حكيم:( ضحك و باسها جارلها شنايفها لعندو مستطعم بيهم ) شعلتي البولة الحمرة و جا وقت الخلاص ا حديدانة ..! ( خشى يديه تحت من رجليها كيعجن فمؤخرتها مطلعها عندو ) حما٠٠ر و تفوو و الشوتينغ ياك ا مدام ..! باغى غير تصوري .. أجي عندي نصورك تصاور عمرك تنسايهم فحياتك ..!
فهماتوو شنوو باغي يدير من التلميح .. غلباتها الضحكة تا بدات كتفركل برجليها و تلوى عليه و نور حداهم ما جايبة للدنيا خبار .. شربات الدوا هو اللول و البيلول عاد خلاتوو يشدها كيلهث بعينين معميين بالشه٠٠وة ..!
حكيم: غتخلينا نقطعوو الحدود و نشوفوو النوارة المفتحة و لا لا ..!؟
شريفة:( رخات رجليها بهدوء و قالت ) النوارة يبسات خاصها تتسقى .. كتعرف شي واحد عندو ماء الحياة كيعاودو عليه حلوو ..!
حكيم: كنعرف ما حسن منوو .. حلوو و مالح فنفس الوقت .. غيعجبك و ينغمك ..!
سكت ما بقاش هضر معاها .. مكملين ليلتهم بحميمية بين أهات و أنات و ضحك ..! حطوو نور فبلاصتها مفرشينلها و خداو راحتهم فالناموسية ..! الجو سخن عندهم و الشوق قتلهم بجوج .. حتى فرغوو الخزينة و طاحوو كينهجوو .. مخشية شريفة فحكيم و الغطا فوق منهم ..!
باستوو فصدرو بلا ما تهضر تا تخشى بين صدرها كيحك نيفوو تما و يتخنشش فيها و هي كتدوز يديها على وذنيه .. عجباتها جاتها رطيطبة للعب ..! تا عضها فصبعها هاز راسوو فيها كيضحك و يشنتف لها فشعرها ..!
حكيم: هاذ باربة مسلوقة تا هي ..! ( ضحك راشقة ليه عليها ) كبرتي الشارفة و رجعتي تتعراي قدامي و نتي غير عاد عاد كنتي كتشوفيني فالدرب و كتهربي حشمانة ..!
حكيم: هاذوك غير فعايلك .. منين جاو غير فالشيب راحنا مباركين ..! ( رجع خشى راسوو فعنقها كيوزع القبل عوال يرجعلها ثاني ) توحشتك ا الخايبة ..!
شريفة:( بعدات عنقها بصعوبة ذايبة فحركاتوو ) توحشتيني ااه و الخايبة لاش ؟ هاذ الزين كامل ما بانش لك ا سي امغار ؟ ( عوجات فمها حاطة رجل على رجل و هو فوق منها مزير معاها ) واقيلة بديتي تشرف بالصح و الشوف نقصلك ..!
حكيم:( رد بضحكة ) عندك فعايل ليه٠٠٠٠٠٠&ود ( هرها فجنبها تا تلوات كتكركر ) أجي نوريك واش شرفت كنتفتف و لا باقي صحيح فصيح ..!
شريفة: هههههه ( تخشات فيه ) صحيييح جهد ثمنية د العودان ا سيدي غير ارتاح و نوض عليا قربتي تقسمني و غذا جايين عندنا الضياف .. خاصني الرجلين لي نوقف عليهم ..!
حكيم:( لعب بلسانوو ففموو و قال ) ا نشوف هاذ الرجلين واش مزال خدامين ..!
هزهم لها و هي مرخية على ظهرها كتشوف فيه كيحركهم للقدام و يرجع يردهم للور .. تا حطهم فوق كتافوو و وسعهم لها كيقادهم بطريقة مريحة ليه ..! و فالبلاصة رجع لها بلا نقاش .. معسل و معسلها معاه ..!
حتى كملوو الجولة ديالهم و جلسوو كيهضرو و يضحكوو بيناتهم و حكيم ناض جاب داك لازانية لي ما كلاو منها والوو تقريبا .. رجعوو ضربوها فالجبانية ..! و شريفة كتعاودلوو شنوو دارت فسفرتها .. فين مشات و جات و العيالات لي تلاقات معاهم ..! تا حبسات و قربات منوو باستوو فشفايفوو و بصوت هادئ قالت ..!
شريفة: لي فات مات .. نرميوه مور ظهرنا و نزيدو للقدام .. كاملين غلطنا .. انا و نتا و أسية .. و هاذشي ما غيتعاود عند حتى واحد فينا ..! صفي خاطرك و ما تبقاش حاقد على الوضعية ا الشاف ..! ( هزات حاجبها بضحكة حلوة ) ياك نتا لي كتقول تعنيقتك حنينة حيث ماشي مسموم بحالي ( غمزاتوو ) ايوا منين جاك هاذ السم كامل دابا ..؟ فين هي الحنانة ..!
حكيم:( تبسم و حط الجبانية فالارض و قال ) تسناي نوريك حاجة اخرى حنييين فيها غتعجبك ..!
شريفة: ههههه صافية لبن بعدا ا كبيدة ..!
حكيم: تعاوديها نعلقك من هاذ البكاي ( قرصها تحتها تا تهزات لعندو كتضرب فظهرو )
الدار عمرات و صوت الضحك و الهضرة مخلطة بين اصوات رجولية و نسائية متداخلين و توغويغ نور لي حطوها فاليوبالا كتحرك بيها و كل شوية يجرها واحد لعندو ..! حتى عيات ما موالفاش بيها فخطرة ..!
تزنكات و حمااارت حماارت تا طرطقات فيها البكية هازة راسها فحكيم بشوفة كتقطع القلب و الدميعات هابطين من جناب عينيها كيتسرسبوو .. تقول قتلووها ..!
ضحك عليها و هزها عندو .. جالس بالبلغة و التقاشر بويض فرجليه و ساعة د السواتش اصلية كتبان من بعيد فيديه و كندورة رجالية تقليدية جاية مع فصالتوو ..! و شريفة داخلة عليهم تا هي هازة سينية منقوشة مذهبة ..! الشعر مطلوق مصاوب و العينين مكحلين من البارح .. طايح عليها السر ديال السر و الفرحة غتنقز من عينيها ..! لابسة تا هي البلدي معاندة معاه ..!
كيبانوو عائلة سعيدة فرحانين بنور وسطهم و حبيبة كتقرا عليهم القرآن فنفسها و تدعي معاهم من قلبها هما و وليداتها كاملين لي مجموعين عليها من غير خليل لي بوحدو فالغربة و تا هو شركوه معاهم مدوزين لوو لابيل .. الظلام عندو و الجو بارد متلج فالزنقة ..!
خليل:( شاف فنور و قال ) لقيتي باك و نسيتينا ا نوورة ..! عنداك تكبري و تجي تخبعي عندي منوو .. نتي لي بعتينا ..!
محمد اميين:( ضحك رامي يديه مور بسمة مراتوو ) اودي غير كتشوف باها كتنسانا كاملين .. باركة عليها غير الباشا ..!
حكيم:( ضحك كيحرك راسوو ) لي حسدنا ينوض يعاندنا ..!
شريفة: هههه نور غتطلع صاحبت باباها .. باينة غير من صغرها كتموت فيه .. غيولي بيت لخزين ديالها .. غير حكيم صغيور بعوينات المشة اوس جوج ..! ( هزات حاجبها فيه ) يحسن عوانك مع هاذ الزين كامل و فين غتحطوو و تشد عليه باش ما يوصلوه اليديين ..!
عدنان: هههه ها نتوما غتقلقوه لنا من دابا ..! تا تكبر و يحن الله ..!
ملاك:( ردات تا هي ) خيرنا ما يديه غيرنا .. نور ديال ولدي من دابا نعلمكم .. ما كاين لي غيديها من غيرو .. ولد عمتها العسيلة بحال ماماه ..!
حكيم: هه ..! ( شاف فبنتوو و قال ) قلهم ا بابا يبعدو منك .. قبل ما تنوضي تلاقي لهم الريوس ..!
محمد اميين: هههه منين تتلاقي باين ولادك ناقشوو الموضوع .. على الله يغطي عليك و ما يطلعوش متخلفين عقليا بحالك .. أما دابا الاسبقية نعام اسي للمشروع الواجد ..!
بسمة:( شافت فيه مزنكة و ضحكة خفيفة على شفايفها )
شريفة:( وسعات عينيها بتفاجئ و قربات عندها عنقاتها ) حااملة ؟؟ مبروووك مبروووك يتربى فعزكم يا ربي ..!
تفاجئوو كاملين و باركولهم مع تزغريتة فاعلة تاركة من عند حبيبة ..! حتى تسمع الصوني فالباب و دخل حسام لي عاد قدر يجي .. تسالم معاهم تا وصل لعند ملاك و زير على يديها و على غفلة من خوتها قال بصوت خافت كيشوف فتيشورطها الاورونجي ..!
حسام: عوووك عووك خيزوو محكووك ..!
ملاك:( ضحكات بصفورية كتجر فيديها قبل ما ينتابهوو لهم و هما كل واحد فين خايد بالهضرة ) طلق مني .. قبل ما صووصيطتك تتصهد و تشوا .. أما يلا غير تحكات راك مزهار ..!
حسام:( طلق منها و بعناد قال بصوت مسموع لكلشي ) ههههه ا لالة ماري حتى هذا نظر .. ياكما الزين خاصوو البنزين ..!
محمد أميين: ههه ا مالكم ؟
حسام:( جلس مفرق بين رجليه و بهدوء قال ) حتى حاجة .. غير ماري بغات الفتيلة باش تزند العافية .. كاين شي شوا تبرد هاذ الهيشة فيه خاطرها ..!
ملاك:( وسعات عينيها و قالت ) بزاااف عليك تا نكون هيشة .. ما عرفت شكون فينما مشى كيقلب على اللحم كيتسارى برا الثلاجة ..!
محمد أميين: هههه كازانوفا و من لا يعرفه ..!
ملاك: بو بنات ..!
ضحكوو كلهم من غير حكيم لي مصغر عينيه فختوو تا تلونات و تزيرات قالبة وجهها من جهتوو فخطرة ..! و عدنان لي ما كيحملش البسالة د حسام مع ملاك غير كيدوزها بزز منوو و ينبه ختوو مرارا ..!
ضحكوو كلهم من غير حكيم لي مصغر عينيه فختوو تا تلونات و تزيرات قالبة وجهها من جهتوو فخطرة ..! و عدنان لي ما كيحملش البسالة د حسام مع ملاك غير كيدوزها بزز منوو و ينبه ختوو مرارا ..! عارفين حسام ما كيقصد والوو و مولف بالضحك مع كلشي .. طالقها تسرح و لكن داك الجوج ما كتدخلش لهم للراس .. كيعياو يجمعوو فلخر كيتفركعوو عليهم و غالبا على ختهم لي كتجاوب معاه بحال القط و الفار ..!
عدنان لي منين دخل ما هز العين فأسية لي تا هي جالسة كضحك و تبسم معاهم فصمت مزيرة راسها بزز باش ما تشوفش فيه و تعيَّق تا تحصلها شريفة و لا حكيم و هي الوجه ما بقالهاش معاه و من لي وقع ما بقاو هضرو ديريكت .. كيوصلها فسكات و مرة مرة يلوح لها كلمة للضرورة لا غير ..!
سرطات ريقها و نفسها كيطلع مرعد كتزعم فراسها و تزير على يديها تا وقفات قصدات حكيم و بصوت خافت حانية عينيها ..!
أسية: خويا حكيم واخا نهضر معاك بوحدنا ..!
حكيم:( قلب عينيه جهتها بابتسامة هادية كان دايرها مع نور ..! مدها لبسمة شداتها و وقف ) واخا ..!
خوا لها الطريق قداموو .. زادت و هو موراها تال بيتها القديم و شد عليهم الباب .. حاجب الشوفة على شريفة لي الفضول كياكل فيها .. كتسخن الغذا فالكوزينة ..! تا دخلات عندها ملاك كتضور فعينيها ..!
ملاك: نعاونك فشي حاجة ؟
شريفة:( شافت فيها و قالت ) كلشي واجد غير جلسي ..!
ملاك:( جلسات فوق الكرسي و بتردد قالت رادة الباب عليهم ) شريفة نسولك ..! احم دابا نتي زعما مزوجة بخويا و هو فالمخزن .. كي كيجيك ؟
شريفة:( ضحكات ) هههه كيفاش كي كيجيني ؟؟
ملاك:( غمضات عينيها كتسوط و فلخر فكرات تاخذ رأيها ) دابا حسام هضر مع ماما شحال هاذي باغيني للزواج .. ما قلتها لحتى واحد و انا عارفة خويا حكيم ما غاديش يبغي و عليها حسام جا عند ماما هي اللولة ماشي عندو ..! أنا خوتي عزاز عليا و لكن راه صعاب بزاف من الكبير لصغير .. واخا تشوفيهم كيضحكوو راه ماشي د المعاشرة لي أنا باغاها .. و دابا حسام ..!
شريفة:( صغرات عينيها و قالت ) حسام بدا كيعجبك و كيجيك مغاير عليهم .. واخا تا هو صاحب حكيم و خوتك كاملين ..! و خدام فالمخزن تا هو ..! بغيتي تعرفيني كي عايشة مع خوك باش تشوفي واش تا نتي غتعيشي هكاك مع حسام ياك ؟
ملاك:( هزات راسها بالايجاب ) هو زهواني من الطراز الرفيع و عينيه زايغين .. كيشوف قدامي و ما كيحشمش و لكن جاني من نهار هضر مع ماما تبدل و لا كيضسر غير عليا ههه تخيلي سيفطتلوو انفيط بكونط قديم عندي .. عامر بالتصاور و لي زامي .. فوكونط مصوباه ببنت اسبانية كتبان مغربية و كتحمق بالزين قرطاسة ..! و واخا هكاك ما قبلش لانفيط و فاش رجعت سيفطتلوو مسجات .. حدف الدعوة كاملة .. يعني ما باغي يهضر مع حتى وحدة و جمع راسوو بصح ..!
شريفة:( ردات عليها بجدية ) خصكي تعرفي الزهواني لي طالقها تسرح قدامك تلقاي ليه الدوا و لي ساكت و عينيه كيضورو فبلاصتهم كيدير المصائب فظهرك معاه فين غتوحلي ..! حسام مبين لك كلشي و غيجمع راسوو معاك من بعد و تا يلا ما جمعوش راه الزين حبوو مولانا شوفي نتي و ياه كاع هههه الشوفة اللولة عليه و الثانية ضدو ..! ياك عيى يشوف و جا لعندك ايوا راك غير نتي لي معمرة لوو العينين ..! و حكيم علاش ما غيبغيش ؟
ملاك: حيث عارفني برهوشة و هو عينيه فالتين ما غيمشي حتى يخووني شي نهار و تصدق العلاقة كاملة فاسدة بسبابي ..! هو راه صاحبوو و عارفوو كي داير و زيد خدمتهم مريضة ..!
شريفة:( تنهدات و شدات لها فيديها ) خدمتهم مريضة ااه و كتخليهم يتعصبوو و يبداو يألفوو الافلام فعقلهم و يزيرو فتربية ولادهم و شحال من حاجة فشخصيتهم كتعصب و ماشي بالساهل تولفي و تسرطي شي فعايل .. و لكن راه راجلك ماشي هي خوك ..! ما كاينش شي واحد كيتعامل مع مراتوو كيفما مع ختوو .. انا كنشوف وجه ثاني لحكيم و تا نتي فاش غتشدي الباب عليك مع حسام .. عاد غتعرفيه ديال بصح و هاذ السنين كاملة غتضرب فالزيرو بحال عمرك عرفتيه .. عاد غيبانلك على طبيعتوو و يطير الزواق ..! جوج د الناس بطبايع مبدلين ماشي بالساهل يتفاهموو و واحد ينزل للثاني و يخليه يتحكم فيه ..! عليها العام اللول د الزواج كيكون صعيب و زوين فنفس الوقت .. و من بعد راه كتافقوو و تتوالموو بكيفاش غتمشييو المركب ديالكم و ما كيبقاوش الحساسيات بحال فلول ..!
شريفة: عليها العام اللول د الزواج كيكون صعيب و زوين فنفس الوقت .. و من بعد راه كتافقوو و تتوالموو بكيفاش غتمشييو المركب ديالكم و ما كيبقاوش الحساسيات بحال فلول ..!
ملاك: يعني خدمتهم ماشي مشكلة ؟
شريفة: ماشي مشكلة .. فأي خدمة كيكون فيها الصداع و المشاكيل و الواحد هو لي فاش يدخل لدارو يخلي ديكشي د برا .. برا ..! عادي تتبرهشي و يتبرهش معاك راكم باقيين صغار بالعكس غتخلقوو اومبيونص زوينة و التزهوانيت ماشي حاجة خايبة ما دام كيديرها معاك و غتعرفي تجريه لصفك ..! هاذشي يلا نتي كنتي كتبغيه و تا هو و باغى تكملي معاه حياتك .. و اول حاجة شدي ليصونص ما بقالك والوو ليها ربع شهور و لا قل ؟ تما عاد يفاتح حكيم .. يلا كان غيعارض على شي حاجة غتكون على قرايتك ..!
شريفة:( هزات حاجبها ) لا غادي ندير بيك بوق و هاذشي كامل غيوصل لخوك و كثر ..! النهار لي نعرف حليتي فيه فمك عليا معاه و لا مع غيرو .. غير بكلمة .. الطر لي عمري ضربتوو غنضربوو لك و نوريك تانا حلاوة الشوهة و دخول الصحة ..!
ملاك:( عقدات حجبانها ) مسمووومة ..!
شريفة: و افتخر ..! شدي دي معاك هذا فوق الطبلة و رجعي تحطي معايا الغذا ..!
فتحات الباب هازة فيديها الغلاف د الطبلة .. دازت هي اللولة و موراها حكيم بنظرات هادئة طبيعية و أسية جنبوو باينة فيها باكية ..! شافت فيها شريفة و عيطات ..!
شريفة: أسية ..!!؟
أسية:( تبسمات معاها و دخلات عندها للكوزينة ) صافي قالي يفوت الويكاند و نرجع .. من الاثنين نبدا ..!
شريفة:( تبسمات بحنان ) و علاش كتبكي ؟ غوت عليك ؟
أسية: لا و لكن حشمت منوو و ندمت ندمت
سكتات حانية راسها كتشهق رجعاتلها البكية تا عنقاتها شريفة كتنهد و طبطب عليها ..!
شريفة: صافي دابا نساي علينا هاذ الغم و القهرة .. ضحكي و مولاها ربي و حمريلي وجهي معاه بنقطة بحال الدورة لولة ( بمزاح ) عنداك تحمريه لي بالتسرفيق ههههه
أسية: هههههه ما تخافيش ..!
تعاونوو البنات حطوو الغذا بقى غير الثقيل هزو حكيم ..! تجمعوو على الطبلة بالضحك و الهضرة و اشهى الاطباق محطوطين حداهم ..! تاويل و اشمن تاويل و ترحاب و اشمن ترحاب ..! كبرو بيهم تا حشموو من شريفة ..! و موراها تقسموو كل واحد شد صالون جلس فيه ..! الرجال فالصالون الكلاسيكي و هما فالبلدي ..!
ما خلاو حتى موضوع ما هضروش فيه و سينية د أتاي محطوطة قدامهم مع فاكية كيتلفوو بيها الوقت ..! حطات شريفة للعيالات و دات ثاني للرجال .. كل جوج فين جالسين كيهضرو و حكيم داخل فنقاش طويل مع عدنان لدرجة ما انتابهش لها تا دازت من حداه و هضرات معاه يبعد رجليه ..!
حكيم: شريفة غتمشي للبيرو كاين كتاب غلافوو زرق جيبيه معاك هو و وراق بويض خاويين و شي ستيلوو ..!
شريفة:( هزات راسها بالايجاب ) واخا ..!
دخلات للمكتب ديالوو هزات الوراق و الستيلوو كتقلب على الكتاب تا لقاتوو .. استغربات بالجهد حيث د الشريعة ..! من فوقاش حكيم عندو الكتوبة د الدين ؟ تعجبات و هزات كتافها بلا مبالاة ..! عطاتهم لوو و رجعات مكملة عشيتها مع العيالات تا جا وقت كاسكروط و خرجوو الرجال للقهوة مخليينهم بوحدهم .. التلفزة مشعولة قدامهم و الطبلة عامرة ما خلات ما صوبات و حطات ..!
تا وذنات المغرب و رجعوو موراهم .. توادعوو معاهم و شكروهم .. مخليينهم الراس فالراس و نور صافي جالسة معاهم فخطرة ..! ما مشاو تا جمعوو معاها الكوزينة و بالخف هي جبدات الصالونات و شطبات من الفتات ..! عاد وجدات السينية لحكيم باش يتعشى فخطرة ..! دخلات عندو و شعرها كيتحرك معاها بداك البلاياج و التقطيعة .. جاها زوين و لكن اللون شد فيه سي السلطان ما بغى يطلق ..!
حكيم: اجي أ مي غنوو لهنا نتشاور معاك ..!
شريفة: مي غنوو ؟؟ لواه خالتك الضاوية هاذي ..!
حكيم:( حك حاجبوو و ضرب حداه ) جلسي براكة من الفهامات ..!
جلسات حداه حاطة رجل على رجل .. الصدر مدفوع و الظهر مقاد و تا هو معنكر حداها ..! لي يشوفهم يقول هاذو الطوب د العياقة و التكبر ..! مالهم على حالتهم كيتعوجوو و معذبين و لكن فالحقيقة هما مرتاحين على الآخر و بجوجهم مولفين هكاك و هاذي طبيعتهم ..! نور جالسة فالكرسي د الماكلة كتفرج فالتلفزة ..!
حكيم:( شد فيديها مشابك صباعوو معاها ) كنفكر ندفع للتقاعد النسبي و نخرج من الخدمة ..! تضغطت و ما بقيتش مرتاح .. خصوصا فاش تزادت نور .. وقتي ماشي ديالي .. لا فالأعياد لا فالمناسبات و الأيام العادية .. خاصني نرخف على راسي شوية ..!
شريفة:( ردات بتفاجئ ) هو بصح ما كنشبعوش منك و لكن نتا خدمتك كتعجبك و كترتاح فالضومين و عندك مع القانون تا كملتي فيه تال الدكتورة و تجي دابا تخرج ؟
حكيم:( رد بالايجاب ) متافق معاك و لكن الظروف كتبدل .. نقدر نبدل لشي حاجة مرتاح فيها كثر .. ندير مشروع ديالي مثلا .. و بديت كنفكر و نخطط ليه ..! ( تنهد دوز يدو على راسوو ) واخا يلا بقيت فخدمتي من هنا خمس سنين يلا طولت .. غنطلع كراد لعقيد و موراها ل والي الأمن ..!
شريفة:( وسعات عينيها و قالت ) واو ..! والي أمن فخطرة ؟ ( تنهدات تا هي ) و لكن ساعتها ما غنبقاوش نشوفوك كاع .. دابا بعدا كنفوزو بسويعات ..!
حكيم: على هاذشي كنفكر فالتقاعد ..! و عاد هاذ الشهر مرخوف على لي كنت .. حيث غنخرج ثلث شهور على كازا فخدمة ضرورية ..! ( خطط بصبعوو فكفها ) عاد علموني البارح .. سيمانة و غنسافر .. ممنوع التيليفون فخطرة ما غنقدرش نهضر معاك لثلث شهور ..!
شريفة:( رمشات فيه ببطئ و صدمة ) كيفاش ياك نتا خدمتك فكازا ..؟ علاش ممنوع تهضر معايا ؟ نبقى أنا هاذ الوقت كامل كي الحنش المقطوع راسوو ما عارفة لا فينك لا شنوو واقع معاك .. حكييم هاذشي ما فيهش الضحك ..!
حكيم:( هزهز حواجبوو و قال ) تا انا ما كنضحكش معاك .. خدمتي فكازا و كنخرج عليها شحال من مرة .. كيجييو مهمات سرية .. كيجييو دي فورماسيون كيحتاجونا نقرييو فيهم لبروموسيون لي طالعة و زيد و زيد .. الظروف ما كتعرفي منين كتخرجلك و هاذشي مولفين بيه الدار و غير حسام راه عاد رجع مع زواجنا و انا أخرولي غير على ود زواجي لا غير .. و دابا جا الوقت ..!
شريفة:( تزير عليها قلبها تا بغات تخنق ) و باش غنعرف راك مزيان ؟؟
حكيم: ما حد ما جاك تا خبار عليا .. راني مخير ..! ( حك يديه مع كتافها و جرها عندو معنقها ) ما تعمريش راسك بالخاوي .. غترجعي حتى نتي للخدمة و تشغلي مع نور و أسية ..! و يلا بغيتي ما تبقايش بوحدك جلسي مع الواليدة و لا جيبي عندك أسية ..! حتى تلقاوني كملت و راني معاكم ..!
شريفة:( تغرغرو عينيها بالدموع كيلمعوو و تكمشات فيه كتحك حنكها مع صدرو ) و ترجع تدفع نيشان التقاعد .. غيبغييو يعطيوه لك بعدا ؟
حكيم:( حرك راسوو ) حتى يلا ما بغاوش كلشي عندو الحل ..!
شريفة: و المشروع لي باغي تدير ديالاش زعما ؟
سكتات شوية حشمانة تسول و ما عندهاش الوجه لي تقولوو شحال الصاليغ ديالك .. ما حدها لي طلباتها كتحط فوق الطبلة و ما مخسر لها الخاطر فحتى حاجة و غير فخرجة عادية يقدر يخسر عليها الملايين و ما يهضرش و الدار كاملة طاحت عليه بغسيل الفندق هي و الاثاث و التجهيزات فلخر كتبها لها فسميتها بيع و شرا .. فعمرها فكرات تسول ..!
عارفة البوسط ديالوو شحال كيشدو فيه و متأكدة عندو مداخيل ثانية .. حيث لي كيشدوه بحالوو فشهر .. كيخسرهم هو فنص نهار ..! و حكيم يدو متقوووبة بالزايد لا معاها لا مع خوتوو و حبيبة لا حتى مع البراني ..!
شريفة: احم و جامع شي حاجة ليه ؟ زعما راك عارف خاص يكون عندك مداخيل ثانية و باش تطلع مشروع من الزيرو .. فلوس صحيحة غتحط بلا حساب ..! واخا نتا عندك الأراضي غير مشتتين اختار أي وحدة و ديرلها البلان و بدا تطلعها ..!
حكيم:( حرك راسوو و قال ) الخير موجود الحمد لله ..!
حكيم:( حرك راسوو و قال ) الخير موجود الحمد لله ..! المشروع بغيتوو يكون سياحي .. فالطبيعة و الخضورة و الجبال ضايرين بيه .. بحال اوطيل غير هو يكون بالبني التقليدي و مقسم لشاليات كل واحد فجهة ..! و فنفس الوقت تكون جهة كبيرة فيه .. بحال شي فيرمة ..!
