خضوعي الجزء العاشر

جمع عليها دراعو وحط يدو فوق خصرها تحت ظهرها مقربها ليه حتى تلاصقات اجسادهم :" مبغيتيش تشوفيهم ؟"

زينب قلبات عينيها ونطقاتها مطولة ضافجة من مراوغاتو لكلامها :" عييسى !"

ضحك وهو مفتون ببريق عويناتها فظلام الليل :" عينيك فثنة "

ومزل كيشوف شنايفها :"وش.."

حطات يدها فوق فمو فاش حسات بيه كيقرب غيغفلها ويقبلها :" مجاوبتينيش "

تنهد وهو مضور راسو للجهة الاخرى وباقي معنقها من خصرها :" ضروري تخسري الليلة "

عوجات فمها و شدات راسو بين يديها وضوراتو جهتها الحركة لي زعزعاتو كانت جريئة اول مرة تمد يدها عليه :" شنو قصة حروقك ؟"

شافت فيه وبنبرة حنينة :" مناش دزتي ؟"

قربات كثر :" شنو عارفين عليك وانا معارفاهش"

زاد قرب حتى بدات تحس بشفايفو فوق شفايفها ونطق بنبرة باحة :" بزاف "

وطلق منها و رجعات تابعاه :" عيسى مبغيتيش تقولي "

تكى فوق السرير وحط يدو تحت راسو :" علاش نتي باغيا تعرفي شي حاجة اخرى من غير الظلم لي سلطت على لعباد ؟"

عوجات فمها :" انا بغيت نعرفك دابا نت مبغيتش ندوي على لعباد "

عمض عينيه وكيدوي :" وانا مباغيش ندوي"

جلسات حدا رجليه وكتلهب فيهم :" عافاااك "

بدات تلعب باطراف صباعها فوق سيقانو وطالعة معاهم هي غير كتلعب كتلهي راسها وهي كتطلب فيه بصوت رقيق كيكرك كيانو و كيجذب رجولتو وهرموناتو الذكورية :" علاش كتقلبي ؟"

طلعات راسها فيها مفاهماش :" هااء "

جبدها من بلاصتها لعندو جات فوق دراعو وهو معنقها و وجها مقابل مع وجهو تماما وهو مازال مغمض عينيه :" نعسي "

يالله بغات تنطق و قاطعها و نار شاعلة بين رجليه :" نعسي ولا غتشوفي شي حاجة مغتعجبكش "

خنزرات :" ديما كدير.."

شدها من خدودها جمعهم على شكل قبلة و التهم شفايفها بين فمو ويديه كتعصر فدراعها حتى سكتات وتجمدات بلاصتها بعد عليها كيحاول يتحكم فراسو بزز نطق بنبرة فيها رجفة :" نعسي "

معاوداتش معاه الهضرة غمضات عويناتها بزربة ويديها مزيرين على جبادور ديالو وكتحس بقوة انفاسو وسخونتها فوق شعرها وكيستشعر بنفسها فوق صدرو كانت كتزيد تشعلو تنهد

بقوة :" متنفسيش "

كيدوي وهو مغمض على عينيه ومزير عليها وهي على نيتها حبسات نفس فيها و كتنفس بشوية فاش كتخنق معارفاش بلي كتشعلو كثر

وكثر زاد زفر بجهد :" كتعذبيني "

علات راسها فيه و نفسها رجعات تضرب فعنقو تحرك فاش تزغزغ بخصلات شعرها فوق وجهو ريحتو مسك ورجع نطق :" متتنفسيش متتحركيش "

رجع كمل :" ومتفكريش "

بصوت رجولي هامس :" كتفتني فجميع حالاتك "

فدار عابد كان كيربط الخيل ديالو و دخل كيشم فريحة الرفيسة عاطية من لباب :" مّا "

باس فوق من راسها :" ولدي الله يرضي عليك "

كيقرب عليها بعينيه و بالو مع مو لي حداه :" كي دوزتي نهارك ا ما ياكما كتحرقك شي حاجة ولا مقلقاك شي حاجة ؟"

كضحك :" دا ارلدي فرحتي ليوم فحال فرحتي بيك نهار هزيتك بين يديا "

باس فوق راسها :" الله يخليك ديما فرحانة "

شاف فيها :" وشنو فرحك ا ما ورجعليا الضحيكة ليك ؟"

ربطات فوق ظهرو :" غنشوف وليداتك اولدي كاينة كثر من هاد الفرحة ؟"

طلع عينو بصدمة :" لغالية ح..؟"

حركات راسها :" حاملة اوليديي "

ناض بزربة ودخل عليها للبيت كانت جالسة فواحد ركينة وكتبكي :" لغالية !"

تحنى عندها :" متجلسيش فالارض غتشربي لبرد"

هز واسها لقا عويناتها حمرين :" مالك علاش كتبكي ؟"

لغالية انفاجرات بلبكاء وصوتها ممفهومش مع تنخصيص مفهم فيه والو :" نت سباب الله يلقيها ليك "

كتنخصص:" انا خايفة "

باسها من فوق راسها :" ربي معاك وانا مغنخليكش "

عنقها :" غتعطيني احسن حاجة فالدنيا "

وهي بادلاتو لعناق والدموع بردو فوق خدها كتدوي فخاطرها :" غناخد منك كولشي زوين متسناميش نعطيك.."

هز راسها بشوية بابهامو حتى اقابلات عيونهم وطبع قبلة فجنب فمها :" لغالية نتي كلشي فحياتي "

شد راسها بين يديه :" ودابا غتولي حياتي "

حطات يدها فوق يدو حيداتها بملل :" حيد عليا "

شاف فيها باستغراب فردة فعلها لباردة وملي وعات بتصرفها وهي تجري كتتقيأ :" ولدك سخفني "

ضحك وهو كيعاونها جامع ليها شعرها :" الشغب جابو منك "

رضات حتى خوات معدتها لي كانت اصلا خاوية مطاحتش نعمة فكرشها ملي عرفات راسها حاملة وهي مصدومة :" مشهية شي حاجة ؟"

دفعات يدو منفاعلة :" ونت اش عرفك فالنسا شفتك فاهم مزيان ياكما فايت لك محمل شي وحدة ؟"

طلع حاجبو :" كنت مع دادا ام الغيث فاش كانت حاملة بغيث و كانت تتوحم على الدلاح وكنا نسرقوه ليها من سواقات وجنانات "

ابتسم :" ونتي كتغيري عليا ؟"

دفعاتو مع كان وراها ديريكت ملاصق فيها :" كنغير منك "

تنهدات بسخرية :" اناااءء !"

عنقها من اللور مزير عليها :" وا لالة عندي لولاد مع وحدة "

كتضرب فيدو :" ولاش معدي عليااا سير قابلهم هما ومهم "

كتنتر :" مثقلنيي ونت شابع ولاد "

كيضحك وهو معنقها حتى رجليها تهزو من الارض :" علاش نتي مباغياش ولاد معايا "

هزات رجليها كتهددو غتضربو لحجرو :" انا بغيتك تعقر لااا اصل ولا نسل "

عابد :" غير نتي ولا الموت "

وهزها كيدور بيها فرحان عمرها شافتو كيضحك بديك الطريقة وعينيه كيبريو وسط الظلام وهو كيشوف فيها

ضربات بشويك فوق كتفو :" عابد راسي داخ نزلني "

نزلها فوق السرير بشوية فحالا كيحط بيضة فوق الشوك خايف عليها :" تبغي نجيب ليك شي حاجة تاكليها "

حركات راسها بلا : " بغيت نرتاح "

حط لوسايد تحت راسها و غطاها وهو كيبوسها من راسها :" ارتاحي "

و سلت حوايجو حداها وهي كتشوف فيه من وراء ظهرو بحقد وغل كبير و عينيها مغرغرين بدموع وغير كيتلفت فيها فاش حس بنظراتها كيختارقوه ابتاسمات بزربة وهي كتشوف فيه فحالا هايمة وغارقة فبحر حبو

خرج يتعشا وجاب فيديه صينية كانت بدات تترخى حطها و جا حدا راسها كيفيقها :" لغالية.."

بدات ترمش بشوية وهي كتفتح عويناتها بالسيف فيه و ثقال عليها :" ممم.."

