قطعات ومشات طارت ليها على الكتب والدفاتر شركاتهم كلهم وبدات تجر فالريدوات طيحاتهم ومشات للكوزينة قلباتها وهرسات الكيسان وهزات واحد الزاجة .شافتها شيماء هزات الزاج وهربات لبرا كتغوت والبيبان كيتزدحو..الناس دغيا خرجو من الغوتة اللولى كلشي طل وكلشي خرج وخرجات واحد الجارة اللي بحالها كاينين فكل عمارة ..مقدم العمارة واخبار الصباح وجريدة المساء والخيط الابيض اللي يقصل والخيط لكحلاللي يلاقي..هي والتيار ديما معاكسين. الى كان الصدع تفك وتصالح والى كانت الهدنة تنوض تلاقي السلوكة المهم خدامة ماعندهاش الوقت وديما خارجة دايعة وديما جالسة مع العيالات اللي يبيعو النعناع والربيع والخبز فدار الدرب وديما مخشية فشي دار مع الجيران اما العراسات والمناسبات هي مولات الحوا اللي يدق على الديور ويجمع فلوس الزرورة ويقيد السميات .. ونهار تسيق وتجر الماء مع الكولوار تخرج وسط العمارة تهز يديها وتبقا عليهم
يا المسخييييين يا المكلكيييين يا المعفونين..
وتبدا هاك بلاك حتى تنشف الارض وترجع بحالها تحزم راسها ودورو بالحامض وتكا . اما بنتها الى طلعات ليها فراسها تخرجها تلعب فديك الساحة باش تنعس شوية. والى ما كانتش بنتها مع البز دالعمارة وسمعاتهم كيلعبو تخرج ليهم تشركهم هما وواليديهم وتجلس عليهم بالمعيور ولا تشرك ليهم الكورة وتبقا عليهم
تولدو وطلقو اللي عندو شي يشدو الله يحرق جد باباكم الكلب ..واللائحة عريضة تشمل اشهى انواع الهبارات واعدب الكلام الخاص بالعشية ورا العاصر
تدخلات الضاوية بيناتهم تشوف اش واقع ودخلات لديك الدار كتقول
اش كاين اش واقع
خرجات يسرى جارة باليزتها كي البقرة والضاوية كتر منها مع ذلك دفعاتها زعزعاتها وخرجات كتسب وتخسر الهضرة وكلشي حشمان
يسرى: رااه عا ق٠٠٠ دسواعدة هادي كضل ت٠٠٠
خلاتها شيماء مجاوباتهاش وبقات مخبية ورا ديك الضاوية ويسرى غادية وكتسد الساعة فيدها وباينة عليها من لبعيد اش كتسوا غير من داك الفصالة وداك الفم ودوك الدفار اللي ولا خالتهم والصباغة مقشرة .. حالتها حالة وتلات بيها الايام مابقاتش عاطية كي كانت والشعر الزعر طار منو البروشينغ والكلابسات اللي كانت كدير تستر بيهم ديك القزيزيبة اللي فراسها تا هما تشوطو بقوة ما كديرهم وزادو نتفو ليها الراس تقول فيها التونية ..اما رجليها بالقصوحية رجعو بحال الحلفة والدفار طوال قاصحين وغلاض صوفر ..مشات بحالها ودخلات شيماء كتبكي للدار ودخلات معاها الضاوية كتشوف اش واقع ..كتهدنها وفنفس الوقت اللي فيها ماهناها بغات تشوف الدار وتعرف القصة ..لاكن معامن هي ..لقات شيماء طالعة ليها الحياة فالراس ماهضرات مانطقات مشات لدوك الدفاتر كتشوف فيهم وتبكي من حر الصفعة اللي تلقات والغدر بقا فيها كاع الخير اللي دارت فيها وماقرش فيها . جمعات معاها الضاوية داك الزاح وديك الروينة كلها وجلسات معاها كتستفسر وتسول علاش هادشي وشكون هادي . قالت ليها شيماء باللي وحدة ساكنة معاها وصافي وباللي هي كتقرا وجات لسلا باش تقرا وعطات للضاوية صورة زوينة عليها وكانت كتبان عليها بنت نقية ومؤدبة ..وجهها نقي وفمها وسنانها نقيين وزوينة وشعرها نقي وحوتيجها حتى هما..يديها نقيين ودفارها حتى هما قصار ونقيين ورجليها كيشعلو وحتى هضرتها زوينة ومقبولة حتى حاجة مكدل على انها عاهرة كما وصفاتها يسرى .الضاوية ملي شافت هاكاك تيقاتها ديك الساعة وجات من جيهتها وبدات توصيها على الصحابات وتنصحها وخلاتها ورجعات لدارها ووصاتها الى حتاجت شي حاجة دق عليها
انفردات شيماء بنفسها وجلسات كتراجع الاحداث مصدومة ومركنة يدها على خدها ..العشية كلها وهي كتحمد لله على الكارثة اللي خرجات باقل الاضرار ورتاحت منها
رجعات فطوم بالليل دخلات للدار لقات كولشي طافي ومشات نيشان لبيتها طاحت نعسات بالكسوة والمكياج حتى صبح الحال وناضت مضهشرة مشات تجلس وجهها ..لقات اتاي فوق الطبلة فالكوزينة والخبز معطي عرفات شيماء فاقت الصباح مشات تقرا .مشات غسلات وجهها ودوشات من السهير ديال الليل وجلسات كتفطر ..بانت ليها ميكة كبيرة عامرة زاج وبقات كتشوف باستغراب وناضت طلات عليها مافهات منين جابت داك الزاج
خرجات دايرة من وسط الدار ورجعات خطوة اللور شافت التلفازة اللي عاد شرات معلقة فالحيط مهرسة من الوسط تقول داخلة فيها حجرة
شيماء: لبارح كنت كنقلب على وراق ديالي وطحت فواحد الجوا لقيت فيه وراقها هي ..السيدة عاطية تسبيق ديال عشرة دالمليون فبرطمة فالسكن اقتصادي هنا فين كان واحد السوق قديم ودايرين معاهم تسليم على عماين ..فاش واجهتها ناضت تسيفات عليا وكشطاتني وهرسات الدار وكانت غتخسر ليا وجهي وزادت مع ااطريق
ضربات فطوم فخادها بحرقة كضحك قالت ليها ههه… شارية الدار !!! علاش اختي اللي ماتشريهاش نشريو حنا ق٠٠٠ دالشينوا… ها الباطرونات ها اللي يدير الخير واديري لخير قلت ليك خرجي الق٠٠٠٠ تمشي بحالها ..قلت ليك راه ماحاملاها ماقابلاه جلستي عليا لا ومسكينة..هاهي كشطاتك دابا وكانت غتخسر ليك وجهك ..بردتي دابا …اويييلي على التلفازة اللي شارية بستين الف …بلحق الى ماتشمايت انا وياها ط٠٠٠٠بن راني بنت٠٠٠٠
ونتي بقيتي كتفرجي فيها نزلي على مها بشي مقلة للراس
شيماء: خليني اختي اللي فيا كافيني ..انا كنصلح من جهة وهي كتعكس من جهة
فطوم: نتي يا لق٠٠٠٠ة كنت عارفاك من اللول ولاكن دابا وجدي ليا كرك للمسقي باش تعرفي راسك معامن وشكون هما لق٠٠٠ ديال بصح
قطعات عليها وشافت فشيماء قالت ليها وتلكاااي..يالاه ها يسرى عطاتك خرجات ليك على حياتك ومستقبالك …ولاكن غا بلااتي انا غنوريها فعايلل٠٠٠ديال بصح..ما حرت تا فق٠٠٠اب السعودية وقو٠٠٠تهم اللي كانو شادين ليا باسبوري والكفيل تا هوا من لفوق فبلاد اخرى بقا غير نحير فهاد المارجة هادي ق٠٠٠طروطوار مايكون غا يازيد عطاها ديك العشرة فاش كرات ليه
شيماء:عطاها ديك العشرة!! غتكر ليه والخرا فسروالها اشمن يعطيها نتي راه معارفاش هاداك كي داير
كمدو الشمتة اللي تشمتو وكل وحدة عطاتها وجهها فجهة . رجعات شيماء من الاول عاودات الدروس كلها لمدة شهر وهي كتكتب بحال شي عقوبة خصها تكملها ، ماجات فين تسالي ديك العقوبة حتى لقات راسها فهمات ودخلات لعقلها كاع الدروس اللي كانت كتحضر ليهم وهي مدوخة بالدواء
اما فطوم غادية جايا من خرجة لخرجة مكتجلسش ومكتقدرش تجلس وحتى الى مكان لا خرجة لا والو كتخرج تسهر فليبواط وترجع
تكات سخفانة حدا شيماء فوق واحد الكرسي فلكوزينة قالت ليها
عييت ..سخفت
شيماء: اختي بسيف ماتعياي انا وعييت بلاصتك
فطوم:باز شووف شكون كيهضر!!
شيماء: والله حتى سخفت بلاصتك انا كنشوفك غادية جاية كل نهار مكياج كل نهار الشعر كل نهار السهير سخفت. باز ليك ..ماعرفتش انا براسي كيفاش كنت كنقد ندير هادشي يوميا عاد بدا كيبان ليا
شيماء: الله ياختي شبغيتي عندي مزال حتى عضامي ما بردو عليا باقا كنحس بيهم طايبين..شوفي الحالة اللي وصلت ليها حتى وليت كنشرب الدوا باش نعس وكتقولي نتوحش السهير !! التوبة ..ياختي
ضحكات فطوم قالت ليها. كتغني
هيا هيا وهاايااااا ..هي مرة وتوووباااااا ما بحب وتوووووباااا ما بحب وتووووباااا..هيااا هيااااااااا..هي مرة وتوووبا ما بطلع وتووووبا ما بطلع وتووووبا مابطلع وتووووبا
تنهدات شيماء قالت ليها ياختي ردي بالك عنداك شي نهار يشدك شي واحد يقطعك طراف حتى واحد مايسيق ليك الخبار
شيماء: حتى انا كنت كنقول هاد الهضرة..نهار اللول بااش تلاقيت بيازيد قلت هادا درويييش كليمني !! لا كيفاش كيهضر لا كيفاش كيتعامل عطاني وجه وفاللخر طلع بوجه عمرني تخيلتو..عمرني نسا اش داز عليا
ضحكات فطوم قالت ليها حمدي الله اللي ماشرحكش وباع الاعضاء ديالك ولا تصدقهم على شي مسكين يكفر بيه على دنبو هههه تعادوي تصاحبي مع الاطباء
هزات شيماء صبعها : لاا اختي لا اطباء لا مرضى لا سواعدة.. عمرني نطوف بجيهة شي واحد كما بغا يكون مابقيتش كنحححمل اصل مهم كرهتهم .. حتى دفار هما اللخرين مابقيتش كنقدر نحطهم فيديا بقوة ما باقي صبعاني كيوزوزو من داك النهار..غير كنتفكرهم كينوض ليا قلبي
شدات فطوم كرشها كضحك قالت ليها ناااري هادشي بقوة ما خايب كيخري بالضحك..دابا زعما عمرك تركبي الدفار
شيماء: عممرني نركبهم ولا نخليهم يطوالو فوق القياس حتى يوليو بحال النسر.. صافي اختي حررمت
فطوم: اجي شنو درتي بديك ستة دلمنيول خلاوها ماليها
شيماء: واها خليتها تما كنطل عليها كيتقبط ليا قلبي.. كتبان ليا صورة يازيد فالربعالاف
فطوم: نااااري ههههه كترة الهم كضحك.. خليها نيت خبيها تا ضبري عليى الزيادة تلقاي بعدا باش تقراي العام الجاي
شيماء: بزز منك تمشي تقراي الى مابغيتيش غتجلسي هنا تكملي ولاكن اللي غيمشيو غيكونو زايدين عليك فالنيفو ماشي بحال..دابا المشكلة مزال ماعرفت راسي ت واش غنكمل العام الجاي ول اصافي غنخرج ونشوف شي خدمة ولا شي حاجة..واخا غير كنتفكر هادشي كنمرض كنتمنى الموت ولا نخرج من ديك الجامعة ..مرضت والله ..زادو كملو عليا اليوم بهاد السفر
فطوم: مشاكيل..دابا صافي حرمتي زعما الخروج فمرة
شيماء: صافي ماتبقايش تجبديه ليا…انا بقوة ما بديت كنفكر وليت كنقول واش حماقيت ولا مالي..كيقول ليا واحد الراس نمشي عند الشلحة نقتل مها كن بعدا عطاتني غا النص من دوك الفلوس نقرا بيه ..هادشي اللي ولا كيبان ليا..ماعرفت شنو درت حرت ..المشاكيل بحال الشتا ها يسرى ها المدرسة ها داك وجه الشيتة ديازيد ها الكرا جاي تفوووو المرض
فطوم : خبي ديك ستة اللي عطاك وزيدي عليها دوك فلوس الرهين اللي قاسمين انا وياه وخلصي بيها المدرسة العام الجاي
شيماء: واقيلا داكشي اللي غندير ..مابان ليا حتى حل .. بعدا بعدا الى مشيت لتما ومخلصة المدرسة غيبقا ليا السكن والماكلة ديك الساعة نخدم ونقرا بجوج تما الى خدمت ماشي بحال هنا على الاقل نوفر فلوس السكن ..غنقلب ليا على شي خدمة فشي سناك باش نتهنا حتى من الماكلة ونسكن مع البنات
فطوم: وتما ضبري على شي كاوري يخلص ليك العام لاخر وهانتي ساليتي
شيماء: بقاو ليا غا لكور تا هما ..نفك بعدا هاد العام ويحن الله العام الجاي..نشوف واش يعطيوني شي سلف من البنكة ولا شي حاجة غنقلب ضاروري نلقا حل ..غير تعاويد وسخفت كنتفكر اش تابعني كنمرض
الهم تجمع حتى خرج من الجناب .. مابقا ليها جهد تهزو
رجعات محنية على الكتب كتقرا وساهية كتخمم ..مرة تبكي مرة تسكت وفطومة داخل خارجة عليها ..
دخل فصل الربيع وخلصات الكرا من الفلوس اللي كانت جامعة ..وحيت مابقاتش كتخرج وتخسر قدرات على الاقل تلقا باش تاكل وتعيش وتمشي وتجي للقريا
كانت جالسة على الطبلة فالكوزينة حتى سمعات صوت الطالون من الشرجم طالع مع الدروج زربان عرفاتها فطوم
دخلات عليها للدار كتجري وتقلب وتعيط فيينك
عيطات شيماء من الكوزينة قالت ليها هانا
مشات فطوم ددحات باب الدار وراها سداتو وعطاتها التيليفون كتنهج قالت ليها شدي يازيد عيط عليا قالي توصلي دوزيها ليا
فطوم: وا عيطي ماتعرفي يكون باغي غير يهضر شيماء: اي غيقول ليا اش غيدير بيا اصلا الى ماعيطش ليا على هادشي علاياش غيعيط ليا ..لحمي تبورش
فطوم: وشنو دابا شنو نقول ليه الى عيط! تخافي يتم داير لينا شي موصيبة ولا ملسق لينا شي جرم يسيفطنا الحبس انا ونتي داكشي اللي بقا ناقصنا
تنهدات شيماء كتوجع وتبكي شدات داك التيليفون وقلبها كيضرها كطلب الله يفكها منو ..يالاه بدات كتعايش شوية وتبعد من داكشي اللي وقع ليها وجع حسسها بنفس الاحساس بمجرد ما شمات ريحتو
فتيليفون
صونات عليه بزز منها وكان غيسكت القلب فاش سمعات صوتو ..مارضاتش حتى تهضر حدها قالت ليه الو وبصوت ضعيف وبقات ساكتة وهزات عينيها في فطوم وخرجاتهم مصدومة كتسمع وفطوم كتشوف فيها وتشائل علاش كدير فيها دوك النضرات ..هبطات شيماء تيليفون مع عنقها مصدومة حطاتو ليها وهزاتو فطوم لقاتو قطع وقالت
مالو شنو بغا ؟!! علاش ساكتة. هضري
باعات شيماء ريقها كتمتم ماعرفات متقول وقالت ليها
قالي تفرقي على فطوم
فطوم: شنااهوا!!! علاش بسلامتو فاش وصلت ليه انا!!!
جلسات شيماء مصدومة وقالت ليها قالي خرجي من ديك الدار ..واخر مرة تشوفي فاطمة الزهراء ولا تهضري معاها
طلات شيماء على دوك الاوراق كتقرا ديالاش قبل متوقع والستيلو فيدها لقاتهم ديال مسكن الجامعة وعاد فهمات شنو كاين ووقعات عليهم وناضت معاها المرشدة داتها لاقامة الطلبة اللي فالجامعة ووقفاتها قدام واحد الباب ودقات حلات ليها بنت قد شيماء فالسن الباب لابسة بيجامة ودايرة ماسك لوجها
شارت ليها المرشدة قالت ليها دخلي
دخلات شيماء جارة باليزتها وعينيها فداك البيت ومصدومة وكتشوف بجنابها حتى تسد الباب وسمعات البنت اللي وراها قالت
سلا اختي!!