شريفة: زعما تبقى تصدر الخضرة و الفواكه ؟ يكون فيه الحيوانات .. المعيز البقر الخرفان و كذا ؟
حكيم:( رد بالايجاب ) وي ..! مركب سياحي كبير .. كاينين اوطيلات سانك ايطوال على البحر للناس لي كيعجبهم الجو د البحر و لكن لصحاب الطبيعة .. قليييل فاش كتلقى شي حاجة دو ليكس ..! من شحال هاذي و انا كنفكر فيه .. الجو غيوالمني تما بزاف و غنرتاح كثر فهاذ الخدمة على لي قبل ..!
جبد تيليفونوو كيوريها كيفاش بغاه و أمثلة لبحال هاذ المركبات السياحية لي عددهم قليل فالمغرب و اوروبا و لكن كيخردلوو العقل .. و حتى الأثمنة ديال الليلة فيهم طالعة بزاااف ..! و لكن فنفس الوقت ممشيين و الارباح طالعين ..! كيجيو لها غير الشخصيات .. شكون و شكون و عاد الكور و تا الطبقة المتوسطة لي كتجمع حصيصة و كيمشييو يتمتعوو لاسبوع بفلوسهم فشي حاجة غوايال ..!
تحمسات و عجبها المشروع .. واخا من ديكشي لي شافت و فهمات راه الملايين غيتحطو كيتشيرو .. و يمكن يبقى الله كريم .. لي قداموو و لي موراه غينزّلوو و لكن غير يوقف المشروع على رجليه غيرجع كلشي مضوبل و هي فالمبيعات و الاشهارات و التسويق ما كاين لي يفوتها ..!
غتخدم معاه من هنا للهيه و تا هو ذيب و عقلوو يوزن بلاد و غيعرف يسيرو و عندو صحابوو و المعارف ديالوو فكل بلاصة .. منهم لي مقطعين كيحتاجهم غير فالبلانات و منهم الناس الهاي لي كيتعاملوو معاه و بيناتهم عشرة زوينة .. غيعجبهم المركب و غيدعموه فلول ..!
شريفة: و الداخل غيكونوو محلات يتباعوو بثمن زايد .. يحطوو فيهم الناس خدمتهم .. زرابي .. قفاطن .. ميكاب ارتيسط .. دي غيسطوو و منهم ديالي نخدم معاك فيه و عاد لي زاكتيفيطي لي تديرهم تما ..! عاودت لك فالرباط شنوو درت ديكشي زوين بزااف و فالطبيعة غتجي واعرة كاع اليوغا ..! و تربي الجمولة كاينين لي كيبغييو يضورو بيهم و يتصورو فالطبيعة ..! و عرفتي فاكادير كاين داك البارك ديال التماسيح و جامع شحال من حاجة اخرى ديال الحيوانات و النبات .. مولاه كاوري تا هو و الدخلة بالفلوس .. واخا شي حاجة قليلة و لكن حتى نتا ديرها لي بغى يدخل للجهة د الفيرمة و يشوف شنوو كاين تما ..!
حكيم:( ضحك من حماسها و قال كيحرك راسوو بالايجاب ) هاذشي كامل غيكون و غنشرك فيه لاصال و اي حاجة تطيح على بالك .. و تما نيت غنبنييو لينا .. بعيد عليهم شوية فالسكات ..! الأرض واجدة و البلان غيتحط قبل ما نسافر و غنخليهم يبداو فيه ..!
شريفة:( بتردد قالت ) و منين غتجيب هاذ الفلوس كاملة زعما ؟ و الريسطوو و الباتيسري ديالي ..!
حكيم: غتبقاي خدامة فيهم عادي .. المشروع ما يوجد على سنين و باقي طريق طويلة فيه و التقاعد ما غيخرجش دابا .. مزاااال يجبدو معانا كثر من الموافقة د الزواج و نهار يوجد و نبداو فيه غتفتحي فرع تما كيفما قلتي و تتعاوني بالريسطوو الاصلي لي فسلا باش تشهري الفرع الثاني ديالك .. غيبقى الماندجر مكلف و نتي من بعيد متبعة معاه الحسابات و مرة مرة تمشي تطلي عليهم و تشوفي الخدمة كي غادية ..!
شريفة:( هزات كتافها بموافقة ) و الفلوس ما قلتيليش ..؟
حكيم:( رد طاوي رجل و مسرح الثانية .. شابك يديه بجدية و نحنح ) هاذشي لي كنت كنتناقش مع عدنان فيه ..! الخدمة ما بغيتش نخرج منها غير على ود تمارة .. بالعكس ولفنا عادي ..! و لكن باغي نبعد على الحرام فخطرة و نفتحوو صفحة جديدة بالحلال مع وليداتنا ..! واخا يلا جينا نشوفوو هذاك ما كيتسماش حرام .. البلاد كاملة قايمة عليه و حنا ما فيدينا ما نديرو .. كنتحركوو على حساب لي زوغدغ " الاوامر " ديال لي فوق منا و لي فوق منا كيجيهم من لي فوق منهم و هي غادية ..! الحشي٠ش بحالوو بحال الدعا٠رة .. اهم حاجة فالاقتصاد ديال اي بلاد و هازين بيهم فوق لي عقلك يقدر يستوعب ..! مرة مرة كيكونوو تمثيليات كنشدو فيهم الريوس لكبار زعما دايرين خدمتنا و هو كلشي مشري و لي ما دا لقليل كيدي الكثير .. و نهار كتبدا تحمحم كيلصقوو لك بروصي يخرجوو عليك .. اللهم الواحد يسل الشوكة بلا دم ..!
حكيم: هاذ الضومين حفينا فيه سناننا و ما بقالنا فين نزيدو كثر ..! درهم د الحرام عمرها دخلات عليكم لا نتي لا دارنا ..! الواليد مور ما توفى و تفك الصداع على الورث .. بعنا كلشي .. الدار و الفران و شي بقعات فالبلاد و بيهم تصرفت فلول ..! شريت الدار د سباتة و جبتهم لعندي كافيينا الصاليغ د الخدمة .. و كمل محمد اميين تا هو قرايتوو و تعاون شوية ..! توسعنا و خدينا الرخصة و زدنا جوج طبقات فالدار الفوق و ربعة د المحلات .. كريناهم و بفلوسهم درنا قهوة و وقفنا عليها كاملين و من حاجة لحاجة تا كبرو المشاريع ..!
حكيم:( رد بهدوء ) كازا .. السعيدية .. وجدة .. المحمدية .. بوزنيقة و بلايص فالطبيعة ما غتعرفيهمش و الفيرمة لي فبوسكورة تا هي ..! قهاوي اوبيرجات محلات و رياض فمراكش ..! و عاد الفلوس د الحشيش كتمشي ديريكت للاراضي .. غتكوني عرفتيني مبلي بيهم و التراب بحال الذهب فيديك عمرك تضيع فيه و نيت عمري ضعت .. كاينين لي غير محطوطين كنخلص عليهم الضريبة ما باني عليهم والوو .. و كاينين لي بنيت فيهم تجزئات و كلشي تباع و بفلوسهم رجعت شريت اراضي جداد و بنيتهم و هي غادية ..! يا ايما كيضورو و يرجعوو لبلاصتهم يا ايما كنشري بيهم العمران فالمدينة نيت ..! الديور غير مشتتين كنكريهم و فلوسهم كلهم كتجمع و ترجع تدفع فالبقع الارضية و حنا مكملين ..!
شريفة:( تبسمات و قالت بتعجب ) صدقتي بخبيزتك ناعس على هاذشي كامل و انا آخر من يعلم ..!
حكيم:( رد ببرود ) نتي لي عمرك سولتي ..! المهم ..! عدنان تشاورت معاه فقضية الحلال و الحرام .. شحال و أنا كنقلب ..! درت حساباتي كاملين .. جمعت الحساب د الفلوس لي شاك فيهم و هما لي غيتحطوو فالمشروع و يطلعوه .. و نهار يوقف على رجليه .. الارباح كاملة غتجمع و غنعيشوو بالمشاريع الثانية لي فلوسها حلال و غير يكملوو الفلوس كاملين لي تحطوو فالمشروع مشكوك فيهم غنتصدق بيهم و نشدو هاذ الباب فخطرة و عاد نتمتعوو و حنا مرتاحين ..!
شريفة: زعما غتصدّق كاع الفلوس لي شاك فيها و تتهنى و لكن حتى توقف على رجليك ( هزات راسها بالايجاب ) فكرة مزيانة و شنوو قال لك عدنان ؟
حكيم:( رد بجدية ) و لقيت النقيض ثاني كيقولوو بلي يلا كتعرف مول داك الفلوس تردهم ليه و يلا مات لولادو و يلا شاك و القضية مخلطة تتصدق بيه ..! و يلا كنتي غتعطي داك الفلوس و غتبقى ربي كبير ما عندك تا درهم .. خدم داك الفلوس ك راس مال لمشروع يوقفك على رجليك و من بعد عاد ردو .. صدقة ليك و لغيرك ..! و حتى عدنان زاد اكد لي هاذ الهضرة و حنا غنمشييو مع الساهلة ..!
شريفة:( حركات راسها ) اوكي مزيان .. من عندي انا معاك فأي حاجة قلتيها .. نبداو خطوة خطوة حتى يحمل الواد ..!
حكيم:( تبسم بهدوء و دوز شعرها مور وذنيها كيلعب فأطرافوو ) حاجة اخرى .. هاذ الشعر ما بقيت بغييت حد يشوفوو من غيري ..!
شريفة:( ردات عاقدة حجبانها ) باغدون ؟؟
حكيم:( لعب بلسانوو ففموو بهدوء ) تتحجبي ا مدام .. صبرت عليك شحاااال تا تفهمي راسك بوحدك و لكن بانلي الاخت ما عوالاش ( غمزها بثقالة )
شريفة:( ميقات فيه و قالت ) ااه ما عوالاش ..! و ما عنديش الفكرة د الحجاب فبالي .. لا دابا لا من بعد .. اصلا كنتخنق و ما غنقدرش نتنفس بيه مرتاحة ..!
حكيم:( ضحك و جرها من عنقها مزير عليها و نطحها بجبهتوو و باستهزاء قال ) غنعلقوو مشنقتك باش ما غتقدريش تتنفسي همم ..!
شريفة: راه بصح كنهضر معاك .. ما باغاش نتحجب و ما منحقكش تفرض عليا شي حاجة أنا ما مرتاحاش فيها ..! ( هزات حاجبها فيه و هو باقي شادها من رقبتها ) النهار لول تافقنا .. أنا الإرادة و نتا التسيير ..! القرارات ناخذوهم بجوج و حتى حاجة ما تكون بزز و انا ما باغياهاش و نتا فيديك العصمة تسيرنا ..!
حكيم:( رد بهدوء ) حتى دابا ما حاطش السيف على رقبتك ..! ( هز حاجبوو فيها ) واش عند بالك صعيب عليا نحكمك و النفس ما نخليكش تطلعيها و قبل تا ما تنوي غير تهضري تضربي الف حساب و حساب ..! واجباتك كاملين تديريهم بالعصا و لا بالخاطر .. فالدار و فالفراش ..! الشمش يلا ما بغيتكش تشوفيها راه كنقسم لك فمي بالله ما تشوفيها ..! و الطلاق جري طوالك فيه .. يلا قدرتي تتطلقي ها البوجور ديالك من عندي ..!
شريفة:( عقدات حجبانها ) شنوو دابا كتهددني ؟
حكيم: كنقولك شنوو كاين ا بنت الناس و هاذشي يلا بغيت نديرو من غذا و لكن واش هاذي عيشة تبغي تعيشيها ؟ ( دوز سبابتوو على شنافتها ) من ديما كنقولك كلشي بالخاطر و راخي لك الحبل .. و واخا هكاك كتصعريني بفعايلك تا عقلي كيبغي يخرج بالغوات .. كنسب و نربب و أنا ما حاسش براسي ..!
شريفة:( ردات جامعة شنايفها ) و كتضرب .. معصب بوحدك مع خدمتك كتجي غير فيا ..!
حكيم:( ضحك كيحرك راسوو بالنفي و باستهزاء قال ) و كنضرب ؟؟ مظلوومة مسكينة ..! ( زاد قربها لعندو ) غتبقاي تسمعي الهضرة و لا غنهرس لك هاذ الراس القاسح ( ضربها بالضحك لراسها ) حلفت ما نعاود نحط فيك يدي و تا نتي باركة من التبرهيش ما تخلينيش نخسر معاك كثر ما انا خاسر .. راه باغيين نثوبوو ا مي غنوو ..!
شريفة:( ضحكات من السمية و ردات بهدوء ) حتى انا تبدلت و كنحاول نصلح من راسي و لكن الحجاب انا ما مقتانعاش بيه .. كنسمع لهضرتك و كندير بيها و عارفة يلا ما بغيتش نديرو تقدر تحبسني فالدار كاع و لكن واش ننافق راسي و ربي ؟؟ أنا خايبة و ما كنسواش و لكن ماشي منافقة ..!
حكيم:( تنهد و بهدوء ضار عندها كامل طاوي رجليه .. شد فيديها و قال بالخاطر بحال كيهضر مع بنتوو ) عارف عندك ذكريات خايبة على الدين بصفة عامة ..! كتفكري الله فين ما يتزير عليك الحال .. بحالنا كاملين .. يعني قلبك زوين و متعلق بيه و هاذشي مزيان ..! من بعد لي دزنا منوو راه خاصنا نشدو فديننا شوية ..! بداي تصلي بحالي و تقراي عليه شوية .. غتبدلي رأيك فشحال من حاجة .. غتنساي الفقيه و شنوو كان كيدير بالقرآن و غتنساي كلشي ..!
شريفة:( تنهدات و قالت ) غنحاول و لكن انا كنشوف الدين بعينين .. واحد خسر عائلتوو كاملة فانف٠جار ارها٠٠بي ..! و ما بقالوو حد بسباب شكون ؟ بسباب بزاف شادينوو من زكوو ..!
حكيم:( رد بهدوء و استفزاز ) دونك نتي بهاذ السطحية كاملة ..! متطر٠٠فين ما عارفة امهم منين جايين و ما جامعك بيهم حتى حاجة .. غيكرهوك فالنور د الدنيا و لاخرة ..؟ ( هز حاجبوو ) يعني دابا ساهل اي واحد يجي يخليك تكرهي شي حاجة عزيزة عليك بزايد و نقية غير حيث هو تفكيرو عوج بحالوو و مريض فمخوو ..؟ تسمحي فشي حاجة غتقدر تريحك للماكس على ود بنادم ..؟ بففف هاذي جديدة عندك ..!!!
شريفة:( غمضات عينيها كتسوط و تغزز شنايفها تا فتحات عينيها فيه شانقة عليه من الكول ) علاش لوالديك نتا هاكا ؟؟ اعععع كتعرف تقنعني و تلعبلي على المحاسيس ..! لااااا انا ماشي هكاك و ماشي سطحية ..!
حكيم:( رد باستفزاز قرصها من جنبها تا قفزات و رخات منوو ) بيني ليا ..!
حكيم:( رد باستفزاز ) بيني ليا ..!
تسمعات موراها غوتة د نور كتبكي و تعاود حتى ناضت هزاتها عندها كتسكت فيها و تبوسها فحناكها مدلعاها ..! عاد تهدنات حاطة يديها على صدرها و مكمشة وجهها فيه و الشنيفة مدلية .. حساتهم نخلوها و خلاوها بوحدها ما ارتاحت تا جابوها قدامهم ..!
شريفة: خليني نفكر و نشوف ..!
حكيم:( رد بهدوء ) عندك ثلث شهور فيديك .. قراي و بحثي و فكري بالشوية عليك .. فاش نرجع عطيني جوابك ..! و بعييد على الدين ..! أنا مراتي ما نقبلش عليها تخرج للشم٠ايت يدلييو عينيهم و ما كفس عليها ( غمزها بمعنى الفاهم يفهم ..! ) السترة مزيانة ..!
شريفة:( تنهدات ساكتة كتضور فعينيها )
حكيم:( زاد قال باقناع ) من ديما كنقولك نتي جوهر حر عندي ..! خاصك غير الحجاب و تكمل الصورة فعيني و تا نتي غادي يعجبك و غتلقاي راحتك فيه و تخرجي ستيل ديالك ..! نتي ماشي خايبة و ما كتسوايش كيف قلتي .. بالعكس .. نتي مميزة على غيرك و خاصك تبقاي هاكا ..!
شريفة:( كتهزهز رجليها بنور ) نبقى هاكا .. يعني نبقى شريفة لي عرفتيها اول مرة و بغيتيها .. ما يمكنش نبدل فشكلي باش نتا تكون مرتاح ..! كتغير عليا .. هاذي مفهومة و لكن نتخشى فكيس باش الكلا٠ب ما يبقاوش يشوفوو هذا ماشي حل ..! من نهار ولينا بجوج فغولاصيون سيغيوو و انا محتارماك و كنرد البال لحوايجي و تا المكياج نقصتوو بزااف على لي كنت ..!
حكيم:( بدا يطلعلوو الدم و عيى من الهضرة .. زفر النفس بعصبية و رجع قال كيبرد ..! ) نتي فمن عينيك ؟ فيا و لا فالبشر يشوفوو شعرك و لحمك ؟ لاش غتعريه لهم ..! زعما هما ما عندهمش لي عندك و غتبهريهم ؟ غتلبسي و تتعراي معايا و تديري لي عجبك و فالزنقة غتستري ..! التميز راه ماشي فالعرا .. ما كاينش شي واحد فينا كيشوف مراة مقزبة كيبغيها و يشوف فيها بشوفة ماشي مكب٠٠وتة ..! بلاصتها معروفة فين و الله يعاون .. هي لحمها رخييص عندها و كتبينوو غنهزو لها حنا الهم ..!
شريفة:( غمضات عينيها .. فقصها بهضرتوو ..! من جهة قنعها و من جهة ما باغاش و عندها فكرة مسبقى خايبة على الموضوع كامل ..! ) الصمت
حكيم: فاش تكوني فشي مجمع كلشي معري بزازلوو كيتشمشوو و نتي داخلة مستورة بحجابك و منورة ..! راه كتكوني مميزة عليهم ..! فين عمرك شفتي شي ملك و لا اميرة كتلبس بحال الشعب ..! و الدين رد المراة بحال الملكة لا فلباسها لا فهضرتها لا فسلامها ..! كتعز راسها و ما كتسلم غير على الحاشية ديالها .. لي يلا قلبتي غتعرفي شكون ..!
سكت ما بقاش زاد حدو تبسم معاها بهدوء و تبسمات تا هي .. تعشى و كلى لي كتب الله و ناضوو بجوج لبيتهم .. نور مع شريفة كتبدل لها و تلعب معاها و حكيم دخل توضى و خرج كيمسح فوجهوو ..!
شافت فيه و قلبات وجهها باش ما يقولهاش نوضي صلي معايا .. حركة مفروطة ضحكاتوو و ميك عليها تا هو ..! طلق السجادة و صلى العشاء ..! عاد جلس حداهم .. شاد فنور كيمشيها فوق الناموسية و هي كلها كترعد و رجليها كيتعوجوو ما تابثينش .. عينيها خارجين خايفة تطيح و البكية واجدة .. تا وصلات لصدرو و عنقها و طلقاتها بشهقة ..! مخلايهم كيضحكوو عليها تا قالت شريفة ..!
شريفة: دابا حتى نتا غتولي من ماليين اللحي ؟ و قال الله .. قال الرسول ..؟ و فاش نجيو نديرو نونو فالثقيبة غنبداو نذكرو الله داخلين على الجهاد على القوم الظالمين ماشي كنديرو الساكوفاح ..!
حكيم:( خنزر فيها و قال ) هاذشي ماشي ديال الضحك ..!
شريفة:( ردات كتهز كتافها ) تا العريس و عروستوو فليلة الدخلة .. كيصلييو جوج ركعات قبل ما يتسفحوو على بعضياتهم و هو مقيم و داك الصلاة كاملة كيدوزها كيفكر منين يبداها واش الفوق و لا لتحت و هي كتوجد راسها تشوف البنان و البيض د سي السلطان كي داير ..! تا هاذشي ما كيضحكش .. اربي علاش غنافقوو بعضياتنا ؟
حكيم:( غلباتوو الضحكة و ضحك تا صدرو بدا كيتهز ) كارثة متنقلة هاذي ..! قلنا لك غير تستري و جربي تبداي تصلي لا غير .. ماشي غتولي مع داع٠٠ش ..!
شريفة: اييوا ما نعرفت لك ..! كلشي كيبدا هاكا .. غتدوز ست شهور تقولي بغيت ندير التعدد حقي فالدين هذا ( وسعات عينيها ) و الخدمة لي شاداك عليه غتكون باااحح و داك الساعة و الله تا نتعرى عليك يا ودي يا حكيم ..! تفكر فيها فمنامك و الله تا نشلضوو لباباك ..!
حكيم:( شاف فيها بقلة حيلة و قلبها ضحك ) الله يهدي ما خلق ..!
شريفة: ايوا بااااز ..!
سكتوو كل واحد ناض يدير روتينوو قبل من النعاس .. شريفة ضروري تتهلى فراسها و تاخذ وقتها الكامل و تا هو كيعجبوو يشوفها هكاك كيستمتع ..! تا كملات و تخشات فبلاصتها و نور وسطهم كتكور و تبجغط ..!
شريفة: شنوو يا هاذ المشة ما غتخليناش نعسوو .. غير نتي شبعانة نعاس و حنا نبقاو سهرانين معاك .. هاا ( هراتها فكرشها تا تكمشات كتضحك و صوتها مسموع ) هوووف عيييت لبارح و ليوم باغى غير ننعس و نرتاح ..!
بداو عينيها كيتغمضوو بتعب و بلا عكز عليها حطات راسها على فخاض حكيم و هزاتلوو يديه حطاتها على راسها كتحك شعرها بيديه .. مدة و رخاتها و خلاتوو هو كيلعب فيه و فأطرافوو ..! نعسات مع حركاتوو الحنان تا بداو كيتسمعوو شخيرات صغار منها و نور غادية لها كتضحك و تكور .. تا خطفها حكيم و قال بضحكة
حكيم: ششش خلي ماما ناعسة ..!
قاد لها راسها فوق خديتها و غطاها .. و خرج من البيت هاز عندو نور .. دخل للكوزينة فين دارت شريفة لهاية نور تسلق باش تعمق و يحيدو منها الميكروبات ..! نفضها من الما و عطاها لها كتمص فيها متكية عليه و هو كيتحرك بيه فالصالون و يراري بيها تنعس ..!
تا طلقات اللهاية و مصات شنافتها التحتية واكلاها ههه .. عندها الفوقانية كبر من التحتانية و من صغرها و هي حاكرة على داك الشوينيفة ..! و واحد اليد .. سبحان الله ديما دايراها تحت حنكها مطاكية بيها راسها .. كتشم فريحة باها لي ولفاتها و ولفاتوو هو ينعسها ..!
صبح الصباح عليهم فجو عائلي دافي ..! فرحات شريفة فاش عرفاتوو غيبقى معاهم هاذ السيمانة ما خدامش حتى غيسافر ديريكت ..! و بسعادة بدات كتوجد راسها هي و نور باش يخرجوو و علمات تا اسية بلي غيدوزو عليها ..!
حكيم بلباسوو السبورتيف لي كيرتاح فيه و جاكيط سخونة من الفوق مع كاط فرجليه .. هاز نور لي تا هي بالكساوي يا وعدك و المونطوو د الفرور و الشعير مجموع كرينات ملولب و الريحة كتهبل ..! و لداخل فالبيت واقفة شريفة بلباس مستور راقي و سخون .. شادة واحد الفولار عندها من عهد الفينيقيين كتعوج فيه باش تديرو و تشوف راسها كي غتجي .. بقات تتعوج و تعيب و تتلوى تا لاحتوو و قادات راسها خارجة عندو كتطقطق بالطالون و ريحتها سابقاها ..!
شاف فيها و مد يديه بدون تعليق .. عاطيها وقت تقتانع فيه و من تما ديريكت شدو الطريق لعند اسية ركبات حدا نور اللور و مشاو لبارك سندباد ..!
بغاو يفاجييو على البنات صدقات شريفة و حكيم لي كيلعبوو ..! لسقاتوو لسقة د العداو كتكركر و تضحك ..! و نور فلابوسيط كتنقز و تطبل بوحدها فرحانة هي و أسية لي زاعمة معاهم تا كيجربوو الحاجة عاد كتبعهم ..!
هازة شريفة سهم فيديها حانية رجليها شوية وحدة مسبقاها على الثانية و كتشير بيهم للنافاخات خاصها تطرطقهم و يلا قاست شي وحدة تختار الكادو لي عجبها ..!
شريفة: هووب هووب هووباااا بفففف ما قستهاش وحدة اخرى وحدة اخرى ..!
حكيم:( ضحك عليها و شير براسوو ) أراي تشوفي ..! ( عطاتوو و وقف مقاد ظهرو و رجليه مصغر عينيه .. ضربها تا طرطقها و شاف فيها بابتسامة مبين على سنانوو و غمزها بثقالة ) ها خدمة المعلمين ا الفنيانة ..!
شريفة: هيهيهي حضي السقف لا يمشي يطيح علينا
..! اسية شنوو تاخذي ؟ هاذ ميكي ماوس زوين ..!
عطاوها اختارت لي بغات و لعبات تا هي و من تما دازو لبلاصة اخرى فيها قوس ديال الصيد و طابلوو بعيد مرسوكين فيه الحيوانات خاصك تصيدهم ..! هز حكيم نور عندو غتطير بالفرحة و اللوان ديال المظولة لي تما معلقينهم فالسقف كديكور داو لها العقل فخطرة ..!
الاصفر و الاحمر و الاخضر و الازرق .. و باطوو صغير فيه الما و سفن صغار واقف حداهم قبطان دبال القراصنة بالطربوش و العوينة كحلة ..! و العباية فالاحمر مفتوحة .. خذا عندو نور كيلعبها تا شبعات و خداو لها و ليهم تصاور كثار عاد تحركوو ..!
بارك زوين صالح للدراري الصغار و الكبار يفوجوو فيه و ينشطوو ..! و لي عزازين عليه الحيوانات كيمشي يشوف عودان صغار بويض محنيين لهم مزال يالله تولدو بشوية و المعيزات و الخرفان صغر من نور نفسها .. كيحمقوو بالزين ..!
ما تقدرش ما تمشيش تهزهم و تلعب معاهم و شريفة كتزعم فأسية و نور لي لاسقة فباها و كتبحلق بعينيها فشنوو هاذشي لي جديد و غريب عليها ..!
دوزو نهارهم كامل اونسومبل تا طاح الظلام عاد وصلوو اسية و دخلوو بحالهم ..! كيفما دازو ايام السيمانة كلها و بدات من دابا شريفة كترجع للخدمة باش تولف و تشوف واش تقدر على الحمل ديال نور معاها النهار كامل و لا تخليها لحبيبة تا ترجع موراها فاش تكمل ..!
و لكن تمشات مزيان و أسية رجعات لقرايتها و السوايع كيوصلوها تال الدار د سباتة و منين كيكون عندها لاصال كيوصلوها ليه ثاني و حكيم خايد كيبيع فالأراضي و الديور ديالوو .. كيجمع الفلوس لي غيطلع بيهم المشروع ..!
شرك ثلاثة د الأراضي قد ما مايلهم فموقع كيخروض العقل ..! قاد وراقوو و تحط البلان كامل و شاف مهندسين صحاب محمد أميين درسوو معاه و زاد كيقلب على مهندسين د الديكور لي يصرعولوو شنوو باغي .. من بعد ما يطلع الشونتييو و يرمييو لافاصاد ..!
