كانت هاديك اخر مرة تشوف فيها يازيد واخر مرة يشوفها..رتاحت وتاصلحات مع نفسها وتقبلات حياتها ووضعها الجديد..وجعات ليها الطمئنينة والسكينة من بعد ما كانت مهزوزة مامرتاحاش فحياتها وكتقلب على الراحة فالخروج والسهرات باش تفوج على واسها من الضيق والملل وتبدل الجو ..لاكن من بعد ما تغيرات حياتها مابقاتش كتحس بديك القنطة ومابقاتش محتاجة تبدل الجو حيت جوها نقي.. رضات نفسها وتنهات وخصوصا فاش تلاقاتو اخر مرة وشافها كيفاش ولات وكيفاش تغيرات. ماشي مهم الملابس باش ييان عليها التغيير..المهم الراحة النفسية اما ملابسها رجعو اكثر من عاديينومن ارخص الملابس.. تخلات على الماركات وعلى الملابس الغالية لاكن ربحات دم وجهها وبرائتها اللي رجعات ليها وتعلمات من الحياة دروس قاسية..تجارب وشقاء عاشتو خلاها تفهم شحال من حاجة .
بقا ليها اخر نهار فالمغرب وحوايجها فالشنطة جاهزين..خدات كل ما تحتاج من البلاد ..اتاي الصابون البلدي الغاسول الزيت العود السفوف لبى اخره ..عمرات شنطها وتحممات مزيان وخلات النهار الاخير لمول الرهين باش تفك معاه الرهين ..لاكن لقات مشاكل وكان خاص فطوم تحضر ضاروري باش يقدو يفكو الرهن وترجع فلوسها باش تمشي.
هزات الهم ورجعات الطريق كلها داك الصباح هازة راسها كطلب الله يفك ليها هاد المشكل..طلعات للدار جات دور السوارت لقات الباب محلول وتخلعات دفعاتو ودخلات لقات فطوم فقلب الدار حالتها بالمكياج تقول ماغسلتتش وجهها شهر !! طارت عليها عنقاتها وكذلك فطوم عنقاتها وبداو يتباكاو حتى شبعو وجلسو للارض كيسولو على احوال بعضياتهم .شدات ليها فطوم فيديها قالت ليها تبارك الله زيناتي..طبزتي ..اش خبارك اش كتعاودي عاودي ليا توحششششتك
عنقاتها شيماء وعاودات ليها قصتها كلها وما عاشت فهاد الفترة وقالت فجملتها الاخيرة
صافي الحمد لله تعطاتني المنحة باش نكمل لقرايا..ونقدر نقرا حتى الماستر ..قررت نكمل مدام تعطاتني فرصة نكمل حتى للماستر غادي نكمل ونخدم فنفس الوقت
تنهدات وقلبات وجهها جهة الزاج مشاو للحبس وجلسو كيتسناو الزيارات ويرغبو عاد دخلو شيماء بوحدها بواحد القاعة كبيرة فيها الناس واقفين كيشوفو ولادهم من خلال واحد الجدار زجاجي كيفصل بيناتهم ووقفات قدام واحد الخانة كتسنا حتى بانت ليها الشلحة مخرجينها مع واحد الباب صغير فالجنب مهبطة راسها ووجها كحل وضعيفة وملوية عليها واحد الشال حالتو ولابسة بيجامة كتعيف ووقفوها قدامها .تبسمات شيماء وقالت ليها
دابا عااد… دابا لقيتي بلاصتك وجات معاك
شافت فيها الشلحة عين طايحة وعين محلولة بزز وحناكها ذاخلين وقالت
شيماء: عيطت عليك نشوفك ونقول ليك باللي انا هي صاحبة دعوتك …هاد الضومين خسرت فيه بزااف وربحت فيه شي حوايج.منهم المعارف الصحاح فين يبانو معارفك باش كنتي كتعنتتي..عمرك ديريها فالق٠٠٠ وتنساي..دقتهم مكتنوضش العجاج الشلحة..هه عقلتي عليا كي كنت ..الدرويشة المسكينة..حساب ليك غنبقا هاكاك وانا دخلت للدعارة ..ماحسابش ليك غنولي شي نهار يحال ولا اكتر منك..نحرقك نتي واللي كتعرفي..ها صرفك خديتيه الشلحة ..
ضحكات عليها جوج ضحكات وخرجات هازة راسها كتنهج بانتصار ومشات
ثلج وهيط على صدر شيماء هي خارجة من داك الحبس عند فطوم..دابا عاد تقول بردت وشرفي مضاعش رجعت حقو..عاد تقول وليت بحال الناس وتفاجيت ونقدر نبدا صفحة جديدة ..عاد تقدر تقول نعيش ونبني مستقبلي ونرفع راسي وانا زاطمة فوق كاع الريوس اللي باعو فيا وشراو..عاد نتنفس وماكاين حتى واحد يحبس عليا النفس..عاد نعس مرتاح بلا احلام وبلا كوابيس.
خرجات من تما بخطا بطيئة للهواء الطلق وحلات يديها عنقات فطوم ودفرات دموع الحرقة وكأنه اول يوم تخرج فيه من دارهم وتواجه العالم بأسره وهي ضعيفة..كانو دموع التراكمات اللي كانت جامعة والجروح اللي كانت مطمرة..كولشي ناض فجأة وبكات عليهم كتودعهم كلهم ودفنهم الى الابد..بكاء الوداع على الذكريات الاليمة ..على الجروح العميقة ..خرجات كلشي برا صدرها ورفعات راسها للسما كتنفس بارتياح ورجعات شافت في فطوم وابتاسمات ليها ابتسامة بريئة ..كلها امل وكلها نقاء..عيون براقة كعيون المهى
وداعا للالام ..وداعا للجروح ..وداعا لحياة الاشواك ….وداعا للهجة المغربة.ولوجوه المغاربة..وداعا للحياة الشعبية وللاسواق والاحياء ..وداعا لتراب الوطن ..ومرحبا ببلاد الاجانب.. والممستقبل الواعد..وحياة الغربة والتجارب الجديدة .
بالاحضان والدموع الغزيرة ودعات فطوم .ومشات هي وشنطتها الصغيرة طلعات فالطيارة وخدات مكانها ..طلات من النافدة كتلقي اخر نضراتها لبلادها العزيزة رغم الضروف وقساوة العيش الا انها فالقلب مهما بلغت قسوتها.اخر نضرة من فوق السحاب وهي كتبكي وتشوفيها حتى خرجات الطائرة على سماء البحر الازرق وهبطات شيماء النافدة وسدات عينيها .
كنقلب على بنتي شيماء مُؤدب..اللي خرجات نهار 10 فشهر ستة 2012 مع الربعة دالعشية فعمرها تمنطاش لسنة ..ودابا راه عندها ستة وعشرين سنة.. يا بنيتي الى كتي تشوفيني وجعي غا نشوفوك ..راه تمن سنين وانا كتشوا عليك .. ماخلينا فين قلبنا ..كل واحد واش يقول..عاد كي مو مي مر مؤخرة قالو لينا تزوجت..وشي ناس اخرن قالو لينا مشات على برا..كلها هوا واش ايكول ..بنتي جابت طمنعااش في الباك وهربت عا باش دقرا ..اللي شافها ولا سمع عليها شي خبيرة يجي قولهانا راحنا محروووكين عليها وراني عينيا نشفو من البكا ..الله يرضي عليك ابنيتي لا كتي تشوفيني شوفي من حالي
سالا البت وجرها جلول من جلابتها قاليها
مؤخيرااان اش مؤخرة!! ااااش مؤخرة ماتعرفي تسكدي تا الهضرة..علاش ماقلتيش ليهم كتعرف تهضر بي لفرونس؟؟ هااا؟؟
جا يرد عليها وهما قاطعين الشانطي يركبو فالطوبيس حتى صونا ليهم تيليفون وحيدو ليها جلول جاوب قاليه اااالو تاسمعو الشارع اللي قدامو كامل واللي وراه والناس ضارو
زوييدة: قالت لي غتجي عدنا للدار وعطيتها العلوان ..
جلول:وعطيتيه لها مكاد؟؟
زييدة: علاه مالي مانعطيه ليها مكاد مالي ؟!!
خشا يدو فجيبو جبد واحد البزطام حالتو تقول عندو الفيران فالجيب قاليها تسناي هنا نمشي للحانوت نجيب التعبئة باش نعيطو ليها نأكدو عليها..تسناااي ماتحركيش
مشا كيجري قطع الشانطي وبقات هي واقفة حاطة يد على يد فرق كرشها فواحد الجلابة مجموعة من القدام فالسفيفة بالتكماش والصندالة كحلة عالية شوية متقبة كلها ديال الجلد كتسنا حتى داز حداها واحد لحمق لحيتو طويلة وبقا كيدور حداها وهي تكحز للحنب بعدات منو كتشوف فيه بنص عين ..جا عندها هاز لا كارط قاليها ديالك هادي ؟؟ طاحت لك
دورات وجهها مشافتش فيه قالت ليه مادياليش سير بعد مني
دخلات فاتي وحيدات النضاضر بابتسامة كتشوف فالدار سمعات البكا دالبز فالكوزينة وجلول كينكر ..لقات نضرة على الدار والوضعية المزرية اللي عايشين فيها واخا معارفنيهاش راه مزرية بكثرة ما كاع الناس جيرانهم بحالهم .جلسات على واحد اللحاف وجلسات زبيدة من جهة وجلول من جهة وجات بنتو تاهي جلسات تسمع الخبار على شيماء
هااااا زادت مشات للخاريج مفطحة وحنا هنا كنتقلبو كي الموجعات فنصاص الليل ونبكيو عليها ..وهي مشاااات للخاريج
زبيدة: وعاتا سكت خا نسمعو اش واقع في الدرية اناري
فاتي: المهم ماتخلعو ما تهولو..شيماء راه قرات فالمدارس العليا فالرباط بالنقطة ديالها ..ومشات لفرنسا كملات قرايتها وشدات الماستر فالهندسة ديال الطيران ..ودابا راه خدامة مع الدولة فالامارات ..بيييخير وعلى خير ودازت ما مرة ماجوج فالتلفازة والفرامج الوثائقية ..وفالاخبار الاماريتة غير مامتبعينش مع هادشي باش تشوفوها .
نقزات ختها شافت فتيليفون اللي فيدها قالت ليها وريها لنا اختي الله يحفضك نشوفوها
جلول: هااي هااي هاي على شيماء..هاي هاي ولات دوز ليك في تلفازة ..حنا نكراتنا
زييدة:وعلاش مللي هي لاباس وبيخير وقرات وخدمات ما سولاتش فينا
جلول: تي مالكي مريضة! غنحششمو بيها
بقات فاتي ساكتة وحلات تيليفون دارت ليوتوب كتقلب على داك البرنامج الوثائقي حتى لقاتو وخدماتو ليهم كيسمعو غير لونكلي فداك البرنامج والعربية مكدورش بالمرة ودورات. ليهم يشوفوه .جمعو الريوس كلهم على تيليفون ودخلو البز تا هما وهوا يجبد معاهم جلول للراس وبنتو تا هي هزات الصندالة جراو عليهم بالسبان والمعيور ورجعو للتيليفون كيشوفو كيفاش جالسة ونضاضر رقاق والقميجة بيضاء ناعمة والشعر مجموع كعكة والساعة فاليد والروال كحل مع الطالون كتهضر مع الصحافة فالمطار ومشات هي والفريق وراها كتوريهم المحركات والميكانيكين كيفاش كيخدمو وكتشير بصبعها بحال النشرة الجوية وكتهضر ومشات معاهم للبيرو ديالها كان مكتب قدو قداش جلسات وكتوريهم نماذج مصغرة محطوطة عندها فالرفرف وراها والراية الامراتية واقفة من جوج جهات وراها وكتهضر بتلقائية ووراها زاج كبير كيبين الطائرات اللور كيتحركو فالاسفل
دور جلول راسو مصدوم قاليها تي هادي شيماء!!!
زبيدة الله ابنيتي باقا ضعيفة واخا قرات وخدمات
بنتها :واتي راهي الموضة هانا مزلوطة وقد البوطة ..سيفطي ختي هاد الفيدو الله يحفضك سيفطيه ليا
بكي علينا حنا اما هي ها تي تشوفي..دايرة لفلوس وساكنة غي ليمارات وانا هنا كنكي البوانت ..
زبيدة : عطيني نهضر مع بنيتي ونسمع صوتها الله يرضي عليك
فاتي..انا غادي نخليك النمرة ديالي ..هي دابا ماكايناش فالمغرب ومن نهار مشات ما رجعات كنهضرو غير فتيليفون..انا راه قبل مانجي قلتها ليها وجاتها قاااصحة نجي عندكم وبكات حتى طابت حيت دازت عليها ماجاتش ووصلات بالساهل..دااازت عليها يالمعقول … ومابغاتش فالاول ماعرفات كي دير ليها ولاكن فاللخر قبلات..قبلات تهضر غير مها صافي
رجعات الروح فزبيدة مسكينة رجعات تحسب الايام والليالي وقتاش شيماء ترجع ..بقا الاتصال بيناتهم مع فاتي حتى للنهار الموعود..النهار لكبير..
حلقاتفيه الطائرة فوق ارض الوطن وحطات فوق ترابها .
خرجات من الباب مع المسافرين وحلات عينيها البراقةاستنشقات هوائها وخفق قلبها لمصافحة البلاد الغالية لعزيزة ..وخفق لذكريات جات لبالها مباشرة من بعد ما حطات اول خطواتها فالمطار..
تغيير جدري كبير ..رزانة وتبات وكلام بصوت منخفض ورقة وانوثة ..خدات الاوراق ديالها وخرجات جارة حقيبتها الوحيدة وهازة صاك لوي فيتون فيدها وجامعة شعرها دائرة عشوائية فالاعلى.. يالاه هزات عينيها شافت مها جايا كتجري وفطوم وراها والدقايقية كيغنيو بسميتها وجلول كيتسابق مع زبيدة وختها وواولادها ..طاحت على حضن امها وطيحات الصاك والباليزة فالارض وكانت غتسخف من داك اللقاءالحار .عناق صعيب تفرقو وصعيب تفرقام على بنتها واخا ماتبينش الحب اللي قلبها لاكن الكبدة كتبقا خاصة وااحساس الام مختالف على جميع الاحاسيس..عنقات باها حتى هوا كتبكي وعنقها كيترعد غير بوحدو وعنقات ختها اللي بقات مصدومة فيها متقدراش تصدقان هاديك ختها لدرجة حشمات حتى تعنقها..اما فطوم بقات هي اللخرة فالجنب كتبكي خلاتهم حتى دازو وشافت فيها كتنخصص وبقات وحدة تشرف فالاخرى ومشات عندها كتجري عنقاتها عناق اخوي مرافقيالذموع والمشاعر الجياشة..تحت انغام ودقات الدقايقة خرجو من المطار كانت الهوندة فاش جا كتسناهم طلعو فيها كلهم قردو مع الجناب اللور فالهواء الطلق كيتعانقو والدقايقة واقفين كيشطحو وجلول ركب لقدام قليه زيدي اسيدي يالاه
وصلات لهوندا للحي كتمايل بالدقايقية لقاو الجيران كلهم مجمعين لتحت كيشطحو ويزعرتو والنفاخات من البوطو ديال الضو للبوطو .
نزل جلول حل ليهم الساقطة اللي لور دردبو كاملين ..اما شيماء شدات ضهرها مباشرة فاش وقفات وبداو الجيران يبوسو ويعنقو كل وحدة من جهة ويجرو فيها ..طحيو ليها الشعر والصاك هزاتو فاتي هوا وتيليفون والباليزة دخلاتها ختها ..اما مها جات الوسط حيدات الصندالة وجلسات شتف هايتف وتزغرت ودور عندها تعنقها وكلشي كيسفق ويشتف والغبابر نايضين ..ضحكات فاتي لشيماء وتعانقو كيسفقو بيديهم وعطاوها الحليب والتمر وجات مها هازة واحد الغراف ديال الطين وقفاتو فوق راسها كتزغرت وهرساتو بيد المهراز ودخلوها للدار ودخلو كاع الجيران وراهم تا مابقاش الاكسيجين فالدار. جلول عيا يصبر فاللخر داق بيه الحال وجاتو الحالة وناض بدا عليهم هاك بلاك تا خرجهم كاملين بقات غير شيماء ودارهم وخوتها كلهم اللي كانو في انتضارها من بينهم الثلاتة الشماكرية اللي جالسين واحد حدا واحد كيشوفو فيها..واحد فيهم يدو كلها مضروبة ووجهه مخسر والثاني واشم بحال دفتر الدكريات ماخلاوردة ماخلا سمية ما خلا نسر شي. بالالوان وشي كحل.ك وتحسينة محرطة من الجنابواللوراني طويل مكردد مصبغو بالاصفر
اما التالت واقف لابس واحد السروال كامل مورد وعامر كتابة والصندالة مغبرة والتقاشر بيضين وتيشوط مصننة دوخهم بالريحة كتو من لخيرن..وعاد قوة البز ولاد البنات اللي تلاقاو ردو الدار بحال لاصال بالجرا والكراطي والغوات .
جلول: خرج عليا ..خرج الله يحرق جدمك الكيدار اللي ولدك
ناض جبد كارو ورا ودنو قاليه هاوا غااادي..ال٠٠٠٠وي
خرج وقال التانيوهوا كيشوف فيها
صافا ختشي شيماء..وا غبرتيييي عنااااا
تبسمات ليه قالت ليه صافا خويا شكرا
زييدة : على سلامتك ابنيتي في داركم ..على سلااامتك
البنات سكتو كاملين بقاو غير كيشوف فيها من راسها لرجليها .
حطو الغدا الوسط فيه جوج دجاجات محمرين ورجع خوها الكبير يتغدا فيدو طرف دلحشيش. خشاه فالجيب وشد الخبز قسمو وتجمعو كاملين بخوتها اللي كل واحد فين كان كيحك كيغمسو وياكلو والبنات تا هما اللي جا قدامها شيحاجة كتخشيها فمها وتخشي لولدها
الاخ الصغير:شدي عليا ولذك عنضرب مو لسقو..
جراتو مو من عنقو جلساتو قالت ليه :ريح تشاا لارض خرا كي داير
ضربها بواحد تكريعة سمعوها من راس الدرب ومشا خرج وناضو خوتها واحد ورا واحد شي مسح فسروالو شي مشا يغسل ورجعو وقفو مبندين كل واحد كيشوف فيها بنص عين حتى تجمعات الطبلة وناضو البنات كل وحدة شكادير وزبيدة مربعة كتسولهت على احوالها وكيفاش عايشة وشنو عاشت
مشات صرفات الدولار وخرجات من المصرف لقاتو واقف قالت ليه رضوان خويا صافي غير رجع للدار تا نجي غنمشي نتقدا شي حاجة
عطاتو خمسية درهم جديدة بقا غير كيشوف فيها وحرك ليها راسو بالايجاب تا الهضرة ماهضرش وضار مع الدورة مشا
حطات فاتي يدها على قلبها قالت ليها نااري ياختي كان غيسكت ليا القلب..مالكي على خمسية كلها نقصي شوية غا عشرين درهم خمسين درهم وكاع الى طرتي ميتين درهم ماضسريهمش غتوحلي معاهم هاني قلت ليك .. غيضرب الدورة ويجي يمرضك باش تعطيه وا زيري السمطة
شيماء: ماعرفت ما نعطيه ..خليه صافي هاهوا مشا..انا براسي خلعني ياختي !! ماخليتوش بحال هاكا كان شوية ناقص على هاكا دابا راه مايمكنش!! خلعني
فاتي: وا المهم زيري السمطة راه منو تلاتة غايمرضوك ..الى ساق باك الخبار عطيتيه خمس مي درهم يحيد سروال ..كن جيتي عليا كن مشيتي شديتي شي اوتيل ..تخافي ينوض شي واحد بالليل يكشطك يدي لك تيليفون ويخليك
شيماء: خلي هاد الليلة هاد دوز وغدا نخرج من الدار .
فاتي..انا راه خليت ولا دي مع ماما غيخمقوها ..تا انا شرطت عليها قلت ليها الى بغيتي تعيشي معايا اجي بوحدك وخلي داك الجلاخة فالدار بوحدو ..بلاتي نعيط نشوف اش كيديرو
هزات تيليفون عيطات كتسول
الو مام.. شكايدير جاد وسيف الدين؟…وماتقايلييهمش غتحمقوني واكرام شكادير …واش انا كنخلصها باش دوش وتخليهم كيتكرططو بوحدهم..فرعي عليها الباب تخرج ولا تمشي ت٠٠٠ عليا
قطعات و قالت ليها ها اللي قلنا..
