لكن المشكلة في النتائج ديال السكانير .. 

الام ... " بدموووع'' .. علاش ولدي مزال ما فاق ؟؟

الطبيب .. تهذني الالة راه العصبية ماتنفع بوالو ! 

تكلم الطبيب الثاني : .. بالنسبة لحالة المريض ديالنا كنا شاكين فمجموعة من الاشياء .. داكشي علاش اضطرينا نديرو السكانير و التحاليل بزاف ... لكن للاسف كاين واحد المشكل .. الدقة ديال المريض جاتو كاملة للراس .. ماعندووش حتى نزيف داخلي .. ولا شي مشكل فالقلب ولا اي مكان من غير الراس فقط .. هو لي هز الضربة.. بعد مجمووعة من السكانيرات تأكذنا و تبين لنا انه الدقة جاتو فالقفى ديالو و هاد المكان صعيب .. اي ارتجاج فالمخ يقدر يأثر على مجموعة من الاماكن فالجسم ديال الانسان يقذر يفقد الثباث ديالو العقلي كاع ... للاسف المريض ديالنا جاتو الدقة للعيون. 

رحيم ..." بلع ريقو بصدمة حس بقلبو للحظة خرج و رجع مكانه'' .. اش بغيتي تقصد ؟؟ 

انس ... يااا ربي يااا ربي.... 

الطبيب ...'' باين على وجهه الاسف '' ضربات المنطقة الخلفية للعنق تؤدي إلى فقدان البصر.. 

صدام ... " وسع عينيه بصدمة'' .. ااااارررررب العااالي شرااك تقووول. .. 

الطبيب .. هذا قدر الله .. 

الام ..قربات تسخف ..شد فيها غير انس و الاب ديالوو لي حالتو حتى هوو حاالة .. اما حفصة مكانتش تما كانت فالغرفة ديال سجى .. اما كون دارت لهم الجنازة فداك الكولواار .. ناهيييك عن فرح لي جلسات فوق وااحد الكرسي تتبكي في صمت على حالتوو لي مكانت لا على البال ولا على الخاطر ...

الطبيب ...لاازمناا تدخل جراحي... غانجريو ليه عملية فورًا لانه الانفصال الشبكي الى تأخرنا عليه اكثر .. يقدر يجعل الشبكية ماتستاجبش للعلاج والجراحة ويقدر يفقد المريض البصر نهائيا.... 

الام .." ضربات على صدرها'' ... الله يااا ربيييي على ولدييي مشاااو لووو عوييينااااتووو الله على كبدتي الله ... يااااربي ولا كانت عنديييي شي حسنة صرفهاا ليا فولدييي يا ربييي ... 

صدام ..." تشووش دمااغوو'' .. شرااكم تستناو .. ديرو له لووبيرااصيوون !!

الطبيب ... لازمنا توقييع من العائلة ديالو .. 

.الاب .."/ناض وقف و توجه عندو'' .. نوقعووو ليك اسيدي . غيير دييرو العملية ... ولدي خاصوو ينجاا منها لااازم يرجع لوو نوور عينيه. 

الطبيب .. هاحنا مع تيسير الله .. ديرو في بالكم العملية نجاحها ماشي مئة بالمئة .. كاينة نسبة انها تفشل ... 

الاب ... '' شد على راسو'' .. لا حول ولا قوة الا بالله .. اللهم لا نسألك رد القضاء ولكن نسألك اللطف فيه.... 

الام ... اييمتاا غايفيق ولدي .." بدموووع''

الطبيب .. نتمناو يفيق بعد اجراء العملية لانه ماحاولش يفيق هاد اليومين غير متجاوب مع العلاج ... 

الاب .. فين غانسنيو .. ولدي لازم يدير العملية .. 

الطبيب .. " حرك راسو بالايجاب'' ....تفضل معانا اسيدي ....

الصدمة خيمت على وجووه الجميع ..زااد حزنها الاضعاف .. اصعب احساس انك تكون تمتعتي بنعمة البصر و تفقدها بين ليلة و ضحاها .. تسد عينيك و تحلهم تلقى راسك متتشووفش احساس ماتبغيهش لالد اعدائك ... انهاارت الام و الاخوة .. حااالة الاب يرقى لها و هو تيمضي على القرار بالعملية للغازي .. فرح حالتها حاالة هي كذلك ماتخايلاتش لهااد الدرجة تأذى .. اما صحاابوو كل واااحد فيهم فااش خرج عااصاابو .. رحبيم معرووف علييه طبعوو هاادي .. اكتفى بالصمت و موااساة الام .. اما صدام .. خرج براا المستشفى البووطوو لي باان لوو قداامو تيخبطوو برجليييه .. لي باانت لبه يزلعها بقوة العصاااب... مبقاش قادر يكتمها فصدره .. مابقاش قادر يزييد يزير على رااسو مارتااح حتر يجع يديه كااع تمنشروو بقوة الخبييط .. كاع يقطروو بالدماياات ... تهد و مشا تلاح فوق شي كراسة على ناصية الطريق... جبد كاارو تيتكييف و يحااول يتهذن حتى سمع تيليفونو تيرن ... 

