فالبيت هدى لابسة القفطان وماكية..ميمكنش العين تكذب كتبان زوييينة خاصة انها ممولفاش دير الماكياج..كحلات العوينات وخدماتهم ليها اكرام بشكل زوين وبانت عسليتهم مع الشفيرات لي طلعو بالماسكارا وعكر خفيف..اكيد رفقو كل التعديلات باش يتغطاو لي سيغن والحبوب بحكم اكرام اختصاصها هو الميكاب فصرعاتها..ريحاتها وقالت:بصحتك
هدى:يعطيك صحة..دعي معايا يتسير كلشي
اكرام:مممم
جاو الناس برفقة عائشة لي وراتهم الدار..العريس لي هو الزوبير شهييب وعندو حقو فالزين كيبان الوقار والضرافة فوجهو وكيبان ولد الناس نقي برفقة مو وباه ناس كبار وخواتاتو وخوتو ..تلقاو ليهم بالترحيب والسلام الحار مكبرين بيهم..ودخلوهم للصالون لي ريحتو كتفوح بالند...الرجال فالصالون والعيالات فالبيت لاخر حيت اغلبهم منقبات..خواتاتو وعائشة لهذا فرقو المجمع
نطقات الأم لي كتبان مبشورة وضحوكية جايية قشابة المراكشيين وبلكنتها البهجاوية:فيناهيا عروستنا
دخل احمد وخاطب مو:مي كاليا خالي رحال بغاو يسمعو جواب هدى
تزيرات ربيعة حيت هي دايرا هادشي غي خاطر وصافي وهي تنطق :حمممم انا جايا
خديجة:شوفي ابنيتي قبل متقولي والو ربي شاهد علي..راه عندي ثلاثة تالعريسات تى وحدة معايشا معايا ولايني بحال بناتي..فلول عاشو معايا عام بيدما تيسرات امورهم ومن بعد مشاو سهل عليهم اللله..غنتهلا فيك ونديرك بنتي وحتى ولدي منشكروش ليك راه داخل سوق راسو
بغات تنطق هدى وهي تسبقها اكرام مبسمة:باينة فوجهكم الله يعمر ليكم الدار ما قلناش لا ولكن
قاطعاتها عروسة الشتا كي الحزقة بالخفة لي عطاها ربي:أنا قابلة اخالتي..الى بغيتي نعيشو معاك ديما معنديش المشكل..انا منفرقش الراجل على مو حيت منبغيش لي يفرق مي على ولادها..المهم الواحد يلقا راحتو
كلامها كان قرطاس لربيعة واكرام لي كانو عوالين فشكل ولقاو شيء اخر..كيفاش لتاقطات الكلام ولاحت رأيها وبلي هي مباغاش وقت تفكر عطاتهم نيشان جوابها وحتى الهضرة ماشي هضرتها كانت باينة مقريها شي حد وشكون من غيرها عائشة..هاد الاخيرة لي تبسمات بتسامة رضى وقالت:راه قلت ليكم درويشة وبنت الناس وباغي تعيش باشما قسم الله..
خديجة:هادشي لي بغينااا
ربيعة:(وقفات )حممم هدى اجي ابنيتي
ناضن تتبعاها حانية راسها متبعة تعليمات الاستاذة الفاشلة عائشة..فحين سلوى تبعاتها بعينها وكيبانو ليها قديماتها كي حرشييين ناقصيبن ترطيب وسكتات أصلا هي جايبينها باش تفليها وتعطيهم الرابور
دخلات هدى للبيت مع ربيعة لي خرجات فيها عينيها وكتهضر بهمس خوفا يسمعوها:واش نتي ضاربك حمار ليل؟؟شهاد الخفة؟؟مالك خفيفة؟؟علاش تجاوبي؟؟سكتي سكتييي
خلاتها مصدومة للحظة حساتها عندها خمسين عام فاش شافتها مشوقى على الزواج وميتة عليه وكيفاش مبغاوهاش تموت عليه وهي عينيها تضببو ورسمو ليها صورة زوينة عليه مورينها الزوين والخايب مخلينها تكتاشفو راسها..دخلات وسط محيط عامر بالمزوجات وشداتها عائشة غسلات ليها دماغها وراتها الزوين وبلي الحياة حلوة و الزواج هو سبع ايام تالباكور والحويجات زوينين والعرس بالاضافة للمدة لي عاشتها مع باها تحصر ليها عقلها فالزواج والعامل الأساسي لي خلاها نأثر كثر أنه هي عمرو جاو فيها الخطاب ولا نالت حظها من الإعجاب من شي شخص يعني اول واحد قالت بسم الله
خلات ربيعة في حيرة من أمرها وخرجات نضامات ليهم مبسمة عادي..الجو توتر عند مها وختها معرفو مايسبقو ولا يوخرو هوما دارو ليها غي الخاطر وبغاو يلقاو للناس منين يسرسبوهم ولكن مالقاوش..طاحو فيهم بسطاء وباغيين غي يضحكو وينشطو وشعبيين من نفس مقامهم ومافيهمش الشيكي
تحط العشا بعد عشية طويلة فيها الهضرة والجموع تالعيالات كلها احاديث عن زواج وماغيره حيت هو موضوع الساعة حتى قربو يمشييو ونطقات خديجة:اوا ابنيتي مسمعناش جوابك
اكرام:(تنهدات)نخليوها تفكر شويا راك عارفة الحاجة الزواج هذاا
خديجة:(بانت فوجهها الحيرة)بغيتي تهضري معاه هو لول؟؟
هدى:حممم اه باش نتفاهمو
سلوى:ايييه يهضروو
صونات لخوها فالبيت علماتو وعلمهم وكلشي ساكت وكيشوف ..واكرام كتحلف باغيا تسلخ مها..ناضت تابعة ربيعة لي تقيسيها تسوط فيك..داتهم لبيتها لي من حسن حظهم جامعينو ومرتبينو ومعطر اما كون جا ليه كيف كيكون غيهرب ويخلي صباطو..
حسات براسا تزنكات لأول مرة فحياتها..وهي مع واحد غريب ووسط دارهم..كتلعب بيديها المعرقين وهي كتشوفو داخل مرتاح ومبرد مافيهش الستريس نهائيا عكسها هي..كسر صمت الجو بصوتو لي تسرب لأارجائها:هدى لباس؟؟
هدى:حمد لله ونتا؟؟
حسات بيه قرب لاغي المسافة بيناتهم حتى فيكسا عينيه فعينيها وشاف لونهم البني العربي الشامخ..وقال:حمد لله..بغينا غي موافقتك؟؟قابلة؟؟
هدى:حممم ونتا؟؟معندك ماتقول؟؟
الزوبير:الى بغيتي سمعيني شروطك ونسمعك شروطي
هدى:كنسمعك
الزوبير:(مبسم)نتي لولة الالة
هدى:أنا شرطي هو متحبسنيش على مي وخوتي...وقتما بغيت نشوفهم نجي
الزوبير:الى طلقاتنا الوقت نجيبك تشوفيهم علاش لا..والديك وخوتك هوما لولين..زيدي شي حاجة خرا
هدى:صافي
الزوبير:هذا وكان..انا الالة منتشرط عليك والو من غير العرس مغنديروش صداقك غتاخدي داكشي علاش غنقدر نعطيييك ولكن عندي شرط واحد ومبغيتكش ترديه ليا فوجهي
هدى:لي هو؟؟
الزوبير:غديري النقاب..
شوكاها وصدمها بطلبو لدرجة بقات مبلقة فيه عينيها للحظات قبل ماتنطق:وعلاش؟؟
الزوبير:خوتي كلشي دايرين عيالاتهم الخمار تاحد مكيشوف حد وحنا عائلة محافظة معندنا اختلاط معندنا والو..محتارميييين ومكنبغيوش داك كثرة دخل خرج..اش قلتي؟؟
هدى:(سرطات ريقها)واخا
الزوبير:(تبسم)ملي قابلة الحمد لله..وانا من عندي غنتهلا فيك باشما قديت ومنقصرش معاك وان شاء الله بلي فيه الخير
هدى :امييين
الزوبير:تهلاي فرلسك انا نعطيهم جوابك
خرج مخليها واقفة كتستوعب اشنو كدير؟؟دار ليها التنويم المغناطسي بهضرتو..اي انسان يسمع هاد الهضرة غيعرف راسو غيعيش واحد الحياة صعيبة بزاف..عمر النقاب او الخمار كان عيب انما هو سترة لكن فزمننا الحالي صعيب بزاف تلتازم بيه..هضرتو كانت عادية لكن وحدة بحال هدى راه لحسات ليها الدماغ ولات باغيا غي تزوج حتى هي وتتسمى مزوجة ولباس رغم كل هادشي لي طرح ليها
الأطرش في الزفة هي ربيعة واكرام لي كيتكرددو من داخلهم كيتسناوهم يتقلعو باش ينفاردو بيها وبالفعل توادعو ومشاو مخليين انطباع زوين عندهم وخداو النوامر باش يرصييو كلشي وحتى خوالها ومرات خالها غادرو فرحانين بعائلة بسيطة وزوينة بحال هادي..غي خرج كلشي وهي تجرها اكرام من ذراعها للبيت الصغير وصاحت:واش اختي نتي هي فريفرة شخصيا؟؟تي مالك فديك الخفة..
هدى:ارصاي يدي بغيتي تقلعيها من بلاصتها مالك اش كاين(تبسمات)شفتي شحال ضريفة عدوزتي ولوستي الله يعمر ليهم الدار..
ربيعة:يعمرها ليك تي نيت بالخرا.. خلاص حسبتيها عدوزتك ولوستك..واش ابنيتي معارفاش اش كديري؟؟مالكي ملهوفة على الزواج تقول عندك خمسين عام راكي باقي صغيرة قدك باقي كيقرا
اكرام:شوفي نقوليك ..الزواج غي نسايه وهاد الناس غنصونيو ليهم ونفاريوها
هدى:(قندشات)مريضة نتيا انا بحرا مالقيت لي نتفاهم معاه ونصيفتو؟؟
اكرام:لحقتي نتي تفاهمي معاه؟؟درتيه فكرشك(ساطت)هدى راه غي كتخربقي نتي مزال صغيرة على الزواج
هدى:واش بغيتيني ندير ليك؟؟
ربيعة:مديري والو..غا بركي الأرض حنا الالة نخدمو حنا نصرفو عليك غي بركي الأرض
هدى:نتوما مكتبغيوش لي الخير..شفتو الناس كي زوينين وضريفين ومصوابين وبغيتو توقفو لي فسعدي
اكرام: يا بنت الكلبة راه الناس الله يعمر ليهم الدار نتي لي فيك المشكل..واش نتي عفنك يجمعوه من المحمدية ..طيابك مياكلو بوبي وباغيا تزوجي ولكن راه ماشي منك كلشي من ديك عيشة يعششو عليها الكلاب
هدى:ماشي شغلك ودخلي سوق راسك..وغنتزوح بغيتو ولا كرهتو (بدات كدمع)ياك نتوما هوما عائلتي وواقفين ضدي
ربيعة:(تنهدات)ابنيتي انا مبغيتكش تكرفصي راه غتكرفصي راه ما عندكش عقل الزواج
هدى:(عنقاتها تتبكي)امي انا بغيت نتزوج وندير داري
اكرام:(ساطت)ضبري رااااسك أنا هضرت والله أهدى وتعيطي ليا وتشكي عليا منعقل عليييك
زادت خارجة معصبة وخايفة على هدى من هاد القرار المصيري حيت هي دايرا وشايفة ومعاشرة ناس وشايفة البنات شكيقولو على الزواج تصغر..مكايناش لي مجاياش عندها تصاوب شعرها ومكتشكاش ليها من المشاكل وكتعبر على ندمها الشديد فالزواج
ضحكات معاه بحشمة حيت خوها عزيز عليها وكتحتارمو وحتى هو كيعاملها زوين...هوما كخوت مرضيين ومهديين ومعندهم غير بعضهم كيضحكو وينشطو مجموعين وعندهم مفهوم العائلة هو الأساسي.. خاطرهم مشا مرتاح لعائلة هدى وعزمو وقررو بلي الزواج من عندهم يكون
أما هدى راها جالسة شادة الجموع مع عائشة مفرنسة مخصها حتا خير من غير تنوض تحك كدامها..لاهازاهم للفوق وكتضحك وتعاود معاها ولوخرا كتنصح فيها حتى دخلات إكرام مكشكشة قايلة:الزواج باغياه وتنوضي تجمعي الروينة لا
كتدوي كل نهار مع الزوبير لي كان معاها محتارم ومأدب حدو كيسول فيها صافي... عمر بسل عليها ولا طلب صورتها ولا شي حاجة ديما محتارمها وكيهضرو غي على الحال والأحوال ومالين دار ومرة مرة كيجبدو الهضرة على دارهم وكي غيردوها وهادشي مفرحها هي..حددو وقت للخطبة الرسمية لي قررات تديرها خطبة وضريب الصداق فنفس الوقت..كتشاور غي مع راسها وتعلمهم تحطها ليهم فالطبلة تغوت ربيعة وتطير إكرام وفلخر تخسر عليهم: "مبغيتوش ليا الخير بغيتوني نبور..كتحسدووني مبغيتوش ليا الحلال"
ناقشاتها إكرام حتى عيات وهي باغيا تزوج ولباس ..فالأخير رضخات للأمر الواقع وخسرات عليها حوار واحد
"فلاش باك"..
إكرام:دابا نتي مباغياش ديري عقلك وتنساي الزواج؟؟
هدى:(ساطت)نتي راه عيقتي عليا وبزاف واش ختي ولا عدوتي كتبغي تنكديها علي وصافي
كانت هادي هي هضرة إكرام ليها حيت عيات معاها بجميع الطرق لكن عقلها كان مسدود فيه تزوج ولباس...وبالفعل علمات باها وفرح بزاااف ليها لدرجة لغد ليه جا لعندها مقدي ليها وعطاها الفلوس خلاها غطير بالفرحة ...
بداو كيوجدو لضريب الصداق لي خلاوه فمدة شهر..هي مسايعاها فرحة تضل ضورة وتلوح تصاور الحب والغرام فالسطوريات واليدين تناس وأغاني الغرام وتفوح على البنات لي قراو معاها لي سولها تقوليهم تزوجت ولات حاسبة راسها مزوجة
فواحد الصباح مفاقت حتال وسط النهار كتفوه كدوخ فدرب السلطان بريحة فمها..سلمات على ربيعة لي كتنقي الحلبة وقالت:كي صبحتي امي؟
ربيعة:الحمد لله ونتي؟؟باقي مباغياش تحيدي منك هاد القاعدة ديال السهير زعما راه غتزوجي
شافو فيها بجوح زعما هضري وهي تنطق:مبغيتش العرس نديرو..غنخسرو فلوس على والو
إكرام:(باستهزاء)هادي هضرتك ولا هضرة عيشة
هدى:(ساطت)نساي عليك عائشة..هادي هضرتي أنا..خسران الفلوس على والو ونتوما عارفيني معنديش مع العراسات بزاف..ومعندي حد نعرضو
ربيعة:(بتساؤل)وها خوالك وباك
هدى:(بامتناع)مكاين لاش والله..غي جليسة بيناتنا وصافي..حتى الزوبير هادشي لي قال ليا ..غندير العقد ونديرو عشا خفي ونمشيو فحالنا صافي
إكرام:(كيتزير عليها خاطرها من ديك نمشي)العرس هي مره وحدة فالعمر أنا كلت ندير ليك عرس على قدنا
هدى:غتصدعو راسكم وصافي..مبغيت عرس غندير العقد ونمشي تاهو غيدير غي عشا ويمشيو الناس
ربيعة:نتي تعرفي
دازت ايام وايام والتجهيزات خدامين..كتخرج هدى مع ختها وعائشة مرة مرة يشريو اش خصها..دوزاتها حرب مع اكرام لي كتبغيها تاخد شي حاجة كلاص وزوينة وهي ذوقها كيميل لديال عائشة البلدي فكلشي حتى فليشوميز دونوي..مقصراتش من حقها شرات ليها ووفات وفلوس العرس نصهم خسراتهم عليها..ودهزاتها مزيان بالإضافة للفلوس لي عطاها باها وكلامها مع الزوبير راه يومي ديما كيتهضرو عادي لقاتو انسان ضريف ومعقول مافيهش البسلات
اليوم يوم العقد عندها..فايقة ناشطة وقلبها كيفرفر بالفرحة كتشوف يديها فيهم نقش خفيف نقشوه ليها البارح..جمعات بنات الدرب وبات خوالها مع نقاشة ونقشات على أساس اليوم العقد وغتمشي فليل لدارها...شافت شوانط ديالها مجموعين فيها حوايجها لي غتدي معاها..حيدات زيف حياتي من راسها لي دايرا ليه الباتشا وياله غتنوض وهي تدخل إكرام لي حتى هي ناقشة خفيف تبسمات وقالت:صباح الخير
هدى:صباح نورر..جاتك الحنة زوينة..شوفي ديالي؟؟
إكرام:كتطلع ليك بحال ماما حتى هي كتشد فيها وكتولي كحلة فيديها
ضحكو وخرجو لقات بنات خوالها لي بقاو باش يعاونو جداهم..جلسات حداهم نافخة ريشها قول شدات الدكتورة وعندها السفر للقمر..وغي كتشير بيديها لي محنيين
فطرات وهي تنوض لبسات جلابتها البيضة لي خيطات تحت اصرارها هي..عياو فيها تبدل اللون لكن لسقات فالبيض مع كولون بعدما حيدات زغب لحمها كولو .شداتها إكرام نتفاتها عاود ..تحيد وتنكر على اللون لي ولى ليها داكن فبيطانها..قررات اكرام وصاحبتها لي غيديوها للكوافوررة بعد اصرارها انها بغات تصايب برا. ماشي ختها لي تقاد ليها..خلاوهم مضاربين مع الدجاج والطياب وخرجو وهي حشمامة زعما شدو طاكسي والوجهة الكوافورة لي خداو عندها موعد..
إكرام:لالا مديري والو هي قادي ليها شي مشيطة خفيفة و جها ركزي ليها على العينين فالميكاب
هدى:(كتشوف فشعرها)تحرق ليا ياختي نقصي منو غي شويا
...:محروق بزاف خصو يتنقص كامل
إكرام:غي قضي غرض اختي بلا نقيص
بالفعل باشرات كتقاد ليها شعرها بعدا تسرحو جاها زوين من الفوق لكن التحت محروق ..دازو ليها لظفارها تيديها ورجليا لصقوهم ليها بانو يديها فيهم الضو..عطاتهم وجهها تحت تعليمات إكرام لي كتوصيهم اش يديرو ليها وفنفس الوقت كتقاد هي وبنات خالها
مخرجو من تم حتال الخمسة عاد سالاو كامليين..هدى ورا ماترقعات وشدوها ماكاو ليها و دارو ليها الضفيرات ولات كتبان مسرارة..والعوينات الى ركزتي فيهم تفهاي ومتحيديش عينيك منهم لكن مشكلتها هي العفن.
هدى:كي جيتك ؟؟
إكرام:(عنقاتها)زوييييينة بزااااف جيتي قوقة هههههه
إلهام:(بنت خالها)بحال عمتي الله يرحمها
هدى:ربي يخليكم
جا خالها هو لي داها بالصلاة والسلام على النبي والحيحة فالطريق فرحانين وهي كثر..لقاو دارهم نايضة فيها الحيحة باللعب والغنا ومع هي فيها عرق شيخة مكرهاتش تشد منهم البندير وتقوليهم حيدو من الطريق..دخلوها البيت وكلشي جاه الفضول يشوفها كي طلعات لأنها معروفة عندهم انها مكتهتمش براسها لكنهم تبهرو من زينها
كاين الزين وكاين المسرار وهدى النوع المسرار لكن الى قللات الاهتمام براسها مكيبقا لا زين لا سر كتولي حالتها...
لبسوها تكشيطتها فاللون الأبيض وحزموها وتصورو معاها فرحانين ليها..دخل احمد باسها وقال:إكرام تكلمي لبابا
ساطت وخرجات لبرا هازا جلايلها لقاتو ف باب دار مع خوالها كيهضرو بحالا مواقع والو..مناداتش عليه غي وقفات جا عندها مفرنس لابس جلابة:تي مالك فين كنتي؟؟
إكرام:(شداتهم)كيف شفتي حتى الى جاو غنخليهم يدخلو(شافت موكب العريس)سير سير ها العريس وصل
فالصالون جالس باها وخوالها وولاد خوالها والعدول وعائلة العريس كيفتيو عليهم فالزواج والأسس ديالها..الزوبير كان بكوستيم فالكري جا معاه زوين وكيبان عاطي لعين كاع الناس قالو بلي حسن من هدى شكلا يمكن حيت عارفينها معفونة ...اما هي راه شاداها القفقافة..خرجاتها جداها لي لابسة قفطان و مكحلة العينين وفولارها خفيف فوق راسها ممسالياش تلبس وتقاد خصها توقف على عرس حفيدتها تتحضي الغاشي ليديرو ليها شي حاجة...