أيام الله كتمشي و تجي حتى دازو "عاماين" على أبطالنا ..! شريفة تبعات مع الطبيب النفسي حتى ارتاحت و حلات عقدها كلهم .. و واخا هكاك بقات على نفس قرارها .. ما تتلاقى باها ما تشوف خوتها .. لي تا هما ما رجعوش قلبوو عليها .. كل واحد عايش حياتوو ..!
شخصيتها زادت قوات و ثقتها فنفسها كبرات نهار على نهار و هي كتشوف احلامها كاملين كيتحققو ..! الريسطوو و الباتيسري خدامين مزيان .. ساكنة ففيلا ديال التضخيم بتصميم تقليدي بالحجر و القرمود كيسطييو وسط الشجر و الطبيعة ..! فمشروع احلامهم لي كل مرة كيزيدو فيه و يوسعوه بالتدريج .. واقفين على نجاحوو بجوج .. شدات التاسع ديالها و كتقرا فالفراغ باش تدفع لباك ليبر فاش يكملوو ثلث سنين و متمنية تاخذو بمونسيون .. واخا ما غتكملش و لكن على الاقل نجاح لنفسها و طفولتها الضائعة ..! و باقتناع دارت الحجاب و تسترات .. و تا فالسكنة ديالها الحالية لاقية راحتها حس را٠جل ما كيضور جهتها .. تخرج و تحرك كي بغات .. تا كتمشي للبنايات لداخل عاد كتلبس عليها و فاش كيخرجوو للزنقة ..!
صحتها رداتها و ولات حسن من لي كانت و غير خرج لحكيم .. التقاعد النسبي مشاو لدبي دارت التجميل باغى تحيد مخلفات العملية لي بقاو باينين فلحمها و غير كتناساهم و متقبلاهم ما دام حكيم متقبلهم تا هو ..! حكيم لي تا هو رجع للسبور و البوكس لي كيحماق عليه و بدا كيشارك فمسابقات وطنية ..! ارتاح و والموو الجو بزااف ..!
حتى الاعصاب نقصوو و ما بقاش كيسخط على ابسط حاجة و يتعصب عليها ..! منين كيبعد الانسان على الضغط و المشاكل اليومية تا النفسية كترتاح .. واخا ما يكونوش مشاكلك نتا .. كيأثرو عليك بزايد و نتا كتشوف أم ذبح٠ات ولادها و تبعاتهم و لا را٠جل قت٠ل موو و لا امثال ايوب و عموو لي كيستغلوو طفولة و نعومة ولاد صغار ما عارفين والوو فهاذ الدنيا باش يرضييو شهو٠٠اتهم المكبو٠٠تة ..!
الواقع صعييب و فيه احذاث صعب من الخيال كيضرو فالقلب و كيخلي الواحد يكون محسوس و يتوقع الشر من كاع لي ضايرين بيه و ديما على بال .. حاضي و مزير على راسوو و لي ضايرين بيه .. النفس ما يطلعوهاش ..! لي غاص و عاش فالكوميساريات يلا ما كانش قلبوو حديد و حجر .. دغيا يغرق فداك العالم و ما يقدرش يفصل حياتوو الشخصية على العملية .. غيبقى ديما مريض و موسوس لا هو مرتاح لا لي ضايرين بيه ..!
و بهذا حكيم شرا راحتوو و راحة عائلتوو .. لي كل واحد فيهم عايش بين تقلبات الحياة .. مرة ضاحكين مرة معصبين .. كيفوو كيف شريفة و اي واحد فهاذ الدنيا .. النقاش ضروري منوو فالعلاقات و الدباز هو الملح د الزواج لي كيقرب بين جوج و كيحلي لهم الجمعة ديالهم بداك المصالحة لي كتجي عفوية ..!
اسية فاش شدات التاسع ديالها بنقطة ممتازة .. دفعات باغى تكمل قرايتها ف era " l’Ecole Royale de l’Air " ديال مراكش .. هي مدرسة عسكرية فيها ليسي و من مور الباك عاماين كلاس بريبا و ثلث سنين هندسة يا ايما ف pilotage و لا système Aéronautiques ديال الطياير ..!
استغربوو فاللول و لكن دعمها حكيم بزااف و بغاها تدير هاذ الخطوة باش تنجح فحياتها و تولي قادة براسها .. سيسطام د era من اصعب لي سيسطام لي كاينين .. كيفما فالمخزن كامل و غتحك ديال بصح و من زياراتهم ليها لاحضوو فرق كبير فشخصيتها لي تبدلات على لي كانت .. خصوصا فاش عدنان ميك عليها فخطرة و هو سيليباطير و ما فعلاقة مع حتى وحدة .. شاد هاذ الباب فخطرة هاذ الساعة ..!
و كيفما الأغلبية زاد بحياتوو للقدام .. ماري تا هي نفس الشي ..! من بعد ما شدات ليصونص تزوجات بحسام و كملات قرايتها تا شدات الماستر بعد تعب طويييل ..!
الصيف وصل و الراحة و السياحة بدات كتطل عليهم ..! قررو يتجمعوو كاملين فالمنتجع السياحي د حكيم و شريفة ..! بما أن الخوت تفرقوو و كل واحد فين داتوو الدنيا .. بيناتهم غير التيليفون و قليل فين كيتجمعوو كلهم فبلاصة وحدة فنفس الوقت ..!
ف هاذي فرصة يفرحوو بنجاح أسية فالسيزيام و ماري فالماستر .. و تتلم العائلة من جديد و يفرحوو تا حبيبة بجمعتهم ..! حبيبة لي من بعد اقناع طوييل عاد قبلات تخرج من الدار د سباتة و ولات كل مرة جالسة عند واحد فولادها و فينما ترشق لها يطلعها خليل عندو لألمانيا .. شابعة فشوش و تخنات منهم ..!
***********************************
هابطة فالدروج بفراشة عصرية فالباج موردة ..! شعرها هابط شوية على كتافها .. كحل بحال ظلام الليل مقطعاه ديكرادي ايفيلي ..! ضاربة تكحيلة على حقها و طريقها لعينيها و مرطب لشفايفها ..! مجوهرات خفاف فوذنيها و عنقها و يديها مع خاتم د الزواج ..!
شادة فنور لي نازلة معاها حتى هي مطيبزة و فنييونة لي شافها كيسهى فيها .. تبارك الرحمان فاش كيتجمعوو الحروف الزينين و براءة الطفولة و التشيطين كيعطيو واحد المزيج حلوو ..! ملبساها سالوبيط د الدجين و تحتوو تيشورط بيض فيه ارنوب صغير فالصدر ..! كتنقز فرحانة غتشوف عمتها ماري لي سبقاتهم واصلة قبل منهم كاملين ..! و داك الشعر كلوو ملولب و ذهبي مجبداه لها شريفة و جامعاه لها كوب شوفال .. كيمشي و يجي معاها ..!
ضحكات من الوذن للوذن و قالت و هي كتطلع و تهبط فماري لي بلباس عصري و الشعر طويل مطلوق و مكياج خفيف ..!
شريفة: هاي هاي على الزين و انا كنقول مال الدار منورة هاذ النهار .. قولي ماري عندنا .. نهار كبييير هذا مرحبا بيك ..!
بدات تدفع فيها نور تا طلقاتها غادية بداك القزيبة كتبومبا موراها منفوخة بليكوش ..! طارت على ماري عنقاتها و تا هي ضحكات معاها هازاها عندها كتبوس فيها تا خلطات عليهم شريفة سلمات بحرارة و جلسوو فالصالون .. هضرة تدي هضرة و ماري كل شوية تتنهد بخنقة ..!
شريفة:( هزات حاجبها ) ياك شي باس ما كاين ؟ مالكي نتي هاذ النهار منين وصلتي و نتي كتسفيلنا فالهوا .. شوية و تقاضيه .. غارقين لك لبابر فالبحر بلا خبارنا ؟؟
شريفة: و نفيقوو باباه .. شنوو غيمشي لنا كاع ..؟ ( دوزات يديها على ذراع نور و قالت بهدوء ) مامي طلعي عند باباك قولوو عمييتوو جات ..! يالاه ا الفنون ديالي ..!
شريفة: اييه سيري فيقيه و عنداك فالدروج ..! ( تبعاتها بعينيها تا مشات كتعوج و بجدية ضارت لعند ماري ) فين هو حسام ؟ جيتي بوحدك ؟
ملاك: وصلني و رجع عندو شي خدمة اليوم .. غذا يكون معانا ( لعبات بعينيها بتردد فلخر طلقاتها ) نقولك شي حاجة و تبقى بيناتنا ..!!! فففف شاكة بلي كيخوني ا شريفة ..! ( عينيها دمعوو ) مرضت فصحتي بالتفكير و ما قادراش نهضر معاه نيشان ..!
شريفة:( ردات هازة حاجبها بجدية ) شفتي عليه شي حاجة زعما ؟ علاش شكيتي ؟
ملاك:( تنهدات ) حسييت و ما يمكنش نكذب قلبي لي كينغزني و تا هو تبدل ما بقاش كي كان .. فعايلوو تبدلوو معايا ..! زهواني شنوو غنتسنى منوو ؟ غيبقى ديما زهواني و بو بنات ..! ( سمعوو صوت حكيم هابط مع بنتوو و بالزربة قالت ) صافي بدلي الموضوع .. عنداك تقوليها لحكيم غيضور فيا ضورة د العداو .. انا لي درتها لراسي ..!
سكتات شريفة كتشوف فيها مشوشة و ملاك وقفات مبتاسمة مع خوها و تفكيرها كلوو فالنهار لي هضر حسام رسميا مع حكيم و نوضوها بيناتهم بثلاثة .. شعلوو شعلة وحدة كلهم ..! و دابا نادمة اشد ندم على شنوو قالت ليه و كتمنى كن لسانها تقطع و ما كانتش هضرات .. على الاقل تلقاه فجنبها فمحنتها ..!
"فلاش باك"🔥
مجموعين فالصالون عند حبيبة ..! دازت ثلث شهور على السفرة د حكيم .. رجع بمدة لا بأس بيها و كمل خدمتوو عادي حتى يخرجلوو التقاعد النسبي ..! الخوت كاملين حاضرين من غير خليل ..! و معاهم حسام .. لا غير ..!
ملاك فبيتها فاتحة الباب مشققاها شوية كتصنت لهضرتهم ..! ما خلاو تا موضوع ما هضرو فيه .. بنقاشاتهم الرجالية و هي كتغذذ بوحدها .. خاصها يطلقها سي كازانوفا و يهضر عليها خلاص ..! مدة و عاد تجبدات الهضرة من عند حبيبة ..!
حبيبة:( برزانة ) اليوم جمعتكم عندي على موضوع مهم .. باغيين رضاكم عليه و خصوصا نتا ا حكيم ..!
شاف فيها بهدوء كيستنتج فصمت .. نحنح و رد باختصار ..!
حكيم: الله اودي .. آتي ما عندك ..!
حبيبة: حسام واحد منكم .. خوكم و صاحبكم .. خدمتوو بجوج و جمعاتكم الظروف و شفتوو معدن بعضياتكم و لمستوه ..! و تانا حسبتوو ولدي .. عزيز و غالي عندي و ما نخيرو قدام ولاد الناس ..!
حسام:( رد باستحياء ) الله يحفضك الواليدة ..!
حبيبة:( حركات عينيها بالايجاب ) ما قلت غير لي كاين و كلهم عارفين هاذشي ..! بلا ما نطول عليكم .. حسام طالب راغب فختكم ماري للزواج ..! جايا لست شهور و لا كثر و هو مفاتح معايا الموضوع .. بغى يسمع مني و من ماري باش يتهنى بالوو و يهضر معاكم حتى نتوما ..! شنوو بان لكم ؟
عدنان:( بهدوء ) بغى يدير الحلال و شرع الله .. ربي يكمل بالخير يلا كانوو بجوج مفاهمين ..!
محمد أميين:( رد بتفاجئ و ضحكة متعجبة ..! ) حسام و ماري ؟؟؟ هههه ما عرفت ما نقول ..! ا سيدي مبروك من عندي يلا كانت هي قابلة ما كاين ما نزيد ..!
حسام:( تبسم معاه كيشوف فحكيم لي ما هضرش فخطرة .. كيلعب بلسانوو ففموو بملامح باردة ) حكيم ؟؟
حكيم:( هز عينيه و حاجبوو فيه مفيكسي الشوفة و من بعد قال بكل برووود و هو واقف ) هضرت معاك .. را٠جل لرا٠جل .. قلت لك تقلب على ملاك و الطريق لي كتوصل لها .. خيالك ما يعاود يقرب من جهتها ..! ( باستهزاء ) الفهم عندك ثقيل و لا أنا لي ما عرفتش ندخلك الهضرة لقلب دماغك ..؟
حسام:( وقف تا هو مشى عندو مقابل معاه و قال ) علاش غنقلب عليها ؟ ما بغيتينيش نضور بيها و حنا ما جامع بيناتنا والوو و من حقك و لكن دابا أنا باغيها للزواج ..!
حكيم:( حنا راسوو شوية كيحك فحاجبوو و رجع هزو فيه ) ما كاين زواج ا حسام بلا كثرة اللغى .. ختي ما غنعطيهالكش .. نتا عارف و انا عارف علاش و هاذ الدورة كاااااملة لي داير باش تكتفني قدام يّما .. ديال الدراري الصغار ا با حسام .. باغي رضانا ..؟ مزيااان ..! ما عندنا بنات للزواج ..!
حسام:( صعر و رد بالغوات ) كيفاش ما كاين زواج ؟؟؟ و نتا شنوو مشى لك ؟؟ البنت قابلة و نتا غير خوها ماشي باها .. باش تتحكم فيها هاكا ..! ( برد النفس فيه و الخوت كيتفرجوو فصمت عاقدين حجبانهم ..! و بندم رجع قال ) داكشي لي فبالك عمرو يكون و ماري غنحطها فعيني و كثر .. ماشي صبرت عليها هاذ الوقت كامل باش فلخر نضيعها من بين يدي ..! نتا خويا قبل ما تكون خوها و ما باغيش نخسرك ..!
حكيم:( شاف فيه عاقد حجبانوو و رد معلي صوتوو ) ملاااااااك ..!
غوتة وحدة منوو قفزاتلها قلبها .. خايفة من شنوو جاي و بلا ما تزيد تتعطل خرجات عندهم كتعكل فحوايجها .. يديها عرقانين و الريق نشف لها فحلقها ..!
ملاك:( قربات منهم حانية راسها ) وي خويا ..!
حكيم:( رد بجدية طالعلوو الدم للحد و قدام حبيبة ما قادرش يهضر .. شاد لسانوو و يديه بزز على حسام ..! ) حسام بغاك للزواج ( رفع حجبانوو بجوج فيها ) و أنا عطيتوو جوابوو .. ما عندنا بنات للزواج هاذ الساعة .. كنتبرا منك قدامهم كااااملين .. نهار نلقاك معاه فبلاصة وحدة ما تلومي غير راسك ..!
تنهد حسام كيحك فعنقوو .. عارف حكيم علاش ما قابلش و فاهموو .. من غير الصحبة لي جامعاهم .. كاينة الخدمة المشروكة بيناتهم .. حفظ حكيم و عارفوو كيفاش كيفكر .. ندم علاش ما سبقش هو منوو و هضر معاه الراس فالراس و وضحوو الأمور عاد تجمعوو معاهم ..!
يالاه غيهضر و يطلب منوو يطلعوو للسطح بوحدهم يتفاهموو .. كانت نطقات ملاك مزيرة على يديها كترعد و عينيها خارجين فالأرض ..! الهضرة زلقات و دخلات لوذنين حكيم و كاع لي فالصالون بحال السيف ..! صدماتهم كلهم و أولهم حبيبة ..!
ملاك: أنا باغياه .. بغيت نتزوج بيه .. كيفما حتى نتا ديتي شريفة .. سكايرية و مبلية بالشراب و الكارو و درتوو علاقة فالحرام كاع تا حملات و طاحولكم التوام منين ضربوها و سكنتوو بجوج و هي مريضة مور العمليات بلا ورقة بلا والوو ..! تانا باغاه كيفما هو و غنصلحوو بعضياتنا .. شنوو الفرق بيناتنا ..!
غير كملات طلقات النفس فيها و وجهها بدا كيمشي منوو اللون .. نسات راسها و ما عرفات كي دار الكلام زلق لها ..! هاذشي لي قالتوو هو لي كانت كتفكر فيه منين بداو الهضرة على موضوعها كتقرا تصرفات حكيم .. و لكن الجرأة منين جاتها ما عرفاتش .. ثانية قلبات الصالون من نقاش بصوت مرتافع .. لصممممت ..!
محمد أميين و عدنان وقفوو مصدومين منها اما حسام خلاص ..! كلهم عارفين شنوو واقع و عمرهم جبدوه حيث ما كيخصهمش ..! من غير حبيبة لي مقلوبة عليه القفة ..! تصدمات و ما عرفات تسول و لا تسكت و لا حتى تهرب بنتها من قداموو .. قبل ما يدير فيها شي كارثة ..!
حكيم:( هز يديه تال السما و رجع رخاها تضربات مع فخضوو و دور عينيه عليهم كاملين و رجع شاف فيها ثاني و بزق حدا رجليها ..! ) هنا حديناها انا و ياك .. تزوجي و لا تطلقي .. حياتك هاذي ..! نهار تجي تشكي عليا غنتنخم عليك فقلب وجهك ..! ( خسر ملامح وجهوو ) هذا ما صدقتي كتسواي .. خسارة ..!
تخطاها و خرج مع الباب مخليهم كيعيطوو عليه باغيين يتبعوه .. تا ركب فطونوبيلتوو و كسيرا طاير ..! الدار موراه مقلوبة .. عاد ملاك رجعات عليها الندامة بشنوو دارت و حسام لي حس براسوو هو سباب الصداع كامل و خرج تا هو كيصوني و يعاود لحكيم و والوو .. كيقطع عليه و فلخر طفاه فخطرة ..!
حبيبة ضرباتها الساكتة و عدنان و محمد أميين صاعرين على ملاك ما خلاو فيها غير لي نساو ..! أما حكيم وصل شاعل للدار فتح الباب و دخل زادحها من موراه تا خرجات شريفة كتجري ..!
شريفة: شششش نور عاد نعسات غتفيقها ..! ( شافت فحالتوو .. عروقوو خارجين .. وجهوو حممر و عينيه مطرطقهم فيها مزير على يديه .. بخوف عليه قربات حطات يديها على حنكوو تا بعد ) مالك ؟ شنوو واقع ..!؟
حكيم:( رد بعينين مطرطقين و بجدية ) من اليوم ما نعاودش نسمع حس ملاك فهاذ الدار ..! ( هز صبعوو فوجهها ) تقربي جهتها و لا لسانك يجي على لسانها ..! غنخسر معاك ا شريفة ..!
شريفة:( عقدات حجبانها باستغراب ) واخا ما نعاودش نهضر معاها و لكن فهمني شنوو واقع ؟ علاش عيطات لكم خالتي حبيبة ..؟
حكيم:( رد غادي للبيت كيجمع الصاكادو ديالوو د لاصال ) حسام بغى يتزوج بملاك .. هذا ما كاين .. شدي علينا هاذ الباب .. الله يحفضك ..! ( هز صاكادو على كتافوو تنهد و باسها فحنكها مدوز يديه على شعرها ) ماشي دابا ..!
شريفة:( تنهدات حتى هي و غمضات عينيها و رجعات فتحاتهم .. رداتلوو البوسة فحنكوو كتمسحلوو وجهوو من العرق ) واخا ..! و ما تديرش فبالك و تتعصب ..! غادي للاصال ؟ ما غتتعطلش ..!
حكيم:( رد باختصار خارج ) شوية و نكون معاك ..!
خلى الاسانسور و هبط فالدروج كيدردك فيهم تال للتحت .. لاح الصاكادو لور و ركب هو صايك القدام ..! يالاه زاد باش يخرج من الدرب .. ما عرفش منين طلعلوو حسام .. واقف قبالتوو كيشير ليه يحبس يهضر معاه ..!
عقد حجبانوو كيضرب فيه الضوو يبعد و حسام معند .. حالف ما يبعد و متأكد غيوقفلوو ..! تا شافوو كسيرا دقة وحدة غيدخل فيه .. بقالوو شبر و يضربوو بالطونوبيل عاد نقز مخلووع .. و فالبلاصة دار حكيم فران سيك وقف و هبط مخلي الباب مفتوحة ..!
زدحوو مع الشرجم زارب عليه و عطاه جوج كروشيات قلبوو ليه الوجه و دوخولوو الراس .. شانق عليه بيديه و حسام كيضحك واخا هكاك طالب غير التعادل ..!
حسام: وا صافي ا صاحبي .. كنتي غتطحننا بحال الكفتة و ها نتا ضربتي تا شبعتي .. خلينا نهضرو دابا و لي بغيتيه هو لي غيكون ..! ( بضحكة مقسحة حط يدو على فموو من بعد ما طلقوو حكيم كيسوط ) نكتب لك التزام فالمقاطعة ؟
حكيم:( رد بنرفزة ) سير ت ( زير على فموو غمض عينيه معصب ) مسييينا على الله .. قلب عليا هاذ الساعة .. بغيتي غير تتزوج الطريق قدامك ما شادك حد ..!
حسام:( رد باصرار ) ما يمكنش ندير شي حاجة خويا ما راضيش عليها ..! ماري غنحطها فعيني و عمري نقيسها بضر و لا نغذرها .. عهد الله من عندي ا با حكيم غير طلق البشرة ..! راك عارف البرهوشة لسانها فالت و ما كتعرفش تشدو .. راها دابا دايرة كنازة عليك نادمة ..!
حكيم:( شاف فيه عاقد حجبانوو ) صافي هضرت معاكم .. ديرو لي سلككم .. حياتكم هاذي ماشي حياتي باش نتصرف فيها .. أنا لي مشيت غاااالط ..!
ركب و زاد مخليه واقف موراه ..! حكيم اكثر واحد كيعرف حسام و شاربوو ما ..! عارف ختوو ما تصلاحلوش و ما غيتفاهموش نهائيا ..! كازانوفا واخا كيبان طالقها تسرح نهار توصل معاه للصح و يتشد عليهم فدار وحدة عاد غتعرف حسام ديال بصح .. كاع داك الصورة لي فبالها عليه ما كاين منها تا 1% ..!
قلبوو عليها و ما باغيهاش تتضر معاه ..! عائلتوو ماشي هي عائلة أمغار .. هو لي تحك معاهم و شايف لافامي كي دايرة ..! و العقلية ديال ملاك ما غتناسبش نهائيا معاهم .. زيد عليها هو كيصفي فالحرام و هي غتغرق فيه مع حسام لي تا هو شاد نفس الطريق لي كان غادي فيها حكيم نفسوو ..!
شي نهار توصلها خبارو مقتوول بالحسيفة .. الأفات فالدنيا و بحال هاذشي عادي عندهم و لكن سيليباطير ماشي هي مزوج و غتدير عائلة ..! و يلا ما جاهاش هاذ الخبار .. غتلقاه فاللخر خاينها ..! زهواني بو بنات لدرجة ما كتخيلش و لي فيه شي لولة عمرها تمشي .. خصوصا فاش تمرضوو لالة ملاك فصحتوو و يندم على النهار لي فكر يتزوج بيها ..!
شد معاهم الموضوع فخطرة و حلف ما يعاود يتدخل و لا يحضرلها فشي حاجة ديالها ..! تا من شريفة قطعها معاها نيشان و تبرا منها .. ما حضرولها لا فخطبة لا فضريب الصداق منين خرجات الموافقة .. واخا عيات تقنع فيه شريفة و تحاول تفهم علاش و تسلوو لسانوو ما شدات منوو تا حرف ..! ما قدرش يقولها ها شنوو قالت و ها شنوو .. عارفها غتجرح و يبقى فيها الحال و هي عاد ما بدات تولي كي كانت ..!
و لو كانوو عندهم العقل كاملين غيدييو على هضرة حكيم .. مستحيل يبغي لها الشر و ما حدو رافض رفض قطعي إلا و عندو اسباب مقنعة ..! هما عرفوه من جهتوو لا غير .. هو لي مدوز معاه سنييين د السيرفيس و عارف الغطى و شنوو تحتوو ..!
و دازت عاماين تقريبا و لسانوو ما جا على لسانها .. كيعرف اخبارها من بعيييد لا غير ..! عيات تبكي و ترغب فيه و تسيفط لي يتدخل بيناتهم و والوو ..! شريفة مرة مرة كتهضر معاها فالواتس .. فالمناسبات و المعايدات فقط ..! مخلية بيناتهم حدود باش ما تطيحش هضرة حكيم للأرض و فنفس الوقت ما يخلقوش حساسيات فالعائلة المهم كتسول فيها و تعرف اخبارها معاملة معاها بمودة ..!
لي ما كافياش لملاك .. كتلقى غير نور حداها فاش كتجي لعندها مع حبيبة مرة مرة .. كتشبعها بوسان و دلال باش تعزاز عندها و تهضر عليها مع باها و كتوصيها و تعاود على الله تشد من عندها شي كلمة ..! حكيم و حسام علاقتهم مزيانة كي كانت ما تبدل والوو و هي بقات فالعيب و خوتها لي يسخنوو كتافها فمشاكيلها بلسانها خسراتهم .. و تا هما من لي وقع حلفوو شنوو ما يطرا هما بعااااد .. باش من بعد ما يصدقوش هما لي ما يسواو ما يصلحوو ..!
حتى نجحات فالماستر هي و اسية فالسيزيام و عول خليل يجي هاذ الصيف للمغرب و تما اقتارح عليهم حكيم يتجمعوو كاملين عندو .. كلشي رحب بالفكرة أولهم ملاك على الله العلاقة الباردة بينها و بين خوها تتحسن ..!
"عودة"🔥
وقفات كتشوف فخوها بابتسامة مترردة و عيون كتلمع بالدموع .. تا حط نور للأرض و قرب منها ..! لحية خفيييفة و التحسينة ديالوو لاعتيادية ضارب الواحد و مطراسيها مزيان مع جبهتوو ..! حجبانوو مرخوفين و ملامحوو هادئين ..! شيب خفيف ناضلوو و صحتوو غير ما شدها كثر و كثر .. مكضر بالسبور و البلدي لي كيفضل يلبسوو فالدار و المناسبات ..! جاي معاه عبار مجبد عليه ..!
توحشات هضوراتها معاه .. تخنزيراتوو و ضحكوو و الاستهزاء ديالوو و المود د الطنز لي كيجيه مرة مرة ..! حنانوو و عطفوو عليها و حتى تزيارو ..! قربات منوو برجفة و عنقاتوو كترعد تا بادلها بهدوء مخليها كتشهق فصدرو و يديه كيطبطبوو عليها ..!
قربات منوو برجفة و عنقاتوو كترعد تا بادلها بهدوء مخليها كتشهق فصدرو و يديه كيطبطبوو عليها ..! بكات بحرقة حتى عقد حجبانوو فشريفة كيحرك عينيه بمالها و هي كتشوف فيه و ترمش هازة كتافها بشكون عرف ..! تا نطقات ملاك بأسف ..!