تلفتات شافت وراها وابتسمت قالت ليها السلام
مدات البنت يدها قالت ليها
انا اسراء. ونتي
مدات شيماء يدها قالت: شيماء
تبسمات اسراء وكانت بنت زوينة وشعرها كاري قصير ورقيقة عكس شيماء اللي ولات تبارك الله عامرة بدور الاعصاب ..تنفخات بقا فيها الوجه اللي متنفخش ..رجع وجهها لا علاقة بالجسد ديالها .اسراء كانت كتبان عليها بنت الناس وبنت كليميني كي كيقولو..مع ديك الدارجة والفرونسي ديالهم والهضرة سريعة باينة عليها ديال العشرة
اسراء: مرحبا بيك اختي… عرفتي كنت كنقول يا ربي تجي شي بنت تونسني. وتكون ضريفة بيان سيغ ههه
مان واضح عليها الحزن من فواق فطوم وكضحك غير بزز وماعندها خاطر تقول مريضة . لقات تما واحد البلاكار فالحيط حطات فيها حوايجها ومشات بشوية ماعرفات باش تبدى .. حيدات الغطا. ديال السرير كله وجبدات ليزور من بالزيتها طلقاتو وشدات المخدة شماتها وغلفاتها وطلعات نعسات فصمت كتشوف فالروينة دالحوايج مشتتين ولاتخوس مرونة محطوطة فواحد القنت وديك البنت مرتاحة جلسة وسط ديك الروينة وشادة تيليفون .
نعسات حتى صبح الحال وناضت الصباح تمشي تقرا وجاتها ساهلة ماهلة .. دغيا لبسات وسدات على حوايجها ونزلات تقرا .
رجعات من بعد انتهاء الحصة للبيت لقاتو خاوي وبلاصة اسراء مرونة فوق منها باليزة كتقيا بالشراوط. والكواغط. عند راسها ..
حلات واحد النافدة فوهات البيت ومشات لديك المخدة اللي نعسات عليها حطاتها فديك النافدة تشمش وعرات على الناموسية كلها بغات تنضف تحت منها ساعة لقات واحد الطبعة دالبول قدها قداش صفرا ..عافت وجاتها الردة وقلباتها لقات الجهة لاخرى صفرا كتر وخلاتها هاكاك واقفة ومشات لداك تيليفون اللي عطاتها فطوم ركبات فيه رقمها وبلا متشعر بقوة الاشمأزاز عيطات على يازيد وكتشوف فديك النموسية وقالت
شيماء: ماعرفتش ولاكن ماقدرتش اخويا..الله يرحم ليك الواليدين الى ماكانوش يبدلو لي الناموسية بشي وحدة جديدة نرجع بحالي..الله الدار ولا هاد الحالة ماقديتش عليها كتقهر
يازيد : واخا دابا يسكنوك فدار المدير مزيانة ؟ واسيري تقراي الى باغا تقراي من الفشوش د ٠٠
قطع عليها خلاها مصمرة كتشوف فديك الناموسية وياغا طق ماعرفات مي دير ليها ..واش تمسحها بالتيد والماء ولا شنو دير ليها؟
بقات كدور بيها تشوف شنو دير حتى سمعات الجرا فالمرر ودخلات عليها المرشدة كتجري هي شي اعضاء من الادارة وقفو شافو ديك الناموسية وخرجوها ديك الساعة من تما بفراشها ودخلات فام دميناج خرجات شيماء من تما وسيقات داكشي رداتو كيشعل..جايو ليها ناموسية جديدة بميكتها حلوها قدامها بلا مايهضرو معاها ..اما هي غير واقفة حدا الباب وكتشوف واسراء تا هي مافهمات والو .حطوها وغلفاتها فام دميناج بكولشي جديد وكولشي من الميكة كيطرطق حتى من الكاشة وليزار والمخدة جداد .حتى سالاو وشافت فيها المشردة قالت ليها صافي؟
خركات شيماء راسها قالت ليها شكرا
شافت المرشدة فالفام دميناج قالت ليها يالاه وخرجو خلاوها عاد تنفسات وسرحات مناخرها وطلعات فوق ديك الناموسية وربعات
تبسمات شيماء شافت فيسرى وشارت ليها براسها قائلة
جمعي حواجك مابقيتيش دابا بوحدك
تصدمات اسراء من جرأة شيماء وماتوقعاتش وحدة يالاه جات مزال ماسخناتش بلاصتها تقوليها ديك الهضرة اة.
تبسمات باحراج قالت ليها ااه كنسى مع الزربة ومع الوقت مكاينش ولفت بوحدي
حلات شيماء واحد الكتاب كتلعب باصابع رجليها وقالت
ايوا ماتبقايش تنساي
هبطات عينيها ميعات تمييعة بحاجب مرفوع وابتسامة تلقائية وشافت فالكتاب خلاتها كتجمع بالكمشة وتركن فالماريو وكنشوف فيها بنص عين شنو كدير حتى سالات وجلسات بواحد ديباردور دارت رجل على رجل وحلات شعرها وجبدات عليك سجائر وقالت ليها
كتكمي؟
بقات شيماء كتشوف فيها وقالت ليها يالاه نقينا البيت خلي فيه ريحة زوينة
تكات شيماء عطات وجهها للحيط وبقات كتشوف غيه فصمت وتتفرج فحياتها من الاول ..سمعات الضحك والهضرة وتلفتات لقات اسراء مجمعة غتيليفون بالفرونسي وكضحك وكتبني موعد تخرج فيه .
رجعات عطاتها شيماء بالضهر ونعسات خلاتها
بدات كتحاول تولف فداك السكن ومكتخرجش من الجامعة.. كتمشي تاكل على حساب الجامعة داكشي اللي حطو وترجع بحالها
دخلات كتنهد للبيت لقاتو مقلوب عاوتاني واسراء مكايناش ..لحوايج مرونين فجهة ولقاتهم فوق ناموسيتها اللي ماخرجات حتى لمطاتها وطوات المانطة ..رجع وجهها احمر وشمات ريحة الكارو فيه وهي كتحاول ودير مجهود باش تقطعو وتبعد عليها جميع انواع البليات اللي كانو سبابها فعدابها وخلاوها تنفخات بالدويات حتى مابقاوش حوايجها كيجيو قدها ورجعات بحال الباندا ..لفخاد غلادو والمؤخرة خرجات والكتاف عمرو ..اللي شاف وجهها شكل واللي نزل عينو لتحت شكل اخر .
تكات ترتاح شوية وهي تفيقها الردة وناضت تقيات حتى سخفات .. شداتها لادياغي ومشات خوات كرشها حتى ماقداتش..
(حداث حقيقية)
نعسات وهي كتقلب واسراء مارجعاتش ديك الليلة حتى صبح الحال وصبحات كتغلي بالسخانة معاقلاش على سميتها .
ساقو ليها الخبار غايبة وكتهترس من الحارسة اللي ضارت على البيوت داك الصباح وجاو ليها يشوفو مالها لقاوها حمرا وداتها كتغلي كلها .
ديك الساعة هزوها للكلينيك ويالاه دخلوها يهبطو ليها السخانة جاهم اتصال وخرجوها فسيارة الاسعاف داوها للمستشفى العسكري ماريفي
طلعوها نيشان لغرفة خاصة وهي كل شوية ترد وحيدو ليها حوايجها كلهم خلاوها بديباردور والسليب. ولاحو عليها ليزار خفيف وبداو وبداو فالعلاج والفحوصات
غسلو ليها مسارنها هما اللولين ودارو ليها سكانير اللول قراوه وعاودو ليها السكانير الثاني وطلعو عندها للغرفة وهي فشلانة مجلسينها ومتكيا على ضهرها طابت بقوة النعاس وحمرا كل شوية تشوف فيدها فداك السيرم اللي معلقين ليها
تبسم الطبيب معاها وقاليها
شيماء مؤدب.. صافا باش كتحسي
قالت ليه صافا حسن من لبارح
قاليها شيماء عادي نديرو واحد لوبيغاسيون خفيفة .. صافي ؟
تخلعات شافت فيه قالت ليه اوبيغاسيون؟
علاش!!
قاليها ماتخافيش غير اوبيغاسيون صغيرة غادي نحيدو ليك بعض الياف الرحم ..اوك ..
تخلعات سمعات الرحم وقالت ليه :شنوو!!! الرحم
قاليها : السكانير اللي درنا الاول خرجو فيه الالياف غير جوج ..قلنا يمكن تكيس المبيض ولا شي حاجة اخرى ..عاودناه لقينا نفس الشيء.. دونك ضاروري تحيديه قبل مايكبر اكثر ويسبب ليك العقم ولا نضطرو لاستأصال الرحم
خرجات عينيها طاح منها النص وعلى ديك الكلمة دخل يازيد عليهم تلفت شاف فيها قاليها جا معاك الجلاس فالدار. تختختي
بقات غير كتشوف فيه وهي مزالة ماستوعبات ختى كلام الطبيب ..هز يازيد مباشرة دوك الاوراق كيشوف فيهم وطلب م نو الطبيب يهضرو على انفراد ومشاو جهة الباب شرح ليه الوضعية وحالة التسمم الغدائي اللي وصلاتها عندهم حتى كتاشفو باللي عندها الياف الرحم
كمل عليها حتى كانت غتموت والفرمليتت كيشوفو فيها ويحركو ليها راسهم بالنفي اما هوا حط دوك الاوراق وهز واحد اللائحة حىا رجلها معلقة كيقرا فيها ويدو فالجيب
رجع عندها لابس وزرة خضرا عبارة عن شروال وتيشورط كول في بجيب جهة الصدر وسناطات على عنقو لقاها جالسة بغات تنوض وقال
فين نايضة ؟؟
رجعات بلاصتها ديك الساعة كترغب قائلة مابغيتش نفتح غير خليوني
قرب منها هبط داك ليزار على صدرها حتى قفزات هزات يدها خبات وجهها بالخلعة وهوا شاد السناطة غير كيشوف فيها والممرضات تا هما غير كيشوفو ..جمع النفس حتى جمعها وحطها على صدرها كيتسنط ودوزها من هنا من لهيه وحيدالسناطات على ودنيه قاليها مالك مخلوعة خايفة تموتي؟
لاقات يديها مع بعض قالت ليه الله يرحم ليك لوابيدين بلاشمن هادالعملية ماعندي مندير بيها
قاليها علاش بغيتي تبقاي هاكا!!
دارت يديها على فمها تكمشتت اللور قالت ليه خفت..
دخلات الكوماندارا ديك الساعة كانت لابسة وزوة طويلة وكبيرة شوية وضعيفة البنية لاكن باينة عليها قاصحة وكدور على الغرف تلقي نضرة ولقاتها كترعد مابغاتش تهبط وخرجات عينيها فيها قالت ليها
واش غنبقاو نرغبوك هنا ولا شنووو!! هاي هاي على مابغيتش نهبط!! لخاطرك ياكما حساب واسك فداركم مع مك وباك يهزو ليك هبالك
تزيرات شيماء ودارت يدها على فمها تعصرات قاطعة البكية وبقافيها الحال قداش اما يازيد ماعاودش هضر معاها وربع يديه وقف حدا الباب كيهضر مع الطبيية قدامها
جلسو كيقشرو على سعدهم ووعدهم بلا ماء ديال الصباغا حتى سخفو ونوضوها فشلانة الطواليط اللي عندها تما دخلات توضات ..سمعات يازيد على برا رجع للبيت قاليهم اش هاد روطاو غنباتو هنا ولا شنو؟ فين مشات؟
يازيد: توضا تصلي!!! عاد تفكرات الله ..يالاه طلقونا
بداو يدقو عليها خرجات عندهم بالزربة لقاتو مشا وتلوات فداك ليزار كتسول على القبلة فين جات وقفات كتبكي وتصلي وهما واقفين كيتسناو .
دارت ثلت ساعة ورجعات الكوماندارا كتهضر هي ويازيد ووقفو فباب الغرفة لقاوها كتصلي وتلفتات الكوماندارا قالت ليها بغضب وهي كتصلي
راه عير كنصليو جوج ركعات ماشي كنحجو!!!
بقات شيماء هاكاك مابغاتش كاع تحرك وهما كيتسناو تسالي الصلاة والصلاة مابغات تسالي والدعاء مابغا يسالي والممرضات على اعصابهم كيتسناو حتى دارت نص ساعة وكلشي تعصب وسمعات يازيد جاي من الكولوار كيهضر بغضب ويردد
مابغاتش تهبط هانا غنوريها
شهدات بالزربة كتفتف تلفات ليها الشهادة وبدات دعي بالزربة ياربي تسمح لي ياربي تغفر وقبل التوبة ديالي ياربييت الحبيب
كملاتها وهي كتجمع ااسجادة وناضت قبل ميوصل لقها واقفة قالت ليه صافي هانا واجدة
وقف جنب قاليها تحركي قدامي يالاه
هبطوها فالبياص وهي جارة السيروم فيدها حتى لبيلوك ودخلات شافت ديك الغرفة لاول مرة ماهي مضوية ماهي مضلمة والبياص كله مدور بالاجهزة والبولك قذها قداش فيها ستين بوبة مدورة الوسط دوائر .هزوها فوق داك البياص وهي هازة راسها وكتكالي بيديها مخلوعة وتشوف هنا وهنا بحال القطة قاش كتحصل
حلو ليها رجليها وهي مغطية بليزار وقالت
غتحيدو ليا الرحم!!! لالا خليوني نمشي بحالي
دخل يازيد على نيفو كمامة هبطها على دقنه ووقف حداها قاليها مالنا على هاد الخوف ياك لاباس
الممرضة: الالياف ماكبراش ماغاديش نحلو ليك كرشك..غيتحيدو غير من لتحت فهمتي دابا..حمدي الله ماكبارش باش تفتحي كرشك عليهم
شدات فيازيد كترعد والبناج عند راسها كيوجد ليها البنج وقالت
منسمح ليك لا دنيا لا خرة الى مت والله منسمح ليك ودرتي فيا شي حاجة وقتلتيني
حط ليها البناح الانبوب على فمها سكتها وهي كتهضر وسطو وبدات ترمش وتقل حتى غابت
ماعقلات على راسها لا شحال غايت لا شحال نعسات حتى لقات التسرفيق فجيتها وحلات عينيها بزز ..كان البناح عند راسها كيفيقها وواخا فاقت وحلات عينيها بقا شاد فيها البنج ومكتقدرش تهضر ..خلاها شوية كتبرد تما حتى تزيد توكض مغطية ومجبدة على البياض بحال الخشبة.. طلعوها من البلوك كدور فعينيها للغرفة فين كانت وخلاوها مشبحة بحال الخشبة مكتحركش من بلاصتها ومغطية كلها حتى للكتاف .. تكلفو بيها الممرضات والقام دميناج ضارت بيها من كل جهة مقابلينها بلا مايهضرو وهي كتشوف فالسقف وتسمع وفاش كتعيا كتسد ودنيها
بقات تقريبا شي ساعة ومفعول البنج شاد فيها عاد مسلو بيها البياض شوية باش ماتبقاش دايخة فديك النعسة ..
جات تخرج اول كلمة يزز وبالكشيفة وقالت للمرضة الجنة..واش علا ليمن ..ولا على ليسر!!
شافت فيها كضحك قالت ليها راكي حية مامتيش غير رتاحي
سكتات شيماء وبقات هاكا ولسانها كيخفاف وشعرها مدلي على داك البياص كله
دخل عندها يازيد يشوف اش واقع لقاهم تكاوها من ديك النعسة وقال
شوية دابا؟؟ كتحسي بشي حاجة ؟
شافت فيه مطولا وعينيها تقال قالت ليه كرشي …خاوية .. حيدتي لي الرحم
قرب كيضحك قاليها نحيد ليك الرحم!! الرحم باقي عندك غير تهناي
شيماي كرشي..فيها الفراغات
قاليها:نعسي رتاحي حتى يمشي البنج
دورات عينيها فشلانة عند الطبيبة قالت ليها بصوت تقيل.. تكرفص عليا… انا تبت من بق٠٠٠وب واخا..فطومة باقا تخرج فرقني عليها ماتيقيش ..ف. ففيه راه..
المنرضة بقات مصدومة فهمات غير كلمة لق٠٠٠٠وب وبقات كتشك واش بصح قالتها ولا مع البنج بعات تقول ليها شي حاجة وخرجات ليها ديك الكلمة. ا ما يازيد غير سمعها بدات دور ليها وجهها حط يدو على حنكها كيفيقها قاليها اثر عليك البنج… نعسي عطي راسك الراحة
قالت ليه: مغنبقاش نمشي سو..
سد ليها فمها وشار للمرضة خرجها من البيت سدات وراها الباب وتكا خدا وجهها بيدو حيد يدو قاليها نعسي وسكتي ..عطي الراحة راسك
ربي..يغفر ..لقح٠٠ة الى تابت ..مايغفرش.ل..لود..قح٠٠واخا ..يحج
حمر فيها قاليها قطعي الحس براكة من البسالة .
سدات عينيها كتنهد قالت ااااح. ياربي.. ياربي ما عندي. لا. حنين. لا رحيم…نتاقم. لي ..من هاد وبد لحراام ..حياتي ضااعت .. ضعت ياربي
قاليها ساليتي!
ساقت جيهته قالت ليه ..كيفاش حتى بغيت حلوف بحالك..بغا يتزوجني شحال من واحد..كن تزوجت وتهنيت …شداني لشي سقلي..