جلسوها حدا عدوزتها والنسا من عائلة الزوبير لي جايين بتكاشطهم وتاويلهم المراكشي وكيضحكو فرحانين مكبرين بالعريس..كلشي كيبركك وشي جاتو زوينة شي لا..شي عجباتو شي جاتو عادي شي متسوقش أصلا ..دخلو ليها باش تسني كان خالها لي جا شخصيا مد ليها الكتاب وشدات الستيلو سنات بلا متجيها لا رعدة لا خوف...وتسمعات زغروتة مع مرات خالها على إثر امضائها خلاوها تضحك فرحاانة بشنو دارت..
تزوجات هدى وحققات رغبتها رغم أنف الجميع..واخا مها رفضات واخا ختها غوتات..ينتا**حرو هوما كاع هي بغات تزوج غتزوج...فيها حاجة زوينة أنها كتشبث بقرارها ومكتحنتش..والى حلفات مكرتجعش على حلوفها إلا نادار..إلى قدرتي تهرس الحجرة غتهرس راس هدى لي كتبقا شادة فالحاجة حتى كتحقق
تعالات الزغاريد و الصلاة على النبي فدارهم ولي معارفش راه عرف بلي هدى بنت ربيعة تزوجات وتهنات ...فالجيران كلها وشنو كيوشوش شي كيقول ميمكنش هدى غتكون إكرام شي كيتسنا يشوف غي العريس أما هي راه تبسيمة مترعة ففمها اجا ميجمعها ولسانها تبروكراما على جملة وحدة:الله يبارك فيك العقبة ليك..
دخل العريس عندهم باش حتى هو يبارك لعروستو وهنا كانو تبركيكات كلشي كيقراه ويسكانيه وهو حشمان ومع شهيب ولى حمر...مد ليها يديه وسلم عليها بوجهو خلاها غتسخف حيت أول مرة تلمسها يد رجل:مبروك علينا
تبسم ليها ويديه بقات حاضنة يديها بود والأنظار كاملة عليهم...جابت بنت خالها الصينية مزوقة فيها الخواتم وبالفعل لبسوهم والتصاور حاضرين موصية بنادم باش تحطهم تفقص الناس لي أصلا ممسوقينش ليها
تركبو الخواتم وتشرب الحليب وكلشي بارك ليهم ..تسربا العشا للرجال والعيالات ولالة هدى لابسة قناع الثباتة والرزانة حدا عدوزتها وحشمانة وتضحك بالقياس صدماااتهم بجهد واحد اللحظة ستأذنات تبدل عليها حيت حسات بمغص خفيف فكرشها وشكات تكون العادة الشهرية..وبالفعل دخلات للبيت لي لقاتو عامر ببلاطويات الحلوى وشوانطها..زفرات متوترة وهزات جلايلها كتقلب لقات سليبها بيض فيه لغيكل وكيبان حشونها من بعيد لونو قهوي كيضوي متسوقاتش ليه بتاتا حدها دارت ليه لاصيغ شداتها إكرام نتفاتها...
مشات كتقلب فماريو ختها على اولويز وملقاتش حتى دخلات مرات خالها لي نطقات:نتي هنا؟؟خليتي الناس
هدى:عفاك واخا تعيطي ليا على اكرام ..
خرجات وبعد لحظات جات اكرام متسائلة:مالكي؟؟
هدى:جاتني لغيكل
ضحكات إكرام:هههههه حلفي ويلي على سعد عندك منحوسة مع راسك
هدى:(غلبات عليها الضحكة)هههههه والله حتى صكعة ههههه اري ليا شي اولويز
هدى:بلاش راه نقية غسلت غي البارح فاليل..عطيني غي ندير اولويز
إكرام:سيري تغسلي المصيبة راه لغيكل هاديك..
ساطت هدى ومشات هزات جيل وفوطة وكولون اخر دازت للطواليط غسلات ونشفات وخرجات ..فطريقها تلاقات بالزوبير خارج..تبسمات ليه بخجل و حتى هو..قرب منها وقال:اوا هدى
هدى:(شافت فبه بعيونعا القتالة)اوا اوا هههه
الزوبير:(دوخوه عينيها المكحلين معمرو حقق فيها)حممم شويا ونشدو الطريق ..
هدى:واخا
مشات من حداه خلاتو متبعها بعينيه..كصورة مبدئية عجباتو..زوينة كتبان ليه هادئة وبعقلها حيت هادشي لي صورات ليه نهار لول وترسخ عندو هاد الإنطباع..رجع لعند الرجال منظم ليهم مرتاح لخطوة الزواج طامع أنه يبني حياتو ويعيش مهني
******
وصل الوقت لي غيخص هدى تغادر بيت عائلتها..لبسات جلابتها بيضة مطرزة ورافقاتها بنقاب فالأسود فلول ستعصى عليها كيفاش تلبسو حتى دخلات عائشة عاوناتها تحت نظرات إكرام ليها وغي تتسوط. ..فيها البكية ديال فراق ختها..
جرو ليها لي فاليز ديالها لي فيهم دهازها وعينيها كيبريو بالفرحة بغات تزوج وتزوجات..عيون ربيعة دمعو هي وأحمد أما إكرام راه حابساها مقدراتش تطلقها
وفالباب كانت سيارة ديال لوكاسيون محطوطة ومزوقة كتسنا فزفة العروس..لي كانت معنقة ربيعة لي بمجرد ماحسات بدفء حضنها شدوها دموع...تنهدات فحضنها بحنان كتحس بإحساس انه غتفقد هاد الحنية وبدا ناقوس الخوف كيضرب عندها..خرجات شادة فمها وختها محتامية بيهم مساخياش حيت بحالا طلع معاها شنو غيوقع..مغتبقاش تشوفهم مغتبقاش تضارب معاهم..
لقاو موكب العروس كيتسناهم حيت غترافقها غي ختها أما ربيعة صحيحتها عيات وأكيد ضروري باها وخوالها باش يكبرو بيها...زيرات عليها بحب وباست راسها قايلة:سمحي ليا امي
ربيعة:ديري عقلك تهلاي فراسك ولي خصك صوني ليا أنا ولا ختك
حركات ليها عيونها الدامعة من تحت النقاب بالإيجاب وطلعات فالسيارة تحت أنظار الجيران وعلى لحن الصلاة والسلام حسب التقاليد المغربية..طلع حداها الزوبير وختها جات مع خوالها وتحركو شاديين الطريق للعاصمة السياحية "مراكش"..
الزويير:(بهدوء همس فوذنها)صافي براكا
هدى:مسخيتش بمي
الزويير:اتبقاي تجي لعندها
هدى:ان شاء الله
حسات بيديه حوطوها بحالا كيمرر ليها رسالة أمان..طوال الطريق بقا النقاب فوجهها زمتها وخنقها وغادييين ساكتييين مكاين لا موسيقى لا والو ..مرة مرة كيهضر معاها الزوبير وكتجاوبو بشويا حيت محاساش براسها اليز مع بداها الوجع حتى زيرات على ملابسها
الزوببر:مالك؟؟
هدى:(شافت فيه بعيونها من تحت النقاب)فيا الوجع(قطب حجبانو)ديال لغيكل
حركات راسها بالسلب وقال:مبقاش بزاف ونوصلو..شي نص ساعة صبريها غنوصي أمل توجد ليك الدوا
هدى:واخا
تكاها على كتفو ترتاح حتى تنهدات براحة..نيتو صافية وزوينة ودفات خاطرها فيه لأنه إنسان طبيعي بسيط وبالفعل ماهيا إلا نص ساعة دخلو لعاصمة البهجة..مدينة الأضواء التي لا تنام بجوها وشعبيتها وتقاليدها وعاداتها..عينيها كانو كيشوفو هاد المدينة لي غي كتسمع على سحرها عمرها مشات ليها وعجباتها لأنها صاخبة ..
دخلو لأحياء شعبية فين لقاو قاعة متنقلة فالغوز والبيض واقفة وباينة دار العرس حيت لقاو الناس كيتسنااوهم بالحليب والتمر وبقفاطنهم وأغلبهم دايرين نقاب على وجههم وحس الراجل مكاين..نطق الزوبير:غتمشي مع العيالات ويكون خير واخة..
هدى:واخا
نزل ونزلها معاه ومكاين لا لعب لا ضريب تحت إصرارو هو كيجيه داكشي غي طنز وقلة مايداار..رافقاتها عدوزتها وختها وباها والناس ضايرين بيها ..كلشي ستقبلها بحب وبفرحة وترحيب كبير..دخلوها للدار وهي لاصقة فختها مكتعرف حد كانت دار كبيرة
مبنية ومصلوحة مزيان فيها ثلاثة طاج والسطاح وعامرة بزااف بالنسا حس الراجل مكاينش..غي دخلو للدار نطقات عدوزتها:صليو على النبي العيالات
كلشي كشف على وجهو حيت دخلو وصلاو على النبي وكذلك هدى لي حيدات خمارها بعدما عرق ليها وجهها وهزات إكرام دغيا بابي مسحات ليها..داوها لبيتها فالطبقة الثانية وكلشي كيشوف فيها باغي يبركك ويشوف العروسة كي راها..
جو العرس عندهم تقريبا منعادم لولا ريحة الدجاج المشمومة عندهم والداخل والخارج حيت هوما ناس محافظييين جدا ومتدينين
بقات معاها وكل مرة جاي شي حد يتعرف عليها يجلس معاها شويا ويمشي وجابو ليها الدوا شرباتو وتكات كل مرة جاي شي حد حتى دخلات عدوزتها لالة خديجة:إكرام دوزي ابنيتي تنعسي ترتاحي شويا بتكوني عيييتي
إكرام:(كتعزها حيت إسمها خديجة)اييييه اخالتي الله يكبر بيك
شافت فختها وغمزاتها وخرجات عارفة الناس يتهلاو فيها ..بقات متكية كتلعب فتيليفونها بغير مبالاة وحلفات لناضت بدلات ديك اولويز..حتى دخل الزوبير وسمعاتو سد الباب عاد ناضت تقادات فبلاصتها وطاح عليها المسخ ديال الحشمة ..معرفات باش تبلات فاش شافتو سد الباب وبقات هي وياه الراس فالراس..راقبات نظراتو المريحة كيبان الوقار على وجهو رغم سنو الصغير..تبسم ليها قايل:شويا
هدى:اه مزيان دابا
حيد شنو لابس بقا بديباردور بيض حاضية هي اش كيدير عاد طلعات معاها الخلعة..سرطات ريقها وقالت متلفة الموضوع:تعشيتي؟؟
الزوبير:تعشييت(لاح عليه فوقيتو)اوا الالة هدى اليوم مكاين مايدار(شداتو الضحكة)اللهم نتعارف أنا وياك
هدى:(ريحاتها هضرتو)واخا
الزوبير:بدلي داك القفطان واجي نتعاود أنا وياك(ضحك)نديرو راسنا مصاحبين ههههه
ضحكات على عفويتو وناضت هزات من شانطتها قفطان بيجامة خفيفة من اختيار إكرام فالساتان وبغات تخرج برا للدوش تبدل وقفها بهضرتو:هدى ديري فولارك
هدى:كاين شي راجل؟؟
الزوبير:مكاين حد ولكن متخرجيش بشعرك عريان..سيري واجي نهضرو
هزات فولارها وخرجات للدوش لي ملاصق مع البيت..كتشوف فالمراية عجبها راسها بالميكاب حيت صرعاتو ليه..تنهدات وحيدات شنو لابسة قلبت سليبها لقات لغيكل نازلة مي العقل لي يقول ليها بدلي راه مكاينش...ملهوفة باغيا تجلس معاه..وبالفعل رجعات وعلقات قفطانها فأول علاقة بانت ليها ومشات ريحات حداه
نطق بهدوء:تقلقتي حيت قلت ليك متخرجيش هاكاك
هدى:(بنبرة صريحة)لا غي بغيت نفهم..
الزوبير:هاد الطبقة ديالك غدا نوريها ليك راه معزولة على الواليدة حيت خويا عايش مع مي..مايشوفك ماتشوفيه..تخطري فالطبقة كي بيتي مكاينش لي يحبسك ولكن الى غتهبطي غديري خمااارك...لي محللين ليك لي غيشوفوك أما الناس لوخرين لا
هدى:محسابنيش(شافت فيه بعينيها وركزاتهم فيه حتى دوخات ليه كابلات راسو)
الزوبير:(تبسم)عرفتي عينيك يشوفهم الكافر يسلم ويقول لا اله الا الله..
بعد مرور 5 أيام على العرس دار خوات وبقاو غير لي ساكنها فقط كالسة فقلب دارها فالصالون شادة تيليفونها كيف العادة من كروب لكروب ومن باج لباج ..حتى صونات ليها إكرام جاوباتها فالبلاصة
إكرام:ديك الهضرة كوليها نوضي تكعديي و العشية لبسي شي حاجة سيييكسيي وطفي الضو باش ميشووفش ديك الشوهة ليدايرة لتحت
هدى:(ميقات ) مالو كيجااك
إكرام:والو هي كحل من سعدي
هدى:افف شحال فيك راه عادي كلشي عندو ديك المنطقة غامقة على لونو
إكرام:ايه غامقة ماشي مضلمة...ونخلييك وديري عقلك وتوكضيي ودوري برااسك دوك تبريمات و البرودويات مشريناهمش باش يعمرو الدوش
قطعات معاها ونوعا ما دارت فيها شوية تالحماس لليلتهم الأولى ولي عليهاا كيستامر الزواج وكتبقا راسخة فالبال ناضت كتقلب فالبيت فالبرودويات ليخلاتهم فصاك هوما وتبريمات معطاتهمش كاع أهمية داومات عليهم يوماين بالحساب وشدها لعكز تاني دخلات للدوش حشات حوايجهاا وحطات سليب لي باقي فيه أثر الدم نااشفة مبدلاتوش من البارح
خلطات تبريمة دارتها للحمها شوية وتشللات دوزات لكيس دغياا الجهد ليتحك متكسابوش حلات شعرها لي مسكيين أول سيمانة يتمشط كل نهار هياا هاد السيمانة تاع لعرس من لفوق تيبان مقاد لتحت مݣرض وناشف والزغبة ميتة
هدى:بنت الحرام حرقات ليا شعري بالسوشوار تفوو
غسلااتو دغيا ودوزات الصابون على لحمها لي لونو مصافيش وموحد لعنق فلون وركابي فلون والباقي فلون لأول مرة فاتت هدى ساعة فدوش بقات حتى جربات كاع لبرودويات هدا شعر هادا دهناتو لحمها وهدشي لي كيعكزهاا تبقا ديرو يومياا رغم انه هادشي معندو علاقة بكترة لبرودويات غير لما وصابون وديودوغون كافي الغرض ..
هز عينو فيهاا بداك المنضر المثير وشعر مغطي نصف وجهاا فازك ...تقاد فوق سرير حاط تيليفونو وتبسم ليها وعينيه كيفحصوهاا
زوبير:بصحتك دووش
هدى:الله اعطيك الصحة حم
عطاتو بضهر حلات لماريوو وحسات بخطواتو كيقربو حتى حضنهاا من خصرها بقبلة على راسها استنشق عطر الشامبو وقال:ريحتك زويينة
تبسمات بخجل وكمل كلامو :غسلتي !
هدى(حركات راسها بالايجاب )مم
الزوبير: تلبسي عليك نصليو واحد جوج ركعات !
هدى:واخة
طلق منها ومشا كيلبس وهيا كتفكر واش توضات الوضوء الكبير ولا نساتوو بحال العادة مرة ديرو مرة لا..عاد تفكرات أنها غسلات ومشات هزات ملابس داخلية جديدة فالبيض او شوميز وهزات لباس الصلاة جاها فدهازها
وقف كيحيد فلفوقية وكلسات هيا على سرير متوترة كتحيد ف لفولار حتى تشوف ردة فعلو وشنو باغي يدير السعاتي جا قصدها كالس حداها داعب شعرهاا وريحتها ف نيفوو مدوخااه ...بدا كيبوس ف عنقها وهيا كتعوج معااه حتى قال : مالكي ...رتاحي
هدى:دابا يجي شي حد يدق عليناا ....خلي حتى الليل
الزوبير:مكاينش لي غيدق داباا غير رتااحي حطي لعباااية احبيبة
هدى:سد السرجم غيضربني لبرد
الزوبير:خليه مضوي نشوف ههه
هدى:غنحشم
الزوبير:واخة الالة
قصد الشرجم يسدو ويهبط الريدو كي طلبات ولا البيت شبه مضلم شعل الفيوز بضو خفيف وقال: وضروري شوية الضو نعرف فين حاط ايدي
ضحكها تحت توترهاا المفاجئ منوو قرب ليهاا وققفها لعندو وقال:متخافيش انا معاك دقة دقة
خدا فمهاا بقبلة تغمضو ليها لعينين باقي حتى بداو حوايجها كيطيحو بياسة ب بياسة حدا رجليها وحوايجو كدالك حتى رماها بلطف فوق سرير غارق فيهاا بشهوة حتى خرجات اه قوية منها كتعلن على اكتمال دخلتهم الاولى بقبلة على جبينها ختم علاقتهم غير وقف عليها جرات لغطا كتستر فصدرها وهوا غير لمح دم فوق لفراش تبسم ليها وقال:صباحية مباركة اعروستي الغزالة
بعد ليلة دخلتها لي دازت في سلام بالنسبة ليهم بجوج ودارو شرع الله. ..الغد ليه فاقت قبل منو وعندها ألم بسباب بكرتها لي تفضات..لقات راسها لابسة بينوار و شعرها شاد الريزوات حيت صافي تحيد منو السوشوار..شافت حداها مكانش الزوبير بتاتا ..هزات التيليفون تتقلب فيه حتى وصلها ميساج من عائشة:امدرا كي داز داكشي
ضحكات هدى وكتبات:داز مزياااان ياله فقت
عائشة:بصحتك الزين ههه نوضي دوشي ليك وغسلي
هدى:اه داكشي لي غندير
بقات هي وياها ميساجات ومع ختها لي فالخدمة وكتجاوبها بعدما رجعات فحالها لحياتها العادية ..من ميساج لميساج من بوسط لبوسط متحركاتش السيدة من بلاصتها ومع مالقاتش راجلها قالت هانياا..حتى ضربات الحداش..وهاد الوقت فمراكش راه وقت الفطور الثاني ..تسمع الدقان فالباب وصوت شيماء مرات لوسها لي عايشة لتحت:ختي هدى
هدى:حمممم نعام اختي..صبري أنا جايا
مع ناضت كتفتف عطاها الضو لتحتها خلاها تخرج عينيها بألم وتشد بطنها..ساطت ولاحت عليها عباية ديالها باش صلات البارح وجمعات شعرها عاد مشات توجههات للباب حلات مبسمة قايلة:صباح الخير ختي
شيماء:(ضرباتها ريحة الفم)كي صبحتي اختي مزيان؟؟
هدى:الحمد لله ونتي؟
شيماء:بخير اجي تفطري معانا دايرين التردة
هدى:(ضحكات)شنو هادي؟؟هههههه
شيماء:معرت اش تتگولو ليها تما هههههههه مهم اجي تاكليها
هدى:واخا اختي غي ندوش ونجي
فهماتها وهي تنزل حشمانة عرفاتها صافي صبحات وبالفعل نزلات عند عدوزتها قايلة:خالتي هاهيا غتنزل
خديجة:(كتسقي التردة)فين ولادك؟؟عيطي لسلوى وأمل يجيو واش نبقا هي مݣابلاهم
شيماء:هههههه واخا
خديجة:(قطعاتها تتضحك)مالكي اهياتا؟؟
شيماء:(بصوت منخافض)واقلة هدى اخالتي صبحات
خديجة:(بتساؤل)هي بحرا توضات؟؟اوا الحمد لله
شيماء:داكشي لي بان ليا
خديجة:على سلامتها ههههه دوزي حطي الصينية
دخلات هدى مشات تتقلب اش تلبس باقي فرحانة بشراوطها..هزات بيجامة حليلوة وفوطتها ومسائلها ودخلات وأخيرا تدوش..وتحتها محروود بزز باش ناضت..لبسات عليها وشعرها دارت ليه زيف حياتي وفوقو فولارها الطويل كي وصاها الزوبير حيت الدار خوات يعني الطبقة ديالها مافيها حد وفالنهار مكيتخطرش الراجل
نزلات كي العروسة نيييت عندهم حشمانة زعما وهي راه مكرهاتش تنقز وتدير بوووم لدخلتها..سلمات بأدب وجلسات حدا عدوزتها فانتظار اللويسات لي كلشي ساكن حداهم
خديجة:كي صبحتي ابنيتي؟؟
هدى:الحمد لله اخالتي نتي مزيان
خديجة:حمد لله..الزوبير خرج للخدمة
هدى:اااه واقلة حيت كان خصو يرجع
حركات راسها وماهيا الا دقائق جاو اللويسات حتى هوما نظامو ليهم وحطو قصرية ديال التردة وهو طبق مراكشي مئة بالمئة معروف كيديروه مرة فالسيمانة..كيجمعو الخبز لي بايت كيتقطع طريفات صغار ويسقيوه بمرقة اختصاص مراكشي وكيف العادة كيديرو المراكشيين جوج فطورات..بدات كتاكل معاهم باريحية حيت مطلوقين وممكنززينش نهائيا كيضحكو ويطلقوها تسرح وهي غي تتفرنس معاهم عاجبها الجو...بقاو كول وقولها وضحك عليها متحركو تال وحدة
خديجة:اليوما غتغداو معانا من بعد نتوما وكوزينتكم ههههه
هدى:اه واخا(تفكرات مكتعرفش تطيب)
دوزات معاهم داك الصباح باشما عطا الله كتحاول تندامج معاهم وتعرف عليهم ..ويديها بيديهم تتشقا معاهم تقول كانت تضل تشقل حتى وصل العصر ودخل الزوبير من الخدمة بتاتا واش وصل لتحت حيت مرات خوه دايرا النقاب حتى هي..طلع للفوق صونا ليها وطلعات عندو حشمانة زعما ..لقاتو كيحيد حوايجو..تبسم ليها وقال:لالة هدى
الزوبير:حتى أنا كنسول شي حوايج هههه مخليتش ليك المقدية..غي نرتاح ونخرج نتقدا ليك وديك ساعة برعينا من حنة يديك
هدى:(دافعة الجبهة )لي بغيتيها نصوبها ليك
قبلها مرارا وتكرارا حتى قادتهم لقبلة لأحاسيس جامحة جامعة بين زوجييين لاحتهم للناموسية فلخر..بوسة من هنا كلمة من هنا حتى تجردو من الحوايج كانت فرصة أنه يحقق فجسدها لأنه وقت العصر الشمس ضاربة كتبين ليك النبشة لكانت...فغضون العلاقة مكانش بتاتا كيحكر حيت كانت رغبتو فيها لأنها مراتو وحتى هي عاشت معاه أحاسيس جديدة زوينة متنكرش بلي ستمتعات فيها حتى سالاو وتكاو كيرتاحو من مباراة هادئة مافيها لا غالب لا مغلوب هي مجلجة فهادشي وهو كيعاملها بشنو عرف وشنو دوز..