ملاك: سمحلي عافاك ( خطفاتلوو يديه باستها تا بعدها و رجعات جراتها كتبكي فوقها بألم ) توووحشتك بزاااف .. كتوصل تال باب الدار و ما كدخلش تشوفني هء .. حكيم عافاك سمحلي هء يلا خرجت شي كلمة د العيب معاك شي نهار .. اللسان ما فيه عظم .. الله يخلي لك ما عز عليك ..!
شافت فيه برجاء و عينيها فازكين و شعرها لاسق على وجهها ..! طبطب على كتفها بابتسامة هادئة و رد ..!
حكيم: مرحبا بيك ..!
رمى هاذ جوج كلمات و شاف فشريفة و مشى من تما .. قلب على نور داها معاه يقابل خدمتوو ..! و ملاك رجعات جلسات كتمسح فعينيها بتنهيدة ورا ختها ..!
شريفة:( شافت حتى عيات و قالت ) غنقولك واحد الحاجة ديريها فبالك ..! كاملين فواحد العمر كنكونوو معمرين راسنا بالخوى الخاوي .. كيهمنا غير السطحي هذا شنوو لابس .. سنانوو كي دايرين .. ريحتها شعرها ما عرفت شنوو ..! و لكن حنا كنكبرو و كنوعاو كنضجوو ماشي كنصغارو ..! شحال ما دازت عليك و شفتي الواقع كي داير .. غتولي تقول يا ربي نلقى هذا لي يمشي معايا غير ديريكت ما بغيت والوو ..! و حسام راه مخيخ فهاذ الواقع ..!
ملاك:( ردات بضياع ) هو بو بنات ما بقاش كي كان و تانا تلهيت بقرايتي و نسيتوو .. الدار ما بقاش كيعمرها كاع و الهضرة قليل فين كنهضرو ..! عييت نتهلى فراسي و نزوق و والوو ما كيشوفش فيا تا الشوفة بحال يلا مدوزين عشرين عام د الزواج .. لي غيخونك غيخون واخا ما عرفت شنوو تديري ..! كاينين قرطاسات عليا فالزنقة و هو عينيه غير فالتين كيقلبوو ..!
شريفة:( تنهدات معاها ) نسيتيه و تلهيتي بقرايتك من حقك و ماشي معناه عيى و مشى كيقلب فجهة اخرى ..! خاصك غير تفهميه و تجلسي نتي وياه تتناقشوو ..! نتي لي بعدتي فلول يمكن كيتسنى منك غير المبادرة ..! و ما تقوليليش بو بنات .. نتي من الديبار داخلة لهاذ الزواج و فبالك هاذ جوج كلمات .. شنوو غتبقاي ديما شاكة فيه ؟ ما عندكش ثقة فراسك و فيه ..؟
ملاك: عندي ثقة فراسي و لكن فيه و تقووول .. كلهم خاينين .. شحال ما بقى غيلعب مورايا و مخليني انا فالعيب ..! خسرت كلشي بسبابوو ..!
شريفة:( ماصات بجوج صبعان جبهتها و قالت ) ناقصكم الحوار نتوما .. حاولي تلقاي طريقة تتفاهموو بيها و شفتي نهار كتبغي من قلبك و كتلقايه راجل معاك ديال بصح .. ما كيبقى يبان لك تا واحد فهاذ الدنيا .. يعطيوك الكنز بين يديك .. الزين و الادب و الاخلاق و ما عرفت شنوو و الله ما تهزيه من أرضوو .. حيث مقتانعة بلي عندك .. بالزوين و الخايب ديالوو ..! و تا هما نفس الشي راه عندهم قلب و كيحسوو و المعدن د الواحد هو كلشي ..! ما تدخليش الخيانة و الغذر لدماغك غير نتي لي غتمرضي لا غير ..! حتى تأكدي بعدا ..!
ملاك: و كي غادي ندير نتأكد ؟
شريفة:( هزات حاجبها كتضور فعينيها و بصوت خافت قالت ) راج٠لك ساهل تعرفيه واش كيخونك و لا لا ..! هما كيلقطوها طايرة حيث حنا ما مدوزينش بزاف .. دغيا كيعرفوو لبوان فيبل ديالنا و يلا غاب عليك غير شوية غيرجع يلقاك مزيرة ..! ماشي لحمك مزير .. نتي مزيرة و جامعة ..!
ملاك: اااه فهمت .. مزيرة و كاينة لهفة و شحال من حاجة ..!
شريفة: دابا فهمتي ..! و تا هما كتبان فيهم داك اللهفة و الصعرة ..! و يلا قستي و لقيتي ديكشي عامر و مجموع .. سخون ما باردش .. راه ما كاين والوو ..! كان العكس نوضي على سلامتك ..!
ملاك:( فهمات و ما فهمات ) شنوو هو لي سخون و عامر ؟
شريفة:( ردات بضحكة و استهزاء ) البيض البلدي ..! و قبل ما تفركعي عليه .. دردري ليه الحار و لا ليبزار فكيلوطاتوو كاملين خلي دنجالتوو تتشوى على المهل .. يموت ما ينساها ..!
ملاك:( ردات بتردد ) ما نقدرش نعرف و نقيس ديكشي لي قلتي ..!
شريفة:( حركات راسها و قالت بجدية ) راه ما نقدرش ننصحك فهاذشي .. غير كنضحك ..! كل وحدة و راجلها كي داير و نتي خاصك تعرفي لراسك تا حد ما غيعرفوو حسن منك و يتحط فبلاصتك ..! و هاذ الحل لي قلت لك صالح لك ما حدكم مفارقين فالفراش لمدة و حسام مبرزط مع الخدمة و كل مرة فين مسيفطينوو ما كيعمرش معاك لوقت طويل ..!
ملاك: ااه ..! عيقوو عليه بزاااف ما بقيتش كنشوفوو كاع و فاش كيكون فكازا ها هو فالخدمة ها هو خارج .. ما كيعمر الدار تال الليل و كيجي غير ياكل و ينعس ..! بحال انا خدامة عندوو و فاش تشغلت بالقرايا جاتوو على القلب ..!
شريفة:( ردات بتنهيدة ) علاش كتمرضي فراسك و نتي غتمشي تحطيلوو الوراق كاملين قداموو .. ما مرتاحاش فهاذشي ا ولد الناس .. ها شنوو و ها شنوو و هاذشي ما بقاش عاجبني .. يلا كاينة شي حاجة قلها من دابا نقطعوها من الجذر ..! واش هو يلا لقاك كتخونيه غيرحمك ؟
ملاك:( حركات راسها بشكل دائري ) يذبحني و يكملوو عليا داك الرباعة ( خوتها ) ..!
شريفة: دونك تانتي هضري على حقك ..! غير خليك معقولة و فكري باللوجيك .. قبل ما يتقلب كلشي عليك و تصدقي نتي لي غالطة و ظالماه ..! يمكن كيفما قلت غير مبرزط مع الخدمة و مخليك حتى تكملي امتحاناتك و ترتاحي و يشد تا هو كونجي واخا غير سيمانة تبدلوو الجو ..!
ملاك: الصمت
شريفة:( هزات كتافها بهدوء ) راه هاذشي لي غيكون .. حسام ولد الناس و عندي عزيز ما عمري شفت منوو العيب .. بالعكس ..! و يلا ما بقيتوش مرتاحين و مفاهمين غيختاصر عليه الطريق و يهضر معاك على الطلاق .. بلاصة ما يخونك و يخربها مع خوتك ..! راه عائلة من موراك و عشرة طويييلة ماشي بالساهل تتفكك و هو قبل ما يدير أي حاجة غيتفكر صاحبوو و خوه ..!
ملاك: علاقات غيخسرو بسباب هاذشي و هو ما ضارب حسبة .. قداموو وقفت فوجه خوتي على ودو و خربتها معاهم كاملين .. علاش غادي يضربلي حساب و انا ما عندي حد و تا يلا هضرو غيهضرو فوق النفس ..! ( تغرغرو عينيها و حنات راسها حاطة يديها على نيفها )
شريفة:( طلع لها الدم .. حلقها نشف و بدات تتعصب من كثرة الهضرة بلا معنى ..! غير عرك و زيد فالما .. بلاصة ما تحاجيها هي تمشي عند حسام ديريكت ..! و لكن كترجع تقول كل واحد و طبيعتوو ) تهلاي فراسك و ما تفقصيش راسك .. صحتك نتي لي كتضيع ا صاحبتي ماشي هو ..! ما كنحتاجوش عائلة و شان و مرشان مورانا باش نديرو العز لراسنا ..! نتي ديري قيمة لراسك و تا هو غيعاملك بنفس الطريقة ..! ما تنخليه ما تنزلي لوو بزايد تا يطلع فوق راسك ..! و ما تخليش الملل يدخل لعلاقتكم راكم باقي فلول د زواجكم ..!
ملاك:( تنهدات ) ان شاء الله ..!
شريفة:( بتأكيد ) و حتى حكيم كان كيغبر فخدمتوو .. باش تقولي غيخونك غير حيث بعيد عليك لمدة و خاصوو يفرغ .. راه ماشي مكب٠٠٠وت لهاذ الدرجة ..! و فالخدمة ممنوع عليهم لا خروج لا تيليفون لا حتى حاجة ..! معامن غيدير ؟ مع لي خدامين معاه تما ؟ باش يطلع معاه الصبع فلخر ..!
ملاك:( باقتناع ) عندك الصح ..! ما كاينش شي واحد بعقلوو كيتصاحب من الخدمة ..! نهار يفرقوها و تنوض بيناتهم .. واحد فيهم كيخسر خدمتوو و لي كراد على الثاني غيسيفطوو يجليه فقنت ثاني ..!
شريفة: و بلا هاذشي الهضرة كتولي بزايد و الصبعان ديما تابعينك و الحضية الخاوية ..! و حسام واقيلة ما معلقش كراد دمدومة من درجة فارس باش يديرها و عارف خوك توصلوو الخبار توصلوو واخا يطير ..! ( ردات باستهزاء ) و يلا دارها ..! حسب القانون الجنائي فالمادة 09.06 لي عطى زكوو لهلا يفكوو ..!
ملاك: ههههههههه مسخووطة ..!
حكيم:( تسمع صوتوو بعيد كيعيط ) شريييفة .. شريييفة ..!
شريفة:( ناضت كتزرب و بضحكة قالت ) يسمعني خوك أنا لي غنتقطب بالعمود و نتشوى ..! ( مشات عندو للبيرو فين جالس و نور حداه كترسم و تخربق فالوراق .. بابتسامة غمزاتوو ) عيطتيلي ..!
شريفة:( بابتسامة مع حكيم ) هاذ الفارة هاذي صاحبت حاجتها تا هي بحيليسة .. قاتلك ما تجمعش شعرها تخليه مطلوق كيقسحها لاستيك ..!
حكيم:( مد لها شي وراق كتقرا فيهم و بهدوء قال ) هاذو دوزيهم معاك للكونطابل فالبيرو و تسناي غيعطيك واحد الملف .. فاش تكوني راجعة جيبه لي ..!
شريفة: اهاه واخا ..! نيت غادي ندي ملاك نضورها شوية هنا تشوف الدنيا و تفوج ..! ( لعبات بعينيها و بتساؤل كملات ) واش مدابزة هي و حسام ؟ عارف مالهم ؟
حكيم:( هز عينيه فيها و قال جامع حجبانوو ) علاش .. قالت لك شي حاجة ؟
شريفة: غير كنسول و صافي جاتني ماشي على طبيعتها و يمكن غير حيث توحشاتك و عاد رجعات لها الحرقة على لي داز .. ماشي ساهل هاذ الوقت كامل ما كتهضروش ..!
حكيم:( رد بجدية ) شريفة الوراق .. واقف عليهم ( حرك حجبانوو ) دااابااا ..!
شريفة: وا صافي واخا ..! نور تمشي معايا انا و عمييتو ؟ و لا تبقاي هنا مع باباك ؟
نور:( ردات بتلعثم كتجبد دوك الشنايف ) بكى بيثوو نوو أميتوو .. باااااابي ( شاف فيها حكيم بابتسامة و حطات يديها على فمها سيفطاتلوو بوسة من الأعماق ) مواااااححح لوووبيوو ..!
شريفة: العدس هذا ماشي اللوبيا .. عقلي فيها ا المشة ..!
حكيم: المغيارة ههه ..! لووفيوو تو نور ..!
ضحكوو عينيها و توسعوو بحماس كبير و تبسيمة حلوة على شفايفها .. كتمووت و تسطى على حكيم ديما هازة داك القزيبة و تابعاه كتعوج ..! و نهار كيسافر و يغبر عليهم .. الراس كيبغي يتقطع لها تضور تضور و تهرنن و تبكي ..! و هاذشي ما كيعنيش ما كتبغيش شريفة .. بالعكس هاذيك ماماها الزوينة لي ما كتشوفش حياتها بلا بيها .. غير حكيم كيسافر مع الخدمة على ود السلعة و المواكن و شحال من حاجة كيوقف عليها بيديه ..! فكتبقى غير تتسناه و غير يرجع كتلسق فيه باش ما يغفلهاش مرة اخرى ..!
حكيم:( قبل ما تشد الباب قال بتنبيه كيكتب فالوراق قداموو ) غطي عليا داك الزغب و اليديين و مسحي عينيك عاد خرجي ..!
شريفة: دايرة غير كحول بلدي ..!
شاف فيها و بادلاتوو النظرات و هزات راسها بالايجاب شادة الباب عليهم كتسمع نور كتعوج الهضرة ..!
نور:( هزهزات راسها بالايجاب تا مشى معاها و جا و رجعات ردات موور وذنيها كتسوط ) اوووف كبط تما .. نسموو بابا .. واااحااا ..!
لبسات عليها و دارت فولارها ماسحة عينيها من الكحول .. خارجة طبيعية و الثقة فالنفس عالية و هي كتوري لملاك المنتجع السياحي ديالهم ..! الدار بعيدة شوية على الشاليات د لوطيل ..! واخذين حريتهم و خصوصيتهم ..! بانيين كلشي بالحجر و الخشب .. بني ثقيل عاطي منظر ما كاينش بحالوو ..!
مزيج بين البساطة و الحذاثة ..! الطبيعة و الاجواء رائعة ..! لي زاكتيفيطي على الجهد فقلب لوطيل و لي ماكازان مفتوحين كاريينهم للناس كيعرضوو منتوجاتهم .. كيبيعهم مروجين الدنيا ..! و منهم تا المحلات ديالها د الماكلة ..! البوفي بوحدو و عاد مطعم تقليدي 100% و مطعم صيني ..! لابيسين ضاير بالجبال و المناظر فالفضاء نيشان و السبا و المساج و الحمام ..! كلشي كاين و كثر ..!
ضوراتها تا شبعات و كل شالي و الديزاين ديالوو ..! دازت عند الكونطابل عطاتوو الوراق و خدات عندها الملف خلاتوو تا تمدو لحكيم اما دابا مشات بملاك للجهة د الفيرمة .. كيصدرو الخضروات و الفواكه و الحليب الطبيعي و البيض البلدي بكميات كبيرة و آلات متطورة و الحقول حداها كلهم مزروعين شاديين هكتارات شااااسعة ..!
ملاك:( بانبهار ) هاذشي غزااااال ..!
شريفة:( ردات بابتسامة ) ياك هههه طلعناها طوبية طوبية .. ما كمل تا ربي غفرلنا .. تمارة كحلة فهاذشي و كيشد الوقت بزاف و ما كناش باغيين نتعطلوو كثر ..! ( شيرات لها ) و هذا أحسن باغتي فهاذشي كامل و مزال ما ساليناه عاد كنزيدو فيه كل مرة ..!
رمشات عينيها كتنعت لها و توريها كل حاجة فالبارك ديال الدراري ..! جامع زرافات كبار و صغار .. خريفات عاد مولودين و معيزات ..! الحمار الوحشي مزخرف بالابيض و الكحل ..! و الطاوس ناشر زينوو كيتمشى براس مرفوع معنكر عليهم و داك اللوان فيه كيسطييو ..! بركة صغيرة للبط و الدراري الصغار فين يلعبوو ..! مقابلين مع موطايشات و زحايتات و دوارات .. و شبكات كيطلعوو فيهم و يتسابقوو .. بلاصة ما يشدو الطريق العادية بالدروج كيتسلقوو فشباكي .. و رملة كثيرة فالارض فحالة ما طاح شي واحد ..!
مشروع متعوووب عليه و تحطوو فيه فلوس صحييحة و لكن خرجات شي حاجة كتفرح و تفتح النفس و الاقبال كاين و الرواج حاضر ..! تا ديكشي د الفيرمة غادي حكيم معاه بالتدريج كيوسع فيه و فبالهم بلاصة ما يخدموو مع شركات صغار للتصدير يبداو هما نيت .. شريفة شدات التجارة و عندها تجربة سابقة و حكيم نفس الشي .. محمد أميين مهندس انفورماتيك غيحتاجوه يشد لهم كاع لي سيسطام و خليل الدومين ديال الايكونومي ما غيمشييوش لبعيد غير هو فيه الخير و البركة يسيرهم و عدنان تا هو الامور الادارية حفى فيها سنانوو و عينيه ..!
هاذشي اكيد ماشي دابا و هما مزال يالاه قالوو بسم الله ..! القليلة يردو راس المال بعدا و يكون عندهم دخل كافي و مرتاحين فمستواهم المعيشي باش يغوصوو فعالم جديد ..! المهم الطموح ديما كاين باش يحسنوو راسهم و يطلعوو فالسلم كثر .. خدامين و كل واحد كيضرب و يعرق على راسوو ..!
الطموح لي كيكون منعدم عند البعض و كيبقى غير حاضي غيرو و كيتنهد كيحسب لهم ..! بحال بزاااف د الخدامين لي عندهم و خصوصا لبنات ..! متبعين شريفة و ملاك من بعيد كيهضرو و يبردو على قلبهم ..!
..... 1: جايين عندهم غذا العائلة وصاتني لالة شريفة لبارح على الطبلة ليهم .. تكون بعيدة على الناس نتكلفوو بيها من اللول للتالي ..!
..... 2: هما لي جات معاهم يصيفوو .. كيتنا حنا .. نبقاو النهار كامل واقفين على رجل و نسمعوو الهضرة من الفوق ..!
..... 1: واخا هكاك مدام شريفة كتعجبني ..! شخصية و ثايقة فراسها .. مراة و قادة واخا صعيبة ضريفة و ضحوكية ماشي قمامعية بحال راجلها ..!
..... 2: ردات بتوحويحة ..! ) احححح على راجلها .. اختي انا نشد عليا فبيت مع بحال داك السيد .. نذووب واخا يقمعني عشرالاف مرة فالنهار ..! شخصصصصية ما تقوليليش و حقاني ما كيهضر على الحاجة تا كيكون عندو الحق ..!
..... 1: ا سبحان الله ا الشريفة ؟ راه مزوج بمراتوو و بنتوو و شوية نسمعوو راها حاملة ..! تجمعي راك سحتي .. بحالوو عمرو يشوف فيك و لا فيا .. و فين يلقى بحال مراتوو .. الزين و اللسان الحلوو .. حارة و عندها الكلمة و حداه بحال القطيطة الأنوثة كتقطر ..!
.... 2:( ردات بحسرة ) البخ و النيف فالسما طووز جاو مع بعضياتهم ..!
..... 1: بردي .. بردي على راسك ..! بغيتي و لا كرهتي حلوة داك السيدة فين نوصلوو لها لا انا لا نتي .. عقليييية تا فزواجها ..!
كملوو الدورة و مع وقفوو حدا الدار باش يدخلوو ..! حبسات الطونوبيل د حسام .. هبط منها كيضحك مبسم مع شريفة لي تا هي طلقات البشرة و بترحيب و ابتسامة قالت ..!
شريفة: سي كازانوفا عاش من شافك ا خويا .. وليتي كتهرب علينا خاصنا الرونديفو باش نشدوك .. هادو هما فعايلك ؟
حسام: ههه اودي اختي غير مع الخدمة بزز شدينا هاذ السيمانة نرتاحوو شوية ..!
زادو كيهضرو و ملاك حداهم كترمش فيه .. الدموع بغاو يهبطولها و حرام واش شاف جهتها .. غير يلا قلب عينيه بعفوية و هو كيهضر .. و هاذشي لي لاحظاتوو تا شريفة ..!
شريفة: حتى نور توحشاتك تدور تدور و تقولك سوسو نمشييو نشوفوو سوسو ( ضربات يد مع يد كتضحك ) هههه غير سمحلنا ا با حسام البرهوشة على آخر يامك رداتك سوسو ..!
حسام:( حرك راسوو بالايجاب ) يلا غير من عند داك الخنفوسة .. كلشي عسل ..!
شريفة: ايوا لباس بعدا ولينا كندوزو فطريقها .. الله يخليها لنا و كان ههه ..! مرحبا بيكم .. خودو راحتكم و حسبوو الدار داركم ..!
دخلاتهم للصالون رحبات بيهم و حطاتلهم العصير و لي طاغط صواغي ضيافة و مشات تعيط لحكيم و تعطيه الملف لي باغي ..! لقات نور مزالة خايدة كتخطط ..!
شريفة:( تحنات كتشوف فقوة الخطوط مشابكين .. ضحكات و هزاتها بزز منها كتفركل ) صافي ا ماما نمشييو نغسلوو يدينا و نقييو حالتنا باش نتغذاو و نديرو القيلولة .. يالاه ..!
نور: نوو مامي الزوينة .. باكي باكي غير كويكة ..!
شريفة: ما كاين لا باقي شويكيكة لا بزاف .. صافي سالينا دابا .. ااااه ..!
طلقاتها بالزربة شادة فكرشها .. ضربها الضوو من الدقة لي عطاتها نور كتفركل باغى تنزل ..! النفس ما قدراتش تطلعوو .. وجهها تزنك و نور تكمشات حداها مخلوعة ما فهماتش شنوو وقع ..!
حكيم:( شد فيديها مخلوع كيدوز على ظهرها ) ششش مالك ؟ تتفسي بشوية .. رخي النفس .. هكااااك ..! ( مدة و هما هكاك تا بانلوو ارتاحت عاد قال ) شوية دابا ؟
شريفة: لا صافا ..! على حريق فففف .. ركلاتني برجليها بحال يلا خشات فيا موس الله يستر ( حطات يديها على كرشها كتحركها بطريقة دائرية )
حكيم:( حمر عينيه فنور و قال بتأنيب ) فاش كتهضر معانا مامانا كنسمعوو الهضرة و نديرو شنوو قالت لنا .. ماشي كنفركلوو و نغوتوو و نضربوها ..! شنوو هاذشي ؟؟
بلوكا فيها الشوفة محمر عينيه بتخنزيرة ..! جهد خمسة الدقائق تا تحقن فيها الدم .. مكمشة يديها قدامها حشمانة ما قادراش تهز فيه العين و البكية غالباها .. تا طلقاتها على الجهد و عنقاتوو من رجليه مخلطة لها البكية مع الهضرة المعكلة ..!
نور: ما نعاودس بيثوو .. يسامح أفااااك أفاااك ..!
هزها و باستوو فحنكوو تا تنهد و قال كيمسح لها دموعها .. ولات كتعرف و كتفهم .. فوقاش كيضحكوو معاها و فوقاش كينبهوها و يغوتوو عليها على شي حاجة ما خاصهاش تديرها و النهار الكحل عندها .. يلا تقلق منها حكيم ..!
حكيم: ما غتعاوديش تسمعي الهضرة د ماماك غنتخاصم معاك ..!
شريفة:( عنقاتها و باستها فراسها كتقاد لها شعرها و تمسح لها وجهها ) بنتي هي الفنون ما غتبقاش تدير البسالة و غتسمع الهضرة .. ياك ا كبيدة ( ضحكات ) ههه يالاه نمشييو للبيت دابا ..!
حكيم:( حطها للأرض و قال ) يالاه شدي فيها ..! ( لشريفة ) ما تهزيهاش انتابهي لراسك ( قرب باسها فجبهتها تا غمضات عينيها )
هبط حكيم استقبل حسام و فالبلاصة طلعات ملاك كتقلب على شريفة تال بيتها .. لقاتها كتبدل لنور و تقادلها حالتها .. جلسات قدامها مفقوصة و قالت
ملاك: شفتي كي منخلني بحال يلا أنا بوطوو د الضوو قداموو ..! تا السلام د الله جاتوو ثقيلة يقراها عليا .. حسام حمااااار ( عطات الصبع للباب ) ها ما يسوى ..!
شريفة:( وسعات عينيها و ضارت بالزربة عند نور شافتها ما مسوقاش و قالت بارتياح ) نوضي ا بنتي هبطي شوفي عموو حسام و طاطا فاطمة قلها تبدا توجد الطبلة نتغذاو ..! ( سرسباتها هبطات و قالت بعصبية لملاك ) واش نتي مريييضة ؟ كتهضري قدام البنت هاكا ؟ و هي خاصها غير ما تلقط ..! جاب الله ما فهمات والوو و ما انتابهاتش لك ..!
نور:( جلسات على فخض حسام كيهزهزها و هي كتلعب فيديه و حكيم حداهم كيتناقشوو بيناتهم .. تا هزات يديها عطاتوو الصبع تا هي كتلعب بيه و تضورو عجباتها الحركة و جاتها مسلية و بصوت مسموع قالت ) أموو سوسو ماااار " عموو حسام حمااار "
عرس الذيب الجزء 29
محتوى القصة
حكيم:( ضحك و باسها جارلها شنايفها لعندو مستطعم بيهم ) شعلتي البولة الحمرة و جا وقت الخلاص ا حديدانة ..! ( خشى يديه تحت من رجليها كيعجن فمؤخرتها مطلعها عندو ) حما٠٠ر و تفوو و الشوتينغ ياك ا مدام ..! باغى غير تصوري .. أجي عندي نصورك تصاور عمرك تنسايهم فحياتك ..!
فهماتوو شنوو باغي يدير من التلميح .. غلباتها الضحكة تا بدات كتفركل برجليها و تلوى عليه و نور حداهم ما جايبة للدنيا خبار .. شربات الدوا هو اللول و البيلول عاد خلاتوو يشدها كيلهث بعينين معميين بالشه٠٠وة ..!
حكيم: غتخلينا نقطعوو الحدود و نشوفوو النوارة المفتحة و لا لا ..!؟
شريفة:( رخات رجليها بهدوء و قالت ) النوارة يبسات خاصها تتسقى .. كتعرف شي واحد عندو ماء الحياة كيعاودو عليه حلوو ..!
حكيم: كنعرف ما حسن منوو .. حلوو و مالح فنفس الوقت .. غيعجبك و ينغمك ..!
سكت ما بقاش هضر معاها .. مكملين ليلتهم بحميمية بين أهات و أنات و ضحك ..! حطوو نور فبلاصتها مفرشينلها و خداو راحتهم فالناموسية ..! الجو سخن عندهم و الشوق قتلهم بجوج .. حتى فرغوو الخزينة و طاحوو كينهجوو .. مخشية شريفة فحكيم و الغطا فوق منهم ..!
باستوو فصدرو بلا ما تهضر تا تخشى بين صدرها كيحك نيفوو تما و يتخنشش فيها و هي كتدوز يديها على وذنيه .. عجباتها جاتها رطيطبة للعب ..! تا عضها فصبعها هاز راسوو فيها كيضحك و يشنتف لها فشعرها ..!