تكا يديه المربعين على واحد الكرسي وهوا جالسي عليه بالمقلوب قدتم وجهها مباشرة قاليها شنو دابا قاليك راسك ديري!! خرجتي ليها على تسطعاش لعام باقا تا مقاديتي المشية
تنهدات كتنخصص من البكية السابقة وقالت:نهار بغا يزوجني..ما عقل لا على تمنطاش..لا سطاش..كا ن يحسب ليا الوقت فوقاش نسالي..بغيت غيييير نقرا مابغيت والو..ماكنت نعرف والو ومكان عندي لا تيليفون لا حتى حاجة..حتى ه ربت داك النهار وبقيت تالفة كنقلب فين نعطي بالراس..وخدمت فداك الحمام ..وجات عندي ديك الكليانة بنت الحرام..جراتني وضحكات عليا..لقاتني باغا نخدم ونسكن وكدبات عليا..سيفطاتني عند ختها لهنا بهاد الرباط..شداتني بحال الحمارة غادية بيا ماعارفة فين يحساب لي غنخدم بحال الناس..بقات تجرني وضحك عليا وحتى دراعي ماكنت كنقدر نعريهم..شفت القصر فرحت قلت غنخدم فقصر..ماكنت كاع عارفة واش كاين هادشي كاااع…شرباتني الدوا وانا عمرني خرجت من دارنا ولا شربت بحال داك العصير..ماعرفت مداقو كي داير حتى ترفعت..ولات غادا بيا جايا وانا بخال الحمارة غير حالة فمي. خلاتني مني بحهنم وطلعاتني عند داك الشيخ ..قهراتني فشرفي وانا فمي محلول معارفة اش كيوقع ليا..حتى خرجت وخلتي كلشي فداك البيت ومشيت معاها خدات فلوس شرفي قدام عيني وفوقهم خلاصها ..خرجاتني من تما بالفن ولاحتني فالزنقة فاش درت ليها المشاكل بالغوات ولسقت عليها مابغيتش نتفرق عليها..ماعرفت علاش لسقت عليها وانا عارفة ماعندها ماترد ليا..كنت باغا غير شرفي ماطلب والو..خفتها تفلت مني واخا ماعندي ما نرد..من تما وانا ضايعة ..ضارو بيا ولا. لحرام اللي معاها ردوني لديك البلاصة ..شقت الفلوس ساهلة تفكرت المعدا اللي جبت ..ومن تما وانا خدامة عليه ..واخا هاكاك كنت كنحسب راسي من العزبات اللي كانو غير كيشطحو ..وكادبة على كلشي.. ولاكن ديك الطريق كان ضاروري تجرب فيها كلشي.. خفت على راسي من المرض ..خفت على راسي وحتى لكينة ماكنتش كنبغيها..وعمرني شربتها فارضة الاحتياطات وكنت نقية ..حتى جيتي نتا وسختيني الوسخ اللي ماجمعتوش العام كامل هزيتو فليلة وشربت الكينات على قلبي بلا هوايا… الله ياخد فيكم الحق..الله اخد فكم الحق كاملين..قنعت من هاد الدنيا تقول عشت ميات عام ..وانا يالاه كملت العشرين عام فداك لانيف المنحوس الي لاقاني بيك
شكت بقا غير كيشوف فيها مطولا وقال
خرجتي على راسك..نتي عجبك داك الميدان بقيتي فيه..مانقراش انا كاااع نمشي نقلب على شي خدمة ونخدم بحال بزاف ديال البنات كنعرفهم ماعندهمش..والديهم مافحالهمش وماعندهمش لا موايان ومامشاوش يديرو هادشي اللي درتي نتي..شطيح وغنا وداك اكرامية اللي كتقولي نتي!!
كانت عندي واحد البنت زويينة وصغيرة خدامة عندي فالدار مكتجلسش ..كتجي من الصباح حتى لعشية وتمشي بحالها علاش هاديك ماقالتش انا نخرج نهز رجليا؟؟ بقات خدامة بعرق كتافها حتى سهل عليها ومشات تزوجات وتهنات
تنهدات بتعب قالت ليه انا براسي كنت فالحمام خدامة عمرني نشفت جهة شي اخرى … هما ولاد الحرام باعوني وتعداو عليا.. دارو ليا فض البكرة بالصبع بحال الى طرقطقو شي ميكة ماعندها قيمة
جيد تيليفونو قاليها شنو سمية هادي اللي قلتي
تنهدات كتمايل قالت ليه الشلحة ..الله ياخد فيها الحق
سكتات وسدات عينيها وهوا كيشوف فيها بشفقة وفحالتها. وقال
قراي على راسك ماحدك عندك فرصة ..سيري كملي ففرنسا وخدمي على راسك بداي حياة جديدة خليك من اللعب والتفلية وقتهم دغيا كيدوز
تنهدات قالت ليه
باش انقرا بالفم
ناض دفع داك الكرسي قاليها واغير قراي ماضيعيش راسك كتر من هاكا ..غنديرو معاك اللازم على وجه داك النقطة اللي جبتي والضروف اللي عشتي .. لما داك الخروج لاخر ماعندو حتى مبرر نتي اللي بيغيتيه.يالاه ..الله يشافي
دورات وجهها سدات عينيها بتعب كتسنط لعضامها ونعسات نعسة طويلة ودعات فيها كاع الماضي الاليم باللي فيه واخا جرحه مزال فالقلب لاكن تعايشات مع الوضع .
ناضت وقفات فالقسم فاش سمعات سميتها من ضمن الاسماء اللي غتكمل القراية ففرنسا
من الصدمة عنقات اللي حداها واللي قدامها بلفرحة وبدات كتنقز وتبكي مامصدقاش راسها غتمشي ..كان كيحساب ليها غير هضرة خاوية وصافي لاكن بالفعل تحقق الحلم اخيرا وتعطاتها شي حاجة تفرح القلب
انتهت السنة الدراسية وباقي العاطي يعطي .تسدات الكلية ومالقات شيماء فين تمشي ولا فين تخدم ولقات راسها برا جالسة
تنهدات وحلات الصاك ديالها طلات على الفلوس اللي كان عطاها يازيد ومارضاتش تشدهم ..فكل مرة كطل عليهم كيتقبط ليها القلب وكترجع تسد الصاك..لاكن شنو غدير ؟ ماعندها حتى حل من غير دوك الفلوس تصرف منهم
هزات راسها فالسما وسدات عينيها وناضت مشات للدار اللي كانت راهنة عي وفطوم..وقفات حدا باب العمارة وجلها احساس غريب لحمها تبورش..كاع ااحداث اللي عاشت فديك الدار رجعو ليها .
طلعات كدق وتسنا الباب يتحل لاكن ختى واحد ماحل ليها ..حبدات السوارت تشوف واش الباب يقدر يتحل ودخلاتو دوراتو وتحل الباب
دخلات بشوية ضرباتها ريحة الدار لوجها وردات ليها الدكريات الاليمة وتفكرات يسرى مباشرة فاش حلات الباب.
شافت فالحيوط والفراش لقات كلشي كما هوا هادشي كيعني ان فطوم مارحلاتش وباقا تما
سدات الباب وراها ولقات نضرة فالدار ومشات حطات باليزتها واول حاجة دارتها تاصلات بفطوم لاكن الرقم مكيشدش ..التيليفون طافي! عاودات المحاولة ما مرة ماجوج فالاخير يأسات ومشات لبيت اللي كتنعس فيه فطوم لقات حوايجها مكاينيش هنا شكات تكون مسافرة خصوصا مع فصل الصيف فيه كتكون الخدمة محركة فهاد اكثر .
مشات لفلوس يازيد بغات تهز وماقدراتش.. بززات على راسها وزطمات على قلبها وهزات واحد الزرقة وخرجات بالعباية والشعر مجموع شفنجة للحانوت ووقفات كتشوف شنو تشري وشنو تاخد .
حسات بشي واحد تابعها ومراقبها وهي راجعة الدار وخلاتو حتى وصلات للعمارة وضارت خرجات عينيها قالت ليه شنوو بغيتي؟ علاش تابعني
تبسم بخجل قاليها ماتخافيش اختي انا طالب ضيف الله
قالت ليه كيفاش هاد ضيف الله!!!
قاليها. وريني ضاركم نخطبك من عند باك
بقات كتشوف فيه وتحنزز وقالت ليه انا مزوجة اسيدي الله يجيب ليك شي بنت الناس.
خلاتو ومشات بحالها كتشوف وراها واش تابعها شي واحد وسدات على راسها بالساروت من لداخل ومشات طيبات ماكلتها تعشات وطاحت نعسات.
ولفات الفياق بكري وضرباتها الفيقة مع السبعة..لبسات حوايجها وخرجات فداك الصباح تستاغل عطلة الصيف وتقلب على شي خدمة تجمع بيها الفلوس اللي يشريو ليا المستلزمات ديال السفر وتلقا شوية دالفلوس تحت منها بعدا الى حتاجتهم تلقاهم حتى توصل لفرنسا بعدا وتقلب على شي خدمة تخدمها فاوقات الفراغ اما حتى السكن تهنات منو وغتسكن فالجامعة بحال بزاف ديال الطلبة
لبسات تيشورط وسروال دجين وصندالة عاديةودارت دفيرة لشعرها ومشات كتقلب على خدمة ..على قبل داك الزين وداك الوجه كلشي كان كايقبلها تخدم فين ما حطات يديها لاكن الخلصة ماكانتش كترضيها..ماخلات مكتبات ما خلات مطبعات .. قاليها راسها سيري لاكدال جربي حضك ومشات كدور وتسارا دخل من مكازا لماكازا كتسول.. البنات كانو كيردوها من الباب قبل ماتزيد لداخل وفاش لقات خدمة لقات الخلصة ماعندها ماتقضي ليها وهبطات لحي الرياض كدور ..دخلات لواحد المكازا قدها قداش ديال الاثات الفاخر لقات تما واحد المكتب ومشات حشمانة تسول..بدات ليه الهضرة بالفرونسي وابتسامة قالت ليه كنقلب على خدمة ..سولها واش عندك شي تجربة ولا ديبلوم فالكوميرس قالت ليه لا انا مزالة كنقرا بغيت نعاون راسي فهاد الصيف
بقات كتهضر وحشمانة والادب والاخلاق بقا كيشوف فطريقتها فالهضرة لقاها كتناسبو فالتعامل مع الزبائن الراقيين اللي كيجيو عندهم وقبلها مقابل خلصة محترمة وطلبات تبدا فاقرب وقت .
رجعات بحالها للدار واخا بعيد عليها الحال لاكن عجباتها المكازا والنقى والاتات حسن ليها من الشراوط ..جمعات الاوراق منهم شهادة السكنة اللي طلعاتها بالكشيفة وفوطو كوبي دلاكارط وشرات سروال كحل وقميجة بيضا كما طلبو منها .صبحات لغد ليه غادية كتجري عطات الوثائق ديالها ووقفات قدامو لابسة سروال وصبيييط بلا وقميجة ..بقا كيشوف فيها واش ناقصها شي حاجة لاكن مالقا مايقول..عطاها البادج علقاتو وعطاها واحد المجلة كبيرة فيها كاه الاثات باش تحفضها كلها باش هاكا تقدر تجاوب الناس وتشرح ليهم نوع الخشب نوع الفراش نوع التوب منين جا الى اخره .
شداتها كدور تما من فرشة لفرشة والمكان مضوي والتريات هابطين بحال القصر..خدات فكرة بلا متحفض واستقبلات اول زبون كانت مرى وبناتها من الطبقة الراقية ..حطو السيارة فالباب ودخلو جلساتهم فمكان فيه طاولة وفوطويات وقدمات ليه القهوى والعصير وعطاتهم المجلات يشوفو كلشي وبدات تشرح ليهم وهما مناكرين غير مع بعضياتهم كل وحدة وشنو باغا ..بزز باش رصاو على واحد الشكل وناضو عندو شافهم مباشرة واقتانعو بيه عاد طلعاتهم شيماء لمكتب البيع دخلاتهم وعطاتو المجلة ورات ليه اختيارهم وهبطات خلاتهم منهم ليه كملات خدمتها .ديك الساعة جات حافلة النقل الخاصة بديك الشركة وعليها الاسم والصورة نقلو الفراش ونزلات مولات الفراش تبسمات ليها وشكراتها ومشات بحالها .
كانت طبيعة العمل عند شيماء زوينة ومريحة ونهار على نهار كتزيد تتعلم وتكتاشف وتبدع فالتعامل مع اشكال الناس وانواعهم ..كانت خدمتها مكتختاصرش غير فالمحل وصافي وانما كانت كتمشي فسيارة العمل لفيلات الالبة والماس الهاي وتاخد معاها نمودج الاثواب والمجلات وتبيع بطريقة اخرى ..تاخد العبار هي والمساعد ديالها وتقدم التفاصيل كلها وتساعدهم على الاختيار وتجيب معاها الشيك كتسبيق وتمشي للمحل تعطي كلشي للمسؤول تما يتكلف بالباقي وترجع تمشي مع الفراش والاتات توقف عليه وهوا كيتحط ويقادوه ويلمطوه عاد ترجع بحالها .. تجربة زوينة خلاتها تكتاشف حوايج جديدة واشياء اخرى جديدة وتنفاتح عل العالم من زاوية اخرى ..استمرت على داك الحال وكلشي على ما يرام حتى لواحد النهار تاصل زابون تكلم مع المدير على الفراش وعيط ليها هي والفريق رسلهم هما والنماذج والمجلات فسيارة العمل وكلهم ببدلة موحدة .. وصلات السيارة لفيلا كبيرة خارج ضوضاء المدينة ..مكانتش مجرد فيلا بصور وانما تقول قصر ..ابوابه كبيرة وحدائق واسعة .. والبني عبارة عن جذران من الزجاج ومسبح كبير..كانت كضن انه زبون عادي حتى خرجات عندهم الخادمة بوزرة كحلة قالت ليهم. دخلو جلسو .. عادي نعلم مدام السقلي تنزل عندكم
وقفات شيماء بالصدمة حلات عينيها بقات كدور فبلاصتها وتفتف كان قلبها غيطيح لاكن رجعات كمشات رجليها وجلسات على اعصابها حتى تم واحد الكنيش هابط كيجري مع الدروج ويلعب وتمات نا زلة وراه واحد المرى زعرة كبيرة لاكن مكيبانش عليها الكبر ..كيفاش كتمشى وكيفاش كتهضر مع داك الكانيش اللي هابط كيجري وخايفة عليه!! لابسة سروال دجين مقطع شوية وتيشورط فالغوز والدفار مصاوبين و الشعر مجموع بالمقبط اشقر وفيدها تيليفون كتنزل درجة وتهضر وتعاود تهبط جوج درجات وتوقف
..ويي..نووو..ماتمشيش عند هاداك ..سيري عند دكتور ديالي اللي درت عندو الشفط..لالا خلي عليا هاداك مكيعرف والو..سيري عند دكتور ديالي غزاال كيقاد كلشي
جلسات حداهم دارت رجل على رجل كتهضر فتيليفون ومدات يدها تشوف المجلة ومشغولة بتييليفون
- اجي عندي انا غير فالدار…نو ماخرجتش..غيجي لاخر مايلقانيش يقولك فين عاوتاني مشيتي..ايييوا نتي كتشوفي على عقلية .. قالك الاللة خصو الى جا يلقاني ماخصوش يجي مايلقانيش.. لالا الاللة هوا هاكاك عيينا مانحاولو معاه قالك خصو الى جا خصو يلقاني الى مالقانيش ديك الساعة كارتة …متأ اففف هانا قلت نستاغل هاد الجلسة نعاود دوك الصالونات بالفراش ..بكثرة مابقيت كنجلس فالدار بزاف طلع ليا الفراش فراسيي.. بغيت غييير نطيح على ديك الطبيبة ديال ديك المغنية والو مابغاتش تشد ليا..فين ما نبغي نمشي عنداك لقاها خارجة البلاد..بزز باش راني صابرة قلت والله مانعاود هاد الفيلر حتى تجي تعاودو ليا ..ايييوا ولاخر خلعني قالك والله وعاودتي درتي شي حاجة فراسك مانتفاهم معاك…ويييلي شكتعرفي عليا حبيبتييي..غاادي نديرو ويوقع اللي بغا يوقع … اييييه قالك يجيو من جيهتي ..كيجيو من جيهتو وتقولي واش شي واحد فيهم كيجي مني!!! كيجيو من جهة باهم ياختي كاملين ..يازيد قالك ماكرهتش نشدك ندير ليك اوبيغاسيون على راسك نبدل ليك المخ ديالك ..شوفي باش كيفايل عليا ..الله ينجيني… شوفي الى ساليتي اجي عندي شوفي معايا الفراش حرت ..اما بيت النعاس قالك ماتبدليهش خليه كما هوا غيطير ليا النعاس..ايوا كيف غديري معاه يالاه دابا انا مجبرة منبدلوش ونخليه كما هوا ..متأ..قهرنييي ياختي كيعاندني كيشد ليا الضد بلعاااني..ماخصوش ندير داكشي اللي كنبغي كيبغي يقتلني بالفقصة..متأ واكون عير وجههو وا وجهي وراسي ندير فيهم اللي بغيت..ماشفتيش شنو دار لي على السنان قالي والله حتى تحيديهم..مع مكيحملش كلتوم كان ديما كيعيب ليا سنانها ويقول ليا الجير ..فاش درتهم قالي والله ففمك مايبقاو غتحيديهم ..مشيت حيدتهم كااملين دارت عليا كرهت الطبيب دالسنان ومايجي منو ..عاودتهم عاوتاني كاملين درت غير ليفاسيط الحمد لله مانجرتهمش كن بقيت بحال القرش كنشوف فيه
شيماء بقات غير كتشوف فيها فين ما تجبد شي حاجة قداتها كتمشي ليها بعينيها نيشان حتى قطعات وحطات تيليفون حداها وبدات تقلب وتشقلب فالمجلة ..وقالت
حطات عليه شيماء علامة وبدات كتوريها وتفسر ليها حتى وصلات صاحبتها اللى كانت كتهضر معاها فتيليفون وجات لابسة كسوة قصيرة والكتاف معريين وصندالة برتقالية ديال ارميس والصاك ديالها حتى هوا برتقالي والنضاضر فوق الراس والروايح الجدابة ..جلسات دارت رجل على رجل وجابت ليهم الخادمة المشروبات وشيماء واقفة كتفسر وكل شوية تشوف فمدام السقلي وكيفاش كتهضر مابايناش عليها كاه كبيرة.
