صفحة القصةقصة أقوى مما أدرك
مؤلف القصةقصص سكينة ايت الكبير
فمطار محمد الخامس واقف بطونوبيلتو معاه سفيان كيتكيف جوان وحاضي بعينيه لي خارجين كيتسنا فعليا تبان..وعيون هدى مفارقوش مخيلتو..ساعة دازت وهو ينطق:هاد الخرا فيناهيا
سفيان:(كيفرنس للتيليفون )معرفتش
شافو كيفرنس وهو يضور راسو متاقي فيه شرو وسكت كيتسنا لوخرا تبان..دازت نص ساعة خرا عاد بانت ليه السيدة خارجة ضاربة شورط دجين وتريكو مايل من الكتف وسبادري جارا باكاجها
عبدو:ها العروسة جات.
خرج مخزز متاجه جيهتها هي لي غي كتفرنس مع وصل عندها نطق:ملي نتي منازلة حتال دابا وكتقولي ليا سبعة
عليا:على سلامتك اختي كي وصلتي ههههه مريض نتاا جر جر لباكاج
عبدو:غنضرب ملة مك ..فين راجلك؟؟
عليا:علاه أنا مزوجة؟؟جايا غضبانة شي مانع
سفيان:علياا
تلفتات ليه مشات عنقاتو بحرارة عندها عادي واخا مكيجيهاش شخصيا ..ركبات فالطونوبيل لور ودار ليها هو الباكاج مخزز:تبقاي تنشري ملتي هنا نخليك ونزيد..دزتي على وجه راجلك
عليا:شكون لي بنت خالك أنا ولا هو؟؟
عبدو:الصمت
ضور الفولون وشد بيها الطريق للمحمدية فين كاينة دارهم وهي غي كتهضر كتهضر وتشوف من الشرجم شادة ستون مع سفيان أما عبدو ميشبعك حتى هضرة...غي كيسووط فالكارو ويسف فيه..وصلو للمحمدية وبالضبط حدا دارهم
عبدو:وصلي مك
عليا:مغتنزلوش معايا هههه
عبدو:(بنفاذ صبر)عليااا
ضحكات و نزلات كتهبط باكاجها وجات حداه قالت:رخف رخف راه شي نهار تموت واقف ههههه تهلا وسلم على خالتي
حرك راسو وتسناها حتى حلو ليها ومشا مخلي سفيان كيشوف:علاش مهبطتيش
عبدو:نهبط نصور ليها لحظة الدخول؟؟
سفيان:ههههههه شووف غي خالك(سكت شويا)كاينة الواليدة تما
عبدو:مممممم
سكتو راجعين ادراجهم لكازا مضبرين على كوان اخر فين يقصرو وهادي حالتو ملي دخل لمغرب..من بار لبار من قصارة لقصارة..وكل ليلة بايت مع وحدة وينساها لغد ليه الا القليل لي كتبقا منغماه وكيتلاقاها مرى خرا
عبد الدائم رزقي...زماكري او بالعربية مهاجر ساكن مابين الديار الهولندية والاسبانية..
أصلو صحراوي قح باه ومو صحراوييين أبا عن جد..رحلو لكازا حتا تزادو خوتو كاملين وكيعقل تحولو وهو فعمرو ثمن سنين بمعنى اخر ولد الصحراء والجمل والساقية الحمرا والنخل
سبب هجرتو كان سبب عادي..باه كان حطهم فكازا وسهل عليه الله لبرا ومشا خدام تما كيجي من الصيف للصيف ومغرقهم خير مخصهم والو..ناض حتى هو واحد النهار تقلبات حياتو وخرج خوا البلاد وتبع باااه جلس معاه فمحلو تما عامين وقرر باه ينزل للمغرب يكمل حياتو فيها وهو بقا تما حاضي شغلهم..عندهم لي سوبر مارشي بزااف تما مقابلهم لباه وكذلك جوج راه ديالو هو دايرهم بفلوسو..كأي زماكري كيجي يدوز الصيف فالمغرب حتى لقى راسو مريط فجريمة ق**تل ماعندو فيها دخل..وكأي رجل راه كيتعرف على بنات ويدوز وقيتة والحب هو لي عمرو دق بابو
****
مرت أيام لا بأس بيها تحصر فأربع أيام وهي كيف عادتها راها فخدمتها شادة لاكيص كتخلص من الكليان وتودعهم بابتسامة ..وفنفس الوقت دخل هو للمحل ضارب شورط كي ديما مبين رجليه مزغبييه وتيشورت نص كم مع سبرديلة والكاسكيط مكتخطاهش..
كيضور عينيه فالمحل باهتمام فحين هي كانت محنية كتجبد الفلوس من الكوفر لي عندها باش متحنسرش فالصرف..كيضور فعينيه باغي يلقاها وعقلو راه كيخطط..
"شنو جابو لعندها؟"
"باش عرف بلي هي خدامة هنا"
"علاش جاي أصلا؟؟"
ملقاهاش بتاتا وزاد عقد حجبانو حس براسو تخور وغي فهم الأمور غلط..هو إنسان ذكي وربط الأحداث قال مع راسو راه غتكون خدامة تما لكن مبانتش ليه..
عليا:(نطقات حداه)هذا هو المحل؟؟كون مشينا غي لمول
شاف فيها وقال بصوت غليض:سيري جيبي ضويرة
دخلات كضور فعينيها وكتقلب فالحوايج وكتهز لي عجباتها ووقفات عليها ماجدة كتعاون فيها اما هو راه غي كيضور فعينيه كي النمس وكيتحرك بخطوات ثقيلة فالمحل..العيون راه كيشوفو الحوايج والعقل كيقلب على هدى..تسولو اش كدير هنا يقوليك معرفتش غي مقال ليه راسو صونا لعليا ..
"فلاش باك"
عبدو:(مدوز ليها الخط)عليا ياله تشري الحوايج
عليا:علاش غنشري الحوايج؟
عبدو:غي خصوووك..زيدي ولا عوالة تبقاي تساراي بالشورط راه المغرب هذا
عليا:راجلي سميتو عماد ماشي عبدو
عبدو:(صاط)وازيدي تشري الحوااايج(قرب يغوت حيت كيكره يعاود الهضرة)
عليا:ممممم واخا ههههه دوز عليا مع الخمسة
عبدو:ملقاكش واجدة نعلق مك..
عليا:(خرجات لابسة شوميز فالخضر واسعة)عبدو هادي مزيانة؟؟
شاف فيها واقف شويا بعيد عليها حرك راسو وضور وجهو ممسوقش وهي تنطق ميقة:ويلي ياله تخرجي تشري الحوايج وملي تجي ميعطيكش حتى رأيو
ماجدة:هادو هوما الرجال هههه ولكن جاتك زوينة
عليا:ربي يخليك جيبي ليا بحالها فالبيج
حركات راسها ومشات تجيبها ليها وعينيها غيخرجو على عبدو..وقفات حدا غزلان ناطقة:شفتي الحيط لي جا مع ختنا اححححح امي
غزلان:(تنهدات)شفتو شفتو هههه غزااال ياختي وعلى فورمة عندو
ماجدة:خسارة مزوج الله يعطينا زهرهم ياختي طارو بيهم(لقات الشوميز)
حط يدو على جيابو باغي يكمي وحس بمجيئو ماليه فايدة غي ضيع الوقت..خرج برا جبد كارو وتكا على طونوبيلتو لي محطوطة فاص مع المحل كيتكيف منغم كيتسنا المصيبة لوخرا تخرج مع ضرب نطرة مع بانت ليه هدى كضور فالمحل بكسيوة فالكحل طويلة والخلخال فالرجلين لي مصبوغين بالحمر..عن قصد جمعات بين دم غزال وبين الاسود مع فولار بطريقة عصرية مليوح خفيف مبين خصلات قليلة من شعرها..كانت كتعاون شي كليانة و واقفة فاص ليه كأنه كيدوز بيها الكارو ..الى شفتيه تقول ممسوقش هو راه حسابو فراسو..
ليست بجميلة الجميلات لكن فيها شي حاجة جذباتو..واش قوتها لي غوتات بيها على الكوميسير ولا شخصيتها لي كتبان قوية ولا عينيها لي سحرووه ؟
كمل كاروه وعينيه شافو عليا مكملة لاحو فالأرض عسف عليه وتم داخل عاود ملقي ليها وعيونو على هدى لي عاطياه بالظهر حتى سمع ماجدة كتعيط ليها:هدى لاكيص عفاك
خلاتها هي مع الكليانة. مشات للاكيص مبسمة شافت فعليا حيت هي لي كانت فاص ليها وقالت:بصحتك الالة(شدات السلعة)ذوقك زوييين
عليا:مغسي الزوينة
جمعات ليها كلشي وقالت:650 درهم
مجاتش فين تبغي علي تخلص حتى شافت كارط بونكيغ تخطات..هزات عينيها فيه وسرعان ماستعقلات عليه حتى تشوكات وبانت فعينيها لي خرجو بشويا..سرطات ريقها وهي كتلمح ملامحو المغوبشين بحالا شافراه..قلبات عينيها وقالت:معندناش tpe أسيدي
عليا:حتى انا عندي كارط..
عبدو:خليك هنا عندي فطونوبيل
خرج مخلي هدى نوعا ما مخلوعة حيت آخر واحد توقعات تشوفو هنا هو عبدو..نهار سدات ليه السيور كان داير نظاظر وكاسكيط والشمش ضاربة ليها فعينيها مضبباهم..
-عليا:اوك
هزات قرعة تالما كتشرب منها وعينيها فالتين ..كتحاول تبرد راسها وكتقول غي صدفة لي جا لهنا..فحين هو كتب ميساج لعليا لي وصلها فلبلاصة وتبسمات وقالت مخاطباها:حبيبة معاش كتسدو؟
هدى:العشرة هاكاك..جلسي رتاحي..
عليا:(شافتو جاي)هاهو جاي
سرطات عاود ريقها وساطت بشويا حتى شافتو حط ليها 700 درهم هزاتها بدون ماتشوف فيه وحطات ليه خمسين درهم ..وقالت:الصرف
عبدو:بالصحة
جر عليا من يديها وزادو مخلينها كتنش على راسها ركبها احساس بالخوف وجلسات كتهدن فراسها ومبردات حتى شافتهم تحركو...هاد الأخير لي شاد الطريق ساكت وهي تنطق عليا:كيسدو مع العشرة
عبدو:مزيان
عليا:علاش بغيتي تعرف الشلاهبي؟
عبدو:بغيت
عليا:(سكتات شويا ونطقات)زوينة ياك؟؟
شاف فيها بنظرة من نيتك و رجع مركز فالسياقة حتى نطقات:شكون فيهم بعدا؟؟
عبدو:(معندوش مع اللف والدوران)مولات الفولار
عليا:(صدمها)الله واكبر ههههههه ياك اخويا؟؟(تقادات فالجلسة)فين عمرك عرفتي شي حجابي عفتي؟
عبدو:ونتي عارفاني معامن كنمشي؟؟
عليا:توريني فيك الى مشفتي شي طرف ولا شي بزول ماتبعو
عبدو:(عارفها مكتحشمش ومضاسرة معاه)سوق مك...قضيتي معانا غرض اوا سكتي
عليا:(ضحكات)ههههههه هادي جديدة صراحة ..غي هو هاد النوع مكيعجبهاش بحالك
عبدو:بحالي؟؟مالي بنت ليك كنقطع الريوس
عليا:لا غي سكايري هههههههههه
عبدو:وجهك قاسح وفيك الفريع غنديك عند مك
عليا:اوكاااي..ولي درتيه علمني بيه اوك هههه شكرا على الحوايج
مجاوبهاش خلاها كتهضر مع راجلها فالتيلي عايشة الحب والغرام وصلها للمحمدية وقلب الضورة لكازا وبالو فيه العشرة يكون قدام المحل..ضربات ليه فالراس خصو يتعرف عليها ولباس
العشرة تقريبا كان المحل شبه خاوي..هبطات نص الستار بيدما جمعو البنات المحل من رواين العيالات لي كيجربو ويحطو ميردو الحاجة لبلاصتها ميخليوها مقادة..وفنفس الوقت كانت سيارتو واقفة بعيد وكيتكيف فيها جوان داير رجليه على الفولون وعينيه على المحل لي باقي مشعول فيه الضو عرف بلي باقي ماسالاوش..وتاهو معندو مايدار أصلا مكيفيقش بكري والليل عندو هو النهار..شاف تيلي كيصوني سكت ليه الحس وبقا منشوي بداك الجوان حتى بانو ليه خرجو كاملين وكيضحكو..مترددش أنه ينزل وكحب باش يقاد صوتو معول يهضر معاها..فحين هي راه سلمات على ماجدة لي جا ليها خطيبها وبقات هي وغزلان
غزلان:أنا غدا روبو
هدى:سيري رتاحي ليك شويا عيييت أنا والله(باستها)سلمي على ماماك
مشات غزلان مخلياها كتهبط فالريدو وكتسد فالمحل بالسوارت غي تأكدات بلي راه تسد وهي تديرهم فصاكها وتحركات كتفوه كتجر رجليها بملل باغيا غي تنعس..للحظات حسات بخطاوي غاديين معاها فنفس الريتم مع تلفتات جنبها لقاتو هو نيت غادي معاها كي السخط كتبان كي الكمشة قدامو..تخلعات فلول حتى حطات يديها على صدرها وشافتو كيشوف فيه وكيخفف من مشيتو ياله بغات تهضر وهو يقول:لباس؟
هدى:(بقات كتشوف فيه)لباس
تحركات بغات تمشي وهو يشدها من يديها مرجعها لكن متوقعش ردة فعلها لي جراتها بزربة بحالا عايفة يحطهم عليها:هييييه واش حماقيتي
عبدو:(واقف مدرقها مكتبانش قدامو كون ما الكسوة لي كيحركها الغربي ) حشومة يهضر معانا الواحد ونزيدو
هدى:مكنعرفكش باش نهضر معاك
عبدو:(كيمص شفايفو مبرد )معقلتيش عليا
هدى:(بجدية وعينيها مخنزرين)خونا ديال الكوميسارية
عبدو:هو هذااك
هدى:اش باغي؟؟
عبدو:قلت نسلم عليك
هدى:يسلم عليك الخير
زادت وخلاتو تا جعر وهو يرجعها عاود شادها من يديها وهاد المرة نطراتها بجهد وعلات صوتها:مريييض نتا ولا شنو...متحطش علي يديك
عبدو:خلي ليا نمرتك
هدى:(تصدمات)شويا لباس اخويا؟؟
عبدو:(قطب حجبانو بتساؤل)لي بغا نمرة شي وحدة مريض؟؟(جبد تيلي ايفون اخر ماكاين )كتبي نمرتك
شافت فيه على ديك الثقة فالنفس لي عندو وخسرات فيه سيفتها وزادت مخلياه منشور والبرد كيضرب فيه هو و تيليفونو...من كثرة الصدمة بقا غي واقف مقدرش حتى يرجعها عاود وعينيه حبسو من ترماش متبع جسدها لي كيزرب وممثيقش راه قمعاتو قمعة يعاودها لحفار قبرو..بشويا عليه حتى رجع تيلي لجيبو وساط معصب تقيسو ييدير بيييق ورجع أدراجو من جديد لسيارتو وكيسرط فالقمعة لي عطاتو أما هي مشات كتزرب شدات طاكسي لدارها مرعوبة وكتحاول تفسر تصرفاتو..