حكيم: هاذ باربة مسلوقة تا هي ..! ( ضحك راشقة ليه عليها ) كبرتي الشارفة و رجعتي تتعراي قدامي و نتي غير عاد عاد كنتي كتشوفيني فالدرب و كتهربي حشمانة ..!
شريفة:( خرجاتلوو لسانها كتكركر ) هههههه كيتك قالاك شارفة .. نتا لي شارف ( دوزات يديها على شعرو ) شبتي ا الشايب ..!
حكيم: هاذوك غير فعايلك .. منين جاو غير فالشيب راحنا مباركين ..! ( رجع خشى راسوو فعنقها كيوزع القبل عوال يرجعلها ثاني ) توحشتك ا الخايبة ..!
شريفة:( بعدات عنقها بصعوبة ذايبة فحركاتوو ) توحشتيني ااه و الخايبة لاش ؟ هاذ الزين كامل ما بانش لك ا سي امغار ؟ ( عوجات فمها حاطة رجل على رجل و هو فوق منها مزير معاها ) واقيلة بديتي تشرف بالصح و الشوف نقصلك ..!
حكيم:( رد بضحكة ) عندك فعايل ليه٠٠٠٠٠٠&ود ( هرها فجنبها تا تلوات كتكركر ) أجي نوريك واش شرفت كنتفتف و لا باقي صحيح فصيح ..!
شريفة: هههههه ( تخشات فيه ) صحيييح جهد ثمنية د العودان ا سيدي غير ارتاح و نوض عليا قربتي تقسمني و غذا جايين عندنا الضياف .. خاصني الرجلين لي نوقف عليهم ..!
حكيم:( لعب بلسانوو ففموو و قال ) ا نشوف هاذ الرجلين واش مزال خدامين ..!
هزهم لها و هي مرخية على ظهرها كتشوف فيه كيحركهم للقدام و يرجع يردهم للور .. تا حطهم فوق كتافوو و وسعهم لها كيقادهم بطريقة مريحة ليه ..! و فالبلاصة رجع لها بلا نقاش .. معسل و معسلها معاه ..!
حتى كملوو الجولة ديالهم و جلسوو كيهضرو و يضحكوو بيناتهم و حكيم ناض جاب داك لازانية لي ما كلاو منها والوو تقريبا .. رجعوو ضربوها فالجبانية ..! و شريفة كتعاودلوو شنوو دارت فسفرتها .. فين مشات و جات و العيالات لي تلاقات معاهم ..! تا حبسات و قربات منوو باستوو فشفايفوو و بصوت هادئ قالت ..!
شريفة: لي فات مات .. نرميوه مور ظهرنا و نزيدو للقدام .. كاملين غلطنا .. انا و نتا و أسية .. و هاذشي ما غيتعاود عند حتى واحد فينا ..! صفي خاطرك و ما تبقاش حاقد على الوضعية ا الشاف ..! ( هزات حاجبها بضحكة حلوة ) ياك نتا لي كتقول تعنيقتك حنينة حيث ماشي مسموم بحالي ( غمزاتوو ) ايوا منين جاك هاذ السم كامل دابا ..؟ فين هي الحنانة ..!
حكيم:( تبسم و حط الجبانية فالارض و قال ) تسناي نوريك حاجة اخرى حنييين فيها غتعجبك ..!
شريفة: ههههه صافية لبن بعدا ا كبيدة ..!
حكيم: تعاوديها نعلقك من هاذ البكاي ( قرصها تحتها تا تهزات لعندو كتضرب فظهرو )
الدار عمرات و صوت الضحك و الهضرة مخلطة بين اصوات رجولية و نسائية متداخلين و توغويغ نور لي حطوها فاليوبالا كتحرك بيها و كل شوية يجرها واحد لعندو ..! حتى عيات ما موالفاش بيها فخطرة ..!
تزنكات و حمااارت حماارت تا طرطقات فيها البكية هازة راسها فحكيم بشوفة كتقطع القلب و الدميعات هابطين من جناب عينيها كيتسرسبوو .. تقول قتلووها ..!
ضحك عليها و هزها عندو .. جالس بالبلغة و التقاشر بويض فرجليه و ساعة د السواتش اصلية كتبان من بعيد فيديه و كندورة رجالية تقليدية جاية مع فصالتوو ..! و شريفة داخلة عليهم تا هي هازة سينية منقوشة مذهبة ..! الشعر مطلوق مصاوب و العينين مكحلين من البارح .. طايح عليها السر ديال السر و الفرحة غتنقز من عينيها ..! لابسة تا هي البلدي معاندة معاه ..!
كيبانوو عائلة سعيدة فرحانين بنور وسطهم و حبيبة كتقرا عليهم القرآن فنفسها و تدعي معاهم من قلبها هما و وليداتها كاملين لي مجموعين عليها من غير خليل لي بوحدو فالغربة و تا هو شركوه معاهم مدوزين لوو لابيل .. الظلام عندو و الجو بارد متلج فالزنقة ..!
خليل:( شاف فنور و قال ) لقيتي باك و نسيتينا ا نوورة ..! عنداك تكبري و تجي تخبعي عندي منوو .. نتي لي بعتينا ..!
محمد اميين:( ضحك رامي يديه مور بسمة مراتوو ) اودي غير كتشوف باها كتنسانا كاملين .. باركة عليها غير الباشا ..!
حكيم:( ضحك كيحرك راسوو ) لي حسدنا ينوض يعاندنا ..!
شريفة: هههه نور غتطلع صاحبت باباها .. باينة غير من صغرها كتموت فيه .. غيولي بيت لخزين ديالها .. غير حكيم صغيور بعوينات المشة اوس جوج ..! ( هزات حاجبها فيه ) يحسن عوانك مع هاذ الزين كامل و فين غتحطوو و تشد عليه باش ما يوصلوه اليديين ..!
عدنان: هههه ها نتوما غتقلقوه لنا من دابا ..! تا تكبر و يحن الله ..!
ملاك:( ردات تا هي ) خيرنا ما يديه غيرنا .. نور ديال ولدي من دابا نعلمكم .. ما كاين لي غيديها من غيرو .. ولد عمتها العسيلة بحال ماماه ..!
حكيم: هه ..! ( شاف فبنتوو و قال ) قلهم ا بابا يبعدو منك .. قبل ما تنوضي تلاقي لهم الريوس ..!
محمد اميين: هههه منين تتلاقي باين ولادك ناقشوو الموضوع .. على الله يغطي عليك و ما يطلعوش متخلفين عقليا بحالك .. أما دابا الاسبقية نعام اسي للمشروع الواجد ..!
بسمة:( شافت فيه مزنكة و ضحكة خفيفة على شفايفها )
شريفة:( وسعات عينيها بتفاجئ و قربات عندها عنقاتها ) حااملة ؟؟ مبروووك مبروووك يتربى فعزكم يا ربي ..!
تفاجئوو كاملين و باركولهم مع تزغريتة فاعلة تاركة من عند حبيبة ..! حتى تسمع الصوني فالباب و دخل حسام لي عاد قدر يجي .. تسالم معاهم تا وصل لعند ملاك و زير على يديها و على غفلة من خوتها قال بصوت خافت كيشوف فتيشورطها الاورونجي ..!
حسام: عوووك عووك خيزوو محكووك ..!
ملاك:( ضحكات بصفورية كتجر فيديها قبل ما ينتابهوو لهم و هما كل واحد فين خايد بالهضرة ) طلق مني .. قبل ما صووصيطتك تتصهد و تشوا .. أما يلا غير تحكات راك مزهار ..!
حسام:( طلق منها و بعناد قال بصوت مسموع لكلشي ) ههههه ا لالة ماري حتى هذا نظر .. ياكما الزين خاصوو البنزين ..!
محمد أميين: ههه ا مالكم ؟
حسام:( جلس مفرق بين رجليه و بهدوء قال ) حتى حاجة .. غير ماري بغات الفتيلة باش تزند العافية .. كاين شي شوا تبرد هاذ الهيشة فيه خاطرها ..!
ملاك:( وسعات عينيها و قالت ) بزاااف عليك تا نكون هيشة .. ما عرفت شكون فينما مشى كيقلب على اللحم كيتسارى برا الثلاجة ..!
محمد أميين: هههه كازانوفا و من لا يعرفه ..!
ملاك: بو بنات ..!
ضحكوو كلهم من غير حكيم لي مصغر عينيه فختوو تا تلونات و تزيرات قالبة وجهها من جهتوو فخطرة ..! و عدنان لي ما كيحملش البسالة د حسام مع ملاك غير كيدوزها بزز منوو و ينبه ختوو مرارا ..!
ضحكوو كلهم من غير حكيم لي مصغر عينيه فختوو تا تلونات و تزيرات قالبة وجهها من جهتوو فخطرة ..! و عدنان لي ما كيحملش البسالة د حسام مع ملاك غير كيدوزها بزز منوو و ينبه ختوو مرارا ..! عارفين حسام ما كيقصد والوو و مولف بالضحك مع كلشي .. طالقها تسرح و لكن داك الجوج ما كتدخلش لهم للراس .. كيعياو يجمعوو فلخر كيتفركعوو عليهم و غالبا على ختهم لي كتجاوب معاه بحال القط و الفار ..!
عدنان لي منين دخل ما هز العين فأسية لي تا هي جالسة كضحك و تبسم معاهم فصمت مزيرة راسها بزز باش ما تشوفش فيه و تعيَّق تا تحصلها شريفة و لا حكيم و هي الوجه ما بقالهاش معاه و من لي وقع ما بقاو هضرو ديريكت .. كيوصلها فسكات و مرة مرة يلوح لها كلمة للضرورة لا غير ..!
سرطات ريقها و نفسها كيطلع مرعد كتزعم فراسها و تزير على يديها تا وقفات قصدات حكيم و بصوت خافت حانية عينيها ..!
أسية: خويا حكيم واخا نهضر معاك بوحدنا ..!
حكيم:( قلب عينيه جهتها بابتسامة هادية كان دايرها مع نور ..! مدها لبسمة شداتها و وقف ) واخا ..!
خوا لها الطريق قداموو .. زادت و هو موراها تال بيتها القديم و شد عليهم الباب .. حاجب الشوفة على شريفة لي الفضول كياكل فيها .. كتسخن الغذا فالكوزينة ..! تا دخلات عندها ملاك كتضور فعينيها ..!
ملاك: نعاونك فشي حاجة ؟
شريفة:( شافت فيها و قالت ) كلشي واجد غير جلسي ..!
ملاك:( جلسات فوق الكرسي و بتردد قالت رادة الباب عليهم ) شريفة نسولك ..! احم دابا نتي زعما مزوجة بخويا و هو فالمخزن .. كي كيجيك ؟
شريفة:( ضحكات ) هههه كيفاش كي كيجيني ؟؟
ملاك:( غمضات عينيها كتسوط و فلخر فكرات تاخذ رأيها ) دابا حسام هضر مع ماما شحال هاذي باغيني للزواج .. ما قلتها لحتى واحد و انا عارفة خويا حكيم ما غاديش يبغي و عليها حسام جا عند ماما هي اللولة ماشي عندو ..! أنا خوتي عزاز عليا و لكن راه صعاب بزاف من الكبير لصغير .. واخا تشوفيهم كيضحكوو راه ماشي د المعاشرة لي أنا باغاها .. و دابا حسام ..!
شريفة:( صغرات عينيها و قالت ) حسام بدا كيعجبك و كيجيك مغاير عليهم .. واخا تا هو صاحب حكيم و خوتك كاملين ..! و خدام فالمخزن تا هو ..! بغيتي تعرفيني كي عايشة مع خوك باش تشوفي واش تا نتي غتعيشي هكاك مع حسام ياك ؟
ملاك:( هزات راسها بالايجاب ) هو زهواني من الطراز الرفيع و عينيه زايغين .. كيشوف قدامي و ما كيحشمش و لكن جاني من نهار هضر مع ماما تبدل و لا كيضسر غير عليا ههه تخيلي سيفطتلوو انفيط بكونط قديم عندي .. عامر بالتصاور و لي زامي .. فوكونط مصوباه ببنت اسبانية كتبان مغربية و كتحمق بالزين قرطاسة ..! و واخا هكاك ما قبلش لانفيط و فاش رجعت سيفطتلوو مسجات .. حدف الدعوة كاملة .. يعني ما باغي يهضر مع حتى وحدة و جمع راسوو بصح ..!
شريفة:( ردات عليها بجدية ) خصكي تعرفي الزهواني لي طالقها تسرح قدامك تلقاي ليه الدوا و لي ساكت و عينيه كيضورو فبلاصتهم كيدير المصائب فظهرك معاه فين غتوحلي ..! حسام مبين لك كلشي و غيجمع راسوو معاك من بعد و تا يلا ما جمعوش راه الزين حبوو مولانا شوفي نتي و ياه كاع هههه الشوفة اللولة عليه و الثانية ضدو ..! ياك عيى يشوف و جا لعندك ايوا راك غير نتي لي معمرة لوو العينين ..! و حكيم علاش ما غيبغيش ؟
ملاك: حيث عارفني برهوشة و هو عينيه فالتين ما غيمشي حتى يخووني شي نهار و تصدق العلاقة كاملة فاسدة بسبابي ..! هو راه صاحبوو و عارفوو كي داير و زيد خدمتهم مريضة ..!
شريفة:( تنهدات و شدات لها فيديها ) خدمتهم مريضة ااه و كتخليهم يتعصبوو و يبداو يألفوو الافلام فعقلهم و يزيرو فتربية ولادهم و شحال من حاجة فشخصيتهم كتعصب و ماشي بالساهل تولفي و تسرطي شي فعايل .. و لكن راه راجلك ماشي هي خوك ..! ما كاينش شي واحد كيتعامل مع مراتوو كيفما مع ختوو .. انا كنشوف وجه ثاني لحكيم و تا نتي فاش غتشدي الباب عليك مع حسام .. عاد غتعرفيه ديال بصح و هاذ السنين كاملة غتضرب فالزيرو بحال عمرك عرفتيه .. عاد غيبانلك على طبيعتوو و يطير الزواق ..! جوج د الناس بطبايع مبدلين ماشي بالساهل يتفاهموو و واحد ينزل للثاني و يخليه يتحكم فيه ..! عليها العام اللول د الزواج كيكون صعيب و زوين فنفس الوقت .. و من بعد راه كتافقوو و تتوالموو بكيفاش غتمشييو المركب ديالكم و ما كيبقاوش الحساسيات بحال فلول ..!
شريفة: عليها العام اللول د الزواج كيكون صعيب و زوين فنفس الوقت .. و من بعد راه كتافقوو و تتوالموو بكيفاش غتمشييو المركب ديالكم و ما كيبقاوش الحساسيات بحال فلول ..!
ملاك: يعني خدمتهم ماشي مشكلة ؟
شريفة: ماشي مشكلة .. فأي خدمة كيكون فيها الصداع و المشاكيل و الواحد هو لي فاش يدخل لدارو يخلي ديكشي د برا .. برا ..! عادي تتبرهشي و يتبرهش معاك راكم باقيين صغار بالعكس غتخلقوو اومبيونص زوينة و التزهوانيت ماشي حاجة خايبة ما دام كيديرها معاك و غتعرفي تجريه لصفك ..! هاذشي يلا نتي كنتي كتبغيه و تا هو و باغى تكملي معاه حياتك .. و اول حاجة شدي ليصونص ما بقالك والوو ليها ربع شهور و لا قل ؟ تما عاد يفاتح حكيم .. يلا كان غيعارض على شي حاجة غتكون على قرايتك ..!
ملاك:( تبسمات ) واخا شوووكرا و خلي هاذ الهضرة بيناتنا ..!
شريفة:( هزات حاجبها ) لا غادي ندير بيك بوق و هاذشي كامل غيوصل لخوك و كثر ..! النهار لي نعرف حليتي فيه فمك عليا معاه و لا مع غيرو .. غير بكلمة .. الطر لي عمري ضربتوو غنضربوو لك و نوريك تانا حلاوة الشوهة و دخول الصحة ..!
ملاك:( عقدات حجبانها ) مسمووومة ..!
شريفة: و افتخر ..! شدي دي معاك هذا فوق الطبلة و رجعي تحطي معايا الغذا ..!
فتحات الباب هازة فيديها الغلاف د الطبلة .. دازت هي اللولة و موراها حكيم بنظرات هادئة طبيعية و أسية جنبوو باينة فيها باكية ..! شافت فيها شريفة و عيطات ..!
شريفة: أسية ..!!؟
أسية:( تبسمات معاها و دخلات عندها للكوزينة ) صافي قالي يفوت الويكاند و نرجع .. من الاثنين نبدا ..!
شريفة:( تبسمات بحنان ) و علاش كتبكي ؟ غوت عليك ؟
أسية: لا و لكن حشمت منوو و ندمت ندمت
سكتات حانية راسها كتشهق رجعاتلها البكية تا عنقاتها شريفة كتنهد و طبطب عليها ..!
شريفة: صافي دابا نساي علينا هاذ الغم و القهرة .. ضحكي و مولاها ربي و حمريلي وجهي معاه بنقطة بحال الدورة لولة ( بمزاح ) عنداك تحمريه لي بالتسرفيق ههههه
أسية: هههههه ما تخافيش ..!
تعاونوو البنات حطوو الغذا بقى غير الثقيل هزو حكيم ..! تجمعوو على الطبلة بالضحك و الهضرة و اشهى الاطباق محطوطين حداهم ..! تاويل و اشمن تاويل و ترحاب و اشمن ترحاب ..! كبرو بيهم تا حشموو من شريفة ..! و موراها تقسموو كل واحد شد صالون جلس فيه ..! الرجال فالصالون الكلاسيكي و هما فالبلدي ..!
ما خلاو حتى موضوع ما هضروش فيه و سينية د أتاي محطوطة قدامهم مع فاكية كيتلفوو بيها الوقت ..! حطات شريفة للعيالات و دات ثاني للرجال .. كل جوج فين جالسين كيهضرو و حكيم داخل فنقاش طويل مع عدنان لدرجة ما انتابهش لها تا دازت من حداه و هضرات معاه يبعد رجليه ..!
حكيم: شريفة غتمشي للبيرو كاين كتاب غلافوو زرق جيبيه معاك هو و وراق بويض خاويين و شي ستيلوو ..!
شريفة:( هزات راسها بالايجاب ) واخا ..!
دخلات للمكتب ديالوو هزات الوراق و الستيلوو كتقلب على الكتاب تا لقاتوو .. استغربات بالجهد حيث د الشريعة ..! من فوقاش حكيم عندو الكتوبة د الدين ؟ تعجبات و هزات كتافها بلا مبالاة ..! عطاتهم لوو و رجعات مكملة عشيتها مع العيالات تا جا وقت كاسكروط و خرجوو الرجال للقهوة مخليينهم بوحدهم .. التلفزة مشعولة قدامهم و الطبلة عامرة ما خلات ما صوبات و حطات ..!
تا وذنات المغرب و رجعوو موراهم .. توادعوو معاهم و شكروهم .. مخليينهم الراس فالراس و نور صافي جالسة معاهم فخطرة ..! ما مشاو تا جمعوو معاها الكوزينة و بالخف هي جبدات الصالونات و شطبات من الفتات ..! عاد وجدات السينية لحكيم باش يتعشى فخطرة ..! دخلات عندو و شعرها كيتحرك معاها بداك البلاياج و التقطيعة .. جاها زوين و لكن اللون شد فيه سي السلطان ما بغى يطلق ..!
حكيم: اجي أ مي غنوو لهنا نتشاور معاك ..!
شريفة: مي غنوو ؟؟ لواه خالتك الضاوية هاذي ..!
حكيم:( حك حاجبوو و ضرب حداه ) جلسي براكة من الفهامات ..!
جلسات حداه حاطة رجل على رجل .. الصدر مدفوع و الظهر مقاد و تا هو معنكر حداها ..! لي يشوفهم يقول هاذو الطوب د العياقة و التكبر ..! مالهم على حالتهم كيتعوجوو و معذبين و لكن فالحقيقة هما مرتاحين على الآخر و بجوجهم مولفين هكاك و هاذي طبيعتهم ..! نور جالسة فالكرسي د الماكلة كتفرج فالتلفزة ..!
حكيم:( شد فيديها مشابك صباعوو معاها ) كنفكر ندفع للتقاعد النسبي و نخرج من الخدمة ..! تضغطت و ما بقيتش مرتاح .. خصوصا فاش تزادت نور .. وقتي ماشي ديالي .. لا فالأعياد لا فالمناسبات و الأيام العادية .. خاصني نرخف على راسي شوية ..!
شريفة:( ردات بتفاجئ ) هو بصح ما كنشبعوش منك و لكن نتا خدمتك كتعجبك و كترتاح فالضومين و عندك مع القانون تا كملتي فيه تال الدكتورة و تجي دابا تخرج ؟
حكيم:( رد بالايجاب ) متافق معاك و لكن الظروف كتبدل .. نقدر نبدل لشي حاجة مرتاح فيها كثر .. ندير مشروع ديالي مثلا .. و بديت كنفكر و نخطط ليه ..! ( تنهد دوز يدو على راسوو ) واخا يلا بقيت فخدمتي من هنا خمس سنين يلا طولت .. غنطلع كراد لعقيد و موراها ل والي الأمن ..!
شريفة:( وسعات عينيها و قالت ) واو ..! والي أمن فخطرة ؟ ( تنهدات تا هي ) و لكن ساعتها ما غنبقاوش نشوفوك كاع .. دابا بعدا كنفوزو بسويعات ..!
حكيم: على هاذشي كنفكر فالتقاعد ..! و عاد هاذ الشهر مرخوف على لي كنت .. حيث غنخرج ثلث شهور على كازا فخدمة ضرورية ..! ( خطط بصبعوو فكفها ) عاد علموني البارح .. سيمانة و غنسافر .. ممنوع التيليفون فخطرة ما غنقدرش نهضر معاك لثلث شهور ..!
شريفة:( رمشات فيه ببطئ و صدمة ) كيفاش ياك نتا خدمتك فكازا ..؟ علاش ممنوع تهضر معايا ؟ نبقى أنا هاذ الوقت كامل كي الحنش المقطوع راسوو ما عارفة لا فينك لا شنوو واقع معاك .. حكييم هاذشي ما فيهش الضحك ..!
حكيم:( هزهز حواجبوو و قال ) تا انا ما كنضحكش معاك .. خدمتي فكازا و كنخرج عليها شحال من مرة .. كيجييو مهمات سرية .. كيجييو دي فورماسيون كيحتاجونا نقرييو فيهم لبروموسيون لي طالعة و زيد و زيد .. الظروف ما كتعرفي منين كتخرجلك و هاذشي مولفين بيه الدار و غير حسام راه عاد رجع مع زواجنا و انا أخرولي غير على ود زواجي لا غير .. و دابا جا الوقت ..!
شريفة:( تزير عليها قلبها تا بغات تخنق ) و باش غنعرف راك مزيان ؟؟
حكيم: ما حد ما جاك تا خبار عليا .. راني مخير ..! ( حك يديه مع كتافها و جرها عندو معنقها ) ما تعمريش راسك بالخاوي .. غترجعي حتى نتي للخدمة و تشغلي مع نور و أسية ..! و يلا بغيتي ما تبقايش بوحدك جلسي مع الواليدة و لا جيبي عندك أسية ..! حتى تلقاوني كملت و راني معاكم ..!
شريفة:( تغرغرو عينيها بالدموع كيلمعوو و تكمشات فيه كتحك حنكها مع صدرو ) و ترجع تدفع نيشان التقاعد .. غيبغييو يعطيوه لك بعدا ؟
حكيم:( حرك راسوو ) حتى يلا ما بغاوش كلشي عندو الحل ..!
شريفة: و المشروع لي باغي تدير ديالاش زعما ؟
سكتات شوية حشمانة تسول و ما عندهاش الوجه لي تقولوو شحال الصاليغ ديالك .. ما حدها لي طلباتها كتحط فوق الطبلة و ما مخسر لها الخاطر فحتى حاجة و غير فخرجة عادية يقدر يخسر عليها الملايين و ما يهضرش و الدار كاملة طاحت عليه بغسيل الفندق هي و الاثاث و التجهيزات فلخر كتبها لها فسميتها بيع و شرا .. فعمرها فكرات تسول ..!
عارفة البوسط ديالوو شحال كيشدو فيه و متأكدة عندو مداخيل ثانية .. حيث لي كيشدوه بحالوو فشهر .. كيخسرهم هو فنص نهار ..! و حكيم يدو متقوووبة بالزايد لا معاها لا مع خوتوو و حبيبة لا حتى مع البراني ..!
شريفة: احم و جامع شي حاجة ليه ؟ زعما راك عارف خاص يكون عندك مداخيل ثانية و باش تطلع مشروع من الزيرو .. فلوس صحيحة غتحط بلا حساب ..! واخا نتا عندك الأراضي غير مشتتين اختار أي وحدة و ديرلها البلان و بدا تطلعها ..!
حكيم:( حرك راسوو و قال ) الخير موجود الحمد لله ..!
حكيم:( حرك راسوو و قال ) الخير موجود الحمد لله ..! المشروع بغيتوو يكون سياحي .. فالطبيعة و الخضورة و الجبال ضايرين بيه .. بحال اوطيل غير هو يكون بالبني التقليدي و مقسم لشاليات كل واحد فجهة ..! و فنفس الوقت تكون جهة كبيرة فيه .. بحال شي فيرمة ..!
شريفة: زعما تبقى تصدر الخضرة و الفواكه ؟ يكون فيه الحيوانات .. المعيز البقر الخرفان و كذا ؟
حكيم:( رد بالايجاب ) وي ..! مركب سياحي كبير .. كاينين اوطيلات سانك ايطوال على البحر للناس لي كيعجبهم الجو د البحر و لكن لصحاب الطبيعة .. قليييل فاش كتلقى شي حاجة دو ليكس ..! من شحال هاذي و انا كنفكر فيه .. الجو غيوالمني تما بزاف و غنرتاح كثر فهاذ الخدمة على لي قبل ..!
جبد تيليفونوو كيوريها كيفاش بغاه و أمثلة لبحال هاذ المركبات السياحية لي عددهم قليل فالمغرب و اوروبا و لكن كيخردلوو العقل .. و حتى الأثمنة ديال الليلة فيهم طالعة بزاااف ..! و لكن فنفس الوقت ممشيين و الارباح طالعين ..! كيجيو لها غير الشخصيات .. شكون و شكون و عاد الكور و تا الطبقة المتوسطة لي كتجمع حصيصة و كيمشييو يتمتعوو لاسبوع بفلوسهم فشي حاجة غوايال ..!
تحمسات و عجبها المشروع .. واخا من ديكشي لي شافت و فهمات راه الملايين غيتحطو كيتشيرو .. و يمكن يبقى الله كريم .. لي قداموو و لي موراه غينزّلوو و لكن غير يوقف المشروع على رجليه غيرجع كلشي مضوبل و هي فالمبيعات و الاشهارات و التسويق ما كاين لي يفوتها ..!
غتخدم معاه من هنا للهيه و تا هو ذيب و عقلوو يوزن بلاد و غيعرف يسيرو و عندو صحابوو و المعارف ديالوو فكل بلاصة .. منهم لي مقطعين كيحتاجهم غير فالبلانات و منهم الناس الهاي لي كيتعاملوو معاه و بيناتهم عشرة زوينة .. غيعجبهم المركب و غيدعموه فلول ..!