سالات الاختيارات وناض المساعد كياخد العبارات ديال كل حاجة في حين شيماء جالسة فالطرف كتسناه وكتشوف فمدام السقلي وصاحبتها كيهضرو
خديجة : زاد فيه ..علاش مالك ماتبدلي بيت النعاس ..بلعكس يفتح النفس شوية
مدام السقلي: وي شير عليا بالكاس كان غيجي فيا..دابا كيهددني كيقول ليا غنطلقك الى عاوتي نفختي شي حاجة ولا فشيتي شي حاجة ..كن يسيق ليا الخبار عندي رونديفو مع الطبيب على النحت ينتاحر
خديجة: وييلي عنداك ديري راسك المشاكل.. معيطلقكش غير كيقول
مدام السقلي: الصراحة متحسيتش بيهم حتى كبرو …من غير يازيد كان خرج لينا من الجنب هدناااا..ساعا قالوه باه اجي نوريك الهدان ..
خديجة:دابا مابقاش تبدل
مدام سقلي: نوووو دابا صافي تعقل.... واخا حتى هوا كيديرهم قد السخط يعد المرات ولاكن على الاقل متحمل مسؤليتو ..شتي انا المهم عندي هوا يتحملو مسؤوليتهم مايجيبوش الهم ديالهم عليا..يخليوني فتيقار ويفكو مشاكلهم راسهم..هادا هوا المهم بالنسبة ليا ..يديروها ويقدو بيها بلا مايدخلوني معاهم فالهم..براكة عليا غير همي انا..
خديجة: عاصم دابا تزوج مابقا ليك ما تهزي همو
مدام السقلي: امممم..مزوج وداير ربعطاش عليها..بنت القاع والباع وكل مرة محصلة عليه شي حاجة مامرة ما جوج وصل للطلاق
شيماء بقات غير كتشوف فيها بنص عين مصدومة وكتسمع وشادة المجلات عندها حتى سالا الكروب العبارات وناضت استأذنات منها باش يمشيو ..شارت مدام السقلي بيدها لخدامة قالت ليها جيبي ليا صاكي من لفوق
شرف للبيع الجزء الخامس
محتوى القصة
هدات يسرى تيليفون كتهضر وشيماء واقفة كتشوف فيها وخايفة منها كتسناها غير تخرج تعطيها التيساع
يسرى: خالد..دوز عليا دوز ديني انا كنتسناك ..يالاه متعطلش
قطعات ومشات طارت ليها على الكتب والدفاتر شركاتهم كلهم وبدات تجر فالريدوات طيحاتهم ومشات للكوزينة قلباتها وهرسات الكيسان وهزات واحد الزاجة .شافتها شيماء هزات الزاج وهربات لبرا كتغوت والبيبان كيتزدحو..الناس دغيا خرجو من الغوتة اللولى كلشي طل وكلشي خرج وخرجات واحد الجارة اللي بحالها كاينين فكل عمارة ..مقدم العمارة واخبار الصباح وجريدة المساء والخيط الابيض اللي يقصل والخيط لكحلاللي يلاقي..هي والتيار ديما معاكسين. الى كان الصدع تفك وتصالح والى كانت الهدنة تنوض تلاقي السلوكة المهم خدامة ماعندهاش الوقت وديما خارجة دايعة وديما جالسة مع العيالات اللي يبيعو النعناع والربيع والخبز فدار الدرب وديما مخشية فشي دار مع الجيران اما العراسات والمناسبات هي مولات الحوا اللي يدق على الديور ويجمع فلوس الزرورة ويقيد السميات .. ونهار تسيق وتجر الماء مع الكولوار تخرج وسط العمارة تهز يديها وتبقا عليهم
يا المسخييييين يا المكلكيييين يا المعفونين..
وتبدا هاك بلاك حتى تنشف الارض وترجع بحالها تحزم راسها ودورو بالحامض وتكا . اما بنتها الى طلعات ليها فراسها تخرجها تلعب فديك الساحة باش تنعس شوية. والى ما كانتش بنتها مع البز دالعمارة وسمعاتهم كيلعبو تخرج ليهم تشركهم هما وواليديهم وتجلس عليهم بالمعيور ولا تشرك ليهم الكورة وتبقا عليهم
تولدو وطلقو اللي عندو شي يشدو الله يحرق جد باباكم الكلب ..واللائحة عريضة تشمل اشهى انواع الهبارات واعدب الكلام الخاص بالعشية ورا العاصر
تدخلات الضاوية بيناتهم تشوف اش واقع ودخلات لديك الدار كتقول
اش كاين اش واقع
خرجات يسرى جارة باليزتها كي البقرة والضاوية كتر منها مع ذلك دفعاتها زعزعاتها وخرجات كتسب وتخسر الهضرة وكلشي حشمان
يسرى: رااه عا ق٠٠٠ دسواعدة هادي كضل ت٠٠٠
خلاتها شيماء مجاوباتهاش وبقات مخبية ورا ديك الضاوية ويسرى غادية وكتسد الساعة فيدها وباينة عليها من لبعيد اش كتسوا غير من داك الفصالة وداك الفم ودوك الدفار اللي ولا خالتهم والصباغة مقشرة .. حالتها حالة وتلات بيها الايام مابقاتش عاطية كي كانت والشعر الزعر طار منو البروشينغ والكلابسات اللي كانت كدير تستر بيهم ديك القزيزيبة اللي فراسها تا هما تشوطو بقوة ما كديرهم وزادو نتفو ليها الراس تقول فيها التونية ..اما رجليها بالقصوحية رجعو بحال الحلفة والدفار طوال قاصحين وغلاض صوفر ..مشات بحالها ودخلات شيماء كتبكي للدار ودخلات معاها الضاوية كتشوف اش واقع ..كتهدنها وفنفس الوقت اللي فيها ماهناها بغات تشوف الدار وتعرف القصة ..لاكن معامن هي ..لقات شيماء طالعة ليها الحياة فالراس ماهضرات مانطقات مشات لدوك الدفاتر كتشوف فيهم وتبكي من حر الصفعة اللي تلقات والغدر بقا فيها كاع الخير اللي دارت فيها وماقرش فيها . جمعات معاها الضاوية داك الزاح وديك الروينة كلها وجلسات معاها كتستفسر وتسول علاش هادشي وشكون هادي . قالت ليها شيماء باللي وحدة ساكنة معاها وصافي وباللي هي كتقرا وجات لسلا باش تقرا وعطات للضاوية صورة زوينة عليها وكانت كتبان عليها بنت نقية ومؤدبة ..وجهها نقي وفمها وسنانها نقيين وزوينة وشعرها نقي وحوتيجها حتى هما..يديها نقيين ودفارها حتى هما قصار ونقيين ورجليها كيشعلو وحتى هضرتها زوينة ومقبولة حتى حاجة مكدل على انها عاهرة كما وصفاتها يسرى .الضاوية ملي شافت هاكاك تيقاتها ديك الساعة وجات من جيهتها وبدات توصيها على الصحابات وتنصحها وخلاتها ورجعات لدارها ووصاتها الى حتاجت شي حاجة دق عليها
انفردات شيماء بنفسها وجلسات كتراجع الاحداث مصدومة ومركنة يدها على خدها ..العشية كلها وهي كتحمد لله على الكارثة اللي خرجات باقل الاضرار ورتاحت منها
رجعات فطوم بالليل دخلات للدار لقات كولشي طافي ومشات نيشان لبيتها طاحت نعسات بالكسوة والمكياج حتى صبح الحال وناضت مضهشرة مشات تجلس وجهها ..لقات اتاي فوق الطبلة فالكوزينة والخبز معطي عرفات شيماء فاقت الصباح مشات تقرا .مشات غسلات وجهها ودوشات من السهير ديال الليل وجلسات كتفطر ..بانت ليها ميكة كبيرة عامرة زاج وبقات كتشوف باستغراب وناضت طلات عليها مافهات منين جابت داك الزاج
خرجات دايرة من وسط الدار ورجعات خطوة اللور شافت التلفازة اللي عاد شرات معلقة فالحيط مهرسة من الوسط تقول داخلة فيها حجرة
شدات حناكها كتولول ومشات وقفات قدامها مصدومة قاستها بيدها وجلسات كتشوف ماعرفتت باش تبلات.
دخلت شيماء مع ااطناش حلات الباب بالساروت ولقات فطوم جالسة ناشرة رجليها ويديها قالت ليها شكون هرس تلفازة!!!
تنهدات شيماء وجلسات حداها حطات دفاتر جداد قالت ليها لهلا يوريك البارح شنو وقع
فطوم: انا قولي ليا غا شكون هرس ليا تلفازة بلا ماتقولي ليا كاع شنو وقع
شيماء هرساتها يسرى
خرجات فطوم عينيها قالت ليها هرساتها يسرى!! وعلاش هرساتها؟
شيماء: لبارح كنت كنقلب على وراق ديالي وطحت فواحد الجوا لقيت فيه وراقها هي ..السيدة عاطية تسبيق ديال عشرة دالمليون فبرطمة فالسكن اقتصادي هنا فين كان واحد السوق قديم ودايرين معاهم تسليم على عماين ..فاش واجهتها ناضت تسيفات عليا وكشطاتني وهرسات الدار وكانت غتخسر ليا وجهي وزادت مع ااطريق
ضربات فطوم فخادها بحرقة كضحك قالت ليها ههه… شارية الدار !!! علاش اختي اللي ماتشريهاش نشريو حنا ق٠٠٠ دالشينوا… ها الباطرونات ها اللي يدير الخير واديري لخير قلت ليك خرجي الق٠٠٠٠ تمشي بحالها ..قلت ليك راه ماحاملاها ماقابلاه جلستي عليا لا ومسكينة..هاهي كشطاتك دابا وكانت غتخسر ليك وجهك ..بردتي دابا …اويييلي على التلفازة اللي شارية بستين الف …بلحق الى ماتشمايت انا وياها ط٠٠٠٠بن راني بنت٠٠٠٠
ونتي بقيتي كتفرجي فيها نزلي على مها بشي مقلة للراس
شيماء: خليني اختي اللي فيا كافيني ..انا كنصلح من جهة وهي كتعكس من جهة
ضربات فطوم فخادها : اوييييلي ندب حناكي خوراتنا الباطرونة .. شوفي … الى مكانت هي اللي حطات الضوسي ديالك كااااامل ليازيد هاهيا راني ماشي فطوم
لحسات صبعها وطبعات الطبلة وشيماء مصدومة قالت ليها اويلي !!
فطوم: اويييلي!!! علاش مالها صعيبة عليها …لق٠٠٠٠٠ هادو واجرك عالله واش مالكي معارفاهمش…نسيتي اش دارت ليك الشلحة!! انا راه النهار اللللللول فهاد لق٠٠٠وب هادا باش يالاه دخلت ليه ..داو ليا فلوسي دالسيمانة كااااملين خلاني فوق الارض ..وزيد الق٠٠٠٠واد تا هوا سمح فيا فالطريق وحنا راجعين من مراااكش وخلاني تما انا وبالزيتي بسبب لق٠٠٠ب ومشا بقيت غير انا والله .
ونتي كتقولي ليا يسرى…. اوييييييلي عنططططرق غيطرق فيا العرق غنتسطاااا
شدات شيماء راسها قالت ليها صافي عيييت عيييت ماببقيتش قادة..صدم اخرى وغادي توقع ليا شي حاجة
هزات فطوم تيليفون كتصوني ليها ودارت مكبر الصوت جاوباتها يسرى كضحك قالت ليها االو حبيبببا
فطوم: الو لق٠٠٠٠ الواسعة المارجة ..عند بالك قضيتيها دابا
يسرى: مالك احبيبة باغا طرررطقي بشوية عليك
فطوم: لا حبيبة مغاديش نطرطق ولاكن عادي نوريك شكون هما لق٠٠٠٠ب .. دابا عا ضحكييي مع راسك ولاكن غادي نتشامو انا ونتي سمعتي احبيبة …واردي بالك.. عنداك تنساي حطيني فراسك
يسرى:سيري سيري تق٠٠٠دي خلعتيييني ..
فطوم: وتسناي وغتشوفي الى ماخرجت على لق٠٠٠٠بة دمك راني بنت لق٠٠٠٠
يسرى:ايو هاحنا غنشوووفو احبيبا
فطوم: دابا جيني من اللخر..نتي اللي قلتي ليازيد على شيماء ياك ..باش نجمع ليك حسابك كامل
ضحكات يسرى ضحكة مستفزة قالت ليها احبيبة انا غير سولني وقلت ليه ..مابغيتش نكدب عليه
شدات شيماء حناكها مخلوعة ومصدومة وفطوم دارت ليها براسها هااا شقلت ليك
فطوم: نتي يا لق٠٠٠٠ة كنت عارفاك من اللول ولاكن دابا وجدي ليا كرك للمسقي باش تعرفي راسك معامن وشكون هما لق٠٠٠ ديال بصح
قطعات عليها وشافت فشيماء قالت ليها وتلكاااي..يالاه ها يسرى عطاتك خرجات ليك على حياتك ومستقبالك …ولاكن غا بلااتي انا غنوريها فعايلل٠٠٠ديال بصح..ما حرت تا فق٠٠٠اب السعودية وقو٠٠٠تهم اللي كانو شادين ليا باسبوري والكفيل تا هوا من لفوق فبلاد اخرى بقا غير نحير فهاد المارجة هادي ق٠٠٠طروطوار مايكون غا يازيد عطاها ديك العشرة فاش كرات ليه
شيماء:عطاها ديك العشرة!! غتكر ليه والخرا فسروالها اشمن يعطيها نتي راه معارفاش هاداك كي داير
كمدو الشمتة اللي تشمتو وكل وحدة عطاتها وجهها فجهة . رجعات شيماء من الاول عاودات الدروس كلها لمدة شهر وهي كتكتب بحال شي عقوبة خصها تكملها ، ماجات فين تسالي ديك العقوبة حتى لقات راسها فهمات ودخلات لعقلها كاع الدروس اللي كانت كتحضر ليهم وهي مدوخة بالدواء
اما فطوم غادية جايا من خرجة لخرجة مكتجلسش ومكتقدرش تجلس وحتى الى مكان لا خرجة لا والو كتخرج تسهر فليبواط وترجع
تكات سخفانة حدا شيماء فوق واحد الكرسي فلكوزينة قالت ليها
عييت ..سخفت
شيماء: اختي بسيف ماتعياي انا وعييت بلاصتك
فطوم:باز شووف شكون كيهضر!!
