صفحة القصةقصة أقوى مما أدرك
مؤلف القصةقصص سكينة ايت الكبير
فاش كيكون الخصام فالعلاقة الزوجية كينوض واحد من الطرفين كيفشي الأسرار بغرض يلقاو حل كتولي حياتهم عرضة للجميع...خلق ربي الحوار باش جوج يتحاورو..تسمات بعلاقة زوجية حيت فيها زوج تناس لكن اغلب الناس كيدخلو العائلة والأصحاب وكيفشيو أسرارهم للناس بمعنى اخر كيحطو حياتهم للعلن..كل واحد كيفاش كيشوف الأمور..كاينين مشاكل عادي تناقش مع الناس مثال نقاش حاد ولا مضاربة مع العدوزة ولا شي حاجة بسيطة لكن أسرار حميمية او خاصة كتبقا عيب وحشومة
هذا حال هدى..بحكم انها منغالقة فمحيط محدد..محيط فيه غي النسا بحالها لي عقلهم محدود مجرباتش تعرف على ناس جداد باش تشوف تفكير جديد..كتعرف على نوع عائشة وسلوى لي هوما ربات بيوت وتأثرو وباغيين يأثرو..
استمر خصامهم لمدة أسبوع..مكيهضرهاش وحتى هي مكتدويهش..هي بطبعها مكتحزرش واخا يعواج الواحد كيما بغا يكون..عندها بنادم زايد ناقص ممسوقاش..اما هو راه كتصدمو كل نهار..مكيلقا والو فالدار قول عايش زوفري كيفما كيخرج كيفما كيدخل بفرق بسيط كيلقا الماعن مجموعين ومحطوطين كيتسناو يدودو..سيمانة وهوما شي مكيشوف فشي..كتنعس هي فالصالون هازا تيليفونها وتشاور مع عائشة كاع اسرارهم حطاتهم ليها مخلات حتى تفصيل من علاقتهم الحميمية حطاتها ولوخرا كتصبر فيها اليوم يهضر غدا يهضر ولكن شنو درتي لهاد السيد باش يزعم يهضر؟؟
حاولتي تحزريه؟؟
أسئلة بزاف كيضورو فبالها لكن عقلها مخربق واحد اللحظة ندمات لاش تزوجات ..ماشي هادشي لي حسابها هي ولفات تضارب مع ختها وتجي تحزرها بشي نتفة ولا شي حاجة..للحظة جالسة فالصالون كتكتب لإكرام والدموع فعينيها:مكيهضرش معايا مكيدوينيش مكيسلم علي اختي عيييت ندمت
إكرام:(كتجاوبها وتهزز رجليها)اش درتي ليه الموصيبة راه كنعرفك عدوك منك
هدى: ما وقع والو غي خرجت مقلتهاش ليه وقلب علي وجهو تصوري مشيت تقاديت وتصايبت باش نحزرو وحلف لبغاا يهضر معايا
إكرام:ويلي استغفر الله هذا مالو..جربتي تهضري معاه؟؟
هدى:لا(كتسمح دموعها)ومبغيتش يمشي يخرا يبقا يتعفر عليا تما(سمعات دقات)
حطات تيلي مسحات وجهها ومشات حلات باش تفاجأ بمو شخصيا طالعا عندها فيديها طبسيل كيكة تالشكلاط ووجهها فيه ابتسامة
خديجة:بنتي
سمعات هدى ديك بنتي ومع كتحس براسها بوحدها ..وركات ليها على البوطونة الحمرة وهوما ينزلو دموعها على خدودها..وتلاحت عنقاتها علاين تخرمز ليها كيكتها..لوخرا درعاتها بحنان ودخلاتها كتطبطب عليها..حطات الكيكة فوق الطبلة وضماتها ليها كتبرد فيها وتطلبها تسكت حتى تهدنات بداو غي شخيرات خفاف كيخرجو منها
خديجة:شويا؟؟
هدى:ممممم
خديجة:مالك ابنيتي؟؟
هدى:والو(عينيها منفوخين بالسهير والبكا)
خديجة:مخاصمة مع ولدي؟؟
هدى:هو لي مخاصم معايا اخالتي..ولدك مكيعاملنيش زوين كاع تصوري اخالتي سيمانة مكيهضرش معايا ومدرت ليه والو غي حيت مشيت لحمام مع ختوو
خديجة:هذا ولدي؟؟ونتي اش درتي؟؟
هدى:واحق الله اخالتي مدرت ليه شي حاجة..ملي رجع من الشمال وهو تبدل خفتو غي يكون عرف علي شي وحدة
خديجة:(بجدية)لا ابنيتي ولدي يتخاصم معاك ولايني مايمشيش للحرام..تنعرفو معندو فين يدر هاه ولا هاه..انا عارفاكم مخاصمين حيت ديما كيهبط ياكل عندي. ماشي حشومة..مخاصمين اه ولايني تخليه بالجوع(شافت فيها بعينيها القهويين لي طاح عليهم السر)والتقدية ديما كيجيبها اه تنشوفو مطلعها
هدى:مخاصم معايا ونطيب ليه؟؟
خديجة:(ضحكاتها)باه كان كيسلخني وتنوض نطيب ليه هو ومو وتا كلمة زينة متنسمعها
هدى:(باندفاع)كون ضربني كون سلختو
خديجة:هههههههه الله يعطيك شي عقل هههه ديريها يا البيضاوية..سمعيني ابنتي وحسبيني بحال مك(قلباتها جدية)الزواج ديال هاد الوقت خصو الصبر والصبر كثر من ديالنا..رخفي راسك هو راسو قاسح ونتي كثر منو..مالكم؟؟اش وقع كاع؟؟جلسي نتي وياه وشوفو اش كاين خصاتكم شي حاجة هبطي عندي انا نوريها ليك
هدى:تشكا ليك؟؟
خديجة:ايييه جا عندي وكاليا مكطيبيش ليه ومكتديهاش فيه
هدى:اخالتي انا مكنعرفش نطيب مزيان
خديجة:تا وحدة فعريساتي مجات معلمة كلهم انا لي علمتهم كلشي(حطات يديها على صدرها)الى بيتي تانتي نعلمك هي يخرج هو هبطي لعندي ونعلمك تا حد متزاد معلم
هدى:(حاصراتها)واخا اخالتي
خديجة:ديري عقلك..الرجال هوما هادو
هدى:خصو يكوليا سمحي ليا
خديجة:ضبرو راسكم ديك ساعة...نوضي ديري لينا شي كاس تاتاي واجي نجمع انا وياك
حركات راسها بالايجاب..باستها فحنكها قايلة:شكر اخالتي
خديجة:نوضي نوضي هههههه ادوك العينين عندك يسمحو لي مايسمح
ناضت كضحك مشات تعمر اتاي تنفسات شويا وخوات قلبها ..دارتو وداتو ليها بنص تشحيرة باقي صفر كي كباتو محكراتش خديجة..شدات كويس وقطعو كيكة بداو كيهضرو براحة وتعاود ليها شنو داز عليها وهدى لاقية معاها رحتها وهادي نادرا مكتوقع حيت باش هدى تجلس وترتاح ليك فالهضرة وتهضر بعفوية خاصة مع شي مرا كبيرة حيت كاع لي عرفات فحياتها كيكونو كينتاقدوها ويعايروها ..خديجة كانت لبيبة معاها وحنينة
وهوما فغمار حديثهم دخل الزوبير هاز فيديه تقدية تالديسير كي ديما..شاف مو وتحنا باس راسها قايل:مي لباس
خديجة:الحمد لله اوليدي نتا لباس؟؟
الزوبير:(شاف فهدى ونقل نظرو لمو)بخييير
جلس وكبات ليه هدى اتاي ومداتو ليه غي شدو بان ليه صفر دار بتسامة استهزاء خفيفة وشدو كيشرب فبول الجمل وهي تنطق خديجة:شوووف أداك سلوم الشفارة خرج مراتك وهضرو وحلو اش بيناتكم(ناضت)اححح اربي ظهري
الزوبير:هانتي جاعدة فين غادية
خديجة:دروك بيدخل باك غا يبي ياكل خليتكم على خير
ناضت معاها هدى عنقاتها مرتاحة ليها ولوخرا كترضي عليها ومشات مخلياها كتجمع فالنفس باش ترجع حداه مجاتش فين تخطي خطوة حتى كان ناض هو دخل هز حوايجو يدوش اما هي بقات واقفة تتاكل فراسها حتى خرج وخاطبها بنبرة هادئة:لبسي عليك بينا نخرجو
أبدا واش سولات راسها فين ولا معامن؟؟مشات لبيتها لقاتو كيلبس حيدات بيجامتها وهزات لانجيت كتمسح بيه تحيد ريحة الحموضة لي ركباتها وبدلات سليبها لتحت خمارها ووقفات كتسناه حتى تريح وخرج هو وياها بحال الخوت شي مكيهضر مع شي ..كيتمشاو على رجليهم وكانت من المرات لقلال لي خرجات فيهم وهادشي لي لاحظو السيدة قليل فين كتخرج ولا كتقوليه خصاتني شي حاجة معمرها نطقاتها من فمها كاع..
جلسو فواحد المساحة خضراء ولي معروفة بيها مدينة مراكش فينما مشيتي كتلقا جريدة مكيلقاو مايديرو فشي أرض كيقلبوها جردة..الناس غادية والناس جايا وهوما جالسين مهضروش بتاتا حدو فاش قاليها جلسي..بقاو قرابة عشرة دقايق عاد نطق هو:عاجباك هاد الحالة أهدى؟؟
هدى:نتا لي بغيتها..انا مدرت ليك والو
الزوبير:عرفتي شكون هو بنادم الواعر هو لي تيبان ليه راسو مغالطش كاع والناس هي لي غالطة فحقو..تواطاي لأرض شويا
هدى:(شافت فيه بعيونها من تحت النقاب)حتى نتا غالط جيت عندك مقادة ومصايبة ورديتيني بحالا خدامة عندك
الزوبير:يا هاد المرا واش عارفا راسك اش دايرا..عدويا شدان الضد بتخرجي بتعلميني صوني ليا نتي معالماني ممحاشياها ليا وبيتيني نسكت ليك
هدى:كنت مع ختك مافيها باس
الزوبير:(شدد على لسانو)ختي فاش بتخرج علمات راجلها
هدى:(ساطت)مبقيتش أنا غنخرج كااع مالي على هاد القرع نمشط ليه راسو
الزوبير:خففي راسك راه هي عاودو ليك على الزواج معارفاش اش فيه واش كاين شي واحد مراتو ما خدامة ما ردامة كيخرج بلا فطور وكيجي وميلقاش غداه وفالعشا تيدمق واه بزااااف ..كون كنتي خدامة نقول الله يحسن العوان نتي كضلي وتباتي هازا المشقوف اش تديري فيه ؟؟الله واعلم
هدى:(عطاتها ليه فوجهو)مكنعرفش نطيب
الزوبير:(بنرفزة)تاحد متزاد معلم..عندك الويفي دخلي تعلمي راه اليوتوب عطا الله ولا هبطي عند مي
هدى:(زمتها)ان شاء الله
سكت للحظات وهو ينطق كيحاول يبرد:الله يهديك هاد الحالة ميبيها تاحد..ديري عقلك أهدى
سكتات مجاوباتوش وبقا كيضرب فيهم النسيم الخفيف لي كيكون غي فالعشية فمراكش ..شرا ليها الزريعة وكاوكاو وبداو كيهضرو عادي حتى بردات الدعوة بيناتهم وصفات الخواطر ورحعو للدار بحال كيف كانو قبل مقاديييين راجي انها تكون فهمات وستوعبات
حيدات حوايجها مبسمة فرحانة حيت تصالحو وظنات بلي غتوقع شي حاجة بيناتهم...زعمات ومشات دوشات حيدات العرق وتريحات رجعات هدى الزوينة لي تشوفها العين تعشقها حتى وجهها مع الزواج صفا ليها شويا من الحبوب لكن الشحوب ديال السهير فيها واضح..
