لا تجبرني على حبك الجزء 31

وقفات سيارتها امام باب الموبل فين عايشين واليديها.. بمجرد ما كملات خدمتها جات عندهم مباشرة.. .. توجهات للدار معارفاهمش اش غايقولو خصووصا الام ديالها.. وقفات فالباب بعد ما دقت الجرس تخبات وراء الحيط مبينة غير نص وجهها العلوي تتسنى الباب يتحل.. نفس الحركة كانت تديرها ملي كانت تسرق شي حاجة و تغضب منها الام ديالها.. غير تفتح الباب شافت فيها الدريسية و تنهدات.. وقفات شوية و دورات وجهها للجهة الثانية... زيرات على مقبض الباب بيدها تتسناها اش غاتقول لكن عارفاها و متعودة على هاد قصوحية الراس من صغرها حتى لو كانت غالطة تتسنا لي يجي يصالحها...

اخذت نفس و شافت فيها من جديد كانت تدير فيها عوينات القطة و تستعطفها.. ابتسمت بلا هواها و مدت لها يديها..

الدريسية.. اجي امصيبة حياتي اجي!

تقدمات عندها مبتسمة بدورها لكن دموع متكونين في عينيها ما غايلاحضهم غير لي حقق فيها مزيان و هادشي ميخفاش على دريسية.. ارتمت فحضنها و هي تتبلع ريقها بصوت مسموع لاش ماتبكيش.. دفنات وجهها فعنق الدريسية لي كانت سدات الباب...

مهرة... سمحي ليا ماما بزاف على ديك الهضرة.. ماتديوش عليا راك عارفة حالتي كي دايرة هاد الايام..! "تنهدت بقوة" ماعارفاش اشنو تنقول..

الدريسية... "بعداتها عليها شوية و حطت وجهها بين يديها" انا و باك خايفين عليك ماشي باغين نتحكمو فحياتك.. راك كبرتي و عارفة اش كديري..

مهرة... "حركات راسها و دمعة نزلات من عينها بلا هواها".. عارفة و الله حتى عارفة...

الدريسية.. "تنهدات و مدت يدها مسحات لها دموعها.. ابتسمت لها و نطقات بصوت حنين" ماعليش ابنتي.. كولشي غايرجع كيف كان و يبقى هادشي غير تعاويد!

مهرة... " بنفي نزلو دموعها اكثر" حتى حاجة ماترجع فحال الأول..." حطاات يديها على صدرها" كولشي تهرس الدااخل..!

الدريسية.. "كتمسح لها دموع ". قولي اعوذ بالله من الشيطان الرجيم.. ربي كبير.. هذا غير امتحان و خصك دوزيه.. مزاااال غاتعيشي المشاكل كثر و كثر فحياتك ابنتي.. و هذا هو زواج...

مهرة.. "حركت راسها و دخلات للصالون فتحات الفيست ديالها و رماتها بقات بضوني و تكات على سداري".. زواج القهرة! تيشك فيا؟ مو ماباغيانيش.. تريكتو مكنعرف عليهم والو! اشمن زواج..! اش كيعيبني انا ملي معاجباهمش..!

الدريسية... "جلسات جنبها" كلها و العقل ديالو.. راه بنادم ابنتي ماشي كيف كيف..!

مهرة... اوا مالي عليها..!" ناضت جلسات".. مشكلة مبغاش يطلق!

.الدريسية.. "صغرات عينيها" و نتي باغية طلاق؟

مهرة... شافت فيها و سكتات.. رمشات عينيها كأنها تتعاود تسول رايها واش فعلا باغية طلاق!".. بابا مكاينش ؟

الدريسية..." ابتسمت عارفاها تتغير الموضوع".. راه فالقهوة كاين شي ماتش..

مهرة... " حركات راسها و شافت فالدريسية "... مشهية كفتة بمطيشة..

الدريسية...هي اللولة.. نديرها لبنتي كولشي كاين.. غاتباتي هنا اليوم؟

مهرة.." حركات رايها بنفي".. لا منقدرش.. رجعت لخدمة.. خصني نفيق بكري مجبتش حوايج..

الدريسية.. مزياان تلهي وقتك بعدا..! نوض نصاوب لك كفيتة تاكلي قبل ماتمشي..

توجهت للمطبخ مخلياها جالسة فالصالون تتفرج و سؤالها مزال تيدور فراسها.. واش فعلا باغية طلاق من قلبها. ولا غير لسانها لي كينطق بيه! ؟

"دائما أردد على نفسي أنني سأتخطى..

سأتخطاك وأعبرك كطريقٍ تمشيت به مرة صدفة ولن أعود اليه مجددا.. دائما أرددها.. وأتبعثر وأعود..

كم أشفق على نفسي وعلى ذاك الحنين!!

ألعنه.. فلم الاشتياق لأحد لم ولن يعد جزءا مني؟..."

فالوقت لي كانت هي فدارهم كان صدام وصل لوجدة... شد الطريق من العشرة ديال الصباح بدون توقف او استراحة... حرث الطريق السيار.. مكانش عاقل على راسه.. معارفش اش واقع لامه.. اللي عارف انها دخلات للمستشفى علاش و كيفاش حتى حاجة ماعلى بالو... مشا راسو مرفوووع و وصل ماعاقلش... وقف امام الكلينيك مباشرة نزل تيجري تيسول عليها في الاستقبال .. حتى بان له الاخ ديالو نازل من الدروج مشا عندو فالحين..

صدام... "شدو من دراعه".. وين راهي يما.. ؟ شراه صااري؟

بدر الدين.. تكالما يا صاحبي!

صدام.. "تيضرب فراسه بكف يديه مجنن صااعر حاس براسه غايتفجر"... يااادين الرب گووول وااش رااه صااري طيرتيني معاقلش على روحي و تگولي تكالما!

بدر الدين.. "ضرب له على كتفه"... دارت اوبيراصيون على المرارة.. دركي راهي مليحة و كولشي داز اونفورم..!

صدام... " شاف فيه بصدمة ". كيفاه.. منين جاها هادشي.. كانت عندي مليحة و بيخير مابيهاشاي..

بدر الدين.. "هز كتافه". راك تعرف الواليدة.. ماتحبش تشكي.. كان يوجعها جنبها و المعدة ديما كانت تاكل لها ميديكامون. معلى بالناش راهي المرارة...

صدام.."حرك راسه بعصبية".. ماعلى بااالكمش.. واش راكم ديرو يادين الررررب.. اااا الرب العاالي وين راهم بناتها!

بدر الدين.. "جرو من دراعه".. كاالما اصااحبي.. خواتاتك راهم طايحين بالبكا ماتزيدش عليهم..!

صدام... "مسح على شعره بيديه و دوز على لحيتو تيشوف مباشرة فالغرفة ديال فطومة"... راهي فايقة؟

بدر الدين.. لا ناعسة..

شاف فيه و تنهد بكبث متوجه للغرفة حاس براسو ضايع وحدة لي بقات له من بعد الاب دياله هي امه مقدرش يفكر انه يقدر يخسرها بهاد السهولة.. دخل مباشرة كانو بناتها كل وحدة جالسة فكانابي غير شافوه ناضو وقفو و جراو عندو معنقينو حتى هو كان بمتابة الاب.. زير عليهم محتضنهم لانه عارف باش كيحسو حاليا..

صدام... صايي بلا بكا..! راهي مليحة..! غدوة تفيق مابيهاشاي

هكذا رباتهم فطومة كاع دايرين عليها اكيد يموتو على امهم تقول غير اح يطيرو بيها.. في نظرهم نعم الام صبرات و كبراتهم بعد موت الاب.. كانت صارمة فتربية البنات و معولة على الدراري كيف جميع الامهات..... دفع كرسي جنب راسها و ريح حداها مربع يديه حاس بصداع رهيييييييييب فراسو كانها مطارق تضرب فيه...

مدة و هوما جالسين معاها حتى جا طبيب و خرج صدام لعندو.. وقف امامه مربع يديه و تيسمع ليه و انضم لهم حتى بدر الدين..

الطبيب... اهم حاجة لازمها تشرب الميديكامون لي كتبت لها بشكل منتضم.. المسكنات لي غانعطيها يساعدوها تقاوم الالم.. بلوس الراحة التاااامة.. لازمها شهر نتاع الراحة.. ممنوع تهز التقل.. و من الاحسن ماتوگفش بزاف على الاقل لمدة شهر.

صدام.. "حرك راسه و نطق".. واه كلشي يتنفذ..

الطبيب.. حاجة اخرى دركي بعد العملية من الاحسن مادوش تا تفوت اربع ايام.. كي يتلم الجرح تدوش مي متكثرش الماء..

صدام.. داكور.. كاين شي ريجيم تبعه ؟

الطبيب... واه ضروري عندها شي حوايج ملازمهاش تاكلهم.. غانوصف لها كاع واش لازمها تدير..! انشاء الله..

صدام... " بتفهم".. داكوغ.. يحفضك دكتور..

الطبيب.. الله يجيب الشفاء..

صدام +بدر الدين.. امين...

خرج الطبيب و نزل صدام و بدر الدين للكافيتيريا خذاو قهوة و خرجو لبرا الكلينيك..

بدر الدين.... خلعتنا يا دين الرب.. شدها وجعد فشكاال اصاحبي..!

صدام... "تيشعل سجارة.." الواليدة مسكينة ماديالهاش !

بدر الدين.. وايه.. سير لدار..! بدل و دوش.. رتاح ليك و اجي صباح.. راك كنتي صايگ

.

صدام.. "حرك راسه" ماعليش.. العيا ولفناه..!

بدر الدين... كي راهي مدامتك مليحة؟

صدام... " شاف فيه عاقد حواجبه".. راني عارف الحنانة فمها ميسكتش.. وجدة و بركان و ماجاورهما عرفو ليسطوار ديالي مع مهرة..! ضحك عليا؟

بدر الدين... ". ضحك بشوية" هههه راك عارف الواليدة..!

