صفحة القصةقصة شرف للبيع
مؤلف القصةقصص Ghazal trust
سلات ليها ليها لسانها غي باافن وحبيبة كبيدة حتى عاودات ليها قصتها كلها ..عرفاتها ماعندها والي ولا تالي وبوحدها مقطوعة من شجرة ..طمعاتها بالخدمة ودارت تيليفون لختها عاودات ليها كلشي وعطاتها لبسة جديدة نقية لاكن كانت معرية..رفضات شيماء تلبسها وحشمات حتى تشوف فيها وعطاتها البنت لبسة اخرى تبدل بيها وترتاح فيها ولغد ليه قطعات ليها فالتران للرباط وللخدمة اللي تناسبها والوعود اللي عطاتها..بحال شيماء كانت كتسنى اللي يعاونها واللي بحالها عمرهم هزو العين شافو برا وكيعرفو غير الكتاب والستيلو..ماعالمة على نوايا الناس وحساب ليها كلشي بحال طيابات اللحمام اللي عاونوها نهار الاول.مشات للرباط لقات كاط كاط بيضاء كتسناه فالباب فيها مرى باينة عليها قادة وشادة ..داتها معاها وفالطموبيل بقات كطلع وتهبط فيها وقالت ليها واش بنت ولا مرى؟
هاد السؤال صدم شيماء وقالت ليها بكل تقة فالنفس انا باقا بنت اختي
عند بالها بهاد الكلمة دارت مزية وبينات على اخلاقها الحميدة باش مترفضش فالخدمة ..لاكن كان جوابها طعم اللي خلا حياتها تقلب كلها
لقات راسها ففيلا وسط البنات ومعاهم خدامة كتشوف فحالتها..وصات عليها مولات الفيلا وعطاوها ماكينة تحسن بيها زغبها ..على نيتها حساب ليها كيوجدوها لخدمة زينة ودايرين فيها خير ..خرجات من الحمام وقالت الخدامة للبنات اللي عندها شي لبسة زايدة تعطيها ليها
عطاوها كسوة وصندالة مافيهم مايتلبس ..حشمات من مضهرهم ورفضات تلبسها لاكن الخدامة اصرات عليها وناض بيناتهم الصدع الشيء اللي خلا شيماء دير بناقص من هاد الخدمة اللي ماعرفات اصلا كيف دايرة .بغات تمشي بحالها لاكن مالقات منين تخرج ..اصوار الفيلا عاليين والباب مسدود والعساسة تما .رجعات للكوزينة عند البنات قالت للخدامة اجي حلي ليا الباب نمشي بحالي
لاكن الخدامة دارت راسها ماسمعاتهاش .. خلاتها غادية جايا باغا تخرج والبنات حتى وحدة مامسوقة ليها عرفوها وجه جديد..شافتهم كيدخلو ويخرجو وعندهم تيليفونات لاكن هي لا حالة خاصة..تمنع عليها حتى الاكل والشرب بسباب عنداها وعقوبة على غواتها حتى كانت غتموت عاد عتقوها عطاوها كلات.
مافهماتش اشنو كيوقع وعلاش البنات الل معاها مشاو مابقات حتى وحدة فالاخير وبقات غير بوحدها .علاش هادشي شنو السبب..ماكانتش عارفة باللي ديك العذرية علاش طالع الفيلم كامل وعلاش شادينها عندهم
غبرات مولات الفيلا واللي امينة الشلحة قبل متعرف شيماء سميتها ولقبها وماعرفاتها شكون تكون .خلاتها منها للخدامات مرة يعطيوها تاكل مرة يخليوها حتى جا النهار اللي غتفهم فيه كولشي
كان السبت والفيلا عمرات بالبنات من جديد..كلشي لابس مقاد كيضحك وهي من ورا الحيوط كتفرج فيهم .مافهمات اش واقع حتى دازت الخدامة حداها هازة بلاطو ديال العصير للبنات حطاتو وقالت ليها اجي تشربي العصير حتى نتي
مشات تبعاتها تروي عطشها وبالشوق لداك العصير ماشافتش الغمرة والرمش عليها وخلاو ليها كاسها اللي هبطات عليه بالسخفة حتى للقاع .من تما البنت تقلبات ولات كتشوف وساكتة .
اشنو شربات ؟ واش عصير ولا شي حاجة اخرى ..كتسمع وماكتربطش الاحداث.رجعات عندها امينة الشلحة لقاتها واقفة فواحد القنت مربعة يديها كتفرج وشارت بيدها للخدامة كتسولها بعينيها واش تقضا الغرض..حركات ليها الاخرى راسها وطمنات االشلحة من هاد الناحية وشدات ليها فيدها كضحك معاها طلعاتها لواحد البيت ..عطاتها كسوة شهوة منها ولبساتها ليها وقالت ليها
كي جاتك زوينة
ضحكات معاها شيماء قالت ليها اه زوينة
قالت ليا امينة بصحتك احبيبة .. ليوم غنمشي كاملين نسهرو صافي
بقات شيماء ساكتة ولبساتها صباط بلا وبعدات عليها الطالون باش ماطيحش وهي اصلا مكتعرف منين تجيه ..خرجو من الفيلا وخرجات معاهم شيماء ومشاو مباشرة لشنو كطبخ ليها الشلحة حتى لقصر النوامة ..سحباتها امينة من بين البنات ودخلاتها للفحص لقاوها كما خلقاتها كما .
عجبها الحال وفرحات امينة من عينيها وشدات ليها فيدها دوزاتها من طريق بعيدة على طريق البنات وتما لقات مصطفى وقالت ليه هاهي البنت
قاليها واش بخاطرها ولا جايباها بزز
قالت ليه هاهي سولها سمع بودنيك
شاف فيها مصطفى مزيان قالها بخاطرك
حركات ليه شيماء راسها وطبطبات على ضهرها الشلحة وقالت ليها سيري مع مصطفى
داها مصطفى ورجعات امينة عند الطبيبة اللي قلباتها قالت ليها درتي ليها شي بنج. شي حاجة على وصيتك .. بلا مايوقع لينا شي مشكل مع الشيخ
شافت طبيبة يمين يسار قالت ليها كوني هانيا..فوقاش داكشي
قالت ليها امينة صبري حتى نشدهم انا بعدا .
دخلات شيماء عند الشيخ وبقات امينة على برا فداك القصر كتسنا ومتوثرة خايفة توقع شي حاجة
شافت مصطفى عادي كيهضر مع واحد البنت وعيطات ليه تقلقل السوق..
وقفات معاه قالت ليه ماعرفتيش شحال يقد الشيخ يعطيها
قاليها بملل الشيخ مابقاش كيعطي داكشي اللي عاقلة عليه نتي يامات الزهو دبصح ..متيفوتش ليها سبعين مليون ولا تمانين
قالت ليه المهم بعدا اللهم سبعين ولا عشرين..
قاليها عنداك تكون ركبات البكرة وجايا ضحك علينا
قالت ليه علاش الشيخ مالو مغيعرفاش مركبة اول مرة يفضها!
قاليها ايوا الله واعلم
قالت ليه الى سالا نهبطها ..شنو قلتي فالاول ؟
قلت ليه في عذرا بغات تمشي تح على ايدك قالي جيبها هادا مكان
قالت ليه واشوف فين شادها دابا الى سالا تخرج ماعندها ماتبقا دير تما عندو
تبعات مصطفى واخا ماعندهاش الحق دخل حتى لتما لاكن يما انها جايبة عذراء دخلات معاه جهة جناحو ..شافت الباب تحل وخرجات منو شيماء مكمشة يديها مع بعض وساكتة مكتهضرش..مشات جراتها بعداتها على الباب وقفاتها وتبسمات كترد ليها شعرها اللور قالت ليها يخليلي الزين
دخل مصطفى عند الشيخ ونزلات الشلحة شادة ليها فيدها هبطاتها حتى تبعهم مصطفى شار ليها بصبعو قاليها جيبيها
تبعاتو دخل لواحد البيرو بالزربة كيهضر فتيليفون ويفتح الخزنة جبد منها بريكات من الدولار وبدا يحط شي فوق شي ويلوح حتى وعطاها صاك صغير بدات امينة كتجمع فيه ودكس شي فوق شي وشيماء كتشوف ومكمشة فعضامها ..غرغرو عينيها بلا متعرف علاش ولا تفهم اش واقع لاكن بدات يدها كترعد وشاف فيها مصطفى كيضحك قاليها دااابا تولفي..صعيبة غا البدية..شدي سيري بني مستقبلك
هزات الشلحة الصاك والفرحة غطير من عينيها قالت ليه شحال هنا امصطفى؟
قاليها تما تسعين مليون
هاكي ..هادي. يالك
حط ليها خمسة دالمليون ديالها خشاتهم فالصاك وقالت ليه صافي هاد تمارة كلها على خمسة!!
قاليها وشحال بغيتي
قالت ليه وزيد وصلها لعشرة شناهيا خمسة دابا والو
..شو البنت كي دايرة واش هادي ديال خمسة انا كان كيحساب ليا شي عشرين غتعطيني بعدا
قاليها شوفي معاها تعطيك الباي ديالك
قالت ليك وزيد وصلها لعشرة دابا امصطفى
كان غيسد المحر ورجع خرج ليها مليون لاحها فوق البيرو وقاليها يالاه بقاي على خاطرك
بقات غير كتشوف وتميع وهزات الصاك فيدها جرات معاها شيماء بغات تخرج..هز راسو من الخزنة قاليها خليها علاش غديها ..صافي خليها تجلس
قالت ليه غنمشيو بعدا نديو الفلوس ولعشية ترجع مع بنات مارتينيز ..يالاه باي
·
خرجاتها من تما ركبات سيارتها وشيماء حداها داها النعاس نعسات وجلسات هي كتهضر فتيليفون وتاوا على فيلا مع السمسار
شوف منزيدك عليها حتى ريال بغيتي داك الثمن مرحبا مابغيتيش صافي قولها ليا نقلب على راسي فجهة اخرى …لالا انا بغيت ديك الفيلا اش غندير بشي فيلا اخرى ماعندهاش لاكاف ولا ماعرفت صغيرة!! لالا داك الثمن اللي عطيتك ديك المرة غنزيدك عليه دابا شي حاجة والسلام…وقتاش ندوز نتكاتبو…انا واجدة من دابا الى بغيتي..مهم انا ندوز عندك ونشوفو
قطعات ووصلات شيماء للفيلا ديالها فيقاتها من النعاس ناضت مضهشرة وزربات عليها بالزربة قالت ليها نزلي دغيا نزلي
هبطات شيماء كتشوف تقول فاقت من شي حلمة لقات الخدامة حداها اما الشلحة قلعات كطير خلاتها تما وعيطات على لخدامة وصات عليها وقالت ليها الى بغات تخرج عيطي للشيفور يخرجها تمشي بحالها طلعات ليا فراسي بغواتها سيمانة وانا صابرة ليها .
جراتها الخدامة لداخل وهي كتشوف وتتذكر اش وقع ليها حتى فجأة ضربات وجهها وطاحت كتمرغ فالارض وبدات المعانات والصراخ اللا منتهي والشمتة والحكرة والضلم وجميع الاحاسيس المضلة تجمعو عليها .. خلاتها الخدامة كتغوت لعشية كاملة وتتذكرات مل تفصيلة من التفاصيل اللي شافت وعاشت وكانت مرفوعة وماقدراتش تفهم علاش ماتحركات ما والو وشنو وقع ليها ..عيات تحاول والو فالاخير ستستلمات وعيات من شدة الالم والبكا والمواجيع وقالت ليها الخدامة بغيتي تمشي بحالك نوضي راه الشيفور برا كيتسناك
قالت ليها شيماء والله منمشي من هنا ..ضحكتو عليا لعبتو عليا الله ياخد فيكم الحق
جراتها الخدامة من يدها بزز خرجاتها قالت ليها زيدي اختي مناقضنا صدع بقيتي لينا عا نتي..
دفعاتها خرجاتها مع الباب وطلعاتها مع الشيفور او بالاحرى الخدام اللي خدام مع امينة وكان غير دري باقي صغير ..شافها كتبكي وزاد بيها وهي كتغوت يردها لعندهم واخا ماعندها ما ترد. قاليها مالكي شنو واقع ليك ؟. ياك لاباس
وقف الطموبيل للجنب وهي كتغوت بغات تسطى حتى بدات تقيا وخرجو عينيها ..صونات ليه الشلحة وصاتو يتقك منها بلا متعرف طريق الرجعة وتافق معاها لاكن فاش قطع بقا غير كيشوف فحالة شيماء اللي كتبكي وتقطع فالقلب والكبدة ..سولها مالكي شنو واقع ليك وبدات تقوليه شنو دارت ليها وتغوت حتى تصدم وهز تيليفون عيط
الو المحجوب..سمع سمع سمع اصاحبي وااسمع ..واسمع اصاحبي شنو دارت الشليحة ..