شيماء: والله حتى سخفت بلاصتك انا كنشوفك غادية جاية كل نهار مكياج كل نهار الشعر كل نهار السهير سخفت. باز ليك ..ماعرفتش انا براسي كيفاش كنت كنقد ندير هادشي يوميا عاد بدا كيبان ليا
فطوم: دابا بيني وبينك ماتوحشتيش شي خريجة وشي قريعة
شيماء: الله ياختي شبغيتي عندي مزال حتى عضامي ما بردو عليا باقا كنحس بيهم طايبين..شوفي الحالة اللي وصلت ليها حتى وليت كنشرب الدوا باش نعس وكتقولي نتوحش السهير !! التوبة ..ياختي
ضحكات فطوم قالت ليها. كتغني
هيا هيا وهاايااااا ..هي مرة وتوووباااااا ما بحب وتوووووباااا ما بحب وتووووباااا..هيااا هيااااااااا..هي مرة وتوووبا ما بطلع وتووووبا ما بطلع وتووووبا مابطلع وتووووبا
تنهدات شيماء قالت ليها ياختي ردي بالك عنداك شي نهار يشدك شي واحد يقطعك طراف حتى واحد مايسيق ليك الخبار
فطوم: لا اختي انا عارفة راسي معامن كنمشي وفين كنحط رجلي
شيماء: حتى انا كنت كنقول هاد الهضرة..نهار اللول بااش تلاقيت بيازيد قلت هادا درويييش كليمني !! لا كيفاش كيهضر لا كيفاش كيتعامل عطاني وجه وفاللخر طلع بوجه عمرني تخيلتو..عمرني نسا اش داز عليا
ضحكات فطوم قالت ليها حمدي الله اللي ماشرحكش وباع الاعضاء ديالك ولا تصدقهم على شي مسكين يكفر بيه على دنبو هههه تعادوي تصاحبي مع الاطباء
هزات شيماء صبعها : لاا اختي لا اطباء لا مرضى لا سواعدة.. عمرني نطوف بجيهة شي واحد كما بغا يكون مابقيتش كنحححمل اصل مهم كرهتهم .. حتى دفار هما اللخرين مابقيتش كنقدر نحطهم فيديا بقوة ما باقي صبعاني كيوزوزو من داك النهار..غير كنتفكرهم كينوض ليا قلبي
شدات فطوم كرشها كضحك قالت ليها ناااري هادشي بقوة ما خايب كيخري بالضحك..دابا زعما عمرك تركبي الدفار
شيماء: عممرني نركبهم ولا نخليهم يطوالو فوق القياس حتى يوليو بحال النسر.. صافي اختي حررمت
فطوم: اجي شنو درتي بديك ستة دلمنيول خلاوها ماليها
شيماء: واها خليتها تما كنطل عليها كيتقبط ليا قلبي.. كتبان ليا صورة يازيد فالربعالاف
فطوم: نااااري ههههه كترة الهم كضحك.. خليها نيت خبيها تا ضبري عليى الزيادة تلقاي بعدا باش تقراي العام الجاي
تنهدات شيماء قالت ليها اااو دي… خليني ساكتة ..راه الصباح فرقو علينا الوراق غيسيفطونا نقراو ففرنسا وقالو لينا نعمرو الفوغميلير باش يقادو لينا الضوسي نمشي نقراو تما
فطوم: وعلاش ياك هادي جامعة دولية!!
شيماء: ولاكن كيسيفطو لبرا سولي عليها
فطوم: وكيسيفطو بزز ولا بالخاطر!!
شيماء: بزز منك تمشي تقراي الى مابغيتيش غتجلسي هنا تكملي ولاكن اللي غيمشيو غيكونو زايدين عليك فالنيفو ماشي بحال..دابا المشكلة مزال ماعرفت راسي ت واش غنكمل العام الجاي ول اصافي غنخرج ونشوف شي خدمة ولا شي حاجة..واخا غير كنتفكر هادشي كنمرض كنتمنى الموت ولا نخرج من ديك الجامعة ..مرضت والله ..زادو كملو عليا اليوم بهاد السفر
فطوم: مشاكيل..دابا صافي حرمتي زعما الخروج فمرة
شيماء: صافي ماتبقايش تجبديه ليا…انا بقوة ما بديت كنفكر وليت كنقول واش حماقيت ولا مالي..كيقول ليا واحد الراس نمشي عند الشلحة نقتل مها كن بعدا عطاتني غا النص من دوك الفلوس نقرا بيه ..هادشي اللي ولا كيبان ليا..ماعرفت شنو درت حرت ..المشاكيل بحال الشتا ها يسرى ها المدرسة ها داك وجه الشيتة ديازيد ها الكرا جاي تفوووو المرض
فطوم : خبي ديك ستة اللي عطاك وزيدي عليها دوك فلوس الرهين اللي قاسمين انا وياه وخلصي بيها المدرسة العام الجاي
شيماء: واقيلا داكشي اللي غندير ..مابان ليا حتى حل .. بعدا بعدا الى مشيت لتما ومخلصة المدرسة غيبقا ليا السكن والماكلة ديك الساعة نخدم ونقرا بجوج تما الى خدمت ماشي بحال هنا على الاقل نوفر فلوس السكن ..غنقلب ليا على شي خدمة فشي سناك باش نتهنا حتى من الماكلة ونسكن مع البنات
فطوم: وتما ضبري على شي كاوري يخلص ليك العام لاخر وهانتي ساليتي
شيماء: بقاو ليا غا لكور تا هما ..نفك بعدا هاد العام ويحن الله العام الجاي..نشوف واش يعطيوني شي سلف من البنكة ولا شي حاجة غنقلب ضاروري نلقا حل ..غير تعاويد وسخفت كنتفكر اش تابعني كنمرض
الهم تجمع حتى خرج من الجناب .. مابقا ليها جهد تهزو
رجعات محنية على الكتب كتقرا وساهية كتخمم ..مرة تبكي مرة تسكت وفطومة داخل خارجة عليها ..
دخل فصل الربيع وخلصات الكرا من الفلوس اللي كانت جامعة ..وحيت مابقاتش كتخرج وتخسر قدرات على الاقل تلقا باش تاكل وتعيش وتمشي وتجي للقريا
كانت جالسة على الطبلة فالكوزينة حتى سمعات صوت الطالون من الشرجم طالع مع الدروج زربان عرفاتها فطوم
دخلات عليها للدار كتجري وتقلب وتعيط فيينك
عيطات شيماء من الكوزينة قالت ليها هانا
مشات فطوم ددحات باب الدار وراها سداتو وعطاتها التيليفون كتنهج قالت ليها شدي يازيد عيط عليا قالي توصلي دوزيها ليا
ناضت شيماء مخلوعة وجهها مشا منو الدم بالخلعة قالت ليها شكون!!
فطوم: عيطي ليه اختي شوفي اش بغاك كيأكد عليا
شدات شيماء تيليفون كترعد وعينيها غرغرو قالت ليها اش بغا…ناري مقادراش افطوم على داك العداب مقادراش ..كنحس براسي تنقيت وصفيت وليت كنتقبل داتي ونرتاح مع راسي ماقادراش نتخيل داكشي عاوتاني مابقاش ليا الجهد والصبر
فطوم: وا عيطي ماتعرفي يكون باغي غير يهضر شيماء: اي غيقول ليا اش غيدير بيا اصلا الى ماعيطش ليا على هادشي علاياش غيعيط ليا ..لحمي تبورش
فطوم: وشنو دابا شنو نقول ليه الى عيط! تخافي يتم داير لينا شي موصيبة ولا ملسق لينا شي جرم يسيفطنا الحبس انا ونتي داكشي اللي بقا ناقصنا
تنهدات شيماء كتوجع وتبكي شدات داك التيليفون وقلبها كيضرها كطلب الله يفكها منو ..يالاه بدات كتعايش شوية وتبعد من داكشي اللي وقع ليها وجع حسسها بنفس الاحساس بمجرد ما شمات ريحتو
فتيليفون
صونات عليه بزز منها وكان غيسكت القلب فاش سمعات صوتو ..مارضاتش حتى تهضر حدها قالت ليه الو وبصوت ضعيف وبقات ساكتة وهزات عينيها في فطوم وخرجاتهم مصدومة كتسمع وفطوم كتشوف فيها وتشائل علاش كدير فيها دوك النضرات ..هبطات شيماء تيليفون مع عنقها مصدومة حطاتو ليها وهزاتو فطوم لقاتو قطع وقالت
مالو شنو بغا ؟!! علاش ساكتة. هضري
باعات شيماء ريقها كتمتم ماعرفات متقول وقالت ليها
قالي تفرقي على فطوم
فطوم: شنااهوا!!! علاش بسلامتو فاش وصلت ليه انا!!!
جلسات شيماء مصدومة وقالت ليها قالي خرجي من ديك الدار ..واخر مرة تشوفي فاطمة الزهراء ولا تهضري معاها
جلسات فطوم مصدومة قالت ليها وعلاش انا شنو درت ليه!!!! حنا معاونين على الزمان اش بغا عدنا؟!! شنو بيني وبينو حتى يقوليك بعدي منها!!!
ناضت شيماء كتبكي عنقاتها وعنقاتها حتى فطوم كتبكي وقالت
شنو غندير انا بلا بيك دابا؟ فين غنمشي … علاش هادشي علااش؟! كي غندير بوحدي
تنهدات شيماء وجلسات كتنخصص قالت ليها انا اللي غنخرج .. قالي خرجي داابا ولا مغعجبك حال
شدات فطوم راسها قالت ليها واش هادا مريض!!! فين غتخرجي فين غتمشي وقرايتك !!! حسبي الله ونعم الوكيل فالضالم لقاو نا ضعاف ماعندنا حد كيمسحو فينا رجليهم
طاحت عليها شيماء كتبكي قالت ليها فين غعطي بالراااااس اختي فطوم فين… فين غنخرج …اشنو باغي مني
فطوم: ماتخرجيش ماعندك فين تمشي
شيماء: كيتحلف عليا قالي عندك ساعة تجمعي حوايجك وتخرجي برا .. فين غنمشي انا ضعت ..ضعت ..قالي لانتي لا طاسيلتك كلها تمشيو فيها
عنقاتها فطوم وجلسو يتباكاو حتى طابو فاللخر ناضت معاها كطوي هي وياها ويبكيو تقول غتمشي للقبر .
جمعات حوايجها ولوات شعرها الاسود سفنجة ولاحت عليها كاب من اابرد فوق الليببة والبوط وخرجات مع الباب كتبكي وفطوم معاها حتى للشارع .
لقاو الطموبيل فالباب كحلة ديال السواق وتخلعو رجعات شيماء اللور مخلوعة قالت ليها لااا لاالا ميمكن..لالالا منقدرش فطوم ديري شي حاجة عاونيني
خرج السواق بتاسم وهز الباليزة اللي سمحات فيها وهربات لداخل حطها فالكوفر وعيا معاها طلع مابغاتش فاللخر ضرب تيليفون ليازيد .ديك الستعة عيط لفطوم ومابغاتش شيماء تجاوب وجاوبات فطوم قائلة
الو …بقات ساكتة كتسمع وشافت فشيماء قالت ليها قاليك طلعي فطموبيل بالخاطر ولا غيطلعك بالقوة وبلا ماتعصبيه ويدير ليك كتر من دار ليك المرة الفايتة
شدات شيماء فواحد الحيط كتكي وعنقات فطوم تبكاو حتى عياو
عطاتها فطوم واخد تيليفون حضيم قالت ليها خلي عندك هاد العضم نهضرو .. على قبلك غنعاود نعيط لداك انس واخا مكنهضرش انا وياه
شداتو شيماء ومشات طلعات فالسيارة سد عليها الباب وبقات كتشوف فيها من السرجم حتى غبرات
الطريث كلها بكا مقادراتش تركز معاها حتى لقات راسها فالدخلة دالكلية وطلات كتأكد مسحات عنيها كتشوف ونزلات من بعد ما فتح ليها السائق ولقات المرشدة تما تبسمات ليها وقالت ليها اجي معايا
مشات وراها شيماء جارة باليزتها كتشوف وتحاول تفهم شنو واقع حتى للادارة ودخلات معاها للبيرو عطاتها اوراق قالت ليها سنيي ليا هنايا
طلات شيماء على دوك الاوراق كتقرا ديالاش قبل متوقع والستيلو فيدها لقاتهم ديال مسكن الجامعة وعاد فهمات شنو كاين ووقعات عليهم وناضت معاها المرشدة داتها لاقامة الطلبة اللي فالجامعة ووقفاتها قدام واحد الباب ودقات حلات ليها بنت قد شيماء فالسن الباب لابسة بيجامة ودايرة ماسك لوجها
شارت ليها المرشدة قالت ليها دخلي
دخلات شيماء جارة باليزتها وعينيها فداك البيت ومصدومة وكتشوف بجنابها حتى تسد الباب وسمعات البنت اللي وراها قالت
سلا اختي!!
تلفتات شافت وراها وابتسمت قالت ليها السلام
مدات البنت يدها قالت ليها
انا اسراء. ونتي
مدات شيماء يدها قالت: شيماء
تبسمات اسراء وكانت بنت زوينة وشعرها كاري قصير ورقيقة عكس شيماء اللي ولات تبارك الله عامرة بدور الاعصاب ..تنفخات بقا فيها الوجه اللي متنفخش ..رجع وجهها لا علاقة بالجسد ديالها .اسراء كانت كتبان عليها بنت الناس وبنت كليميني كي كيقولو..مع ديك الدارجة والفرونسي ديالهم والهضرة سريعة باينة عليها ديال العشرة
اسراء: مرحبا بيك اختي… عرفتي كنت كنقول يا ربي تجي شي بنت تونسني. وتكون ضريفة بيان سيغ ههه
جلسا ت. شيماء فالسرير المقابل مع سريرها بابتسامة وقالت ليها شكرا
مان واضح عليها الحزن من فواق فطوم وكضحك غير بزز وماعندها خاطر تقول مريضة . لقات تما واحد البلاكار فالحيط حطات فيها حوايجها ومشات بشوية ماعرفات باش تبدى .. حيدات الغطا. ديال السرير كله وجبدات ليزور من بالزيتها طلقاتو وشدات المخدة شماتها وغلفاتها وطلعات نعسات فصمت كتشوف فالروينة دالحوايج مشتتين ولاتخوس مرونة محطوطة فواحد القنت وديك البنت مرتاحة جلسة وسط ديك الروينة وشادة تيليفون .
نعسات حتى صبح الحال وناضت الصباح تمشي تقرا وجاتها ساهلة ماهلة .. دغيا لبسات وسدات على حوايجها ونزلات تقرا .
رجعات من بعد انتهاء الحصة للبيت لقاتو خاوي وبلاصة اسراء مرونة فوق منها باليزة كتقيا بالشراوط. والكواغط. عند راسها ..
حلات واحد النافدة فوهات البيت ومشات لديك المخدة اللي نعسات عليها حطاتها فديك النافدة تشمش وعرات على الناموسية كلها بغات تنضف تحت منها ساعة لقات واحد الطبعة دالبول قدها قداش صفرا ..عافت وجاتها الردة وقلباتها لقات الجهة لاخرى صفرا كتر وخلاتها هاكاك واقفة ومشات لداك تيليفون اللي عطاتها فطوم ركبات فيه رقمها وبلا متشعر بقوة الاشمأزاز عيطات على يازيد وكتشوف فديك النموسية وقالت
سلام خويا يازيد
يازيد:نعام؟
شيماء: شكرا على هاد المساعدة ديالك ..
قاطعها: شنو بغيتي من اللخر
شيماء: بغيت نرجع لداري ..
يازيد: علاش باغا ترجعي ادارك شنو اللي ماعجبكش تما !!
بلعات ريقها باشمأزاز وقالت
البيت خانز وو..ناموسية خانزة ماقدرتش نعس فيها..متختخة بيبي
يازيد : باش متختختة!!
شيماء: بالبول.. حالتها منقدرش نعس فيها
يازيد: وشنو باغا ؟ مال هادوك اللي تما ناعسن على العفش!!
شيماء: ماعرفتش ولاكن ماقدرتش اخويا..الله يرحم ليك الواليدين الى ماكانوش يبدلو لي الناموسية بشي وحدة جديدة نرجع بحالي..الله الدار ولا هاد الحالة ماقديتش عليها كتقهر
يازيد : واخا دابا يسكنوك فدار المدير مزيانة ؟ واسيري تقراي الى باغا تقراي من الفشوش د ٠٠
قطع عليها خلاها مصمرة كتشوف فديك الناموسية وياغا طق ماعرفات مي دير ليها ..واش تمسحها بالتيد والماء ولا شنو دير ليها؟
بقات كدور بيها تشوف شنو دير حتى سمعات الجرا فالمرر ودخلات عليها المرشدة كتجري هي شي اعضاء من الادارة وقفو شافو ديك الناموسية وخرجوها ديك الساعة من تما بفراشها ودخلات فام دميناج خرجات شيماء من تما وسيقات داكشي رداتو كيشعل..جايو ليها ناموسية جديدة بميكتها حلوها قدامها بلا مايهضرو معاها ..اما هي غير واقفة حدا الباب وكتشوف واسراء تا هي مافهمات والو .حطوها وغلفاتها فام دميناج بكولشي جديد وكولشي من الميكة كيطرطق حتى من الكاشة وليزار والمخدة جداد .حتى سالاو وشافت فيها المشردة قالت ليها صافي؟
خركات شيماء راسها قالت ليها شكرا
شافت المرشدة فالفام دميناج قالت ليها يالاه وخرجو خلاوها عاد تنفسات وسرحات مناخرها وطلعات فوق ديك الناموسية وربعات
تبسمات شيماء شافت فيسرى وشارت ليها براسها قائلة
جمعي حواجك مابقيتيش دابا بوحدك
تصدمات اسراء من جرأة شيماء وماتوقعاتش وحدة يالاه جات مزال ماسخناتش بلاصتها تقوليها ديك الهضرة اة.
تبسمات باحراج قالت ليها ااه كنسى مع الزربة ومع الوقت مكاينش ولفت بوحدي
حلات شيماء واحد الكتاب كتلعب باصابع رجليها وقالت
ايوا ماتبقايش تنساي
هبطات عينيها ميعات تمييعة بحاجب مرفوع وابتسامة تلقائية وشافت فالكتاب خلاتها كتجمع بالكمشة وتركن فالماريو وكنشوف فيها بنص عين شنو كدير حتى سالات وجلسات بواحد ديباردور دارت رجل على رجل وحلات شعرها وجبدات عليك سجائر وقالت ليها
كتكمي؟
بقات شيماء كتشوف فيها وقالت ليها يالاه نقينا البيت خلي فيه ريحة زوينة
تحرجات البنت للمرة التانية وبقات كدور فعينيها وحطاتو وتكمشات فبلاصتها .