صدام.... عارف عارف...

بدر.. "مد له السوارت ديال الدار".. سير رتاح اصاحبي..!

تنهد صدام محتاج فعلا راحة بعد عشر سوايع ديال الطريق فالتعب كان شادو من ضهر... و بما ان فطومة ماغاتفيقش دابا من الاحسن يمشي يرتاح على ما يجي الصباح.. خذا مفاتيح المنزل و خرج متوجه مباشرة للبيت ديالهم.. نزل تيحرك فعنقه و يمسدو بيديه.. كان غايحط المفتاح فالباب حتى سمع اسمه بصوت حنين رقيييق..

عفاف.. صداام.. ؟

صدام... " شاف فيها طلع و نزل.." واه ؟

عفاف.. "منزلة راسها بخجل تتكلم بشوية... صوتها بالكاد مسموع" سمح لي.. ديرونجيتك دماغي تشغل مع خالتي فطومة كيف راهي..

صدام... "قرب لها" ماعليش..! راهي مليحة غير رتاحي..

عفاف.. " طلعات فيه راسها حنيكاتها حمريين " الحمد لله.. ربي يزيد فراحتها.. مسكينة راهي كيف ماما..

صدام..." مصغر عينيه مزال ممتأكدش اصلا شكون هي".. عفاف ياك ؟

عفاف...."وسعات ابتسامتها و نزلات راسها" اه..!

صدام... دخلي داركم ليل هذا... الحنانة حالتها مزيانه..! غير رتاحي

عفاف..." زادت ابتسمت" تعشيتي؟ ستناني نجيب لك العشاء..!

صدام... "حرك راسه" فالحقيقة منگول لا..! راني نموت بالجوع..!

عفاف... "قلبها ضرب بعنف".. دقيقة و نولي!

دخلات تتجري ماقاداها فرحة قلبها يرقص على انغام وجع صدام لي حمقها و من ديما كيحمقها.. حطات له العشا و العصير فبلاطو و تمات جاية بشوية الضحكة على شفايفها لقاتو عاطي الباب بالضهر و مسند على پوطو ديال ضوء.. قربات له مدات البلاطو..

. صدام.. يحفضاااك..!

عفاف... "بابتسامة و نظرة حنونة" اميين...! بصحة وراحة..! ربي ينفعك

جالسة فوق السرير مربعة يديها تتشوف فيه غادي جاي كيلبس و يدندن من اغاني الراب لي كيعجبوه.. لبس سورفيت فالاسود بشورط و تقاشر بيضين ناصعيين مع صندالة اديداس فالاسود.. خدا صاك ديالو ديال الرياضة و حط فيه صبادري و تبديلة اخرى... صاوب شعره امام المراية و رش بارفانه.. هادشي كلو و هي مقابلاه عين فالتلفازة و عين عندو حتى كمل و تم جاي قاصدها..

الغازي.. الزين.. "تحنا باس لها جبينها".. خاصة شي حاجة من برا؟

سجى.. "حركات راسها بنفي و طولت فيه الشوفة".. فين غادي.. ؟

الغازي.. " علا حواجبه"..مباينش عليا ؟

سجى.. " ناضت وقفات فوق السرير و حطت يديها على خصرها".. نبدل السؤال.! علاش غادي تمشي تريني على برا و عندك كلشي فدار؟

الغازي.." طلع فيها راسو و علا حواجبه" كضحكي؟

سجى..." حركات راسها بنفي " كندوي بصح..!

الغازي.. "هز صاكه تم غادي".. دوري تق**ودي..

سجى.. "نقزات وقفات امامه ".. ديني معاك..!

الغازي..." بنفاذ صبر" غنضرب حياة شعب مك نلصقك مع داك الحيط! حيدي من قدامي حسن لك..!

سجى..." هزات كتافها". عافاااك ديني معاك عافاك شحال ماترينيت..!

الغازي... "دوز يده على وجهه ".. ماغاتخويش طريق؟ راك مامشاركاش فلاصال غير حيدي من گدامي..!

سجى... "عقدات حواجبها" ياك ديال صاحبك. ؟

الغازي... "رمى داك صاك و مشا جلس فوق النموسية". سيري بدلي شراوطك هاني كنتسنا.. تلبسي شورط نگرض لمك رجلين..

سجى.. " نقزات طايرة" .. سرواال سرواال..

مشات بالخف جبدات سورفيت فالاسود و لبسات معاها صبادري.. جمعات شعرها بالخف على شكل ذيل حصان و خرجات عندو لقاتو مزال فمكانه تيهز فرجليه... طلع و نزل فيها دوز لها سكانير عاد ناض وقف تعلقات فدراعو و نزلو ناشطة فرحانة حاسة بالانتصار كي سمع منها و داها معاه..

......

مسافة الطريق كانو وصلو لصالة الرياضة لي كانت جاية وسط المدينة.. وقف السيارة امام الباب فالباركينغ و نزل تبعاتو تا هي نزلات هازة صاكها.. جرها من دراعها لصقها عليه و رمى يده على كتفها.. غاديين جهة الباب كتبان صغيورة امام ضخامة جسده..

وقفو امام صديقه صاحب الصالة..

الغازي..افين اعشيري..! هو هذاك..

_.... "تسالمو سلام رجولي بقبضة اليد"... افين اسااط غبرووك علينا..! صافي دخلتي للقفص!

الغازي... "ميل شفته للجنب و نطق".. اوا اش غادير.. تشدينا صافي.. "حس سجى نغزاته فكرشو بغمرة يدها".. ههههه

_.... هههههه بقينا غا حنا كلكم زعمتو درتوها....

الغازي.. زعم تاكل لحم...

__....." ضحك و شاف فسجى".. شكون هاد درية ختك صغيرة؟

الغازي... "عقد حواجبه و زير عليها نطق بصوت تخيين و نبرة منزعجة".. المداام..

__.. "دوز يده على راسه باحراج ".. سماحلنا مكنتش عارف... " رجع شاف فسجى". مبروك اختي..!

سجى.. " بابتسامة وااسعة" الله يباارك فييك شكرا...!

__.... "ابتسم لهم و دور وجهه للغازي" اشنو شي كومبا؟

الغازي..." ضحك حتى بانو اسنانه" نتا نعطيك غير لمدام تغلبك....!

__..." ضرب له على كتفه ". هااني سبقتك للرينغ.. نشوفو شكون غايضحك..!

الغازي.. '' شير لسجى " سيري تريني نتي.. نتكومبا مع هاد خونا و هاني معاك..! عيني عليك..!

سجى.. " ابتسمت له".. اووكي كبيدة

الغازي... "جرها عندو قبل اسفل عنقها".. زعمتي الخوينزة فين تتكون هاد الهضرة فالدار.. ؟

سجى..." تسلتات منه".. سير سير ضحك علينا ناس

عنكش لها شعرها و توجه للفيستيير يبدل ملابسه فحين سجى توجهت لمكان الآلات.. مكانوش ناس كثار في المكان لكن مجموعة من الشباب كانو مقابلين مع سجى لي كانت بدلات و خلات غير ضوني قصير لاسق عليها و كولون مزير اديداس ماحسات حتى وقف عليها واحد من الشباب.. جسمه اصغر من الغازي بشوية عضلاته بارزة بقوة لونتريمون..

هو.... مادموزيل...! راك كتريني غلط..!

سجى.. "شافت فيه و حيدات الايربود من اذنها و علات حواجبها" نعام؟

هو... "ابتسم لها و مد يده يسلم عليها" كوتش حسن.

سجى... "سلمات عليه مبتسمة".. اه متشرفين.!.

هو.. "دار من وراها حط يده على ضهرها قادو لها و اليد الاخرى سرحات لها رجلها".. هكذا غاترتاحي اكثر فلونتريمون... الى حنيتي ضهرك دغيا تعياي.!

سجى..." توثرات و بعدات عليها"... اححمم اصلا ساليت من هنا...!

هو... "كي وقفات طلع و نزل فيها و قرب عندها.." نمشي معاك فين ما بغيتي..!

سجى...." علات حواجبها".. لا شكرا متعذبش راسك...

هو.... عذابك رااحة...!

مجا فيت يكمل كلامه حتى نزلات عليه دقة للراس كان غافل على الغازي لي كان شااعل و تفرج على اللقطة كاملة كيف دازت... ماحسش براسو ايمتا حيد الليگات رماهم على اللي معاه و نقز من الرينغ وصل عندهم فثاانية.. جرو من قفاه و دخل فيه براس حتى طااح راجع للوراء...

الغازي.... العذاب هو لي غاتشووف معايا اولد دين الكل°° ب...

مجا فين ينووض حتى دفعو برجليه لكرشو خلاه يشهق... و نزل عندو جرو من الكول ديال التيشرت لي لابس وقفو مجا فين يدافع على راسه دخل فيه بدماغ.. المرة الاولى و ثاانية ماتفك منوو حتى فرقووه عليه و مزاال تيتجبد له..

الغازي.. ولد القح******بة... الشم**° تة... يتبسل على مراااتي ولد دين الكل°° ب على قلة البنااات.. بانت ليك فالبلاان اولد الق**** الله ينعل باااات حياااة شعب مك الموووسخ دالخلا....

___..... نعل الشيطان اصاااحبي معرفهااش واش مراتك الله يحفضك....

سجى... . "جات تجري عندو شدات له فدراعه".. الغازي.. ويلي اش كدير...!

الغازي.... قو***د علياا نتا.... "دفع له يديه و جر سجى من يديها دافعها لجهة الفيستيير..." تعراااي عليااا لديييلمك اااش گلت انا.. هضرتي مكتسمممعش القلا****ي... هااااااا...