قاليه على شنو واقع لشيماء وهي كتمسح دموعها كتسنى يردو ليها حقها منها ..قطع الشيفور واللي اسمه حمزة . وشاف يمين يسار قاليها بلاتي نحيدو من هنا ونشوفو شنو هادشي
وقف حدا قهوة فحي الرياض ودخلها معاه جلسها وبقا واقف شاد تيليفون حتى وصل المحجوب ودخل لابس واحد السبرديلة قدها قداش وطويل وعامر راسو مافيه تا زغبة ..دار يدو فجنابو قاليه اش كاين اش واقع ..هي هادي البنت
ناضت شيماء كتبكي شافت فيه المنقد ديالها عاودات ليه شنو وقع ليها وبقا كيشوف بقرف من شي اللي دارتو الشليحة وقال لحمزة وشنو دابا غدير ..نعيط لمصطفى نشوف اشنو وقع
دوز تيليفون كيهضر مع مصطفى لاكن مقاليه والو حيت مابغا صدع مع الشلحة وهي معاه فنفس الضومين يجيد الحسابات على قبل بنت ..حدو عرف باللي جابت ليه بنت دخلاتها عند الشيخ وعطاوها القد والقد وصافي قطع معاه ونفخ شاف فيها قاليها شوفي ماعندك ماتصوري دابا صافي الل ي وقع وقع
قالت ليه غنمشي كوميسارية نشكي بيها
قاليها حمزة وهانتي مشيتي نتي اصلا هاربة من داركم وهي عندها يد مع البوليس..حساب ليك غيبحثو فقضيتك
قالت ليه غادي ناخد حقي بالقانون
قاليها محجوب نوضي يالاه نوصلك كوميسارية باش تفهمي..
ناضت مشات معاه وشار ليهم حمرة بيدو يمشي بحالو وخلاها معاه داها فعلا حتى للكوميسارية ونزلات دخلات وبقات واقفة فالباب ..تفكرات دارهم والشوهة وغادي يلقاوها ويردوها يقتلوها واخرتها غتولي حدا خوتها ومها وباها والفضيحة ملفوق بالطر والبندير ..هادشي الى رجع ليها حقها وماداروش ليها محضر ولاحوه مع الزبل من مور ما تخرج مع الباب
طلعات حدا المحجوب وهوا كيشوف فيها قاليها صافي؟ شكيتي ولا درتي بناقص
قالت ليه شنو ندير انا غنتسطى
قاليها ماعندك ماديري صافي نصبات عليك دات ليك كولشي خلاتك لا ديدي لاحب لملوك ..غطوي الصفحة وتبداي من جديد حسن ما تبقاي تجلوقي فطروطوارات مع الشمكارا
بكات شيماء حتى طاب قلبها وكانت غتسخف ..لا ماكلة لا والو والطاقة ماعندها والبنج طار كلشي تجمع عليها ..قاليها محجوب ماعندو فاش ينفعك.. صافي جمعي راسك خرجتي للزنقة مابقيتيش وانوض نتوكض للزمان قبل ماينو ليا..البكا ماعمدو مايرد
كمدات الحرقة وقالت ليه انا مكنعرف والو فين غنمشي شنو غندير حياتي ضاعت
قاليها ضربي صريف ماحد الصيف يالاه بادي..هنا فين تجمعي مصريف
قالت ليه منين غنجيب هاد الفلوس؟
قاليها غتمشي معايا انا نوريك منين تجيبيهم
قالت ليه لاالا اسيدي منمشي معاك ماتمشي معايا خليني نمشي بحالي
بغات تنزل وجرها جلسها قاليها اش غندي ايك انا؟ اااش غندي ليك صافي اللي غنديه داتو العقربة ..دابا غتمشي معايا عند البنات تخرجي بحالك بحالهم ..هادشي دابا تولفي عليه وتنساي مع الوقت..
قالت ليه لالا انا ماشي ديالي هادشي منقدرش
قاليها بنرفزة واش قلت ليه هزي رجليك؟ غتمشي اكرامية بحال البنات بغيتي تهزي هزي مابغيتي شغلك هادا ..وانا مالي مصدع معاك راسي بغيتي تمشي سيري ..باش حسن منهم نتي كاع
قلب وجهه خلاها مترددة كتفكر وقالت ليه الى مابغيتش نمشي منمشيش ياك بخاطري
قاليها بخاطرك ها نتي غتمشي وتفهمي
مسحات دمعتها وبلعات ريقها وداها معاها لمرتينيز اللي كانت كتنغل بالبنات..دخلها وهي مصدومة كتشوف فيهم وعينيها حومر ومخلوعة وكلهم كيشوفو فيها ..غير قربات حداها الخدامة قفزات ورجعات اللور ..لاكن كانت الخدامة غير دايزة ..ضارت عند المحجوب قالت ليه هادو بخاطرهم هنا
قاليها بخاطرهم سوليهم
عطاتو يضهرها داخلة وخايفة قالت ليه منسولهم متيسولوني
مشات جلسات فوق واحد الدرجة مكمشة كتنخصص وتشوف فالبنات كي دايرين ..شهوة منهم كضحكو عاجبهم الحال..بقات ساكتة غير كتشوف حتى دخل مصطفى عندهم ..كان طويل ووسيم فوجهه واشهب الراس شوية..
جلس دار رجل على وحداه المحجوب وبداو البنات كيدوزو قدامو فكاستينغ اللي سميتو العزلة ..عزل اللي عزل وماكملش العزلة كتفى بالعدد اللي ختار وبدا كيجمع شوية مع البنات اللي كيعرف وناض خارج حتى بانت ليه شيماء واقفة مركنة حدا واحد الحيط ومشا عندها تبسم ليها قاليها كي بقيتي شوية
بقات ساكتة وكتشوفيه ببرائة..شد ليها دقنها حركو قاليها تهلاي فراسك مالكي ضالمة هاد الزين ..بدلي عليك هاد الحالة
طلقها وقال لمحجوب جيبها تا هي
مشا مصطفى ورجع المحجوب عندها كيهضر معاها باش ماتخاف ماتدهش ومشا قلب ليها على كسوة وكانت عندهم مصفقة الشعر شداتها غسلات ليها شعرها مزيان وجلساتها كتصايبو ليها وهي كتنخصص وتبكي..ناضت شدات ديك الكسوة لقاتها مقزبة كتر مني لابسة ..شافت بنصعين فلبنات وشنو لابسين لقاتهم بقا ليهم شوية يمشيو عريانين
لبساتها ووقفات قدام المرايا كتشوف فراسها فداك الفستان الاسود ساهية والمرايا كتضبب ..وداعا شيماء وداعا البرائة ..كانت هاديك نقطة تحول اللي خرجات منها شيماء اخرى وعلى نفس المرايا واقفة بفستان ابيض كتقاد شعرها وتلفتات كضحك مع يسرى اللي وراها قالت ليها يالاه نهبطو قبل ميعزلو ناندوزوش حنا
تنهدات شيماء وشافت قدامها قالت ليها هادي هي قصتي ا فطوم
بقات يد فطوم كترعد قالت ليها اوييلي ماتقوليهاش…فلوسك ..رزقك ..كن انا كن قتلتها والله تا نقتلها
قالت ليها شيماء بيرودة ماكنتش كنقدر نقتل حتى نملة..كمدتها فقلبي..ولاكن نهار طيح الشلحة فيدي مغاديش نرحمها ..والله منرحمها افطوم..ضاروري غطيح فيدي قاعدة الحياة هي هادي..وديك الساعة غتفرجي فيها..انا اللي كنتمنى هوا طيح فيدي وانا قوية ..باش نقدر عليها ..ماشي دابا حيت مزال ماعنديش الجهد ليها ..هي عندها نفود وعندها الفلوس..خاصني على الاقل نكون قدها باش نحكمها ..هادشي اللي كنتمنى كنتمنى تجيني ونمون جاهزة ليها
قالت ليها فطوم ايوا وكيفاش درتي مع القرايا كيفاش قدرتي توفقي بين هادشي وداكشي اللي كتقراي
شيماء: الصيف كله اللي دوزت داك العام غنتسطى على القرايا حتى تلاقيت واحد الولد فواحد ل pub كيقرا ف uir
وسولتو عطاني معلومات ..مهم شريت تيليفون جديد شريت بعدا ايفون تهليت فراسي هه..دخلت كنقلب على الجامعة..جمعت معلوماتي لكافية على التخصص..كان باقي خاصني غير الاوراق نجمعهم .عيطت لواحد البنت كانت كتقرا معايا مشات لدارنا دوخات ختي بجوج كلمات قالت ليها جبدي هاد الورقة وهاد الورقة نصورها باش ندير ليك بحث فالانترنت عليها ..سرقاتهم وجابتهم ليا ..جمعت الضوسي دفعتو بقاو خاصني الفلوس
قالت ليها فطوم ومنين جبتي الفلوس قدرتي تجمعيهم فداك الصيف
ضحكات شيماء قالت ليها اش غادي نجمع الله يهديك الفلوس كطير الله يستر ..انا اصلا ماكنتش كنعس راه ماشي غير ونعس راه مرضت فصحتي ونفسيتي ..كنت كنخرج اكراميات وصافي كطلع ليا احسن كاع من الباس.. كانت كافياني حتى جاو واحد القطري للمغرب خانز فلوس ..تعرفت عليه وكدبت عليه قلت انا باقا بنت اخويا .. درت معايا سطحي بطحي وقالي نتي زوينة علاش خارجة لهاد الطريق ..بقيت كنشكي ونبكي عليه كنت اصلا منهارة ..قلت ليه بغيت نقرا وجبت كدا وكدا فالمعدل مابغيتش نضيع عاودت ليه على العائلة الناحية وشنو دارو ليا..عاودت ليه كلشي وريتو وراقي وديبلومي قالي ماتبقايش تخرجي انا نتكفل بمصاريف دراستك ونساعدك
صافي جابو الله خلص ليا المصاريف ولاكن ماقدرتش نقوليه خاصني ناكل خاصني نلبس خاصني نسكن خاصني الدوا خاصني كتوبا خاصني سونطر خاصني خاصني خاصني مغنساليش خفت يطج حتى ديك الجامعة مايخلصهاش وانا نسكت قلت ليه صافي مابقيتش نخرج..غير مشا رجعت كنلعب ونخطف ونضبر مصاريفي
قالت ليها فطوم ناري شحال خاصك ديال المصاريف علاش ماسكتنيش فالجامعة تما بصمت اقل دخلي ليه كلشي فالحساب بالسكن والاكل والقرايا يقول بعدا راه ساكنة فكلية باغا تقرا
تنهدات شيماء قالت ليها واش انا كرهت ..راه خصني وراق كيخضو ولي امري كيتيتو انني م**** دة عليا بالبيان باش ندخل لتما مع البنات اللي دخلوهم وليديهم..واايلي كن كانو عندي الاوراق الكافية راه حتى القطري منختاجش ليه كوراني دخلت بمنحة حيت فعلا م***دة عليا والضروف ديالي واضحة وكن راني مهنية…اودي ..