شيماء: ناري باقا نتي هي نتي..
فاتي:ااويييلي والله تجلسي غا نهار يحمقوك بو ث٠٠٠وة صعيب اصاحبتي .ميات بنت ولا قندوح
شيماء: انس. مكيعاونكش!!
فاتي: ااش عندو مايعاون تا نتي تا تطلقو ديك بنت مامي بابي بعدا ..كيجي يجلس نهار كيهرب
شيما: دابا صافي عرفاتو مزوج بالسر!!
فاتي: واش كاين شي سر كيبقا!! انا ..يجيب ليا غا مناكل ويعطيني الفلوس والله يجعلو مايجيش كاع يبقا معاها ..تانتي داكشي كيطلع فالراس ..قالي شحال هادي جلسي مانعاوديش تخرجي انا غنصرف عليك ..قلت واخا ..وشحال اختي قدني نيقا عشيقة !! تزوج وكمدتها !! قلت ليه يا غتزوج بيا يا سير بعد مني خليني نضبر على راسي ..عاد جمع النوضة وتكاد معايا … مو عيات طير باش تبعدو عليا لا هي لا مرتو ..طارت تا عيات ماخلاتشمن جهدها ..يقات عليه متشي مستوى ماشي زمر وانا نضربها ليها فوجهها قلت ليها غنديه هي غنديه واشقيراسك مع احيط وانا عرفتو قبب من مرتو ودابا ضربي الدورة
شيماء: يازيد تزوج تاهوا؟؟
فاتي: لاالا ماتزوجش..كان قالي انس خطب شي وحدة ودارو خطوية رسمية وفرتكوها ..فاش عيطت لانس قلت ليه انمشي نجيب شيما ء من المطار راه كان هوا وياه غيكون قالها ليه
سكتات شيماء وتبدل اللون فوجهها حتى بان عليها.. ركبات مع فطوم فالرانج روفر وذارت السمطة وقالت ليها بالصحة طموبيل عاد خرجتيها؟
فطوم: شهر دابا باش خرجها ليا..تاخرجت فمو الزبيب عاد باش بدلها ليا
فطوم: اختي الحديد شي حاجة..الركبة فالرانج هي الركبة فالداسيا ..
شيماء: وفين نتي عمرك كانت عندك شي داسيا من الاول جاب ليك طموبيل زوينة
فاتي. لا واخا اصاحبتي ..الرانج هي الرانج حيدي عليا شي لاخر
شيماء: عاوتاني كل واحد ودوقو اما كتعجبني ميرسيديس كنحماق عليها
فاتي: علاش ماشريتيش ميرسيديس؟
شيماء : كنت عوالة نشريها وجات واحد لوفر ديال الرانج على حساب الخدمة داروها لثلاتة دالناس منا فاش ترسمت وحيدو لينا النص خلصنا غير النص..اما انا كنت عوالة نشري ميرسيديس..وتا دابا خاصني نكري شي وحدة نتحرك بيها وفبالي ميرسيديس..كتعرفي شي واحد كيكري طموبيلات زوينين اوطوماتيك!! منعرفش نسوق انا من غير الاطومانيك
مشات كضحك هي وشيماء داتها لدار كراء السيارات ودخلو كيشوفو ويهضرو وختارت احسن وحدة فيهم ميرسيديس مجبدة رمادية كتلمع اخر طراز ومجهزة من الداخل باقا جديدة وخرجاتها تبعات بيها فاتي حتى لراس الدرب وكلشي خرج راسو كيشوف شكون ديك الرانج الكحلة اللي داخلة وديك المرسيديس حتى وقفو قدام الباب وحدة ورا وحدة ونزلات هازة صيكان والتقدية فيديها سدات الباب ..جا جلول من القهوة كيجري وخرجات زبيدة وبناتها كلهم وولادهم ..مع وصل جلول نزل على واحد البرهوش قاليه
زبيدة: زيدي بنيتي زيدي ..ربيعة اجي هزي على ختك زيدي
دخلات هي وفطوم للدار وبقا جلول كيدور على طموبيلات تا تم جتي ولدو الصغير موا خمسة وعشرين عام شاف الحديد على برا وقاليه تشبااااااارك الله
جلول..حضي طموبيل بقاهنا متحركش نمشي عانشوف اش جايبة والله وتجرحات لابتي عدي في الدار
الروينة نايضة فالدار اما واحد ختها معلقة فالسرجم كتهضر فتيليفون وتشوف وراها واش كيسمعها شي حد
الراجل: واش تي ماعدك دار ها ي هي عنمشي نهار ونجي
سيمانة وتشي تما
ردت:وعاصبر صبر شوية تا مالك خليني باركة مع مي وخوتي دايا نجي
الراجل: وهاد مك هادي مقابتش ليك سيري بداوك براكة ماعياتش منك!! وبزااف احسنا يا غتجي يا نجي
حسنا: وتا عاصبر مالك بغيتي تجي اجي اصلا لخير موجوود
الراجل: وانوا عادي ذابا لعشية نضرب لعندكم
شافت وراها قالت ليه: صافي واخا جي جي تشوف ختي اللي كانت هاربة علينا ..كيي ولااات
قطعات ونزلات فوق السداري وولدها كيجرها تعطيك تيليفون وهي متحمسة ومشطونة نترات ليه يدو نزلات بالزربة قالت ليه
بعد مني يد عليا وااهياااا ناري
خرجات لقات ربيعة هازة بلاطو دالخلوة ليموني مشكل من اللي جابت شيماء من برا وهارها فالسما والبر كلشي باغي يزيد وكلشي كيمضغ
ربيعة: ختشفوووو يحرق ديلمكم قطعتو ليا البيجامة…كليييتو تاكلو فيه السم
شدات شيماء جبهتها وفاتي كضحك
شيماء: الوحدة. الليل دابا واقولي ليهم ينعسو
فاتي: ومزال تشوفي ولادي تشرفي لوعورية كي دايرة هادو بعدا تغوتي يهربو ولا ي انا كيتسنطحو يمرضووك..
شيماء:عنداك يغوت عليك انس على تعطال
فاتي: لا عارفني معاك قلت ليه دايرين حفلة غنتعطل قالي صافي ..مايدويش ليا عليك بلعكس عزيزة عليه ديما كيسولني عليك
شيما: نوضي سيري ما ديريش راسك المشاكل انا الصباح نجي عندك ..باقا اصاحبتي تابعاك الطريق تا للرباط
هزات فاتي كتافها قالت ليها ساعة هانا تما
شيماء: وانوضي راه ماتوصلي تا لجوج
تنهدات فاتي ماسخاتش بيها وخرجات ركبات مشات وبقات شيماء شادة راسها ..شدات واحد السداري بحالها بحال البنات والبز كولشي فالارض وحطات صاكها قدامها بينها وبين الحيط عنقاتو ونعسات.
الصباح حسات بواحد النتفة تقول شي حد جلس ليها على راسها وناضت مخلوعة لقات وبد ختها جالس عند راسها كيجيد من الصاك وشاد تيليفون تا بلوكا ليه الرقم وهي تنوض حيداتو ليه قالت ليه
مشات بالزربة لبسات واحد الكسوة خفيفة فوق الركبة بالفراقر والدونتيل وصندالة ديال ديور ودارت ليكخون وزربات على راسها دغيا باش تخرج من دتك الصدع .
كاع خواتاتها بقاو كيشوفو فيها من راسها لرجليها وهما لابسين بيجامات وفواطات
مشات عند مها كمشات ليها واحد عشرين الف قالت ليها قضي بهادي على بيدمن نصرف..صرفي بيها
زبيدة: الله يعطيك الخير ابنيتي
زبيدة شدات عشرين الف ماعرفات منين تبداها عمرها فحياتها فاتت الفين ريال حتى فالزورة دولادها
خرجات شيما مع الباب وهي تفاجأ لقاتهم مغطيين طموبيل كلها بليزار وماويين عليها كوردة باش مايطيرش..
بقات غير كتشوف تا شافها خوها واقفة فراسها الدرب وجا كيطير عندها بقا كيشوف فيها بنص عين وفشنر لابسة وحيد ليها داكشي على الطموبيل عاد ركبات ديمارات اما خوها الكبير من لبارح ماشافتوه وحتى تسوال ماسولوش عليه .
يالاه جات دور مع الحومة كتهبط الزاج و دايرة نضار تبعها جلول كيطير وقفها ووقف حدا الزاجة قاليها اتي فين غادا على الصباح؟
جرات الصاك كمشات ليه واحد العشرين فيدو قالت ليه غنقضي شي غرض ونرجع ..قضي بهادي تا نصرف
زادت مع الطريق مشات نيشان شادة الطريق للرباط وقلبها كيضرب فكل مرة كنقرب دخل للمدينة وهي كتمنضر كيزيد ثلبها يضرب وي ها كترجف حتى فشلات وقفات فالدخلة شرات قرعة دالماء من الحانوت ورجعات كملات الطريق .تاصلات بفاتي رسلات ليها العنوان ومشات نيشان منبعة جيبي اس حتى لقات راسها قدام وتحد الفيلا عصرية رمادية بين الفيلات وعيطات ليها نزلات ديك الساعة حلات ليها الباب بنفسها وهي لابسة واحد البيجامة فوق الركبة بالخيوط استقبلاتها بالبوس والعناق ودخلات طلعات مع الدريجات داخلة للفيلا..يالاه حطات رجلها فالباب سمعات بشااخ !! الزاج تهرس
ضارت فاتي ديك الساعة طلقات واحد الغوتة
سسسسييييف الدااااين هانا جايا ليك
ضارت نقصات من الصوت كضحك وترحب بيها ودخلاتها جلسات فكنبي والتفلفازة كبيرة مشعولة بالرسوم وطموبيل قدها قداش وسط الفيلا دولادها والالعاب مشتتين
قالت وهي كتجر الطبلة قدام شيماء
فاتييحا ..حيدي عليا ديك الطموبيل من هنا خرجها الجردة
انس:علاااش تعطي لهادا الشكلااااط علاااش هااا دا شخطوون علاش عطيتيه شو كي ردنا
ناضت كيسوط ويمسح وطلع لفوق وهي تم جايا فاتي كتجري حيدات ليه القرعة ومتمسح وتنكر
علااش هزيتيها اويييلي غتسطسوني
سيف الدين: ميمة عطاتها ليا
فاتي: هاويييلي على هاد مي تا هي
حطات الخدامة سلاد طويلة قد الطبلة كلها فواكه بحر من اشهى الاصناف مشكلة وجات فاتي حطات طباسل والفراشط عاد جات مها..تباارك الله كي دايرة بالصحة والغلغول مدلي لابسةكندورة خفيفة وراسها معري كيتبرد ..ناضت شيماء كتسلم وقالت ليها فاتي
الصمت والهدنة لفترة من الزمن عاد قدرو يهضرو ويتناقشو شوية وفاتي كالعادة زي الاطرش في الزفة نص كتفهمو والنص مكتفهموش ومفاهماش حتى الموضوع مع العلم كانو كيهضرو غير على طبيعة عمل شيماء.
تحط طبسيل الغدا الرئيسي البسطيلة شهوة منها وهز انس عينو شاف في فاتي قاليها نتي زعما صاوبتي هاد البسطيلة ؟
كمشات فمها شافت فيه بنص عين وقالت
عزيز عليك تحكار
ميلودة:صاوبات النبك..واه دوميندات عليها كي عادتها
قلبات فاتي وجهها كتنفخ شافت فشيماء قالت ليها البسطيلة واحدة شهوة منها محطوطة باش تكال هما كيسولو على شكون مصاوبها وهانتي تشوفي
بدات شيماء كضحك وكملو الغدا وناضت فاتي سيفطات ولادها مع المربية اللي كتعاونها تنعسهم عاد انفاردات هي وشيماء على بلاطو داللوز وبراد داتاي كيتعاودو لعشية كلها وبغات شيماء تمشي وناضت فاتي قالت
شيماء: خليه يرتاح تا هوا راه عيا .يالاه بسلامة عليك
رجعات للدار البيضاء ومشات تيك تاك تيك تاك لواحد المخبزة كبيرة ووقفات كتشوف شنو عندهم .. خدات من كل نوع طرف لا من لحلو ولا المالح اشهى الاحلويات والمملحات اللي هي براسها عمرها جرباتهم فبلادها
خرجو تعرضوها ليها كلهم ها اللي حفيان ها اللي كان ناعس وفاق..اما رضوان عاد بان من ديك الخمسمية وهوا غابر..ناض من وسط لرباعة ديال الدراري حدا مول ديطاي وتبع طوموبيل كيجري على البراهش من الطريق ووقف وراها كيوريها كي دير تبلاصي وفين تكحز وكيدور بيها وهي اصلا كتشوف فالشاشة وتبلاصي راسها وطموبيل كتسنين بوحدها وهوا عند بالو صافي بلاصاها وحل ليها الباب قاليها صاافي هوكا مزيان
نزلات ورحع اللور كيشوف اش لابسة وبقا غير كنحزز ماهضر ما نطق ..قالت ليه هز دوك لي كانيط دو كاطو من الطموبيل ارضوان
بقا كيدور فيلاصتو قاليها شناهما هادو
تم جاي جلول تاني من القهوة دالقمارة اللي مقابلة مع راس الدرب كيجري ويدي فجنبو حدا صدرو وكيتهرهز فالمشية ويجر الصندالة والغبار وراه قاليه. اش ا دير في طموبيل
خرج رضوان راسو قاليه نهزو لكراطن اصاح تا مالك حتط عنا مسينا عالله
سكت جلول عطاه تيقار وضار لوحدة فبانتو اللي كانت كطل وصدرها مدلي قاليها تي دخلي ستري راسك السلكوطة
هربو كلهم دخلو ودخلات هازة صاكها مشات نيشان للباليزة خلاتهم كيتختطفو عليها ..طلات عليها لقاتها مسدودة بالكود ماقربهت حتى واحد وتمات خارجة جاراها وهوا ينوض جلول تنفض قاليها اااتي فين غااادا؟؟
قالت ليه مغادا فين غنمشي غير للرباط واحد تلت ايام ونرجع عندي شي وراق تما خصني نقادهم ..
قاليها : دي ختك معاك سيري تكعدي جمعي شطايطك تمشي
طارت ختها كتجري قبل ميمكمل الهضرة وقالت ليه لا بلاش ماعندي كي ندير مغاديش نجلس فالدار غنجلس فاوتيل ولوتيل اللي شديت مانعين فيه كتر من واحد
هي خارجة وراجل ختها حسنا داخل كيفرنس بقا مصدوم فديك الكسوة المفرفرة اللي فوق الركبة وهي دايزة ماعرفاتو ختى شكون وجا مع السبان والمعيور ديال جلول اللي هز حوايج بناتو حطهم فالباب كيغوت وكشاكشو خارجين .اما شيماء طلعات بالزربة ديمارات خلاتهم مقاتلين وزادت مع الطريق
مشات لاوتيل زوين فالمستوى خدات سويت كبير وحطات الباليزة فالقنت وحدات صندالتها وتلاحت على الناموسية تنشرات. وقالت
الااااه
تنفسات وشنات الريحة الزوين والعطور المنعشة فداك البيت المفجج وناضت طلات على الحمام تشوق كي داير وتبسمات من شكله المريح ومشات حلات باليزتها جبدات اغراضها ودخلات فالبانيو عامر رغوة و جمعات شعرها فالاعلى كترتاح وتسنط لعضامها حتى داها النعاس.
حلات عيينيها بتتقال شافت يازيد قدامها بنفس الشكل اللي شافتو يوم الاغتصاب وكيهبط يجسدو عليها مع نفس النضرات القاصية ..
قفزات بالماء اللي فيه غوتات وهزات يديها فالهوا مخلوعة حتلة عينيها وناضت كتشوف فجنابها بالخلعة حسابها بصح وفاش لقات راسها حلمات ولا ماعرفت. تخايل ليها عاد رجعات ببلاصتها وتاحت ودوشات ومشات نعسات بالفوطة على راسها .
صبحات فصالون لاوتيل جالسة كتقاد ادافرهت الاصليين بعيدا على الاذافر المركبة وعقدتها منهم .
صاوبو ليها شعرها بتموجات عبى طولو وصاوبات رجليها ومشات تشري لكاد دعيد ميلاد و رجعات بحالها جبدات حوايجها القلال الليي تلبس..صونات ليها فاتي كتسول فين وصلات وتأكد عليها متعطلش وسربات راسها لبسات كسوة طويلة موردة بطبقات فضفاضة بالخيوط عراض على الكتاف والصدر بحال القلب ورائعة وجميلة وصندالة ارمي وحطات مكياج اقل من خفيف والنقاوة كتفوح منها وخرجات حاطة نضاراتها واكسسوارتها الخفيفة فيدها وهطرها الفتان ركبات فسيارتها وشدات الطريق طالقة الموسيقى مجهدة حتى وصلات للفيلا سمعات الاهازيج من الباب ..استقبلاتها فاتي فواحد الكسوة بيضا مقزبة وصندالة بلا والشعر مطلوق مصاوب والمكياج والدفار قدهم قداش كتشالي وفرحانة .مدات ليها شيماء الكادو ومشات معاها للحديقة فين كان البوفي كبير ديل الحلويات مشكلة حدا اابيسين والكنبات والطبالي والكلون سباير مان وباطمان كينقزو والديدجي كيبدل الموسيقى ..كانو معاهم مجموعة ديال الاطفال صغار وبعض الامهات قلال وانس كيقاد النفاخات حاصل مع ولادو فواحد الشورط ديال السورقيت وتيشورط كحلة .
جلسات شيماء بعيدة على دوك الامهات جنب المسح مع فاتي اللي قالت
علاش ماجبتيش معاك خالتي زبيدة
شيماء: ماجاتنيش فبالي وصافي.ومزال خصني نخرجها ونشري ليها ونتهلا فيها شوية راكي عارفة الحالة ضعيفة
فاتي: مك وباك اه ولاكن خوتك ماضسريهمش
شيماء: شوفي كن مكانوش عندي الفلوس ولا مخصوصة ااه ..ولاكن انا الحمد لله الخير موجود والفلوس كاينة كنقول كن ما الشوق والجوع كاع ماتكون فيهم ديك اللهفة..خليهم يعيشو براكة من الميزيرية والفقر فاش عايشين ..كانت كتهضر حتى بان ليها شي واحد جاي من لداخل دلفيلا للحديقة الخلفية فين جاليسين لابس شورط ديال الدجين وتيشورط بيضاء ويدو فالجيب وفيدو الخرى كارطونة مزوقة كبيرة باليد ..ديك المشية ما غريباش عليها !!
كان كيبان من لبعيد لداخل حتى خرج عندهم مع الدريجات وهي تقول ليها فاتي ووجهها مخطوف تقول هي اللي معنية بالامر
..احممم..شيماء..يازيد جا !!!
دورات شيماء وجهها ديك الساعة عطاتو بالضهر وقلبات شعرها على كتافها للجنب قالت ليها لااا متقوليهاااش..
شدات ليها فاتي فيدها قالت ليها : صافي دابا كبرتو وكلشي تبدل ..تصرفي عادي بلا متبيني حتى حاجة
زيرات عليها شيماء قالت ليها عاد حلمت بيه لبارح ياختيييي!!..
فطوم: وصافي دازت خمس سنين اويلي اللي مات مات والاي حيا حيا الوقت كينسي..
تلفتات بنص عين وهوا حداها ضرب الكبير لمؤخرتو قاليه
خاصك تنقص من الطاكوس…واش سمعتي..نقص من الطاكوس اصاحبي
وقفات فاتي سلمات عليه بالوجه كضحك قالت ليه مكاين اللي خرج عليه قد داك الطاموس وماكدو
خل بين دائرة الفطويات وماجاتش شيماء تبقا مهبطة راسها وضارت بابتسامة خفيفة هزات راسها شافت فيه وتلفت شاف فيها حسات بيه كلا دقة فوجهه وبانت على عينيه تفاجأ وبقا كيشوف فيها عاد تبسم قاليها اهلاااان اهلاااان اهلااان
ناضت كضحك مدات ليه يدها وكلات دقة فالقلب مع ديك المصافحة وسلمات عليه من لابيز قالت ليه يازيد صافا ؟؟؟
سلم عليها شاد ليها فيدها وجلس مقابل معاها قاليها صافا الحمد ونتي ؟ صافا
تبسمات بخجل ووجهها حمر ردات الشعر ورا ودنها وجلسات بانوثة قالت ليه صافا الحمد الله
ضحكات كتشوف بنص عين وتنهد قالت ليه غير الخدمة وصاافيي
تكا على ضهرو نشر يديه ودار رجل بسبرديلتو على فخدو كيشوف فيها وهي كتشوف فتليفون حشمانة وقاليها وقايلا من نهار مشيتي لفرنسا معاودتي رجعتي؟
ودت بالنفي قالت ليه اه اول عام غنجي من من بعد ما مشيت
دار قدامو جاد كياكل هاز اللعبة اللي جاب ليه وشاف فيه يازيد متبعو بعينو وضربو برجلو وهوا دايز قاليه براكة من السقاطة..