اغلق الباب خلاها تترجف امامه.. عينيها عمرو بالدموووع و وجهها حماار بالشووهة لي دار لها الداخل... حطات يديها على حنيكاتها تتشوف فيه لي جات قدامه كيخبطها حتى الباب سدو موراهم... مسح على شعره بيديه و قرب لها وقف امامها و ضرب بقبضة يده البلاكار لي وراها حتى تسمع صوته و قفزات هي راجعة للوراء...

الغازي... " عض على شفته".. اش هاد القلا****وي لابسة ؟

سجى.... "بلعات ريقها و شافت فيه تترمش بسرعة و شفايفها تلقائيا تينزلو لتحت". انن.. انا.. لباااس ديال الاونتريمون هذا..!

الغازي.... "قرب لها دوز يده على بطنها و قرصها بالجهد حتى غوتااات" هذا لباس تقح***بين..! اش گلت أنا قبل ماتعتبي الباب؟ گلت لباس مستوور؟ معرية ليا الكرش.. مخلية الزلالة ولاد دين الكل°° ب يتزللو عليك؟

سجى.." شدات فيده لي قارصاها فكرشها بدات تدمع".. اااااي.. الغازي بليزز و الله مادرت شي حاجة.. هو لي جا تيهضر معايا..!

الغازي... "شحطها لفخضها" تخليه يقيسك؟

سجى... "شهقات بعنف و دفعاتو". هء.. مخليتووووش هء.. ديني لداااارنا بغييت نمشي عند ماما ههء..

الغازي..." جمع لها شعرها بين يديه ".. الوجه ديال ولد الق***حبة راك كتعرفيه مزيااااان.. جمعي معايا كر**ك.. ولا بالرب العالي لي فوووق منك و فووق مني نشتتك مانخلي فيك ميتجمع..!

سجى... ضرباتو لصدره و بدات تبكي و تشهق... " بعد مني.. هء.. حگاااار.. عمرك تبدل...

الغازي... " ضرب قبضة يده بالبلاكار"... واااااش كنبااان لك ز****م° ل.. نشوووف ولااااد القح****ب كيتلوطو على مراااتي و نسكت.. ؟

سجى.." خرجات عينيها تتغوووت و تجذب". وااا مدرت وااااااالو مدرت واااااالو.. بعد منييييي زمااااار.. بعد...

الغازي... قو***ي لبسي... "شافها مزال واقفة... ضرب يدو تا قفزات" يالللااااااااه....

فالحين مشات تتبدل حوايجها لبسات السورفيت و طلقات شعرها يغطي وجهها المنفووخ بالبكا و العصااب... زيرات الصبادري ديالها و وقفات شافت فيه.. عقد فيها حواجبه و جرها ماداها فحد حتى صاحبو لي كان تيدوي معاه عطاه مشي.. خلاه و زاد خلفة مع طريق... رماها فالسياارة و ركب معصب عينيه تيطلقو النااار و الشرار... عاض شفتو غااادي تيسب و يلعن فيديه گاارو لي جا امامه تيخلي دار بوه بالسباان... بدل ما يتوجهو للدار بقى مدة و هو تيدوور فالشواارع بالسياارة باش يبرد.. اما هي ضربات الطم.. ملي دخلات للسيارة و هي جالسة و مكمشة فالكرسي ديالها مانطقات حرف حتى نطق هو..

الغازي... منفخة.. ؟ دايراها گد راسك و منفخة؟ "حط يده على يدها و جرها عندو

سجى.." بغات تنطر يدها من يدو مابغاااش و زيرات على يده ساكتة و متتجاوبوش"..

الغازي.. عاطياني مشي البرهوشة؟... نشري ليك لاگلاص ؟

سجى..." شافت فيه بديك الشوفة ديال وااش من نيتك؟ "... دفعات يده بعنف و غوتات".. بعد مني واش مكتفهمهااااش؟ تبقى هكذا و الله منبقى معاك...!

الغازي.. "علا حواجبه".. زعمتي ؟ فين حدك؟

سجى... "زفرت بغضب و نطقات تتمسح فدمووعها"... ديني لدارنا.. ديني لدارنا نبات تما اليوم...

الغازي... "عقد حواجبه و تكلم بحدة "... دارك هي داري..! فين نبات فين تبااتي.. على صدرييي و بين يدي... "جرها عندو طبع قبلة على شفايفها و دوز عليهم لسانه..." البياات برا دارك مكااينش.. مرة اخرى نشوفك معرية و شي كل°° ب يضور بيك تاكلي العصا...! دابا دويت غير بفمي..! مرة جاية بيدي...

سجى.." هزات سورفيت كانت بلاصة فين قرصها مزالة حمراء و نطقات بصوت مرتجف "... هاهو الدليل..! شي نهار تعووقني تحكم فرااسك شوية... عيت من هادشي ديالك!

الغازي... "نزل يدو تيتلمس بطنها و نطق خلاها تنهد و تحرك راسها بقلة حيلة.. "... حالها سااهل زوج بوسات تبرا..!

بعد مدة اسبوع... كانت فطوومة خرجات من المستشفى و استقرت فدارها حالتها بدأت تتحسن للافضل .. كانو ولادها و بناتها كاع دايرين بيها الكل كيخدمها برمووش عينيه.. الحاجة قبل ماتطلبها كاتكون عندها خصوصا صدام لي كان مشرف على اي حاجة تتخصها..! يمكن هذا علاش كانت باغية تجيبو لحدها و تجمعو مع خوتو.. لانه فعلا اكثر واحد تيموت على عائلتو تقيسو فعينيه و ماتقيسوش فيهم.. خصوصا مع المرض ديال الاخ ديالو لي خلاه يديها غير في صحته... كانت باغياه يجي تعول عليه فكلشي و تخليه بجنبها.. غافلة على ان الاولاد متنولدوهمش فقط باش يجلسو معانا طول حياتهم و صدام من زماان ختار طريقو بعيد على وجدة و بنا مستقبله طوبة طوبة بعد ما كان ميكانيكي عاادي اصبح من اشهر من كيبيع السيارات في المدينة لي ساكن فيها... مينكرش ان وجدة عندها مكانة خاصة في قلبه لكن بحكم المكان لي بنا فيه مستقبله هو اكادير مكانش يقدر يعيش في مكان اخر بديك الراحة..

وقف امام الباب ديال الدار كيكمي و في يده كاس ديال القهوة حارة بدون سكر منغم بيها فوسط تفكيره بمهرة لي شاغلة بالو معارفهاش اش كدير و مع من جالسة.. حتى وقفات عليه عفاف ابتسامة عريضة على وجهها.. هازة فيدها طبيسيل ديال الكعك و كاس اتاي..

عفاف... بنتي لي مريح وحدك گلت نجيب لك أتاي...!

صدام... "خزر فيها قطعات عليه الخلوة مع راسو... تنحنح و دور وجهو.."... مراكش تشوفي فيا. نكمي ؟

عفاف... "طلعات فيه عينيها".. غير صاوبت الكعك حبيتك تدوق منه..!

صدام... منحبش الحلاوة...! ماشي مليح فينما نبان لك تجي توگفي معايا..! الجيران گاع يشوفوك عيب..! ولا لا؟ ماشي مليحة لك توگفي مع راجل مزوج؟

عفاف.. " عضات على شفتها باحراج و نزلات راسها ". غيير.. غيير... مادرتش فيها شي حاجة..!

صدام.. اوسي مدرتش فيها شي حاجة.. مي نتي كيفك كيف حياة اختي منحبش لغا الناس يقيسك..!

عفاف.. "بلعات ريقها ودنيها حماارو معجبهاش الحال".. واخة انا نمشي سمحلي على ديرونجمون.. !

اكتفى انه يحرك لها راسو باه وصلها الفكرة بطريقته الخاصة... يعني كندوي معاك فقط لانني حاسبك فحال اختي ماتطمعيش اكثر.. دارت و توجهت لدارهم قربات تبكي بالفقصة اما هو بمجرد ما كمل قهوته و الگارو ديالو... جبد تيليفونو من جيبو و دور لمهرة مبااشرة...

صدام.. وي... كي راك... رجعتي لدار باك؟

مهرة.... "رفعات صوتها".. كووون عرفتك نتا و الله مانجاااوبك.. بدلتي نمرة ؟

صدام... وااه.. على جالك.. مرااكش تجااوبي.. معفرة و مطلعة مناخرك للسما مانعرف علاه؟

مهرة... "كانت مشغولة مع الخدمة". اش بغيتي ؟

صدام.. وليتي لداار باك ولا مزال؟

مهرة... "اخذت نفس و نطقات".. صدام... مارجعتش.. و ماغانرجعش.. و نتاا عارف مزيان فاش تنحط شي حاجة فراسي.. و دابا راني فالخدمة..! مامسالياش لك..!

صدام... "زير على اسنانه.. كان عارفها خدمات مع رحيم..".. مع من تشاورتي..! هاد السووجي ماشي وقتو دركي.. كي نولي نتفاهمو مزيااان.. ! راك عايشة طا ڤي كووم تي فو.. مادايرة حساب لحد..

مهرة.. بصحتي..! مبقاش عندك الحق تحاسب معايا..! الى بغيتي نهضرو مرحبا.. ولكن حااجة وحدة لي نقبل ندوي معاك فيها هي طلاق اما حاجة اخرى.. تقدر تدوي فيها مع الحيط يسمعك اكثر مني..!

صدام..راك سيريوز ؟ حابة طلگي..!

مهرة.. "فاجأها بالسؤال.. كان كيرفض بدون ما يسول.. كمشات الاوراق بيديها" اه.. و اكثر من اي وقت..!

صدام.. "همس بعنف" داكوور...