ضحكات بخجل كتضور فبه عينيها لي باقي فيهم اثر الكحل..هز شورطو وناض مخليها كتشوف فيه والفراشات كيلعبو فكرشها من طريقتو فالمعاملة لي أقل مايمكن تقول عليها معاملة حنينة أما هو دوش وخرج لقاها لبسات حوايجها وكتقاد الفراش زعما وهو ينطق:مغتدوشيش
مشات للدوش دوشات عاوتاني بعجز عليها غي مافيها لي يتعافر معاه وهي باقي جديدة وخرجات لقاتو هبط التحت وبقات هي هازا تيلي منشورة من بوسط لبوووسط...صونات لربيعة أبيل فيديو جمعات معاها فتيليفون إكرام حتى طلع وهي تنطق فجأة وسط حوارهم:الزوبير جاي بسلامة
إكرام:ويلي بنت الكلب قطعاااات تي ويليي هادي مالها
ربيعة:هههههههه جا زمانها
إكرام:مزينو زمان
ربيعة:معندك ماتقولي فيه الله يعمر ليه الدار
إكرام:وا منكذبووش السيد كيبان الله يعمر ليه الدار بنتك لي مصيبة
ربيعة:دابا دير عقلها...نوضي شوفي خوك فيناهو
*******
اليوم الموالي فاق الزوبير فالصباح خلاها ناعسة مقدرش يفيقها حيت دوزات معاه ليلة حميمية بغا يخليها ترتاح ونزل لقا مو حاطة حريرة وفطور لباه..صبح عليهم وجلس كيفطر معاهم
خديجة:هدى فايقة؟؟
الزوبير:لا امي خليتها ناعسة
خديجة:وا واليدي ونتا غتخرج هاكا بلا فطور
الزوبير:هههه هاني كنفطر امي
الأب:حممممم الله يخلف
خديجة:نتا تعرف
خرج لعملو مخلي لالة غنو جابدة عليه..عجنات العدوزة وطيبو وفطرو وعاودو وهي باقي مفاقتش حتى صونا تيليفونها ..هزاتو لقاتو الزوبير ..جاوبات بصوت ناعس:الو
الزوبير:(بتساؤل)باقي ناعسة؟؟
هدى:ااااه
الزوبير:مشا الحال..الطناش هادي الغدا قرب وأنا كنت عوال نرجع نتغدا معاك
هدى:ممممم انوض دابا نقاد الغدا كون هاني
الزوبير:فطري بعدا أنا ساعتين ونكون عندك
قطع معاها وناضت هي تتفوه كتخرج ريحة الزفورية من فمها..لبسات فرجليها ومشات بالت ومغسلاتش كيف ديما ...شللات غي وجهها عجزانة كتسوووط مشات نيشان للكوزينة لي عندها فطبقتها مجهزة بكلشي وتقدا ليها البارح كتفكر اش طيب؟؟اشنو توجد ليه؟؟هي مكتعرف والو..بقات تشوف فالماعن ويشوفو فيها بحالا كتقوليهم نوضو طيبو ياله..شافت حتى عيات وجبدات الكفتة تطلق وهزات صونات لربيعة..
ربيعة:(ضحكات)ياك باغا تزوجي اوا طيبي ليه حسابك الزواج فيه غي سبعيام تالباكور
هدى:(ساطت حيت حصلات)واش غتعاونيني ولا لا
ربيعة:بغيت ليك دقة...شدي الد.....
بدات كتعطيها اش دير وتنعت ليها ..ديري هادي وشلضي هادي ولوخرا عقلها ثقيل فالفهامة ديال الطياب..مردات ديك الكفتة حتى عرقات
ربيعة:نقصي البوطة وبقاي تقلبيها
هدى:واخا شكرااا هههه
ربيعة:الله يعطيك عقل...الزواج قالت ليك
قطعات معاها خلاتها مشات هزات تيليفونها كي ديما كتنقي فيه القمح ومرة مرة تطل على الكتنة معرفاتها طابت ولا باقي مفاهما والو أصلا..عاودات صونات ليها مجاوباتهاش وهي تطلقها فيد الله وطفات عليها..تسمع حسو فالدار وهي تنوض لعندو مبسمة:جيتي
الزوبير:يلاه(باسها ففمها)مزيان؟؟
هدى:بخير
الزوبير:كاين الصهد برا اندوش وحطي الغدا
هدى:(بكل ثقة)اه واخا
مشا لبيت لقاه باقي كيما هو ممجموعش محكرش رغم أنه مكيبغيش الروينة حيت كابر فالنظام والنقا والتاوبل تاع مو..أما هي مشات كتحط طبلة وكتسنا فيه مواكلة والو هازا غي تيلي مجمعة مع عائشة لي قضات شغلها ونضاتو
الزوبير:(ضحك)كاين شي حد كينسا العجينة هههههه أنا نهبط نجيب باش نقضيو من عند مي
هدى:هههههه واخا
بالفعل هبط خدا من عند مو الخبز وطلع مع قال بسم الله وكلا كتبان ليه الكفتة مطايباش مزيان وحتى هي كلات مي يديها فتيلي كتطلع فالفيسبوك وتوريه شوف اش دارو هنا وهو مسكين غي مدمق بداك الغدا حتى سالا وقال:أنا غنرجع للخدمة خاصاك شي حاجة؟؟
حركات راسها بالسلب:لا
مشا غسل فمو وزاد للخدمة ممحكرش بتاتا كيرجع الأمر انه باقي مولفاتش أما هي راه تنشرات حدا الماعن تجاوب من بوسط لبوسط حتى قرب يأذن العصر عاد ناضت جمعات الماعن ومشات تكمشات عاود...
فالعادات المغربية ديالنا أنه المرا فأولى أيام زواجها كيخصها تبين حداكتها فالطياب باعتبار الحداكة مؤشر على ان المرا مرا نيييت كيخصها تبرعو شهيوات وتوريه شنو تعلمات وشنو كتعرف دير قصدا فأنها تبهروو..وهادشي هدى متفورماتش عليه كتعرف غي تسما مزوجة ولباس..
فور مارجع من الخدمة كيشوف البيت باقي هو هو مكاين لا ريحة كيكة لا كاسكروط لا والو..هي أصلا الشهية زيرو عندها حيت بدلات جو المدينة لقاتها من الجنة والناس
عاشرها ديك الليلة من جديد ونعسوو بعدما ضحكو ونشطوو وجبدو عليه هو دوش وهي نعسات هاكاك
*******
توالات أيامها معاه هاكاك لمدة شهر..السيدة مكتنوض تال زك نهار كتنزل تفطر عند مو وتطلع تدمق ليه شي حاجة تحطها لبوبي مياكلهاش..كل صباح مصونية لمها ولا لختها تسولهم كي دير وشنو دير ومع ذالك طيابها كيطلع حالتو وديما كياكلو وساكت...فغضون شهر ابدا واش بان عيبها فالعفن..كانت كدوش مرة فسيمانة وكتزعم دير ديدوغون مرة مرة لكن حتى كيقرب يجي ..
عجوزتها عمرها طلعات عندها بالعكس هي لي كتهبط كتاكل وتشرب وتطلع..ميمكنش تدخل لدارها وتلقاها مجموعة ..التسياق سيقات جوج مرات وغي بزز..حاضية غير الهضرة مع عائشة لي مدخلاها لكروب سميتو"المتزوجات المنقبات"
فينما كانت شي مسالية راها تما...لكن بفرق أنه هوما كيقضيو اشغالهم كربات بيوت..نهار عرفو بلي مغيخدمو عرفو راسهم غياخدو مهمة ربة بيت يعني كيديرو شغلهم كيما هو..فحين هي لا..حاضياهم اش طيبو واش حطو وتتشكر داكشي لي يحطو وحتى هي كتهز صور من الفيسبوك وتحط ليهم على أساس هي لي صايبات
دوزت شهر تاحاجة متبدلات فيها نهائيا..والسيد مكيحركش نهائيا غي كيميمك عليها حيت مافيهاش الصداع وضحوكية معاه...جاه سفر على حساب الخدمة للشمال فيه يوماين وبقات راسها..غي منشورة مرة مرة تنوض تقلي البيض تاكلو وترجع تنشر
سمعات الدقان فباب برطمتها..قطبات حجبانها وناضت ببيجامة زوينة لكن فيها ريحة العرق حيت متبدلاتش ربع أيام ملي دوشات ومدايرا لا ديديغون لا والو...حلات لباب كتفاجئ بلويساتها وعيالات اللواس جاييين ومحملين جاييين يزوروها ضهشروها..بتسمات بزز وقالت:اهلا اهلا
سلمات عليهم كاملين ودخلو كلها وشنو هازا فيديها دايرين ليها زيارة على غفلة صدموها..رحبات بيهم ودخلاتهم للصالون دايزين على سيجور لي فيه الماعن منشورين من زك الصباح..ورقو البلان وطمروو..
خديجة:اوا أ عروستي مجيتيش قلنا نجيوو حنا
هدى:مرحبا بيكم علاش عذبتو راسكم
سلوى:دنيا هانيا اختي انا نحطو فالكوزينة
مشات تدي الأطباق وهي غرضها تبركك تشوف دار خوها فاش دخلات ليها المرا..مع دخلات بان ليا لفابو فيه ماااعن نيييت كثار شويا والبوطاجي معلق..حطات داكشي و بقات كضور عينيها وكتنعل الشيطان
دخلات أمل حتى هي هازا وقالت لوخرا بهمس:اتي شوفي الكوزينة
سلوى:(بتذمر)حيدي علي كالاك..سيدة مكتبانش فيها حالة التهلية...شتي الارض كي معلكة ياك لباااس ولكن(باستهزاء)والله حتى عبر عليه الله القافز فالدوار كيديها شيخة جالس كيتشرط ويتعزل فبنات الناس...لا هادي مدايراش الخرقة(الحجاب)لا هادي كتخرج بلا خبار دارهم هاهو جاب بركاصة حطها
أمل:سكتي اصاحيتي حشومة يقدر تكون مريضة
سلوى:ممممم فيها الموت لوااه..حسن عوان مي مسكييينة
*****
مرو يوماين ولالة هدى كتفيق تاكل وترجع تسند والىرشقات ليها كتنوض دير شي حاجة..الى سيقات راه غتسيق فساعتين يد تحد يد تقلب فتيلي محمعة مع الزوج العزيز لي مغرقها كلام غزل وقرريديرليها مفاجأة ويجي بلا يعلمها
فحين هي رله جبدات عليه تال زك النهار وناضت غسلات وجهها ووقفات قدام المرايا كتشوف وكتفكص حبة بصباعها..وتتلعب بلسانها فسنانها لي عامرين ماكلة..شافت المعجون والفرشاة وجاها الموت تالعجز..وقاعدتها هي قاعدتها حتى سمعات الباب كيتحل وهي تشهق..طلات بان ليها هو بشحمو ولحمو وريحتو عطات فالدار..سرطات ريقها ومبقاتش قدرات تسبق رجليها حدها بسمات بشويا وقالت:جيتي
الزوبير:توحشتك(كيقرب ليها)اجيي مغتعنقينيش
متسناهاش تجاوب توجه ليها نيشان مبسم مكمل خدمتو باغي يرجع يلقا مراتو يرتاح معاها ويخوي يالو معاها مع بقاو سنتيمترات قلال تشمات ريحة الصنان لي تخللات نيفو وحاول يكذب حاسة الشم عندو..مع ذرعها مزيااان وسط حضنو مع شمشم مزياااان نيييييت ومع نيفو جا مع شعرها لي جامعاه مخبل ممشطش كاع شم ريحة الزيوت لي كيطلق الشعر...
هدى:على سلامتك
الزوبير:(مطمر)لباس عليك.
هدى:بخير،ونتا
الزوبير:(بخير ...توحشتك
هدى:حتى انا..فيك الجوع
الزوبير:(الريحة قتلاتو)اه اه ندوش ونحطي ليا واخا
هدى:واخا (سرطات الريق)
مشا الزوبير مدهوش كيحاول يستوعب اش شم..كيحاول يكذب احاسيسو ولا نيفو ولا شنو شافت عينه..شم ريحة صنان ماشي عرق عادي..ستغرب كثر ملي دخل لبيت لقاه كيفما هو كي خلاه ممجموعش الفراش وفيه ريحة زفرة..قطب حجبانو بتذمر ومشا حل الشراجم تتنفس القضية شويا...هز حوايجو وكيقلب على فوطتو ملقاهاش نادى باسمها:هدى فييين الفوطة ديالي
هدى:(كتهرس ليه البيض)غتكون غي تما قلب
بقا كيقلب مالقاش وتعجب حيت فوطتو ديما بلاصتها ..شاف ورا الباب بان ليه الصاك ديال لصال ديالو لي مشا ليها قبل مايسافر بيوماين..مشا قلبها وعطات منها ريقة الندى والغمولية حيت فازكة ومتنشراتش من داك نهار..خيب سيفتوووو ومشا لعندها هازها فيديها قايل:هدى مصبنتيش ليا حوايجي؟؟
هدى:هااااا صبنت علاش
الزوبير:(كيوريها الفوطة)وهادي
هدى:ويلي نسيييتها سمح ليا(شافت فيه ببراءة كتسمكن)مشفتهاش
سكت مالقا ميدير ورحع هز فوطتها مطوية فالماريو متحركاتش من بلاصتها..دخل للدوش لقاه محموع عادي رجع الامور لجوج تساؤلات اما السيدة صبنات ومالقاتهاش او ولا فعلا مدوشاتش ملي مشا
اما هي دغيا سربكات البيض ومشات كتجري للبيت حيدات لي لابسة كلشي هزات السليب نقي لبساتو بلا متغسل بانو ليها لي لانجيت مسحات بيهم بيطانها ومع ذلك باقي الزفورية..لبسات بيجامة نقية وشعرها مشطاتو دغيا لتحت نااااشف بجهد ولفوق مزيت ..رشات سبراي تالجسم عليها لي مسكين منهار تشرا وهو كيشوف فيها
غي خرج وهي تمشي عندو مرتاحة عنقاتو فرحانة بي قايلة:خليتي بلاصتك علي
الزوبير:(بادلها العناق وباستها ففمة حتى بسمات ليه وقشع السنان موسخين)حتى انا الجنية..مي لباس عليها
الزوبير:(عقلو كيفكر)ايييه من لخير ناكل وننزل عندها
هدى:واخا
جلس كياكل داك البيض كي الحنش ويجمع معاها ويضحك عادي لكن عقلو كيخمم وكيحاول يستجمع تفكيرو غي كمل قرر ينزل يشوف مو فحين هي ولاو فيها عشرين جمعات الماعن دغيا مجاش فين يطلع لقاها نضات كلشي وقال مع راسو نعاشرها وبالفعل بدا معاها بوسة من هنا ومن لهيه وغزل حتى لقاو راسهن عريانين فالفراش كيمارسو لكن الريحة رغم التبدال برزطاتو...محاسش براسو مرتاح بتاتا حتى واحد اللحظة قال ارا نجرب شيحاجة جديدة مع بغا يبوسها فانوثثها لي لونها قوقي سخفان..ماشي قهوي انما قوقي سخفان وفيه شعيرات نيييت محيداتوش بالاضافة بيطانها لي حتى هوما مخسراتش عليهم ماكينة ديال جوج دراهم
مع سيد تحنا ضرباتو ريحة زافرة خوينزة تما وهو يتوقف فجأة عريان وخرج للطواليط مخليا حالا رجليها للسما مفاهما والو فحين هو دخل الطواليط وزفر بقرف من شنو شم
بقات هدى حالا ورقة الوسخ ديالها للسما مامغسولة ما منقية غي شداتها لي متعلم وهي تحلها..ناضت لبسات بيجامتها بزربة خلعها ومشات تبعاتو ..كدق عليه فالدوش وتعيط باسمو حتى سمعات صوتو كيقول:انا شويا ونخرح
هدى:واش مريض؟؟مالك؟؟
الزوبير:(زفر)لالا غي سيري
ستغربات ورجعات جلسات مقلزة فوق الناموسية مزال تتسناه يخرج ويبرد دودتها وفعلا مفاهما والو ومشمات والو..فالاصل الى كانت ريحة خايبة وزدتي عليها ريحة زوينة كيتخلطو وكيعطيو ريحة خوينزة...وهو نيفو كيستنشق فعنقها وفشعرها ولحمها ومكيشمش ريحة نقية
اما هو راه كان كيحك سنانو وكيشلل فمو بجهالة ونيفو مزال كيلقط ليه الريحة..الرجل الى شم فمراتو شي حاجة مكيحطش عليها يديه واخا يكون كيموت عليها..وهو فعز علاقتو معاعا شم ريحة زافرة بزاااف خلاتو ينفر وينوووض من تما معاقلش..كيحاول يستوعب اش شم واش ريحة البول ولا افرازات ولا الحوت مقدرش يميز لي قدر يستوعبو هو خاطرو تكلع..مخرج من تما حتى دوش وخرج داير فوطة عليه عاقد سبعة فربعة لقاها فعلا جالسة تتسناه كي العروسة الجديدة
هدى:(وقفات)مالك؟؟
الزوبير:(تنهد)عيان شويا سيري دوشي ونعسي
هدى:اش ضرك؟؟نجيب ليك شي دوا؟؟
حرك راسو بلا ومشا كيقلب على حوايجو وهي تنطق:نوجد ليك شي حاجة مالك نضتي قافز
الزوبير:مكاين والو غي نعسي
هدى:(زفرات)باقي الحال على النعاس اشمن نعاسس..قوليا مالك؟؟
الزوبير(ضار عندها مقندش)هدى الساعة لله قلبي ساعة بخرا
خزرات وبينات ليه اول مرة تخنزيرتها بتبدا تعوشر عليه وقالت بنرفزة:لهلا تقول..نبقا نطلب فيك(ساطت)ففففففف
الزوبير:(ببرود.كيلبس)سيري دوشي وديري العشا
هدى:(هازا فيه حاجب)ياك كليتي؟؟وياك كلتي ليا سيري تنعسي
مشات غضبانة للبيت تخشات فالفراش وحلفات لدوشات فحين هو بقا كيتفرج حتى عيا وناض عندها لقاها نعسات مدوشات موالو..قرب لجيهتها لقاها ناعسة براحة ممسوقاش..ستغفر الله وتكا حداها كيقلب على النعاس حتى غفى
فاليوم الموالي فاق لخدمتو وهي مفايقاش معاه جابدة عليه..شاف جيهتها وناض كستغفر الله صلى الفجر وخرج حيت كيخصو يمشي يهز الناس ويوصلهم..هبط عند مو يفطر معاها وهي تعطيه فوجهو:اوليدي واش مراتك مريضة؟؟
الزوبير:(عرفها علاش كدق)شويا
خديجة:(شدات حنكها)اوا اوليدي هادشي بزاف..المرا لي متفيق مع الراجل تفيقو لفطورو وتخرجو لخدمتو ..وهاد المرا عندك نتا عمري شميت عندها ريحة الطياب؟؟(شافتو ساكت)اهضر واش تندوي مع مخي انا(بلهجة مراكشية)
الزوبير:(حط الكاس وباس راسها قايل)لي بان ليك أمي
خرج لخدمتو ودماغو ميفكر وكيقول مع راسو واش تخورت؟؟واش تشرطت حتى عييت وفلخر تخورت؟؟
فحين هي بقات ناعسة حتال العشرة حيت نعسات بكري..فاقت كتفوه بنفسها الخانز ملقاتوش ومتسوقاتش..مشات فطرات ليها مصبحة على كروبها ومها وختها وتنشرات حدا الماعن حتى صونات ليها سلوى لوستها لي دايرا معاها يمشيو للحمام باغيا تعبرها ولباس
سلوى:الزين جمعتي حوايحك؟؟
هدى:جمعت اختي..دوزي علي للدار
سلوى:انا نطفي على الغدا وندوز
فعلا ناضت جمعات لماعن لكوزينة ومشات جمعات بروديواتها لي باقي تقريبا جداد حيت مكتبغيش ديرهم..وهي تصوني ليه مرة وجوج وثلاثة ومجاوبش..لبسات نقابها وصابوها بتقاشر وتسنات تاوصلات وهبطات عندها...سلمات عليهم تا كنفاتهم ريحة العرق وطمرو وشدوها للحمام بجوج كيهضرو ويضحكو وكانت هادي أول مرة تخرج هدى من الدار..خارجة فرحانة كدير مشية البنات لي ياله تزوجوو مقاداها فرحة
فوسط الحمام المراكشي سخون والهضرة كثيرة..العيالات كيتهاضرو منين ومنين وكيحكو دايرين حديث ومغزل كل وحدة وشنو جايبة معاها تطلي الا سلوى لي جايبة الطلية الخضرة هلى شكل مرا..حداها هدى تتحك مسهوكة مافيهاش لي يحك غي كدوز يديها فحين سلوى تتبان حارة تتحك وتدوز مزيان وبنص عين حاضية لوخرا وهي تنطق:شدي دوزي ليا ظهري
شداتو وعطاتها بظهرها كبير وعريض وبدات تتحك ليها ويديها كيثقالو عليها هي أصلا مكتحملش الحمام على الحكان وتتعجز عليه..مكملات ليها ظهرها حتى تفقصات سلوى وهي تنطق:زيدي ندوز ليك
مع عطاتها الظهر هبطات ليها عليه تتخرج منو شعرية معرفاتهاش امتا اخر مرة حكات وقالت:عندك ثقيبات الزين هنا؟؟
الووبير:(فقصاتو)ونتي الالة لي باقيا بجنابتك من البارح اش تتسناي؟؟تتسناي يهبط عليك المسخ
هدى:(بدات كتعصب)رد بالك لاش كتخرج على فمك...
