وقفات سيارتو امام العمارة فين ساكنة بعد مسافة الطريق دوزها ساكتين ..كيتسمع غي صوت أنفاسو هو لي كيسوط أما هي ما هضراتش باقي مور ديك الكلمة ديال "ونتا شغلك." ديك ساعة ضور الفولون يديها لدارها حيت حس بيها عيات..هو عارف راسو عصبي وكيكهره بنادم يشوف جيهتو كيتنوا غي بوحدو وهي هلكها بالغوات و الصداع وشنو لي مخلي يدير هاكا معرفش..حدو وقف وقال:مغتهزيش التيليفون دابا
هدى:(حلات لباب)بصحتك بيه
عبدو:(جات هابطة وشدها من مرفقها تلفتات ليه)ديري نمرة وصيفطي ليا
هدى:ماحافضاش نمرتك!!
بقا كيشوف فيها شحال ..فوجهها لي كيبان فيه التعب..فخطيطات صغار حدا عينيها فشفارها لي الى مقربتيش ليها مغتقشعش كثافتهم..وترها وهي تحيد يديها من يديه باش شدها ونطق:اري الفيسبوك!!
ساطت بتعب وسلمات أمرها لله بغا يكتب نطراتو ليه من يديه كتبات شنو دايرا طلع وهي دير لراسها ابوني..ومداتو ليه :شد وخليني فحالي دابا
عبدو:(شاف الكونط)رتاحي ليك
هدى:الى خلتيني نمشي
هبطات مخلياه كي نزلات تحرك وهي تقول متذمرة:حتى الصواب مافيهش..يتسنا غي حتى نوصل
دخلات مهدودة..الظهر والعيا والنهار مشارجي وغوتات بزااف..تلاقات ناس كثار هابطين من دروج أغلبهم عيالات عارفاهم كاينين عند الحاجة صفية حيت سمعات خرجات..بالزربة لدارها دخلات تخلصات من حوايجها وشافت الكركور تالحوايج لي خصو الصابون وزفرات:خزييت على نهار
دخلات دوشات ولبسات عليها عاد خرجات كتنشف شعرها...فيها الجوع ومافيهاش لي يطيب حتى باش تكوموندي ماكاينش تيليفون..نزلات من جديد للسناك حداها خدات العشا وطلعات تعشات وغفات فالبلاصة وعقلها فيه غي عبدو وتصرفاتوو
أما هو راه حرك الفولون لوجهة غير معروفة..معارفش فين يمشي..دماغو كيفكر وكيحلل فكونها مطلقة..ويديه كيدفعو ليه النيكوتين لريتو بسيجارة وافكارو كيتخربقو فدماغو..اش فيها ماشي فغيرها ..هو مامولفش يتبع شي وحدة ويفرض عليها راسو..ومامولفش يعمر مع الوحدة بزاف هادي ولى عاس عليها
وقف أمام قهوة تشيشة معروفة ونزل داخل كيضرب بكتافو كيقلب على صحابو فين بانو ليه شادين كوان كل واحد كيجر من تيو..ماكانتش قهوة مسخة كانت قهوة راقية كلشي كييشي بالهداوة والناس مجمعة ..محسو بيه حتى تنشر بلاصتو ولقى السلام لي متسمعش بزاف
عمر: على السلامة العود..مبقيناش كنشوفوك
عبدو:ياله ولى الواليد شويا وأنا كنت عياان(شير لسرباي طلب شنو بغا)فين لاخر
سفيان:مشا لطواليط عاصر على شي وحدة تما هههه يشد النمرة
عمر:تفوو كثرو هههه من الصباح وهي كتبربص وتلعب فشعرها شافت فيا وفيه ولي جا بسم الله
سفيان:كاينين بنات الناس
عمر:ايييه بنات الناس..كاينة شي بنت الناس كتجلس فقهوة تشيشة
عبدو:ونتا لي كتقلب عليها فقهوة تالشيشة؟؟
عمر:(ضحك وجر نيييت جرة طويلة)لا نقلب عليها فالموبل عند خالتي صفية(شافو هز حاجبو)هههههههههههه
بقاو مقصرين بينهم مرة مجمعين مرة منغمين..وعقل عبدو كيضرب بالأفكار ويعاود معرفش كيفاش يتعامل معاها..عقل كيقول ليه كيفها كيف غيرها وعقل كيقوليه هاديك ماشي ديال ديك المعاملة ماحس براسو حتى كمل مشربو هز سوارتو والتيلي وزاد مخليهم بلا ميهضر مخلي سفيان كيتساءل:كيفاش بلان الزماكري ديالنا؟؟
عمر:طايح مع واحد خيتي ساكنة فالموبل عند خالتي صفية.. كارية ليها الحاجة..
فؤاد:طايح معاها كاع؟؟
عمر:شيحاجة بحال هاكا..شفتو معاها شحال من مرة
سفيان:ادوز وقيتها وتمشي بحال غيرها مكتعرفوش هو..غي يخوي المغرب يرجع للدجاج لكروازي لهيه
طلع لسيارتو لمح الآيفون محطوط فبلاصتها وتفكر فاش رفضاتو معرف يصنفها بنت الناس ولا منافقة حيت ياما دوز لي كتقوليه منشدش منك حشومة كدوز يوماين دير ليه بلان بلي خصها الفلوس تحت مايسمى بالفتيخ..فالاصل مكاينش راجل كيتفتخ كاين واحد كيبغي يتغابى..هي مشكاتش عليه ولا طلباتو..وحدة خرا مغترفضش الايفون وهي بهاد النفس العالية لي فيها كتخليه يفكر فيها ديما..كيفاش لا وهو نهار شافها أول مرة كانت مخرجة عينيها فالكوميسير وطلاتو محشماتش منو ..رغم أن وجهها كيعكس شنو كيوحي بيه فمها .. كتبكي وتعطيه علاش كيقلب بمعنى آخر "حارة"
******
فاليوم الموالي مافاقت حتال العشرة..تعجزات وناضت بدلات عليها ودارت روتينها الصباحي..قشعات حبيبة صغيرة فوجهها وبقات شحال كتقلب فيها متذمرة:فففف هاد لاطراس مناويش يحيد خلاص تفووو
صايبات فطور وجلسات كتفطر بوحدها وتضور عينيها كي القردة جاها القنط بلا تيلي..ناضت بالزربة مخلية كلشي فوق الطبلة لبسات عليها وخرجات لأقرب محل خدات تيليفون oppo نيت على قدها ودازت لاجونص شرات نمرة مبغاتش ترجع نمرتها لقاتها حجة وزيارة نيت مافيها لي يمسح نوامر الناس ..
مارجعات للدار حتى داز الظهر حيت بقات شحال كتقلب فالتيلي عند مول التيليفونات..كي دخلات ركبات نمرة وشعلاتو كتقلب فيه..حطاتو ومشات جرات الماكينة من الدوش عادية ماشي اوطوماتيك دارت الحوايج يتصبنو ومشات كتجمع الدار دايرا موسيقى فيوتوب هو الوحيد لي خدماتو مخلية ليزابليكاسيون يتانسطالاو تا سالات بخاطرها عاد هزاتو..رجعات السناب صيفطات لختها فيه ودخلات النوامر تخوتها وباها هوما لي حافضة وبقات مجمعة معاها كتعاود ليها اش وقع عاد ناضت شللات الحوايج كاملييين ودارتهم فالشبكة حطاتهم بعيد سيقات وظهرها غيتقسم..مشات نيشان للسطاح نشرات ورجعات..مع هبطات كتبان ليها سكيطتو حتى دارها كيصوني عليها وهي تخرج عينيها وعوض ماتهضر بالغوات تخلعات وخفضات صوتها :اويلي اش كدير هنا؟؟
تلفت ليها طلعها ونزلها عرفها من الشبكة بلي كانت فالسطاح وقال:لباس؟؟
هدى:اويلي واش باغي تقتلني(قربات ليه)اش جاي دير هنا بقا غي هنا مجيتيش تشوهني فيه..
هدى:(خافت يخرج شي حد يشوفها مغيقولهاش فيها زوينة)واخا غي هبط غنجي..
عبدو:(مثاقش بيها)غتجي غتجي؟؟
هدى:(كتحرك فيه بيدها)وااسيررر اويليييي الشوهة
تحرك من تما ملي شاف اصرارها وهبط كيتسناها أما هي دخلات غيسكت ليها القلب الى ولف يجي لدارها راه صافي كملات..حطات يديها على راسها كتمشي وكتجي باغيا تاكل راسها..لاحت الشبكة بزعفة ومشات كتقلب تلبس عليها ..لاحت لي لقات ضورات فولارها وهبطات صفرة معولة تعرعر عليه وتنقي ليه وذنيه..ساعا صونا تيليفونها كانت ختها شدات الخط معصبة شرحات ليها اشدار وهي تنطق اكرام:ويلي ماهيا قاعيدة يجي ليك للدار اش غيقولو الناس
هدى:قطعي قطعي أنا هابطة ليه نوريه نيت هدى الميكروبة
إكرام:شوفي داك النوع والله الى غي سلكي معاه حتى تسلتي منو بلا مشاكل..العصب والهضرة والغوات معندو باش ينفع معاه..شوفي هو راسو قاسح بحالك نتي نيت راه مكتجيش بالغوات كتجي غي بالهداوة راك شفتي اش دوزنا معاك
هدى:واش ندير؟؟؟راه غنطرطق؟؟
إكرام:هضري معاه بالهداوة وخدمي عقلك حتى يفوتك
هدى:قطعي قطعي نتعطل عليه يمشي يدير لي الشوهة
قطعات وبقات كتفكر اش دير..شافت راسها فالمراية معجبهاش راسها بتاتا...هزات تيلي دخلات الإنسطا لي دخلاتو وهي تأكسيبطيه وصيفطات ليه ميساج..
مشات جبدات كسيوة خرا فالأبيض والأحمر لبساتها ..بصندالة فالبيض بلا والرجيلات مامصبوغينش نقييين..وقفات قدام مرايتها دارت ليكخون وهزات قلم تالعينين فالأسود زينات بيه عيونها البنية لي فالشمس كتولي عسلية وطلعات الشفار بماسكارا..الغضب لي فداخلها عكس شنو كتبين قررات تهضر بالهداوة حتى تفك..طراسات فمها وعكرات عاد لبسات أكسسوارتها ودارت ريحتها..هزات التيلي والصاك ونزلات كتنعل الشيطان..داخلها باغي يسلخو وخارجها باغياه يبعد عليها..
مع حلات باب العمارة ضربات فيها الشمس وهي تكمش عينيها..قشعاتو واقف حدا الطونوبيل واقف كيكمي ومعاه عمر لي كتشوفو مع الحاجة صفية حيت كيجي يطل عليها..
مع شافها فيكسا عينيه عليها وطلعها وهبطها بانت فعينيه زوينة بالحمر بلا الكحل لي كحلات لكن باقي متاحتش ليه الفرصة يحقق فيها..تلفت عمر حيت شاف نظرو تشتت..تبسم بالشوية وضور راسو قايل:وأنا نفهم
عبدو:دوخ من هنا تهز فيها عييينييك نح*&%و&*يييك
ضحك تحرك حاني راسو فحين هي توترات حيت طالما شافها معاه غيوصلها للحاجة وخافت من المشاكل.. وقفات عليه متوترة وشفايفها كيترعدو حيت كابحة العصب داخلها:محرامش عليك بقا غي ولد الحاجة متشوهتش معاه..
حقق فيها كثر وفيكساهم فدوك العينين لي نهار لول سلبوه بجماليتهم ..كيفاش مرسومين إبداع ديال الله وحدو..والشفيرات كيتهزو بلا اللون البني لي غيطيح ليه كواريه للأرض..قرب منها لاغي المسافة بيناتهم وقال:الحاجة لي فيك سبسيال هي عينيك..(زفر)بزاااااف..
بمجرد ما رمى عليها كلمات الغزل لي مافيهم حتى شي حاجة جديدة على لي كسيمعها كانت رمقاتو بنظرة بريئة بعينها المجبدين باللون الأسود ونطقات:نمشيو؟؟
نحى ليها وقال:دوزي
مشا لبلاصتو ماحلش ليها الباب حيت أصلا ماكيتسوقش لتفاصيل الجانتلمان لي كتجيه حامضة تقدر تقوليه علاش يقوليها مهرسة من يديك..طلعات بشويا عليها وقالت:واش نتا كل مرة جاي بحديدة فشكل..؟؟
عبدو:غي لوكاسيون
هدى: و أنا قلت ليك ديالك واخا تكون مليونير..
سكت مجاوبهاش وتحرك من تما مخرج يديه من الشرجم جاي ضارب الحطة كيبان مهيب عليها بدوك ليدين..شافتو صقل وهي تهز تيلي ديالها كتقلب فيه حتى سمعاتو نطق:قيدي نمرتي
شافت فيه مكمشة عينيها:ضروري؟؟
عبدو:(طانز)فتنا حنا سطاج النمرة لا..
عطاها ليها وكتبات عليها:الميكروب
صونات ليه سجلها وطلق موسيقى ديال طالت الغيبة متشفت عيينك وبقاو ساكتين هي باغية غي ايمتا تعطيه اش جامعة ليه وكتسنا تشوف فين غيديهم حتى هو استغرب لسكاتها حتى وقف قدام ريسطو زوين وراقي..سطاسيونا وقال:مشينا؟؟
هدى:واخا
هبطات ولقاتو حداها نازل أغراضو فيدو..شاف فيها عاود بعينيه مكمشيين مباين والو فيهم لكن فداخلو راه عجباتو بالحمر..نطق ملطف الجو:وليتي كتسمعي الهضرة
هدى:متعاونيش هاكاك. .أنا هاكاك كنحس بالحكرة وبلي أنا معنديش فلوس
عبدو:ويمكن يكونو معندكش
هدى:معنديش وحامدة الله منشدش ريال من عند واحد مابيني وبينو والو..وحتى الى بيني وبينك شي حاجة راه منشدش .. معرفتش أنا اش صور ليك دماغك عليا ولا اشمن فكرة واخد عليا ولكن أنا ماشي هاكاك..نجلس بلا تيليفون ومنشدوش
هدى:غنوصل ليه الى كثرات عليا الهضرة وبداو الناس كينعتو فيا
عبدو:ختاصري الطريق وبقاي تجاوبي فتيليفونك وهني راسك
هدى:علاش متختاصرهاش نتا وتخليني عليك راه والله مانصلاح ليك
عبدو:باغيا تخلصيني ضريبة واحد اخر
هدى:(بهدوء)أنا مباغيا والو..جنس الرجال ضربت عليه ماشي حيت الاكس ديالي خايب..حتى هو بنادم وحرامت العشرة والله يعاون..ماكرهتو ماحقدت عليه ولكن بغيت الراحة..كنشري راحتي وراحتي نبقا بوحدي
عبدو:اوا غي تعذبي شويا راه ماغنفوتكش
خسرات فيه وجهها وتنهدات فاقدة فيه الأمل وهي تنطق:ناري كون كنا برا كون طليييتك
قطع عليها ومشات كلات وشدات فيلم تا داها النعاس اما هو ليلتو ياله غتبدا بقصارة واعرة ختمها بسهرة مع وحدة ناضية دوز بيها الليلة
*****
من بعد هاد المكالمة كانت علاقتهم كلها مكالمات هي تشغلات بالمحل حيت كتوجد للافتتاح وهو تبرزط مع اشغالو حيت غيمشي فحالو..كيعيط ليها وكتجاوبو يهضرو ويمشي عاود مهنيها مكيطوفش بساحة المحل عندها ولا الدار
اليوم الافتتاح جايا مع الصباح كتقاد اخر اللمسات وتزين..جايبين لي مانكان ملبسينهم سلعة جديدة والمحل نقي مع كونطوار فالبيض فين كاينة لاكيص..وصلات الطناش وتيلي فوذنيها كتهضر مع رشيد:تافقتي مع الدقايقية
رشيد:واش كازا فيها دقايقية بلاصتهم راه مراكش هادو غا مزورين ههههه
لقاتو قطع وهي تخلي تيلي ومشات مكملة التمر كتحلو وتعمرو بالكركاع ولا اللوز وتحطو فطبسيل تزينو حيت فالعادات المغربية التمر والحليب والسكر والحنة فال خير لهذا كتلقاه فأغلب المناسبات المغربية كيفايلو بيه خير
فكات شال شويا سادة عليها المحل عارفة الكاميرا فوق راسها ميمكنش تحيدو غيشوفها رشيد..حتى عاود صونا التيلي كان هو جاوباتو :اش خصك؟؟
عبدو:خرجي عندي أنا برا
هدى:واعبدو راه ممسالياااش يدي فيهم التمر
عبدو:خرجي ولا ندخل
هدى:بشاااار
قطع عليها ومشات مسحات يديها بلانجيت قادات فولارها وخرجات هازا سوارت المحل بعدما سداتو..قشعاتو من بعيد مشات فاتجاهو عاقدة سبعة فربعة..هبط الزاج قايل:خرجيهم فيا
هدى:بشاااار
مشات طلعات حداه ياله غتهضر وهو يقول بنرفزة:مال دلمك على ردان الهضرة
مافيه لي ياكل ولكن حيت مداتها ليه ليديها قرب منها وحط يدو على معصمها مقربها لفمو حتى كلا الفريتة تحت انظارها هي لي كتشوفو كيمارس عليها السحر ديالو..قراها دغيا وعرفها غي تهتم بيها غتاكلها..بعدما كلاها باس صباعها بشوي وقال:بالصحة
خلاها مبلوكية للحظات كتشوف فيه وفيديها لي محيداتش من وضعيتها حيت ضهشرها جراتها بشويا لعندها وصرطات اش كتاكل قايلة:راك بااسل هااا(توترات)
عبدو:كولي كولي عندي مايداار باقي
هدى:صافي شبعت
عبدو:كملي ماكلتك باقي تابعك العشية كاملة
هدى:(كتنقب من الفريت)تمارة والله..