قطع عليها خلاها موسعة عينيها مصدومة تتشوف فالتيليفون قدامها.... بلعات ريقها حاسة بالنفس قربات تقطع. حسات بالوقت وقفات و كأن الدنيا دارت بيها... ارتبكت و دفعات تيليفون بيديها.. تنهدات بعنف و شدات فالحديدات يدال الكرسي زيرات عليهم بأضافرها حتى حسات بوجع فأصابعها... قضمت شفتها السفلية زيرات عليها بأسنانها تتحاول تمنع شهقتها تفلت منها.. تخطف لونها.. ناضت وقفات على رجليها تتسرع للحمام كي دخلات سدات الباب و تسندات عليه عينيها مزالة موسعاهم... من ديما كطلب الفراق.. كلمة كتنطقها بدون ماتوعى على وزنها لا على قلبو و لى على شخصيتو كرجل... متعودة تنطقها مكانتش واخدة الامور بهاد الجدية من ديما كان تيرفض و الآن اشنو لي تبدل.. اشنو لي خلاه يوافق بسهولة في مكالمة هاتفية.... تحركات لجهة المراية تسندات على الحوض.. تتشوف وجهها فالمراية لونه تخطف... عينيها ولاو كيف جمرة زااندة.... رمشاتهم حتى نزلو دمووعها و خرجات شهقة عنيييفة من بين شفايفها عياات تكبثها و تحبسها داخل قلبها...

مهرة.... "رمشلت عينيها عدة مرات".. صدااام... صاااافي ؟ صااااااافي؟

الغضب... الغضب هو كل ما يشعر به صدام في هذه اللحظة... الغضب الشديد.. ماعرف اش خصو يدير.. واش يلومها هي ولا يلوم راسو... واش يصب جام غضبه عليها و لا على نفسه.. فوق ماهي غالطة فحقه ماشي مرة ماشي زوج.. تطلب الطلاق بدل ما طلب سماحة..!

مسح لحيته بيده و يده الثانية على الفولون .. مرة يدوز على شعره ومرة يضرب يده بالباب ديال السيارة من برا حتى وقف فمكانه تيشوف فنقطة معينة... اذا كان الطلاق هو الحل في نظرها.. والخطأ كله خطأه... فأكيد غايصلحو... و يحط خط النهاية لذلك الخطأ.. اذا كانت هي لي شعلات النار في قلبه فهو لي غايخمدها لكن بيها...

هكذا كان كيفكر.. يمكن لحظة غضب تمكنت منه... و يمكن هذا هو القرار.. اي انسان فينا كيعيا.. كيجي نهار يحط السلاح و يرفع راية الاستسلام...

خذا نفس عميييق و رجع ديمارا بعد ما دار شوارع وجدة كيقلب على الرااحة... رجع للدار مباشرةطلع لغرفة فطومة يطمأن عليها.... كانت فايقة تتفرج فالتلفازة و حياة اخته بجنبها فوق الكانابي..

صدام.... "قرب لها قبل راسها" الحنانة..! صافا ؟

فطومة.. " بابتسامة عريضة". الحمد لله اوليدي.. "طولات فيه الشوفة..." مالك اش عندك وجهك صفر؟

صدام... " حرك راسو و نطق بصوت عياان"... ماماليش غير العيا!.

فطومة... "تنهدات"... مراكش باغي تسمع كلامي و دير لي يريحك و يريحني..!

حياة..." عرفات غاينوض صداع ناضت وقفات"... نمشي نعس عيت..!

صدام... شير لها بآه و ضار عند فطومة "... الوليدة ريحي روحك..!

فطومة... "شدات له فيده" ديرلي خااطري... راااني مريييضة راااني مريييضة اولدي

صدام... "حس براسو تقج فهاد اللحظة.. زير على اسنانه و زفر نفس سخووونه من مناخرو و شاد لها الخاطر بالسيف ".. الحنانة.... ماتزيديش تفكري..!

فطومة... نعست فالكلينيك بسبتها... طردگت ليا المرارة بنت الحرام... طبطبت على يده "دارت لك المشااكل اكبيدتي... دير ليا الخااطر مراااهيش مرا ديال دااار... جيت من عندك لوجدة مرفووعة و همي فتخمامي فيك.. الله يااا بني رااني مرا كبيرة مرانيش ديال تبهديل و الخووف عليك..

صدام.... "دوز يده على وجهه".. ياا الرب العالي.. الواليدة رتااحي اوبليي هاد صواالح ماتخمّيش فيهم..

فطومة... "ضربات على فخاضها" شراااك تگوول. ؟ كيفااه ندير نرتااح و ديك اللفعة العگرب الساامة تسحر لك... لا هي من مقامنا ولا من سهمنا.. جايب ليا وحدة منعرف فين طينتها و مخلي بناات العائلة لي نعرفووهم منا و فينا بنااات الاصل ميعرفووش ديك طرييگ ! ؟ خرجت عليك بنت الحرام..! تبعاتك حتى ديتيها! تبعاتك حتى مابقيتيش تشووف غيرها!

صدام... "وقف باندفاع مقادررش يزيد يسمع ديك الهضرة.. دوز يده على شعره بزز متحكم فراسه و لسانه"... هاد الهضرة مامنهااش... مراانيش صغيير نعرف مليييح شرااني ندير..! راك عارفاني منحبش لي يدخل فصوالحي..!

فطومة... "بصراخ".. نتدخل و نفووووت... لي نشوووف ولدي غااارق نتدخل.." وقفات و توجهات عندو شدات له فدراعه دوراتو لعندها"... مراانيش لاگيااك فالزنقة.. ولديييييي رااك تفهم مانصبرش كي نشووف وحدة تدير فيك وااش بغااات و نتا مابااغيش طلگها..! ماابااغيش تزوج علييها!! رااهي عرااتك.. كلاات لك فلوووسك..! خرجت علييك و نتا على باالك ماتحبكش.. ،

صدام كان فحال اي واحد تتحطي له الملح على الجرح.. كلمة ماتحبكش نزلات عليه كيف الغضب السااطع... غمض عينيه بغضب و عاود حلهم و هي مزااالة غير تتدوي و تتكلم بدوون حسااب و تزييد تزطم له على قلبو بلا مدير له حساب..

صدام.... الحنانة الله يجيب لك الشفا.. الكلام معااك ماغايجيب نتيجة.. هااد السووجي سديه و جامي تعاودي تحليه گداامي...! مرتي نعرف كيفاه نتصرف معاها و اذا شفتها ماتليقش ليا انا بيدي نديها لدار القاضي.. سالينا الهضرة..!

خرج من الغرفة ديالها خلاها كتااكل فراسها.. حسات بالدووخة من كلامه سد عليها الموضوع فخطرة باش متعاودش تجبد معاه حديت الزواج... بلعات غصة فحلقها عمر صدام ماكان تيخصر لها الخاطر حتى تعرف على مهرة و لي عمرها دخلات لها لخاطرها.. اويمكن مبذلاتش ادنى مجهود باش تخليها دخل... و الشيء لي مخليها حاااقدة عليها اكثر هو حبه و تعلقه بيها الوااااضح.

فطومة... مرااانيش فطوومة بنت القاايد اذا مازووجتك اولدي اصداام بلي بغاتها لي خااطري و تشهاتها لي روحي..! ااصبر عليا!

جالسة في غرفتها عينيها منفوخين بكات و بكات حتى حسات بروحها غاتخرج.. عمرها كانت بهاد الضعف.. الحب لي كان المفروض يقوييها.. هو لي طيحها... كل ما تتفكر كلامه.. كل ما تيرن صوته فودنيها تتحس بقلبها تيرجف.. الاشتياق كان المه يفوق الحدود.. و حتى وقع كلامه على قلبها كان كأنه رصاصة اخترقتها...

حاولات تقوي راسها و ماتبكيش ماتنهارش امام الموضفين... حاولات ما امكن ماتلفتش انتباههم.. دازو عليها ساعات العمل كأنهم دهر.. قلبها كان تيتعصر في كل ثانية تتمر... و بمجرد ما دخلات لدارها طلقات العنان لانهياراتها...

حسات بذاتها كاملة فاشلة.. يمكن حتى قلة الاكل لعبات عليها... وقفات متوجهة للمطبخ خذات حاجة خفيفة كلاتها قبل ماتاكل الدواء لي اصبح ملازمها.. عدة فيتامينات و معهم مانغنيزيوم و دواء لوجع الراس... شربات كولشي دقة و توجهت لفراشها.. خذات تيليفونها لقات حبيبة متصلة بيها عدة مرات.. جاوباتها برسالة و حطات تيليفون تتحاول تغمض عينيها و تنعس....

لكن بمجرد ما غمضات عينيها جات لقطة ليها مع صدام بينهم... كأنها رجعت بالزمن للوراء.. تذكرتها بكل ذقة و تفصيل...

🔙🔙

[جذبها لحضنه و زير عليها فحال شي بنية صغيرة تيطبطب عليها.. هي نيت هاد المدة كاملة و هي فحال شي بنية صغيرة.. بسرعة تتغضب و تتبكي بزااف نفسيتها فالحضيض.. بالرغم من انها شافت طبيب على قلة النووم و الارق لي تتحس بيهم لكن مزال نفسيتها تتقرب مرة مرة..... مكاانتش قوية بماا فيه الكفااية بااش تحارب داك الاحساس ديال الضعف لي ولات تتحس بيه.. لان الانسان فاش تيجيه الضغط من كل جاانب تيولي واحد ااخر.. كل نقااط القوة تيوليو ضعف...هشااشة....

مهرة... شكرا حيت رااك معايا و بجنبي..!

صدام.. "زير اكثر".. بلاني ربي بعشقك واش ندير؟ ..

مهرة.. " شافت فيه"... مابقاتش ماماك جبدات معاك موضوع زواج؟

صدام.. ،"عقد حواجبه طلق منها و ناض وقف". علاه رااك تسولي.. ؟

مهرة... " هزات كتافها"... من حقي نسول؟

صدام..راك تنبشي على المشااكل.. ؟

مهرة.... " ناضت وقفات ربعات يديها". دوات معاك تاني ياك.. ؟

صدام.. دوات و غادوي راني نعرف يما بربي ماتراطي..

