خضوعي الجزء الثامن

وقف جنبو وهو جالس كيقرا فاللوح :" مولاي لالة زينب باقيا على نفس الحال "

ضرب باللوح فالارض و جامع يدو على شكل قبضة :" حاضها تتربى مكاينش حكم اعلى من حكمي "

وقف كيتمشى جهة الشرفة لمحها باقي على نفس الحال واقفة و الشتاء كتغسل الدموع من وجهها تا واحد مواقف جنبها حيت عيسى اعطى الامر لاي واحد خرج عندها يتقطعو رجليه كتشهق تحت تلشتاء :" بااا ب.."

مقادراش ترجع تنطق لصقو عليها حوايجها و رجعو حروقها وجروح ظهرها كيوجعوها بزاف ورحليها مقادراش ترجع توقف عليهم ضرب البرد ورجعات السماء زرقاء بضوء ديالو هي من قوة الصاعقة تزعزعات كانت واقفة بالسيف خسرات توازنها

وطاحت فالارض رجليها اللور ويدها لقدام طايحة كتبكي و الشتاء كتصب فوقها بغزارة و كل مرة كتزيد تتجهز :" عيسـى .."

و كيتحرك يديها بصعوبة وراسها تنفخ بالبرد :" رحمو غير هاد لمرة "

حسات بالشتاء وقفات و شي حاجة دايرة ظل فوقها هزات راسها لقاتو عيسى مغطيها بالسلهام ديالو وهي حدا رجلو خاشيها تحت السلهام شدات فجابادور ديالو باطراف صبعها وطلعات عويناتها فيه مبتاسمة بزز :" با غتطلق سراحو "

كانت الشتاء كثيرة وبللات عيسى حتى هو :" كتموتي ونتي كتفكري فغيرك ؟"

كتبكي وعويناتها حمارو :" هاداك با كون ماشي هو مكنتش غنكون قدامك دابا "

بترجي تعابير وجهها كانو حنان :" عافاك "

تنهد بقوة وزفر بفراغ صبر اول مرة كان كيشوفها ضعيفة وسط يدو زينب عمرها عرفات الضعف والبكاء قدامو وعمرها تحنات ولاركعات ليه ولا توسلات ليه ولكن ملي تعلق الامر بعائلتها تقص جناحها وصارت طائر جريح شدها من كتافها بزوج يدين كيوقفها وهي مازال كتعاند ولاصقة فالارض :" مغنخليش موضعي الى معطيتينيش موافقتك وواعدتيني تطلق سراح با "

طلق منها :" غتموتي تحت الشتاء "

كتحرك راسها بلا :" الى كنت غنقتل با حسن ليا نسبقو للقبر "

وقفها بزز :" حكمي مغيطيحش "

شدات فيدو بيديها بزوج كتترجاه :" غير هاد لمرة و عمري ندخل فحكمك "

شاف فيها بنص عين وهو معلي راسو :" واش مكتفهميش كلام القايد مكيطيحش "

طلقات من يدو وهي فاقدة الامل :" قتلني معاه منقدرش نعيش من موراه "

تحجرو دموعها مرة ثانية :" قلتي ليا تحط الارط كلها تحت يدي "

كتضرب فالارض :" ونت دابا كتقطع جناحي "

كتضرب بالجهد لي فيها وبكل قوة بقات فيها وهو داير ليها ظل بسلهامو مكتختارقوش الشتاء بسهولة و هو بقا تحت الشتاء كيشوف فيها قلبو كيحرقو على حالتها ولكن فنفس الوقت كبرياء الحاكم و سلطتو حاقدة على الموقف وصعيب تتنازل

بقات كتغوب و كتضرب فالارض و طاقتها كتستنزف و مواكلة مشاربة من صباح كاع لعبيد كانو كيطلو عليهم و كيشوفو منظرهم بزوج فوسط الشتاء

حتى وقفات زينب و حس بيها ترخات طل لقاها طاحت مغمى عليها هزها بين دراعو ودخلها للقصر و خواتاتها ضايرين بيها :" مولاي "

جبد فاطمة من ملحفها :" بدلي عليها "

تعاونو سلتو ليها لحوايج لمبللين و لبسوها من جديد مورا ماحطو العشوب فوق جروحها و ام الغيث جابت ليها ماكلة حريرة ديال الشعير سخونة و كاس ديال الخليب بلويزة يدفيها مع خبز القمح الحرش حطوه حدا راسها وخرجو

هو بقا بدل عليه و كيسعل مرة مرة ، وجلس حداها كينشف شعرها بشوية بين يدو و كيمسح ليها وجهها حطات يدها فوق ييدو وطلعات راسها فيه :" غتطلق سراحو ؟"

طلق منها :" غتباتي تحت الشتاء ؟"

بمعنى مغنطلقش سراحو ، دفعات يدو ورمات الفوطة فالارض وتقلبات للجهة الاخرى جامعة يديها عندها

تمشى للجهة الاخرى :" نوضي تاكلي "

مجاوباتوش حط الصينية عند راسها وهي تتقلب للجهة الاخرة محساتش امتى هزها من خصرها وجلسها :" كولي "

ربعات يديها بعناد :" حلفت النعمة مطيحش فكرشي "

و ضربات بيديها :" واش كتنتاقم مني باغي ترجعني ظالمة فحالك "

كتتحرك بجهد وكتضرب برجليها :" واش عند راسك كتحميني ؟ واش غتحميني من بااا "

دمعو عويناتها :" علاش كتعاملني هاكا "

كتشهق :" علاش كتكويني فكل عزيز وغالي ؟"

مجاوبهاش مد ليها كاس الحليب ودفعاتو بشوية من يدو :" مبغيتش "

طلعات عينيها فيه بجدية :" مغندوقش النعمة الا من يدي ابراهيم "

نزل على داك لكاس دقة وحدة واخا كان لحليب سخون كيحرق وحط لكاس بجهد فوق صينية حتى قفزات دايرة يدها فوق راسها وكينطق تحت سنانو :" زيينب مرضتيني "

تنفس وهو مازال كينطق بنفس النبرة :" ودرت لك لخاطر بزاف "

حدرات عينيها وهمسات بشوية :" غير زيد ديروليا غير مرة اخرى "

طلعات عويناتها فيه كيف القطيطة ورموشها باقي مبللين كيتلصقو :" غير مرة "