وكتحرك بغات تتقلب للجهة الاخرى وهو كينوضها :" لغالية نوضي تاكلي شي حاجة "

كتحرك راسها بلا وصوتها منغم بالنعاس :" مبغيتش "

نوضها بالسيف حتى تعصبات وبدات تضرب بيديها و جاب صينية فوق السرير باش يتعشا هو وياها وهي مغمضة عينيها فحال شي ولد صغير تحكم فيه نعاس وهو كيوكلها

وملي كتقطر على راسها كيمسح ليها غمها و نيفها :" غير هادي "

كتحرك راسها بلا وهي جامعة يديها كتدفع يدو :" شبعت "

بقا معاها :" غير هادي ونخليك تنعسي "

تنهدات بجهد وهي تفتح فمها بفقصة غير حط اللقمة وهي تسد ليه على صباعو حتى تأوه مقصح :" حلووفة "

كتمضغ بالسيف :" صافي باقي شي حاجة مكليتهاش"

مازال ماجاوبها ناضت كتجري رامية الغطا من فوق رجليها خرجات ترمات على ركابيها كترض وسط الساقية لي وسط المراح ، حتى سخفات بالمجهود لي دايرة وهو وراها راكع حداها وتالف معرفش كيفاش يعاونها وهي فديك لحالة جاب ليها الكاس الماء تشرب وهي كترجع التفس وعينيها خرجو ووجها حمر

جمع عل

بغات توقف مقدراتش مواكلة والو وزايداها بالرضان •القيء• قواها خارت وهو يشدها من وراء ظهرها وزرب عليها هزها بين دراعو دخلها لبيت و حطها فبلاصتها حيد الصينية و جمع الفراش و رجع غطاها وهو حداها :" شوية دابا ؟"

حركات راسها باه بشوية و عينيها مغمضين بنعاس و العيا ،تكى شاطنو حالها و هي فوق كتافو محسش امتى نعس وهي باقي فايقة غير مغمضة عينيها طلعات عينها فيه ويديها باقيا فوق صدرو :" نعستي ؟"

مجاوبهاش عرفاتو نعس و حيدات يدها من فوق منو و بعدات عليه للجهة الاخرة فالسرير حطات

يديها فوق كرشها :" انا ماشي حمقة باراكة غير هو كياكل مني مغنزيدش نكبر كلب اخر منو "

زيرات على كرشها :" علاش حتى نت فصفو جيتي بلا عراضة "

ضربات بشوية فوق كرشها :" كتتشابهو "

من وراء هاد بضع سطور غفات بزربة فنومها وكوابيس التفكير تابعاها

السكات صوت حشرات الليل و صوت الربيع كيتحرك ونفخات البرد ، صوت الشجر كيحركو البرد و صوت خطواتها تسمع صوت رديخها من الارض :" ااا "

وقفات كتحك فطرمتها :" ا مييي "

وحطات يدها فوق فمها كتسكت راسها :" الساكتة المسكوتة "

شافت يمين وشمال كتأكد من عدم وجود شي حد قبل مينقض عليها من اللور يالله غتغوت وهو يسد ليها فمها :"ششش هذااا اناا يعقوب "

تنهدات براحة :" ومالك طاير عليا "

طلقها كيخنزر :" بغيت نفاجئك زعما "

شامة حطات يدها فوق قلبها :" لا را فاجئتيني قلت غير با سكر وطاح عليا هنا "

شافتو ساكت وهي تكى كتدفع فيه بشوية بضحك :" يعقوووب "

كتلحن فصوتها :" يعقووب"

كترمش عويناتها :" يعقوووبيييييي "

عض على شفايفو مقادرش يزيد يتقلق عليها :" شهدة يعقوب "

و شدها من يديها جرها لعندو حتى تلاصقو :" توحشتك وحشة الوحشة "

ضرباتو لكتفو :" وصاافييي "

وكتغبن حيت كيعيط ليها الوحشة من جريتها حيت قصيرة وعامرة عندها طرمة منفوخة :" بسع مني "

كيضحك وهو كيبوسها من عنقها :" وحشة رومية "

هي كتعسا صوتها بعصبية :" يعقوووووب "

سخف بضحك :" بيضة بحالها "

كيتلمس فيها من تحت اللحاف :" وملسة بحالها "

كتبعد يدو :" ياك انا وحشة وحيد عليا يدك "

و كتبعد منو :" ملي بحالي بحالها سير تعطيك هي "

كيجرها :" اجي لهنا واش دخول البحيرة بحال خروجها "

بعد ممارسة طويلة و لعب و اغواء و ثارة وحركات تكاو فوق الثبن ميتين بالعيا وهو عرقان عريانين مغطيين غير بلملحف ديال شامة من لبرد لي كيصمر تنهد مطول :" ماكاين ما حسن من التبن "

ضحكات وهي كتضرب فوق صدرو :" هو لي بقا "

جرها من خصرها عندو وغمزها :" هاد لمرة جنب اللواد فوق الصخر "

شامة :" مازال ماناوي تكون فوق لقراش وسط دارنا فحال كاع ناس بلا تخبية وشوهة حنا ونعاج فبلاصة وحدة "

مجاوبهاش وهي تقرب منو كثر ملي رخاها وطلق من خصرها حطات راسها فوق صدرو

ويديها كتلعب فوق صدرو لي كان باين و شوميزة محلولة :" يعقوب انتى غتجي لدارنا "

مجاوبهاش كان كيشوف جهة الاخرى رجعات دوات :"يعقوب !"

طلعات عينيها فيه وتهزات شعرها مطلوق فوق صدرها :" يعقوووب ؟"

زفر بقوة :" شامة ماشي وقتو "

عقدات حجبانها :" ماشي وقتو ؟"

كضور فراسو جهتها :" يعقوب دوي معايا "

حيد يديها من فوق وجهو :" دوينا وقلت غنجي هي غنجي "

شامة :" وامتى "

غوتات :" امتى امتى غتجي هادشي كنسمعو من شحال هادا "

وناضت كتجمع لملحف على صدرها حتى شدها من يدها :" شامة كبري عقلك "

‎تنترات منو بجهد :"متدويش معايا الى مكنتيش جاي لدارنا"

‎و هو طلق منها تصدمات وبقات غير كتشوف فيه وعينيعا غرغرو حيت فحالا اكد ليها بلي مجايش لدار باها يطلب يديها حطات يدها فوق فمها حابسة شهقة ديال البكاء ودموعها ترماو :"هء كذبتي عليا"

‎كتشهق خلات ملحفها ومشات كتجري طلعات من الخيط ديال الدار ونقزات المراح وشداتها دوخة شدات فراسها وبدات كتتقيا فبلاصتها

‎خرجات فاطمة كطل فيقها صوت الردخة :"ا ناري"

‎كتجري ياللع غتبدا تغوت تا سكتاتها شامة :"سكتي هادي انا"

‎هزات القنديل كتشوفها طايحة وكتشوف فووق لخيط منين نزلات وحالتها وتحت عينيها :"مالك اصقعة شنو هاد لحالة؟"

‎شامة كتوقف بزز :"والو و٠٠"

‎كتتنفس بزز :"عاونيني"

‎وقفاتها وعاوناتها حتا دخلاتها للبيت :" اش كديري فسطح"

‎كتضرب ففخاضها وكتدوي بهمس :" عرفتي ويسيق با لخبار"

‎شامة كانت مرفوعة هزات عليها دغطا تخطات و تقلبات للجهة الاخرى

‎ كتعض فظفارها وكتبكي و كتدوي بصوت هامس كتشرب الهواء حتى تجرحات حنجرتها

‎وصوتها مشا وهي كتردد فاسمو بتوتر و شفايفها كيرجفو وكيترعدو :" يعقوب .."

ومزيرة بليد التانية على الغطاء غارسة فيه ظفارها مزيان كتحس بظفيراتها كيوجعوها

كانو مجموعين على طبلة ديال لفطور فوسط المراح و الدجاج كينقز عليهم :" هاكي ها اللبا •الزبدة• لي وصيتيني عليه"

خداتها منها بزوج يدين كتشم ريحتها :" تي مالك كتشمي فالنعمة"

رمات الزلافة وناضت كتتقيا و الكاملة كتتعجب منها :" امالكي اهاديك الدحشة :"

بدات تتقيا وتجي على راسها :" لا والو امي "

وقبل متكمل رجعات كتتقيا تاني و كتنهج ناضت لكاملة للكشينة جابت فيديها كاس ديال الماء واليد تانية حبات الحلبة :" كولي هاد الحبات مزيانة للمعدة "

وابراهيم كيصيح عليها من فوق طابلة :" ونتوما لي لقيتو كتاكلوها ديرو لقياس لكرشكم "

زف على مريم بلوسادة :" سمعتي اديك بلالة "

تغبنات وخشات راسها بين كتافها :" اه ا با "

ولكن فاطمة كانت غير جالسة كتاكل وحاضية شامة لي ماشي على طبيعتها هاد صباح كامل كانت ديما كتكون مليئة بالطاقة ومفعمة بالحيوية والنشاط وكتنقز من هنا لهيه ولكن ليوم كانت دابلة غير ساكتة وساهية ومسهوكة وتعبانة وتحت عينيها زرق باينة منعساتش الليلة كاملة ، ناضت كتجمع فالماعن حيت نوبة فيها وخداتهم ليها فاطمة من يديها :" سيري تنعسي انا نغسلهم "

رفضات شامة و كتجمع فيهم :" لا هادي نوبتي "

نتراتهم منها فاطمة :" صافي حتى تكون نوبتي وغسليهم دابا سيري تنعسي راه لبارح منعستيش "

تخشات بيناتهم زينب :" علاش منعساتش بسلامة ؟"

كتشوف فيها :" مالك ا حنينتي تحرق ليك جنان الصالحة "

شامة بضجر :" بعدي مني ا مريم ماشي نهارك هذا "

ومع مولفة معاها لملاوطة حطات يديها فوق طرمة شامة :" ترر تررر اش هاد الخير جمعتي حق بنات لكاملة داكشي لي خلات لغالية كملتيه نتي "

دفعات يديها و ضارت فيها ضورة صاروخية :" جمعي زبلك عليا ا مريم "

هزات صبعها بتهديد :" ولا مغيعجبكش الحال "

وضربات بالطاجين من يديها وخرجات شافت مريم ففاطمة :" مال هادي ؟"