انس:مكيبغيش يشرب الدواء دك ليه الابرى
شد جاد فمؤخرته قاليه لالا عمر يازيد غناكل دوا
قاليه يازيد نقص من الطاكوس اما الدوا ماعندو مايدير ليك ونتا كل نهار الطاكوس..واخا تاكل الطبيب عمرك تبرا
ضحكات شيماء وبتحت الشعر ورا ودنيها كتنهد بوحدها وتشوف فيه بنص عين..شنو اللي تغير شنو الجديد؟؟ كما خلاتو باقي داد غير فالزين والصحة بحال اللي ماعندو هم ما عندو مشاكل ماعندو فاش يخمم .تلفت شاف فيها بحال اللجنة كيفليها قاليها حتى لفين وصلتي فقرايتك؟
قالت ليه بابتسامة : الماستر ..ماكرهتش نكمل الدكتورة فديك الوقت مي عييت بغيت نرتاح ..عاد دفعت هاد العام للدكتورة
يازيد: باقا ففرنسا نيت ولا بدلتي ؟
ودت بالنفي قالت ليه :لالا من مور ما ساليت مشيت لامرات خدمت تما
جبدات ليه الفيديو وناضت حتى لعندو قالت ليه هانتا هاهي غير ماشفتيهاش
وراتو الفيديوات شادة ليه تيليفون وهوا كيسوف بعينيه وحرك راسو بالايجاب قاليها مزيان الامارات مطلوبة فيها الهندسة الميكانيكية للطائرات
تبسمات وقالت ليه خدامين دابا على الطائرات الخاصة الصغيرة هما اللي مطلوبين بتصاميم جديدة .
قاليها : لالا مزيان راه ضومين زوين بون كوعاج
تنهدات وناضت من حداه قالت ليه امين ودازت حدا رجليه مابغاتش تبقا جالسة حداه تحت الضغط ومشات كتسوط بعدات عليه ووقفات مع الدراري الصغار كتصور داك الكلون وكل شوية دور تشوف فيه حتى لواحد اللحضة تلفت وراه كيقلب بعينيه حتى شافها وهي دور وجهها قبل مايحصلها وماعوداتش ضارت جيهتو حتى تقطع الكيك وطفا الشمع واضطرت تجلس فديك البلاصة الخاصة ديالهم بعيد على امهات الاولاد صحاب جاد
فحطات فاتي يدها على كرشها قالت ليها غير سكتي راني حاملة يا صاحبتي..عاد جابت ليا الفرملية تحاليل لقيتهم بوزيتف
بثات شيماء غير كتشوف فيها فرحات ليها وقالت
ايوا مبرووك..
فاتي: اش مبرووك زيدك تا نتي على انس ..قلتها ليه عاد دابا ضحك تا لودنيه قالي يا ربي شي بنيتة
شيماء:مسكييين بغا بنيتة
فاتي: المهم اختي العام جاي فاش تجي اجي عندي نيشان سبيطار لحماق مغتلقاينيش هنا .. اللولب ديال النم تفوو ها اللولب..غنرجع عند ديك الطبيبة نخشي ليها دو لواليب فكرها ..انا اختي مايصلاح ليا لا لولب لا خرا انا خصني سلوكا معند دروكري ويديرهم ليا بلومبي اما اللولب ولا نمي داكشي مامسلكش معايا
طاحت عليها شيماء بالضحك وطرطقات فاتي تاهي بالضحك تا خرجات ليها لخنونة من نيفها شداتها بيدها ودادت كملات على شيماء بالضحك تا كانت غتعواج وتقلبات ورا ضهرها قاطعة الحس ومخبية كتموت بالضحك . مسحات فاتي نيفها قالت ليها مشافني حد..ايوا الحمد لله
لاحت داك كلينيسكس فالسلة ورجعات كتفكر الخنونة وضحك هي ويشماء ختى ذمعو عينيهم ويازيد كيشوف فيهم. اما انس الشورط هبطوه ليه ولادو بالجران كل واحد اش بغا وضار كعيط على فطومة ناضت مشات عندو وبقات البلاصة خاوية..ناض يازيد من بلاصتو اللي مقابلة معاها جلس حداها ونشر يدو وراها وهز رجلو وجبد تيليفون وهي كتاكل الحلوة فهدوء حتى سلاط عليها وقفها ليها قاليها
مابقاتش عندك النمرة القديمة بدلتيها؟
بلعات اللقمة وقالت ليه كتحرك راسها بالايجاب
انا نمرة؟
يازيد : ديك النمرة دشحال هادي
شيماء: ااه لالا مشاااات
حل تيليفون قاليها عطيني نمرتك
بدا بصفر ستة وهي كتشوف واش تعطيه النمرة وعلاش اصلا بغاها؟!! بقات كتشوف فتيليفون مطولا قالت ليه علاش بغيتيها؟
شاف فيها قاليها ماتعرف نبغيو شي طيارة نحتاجوك ديرينا لينا شي تصميم
مالقات ماتقول ماصلاح ليها حتى ترفض ليه فوجهه وتبان مقروصة وبينات ليه باللي نسات كلشي مابقات عاقلة على حتى شي حاجة وعطاتها ليه سجلها ورجع قال
وقتاش غترجعي؟
شيماء: عندي شهر مزال شوية الوقت
يازيد.: اوووك مزيان
حطات الطبسيل وناضت هربات من حداه مشات كتلف مع ولاد فاتي ومابغاتش تزيد تجلس اكثر غير حيت كاين هوا زعما ومشات عند فاتي عنقاتها قالت ليها غادي نمشي احبيبة
فاتي: ويييلي جلسي نتعشاو كاملين اصاحبتي!! مالك شنو تابعك
شيماء: اوييلي على شنو تابعني..من نيتك ياختي ! واه تابعني العجب المتعجب ..حتى حاجة مامقادة وكولشي خصو يتقاد وماعنديش الوقت بزاف والى مشيت مغنرجع حتى لعام الجاي..خصني ضاروري نريكل المسائل كلها باش نمشي مرتاحة ومهنية فدماغي
فاتي: وكن جبتي حوايجك وجيتي جلستي معايا
شيماء: محتاجة نجلس بوحدي والله..محتاجة بزااااف نرتب افكاري ومشاعري ونعرف راسي شنو باغيا ..فهاد الوقت بالدات محتاجة نبقا اطول قترة بوحدي واه عطا الله ما ناقش ونحلل مع نفسي
فاتي:وا الله يدير ليك اللي فيها الخير احبيبة عيطي ليا نعاونك عمداااك ماتعيطيش
شدات فانس وهوا دايز قالت ليها ضاروري
سلمات عليه قالت ليه لعقبة لميات سنة ان شاء الله ا انس
ودعاتهم بالزربة وقلبها غيسكت وهي كتشوف يازيد داخل لداخل مافيها مايسام عليه عاوتاني ودارت ليهم باي باي ومشات بازربة وشعرها الاسود المتموج تابعها خرجات دغيا من الفيلا ركبات سيارتها وزادت كطير
واش غير انا ولا كع البنات فحالي وليت نسمع
الكذوب وندير براسي تيقتوا يواش غير انا لي
مبقيت كنتيق فخيالي كرهت هاد المكتوب…
بيد كتسوق ويد كتمسح الدمعة من خدها وتنخصص وهي فالطريق الكبيرة حتى صونا ليها تيليفون وهزاتو ردت بصوت مجروح
الو ؟
زبيدة:الو بنتي علاش ماجيتيش تفطري معانا
شيماء: كنت مشغولة اماما راكي عارفة خصني نقاد شي وراق
زبيدة: مالكي واش كتبكي؟
شيماء: لالا غير نعست مور العاصر وتعطلت بقيت ناعسة
زبيدة: لاالا ابنتي كتبكي!!
شيماء: لا ماما مكنبكيش صافي غدا غنجي الصباح خاصكم شي حاجة
زبيدة: ماخصنا والو الحمد الله .عنداك غدا ماتجيش
شيماء: غنجي اماما كوني هانية ..يالاه بسلامة
قطعات وكملات طريقها طالقة موسيقى مأثرة حتى للاوتيل ودخلات لبيتها ترتاح .حيدات كلشي وغسلات وجهها مزيان ودخلات في فراشها عنقات. واحد المخدة وشدات التيليفون فيدها كتشوف فيه بحزن وتفرج. فصورها القدام اللي بداو من نهار مشات لفرنسا والدمعة هابطة على المخدة .
رن وهوا فيدها وطلعو ليها ارقام ماغريباش عليها بقات كتشوف فيهم حتى طلع ليها التطبيق الاسم راسو وسط المكالمة مكتوب عليه " professeur skalli »
دق قلبها بالجهد وشدات النمرة سجلاتها وحطات تيليفون حداها كتشوف فيه وتبكي بوحدها بلا مترد على المكالمة الاولى ولا حتى الثانية فاش صونا ..
وجع بيها الزمان اللور..اللور بزاف جالسة فالبواط مع الدراري ويسرى ..الثقة فالنفس والجرأة وكضحك وتهضر على خاطرها ..حتى شافتو جالس وتما دق قلبها لاول مرة من الشوفة الاولى..ناضت كضحك شافت باعجاب وتبسمات ليه وتما عطاتو الضوء الاخضر باش يتبعها ..الساعة اللي عطاتو النمرة وصاحفات يدو وكانت ديك المصافحة كفيروس معدي نتقل لعروقها مباشرة وسرا ليها مع الدم ومن ساعتها وهي بمشاعر اخرى وباحساس جديد من اجمل الاحاسيس فالدنيا اللي عاشت ديك الفترة القصيرة.
اول اتصال ليه فداك الصباح اللي حرك قلبها وخلاه اجمل صباح سمعات فيه صوتو فتيليفون وجا عندها خلاها تتوثر وتلف وماتعرف مادير ..الجلسة الاولى حداه فالطموبيل فاش وصلها ..الابتسامة الضحكة القلب الابيض والحنان اللي لمسات فيه واخا مكتعرفوش ..واخا اول مرة يتلاقاها
اول سلام من الوجه فاش ودعاتو ونزلات وبقات متبعة ليه عينها هوا وسيارتو حتى مشا
الليل وما ادراك ما الليل..الليل واجوائه اللي كيخلي بصمة وذكرا فحياة الانسان ..ديك الليلة اللي تعشات معاه وهي كتسمع ليه وضحك وكلها انوثة وثقة فالنفس ..زاد انجدابهت ليه اكثر وحسات بقلبها بغاه وكينجارف ليه بسرعة قصوى خارج سيطرتها وقدراتها .. ديك الليلة اللي كانت موسيقتها اجمل موسيقى ورائحتها اجمل وائحة انضافت لقائة الذكريات وخدات مكان كبير وجزء مهم فذاكرتها وفقلبها
طلقات ديك الاغنية اللي رجعات احزن اغنية فالعلم بالنسبة ليها وكلها اوجاع وجروح وكانت كتتهرب منها لاكن فكل تهرب كتقلا راسها طالقاها وكتبكي عليها ..
مباشرة جات لذاكرتها اللحضة اللي تلاقاتو فالسهرة بعد النقاش والخصام اللي وقع وكيفاش تشبت بيها وشد فيدها حتى قالت ملكت الكون ..ومكاين حتى ملكة من غيري..والطامة الكبرى اللي خلاتها تذرف الدم هي ديك اللحضات الحميمية اللي مستحيل تمحى ولا تنسى وماقدراتش حتى تنساها..دوك الكلمات اللي عبرات بيهم وكانو نابعين من القلب..ديك المعاشرة اللي كانت كتشوفو فيها سلطانها وهي اميرة بين يديه .. واضعف كتئن على وجهه الارض.
سدات عينيها كتبكي بحرقة حتى جات الطرشة اللي خلاتها تحل عينيها مخلوعة وقلبها رجع لدقاتو السريعة ويديها بداو كيرجفو وكتشد فالاماكن اللي نألمو فجسدها وهوي كتعيش ابشع انواع العداب في غرفة مغلقة ..شدات راسها بيد يديها وسدات ودنيها مابغاتش تسمع صوت غواتها وتسولاتها او حتى تشوف صورتها ..بدات كتغوت فداك البيت بوحدها وتسد ودنيها وديك الموسيقى خدام والصور كتمر والمشاهد كدوز حتى انهارت وشدات فيديها ودفارها ورجعات ليها صورك الانتحاو من جديد..السمطة والضرب ونضراته القاصية ..اقصى انسان عل وجه الارض واشرس خلق الله مارحمها ما خلا رحمة الله تنزل عليها ..غوتات وبلا متشعر بغات تسكت ديك الموسيقى ويدها كتوعد والوقت كيجري والسترة كتزاد حت داخت وهزات داك تيليفون ضرباتو مع الحيط اللي قدامها بالجهد وسدات ودنيها كتغوت حتى فرعو عليها الباب موضفين الاوتيل ودخلو كيجريو لقاوها مكمشة فراس الناموسية مخبية وجهها وسادة ودنيها وعينيها وكتغوت
شدو فيها الموضفين مافهموش مالها وفيقوها من ديك النوبة الهستيرية اللي كانت فيها عاد رجعات للواقع بقات كتشوف فيهم وتنفس بصعوبة حتى تهدنات وهزات يديها بشوية قالت ليهم
والو ..ما مالي والو غير جاتني كريز كتجيني ديمت وصافي..ماوقع لي والو
بقاو كيشوفو فيها حتى طمنو عليها وخلاو العشا محطوط اللي طلعوه حتى سمعو الغوات.
سدو الباب خلاوها بوحدها كتنفس وترتاح حتى تفشات وناضت غسلات وجهها ومشات تكات خلات داك العشا محطوط كما هوا ومشات نعسات طقات عليها الضوء وغطات وجهها
صبح الحال وهزات راسها مهدودة عضامها طايحين ..شافت تيليفون ايفون اخر مكاين ديالها مشتت وناضت كتنهد مشات هزاتو من الارض جمعاتو ولاحتو فالزبل كامل .
خرجات بحالها حاطة نضارات شمسية ولابسة سروال كحل طالع حتى الكرش توب وقصالتو بحال الدجين وبودي من لصدر بحال القلب خفيف ومشدود بسميطات. وشعرها مجموع ..خفيفة ضريفة وايكخون دالشمس ومرظب شفاه احمر فاتح ..طلعات مشات لايليكترو بلانيت نيشان كتشوف تيليفونات وهزات واحد فالكولد ختارتو خدموه ليها تما وشعلاتو وهزات واحد اخر كانت غتشريه لمها باش تبقا تعيط ليها لاكن تخايلات واحد فخوتها سرقو باعو ودارت بناقص خرجات من تما شرات ليها واحد عادي وخدات نمرة مغربية جديدة دخلاتها وركبات سيارتها مشات فاتجاه دارهم
وصلات كتنهد لقات الحومة خاوية عرفات باللي خواتاتها كلهم مشاو بحالهم واولادهم اللي ديما منوضين العشاش حتى هما مشاو .وقفات السيارة مع حيط الدار ونزلات دفعات الباب دخلات ضرباتها ريحة ديال الدار خانزة كتخنق..بقات كتقلب وتشوف يمين يسار مالقات حتى واحد حتى سمعات الصوت دالماء فالطواليط ومشات طلات لقات مها محنية على الصابون كتصبن والبانيو قدامها وحالتها حالة بلعروقات
شدات شيماءراسها قالت ليها اويييلي كان ناقصني غير هاد المنضر ..خرجي اختي من تما خرجي شديك الحالة
زبيدة: تي ااااش غيعاونو ..يعطيوني غا تيساع..نهار ومطال وهما يدورو فالزناقي ..صبحو عليا على الصباح قالك عطييينا باش نشريو تونيات ..راهم هبطو للقريعة الله يعطيهم التونية
شيما: اجي حيدي من تما
زبيدة:شكون غيكمل هادشي غيجي باك يبغي يدخل طواليط يقلب علثا الدنيا
شيماء: اجي خرجي من تما والله تما لا دخلتي
جلساتها على واحد السداري ميدم عطاتها تيليفون اللي شرات قالت ليها راه فيه النمرة ..خبيه نعيط ليك فيه
جلسات على واحد الكرسي دخلات لقوقل كتقلب على شركات التنضيف حساب ليها بحال دبي غير تبغي اللي ينضف ليها يجيو كيجريو ..من بعد التعياط من هادا لهادا بزز باش لقات وحدة كيقدمو الخدمات على السريع فالبلاصة ورسلو ليها خدامات جوج للدار بالطابليات دخلو ككملو على داك شي وزبيدة غير جالسة وكتشوف
جت جلول هاد اسكران واسو كيمشي ويجي بلاصتو وعينيه مقلوبين لعيالات كيسقو حدا الدار ..وقف مخرج عينيه ويدو مكمشة حدا صدور كيشوف فيهم وطويل ورقيق حتى تقوس رجع كيشوف لتحت من كترة ما ديما كيطل على لقصار
شكون توما هاناري!!!
شاق فالزليج كيتأكد وقال :
زليييجي والله تا زليييجي!! زوووبداااا.واتي فيييينك الساااايحة
دخل لقا الدار مخملة مجموعة وزبيدة جالسة يالاه وصلات من الحمام كدور فالدار ووقف قاليها تس شكووون هادو ؟؟ واش ناقصني انا عياالاات
جلول: غنجي نعطي لمك .. ها ودني منك..تقولي هادا سكران مايعقلش..نعقل على كولشي الا نتي…تي راه والله منعقل علك
زادت خلاتو وهوا تابعها حتى دخلو بناتها اللي مشاو لقريعة لابسين تونيات مزيرين فالالوان وصنادل ديال النايك ديال الدراري والحجبان خيط والايلاينر مهرس مفتت فوق العين .
ولعكار فالموف..وحدة شعرها كحل كامل ناشف باهت والاخرى شعرها كحل باهت وزايدها بليميش فالاصفر..هما وشيماء تقادة وحدة بنات وحدة فوق وحدة .لقاو الدنيا نقية ودخلو مع الباب كيهزو ويحطو فالمؤخرات فرحانين بالتونيات
-ماعرفت اختي والله ..راه بزااف واش مي مسكينة باقا صغيرة تهز بكر علال كامل!! جيت نصبح الدار لقاتها كوولها خصها تعاود.. دايرة بحال الغار والحيوط مقشرين القوادس خارجين .. الروبيني واقف غير بتيو!! لا جيت نص لحها ونعاودها خصني ليها واحد تلاثين مليون ..تعاود من الاول حتى لخر ..