خرجات عندو كتنشف شعرها لابسة بيجامة حريرية من داكشي لي شرات ليها إكرام ولي مالبساتو على شحال..طلعها وهبطها كانت زوينة مينكرش لكن أبدا واش يزعم يحط عليها يدو بعدما شم ديك الريحة لي ترسخات ليه فبالو مقدرش يزعم عليها
الزوبير:ديري لينا العشا
هدى:واخا
مشات للكوزينة كتقلب شنو ندير وكيسمع فالماعن كيتقرقبو يقول هنا نبات ومعرت أش كتصنع وهي غي ليباط..وجداتهم وناض كلاهم معاها كيهضرو عادي وهي تتسنا امتا تسالي باش يديرو شي حاجة ساعا غي سالا جرها معاه دخلو للفراش عنقها كيشم فيها رويحة زوينة وهادي قليل فين كتوقع ليه وغفى مخليها كضور فعينيها مفاهما والو..كتسمع أنه الى شي زوج غيتصالحو راه كيديرو علاقة السيد شافتو ماطافش بساحتها نهائيا محكراتش وجبدات عليه بنعسة حتال الصباح
*****
دازو أيام ومشاو أيام تعد فشهراين وهدى حياتها عادية لي تبدل هو كتعلم تطيب وكل مرة مقادة حاجة لكن عيبها كيبقا هو نفسو العفن..الزوبير عمرو قاسها إلا مرة وحدة ..كاينين بوسات أحضان لكن يقرب ليها والو فلول كتسغرب لكن من بعد مبقاتش كتحكر نهائيا كتلقاها من الجنة والناس باش ماتدوش وتنوض تنقي راسها..كتهضر مع مها تسولها تقوليا بخير وترسم ليها الحياة الحلوة..أي نعم طباعها متبدلووش لكن تردعات شويا ولى بعدا كيدخل كيلقا مياكل واخا ماشي شي بنة نييت
مؤخرا ولات كتجيها السخفة والعيا بزااف والراس كيقتلها بجهد..كتوقف كتبغي تطيح على وقفتها حتى كتعيط لمها تبكي عليها بالمرض...فايقة واحد الصباح خاطرها مقلوب والدوخة غتهرس ليها راسها لقاتو ممشاش للخدمة..نادات عليه بصوت فاشل وتم جاي كيقلب فيها بريبة: هدى مالك
هدى:كنمووووت ففففف فيا الدوخة
الزوبير:نوضي بدلي عليك نمشيو للطبيب نوضي حالتك مكتعجبش أنا نعيط لمي
هبط عيط لمو لي طلعات عاوناتها حتى لبسات ودارت ليها نقابها وخرجو جاراها شاداها السخفة وغتموت ليهم بالعيا والسخفة..شدو نوبتهم عند الطبيبة وبقاو كيتسناو وهي تنطق خديجة:واقلة اوليدي مراتك كتوحم
الزوبير:محالش الواليدة
خديجة:(تبسمات)ان شاء الله خير
وبالفعل كي دخلو للطبيبة فحصاتها وبشراتهم بالحمل مدتو شهرااين..خلات عقل الزوبير غيفرفر..عنقها فرحان وكذلك مو أما هي راه مسهوووتة محاساش باغيا غي تنعس بدات كتبكي ليهم جايبة عليهم فشوشها..خرجو وداوها للدار طلع عندها كلشي فرحانين بيها وكيراريو بيها صوناو لمها علموها خلاوها مصدومة ممتيقاش حيت رافضة الإنجاب فهاد السن
أما هدى جبدات عليه ناعسة مجايبة للدنيا خبار باغيا غي ترتاح..فرحو عائلة الزوبير ونشطو ليه وواعدوه يتهلاو فيها ..وتجمعو فالعشية كامليين عندو بخواتاتو وعيالات خوتو وشي بنات من عائلتو..ناضت هدى كي الغولة لبسات بينوارها حيت الشتوا تقريبا دخلات وتحرك بريد زوين خصهم يتسترو عليه..عاطية منها ريحة تالعرق خفيفة وشعرها جامعاه شدة للفوق كيبان مزيت نييت و كانت أول مرة تشوف بنات خالاتو وعماتو ..تبسمات وسلمات عليهم وجلسات قربهم عيانة وعائلتو مكلفين موجدين كلشيي
سلوى:بيتي قهيوة؟؟
هدى:(كتفشش)مقديتش عليها اختي..بغيت غي نشرب ما بااارد(هزات كتشرب)
خديجة:مشهية شي حاجة ابنتي
هدى:يفوتني غي الحريق تالراس والله
نطقات سامية بنت عمتو متحجبة لكن كتبان متولة ولابسة العصري..الفولار فلون متناسق مع شنو لابسة والجيل فالظفار وروايح كيعطعطو منها..كتبان أنيقة:خصك تردي لبال لماكلتك اختي راكي بجوج رواح
هدى:الخاطر والو اختي والله..كنحس براسي غنطيح على وقفتي
شيماء:غي الوحم اختي هذاك غادي يفوتك..كون تشوفي الزوبير مسكين بيطير بالفرحة ملي ساق الخبار
هدى:(مبسمة)بصح هههه معقلتش مع كنت مدوخة
بقاو جالسين مجموعين كيضحكو ويكركرو وهي تنطق سلوى:ندوزو هادشي سكوتي هههه
خديجة:شوووفي اهياتا اه خوك معندوش مع داك تشياخت تاعتك هههههه..
شيماء:وانضربو غي شويا ههههه صبري نهبط نجيب طعارجي
هدى:(بضحكة)جيبي جيبي شحال مضربت
سامية:ياك عيانة هههه
هدى:(على نيتها)فيا واحد العرق تشياخت ميمكنش نشدو ههههه
سلوى:ودابا دويتييي
جابو ليهم جوج طعارج من دوك لي كتشري شيماء فعاشور لبناتها وصينية ودربووكة ديال سلوى مخلياها فدار باها حيت راجلها مكيقبلش ليها داكشي..
هدى:اري ليا الدربوكة
سلوى:تتعرفي ليها؟؟
هدى:واغي اري..ضربو أنا نخلف ونغني
خديجة:تتعرفي ليهم بجوج هههههه
مع بداو كيضربو بداو يديها كيتحركو بأريحية فالدربوكة كتخلف كي الشيخة لي مولفة كل نهار خزانة تغني فيها..وطالقا حلوقها كتغني وهوما يجاوبوها ويضربو معاها ..دارت ليهم عرض ترفيهي بلا فلوس..سلوى عجبها الحال حيت كتموت فالنشاط..تتحرك بجميع انواع الالات الموسيقية الطعريجة والدربوكة والصينية ماخلاتها غي حشمات اما تنوض تدير ليهم القعدة..ختماتها فلخر عرقانة فوجهها:او هادي ساعة مباركة فاش تلاقينا برمى والطلبة
سلوى:(ناشطة)ههههههههههههه واعرة نتي هههه ربي فين تعلمتي
هدى:مي علماتني(مسحات عرق وجهها بكم بيجامتها)لقيتيني عييانة اما نضربو شي عشية ناضية
خديجة:تبارك الله عليك ابنيتي تتعرفي تضربي مزياااان
شيماء:نشطتيناااا
سامية:ولاهيلا حيديتي علي الستريس تالخدمة
سلوى:تانتي عليا بديك الخدمة تتشدي فيها جوج دريال وصابرة
سامية:والله ومخدمت مكاين لي عطيني الريال
هدى:(نطقات كي الحزقة)تزوجي مالكي
سامية:لي تزوجو طفروه
شيماء:هاحنا اختي مالنا ههههه
سامية:نتوما عندكم هادي هي الحياة..تفيقي تشقاي تكوني مع راجلك تولدي وهاكا الحياة أنا لا..بغيت نسافر ونعيش ونضوور الراجل اختي لي نتوما تتشوفوه زين راه حدو لسفرك نهار فالعام ههههههه ومالي عليها..اختي انا مصاريفي كثار كنبي نضور ونفوج ونخرج ونتقهوا ونتهلا فراسي غي داكشي لي تنطلي لوجهي تيشد ليا زبالة تالفلوس
خديجة:اوا جلسي بوووري هههههه
سامية:بايرة ولا مزوجة تزويجة مكرفصة ههههههه غا خليوني عاجبني راسي هاكا..خدامة على راسي كندير لي بيت وتندخل وقتما بيت ومكاينش لي يفرع ليا راسي..تنمشي لبلايص واعرين وتنضحك وتنفوج وتنكسي راسي ومهلية فوالديا جا ولد الناس لي يزيد بيا القدام مرحبا مجاش بلاش..اما باش نتزوج غي باش نتسما مزوجة هي بصحتكم مسامحة ليكم فحقي فالرجال هههه
سكتاتهم وقلبو الهضرة على منوال اخر لكن هدى مفاتهاش الهضرة إنما شداتها وحللاتها ولقات أنه نسبة من هضرتها عندها فيها الصح..بقات مرفوعة تتفكر وتتشوف فسامية كي ضاحكة مهازا هم باينة بتمشي لدارهم وتنعس معندها لا راجل يسول على حقو لا عشا تطيبو..كتسكانيها بعينيها..يديها زوينن بصباغة غزالة جيل والعنق فيه سنيسلة صفرة باينة ذهب حيت حيدات الشال..الشعر مصبوغ ومقاد والغلض وغليضة قياسها ومع ذلك رافضة تزوج بأين كان فحين هي قبلات بأول واحد باش ترضي صوت بداخلها ماشي صوتها أصلا..هي إنسانة كتأثر دغيا بالمحيط ديالها..فينما حطيتيها كتندامج وكتبع العقلية ديالهم..
نهار تحطات فمحيط كيدوي غي على الزواج ترسخو ليها أفكار وتصورات ماشي ديالها واصرات أنها تكون من داك المحيط..للحظة بحالا صرفقتيها ووكدتيها وسولات راسها:هدى اشنو درتي؟؟
لقات راسها كتسولها :فاش خدامة
سامية:فواحد لاصيرونص الزين
هدى:مزيان اختي(رمقات تيليفونها شاعل فيه الضو فيه صورتها فالبحر وفبلاصة غزالة كتبان شي قهوة زوينة)
سالات الجماعة وتوادعو معاهم وخديجة وبناتها جمعو الدار مخلاوش مرات الزوبير تحط يديها محتارمين راها عيانة ..هاد الأخيرة مشات رجعات لبيتها هازا تيليفونها لقات مها صونات ليها..جاوباتها بصوت بارد:الو مي
ربيعة:هدى كيدايرا ابنيتي؟؟
هدى:توحشتك أمي علاش مبغيتيش تجي عندي
ربيعة:هههههه شوف ليك اللفعة هههه يا تي لي خصك تجي عندي أنا ركابيا عياو
هدى:راكي عارفا الزوبير ميخلينيش نجي بوحدي
ربيعة:(تنهدات)نهار ابنيتي تتزوجي هاكا كيولي حالك..قليل لي يديك تشوفي حبابك بخاطرك..كي غادية مع الوحم..
هدى:معرفتش..كنحس براسي عيانة وراسي كيزدح امي. .
ربيعة:حداك شي حد؟؟
هدى:لا غي هضري
ربيعة:مالك ابنيتي فهاد الزربة؟؟ياله كملتي 19 غا شي سيمانة ونايضة تحملي..الى ولدتي دابا فين غادية
هدى:معرفتش امي كي وقع..مفهمتش مكيقيسنيش حتى بزااف
ربيعة:كيفاش تاني؟؟
إكرام:(حداها كتنقي جلبانة)كيفاش اديك اللفعة؟؟
هدى:(بصوت منخافض)وا كي سمعتي والسيد والله الى شي شهراين مقاصني ماقرب لي
إكرام:(شافت فمها)ياكما مافيديهش واش كيخسف ليك؟؟
هدى:لالا فلول كان عادي..وفيه الجهد نيت ولكن راه شي شهراين مطاف بيا
ربيعة:شحال عندك دابا
هدى:شهراين نيييت
إكرام:العجب فففف معلينا خصك شي حاجة؟؟مشهية شيحاجة نصايبوها ونصيفتوها ليك فالكار
هدى:(تغرغرو ليها عينيها)ياك اختي؟؟مبيتوش تجيو عندي ياك؟؟ياك امي انا ماشي بنتكم حتى بابا مباش يجي
اكرام:(طلقاتها بضحكة)ههههههههه وليتي كتهضري بحال المراكشيين مبيتوش هههههههه وداك باك بغيت ليه وابا طايح حبو علينا هاد الأيام غا يضور ضورة ويعيط ليا
هدى:(كتسمح دموعها)أنا كاع مكيسول فيا
ربيعة:كيسول كيعيط ويسول معرت مالو واش مو قربات تموت ولا مسحور هههههههه يشد خوك العطلة ونجيو غا تهناي
هدى:واخا امي راه توحشتك امي نتي بزااف اما ديك اللفعة لي حداك متجيش
إكرام:واخا هههههههخ سيري فحالك سيري والله حتى عزيتي علي اويلي تي مزوجة وميقيسك شهراين
هدى:حسن ليا نيييت ماكادة على والو انا
قطعات معاهم وشدات تيلي دخلات لواتساب كتشوف شحال من كروب عندها بلا فايدة كلهم محورهم الزواج والراجل..وبدات كتساءل واش الراجل حتى هو كيحط المرأة محور حياتو؟؟واش الرجل حتى هو كيخطط كيفاش يبقا ديما يكسب قلب المرا وميخليهاش تشوف برا..واش هاد السيد حتى هو كيدير عليهم شي حاجة؟؟حتى وحدة عمرها قالت راجلي شرا ليا ولا فعل ليا من غير شرا فران شرا ثلاجة ولا بانيني فاش غينفعها هي هادشي..ساطت وشافت ميساج عائشة فيه:
📧:مبروك الحمل واخا مقلتيهاش ليا
📧هدى:الله يبارك فيك انا براسي مكانتش فراسي..