هضرة تدي هضرة وتجيب هضرة وهما كيتجمعو ..جات الخدامة نوضاتهم يتغداو وناضو لمطبخ كبير كان فيه بوفيت طويل فيه اشكال انواع الطعام الشرقي والمغربي..هزو اللي غيهزو فطباسلهم ومشاو جلسو فواحد الجردة كيتجمعو ..طلبو مشروب كوحل يدوزو بيه جابتو وحدة بحال السرباية حطاتو وحطات ليهم طفاية وجلسو يتبردو فالطبيعة والهوا مبرد
قالت ليها شيماء ونتي وقتاش رجعتي من السعودية؟
عضات فطوم شنايفها قالت ليها منبغيهاش ليك مانبغيهاش لعدويا..دوزت الويل تما عمرني نعاود نرجع ليها ولا حتى نفكر فيها..دبي النواور اما السعودية لا اكفس حاجة فكرت فيها ..اجي بعدا بغيت نسولك..بغيت نلسق البكرة ونقوليهم طلعوني عند الشيخ يعطيني غا عشرة ولا عشرين براكة عليها
ساطت شيماء الدخان من فمها قالت ليها وااايلي معامن نتي..فراسك شحال من مرة فكرت فيها وبغيت نديرها مع شي شيخ اخر فشي فيلا مايكونوش فيها اللي كيعرفوني..مزال كدور فبالي ولاكن ماقدرتش مزال مانشعتش
قالت ليها فطوم وكيفاش بعدا كيفضوها مايعيقوش؟
قالت ليها شيماء الى عاقو بيك مشيتي فيها..انا بعدا ديك المرة فضها ليها على الطريقة المصرية ..ماقربني ماقربتو دار فصبعو واحد شرويطة حلها بيها وقالي نوضي على سلامتك وبدا كيكحل بداك الدم عينيه
قالت ليها فطوم وهي كضحك لجهل..حاكم قدو قداش باقي متبع داكشي ديال قريش وابو لهب..قالك حقا ماحقا الى كحلو بدم العذرا كيزيد ليهم النضر اكثر وكيشوفو احسن فالمدى البعيد..مرض على افكار
قالت ليها شيماء ببرودة كيطيحو عليهم شي افكار بحال خرا دالكلاب.. ماتفهمي فيهم والو ..شوفي دابا هما شنو كيعجبهم..يفضها واخا ماعندو رغبة ..هادي هي المتعة عندهم
قالت ليها فطوم واصلا كن غير كيقدو على شي حاجة..وااالو ياختي تابعين الهوا مابغاوش يفرطو فيه واخا مابقات ليهم صحة ليه ..واخا يشوف عا بعينيه المهم مايبقاش بلاش
قالت ليها شيماء وهي كدخن ًواحد بعدا فيهم راه منع عليه الطبيب لجنس ..قاليه تنعس تشلل من السلسلول ديال ضهرك يعني بلا متحاول ..دابا كيزهى وينشط وصافي ..
فطوم :كيبداو هاد الهيت صغار وكثرة الفلوس بلا قياس والبنات بلا قياس كيبقاو هاك بلاك فاش كيبرو صافي كيتحد ليهم الجهد على بكري ..اخيب حاجة يتحد ليك الجهد ونتا باقا شادة فيك البلية
نزل الشيخ يتغدا جنب المسبح ومشاو البنات يونسوه وجلسات وحدة فجهة ..حطو ليه الكبسة وبدا كيتجمع مع البنات ويسول كل وحدة على اسمها.. وصل حتى لعند شيماء قاليها شو اسمك
بوات شعرها قالت ليه شيووم
قاليها كم عمرك
قالت ليه عشرين سنة
عرفاتو نسا عليها وخلاتو ناسي ماعندها ما دير بدماغو . وذاكرتو سالا غدا ونزل معاهم للمسبح ..كانو البنات مخلطين من كل وحدة من بلاد..شينوية والروسية والعربية ..عددهم مفايتش عشرين فداك المسيح الفسيح اللي تصميمه اكثر من خيالي..كلشي مسطنع عتى من الربيع والغرس وانواع الورود النادرة
فجأة شار الشيخ لمصطفى يجمع عليه البنات الاجنبيات مابغاهمش وداهم وجلس مع العربيات قنت وحدة فاابيسين حيد ليها سوتيان باس شوية ورجع تسوطا لعب معاهم الكورة ومصطفى كيدور بلابيسين كيردها ليهم فاش كتخرج وكيشير للبنات اللي جالسين مقنتين شادين فجناب لابيسين باش يدخلو يلعبو ويفرحو الشيخ ..الهدف من كلشي متعة الشيخ ويرضى باش كل ما رضى يعطي هدايا اكثر
اما واحد شيماء مستمتعة اكثر منهم كاملين حيت الوحيدة اللي سبقات وطلعات عندو اول مرة وحيدات الدهشة ديال كونه حاكم او شيخ من شيوخ الامارات
كانت كتغطس وتنوض وضحك مع فطوم حتى بان ليها قدامها شدات ليه فكتافو وهوا كيسبح بيها حتى لراس وتلفت شاف فيها بابتسامة قاليها وين شايفك؟ جيتي معانا من دبي؟
قالت ليه ماجيتيش معاكم ..
قرب ليهم مصطفى تحنى على رجليه كيسول مالها ياكما قلقاتو وقاات ليه كيسولني فين شافني
ضحك مصطفى بدا يفكرو وشاف فيها الشيخ قاليها صرتي مزة
ميلات راسها كضحك قالت ليها عويانتك اللي مزين
طلع من الماء عطاوه فوطة ودخل بحالو بقاو غير البنات شي متكي كيتجمع وشي كيسبح ..كان معاه من الوفد شي ربعة درجال فثلاتينات وواحد منهم بدا كيقرب من شيماء بلا مترد ليه البال حتى لاحضاتو كل شوية كيوقف حداها وكيتبسم ليها وهي دور عندو قالت ليه كيف الحال
قاليها كيفك انتي
قالت ليه تمام والحمد لله
قاليها تعرفي تسبحي
قالت ليه انا نعلمك يا حبيبي
غمزات فطوم اللي كانت جالسة على رولاكس كتكمي باش تهبط عندها وهبطات للماء همسات ليها شيماء فودنها قالت ليهت ندورو هاد الحولي نطلعو معاه لعشية نفتخوه ..شوفي البنات اصاحبتي كي كيتغامزو
عليهم
قالت ليها فطوم يالاه بداي
جراتو شيماء حتى كانت غتجرو ليها وحدة كدور حداه وشدات ليه فيدو قالت ليه تعال نرتاح شوية
طلع معاهم بعدو على البنات تحت واحد السقيفة ديال القش طبيعية وجلسو شارت بيدها للنادل قالت ليه شنو تشرب؟
قاليها ويسكي
قالت لفطومة ونتي
قالت ليها حتى انا
جات عندهم بنت بلببسة رسمية حطات ليهم بلاطو فيه انواع السجائر محطوطة فكؤوس طويلة وشعلة
قاليها جيبي لي شيشة
ومشات جابت ليه الشيشة والمشروبات حطاتهم ليه وشيماء كتبحث فيه وتجمع معاه هي وفطوم ..قالت ليه غنوريك واحد اللعبة غتحبها كثير
عطيني داك الخرطوم
خدات ليه الشيشة وهوا كيسولها عاجبو الحال شو ايش راح تعملي
قالت ليه هانتا غتشوف
قالت ليها فطوم كضحك ..مسخووطة حتى انا كتعجبني ديك القضية
فكو ديك الشيشةوهزات قرعتها فطوم عطاتها للسرباية قالت ليها خويها اختي وجيبيها
مشات خواتها ليهم ورداتها بقات واقفة كتشوف شنو بغاو يصنعو
شدو ديك القرعة خواو فيها كيسان الويسكي بدل الماء اللي كان فيها ورجعو زيروها وشدات شيماء داك الخرطوم بقات كتجر وتسرحها حتى طلعات دخانها مسرح وعطاتها ليه قالت ليه هاك ..واجرب دابا
قاليها. اجرب داابا؟
قالت ليه جرب وشوف كي دايرة
بدا يجر وقاليها بصوتو الرقيق والله حلوة الفكرة هادي اخلى من مويا
قالت ليه بالليل لما نطلع عالغرفة انا وفطوم معاك. غنوريوك لعبة ثانية احسن من هادي صافي
قاليها صافي اتفقنا
قالت ليه عنداك يسحبوك البنات بالليل فالسهرة ..صافي؟
حرك ليها راسو كيضحك قاليها لالا لاتخافي انا بجي عندكم
غمزات شيماء فطوم وكملو لعشية جالسين معاه سكر بديك الشيشة وعجبو الحال حتى سالات الحفلة وناضو بجوج مشات شيماء مع فطوم لغرفتها فين جالسة بين الغرف وكانت غرفة صغيرة فيها سرير واحد وحمام ..دخلو بجوج دوشو وخرجو ملويين الفوطات ضربوها بنعسة حتى ادن العشا عاد فيقهم المنبه وناضو بالفرطات على راسهم..الله ماتحلتها نومة مباشرة من بعد الاستحمام فجو حار .. عاد حسو بالراحة والطاقة تجددات وحتى وجهم رتاح
جلسات فطوم حلات الباليزة كلها دلات بالحوايج وجبدات واحد لاتخوس خرجات منها حبات فقرعة شربات منهم حبة وقالت ليها شيماء شنو هادو اللي كتشربي
هزات القرعة كتقرا قالت ليها فيتامنيات
قالت ليها فطوم اه اختي مع السهير الوجه كيتبهدل هادو بعدا كيطولو الشعر ويوحدو اللون ويزيدو النضارة ..عام دابا وانا كنشربهم
قالت ليها شيماء كنشرب غير فيتامين سي انا كيقضي الغرض..دابا نشري هادو نجربهم
خدات معاها واحد الحبة وجبدات فطوم السوشوار بدات كتنشف شعرها وتلفتات شيماء قالت ليها شنو دايرة لشعرك؟ ولا رطب
قالت ليها فطوم درت ليه كيراتين فاش كنت فالسعودية ..مليون باش درتو
قالت ليها شيماء اااه عرفتو .. انا بغيت ندير غير داك لكريسطال كيقولو ليه ..كيلمع الشعر ويهبطو من تشواك..شعري بدا كيتشوك بالبحر ولابيسين
قالت ليها قطوم وراك شديتي اللون تبروزيتي
قالت ليها كنت فاكادير الاوتيل على البحر ماكنتش كنخرج منو
قالت ليها معامن كنتي؟
قالت ليها كنت مع واحد الباكستاني كنعرفه
قالت ليها فطوم وكيخلصو مزيان؟
قالت ليها شيماء كيخلصو لخرى..مكيخلصوش مزيان ولاكن هادا خانز فلوس اصلا امير وعندو قصر وداكشي..كيبغي البنات
استغربات فطوم قالت ليها ونتي ماشي بنت!!
قالت ليها شيماء واكدبت عليه باش غيعرفني اصلا تا نتي..المهم جبت واحد الخمسة دالمليون
قالت ليها فطوم وكيفاش كديري وقت القرايا؟
قالت ليها شيماء مكنخرجش..صافي كتبدا القرايا كنبدا المعقول ..انا بحال ديك الدجاجة اللي قرينا عليها فبتيدائي كتزرع فالصيف وتحصد باش الشتا تكمش فدارها. هههه
قالت ليها فطوم وكيقدوك الفلوس يا ختي!!