تكات شيماء عطات وجهها للحيط وبقات كتشوف غيه فصمت وتتفرج فحياتها من الاول ..سمعات الضحك والهضرة وتلفتات لقات اسراء مجمعة غتيليفون بالفرونسي وكضحك وكتبني موعد تخرج فيه .
رجعات عطاتها شيماء بالضهر ونعسات خلاتها
بدات كتحاول تولف فداك السكن ومكتخرجش من الجامعة.. كتمشي تاكل على حساب الجامعة داكشي اللي حطو وترجع بحالها
دخلات كتنهد للبيت لقاتو مقلوب عاوتاني واسراء مكايناش ..لحوايج مرونين فجهة ولقاتهم فوق ناموسيتها اللي ماخرجات حتى لمطاتها وطوات المانطة ..رجع وجهها احمر وشمات ريحة الكارو فيه وهي كتحاول ودير مجهود باش تقطعو وتبعد عليها جميع انواع البليات اللي كانو سبابها فعدابها وخلاوها تنفخات بالدويات حتى مابقاوش حوايجها كيجيو قدها ورجعات بحال الباندا ..لفخاد غلادو والمؤخرة خرجات والكتاف عمرو ..اللي شاف وجهها شكل واللي نزل عينو لتحت شكل اخر .
تكات ترتاح شوية وهي تفيقها الردة وناضت تقيات حتى سخفات .. شداتها لادياغي ومشات خوات كرشها حتى ماقداتش..
(حداث حقيقية)
نعسات وهي كتقلب واسراء مارجعاتش ديك الليلة حتى صبح الحال وصبحات كتغلي بالسخانة معاقلاش على سميتها .
ساقو ليها الخبار غايبة وكتهترس من الحارسة اللي ضارت على البيوت داك الصباح وجاو ليها يشوفو مالها لقاوها حمرا وداتها كتغلي كلها .
ديك الساعة هزوها للكلينيك ويالاه دخلوها يهبطو ليها السخانة جاهم اتصال وخرجوها فسيارة الاسعاف داوها للمستشفى العسكري ماريفي
طلعوها نيشان لغرفة خاصة وهي كل شوية ترد وحيدو ليها حوايجها كلهم خلاوها بديباردور والسليب. ولاحو عليها ليزار خفيف وبداو وبداو فالعلاج والفحوصات
غسلو ليها مسارنها هما اللولين ودارو ليها سكانير اللول قراوه وعاودو ليها السكانير الثاني وطلعو عندها للغرفة وهي فشلانة مجلسينها ومتكيا على ضهرها طابت بقوة النعاس وحمرا كل شوية تشوف فيدها فداك السيرم اللي معلقين ليها
تبسم الطبيب معاها وقاليها
شيماء مؤدب.. صافا باش كتحسي
قالت ليه صافا حسن من لبارح
قاليها شيماء عادي نديرو واحد لوبيغاسيون خفيفة .. صافي ؟
تخلعات شافت فيه قالت ليه اوبيغاسيون؟
علاش!!
قاليها ماتخافيش غير اوبيغاسيون صغيرة غادي نحيدو ليك بعض الياف الرحم ..اوك ..
تخلعات سمعات الرحم وقالت ليه :شنوو!!! الرحم
قاليها : السكانير اللي درنا الاول خرجو فيه الالياف غير جوج ..قلنا يمكن تكيس المبيض ولا شي حاجة اخرى ..عاودناه لقينا نفس الشيء.. دونك ضاروري تحيديه قبل مايكبر اكثر ويسبب ليك العقم ولا نضطرو لاستأصال الرحم
خرجات عينيها طاح منها النص وعلى ديك الكلمة دخل يازيد عليهم تلفت شاف فيها قاليها جا معاك الجلاس فالدار. تختختي
بقات غير كتشوف فيه وهي مزالة ماستوعبات ختى كلام الطبيب ..هز يازيد مباشرة دوك الاوراق كيشوف فيهم وطلب م نو الطبيب يهضرو على انفراد ومشاو جهة الباب شرح ليه الوضعية وحالة التسمم الغدائي اللي وصلاتها عندهم حتى كتاشفو باللي عندها الياف الرحم
بقا كيفسر ليه والممرضات بجوج واقفين معاها كيفسرو ليها ويهدنوها حتى دخل يازيد بدوك الاوراق فيديه شافيها شوفات قاصحة كيزفر من مناخرو فصمت قاليها ها نتي هادشي علاش كنتي كتقلبي.. يالاه جلسي لارض تسنطي لعضامك
شاف فيها الطبيب والابتسامة خفيفة على وجهه وهي كتبكي قاليها ماعندك مناش تخافي دغيا غدوز اوبيغاسيون بالليزر
قالت ليه بواحد الحالة وواحد الخلعة منين جاوني هادشي انا كنت ديما متبعة مع الطبيبة عمرها قالت ليا عندي شي حاجة
قاليها الطبيب عادي كيجيو لكاع الناس
لاكن قاليها زيدا وسط هضرة الطبيب جبتيها راااسك نتي اللي قلبتي على هادشي هاهما دابا غيحيدو ليك الولدة وجلسي بلاش ديري بلاصتها سطل ولدي بيه
كمل عليها حتى كانت غتموت والفرمليتت كيشوفو فيها ويحركو ليها راسهم بالنفي اما هوا حط دوك الاوراق وهز واحد اللائحة حىا رجلها معلقة كيقرا فيها ويدو فالجيب
كتمسح حناكها مسكينة ومارضاتش تبكي قدام كلشي .. قربات ليها الفرملية وقالت
صافي واجدة نهبطو؟. ماتخافيش مغيوقع ليك هادشي عادي
شافت فيها شيماء وكتمسح خدودها وتبكي. قالت ليها
لا مابغيتش هاد العملية..عير خليوني اللهم نموت ولا ندير عملية
الممرضة: دراري صغار ومسديرو العمليات ونتي ماقدرتيش
شيماء: منقدرش انا غير خليوني
هاكا ماعنديش مشكل
الممرضة:مناش خايفة دابا واش ومن العملية ولا خفتي يحيدو ليك الرحم ؟
شيماء: من كلشي العملية والرحم
الممرضة: الرحم مغيتحيدش غيبقا.. غير غيتعالج وصافي بلعكس غتبراي ترجعي حسن راه اللحم سبحان الله دغيا كيرجع كي كان
رفضات شيماء رفض قاطع وقالت : لالالا منديرش العملية غير خليوني
ضار عندها يزيد اللي كان واقف كيقرا قاليهم يالاه طلقونا ..هبطوها لبلوك دابا
فركلو رجليها وكتشوف هنا ولهيه بالخلعة قالت ليه لالالا منديرش العملية مانهبطش لبلوك
هز حاجبو شاف فيها قاليها واش كتقلبي على شي حاجة ..يالاه جمعي راسك خايفة غير من العملية شي حاجة اخرى مكاتخافيش منها
عطاها بالضهر كيمشي ويجي وتما ويقرا دوك الاوراق كاملين وهي كترعد بقات فدوك البنات تقول غيكويوهت بالعافية..
شيماء: لالا منهيطش مابغيتش الفتيح غير خليوني نموت ومنفتحش
عياو معاها وماجاتش يشدوها بزز وعياو يقنوعها وهي كترفض قبل مايكملو الهضرة ..
شيماء: باش غيفتخو ليا بموس!! باش؟
الممرضة: بالليزر مغتحسي بوالو غديري البنج ماتحسي بحتى حاجة
بلعات ريقها وعينيها غير كيمشيو ويجيو بالخوف قالت ليهم
شكون غيفتح ليا… انا منقدرش مابغيتش صافي بلاش هادشي كامل
شدات الممرضة فيدها وتهدات بالشرح هي والممرضة لاخرى وجمعات اصابعها كلهم شافت فيها وقالت
غاسمعني نفهمك اشناهوا الفتيح .. غتهبطي عاادي غنديرو ليك اكسيجين معاه البنج غتنعسي وترتاحي وحتى الابرة ماتحسي بيها ..وصافي غادي يحيدو دوك الالياف ويبقاليك الرحم نقي وصحيح وحسن من دابا فهمتي..دكتور السقلي هوا الليغيدير ليك اوبيغاسيون وجاي على ودها يعني ماعندك مناش تخافي
حلات عينيها قالت ليها شكون؟؟ يازيد اللي غيدير ليا لوبيغاسيون!!! لالالا صافيصافي صافي خليوني نمشي بحالي مابغيت بو عملية ..ماخصنيش اير خليوني
شداتها المنرضة الاخرى من يديها قالت ليها
شكون بحالك غايدير ليك دكتور السقلي لوبيغاسيون !!! طبيب واعر عرفتي شكون هوا دكتور سقلي بعدا ولا ماعرفتيش!! نتي مباركة جا يدير ليك لوبيغاسيون براسو ..واخا كاع الاطباء واعرين هنايا مي دكتور السقلي معروف طبيب جراح مولف واش هوا عاد غيدير عملية اول مرة فحياتو باش تخافي منو لهادالدرجة!!!
حيدات ليها شيماء يديها باات تنوض كاع قالت ليها
عرفتو اختي عرفتو ومندير عندو مايدير عندي غير خلويني انا متحملة مسؤوليتي
الممرضة: غدوز طبيبة الكوماندارا تلقاك كديري بحال هاكا غدور فيك اللهم جلسي بلاصتك ..
شيماء: ماشي سوقي خليني نمشي بحالي
رجع عندها لابس وزرة خضرا عبارة عن شروال وتيشورط كول في بجيب جهة الصدر وسناطات على عنقو لقاها جالسة بغات تنوض وقال
فين نايضة ؟؟
رجعات بلاصتها ديك الساعة كترغب قائلة مابغيتش نفتح غير خليوني
قرب منها هبط داك ليزار على صدرها حتى قفزات هزات يدها خبات وجهها بالخلعة وهوا شاد السناطة غير كيشوف فيها والممرضات تا هما غير كيشوفو ..جمع النفس حتى جمعها وحطها على صدرها كيتسنط ودوزها من هنا من لهيه وحيدالسناطات على ودنيه قاليها مالك مخلوعة خايفة تموتي؟
لاقات يديها مع بعض قالت ليه الله يرحم ليك لوابيدين بلاشمن هادالعملية ماعندي مندير بيها
قاليها علاش بغيتي تبقاي هاكا!!
دارت يديها على فمها تكمشتت اللور قالت ليه خفت..
دخلات الكوماندارا ديك الساعة كانت لابسة وزوة طويلة وكبيرة شوية وضعيفة البنية لاكن باينة عليها قاصحة وكدور على الغرف تلقي نضرة ولقاتها كترعد مابغاتش تهبط وخرجات عينيها فيها قالت ليها
واش غنبقاو نرغبوك هنا ولا شنووو!! هاي هاي على مابغيتش نهبط!! لخاطرك ياكما حساب واسك فداركم مع مك وباك يهزو ليك هبالك
تزيرات شيماء ودارت يدها على فمها تعصرات قاطعة البكية وبقافيها الحال قداش اما يازيد ماعاودش هضر معاها وربع يديه وقف حدا الباب كيهضر مع الطبيية قدامها
قربو الممرضات يجهزوها تهبط وشارت بصبعها كتبكي قالت ليها حيدي ليا اختي ديك الصباغة من رجلي عفاك ونتوضا نصلي عاد نهبط
جلسو كيقشرو على سعدهم ووعدهم بلا ماء ديال الصباغا حتى سخفو ونوضوها فشلانة الطواليط اللي عندها تما دخلات توضات ..سمعات يازيد على برا رجع للبيت قاليهم اش هاد روطاو غنباتو هنا ولا شنو؟ فين مشات؟
قالت ليه الممرضة: كنا كنقشرو الصباغة ديال الدفار ادكتور قالت لينا بغات توضا تصلي
يازيد: توضا تصلي!!! عاد تفكرات الله ..يالاه طلقونا
بداو يدقو عليها خرجات عندهم بالزربة لقاتو مشا وتلوات فداك ليزار كتسول على القبلة فين جات وقفات كتبكي وتصلي وهما واقفين كيتسناو .
دارت ثلت ساعة ورجعات الكوماندارا كتهضر هي ويازيد ووقفو فباب الغرفة لقاوها كتصلي وتلفتات الكوماندارا قالت ليها بغضب وهي كتصلي
راه عير كنصليو جوج ركعات ماشي كنحجو!!!
بقات شيماء هاكاك مابغاتش كاع تحرك وهما كيتسناو تسالي الصلاة والصلاة مابغات تسالي والدعاء مابغا يسالي والممرضات على اعصابهم كيتسناو حتى دارت نص ساعة وكلشي تعصب وسمعات يازيد جاي من الكولوار كيهضر بغضب ويردد
مابغاتش تهبط هانا غنوريها
شهدات بالزربة كتفتف تلفات ليها الشهادة وبدات دعي بالزربة ياربي تسمح لي ياربي تغفر وقبل التوبة ديالي ياربييت الحبيب
كملاتها وهي كتجمع ااسجادة وناضت قبل ميوصل لقها واقفة قالت ليه صافي هانا واجدة
وقف جنب قاليها تحركي قدامي يالاه
هبطوها فالبياص وهي جارة السيروم فيدها حتى لبيلوك ودخلات شافت ديك الغرفة لاول مرة ماهي مضوية ماهي مضلمة والبياص كله مدور بالاجهزة والبولك قذها قداش فيها ستين بوبة مدورة الوسط دوائر .هزوها فوق داك البياص وهي هازة راسها وكتكالي بيديها مخلوعة وتشوف هنا وهنا بحال القطة قاش كتحصل
حلو ليها رجليها وهي مغطية بليزار وقالت
غتحيدو ليا الرحم!!! لالا خليوني نمشي بحالي
دخل يازيد على نيفو كمامة هبطها على دقنه ووقف حداها قاليها مالنا على هاد الخوف ياك لاباس
الممرضة: الالياف ماكبراش ماغاديش نحلو ليك كرشك..غيتحيدو غير من لتحت فهمتي دابا..حمدي الله ماكبارش باش تفتحي كرشك عليهم
شدات فيازيد كترعد والبناج عند راسها كيوجد ليها البنج وقالت
منسمح ليك لا دنيا لا خرة الى مت والله منسمح ليك ودرتي فيا شي حاجة وقتلتيني
حط ليها البناح الانبوب على فمها سكتها وهي كتهضر وسطو وبدات ترمش وتقل حتى غابت
ماعقلات على راسها لا شحال غايت لا شحال نعسات حتى لقات التسرفيق فجيتها وحلات عينيها بزز ..كان البناح عند راسها كيفيقها وواخا فاقت وحلات عينيها بقا شاد فيها البنج ومكتقدرش تهضر ..خلاها شوية كتبرد تما حتى تزيد توكض مغطية ومجبدة على البياض بحال الخشبة.. طلعوها من البلوك كدور فعينيها للغرفة فين كانت وخلاوها مشبحة بحال الخشبة مكتحركش من بلاصتها ومغطية كلها حتى للكتاف .. تكلفو بيها الممرضات والقام دميناج ضارت بيها من كل جهة مقابلينها بلا مايهضرو وهي كتشوف فالسقف وتسمع وفاش كتعيا كتسد ودنيها
بقات تقريبا شي ساعة ومفعول البنج شاد فيها عاد مسلو بيها البياض شوية باش ماتبقاش دايخة فديك النعسة ..
جات تخرج اول كلمة يزز وبالكشيفة وقالت للمرضة الجنة..واش علا ليمن ..ولا على ليسر!!
شافت فيها كضحك قالت ليها راكي حية مامتيش غير رتاحي
سكتات شيماء وبقات هاكا ولسانها كيخفاف وشعرها مدلي على داك البياص كله
دخل عندها يازيد يشوف اش واقع لقاهم تكاوها من ديك النعسة وقال
شوية دابا؟؟ كتحسي بشي حاجة ؟
شافت فيه مطولا وعينيها تقال قالت ليه كرشي …خاوية .. حيدتي لي الرحم
قرب كيضحك قاليها نحيد ليك الرحم!! الرحم باقي عندك غير تهناي
شيماي كرشي..فيها الفراغات
قاليها:نعسي رتاحي حتى يمشي البنج
دورات عينيها فشلانة عند الطبيبة قالت ليها بصوت تقيل.. تكرفص عليا… انا تبت من بق٠٠٠وب واخا..فطومة باقا تخرج فرقني عليها ماتيقيش ..ف. ففيه راه..
المنرضة بقات مصدومة فهمات غير كلمة لق٠٠٠٠وب وبقات كتشك واش بصح قالتها ولا مع البنج بعات تقول ليها شي حاجة وخرجات ليها ديك الكلمة. ا ما يازيد غير سمعها بدات دور ليها وجهها حط يدو على حنكها كيفيقها قاليها اثر عليك البنج… نعسي عطي راسك الراحة
قالت ليه: مغنبقاش نمشي سو..