شداتو من يدو و جراتو جهتها تنا ركابيه وجلس فوق السرير حداها وهي راجعة اللور شوية مخليا ليه فسحة فين يجلس وباقي شادة فيديه :" واش معندكش عائلة ؟"

كان غير كيشوف فشعرها المبلل فوق وجهها كيتحرك مع كل حركة كديرها :" فيناهوا باك ؟"

تنهدات :" ومعندكش مك ؟ "

طلع عينو فعينيها :" عندي غير نتي "

هزات كتافها :" وانا عندي عائلتي ومنقدرش نسمح فيها "

حيدات يدو ورجع شد فيدها :" وانا منقدرش نغفر لي يتمادى معاك "

زينب :" هاداك با ومن حقو يربيني "

يالله شافت ملامحو بداو يتغيرو ورجعات بدلات كلامها :" هادي غتكون اخر مرة يتجاوز حدودو هو عرف غلطو و عرف مكانتو "

زيرات على يدو :" عافاك متنساش بلي هاد زواج بدا منو "

بتهديد :" وغيسالي.."

قبل متكمل شد وجهها بين يديه بزوج وحط فمو فوق شفايفها مسكتها ومانعها تتكلم بقا كيلتاهم فشفايفها ولكن بطريقة عنيفة شوية على المرات لي قبل كيقبل بشغف مخلط بغضب وهي حاطة يديها فوق مرفقو كتحاول تبعدو كتحس بيه كيرجف وهو مستغرق فتقبيلها ومزير على شنافها فوسط فمو قرب يبتالعهم

مابعد منها حتى مبقاتش كتحس بشفايفها تجمدو من كثرة ما مص بعنف وعض فيهم بشوية وبرفق وهو ضاغط عليهم رجعو حميمرين ودايرين هالة على فمها لونهم اشد حُمرة ونطق

وهو كيشوف فشفايفها :" اخر مرة تنطقي بيها "

فهمات قصدو كان تنبيه لكلامها على فراقهم استاغلات الفرصة :" واخر مرة تسمح ليه وتطلق سراحو "

بحزم :" وانا مستاعدة منرجعش ننطقها طول ما انا عايشة "

جرها من وراء شعرها وحط راسو فوق راسهت نيفها فوق نيفو كيتنفس منها غمض عينيه وهو كينطق :" عمرك تقدري تخليني حيت ربطت حياتك بيا "

هي كانت خالة عويناتها وكتتأمل فيه :" على الاقل خليني تنحارب القهرة وانا مهنية من جهة عائلتي متخلينيش محبوسة واسيرة ظلمك و حسرتي على عائلتي كتقتل فيا "

بقا مدة وهو على نفس الحركة معاها قبل ميبعد و يتكيها على وسادتها ويغطيها وتلفت غادي ورجعات جراتو من يدو :" غتطلق با "

حط يدها و غطاها :" ارتاحي دابا "

و خرج لقا عابد واقف عند باب لباب تحنى :" مولاي "

حط يدو فوق كتف عابد :" جيب داك لكلب "

هز عينو بصدمة :" مولاي.. اا "

تنهد وهو سابقو وعابد وراه :" بيناتنا ليام "

فهم بلي مبغاش يزيد يدوي فهاد الموضوع و عابد خاصو ينصاع للاوامر بدون اسئلة :" شنو غدير معاه ا مولاي "

مسح فوق راسو :" عرفتيني مكنرحمش و داك لكلب غنخلي لبزيم يدور عليه بلمهل "

حنى راسو :" امرك ا مولاي "

خرجات كتتلفت وراها وكتلهت :" اش هاد لخير كامل تجري فيه العودة كون دخلات حمارتنا كون توضرات "

كطلع عينيها فسواري العالية :" واااه "

وحالة فمها فالفصة لي كتوسط القصر :" وااو "

وكتقيس فزليج :" زينب هي لي صدقات ليها "

جات تضور وهي تضرب بيديها الفاز الكبير لي وراها و هو يطيح تشتت و تزلع التراب فالارض كاملة :" اويلي "

مقدراتش تتلفت وراها وغمضات عينيها مكرزة عليهم :" لا ياربي ميمكنش "

عضات على شفايفها :" ياربي نكون كنحلم "

جمعات يدها على شكل قبضة مزيرة عليهم :" هننن "

سمعات الحس وراها وهي تطيح على طولتها فالارض :" ممم..مولاي والله والله ا مولاي "

تحنات وكدخل وتخرج فلهضرة :" سمح ليا ا مولاي "

حط يدو فوق فمو حابس ضحكة وحنحن مخي مازال دايبة قربات تبول فسروالها :" هءءءء مولاي "

لف وحا قدامها وهي حانية راسها :" سمحلياا مولاي انا عبد ضعيف و.."

اسماعيل حط يدو فوق راسها :" كيف بغيتي تخلصي ؟"

طلعات عينيها بزربة من مورا ماجاها الصوت مألوف :" ا ا..سس"

تبلع لسانها مع ريقها فاش اكتاشفاتو و هو ميل راسو كيحقق فتفاصيل وجهها :" شكون نتي ؟"

ضحكات كتغلض فصوتها مخافة يكشفها :" اناا "

طولاتها :" انااااا "

ابتاسمات بزز :" انا خت لالة زينب "

مد ليها يديه و هي بعدات كتحاول توقف بوحدها وسولات بقلق :" شنو غيوقع ليا دابا ؟"

ضحك كيخلعها :" غتتقلاي مع باك "

عضات على ظفارها :" لا "

تغرغرو عويناتها :" غتجمعوه معايا غيقتلني قبل ميقليني الزيت "

ضحك عليها :" شنو سميتك "

عوجات شفايفها :" شكون مكيعرفنيش فلقبيلة بنت الخماس تكوي وتبخ وتكول الله يداوي "

هزات صوتها :" مريممم "

طأطأ راسو :" متشرفين الالة مريم "

كتطل عليه :" ونت !"

نزل حاجب والابتسامة مفارقاتوش :" واه معرفتينيش ؟"

بلعات ريقها بخوف مخافة يكتاشفها :" ااا ا ششكون ؟"

جبد سيفو شاهرو وحاطو قدامو بكل بساالة :" انا سيف مولاي اسماعييل "

طلعاتو ونزلاتو :" سيف مولاي هو عابد "

خنزر فيها :" سيف مولاي هو اسماعيل"

حركات راسها بلا :" عاابد "

تعصب منها فحال شي وليد صغير :" اسماعيل "

عوجات فمها :" شنو كتعرف دير حسن من عابد ملك المبارزة وسباق الخيل و.."