قالت ليها شيماء مكيقدونيش ولاكن بعد المرات الى كان شي بريكول زوين مافيها باس..انا اصلا كنتصاحب باش يصرفو عليا راه مصاحبة مع ثلاتة دابا واحد قطري واحد الطبيب مغربي بعدا فين ما نمرض ولا يضربني الرواح كنلقاه هوا والدوا ..وواحد سعودي مشا بحالو مواعدني بالزواج زعما وانا شادة معاه الخط..لعقبة لهاد الحلوف تا هوا اللي كنا معاه دابا ..نتصاحب معاه ويبقا يسيفط ليا ..بيييخير
عضات فطوم شنايفها كضحم قالت ليها انا بغيت غير نعرف كيفاش كديري حتى كيشدو معاك الطريق ..وريني يا ختي انا راه واخا هاكاك مكلخة اللي جا كيديرها بيا
قالت ليها شيماء بيني ليهم الحب الحب الحب وداكشي بيني ليه مزعوطة فيه بقاي تشكي وتبكي وغتنتاحري على قبلو ومكتنعيسش ..حتى الى مابغاكش تبقاي فيه بعدا
لبسو وتجهزو للحفل ونزلو تحت النضام الجاري به العمل لمكان السهرة اللي كان تحت قبو كبير كامل مضلم وعامر بالفطويات بحال شي بار ..ديدجي فواحد القنت خدام حتى بكثرة ما مولف ديك الخدمة. مابقاش كيجيه داكشي غريب او يغرو الزين المشتت بالكيلو تما ..حتى الشوفة مكيكملهاش فيهم وغادي مع الموسيقى ديالو والريتم ..كانت شوية القاعة خاوية والبنات عاد كيجيو ويتجمعو ..جلسو شدو واحد البلاصة ماتفرقوش على بعضياتهم وكل وحدة شادة كاس فيدها دايرة رجل على رجل ومتكية على ركبتها كيبرككو فالبنات واقبح قاعدة كانت فشيماء هي تعياب..مستحيل تشوف شي حاجة ماشي عادية وتبقا ساكتة ضاروري تهضر ضاروري تعلق لا والاكثر كتصدم فشي حوايج وكدخل معاها حتى فطوم اللي من عادتها مكتردش البال واخا تشوف اللي شافت كتقولها بينها وبين راسها بلا متعلق
ضارت عندها شيماء عاضة شنايفها قالت ليها لعااار افاتي شوفي والله منشوف بوحدي
قالت ليها فاتي شنو فين
قالت ليها ضربي عليها المشية وصبعانها فين والصندالة فين …ويلي ويلي ويلي ضربي على الصباعة هههه ناري غنموت
ضحكات فطوم على طريقة تعليقها وقالت ليها فخبارك انا ملي كنجلس حداك كنبدا نجمع فالدنوب كتر من هاد العرا
قالت ليها شيماء منقدرش نسكت اوييلي هادي كيدارو خلاوها دخل لها باينة. دخلها شي "واد
شافت وحدة لابسة كسوة كلها بستيل البقرة فالابيض والكحل وقلبات عينيها شافت ففطوم قالت ليها دابا قولي ليا منهضرش
يالاه! شديك الكسوة دالبكر ههه..شوفي شوفي والله تا تشوفي شوفي لخرى الصاك شوفي الصاك قداش هادي عوالة جاية تجمع فيه العشاههههه
شدات فطوم راسها كضحك وهي تقفزها شيماء قالت ليها عتقي الحولي ديالنا هبط جري سربي جريه لهنا قبل ماطير عليه البقيرة راه غادا جيهتو
ناضت فطوم كتجري دفعات مولات الكسوة ودارت خلاتها غير كتشوف وشدات ليه فكتفو كضحك معاه وشيماء كتقاد البلاصة داوه جلسوه وسطهم ..وحدة عطاتو الكاس وحدة عطاتو كارو وزيروه خلاو البنات كيشوفو حيت كل وحدة كانت عوالة طير شي واحد فيهم
جلسو شوية وتم داخل عليهم كروب كبير ديال البنات جايبينهم من مارتينيز من غير اللي كانو جالسين فالنوامة رسميات بحال فيوم وشيماء ، عمرات الدنيا والزحام وهبط الوفد كله الا الشيخ وطلقو ليهم الخليجي وارا برع ..تصافو البنات صف مقابل مع صف والوفد بيناتهم كل واحد فين داخل
ناضت شيماء وفطوم نوضو معاهم الغنمة دخلو فالصف داروه الوسط وعنقوه من ضهرو حتى تلاقار يديهم وتشادو بجوج وبداو كيشطحو غادين فريتم واحد مع الصف مرة خطوة لقدام مرة يرجعو اللور على اغنية ميحد حمد
خمس الحواس سألني .. عنيك وقلبي فيه جرحي
جرحي تجافي ونتي جني
جرحي سكن في قلبي يسني..
جاب ليهم مصطفى عكاكز رقاق فرقهم عليهم وبداو كيشاليو ويهبطو فهبطة وحدة ويطلعو فطلعة وحدة
دخلات وسطهم وسط الصفوف بنت طويلة وعامرة لابسة كسوة طويلة لاحت عليها شال على وجهها وبدات تشالي بشعرها وتقابل مع هاد الصف ومع هاد الصف وهما كيحنيو ليها ويشطحو بالراس كاملين يمين يسار
جا واحد من داك الرفد فيدو بريكة ديال الدولاد وبدا من اول الصف هاز يدو كيدفع بالابهام وحدة ورا وحدة فالسما وغادي حتى لاخر الصف وضار على الصف الثاني المقابل معاه كذلك وتلفت الوسط كيشطح وشد الباقي دفعة وحدة رماه الوسط وشط للبنت الوسطانية فيدها كيشطح برجلو ويمشي معاها فالريتم .. هما كيشطحو والفلوس كيتطاير فالهواء بحال اوراق الشجر والزاغاريت من البنات كتعالى
وتبعاتها مبارشة اغنية
مهما جرى منك وصارهل تراني في انضار
ساكت على ماهو جرالي انطرك بليل ونهار
مشات السهرة رقص وضحك وتجمعات حتى لاخرها وبدا كل واحد طالع ومعاه اللي تونسو ..ناضت فطوم وشيماء بجوج شدو فيه وحدة من هنا وحدة من هنا ومصطفى كيشوف فيهم ..عيط لشيماء قاليها هوا بغاكم طلعو بجوج
قالت ليه اه سولو
قاليها صافي غير سيرو
طلعات تبعاتهم وفيدها كاسها دالمشروب غادية مع الدروج وكتشوف لتخت فالبنات كيتفركو
طلعو لواحد البيت دخلو معاه كان كبير وعندو فرشة وقالت ليه شيماء انادي عالشغالة تجيب لنا شيشة
قاليها بتعب بلاها خليها لبكرة
قالت ليه لالا خليها تجيبها انوريك واحد الستون غتحبو كثير
طلات من الباب قالت لخدامة طلع ليهم شيشة ورجعات لقاتو مقنت فطوم عاطيها هوا وياها للبوسان
خلاتو وخرجات مشات جابت واحد القرعة دالبيرا قدها قداش
وجات هي والشغالة دخلو حطو داكشي ومشات عند فطوم جراتها قالتها ليها معاك داكشي اللي قلتي لي
قالت ليها فطوم غي طريف ماجبتش بزاف
قالت ليها شيماء اريه
جبدات من صدرها واحد الطريق دلحشيش ومشات عرات على داك المعسل فتتات فيه طريفات دلحشيش وخوات الماء عمراتها بالبيرا حتى لفم وضارت عندو قالت ليه اجي جرب هاد الشيشة انما ايه ..مزة
عضات فطوم شنايفها مشات وقفات حداها قالت ليها اوييلي بغا تسيفطيه بزاف عليه
قالت ليها شيماء وشنو بغيتي يسيفطنا حنا !! خليه ينعس والى فين اختي ما يهز منك ليه
قالت ليها فطوم لا اختي مافياش شيماء. وصافي خلي يطيح ينعس
جلسو حداه كيشروب ويعطيوم وهوا كيجر ويعاود حتى تقلبو عينيه طاح نيشان على ضهرو وحل فمو
ناضت فطوم قالت ليها اوييلي المسخوطة قتلتيه
خرجات شيماء عينيها ناضت طلات عليه كتسنط على قلبو حتى هزها بواحد الشخرة وناضت قالت ليها الله ..تهنييينا
جروه لبلاصتو عراوه وشافو فيه بقرف وغطاوه وناضو جلسو فالبالكو كيتجمعو حتى بدا النهار يطلع عاد دخلو لداخل
مشات شيماء حداه نعسات وفطوم بقات كدور وحلات واحد المجر لقات فيه الفلوس وبدات تهز وتخشي فصدرها
طلات عليها شيماء قالت ليها شنو كديري
قالت ليها غير شوية اصاحبتي مالكي
جرات شيماء المجر وشافت فيه لقاتو ناعس وهزات علاش قدات حتى هي ومشاو نعسو حتى صبح الحال وسمعو الدقان فالباب
ناضو فتحو الباب لقاو الخدامة كتجمع البنات وخرجو كيجمعو شعرهم هبطو عند البنات لتحت لقاو مصطفى واقف وقفة مستقيمة وطويل فيدو جوايات فالابيض كيهضر معاهم وكل وحدة كيعيطيها جوا
قالت ليه وحدة واش انرجعو لمارتينيز
قاليها شكوم جابكم
قالت ليه الشلحة
قاليها هاهي جايا تردكم
قالت ليه فطوم حنا غنبقاو ياك
قاليها نتوما رسميات
عطاهم الجوايات ورجعو لبيتهم كيحسبو الدولار فوق الناموسية
فطوم : الله كملت فلوس الطموبيل ..غنخرج نيشان نشريها
شيماء: غير سيمانة هنا منخرجش العام كامل
فطوم : اصلا حنا جالسين هنا حتى يمشي سهرنا ولا مسهرناش ثلتالاف ديالنا ديال النهار طالعة
شيماء:اكراميات شحال عطاوهم؟
فطوم:الدوبل تمنالاف درهم. كي ديما .. وباس. وباس تيليبل راكي عارفة ..
شيماء:موحال غدا يطلعنا معاه عاوتاني والى طلعنا ضاروري كيتكينا
فطوم :مانبانوش ليه اصلا فين غيلقانا فداك الزحام غير الى سول علينا مصطفى
شيماء:باقي عندك شي طريف؟
فطوم:باااقي عندي موجود جابو ليا واحد الدري من كتامة
شيماء:وا ديري بحسابو غدا الى طلعنا نعسوه
فطوم:مايبغيش ينعس الى شافنا غندوخوه فالسهرة نطلعوه دايخ اما الى طلع ساحي والاه لا خضع ليك ..
شيماء مهم ختى ليل ونشوفو
نعسو ونفس الريتم تعاود ونفس السهرة وبنات جداد وروتين كيتعاود..كما خططو نفدو وجا قاصدهم نيشان مرة اخرى وشدوه شبعوه وسط السهرة وطلعوه برموه كيف بغاو وصبحو نازلين وبقاو على داك الريتم ليلة يتخباو عليه بين البنات ويطلع وخدة اخرى وليلة يبانو ليه ويشدوه يقلبوه ويطلعوه حتى سالات السيمانة فالنوامة وخرجو منها فالباص مع البنات من بعد ما رجعو ليهم اغراضهم وهواتفهم .
شداتو شيماء وهي جالسة حدا فطوم قالت ليها طفاا..ماعرفت شنو دارت يسرى..اما واحد البكوص يالاه تعرفت عليه قالي عيطي ليا نتي مشيت لا انا لا العيوط لا لالعيوط لا لغيوان عنداك غير يقلب عليا سيفتو
حاولات تشعلو مابغاش يشعل وخلاتو حتى وصلات لمارتينيز لقاتها خاوية غير شي بنات قلال اللي كيجمعو حوايجهم يمشيو
دخلات حطاتو يتشارجا وحطات الباليزة حداها كتسنا محجوب يجي عندها وفطوم كتسنى الشلحة تجي عندها
قالت ليهم الخدامة مشاو يوصلو البنات ويرجعو وجلسو كيتناقشو قبل مايتفرقو
شيماء: معامن جالسة دابا؟
فطوم مع البنات اصلا طلعو ليا فراسي اختي السكنة مع ل**** خايبة ونتي
شيماء:انا مع يسرى يالاه كيرينا واحد الدار مفرشة وغالية مالقيناش الكرا
فطوم: يالاه نرهنو انا وياك ..صدري يسرى ونسكنو غير بجوج ونرهنو احسن. بشي طناش ولا غير تسعود دار زوينة ونساو للكرا
شيماء: مانقدرش نصدر يسرى اصاحبتي كتبقا فيا وعندها بنت كتقرا ومها مريضة
فطوم:انا مكنرتاحش ليها اختي والله ..مهم الى بغيتي نرهنو قوليها ليا
شيماء: انا مكرهتش بغيت العوين ولاكن يسرى لاسقاني وهازة عليا شحال من حاجة
فطوم: ايوا صافي نقسمو الرهين بثلاتة
شيماء: ماعندهاش اصاحبتي باش ترهن واش انا كنقول ليك مها مريضة راه عايشة غير بالدوا وبنتها صغيرة كتقرا ..حتى ريزوها خوا مابقاوش كيعيطو ليها ..وجبتها معايا لهنا وماطلعاتش فالعزلة راكي شفتي ماشفناهاش فالنوامة ..ونتي بعدا تبغي تسكني فسلا جديدة
فطوم:انا ماعندي مشكل نسكت تا فالمريخ اصلا غنبدل ديك الخرشاشة اللي عندي على قبلها جمعت الفلوس هاد الصيف ..طلقت فيها يدي مزيان دابا غنبيعها ..مهم انا باغا الرهن شوفي شي دار تما زوينة نرهنوها والفراش نشريوه بشوية بشوية ..انا عندي بيت النعاس ديالي صغير مع البنات وعندي تلفازتي وشحال من حاجة غنجيبها معايا والشي لاخر نتعاونو فيه
شيماء:صافي واخا انمشي نشوف الرهين احسن كاع من لكرا وغالي
وصل المحجوب هوا الاول وقالت ليها
احسن اللي وصل هوا الاول مابغيتش كاع نتلاقا مع الشلحة..كنشوفها كنبغي نموت
سلمات عليها ومشات ودعاتها ركبات مع محجوب وهوا فرحان قاليها
كي دازت السيمانة احبي
شيماء: بحال ديما
محجوب:وراه الشهر جاي جاي ولدو عنداك تمشي تسافري
شيماء: جايا القرايا امحجوب على الله يجي قبل منضرب داك الشهر الاول فالقرايا وندخلو فالمعقول
محجوب: عطيهم شهادة طبية وهني راسك ابيبي
شيماء:الى ظطريت غادي نديرها .. مهم شحال جات فالباي ديال السيمانة
قاليها واحسبيها عندك ربعة طلعات تسعالاف درهم للوحدة واكراميات ثلاتة تمنالاف درهم درهم للوحدة عندك تما ستة دالميلون اكراميات اري جوج ورقات فالوحدة. ميات دولار ميات دولار والطلعات ثلاتة دالورقات ..المجموع مليون ومية وستين
جبداتها حسابتها فالسما قبل مايقول ليها شحال وعطاتو الطريفة المعتادة كما معروفة واكد ليها باش ماتنساش موعد الشهر الجاس وبقا كيحاول معاها تخرج اكراميات من غير النوامة وخلاتو فالشك وطلعات بحالها للدار عيات مادق حتى شبعات والشاروت عطاتو ليسرى ..بقات جالسة مرهونة كتسنى حتى تمات جايا بواحد العباية جارة صندالة
طيني ورور طيني احشي لك ماعندي هي لاااهي هي يالاااه هي لااااهي وان تو تري فور وباد ولاد ولااا د..فين دوزتي السيمانة ايسرى غير فالدار
طللت عليها يسرى من لكوزينة وهي كتقلي لحوت قالت ليها خرجت واحد جوج خرجات طريفة ورجعت ..مالقيت ماندير عاودت تخميلة للدار
دورات شيماء الماكينة اللي حطات فيها حوايجها وقالت ليها قلبي على شي دار للرهن ايسرى
قالت ليها يسرى علاش بغيتي ترهني؟
شيماء:الرهن احسن اختي جايا الشتا الخدمة كتقلال..غنرهن انا وفاطمة الزهراء
يسرى: شكون فاطمة الزهرا؟
شيماء:فطوم الكزاوية
حركات يسرى راسها قالت ليها وبشحال بغيتو ترهنو
شيماء: ماعرفتش مهم قد ما طلع الرهن كيقل الكرا ..تقدري ترهني معانا؟
يسرى:ومنين اختي واش انا كنشكي عليك بالعكر كتقولي شخبار الدراري.
