صفحة القصةقصة شرف للبيع
مؤلف القصةقصص Ghazal trust
صلااااا والسلااام على رسول الله ..
بالزغارت وصلى والسلام نبداو حكاية شيماء اللي شدات الباك بمعدل كيشرف ..فرحات امها وعائلتها وكلشي فرحان ليها وكاين اللي بكا بالفرحة ، من غير باها اللي عندو زايد ناقص.. تقرا ولا تجلس همو بوحدو ماهاماه لاقراية لا سعاية ..تشوفو تقول يخ تفو .. انسان عبوس مايضحك ما يخلي الناس يضحكو.. تقول وجهه عمرو تبسم ديما مكمش ..تكون ضاحك يطيح عليك الضيم فاش تشوفو وتحس براسك داير جريمة ولا واكل شي واحد فحقو ولا.درتي شي دنب ..تحس بالخوف والاحراج فنفس الوقت.
كلشي فالدار كيقفقف منو واكثرهم مرتو مشكينة..باز اللي صبرات ماتسطات ما طجات وولدات فوق هادشي خمسة دالبنات وثلاتة دالعزارة ..اللي شافهم يقول هنا نبات وهما حتى غير مازايدثن الطين بلة ..حتى واحد ماخدام وكيتسنا الخدمة تجرهم من رجليهم.. شيماء جات الوسطانية فخوتها وخواتاتها.. وديما داك الوسطاني كيكون منسي وحتى واحد مامسوق ليه ..ماعارفينو كيفاش عايش وشنو كيدير .. الوحيد اللي كايبان فالواجهة هوا مول الزبايل اللي ديما مفروش وضهرو مالح اللي وقعات يمسحوها فيه بحال الشيفونة ديال الفورنو . اودي عائلة مغربية مثل جل العائلات المتوسطة الطبقة او يمكن فقيرة حيت الوسطية ماعندو ما ناقصو ..اما هاد العائلة ديما خاصها وديما ناقصها.. الى شفتي من زاوية اخرى غتلقى جلول عندو الحق..حيت بوحدو هاز القفة على ثلاتة دالحتارف نهار ومطال شادين حيوط الحومة ..والبنات يالاه تزوجو منهم جوج وبقاو ثلاتة .. وبحال ديما كتلقى واحد الفرد من الاولاد مكيشهب. لحتى واحد فعائلتو تقول ماشي ولدهم .. لا فالوجه لا واش الفعايل واخا راه كل واحد كيعوم بحرو فديك الدار وكل واحد عايش حياتو حسب شخصيتو والمحيط اللي داير بيه..
وسط حومة اكثر من شعبية فمدينة كازا بحي البرنوصي فراس الدرب فالقهوة الشعبية ديال القمارة اللي ريحة القهوة مضلمة والكارو اكثر من ريحة طموبيلات ..جالس على برا جلول العبوس.. شاد واحد الكارو بقا فيه غير سميتو وحالف ميطلقو حتى يقتلو بين صبعانو
لابس واحد الفيستة بالية ودير واحد البيرية بحال دوك المخرجين الزطايلية صحاب الشعاكك اللي مكمثلو الفن فحتى زفتة
جلس حداه الكوبي ديالو اللي ديما هوا وياه ملاسقين على الشكاوي وباكية ديال ماركيز
قاليه دحو مبروك النجاح اسمعت الزغارت من راس الدرب
خرج جلول داك الدخان بقرف وقاليه اودي. النجاح … النجاح اش غنديرو بيه .. شدات الباك شدات ليا الصوارخ ..غا مغتزيد تحبدنا واحد ثلت سنين اخرى ولا يعلم الله شحال حتى تكرهنا فعيشتنا
قاليه دحو البنت بغات تقرا خليها تقرا ..
قاليه جلول تقرا الخرا .. غنزوجها منكدبش عليك ادحو غنزوجها مكاين قرايا ولا زمر
قاليه دحو وازوج اللي قبل منها عاد شوفها اصاحبي بانت ليك غا اللي باغا مسكينة تقرا
قاليه جلول وراه هنااا فين عواجت. راه هي بنت الحرام جايبة ليا لخطاب.. ديما جايين عندي كنقول بلاتي ولاكن منكدبش عليك اخاي دخو غنزوجها ..
قاليه دخو ولمن غتزوجها اودي
قاليه جلول جا طلبها واحد فميريكان قلت ليه صبر تشد داك النم ومنعطلكش.. امشي تصوفي راسها وتصوفينا تا حنا معاها وتعاونا على الزمان
رجع جلول للدار طالعة ليه حياتو فراسو ..تقول من نهار تزاد وهوا كاره الحياة مافي وجهه حتى ذرة امل الله يستر.
لقاهم ناشطين حاطين الحلوة وقال والله ماتبقا منكدة عليا بوحدي اجي نكدها على باباهم كاملين
نهط فيهم بالجيران ببناتو ومرتو تاهي قاليهم
واش مابقا حتى واحد يرتاح فدارو ..اش هاد الحلقة دايرين ليا هنا تكعدو خرجو عليا
قالت ليه واحد الجارة مصدومة
نعل الشيطان السي جلول البنت جابت تمنطاش تبارك الله فرحانين ليها
دار عندها بقا كيشوف فيها وقاليها جابت امنطاش مليون. تمنطاش مريار ؟؟ تكعدي عليها سيري عد راجلك عطيني شبر تاع تيساع قالك طااامنطعااش ..الله يغبر لباباكم الشقف ختشفوو
تشتت كلشي شي زاد مع الباب شي هرب للحوزينة بالحلوة قسموها تما وكل واحد خدا حقو كلاه حسي مسي بلا دراما ولا بكا ولا مسلسلات حزينة. حيت اصلا مولفين النعمة تولي نقمة وتوحل ليهم فالقرجوطة من الصغر داكشي علاش دارو ليها سكة منين دوز ومولاها ربي
حط جلول رجل على رجل مجبد فوق واحد السداري هابط كامل من الوسط. بكثرة الجلاس ..دار يديه تحت راسو وتكسل كي واحدٌ
تنهد واخد تنهيدة وشاف جنب فشيماء اللي مركنة شادة تليكوموند ويدها على خدها قاطعة الحس وكتشوف فيه بنص عين كتسناه يقلبها هي والمسلسل ديالها
قاليها بصوتو المدندع والقرجوطة معضمة كيشوف فالتلفازة اللي عامرة بوسان وتمعشيق وعقلو ماراهش معاها
قولي ليا بنتي اشيماء..اش باغا ديري وارا عاد الباكور اللي خديتي زعما؟
بقات ساكتة كتوف فيه بنص عين قالت ليه مانعرف
قاليها وعينو فالتلفازة
ماااتلا ماتلا شنو ناوية في راسك ؟
قالت ليه بعفوية نزيد تقرا
دور عينيه شاف فيها قاليها اش غتقراي؟؟؟ دمياطي؟ ياك عا الباك هاهوا ختيه اش غاطقراي ؟؟
قالت ليه وانا غا سولتيني جاوبتك وصافي
تنهد وهز حجبانو قاليها صافي الله يجعل البراكة..ختي الباك بي طمنطعاااش دابا نوضي جمعي وراقك لا عدك شي وراق
قالت ليه باستغراب اشمن وراق؟
قاليها وراقك باش عايشة باش تجوجي
خرجات عينيها مصدومة قالت ليه نتزوج ؟؟ كيفاش نتزوج !! مافهمتش
قاليها نوضي خلي بيصي ديالك شوفي اش طالبين تم في اوراق الزواج وعاد عتفهمي
بلا متشعر قالت ليه بصوت عالي انا راه باغا نقرا ماباغاش الزواج
ناض جلس مخرج عينيه قاليها تكعدي من قدامي يقراو عليك الطبلة فكنارتك قالك باغا نقراا..تقراي ! تقراي ليا السماوي اري طيليكوموند
شاف فتلفازة لقا البرسان وخرج عينيه قاليها هاااويييلي فاش كتفرج سلكوطة ..
ناضت طارت من حداه غبرات خلات ليه تليكومموند فالارض هزو كينكر ومشات هي للكوزينة عند مها اللي كدور لحريرة قالت ليها اشمن زواج جالس عليا زواج ما زواج
قالت ليها امها راه غا كيهضر ماديش عليه
ماداتش عليه شيماء ولا حتى وحدة من خواتاتها وامها وعند بالهم باللي غير كيهضر..لاكن جلول ماتهنا حتى عيط على الخطاب وعطاهم الكلمة ودوز معاهم الموعد وحطهم كاملين امام الامر الواقع
جلول: زيد اسيدي مرحبااا مرحباا..زيدو دخلو الدار داركم
خرجات عندو زبيدة مصدومة كتشوف فالناس وتشوفيه ماعرفات باش تبلات بدات تجر فيه وضحكات للناس بزز منها قالت ليهم مرحبا زيدو دخلو
دخلو الناس للصالون المتواضع جلسو وجرات زبيدة جلول للكوزينة سدات عليهم الباب وقالت ليه اوييييلي حي اش هادشي؟ شكون هادو؟
قاليها هادو الخطاب ديال شيماء بنتك ..سربي طلقيني حطي ليهم شوية اتاي شوية حلة حلوة
حلات عينيها مصدومة فيه قالت ليه اوييلي خطاب !! الحلوة!! منين غنجيب ليهم هاد الحلوة انا منين واش كاين شي راجل اعباد الله كيجيب الخطاب بلا مايعلم!! الخطاب راه خاصهم سيمانة توجاد وشوف تشوف
قاليها مالنا عندنا العرس!! سربي راسك حطي ليهم لا غاتحطي هانا غنمشي خليناهم بوحدهم
ما حتى للباب ودار عندها قليها حطي ليهم شوية تشفنج شوية مسكوتة وكعب غزال الله يتبعك البلا ماتعرفو تصايبو حلوة ماتعرفو تعجنو مسمن ديور الناس عامرين بالماكلة ونتوما غا ناعسين نهار ومطال ونتوما خامرين ختتشفو
زاد وخلاها غير كتشوف فيه مصدومة وتمسح يد بيد قالت ليه
اوييلي غلى الشفنج وكعب غزال !! منين غيجي انا باش نشري ليهم طحين والزيت ! مسكوتة كتخرج من الفران عا وحدها !
تلات بيها مسكينة حاطة الكيكة والكاوحاو واللوز وماقصراتش من جهدها على قبل دم وجهها قدام الناس اللي مارضاتش قداهم ..تسلفات وتكلفات من جيرانها وشرات كلشي واجد حطاتو للناس واخا بقا هاكاك ماتكالش كلاه غا جلول واخا معارفوش منين جاي
زبيدة غير جالسة وكتشوف ويدها حدا حنكها مصدومة فيه وتولول وهوا كيسول على الخطيب وفاش خدام وشحال كيشد وشنو عمدو وشنو ماعندوش
جراتو واحد اللحضة سكتاتو قالت ليه اويلي سكت غيقولو غا طامعين
خرج فيها عينيه قاليها طامعين يقولوها ولا يخليوها
تلفت شاف فيهم وقالت ليهم عمت العريس ايوا فين هي العروسة ماشفناهاش
نخز جلول زبيدة كيضحك وينوضها قاليهم هايا جايا لا زربة على صلاح كي شتو بنات الوقت كيمشيو لهاداك اسمو الصالون ويقادو الحالة باش يبانو زوينات
ضار عند زبيدة هز حاجبو قاليها سيري جيبي البنت شوفي فيناهيا الله يعطيك التابعة
مشات زبيدة للكوزينة كتهضر بوحدها وتمشي وتجي حتى حا كيجري عندها دخل قاليها فثن هي البنت فين صدات اناري الناس بغاو يشوفوها
قالت ليه اااش هاد الخطبة الملاوطك؟؟ اش هاد التخربيق. !! كن سوليتيني قبل لا يجيو كن قلت ليك راه البنات مشاو للحمام وحمامهم تقيل ..