الزوبير:سمعي نهضر معاك. .نهار تخرجي بلا خباري نتفاهم معاك.. مونيكة انا هنااا؟؟(بنرفزة)فيناهو الغدا؟؟غادية لحمام بلا ماتطيبي والو اش بناكل أنا الحجر؟؟
ضربات فيه تخنزيرة نييييت ودازت فيه قايلة:طيبو راسك نييت ملي كتعرف تغوت راه كتعرف طيب
الزوبير:كنعرف نطيب حسن منك نتي ماكلتك راه مياكلهاش اليهودي
ضارت شافت فيه باستهزاء وقالت:نتا هو داك اليهودي...
خلاتو واقف كيتخزز عليها وزادت ترتات مسوقاش ليه حين لجات تقابح معاه غتصدق راجعة لدارهم...ابدا واش حاسة براسها غالطة كتشوف راسها مدارت والو..حطات قشها وتنشرات فوق الناموسية كتسمع فيه ردخ الباب وخرج عاد عضات على شفايفها وحسات بلي الجو تكهرب ومن كلخها العظيم هزات تيلي ديالها وهي تكتب منشور طويل عريض فكروب متزوجات:
وبزاف تالاراء ماليهم لا أساس ولا معنى خدات وقتها باش تقراهم وتجاوبهم حتى جبدات عليه بنعسة مفاقت حتال العصر ..حيدات جلابتها باش نعسات وناضت بزيف حياتي كتقلب على متاكل هي خارجة من الببت هو داخل تصادف معاها عرفها ياله فايقة مهضرهاش وزاد لبيتو بدل عليه وخرج محاشهاش ليها كاع نهائيا الشيء لي خلاها غي كتشوف ..وعينيها تغرغرو حسات براسها محكورة..مشات طيبات متاكل وجلسات كتخمم اش دير اشما دير..هزي يا هدى تيلي وصوني لعائشة حطي ليها كلشي فالطبلة متزكلي حتى تفصيل وهادو هوما مواضيع عائشة المفضلين..
عائشة:ويلي يا صاحبتي واش كيحسابك باقي ديال راسك خارجة بلا متعلميه..عرفتي الذنوب لي هزيتي على رقبتك مع الله؟؟حشومة اصاحبتي انا راجلي الى معلمتوش منخطيهاش برا الدار وخصو حتى يكون باغي نيييت وأصلا كنبغي نخرج غي معاه هو
قطعات معاها ومشات للكوزينة تتفكر اش دير هي مكتعرفش طيب الطواجن لي كيعجبوه..دخلات ليوتوب مفهمات والو صونات لاكرام طلباتها تعاونها وبقات معاها فالخط حتى كملات كلشي ووصاتها باش تبقا ترد ليه البال..مشات للبيت حيدات زيف حياتي وطلقات شعرها ناشف ومافيهش الحيوية حيت مكتعتانيش بيه..وبدات كتفكر شنو تلبس حتى طاحت على شوميز فالابيض خفيف من الساتان دارت فوقو بينوار وجلسات كتصبغ ضفار رجليها بالحمر بدون متحك قدامها لي شحال من مرة فعلاقتها الحميمية كيتحاكو مع رجليه كيحس بحالا نجرو منشار وكيميك
لبسات و كحلات وتعطرات جات زوينة وطاح عليها السر ومشات كتطل على الطاجين ناقصة عليه حتى دخل وهي تخرج كتجري عندو ..شاف فيها طلعها وهبطها ومشا وهي تبعو منادية عليه:الزوبير..
مجاوبهاش دخل لبيتو كيبدل عليه ممسوقش ليها فحين هي بقات كتهضر معاه وتطلب السماحة وتعبر عليه فلخر خسر عليها:فمك سابقك والزواج غي معاودين ليك عليه
هدى:ياك الزوبير؟؟محشوماش عليك شوف صايبت العشا والله نتعشاو؟؟
ضهشراتو بقسوحية وجهها وخلاها ممسوقش ..لا هي مسوقة لا هو..بقاو شويا ويديرو ليدين .هي انسانة مكتبغيش تعتارف بغلطها وهو انسان كيكره لي مكيعرفش يهضر وهادو طباع كتاشفوها فبعضهم مع المعاشرة..
أقوى مما أدرك الجزء الثالث
محتوى القصة
فالبيت هدى لابسة القفطان وماكية..ميمكنش العين تكذب كتبان زوييينة خاصة انها ممولفاش دير الماكياج..كحلات العوينات وخدماتهم ليها اكرام بشكل زوين وبانت عسليتهم مع الشفيرات لي طلعو بالماسكارا وعكر خفيف..اكيد رفقو كل التعديلات باش يتغطاو لي سيغن والحبوب بحكم اكرام اختصاصها هو الميكاب فصرعاتها..ريحاتها وقالت:بصحتك
هدى:يعطيك صحة..دعي معايا يتسير كلشي
اكرام:مممم
جاو الناس برفقة عائشة لي وراتهم الدار..العريس لي هو الزوبير شهييب وعندو حقو فالزين كيبان الوقار والضرافة فوجهو وكيبان ولد الناس نقي برفقة مو وباه ناس كبار وخواتاتو وخوتو ..تلقاو ليهم بالترحيب والسلام الحار مكبرين بيهم..ودخلوهم للصالون لي ريحتو كتفوح بالند...الرجال فالصالون والعيالات فالبيت لاخر حيت اغلبهم منقبات..خواتاتو وعائشة لهذا فرقو المجمع
نطقات الأم لي كتبان مبشورة وضحوكية جايية قشابة المراكشيين وبلكنتها البهجاوية:فيناهيا عروستنا
ربيعة:(رتاحت ليها)حشمانة ههههه اكرام نوضي ابنتي عيطي لختك
ناضت اكرام مبسمة حيت من الجلسة لولة كيبانو ناس عاديين ويرتاح ليهم الخاطر...ودغيا كينساجمو..رجعات ومعاها هدى بفولارها حشمانة زعما ومتلبكة جاها هادشي فشيشكل وقلبها كيضرب بالخلعة..تبسمات وسلمات عليهم تحت أنظارها بالوجه..غي وصلات لحماتها تحنات باست ليها يديها ولوخرا تبسمات بحب:ماشاء الله تبارك الله..هادشي زييين
ربيعة:(ضحكاتها)يزين يامك الالة رابحة
رابحة:جلسي ابنيتي...
اكرام:(حطات اتاي)مرحبا بيكم
سلوى:(اخت العريس)الله يكبر بيكم وسمحو لينا على هاد دخلة
ربيعة:نتوما مالين الخير الدار داركم
رابحة:ان شاء الله نوليو حباب ميبقاش بيناتنا هادشي(تبسمات لهدى)ياك ابنيتي
هدى:ان شاء الله اخالتي
عند الرجال
كان الزوبير جالس بثبات ومرزن ومحصن كيبان فيه خاتر وبعقلو..غي من لبسو تقراه وتعرفو انسان معقول وداخل سوق راسو..مخلي باه يتولى زمام الامور وكيدي وكيجيب فالهضرة مع خوال هدى لي كيتصرفو باريحية حيت لقاوهم ناس بساط وشعبييين
الحاج:اوا أسي رحال..قصدنا شريف(لكنتو مراكشية)جينا اسيدي ناوين الحلال لولدنا مع بنتكم لالة هدى ياك سميتها هدى؟؟
رحال:ههههه ايييه اسيدي هدى..بنت ختي
الزوبير:(حمحم ونطق)وان شاء الله بلي فيه الخير..قصدي شريف وغرضي باين..باغي نكمل ديني ودواو ليا على بنتكم وشكروها ليا وطامع الى بغا الله نكمل معاها ديني
محمد:ايييه ان شاء الله..حنا اسيدي منحيدو ليك منعطييوك..الشوار ديالها والى تافقتو منزيدكم غي الخير
رحال:ليبغيناه حنا هو يتهلى فيها راها يتيمة معندها لا مها لا باها..ماتت مها خلاتها صغيرة غي حنا لي ربيناها
الزوبير:(حط يديه على صدرو وهضر بجدية)لي علي نديرو ونفوتو لهيه كي عايشة معاكم تعيش معايا ميخصها تا خير ومن فمي عمرها تسمع العيب
رحال:هذا المظنون فيكم اسيدي(كيكب اتاي)مرحبا بيكم
الحاج:اشنو الحاج نقولو الله يسخر
رحال:كيقلت ليك منحيد ليك منعطييك الشوار شوار الدرية..نشاوروها ويكون خير
الحاج :مقلتي عيب
عند النسا
هدى:خودي حليوة اخالتي مكلييت والو
اكرام:(فنفسها)شوف ليك الصواب معرت فين قراتو
خديجة:(الام)الله يعطيك الخير ابنيتي..كولي ليا قارية؟؟
ربيعة:(عتقات الموقف)قرات ومجابش الله وصافي
سلوى:ماشي مشكل كلنا قرينل تاعيينا وتزوجنا ههههه او لا أعائشة
عائشة:(بمزح)انا اختي مكانتش عيني فالقراية هههههه منهاري عارفة غتلى ليا مزوجة
اكرام:كلها وفاش عينو(خاطرها مكيقبلهاش)
دخل احمد وخاطب مو:مي كاليا خالي رحال بغاو يسمعو جواب هدى
تزيرات ربيعة حيت هي دايرا هادشي غي خاطر وصافي وهي تنطق :حمممم انا جايا
خديجة:شوفي ابنيتي قبل متقولي والو ربي شاهد علي..راه عندي ثلاثة تالعريسات تى وحدة معايشا معايا ولايني بحال بناتي..فلول عاشو معايا عام بيدما تيسرات امورهم ومن بعد مشاو سهل عليهم اللله..غنتهلا فيك ونديرك بنتي وحتى ولدي منشكروش ليك راه داخل سوق راسو
بغات تنطق هدى وهي تسبقها اكرام مبسمة:باينة فوجهكم الله يعمر ليكم الدار ما قلناش لا ولكن
قاطعاتها عروسة الشتا كي الحزقة بالخفة لي عطاها ربي:أنا قابلة اخالتي..الى بغيتي نعيشو معاك ديما معنديش المشكل..انا منفرقش الراجل على مو حيت منبغيش لي يفرق مي على ولادها..المهم الواحد يلقا راحتو
كلامها كان قرطاس لربيعة واكرام لي كانو عوالين فشكل ولقاو شيء اخر..كيفاش لتاقطات الكلام ولاحت رأيها وبلي هي مباغاش وقت تفكر عطاتهم نيشان جوابها وحتى الهضرة ماشي هضرتها كانت باينة مقريها شي حد وشكون من غيرها عائشة..هاد الاخيرة لي تبسمات بتسامة رضى وقالت:راه قلت ليكم درويشة وبنت الناس وباغي تعيش باشما قسم الله..
خديجة:هادشي لي بغينااا
ربيعة:(وقفات )حممم هدى اجي ابنيتي
ناضن تتبعاها حانية راسها متبعة تعليمات الاستاذة الفاشلة عائشة..فحين سلوى تبعاتها بعينها وكيبانو ليها قديماتها كي حرشييين ناقصيبن ترطيب وسكتات أصلا هي جايبينها باش تفليها وتعطيهم الرابور
دخلات هدى للبيت مع ربيعة لي خرجات فيها عينيها وكتهضر بهمس خوفا يسمعوها:واش نتي ضاربك حمار ليل؟؟شهاد الخفة؟؟مالك خفيفة؟؟علاش تجاوبي؟؟سكتي سكتييي
هدى:(مفاهما والو)كيفاش؟؟وا سيدة سولاتني بغيتيني نسكت؟؟
ربيهة:خليني انا نهضر..من لول قابلة وجالسة تفرنسي ليها حسابك مك هاديك...تي شمن زواج هذاا اش وجدتي ليه؟؟(هزات ليها صبعها)غتخرجي وتركني وخليني نهضر
هدى:(بدات متعصب)باغيا تطججي ليا العريس أمي ياك؟؟باغيا تهرسي ليا فرحتي
ربيعة:غنهرس ليك وجهك وسنانك الى مسكتي..مالك فهاد الخفة راه قالوها الخفيفة ماتتكون عروسة ماتتكون نفيسة..فين شفتي هاد السيد لي ملهوفة عليه
هدى:(بحدة)شوفي أمي ره الى وقفتي ليا فسعدي معمري نسمح ليك..معمركم وقفتو معايا ودابا بغيتو توقفو ليا فسعدي..سيد شهوة منو خدام وضريف وزوين وبغيتوني نفلتووو(دازت خارجة)
خلاتها مصدومة للحظة حساتها عندها خمسين عام فاش شافتها مشوقى على الزواج وميتة عليه وكيفاش مبغاوهاش تموت عليه وهي عينيها تضببو ورسمو ليها صورة زوينة عليه مورينها الزوين والخايب مخلينها تكتاشفو راسها..دخلات وسط محيط عامر بالمزوجات وشداتها عائشة غسلات ليها دماغها وراتها الزوين وبلي الحياة حلوة و الزواج هو سبع ايام تالباكور والحويجات زوينين والعرس بالاضافة للمدة لي عاشتها مع باها تحصر ليها عقلها فالزواج والعامل الأساسي لي خلاها نأثر كثر أنه هي عمرو جاو فيها الخطاب ولا نالت حظها من الإعجاب من شي شخص يعني اول واحد قالت بسم الله
خلات ربيعة في حيرة من أمرها وخرجات نضامات ليهم مبسمة عادي..الجو توتر عند مها وختها معرفو مايسبقو ولا يوخرو هوما دارو ليها غي الخاطر وبغاو يلقاو للناس منين يسرسبوهم ولكن مالقاوش..طاحو فيهم بسطاء وباغيين غي يضحكو وينشطو وشعبيين من نفس مقامهم ومافيهمش الشيكي
تحط العشا بعد عشية طويلة فيها الهضرة والجموع تالعيالات كلها احاديث عن زواج وماغيره حيت هو موضوع الساعة حتى قربو يمشييو ونطقات خديجة:اوا ابنيتي مسمعناش جوابك
اكرام:(تنهدات)نخليوها تفكر شويا راك عارفة الحاجة الزواج هذاا
خديجة:(بانت فوجهها الحيرة)بغيتي تهضري معاه هو لول؟؟
هدى:حممم اه باش نتفاهمو
سلوى:ايييه يهضروو
صونات لخوها فالبيت علماتو وعلمهم وكلشي ساكت وكيشوف ..واكرام كتحلف باغيا تسلخ مها..ناضت تابعة ربيعة لي تقيسيها تسوط فيك..داتهم لبيتها لي من حسن حظهم جامعينو ومرتبينو ومعطر اما كون جا ليه كيف كيكون غيهرب ويخلي صباطو..
حسات براسا تزنكات لأول مرة فحياتها..وهي مع واحد غريب ووسط دارهم..كتلعب بيديها المعرقين وهي كتشوفو داخل مرتاح ومبرد مافيهش الستريس نهائيا عكسها هي..كسر صمت الجو بصوتو لي تسرب لأارجائها:هدى لباس؟؟
هدى:حمد لله ونتا؟؟
حسات بيه قرب لاغي المسافة بيناتهم حتى فيكسا عينيه فعينيها وشاف لونهم البني العربي الشامخ..وقال:حمد لله..بغينا غي موافقتك؟؟قابلة؟؟
هدى:حممم ونتا؟؟معندك ماتقول؟؟
الزوبير:الى بغيتي سمعيني شروطك ونسمعك شروطي
هدى:كنسمعك
الزوبير:(مبسم)نتي لولة الالة
هدى:أنا شرطي هو متحبسنيش على مي وخوتي...وقتما بغيت نشوفهم نجي
الزوبير:الى طلقاتنا الوقت نجيبك تشوفيهم علاش لا..والديك وخوتك هوما لولين..زيدي شي حاجة خرا
هدى:صافي
الزوبير:هذا وكان..انا الالة منتشرط عليك والو من غير العرس مغنديروش صداقك غتاخدي داكشي علاش غنقدر نعطيييك ولكن عندي شرط واحد ومبغيتكش ترديه ليا فوجهي
هدى:لي هو؟؟
الزوبير:غديري النقاب..
شوكاها وصدمها بطلبو لدرجة بقات مبلقة فيه عينيها للحظات قبل ماتنطق:وعلاش؟؟
الزوبير:خوتي كلشي دايرين عيالاتهم الخمار تاحد مكيشوف حد وحنا عائلة محافظة معندنا اختلاط معندنا والو..محتارميييين ومكنبغيوش داك كثرة دخل خرج..اش قلتي؟؟
هدى:(سرطات ريقها)واخا
الزوبير:(تبسم)ملي قابلة الحمد لله..وانا من عندي غنتهلا فيك باشما قديت ومنقصرش معاك وان شاء الله بلي فيه الخير
هدى :امييين
الزوبير:تهلاي فرلسك انا نعطيهم جوابك
خرج مخليها واقفة كتستوعب اشنو كدير؟؟دار ليها التنويم المغناطسي بهضرتو..اي انسان يسمع هاد الهضرة غيعرف راسو غيعيش واحد الحياة صعيبة بزاف..عمر النقاب او الخمار كان عيب انما هو سترة لكن فزمننا الحالي صعيب بزاف تلتازم بيه..هضرتو كانت عادية لكن وحدة بحال هدى راه لحسات ليها الدماغ ولات باغيا غي تزوج حتى هي وتتسمى مزوجة ولباس رغم كل هادشي لي طرح ليها
دخلات عليهم بعد لحظات مبسمة وقالت سلوى:امدرا؟؟
هدى:اه تفاهمنا
ربيعة :اش تفاهمتو؟؟
هدى:بلي فيه الخير
خديجة:سلوى سمعينا شي تزغريتة ههههههههه(عنقات هدى بحب)مبرووووك ابنتي والله يكمل كلشي بخير
********
الأطرش في الزفة هي ربيعة واكرام لي كيتكرددو من داخلهم كيتسناوهم يتقلعو باش ينفاردو بيها وبالفعل توادعو ومشاو مخليين انطباع زوين عندهم وخداو النوامر باش يرصييو كلشي وحتى خوالها ومرات خالها غادرو فرحانين بعائلة بسيطة وزوينة بحال هادي..غي خرج كلشي وهي تجرها اكرام من ذراعها للبيت الصغير وصاحت:واش اختي نتي هي فريفرة شخصيا؟؟تي مالك فديك الخفة..
هدى:ارصاي يدي بغيتي تقلعيها من بلاصتها مالك اش كاين(تبسمات)شفتي شحال ضريفة عدوزتي ولوستي الله يعمر ليهم الدار..