فبوز ديال الغدا ديالها جالسة فواحد الدخيلة او بالأحرى ركن صغير بعيد على الكابيني ديال التقياس وفيه فين كيتحط السطوك كتاكل وتلعب فتيلي مدوزة وقتها غي سالات جمعات كلشي وتكات ليها واحد الساعة نيت ترتاح محد الدعوة هانيا ومخلية غزلان برا..لي دوزات وقت غداها..غي حسات براسها رتاحت وناضت كتقاد شالها من جديد وخرجات لقاتها جالسة كتلعب فتيلي
هدى:نسيت معاودتش ليك اش وقع البارح..
غزلان:اش واقع؟
هدى:غي تفارقت معاك وقف عليا واحد الحيط قد السخط
غزلان :اويلي شفار؟؟
هدى:لا ..بغا النمرة حشااك
غزلان:(فرنسات)هاي هاي على الناس مابقاوش ساهلين
هدى:المشكلة ماشي هنا المشكل فشكون هو؟؟تعقلي على السيد لي قلت ليك حضروني معاه البوليس على قبل بثينة
غزلان:(شاحت بنظرها للأمام كتفكر)ايييه السيد لي قاليهم نعست معاها غي من الفوق
هدى:خرا عليك اش كتفكري تفوووو
غزلان:وانتي لي عاودتي ليا هههههه مالو؟؟متقوليش ليا هو
هدى:ايييه حشاك بلا حشمة بلا حيا جاي عندي كيقوليا عطيني النمرة لالا ويلي علاه هو قالها مد ليا تيليفونو.. وقاليا:قيدي ههههههه بحالا خدامة عندو
غزلان:مريض هذا ولا مالو؟؟اش بغا عندك؟(شهقات)عنداك يكون باغي يصفيها ليك..
هدى:راه أما نتي مكلخة أما مراضعاش حليب مك ...راه قلت ليك ماشي هو لي دارها هو غي كيعرفها مصاحب معاها
غزلان:الله يبعدو عليك اختي ويلي مالنا فيه بحرا مرجعتي شويا فنفسيتك..
هدى:أنا اخرتي غندخل للسبيطار الحماق والله ...قلبي مبقاش كيقدر على شي صدمة خرا
غزلان:(مفرنسة)قلبك خصو شي حد يفرحوو...خصو شي بوركابي
غزلان:نوضي ت******* طفرتيه نتي وماجدة
غزلان:أ ماجدة طفراتو راه غيجي خر شهر داك عويمير يخطبها كيتي أنا هههه
هدى:ياختييي (بفرحة) كاع مقالتها ليا ..
غزلان:قالتها قدامك غي نتي لبارح كنتي مرفوعة معرت مالك
هدى:هههههه هنية عليها ياختي نحضرو غي لشي عرس بعدا
غزلان:غنحيحيو والله منخدم ههههه..
هدى:غنطلب رشيد نسدو المحل خصها غي طلقنا ههههه
دوزو نهارهم يالتعاويد والخدمة وكذلك هدى راه مجمعة مع ختها و خوها ومدوزة أيامها وعبدو عمرو طاف بساحتها نهائيا من داك النهار حتى هي نساتو حتى دازت سيمانة ..وكانت خارجة هي ورشيد حيت بقا معاها حتى جمعو الحساب قرابة الحضاش تليل هاكاك..سدات وقال:زيدي نوصلك..
هدى:سير بعد مني ههههه ديتي حسابك ياله دووخ
رشيد:الواحد ميكونش معاك مصواب..تهلاي ههه
هو فطريق وهي فطريق متعاكسين مع تفاوت هو حسات بيد جراتها من يديها بجهد حتى شهقات مخلوعة..
كتشوف أمامها خليل لابس قبية كحلة وعينيه تحتهم أسود ظلام وباينة فيه معصب ياله بغا ينطق وهي تصيح فوجهو:مالنا ياااك لباس؟؟
خليل:(زير ليها على يديها)هدى هدى الغدارة
هدى:(شمات ريحة ماهياش)طلق منييي(كيزير على يديها)واش تسطيتي؟؟
خليل:تسطيييت اااه تسطيييت..سطيتوني ابنات القح**اب نتي وديك الق**حبة ديال صاحبتك
هدى:(محملاتوش يجبد صاحيتها)بزاااف عليك صاحبتي..وحيد طلق مني ولا غنجمع عليك الجيران وراك عارفني نديرها
خليل:(شدها من راسها لور وهي كتجار معاه)كنتي عارفاها خارجة الطريق ومقلتيهاش ليا..اش صرفت فيك؟؟هااا اش صرفت فيك حتى تخبي عليا..
هدى:(كدفعو يحيد)بعددددد منيييي ما كنت عارفا والو...واابعد..
شدها من راسها مزير عليها بغا يعنفها السيد جهل ومن نهار حس بالقالب لي طلع معاه وهو حاقد..كون لقا بثينة يعاود يصفيها ليها وبانت ليه فهدى بحالا شريكتها فالبلان..
خليل:غنحرر فيك العيشة...كيفما قتلتوو ليا قلبي وضحكتوووو علييا
بدات كدفع فيه وطالقا عليه حلوقها هز يديه عطاها تصرفيقة حتى الشال تزعزع من بلاصتو..مرضاتش وهي تهز يديها جمعاتها لكمة وهبطات عليه لحنكو ومن سوء حظها كانت الزنقة شبه خاوية ..اما هو عاود عطاها تصرفيقة خرا حتى طاحت للأرض وهز رجليه بغا يركلها محس غي بيد جراتو بسرعة ولصقاتو على الحيط او بالأحرى دافعاه على الحيط حتى لصق معاه بعنف..مشافش فهدى مشا ليه هو..شور حتا عطاه جوج بونيات رعفوه فالبلاصة ..بغا يدافع على راسو ويرد ليه الدقو خوا ليه وشدو لصقو مع الحيط خانقو بذراعو وعينيه كيطير منهم الشرار قايل:تعاود تطوف بيها نحيد لمك السروال ونحو***^&^""يييك واقف
كان كي العادة كيف هاد الأيام كاملة كتوصل العشرة كيشد العسة تما يشوفها خارجة ويتبعها حتى كتوصل للدار ويقلب الوجهة واليوم كيف عادتو جالس فطونوبيلتو بعيد كيشوفها تعطلات..وكيبرم جوان..مع هبط راسو كيفرتت الحشيش طلعو لقاه من بعيد كيصرفقها محس غي هو نااازل شانق عليه
خنقو بذراعو وكيهدد فيه زو دى ناضت كتجر في وتغوت تطلبو يطلقو خافتو يموووت تما ليهم..
هدى:وااطلق منوووو صفي عفاااااك(شداتها البكية)هءهءهء وابراكة واعفاااك(شافتو مبغاش يطلقو عاد مخانقو)واااعتقووووو الروووح اعباد الله...(كتغوت)وااعتقووووونيييي
غواتها عاد مجعر عبدو لي حيد ذراعو وشدو كيعطيه فالدق ويسب فيه من السمطة لتحت لعلك ترضى غي شي دراري لي دازو كيفكو فيهم وشي كيهدد شي
خليل:غنصفيييها ليك غنتبعك للقح&*&بة تصابحتك
عبدو:(ركلو والدراري كيجرو فيه)حط عليها ييدديييك جرررب طوووف بساحتها...نحويييي&^^%%%%ك واقف لل***ق***^""واد لي حطك
نوضو الداري خليل داوه بعيد وكيهدنو فيه ..عدوه الحكرة عساك على مراا..دور عينيه كيقلب عليها ..طلق من دراري وقال:موقع والووووو(ساط بغضب)
مشاو دراري مبعدييين مخلينوو كيشوف فيها بعصبية اكثر ..تحنا هز صاكها بعنف وشدو لاحو ليها هي لي واقفة والدموع واقفين فعينيها..وصاح بنبرة امر:تحركي
شافت فيه بعيون دامعة مكمشة صاكها عند صدرها:بععععد منيييي
بغات تمشي وجرها من جديد نفس الجرة لي كتستافزها وقال مغوت فوجها:باغياه يرجع يعطي لمك شي دقة خرا
هدى:(تكركبو دموعها)متغوتش عليا شكون نتا حتى تغوت عليا...واش أنا مغنتهناش من المشاكل..بثينة ماتت ومخليااكم لياا تحررو فيا عيشتي..
هز حاجبوو لي معقود مع لاخر...كيشوفها كتبكي وتتغوت ليفيها ماهناها..عزات عليه وهو ينطقق كيزفر مبرد:دوزي نوصلك..متبقايش بوحدك ...مباغي منك والووو
هدى:(مسحات دموعها)عطيوني غي بتيساع هءهءهء(كتقاد فولارها)
عبدو:(رفع صوتو)عصبتي الزام***ل بووويااا تحركييي تقاودي قدااامي(جرها من يديها)نبقا كنحزر فيك مي نتييي
جارها معاه كتنطر منو وتجر وحلوقها مطلوق هي وياه فداك الليل ولسوء حظها حتى الدراري لي فكوهم تحركو..وقفو حدا سياراتو وقال:طلعيي نوصلك
هدى:راه غطلق مني ولا غنمشي ليك عند البوليس
عبدو:طلعي لعند البوليس ديكلاري بهذا لي كيتعرض ليك(عض على شفايفو ويديه على جنابو)فين كتعرفيه؟
هدى:(بانفعال)نسولك نتا ياك نتا هو صاحب بثينة
عبدو:(عقد فيها حاجبو)كيعرفها؟؟طلعي طلعييي ديكلاري بيه ميقربش ليك..
