لا تجبرني على حبك الجزء 21

لكل شي بديل الا الاخ لايمكن ان يصل لمرتبته احد.. يبقى هو الاحن والاصدق وهو السند عند الحزن والخيبة.. وعند ضيق الصدر و المرض ...!

شحال اختلفو.. شحال تضاربو.. قاطعو بعضهم من موت الاب... لكن كي يطييح وااحد الاااخر ميفوتووش.. صدام بمجرد ما عرف مرض خووه شد طرييق مبااشرة حتى فرحتو بالحمل ديال مراتو ماكملهاااش..

خذات منوو ثلاث اياام من النقااش و الصدااع و العصبية و الضغط على نفسه مع خووه لي من دييما رااسو صخرة.. بالسيف قدر يقنعوو يااخد اول حصة كيمااوي... كان راافض تماما.. اي وااحد فينا تيسمع الكييماااوي يقشعر بدنه غير من الاسم فقط... غالبا بعد اول جرعة تيحس مريض السرطان بالتعب و الارهاق بعد ساعاات من العلاج... تيكوون محتااج الراااحة التاامة باش يعطي لجسمه فرصة يستجيب للعلاج و يبداا يتشافى...

وقف صدام امام غرفة الاخ ديالو.. تيسمع انينه و همهمااته بعد اول حصة.... حااط على قلبو حجرة و مزيير على راايو بالسييف.. فاش تيمرض شي حد عزيز تيمرضو كاع الاشخااص لي حواليه.. العائلة و الاحبااب.. البيت كلو خيمات عليه حاالة من الحزن و الكئاابة من نهار عرفوو مرضه. زير على يدييه و تسمع مكانه... كل ما تيحااول يدخل تيوقف بصوت انين الاخ ديالو و همهمااته

صدام... "طرق الباب قبل ما يدخل".. الخوادري كي راك.. ؟ مليح ؟

بدر الدين... "شاف فيه و ضحك باستهزاء" وااه راني ملح... . بزااف كااع..!..

صدام.... "ريح حداه".. كااع هاشي يفووتي باذن الله.. ماتيأسش..

بدر.. موت وحدة لي كاين كيف تجي تجي.. ربي يسهلها هادشي لي نطلبو..

صدام.." شدو من قرفاادتو زير علبه"،.. يااا الررحمة نتااااع مك شراااك تكووول شمن مووت ا*بي..! انشااء الله ربي يجي الشفا..

بدر.... "باستسلاام".. كاااع لي جااه هاد المرررض رااح.. انا نتشاافا ؟

صدام.. الحكمة عند ربي....

بدر.... "تنهد.."... عزاات علاي الحنانة و مدامتي..!... حسنا مرااهااش تشووف نعااس.. تنشوف الخوف فعينيها و ندير راسي مشفتش.

صدام.. ربي يسهلها من عندو.. خلي ايمانك بربي قوي.. و راك تسمع الطبيب وااش يكول..

حسناء... "" دخلات عليهم كرشها لفمها حاملة... هازة... بلاطو فيه عصير ليمون طبيعيي و الماء... يدييها تيرجفو واقفة و عينيها منفووخين بدمووع تتحاول متبينش لكن الله غالب ماتاتقدرش.. حطات لو البلاطو بجنبوو و وقفات تتهرب عينيها".. شرب هذا.. ماترجعوليش تاني عاامر الله يسهل عليك غاطرطق ليا القلب.....

بدر الدين...." شد لها فيدها و زير عليها حتى دارت شافت فيه " ربي يسمح ليا منك الحنينة ديالي..." جرها عندو حتى جلسات فوق النموسية و قبل راسها"...

حسناء...." كانها كانت تتسنى يمتا تنفجر بالبكااء.. تخشات فييه تتبكي و تقوول مابكييت"... حراام عليك حراام.. دير بوجهي و وجه بنتك لي فكرشي طردگتي ليا الگلب مرااني نعس خايفة عليك و نتا لا مااكلة لا شرااب لي گالها طبيب ماديرهاااش رااني مررضت مرضضضت.

بدر... "تيسكت و يطبطب على ضهرها".. الشهية مابقااتش ابنت عمي لي كليتها نرضها.

حسناء.. "تتمسح دموعها و شافت فصدام".. دوي معاه اخااي رااني عييت يخطااني نمووت وااش انا مانفرحش..

صدام... "ضرب لبه على رجلو و نطق بحدة".. ترجل اصااحبي دير بكلام طبيب رااك تهلك فيينا و فرووحك..

بدر..." تنهد و نطق بحدة مماثلة"... مدي داك الكاس..

هزاتو كلها تترجف.. عطاتو ليه بيدها يشربو... تنهد صداام خرجها حاارة من قلبو على حاالة خووه لي تتقطع فالقلب.. عمرو شافو ضعييف و حتى دابا تيبين رااسو قوي و حتى الموت ماهاماهش... بقى حااضيهم.. علاقتو مع حسنة تيعاملها فحال بنتوو.. تزوج بيها و هب صغر منو بززاف... بالسيف على بااها خدااها.. و هاد زوااج نتج عنه حمل.. و كرشها كبرات الشيء لي خلاه يركز مبتسم... تفكر مهرة و هو ينطق بدون تردد...

صدام.. اشمن شهر؟

حسناء.. "حطات يدها على بطنها" هذاا كي دخلت لشهري..

صدام... "حرك رايو و شاف فخوه".. مام المداام حاملة.. فشهر ثاني..

حسناء.. "بابتسامة...".. ربي يتمم حملها...

صدام.. "رد لها الابتسامة"،.. امين...

ناض صداام خلاهم بزووج.. توجه مباشرة لجنب النافورة لي وسط الدار.. جر كرسي و ريح عليه جبد تيليفوونو تيضور لها..

صدام.. الگمرة... كي راك مليحة؟

مهرة.. الحمد لله.. و نتا ؟ خوك كي بقى.

صدام... "تنهد و نطق".. نكولو الحمد لله...

مهرة... صوتك معاجبنيش.. ياك لباس ؟

صدام... محتااجك الگمرة محتااجك مي ربي غالب.. مزالني ماقادر نجي..

مهرة.. "بقلق".. ياك لباس اش وااقع؟

صدام.. مدامتو دمووعها مراهمش ينشفو و هو ماعلى بالووش يكوول لك مووت وحدة لي كااينة.. بربي كوون مااكانت دقة عندو فىااس نصفگ ربوو مع الحيط..

مهرة.... تت.. تا هو تيقهر فرااسو ووعائلتو.. مرتو مسكينة بقات فيا..شوف هو خوك مسكين غايكون مأزم من الاحسن شدو معاه الخاطر و صافي.. حتى يولف...

صدام.. "زفر بغضب"... راني دار فوق الجهد..

مهرة "سكتات شوية و نطقات " ياكما تبغيني نجي؟؟

صدام.. نو.. رحي عند يماك.. كي نشووف الوضع ماهوااش راني نروح نجيبك عندي..

مهرة... " تنهدات".. واخة.. الله يصاوب..

صدام.. "دوز يدوو على وجهوو و نطق بتنهيدة"... تهلاي فروحك.. و كوني على بالك..

مهرة.. واخ تا نتا تهلا فراسك... انشاء الله يكون خير..!

صدام... " تيحرك رتسو بالايجاب مزير على يديه عينيه حمرييين كي جفمة ديال دم "... دعي معااه.... محتااج دعاء... كي نحط رااسي بلاصتو نعاس ميجينيش..

مهرة..." نطقت باندفااع و بدوون شعوور".. الله ينجييييييك و يخلييك لينا ماتبقااش تقوول هاد الهضرة عافااك...!!

صيااد النعاامة يلقااها يلقااها.. لكن فاايزة مزاالة مطولة فاللعب.. مزال تتمشي الكل على مزااجها.. حتى فالخدمة. العقل خدااام و تيتكتك لكوولشي و هي مريحة فداارهاا معززة مكرمة طيلة الحمل المزيف.. هوسها بالانا حلاها تشووف راسها محور الكون.. خلاها تشووف رايها لااعبة شطرنج و الناس بيادق كيف ما بغات تحركهم... خرجاات من الكلينيك بعد ما دوزات فتىة الولادة ديالها.. شادة فيه و تتمشى بشوية كأنها فعلا والدة.. اتقنت الدور عن جداارة تستاهل عليه اوسكاار فالتمثيل.. هزة فيدها بنتها بسليلة ديالها و بجنبهاا امها.. غادية و تتبتسم ما فحالها حد.. دخلو للسااارة و مبااشرة وصلها لدار واليديها كيف طلبات بحجة انها غاتقابلها الام ديالها..

دخلو و توجهو مباشرة للصالون..

فايزة... حبيب يمرتاح.. تشرب شي حاجة؟

رحيم.. غير ريحي نتي لي خصك ترتاحي انا مرتاح...

فايزة.... "تحضن و تبوس فبنتها.." ناضت وقفات و مدات ليه حلا". انا نمشي نبدل علبا بشي حاجة واسعة مبقيتش تنحمل نتزير من نهار ولدت.

رحيم..." حرك راسو بالايجاب".. سيري خودي راحتك.." شد البنية بين يديه تيراري بيها و يبووس فيها.. تيحرك لها يديااتها بصبعوو و تتشدوو ليه.. بقى على ديك الحاال بانت لو الحاجة تترمقو بتخنزيرات و تو يوجه لها الكلام " الحاج مبانليش فينهو؟

الحاجة.. الحااج فالبلاد فاش تنطلع ليه فالراس تيخلي ليا دار و ييزيد لبلاد..

رحيم..." حرك راسو".. الانسان تيبغي يبدل شوية روتين ديال مدينة..

الحاجة... و نتا اوليدي تاال ايمتا؟ ماناويش تكتب على البنت؟ الولاد و ولدتوهم اش تتسناو

رحيم... انشاء الله الحاجة..

الحاجة.. انشاء الله اوليدي من نهار تزوجتو و نتا تقولها

فايزة.. "جاية عاقدة حواجبها باستنكار"..ماما.. ماشي وقت هاد الهضرة دابا... انشاء الله ندووزو السبووع و يكون خيير..

الحاجة.. "شافت فيها".. اممم هاحنا نشووفو...

ناضت تضرب علبهم بجلايلها معاجبها حاال غير تطلع و تنزل فرحييم.. دخلات فحالها و مشات فاايزة ريحات جنبو تتحلون علبه و تمسكن كيف العادة...

فايزة... متقلقش منها عافاك اعمري.. را قلبها بيض غير خاايفة عليا و على حلا...

رحيم... "حرك راسو ".. من حقها..

فايزة.. "طبطبت علىكتفها و ضمت يدو. هزاتها عندها و قبلاتها". ياااي شحال توحشتك... شحال و حنا بعاد على بعض!

رحيم..." علا حواجبو و تنهد قلب الموضوع".. سبوع حلا غايدار مور سبوع وليد.. غانسبقوه هو الاول..

فايزة.. "ابتسمت و نطقت بعكس لي فداخلها من غل لداك الولد و مو".. اه معليش تيبقى فرحتك الاولى و البكر ديالك...

رحيم.. "حرك راسو" اذا تفاهمنا..

فايزة.. "تتلعب لو بالكول ديال السورفيت.. "حنا ديما مفاهمي احبي... لي بغيتيها هي لي تكون....

دوز معاها ديك العشية و تعشا معااهم عانااض فحالو.. شد طرييق متووجه مبااشرة لداارو.. دخل عيااان مهدوود.. مريم كانت جاالسة عاد مرضعة ولدها و تتنعسو فبيت نعاس... دخل عليها علات فيه الرااس و عاود نزلاتو..

رحيم.." قرب لها بااسها و نزل راسو باس وليد..".. غضبلانة مريامة ديالي؟

مريم.. " علات فيه راسها".. لاش نغضب.. ؟ علاش انا من حقي نغضب..!

رحيم.. "عصر عينيه بصبااعو".. عاارف راسي مقفرها ولكن بربي مالخااطري..

مريم.. ايمتا اتفقنا على سبوع؟؟ ... "شافت فيه بعيوون قربو يدمعوو حسات بالحگرة ".. و الله تا تحشمت كولشي تيسولني حشمت نقول لماما راه عند مراتو التاانية ممساليش يسبع لولدو.. .. يقولوو عليا قاابلة بالدل؟

رحيم.. الله يهديك امريم الله يهديك رااك عاارفة لي كااين.. واش انا كرهت..! باغي نعيش معاك مرتاح و ندمت على نهار شفتها ولكن ااش ندير هااديك تتبقى بنتي..! ميمكنش نخلي طرف مني ماعندها تا ذنب..

مريم... " تتراري بولدها".. اه بنتها بنتك و ولدي انا مااشي ولدك..

رحيم.. "هزو من عندها حطو فوق صدرو تيلعب معاه".. كيفاش ماشي ولدي..! هو ولدي و مو حبيبتي!

مريم.. "هزات كتافها" لالا باااين نيت..

رحيم.. "جرها من جنبها لسقها عليه"،.. و الله يهديك.. هي بنتي و هذا اول فرحتي... راها والدة على سبع شهور.. ولادتها جات على غفلة اش ندير و هي ملزومة مني

مريم.." بعدات لو يديه"... بلا متبقى تقولها ليا فوجهي.....

رحيم.. و انا تنواعدك الالة الحل قريب.. رااسي تنفخ امريامة الله يحفضك خليني هاني...

مريم.. "تنهدات".. عطيني ولدي نعسو..من صباح و انا تنعس فيه جيتي و بدا يبجغط تاني..

رحيم.. بعدو عليها".. خلي سبع ديالي... تيشوف باه تينشط..

مريم..." رفعات ليه صبعها".. نعسو ولا ضبر راسك معاه..

رحيم..."تيبوس فيه".. نلعب معاه شويه و نعسيه..

مريم..." ربعات يديها بضيق..".. و نتا فينما تشووفو نااعس ااجي فيقو و قول ليا نعسيه عيقتي..

رحيم.." تيراري بيه فوق صدرو".. شوووت.. هاهو بدا ينعس..

بقا معاه حتى نعسو و حطو فالكونة ديالو.. بانت ليه نايضة تجرج من البيت و هو يجرها جلسها على رجليه و دفن وجهه ورا عنقها..

رحيم.. فكي عليا هاد التغوبيشة و ضحكي ليا امريامة...

مريم.. "هزات كتافها و بدات تتحرك فووق منو ".. سير حتى تلقى حل لرااسك و لينااا و داك الوقت اجي نضحك ليك و نكركر ليك كاع انا..

رحيم.... "تنهد فعنقها و عضها حتى قفزات".. باغية تجهليني دييلمك "ضغط لى صدرها حتى غووتت حيت تيضرها" نمضييه لوالديك بين هاادو...

مريم... "بغات تنووض ". و خلاص فكني.....

رحيم.. " سمع تيليفونو تيصوني جبدو من جيبو".. هذا هو لي فكك. ".. طلق منها و جااوب مبااشرة...".. وي خااي.. اهلا لبااس.. اش خباارك .. "ناض وقف موسع عينيه.. دوز يدو على راسو".. لواااه.. الله اكبر.. انا لله وانا اليه راجعون..

مكاينش فالحياة اقسى من انك تسمع خبر وفات شخص عزيز عليك... تيكوون الخبر صدمة كبيييرة تتأثر على النفسية صحيح ان الموت حق على كل انسان فهاد الحياة.. الا انه فاجعة تتخلي الم كبيييير متيتمحاش مع الزمن.. و انما تنحاولو نتناساوه... متيتبقى لنا منهم غير بعض الذكريات.. ولا نملك الا الدعاء لهم في قبورهم بالرحمة...

اغلق هاتفه و شاف فيها.. ودنيييه تصمكوو حلقوو نشف عينيه تعرقوو و حماارو.. تلقى خبر مفاجأ زيير ليه خااطروو و كيغايديير يوصلو لها..!

مريم.. "تتشووف فيه باستفهام!".. مالك؟ ياك لباس اش واقف.. شكون توفى ؟

رحيم... "مزير على تيليفون".. الله اكبر.. الله يرحمها و ويسع عليها..