📧عائشة:(جاوبات فالبلاصة)ممممم وعلاه ماحسيتي ماعرفتي والو؟؟مهم فرحت ليك واخا خبيتي علي
📧:هدى:أشمن خبيت عليك واش أنا طبيبة؟؟
حطات تيلي معصبة من محادثتها الباسلة ولي ولات كتجيها مملة..نهار كامل وهي راجلي دار راجلي فعل..شوفي شنو شرينا غنوض نطيب نشطب نشقا يعني حياتها محصورة فربة بيت لاغير وسولات راسها هدى:واش انا هاكا بغيت نكون؟؟
ربطات الأمر بحياة سامية لي كانت هضرتها هي لي شعلات واحد الضو صغير فعقلها باش تستوعب بلي خرجات على راسها ماشي حيت الزواج خايب انما هي ماشي قد هاد المسؤولية..
أفكار كثيرة كتراودها وكتديها وتجيبها وعقلها مبلونطي مقادرش يحللهم حيت عيانة نفسيا بهرمونات الحمل وجسديا أيضا..وهي فغمار تفكيرها دخل الزوبير مبسم ومشا ليها نيشان عنقها حتى كنفاتو ريحة الخنز لي ولى مولف فيها..مع ذلك تجاهل وقال:رتاحيتي شويا؟؟مخصك والو
هدى:(ببرود)لا والو..حمد لله
الزوبير:عطي الراحة لراسك ولي فكرشك ياله عندك شهراين خصك الراحة تا يثبت داكشي
هدى:واخا..الزوبير توحشت مي وخوتي
الزوبير:عيطي ليهم يجيو عندك مرحبا بيهم
هدى:منقدروش نمشيو حنا
الزوبير:دابا لا فيك مايصبر تال شهر ثلاثة
هدى:لالا بزااااف ففففف صافي غي خليني
الزوبير:حممم نوضي دوشي حيدي العيا والعرق
هدى:مافياش
الزوبير:ندوش ليك؟؟
هدى:واخا
ضحك وناض وجد ليها حوايجها اللهم يدوش ليها هو ولا تبقا هاكاك تدوخو..كان كلشي خرج بقاو غي هوما بجوج .. وجد ليها كلشي و مشات سبقاتو كتفك شعرها فاشلة بحرا مافكاتو كولو محروق ما تحمل تشوف فيه من لتحت حيدات حوايجها وبان لحمها تدبغ ليها خصاتو عناية طويلة باش يرجع كيف كان..حيت الجسم الى كان فشكل ومع الوقت خسر كيتصلح لكن العكس الى كان من لول الجلدة سمرة راه مستحيل ترجع بيضة..مع دخل لقاها عريانة لابسة غي السليب تبسم ملي شاف ظهرها مزيناه ثقبة الزين جوجات ومشا كيدوش ليها بلطف وكيعاملها كي الدرية الصغيرة مكيهضرش وهي كثر منو حدها كتحس براسها ضايعة وصافي...بحالا كانت فشي حلم..نعسات فاقت لقات راسها مزوجة وحاملة من لفوق..دوش ليها وخلاها تتوضى جاب ليها حوايجها لبساتهم وخرجات وحدة خرا ..النور على وجهها..باسها فمها وقال:بالصحة
تبسمات ليه ومشات للبيت ومشاعرها باردة تجاه هاد السيد لي نعم زوجها وضريف وكيعاملها زوين وصابر ليها لكن السؤال واش عمرك حسيتي معاه أنك مرا واش عمرها حسات براسها كتنتامي ليه؟؟عمرها عنقاتو وحسات بحنان فشكل ولا اللهفة شاداها عليه..حطات راسها ومشاات عاود من فرط التعب مخلياه كيتعشا بوحدو وكيفكر فحياتو معاها..
فبعض الاحيان كيخصنا وقت باش نفهمو ونستوعبو شحال من حاجة وارائنا ومبادئنا كتختالف من وقت لوقت..مثال بسيط وحدة فسن معين كتقول بلي ميمكنش تحط تصاورها فمواقع التواصل الإجتماعي ومن بعد كتلقاها حطاتهم علاش؟؟حيت نظرتها تبدلات سوا شي حد بدلها ليها او لا كتاشفاتها راسها وستوعباتها وهاد النوع الأخير،هو لي كيكون رابح ديما فقراراتو حيت كيلقا راسو مبدلوش شي حد إنما هو ستوعب داكشي فلحظة من الزمن.
والسن كيكون عامل كبير باش الواحد يستوعب مثال بسيط اخر..ولد فسن المراهقة مباغيش يقرا مباغيش يمشي للمدرسة كتهضر مو ويهضر باه ويهضرو لي دايرين بيه وكذلك الناس لي دارو نفس غلطو لكن مكيقتانعش وكيدير شنو بغا ولكن ملي كيكبر وكيتبدل المحيط و كيبدا يحصد شنو زرع كيلقا بلي ديك الفكرة صحيحة والناس عندهم الصح اما كيكون مشا الحال وكيبقا نادم او كيغير راسو..
وهذا حال هدى لي نوعها خصها تجرب الحاجة وتدار بيها وتقدر تريسكي ويقول ليها العالم راه داكشي ما مزيانش لكن غتزطم وتجربو وفلخر تحصد وتجلس تندب..
هي أصلا إنسانة كسولة وفنيانة ومعيفينة و مع الحمل كملات..لا دوش لا نقا لا تهلية..غي النعاس والفراش والتقية..دوزات أكفس شهور فحياتها عطاتها فيها غي البكا والشكا والتنخصيص وشد ليا نقطع ليك مع الزوبير لي ولا كينعس فالصالون باش مينعسش حداها بديك الريحة لي كتقلب الميت من قبرو..هي إنسانة مهملة ورجعات أكثر اهمالا لنفسها..مكتاكل مكتشرب لي كلاتها كترجع فيها تقية..عنقها وبيطانها عمرو بالكلف تالحمل والكوزينة كدخل ليها الى عمرات حيت كتعيف الماكلة..جاو دارهم جلسو معاها جوج سيمانة تدللات فيهم وتفشاات كيفما حتى الزوبير تفشش حيت ولى كياكل ماكلة
دازت فترة الحمل صعيبة عليها بزاف تاحاجة مافيها زوينة من غير كرشها لي منفوخة ليها وكتحس بجنين كيتحرك داخلها ..مغلاضتش بزاف فحملها وكرشها كانت صغيورة ..هي والزوبير عايشين كي الخوت فارقين الفراش عمرو قاسها نهائيا اما هي متسوقاتش ولات كتهمها غي صحتها لي هلكها ليها الحمل..مشا الزين من وجهها ورجع ببسولية وزادت كملاتها بالعفن
جالسة فناموسيتها تتحك كرشها والدموع فعينيها تتسنا الزوبير لي صونات ليه يجي حيت شدها الوجع كانت ستة تالعشية والشمس مزالا كطنطن وهي كرشها كتحرقها وجع تالغيكل مضروب فربعة تالمرات مقدراتش وبدات كتمشي وتجي لابسة بيجامة حد الركبة وريحة الصنان كتقلب منها..وكتسووووط بحر الوجع حتى دخل الزوبير مخلوع:هدى
هدى:(نفاجرات فوجهو)عتقنيييييي هءهءهءه كنننمووووت كنمووووت
الزوبير:(ضهشر)واش غتولدي؟؟شوفي جلسي أنا نجيب طاكسي صغير ونجي نديييك
هدى:(مزيرة على يديها)دغيااااا دغيااااااااا
مجاتش فين تكملها حتى دخلات عدوزتها تتزرب حيت صونا ليها وكانت عند جارتها..شداتها تتصبر فيها وتبدل ليها باش يديوها حتى طرطقات السقية وطلقاتها بغووووتة بحر جهدها
الجارة:لالة خديجة عروستك غتولد الى ديتوها تولدو فطريق
خديجة:(متوترة)اويلي وهذاا فين مشاااا اميميتييي
كتغوت هدى بحر جهدها وتضرب فلي حداها باغيا تبرد حر الولادة شويا بدات كتزحم راسها وهي تشقمها الجارة لي كانت مرا كبيرة شدوها داوها لبيتها سدو الشراجم وقال:جري جيبيليا ما سخووون غتولد
خديجى:واش بتولديها هناا؟؟(ضربات فخصها)والى ماتت؟؟
الجارة:بتموت هنا الى مولداتش(شافت فهدى لي مفرقة رجليها كتحس براسها غتهبط منها شي حاجة)هدى زحمي ابنيتيييي
بدون تعقيم وبدون اي شيء حيدات ليها السليب لي خانز دارت يديها تحتها تا قاست الراس ديال الجنين وطلباتها تزحم ولوخرا متسوقاتش باغيا غيتفك مهم تولد..بدات كتزحم وففمها غي ربي وماما ومي...كتزحم وتعاود كلها عروووقاااات ولات مزنكة بالزحمة وخديجة كتمد ليها اش خصها حتى زلق المولود لي كتاب ليه يتولد فالدار ولادة صعبة جدااا
الجارة:لالة خديجة مبروووووووك اري اري ليا باش نفطمها
هدى هزات راسها شويا فشلانة تتشوفهم هازين تربية صغيرة فيها الدم والشعر كحل كيبان من بعيد غرغرو عينيها وردات راسها لور تتنهج بتعب ورجليها مفرقييين..
هدى:اش ولدت؟
خديجة:(بفرحة)بنية بنية ابنيتي ههههههه هاكي قضي غرض اختي دغيااا
خرجات تجيب اش خصها دخل الزوبير كينهج قايل:ها الطاكسي لتحت
خديجى:(ضحكات)مرتك تفكات وولدات بنية هههههههههه
الزوبير:(تصدم)كيفاااش ولدات؟؟فيناهيااا
خديجة:مدخلش راه معاها لا زهور خليها تنقيييها ولدااات ليك بنية(كضحك)مبارك ومسعود اوليدي
مشات تجيب اش خصها خلاتو مصدوم وكيتساءل كي دارت ليها..بغا يدخل وحشم وبقا تيتسنا يشوف اش كاين ناسي مول الطاكسي لتحت..عيط لخواتاتو يعاونو مو وجاو كيجريييييو لقاو زهور نقات هدى ولبساتها وخلاتها ترتاح..هاد الاخيرة لي فيها السخفة والعيا تاع الوجع ..دايرين ليها البنية بين يديها تتشوف فيها وتبكي...وتتبوس فراسها وتشد صبيعاتها تفكهم..ولادتها بقدر مافيها الوجع بقدر ماعطاها ربي وقفة ساهلة ...
بقات كتأمل البنية وتبوسها فراسها وتحمد لله لي بقات عايشة و الكاسيطة ديال حياتها كدور قدامها غي البارح كانت ديال راسها اليوما ولات أم لبنية صغيرة وولات مسؤولة..
قاطع تفكيرها دخول الزوبير مبسم مشا نيشان هز البنت من عندها باسها وبقا كيشوف فيها فرحااان حيت عندو بنية وهي كتشوف فيه بشوفة عادية فرحانة حيت ولات أم لكن مكتفرحش فاش كتشوفو
الزوبير:على سلامتك(باسها فحنكها)زربتي علينا ولدتي فالدار
هدى:زحمت وولدت(بتعب)بغيت ننعس
الزوبير:نعسي مكاينش لي يفيقك ريحي راسك
حركات راسها ومدات ليه يديها يحط ليها البنت لي ملبسينها لبسة شراها هو واحد النهار اما هي ماوجدات والو..ليكوش هو لخر مشراتوش..كانت باغيا تولد و ما موجدة والو وتا لي يعاونها بعيد عليها..خلاها تنعس وخرج يجيب شنو خاص حيت تكبات عائلتو وغتكون اللامة ..دخلو عليها لقاوها ناعسة شافو البنية وطمنو عليها وخرجووو فرحااانييييين ومستغربين حيت عطاها ربي وقفة ساهلة..
متكية على ظهرها فيها نغيزات وجع كترحع الوالدة لبلاصتها بعدما كلات شويا ورضعات البنية لي كانت قطعة من قلبها..مسخاتش تحيدها من حداها..مشبهاتهاش بتاتا حيت البنية بلقة وشهيبة شبهات ياها ..مبسمة بتعب باقي فيها اثر الولادة والعيا تالحمل وكتشوف فديك الملاك لي عينيها مشنقين وكتحاول تحلهم..باستها فراسها وحضناتها عندها كتستمد منها قوتها...
فالمطبخ كانو اللويسات والعدوزة دايرين الواجب كيوجدو ويقولو ماوجدنا..مخلاو مصاوبو فغضون يووم فاش ولدات فرحانين لخوهم وبينت خوهم
سلوى:(تحنات لتحت البوطاجي)اميي وسراق الزيت الصغير اش داير هنا
خديجة:(بصوت هامس)سكتيي سكتي واري الزيت
سلوى:ياربي راني تقهؤت واش هادي مكروضين ليها يديها والدود قرب يخرج من هاد الكوزينة(خسرات سيفتها عايفة)شهاد العفن اربي
شيماء:سلوى عندها الصح اخالتي اويلي مغيلقاو الناس فين يجيو..