مهرة... " فركات يديها و تحركو عيونها باهتزاز".. انت باقي عند كلامك.؟

صدام.. " زفر نفس حاارة من مناخرو و نطق". للممات..!

مهرة... " تسللت ابتسامة لشفايفها".. وااخة ميكتبليش ربي نولد؟

صدام.. " دوز يده على جبينه". الاولاد مكتااب.. اذا ربي مامكتبهمش معاك دونك مامكتبهمش ميم عليا.. مصيرنا واحد..!

مهرة... ،،"بلعات غصة في حلقها.. "ماغاضلمش راسك؟

صدام.." علا حواجله و قرب لها".. علاه كي تلقاي روحك هانية تحبي تجبدي لي بروبليم من والو.. ؟]

شهقات و فتحات عينيها.. ناضت جلسات مسحات وجهها بيديها.. متقدرش تتخايلو مع وحدة اخرى.. يعطيها قلبو..! و روحو..! يلمسها كيف كان كيلمسها... و تحط عليه يديها كأنه ملكها هي...!

رجعات رمات رايها فالمخدة و تنهدات بصوت مسمووع

مهرة.... اعوذ بالله من الشيطان الرجيم... استغفر الله العضيم.....!

كيقولو ساعة الغضب تتعمى البصيرة و هادشي لي كيوقع للغازي.. في كل مرة كيشوف شي حد غير لمح طيف سجى كيبغي يخنقو يجيفو يتقب له عينيه و ميشوفش فيها... بعد خرووجه كيف العادة انتهت بشجار قرر يكمل الليلة بجولة ليلية بسيارته حس براسو برد شوية على الاقل مبقاش كيف الاول..كل مشاكلهم تقريبا بسبب غضبه و غيرته اللي ماعندهاش حدود في كل مرة كيخرجو كيرجع مضارب مع شي واحد الله يجعلو غير يشوف فيها... مكيبغيهاش تخاف منو لكن هذا ماعطاه الله.. الاعصاب مكيقدرش يتحكم فيهم مجنوون فحبها و غيرتو عليها قتالة...

وقف السيارة فالجهة المخصصة فالفيلا... و قبل ما تنزل خذا يدها بين يديه جرها عندو مبقات كتفصلهم حتى سانتيم..

الغازي... مقلقة ؟

سجى.. "شاقت فيه منفخة"... اش بان لك؟

الغازي.... "قرب لها طبع قبلة على ارنبة انفها" بان ليا زين... بان ليا الحمام..

سجى... "عقدات حواجبها" غير بعد مني ماغاديرهاش قد راسك و تجي تمحلس عليا...! تصحابني هبيلة ؟

الغازي... ".. ضحك بصوت مسموع و نطق حدا فمها"....وراك هبيلة.. العقل تكسابيه ؟

سجى... "هزات كتافها و ربعات يديها مبعدة عليه".. ملي كل مرة تديرها ليا و نسمح لك راني هبيلة نييت و خصني عقل..!

مسح وجهه بيده و طول فيها الشوفة منفخة و باغياه يحزرها و شحال مكيحمل الحزاارة..

الغازي.. مال مك دابا ؟مطلعيش تاني ماتزيديش فيه..!

سجى.. " ضارت عنده بغضب".. مانزيدش فيه ؟ كل مرة كدير ليا هكذا تغوت عليا تشوهني قدام ناس مالي عليها تحرم عليا نخرج معاك كااع..

الغازي... "تنهد و جر لها يدها قبلها من الداخل..".. عارف راسي خايب..! و معصب غير صبري معايا اصغيورة ديالي...

سجى... "حركات راسها بنفي"... متااكلنيش بهاد الهضرة..! حفضتهاااا...

الغازي... "عصباتو و جابت له الضحك..." شنو دابا نبقى نحزر فيك؟ "فك لها حزام الامان و جرها عندو بالخف حطها فوق رجليه و حاوطها بيديه من خصرها..".. اش بلانك نتي؟

سجى... " تدفع فيه". قلت لك ديني لدارنا مبغيتيش بعد مني..!..

الغازي... "خشى وجهه في عنقها و طبع قبلة حنيينة سخوونة"... دارك هي داري.. ماتمشي غير فين نمشي..! ماتنعسي غير بين يدي الغزالة..!

سجى..." طلعات عينيها شافت فيه.. "... الغازي.. هادشي راه ماشي معقول.. ايه عارفاك كتبغيني و كتغير عليا ولكن حاول ولو مرة تحل الخلافات بالتفاهم.. انا راه عيييت و الله.. وليت تنحشم قدام ناس كل مرة مشوهني فقنت! ديك نهار فالكلوب.. و اليوم فالكافي.. و حشومة اكادير كاملة تجرجرنا فيها..!

الغازي... " تيقبل عضمة الترقوة و يدوز عليها لساانه منشويي معاها"... منعاااودش...

سجى... عضات على شفتها و تآوهت بخفة على اثر عضته للمكان لي كان كيقبل فيه"... غانشووفوو

مشكلتها انها بسرعة تدوب بين يديه.. تتحس براحة تغمرها في كل مرة كيلمسها و يخليها بااغية اكثر و اكثر... رفع يده كيمررها على وجنتها و توقف جانب شفتها السفلى ... دوز عليها سبابته و عينيه عليها مبااشرة.. غمضات عينيها مخلياه يلعب بشفايفها كيف بغا حتى دفع اصبعه للداخل و سدات عليه شفايفها و بحركة ماعرفاتش حتى كيفاش اكتسبتها بدات كتلعق اصبعه و دوز عليه لسانها.... مدة هي على ديك الحالة.. حتى حسات بيه عضها فشحمة اذنها.. غوتات بشوية و طلقات من اصبعه.. خلاتو يبتسم و نزل راسو عندها نططق بصوت حااد..

الغازي.. لاش مخبيا عليا عويناتك طلعي راسك شوفي فيا..!

رمشات عيوونها و طلعات راسها بخجل عاضة على شفتها... اغراه المنظر.... نزل عندها و بدا كيقبلها ببطء.. كيحل شفايفها بزوج كل شفة كيمصها على حدة.. قبل ما ينتقل للاخرى.. و كانت هي اكثر من سعيدة فهاد اللحظة كتبادلو قبلته ملتزمة بالوثيرة لي محددها هو.. و اللي سرعان ما تبدلات و ولات اسرع مع تسلل لسانه لديالها..

رفعت يديها تتمررها على صدره.. تتستشعر صلابة معدته و صدره و هو بدوره يديه كيطوفو على جسمها بالكامل تيطلع لها الكسيوة الصيفية لي لابسة.. سخنها مزيان حتى مابقاتش قدرات تستحمل اكثر... حسات بجسدها كينبض بالكامل و كل خلية فيها كتنبض و كثور...

سجى..." اوووه الغااازي..

انت في فمه بين قبلاته و زادت دفعات له صدرها بتلقائية.. جرها من خصرها و حركها على اسفله باش يدووقها اكثر قدر من التواصل بينها و بين جسده.. بالخف نزع عنها ديك الكسيزة و تبعها حمالات الصدر بقات غير بالكيلوط امامه..

رجع لها اصبعه لفمها بللته كيف الاول.. نزلو بالخف تحت السليب ديالها مباشرة دوزو فوق انوثتها حلاها تقفز من فوق رجليه رجعها حاكمها من خصرها و وجهه في عنقها.. زير عليها بعضة في اسفل عنقها و يديه كيتحركو بكل خفة على انوثتها لي بدات تفرز مائها.. ماحسات بيه غير خشاه فيها.. رجعات راسها للورااء مغمضة عينيها حسات بالضو ضربها فجنابها.. اطلقت صرخة مكتووومة و نطقات باسمه بنبرة معذبة...

سجى.. آآآآآآه الغاااازي... اننن...

الغازي... "عضها تحت ودنها" مال الصغيورة ديالي اش خصها؟

سجى.. انننن... "مجرد ما حرك اصبعه داخلها بدات تتلهت و تتحرك تتزير على يده لي محاوطاها".. اييي....الغازي عافاك..

الغازي... "دوز لسانه على عنقها".. مالك ؟ اش خصك العمر.. ؟

سجى...."نطقات بصوت ضعييييف منغغغم بالسكرة ديال اللحظة" انتااااا..

الغازي... " ضحك و نطق".. انا واجد و هاز العلام...! سنفورة واجدة.. ؟" شافها مجاوباتوش و هو يزير عليها من التحت و سرع حركة يده حتى بدات تتغوووت من النش°° وة.. ".. كنسمع.. ؟

سجى... "كتحرك راسها بجهاالة".. اااااه اااه..

نوضها من فوق منه بالخف نزل لها السليب.. تعلى حتى هو شوية و نزل السروال و البوكسر ديالو فدقة حتا لرجليه... هزها من خصرها و قلبها جات تحت منه... مد يده نزل الكوسان و اعتلاها.. نزل على شفايفها و يديه تيتساراو على صدرها.. انينها و تاااوهااتها... صراخها باسمه و صوتها الرقييييق لي كيخلي جنونو يركبووه.. هادشي كلو جهلو و وصلو لقمة نشو°° ته و رغبته فيها.. نزل من شنايفها كيقبل فكها و يدووز عليه لساانه دايز لعنقها لي كان كله حمر بقوة ما عذبو.. اكمل نزوله حتى وصل لصدرها.... نزل يده فرق لها رجليها ضورهم على خصره و حكمها مزياان تحت منه... وجه عضوه بيده بخفة كيحركو صعوود و نزوول على منطقتها و مرة مرة يضربها به كيزيد يجننها و يهبلها كيموت عليها و هي محنة تحت منه خلاها كتلهث و تكمش فدرااعو و ضهره.. حطات جبينها على جبينه و هي كتنهج.. جراتو عندها من عنقه و قبلات شفته.. حسها من البلل لي تحتها انها مستعدة.. عض على شفتها و بدا كيطلعو بشوية بشوية حتى استقر داخلها بالكامل حسات بجنابها ضرووها.. تآوهت بعن° ف و زيرات على دراعو خاشية فيهم اضافرها و مزيرة على عينيها...