فاتي: شوفي ماتصلحي مايصلحك ..تعياي تصلحي ماتصلحي والو..الحل لا بغيتي تعاونيهم شري شي دار بعيدة فالسكن اقتصادي تكون فحي نقي ماشي شعبي..وحتى الطوبيس مايكونش كيوصل ليها من غير طاكسي ..حولي ليها مك تسكن تما وباك بزز منو يتبعها وخوتاتك دوك اللي طلقو ..خلي ليهم الدار لاخرى كما هي فداك الحي الخانز يسكرو فيها ولا يخراو فيها وتبقا نيت شاداهم تما حدا الزطايلية صحابهم .. وفاش يبغير يمشيو عند مك يضربو ليها الف حساب فالمشية والرجعة. كي درت لخويا..بقا فالدار لخرى كيعوم بحرو حيت مغيلقاش داكشي اللي باغي عندي انا وفالحي اللي ساكنة ..هما خوتك ميقدروش يخرجو من حومتهم ويمشيو لحومة كالم فهمتي.. باك تاهوا غتحكميه باش ميتعداش على مك الى درتي هاكا وجلستيه فدارك ووكلتيهم وشربتيهم .. هوا براسو غيبقا يدرق زلافتو نهار كامل ماتبقاش تشوفو تا يجيه الجوع ..وخوتاتك حكميهم ..ناري ياختي انا الحباس دخويا طار تا لسق مع السقف حديتهم لديلمو كنعطيه الف درهم دابا فالشهر باش نشدو ويحني الراس..يدير معايا هاه ولا هاه نحيدها ليه يتسطا خصوصا دابا فاش ولفها ..كيشوفني كيحدر الراس..يخدم ولا يجلس يعاود لمو مهم مكيتفنفنش معايا
شيماء:داكشي اللي غندير ..اللهم نشري دار جديدة بعيدة ..غنمشي دابا لبوسكورة نشوف تما
فاتي:اااايه احسن كاااع ..خليها ليهم وتا مك ترتاح من القهرة
شيماء: والعيالات اللي جبت وتقهرو فنهار بقات غير مسيكينة..كن تسمعي شكتعاود ليا وشداز عليها ..مكاينش شي واحد فيهم اللي ما مدوزش الحبس اصاحبتي..لكبير غتاصب شحال من وحدة مسكينة والشفرة والكريساج ..و الصغير فيهم كيبعيو ويشري فالحشيش ماعندوش الوقت هاداك كاع حال شركة !! باعو ليها الثلاجة باعو التلفازة باعو الماكينة ..لعفوو والله ماقديتش نزيد نسمع
فاتي: هادو خاصهم يازيد والله ابنتي تا يقادهم يمشيو على البيض مايهزسوش..ااه حقا فكرتيني راه عيط ليا قالي نمرتك ..عطيت ليه هاد النمرة اللي سيفطتي ليا الصباح
بقات كتشوف مطولا فداك الاتصال وكتفكر واش تجاوب ولا ماتجاوبش حتى قطع.يالاه جات تحط تيليفون ورجع كيصوني مرة اخرى ..
هزاتو كتشوف فيه وتشوف فالطريق وهي غادية لبوسكورة وقالت نجاوب نشوف شنو كاين .
شيماء:الو بونجوغ
يازيد: بونجور ..صافا ؟
شيماء:حمد لله ميغسي
يازيد: بدلتي النمرة عاوتاني؟
شيماء:لا طاح ليا تيليفون وشريت واحد اخر بنمرتو
يازيد: امم ..فينك اشكتعاودي
شيماء:والو عير مع العائلة وصافي
يازيد: تصالحتو صافي مابقاش داك الخصام
شيماء:اه
يازيد: وشنو نديرو كافي اونسومبل
ردت بدون تفكير: لالا ماعندي كي ندير مشغولة بزاف ليوم
يازيد :نخليوها لغدا؟
شيما: اوك حتى لغدا ويكون خير
يازيد:اوك ..يالاه انخي بيان تو
قطعات هي اللولة وماعطاتوش فوق جوابو باش مطولش فالهضرة وحطات تيليفون وقلبها كيجري..كملات طريقها لبوسكورة والطريق شحال طويلة ما وصلات حتى بغات دير بناقص. خلات بوحدها كتشوف دوك الديور مع المرافق وراها انواع اشكال من البرطمات ال عادية والبرطمات الغالية
عجبوها برطمات عندهم مسبح خاص كبير بسكان المجمع وبالاسانسور ومجهزين ومصلوحين مناقصهم حتى مسمار من غير الفراش.
المجمع آمن و وبالحراسة فالدخلة والحديقة زوينة وقراب للبحر .
قبلات بلا متناقش فالثمن ونزلات للمكتب بدات الاجرائات معاهم فجو لطيف وخدات الاوراق ديالها اللازمة ورجعات بحالها مشات طل على دارهم تعلمهم بالقرار المفاجأ
كانت شيماء غتبول بالخلعة بغات غير تغطا مالقاتش باش ونزلات كترعد وشد فباب الطموبيل.
عنقها بواحد اليد قدام الحومة كلها وخواتاها كيشوفو ومها تابعاه كتسايس معاه ..اما جلول كيطل عليه من السطح ويقول ليه وتا طلك ختك المسخوووط وتا طلكها الله يعطيك الموت الله يعطيك واحد الخمسين عام ديال الحبس
شرف للبيع الجزء السادس
محتوى القصة
كانت هاديك اخر مرة تشوف فيها يازيد واخر مرة يشوفها..رتاحت وتاصلحات مع نفسها وتقبلات حياتها ووضعها الجديد..وجعات ليها الطمئنينة والسكينة من بعد ما كانت مهزوزة مامرتاحاش فحياتها وكتقلب على الراحة فالخروج والسهرات باش تفوج على واسها من الضيق والملل وتبدل الجو ..لاكن من بعد ما تغيرات حياتها مابقاتش كتحس بديك القنطة ومابقاتش محتاجة تبدل الجو حيت جوها نقي.. رضات نفسها وتنهات وخصوصا فاش تلاقاتو اخر مرة وشافها كيفاش ولات وكيفاش تغيرات. ماشي مهم الملابس باش ييان عليها التغيير..المهم الراحة النفسية اما ملابسها رجعو اكثر من عاديينومن ارخص الملابس.. تخلات على الماركات وعلى الملابس الغالية لاكن ربحات دم وجهها وبرائتها اللي رجعات ليها وتعلمات من الحياة دروس قاسية..تجارب وشقاء عاشتو خلاها تفهم شحال من حاجة .
بقا ليها اخر نهار فالمغرب وحوايجها فالشنطة جاهزين..خدات كل ما تحتاج من البلاد ..اتاي الصابون البلدي الغاسول الزيت العود السفوف لبى اخره ..عمرات شنطها وتحممات مزيان وخلات النهار الاخير لمول الرهين باش تفك معاه الرهين ..لاكن لقات مشاكل وكان خاص فطوم تحضر ضاروري باش يقدو يفكو الرهن وترجع فلوسها باش تمشي.
هزات الهم ورجعات الطريق كلها داك الصباح هازة راسها كطلب الله يفك ليها هاد المشكل..طلعات للدار جات دور السوارت لقات الباب محلول وتخلعات دفعاتو ودخلات لقات فطوم فقلب الدار حالتها بالمكياج تقول ماغسلتتش وجهها شهر !! طارت عليها عنقاتها وكذلك فطوم عنقاتها وبداو يتباكاو حتى شبعو وجلسو للارض كيسولو على احوال بعضياتهم .شدات ليها فطوم فيديها قالت ليها تبارك الله زيناتي..طبزتي ..اش خبارك اش كتعاودي عاودي ليا توحششششتك
عنقاتها شيماء وعاودات ليها قصتها كلها وما عاشت فهاد الفترة وقالت فجملتها الاخيرة
صافي الحمد لله تعطاتني المنحة باش نكمل لقرايا..ونقدر نقرا حتى الماستر ..قررت نكمل مدام تعطاتني فرصة نكمل حتى للماستر غادي نكمل ونخدم فنفس الوقت
عنقاتها فطوم قالت ليها غنتوحححشتك ..صافي غتمشي فخطرة ماتعاوديش ترجعي فالعطل
شيماء: مغنرجعش حيت المصاريف عاوتاني..غنخدم حتى نسالي ويحن الله
فطوم: غطولي بزاااف غنتوحشك
عنقاتها وقالت شيماء : ونتي شنو كتعاودي ؟ فين غبرتي واش سافرتي؟
ضحكات فطوم بسخرية وقالت: سافرت!!دازت على ختك ..ماشي ناضت واحد الحملة داهمات كاع الفيلات من الطرف حتى للطرف جمعات كولشي..
شدات فيها شيماء : اويييلي ياكما حتى نتي معاهم!!
فطوم: حتااا انا ..ماخلاو حتى واحد..كاين اللي طلقوه كاين اللي شدوه.. كاع الق٠٠٠ اللي كانو خدامين داك الليلة شدهم لعضم اورنيلا الشلحة حمرة عادل..
حطات شيماء يدها على قلبها قالت ليها الله شدو الشلحة
فطوم: الشلحة بعداا مشات فيها ..سالات معايا فاش داهماتنا الحملة جرات واحد الكوميسير ماعرفت اش بغات تقوليه وهوا يدفعها واحد الدفعة بحال الكلبة وطلعها..العضم عطا عشرة دالمليون باش يتفك ووااالو اورنيلا تاهيا جلسات تهضر مع الضابط وعيطة على القواة ديالها تا واحد ما فكها موالفين يعطيو مليون جوج ويخرجو دابا عيااو ماخلاو تيليفونات ماخلاو فلوس والو .. اييييوا الحبيبة سمعي اش دارو ليك للشلحة..طبقو عليها المسطرة وعلقو ليها واحد التهمة ..اشمن تهمة..تهاااام هما ..الفساد. السرقة ..الاتجار فالبشر..النصب والاحتيال..رئيسة الشبكة دالمافيا..التزوير والاحتيال ماخلاااو ما علقو ليها بقا ليهم غير القتل ..الضرب والجرح المخدرات كووولشي ..قفونا قدام الوكيل قاليت ليه غنجر معايا كولشي شنو معنى انا بوحدي يعلقو ليا هادشي ..تسسسيف عليها الوكيل واحد تسيييفة تقول مكيعرفاش قاليها نتي درتي ونتي فعلتي وو و و و و وكملوها ليها يا لاللة مولاتي والمخيييييرة كاع كاع كاع شدوها كشطوها من كووووووولشي شتي كولشي ..كوووولشي دارو ليها من اين لكي هادا ..مشاو الفيلات فالمزاد ومشاو الطموبيلات والفلوس اللي فالبنكة والفلوس اللي حاطة فالديور والذهب والحوانت ديالها واللافاج تا هوا ..واي واااي واااي واي شكانت دايرة وشحال من حاجة جبدو بسميتها ..تقولي قادوس تفرقع بسراق زيت..شطبو ليها داكشي كامل وسخفات ليهم فالمحكمة كااع متسوقو ليها ..خلاوها ماتكساي تا درهم وبدات تجبد ليك العون ..هادا فلان هادا فرتلان هادا عاوني هادا دار ليا..مالي مابغا حتى واحد يوقف معاها سرسباتهم كووولهم جمعوهم بالواحد بالواحد واخا شي وحدين منعو لاكن اللي تشدو كولشي مشا فيها .. اييييوا السيك لعضم تا هوا قالو ليه اااجي هوا واورنيلا..ضربوه تا للقلب بعشر سنين نافدة وغيزو ليهم المخدرات والاتجار فالبشر والدعارة وكمدوها ليه وكاع داكشي اللي باين عندو داره ليه وخلاوه تاهوا . اما الشلحة ولات بحال الكلبة..وكملاااااات وجملات تشدات معانا والبنات قاريينها فيها حسيفة وعرفوها صافي مابقا عندها جهد ولا قوة واجي تشوفي شدارو ليها …شتي الخرااا ..لخراااا كيخراوه ويقولو ليها هزيه .اما المكبوتات الباطرونات لكباار اللي كانت كتعطيهم غا اللي بغات ..عرفتي شدارت ليها وخدة..سخنات تا سخنات وتعرات عليها بالليل قالت ليها داابا تلحسي. خليتها كتلحس تما من وحدة لوحدة وبليغيكل تا ولات كتبكي وتبوس الرجلين..هه ديرها مع لق٠٠٠٠ والله مايحنو فيها. هي كتشقى وتصبن وتنقي ومحاميين عليها كل مرة تنتفها وحدة وعيات طلب باش تبدل من تما قالو ليها وااالو غتبقاي ماعندنا كي نديرو ليك..تاكلك الشياط ودير مساج لهادي ومساج لهادي وكيشدوها يعريوها ويقولو ليها شطحي ليها .. وكتار من هدشي تشدات معانا جمانة ..وجمانة نتي عارفاها كي دايرة مع الشلحة وشنو دوزات عليها ..كتشد الخيز تمضغو وتبزقو وتكوليها قوليه..وتنخم ليها فطبسيلها وتاكلو بزز منها ..
شيماء: بغيت نشوفها
فطوم: اش بغيتي بيها ولات بحال الكلبة
شيماء:لا بغيت نشوفها ..غنمشي ليوم نشوفها
فطوم: تسناي ندوش ونمشي معاك
ناضت فطوم دوشات ولبسات حوايجها وخرجو فطاكسي
فطوم: انا بعدا ضربت غير شهر وخرجت ..
شيماء:شكون خرجك ؟
قطوم:خرجني انس..عيطت ليه النهار الاول فاش شدونا وقلب عليا خلاني تما شهر على قدو دازت عليا وسط ل٠٠٠٠. كل نهار مرايشة مع وحدة والحررررب ..عاد خرجني
شيماء: عقبة ليسرى تا هي
فطوم: فييييين هي يسرى!! يسرى راه حيدات الوالدة مرضات كانت غتموت وحيداتها ..تلاقيتها فالسويسي مشيت ندوز على صدري لقيتها تما مابغاتش تشوف فيا ..سولت واحد البنت فرملية هي اللي قالت ليا جاها كونسير وحيدات الوالدة
بردات شيماء لاكن ماكانتش كتمنى ليها داكشي وبقات فيها وتأسفات لحالها وقالت
الحمد لله بعدا عندها بنتها مابقاتش بلاش
تنهدات وقلبات وجهها جهة الزاج مشاو للحبس وجلسو كيتسناو الزيارات ويرغبو عاد دخلو شيماء بوحدها بواحد القاعة كبيرة فيها الناس واقفين كيشوفو ولادهم من خلال واحد الجدار زجاجي كيفصل بيناتهم ووقفات قدام واحد الخانة كتسنا حتى بانت ليها الشلحة مخرجينها مع واحد الباب صغير فالجنب مهبطة راسها ووجها كحل وضعيفة وملوية عليها واحد الشال حالتو ولابسة بيجامة كتعيف ووقفوها قدامها .تبسمات شيماء وقالت ليها
دابا عااد… دابا لقيتي بلاصتك وجات معاك
شافت فيها الشلحة عين طايحة وعين محلولة بزز وحناكها ذاخلين وقالت
جايا تشفاي؟
ضحكات شيماء وقالت:جيت نبرد من جيهتك…داكشي اللي درتي والبيعة اللي بعتيني ..عاد غادي نساهم دابا ونرتااااح..الدنيا دوارة ياك..حساب ليك غتبقاي طاغية …هانتي رجلتي تحت الرجلين
الشلحة: شنو بغيتي دابا ؟ علاش معيطة ليا
شيماء: عيطت عليك نشوفك ونقول ليك باللي انا هي صاحبة دعوتك …هاد الضومين خسرت فيه بزااف وربحت فيه شي حوايج.منهم المعارف الصحاح فين يبانو معارفك باش كنتي كتعنتتي..عمرك ديريها فالق٠٠٠ وتنساي..دقتهم مكتنوضش العجاج الشلحة..هه عقلتي عليا كي كنت ..الدرويشة المسكينة..حساب ليك غنبقا هاكاك وانا دخلت للدعارة ..ماحسابش ليك غنولي شي نهار يحال ولا اكتر منك..نحرقك نتي واللي كتعرفي..ها صرفك خديتيه الشلحة ..
ضحكات عليها جوج ضحكات وخرجات هازة راسها كتنهج بانتصار ومشات
ثلج وهيط على صدر شيماء هي خارجة من داك الحبس عند فطوم..دابا عاد تقول بردت وشرفي مضاعش رجعت حقو..عاد تقول وليت بحال الناس وتفاجيت ونقدر نبدا صفحة جديدة ..عاد تقدر تقول نعيش ونبني مستقبلي ونرفع راسي وانا زاطمة فوق كاع الريوس اللي باعو فيا وشراو..عاد نتنفس وماكاين حتى واحد يحبس عليا النفس..عاد نعس مرتاح بلا احلام وبلا كوابيس.
خرجات من تما بخطا بطيئة للهواء الطلق وحلات يديها عنقات فطوم ودفرات دموع الحرقة وكأنه اول يوم تخرج فيه من دارهم وتواجه العالم بأسره وهي ضعيفة..كانو دموع التراكمات اللي كانت جامعة والجروح اللي كانت مطمرة..كولشي ناض فجأة وبكات عليهم كتودعهم كلهم ودفنهم الى الابد..بكاء الوداع على الذكريات الاليمة ..على الجروح العميقة ..خرجات كلشي برا صدرها ورفعات راسها للسما كتنفس بارتياح ورجعات شافت في فطوم وابتاسمات ليها ابتسامة بريئة ..كلها امل وكلها نقاء..عيون براقة كعيون المهى
وداعا للالام ..وداعا للجروح ..وداعا لحياة الاشواك ….وداعا للهجة المغربة.ولوجوه المغاربة..وداعا للحياة الشعبية وللاسواق والاحياء ..وداعا لتراب الوطن ..ومرحبا ببلاد الاجانب.. والممستقبل الواعد..وحياة الغربة والتجارب الجديدة .
بالاحضان والدموع الغزيرة ودعات فطوم .ومشات هي وشنطتها الصغيرة طلعات فالطيارة وخدات مكانها ..طلات من النافدة كتلقي اخر نضراتها لبلادها العزيزة رغم الضروف وقساوة العيش الا انها فالقلب مهما بلغت قسوتها.اخر نضرة من فوق السحاب وهي كتبكي وتشوفيها حتى خرجات الطائرة على سماء البحر الازرق وهبطات شيماء النافدة وسدات عينيها .
بيالغ الحزن والاسى والصوت المبحوح ..قدام شاشة الكامرة في لباس بالي وزيف ملوي بعشوائية وصورة مدرسية مصغرة حنب الشاشة كتقول
كنقلب على بنتي شيماء مُؤدب..اللي خرجات نهار 10 فشهر ستة 2012 مع الربعة دالعشية فعمرها تمنطاش لسنة ..ودابا راه عندها ستة وعشرين سنة.. يا بنيتي الى كتي تشوفيني وجعي غا نشوفوك ..راه تمن سنين وانا كتشوا عليك .. ماخلينا فين قلبنا ..كل واحد واش يقول..عاد كي مو مي مر مؤخرة قالو لينا تزوجت..وشي ناس اخرن قالو لينا مشات على برا..كلها هوا واش ايكول ..بنتي جابت طمنعااش في الباك وهربت عا باش دقرا ..اللي شافها ولا سمع عليها شي خبيرة يجي قولهانا راحنا محروووكين عليها وراني عينيا نشفو من البكا ..الله يرضي عليك ابنيتي لا كتي تشوفيني شوفي من حالي
سالا البت وجرها جلول من جلابتها قاليها
مؤخيرااان اش مؤخرة!! ااااش مؤخرة ماتعرفي تسكدي تا الهضرة..علاش ماقلتيش ليهم كتعرف تهضر بي لفرونس؟؟ هااا؟؟
هزات يديها كتنخصص قالت ليه هادشي اللي حفضت راني قلتو اش بغيتي نزيد نقول!! براكة عليا اللي فيا كافيني
جلول: واتي عطيييهم ديطايات عا نااري…تي مالكي مفافيا
نترات يدها قالت ليه. وا الحمد لله غا اللي وصلاتنا النوبة ندوزو في هاد البرمناج ..دعي عا الله تعيط ليا
جلول تابعها:ديك الساعة قولي للناس تاصلو بيا في هاد الرقم هاهوا تا هادي نستيها
زييدة: ياك الرقم باين !!!
جلول:واخا بااين
زبيدة: دابا مغيعيطوش زعما هاناااري شحال وحنا تسناو في النوبك!!
جلول: واحيت تي مضمضمة الهضرة المهمة اللي خصك تقولي بركتي تخنخني ليهم تمااا عينيا نشفو من الدمووووع ..زيدي كدامي الله يتبعك البلا
زاد داير يديه وراه فواحد السروال كحل حالتو والقميجة ميدمة والكول حالتو لابس واحد الجيلي ..ضار عندها قاليها كو غادزت انا نيت قاري علك بعدا تي اللي امية
هزات خنافرها قالت ليه ااامم..قاري عليا!! بدل غا ديك القميجة الكول بحال طبسيل دالمرقة ضاير عليك عاد قوليا انا الامية. تااا هوا الامي
جا يرد عليها وهما قاطعين الشانطي يركبو فالطوبيس حتى صونا ليهم تيليفون وحيدو ليها جلول جاوب قاليه اااالو تاسمعو الشارع اللي قدامو كامل واللي وراه والناس ضارو
شكووون معايا؟؟؟ شكون تييييي؟؟؟ هااااا!! فاطمة الزهراااء!! شكوووون فاطمة الزهراء….هاااااا!!!!
حيد تيليفون شاف فزبيذة قاليها قالك صاحبة شيماء !!
حيدات ليه تيليفون قالت ليه ارا ارا بالزربة.