قاليها واشندير انا دابا دابا يالاه اش ندير ؟؟ دينا مشوهيني وفاضحيني ..سيرو الله يعطيكم الحشر قبل الحشر ..اللع يعطيكم
قالت ليه ماعلمتينيش اجلول الحمد لله اللي حطيت ليهم ما ياكلو
قاليها بتوثر وغضب واااشندييير انا دابا فالبنت سيري تبعيها للحمام جيبيها
تحل باب الدار وتسمع صوت السطولة وقالت ليه زبيدة ايوا الحمد لله هاهما جاو
طل من الباب شافهم داخلين سخفانين وقاليها لبسيها شي جلطيطة كي الناس وطركيني يالاه
مشا كيجري دخل عند الناس لقاهم كيهضرو بوحدهم مرتاحين متناقصهم خير ..جلس كيضحك ويرحب قاليهم هايها لعروسة جايا مرحبا بيكم
حطو البنات سطولاتهم سخفانين وطارت زبيدة على شيماء جراتها ابيت النعاس عطاتها واحد القفطان بالزربة وقالت ليها ديري شي شد غلى راسك وتبعيني
شافت شيماء فداكشي مافهمات حتى حاجة وقالت ليها علاش؟ شنو هادشي؟
قالت ليها معا بالزربة غير لبسي وزيدي دابا حتى لعشية ونفهمك كولشي
لبساتها كلشي بالزربة بانت بحال النفسية ماشي لعروسة ..دخلاتها عند الناس كلشي بقا كيعبرها بعينيه وهي كتشوف فيهم مافهمات حتى حاجة ..ناض واحد فيهم شلم عليها باعجاب وكان راجل ثلاتيني قرع وضعيف وسنانو كوحل مسوسين ..كان هاداك هوا العريس شخصيا اللي بقات شيماء غير كتشوف فيه ورجعات اللور حدا مها اللي جلساتها حداها ويالاه بغات شيماء تهضر واحساسها كيقول ليها الخطاب هادو وباك دارها بصح لاكن مها جراتها لبيت النعاس بالزربة قبل متشوههم ..حيدات شيماء دوك الحوايج والشد بغضب قالت ليها ااا والله مانتزوج ..شتي واخا دبحوني مغنتزوجش
سدات ليها مها فمها قالت ليها اوييلي سكتي غتشوهينا ..سكتي
شداتها مها فالبيت حتى مشاو الناس عاد فضا ليها باها وسمع صوتها ودخل عندها كان غيتعرا عليها ..خواتاتها تكمشو ناقدروش يهضرو اما دراري خوتها غير سمعو ميريكان ناضت فيهم الرجلة ووقفو ليها كيتحلفو فيها الى ما جلساتش للارض وتكمشات يصيفوها ليها ..ولات كتبان ليهم غير ميريكان وكل واحد كيحلم على لاخر
قال الكبير للوسطاني وهما مجبدين فالصالون بالليل
انا نهار نمشي غنتزوج شي زعرة هي للولة ..غا تحط شيماءرجليها بميريكان تبدا بيا انا اللول تديني قاليه الوسطاني انا منكدبش عليكم مابقاش المغرب كيبان كيبان ليا صافي مكاين غا ميريكان ..عرفتو الخوت الى مشينا ..وناري الهربة
قاليه الكبير غالنمشيو..صافي مكاينش الى ..ديك الى وكن صافي بااي.. كاي غاميريكان صافي سدينا
قاليهم شميكير الصغير وتا تشرفوها هي بعدا مشات ..
ناض الكبير هز حاجبو جلس قاليه شناهوا.. والله يا مها تا تمشي .. تا مانكونش انا عاد قول هاد الهضرة..مالها بخاطرها! بززز من مها والمضى على عنقها غتزوج وغتمشي ..راه ميريكان الساط هادي كتجي مرة الفحياتش.. بغيتي نشنضلها ولا!!
هما كيخططو وهي فبيت اخر مع خواتاتها ناعسة كتبكي وهما حدا راسها كيطمعوها فيها حتى هما
ميريكان والخدمة والفلوس وغيترفحو ويديرو لاباس..كلشي كيشوف مثريكان بحال شي ورقة ديال الدولار كولشي طامع كلشي باغي يمشي..اما هي بغات تسطى
شافت فيهم ختى عيات وقالت ليهم ضحيو بيا انا باش نتوما تعيشو وتاكلو وتشربو
قالت ليها اللي كبر منها اشمن نضحيو بيك اختي نتي مباركة مسعودة ..عطيه ليا انا وتشوفي واش نردو
قالت ليها شيماء راه جايبة تمنطاش فالباب علمية اختي واش كتفهمي..شوفي الجلدة على العضم ..شوفي كي وليت باش نجيب ديك النقطة ونتي كتقولي لي الزواج
قالت ليها واه واخا تجيبي عشريبين. عشرييين مغطفريهش طفروه اللي قراو !! جاتك ميريكان حتى لبين يديك وتعفرتي بااز !!
تكا جلول على الناموسية فرحان ودار يديه وراواسو قاليها تسيفط ليا غا مليون فالشهر باااركة عليا
تصدمات فيه دبيدة قالت ليه مليون ديالاش!!! اويليعلى مليون !
قاليها ومالها غالية!!! راه ميريكان هادي كيشدو الملاين فاش جاتها مليون!!
قالت ليه زبيدة انا بعدا باغا غا شي حجة..تمشي نقول ليها تسيفطني نغسل عضامي
قاليها جلول اع خاصك تغسلي عضامك تيدمو
تصبحي على خير ازويبيدة غدا ديها صوريها باش نبدا نجمع ليها في الاوراق..ودي معاك لاكارط ناسيونال ديالها ديري ليه فوطو كوبي غنختاجها
صبحات زبيدة لابسة جلابتها وواقفة فالباب كتشوف فشيماء اللي مركنة والجلابة فيدها
قالت ليها نوضي قبل. ماينرض باك يقولنا باقيمامشيتو اش كتسناو وينزل علينا بالمعيور على الصباح الله يقطع ليه الحس
قالت ليها شيماء والله منتزوج ..عنداك يحساب ليك ماعارفاش علاش باغا تصوريني
قالتليها زبيدة وزيدي بعدا نحيدو هادالتصاور من طريق ويحن الله
دخلات ختها كتمسح وجهها قالت ليها مالكي على هاد النكد!!! نوضي اختي سيري زربيعلى راسك تزوجي وهزينا معاك عاجباك هاد الحياة اللي عايشين فيها!!!
قالت ليها شيماء تزوجي بيه نتي
قالت ليها مها هوا باغيك نتي كن باغا هي كن زوجناااهم لبارح
قالت ليها شيماء اتا باقا صغيرة عا عندي تمنطاش هوا كبير عليا وخايب شو كي داير
قالت ليها ختها مالو ياختي منين خايب؟ مالك كتعيبي مافيه مايتعاب
قالت ليها شيماء منتزوجش بيه مازوينش ماعندو لا سنان لا والو حالتو ..ماعندي مندير بهاد ميريكان خليوني غا هنايا
جراتها زبيدة من يدها قالت ليها نوضي نقضيو الغرض ويحن الله
خرجاتها لابسة جلابة كحلة وصندالة كتجرها وجامعة شعرها لكحل سفنجة ملوي كامل حدا عنقها وداتها عند المصور صوراتها .. تمو غادين كيتناكرو عند المكتبة مشاو طبعو لاكارط ورجعو عند المصور ياخدو التصاور
بقات شيماء واقفة برا مربعة يديها شادة البزطام دمها فيدها ومعا دخلات لداخل تاخد التصاور وجلسات كتسنا يعطيهم ليها .
مسحات شيماء واحد الدمعةحارة طاحت على خدها وتنهدات كترعد شافت فالسما وهبطات عينيها بان ليها طاكسي احمر قدامها حط واحد الراجل وبقات كتشوف فيه مطولا وضارت شافت وراها فمها اللي شدات التصاور فيدها وتمات جايا..قلبات شيماء وجهها ومشات طلعات فطاكسي قدام عينين مها وسدات الباب هلات غير الريح وزادت بقات مها كتغوت قدام بابالمصور حتى طارو التصاور من يديها تشتتو فالارض وصورة شيماء والخزن فوجهها مضلم الصورة
ضارت الايام وضارت الاعوام ..داز عام وتبدل الحال من الموحال..كلها واش دار ليه الله.. وكل ها وحقو ونصيبو من الدنيا..اصعب حاجة يدوقها الانسان هوا الزنقة ..الزنقة تعلمك بالعصى اما الفم اللي يشرحلك ويفهمك ماعندهاش..من طيحة تتعلم اللي عمرك تنساه.. الزنقة صعيبة على الرجال حسبلاك البنات ..ولاكن كاينة ثغرة بين الولد البنت..البنت تقدر تلقا متاكل وماتشرب من نهارها وتخدم من ساعتها وتجمع راسها الى سايرات الزنقة وماجاتش ضدها..اما الولد كيتشطحو والعب بيه كيف بغات..غير هوا الى كلا الدق كياكلو خفيف دغيا يبرا اما البنت الى كلات الدق كتبقا فيها الامارة مدى الحياة ..دقة البنت اصعب من دقة الولد ..ولاكن الفرص متاحة للبنات اكثر من الاولاد . كاين اللي هربات من دارهم وتزوجات..كاين اللي مشات خدمات.. كاين اللي تحششات وتشمكرات..كاين اللي شفرات وكريسات وكاين اللثي تسجنات ولا قتلات ..وكاين اللي فسدات وماخلات مادارت.واغلبهم كيمشيو للفساد حيت هوا المخرج الاكثر سهولة .
بحال هاد النهار اللي خرجات فيه ..فنفس الوقيتة ونفس الساعة ..دار عليه العام تقول غير لبارح ..نزلات من التران فمحطة الرباط اكدال جارة باليزة كحلة ..لابسة كسوة باج كلها خيوط بحال شي شبكة وتحتها تبطينة وقصيرة فوق الركبة.. البانطوفة غوز مشعرة فالرجلين و الشعر كحل مجموع فالاعلى من الصهد بمقبط والنضاضر كوحل كبار مربعين .. الدفار بالفرانش فاليدين تقول نانسي عجرم فاغنية اخصماك اه
اما لاطاي منهضروش عليها ..التربيعة فالكتاف تقول مانكة والعضيمات باينين والصدر حدو قدو والمؤخرة كذلك .. الكرش مكايناش ..تبعاتها صاحبتها جارة باليزة فالاخضر فلاشي صغيرة حتى هي وعامرة عليها شوية ..الدجين مزير كامل مشرط والصنيدلة والدفيرات مصبرغين فالاحمر.. البودي قصير شوية على الكرشوالمؤخرة عاطية والصدر عامر ..اللي شافها يقول معمرة داكشي .. دايرة بيرسينغ فالنيف والشعر زعر طويل والنضاضر دالشمس ..غادية بشوية عليها كتمايل وقدامها شيماء بحال الحمامة..اللي جايكيشرف فيهم واللي غادي كيشوف فيهم ..طلعو للفوق .. قالت ليها صاحبتها ضبرك الصباط؟
قالتليها شيماء قتلني ماشي غير ضبرني
قالت ليها صاحبتها قلت ليك قبل منتحركو راه غيضبرك
سكتات شيماء وطلعو للمحطة خرجو شدو طاكسي ازرق نيشان لاكدال بلا تعطال
وصلو لعمارة فشارع فرنسا فاكدال وطلعو فالاسانسور لواحد الطبقة من الطبقات ورنو الجرس فالباب وفتح ليهم شاب طويل قد الباب بابتسامة كيرحب قاليهم اهلا اهلا زارتنا البراكة
سلم عليهم بجوج بوسة للوحدة ودخلو كيسمعو الهضرة ديال الدراري وقبل ميتلفتو لقاو ربعة جالسين مجمعين ضايرين على طبلة طويلة مربعة طويلة ومدو يديهم دازو عليهم بالسلام الا واحد اللي سلمو عليه بالوجه وجلسات حداه شيماء ضربات ليه فخدو وهوا لابس شورط قصير كضحك قالت ليه فين احبي ومستقبل غيري
لاح يدو وراها عنقها قاليها حبك ..تا قرب يسالي الصيف عاد نتي جايا..عجباتك مراكش
حلات شعرها كتنفس لتحتو ودارت رجل على رجل تكات ليه على يدو قالت ليه شكون قالك كنت فمراكش ؟ ها اللي كانت فمراكش
شارت ليها بصبعها وجلس معاهم عادل..الشاب الطويل اللي فتح ليهم الباب قاليهم واايلي كنتي فأكادير؟. علاش ماقلتيهاش نشوفوك بعدا راه كنا واحد السيمانة تما
قالت ليهم ماحسابنيش.
طل عليها سيمو اللي حداها قاليها جايا بانطوفة؟
جرات واحد الصاك حداها جبدات باكية ديال الكارو قالت ليه ضبرني الصباط وحيدتو
جبدات واحد القطيب رقيق بحال عود المصاصة حطاتو فمها شغلاتو وحيدو ليها سيمو قاليها اش كيعجبك فهاد الكيغدون؟ كتحسي بشي حاجة ولا والو
خداتو ليها دارتو فمها قالت ليه خفيف ماشي ديالك.. انا ولفتو مانقدرش نبدلو دابا..الشي لاخر كيجيني قاصح
مدات يسرى يدها للصاك حتى هي جبدات ديالها قالت ليهم جاتني القطعة راسي غيتفركع
قاليهم واحد من الدراري عرفونا اصاحبي جالسين معاكم بحال الاصنام
قاليهم عادل وهوا حاط يدو على رجل يسرى
يسرى ..الزين الفنون
وهادي شيماء الزين الفنون حتى هي
هزات شيماء حاجبها قالت ليه الزين دالعالم انا
قاليها سيمو الزين ديال الكرة الارضية نتي
قالت ليه كضحك ايوا هاكاك .