بقات كتاكل بشويا وهو مدوز اتصال لصاحبو كتسمعو كيهضر بالاسبانية مفهمات والو حتى كمل وقالت:ناري معرفتش اش كتقول
عبدو:غي الخدمة وصافي(كيحك يديه)الصهد بزااف
هدى:نتا مع البرص غتعذب
عبدو:(هز حاجبو مأكد )سي..كيشوف الشمس بزاف كيبقا ياكلني
هدى:(حاضية يديه)امتا بداك؟؟
عبدو:شي ربع سنين هاكاك
هدى:معقدكش؟؟
عبدو:علاش يعقدني؟؟مالو عيب داكشي ديال الله
هدى:نتا مع سمر جاك زوييين
عبدو:يا سبحان الله أول وحدة كيعجبها ههههه(ضحك ضحكة خفيفة)غي هو راه كلشي فيه البرص ماشي غي اليديين(غمزها)
فالعشية مع جوايه الستة كانت هي فالمحل واقفة لابسة جلابة فالأخضر والتحتاني ديالها دونتيل ودايرا صباط مثلث الواجهة فالأسود بطالون رقيق..الجلابة مخزانية هماوية فيها فتيحات فاليدين مبين غي دونتيل لي لابسة ..ورامية فولار على راسها بطريقة عصرية..أكيد مع الإكسسوارات لي كتزين اصابعها المصبوغين بعناية..
كان المحل عامر نوعا ما فيه رشيد ومراتو وولادو وخوتو وخواتاتو وكذلك بعض الزبونات الوفيات ديالهم..ماجدة وهدى لي هازا تيلي وكتقلب واش كل حاجة هي هاديك
قطعات معاه وصيفطاتها ليه ومشات كتهضر مع كوثر مرات رشيد ويضحكو حيت عارفاها من زمان بلي معاه فالخدمة
أما عبدو وصلاتو نمرتها وهو يدوز ليها الإتصال قايل:فين كاينة؟؟
غزلان:شكون معايا؟؟
عبدو:قالت ليا هدى نجيبك فين كاينة
غزلان:اه أخويا أنا ف *******
قطع عليها خلاها مستغربة منو شكون هو..فحين هو رجع حدا صحابو هز سوارتو وقال:هاني جاي
شد الطريق لعندها بسيارتة ديال الكرا من نوع رانج روفر ..وصل للبلاصة وبدا كيقلب بعينيه حتى وقف عليها وهي تضهشر ..حرك ليها الحديد محاسيسها..حلات الباب وكضور عينيها يشوفوها الناس باش تبوزا عليهم..طلعات وقالت:شكرا سمح ليا
تبسم بشويا ولاح تيلي فحين هي مكرهاتتش تهز تيلي ودير سطوري للطونوبيل ولا لراسها باش تلقا باش تبوزا..بقاو ساكتييين مهضروش حتى نطقات هي:نتا هو لي مع هدى؟؟
عبدو:وي
غزلان:هدى ضريفة مسكيينة والله تهلا فيها
عبدو:مممم
غزلان:وحنينة أنا كنعرفها شحال هذا الله يعمر ليها الدار وبنت الناس
عبدو:عارف
مشبعها حتى هضرة تا وقف بها قدام المحل وهي تقول:شكرا اخويا بزاااف وسمح ليا
عبدو:كلمي ليا هدى معاك
غزلان:واخا
هبطات من السيارة ودخلات للمحل لقات رشيد واقف ليها عند الباب قايل:تجهدتي عليا هههه الرونج كاع
غزلان:ماشي ليا ههههه هدى تكلميي
مشات عندها قالت:جابك؟؟جيتي زوييينة الخانزة(باستها)داكشي باش كيضسروو رااك زييينة
غزلان:يخليك ليلي..سيري راه باغييك
هدى:اش باغيني(كضور فعينيها)
رشيد:ايهاي هاي على هويدااا ولى عندها الصاحب...سيري سيري قهوة وراا الخدمة ونتذااكرو ضساريتي..
هدى:ويلي على الصاحب سكت غيحساب الناس بصح
غزلان:ومالها ماشي بصح ههههه سولتو واش نتا لي مع هدى قاليا اه
مشات كضرب بالطالون حتى طلعات للسيارة لي حاضيها هو منها كتمشى ليه على قرون عقلو بداك الطالون..الجلابة هابطة مع طايتها الرشيقة بيناتها بحال شي مودل..طلعات حداه وقالت:عتقتينيييي ملي جبتيهاا
عبدو:(كيشوف فيها بتمعن)واتاتك الجلالة الزين؟!
هدى:(عينيها حشمو وشافت بيهم فاص)شكرااا..حمم تدخل معانا؟؟
عبدو:لا اش عندي ماندير تما..الوقت لي غتسالي فيه صوني ليا ضروري نشوفك مبقاش ليا باطزاف ونمشي
هدى:علاش كتبغي تشوفني بزاف؟؟
عبدو:ثيقي بيا الى قلت ليك معرفتش...عقلي ومقالياا(حقق فوجهها)علاش مكحلتيش العوينات؟؟
خجلها بهضرتو وكيفاش كينقز ليها من موضوع لموضوع وكل مرة موترها بشوفاتو...تفضل تسمعو كيهضر،ومكيشوفش فيها هاكاك...كتحسو كيعريها بعينيه..ماعممرها حصلاتو حاضيها فشي بلاصة من غير وجهها ويديها لكن كيوترها بشوفاتو واضحييين أنه معجب بيها خاصة أنه اول مرة يعرف وحدة بالحجاب ووحدة بشكل شخصيتها ..موالف البنات يطيرو تا يعيااو كيطيحو ليه من أول مكالمة..
هدى:حممم غي مابغيتش(كتشوف فصدرو)
مد يدو بجرأة قاس شفارها وهي تبعد وجهها شويا وقال:عرفتي كون كحلتيهم وجيتي بهاد الجلابة هاكا راه برب لاخليتك معاهم
هدى:(ضحكات)كتغير ولا؟؟هههههههه غا تهنى غا بوحدك لي عاجباك..
عبدو:لا ماشي غيرة باقي موصلتش أنا وياك سطاج الغيرة ولكن فاش تكوني زوينة غنحس براسي أنا لي عندي الحق نشوفك
مجاوبهاش شافها حتى هبطات وتحرك غادي فحالو حتى لقا راسو داير دومي تور راجع للجهة تشانطي الفاص ليهم..وقفو كاملين باب المحل والدقايقية المزورين كيضربوو ويغنيو وشطحو معاه الناس ..رشيد راه جار مراتو كيشطحو وخوتو هبال كثر منو..لي داز كيوقف ينشط معاهم وهي واقفة كتصور وتحرك غي بشويا وتشطح بشويا عليها وفمها مترع بالضحكة غافلة على لي واقف بعيد حاضيها مكمش عينيه كتحرك بالهداوة..شويا شافها عطات تيلي لوحدة خرا ودخلات كتشطح غي بشويا عليها وتضرب بيديها حتى عيات ورجعات لور...حرك الفولون وزاد مخليها ناشطة
وبالفعل نشطو وغناو و ضحكو ولي داز كيشطح معاهم ..كلاو الناس الحليب والتمر والبيفي محطوط بالمملحات والحلويات لي بغا يذوق يذوق..كيدوزو الناس ويدخلو يكتاشفو المحل الجديد وكلشي كيرحب بيهم..كتعطيهم هدى صوابهم وتعطيهم كارت فيزيت باج انسطغرام وتواعدهم بالبرومو..دوزو عشية كلها نشاط وضحك وتصاور ماتهدو حتال العشا عاد خوات الدنيا وبقاو ناس قلال لي كيدخلو..
ريحات فوق كانابي محيدة السباط قايلة:ميمتي رجلي طابووو
تحرك هو وياها مجاوباتوش حيت عرفات المرة جايا مغتكونش هي كاع فديك الدار..مع قربو للرملة حيدات طالونها وحيد هو السبرديلة والتقاشر..
هدى:ارا نشدهم عليك نتا هاز داكشي
عبدو:لا
تحركات تابعاه تا قربو للبحر فين كان الليل طايح..حط الطبلة والكراسا لي كيتجمعو حلهم..وتنشر وهي تجلس حتى هي حاطا صباطها حداها قايلة:الله على جو شحال زوين
شد تيلي ديالها كيدوز تصاور وكلهم غي ختها وبنتها ولا بنتها بوحدها حتى وصلو لتصاور لي دارت فالمحل بالجلابة وقال:هادي قبيل؟؟
هدى:اه..واخا تيلي مصرعش ليا الجلابة
عبدو:نورمال الاوبو..نوضي نصورك بالايفون
هدى:بلاش معليييش
بقاو مجمعييين بيناتهم شحال بهدوء حتى بغات تمشي..وناض جمع الوقفة وجمع لي حطوه...هزات سباطها وتبعاتو حتى وصلو للكورنيش حدا الطونوبيل وقالت:عندك الما بغيت نشلل رجلي
عبدو:واخا
حط كلشي فالكوفر وهز قرعة تالما جا حداها كب ليها الما عليها وكتشلل فيهم ببعضهم وهي حاضيهم كي مصبوغين بلون بارد عاد طلعات كتهز بابي من طابل بوغ وتمسح رجليها مخلياه حتى هو كيغسلهم غي طلع بدا كيميح ويحك فيهم
هدى:كياكلوووك؟؟
عبدو:ممممم
هزات بابي وقالت:ارا ارا نمسحهم ليك مزيان
عبدو:صافا با نتي ولا هههه ريحي لارض
لبس عليه ودور الفولون خلياه براحتو وهي تقول:صاكي نسيتو فالمحل
عبدو:نديك تعشاي وجيبه
هدى:شبعانة نهزو ونمشي للدار
عبدو:واخا
دوزها للمحل وقالت:صافي غي سير بلا منصدعك
شاف فيها مبسم:غي صدعيني الزين
هدى:ههههه اوا تسنا
مشات للمحل لقاتو باقي حال نطق متسائل:اش رجعك؟؟
هدى:نسيت صاكي..(هزاتو)ارا لي التمر بعدا لهنا نذوقو السيد
خرجات هازا طبسيل بلاستيك فيه تمر معمر وخرجات فاتجاهو ..مع طلعات مع شافتو كيبقشش فتيلي ومرداتش لبال واش ديالها ولا ديالو حدها قالت ها حقك من التمر ههه
شافتو سكت ويديه كيزيرو على تيلي ديالها ياله بغات تهضر وهي تحس بتيلي تلاح حتى جا فحجرها وشاف فيها بعينين حمرين ويديه معرقين بالعصب قايل:هبطي تقاودي فحالك عليا منشوفش دلمك مزال كضوري بساحتي
حلات فوهة فمها بشويا مصدومة من هضرتو..والطبسيل فيديها كيترعد مفهمات والو..بغات تنطق وهو يقول معصب:هبطي عليييا فحالك
هدى:(رفعات صوتها)ياك لباس؟؟؟مالك فالسبان؟؟اش واقع
عبدو:انا راه ولد القحبة أما كلكم بحال بحال..كتديرو فيها شريفة عفيفة و
رفعات صوتها حابسااااه كتغاوت معاه:حدك تما الحيواان اش كيحساب ليك راااسك؟؟شكون نتا لي تهضر معايا هاكاك...كتسب فيا وتعاير ياك لباس؟؟اش بيني وبينك..تواضعت معاك وعطيتك وقت حتى وليتي كتعاير فيااا وتقول هبطي قاااودي(شدات تيليفونها ولاحت الطبسيل من يديها)الله ينعل الساعة لي عطيتك فيها وقت..بنادم ممربيش مولف ببنات الزنقة
بغات تهبط شدها من ذراعها جارها بزربة حتى ضراتها يديها ومع مكانش داير السمطة لي تحبسو قرب يطير عليها..سنانو كتشوفهم كيتحكو بالعصب ويديه كيترعدو عليها..زير عليها وضرب فيها تخنزيرة تقتلها فالبلاصة اما هي قابلاتو بملامح خاسرة كتوجع من الشدة لي شدها:ملي نتي بنت الناس اش كدير نمرة حولي عندك؟؟؟علاش معيط ليك قواااد ديال الخلا يكسول عليك(ملامحها ترسمات عليهم الغرابة مع ألم يديها)
هدى:(كتنطر منو)طلللللق منييييييي طلق الله يعطيييك شي موصيبة نتهناااا منككك...واااطلق ضريتيني امييي غتقطع يدي(طلقها مغدد وبقا مقرب ليها )الله يعطيك العذاب الحيواااان...اش وصلك لتيليفوني أصلا؟؟اش تكون نتا لي تحاسب معااااياااا راجلي ولا بااا؟؟مابيني وبينك والو والمخير فخيلك ركبووو
هدى:(عاد فهماتو علاش كيهضر)والله وماتفرق ساحتي حتى ندعييك..اسيدي ماشي شغلك ماااااشييي شغلك(كتورك عليها معصبة )والله منبرر ليك ياك اسيدي كنبان ليك بنت الزنقة اوا خليني نكون وبعععععد منييييييي...عطيتك وقت حتى وليتي باغي تسلخني؟؟كتعاير وتخسر الهضرة قدامي ممحتارمنيييش وجاي كتقلب ليا تيليفوني(حلات الباب)الله ينعل النهار لي عرفتك فيه الميكرووووب والى سميتك راجل متبقاش تطوف ساااحتييي
عبدو:سيري غي تقاااودي الى قلبت عليك راني حاوينيييي
ردخات عليه الباب كترعد وجبدات الطوالة كترعد وتعاود وفكها متشنج ..خلات فحلقها شلا سبان ومعيووور باغيا تقولو ليه..معرفات باش تبلات كي طلعات طلاها وعطاها السبان...حلات تيليفونها والطالون برزطها..كدير الكود وتشوف اخر اتصال كان من نمرة فالامارات عرفاتها ديال صاحب علي...كتبات عليها نقطة ودخلاتها للواتساب نيشان دوزات ليه ابيل ووقفات كترعد وتضرب برجليها..غي تشد الخط وهي تطلق عليه:علاش معيط لياا؟؟؟اش بيني وبييينك؟؟
...:هدى ايش فيك؟؟
هدى:الى باقي عيطيتي ليا غنطلع نشتف على رية مك تفوووووو
قطعات وبلوكاتو ومشات عند اكرام دارت ليها اوديو طلاتها فيه حيت عطاتو نمرتها..كاع السبان لي بغات تعطيه خرجاتو فيهم..خلاها كترعد حيت سبها كون زادت معاه شويا كون جبدات ليه وجهو..شبرات الطاكسي كتغزل..طلعات لور وشافت يديها كيترعدو ومسحات على وجهها بعصبية...وكتشوف تيلي كيصوني بنمرة ختها مجاوباتش نهائيا ..خلصات ملي وصلات وطلعات نيشان للدار كتلوح فحوايجها وتغرق ليه..مشات بلوكاتو فالبلاصة من كلشي ولاحت تيلي كتڤيبري برجليها...بقات غي بالسليب والسوتيانات ومشات كتشرب الما وترعد باغيا مزال تطلييييه وتسلخو على الهضرة لي عطاها. حسات براسها رخيصة عندو خاصة انه كانو سمن على عسل
حطات الكاس بعصبية ومشات لبسات بيجامة خفيفة وتخشات بلاصتها..دارت القراءن وطفات الكونكسيون ماباغيا تبرزيط..تكمشات فراسها فوضعية جنين كتسمع لايات الله الكريمة وكتحاول ترخى وتهدن حتى حسات بعينيها غتديها وهي تنوض طافجة حيدات ماكياجها غسلات وجهها مغوبشة ودارت سيرومها ومشات رجعات لبلاصتها والقرءان مطلوق حتى تزير عليها قلبها وزادت كتبكي..ماشي عليه انما على نفسها..عمرات خديتها ونعسات وراها والحزن معمر قلبها
الصباح فاقت مع الثمنية على صوت الغيفي..ناضت دوشات وعطرات راسها وكل مكطيح فبالها لقطة ديال البارح كتبغي ترجع تعيط ليه تسبو ..كتحك سنانها وتغمض عينيها بحالا كتطرد صورة الموقف لي تحطات فيه وهي في غنى عنو...