قبل متكمل دفعها على الحيط مقنتها ومغطيها بطول جسمو كلو و تلاح على فمها كيبوس فيها

بقا لمدة دقيقة ونص حتى تخنقات وهي تحبسات فيها نفس و الون الطيف كاملة تجمعو فيها اصفارت حمارت وخضارت وعينيها خارجين فالتين من كثرة الصدمة بعد كيمسح فمو

وغمزها :" شفتي فاش حسن من عابد ،!"

هزات يدها حتى للسماء ونزلات ليه على وجهو حتى ضار للجهة الاخرة :" كلب بزاف عليك تكون سيف مولاي نت باينة كذبتي كذبة وتيقتيها "

خنزرات فيه :" كتحط يدك على بنات نااس الشماتة "

كطلعو وتنزلو :" قليل الاصل "

شاف فيها بنظرة خاطفة و رجع شاد ليها يديها وهي كتنطر منو ورجع قبلها وسط فمها بهمجية وهي كتفرك ليه بيه يديه وكتمسح القبلة من فوق فمهاا وكتغوت :" كلب "

كتنتف فراسها بلفقصة :" غندير صباعي وسط ودنيااا ونغوووت ربييي لي خلقني ونجمع عليك لعبييد "

بسخرية رد :" نغتاصبك هنا وتاواحد مغيجيب لك خبار "

حدرات الملحف عليها :" نت عبيد رخيص واناا"

بتعالي وتكبر :" خت لالااااك زينب بكلمة منها يتقطع راسك "

ونطقات ببطء :" ا شماتة "

قبل ميتلفت جهتها يرجع يسدها عطات رجليها للريح و هوبات كتجري وهو حط يدو فوق شفاهو

السفلية وكيشوف فيها بنص شوفة :" باقي بحال هاد لبنات "

حرك راسو باهمال وهو كيتمشى و صورة البنت النبيلة باقي راسخة بين عينيه مبغاتش تفارق بالو وشاغلة تفكيرو

دخل للكوزينة وعنق ام الغيث من اللور :" مي "

حطات يدها فوق خدو :" ولدي "

باس فوق راسها :" الله يخليك ليا الحنانة "

وجلس حداها كياكل ليها من جلبانة لي كتنقي :" امتى غدير العقل يا هاد لولد "

اسماعيل كيتكلم وفمو عامر :" اش خاصني ا مي ؟"

حطات لي فيدها وجلسات قدامو :" اش خاصك راجل تبارك الله خاصك غير المراة لي تجمعك و تصونك "

مجاوبهاش وهي مازال قدامو :" اولدي ماعرفنا شحال باقيلي فالعمر بغيت نشوفك تانت بدارك تهنيت على عابد و غيث وحتى من مولاي جاب نوارتو حداه بقيتي نت "

ابتسم :" غي صبري عليا ا مي حتى انا لقيت نوارتي "

بلهفة :" بصح وشكون اولدي حط يدك على دار نطير نخطبها لك "

حرك راسو وهو مقلق :" معارف عليها والو من غير انها من بنات كبار لقبيلة و صوتها كيفتن و عينيها سحر تلقا عليها"

ضحكات وهي كتغمزو :" صافي داتك ا ولدي"

ربطات فوق كتفو :" غنبدا نوجد فصداق و هدية العروسة "

اسماعيل :" لي زربو ماتو ا مي خليني حتى نلقاها ونسول عليها "

ام الغيث :" ياك قلتي بنت كبير فلقبيلة "

حرك راسو باه :" اه لابسة دهب غالي و ملحف حرير ويدها ناعمة كي الريش "

ام الغيث ابتاسمات كتشوفو كيف عاقل على كل تفاصيلها وهي كتردد :" داتك اولدي داتك "

تنفسات براحة :"شحال تسنيت هاد النهار اولدي "

وهي مازال كتضحك :" لعقبال وليداتكم يجريو قدامي ان شاء الله "

اسماعيل :" ان شاء الله ا ميي "

دخل عليهم عابد :" اسماعيل طلق سراح ابراهيم "

وقف كيدفل فلي ففمو :" كييفااش ؟"

عابد :" اوامر مولاي "

اسماعيل بعدم تصديق :" ميمكنش مولاي عفا على ابراهيم "

ابتاسمات ان الغيث :" داتك ا مولاي "

عابد شاف فيها :" دادا ماشي وقت بسطك مولاي طارية فيه شي حاجة "

اسماعيل :" يكون مريض ؟"

عابد :" مولاي ماشي فطبيعتو "

حرك راسو باه :" عمر مرلاي تنازل على حكمو "

ام الغيث :" مازال غيتنازل بزاف هادي غير لبداية "

خرجوه وطلقوه كيفتحو ليه الحبال والسلاسل الملوية عليه تحنى كيبوس فالارض :"حمدتك ياربي وشكرتك "

كيبكي وكيعنق فالتراب :" الحمد لله ياربيي "

وكيغوت باعلى صوت قدام لقصر :" الله ينصر موولااي "

بصوت اعلى :" الله ينصر مووولاااي "

كيدرف الدموع :" الله ينصر مولااي ، "

هز كفوفو للسماء :" الله يخلي لينا سيدنا "

هي سمعات صوت غواتو فيقها من نعاس ناضت تجري طلات عليه من شرفتها كيف كيغوت ويبكي بفرح

و لكاملة كتمسح فدموعو وتبكي معاه بلفرحة تسللات دمعة من عويناتها بلاما تحس وهي منغامسة فداك المنظر

حتى قفزها ليد لي تحطات فوق كرشها جاراها للوراء حتى تلاصقات اجسادهم و حسات بكمية الصلبة وراها تبلوكات

وهي كتتحسس للحيتو كدقها فوق عنقها وهو حاط نيفو وسط شعرها كيستنشف ريحتها بعمق فحال الادمان بنسبة ليه

مقدراتش تتحرك و هو مازال مخشي فيها كتحس بكل عضلاتو ملاصقة معاها وهو مزير عليها

قدامو نطقات بصوت رقيق و خافت :" شكرا "

حط يدو فوق كتفها كينزل الكسوة من فوق كتيفاتها

وطبع قبلة فوق منها وهي مخرجة عينيها ملي حسات بحجرو وراها تماما قاصح ومنفوخ من تحت الجابادور بلعات ريقها وهي كتحس بسخونية طالعة معاها