تلفتات يسرى عند عادل قالت ليه لقتي لينا داكشي علاش وصيتك اعادل
قاليها يالاه دويت معاه دابا قلت ليه عليكم قالي يدوزو يشوفوها
قالت ليه شيماء وفين اينا بلاصة بعدا؟
قاليهم عادل بغيتو سلا؟. وراه شاف ليكم فحي السلام
قالت ليه شيماء لااالا بعيدة عليا انا غير باش نوصل Université خاصني نفيق مع الستة !! لالا شوف لينا سلا جديدة قريبة الله يسهل عليك
قاليها عادل سلا جديدة غالية شوية دار مفرشة ناضية واحد ربعالاف درهم
قالت ليه يسرى اويليعلى ربعالاف غيكري لينا فيلا غير تلتالاف
قاليها عادل نيكوصي معاه هبطيها ليه لداك الثمن وشوفي بعداالدار كي دايرة
قالت ليه شيماء تكون غير بحال هاديك اللي كنا فيها الاول باركة اصلا مكنجلسوش فيها
عنقها السيمو وقاليها اجي جلسي معايا الدار خاوية غير انا بوحدي.. علاش غتكري
قالت ليه اويلي منقدرش نتفرقعلى يسرى واصلا البعد انا همي هوا القرب وصافي.
قالت ليه يسرى وشفتينا اصلا غير كنعمرو فالدار والله كنكريوها غير باطل وصافي
هضرة تدي هضرة وهضرة تجيب هضرة .. طلب سيمو غدا جاهز جاهم حتى للدار تغداو وجلسو مجمعين ماحسوش بالوقت حتى ضربات التسعود ديال الليل وقاليهم عادل يالاه تخرجو ؟
قالت ليه يسرى اللي متكية فين غنخرجو ؟
قاليها سيمو بصح يالاه نقصرو فشي قنت حسن مانبقاو جالسين فالدار
قالت ليه شيماءانا باغا غير نعس
ناض سمو جرها من يدها قاليها نوضي براكة من العكز جالسين جالسين يالاه نبدلو القنات
ناضت مشات جرات باليزتها ودخلات لواحد البيت هي ويسرى حطاتها فوقواحد الكنبي وحلاتها ..كانت عامرة حوايج واخا صغيرة هازة العجب..قالت شيماء ليسرى مافيا اللي يلبس شي كسوة عاوتاني نضربها بشي سكرة ونبدا نتعرا
قالت ليها يسرى لبسي شي حاجة عادية
قالت ليها شيماء ويديها على جنابها شنو غنلبس؟ كلشي خاصو يتصبن
عطاتها يسرى قميجة فالاخضر مغلوق مايل للرمادي شوية ولبساتها مع حمالات صدر كوحل وعراتها من الصدر شوية ولبسات معاها شورط كلاسيكي كحل قصير وصباط وطلقات شعرها الاسود الطويل لوات ليه اطرافه بالبابيليز وحطات مكياج خفيف برزات بيه ملامحها وتبعات ليها رشات من الريحة
اما يسرى لبسات كسوة قصيرة توبها خفيف وكلها كتحرك الى غير ضحكات كلشي كيتهز .
خرجو لقاو الدراري كل واحد محني على تيليفونو فقنت لابسين واجدين مفركسين كيتسناوهم غير هما ..ناض كلشي هبط مع الاسانسور وطلعات شيماء فبي ايم كحلة مع سيمو ومعاهم واحدصاحبهماللور وطلعات يسرى مع عادل ومعاهم جوج دراري اخرين ومشاو كيتشاورو فين يسهرو حتى تافقو كاملين على سوفيتيل .. دخلو من جهة البواط وتمو نازلين مع الدروج لاسفل فين كاينة السهرة حتى كطيح ليهم يسرى فالدروج وغوتات غوتة وحدة شدوها وقفوها ورجلها كضرها لاكن صبرات وقالت ليهم والو مكاين والو ..شدات فعادل بزز كملات المشية والدموع باغين يطيحو باينة كلاتها فرجلها وكمداتها نيت.
مشاو وسط الموسيقى وشي كيشطح. شي جالسشدو بلاصة كبيرة فيها كنابي دائري جلسو وطلبو مشروبات كل واحد وشنو كيبغي يشرب وحطو ليهم ثلاتة دااقراعي لوسط ..
شدات شيماء كاسها ودارت وحل على رجل وميلات راسها جهة يسرى قالت ليها حضي معايا راك عارفاني فاش كنشرب كنتجرتل
قالت ليها يسرى غنموت اشيماء رجلي عاطياني لحريق ماقدرتش نصبر
قالت ليها شيماءواقوليها نديوك لطبيب عنداك تكوني تهرستي
قالت ليها يسرى ماعرفتش المهم عاطياني الحريق غنشوف واش الى شربت غنسها
تكات كترتاح وشدات كاسها والدراري كل واحد فين جالس كيهضر ..ناض سيمو بغا ينوض شيماء تشطح لاكن مابغاتش قالت ليه اوييلي داكشي اللي بقا ليا ..ماقادرا حتى نوقف
وقف كيضحك كيطح فبلاصتو والكاس فيدو وهي كتشطح برجلها وتفرجع حتى لمحات عينها واحد الركنة فيها بزاف ديال دراري والبنات جالسين معزولين فواحد البلاصة ومن بينهم واحد الشاب شديد الوسامة ..شهرو اشقر ودقنه محدد بحال السكين ولحيته خفيفة ..عينيه كبار زورق وحواجبه ونضراته حادة ..وجسد رياضي مستقيم لابس قميجة بيضا محلولة من الصدر وسروال كحل مع باسكيط فرجليه والساعة وفيدو شاد الكاس وكيهضر مع اللي حداه وكل مرة يشوف فيها..
غير شافتو وقبل ماتحقق فيه او تعرفو حاضيها ضرب قلبها بحال المدفع حتى حسات بالضربة غتخرج من بلاصتها ..ماعرفات اش وقع ليها ومالها علاش ضرب قلبها ديك الضربة ..ورجعات فكلمرة تشوف فيه كتحس بالقلب ضرب..ديك الساعة وبلا متفكر كحزات حدى يسرى دخلات فيها وبعدات من سيمو ورجعات كتراقب نضرات الشاب ليها بلا متبين انها مراقباه حتى تأكدات مية فالمية باللي حاط عليها العين وناضت وقفات قالت ليهم غنمشي طواليط ونجي
ناضت هزات صاكها والاه وقفات هز عينيه معاها ومع الضورة شافت فيه وتبسمات ليه بعينيها ومشات جهة الحمام .. وقفات قدام المرايا كتشوف وجهها وتقاد السنسلة على عنقها والقميحة ومشات حلات الباب لقاتو واقف كيتسناها بابتسامة وقاليها بونسواغ
قالت ليه بابتسامة بونسواغ
جبد تيليفون من جيبو طلب ليها النمرة الى بغات تعطيها ليه وتبسمات عطاتو نمرتها ومد ليها يدو قاليها
يزيد
تبسمات ومدات يدها ولاول مرة تحس بالدغدغة فيدها وزاد قلبها ضرب اكثر من الضربة الي قبل حتى تلفتت وقالت ليه شيماء. سلمات ومشات
رجعات لبلاصتها جلسات شوية وناضت قالت ليهم صافي عييت بغيت نعس
جلسو وراها شي شوية وناضو خرجو ..كان راسها تقيل بالشراب لاكن ماشي لدرجة السكر ، دخلو وكان السيمو ناوي يدخلها معاه لبيت النعاس لاكن رفضات ومشات نعسات هي ويسرى فبيت بوحدهم وشدو الباب عليهم
تلفتات يسرى عند شيماء قالت غدا خصنا نلقاو دار تكون كما بغات تكون ومانبقاوش فهاد الحالة دلخرى
قالت ليها شيماء لالا غدا غنمشيو وخا نعرفو نباتو فاوتيل ..اصلا غلطنا ملي جينا لهنا مكانش علينا نجيو..بنادم كيحساب راسو غير اجي و *** ! صافي سهرنا معاهم وبايتين معاهم خاصهم **** نا عقلية دالخرى
قالت ليها يسرى مالو قاليك شي حاجة
قالت ليها شيماء يمشي ي **** .. ماعجبوش الحال فاش قلت ليه غنعس حدا يسرى قالي علاش مابغيتيش تنعسي حدايا!! خرا كي داير على سؤال ! علاش مابغيتيش تنعسي حدايا اش كتجيني اخويا ولا كنجيك!! مخصلني ! ولا صافي فتحتي لينا باب دارك قلتي جابها الله ن****
قالت ليها يسرى خليه يمشي ي**** الصباح غنمشيو بحالنا من هنا بلا مايبقا بنادم يمن علينا
تقلبو كل وحدة عطات وجها لجيهة والصباح صبحو لابسين حوايجهم ومصايبين وجههم وخرجو لقاو الدراري جالسين ..ضحكو معاهم بلا ميبينو النوايا لاكن السيمو صبح منفخ قالب وجهه والى شد تيليفون كيهبط عليه ماباغيش يشوف جيهتهم ..قاليهم عادل شنو تفطرو البنات؟
قاليه السيمو تلاجة خاوية اصاحبي
شافت فيه شيماء بنص عين وناضت وقفات ضربات على ضهر عادل قالت ليه شكرا بلا متعدب راسك حنا اصلا غنمشيو
هز راسو فيهم وهما نايضين قاليهم وابلاتي بعدا نلقاو الدار
قالت ليه يسرى لقيناها عيط ليا السمسار هاد الصباح قالينا اجيو تشوفوها ..صافي غنمشيو نيشان نشدوها
قاليهم عادل ايوا مزيان الله يسخر واخا زربتو بغيناكم تجلسو معانا شوية
هزات شيماء صاكها قالت ليه مزال غنجلسو باقا الايام جايا
جرو باليزاتهم ومدو يديهم للشباب سلمو ومدات يدها لسيمو بابتسامة قالت ليه سيمو شكرا على ضيافة
هز عينو شاف فيها كي مع النفس زعما مافنيتو والو قاليهم صافي مشيتو ؟؟
سلمات عليه يسرى قالت ليه الله يخلف
شارت ليها شيماء بعينها وخرجو من الدار نزلو فالاسانسور وقالت ليها يسرى شفتي على فعايل
قالت ليها شيماء صافي يمشي يخرا انا اخر مرة تجي يدي فيدو .. دابا يتفش ويعيط ليا بحال ديما..الحنش اللي ولدو
تحل باب الاسانسور وخرجات لابسة شورط قصير دجين وتيشورط مايلة على الكتف معرياه وشهرها مجموع ونضاضر الشمس والصاك فيدها والباليزة جاواها وصندالة خفيفة. حداها يصرى نفس الشيء الشورط وتيشورط وشعرها مجموع ماحاطين ونضاضر الشمس ..خرجو لبرا قالت ليها يسرى يالاه نمشيو شي بلاصة نفطرو بعدا عاد نشوفو اش نديرو
شافت شيماء يمين يسار قالت ليها انا بعدا خاصني الصرف ماعندي حتى ريال
قالت ليها يسرى انا عندي فلوس مصرفة صرفت بعدا واحد خمسالاف درهم فمراكش
قالت ليها شيماء انا اللي خاصني نصرف كنحره نجبد الدولار قدام شي قموم مغربي كيطيرك فالسما
قالت ليها يسرى حتى انا هاكاك .
مشاو جلسو فمكان نقي فاكدال يفطرو فيه فلاتيغاس والباليزات حداهم والشمس ساطعة لاكن القهوى مدرقة بالشجر والكاش عالي ملون ..دارت رجل على رجل كتشوف شنو طلب وصونا ليها تيلفون جبداتو من الصاك لقات نمرة عمرها شافتها وفتحات الخط جاوبات
الو ..
قاليها بونجوغ سافا
قالت ليه سافا الحمد لله شكون معايا؟
قاليها يزيد
تبسمات عرفاتو شكون يكون وخفق قلبها لاكن قالت ليه باستغراب شكون يزيد ؟؟
قاليها لبارح عطيتيني نمرتك فسوفيتيل
كانت غتزيد تنكر لاكن حشمات يقول هادي يعلم الله شحال من واحد عطاتو النمرة لباح حتى مابقاتش كتعقل. تبسمات قالت ليه ااه وي سافا الحمد اي توا
قاليها سافا ساف ماقلتيش ليا سميتك!
قالت ليه شيماء
قاليها متشرفين لاللة شيماء اش كتعاودي..كولشي مزيان
قالت ليه الحمد لله كلشي مزيان
قاليها بون قولي لي مسالية ليوم نشوفوك ولا ..