ربيعة:يعمرها ليك تي نيت بالخرا.. خلاص حسبتيها عدوزتك ولوستك..واش ابنيتي معارفاش اش كديري؟؟مالكي ملهوفة على الزواج تقول عندك خمسين عام راكي باقي صغيرة قدك باقي كيقرا
هدى:واش امي انا باقي عقلي تاع القراية؟؟.صافي مكتابش القراية ندوزو لحاجة خرا
اكرام:شوفي نقوليك ..الزواج غي نسايه وهاد الناس غنصونيو ليهم ونفاريوها
هدى:(قندشات)مريضة نتيا انا بحرا مالقيت لي نتفاهم معاه ونصيفتو؟؟
اكرام:لحقتي نتي تفاهمي معاه؟؟درتيه فكرشك(ساطت)هدى راه غي كتخربقي نتي مزال صغيرة على الزواج
هدى:واش بغيتيني ندير ليك؟؟
ربيعة:مديري والو..غا بركي الأرض حنا الالة نخدمو حنا نصرفو عليك غي بركي الأرض
هدى:نتوما مكتبغيوش لي الخير..شفتو الناس كي زوينين وضريفين ومصوابين وبغيتو توقفو لي فسعدي
اكرام: يا بنت الكلبة راه الناس الله يعمر ليهم الدار نتي لي فيك المشكل..واش نتي عفنك يجمعوه من المحمدية ..طيابك مياكلو بوبي وباغيا تزوجي ولكن راه ماشي منك كلشي من ديك عيشة يعششو عليها الكلاب
هدى:ماشي شغلك ودخلي سوق راسك..وغنتزوح بغيتو ولا كرهتو (بدات كدمع)ياك نتوما هوما عائلتي وواقفين ضدي
ربيعة:(تنهدات)ابنيتي انا مبغيتكش تكرفصي راه غتكرفصي راه ما عندكش عقل الزواج
هدى:(عنقاتها تتبكي)امي انا بغيت نتزوج وندير داري
اكرام:(ساطت)ضبري رااااسك أنا هضرت والله أهدى وتعيطي ليا وتشكي عليا منعقل عليييك
زادت خارجة معصبة وخايفة على هدى من هاد القرار المصيري حيت هي دايرا وشايفة ومعاشرة ناس وشايفة البنات شكيقولو على الزواج تصغر..مكايناش لي مجاياش عندها تصاوب شعرها ومكتشكاش ليها من المشاكل وكتعبر على ندمها الشديد فالزواج
هزات تيلي لي كيفيبرب لقات اسم:علي..
فطونوبيل سايقها الزوبير حداه باه ومو وختو لور نطق الأب:اوا اوليدي كي جاوك الناس؟؟
الزوبير:(بهدوء)كيبانو الله يعمر ليهم الدار ومحافظيين
الأم:حتى هدى زوينة وبسلامتها كدخل للخاطر
سلوى:غي هو جاتني بحالا مكرفصة..شفتي وجهها كي عامر حبوب
الأم:(غوبشات فيا)داكشي ديال الله..مالك نتي مدوزتيش الحبوب
سلوى:(همسات فوذن مها)ماشفتيش رجليها امي؟؟
الأم:(قرصاتها)سكتييييناااا لنعطيك شي دقة
الأب:أنا إلى بغيتي ريي غي توكل عالله..البنت عائلتها مزيانيين ومك عجباتها
الزوبير:حتى أنا رتاحيت وعجباتني ..نرصيو الهضرة ونديرو العقد
سلوى :والعرس؟؟
الزوبير :أنا ماباغي عرس..غنجييبها وصافي ومنلقاش شي جماعة
الأم:ويلي اوليدي ومنعرضو حد مالنا شاقرين..الى معرضتي حبابك شكون يشركني الفرح
الزوبير:(بهدوء)الواليدة أنا مكلتش لا...ولكن الغنا وداك الشطيح ديال الشياطيين معندي مندير بيه
سلوى:اوا سمح ليا بينا نشطو شوياا ويلي
الزوبير:(بمزح)خههه زوجي راجلك
ضحكات معاه بحشمة حيت خوها عزيز عليها وكتحتارمو وحتى هو كيعاملها زوين...هوما كخوت مرضيين ومهديين ومعندهم غير بعضهم كيضحكو وينشطو مجموعين وعندهم مفهوم العائلة هو الأساسي.. خاطرهم مشا مرتاح لعائلة هدى وعزمو وقررو بلي الزواج من عندهم يكون
أما هدى راها جالسة شادة الجموع مع عائشة مفرنسة مخصها حتا خير من غير تنوض تحك كدامها..لاهازاهم للفوق وكتضحك وتعاود معاها ولوخرا كتنصح فيها حتى دخلات إكرام مكشكشة قايلة:الزواج باغياه وتنوضي تجمعي الروينة لا
هدى:(ساطت)فففففف خليها حتى نوض
اكرام:ينوضو جنونك ...حاضية غي تكركير
*******
نتاشر خبر خطبة هدى..لي من نهار رصاو الهضرة ضبرات فجلابة ختها فالغوز بيبي بعدما طلبات ورغبات وزاوكات عطاتها ليها ولات كتلبسها وتخرج دايرا فولار مستور ولي تلاقات معاه ويسولها فين غابرة تقوليه قربت نتزوج..ضربات لراسها الطر وكون كانت دايرا خاتم فصبعها تم غادية وتشايل بيه وتغوت تتقول :ويك ويك وراني غنتزوج..
كتدوي كل نهار مع الزوبير لي كان معاها محتارم ومأدب حدو كيسول فيها صافي... عمر بسل عليها ولا طلب صورتها ولا شي حاجة ديما محتارمها وكيهضرو غي على الحال والأحوال ومالين دار ومرة مرة كيجبدو الهضرة على دارهم وكي غيردوها وهادشي مفرحها هي..حددو وقت للخطبة الرسمية لي قررات تديرها خطبة وضريب الصداق فنفس الوقت..كتشاور غي مع راسها وتعلمهم تحطها ليهم فالطبلة تغوت ربيعة وتطير إكرام وفلخر تخسر عليهم: "مبغيتوش ليا الخير بغيتوني نبور..كتحسدووني مبغيتوش ليا الحلال"
ناقشاتها إكرام حتى عيات وهي باغيا تزوج ولباس ..فالأخير رضخات للأمر الواقع وخسرات عليها حوار واحد
"فلاش باك"..
إكرام:دابا نتي مباغياش ديري عقلك وتنساي الزواج؟؟
هدى:(ساطت)نتي راه عيقتي عليا وبزاف واش ختي ولا عدوتي كتبغي تنكديها علي وصافي
إكرام:المصيبة راكي كتروني اش وصلك لشي زواج؟؟(طلعاتها بقرف)اش وجدتي ليه؟؟واتي تا تبارم والوصفات مدايراهم اش غيشوف هاد الراجل
هدى:(قلبات شفارها)ماخصني والو..لحمي زوين ونتي الى بقيت فيك سيري شري ليا أنا معنديش
إكرام:وقولي لداك الزوبير ديالك يعطيك؟؟
هدى:(خرجات عينيها)بزااف عليك منشدش من شي راجل الريال..
إكرام:غنهضر معاك لآخر مرة أهدى..نهار تندمي وتبغي ترجعي راه معندك فين ترجعي وعقلي عليها(علمات بصبعها فالباب)إلى مرجعتي نادمة راني ماشي بنت خديجة
هدى:نتي مسمووووومة حيت أنا غنتزوج ونتي لا..حتى حد مامعبرك وباغيا تهرسي ليا فرحتي..
تشوكات إكرام وبقات ساكتة تتشوف فيها بنظرة باردة وقالت:هادي ماشي هضرتك هادي هضرة ديك الخانزة ديال عائشة غي هو عقلي عليا مزال تضور الأيام وتوريك وجهها الحقيقي..الهاربات كيبقاو غي هاربات واخا يعطيوه فالحلال(بنبرة استهزاء)مبروك عليك اختي عيطي لباك يجي يحضر ليك أما انا هزيت عليك يدي
-#####
كانت هادي هي هضرة إكرام ليها حيت عيات معاها بجميع الطرق لكن عقلها كان مسدود فيه تزوج ولباس...وبالفعل علمات باها وفرح بزاااف ليها لدرجة لغد ليه جا لعندها مقدي ليها وعطاها الفلوس خلاها غطير بالفرحة ...
بداو كيوجدو لضريب الصداق لي خلاوه فمدة شهر..هي مسايعاها فرحة تضل ضورة وتلوح تصاور الحب والغرام فالسطوريات واليدين تناس وأغاني الغرام وتفوح على البنات لي قراو معاها لي سولها تقوليهم تزوجت ولات حاسبة راسها مزوجة
فواحد الصباح مفاقت حتال وسط النهار كتفوه كدوخ فدرب السلطان بريحة فمها..سلمات على ربيعة لي كتنقي الحلبة وقالت:كي صبحتي امي؟
ربيعة:الحمد لله ونتي؟؟باقي مباغياش تحيدي منك هاد القاعدة ديال السهير زعما راه غتزوجي
هدى:(كتفرنس)ههههه فالزواج عاد غنسهر هههه
ربيعة:الله يمسخك ههههه تي اش وجدتي لهاد السهير؟؟شريتي شي حوايح(شافت فرجليها)تي ضفار رجليك مقطعتيهم
هدى:غنمشي الحمام اليوم امي انا وعائشة
ربيعة:(زغرتات بدون سابق انذار)لولولولولولولوي غتمشييي الحمام ههههههههههه(كتزغرت بجهد)
هدى:هههههههه ويلي مالو حمام العروسة
ربيعة:تي نهار كتمشي لحمام راه عرس هههههه
دخل أحمد لي سمع تزغريت:مي اش كاي؟
ربيعة:غتمشي هدى لحمام
أحمد:(زغرت تاهو)لولولولولولو هههههههه
هدى:عيقتو ويلي
ربيعة:تسناي ختك تجي وتمشي معاك
هدى:لا غنمشي مع عائشة..إكرام ماغتجي حتال الستة وأنا الزوبير مكيبغيش يخليني نخرج فاليل
ميقات فيها ربيعة قايلة:ياك اختي؟؟ومالكي غادي تسلكطي؟؟
هدى:(كتسخن فاتاي)لالا غي هو مكيبغينش نكثر الخروج..مكيقول والو ولكن كيلوح ليا هضرة وصافي
ربيعة:واتي بركي لارض راكي ممحسوباش عليه باش يبقا يحكم فيك..بركي تجي ختك تديك تغسل ليك وتفركك
هدى:لالا درت مع البنت..وغدا غنمشيو مجموعين نشريو اش خصني
ربيعة:واتي منين جاوك الفلوس؟؟عطاك الزوبير شي حاجة؟
هدى:والله منشد منو ...عطاني بابا ربعين ألف ريال والزوبير قاليا بلي هوما غيتقداو ليا كلشي(بتساؤل)ولكن أمي..معرفتش اشنو غيخصني
ربيعة:(ضحكات مفقصة)وملي نتي معارفاش اش وصلك لشي زواج(ساطت )فففففف
جلسات كتشرح ليها اش خصها تشري وشنو غيديرو وتوعيها وتنصحها ولوخرا حالة فمها بحالا مريحة فحصة فالمدرسة حتى كملات وجمعات حوايجها ومشات للحمام دايرا مع لوخرا يتلاقاو فيه بحكم ولاو صحابات
مع حيدات حوايجها عطات منهم ريحة الزفوري تالقوادس حتى نطقات عائشة مخيبة سيفتها:يخخخخ قهرونا بهاد روايح الصبايغ للشعر معرفتها صباغة ولا ريحة شي قادوس
هدى:ولاهيلا اختي زيدي زيدي
دخلو و بداو كيحكو ولوخرا كيخرجو منها الوسوخات كي الشتا وغلحم قرب يتذبغ ولوخرا غي كتشوف فيها وتمعن وتبركك فلحمها..سالاو وبدات عائشة كتدهن وتعاود ولوخرا مجايبة والو وقالت:نسيت لي برودوي دياولي
عائشة:ديري معايا ...متسنايش تبقاي تحلقي ديما على الحالة راه الزواج هذا ههه
هدى:كوني هانيا
دخلات هدى من الحمام تتشعل..لقاتهم مجموعين وتنشرات حداهم قايلة:واحد الحمام زوين
إكرام:علاش متسنيتينش حتى نجي ونديك راك عروسة
هدى:مشيت مع عائشة
ميقات إكرام قايلة:وحكات ليك؟؟
هدى:ههههه لا أنا غي مي ونتي لي تحكو ليا
إكرام:غتخرجي تقداي؟؟
هدى:اه درت مع عائشة
خبطات إكرام الكاس وصاحت:عيقتي علينا بهاد الهايشة ت عيشة ؟؟نفطرو بيها وننتغداو بيها ياك لباس؟؟تي واش مقطوعة من شجرة؟؟وليتي غا لاصقة فيها ياكما هازا ليك البزولة؟؟ديري شويا تالعز لراسك وبيني بلي عندك عائلة
هدى:(مفاهما والو)واشنو؟؟أنا جاتني عادي
ربيعة:فورص الكلبة فوورص..مخلية ختك وغادية مع البراني. . وحوايجك هادوك خص ختك لي تمشي معاك
هدى:(شافت فختها)بقا فيك الحال ههههههه؟؟واصدقت عزيزة عليك هههههه صافي الالة نمشيييو مجموعين
ركلاتها إكرام وقالت:هاديك الهيشة منمشيش معاها انا فالطريق..لايحة ميترو تالثوب وجارا وراها هردوسية قد الخلا الغادي والجاي فيها
هدى:(ساطت)واخا الالة هي اصلا محالش يخليها راجلها
ربيعة:ها ختك تمشي معاك أنا رجلي ضروني ما قديت نمشي
هدى:واخا...(سكتات شويا كتفكر)بغيت نهضر معاكم شي هضرة
شافو فيها بجوح زعما هضري وهي تنطق:مبغيتش العرس نديرو..غنخسرو فلوس على والو
إكرام:(باستهزاء)هادي هضرتك ولا هضرة عيشة
هدى:(ساطت)نساي عليك عائشة..هادي هضرتي أنا..خسران الفلوس على والو ونتوما عارفيني معنديش مع العراسات بزاف..ومعندي حد نعرضو
ربيعة:(بتساؤل)وها خوالك وباك
هدى:(بامتناع)مكاين لاش والله..غي جليسة بيناتنا وصافي..حتى الزوبير هادشي لي قال ليا ..غندير العقد ونديرو عشا خفي ونمشيو فحالنا صافي
إكرام:(كيتزير عليها خاطرها من ديك نمشي)العرس هي مره وحدة فالعمر أنا كلت ندير ليك عرس على قدنا
هدى:غتصدعو راسكم وصافي..مبغيت عرس غندير العقد ونمشي تاهو غيدير غي عشا ويمشيو الناس
ربيعة:نتي تعرفي
دازت ايام وايام والتجهيزات خدامين..كتخرج هدى مع ختها وعائشة مرة مرة يشريو اش خصها..دوزاتها حرب مع اكرام لي كتبغيها تاخد شي حاجة كلاص وزوينة وهي ذوقها كيميل لديال عائشة البلدي فكلشي حتى فليشوميز دونوي..مقصراتش من حقها شرات ليها ووفات وفلوس العرس نصهم خسراتهم عليها..ودهزاتها مزيان بالإضافة للفلوس لي عطاها باها وكلامها مع الزوبير راه يومي ديما كيتهضرو عادي لقاتو انسان ضريف ومعقول مافيهش البسلات
اليوم يوم العقد عندها..فايقة ناشطة وقلبها كيفرفر بالفرحة كتشوف يديها فيهم نقش خفيف نقشوه ليها البارح..جمعات بنات الدرب وبات خوالها مع نقاشة ونقشات على أساس اليوم العقد وغتمشي فليل لدارها...شافت شوانط ديالها مجموعين فيها حوايجها لي غتدي معاها..حيدات زيف حياتي من راسها لي دايرا ليه الباتشا وياله غتنوض وهي تدخل إكرام لي حتى هي ناقشة خفيف تبسمات وقالت:صباح الخير
هدى:صباح نورر..جاتك الحنة زوينة..شوفي ديالي؟؟
إكرام:كتطلع ليك بحال ماما حتى هي كتشد فيها وكتولي كحلة فيديها
هدى:كون غي بقات حتى تحضر لهاد النهار
إكرام:(بنبرة ضاحكة)لا اختي غتفقصيها ههههه مزيان ملي مشات بكري
ضحكو وخرجو لقات بنات خوالها لي بقاو باش يعاونو جداهم..جلسات حداهم نافخة ريشها قول شدات الدكتورة وعندها السفر للقمر..وغي كتشير بيديها لي محنيين
فطرات وهي تنوض لبسات جلابتها البيضة لي خيطات تحت اصرارها هي..عياو فيها تبدل اللون لكن لسقات فالبيض مع كولون بعدما حيدات زغب لحمها كولو .شداتها إكرام نتفاتها عاود ..تحيد وتنكر على اللون لي ولى ليها داكن فبيطانها..قررات اكرام وصاحبتها لي غيديوها للكوافوررة بعد اصرارها انها بغات تصايب برا. ماشي ختها لي تقاد ليها..خلاوهم مضاربين مع الدجاج والطياب وخرجو وهي حشمامة زعما شدو طاكسي والوجهة الكوافورة لي خداو عندها موعد..
دخلو ومشات حيدات جلابتها بقات بديباردور مبين صدرها وكولون بيض كتبان بلدية مئة بالمئة..مع طلقات شعرها نطقات السيدة:تبغي ديري شي سوان لشعرك راه محروق
إكرام:لالا مديري والو هي قادي ليها شي مشيطة خفيفة و جها ركزي ليها على العينين فالميكاب
هدى:(كتشوف فشعرها)تحرق ليا ياختي نقصي منو غي شويا
...:محروق بزاف خصو يتنقص كامل
إكرام:غي قضي غرض اختي بلا نقيص
بالفعل باشرات كتقاد ليها شعرها بعدا تسرحو جاها زوين من الفوق لكن التحت محروق ..دازو ليها لظفارها تيديها ورجليا لصقوهم ليها بانو يديها فيهم الضو..عطاتهم وجهها تحت تعليمات إكرام لي كتوصيهم اش يديرو ليها وفنفس الوقت كتقاد هي وبنات خالها
مخرجو من تم حتال الخمسة عاد سالاو كامليين..هدى ورا ماترقعات وشدوها ماكاو ليها و دارو ليها الضفيرات ولات كتبان مسرارة..والعوينات الى ركزتي فيهم تفهاي ومتحيديش عينيك منهم لكن مشكلتها هي العفن.
هدى:كي جيتك ؟؟
إكرام:(عنقاتها)زوييييينة بزااااف جيتي قوقة هههههه
إلهام:(بنت خالها)بحال عمتي الله يرحمها
هدى:ربي يخليكم
جا خالها هو لي داها بالصلاة والسلام على النبي والحيحة فالطريق فرحانين وهي كثر..لقاو دارهم نايضة فيها الحيحة باللعب والغنا ومع هي فيها عرق شيخة مكرهاتش تشد منهم البندير وتقوليهم حيدو من الطريق..دخلوها البيت وكلشي جاه الفضول يشوفها كي طلعات لأنها معروفة عندهم انها مكتهتمش براسها لكنهم تبهرو من زينها
كاين الزين وكاين المسرار وهدى النوع المسرار لكن الى قللات الاهتمام براسها مكيبقا لا زين لا سر كتولي حالتها...
لبسوها تكشيطتها فاللون الأبيض وحزموها وتصورو معاها فرحانين ليها..دخل احمد باسها وقال:إكرام تكلمي لبابا
ساطت وخرجات لبرا هازا جلايلها لقاتو ف باب دار مع خوالها كيهضرو بحالا مواقع والو..مناداتش عليه غي وقفات جا عندها مفرنس لابس جلابة:تي مالك فين كنتي؟؟
إكرام:خصاتك شي حاجة؟؟
باعدي:عاد تفكرتيني
إكرام:كيما نسيتنا نسيتك..اش خصك؟؟
باعدي:عدووك منك...شدي شدي(جبد رزمة تالفلوس)عطيهم لهووودااا قوليها تخزنهم عندها
اكرام:لاش؟؟
باعدي:عمها وعماتها جمعو ليها هادشي مقدروش يجيو
إكرام:(شداتهم)كيف شفتي حتى الى جاو غنخليهم يدخلو(شافت موكب العريس)سير سير ها العريس وصل
فالصالون جالس باها وخوالها وولاد خوالها والعدول وعائلة العريس كيفتيو عليهم فالزواج والأسس ديالها..الزوبير كان بكوستيم فالكري جا معاه زوين وكيبان عاطي لعين كاع الناس قالو بلي حسن من هدى شكلا يمكن حيت عارفينها معفونة ...اما هي راه شاداها القفقافة..خرجاتها جداها لي لابسة قفطان و مكحلة العينين وفولارها خفيف فوق راسها ممسالياش تلبس وتقاد خصها توقف على عرس حفيدتها تتحضي الغاشي ليديرو ليها شي حاجة...
جلسوها حدا عدوزتها والنسا من عائلة الزوبير لي جايين بتكاشطهم وتاويلهم المراكشي وكيضحكو فرحانين مكبرين بالعريس..كلشي كيبركك وشي جاتو زوينة شي لا..شي عجباتو شي جاتو عادي شي متسوقش أصلا ..دخلو ليها باش تسني كان خالها لي جا شخصيا مد ليها الكتاب وشدات الستيلو سنات بلا متجيها لا رعدة لا خوف...وتسمعات زغروتة مع مرات خالها على إثر امضائها خلاوها تضحك فرحاانة بشنو دارت..