صدام .. " فتح الخط و بقى ساكت حتى جاه صوتها''.. كي راك ؟؟ مليحة .. خاصاك شي حاجة ؟؟

مهرة .. لا والو انا مزيانه .. بغيت نصولك على صاحبك كي يقى واش مافاقش ؟؟

صدام .." تنهد بصوت مجروح'' .. مزالو كوومه .. الموصيبة الكبيرة لي طااحت على رووسنا .. مشاوله عينيه. . الى منجحاتش ليه العملية ربي يخلف !!

مهرة .." بصدمة'' .. ماتقوولهااش الله يا ربي ... 

صدام ... " دوز يدييه مسح بيها على وجهو''الله يرزق واليديه الصبر ... الحاجة غاتهبل ... خوتو كذلك ..

مهرة ..." تنهدات باسى'' .. مزال صغير ميستاهلش. .. الله يرزقكم الصبر .. عارفاه عزيز على قلبك .. 

صدام ... الله يفااجيها الگمرة .. 

مهرة .. ماغاترجعش اليوم. . ؟؟ 

صدام .."بتنهيدة '' راجع بالليل .. .. 

مهرة .. واخة .. نخليك .. الله يشافيه يا ربي ... انشاء الله تنجح العملية متخافوش. 

انهى معاها الاتصاال و رجع تاني للكلينيك .. لقااهم غاديين يدخلووه للعملية و كيف قال لهم الطبيب مابغاوش يتأخروو مزال لان العملية ممكن متنجحش من بعد الى تعطلوو اكثر ...

حالة كل وااحد فيهم كانت يعلم بيها غير الله .. حتى سجى ملي خبرااتها حفصة جاات بلبااس المشفى و جلسات معااهم دمووعها ساايلين على خدهااا .. وااخدة مهدئات و مقويات باش تقدر توقف على رجليها بدون اي انهياار ثااني.... مرت ساعااات و سااعات .. العملية ماشي سهلة مادخلش غير طبيب واحد ولا زوج كانو فريق لي اشرف على حالته ... 

ما اصعب الانتضال .. كاع الافكار تيجيوك و نتا تتسنااا وااحد دااخل يدير عملية وااخة تكون بسيطة عسااك عملية حااسمة .. حتمية .. يا يخرج منها بعينيه ولا بفشل العملية و يبقى كيف هو .. 

مدة عاد باانوو لهم مخرجيينو و غاديين بيه لغرفة الانعاش .. وقف صدام واحد من الاطباء .. 

صدام .. قولو لنا شي حااجة دوكتور ماشي لي يخرج يخليها منشووري هنا ؟؟ .. 

الطبيب .. العملية تمت ... وااخة كانت صعووبة ولكن نترجاو خير .. كي يفيق نعرفوو النتيجة و نشوفو واش نجحات ولا لا !!

صدام .. ايمتا يفيق !! .. 

الطبيب .. ممكن غدا .. و ممكن ميفيقش هاد المدة لانه قبل مكانش مستجيب لاي علاج !! ..لكن غالبا يفيق غدا ولا بعدو !

صدام ... " حرك راسو و شكروو "

رحيم. ." ضرب على كتف صدام '' .. سير اصاحبي ترتاح .. راك منااعسش ليلة كامله من البارح وونتا هنا !! .. الى فاق نخبرك

صدام .. كي ندير نرگد اصاحبي .. !! .. كي ندير ... 

رحيم ..." تنهد''.. غير سير دوش و رتاح شوية انا بايت هنا بايت .. راك مخلي دارك و مرتك يومين هادي ..

صدام ...'' حرك راسو و ضررب لوو على دراعو'' .. لا طرات اي حاجة تصل بيا فأي وقت !! ..

رحيم .." حرك لو راسو بالايجاب'' .. كون هاني. . 

كلهم كانوو فغبيينه .. حالتهم حااله ... تنهد تيشووف فيهم فديك الحاالة .. قلبوو مغروس فيه خنجر على رفييق عمروو .. خرج صداام متوجه لدااروو كان ديجا دلام الوقت ... انس حتى هو اصر على الام ديالو يدييها لا هي لا بااه و حفصة يرتاحو و يجيبهم الغد ليه الانهم يومين ما شافو النعااس ... دااهم و رجع بقاا هو رحييم و سجى لي مافارقااتش الزااج ديال الانعاش ... عياا معاها تمشي ترتاح فغرفتهاا .. لكن كانت ساااكتة و هاادية غير دمووعها لي تيدويو و عينيها .. ...

سجى .." حاطة يديها على الزاج و دمووعها سارحين على خدها'' .. فييق و شوف فيا الغازي. . فييق ماتخليش عينيك يطفااو .. فيييق الصغيييورة ديالك شاابت على يديك.... 

‎