قالت ليه ليوم؟؟ ماعرفتش الصراحة حيت عندي شي حوايج خاصني نرصيهم هما اللولين باش نقدر نخرج
قاليها اوك سي با كغاف حتى تشوفي وردي عليا داكوغ
قالت ليه ان شاء الله
قاليها سينو كي صبحتي
حسات بيه باغي يجمع معاها شوية وبدات ليه قالت ليه
مزيان خرجت انا وصاحبتي نفطرو حيت عاد جينا من السفر
قاليها عاد جيتو من السفر بغيتي تقصدي لبارح جيتو؟
قالت ليه اه جينا من السفر لبارح وباقي شحال من حاجة مامقاداش خصنا نقادوها ليوم
قاليها اااه فهمتك ..مي ماشي مهم تقاديها ليوم ولا ؟
قالت ليه لالا مهم بزاف حيت جالسين فاوتيل وعاد غنشوفو شي دار للكرا
استغرب قاليها دار الكرا؟
قالت ليه اه ..مهم قصة طويلة هه
قاليها فينك دابا نتي غير فاكدال
قالت ليه اه غير فاكدال
قاليها اينا بلاصة كتفطرو فيها
عطاتو النعت ماضناتش يقول ليها غندوز عندكم حيت كان اصلا فطموبيل وسمعات صوت السينيال وقطعات معاه عضات شنايفها كتشوف فيسرى قالت ليها ناري واحد الاخ الكريم غيجي عندنا دابا
ضحكات يسرى قالت ليها خليه يجي يخلص هاد الفطور نيت
قالت ليها شيماء مابغيتوش يجي عندنا على الصباح اصاحبتي يشوفنا هاكا تفو كن غير ماقلتش ليه فين حنا
شدات جبهتها كتسوط وجبدات كارو شعلاتو كتكمي حتى وقفات قدامهم بورش كحلة كتلمع بجوج بيبان ونزل منها يزيد لابس تيشورط بيضاء وشورط كحل ديال النايك وحداء رياضي ابيض من بيض البيض ..شافتو يسرى نازل والنضاضر الشمس وقالت ليها الله على تيتيز شحال زين تقولي داير اشهار لبارفان
تلفتات شيماء شافتو داخل وحلات عينيها قالت ليها وييلي وييلي احم احم
طفا داك الكارو وماكملاتش هضرتها تبسمات حيت لقاتو عند راسها واقف..وقفات وصلات ليه للكتف ويسرى كتشوف فيهم مافهمات والو
مد ليها حنكو قاليها سافا
سلمات عليه معلقة قالت ليه الحمد ونتا ..
شلم على يسرى حتى هي بالوجه وقالت ليه شيماء جلس ..مرحبا بيك
جر الكرسي جلس معاهم وحيد النضاضر شاف جهة النادل وشار ليه بيدو ..بقات يسرى غير كتشوف فعينيه و درقات وجهها شافت فشيماء دارت ليها اشارة بيدها وهضرات بشفايفها قالت ليها
ويلي على عينين اختي
دورات شيماء عينيها حابسة الضحكة ووقف النادل عندو طلب ليه قهوة كحلة ومشا
دارت شيماء رجل على رجل والفطور قدامها ماداقت منو حتى نتفة ..حشمات تاكل وبقات محافضة على رقتها قدامو وهوا كيشوف فيها ..قاليها صدفة زوينة هادي
ضحكات كتحك ودنها قالت ليه مكاتيب
شاف الشنط محطوطة قاليهم كنتو مسافرين
قالت ليه جينا لبارح
قاليها مزال مالقيتو ال دار؟
قالت ليه عاد بغينا نشوفو وحدة
شاف فيهم بجوج قاليهم كاينة الدار الى بغيتو ترتاحو على بيدمن تلقاو دار على خاطركم
قالت ليه شيماء كنقلبو على لكرا فسلا جديدة
قاليها سلا جديدة؟ فين جات؟
شافت شيماء فيسرى والاخيرة حتى هي شافت فيها بداو كيدورو عينيهم وقالت ليه يسرى حات حدا تيكنو بوليس
قاليها ااه اه..مي بعيدة حدى تيكنو علاش بغيتو تسكنو تما بالضبط
تنهدات شيماء قالت ليه حيت كنقرا ف UIR
وقريبة ليا بزاف
قاليها ااه كتقراي ف UIR ! مزيان ..الصراحة مكنعرفش شي واحد تما فسلا جديدة يقدر يعاونكم..مي الى بغيتو تجلسو حتى تلقاو دار مرحبا
قالت ليه يسرى فين كاينة الدار؟
خرجات فيها شيماء عينيها ورجعات حمرا ودورات وجهها لجهة اخرى. قاليها فهرهورة
حركات ليه شيماء راسها قالت ليه لالا بعيدة بزاف اصلا هضرت مع سمسار لقا لينا الدار مفرشة مقادة
قاليها اشنو التخصص اللي دايرة
قالت ليه Ingénierie aéronautique
حرك راسو قاليها مزيان ..الله يوفقك .العام اللول؟
قالت ليه لا العام التاني ..ونتا !
وإليها médecin militaire
تبسمات قالت ليها مزيان الله يوفقك حتى نتا
قاليها امين
شافت جهة يسرى لقاتها فطرات وسالات وهي باقا جالسة حشمات تاكل وخلاتو تما وناضت قاليهم فين بغيتو نوصلكم
فالاول رفضو لاكن اصر عليهم ومشاو طلعو معاه ..ركبات حداه وقالت ليه كنتي غير دايز فاش عيطتي؟
قاليها لا خرجت من لاصال قلت نعيط ليك
حركات راسها بالايجاب ودورات وجهها شافت قدامها ساكتة
وصلهم لسلا جديدة على سعدو ووعدو حتى للبلاصة فين بغاو ..بغات تنزل تبع يسرى لاكن شد ليها فيدها حتى بدات كتغزل والهرة طالعة معاها قاليها فاش تسالي امورك تاصلي بيا بلا مانصدعك اوك
قالت ليه اوك وخلاتو نزلات مشا كيقلب على طريق الرجعة فجيبي اس .
غير مشا وقفات وخدة مقابلة مع لخرى معصبة لاسبابها الخاصة ويدات شيماء اللولة قالت ليها مالكي كطيري جالسة كتسوليه على الدار فين كاينة اصلا واخا تكون فسلا جديدة نيت مغاديش نجلسو فيها
قالت ليها يسرى بغضب نتي اللي مافهمتش مالكي هوا باغي يعاونا حرمتيها علينا غادي نخلصو دابا ربعالاف درهم على قلبنا
قالت ليها شيماء بغضب شكون اصلا غيخلص هاد الكرا انا اللي كنخلصو ديما نتي ديما كتشكي عليا ماعنديش ديما انا اللي كنجبد ونعطي
قالت ليها يسرى دابا بلا كترة الهضرة اصلا كان غيعطينا الدار نجلسو فيها فابور
قالت ليها شيماء بغضب خرجات عينيها وهزات صبعها حتى سمعوها الناس وقالت
ااشمن فابور شكون هادا اللي غيعطيك الدار فابور وكل ليلة يجي يكوكك الى ماخلصتيهاش بجيبك تخلصيها ب -**
نفخات يسوى حتى عيات وقالت ليهاجلسي هنا ماتبعينيش بالبالز عند السمسار غيشوفنا هازين حوايجنا وراقفين على الدار يزدحنا بشي ثمن
مشات يسرى دخلات عند السمسار وبقات شيماء واقفة ..شافت الدار فالتصاور وبقات مني منك على الثمن عاد عيطات لشيماء فتيليفون قالت ليها راه خلاها بتلثالاف درهم وتافقو عليها يشدو وداهم ليها فتح ليهم الباب وراهم الدار..كانت عادية بحال كاع الديور فيها بيت فيه السدادر وتلفازة عادية وبيت فيه جوج ناموسيات مفاردين ديال الحديد وفراش عادي وبيت اخر خاوي مافيه حتى حاجة ..اما الكوزينة بلدية والماعن قلال والطواليط بلدية والرشاشة مصدية..الدار فراشها عادي وقديم وحتى الزليج مازوينش لاكن مالقاو مايديرو ..شدوها بزز منهم وخملوها ونقاوها مزيان حتى طاحو ليهم الكتاف وطاحو تكاو كيشوفو فالسقف سخفانين
قالت شيماء ليسرى هادي اخر مرة نهز شي فراش وشي تخميلة الله يجعله يدود
قالت ليها يسرى دوك اللحوفة صدقو تقال ..هاد الدار ماتعطي فيها حتى الف درهم ..تفو
تقلبات شيماء على كرشها سدات عينيها وقالت ليها خاصنا نشريو فراشنا ونكريو الدار خاوية بحال الناس..الف وخمسمية تجيب لينا دار نقية ومهوسة ماشي بحال هاد واحد وربعين ميترو بحال القبر
قالت ليها يسرى وشحال كااع غتشري هاد الفراش غيطلع بغسيل الفندق حتى هوا
قالت ليها شيماء هانيا اللهم يمشي ففراشنا
داتها عينها ونعسات مرتاحة ..اخيرا قدرات تنعس بلا ما يمن عليها حتى واحد ولا يتنفخ عليها شي واحد وتحس براسها عالة عند. شي واحد..فاقت من النعاس واول حاجة قالت
لهلا يحرم شي واحدمن دارو ..ناري التجلويق شحال خايب
هزات تيليفون مبسمة كتفكر تعيط ليازيد لاكن حتى كانت غتصوني ورجعات حطاتو مارضاتش تعيط ليه وهي ماعرفاش اصلا نيتو كيف دايرة..واش كيشوف فيها بنت دارهم اللي مابينها وبين الفساد غير الخير والاحسان ولا كيشوف فيها ليلة ديال المتعة والصباح يخلص عليها ويزيد مع الطريق ولا كيشوف فيها ديك البنت اللي كتجي بالحب والكلام المعسول حتى ياخد اش بغا ويقلب وجهه ..
كثرة التجارب اللي عاشت وشافت فعام واحد خلاوها تتعلم وتاخد دروس من الحياة . .. عرفات باللي السن ماشي مهم باش تتعلم ولاكن التجارب الكثيرة هي اللي كتعلم .
تراجعات على داك تيليفون وطردات الافكار السلبية من بالها واحساسها متشبت بيازيد ومابغاتش تهصر الصورة معاه ولا ضيعو وهي ماصدقات عيط ليها وتلاقاها وهضر معاها ..لا وفوق هادشي طبيب ! فارس الاحلام اللي كتحلم بيه كل بنت ..زين وشخصية كتبان عليه ومال وسيارة فاخرة من الفوق.. واخا كتعرف غيرو بزاف لاكن كل واحد عندو عيب من العيوب اللي كتكره ..وهاد يزيد كتتمنى معاه قصة مختالفة وسعادة وحياة اخرى من غير حياتها اللي حشمات تقول عليها ممملة وتعيسة وهي اصلا ماشي تعيشة وماعايشاش الملل فحياتها لاكن ناقصها قلب وهاد القلب اخيرا ناض وتحرك
حرمات على راسها الاتصال وناضت كان داك النهار ديال الحمام ..ديال شي تحميمة فاعلة تاركة دايزها الكلام ..مشات هي ويسرى للحمام ديال ديك الحومة وشدو الطيابات وحطو الماطيريال .
ضربوها بغسلة كتمحي بنادم من الوجود ولوال على ريوسهم الفوطات ولبسات كل وحدة حلابتها وخرجو للسناك اللي حداهم بصيكانهم جلسو تعشاو وناضت يسرى قالت ليها يالاه ماتمشيش الصالون تصايبي شعرك؟
قالت ليها شيماء لا اختي خليه يرتاح مغنمشي فين دابا غنمشي نزيد ليه شي ماسك ونعطيه الراحة
قالت ليها يسرى انا غنمشي للصالون يالاه بالصحة
باستها فحنكها ومشات وناضت شيماء رجعات للدار واول حاجة دارتها حطات الحوايج يتصبنو فديك الماكينة الناحية اللي كتركب الاعصاب وطلع السكر ..خلاتهم كيدورو ومشات خلطات واحد الطاسة ديال المايونيز بلا ملحة طلاتها لشعرها ومسداتها ليه مزيان ولوات عليها السلوفان وطحنات واحد الخيارة حتى ولات حريرة وزادت عليها الروز مصلوق مطحون وخلصات كلشي وخلاتو حتى برد وتجمع شوية وحطاتو ماسك على يديها كاملين ورجليها ووجها وعنقها وهي جالسة بسليب وسوتيان فالازرق عاديين ..جرات تيليفون اللي خلات فالدار لقات اتصالات لا تعد ولا تعصى .. ها اللي نمرتو طالعة ها اللي نمرتو مطالعاش ها البريفي..هزات صبعها بدات دوز عليهم واحد واحد تعرف شكون وبدات بالنماري اللي عندها بيهم الغرض وخلات لخرين..دوزات اول نمرة واللي مهمة فحياتها جاوبها صوت غليض مدعدع قالت ليه
الو محجوب
قاليها على سلامتك واتي فينك شحال عيطت ليك
قالت ليه كنت فالحمام امحجوب كاين شي بلان؟
قاليها بلانات هما وايلي واش حنا كنجلسو!! تكعدي تخدمي على راسك لا باغا تخدمي ماحد الشمس مكسلة فالسما
قالت ليه واراه سولت دابا واش كاين شي بلان
محجوب: سمعي ماتمشي فين ..ماتسافري ما تخرجي صافي
ش: هي كاين شي بلان امحجوب؟. شكون؟
قاليها الشابو .. راه جاي بعد غدا
قالت ليه شكون فيهم ؟
قاليها الشيخ حمودك اللي عزيز عليك
تبسمات قالت ليه حلف!! وعلاش خلى حتى قرب يسالي الصيف عاد جاي!! غنبدا القرايا امحجوب كي غندير !!