تزوجات هدى وحققات رغبتها رغم أنف الجميع..واخا مها رفضات واخا ختها غوتات..ينتا**حرو هوما كاع هي بغات تزوج غتزوج...فيها حاجة زوينة أنها كتشبث بقرارها ومكتحنتش..والى حلفات مكرتجعش على حلوفها إلا نادار..إلى قدرتي تهرس الحجرة غتهرس راس هدى لي كتبقا شادة فالحاجة حتى كتحقق
تعالات الزغاريد و الصلاة على النبي فدارهم ولي معارفش راه عرف بلي هدى بنت ربيعة تزوجات وتهنات ...فالجيران كلها وشنو كيوشوش شي كيقول ميمكنش هدى غتكون إكرام شي كيتسنا يشوف غي العريس أما هي راه تبسيمة مترعة ففمها اجا ميجمعها ولسانها تبروكراما على جملة وحدة:الله يبارك فيك العقبة ليك..
عنقاتها إكرام عناق أخوي حنين بزاااف وباستها فحنوكها قابلة بصوت مغنغن لكن عينيها فرحانين قايلة:ديري عقلك اهدى
هدى:(باستها )لهلا يخطيك عليا
دخل العريس عندهم باش حتى هو يبارك لعروستو وهنا كانو تبركيكات كلشي كيقراه ويسكانيه وهو حشمان ومع شهيب ولى حمر...مد ليها يديه وسلم عليها بوجهو خلاها غتسخف حيت أول مرة تلمسها يد رجل:مبروك علينا
تبسم ليها ويديه بقات حاضنة يديها بود والأنظار كاملة عليهم...جابت بنت خالها الصينية مزوقة فيها الخواتم وبالفعل لبسوهم والتصاور حاضرين موصية بنادم باش تحطهم تفقص الناس لي أصلا ممسوقينش ليها
تركبو الخواتم وتشرب الحليب وكلشي بارك ليهم ..تسربا العشا للرجال والعيالات ولالة هدى لابسة قناع الثباتة والرزانة حدا عدوزتها وحشمانة وتضحك بالقياس صدماااتهم بجهد واحد اللحظة ستأذنات تبدل عليها حيت حسات بمغص خفيف فكرشها وشكات تكون العادة الشهرية..وبالفعل دخلات للبيت لي لقاتو عامر ببلاطويات الحلوى وشوانطها..زفرات متوترة وهزات جلايلها كتقلب لقات سليبها بيض فيه لغيكل وكيبان حشونها من بعيد لونو قهوي كيضوي متسوقاتش ليه بتاتا حدها دارت ليه لاصيغ شداتها إكرام نتفاتها...
مشات كتقلب فماريو ختها على اولويز وملقاتش حتى دخلات مرات خالها لي نطقات:نتي هنا؟؟خليتي الناس
هدى:عفاك واخا تعيطي ليا على اكرام ..
خرجات وبعد لحظات جات اكرام متسائلة:مالكي؟؟
هدى:جاتني لغيكل
ضحكات إكرام:هههههه حلفي ويلي على سعد عندك منحوسة مع راسك
هدى:(غلبات عليها الضحكة)هههههه والله حتى صكعة ههههه اري ليا شي اولويز
إكرام:(مشات كتقلب ليها)معرفتش فين غنلقاها فهاد الروينة...سيري بعدا غسلي واجي نعطيك
هدى:بلاش راه نقية غسلت غي البارح فاليل..عطيني غي ندير اولويز
إكرام:سيري تغسلي المصيبة راه لغيكل هاديك..
ساطت هدى ومشات هزات جيل وفوطة وكولون اخر دازت للطواليط غسلات ونشفات وخرجات ..فطريقها تلاقات بالزوبير خارج..تبسمات ليه بخجل و حتى هو..قرب منها وقال:اوا هدى
هدى:(شافت فبه بعيونعا القتالة)اوا اوا هههه
الزوبير:(دوخوه عينيها المكحلين معمرو حقق فيها)حممم شويا ونشدو الطريق ..
هدى:واخا
مشات من حداه خلاتو متبعها بعينيه..كصورة مبدئية عجباتو..زوينة كتبان ليه هادئة وبعقلها حيت هادشي لي صورات ليه نهار لول وترسخ عندو هاد الإنطباع..رجع لعند الرجال منظم ليهم مرتاح لخطوة الزواج طامع أنه يبني حياتو ويعيش مهني
******
وصل الوقت لي غيخص هدى تغادر بيت عائلتها..لبسات جلابتها بيضة مطرزة ورافقاتها بنقاب فالأسود فلول ستعصى عليها كيفاش تلبسو حتى دخلات عائشة عاوناتها تحت نظرات إكرام ليها وغي تتسوط. ..فيها البكية ديال فراق ختها..
جرو ليها لي فاليز ديالها لي فيهم دهازها وعينيها كيبريو بالفرحة بغات تزوج وتزوجات..عيون ربيعة دمعو هي وأحمد أما إكرام راه حابساها مقدراتش تطلقها
وفالباب كانت سيارة ديال لوكاسيون محطوطة ومزوقة كتسنا فزفة العروس..لي كانت معنقة ربيعة لي بمجرد ماحسات بدفء حضنها شدوها دموع...تنهدات فحضنها بحنان كتحس بإحساس انه غتفقد هاد الحنية وبدا ناقوس الخوف كيضرب عندها..خرجات شادة فمها وختها محتامية بيهم مساخياش حيت بحالا طلع معاها شنو غيوقع..مغتبقاش تشوفهم مغتبقاش تضارب معاهم..
لقاو موكب العروس كيتسناهم حيت غترافقها غي ختها أما ربيعة صحيحتها عيات وأكيد ضروري باها وخوالها باش يكبرو بيها...زيرات عليها بحب وباست راسها قايلة:سمحي ليا امي
ربيعة:ديري عقلك تهلاي فراسك ولي خصك صوني ليا أنا ولا ختك
حركات ليها عيونها الدامعة من تحت النقاب بالإيجاب وطلعات فالسيارة تحت أنظار الجيران وعلى لحن الصلاة والسلام حسب التقاليد المغربية..طلع حداها الزوبير وختها جات مع خوالها وتحركو شاديين الطريق للعاصمة السياحية "مراكش"..
الزويير:(بهدوء همس فوذنها)صافي براكا
هدى:مسخيتش بمي
الزويير:اتبقاي تجي لعندها
هدى:ان شاء الله
حسات بيديه حوطوها بحالا كيمرر ليها رسالة أمان..طوال الطريق بقا النقاب فوجهها زمتها وخنقها وغادييين ساكتييين مكاين لا موسيقى لا والو ..مرة مرة كيهضر معاها الزوبير وكتجاوبو بشويا حيت محاساش براسها اليز مع بداها الوجع حتى زيرات على ملابسها
الزوببر:مالك؟؟
هدى:(شافت فيه بعيونها من تحت النقاب)فيا الوجع(قطب حجبانو)ديال لغيكل
بقا كيشوف فيها وكينعل زهرو المكوز فلخر نطق:هازا معاك شي دوا؟؟
حركات راسها بالسلب وقال:مبقاش بزاف ونوصلو..شي نص ساعة صبريها غنوصي أمل توجد ليك الدوا
هدى:واخا
تكاها على كتفو ترتاح حتى تنهدات براحة..نيتو صافية وزوينة ودفات خاطرها فيه لأنه إنسان طبيعي بسيط وبالفعل ماهيا إلا نص ساعة دخلو لعاصمة البهجة..مدينة الأضواء التي لا تنام بجوها وشعبيتها وتقاليدها وعاداتها..عينيها كانو كيشوفو هاد المدينة لي غي كتسمع على سحرها عمرها مشات ليها وعجباتها لأنها صاخبة ..
دخلو لأحياء شعبية فين لقاو قاعة متنقلة فالغوز والبيض واقفة وباينة دار العرس حيت لقاو الناس كيتسنااوهم بالحليب والتمر وبقفاطنهم وأغلبهم دايرين نقاب على وجههم وحس الراجل مكاين..نطق الزوبير:غتمشي مع العيالات ويكون خير واخة..
هدى:واخا
نزل ونزلها معاه ومكاين لا لعب لا ضريب تحت إصرارو هو كيجيه داكشي غي طنز وقلة مايداار..رافقاتها عدوزتها وختها وباها والناس ضايرين بيها ..كلشي ستقبلها بحب وبفرحة وترحيب كبير..دخلوها للدار وهي لاصقة فختها مكتعرف حد كانت دار كبيرة
مبنية ومصلوحة مزيان فيها ثلاثة طاج والسطاح وعامرة بزااف بالنسا حس الراجل مكاينش..غي دخلو للدار نطقات عدوزتها:صليو على النبي العيالات
كلشي كشف على وجهو حيت دخلو وصلاو على النبي وكذلك هدى لي حيدات خمارها بعدما عرق ليها وجهها وهزات إكرام دغيا بابي مسحات ليها..داوها لبيتها فالطبقة الثانية وكلشي كيشوف فيها باغي يبركك ويشوف العروسة كي راها..
جو العرس عندهم تقريبا منعادم لولا ريحة الدجاج المشمومة عندهم والداخل والخارج حيت هوما ناس محافظييين جدا ومتدينين
كضور إكرام عينيها فالبيت عجبها مقاد ومصلوح ومفرش وهي تنطق لوستها أمل:مرحبا بيك امرات خويااا
هدى:شكرااا
إكرام:ناري ياختي مصهدة عندكم الدعوة
أمل:هههههههه كازاوية نتي بييير ههههه وايييه اختي مراكش سخون ومزال دابا اه هي شويا..
هدى:أنا وجهي عرق
إكرام:دابا نعاودو لييييك
خلاتها مع ختها لي قالت:سيري بدلي اولوييز
هدى:(بتعب)عيييييت اختي ويلي وغي قبيل بدلت
إكرام:نوضي تهزي نتي كتعرقي غتعطي شي ريحة
هدى:ماعندو مايعطي راني مزيانة فففففف(كضور عينيها)زوين البيت وحتى الدار
إكرام:اه زوييينة بزااف وباينة فيهم ميسورين نتي غي ديري عقلك راه كيبان ولد الناس
هدى: قلت ليه قبيل راه فيا لغيكل مسكين تصدم ههههههه وقاليا غيجيبو ليك الدوا
إكرام:هانتي شويا وتحيد البوشونة وميبقا يجيك الوجع
هدى:عهههههه الله يمسخك
بقات معاها وكل مرة جاي شي حد يتعرف عليها يجلس معاها شويا ويمشي وجابو ليها الدوا شرباتو وتكات كل مرة جاي شي حد حتى دخلات عدوزتها لالة خديجة:إكرام دوزي ابنيتي تنعسي ترتاحي شويا بتكوني عيييتي
إكرام:(كتعزها حيت إسمها خديجة)اييييه اخالتي الله يكبر بيك
شافت فختها وغمزاتها وخرجات عارفة الناس يتهلاو فيها ..بقات متكية كتلعب فتيليفونها بغير مبالاة وحلفات لناضت بدلات ديك اولويز..حتى دخل الزوبير وسمعاتو سد الباب عاد ناضت تقادات فبلاصتها وطاح عليها المسخ ديال الحشمة ..معرفات باش تبلات فاش شافتو سد الباب وبقات هي وياه الراس فالراس..راقبات نظراتو المريحة كيبان الوقار على وجهو رغم سنو الصغير..تبسم ليها قايل:شويا
هدى:اه مزيان دابا
حيد شنو لابس بقا بديباردور بيض حاضية هي اش كيدير عاد طلعات معاها الخلعة..سرطات ريقها وقالت متلفة الموضوع:تعشيتي؟؟
الزوبير:تعشييت(لاح عليه فوقيتو)اوا الالة هدى اليوم مكاين مايدار(شداتو الضحكة)اللهم نتعارف أنا وياك
هدى:(ريحاتها هضرتو)واخا
الزوبير:بدلي داك القفطان واجي نتعاود أنا وياك(ضحك)نديرو راسنا مصاحبين ههههه
ضحكات على عفويتو وناضت هزات من شانطتها قفطان بيجامة خفيفة من اختيار إكرام فالساتان وبغات تخرج برا للدوش تبدل وقفها بهضرتو:هدى ديري فولارك
هدى:كاين شي راجل؟؟
الزوبير:مكاين حد ولكن متخرجيش بشعرك عريان..سيري واجي نهضرو
هزات فولارها وخرجات للدوش لي ملاصق مع البيت..كتشوف فالمراية عجبها راسها بالميكاب حيت صرعاتو ليه..تنهدات وحيدات شنو لابسة قلبت سليبها لقات لغيكل نازلة مي العقل لي يقول ليها بدلي راه مكاينش...ملهوفة باغيا تجلس معاه..وبالفعل رجعات وعلقات قفطانها فأول علاقة بانت ليها ومشات ريحات حداه
نطق بهدوء:تقلقتي حيت قلت ليك متخرجيش هاكاك
هدى:(بنبرة صريحة)لا غي بغيت نفهم..
الزوبير:هاد الطبقة ديالك غدا نوريها ليك راه معزولة على الواليدة حيت خويا عايش مع مي..مايشوفك ماتشوفيه..تخطري فالطبقة كي بيتي مكاينش لي يحبسك ولكن الى غتهبطي غديري خمااارك...لي محللين ليك لي غيشوفوك أما الناس لوخرين لا
هدى:محسابنيش(شافت فيه بعينيها وركزاتهم فيه حتى دوخات ليه كابلات راسو)
الزوبير:(تبسم)عرفتي عينيك يشوفهم الكافر يسلم ويقول لا اله الا الله..
بعد مرور 5 أيام على العرس دار خوات وبقاو غير لي ساكنها فقط كالسة فقلب دارها فالصالون شادة تيليفونها كيف العادة من كروب لكروب ومن باج لباج ..حتى صونات ليها إكرام جاوباتها فالبلاصة
إكرام: معطلتينيش رجعتي لعادتك
هدى:اوا الراااااحة ياختيي ماشهيتك فيها هههه
إكرام:شوف لييك البرهوشة امضرا طرقتو البااب
هدى:عاد اليوم صفييت
إكرام:وغسلتي
هدى:مزال قلت حتى العشية وندخل للدوش
إكرام:ومالكي دابا اش كديري كتغسلي دجاج نوضي ابنت الحرااام توكضي وغسلي ونقي حالتك راه حشونك مبقاش ديالك
هدى:لاسير ودايرينهاا. . نوض ندوش دغياا صافي ايدي فاشلين علياا ولفتك تحكي لياا
إكرام:ديك الهضرة كوليها نوضي تكعديي و العشية لبسي شي حاجة سيييكسيي وطفي الضو باش ميشووفش ديك الشوهة ليدايرة لتحت
هدى:(ميقات ) مالو كيجااك
إكرام:والو هي كحل من سعدي
هدى:افف شحال فيك راه عادي كلشي عندو ديك المنطقة غامقة على لونو
إكرام:ايه غامقة ماشي مضلمة...ونخلييك وديري عقلك وتوكضيي ودوري برااسك دوك تبريمات و البرودويات مشريناهمش باش يعمرو الدوش
قطعات معاها ونوعا ما دارت فيها شوية تالحماس لليلتهم الأولى ولي عليهاا كيستامر الزواج وكتبقا راسخة فالبال ناضت كتقلب فالبيت فالبرودويات ليخلاتهم فصاك هوما وتبريمات معطاتهمش كاع أهمية داومات عليهم يوماين بالحساب وشدها لعكز تاني دخلات للدوش حشات حوايجهاا وحطات سليب لي باقي فيه أثر الدم نااشفة مبدلاتوش من البارح
خلطات تبريمة دارتها للحمها شوية وتشللات دوزات لكيس دغياا الجهد ليتحك متكسابوش حلات شعرها لي مسكيين أول سيمانة يتمشط كل نهار هياا هاد السيمانة تاع لعرس من لفوق تيبان مقاد لتحت مݣرض وناشف والزغبة ميتة
هدى:بنت الحرام حرقات ليا شعري بالسوشوار تفوو
غسلااتو دغيا ودوزات الصابون على لحمها لي لونو مصافيش وموحد لعنق فلون وركابي فلون والباقي فلون لأول مرة فاتت هدى ساعة فدوش بقات حتى جربات كاع لبرودويات هدا شعر هادا دهناتو لحمها وهدشي لي كيعكزهاا تبقا ديرو يومياا رغم انه هادشي معندو علاقة بكترة لبرودويات غير لما وصابون وديودوغون كافي الغرض ..
خرجات حنوكها حمريين مزنكين بالسخونة حتى سمعات لحس فلبيت خفق قلبهاا وهياا مزيرة عليهاا لبينوار قصير فوق الركبة وفوطة على شعرها رجعات كتسلت لدوش شافت فالمراية حيدات لفوطة من شعرها نشفاتو بيها مزيان ومشطاتو وخرجات محدها كتقرب محد قلبها كيضرب ...بان ليها متكي بشورط نطقات بهدوء: سلاام جيتي
هز عينو فيهاا بداك المنضر المثير وشعر مغطي نصف وجهاا فازك ...تقاد فوق سرير حاط تيليفونو وتبسم ليها وعينيه كيفحصوهاا
زوبير:بصحتك دووش
هدى:الله اعطيك الصحة حم
عطاتو بضهر حلات لماريوو وحسات بخطواتو كيقربو حتى حضنهاا من خصرها بقبلة على راسها استنشق عطر الشامبو وقال:ريحتك زويينة
تبسمات بخجل وكمل كلامو :غسلتي !
هدى(حركات راسها بالايجاب )مم
الزوبير: تلبسي عليك نصليو واحد جوج ركعات !