الغازي... مال زين مكشر؟

سجى... امممممم "كتلهث". اححح.. قااصح.

الغازي.. نتحرك يرطاب..! ؟

سجى... " عضات شفتها و تبسمات مطلعة يديها لفوق راسها".. اااه...

عطاتو الاشارة الخضراء.. وسع ابتسامته و بدا كيتحرك داخلها.. فالاول كان غادي بشوية لكن مقنعووش.. خصوصا و هي تتلهث و تنين باسمه.. و كتزيد تطلع بنصفها التحتاني باش تحاك معاه اكثر.. جرها من خصرها لعندو دخلو دقا توسع عينيه دموع بداو ينزلو لها و هو مزالو كيحاول يوصل لاعمق نقطة فيها مزير على خصرها و كيجرها عندو اكثر حتى صرخت و عضات فكتفه بعد ما وصلت لقمة نشوتها و تلاحت رامية راسها على الكوسان سخفاانة...

الغازي... "كيضحك على تعابير وجهها".. صافي هذا الجهد؟ سخفتي؟

سجى... تتحاول تنفس و تشير ليه على السراجم ".. فتح... فتح...

الغازي.." هزها من خصرها تقلب على ضهره و جابها فوق منه".. شعلات فيك العافية تركني.. غايضربك البرد..!" قبل الفلقة بين صدرها"... يسمعوك جيران. ! يالله تحركي...

سجى..."تترمش عينيها وجهها ولا حمر حبات العرق تيتساقطو من جبينها " كيفااش.. معرفتش..!

الغازي... "حط يده على بطنها تيرجعها لور و يجيبها القدام".. سيري و اجي الي روتور.. فهمتي دور.. يالله حركي لنا هاد زكيكة شوي..!

سجى.. "بدات تتحاول دير اش كيقوول لها و هو مطلع يديه فوق راسو تيشووف فيها منشوي منغم عليها سكراتو بريحتها حركاتها نعومتها انوثتها و طفوليتها.. كل شيء فيها تيسكرو و يخرجو عن طوعه... عض على شفته كي بدات تتحرك و تزيد شوية فالريتم جرها من عنقها قبل شفيفها.. هزها من مؤ° خرتها بدا كيطلعها و ينزلها على عض° وه حتى بداات كتصرخ باسمه من جديد و هو كذلك بلغ قمة نشوته خرجو منها بالخف و جابو على بطنها مخليها تتلوى فوق منه حتى ترمات عليه معنقاه..

الغازي... "تيدوز يديه على ضهرها..." بالصحة و الراحة البوكيمونة..

مانطقاتش.. ماعندها لا جهد ولا جرأة باش تجاوبو.. حدها تخشات فيه مابغاتش تطلق حتى حسات بيه كيبعد فيها و يجر من البابيي كيمسح لها بطنها و اسفلها.. خلاها غارقة فييه و حنيكاتها موردييين..

الغازي.. " شاف فيها مطول". طاح عليك سر..؟ ما السر؟

سجى.. " دفعاتو من صدره و رجعات لمكانها كتلبس حوايجها".. بعد مني..

الغازي.. " ضربها لراسها". زمان و مكيديرش هاد القلبة.. شكون كان مسرج العود عاد دابا لديلمك.. " كيعيبها". بعد منااي..

اصبح صباح جديد.. شرقات شمسه و تسللت اشعته من شرفة الغرفة عبر ستائر لي كانو مفتوحين.. سطعت مباشرة على وجهها..

فتحت رموشها المتشابكة و بدات تترمش بشويية حتى وسعات عيونها.. ناضت جلسات فوق سريرها حاسة بوجع في راسها... كانها بايتة في عرس... لمست جبينها باصابعها دوزات عليه متأوهة بصوت ضعييييف.... شافت فساعتها كانت العاشرة صباحا. .. تململت من فراشها متوجهة للحمام.. قضات حاجتها و غسلات وجهها. تنهدات تتشوف فالمراية عينيها منفووووخين بقوة البكاء.. ليلتها كانت جد جد صعبة.. نعسات بصعووبة بعد ما شربات مسكنات و مهدئات يهدنوها باش غير تقدر تنعس.. وجهها كان حرفيا شااحب اصفر لونه مخطووف.. الهالاات السوداء حول عيونها الواسعة... رمشات عيونها عدة مرات قبل ماتفزگ وجهها اخر مرة.. مسحات بالفوطة و خرجات مباشرة للمطبخ.. حطات فطور خفيف تتنقب منه.. معندهاش الشهية و يمكن الوحدة مكملة عليها.. مقدراتش تاكل .. مقادراش حتى تشوف فالماكلة...

شربات الادوية من جديد و مشات مباشرة تكات فالصالون شاعلة التلفاز تتدوز القنوات بدون هدف. حتى سمعات تيليفونها تيرن.. هزاتو مباشرة جاوبات..

مهرة... الزين صافا.. ؟

حبيبة... "بصوت باااكي تتشهق مقادراش تتكلم"... مهرة... هء..

مهرة.. " ناضت جلسات" مالك واش كتبكي.. ؟

حبيبة... "تتشهق و تتكلم". هء.. ماعنديييش زهر كنبكي على ياامي الكحلة.. هء..

مهرة... "بعدم فهم ناضت وقفات مفزوعة حتى حسات بالدنيا مشات وجات بيها رجعات جلسات شادة راه ". ااه.. مالك.. خلعتيني.. ؟ اش واقع لك؟

حبيبة... "تتحاول تتكلم ".. واش كاينة فدار.. مخداماش ؟

مهرة..." تتمسد في جبينها" لا مخداماش اليوم راني فدار اجي عندي مريحة بوحدي.. مفهمت منك والو دابا..!

قطعت معاها الاتصال و تكات على الكنبة مطلعة رجليها للفوق ينزل الدم لراسها.. حسات كانه ضغط الدم نزل عندها... غمضات عينيها شوية حتى حسات براسها شوية.. ناضت وقفات توجهت مباشرة للمطبخ خذات ماء و سكر... شرباتو و رجعات لمكانها تتسنى حضور حبيبة لي خذات مسافة السكة وصلات عندها..

مهرة... " فتحات لها الباب".. مالك ؟ خلعتيني ياك لباس. ؟

حبيبة... "تتبكي مقاداش توقف".. خرج عليا خرج ليا على حياتي يعطيه الموووت..

مهرة.. " وقفات موسعة عينيها تتشوف فيها بصدمة حتى دخلات سدات الباب و لحقاتها".. شكون ؟ اش تتقولي؟

حبيبة... خرج عليا امهرة اش بغى عندي..." تتبكي بجهالة قربت تموت".. انا اااااش درت فحيااتي تا يطرا لي هكذا؟ عييت من كلشي..!

مهرة... بديت تنشك فشي حاجة الى كانت فباالي غاانوووض نشتف على مك..." ضرباتها لفخضها"... دوييي ازماار.. ؟

حبيبة... "محمد..." حطات كفوفها على عينيها و اجهشت فموجة من البكاااء المستمر"... الكل°° ب.. دارها بيااا ضحك علياا..!

مهرة..." جراتها عندها عنقااتها تتواسيها". الله يهديك.. قولي لي غير اش طرا بعدا هولتيني عليك!

حبيبة... "رجعات للوراء سندات راسهاا على الكنبة ".. غلطت معاه.. غلطت معاه و عطيتو راسي لعب بيا كيف بغا..! و اخرتها قال ليا متصلحيش للزواج..!

مهرة... "وسعات عينيها.. حسات راسها دار عليها من الكلام لي تتسمع... بلعات رييقها و ضرباات على فخااضها" اويلييييي... واش حماااقيتييي الحم**ااااارة فين كاان عقلك فييين..

حبيبة... "حطات يديها على عينيها تتبكي بمراااارة" معرفتش فين كاان عقلي... ضغط عليا.. كلاااني بكلاامو.." جلسات و شدات لمهرة فيديها".... تا انا بغيت شي واحد يبغيني.... يبغيني بصح و هو حسسني بهاد الاحساس..!

. مهرة... "شدات راسها و ناضت وقفات تتمشي و تجي فالمكان"... واش نعستي معاه؟؟ تقبك؟

حبيبة..." يديها تيرجفوو"... لا غير سطحي..! و فاش وصلني للدار متلاش تيجاوبني..!و ملي جاوبني هاد صباح قال لي انا غير جربتك و نتي مشيتي معايا فالخط.. نتي ماشي ديال زواج.. "بدأت نحيبها من جديد و هزات رجليها ضماتهم عندها".. قال ليا كون بغيت نتقبك ماتقوليش ليا لا..! هء هء...

مهرة... "جلسات جنبها تتنفس الصعداء"... غدا نمشيو لطبيب.. سمعتي..! فين كان عقلك الزمر فييين.. ؟ واش حماقيتي هادي هي حبيبة لي كنقووول عليها قاافزة... شحال من واحد خليتيه غير حيت طلب منك هادشي علاش هذا بالضبط عطيتيه كلشي؟

حبيبية... هء.. بغيييت نمووووت اختي بغيييت نموووت... بغيتو لواحد درجة متصوريييش.. من نهار عرفتو و انا شاادة طريق معاه كاع لي كنت نعرفهم بلوكيتهم ضربت على كلشي على قبلو...!

مهرة.. "ضربات على فخاضها".. دار لك سمااوي مافيهاش...!