هدى:الى ديكلاريت اش يديرو ليا كااع؟؟غيشدووه؟؟بوليسنا الا مكانش الدم ميديرو والو
عبدو:(حل لباب)طلعي غندير مو داك الدم باش يتعلم يحط يدووو على بنات الناس
شافت فيه بشوفة ديال اش كدير..وبقا تاهو كيشوف فيها بملامح ديال مرا متكاملة..مشافش ذرة الخوف فوجهها هي فقط تخلعات اما كون جلس شويا كون سلخات خليل..ورجع معاها بلان بثينة كمل ليها لي خاص...تنهدات وعطاتو بالظهر دايرا يدها على وجهها طالقا دموعها فصمت غي كتافها لي كيتهزو..بقا واقف بلاصتو كيتسناها تكمل بكاها وتضور عندو..عقل كيقوليه سير مسح دموعها وعقل تيقوليه مالها مراتك...وبين حيرة وحيرة كانت هي جمعات دموعها وضارت كتسوط بوجه باكي:خليني نمشي فحالي اخويا..(هزات صاكها لي طاح عاود)مبغيت نديكلاري بحد
عبدو:(عض على شفتو عصباتو مكرهش يعطيها ملخة)واخا..طلعي غي نوصلك..الليل هذاا حشومة تمشي بوحدك
هدى:(بصوت متعب تقول ماشي هي لي عاد كتبكي)لا غي خليني
ردخ الباب تالطوموبيل حتى قفزها وقال:واطلعي مترعديش عدويا
خزرات فيه وطلعات مكمشة فصاكها وعينيها فاص ليها مهتماتش لا لشكل الطونوبيل ولا لنوعها الفاخر..زفر هو كيسد عليها الباب وداز من الجهة لوخرا طالع حداها مطلع الشراجم ..لاح نص عين عليها اول ما قشع يديها لي مكمشاهم فبعضهم والتنهيدة ليطلقات ختارقات مسامعو..زفر وقال:تاكلي شي حاجة؟؟
هدى:واش نتا غتوصلني ولا غادي مرندف بيا؟؟ديني لدارنا الله يرحم بااك ولا خليني ناخد طاكسي
عبدو:فمك حااار ابنتييي
هدى:كون تشوف فعايلي
سكت مجاوبهاش يكفي أنها قبلات يوصلها وبدون مايسولها كان شاد الطريق لدارها..يديه قريبة ليها كتشوف غي بنص عين يديه تساوي فخضها الى مخافت تكذب..مزغبيين ومزينهم البرص الخفيف لي كينقط عليهم..
نطقات وسط الطريق:مسولتينيش فين ساكنة؟؟
عبدو:عارف
سكتات شويا ضوراتها فدماغها:حاضيني؟؟
عبدو:(شاف فيها ورجع شاف فالطريق)شويا لباس؟؟
هدى:باش عرفتي داري
عبدو:كنعرف الحاجة صفية..
ميقات وقلبات وجهها كتسنا غي توصل وماهيا الا دقائق حطها قدام العمارة..هزات صاكها عوالة تنزل وهو يقول:تمشي غدا ديكلاري؟؟
هدى:لا الى عاود طاف بساحتي نجبد ليه عييينه
عبدو:(شبح بتسامة كان غيزورو كيشوف هاد الشقية لي قدامو)ديريها...(كيقلب جيابو)تيليفوني؟؟!!! فففف غيكون طاح ليا فاش سلخت هذااك
هدى:(على نيتها)ويلي ويلي زيد زيد نرجعووو نقلبو عليه
عبدو:(بذكاء)اري نصوني عليه الى كان باقي مشعول راه نلقاه
بلا تردد مدات ليه تيليفونها دارت الكود وبانت صورتها بالحجاب كضحك حتى بانت ثقيبة تزين ناشرة عليه السر فالعوينات..دخل للارقام دوز نمرتو وثواني معدودة صونا ليه فالطونوببل عند رجليه..هزو طلعات ليه نمرتها وهو يقول بكذكاء:دردبي لدااااركم
مد ليها التيليفون وهي تعقدهم عاد فهمات البلان وقالت:الله ينعل لي مايحشم تفوووو
هبطات خابطة عليه الباب ومشات لدارها كتزرب خلاتو كيشوف فيها حتى دخلات وقال:حاااارة ابنتي حااااارة..
طلعات لدارها مرعودة من الأمر لي وقع...كي دخلات هزات فوطتها ومشات دوشات تخفف عياء الخدمة ودماغها كيرون فشنو وقع..كتساءل علاش خليل كيتهمها وهي براسها مكانتش عارفا شي حاجة..لوات عليها فوطة وخرجات للبيت كتلبس عليها وتدهن وتيلي فصاكها كيصوني لكن دايرا ليه وضع صامت
كملات عاد هزاتو مخشية ففراشها ولقات رقم غريب اوتوماتيكمون عرفاتو ديالو..ساطت و قطعات عليه دارت لالاغم وتخشات نعسات الجهد باش تهضر مع شي حد معندهاش براكة عليها غي لي فيها
فحين هو صونا ليها عدة مرات وكان عارفها مغتجاوبش حط تيلي ومشا مقصر فقنت اخر المهم عندو خدا نمرتها
******
فالصباح الموالي فايقة مقلوبة بالنعاس ..كيديها شويا ديال النعاس وتفيق قافزة مشابعاش نعاس..دارت روتينها الصباحي وراسها كيزدح بالحريق..لبسات عليها كسوة فالأورونج بارد مع فولار خضيضر وصاك فنفس اللون..ودارت صنيدلية خفيفة بعدما قاست كدامها ليكونو حراشو..رشات ريحتها وخرجات كتركب فاكسسواراتها..نازلة من الدروج وتصادفات مع الدراري لي كيكونو مع عمر صاحب عبدو..مطلعاتش فيهم حتى العين دازت وصافي فحين هوما تبعو ليها العين..
حلات المحل ودخلات كتحط أغراضها وتحط كل حاجة بلاصتها مباشرة يومها باضطراب فالتفكير..داز صباحها عادي حتى جات ماجدة مع الطناش وهي مراشقاش ليها
ماجدة:جبتي غداك؟؟
هدى:لا غنمشي نشري شي سندويتش وصافي..حضي معاك هاني جايا..
خرجات هازا البزطام جابت ليها سندويتش جايا وتنقب فالفريت..مع دخلت للمحل كتلقاه فوجهها وماجدة كضور فعينيها وكتهضر معاه
عبدو:عاد خرجات؟؟
ماجدة:هاهيا
تلفت ليها مطلعها ومنزلها بالأورونج ومستورة الكسوة ولي محمقو أنه مشافش فيها لدابا المؤهلات الجغرافية لي هو موالف يشوف كأول حاجة فالبنت..تقدر تكون خيبوعة وتكون غي هازا شي طرف غيتعرف عليها لكن هي وتقول واش تسوق معمرو حتى مانزل عينيه لتحت..غوبشات فيه وصاطت قايلة بصوتها الكازاوي المزعج:واش نتا معندك مايدااار
عبدو:تواضعي شويا ونتي غي كتغوتي
هدى:(شافت فماجدة)عفاك اختي دي معاك هذا لفين كنعس(عطاتها سندويتش)..
مشات ماجدة مستغربة مخلياهم الراس فالراس..هو كيطلع وينزل ويعبر فيها بعينيه وهي مغوبشة فيه..قربات جيهتهو ونطقات:شوف اخويا باش نجيك من لخر..أنا راه منصلاحش ليك راني كربة وعامرة قطران لي هضرني نطلييه..درتي معايا جيست الله يرحم الوالدين وشكراا بزااف ولكن باش تفكر فشي حاجة خرا غي نسا
عبدو:(ببرود)فاش كنفكر؟؟(حط يدو على الكونطوار مكروازي رجليه)علاش مكتجاوبيش؟؟
هدى:مالك ضارب بيا الخط الزناتي..(شافتو هز شكلاطة محطوطة تما كيعطيوها لكليان الى مشا...قربات و حيداتها ليه معصبة)حط الشكلاط
عبدو:وا قويسحة هااا تحركي نهضر معاك براااا(قاد وقفتو)والى مخرجتيش هضرة خرا
هدى:ياكما خونا هو مول البلاد...سير عطيني بتيساااع
عبدو:(حمرهم فيها)تحرررركيييي
خرجات برا تابعاه هازا حاجب وحاطة حاجب وقفو فالضل كتسناه يهضر
عبدو:علاش مقسحة راسك باقي معرفتينيش اشنو بغيت؟؟
هدى:(ساطت)مبغيتش نعرف..واحد كان مع صحبتي و ماخلا ما دوز معاها اش غيبغي مني مثلا نمشيو نترحمو عليها فالقبر
عبدو:لصقتو ليا ديك خيتي باطلا..عرفناها نهار وهجرناه حياتنا كاملة..
هدى:اولا صاحبتي ماشي خيتي واذكرو امواتكم بخير..ثانيا ماشي شغلي شنو كدير معاها أنا غي عطيني بالتساااع
عبدو:معاش غتسالي خدمتك اليوم؟؟
هدى:(عصبها حيت دار راسو ماسمعش اش قالت)ماشي شغلك..دخل سوق راسك ومتبقاش تجي عندي ولا غنمشي ليك عند البوليس راه منصلاحش ليك..
عبدو:زوينة هادي ديال مانصلاحش ليك...باش عرفتيني اش بغيت؟؟
هدى:اش بغيتي؟؟
عبدو:نتقهواو ونقوليك
هدى:تقهوا مع لي بحالك أما انا منصلاحش ليك وماكنجلسش فالقهوة مع من والا..بلا متقوليا دايرا فيها شريفة عفيفة أنا اخويا راه ماخصني لا بيك لا بغيرك غي سير
عبدو:حارة مع راسك هااا...مهم فالليل ندوز عندك نمشيو نتقهواو ونهضرو
هدى:الى جيتي عول نخلي دار عشتك
مع نطقاتها جاتو الضحكة وهو يزيد كيضحك عليها مخليها غاطرطق..كتشوف فضحكة ساحرة قدامها وكيحرك راسو يمين شمال هرباتو ليه ...هي أصلا ماكتبانش قدامو كتبان كي الكمشة ولكن شجاعتها وتخراج العينين عجباتو فيه...
عبدو:ههه بالرب الى مسطية..مريضة شويا لا؟؟
هدى:اه مريضة غي بعد مني ومتبقاش تجي عندي ..
عبدو:محدك كاينة هنا(صبعو على دماغو)غنبقا نجي..راه مباغي منك والو غي بغيت نعرفك..
هدى:مبغيتش نتعرف أنا على واحد كان مع صاحبتي
عبدو:(نرفزاتو ح ***ين***اها سطحي مرة وحدة غتبقاو تلصقوها فينا ديما ولا..
خرجات فيه عينيها وولات حمرة ومشات كتجري راجعة للمحل مخلياه مخنزر..غبرات فالبلاصة من قدامو..ساط ومشا لطونوبيلتو بلا ميشوف فيها مخليها غي كتشوف فهاد قليل الأدب
ماجدة:مالكي؟؟شكون داك الحيط لي جا يسول فيك
هدى:فففف(كتنش على راسها)اميمتي غيقتلوني أنا هادو...الحيوان لاخر تفوووو
ماجدة:واش كتعرفيه؟؟غزااااال ياختي هو لي جا داك النهار مع ديك ختنا
هدى:بغيت ليه موصيبة ياربي تفووووو
ماجدة:واش مصاحبة معاه؟؟
هدى:الله ينجينييي ففففف شوفي غنمشي نتغدا الى جا قوليه مكاينااااش ..