لاحتو بملل ومشات تكمل لبسها ..هزات مسائلها وخرجات فاتجاه المحل والهدوء فوجهها كيعكس الغضب والثوران لي فداخلها..لكن من تقطيبة حجبانها تقدر تبان ليك مشوشة...
كي حطها طاكسي شدات بتي بان وقهيوة من حدا المحل تفطر بيهم وحلات كتقاد وتحط وتستف كل حاجة عاد مشات فطرات وبالها كيخمم غي فيه وفشنو سمعها..ندمات للمرة الالف انها عطاتو وجه وفرصة انه يهضر معاها...
كملات فطورها وهي تدوز الاتصال لختها بردات فيها لي بقا ولامتها حيت عطاتو نمرتها
اكرام:واش اختي انا عرفتو غيعيط ليك ديك ساعة؟؟
هدى:الالة ميعيطش ليا...انا مابغيتو لا هو لا غيرو..لاخر شافو طلاني وسمعني الهضرة
هدى:مشية بلا رجعة ياربي..نمشي نصور شي لبيسات نحطهم فالانسطا
خلاتها على خاطرها حيت كتبان معصبة نيييت..شغلات وقتها فتصوار اللبسات وتحطهم فالباج فالانسطا ديال المحل وكتشارك معاهم تخفيضات لي دايرين حيت حالين جديد...ملاهية راسها وشاغلة تفكيرها حتى دوزات يومها عادي وحتى هو معيط مادوا مدار حتى ردة فعل
دوزات خمس أيام أخرى بدات كتبرد فيها..بردو ليا وذنيها من تعياطو وفنفس الوقت تناساتو حيت نشاغلات بالمحل لي كيجيو ليه زبونات ولا كيدخلو غي مدوزاهم الطريق ..وحاولات تتناساه من بالها
اليوم دايرت تسد بكري باش تمشي هي وغزلان يقلبو يكريو..والمحل لولاني خلاو فيه رشيد مع البنت الجديدة...تلاقاو فبلاصة تسالمو وتمو غادين كيدورو يقلبو على تكاشط الكرا لعرس ماجدة لي بقات ليه يوماين
غزلان:نتا غي فهمني...هي معارفا والو خونا لي عيط ليها راه صاحب راجل ختها باغيها للزواج وهي مباغياهش ناضت ختها عطاتو نمرتها الجديدة وكيعيط ليها وكتقطع عليه واش هي تكافات حتى معاك بقا غي تزيد وراك
عبدو:تبقاو تقحبنو عليا بجوجات؟؟
غزلان:اش من فايدة ليها هي فهادشي؟؟هي أصلا باغيا تهنى منك
عبدو : وهاهيا تهنات
غزلان:مهم انا كنت بغيت غي نشرح ليك. هدى ماشي من داك النوع لي تعرف هذا وهذااك..كنعرفها مزيان معمرها دوات مع شي واحد ولا شفتها مع شي راجل من نهار طلقات ..غي ظلمتيها
عبدو:وعلاش جايا نتي كتعاودي ليا هادشي؟؟
غزلان:حيت شفتك كتعاملها زوين وهي بنت الناس مديالش هاد الظلم لي ظلمتيها
شدات هدى وجهها عدلاتو بطريقة بسيطة مكحلة العوينات وراسمة ماكياج لونو قهوي بارد جدا..دارت شدة شال معكوسة مرجعاها لور بحيت عنقها ووذنيها كيبانو..لبسات تكشيطة هماوية بالثليجة مخلطة بين الغوز والازرق مع صندالة طالون كراتها كذلك..دارت فعنقها ووذنيها اكسسوارات مغربية عبارة عن عقيق باللؤلؤ الابيض حتى هو كرا وحلقات طوال فيهم لون من الوان التكشيطة المغربية..وخلات وراها الشال مسدول على ظهرها
صوراتها وصوناو ليه وجلسو يتبووزاو ويتصورو حتى جا هو وكوثر قرابة العشرة تليل وهبطو كيقرقبو بالطالون طلعو معاه نيشان للقاعة فين كان العرس...هو ديجا العرس كان بادي والعروسة كتحني..مكانتش هدى ملفتة للانظار لانها ماشي مولات احسن لبسة وماشي احسن وجه ولا احسن ماكياج لكن كانت كتبان انها لابسة الهمة المغربية كيفها كيف غيرها...غزلان كذلك جات غزالة حيت عامرة شويا على هدى جاها البلدي عبار
شدو بلايصهم بعدما سلمو على ماجدة ورحبات بيهم مها وجلساتهم فطبلة صحابات العروسة...
كان عرس جميل بامتياز تصورو وضحكو وشطحو وحيحو فرحانين بماجدة ..وضربو تصيورات محيدين الهم عليهم...لاحت غزلان سطوري ليها هي وهدى شاداه سيلفي ولوخرا كتحرك بشويا عليها كشتطح باينة عليها حشمانة حيت مكتعرفش الناس فالعرس غي كتحرك..مجاتش فين توصل الخمسة تصباح كان عبدو لي مقصر فبار شاف سطوري حيت مدخل نمرتها عندو..فلول محققش مي دغيا عاود رجع كيتأكد واش هي...ناض ممرصيش الوقفة خارج للحمام ويديه يكدوزو السطوري ويعاودوه حتى تأكد راه هي عاد رجع لبلاصتو مخلص اش عليه وخارج فاتجاه دارو ينعس تا يسحا من السكرة ويفيق ليها
اما هوما الستة تصباح لقات التعب نال منهم والماكياج قرب يتجلخ ليهم..
غزلان:(حاطة رسها على كتف هدى) عييييت اصاحبتي رجلي كيزدحو
هدى:انا نيت..غنمشيو نيشان ننعسو
غزلان:غنبات فدارنا الزين ...مي غتخرج بكري وخاص لي يبقا مع جدة
هدى:واخا
تحركو مع كوثر و رشيد وصل غزلان عاد هدى لي غادية وكتكمع علاين طيح..غي وقف قدام العمارة كان الصقيل غي صوت المشاش لي مسموع
هدى:شكرا
كوثر:نطلعو معاك؟؟
هدى:لالا نطلع راسي
هزات جلايلها وهبطات داخلة للعمارة كتفوه بشوي عليها حتى دخلات للدار..لاحت صباط فالطريق و مشات كتحيد عليها الحوايج معلقاهم وعينيها كيتسدو..ديماكيات وجهها وغسلاتو عاد تخشات فبلاصتها هي كتغفى والفجر كيوذن
*******
الشمس شرقات والعروسة راحت وبعريسها تهنات..وهدى باقي منشورة ناعسة ..الطناش طنطنات وهي مزال جابدة عليه ماعندهاش العظم الصحيح علاش توقف..قالوها زمان العروسة للعريس والجري للمتاعيس..ضربات فيها الشمش وناضت طافجة شعرها شاد الريزو..سدات الريدو ورجعات تكات تنعس حتى صونا تيليفونها بنمرة اكرام هضرات معاها شويا وناضت طاير ليها النعاس..لاحت الغطا ومشات هزات فوطة كتفوه ديركت الدوش..دخلات مدوشاتش لبارح وقالت تصحصح بيه دابا..طرفات و طلقات شعرها ومشات للكوزينة كتشوف فالتصاور لي تصورات وحمقووها...وصلات لمرحلة كيعجبها راسها وراضية تماما على شكلها وذاتها..ردات الما يطيب دير اتاي ودوزات الاپيل لغزلان مفيقاها
هدى:فيقي اختييي
غزلان:اختي منعست حتال الثمنية
هدى:علاش؟؟
غزلان:كنقاد ففيديوهاتي هههه غنصيفط ليك تصاورك
هدى:صيفطي صيفطي
غزلان:جينا قتالين ههههه
هدى:اييييه ههههه لعقبة ليك
غزلان:حتي نتي
هدى:غا بالصحة ههههه
غزلان:ههههه نتي كارهة دلمهم جا داك الميكروب كمل ليك لي خص
هدى:سكتي متذكريييهش لحمي كيبورش ههههه مشا الله يعاونو
غزلان:محاولش يهضر معاك؟؟
هدى:لا و أصلا بلوكيتوو
غزلان: ظريف اصاحبتي واخا هاكاك
هدى:يغلط فيا منعقلش عليه...مالي شايطة...جي جي فطري معايا
كتسمع صونيت فالباب مرة وجوج ومشات كتزرب باش تحل لابسة كسوة حد الركبة شفافة مبينة دوبياس فالكحل شعرها نازل على كتافها باقي مصاوب بوكلي..و وجها نقي مافيهش ميكاب بتاتا من غير عينيها لي باقي فيهم أثر الكحل..حلات لباب ورجعات للكوزينة كتهضر بالزربة:زيدي زيدي غايفيض ليا اتاي ..ميميتي اش بيني وبين شي اتاي
ساطت وهي كتطفي على البوطة قايلة:ياربي يصدق
مسمعاتش حتى شي رد من صحبتها لي متوقعاها هي وهي تقطب حجبانها وخرجات من الكوزينة باش تخرج عينيها منو هو لي واقف مبرد بشورط وتيشورت نص كم باقي عينيه مضببين معاقلش شنو شاف وباغي يتأكد..كانت اول مرة يشوفها مجردة من فولارها..محس براسو حتى عينيه طلعوها ونزلوها باعجاب لكن بتاتا واش بان على وجهو كيف لا هو انسان مكتعرفوش واش مصدوم ولا فرحان ولا مقلق عاطيك وجه معمرك تعرف تقراه ..لكن فداخلو كانت كاع أحاسيس رجولتو كتحرك..كتعجبو اه وكتطربو لكن متخيلش يتصدم ملي يشوفها بلا فولار تكون هاكا..سرطات ريقها بالعة الصدمة وبسرعة خرجاتو من سهوتو فيها ملي صاحت بصوتها لي كيزعجو فاش كتغوت:أويلي أش كدير هنااا؟؟؟خرررررررج(سترات راسها بيديها)
بغا يهضر وهو يشوفها غتهرب للبيت تجيب ماتلبس لكنو شدها بزربة لصقها مع أقرب حيط ليه قايل:هادشي كولو فيك وانا قاطعاني
أقوى مما أدرك الجزء السابع
محتوى القصة
وقفات سيارتو امام العمارة فين ساكنة بعد مسافة الطريق دوزها ساكتين ..كيتسمع غي صوت أنفاسو هو لي كيسوط أما هي ما هضراتش باقي مور ديك الكلمة ديال "ونتا شغلك." ديك ساعة ضور الفولون يديها لدارها حيت حس بيها عيات..هو عارف راسو عصبي وكيكهره بنادم يشوف جيهتو كيتنوا غي بوحدو وهي هلكها بالغوات و الصداع وشنو لي مخلي يدير هاكا معرفش..حدو وقف وقال:مغتهزيش التيليفون دابا
هدى:(حلات لباب)بصحتك بيه
عبدو:(جات هابطة وشدها من مرفقها تلفتات ليه)ديري نمرة وصيفطي ليا
هدى:ماحافضاش نمرتك!!
بقا كيشوف فيها شحال ..فوجهها لي كيبان فيه التعب..فخطيطات صغار حدا عينيها فشفارها لي الى مقربتيش ليها مغتقشعش كثافتهم..وترها وهي تحيد يديها من يديه باش شدها ونطق:اري الفيسبوك!!
هدى:ماعنديش(بغات تهبط وشدها)واطلق راه عيييت
عبدو:اري انسطغرام وبلا متقولي معنديش ونتي كتحطي فكونط المحل..
هدى:(هزات فيه حاجبها)حتى هو قلبتي عليه؟؟
عبدو:(جبد تيلي)اري الإنسطا
ساطت بتعب وسلمات أمرها لله بغا يكتب نطراتو ليه من يديه كتبات شنو دايرا طلع وهي دير لراسها ابوني..ومداتو ليه :شد وخليني فحالي دابا
عبدو:(شاف الكونط)رتاحي ليك
هدى:الى خلتيني نمشي
هبطات مخلياه كي نزلات تحرك وهي تقول متذمرة:حتى الصواب مافيهش..يتسنا غي حتى نوصل
دخلات مهدودة..الظهر والعيا والنهار مشارجي وغوتات بزااف..تلاقات ناس كثار هابطين من دروج أغلبهم عيالات عارفاهم كاينين عند الحاجة صفية حيت سمعات خرجات..بالزربة لدارها دخلات تخلصات من حوايجها وشافت الكركور تالحوايج لي خصو الصابون وزفرات:خزييت على نهار
دخلات دوشات ولبسات عليها عاد خرجات كتنشف شعرها...فيها الجوع ومافيهاش لي يطيب حتى باش تكوموندي ماكاينش تيليفون..نزلات من جديد للسناك حداها خدات العشا وطلعات تعشات وغفات فالبلاصة وعقلها فيه غي عبدو وتصرفاتوو
أما هو راه حرك الفولون لوجهة غير معروفة..معارفش فين يمشي..دماغو كيفكر وكيحلل فكونها مطلقة..ويديه كيدفعو ليه النيكوتين لريتو بسيجارة وافكارو كيتخربقو فدماغو..اش فيها ماشي فغيرها ..هو مامولفش يتبع شي وحدة ويفرض عليها راسو..ومامولفش يعمر مع الوحدة بزاف هادي ولى عاس عليها
وقف أمام قهوة تشيشة معروفة ونزل داخل كيضرب بكتافو كيقلب على صحابو فين بانو ليه شادين كوان كل واحد كيجر من تيو..ماكانتش قهوة مسخة كانت قهوة راقية كلشي كييشي بالهداوة والناس مجمعة ..محسو بيه حتى تنشر بلاصتو ولقى السلام لي متسمعش بزاف
عمر: على السلامة العود..مبقيناش كنشوفوك
عبدو:ياله ولى الواليد شويا وأنا كنت عياان(شير لسرباي طلب شنو بغا)فين لاخر
سفيان:مشا لطواليط عاصر على شي وحدة تما هههه يشد النمرة
عمر:تفوو كثرو هههه من الصباح وهي كتبربص وتلعب فشعرها شافت فيا وفيه ولي جا بسم الله
سفيان:كاينين بنات الناس
عمر:ايييه بنات الناس..كاينة شي بنت الناس كتجلس فقهوة تشيشة
عبدو:ونتا لي كتقلب عليها فقهوة تالشيشة؟؟
عمر:(ضحك وجر نيييت جرة طويلة)لا نقلب عليها فالموبل عند خالتي صفية(شافو هز حاجبو)هههههههههههه
عبدو:وليتي كتضرب المعاني كي الوليات ولا(هز كيشرب ريدبول)فوت عليك ساحتي وخلينا زوينين
سفيان:(غمزو)اش تم(شاف صاحبهم لاخر جاي)
فؤاد:شديتها هههه زويونة البنية وفتية فيها مايدار
عمر:أ طحن
بقاو مقصرين بينهم مرة مجمعين مرة منغمين..وعقل عبدو كيضرب بالأفكار ويعاود معرفش كيفاش يتعامل معاها..عقل كيقول ليه كيفها كيف غيرها وعقل كيقوليه هاديك ماشي ديال ديك المعاملة ماحس براسو حتى كمل مشربو هز سوارتو والتيلي وزاد مخليهم بلا ميهضر مخلي سفيان كيتساءل:كيفاش بلان الزماكري ديالنا؟؟
عمر:طايح مع واحد خيتي ساكنة فالموبل عند خالتي صفية.. كارية ليها الحاجة..