خديحة:كلشي يهبط لتحت..الطلامط مافيهم مايتلبقو عمرهم تصبنووو
امل:كول مقطوع الما من الدنيا
وبالفعل عندهم الصح دارها ضربي ليها تشطح عمر طلامط تصبنو ولا القنات تحكو ولا تخملو ..الصابون وكيتجمع على جوج سيمانات حتى كيغوت الزوبير عاد تنوض تصبن كان صابر ليها حيت حاملة وكتبقا فيه
جات ربيعة واكرام واحمد كيتجاراو باغيين يطمنو على بنتهم..ستقبلوهن مزيان ورحبو بيهم ودخلوهم عندها هي لي كانت غي مغمضة عينيها..مع كتقرب ربيعة كتعرج برجليها كيبانو ليها ملامح بنتها لي غبرو ومشاو حروف الزين ..حالتها النفسية مزرية ونعاكس هادشي على وجهها
مع سمعات حس مها حلات عينيها وتشرع فمها بضحكة حالة يديها للمها باغيا تنوض..هاد الاخيرة لي رماتها فحضنها كتبوس فيها وتعاود وتقلب فيها ممصدقاش بلي هدى ولدات فالدار
سالات منها ودازت لاكرام لي حضناتها وباستها فراسها كتقلب فيها اما احمد راه طاح على البنت كيبوس فيها ويعاود
ربيعى:اتا حيد لهيه تلصق فيها دفالك
احمد:(باس هدى)ولدتي لينا الزين..شهييبة
هدى:(ملامحها فرحو فاش شافتهم)زوينة بنتي ياك امي؟؟
ربيعة:(هزاتها)بسم الله بسم الله تبارك الله ماشاء الله..زويييينة شهيييبة
اكرام:شبهات باها ماشاء الله(بصوت رقيق)احنوني على خوينزة ديال خالتوو
ربيعة:اوا ملي شفت ولادك الى بغات الموت تجي
اكرام:(قندشات)ومالي انا عاكرة
احمد:وانا؟؟
هدى:الى لقيتي لي تقبل عليك بديك الكرش غا زعم هههه
ضخكو كاملين عليه وقلبوها ضحك ونشاط وبداو كيسولو فيها كي دازت زحمتها وولادتها وهي كتقول غي الحمد لله..هزيتي هدى وحطيتي وحدة خرا..هدى ولات باردة كلشي كتجاوب عليه ببرود طايح عليها الضيم او بالاحرى ملات عيات..بغات طج لي مفرحها حاليا هو البنت لي قررات بقلب صافي تسميها "إسراء"
دوزو معاها أيام نفاسها الاولى ..عتانات بيها مها وختها وقامو بيها..قوتوها ومخلاو موكلوها باش ترجع صحتها وحليبها يكون وافي..تتنقيها ختها وتعاونها تنوض تغسل وداتها للحمام فركاتها على 15 ليوم رجعاتها تتشعل..دخول اسراء لحياتها خلاها تفرح نوعا ما بعدما دخلات فدوامة ممكن تختاصر بالاكتئاب
التربية صغيبة وهدى لي مولفة تنشر وتنعس تال اشمن وقت مبقاتش تتنعس مزيان..سخفاتها التربية والسهير واخا كتعاونها عدوزتها ومها لكن الدرك عليها..منها ترضع منها تبدل وزيد وزيد كل نهار كتعلم حاجة وطاقتها الجسدية والنفسية مقاداش على هادشي..
كترضع فبيتها وتبوس على راسها بحب مبسمة واكرام كتلبس حوايجها حيت غيمشيو بعدما بقاو معاها عشرين يوووم حيت جاو مع عطلة مدرسية وصيفتو احمد فلكار باش يقرا..
هدى:مسولتكش اش. خبار علي؟؟
اكرام:لباس عليه ..كيسلم عليك ديما
هدى:باقي مجاش للمغرب
اكرام:غيدخل ان شاء الله وغنتشاوفوو
هدى:الله يسهل عليك اختي ويعطيك حسن من سعدي
اكرام:(جلسات حداها كتلعب بيد اسراء)نتي لي ختاريتي..هضرت معاك حتى عيييت وقلت ليك لا أهدى باقي صغيرة وحتى دابا راك مزيان. راجلك على مابان ليا كيعاملك زوين وحتى ناسك مزيانين
هدى:(ببرود)مبقينش كنحسبو راجلي...قبل ماطيح اسراء فكرشي مقاساني واحسبيها نتي..شهراين على تسع شهور غادية لعام هذا تفرحي ليه؟؟باغي مني غي نطيب ونعجن ونصبن
اكرام"(باستغراب)هذا هو لي مكيبغيش يتفهم ليا..واش هذا برد ليه ولا شنو
هدى:منعرف ليه..ويضبر راسو مزيان نيت
اكرام:ونتي زعما مكتحسيش براسك زعما ناقصاك شي حاجة؟
هدى:(تنهدات)بغيتي الصراحة كانت عندي فيه شهوة فلول ولكن غي دوزنا ديك ثلث شهور لولة والو ياختي..معرفتش كي نوصف ليك ولكن راه كيجيني مكيعرفش ليا (جاتها الضحكة)هههه
اكرام:سكتي ههههههه الله يمسخك
هدى:لبسي لبسي غيمشي عليكم الكار
لبسات عليها ومدات ليها خمسمية درهم قايلة:ديريها تحتك
هدى:(برفض)لالا مخصني والو اصلا مكنخرجش
اكرام:(كمشاتهم ليها)هادو ديال بنتك(باستها فراسها)ياحنوني على زين ديال خالتهااااا راني كنموت عليها
هدى:(تبسمات)هههه
ربيعة:(دخلات)اتي زيدي ياله...(جات عنقات هدى لي بدورها حطات اسراء فالناموسية)تهلاي ابنيتي وديري عقلك..ناسك مزيانين ومهليين فيك
هدى:(ضماتها بحب)غنتوحشك امي بزاااف . سمحي ليا عذبتك
ربيعة:(ضحكات)شوف ليك هويدا حتا هيا ولات تعرف تهضر هههه درتي الدراري ودرتي عقلك
أحمد:واامييي ياله
توادعات معاهم ومشا معاهم الزوبير حتى وصلهم ورجع ادراجو للدار لقا غي هدى شادا حنكها بملل ..
الزوبير:فينها البنت؟
هدى:ناعسة
الزوبير:نتي مزيان؟؟
هدى:حمد لله
الزوبير:وليتي فشكل اهدى؟؟مالك؟؟
هدى:مماليش..عادي
الزوبير:هدى(تنهد)شحال باش مزوجين عمرك طلبتي مني نخرجك ولا طلبتي فلوس؟؟
هدى:مخصنيش
الزوببر:واخا نتي تعرفي..(حط يدو على كتفها وجرها عنقها وباسها فحنكها)توحشتك
شافت فيه بنظرة عتاب:صباح الخير ..
الزوبير:مالكي ههه
هدى:(حيدات يديه)كتعرف شي وحدة ورايا؟؟ياك؟؟غي هضر
الزوبير:اعوذ بالله (تصدم)اشهاد الهضرة عاوتاني؟
هدى:(ساطت وناضت)كي سمعتيها واحد ممقربش ليا علاين عام فين كيخوي؟؟
بقا ساكت للحظات ونطق:ماتبقايش تهضري هي هاكاك. مرا خرا مكايناش ومغاديش تكون خوي راسك من ديك الهضرة
هدى:وباش بغيتيني نفسر اخويا بلي مكتقربش ليا؟؟
الزوبير:فسريها كيبيتي..راجعي راسك شوي وغتفهمي..
نفاعلات وهي تهز فيه حاجبها وطلقات عليه حلوقها بلكنة كازاوية:اش باغيني نفهم؟؟باغي تسطيني؟؟واش مكتشوفش حالتي كي دايرا؟؟نزيدها حتى بيك نتا وبهمك(هزات عليه صبعها بتحذير)راه نشم ريحة مرا الزوبير غنهز بنتي ونزيد
الزوبير:(ستافزاتو)شمي هي ريحتك هاد الساعة وبتفهمي ..واش نتي محاساش حتى براسك بقا هي تحسي بيا(زفر بغضب)خليني موقرك هاد الساعة
زاد وخلاها غتبخ الدم..عطاها معيورة ناضية زعما أفلانة نتي السباب حيت معفونة...وهدى عدوها لي يعايرها بشي حاجة فيها واخا تكون صحيحة
بقات كضور فعينيها وكتغدد غي بوحدها..هضرتو ضرباتها فالصميم وبدات كتربط خيوط شنو صاير فحياتهم ورجحات الأمر أنه مقاسهاش حيت معفونة. طلعات معاها تزنيكة ومشات للبيت تطل على بنتها لقاتها ناعسة..باست راسها وتكات حداها كتخمم فحياتها فين كانت وفين ولات
باقا نفيسة لكنها دغيا ناضت حيت ولدات ساهل ومدارت لا غراز لا فتيح يعني دغيا وكدات وتجمعات..لكن التربية غلباتها وحدها ومكتعرفش كتبدا تبكي اسراء وهي متفهمش علاش كتبكي..واكلة وشاربة ومبدلة علاش كتبكي معارفاش..هضرتها هي والزوبير منقاطعة كيهضرو غي قليل الى بغا شي حاجة والى بغات تطلبو على شي تقدية لاسراء..