فاطمة مجاوباتهاش تنهدات بجهد وجلسات كتجمع فداكشي لي خلات شامة وراها وشامة خرجات كتشهق عاضة على شفايفها غير على سبة بغات تبكي وتفرغ بلاما يسمع حتى واحد حسها

ولكاملة كتعيط من برا :" مريمم مريمم"

خرحات تجري كتصيح من لداخل وفمها عامر بلقمح كتاكلو هاكاك فحال الطيور :" نعام ا مييي "

شداتها من شعرها :" اش هادشيييي ؟"

هبطات عينها لقاتو لحافها كانت لابساه شامة لبارح بليل وبدا كتبعد :" معرفتش ا مي "

كتحركها لكاملة من شعرها :" وشنو كيدير هذا هنااا ؟"

كتحركها بقوة حتى كتنتف :" والله يابنت مرشي ونحصل عليك شي حاجة حتى غنعلقك"

و جراتها من بين رجليها حتى حسات بزغيبات تحت منها تنتفو :" من هنا نعلقك "

رمات عليها لحاف :" دخليه "

كطلعها وتنزل فيها :" راه مبقاش عاجبني حالك وليتي باغيا طيريي "

دخلات مريم كتضرب برجليها :" كون غير درت علاش لهضرة فيا فيا "

وهي تضرب بداك الملحف فالارض :" وهذا اش جابو برا تاهو "

بدات كتتحرك بشوية فوق فراشها و كتتجبد وتتفوه وسط نعاسها حلات عويناتها البحريية الزمردية وهي كدورهم حداها مالقاتوش بلاصتو خاوية حطات يدها فوق فراشو مخربق وهي تضور راسها فالشرفة شافت الشمس و ظلها :" نعست بزاف "

وناضت بزربة لقات شعرها تفتح جمعاتو و دخلات لبيت الما •الحمام• لبسات عليها و هبطات كتسمع صوتو من بعيد تبعات صوت بهطوات رقيقة وغير مسموعة حاطة وزنيها على الحيط كتسمع صرخات مقاومة راجل :" اساليب فنونك قتالية قوية "

طلعو عيسى بحاجبو :" قوية !"

كيستهزء بيه حيت عيسى هو ملك المبارزة ومعلم اقوى محارب بين كاع لقبايل وهو عابد

حرك رافاييل راسو :" اسبانيا تعرفات بالمبارزة ونت كتتقن حركات اسبانية وحتى من آداب القتال الملكي "

بدهشة :" واش كنتي ولد شي عائلة من الوزراء ؟"

غفلو عيسى وضرب ليه السيف ختى طاح للارض وتقلب رافاييل وحطو فوق عينيه :" متكترش الهضرة كتنفخ راسي"

حرك راسو كيبعد بشوية :" واخا ا مولاي "

تلفت عيسى :" علي "

جا يجري وقف كيتفكر كلام عابد وباش كيفتتح كلامو مع عيسى :" ا"

تلف وعيسى كيشوف فيه :" لسانك السليط تقطع ؟"

حرك راسو :" اا ا اا ا"

ضربو فغفلة عابد من طرمتو صغيورة كي لحامضة وحاني راسو لعيسى :" امرك امولاي "

وهو ينقز تفكرها وكيغوت بيها :" امرك ا موولاااي "

بقا متعجب منو عيسى وشير بصبعو لرافاييل :"مضي سيفك بلاصة لسانك "

وشاف بنص فرافاييل :" ونت لي غتعلمو فن السيف "

شهق علي بلفرحة :" ولكشينة شكون يحرسها "

عيسى خط يدو وراه كيتمشى مخطيه :" هي بلاصتك بين النسا "

حرك راسو بلا علي متحمس :" مولاي بلاصتي حداك "

كيتحرك بسرعة ونشااط :" بلاصتي نتقاتل جنب "

شاف فعابد كيبتسم هايم فطولتو وكمية وجولة المنباعثة منو :" جنب سي عابد "

ضحك عابد بشوية :" مولاي "

ورجع ردد وراه علي كيحاول ينطقها بثقالة وهبة ورجولة فحال عابد :" مووولااااي "

تحرك عيسى و عابد تابعو و علي تاهو مدابز كيشوف عابد كيمشي بخطوات طوال وكبار وهو رجيلاتو صغار ولباسو كبر منو كيضحك شكلو رافايل وراه غيموت بضحك ومكيقرش يحبس ضحكة لاول مرة شي واحد يضحك فحضرة عيسى كان رافاييل واخا مفاهم والو فكلامهم وهو مقادرش يتحمل وكيشوف علي معاند كيقلد عابد وهاز جلايلو حتى عطر وطاح تكركب و تكلكم عليه ،تلم عليه الشراوط وتجمع وسطهم كيغوت :" اااه "

كيضرب يدو فالارض :" مولاي "

شاف فيه بنص عين بلاما يتلفت كيسمع ليه :" بغيت حق فلماكلة كثر باغي نكبر دغيا ونرجع قد سي عابد "

شاف فرافاييل واعطاه اشارة جا خداه من شراوطو هزو بيد وحدة حتى طاح علي فالارض منفوض من حوايجو كيحك فراسو لي تضرب مع لحيط وكيشوف يمين وشمال

شاف فيه علي وغوبش :" علاش ماشي سي عابد لي غيكون معلمي "

طلع عينيه فرافاييل :" اش كتعرف حسن منو "

كيهز فكتافو :" حيت انا غير عبيد رخيص "

ورجع طلع عينيه فرافاييل :" غنوليي فحاال سي عابد غنولي سيي علي عينين مولاي عيسى "

رافاييل كان غير كيشوف فيه عاونو يوقف و كيوريه وقبل دار ليه تسخينات جري وحركات

عاد باش علمو كيفاش يدير اداب المبارزة و التحية الاولى و كيفتش يتبت رجليه فالارض ويجعل وقفتو تابتة

و واقف وراه كيعلمو كيف يشد السيف يتحكم فيه اعطاه سيف خشبي خفيف حتى يتعلم كيف يشدو عاد باش يعطيه الثقيل السيف الحقيقي

وهي حاضياه من بعيد و حاطة يديها تحت خدها ساهية فلخاطر لي عندو مع لوليد الصغير وكي كيطيح وينوضو و يعلمو بدون ملل ولا كلل و عينيه فاش كتقابل اشعة الشمس كتعكس واحد النور ربانيي وبريق كيحرق الابصار و لون هايج فحال البحر الغضبان

تمشات جهتهم وهي كتحنحن :" احم احم "

شاف فيها لقاها فتاة البارح وحط السيف و طلق علي حتى طاح فالارض ومشا يجري عندها مسح يدو وراه معرقين :" ايسى "

وبزز باش كينطق حروفو :" بغيت ايسى "

نطق الكلمة لي تعلم بزز وهو كيلهب بحرا مارجع تذكرها وتسرح لسانو ينطقها

شافت يمين وشمال و ضربات بلحاف فوق فمو :" عيسى ؟ واش باغي تموت اويلي على عيسى حرفية "

كتجبد فحنوكها :" نت بانليا باغي تكسكس على راسك "

رافااييل شد فيديها بزوج وعينيه كيبريو كيترجاها ينظراتو يمكن ماشي نفس اللغة ولكن لغة العيون كانت كافية تخليها تفهم بلي كيطلبها وكيترجا منها خدمة :" ايسى "

بزز كينطق و كيحرك فلسانو :" بغيت ايسى "

تنترات منو بزربة راجعة اللور وكضور راسها بزربة ليكون شافهم شي واحد :" واش باغي تسكت ليا لقلب "

بعدات زوج خطوات اللور :" لحيوط عندها وذان "

كتشوف فالسقف :" الى شافنا شي حد ولا وصلات لخبار لعيسى "

خرجات عينيها بخوووف :" غيقتلني انا وياك "

شافت فعلي كيشوف فيها :" ونت مالك "

متوترة بشوفاتو :" اش ااااش كتشووف !"

علي هز كتافو :" مديريش شي حاجة تقلق مولاي "

وجر رافاييل من حوايجو :" خلينا نكملو "

حدر عينيه كيدوي معاها :" هادي رحبة ديال الرجال الالة زينب "

ضحكات تحت سنيها بالسيف مفقوصة :" ياك البرهوش انا لي كنت غنموت عليك "

ضربات فوق صدرها :" غزيتي فيا "

علي كيجر فرافاييل لي تابع زينب :" ايسى "

و كيحاول يفهمها كلماتو وهي منترة غاديا كتبعد منو..