قاليها ديري نصنص نص. كحل نص بيض
قالت ليه كنهضر بصح دابا كيفاش اندير وهوا ديك المرة قالي غتبقاي تجي رسمية
قاليها غنشوفو كي نسلكوها المهم جمعي شنطتك اوكي حبي
قالت ليه صافي واخا ..اصلا غنضرب شي ضربة ولا جوج صحاح ونكون عاوتاني
قاليها واجي ضربي ليك هاد الضربة ليوم واه كاينة الطريفة نديك ليها
حطات يديها على وجهها كانت غتعبس تخصر الماسك وقالت ليه شوف امحجوب ديك الطريفة ولا معالة ولا باس باس غا بلاش بلا متعيط ليا فيهم . حتى ديك الف الفاين ماعندها ماتقضي ليا قصي كيسيفط ليا الدوبل ديالها كلها شهر نمشي انا نصدع راسي ونتزاحم مع****
قاليها بصوت تقيل وانتي ضسراااك داك قصي مابقيتيش كتشوفي فجنابك
..مهم ماعلينا كتعرفي شي تيتيزة نديها بلاصتك تكون بحالك
قالت ليه دي معاك يسرى راه غير جالسة غيعجبها الحال واخا طريفة
قاليها كيسوط : تأ احيدي عليا ديك يسرى ولات كتريفولا ليا بزاف غنضيع معاها لمازوط ..شوفي ليا شي وحيدة شي حليوة بحالك تمشي تجلس ماتكعدش ..ماشي ندخلها انا مع هاد الباب يخرجوها ليا مع الباب لاخر
قالت ليه انا نعطيك نمرة واحد البنت
قاليها زوينة؟
قالت ليه زويينة
قاليها وباقا صغيرة ولا شارفة بحال ديك صاحبتك يسرى
قالت ليه بااقا صغيرة قدي
قاليها ويالاه نتي تمشي ونردك قبل الجوج
قالت ليه كضحك اهاه والى تهزيت!! طلع بلاصتي نتا ! سير خليني نعس حتى يجي محمد وهانا معاك
قاليها ايااه فاش وقفت عليك دابا حنسرتيني ونتي نهار كتوقفي عليا البلان المخير كنديك ليه
قالت ليه شوف انا غنعطيك نمرة واحد البنت غتعحبك
قاليها وا عقلي دابا يجي محمد وتا انا مغنعقلش عليك
بدات كضحك قالت ليه هاء!! غنعيط لمصطفى هوا يديني ..ولاكن انا عارفاك مغتقدرش حيت عزيزة عليك
قاليها واطلقي اري النمرة دالبنت نشوفو هادي تا هي كي داي
قطعات مع محجوب وعاود صونا ليها كيأكد عليها قاليها واش زوينة ؟ شوفي مافيا اللي يتصدم ورجعوها ليا ريفولي اشيماء
قلت ليه وصافي امحجوب ملي نقول ليك زوينة راه هي زوينة واش مالي انا مكنعرفش فالزين؟ قلتي يسرى لا ماقلت ليك والو وريتك البنت اللي تعوض ليك
قاليها على حسابك ؟! راه غنعيط ليها دابا
قالت ليه على حسابي.. وتا نتا امحجوب طريفة وكتشرط والله مافهمتك
قاليها مهم راه طريقة غترجع ليا بجوج دريال بلاش منها
قالت ليه وصافي غير سير دابا عيط ليها على حسابي
حتى حان غيقطع وعاود رجع سولها قاليها وهي بعدا بنت ولا هب يا هوا مرتاح
بدات كضحك قالت ليه هب يا هوى مرتاح
ضحك قاليها ايوا هاكاك
قطعات وناضت شللات الحالة كلها وخرجات لقات يسرى رجعات ولابسة ناوية تخرج ..ماسولاتهاش لا فين غادية لا فين جايا مشات نيشان نعسات
داز الغد ليه فتوجاد لحوايج ..شنو تدي معاها وشنو ماتديش معاها وخرجات شدات طاكسي لاكدال..غير وصلات تفكرات يازيد وجبدات تيليفون كتقول نعيط ليه ؟ مانعيطش ليه؟ شنو ندير ؟ خافت تعيط ليه تبين ليه مهتمة ويبقا يدير ليها ديما ويخليها هي تعيط ..وعاوتاني مابغاتش دوز عليها الراحة ماكرهاتش تشوفو ولا تسمع صوتو..واخا شافتو غير مرة تشهات تعاود تشوفو وتسمع هضرتو وتعيش شوية ديال السعادة والخجل اللي اصلا مابقاتش كتقدر تعيشو فحياتها العادية.
تراجعات مرة اخرى كتحاول تمنع راسها تخلي هوا يجتاهد باش تبقا نفسها مرتاحة بلا ماتنقص منها زعما وتندم ودارت بناقص لاكن عقلها بقا معاه وكتقول بحال والو نتلاقاه..زعما يكون ساكن هنا؟ يكون زعما خارج يتسخر مثلا ونتلاقاه؟ ولا يكون خارج من لاصال .. واصلا نفرضو داز بالطموبيل فين غنبان ليه
دخلات لمحل خاص بملابس السهر اللي كتبغي واللي كتاخد منو ديما وبدات كدور وتقلب وتهز ودازت لصنادل والصبابط خدات ثلاتة وخرجات مشات لايطام كتعزل الملابس الداخلية وتقلب وتشوف.. تلاقات مع شحال من بنت كتعرفها سلمات عليها وكاين منهم اللي كيوجدو للشيخ اللي غادية عندو حتى هي ..كملات كاع شغلاتها وخرجات هازة تقدية فيدها وقالت مع راسها
اجي نعيط ليه حتى الى تلاقيني بعدا يشوفني مقدية ماشي مساليا يقول جات عاى قبلي..
يالاه جبدات تيليفون كتقلب على سميتو فتيليفون ديال البلاك بوري اللي كان ساوي الثمن وكاين غير عند شكون وشكون فوقته
حتى بغات تصوني وقلبها كيصوني كتر منها صونا ليها تيليفون وطلعات سميتو وبالصدمة كان غيطيح من يدها ..ماعرفات تفرح ولا تخلع ولا شنو دير ..بقات كتفتف وتبتات وسكتات كتنفس عاد فتحات الخط جاوباتو
الو
الو شيماء
الو يزيد سافا شخبارك
صافا الحمد هادي هي غنصوني ؟
ضحكات قالت ليه غير مع روينة السفر وصافي ..
قاليها وساليتي دابا نقدرو نشوفوك ؟
قالت ليه واخا انا دابا فاكدال الى كنتي مسالي نتشاوفو
قاليها متفاجئ جيتي حتى لاكدال وماقلتيش نعيط ولا نسول..ياك
قالت ليه كضحك والله جابتني غير السخرة وصافي غتجي تشوف بعينيك
قاليها انا فكازة دابا عاد غنخرج لوطوروط جاي
قالت ليه بخيبة امل نزلات على وجهها ..ااه صافي واخا الله يجيبك على خير
قاليها غنشوفك ليوم بالليل صافي..نخرجو نتعشاو اونسومبل
بقات ساكتة كتفكر قالت ليه واخا انا غنشوف ونرد عليك
قاليها غنتسناك تعيطي هاد المرة اليو ماعيطيتيش ..
سكت ماكملش الهضرة وحتى سكتات عاد قالت ليه انا غنحاول
قطعات معاه بابتسامة لاكن قلبها تقبط كانت كتمنى تخرج هي وياه بالنهار ..اما الليل عارفاه اش كيجيب وباش كيسالي .رجعات بحالها للدار لقات يسرى عاد فاقت وجلسات حداها حطات حوايجها وتنهدات
شافت يسرى دوك الحوايج باينين من الماركة قالت ليها مشيتي لاكدال
شيماء: مشيتي شريت حوايج جداد على قبل الشيخ حمودي جاي المغرب ليوم ..غدا غنمشي لمرتينيز
حلات يسرى عينيها مصدومة وطلات على تيليفونها وقالت ليها وعلاش ماعيطوش ليا؟..ماعيط ليا حتى واحد
بقات شيماء ساكتة هزات كتافها بمعنى مااعرفت
شدات يسرى تيليفون عيطات لمحجوب مابغاش يجاوبها ..عيا تصوني ليه وقالت لشيماء صوني ليه من تيليفونك شوفي واش يجاوب
قالت ليها شيماء مكاينش غا المحجوب اصلا الى عيطيتي ليه من عندي غيقول انا اللي قلتها ليك
هزات يسرى حاجبها قالت ليها وشنو فيها علاش مابغاكش تعرفي
ناضت شيماء من حداها قالت ليها اختي انا ماقالي ما قلت ليه قالي وجدي حوايجك مشيت شريتهم بيناتكم
رجع وجه يسرى احمر وعيطات لكاع لق***دك. اللي عندها فتليفونها حتى واحد ما بغا يقوليها شنو كاين اللي سولاتو كيقول ليها مكاين والو ..تأكدات باللي حتى واحد مابغا يخرجها معاه ومالقات مادير لقات غير الطريفات اللي ثمنهم قليل ( من بعد نفهمو شنو معناهم)
بدات كتبكي حتى رجعات شيماء لقاتها جالسة كتبكي وبقات فيها وجلسات حداها كتواسيها ويسرى كتشكي عليها مالهم ولاو بحل هاكا شكون محرشهم عليا. مكندير لا مشاكل لا والو علاش حتى واحد مابغا يقول ليا على مارتينيز اللي سولتو كيقول ليا مسدودة مكاين والو
..باش غنعيش انا وباش غنصرف على بنتي ومي وشنو غنوكلها وشنو غنشربها ..شنو درت ليهم كاع
انفاجرات بالبكا وشيماء جالسة حداها ساهية ومعنقاها ..مسحات ليها دموعها قالت ليها غتخرجي..غتمشي وانا غنديك معايا ..انا غنهضر مع المحجوب من بعد نشوفو علاش دابا صافي سكتي وجمعي باليزتك حتى نتي ..نوضي هاد العشية سيري ديري شي سوان ..ديري بلونشيمو اصاحبتي لسنانك وقطعي داك الزبل اللي كتكمي كيزرق الفم ..خودي بحال اللي كناخد وتهلاي فراسك باش تباني راه الوجه قبل لاطاي ..سيري هاد العشية ديري سوان لوجهك وبدلي عليا هاد اللون بحال الشطابة وشري كلبسات جدا. شوفي هادو كي تحرقو مابقا فيهم والو..ديري زعورية نقية كتجي معاك الزهورية وعاودي دفارك شوفي كي طلعو..كتقادي كتباني زوينة اصاحبتي
تنهدات قالت ليها راه هادشي خاصو الفلوس اصاحبتي ونتي كتشوفي مي مريضة خاصها الدوا وبنتي خصها تقرا كنخلص ليها المدرسة وانا اللي كنصرف ماكيبقاليا والو ..الى خطيتهم انا غيمشيو فيها
تنهدات شيماء شافت حتى عيات وجبدات ميات دولاد عطاتها ليها قالت ليها صرفيها وسيري قادي حالتك ..سيري صالون يقادو ليك دفارك حتى هما
يسرى: والشعر !! الشعر راه خمسالاف درهم داير
شيماء: الشعر غتشريه من بعد فاش نرجعو من مارتينيير غيكونو عندك الفلوس . دابا ديري كاري بلونجي وقادي اللون غتباني كلاص
قالت ليها يسرى الحوالا كيبغيو الشعر طويل ااصاحبتي عاد غنعورها بكاري بلونجي
شيماء: اهاه ودوك الروسيات والاوكرانيات وكل وحدة منين جايبينها مالهم ماقالو عاد الهضرة ..سيري دابا تحركي يالاه تسالي..انا غنوض خارجة بالليل يالاه نوجد
وقفات قدام المرايا كتشوف راسها كي جات ..الشعر طويل كحل بحال الضلام ملوي وكسوة كحلة لاسقة على الجسد كامل سامبل بسميطات عاى الكتاف مباعدين والصدر مربع ..لبسات معاها صباط عالي دان كحل وحطات مكياج خفيف تقول ماحاطاش ..حافضات على برائة وجهها وبغات تبان فمستوى الطبيب .رشات الريحة ولبسات حوالقها وتاصلات بيه مع الو ديالو سمعات صوت الطموبيل عادية فالطريق
قالت ليه انا كنتسناك
قاليها انا فالطريق
تبسمات قالت ليه وكن ماكنتش غنخرج شنو كنتي غدير؟
قاليها كنتي غتبدلي رأيك وتخرجي
بدات كضحك وقطعات معاه تسناتو حتى وصل عندها قدام العمارة ولبسات عبايتها خرجات حتى لعندو وطلعات حيداتها لقاتو مريح والموسيقى والكالم الجو فااطموبيل كيبعت الاسترخاء..كان لابس قميجة فالازرق فاتح مخلولة على الصدر والسنسلة رقيقة فالعنق بيضا .. والدجينر والسمطة فالسروال سلمات عليه من الوجه وجلسات سدات الباب عليها ودارت السمطة وزادت مع الطريق
بقات كتشوف فيه بنص عين وتفليه وهوا سايك ..حاط يدو المقود وداير فصبعو ليمن خاتم رجالي ابيض رقيق اصفر وسطو بولة مربعة مصغوطة كتلمع لمعان الديامو ..يدو نقا من يد الحادكة وقاره مقلمين على قياس الدفو وحومر بالنقا .. تلفت شاف فيها بابتسامة قاليها فين غنمشيو؟
قالت ليه فين مابغيتي
قاليها نمشيو غيسطوغو حسن..ولا بغيتي تمشي ل pub
قالت ليه غيسطوغون حسن
تلفت شاف قدامو مشا نيشان لغيسطو من اكبر ليغيسطو فالمدينة وارقاهم ونزلات معاه حشمانة منو شادة بزطامها فيدها دخلات جنبه وشافتو داخل كيسلم على ناس كيعرفهم لقاهم تما وهي قدامه سابقاه
جبد اسليفون من جيبو باش يجلس مرتاح وجلسو فطبلة
كل واحد شاف شنو يتعشا وكل واحد شنو طلب ..خدات مع الماكلة ويسكي بحالو وبدات كتجمع معاه وتتعشى ..اللي شافها يقول بنت الامراء ماشي بنت جلول ..مستحيل تشك ولو للحضة انها فقيرة ..فالشوفة كتبان عليها كلاص..فين تعلمات داكشي وفين عرفاتو !! الله واعلم
قاليها عاودي عليك شوية شنو كديري من غير القراية
تبسمات قالت ليه والو غير القراية..القراية مكتخليش ليا الوقت والتخصص اللي دايرة صعيب ..