فؤاد:طايح معاها كاع؟؟
عمر:شيحاجة بحال هاكا..شفتو معاها شحال من مرة
سفيان:ادوز وقيتها وتمشي بحال غيرها مكتعرفوش هو..غي يخوي المغرب يرجع للدجاج لكروازي لهيه
طلع لسيارتو لمح الآيفون محطوط فبلاصتها وتفكر فاش رفضاتو معرف يصنفها بنت الناس ولا منافقة حيت ياما دوز لي كتقوليه منشدش منك حشومة كدوز يوماين دير ليه بلان بلي خصها الفلوس تحت مايسمى بالفتيخ..فالاصل مكاينش راجل كيتفتخ كاين واحد كيبغي يتغابى..هي مشكاتش عليه ولا طلباتو..وحدة خرا مغترفضش الايفون وهي بهاد النفس العالية لي فيها كتخليه يفكر فيها ديما..كيفاش لا وهو نهار شافها أول مرة كانت مخرجة عينيها فالكوميسير وطلاتو محشماتش منو ..رغم أن وجهها كيعكس شنو كيوحي بيه فمها .. كتبكي وتعطيه علاش كيقلب بمعنى آخر "حارة"
******
فاليوم الموالي مافاقت حتال العشرة..تعجزات وناضت بدلات عليها ودارت روتينها الصباحي..قشعات حبيبة صغيرة فوجهها وبقات شحال كتقلب فيها متذمرة:فففف هاد لاطراس مناويش يحيد خلاص تفووو
صايبات فطور وجلسات كتفطر بوحدها وتضور عينيها كي القردة جاها القنط بلا تيلي..ناضت بالزربة مخلية كلشي فوق الطبلة لبسات عليها وخرجات لأقرب محل خدات تيليفون oppo نيت على قدها ودازت لاجونص شرات نمرة مبغاتش ترجع نمرتها لقاتها حجة وزيارة نيت مافيها لي يمسح نوامر الناس ..
مارجعات للدار حتى داز الظهر حيت بقات شحال كتقلب فالتيلي عند مول التيليفونات..كي دخلات ركبات نمرة وشعلاتو كتقلب فيه..حطاتو ومشات جرات الماكينة من الدوش عادية ماشي اوطوماتيك دارت الحوايج يتصبنو ومشات كتجمع الدار دايرا موسيقى فيوتوب هو الوحيد لي خدماتو مخلية ليزابليكاسيون يتانسطالاو تا سالات بخاطرها عاد هزاتو..رجعات السناب صيفطات لختها فيه ودخلات النوامر تخوتها وباها هوما لي حافضة وبقات مجمعة معاها كتعاود ليها اش وقع عاد ناضت شللات الحوايج كاملييين ودارتهم فالشبكة حطاتهم بعيد سيقات وظهرها غيتقسم..مشات نيشان للسطاح نشرات ورجعات..مع هبطات كتبان ليها سكيطتو حتى دارها كيصوني عليها وهي تخرج عينيها وعوض ماتهضر بالغوات تخلعات وخفضات صوتها :اويلي اش كدير هنا؟؟
تلفت ليها طلعها ونزلها عرفها من الشبكة بلي كانت فالسطاح وقال:لباس؟؟
هدى:اويلي واش باغي تقتلني(قربات ليه)اش جاي دير هنا بقا غي هنا مجيتيش تشوهني فيه..
عبدو:لبسي عليك أنا نتسناك برا نمشيو نتغداو
هدى:اويلي غي سير اميميتي اش غيقولو عليا..عفاااك غي سير
عبدو:(بتحذير)غتهبطي؟؟
هدى:(خافت يخرج شي حد يشوفها مغيقولهاش فيها زوينة)واخا غي هبط غنجي..
عبدو:(مثاقش بيها)غتجي غتجي؟؟
هدى:(كتحرك فيه بيدها)وااسيررر اويليييي الشوهة
تحرك من تما ملي شاف اصرارها وهبط كيتسناها أما هي دخلات غيسكت ليها القلب الى ولف يجي لدارها راه صافي كملات..حطات يديها على راسها كتمشي وكتجي باغيا تاكل راسها..لاحت الشبكة بزعفة ومشات كتقلب تلبس عليها ..لاحت لي لقات ضورات فولارها وهبطات صفرة معولة تعرعر عليه وتنقي ليه وذنيه..ساعا صونا تيليفونها كانت ختها شدات الخط معصبة شرحات ليها اشدار وهي تنطق اكرام:ويلي ماهيا قاعيدة يجي ليك للدار اش غيقولو الناس
هدى:قطعي قطعي أنا هابطة ليه نوريه نيت هدى الميكروبة
إكرام:شوفي داك النوع والله الى غي سلكي معاه حتى تسلتي منو بلا مشاكل..العصب والهضرة والغوات معندو باش ينفع معاه..شوفي هو راسو قاسح بحالك نتي نيت راه مكتجيش بالغوات كتجي غي بالهداوة راك شفتي اش دوزنا معاك
هدى:واش ندير؟؟؟راه غنطرطق؟؟
إكرام:هضري معاه بالهداوة وخدمي عقلك حتى يفوتك
هدى:قطعي قطعي نتعطل عليه يمشي يدير لي الشوهة
قطعات وبقات كتفكر اش دير..شافت راسها فالمراية معجبهاش راسها بتاتا...هزات تيلي دخلات الإنسطا لي دخلاتو وهي تأكسيبطيه وصيفطات ليه ميساج..
فيه:شوية وننزل متطلعش عفاك
بقات واقفة عاضة فشفايفها كتسنا ردو طلع ليها vu وبان ليها كيكتب ..وصلاتها اوك..
مشات جبدات كسيوة خرا فالأبيض والأحمر لبساتها ..بصندالة فالبيض بلا والرجيلات مامصبوغينش نقييين..وقفات قدام مرايتها دارت ليكخون وهزات قلم تالعينين فالأسود زينات بيه عيونها البنية لي فالشمس كتولي عسلية وطلعات الشفار بماسكارا..الغضب لي فداخلها عكس شنو كتبين قررات تهضر بالهداوة حتى تفك..طراسات فمها وعكرات عاد لبسات أكسسوارتها ودارت ريحتها..هزات التيلي والصاك ونزلات كتنعل الشيطان..داخلها باغي يسلخو وخارجها باغياه يبعد عليها..
مع حلات باب العمارة ضربات فيها الشمس وهي تكمش عينيها..قشعاتو واقف حدا الطونوبيل واقف كيكمي ومعاه عمر لي كتشوفو مع الحاجة صفية حيت كيجي يطل عليها..
مع شافها فيكسا عينيه عليها وطلعها وهبطها بانت فعينيه زوينة بالحمر بلا الكحل لي كحلات لكن باقي متاحتش ليه الفرصة يحقق فيها..تلفت عمر حيت شاف نظرو تشتت..تبسم بالشوية وضور راسو قايل:وأنا نفهم
عبدو:دوخ من هنا تهز فيها عييينييك نح*&%و&*يييك
ضحك تحرك حاني راسو فحين هي توترات حيت طالما شافها معاه غيوصلها للحاجة وخافت من المشاكل.. وقفات عليه متوترة وشفايفها كيترعدو حيت كابحة العصب داخلها:محرامش عليك بقا غي ولد الحاجة متشوهتش معاه..
حقق فيها كثر وفيكساهم فدوك العينين لي نهار لول سلبوه بجماليتهم ..كيفاش مرسومين إبداع ديال الله وحدو..والشفيرات كيتهزو بلا اللون البني لي غيطيح ليه كواريه للأرض..قرب منها لاغي المسافة بيناتهم وقال:الحاجة لي فيك سبسيال هي عينيك..(زفر)بزاااااف..
بمجرد ما رمى عليها كلمات الغزل لي مافيهم حتى شي حاجة جديدة على لي كسيمعها كانت رمقاتو بنظرة بريئة بعينها المجبدين باللون الأسود ونطقات:نمشيو؟؟
نحى ليها وقال:دوزي
مشا لبلاصتو ماحلش ليها الباب حيت أصلا ماكيتسوقش لتفاصيل الجانتلمان لي كتجيه حامضة تقدر تقوليه علاش يقوليها مهرسة من يديك..طلعات بشويا عليها وقالت:واش نتا كل مرة جاي بحديدة فشكل..؟؟
عبدو:غي لوكاسيون
هدى: و أنا قلت ليك ديالك واخا تكون مليونير..
سكت مجاوبهاش وتحرك من تما مخرج يديه من الشرجم جاي ضارب الحطة كيبان مهيب عليها بدوك ليدين..شافتو صقل وهي تهز تيلي ديالها كتقلب فيه حتى سمعاتو نطق:قيدي نمرتي
شافت فيه مكمشة عينيها:ضروري؟؟
عبدو:(طانز)فتنا حنا سطاج النمرة لا..
عطاها ليها وكتبات عليها:الميكروب
صونات ليه سجلها وطلق موسيقى ديال طالت الغيبة متشفت عيينك وبقاو ساكتين هي باغية غي ايمتا تعطيه اش جامعة ليه وكتسنا تشوف فين غيديهم حتى هو استغرب لسكاتها حتى وقف قدام ريسطو زوين وراقي..سطاسيونا وقال:مشينا؟؟
هدى:واخا
هبطات ولقاتو حداها نازل أغراضو فيدو..شاف فيها عاود بعينيه مكمشيين مباين والو فيهم لكن فداخلو راه عجباتو بالحمر..نطق ملطف الجو:وليتي كتسمعي الهضرة
هدى:يمكن حيت خفت من الشوهة
عبدو:(باستغراب)اشمن شوهة؟؟
هدى:(فيكسات عينيها فعينيه)جاتك عادي تجي عندي لداري وأنا عايشة بوحدي؟؟
سكت شويا كيضورها فدماغو وقال:لا
هدى:صباح الخير
دازت سابقاه وتبعها حتى هو متبع ليها العين مباين فيها والو من غير رجليها ولي كيجذبو ليا كثر أنها ساترة روحها ماتحتاجوش يهضر كاع
خداو طبلة كان المطعم شبه خاوي..جلسو وهو ينطق:باش بغيتي تغداي؟؟
هدى:(فمها كياكلها)نهضرو عاد نشوفو الغدا
عبدو:غتسدي ليا الشهية بداك الزابور ديالك
هدى:(خسرات فيه سيفتها)كووول كووول باش نسمعهم ليك
عبدو:(هز الموني)باقي مفاطرش(حيد الكاسطيك حك راسو ورجع ردها)
هدى:اوا خود شي حاجة فطر(كتشوف فلموني)صافي بغيت******
شير لسرباي طلب شنو بغاو وناض وقف قايل:أنا جاي متشمي فين
هدى:أنا باقي قادرة نهرب؟؟خفتك غي شي نهار نلقاك ناعس حدايا فينما ضرت نلقاك
عبدو:حتى هاديك فالطريق ان شاء الله
هدى:ملي تبغي تنعس قرا المعوذتين راه كثارو فيك الأحلام
قلبات وجهها كتشوف فالمحل زوين عجبها فحين هو مشا للطواليط غسل يديه ووجهو ورجع كيشوفها من بعيد هازا تيلي كتكتب ميساج وكضور عينيها فالبلاصة باينة عجباتها وفرحو هادشي حيت مباغيش يتشاد معاها
رجع جلس وقال:امتا خديتي تيلي؟؟
هدى:اليوم فالصباح..تسخست نيييت
عبدو:كون شديتي الايفون كون هنيتي راسك
هدى:ملي جبدتي هضرة الايفون خليني نشرح ليك اش كاين..شوف الى كنتي مولف تعطي كادوات بصحتك.. سخي الله يزيدك ياربي ولكن أنا مكنشدش من عند من والا
عبدو:(حاط صبعو على فمو وعينيه حاضيين غي تحركات عينيها)أنا وليت من والا
هدى:واش تكون؟؟اش كنجيك؟؟ماشي ختك وماشي مراتك وماشي خطيبتك وتجيب ليا آيفون..باشمن مناسبة؟؟
عبدو: جيست بسيط عاونتك بيه
هدى:متعاونيش هاكاك. .أنا هاكاك كنحس بالحكرة وبلي أنا معنديش فلوس
عبدو:ويمكن يكونو معندكش
هدى:معنديش وحامدة الله منشدش ريال من عند واحد مابيني وبينو والو..وحتى الى بيني وبينك شي حاجة راه منشدش .. معرفتش أنا اش صور ليك دماغك عليا ولا اشمن فكرة واخد عليا ولكن أنا ماشي هاكاك..نجلس بلا تيليفون ومنشدوش
عبدو:(كيحلل هضرتها)هادي زكارة ولا عزة نفس؟؟
هدى:هادي سميتها هدى ..ونزيدك جوج جاتك عادي اعبدو تجي ليا لداري وأنا عايشة بوحدي ومطلقة من لفوق اش غيقولو الناس؟؟كدخل الرجال
عبدو:نتي غي خرجتي كاسيطة ديال مطلقة وتيقتيها
هدى:(خرجات فيه عينيها وضحكات مصدومة)حسابك كنضحك..
هدى:(خرجات فيه عينيها وضحكات مصدومة)حسابك كنضحك.. والله حتى مطلقة خمس سنين هادي
عبدو:(بتركيز)كتهضري بصح؟؟
هدى:مكنضحكش...وبلا منكون مطلقة واش عادي تجي عندي للدار؟؟اش بيني و بينك أنا خويا وقليل فاش كيجي. . شغاتقول الحاجة صفية؟؟كدخل للرجال
عبدو:(مالقا مايقول)مجاوبتينيش فالانسطا وبغيت نشوفك كي ندير
قلبات عينيها فاقدة الأمل فالحوار معاه:تمشي تبعد مني حسن..ماشي تجي ليا للدار راه حشووومة..قبيلا شافنا ولدها ولا ماعرفت شنو كيجيها غيقولها ليها
عبدو: ماعندو مايقول ..عمر كنعرفووو
هدى:والله مايسكت..بحرا مالقيت الكرا وتهنيت من الرحيل نعاود نهز قشي تاني
عبدو:اش وصلنا لهادشي حنا؟؟
هدى:غنوصل ليه الى كثرات عليا الهضرة وبداو الناس كينعتو فيا
عبدو:ختاصري الطريق وبقاي تجاوبي فتيليفونك وهني راسك
هدى:علاش متختاصرهاش نتا وتخليني عليك راه والله مانصلاح ليك
عبدو:باغيا تخلصيني ضريبة واحد اخر
هدى:(بهدوء)أنا مباغيا والو..جنس الرجال ضربت عليه ماشي حيت الاكس ديالي خايب..حتى هو بنادم وحرامت العشرة والله يعاون..ماكرهتو ماحقدت عليه ولكن بغيت الراحة..كنشري راحتي وراحتي نبقا بوحدي
عبدو:اوا غي تعذبي شويا راه ماغنفوتكش
خسرات فيه وجهها وتنهدات فاقدة فيه الأمل وهي تنطق:ناري كون كنا برا كون طليييتك
عبدو:فازي دابا نيييت..مريضة نتي لا؟؟خليك دروييشة وخلينا ترونكيل نتغداو وخلي الما يدوز بيناتنا
هدى:(ساطت)غاتسكت ليا نتا القلب والله..الواحد ميتناقش معاك
عبدو:جيني بالخاطر..خلينا نتعارفو أنا مابقاش ليا بزاف ونمشي تقريبا شي أيام ونمشي متفاهمناش فهاد الأيام الله يعاونك ويعاوني
هدى:علاش نضيع وقتي معاك؟؟
عبدو:عارف مغنتفارقوش ههه(تبسم ليها)
هدى:ياربي تصبرني هاد الأيام باش تمشي فحالك
تحطات الماكلة وبداو كياكلو فصمت حتى نطق: شحال ونتي مطلقة؟
هدى:(بقات ساكتة شويا) خمس سنين
عبدو:(صفر بالشويا)مدة هييي..ماتعرفتي على حد فهاد المدة؟؟
هدى:لا...