وبالها كامل مع عيسى لي كان فلخزين وسط الفيرمة كبيير مبني بتراب تما فين كيخبيو ناس القبيلة الذرة والقمح و العدس و الشعير والتبن و حتى الفلوس اي حاجة عندهم وباغيين يأمنوها لوقت الجفاف و الجوع ولا لوقت اخر كانت بمتابة بنك فعهد القديم كان كبير بزاف و فيه غرف كل غرفة مكتوبة باسم عائلة فلقبيلة وكل بيت ديال عائلة فيها خزاين ديال تراب لكل فرد فيها و مبنية على حقها وطريقها باش ميكونش فيها الندا ولا حرارة الصيف القوية لي تقدر تخسر المخزون لي يبقا فيها

و تحت منها داز واحد النهر وهي المنطقة لي كتجمع فيها المياه الجوفية تعمد عيسى يبنيه فهاد الارض حيت هي اكثر ارض محروسة وفنفس الوقت غنية و ممنوعة من لجفاف وتصحر وفموقع زوين استراتيجي وقريب ليه

واي واحد من ناس لقبيلة احتاج شي حاجة كياخدها من اكبر خزنة وهي خزنة ديال عيسى و كيتون ممولة من ضرائبهم ولا الحق ديال الغلة لي كياخدوه عبيد عيسى منهم بالاجبار وكيخبيوه توقعا لاي حالة جفاف ولا نقص

كان واقف وراه عابد :" مولاي الارض فتية و عاطية وناس كاملة واكلة "

واسماعيل كيحسب فاكياس القمح :" النعمة ا مولاي فايضة "

عيسى كان كيشوف داخل ولخارج و كيطلع عينو فسقف كيتاكد من اوامر لي اعطى فبناء هاد الخزنة لكبيييرة :" مكيطيحش الندا "

حرك عابد راسو :" كون هاني ا مولاي وقف على لبني مةان حتى غلط كولشي كيف آمرتي ا مولاي "

شاف فاسماعيل :" وخزينة الفرنك فين وصلات "

اسماعيل :" جمعنا كاع الضرائب من كولشي وقريب نوصلو العدد لي طلبتي ا مولاي"

رجع شاف فعابد :" الجيش ؟"

عابد طأطأ راسو بفخر براسو :" جندنا 300 واحد هاد لعام ما بين 13-18 سنة و الجيش وصل 9500 جندي ، 500 من المتمرسين والمتعلمين و فنانة فحرب القتال و لباقي باقي فاطار التعلم "

عيسى طلع حاجبو :" كي والو نخسر المونة على جيش عرج ؟"

عابد :"مولاي.."

قاطعو بعصبية :" ماشي خدمة هادي كنصرف على 9500 خلق باش يطلع ليا منها 500 ؟"

هز يدو :" الخسارة هي هادي "

هز صبعو فيه :" من ليوم خدمتك مع رافاييل هو الجيش لي مفيه نفع سوس عليا الزبل "

ورجع شاف فاسماعيل :" الخزنة غتكون تحت يدك "

حط يدو وراه شابكهم ورا ظهرو :" و الارض جيب ليا احسن فلاح نحطو تحت عيني "

حركو راسهم دقة وحدة :" كلامك هو لكبير ا مولاي "

صبحات صفراء و حالتها حالة وتحت عينيها اسود بقلة الماكلة و كثرة الهم :" نعام أ مّا "

وخرجات كتلبس فرجليها :" شي باس ماكاين "

بقات كتخنزر فيها :" لا والو امرت ولدي غي واقيلة تقلتي فنعاس "

لغالية كانت شادة فراسها :" ايي راسي "

ضربات بطبق بشوية :" كاع خملنا وولدنا ومدرناش حالتك من نهار لول صابحة ناعسة نتي نهار تقربي تولدي غتصلي جالسة "

انفاعلات لغالية :" وشكون قالك غنولدو لهلا يحييني حتال داك لوقت "

شاف فيها :" اش هادشي كتقولي امرت ولدي ؟"

شدات فراسها :" كيحرقني راسي "

سادة على وذنيها :" هضرتكم وحالتكم كتوجعني فراسي "

كتحرك راسها بلا :" كرهتك كرهتك نتي وداك عيفة رجال ولدك "

حطات ام عابد يدها فوق صدرها بصدمة :" كاع هادشي هازاه فقلبك ابنتي "

كتحرك فراسها :" غير الوحم دارها ليك "

وغوتات عليها :" ولكن واخا هاكاك عرفي اش كتنطقي مع فمممك سيدك عااابد سيد الرجااااال "

لغالية :" اه سيد الرجااال زوجيه بلالاة البنات اش بغيتو عندي انا ؟"

كضحك فحال شي حمقة :" وزايدها محملني "

حاطة يدها فوق كرشها :" رابطني "

قربات ليها :" عارفااك محاملااانيش وحتى انا مميتاش عليك نتي وولدك فكيني "

شدات بحوايجها :" طلقيني منو ديري شي حاجة انا منليقش ليه هو سيد رجال وانا عيفة النساا جمعت الدل و قلة الحياا "

ام عابد حطات يدها فوق راسها :" لا حول ولا قوة الا بالله "

كتنفض فحوايجها :" سيري تكملي نعاسك ملي فمك خانز علاش فايقة لوحم بداك قاصح "

وناضت كتتهرب منها ومن اي مناقشة عارفاها حاملة دابا و هي فرحانة بولد ولدها واها مكتحملش وكارهة لغالية ولكن حفيدها كيبقا من نسلها وتحماق تهزو بين دراعها و تكمل فرحتها بولدها كيبقا من نسل ولدها و غتحطو فعينيها واخا كتمقت لغالية

بداك سم لغالية مشات هزا الطابلة كاملة ووقفاتها :" لا ابنتي مخاصك تهزي الثقل هزي حاجة بحاجة من فوق طبلة "

تنهدات بالسيف :" ما خليني ندير شعالي "

خدات منها الطابلة واعطاتها صينية :" دي هادي ورجعي للباقي "

لغالية ضربات بصينية فوق الطبلة بعصبية :" اوووفففف "

و مشات جهة الساقية كتعمر فالبانيو و كتخرج فلغطا ولفراش ديال بيتها

وقفاتها ام عابد :" الله يهديك يا هاد البنت "

لغالية مستفزة :" نخليهم يغملو ؟"

شداتها من يدها :" حيدي دابا تجي مينة من عند الجارة ونقولها دوزهم راه الشتيف غيحل ليك الوالدة سمعي مني "

ضربات برجليها فالارض وجلسات جامعة رجليها عندها حارت باغيا تقهر راسها وذاتها وتفورصي على الجنين لي فكرشها باي طريقة باغيا تعذبو وتقهرو كي كتعذب وتقهر دابا

الصباح كلو وهي تتحرق و تتركل باغيا دير شي حاجة ولكن ام عابد معاها وحاضية معاها مكتخليهاش دير شي حاجة تجهدها كدخل لكوزينة كدير غير شي حاجة خفيفة وتنصب و تعجن وتغسل الماعن بلاما تهز الثقل ولا تشتف على الصابون

شافت ام عابد كتلبس الملحف وفرحات حيت غتخرج وتخليها :" زيدي معايا "

لغالية حركات راسها بلا :" عيانة غي سيري بوحدك "

رمات عليها لحافها :" زيدي نخلطو على مينة الحارة عارضانا لرفيسة النفيسة بنت ولدها ولدات ليهم الذكر الله يرزقنا تاحنا من عندو "

وهزات يديها للسماء كتدعي :" وزيدي واش نمشي بوحدي بحالا معنديش مرت ولدي "

مبغاتش :" ما راني عيانة والدوخة فيا من صباح "

نوضاتها :" نوضي باراكة متتماوتي علياا حتى تجي ونعسي ميمكنش تحاشميني "

بالسيف باش كتنوض فيها لبسات لحافها بزز و تبعاتها :" الله على ريحة "

كتضرب بيدها باش تجي ريحة لنيوفها وغادية كتخطوي جهة باب الجارة حتى جراتها ام عابد عندها :" اجي لهنا "

تلفتات فيها و متوترة زربانة تدخل :" واياااك تاكلييي رفيسة النفيسة "

لغالية :" وعلاااه لاش جايا انا بسلامة "

كتضرب فيديها :" كلها سخونة هالحلبك هالمساخن غتضر ليك الكرش و يموت ليك "

كتساعف معاها :" غير نباركو ونحطو لقدام ونسيفط مينة تسمن و نرجعو كولي تايخرج من وذنيك "

لغالية سهات وهي كتفكر وام عابد كتحرك فيها :" يالله زيدي دخلي "

قفزات فايقة من سهوتها :" اا ا .. اااه اه "

دخلو وجلسو حدا العيالات ومينة جات حدا خالتها و حطو القصعية بداو ياكلو و ام عابد شادة لغالية لتزلق يدها وتاكل :" كولي ابنتي "

كتعرض عليها الجارة ، ومينة كطلع وتنزل فيها :" كولي الغالية "

قرصاتها خالتها تسكت وضحكات لجارتها :" مديريهاش منها قلة صواب ولكن مرت ولدي حاملة ومتقدر على مساخن "

وسعات جارة عينيها :" الله يجيب لفكاكة على خير بشي وليد ان شاء الله "

ابتاسمات ام عابد :" امين ياربي من فمك لبيبان السماء "

لغالية بقات مربعة يديها خاضياهم كياكلو حتى شافت القصرية لولا تهزات للكشينة وهي تنوض شداتها من لحافها :" فين غاديا "

حيدات ليها يديها :" لبيت الماء ا ما "

وهي تنوض تبعاتها للكشينة خلاتها تا خرجات ودخلات هزات القدرة و خوات فوق الرفيسة البلول و كترات الحلبة و هو تجمع كمام يديها و

بدات تلقم وتاكل و تشوف فكرشها :" مووت موووت "

فمها عامر حتى غتخنق و كتضرب فكرشها بقبضة يديها فنفس الوقت طاحت على زلافك ديال لمساخن نزلاتها لكرشها كلها و تنهدات براحة وهي تنزلها سمعات لحس وراها ومسحات فمها بزربة كانت مينة :" اش كديري نتي هنا ؟"

لغالية بتوتر وهي خايفة :" ا ا لا والو والو غي تلف عليا بيت لما "