ماجدة:هههه سيري سيري
مشات لفين كيتكاو حيدات فولارها وجلسات كتاكل وكتخمم فيه كتكره المشاكل ولا لي ينغص عليها حياتها ولا يحط عليها شي هم براكة لي عندها...كملات وتكات شويا تا لقات راسها غفات نيت غي ماجدة لي فيقاتها وناضت لعملها حيت كاينين غي بجوج وعقلها مع الباب كل مرة كتقول هاهو غيدخل ساعا مجاش وحتى فاش سدات مكاينش..كضور بجنابها ليخرج ليها خليل ولا هو لكن مكانش..ولات غادية وحاضية جنابها ودازو أربعة أيام ماباااانش كااع مصونا مسول صافي وقالت نساها
فاليوم الخامس خرجات من الخدمة مع الخمسة مخليا ليهم يسدو هوما..طالعا فدروج هازا تقدية من الحانوت غي كتجر رجليها وهي طالعا كتسمع شي حد كينين بفمووو مع هزات عينيها كتبان ليها صفية مجبدة حدا الباب شادة قلبها وكتنين سخفانة..لاحت شنو فيديها ومشات كتجري لعندها...حلات الباب مزيان نيييت حيت كان باين غي نصها وبدات كتقلب فيها:خالتي؟؟مالكي؟؟ياك لباااس
صفية:(بزز باش كتهضر)كنموووت كننن مووووت(غيبات)
هدى:خالتي خالتييي فيقيي(كتضرب بشويا فحنكها)خالتيييي عتقووووونيييي واعبااااد الله عتقووووونييييي ميميتييي غتموت ليااا هنا ميميتييي واعتقووونييييييي
خرجو بعض الجيران لي سمعو غواتها ولقاو صفية طايحة وهي مرعودة غي بوحدها..كيحاولو يرشوها ماكتفيقش وهي كتقلب تعيط لومبييلونص مع دوزات لابيل كان جاي عمر كيجري طالع من دروج صوناو ليه الناس وبرفقتو عبدو لي كان معاه..شافها هي لي شادا فيديها
عمر:خالتيييي خااالتيييي
هدى:عيطووو لومبيلووونص غتموت هنااا
عبدو:حيد نهزها نديوها
عمر:تخاف توقع ليها شي حاجة
عبدو:معندو مايوقع تسنا ليا فالاومببلونص متجي حتى تموت(لاح تيلي ديالو لهدى)شدي هذاااا وتبعينيييي
شداتو بالخلعة وشافتو هزها دغيا وتم هابط بيها تبعاتو بلا عقل هي وعمر..حلو ليه الطونوببل دارها اللور وركبات هي حداها متكياها على رجليها وعمر حداه ...سمعات روايض حتى تحكو وزاد فطريق اقرب كلينيك
عمر:(مخلوع)زيد زييييد طلقنا راه غتكون شداتها شي كريز فالقلب
هدى:(كتشوف السرعة باش غادي)بغيتيه يقتلناااا اميييمتييييي غنمووووت
شاف فيها من المراية مركز فالسوقان حتى وقف بيهم قدام مستشفى خاص..هبط عمر كيغوت وتمو جاييين ببياص داروها فيه وداوها كيجرييو بيها تابعهم عمر اما عبدو راه تم داخل هو وهدى لي بقات غي تتشوف تزير عليها خاطرها..شافتو مشا للاستقبال وشرح ليهم الوضع..وطلبو ليه اوراقها باش يديرو ملف والخلاص وتم راجع عند هدى لي عينيها ضببو بالدموع تقيسها تلوحهم..
عبدو:حممم خصوني وراقها غنمشي نجيبهم ونتيري باش نخلصو الكلينيك
شافت فيه بعيون دامعة:واخا أنا نبقا هنا مع عمر
عبدو:(قشع عينيها ومهضرش)سيري ريحي لهيه نص ساعة ونجي
تنهدات مافيهاش لي يهضر معاه ومشات جلسات كي الكميشة فحين هو زاد لدارها دخل لقا بعض اقربأئها لي عايشيين معاها فالعمارة..سول على وراقها وصدعوه يغرفو حالتها حدو قال:راها فالطبيب
عطاوه كلشي ومشا تيرا ورجع للكلينيك كيقلب على الأخت لقاها فبلااصتها كتفيبري برجليها..شاف فيها وشافت فيه ومشا للإستقبال كمل الإجراءات وشير ليها تجي عندو ناضت على نيتها وقال:ياله نشووفو اش كاين
زادت قدامو عينيها حمرين شبعات بكا ومسحاتهم..لقاو عمر كيتسنا الطبيب
عبدو:امدرا؟
عمر:دخلوها يشوفو اش كاين..خصني نعيط للواليدة
عبدو:علمها..وان شاء الله يكون خير
حرك راسو ومشا كيصوني لمو لي هي ختها فحين هدى جلسات فكرسي كترعد رجليها وجا تنشر حداها ساكت لا هو هضر لا هي هضرات حتى خرج الطبيب يعد ساعة تقريبا وخبرهم أنها تعرضات لكريز وكان ممكن تموت..دارو اللازم ومشا متمني ليها الشفاء
عمر:الحمد لله الحمد لله(باس راس مو لي جات حتى هي كتجري)
..:ختي مسكييينة عايشة بوحدها
عمر:يكون خير الواليدة
عبدو:على سلامتها
جا خو عمر لي اسمو مراد كان هو لي جاب مو لكن خرح برا يدير اتصالات للعائلة لي كيصونيو ليه حيت الخبار دغيا انتشارات..وقف عليهم مستفسر وهو ينطق:مخصهاش تعيش بوحدها باقي
...:غي تنوض أنا نعيش معاها
عمر:(بمزح)وراجلك؟؟
...:حيد عليا ترجلو رجلة وتنطحو عجلة ..ختي لي دايمة ليا
عبدو:حمممم الله يشافيها غنمشي أنا
عمر:يحفظك اخويااا
مراد:شكراا بزاااف اخويا..(شاف فهدى)شكرا اختييي
هدى:الدنيا هانيا..حمم
عبدو:(شافو طول فيها الشوفة)تهزي نتي نديك فحالك
خزرات فيه وزادت مخلياه غادي وراها معجباتهاش طريقة هضرتو معاها كتكره لي يتأمر عليها ..مع خرجو نطق:دوزي نوصلك
هدى:لا(كتشوف فاص ليها)
عبدو:غتكوني عيييتيي ياله نوصلك للدار
هدى:نهار باقي تأمر عليا قدام شي حد غنوريك لي معمرك شفتيه
عبدو:علاه باقي شي قطران كثر من هذاا..طلعي طلعييي(حل ليا الطونوبيل)تابعييينك غي المشاكل
شافت فيه وبسرعة عينيها تغرغرو مرضاتش يقول ليها هاكاك وهي تصيح فوجهو:بصحتي وبراحتييي غي خليني أنا وجه المشاكل..منهار تلاقيتك وانا كنشوفك غي فالمشاكل
عبدو:(عرف راسو حك ليها على الضبرة)اوا عيييت فيك نتقهواو مبغيتش نحيدو من المشاكل(جرها من ذراعها)طلعي نفكو المشاكل
هدى:(طلعات والدموع كيتسرسبو فعينيها)الله ياخد فيك الحق منهار شفتك ماشفت النهار الزين
طلع حداها مبرد حيت لقا منين يدوز ليها..كان عاطيها التيساع حيت كان مبرزط ولايني الصدف عاودات جابتها لعندو..
عبدو:تاكلي شي حاجة؟
هدى:(كتسمح دموعها منفخة)مكهوومة ديني لداري
عبدو:صرعتيني بهاد داري وانتي غي كارية
هدى:ونتا كتخلصوو عليا؟؟ياك كنخلصو راسي يعني داري
عبدو:(حرك راسو حابس بتسامة)وا هضر زوين مع هادي
هدى:متدوينيش اخويا
عبدو:لا ماشي خوك(تحرك)خوك هو الجوندارم لي كان معاك
هدى:نتا حافض الدروووس و...
صونا تيلي ديالها هزاتو لقات إكرام جاوباتها بلا متسوق ليه وجلسات كتعاود ليها شنو وقع تالخر وقالت:شي نهار يسكت ليا القلب والله
إكرام:الله ينجيك..رخفي على راسك كلشي كيمرض اصاحبتي نتي بوحدك تما الى طحتي شكون يهزك..راه من همك مكنعسش مخلياك ورايا
هدى:الله يدير لي فيها الخير ...بوسي ليا حنونتييي
قطعات معاها وطلقات تنهيدة ثقيلة وعينيها على الطريق عاد ردات البال بلي ماشي طريق دارها
هدى:ماشي الطريق هادي
عبدو:ديك القهوة لي مباغاش تشربي معايا اليوم غتشربيها ولا نوريك حتى أنا قطراني
هدى:(ساطت)واش السيدة كانت كتموت وهادي رجلينا من السبيطار ونتا همك غي تقهوا معايا
عبدو:ولات لباس..وغتنوض ماشي ديما كنشدك
هدى:(شافت فيه مخنزرة)وشكون قاليك انقبل نتقهوا معاك
عبدو:طينتك معرفتهاش..واش كيعجبك تجرجري الرجال وراك ولا...
قاطعاتو بحدة:غتجمع فمك..بزااف عليك وعلى عشرة من بحالك نجرجر شي قرد ورايا..انا الرجال كلهم يعطيوني غي بالتيساع..ميتبعني حد مايحزرني حد..مناقصاش أنا فريع بوركابي وكحل الراس..والى نتا كتعرف غي لي كيجرجرو الرجال انا راه منرضااش شي ولد المرا يتبعني
عبدو:مممم(كيقرا هضرتها فدماغو)حافضة مزيان هااا...اوا هبطي نديرو قهوة(وقف حدا كافي زوينة)
هدى:راه والله حتى كتقلب تسكت لي القلب..وا مبغيييتش واش ماكتفهمش وا مبغييييتش(كتبان معصبة)
عبدو:كانتي جات علييك(جبد كارو شعلو عارف راسو مزال مطول معاها فالنقاش)حمدي الله مديتكش للبار
هدى:بزااااف عليك..حتى نكون انا منهم وديك ساعة ديني ليه..وأصلا انا مطالباكش تديني لحتى بلاصة ولكن انا لي هبيلة طالعا معاك توصلني(بغات تحل سد ليها البيبان ببوطون من حداه)اويييليييي وا حللل واش نتا مريض(كتشوف فيه كيكمي مبرد)خخخخخخ خنقتيني(هبط ليها الزاج)غتحل عليا ولا نطلق حلوووقيي
عبدو:عرفتي باش نصبر لهاد عصير الصابون لي كتقولي بكارو واحد راه القوادة هي هادي
هدى:(فتحات فوهة فمها)مكتحشمش فاش كتخسر لهضرة حدا الناس ابنادم
شاف فيها ودار بتسامة خفيفة:سمحي لينا الميكروبة
عوجات فيه فمها وقالت:ديني لداري
عبدو:علاش محاملانيش؟؟
شافت مطولا فاص ليها عاد تلفتات ليه قايلة:مدرتي ليا والو ..معمري كرهتك حيت مكنعرفكش..نتا كتجي تحكر عليا وتمشي
عبدو:(خرج فيها عينيه)نعام؟؟انا كنحكر عليك؟
هدى:اه..لي كيوقف ليا عند الخدمة بزز باغي يدوي معايا ولي كيبزز علي نخرج معاه ماشي حكرة هاديك
عبدو:حيت نتي ميكروبة الى طلبتك ما غتبغيش وانا عدويا البنت لي تنفخ عليا وتدفعو كبير
هدى:(بحدة)أنا مكندفعوش كبير أنا مباغيا نتعرف على حتى واحد
عبدو:دونك عندك شي حد فحياتك؟؟قوليها ليا ونمشي فحالي
هدى:اه عندي..ياله سير فحالك
قرب لجيهتها حتى خرجات عينيها حسابها ماعرفت اش غيدير ساعا غي حل البواط لي حداها هز طفاية وطفا فيها كاروه والابتسامة شقات طريقها ففمو:حسابك ممسولش عليك..عارفك ممصاحبة مكتخرجي مع حد
هدى:(عوجات فيه فمها)حسابك بحالك..بزااف عليكم
سكت شويا وهو ينطق:تيليفوني؟؟
جبداتو من الصاك مداتو ليه وقال:ياله نتحركو نشربو شي حاجة
هدى:واش نتا والو باغي تشرب شي حاجة معايا ولباس
عبدو:القطران شربناه زيدي نضربو قهوة
هدى:حل ليا الباب نزلو
عبدو:(هز فيها حاجب)نزلو نزلو؟؟
هدى:واغي حل والله حتى نزل نشرب معاك
ملي شافها حلفات ونبرة صوتها هادية حل ليها..هز سوارتو وهبط حتى هو حاضي معاها لاتهرب ..هي بالظبط يتوقع منها كلشي..شافت فالكافي وشافت فيه لي وقف حداها قد السخط وقالت بتذمر:جايبني لكافي هاكا؟؟(كتشوف فراسها)
عبدو:مالكي ؟؟مزيانة؟؟قادي غي فولارك بكثرة الغوات خسر
حيدات صاكها ومحس بيها غي حاطاه ليه فيديه شدو على نيتو كيشوف فيها تقادات مع المرايا ديال الرونج ديالو كتقاد فولارها بلا متخربقو وكتمتم:معاك نتا راه كلي غنترون فففف
ضارت عندو لقاتو كيشوف كيشوف فتيليفونو..شدات منو الصاك وقال طانز:زيدي عكري
هدى:مالي غادية نشيخ؟؟زيد زيد نشربو هاد القطران ديالك
تبعها على نيتو كيحرك فراسو ..كانت بجنبو مبغاش يشد فيها ولا يحط يدو عليها حيت ملاحظ مكتحملش لي يحط عليها يدو..