عبدو:أنا أول واحد؟؟
هدى: ياله واشوفي نتي مع هذا ههه(جاب ليها الضحكة)واش صافي حسبتينا كنتعارفو
عبدو:اه ..ونلقاك مع شي قرد نحيد ليه سروالو نقجك بيه
هدى:باااسل...مخصني بقرود ياربي نتكافا غي معاك أ غوريلا..
عبدو:أنا غوريلا؟؟(كياكل وكيدوز بيها )
هدى:شوف يديك كداش؟؟ماقوست عليك ولكن راك كبير اش كتاكل؟
عبدو:باغا تغلاضي؟؟
هدى:(بعفوية)لا..غي سولتك حيت بنتي ليا مفورمي
عبدو:غي لونتريما والماكلة ..جيت للمغرب خرجات ليا الكرش
هدى:نتا كتشرب ومعندكش الكرش كي درتي ليها؟؟
عبدو:كنشرب غي فاش كنجي لهنا باش عرفتيني كنشرب؟؟
هدى:فين عرفتي بثينة؟؟فالبار وغتكون مشيتي كتقاد القراشل ولا..
عبدو:بثينة وقفت عليها فقهوة وكنتي نتي معاها
هدى:(باتسغراب)بصح؟؟امتا اش كنت لابسة؟؟اشمن قهوة
عبدو:(دار بتسامة خفيفة)معقلتش اش لابسة حيت بانت ليا هي
هدى:ممكن ..الله يرحمها
عبدو:الى دارت علاش ترحم
هدى:ربي لي عارف..اوا السكايري كتشرب وكتكمي و الحشيش وباغيني نتعرف عليك؟؟باغي تعلمني نبرم الجوانات
عبدو:هههه(مسح فمو)قويسحة ولكن ضحوكية
هدى:أنا الى غنتعرف عليك الشراب لا
عبدو:زيدي
هدى:الحشيش لا
عبدو:زيدي
هدى:وصافي
عبدو:كولي كولي غتبرد ماكلتك..
هدى:(رجعات كتاكل)امتا غترجع؟؟
عبدو:(ضحك)هههه باغيا تهناي مني دغيا
هدى:(ضحكات)ايييه..
وقفات عليهم شابة ونطقات:عبد الدائم
الصوت جذبهم بجوج هزو راسهم ..بانت ليه عليا وهو يقول:اش كديري هنا؟؟
عليا:(سلمات عليه بالوجه)جييت مع صحاباتي (نعتات ليه فين جلسو)
عبدو:مزيانة؟؟
عليا:(شافت هدى وضحكات)هههه الحمد لله..شكون هاد الزين؟
عبدو:سيري فحالك
عليا:ععههه سلام أنا عليا بنت خالو هههههه(كتفكر)تشاوفنا فشي بلاصة
عبدو:علياااا(بدتا يتعصب)
عليا:هههههه عقلت عليك نتي لي خدامة فالمحل وجا مخرجني قاليا ياله تقداي حوايج نتي علامن كان كيقلب
عبدو: عليااااااا غبري
عليا:هههههه بسلامة سلم على عمتي
مشات مخلية هدى راسمة ضحكة واسعة على فمها بداو كيتسمعو قهقهاتها فوذنيه فور ماضور وجهو لجيهتها...سهى فضحكتهل ويديها لي كضربهم مع بعض
عبدو:مالك كضحكي؟؟(عاقد خجبانو)
هدى:هههههه حطاتك بوجهك ههههههههههه واعرة حبيتها
عبدو:دقيقة وحبيتيها فيها وانا من نهارك محاملانيش(كيشرب الما)
هدى:هي ضحوكية نتا غي مغويش وكتامر فيا خصني معاك عمر باش نحبك هههههه
عبدو:الله يعطينا زهر الناس معاك
هدى:واش كيحسابك انا خايبة؟؟ضرييييفة مع النلس غي جيتيني فوقت ماشي هو هذااك
عبدو:وريني شويا من ضرافتك الالة (تبسم ليها)
هدى:اوا برد معايا الطؤح ونقص من الغوات وشدان الضد
عبدو:هاهو مبرد....كملتي ماكلتك؟؟
هدى"شبعت حمد لله
عبدة:تزيدي شي حاجة ولا نمشيو؟
هدى:نمشيييو حسن باقي خصني نقضي شي حوايج
عبدو:(شير لشرباي ضوموندا الحساب)اشنو عندك؟
هدى:شي حوايح وصافي ..قرب الافتتاح تالمحل خصني نكون واقفة عليه
عبدو:غتولي تما؟؟
هدى:اه..ناري النهار كامل بوحدي تما غي سكت
عبدو:(كيطنز)نجي نونسك؟؟
هدى:ويااااك تشوووفك تما..الخدمة خدمة ..
عبدو:جاوبي فتيليفونك ومغتشوفينش تما(حط ليه الحساب حط فلوس)مشينا
هدى:(هزات صاكها)تسالني عراضة ديما كتخلص علي
عبدو:(مد ليها يدو تشد فيها)مرة خرا
بقات واقفة كتشوف فيديه الممدودة بغات تزيد وتخليه كاينة عليا خافت تشوفهم ويتحرج قدامها بغات تشد فيها ميمكنش مغتقدرش وهوما عاد باديين
قربات ليه بشويا حتى لغات جميع المسافات بيناتهم..شدات دراعو هبطاتها بلا متعيق وقالت وعينيها فعينيه:باقي الحال على هادي
عبدو:(مونس بدوك العوينات)ردي البال كتقمعي فيا
هدى:كون بغيت نقعمك كون زدت وخليتك منشوور...خلي الوقت يجيب كلشي
عبدو:واخا..بخاطرك..
هدى:(كدير السمطة)ديني للمحل القديم
عبدو:اش عندك فيه؟
هدى:بغيت ناخد نماري البنات وخصوني شي حسابات مع البنات وصافي
عبدو:واخا
هدى:وليتي ضريف من قبيلا ونتا واخا واخا
عبدو:كيفما درت وحلة معاك(صونا تيليفونو هزو طلعات ليه سمية وهيبة طفا ليكرون ودارو حداه)
هدى:(مادات مجابت)عرفتي شحال ديال الخدمة غتطيح عليا وختي ممكن تجي هاد ليامات راه الحماق صافي
عبدو:غي الصبر
هدى:نتا لهيه اش كدير؟؟
عبدو:(مركز فالطريق)عندي سوبر مارشي ديال الواليد مقابلو وعندي ريسطو ديالي وشي حوايج خرا
هدى:سعدااااتك ههه واش كتجي دير هنا؟؟فاكونص
عبدو:هاديك..كنت جاي غي فاكونص هاني مشدود معاك
هدى:ماطلبك حد ههه
عبدو:(شاف فيها مبسم عاجباه براحتها معاه)علاش كدفعي عليا كبير؟؟
هدى:بيني وبينك راه ماشي غي معاك اي راجل هاكا كندير ليه ..نتا مولفهم كيتلاوحو عليك
عبدو:معرفت..نتي واعرة مكتشديش دغيا
هدى:وحتى الى تشديت دغيا نفلت..غي رد البال
عبدو:واخا..هاحنا نشوفو(وقف طونوبيل)هبطي
هدى:دغيا وصلنا..(هزات صاكها)بسلامة وشكراا على العراضة
عبدو:خصك شي حاجة؟؟
هدى:(تبسمات بشويا)لا شكرا بسلامة
هبطات مخلياه متبع ليها العين حتى دخلات هاد المرة وزاد كيتنهد وكيبركم:جبتيني كاااو الكازاوية
أما هي دخلات سلمات على البنات وبداو فهضرتهم العادية الحال والأحوال
ماجدة:شفت ديك الحديدة لي حطاتك..ياكما ولى عندك الصاحب
غزلان:عبدو هذاك؟؟
هدى:اه عبدو(مدات تيلي بغات تبدل الموضوع)قيدو ليا نماريكم..الإفتتاح ديال المحل لاخر غيكون هاد السيمانة
غزلان:غنحضرو ياك؟؟
هدى:معلوم غنسدو هذاا ونمشي لهيه حتى ندوزو السويعة والغد ليه حلو عادي..ماجدة، عفاك علمي غاع الكليانات دياولنا لي عندك فالواتساب باش يجيو بغينا يكون بنادم
ماجدة:واخا اختي..بوحدك غتكوني تما؟؟
هدى:هاد الساعة اه غي سكتو غنقنط والنهار كامل قاسحة..غنتوحشكم السلكوطات
ماجدة:وحتى أنا غنتوحشكم
هدى:نتي فين غادية؟؟
ماجدة:واش نتي معانا ولالا ههههه اويلي راني كنوجد لعرسي بقات ليه سيمانة
هدى:وتي كي درتي لهاد العرس لي باقي خدامة وكتوجدي..متفهمتش والعقد؟؟
ماجدة:العقد غا نديروه نهار العرس وخدامة حيت طلبني رشيد مكاينش لي يجلس مع غزلان راه غتبدا بنت جديدة غدا مع غزلان
هدى:هادشي ماقالوش ليا رشيد
غزلان:فاش تشفر ليك تيليفون وقع ..مهم عندنا عرس
هدى:عنداك متعرضيناش ههههه بغيت نحيحو
ماجدة:ويلي على مالي حمقة نساكم..العقبة ليكم
غزلان:اميييين ياربي
كملات معاهم ساعة وزادت لدارها وعقلها كيفكر ويخمم فهادشي لي كدير مع عبدو مفهماتش راسها كيفاش كتقبل تشوفو وتخضع لهضرتو وبدات كتحلل..لحد ساعة معاملهاش خايب ..حللات شخصيتو وبان ليها انه عصبي وميتناقش معاه الواحد..
طلعات لدارها بعدما حطها الطاكسي لقات الناس داخلين خارجين عند صفية كيديرو الواجب معاها وهي تفكر بلي خصها تدخل عندها حشوومة..
دقات حتى هي وتسنات حتى تحل الباب كانت أم عمر لي عاقلة عليها
...:بنتي لباس؟؟
هدى:لباس اخالتي كي بقات خالتي صفية؟
..:زيدي دخلي مرحبا بيك
هدى:لا اخالتي يدخل الخير غي قلت نسول فيها كي بقات
...:شويا الحمد لله الله يجازيك بالخير حيت عتقتيها
هدى:مادرت والو اخالتي لهلا يضرها..سلمي عليها
...:دخلي شربي غي كويس تأتاي
هدى:غي سمحي ليا اخالتي يدخل الخير مزرووبة الله يشافيها
دازت فحالها مدخلات مجلسات باش متحلش على راسها باب الجورة وهي في غنى عنها باغيا غي تريح دماغها كثرة بنادم مكتعجبهاش.