دازو أيام معدودة ورا مكملات هدى الربعين.. زادت عكز على عكز و جاها الضغط كثير عليها.. بنتها كتسهر ليها بالليل كضل ساهرة معاها وظل فايقة معاها نهار كلوو دايخة بالنعاس والعيا والتراكم لي عندها لداخل خلاها تولي جثة بدون روح... حتى الزوبير ماشي من النوع لي ينوض ويعاونها فالسهير ويهز معاها المسؤولية .. عيشتهم ولات باردة مافيهاش حياة أو روح حتى واحد فيهم معارف علاش مزال صابر على الطرف الاخر
فواحد العشية غفات اسراء.. ساطت بتعب حلات شعرها كتعاود تجمعوو.. تشبك علاش لا وهو الما مقاسوش سيمانة هادي أما لمشطة خلاص كانت هاملة راسها وزادت كملت لي بقا ... ريحتها تخلطات بين العرق المتراكم غير كتمسح ملي كتبدل لعكز والبرد قتلها كيبان ليها الدوش شي حاجة صعيبة وهوما غير قالو ليها لبرد كيفرع ورا لولادة وهي تسد حتى على الدوش
ريحة الحموضة تاع لحليب و العرق خلاو حالتها حالة....بقات واقفة كتفكر واش تمشي دوش ولا تنعس شوية ...ستسلمات للتعب ومشات تلاحت فبلاصتها لعيا واخد حقو منها
غرقات فنومها وبنتها حتى هي جبدات عليها محسات كاع بلوقت لي داز
دخل لدار لقا الصقيل والضواو طافين ...الدار مرونة معليهاش حالة لمرا فالدار ...ساط كيحك فسبرديلتو وكيقلب ميلبس عيان باغي يتكا
دخل بانو ليه ناعسين وخرج لصالون متكي شاد التيليفون داخل لفيس كيتفرج فالفيديوات حتى طلع ليه فيديو من صحبات روتيني اليومي.. كتحرك خيرها قدام لكاميرا كنوع من الاغراء الفاسد بقا جهد جوج دقايق كيشوف فداك لفيديو من بعد نساحب منو كيستغفر وبقا كيطلع فالفيديوات لي ولاو غير من ديك الفئة محدك كتفرج فشي حاجة داكشي لي كيبدا يطلع ليك من بعد
وفعلا حركو غريزتو وتعمق مزيان فالفراجة حتى طاب .. حس بحجرو تزير وخاصو يخوي ...طفا داكشي كيسوط وناض لكوزينة شرب لما وتوجه لبيت كيشوف ف هدى ناعسة فهاد اللحضة مهتم لا لريحتها ولا لنضافتها بغا يفرغ وصافي قرب جيهتها كيحيد فلقميجة قرب جيهتها تكا بمرفقو حداها داعب حنكها تقفزات حيت ولى نعاسها خفيف مع السهير تإيناس
هدى:شحال دابا
زوبير:اش بيتي فالوقت(شاف ناحية صدرها لي صدايفوو محلوليين كتبان لفرقة منهم مع تنفخو بالحليب بدا كيحل فصدايف تاع لبيجامة وهيا متبعاه شنو كيدير وقال:توحشتك
هدى:غ غتفيق اسراء
الزوبير: دغيا
باسها فحنكها وفمها بلا ميخدم نيفو فهاد اللحضة مبلوكي عقلوو غير فرغبتو
بعد لحضات جردها من ملابسها... باس صدرها وطلعات معاه الريحة تاع لحمووضة ودور وجهو... لمس جسدها كان ملمسو حرش.. النشوفية تلحمها و الزغب لي منين ومنين مبقاتش كتحيدو..زائد الحروشية فتحتها.. هدشي كولو غير ضو لكولوار لي شاعل باش لبنية متفيقش ...بدا العلاقة الحميمة بيناتهم شادا يديها لا غير مبعد من الريحة لكريهة لي كتجي من بيطانها مرضاتوو فنص علاقتهمم.. بدات لبنية كتكحب مد يدو لضو شعلو وهما والو فوضعيتهم لقاوعا ناعسة ... هزات يديها باش يبان تحت يدها كحل وزغب زاد كحلو.. عنقها كذلك بالكلف ديال الحبالة... هبط راسو لحمها ولمنطقتها الحساسة جابت ليه تمام... عاف ديك لكحولية الغير طبيعية ولحالتها ولجسمها لي مبقا كيمت لانوثة بصلة ...كرشها باقة كحلة بلكلف تاع لولادة
هدى:(ضهشرها تاني مفهمات والو )الزوبير مالك تاني؟؟
وقف كيمسح بالنتير وكيلعن نفسوو لي ستسلمات ليها ولعفنها تاني وقال: ماليي ناعس مع زبالة؟؟ وازبالة ونقية عليييك
هدى؛اشنو ؟ عاود أش قلتي
دار جيهتها لابس كالصون مخسر وجهو وقال:أش هاد لوسخ؟؟ اش هاد الحالة والعفن ...حتى تحتك مانقي كي لعيالات وبيتي نعس معاك ؟ معامن بنعس مع الوسخ؟ بقا هي الذبان لي مدارش عليك.. واش نتي عايشة فالدنيا ؟؟لما مقطوع مكاينش ولا شنو؟؟
هدى:(صهدات ومرضاتش )بزاف عليك وهضر معايا بالاداب.. كون فيديك كي الرجال عاد هضر عليا
خرج عينو فيها وجرها من تحت لغطا عريانة غادي جارها لجيهة لمراية تاع لماريو.. باغة تغوت وخافت بنتها تفييق قابلها مع لمراية وقال:عليييك حالة لعيالات ها لعيالات نقيات ...الناس مزوجة بالعيالات كي لبلارات وأنا خديت العفن و الوسخ وقلة النقا...شوفي كمارتك مزيان واش عليك حالة لبنات هدا شعر ؟؟
هدةى:طلااق(كتنطر منو) وااطلق مني... أنا بزاف علييك الحمار ..متهدرش عليا بزاف عليك طلق مني
حيد ليهاا لبانضة وطلق شعرها لي مشابك ..المشطة لدرتيها توحل فيه.. هزليها يديها كتطنر ليه والبنت كتبكي مداها فيها حد
الزوبير:شوفي الخنز أعيييفة لعيالات ...سكت ليك حتى عيييت ..عييت مانميك ونقول باقي صغيرة معامن بنتشارك فراشي؟؟ معامن مع صندوق تاع الحوووت خانز ....مانتي بحال لعيالات مانتي بحال لبنات هي زايدة ..ميدخلكش ليهودي من الشتا صابر ليك على ود بنتك ويني هدشيي بزاف
غلبو عليها دموووع هدرتو جرحااتها ونقصات منها ومرمدات بكرامتها الارض..وأهم حاجة حسات بالحكرة
هدى:(بلغوات)يكما حسابك أنا ميتة علييك ولا غنطلبك لخلا وجلا لهلا يردك أش كتسحاب راسك راجل ...باش راجل؟؟
الزوبير:بتزيدي كلمة بنهرس لمك فمك لخانز
دفعاتو عريانة صدرها كيلعب متسرطاتش ليها يقول عيبها ويحطها سطل بلا تقرقيب مرضاتش
شحال من واحد فينا فيه شي عيب وكيكون داري بيه ولكن الى تقال ليه من طرف أخر.. كيحس بالاحراج وميرضاش يشوف فيه شي حد بطريقة ناقصة وخة يكون عيب بسيط أما هدى فراه مرمد بكرامتها وكونها انثى بالارض.. نكرها واش هي أصلا مرا
كي لعيالات
دفعها وقال:سيري شوفي راسك كيدايرة وشوفي تحتك كي كحل مالك فهاد لحالة فين غادية فين بغيتي لوسخ سيري عيشي فيه لكنتي كابرة فيه أما انا منسمحش لراسي الى حطيت عليك يدي ولا حطيتو فيك.. ولا نشم خنزك مزال ....بتجمعي راسك يا يابزيدي فحاالاتك معندي مندير بالخنز والعفن مكبرتش فيييه مبيتش نعيش فيه
هز حوايجو وهيا واقفة مصدومة كتبكيي
الزوبير:تفووو ريحت الصنان والزفوورية والحمووضة كي الكلاب
هدى:(بلغوات) الحمار حساب ليك راجل نتا... انا بزاااف عليك الشماتة اعيفة الرجال... كاين شي خانز قدك ...اجي هنا علم الله شكون تلفاتك وداير السببة الشماتة وا الشماتة اجي هنا
تبعاتو بلفقصة بفاز مع سد الباب مع خبطاتو مع الباب بلعصاااب والفقصة والغوات بكاها غطا على بكا درية صغيرة
مشات سورتات الباب كتبكي حيت تمرمدات ليها الكرامة بشكل رهيب... مشات لبيتها لقات البنت كتبكي.. ..هزاتها وجلسات كدمع عطاتها ترضع كتنخصص وتفكر شنو هي فيه وهضرتو لي ضربات فأنوثتها عرض تلحائط..طلا ليها كرامتها لي كانت تكساب.. صقلات كتفكر شنو دير والدموع راسمين خطوط طويلة على خدودها ...دورات عينيها لمراية تاع لماريو كتشوف فراسها من بعدما حطات بنتها.. تقابلات معاها عارية بجسد خالي من الحياة ..فيه شلا حوايج كيدلو على ان ارض جسدها مافيهاش شغف وان جسمها مفتاقد للعناية
النظافة من الايمان ولي كيكون بعيد على الايمان تاتكون نظافتو قليلة هدشي كبرنا عليه ..محدك قريب من الله ديما كتون معطر مدوش ومنظف راسك..والاعتدالية اهم حاجة
جمعات شعرها ومشات كتحل فلماريو بجهالة شتتات ليه كاع حوايجوو.. كتفكر فهدرتو كتزيد تطعن عرقات كتنهج وكتنخصص ... كتجبد متلبس وال دموع والخنونة دايزين كملو ليها اش خاص... جابت لباليزة كتخوي فحوايجها فيها وتجمع لي خاصوو يتجمع لقات راسهاا لحوايج لي جابت معاها هوما لي غتدي قليل شي حاجة لي تزادت عليها اما لملابس الداخلية حديث ولا حرج كلشي كاين. كلشي قدامها ومع ذلك هاملة راسها وهاملة اشياء بسيطة كانت تبدل شي حاجة في حيااتها
لقات راسها ريحتها من لعرس فاش خداتها ياله واصلة النص مدة عام والزيادة ديودورون تما مشات صلاحيتوو نهار كتجيها لحالة وتقول نووض ندير فيا النفس كتشري كتفوت يوماين كترجع تعكز وتشد الركنة بلحموضة ديالها
كتمسح وجهها من دموع وترجع تجمع ودماغها غيطرطق عليها بالافكار لي جاو دقة
جمعات مسائل بنتها لواتها فلمانطة ومشات كتشوف صاكها على اقل بقاو ليها فلووس اكرام لي عاطتها جمعات صاكهاا وكتقلب شنو تلبس فوق لبيجامة لقات هي لخمار بووحدو السروال مكيدورش عندها كلشي خلاتو فدارهم لبساتو كيتجرجر ونيت ميشوفها حد هزات بنتها كتقاد ليها لمانطة لغليضة ومدابزة مع لخمار او لعباية لي طويلة وعكلاتها ....فلحظة زلقات ليها البنت من المانطة جات لضس حتى تسمع راسها تزدح وهي تغوت
غوتات هدى وخطفاتها من الارض مشوكية وعينيها خارجين خشاتها فصدرها باش ميسمعووش بكاها ويطلعو
هدى؛ششششش صافي صافي اماماا صافييي سمحيليااااا هءهءهءهءه(كتبكي ) سمحيليا اكبيدة صافي صافيي شسس
حيدات لخمار كتسكت فيها وتبكي ..اسراء جنين وهي طفلة..معادلتين يصعب حلهمها.. كتقلب فييها لتكون تقسحات ملقات والوو غير جبهتها بلاصة الطيحة لي حمرة ...مشاات لفريكوو جابت تليجة دارتها ليهاا ولخرا كتغوت وتبكيي لي عمرها بكاتو.. جبدات كتحاول ترضع بزز تسخفات البنت وسكتات كتنخصص وترضع ...
هزات ايدها كتبووس فيها.. شافتها نعسات وناضت لبسات عليها وهد لمرة شداتها بحذر هازة صاك تربية وجارة باليزتها مزيرة على بنتها ومعدبة مع لبسها عرفات كلشي غيكون ناعس خرجات جارة لباليزة كتزرب حتى لطريق كتجري لطاكسي توقف ليها
هدى؛عفاك باب دكالة
_واخة
هبط عاونها فلبكاج و طلعات هي لطاكسي حيدات لمانطة على بنتها وشدات ايدهاا كتحاول تستمد قوتها شوية
ماهيا الا دقائق وصلات لمحطة عاامرة بالناس مكتنعس لا لل لا نهاار..غادية وكتعافر معذبة مع جلايلها حتى كانت غتلوح داك النقاب... كتقلب على لكار حتى سمعات
_كازااا كازااا الدار بيضاااا ختي فين غادية
هدى:(كتنهج حيت جاية كتزرب لعندو )كازا باقة بلاصة
_طلعيي شدي بلاصتك وغي طلعي كلسي ونجي وخلصيني اراي لبكاج
دار ليها كولشي لتحت وطلعات شادة بنتها كتقلب على بلاصة خاوية حتى لقاتها وكلساات من جيهت الزاج كتبكي ودمع ودخل ايدها تمسح من تحت لخماار وتشوف فبنتها لي بكات تشبعات ونعسات كل مرة تنخصص فنعااس
جا عندها لكريسون خلصاتو عطاها لورقة وتحرك لكار هزات تيليفونها ودوزات النمرة لاكراام مدة عاد جاوباتها
اكراام: افين اموو اسراء
هدى:هء هء اكراام
اكرام:ويلي مالك هدى دوي
هدى:اكرام انا فلكار دابا عءهء تعرضي لياا اختيي ملي نوصل مغنوصلش بكري
اكرام:ويلي اش واااقع غطيحي مني النص
هدوى:هءهءه تنجي ونعاود لييك عفاك
قطعات عليهاا وحطات راسها على لكرسي وبنتها فحضنهاا كتشوف فضوء مدينة مراكش لي على ابواب تغادرها
ساعتين ونص وهيا فطريق غفات وترجع تفيق رادة لبال لطيح ليها اسراء لي من ورا داك لبكاا عيااات كتنين مرة مرة تحل عويناتها وترجع تسدهم وتنعس
وصلات لمحطة بعد تعب شديد وايديها تبنجو عليهاا
هبطات من بعدما كلشي هبط لقاتو مهبط ليها لبكااج تشافت اكرام واقفة كتسنااها
هدى:اكراام
شافت فيها وجاية لجيهتهاا وقالت:معرفتكش اصااحبتي
هدى(عطاتها لبنت )شديها ايدي طااحوو
اكرام(شداتها حاضناها بحدر كتعري ليهافوجها وقالت:اراي الصااك الطاكسي كيتسناا
مزادتهاش وراهاا طول طريق ساكتيين حتى وصلو لداار دخلات كتحيد فلخماار وتلاحت فحضن جداها كتغوت وتبكي وتقول مبكييت اما اكرام حطات لبنية فوق السداري وجلسات كتسناها اش تعاود ليهم وقلبها كياكلها
ربيعة:وخلعتينيي اتيي دوي
هدى:ولد لحرام هءهءهءهءهءه مخلى فيا غير لي نسا امي هءهءهءنؤ معندي زهر فحد امييي معندي زهر
اكرام:كيفاش مخلا فيك هي لينسا اش دار ليك اش درتيي وتي دوي
هدى:هءهءهء خلاني امي منشوورة كي لكلبة وبقا علياا بلموسخة وعيفة العيالات هءهءهءهء مدارش بحق راني نفيسة وعيااانة اميي
فهمات اكرام لبلان وطمراات حيت لعفن يتخبا تيعياا غيبان يبان وهيا غير ديك عشرين يوم لي كلسات معاها عرفات الدرية عاد مزادت فعفنهاا فراسها ودارهاا
ربيعة:كيفاش خلاك وتي فهميينيي اش وااااقع جاية فنصات الليل واش هكا عطيناك بغيتها تعطا ليييه مكمدة فهاد نهاار
اكرام:امييي وا ا مي لاش تدعي علييه واش معارفااش بنتك واش السييد بهييمة واش عينااا منقرصوو فيييك وديها فدارك واديهااا فحالتك ديها فراجلك ونتي لي بقا على سهير التيليفون كملاتو لييك بنتك وزادتهاا بلعفن ا هدى غير قولي لياا شكون هاد الرااجل لي يبغي يشوف مرتو معفوونة
هدى:هءهءهءءه مني من نهااارك مكتحملينييش وبغيتي تجري علياا هءهءه تشفاي دااباا مزيااان
ربيعة:ابنتي شكون غيتشفا فيييك حنى الى منفعناك منضرووك وهوا فراسو هاد لمجية بليل
هدى:انا بغيت ليه مصيية وشي كسيدة تشتت لييه عضامو كيفما ططججني بليل هءهءهءهءه امييي سبنييي وعايرنييي صدمنييي هءهءءه
اكرام(تقداو ليها معرفات اش تقول)ودابا صافيي براكة من لبكاا حيدي دوك شرااوط وشوفي بنتك
خرج احمد مبوق بنعااس لقاهم فصالون مجموعين وقال: هدى امتا جيتي
جا سلم عليهاا وقالت:غير داباا
احمد:ماالك فين اسراء
اكرام:ها اسرااء العور خليها نااعسة مسيكينة اتكوني عدبتيهاا فطريق
هدى :طاحت لياا اميي واحد الطيحة غير ربي حفض زلقات ليا من لماانطة نيشان لضس
خبطات ربيعة على رجليهاا :اويلي اصݣعة ليااام اويلي
اكرام:كديروها وكيخلصوها لوليدات
حيد احمدعلى لبنت لغطا لقا لونها زرق وجبهتهاا منفووخة وقال:هدى بنتك زرقة
ناضت اكرام قافزة كانت حداه دفعاتو كطل على البنت وكتقلب فيها بهستيرية وربيعة ناضت حتى هي اما هدى كلساات جامدة ايديها على طراف السداري كتسمع صفير فودنيهاا وهوماا كيزعزعوو فلبنت ويحيدو فلمااانطة
ربيعة:نخضيهااا اويلييي اويليي مالهااا نوضي نديوها لسيسطار
اكراام ؛وميييي واميي موصيبة البنت مكتحركش مكتنفسش امييي عاد كانت كتنفس حطيتهاا ناعسة
هدى(كتهززز فرجلها وخوها شاد كتفهاا )فيقوووهااا اكرام فيقيهااا عفاااك اختييي عفاااك اكراااام فيقيها انا مزاوكة غنموووت لوقعات لبنتي شي حاجو
هزاتها ربيعة كتقلب فيها تتضرب فيها تحركها والبنت صاقلة..حطان يديها على قلبها مكيضربش..طارت بيها اكرام من يديهم ثايلة نوضي نديو البنت لطبيب
ناضت كتبكي وتعثر فجلاياها..روحها واقفة فحلقة بقا ليها كلمة وحدة وتخرج وتموت فالبلاصة..