كانت قهيوة زوينة بستيل هادئ وراقية ومن شكلها باين غالية لكن وحدة بحال هدى مكتسوقش للبلاصة..شدو قنت جلسو فيه وهو ينطق:اش تاخدي؟
هدى:ياك قلتي نشربو القطران؟؟
عبدو:فمك حااار ابنتيي حااار
هدى:علاش كتقول ليا بنتي..نتا تولد قدي زعما؟؟
عبدو:مممم كون تزوجت بكري كون ولدت قدك
هدى:(بفضول)شحال عندك؟؟
عبدو:شحال تقولي؟؟(شير للنادل)
هدى:ربعيين
عبدو:كافي قاسحة (شاف فهدى)جيب كغيب شكولا بنان وشي سموتي
مشا السرباي وهي تكمش فيه عينيها:كتعقل هاااا...باغي دوخني زعما؟؟
عبدو:مرونة غي مع راسك..ربعين؟؟يهديك الله
هدى:اوا شوف راسك كداش..(شافت فيديه)يديك راه هوما فخضي
عبدو:(ناشر عضلاتو على الكرسي)هاد الساعة مشفت فخضك ماشفت يديك وهادشي لي مرضني اني مبغيتش نشووف
هدى:(ميقات فيه)مع ياربي الى بغيتي نيت غنوريييك..بيناتنا هاد القهوة والله يعاون
عبدو:واخا
عطاها ديك واخا زعما هاحنا غنشوفو وحتى هي فهماتها وسقلات كضور عينيها على البلاصة حتى جابو الطلبية..
عبدو:(مكيشوفش فيها)بالصحة
هدى:مممم(قطعات من لكيخيب)زوينين عندهم
عبدو:ياله حلووو هادو
هدى:باينة ..البلاصة باقي نقية على الجهد...تذوق؟؟
عبدو:الصواب زعما؟؟
هدى:لهلا يطيحو فكرشك
عبدو:كولي باش نهضرو
هدى:غي هضر كنسمع
عبدو:علاش مكتبغيش نشوووفك؟؟
هدى:وعلاش غنشوفك(شربات من عصيرها)اش بيني وبينك..
عبدو:مخليتيش حتى يكون بيني وبينك شي حاجة
هدى:مبغينش تكون بيني وبينك شي حاجة لا نتا لا غيرك
عبدو:(سكت شويا)حيت كنت مع صاحبتك؟؟
هدى:هاكاك..حيت كنتي مع بثينة
عبدو:الى مكنتش مع بثينة غنكون مع غيرها زعما فين المشكل؟؟
هدى: المشكل فبثينة...واش أنا مريضة نتعرف على واحد مخلا لا حاحة لا ملاحة مع صاحبتي
عبدو:كو ي**ناها مرة وحدة سميتوها حاحة وملاحة ...مكتحشميش؟؟
هدى:نتا لي مكتحشمش..واش مكتحتارمنييش كتخسر الهضرة حدايا؟؟
عبدو:خلينا فموضوعنا..بثينة ولا معرت اش شميتها مشات ماتت دارتها فيها القفوزية لي فيها..حنا لي حيين دابا..خلينا زوينين
هدى:أنا مبغيتش نتعرف على شي واحد لا نتا لاغيرك..غسلت عليكم يدي شحال هذا
عبدو:(بدا كيطلع ليه الدم)الى شي ولد القح**بة شحال هادي كرهك فالرجال متقارنينيش بيه هادي أولا..ثانيا ماشي كلنا بحال بحال والى شي واحد ضحك عليك وكرهك فالرجال شغلك هذاااك
هدى:(حطات الفورشيط ببرود)نهار لول فاش وقفتي عليا عرفتك مولف بواحد النوع تالبنات يشوفو فيك يفهااو أنا ماشي بحالهم ومباغاش نكون بحالهم ولا حسن منهم أنا باغيا نعيش شارية راحتي ومخلية صداع كحل الراس بعيد..باغيا غي نعيش مرتاحة وهمك معندي فين نزيدو
عبدو:خلي الهم أنا نهزو ونتي عيشي مرتاحة راه مغنتفاكش معاك
هدى: آش لي مخليك تلصقني ؟؟كاين ماحسن مني
عبدو:(عطاها ليها فوجهها)عندك شي حاجة سبيساال مكايناش فكلشي..اشناهيا؟؟معرفتش ومحدي معرفتهاش شنو هي راه ميمكنش منعرفكش
سكتها بهضرتو..شحال مسمعات مدح او غزل فيها من راجل ديركت..حتى ففترة زواجها كان قليل فاش كيمدحها الزوبير ..خربقها بهضرتو لي خلاتها فقرارة نفسها تحس أنها متميزة نوعا ما..حنات راسها كتاكل مخلياه عين فيها وعين فالتيلي حتى سالات وهو يقول:كاع هذا جوع فيك وباغيا تمشي لدارك؟؟
هدى:مالك مخلصو عليا؟؟
عبدو:لا نتي لي عارضاني(كيطنز)تزيدي؟؟
هزات كتمسح فمها تحت نظراتو:وحلتيها لينا
عبدو:باااين..تاخدي قهوة
هدى:الى شربتها مغنعسش وانا خدامة
عبدو:ماشي نتي مولات المحل.؟؟
هدى:لا ديال رشيد انا غي مقابلاه
عبدو:مزيااان..الخدمة ماشي عيب..نمشيو؟؟
هدى:واخا
طلب الحساب حطوه وهي تمد يديها وضربها ليها بتخنزيرة حارة حتى جرات يديها ونطقات:مالك كتخنز؟
عبدو:فيك شي فعايل خصني معاك سطااج هارب باش نحيدهم(حط الفلوس)تهزي لداركم
ناضت تابعاه كيتمشى وكتافو كيتحركو كتشوف هي قرفادتو لي غليضة تفوري عليها كيبان ضخم قدامها الى غي لا صرفقها راه يفرتتها..خرجو حلات الباب وطلعات حتى طلع حداها قايل:تمشي للدار؟
هدى:اه
سكت مهضرش وحتى هي مدواتش حتى مد يدو شعل موسيقى جات نيشان فأغنية طالت الغيبة ماشفت عينيك وعلى نغماتها شدو الطريق لدارها..والشمس بدات كتغرب وهي التعب نايل منها محسات غي راسها حطاتو معولة تغمض عينيها مافيقها غي صوتو ..حلات عينيها قالت:وصلت؟؟صافي(شافت حدا العمارة)حاطني حدا العمارة لي مشرا يتنزه
عبدو:هبطي فحالك وجاوبي على تيليفونك..
تجاهلات هضرتو وهبطات لدارها كترقب ليكون شي صداع ساعا لقات الدعوة هانية وكلشي جمع الطم..حطات عليها حوايجها ودوزات ابيل لرشيد باش يمشي يسد معاودة ليه اش طرا
رشيد:شفتي نتي راه وحدة ورا لوخرا ههههه غي سيري غنسد
هدى:علاش متعودش تحط سوارت للبنات
رشيد:مكنتيقش انا
هدى:البنات درويشات غي عطيهم ..
رشيد : خلي حتى نحولك للمحل الجديد ونعطي لغزلان السوارت
هدى:كيفاش؟؟غدير شي حاجة جديدة؟؟
رشيد: هههه اه ان شاء الله فسونطر ڤيل ونتي لي غتشديه
هدى:(تبسمات)الله يسهل عليك ياربي..نشدوه اسيدي خصنا نتلاقاو وتعاود ليا
رشيد:نرصي شي أمور ونجي نهضرو
هدى:الله يسخر
قطعات معاه وناضت كتوجد ماكلتها مدوزة ابيل فيديو لاكرام مجمعة معاها كيتعاودو على الحال والاحوال كيف كل نهار..حتى كتطلع ليها اپيل ديالو وهي تسوط
اكرام:مالكي؟؟
هدى:نقوليك ومتضحكيش
اكرام:(طلقاتها بضحكة)هههههههههههههههه غا قولي
هدى:سيري تخراااي
اكرام:والله حتى تقولي هه
بدات كتعاود ليها المنامة من لول من نهار شافتو حتال اخر مرة ونطقات فالاخير:ولاصقني لصقة
اكرام:تعرفي عليه ماتعرفي..
هدى:اش غنعرف؟؟انا داك الباب سديت عليه
اكرام:وشنو تبقاي حياتك كاملة بوحدك؟؟
هدى:على اساس دابا غنتزوج بيه..السيد راه سكايري
اكرام:عمرك شفتيه كيشرب؟
هدى:لا..مي باينة فيه
اكرام:وبالسلامة مكتوبة على جبهتوو...تعرفي عادي مافيها والو
هدى:وصاحبتي؟؟
اكرام:ماتت الله يرحمها ومكانش كيبغيها كانو مدوزين وقيتة وصافي
هدى:ميمكنش اصحبتي غي كنشوفو كتبان ليا بثينة
اكرام:ههههه مريضة نتي ههه اجي واش زوين؟؟
هدى:(عقدات حواجبها كتفكر)معرفتش فففف وا لي شافتو كيعجبها حيت كبيير
اكرام:واش شي شارف؟؟
هدى:لا باقي صغير غي زعما كبير فسگييطتو هههه باينة عليه كيتريني حيت عامر على صح كنبان قدامو كي البخوشة
اكرام:اري اري لينا تصويرتو هههه
هدى:منين غنجيبها ليك
داكرام:فوطو دپروفيل فالواتساب
هدى:خليك معايا نشوف
دخلات نمرتو ومشات للواتساب كتقلب لقاتو داير تصويرة عاطي بالظهر وراكب فشي مركب فشي بلاد سكريناتها وصيفتاتها ليها قايلة:باين غي ظهرو هههه ونزيدك فيه البرص
اكرام:حلفييي(شافت التصويرة وضحكات)ناااري كداااااش مقارنة معاك راه يسرطك هههه
هدى:(ضحكاتها)هههههعههه وللله الى..مهم خلي تانشوف
اكرام:تعرفي عليه وصافي مالو اش غيدي منك
هدى:ماعندو مايدي غي انا كارهة داك الموضوع
اكرام:عطي فرصة لراسك اصاحبتي الدنيا مافيهاش غي خدمة ولاصال
هدى:يكون خير
"يكون خير" ديال هدى هي نساااي داكشي ممنوش..كتستعملها فاش كتبغي تسد الموضوع..كملو هضرتهم فمنوال اخر حتى سالات ومشات لفراشها بعد روتينها لقاتو كيصوني عاود..تنهدات وهضرة ختها كضور ليها فبالها وهي تجاوب"الو
عبدو:عام باش تجاوبي
هدى:كنت كنهضر مع ختي
عبدو:مممم واخ..نتي مزيان؟؟
هدى:حمد لله
عبدو:نشوفك غدا؟؟
هدى:هاا..فشي حيط ولا؟؟
عبدو:الحيط غنجي ندخلك فييه
هدى:تقدر؟؟حربوووش وصلني وتشوف الى منسلخك
عبدو :هبطي عندي انا التحت نزلي وسلخيني
هدى:(قفزات)ويلي على التحت؟؟(ناض كتطل من شرجم)كذااااب
عبدو:(مريح فطونوبيلتو دار ليها الضو)بنت ليك دابا؟؟
هدى:باغي تشوهني ياك؟؟واش نتا كتجيب ليا حديدة وتحطها ليا تحت الدار شغيقولو الناس
عبدو:المهم انا اش كنقول اما الناس ماعلييش
هدى:معندك مايدار حاضيني واش مخدامش؟؟
عبدو:كونجي انا
هدى:ديما؟؟منهار شفتك ونتا معندك مايدار
عبدو:معايش هنا عايش فاسبانيا
هدى:(هزات حاجبها)بصح؟؟كطنز علي؟
عبدو:واسير نتا هضر مع هاد الميكروبة..راني غي ڤاكونص شي شهر وغنمشي
هدى:ممم حسابني كطنز..مبايناش فيك
عبدو:خصني نكتبها فجبهتي زعما ولا؟؟طلقيني معاش نشوفك غدا
هدى:راه هادشي لي كيخليني منهضرش معاك..كتبقا تأمر فيا وانا عدويا لي يقوليا اش ندير
سكت شويا وشعل جوان ونطق:مكنعرفش نرطب الهضرة مع البنات
هدى:نتا مكتعرفش تهضر مع كلشي..فمك خاسر
عبدو:حاقدة علي
هدى:الله ينجيني انا محاقدة على حد..و معمري نحقد على شي حد غي قلت ليك تعلم تهضر معايا زوين
عبدة:هي صافي تواضعتي وقبلتي نعرفك
هدى:سمعتيها من فمي؟؟
عبدو:ملي قلتي تعلم تهضر معايا زوين يعني غنبقاو نهضرو بزاااف...غدا نجي نشوفك عندي سفر لاكادير فالليل
هدى:غي سير ..ممسالياش غدا
عبدو:اش عندك؟؟
هدى:البابورات غيغرقو واش نتا سوووقك(جاتها الضحكة وطلقاتها)هههه
عبدو:شوفي شحال كتقمعي فيا وراني ساكت ليك
هدى:مطلبك حد..نتا راه قدام الناس قلتي ليا دوزي نوصلك غيحسابهم غي معرت اش بيناتنا
عبدو:هاكاك كنهضر
هدى : حتى انا هاكاك كنهضر
عبدو:سيري تنعسيي وغدا نصوني ليك ونزگيو بلان الى بقيت معاك غتقطعيني
هدى:بسلامة
قطع عليها وهي تخط تيلي و وسدات يديها على حنكها كتقلب على النعاس وكتخيط فخيوط حكايتها مع هاد الغريب لي معرفاتو منين تسلط عليها..منهار وقع ليها بلان بنتها وهي ولات باغيا غي تعيش مرتاحة مبقاتش كتقدر على المشاكل نهائيا
*****
فوسط الخدمة جالسة مع غزلان كياكلو الزريعة حيت المحل خاوي وكيتعاودو حتى دخل عليهم رشيد قايل بنبرة مرحة:الغزالات ديالي
هدى:جا عاوتاني
رشيد:لحبيبة توحشتك
هدى:غنلوح عليك هاد الستيلو نعميييك
غزلان:ههههه جيتي
رشيد:عاد عوااال..نوضي نتي باغيك
هدى:بغيت غي معرف مالكم كتامرو فيت ههههه
رشيد:علاه نتي يامرك الواحد
هدى:طلقني خلاص
رشيد:ان شاء الله غنحل محل فسونطر ڤيل بحال هذاا وغيكون جديد غتمشي ليه نتي اهدى حتى يوقف على رجليه وغزلان غتشد هذاا
غزلان:(فرحات)بصح غتعطيني السوارت؟؟
رشيد:ايييه الالة غزلان ..لي نبغيه هو المعقول كوني بحال هدى حضي المحل وحضي لاكيص
هدى:(تبسمات لغزلان)هانتي الالة رشيد كولو عطاك السوارت هههههه مبروك عليك
رشيد:راه مكنتيقش فاي واحد..مراتي ومنعطيهاش تاسوارت هههه ردي البال ولايام اللولة غنكون معاك كوني هانيا
غزلان:شكراا بزاااف هههه والله مغنحشمك
هدى:(ضحكات)فكراتني فراسي نهار عطيتيني كلشي وزدتي
رشيد:ايييه الايام كنتي درويشة دابا كتاكلي من العينين
هدى:هذاك لي يصلاح ليكم
كملو نهارهم عادي والعشية تا قربات تغرب الشمش وهو يتم داخل بحالا جاي لدارهم..ضارب الشورط عاود وتيشورت ولي ميشتري يتفرج فصحتو..كيبان مهيب وقتال غي من الشوفة يطيحيك
هدى:(غي شافتو كحلات بالعما)اش جابك؟
عبدو:(حيد نظاظرو داير كاسكيط)كنصوني ليك اوموان جاوبني
هدى:على عينيك راه المحل عامر مالقيتش وقت
عبدو:خرجي برا نهضر معاك
هدى:المحل عامر ميمكنش
عبدو:هاني برا تخفاف الدعوة وخرجي
ساطت بلا متجاوبو فحين هو خرج مخلي السيدة لي وراه كتسنا تخلص فلاكيص غتذووب بلاصتها بفورمتو
هدى:(لاحظاتها متبعا ليه العين)لالة؟؟
..:هاكي اختي..