بدلات عليها وتكات كتهضر مع إكرام وكتعاود ليها بالتفصيل ولوخرا كتسمع ليها و كتعطيها رأيها
إكرام:جربي مخسرتي والو..وهاهو أيام وغيمشي فحالو
هدى:غنشد ليه الخاطر حتى يمشي ماغيرجع حتال الصيف يلقاني بدلت السكنة
إكرام:وهني دماغك صافي..مرتاحة معاه؟؟
هدى:(ضحكات) ههههههه واش عرفتي تشوفيني أنا وياه كنضلو نتعاطاو كي الضريرات هو عصبي وأنا كيجنني
إكرام:ضريف؟؟
هدى:(كتضور فعينها بحالا كتفكر)مصواب هههه وباينا فيه سخي..ويلي سيد جايب ليا ايفون وميكونش سخي
اكرام:كون شديتيه؟؟
هدى:مالي مريضة ولا هو خاطبني خلي اختي مابغيت منو والو
إكرام:نمشي نخرج نجيب بنتييي
هدى:بوسي ليا الخوينزة مزيااااان توحشتها امتا غاتجيو؟؟
إكرام:قريب ان شاء الله غي يسالي شي شغال علي ونجيييو..ااه حقااا خونا راه باقي كيسول عليك
هدى:راه هضرت معاك قلت ليك لا
إكرام:تفووو على معقدة ههههههه بسلامة
لي شاف إكرام وهدى مايقولش هادو هوما لي مدوزين الحرب بيناتهم ولدابا تقدر تجي وينوضوها دغيا بيناتهم مي فاش كيكونو بعاد كطيح عليهم المحنة والمحبة الزايدة
دخلات بفضول للإنسطا عندو لقات عندو لفولورز بزااف وغي الكاوريات شهبات الراس وبنات بلادي محترفات الدوري الخليجي..كدوز فتصاورو تاوحدة مضاحك وكتشوف حتى جاها جوع ناضت قادات عشاها وغداها ديال الغد لي وراه وهو يصوني ليها تيليفونها بإسم الميكروب..ضحكات وشدات الابيل:تعطلتي كاع نتا باش تعيط
عبدو:توحشتيني؟؟
هدى:ويلي بزااف كاع(كطنز)من صباح وقلبي كيضرب كيتنساك غي امتا تعيط
عبدو:عارفك محاملانيش
هدى:ههههه كضلمني..(دارت اوتباغلوغ)
عبدو:راكي فالدار؟؟
هدى:ياكما باغي تجي عندي؟
عبدو:(على نيتو)والله مكرهت
هدى:والله حتى نعيط ليك البوليس..صافي هادشي لي بقا
عبدو:غي كتبغي تعقدي الأمور
هدى:(باستهزاء)ديك عقلية الكور ديها لهيه أنا داري ميدخلش ليها راجل مابيني و بينو والو...أنا راجل ختي ومكيجيش عندي تجي نتا محشمتيش
عبدو: ما تقارنينيش مع شي ولد القح^*بة كيفما بغا يكون
هدى:(غيبدا يعصبها)واش خصني نزاوك فيك ماتخصرش الهضرة راه حشووومة
عبدو:سمعي راسك نتي اش كتقولي
سكتات مجاوباتوش عالله يفهم راسو ويقطع ساعا كتسمعو كيشعل كارو وقالت:نتا هو مصنع الكارو..ريتك عمرات
عبدو:نولي نكميك نتي بلاصتو الزين.؟
هدى:ههههههه الله ينجيني..غا خليك مبلي بالكارو وخليني عليك أنا غا درويشة
عبدو:حيت درويشة هادشي باش عاجباني
هدى:مولف غي بالكلوشارات ولا
عبدو:معنديش نوع محدد فالعيالات
هدى:لي جا بسم الله
عبدو:جيت حتال عندك وقلت الحمد لله شبعت
هدى:هعععععع هادشي كيفرح..فين راك؟؟
عبدو:فالاوطو كنتسنا واحد صاحبي
هدى:مممممم(ذاقت اش كطيب)ناري شحال باسلة
عبدو:اش كديري؟؟قلبي ابيل فيديو؟؟
هدى:لا زعمتي زعمتييي نيييت ههههههه ابيل فيديو دقة وحدة اسميتك
عبدو:غا لي بغا يجرب معاك الخاطر اما نتي كتمشي غي بتخراج العينين
هدى:وجهك قاسح والله ههههه ابيل فيديو قاليك هههههههههه
عبدو:وليتي كتعرفي تضحكي هااا (كيسمع ضحكتها وكيتخيلها)
هدى:كنعرف كنعرف هههه سير خليني نتفرج فمسلسلي وننعس
عبدو:واخا..تصبحي على خير
هدى:بونوي
قطع عليها ومشات كلات وشدات فيلم تا داها النعاس اما هو ليلتو ياله غتبدا بقصارة واعرة ختمها بسهرة مع وحدة ناضية دوز بيها الليلة
*****
من بعد هاد المكالمة كانت علاقتهم كلها مكالمات هي تشغلات بالمحل حيت كتوجد للافتتاح وهو تبرزط مع اشغالو حيت غيمشي فحالو..كيعيط ليها وكتجاوبو يهضرو ويمشي عاود مهنيها مكيطوفش بساحة المحل عندها ولا الدار
اليوم الافتتاح جايا مع الصباح كتقاد اخر اللمسات وتزين..جايبين لي مانكان ملبسينهم سلعة جديدة والمحل نقي مع كونطوار فالبيض فين كاينة لاكيص..وصلات الطناش وتيلي فوذنيها كتهضر مع رشيد:تافقتي مع الدقايقية
رشيد:واش كازا فيها دقايقية بلاصتهم راه مراكش هادو غا مزورين ههههه
هدى:واغي جيبهم هههه خصنا نشطو الدعوة..خصني نعمر التمر
رشيد:الله يسخر العشية نكون عندك
قطعات معاه وطلعات فالبلاصة ابيل عبدو:وي عبدو
عبدو:من قبيل كنصوني ليك كنلقاه مشغول معامن داوية؟
هدى:(دارت اوتباغلوغ)مع رشيد(كتحل فكارطون تتمر)
عبدو:هاد رشيد كدوي معاه كثر مني لا؟؟
هدى:والله مناقصا صدااعك ففففف فيا الجوع
عبدو:هاني نجيب ليك تاكلي وعاودي هاد مناقصا صداعك فاص
هدى:متجيبش ليااا فففف
لقاتو قطع وهي تخلي تيلي ومشات مكملة التمر كتحلو وتعمرو بالكركاع ولا اللوز وتحطو فطبسيل تزينو حيت فالعادات المغربية التمر والحليب والسكر والحنة فال خير لهذا كتلقاه فأغلب المناسبات المغربية كيفايلو بيه خير
فكات شال شويا سادة عليها المحل عارفة الكاميرا فوق راسها ميمكنش تحيدو غيشوفها رشيد..حتى عاود صونا التيلي كان هو جاوباتو :اش خصك؟؟
عبدو:خرجي عندي أنا برا
هدى:واعبدو راه ممسالياااش يدي فيهم التمر
عبدو:خرجي ولا ندخل
هدى:بشاااار
قطع عليها ومشات مسحات يديها بلانجيت قادات فولارها وخرجات هازا سوارت المحل بعدما سداتو..قشعاتو من بعيد مشات فاتجاهو عاقدة سبعة فربعة..هبط الزاج قايل:خرجيهم فيا
هدى:بشاااار
مشات طلعات حداه ياله غتهضر وهو يقول بنرفزة:مال دلمك على ردان الهضرة
هدى:هاحنا بدينا فتخسار الهضرة عاود اش خصك؟؟راه ممسالياش
عبدو:هزي كولي وسيري ت(حبس فمووو)
شافتو فين نعت ليها كان جايب ليها ماكدو وهي تحشم على عرضها..شافت الماكلة وشافت فيه وهي تبسم بتسامة بلهاء:الله يعطيك الخير
هزات الماكلة حطاتها فوق ركابيها وبدات كتاكل هو حسابو غتمشي ساعا شافها جلسات لقاها من الجنة والناس
هدى:شكرااا ههه
عبدو:كون كان محلك مديريش عليه هاكا
هدى:اوا رشيد مسكين خيرو ساابق..نتا فين كنتي؟؟
عبدو:عند صاحبتي لوخرا(كيطنز)
هدى:(كضرب فالماكلة)مزيان وشفتك راجع عندي هههه مقنعاتكش
عبدو:غي عزيتي عليا تبقاي بجوعك
هدى:تبقا دير ليا هاكا نتزعط(ضحكات)ههههه
عبدو:كتزعطك الماكلة؟؟مريضة نتيي
هدى:هادشي لي عطا الله..اجي امتا عندك الطيارة
عبدو:باقي شويا..معاش غتسالي العشية
هدى:ما عرفتش..جي الى بغيتي تحضر
هبدو:شغندير وسط العيالات؟؟(شافها كتاكل ولاصوص حدا فمها )
هدى:غيكونو رجال..رشيد وخوتو ومراتو و ولادو غا جي تفوج شويا
عبدو:غا بالصحة..كاع هذا جوع فيك ومعفرة؟؟ههه
هدى:راه من الفطور ماكليتش بزااف كااع..ويلي كاع معطيتك ذووق(هزات فريتة مداتها ليه)شد ذووق
مافيه لي ياكل ولكن حيت مداتها ليه ليديها قرب منها وحط يدو على معصمها مقربها لفمو حتى كلا الفريتة تحت انظارها هي لي كتشوفو كيمارس عليها السحر ديالو..قراها دغيا وعرفها غي تهتم بيها غتاكلها..بعدما كلاها باس صباعها بشوي وقال:بالصحة
خلاها مبلوكية للحظات كتشوف فيه وفيديها لي محيداتش من وضعيتها حيت ضهشرها جراتها بشويا لعندها وصرطات اش كتاكل قايلة:راك بااسل هااا(توترات)
عبدو:كولي كولي عندي مايداار باقي
هدى:صافي شبعت
عبدو:كملي ماكلتك باقي تابعك العشية كاملة
هدى:(كتنقب من الفريت)تمارة والله..
بقات كتاكل بشويا وهو مدوز اتصال لصاحبو كتسمعو كيهضر بالاسبانية مفهمات والو حتى كمل وقالت:ناري معرفتش اش كتقول
عبدو:غي الخدمة وصافي(كيحك يديه)الصهد بزااف
هدى:نتا مع البرص غتعذب
عبدو:(هز حاجبو مأكد )سي..كيشوف الشمس بزاف كيبقا ياكلني
هدى:(حاضية يديه)امتا بداك؟؟
عبدو:شي ربع سنين هاكاك
هدى:معقدكش؟؟
عبدو:علاش يعقدني؟؟مالو عيب داكشي ديال الله
هدى:نتا مع سمر جاك زوييين
عبدو:يا سبحان الله أول وحدة كيعجبها ههههه(ضحك ضحكة خفيفة)غي هو راه كلشي فيه البرص ماشي غي اليديين(غمزها)
هدى:(فهماتها طايرة)الله ينزل علييك المسخ تفوووو(حطات كلشي وهبطات)الميكروب لاخر عووووو
فالعشية مع جوايه الستة كانت هي فالمحل واقفة لابسة جلابة فالأخضر والتحتاني ديالها دونتيل ودايرا صباط مثلث الواجهة فالأسود بطالون رقيق..الجلابة مخزانية هماوية فيها فتيحات فاليدين مبين غي دونتيل لي لابسة ..ورامية فولار على راسها بطريقة عصرية..أكيد مع الإكسسوارات لي كتزين اصابعها المصبوغين بعناية..
كان المحل عامر نوعا ما فيه رشيد ومراتو وولادو وخوتو وخواتاتو وكذلك بعض الزبونات الوفيات ديالهم..ماجدة وهدى لي هازا تيلي وكتقلب واش كل حاجة هي هاديك
ماجدة:فينها غزلان؟؟
هدى:أنا نصوني ليها
دوزات نمرتها كتمشي وتجي مقرقبة بالطالون:فينك اصاحبتي
غزلان:اويلي راني كنتسنا طاكسي من قبيل وتقول واش شي واحد بغا يوقف فففف ناري والضسارة ياختي
هدى:وا زيدي شويا على رجليك اصاحبتي تلقاي شي واحد مبغيتش نبداو بلا بيك
غزلان:الى تعطلت غي بداااو زهري مكوز تفووو تقطعو الطاكسيات
هدى:صبري نشوف واش كاين لي يجيبك
قطعات معاها وفورا دوزات ليه هو الخط ..بعد رنات جا صوتو:وي
هدى:عبدو عفاك نطلبك طلب.
عبدو: حممم مالكي(ناض من حدا صحابو)
هدى:غزلان صاحبتي خص لي يجيبها ليا للمحل الجديد كتسنا طاكسي ومكاينينش ودقايقية قربو يوصلو عفاااك الى مسالي..
عبدو:فين كاينة؟؟
هدى:(فرحات)الله يرحم ليك الواليديين..غانصيفط ليك نمرتها وعيط ليها تعطيك فين كاينة
عبدو:واخا
هدى:شكرااا بزاااف سمح ليا
عبدو:وليتي ضربفة؟؟
هدى:هههه واصافي انا نصيفطها ليك فالواتساب
قطعات معاه وصيفطاتها ليه ومشات كتهضر مع كوثر مرات رشيد ويضحكو حيت عارفاها من زمان بلي معاه فالخدمة
أما عبدو وصلاتو نمرتها وهو يدوز ليها الإتصال قايل:فين كاينة؟؟
غزلان:شكون معايا؟؟
عبدو:قالت ليا هدى نجيبك فين كاينة
غزلان:اه أخويا أنا ف *******
قطع عليها خلاها مستغربة منو شكون هو..فحين هو رجع حدا صحابو هز سوارتو وقال:هاني جاي
شد الطريق لعندها بسيارتة ديال الكرا من نوع رانج روفر ..وصل للبلاصة وبدا كيقلب بعينيه حتى وقف عليها وهي تضهشر ..حرك ليها الحديد محاسيسها..حلات الباب وكضور عينيها يشوفوها الناس باش تبوزا عليهم..طلعات وقالت:شكرا سمح ليا
عبدو:(شاف فيها)هانيا..
دور الفولون غادي نيشان للمحل غادي وكيكتب فتيليفونو ميساج لهدى فيه:هزيتها
هدى:(صيفطات ليه جوج قليبات)
تبسم بشويا ولاح تيلي فحين هي مكرهاتتش تهز تيلي ودير سطوري للطونوبيل ولا لراسها باش تلقا باش تبوزا..بقاو ساكتييين مهضروش حتى نطقات هي:نتا هو لي مع هدى؟؟
عبدو:وي
غزلان:هدى ضريفة مسكيينة والله تهلا فيها
عبدو:مممم
غزلان:وحنينة أنا كنعرفها شحال هذا الله يعمر ليها الدار وبنت الناس
عبدو:عارف
مشبعها حتى هضرة تا وقف بها قدام المحل وهي تقول:شكرا اخويا بزاااف وسمح ليا
عبدو:كلمي ليا هدى معاك
غزلان:واخا
هبطات من السيارة ودخلات للمحل لقات رشيد واقف ليها عند الباب قايل:تجهدتي عليا هههه الرونج كاع
غزلان:ماشي ليا ههههه هدى تكلميي
مشات عندها قالت:جابك؟؟جيتي زوييينة الخانزة(باستها)داكشي باش كيضسروو رااك زييينة
غزلان:يخليك ليلي..سيري راه باغييك
هدى:اش باغيني(كضور فعينيها)
رشيد:ايهاي هاي على هويدااا ولى عندها الصاحب...سيري سيري قهوة وراا الخدمة ونتذااكرو ضساريتي..
هدى:ويلي على الصاحب سكت غيحساب الناس بصح
غزلان:ومالها ماشي بصح ههههه سولتو واش نتا لي مع هدى قاليا اه
هدى:ميمتيي غتخرجي عليا نتي وياه..انمشي نشوفو اش بغا
مشات كضرب بالطالون حتى طلعات للسيارة لي حاضيها هو منها كتمشى ليه على قرون عقلو بداك الطالون..الجلابة هابطة مع طايتها الرشيقة بيناتها بحال شي مودل..طلعات حداه وقالت:عتقتينيييي ملي جبتيهاا
عبدو:(كيشوف فيها بتمعن)واتاتك الجلالة الزين؟!
هدى:(عينيها حشمو وشافت بيهم فاص)شكرااا..حمم تدخل معانا؟؟
عبدو:لا اش عندي ماندير تما..الوقت لي غتسالي فيه صوني ليا ضروري نشوفك مبقاش ليا باطزاف ونمشي
هدى:علاش كتبغي تشوفني بزاف؟؟
عبدو:ثيقي بيا الى قلت ليك معرفتش...عقلي ومقالياا(حقق فوجهها)علاش مكحلتيش العوينات؟؟
خجلها بهضرتو وكيفاش كينقز ليها من موضوع لموضوع وكل مرة موترها بشوفاتو...تفضل تسمعو كيهضر،ومكيشوفش فيها هاكاك...كتحسو كيعريها بعينيه..ماعممرها حصلاتو حاضيها فشي بلاصة من غير وجهها ويديها لكن كيوترها بشوفاتو واضحييين أنه معجب بيها خاصة أنه اول مرة يعرف وحدة بالحجاب ووحدة بشكل شخصيتها ..موالف البنات يطيرو تا يعيااو كيطيحو ليه من أول مكالمة..
هدى:حممم غي مابغيتش(كتشوف فصدرو)
مد يدو بجرأة قاس شفارها وهي تبعد وجهها شويا وقال:عرفتي كون كحلتيهم وجيتي بهاد الجلابة هاكا راه برب لاخليتك معاهم
هدى:(ضحكات)كتغير ولا؟؟هههههههه غا تهنى غا بوحدك لي عاجباك..
عبدو:لا ماشي غيرة باقي موصلتش أنا وياك سطاج الغيرة ولكن فاش تكوني زوينة غنحس براسي أنا لي عندي الحق نشوفك
هدى:اشمن دستور قريتي هادشي ههههه نعل الشيطان راه كتقول هضرة وكدير هضرة
عبدو:أنا هاكا داير ماغتفهميني حتى تسطاي
هدى:دابا نيت سطيتيني ههههه كدير شي حركات فشكل الله يهديك وصافي..مهم شكرا حيت جبتي غزلان
عبدو:تسالي صوني ليا بلا متخليني نجي ندير شي حاجة حدا دارك
هدى:(هزات حاجبها سايطة)فففففغ بديتي تاني(شافت الدقايقية وصلو)اييييه هاهوما جاو بسلامة خصني نمشي
مجاوبهاش شافها حتى هبطات وتحرك غادي فحالو حتى لقا راسو داير دومي تور راجع للجهة تشانطي الفاص ليهم..وقفو كاملين باب المحل والدقايقية المزورين كيضربوو ويغنيو وشطحو معاه الناس ..رشيد راه جار مراتو كيشطحو وخوتو هبال كثر منو..لي داز كيوقف ينشط معاهم وهي واقفة كتصور وتحرك غي بشويا وتشطح بشويا عليها وفمها مترع بالضحكة غافلة على لي واقف بعيد حاضيها مكمش عينيه كتحرك بالهداوة..شويا شافها عطات تيلي لوحدة خرا ودخلات كتشطح غي بشويا عليها وتضرب بيديها حتى عيات ورجعات لور...حرك الفولون وزاد مخليها ناشطة
وبالفعل نشطو وغناو و ضحكو ولي داز كيشطح معاهم ..كلاو الناس الحليب والتمر والبيفي محطوط بالمملحات والحلويات لي بغا يذوق يذوق..كيدوزو الناس ويدخلو يكتاشفو المحل الجديد وكلشي كيرحب بيهم..كتعطيهم هدى صوابهم وتعطيهم كارت فيزيت باج انسطغرام وتواعدهم بالبرومو..دوزو عشية كلها نشاط وضحك وتصاور ماتهدو حتال العشا عاد خوات الدنيا وبقاو ناس قلال لي كيدخلو..
ريحات فوق كانابي محيدة السباط قايلة:ميمتي رجلي طابووو
كوثر:حيحنا ههههه
غزلان:فين ماجدة؟؟
هدى:جا خطيبها داها ..عيييت والله
رشيد:(داخل)صافي عيييتو
كوثر:نتا بعدا محالش..واشحال شطحتي
خوه:فيه المسلمييين هههههه
بقاو مجمعين شويا حتى صونا تيليفونها بنمرتو ..ستأذنات وناضت بلاصة الكابين ديسياج:الو
عبدو:باقي مساليتوش العرس؟؟
هدى:هههه عاد سالينا نشطنا نيييت
عبدو:انا جاي
هدى:واخة نسد ونخرج
قطع عليها ورجعات عند رشيد:تسد ولا نسد؟؟
رشيد:غي سيري ما تخليش لينا مول الرونج كيتسنااا
هدى:(حشمها حيت كانو خوتو)رشييييد
كوثر:خلي عليك البنت ويلي سيري احبيبتي غنبقاو هنا حتى نسدوو
رشيد:ضروري نعرف اش كاين ههههههه غدا العشرة هاكاك حلي ونتي راك عارفا
هدى:يكون خير ياربي...