مريم.... "قلبها تقبر خاطرها تزيرات.. قربات ليه تترمش فعينيها و تتسنى الجواب على سؤالها".. شكون؟؟. قوول...

رحيم.. بشوية عليك ماتعصنبيش.. رااك مزالة نافسة.. تهدني ي.. الجدة توفات..

مريم.... "تترمش مامستوعبااش.. ريقها نسف".. اا.. ال.. شكون؟ ميمة ديالي انا؟؟

رحيم.." انكمشت ملامحه بالم و حرك رايو بالايجاب "... لله ما أعطى ولله ما أخذ... دعي معاها..

مريم... "ضربات فخاضها تتبكي"... اويلي ااااش تتقووول... الميمة.. ميمة .. الله ياااربي..

رحيم..." خذاها فحضنو تيطبطب عليها".. شووووت.. الله يرحمها الله يرضي عليك ماديريش هكذا فراسك مزالة عياانه..

مريم.." تتبكي و تغووت قلبها غايسكت".. ماااسخييتش بييها مزاال ماااشبعت منها.. اااااه قلبي.. اميمتي الحنينة مشاات و خلاتني علااش ااناا علااش منفرحش...

رحيم..." مزير عليها تيحااول يهديييها و مزيير حتى على رااسو و عينيه عمرو بدمووع"... الصبببر احبييبتي صبر.. تهدني.." بعدها و ضم وجها بين عينيه مسح لهاا دمووع".. شوفي فيا.. خصنا نشدو طريق دابا..!

مريم... " تتحرك رايها بالايجااب و تتبكيي"... ضرورري نشووفها قبل ما يدفنوها ضروري..

الموت متتعرف لا انسان زين و لا انسان خايب.. كل وااحد فاش تيحين اجله تيدي مول الامانة امانته.. في دقائق.. لبسوو علبهم هزو الولد و توجهو مبااشرة للسياااة.. الجو كان حزيين.. الصمت يعم المكاان. تيتسمع غير صووت انينها و شهقاتهااا فالسياارة.. الطرييق كاملة دمووعها ماجفووش حتى وصلو..

وقفات مسمرة امام باب الديال الفيرمة تتشووف بنادم اللي دااخل اكثر من اللي خارج.. الحاجة صيتها كان عاالي وسط البادية.. شحال من وااحد صلحات بينه و بين مرتو..! شحال من واحد ساعداتو يحفض القرآن.. و بااما عطات دروس فالجامع للنساء بحكم كلنت قارية شوية و ربي عاطيها حكمة من عندو.. موتها مكانش صعيب غير على عائلتها فقط و انما حتى جيران و الاصدقاء.. القرييب و البعيد حزن على فرااقها..

خبر وفاتها مكان لا على البال و على فالخاطر... حطات يديها على راسها تتنهد ماقداتشتخطي خطوة للداخل مقدراتش حاسة براسها مخنوقة و قلبها مقبوط عليها.. خرج رحيم من السيارة هاز فيدو ولدو فالكونة ديالو ناعس... حط يدو على كتفها تيطبطب عليها.. حتى هو من جهتوو مقصح لان المرحومة كانت بمتابة الام لجميع احفادها متتديرش الفرق بينهم...

رحيم... يالله ندخلو امريم...

شافت فيه و نزلات راسها دمووعها داازو.. شاادة فراسها غير بزز.. احساس المووت.. و فقدان شخص عزيز جربااتو.. قلبها ضرهاا... حطات عليه يدها مبااشىة و زيرات...

مريم.. الله يا ربي... الله يا ربي اش هاد المكتووب.. منفرحوووش اسيدي ربي منفرحووش..

رحيم... " تنهد و زير عليها من كتفها جرها عندو باس لها على راسها".. گولي استغفرالله العظيم و دعي لها بالرحمة..

مريم.."طلقات دموووعها بغزاارة".. شكووون يصبرني شكوون.. اااااه ميمتي.. الميمة الحنييينة.. القلب الكبييير مشاات عليااا... الله ياا ربيي..

رحيم... "ضلامو عينيه تيطبطب على ضهرها".. صبري الموت علينا حق.. صبري امريامة و دعي لها بالرحمة..زيدي ندخلو...

مريم... "تتحرك رااسها و عيوونها تيجرييو بالدمووع ".. ماقاادرااش.. ماقاادرااش نحط رجلي فدارها و انا عارفااها مكينااش..

رحيم.. "تنهد". الله يهديك امريم..

مريم.." مسحات وجهها "... الله يرحمها الله يرحمها مكااينش فحاالها الله يرحمها و يوسع عليها.. يا ربي استغفر الله العظيم......

رحيم... " باس لها راسها ".. الله يرحمها و يوسع عليها ضيقة القبور.. "تنهد".. خصنا ندخلو..

حركات رااسها تتبكيي.. الم الفقدان تيضر القلب.. خصوصا لكان انسان قريب.. ام.. اب.. حتى الجدة و ااجد في بعض الاحيان تيلعبو دور الواليدين.. فراقهم تيكون صعيب.. من اصعب الموااقف هي يجيك اتصاال يخبروك بلي انساان عزيز على قلبك توفى . تتحس بقلبك تهز و تخبط..

دخلو مباشرة غادية تتقدم رجل و توخر رجل داازت من حداه من بنات عمامها و نساء العائلة تتجي تعنقها و تبكيي عليها تا هي دموعها مانشفووش قلبها طاب بالبكااء.. تخطاتهم كااملين و دخلات للغرفة ديال الجدة.. رحيم خلا ولدو عند لطييفة و تبعها.. غير دخلات للبيت كانت الحاجة ممدة فوق صرايرها مغطينها بإيزار ابيض ..المنظر حسسها بالدوخة.. مزالة عياانه و تتجر رجليها غير بزز.. حسات برووحها تتحترق و هي تتشووف جدتها لي كانت احن عليها من واليديها فوااحد الوقت.. تتشووف الانساانه لي خرجاتها من ظلامها و وراتها طرييق النوور مكفنة و ممددة فوق فراشها..

مريم... "طاحت على ركابيها و حطات وجهتا فوق رجلين المرحومة".. خليتيينييي مزاال مااشفتي حتى ولدي.. ياااك قلبيي ليااا غاتجي تشووفييه.. يااك كنتي مشووقة تهزيييه.. مشيتيي قبل الوقت الحنييينة مشييتيي قبل الوقت.. هء.. هء.. " مسحات دموعها و طلعات راسها تتدعي" اللهم أبدلها دارا خيرا من دارها و أهلا خيرا من أهلها و أدخلها الجنة و أعذها من عذاب القبر ومن عذاب النار.... اللهم امييين يا ارحم الراحمين..

رحيم... "نوضها من دراعها و شير لوحدة من البناتةجابت لها كرسي ريحات فيه".. الله يهديك مسحي دموعك تتعذبيها و تعذبي رااسك محتااجة دعواتنا كتر من البكاا....

مريم... "حركات رايها و مسحات دمووعها هي تتمسحهم و هووما تيهوودوو ببووحدهم" البكاا مور الميت مافيه نفع.. جييبو لاياا المصحف ديال المرحومة..

" الجد... "جا وقف عليها تيطبطب على كتفها".. راك نفيسة ابنتي.. لا يجوز....

مريم.." طلعات فيه راسها ". باا سيدي الله يصبرناا فيها خذاات طررف من قلبي و مشاات...

الجد.... "باين الام من عينيه على فراق رفيقة الدرب ".. الله يتبثها عند السؤال.. يجعل قبره روضه من رياض الجنة... الله يصبرنا جميع على فراقها..

. مريم... "حركات راسها" جيبو لياالقرآن و الليگات... بغيت نقرا عليها..

الجد.. الله يهديك ابنتي راك نافسة.. الليگات عليهم اختلاف.. ماعرفنا واش يجوز ولا لا..." مشا جاب القرآن".. انا نقرا ما تيسر و الي قديت عليه و يكمل رحيم نتي متقيسيهش الله يرضى عليك...

اكتفت انها تحرك رايها فعلا قراءة القرآن من طرف المرأة في فترة نفاس لا يجوز و كاين لي تيقول انها تقدر تقرا غير تلبس الليگات لكنه فيه اختلاف خرجو من باب وااسعةوواكتفت بالاستماع.. جاب رحيم كرسي حداها حطاات راسها على كتفو تتبكي و تمسح دمووعها و هي تتسمع الجد تيقراةالقرآن.. هو بنفسه صوته مرعوود بقوة الحزن عليها هذا هو الانسان الطيب فاش تيمشي كولشي تيحزن عليه.. ..

~~

الليل كلو و هوما تيقراو عليها القرآن. تيدعيو لها بالرحمة و المغفرة.. الداار ما خواتش و الجيران قايمين بالوااجد.. هوما لي مصاوبين العشا و هوما لي جابو لهم الفطور... هذا الحال فالباادية تيتعاونو مع بعض في الصراء و الضراء...

الليل كامل مانعسااتش مريم فينما تغمض تتجيها المرحوومة بين عينيها تأزماات ووتعبت نفسيتها الموت ديالها جاتها صعيبة بزااف.. بالسيف قاادرة تجمع راسها.. اما رحيم نعس ساعتين و فاق حيد غير تعب الطريق و فااق تاني لانه خصهم يتممو مراسم الدفن ديال المرحومة بعد ما يصليو عليها .. وقف فالباب ديال الدار تيقلب فتيليفوونو لقا اتصالات كثسيرة من فايزة اللي اكتفى الباارح انه يرسل لها فقط رسالة خبرها على الوضع .. في الحين اتصل بيها يشووف ااشنو بغات..

رحيم.. وي فايزة.. ؟

فايزة.. رحيم صافا.. عافاك صيفط لي اللوكيشن راني قربت نوصل للفيلاج!..

رحيم... "وسع عينيه بصدمة مزير علىقبضة يدو خشااها ديرييكت فالحيييط..".. فيييين جااية افاايزة فيين؟

مجرد تسمع كلمة «السرطان» عندها تأثير مرعب على نفسية الانسان... هاد الكلمة تتسبب مخاوف وردة فعل قوية.. وممكن يكون المرض مرتبطا بذكرى سيئة.... لكن في معظم الأحيان تيكون الخوف بسبب ارتباط هذه الكلمة ذهنيا بنتائج هذا المرض و كيفاش تيهدد حياة الإنسان.... لدرجة أنه بزاف من الناس تتجنب تقول كلمة السرطان تيبذلوها «بالخبيث أو المرض الخايب»....

رحلة هذا المرض تأثيرها ماشي غير على الجسد فقط.. و انما عندها اثار قوية على النفسية و ضغوطات على المريض و حتى اهله ووالناس لي تيبغيوه... لانه خبر الاصاابة بالسرطان ماشي سهل على الانسان يتقبلوو خصوصا المريض تيحس انه وصل لنهاية المطاف و فقذ السيطرة على جسمه و حياته و هادي لي وقع لبدر الدين كي عرف بمرضه..مزال في مرحلة عدم تقبل المرض.. عقلو مقاادرش يتقبل انه فعلا مريض.. و عقله الباطني تيقوول ليه انت مريض بالسرطان اذا غاتموت.. لهذا الطبيب نصح صدام في ااخر زياارة و لقاء له معااه.. انهم يكونو جنبو و يحاولو يدعموو نفسياا باش يقدر يتجاوز هاد الفكرة لانه كل مكان الانسان متشبت بالحياة كل ما قدى انه يتعالج و يتغلب على المرض...

هذا علاش وقف مع خووه وقفة تالرجال و هذا هو دور العائلة.. يوقفو مع بعض و يهزو مرض بعض .. كان مُشرف على حاله و لي قاالها طبيب تيوقف عليها تتنفذ..حتى من الخروج تيرغمو يخرج معاه تيدير اي حااجة من اجل يخرجو من ديك الحاالة ديال اليأس لي عايش فيها.. بغض النظر عن خلافاتهم لي وااخة تصلحو كانو مزاالهم بعاد عن بعض الا ان هاادو هوما الاخوة.. موس واحد يذبحهم.. يفرحو لفرح بعض و يمرضو لمرض بعض...

بعد جولة صباحية.. كيف العاادة هاد الايام.. دخلو هازين معاهم تقضية لقاو فطومة جالسة هي و جارتها فالسيجور.. استقبلوهم بالابتساامة و الوجه البشوش..

فطومة... على سلامتكم.. كنا نستناو فيكم الغذاء واجد..

صدام.. "وااه الحباب الله يحفضك راني ميت بالجوع.." شاف فالجارة "*.. سلام عليكم الحاجة..

الجارة .. ولدي كي راك مليح؟ عاش من شافك..!

صدام... حامدين الله.. الوقت و الخدمة..

الجارة... وااه ربي يسهل عليك اوليدي..

بدر الدين.. نرووح نرتاح.. مسخسخ..!

خلاهم و مشا... بقات فطوومة تتنهد موراه و متبعة لو العين ماهاينش عليها تشووف واحد من ولادها فهاد الحالة.. وااخة تيبين الحدة و الجموود فملامح و يصدر القوية لكن مخفي ورائها ضعف كبير..

تبعو صدام حتى متوجه للصالون ريح فيه خلا فطومة تتحتت مع جارتها حتى وصلات لها الوقييته و مشات...ناضت فطوومة توجهات مبااشرة للصالون عندو كان عاطيها بالضهر هاز تيليفون مع نزلات عينيها ضربات فصورة مهرة.. قلبات عينيها تتمصمص فالحاامض..

فطومة.. "جلست جنبو".. علاه جالس هنا وحدك كنتي ترح معانا.. خالتك مليكة راهي وحدة منا ماغريباش..

صدام.. "شاف فيها" و راكم عاطينها لشياخة واش ندير انا وسطكم؟...

فطومة... يا بني ماكرهتش تجلس هنااياا حدايا.. الخدمة مكاين شكون يقابلها.. عمك راهو مسافر..

صدام... "علا حواجبو".. علاه راكي دور الحنانة.. جيني فاص..

فطومة.... "طبطبت ليه على يديه".. ريح هنا قابل خدمة باك.. العائلة كااع محتاجينك.. حسناا لازمها لي يوقف معاها.. و انا و خواتاتك.. مااعندنا حد من غيرك..

صدام... "حرك راسو بنفي"،.. الخدمة هنا راهي مااشية كيف السااعة.. مانااقص والو.. مراانيش قاادر نريح هنا مرة اخرى رااك عاارفة... خدمتي و مدامتي فأكادير.. نكيتي كولشي و نرواح نجلس هنا؟

فطومة.. "نطقت بحزن".. لاواه.. خلي خوتك محتااجينك.. خلي مااك.. خلي كوولشي و تبع ليا السوسية و ديك الخدمة العوجة!

صدام.. "زير على يديه".. الحنانة.. "خذا يدها باسها"،.. نبووس يدك مراانيش فاايق لهااد الهضرة.. مرانيش حاب ينووض صدااع فهااد الوقت.. فهميني..

فطومة.. "نطرات يديها".. الله يهديييك الله يهدييك اولدي...

صدام.. امين... "شير لها كانت سااهية تشوف جهة الباب..".. شي وحدة تعيط لك..

فطومة.. "طلات عليها"... وااه.. عفاف..زيدي ابنتي.. زيدي ماتحشميش...

هي.. "قربات هازة طبسيل ديال الحلوة فيديها حطاتو فوق الطبلة"... سلام عليكم.. هاني كي كملتها جبت لك حقك....

فطومة.. "شيرات لها تريح حداها".. تعاالي.. زين و الحدااگة.. و التبااتة و الحشمة.. لالة البناات لالة عفااف اسم على مسمى.. "شاافت فصدام".. هادي رااهي بنت خالتك مليكة الصغيرة فبناتها..

صدام.." طلع راسو بعدم اهتمام.. هززو و رجع شاف فتييليفونو". الله يبارك

فطومة "... تغداي معانا اليوم اكبيدتي..؟

هي.." حركت راسها بنفي و عدلات حجابها" رااهم يستناو فيا نتغداو كاع.." خطفات شوفة لصدام و نزلات عينيها تترمش.. "

فطومة.." ابتسمات و طبطبت لها على يديها"... الله يرضى عليك ازينة البنات..