شريفة: و الداخل غيكونوو محلات يتباعوو بثمن زايد .. يحطوو فيهم الناس خدمتهم .. زرابي .. قفاطن .. ميكاب ارتيسط .. دي غيسطوو و منهم ديالي نخدم معاك فيه و عاد لي زاكتيفيطي لي تديرهم تما ..! عاودت لك فالرباط شنوو درت ديكشي زوين بزااف و فالطبيعة غتجي واعرة كاع اليوغا ..! و تربي الجمولة كاينين لي كيبغييو يضورو بيهم و يتصورو فالطبيعة ..! و عرفتي فاكادير كاين داك البارك ديال التماسيح و جامع شحال من حاجة اخرى ديال الحيوانات و النبات .. مولاه كاوري تا هو و الدخلة بالفلوس .. واخا شي حاجة قليلة و لكن حتى نتا ديرها لي بغى يدخل للجهة د الفيرمة و يشوف شنوو كاين تما ..!
حكيم:( ضحك من حماسها و قال كيحرك راسوو بالايجاب ) هاذشي كامل غيكون و غنشرك فيه لاصال و اي حاجة تطيح على بالك .. و تما نيت غنبنييو لينا .. بعيد عليهم شوية فالسكات ..! الأرض واجدة و البلان غيتحط قبل ما نسافر و غنخليهم يبداو فيه ..!
شريفة:( بتردد قالت ) و منين غتجيب هاذ الفلوس كاملة زعما ؟ و الريسطوو و الباتيسري ديالي ..!
حكيم: غتبقاي خدامة فيهم عادي .. المشروع ما يوجد على سنين و باقي طريق طويلة فيه و التقاعد ما غيخرجش دابا .. مزاااال يجبدو معانا كثر من الموافقة د الزواج و نهار يوجد و نبداو فيه غتفتحي فرع تما كيفما قلتي و تتعاوني بالريسطوو الاصلي لي فسلا باش تشهري الفرع الثاني ديالك .. غيبقى الماندجر مكلف و نتي من بعيد متبعة معاه الحسابات و مرة مرة تمشي تطلي عليهم و تشوفي الخدمة كي غادية ..!
شريفة:( هزات كتافها بموافقة ) و الفلوس ما قلتيليش ..؟
حكيم:( رد طاوي رجل و مسرح الثانية .. شابك يديه بجدية و نحنح ) هاذشي لي كنت كنتناقش مع عدنان فيه ..! الخدمة ما بغيتش نخرج منها غير على ود تمارة .. بالعكس ولفنا عادي ..! و لكن باغي نبعد على الحرام فخطرة و نفتحوو صفحة جديدة بالحلال مع وليداتنا ..! واخا يلا جينا نشوفوو هذاك ما كيتسماش حرام .. البلاد كاملة قايمة عليه و حنا ما فيدينا ما نديرو .. كنتحركوو على حساب لي زوغدغ " الاوامر " ديال لي فوق منا و لي فوق منا كيجيهم من لي فوق منهم و هي غادية ..! الحشي٠ش بحالوو بحال الدعا٠رة .. اهم حاجة فالاقتصاد ديال اي بلاد و هازين بيهم فوق لي عقلك يقدر يستوعب ..! مرة مرة كيكونوو تمثيليات كنشدو فيهم الريوس لكبار زعما دايرين خدمتنا و هو كلشي مشري و لي ما دا لقليل كيدي الكثير .. و نهار كتبدا تحمحم كيلصقوو لك بروصي يخرجوو عليك .. اللهم الواحد يسل الشوكة بلا دم ..!
حكيم: هاذ الضومين حفينا فيه سناننا و ما بقالنا فين نزيدو كثر ..! درهم د الحرام عمرها دخلات عليكم لا نتي لا دارنا ..! الواليد مور ما توفى و تفك الصداع على الورث .. بعنا كلشي .. الدار و الفران و شي بقعات فالبلاد و بيهم تصرفت فلول ..! شريت الدار د سباتة و جبتهم لعندي كافيينا الصاليغ د الخدمة .. و كمل محمد اميين تا هو قرايتوو و تعاون شوية ..! توسعنا و خدينا الرخصة و زدنا جوج طبقات فالدار الفوق و ربعة د المحلات .. كريناهم و بفلوسهم درنا قهوة و وقفنا عليها كاملين و من حاجة لحاجة تا كبرو المشاريع ..!
شريفة:( ردات بتفاجئ يالاه كتعرف شنوو عندو ..! ) فين عندكم هاذ المشاريع ؟
حكيم:( رد بهدوء ) كازا .. السعيدية .. وجدة .. المحمدية .. بوزنيقة و بلايص فالطبيعة ما غتعرفيهمش و الفيرمة لي فبوسكورة تا هي ..! قهاوي اوبيرجات محلات و رياض فمراكش ..! و عاد الفلوس د الحشيش كتمشي ديريكت للاراضي .. غتكوني عرفتيني مبلي بيهم و التراب بحال الذهب فيديك عمرك تضيع فيه و نيت عمري ضعت .. كاينين لي غير محطوطين كنخلص عليهم الضريبة ما باني عليهم والوو .. و كاينين لي بنيت فيهم تجزئات و كلشي تباع و بفلوسهم رجعت شريت اراضي جداد و بنيتهم و هي غادية ..! يا ايما كيضورو و يرجعوو لبلاصتهم يا ايما كنشري بيهم العمران فالمدينة نيت ..! الديور غير مشتتين كنكريهم و فلوسهم كلهم كتجمع و ترجع تدفع فالبقع الارضية و حنا مكملين ..!
شريفة:( تبسمات و قالت بتعجب ) صدقتي بخبيزتك ناعس على هاذشي كامل و انا آخر من يعلم ..!
حكيم:( رد ببرود ) نتي لي عمرك سولتي ..! المهم ..! عدنان تشاورت معاه فقضية الحلال و الحرام .. شحال و أنا كنقلب ..! درت حساباتي كاملين .. جمعت الحساب د الفلوس لي شاك فيهم و هما لي غيتحطوو فالمشروع و يطلعوه .. و نهار يوقف على رجليه .. الارباح كاملة غتجمع و غنعيشوو بالمشاريع الثانية لي فلوسها حلال و غير يكملوو الفلوس كاملين لي تحطوو فالمشروع مشكوك فيهم غنتصدق بيهم و نشدو هاذ الباب فخطرة و عاد نتمتعوو و حنا مرتاحين ..!
شريفة: زعما غتصدّق كاع الفلوس لي شاك فيها و تتهنى و لكن حتى توقف على رجليك ( هزات راسها بالايجاب ) فكرة مزيانة و شنوو قال لك عدنان ؟
حكيم: كاين لي كيقول حرام تتصدق بيه ..! و هاذشي لقيتوو و انا كنقلب ..! ( فتح لها صفحة من الكتاب محطوط حداه ) عَنْ عَبْدِ اللَّهِ بْنِ مَسْعُودٍ - رَضِيَ اللَّهُ عَنْهُ، عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «لَا يَكْسِبُ عَبْدٌ مَالًا حَرَامًا فَيَتَصَدَّقُ مِنْهُ فَيُقْبَلُ مِنْهُ، وَلَا يُنْفِقُ مِنْهُ ; فَيُبَارَكُ لَهُ فِيهِ، وَلَا يَتْرُكُهُ خَلْفَ ظَهْرِهِ إِلَّا كَانَ زَادَهُ إِلَى النَّارِ، إِنَّ اللَّهَ لَا يَمْحُو السَّيِّئَ بِالسَّيِّئِ، وَلَكِنْ يَمْحُو السَّيِّئَ بِالْحَسَنِ، إِنَّ الْخَبِيثَ لَا يَمْحُو الْخَبِيثَ» " رَوَاهُ أَحْمَدُ .
شريفة:( قرات و قالت ) اهاه ..!
حكيم:( رد بجدية ) و لقيت النقيض ثاني كيقولوو بلي يلا كتعرف مول داك الفلوس تردهم ليه و يلا مات لولادو و يلا شاك و القضية مخلطة تتصدق بيه ..! و يلا كنتي غتعطي داك الفلوس و غتبقى ربي كبير ما عندك تا درهم .. خدم داك الفلوس ك راس مال لمشروع يوقفك على رجليك و من بعد عاد ردو .. صدقة ليك و لغيرك ..! و حتى عدنان زاد اكد لي هاذ الهضرة و حنا غنمشييو مع الساهلة ..!
شريفة:( حركات راسها ) اوكي مزيان .. من عندي انا معاك فأي حاجة قلتيها .. نبداو خطوة خطوة حتى يحمل الواد ..!
حكيم:( تبسم بهدوء و دوز شعرها مور وذنيها كيلعب فأطرافوو ) حاجة اخرى .. هاذ الشعر ما بقيت بغييت حد يشوفوو من غيري ..!
شريفة:( ردات عاقدة حجبانها ) باغدون ؟؟
حكيم:( لعب بلسانوو ففموو بهدوء ) تتحجبي ا مدام .. صبرت عليك شحاااال تا تفهمي راسك بوحدك و لكن بانلي الاخت ما عوالاش ( غمزها بثقالة )
شريفة:( ميقات فيه و قالت ) ااه ما عوالاش ..! و ما عنديش الفكرة د الحجاب فبالي .. لا دابا لا من بعد .. اصلا كنتخنق و ما غنقدرش نتنفس بيه مرتاحة ..!
حكيم:( ضحك و جرها من عنقها مزير عليها و نطحها بجبهتوو و باستهزاء قال ) غنعلقوو مشنقتك باش ما غتقدريش تتنفسي همم ..!
شريفة: راه بصح كنهضر معاك .. ما باغاش نتحجب و ما منحقكش تفرض عليا شي حاجة أنا ما مرتاحاش فيها ..! ( هزات حاجبها فيه و هو باقي شادها من رقبتها ) النهار لول تافقنا .. أنا الإرادة و نتا التسيير ..! القرارات ناخذوهم بجوج و حتى حاجة ما تكون بزز و انا ما باغياهاش و نتا فيديك العصمة تسيرنا ..!
حكيم:( رد بهدوء ) حتى دابا ما حاطش السيف على رقبتك ..! ( هز حاجبوو فيها ) واش عند بالك صعيب عليا نحكمك و النفس ما نخليكش تطلعيها و قبل تا ما تنوي غير تهضري تضربي الف حساب و حساب ..! واجباتك كاملين تديريهم بالعصا و لا بالخاطر .. فالدار و فالفراش ..! الشمش يلا ما بغيتكش تشوفيها راه كنقسم لك فمي بالله ما تشوفيها ..! و الطلاق جري طوالك فيه .. يلا قدرتي تتطلقي ها البوجور ديالك من عندي ..!
شريفة:( عقدات حجبانها ) شنوو دابا كتهددني ؟
حكيم: كنقولك شنوو كاين ا بنت الناس و هاذشي يلا بغيت نديرو من غذا و لكن واش هاذي عيشة تبغي تعيشيها ؟ ( دوز سبابتوو على شنافتها ) من ديما كنقولك كلشي بالخاطر و راخي لك الحبل .. و واخا هكاك كتصعريني بفعايلك تا عقلي كيبغي يخرج بالغوات .. كنسب و نربب و أنا ما حاسش براسي ..!
شريفة:( ردات جامعة شنايفها ) و كتضرب .. معصب بوحدك مع خدمتك كتجي غير فيا ..!
حكيم:( ضحك كيحرك راسوو بالنفي و باستهزاء قال ) و كنضرب ؟؟ مظلوومة مسكينة ..! ( زاد قربها لعندو ) غتبقاي تسمعي الهضرة و لا غنهرس لك هاذ الراس القاسح ( ضربها بالضحك لراسها ) حلفت ما نعاود نحط فيك يدي و تا نتي باركة من التبرهيش ما تخلينيش نخسر معاك كثر ما انا خاسر .. راه باغيين نثوبوو ا مي غنوو ..!
شريفة:( ضحكات من السمية و ردات بهدوء ) حتى انا تبدلت و كنحاول نصلح من راسي و لكن الحجاب انا ما مقتانعاش بيه .. كنسمع لهضرتك و كندير بيها و عارفة يلا ما بغيتش نديرو تقدر تحبسني فالدار كاع و لكن واش ننافق راسي و ربي ؟؟ أنا خايبة و ما كنسواش و لكن ماشي منافقة ..!
حكيم:( تنهد و بهدوء ضار عندها كامل طاوي رجليه .. شد فيديها و قال بالخاطر بحال كيهضر مع بنتوو ) عارف عندك ذكريات خايبة على الدين بصفة عامة ..! كتفكري الله فين ما يتزير عليك الحال .. بحالنا كاملين .. يعني قلبك زوين و متعلق بيه و هاذشي مزيان ..! من بعد لي دزنا منوو راه خاصنا نشدو فديننا شوية ..! بداي تصلي بحالي و تقراي عليه شوية .. غتبدلي رأيك فشحال من حاجة .. غتنساي الفقيه و شنوو كان كيدير بالقرآن و غتنساي كلشي ..!
شريفة:( تنهدات و قالت ) غنحاول و لكن انا كنشوف الدين بعينين .. واحد خسر عائلتوو كاملة فانف٠جار ارها٠٠بي ..! و ما بقالوو حد بسباب شكون ؟ بسباب بزاف شادينوو من زكوو ..!
حكيم:( رد بهدوء و استفزاز ) دونك نتي بهاذ السطحية كاملة ..! متطر٠٠فين ما عارفة امهم منين جايين و ما جامعك بيهم حتى حاجة .. غيكرهوك فالنور د الدنيا و لاخرة ..؟ ( هز حاجبوو ) يعني دابا ساهل اي واحد يجي يخليك تكرهي شي حاجة عزيزة عليك بزايد و نقية غير حيث هو تفكيرو عوج بحالوو و مريض فمخوو ..؟ تسمحي فشي حاجة غتقدر تريحك للماكس على ود بنادم ..؟ بففف هاذي جديدة عندك ..!!!
شريفة:( غمضات عينيها كتسوط و تغزز شنايفها تا فتحات عينيها فيه شانقة عليه من الكول ) علاش لوالديك نتا هاكا ؟؟ اعععع كتعرف تقنعني و تلعبلي على المحاسيس ..! لااااا انا ماشي هكاك و ماشي سطحية ..!
حكيم:( رد باستفزاز قرصها من جنبها تا قفزات و رخات منوو ) بيني ليا ..!
حكيم:( رد باستفزاز ) بيني ليا ..!
تسمعات موراها غوتة د نور كتبكي و تعاود حتى ناضت هزاتها عندها كتسكت فيها و تبوسها فحناكها مدلعاها ..! عاد تهدنات حاطة يديها على صدرها و مكمشة وجهها فيه و الشنيفة مدلية .. حساتهم نخلوها و خلاوها بوحدها ما ارتاحت تا جابوها قدامهم ..!
شريفة: خليني نفكر و نشوف ..!
حكيم:( رد بهدوء ) عندك ثلث شهور فيديك .. قراي و بحثي و فكري بالشوية عليك .. فاش نرجع عطيني جوابك ..! و بعييد على الدين ..! أنا مراتي ما نقبلش عليها تخرج للشم٠ايت يدلييو عينيهم و ما كفس عليها ( غمزها بمعنى الفاهم يفهم ..! ) السترة مزيانة ..!
شريفة:( تنهدات ساكتة كتضور فعينيها )
حكيم:( زاد قال باقناع ) من ديما كنقولك نتي جوهر حر عندي ..! خاصك غير الحجاب و تكمل الصورة فعيني و تا نتي غادي يعجبك و غتلقاي راحتك فيه و تخرجي ستيل ديالك ..! نتي ماشي خايبة و ما كتسوايش كيف قلتي .. بالعكس .. نتي مميزة على غيرك و خاصك تبقاي هاكا ..!
شريفة:( كتهزهز رجليها بنور ) نبقى هاكا .. يعني نبقى شريفة لي عرفتيها اول مرة و بغيتيها .. ما يمكنش نبدل فشكلي باش نتا تكون مرتاح ..! كتغير عليا .. هاذي مفهومة و لكن نتخشى فكيس باش الكلا٠ب ما يبقاوش يشوفوو هذا ماشي حل ..! من نهار ولينا بجوج فغولاصيون سيغيوو و انا محتارماك و كنرد البال لحوايجي و تا المكياج نقصتوو بزااف على لي كنت ..!
حكيم:( بدا يطلعلوو الدم و عيى من الهضرة .. زفر النفس بعصبية و رجع قال كيبرد ..! ) نتي فمن عينيك ؟ فيا و لا فالبشر يشوفوو شعرك و لحمك ؟ لاش غتعريه لهم ..! زعما هما ما عندهمش لي عندك و غتبهريهم ؟ غتلبسي و تتعراي معايا و تديري لي عجبك و فالزنقة غتستري ..! التميز راه ماشي فالعرا .. ما كاينش شي واحد فينا كيشوف مراة مقزبة كيبغيها و يشوف فيها بشوفة ماشي مكب٠٠وتة ..! بلاصتها معروفة فين و الله يعاون .. هي لحمها رخييص عندها و كتبينوو غنهزو لها حنا الهم ..!
شريفة:( غمضات عينيها .. فقصها بهضرتوو ..! من جهة قنعها و من جهة ما باغاش و عندها فكرة مسبقى خايبة على الموضوع كامل ..! ) الصمت
حكيم: فاش تكوني فشي مجمع كلشي معري بزازلوو كيتشمشوو و نتي داخلة مستورة بحجابك و منورة ..! راه كتكوني مميزة عليهم ..! فين عمرك شفتي شي ملك و لا اميرة كتلبس بحال الشعب ..! و الدين رد المراة بحال الملكة لا فلباسها لا فهضرتها لا فسلامها ..! كتعز راسها و ما كتسلم غير على الحاشية ديالها .. لي يلا قلبتي غتعرفي شكون ..!
سكت ما بقاش زاد حدو تبسم معاها بهدوء و تبسمات تا هي .. تعشى و كلى لي كتب الله و ناضوو بجوج لبيتهم .. نور مع شريفة كتبدل لها و تلعب معاها و حكيم دخل توضى و خرج كيمسح فوجهوو ..!
شافت فيه و قلبات وجهها باش ما يقولهاش نوضي صلي معايا .. حركة مفروطة ضحكاتوو و ميك عليها تا هو ..! طلق السجادة و صلى العشاء ..! عاد جلس حداهم .. شاد فنور كيمشيها فوق الناموسية و هي كلها كترعد و رجليها كيتعوجوو ما تابثينش .. عينيها خارجين خايفة تطيح و البكية واجدة .. تا وصلات لصدرو و عنقها و طلقاتها بشهقة ..! مخلايهم كيضحكوو عليها تا قالت شريفة ..!
شريفة: دابا حتى نتا غتولي من ماليين اللحي ؟ و قال الله .. قال الرسول ..؟ و فاش نجيو نديرو نونو فالثقيبة غنبداو نذكرو الله داخلين على الجهاد على القوم الظالمين ماشي كنديرو الساكوفاح ..!
حكيم:( خنزر فيها و قال ) هاذشي ماشي ديال الضحك ..!
شريفة:( ردات كتهز كتافها ) تا العريس و عروستوو فليلة الدخلة .. كيصلييو جوج ركعات قبل ما يتسفحوو على بعضياتهم و هو مقيم و داك الصلاة كاملة كيدوزها كيفكر منين يبداها واش الفوق و لا لتحت و هي كتوجد راسها تشوف البنان و البيض د سي السلطان كي داير ..! تا هاذشي ما كيضحكش .. اربي علاش غنافقوو بعضياتنا ؟
حكيم:( غلباتوو الضحكة و ضحك تا صدرو بدا كيتهز ) كارثة متنقلة هاذي ..! قلنا لك غير تستري و جربي تبداي تصلي لا غير .. ماشي غتولي مع داع٠٠ش ..!
شريفة: اييوا ما نعرفت لك ..! كلشي كيبدا هاكا .. غتدوز ست شهور تقولي بغيت ندير التعدد حقي فالدين هذا ( وسعات عينيها ) و الخدمة لي شاداك عليه غتكون باااحح و داك الساعة و الله تا نتعرى عليك يا ودي يا حكيم ..! تفكر فيها فمنامك و الله تا نشلضوو لباباك ..!
حكيم:( شاف فيها بقلة حيلة و قلبها ضحك ) الله يهدي ما خلق ..!
شريفة: ايوا بااااز ..!
سكتوو كل واحد ناض يدير روتينوو قبل من النعاس .. شريفة ضروري تتهلى فراسها و تاخذ وقتها الكامل و تا هو كيعجبوو يشوفها هكاك كيستمتع ..! تا كملات و تخشات فبلاصتها و نور وسطهم كتكور و تبجغط ..!
شريفة: شنوو يا هاذ المشة ما غتخليناش نعسوو .. غير نتي شبعانة نعاس و حنا نبقاو سهرانين معاك .. هاا ( هراتها فكرشها تا تكمشات كتضحك و صوتها مسموع ) هوووف عيييت لبارح و ليوم باغى غير ننعس و نرتاح ..!
بداو عينيها كيتغمضوو بتعب و بلا عكز عليها حطات راسها على فخاض حكيم و هزاتلوو يديه حطاتها على راسها كتحك شعرها بيديه .. مدة و رخاتها و خلاتوو هو كيلعب فيه و فأطرافوو ..! نعسات مع حركاتوو الحنان تا بداو كيتسمعوو شخيرات صغار منها و نور غادية لها كتضحك و تكور .. تا خطفها حكيم و قال بضحكة
حكيم: ششش خلي ماما ناعسة ..!
قاد لها راسها فوق خديتها و غطاها .. و خرج من البيت هاز عندو نور .. دخل للكوزينة فين دارت شريفة لهاية نور تسلق باش تعمق و يحيدو منها الميكروبات ..! نفضها من الما و عطاها لها كتمص فيها متكية عليه و هو كيتحرك بيه فالصالون و يراري بيها تنعس ..!
تا طلقات اللهاية و مصات شنافتها التحتية واكلاها ههه .. عندها الفوقانية كبر من التحتانية و من صغرها و هي حاكرة على داك الشوينيفة ..! و واحد اليد .. سبحان الله ديما دايراها تحت حنكها مطاكية بيها راسها .. كتشم فريحة باها لي ولفاتها و ولفاتوو هو ينعسها ..!
صبح الصباح عليهم فجو عائلي دافي ..! فرحات شريفة فاش عرفاتوو غيبقى معاهم هاذ السيمانة ما خدامش حتى غيسافر ديريكت ..! و بسعادة بدات كتوجد راسها هي و نور باش يخرجوو و علمات تا اسية بلي غيدوزو عليها ..!
حكيم بلباسوو السبورتيف لي كيرتاح فيه و جاكيط سخونة من الفوق مع كاط فرجليه .. هاز نور لي تا هي بالكساوي يا وعدك و المونطوو د الفرور و الشعير مجموع كرينات ملولب و الريحة كتهبل ..! و لداخل فالبيت واقفة شريفة بلباس مستور راقي و سخون .. شادة واحد الفولار عندها من عهد الفينيقيين كتعوج فيه باش تديرو و تشوف راسها كي غتجي .. بقات تتعوج و تعيب و تتلوى تا لاحتوو و قادات راسها خارجة عندو كتطقطق بالطالون و ريحتها سابقاها ..!
شاف فيها و مد يديه بدون تعليق .. عاطيها وقت تقتانع فيه و من تما ديريكت شدو الطريق لعند اسية ركبات حدا نور اللور و مشاو لبارك سندباد ..!
بغاو يفاجييو على البنات صدقات شريفة و حكيم لي كيلعبوو ..! لسقاتوو لسقة د العداو كتكركر و تضحك ..! و نور فلابوسيط كتنقز و تطبل بوحدها فرحانة هي و أسية لي زاعمة معاهم تا كيجربوو الحاجة عاد كتبعهم ..!
هازة شريفة سهم فيديها حانية رجليها شوية وحدة مسبقاها على الثانية و كتشير بيهم للنافاخات خاصها تطرطقهم و يلا قاست شي وحدة تختار الكادو لي عجبها ..!
شريفة: هووب هووب هووباااا بفففف ما قستهاش وحدة اخرى وحدة اخرى ..!
حكيم:( ضحك عليها و شير براسوو ) أراي تشوفي ..! ( عطاتوو و وقف مقاد ظهرو و رجليه مصغر عينيه .. ضربها تا طرطقها و شاف فيها بابتسامة مبين على سنانوو و غمزها بثقالة ) ها خدمة المعلمين ا الفنيانة ..!
شريفة: هيهيهي حضي السقف لا يمشي يطيح علينا
..! اسية شنوو تاخذي ؟ هاذ ميكي ماوس زوين ..!
عطاوها اختارت لي بغات و لعبات تا هي و من تما دازو لبلاصة اخرى فيها قوس ديال الصيد و طابلوو بعيد مرسوكين فيه الحيوانات خاصك تصيدهم ..! هز حكيم نور عندو غتطير بالفرحة و اللوان ديال المظولة لي تما معلقينهم فالسقف كديكور داو لها العقل فخطرة ..!
الاصفر و الاحمر و الاخضر و الازرق .. و باطوو صغير فيه الما و سفن صغار واقف حداهم قبطان دبال القراصنة بالطربوش و العوينة كحلة ..! و العباية فالاحمر مفتوحة .. خذا عندو نور كيلعبها تا شبعات و خداو لها و ليهم تصاور كثار عاد تحركوو ..!
بارك زوين صالح للدراري الصغار و الكبار يفوجوو فيه و ينشطوو ..! و لي عزازين عليه الحيوانات كيمشي يشوف عودان صغار بويض محنيين لهم مزال يالله تولدو بشوية و المعيزات و الخرفان صغر من نور نفسها .. كيحمقوو بالزين ..!
ما تقدرش ما تمشيش تهزهم و تلعب معاهم و شريفة كتزعم فأسية و نور لي لاسقة فباها و كتبحلق بعينيها فشنوو هاذشي لي جديد و غريب عليها ..!
دوزو نهارهم كامل اونسومبل تا طاح الظلام عاد وصلوو اسية و دخلوو بحالهم ..! كيفما دازو ايام السيمانة كلها و بدات من دابا شريفة كترجع للخدمة باش تولف و تشوف واش تقدر على الحمل ديال نور معاها النهار كامل و لا تخليها لحبيبة تا ترجع موراها فاش تكمل ..!
و لكن تمشات مزيان و أسية رجعات لقرايتها و السوايع كيوصلوها تال الدار د سباتة و منين كيكون عندها لاصال كيوصلوها ليه ثاني و حكيم خايد كيبيع فالأراضي و الديور ديالوو .. كيجمع الفلوس لي غيطلع بيهم المشروع ..!
شرك ثلاثة د الأراضي قد ما مايلهم فموقع كيخروض العقل ..! قاد وراقوو و تحط البلان كامل و شاف مهندسين صحاب محمد أميين درسوو معاه و زاد كيقلب على مهندسين د الديكور لي يصرعولوو شنوو باغي .. من بعد ما يطلع الشونتييو و يرمييو لافاصاد ..!
أيام الله كتمشي و تجي حتى دازو "عاماين" على أبطالنا ..! شريفة تبعات مع الطبيب النفسي حتى ارتاحت و حلات عقدها كلهم .. و واخا هكاك بقات على نفس قرارها .. ما تتلاقى باها ما تشوف خوتها .. لي تا هما ما رجعوش قلبوو عليها .. كل واحد عايش حياتوو ..!