مينة كتخنزر فيها :" زيدي راه مرت صويلح كتعرف تقلب لحاملة وغتقلبك "

لغالية كضور فعينيها :" ا اه واخا هاني جايا "

دخلات للبيت جلسات و خواو الناس و نعساتها حطات يدها تحت من حوايجها كتقلبها و حلات ليها بين رجليها كتقلب فطوطو ولوالدة كتفتح فرجها :" مبروك عليك راكي حاملة "

قلبات عينيها بملل و مافيها تعابير الفرح :" شلا ماقلتي "

شافت فيها ام عابد وهي تطلق ضحكة صفراء :" الله يفرحك "

كتعوج فشنايفها :" كي فرحتينييي "

اعطاتها لعشور تضويرة و ناضو خرجو لدار و لغالية مشات تحلب لبقرة من ورا الدار غير دخلات للزريبة وهي تركع طاحت على ركابيها شادة تحت كرشها غتموت بلحريق و راسها خاطاه فوق العمود وراها هزات يديها ملي حسات بلزاجة فيها لقاتو الدم تخلعات و بدات تترعد :" ددد.. الدم "

كلها كتترعد وتقفقف بلخوف و لحريق تحهد بزات تبكي و مزيرة على تراب والدم دايز تحت منها :" اااااه اااا ميييي هءءء هء "

كتعض على شنايفها وكتهز و ترجع تتحط بلحريق و كتبكي زوج دموع للعين الوجع كيقطع فيها كتحس بشي حاجة كتفرس فيها من الداخل وتحت منها فرجها غيطيح عليها مرجعاتش تحس بيه منمل و مصارنها تخلطو عليها و ظهرها غيتقسم عليها بلحريق حتى هو

مقدراتش تزيد تصبر للحريق كتضرب بيديها بزوج وكتبكي وتغوت ربي لي خلقها وغير مكيتزاد يتجهد عليها لخريق وهي كتضرب راسها مع العمود لي وراها من كثرة الحريق لي فيها والدم مبقاش باغي يتحبس تحت منهم هي خافت من الدم كثر من خوفها من لحريق لي كان كينتابها بدات تغوت :" الله ياسيدي ياربي اش درت اااش درت "

كتلوي عنقها وكتبكي شادة فكرشها :" اش درت اسيدي ربي "

مقادراش تحرك رجليها والتنفس تقبض فيها :" شريت العذاب لراسي ااااااييي "

كتموت بلحريق :" ااااه ااااييي.. يبييي"

كتبكي حاطة راسها فوق لعمود ويديها بزوج فوق كرشها :" وقف معايا اربي "

قبل متطلق غوتة وحدة من مورا مشاافت داكشي :" عااااااااااااااااابد..."

شافت طرف صغير نازل من بين رجليها شداتو وسط يديها كتبكي وتغوت :" عااااابد "

كتشهق السوفل مشا ليها :" هء هء "

شادة تحت من كرشها كتحس بالم وحريق كيقطع فيها كانها كتحتضر

جات كتجري وموراها مينة :" اش واقع مالكي "

دخلو يجريو لقاتها كتنزف الدم و حالتها حالة صفراء و عرقانة من كثرة البكاء و الكحل سايح من عينيها بالدموع

قربات ليها و مينة واقفة وراها كتشوف فيها :" اش وقع ؟"

ام عابد كانت مصدومة وكتضوب على فخاضها :" كي وقع لك اش هادشي "

كتشوف فالطرف لي فيدها وشادة فراسها :" مشاا مشااا لينا الولد "

شافت فمينة :" عيطيييي للحكيييمة عيطيي "

كتغوت :" عيطييي ليها "

و شدات ملحفها حطاتو تحت كرش لغالية مزيرة عليها :" اش وصلك لهاد لحالة "

كتتفحصها بقلق :" واش طحتي ؟"

مجاوباتهاش لغالية ربي لي عالم بلحريق لي كانت كتعاني منو مبقاش عندها القدرة على الكلام ولا تحريك لسانها كانت غير كتضور عينيها لي معسلين وفحالا غتغييب..

وام عابد كتحرك فحنيكاتها وهي متوترة وتعابير وجهها معنكشين :" لغالية لغاااالية.."

بدات تصرفق فيها بجهد شوية :" حلي عينيييك شوفي فيا "

لغالية فشلات ورمات يديها طاحت تخبطات مع الارض و غمضات عينيها..

وجات مينة وراها لحكيمة قلباتها وسط الزريبة :" مات ليها الولد "

كتمسح فدمها :" الله يعوضها عليه "

شافت فيها :" معرفتيش كيفاش مات ؟"

لحكيمة حركات راسها :" مبايناش بلي ضربات ولا شي اثر ديال شي طيحة وحتى لوالدة بانت ليا طبيعية ، معرفتش كي وقع ربي بغاه "

هزوها للدار وحطوها فبيتها وكانت كتنزف لحكيمة وقفات النزيف و نزل كان داكشي لي فكرشها :" هادو لعشوب تتوضا بيهم "

اعطاتهم فيد مينة ومداتليها عشوب اخرين فلكفة الاخرى :" وهادو تشربهم "

اعطاتها ام عابد شي بركة وسط يدها :" اختي الله يرحم لواليدين "

مينة :" نسيفط لسيدي عابد اخالتي "

شداتها من يدها :" جلسييي "

وحمرات فيها :" غتجيبيه كيجري و يتخلع خليه حتى يرجع ويعرف اش وقع ليها "

جلسات :" خالتي "

شافت فيها :" خليني ابنتي "

كضور فراسها :" الله يصبرنا ربي بغاه واخا مازال مفرحنا بيه "

مينة كتنطق بتردد :" شفت لغالية فلكشينة فدار مرت صويلح "

شافت فيها :" اش بغيتي تقولي ؟"

مينة :" واقيلة كلات من رفيسة النفيسة كي خرجنا من عندها كي تضرات "

قربات لعندها :" ميمكنش انا وصيتها متقربش للرفيسة "

مينة :" خالتي را شفتها مخبعة وكتسلت "

ضورات ام عابد راسها كتفكر لغالية فاش كانت تغوت صباح وتلعن وتسب فولدها ولحفيد لي فكرشها :" زعما تكون.."

ورجعات ركزات عينيها فلغالية لي طايحة فوق سرير :" ميمكنش تكون كافرة بالله "

تنهدات :" هي بنت لحرام مقطرة ولكن.."

بدات تغرب الشمس و رجعو ادراجهم كان عيسى سابقهم ببضع خطوات صغيرة وهما وراه :" مبروك عليك "

عابد :" لعقبة ليك "

ضحك اسماعيل :" نلقا العروسة بعدا "

عابد :" طلق البراح غيجبدها من تحت الارض "

اسماعيل بخيبة امل :" كنتسناها تجي هي "

شاف فيه عيسى بنص شوفة :" المراة فولة قاصحة الى مفزكتيهاش مكترطابش "

اسماعيل :" مولاي كلامك هو لكبير حرت ومعرفت مندير سلباتليا العقل "

ربط ليه فوق كتفو وغمز عابد :" كيف جمعت عابد ببنت الخماس حط يديك عليها و ليوم قبل متوصل لبيتك تلقاها فوق فراشك "

ابتسم وهو حادر راسو :" الله ينصرك لينا ا مولاي "

عابد تاهو حنا راسو :" فضلك كبير عليا ا مولاي "

ضحك عيسى بشوية وبنبرة فكاهية :" كون مزوجتكش لغالية كنت غنضيع فالارض و جيشها "

اسماعيل شاف فعابد :" مكان كينعس لا بليل لابنهار "

ضحك :" كنتي ترسلو لقاعة الجيش نلقاه كيضور على دار الخماس "

كيخنزر عيسى :" هادو هما فعايلك ا عابد "

حدر راسو عابد :" سمحليا ا مولاي "

وحط رجلو فوق اسماعيل وهمس ليه :" ونت حسابنا من بعد "

اسماعيل دفعو بشوية :" وشنو كذبت عليك كنتي مقابل لغالية ومصايبها فينما تتلاقا مع شي راجل تمشي تهرسو وتقولو انا راجلها "

عيسى :" لحمد لله فطنت وجبتها حداك كنتي غتبيع لي قدامي وورايا "

عابد حاني راسو :" سمحليا ا مولاي "

اسماعيل كيشوف فالبركة ديال لماء نقي وكبيرة لي قدامهم و تحت منها حجر بيض :" شحال لعبنا هنا "

ابتسم كيتفكر و الحنين شدو :" شي عونة هنا "

تلفت فيه عيسى :" واشنو كتتسنا "

شاف فيه باستغراب حتى شافو سلهام عيسى طاح فالارض و تلاح وسطها و هما شافو فبعض كيضحكو و تخشاو معاه من ورا مسلتو حوايجهم فبلاصة بعيدة على القصر و خاليا :" سيفطتي ورا رافاييل "

حرك راسو :" اه ا مولاي جايبينو رجال "

اسماعيل :" مولاي عرفتي منو شي حاجة اصل كلامو "

عابد :" هاهو وصل "

قرب رافاييل ونطق عيسى بالاسبانية :" دخل حدايا "

و رافاييل فرح عجبو منظر و سلت حوايجو بقا غير بالخروق لي ساترين قضوو و نزل حداهم تلفت عيسى وفتح رافاييل فمو بصدمة كبيرة و بؤبؤ عويناتو توسعو و لمح رافاييل الوشام لي فوق صدرو كان عروف اسمو فوق منها تاج صغير منقوش فيه حرب F صغيرة بمعنى فيليب شهق رافاييل وهو كيقرب ليه وخط يدو فوق كتفو بلا حشمة بلا حيا وهو يشدو عابد من دراعو ولواها ليه :" هذا خاصو شي جلدة "

اعطاه عيسى اشارة يطلقو حيت كان كيتفركل وسط الماء قرب مرة اخرى وحط صباعو كيقرا فيها بتمعن رجع طلع عينيه وسط عينين عيسى :" ايسى !"