هي... "ناضت وقفات"... هاني مشيت الى لازماتك شي حااجة عيطي لي نجي عندك فالحن .." شافت فصدام خاشي وجهو فتيليفون ممعبرهاش "...

فطومة.. وااخة ازينة..

خرجات عفاف و رجعات فطومة ضهرها على المخدة.. معلبة حواجبها مربعة يديها تتشوف فداك الطبسيل ديال الحلوة.. ابتسمات و ناضت خذات منو الكعك مدات لصدام و كلات تا هي..

فطومة.. "دوق ليا الحلوة لي مصااوبة عفاف... وجدة كاملة ضوورها ماتگاش كيفها..

صدام.." خذا منها الحلوة كلاها".. امم.. زينه..

فطومة.. علاش مادويتي مع البنت ماعطيتيها وقت..؟ جات حانية راس و مشات حانياه..

صدام.." طلع فيها عينيه ".. و علاه نعطيها وقت؟ مانعرفها ماتعرفني

فطومة... اوا تعارفو واش فيها؟

صدام.. "دوز يدو على لحيتو و زفر بعصبية ".. نرووح نرتاح خياار لي.. كي نفق نتغدا كولو نتووما بصحة...

فطومة... " تبعات ليه العين حتى غبر و رجعات راسها تتنهد بغضب.. باغية تجرو بأي طرييقة و تجلسو حداها.. طرطقات صوابعها و نطقات تحت سناننها".. مافيهاش ساااحرة لك السووسية.. ولكن استناااي عليا ابنيتي.. طولتي علياا عنقك البارح.. اليوم راسك نهرسو... ~~

جالس حاط رجل على رجلي و يدو على شنايفو.. حاضيها تتحط الفطور للغاازي.. مصغر عبنيه تيطططلع و ينزل فيها من الفووق للتتحت ... تيعض فشناايفو من نهار شاافها ووهو سامح فخووه ووتاابعها... السبيطار كاملة حرثو من غرفة لغرفة و هو حااضيها كي تتعاامل.. ضحكتها عبنيها لي تيتسدوو كي تتبدا تضحك.. قامتها القصييرة.. طاايتها خصوووصا المؤخرة الباارزة لي مخليااه غاادي و تاابعها...! القصيصة لي مغطية لها الجبهة.. كاع تفاتصيلها حفضهم فهاد المدة لي بقى مع الغااازي....

الممرضة... "حطات لو كاس الماء".. اليوم البروفيسور ماغايشوفكش هنا.. غاتمشي عندو باش تعبر على ود نضاضر..

الغازي.. وي انشاء الله يحفك اختي صفاء

الممرضة.. المهم الى كملتي غاتجي الاخت المكلفة و تعاونك انا واخذة اذن هاد عشية..

الغازي.. "حرب راسو بالايجاب نزل على كاس تالماا و الدوا لي عطاتو"... و عليه.. مشات..

الممرضة.."ابتسامة بشوووشة"... بالشفاء انشاء الله

خرجاات و خلاتو متبع لها العيين ساااكت مادوا ما تكلم تيعض شناايفو و حااضيها غير خرجات ناض وقف و مشا للسرجم دلاا راسو تيضرب فيه البرد..

الغازي... وا سد علبنا الق**ي اصااحبي شحطنا البرد..

انس... "سد النافذة و دخل وقف عليه ".. انا لي تشوطت ف*بي معاك فهاد الكلينيك اسااط..

الغازي... "ضحك بالجنب و هز تيليفونو تيحقق فيه الشووفة مزال عينيه مضببين"... ترزيتي فالطبابن الزورگ ولا!

انس.. خلينا من هادشي.. شحال مزال غاتريح هنا؟

الغازي.. ندير نضاضر و نعلق... ماناويش نريح هنا شهر.. نولي ندوز عندو مرة مرة

انس.. مزيان.. ايمتا ترجع لمغرب؟

الغازي..." ضح بالجنب ".. مزاااال عندي شغاال نقضييهم هنا.. مطول شوةي ااخاي..

انس... مهم شووف الساطة لي تتجيب لك دوا عجبااتني... طييرات لاي العقل.. تنشوفها تنقيم

الغازي.... "خزر فيه".. بعد من درية الله يعمرها سلعة اولد ال*حبة... جمع *رك..!

انس... مالي غانگريسيها..." هز كتافو ".. راني غيير انح**ها بكل رجوووولة و يعجبها العاال...

الغازي... واحد القرعة ديال لالكول كانت جنبو هزها عطاها ليه للراس " نوض *ود عليا تقرب لدرية نرزييك فقل**ك ا*امل...

انس..." هز القرعة ردها بلاصتها"... الله ينعل الشدوق دلسان ديال الشنتوف دمك... فلقتيني اولد الهاربة... دابا ولا عندك شووف خمسة على خمس نعلطبنمك..

خرج من عندو تيحك الدقة خلاه مفرشخ علبه بالضحك... ضار تيقلب علبها ملقاهااش مشا خدا سبارادرا دارها فبلاصة الضربة.. يالله غابرجع و هي تباان لبه غادية نازلة من الدروج مبدلة حوايجها.. سمح فكوولشي و تبعها بلا عقل.. حاالف اليووم يعرفها فين تتسكن. مقدرش يقااوم راسو.. مقدرش يصبر.. عينيها تلفوه زعزعوه.. صورتها بين عينيه.. مدة و هو مراقبها من بعديد.. لكن هنا مابقااش قادر يزيد يصبر.. عض على شناايفو هو تاابعها.. من شارع لشاارع.. من درب لدرب حتى وقفات امام سناك.. دخلات خذات منو داكشي لي بغات بقى تيتسنااها مدة حتى خرجات هازة فيدها ماكلتها.. يالله ضارت من دريبة صغيرة وقف عليها بدوون احم ولا دستور.. وقف قداامها تا طلعات فيه راسها تترمش بصدمة...!

انس... بااغي نصبر و مقدرتش..! اليوم نفاريوها.. اليوم اصفااااء... "تكااا على الاسم"..

وسعات عينيها بصدمة تترمش فيه و حالة فمها شوية.. رمشات عينيها بسرعة قبل ماتنطق...

صفاء... انت؟؟ "خذات نفس مرتجف من القرب لي قرب لها"... اا.. اش تدير هنا... ؟ اش غانفاريو..

زاد قرب.. مد يدو ليدها خذاها و زير عليها عااض على شفتو و ابتسم... ،

انس... شحال و انا تابعك! گولي ليااا غير دخل.. ضارب طريق.. ضاارب دنيا بركلة و تاابعك.. اش هاد تعاامل..

ارتجفو شفايفها و هي تتسمع كلامو خلعهااا بالشدة لي دار لها... .. تتشوف فعينيه و تتحقق فيهم.. قلبها بدا يضرب بعنف لدرجة زيرات على يدو لي شااد لها.. قربو وثرها بزاف..

صفاء.... اويليييي.. منقدرش.. سير فحالك عافاك.. سير فحالك غايشووفك راجل ختي ...!

انس.... و راجل ختك سوق مو!؟

عقد حواجبو و جرها من يدها اليد الاخرى شدها من فكها و زير عليها شقمها ببوووسة حتى غمضات عينيها مزيييرة عليهم حتى تكمشو..ماشفعولهاش همهمااتها و انينها.. زااد زيير على شفايفها تيقبل فييهم و يجرر فيهم بلا عقل كأنه طاح في بئر عسل...

انس.... "فصل القبلة و حط صبعو على شنايفها"... هذا هو فحالي.." دوز لساانو على شفايفو".. و هنا غانبقى....!

صفاء... "مااهزاات غيير يديها تا هزااتها و جاابتها لبه فالحنك تسمعات ديك طراااش و بدات تغووت بصووتها رقيييييق يتقب الودنين... ".... مرةةة اخرى قييسني لا سميت حبك راجل ... تااماالك يصحاابلك رااسك سميتي آنَّا... راا سميتييي صفاااي بنت دري السلطاان تشووفني هااكا تصااحبني كيووت.. ندوز فييك نتا و زوج بحالك.. هاكينييي تيبوس قالك..!!

انس..." وسع عينيه بصدمة الغضب دوز يدو على حنكو و عووج فكوو عرووقو بانو"... اش درتي دابا؟؟ "شافت وجهو تخلعت يالله كانت غاتعلق هو يشدها من القرفادة زير عليها".. اجيي لمك هنااا فين غاادية

صفاء.. و الله و الله و الله حتى ندي صبعي فودني و نقوول ويييك وييك بغا يغتصبني حق ربي تا تمشي بعشريين عاام بعاادنييي..

انس.." مامفااكش. ".. عرفتي الق**ة هاد الوجه لي طرشتي شحال من وحدة تتحماق علبه؟

صفاء.." بانت ليه يديه تتلالي و هي تخطفها حراتها عضااتوو تاا غووت تيسب و طلقها تيحك فالعضة".. واااااا هاا علاش تيحمااقو "قلزات ليه و هرباات طاارت مجا فين يتبعها حتى لقاها مكيناش تقول جنية "

انس.. "مخنزر تيحك فالعضة".... درتييها فين تجيك العجلة

مرحلة الحمل من اهم المراحل لي تتمر بها اي امرأة.. تيطرئو عليها سلسلة من التغيرات الفيزيولوجية و النفسية فهاد المدة خصوصا فالمرحلة ديال الوحم او الاشهر الاولى ديال الحمل لي تتكون فيهم مزال متعوداتش على الاعراض.. تيتغيروو سلوكها و تصرفااتها.. حتى طريقة تعاملها مع الاخرين.. و هادشي تيرجع للتغيرات الهورمونية و لي تتأدي في بعض الاحيان للتوثر و الاكتئاب و القلق و الارق.. و التقلبات الميزاجية المستمرة..

هنا تيجي دور الزوج.. لازم عليه يتحملها بميزاجيتها و نفسيتها.. بل يقدم لها الدعم النفسي الكاافي لانه تأثيره تيكون بالايجاب على ميزاجها.. لكن فحالة مهرة الزوج لي تعصب عليه و طلع فييه جنونها غاايب.. وحلات معاها غير دريسية..

وقفات قدام البوطاجي تتشووف فيها تتخبز المسمن.. طلعات معاها الرييحة ديال الزيت حمقاتها..

مهرة... سربي ليا ادريسة غير ملوية وحدة عافاااك..

الدريسية... هاني يدي خداامين ابنتي... الله يهديك.. سيري غاتدوخك ريحة الزيت فاش نحطو لك تخليه ليا تم..

مهرة... "هزات تيليفونها تيصوني". انا غادية نشوف بعلي اش بغا تيصوني عليا..

الدريسية.... "ميقات فيها".. اواا الله يرحم دووك لياام.. العفو يا ربي هاد الرااجل تزيد ليه فالصبر و الحكمة من عندك يا ربي..

مهرة... و بقااي تنگري تما.. "مشات للصالون و ردت"،.. الو..!.. وي لباس عليك...

صدام.. واه مليح.. كيف راك انتي.. صافا.. ؟

مهرة... "تتلوي شعرها على صبعها".. امم مزياانه..

صدام.. "تيتنهد".. شراك ديري الشنگوبة ديالي؟

مهرة.. "ابتسمت و نطقات".. والو.. جالسة مشهية مسمن نوضت دريسية تصاوبو..

صدام.. الله ينفعك ازينة..

مهرة... توحشتك !!!

صدام.. "تقاد فالجلسة".. مرانيش نسمع مليح يمكن.. ولا راني نحلم..

مهرة.. هههه علاش..! بصح توحشتك.. تعطلتي عليا....!

صدام... راني نعرفك مراكش گد كلامك.. كي نروااح نولي تقلبي وجهك الگمرة...!

مهرة.. " ضحكات بصوت علي". هههههههههه علااش.. قول ليا كي بقا خوك صافا؟

صداام.. مزال لازمةة لي يدير له العقل.. ربي يشافيه هذا منگولو..

مهرة... الله يشافيه.. صيفط لي نمرة مراتو نسول فيها حشومة عمري سولت عليها واخة متنعرفهاش كوميم عائلة راجلي....!

صدام.. باستغرب".. اهاه.. دروك نصيفطها لك.. ولا نعطيها طون نيميرو هي تلغا علك..

مهرة .. اوكي.. و صيفك لي حتى ديال ماماك..! خصني ندير الواجب.. وااخة لي وقع ااخر مرة ماشي حتى لهيه لكن نساوه..

صدام." تيحرك راسو باعجاب".. و يگولو لي علاه راني نعشق فيك مهبولة مي حنينة ... االله يكملك بعقلك ..

مهرة.. هههههههه.. ولدي دارلي العقل.. غيير ماتولفش العقل يولي يجيك هباالي فشي شكل..!

صدام... " قهقه برجوولية و نطق".. لي يجي منك عسل يا مدام.. راكي تتهلاي فرووحك؟؟

مهرة... هههه حتى لا ماتهليتش فرااسي انا تتهلا فيا دريسية.. غا مقابلاني من نهار وصيتيها..

صدام.. الله يحفضها راني مخلبك لها اماانه...

مدة و هوما تيتكلموو.. بعدو عليها بعض الايام حسسها نوعا ما بالفراغ.. اي انساان تعيش معاه مدة من حياتك تتولفو وااخة ميكونش حب.. يمكن تتكون عشرة.. ولف.. و ممكن يكون حب من يدري !!!! .. قطعات معاه الاتصال فديك اللحضة رسل لها نمرة الام ديالو لعل و عسى ستصلح الوضع بيناتهم.. و حتى نمرة حسناء لي طلبااتها منو.. دخلاتهم عندها و شدات تيليفون مترددة قبل ما تتصل بحماتها.. كنوع من الوااجب فقط...

مهرة.. الو.. وي خالتي فطومة.. لباس عليك؟

فطومة.. شكون معايا.. ؟

مهرة.. "تنحنحت و ردت".. امم اناا مهرة مرات صدام.. كيف راك.. كي بقيتي صافا؟

فطومة.. "علات حواجبها مخصرة سيفتها".. واش فكرك بينا ؟.

مهرة.. اا.. عاد خديت نمرتك من عند صدام.. بغيت نسول علبك كي بقيتي و نقوول لك الله يجيب الشفااء لولدك بدر..

فطومة.. امممم.. لو كنا نهمووك كنتي يدك بيد رااجلك تروااحوو لهنا تشووفيه و كيف راه.. مي وااش نگول لك كلها و ترابيه.. ولدي بدر لبااس علبه رااه ملييح مقاابلاتو مرتو متتفاارقووش.. گلبها علييه.. مساامحاش فيه.

مهرة.. "تنهدات مزيىة على يديها،.. فهماتها اش قصداات و هي نيت على سبة دغيا تتعصب"... ااامم.. اواا الله يخليهم لبعضيااتهم.. انا لا كنت مااجيتش اخااالتي لاني حااملة و مانقدرش نشد الطرييق.. و حتى دابا اذاا كان صداام غايرييح بزاف كووني اكيدة غانجي حتى ندق عليك..

فطومة.. اممممم.. اوا الله يتبتو.. .. الله يعاون عندي مايدار..

قطعات عليها خلاتها تتشعل بالعصاابةحساات بمصااىنها تيتقلبوو من جديد.. هذا حالها غير تعصب تنووض ترد و تشدها دووخة.. مع دخلات عليها الدريسية بطبسيل المسمن نااضت شدات نيفها و مشات تتجري لطوااليط رضاات كااع ما فجووفها.. حتى ولات تتشرب المااء و ترضوو نقي... مصارنها قربات تخرجهم..

الدريسية... "تبعاتها تتهز لها شعرها".. الله يا بنتي مالك تااني..!

مهرة..."تتنهج و فمها كااع تيترعد.." اااش دااني نصووني عليييها اااش بغيتها.. اتفووو... اتفووو...

لحظة صمت مرت وهيا تتنتظر منو تحديد الموقع ! ابدا واش تفلت الفرصة ولو البلان خسر لها من جهة مزالها مصرة على ذهابها ...بعدما ما نعث لها قطعت الخط و حطت صبعها على فمها تترسل لها نظرات كره و تهديد و رجعت تتفكر فلي وقع و تتدرسو من كل جوانب

🔙🔙🔙

بكامل اناقتها كما عادتها... الموت او فرح دائما أناقتها اولى... بكاء الرضيعة مخلي حواجبها يتعقدو بقوة و عصبية... تتقاد فصاكها و تتشوف فامها تتحط البنت فالكونة ..