شيماء:وصافي غنرهن غير انا وياها
تبسمات يسرى قالت ليها غتجري عليا
هزات شيماء حتجبها وهي كتستف حوايجها قالت ليها من نيتك!! نتي عارفاني نديرها ؟ واباز
بدات يسرى كضحك ومشات عنقاتها قالت ليها نتي راه ختي ماشي صاحبتي..ولاكن عنداك تقلبك فطوم عليا
شيماء: انا مكيقلبني حد..غتبدا لقرايا ماتبقاوش كاع تشوفو وجهي
شافت تيليفون شعل راسو من بعد ما شد فيه شارج شوية ومشات كتجري وقلبها كيجري كتر منها طاحت على تيليفون والمساجات والبواط فوكال كينزلو بحال الشتاء..شدات حنكها كتولول وتشرف فيه وتردد
ويلي ويلي ويلي شحال من ابيل!!! ويييلي ويلي ..مكاينش النهار اللي معيطش فيه ..حيد عليا نتا وجه الويل شغندير بيك
حيدات مسج ديال واحد وتاصلات بيازيد من التعيطية اللولة جاوبها وباين من صوتو ماعاجبوش الحال ورد بشوية قاليها وي؟
عضات صبعها قالت ليه يازيد صافا
قاليها صافا اختي ميغسي
قالت ليه سمح ليا راه تيليفوني كان خاسر والنوامر كاملين مشاو لي
قاليها بيرودة دابا صاوبتيه؟
قالت ليه اه داكشي علاش عيطت ليك
قاليها ايوا مزيان بصحة
بقات ساكتة كتسناه يقول شي حاجة وصدمها قاليها يالاه بسلامة بون جوغني
قطع عليها خلاها بلاكة مصدومة ..رجع وجهها اصفر وعينيها دخلو وكتافها طاحو وناضت شادة تيليفون فيدها تكات على واحد الحيط حتى غرغرو عينيها ..دازت حداها يسرى كتحط الغدا قاليت ليها مالكي علاش كتبكي
تنخصصات وقالت ليها والو اصلا مكاين والو ..انا ماعرفتش مالي غير هاكاك حسيت بالبكية
يسرى: ااه حقا فكرتيني..عرفتي شكون جا عندك
خرجات شيماء عينيها قالت ليها شكون؟!!
يسرى:جا عندك يازيد ..
طاح النص من شيماء قالت ليها جا عندي حتى لهنا!! شنو قلتي ليه
يسرى: جا اختي واحد العشية حتى دق فالباب ..قالي كلمي ليا شيماء مالقيت منقول ليه ..قلت ليه مسافرة ..صافي هادشي اللي قلت ليه
بقات شيماء غير كتشوف فيها قالت ليها وعلاش ماقلتيهاش ليا؟
يسرى: وعاد كي دخلتي مع الباب هانا قلتها ليك
عضات شيما على شنايفها وجلسات شدات راسها قالت ليها. انا قلت ليه كان خاسر ليا تيليفون
يسرى: وصافي قولي ليه كنت مسافرة وخسر ليا
شدات راسها وبقات ساكتة حتى الشهية تسدات ليها وجلسات كتشوف فتيليفون ويدها على خدها ..كانت ياغا تعيط ليه وترددات شحال من مرة لاكن ماعرفات اشنو تقوليه وكل مرة كتخيلو قطع عليها عاوتاني كتراجع باش ماتحطش قموقف هي ماباغاهاش
حطات تيليفون وناضت تشغل راسها بشي حاجة ولقات عندها الروينة خصها تجمعها ومشات كتنتسا جبدات الماريو كامل طواتو وبقات كدور من قنت لقنت حتى سالات وشدات كارو شعلاتو كتكيف وطلع وتهبط فتيليفون ..صونا ليها حمزة فتحات ليه الخط قاليها نخرجو نسهرو لاكن رفضات واخا عيا يحاول معاها وقطعات معاه طاحت نعسات شبعات نعاس بعدا مافاقت حتى لجوج ديال لغد ليه ..عيطات لواحد كان قرا معاها يعطيها التفاصيل باش تعرف شنو تشري شنو ماتشريش وخصصات داك النهار لاغراض الجامعة والحوايج اللي تلبس .
عيطات لفطوم تونسها لقاتها واجدة وتلاقاتها فالرباط ركبات معاه فبيكانطو ديالها ومشاو لاكدال كيدورو من محل لمحل لقات الصولد مشتت وشافت في فطوم قالت ليها فين تبان ليا بلاكة حمرة كنفرح.. ولاكن مزال ماجابوش حوايج جداد ديال البرد هاد الكوليكسيون قديمة اصاحبتي
فطوم: شوفي هادوك واعرين ..غير 99dh والله لاقتيه فالبرد بداك الثمن
مشات شيماء كتقلب فدوك القبيات لقصار خدات منهم ثلاتة وفطوم جوج ودازو جيهة الصيكان كيقلبو قالت ليها بغيت صاك يهز ليها لكتوبا والدفاتر يكون كبير
حيدات ليها فطوم دوك الصيكان قالت ليها مالنا اختي على سبع مية درهم بايعين ليا. زارا ..نديك عند واحد كيبيع الصيكان فمدينة دوزيام كاليطي فلامارك ماتعرفيش كاع واش اوريجينال ولالا ..عندو صيكان ارميس واعرين
شيماء: الصراحة بااغا شي صاك من ارميس
فطوم:انا عندي واحد اوريجينال بثلاتة دالمليون خديتو من دبي كان خداه ليا واحد
شيماء: حتى عندي واحد جاني كادو ديال ديور ..صراحة عندي الاوريجينال جاوني كادو ..عندي ساعة د بولكاري اوريجينال.وشي تواشا اخرين
خرجو من تما كيتجمعو مشاو كملو الشوبينغ الخاص بالدراسة خداو عرام دالحوايج لقاوهم صولد ومشاو جلسو كيتغداو.. جا واحد عند شيماء باينة عليه ولد اكدال سبق ليها الفرونسي وحتى هي ماعطلاتوش ردات عليه بيها ومابغاتش تقلب للعربية وجلسات عليه هاك بالاك فاللخر صدراتو مشا بحال وشافت في فطوم قالت ليها باز ..عجبتيني بغيت نتصاحب معاك!! تا تعجبني انا بعدا ..نتصاحبو باش ي**** فابور اللي ماعندو فلوس يقول ليك نتصاحبو
فطوم :الخروج والمصاحبة نكتيلاقوش..يا اما الخروج يا اما المصاحبة اما بجوج عمرهم يتلاقاو.. تنهدات شيماء قالت ليها انا اختي يالاه نويت نبدا وتصفعت ..
فطوم كتبغي شي واحد
شيماء: ماشي حب ولاكن اعجاب..يعني عندي رغبة فيه مابغيتش نخسرو ..تعشيت معاه مرة وحدة صافي قلب وجهه عليا دغيا ..والمشكلة هاد القلبة اللي دار ليا ومعاودش عيط غتقتلني..غير مكمداها وعاد مازدت بغيتو
فطوم :نتي من النوع اللي كيحب بالتهديد..كن كان تابعك بحال الحمار كن جرتلتيه
شيماء: ااه ياختي ماعرفتش علاش انا هاكا ..تزعطت فيه دابا واكثر فاش قلب عليا.. والمشكلة انا عزيز عليا كري والله منعيط ليه ..مالقا شكون تعيط ليه اخا نكون كناكل عليه التقاشر
ضحكات فطوم قالت ليها واعيطي شرحي ليه
شيماء: والله منعيط !! هييييه!!! قطع عليا بحال هاكاك ونعيط ليه ..والله مايحلم بيها ..نعيط ليه ليارح نيت اللي ضارت بيا الدنيا اما دابا واعية براسي..
فطوم : خلي مو هاكاك كيعجبوني هاد الفعايل ديال النفخة ..
شيماء: اما انا ..هاي هاااي متر منك نحك ليه زنافرو مع الارض والله منعيط ليه ولا نتبعو واخا يكون شكون ما بغا يكون ..قطع ليا عند بلو صافي طبيب ولد البورجوا وتيتيز غادي نعيط كنرغب ونزاوك فيه حيت كاين غير هوا زعما ..نزيد نحلها ليه والله لا حليتها ليه تما بقا
فطوم : ناري عادي تصرعيييه.. عندااك تعيطي ليه
هزات شيماء حاجها قالت ليها والله لا عيطت معامن هوا نتشوا بكرامتي ومانتشواش بلا كرامة ايه
دورات راسها وغطوم كضحك قالت ليها ااصلا الى عيطتي ليه وبقيتي ديريليه فالخاطر غيجر بيك الحبل وتبقاو هاكا ديما غضبان ونتي تحزري ..اصلا ماتبقايش معمرة ليه العين ..شحال نتخاطرو حتى مزال يعيط ليك
حركات شيماء راسها قالت ليها والله لا عيط
فطوم.والله تايعيط..مالكي مريضة قاطع عليك تيليفون ومايعيطش..كيتسناك تعيطي ليه وتعطيه مبررات..ولاكن نتي غتصرعيها كاااع كاع كاع الى قلبتي عليه وخليتيه مايشفع ليه زينو لا الطب ديالو لا تا لعبة..ناااااري شحال كنمون على هاد البلانات وكنموووووت عليهم هههه
شيماء كانت ناقصاها وحدة يحال فطوم تكمل عليها وتوقف حداها تزيد تمنعها الى بغات دير شي خطوة باش تندمش
طلبات منها تمشي معاها للدار وقالت ليها باللي كيقلبو على الرهين ولسقات عليها ..مشاو شراو الصاك االي بغات شيماء ومشات معاها فين ساكنة هي وصحاباتها جمعات باليزتها قالت للبنات غنمشي نجلس مع صاحبتي تا نرجع .
هزات حوايجها ومشات مع شيماء للدار لاكن غير دخلات ماطاقتش يسرى وواخا هاكاك ضحكات معاها ..وحتى يسرى مابغاتهاش ومابغات حتى وحدة دخل بينها وبين شيماء وتبعدها عليها ..جاتها الغيرة وزاد تعاملها الزوين مع شيماء اكثر باش متاخدش ليها فطوم بلاصتها واخا راه اللي دوزاتو فطوم وشيماء قبل ماتمشي سعودية اكثر من اللي دوزاتو يسرى فحياتها كلها .. عندهم دكرايات وكيتفاهمو بزاف وكيتشابهو فالطباع داكشي علاش كيرتاحو لبعضياتهم وعندهم نفس الدرق حتى من الحوايج وحدة كتعاون لاخرى فالاختيار وكيبغيو نفس الحاجة..لقاو راسهم قراب لبعضياتهم بلا مجهود بلا حتى حاجة .