حبيبة.. مكنتش باغة نخسرو... قال ليا الى ماخليتينيش نقيسك.. غانمشي عند وحدة اخرى.. و نتي بقاي معايا حتى نتزوجو.. مقدييتش نفكر فيه مع شي وحدة اخرى.. قلبي كيضرني...

مهرة. . " تنهدات و جراتها عندها عنقاتها تتطبطب عليها و تتحاول تهدنها".. الحمد لله ماطرا والو هادي دير لك العقل مرة جاية.. رج°° ال كاع ولاد الكلا***ب... الله يلقيها ليهم

عادت حليمة لعادتها القديمة.. بعد اااخر نقاش بينهم دارت لهم موتة حمار... وجلسات فالفراش ولادها كاع دايرين بيها.. و خصوصا صدام... لانه من خلافه معاها بسبب موضوع مهرة و قوة تدخلاتها في مشاكله الشخصية الا انها كتبقى امه و الانسانة الوحيدة لي بقات ليه بعد موت الاب ديالو و خسارتها غاتكون حطام بالنسبة له...

صدام... "جالس جنبها شاد لها فيدها و تيبوس فيها".. يهديك الله الوليدة يهديك الله.. مراكيش تسمعي الهضرة..عييت نگول لك رتااحي..

فطومة...."شافت فيه و تتدوي مثقلة لسانها" راحتي اولدي هي نهاار نشوفك فرحان بدارك و ولادك...

صدام... "تنهد" نساي هاد السوجي الحنانة الله يحفضك..!

فطومة..." شادات فيده زيرات عليها"... هادييك اولدي النية ديالها ماشي مليحة.. و ربي كيجازيها بديك الطريقة... مكتصدقلها حتى كرش.. الله يستر بنياتنا...!

. صدام... "صعراتو بهاد الكلام... ناض وقف نطر يديه من يديها و قبل رأسها" الله يطول فراحتك الالة !

فطومة.. "تنهدات".. الله يرضى عليك!

خرج من الغرفة كانت حسناء جايبة لها الاكل.. وقفات امامه و نطقات بتردد..

حسناء.. كيبقات عمتي ؟

صدام.. "حرك راسه".. مليحة دركي..!

.

حسناء.. الله يزيد فراحتها... "شيراات على الاكل".. جبت لها الماكلة باش تشرب الدواء..

صدام.. الله يجازيك اختي..!

حسناء.. كون غير جبتي معاك ختي مهرة..! جامي جات لوجدة.. و جامي شفتها!

صدام... "حك انفه عارفها واش عارفة البلان لان فطومة مكتسكتش " مرة اخرى...

خوى لها الطريق و توجه مباشرة لسطح البيت.. خذا سيجارته شعلها و بدأ ينفث منها دخانها حتى سمع صوت بدر الدين وراه...

بدر الدين.. شعلتوها تاني ؟

صدام... السوجي ديال المدااام فرع ليا ك***ري... و بالرب ماراني ملييح... شكوون يفهمك الله يجييب..!

بدر الدين... ولي لدارك اعشيري..! "طبطب له على كتفه"

صدام.... ماغادي فين حتى دير لوبراصيون ديالك و تفيق بخير...كيف وليت كيف بقيت..!

بدر الدين... دير لي يريحك... مي لا كنتي مريح على جالي غير رووح راني معايا حسنا و الواليدة.. و ديجا مزالها وقت لوبيراصيون بعيدة شوي...

صدام... "حرك رايه و ضرب له على كتفه"... مغاادي فين...!

بعد عليه و تم نازل.. توجه مباشرة لسيارته.. ركب وديمارا مزال ما خرج من الدرب حتى بانت له عفاف... مشافش لجهتها حتى.. فقط طلع زاج ديال سراجم و داز خلا لها غير العجاجة موراه... توجه لاقرب مكان معزوول كان فالنوااحي وقف السياارة و جبد العلبة ديال السجاائر من جديد شعل وحدة اخرى متهاون في صحته بعد ما كان قرر يقطعو فمرة.... خذا تيليفونو و دخل مباشرة لمواقع التواصل بغرض واااحد هو يطقس على اخبار مهرة فقط... مباشرة دخل للفيسبوك ديالها لقاها مدخلاتلوش.. مباشرة رجع للانستاغرام لانه عارفها تتميل له اكثر... و هنا كاانت الصدمة و المفاجأة و هو كيشووف فگااع تصاورها لي حلف عليها تمسحهم حطاتهم من جديد بلبااسها الفااتن المثير و جسمها المتناااسق البااين للكل.. ضرب التيليفون بالفوولون و خرج من السياارة ردخ داك الباب حتى تهز... مشا وجا فالمكان و يديه كل مرة تتحسس لحيته او تيملس على شعره بعصبية.....

صدام.... ياااا الرحمة نتااااع مك.. زغتيييي زغتيي و مالگيتي لي يشد لك لجاام....

اصعب حاجة هي دير الثقة فالانسان و هو ميستحقهاش من الاغلاط لي تيديرو بعض الفتيات هي انهم كيتيقو اكثر من القياس في اشخاص هوما جاهلين على نيتهم... الانسان كيتغير.. و بين ليلة و ضحاها يقدر يتبدل عليك.. زائد ان مشاعر الرجل ماشي كيف المرأة... الرجل مكيحنش... مكيخدمش العاطفة الى قرر يخليك يخليك في اي لحظة فما بالك واحد عطيتيه كل شيء. اذا لا داعي انه يتزوج.. لانه كيلقى كلشي بدون زواج فقط بالكلام المعسول...!

نعسات على الكنبة بعد ما شبعات بكااء.. مسكتاتش حتى غفات... و مهرة بقات مقابلاها.. كيقول المثل جيتك يا عبد المعين تعيني لقيتك يا عبد المعين خصك تتعان... كانت مهرة عندها امل ان حبيبة تخرجها من حالة الوحدة و الاكتئات لي عندها لكنها جلبت لها اكثر...!

جلسات جنبها بعد ما غطاتها باللحاف و مسحات لها وجهها من الدموع السايلن فيه.. بقات مريحة بجنبها تتمسح لها على شعرها بيد و اليد الثانية شادة تيليفون..

مكانتش تتفكر فشي حاجة من غير انها تغيظو بصورها لي حطات في الانستغرام.. عارفاه الغيرة غاتنهش فيه اذا مشا حتى شافهم... يمكن كانت باغياه يدوي معاها يعاتبها يحاسبها ولو تكون ماتجاوبش..!

الوقت كان يمر ثقييل.. اليوم يوم عطلتها.. و حبيبة ناعسة كأنها مشافت النعاس من زمااااااان... وقفت و توجهت مباشرة للمطبخ و بدات كتصاوب فكيك.. حتى دخلات عليها حبيبة..

مهرة.. ياكما صدعتك ؟

حبيبة.. لاا.. خصني نمشي..!

مهرة.. باتي اليوم.. اري ندوي مع خالتي نقولها لها..

حبيبة.. "بدون مناقشا و هي اصلا مكانتش قادرة تمشي لدارهم" هاكي على الله تبغي.. ماقاداش نسمع شي حد يقول لي مالك!

اخذت منها الهاتف بعد ما دوزات نمرة.. تكلمت مع الام ديالها لي قدرات تقنعها بطريقتها طبعا..... كملات الكيك ديالها في حين حبيبة جالسة فوق كرسي و مسندة راسها على البوطاجي.. كانت ساااكتة على غير عادتها كأنك هزيتي حبيبة لي كلها نشاط و حيوية و حطيتي مكانها وحدة اخرى ذاابلة و غير ساكتة.. لدرجة خلات مهرة تنسى همها و تتلاهى غير معاها هي.... بقات مدة كتشووف فيها قبل ما تنطق..

مهرة.. يالله نخرجو..!

حبيبة.. " شافت فالساعة".. دابا ؟

مهرة.. مالها باقي الحال يالله تسعود..! ننساو الهم.. عييت من الدار نساو الهم واخة غير ليلة؟

حبيبة... "تنهدات".. ماقاداش و الله..!

مهرة.. نوضي نوضي... كولشي على حسابي..!

حبيبة.. "حركات راسها و ابتسمت".. ديما كولشي على حسابك!

مهرة.. يالله نعطيك شي حاجة تلبسيها..!

توجهو مباشرة للغرفة.. بدات تتحط الملابس امامها و تشوف لها شنو يجي معاها.. كانت مهرة بدورها كتكاابر و الحزن ساكنها من الداخل لكن هاكذا هي تتبكي و تتقلق و تقهر راسها من الداخل اما على برا تتبين دائما انها بخير..

بعد مدة كملو البنات و وجدو.. لبسو و تقاادو و نزلو مباشرة للسيارة... ديمارات مهرة في اتجاه وسط المدينة و تحديدا للمقهى لي كانو متعودين يجلسو فيه من قبل الزواج...المقهى لي شهد على اول لقاء ليها بصدام...

دخلو و شدو بلاصتهم.. خذاو طلباتهم كل وحدة فيهم تتحاول تتغلب على حزنها و يجبدو موااضيع تلهيهم على حقيقة الوااقع.. ماحسو حتى وقف عليهم ااااخر شخص كانو يفكرو فيه.. او متوقعين يشوفوه..!

انس... الحليب و الكراميل.. ؟ جايين و ماعلمتونيش... اسيدي مافيكم اماان "جر كرسي و جلس جنب حبيبة.."

مهرة... جابك الله تفوج علينا..! كي داير صافا ؟

انس... و الله الى الييز لافاليز.. نتوما هانية ؟ كولشي بيخير..

مهرة.. جمع كولشي و قول بيخير... "شافت يدو فيها خاتم" هاي هاي ناس خطبو؟

انس... "كيعدل كول الشوميز ديالو" احم احم.. ايهه الالة تربطت..! داكشي اونلاين.. عن بعد ههههههههه...