هدى:واخة
طلق منها ومشا كيلبس وهيا كتفكر واش توضات الوضوء الكبير ولا نساتوو بحال العادة مرة ديرو مرة لا..عاد تفكرات أنها غسلات ومشات هزات ملابس داخلية جديدة فالبيض او شوميز وهزات لباس الصلاة جاها فدهازها
مشات لدوش لبساتهم دغياا ورشات ريحة تحتها وفبيطانهاا وتحت ودنيها وخرجات كدير لفولار لقاتو سرح صلاية ورا صلاية شاف فيها باعجاب وقال: اجي هناا
قربات حداه وبدا الصلاة بركعتين لتيسر زواج وجعله رزق وطمئنينة بيناتهم سلاها بدعااء وهيا وراه كدعي وتقول يارب
وقف كيحيد فلفوقية وكلسات هيا على سرير متوترة كتحيد ف لفولار حتى تشوف ردة فعلو وشنو باغي يدير السعاتي جا قصدها كالس حداها داعب شعرهاا وريحتها ف نيفوو مدوخااه ...بدا كيبوس ف عنقها وهيا كتعوج معااه حتى قال : مالكي ...رتاحي
هدى:دابا يجي شي حد يدق عليناا ....خلي حتى الليل
الزوبير:مكاينش لي غيدق داباا غير رتااحي حطي لعباااية احبيبة
هدى:سد السرجم غيضربني لبرد
الزوبير:خليه مضوي نشوف ههه
هدى:غنحشم
الزوبير:واخة الالة
قصد الشرجم يسدو ويهبط الريدو كي طلبات ولا البيت شبه مضلم شعل الفيوز بضو خفيف وقال: وضروري شوية الضو نعرف فين حاط ايدي
ضحكها تحت توترهاا المفاجئ منوو قرب ليهاا وققفها لعندو وقال:متخافيش انا معاك دقة دقة
خدا فمهاا بقبلة تغمضو ليها لعينين باقي حتى بداو حوايجها كيطيحو بياسة ب بياسة حدا رجليها وحوايجو كدالك حتى رماها بلطف فوق سرير غارق فيهاا بشهوة حتى خرجات اه قوية منها كتعلن على اكتمال دخلتهم الاولى بقبلة على جبينها ختم علاقتهم غير وقف عليها جرات لغطا كتستر فصدرها وهوا غير لمح دم فوق لفراش تبسم ليها وقال:صباحية مباركة اعروستي الغزالة
بعد ليلة دخلتها لي دازت في سلام بالنسبة ليهم بجوج ودارو شرع الله. ..الغد ليه فاقت قبل منو وعندها ألم بسباب بكرتها لي تفضات..لقات راسها لابسة بينوار و شعرها شاد الريزوات حيت صافي تحيد منو السوشوار..شافت حداها مكانش الزوبير بتاتا ..هزات التيليفون تتقلب فيه حتى وصلها ميساج من عائشة:امدرا كي داز داكشي
ضحكات هدى وكتبات:داز مزياااان ياله فقت
عائشة:بصحتك الزين ههه نوضي دوشي ليك وغسلي
هدى:اه داكشي لي غندير
بقات هي وياها ميساجات ومع ختها لي فالخدمة وكتجاوبها بعدما رجعات فحالها لحياتها العادية ..من ميساج لميساج من بوسط لبوسط متحركاتش السيدة من بلاصتها ومع مالقاتش راجلها قالت هانياا..حتى ضربات الحداش..وهاد الوقت فمراكش راه وقت الفطور الثاني ..تسمع الدقان فالباب وصوت شيماء مرات لوسها لي عايشة لتحت:ختي هدى
هدى:حمممم نعام اختي..صبري أنا جايا
مع ناضت كتفتف عطاها الضو لتحتها خلاها تخرج عينيها بألم وتشد بطنها..ساطت ولاحت عليها عباية ديالها باش صلات البارح وجمعات شعرها عاد مشات توجههات للباب حلات مبسمة قايلة:صباح الخير ختي
شيماء:(ضرباتها ريحة الفم)كي صبحتي اختي مزيان؟؟
هدى:الحمد لله ونتي؟
شيماء:بخير اجي تفطري معانا دايرين التردة
هدى:(ضحكات)شنو هادي؟؟هههههه
شيماء:معرت اش تتگولو ليها تما هههههههه مهم اجي تاكليها
هدى:واخا اختي غي ندوش ونجي
فهماتها وهي تنزل حشمانة عرفاتها صافي صبحات وبالفعل نزلات عند عدوزتها قايلة:خالتي هاهيا غتنزل
خديجة:(كتسقي التردة)فين ولادك؟؟عيطي لسلوى وأمل يجيو واش نبقا هي مݣابلاهم
شيماء:هههههه واخا
خديجة:(قطعاتها تتضحك)مالكي اهياتا؟؟
شيماء:(بصوت منخافض)واقلة هدى اخالتي صبحات
خديجة:(بتساؤل)هي بحرا توضات؟؟اوا الحمد لله
شيماء:داكشي لي بان ليا
خديجة:على سلامتها ههههه دوزي حطي الصينية
دخلات هدى مشات تتقلب اش تلبس باقي فرحانة بشراوطها..هزات بيجامة حليلوة وفوطتها ومسائلها ودخلات وأخيرا تدوش..وتحتها محروود بزز باش ناضت..لبسات عليها وشعرها دارت ليه زيف حياتي وفوقو فولارها الطويل كي وصاها الزوبير حيت الدار خوات يعني الطبقة ديالها مافيها حد وفالنهار مكيتخطرش الراجل
نزلات كي العروسة نيييت عندهم حشمانة زعما وهي راه مكرهاتش تنقز وتدير بوووم لدخلتها..سلمات بأدب وجلسات حدا عدوزتها فانتظار اللويسات لي كلشي ساكن حداهم
خديجة:كي صبحتي ابنيتي؟؟
هدى:الحمد لله اخالتي نتي مزيان
خديجة:حمد لله..الزوبير خرج للخدمة
هدى:اااه واقلة حيت كان خصو يرجع
حركات راسها وماهيا الا دقائق جاو اللويسات حتى هوما نظامو ليهم وحطو قصرية ديال التردة وهو طبق مراكشي مئة بالمئة معروف كيديروه مرة فالسيمانة..كيجمعو الخبز لي بايت كيتقطع طريفات صغار ويسقيوه بمرقة اختصاص مراكشي وكيف العادة كيديرو المراكشيين جوج فطورات..بدات كتاكل معاهم باريحية حيت مطلوقين وممكنززينش نهائيا كيضحكو ويطلقوها تسرح وهي غي تتفرنس معاهم عاجبها الجو...بقاو كول وقولها وضحك عليها متحركو تال وحدة
أمل:اليوم يجري عليا عبد اللطيف
سلوى:(كدير شالها)نوضي نوضي ههههه
خرجو يحالهم وبقاو بثلاثة كيشوفو واش غتنوض تهز الماعن وتاهيا مافاهمة تا وزة السيدة ممولفاش تهزهم فدارهم معارفاش اش أصلا اش كيديرو
خديجة:هزي ابنيتي هاد الماعون الله يرضي عليك
ناضت هدى هزاتو للكوزينة لي كانت زوينة وهي تدخل أمل:نمسح الطبلة ونتي غسلي الماعن اختي
هدى:واخا
بالفعل بدات كتغسل الماعن نااااشطة وفرحانة مخصها خير تقوليها ليها فدارهم تدير ليك جنازة وعدوزتها كدير الغدا وتحتت معاها
خديجة:اليوما غتغداو معانا من بعد نتوما وكوزينتكم ههههه
هدى:اه واخا(تفكرات مكتعرفش تطيب)
دوزات معاهم داك الصباح باشما عطا الله كتحاول تندامج معاهم وتعرف عليهم ..ويديها بيديهم تتشقا معاهم تقول كانت تضل تشقل حتى وصل العصر ودخل الزوبير من الخدمة بتاتا واش وصل لتحت حيت مرات خوه دايرا النقاب حتى هي..طلع للفوق صونا ليها وطلعات عندو حشمانة زعما ..لقاتو كيحيد حوايجو..تبسم ليها وقال:لالة هدى
هدى:(بصوت هادئ)على سلامتك امتا جيتي
قرب جيهتها باسها ففمها وفراسها قايل:الله يسلمك الكبيدة..عاد جيت عيااااان..كاين مايتكال
هدى:خلات ليك خالتي غداك
الزوبير:نتي مطيبتيش؟؟
هدى:(بعفوية)لا طيبات خالتي اليوم
الزوبير:حتى أنا كنسول شي حوايج هههه مخليتش ليك المقدية..غي نرتاح ونخرج نتقدا ليك وديك ساعة برعينا من حنة يديك
هدى:(دافعة الجبهة )لي بغيتيها نصوبها ليك
قبلها مرارا وتكرارا حتى قادتهم لقبلة لأحاسيس جامحة جامعة بين زوجييين لاحتهم للناموسية فلخر..بوسة من هنا كلمة من هنا حتى تجردو من الحوايج كانت فرصة أنه يحقق فجسدها لأنه وقت العصر الشمس ضاربة كتبين ليك النبشة لكانت...فغضون العلاقة مكانش بتاتا كيحكر حيت كانت رغبتو فيها لأنها مراتو وحتى هي عاشت معاه أحاسيس جديدة زوينة متنكرش بلي ستمتعات فيها حتى سالاو وتكاو كيرتاحو من مباراة هادئة مافيها لا غالب لا مغلوب هي مجلجة فهادشي وهو كيعاملها بشنو عرف وشنو دوز..
عنقها لييييه شعرها مشنتف وتتنهج وقال:عيتي؟؟
هدى:اه
الزوبير:غتولفي هههه(كيهبط ليها شعرها)ياكما تقسحتي
هدى:شويا وصافي
الزوبير:نوض ندوش ههههه جيت فيا الجوع شفتك مابقيت عقلت
ضحكات بخجل كتضور فبه عينيها لي باقي فيهم اثر الكحل..هز شورطو وناض مخليها كتشوف فيه والفراشات كيلعبو فكرشها من طريقتو فالمعاملة لي أقل مايمكن تقول عليها معاملة حنينة أما هو دوش وخرج لقاها لبسات حوايجها وكتقاد الفراش زعما وهو ينطق:مغتدوشيش
هدى:(بعفوية)لا حتى لليل
الزوبير:لا..خصك دوشي دابا ممزيانش تبقاي مجونبة هههههه
هدى: هههههههههه واخا
مشات للدوش دوشات عاوتاني بعجز عليها غي مافيها لي يتعافر معاه وهي باقي جديدة وخرجات لقاتو هبط التحت وبقات هي هازا تيلي منشورة من بوسط لبوووسط...صونات لربيعة أبيل فيديو جمعات معاها فتيليفون إكرام حتى طلع وهي تنطق فجأة وسط حوارهم:الزوبير جاي بسلامة
إكرام:ويلي بنت الكلب قطعاااات تي ويليي هادي مالها
ربيعة:هههههههه جا زمانها
إكرام:مزينو زمان
ربيعة:معندك ماتقولي فيه الله يعمر ليه الدار
إكرام:وا منكذبووش السيد كيبان الله يعمر ليه الدار بنتك لي مصيبة
ربيعة:دابا دير عقلها...نوضي شوفي خوك فيناهو
*******
اليوم الموالي فاق الزوبير فالصباح خلاها ناعسة مقدرش يفيقها حيت دوزات معاه ليلة حميمية بغا يخليها ترتاح ونزل لقا مو حاطة حريرة وفطور لباه..صبح عليهم وجلس كيفطر معاهم
خديجة:هدى فايقة؟؟
الزوبير:لا امي خليتها ناعسة
خديجة:وا واليدي ونتا غتخرج هاكا بلا فطور
الزوبير:هههه هاني كنفطر امي
الأب:حممممم الله يخلف
خديجة:نتا تعرف
خرج لعملو مخلي لالة غنو جابدة عليه..عجنات العدوزة وطيبو وفطرو وعاودو وهي باقي مفاقتش حتى صونا تيليفونها ..هزاتو لقاتو الزوبير ..جاوبات بصوت ناعس:الو
الزوبير:(بتساؤل)باقي ناعسة؟؟
هدى:ااااه
الزوبير:مشا الحال..الطناش هادي الغدا قرب وأنا كنت عوال نرجع نتغدا معاك
هدى:ممممم انوض دابا نقاد الغدا كون هاني
الزوبير:فطري بعدا أنا ساعتين ونكون عندك
قطع معاها وناضت هي تتفوه كتخرج ريحة الزفورية من فمها..لبسات فرجليها ومشات بالت ومغسلاتش كيف ديما ...شللات غي وجهها عجزانة كتسوووط مشات نيشان للكوزينة لي عندها فطبقتها مجهزة بكلشي وتقدا ليها البارح كتفكر اش طيب؟؟اشنو توجد ليه؟؟هي مكتعرف والو..بقات تشوف فالماعن ويشوفو فيها بحالا كتقوليهم نوضو طيبو ياله..شافت حتى عيات وجبدات الكفتة تطلق وهزات صونات لربيعة..
هدى:مي صباح الخير
ربيعة:اتي اشمن صباح راه الظهر هذا
هدى:(ساطت)يلاه فقت..شوفي مي عفاك كيفاش كنطيبو الكفتة
ربيعة:(ضحكات)ياك باغا تزوجي اوا طيبي ليه حسابك الزواج فيه غي سبعيام تالباكور
هدى:(ساطت حيت حصلات)واش غتعاونيني ولا لا
ربيعة:بغيت ليك دقة...شدي الد.....
بدات كتعطيها اش دير وتنعت ليها ..ديري هادي وشلضي هادي ولوخرا عقلها ثقيل فالفهامة ديال الطياب..مردات ديك الكفتة حتى عرقات
ربيعة:نقصي البوطة وبقاي تقلبيها
هدى:واخا شكرااا هههه
ربيعة:الله يعطيك عقل...الزواج قالت ليك
قطعات معاها خلاتها مشات هزات تيليفونها كي ديما كتنقي فيه القمح ومرة مرة تطل على الكتنة معرفاتها طابت ولا باقي مفاهما والو أصلا..عاودات صونات ليها مجاوباتهاش وهي تطلقها فيد الله وطفات عليها..تسمع حسو فالدار وهي تنوض لعندو مبسمة:جيتي
الزوبير:يلاه(باسها ففمها)مزيان؟؟
هدى:بخير
الزوبير:كاين الصهد برا اندوش وحطي الغدا
هدى:(بكل ثقة)اه واخا
مشا لبيت لقاه باقي كيما هو ممجموعش محكرش رغم أنه مكيبغيش الروينة حيت كابر فالنظام والنقا والتاوبل تاع مو..أما هي مشات كتحط طبلة وكتسنا فيه مواكلة والو هازا غي تيلي مجمعة مع عائشة لي قضات شغلها ونضاتو
تم جاي مدوش ومبدل عليه بحوايح برا حيت غيرجع مزال الخدمة..جلس حداها كيشوف وجدات كفتة ..تبسم وقال:باقي مباغيا تورينا الحداكة هههه(بتساءل)فين الخبز
هدى:(خرجات عينيها)ويلي نسيت ماعجنت
الزوبير:(ضحك)كاين شي حد كينسا العجينة هههههه أنا نهبط نجيب باش نقضيو من عند مي
هدى:هههههه واخا
بالفعل هبط خدا من عند مو الخبز وطلع مع قال بسم الله وكلا كتبان ليه الكفتة مطايباش مزيان وحتى هي كلات مي يديها فتيلي كتطلع فالفيسبوك وتوريه شوف اش دارو هنا وهو مسكين غي مدمق بداك الغدا حتى سالا وقال:أنا غنرجع للخدمة خاصاك شي حاجة؟؟
حركات راسها بالسلب:لا
مشا غسل فمو وزاد للخدمة ممحكرش بتاتا كيرجع الأمر انه باقي مولفاتش أما هي راه تنشرات حدا الماعن تجاوب من بوسط لبوسط حتى قرب يأذن العصر عاد ناضت جمعات الماعن ومشات تكمشات عاود...
فالعادات المغربية ديالنا أنه المرا فأولى أيام زواجها كيخصها تبين حداكتها فالطياب باعتبار الحداكة مؤشر على ان المرا مرا نيييت كيخصها تبرعو شهيوات وتوريه شنو تعلمات وشنو كتعرف دير قصدا فأنها تبهروو..وهادشي هدى متفورماتش عليه كتعرف غي تسما مزوجة ولباس..
فور مارجع من الخدمة كيشوف البيت باقي هو هو مكاين لا ريحة كيكة لا كاسكروط لا والو..هي أصلا الشهية زيرو عندها حيت بدلات جو المدينة لقاتها من الجنة والناس
عاشرها ديك الليلة من جديد ونعسوو بعدما ضحكو ونشطوو وجبدو عليه هو دوش وهي نعسات هاكاك
*******
توالات أيامها معاه هاكاك لمدة شهر..السيدة مكتنوض تال زك نهار كتنزل تفطر عند مو وتطلع تدمق ليه شي حاجة تحطها لبوبي مياكلهاش..كل صباح مصونية لمها ولا لختها تسولهم كي دير وشنو دير ومع ذالك طيابها كيطلع حالتو وديما كياكلو وساكت...فغضون شهر ابدا واش بان عيبها فالعفن..كانت كدوش مرة فسيمانة وكتزعم دير ديدوغون مرة مرة لكن حتى كيقرب يجي ..
عجوزتها عمرها طلعات عندها بالعكس هي لي كتهبط كتاكل وتشرب وتطلع..ميمكنش تدخل لدارها وتلقاها مجموعة ..التسياق سيقات جوج مرات وغي بزز..حاضية غير الهضرة مع عائشة لي مدخلاها لكروب سميتو"المتزوجات المنقبات"
فينما كانت شي مسالية راها تما...لكن بفرق أنه هوما كيقضيو اشغالهم كربات بيوت..نهار عرفو بلي مغيخدمو عرفو راسهم غياخدو مهمة ربة بيت يعني كيديرو شغلهم كيما هو..فحين هي لا..حاضياهم اش طيبو واش حطو وتتشكر داكشي لي يحطو وحتى هي كتهز صور من الفيسبوك وتحط ليهم على أساس هي لي صايبات
دوزت شهر تاحاجة متبدلات فيها نهائيا..والسيد مكيحركش نهائيا غي كيميمك عليها حيت مافيهاش الصداع وضحوكية معاه...جاه سفر على حساب الخدمة للشمال فيه يوماين وبقات راسها..غي منشورة مرة مرة تنوض تقلي البيض تاكلو وترجع تنشر
سمعات الدقان فباب برطمتها..قطبات حجبانها وناضت ببيجامة زوينة لكن فيها ريحة العرق حيت متبدلاتش ربع أيام ملي دوشات ومدايرا لا ديديغون لا والو...حلات لباب كتفاجئ بلويساتها وعيالات اللواس جاييين ومحملين جاييين يزوروها ضهشروها..بتسمات بزز وقالت:اهلا اهلا
سلمات عليهم كاملين ودخلو كلها وشنو هازا فيديها دايرين ليها زيارة على غفلة صدموها..رحبات بيهم ودخلاتهم للصالون دايزين على سيجور لي فيه الماعن منشورين من زك الصباح..ورقو البلان وطمروو..
خديجة:اوا أ عروستي مجيتيش قلنا نجيوو حنا
هدى:مرحبا بيكم علاش عذبتو راسكم
سلوى:دنيا هانيا اختي انا نحطو فالكوزينة
مشات تدي الأطباق وهي غرضها تبركك تشوف دار خوها فاش دخلات ليها المرا..مع دخلات بان ليا لفابو فيه ماااعن نيييت كثار شويا والبوطاجي معلق..حطات داكشي و بقات كضور عينيها وكتنعل الشيطان
دخلات أمل حتى هي هازا وقالت لوخرا بهمس:اتي شوفي الكوزينة
أمل:نعلي الشيطان راه جيناها على غفلة
سلوى:واخا الالة
مشاو نظامو ليهم لقاوهم مجمعيييين كيتحدثو ويتسااولو وهوما مع مراكشيات كيتسمع صوتهم منين ومنيين..
خديجة:عمري ابنيتي شي كاس تالقهوا
ناضت من حداهم خلاتهم متبعيين ليها العين وهي كضور فراسها كيفاش نعمر القهوة..فحين شيماء نكقات مخاكبة سلوى:سلوى اختي شميتي؟؟
سلوى:(بهمس)سكتي راااني شميييت سكتييي وياربي تكون فيا كورونا ونكون هي غلطت..
زينب:(زوجة الأخ)نمشي نعاون هدى
مشاتوعندها باقي بلباسها محيدة غي النقاب لقاتها تضور فعينيها مع شافتها نطقات:ختي واخا تعمري القهوة أنا نحط هادشي
زينب:واخا اختي
تفكات منها وبدات كتحط اش جابو كل وحدة مخرجة الشهد من يديها..ستفات كلشي وجبدات ليها الماعن زوينين جاوها كادو فعرسها وبداااو كيحطو مجموعين على كاسكرووط وكيضحكو ويتعاودو
خديجة:ولفتي شويا؟؟
هدى:شويا واخا توحشت مي وخوتي..
سلوى:اوا هادي هي الدنيا اختي..الزواج سنة
شيماء:ياك أنا سابقاك راه كنتوحش مي دابا وخوتي
هدى:واييييه ولكن حتى الزوبير مسكين ممقصرش من حقوو معايا هههه
خديجة:أنا نݣوليك ونتي ݣولي الله واعلم..الزوبير هو الحنين فولادي والدرويش فيهم..
دوزو عشية زوينة ضاحكين ناشطين وداو عارها وقشعو فيها كلشي لي واخا كون مكانتش هاكاك كانت غتبقا لاصقة عليها حيت حنا فطبعنا كنهزو الانطباع الاول وكيترسخ..
تنفسات الصعداء وهي كتودعهم ورحعات كتشوف الطبلة ضربي ليها تشطح والبيت مرون حيت كيسندو المخاد..ساطت وهزات تيلي ومشات للواتساب لقات الميساجات غيطرطقو فالواتساب فكروب لي مدخلاها عائشة..صورات ليم الطبلة وقالت:سمحو لي غبرت عليكم البنات راه كانو عندي ضياف والله محكيت راسي
كل وحدة واش كتجاوبها وجالسين يضحكو ويقشبو ونشرات عاود رجليها تما ودوك الماعن كيتفرجو فيها قربو يقولو عفاك غسلينا ..وريحتها بدات كتخناز وممسوقاش السيدة
اما اللويسات فاش خرجو وودعو مهم وكل وحدة شداتها لدارها شدو بيها النميمة فالطريق
امل:على قلة الما اويلي
سلوى:نهار لول كلت ليكم معجباتنيش..شفت رجليها وعرفت اش كاين
أمل:ياكما هي حيت جيناها على غفلة
سلوى:(بتذمر)حيدي علي كالاك..سيدة مكتبانش فيها حالة التهلية...شتي الارض كي معلكة ياك لباااس ولكن(باستهزاء)والله حتى عبر عليه الله القافز فالدوار كيديها شيخة جالس كيتشرط ويتعزل فبنات الناس...لا هادي مدايراش الخرقة(الحجاب)لا هادي كتخرج بلا خبار دارهم هاهو جاب بركاصة حطها
أمل:سكتي اصاحيتي حشومة يقدر تكون مريضة
سلوى:ممممم فيها الموت لوااه..حسن عوان مي مسكييينة
*****
مرو يوماين ولالة هدى كتفيق تاكل وترجع تسند والىرشقات ليها كتنوض دير شي حاجة..الى سيقات راه غتسيق فساعتين يد تحد يد تقلب فتيلي محمعة مع الزوج العزيز لي مغرقها كلام غزل وقرريديرليها مفاجأة ويجي بلا يعلمها
فحين هي رله جبدات عليه تال زك النهار وناضت غسلات وجهها ووقفات قدام المرايا كتشوف وكتفكص حبة بصباعها..وتتلعب بلسانها فسنانها لي عامرين ماكلة..شافت المعجون والفرشاة وجاها الموت تالعجز..وقاعدتها هي قاعدتها حتى سمعات الباب كيتحل وهي تشهق..طلات بان ليها هو بشحمو ولحمو وريحتو عطات فالدار..سرطات ريقها ومبقاتش قدرات تسبق رجليها حدها بسمات بشويا وقالت:جيتي
الزوبير:توحشتك(كيقرب ليها)اجيي مغتعنقينيش
متسناهاش تجاوب توجه ليها نيشان مبسم مكمل خدمتو باغي يرجع يلقا مراتو يرتاح معاها ويخوي يالو معاها مع بقاو سنتيمترات قلال تشمات ريحة الصنان لي تخللات نيفو وحاول يكذب حاسة الشم عندو..مع ذرعها مزيااان وسط حضنو مع شمشم مزياااان نيييييت ومع نيفو جا مع شعرها لي جامعاه مخبل ممشطش كاع شم ريحة الزيوت لي كيطلق الشعر...