جلسات فطوم معاهم فالدار تا هي كتنعس فالصالة وكتقيل شيماء دايرة عندها الراس كيتعاودو باللي ويسرى ناعسة مجايبة للدنيا خبار
تعاويد مكيتقضاش ومكيساليش ..عاودات ليها فطوم قصتها كلها فسعودية وعاودات ليها شيماء شنو دارت من وراها وبقات هضرة تجيب هضرة حتى جبدو يازيد
قالت ليها فطوم ماعيطش؟
قالت ليها شيماء قلت ليك مايعيطش..انا اللي جلست معاه وهضرت معاه عرفتو مغيعيطش..صافي اختي حتى انا كنحاول نسى ونتهنا ..بقات ليا تلت ايام نبدا القرايا وخاصني نمشي نخلص الكلية
فطوم :غدا الصباح نديك تخلصيها..شري اصاحبتي طموبيل غتنفعك
شيماء: راه عندي مصاريف قد الويل نتي راه ماعندك والو ..انا راه عندي السونطر كنقرا بربعالاف درهم لونكلي ..حييدي عليا لونكلي دوالو باش كنهضرو راه كنقرا لونكلي العلمية ديال القرايا المثقفة ..وصعيبة راسي كيحبس ليا وكنخلصها غالية..لكرا والحوايج والماكلة ..مصاريف غير الشراوط كيديو زبالة دالفلوس..
فطوم:هانتي ضبرتي على فلوسها السيمانة الفتيتة
شيماء: فطومة !! راه واخا جمعت الفلوس راه منقدرش نقيسهم راه مكنخرجش فالشتا بزاف .. خاصني باش نقضي..الفلوس كطير ..وهانا بغيت نشري طموبيل غنشري وخدة بستة ولا خمسة ونمشي بيها ل uir!!! عرفتي الحديد اللي كيجي لتما كي داير!! مكاين غير الفا روميو وبي ام و ميرسيديس واوديات وهاك بالاك مكاينش اللي كيجي بطموبيل قل من عشرين مليون ..نمشي فطاكسي ومنمشيش فخرشاشة وانا كنبان ليهم واصلة وقوقة !! خصني حديدة نيت ..هلي حتى نهرف على شي حولي فشي وحدة نقج مو يشريها ليا ..دابا يجيو فالبون ناني
فطوم:واختي نتي تعرفي انا معارفاش شنو كيوقع تما ومعامن كتقراي..عمرني تا دخلت ليها
شيماء: وا غدا نديك معايا تشوفي علامن كنصبح وعلامن كنمسي باش تفهمي..راه بنادم مكيتفسش بالعياقة عرفتي شنو هي مكيتنفسش ..مكيكملش فيك تا الشوفة بكثرة العياقةحاسبين فكرورهم ..خاشية راسي تما صحة بزز من جد باهم
فطوم :غدا نضربو الحطة ونمشيو
ك
تصبحي على خير
صبحو خارجين بجوج ويسرى كتشوف فيهم ودور عينيها قالت لشيماء فين غاديين
هزات شيماء صاكها قالت ليها غتديني توصلني لفاك ونرجعو فين اصلا غنمشيو على بوصبيح
خرجو لابسين دجينات زوينين مزيرين محكوكين وسبرديلات اوريجينال ديال اديداس وتيشورطات وصيكان ، وحدة دافرة شعرها وحدة جامعاه وطلعو فبيكانطو مشاو لافاك بتعليمات شيماء اللي كتوريها منين دخل وفصن توقف
نزلو فذاك الصباح الباكر اللي الهوا ديالو اجمل هوا فالكون وشارت شيماء براسها قالت ليها ضربيعلى لحديد اللي كاين هنا
شافت فطوم هاكاك وهاكا قالت ليها طموبيلتي كتبان بحال شي زبيبة فوجه ملكة الجمال
ضحكات شيماء حتى شبعات وشدات فيها قالت ليها الدنيا خاوية قليل اللي جا يتيقيد
فطوم :جبتي معك الفلوس
شيماء:كنخلص بالشيك غادي نعطيهم الشيك مالي حمقة نهز معايا طناش لمليون
فيدي
دخلات للادارة كانو تما شباب شي داخل شي خارج وفطوم غير كتشوف فيهم ..
وقفات شيماء كضحك مدات يدها سلمات على واحد كان جاي جيهتها فيدو سوارت رانج روفر ونضاضر سلم عليها وبدات الفرونسي كتشاير ولا كلمة بالعربية جبدوها وفطوم مسكينة واقفة كتشوف بحال الصمكة ..حتى شكات فراسها واش راها فباغي بكثرة ما كلشي كيهضرة تما فرونسي..لا اللي كيهضر فتيليفون ولا اللي كيهضر مع شي واحد ولا اللي خارج كاعي كيدوي بوحدو .لسقات فشيماء اللي زادت وقالت ليها فطوم شكون هادا
شيماء: قرا معايا بعام اللي فات
فطوم: وا دويو شوية بلعربية ااو او او تقول غا مزيردين ففرنسا
شيماء: واختي هادشي اللي عطا الله فهاد القنت ..
فطوم: ماعرفتش اختي ماعرفتكش..تسيفتي بالزربة اللي شافك مايقولش شيوم
ضحكات قالت ليها خلي شيوم لهيه انا هنا شامي ..قالك شيوم مزال نصدمك فاش تعرفي با طبيب دسنان فباغي ومي محامية
حلات فطوم فمها قالت ليها اويييلي كتهضري بصح!!
شيماء: عنداك تفرشيني راه كولشي عارفني هنا بنت دونتيست ومحامية وخريت بزنس مان فالمانيا..راه كيحتارموني هنا من المدير وجبد
فطوم :الى نتي مك محامية انا مي شنو غنقوليهم
شيماء: ماتقولي والو اللي سولك قولي ليه كنقرا فكلية الطب
فطوم :اويلي على الطب!! الطب السعودي
شيماء: الى بغيتي يحتارموك ..وماتهضري مع تا واحد اصلا غايهضرو معاك فرونسي غتبقاي كتشوفي فيهم اللهم بقاي ساكتة
دخلات قادات وراقها ومسائلها وخرجات شادة فطوم قالت ليها ضاروري تجي معايا النهار الاول لهنايا تشوفي ولاد فلان وفرتلان . كاع اللي طاح ليك على بلاك تلقاي ولدو ولا بنتو كيقرا هنا
فطوم لا غادي نجي معاك ضاروري نهار الاول ..نوصلك ونرجع ليك نردك ..وقتاش تبداو ؟
شيماء: سيمانة جايا..دابا خاصني نجمع حوايجي داكشي اللي باقي ماشريتو نشريه ..نمشي سونطر نخلصو تا هوا باقيين كيتسالوني واحد الشهر راهم كل مرة سر فر عيط جبد كنقلو ليهم مسافرة
فطوم : نمشيو غدا ؟
شيماء: اه خاصني نمشي نسبق بيها هي الاولى قبل منخسر فلوس
فطوم: عرفتي مشهية شي طاجين ديال لخليع بالبيض هاد الصباح نفطر بيه
ايداتها حتى شيماء وهبطو من تما للرباط لمثهى كبيرة عندها جردة مهوية وجلسو فطرو وتصورو فيها وحلات الفايس بوك حطات فيه تصاورها بحال العادة اللي ديما مخبية فيهم وجهها بشي حركة
قالت ليها فطوم مكيشفروش ليك تصاورك؟
شيماء: هيييه!!! انوريك شحال من كونط محلول بتصاوري.راه ميمكنش..جاب الله ديما مدرقة وجهي مكنبانش..فين ما تعجبهمش شي تصويرة يهزوها يحطوها عندهم ..
فطوم:حتى انا مكنبينش وجهي.. انشوف تصاورك
طلات كتشوف وقالت ليها ديالمن هاد الهامر ؟
شيماء: ديال داك القطري اللي كيخلص ليا الجامعة..
فطوم: واعرة عبايتك هوا اللي جابها ليك
شيماء: اممم راها عندي الى بغيتيها لبسيها
فطوم: تصاورك واعرين حسن كتخبي وجهك
شيماء:ولاكن راه كيسرقوهم وينسبوهم ليهم
فطوم مهم معارفك حتى واحد فوجهك
شيماء: بلاتي نشوف واش يازيد عندو فايس بوك
خلات كتقلب عليه بالسمية والكنية طلع ليها لكونط ديالو ..ضرب المدفع فقلبها وضلات معاها الصهدة والعرق فاش لقات حسابو ودخلات لبروفايلو لقاتو داير صورة فيها لبسة نص كم خضرا ديال الاطباء وواقف جنب لاكن ساد على التصاور وعلى كلشي من غير فوطو ديروفايل
قالت ليها فطوم شكون هادا
شيماء: يازيد اختي
فطوم انشوف..تييتيز اختي
حيدات شمياء تيلفون بتمرد قالت ليها قولي خايب قولي جوع قوليلا علاقة خيبيه ليا ونتي كتزيدي تحكي على الضبرة
فطوم : غير ضحكتك معاك لاعلاقة
شيماء: انمم صافي خرجات من فمك
فطوم :عنداك تسيفطي ليه طلب صداقة
شيماء: اويلي من نيتك !! والله لا شافو اصلا ماخصوش يشوف حسابي..شيووم والتصاور ستيل سواعدك والحديد وعبايات السعودية شنو بغيتيه يفهم !! نوضي نمشيو بحالنا اختي تفقصت كن غير ما دخلتش نقلب عليه
مشاو جهة وجلسو على الصخر ساكتين كيشوفو فالماء ساهيين والامواج كضرب الصخر وحتى واحد مكاين فداك الصباح من غير اللي كيدير الرياضة..فجأة تلفتات فطوم لقات شيماء كتبكي وعنقاتها قالت ليها مالكي؟ اويلي مالكي
نفاجرات شيماء بالبكا بهستيرية حتى تخلعات فطوم وبقات كتعد ليها الاسباب وتسول علاش كتبكي فالاخير خلاتها بكات حتى بردات وفشات خلقها ومحسات وجهها بتعب قالت ليها الحياة غير عادلة…
تنهدات فطوم قالت ليها مالكي شنو خاصك ؟ علاش غير عادلة؟ اصلا شكون هادا اللي عدلات ليه هاد الحياة
شيماء: وااخا.. حنا اختي حالة خاصة..حنا ماشي بحال الناس ويقدر كاع معارفينا واش كاينين وشنو كنديرو وكيفاش عايشين..يقدر كيتلاقونا فالزنقة كيقولو سعداتهم لابسين ..عايشين .. عندهم الفلوس..كنشوف شي بنت قدي مع امها وكتشوف فيا بداك الاعجاب ماكرهاتش تكون بحالي فالمضهر..وانا ماكرهتش كون كانت مي بحال مها..كن جراتني من يدي وعنقاتني..كن خرجاتني معاها ونشرف بعيني ومنعرفش اصلا هاد الوسط وهاد العالم واش كاين..علاش انا يوقع لي هادشي علاااش!؟؟ تمنطاش لعااام اصاحبتي تباعي واش عارفة شناهيا تباعي؟؟؟ عمرني نساها عمرني مغنعيش عادية ..واخا نشرف يولي فيا بوتفتاف مانساش شنو دارت فيا الشلحة..لا عاااائلة لا مجتمع. لا خررااا..هاك وارا مكاينش فاعل خير…مكاينش افاطمة الزهراء..بوحدي كنتلاوط والدنيا كترمي فيا من هنا لهنا …داكشي اللي عارفاه انا معارفاهش وحدة عندها ربعين عام…علاش علاااااش علاش نعرف هادشي علاش نعيشو…علاش مايكونش با نقي ومي واعية وخوتي مسكدين …تفوووووو الله ينعل ديلمها عيشة …الله يحرق جدمهم هاد الناس وهاد المجتمع وهاد الحزاق كااامل…بنات عشرين عام مع والديهم الى تعطلو كيسرلو فيهم..شكون يسول فيا انا؟ حتاااا واحد..نموت نعيش نحيا نخراااا يديرو فيا ولاد لحرام مابغاو حتى واحد مامسوق ليا ..لعبات بيا الشلحة كيف بغات شكون سولني مالكي..شكون سولني شنو ضارك شنو بغيتي..واش مريضة واش مرتاحة… كنتعايش ونضحك باش نساااا تفوووووو
بدات كترعد وتبكي وفطوم كتبكي خداها وحاطة عليها يدها ..جبدات كارو شعلاتو وفمها كيترعد قالت ليها شحال كااااع غنبقاو هاكا ..خمس سنين عشر سنين؟؟ فلوس كطير اخرتها نوليو بحال يسرى هادي هي الحقيقة..حتى واحد ميتسوق ليك ..تولي طلبي وتحدري الراس باش بنادم يصوفيك…وتولي نتي تقلبي على لق٠٠٠٠وب باش تعيشي..تولي بحال لخرية وترماي فشي بار مع زطايلية
تنهدات فطوم قالت ليها وهانتي كتقراي نتي بعدا عندك مستقبل خدامة عليه شنو نقول انا ؟. اللي كنتسنا غير شي سعودي نتوجه ن٠٠٠٠ود من هاد البلاد هادا هوا الطوب ديالي
شدات شيماء داك الحارو فيدها قالت ليها مغادي نسالي هاد القرايا تا نتسطا..جبد جبد جبد جبد..كولشي دايراه على هاد المستقبل..كووولشي صابرة ليه على هاد المستقبل..ولاكن متايقاش فراسي واشنقد نزيد نصبر ولا شي نهار نصبح كنضرب بالحجر بكثرة داكشي اللي عشت وممرضني فحياتي..بغيت غير شي نهار نوض لقا راسي باقا كنحلم وناعسة فرق سدراي فدارناواخا مق٠٠٠دة ععلى ديلمنا كاملين..من نهار حليتي عيني كنكرد..كنحفر الستيلو فالرقة علااااش! علاااش عطيت حياتي لقرايا !! باش نخرج من الزلط وديك العيشة..كن جا با اب. ومي ام يعطيوني غا منحة نقرا بيها يعطيوني غا الاوراق انا نجري على راسي ..كوراني ساكنة فالجامعة بحال البنات وكنقرا وبيخير…فاش كنتفكر راسي عندي حلول عندي طرقان اخرى وكنت نقدر نكون بيخير مايوقع والو من هادشي كنزيد نمرض شي نهار نرمي راسي من ديك الطبقة فين ساكنة..كاااااين حل ماشي مكاينش..ماشي مكاينش امل…ولاكن معامن ؟!! مع ز…..تفووووو
حطات عليها فطوم الراس قالت ليها وانا بحالك ..انا مي كتقول ليا سيفطي ليا ..كنقول ليها ماعنديش كتقولي وماخرجتيش!!! يالاه واشنر ديري ! سيفطي لخوك ..سيفطي ليا ..عطيني..وكتقول ليا غتزيدي شي شوية مايبقا يديها فيك حتى واحد ويالاه
بكاو حتى طابو وكملو داك القطيبات دالكارو وناضو ..مع الدورة لقات واحد نازل من طموبيل جاي عندها هاز تيليفون كيفرنس وهي عينيها حومر باقين مدمعين..قاليها مادموزيل..