وعرات على ودنها الزيف قالت ليها الووو بنيتي!! صاحبة شيماء!!! اييييه ابنيتي انا مها ..اييييه هي انا ..هادي هي النمرة ..كتعرفيها مزيااان!!! ايييه ابنيتي جي مرحباااا بيك ..نتسنااك ابنيتي نتسناك الله يسهل عليك..الله ينور ليك طريكك. ..عا ماتخلينيش ابنيتي معلقة راني عييت ربي العالم بيا قلبي مشوط على كبيديتي بطا عليا غا فوقاش نشوفها ..اه اه واخا واخا ..العيلوان!!! واخا بنتي قيديه….
حيدات تيليفون من ودنها وقالت ليه قطعات
هز يديه كيشالي قاليها ااااش قابت ليك تي دوي مالكي تزيزنتي ؟؟
زوييدة: قالت لي غتجي عدنا للدار وعطيتها العلوان ..
جلول:وعطيتيه لها مكاد؟؟
زييدة: علاه مالي مانعطيه ليها مكاد مالي ؟!!
خشا يدو فجيبو جبد واحد البزطام حالتو تقول عندو الفيران فالجيب قاليها تسناي هنا نمشي للحانوت نجيب التعبئة باش نعيطو ليها نأكدو عليها..تسناااي ماتحركيش
مشا كيجري قطع الشانطي وبقات هي واقفة حاطة يد على يد فرق كرشها فواحد الجلابة مجموعة من القدام فالسفيفة بالتكماش والصندالة كحلة عالية شوية متقبة كلها ديال الجلد كتسنا حتى داز حداها واحد لحمق لحيتو طويلة وبقا كيدور حداها وهي تكحز للحنب بعدات منو كتشوف فيه بنص عين ..جا عندها هاز لا كارط قاليها ديالك هادي ؟؟ طاحت لك
دورات وجهها مشافتش فيه قالت ليه مادياليش سير بعد مني
قاليها واقيلا ديالك طايحة حداك!!
بعدات شوية عطاتو بالضهمر قالت ليه امممأأ مادياليش سير بعد مني
مشا دا ديك لاكارط وزاد حتى رجع جلول هاز التعبئة قاليها زيدي داغي نمشي للدار لا تجي صاحبة شيماء ماتلقاناش
وقفو الطوبيس طلعو مزاحمين كلسو وشد الكارطة دخلها فتيليفون وزبيدة كتشوف من السرجم بان ليها واحد الحمق غادي وضارت عندو قالت ليه جا عدي واحد المزمزن طيرها مني خلعة..هاز واحد لاكارط فيدو قالي واش ديالك..انا نقوليه ماشي ديالي بعد مني وهوا لاسقني كيقول ليا ديالك .. خلعني بغا يلسقها ليا بزز جالس عليا طايحة حداك ما طايحة حداك مامشا تا كان غيسكت ليا القلب
هز جلول عينيه شاف فيها مكمش فمو تقول ضربتيه بمطرقة ورجع خرج بزطامو حلو بالزربة مالقاش لاكارط وقاليها كيولول
هاويلي ويلي ويييلي هاويييلي لاكارط مشات ..ها الله يتبعك ليييه يا المصيبة يا لخطية …الناس عندهم العيااالات وانا عدي الخطيااااا الكبيرة خطية والدة
تخلعات قالت ليه وراه عا حمق
هز يديه كيشالي شوهها فطوبيس قاليها واتي اللي حمقاااا وحمقاااا بنت الحمقااا وفاقدن فيك لايمان الامال مايقبل عليك لا سبيطار حماق لا بويا عمار اما هوا بعقلووو ..هاويييلي الله يعطيك العماااا في السكة وتران دايز ب 320
وصلها الدار ويديه فالسما كيدعي ويعطيها ماقدر يسكتو حتى واحد مم غير تيليفون اللي صونا .رد بديك الو ديال سمعوها الجيران كلهم قال
يااالووو؟؟؟ ياااالووو..ايييه …اايييه ..دابا نيت
قطع وبدا يمشي ويجي فبلاصتو قاليها الدرية وصلت تكعدي
ضرب ولد بنتو نوضو من فوق السداري قاليه تكعد عليا من هنا الله يتبعك البلا..تريكة الزلط وكثرة الاولاد
خرجات ليه بنتو من لكوزينة كتغوت قالت ايه
ماضربووش علاش ضربو
قاليها وعلاش طلقي وتجي ليا تي وولادك تجلسي ليا في داري!!! سيري عد راجلك عطيني تيساع زوجكم نتفك منكم ولا زوجتكم تجيبو ليا ولاد اخرين يسكنو ليا فالدار
الدقان فالباب مشات زبيدة كتجري حلات لقات فاطمة الزهراء واقفة لابسة جلابة كحلة وبلغة كحلة وشعرها لنصالضهر مشدود بمقبط صغير ونضارات شمسية.. فاتي:سلام خالتي انا فاطمة الزهراء
زييدة:دخلي بنيتي مرحباااا بيك ..مرحبااا
دخلات فاتي وحيدات النضاضر بابتسامة كتشوف فالدار سمعات البكا دالبز فالكوزينة وجلول كينكر ..لقات نضرة على الدار والوضعية المزرية اللي عايشين فيها واخا معارفنيهاش راه مزرية بكثرة ما كاع الناس جيرانهم بحالهم .جلسات على واحد اللحاف وجلسات زبيدة من جهة وجلول من جهة وجات بنتو تاهي جلسات تسمع الخبار على شيماء
زييدة: انا بنتي مها ..بنتي شيماء الدريويشة
جلول: وانا باااها ..اييه بنتي دريوشة فينا هيا فين غبرت كاع هاد السنين كلها
تبسمات فاتي قالت ليهم شيماء صاحبتي..انا وياها صحابات من تمنطاش لعام
جلول: وغين صدات فين ماسولت علينا ما قالت نشوف با ماقالت نشوف مي!! واش بصح داكشي اللي كنسمعو تزوجات ومشات لخاريح؟
زبيدة: الله على بنيييتي الله
حركات فاتي راسها قالت ليهم اييه هي مشات لخاريج ولاكن ماتزوجاتش مشات بقرايتها
ضرب جلول يدو وقاليهم
هااااا زادت مشات للخاريج مفطحة وحنا هنا كنتقلبو كي الموجعات فنصاص الليل ونبكيو عليها ..وهي مشاااات للخاريج
زبيدة: وعاتا سكت خا نسمعو اش واقع في الدرية اناري
فاتي: المهم ماتخلعو ما تهولو..شيماء راه قرات فالمدارس العليا فالرباط بالنقطة ديالها ..ومشات لفرنسا كملات قرايتها وشدات الماستر فالهندسة ديال الطيران ..ودابا راه خدامة مع الدولة فالامارات ..بيييخير وعلى خير ودازت ما مرة ماجوج فالتلفازة والفرامج الوثائقية ..وفالاخبار الاماريتة غير مامتبعينش مع هادشي باش تشوفوها .
نقزات ختها شافت فتيليفون اللي فيدها قالت ليها وريها لنا اختي الله يحفضك نشوفوها
جلول: هااي هااي هاي على شيماء..هاي هاي ولات دوز ليك في تلفازة ..حنا نكراتنا
زييدة:وعلاش مللي هي لاباس وبيخير وقرات وخدمات ما سولاتش فينا
جلول: تي مالكي مريضة! غنحششمو بيها
بقات فاتي ساكتة وحلات تيليفون دارت ليوتوب كتقلب على داك البرنامج الوثائقي حتى لقاتو وخدماتو ليهم كيسمعو غير لونكلي فداك البرنامج والعربية مكدورش بالمرة ودورات. ليهم يشوفوه .جمعو الريوس كلهم على تيليفون ودخلو البز تا هما وهوا يجبد معاهم جلول للراس وبنتو تا هي هزات الصندالة جراو عليهم بالسبان والمعيور ورجعو للتيليفون كيشوفو كيفاش جالسة ونضاضر رقاق والقميجة بيضاء ناعمة والشعر مجموع كعكة والساعة فاليد والروال كحل مع الطالون كتهضر مع الصحافة فالمطار ومشات هي والفريق وراها كتوريهم المحركات والميكانيكين كيفاش كيخدمو وكتشير بصبعها بحال النشرة الجوية وكتهضر ومشات معاهم للبيرو ديالها كان مكتب قدو قداش جلسات وكتوريهم نماذج مصغرة محطوطة عندها فالرفرف وراها والراية الامراتية واقفة من جوج جهات وراها وكتهضر بتلقائية ووراها زاج كبير كيبين الطائرات اللور كيتحركو فالاسفل
دور جلول راسو مصدوم قاليها تي هادي شيماء!!!
زبيدة الله ابنيتي باقا ضعيفة واخا قرات وخدمات
بنتها :واتي راهي الموضة هانا مزلوطة وقد البوطة ..سيفطي ختي هاد الفيدو الله يحفضك سيفطيه ليا
فاتي: كاين فاليوتيوب غير دخلي غتلقاي بزاف دالفيدوات دازو فالتلفازة حطهم تما
شدات زبيذة تيليفون عنقاتو كتبكي وتشهق على بنتها وجلول كيحيد ليها تيليفون قاليها
بكي علينا حنا اما هي ها تي تشوفي..دايرة لفلوس وساكنة غي ليمارات وانا هنا كنكي البوانت ..
زبيدة : عطيني نهضر مع بنيتي ونسمع صوتها الله يرضي عليك
فاتي..انا غادي نخليك النمرة ديالي ..هي دابا ماكايناش فالمغرب ومن نهار مشات ما رجعات كنهضرو غير فتيليفون..انا راه قبل مانجي قلتها ليها وجاتها قاااصحة نجي عندكم وبكات حتى طابت حيت دازت عليها ماجاتش ووصلات بالساهل..دااازت عليها يالمعقول … ومابغاتش فالاول ماعرفات كي دير ليها ولاكن فاللخر قبلات..قبلات تهضر غير مها صافي
باست ليها زبيدة كتفها قالت ليها الله يرحم ليك الواليدين. ابنيتي
جلول: وباها !!
فاتي: نديرو للماء منين يدوز شوية بشوية راه ماشي ساهل عليها هادشي .. تلقاها تاهي معلقة دابا كتسنى الرد
زبيدة: وجه لما سكت ..سكت هانهضر مع بنتي ماطججها ش ليا
جلول : دابا انا اللي طججتها؟؟
الاخت: وا عا هنيينا خلينا غا نوصلو ليها اناري!!
ربع يديه وسكت يشوف اش واقع وهزات فاتي تيليفون عيطات ليها فالرقم الامراتي فالواتساب بالكامرة وبقات كتصوني ومها كتسنا قدم تيليفون وتبكي..مع الحلة دالكامرة دخلات فالصورة كتبكي ويدها على فمها وتقلبات الدنيا بالكى ماهضرو ما قدرو يشوفو مزيان بالدموع ..كلهم كيطلو على تيليفون ويبكيو ما عدا جلول اللي حرك راسو بأسى كيشوف فيها قاليها اييه ابنيتي هادي تربيتي..هزيتك بي سناني من ونتي صغيرة ..فاللخر مشيتي غبرتي تمن سنين وخليتينا وراك معلقين
زبيدة: شيماء بنيتي..كبيدتي.. الله يا بنيتي عاد رجعت فيا الروح ..اجي غا نشوفك ..عا نشم ريحتك ابنيتي ولا بغات تجي الموت عا تجي
بقات كتشوف فيهم وتبكي فاللخر قطعات وهي تسخف ليهم زبيدة بالبكا جابو ليها البصلة والماء فيقوها وخلاتها قاتي متكية وخرجات برا كتهضر فتيليفون ورجعات دخلات كتنهد عند زبيدة قالت ليها صافي اخالتي..صافي نعلي الشيطان ها بنتك شفتيها وشفتي الحمد بيخير وعلى خير ..وعاد دويت معاها دابا قالت لي غتجي عندك باش تشوفك
هزات زبيدة راسها قالت ليها. غتجي؟؟'!!
فاتي: غتجيالى ماجات هاد الشهر تجي الشهر اللي وراه انا عطيتك دابا الكلمة
رجعات الروح فزبيدة مسكينة رجعات تحسب الايام والليالي وقتاش شيماء ترجع ..بقا الاتصال بيناتهم مع فاتي حتى للنهار الموعود..النهار لكبير..
حلقاتفيه الطائرة فوق ارض الوطن وحطات فوق ترابها .
خرجات من الباب مع المسافرين وحلات عينيها البراقةاستنشقات هوائها وخفق قلبها لمصافحة البلاد الغالية لعزيزة ..وخفق لذكريات جات لبالها مباشرة من بعد ما حطات اول خطواتها فالمطار..
تغيير جدري كبير ..رزانة وتبات وكلام بصوت منخفض ورقة وانوثة ..خدات الاوراق ديالها وخرجات جارة حقيبتها الوحيدة وهازة صاك لوي فيتون فيدها وجامعة شعرها دائرة عشوائية فالاعلى.. يالاه هزات عينيها شافت مها جايا كتجري وفطوم وراها والدقايقية كيغنيو بسميتها وجلول كيتسابق مع زبيدة وختها وواولادها ..طاحت على حضن امها وطيحات الصاك والباليزة فالارض وكانت غتسخف من داك اللقاءالحار .عناق صعيب تفرقو وصعيب تفرقام على بنتها واخا ماتبينش الحب اللي قلبها لاكن الكبدة كتبقا خاصة وااحساس الام مختالف على جميع الاحاسيس..عنقات باها حتى هوا كتبكي وعنقها كيترعد غير بوحدو وعنقات ختها اللي بقات مصدومة فيها متقدراش تصدقان هاديك ختها لدرجة حشمات حتى تعنقها..اما فطوم بقات هي اللخرة فالجنب كتبكي خلاتهم حتى دازو وشافت فيها كتنخصص وبقات وحدة تشرف فالاخرى ومشات عندها كتجري عنقاتها عناق اخوي مرافقيالذموع والمشاعر الجياشة..تحت انغام ودقات الدقايقة خرجو من المطار كانت الهوندة فاش جا كتسناهم طلعو فيها كلهم قردو مع الجناب اللور فالهواء الطلق كيتعانقو والدقايقة واقفين كيشطحو وجلول ركب لقدام قليه زيدي اسيدي يالاه
وصلات لهوندا للحي كتمايل بالدقايقية لقاو الجيران كلهم مجمعين لتحت كيشطحو ويزعرتو والنفاخات من البوطو ديال الضو للبوطو .
نزل جلول حل ليهم الساقطة اللي لور دردبو كاملين ..اما شيماء شدات ضهرها مباشرة فاش وقفات وبداو الجيران يبوسو ويعنقو كل وحدة من جهة ويجرو فيها ..طحيو ليها الشعر والصاك هزاتو فاتي هوا وتيليفون والباليزة دخلاتها ختها ..اما مها جات الوسط حيدات الصندالة وجلسات شتف هايتف وتزغرت ودور عندها تعنقها وكلشي كيسفق ويشتف والغبابر نايضين ..ضحكات فاتي لشيماء وتعانقو كيسفقو بيديهم وعطاوها الحليب والتمر وجات مها هازة واحد الغراف ديال الطين وقفاتو فوق راسها كتزغرت وهرساتو بيد المهراز ودخلوها للدار ودخلو كاع الجيران وراهم تا مابقاش الاكسيجين فالدار. جلول عيا يصبر فاللخر داق بيه الحال وجاتو الحالة وناض بدا عليهم هاك بلاك تا خرجهم كاملين بقات غير شيماء ودارهم وخوتها كلهم اللي كانو في انتضارها من بينهم الثلاتة الشماكرية اللي جالسين واحد حدا واحد كيشوفو فيها..واحد فيهم يدو كلها مضروبة ووجهه مخسر والثاني واشم بحال دفتر الدكريات ماخلاوردة ماخلا سمية ما خلا نسر شي. بالالوان وشي كحل.ك وتحسينة محرطة من الجنابواللوراني طويل مكردد مصبغو بالاصفر
اما التالت واقف لابس واحد السروال كامل مورد وعامر كتابة والصندالة مغبرة والتقاشر بيضين وتيشوط مصننة دوخهم بالريحة كتو من لخيرن..وعاد قوة البز ولاد البنات اللي تلاقاو ردو الدار بحال لاصال بالجرا والكراطي والغوات .
تهدنات الامور وبقاشي كيشوف شي وفاتي لاسقة حدا شيماء خايفة من خوتها .
وهاتي ابنيتي تشوفي على حالة.. الضلم وقلة شي
قاليه وبدو لكبير بواحدالصوت كيخلع
وصااافي تبقا عنااا عاوتاني بداك الديسك دالنم ..
جلول: خرج عليا ..خرج الله يحرق جدمك الكيدار اللي ولدك
ناض جبد كارو ورا ودنو قاليه هاوا غااادي..ال٠٠٠٠وي
خرج وقال التانيوهوا كيشوف فيها
صافا ختشي شيماء..وا غبرتيييي عنااااا
تبسمات ليه قالت ليه صافا خويا شكرا
زييدة : على سلامتك ابنيتي في داركم ..على سلااامتك
البنات سكتو كاملين بقاو غير كيشوف فيها من راسها لرجليها .
حطو الغدا الوسط فيه جوج دجاجات محمرين ورجع خوها الكبير يتغدا فيدو طرف دلحشيش. خشاه فالجيب وشد الخبز قسمو وتجمعو كاملين بخوتها اللي كل واحد فين كان كيحك كيغمسو وياكلو والبنات تا هما اللي جا قدامها شيحاجة كتخشيها فمها وتخشي لولدها
الاخ الصغير:شدي عليا ولذك عنضرب مو لسقو..
جراتو مو من عنقو جلساتو قالت ليه :ريح تشاا لارض خرا كي داير
ماقدراتش تاكل ديك المرقة لاهيلا فاتي ومها كتمد ليها تاكل وفرحانة بيها..سالا باها الماكلة ودقع الكرسي دالميكة مسح فالجيلي وقال
ودابا باش انخلصو هاد الفرارج يالاه
ضربها بواحد تكريعة سمعوها من راس الدرب ومشا خرج وناضو خوتها واحد ورا واحد شي مسح فسروالو شي مشا يغسل ورجعو وقفو مبندين كل واحد كيشوف فيها بنص عين حتى تجمعات الطبلة وناضو البنات كل وحدة شكادير وزبيدة مربعة كتسولهت على احوالها وكيفاش عايشة وشنو عاشت
تبسمات شيماء وباست ليها يدها قالت ليها الحمد لله اماما نتي بيخير
زبيدة: غا مللي رجتي لي راني بييخير الكبيدة ..شفتك ابنيتي جبتيغا باليزة وحدة صغيرة علاش ماجبتيش حوايجك تجلسي معانا
شيماء: جيت غير نشوفوكم ونمشي عندي الخدمة خديت غير عطلة وصافي
فاتي: وايلي اخالتي المغرب عامر شراوط تا نتي ..تخرج تشري اللي بغات
شيماء: ااه فكرتيني..خاصني نصرف الفلوس
طار خوها الكبيرقاليها اري نمشي نصرف ليك شحال ربعالاف؟؟
قالت ليه لا خصني نصرفالدولار
جمع ديك اليد حك بيها راسو قاليها اااه الدولار
تم داخل جلولقاهم كلهم تما فالدار وهز يديه قاليهم خرجو عليا من داري هاناري ياك تغاديتو؟؟ مالكم اش جاكم ليوم مابغيتوش تخرجو ليا من الدار
شاف شيماء نايضة هزات الصاك قاليها فين ابنيتي غادية
قالت ليه نمشي نصرف ونجي
حل الجيبقاليها اري نصرف ليك
قالت ليه لا غنصرف الدولار ابا
هز يدو لخوها لكبير قاليه تبع ختك لا يكريسيوها راه هازة الدامار في يديها تحرك الله يتبعك البلا ..سير تا تا تبعو ناشر ليها خراك هنايا نوض تكعد
خرجات مع راس الدرب شادة في فاتي وهازة صاكها ووراها جوج خوتها اللي مشرط كي الخريطة واللي واشم كي دفتر الدكرايات غاديين كيتمالو.دازو من راس الدرب وطاحت ليهم فالودن
الناس ديال دوباااي الاماراتش
ضار ليه خوها الكبير فمو مردوم وسنانو مخززين وادفال كيطشطش شدو من وسط الدراري قاليه عااود اش قلتشييي …الامراتش
مد يدو لشيماء اللي خرجو عينها تخلعات قاليها ارييتشي داك تيليفون لهنا
عطاتو ليه بلا مترر شدو قاليها حللي ديري اليوتوب جبدي خدمشك نوريها ليه
جبدات ليه الفيديو كتفتف شدو خشاه ليه فعينو قاليه شتيها…بحال خشك اللي عنداك مطار فط٠٠٠٠ يا ولد ل٠٠٠٠ … شوفو تشا نتشوما
ذور الفيديو عليهم كاملين ودفع داك الشمكار قاليهوا دور ت٠٠٠٠د دابا قبل مانرفع. ٠٠٠٠ بوك
لاحو وزاد قاليها شدي تيليفونك
شداتو مشات وبقا التاني كيشوف فدراري قاليه شووف فياا..غنجي نفركع مك ..ولاد ب٠٠٠٠
مشات كترعد ركباتمع فاتي فالكاط كاط كحلة كتشعل وركب معاها الكبير يوحدو والصغير رجع لراس الدرب
مشات صرفات الدولار وخرجات من المصرف لقاتو واقف قالت ليه رضوان خويا صافي غير رجع للدار تا نجي غنمشي نتقدا شي حاجة
عطاتو خمسية درهم جديدة بقا غير كيشوف فيها وحرك ليها راسو بالايجاب تا الهضرة ماهضرش وضار مع الدورة مشا
حطات فاتي يدها على قلبها قالت ليها نااري ياختي كان غيسكت ليا القلب..مالكي على خمسية كلها نقصي شوية غا عشرين درهم خمسين درهم وكاع الى طرتي ميتين درهم ماضسريهمش غتوحلي معاهم هاني قلت ليك .. غيضرب الدورة ويجي يمرضك باش تعطيه وا زيري السمطة
شيماء: ماعرفت ما نعطيه ..خليه صافي هاهوا مشا..انا براسي خلعني ياختي !! ماخليتوش بحال هاكا كان شوية ناقص على هاكا دابا راه مايمكنش!! خلعني
فاتي: وا المهم زيري السمطة راه منو تلاتة غايمرضوك ..الى ساق باك الخبار عطيتيه خمس مي درهم يحيد سروال ..كن جيتي عليا كن مشيتي شديتي شي اوتيل ..تخافي ينوض شي واحد بالليل يكشطك يدي لك تيليفون ويخليك
شيماء: خلي هاد الليلة هاد دوز وغدا نخرج من الدار .