هدى:على سلامتك
الزوبير:(مطمر)لباس عليك.
هدى:بخير،ونتا
الزوبير:(بخير ...توحشتك
هدى:حتى انا..فيك الجوع
الزوبير:(الريحة قتلاتو)اه اه ندوش ونحطي ليا واخا
هدى:واخا (سرطات الريق)
مشا الزوبير مدهوش كيحاول يستوعب اش شم..كيحاول يكذب احاسيسو ولا نيفو ولا شنو شافت عينه..شم ريحة صنان ماشي عرق عادي..ستغرب كثر ملي دخل لبيت لقاه كيفما هو كي خلاه ممجموعش الفراش وفيه ريحة زفرة..قطب حجبانو بتذمر ومشا حل الشراجم تتنفس القضية شويا...هز حوايجو وكيقلب على فوطتو ملقاهاش نادى باسمها:هدى فييين الفوطة ديالي
هدى:(كتهرس ليه البيض)غتكون غي تما قلب
بقا كيقلب مالقاش وتعجب حيت فوطتو ديما بلاصتها ..شاف ورا الباب بان ليه الصاك ديال لصال ديالو لي مشا ليها قبل مايسافر بيوماين..مشا قلبها وعطات منها ريقة الندى والغمولية حيت فازكة ومتنشراتش من داك نهار..خيب سيفتوووو ومشا لعندها هازها فيديها قايل:هدى مصبنتيش ليا حوايجي؟؟
هدى:هااااا صبنت علاش
الزوبير:(كيوريها الفوطة)وهادي
هدى:ويلي نسيييتها سمح ليا(شافت فيه ببراءة كتسمكن)مشفتهاش
سكت مالقا ميدير ورحع هز فوطتها مطوية فالماريو متحركاتش من بلاصتها..دخل للدوش لقاه محموع عادي رجع الامور لجوج تساؤلات اما السيدة صبنات ومالقاتهاش او ولا فعلا مدوشاتش ملي مشا
اما هي دغيا سربكات البيض ومشات كتجري للبيت حيدات لي لابسة كلشي هزات السليب نقي لبساتو بلا متغسل بانو ليها لي لانجيت مسحات بيهم بيطانها ومع ذلك باقي الزفورية..لبسات بيجامة نقية وشعرها مشطاتو دغيا لتحت نااااشف بجهد ولفوق مزيت ..رشات سبراي تالجسم عليها لي مسكين منهار تشرا وهو كيشوف فيها
غي خرج وهي تمشي عندو مرتاحة عنقاتو فرحانة بي قايلة:خليتي بلاصتك علي
الزوبير:(بادلها العناق وباستها ففمة حتى بسمات ليه وقشع السنان موسخين)حتى انا الجنية..مي لباس عليها
هدى:(جاراه للطبلة)لباس كنمشي عندها وكانو عندي نيت خواتاتك داك النهار راه قلتها ليك
الزوبير:(عقلو كيفكر)ايييه من لخير ناكل وننزل عندها
هدى:واخا
جلس كياكل داك البيض كي الحنش ويجمع معاها ويضحك عادي لكن عقلو كيخمم وكيحاول يستجمع تفكيرو غي كمل قرر ينزل يشوف مو فحين هي ولاو فيها عشرين جمعات الماعن دغيا مجاش فين يطلع لقاها نضات كلشي وقال مع راسو نعاشرها وبالفعل بدا معاها بوسة من هنا ومن لهيه وغزل حتى لقاو راسهن عريانين فالفراش كيمارسو لكن الريحة رغم التبدال برزطاتو...محاسش براسو مرتاح بتاتا حتى واحد اللحظة قال ارا نجرب شيحاجة جديدة مع بغا يبوسها فانوثثها لي لونها قوقي سخفان..ماشي قهوي انما قوقي سخفان وفيه شعيرات نيييت محيداتوش بالاضافة بيطانها لي حتى هوما مخسراتش عليهم ماكينة ديال جوج دراهم
مع سيد تحنا ضرباتو ريحة زافرة خوينزة تما وهو يتوقف فجأة عريان وخرج للطواليط مخليا حالا رجليها للسما مفاهما والو فحين هو دخل الطواليط وزفر بقرف من شنو شم
بقات هدى حالا ورقة الوسخ ديالها للسما مامغسولة ما منقية غي شداتها لي متعلم وهي تحلها..ناضت لبسات بيجامتها بزربة خلعها ومشات تبعاتو ..كدق عليه فالدوش وتعيط باسمو حتى سمعات صوتو كيقول:انا شويا ونخرح
هدى:واش مريض؟؟مالك؟؟
الزوبير:(زفر)لالا غي سيري
ستغربات ورجعات جلسات مقلزة فوق الناموسية مزال تتسناه يخرج ويبرد دودتها وفعلا مفاهما والو ومشمات والو..فالاصل الى كانت ريحة خايبة وزدتي عليها ريحة زوينة كيتخلطو وكيعطيو ريحة خوينزة...وهو نيفو كيستنشق فعنقها وفشعرها ولحمها ومكيشمش ريحة نقية
اما هو راه كان كيحك سنانو وكيشلل فمو بجهالة ونيفو مزال كيلقط ليه الريحة..الرجل الى شم فمراتو شي حاجة مكيحطش عليها يديه واخا يكون كيموت عليها..وهو فعز علاقتو معاعا شم ريحة زافرة بزاااف خلاتو ينفر وينوووض من تما معاقلش..كيحاول يستوعب اش شم واش ريحة البول ولا افرازات ولا الحوت مقدرش يميز لي قدر يستوعبو هو خاطرو تكلع..مخرج من تما حتى دوش وخرج داير فوطة عليه عاقد سبعة فربعة لقاها فعلا جالسة تتسناه كي العروسة الجديدة
هدى:(وقفات)مالك؟؟
الزوبير:(تنهد)عيان شويا سيري دوشي ونعسي
هدى:اش ضرك؟؟نجيب ليك شي دوا؟؟
حرك راسو بلا ومشا كيقلب على حوايجو وهي تنطق:نوجد ليك شي حاجة مالك نضتي قافز
الزوبير:مكاين والو غي نعسي
هدى:(زفرات)باقي الحال على النعاس اشمن نعاسس..قوليا مالك؟؟
الزوبير(ضار عندها مقندش)هدى الساعة لله قلبي ساعة بخرا
خزرات وبينات ليه اول مرة تخنزيرتها بتبدا تعوشر عليه وقالت بنرفزة:لهلا تقول..نبقا نطلب فيك(ساطت)ففففففف
الزوبير:(ببرود.كيلبس)سيري دوشي وديري العشا
هدى:(هازا فيه حاجب)ياك كليتي؟؟وياك كلتي ليا سيري تنعسي
الزوبير:نتي مبتيش اصلا تنعسي اللهم وجدي شي طاجيين نتعشاو بيه
هزات تيليفونها بغات تخرج وهو ينطق:أجي نتي علاش مكتصليش؟؟
شافت فيه بثباث:هاكاك
الزوبير:(قطب حجبانو)كبفاش هاكاك؟؟راه الصلاة هاديك
هدى:الله يهديني
الزوبير:كطنزي على الوقت ..راه الصلاة مهمة
هدى:الله يهدينييي
خرجات مخليه زعما ضرب راسك فحيط ومشات كونات شادة تيلي فحين هو مشا تكا قال يغمض ساعة ساعتين يرتاح بينما وجد العشا ونيفو ياقي كيشم ريحة فشكل ممصدقهاش..وبلفعل دازت ساعتين ناض مبجقل بالنعاس حيت تجمع عليه العيا تالسفر ..فاق مع اذان العشا..جر صندالتو وخرج برا نيفو وتقول واش شم شي ريحة تالطياب ..تيقلب عليها لقاها كيف خلاها ببيجامتها مكسلة وهازا تيلي كتهضر مع مها وتضخك ممسوقاش طالقاها تسرح. قطب حجبانو وقال:هدى
مع سمعات صوتو قطعات على مها فلبلاصا وقالت:فقتي؟؟
الزوبير:مدوشتيش؟؟
هدى:هااا حتال ليل ولا راه غدا غنمشي لحمام أصلا
الزوبير:(جلس حداها حط يدو على ركبتها)واش قارية شويا؟؟فاهمة فالدين..الى بقيتي على جنابة راه كتجري على رزقك ممزيانش
هدى:(مالقات متقول)واخا
الزوبير:طاب العشا
هدى:باقي كاع مدرتو منتسناك تفيق عاد نوجدو
الزوبير:وامتا غيوجد بسلامة؟؟الطناش تليل وانا غدا خدام بكري
هدى:(ناضت كتسوط)هاني نايضة ففففف معرفت مالك رجعتي مبدل من السفر
وقف تبعها جرها من يديها دورها ليه:سمعي ابنت الناس..راه ماشي معقول ندخل لداري منلقا حتى كيكة مصايبة..ميمكنش ابنت الناس نبقاو عايشين يالكفنة وخبز الزنقة..مرة معحنتش مرة مفقتش بكري مرة مافياش قولي متتعرفيش وهنينا وتعلمي ناشي تبقاي هاكا(زفر بنرفزة)كضيعي راسك وكضيعيني معاك
هدى:(بعدم فهم)حسابك جبتيني خدامة
الزوبير:حشاا..انا تزوحت بيك بالنية والصفا وبغيت ندير معاك وليدات ولايني نتي بنتي ليا ممعمراش راسك بهادشي..
هدى:(ضهشرها)الزوبيرسير نعل الشيطان وخلي الليلة دوز بخير
الزوبير:هاهو مخليها دوز بخير
مشات غضبانة للبيت تخشات فالفراش وحلفات لدوشات فحين هو بقا كيتفرج حتى عيا وناض عندها لقاها نعسات مدوشات موالو..قرب لجيهتها لقاها ناعسة براحة ممسوقاش..ستغفر الله وتكا حداها كيقلب على النعاس حتى غفى
فاليوم الموالي فاق لخدمتو وهي مفايقاش معاه جابدة عليه..شاف جيهتها وناض كستغفر الله صلى الفجر وخرج حيت كيخصو يمشي يهز الناس ويوصلهم..هبط عند مو يفطر معاها وهي تعطيه فوجهو:اوليدي واش مراتك مريضة؟؟
الزوبير:(عرفها علاش كدق)شويا
خديجة:(شدات حنكها)اوا اوليدي هادشي بزاف..المرا لي متفيق مع الراجل تفيقو لفطورو وتخرجو لخدمتو ..وهاد المرا عندك نتا عمري شميت عندها ريحة الطياب؟؟(شافتو ساكت)اهضر واش تندوي مع مخي انا(بلهجة مراكشية)
الزوبير:(حط الكاس وباس راسها قايل)لي بان ليك أمي
خرج لخدمتو ودماغو ميفكر وكيقول مع راسو واش تخورت؟؟واش تشرطت حتى عييت وفلخر تخورت؟؟
فحين هي بقات ناعسة حتال العشرة حيت نعسات بكري..فاقت كتفوه بنفسها الخانز ملقاتوش ومتسوقاتش..مشات فطرات ليها مصبحة على كروبها ومها وختها وتنشرات حدا الماعن حتى صونات ليها سلوى لوستها لي دايرا معاها يمشيو للحمام باغيا تعبرها ولباس
سلوى:الزين جمعتي حوايحك؟؟
هدى:جمعت اختي..دوزي علي للدار
سلوى:انا نطفي على الغدا وندوز
فعلا ناضت جمعات لماعن لكوزينة ومشات جمعات بروديواتها لي باقي تقريبا جداد حيت مكتبغيش ديرهم..وهي تصوني ليه مرة وجوج وثلاثة ومجاوبش..لبسات نقابها وصابوها بتقاشر وتسنات تاوصلات وهبطات عندها...سلمات عليهم تا كنفاتهم ريحة العرق وطمرو وشدوها للحمام بجوج كيهضرو ويضحكو وكانت هادي أول مرة تخرج هدى من الدار..خارجة فرحانة كدير مشية البنات لي ياله تزوجوو مقاداها فرحة
فوسط الحمام المراكشي سخون والهضرة كثيرة..العيالات كيتهاضرو منين ومنين وكيحكو دايرين حديث ومغزل كل وحدة وشنو جايبة معاها تطلي الا سلوى لي جايبة الطلية الخضرة هلى شكل مرا..حداها هدى تتحك مسهوكة مافيهاش لي يحك غي كدوز يديها فحين سلوى تتبان حارة تتحك وتدوز مزيان وبنص عين حاضية لوخرا وهي تنطق:شدي دوزي ليا ظهري
شداتو وعطاتها بظهرها كبير وعريض وبدات تتحك ليها ويديها كيثقالو عليها هي أصلا مكتحملش الحمام على الحكان وتتعجز عليه..مكملات ليها ظهرها حتى تفقصات سلوى وهي تنطق:زيدي ندوز ليك
مع عطاتها الظهر هبطات ليها عليه تتخرج منو شعرية معرفاتهاش امتا اخر مرة حكات وقالت:عندك ثقيبات الزين هنا؟؟
هدى:اااه ههههه عندي جوج و وحدة فحنكي
سلوى:تيحماقو عليهم الرجال هادو والله
هدى:(باستغراب)عمر الزوبير هضر عليهم
سلوى:بعدا راجلي كيموت عليهم(شدي شدي)انا ساليت
هدى:حتى انا
سلوى:يا حكي ياتا حكيي باقي فيك الشعرية نمشي ندوز للسيدة صاحبتي ونجي
بالفعل مشات وخلاتها كتساخف بزز باش كملات ونزلو شعرهم وهي تقوليها سلوى:مغتحيديش بيطانك؟؟
هدى:(بصراحة )لا كيزراق الى كثرنا
سلوى:(ضحكات بفقصة)وتتسناي تضفريه؟؟حشومة يشوف فيك راجلك هادشي
سكتات ومشات كتحسنوو وهو اصلا لونو كيبان مموحدش وخرجو باين فيهم الحمام..تفارقو فنص الطريق طلعات لوخرا لدارها مع حلات لقات الزوبير فوجهها جالس كيتسناها غي شافها وهو يهضر بصوت مرتافع:فين كنتي الشريفة؟؟
هدى:فففففف(حيدات النقاب)ياربي على سخونية
الزوبير:معاك داوي؟؟معامن تشاورتي تا خرجتي
هدى:(بلكنة كازاوية)معامن غنتشاور مشيت غا الحمام مع ختك
الزوبير:(وقف )كلتيها ليا؟؟علمتيني؟؟أنا عاديني بمراتي كاينة فالدار تتوجد ليا الغدا ماشي نجي ونلقا يدي والريح
هدى:(هزات فيه حاجبها)راني علمتك البارح وقلتها ليك فاش قلتي ليا دوشي وقلت ليك تالغدا
الووبير:(فقصاتو)ونتي الالة لي باقيا بجنابتك من البارح اش تتسناي؟؟تتسناي يهبط عليك المسخ
هدى:(بدات كتعصب)رد بالك لاش كتخرج على فمك...
الزوبير:سمعي نهضر معاك. .نهار تخرجي بلا خباري نتفاهم معاك.. مونيكة انا هنااا؟؟(بنرفزة)فيناهو الغدا؟؟غادية لحمام بلا ماتطيبي والو اش بناكل أنا الحجر؟؟
ضربات فيه تخنزيرة نييييت ودازت فيه قايلة:طيبو راسك نييت ملي كتعرف تغوت راه كتعرف طيب
الزوبير:كنعرف نطيب حسن منك نتي ماكلتك راه مياكلهاش اليهودي
ضارت شافت فيه باستهزاء وقالت:نتا هو داك اليهودي...
خلاتو واقف كيتخزز عليها وزادت ترتات مسوقاش ليه حين لجات تقابح معاه غتصدق راجعة لدارهم...ابدا واش حاسة براسها غالطة كتشوف راسها مدارت والو..حطات قشها وتنشرات فوق الناموسية كتسمع فيه ردخ الباب وخرج عاد عضات على شفايفها وحسات بلي الجو تكهرب ومن كلخها العظيم هزات تيلي ديالها وهي تكتب منشور طويل عريض فكروب متزوجات:
السلام البنات ..معاكم هدى انا فعمري 18 ياله تزوجت وراجلي تبدل علي...سافر لشمال يوماين ورجع مبدل غي تينكر ويغوت ويبقا يخشي فيا الهضرة وانا مكندير ليه والو..حرت معرفتش اشنو ندير نتمنى تفيدوني
لاحتو وبقات جالسة كتسنا فالتعاليق ديال الناس اصلا مفاهمينش الموضوع..وحدة كتبات ليها ياكما لوات عليه شي شمالية..وحدة اخرى قالت ليها الرجال هوما هادو
"ياختي معرت مالهم كاملين هاكا هاد ليامات"
"شوفي اختي معندك ماديري غي تصبري وتناقشي معاه عرفي مالو"
وبزاف تالاراء ماليهم لا أساس ولا معنى خدات وقتها باش تقراهم وتجاوبهم حتى جبدات عليه بنعسة مفاقت حتال العصر ..حيدات جلابتها باش نعسات وناضت بزيف حياتي كتقلب على متاكل هي خارجة من الببت هو داخل تصادف معاها عرفها ياله فايقة مهضرهاش وزاد لبيتو بدل عليه وخرج محاشهاش ليها كاع نهائيا الشيء لي خلاها غي كتشوف ..وعينيها تغرغرو حسات براسها محكورة..مشات طيبات متاكل وجلسات كتخمم اش دير اشما دير..هزي يا هدى تيلي وصوني لعائشة حطي ليها كلشي فالطبلة متزكلي حتى تفصيل وهادو هوما مواضيع عائشة المفضلين..
عائشة:ويلي يا صاحبتي واش كيحسابك باقي ديال راسك خارجة بلا متعلميه..عرفتي الذنوب لي هزيتي على رقبتك مع الله؟؟حشومة اصاحبتي انا راجلي الى معلمتوش منخطيهاش برا الدار وخصو حتى يكون باغي نيييت وأصلا كنبغي نخرج غي معاه هو
هدى:شنو غندير دابا راه مقلق؟؟
عائشة:صبري نفكر ليك ممممممم شوفي غتلبسي ليه شي لعيبة زوينة ووجدي شي عشيوة وطلبي السماحة
هدى:اش درت حتى نطلب السماحة؟؟
عائشة:يا هاد البنت المرا وراجلها مابيناتهمش..راجلك خصك طيعيه ومافيها باس الى طلبتي السماح
هدى:(زفرات)واخااا فففففف
قطعات معاها ومشات للكوزينة تتفكر اش دير هي مكتعرفش طيب الطواجن لي كيعجبوه..دخلات ليوتوب مفهمات والو صونات لاكرام طلباتها تعاونها وبقات معاها فالخط حتى كملات كلشي ووصاتها باش تبقا ترد ليه البال..مشات للبيت حيدات زيف حياتي وطلقات شعرها ناشف ومافيهش الحيوية حيت مكتعتانيش بيه..وبدات كتفكر شنو تلبس حتى طاحت على شوميز فالابيض خفيف من الساتان دارت فوقو بينوار وجلسات كتصبغ ضفار رجليها بالحمر بدون متحك قدامها لي شحال من مرة فعلاقتها الحميمية كيتحاكو مع رجليه كيحس بحالا نجرو منشار وكيميك
لبسات و كحلات وتعطرات جات زوينة وطاح عليها السر ومشات كتطل على الطاجين ناقصة عليه حتى دخل وهي تخرج كتجري عندو ..شاف فيها طلعها وهبطها ومشا وهي تبعو منادية عليه:الزوبير..
مجاوبهاش دخل لبيتو كيبدل عليه ممسوقش ليها فحين هي بقات كتهضر معاه وتطلب السماحة وتعبر عليه فلخر خسر عليها:فمك سابقك والزواج غي معاودين ليك عليه
هدى:ياك الزوبير؟؟محشوماش عليك شوف صايبت العشا والله نتعشاو؟؟
الزوبير:كلت فالزنقة هي تعشاي ونعسي
هدى:(ولات حمرة)ياااك الزوبير؟؟؟واخا انا لي حمارة جايا نحزرك وانا مدايرا والو
ضار فيها مقندش وصاح:نتي مدايرا والو؟؟الله يعطينا وجهك..خارجة بلا شواري..ممطيباش ليا ماكلتي قاتلني معاك غي الجوع..متعرفي تطيبي متعرفي ديري والو..عيييت معاك صابر ليك ونقول اليوم غدا تبدل. نتي لي فيك فيك
هدى:(مرضاتش)مجايبينش خدامة هادي وحدة..وثانيا تعلم تهضر واجي نهضرو تبقا تعاطا معايا راه نمحنك راني كازاوييية حرة معندي مانخسررر(مشات كتقلب تهز ماتلبس)
ضهشراتو بقسوحية وجهها وخلاها ممسوقش ..لا هي مسوقة لا هو..بقاو شويا ويديرو ليدين .هي انسانة مكتبغيش تعتارف بغلطها وهو انسان كيكره لي مكيعرفش يهضر وهادو طباع كتاشفوها فبعضهم مع المعاشرة..
يتبع...
التنقل بين الأجزاء