قالت ليه سير ت**** د تا نتا مادموزيل ولا ز٠٠
ضحكات فطوم واخا مافيها اللي يضحك وطلعو للطموبيل مشاو تلاقاو بالسيد اللي كيبيع الحشيش جا حتى للطموبيل عند فطوم عطاها السخرة وعطاتو خلاصها ورجعو بحالهم ، دخلو للدار مالقاوش يسرى وجلسو تكاو كل وحدة فقنت ونعسو فدار الفيقة ديال الصباح حتى اذن العصر عاد صونا ليها تيليفون نوضها لقات رقم قطري وفتحات الخط بابتسامة جاوبات بأدب
الو كيفاك .. كيف احوالك…الحمد لله خلصت ليوم ..اه وصلني شكرا حبيبي ..لا خلاص الحمد لله …ولاكن انا راح ابدا الدراسة هاد الاسبوع نتا عارف..ابعت لك صديقتي؟
اممم اوك اشوف ورد عليك ..لالا بلعكس حبي مع السلامة
ناضت فطوم من النعاس قالت ليها معامن كتهضري؟
تنهدات شيماء قالت ليها محمد ..اللي خلص ليا الجامعة عيط قالي تروحي معايا طايلاند ..عندو اسبوع بغا يرتاح فيه قاليه ابعت ليك تذكرة على هونغ كونك
فطوم: ولاكن غتبداي القرايا اصاحبتي
شيماء: غادي نغيب ماحدي فالبدية ..ماجاتش نقول ليه لا يالاه حط. زبالة دالفلوس عليا وغيخلص التذكرة ومصاريفي كلها وعاد غيعطيني فاش نكون جايا..ماقدرتش نقول ليه لا .. قلت ليه ابعث لك صديقتي عليك نتي زعما قالي لا انا باغيك نتي لاكن في احتمال يمشي معاه صاحبو في حالة ما ما مشاتش معاه صاحبتو نديك معايا
ناضت فطوم فرحانة قالت ليها ضبري ليا فهاد التسافيرة الله يسهل عليك بااغا نمشي نسافر طايلاند..مشات ليها واحد الوحدة حات كتبوزق علينا فقصاتني
شيماء: انا براسي ماكرهتش ولاكن جات فوقت مزيرة..دابا غنوض نقاد شهادة طبية فيها اسبوع نعطيها ليهم
فطوم : شوفي ليا مع صاحبو الله يسهل عليك
شيماء:اويييلي واش انا كرهت!! طلبي الله ماتمشيش صاحبتو ولا تكون غابرة فشي قرينة ..عنداااك تجبدي حس السفر قدام يسرى ويااك ..غيبقا فيها الحال خصوصا الى مشيتي معايا نتي تقولي علاش مديتينيش انا
فطوم :لالا منقوليها والو كوني هانية
شيماء:وانخرج عاوتاني نشري شراوط السفر..هاشقلت ليها راه الفلوس كطيييير
ناضو كيجريو يجاريو عواتاني ..فطوم براسها تقادات على اساس تمشي وشرات كاع اللي خصها وضمنات راسها غادية وكتهضر وتصرف على داك الاساس واخا شيماء عيات تفيقها باش تحلمش بزاف لاكن لا حياة لمن تنادي
رجعات يسرى لغد ليه مسخسخة عرفوها كانت خارجة اكرامية مع واحد من الشوافرية . زمو فامهم وسكتو مابينوش ليها شنو كاين وكلشي قادوه حسي مسي باش يخليوها على خاطرها ..
قالت ليها شيماء انا غنسافر طايلاند مع محمد وفطوم غترجع بحالها مع البنات فين ساكنين تا نرجع
قالت ليها يسرى ديني معاك ماعندوش شي صاحبو
شيماء:غادي بوحدو كان غيجي المغرب وماتلاش ورسل ليا نمشي عندو..كن كان شي صاحبو كن ديتك راكي عارفة
قلبات يسرى الدورة مقالت والو تيقاتها ومشات جمعات شاكوشها تمشي للحمام
وبقات شيماء كتسنى الرد من عند محمد ..
رد عليها بالليل والكل ناعس قبل السفر بثلاتة ايام قاليها بعتيليصورة صديقتك يشوفها صاحبي
ناضت ديك الساعة مشات فيقات فطوم ناضت جلسات قالت ليها شمن صورة نرسل ليه بغا يشوفك ..اصلا نتي زوينة يشوفك يدوخ
فطوم بحماس:سيفطي ليه هادي كنبان حشمانة مزينكة ..كيموتو على البرائة هما
سيفطاتها ليه شيماء وقطعات معاه والصباح رد عليها قاليها خلاص جيبيها معاكي التذاكر غتوصلكم المسا
طارت فطوم بالفرحة فاش سمعات الخبار وتكمشات باش متعيقش يسرى .. قطعو الحس وقادو الامور لاكن بقا لشيماءواخد الشغل تفضيه مع الجامعة عاد تسافر
وجا نهار افتتاح الجامعة للطلبة والتعرفعلى بعض نهار قبل الطائرة ..النهار اللي تافقو يمشيو بجوج باش فطوم تشوف داك العالم اللي كتقرا فيه شيماء
الصباح صبحات لابسة قميجة بياض مستيلية بيضاء واسعة على العنق بالصدايف وسروال دجين م سبرديلة بيضا وهازة الصاك فيه الكتب ودافرة شعرها الطويل الاسود للجنب ..سنسيلة فالعنق وكورميط والساعة الباهضة الصمن فاليد ومشات مع فطوم اللي حتى لبسات لباس انيق وزوين بانت بنت ليبورجوا الانيقين .وصلو للكلية ونزلات معاها فالساحة لكبيرة فين كيوقفو الطموبيلات لقات غير الحديد اللي فعلا حديد..اما شي نماذج مكانتش كاع كتشوفوهم على برا ..لا لبنات لا لولاد كنبان عليهم لا من الوجه لا من المضهر ..كلشي كيتسالم ويتعارف وشي سافر لهواي شي سافر لتركيا. شي شافر ميريكان كل واحد كيقول منين درت وفين وصلت وشيماء كتعطيهم فالقرطاس لالالا اشمن القرطاس القنبول..سافرات نعام اسيدي لثلاتة ديال الدول وكتعاود تقول كانت فيهم بصح! اما فطوم ساكتة مكتهضرش ومكتفهمش اصلا كتسمع غير اسامي الدول ماعرفات علاش كيهضرو.
بداو كيدخلو واحد تابع لاخر للجامعة وتافقات فطوم تسناها غير تما فالطموبيل حتى تخرج ومشات جلسات فيها ..اما شيماء دخلات للقسم مع الطلبة اللي قراو معاها واللي عمرها شافتهم كتهضر وتجمع عادي . تعرفو ليبخوف داليهم اللي حتى واحد فيهم ما مغريبي ودوزات داك نص نهار دالصباح حتى لطناش وخرجات مشات حطات ليهم شهادة طبية فيها اسبوع وخرجات مع الطلبة عند فطوم اللي نزلات عندها عاوتاني كتسمع بلا متفهم وغير كتفرنس على اساس فاهمة كولشي ..
كانت الدنيا عامرة والشمس ساطعة جبدات شيماء النضاضر يغات ديرهم وهزات راسها جهة الطموبيلات بانت ليها بورش كحلة كتبري لاسقة مع الارض..ضرب قلبها حتى خرج من بلاصتو فكراتها فسيارة يزيد ..لاكن دغيا تلاشا الاحساس غير شبهاتها ومع ذلك بقات كتشوف فيها ساهية ختى تحلو بيبانها ونزل واحد الولد طويل شعرو كحل كتعرفو حتى هوا لابس قميجة بيضا وسروال رماضي خاط نضاضر ومن جهة السائق نزل يازيد بنضاضر الشمس وتيشورط زرقاء والدجينز شافتو وشادات فيد فطوم وقلبات وجهها قالت ليها يازيد
بدات فطوم كدور عينيها عك وتقوليها فين فين فين؟
غرسات ليها شيماء دفارها فيدها قالت ليها بلا فرطة راه حدا ديك البورش الكحلة طويل مكدر لابس لزرق ..
شافت فيه وشيماء حتشرف فيها علطياه بالضهر وكتنفس قالت ليها شنو كيدير؟
فطوم: واش اللي شعرو زعر
شيماء: اه هوا شنو راه كيدير
تبسمات فطومة قالت ليها نبصم عليها تا جا يشوفك .شتي قلتها ليك .