نطق وراء وذنيها بصوت رجولي ثقيل حامل بحة مسكرة و هو كيهمس :" اعطيتك كلشي"

كيلعب بلسانو ورا وذنيها وهي كتترعد وتبوريشة شاداها :" قلبي "

و عضها بشوية فشحمة وذنيها :" عرشي"

حط يدو فوقها مضور شعرها للجهة لاخرة :" حكمي"

وهبط بفمو فوق عظمتي عنقها كيقبل فيهم بشوية وبطريقة مثيرة لي خلاتها تكرز بيديها على كسوتها جامعاها بين يديها والتنفس ولا صعيب عليها وقلبها غيخرج من بين صدرها و عصافير بطنها كتزقزق

قبل مينطق بنبرة فقداتها الماء فركابي :" ونتي ما اعطيتيني والو من غير صداع و لمشاكيل "

بلعات ريقها بزز :" ا ا دا.."

كتعثلم فلكلام :" داكشي لي كنعرف ليه "

مصها من عنقها حتى شدات فيديه وزيرات مغمضة عينيها

وقفزات بجهد فاش حسات بيه قرصها من صدرها وهي تشهق بصدمة قوية هزها كي الريشة بين دراعو وعينيه منزلوش على عينيها وهي كذلك كترمش فيه مفاهمة والو و متوترة فنفس الوقت حط ركبتو فوق السرير وحطها برفق فحال شي بيضة خايفها تققص و تكى عليها محاصرها بين ركابيه

غطس راسو فعنقها مرة اخرى كيقبل فيها ويديه كتتسلل لشهدتيها وهي حاطة يدها فوق يدو

نطقات بهمس وسط وذنو :" عيسى "

مكانش معاها غارق فتفاصيلها رجعات كتحرك فيه وهو بثقلو نازل عليها

وكتبعد فيه و كتحرك بيديها و كترميه بعيد عليها من كتافو

زفر بقلة صبر وهز يديها بزوج للفوق و شاف فيها :" منقدرش نزيد نصبر "

زينب بلعات ريقها بتوتر :" شنو كتقول "

باسها بشوية فوق فمها وهمس :" صبري تسالا ونتي مازال مبغيتيش تفهمي "

بدا كيسلل يدو من تحت كسوتها وهي تشد يدو وزيرات عليها مانعاه طلع عينو فيها وهي كتخرج فعينيها :" ا ا انا موسخة "

نزل حاجب وطلع حاجب بعدم فهم وهي طالبة غير سلاكة :" انا حائض "

ابتسم بعدم تصديق ،وهي فهمات ابتسامتو وهي تفركل هربانة حتى وصلات لنهاية ديال سرير غتنزل وهو هو يهزها من خصرها ورجع خبطها تحت منو و رجع كارز يديها :" واخا يكون فيك القيح "

عرفات راسها مغتقدرش تهرب وهي تهز فيه صبعها :" عيسى لا لاا "

نطق بصوت مبحوح وعينيه رجعو مغمضين بشهوة حط صبعو فوق فمها كيدوز عليه بشوية:" ششش"

ورجع كيكمل لي بداه مبغاتش تنزلو الكسوة وهبط عليها بسنو قطعها وهي تشهق مغمضة عينيها ملي حسات بصدرها تدفق قدامو زير على يدها فوق راسها من هول صدمتو كأنه اول مرة يشوفو كانت شهدتيها لحظة كيتسناها من زمن بعيد من اول مرة نضجات فيه لسن البلوغ وبداو مفاتنها كيبرزو وهو كيعشقها غطس راسو بيناتهم ولحيتو كدقها و هي مغمضة عينيها متوترة وخايفة فنفس الوقت ومزيرة راسها حاس بيها كيف مزكوة على ذاتهاوطلق من يدها حيت عرف نقطة ضعفها لي غتخليها ترخى وتسافر معاه للصفة الاخرى من لعالم فين غيكونو بزوج راس فراس فملحمة جسدية ساخنة

هبط على صدرها كبداية..

وهي بدات كتخرج على السيطرة بدا يتبنج عنادها و كيتخدر كبرياءها وهو حط سلاحو و تاجو و غرقو وسط بحر الشهوة

حطات ليد ثانية فوق كتفو :" عيسى "

همس وهو غارق فتفاصيلها ومفتون بيها :" قلب عيسى "

بتردد :" خايفة نندم "

تنهد وصبرو تقادا :" نتي ديالي و"

حطات يدها فوق فمها وميلا شنايفها :" متدويش معايا فحالا انا عبدة ديالك متدويش معايا ونت حاكم "

حط يدو كيحيد شعرها فوق جبينها :" ا لالة انا ماشي الحاكم انا الدائن فعشقك ونتي القاضي "

باس فوق يدها :" رحميني "

فالاول توسعو عويناتها لقايد عيسى كامل طلب رحمتها وابتاسمات برضى لكبرياءها

رجع بغا يقيسها وهي توقفو :" ا صبار بغيت نوريك شي حاجة "

غمض عينو وصبرو نفذ تماما :" واش هذا وقتو "

زينب باصرار :" غتخليني نوريك هو لول "

خلا ليها طريق و تلاح فوق سرير و كيتعرق من حر الشهوة لي كان فيه وقفات كتجمع فصدرها وهي تبتاسم بمكر كتتمشى فاتجاه لباب وهو متبعها بعينيه نطق بشوية :" لا ا زينب لاا"

حركات راسها باه كتتأسف بعينيها :" حلمتي شوية ونوض على سلامتك "

جمع شفاهو :" الى رجعت شديتك غنكرفصك "

شاف فيها بنص عين :" غتخلصي "

خرجات ليه لسانها :" كي سلكاات الجرانة من جنان الحاكم وكي خرجات الزغبة من العجين غتهرب زنوبة من الظالم "

وختماتها بغمزة :" وقصتي مشات من واد لوااد وانا بقيت مع ناس لجواد "

ضرب يدو فوق سرير وهو هايج :" مالديطو "

هربات بجرية حتى لبيت ام الغيث كدق وهي سخفانة كتشوف وراها لايكون جاي ليها حيت الى شدها غتشهد على روحها حلات ليها فدهشة :" مالك ابنتي "

خرجات تجري :"ياكما واقعة لمولاي شي حاجة ؟"