سد ليها فمها وشار للمرضة خرجها من البيت سدات وراها الباب وتكا خدا وجهها بيدو حيد يدو قاليها نعسي وسكتي ..عطي الراحة راسك
قابات عينيها بتعبقابت ليه نتا…ولد ..حرام مغي سمح. ليك. ربي . ولا انا
سد ليها فمها قاليها وانعسي وسكتي عتزيدي تهضري نهبطك للبلوك
تنهدات كتنفس وبلعات ريقها ريقالت ليه .ك بصوت متفطع
ربي..يغفر ..لقح٠٠ة الى تابت ..مايغفرش.ل..لود..قح٠٠واخا ..يحج
حمر فيها قاليها قطعي الحس براكة من البسالة .
سدات عينيها كتنهد قالت ااااح. ياربي.. ياربي ما عندي. لا. حنين. لا رحيم…نتاقم. لي ..من هاد وبد لحراام ..حياتي ضااعت .. ضعت ياربي
قاليها ساليتي!
ساقت جيهته قالت ليه ..كيفاش حتى بغيت حلوف بحالك..بغا يتزوجني شحال من واحد..كن تزوجت وتهنيت …شداني لشي سقلي..
تكا يديه المربعين على واحد الكرسي وهوا جالسي عليه بالمقلوب قدتم وجهها مباشرة قاليها شنو دابا قاليك راسك ديري!! خرجتي ليها على تسطعاش لعام باقا تا مقاديتي المشية
تنهدات بتعب قالت ليه انا اللي حمارة..عطيتك..فرصة..وهضرت معاك..اما انت كا ماديالش لمغاربة
قاليها وديالاش ديال السواعدة؟ كتعتارفي
قالت ليه بعدا هادوك مكيشدو حتى وحدة بزز كنت بيخير مع البنات نسهرو ونرجعو ..ماعرفت شنو هوا النعاس ..تا شفت كمارتك
يازيد: بقاي عاقلة عليها مزيان..قلتي مع راسك انا طياحة كولشي تابعني اجي نستاقد منها! كيفاش حتى ديفيييغجي نهار الاول؟ .. علاش بعدا ديفييغجي عاد نشوفو شكون وكيفاش
تنهدات سدات عينيها بتعب قالت ليه
انا باعوني..لواحد الشيخ..
عقد حجبانو كيسول باستغراب قاليها
كيفاش باعوك! نتي سلعة
تنهدات ميلات راسها لجهة اخرى قالت ليه
سلعااا اخويا سلعة …دارو بيا مابغاو
يازيد: اهاه ..زيدي كملي
شيماء: باااعوني…ماما شحال ربات فيا..جاو ولاد لحرام باعوني
يازيد: كيفاش هادشي كيفاش باعوك كي دارو ليك
تنهدات كتنخصص من البكية السابقة وقالت:نهار بغا يزوجني..ما عقل لا على تمنطاش..لا سطاش..كا ن يحسب ليا الوقت فوقاش نسالي..بغيت غيييير نقرا مابغيت والو..ماكنت نعرف والو ومكان عندي لا تيليفون لا حتى حاجة..حتى ه ربت داك النهار وبقيت تالفة كنقلب فين نعطي بالراس..وخدمت فداك الحمام ..وجات عندي ديك الكليانة بنت الحرام..جراتني وضحكات عليا..لقاتني باغا نخدم ونسكن وكدبات عليا..سيفطاتني عند ختها لهنا بهاد الرباط..شداتني بحال الحمارة غادية بيا ماعارفة فين يحساب لي غنخدم بحال الناس..بقات تجرني وضحك عليا وحتى دراعي ماكنت كنقدر نعريهم..شفت القصر فرحت قلت غنخدم فقصر..ماكنت كاع عارفة واش كاين هادشي كاااع…شرباتني الدوا وانا عمرني خرجت من دارنا ولا شربت بحال داك العصير..ماعرفت مداقو كي داير حتى ترفعت..ولات غادا بيا جايا وانا بخال الحمارة غير حالة فمي. خلاتني مني بحهنم وطلعاتني عند داك الشيخ ..قهراتني فشرفي وانا فمي محلول معارفة اش كيوقع ليا..حتى خرجت وخلتي كلشي فداك البيت ومشيت معاها خدات فلوس شرفي قدام عيني وفوقهم خلاصها ..خرجاتني من تما بالفن ولاحتني فالزنقة فاش درت ليها المشاكل بالغوات ولسقت عليها مابغيتش نتفرق عليها..ماعرفت علاش لسقت عليها وانا عارفة ماعندها ماترد ليا..كنت باغا غير شرفي ماطلب والو..خفتها تفلت مني واخا ماعندي ما نرد..من تما وانا ضايعة ..ضارو بيا ولا. لحرام اللي معاها ردوني لديك البلاصة ..شقت الفلوس ساهلة تفكرت المعدا اللي جبت ..ومن تما وانا خدامة عليه ..واخا هاكاك كنت كنحسب راسي من العزبات اللي كانو غير كيشطحو ..وكادبة على كلشي.. ولاكن ديك الطريق كان ضاروري تجرب فيها كلشي.. خفت على راسي من المرض ..خفت على راسي وحتى لكينة ماكنتش كنبغيها..وعمرني شربتها فارضة الاحتياطات وكنت نقية ..حتى جيتي نتا وسختيني الوسخ اللي ماجمعتوش العام كامل هزيتو فليلة وشربت الكينات على قلبي بلا هوايا… الله ياخد فيكم الحق..الله اخد فكم الحق كاملين..قنعت من هاد الدنيا تقول عشت ميات عام ..وانا يالاه كملت العشرين عام فداك لانيف المنحوس الي لاقاني بيك
شكت بقا غير كيشوف فيها مطولا وقال
خرجتي على راسك..نتي عجبك داك الميدان بقيتي فيه..مانقراش انا كاااع نمشي نقلب على شي خدمة ونخدم بحال بزاف ديال البنات كنعرفهم ماعندهمش..والديهم مافحالهمش وماعندهمش لا موايان ومامشاوش يديرو هادشي اللي درتي نتي..شطيح وغنا وداك اكرامية اللي كتقولي نتي!!
كانت عندي واحد البنت زويينة وصغيرة خدامة عندي فالدار مكتجلسش ..كتجي من الصباح حتى لعشية وتمشي بحالها علاش هاديك ماقالتش انا نخرج نهز رجليا؟؟ بقات خدامة بعرق كتافها حتى سهل عليها ومشات تزوجات وتهنات
تنهدات بتعب قالت ليه انا براسي كنت فالحمام خدامة عمرني نشفت جهة شي اخرى … هما ولاد الحرام باعوني وتعداو عليا.. دارو ليا فض البكرة بالصبع بحال الى طرقطقو شي ميكة ماعندها قيمة
جيد تيليفونو قاليها شنو سمية هادي اللي قلتي
تنهدات كتمايل قالت ليه الشلحة ..الله ياخد فيها الحق
يازيد: الشلحااا..زيدي شكون اخر
شيماء: العضم..
يازيد: العضم.. اري زيدي داكشي كامل
شيماء: اورنيلا..هادو هما الكبار دهادشي
يازيد: اورنيلا…مزياان. سمعي شغنقول ليك وحلي ودنيك. قلتي نتي ضحية فساد وداكشي . وبغيتي تقراي ومابغيتيش ضيعي . غنهضر معاك دابا نيشان بلا دوران.
غترجعي uir وتجلسي تقراي بحالك بحال الناس بلا ماتبقاي تعيطي ليا وتشكي عليا سمعتي.. صبري كي كنتي كتصبري فالشطيح والرديح ..وديري عقلك ها عي عندك فرصة..الى ضيعتيها ماتلومي غير راسك
تنهدات قالت ليه ماعندي كي ندير انا مابقيتش غنقرا تما..لعام الجاي غيسيفطو الطلبة يقراو باش غنمشي انا باش؟
يازيد: ماشي سوقك فهادشي غتمشي غتقراي .. حشوومة كااع بنت بحالك نقية وزوينة دخل لهادشي ..تفوو..ديال اللي يجمعها معاك يهبط ليك سنانك
سكتات وسدات عينيها وهوا كيشوف فيها بشفقة وفحالتها. وقال
قراي على راسك ماحدك عندك فرصة ..سيري كملي ففرنسا وخدمي على راسك بداي حياة جديدة خليك من اللعب والتفلية وقتهم دغيا كيدوز
تنهدات قالت ليه
باش انقرا بالفم
ناض دفع داك الكرسي قاليها واغير قراي ماضيعيش راسك كتر من هاكا ..غنديرو معاك اللازم على وجه داك النقطة اللي جبتي والضروف اللي عشتي .. لما داك الخروج لاخر ماعندو حتى مبرر نتي اللي بيغيتيه.يالاه ..الله يشافي
دورات وجهها سدات عينيها بتعب كتسنط لعضامها ونعسات نعسة طويلة ودعات فيها كاع الماضي الاليم باللي فيه واخا جرحه مزال فالقلب لاكن تعايشات مع الوضع .
ناضت وقفات فالقسم فاش سمعات سميتها من ضمن الاسماء اللي غتكمل القراية ففرنسا
من الصدمة عنقات اللي حداها واللي قدامها بلفرحة وبدات كتنقز وتبكي مامصدقاش راسها غتمشي ..كان كيحساب ليها غير هضرة خاوية وصافي لاكن بالفعل تحقق الحلم اخيرا وتعطاتها شي حاجة تفرح القلب
انتهت السنة الدراسية وباقي العاطي يعطي .تسدات الكلية ومالقات شيماء فين تمشي ولا فين تخدم ولقات راسها برا جالسة
تنهدات وحلات الصاك ديالها طلات على الفلوس اللي كان عطاها يازيد ومارضاتش تشدهم ..فكل مرة كطل عليهم كيتقبط ليها القلب وكترجع تسد الصاك..لاكن شنو غدير ؟ ماعندها حتى حل من غير دوك الفلوس تصرف منهم
هزات راسها فالسما وسدات عينيها وناضت مشات للدار اللي كانت راهنة عي وفطوم..وقفات حدا باب العمارة وجلها احساس غريب لحمها تبورش..كاع ااحداث اللي عاشت فديك الدار رجعو ليها .
طلعات كدق وتسنا الباب يتحل لاكن ختى واحد ماحل ليها ..حبدات السوارت تشوف واش الباب يقدر يتحل ودخلاتو دوراتو وتحل الباب
دخلات بشوية ضرباتها ريحة الدار لوجها وردات ليها الدكريات الاليمة وتفكرات يسرى مباشرة فاش حلات الباب.
شافت فالحيوط والفراش لقات كلشي كما هوا هادشي كيعني ان فطوم مارحلاتش وباقا تما
سدات الباب وراها ولقات نضرة فالدار ومشات حطات باليزتها واول حاجة دارتها تاصلات بفطوم لاكن الرقم مكيشدش ..التيليفون طافي! عاودات المحاولة ما مرة ماجوج فالاخير يأسات ومشات لبيت اللي كتنعس فيه فطوم لقات حوايجها مكاينيش هنا شكات تكون مسافرة خصوصا مع فصل الصيف فيه كتكون الخدمة محركة فهاد اكثر .
تنهدات وناضت دارت حوايجها يتصبنو ودخلات للكوزنية لقاتها خاوية كتصفر ..يمكن فطوم مكتقداش كاع للدار ومكطيبش فيها !!
ناضت شمرات على دراعها نفضاتها وخملات وسيقات ومشات هزات السطل والكيس وهزات صاكها مشات للحمام اللي توحشات تحمحيمتو ضرباتها بغسلة معتبرة وخرجات بحالها للدار تكات بالفوطة نعسات حتى للمغرب وناضت بغات تاكل ملقات ماتاكل.
مشات لفلوس يازيد بغات تهز وماقدراتش.. بززات على راسها وزطمات على قلبها وهزات واحد الزرقة وخرجات بالعباية والشعر مجموع شفنجة للحانوت ووقفات كتشوف شنو تشري وشنو تاخد .
حسات بشي واحد تابعها ومراقبها وهي راجعة الدار وخلاتو حتى وصلات للعمارة وضارت خرجات عينيها قالت ليه شنوو بغيتي؟ علاش تابعني
تبسم بخجل قاليها ماتخافيش اختي انا طالب ضيف الله
قالت ليه كيفاش هاد ضيف الله!!!
قاليها. وريني ضاركم نخطبك من عند باك
بقات كتشوف فيه وتحنزز وقالت ليه انا مزوجة اسيدي الله يجيب ليك شي بنت الناس.
خلاتو ومشات بحالها كتشوف وراها واش تابعها شي واحد وسدات على راسها بالساروت من لداخل ومشات طيبات ماكلتها تعشات وطاحت نعسات.
ولفات الفياق بكري وضرباتها الفيقة مع السبعة..لبسات حوايجها وخرجات فداك الصباح تستاغل عطلة الصيف وتقلب على شي خدمة تجمع بيها الفلوس اللي يشريو ليا المستلزمات ديال السفر وتلقا شوية دالفلوس تحت منها بعدا الى حتاجتهم تلقاهم حتى توصل لفرنسا بعدا وتقلب على شي خدمة تخدمها فاوقات الفراغ اما حتى السكن تهنات منو وغتسكن فالجامعة بحال بزاف ديال الطلبة
لبسات تيشورط وسروال دجين وصندالة عاديةودارت دفيرة لشعرها ومشات كتقلب على خدمة ..على قبل داك الزين وداك الوجه كلشي كان كايقبلها تخدم فين ما حطات يديها لاكن الخلصة ماكانتش كترضيها..ماخلات مكتبات ما خلات مطبعات .. قاليها راسها سيري لاكدال جربي حضك ومشات كدور وتسارا دخل من مكازا لماكازا كتسول.. البنات كانو كيردوها من الباب قبل ماتزيد لداخل وفاش لقات خدمة لقات الخلصة ماعندها ماتقضي ليها وهبطات لحي الرياض كدور ..دخلات لواحد المكازا قدها قداش ديال الاثات الفاخر لقات تما واحد المكتب ومشات حشمانة تسول..بدات ليه الهضرة بالفرونسي وابتسامة قالت ليه كنقلب على خدمة ..سولها واش عندك شي تجربة ولا ديبلوم فالكوميرس قالت ليه لا انا مزالة كنقرا بغيت نعاون راسي فهاد الصيف
سولها فاش كتقرا وبقا كيدي ويجيب معاها فالهضرة قالت ليه هندسة طيران وفضاء وتعجب قاليها مزيان .. والبيع والشرا كتعرفي ليه ؟
قالت ليه اول مرة عادي نجرب البيع والشرا
بقات كتهضر وحشمانة والادب والاخلاق بقا كيشوف فطريقتها فالهضرة لقاها كتناسبو فالتعامل مع الزبائن الراقيين اللي كيجيو عندهم وقبلها مقابل خلصة محترمة وطلبات تبدا فاقرب وقت .
رجعات بحالها للدار واخا بعيد عليها الحال لاكن عجباتها المكازا والنقى والاتات حسن ليها من الشراوط ..جمعات الاوراق منهم شهادة السكنة اللي طلعاتها بالكشيفة وفوطو كوبي دلاكارط وشرات سروال كحل وقميجة بيضا كما طلبو منها .صبحات لغد ليه غادية كتجري عطات الوثائق ديالها ووقفات قدامو لابسة سروال وصبيييط بلا وقميجة ..بقا كيشوف فيها واش ناقصها شي حاجة لاكن مالقا مايقول..عطاها البادج علقاتو وعطاها واحد المجلة كبيرة فيها كاه الاثات باش تحفضها كلها باش هاكا تقدر تجاوب الناس وتشرح ليهم نوع الخشب نوع الفراش نوع التوب منين جا الى اخره .
شداتها كدور تما من فرشة لفرشة والمكان مضوي والتريات هابطين بحال القصر..خدات فكرة بلا متحفض واستقبلات اول زبون كانت مرى وبناتها من الطبقة الراقية ..حطو السيارة فالباب ودخلو جلساتهم فمكان فيه طاولة وفوطويات وقدمات ليه القهوى والعصير وعطاتهم المجلات يشوفو كلشي وبدات تشرح ليهم وهما مناكرين غير مع بعضياتهم كل وحدة وشنو باغا ..بزز باش رصاو على واحد الشكل وناضو عندو شافهم مباشرة واقتانعو بيه عاد طلعاتهم شيماء لمكتب البيع دخلاتهم وعطاتو المجلة ورات ليه اختيارهم وهبطات خلاتهم منهم ليه كملات خدمتها .ديك الساعة جات حافلة النقل الخاصة بديك الشركة وعليها الاسم والصورة نقلو الفراش ونزلات مولات الفراش تبسمات ليها وشكراتها ومشات بحالها .