مهرة... "حطات يدها على خدها". شي گاورية.. ؟

انس... لوااه ياتا.. "دوز يده على فمه". مغربية عايشة ففرنسا..!

مهرة..." " علات حواجبها".. و كي غادير لها؟ تجي تعيش معاك ولا تمشي عندها ولا ديرو زوتج عن بعد تا هو؟

انس... ههههه لا غاتسالي سطاج ديالها و ترجع فحالها نضبر لها على خدمة هنا نيت....!

مهرة... مزيان.. مبروك علييكم.. الله يكمل بالخير..

انس.. امييين ختي يحفضااك... دابا مكين غا دييس فيتااس.. نجربو زوااح كيگوولو بنيين..! بصح ?

مهرة... " قلبات عينيها".. على حسب مع من طحتي...!

انس... هههههههه انا طحت مع وااحد الفاارة... " جبد تيليفونو تيوريها تصاورها"...

مهرة.. مالك نتا و خوك مع البنات صغار؟ ياك لباس ملعبتوش فصغركم... ؟ بوبية صافي..!

انس... وا راه الحلاوة فالصغر تلعب بيها كيف بغيتي..." غمزها.. "

مهرة.. اوا الله يمسخك..! تريكة وحدة كلكم...

انس... كنقول الحقيقة اسميتك... حنا رجال ماشي فحالكم... مكاين غير طااق اماارش..!

حبيبة....." سمعات هاد الجملة ضارت شافت فيه.."... نتوما رجال.. ولاد الحرام.. غا لي سخن عليه زنطيطو ينوض يضحك على بنات الناس.

انس.. " شاف فيها و شاف فمهرة مذهول من انفعالها..!" مال هادي ؟

مهرة.. " شدات لها فيدها زيرات عليها"... تهدني اصاحبتي مقال والو...

حبيبة..." رجعات راسها لور تكات على الكرسي تتشوف قدامها شاردة"... تا انا مقلت واالو..!

انس... " صغر فيها عينيه ".. انا راه شكيييت فيك ملي جيت و نتي مقنتا تما بحال الzب لي مكيقيمش.. فحال لا غرقوو لك البابر ديال تحميرة.. ؟ صافي خورك الكوميسير؟

" شافت فيه"... خورني غير فرح.. خورني تخويرة ديال القلب..! داكشي لي ماقبلتش نديرو معاك درتو معاااه.. ديك لا لي قلت لك مقدرتش نقوولها له..

انس.." اتسعت عييوونه مامصدقش اش كيسمع"... عند ديلمك خرية بلاصة دماغ؟ ح***واك و هرب؟

حبيبة... " قلبات عينيها". متسولش.. متسولش حيت انا هاربة من الاسئلة ديال مالين دار..!

انس... "ضرب طبلة حتى بانو له ناس ضارو تيشوفو فيهم و هو يتكلم بشوية"... عطيني سميتو.. بربي تنجيبو لك راكع... وااخة يكوون وكيل الملك ماشي غير كوميسير تخورييه فخدمتو يجي تيطلب و يرغب! بربي تا نشرك ديلمو الي روتور

مهرة.." خرجات فيه عينيها". دوي بشوية اتفضحنا..! ماطرااش داكشي لي فبالك.. غير تهنا...!

انس..." ضرب يد مع يد معصب "... شفتي..! هذا هو لي خليتيني على ودو؟ گلت ليك راااه البوليش ولاد الق**حاب! ياك گلتها ليك

حبيبة.. هههه سكت سكت بحالك بحاالو..!!

انس... منكوونش ولد الق***حبة و نطمع بنت بزواج و نخليها..! انا وياك ماعمرنا ذكرنا زوااج كنا خالقينها وي مي كوون طولتي معايا و شديتي طرييق و لقييت فيك ااش بااغي بربي مانخليك..!

حبيبة... "ميلات شفتها للجنب و هزات صاكها بعد ما وقفات"... "... ماجيتش نسمع هاد الهضرة.. مبرووك عليك و الله يكمل ليك بالخير....

خلاتهم و تمت غادية خارجة.. فالحين وقفات مهرة اعتذرت منه لقاتها واقفة امام السياارة متكية عليها و كتبكي...قربات لها بأسف و عنقاتها.. تتحاول تخفف عليها و هي بالاصل خاصها لي يخفف عليها.....!

في بعض الاحيان نعطي ثقتنا الكاملة لشخص لا يستحق الثقة و للاسف نكتشف هذا بعد فوات الاوان... النسان دائما خصو يكون حذر في التعامل مع الخرين....!

" آخر مرسال كان لك...كان قبل شهر... كنت غارقة بالدموع واللعنات التي تخبأ الكثير والأكثر من 'عُد' ولكن للآن لم تعد.!

لا بأس أعلم أني مررت مرور الكرام على قلبك ولكن لازلت أشتاقك... أشتاق لعناق أستمع فيه رجفة نبضات قلبك... لا بأس ثانية أرجو أن تكون بخير.. فراقك هشم داخلي آخر رغبة في الصمود..!

_ فقط لا تعد الآن...

مرت ايااام و ايااام.. فات شهر و الحياة كيف ما هي.. لا جديد فيها... في هذه المدة.. الغضب طفا... و الحزن خف... الانسان هذا هو.. ربي نعم عليه بنعمة النسيان.. السبب مكيتنساش.. لكن الالم تيتنسى و يخف بشوية بشوية الى ان يتلاشى...!

كيف عادتها.. جالسة في مكتبها تتقرأ ملف ديال قضية اخرى شدوها.. مكانتش هادي خدمتها لكن كانت تتبغي دائما تكون على اطلاع بكل القضايا لدرجة انها في هذه المدة بدات تتاخد من رحيم كتب على القانون و تتقرى و تتعمق في عالم القانون و القضايا.. عجباتها خدمتها بالرغم من انها مكانتش مستقرة الا انها مرتاحة فيها نوعا ما....

حطات الملف بعد ما قراتو خذات من صاكها بلاكة ديال دواء.. شربات حبة و رجعاتو مكانه.. شافت فالسيدة لي وقفات امامها..

مهرة.. مرحبا مدام.. تفضلي..!

_..... الله يخليك عندي موعد مع الاستاذ الى كان ممكن تقولي لو مدام عتيقة الذهبي بغات تشوفك..!

مهرة... " طلعات و نزلات فيها.. سيدة في غاية الاناقة لابسة ملابس رسمية كانو عبارة عن تنورة قصيرة بشوميز و الفيست ديالها.. و طالون صوته تيتسمع من تحت العمارة.. اما عطرها بااين من النوع الغالي..." اهاه.. انا نقولها له.. تفضلي جلسي دقيقة لانه عنده عميل اخر...!

_......" شافت فساعتها و تأففت ".. اووه لالا.. جي با لو طون.!

مهرة... غير تفضلي جلسي" شيرات لها تجلس لانها ضايقاتها بالبارفان القااصح لي دايرة مقدراتش تتحمله... "السيد لي عندو قرب يسالي معاه..

_....." تتكلم بتعالي..." داكووغ..

مبشارة توجهت مهرة للطواليط.. وقفات امام المراية غسلات وجهها و عنقها.. خذات كليميكس تتمسح.. حسات بدوخة رهيييبة من جديد.. و خاطرها ناضت عليها بقوة ما ريحة السيدة قاصحة خصوصا انها مؤخرا ولات تتميل للرويحات المسكرة اكثر.. خذات نفس عمييييق و شافت فالمراية.. قادات شعرها و رجعات مكانها... بمجرد ما جلسات وقفات عليها من جديد..

_..... ختي مزال.

مهرة... "دوزات يدها على جبينها مكرهاتش طير عليها بنتفة على تبعكيك".. دابا نشوف لك.. "خذات الفيكس دوزات لرحيم مباشرة"... موسيو رحيم.. مدام عتيقة ذهبي هنا و تتسنا فيك.. " تبسمت فوجهها". داكوغ..! "حطات الفيكس". دابا يخرح سيد... و تفضلي..!

_.... "ابتسامة صفراء"... ميغسي...

مهرة..." باطلاتها الابتسامة باخرى كيفها و نطقات بين سنانها بعد ما الاخرى رجعات لمكانها" صفريطة هادي...

ما هي الا دقائق معدودة خرج للي كان عند رحيم و دخلات موراه بدون ما تتسنى من مهرة اذن.. خلاتها موراها مكرهاتش طير عليها تقجها.. اعدى حاجة عندها فهاد الخدمة ديالها هي هاد الناس المتكبرين لي تيقولو للشمس طيحي و انا نجلس مكانك..!!

مرت مدة طويييلة و الاخت مازالت في المكتب.. مكانوش عندو مواعيد اخرى اليوم.. لكن حضرت مريم بدوون موعد.. حتى وقفات على مهرة لي شافتها ناضت سلمات عليها و خدات منها وليد كتبووس فيه و تستنشق ريحتو من عنقه كأنها تتاخد ااخر جرعة باش تحيا...

مريم.... "مبتسمة تتشوف فيها". تا هو الخوينز يموت عليك.. ،

مهرة.... "تتشوف فيه بهيااام كانه قطعة ناادرة من بين المخلوقات" كون تشوفي انا شحال نموت عليه هذا راه الكبيدة...

مريم... الله يرزقك..،، جيت على قبلك فراسك... بالي بقى معاك كنتي عيانة البارح بزااف و داك الاعراض لي عندك خلاوني نشك فشي حوايج..!

مهرة... "مدات لوليد اللهاية و شافت فيها بقلق".. اشمن اعراض.. فاش شكيتي ؟

مريم...... "شافت فيها مطولة".. شكيت يكون عندك فقر الدم ولاطونسيون ممستقراش... ولا... "بلعات ريقها...

مهرة..." رمقتها بشك".. ولا شنو ؟

‎