حركات راسها بلا وهي كتشوف وراها :" كاينة شي بلاصة ننعس حداك ؟"

ام الغيث :" علاه اش خرجك ابنتي من بيتك "

فاش مجاوباتهاش رجعات نطقات :" انا نوريك بيوتة لاخرين "

زينب زربات عليها وشداتها من يدها :" لا لا باغيا ننعس معاك "

بقات ام الغيث غير كتشوف فيها مستغربة وهي كتشوفها شادة صدرها جامعك عليه حيت لكسوة مقطعة ، زينب مقدراتش تنعس بوحدها مخافة ينفارد بيها مرة اخرى

وهو وقف دخل للحمام و دوش بلماء بارد باش يبرد ليه الحرارة لي كتحرق فيه

لغالية بضيق :" علاش مرجعناش للدار "

عابد :" عندي شي شغال مع مولاي وملزوم منخليش لقصر "

منفخة :" سيفطني داك ساع مع لعبيد "

عابد :" فين كاين لمشكل دابا ؟ "

ضورات عينيها بشوية عرفات راسها بدات تزبلها و غيعيق بيها محاملاش تشوف عيسى وزينب كيتحابو فركاني :" مبغيتش نخلي مّا بوحدها مكاين لي يعتقها و مينة دراعها من دراع النافسة •لمقصود فحال النافسة مكتنوضش من فراشها•

عابد :" غذا غنرجعو الليل هذا مكاين فين نسيفطك تعرض شي قافلة تاخدك نتي ولعبيد"

بغات تلطف الجو :" حسن الليل كيدوز طويل بلا بيك وحتى نعاسي كيغيب "

قربات كتعاونو يسلت الحزام لي كيحط فيه السيف ديالو :" كيفاش غير مولاي رأيو "

تنهد عابد :" رجعات تخلعني زينب كون مكنتيقش فمولاي كنت نقول غتخلينا بلا غلة ولانعام "

لغالية وقفات وحيدات يدها منو:" علاش مكنتيش باغي با يتعفى ؟"

عابد شاف فيها بنص شوفة :" كيصحابلك دابا تعفى "

لغالية مفهماتش بقات كتشوف فيه وكتسنا استفسار منو ورجع تكلم باهمال :" عمر مولاي سمح فديالو ملي قال ابراهيم غيموت يعني غيموت سوا ليوم سوا غذا "

وزاد وهلاها تبعاتو محاصرة طريقو :" شنو كتقصد "

عابد بتشويش :" انا جيعان منقدرش ندوي "

شيرات بيدها :" انا غنجيب لك متاكل غير شرحلي "

جرها لعندو حتى تلاصقات اجسادهم وشعرها تزدح مع صدرو لفسيح هبط عينو عليها وقبلها قبلة افتتاحية فوق خدها :" جيعان منك "

وماعطاهاش لفرصة فين ترد عليه وطاح كيلتهم شفايفها بغات تدوي ليه وسط فمو ولكن زير قبضة يدو على خصرها فهمات بلي ماباغيش يدوي فهادشي دابا

طلعات على قرون صبيعاتها فوق صباعو باش تقدر توصل لمستواه وميبقاش معوج راسو لعندها بزاف وهو دور يدو بزوج على خصرها ،حسات برجليها كيلعبو فلهواء كان هازها و مستمر فتقبيلها نطق وهو كيلهت مشالو السوفل :" شنو درتي فيا "

ضحكات بسخرية :" انا لي خاصني نسول "

كان ناعس وهي فوق صدرو حاطة راسها على راحة كتفو و يدها فوق حملات صدرو هز يدها كيلعب فصبيعاتها وحاطهم فوق فمو قبل ميشدهم وسط يدو كتحس بيه كيركب ليه شي حاجة :" شنو كدير "

هزات راسها لقاتو مركب ليها خاتم :" ملبستيهش فزواجنا "

كتشوف فلخاتم كيبري :" كيبان ثمين "

كتقلب فيه كيبان من ذهب الخالص و الغالي مكاينش فلقبيلة من غير قصر عيسى :" و غالي"

عابد :" ديالك دابا "

ابتاسمات وهي كتحرك فصبيعاتها و كتتامل فجمال لخاتم

طبعات قبلة جنب فمو علامة على الشكر و مدى اعجابها بالهدية :" عجبني بزااف "

كيدوز يدو وسط خصلات شعرها :" بصحتك "

باسها من فوق راسها :" مازال كتحسبي ؟"

حركات راسها باه وهي متكية فوقو :" اه "

عابد :" امتى غنشوف ولادي منك "

اختفت البسمة من وجهها وتغيرو ملامحها :" ولاد ؟"

عابد :" اه باغي منك ولاد "

بلعات ريقها :" لولاد باقي عليهم لحال "

عابد تقاد فلجلسة وتشدات اعصابو :" علاش شنو ناقصنا "

لغالية وتوتر واضح عليها :" ا "

دوز يدو فوق خدها :" باغي نشوف ولادي معاك "

ناضت طافجة فوق منو جامعة الغطاء على صدرها :" مازال مولفت و مزال مربيت حتى راسي نت كتقولهالي ديما "

جرها لعندو معنقها :" غنربيكم بزوج "

ميل راسو كيشوف فيها :" علاش مباغياش ولاد مني ؟"

كتهرب عينيها حيت غيكشف كذوبها :" لا لا غي.."

لهضرة تلفات ليها :" لغالية "

طلعات عيينيها فيه :" منرجعش نلقاك كتحسبي"

كتمات تنهيدة فيها وبرغمات بخاطرها :" خاصيينا غير لولاد "

مفقوصة غير مع راسها :" داكشي لي ناقصني باش تزيد تربطني معاك "

ابتاسمات ابتسامة صفراء وسط وجهو :" ميكون غير خاطرك بغيتي لولاد انا غنعطيك جيش "

علا راسها فيه وتحنى كيبوسها من فمها :" نديروه دابا "

زيرات على يدو حيت يالله ارتاحت من مور ماخواه فيها وحطات يدها فوق حنكها بلاما تعيق :" اويلي هدا مكيعياش "

دوات بصوت مسموع :" باقي مقصحة "

موقفش بقا مستمر كيقيس فيها :" مغنقصحكش هاد لمرة "

تنهدات و سايراتو حتى عاودو الثاني وهو فوق السحاب منشوي بيها رجع حط راسها فوق صدرو معنقها و عينيه كيتلصقو بنعاس و هي حاطة يدها حدا فمها كتعض فظفارها و كارزة على يديها محاملاهش يقيسها و يفرض عليها لولاد من فوق هي كتفكر كيفاش تسل منو بلحيلة و هو عاد ماباغي يغرقها هبطو زوج دميعات من عينيها مسحاتهم بزربة قبل مينزلو فوق صدرها وهي مضاربة مع داك لخاتم باغي تحيدو ساع حسات بيه تزير عليها وحلف ميتحرك من بلاصتو ..