ربيعة:(طاحو دموعها)حطييي البنت حطييييي(كتبكي بحسرة)البنت ميتة مييييتة
هدى:(كتقلب فيها كي الهبيلة روحها غتزهق وتتحرك فيها كي المونيكة)لالا لالاا بنتيييي...بنتييييي فيقي اماما..اسراء اسراااء(حبدات بزولتها بهلع)هاكي رضعي رضعي اماما رضعييي
اكرام:(شدات على راسها كتبكي)هدى براااكة
هاد الاخيرة ممفاكاش باقي تتحركها وتغوت وتراري بيها كي الحمقة وعينيها عليها حتى ستوعب عقلها بلي صافي مااتت وهي طلقها بغووووتة كبييييرة تزعزعو بيها حيوط الدارررر وحضناتها كتغووووووت:بنتييييييييييي
أمام مرآة ديال المغسل واقفة ببيجامة فالغوز بيبي حريرية كدير ماسكارا خفيفة كتجبد بيها شفارها..ببشرة نظيفة وبيضة خالية من الحبوب الا بعض الآثار ديالو لي الى مقربتيش ليها متقشعهمش..قادات ماسكارا وهزات بيديها مورد الخدود دارتو لفمها ولحنوكها حتى طاح عليها السر..وبشويا عليها حتى حلات شعرها وفكاتو من المقبط لي شاداه بيه..طاح فايت الكتاف بشويا أسود كيبري ونقي ياله تغسل غي البارح..طبيعي مئة بالمئة مافيهش حتى بلاصة ناشفة..فركات جلدة راسها وعاودات جمعاتو وتمشات فكولوار طويل خارجة بيه لبيتها فين كانت لبستها محطوطة فوق ناموسيتها.. دوزات الريدو وبدات كتحيد حوايجها باش يبان جسم بلون قمحي صافي من التصبغات ومن الندبات وكيبان كيبري بالترطيب لي كيتلقى..حيدات سليبها ولاحتو فسليلة صغيرة ولبسات واحد اخر عاد لبسات دجين عريض شويا بويفراند ولبسات سوتيان خرين فالغوز جامعين ليها صدرها لي فقد حجم جسمها الرشيق..ماغليضاش وماضعيفاش مقارنة بطولها راها ف 56 كيلو الشيء لي مخليها تبان رشيقة..لاحت شوميز طويلة فايتة مؤخرتها فالابيض وفيها الدونتيل من الكمام ..هزات فولارها ومشات كتزرب للمراية لاحت فولارها الخفيف صايباتو بشدة خفيفة مبينة زغيبات من القدام..رشات ريحتها "valentino" ومشات هزات صنيديلة خفيفة بلا فالكحل حيدات تقاشرها وقاست كديماتها لقاتهم رطبين وهي تبسم ناشطة وخشات رجليها فالصندالة كيبان ضفيرات مصبوغين بلون مخلط بين البيض والبيج بارد بينو رجليها بيضين..هزات صاكها وسوارتها وتمات خارجة مع غتحل لباب مع كتصادف ببنت غزاااالة..بيضة والحريفات شهبيين تقيسيها توسخيها والفورمة عندها كتهضر باينة فيها النعاس
هدى:عاد جيتي؟؟
بثينة:وايييه اختي(دخلات)
هدى:باز ليك اختي..كي دوزتي الخدمة مزيان؟؟
بثينة:مزيان الزين نتي عاد غادية؟؟(كتحيد فصاكها)ماشي بكري
هدى:وا بكري ولكن غتجي السلعة خصني نوقف عليها..ونشد البون على مايجي رشيد
بثينة:سيري الزين انا غنمشي ندوش وننعس
هدى:راه خليت الفطوور فالكوزينة
بثينة:الى غي داك اتاي ديالك غا بلاش هههههه
شافت فيها هدى مصغرة عينيها وقالت مصطانعة التعفار:بلاش هههههه ياله بسلامة
سدات الباب وهبطات مع الدروج بشويا عليها المشية بالعبار كتبان ليك انثى على رجليها كتمشى..ركبات الكيت فوذنها وشداتها على رجليها لخدمتها...كان مزال الحال ثمنية تصباح ياله بداو الناس كيخرجو لخداميهم ولاشغالهم وكازا مدينة اقتصادية كتبدا بكري نشاطها..مكلفهاش الامر كثر من ثلث ساعة باش توصل لحي فيه المحلات بزاف لكن خاوي بحكم الصباح..ها محل الحوايح ها الماكلة ها التيليفونات من شكله كيبان حي تجاري..جبدات السوارت وحلات المحل طلعات الريدو ودخلات لمساحة كبيرة فيها لي مانكان بزاف لابسين لباس ديال البنات حيت المحل مية فالمية نساء.. فالدخلة كاين كونطوار فيه لاكييس حطات فيه السوارت والصاك وبدات كتقاد لي مانكان فبلايصهم وطلع فالريدو كامل ...ماهيا الا ربع ساعة باش وصلات حتى وقفات طونوبيل دوكير بيضة وهبط منها رجل كبير فالعمر شويا قايل بوجه مبستم:صباح الخير الالة هدى
هدى:(بابتسامة حتى بانت ثقيبة تزين)صباح نورر
..:(تقدم عندها)كاين شي فطور؟؟
هدى:راه عماد ياله كيحط سير عندو فطر هههههه فيناهيا السلعة
..:عدوك منك هههه هاهيا زيدي هزيها
هدى:واش نتا شويا لباس؟؟هبط السلعة ولا قول لدري لي معاك ينزلها..أنا مرا ونزلها محشمتيش
...:اوا الصراحة عندك الصح...الى قلتي مرا راك مرا وقادة ورشيد عارف نيت اش مخلي وراه
هدى:(ضحكات بالفقصة)شفتي داك رشيد يبان كدامي دابا نخرج معاه فشي جورنال مكاينش
..:(شيرللدري لي معاه)هبط اولدي ديك السلعة أنا بغيت غي نعرف كي دايرا صابرة ليه ههههه شفتي كون كنت كنتعامل معاه هو نيشان كون شحال هادي قطعت معاه الحبال
هدى:(كضحك)ههههههه هذااك واحد الشلاهبي ههههه ولكن الله يعمر ليه الدار
بدا الدري كيحط ليها السلعة فالسطوك حتى دخلها كاملة ...شكراتو بلطف وضورات معاه عاد مشاو مخلينها كتشوف فديك السلعة وحيت عرفات باقي الحال. هبطات الريدو عليها من الداخل ومشات كتجبد السلعة وتحط وتطوي لي قدات عليه محيدة الشال ديالها باش متعرقش..جهد ساعة ونص حتى سمعات صوت تيلي كيصوني وهي تنوض قادات فولارها وشدات الخط:أ ماجدة
ماجدة:واش كاينة فالمحل؟؟
هدى:اه اه نتي برا..انا نحل ليك
مشات كتزرب..طلعات الريدو وبانت بنت فمقتبل العمر..معرية شعرها ولابسة كسيوة قصيرة طالقا الشعر..ومبسمة فوجهها:شفتك مصبحة ؟؟
هدى:واش لي عندها رشيد كتنعس فخاطرها
ماجدة:هههههه مغددة عليه تاني
هدى:(كتسلم عليها)ناكلو بسناني ومنحنش فيه هههههه زيدي زيدي وصلات السلعة خص لي يستفها
ماجدة:(بتذمر)فينها غزلان؟؟
هدى:دابا غتكون هنا ..زيدي راه ضربت فيها النص مبقاش بزااف دخلو نتوما لداخل وانا هنا ليجي شي كليان
ماجدة:وا نجيبو غي الفطور بعدا
هدى:سيري (طلات فالزنقة)سيري جيبي ليك الفطور(دارت على الكونطوار كتحل بزطامها)وجيبي ليا قهيوة معاك
ماجدة:اوك
مشات كتمختر فمشيتها مخلية هدى كتموت عليها بالضحك عارفاها كدتعوج مشيتها قصدا..هزات بابي كتمسح فالكونطوار وشطابة كتشطب لتكون شي حاجة حيت المحل كيكون نقي ديما غي تدويزة خفيفة حتى جات غزلان نيت ..دخلاتهم للسطوك وبقات هي برا كتحسب فلاكيص مغددة ..نطقات كتهضر مع راسها:وابغيت ليييك موصيبة (هزات تيليفونها مدوزة نمرتووو)الووو
رشيد:(بصوت ناعس)هدى
هدى:(صاحت)يتهدو عليك الجبال (بلكنة كازاوية)وابربي ومترجع الفين درهم للاكيص حتى نسلخك
رشيد:(كيتفوه)مالكي الزين مغوبشة على الصباح...هزي حتى نتي شي خمسين درهم سيري فطري نتي والبنات ونشطو ليا شويا
هدى:(عصبها)واش هاز ليا الفين درهم انا باش غنقضي الى جا شي كليان اش نكوليه؟؟تسنا نصرف ليك من الفرماصيان فالضورة
رشيد:ومالها اش فيها؟؟هاني اصاحبتي جاي
هدى:جيب ليا فلووووسيي ولا نمشي معاك للهاي
رشيد:ههههههههه واصافي هاني جاي اصاحبتي ..مشا السعيد
هدى:مشا جاب السلعة..داكشي زوييين
رشيد:(عرفها بردات)ياله شي تصيورات لوحي فالانسطا وبيعي وشري ليا مع راسك كلشي ديالك
عوجات فمها ونطقات: مالو ديالك؟؟
رشيد:(كيضحك)ههههههههه راه أنا مول الشي
هدى:جي جلس اسيدي قابل شغلك..حتى حد مكيعرف هنا ديالك كلشي كيعرف غي هدى
رشيد:(بغا يعصبها)يتهدو على جد مك الجبال هههههه سيري بعدي مني صباح هذاا
هدى:فلوسي دابا يكونو هنا ولا نلوح لطاسيلة مك السوارت وجيب شي قردة خرا ليها
قطعات عليه وحطات تيلي راجعة تتحسب فلوسها حتى بداو كيدخلو الكليان وبابتسامة خفيفة قابلاتهم مرحبة بيهم..ومشات بكل ود كتعاونهم وخرجات ليهم من السلعة الجديدة رافقاتهم طوال مدة التسوق حتى تقداو مزيان نييت وخرجو فرحانين
غزلان:(خارجة من سطوك)ظهري ظهري غيتشق اصاحبتي اويلي مالو على هادشي تسلعة
هدى:كنتماشاو مع الجديد...واش غتبقاي خدامة ليا بالكسوى سيري لبسي سروالك وتريكو تالخدمة وزيدي تخدمي ههههه لي خلاه فيا رشيد كمليه نتي
رشيد:(داخل ناشط ماشط)جبدتوني؟؟هاني الغزالات
ميقات فيه هدى وطلعاتو وهبطاتو ..كان رجل فعمر الربعة و الثلاثين لابس زوين وريحتو كتعطي منين ومنين فواحة..مهلي فراسو وهاز فيديه سوارت طونوبيل
غزلان:(كيعجبها)عمرك طويل
هدى:(هزات فيه حاجبها)جيتي؟؟قرب قرب
رشيد:(كيضحك)واصافي اهدى...كتزيدي فيه(جبد فلوس حطهم ليها فوق الكونطوار)ها رزقك
هزاتهم مخسرة في سيفتها:متبقاش تحط يديك على لاكيص ديالي
ماجدى:(خارجة)لي سمعك يقول نتي مولات الشي
هدى:(كتحط الفلوس)هو مول الشي وانا لي شادة الشغل باشما بغا مايقيسش ليا فلوسي
رشيد:هههههه(غمز غزلان لي دايبة فيه)والله الناس كيحسابهم هي مولات الشي وانا خدام عندها
غزلان:نهار لول حسابني نتي لي مولات الشي وعاد حسابني راك مراتو
هدى:(دارت حركة بصباعها)سكوكو اختي..مالقيت مناخد غي هذا هههههه هذا مسكين خداتو كوثر وتخورات فيه
رشيد:ههههههه كتبقى فيا والله(شاف شي بنات داخلين)هادشي زين بان لي غنولي نجي عندكم هنا
هدى:الله يمسخك انا نشوفهم
رشيد:لا بغيتك
مشاو البنات بدلو عليهم وبداو عملهم وبقات هي وياه كيتحسابو وكتعاود ليه كي دايرا الخدمة وكتعطيه المستجدات ..بقا معاهم الصباح كامل وجاب ليهم الغدا عاد مشا اما هي راه دوزات نهارها عادي بين الكليانات ضاحكة ناشطة مخصها خير..وصلات الستة تالعشية وقالت مخاطبة البنات:هاني مشيت العشرة انا هنا باش نسدو
هزات صاكها وجبدات لانجيت كتمسح رجليها بيه عاد مشات ونفس الطريق مناش مشات مناش رجعات الفرق هو لقاتها عامرة وفيها ناس..جاوبات خوتها فالواتساب ومشات لدارها فعمارة تبعد قراية عشرين دقيقة على المحل..