شخصيتها زادت قوات و ثقتها فنفسها كبرات نهار على نهار و هي كتشوف احلامها كاملين كيتحققو ..! الريسطوو و الباتيسري خدامين مزيان .. ساكنة ففيلا ديال التضخيم بتصميم تقليدي بالحجر و القرمود كيسطييو وسط الشجر و الطبيعة ..! فمشروع احلامهم لي كل مرة كيزيدو فيه و يوسعوه بالتدريج .. واقفين على نجاحوو بجوج .. شدات التاسع ديالها و كتقرا فالفراغ باش تدفع لباك ليبر فاش يكملوو ثلث سنين و متمنية تاخذو بمونسيون .. واخا ما غتكملش و لكن على الاقل نجاح لنفسها و طفولتها الضائعة ..! و باقتناع دارت الحجاب و تسترات .. و تا فالسكنة ديالها الحالية لاقية راحتها حس را٠جل ما كيضور جهتها .. تخرج و تحرك كي بغات .. تا كتمشي للبنايات لداخل عاد كتلبس عليها و فاش كيخرجوو للزنقة ..!
صحتها رداتها و ولات حسن من لي كانت و غير خرج لحكيم .. التقاعد النسبي مشاو لدبي دارت التجميل باغى تحيد مخلفات العملية لي بقاو باينين فلحمها و غير كتناساهم و متقبلاهم ما دام حكيم متقبلهم تا هو ..! حكيم لي تا هو رجع للسبور و البوكس لي كيحماق عليه و بدا كيشارك فمسابقات وطنية ..! ارتاح و والموو الجو بزااف ..!
حتى الاعصاب نقصوو و ما بقاش كيسخط على ابسط حاجة و يتعصب عليها ..! منين كيبعد الانسان على الضغط و المشاكل اليومية تا النفسية كترتاح .. واخا ما يكونوش مشاكلك نتا .. كيأثرو عليك بزايد و نتا كتشوف أم ذبح٠ات ولادها و تبعاتهم و لا را٠جل قت٠ل موو و لا امثال ايوب و عموو لي كيستغلوو طفولة و نعومة ولاد صغار ما عارفين والوو فهاذ الدنيا باش يرضييو شهو٠٠اتهم المكبو٠٠تة ..!
الواقع صعييب و فيه احذاث صعب من الخيال كيضرو فالقلب و كيخلي الواحد يكون محسوس و يتوقع الشر من كاع لي ضايرين بيه و ديما على بال .. حاضي و مزير على راسوو و لي ضايرين بيه .. النفس ما يطلعوهاش ..! لي غاص و عاش فالكوميساريات يلا ما كانش قلبوو حديد و حجر .. دغيا يغرق فداك العالم و ما يقدرش يفصل حياتوو الشخصية على العملية .. غيبقى ديما مريض و موسوس لا هو مرتاح لا لي ضايرين بيه ..!
و بهذا حكيم شرا راحتوو و راحة عائلتوو .. لي كل واحد فيهم عايش بين تقلبات الحياة .. مرة ضاحكين مرة معصبين .. كيفوو كيف شريفة و اي واحد فهاذ الدنيا .. النقاش ضروري منوو فالعلاقات و الدباز هو الملح د الزواج لي كيقرب بين جوج و كيحلي لهم الجمعة ديالهم بداك المصالحة لي كتجي عفوية ..!
اسية فاش شدات التاسع ديالها بنقطة ممتازة .. دفعات باغى تكمل قرايتها ف era " l’Ecole Royale de l’Air " ديال مراكش .. هي مدرسة عسكرية فيها ليسي و من مور الباك عاماين كلاس بريبا و ثلث سنين هندسة يا ايما ف pilotage و لا système Aéronautiques ديال الطياير ..!
استغربوو فاللول و لكن دعمها حكيم بزااف و بغاها تدير هاذ الخطوة باش تنجح فحياتها و تولي قادة براسها .. سيسطام د era من اصعب لي سيسطام لي كاينين .. كيفما فالمخزن كامل و غتحك ديال بصح و من زياراتهم ليها لاحضوو فرق كبير فشخصيتها لي تبدلات على لي كانت .. خصوصا فاش عدنان ميك عليها فخطرة و هو سيليباطير و ما فعلاقة مع حتى وحدة .. شاد هاذ الباب فخطرة هاذ الساعة ..!
و كيفما الأغلبية زاد بحياتوو للقدام .. ماري تا هي نفس الشي ..! من بعد ما شدات ليصونص تزوجات بحسام و كملات قرايتها تا شدات الماستر بعد تعب طويييل ..!
الصيف وصل و الراحة و السياحة بدات كتطل عليهم ..! قررو يتجمعوو كاملين فالمنتجع السياحي د حكيم و شريفة ..! بما أن الخوت تفرقوو و كل واحد فين داتوو الدنيا .. بيناتهم غير التيليفون و قليل فين كيتجمعوو كلهم فبلاصة وحدة فنفس الوقت ..!
ف هاذي فرصة يفرحوو بنجاح أسية فالسيزيام و ماري فالماستر .. و تتلم العائلة من جديد و يفرحوو تا حبيبة بجمعتهم ..! حبيبة لي من بعد اقناع طوييل عاد قبلات تخرج من الدار د سباتة و ولات كل مرة جالسة عند واحد فولادها و فينما ترشق لها يطلعها خليل عندو لألمانيا .. شابعة فشوش و تخنات منهم ..!
***********************************
هابطة فالدروج بفراشة عصرية فالباج موردة ..! شعرها هابط شوية على كتافها .. كحل بحال ظلام الليل مقطعاه ديكرادي ايفيلي ..! ضاربة تكحيلة على حقها و طريقها لعينيها و مرطب لشفايفها ..! مجوهرات خفاف فوذنيها و عنقها و يديها مع خاتم د الزواج ..!
شادة فنور لي نازلة معاها حتى هي مطيبزة و فنييونة لي شافها كيسهى فيها .. تبارك الرحمان فاش كيتجمعوو الحروف الزينين و براءة الطفولة و التشيطين كيعطيو واحد المزيج حلوو ..! ملبساها سالوبيط د الدجين و تحتوو تيشورط بيض فيه ارنوب صغير فالصدر ..! كتنقز فرحانة غتشوف عمتها ماري لي سبقاتهم واصلة قبل منهم كاملين ..! و داك الشعر كلوو ملولب و ذهبي مجبداه لها شريفة و جامعاه لها كوب شوفال .. كيمشي و يجي معاها ..!
ضحكات من الوذن للوذن و قالت و هي كتطلع و تهبط فماري لي بلباس عصري و الشعر طويل مطلوق و مكياج خفيف ..!
شريفة: هاي هاي على الزين و انا كنقول مال الدار منورة هاذ النهار .. قولي ماري عندنا .. نهار كبييير هذا مرحبا بيك ..!
بدات تدفع فيها نور تا طلقاتها غادية بداك القزيبة كتبومبا موراها منفوخة بليكوش ..! طارت على ماري عنقاتها و تا هي ضحكات معاها هازاها عندها كتبوس فيها تا خلطات عليهم شريفة سلمات بحرارة و جلسوو فالصالون .. هضرة تدي هضرة و ماري كل شوية تتنهد بخنقة ..!
شريفة:( هزات حاجبها ) ياك شي باس ما كاين ؟ مالكي نتي هاذ النهار منين وصلتي و نتي كتسفيلنا فالهوا .. شوية و تقاضيه .. غارقين لك لبابر فالبحر بلا خبارنا ؟؟
ملاك:( ضحكات بملامح ذابلة ) اووودي خلي داك الجمل ناعس ..!
شريفة: و نفيقوو باباه .. شنوو غيمشي لنا كاع ..؟ ( دوزات يديها على ذراع نور و قالت بهدوء ) مامي طلعي عند باباك قولوو عمييتوو جات ..! يالاه ا الفنون ديالي ..!
نور:( ردات موسعة العوينات الخوضر بلسان ملّوك فالهضرة ) نفيكوو ؟ بابي ؟
شريفة: اييه سيري فيقيه و عنداك فالدروج ..! ( تبعاتها بعينيها تا مشات كتعوج و بجدية ضارت لعند ماري ) فين هو حسام ؟ جيتي بوحدك ؟
ملاك: وصلني و رجع عندو شي خدمة اليوم .. غذا يكون معانا ( لعبات بعينيها بتردد فلخر طلقاتها ) نقولك شي حاجة و تبقى بيناتنا ..!!! فففف شاكة بلي كيخوني ا شريفة ..! ( عينيها دمعوو ) مرضت فصحتي بالتفكير و ما قادراش نهضر معاه نيشان ..!
شريفة:( ردات هازة حاجبها بجدية ) شفتي عليه شي حاجة زعما ؟ علاش شكيتي ؟
ملاك:( تنهدات ) حسييت و ما يمكنش نكذب قلبي لي كينغزني و تا هو تبدل ما بقاش كي كان .. فعايلوو تبدلوو معايا ..! زهواني شنوو غنتسنى منوو ؟ غيبقى ديما زهواني و بو بنات ..! ( سمعوو صوت حكيم هابط مع بنتوو و بالزربة قالت ) صافي بدلي الموضوع .. عنداك تقوليها لحكيم غيضور فيا ضورة د العداو .. انا لي درتها لراسي ..!
سكتات شريفة كتشوف فيها مشوشة و ملاك وقفات مبتاسمة مع خوها و تفكيرها كلوو فالنهار لي هضر حسام رسميا مع حكيم و نوضوها بيناتهم بثلاثة .. شعلوو شعلة وحدة كلهم ..! و دابا نادمة اشد ندم على شنوو قالت ليه و كتمنى كن لسانها تقطع و ما كانتش هضرات .. على الاقل تلقاه فجنبها فمحنتها ..!
"فلاش باك"🔥
مجموعين فالصالون عند حبيبة ..! دازت ثلث شهور على السفرة د حكيم .. رجع بمدة لا بأس بيها و كمل خدمتوو عادي حتى يخرجلوو التقاعد النسبي ..! الخوت كاملين حاضرين من غير خليل ..! و معاهم حسام .. لا غير ..!
ملاك فبيتها فاتحة الباب مشققاها شوية كتصنت لهضرتهم ..! ما خلاو تا موضوع ما هضرو فيه .. بنقاشاتهم الرجالية و هي كتغذذ بوحدها .. خاصها يطلقها سي كازانوفا و يهضر عليها خلاص ..! مدة و عاد تجبدات الهضرة من عند حبيبة ..!
حبيبة:( برزانة ) اليوم جمعتكم عندي على موضوع مهم .. باغيين رضاكم عليه و خصوصا نتا ا حكيم ..!
شاف فيها بهدوء كيستنتج فصمت .. نحنح و رد باختصار ..!
حكيم: الله اودي .. آتي ما عندك ..!
حبيبة: حسام واحد منكم .. خوكم و صاحبكم .. خدمتوو بجوج و جمعاتكم الظروف و شفتوو معدن بعضياتكم و لمستوه ..! و تانا حسبتوو ولدي .. عزيز و غالي عندي و ما نخيرو قدام ولاد الناس ..!
حسام:( رد باستحياء ) الله يحفضك الواليدة ..!
حبيبة:( حركات عينيها بالايجاب ) ما قلت غير لي كاين و كلهم عارفين هاذشي ..! بلا ما نطول عليكم .. حسام طالب راغب فختكم ماري للزواج ..! جايا لست شهور و لا كثر و هو مفاتح معايا الموضوع .. بغى يسمع مني و من ماري باش يتهنى بالوو و يهضر معاكم حتى نتوما ..! شنوو بان لكم ؟
عدنان:( بهدوء ) بغى يدير الحلال و شرع الله .. ربي يكمل بالخير يلا كانوو بجوج مفاهمين ..!
محمد أميين:( رد بتفاجئ و ضحكة متعجبة ..! ) حسام و ماري ؟؟؟ هههه ما عرفت ما نقول ..! ا سيدي مبروك من عندي يلا كانت هي قابلة ما كاين ما نزيد ..!
حسام:( تبسم معاه كيشوف فحكيم لي ما هضرش فخطرة .. كيلعب بلسانوو ففموو بملامح باردة ) حكيم ؟؟
حكيم:( هز عينيه و حاجبوو فيه مفيكسي الشوفة و من بعد قال بكل برووود و هو واقف ) هضرت معاك .. را٠جل لرا٠جل .. قلت لك تقلب على ملاك و الطريق لي كتوصل لها .. خيالك ما يعاود يقرب من جهتها ..! ( باستهزاء ) الفهم عندك ثقيل و لا أنا لي ما عرفتش ندخلك الهضرة لقلب دماغك ..؟
حسام:( وقف تا هو مشى عندو مقابل معاه و قال ) علاش غنقلب عليها ؟ ما بغيتينيش نضور بيها و حنا ما جامع بيناتنا والوو و من حقك و لكن دابا أنا باغيها للزواج ..!
حكيم:( حنا راسوو شوية كيحك فحاجبوو و رجع هزو فيه ) ما كاين زواج ا حسام بلا كثرة اللغى .. ختي ما غنعطيهالكش .. نتا عارف و انا عارف علاش و هاذ الدورة كاااااملة لي داير باش تكتفني قدام يّما .. ديال الدراري الصغار ا با حسام .. باغي رضانا ..؟ مزيااان ..! ما عندنا بنات للزواج ..!
حسام:( صعر و رد بالغوات ) كيفاش ما كاين زواج ؟؟؟ و نتا شنوو مشى لك ؟؟ البنت قابلة و نتا غير خوها ماشي باها .. باش تتحكم فيها هاكا ..! ( برد النفس فيه و الخوت كيتفرجوو فصمت عاقدين حجبانهم ..! و بندم رجع قال ) داكشي لي فبالك عمرو يكون و ماري غنحطها فعيني و كثر .. ماشي صبرت عليها هاذ الوقت كامل باش فلخر نضيعها من بين يدي ..! نتا خويا قبل ما تكون خوها و ما باغيش نخسرك ..!
حكيم:( شاف فيه عاقد حجبانوو و رد معلي صوتوو ) ملاااااااك ..!
غوتة وحدة منوو قفزاتلها قلبها .. خايفة من شنوو جاي و بلا ما تزيد تتعطل خرجات عندهم كتعكل فحوايجها .. يديها عرقانين و الريق نشف لها فحلقها ..!
ملاك:( قربات منهم حانية راسها ) وي خويا ..!
حكيم:( رد بجدية طالعلوو الدم للحد و قدام حبيبة ما قادرش يهضر .. شاد لسانوو و يديه بزز على حسام ..! ) حسام بغاك للزواج ( رفع حجبانوو بجوج فيها ) و أنا عطيتوو جوابوو .. ما عندنا بنات للزواج هاذ الساعة .. كنتبرا منك قدامهم كااااملين .. نهار نلقاك معاه فبلاصة وحدة ما تلومي غير راسك ..!
تنهد حسام كيحك فعنقوو .. عارف حكيم علاش ما قابلش و فاهموو .. من غير الصحبة لي جامعاهم .. كاينة الخدمة المشروكة بيناتهم .. حفظ حكيم و عارفوو كيفاش كيفكر .. ندم علاش ما سبقش هو منوو و هضر معاه الراس فالراس و وضحوو الأمور عاد تجمعوو معاهم ..!
يالاه غيهضر و يطلب منوو يطلعوو للسطح بوحدهم يتفاهموو .. كانت نطقات ملاك مزيرة على يديها كترعد و عينيها خارجين فالأرض ..! الهضرة زلقات و دخلات لوذنين حكيم و كاع لي فالصالون بحال السيف ..! صدماتهم كلهم و أولهم حبيبة ..!
ملاك: أنا باغياه .. بغيت نتزوج بيه .. كيفما حتى نتا ديتي شريفة .. سكايرية و مبلية بالشراب و الكارو و درتوو علاقة فالحرام كاع تا حملات و طاحولكم التوام منين ضربوها و سكنتوو بجوج و هي مريضة مور العمليات بلا ورقة بلا والوو ..! تانا باغاه كيفما هو و غنصلحوو بعضياتنا .. شنوو الفرق بيناتنا ..!
غير كملات طلقات النفس فيها و وجهها بدا كيمشي منوو اللون .. نسات راسها و ما عرفات كي دار الكلام زلق لها ..! هاذشي لي قالتوو هو لي كانت كتفكر فيه منين بداو الهضرة على موضوعها كتقرا تصرفات حكيم .. و لكن الجرأة منين جاتها ما عرفاتش .. ثانية قلبات الصالون من نقاش بصوت مرتافع .. لصممممت ..!
محمد أميين و عدنان وقفوو مصدومين منها اما حسام خلاص ..! كلهم عارفين شنوو واقع و عمرهم جبدوه حيث ما كيخصهمش ..! من غير حبيبة لي مقلوبة عليه القفة ..! تصدمات و ما عرفات تسول و لا تسكت و لا حتى تهرب بنتها من قداموو .. قبل ما يدير فيها شي كارثة ..!
حكيم:( هز يديه تال السما و رجع رخاها تضربات مع فخضوو و دور عينيه عليهم كاملين و رجع شاف فيها ثاني و بزق حدا رجليها ..! ) هنا حديناها انا و ياك .. تزوجي و لا تطلقي .. حياتك هاذي ..! نهار تجي تشكي عليا غنتنخم عليك فقلب وجهك ..! ( خسر ملامح وجهوو ) هذا ما صدقتي كتسواي .. خسارة ..!
تخطاها و خرج مع الباب مخليهم كيعيطوو عليه باغيين يتبعوه .. تا ركب فطونوبيلتوو و كسيرا طاير ..! الدار موراه مقلوبة .. عاد ملاك رجعات عليها الندامة بشنوو دارت و حسام لي حس براسوو هو سباب الصداع كامل و خرج تا هو كيصوني و يعاود لحكيم و والوو .. كيقطع عليه و فلخر طفاه فخطرة ..!
حبيبة ضرباتها الساكتة و عدنان و محمد أميين صاعرين على ملاك ما خلاو فيها غير لي نساو ..! أما حكيم وصل شاعل للدار فتح الباب و دخل زادحها من موراه تا خرجات شريفة كتجري ..!
شريفة: شششش نور عاد نعسات غتفيقها ..! ( شافت فحالتوو .. عروقوو خارجين .. وجهوو حممر و عينيه مطرطقهم فيها مزير على يديه .. بخوف عليه قربات حطات يديها على حنكوو تا بعد ) مالك ؟ شنوو واقع ..!؟
حكيم:( رد بعينين مطرطقين و بجدية ) من اليوم ما نعاودش نسمع حس ملاك فهاذ الدار ..! ( هز صبعوو فوجهها ) تقربي جهتها و لا لسانك يجي على لسانها ..! غنخسر معاك ا شريفة ..!
شريفة:( عقدات حجبانها باستغراب ) واخا ما نعاودش نهضر معاها و لكن فهمني شنوو واقع ؟ علاش عيطات لكم خالتي حبيبة ..؟
حكيم:( رد غادي للبيت كيجمع الصاكادو ديالوو د لاصال ) حسام بغى يتزوج بملاك .. هذا ما كاين .. شدي علينا هاذ الباب .. الله يحفضك ..! ( هز صاكادو على كتافوو تنهد و باسها فحنكها مدوز يديه على شعرها ) ماشي دابا ..!
شريفة:( تنهدات حتى هي و غمضات عينيها و رجعات فتحاتهم .. رداتلوو البوسة فحنكوو كتمسحلوو وجهوو من العرق ) واخا ..! و ما تديرش فبالك و تتعصب ..! غادي للاصال ؟ ما غتتعطلش ..!
حكيم:( رد باختصار خارج ) شوية و نكون معاك ..!
خلى الاسانسور و هبط فالدروج كيدردك فيهم تال للتحت .. لاح الصاكادو لور و ركب هو صايك القدام ..! يالاه زاد باش يخرج من الدرب .. ما عرفش منين طلعلوو حسام .. واقف قبالتوو كيشير ليه يحبس يهضر معاه ..!
عقد حجبانوو كيضرب فيه الضوو يبعد و حسام معند .. حالف ما يبعد و متأكد غيوقفلوو ..! تا شافوو كسيرا دقة وحدة غيدخل فيه .. بقالوو شبر و يضربوو بالطونوبيل عاد نقز مخلووع .. و فالبلاصة دار حكيم فران سيك وقف و هبط مخلي الباب مفتوحة ..!
زدحوو مع الشرجم زارب عليه و عطاه جوج كروشيات قلبوو ليه الوجه و دوخولوو الراس .. شانق عليه بيديه و حسام كيضحك واخا هكاك طالب غير التعادل ..!
حسام: وا صافي ا صاحبي .. كنتي غتطحننا بحال الكفتة و ها نتا ضربتي تا شبعتي .. خلينا نهضرو دابا و لي بغيتيه هو لي غيكون ..! ( بضحكة مقسحة حط يدو على فموو من بعد ما طلقوو حكيم كيسوط ) نكتب لك التزام فالمقاطعة ؟
حكيم:( رد بنرفزة ) سير ت ( زير على فموو غمض عينيه معصب ) مسييينا على الله .. قلب عليا هاذ الساعة .. بغيتي غير تتزوج الطريق قدامك ما شادك حد ..!
حسام:( رد باصرار ) ما يمكنش ندير شي حاجة خويا ما راضيش عليها ..! ماري غنحطها فعيني و عمري نقيسها بضر و لا نغذرها .. عهد الله من عندي ا با حكيم غير طلق البشرة ..! راك عارف البرهوشة لسانها فالت و ما كتعرفش تشدو .. راها دابا دايرة كنازة عليك نادمة ..!
حكيم:( شاف فيه عاقد حجبانوو ) صافي هضرت معاكم .. ديرو لي سلككم .. حياتكم هاذي ماشي حياتي باش نتصرف فيها .. أنا لي مشيت غاااالط ..!
ركب و زاد مخليه واقف موراه ..! حكيم اكثر واحد كيعرف حسام و شاربوو ما ..! عارف ختوو ما تصلاحلوش و ما غيتفاهموش نهائيا ..! كازانوفا واخا كيبان طالقها تسرح نهار توصل معاه للصح و يتشد عليهم فدار وحدة عاد غتعرف حسام ديال بصح .. كاع داك الصورة لي فبالها عليه ما كاين منها تا 1% ..!
قلبوو عليها و ما باغيهاش تتضر معاه ..! عائلتوو ماشي هي عائلة أمغار .. هو لي تحك معاهم و شايف لافامي كي دايرة ..! و العقلية ديال ملاك ما غتناسبش نهائيا معاهم .. زيد عليها هو كيصفي فالحرام و هي غتغرق فيه مع حسام لي تا هو شاد نفس الطريق لي كان غادي فيها حكيم نفسوو ..!
شي نهار توصلها خبارو مقتوول بالحسيفة .. الأفات فالدنيا و بحال هاذشي عادي عندهم و لكن سيليباطير ماشي هي مزوج و غتدير عائلة ..! و يلا ما جاهاش هاذ الخبار .. غتلقاه فاللخر خاينها ..! زهواني بو بنات لدرجة ما كتخيلش و لي فيه شي لولة عمرها تمشي .. خصوصا فاش تمرضوو لالة ملاك فصحتوو و يندم على النهار لي فكر يتزوج بيها ..!
شد معاهم الموضوع فخطرة و حلف ما يعاود يتدخل و لا يحضرلها فشي حاجة ديالها ..! تا من شريفة قطعها معاها نيشان و تبرا منها .. ما حضرولها لا فخطبة لا فضريب الصداق منين خرجات الموافقة .. واخا عيات تقنع فيه شريفة و تحاول تفهم علاش و تسلوو لسانوو ما شدات منوو تا حرف ..! ما قدرش يقولها ها شنوو قالت و ها شنوو .. عارفها غتجرح و يبقى فيها الحال و هي عاد ما بدات تولي كي كانت ..!
و لو كانوو عندهم العقل كاملين غيدييو على هضرة حكيم .. مستحيل يبغي لها الشر و ما حدو رافض رفض قطعي إلا و عندو اسباب مقنعة ..! هما عرفوه من جهتوو لا غير .. هو لي مدوز معاه سنييين د السيرفيس و عارف الغطى و شنوو تحتوو ..!
و دازت عاماين تقريبا و لسانوو ما جا على لسانها .. كيعرف اخبارها من بعيييد لا غير ..! عيات تبكي و ترغب فيه و تسيفط لي يتدخل بيناتهم و والوو ..! شريفة مرة مرة كتهضر معاها فالواتس .. فالمناسبات و المعايدات فقط ..! مخلية بيناتهم حدود باش ما تطيحش هضرة حكيم للأرض و فنفس الوقت ما يخلقوش حساسيات فالعائلة المهم كتسول فيها و تعرف اخبارها معاملة معاها بمودة ..!
لي ما كافياش لملاك .. كتلقى غير نور حداها فاش كتجي لعندها مع حبيبة مرة مرة .. كتشبعها بوسان و دلال باش تعزاز عندها و تهضر عليها مع باها و كتوصيها و تعاود على الله تشد من عندها شي كلمة ..! حكيم و حسام علاقتهم مزيانة كي كانت ما تبدل والوو و هي بقات فالعيب و خوتها لي يسخنوو كتافها فمشاكيلها بلسانها خسراتهم .. و تا هما من لي وقع حلفوو شنوو ما يطرا هما بعااااد .. باش من بعد ما يصدقوش هما لي ما يسواو ما يصلحوو ..!
حتى نجحات فالماستر هي و اسية فالسيزيام و عول خليل يجي هاذ الصيف للمغرب و تما اقتارح عليهم حكيم يتجمعوو كاملين عندو .. كلشي رحب بالفكرة أولهم ملاك على الله العلاقة الباردة بينها و بين خوها تتحسن ..!
"عودة"🔥
وقفات كتشوف فخوها بابتسامة مترردة و عيون كتلمع بالدموع .. تا حط نور للأرض و قرب منها ..! لحية خفيييفة و التحسينة ديالوو لاعتيادية ضارب الواحد و مطراسيها مزيان مع جبهتوو ..! حجبانوو مرخوفين و ملامحوو هادئين ..! شيب خفيف ناضلوو و صحتوو غير ما شدها كثر و كثر .. مكضر بالسبور و البلدي لي كيفضل يلبسوو فالدار و المناسبات ..! جاي معاه عبار مجبد عليه ..!
توحشات هضوراتها معاه .. تخنزيراتوو و ضحكوو و الاستهزاء ديالوو و المود د الطنز لي كيجيه مرة مرة ..! حنانوو و عطفوو عليها و حتى تزيارو ..! قربات منوو برجفة و عنقاتوو كترعد تا بادلها بهدوء مخليها كتشهق فصدرو و يديه كيطبطبوو عليها ..!
قربات منوو برجفة و عنقاتوو كترعد تا بادلها بهدوء مخليها كتشهق فصدرو و يديه كيطبطبوو عليها ..! بكات بحرقة حتى عقد حجبانوو فشريفة كيحرك عينيه بمالها و هي كتشوف فيه و ترمش هازة كتافها بشكون عرف ..! تا نطقات ملاك بأسف ..!
ملاك: سمحلي عافاك ( خطفاتلوو يديه باستها تا بعدها و رجعات جراتها كتبكي فوقها بألم ) توووحشتك بزاااف .. كتوصل تال باب الدار و ما كدخلش تشوفني هء .. حكيم عافاك سمحلي هء يلا خرجت شي كلمة د العيب معاك شي نهار .. اللسان ما فيه عظم .. الله يخلي لك ما عز عليك ..!