فاتي..انا راه خليت ولا دي مع ماما غيخمقوها ..تا انا شرطت عليها قلت ليها الى بغيتي تعيشي معايا اجي بوحدك وخلي داك الجلاخة فالدار بوحدو ..بلاتي نعيط نشوف اش كيديرو
هزات تيليفون عيطات كتسول
الو مام.. شكايدير جاد وسيف الدين؟…وماتقايلييهمش غتحمقوني واكرام شكادير …واش انا كنخلصها باش دوش وتخليهم كيتكرططو بوحدهم..فرعي عليها الباب تخرج ولا تمشي ت٠٠٠ عليا
قطعات و قالت ليها ها اللي قلنا..
شيماء: ناري باقا نتي هي نتي..
فاتي:ااويييلي والله تجلسي غا نهار يحمقوك بو ث٠٠٠وة صعيب اصاحبتي .ميات بنت ولا قندوح
شيماء: انس. مكيعاونكش!!
فاتي: ااش عندو مايعاون تا نتي تا تطلقو ديك بنت مامي بابي بعدا ..كيجي يجلس نهار كيهرب
شيما: دابا صافي عرفاتو مزوج بالسر!!
فاتي: واش كاين شي سر كيبقا!! انا ..يجيب ليا غا مناكل ويعطيني الفلوس والله يجعلو مايجيش كاع يبقا معاها ..تانتي داكشي كيطلع فالراس ..قالي شحال هادي جلسي مانعاوديش تخرجي انا غنصرف عليك ..قلت واخا ..وشحال اختي قدني نيقا عشيقة !! تزوج وكمدتها !! قلت ليه يا غتزوج بيا يا سير بعد مني خليني نضبر على راسي ..عاد جمع النوضة وتكاد معايا … مو عيات طير باش تبعدو عليا لا هي لا مرتو ..طارت تا عيات ماخلاتشمن جهدها ..يقات عليه متشي مستوى ماشي زمر وانا نضربها ليها فوجهها قلت ليها غنديه هي غنديه واشقيراسك مع احيط وانا عرفتو قبب من مرتو ودابا ضربي الدورة
شيماء: يازيد تزوج تاهوا؟؟
فاتي: لاالا ماتزوجش..كان قالي انس خطب شي وحدة ودارو خطوية رسمية وفرتكوها ..فاش عيطت لانس قلت ليه انمشي نجيب شيما ء من المطار راه كان هوا وياه غيكون قالها ليه
سكتات شيماء وتبدل اللون فوجهها حتى بان عليها.. ركبات مع فطوم فالرانج روفر وذارت السمطة وقالت ليها بالصحة طموبيل عاد خرجتيها؟
فطوم: شهر دابا باش خرجها ليا..تاخرجت فمو الزبيب عاد باش بدلها ليا
شيماء: وازعما عندو فاش جاتو هادي!! عندي بحالها حمرا لهيه فدبي
فطوم: اختي الحديد شي حاجة..الركبة فالرانج هي الركبة فالداسيا ..
شيماء: وفين نتي عمرك كانت عندك شي داسيا من الاول جاب ليك طموبيل زوينة
فاتي. لا واخا اصاحبتي ..الرانج هي الرانج حيدي عليا شي لاخر
شيماء: عاوتاني كل واحد ودوقو اما كتعجبني ميرسيديس كنحماق عليها
فاتي: علاش ماشريتيش ميرسيديس؟
شيماء : كنت عوالة نشريها وجات واحد لوفر ديال الرانج على حساب الخدمة داروها لثلاتة دالناس منا فاش ترسمت وحيدو لينا النص خلصنا غير النص..اما انا كنت عوالة نشري ميرسيديس..وتا دابا خاصني نكري شي وحدة نتحرك بيها وفبالي ميرسيديس..كتعرفي شي واحد كيكري طموبيلات زوينين اوطوماتيك!! منعرفش نسوق انا من غير الاطومانيك
فاتي.وايلي طلبتي عا الموجود ..
داتها غادية فالطريق طالقة الخليجي وضحكات قالت ليها
انس يسمعني طالقة الخليجي يحيد عليا حوايجو ..مكيحممملش نطلق الخليجي ديما حلقو خارج ..
مشات كضحك هي وشيماء داتها لدار كراء السيارات ودخلو كيشوفو ويهضرو وختارت احسن وحدة فيهم ميرسيديس مجبدة رمادية كتلمع اخر طراز ومجهزة من الداخل باقا جديدة وخرجاتها تبعات بيها فاتي حتى لراس الدرب وكلشي خرج راسو كيشوف شكون ديك الرانج الكحلة اللي داخلة وديك المرسيديس حتى وقفو قدام الباب وحدة ورا وحدة ونزلات هازة صيكان والتقدية فيديها سدات الباب ..جا جلول من القهوة كيجري وخرجات زبيدة وبناتها كلهم وولادهم ..مع وصل جلول نزل على واحد البرهوش قاليه
حيد غتوسخ طموبيل تريييكة كي دايرة…شوفو هااااه واللللله وماجمعتو عليا ولادكم غا لاما رمايت ليكم شطايطكم فالزنقة!!! اتوما شمازالين كديرو عندي هاااناري!!! واش ماعدكم ديور ماعدكم رجااال
زبيدة: زيدي بنيتي زيدي ..ربيعة اجي هزي على ختك زيدي
دخلات هي وفطوم للدار وبقا جلول كيدور على طموبيلات تا تم جتي ولدو الصغير موا خمسة وعشرين عام شاف الحديد على برا وقاليه تشبااااااارك الله
جلول..حضي طموبيل بقاهنا متحركش نمشي عانشوف اش جايبة والله وتجرحات لابتي عدي في الدار
الروينة نايضة فالدار اما واحد ختها معلقة فالسرجم كتهضر فتيليفون وتشوف وراها واش كيسمعها شي حد
الراجل: واش تي ماعدك دار ها ي هي عنمشي نهار ونجي
سيمانة وتشي تما
ردت:وعاصبر صبر شوية تا مالك خليني باركة مع مي وخوتي دايا نجي
الراجل: وهاد مك هادي مقابتش ليك سيري بداوك براكة ماعياتش منك!! وبزااف احسنا يا غتجي يا نجي
حسنا: وتا عاصبر مالك بغيتي تجي اجي اصلا لخير موجوود
الراجل: وانوا عادي ذابا لعشية نضرب لعندكم
شافت وراها قالت ليه: صافي واخا جي جي تشوف ختي اللي كانت هاربة علينا ..كيي ولااات
قطعات ونزلات فوق السداري وولدها كيجرها تعطيك تيليفون وهي متحمسة ومشطونة نترات ليه يدو نزلات بالزربة قالت ليه
بعد مني يد عليا وااهياااا ناري
خرجات لقات ربيعة هازة بلاطو دالخلوة ليموني مشكل من اللي جابت شيماء من برا وهارها فالسما والبر كلشي باغي يزيد وكلشي كيمضغ
ربيعة: ختشفوووو يحرق ديلمكم قطعتو ليا البيجامة…كليييتو تاكلو فيه السم
شدات شيماء جبهتها وفاتي كضحك
شيماء: الوحدة. الليل دابا واقولي ليهم ينعسو
فاتي: ومزال تشوفي ولادي تشرفي لوعورية كي دايرة هادو بعدا تغوتي يهربو ولا ي انا كيتسنطحو يمرضووك..
شيماء:عنداك يغوت عليك انس على تعطال
فاتي: لا عارفني معاك قلت ليه دايرين حفلة غنتعطل قالي صافي ..مايدويش ليا عليك بلعكس عزيزة عليه ديما كيسولني عليك
شيما: نوضي سيري ما ديريش راسك المشاكل انا الصباح نجي عندك ..باقا اصاحبتي تابعاك الطريق تا للرباط
هزات فاتي كتافها قالت ليها ساعة هانا تما
شيماء: وانوضي راه ماتوصلي تا لجوج
تنهدات فاتي ماسخاتش بيها وخرجات ركبات مشات وبقات شيماء شادة راسها ..شدات واحد السداري بحالها بحال البنات والبز كولشي فالارض وحطات صاكها قدامها بينها وبين الحيط عنقاتو ونعسات.
الصباح حسات بواحد النتفة تقول شي حد جلس ليها على راسها وناضت مخلوعة لقات وبد ختها جالس عند راسها كيجيد من الصاك وشاد تيليفون تا بلوكا ليه الرقم وهي تنوض حيداتو ليه قالت ليه
ارا حنيني ارا ارا..شداك لهادشي
جمعات مسارن صاكها رداتهم وناضت كتجمع شعرها والهراج فالدار لقات راسها بوحدها اللي باقا ناعسة والكوكوت كتسفر وريحة المرقة عاطية وباب الدار مقابل معاها نيشان محلول مفرع والداخل والخارج .بالزربة جمعات النوضة دايخة هزات لاتخوس ومشات بغات دخل طواليط لقات النوبة عليها ..دارت بناقص ومشات غسلات وجهها فلكوزينة ومها كتحط ليها الفطور
مسحات وجهها بفوطتها وقالت ليها بلاش اماما غنخرج عندي مانقضي
ردات مها الصينية قالت ليها كولي ليك عا لقيمة بعدا
شيماء: غنتعطل دابا نرجع
مشات بالزربة لبسات واحد الكسوة خفيفة فوق الركبة بالفراقر والدونتيل وصندالة ديال ديور ودارت ليكخون وزربات على راسها دغيا باش تخرج من دتك الصدع .
كاع خواتاتها بقاو كيشوفو فيها من راسها لرجليها وهما لابسين بيجامات وفواطات
مشات عند مها كمشات ليها واحد عشرين الف قالت ليها قضي بهادي على بيدمن نصرف..صرفي بيها
زبيدة: الله يعطيك الخير ابنيتي
زبيدة شدات عشرين الف ماعرفات منين تبداها عمرها فحياتها فاتت الفين ريال حتى فالزورة دولادها
خرجات شيما مع الباب وهي تفاجأ لقاتهم مغطيين طموبيل كلها بليزار وماويين عليها كوردة باش مايطيرش..
بقات غير كتشوف تا شافها خوها واقفة فراسها الدرب وجا كيطير عندها بقا كيشوف فيها بنص عين وفشنر لابسة وحيد ليها داكشي على الطموبيل عاد ركبات ديمارات اما خوها الكبير من لبارح ماشافتوه وحتى تسوال ماسولوش عليه .
يالاه جات دور مع الحومة كتهبط الزاج و دايرة نضار تبعها جلول كيطير وقفها ووقف حدا الزاجة قاليها اتي فين غادا على الصباح؟
جرات الصاك كمشات ليه واحد العشرين فيدو قالت ليه غنقضي شي غرض ونرجع ..قضي بهادي تا نصرف
خشاهت فالجيب وراسو كيمشي ويجي قاليها اييه واخا ..الله يرضي علك
زادت مع الطريق مشات نيشان شادة الطريق للرباط وقلبها كيضرب فكل مرة كنقرب دخل للمدينة وهي كتمنضر كيزيد ثلبها يضرب وي ها كترجف حتى فشلات وقفات فالدخلة شرات قرعة دالماء من الحانوت ورجعات كملات الطريق .تاصلات بفاتي رسلات ليها العنوان ومشات نيشان منبعة جيبي اس حتى لقات راسها قدام وتحد الفيلا عصرية رمادية بين الفيلات وعيطات ليها نزلات ديك الساعة حلات ليها الباب بنفسها وهي لابسة واحد البيجامة فوق الركبة بالخيوط استقبلاتها بالبوس والعناق ودخلات طلعات مع الدريجات داخلة للفيلا..يالاه حطات رجلها فالباب سمعات بشااخ !! الزاج تهرس
ضارت فاتي ديك الساعة طلقات واحد الغوتة
سسسسييييف الدااااين هانا جايا ليك
ضارت نقصات من الصوت كضحك وترحب بيها ودخلاتها جلسات فكنبي والتفلفازة كبيرة مشعولة بالرسوم وطموبيل قدها قداش وسط الفيلا دولادها والالعاب مشتتين
قالت وهي كتجر الطبلة قدام شيماء
فاتييحا ..حيدي عليا ديك الطموبيل من هنا خرجها الجردة
تلفتات شيماء يمين يسار قالت ليها قين الدراري بغيت نشوفهم
فاتي
جاااااااد …سيف الدييين اجي سلم عل طاطاك
تمو جايين واحد ورا واحد تقادة وحدة حادرين الراس واحد حفيان واحد لابس فردة .فرحات بيهم وعنقاتهم كتهضر معاهم وهما ساكتين وفاتي كدور راسها
اممم حشمانين..
ماهي الا تواني دخل انس بقميجة زرقا وسروال رمادي باين عليه برجوازي من البعيد والسوارت فيديه ..تبسم وناضت شيماء كضحك تسالمو من الوجه وقاليها
نهار كبير ..زارتنا البراكة ..وا غبورات هادي
ضحكات وجلسات كتنهد قالت ليه غير الدنيا وصافي
جلس على واحد الكرسي كيهضر ويرتاح وناضت فاتي لداك لغدا اللي كيوجد على شرف شيماء.. ناضو الدراري شافو باهم وهما يضسرو بداو فجر ليا نجر ليك تا عصبو انس وهوا يغوت
قاليه ريييح لارض …فطووومة اجي ليه
ودات عليه من لكوزينة
ااعطيييي لمو مابغاش يرصا
انس: عطيه ديالو ..عطيييه ..جلس نتا هنا ..مالك مكتسمعش مالك اصاحبي
حل الصغير فمو فالسما كيبكي ويغوت وهي تجي فاتي هازة البلاطو قالت ليه ماضربوووش
انس: ماقصتووش!!
هزاتو على جنبها داتو معاها ولاخر تابعها للكوزينة هاز كار فيدو
تنهد انس شاف فشيماء وهز يدو كيضحك قاليها ايوا شخبارك اش كتعاودي كي غادية مع العمل
يالاه جات تقوليه صافا بيخير رجع البكاي هاز فيدو طاسة دشكلاط كيلحس وجا تا لعند انس وشد ليه فسروالو وهوا يتعصب
انس:علاااش تعطي لهادا الشكلااااط علاااش هااا دا شخطوون علاش عطيتيه شو كي ردنا
ناضت كيسوط ويمسح وطلع لفوق وهي تم جايا فاتي كتجري حيدات ليه القرعة ومتمسح وتنكر
علااش هزيتيها اويييلي غتسطسوني
سيف الدين: ميمة عطاتها ليا
فاتي: هاويييلي على هاد مي تا هي
حطات الخدامة سلاد طويلة قد الطبلة كلها فواكه بحر من اشهى الاصناف مشكلة وجات فاتي حطات طباسل والفراشط عاد جات مها..تباارك الله كي دايرة بالصحة والغلغول مدلي لابسةكندورة خفيفة وراسها معري كيتبرد ..ناضت شيماء كتسلم وقالت ليها فاتي
هادي هي صاحبتي شيماء اماما
جلسات ميلودة ضحكات معاها قالت ليها مرحبا بيك ابنيتي
شيماء: شكرا اخالتي
جمعات فاتي رجليها للجنب كتقاد الكيسان وتستف وجرات ولدها حداها وقالت
فتيحة ..جيبي ليهم الكراسة ديالهم
مشات فتيحة جابت ليهم كراسا صغار ملونين على قياس الطبلة وجلساتهم فاتي مباعدين كل واحد فجهة من الدباز وحطات ليهم فطباسلهم وعطاتهم الفراشط وقالت
يالاه. كل واحد يديها فطبسيلو
الصغير: ماما بثلة
هزات فاتي راسها لفتيحة
سيري اختي جيبي ليه البصلة..قالو للعروبي اشهى اكلة عندك قالهم الخبز بالبصلة.. هي ديال هادا
نزل انس لابس بيجامة جلس حدا ولدو الصغير وقال
ماتشدش فيا اولدي هاك ..مسح فسيغفييت.
الصغير: بثلاااا
انس: عطيه البصلة
فاتي: مشات تجيبها فتيحة
انس: هايا جايباها يالاه كول
الصمت والهدنة لفترة من الزمن عاد قدرو يهضرو ويتناقشو شوية وفاتي كالعادة زي الاطرش في الزفة نص كتفهمو والنص مكتفهموش ومفاهماش حتى الموضوع مع العلم كانو كيهضرو غير على طبيعة عمل شيماء.
تحط طبسيل الغدا الرئيسي البسطيلة شهوة منها وهز انس عينو شاف في فاتي قاليها نتي زعما صاوبتي هاد البسطيلة ؟
كمشات فمها شافت فيه بنص عين وقالت
عزيز عليك تحكار
ميلودة:صاوبات النبك..واه دوميندات عليها كي عادتها
قلبات فاتي وجهها كتنفخ شافت فشيماء قالت ليها البسطيلة واحدة شهوة منها محطوطة باش تكال هما كيسولو على شكون مصاوبها وهانتي تشوفي
بدات شيماء كضحك وكملو الغدا وناضت فاتي سيفطات ولادها مع المربية اللي كتعاونها تنعسهم عاد انفاردات هي وشيماء على بلاطو داللوز وبراد داتاي كيتعاودو لعشية كلها وبغات شيماء تمشي وناضت فاتي قالت
جيتي مع لانيف ديال جاد نيشان غدا عنداك ماتجيش
شيماء:بصحح!!! ايوا صافي غدا غنجي دابا غنمشي نهز باليزتي نمشي لوتيل وندوش ونرتاح راك عارفة
فاتي: وايييه راني عارفة ماسخيتش بيك ياختي
خرجات معاها لبرا قالت ليها سلمي على انس
فاتي: انس كيحساب ليه غتبقاي تعشاي مشا ضربها بنعسة حدا ولادو
شيماء: خليه يرتاح تا هوا راه عيا .يالاه بسلامة عليك
رجعات للدار البيضاء ومشات تيك تاك تيك تاك لواحد المخبزة كبيرة ووقفات كتشوف شنو عندهم .. خدات من كل نوع طرف لا من لحلو ولا المالح اشهى الاحلويات والمملحات اللي هي براسها عمرها جرباتهم فبلادها
هزو ليها دوك لكريطنات مغلفين بالسنيتات واللوكو ديال المخبزة وحطوهم ليها فالطموبيل وركبات كتعنتت غير بوحدها مشات لداهم لقاتهم كيتسناوها فالباب..مع دخلات من الدرب مشاو البراهش كيتسابقو ويدردكو للدار ..شيماء جاات شيماء جاتت هاا خالتي شيماء جات
خرجو تعرضوها ليها كلهم ها اللي حفيان ها اللي كان ناعس وفاق..اما رضوان عاد بان من ديك الخمسمية وهوا غابر..ناض من وسط لرباعة ديال الدراري حدا مول ديطاي وتبع طوموبيل كيجري على البراهش من الطريق ووقف وراها كيوريها كي دير تبلاصي وفين تكحز وكيدور بيها وهي اصلا كتشوف فالشاشة وتبلاصي راسها وطموبيل كتسنين بوحدها وهوا عند بالو صافي بلاصاها وحل ليها الباب قاليها صاافي هوكا مزيان
نزلات ورحع اللور كيشوف اش لابسة وبقا غير كنحزز ماهضر ما نطق ..قالت ليه هز دوك لي كانيط دو كاطو من الطموبيل ارضوان
بقا كيدور فيلاصتو قاليها شناهما هادو
تم جاي جلول تاني من القهوة دالقمارة اللي مقابلة مع راس الدرب كيجري ويدي فجنبو حدا صدرو وكيتهرهز فالمشية ويجر الصندالة والغبار وراه قاليه. اش ا دير في طموبيل
خرج رضوان راسو قاليه نهزو لكراطن اصاح تا مالك حتط عنا مسينا عالله
سكت جلول عطاه تيقار وضار لوحدة فبانتو اللي كانت كطل وصدرها مدلي قاليها تي دخلي ستري راسك السلكوطة
هربو كلهم دخلو ودخلات هازة صاكها مشات نيشان للباليزة خلاتهم كيتختطفو عليها ..طلات عليها لقاتها مسدودة بالكود ماقربهت حتى واحد وتمات خارجة جاراها وهوا ينوض جلول تنفض قاليها اااتي فين غااادا؟؟
قالت ليه مغادا فين غنمشي غير للرباط واحد تلت ايام ونرجع عندي شي وراق تما خصني نقادهم ..