متسناش شي تعبير من عيسى وتلاح عليه عنقو :" ايسى اييييسى نت ايسى "

وعيسى كان واقف جامد وكيشوف فوشام رافاييل لي كان فكتفو من اللور نفس الرسم عليه عروف رافاييل وفوقها تاج بنفس الحرف بمعنى انتماءو للعائلة الملكية كانو غيهجمو عليه عابد و اسماعيل ولكن وقف عيسى يدو مانعهم وحط يدو فوق كتف رافاييل مبادلو لعناق بتوتر وتردد واضح

رافاييل :" فين كنتي علاش مرجعتيش ؟"

بعد عيسى :" معرفتش معاقل على والو "

رافاييل :" خلينا نمشيو "

شد فيديه :" نرجعو

حيد يدو من وسط يد رافاييل :" ميمكنش هادي هي ارضي "

كيحرك رافاييل راسو بلا :" ارضك كتسناك ارضك اسبانيا "

بعيون دامعة مترجياه :" و ماما حتى هي نسيتيها ؟ نسيتيي ملكتك ؟؟"

تنهد عيسى :" معرفتكش علاش كتدوي و مبغيتش نتفكر "

رافاييل :" ايسى ارضك كتتسناك وكتستغيت بيك شعبك عندو امل فيك "

طلع عيسى من البركة :" شعبي تحت يدي "

وعابد كيحاوطو بالفوطة لي جابو الرجال :"شعبي انا وسط منهم دابا "

و ركب فوق الخيل وزاد وخلاه و عابد واسماعيل كيشوفو فرافاييل لي كان فوسط البركة ساهي وكيخمم وكيبرغم بالاسبانية :" خاصو يرجع "

و خرج كيجري من لبركة تابع مهرة عيسى وصل عليه كان كيدخل اماندا للاسطبل و هو وراه راكع عند رجليه :" ايسى اسبانيا غتحتل بلا بيك "

شاد ليه فرجليه :" ايسى خاصك ترجع معايا "

معنق رجليه :" اسبانيا محتاجة ملك فحالك اسبانيا كتستغيت بيك ا ايسى "

دفعو تا طاح :" انا غنعفيك وغذا غنجند ليك اخسن خيل و اكبر مونة باش ترجع لبلادك "

حبسو رافاييل مانعو يدوز :" انا مغنرجعش بلا بيك "

عيسى بجدية :" سير قبل منرجع فكلامي و ندفنك حي "

رافاييل :" الموت خير ليا مانشوف اسبانيا كتحتضر و ماما كتموت وهي باغيا تشوفك لاخر مرة "

عيسى زفر بقلة صبر :" حيد من قدامي واش مكتخشاش غضبي ؟"

رافاييل :" كنخشى هبتك نت ملك اسبانيا عروسة الغرب كنهابك و كنحتارمك كنقدرك وكنبجلك نت ملك الملوك "

عيسى صفق لرجالو جاو بعدو منو رافاييل بالسيف :" متخليوهش يقرب للقصر "

خنزر فيه :" غذا هزوه خرجوه من القبيلة "

حركو راسهم باه وحناو راسهم وتحركو بيه وهو كيتنتر وكيعيط عليه :" ايسى "

متصنطش لعياطو ولا توسلاتو خيد لجام لاماندا و هو كيدوز يدو فوق شعرها :" ارضي فقلب زينب "

تنهد مطول وهو كيلعب معاها وهي كتسوط وسط شعرو وهو كيردد :" اسبانيا عروسة الغرب"

كيرددها كتفكرو بشي حاجة حس بلحريق فراسو شد راسو جالس فالارض :" اااه ا"

زير على راسو بزوج يدين طالق من اماندا وراكع على ركابيه و محني فحالا مخشي فرااسو

وسط داك الالاام كترسم وكتتشكل صورة لذكرى مخلدة فذهنو

صورة رجل فاواخر الخمسينات وجهو فيه تحاهيد قليلة و شيب كاسي شعرو ولحيتو مخلط مع لون الزعورية لي فيه وعيونو ملونين نفس لون عيون رافاييل و جالس مقابل معاه و تاج فاخم مذهب وكلو محجر حاطو بين رجليه :" قول ورايا "

كيبوس فيه :" اسبانيا "

كيردد بتعتلم :" اثباا"

كيخرجها بزز وهو ناسي عليها :" اثبااااي"

بزربة نطق :" اثبااينااا "

ضحك عليه :" لا االا اسبانيا "

كينطق بشوية :" ااا سسس بب اا ن يااا "

جمعها :" اسبانياا "

كيلعب فيديه ملهي :" اثباينا "

حرك راسو بقلة حيلة :" واخا اولدي اثبايناا "

وشدو كان غيهرب منو :" اجي تكمل لحفاظة "

كيتنتر ويتغبن بصوت طفولي :" هننن لاااااا "

كيضرب برجلو :" بغيت نلعب "

شدو :" نكملو ونسيفطك تلعب فالفناء"

نقز :" بصح ا جدووو "

حرك راسو باه :" يالله اثباينا عروسة الغرب "

كيردد وهو كيلعب فحوايجو :" اثث.."

بدا ينساها :" اباثينا عروثة الغرب "

حط يدو فوق راسو :" مسختي لينا اسبانيا "

عيسى بدا يهز فكتافو :" اثباينا "

حط جدو يدو فوق عيسى كيفهمو :" نت عريس عروسة الغرب "

ضرب يد جدو :" لاااءء انا باقي نتزوج اناثتازيا"

ضحك جدو :" نت ملك اسبانيا "

شاف فيه مرة تانية :" انا دابا غنسولك "

جبد من تحت سلهامو حلوى عيسى المفضلة :" ولا جاوبتي صحيح هادي ديالك "

نقز بحماس :" اه اه غنجااااوب "

ابتسم :" شكون نت ؟"

بغباء :" ايييسى "

حرك راسو بلااا :" نت ملك ..؟"

نقز بحماس عارف الاجابة :" انااا ملك ان.."

كيفكر :" انن ننن.."

غوبش حيت نساها :" انثبايناااا "

نقز فاش تفكرها :" اثبايناا "

وخدا منو لحلوة كينقز فرحان كيفتح الحلوى وحدو كيحط التاج فوق راس عيسى وكبير عليه نازل فوق وذنو :" هذا تاجك اجدو "

حرك راسو باه :" وغيولي ديالك حيت نت ملك اسبانيا "

عيسى حيدو :" نت ملك "

باسو :" ونت الملك نت لي كتسناك اسبانيا انا مجرد وصي "

واخا عيسى ولد صغير مفاهم والو فكلام جدو الا انه كان ديما كيفرغ ويفضفض عليه كان حامل همو و بئر اسرارو

فلحظة غرقو فذكرياتو كان اسطول اسبانيا تخرك وسط امواج البحر الغاضبة داك النهار :" سينيورة مكفاكش انا غادي نجيبلك ولدك "

تكلمات بعناد :" كون بغيتي تحيبو مغتسيفطوش من الاول انا لي غنجيب ولدي "

غوتات :" تحركو نتوما "

بقلق :" سينيورة البحر هايج هاد الليلة خليها لنهار اخر "

ضحكات :" فاش كان ولدي كيمووت كانت العافية تحرق ودابا البحر هايج غتموت ونت كتحارب على ود ملكك "

غوتااات :" تحرك ولا "

بعدات :" غنكمل طريقي ففلوكة ونت عارفني نديرها"

تنهد حيت عارفها تقدر عليها :" وخليناه.."