قاليها كيفاش حتى جاتك الفكرة ديري هاد التخصص
قالت ليه فالارل مكانت عندي حتى فكرة فمرة.. قلبت فالانترنت وبحث وسولت عاد ختاريت هاد التخصص..شجعوني حتى شي اصدقاء قراو معايا وطلعو بنقطة مزيانة وتبعتهم حتى انا
قاليها مزيان الاللة ..وشحال جبتي فالباكوريا
قالت ليه جبت تمنطاش
تفاجأ قاليها تبارك الله عليك
ضحكات قالت ليه علاش مابايناش عليا
قاليها لا لا مكنحكمش على الناس من المضهر بلعكس تبار الله عليك
..
قالت ليه الله يبارك فيك شكرا
بقا ساكت شوية كيتعشى وقاليها شنو كيدير باباك وماماك
وحلات ليها حتى تقجات وبدات كتكحب سرطاتها ورجعات تبسمات قالت ليه بابا ..بابا معايش فالمغرب ..هوا وماما مفارقين هوا طبيب ديال السنان فباغي وماما محامية
بقا مبسم وهي كتشوف ردة فعله اللي كانت مرتاحة ..قالت ليه ونتا شنو كدير باباك ..وماماك
قاليها الواليد غتكوني كتعرفيه سياسي ..الوالدة حتى سياسية
قالت ليه شنو كنيتكم
قاليها السقلي
قالت ليه كنسمع هاد الكنية بزاف ولاكن ماعرفتش باباك
قاليها الى شفتيه غتعرفيه
قالت ليه حمستيني نعرف شكون
قاليها مهم ماعلينا خلينا دابا منهم .. عندك شي علاقة فحياتك عندك شي واحد ؟ ماعندكش؟
قالت بحالي بحالك ماعنديش
ضحك باستغراب قاليها باش عرفتيني انا ماعنديش؟
قالت ليه حيت كن كانت شي وخدة معمرة حياتك كنتي غتكون نتا وياها هنا ..ايوا حتا بحالك
قاليها قنعتيني ..برافو عليك .. مي بنت قدك فلاح ديالك كتهضر بحال هاكا ..سي بيزاغ
قالت ليه علاش كي جاتك هضرتي؟ وباش عرفتي اللاج ديالي
قاليها اللاج ديالك باين ..دوزياماني فل uir. الباك شديتيه على ويطو .. عشرين عام عندك
قالت ليه ونتا غتكون عندك ديك ثلاتين عام
هيط عينيه كيضحك قاليها باينة عليا
قالت ليه باينة عليك من هضرتك
قاليها وانقصي شوية
قالت ليه نقص! واش بصح
حرك ليها راسو قاليها غير زيدي نقصي هربتي بزاف
قالت ليه شحال نقص !! ستة وعشرين
قاليها نقصتي بزاف
قالت ليه تسعود وعشرين؟
قاليها هبطي
قالت ليه تمنية وعشرين !
قاليها تمنية وعشرين ..السن كيبقا غير عدد ماعندو حتى علاقة بالعقل والدليل هوا نتي..كتباني كبر من السن ديالك ..بنات عشرين عام راه تهضر معاهم كيطيرو غير بوحدهم
قالت ليه كضحك ايوا ماشي كلشي..راه كاين اللي بعقلو الحمد لله
قاليها كاين ماقلتش ليك لا ..
قالت ليه مكندبش عليك ايازيد..انا من نهار حليت عيني وانا غير لقرايا ..حتى الصحبات مكنديرهمش.. قاطعها قاليها وشكون هادوك اللي كانو معاك ديك النهار
قالت ليه واحد كيقرا معايا فل uir ولخرين معرفة سطحية..اصلا فموسم الدراسة كنسد غلى كولشي باش نركز على قرايتي ..مي فالصيف كنبغي نخرج ونشحن طاقة اجابية تدعمني العام كامل
يازيد بان عليه من وجهه رتاح لشيماء.. كيسمع ليها ..كيسولها ..باغي يعرف عليها بزاف.. كيشوف كيفاش كتهضر ..كيفاش كتاكل ..كيفاش كتصرف. جاتو متطابقة مع كلامها ومافيهاش ي حاجة غلط وكتهضر بهدوء وعارفة شنو كتقول..باين عليها الخجل من جهته لاكن مكاينش توثر ولا دخول وخروج فالهضرة..بلعكس صوتها مريح بزاف والبرائة على وجهها ..رقيقة وحنينة وحساسة ..جميع الصفات الجميلة اللي كيكونو فالبنت بانو فالصورة على شيماء ..واحد اللحضة سكت هوا وخلاها كتهضر وبقا غير كيشوف فيها ويتبع خركاتها ..مرة تضحة مرة تحشم ..مرة ترد الشعر اللور على ودنيها ..كانت كلها حلوة وزوينة زاد اعجبابو بيها وبانت فعيونو الزرقاء..اما هي كانت كتراقب تفاصيه بلا متخليه يحس العكس ديالو تماما ..كانت كتشخصو بلا ميحس بيها وكتشوف فيه مرة مرى كيفاش كيهضر ..كيفاش كيتصرف..كيبان عليه شاب مرتاح فحياتو..نضرته للحياة نضرة ايجابية ..متسقر نفسيا عارف طريقو وعارف شنو باغي ..كلامو موزون وطريقته فالتعاويد زوينة كتخليك تسرح ..كيهضر بشوية واخا صوتو خشن مكيضرش فالودنين..فيه ميزات الى جانب مكانتو الاجتماعية ووسامته خلاو شيماء تنجادب ليه اكثر وزاد اعجباها بيه حتى ولات كتقول واش بصح لقيت فارس احلامي ولا غير كنحلم!
تنهدات بعمق وتبسمات ليه وهوا كيعاود ليها على مساره الدراسي وجات مع الجملة..
مع الطيش مع الوقت اللي كان خاصني نبني فيه مستقبلي واهم خطوة فحياتي..زيروني الوالديني ..لخوت ..تزيرت نييت حيت على شوية كنت غادي نحارف..كنت غادي فطريق الانحراف وطريق كحلة لا رجعة فيها ..مي لقيت الواليدين واقفين لافامي كلشي تعاونو عليا حتى رجعت للطريق وبسبب داك الانحراف دخلت لمدرسة عسكرية ..كانت هادي هي الطريقة الوحيدة باش يزيروني وخلاوني مني للعسكر ..صافي مالقيت ماندير لقيت راسي وسط واحد العالم ماشي ديالي مكنتاميش ليه اصلا. دازت اوقات صعيبة دزت من سطاج عمرني كنت كنتخيل راسي غندوز منو..كنسميه سطاج الرجولة.. تما كتخرج ديك الرجلة اللي فيك بزز منك وتخدم عليها وطورها وداكشي..التطبيب من جهة مع لارمي..قرايا ورياضة عسكر كلشي مجموع الوقت مكاينش الضغط الزيار الحرب والقتال ..شوية بشوية بديت كنولف بدات كتتكون ليا الفكرة فراسي بديت كنتقبل داكشي ..
قالت ليه بديتي كتجمع فكرة انك طبيب ولا انك عسكري مثلا
قاليها بجوج..هادي وهادي..انا اصلا ماكنتش كنتخيلشي نهار نكون طبيب..داكشي علاش حسيت بديك الفكرة فاش بدات كتجمع وبدات تنساحم معايا وبديت كنميل ليها وتميل ليا..صافي تما عرفت راسي تقاديت ماببقيتش يازيد اللي دخل عندهم اول مرة..خرجت واحد اخر انا براسي ماعرفتش شكون انا ..تبدل عليا كلشي بحال الى خارج من الحبس..حتى تعاملي مع الناس تبدل كلشي تبدل كلشي لاحضها فيا وانا براسي بديت كنحس براسي نضجت واحد تمانين فالمية على اللي كنت وطلعت طلعة وحدة..وليت عارف كيفاش نمشي راسي مابين الشهوات والرغبات بلا مانضيع شي حاجة ندم عليها من بعد
تعشات معاه ومافاتتش كاس ديال الويسكي واحد سولاتو على خوتو قاليها عندي ثلاتة بنت و الاخ الكبير وهوا الثالت
عاود ليها على حياتو وعاودات ليه على حياتها ودازت العشية كلها تعارف وجا وقت المغادرة .ناضت وهي مزال كتسائل على نوع العلاقة اللي ختار يدير معاه ومزال ما وضح ليها باش تعرف راسها من رجليها .
خرجات للسيارة ركبات وبقات ساكتة كتشوف قدامها وخايفة يقوليها نمشيو نباتو ودوز معاه ديك اللية الليلة وماتعاودش تشوفو..واخا فالداخل ديالها عندها رغبة ماكرهاتش لاكن مابغاتوش يمر مرور الكرام وتبقا بوحدها وهي ماصدقات لقات اللي رتاح ليه قلبها وتمنات بشدة طول معاه .
حرك السيارة وكانت كتسنا منو يشد ليها فيدها ولايعنقها يبوسها لاكن مادار حتى وحدة من هادو..قالت يمكن ماعينوش فشي حاجة عجبتو وبغا يخرج معايا لا اقلولا اكثر..يمكن الهضرة اللي قلتيه وحياتي اللي رسمت ليه خلاه يحتارمني ..يمكن المعدل باشنجخت فالباك والجامعة اللي كنقرا فيها رفعو من قيمتي
اكيد غيرفعو من قيمتي ، طبعا يحتارمني ويقدرني واش كنقرا فجامعة قدها قد لخلا وجايبة تمنطاش هي جالسة فالدار مسرحة رجلي هي جايية عشرة فالباك كتسنى شي مدرسة تقبل عليا.. حتى انا عندي نقط يخليو بنادم يحتارمني بزز منو بغا ولا كره .
صراعات مع عقلها هي تقول وهوا يقول ..كانت عندها ثقة فالنفس كبيرة وهاد التيقة خداتها من القراية اللي قرات والمدرسة اللي كتقرا فيها ..زيد علاش هادشي الفلوس اللي ديما فجيبها وزينها اللي معاونها فشحال من حاجة وعاد اهم حاجة اللي خلات تقتها تزيد وتكبر اللغة اللي ماعندهاش فيها صعوبة..تهضر بالفرنسية كأنها كانت عايشة برا وتجاوب بكل تلقائية الى هضر معاها شي واحد والانجليزية اللي شادة فيها النص وباقي النص لاخر حالفة حتى تشدو .
الطريق كلها وهما كيهضرو ويتعاودو حتى لقات راسها كتعرف عليه بزاف ديال الحوايج وعطاتو من حياتو كلشي لاكن بصورة رسماتها هي بيديها .عشاء تعارف نجح بامتياز ولقات راسها قدام باب عمارتها وهزات عينيها شافت فيها متفاجأة وشافت فيه كتأمل ملامح وجهه العفوية ماتوقعاتش يردها لدارها..تبسمات وهزات عبايتها قالت ليه ماديرهاش مني قلة الصواب خاصني ضاروري نلبسها حيت العمارة مشتركة وسلا جديدة ماشي هي اكدال
قاليها خودي راحتك مكاين حتى مشكل
لبساتها وتبسمات ليه مدات ليه يدها خلات الاحترام بيناتهم لاكن جرها سلم عليها من الوجه والتسليمة اللهرة باسها جنب فمها حتى بدات حتى رفرف قلبها وقاليها سولي..عنداك متسوليش
قالت ليه كضحك بحال بحال ضاروري نعيط انا
قاليها ضاروري تعيطي كما كنعيط
قالت ليه واخا ان شاء الله تصبح على خير
طلعات للدار حلات الباب بالساروت ودخلات لثات الضو طافي ..حيدات الصباط ومشات للبيت لقات يسرى ناعسة وحاطة الباليزة واجدة حداها .لبسات بيجامة شورط و ديباردور ومشات ومشات للطواليط غسلات وجهها وسنانها ونعسات فناموسيتها حدا يسرى .