شافت فيه برجاء و عينيها فازكين و شعرها لاسق على وجهها ..! طبطب على كتفها بابتسامة هادئة و رد ..!
حكيم: مرحبا بيك ..!
رمى هاذ جوج كلمات و شاف فشريفة و مشى من تما .. قلب على نور داها معاه يقابل خدمتوو ..! و ملاك رجعات جلسات كتمسح فعينيها بتنهيدة ورا ختها ..!
شريفة:( شافت حتى عيات و قالت ) غنقولك واحد الحاجة ديريها فبالك ..! كاملين فواحد العمر كنكونوو معمرين راسنا بالخوى الخاوي .. كيهمنا غير السطحي هذا شنوو لابس .. سنانوو كي دايرين .. ريحتها شعرها ما عرفت شنوو ..! و لكن حنا كنكبرو و كنوعاو كنضجوو ماشي كنصغارو ..! شحال ما دازت عليك و شفتي الواقع كي داير .. غتولي تقول يا ربي نلقى هذا لي يمشي معايا غير ديريكت ما بغيت والوو ..! و حسام راه مخيخ فهاذ الواقع ..!
ملاك:( ردات بضياع ) هو بو بنات ما بقاش كي كان و تانا تلهيت بقرايتي و نسيتوو .. الدار ما بقاش كيعمرها كاع و الهضرة قليل فين كنهضرو ..! عييت نتهلى فراسي و نزوق و والوو ما كيشوفش فيا تا الشوفة بحال يلا مدوزين عشرين عام د الزواج .. لي غيخونك غيخون واخا ما عرفت شنوو تديري ..! كاينين قرطاسات عليا فالزنقة و هو عينيه غير فالتين كيقلبوو ..!
شريفة:( تنهدات معاها ) نسيتيه و تلهيتي بقرايتك من حقك و ماشي معناه عيى و مشى كيقلب فجهة اخرى ..! خاصك غير تفهميه و تجلسي نتي وياه تتناقشوو ..! نتي لي بعدتي فلول يمكن كيتسنى منك غير المبادرة ..! و ما تقوليليش بو بنات .. نتي من الديبار داخلة لهاذ الزواج و فبالك هاذ جوج كلمات .. شنوو غتبقاي ديما شاكة فيه ؟ ما عندكش ثقة فراسك و فيه ..؟
ملاك: عندي ثقة فراسي و لكن فيه و تقووول .. كلهم خاينين .. شحال ما بقى غيلعب مورايا و مخليني انا فالعيب ..! خسرت كلشي بسبابوو ..!
شريفة:( ماصات بجوج صبعان جبهتها و قالت ) ناقصكم الحوار نتوما .. حاولي تلقاي طريقة تتفاهموو بيها و شفتي نهار كتبغي من قلبك و كتلقايه راجل معاك ديال بصح .. ما كيبقى يبان لك تا واحد فهاذ الدنيا .. يعطيوك الكنز بين يديك .. الزين و الادب و الاخلاق و ما عرفت شنوو و الله ما تهزيه من أرضوو .. حيث مقتانعة بلي عندك .. بالزوين و الخايب ديالوو ..! و تا هما نفس الشي راه عندهم قلب و كيحسوو و المعدن د الواحد هو كلشي ..! ما تدخليش الخيانة و الغذر لدماغك غير نتي لي غتمرضي لا غير ..! حتى تأكدي بعدا ..!
ملاك: و كي غادي ندير نتأكد ؟
شريفة:( هزات حاجبها كتضور فعينيها و بصوت خافت قالت ) راج٠لك ساهل تعرفيه واش كيخونك و لا لا ..! هما كيلقطوها طايرة حيث حنا ما مدوزينش بزاف .. دغيا كيعرفوو لبوان فيبل ديالنا و يلا غاب عليك غير شوية غيرجع يلقاك مزيرة ..! ماشي لحمك مزير .. نتي مزيرة و جامعة ..!
ملاك: اااه فهمت .. مزيرة و كاينة لهفة و شحال من حاجة ..!
شريفة: دابا فهمتي ..! و تا هما كتبان فيهم داك اللهفة و الصعرة ..! و يلا قستي و لقيتي ديكشي عامر و مجموع .. سخون ما باردش .. راه ما كاين والوو ..! كان العكس نوضي على سلامتك ..!
ملاك:( فهمات و ما فهمات ) شنوو هو لي سخون و عامر ؟
شريفة:( ردات بضحكة و استهزاء ) البيض البلدي ..! و قبل ما تفركعي عليه .. دردري ليه الحار و لا ليبزار فكيلوطاتوو كاملين خلي دنجالتوو تتشوى على المهل .. يموت ما ينساها ..!
ملاك:( ردات بتردد ) ما نقدرش نعرف و نقيس ديكشي لي قلتي ..!
شريفة:( حركات راسها و قالت بجدية ) راه ما نقدرش ننصحك فهاذشي .. غير كنضحك ..! كل وحدة و راجلها كي داير و نتي خاصك تعرفي لراسك تا حد ما غيعرفوو حسن منك و يتحط فبلاصتك ..! و هاذ الحل لي قلت لك صالح لك ما حدكم مفارقين فالفراش لمدة و حسام مبرزط مع الخدمة و كل مرة فين مسيفطينوو ما كيعمرش معاك لوقت طويل ..!
ملاك: ااه ..! عيقوو عليه بزاااف ما بقيتش كنشوفوو كاع و فاش كيكون فكازا ها هو فالخدمة ها هو خارج .. ما كيعمر الدار تال الليل و كيجي غير ياكل و ينعس ..! بحال انا خدامة عندوو و فاش تشغلت بالقرايا جاتوو على القلب ..!
شريفة:( ردات بتنهيدة ) علاش كتمرضي فراسك و نتي غتمشي تحطيلوو الوراق كاملين قداموو .. ما مرتاحاش فهاذشي ا ولد الناس .. ها شنوو و ها شنوو و هاذشي ما بقاش عاجبني .. يلا كاينة شي حاجة قلها من دابا نقطعوها من الجذر ..! واش هو يلا لقاك كتخونيه غيرحمك ؟
ملاك:( حركات راسها بشكل دائري ) يذبحني و يكملوو عليا داك الرباعة ( خوتها ) ..!
شريفة: دونك تانتي هضري على حقك ..! غير خليك معقولة و فكري باللوجيك .. قبل ما يتقلب كلشي عليك و تصدقي نتي لي غالطة و ظالماه ..! يمكن كيفما قلت غير مبرزط مع الخدمة و مخليك حتى تكملي امتحاناتك و ترتاحي و يشد تا هو كونجي واخا غير سيمانة تبدلوو الجو ..!
ملاك: الصمت
شريفة:( هزات كتافها بهدوء ) راه هاذشي لي غيكون .. حسام ولد الناس و عندي عزيز ما عمري شفت منوو العيب .. بالعكس ..! و يلا ما بقيتوش مرتاحين و مفاهمين غيختاصر عليه الطريق و يهضر معاك على الطلاق .. بلاصة ما يخونك و يخربها مع خوتك ..! راه عائلة من موراك و عشرة طويييلة ماشي بالساهل تتفكك و هو قبل ما يدير أي حاجة غيتفكر صاحبوو و خوه ..!
ملاك: علاقات غيخسرو بسباب هاذشي و هو ما ضارب حسبة .. قداموو وقفت فوجه خوتي على ودو و خربتها معاهم كاملين .. علاش غادي يضربلي حساب و انا ما عندي حد و تا يلا هضرو غيهضرو فوق النفس ..! ( تغرغرو عينيها و حنات راسها حاطة يديها على نيفها )
شريفة:( طلع لها الدم .. حلقها نشف و بدات تتعصب من كثرة الهضرة بلا معنى ..! غير عرك و زيد فالما .. بلاصة ما تحاجيها هي تمشي عند حسام ديريكت ..! و لكن كترجع تقول كل واحد و طبيعتوو ) تهلاي فراسك و ما تفقصيش راسك .. صحتك نتي لي كتضيع ا صاحبتي ماشي هو ..! ما كنحتاجوش عائلة و شان و مرشان مورانا باش نديرو العز لراسنا ..! نتي ديري قيمة لراسك و تا هو غيعاملك بنفس الطريقة ..! ما تنخليه ما تنزلي لوو بزايد تا يطلع فوق راسك ..! و ما تخليش الملل يدخل لعلاقتكم راكم باقي فلول د زواجكم ..!
ملاك:( تنهدات ) ان شاء الله ..!
شريفة:( بتأكيد ) و حتى حكيم كان كيغبر فخدمتوو .. باش تقولي غيخونك غير حيث بعيد عليك لمدة و خاصوو يفرغ .. راه ماشي مكب٠٠٠وت لهاذ الدرجة ..! و فالخدمة ممنوع عليهم لا خروج لا تيليفون لا حتى حاجة ..! معامن غيدير ؟ مع لي خدامين معاه تما ؟ باش يطلع معاه الصبع فلخر ..!
ملاك:( باقتناع ) عندك الصح ..! ما كاينش شي واحد بعقلوو كيتصاحب من الخدمة ..! نهار يفرقوها و تنوض بيناتهم .. واحد فيهم كيخسر خدمتوو و لي كراد على الثاني غيسيفطوو يجليه فقنت ثاني ..!
شريفة: و بلا هاذشي الهضرة كتولي بزايد و الصبعان ديما تابعينك و الحضية الخاوية ..! و حسام واقيلة ما معلقش كراد دمدومة من درجة فارس باش يديرها و عارف خوك توصلوو الخبار توصلوو واخا يطير ..! ( ردات باستهزاء ) و يلا دارها ..! حسب القانون الجنائي فالمادة 09.06 لي عطى زكوو لهلا يفكوو ..!
ملاك: ههههههههه مسخووطة ..!
حكيم:( تسمع صوتوو بعيد كيعيط ) شريييفة .. شريييفة ..!
شريفة:( ناضت كتزرب و بضحكة قالت ) يسمعني خوك أنا لي غنتقطب بالعمود و نتشوى ..! ( مشات عندو للبيرو فين جالس و نور حداه كترسم و تخربق فالوراق .. بابتسامة غمزاتوو ) عيطتيلي ..!
حكيم:( ناض لعندها ) عييت كنعيط عليك و والوو .. دخلي بعدا ..!
شريفة: غير مع ملاك كنهضرو فشي مواضيع ..!
حكيم:( رد بتبسيمة ) أسرار الدولة ..!
شريفة: كثاااااار ..! يلا سمعتيني غادي تديرلي تحميلة نموت ما نساها .. ياك ا الشاف ..!
حكيم:( قهقه بصوت مسموع و رمى يديه على كتفها كيضحك و زير على عنقها ) ههههه كتعتارفي بعدا ..! وا اجي لمك نديرلك فلقة جديدة هاذ المرة غتهزيهم للسما ..!
شريفة:( ردات بمغازلة كتمص فشنافتها و عينيها مع نور لي مشغولة كتخطط ) غتحملني ..!
حكيم:( تبسم كيضحك ) همم ما كرهناش ..!
شريفة: هههه واخا علاش عيطتيلي ؟ ( شافت فنور ) القطة شنوو كتدير ؟
نور:( ردات بفرحة كتوريها تخربيش ديالها فالوراق ) كوكيات مامي .. نسمووو ؟ ( رمشات عينيها فيها موسعاهم )
شريفة: هههه واخا نرسموو ا كبيدة ..! ( قربات لعندها جلسات حداها كتشوف ) نرسموو وريدات بحال بنتي الغزالة ؟ ( ردات لها شعرها لوور كتعاود تجمعوو لها من بعد ما تحل )
نور: نووو مامي نووو اففف ليش نطلكوو باكي نتكسح ديدي مامي زوينة ( باستها فحنكها ) ..!
شريفة:( بابتسامة مع حكيم ) هاذ الفارة هاذي صاحبت حاجتها تا هي بحيليسة .. قاتلك ما تجمعش شعرها تخليه مطلوق كيقسحها لاستيك ..!
حكيم:( مد لها شي وراق كتقرا فيهم و بهدوء قال ) هاذو دوزيهم معاك للكونطابل فالبيرو و تسناي غيعطيك واحد الملف .. فاش تكوني راجعة جيبه لي ..!
شريفة: اهاه واخا ..! نيت غادي ندي ملاك نضورها شوية هنا تشوف الدنيا و تفوج ..! ( لعبات بعينيها و بتساؤل كملات ) واش مدابزة هي و حسام ؟ عارف مالهم ؟
حكيم:( هز عينيه فيها و قال جامع حجبانوو ) علاش .. قالت لك شي حاجة ؟
شريفة: غير كنسول و صافي جاتني ماشي على طبيعتها و يمكن غير حيث توحشاتك و عاد رجعات لها الحرقة على لي داز .. ماشي ساهل هاذ الوقت كامل ما كتهضروش ..!
حكيم:( رد بجدية ) شريفة الوراق .. واقف عليهم ( حرك حجبانوو ) دااابااا ..!
شريفة: وا صافي واخا ..! نور تمشي معايا انا و عمييتو ؟ و لا تبقاي هنا مع باباك ؟
نور:( ردات بتلعثم كتجبد دوك الشنايف ) بكى بيثوو نوو أميتوو .. باااااابي ( شاف فيها حكيم بابتسامة و حطات يديها على فمها سيفطاتلوو بوسة من الأعماق ) مواااااححح لوووبيوو ..!
شريفة: العدس هذا ماشي اللوبيا .. عقلي فيها ا المشة ..!
حكيم: المغيارة ههه ..! لووفيوو تو نور ..!
ضحكوو عينيها و توسعوو بحماس كبير و تبسيمة حلوة على شفايفها .. كتمووت و تسطى على حكيم ديما هازة داك القزيبة و تابعاه كتعوج ..! و نهار كيسافر و يغبر عليهم .. الراس كيبغي يتقطع لها تضور تضور و تهرنن و تبكي ..! و هاذشي ما كيعنيش ما كتبغيش شريفة .. بالعكس هاذيك ماماها الزوينة لي ما كتشوفش حياتها بلا بيها .. غير حكيم كيسافر مع الخدمة على ود السلعة و المواكن و شحال من حاجة كيوقف عليها بيديه ..! فكتبقى غير تتسناه و غير يرجع كتلسق فيه باش ما يغفلهاش مرة اخرى ..!
حكيم:( قبل ما تشد الباب قال بتنبيه كيكتب فالوراق قداموو ) غطي عليا داك الزغب و اليديين و مسحي عينيك عاد خرجي ..!
شريفة: دايرة غير كحول بلدي ..!
شاف فيها و بادلاتوو النظرات و هزات راسها بالايجاب شادة الباب عليهم كتسمع نور كتعوج الهضرة ..!
نور: كو كول بدي ؟ باااابااا كوو كول بدي ؟؟
حكيم:( رد بهدوء ) اااه ا بنتي كحول بلدي ..!
نور: كو كول بدي ؟ ( حكيم .. الصمت ) بابي ؟؟ بابي كو كول بدي ؟ بابا ..!
حكيم: ااه ا بابا كحول بلدي .. يالاه كملي رسمتك و وريني شنوو رسمتي ؟
نور:( هزهزات راسها بالايجاب تا مشى معاها و جا و رجعات ردات موور وذنيها كتسوط ) اوووف كبط تما .. نسموو بابا .. واااحااا ..!
لبسات عليها و دارت فولارها ماسحة عينيها من الكحول .. خارجة طبيعية و الثقة فالنفس عالية و هي كتوري لملاك المنتجع السياحي ديالهم ..! الدار بعيدة شوية على الشاليات د لوطيل ..! واخذين حريتهم و خصوصيتهم ..! بانيين كلشي بالحجر و الخشب .. بني ثقيل عاطي منظر ما كاينش بحالوو ..!
مزيج بين البساطة و الحذاثة ..! الطبيعة و الاجواء رائعة ..! لي زاكتيفيطي على الجهد فقلب لوطيل و لي ماكازان مفتوحين كاريينهم للناس كيعرضوو منتوجاتهم .. كيبيعهم مروجين الدنيا ..! و منهم تا المحلات ديالها د الماكلة ..! البوفي بوحدو و عاد مطعم تقليدي 100% و مطعم صيني ..! لابيسين ضاير بالجبال و المناظر فالفضاء نيشان و السبا و المساج و الحمام ..! كلشي كاين و كثر ..!
ضوراتها تا شبعات و كل شالي و الديزاين ديالوو ..! دازت عند الكونطابل عطاتوو الوراق و خدات عندها الملف خلاتوو تا تمدو لحكيم اما دابا مشات بملاك للجهة د الفيرمة .. كيصدرو الخضروات و الفواكه و الحليب الطبيعي و البيض البلدي بكميات كبيرة و آلات متطورة و الحقول حداها كلهم مزروعين شاديين هكتارات شااااسعة ..!
ملاك:( بانبهار ) هاذشي غزااااال ..!
شريفة:( ردات بابتسامة ) ياك هههه طلعناها طوبية طوبية .. ما كمل تا ربي غفرلنا .. تمارة كحلة فهاذشي و كيشد الوقت بزاف و ما كناش باغيين نتعطلوو كثر ..! ( شيرات لها ) و هذا أحسن باغتي فهاذشي كامل و مزال ما ساليناه عاد كنزيدو فيه كل مرة ..!
رمشات عينيها كتنعت لها و توريها كل حاجة فالبارك ديال الدراري ..! جامع زرافات كبار و صغار .. خريفات عاد مولودين و معيزات ..! الحمار الوحشي مزخرف بالابيض و الكحل ..! و الطاوس ناشر زينوو كيتمشى براس مرفوع معنكر عليهم و داك اللوان فيه كيسطييو ..! بركة صغيرة للبط و الدراري الصغار فين يلعبوو ..! مقابلين مع موطايشات و زحايتات و دوارات .. و شبكات كيطلعوو فيهم و يتسابقوو .. بلاصة ما يشدو الطريق العادية بالدروج كيتسلقوو فشباكي .. و رملة كثيرة فالارض فحالة ما طاح شي واحد ..!
مشروع متعوووب عليه و تحطوو فيه فلوس صحييحة و لكن خرجات شي حاجة كتفرح و تفتح النفس و الاقبال كاين و الرواج حاضر ..! تا ديكشي د الفيرمة غادي حكيم معاه بالتدريج كيوسع فيه و فبالهم بلاصة ما يخدموو مع شركات صغار للتصدير يبداو هما نيت .. شريفة شدات التجارة و عندها تجربة سابقة و حكيم نفس الشي .. محمد أميين مهندس انفورماتيك غيحتاجوه يشد لهم كاع لي سيسطام و خليل الدومين ديال الايكونومي ما غيمشييوش لبعيد غير هو فيه الخير و البركة يسيرهم و عدنان تا هو الامور الادارية حفى فيها سنانوو و عينيه ..!
هاذشي اكيد ماشي دابا و هما مزال يالاه قالوو بسم الله ..! القليلة يردو راس المال بعدا و يكون عندهم دخل كافي و مرتاحين فمستواهم المعيشي باش يغوصوو فعالم جديد ..! المهم الطموح ديما كاين باش يحسنوو راسهم و يطلعوو فالسلم كثر .. خدامين و كل واحد كيضرب و يعرق على راسوو ..!
الطموح لي كيكون منعدم عند البعض و كيبقى غير حاضي غيرو و كيتنهد كيحسب لهم ..! بحال بزاااف د الخدامين لي عندهم و خصوصا لبنات ..! متبعين شريفة و ملاك من بعيد كيهضرو و يبردو على قلبهم ..!
..... 1: جايين عندهم غذا العائلة وصاتني لالة شريفة لبارح على الطبلة ليهم .. تكون بعيدة على الناس نتكلفوو بيها من اللول للتالي ..!
..... 2: هما لي جات معاهم يصيفوو .. كيتنا حنا .. نبقاو النهار كامل واقفين على رجل و نسمعوو الهضرة من الفوق ..!
..... 1: واخا هكاك مدام شريفة كتعجبني ..! شخصية و ثايقة فراسها .. مراة و قادة واخا صعيبة ضريفة و ضحوكية ماشي قمامعية بحال راجلها ..!
..... 2: ردات بتوحويحة ..! ) احححح على راجلها .. اختي انا نشد عليا فبيت مع بحال داك السيد .. نذووب واخا يقمعني عشرالاف مرة فالنهار ..! شخصصصصية ما تقوليليش و حقاني ما كيهضر على الحاجة تا كيكون عندو الحق ..!
..... 1: ا سبحان الله ا الشريفة ؟ راه مزوج بمراتوو و بنتوو و شوية نسمعوو راها حاملة ..! تجمعي راك سحتي .. بحالوو عمرو يشوف فيك و لا فيا .. و فين يلقى بحال مراتوو .. الزين و اللسان الحلوو .. حارة و عندها الكلمة و حداه بحال القطيطة الأنوثة كتقطر ..!
.... 2:( ردات بحسرة ) البخ و النيف فالسما طووز جاو مع بعضياتهم ..!
..... 1: بردي .. بردي على راسك ..! بغيتي و لا كرهتي حلوة داك السيدة فين نوصلوو لها لا انا لا نتي .. عقليييية تا فزواجها ..!
كملوو الدورة و مع وقفوو حدا الدار باش يدخلوو ..! حبسات الطونوبيل د حسام .. هبط منها كيضحك مبسم مع شريفة لي تا هي طلقات البشرة و بترحيب و ابتسامة قالت ..!
شريفة: سي كازانوفا عاش من شافك ا خويا .. وليتي كتهرب علينا خاصنا الرونديفو باش نشدوك .. هادو هما فعايلك ؟
حسام: ههه اودي اختي غير مع الخدمة بزز شدينا هاذ السيمانة نرتاحوو شوية ..!
زادو كيهضرو و ملاك حداهم كترمش فيه .. الدموع بغاو يهبطولها و حرام واش شاف جهتها .. غير يلا قلب عينيه بعفوية و هو كيهضر .. و هاذشي لي لاحظاتوو تا شريفة ..!
شريفة: حتى نور توحشاتك تدور تدور و تقولك سوسو نمشييو نشوفوو سوسو ( ضربات يد مع يد كتضحك ) هههه غير سمحلنا ا با حسام البرهوشة على آخر يامك رداتك سوسو ..!
حسام:( حرك راسوو بالايجاب ) يلا غير من عند داك الخنفوسة .. كلشي عسل ..!
شريفة: ايوا لباس بعدا ولينا كندوزو فطريقها .. الله يخليها لنا و كان ههه ..! مرحبا بيكم .. خودو راحتكم و حسبوو الدار داركم ..!
دخلاتهم للصالون رحبات بيهم و حطاتلهم العصير و لي طاغط صواغي ضيافة و مشات تعيط لحكيم و تعطيه الملف لي باغي ..! لقات نور مزالة خايدة كتخطط ..!
شريفة:( تحنات كتشوف فقوة الخطوط مشابكين .. ضحكات و هزاتها بزز منها كتفركل ) صافي ا ماما نمشييو نغسلوو يدينا و نقييو حالتنا باش نتغذاو و نديرو القيلولة .. يالاه ..!
نور: نوو مامي الزوينة .. باكي باكي غير كويكة ..!
شريفة: ما كاين لا باقي شويكيكة لا بزاف .. صافي سالينا دابا .. ااااه ..!
طلقاتها بالزربة شادة فكرشها .. ضربها الضوو من الدقة لي عطاتها نور كتفركل باغى تنزل ..! النفس ما قدراتش تطلعوو .. وجهها تزنك و نور تكمشات حداها مخلوعة ما فهماتش شنوو وقع ..!
حكيم:( شد فيديها مخلوع كيدوز على ظهرها ) ششش مالك ؟ تتفسي بشوية .. رخي النفس .. هكااااك ..! ( مدة و هما هكاك تا بانلوو ارتاحت عاد قال ) شوية دابا ؟
شريفة: لا صافا ..! على حريق فففف .. ركلاتني برجليها بحال يلا خشات فيا موس الله يستر ( حطات يديها على كرشها كتحركها بطريقة دائرية )
حكيم:( حمر عينيه فنور و قال بتأنيب ) فاش كتهضر معانا مامانا كنسمعوو الهضرة و نديرو شنوو قالت لنا .. ماشي كنفركلوو و نغوتوو و نضربوها ..! شنوو هاذشي ؟؟
بلوكا فيها الشوفة محمر عينيه بتخنزيرة ..! جهد خمسة الدقائق تا تحقن فيها الدم .. مكمشة يديها قدامها حشمانة ما قادراش تهز فيه العين و البكية غالباها .. تا طلقاتها على الجهد و عنقاتوو من رجليه مخلطة لها البكية مع الهضرة المعكلة ..!
نور: ما نعاودس بيثوو .. يسامح أفااااك أفاااك ..!
هزها و باستوو فحنكوو تا تنهد و قال كيمسح لها دموعها .. ولات كتعرف و كتفهم .. فوقاش كيضحكوو معاها و فوقاش كينبهوها و يغوتوو عليها على شي حاجة ما خاصهاش تديرها و النهار الكحل عندها .. يلا تقلق منها حكيم ..!
حكيم: ما غتعاوديش تسمعي الهضرة د ماماك غنتخاصم معاك ..!
نور:( ردات بزربة كتحرك فراسها مادة يديها لشريفة ) لااا لااا نبكاس .. ماما زوينة ..!
شريفة:( عنقاتها و باستها فراسها كتقاد لها شعرها و تمسح لها وجهها ) بنتي هي الفنون ما غتبقاش تدير البسالة و غتسمع الهضرة .. ياك ا كبيدة ( ضحكات ) ههه يالاه نمشييو للبيت دابا ..!
حكيم:( حطها للأرض و قال ) يالاه شدي فيها ..! ( لشريفة ) ما تهزيهاش انتابهي لراسك ( قرب باسها فجبهتها تا غمضات عينيها )
هبط حكيم استقبل حسام و فالبلاصة طلعات ملاك كتقلب على شريفة تال بيتها .. لقاتها كتبدل لنور و تقادلها حالتها .. جلسات قدامها مفقوصة و قالت
ملاك: شفتي كي منخلني بحال يلا أنا بوطوو د الضوو قداموو ..! تا السلام د الله جاتوو ثقيلة يقراها عليا .. حسام حمااااار ( عطات الصبع للباب ) ها ما يسوى ..!
شريفة:( وسعات عينيها و ضارت بالزربة عند نور شافتها ما مسوقاش و قالت بارتياح ) نوضي ا بنتي هبطي شوفي عموو حسام و طاطا فاطمة قلها تبدا توجد الطبلة نتغذاو ..! ( سرسباتها هبطات و قالت بعصبية لملاك ) واش نتي مريييضة ؟ كتهضري قدام البنت هاكا ؟ و هي خاصها غير ما تلقط ..! جاب الله ما فهمات والوو و ما انتابهاتش لك ..!
نور:( جلسات على فخض حسام كيهزهزها و هي كتلعب فيديه و حكيم حداهم كيتناقشوو بيناتهم .. تا هزات يديها عطاتوو الصبع تا هي كتلعب بيه و تضورو عجباتها الحركة و جاتها مسلية و بصوت مسموع قالت ) أموو سوسو ماااار " عموو حسام حمااار "
يتبع...
التنقل بين الأجزاء