جلسات شويا وهو يصوني ليها وخرجات عندو طلعات حداه قايلة:دغيا جيتي؟؟
عبدو:كنت قريب..نشطتيي؟؟
هدى:حيحت هههه خصك تعرف أنا راني عروبية الى لقيت الللعب والنشاط مكنووضش
عبدو:بالصحة فين تبغي تمشي؟؟
هدى:ملي وليتي مصواب ديني غي حدا البحر نشم الهوا بغيت يضرب فيا البرد
عبدو:عندي بلان زوين...(دور الطونوبيل)
هدى:لي هو؟؟
عبدو:انديرو بيك نيك زوين فيه طبلة وكرسي
هدى:واخا ههه
خلاتو على اختيارو تشوف فين مخرجها البلان معاه..مبغاتش تمتانع وهو ياله قضا معاها غرض..حلات الشرجم من حداها دخل بريد زوين نعش ليها صدرها وختارقات مسامعها اغنية ديال الراي طالقها وهي تلفت قايلة:كيعجبك الراي؟؟
عبدو:كنتسنط لكلشي
هدى:حتى شيرين هههه؟؟
مد ليها تيليفونو:ديري شيرين ديالك
ضحكات قايلة:لالا أنا وياك خصنا نطلقو داكشي ديال المضاربة
حط تيلي وقال:غي كيبان ليك...شوفي دابا فاش مكالمية ومكتجعرينش كي وليت معاك
هدى:أنا درويشة نتا لي ميكروب
عبدو:قالتها ليا صاحبتك فالصباح..
هدى:غزلان؟؟هههه مسكينة على نيتها كتشكرني قدامك معارفاش بلي عطيتك قطراني هو لول
عبدو:والله..جالسة كتشكر فيك وانا كنقول مع راسي السيدة كتضل تخرج فيا عينيها
هدى:اوا قاسح حسن من كذااب هههه بلاتي واحد الدقيقة
حلات تيلي صيفطات تصاور لختها كتفرنس وكتبات:جيت قتالة ياك؟؟
حطاتو وكانو وصلو نييت وهو يقول:تهبطي؟؟
هدى:نهبط
هبطو بعدما باركا ووقفات كتشم الهوا تالبحر المنعش ..دار ليها الطريق وقال:غيعذبك الطالون
هدى:غنهبط للرملة نحيدو
مشا لكوفر هز طبيلة صغيرة وكراسا ديال التريب وقال:ياله
هدى:واعرييين هادو ..كدير هادشي ديال التريب؟؟
عبدو:ديما..هادو بقاو هنا فاش خيمنا فاوريكا
هدى:ناري نموت ونجرب نخيم فشي بلاصة فشي خيمة هاكا والعافية مشعولة
عبدو:المرة جايا ملي نرجع نديك..
تحرك هو وياها مجاوباتوش حيت عرفات المرة جايا مغتكونش هي كاع فديك الدار..مع قربو للرملة حيدات طالونها وحيد هو السبرديلة والتقاشر..
هدى:ارا نشدهم عليك نتا هاز داكشي
عبدو:لا
تحركات تابعاه تا قربو للبحر فين كان الليل طايح..حط الطبلة والكراسا لي كيتجمعو حلهم..وتنشر وهي تجلس حتى هي حاطا صباطها حداها قايلة:الله على جو شحال زوين
عبدو:(بلعاني حاط كرسيه حدا كرسيها)كيعجبك البحر؟؟
هدى:كيعجبني هو والغابة ..فاش كطلع ليا القردة للراس كيعحبني نجي ليه
عبدو:(كيشوف فاص ليه)ودابا طالعا ليك؟؟
هدى:هههههه لا ..بحرا كنت ناشطة علاش غطلع ليا
عبدو:مزيان..شطحتي قبيل؟؟
هدى:حيحت هههه كون عطاوني طعريجة وتشوف ايهاي هههههههه معرفتش علاش كنقوليك هادشي
عبدو:يمكن حيت مرتاحة معايا؟؟(كيحك فيديه ورجليه)
هدى:خاصنا سطاج بعيد لهاد الراحة لي كتهضر عليها(شافتو كيحك)ارا نحك ليك هههه..
عبدو:نتي يديك مخليتينيش نشد ليك فيها ونعطيك أنا لحمي
هدى:(ضحكات)هههههههه اليوما يدي غدا تبغي تشد فراسي غدا تبغي تبوسنيي اللهم لا من لول..
عبدو:(شاف فيها)وعلاه مالها؟؟نشوف أنا الزين ومنبوسوش(شاف فيها وغمزها حتى تلفات)
هدى:اوا غي حلم هههه يبوسني قالاك راه قلت ليك ولفتي حوايج خرين مغتلقاهمش معايا..
عبدو:لحد الساعة مطلبت منك والو؟؟
هدى:معندكش أصلا الحق تطلب..حيت ماشي من حقك لا نتا لا غيرك
عبدو:لي عاجبني فيك هو نقية
هدى:(شافت فيه بتعجب)نقية فحالتي؟؟
عبدو:هاديك نمانهضروش عليها..كنهضر على تفكيرك..نقية فعقلك مكترضايش بشي حد يحط عليك يدو..
هدى:ههههه باش عرفتيها؟؟
عبدو:ماشي غي أنا...حتى داك خينا لي معاك مكيحطش عليك يدو
هدى:نسلم عليك اه تحط ليا يديك ونتا مكتعني ليا والو لا
عبدو:كيفاش زعما.؟
هدى:واحد مكيعني ليا والو مكنحسش بحتى حاجة من جيهتو علاش يحط فيا يديه اش يكون
عبدو: وباش كتحسي من جيهتي انا؟؟
هدى:والو..
عبدو:(صدماتو)والو والو
هدى:ماشي يحسابك مكنحملكش. نتا ضريف وكتعاملني مؤخرا زوييين ولكن باش نوصلو لمرحلة نحس بشي ونتا تحس بشي حاجة راه باقي بعيد
عبدو:ممممم واخا
هدى:نتا براسك مكتحسش شي حاجة.. كنعجبك اه مي تبغيني باقي بعااااد
عبدو:ونتي كنعجبك؟؟
شافت فيه شوفة هادئة وقلبات عينيها للبحر ساكتة رافضة تجاوب على هاد السؤال حتى هو محكرش..داز واحد كيبيع قهوة وقال:بغيتي؟؟
هدى:غطير عليا النعاس
خدا ليه وحدة وجبد كارو شعلو كيتكف مع راسو بصمت مهضراتش باقي وحتى هو مهضرش حتى نطق:بقات ليا سيمانة ونمشي
هدى:الله يديك على خير
عبدو:اميييين
هدى:حتى ختي غتجي واقلة هههه(تبسمات )توحشتها
عبدو:كبر منك ولا صغر منك؟؟
هدى:كبر مني...اجي نوريك(جبدات تيلي)هادي ختي...كتشبه ليا؟؟
عبدو:(شد تيلي مركز)لا..هادي بنتها؟؟
هدى:الخوينزة ديالي هادي(قربات ليه كتوريه حتى عطرها ختارق نيفو)شحااال كنموووووت عليها (شدات تيلي باستها)كنتسطا عليييهاا
عبدو:سعداتها هههه(تبسم)
هدى:هادي فلابيسين بجوج شوف ليا الخوينزة كي كتعوم
عبدو:راجلها مروكي؟؟
هدى:لا اماراتي..
عبدو:حولي وصاغي
هدى:لالا ماشي سعودي..عرفاتو فالمغرب اوا وبغاها وبغاتو وملي ماتت مي مسكينة تزوجات ومشات معاه..ضريف بزاااف كيعاملها زوييين
عبدو:مزيان(ببرود)عمرك مشيتي لتما؟؟
هدى:لا ..معمري فكرت ممسالياش هنا وصافي
شد تيلي ديالها كيدوز تصاور وكلهم غي ختها وبنتها ولا بنتها بوحدها حتى وصلو لتصاور لي دارت فالمحل بالجلابة وقال:هادي قبيل؟؟
هدى:اه..واخا تيلي مصرعش ليا الجلابة
عبدو:نورمال الاوبو..نوضي نصورك بالايفون
هدى:بلاش معليييش
بقاو مجمعييين بيناتهم شحال بهدوء حتى بغات تمشي..وناض جمع الوقفة وجمع لي حطوه...هزات سباطها وتبعاتو حتى وصلو للكورنيش حدا الطونوبيل وقالت:عندك الما بغيت نشلل رجلي
عبدو:واخا
حط كلشي فالكوفر وهز قرعة تالما جا حداها كب ليها الما عليها وكتشلل فيهم ببعضهم وهي حاضيهم كي مصبوغين بلون بارد عاد طلعات كتهز بابي من طابل بوغ وتمسح رجليها مخلياه حتى هو كيغسلهم غي طلع بدا كيميح ويحك فيهم
هدى:كياكلوووك؟؟
عبدو:ممممم
هزات بابي وقالت:ارا ارا نمسحهم ليك مزيان
عبدو:صافا با نتي ولا هههه ريحي لارض
لبس عليه ودور الفولون خلياه براحتو وهي تقول:صاكي نسيتو فالمحل
عبدو:نديك تعشاي وجيبه
هدى:شبعانة نهزو ونمشي للدار
عبدو:واخا
دوزها للمحل وقالت:صافي غي سير بلا منصدعك
شاف فيها مبسم:غي صدعيني الزين
هدى:ههههه اوا تسنا
مشات للمحل لقاتو باقي حال نطق متسائل:اش رجعك؟؟
هدى:نسيت صاكي..(هزاتو)ارا لي التمر بعدا لهنا نذوقو السيد
خرجات هازا طبسيل بلاستيك فيه تمر معمر وخرجات فاتجاهو ..مع طلعات مع شافتو كيبقشش فتيلي ومرداتش لبال واش ديالها ولا ديالو حدها قالت ها حقك من التمر ههه
شافتو سكت ويديه كيزيرو على تيلي ديالها ياله بغات تهضر وهي تحس بتيلي تلاح حتى جا فحجرها وشاف فيها بعينين حمرين ويديه معرقين بالعصب قايل:هبطي تقاودي فحالك عليا منشوفش دلمك مزال كضوري بساحتي
حلات فوهة فمها بشويا مصدومة من هضرتو..والطبسيل فيديها كيترعد مفهمات والو..بغات تنطق وهو يقول معصب:هبطي عليييا فحالك
هدى:(رفعات صوتها)ياك لباس؟؟؟مالك فالسبان؟؟اش واقع
عبدو:انا راه ولد القحبة أما كلكم بحال بحال..كتديرو فيها شريفة عفيفة و
رفعات صوتها حابسااااه كتغاوت معاه:حدك تما الحيواان اش كيحساب ليك راااسك؟؟شكون نتا لي تهضر معايا هاكاك...كتسب فيا وتعاير ياك لباس؟؟اش بيني وبينك..تواضعت معاك وعطيتك وقت حتى وليتي كتعاير فيااا وتقول هبطي قاااودي(شدات تيليفونها ولاحت الطبسيل من يديها)الله ينعل الساعة لي عطيتك فيها وقت..بنادم ممربيش مولف ببنات الزنقة
بغات تهبط شدها من ذراعها جارها بزربة حتى ضراتها يديها ومع مكانش داير السمطة لي تحبسو قرب يطير عليها..سنانو كتشوفهم كيتحكو بالعصب ويديه كيترعدو عليها..زير عليها وضرب فيها تخنزيرة تقتلها فالبلاصة اما هي قابلاتو بملامح خاسرة كتوجع من الشدة لي شدها:ملي نتي بنت الناس اش كدير نمرة حولي عندك؟؟؟علاش معيط ليك قواااد ديال الخلا يكسول عليك(ملامحها ترسمات عليهم الغرابة مع ألم يديها)
هدى:(كتنطر منو)طلللللق منييييييي طلق الله يعطيييك شي موصيبة نتهناااا منككك...واااطلق ضريتيني امييي غتقطع يدي(طلقها مغدد وبقا مقرب ليها )الله يعطيك العذاب الحيواااان...اش وصلك لتيليفوني أصلا؟؟اش تكون نتا لي تحاسب معااااياااا راجلي ولا بااا؟؟مابيني وبينك والو والمخير فخيلك ركبووو
عبدو:(بدا كيضرب فالكرسي لي جالسة فيه معصب وكشاشكو خارجبن)لتصعريييش دلمي غنعطيييك شي دقة...مرض انا حداااك دايرااني فالجيب ولاخر كتهضري معاااه..السعودي يتعنب وانا حاطاني سكور
هدى:(عاد فهماتو علاش كيهضر)والله وماتفرق ساحتي حتى ندعييك..اسيدي ماشي شغلك ماااااشييي شغلك(كتورك عليها معصبة )والله منبرر ليك ياك اسيدي كنبان ليك بنت الزنقة اوا خليني نكون وبعععععد منييييييي...عطيتك وقت حتى وليتي باغي تسلخني؟؟كتعاير وتخسر الهضرة قدامي ممحتارمنيييش وجاي كتقلب ليا تيليفوني(حلات الباب)الله ينعل النهار لي عرفتك فيه الميكرووووب والى سميتك راجل متبقاش تطوف ساااحتييي
عبدو:سيري غي تقاااودي الى قلبت عليك راني حاوينيييي
ردخات عليه الباب كترعد وجبدات الطوالة كترعد وتعاود وفكها متشنج ..خلات فحلقها شلا سبان ومعيووور باغيا تقولو ليه..معرفات باش تبلات كي طلعات طلاها وعطاها السبان...حلات تيليفونها والطالون برزطها..كدير الكود وتشوف اخر اتصال كان من نمرة فالامارات عرفاتها ديال صاحب علي...كتبات عليها نقطة ودخلاتها للواتساب نيشان دوزات ليه ابيل ووقفات كترعد وتضرب برجليها..غي تشد الخط وهي تطلق عليه:علاش معيط لياا؟؟؟اش بيني وبييينك؟؟
...:هدى ايش فيك؟؟
هدى:الى باقي عيطيتي ليا غنطلع نشتف على رية مك تفوووووو
قطعات وبلوكاتو ومشات عند اكرام دارت ليها اوديو طلاتها فيه حيت عطاتو نمرتها..كاع السبان لي بغات تعطيه خرجاتو فيهم..خلاها كترعد حيت سبها كون زادت معاه شويا كون جبدات ليه وجهو..شبرات الطاكسي كتغزل..طلعات لور وشافت يديها كيترعدو ومسحات على وجهها بعصبية...وكتشوف تيلي كيصوني بنمرة ختها مجاوباتش نهائيا ..خلصات ملي وصلات وطلعات نيشان للدار كتلوح فحوايجها وتغرق ليه..مشات بلوكاتو فالبلاصة من كلشي ولاحت تيلي كتڤيبري برجليها...بقات غي بالسليب والسوتيانات ومشات كتشرب الما وترعد باغيا مزال تطلييييه وتسلخو على الهضرة لي عطاها. حسات براسها رخيصة عندو خاصة انه كانو سمن على عسل
حطات الكاس بعصبية ومشات لبسات بيجامة خفيفة وتخشات بلاصتها..دارت القراءن وطفات الكونكسيون ماباغيا تبرزيط..تكمشات فراسها فوضعية جنين كتسمع لايات الله الكريمة وكتحاول ترخى وتهدن حتى حسات بعينيها غتديها وهي تنوض طافجة حيدات ماكياجها غسلات وجهها مغوبشة ودارت سيرومها ومشات رجعات لبلاصتها والقرءان مطلوق حتى تزير عليها قلبها وزادت كتبكي..ماشي عليه انما على نفسها..عمرات خديتها ونعسات وراها والحزن معمر قلبها
الصباح فاقت مع الثمنية على صوت الغيفي..ناضت دوشات وعطرات راسها وكل مكطيح فبالها لقطة ديال البارح كتبغي ترجع تعيط ليه تسبو ..كتحك سنانها وتغمض عينيها بحالا كتطرد صورة الموقف لي تحطات فيه وهي في غنى عنو...