دوزات ليها حسابها ومشات مخلية هدى كتقول: طيحتو علينا الذل والله بقا ليك شويا وتاكليه..كون غا كليتيه نتهنا منو
بقات بشويا عليها حتى خفافت الدعوة شي خمسة وربعين دقيقة عاد هزات تيلي دوزات نمرتو قايلة:مشيتي؟؟
عبدو:لا انا برا..
قطع عليها وخرجات عندو كتقلب بعينيها حتى لقاتو واقف ليها برا المحل وهاز كارو
هدى:واش غتبقا تجي ليا هنا؟؟راه حشوومة
عبدو:جاوبي ومنوصلكش ..
هدى:مكنتش مسالية ففففف اش بغيتي
عبدو:لعشية مع العشرة هنا تكون هضرة خرا
هدى: نتا راه مكتعرفش تهضر مع العيالات گاااع..تبقا تامر فيا بحالا خدامة عندك
حمحم وجبد كارو اخر كيشعلو قايل:واخا الالة..العشية ندوز عندك مزيانة؟؟
هدى:(كمشات عينيها من الشمش)بزز باغي تعرف علي؟؟
شافها ضراتها الشمش وهو يجي فاص ليها درق ليها عينيها ودار عليها ضليلة وقال:اه بزز العشية انا معاك
زاد وخلاها غي كتشوف..ساطت وتمات راجعة كتلعن النهار لي شافتو فيه ..ستأنفات خدمتها عادي والنهار كان عندها عامر بزااف عيااات على الجهد..موصلات السبعة حتا كانت غطيح على وقفتها...مدات لغزلان السوارت وقالت:هاكي ها السوارت راك شفتيني كي كنسد قضي غرض
غزلان:(بفرحة)كوني هانيا ههههه شكرا بزاف..نتي غتمشي فحالك؟؟
هدى:الى مجاش ليا داك صعصع بن قمقم
غزلان:ههههههه صاحب بثينة
هدى:هاديك صاحب بثينة لي محمقا طاسيلتي انا ...
غزلان:عطييه فرصة يقدر يصدق
هدى:مالو بيضة
خرجات مودعاها مخلية ليها الامور تسيرهم راسها..وقفات حدا المحل كضور فراسها كتقلب عليه ولفات تلقاه فخنشوشها لكن مكاينش ليه اثر..حتى طونوبيل واعرة مكاينة تما وحتى أثرو غابر..تبسمات فداخلها وقالت:الله على راحة ههههه
مشات لدارها كتزرب فرحانة حيت مجاش ليها وبالفعل دوشات وكلات وشربات ومشات تنعس حيت كانت عيااانة ما صونا ليها ماصونات ليه وهاكا دازت سيمانة مشافتو ماعرفاتو فين دايز ولا فين غادي وقالت مع راسها راه خرج سوقها وخلاها راسه....
اليوم الثاني مشات للمحل لقات غزلان حلات قلبات معاها شي حسابات و وراتها كيدير ليهم بيدما يجي رشيد لي غيوريها المحل..كانت بلبسة سبور نوعا ما حيت عرفات تابعها المحل والترتاب وهادشي عطاه ليها بوحدها...جاها بسيارتو ومشات معاه لوسط المدينة كان محل كبير مصلوح ومقاد دخلات كضور عينيها وقالت:شريتيه؟؟
رشيد:لا غي كرا ولكن زوييين وبلاصتو زوينة..السلعة غيجيبها ليك خونا رمان قليلة شويا منقدرش نغامر ونعمر بزاف ديال السلعة حتى نشوف واش يتمشا
هدى:شفتي غنديرو فيه حوايج البنات المحجبات بالكثرة وتشوف شحال تناس غيتكبو عليك
رشيد:نتي غي شوفي الشكال لي دارجين فالإنسطا وعلميني ندوز الكوموند
هدى:صافي كون هاني..دابا عرفتي شنو غنستف هاد ليمانكان وغنتسنا لاخر يجيب ليا السلعة ونستف علاش قديت
رشيد:(مد ليها السوارت)بلي فيه الخير
هدى:(بابتسامة)الله يدخلو عليك بزايد الرزق
رشيد:امين هاني مشيت لي خصك عيطي ليا خصني نشوف السيد لي غيركب ليا الكاميرات
هدى:واخا
مشا مخليها كضور فالمحل وكتقاد لي خصو يتقاد على ذوقها فانتظار الترونسبور لي حط ليها السلعة ..شدات البون وصيفتاتهو فحالو عاد بالاات بداكشي..دوزات فيه تقريبا نهار كامل حتى ظهرها تقسم الغدا مكلاتوش فخاطرها..حتا وصلات الخمسة وهي تهز صاكها سدات المحل ومشات كتقلب منين تاخد طاكسي..هازا الهاتف فيديها كتدوي مع ختها وخوها فابيل وحدة واحد اللحظة غفل طارت عينيك التيلي مشا من يديها..كيفاش و علاش خلاوها مبلقة عينيها بانو ليها غي جوج فوق سونطروا دايزين طيروه وزادو خلاوها حالا عينيها وفمها بصدمة مجات فين تقول شفار حتى بعدو نيييت..لي كانت حداه وشافها راه وقفو ليها كيتغاوتو
"شفار..شفار" اش دا ليك؟؟التيليفون
لاحول ولا قوة الا الله"
ها لي كيهز تيلي فالزنقة
اش داو ليها؟؟تيليفونها؟؟وبزطامك؟؟وفلوسك
هضرة كثيرة كتسمعها هدى لي واقفة مصدومة وطالع ليها الدم بالمعقول..تعصبات وتكرهااات، حيت ياله ست شهور باش شراتو ومشا ليها وفيه كلشي..تجمعو الدموع فعينيها..من مصيبة لمصيبة مكترتاحش..عطاوها المارين تشرب من قرعة شراها ليها شي واحد وتهدنات شويا
..:دا الباس ابنتي الحمد لله غي مقاسوكش
..:مبقاو كيعرفو لا صغير لا كبير..كيرزيو المسكين فرزقو
هدى:(طاحت ليها دمعة)مشا ليا فيه كلشيي ففففف خصني نديكلاري
..:سيري ابنتي ديكلاري واخا راه ميرجعش تيليفونك ولكن بعدا غيديكلاري
تنهدات بتعب وحزن مشات جارا صاكها مكنززة عليه شدات طاكسي والدموع غيهربو ليها..تشفري فكازا راه الصكوعية..موصلات للدار حتى كانت غتخنق بالبكا لي جمعاتو..غي دخلات بدات كتبكي وتنخصص غي راسها حتى شبعاتهم على تيليفونها وعلى زهرها وناضت تبدل عليا لقات لغيكل نزلات وهي تسخط:نتي لي خصيتينييي تفوووو ههءهءهء على زهر عندي خزييييت ياله كملي ليا حتى نتيي
طرفات ودارت لراسها الزعتر وبقات كضور فعينيها فالدار وكتسنط لعظامها شربات كينة عالله تخفف عليها حتى غفااات ودموعها فخدها
اصلا طايح عليها الضيم وكملات عليها لغيكل مفاقت تال التسعود..كتعجز بلاصتها هي من النوع الى مقلقة غتنعس تا تبرد وتفيق..ناضت بدلات عليها وغي تفكرات تيلي شداتها البكية..لبسات حاجة سخونة وخرجات للمحل تعلم البنات باش يقولوها لرشيد وبالفعل خبراتهم
ماجدة:اميمتي مشا تيليفون
هدى:غي سكتي فقصتو بوحدوو مشا ليا فيه تصاور بنت ختي..وتصاور مي الله يرحمها وتصاوري
غزلان:(شافت عينيها غرغرو)الله يرحمها اصاحبتي صافي سكتي دا عليك الباس الحمد لله مقاسوكش
ماجدة:مافهمتش انا سونطر فييل وفيه الشفرة
غزلان:مالها الميريكان راه تما فين كيضربو التيليفونات الواعرين
هدى:طمعو ليا فoppo الله ياخد فيهم الحق
غزلان:ياربي امين..غانعلم رشيد وسيري شري تيليفون
هدى:مافجيبي والو..خصني نتسنا نتخلص ونخلص الكرا والى شاطت ليا شي حاجة نشري بيها شي واحد نعدي بييه
ماجدة:واش واقفة؟؟نسلفك مية درهم؟
هدى:االا ماشي لديك الدرجة غي عندي شي اولويات..خصني نخلص الكرا هو لول راكي عارفا وليت ساكنة بوحدي والمصاريف
غزلان:خودي افونص من رشيد ميقولش ليك لا
هدى:يكون خير..مهم علمووه أنا غنمشي فيا الوجع ردو البال راه كلشي فيديكم
غزلان:كوني هانيا اختي..راه غيجيب شي بنت خرا تعاونا
هدى:حسن..بسلامة
مشات من حداهم خاشية يديها فجيب السورفيت غير لي كانت لابسة وكتبان فيها حزينة
غزلان:(بتأثر)كتعز عليا والله ..من مشكلة لمشكلة
ماجدة:الله يفرج عليها
مشات لدارها طيبات ليها متاكل وكتفكر كي غدير تعلم خوتها ومعندهاش باش تهضر معاهم..زفرات بقلة حيلة وكلات غي شويا..بدلات عاود الفوطة الصحية ونقات راسها عاد نعسات مخشية ففراشها كضور فعينيها تا النعاس طاير عليها حيت نعسات بالنهار وحتى تيلي لي فيقها فالصباح مكاينش..تعصبات على الجهد غي مع حوايجها ومع الهرمونات كملو ليها مانعسات تال ثلاثة عاد غفات لكن دماغها خدام مفاقت تال الحضاش تنهار طافجة مخلوعة عرفات راسها مشا عليها الحال..ناضت بزربة دوشات وظهرها ظارها بلغيكل..لبسات عليها وخرجات بلا مدير والو لوجهها..شدات طاكسي صغير للمحل ماوصلات تال الطناش والصرف..لقاتو محلول عرفات رشيد لي غيحل
رشيد:على السلامة
هدى:الله يسلمك(بتعب)
رشيد:شويا؟؟فيك الخلعة ههههه
هدى:غي سكت مشيت نموت البارح بالفقصة داو ليا تيليفوني
رشيد:قالوها ليا..وعرفتك مغتجيش اليوم علاش جيتي؟؟
هدى:شغنبقا ندير فالدار اللهم نتلاها فالخدمة
رشيد:ماشي مشكل..(مد ليها ظرف فيه فلوس)شري تيليفون
هدى:لالا ويلي غي خلي حتى نتخلص
رشيد:هههه شدي شريه وراه غنقطع ليك خمسمية درهم كل شهر حسابك مصدقهم عليك هههههههه
هدى:(شداتهم)السقرام لاخر...راه خصك تزيدني فالصالير
رشيد:نزيدك الالة..أنا ماشي نكار الخير نتي لي شديتي المحل لول وغتشدي تا هذا غي يتمشا ان شاء الله نزيدك
هدى:شكرا اخوياا
رشيد:قضي غرض هاني مشيييت العشية غيجيو صحاب الكاميرا غيركبوهم
هدى:واخا(شافت المحل مرون)شكون قاليك حل السلعة رونتي كلشي
رشيد:عومي بحرك هههه
خرح مخليها غي تتسوط تقيسها تفركع..حطات صاكها وحيدات سبرديلتها غادية حفيانة بالتقاشر بويض وكتستف وتقاد حتى سمعات الحس عرفات شي حد داخل حسابها رشيد وهي تقول:رجعتي..سير جيب ليا الفطور من لبارح مذقتوو
عبدو:(بصوت غليض)كتسناي شي حد أمدام..