قاليها : دي ختك معاك سيري تكعدي جمعي شطايطك تمشي
طارت ختها كتجري قبل ميمكمل الهضرة وقالت ليه لا بلاش ماعندي كي ندير مغاديش نجلس فالدار غنجلس فاوتيل ولوتيل اللي شديت مانعين فيه كتر من واحد
حات معاها كتجري قالت ليها هاويلي فين غاادا
شيماء:هانا غنجي غنمشي غير رباط نقاد شي وراق ونرجع صافي..غادي نرجع
جبدات الفلوس مطويين عطاتهم لجلول كمش عليهم وبقا رضوان كيشوف فيه ماكرهش يضربو على ديك الفلوس اللي خدا قدام عينيه
خرجات شيماء ومها كدعي معاها وهازة يديها فالسما اما جلول ضار لديك الفرقة اللي عندو هز يديه فالسما كيغوت و ويترعد عليهم قاليهم
صاافي طحجتوها ..عجحتوهاااا. خااارجو عليااااا يالاه خرجوووو عليا
هي خارجة وراجل ختها حسنا داخل كيفرنس بقا مصدوم فديك الكسوة المفرفرة اللي فوق الركبة وهي دايزة ماعرفاتو ختى شكون وجا مع السبان والمعيور ديال جلول اللي هز حوايج بناتو حطهم فالباب كيغوت وكشاكشو خارجين .اما شيماء طلعات بالزربة ديمارات خلاتهم مقاتلين وزادت مع الطريق
مشات لاوتيل زوين فالمستوى خدات سويت كبير وحطات الباليزة فالقنت وحدات صندالتها وتلاحت على الناموسية تنشرات. وقالت
الااااه
تنفسات وشنات الريحة الزوين والعطور المنعشة فداك البيت المفجج وناضت طلات على الحمام تشوق كي داير وتبسمات من شكله المريح ومشات حلات باليزتها جبدات اغراضها ودخلات فالبانيو عامر رغوة و جمعات شعرها فالاعلى كترتاح وتسنط لعضامها حتى داها النعاس.
حلات عيينيها بتتقال شافت يازيد قدامها بنفس الشكل اللي شافتو يوم الاغتصاب وكيهبط يجسدو عليها مع نفس النضرات القاصية ..
قفزات بالماء اللي فيه غوتات وهزات يديها فالهوا مخلوعة حتلة عينيها وناضت كتشوف فجنابها بالخلعة حسابها بصح وفاش لقات راسها حلمات ولا ماعرفت. تخايل ليها عاد رجعات ببلاصتها وتاحت ودوشات ومشات نعسات بالفوطة على راسها .
صبحات فصالون لاوتيل جالسة كتقاد ادافرهت الاصليين بعيدا على الاذافر المركبة وعقدتها منهم .
صاوبو ليها شعرها بتموجات عبى طولو وصاوبات رجليها ومشات تشري لكاد دعيد ميلاد و رجعات بحالها جبدات حوايجها القلال الليي تلبس..صونات ليها فاتي كتسول فين وصلات وتأكد عليها متعطلش وسربات راسها لبسات كسوة طويلة موردة بطبقات فضفاضة بالخيوط عراض على الكتاف والصدر بحال القلب ورائعة وجميلة وصندالة ارمي وحطات مكياج اقل من خفيف والنقاوة كتفوح منها وخرجات حاطة نضاراتها واكسسوارتها الخفيفة فيدها وهطرها الفتان ركبات فسيارتها وشدات الطريق طالقة الموسيقى مجهدة حتى وصلات للفيلا سمعات الاهازيج من الباب ..استقبلاتها فاتي فواحد الكسوة بيضا مقزبة وصندالة بلا والشعر مطلوق مصاوب والمكياج والدفار قدهم قداش كتشالي وفرحانة .مدات ليها شيماء الكادو ومشات معاها للحديقة فين كان البوفي كبير ديل الحلويات مشكلة حدا اابيسين والكنبات والطبالي والكلون سباير مان وباطمان كينقزو والديدجي كيبدل الموسيقى ..كانو معاهم مجموعة ديال الاطفال صغار وبعض الامهات قلال وانس كيقاد النفاخات حاصل مع ولادو فواحد الشورط ديال السورقيت وتيشورط كحلة .
جلسات شيماء بعيدة على دوك الامهات جنب المسح مع فاتي اللي قالت
علاش ماجبتيش معاك خالتي زبيدة
شيماء: ماجاتنيش فبالي وصافي.ومزال خصني نخرجها ونشري ليها ونتهلا فيها شوية راكي عارفة الحالة ضعيفة
فاتي: مك وباك اه ولاكن خوتك ماضسريهمش
شيماء: شوفي كن مكانوش عندي الفلوس ولا مخصوصة ااه ..ولاكن انا الحمد لله الخير موجود والفلوس كاينة كنقول كن ما الشوق والجوع كاع ماتكون فيهم ديك اللهفة..خليهم يعيشو براكة من الميزيرية والفقر فاش عايشين ..كانت كتهضر حتى بان ليها شي واحد جاي من لداخل دلفيلا للحديقة الخلفية فين جاليسين لابس شورط ديال الدجين وتيشورط بيضاء ويدو فالجيب وفيدو الخرى كارطونة مزوقة كبيرة باليد ..ديك المشية ما غريباش عليها !!
كان كيبان من لبعيد لداخل حتى خرج عندهم مع الدريجات وهي تقول ليها فاتي ووجهها مخطوف تقول هي اللي معنية بالامر
..احممم..شيماء..يازيد جا !!!
دورات شيماء وجهها ديك الساعة عطاتو بالضهر وقلبات شعرها على كتافها للجنب قالت ليها لااا متقوليهاااش..
شدات ليها فاتي فيدها قالت ليها : صافي دابا كبرتو وكلشي تبدل ..تصرفي عادي بلا متبيني حتى حاجة
زيرات عليها شيماء قالت ليها عاد حلمت بيه لبارح ياختيييي!!..
فطوم: وصافي دازت خمس سنين اويلي اللي مات مات والاي حيا حيا الوقت كينسي..
شيماء: راني نسيييت اصاحبتي فير حشمت نقابلو ماحسابنيش غادي يجي
فاتي: كيجي ديما يشوف الدراري ..
شيماء:لا عاادي ولاكن قلبي طاح ياختي..حسيت بقلبي ضرني فاش قلتي لي هوا ..تزيرت دابا
هزات كاس دالماء شرباتو ورتاحت هزات تيليفون كتشوف فيه باش تلف ومادورش ، سمعاتهم جايين كيهضرو جيهتها والدرادي كينقزو وانس كيقول
تا تشوف ليه كرشو مالو كيشكي بيها
تلفتات بنص عين وهوا حداها ضرب الكبير لمؤخرتو قاليه
خاصك تنقص من الطاكوس…واش سمعتي..نقص من الطاكوس اصاحبي
وقفات فاتي سلمات عليه بالوجه كضحك قالت ليه مكاين اللي خرج عليه قد داك الطاموس وماكدو
خل بين دائرة الفطويات وماجاتش شيماء تبقا مهبطة راسها وضارت بابتسامة خفيفة هزات راسها شافت فيه وتلفت شاف فيها حسات بيه كلا دقة فوجهه وبانت على عينيه تفاجأ وبقا كيشوف فيها عاد تبسم قاليها اهلاااان اهلاااان اهلااان
ناضت كضحك مدات ليه يدها وكلات دقة فالقلب مع ديك المصافحة وسلمات عليه من لابيز قالت ليه يازيد صافا ؟؟؟
سلم عليها شاد ليها فيدها وجلس مقابل معاها قاليها صافا الحمد ونتي ؟ صافا
تبسمات بخجل ووجهها حمر ردات الشعر ورا ودنها وجلسات بانوثة قالت ليه صافا الحمد الله
حرك يدو كيدور راسو ويشوف فيها ويطلع ويهبط قاليها شهاد الغيبة؟؟
ضحكات كتشوف بنص عين وتنهد قالت ليه غير الخدمة وصاافيي
تكا على ضهرو نشر يديه ودار رجل بسبرديلتو على فخدو كيشوف فيها وهي كتشوف فتليفون حشمانة وقاليها وقايلا من نهار مشيتي لفرنسا معاودتي رجعتي؟
ودت بالنفي قالت ليه اه اول عام غنجي من من بعد ما مشيت
دار قدامو جاد كياكل هاز اللعبة اللي جاب ليه وشاف فيه يازيد متبعو بعينو وضربو برجلو وهوا دايز قاليه براكة من السقاطة..
انس:مكيبغيش يشرب الدواء دك ليه الابرى
شد جاد فمؤخرته قاليه لالا عمر يازيد غناكل دوا
قاليه يازيد نقص من الطاكوس اما الدوا ماعندو مايدير ليك ونتا كل نهار الطاكوس..واخا تاكل الطبيب عمرك تبرا
ضحكات شيماء وبتحت الشعر ورا ودنيها كتنهد بوحدها وتشوف فيه بنص عين..شنو اللي تغير شنو الجديد؟؟ كما خلاتو باقي داد غير فالزين والصحة بحال اللي ماعندو هم ما عندو مشاكل ماعندو فاش يخمم .تلفت شاف فيها بحال اللجنة كيفليها قاليها حتى لفين وصلتي فقرايتك؟
قالت ليه بابتسامة : الماستر ..ماكرهتش نكمل الدكتورة فديك الوقت مي عييت بغيت نرتاح ..عاد دفعت هاد العام للدكتورة
يازيد: باقا ففرنسا نيت ولا بدلتي ؟
ودت بالنفي قالت ليه :لالا من مور ما ساليت مشيت لامرات خدمت تما
بقا كيشوف فيها مصغر عينيه قاليها الامرات؟!
حركت راسها باحراج قالت ليه اه خدامة قالضومين ديالي !!
دورات فطوم عينيها هاكا وهاكا فهمات اش كيدور بيناتهم وناضت قالت ليه عمرك شفتيها؟!!! دارت فالناسيونال شحال من مرة وفالاخبار !!
جبدات ليه الفيديو وناضت حتى لعندو قالت ليه هانتا هاهي غير ماشفتيهاش
وراتو الفيديوات شادة ليه تيليفون وهوا كيسوف بعينيه وحرك راسو بالايجاب قاليها مزيان الامارات مطلوبة فيها الهندسة الميكانيكية للطائرات
تبسمات وقالت ليه خدامين دابا على الطائرات الخاصة الصغيرة هما اللي مطلوبين بتصاميم جديدة .
قاليها : لالا مزيان راه ضومين زوين بون كوعاج
تنهدات وناضت من حداه قالت ليه امين ودازت حدا رجليه مابغاتش تبقا جالسة حداه تحت الضغط ومشات كتسوط بعدات عليه ووقفات مع الدراري الصغار كتصور داك الكلون وكل شوية دور تشوف فيه حتى لواحد اللحضة تلفت وراه كيقلب بعينيه حتى شافها وهي دور وجهها قبل مايحصلها وماعوداتش ضارت جيهتو حتى تقطع الكيك وطفا الشمع واضطرت تجلس فديك البلاصة الخاصة ديالهم بعيد على امهات الاولاد صحاب جاد
خدات طبسيل دالحلوة كتاكل وجلس حداها فاتي كتنفخ بالعيا قالت ليها تهدييت..النعاس جاني ..ودايرة واحد الزبلة
شيماء: اش درتي؟؟
فحطات فاتي يدها على كرشها قالت ليها غير سكتي راني حاملة يا صاحبتي..عاد جابت ليا الفرملية تحاليل لقيتهم بوزيتف
بثات شيماء غير كتشوف فيها فرحات ليها وقالت
ايوا مبرووك..
فاتي: اش مبرووك زيدك تا نتي على انس ..قلتها ليه عاد دابا ضحك تا لودنيه قالي يا ربي شي بنيتة
شيماء:مسكييين بغا بنيتة
فاتي: المهم اختي العام جاي فاش تجي اجي عندي نيشان سبيطار لحماق مغتلقاينيش هنا .. اللولب ديال النم تفوو ها اللولب..غنرجع عند ديك الطبيبة نخشي ليها دو لواليب فكرها ..انا اختي مايصلاح ليا لا لولب لا خرا انا خصني سلوكا معند دروكري ويديرهم ليا بلومبي اما اللولب ولا نمي داكشي مامسلكش معايا
طاحت عليها شيماء بالضحك وطرطقات فاتي تاهي بالضحك تا خرجات ليها لخنونة من نيفها شداتها بيدها ودادت كملات على شيماء بالضحك تا كانت غتعواج وتقلبات ورا ضهرها قاطعة الحس ومخبية كتموت بالضحك . مسحات فاتي نيفها قالت ليها مشافني حد..ايوا الحمد لله
لاحت داك كلينيسكس فالسلة ورجعات كتفكر الخنونة وضحك هي ويشماء ختى ذمعو عينيهم ويازيد كيشوف فيهم. اما انس الشورط هبطوه ليه ولادو بالجران كل واحد اش بغا وضار كعيط على فطومة ناضت مشات عندو وبقات البلاصة خاوية..ناض يازيد من بلاصتو اللي مقابلة معاها جلس حداها ونشر يدو وراها وهز رجلو وجبد تيليفون وهي كتاكل الحلوة فهدوء حتى سلاط عليها وقفها ليها قاليها
مابقاتش عندك النمرة القديمة بدلتيها؟
بلعات اللقمة وقالت ليه كتحرك راسها بالايجاب
انا نمرة؟
يازيد : ديك النمرة دشحال هادي
شيماء: ااه لالا مشاااات
حل تيليفون قاليها عطيني نمرتك
بدا بصفر ستة وهي كتشوف واش تعطيه النمرة وعلاش اصلا بغاها؟!! بقات كتشوف فتيليفون مطولا قالت ليه علاش بغيتيها؟
شاف فيها قاليها ماتعرف نبغيو شي طيارة نحتاجوك ديرينا لينا شي تصميم
مالقات ماتقول ماصلاح ليها حتى ترفض ليه فوجهه وتبان مقروصة وبينات ليه باللي نسات كلشي مابقات عاقلة على حتى شي حاجة وعطاتها ليه سجلها ورجع قال
وقتاش غترجعي؟
شيماء: عندي شهر مزال شوية الوقت
يازيد.: اوووك مزيان
حطات الطبسيل وناضت هربات من حداه مشات كتلف مع ولاد فاتي ومابغاتش تزيد تجلس اكثر غير حيت كاين هوا زعما ومشات عند فاتي عنقاتها قالت ليها غادي نمشي احبيبة
فاتي: ويييلي جلسي نتعشاو كاملين اصاحبتي!! مالك شنو تابعك
شيماء: اوييلي على شنو تابعني..من نيتك ياختي ! واه تابعني العجب المتعجب ..حتى حاجة مامقادة وكولشي خصو يتقاد وماعنديش الوقت بزاف والى مشيت مغنرجع حتى لعام الجاي..خصني ضاروري نريكل المسائل كلها باش نمشي مرتاحة ومهنية فدماغي
فاتي: وكن جبتي حوايجك وجيتي جلستي معايا
شيماء: محتاجة نجلس بوحدي والله..محتاجة بزااااف نرتب افكاري ومشاعري ونعرف راسي شنو باغيا ..فهاد الوقت بالدات محتاجة نبقا اطول قترة بوحدي واه عطا الله ما ناقش ونحلل مع نفسي
فاتي:وا الله يدير ليك اللي فيها الخير احبيبة عيطي ليا نعاونك عمداااك ماتعيطيش
شدات فانس وهوا دايز قالت ليها ضاروري
سلمات عليه قالت ليه لعقبة لميات سنة ان شاء الله ا انس
قاليها صافي؟!!! وايلي ماتقوليش ليا غادا
شاف فطومة معجب كيفاش ماشداتهاش وهي لسقة ورحع شاف فشيما اللي قالت ليه عندي بزاااف مايدار ولاكن ضروري غنبقا نجي نشوفكم .شكرا بزاااف
ودعاتهم بالزربة وقلبها غيسكت وهي كتشوف يازيد داخل لداخل مافيها مايسام عليه عاوتاني ودارت ليهم باي باي ومشات بازربة وشعرها الاسود المتموج تابعها خرجات دغيا من الفيلا ركبات سيارتها وزادت كطير
واش غير انا ولا كع البنات فحالي وليت نسمع
الكذوب وندير براسي تيقتوا يواش غير انا لي
مبقيت كنتيق فخيالي كرهت هاد المكتوب…
بيد كتسوق ويد كتمسح الدمعة من خدها وتنخصص وهي فالطريق الكبيرة حتى صونا ليها تيليفون وهزاتو ردت بصوت مجروح
الو ؟
زبيدة:الو بنتي علاش ماجيتيش تفطري معانا
شيماء: كنت مشغولة اماما راكي عارفة خصني نقاد شي وراق
زبيدة: مالكي واش كتبكي؟
شيماء: لالا غير نعست مور العاصر وتعطلت بقيت ناعسة
زبيدة: لاالا ابنتي كتبكي!!
شيماء: لا ماما مكنبكيش صافي غدا غنجي الصباح خاصكم شي حاجة
زبيدة: ماخصنا والو الحمد الله .عنداك غدا ماتجيش
شيماء: غنجي اماما كوني هانية ..يالاه بسلامة
قطعات وكملات طريقها طالقة موسيقى مأثرة حتى للاوتيل ودخلات لبيتها ترتاح .حيدات كلشي وغسلات وجهها مزيان ودخلات في فراشها عنقات. واحد المخدة وشدات التيليفون فيدها كتشوف فيه بحزن وتفرج. فصورها القدام اللي بداو من نهار مشات لفرنسا والدمعة هابطة على المخدة .
رن وهوا فيدها وطلعو ليها ارقام ماغريباش عليها بقات كتشوف فيهم حتى طلع ليها التطبيق الاسم راسو وسط المكالمة مكتوب عليه " professeur skalli »
دق قلبها بالجهد وشدات النمرة سجلاتها وحطات تيليفون حداها كتشوف فيه وتبكي بوحدها بلا مترد على المكالمة الاولى ولا حتى الثانية فاش صونا ..
وجع بيها الزمان اللور..اللور بزاف جالسة فالبواط مع الدراري ويسرى ..الثقة فالنفس والجرأة وكضحك وتهضر على خاطرها ..حتى شافتو جالس وتما دق قلبها لاول مرة من الشوفة الاولى..ناضت كضحك شافت باعجاب وتبسمات ليه وتما عطاتو الضوء الاخضر باش يتبعها ..الساعة اللي عطاتو النمرة وصاحفات يدو وكانت ديك المصافحة كفيروس معدي نتقل لعروقها مباشرة وسرا ليها مع الدم ومن ساعتها وهي بمشاعر اخرى وباحساس جديد من اجمل الاحاسيس فالدنيا اللي عاشت ديك الفترة القصيرة.