دخلات للدار كتسمع الصقيل والضواو ممشعولين عرفاتها غتلقاها ناعسة.. مشات نيشان لبيتها حيدات حوايجها لاحتهم فالسلة ديال الصابون وهزات مستلزاماتها ومشات للدوش..كبات عليها الما كتحيد العيا تنهار معطرة داتها بجيل دوش بنكهة الخوخ..لوات عليها فوطة وخرجات كتقطر جارا كلاكيط فرجليها..مع دخلات لبيتها هزات اتخوس كبير فالغوز بيبي دهنات لحمها بكريم لجسم بنكهة الكوكو ودارت ديدوغون لكن قبل طلات فالمراية على بيطانها لقاتهم صافيين ليها وهي تفرنس فرحانة..لبسات حويجاتها وعطرات راسها بسبراي بنكهة الفاني عاد مشات توجد لراسها متاكل مدوزة ابيل فيديو لاكرام..بضع رنات وبانت اكرام لي باقا زوينة كيف كانت لابسة ديباردور مبين نص فصدرها وهازا بنية صغيورة فيديها كتبوس فيها
اكرام:خالتوو هاني اخالتووو
هدى:(عينيها كيبريو بالفرحة)أ قلبييي الزييين ديالي أ مومو تعيني اناااا وياختي نشدك ناااكلك
اكرام:هاهيا ياختي ديها راه قتلاتني بالشطنة
هدى:(كتسوف فالبنية)الخوينزة لوخرا توحشتها..كي ضليتي
اكرام:غا الشطنة مع هاد الضاسرة ونتي؟؟مخداماش
هدى:خدمت الزين(كتشرب فالحليب)وجيت نرتاح فليل نمشي نسد..فينو علي
اكرام:راه ناعس جا عياان من الخدمة
هدى:باقي مغتجي اصاحبتي الصيف قرب يخرج ونتي باقي مجيتي حتى أحمد مجاش
اكرام:واش كرهت راه اختي علي مبغاش يخليني ندخل بوحدي للمغرب
هدى:نتي مبغاش يخليك لاخر كيقوليك الخدمة اوا وانا؟؟نبقا هنا كي موكة
اكرام:لي سمعك كي موكة يقول مكتخرج مكدرج ونتي كل مرة مسافرة لقنت
هدى:بغيتكم نتوما حتى بابا شحال مجا عندي
اكرام:يعطيك وابا ههههههه اتي هذاااك مقابل غا راسو ومراتو
هدى:ههههه معرفتش كي دارت صابرة ليه هههههه مسكينة
اكرام:يضبر لمخووو..
وقف علي راجل ختها خليجي بلحية سوداء وكيبان وسيييم بزااف تبسم وقال:هدى
هدى:انسيبي
علي:كيف حالك نشاله امورك بخير
هدى:حمد لله ونتا؟؟
علي:الحمد لله ان شاءالله مو ناقصك شي
هدى:الحمد لله
هز بنتو ومشا خلاها غتندب بالفقصة قايلة:ديك ساعة علمي بلي جاي مدايراش فولاري
اكرام:ههههههههه ايهاي على هويدا حتى هي ههههههه
هدى:سيري بعدي مني راه مبلانش مالو شكون حتى يشوف شعري ويلي هههه
اكرام:سيري نتي نحط ليه مياكل
هدى:باااي باي
قطعات معاها ورجعات كتاكل وكتقلب فالانسطا فجيهة الحوايح والشدات تالفولار والموضى وشنو دارج فيها حتى وقفات بثينة كتفوه لابسة كسوة قصيرة حد الفخاض وصدرها مهزوز للفوق تعشقي غي تسند عليه...
بثينة:جيتي؟؟
هدى:ههه جيت مالكي كتباني بحالا لايحك البحر
بثينة:والله حتى بحر..واش لي خدام خدمتي ينعس براحتو شوفي تحت عيني كي داير بليسيغن
هدى:ديري جوج دواور تالخيار يفشو ليك عينيك نهار لول قلت ليك خدمة الليل صعيبة اصاحبتي راه نعاس ليل مكيتعوضش
بثينة:اختي النهار معاطيناش نضرب انا تسعود تسوايع ولا ثمنية ونشد ستين الف ريال ياك لباس؟؟اختي البار فيه البوربواغ كنجيب معايا بعدا بوربوار خمس مية درهم..هذا عطاك مية وهذا عطاك ميتين اللهم هاكا
هدى:ولكن على حساب صحتك..شوفي كي وليتي
بثينة:خليها عالله وصافي هههههه ياختي وحتى الليل كنتبرع تيتيز ههههه رشيد ياختي داير لينا غي البنات فالليل فاش كنشمو شي راجل
هدى:هههههه هو براسو مراجلش هنههههه
بثينة:عرفتي يا هدى كون مكنتيش دايرا الفولار نديك معايا شي ليلة وتشوفي(عضات شفايفها)عرفتي الزين تما غي كيتشاير
هدى:كور؟؟
بثينة:الا ياختي زماكرية عرفتي الزين اش داير تما..كنصدرو ليهم الرجال الفحولة وكنقضيو حنا هنا باشما عطا الله
هدى:دابا خليل باشما عطا الله ههههه
بثينة:خليل اختي ممنوش مقابل ليا غي الحب والغرام والتعناب شي ماشفناه..واحد ياختي كيجي هاد الايام يسهر عندنا عرفتي كي داير(تنهدات)غزاااال وحرررش ملي كيوقف كتحسي براسك واقفة حدا رااجل نيييت ههههههه حالفة حتى نطيحو
هدى:(كتضحكها)هبيلة نتي والله هههههه عندك الجهد ياختي نتي(ناضت كتجمع الماعن)
بثينة:اختي الحياة فيها المال والبنون وباش نديرو البنون خصنا الرجال هههه
هدى:وراه خليل باغيك للمعقول
بثينة:خليل اختي باغي يدي مرا يديرها فالدار يجي من الخدمة يلقاها مصايبة ليه الغدا ولابسة ومقادة ومصايبة وتتسناه يجي ي*******
هدى:ههههههه ونتي اش بغيتي؟؟
بثينة:بغيت لي يعيشني الحياة..الفلوس والضوران والسفريات ماصادقة غا لختك
هدى:ختي راه كيتباغاو هههههه علي راه كيموت عليها
بثينة:الله يجيب من يموت علينا..بغيتي تاكلي انا غنكوموندي
هدى:لا غا بصحتك الزين انا غنمشي لصال نتريني شويا وندوز للمحل نسد ليهم من بعد
وبالفعل لبسات عليها لباس رياضي ساتر ليها مؤخرتها وظارت فولارها وخرجات للصال لي بعيد شويا خدات طاكسي حمر حطها قدامو..ملي دخلات وهي كتسلم وتضحك وتكركر مع الناس..حيدات السورفيت لبسات شورط حد الفخاض مرخي وديباردور خفيف ابيض مع سوتيان رياضيين جمعات شعرها وخرجات كتريني مع الكوتش وتحرك حتى حيدات الستريس وخرجات مدوشة رجعات للدار لقات بثينة كتلبس عليها مزيزة كتماكي
هدى:ايهاي شهاد الزين تاني
بثينة:(كتقاد عكرها)حالفة اليوم حتى نطيح خونا هههه لبارح نيت كيشوف فيا شي شوفات باينة عجبتو
هدى:وا غي الى مبغاش تعجيه اما راه كتمشي قوقة...الفورمة والبيوضة والزعورية تبارك الله
تلفتات باستها بوسة فحنكها وقالت:يخليك ليلي هادشي باش كتعجبني مافيكش السم ديال البنات ياله تشااااو هاني مشيييت.
هدى:سيري هههههه اتهلاي
خرجات بثينة صاحبتها ورفيقتها فالسكن كانت معاها عند رشيد وخرجات سهل عليها الله فقنت اخر خدامة فبار سرباية لكن قلبها بيض وهدى عزيزة عندها حيت مافيهاش الغل والحسد..هزات سوارتها وخرجات خاشية يديها فجيبها وكتشم فالهوا براحة..كل نفس خداتو كتخرج معاه واحد مرتاح عليه..حتى وصلات للمحل جمعات حساب لاكيص وعاونات البنات فالجميع وتستاف عاد هبطات الريدو
غزلان:هدى غنبات معاك اليوم
هدى:جرا عليك باك ولا هههه
غزلان:لا مشا يشوف جدة ومي مشات عند خوالي نبقا انا كي القردة
هدى:زيدي زيدي انا لي قردة
توادعو مع ماجدة ومشاو كيضحكو ويتعاودو حتى وصلو للدار وهي تنطق هدى:ديري لينا العشا
غزلان:الضيف مكيدخلش للكوزينة..فيناهيا الخانزة ديال بثينة
هدى:خدامة..زيدي نتعاونو عليه ندير ماسك وهاني معاك
غزلان:واختي واش مكتعيايش كتشارجاي بالضو ههههههه اشمن ماسك غديري
هدى:واحد ديال النضارة زوييين سيري بدلي عليك و هزي بيجامة
مشات غزلان بدلات عليها ولوخرا دارت ماسك صبرات عليه حتى نشف وغسلاتو وبعدها رطبات وجهها عاد توجهات الكوزينة مجموعين على مقيلة تالكفتة طالقينها تسرح حتى طاب العشا تعشاو وناضت جمعات الماعن..دارت دوا لشفارها باش تزيد كثافتهم..حكات سنانها ثم دارت سيروم مرطب لمحيط العينين عاد رطبات فمها ورجليها لي خشاتهم فتقاشر ومشات تخشات حدا غزلان لي هازا تيلي
غزلان:(كتشمشم)مممم رويحة هادي ختي مكتخافيش يكويك شي جن
هدى:(كتستاعد باش تنعس)غنوض نكويك هههههههه خلينا نعسوو
غزلان:غنهضر شويا مع مروان
هدى:وغدا ملي نفيقك بقاي تحماقي عليا ههخه مروان راه كيخدم بتليل وكيدوز بيك الليل
غزلان:ماتحبي ماتخلي لي يحب
سكتات هدى ورخات دماغها حتى نعسات دغيا ماهازا فقلبها لا مشاكل لا حروب متصالحة مع ذاتها وعايشة حياة كثبعث فاخر نقطة فقلبها الطمأنينة..