الحاجة..."هازة شايفها بعدم اعجاب" حتى لاااااين افااااايزة

فايزة.... "هزت بنت" تااا نوصل لي بغيت الحاجة ..و نعسي على جنب الراحة راهم رجال وركعتهم مانحيرش فهاد فيلم كحل و الأبيض

بمجرد ما اانهت من كلامها دخلات الخدامة الجديدة تتخبرهم بلي يعكر للمزاج لفايزة و يخلي ابتسامتها شريرة تتظهر

خ..... الحاجة راه ديك خدامة لالة فايزة جات تتبكي

الحاجة .."شيرت لها بيديها نمشي" اوا لالة فايزة ؟ اش ديري فهاد فيلم كحل و ابيض دياال بصح

...هزت حاجب و حطاتو و تمشات باعصاب دنيا و الديت لقاتها جالسة فالباب بمجرد شافتها السعدية تلاحت على رجليها تتبوسهم

السعدية.... اناااا كااافرة و اسلمت بين يديك... اناااا عبدتك الالة فايزة هاااا العااار ماشوفي فيا لوجه الله وديك لبنية

فايزة.... "جرت رجلها وتكلمت تحت سنانها" ٠٠البنية !؟ نشوف فيك لوجه الله ؟ " بغضب شداتها من شعرها"... دخلتك من زنقة و درت فيك الخير و كلتك و شربتك و بخاااطرك الموسخة... حالة رجليك لشماتة و درت فيك الخييير ! خيرررر دبا جاية تقولي البنية ؟

..حالتها حالة.. هيا لي باينة عليها والدة و معذبة... بعد ماخرجت من طبيب و فلوس فيديها مشات تلاوحت و الاحساس بالأمومة حركها لكن طاحت مع حفارة القبور... كانت عارفة و حاسة بيها قاصحة لكن اليوم شافت وجها حقيقي

السعدبة... خليني خداااامة عندك ! الالة فايزة.. الله يخلي ليك الحاجة " صدرها ضرها من حليب".. غير رضعها و نشم ريحتها

فايزة.... تهززززززي حسبي دروووج ! البنت ببنتييييي بالقانون و شرع.. كنت عارفة جنسك حرايمي...ولكن ماشي انا لي تلعبي عليا

...توسلاتها و ركعات لها.. و بكاء البنية تيوصلها و هيا تتبغي تحماق و تسطى غير توووصل لها و تشم ريييحتها...خرجت الحاجة دخلاتها و تتشوف فايزة كي تتصرف

السعدية... "تتبوس يدين للحاجة" انا الحاجة مابغيتش ناخد البنت! مانقدش عليها بغيت غير نرضعها و نبقى خدامة حداها

فايزة.. "طاارت عليها طارت طرشاتها و نتفاتها و الحاجة فكاتها"... تديها ؟ راااك سنيتي على عمرك ! تعقلي نهار سنيتك وراق ؟

السعدية .... والله الالة فايزة كبدتي تتشوا و ماهمنيش علاش سنيت

فايزة.... "بغات تأكلها" لا خاصك تعرفي ! مضيتك و سنيتك على ملاين لي يعفنوك فالحباسات... عاد حركاتك الكبدة فين كنتي نهار تتساومي عليها

السعدية.." تتحرك رااسها ". و رااني مقدييييتش و الله مقدرت نمشي الالة فاااايزة.. رحميييني و شووفي منحاالي نبووس رجليييك.. ديريني خدااااااامة تحت رجلييك و الله مانتشكاا..

فايزة..."زيرات على يديها بعصبية"..هاادااا هو خيري !؟ .. انا نهااار الاول قلتهااا مع رااسي بحااالك مداايزش فييهم الخيير.. جاايااني داباا تعضي اليد لي تمدااات لك..

السعدية.. "ناضت تسندات على دروج"... لاا.. لااا عمرييي ندييرها الالة.. عمري ندييرها الله يرحم لييك الواليديين.. كبدتي.. كبدتي مااطااوعااتنيش.. ديريني مربية ديالها.. عممممرك تسمعي مني كلمة مها.. ديريني خداامه تحت رجليك..

فايزة... "كمشات فمها بعصبية و ضارت فيها"... .. فااق لك الضمييير تنادم معاك الحال..سمعيني زووج كلمااات نقوولهم لك.. تغبري عليا ولا نحسسسب ربيي ماخلقكش.. و الله اسعدية حتى نمرمدك مزال متتعرفينيش....

السعدية.. "تتشهههق و تبكيي و طييح و تنووض قلبها بغا يسكت بالبكا".. الله يخلي لك ما عز عليك.. غير نرضعها.. غييير على ماتكبر شوييية عممرك تشووفي وجهي و الى شفتيه ديري فياا مابغييتي الله يسهل عليك اختي الله يسهل عليك...

فايزة.. " شاف فسااعتها".. حيدي من قدامي.. حيدييي عطلتييني.. يالله. .

السعدية..." فينما دازت تدوز لها ".. الله يسهل عليك.. الله يعطييك ما تمنااااي..

فايزة... "وقفات دقايق بدوون كلمة تتشوف فيها تترغب فيها.. علات حوااجبها و ربعات يديها... حركات راسها و نطقات"... بنتي ولا بنتك؟

السعدية... بنتك الالة بنتك...

فايزة... ".. نهاار تفكري تغذري بياا.. "خرجات فيها عينيها".... ماايكفيني فييك حياااتك ندييها ليك... تتتسمعي.. و الله حتى نخرج عليك...

السعدية... "تتشهق و تبكي.. ".. لي ضربااتو يدييه الالة ميبكيييش.. نهار نغدر بيك ديري فياا مابغيتي.....

فايزة.. " علات حواجبها"... دابا فهمتيني.. "مدات لها البنت".. مسحي عليا ديك الكمارة.. و دردبي لطونوبيل.. مسافرين صويرة عند عائلة راجلي..تمشي بصفتك خدامتي

السعدية.. "تتحرك راسها بالايجاب كلها تترعد بالخووف.. ".. خداامتك...

شيرات لها تمشي للسياارة.. نزلو من العماارة مبااشرة متوجهين للسياارة. مرافقة فايزة ليس شفقة و انما استغلال تهز البنت تهنيها منها و هيا تفرغ للرحيم ..

🔚🔚🔚🔚

بمجرد ما وصلها اللوكيشن ابتسمت بالجنب.. و ديمارات لوجهتها.. كل همها انها تبان امام الملأ انها زوجة رحيم.. و واالدة منو.. اكيد ماتفكر فنفسية تا واحد فيهم كيف غاتكون بسبب الموت ديال الجدة.... اااخر همها....

كي وصلات للفييرمة.. بانت لها الدنيا عامرة شي دااخل شي خاارج.. نزلات دايرة نضاضر الشمس.. دخلات بين الجموع تابعاها سعدية هازة البنت... وقفات فالردهة ديال المنزل.. بانو لها الناس تيعزيو مشات حتى هي تأدي الوااجب و تعزي.. وقفات امام نساء..

فايزة... "مدات يدها لوحدة منهم"... السلام عليكم البراكة فراسك امدام...!

هي.. مامشى معاك باس اختي.. "شافت فيها باستفهام".. شكون نتي.. تتعرفي المرحومة ؟

فايزة... "تتقلب عليه بعينيها"... صراحة لا.... بغيت نسولكم واش رحيم كاين؟

جاوباتها وحدة من البنات : اه كاين يالله جاو من دفين المرحومة.. راه مع مراتو مسكينة طااحت لنا قبيلة...

. فايزة... "علات حواجبها" مع مراتو... اممم..

هي... نكلمو ليك؟ شكون نقول ليه اختي؟

فايزة..." علات راسها بشموخ و نطقات بصوت مسمووووع"... قوولي لو مرااتك فايزة المحامية وصلات!!

الصدمة خيمت على وجوه جمييع الحاضرين.. شي واقف تيشووف فشي العائلة كاااملة حااضرة.. و كوولشي مصدووم.. عارفين رحيم عندو امرأة وحدة هي مريم.. منين جات هادي.. ايمتا تزوجها و علاش يتزوجها و هو تزوج نوارة العائلة..! كاملة مكمولة و الكمال لله.. اشمن عذر عندو حتى الولاد والداهم ليه!!....

ااش غايقولو.. اللسان تعقد.. الوقت ماشي ديال الهضرة و ماش يديال الاسئلة.. .. الگناازة و النااس دااخلة خارجة.. بقات تما تتسناا حتى خرج رحيم و سد موراه باب الغرفة ديال رحيم.. توجه عندهم يشوف يااكما خاصااهم شي حااجة.. ما وصل سيجوور غير باانت لييه عقد حواجبو... زير على يديه بعصبية و مشا ماادوا معاها ما تكلم.. خلاها واقفة ومشا عند الرجال.. زيرات على رايها و مشات ريحات هي و سعدية فالصالون مع النااس جاالسة على عينيها ماحاملة لا المجمع ولا النظرات الموجهين لها وااخة متيهمووهاش... بعد مدة دفعو عشاء الميت و دااز العزو.. و هي كي الملكة دايرة رجل على رجل و تتشووف فبنادم من فووق للفووق..

كملوو و بداو الناس تيخرجو.. بدات دنيا تتخوا و بقااو غير لي تيعاونو فالجميع.. فهاد الوقيتة دخل رحيم كان متوجه لغرفة مريم حتى مشات فايزة تبعاتو وقفتو. .

فايزة.. عمري.. شوية صافا ؟

رحيم.. "شير لها براسو".... . ااش جاابك.. كلامي متيتسمعش.. مدايراش ليه قيمة!

فايزة.. "تتصنع الدهشة ".. انااا؟ " قربات ليه".. و انا احبيبي بغيت نوقف معاك فهاد الازمة.. مبغيتش نخليك بووحدك..

رحيم... "صغر فيها عينيه".. فاااايزاااااا لي فراس جمل فراس جمال... هاد الفعايل مغادوزيهمش عليا..

فايزة.... اعمري الله يهدييك راني قريت ميساجك جيت بلا عقل هذا جزائي قلبي على حبيبي؟

رحيم.. " دوز يدو على وجهو".... متتسمعييش.. مااانعرف لااش بااغة توصلي تتمشي عكس هضرتي هاادشي غايخرج عليك.. طااقة التحمل عندي بداات تتساالي.. اطوونسيوون هادشي لي درتييي اليون مايدوزش هكذاك دييجا درتيها و حذرتك..

فايزة... "بتمسكين"... قلبي مادرتاش بلعاني و الله..

رحيم.." رفع اصبعه بتحذير"... عندك ليلة وحدة تبااتيها هنا يصبح صباح تهزي البنت و ترجعي فحال مفهووم؟

فايزة.. "حركات رايها بالايجاب".. وااخة عمري.. ماتقلقش غدا نمشي...

الوقت لي كانت رحيم تيتكلم ووهي قريبة منو شادة ليه فيدوو خرجات مريم تتمشى بأقدام متعثرة من الغرفة... مع هزاات رااسها بانو لها بزوج بيهم و الخدامة هازة البنت فالجانب الثاني و حققات فالبنية مزيان... رمشات عينيها بصدمة... و وجه شااحب.. مالت على اطاار الباب شداات فيه.. حطات يدها على رااسها موسعة عينيها فيهم.. هاد المشهد هو لي كان ناقصها و تكمل عليها.. غمضات عينيها و زييرات على يديها يالله غاتخطي خطوة تجاههم حتى وقفاتها لطيفة..

لطيفة... ختي مريم.. دخلي ترتاحي.. الله يسهل عليك.. عارفة قلبك مكوي ولكن رخفي على رااسك لا هي بلاصة الهضرة ولا وقتها.. كبري عقلك الله يسهل عليك..

اكتفت انها تومي براسها.. فعلا.. لا هي بلاصة الهضرة ولا وقتها ولا حتى حالتها تسمح لها توقف امام ضرتها...! تنهدات و رجعات ادراجها قلبها مكوي بنااار... هاد الموقف هو لي مكان لا على البال ولا على الخاطر.. فايزة تجي للعزو الوقفة ديالهم و هي شاادة له فيدوو مزالة بين عينيها.. دخلات تتجر رجليها و كلها تترجف بالاعصاب سهم نااري و حسااتو دخل فقلبها... ترمات على الفرااش تتبكي و تشهق تنخصيصها تسمع تال عند لطيفة لي دخلات عندها و سدات الباب.. مشات هزات وليد تتسكت فيه لانه بدا يبكي.. ماعرفات تسكتو ولا تسكت مو لي مضروبة على زوج خطراات..

لطيفة... "حطاتو فالكونة بعد ما نعساتو"... خيتي.. خاصاك شي حاجة؟

مريم... "خاشية وجها بين يديها و تتشهق تتبرد حرها فالبكااء".. تا حد ما يدخل عندي الله يخليك..نبقى بوحدي..

لطيفة.. "تنهدات و تمات خارجة خلاتها على راحتها.. دورات عينيها باان لها رحيم مكاينش.. و فايزة شادة كرسي و مريحة جهة السيجوور.. زادت براسها طلات لقاتها مقاابلة معااه واقف مع الرجال.. تنهدات على حاالة مريم اي امرأة تحط راسها بلاصت مريم غاتنهاار....

مدة و هي حاابسة نفسها فغرفتهاا. عاطياها غير للبكااء حتى حسات براسها دايخ ! ولدها لي خايفة عليه راه فحجر امها ناعس.. ضرها راسها ناضت تخرج تجيب شي كينة تهدأ عليها الراس... بخطوات تايهين جارة رجليها للحمام تجيب دواء... ، وهيا دايزة من احدى البيت قريب لحمام التقطو اذنيها بكاء رضيعة.. وقفات تتاكد من البكا و هنا تاكدت انها بنت رحيم! امومتها حركاتها و خلات الحسابات بعاد على الصداع... قالت مع راسها راها وحدها فالبيت غاتسخف من البكا حطات يديها على بواني فتحت اللباب بشوية وهيا رضيعة تسكت حتى ضربت فاغرب وضعية وكلام لا العقل تيصدقو ولا الأعين ..كانت ناعسة فسدراي فدخلة الباب و ناعسة واضح انها عيانة قربات البنية عندها وتتوضع البزولة فمها و تتقولها

السعدية..... نيني اماما نيني

مريم ..." رجليها مشاو وجاو و تمتمت " آويلي

السعدية.." ناضت قافزة " لاا ختي لا لا...

مريم..." شيرات للبنت و تتسولها " هادي بنت رحيم ؟... بنتك ؟

بقوة الصدمة مابقات عرفات ماتقول.. موسعة عينيها بصدمة.. مكانت لا على البال و على على الخاطر.. هاد المشهد خلاها مبلووكية تتشووف بنت رحيم هازاها وحدة اخرى و تترضع فيها ووهي عارفاها واش خدامة جايباها معاها باينة من حالتها و ملابسها..

مريم..." شيرات للبنت و تتسولها " هادي بنت رحيم ؟... بنتك ؟

بسرعة مشات سدات الباب موراها و قريات للسعدية.. تتشووف فالبنت و تتقق فملامحها.. تتباان البنت فوزن ابن تسع شهور.. تتباان غلوضة و فوزنها الطبييعي.. بقات مووسعة عينيها و هي تتسمع بكااء السعدية لي قربات تحمااق بالبكااا.. قرباات لها بشوية و مسحاات وجهتا تاالفة..

مريم.. بنت من هاادي؟ بنتك.. تنسوولك جااوبيني واش بنتك؟

رجعات السعدية للور بخووف تترجف قلبها غايخرج من بلااصتو بقوة البكااء..

السعدية.. بنت لالة فاايزة..

مهرة... "صغرات فها عينيها و نطقات بحدة".. كيفاش بنت فاايزة.. و نتي تترضعييها لااش؟؟ دوي علاش تترضعيها؟

سعدية ... "تتمتم بخوووف و تبكي.".. ااا هء.. عاافاااك اختي.. ماتفضحيينييش الله يسهل علبيك.. بيني و بييين الموووت خطوة..