اول اتصال ليه فداك الصباح اللي حرك قلبها وخلاه اجمل صباح سمعات فيه صوتو فتيليفون وجا عندها خلاها تتوثر وتلف وماتعرف مادير ..الجلسة الاولى حداه فالطموبيل فاش وصلها ..الابتسامة الضحكة القلب الابيض والحنان اللي لمسات فيه واخا مكتعرفوش ..واخا اول مرة يتلاقاها
اول سلام من الوجه فاش ودعاتو ونزلات وبقات متبعة ليه عينها هوا وسيارتو حتى مشا
الليل وما ادراك ما الليل..الليل واجوائه اللي كيخلي بصمة وذكرا فحياة الانسان ..ديك الليلة اللي تعشات معاه وهي كتسمع ليه وضحك وكلها انوثة وثقة فالنفس ..زاد انجدابهت ليه اكثر وحسات بقلبها بغاه وكينجارف ليه بسرعة قصوى خارج سيطرتها وقدراتها .. ديك الليلة اللي كانت موسيقتها اجمل موسيقى ورائحتها اجمل وائحة انضافت لقائة الذكريات وخدات مكان كبير وجزء مهم فذاكرتها وفقلبها
طلقات ديك الاغنية اللي رجعات احزن اغنية فالعلم بالنسبة ليها وكلها اوجاع وجروح وكانت كتتهرب منها لاكن فكل تهرب كتقلا راسها طالقاها وكتبكي عليها ..
مباشرة جات لذاكرتها اللحضة اللي تلاقاتو فالسهرة بعد النقاش والخصام اللي وقع وكيفاش تشبت بيها وشد فيدها حتى قالت ملكت الكون ..ومكاين حتى ملكة من غيري..والطامة الكبرى اللي خلاتها تذرف الدم هي ديك اللحضات الحميمية اللي مستحيل تمحى ولا تنسى وماقدراتش حتى تنساها..دوك الكلمات اللي عبرات بيهم وكانو نابعين من القلب..ديك المعاشرة اللي كانت كتشوفو فيها سلطانها وهي اميرة بين يديه .. واضعف كتئن على وجهه الارض.
سدات عينيها كتبكي بحرقة حتى جات الطرشة اللي خلاتها تحل عينيها مخلوعة وقلبها رجع لدقاتو السريعة ويديها بداو كيرجفو وكتشد فالاماكن اللي نألمو فجسدها وهوي كتعيش ابشع انواع العداب في غرفة مغلقة ..شدات راسها بيد يديها وسدات ودنيها مابغاتش تسمع صوت غواتها وتسولاتها او حتى تشوف صورتها ..بدات كتغوت فداك البيت بوحدها وتسد ودنيها وديك الموسيقى خدام والصور كتمر والمشاهد كدوز حتى انهارت وشدات فيديها ودفارها ورجعات ليها صورك الانتحاو من جديد..السمطة والضرب ونضراته القاصية ..اقصى انسان عل وجه الارض واشرس خلق الله مارحمها ما خلا رحمة الله تنزل عليها ..غوتات وبلا متشعر بغات تسكت ديك الموسيقى ويدها كتوعد والوقت كيجري والسترة كتزاد حت داخت وهزات داك تيليفون ضرباتو مع الحيط اللي قدامها بالجهد وسدات ودنيها كتغوت حتى فرعو عليها الباب موضفين الاوتيل ودخلو كيجريو لقاوها مكمشة فراس الناموسية مخبية وجهها وسادة ودنيها وعينيها وكتغوت
شدو فيها الموضفين مافهموش مالها وفيقوها من ديك النوبة الهستيرية اللي كانت فيها عاد رجعات للواقع بقات كتشوف فيهم وتنفس بصعوبة حتى تهدنات وهزات يديها بشوية قالت ليهم
والو ..ما مالي والو غير جاتني كريز كتجيني ديمت وصافي..ماوقع لي والو
بقاو كيشوفو فيها حتى طمنو عليها وخلاو العشا محطوط اللي طلعوه حتى سمعو الغوات.
سدو الباب خلاوها بوحدها كتنفس وترتاح حتى تفشات وناضت غسلات وجهها ومشات تكات خلات داك العشا محطوط كما هوا ومشات نعسات طقات عليها الضوء وغطات وجهها
صبح الحال وهزات راسها مهدودة عضامها طايحين ..شافت تيليفون ايفون اخر مكاين ديالها مشتت وناضت كتنهد مشات هزاتو من الارض جمعاتو ولاحتو فالزبل كامل .
خرجات بحالها حاطة نضارات شمسية ولابسة سروال كحل طالع حتى الكرش توب وقصالتو بحال الدجين وبودي من لصدر بحال القلب خفيف ومشدود بسميطات. وشعرها مجموع ..خفيفة ضريفة وايكخون دالشمس ومرظب شفاه احمر فاتح ..طلعات مشات لايليكترو بلانيت نيشان كتشوف تيليفونات وهزات واحد فالكولد ختارتو خدموه ليها تما وشعلاتو وهزات واحد اخر كانت غتشريه لمها باش تبقا تعيط ليها لاكن تخايلات واحد فخوتها سرقو باعو ودارت بناقص خرجات من تما شرات ليها واحد عادي وخدات نمرة مغربية جديدة دخلاتها وركبات سيارتها مشات فاتجاه دارهم
وصلات كتنهد لقات الحومة خاوية عرفات باللي خواتاتها كلهم مشاو بحالهم واولادهم اللي ديما منوضين العشاش حتى هما مشاو .وقفات السيارة مع حيط الدار ونزلات دفعات الباب دخلات ضرباتها ريحة ديال الدار خانزة كتخنق..بقات كتقلب وتشوف يمين يسار مالقات حتى واحد حتى سمعات الصوت دالماء فالطواليط ومشات طلات لقات مها محنية على الصابون كتصبن والبانيو قدامها وحالتها حالة بلعروقات
شدات شيماءراسها قالت ليها اويييلي كان ناقصني غير هاد المنضر ..خرجي اختي من تما خرجي شديك الحالة
زبيدة بالفرحة خرجات عندها كانت غتعنقها وتراجعات قالت ليها غنطليق ابنيتي بالعروقات
شيماء: فين نجاة وسمية علاش مكاينيش يعاونونك
زبيدة: تي ااااش غيعاونو ..يعطيوني غا تيساع..نهار ومطال وهما يدورو فالزناقي ..صبحو عليا على الصباح قالك عطييينا باش نشريو تونيات ..راهم هبطو للقريعة الله يعطيهم التونية
شيما: اجي حيدي من تما
زبيدة:شكون غيكمل هادشي غيجي باك يبغي يدخل طواليط يقلب علثا الدنيا
شيماء: اجي خرجي من تما والله تما لا دخلتي
جلساتها على واحد السداري ميدم عطاتها تيليفون اللي شرات قالت ليها راه فيه النمرة ..خبيه نعيط ليك فيه
جلسات على واحد الكرسي دخلات لقوقل كتقلب على شركات التنضيف حساب ليها بحال دبي غير تبغي اللي ينضف ليها يجيو كيجريو ..من بعد التعياط من هادا لهادا بزز باش لقات وحدة كيقدمو الخدمات على السريع فالبلاصة ورسلو ليها خدامات جوج للدار بالطابليات دخلو ككملو على داك شي وزبيدة غير جالسة وكتشوف
جت جلول هاد اسكران واسو كيمشي ويجي بلاصتو وعينيه مقلوبين لعيالات كيسقو حدا الدار ..وقف مخرج عينيه ويدو مكمشة حدا صدور كيشوف فيهم وطويل ورقيق حتى تقوس رجع كيشوف لتحت من كترة ما ديما كيطل على لقصار
شكون توما هاناري!!!
شاق فالزليج كيتأكد وقال :
زليييجي والله تا زليييجي!! زوووبداااا.واتي فيييينك الساااايحة
دخل لقا الدار مخملة مجموعة وزبيدة جالسة يالاه وصلات من الحمام كدور فالدار ووقف قاليها تس شكووون هادو ؟؟ واش ناقصني انا عياالاات
زبيدة: هادوك شيماء جابتهم يحمعو لينا خنزنا ..الله يخليها سلعة
جلول: علاه شيماء جاات!! ماهرباتش
زبيدة: فمك لاحسو كلب..خخ على كنس
جلول: وفيناهيا. دبا فين راني واقف عليها
زبيدة: امم واقف عليها!! سير سير ريحتك تعطعط
جلول: غنجي نعطي لمك .. ها ودني منك..تقولي هادا سكران مايعقلش..نعقل على كولشي الا نتي…تي راه والله منعقل علك
زادت خلاتو وهوا تابعها حتى دخلو بناتها اللي مشاو لقريعة لابسين تونيات مزيرين فالالوان وصنادل ديال النايك ديال الدراري والحجبان خيط والايلاينر مهرس مفتت فوق العين .
ولعكار فالموف..وحدة شعرها كحل كامل ناشف باهت والاخرى شعرها كحل باهت وزايدها بليميش فالاصفر..هما وشيماء تقادة وحدة بنات وحدة فوق وحدة .لقاو الدنيا نقية ودخلو مع الباب كيهزو ويحطو فالمؤخرات فرحانين بالتونيات
شافتهم زبيدة وقالت
شيعو دوران ساليتو
ضار عندهم جلول حنزز فيهم مزيان وقال
عا اللي طلقها راجلها تجي تبرك ليا انا فالدار ..تفووووو
بقاو كيشوفو فيه بنص عين ودخلو كيقلبو على الغدا واش كاين لقاو الغدا كيطيب والكوربات ديال الديسير محطوطين فواحد القنت وقالت وحدة فيهم
شكون جاب هادشي
زبيدة: شيماء الله يرضي عليها ..مشاات الصباح عد الخضار وصاتو فين ما نبغيو شي حاجة يجيبهت لينا للدار ..
طل جلول يشوف اش جابت لقا دوك الكوربات وبدا يحرك راسو بحال الحمق قاليها اه اييه الله يرضي عليها
ضار لقا البنات حداه وخنزر فيهم قاليهم. الله يتبعكم. البلا
مشات مولات ليميش عند مها وقفات حداها وقالت ليها
هضري مع شيماء ديني معاها الامارات
لسقات عليها لاخرى قالت ليها
تا نايا ماعدنا مانبركو نديرو هنايا ..
تنهدات زبيدة وهزات يديها قالت ليهم ولايني قصة !! توما بعدو مني واش فين ما نبان ليكم تجيو عدي انايا هكااا الامارات..قولوها ليها لابعات ديكم راه عاديكم انا مغنقولهاش عا بعدو مني
قال التانية: واتي كدير ليك خاطرك ..
نترات زبيدة يديها قالت ليهم بعدوو مني هااااناري
خرجات من لكوزينة كتغوت بخزيت تفو وجلول فالبيت قاليها ااتفرعنتيييي…غا بلاتي دابا نوريك تفرعين
عطاتو الصبع من بعيد بلا ميشوفو ومشات خلاتو ماداهتهاش كاع فيه
خوات وحد كاس داتاي بارد وهزتات طرف دالخيز طلات فيه الزبدة وجلسات تاكل واقفة وقالت
كو عت ضبرات لنا فشي كونطرا نمشيو تا حنا
الثانية : ودابا شكون عايقولهت لها… شوفي اصاحبتي عا اللبس اللي كضرب والصيكان والحديدة!! كو عا هربت تا انا معاها
الاولى:عقلتي فاش كنا بغينا نزوجوها يداك الميريكاني ..
حنان: انا باقا لدابا ماهضرتش معاها ماعرفت كي عندخلها ..
سكينة: تا اناا اصاحبتي..وكتبقا دير فينا شي شوفات بنص عين بااينة متحاملاناش
حنان: وراه غا حيت مزال ماضاسرناش..تا نجاة و سميرة ماهضراتش معاهم واخا مادارو ليها والو ..اصلا ماهضرات مع تا واحد ماعرفت مالها ..تبدلات بزااف
حنان:من الاول وهي هاكاك نسيتي..ديما بوحدها عا لقرايا
سكينة: زعما مكتخرجش تما فالامارات !!..داك اللبس والحديدة ..زعما غا الخدمة
غادية فالسيارة وكتهضر مع فاتي
-ماعرفت اختي والله ..راه بزااف واش مي مسكينة باقا صغيرة تهز بكر علال كامل!! جيت نصبح الدار لقاتها كوولها خصها تعاود.. دايرة بحال الغار والحيوط مقشرين القوادس خارجين .. الروبيني واقف غير بتيو!! لا جيت نص لحها ونعاودها خصني ليها واحد تلاثين مليون ..تعاود من الاول حتى لخر ..
فاتي: شوفي ماتصلحي مايصلحك ..تعياي تصلحي ماتصلحي والو..الحل لا بغيتي تعاونيهم شري شي دار بعيدة فالسكن اقتصادي تكون فحي نقي ماشي شعبي..وحتى الطوبيس مايكونش كيوصل ليها من غير طاكسي ..حولي ليها مك تسكن تما وباك بزز منو يتبعها وخوتاتك دوك اللي طلقو ..خلي ليهم الدار لاخرى كما هي فداك الحي الخانز يسكرو فيها ولا يخراو فيها وتبقا نيت شاداهم تما حدا الزطايلية صحابهم .. وفاش يبغير يمشيو عند مك يضربو ليها الف حساب فالمشية والرجعة. كي درت لخويا..بقا فالدار لخرى كيعوم بحرو حيت مغيلقاش داكشي اللي باغي عندي انا وفالحي اللي ساكنة ..هما خوتك ميقدروش يخرجو من حومتهم ويمشيو لحومة كالم فهمتي.. باك تاهوا غتحكميه باش ميتعداش على مك الى درتي هاكا وجلستيه فدارك ووكلتيهم وشربتيهم .. هوا براسو غيبقا يدرق زلافتو نهار كامل ماتبقاش تشوفو تا يجيه الجوع ..وخوتاتك حكميهم ..ناري ياختي انا الحباس دخويا طار تا لسق مع السقف حديتهم لديلمو كنعطيه الف درهم دابا فالشهر باش نشدو ويحني الراس..يدير معايا هاه ولا هاه نحيدها ليه يتسطا خصوصا دابا فاش ولفها ..كيشوفني كيحدر الراس..يخدم ولا يجلس يعاود لمو مهم مكيتفنفنش معايا
شيماء:داكشي اللي غندير ..اللهم نشري دار جديدة بعيدة ..غنمشي دابا لبوسكورة نشوف تما
فاتي:اااايه احسن كاااع ..خليها ليهم وتا مك ترتاح من القهرة
شيماء: والعيالات اللي جبت وتقهرو فنهار بقات غير مسيكينة..كن تسمعي شكتعاود ليا وشداز عليها ..مكاينش شي واحد فيهم اللي ما مدوزش الحبس اصاحبتي..لكبير غتاصب شحال من وحدة مسكينة والشفرة والكريساج ..و الصغير فيهم كيبعيو ويشري فالحشيش ماعندوش الوقت هاداك كاع حال شركة !! باعو ليها الثلاجة باعو التلفازة باعو الماكينة ..لعفوو والله ماقديتش نزيد نسمع
فاتي: هادو خاصهم يازيد والله ابنتي تا يقادهم يمشيو على البيض مايهزسوش..ااه حقا فكرتيني راه عيط ليا قالي نمرتك ..عطيت ليه هاد النمرة اللي سيفطتي ليا الصباح
شيماء:وعلااااش اصاحبتي عطيتيها ليه متبغيتووش كاع يعيط ليا
فاتي: وماعلمتينيش اختي كن علمتيني نقوليه ماعنديش كنعيط تا انا والو
دازت ليها دوزيام ابيل وقالت
هاهوا كيصوني..
فاتي: هانا مشيت ..راه لعدورة جايا تشوف ولاد ولدها غنمشي نتشارجا شوية باش ندوز معاها هاد العشية تفوو
بقات كتشوف مطولا فداك الاتصال وكتفكر واش تجاوب ولا ماتجاوبش حتى قطع.يالاه جات تحط تيليفون ورجع كيصوني مرة اخرى ..
هزاتو كتشوف فيه وتشوف فالطريق وهي غادية لبوسكورة وقالت نجاوب نشوف شنو كاين .
شيماء:الو بونجوغ
يازيد: بونجور ..صافا ؟
شيماء:حمد لله ميغسي
يازيد: بدلتي النمرة عاوتاني؟
شيماء:لا طاح ليا تيليفون وشريت واحد اخر بنمرتو
يازيد: امم ..فينك اشكتعاودي
شيماء:والو عير مع العائلة وصافي
يازيد: تصالحتو صافي مابقاش داك الخصام
شيماء:اه
يازيد: وشنو نديرو كافي اونسومبل
ردت بدون تفكير: لالا ماعندي كي ندير مشغولة بزاف ليوم
يازيد :نخليوها لغدا؟
شيما: اوك حتى لغدا ويكون خير
يازيد:اوك ..يالاه انخي بيان تو
قطعات هي اللولة وماعطاتوش فوق جوابو باش مطولش فالهضرة وحطات تيليفون وقلبها كيجري..كملات طريقها لبوسكورة والطريق شحال طويلة ما وصلات حتى بغات دير بناقص. خلات بوحدها كتشوف دوك الديور مع المرافق وراها انواع اشكال من البرطمات ال عادية والبرطمات الغالية
عجبوها برطمات عندهم مسبح خاص كبير بسكان المجمع وبالاسانسور ومجهزين ومصلوحين مناقصهم حتى مسمار من غير الفراش.
المجمع آمن و وبالحراسة فالدخلة والحديقة زوينة وقراب للبحر .
قبلات بلا متناقش فالثمن ونزلات للمكتب بدات الاجرائات معاهم فجو لطيف وخدات الاوراق ديالها اللازمة ورجعات بحالها مشات طل على دارهم تعلمهم بالقرار المفاجأ
وصلات للحي كالعادة ولقات خوها دار ليهم الحلقة بسيدي حماد وموسى وكيشلض فيدو ويتمايل هاز واحد الجنوية .. والروينة نايضة ..حتى دخلات وندمات علاش دخلات قالت صافي ليوم يشدها بداك البودي المقزب يشلضها .ضار شافها وقمو سايح بالدفال وعينيه ناعسين ومشا عندها للطموبيل قاليها نزلي
جات مها كتجري وترعد قالت ليه اويلي اش بغيتي عندها ..
دفع لمو ليد قاليها حيدي ماتعرفيش اهادشي
كانت شيماء غتبول بالخلعة بغات غير تغطا مالقاتش باش ونزلات كترعد وشد فباب الطموبيل.
عنقها بواحد اليد قدام الحومة كلها وخواتاها كيشوفو ومها تابعاه كتسايس معاه ..اما جلول كيطل عليه من السطح ويقول ليه وتا طلك ختك المسخوووط وتا طلكها الله يعطيك الموت الله يعطيك واحد الخمسين عام ديال الحبس
داا تحتو شيماء وهز داك الجنوي فالسما كيهضر مع ناس الحومة وشماكرية كلهم قاليهم
سمعووووو…سمعوووو اولاد٠٠"٠٠ااب….خشي اناااااا مووعندييييسة …سمعتو اولاد لق٠٠٠٠٠اب…غنسمع شي واحد تيدوي عليها نحيد لمو كروووو…وهاااااا هاهيا
ضار باسليها راسها ومها كتقول وصافي اصافي وليدي صافي طلق ختك
رضوان: وااااحيدي غنخشي فك هاد الموس حااااااايدي متجعرنيييش….سمعتو اولاد ٠٠٠٠٠٠٠٠ شوفي نتي غنجي ن٠٠٠٠٠ لق٠٠٠٠ الله يحرقك. ٠٠٠٠ بوكم …وايدوي شي ولد ٠٠٠٠٠ دابا فخشي …اللي راااااااااجل ..يهبط عندي يالاااه ..يالاه هبطو
ضار ليها باس ليها راسها قاليها وقمو كيسيل :تشي ختشيييي اللي دوا فك نحيد لمو ٠٠بو… سيري دخلي دار
طلق منها جراتها مها دخلاتها كترعد بالخلعة وبقا هوا برا كيغوت تا عيا ومشا ضرب الدورة كيجري خرج للشارع كمل الباهية حتى جات سطافيط داتو يرتاح
يتبع...
التنقل بين الأجزاء