دخل صوتو لمسامعها نيشان..بلا مضور عرفات شكون مولاه بقات فبلاصتها كتشوف فاص ليها كتحاول تستوعب واش نيت هو ..كانت محنية للأرض على ركابيها كتحل كوليا تالسلعة تلفتات وشافتو داخل ضارب الطولة عاوتاني كيطل على غدا..بسروال دجين وتيشورت عاصر ليه عضلاتو من جديد ونظاظر والكاسكيط هادوك عادات شخصية عندو بحال شريب الما
هدى:نتا لي خصيتيني صراحة(وقفات)علاش جيتي؟؟وشكون قاليك أنا هنا
عبدو:كتسناي شي حد؟؟شكون غيجي عندك
هدى:نتا واقلة جاي غي تعصبني سير فين كنتي...أنا كنسول هو كيجاوب بسؤال
عبدو:نوضي نهضر معاك
هدى:(ربعات يديها )كنسمعك
عبدو:علاش مقلتيش ليا مشا ليك تيليفون؟
هدى:(نرفزها فساعتها )كان خصني نعيط ليك من التيليفون لي تشفر لي ونقوليك الو عبدوو(كطنز)راه مشا ليا التيليفون
عبدو:(عرفها عندها الحق)عندك صح
هدى:اوا صباح الخير ..اجي شكون قالها ليك؟؟
عبدو:لي عندو فمو مايتلف(كيضور عينيه فملامحها)مربضة؟؟
هدى:(هزات ليه حجبانها بجوج)اه شي مانع؟؟عاد تفكرتيني؟؟
عبدو:(تبسم)توحشتيني ولا؟؟
هدى:(كطنز)هه ولاهيلا كنت جالسة مع راسي وأنا نقول داك الزين الصافي ديال عبدو غبر عليا قاليا نتلاقاو خرجت لقيت البرد
عبدو :زعما راه خرجتي وتسنيتيني. تلقاك خرجتي وفرحتي وزدتي فحالك
هدى:(جاب ليها الضحكة بالطريقة باش قالها)بحالا كتشوف فيها بعينيك هههه(رجعات للتستاف)قوليا شكون قاليك مشا ليا تيليفوني
عبدو:البنت لي فالمحل لهيه
هدى:(وقفات فاص ليه تتشوف فيه بتساؤل)غزلان؟؟
عبدو:معرفتش..سولتها وهي لي قالت ليا اش كاين
هدى:عافية ديك البنت..اوا اييه مشا ليا تيليفوني
عبدو:كي وقع؟؟ديكلاريتي
هدى:لا(رجعو ملامحها حزنو)خارجة مابيا ماعليا كنهضر قيه مع خوتي حتى داز طيرو من يدي الله يعطيه العذاب مشا ليا فيه كلشي وياله شي ست شهور باش شريتو
عبدو:(شافها كتعاود مرتاحة)ماديكلاريتيش؟؟
هدى:مابقيتش قادة على الكوميسارية..والى مشيت كاع راه ميرجعش ليا تيليفوني
عبدو:واخا...أنا راجع
هدى:فين غادي حممم زعما علاش غترجع صافي غي سير فحالك
عبدو:أنا الكليان باغيا تجري عليا؟؟
هدى:نبيع ليك الزليج راه هو لي كاين اما السلعة راه والو
عبدو:(وقف كيشوف فيها وعينيه باينة فيهم كتعجبو)باغي نشريك نتي
هدى:مكنتشرا مكنتباااع أنا...سير الله يعاونك
وبالفعل ضرب الضورة ومشا حسابها نيت مشا ورجعات لخدمتها حتى دازت نص ساعة تم جاي هاز لي ساشي فيديه وهي تقول:علاش راجع؟؟
عبدو:نفطر أنا وياك
هدى:(واقفة مصدومة وكتشوف فيه بغرابة)مريض شويا؟؟
عبدو:أنا مريض فكري ونتي كثر مني داكشي باش باقي كنهضر معاك..زيدي تفطري ..راك كتباني عيانة
هدى:(عوجات فيه فمها)قول كنبان صفرة وصافي..لاش عيااانة(شدات الفطور)الله يعطيك الخير..وفين غنجلسو؟؟
ضورو عينيهم فالمحل مكان والو غي الكوليات تسلعة ..جر وحدة دفعها ليها وجر وحدة ليه وجلس لكن مع رجليه طوال جمع وحدة وطلق لوخرا وهي واقفا تتشوف:نقص من الطول(جلسات حتى ظرها ضهرها)اميييي
عبدو:مالكي؟؟
هدى:(نسات راسها)ظهري غيتقطع عليا بالوقيف
عبدو:(كيجبد فالفطور ويحطو فالأرض)عاد غتبداو؟؟
هدى:(هزات قهيوة)ممم اه..غنولي هنا(شافت فيه بجدية)وماباقيش تجي عندي لبلاصة خدمتي
عبدو:خرجي عندي لبرا ومعمري نقرب لهنا..موحش أنا فمحل فيه غي النسا
هدى:نتا بالظبط غتكون كتموت على العيالات
عبدو:(بهدوء)ماشي اي وحدة كطربني
هدى:(كضرب فالبتي بان)كيفاش هاد كطربني
عبدو:الرجال عندهم وحدة كتعجبهم وحدة كطربهم..لي كتعجبني راه عجبني زينها
هدى:(قاطعاتو)ولا فورمتها
عبدو:خشي فوجهك وسكتي
عبدو:ولي كطربني هي لي كتكون فيها شي حاجة سبيسيال
هدى:(بلا متشعر)بحالي أنا ياك
عبدو:(شير بصبعو)فوالاااا
هدى:ممممم زابورك راه مايمشيش عليا هااا
عبدو:شحال من زابور سمعتي فحياتك؟؟
هدى:معنديش وذنين هادشي..ممسالياش أنا لهادشي عايشة حياتي بقا غي نتسنا بو ركابي يجي يخطب عليا
عبدو:كنقوليك حااااارة
هدى:وملي حارة علاش كتبعني؟؟راه منسوا بصلة والله ههه(غلباتها الضحكة)هههه
عبدو:عمري شفت لي كتعيب راسها..كتحيدي عليك العين ولا شنو؟؟(منتاشي بديك الضحيكة حاضي غي امتا تطراسات ثقيبة تزين فحنكها)
هدى:معندها علاش تشد فيا؟؟على زيني ولا على فلوسي على طولتي ولا حداكتي
عبدو:(شبح بتسامة زار شفتيه)وعليهم كاملين الزين
بلوكاها بكلامو..صار ليا وقت طويل مسمعاتش مدح او غزل كيخصها هي ولا كيعنيها...وقت طويل متغزلش فيها ولا ذكر محاسنها حيت لي قرب ليها كتطلييه.. تلفات وعينيها بداو كيرمشو بزربة ..طلعاتها الصهدة..وعينيها مقدراتش تشوف بيهم فيه حيت غيمركها على عكسو هو لي عينيه كيعرييوها كيدوزو من عينيها لحجبانها لشفرانها لفمها لثقيبة تزين فوجهها وللشدة الفولار المرخوفة عليها حتى تفيكساو فيديها لي شادا بيهم القهوة تلفانة
عبدو:امتا تسالي؟؟ندوز عليك باغي نريح معاك
هدى:معرفتش عندي صحاب الكاميرا غا يجيو العشية غيركبوها..(بتساءل)فين كنتي غابر البارح؟؟حسابني غي متتي
عبدو:الواليد عيان شويا
هدى:الله يشافيه لهلا يضرو..(بفضول)مالو مسكين؟؟
عبدو:شرف وصافي هه
هدى:غادي تشرف حتى نتا..لهلا يضرو تهلا فيه الوالدين مزيانين والله
عبدو:نتي ماعندكش؟
هدى:عندي با..ماما ميتة الله يرحمها
عبدو: وعلاش عايشة بوحدك؟؟ فين خوتك؟
هدى:ختي مزوجة وخويا جوندارم وبا مزوج فالخرجة تكازا وأنا عايشة راسي
عبدو:ممم مزيان وعلاش ماتمشيش تعيشي مع باك؟؟
هدى:مبغيتش وصافي..أنا كبرت فكازا وولفتها وبقيت فيها(بفضول)ونتا علاش عايش برا؟
عبدو:اختيار وصافي..مبقاش بزااف ونمشي الصيف سالا وعميلة مرحبا سالات
هدى:الله يسخر..(وقفات)انوض نكمل هادشي ونتا سير فحالك راه غيجي رشيد يشوفك هنا مانعرف مانقوليه
عبدو:قولي ليه صاحبي(وقف)
هدى:واش غي حيت فطرت معاك حسابك صافي ولينا بجوج؟؟
عبدو:نهار درتك فبالي عرفتك ولينا بجوج...ديريها فبالك..العشية مع السبعة نجي ليك ماتمشيش بوحدك
هدى:لا
عبدو:هاني هضرت
هدى:(عيباتو)نننننن هاني هضرت
زاد و خلاها كتعوج فوجهها قايلة:بنادم باغي يدخلك صحة(شافت فالفطور فالأرض شاري بزااف وهو مكلاش بزاف)مسكيين منسانيش..ويليي يا هدى نعلي الشيطان..