لكاملة :" الله يسامح اسيدي ابراهيم "

كيبوس فوق راسها :" ندمت ومانفعاتني ندامة "

لكاملة كتبعدو :" ولاواه اسيدي ابراهيم بيناتنا بنيات مبغيتهمش يضيعو "

تنهدات :" مبغيتش داري تريب و شملي يتشتت صبرت لحر مك و ضربك و مخاصماتك صبرت لبليتك ربيت بناتي وجمعتهم وعمرك شفتي لعيب فيهم كل وحدة جبل مايهزها ريح "

حدرات عويناتها محجرين بدموع :" حتى نت تعذبتي و سعيتي على ودهم غتجي حتال دابا وتخليهم يكرهوك "

شافت فيه حاني راسو :" داكشي لي أعطانا الله خاصنا نحمدوه بي ربي مباغيش لينا الدري اش نديرو نقتلو بناتنا ونضيعو هاد النعمة ؟ "

نطق بصوت ممسموعش حادر راسو حشمان :" ونعم بالله "

لكاملة :" زينب تبارك الله خير من الف راجل غامرات براسها عليك كان ممكن مولاي يرميكم بزيت بزوج وراه ولدك ميديرش عليك هاكا "

تابعات كلامها :" لغالية كلان لعصا و الحكرة من عند عقوزتها حالتها تدوي البكيم و صابرة باش متكتارش عليك لهضرة"

تنهدت :" الله يرضي عليهم "

طلات عليه :" مالك ؟"

رد بعدم راحة وقلق ظاهر :" مولاي مسمحش ليا "

لكاملة :" اش كتقول اسيدي ابراهيم ؟"

ضحكات :" وهو عفاك من لموت "

ابراهيم :" حسيت بلخلعة وانا كنشوف فعينيه "

لكاملة :" علاه عمر الشوفة فيه مخلعاتكش وزايدون اش طلع عينك فيه باش تشوف لي ميعجبكش "

ابراهيم :" خلاني غا نشوف بناتي بعدا "

شد فيدها :" مي امانة عندك عرفتيها قليلة الصحة و شادة لفراش "

لكاملة تنترات منو :" الله يهديك مولاي ميقدرش يآذي بات مرتو راه رجعات لالة زينب "

ابراهيم :" ومغيسمحش للي حط عليها يديه "

شد فراسو :" فين كان عقلي "

دخلات شامة ومدات ليه طاوس :"غسل ا با غنحطو العشا "

كتعيط :" فاطمة دخلي الطاجين وعيطي لمريم "

فاطمة :" مريم راهي مبغاتش تخرج غذا تسرح وعاقدة راسها دايرة فيها مريضة "

لكاملة :" ا تعاالييي ا ديك بالالة •معزة• "

مريم كتصيح من لبيت :" واا مرييضة ا مي "

لكاملة فرقات رجليها :" راه الى نضت لك يا بنت كرشي غنفدي فيك لولات ولخراات "

ابراهيم :" ا نووضي را مازال منسيت ليك فضيحة الحمارة لي كنكاسو بيعتيها "

جات دايرة لحاف فوق مجهها مخبعة و معوجة شنايفها :"انا والله ا با"

قاطعاتها كاملة بواحد االدقة للكتف :" يعطيك لوبا يا مسخوطة لالة عزيزة "

خمسة ديال صباح ومريم خارجة عاقدة على راسها خروق

مريم كترمي القمح للدجاج كيتطايرو عليها :" صباحنربي ماصبحنا عليكم "

كتجمع الفصة من الارض :" غنموت بين الدجاج ولا وسط الكوري "

جارا البرويطة :" ها احمارة ديال لكاملة فاش كانت تنفع "

كتبرغم ومغوبشة طالعة ليها عيشة فوق راسها :" داكشي لي ناقص يدي يكمل بعاد لبرويطة "

قربات تبكي بالشكوى :" لالياتي يركبو الخيل ووراهم مول العمامة واناا وليت نسوق برويطة"

وقبل متكمل الحتيت حسات برجليها فازكة فشي حاجة نزلات عينيها لقات راسها غطسات رجليها فلخرا ديال لبهايم وغوتات :" وااا ماااااي "

لكاملة كتطوح من لداخل :" ا نعااااممم آآه "

مريم ضربات بلبرويطة وجلسات :" هنننننن "

دخلات غسلات رجليها وطلات على لكاملة :" مي بغيتي سي عودة ؟"

شافت فيها بنص عين وبشك :" عنداك ديري شي فضيحة هاد لمرة لحاكم مغيرحم لا باك لا ختك "

لكاملة شدات فبزولها :" وهالعااار هنييوني "

فاطمة :" مي هانا مشيت يالله نروح بلعشية "

مدات ليها لكاملة القفة :" ها غذاك "

باست ليها فوق يدها :" الله يرضي عليك ا بنتي "

شافت فيها :" وا عنداك الحلالف فالجبل "

فاطمة :" كوني هانيا ا مي "

خرجات من بيت لخزين وخلات وراها مريم مع الكاملة :" يا تحركي من قدامي جيبي الفصة "

مدات ليها قفة خاوية :" ودوزي عند مرت عبد الرزاق تعطيك شي خضيرة شي كريهة خضرا و شي بيطيطات راه مكاين مناكلو "

مريم شداتها منترة :" شي ياخدها عامرة وشي يشد فبرد الريح ولا انا منستاهلش "

شدات لكاملة لخشبة لي كانت غتحمي بيها الكانون •الفران ديال التراب• وهي ترمي عليها بيها :" والله يا بنتي تا غنوض نقسمها على عظامك "

وهي تخرج كتجري مشات لبيت و لبسات ملحف دخلات شامة هزات عينها وشهقات :" اويليي اويلي "

دخلات تجري عندها :" منين جبتي هادشي "

شداتها كتغمزها :" طحتي على شي كبير قبيلة هادشي كيشبه للباس القصر "

غطات مريم وجها وخلات غير عويناتها لي كيبانو من اللحاف :" كي جيتك "

وكدور قدامها :" هانا "

شامة كتصفق :" وااه "

حققات فالعقيق لي لابسة وشداتو من عنقها جاراه كتشوفو :" واش هاداا ماشي !"