هدى ديال اليوم مختالفة على هدى بنت 18 لعام..اليوم هدى عندها 25 سنة..دازو عليها سنوات بناو هدى جديدة بنفس جديد وبعقلية جديدة..هدى لي طباعها متبدلوش راسها قاسح..عنيدة متشبتة بافكارها بإختلاف بسيط غيرات عادات بساط فيها..هدى لي دازت من حوايج قربوها لحافة الموت ورجعات واليوم ولات هدى وحدة خرا لي كتنعس براحة وضميرها مرتاح لكن باش توصل لهادشي قطعات أشواط كثيرة
******
مع الفجر تحل الباب ديال الدار ودخلات بثينة كتقرقب بصندالتها حطات سوارتها وتمشات لبيتها مع دخلات ليه سمعات الحس بانت قدامها غزلان واقف ليها شعرها..هضرات بهمس:بسم الله الرحمان الرحيم..اش كديري هنا؟؟
غزلان:(طلعاتها وهبطاتها)زيانيتي الكلبة ههههههه جيت بتت معاها
بثينة:(كتبدل عليها)دلمك كتغبري ههههه هدى ناعسة
غزلان:مع العشرة ياختي كوخات ههههه أنا شي ساعة ونص هادي باش نعست وفيقتيني(تتفوه)
بثينة:غدا الى مفقتيش لهدى تخرج معاك فجورنال ههههه
غزلان:شفتك ناشطة؟؟هههههه هي خليل جاي
بثينة:ذكرنا السمن هههههه لا ياختي هادشي الجديد تعرفت ليك على واحد خونا عرفتي كيداير؟؟بابابا شحال زوين والوقفة والتكضيرة والحروشية باه باه تزعطت ههههه
غزلان:عاودي عاودي ليا
جرات عليها كضحك قايلة:سيري تنعسي غدا انا مخداماش نتعاودو
غزلان:واخا هههههه تصبحي على خير
مشات غزلان تنعس حدا هدى لي سارحة عجول الاخرة ممسوقاش مخلين بثينة هازا تيلي كتصيفط ميساج فالواتساب لخليل فيه:حبيبي أنا فالدار عند عمي حتى نرجع للدار ونصوني ليك
وفنفس الوقت كتبات للسيد لي تلاقات معاه:شكرا حيت وصلتيني
بقات كتسناه يجاوب لكن موصلها والو فالاخير حطات تيلي وغمضات عينيها بلا مديماكي وجهها ومشات تنعس في سلام فرحانة حيت تعرفات عليه
*****
شبعات هدى نعاس مافاقت حتال العشرة وجدات فطورها على خاطرها فطرات ودارت روتينها الصباحي فحين غزلان راه مشات للخدمة قبل منها حيت هي لي غتحل...مشات طلات على بثينة كانت غارقة فالنعاس..ساطت بملل معندها مايدار دارت فيلم وجلسات كتفرج فيه حتى فاقت بثينة على صوت تيليفون ..كتسمعها كتهضر مع خليل وتقابح معاه وتغاوت معاه ماتدخلاتش بتاتا حتى دخلات عليها معصبة وشعرها طالع للسما ناطقة:الخرا المخرنن على الصباح
هدى:مالكي(حبسات الفيلم)
بثينة:عصبني هاد الحمار تفووووو...معيط لي كيتخزز علي ياك لباس ضارب بيا خط زناتي..
هدى:اش عاود هههه
بثينة:عيييت اختي والله..عيق علي حاضيني فالدخلة والخرجة ياك لباس خنقني
هدى:نتي لي بغيتي هههههه مالك متزوجي بيه ياك كتباغاوا
بثينة:يجمع راسو وهاني معاه فففففف(بترجي)شي قهيوة
ناضت وجداتها ليها لقاتها شعلات كارو كتكيف بيه..حيداتو ليها من يديها طفاتو وقالت:الزبل غتلصق فيا الريحة
بثينة:ففففففف العصب والله اري اري(جغمات منها)ممخداماش نتي
هدى:لا روبو ومليييت ياختي مكاين ميداار
بثينة:نخرجو؟؟
هدى:مخداماش حتى نتي؟
بثينة:لا روبو فففف(سكتات شوي ) لبسي عليك وياله نمشيو نخرجو نفوجو
صونا تيلي لهدى كانت ختها قالت قبل ماتجاوب:واخا انا نلبس
ناضت كتهضر وكتبدل عليها.. بكسيوة مبردة فالكراميل ثوبها شبه حريري..دارت فولارها بشدى عصرية مبينة وذنيها لي زيناتهم بحلقات طوال..واكيد ميمكنش تغاضا على تفاصيلها الزوينة لي هوما العينين..رسمات داخلهم خط اسود خرجاتو لجيهة الشفران شويا وهزاتهم بماسكارا حتى بانو كيفتنو وبعكر خفيف نيود زينات شفايفها لي رطبين بكثرة الترطيب لي كتعطيهم.
الضفيرات ديجا مسبوغين بلون بارد وطوال شويا كيبانو بحالا دايرا لجيل..خشات رجليها فصندالة ميني طالون ومنساتش الاكسسوارات لي كيزينو يديها وعنقها وهزات حقيبة يدوية متماشية مع اللبيسة ومع رشتها لعطرها دخلات بثينة لي لا تقل عندها انوثة بفرق بسيط هي كتعري شعرها لابسة كسيوة مبردة حتى هي حد الفخض ومقادة الوجه..
بثينة:اش هاد الزين عاود؟؟
هدى:ههههه نتهلاو شويا فالحالة
بثينة:نتي اختي ديما مهلية فالحالة..شحال وأنا كنعرفك عامين جيت لقيتك هاكا هههه عندك الخاطر
هدى:(تفكرات كي كانت)اوا التهلو ضروري
خرجو بجوج شدو طاكسي صغير ومشاو لقهوة زوينة وراقية يتقهواو فيها بجوج طيط اطيط كيتعاودو ويتضاحكو ولوخرا كتعاود ليها على صحابها حتى رمقات عيون هدى من بعيد خوها أحمد..لي مبقاش صغير وبوبو كريشة ولى كبير وطويل وتقادات ليه الفورمة جالس مع بنت وكيضحك..ضحكات وهي تقول:صبري نمشي نشوف خويا ونجي
مشات بشويا عليها فاتجاهو وقفات عليه كي قباض الرواح قايلة:امتا جيتي؟؟
هز فيها عينيه تصدم وناض عنقها وحتى هي عنقااااتووو وكتبوووس فيه فحنووكو ويتعابز:امتا جيتي البغل ؟؟علاش معلمتينيش
أحمد:اجي اختي قوليها ليها مسبقها هي لولة عليك نتي ومعفرة عليا شوفي باقي بتوني تالخدمة(لابس لباس جوندارم)
هدى:معرفتيناش هههه(باقي معنقاه كتبان قدامو قصيرة حيت طوال)
احمد:غيثة وهادي هدى ختي
غيثة:(بخجل)كنعرفها كتعاود ليا عليها(ناضت سلمات عليها)
هدى:مكنتيش غتجي عندي الحمار هههههه
احمد:ولله حتى كنت غنصوني ليك نتي شكديري هنا
هدى:جيت نتقهوا مع بثينة ..شوف تاتسالي وصوني ليا جي عندي صافي راه توحشتك
احمد:(عنقها بحب)والله حتى غنجي توحشتك اختييي راه جاي نشوووفك نتي بالاساس.
هدى:بصحتكم نخليكم
مشات كضحك مخلية البرهوش تخوها لي غي لبارح كانت كتسلخو وتطلعها عليه حتى هو عندو صاحبتو
هدى:ههههه شوف البرهوش
بثينة:زيان خوك ههههه ويلي غي نضتي وقف عليا واحد خونا خدا النمرة
هدى:نتي وليتي سونطر دابيل ههههههه زوين؟؟
بثينة:غزال هههه مصدق هذا يصدق هذااااك هههههه
دارو قهيوة وضربو تصيورات ورجعو فحالهم..فحين بثينة خرجات مع شي صاحبتها خرا اما هدى جا عندها احمد للدار وجلسات هي وياه مقصرين كيضحكو ويتعاودو كأي اخوة فرحانين ببعضهم
أحمد:اكرام مجاياش؟؟
هدى:محالش هاد الشهر..داك علي غيبدا يعصبني ههههه
أحمد:خلي السيد حدا مراتو هههه با كتشوفيه؟
هدى:شفتو شي 15 ليوم هادي راه لباس عليه ..نتا شكتعاود؟؟شكون ديك زويونة؟؟
أحمد:لحب هههه غي وجدو ليا راسكم واحد ربع سنين ونتزوج بيها
هدى:هههههه نوجدو من دابا
احمد:هاني غنتزوج واكرام تزوجات ونتي؟؟
هدى:(ضحكات)انا داكشي لي كيوخروه الناس سبقتو..تزوجت وولدت وطلقت وبنتي ماتت وهاني الحمد لله مخصني خير..
أحمد:(بجدية)عاودي بني حياتك اهدى..الدينا مسالاتش
هدى:حياتي سالات نهار ماتت ليا اسراء (تبسمات )الحمد لله عايشة بخير مخصني والو منزيدش فريع راجل حتى هو
تنهد احمد عارفها مناش دازت بتاسم وقال:غيجيب الله لي يعوضك..ديما ربي كيعوضنا زوين
هدى:(حطات يديها على حنكو)تعوضت بيكم نتوما..لي عندو خوتو ميخصو حتى خير...نتوما تزوجو وولدو ليا براكة علي
احمد:(مبغاش يحك ليها على الضبرة)الله يسهل عليك حتى نتي..الى جاني ديبلاصمون لهنا غتعيشي معايا واخا نتزوج
هدى:ان شاء الله ههههه نوض ندير للعشا
احمد:لا اختي غي جلسي الى غي ماكلتك الكلب مياكلهاااش ههههه
هدى:(صرفقاتو)لبرهوش لي حطك ههههههه
غادر أحمد فحالو رجع لفين معين فحين هي طيبات العشا ليا ولبثينة وجلسو مقصرين على فيلم او بالاحرى غي هي لي مقصرة اما بثينة راه مجمعة مع نادي الفروسية ديالها
بثينة:صاحبتي سولني تيتيز ديال الصباح فين ساكنة؟؟اش نقوليه
هدى:قوليه فين ساكنة هههه لاش تكذبي
بقينة:مغنقولش ليه خدامة فالبار ..غنقوليه عند رشيد
هدى:قضي غرض هههه وناري على هذا على موس خشا فيه
بثينة:(شافتها كتفرج ففيلم تالرعب)امالكي اختي شادة لينا هاد الخلعة ديري شي فيلم رومانسي بعدا يرجع فينا الروح
هدى:كملي ليه الاخراج فتيليفونك ههههههههههه
سلا الفيلم وناضت هدى دار روتينها الليلي وتخشات ففراشها كتقلب على النعاس حتى غفات معولة على يوم جديد فالخدمة كيف جميع ايامها
يوم ورا يوم مكاينش جديد نهائيا الروتين كيتعاود تخدم وتهضر مع خوتها ومرة فالسيمانة كتمشي تشوف باها باختصار حياتها هادئة
واحد الليلة راجعة من الخدمة لي ضلات فيها نهار كامل حيت عندها دوام يوم كامل لأنه وحدة من البنات جالسة روبو..كتجر فرجليها بصندالة صفيفرة ومهلوكة باغيا غي تنعس..زيفها مرخوف عليها دازت طاركة التقدية من الحانوت..متوقعة مغتلقا حد حيت بثينة خدامة..لكن لقات الضواو مشعولين نطقات بتذمر:خلات الضواو تاني قول باها هو مول الضو ..
لاحت سوارت بإهمال وسدات الباب غادية وكتحيد فولارها والوجهة بيتها لي حدا بيت بثينة مع بغات تدخل لبيتها قشعاتو محلول فيه لباب بشويا والضو شاعل بغات تمشي تطفيه مع حلات الباب مع غوتاااااات بفزع ورجعات اللور مخرجة عيييينها طلقلااااات غووووووووتة عاليييية تسمع صوتها فارجاء العمارة كاملة...حيت غوتات وعاودات غوتات بدون توقف بحالا كتناجي شي حد يجي يعتقها وخطواتها كيرجعو اللور باغيا تهرب ولا تعيط لشي حد
شافت قدامها بثينة فسريرها جثة هامدة كلها دمايات ومغيبة ففراشها يديها مقطعين يجوج ومليوحين حداها ومنحورة من عنقها والدم كيخرخر حداها عارية ملابسة والو...صدمتها خلاتها تدير يديها على وذنيها وبدات كتغوت بحال صافرة الإسعاف وتتناجي شي حد..محساتش حتى طاحت على ركابيها وكتغوت حتى تجمعو عليها السكان لي بدورهم تخلعو وشي يدا كيغوت شي كيعيط للبوليس حيت كتعتابر جريمة ق. ت. ل
يتبع...
كتغبري وكترجعي بقصة قنبلة الموسم واعرة حبيت الله يخليليك صحيحتك