مريم.. "تنهذات و زفرات بغضب.. تتحاول تهدي راسها و متنفعلش.. زيرات على يديها و زادت قربات لها".. شووفي.. انا اخت رحيم.. انا نعااونك غير قولي لي الحقيقة..!

سعدية.." تتبكييي بحرقة".. ماعندي منقووول لك الالة.. انا غييير خدااامة.. انا خداامة هااد البنية بنت لالة فاايزة.. غغير تنعسسها..

مريم..." عضات على شنايفها".. هزي الحوايج على كرشك..! هزي.. نشووف..

سعدية... "زيرات على حوايجها باغية تهرب مالقاات فين".. ب.. ب.. بعديي مني عافااااااك اختي.. الله يسهل عليييك الله يعطييك ماتمناااي...

مريم.... بحدة".. يا تهزي كرشك يا نمشي نفضحك قداام كولشي و داك سااع نعرفو شكون ام البنت وااش نتي ولا فاايزة..!

سعدية.." تتتبكيي قفزات من بلاصتها على الهضرة لييي قالت مرييم شاافت فيها بوووجه حاالتو حاالة تقطع فالقلب.. و نطقاات برجااء".. الله يسهل عليييك سترينيي الله يستر دنياا و اااخرة و الله حتى تخرج علياا..

مريم... "عقدات حواجبها"... اش تتقوولي! شكون غايخرج عليك.. ديري لي قلت لك و ماتخافي والو..!.

ا عضات السعدية على شفتها دمووعها شلال... هزات العبااية لي لاابسة طلعااتها حتى باانت كرشها لي مدلية و فيها آثاار الولادة.. خطوط سوداء حال اي وحدة عاد واالدة... هنا تأكدت مريم و كذل فااش حققات في ملامح البنت و وزنهت قطعو لها الشك باليقيين لانها مابااينااش عليها بنت سبعة اشهل بالعكس البنت فكاامل صحتها و وزنها جد طبيعي. دوزات يدها على راسها تلفاات.. راسها داااخ مافااهمة واالو.. بقات غيير تتشوووف.. جلسات فالكرسي شاادة رااسها و تتشووف فالبنت...

السعدية... "قربات لها تلاحت جلسات على ركبتها تلاحت على رجلين مريم بغات تبووسهم و تتبكي"، انا مزااااوگة فيك اختي.. انااا مزااوگة فييك سترينييي ماتفضحينيييش.. لالة فاايزة متعقلش علياااا..

مريم... "ديك الحركة قفزات مريم من مكاانها صدماتها كيفاش انساانة تذل رايها لهااد الدرجة.. وقفاتها من كتاافها و جلسااتها حدااهاتطبطب لها على يدها".. هي لا فهمتيني كوووولشي.. بالخااطر.. مسحي دمووعك.. تقدري تعاودي لاي و نتي مرتاااحة.. فايزة ماتعرفش و مانقوولش حتى لرحيم و نقدر نعااونك..

السعدية..." حطات يديها على وجهها تتبكي"... اااااه يا ربيييييي اااش هاد المكتووب كتبتيييي علياااا.. الى مشااات تا عرفاات و الله حتى دخلني لحبس ولا تقتلني.. انااا مزااوگة فييكي عاافااك الالة ستريي ما ستر الله..

مريم.. "تنهدات و طبطبت لها على يدها"... راني واعدتك فاايزة متعرفش..سربي عاودي لي...! تقدري تيقي فياا.. انا غانعااونك..

السعدية.. "ارتاحت لها نسبياا... وجهها كاافي يبعث الرااحة لاي وااحد قداامها.. حتى طرييقة التعاامل و الحنان ديالها تتخلي بنادم يتيق فيها"...يانااا لي مشييت لقبرييي بيدييي انا لي درتها لراااسي.. انا لي تقت فيييه.. و سلمتوو رااسي.. غييير حملت حرگ و خلاني قالي ضبري راسك.. قاالي ماااشي انا بااه نكرني و زااد خلفة.." مسحات وجهها تتشهق و تنخصص بقاات فمرييم و بدات تطبطب عليها"....نكرني و خلاني مووراااه تيضربوو بيا الحيووط.. لالة فاايزة لقااتني و دااتني لداارها قالت ليااا غاتعااوني.. عندها نااس تتعرفهم بغاو الولد لي فكرشي ..

مريم... "طبطبات عليها".. كملي ماتخافي والو..

سعدية..." كملات تتنهد و تبكي".. خدماتني عندها.. ااش نديير ماعندي سند ماعندي لييي يحميني با الى عرفني حااملة يقتلني.. فضلت نبقى عندها خداامة تحت رجليها.. على الاقل ضاامنة لبنتي عيييشة هاانية.... "مسحات دمووعها فحال لا مالقاات غير ايمتاش تعاود و تخوي قلبها".... سينااتني على لورااق.. و اااش عاارفة قبل ما نوولدهااا كنت بااغية غيير نتفك منها.. ولدتها ماااخلااوني نشووف حتى عويينااتها.. بعدووها علياا ووعطااوها لييها.. ي عمري رضعتها اليووم اول مرة دووق حلييب مهااا.. " تتبكي و تنخصصص زيرات لها مريم على يدييها تتحاول تخفف عليها"... طحت على رجليها حتى قبلات تخليني حداا بنتي وااخة غييير خداامة.. بغييت نشببيع من كبدتي هههء هء ههههء.. مقدرررتش نخليها و نمشي.. قلبي ماهنااانيييش... قلبي تيتحررق عليهاةمن نهاار ولدتها و انا تنتشوااااا..

مريم.." وسعات عينيها عامريين دمووع.. ".. الله يااربي.. اااش هاادش ي.. و فاايزة لااش شداات البنت من عندك واش متتولدش؟لاش داارت هكذا!

سعدية.. "حركات راسها بنفي".. معرفففتش اخيتي مااااعرفتي.. انا ماعاارفة وااالو من غييير بنتي لي عطييتها و دابا تتهددني تقتلني الى شي حد يعرف.. ههءء..." شدات لها يدها تبووسهم".. نبووس يدييك.. نبوووس رجليييك ستريني

مريم... "هربات يديها طبطبت على رجلين سعدية"... شوووت.. دوي بشوووية.. مااتبكيي.. تهنااي.. غانعااونك.. و بنتك ترجع لييك.. فاايزة ماغاتعرف واالو غييير تهناي... "شافت جهة البنية لي ناعسة فوق سداري ".. الله ياا ربي.." شافت فسعدية تتمسح دموعها كلها تتقفز بتنخصيص البكاا عزات عليها... ".. عندك تيليفون؟

سعدية... "حركات راسها بالإيجار و خشات يدها فجيب العباية مدات لها تيليفون نوكيا صغير..".. عندي..

مريم.. "خذاتوو و ركبات لها نمرتها صونات على راسها باش تطلع لها نمرتها...". هادي نمرتي.. سجليها عندك.. ضروووري تتصلي بيا من هنا ليومين.. تفووت غيير الجناازة و الااا غانحل فمي و كولشي غايعرف.. ضرووريي بااش نلقااو حل... سمعتي؟

سعدية.. "خذات تيليفونها".. وااخة ختي .." بعيوون كلها رجااء".. ماتفضحينييش اختي الله يستر عليك و يضوي طرييقك..

مريم..." تنهدات وونااضت وقفات".. كوني هاانية .. سيري رضعي بنتك..

خرجات من عندها الصدمة لجمات لها فمها.. موسعة عينيها عمرها شاافت خبث بحال خبث فايزة.. نااسبة لرحيم بنت مااشي بنتوو.. تشاؤلاات كثييييروة فباالها مالقاات لهم جوااب.. سدات الباااب ديال الغرفة بعد ما خرجات و وقفات حااطة يدها على فمها..

مريم... الله ياا ربي ااش هذاا؟ فييين طييحتيي راسك ارحيييم و مع من؟

كلامهم فالتيليفون كثر.. علاقتهم تطورت نسبيا.. يمكن هاد الحمل خلاه هو عاطي لها الخاطر اكثر و خلاها هي تحن.. يمكن الايام لي بعدوهم عن بعض حسو بأهمية كل وااحد عند الثااني و مكانته.. الولفةصعيب كيف ما تيقولو بعض الاحيان الانساان واخة تكون معاه على خلاف فالكثر من الاشياء الا انه تيكون ليه فقلبك معزة.. و تتولفو بخصاامه و نقاشااته بصدااعو و غوااته كيف ما كان تتقبلو هادشي لي طرا بين صدام و مهرة.. الحياة بيناتهم فالاول كانت صعيبة.. لكن ولفو على بعض و كلها تقبل طباع الثااني... بالرغم من ان كل وااحد فيهم طبااعه اقسى من الثااني.. لكن كان على امل انهم نهار يديرو الدراري و العشرة تطول بيناتهم غايوليو متشبتين ببعض اكثر و اكثر...

مهرة من لي عرفات بالحمل ديالها و هي تتعلق بيه يوم عن يوم.. تتحس بشي حااجة كيف الفراشة تتحرك وسط منها.. احساس الامومة هاد المرة حسااتو ديال بصح ماشي كيف المرة الأولى وااخة مزالة تتفكر حملها الاولة.. كيف تيقولو الكرش الاولى متتنساش... لكن على الاقل حسات بعوض الله عليها.. ولات اكثر حذرا من دي قبل.. متتبغيش تتعصب متتهزش اي حاجة كانت تقيلة اكلها منضم اي حااجة قالتها الطبيبة تتبعها بالحرف الوااحد..

مهرة.. "تدور فالمكتبة شافت فحبيبة"... غاناخد هذا..!

حبيبة.. "هزات يديها".. خودي اختي وليتي تموتي على القرااية.. شارة ستين كتاب على الحمل رااه كوولشي فالانترنت موفر متحتاجيش الكتب..

مهرة.. هزات الكتاب لي بغات".. سيري اختي انا بغيت نعرف كولش ي.. الكتب لي تنشري ديال نااس فااهمة و عارفة.. اما كوكل بعد المراات تنلقى مقاالة عكس الثاانية لي تيقولو هادو تينفع يقول لك هذاا تيضر الا واحد الفئة ديال الاطباء لي تيكونو فااهمين و تيطرحو عليهم ناس اسئلة..

حبيبة.. راه الكتوبة لي تتشري تقدري تيليشارجيهم بيدي ايف و تهني راسك..

مهرة.."هزات كتاب اخر".... و مالي نمرض عيني بالطابليت ولا تيليفون.. اللهم نقراهم كتب وونهني راسي..

حبيبة.. حيدي عليا تي بحال لا اول وحدة غاتولد فالمغرب.. الناس تتولد بلا قراية بلا زعتر واش غادوزي امتحان على الحمل و الأمومة ؟

مهرة... "مشات حطات الكتب و جبدات فلوس تتخلصهم".. اربي لما غااا ضربي طم و سكتي..

حبيبة.... "عينيها تيلعبو هنا و هنا فالباب ديال مكتبة".. اممم هاني سااكتة... "ضربات بشعرها و غمزات معرة".. هاني جااية..

خرجات برا تبعاتها مهرة بعينيها لقاتها واقفة مع واحد ناازل من سيارة باينة عليه كلاس ولبااس عليه.. رض لها سيد الصرف وةخرجات وقفات امام الباب حاضيااها حتى جبد تيليفوونو عطاها تسجل نمرتها بقات تتح ك راسهها و ضحك و هي مزالها حاضيااهم ... تخطاتهم و مشات مباشرة للسيارة ديالها ريحات فيها.. جبدات تيليفوونها تفكرات انها يومين ماتكلمات معةحسنااء مرات بدر الدين ولا سولاتها على حالته لانها من نهار عطاها صدام النمرة و هي تتسول فيها و كونو صدااقة وااخة من بعيد لكن تعرفو على بعض و فرحاتها بسؤالها على بدر الدين الانسان فحالتهاةتيبغي غير لي يوااسيه و يطمنو..

مهرة... "ضورات لها".. الو حسناء.. وي صافا حبيبة..

حسناء.. وااه اختي مليحة الحمد للله سول فيك الخير.. و. نتي كي راك دايرة.. البيبي مزيان ؟

مهرة... "حطات يدها على بطنها".. الحمد لله وااخة الوحم عذبني نهار كلو و انا نتشها و نرض ..

حسناء.. واه صبر مام انا كان الوحم عندي صعيب.. مي شوي و يفوت تولي عادي..

مهرة. انشااء الله.. اوا اش خبارك بدر دين صافا شوية.. ؟

حسناء.."بانت نوع من الرااحة و الامتنان في صوتها" الحمد لله اختي.. راهو مليح.. يااخد دوااه و يمشي يشووف طبيب.. صدام وااگف معاه الله يكثر خيره.. راني ندعي معاكم صباح و عشية..

مهرة.. "بابتسامة".. الله ينوضو على خير راه خوه هذااك ميفوتوش.. و صدام ولد النااس.. كون تشوفي اش دار مع صااحبو عساك خوه..!

حسناء... "گلبوو زين الله يجاازيه و يخليكم لبعضكم..

مهرة.. امين ازين و ينووض لك بدر بالسلامة انشاء الله ..." شافت حبيبة دخلات تضحك و تتشير بالتيليفون ".. يالله احبيبتي نخليك دابا.. نعود نتصل بيك العشية و لا غدا تهلاي فراسك و سلمي لي على راجلك بزاف...

قطعات معاها و حطات تيليفون ضارت شافت فحبيبة مصغرة عينيها فيها..

مهرة.. متضيعيش الوقت !

حبيبة.. "صاوبات السانتور".. شفتي على تبوگيصة؟؟

مهرة..." علات حواجبها".. شكون هذا؟

حبيبة.. هذا الالة دييجا كنت تلاقيت معاه فمرينا جا دوا معابا.. تبادلنا نواامر و ماتصلتش بيه و ديجا مسييتو.. دابا فااش بدا تيشير لياا عااد تفكرتو...

مهرة.."ديمارات السيارة"... اممم و فاش خدام هذا الاودي عندو ناضية باينة لباس بيه؟

حبيبة... هههه شوفي هي البنت لي كانت معايا دااك نهار تتعرف عائلتو هي سبب باش وقف دوا معايا... قالت لي لباااس عليهم باه عندو محلات بزااف فسوق الحد... اوا و هو خداام انسبيكتووغ دو بوولييس احبيبة..

مهرة.. "تضحك و تحرك راسها"... هههههههه هههههههه انسبيكتوغ..! ديري فباالك اماشيغي داك التزرييط و الطيران ديالك يحدهم لك لا تصاحبتي معاه.. من شووفة باين عليه صعيب..!

حبيبة.. نموووت انا فالرجل الصعيب شفتي لاماكانس يشووف فيا و نتزعزع بناااقص منو..

مهرة.. اواا بغيت ربي يتلالك غا هو و تشووفي و خلاص لا كان فحال هذا لي عندي كاان الله في عونك هههههههههه

حبيبة .. "تتشالي بيديها".. شفتي انا يكون غا كوااي و الي بغاها هي لي تكون..

مهرة.. "دورات سيارة في اتجاه البيت"... نمشيو لدار حسيت بشي دووخة و عياا..

حبيبة.. "عقدات حواجبها".. وا ماريحتا فحتى بلاصة؟

مهرة مىة اخرى ".. دورا يدها على بطنها من تحت".. ولدي عيا اختي راه تيعطيني فالانذارات هههه..

حبيبة.... "ميقات فيها و نطقات".. اوا غير نتي و الكلبة لي غاتولدو..

بعض الحموات كيف تيقولو "عرق جنب أذنهم تيكره مرات ولدهم".. هادي هي فطومة.. كل همها تزوج ولادها جنبها ميبعدوش عليها بغات لهم العائلة ولا المقربين.. صدام نهار خذا قرار انه يبعد عليهم و يستقل بحياتوو كان عندها امل انه نهار يبغي يتزوج يدير فحال كاع ولاد عمامو لي تزوجوو من العائلة بالرغم من انه اغلبيتهم عايشين خارج المغرب.. لكن نهار خبرها بلي باغي يتزوج وحدة غرييبة عليهم مامعروف لا اصلاها ولا فصلها بالنسبة لها حست انها دااخلة فحرب.. حرب فيها يا غالب يا مغلوب.. و اصبحت الحماة المتسلطة لي باغية تمشي ولدها كيف حبات.. و فعلا هادشي لاش تتسعى طييلةةمدة مكوثه معاهم..