صبح الحال صبحات خامرة فيقها تيليفون محجوب علمها باش توجد راسها مع الجوج يدوز يديها ..ناضت لقاتها طناش وشافت حداها لقات يسرى باقا ناعسة. وبزولتها مدلية كتبان
فيقاتها وناضو للروتين الصباحي ديالهم..وحدة نزلات للمخبزة تجيب الخبز وحدة فالكوزينة كدير الفطور
حطات يسرى الكاميلة ديال البيض مقلي معاه الكاشير والفرماج دايب وبراد ديال اتاي وحطات يسرى الخبز وباكية ديال الفرماج وجلسو يفطرو
قالت ليها يسرى معاياش دخلتي لبارح؟ ماحسيتش بيه
شيماء: دخلت مع ديك الجوج.. انشوف دفارك
طلات على دفارها قالت ليها وادابا اه دابا جاوك زويونين ..ديها فراسك شوية نتي عارفة لخروج كيبغي الزواق والنقى ومع ذلك هملتي راسك..
تنهدات يسرى قالت ليها اشنو ندير اصاحبتي عييت
قالت ليها شيماء النقى مكيعييش بلا هروج بلا والو خاص دفارك يكونو نقيين وفيك ريحة زوينة ومحيدة الزغب وكلشي..اما نتي وليتي كديري شي حوايج كتصدميني ..كتمشي بالزغب وتبقاي تقلبي على ليبة كحلة تلبسيها ما بلان ما والو
قالت ليها يسرى معامن خرجتي ليارح
عضات شيماء على شنايفها قالت ليها ماتفكرينييييش..احسن عشا نتعشاه فحياتي من نهار خلاقيت
يسرى: خرجتي مع زرق العينين
تنهدات شيماء قالت ليها سميتو يازيد ..كيفاش كيهضر كيفاش كيجلس ..
يسرى: فاش خدام؟ قالها ديك المرة مافهمتش شنو قال
شيماء: طبيب عسكري
تعجبات يسرى قالت ليها : بصح !!
شيماء: طبيب اختي ومو شكوون وباه شكووون ..حياتو لهيييه وحياتنا حنا لهيييه بيناتنا بحر اطلنتيك اختي.. ولاكن غيجي واحد النهار غنطلع لداك المستوى ونتخشا وسطهم وباي باي هاد المستوى الى الابد
قالت ليها يسرى شدي فيه يتزوج بيك
ضحكات شيماء بسخرية قالت ليها واش من نيييييتك!!! باش حسيتي فاش قلتيها
قالت ليها يسرى مالكي زوينة شنو خاصك
هزات شيماء حاجبها قالت ليها علاش هما ماعندهمش الزين فطبقتهم حتى ينزل لطبقتنا حنا يتزوج منا!! من نيتك !! بيمن غيتزوجي واش غيتزوج بشيماء بنت جلول بنت الشعب بنت التخت ماشي حتى بنت الشعب العادي..اش جاب با لباه ومي لمو وخوتي لخوتو مستحيل من سابع المستحيلات ..وكادبة عليه كدبة قد الفيل ..بيمن غيتزوج اختي بشيماء بنت الطبيب والمحامية اللي اصلا مكايناش فالواقع كاينة غير شيماء المقطوعة من شجرة يحساب ليك هادا حولي بحال الحوالا عندو عادي يتزوج بيك ويديك سعودية ويقبل عليك نتي ومك وخوتك واخا تكوني هاربة ولا تكوني ق**** وماعندوش مشكل ولا يخليك هنا ويمشي هوا ويبقا يجي عندك !! علااامن كتهضري يا ختي اش جاب شي لشي هادو الصمعة عندهم هي الشرف والعرض اول حاجة سولني عليها يعدا شنو كيدير باك شنو كدير مك بنت من نتي ..عااد داز سولني اسئلة اخرين كن قلت ليه بنت جلول علا عاشو كن تقيا عليا تما وخلاني نقلب على طاكسي تردني
قالت ليها يسرى شحال من واحد واصل تزوج بنت الشعب ومن البار كاع ..والى كنتي ماعينكش فالزواج معاه فاش عينك؟ غطيحي فيها شي طيحة خايبة اجا ماخرجك منها
قالت ليها شيماء اولا داك اللي كيتزوج بنت التخت انا بعدا عمرني شفتو ..جبديه عطيني شي سمية ديال شي واحد واصل عنده منصب ومحيط فيه غير فلان وفلان من غير دوك اللي طالعين بالتجارة دارو لاباس من الورث عندهم الفلوس ولاكن مكانة اجتماعية ماعندهمش.. راه كاين فرق بين واحد خانز فلوس عايش مستوى عالي وبين واحد عندو الفلوس والمستوى والمكانة الاجتماعية..كلشي طالع على هاد المكانة الاجتماعية اباغ الفلوس هادي هي النقطة اللي كتقول ليك سطوب بلا مانكدبو على راسنا ونبقاو نحلمو بشي حاجة مكايناش..هادوك علامن كتهضري نتي بوحدهم الفلوس كاينة المكانة اللي تفتح ليهم العينين على وحدين اخرين بحالهم مكايناش وعاد الشعبية اللي عند بات يازيد ومو ..معروف كيدوز فالتلفازة سميتو كتبرق مكاينش اللي مكيعرفوش ..نجي انا نتزوج ليه بولدو ..عمرو جرب حتى عيشتنا كي دايرة كيشوفهت غير فالاخبار وكيهضرو غير بالاسامي..
تنهدات بعمق خرجات النفس تقول كانت كدابز لاكن خرجات حرقة وخصة فصدرها وقالت ليها باسى
اختي انا عارفة راسي الى طرت غنتزوج طبيب عادي قرا على راسو وخدم على راسو ولا شي واحد واخا لاباس عليه ماعندو حتى علاقة بالاسامي والاوسمة..اما يازيد راه ولد مو وباه وهوا براسو كي خلاها تكونات ليه الفكرة فراسو تعايش معاها ميقبلش على راسو وحدة بحالي واخا نكون ماشي غير مهندسة كنسوق الطيارة..اهم حاجة بنت من شكون با. وانا با غا زطايلي وخوتي كتر منو ومي قالت ليهم فالجهل ماتعرفو والو..
قالت ليها يسرى واختي نتي تعرفي ..الصراحة عندك الحق..ولاكن الى ماكنتيش كتشوفي بعيد بلا متعلقي بيه
قالت ليها شيماء غادي نتصاحبو شوية دالوقت نعيشو اللحضة..انا كدبت عليه باش مايحتاقرنيش وصافي ونطول معاه ..مانعرف شنو جاي من هنا لقدام كي شفتي كاع هادو اللي عايشين الحب والتضحيات تزوجو ..كلشي تفرتك ..كتجي واحد الوقت كتبدل كلشي اللهم نعيشو اللحضة نخليو دكرايات زوينين ..ماشي بحال مانعيشوش كاع ..غيجي واحد النهار غنهز راسي شي هزة عالمية اصلا هاد الطريق ماشي ديالي ماشي على قبلها خرجت ومغاديش نطول فيها ..نسالي قرايتي نجمع شوية دالفلوس نزيد لبرا انا علاش اصلا ختاريت جامعة دولية وهاد التخصص ..غير باش يهزني من هاد البلاد ..ديك الساعة حياة اخرى ..ديك الساعة غنجلس مع شكون وشكون وفلان وفرتلان وانا شخصية نفرض راسي عليهم بزز من اصل منهم
جمعات شيماء وطوات وفشات خليقتها وما فقلبها على يسرى وناضو لبسو حوايجهم .. لبسات شورط بحال العادة خفيف ديال النايك وكلاكيطة وتيشورط بيضاء وجمعات شعرها ونضارات وعطات ليسرى شنو تلبس على دوقها باش تحيي فيها الجمال من جديد اللي ب ا كيدبل
سدو الباب وخرجو ضارو مور العمارة على الطريق كانت كتسناهم تما طيوطا كحلة كبيرة كتبري .حلو الكوفر حطو الباليزات وطلعو لقاو البنات تما ..جلسو وحدة مكتهضر مع الاخرى والبنات غير الغزالة على ختها والرقة والجمال
تلفت عندها محجوب قاليها على سلامتك الزين
شاف جهة يسرى وماهضرش معاها
قالت ليه شيماء كي جاتك النمرة دالبارح شتك كاع مادرتي بناقص مني ليوم
شاف فيها فالمرايا وكان راجل اربعيني كبير قرع كامل وشامات ..قاليها لااالا ماعندي منقول..تي راه هي الزين وكلشي
سولاتو وحدة قالت ليه وقتاش جا حمودي ؟لبارح ولا ليوم
قاليها لبارح الزين
قالت ليه انا سمعت جا سيمانة هادي امحجوب والبنات راه من سيمانة وهما تما
قاليها كدبو عليك الزين ..انا عاد كي دويت مع مصطفى لبارح قالي جمع العزلة للشيخ لغدا ..شكون قاليك تي واه سيمانة باش جا
قالت ليه جيهان لواية هي اللي قالتها ليا
قاليها وهوا سايق تي سيري ..جيهان وجها وجه معلاّية ماشي وجه الشيوخ ..بغات تبان علك
وقف فالطريق فحي اخر طلعات بنت اخرى ناقشة الحنة حتى للركبة واليدين حتى لاكواع نقش هندي ولابسة كسوة قصيرة بالسماطي وهازة صاك كبير..طلعات معاهم جلسات فالصف اللوراني اللي منو للكوفر وزاد شويةكيهز البنات وشاف فيهم قاليهم جبتو التكاشط؟
قالو ليه جبناهم
قاليهم يالاه وجدوهم هاحنا قربنا للبراج
لبسو القفاطن والتكاشط بالزربة وطلقو الشعور قبل ما يوصلو لبراج البوليس..وقفوهم كيبحثو لقاوهم لابسين التكاشط وقاليهم محجوب ها نتا اشاف غادي بالعائلة للعرس ..
خوا ليه الطريق دازو عاد تنفسو وحيدو دوك القفاطن وجمعو شعرهم وتنفسو فاتو داك الطريق
قالت ليه شيماء مكايناش طريق اخرى دخلنا حي رياض من غير هاد الجايحة امحجوب؟ شي نهار غنمشيو ابرياء بلا دليل
قاليها واييه ..كاينة وحدة على عكراش كيصلحو فيها ..شتي شوقع لحمزة ؟
قالت ليه اللي حداه مالو اش وقع؟ ليه
قالت ليه اللور. مسكيين بقا فيا وبقاو فيا البنات ..خرجات عليه سارة وواحد الوحدة اخرى
قالت ليه شيماء مالو شنو طرا ليه؟؟
قاليها شدوه البوليس كان غادي كيطير ماحسابش ليه الردادر فالطريق بغا يوصل بالزربة.. لقاو معاه البنات قلبو ليهم الصيكان لقاو الواقي وسليبات عرفو من الخلية جمعوه بالبنات بكلشي ..هما دوزو فيها 48 ساعة فالجيور وهوا خرج بمليون ونص و48 ساعة
وصلو لحي الفيلات..دخلة من هنا دخلة من هنا وصلو للفيلا المعلومة .. دخلات السيارة مع الباب لكبير للساحة لكبيرة ديال الفيلا اللي دايرة بحال شي فيرمة فالمساحة ديالها..كانو تما اكثر من عشرين سيارة واقفة والرجال والنسا حتى هما وحتى الشباب اصحاب السيارات تقول عندهم العرس..هادا جامع البنات ديالو كيهضر معاهم ويتافق معاهم وهادا كاع مامسوق شاعل كارو متكي على باب الطموبيل ..هادا حط عشرة البنات ورجع خرج يجيب لخرين..وهادي لابسة سورفيت كتجري ورا البنات اللي بانت ليها زوينة عاطية للعين تشدها تاخد نمرتها باش تكون مجموعتها اللي ماترفضش اثناء العزلة.
سن البنات كاملين مافايتش ستة وعشرين سنة واقل سن طناش لسنة .. اما اللي كيتسماو قوادات ولا قواد السن ماشي مهم عندهم المهم المنتوج اللي عندهم .
خرجات يسرى وشيماء باليزاتهم ودخلو بحال الى داخلين شي اكاديمية كبيرة ..كانت الفيلا كلها محلولة من لداخل وصالونات خفاف عصريين ومدورة بالزاج .. وكانت لهاد الفيلا بالخصوص اسم الفيلا الذهبية اللي من بعد نعرفو علاش تسمات بهاد الاسم..لاكن واخا فيلا دهبية مكيعيطوش ليها بداك الاسم ..لاكن كانت معروفة فهاد الوسط بحال اللؤؤة باسم مارتينيز.