نقزات طالقة منها ومبعدة :" هذا ديال زينب الهدية ديال مولاي "

كتلفت تمشي وتجي بخوف :" واش لي خلاه باك تكمليه واش ساخية بيديك "

مريم كتهز فكتافها :" واش حنا ختنا مرت حاكم ومناخدو والو "

كتعوج :" زينب باغيا دير فيها كرشها صغيرة وهي عايشة فوسط لعز وحنا نطلبو بطاطة من جيران "

شامة جاراها :" اللهم بطاطا و تنعسي فدارك ولا تلبسي الذهب و تقلاي فالزيت "

كتغوت :" والله تانقولها لميي "

جراتها مريم من شعرها :" اجي لهنا "

وجلساتها وجلسات عليها وغطات فمها بملحف :" والله ونسمع حسك يا حتى نقولها الدجاجة لي سرقتي من دار الفاطمية "

شامة خرجات عينيها :" ياك كليناها مجموعين "

مريم :" ومسرقناهاش مجموعين "

طلقاتها ووقفات :" يالله نوضي جري اعندها"

شامة وقفات كتقاد فخرقتها :" اصلا جاتك زوينة"

ابتاسمات مريم بانتصار :" انا نمشي الى سولاتك مي "

شامة نقزات :" لا وذن سمعات ولا عين شافت "

مريم خمجات وجه شامة :" الله يرضي عليك "

وخرجات تتسلت فحال الخاين بدات تتمشى وسط جنانات و كتضرب العين من بعيد على اي حمار بان ليها

وكتهز الحجرة من الارض ضربات واحد الشجرة و كينزل عليها اللليمون و ترمي فجلوف فالارض وتاكل و تقطع الفول من الارض وتعمر فالملحف غاديا وتنقي وتاكل حتى قفزها واحد الصوت جنبها :" راه مازال خضر غيضرك "

حطات يدها فوق قلبها :" يعطيك دقة "

تلفتات لقاتو هو بدات تتورد راسها ملي تفكرات اخر قبلة جمعاتهم واخا دايرة الملحف على وجهها وغير عويناتها مكحلين لي كيبانو دغيا نزلات عينيها قبل ميشدها من يديها :" نتي ؟"

كيحقق فيها :" فين مشيتي ؟"

كيردد :" فين هربتي اخر مرة "

مريم كترقق صوتها كثر باش ميعرفهاش :" جاليا واحد من عبيدنا ومشيت "

اسماعيل :" شنو كدير بنت كبير بحالك هنا ؟"

مريم :" ا ا انا .."

ضحك :" جيتي تاكلي الفول ؟"

حركات راسها بغباء :" اه "

شافت فالعود لي واقف بعيد :" هاد الخيل ديالك "

حرك راسو باه :" عجبك تركبي ؟"

شبكات صباعها :" مكرهتش "

مد ليها اللجام و عاونها تركب وربط فوق الخيل وهو كيشوف فمريم :" تهلا فيها "

بدات تمشي بشوية و شوية فلتات ليها رجليها على الشواري و هو يبدا الخيل يجري كيسارع الريح و معرفات مدير اول مرة تركب فخيل ولفات بالحمير تكات عليه مزيرة عليه معنقاه و اسماعيل شد فراسو جر اول حمار بان قدامو ديال واحد من لخماسة فالارض وبدا يجري ورجليه كيوصلو للارض وهو فوق لحمار لي كيتمشى ويتمختو مقارنة بالخيل لي طاير

ومريم حامياها غوات : "مييييييييي"

مد ليها يدو :" خودي يديي "

شافت فيه كتترعد :" لاا لاا لا "

غوت :" خودي فيدييي راه غيخرجك فطريق الواد و يقدر يطيحك فيه "

كتحرك براسها لاا

اسماعيل بعصبية :" مال راسك قاصح "

بدا كيوقف فوق الحمار لي كيتزعزع بيه و كيحاول يشد التوازن ديالو وقف و تلاح على الخيل حتى ميل السرج وهي مشات تطيح

غنضات عينيها وحماتها بواحد الغووتة :" لكااااملة .."

حسات بالخيل رجع كيمشي بشوية وببطء بدات كتستاعد النفس و الدم كيتدفق فيها من جديد حلات عينيها و حطات يديها وراها كان جالس وراها ابتسم :" اخيرا عرفت اسمك "

هي بدات تقاد الملحف بزربة فوق وجهها :" اسمي ؟"

همس :" الكاملة "

حاط يدو جهة كرشها حيت شاد اللجام فحالا معنقها من اللور :" فعلا كاملة مكمولة "

هبطات عويناتها بخجل :" شكرا "

اسماعيل :" هاد لمرة مغنطلقكش الى ماقلتيش ليا فين دارك "

دوى وسط وذنيها :" ناوي نجي نشرب معاكم اتاي "

مري عصافير بدات تغرد ليها فكرشها :" هااءء"

وقفو قدام الواد ونزل ملي شاف رجال عيسى مستفين تم :" انا راجع ليك "

شاف فيهم :" اش واقع هنا ؟"

نطق واحد فيهم :" الزايد فلقبيلة "

اسماعيل :" مولاي "

بخوف :" مولاي فيناهوا ؟"

حدر راسو لعبيد :" مولاي فطريقو لهنا "

تنفس براحة :" و باش عرفتوه دخل لقبيلة علاش رجال لحدود شنو خدمتهم ؟"

رد :" ضربوه بسهام ولكن ماقاوش الجثة "

دوز يدو فوق راسو :" خاص نتلقاوه قبل متغيب الشمس "

بنبرة سيد كيآمر :" سيفط البراح يعلم صغير ولكبير المغرب تلقاهم فديورهم معرفناش لغريب منين جاي وعلاش طاوي "

تحرك العبيد :" واخا اسيدي اسماعيل "

طأطأ راسو بقلة حيلة كيفكر لوجال الحدود ليلة غتكون اخر ليلة فحياتهم كيتسناهم من عيسى عقاب كبير