🌿مرت أيام 🌿

ابتسمت و شافت ف ي عفاف لي مؤخرا كثرات الزيارات بحجة انها عزيزة عليها فطومة و تتبغي تجلس معاها... صاوبات الحليوات فالطبسيل و حطاتهم فوق البوطاجي تتسنى اتاي يطيب.. شافت فيها فطومة تطلع و تنزل كأنها اول مرة غاتشووفها... بنت في مقتبل العمر.. عاادية لا من ناحية الجمال و لا من ناحية القامة.. عندها حقها من كلشي..

فطومة.. اوا عفاف.. ماگلتيلييش كاين شي خطااب..

عفاف.. "بابتسامة خجولة".... راهم يجيو فيا ما با مزال ماقنعو حتى واحد من لي جاوني.. يقوول عليهم يباانو ماشي قد المسؤولية..

فطومة.. هممم..!،"علات حواجبها"... باك راهو يفهم.. نتي لازمك شي وااحد ثقيل و رزين..

عفاف... واه.. "شافت جهة الباب مقابلة مع صدام".. سمعتو يگوول لما بااغي ليا رااجل همة وشاان.. اصل و فصل.. من الوگفة يبان راجل و هاز راسه..

فطومة.. "شافت فيها و فين تتشوف و ابتسمات".. انشااء الله زواااجك على يدي ازينة البنات غير صبري..

. عفاف.. "حنات رأسهاا بخجل"... اتاي هاهو واجد اخالتي....

فطومة... "ديه لهم الله يرضى على بنتي.. هاني جاية من وراك..

خرجات هازة صينية تتعطر فجلايلها.. حشمانة من وااحد ماتيطلعش فيها العين.. متيشوفش فيها و ماعارفها حتى واش كاينة.. عفاف من البنات لي خرجو بكري من القراية.. ماكملاتش الابتدائي و خرجات جلسات فالدار تتسنى ولد الناس لي يجي.. من عائلة محافضة و ناس ميسورين الحال.. بالنسبة لها واحد بحال صداام من اول نظرة عجبها.. بالرغم من انها عارفاه مزوج.. لكن من جا و مرتو بقات كأنها لقات الفرصة منين تحاول ترمي شباكها ولو ماشي بالمعنى الحرفي.. لكن كل هذفها انه يبدي شوية ديال الاعجاب من ناحيتها..

حطات الصينية حاانية الرااس.. الخوت كانو شادين الشطرنج تيلعبو ضد بعضهم.... على الاقل مجية صدام جات بفايدة كبييرة عليهم.. قدر يسترجع علاقتو بخوه.. و قدر يخليه ينفتح على الحياة و مايحسش باليأس.. وجوده معاه و كاع الطااقة الايجابية لي كان تيعطيها ليه رجعات علبه بالمنفعة.. و قدر انه يطلع له المورال و يبين لو انه داك المرض يقدر يتحدااه على قبل الناس لي تيبغييوه....

فطومة.. "جات تا هي هازة الحلوة حطاتها فوق الطبلة".. باارااكةعليكم روااحو تشربو دكة ديال اتاي من يدياات بنتي عفاف.. ..

بدر الدين... "شاف فيهم بزوج و شاف فصدام".. واه رانا محتاجين شي كاس..

صدام... هههه برد على گلبك.. على بالك تربحني انا.. بالشطرنج مدخل الدولااار يا ربك تربحني انت..!

. بدر الدين... يا الرب العااالي شحاال رااك حااس برااسك. ..

فطومة.. "شافت فعفاف لي جالة حانبة راسها"... كبي لصداام تا هو كويس ازين...

عفاف... "مدات لصدام كاس ديال اتاي".. نعطيك الحلوة.. ؟

صدام.. "صغر عبنيه و علا حااجبو كي سمع بدر الدين تيخم الضحكة"... مانحبش الحلاوة..

بدر الدين... "كول الحلوة اجمي..!

صدام.." قرب ليه ".. رواح نگول لك هادي درتولها شهادة السكنة معاكم ولا كيفاه؟

بدر الدين..." تكلم بشوية بدوره"... ههه مكانتش تجي گاع... شافتك كثرات الرجل..

صدام.. طاحت على عين گفاها تصور مني لي مايعجبها...

بدر الدين...الحنانة راهي تبلاني رد بالك...

ضحك و حرك راسو يمين و شمال حاضي فطومة و محاولاتها انها تلفت انتباهه لعفاف بأي طرييقة.. من اول مرة شافها و هي متتفلتش الفرصة باش تذكرها و تشكر فيها....

عفاف... "ناضت وقفات مستأذنة".. خالتي نروح لدار.. اما راهي تعيط لي..

فطومة... "بابتساامة".. سيري ازينة و غدا ولي تشوفيني..

عفاف... واخ انشاء الله.. بسلامة..

خرجات حانية رااسها بخجل وااخة مكين لي داها فيها شنو دارت ولا رد لها البال من غير فطومة..

فطومة.. "بانزعاج ".. علاش تتعاملها هكذا.. تگول تتجري عليها..

صدام.... "علا فيها حواجبو".. واش تحبي ندير لها الواليدة!!ديجا مجيتها توجور ماراهيش مليحة مانحسش بروحي مرتاح..!

فطومة.. مالها شدارت لك.. شفتي هادي هي المرا ديال الدار و يعولو عليها النااس للزمان.. تعرف ديير كلشي..

صدام.. واااش دخلني انا اماا ااش دخلني..!! نزيد نزوج !! نجيك من اللخر.. صااي.. مافي رابطها بمدامتي.. ماارانيش ولد الحراام نخليها واحلة فرووحها نجي لوجدة نزوج و نولي لها فدي ضرة..!

فطومة... "زمت شفايفها".. ماراانيش عاارفة الرجاال لي مزوجيين زوج نساا وااش بااش راهم احسن منك..

صدام.. "ميل شفتو لجنب".. انا حسن منهم.. مقنعاني مرتي.. لاش نزيد الثانية و انا ماخاصني معاها والو.. ترضااي احنااانة راجل بنتك يجيب عليها ضرة!!

فطومة... "حطت يد على يد"... بنتي منوو و فيه..

صدام... "ناض فحالو قاطع النقاش".. و انا مدامتي مني و فيا.. مرانيش جايبها من الشاريع الله يرحم يمااك الحنانة فوتيها عليك رهي موقراك خلينا عايشين هانيين "باس لها على راسها و ناض فحالو"...

خرج فحالو هاز تيليفونو خلاها تتاااكل راسها بالفقصة.. توجه لسيارتو مباشرة.. ركب و ديمارا بعد على الداار توجه لمكاان خاوي شوية و جبد تيليفونو اتصل بها ابيل فيديو غير فتحات الابيل تدلدلو عينيه من بلاصتهم.. نانت لابسة غير سوتياماات و مشبكين.. حلي باين اكثر من لي مغطي...

صدام... ياا الرحمة نتااع مك لاش تبااني لي هك لاش!

مهرة... "علات حواجبها تضحك"... هههههههه مالك.. ياكما ناض ؟؟

صدام...."دوز يدو على لحيتو"... الى شاااف هاد البزوول ارببك و مانااضش راه *امل..

مهرة.. حطات تيليفون مقابل معاها و تضحك.. ناضت تتكمل لبيس حوايجها.. " بااز... هههه دوماج بعييد علييهم..! كمدها و سكت ههههههه

صدام.. "تيدوز يديه على لحيتو".. اليوم رااكي طاايرة لمك راشقة لك.. .. شراك ديري

مهرة.. " تضحك بدلع و تغنج عليه".. ههه والو ابب.. خرجت مع حبيبة واحد نص ساعة تمشينا و رجعت متعطلتش..

صدام... "عقد فيها حواجبو".. خرجتي و ماگلتيهاليش؟

مهرة... طبيبة لي متبعة معاها ديك نهار قالت لي معليش تمشاي و تحركي شوية..تمشيت غير شوي.

صدام.. رااكي طيري لمك خاص لي يگعدك على هذا.. "شير على ديالو.."..

مهرة... "رقصات ليه حواجبها،".. گعدني عليه نتا اعمري...

صدام... "زفر نفس سخوونه من مناخرو"... جمعيهم كي نولي ماتگوليش اي..!

مهرة... '' ضحكت ليه بميوعة".... هههههههه الطبيبة قالت العنف اوهو..

صدام... لواه وااش بينا و بين شي عنف.. نكحو بالقاعيدة غير هو مانراطيوش..! "غمزها و دوز لسانو على شفتو خلاها تشهاه و هو بعيد..! "..

خرج من الغرفة ديالو عاقد حواجبو معنكش بالنعااس.. .. لابس بوكسر فقط.. توجه مباشرة للمطبخ.. خذا منو فنجان ديال القهوة صاوب نيسكافي.. هزها و مشا ريح فوق الكنبة... مقابل مع البالكون ديال الشقة لي كراها بعد خروجه من المشفى و بعد تحسن حالة عيوونه.. مرو اياام عليه و مزال الضبابة على عينيه.. تيتحسن النظر بالنضارات لكن مع ضلك مزاضحاش مزياان الصوورة..

خذا رشفة من كاسو و رجع راسو اور مستمتع بالموسيقى..! بعد مقااطعتها من الحاذثة لي مر بيها.... رجع من جديد تينفتح على الحياة و يرجع نشاطاته السابقى... افضل موسيقى او النوع الوحيد لي تيتسنط ليه هو الراب و الرااي... حتى و هو مكالميي تيتصنط للراب...

كان هاد المدة كاااملة متبع اخباارها من بعييد لبعيد كيف العاادة.. لكن اليوم فاايقة نااوي عليهم اليوم يشووفها بنفسه ميمكنش يزيد يصبر.. يوقع لي يوقع.. خذا تيليفونو و ضور مباشرة لصديق ديالو لي كان مراقبها طيلة هاد الفترة....

الغازي.. افين العود.. صافا؟ راك مزيان...

**** عمرك طوييل يالله لقيتيني تحركت من الدار نمشي قداام القراية ديال البنية..

الغازي... "ضحك و نطق".. البنية ؟ هههههههههه واخ دوز عندي لدار اعشيري توصلني عندها..

*** و عليه.. نفطر و هاني معاك.. مزال ساعة عاد تخرج.. هاد نهار تتقرا غير ساعتين صباح..

الغازي... "دوز يدو على شفتو بمكر".. مزياان..

قطع معاه و رما التيليفون بجنبو..من لي فاق مالقاش انس عرفو خرج بكري... ناض وقف امام المسبح لي عندو وسط الشقة لي كرا.. . تيتأمل فيه.. برك على بوطونة باش يدفى شوي الماء.. شعل فيه ضوء احمر خلا الجو افضل... تلاح فييه تيعيوم و يدرع بيديه مغمض عينيه حتى وصل للحاافة و رجع تكى على ضهرو فوق سطح المااء مريلاكسي تيفكر فالصغيورة و كيف غايكون رد فعلها من لي تشووفو... سرت بسمة مكر على وجهه فاش تذكر اخر لقاء بينااتهم ملي كانت بين يدييه من دااك النهار و هو غايهبل على ملمس جلدها القطني لي عمرو شااف ولا لمس فحالو من البنات لي عرف فحيااتو كااملين..

بقى مدى فالبيسين حتى حس براسو اكتفى و ناض طلع متوجه مباشرة للدووش.. خذا دووش خفييييف و خرج تيلبس حواايجو و هو تيدندن مع اغنية الراب.. كي كمل.. رجع شعرو كامل لوور و مسح على ذقنه لي كبرات اكثر من الاول بكثير... خذا الجاكيط ديالو لبسها على البرد و دار نضاضرو... بمجرد ما اتصل بيه صاحبو نزل عندو في سااع..

الغازي ".. طلع و تسالم معاه".. فين العشرة الزينة..!

****... و خياارت بييك اصاح.. صافا اليوم هانية؟

الغازي.. فوق السلك اعشيري.. .. يالله ديماري..

****.... ديمارا السياارة في اتجاه الاكاديمية ديال الفنون لي تتقرا فيها سجى.. ".. راك زربان.. هههه مزال عندك وااحد ربع سااعة. زيد عليها ربع ساعة ديال الروطار تيخرجو كليكا مجمعين..

الغازي.." تيدوز يدو على لحيتو ".. ماعليش غير عفط اعشيري....

ما هي الا لحظات حتى وصلو و بلاصا فالمكان المخصص للسيارات.. مقابل مع الباب مبااشرة... تيشووف الناس خارجين و نااس داخلين مصغر عينيه تيحااول يشووف مزيااان و بوضووح واش يشووفها يلمحها.. لكن واالو مباانتش ليه.. حتى سمع صاحبو نطق..

****... الكليكة ديالها هاهي خرجات....

الغازي... "عقد حواجبو".. هي مكيناش؟ "صغر عينيه فوحدة جااية بشووية عليها ماتخفااش عليه هاد القاامة و هاد المشية وااخة موااضحااش ولكن يعرفها ولو يكونو عينيه مغمضيين.." شير ليه عليها ".. ماشي هي هاديك؟

****.... ايييه.. هي هاديك..!

الغازي.." دوز يدو على لحيتو مبتسم جنب...". ديمااري وقف حدا رجليها..

بدون ما يناقش داار شنو قال ليه مع غاتقطع الطريق وقف قداامها نيشان حتى رجعات اللور.. نزل الزاج ديال السياارة و صغغغر فيها عينيه تيحقق فداك الوجه المستدير بملامح رقييقة واقفة بفستانها تيتأرجح بفعل هواء لي كان تيديه و يجيبو... اما هي وقفات تتشووف غير نزل الزااج تسمرت فمكاانها.. تبلووكات.. تتشوووف بصدمة ماعرفات باش تبلات... تتشووف فيه و هي ممصدقاش..! واش تتخاايل و لا بصح.. حتى سمعت صوته لي زعزع لها طبلة اذنها و خلاها تفيه من شرودها..

الغازي... تطلعب ولا نزل الصغيييورة ديال قلبي! ؟؟

مقدراتش تستوعب... الفكرة في حد ذاتها مستحيلة!! بقات غير تتشووف... منطقات حتى حرف.. عينيها مركزيين غير في عينيه.... دون العينين غامضتان نفس الحدة لكن هاد المرة الاختلاف هو انه لابس نظارات طبية حتى لونهم مختلف عن دي قبل.. فالاول عبنيه كاانو عسليين.. الان تتشووف عيوون بنية.. و بني غااامق مائل للسواد...! بلعات ريقها و رجعات خطوة للورااء عند باالها تتخاايل فعلا لانه الفكرة بالنسبة لها مستحيلة....

معاودش الهضرة زوج مرات.. نزل من السياارة لعندها مباشرة.. وقف قداامها بطوولو و قامتو لي من ديما كانت تتشووفهم مثاليين..

الغازي.. "مبتسم بسخرية... ماالك ؟ شفتي جن..! فين مشا تعنطيز ديالك..!

سجى...." مبرقة عينيها بصدمة ".. ال.. الغازي؟ ؟ ك.. كيفاش..." قربات ليه حطات يدها على وجهه". كاتشوفني؟؟ كتشووف؟

. الغازي..." ابتسم و .. خداها من يدها قبلها لها و زير عليها " هو هذا بشحمه و لحمو".. شاف فيها" و عينيه..

سجى... "ملامحها تعتليهم الصدمة..مامتيقاش ". و ولكن كيفاش.. ؟

. الغازي... "جرها من يدها في اتجاه السيارة ".. زيدي معايا و نگول لك كيفاش

الصدمة ماخلاتهاش تفكر.. منساقة وراه و ماتتفكرش..! عقلها تبلووكا ماعرفات باش تبلات.. دخلها للسيارة لور و سد الباب.. رجع ريح فبلاصتو ..

الغازي.." شاف فصحبو ".. رضني لدار اعشيري..