خلاها غارقة فأشغالها من هادي لهاديك ومع معندهاش تيليفون لقات فاش تلاها ..تا الغدا خرجات جابتو ورجعات عاود تا جاو صحاب الكاميرات بكري بقاو كيركبو فيهم وهي كتستف وتهندس اش خصو يتزاد..وصلات السبعة ونص وهو يبان ليها داخل مع الباب شافها معاها جوج رجال وعقد حواجبو باستفسار حتى تفكر بلي صحاب الكاميرات..كانت عاطياه بالظهر حتى وقف عليها:ساليتي؟؟
هدى:هيييه خلعتيني..اش كدير هنا؟؟
عبدو:باقي معطلة؟؟
هدى:الشريف قربتي تسالي؟؟
..:واحد نص ساعى اختي
هدى:واخا اخويا(تلفتات لعبدو)هانتا سمعتي باقي
عبدو:(حقق فوجهها)كتباني عيانة ..رخفي فيك النفس
هدى:خصني شي شهر ديال النعاس أنا غا خليها عالله نتا معندك مايداار؟؟
عبدو:نتي لي حاضي هاد الساعة(شاف فالدراري)اجي معايا برا بغيتك
هدى:مايمكنش نخليهم بوحدهم..واش ضروري نتشاوفو ؟؟
عبدو:لي بغيتي بالخاطر ولا بزز
هدى:(ميقات فيه)ياربي تمشي غي فحالك
عبدو:غنمشي وغتولي توحشي فيا
هدى:(طلقات ضحكة)ههههههههههههه عرفتي كون عندي الثقة فالنفس لي عندك كون راني مولات هاد المحل
عبدو:(تبسم)باقي لدابا معارفش كي كديري مع الكليان ونتي معصبة غي مع حوايجك؟؟
هدى:أنا راه ضريفة غي نتا كنشعل معاك حيت كتعصبني
عبدو:شنو كندير ليك ؟؟
هدى:(حطات شنو فيديها)كتامرني كتبقا تنهض فيا..غي مغوبش كتبقا تهضر معايا بحالا خدامة عندك وعاد معرفتكش فظروف زوينة باش نعاملك زوين
عبدو:تعارفنا فظروف مقودة(قالها وهي تقرصو فيديه)مالك
هدى:الناس كتسمع اويلي ..وزيد عليها فمك خاسر مكتحتارمنيش
عبدو:باغياني نلعب عليك بلي الله يعمر ليا الدار وضريف ومكنخسرش الهضرة
هدى:يعني نتا لي فمك قطران ماشي أنا ...اوا شفتي
دخل رشيد فداك الحين بهجيجو قايل:سيادنا كملتو
تلفت ليه عبدو طلعو وهبطو وهو داخل مفرنس بحال العريس:لالة هدى
هدى:(توترات)حممم قربوو
رشيد:(وقف حداهم وحسابو واش عبدو معاهم)فكاع القنات نشوفو هاد ختنا واش كتشفر
هدى:(سرطات الريق)غتبقا معاهم؟؟
رشيد:غتكوني عييتي؟؟سيري رتاحي..غدا ماتجيش رتاحي شويا
هدى:لالا فالصباح نجي ماشي مشكل(شافت فعبدو)ياله نمشيو
رشيد:(سمعها اش قالت وشاف فعبدو تبسم)معاك؟؟
عبدو:الى بغيتي(بصوت غليض)
رشيد:بغيت بغيت (مسخو الضحك)ههههههههه
عبدو:(حمر فيه عينيه)كاين شي مشكل؟؟
هدى:(مشات كتزرب هزات صاكها)ياله نمشييييو
عبدو:(معجباتوش الطريقة باش غياجا)واش كاين شي مشكل؟؟
هدى:(وقفات حداه)عبدو ياله فحالك
عبدو:(مزاحش عينيه على رشيد )بشاااار كي داير
زاد مخليها هي وراه كتشوف فطريقة هضرتو الوقحة فحين رشيد قال:صحيبك؟؟
هدى:الله ينجيني اخويا
رشيد:وشكون ههه غا عتارفي؟؟
هدى:من بعد بعد..ظهري غيتقسم غنمشي
خرجات عاقدة حجبانها عوالة تصبنو وتنشرو و بالفعل غي خرجات لقاتو بالاودي كيتسناها مهبط الزاج وهي تمشي لجيهتو ..كي طلعات باقي ما قلعش:حبس ماتحرك فين..شديك الطريقة باش كتهضر مع السيد؟؟
عبدو:(كان هاز كارو ياله شعلو)يحمد الله مح%%^وي***&&،تش موو تما..داخل عليا كي الطعريجة كيت**قحبن وكيسول
هدى:(خرجات فيه عينيها)اوا حشاااك. واش مكتعرفش تهضر ؟؟مكتعرفش تجمع فمك شويا؟؟السيد مدار ليك والو غي سول اش كنتي بغيتي نقوليه؟؟
عبدو:(خزر فيها ورفع من حدة صوتو)صاحبك
هدى:واش شويا لباس؟؟صاحبي؟؟فين تصاحبت معاك؟فين كنعرفك كاع؟؟لاصقني لصقة ديال الجربة وعييت نبعدك ومابغيتيش تبعد..وجيتي كتهضر مع الباطرون ديالي هاكاك(هزات فيه صبعها)سمع مزيان اش نقوليك..أنا من لول عطيتك هضرة وحدة معندي ماندير بيك لا نتا لا غيرك حيت غرضك باين شنو هو
عبدو:نح££*وي*&&&^€ك مثلا؟؟؟
خرجات فيه عينيها وهي تصيح بصوتها الرقيق وبلكنتها الكازاوية لي كيزعجو فوذنيه:الله يعطيك العذاب اقليل الاداب ..اش هاد الهضرة؟؟نهار لول عرفتك هاكا داير ملي نتا ولوخرا ملاقييين على خزيت هادشي فاش غتنوي فيا...ولا حيت شفتني مطلقة قلتي هادي هوتة جابها الله
عبدو:(الدم جمد فعروقو والكارو يبس فيديه)مطلقة؟؟؟؟نتي مطلقة؟؟
هدى:(دايرا بتسامة سخرية)زعما مفراسكش...شوف أعبدو الله يرحم ليك بااك غتبعد مني ومتبقاش تطوف بساحتي..منصلاحش ليك وإلا كيحساب ليك راني بحال دوك الخانزات لي كتعرف رااك غالط
عبدو:(باقي مطلقة مبلوكياه)هدىىىى جمعيييي فمك لا نجمعو لييييك...هضرتك خليها عندك متشعليش دمي قبل مانحط فيك يدي
هدى: لا هي لي بقات سلخني نيييت...جاي كتخزر فالباطرون ديالي شكحساب ليك راسسك..هذاك قبل مانكون خدامة عندو راه بحال خويااا وكيوقف معايا واجي نتا تعاملو هاكاك..اش تكون فملك الله؟؟
عبدو:تزيدي كلمة نوريك وجه اخر..لا تشوفينيش ساكت ليك تبغي تطلعيي ليا فكري
هدى:اسيدي مامطلع ليك ماتطلع ليا بعد غي منيييي ومتبقاش تجي عندي..لا نتا من نوعي لا أنا من نوعك
عبدو:(مقاطعها)نتي هي النوع لي باغي هاد الساعة...وسدي علي هضرة داك زب**ي&* لنهبط نريب على جدو داك المحل نوريه الضحك كي داير
هدى:(عصبها)نتا باغي طرطرق ليا شي عرق فراسي(دارت هابطة)تفووو
بغات تحل لباب بلوكاه ليها وطلع الزاج قايل:ريحي بلاصتك باقي مساليتش هضرتي
هدى:واش ماكتفهمش(كتغوت)مباغاش نسمع ليك
عبدو:(شعل كارو اخر)غنطفيه لمك فعينيك باش تجلسييي(غوت عليها حتى قفزات)ريحي الارض ولا نضرب مك..
هدى:(خلعها حيت كتشوف العروق فجبهتو تطراساو ويديه كيترعدو بلا وجهو لي ولى حمر)بعد منييي واش كتفهم ؟؟مبغيتش نكون معاك
عبدو:أنا هو المعكاس هنا وأنا لي غنقرر امتا متكونيش معايا ومحدي أنا باغي غتشوفيني بزز عليك
هدى:سير تخرااا نتا كااااع حل علي الخرا نمشي فحالي
ديمارا تاتحكو الروايض وتحرك فشوارع كازا بسرعة ممسوقش لحتا حاجة وهي كتشوف ديك السرع. كتبغي تموت..وكتغوت:واش مسطيييي باغي تقتلناااا اويليييي واصافي حبسسسس
عبدو:نصفيها لمك وميبقاش فيا الحال
بقات هي وياه الغوات والحيحة هو يهضر وتعطيه عشرة فيها ردان الهضرة كيعصبو وهو على نقشة وهو فيه فعايل كلمتي تمشي كتنرفزها..
هدى:عفاااك حبسسس عفاااك راه دخخخخخت عفااااك
مداهاش فهضرتها بقا غادي بيها حتى وقفو فكورنيش عين دياب لي كان عامر ..محدو كيقلب فين يسطاسيوني وسرعتو كتخفاف وهي قلبها كيتهدن ولسانها تسرط مباغياش تهضر ليصدق قالبها..غي سطاسيونا وهي تنفس بشويا تالراحة وقالت بصوت خايف:واش باغي تقتلنا ولا شنووو؟؟ساخي بعمرك انا لاا
عبدو:(ببرود عكس الغضب لي فداخلو ولي باين غي من يديه لي مزير على الفولون)كتبقاي تهضري وتخراي فالهضرة وتلوميني انا...
هدى:مطلبك حد تصبر..خليني عليك عفاااك(ولات خايفة ملي شافت عصبيتو)أنا ماشي بحالك ماشي بحال دوك البنات لي كتعرف
عبدو:(شاف فيها مخنزر)عاملتك بحالهم؟؟ريحي الأرض
هدى:اش باغي مني؟؟راه حتى باش تعجبني ميمكنش واش نتا غي كتغوت وكتعصب وكتبزز عليا شي حاجة وتامر فيا وباغيني نشوف فيك شوفة خرا
غبدو:سيري معايا فخطي وغتشوفي غي الزوييين
كتشوف فاص ليها والدمعة تجمعات فعينيها علاين تطلقها..الصوت تغنغن ليها كتحس بالحكرة من جيهتو حيت بزز عليها تمشي معاه:مابغيت نشوف والو أنا نبغيتش شي راجل فحياتي باقي براكة عليا
بقا ساكت مجاوب٨اش بالعكس جبد طرف تالحشيش وبدا كيبرم مطلع الزاج طبعا حتى شعلو وخدا منو اول رشفة عاد زفر ببرود كيحس براسو بدا كيبرد شويا..وجلس كيكميه خانقها هي لي مبقاتش قادرة تهضر بتاتا..النهار داز عندها مشارجي ولغيكل زادتها والتعب نايل منها..كتسناه يديها فحالها ولا غي يبرد وتهبط..كتبغي تهضر وكتخافو يدير شي ردة فعل فشكل
كمل الجوان وهبط الزاج من حداها تا دخل ليها الهوا وهي تجبد رحتها كترشها باش تحيد منها ريحة الجوان..اما هو دار لوراه وهز بواطا لاحها ليها فحجرها وقال:شدي تيليفون
هدى:(شافت البواط ايفون)نعام؟؟
عبدو:راه تيليفونك
هدى:(كتقلب فالبواط)شويا لباس؟؟؟ اش هذاا؟؟
عبدو:(شاف فيها)ياك باغيا تشري تيليفون؟؟هاهو
هدى:(مداتو ليه )عفاك أعبدو بلاش هاد الفعايل أنا مطلبتكش تجيب تيليفون راك فاهمني غلط
عبدو:خودي براكا من كثرة الهضرة
هدى:(حطاتو ليه حداه)مغنشدوش وأنا ماواقفاش عليك ولا على غيرك يصرف عليا.. خدامة على راسي والى كيحسابك هاكا غتشريني راه غي كضيع فوقتك هادشي مكيعجبنيش كاع أنا..منرضاش أنا بدرهم ديال ولد المرا يدخل عليا
عبدو:(خزر فيها)حافضة مزيان؟؟
هدى: رد لبال هاد الهضرة ديما كتقولها ليا زعما راكي بحالهم أنا راه ماندير ليك فيها بنت الناس مانلعب عليك..النهار لول وريتك قطراني ..فلوسك خليهم عندك ومتشري ليا منشري ليك..مكنشدش من با لي ولدني نشد منك نتا
عبدو:(سدات عليه)ياك غتشري تيليفون غتشريه؟؟هاهو
هدى:غنشري على قد جهدي(تنهدات)ديني فحالي عفاااك ولا خليني ناخد طاكسي متعصبنيش كثر ما انا معصبة(شدات فجبهتها )نتا كالماك الكارو انا راه كنغلييييي
زفر بشويا وقال وهو كيشوف فيها :خلعتك؟؟
هدى:(دافعة السنطيحة وبصوت هادئ خايفة منو)لا ..مكنخافش من بنادم غيديني فحالي عيييت
عبدو:تمشي تاكلي شويا
شافت فاص ليها وتنهدات وعقلها كيحلل ميمكنش تخطى هاد الإهتمام الزوين لي فيه رغم انه ماشي فوقتو..تهدنات شويا وقالت:لا بغيت غي نعس ضاراني كرشي
دورها فعقلو فالبلاصة وربط الأحداث ببعضها ملي ضرها ظهرها والتعب ونطق مبسم بجنب
عبدو:فيك لغيكل الزين ولا؟؟
هدى:ونتا شغلك؟؟
يتبع...
تتمة بلييييزززز