قاطعاتو :" با خليتوه نهار خنتوه و ضيعتوو ايسى ضوء عينيه "

حدر راسو واعطى الاوامر باش تتحرك السفينة استغرقات منهم ساعات كثر من المعتاد حيت البحر كان هايج و امواجو غاضبة وقوية بزاف و كانت عاصفة وصلو للاراضي المغربية نزلو من السفينة خيولهم و جيشهم لي كان كبير مكون من الف رجل قوي و مسلح باقوى الاسلحة لي مازال موصلهاش القبائل العربية معولة ايليزابيت على الحرب فداء ولدها الغايب رافاييل

خدات طريقها فالخر و الشمس و الخيول كتجري متأهبة وهي فوق العربة مظللة و معاها لورانس :" سينيورة "

هزات صبعها مسكتاه :" مبغيتش نسمع شي حاجة حتى نشوف ولدي "

لورانس :" يمكن ايسى فعلا عايش "

تربعات ووقف شعر جسمها :" اا "

كتشوف فيه بفضول وكتتصفح ملامحو بفضول :" كتدوي بصح مباغيش غير تسكتني ؟"

عينيها غرغرو :" كنت كنقولها لكم "

حطات يدها فوق قلبها :" كنحس كنحس بيه عايش قلبي شي مرات كيرفرف قلبي باقي عايش مماتش حيت هو عايش "

بدات تبكي :" متكذبش عليا كيفاش عرفتي ؟"

لورانس :" ملك فيليب كان موزع عبيد فكل بلاد فلغرب حيت كان الشك يكون فيهم و هاد الاواخر تلاقى بواحد من صحاب المرحوم مالك "

حدرات راسها حازنة على شريك حياتها المتوفى و لورانس كمل كلامو :" و قاال بلي شاف ايسى "

قفزات :" شافو كيفاش شافوو ؟"

لورانس :" شاف رمز الامراء الاسبان فكتفو "

شهقات :" بصح ؟"

حرك راسو باه :" هادشي لي جانا فلمرسول قالو فقبيلة بعيدة حاكمها ظالم مكيخلي الدخيل يحط رجليه فيها "

نطقات :" غنقنعوه حتى لا اقتضى الحال نشن الحرب باش نجمع ولادي "

لورانس :" ومخفتيش يكون ايسى واحد من عبيد لي غيتحاربو مع جيشك ؟"

ردات بقلق وحزن :" غنتوسلو يقدر يحن فام تحرمات من ولدها اعوام وسنين هادي "

وقفو صف كبير قدام صور القبيلة و رجال عيسى تأهمو يهجمو عليهم حتى خرج لورانس مسبق يدو :" حنا مسلمين "

مفهمهش الجنود باقي مزيرين على سهامهم ولورانس تلفت فلعبيد العربي ديالهم :" اجي ترجم كلامي "

و قرب :" السلام عليكم "

ردو السلام :" وعليكم السلام "

كيردد كلام لورانس بالعربية :" حنا ماحيناش نتحاربو بغينا نتلاقاو ونتكلمو مع حاكمكم "

بقاو كيشوفو فبعضياتهم وسيفطو واخد منهم :" بلغ كلامهم لمولاي بلا زيادة ولا نقصان "

طار لمرسول يجري للقبيلة فوق الخيل كيجري ويسابق الريح..

هبطات ايليزابيت كتتمنظر فاسوار لقبيلة و رجال لي برا قربات لورانس :" شنو وقع ؟"

لورانس :" غيعلمو حاكمهم "

بخوف :" واش ظالم يقدر يكون تعدى على ايسى ؟"

لورانس :" نتمناو الخير "

هي بقلق :" الى آذا ايسى انا "

تنهدات معارفة ماتقول :" غنقتلو "

و هي تكلكم فراسها ويديها للسماء كتدعي بلمسيحية :" ياسوع العظيم احفظ ليا ولادي وجمعني معاهم "

علي :" نساريك لقصر الالة زينب "

خنزرات فيه :" انا نساريك لقبيلة كاملة "

بتكبر ونفخة :" كنعرف النملة فين كتولد فوسط القصر "

شاف فيها بشك :" علاش كيولد النمل فقصر الحاكم ؟"

ابتاسمات بغباء :" لا حيت كيدهسها عيسى برجلو فحال المسكين "

بقاو كيتمشاو فحديقة القصر قرب الاسطبل وهي كتسمع صوت اهات طلقات وذيناتها كتسترق السمع حتى ميزات صوتو حاولات تطل بشوية ولمخاتو مكور وشاد فراسو عرفات بلي كيعاني من نفس النوبات المتكررة دفعات علي

بعيد :" سير بحالك "

علي :" لاااء "

بعناد وشقاوة :" مولاي امرني رجلي على رجلك "

زينب بتوتر مبغاتوش يشوف عيسى فديك لحالة حيت غيمقتو ويقدر يقتلو :" علي كون تسمع وسير "

بلغوات :" واش كتعصا امر مرت لقايد ؟"

هزات صبعها بتهديد :" باغي تتعاقب من عند عيسى ؟"

هزات راسولعندها وكترطب لعضرة باش

تقنعو :" مولاي مغيبغيش يشوفك كتقلقني ياك نت عارف هادشي ؟"

حرك راسو باه حادر راسو :" وا سير راني بديت كنتقلق "

حرك راسو بالايجاب وتحرك راجع للقصر حضاتو حتى بعد عليه بخطوات وهي تدخل كتجري عند عيسى تحنات لمستواه شاداه من فوق دراعو

كتحاول تبعد يديه على راسو :" عيسى"

هو كان مغمض عينيه وكيردد بالاسبانية :" انا ملك اسبانية

و كينطق وهو كيرجف :"عروسة الغرب.."

كتحرك فيه :" عيسى كتسمعنيي "

هو كان عايش وسط ذكراه :" اسبانيا.."

وهي مازال كتحرك فييه وغوتات وسط وذنو :" عيييسى "

فتح عينو بزربة فوسط عينيها ،عينيه لي تهلطو بعروق حمراء صغيرة بارزة بالتوتر و التركيز

القوي :" مالك ؟"

كتشوف فيه :" شنو كتقول ؟"

حيد يدو :" شنو كديري هنا "

حيدات يدها من فوقو هزات ملحفها كانت جالسة عليه وبدات كتمسح العرق لي فجبينو وهو تابت كيشوف فيها وكيتأملها وهي كتمسح عرقو بشوية و متبع مع خطوات يدياتها دقة دقة

قبل متفقد تركيزها وتوازنها بحروف كلماتو :" مازال باغيا تعذبيني "

نزلات عينيها فيه :" شنو وقع شنو.."

بداو كيخونوها كلماتها وهي كتشوف نظراتو

ليها :" مخرجتش من بيتي بلا شوارك "

كتوريه فلملحف :" وهاهوا لملحف فوق راسي"

هزات كتافها :" معصيتش امرك "

كتنطق بالسيف وهي كتشوف عينيه مركزة مع حركات شفايفها :" و و مم.. متدخلتش فعبيدك "

اكتفى يحرك راسو باه حيت مكانش منتابه لكلماتها كان مركز مع شفايفها وعقلو تبنج وهو كيشوفها بوحدها وسط عالمو

قرب لشفايفها بشوية حس بيها كتبعد وشدها براحة يدو من ورا ظهرها ونطق بصوت رجولي

وهو منشوي :" متحركيش "

وهي تجمد فبلاصتها بلاما تحس ولا توعى على راسها كتنفذ امر ديالو حط شفايفو فوق شفايفها لمعسلين

ورديين منيفخين جر قنوفتها الفوقانية بشوية وهي تزير على اللحاف فوق رجليه حس بيها و ابتسم بشوية وفمها مازال وسط فمو

وبدا كيحرك اطراف صباعو فوق طهرها بشوية وبلمهل..

نسا الالم لي كان كيموت فيه دابا شوية نسا ذكريات الماضي و الحاضر بقات صورة وحدة بين عينيه قبل ميغمضهم كانت صورتها !

كان كيبوس بعمق وهو كيمص فشفايفها و يعصر فيهم بشوية وبطريقة مغرية كتخلي غرائزها الانثوية المخبعة تفضح وتبان

ويدها الثانية كانت فوق كتفو حاطاها و كتحرك اطراف صبيعاتها بلاما تعس فوق كتفو وبطريقة عصبية فحالا كدير ليه ماساج ، مفيقو من بحر مشاعرو و طيحو من حلمو الوردي السامي سوى صوت عبيد :" موولااي "

نطقها وهو كينهج وهو حادر راسو :" مولاي "

غمض عينيه معصب فاش حس بيها قفزات مبعدك عليه :" اش كاين ؟"

حرك راسو بزربة :" مولاي عندنا ضيوف "

طلع حاجب باستغراب :" ضيوف فقبيلة عيسى !"

جاوب :" اه ا مولاي ومعاهم جيش كامل"

وقف :" جيش ؟"

حط يدو تحت فمو :" فيناهما ؟"

سبق لعبيد يدو باش عيسى يسبقو :" من هنا ا مولاي "

وهي تشدو من يدو :" قال جيش ؟"

شاف فيدها لي متمسكة بيه :" ياكما ناويين على الحرب ؟"

حرك حواجبو :" خايفة عليا !"

فاقت براسها شادة فيدو وطلقات منو بزربة راجعة اللور :" لا "

بتوتر :" ناس لقبيلة مقدروش حتى على ظلمك اش غيديرو مع قهر المستعمر ؟"

ضحك بسخرية :" هي لاطلقتيني نعرفو شنو باغيين "

صغرات عويناتها مفاهماهش قبل ميحيد يدها الثانية لي كانت شادة بيها سلهامو

هي حدرات عينيها بحرج و دارت يديها وراها وحنيكاتها توردو خرج تابعو لعبيد وراه ركع ليه حتى طلع فوق ظهرو على الهيل وانطلق للحدود استغرق منو نصف ساعة حيت اماندا اسرع خيل فالقبيلة كتسابق الريح سرعتها من اطرافها القوية والرشيقة وصل وكلشي تحنى فهمو بلي القايد حضر و علم المترجم الجيش يتحنى احتراما ليه كضيوف عندو تقدم فوق خيلو و ايليزابيت دارت يدها فوق عويناتها باش تقدر تسرق شوفة منو كان شعا ديال الشمس مانعة تشوف بصورة واضحة :" هولا سينيور "

وشاف فايليزابيت وهمس :" هذا هو الظالم "

ايليزابيت :" الله يحفظ ولادي من ظلمو "

تلفت فاش سمع لورانس ورد عليه بالاسبانية :" شنو جابكم هنا ؟"

تصدمو ولورانس تلف :" نت اسباني ؟"

هبط بطريقة رجولية فخمة :" الله يحفظنا ويحفظكم "

قرب بزوج خطوات ودار اشارة لعبيدو لي كانو كيقربو باش يحميوه وهو عينيه عليها :" غتتحركي نتي ولقافلة "

كيحرك يدو بشوية وبنبرة تهديد :" وترجعو منين جيتو بلا دم "

كانت متبتة وكتشوف ملامح وجهو كتحفظها ومركزة فعينيه كيفكروها فشي حاجة تقدر تنسى كلشي الا تراسيم عينيه :" مبغيناش الدم"

قاطعها بنبرة قاصحة :" هي لا تحركتي "

قربات ليه شوية ولورانس شدها :" سينيورة !"