كانت ليها مساحة كبيرة ودروج واسعين كبار وستايل اوروبي زوين كانت عامرة بالبنات .. فيهم اللي عاد وصلو وفيهم اللي كيدورو بالبيجامات تما وجالسين
من جميع المدن بدون اسثناء جاو ومن جميع انحاء المملكة.. كل وحدة منين جات وكاين اللي جات من على برا ..كاين اللي من المحطة لسيارة الشيفور وكاين اللي من المطار حتى لعندهم . كلهم هدفهم واحد اللي هوا المال والنشاط بطبيعة الحال وكلهم مختارين بعناية من طرف الشوافرية وكلهم زوينات الا البعض منهم اللي كانو على رؤوس الاصابع.
مالقات شيماء ويسرى فين يجلسو ومشاو جلسو فالدروج مع البنات وخلاو الشنط محطوطين وحدو يد على خد كيتسناو
وشي مامسوق لشي
جبدات شيماء كارو شعلاتو وعطات واحد ليسرى وقالت ليها وحدة وراها عطيني معاك عطاتها ورداتو فالصاك حتى حا عندهم محجوب قاليها يالاه
قالت ليه ويسرى تمشي معايا
قاليها غتبقا مع البنات هنا يدوزو فالعزلة..يالاه
ناضت جرات باليزتها وعطات سوارت الدار ليسرى في حالة ما تريفولات ورجعات للدار ..جرات شنطتها خارجة والبنات شي داخل شي هابط من الدروج .ركبات مع محجوب ومشاو كيتجمعو فالطريق قالت ليه واش هوا قاليك جيبها
قاليها مقالي ماقلت ليه انا غنديك تما تجلسي رسمية وعندك حجة ماشي بحال لخرين
قالت ليه عنداك اصدر يسرى صافي خليها طلعات مرحبا ماطلعاتش ترجع .
وصلها لقصر بين الغابات جهة عكراش وكانت تما حياة اخرى من القصور.
دور واحد التيليفون باش دخل من الباب اللول والعسكر خليجي على برا واقف منهم ااعرب ومنهم الهنود . طار على طريق من ليمن لاول مبنى قدامو اللي كان معزول والسكان والكالم ووقف نزلها ونزل معاها جارة شنطتها لقا تما المدعي مصطفى واللي هوا واحد من الوفد ديال الشيخ.وكان هاز مسؤولية هادشي كامل وواقف عليها
شاف فشيماء قاليه هي هادي
قاليه محجوب وهوا كيعنقها من كتفها هي هادي..فرطوطة دالعام الفايت
تبسم ليها قاليها دخلي ودخلات حطات جميع الاجهزة اللي هازة ..ليزيات. تيليفون اي حاجة بدات كتسيني وهي دايزة فباب التفتيش
جمعات ليها وحدة لابسة طابلية بيضا كلشي فساشي وسدات عليه وخشاتو فواحد المجر طرقات عليه وكملات شيماء الاجرائات الروتينية فداك القصر.
دخلات عند طبيبة نعسات على ضهرها فحصاتها وقالت ليها مكتنعسيش بزاف؟
قالت ليها شيماء لا
قالت ليها الطبيبة شحال دابا باش ديفيغيتي
قالت ليها شيماء شي عام ..الصيف اللي فات ..هنايا نيت
حركات ليها الطبيبة راسها وقالت ليها شيماء انا ديما كونطرول وديما ساكنة فكابيني عند طبيبة ديالي عارفة شنو كاين
قالت ليها الطبيبة باينة باين اللي كتراقب راسها واللي مساليا.. الصباح راه لقينا وحدة فيها السيدة كانت غتنوض هنا
ناضت شيماء لبسات حوايجها قالت ليها الله يستر انا اصلا كنقوليهم باقا بنت ديما من نهار فتحني الشيخ
قالت ليها الطبيبة حسن ليك ردي البال لصحتك وراسك راكي باقا نقية ماضيعيش راسك
ضحكات معاها شيماء قالت ليها لالا ماتخافيش عليا عارفة شكندير
مدات يدها خداو ليها الدم حللوه فالبلاصة وخرجو النتيجة فالبلاصة وجمعو ليها الضوسي خرجوه معاها خداه مسطفى وخرجات ودعات محجوب وهوا كيشوف فيها فرحان ويردد
الزين النقى والشعولية يخليلي اللي مايحشمش بيا
جرات باليزتها وخرجات من الادارة مشات تلتاحق بالبقية ..غادية فالطريق ومصطفى كيهضر معاها ..جبد تيليفون قاليها عطيني نمرتك ..عطاتها ليه وعنقها من ضهرها دخل هوا وياها لواحد المبنى بحال شي اوتيل فيه قاعة لتحت ديال الجلوس والباقي لفوق كله غرف.
مالقاتش البنات بزاف لقات غير شي بنات اجنبيات كيهضرو مع بعضياتهم شادين كارو ومغربيات كيمشيو ويجي تما وشي سوريات العدد مافاتيش عشرين بنت منتشارين فداك المكان والخدم اكثر من عددهم ..جات عندها وحدة لابسة سروال وقميجة كحلة مكتوب على البادج ديالها اسم النوامة. اللي هوا اسم القصر فين هي حاليا..
تلاقات تما مع بنت كتعرفها من قديم الزمان فجأة ومشات عنقاتها وبتبالدو القبل وفرحو مللي تلاقار تما ..
كانت البنت زوينة وطويلة شعرها كحل حتى هي مربياه لهاد الوسط ..
جلسو كيتعاودو ويتبادلو اطراف الحديث وكل وحدة تسول عاى اخبار الاخرى وقالت ليها شيماء شكون جابك؟ لعضم؟
قالت ليها فطوم لا جيت مع الشلحة
كشرات شيماء وجهها قالت ليها مع ديك الق**** الله يعطيها الكونسير
استغربات فطوم قالت ليها علاش مالكي معاها حتى نتي
قالت ليها شيماء ماعرفتيش اشنو دارت ليا!! مالقيتي معامن تخدمي غير مع امينة الشلحة
قالت ليها فطوم وهي معرفة عليها بنت اكلاب ولاكن انا مادارتش معايا الفعايل لخد الساعة
قالت ليها شيماء انا راه كانت غتخرج ليا على حياتي وحبساتني سيمانة فالفيلا سدات عليا انا والبنات ثلت ايام ماكلينا النعمة كنت غنموت ..
تخلعات فطوم قالت ليها علاش اويلي عاودي لي ..نتي اصلا ماقلتيش ليا شكون خرجك نهار الاول واش هي ؟
تنهدات شيماء قالت ليها انا نعاود ليك كلشي من الاول..
نهار حطني الطاكسي…
حطاتها الطاكسي حدا لاكار قاليها اري خلصيني ..حلات البزطام تخلص لقات فيها مية دريال شقفة ..جبداتها عطاتها ليه وشاف فيها قاليها ديالاش هادي؟
قالت ليه بخوف داكشي اللي عندي
قاليها لكونتور طالع بخمسين درهم ونتي عاطياني هاد الشقفة
قالت ليه ماعنديش
حلات الباب كترعد نزلات خلاتو كيغوت وبدات تشوف فالمدينة ماعرفتت فين تعطي بالراس..عليها جلابة كحلة وصندالة وبزطام مها اللي فيه لا كارط ناسيونال والكوبي ..مالقات فين تعطي بالراس ودخلات لا كار كدور وتشوف فين تمشي؟ عندمن؟. تمشي عند العائلة؟ باش اصلا غتمشي.. حتى درهم ماعندها..شنو دير نو ماديرش..شافت واحد جالس شاد بيسي وداير نضاضر فوق واحد الكرسي ومشات عندو قالت ليه عفاك اخويا نسولك
قاليها نعام اختي
قال ليه دابا اللي جاب تمنطاش فالباك شنو غيدير بيها
حيد النضاضر شاف فيها قاليها اللي جاب تمنطاش فالباك !! ديري بيها اللي بغيتي واش نتي اللي جبتي تمنطاش؟
قالت ليه اه ماعرفتش شنو ندير
بدا كيشرح ليها ويفسر ليها لقات كاع داكشي اللي كيقول خاصو مجهود وخاصو الاوراق وطلع وهبط..عند بالها تمنطاش غادي تخدمها من ديك الساعة كما كان كيتخيل ليها ساعا كلات اول طرشة من عند الزنقة واللي هي الاستيقاض من الاحلام.
تنخات تمنطاش جانبا حيداتها من قدام عينيها ومشات شادة بزطامها كتقلب وتشوف شنو دير.. ياك جابت تمنطاش ياك تقدر تخدم
عيات تخمم وتفكر ودور فبلاصتها حتى بدات الشمس كتغيب ومبدا الخوف كيركبها..مالقات غير واحد الحمام دخلات ليه كتشوف فالحيوط وبدات تمتم مشات عند الجلاسة قالت ليها السلام تخالتي..واش تبغيو شي وحدة تعاونكم
قالت ليها الجلاسة هاد الساعة طيابات كافيين
قالت ليها شيماء ماتخلصونيش غير خليوني هنا ..
بقات الجلاسة كتشوف فيها قالت ليها ياكما هاربة من داركم
بقات شيماء ساكتة مالقات ماتقول وقالت ليها طيابة سيري ابنيتي رجعي لداركم الزنقة راه ماتصلاحش ليك ..سيري
قالت ليها شيماء دارنا بعيدة حتى لغدا ماعندي فين نبات
قالت ليها الطيابة شحال فعمرك بعدا
شيماء: تمنطاش..
بقات الجلاسة كتشوف فيها قالت ليها سمعي ابنيتي الحمام ماشي ديالي ال ساق ليك مول الحمام لخبار بايتة هنا انا غنتحمل مسؤولية
شيماء: سدي عليا وسيري غير خليني حتى دوز هاد الليلة بعدا
شافت الجلاسة حتى عيات فاللخر خلاتها دخلات لواحد القنت فيه سداري كيتكاو فيه الطيابات ونعسات فيه بوحدها والحمام مسدود عليها خاوي . حتى صبح الحال
صبحو عليها الطيابات مع الستة كيحلو الحمام وناضت تعاونهم لاكن ماخلاوهاش وبقاو كيدفعو فيها ترجع لدارهم ك حتى عيار فاللخر بقات فيهم وعاودات ليهم قصتها وشفقو عليها وهضرو مع مول الحمام يخليها تخدم معاهم وضبر راسها تبات تما لاكن ماخاصش مول الحمام يسيق ليها لخبار .
كانت هادي اول خطوة ..بدات تسيق وتحك للناس واخا ماعندها صحة وكتشيط ليها تلاتين درهم ولا عشرين فالنهار كتاكلها وتكمل المشوار حيت الحمام خاوي والصيف قليل فين كيعمر
بقات هاكاك نهار على خوه لمدة عشر ايام حتى لواحد النهار دخلات تحك لواحد البنت ويالاه جلسات بدات تحك بقات البنت كتشوف فيها ..كانت واشمة فضهرها ومدللة لنفسها قالت ليها مالكي اختي على حالتك ..مالكي باقا صغيرة وزوينة كطيبي راسك فهاد الحمام
قالت ليها شيماء الضروف اختي
قالت ليها البنت واش كتعاوني مك؟
قالت ليها شيماء لا اختي كنخدم على راسي
سكتات البنت وبقات كتشوف فيها وطلع وتهبطها وتوزنها من جميع الجهات وقالت ليها انا نضبر ليك على خدمة
قالت ليها شيماء مابقاتش غير فالخدمة راه حتى فالسكن
قالت ليها البنت وحتى السكن حتى هوا ..وحدة بحالك على مزيناتها مكرفصة هاد تكرفيصة ..ماشي ديالك..عطيني نمرتك
شيماء: ماعنديش تيليفون
خلاتها البنت حتى حكات ليها وسالات وناضت عطاتها 200درهم غير بيناتهم باش يقسموهاش معاها الطيابات وقالت ليها شوفي انا جيتني واقيلا هاربة من داركم
بقات شيماء ساكتة والبنت كتشوف فيها قالت ليها يالاه معايا للدار انا غنعاونك ماتبقايش هنايا
قالت ليها شيماء واخا حتى نساليو قولي ليا فين نجي عندك ..
عطاتها البنت النمرة فورقة من بعد ماهرجات حتى لبرا كتباتها ورجعات عطاتها ليها والطيابات حاضينها شنو كدير وشولوها شنو بغات منها البنت لاكن شيماء سكتات وكملات خدمتها ..
كما مولفين يسدو عليها بالليل هاد المرة خرجات معاهم عطاتهم مبرر بسيط ومشات تاصلات بديك البنت اللي دارت معاها يتلاقاو ومشات تلاقاتها وداتها معاها للدار
يتبع...
الجزء الثاني
واخيراً نزلت قصة جديدة من عند غزل ❤️
كملو ليا عفااكم