كانت طبيعة العمل عند شيماء زوينة ومريحة ونهار على نهار كتزيد تتعلم وتكتاشف وتبدع فالتعامل مع اشكال الناس وانواعهم ..كانت خدمتها مكتختاصرش غير فالمحل وصافي وانما كانت كتمشي فسيارة العمل لفيلات الالبة والماس الهاي وتاخد معاها نمودج الاثواب والمجلات وتبيع بطريقة اخرى ..تاخد العبار هي والمساعد ديالها وتقدم التفاصيل كلها وتساعدهم على الاختيار وتجيب معاها الشيك كتسبيق وتمشي للمحل تعطي كلشي للمسؤول تما يتكلف بالباقي وترجع تمشي مع الفراش والاتات توقف عليه وهوا كيتحط ويقادوه ويلمطوه عاد ترجع بحالها .. تجربة زوينة خلاتها تكتاشف حوايج جديدة واشياء اخرى جديدة وتنفاتح عل العالم من زاوية اخرى ..استمرت على داك الحال وكلشي على ما يرام حتى لواحد النهار تاصل زابون تكلم مع المدير على الفراش وعيط ليها هي والفريق رسلهم هما والنماذج والمجلات فسيارة العمل وكلهم ببدلة موحدة .. وصلات السيارة لفيلا كبيرة خارج ضوضاء المدينة ..مكانتش مجرد فيلا بصور وانما تقول قصر ..ابوابه كبيرة وحدائق واسعة .. والبني عبارة عن جذران من الزجاج ومسبح كبير..كانت كضن انه زبون عادي حتى خرجات عندهم الخادمة بوزرة كحلة قالت ليهم. دخلو جلسو .. عادي نعلم مدام السقلي تنزل عندكم
وقفات شيماء بالصدمة حلات عينيها بقات كدور فبلاصتها وتفتف كان قلبها غيطيح لاكن رجعات كمشات رجليها وجلسات على اعصابها حتى تم واحد الكنيش هابط كيجري مع الدروج ويلعب وتمات نا زلة وراه واحد المرى زعرة كبيرة لاكن مكيبانش عليها الكبر ..كيفاش كتمشى وكيفاش كتهضر مع داك الكانيش اللي هابط كيجري وخايفة عليه!! لابسة سروال دجين مقطع شوية وتيشورط فالغوز والدفار مصاوبين و الشعر مجموع بالمقبط اشقر وفيدها تيليفون كتنزل درجة وتهضر وتعاود تهبط جوج درجات وتوقف
..ويي..نووو..ماتمشيش عند هاداك ..سيري عند دكتور ديالي اللي درت عندو الشفط..لالا خلي عليا هاداك مكيعرف والو..سيري عند دكتور ديالي غزاال كيقاد كلشي
جلسات حداهم دارت رجل على رجل كتهضر فتيليفون ومدات يدها تشوف المجلة ومشغولة بتييليفون
- اجي عندي انا غير فالدار…نو ماخرجتش..غيجي لاخر مايلقانيش يقولك فين عاوتاني مشيتي..ايييوا نتي كتشوفي على عقلية .. قالك الاللة خصو الى جا يلقاني ماخصوش يجي مايلقانيش.. لالا الاللة هوا هاكاك عيينا مانحاولو معاه قالك خصو الى جا خصو يلقاني الى مالقانيش ديك الساعة كارتة …متأ اففف هانا قلت نستاغل هاد الجلسة نعاود دوك الصالونات بالفراش ..بكثرة مابقيت كنجلس فالدار بزاف طلع ليا الفراش فراسيي.. بغيت غييير نطيح على ديك الطبيبة ديال ديك المغنية والو مابغاتش تشد ليا..فين ما نبغي نمشي عنداك لقاها خارجة البلاد..بزز باش راني صابرة قلت والله مانعاود هاد الفيلر حتى تجي تعاودو ليا ..ايييوا ولاخر خلعني قالك والله وعاودتي درتي شي حاجة فراسك مانتفاهم معاك…ويييلي شكتعرفي عليا حبيبتييي..غاادي نديرو ويوقع اللي بغا يوقع … اييييه قالك يجيو من جيهتي ..كيجيو من جيهتو وتقولي واش شي واحد فيهم كيجي مني!!! كيجيو من جهة باهم ياختي كاملين ..يازيد قالك ماكرهتش نشدك ندير ليك اوبيغاسيون على راسك نبدل ليك المخ ديالك ..شوفي باش كيفايل عليا ..الله ينجيني… شوفي الى ساليتي اجي عندي شوفي معايا الفراش حرت ..اما بيت النعاس قالك ماتبدليهش خليه كما هوا غيطير ليا النعاس..ايوا كيف غديري معاه يالاه دابا انا مجبرة منبدلوش ونخليه كما هوا ..متأ..قهرنييي ياختي كيعاندني كيشد ليا الضد بلعاااني..ماخصوش ندير داكشي اللي كنبغي كيبغي يقتلني بالفقصة..متأ واكون عير وجههو وا وجهي وراسي ندير فيهم اللي بغيت..ماشفتيش شنو دار لي على السنان قالي والله حتى تحيديهم..مع مكيحملش كلتوم كان ديما كيعيب ليا سنانها ويقول ليا الجير ..فاش درتهم قالي والله ففمك مايبقاو غتحيديهم ..مشيت حيدتهم كااملين دارت عليا كرهت الطبيب دالسنان ومايجي منو ..عاودتهم عاوتاني كاملين درت غير ليفاسيط الحمد لله مانجرتهمش كن بقيت بحال القرش كنشوف فيه
شيماء بقات غير كتشوف فيها فين ما تجبد شي حاجة قداتها كتمشي ليها بعينيها نيشان حتى قطعات وحطات تيليفون حداها وبدات تقلب وتشقلب فالمجلة ..وقالت
..كاين غير اللياد اللون فهادا
ناضت شيماء طلات قالت ليها كاين الالوان نجيبوه ليك غير مكاينش فالمكازا..
مدام السقلي:صافي خليو هاد اللون
حطات عليه شيماء علامة وبدات كتوريها وتفسر ليها حتى وصلات صاحبتها اللى كانت كتهضر معاها فتيليفون وجات لابسة كسوة قصيرة والكتاف معريين وصندالة برتقالية ديال ارميس والصاك ديالها حتى هوا برتقالي والنضاضر فوق الراس والروايح الجدابة ..جلسات دارت رجل على رجل وجابت ليهم الخادمة المشروبات وشيماء واقفة كتفسر وكل شوية تشوف فمدام السقلي وكيفاش كتهضر مابايناش عليها كاه كبيرة.
سالات الاختيارات وناض المساعد كياخد العبارات ديال كل حاجة في حين شيماء جالسة فالطرف كتسناه وكتشوف فمدام السقلي وصاحبتها كيهضرو
خديجة : زاد فيه ..علاش مالك ماتبدلي بيت النعاس ..بلعكس يفتح النفس شوية
مددتم السقلي:. اامم وي. مي قالك كيطير ليا النعاس..خليه ماتبدليش ليا نموسيتي.. المشكلة مابقيتش كنعرف حتى نهضر معاه
خديجة: مقال ليك والو على دوبل مونطو اللي حيدتي!!
مدام سقاي: سي سي قالي.. مابغاش قالي ماباينش ..قلت ليه نو امويسيبل نخليه انا كنشوفو ..خديت غونديفو ومشيت كاع ماقلتها ليه بغا ياكل جنابو… ماخلاش ليا فاش رجعت شير عليا بالكاس
خديجة: اويلي!!
مدام السقلي: وي شير عليا بالكاس كان غيجي فيا..دابا كيهددني كيقول ليا غنطلقك الى عاوتي نفختي شي حاجة ولا فشيتي شي حاجة ..كن يسيق ليا الخبار عندي رونديفو مع الطبيب على النحت ينتاحر
خديجة: وييلي عنداك ديري راسك المشاكل.. معيطلقكش غير كيقول
مدام السقلي: انا عارفاه مايطلقنيش غير كيخلعني وكيبغي يفقصني… قالي نتي حمقة خصك السبيطار ماعرفت شكون الحمق دابا انا ولا هوا
خديجة: ويارا مكيقول ليها والو على التجميل؟؟
مدام السقلي: هاديك بنتو عاجباه كيحماق عليها ماخلات مادارت ..كتمشي على برا دير اللي بغات.. ومكتبغيش تقول ليا شنو دارت كنعيا نسولها شنو دايرة فوجهها مكتبغيش تقول كتقولي غير السبور..واش السبور غيقاد ليها الحناك
خديجة: تكون دايرة بوطوكس
مدام السقلي: نونو ماشي هوا ..دايرة شي حاجة شكيت تكون حيدات ديك الشحيمات اللي حدا الفم..تعطيني غير السمية ديال شنو دارت مابغيت منها والو ..
خديجة: ياختي باز ليك معاهم
مدام السقلي: شفتي كي عايشة.. المعانات لا لولاد لا باهم..حتى واحد مافيه الضو
خديجة: شنو غديري دابا مع الطبيب اللي خديتي معاه رونديفو .
مدام السقلي:: غنمشي عندو..هاهوا غيسافر عندو شي شغل على برا غيمشي ونمشي ندير التحديد لكلشي كوولشي غنقادو ضربة وحدة يجي يدير اللي عجبو ديك الساعة المهم نكون درت داكشي اللي خاصني
خديجة:عنداك يقول ليك يالاه تمشي معايت يصدمك
مدام سقلي: معنمشيش درت الاسباب هنا عمرن راسي بالخدمة والمواعيد المهمة ماعندو كي يدير ..كيشوفني هاد الايام مشغولة بالاجتماعات بزاف وانا كنبقا نشكي عليه بالخدمة تيقني..تبتو باش يمشي بوحدو يخليني نقضي شغالاتي
خديجة: ايوا هاكاك ..مزيان يبعد يرتاح ورتاحي ..عنداك يدي معاه شي وحدة
مدام السقلي: انا امنيتي نحصلو مع شي وحدة ..امنيتي اخا غير بالغلط باش نشدو نتحكم فيه..ساعا واالو ماخليت مادرت..كاع اللي يطيح ليك على بالك درتو وسيفط ليه البنات كاع باش نطيحو قالمصيدة مابغاش يطيح ليا ..صعيب ياختي هدني
خديجة: ناري على النرجسي
ندام سقلي: وي وي ان ناعسيسيك .. متطرف ..
خديجة: هوا صعيب ونتي قلتي ليه اجي نوريك القصوحية..ماعرفت كي درتو كبرتو دوك الدراري
مدام السقلي: الصراحة متحسيتش بيهم حتى كبرو …من غير يازيد كان خرج لينا من الجنب هدناااا..ساعا قالوه باه اجي نوريك الهدان ..
خديجة:دابا مابقاش تبدل
مدام سقلي: نوووو دابا صافي تعقل.... واخا حتى هوا كيديرهم قد السخط يعد المرات ولاكن على الاقل متحمل مسؤليتو ..شتي انا المهم عندي هوا يتحملو مسؤوليتهم مايجيبوش الهم ديالهم عليا..يخليوني فتيقار ويفكو مشاكلهم راسهم..هادا هوا المهم بالنسبة ليا ..يديروها ويقدو بيها بلا مايدخلوني معاهم فالهم..براكة عليا غير همي انا..
خديجة: عاصم دابا تزوج مابقا ليك ما تهزي همو
مدام السقلي: امممم..مزوج وداير ربعطاش عليها..بنت القاع والباع وكل مرة محصلة عليه شي حاجة مامرة ما جوج وصل للطلاق
شيماء بقات غير كتشوف فيها بنص عين مصدومة وكتسمع وشادة المجلات عندها حتى سالا الكروب العبارات وناضت استأذنات منها باش يمشيو ..شارت مدام السقلي بيدها لخدامة قالت ليها جيبي ليا صاكي من لفوق
مشات الخدامة تجيبو وداز قدامها الكلب كيجري زلق ومشا نيشان دخل فالحيط حتى شهقات مدام السقلي وشدات فراسها وهيطات وجها قائلة
غيسكت ليا القلب هادا حتى هوا كل مرة يهزني بشي خلعة
خديجة: كاع الكلاب هاكاك كيطيحو وينوضو
مدام السقلي: ماشي مشا يموت ليا مشيت كنجري بيه للطبيب بالليل..اما حتى يازيد اللي يعتقني كنصوني ليا مكيجاوبش كاع يفكني يقولي غير شنو ندير على بيدمن نوصل..
خديجة: مالو شنو وقع بيه؟
مدام السقلي: كلا ليا فوندوتان ..نسيت بواطة محلولة وديال لبلاستيك مشا ليه بقا كيزطم عليه ويعصر لحسو كلو وشدو الوجع بقا كيغوت ..طيرها مني خلعة قلبي كان غيسكت ..نوسيي..اجي مامي اجي اجي جلس غطيح..اجي ماما
مشا كيجري جلس على رجليها هزاتو عنقاتو كنبوس فيه وتهضر معاه حتى رجعات الخدامة عطاتها الصاك وجبدات دفتر الشكات عمراتو وعطاتو لشيماء ومشاو بحالهم رجعو للمكا زا..صورة مدام السقلي "صُرَيّا" بقات لاسقة فعقل شيماء مابغاتش تحيد . لغد ليه هزو الاثات ورجعو للفيلا يفرشو ودخلو حطو داكشي وكان عندهم شغل كتير ..تركاب الخشب والطاولات والرفوف والفراش والستائر..لقاو غير الخدامة وبداو الخدمة ديالهم شي كيركب الفيسات شي كيطلق الستائر ويحدد الثنيات ديال الطويان باش يتسرح ..نص نهار كامل وهما خدامين حتى للوحدة ..دخل واجل طويل عامر بكوستيم وراه راجل اخر بالكوستيم كأنه حارس شخصي دخل ليه حقيبة مربعة ومشا خرج ..وقفات الخدامة باستقامة حتى داز طلع وعاود رجع هبط بنضرات صارمة ..كانت الفيلا كبيرة بزاف هوا فجهة وهما فجهة بعدا عليه ..تلفتات شيماء كتشوف فيه بنص عين وهوا طالع ليه الدم ..جبد تيليفون خلعها بصوتو قال
.. فييينك؟ فين مشيتي؟ دااابا تكوني هنا يالاه مانعاودش الهضرة
قطع عليها ورجع طلع بحالو ..موراها مباشرة دخلات مدام السقلي كتقرقب بالطالون والصاك فيدها دازت حدا الخدامة زربانة قالت ليها بصوت منخفض ..جا ؟ راه الفوق؟
الخادمة .اه امدام واه سول عليك
مشات طلعات فالدروج كتشالي براسها وماهي غير ثواني سمعهم الكروب كامل من لتحت كيقول
..متكنتيش فاجتمااع كنتي فالصالون …ماتبقااايش تكدبي اصوريا غادي نخرج فيك ..
صوريا: والى كنت قالصالون مشيت نصايب دفاري !!
-قبل دفارك فين مشيتي؟
صوريا: مشيت اسيدي نصاوب حجباني!!
-واش مكتسالي شحال من مرة كتصاوبي هادشي فالسيمانة!!! فين الباليزة اللي قلت ليك وجدي
صوريا: هانا غنوجدها دابا باقي شوية الحال
ود يغضب: سبقي لافاليز هي اللولة وجمعي حوايجك تا نتي غتمشي يالاه تحركي
دخل ديك الاثناء يازيد مع الباب لقا الخدامة ثدامو وقال
شهاد الصدع لفوق؟؟
هزات الخدامة يدها بابتسامة قالت ليه مسيو السقلي مع مدام صريا
قلب وجهه كينخف للجهة لاخرى وهي تبان ليه شيماء واقفة كتشوف فيه بنص عين ..استغرب فالاول وشافها عطاتر الضهر رجعات مور واحد الحيط ومشا جيهة الكروب يتأكد ووقف قاليهم. السلام عليكم..الله يعاون
طل عليها ورا الحيط وهي كدور فبلاصتها شادة الدفتار ..عاود طل عليها من الجهة الاخرى وهي دور للعكس ويدها حدى فمها كتخبى حتى قاليها
شيماء!!
دورات عينيها بجنابها وضارت عندو وتبسمات ليه قالت ليه السلام
رجع اللور دار يديه فجيايو قاليها شهادشي!!
طلع وهبط فيها وشاف فداك الكروب وقاليها خدامة ولا شنو؟
حركات ليه راسها قالت ليه اه خدامة فهادشي دليموبيليي
مسل فمو مزيان من الجناب قاليها اييه ..مزيان ! وقرايتك ؟
درت: يسالي الصيف ونرجع نقرا
حرك راسو قاليها .دابا مزياان..ايوا شتي ..هاكا احسن ..حتى وجهك تبدل رجعات فيه الروح..كملي هاكا برافو عليك
تبسمات قالت ليه شكرا ورجع مشا جا مع مو نيشان هابطة شاعلة وجهها احمر قالت ليه واش نمشي بزز!!! نمشي بزز!!!
سد عينيه ويدو كتشالي قاليها شوهتونا قدام اللي يسوا واللي مايسواش..شهاد الحالة ديما ديما شي نهار يصوركم شي واحد تلقاو راسكم فتيليفونات المغاربة كاملين!! ااو!
هزات صبعها قالت ليه شنو غندير يالاه!! مابغيتش نصافر عندي مصاليحي عندي شغلاتي..
قاليها: وا طلعي سدي عليك وتفاهمي نتي وياه
ردت بغيض: مغاديش نمشي هي مغاديش نمشي يسمع اللي بغا يسمع ماشي شغلي
خرج ليها مشيو السقلي بالقميجة والكرافاطا فيدو طل عليها من القفو قاليها غير بلا متبقاي تخربقي غتمشي ..ماعندك ماااديري هنا
طلع يازيد مع الدروج خلاها هارة عينيها قالت ليه ماشي يزز!! واش بزز؟!
رد عليها قاليها :واطلعي جمعي حوايجك قبل ماتمشي بلا حوايج
مشا كيحل القميجة مبرر د خلاها كترعد وطلعات تبعاتو للبيت
يتبع...
التنقل بين الأجزاء