تنترات منو مكملة طريقها قرب عيسى جمعات يديها :" مبغيناش حرب بغيت منك خدمة وبالمقابل "

شيرات جهة العربة :" مالنا كلو نوهبوه ليك "

حركات راسها كتحاول تقرا تعابير :" الله يخليك !"

ضور وجهو كيعد الحيش بلاما تحس باش يدير حسابو :" شنو هي عاد الخدمة "

ايليزابيت :" ولادي كاينين على هاد الارض بغيت ناخدهم "

مجاوبهاش :" جيشنا يستقر هنا ،يبقا هنا ندخلو غير حنا "

لورانس :" سينيورة ميمكنش "

قاطعاتو :" دخل سوق راسك بقا برا لاكنتي خايف "

شافت فعيسى :" حاسة بلي عندو كلمة الرجال "

ركزات فعينيه :" كنحس بنفس حاكم "

ضحك بسخرية :" منواعدكش "

شاف فعبيدو ودوا بالعربية :" نزل رافاييل "

وهما ينزلوه حيت كانو مسيفطينو للحدود هي طارت على ولدها قبل ميوصلوه ليها وهي كتشوفو مكبل بالحبال :" رافاييل "

فتحو حبالو وهي عنقاتو بادلها العناق طلعات يديها لوجهو كتقلب فيه و كتقيس اثار كدمات فوجهو :" ولدي "

كتبوس فوجهو :" اش وقع ليك "

كتتصفح اطرافو ودراعو :" شكون قاسك "

شافت فعيسى :" علم الله شنو درتي فعيسى لي كبر وسط ارضك "

ابتسم بسخرية :" لبستو من حرير الدودة و غطيتو بحجر الياقوت و وسدتو ريش النعام "

رافاييل كان فحالة صدمة مكيدويش غيطير بعينيه عيسى دوز ليالي وهو معارفش خوه لي كان فجنبو طلق من مو :" ماما لقيت ايسى "

هي تحجرو عويناتها بالدموع وتقطع صوتها :" ع.."

كتعثلم :" عايش ؟"

حرك راسو باه وعينيه باقي على عيسى وطلق تنهيدة :" عايش "

ذاحت فالارض على ركابيها مصدومة مقدراتش توقف من الدهشة ودموع عينيها بداو يسيلو :" هو بيخير ؟"

رافاييل :" اه "

كتزيد فالبكاء :" صحتو مزيانة ؟"

رافاييل :" كيف خليتيه "

كتشهق بقوة و عينيها حمارو بدميعاتها :" كيتغطى من برد الندا ؟"

كيتامل سلهام عيسى الفخم :" مغطي مزيان "

رجعات شهقات وهي جامعة يديها فوق فمها كتكتم صوتها :" واكل مزيان ؟"

كيتامل فطولة عيسى و كتافو لعراض :" اه واكل مزيان "

تنهدات براحة كبيرة وطلعات عويناتها فيه :" غيكون كبر ياك ؟"

ابتاسمات بشوية وغمضات عينيها كتتنفس ريحة التراب الغنية وكتتخيل صورتو بين عينيها :" غيكون ولا راجل عويناتو مجبدين كيفتنو ،و.."

نزلات دميعة من عويناتها لمغمضين :" شنايفو صغيرة غتكون شنايف راجل راشد دابا "

مسحات دمعتها :" كتافو عراض و شعرو كثيف "

حطات يدها فوق قلبها كيحرقها وزيرات عليه :" كنشوف باباك مالك قدام عينيا غيكون شبيهو "

رافاييل ساهي فعيسى ويدو فوق راس ايليزابيت :" تماما نسخة منو "

شدات فيد رافاييل :" فيناهوااا بغيت نشوفوو "

كتحركو :" بغيت نعنق ولدي ونشم ريحتو "

باقي كتحرك فيه :" بغيت نقيسو ونشوفو نروي شوقي منو "

رمات عينيها فالارض ساهية :" باغيا نعرف اخبارو "

رجعات طلعات عويناتها فرافاييل :" شنو كان كيدير هاد الوقت ؟ ، وعلاش مرجعش واش رجع عبيد وتقيد فحريتو ومقدرش يرجع لارضو ؟"

سكتات قبل متنطق :" واش غيكون تزوج وعندو شي وليدااات ؟"

ابتاسمات بلاما تحس :" يكون عندو وريث اسبانيا "

وقفات بزربة كتحرك رافاييل لي وجهو جهة عيسى لي خاضي داك المنظر ومركز مع حركات وسطور ايليزابيت :" خودني عندو "

شافت فعيسى :" خليني نشوف ولدي "

و كتمسح دميعاتها :" غنوقف الجيش ومغنبداش حرب غننسا اش درتي ف.."

سكتات كتشوف كدمات فوجه ولدها :" فرافاييل و غننسا شنو درتي فايسى خليني ناخدو و غنعطيك حقك غنعطيك لي غيغنيك نت وارضك "

شدها رافاييل من يدها بشوية :" ماما ايسى "

شافت فيه بخوف :" مال ايسى ؟"

بقلق :" واش واقعة ليه شي حاجة ؟"

رافاييل كيترجى عيسى بنظراتو :" مبغاش يجي معايا "

ايليزابيت :" كيفاش مابغاش يرجع معاك ؟ ،"

بدات كتترعد :" ميمكنش ماشي لخاطرو حنا غنرجعوه ايسى ديالنااا "

شد فيها :" ماما بشوية "

قرب لورانس :" سينيورة باش كتحسي "

هزات عويناتها البلورية فيهم :" بغيت ولدي خودوني عند ايسى "

لورانس تقدم لعند عيسى :" شوف من حالتها خلينا نشوفو ايسى مبغيناش ندوزو الدم الى نوضنا لخرب نت لي غتخرج خاسر "

عيسى ميل راسو :" سمعتي عليا بزاف ولكن على مابان ليا مازال معرفتينيش "

لورانس بتكبر واستهزاء :" اش غيدير جيش قروي قدام جيش غربي اسبانيا سيدة الحروب "

جبد عيسى سيف من جنب لورانس وهو حال عينيه من سرعة عيسى ماقشع والو لورانس وحطو فوق عنق لورانس :" الى بغيتي تمنع النبتة خاصك تقلع جذرها "

ود ليه ابتسامة بنكهة السخرية :" وباش نوقف الحرب غنقطع راس قائدها "

ايليزابيت خرجات عينيهااا :" لاااااااااا "

بلع لورانس ريقو وهو كيحس بالمضا فوق عنقو وكيحس بنقطة الدم نازلة مع عنقو لجهة صدرو :" مبغيناش حرب "

ايليزابيت :" مبغيتش الدم "

كتبكي بصوت نواح ونبرة مرتافعة :" واش طالبة بزااف ؟"

كتغوت :" بغييت نشووف ولديييي قبل منموت "

هو تلفت فيها و قلبو وجعو من صورتها كتبكي وصوت نواحها و فقد تركيزو فلحظة سهوتو فيها حس برابطة كتجمعهم اقوى من داكشي لي تخيل ، لوا دراعو حتى ترمى السيف من يدو و طيحو فالارض عبيد عيسى تقدمو شاهرين سيوفهم و جنود ايليزابيت كذلك تقدمو حاملين اسلحة متطورة وسيوف اقوى وذو حد اقوى

ناويين يبداو الحرب ولورانس هز سيفو الفوق ناوي يهبط على عيسى قبل ميغوت رافااييل فلحظة لي اختارق السهم قلب لورانس و طاح طريح فالارض ايليزابيت حطات يدها فوق فمها مصدومة

عابد :" قتلوووهم ، حميييييو الحاااااكم "

تجمعو كامليين بدوريات وصفوف متقدمين و عابد واسماعيل حاوطو عيسى لوسط :" لي قرب "

كيتحكم فسيف وسط يدو :" غيموت شهيد "

رافاييل كيغوت :"ركعو لحاااكمكم بينو احترامكم لملك اسبانيااا "

ايليزابيت بدات تضور فراسها كتقلب عليه بعويناتهااا :" ايسى "

كتترعد :" فيناهوااا ايسى "

قربات لعابد كتقلب فيه :" لااا لا "

كترجف :" ماشي هوو "

اسماعيل مقرباتش ليه نهائيا حيت هو شهيب شوية وولدها حروفو كحلين :" مم..ماشي هو "

جات تضور و شافت قميص عيسى لي مقطع من جهة الصدر بجرة لي جرو لورانس و نازل على وشام كتفو تلفتات فرافاييل لي حرك راسو وعينيه مغرغرين بدموع :" هو ولدك اماما "

يتبع...