فقط الصمت.. مادواتش.. و حتى هو مادواش معاها.. تبتكلم هو وصحبو و هي تتدوورها فرايها.. عقلها مزال مبلووكي و ماعارفة. هاذا وااش حلم ولا علم... تتشوف في راسو بأرتباك وخاصة فاش تيضور يشوف فيها و يغمزها.. لحد الان مزال مافهمات كيفاش تيشووف.. مافيقاتها غير يده لي تمدات ليدها جرها لها لعندو و شابك اصابعه مع ديالها... بقى مزير عليها حاولات تجر يدها لكن والو مقدراتش..

سجى.... "تتجر يدها".. الغازي طلق عافاك..!

الغازي.. "شاف فيها تيضحك بالجنب".. ماطالقش..!

سجى... غاطلق ولا نحل الباب نتلاح فحالي واااطلللق..

. الغازي... "شير لصاحبو بلوكا البيبان و ضار خزر فيها".. تلاحي دابا.

استسلمت للامر الواقع و خلات يديها فيدو حتى وقفات السيارة معلنة على وصولهم لوجهته..

الغازي.. "طلق منها و ضرب لصاحبو على رجليه"... عشيري يحفضك.. راك تم.. على اتفاقنا.. لي بقى اليوم يوصلك.. "غمزو.."

***..." نطق بامتنان".. خيرك سابق اعشيري...

خرج من السيرة تيحرك عنقه يمين و شماال.. فتح لها الباب و طل عليها شير براسو بااش تنزل و هي تزيد تدخل بعدات عليه.. اتنهد عاارفها غاتعيييه... خشاا راسو عندها و جرها عندو هزها بين يدييه خلاها تتفركل و تغووت..

الغازي.. ينعل ديييلمك الق**وي... تبتي اللرض نردخ جدك مع الحيط.. يالله لبديييها

سجى... "" عقدات فيه حواجبها"... خليني نمشي على رجلي ..!

الغازي..." زيرها عندو و خشى وجهه في شعرها تيستنشق ريحتها "... توحشتك العمر الفلوسة ديالي..

زيرات على عينيها غمضااتهم حتى خرجو من المصعد.. غادي بييها للداار.. نزلها حتى فتح الباب و جرها من يدها دخلها و هي تنطر يدها تتشووف فيه مخنزرة.. ضار عندها بادلها نفس النظرة....

سجى.... "رفعت عينيها تتأمله بدهشة.. ".... كيفاش وصلتي لهنا؟ و كيفاش تتشووف.. مافاهمة والو ؟

الغازي.. "باستهزاء".. كاان يسحاب لك مانوصلكش.. وصلت هنا بالطيارة ازين.... "قرب لها"... و كيفاش تنشووف.. درت عملية.. لسقت عينين جداد باش نشوف صغيورة ديالي...

سجى.... "رجعات خطوة للوراء مصدوومه " واش دابا تتشووفني؟ تتشووفني عادي!!

الغازي.. "تنهد من شوقه ليها مكرهش يشدها يسرطها".. تنشوفك.. "قرب لها اكثر" اجي نعنقك.. توحشتك اصغيورة ديالي..

سجى... "قفزات هاربة من يديه لي جايين ناحيتها... خزرات فبه و نطقات" تقرب لي نغوووت و نجمع عليك نااس.. علاش تعنقني لا متعنقنيييش. .

الغازي... "ضحك و حرك راسو يمين و شمال.. "... ربيتي النيااب الخوينزة.. "غادي خارج من الغرفة.." تشربي شي حاجة؟

سجى.. بغيييت نمشييي.. بغييتن نمشي فحاالي...

الغازي..تيدوي من كوزينا بحدة" دوينا ! گلت لك لبديها.. اليوم بربي لا خرجتي من هاد الدار حتى نتفاهمو مزيااان.. راني گلت لك نهار نشدك وايلي واايلي.

سجى... "جلسات فوق الكنبة فالغرفة تدور فراسها ممصدقااش المشاعر كااع تخلطو علبها.. ماعرفات واش تبكي و لا ضحك و لا تفرح حيت رجع تيشووف من جديد.. بداخلها احاسيس مضطربة.. تلفاات.. كانت تتقول تشووفو مرة اخرى ماغايلقى منها غير البرود.. اشنو تيطرا لها دابا؟ مالها رجليها خانوها ماقدووش يهربو من دارو؟

رجع عندها هاز فيده كانيطة ديال الويسكي.. تيشرب منها.. وقف عند الباب.. اسند برأسه على الإطار هو تيرااقب فقوامها الصغييرة و ملامحها الملائكية.. بالرغم من ان الرؤية ضبابية نوعا ما الا انها واضحة بما فيه الكفااية لقلبه... التقط شفايفه بين اسنانه تيحاول يسيطر على ضربات قلبه المضطربة.... كانت سااهية جالسة ضامة رجليها على بعضهم و حاطة عليهم يديها تتلعب بأصاابعها بااين عليها التوثر.. ابتسم الجنب و دخل عندها حاس بروحه لي انتزعت منو في الاياام لي فاتو رجعت له من جديد...

خذا تيليفووونه و رسل ميسااج لأنس..

~~ماتبانش عندي اليوم فالدار ~~

اقترب بخطواته المميتة وقف على بعد خطوات منها... الشوفة فيه مقدراتش تكملها خايفة تضعف من تااني قدامو.. عارفاه تيدوبها غير بعينيه حتى فاش كانو طافيين..!

سجى... "طلعاات فيه راسها".. بغيت نمشي فحالي.. ناضت وقفات".. كييي درت وصلت هنااا..! كي درت جيييت معاااك..!

الغازي.." ميل فمو لجنب وتلاح على الكانابي ".. راهو الباب.. مافيه لا سااروت لا والو.. الى قديتي تحليه غير الله يربح...

سجى..." مشات تتحاول تحل الباب حلف ما يتحل.. مبلوكي.. ". فتح ليا البااب الغااازي فتح...

الغازي..." تيجغم من الكانيطة".. اش نفتح؟ هههههههههه جايبك ديلمك باش نفتح!! دوزي لهاد جييه نتفاهمو بعداا..

سجى... "ربعات يديها قلبها تيضرب بعنننف و بحووف ووتتحااول متبينش لبه " لاااش جايبني.. لاش جاي عندي.. اش بيناتنا ?

الغازي.. " تيشرب و مكاالمي مبرد"... بغييت.. گالها ليا طارو ديال راسي..!

. سجى... "تتااكل شنايفها بغيض".. كيفاش بغيتي.. حل لي الباب نمشي..... حل..

الغازي..." قرب لها حتى مابقى تيفصلو هو و ياها والو... حنا راسو عندها".. بوسي..!

سجى... "وسعات عينيها بصدمة و رجعات راسها لور ".. بععععد..

الغازي.. بغيتي تخرجي بووسي.. مابغيتيييش !!

شاف فيها بمكر و حط ديك الكانيطة رجع قرب لها حااوط خصرها و جرها ليه لاااسقها معاه هزها تعلاو رجليها على الارض مزيير عليها حتى لسق صدرها مع دياالوو.. و قرب فموو من شفايفها.. لثم ثغرها بقبلة خلاتها تجبد اطرااف اصاابعها.. التهم شفايفها بمعنى الكلمة..بدا يعتصرهم بين شفتيه وهى شااكتة كانهةبنجهااا لا تتحرك ولا حتى تتفاعل تقول عليها غيبوبه ولكن عينيها مفتووحين... بداا تيداعب خدوودها بأنامله و ينزل اطراف اصابعه على رقبتها قصل القبلة و مشا مبااشرة تيبوس تحت أذنيها بفن.. كانت غااتغيييب من جديد غيير فجاة كانها استفاقت.. جاات تدفعو بكل قوتهااا و هو يزييد تلواا علييها ضوورها و طااحو بزوج فالبيسيين.. بالخف طلعها معااه حتى شهقاات تتحل فمها و تسدوو.. حلات عينيها بججهد و ضربات فيه مقابل معاها محاوط عليها بيديه..

سجى... "خزرات فيه رجفات بالبرد"... واااش حمااقيتي "ضرباتو بيديها لصدرو".. طلعنييي..

الغازي.. "مبتسم جنب تيحرك راسو.. زااد زيرها حتى سمع شهقتها تااني و تم غادي بيها لسقها على حيط البيسين..... خشى وجهو فعنها حتى تبوورشات عضها فعنقها".. ااش كنتي تتگولي.. خطييبك ما خطيبك وانا بحال خووك. عاودي داك الهضوور لي كنتي تتسمعيني فالتيليفوون.. "نزل يديه و تم مطللعها مع سيقاانها تيطلع معاها الكسوة لي اصلا كانت عايمة فالبيسين ".. اممم... دوي تنسمع.." باسها اسفل عنقها و دوووز لساانو على عضمة الترقوة حتى قفزت بين يديه بغات تهرب لكن اين المفر مزييير و شااد فيها شدة الاعمى.. و زاايد تيطلع يدييه مع جناابيها و يدووزهم عليها تيزيد يبنجها ..".. مالك ضربتي الطب.. كلات لك الفارة لساانك ابنت قلبي!! ..

الغازي.. .." باسها اسفل عنقها و دوووز لساانو على عضمة الترقوة حتى قفزت بين يديه بغات تهرب لكن اين المفر مزييير و شااد فيها شدة الاعمى.. و زاايد تيطلع يدييه مع جناابيها و يدووزهم عليها تيزيد يبنجها ..".. مالك ضربتي الطب.. كلات لك الفارة لساانك ابنت قلبي!! ..

بعض الاحبان تنتحطو فمواقف مفاجئة تتخلينا ماعارفينش كيف نتصرفو.... هكذا كانت سجى.. تخلطات عليها الصدمة و الفرحة و هي تتشووف فيه واااقف قداامها و تيشووف فيها بعينيه... تآوهت بألم و هي تتذكر كيف كان فدووك الايالم لي دار فيهم الحاذثة.. كي كاان تيتعامل معاها... تذكرت ااخر لقااء ليهم بزوووج.. كولشي داز بين عينيها.. حتى الطريقة لي جات بيها لفرنسا و كيفاش وااعدات راسها غاتكون افضل بلا بيه و غاتسااه.. جمعاات يدييها تا جمعااتهم و ضربااتو لصدره حتى سمعاتو تنهد بخشوونه..

الغازي.. " قرب لها تيستنشق عطرها الليي مزال كيف ما هو بارفاان الحاامطض... بدوون كحوول ديال الدراري الصغاار... عضها فكتفها حتى قفزات...".. مال ديلمك على هاد الطيران؟؟...

سجى... "اااااعع.. واش حماقيتي...! طلق مني.. طلاااق..

الغازي.." عقد فيها حواجبو و تبتها مزيان بين يديه.. خشى ركبتو بين رجليها".. بربي تا نح** هنا نيت..!! و كوني حسن لي..

سجى... "عقدات حواجبها تتحااول ماا امكن تتحرك باش تفلت منو "... المااا بااارد طلعنييي من هااد زمممر...

الغازي ،... "قهقه بحدة"... مزيان يالله يبرد ديك الدودة لي كانت تتهضر معايا و فارعة ليا. ك*** بخطيبها و لا الق***

سجى... "غفلاتو ضرباتو لفمو"... ماتبقااااش تخصر الهضرة... وااااعععع بعد مني غانغووت.

الغازي..." صغغغر فيها عينيه.. وعاريتي ؟ " نطحها فجبهتها"... وليتي تمدي يديك البعلوكة!!

سجى... اااي.. وااا بعد مني خنقتييني.. محاملاش نبقى معااك بعد مني..

الغازي.." نزل لشنايفها تيبوس و يدوي".. محاملاش تبقاي مع حبيبك..! امم.." طبع قبلة ". شنو ماتوحشتينيش.. ؟ " جر لها شفتها التحتية مصهاا و عضها .. " توحشتك العمر.. زعما ماتحنيش ؟"طبع قبلة خفيفة".. ماترميش كولشي وراك و نبداو من جديييد بالخااطر..."باسها مرة اخرى"... ماديرينيش حبيبك و ترجعي ليا بنت قلبي ديال شحال هذا..!

تسارعت نبضات قلبها بشدة.. حتى انقها قطعات النفس.. ووجهها اصبح احممممر.. فهاد اللحظة اتسعت ابتساامتو عارفو راسو مزال تيأثر عليها.. زاد زييرها عندو اكثر و علا يدو حتال وجهها.. تيمرر ابهامه على حنيكاتها حتى وصل بيه لشفايفها..

الغازي.. ششششت.. تنفسي اسجاااا تنفسي..

ارتعشو اطراف اصابعها لي فوق من صدروو رمشات عينيها فينما تتجمع قووتها و تبغي دفعو تتلقااه مزير عليها.. كااااع لي تريناتو مانفعها معاهةماعطاها حتى فرصة بااش تبعدو ولا داافع على رااسها.. خلاها بين يدييه قليلة الحيييلة و هي تتبان قدامو كي الفلووسة لا طوول لا عرض... بعد هااد درووس التقوية لي دارت لرااسها كااااملييين مانفعووها بوالو. مزالة تيشدها بيد وحدة و يبلوكيها كاملة...

الغازي... رخي على رااسك دااك الاونطريمون ديال قسم لاروب لي تيدير لك دااك خوونا ماينفعكش مع الغازي هههههههههه.. عند بالك غاديري شوية ديال لي شوفمون غاتجي تسلخيني ولا كيفاش؟

سجى... "ماالقاات ماااديير حسات بيه حگر علبها تاااني.. طلعات فيه عينيها تتدممع".. اصلا نتا هادشي لي تدير ليا ديما.. حاگر عليا...

الغازي... "عقد حواجبو و قرب منها حط راسو على راسها و منخرو على ديالها تيسمتنشق رييحتها..."... كي نديير نحگر عليك و انا نموت على دينمك..!..

سجى..." الدموع نازلين من عينيها ". هءهءههء... طلعني من هنا غانمرض قتلني البرد..

زفر نفس سخوونه من منااخرو مجرد وجودها معاه في مكان وااحد بد ذاته إثارة ليه عسات شاادها بين يديه....هزها بين يديه و تم مطلعها من دريجات تالبيسين.... ترطات ليه بين يديه حتى وقفات... مصلات الجاكيط لي لابسة فوق ديك الكسوة...

سجى... "تتبكي و تمسح الدموع".. كيييي غاندييير نمشي للدار كييي غانديير كمال اليووم ماخداامش تيجلس غييير فالدار الى شاافني بهاد الحاالة اش غانقوول ليه حرام عليك..

الغازي... "ضور لساانو وسط فمه و ضحك".. علاه نتي شكون گال غاتمشي للدار اليوم..!

سجى.. "وسعات عينيهيا و طلعات فيه راسها "... اش تتقول! واش باغي تحمقني الغازي؟

الغازي.. "ابتسم بالجنب"... غير انا لي نحماق... "تحنى عندها جلس تا هو فالارض فحالها قرب لوجهتا"... حمااقييت بيك و فييك العقل طاار.. مابقااش عندي حدود للمنطق.. ممبقاااش عندي اصلموو هاد المنطق.. سجى ديالي و ربي كبير...

سجى... "حطات يديها على وجهها"... هادشي لي تتقوول فيه راه ميمكنش ميمكنش.. انااا مخطوووبة شحال من مرة نقوولها لك.. منقدرش نخوي بمرواان.."