مشات تلبس عليها مراشقاش ليها تفطر نهائيا ...بان ليها تيلي ومكالمات ختها بزاف تالمرات. نعلات الشيطان وكتبات ليها:ندخل للمحل ونهضرو
لاحتو بملل ومشات تكمل لبسها ..هزات مسائلها وخرجات فاتجاه المحل والهدوء فوجهها كيعكس الغضب والثوران لي فداخلها..لكن من تقطيبة حجبانها تقدر تبان ليك مشوشة...
كي حطها طاكسي شدات بتي بان وقهيوة من حدا المحل تفطر بيهم وحلات كتقاد وتحط وتستف كل حاجة عاد مشات فطرات وبالها كيخمم غي فيه وفشنو سمعها..ندمات للمرة الالف انها عطاتو وجه وفرصة انه يهضر معاها...
كملات فطورها وهي تدوز الاتصال لختها بردات فيها لي بقا ولامتها حيت عطاتو نمرتها
اكرام:واش اختي انا عرفتو غيعيط ليك ديك ساعة؟؟
هدى:الالة ميعيطش ليا...انا مابغيتو لا هو لا غيرو..لاخر شافو طلاني وسمعني الهضرة
اكرام:يمشي يخرا ياك بغيتي غي تهناي منو..هاهو مشااا
هدى:مشية بلا رجعة ياربي..نمشي نصور شي لبيسات نحطهم فالانسطا
خلاتها على خاطرها حيت كتبان معصبة نيييت..شغلات وقتها فتصوار اللبسات وتحطهم فالباج فالانسطا ديال المحل وكتشارك معاهم تخفيضات لي دايرين حيت حالين جديد...ملاهية راسها وشاغلة تفكيرها حتى دوزات يومها عادي وحتى هو معيط مادوا مدار حتى ردة فعل
دوزات خمس أيام أخرى بدات كتبرد فيها..بردو ليا وذنيها من تعياطو وفنفس الوقت تناساتو حيت نشاغلات بالمحل لي كيجيو ليه زبونات ولا كيدخلو غي مدوزاهم الطريق ..وحاولات تتناساه من بالها
اليوم دايرت تسد بكري باش تمشي هي وغزلان يقلبو يكريو..والمحل لولاني خلاو فيه رشيد مع البنت الجديدة...تلاقاو فبلاصة تسالمو وتمو غادين كيدورو يقلبو على تكاشط الكرا لعرس ماجدة لي بقات ليه يوماين
غزلان:(غاديين كيشوفو)اش خبار عبدو؟؟ماعيط ماصونا؟؟
هدى:ذكرنا السمن والعسل ..متجبديهش ليا عفاااك راه سميتو كتجبد فيا الغدايد غيكون مشا فحالو مشية بلا رجعة... شوفي هاد التكشيطة فنة
غزلان:مصدقش اصحبتي اويلي تهمك نيشان
هدى:لي عصبني هو هز ليا تيليفوني وجاوب عليه كون بابا لي صونا ولا أحمد فين غنولييو؟؟جايب ليا عقلية ديال برا يطبقها علي
غزلان:وزعما مابايناش فيه مشكاك
هدى:هاد الساعة يبعد غي منيي...شوفي انا راه شهوتي فهاد الثليجة
غزلان:زيدي زيدي نجربوووه
دخلو يسولو عليه وهزاتو تقيسوو فحين هي كتقيس غزلان كتبات ميساج لعبدو: سلام عبدو لباس عليك
خبات تيلي ملي شافت غي شرطة وحدة وتسناتها حتى خرجات:فنة جاتك
هدى:حمقاتني..غنكريها
غزلان:غتعري شعرك؟؟
هدى:ويلي لا هههه فنة صوريني نصيفتها لختي
صوارتها وخلاتها كتصيفتها ليها وعطات فيها العربون ومشات كتقلب معاها على شنو تلبس مسالاو حتى قربات العشا عاد كل وحدة تلاحت فحالها
هدى: غدا الطناش هاكاك نمشيو للحمام بزز باش قبل رشيد يعطينا غدا وبعدو
غزلان:غي سكتي عيقنا عليه
هدى:هو راه كيتساعد حيت عارف حنا لي هازين كلشي
غزلان:نتشاوفو غدا
توادعو وكل وحدة قصدات دارها ..طالعا فالدروج كتسمع الهضرة ديال الرجال فالدروج وهو يبدا قلبها كيزدح خافت تلقاه تما..مع قربات كتشوف غي عمر وشي جوج صحابو مامعاهمش هو..رتاح قلبها نسبيا وكملات طريقها فحين هوما سقلو حتى مشات وهو بنطق عمر:عبدو طايح مع هاد ختنا
...:اوااااه الحجاب كاع ههههه زويونة يربيها على يديه
عمر:بدل الستيل ههههه
اما غزلان لقات عبدو فور ماحلات كونكسيون مصيفت ليها:وي
صونات ليه فالبلاصة جوج مرات فواتساب مي مجاوبش ..كتبات ليه:بغيتك فموضوع مهم
دازو دقائق وشافت التيلي كيفيبري وهي تهز جاوبات:الو
عبدو:خاصاك شي حاجة؟؟
غزلان:لباس عليك؟؟
عبدو:لباس اش خصك؟؟
غزلان:خصني ندوي معاك ضروري فشي حاجة
عبدو:على صاحبتك؟؟
غزلان:اه...
عبدو:كنسمعك
غزلان:خصني نشوفك
عبدو: مامساليش والى هي لي مصيفطاك قوليها تفوت ساحتي
غزلان:هدى معارفانيش صيفطت ليك..خليني غي نشرح ليك
عبدو:كنسمعك
غزلان:ففففف بااز لهدى صابرة ليك اصاحبي...سمعني راك فاهم غلط اش وقع..هدى ماليها والو فداكشي
عبدو:(كيتكيف)مقريااك؟؟
غزلان:نتا غي فهمني...هي معارفا والو خونا لي عيط ليها راه صاحب راجل ختها باغيها للزواج وهي مباغياهش ناضت ختها عطاتو نمرتها الجديدة وكيعيط ليها وكتقطع عليه واش هي تكافات حتى معاك بقا غي تزيد وراك
عبدو:تبقاو تقحبنو عليا بجوجات؟؟
غزلان:اش من فايدة ليها هي فهادشي؟؟هي أصلا باغيا تهنى منك
عبدو : وهاهيا تهنات
غزلان:مهم انا كنت بغيت غي نشرح ليك. هدى ماشي من داك النوع لي تعرف هذا وهذااك..كنعرفها مزيان معمرها دوات مع شي واحد ولا شفتها مع شي راجل من نهار طلقات ..غي ظلمتيها
عبدو:وعلاش جايا نتي كتعاودي ليا هادشي؟؟
غزلان:حيت شفتك كتعاملها زوين وهي بنت الناس مديالش هاد الظلم لي ظلمتيها
عبدو: مقنعتينيش
غزلان:(عصبها)راه كتقولها فيك ميكررروب نيييت ..لهلا ثيييق انا باغيا نصلح الى كان شي مايتصلح ونتا كتعفر ..باش اصلا ياله تهنات منك
قطعات عليه خلاتو كيسف كاروه فالاباغطومون لي كاري..حاط رجليه على الطبلة عريان غي بالبوكسر وجسمو ملئ بالبرص منقط ليه لحمو..طفا كاروه ببرود وعقلو كيغوت بالافكار
واش ظلمها؟؟
واش لي سمع مكانش كافي؟؟
علاش تخبي علبه؟؟هو معاملهاش على اساس انها بحالهم..هو فقط فضول ضربو جيهتها وبغا يعرف مرا ديال الصح وفلحظة غضب حط ليها كلشي فالطبلة
ناض كيتمشى لبيت النعاس لي كولو مرون كتبان ليه انثى فوق السرير ناعسة عريانة مغطية بالايزار الرطب باش ملحفة الناموسية..زمجر بغضب:نوضي أماما الحفلة سالات
******
فاليوم الموالي تلاقاو بجوج مشاو جابو تكاشطهم..حطوهم فدارها وغزلان فمها واكلها باغا تعتارف ليها وخافت منها. نيتها كانت حسنة حيت شافتو كيهتم بيها و كيدير ليها الخاطر...تحمحمو مزيان وطلعو كلاو ونعسو يرتاحو حيت عندهم السهير...مفاقو تالسبعة...
وكيف العادة البنات فاش كيكون شي عرس كتكون الروينة..فين قلمي فين ماسكارت فين هادي فين قفطاني واخا هوما غي جوج..
شدات هدى وجهها عدلاتو بطريقة بسيطة مكحلة العوينات وراسمة ماكياج لونو قهوي بارد جدا..دارت شدة شال معكوسة مرجعاها لور بحيت عنقها ووذنيها كيبانو..لبسات تكشيطة هماوية بالثليجة مخلطة بين الغوز والازرق مع صندالة طالون كراتها كذلك..دارت فعنقها ووذنيها اكسسوارات مغربية عبارة عن عقيق باللؤلؤ الابيض حتى هو كرا وحلقات طوال فيهم لون من الوان التكشيطة المغربية..وخلات وراها الشال مسدول على ظهرها
غزلان:(جات قتالة بتكشيطة هماوية فالازرق سماوي منبثة)صافي نعيطو لرشييد
هدى:شدي صوريني نصيفتها لختي
صوراتها وصوناو ليه وجلسو يتبووزاو ويتصورو حتى جا هو وكوثر قرابة العشرة تليل وهبطو كيقرقبو بالطالون طلعو معاه نيشان للقاعة فين كان العرس...هو ديجا العرس كان بادي والعروسة كتحني..مكانتش هدى ملفتة للانظار لانها ماشي مولات احسن لبسة وماشي احسن وجه ولا احسن ماكياج لكن كانت كتبان انها لابسة الهمة المغربية كيفها كيف غيرها...غزلان كذلك جات غزالة حيت عامرة شويا على هدى جاها البلدي عبار
شدو بلايصهم بعدما سلمو على ماجدة ورحبات بيهم مها وجلساتهم فطبلة صحابات العروسة...
كان عرس جميل بامتياز تصورو وضحكو وشطحو وحيحو فرحانين بماجدة ..وضربو تصيورات محيدين الهم عليهم...لاحت غزلان سطوري ليها هي وهدى شاداه سيلفي ولوخرا كتحرك بشويا عليها كشتطح باينة عليها حشمانة حيت مكتعرفش الناس فالعرس غي كتحرك..مجاتش فين توصل الخمسة تصباح كان عبدو لي مقصر فبار شاف سطوري حيت مدخل نمرتها عندو..فلول محققش مي دغيا عاود رجع كيتأكد واش هي...ناض ممرصيش الوقفة خارج للحمام ويديه يكدوزو السطوري ويعاودوه حتى تأكد راه هي عاد رجع لبلاصتو مخلص اش عليه وخارج فاتجاه دارو ينعس تا يسحا من السكرة ويفيق ليها
اما هوما الستة تصباح لقات التعب نال منهم والماكياج قرب يتجلخ ليهم..
غزلان:(حاطة رسها على كتف هدى) عييييت اصاحبتي رجلي كيزدحو
هدى:انا نيت..غنمشيو نيشان ننعسو
غزلان:غنبات فدارنا الزين ...مي غتخرج بكري وخاص لي يبقا مع جدة
هدى:واخا
تحركو مع كوثر و رشيد وصل غزلان عاد هدى لي غادية وكتكمع علاين طيح..غي وقف قدام العمارة كان الصقيل غي صوت المشاش لي مسموع
هدى:شكرا
كوثر:نطلعو معاك؟؟
هدى:لالا نطلع راسي
هزات جلايلها وهبطات داخلة للعمارة كتفوه بشوي عليها حتى دخلات للدار..لاحت صباط فالطريق و مشات كتحيد عليها الحوايج معلقاهم وعينيها كيتسدو..ديماكيات وجهها وغسلاتو عاد تخشات فبلاصتها هي كتغفى والفجر كيوذن
*******
الشمس شرقات والعروسة راحت وبعريسها تهنات..وهدى باقي منشورة ناعسة ..الطناش طنطنات وهي مزال جابدة عليه ماعندهاش العظم الصحيح علاش توقف..قالوها زمان العروسة للعريس والجري للمتاعيس..ضربات فيها الشمش وناضت طافجة شعرها شاد الريزو..سدات الريدو ورجعات تكات تنعس حتى صونا تيليفونها بنمرة اكرام هضرات معاها شويا وناضت طاير ليها النعاس..لاحت الغطا ومشات هزات فوطة كتفوه ديركت الدوش..دخلات مدوشاتش لبارح وقالت تصحصح بيه دابا..طرفات و طلقات شعرها ومشات للكوزينة كتشوف فالتصاور لي تصورات وحمقووها...وصلات لمرحلة كيعجبها راسها وراضية تماما على شكلها وذاتها..ردات الما يطيب دير اتاي ودوزات الاپيل لغزلان مفيقاها
هدى:فيقي اختييي
غزلان:اختي منعست حتال الثمنية
هدى:علاش؟؟
غزلان:كنقاد ففيديوهاتي هههه غنصيفط ليك تصاورك
هدى:صيفطي صيفطي
غزلان:جينا قتالين ههههه
هدى:اييييه ههههه لعقبة ليك
غزلان:حتي نتي
هدى:غا بالصحة ههههه
غزلان:ههههه نتي كارهة دلمهم جا داك الميكروب كمل ليك لي خص
هدى:سكتي متذكريييهش لحمي كيبورش ههههه مشا الله يعاونو
غزلان:محاولش يهضر معاك؟؟
هدى:لا و أصلا بلوكيتوو
غزلان: ظريف اصاحبتي واخا هاكاك
هدى:يغلط فيا منعقلش عليه...مالي شايطة...جي جي فطري معايا
غزلان:الى كاين هشام فالدار نخلي ليه جدة
هدى:هاني كنتسناك هههه
قطعات معاها وناضت كتجمع دوش بيدما يسخن الما تدير اتاي..غي طاب دارت اتاي وكترجا يطلع ليها زوين ووالو حيت عندها مشكل عويص فالطياب ماشي اي حاجة كتجي بنينة ومكتصدقش ليها..كيكة هي لخرة مكتصدقش ليها وأتاي معقدها مكيبغيش يصدق ليها...
بعد ربع ساعة
كتسمع صونيت فالباب مرة وجوج ومشات كتزرب باش تحل لابسة كسوة حد الركبة شفافة مبينة دوبياس فالكحل شعرها نازل على كتافها باقي مصاوب بوكلي..و وجها نقي مافيهش ميكاب بتاتا من غير عينيها لي باقي فيهم أثر الكحل..حلات لباب ورجعات للكوزينة كتهضر بالزربة:زيدي زيدي غايفيض ليا اتاي ..ميميتي اش بيني وبين شي اتاي
ساطت وهي كتطفي على البوطة قايلة:ياربي يصدق
مسمعاتش حتى شي رد من صحبتها لي متوقعاها هي وهي تقطب حجبانها وخرجات من الكوزينة باش تخرج عينيها منو هو لي واقف مبرد بشورط وتيشورت نص كم باقي عينيه مضببين معاقلش شنو شاف وباغي يتأكد..كانت اول مرة يشوفها مجردة من فولارها..محس براسو حتى عينيه طلعوها ونزلوها باعجاب لكن بتاتا واش بان على وجهو كيف لا هو انسان مكتعرفوش واش مصدوم ولا فرحان ولا مقلق عاطيك وجه معمرك تعرف تقراه ..لكن فداخلو كانت كاع أحاسيس رجولتو كتحرك..كتعجبو اه وكتطربو لكن متخيلش يتصدم ملي يشوفها بلا فولار تكون هاكا..سرطات ريقها بالعة الصدمة وبسرعة خرجاتو من سهوتو فيها ملي صاحت بصوتها لي كيزعجو فاش كتغوت:أويلي أش كدير هنااا؟؟؟خرررررررج(سترات راسها بيديها)
بغا يهضر وهو يشوفها غتهرب للبيت تجيب ماتلبس لكنو شدها بزربة لصقها مع أقرب حيط ليه قايل:هادشي كولو فيك وانا قاطعاني
يتبع...
التنقل بين الأجزاء