بلعات شيماء ريقها قالت ليها شنو كيدير دابا مابغيتش ندور
عضات فطوم شنايفها قالت ليها شافك ..ناري كيشوف هنا
شيماء: باش عرفني شفتو قبل مايشوفني
فطوم:والله تا شافك كيشوف هنا .. ياما عرفك ولا شاك كل مرة كيشوف هنا
شيماء: صافي ماتبقايش تشوفي فيه يقول كنهضرو عليه
فطوم: دفعي كبير..مالكي كترعدي عليا توكضي ديري باللي مابقتييش عاقلة عليه كاع ..ضحكي عادي ولا شدي فشي واحد تجمعي نتي وياه ديري بحالا موقع والو..ماتبينيش ليه هازة فخاطرك حيت باينة جاي يتلاقاك وعزة نفسه ماخلاتوش يعيط ليك
حركات شيماء واسها قالت ليها بلاتي شوية نرتاح وندير هادشي
فطوم: ماتنسايش قطع عليك وصدرك وسيمانة دابا ماعيط ماسول..ديري بحالا نسيتيه فمرة فهاد السيمانة اللي عيط فيها باش يندم علاش تعطل .. صافي ضربي الدنيا بركلة جرتلي والديه وريه شناهيا يتنفخ عليك وريك النفاخة ديال بصح باينة كانو حالينها ليه البنات مامولفش يتنازل وبغا يبرد على راسو جا باش تشوفيه ويشوفك زعما ..ماتخليش ليه فرصة فين يزرب عليك ويدير هادشي اللي باغا ديري بالزربة قلبي وجهك عليه فاش تشوفيه قبل ميشوطك هوا ويسبقها ليك ..عرفتي نتي وياه فمصراعة دابا متخليهش يربحك حيت واحد فيكم غتزاد ليه ضلعة فالكبرياء و لاخر غيخضع باش تصالحو حيت اصلا نتوما باغيين تصالحو ولاكن باش واحد فيكم يتفك من هاد الصراع خاص لاخر يتهد وتبع لاخر وغتكملو هاكا…
قاطعاتها شيماء : صافي صافي عطيتيني محاضرة البروف براسو ماعطاهاش لينا من قلبو كي عطيتيها لي نتي… صافي انا ندور
جمعات شيماء النفس وضارت مبسمة بشوية كانها مشافتوش .. كان كيهضر معاها الطالب اللي حداها وحتى هي شافت فيه نيشان كتهضر معاه وتحت نضاراتها الشمسية كتشوف فيازيد بنص عين واش كيشوف فيها ولالا.لقاتو واقف مربع يديه وكيشوف فيها بنص عين تحت النضارات الشمسة اللي دايرة مع واحد قدو فالسن والشاب اللي صغر منهم اللي نزل معاه من السيارة
حلفات ما تقابل معاه وبقات محافضة على الابتسامة ديالها ومدات وجها سلمات كتودعهم وشدات في فطوم با تمشي وقالت ليها تحت لسانها يالاه نتحركو من هنا خليه واقف تما بلاكة عند بالو غنبكي عليه
تبسمات فطوم قالت ليها ناري الولد اللي نزل معاه جاي جيهتنا ..
زيرات عليها شيماء قالت ليها زيدي بالزربة ديري راسك ماشفتيه كنعرفو مابغيتش نهضر معاه
خشات يدها فيد فطوم سالتين كيوشوشو قالت ليها فطوم داك صحيبك شفتو دار ليه براسو هاكا جيهتك وقاليلا قاليه واش كتعرفها ولاخر شار بصبعو حرك ليه راسو ..وصحيبك يمكن قاليه سير جيبها ..خراااا مالو على هاد العياقة والتعفار ديال ال٠٠ب
سكتات شيماء وبقاو كيتمشاو جيهة الطموبيل حتى سمعات شيماء شيماااء
ضارت كأنها متفاجأة قالت ليه كريم!!
وقف من بعد ما كان تابعها زربان قاليها بالفرونس مالكي زربانة وقفي نشوفوك
شافت فيه فطوم وشافت فشيماء اللي ردات عليه قالت ليه ماشفتكش اكريم صافا
نبادلو السلام وكذلك فطوم اللي غير كتفرنس بحال العادة وتحرك راسها يمين وشمال مشاركة فالهضرة براسها زعما كتفهم
نخزات شيماء قالت ليها درجو الخرا شهاد المرض فيكم تفو
قلباتها شيماء دارجة عاد تبدلات اللغة قالت ليه شخبارك فين دوزتي الصيف
قاليها تسارينا شوية وصافي ونتي
قالت ليها حتى انا بحالك..جمعنا الطاقة للقراية
شار ليها بيدو قالها اجي نعرفك على لخوادري
شافت جهة يازيد وصاحبو قالت ليه خليها لنهار اخر تعطلنا دابا
قالت ليه فطوم وهي كتجرها باقي تابعنا شلا بوكو دو شوز مانقضيو
نخزاتها شيماء حتى تزوات سكتاتها وضحكات معاه قالت ليه كضحك معاك هه
جرها من يدها قاليها عطينا وقت شوية مالكي على هاد الزربة
جرات معاهت فطوم اللي كتنخزها وتردد
ماتنتزليش دفعي كبير عطي لمو على عياقتو المنفخ اللي ولدو
شيماء: نتي بقاي غير ساكتة اش داك لشي فرونسي ماتقولي لا ميغسي لا دوغيا خليك ساكتة هادو ماضحكيض معاهم ماشي ديال النقيب غيشدوها مع كرجة وتبقاي تشوفي
وقفو مبسمين قدام يزيد وصاحبو اللي قدو فالطول ومكدر حتى هوا لاكن واحد مكيشبه للاخر ..لاخر كان شعرو كحل وحروفه. كحلة عكس يزيد قاليها كريم وهوا كيعرفهم
خويا انس ويزيد صاحب خويا
بدات بأنس هوا الاول سلمات عليه قالت ليه متشرفين عاد مدات حنكها ليازيد بلا متشوف فيه سلمات عليه حتى هوا وتبعاتها فطوم كتعرف براسها
انا فاطمة الزهراء
نخزاتها شيماء باش تفراني وسلمات وبقات واقفة كدور عينيها كطلب الله يهضرو غير الدرجة باش تفهم ولا غتموت وهي مفقوصة مفاهمة والو
بقا يزيد ساكت كيشوف فيها وهضر انس قاليها قالي كريم قريتي معاه لعام اللي فات
حكات ودنها قالت ليه اه ..علاش كاين شي مشكل
ضحك قاليها لالا مكاين حتى مشكل
تبسمات وفطوم كتنخزها وتجرها بالحس وقالت ليهم لقيتونا غادين ..فرصة سعيدة بسلامة عليكم
حك يزيد نيفو قاليها اجي اشيماء نهضر معاك
زاد بعد وخلاها باش تبعو لاكن فطوم لسقاتها قالت ليها متخلينيش بوحدي مع لفرونسي
نترات ليها شيماء يدها ماعقلاتش عليها ومشات عندو وقفو بعاد ..هز راسو وربع يديه قاليها شهاد الفعايل ديال البراهش اشيماء؟؟
ضحكات قالت ليه فعايل؟ علاش اشمن فعايل اخوياا
قاليها اشمن فعايل؟ انا اصلا مابيني وبينك والو باش ندير معاك فعايل ومن فوق ديال لبراهش
هز حجبانو قاليها مزيان ..نتي كتكدبي اشيماء
قالت ليه فاش كدبت عليك؟ وعلاش غنكدب عليك شنو كاين؟بلاتي بلاتي ..انا اصلا علاش كنفسر ليك !! ياك لاباس!
عطاتو بالضهر بغا تمشي وقاليها مزال ماكملت هضرتي ..
ضارت عندو قالت ليه هضرتك كملتيها فاش عيطت ليك اخر مرة !! باقي شي حاجة؟ كن اصلا بغيتي تهضر كن سمعتيني ديك الساعة وماتقطعش عليا..حتى دابا ماكاين ماوقع والو
بقا غير كيشوف فيها قاليها ماعرفتش مالك؟ مالك تقلبتي؟
قالت ليه لا سمح ليا ماتقلبتش اما هاكا من الاول!! واصلا ماعندكش الحق تقولي كدابة وماتحاسبنيش ماعندكش كاع الحق
حرك ليها راسو قاليها اوك ..خودي راحتك
شار ليها بيدو تمشي الى بغات وهي تزنك رجعات حمرا مارضاتش وهزات راسها زادت اما هوا مشا للطموبيل جلس ورجعات عند فطوم والدراري مبسمة قالت ليهم بسلامة تهلاو فراسكم
جرات فطوم وزيرات على يدها قالت ليها شديني غنطررطق..
قالت ليها فطوم صاحبو قالي عطيني النمرة ..قلت ليه واخا وجبد تيلي قالي زيرو ..
ماخليتوش يكمل قالت ليه ارا حنيني قالك زيرو سيس ارا نكتبها راسي
وجعو للدار وكما العادة الموال ديال فطوم اللي مكيتسالاش باش طلع المعنويات لشيوم
الطريق كلها وهي تزند فيها ماخلات غير اللي نسات حتى وصلو
ضارت عندها شيماء فقلب الدار قالت ليها عنداك تكوني قلتي ليه فطوم ..
فطوم:كنت على شوية نقولها وانا نفراني
شيماء: وافراني لا ديري بينا شي كسيدة انا بغيت صورتي تبقا نقية ويجلس يتحسر عليها
فطوم:اجي ..يسرى مكايناش
شيماء: كتمشي ضبر على راسها اصاحبتي واش تبقا جالسة
يسرى : زادتها بالغلض وعينيها مايلين من الجناب ناعسين وكملاتها بالحناك والكرش ..مالها على ديك الحالة اويلي بسيف ماتريفولا…غيولي يعيطو ليها للشقق وصافي
شيماء: خليها هي بغات هاكاك ماتهضريش معاها مغيعجبهاش الحال ..نوبتنا جايا الى مادرناش شي حل لكرورنا
يسرى :ضبر راسها ..بغيت ندير معاها واحد زوين خفت ماتبغيش
شيماء:شناهوا هاد زوين انا عارفة داك زوين ديالك
يسرى: كنعرف واحد المشؤول فالداوليز الى بغات تخدم المساج ..نضبر ليها تما منها عندها صالير ومنها كليان كيجيو حتى لعندها بلا تقلب عليهم
شيماء:اهاه قوليها ليها تقدر تبغي
حكات فطوم كتافها كتكمدهم قالت ليها ماكرهتش شي مساج
شيماء: بغيتي دخليها تعلم المساج باش تبقا تماسي ليك!!
فطوم: لااالا غير دكرتو وتشهيتو.. بغيت شي مساج .. اصلا تابعنت حمام انا خصني نعاود ندافري كلهم طلعو وندورو بالحالة راه غدا الطيارة
شيماء: ايوا هي نضتي جمعتي حوايجك ياربي غير يقدنا الوقت
فطوم: نمشي لسبا ..عرفتي مشهيا مساج لعضيماتي
شيماء:وا نوضي دغيا نتي رحيلك تقيل مغنتسناكش
ناضو بالزربة جمعو حوايجهم ..وحدة كطوي ووحدة فتيليفون كتشد الموعد وخرجو بالزربة مشاو لسونطر فيه مسبح ومساج وكل مكتعلب بدلع النسوان .
ضربوها بتحميمة وخرجو لغرف المساج لقاو دراري سومر اللي كيخدمو وتشبحات كل وحدة فوق بياص دلكو عضاهم مزيان وهبطو للمسبح ترخاو شوية وناضو تكاو فوق الرولاكس لابسين بينوارات ولفوطات على راسهم
شدات فطوم تيليفون قالت ليها اجي احبي نضربو تصيورات
تلاقاو وحدة حدا وحدة تصوروو والاخيرة درقو وجههم بيديهم حطاتهم فيوم فالفايس بوك ورجعات تنهدات قالت ليها ناري الستة ياختي الوقت كيطير
شيماء: مابقاش لينا الوقت نشري داكشي اللي خاص..باقي تابعنا الصالون
فطوم:نقضيو بداكشي اللي عندنا وصافي انا شحال من حاجة باقا بتيكيتها
شيماء: حتى انا كدلك احبي
طلعو يصايبو الشعور والحالة وهما جالسين حد بعضياتهم حتى رن الهاتف لقطوم وفتحات الخط تجاوب ..سمعات بونسواغ وتبعاتها جملة بفرونسي وهي تبعد تيليفون شافت فشيماء قالت ليها الزيرو سيس عيط مافهمت اش بغا
ضارت عندها شيماء قالت ليها باش عرفتيه
فطوم:ماعنديش زيرو سيس فالريزو عندي غير رقمك
شيماء:اري نشوف ..قولي ليه سلام هضري عادي
ردات عليه كتفتف على شوية تقوليه كيف الحال وهي طيرو ليها شيماء قالت ليها هبلتي
قالت ليها نسييت اصلا دخت اشنقوليه هوا كيقول ليا سوشوار نا سوشوار ا!؟؟
شيماء: اوييلي ندب.. سوسواغ الق**** قوليه مشغولة
فطوم:علاش شنو بغا
شيماء: بغا يتعشا معك بالليل زربي عليه قولي لا
ردات عليه فطوم كتفتف وتشوف فيها قالت ليها اوك ساماغش
ضربات شيماء حناكها قالت ليها اويييلي على سماغش
سالات فطوم الهضرة اللي اصلا ماهضراتهاش بزاف وقالت ليها مالي خليني نمشي نتعشا مع الزين طلعو ليا البهايم فراسي
هزات شيماء صبعها قالت ليها واااااللله لا مشيتي ..
يتبع...
معاش كتحطي القصص