الغازي.." ندفع عندها شدها من فكها زيرها حتى خرجو شناايفها مزياان و تحنى عليهم بااسهم بالجههد "... ماااانسمممعش سميييتو من فمك... "حااط فمو على فمها". سمييتو مانسمعااش تذكر قداامي... مانتي دياالو ما هوو ديالك.. الوقت طييحاتك علييه.. تا انا دييلمي مخري اماا دااك نهار كان خصني نجرك من يدييك مكين لا خطبة لا ق*** ي

سجى..." دمعات بقهر و هي تتشووف فعينيه لي مكانو تيفرقو بحتى انش على عبنيها".. و نتااا طلقتي من يدي.. نتاا بعدتيني ي.. شحال ترجييتك.. "ضحكت بالم".. شحال كنت حمقة و هبيلة.."دفعاتو حتى جلس الارض و ناضت هي وقفات كلها تترجف بالبرد...".... بقييت بزااف بااش نعرف راسي عندييش حس الكراامه.. الكراامة حذفها من قاامووسي نهار فكرت نبغيك.. كوون تعرف كي كنت تنبغيك.. كون تعرف شحال كنت تنتسنى منك غير كلمة.. كلمة وحدة تنسيني حيااتي كااملة.. و نتا اش كنتي تديير.. ديماا تضووور فيااااا ديييماا عيييت منك و من ميزااجيتك.. تقربني و تبعدني كيف بغيتي.. انا ماشي لعبة فيديك

الغازي.. "وقف و ضرب واحد الديكور مع الحيط شخشخوو.. شاف فيها و ضار ديريكت شدها من قرفادتها وودفعها جهة الحيييط حتى تسمع صوت.. تقاابل معاها محاصرها بيديه"... الكبييير و الصغييير كاان عاارفني نموووت على قساامك .. كنت خااايف علييييك.. من رااسي البشااار.. خاايف نضييعك وونتي بنت نقييية مااشي ديال التسخسيخ..

سجى..." ششافت فيه بألم ". و شنو تبدل دابا؟؟

. الغازي..." دوز يدو على وجهها و استقر بابهامه على شنايفها لي كانو تيرجفو بالبرد"... تبدل هاد ولد ال*حبة لي مابقااش قادر يصبر.. "حط يدها على قلبو... كنت نبعدك باش ماتآدايش.. باش ماتندميش شي نهار و نتي بااقة صغيرة.." تنهد و حط جبينه فوق ديالها و نطق بصوت كالفحيح "...تقااضاا الصبر.. نفديك بعمري... مي تكةوني لوااحد ااخر اوووبليي.. و الى كان رااجل يجي يقيس حاجتي..

سجى..." دفعاتو بغات تبعد و هو يرجعها مكانها".... بععد مني هادشي لي تتقول فيه تيسميوه الحمااااق..! "خذات نفس و نطقات".. مبغيتش نكون معاك.. مابغيتش.. قلبي عااافك... وااش اتا هربت منك.. هربت من المغرب كلوو خلبتو لبك و جييت لهنا.. و تابعني ؟ رحمني.. بليييييز الغازي.. خليني عليك نعييش حيااتي.. بغييت تا انا نشووف و نشووف.. بغيت نشم الهوا و نرتاااح بغيت نديير راسي.. مابغييت تا وااحد يدييرني عجيينة فيديه..قلبي مابقاش باغيك.. و مكاينة تا حااجة بزز..!

انهت كلامها و خذات نفس.. غمضات عبنيهل ماباغياش تشووف ديك النظرة الممييييتة لي رسلها لها...!!! طلق منها و بعد عليهمزير على قبضة يده.. تيضوور كلامها فراسو.. عند باالها الى قاالت زوج كلمات بحال هادو غايعطيها التسااع.. و هو ليل و نهار صوورتها لين يديه... الى كانت هادي هي الانانية فهو مفتخر بيها.. الى اانت غاتقوول علبهةنرجسي.. ااه مااشي بمنطق انا و من بعدي الطوفان.. فاللي تيبغي ماعندووش يا اما ارحميني.. و الى قال علبهاةديالي يديها بالسيف ولا بالخاطر.....

الغازي.. "جرها من يدها غادي بيها لبيت نعاس".. هاد الهضرة خشيها فك***

سجى.. " وسعات عينيها تتفركل ليه فاش شافتو غادب لبيت نعاس".. ااااش غاديييير بعد منييي عافااك خليني عليك.. ماتآدينيييش ماتكرهنيش فييك بمرة..

دخلها و سد البيت بلووكا الباب تاني باش مادير لا هاه ولا هاه.. نصل حواابجو قداامهاا كااملببن مااخلى حتى قطعة عاطيها بالضهر و تحيد فيهم.. لبس سورفيت قطنية سخوونة مع تقاشر.. و جبد قبية ديالو سخونية... داها لها وقف قدامها..

. الغازي.. حيدي حوايجك..

سجى... "ضمت يديها على جسدها و وجههل كله دمووع"... الاااااا.... اش غادير. ..

.. قرب لها غفلها علا لها ديك الكسوة نصلها لها كاملة خلاها بالدوبياس.. شهقات و هربات من قدامو للناحبة تاانبة تتغووت مالقاات باش تغطب راسها... .. طلع و نزل فيها عظو استقرو عبنيه على الكيلوط ديال هيلو كيتي لي لابسة....

الغازي... " قرب لها".. اش هادشي البرهوشة.. "جرها من الكيلوط لسقها معاه".. عهدي بيك تتبغي المشبك! ؟ "عض على شفتو".. ولكن كوولشي تيجي معااك ابلونش نيج.. تنبغي برهوشة اعباد الله...! و معفرة عليا من الفوق...!!

سجى... "تتفركل باغية تهرب منو"..، وبعد منييي واش نتا هبييل.. هادشي لي تدبر فيه هنا رااه مااشي هو المغرب راااه نقووول لهم هادشي تمشي فيهل عشريين عاام.. وا بعد مني...

الغازي.. "دوز بديه على فخاضها ووتم غاادب مطططلعهم معاها حتال كرشهل و دوز عليهاا من التحت خشا صبااعو شوي تحت الكييلوو ماوصلوش عضووها و زير عليها لانها تضرب برجلبها"..هههههههه غاتشكي غاتشكي قولي لهم هادي..

جرها من يديها و رماها فوق السرير.. رجعات لوور بغات تهرب منو هو يجرها من رجليها.. لاسقهم و طلعهم للفووق.. جلس بركابيه على السرير و و يدا تيمااصي لها رجيلاتها بابهامه سااهي فييهم.. حمريين فحال ديال الاطفال.. ..مجات فين تهربهم حتى هزهم لها و لوجهو و بااسهم.. بقى تيطبع عليهم قبله خلاها مبلوكبا من هاد الحركة صدمها..

سجى... "بتساؤل".. ااش تدييير..!

الغازي.... كولشي فيك صغييير و اصغيورة... كلك ديال لي يااكلك اشنيسولة.. فرق لها رجلبها و جا وسطهم تلاح فقو منها مكالي بيديه و تيزشووف فيها.. ".. وااحد البلان بغبتك دخلبه لراسك بلا قوة هضرة.. مانعاودش نسمع فبه شي جدال ولا نقووااش حييت غانقوودها على بنادم... سجى.. ديال الغازي.. مكين لا خطيب ولا خراوات..." بغات تهضرة و هو يسكتها نزل لشنايفها جرهم بمصةةة "... وابربي ابنتي اسجاااا مكين غؤر الغاازي.. فينييتو....

سجى... "عضات على شفتها بتوثر"... طلق مني عافاك.. خلبني نمشي فحالي خويا غايكون تيتسنا....

. الغازي... راه گلنا مكين فين تمشي اليوم... غاتباتي عندي هنا بين يديي.. و على صدر ي.." رمى القبية لي كان غايعطيها".. مكاين لاش..

تلاح جنبها و جر التيليكوموند ديال الكليماا.. زااد لها فالدرجات و جرها عندوو معنقها.. ضهرها لاسق على صدروو..

الغازي.. اجي عند عمو يسخنك ازين اجي.. "ضور يديه على كرشها و نزلها بالخف لبين رجليها حتى زير على انوثتها حتى لواات كااملة و زاادت لسقاات عليه ". شششششت راني مقييم مابااغيش نووض لبووك..

سجى... "تتبكييي و تزير بيديها على يدييه".. عاافااك ماتقيييسنيييش.. ماديييرليييش بحال ديم المرة.. مابغيييتكش تقيييس فياا زول يدييييك..

الغازي..." خشا وجهوو فعنقها و زاد حرك يدو زير عليها اكثر. "كاالم مانديرش ليك ديدي هنا البريهيشة.. ماتخافيش.. "ضحك و عضها فكتفها".. على الاقل ماشي اليووم..

. سجى.. واا حيد يدييييك

الغازي.. زول يدو و ضورها على كرييشتها تيدوز عليها بشوية ".. عرفتي شحال مانعست مرتاح..! خليني نعس دابا تحركيي غير شوية و بالرب المعبود حتى نكويك..راني على سبة.." تيدوز لسانه على كتفها و مد يدو جبد لها تيليفون ". اتصلي بخووك.. گولي ليه غاتباتي عند صاحبتك اليوم.."تيدوي مغمض عينيه "و نعسي مانسمعش حسك ولا نووض ندير لك مومو دابا نيتك.....

اليوم مكانش فحال الاياام لي فااتو فالوحم.. كان بعض الوجع خفيف تيزورها مرة مرة... هادشي لي بعث فقلبها نوع من القلق.. تنوغشات مع راسها.. فقدانها للجنين الاول خلاها تولي خايفة من اي حااجة...و فووقما تتحس بالوجع تتصل بالطبيبة ولا تمشي عندها...

الدريسية... ابنتي راه عااادي غير تتمرضي راسك...اخر مرة مشينا لطبيبة قالت لك عادي دوك الوجيعات ماشي شي حاجة..

مهرة... "تتمسد كرشها".. قبيلة جاني شوية تالوجع.. و تاني فاش نضت الصباح حسيت بالوجع... و دابا كرشي حاسة بيها ماشي هي هااديك..

الدريسية.. الى خايفة يالله نديك لطبيبة ماخاسرين والو!

مهرة... "ناضت وقفات".. غانمشي ندوش و نمشيو.. منقدرش نريح و انا منوية خايفة هكذا..!

الدرسية.. وااخة حبيبة.. سيري تلقايني واجدة..

ادريس... "دخل القى السلام لقى مهرة يالله طلعات".. مالها؟

الدريسية.. منوية قالك فيها شي وجع.. ولات تترعد على هاد الولد..

ادريس.. اوا الله يرزقها الدرية الصالحة.. ماتخاف والو غير ترد بالها و صافي..

الدريسة... تا انا قلت لها لا كنتي خافية نديك لطبيبة تحيد الشك..

ادريس.. ايه تا هذا نظر.. باش ماتبقا منوية على والو....

فهاد الوقت كانت مهرة داخلة للدووش... ضرباتها بتدويشة خفييفة و خرجات تتنشف شعرها.. ارتاحت نسبية فاش مابقات حااسة بحتى وجع.. كملات شعرها كمل و دهناتةذاثها.. مشات للبلاكار جبدات منو حوايجها.. تحنات تلبس السليب و هو يباان لها الدم هابط من بين رجليها فحال لا فاتحة شي روبيني... .. وسعات عبنيها بصدمة كانت غااطيح حطات يدها على شفاايفها كلهم تيرجفوو .. طلات على راسها و غوتااات غوتة ربييي لي خلقها ماعرفات بااش تبلات...

مهرة.. ماااااامااا.. وامامااا.. اويلي.. اويلي ااش هاادشي....

جرات واحد الصوفيطمة بيضاتء مسحات بييها الدم حتى سمعات الخبطة ديال الباب جات دريسية تتجري مخلووعةة ماعاارفة ااش وااقع

الدريسية..... "جاية مخلووعة شافتها جالسة فالارض شاادة فكرشها والدم فيديها و رجليها طااح منها نص"،.. اويلي !! ااش هاد دمايات.....

مهرة.. "وجها صفاار ووقنانفهاا بيااضوو مووسعة عينيهااا بصدمة و شاادة فكرشها"... وو.. ولديي.. ولدييي يعتقيييني ي.. ولدييييي امامااا ولدييييي..

الدريسية..." حلات البلاكااار كلها تترجف جبدات منو عبااية و لبسااتها لها ". عاونيني.. عاونيني خلااص...

مهرة... "كلهاا تترجف.. غير نااضت وقفات حسات بووووجع قطططع لها مصاارنها رجعات طااحت شاادة كرشهاا"... ااااااه.. كرشيييي مييمتيي تنتقطططع.. ااااممم... وللللديي عتقووو ليااا ولديييي

الدريسية.. الله يااربي ااش هااد المكتوووب... ادريييييس.. ادريييييس عتق بنتك...

مهرة..." شاادة فكرشها تتوجججع و تبكييي "... اااااااااه اميمتي ولدي مشاااا...

ادريس...."دخل عليهم تيجري مخلوع".. ياك لبااس.. ااش كااين ااش وااقع.. مالها... "تحنا عليها هزها"... واش طاحت ولا شنو؟

الدريسية.. "تابعاه تتجري".. مانعرف دخلت عليها لقيتها طايحة غارقة فدماياتها سربي.. زيدي نديوها لليجيغجونص..

ادريس.. جيبي سوارت فوق تلفازة..

مشات تتجري جابت السوارت و تاكونطاكت ديال السياارة مشاو مباشرة للسياارة هازها و تينهج.. خشاتها فالمقعد اللوراني سد عليها الباااب و هي شاادة كرشها و تتنيييين و تبكي

الدريسية... "ضارت جلسات حداها معنقها".. مزالة موجعة ابنتي؟

مهرة... "تتزير على كرشها...".. ... ولدي مامالو والو؟ .. ولدي ماماالو والو اماما... "موسعة عيييها باينين معالم الصدمة على وجهها.. لانها مدارت حتى مجهووووود لي يخلي هادشي يوقع"... ولدي عاايش.. هادشي نووغماال و طبيبة غاتقوول لي فحال مرة لي فاتت.. عاادي تيوقع... "بلعات غصة فحلقها.. تتحااول تقنع رايها انه كوولشي هو هذااك و تعطي طاقة ايجابية لنفسهاا لانه خساارة هاد الورد للمرة ثانية غاتدمرها... ".... ولدي غايعييش..

الدريسية... "تطبطب عليها".. انشاء الله يكوون خيير.. الله يا ربي اش هاد المكتووب..

مهرة.. "زيرات على يد دريسية ".. ماتخافيش ماماالو والو..

.. بعد مسافة الطريق للكلينيك لي كان قريب لهم.. وقفو السياارة جابو لها مباشرة كرسي متحرك حطووها عليه و دخلووها للمستعجبلات لأن حالتها و هي تتوجع و كلها عرووقات مكانتش تتبشر بالخير... بالرغم من ان الوجع كان بدا ينقص لها على الاول الا ان الخوف تمكن منها.. كااع السينااريو ديال الحمل الاول دااز بين عينيييها.. جات الطبيبة مبااشرة تتكشف عليها..

الطبيبة.. شنو المشكل امدام... "شيرات الفرملية تجي تعاونها تقاد فالبياص"

مهرة... "مسحات دموعها و تكات على البياص"... جاني نزيف ادكتوورة.. و هادشي ماشي نوغمال.. حتى الوجع لي حسيت بييه قبيلة قسملي ضهري و كرشي تنحس مصارن تيتقطعو.. "بالخوف شدات لها يديها".. ولدي ايضيع مني تاني.. دكتوورة مرة لي فاتت قلتي لي كولشي مزيان و الوجع عادي يجيني مرة مرة..

الطبيبة.." طبطبت على يدها".. ماتخافيش.. انشاء الله يكون خير.

دارت لها الجيل على بطنها و بدات تدوز بالالة ديالا الاكوگغافي. تتكشف عليهاا و مركزة فالتلفازة خلات مهرة تاالفة وااش تركز مع ملامح الطبيبة ولا مع التلفاازة... ماقااابلاش تفكر انه شي حااجة خايبة ممكن توقع للبيبي ديالها....

مهرة... "تتحقق فالتلفازة بان لها و هي تقفز لمعو عينيها بفرحة".. هاااااهو... هء.. هاهووو.. "شافت فالطبيبة لي كانو ملامحها ممحييين..".. علاش متيتحركش ؟ "رمشات عينيها بسرعة طاحت منهم دمعة".. المرة لي فاتت كانت تيتحرك بزاف! فحال شي فراشة... "مسحات عينيها".. علاش متيتحركش واش ناعس؟ تقدري تسمعيني دقات القلب ديالو عافاك؟

الطبيبة..." تنهدت بأسف و شافت فيها " لا كخواصونص ديال البيبي توقفات... "حطات لها كلينيكس على بطنها تمسحو".. الوغ.. الگغوسيس أغيطي.. ربي يعوض عليك...

يتبع...

‎