دور راسو مالقا لا اميرة القلب ولا خيل الحرب تمشى كيقلب عليهم ومبانليه والو وحتى لعبيد باش سولهم مهزوش راسهم يشوفو كلشي حاني راسو كيفكر فلعذاب لي كيتسناه من عند عيسى غياكلو كاع غضبو وغيخلصو استهتارهم

مريم كانت مستمتعة و كتلعب مع الخيل :" انا مسرقتوش "

كنشوف السماء :" نعمة من السماء "

هزات كتافها :" واصلا الخيل لي زاد انا مدرت والو "

جاراه من اللجام :" زيد اسيدي حنيني باقي تابعانا شلا فصة "

كضحك :" خيل الامير رجعتو حمار الكاملة "

كتبوس فيه :" هذا هو لي نسميه زهر خرج تحرك ترزق "

بعداتو من داك لبلاصة لجهة جنان ديال باها صغير فيه غير لفصة ونعناع كيبيعو فسواقات سلتات عليها داك لملحف ونزلات داك الذهب

هزات لمنجل بدات تحش و تحيد فالربيع هزات السرج وحطات بلاصتو الشواري لي

كيكون فوق الحمار وجاه صغير حيت هو كبير وعالي عمرات شواري وفوق الشواريو كتحش وكتغني

و تلوز مرة مرة بلفرحة راشقة ليها كتجمع فلفصة و تعلق فالشواري و كضور على راسها فرحانة الدورة لي ضارت مالقاتش الخيل لقات غير الارض والريح

وبدات تضرب على فخاضها :" هاويلي "

نقزات النعناع بدات تقلب بعويناتها من ورا الشجر :" هااااويلييييي "

ملقاتوش عيات دور فراسها وتجري بين الجنانات مالقات حتى واحد

وطاحت فالارض :" وانااري ليوم ليوووم نتفصل فدار با "

كتندب فوجهها :" لاديالي بقا لا وجهي تنقاا لا لخيل بقا لمولاه لالفصة وصلات للكاملة "

كضور فراسها :" هادي اللخرة ليك يا بنت الكاملة "

كضرب فوق راسها :" هادي اللخرة ليك ااا مريم "

تفرشات فالارض :" نية داك ولد الناس خرجات فيا "

بدات تدمع :" ميي والله مادرت شي حاجة والله مادرت لابيدي ولا برجلي "

كضرب فتراب :" هنننن اش درت اش درتت "

هزات يدها كتصرفق فراسها :" ياربي نكون كنحلم ياربيييي "

وكتضرب فتراب من جديد :" ياربي بغيت البرويطة "

كتبكي :" رضيت بالهم والهم مارضى بيا هز كراوعو و بال عليا "

فاق على صوت الدقان نطق بصوت رجولي وبحة ديال نعاس :" ششكاين ؟"

سمع الرد :" مولاي "

كيحك فوق شعرو :" عابد دخل "

دخل :" صباح الخير ا مولاي "

خنزر فيه :" ماشفت حتى صباح ملي صبحتي عليا هاد لوقت "

عابد :" مولاي كاين مشكل "

غمض عينو كأنه كيودع نعاسو :" متدويش "

سكت دقيقة حتى صحصح ورجع حرك يدو :" دوي "

عابد بتردد :" مولاي "

وقف كيلبس فرجلو :" اش واقع ؟"

عابد طلقها بزربة :" مولاي دخل الزايد للقبيلة "

تلفت عيسى بالعرض البطيء :" وشنو باقي كدير حدايااا "

عابد :" عززت الرجال فالحدود و.."

قاطعو :" هاد الهضرة مكتوكلش الرجال يكونو فكل شبر فلقبيلة بغيتو ليوم قبل من غدا "

تمشى ورجع :" داك الزيت خليه يليق لدوك لبيادق "

تحنى :" امرك ا مولاي"

وخرج خلا عيسى كيلبس عليه و عاقد حجبانو نعس معنفج من مورا مسخناتو و خلاتو يشعل ويولع وخلاتو و صباح كمل ليه عابد بهاد خبار لخير حيت عيسى مكيخليش الزايد يدخل كأنه جرثومة ولا نقطة سوداء مخسرة لوحتو الفنية الربيعية ولا سرديلة خانزة غتخسر ليه شواري السردين لي صالح و ظازج

هبط كان لقصر مازال متحرك فيه اللغا بزاف العبيد عاد بزاو يفيقو ولكن ام الغيث ملي شافت عابد عرفات شي خدمة مع صباح وناضت وجدات ليهم لفطور :" مولاي "

و شارت ليه فطابلة :" فطر و سير الله يعرضك سلامة "

فلول مبغاش ومعندوش خاطرها هاز فيدو سبسي حتى حركو عابد وطاح فالارض هبط عابد هزو ودار يدو وراه وشاف فيه بجنب :" بصحة فطورك ا مولاي "

خنزر فيه :" عابد علاش هاد لحداقة متجيب ليا بيها الزايد "

عابد :" مولاي العابد غيبات تحت رجليك الليلة "

تقدم عيسى جلس و شار ليه بيدو جلس حدا رجلو و تسناه يبدا :" تفضل ا مولاي "

بداو كياكلو بزوج و عيسى كيتوعد رجال الحدود باشد عقاب

من مورا مافطر قادلو السبسي ومدولو بقا كيكمي منو و كيطفي نار الغضب

خرج و الريح ديال صباح كيهز سلهامو اللور ركع العبيد باش يطلع عيسى فوق الخيل ديالو :" مولاي دخل من لجنوب فوسط الليل ضربوه بالسهام وملقاوش الجثة "

حرك راسو وهو شاد لجام :" غيكون فجبال ولا الاراضي المحروقة لي مكيوصلها غير السراحة "

عابد :" نلغي السرحة اليوم ا مولاي تاحد ميتخطر مور الجبال "

شاف فيعقوب :" جمع لبراح يطلق الخبار "

بدات تتكسل :" اه "

كتتقلب فالارض وكتستنشق الهواء :" مكايناش ريحتو "

فتحات عويناتها براحة :" وهادي هي نعسة "

كتنوض بشوية :" ماشي الليل كلو وانا حاضية تقابي نخاف الريح يدخلهم "

لبسات ملحاف من ديال الخدامات بلا حتى اشكال وخرجات لقات بقايا الفطور ديال عيسى وعابد باقي فوق طبلة :" لا لا الالة حاشا تاكلي لباقي انا نجيب لك لفطور "

متسوقاتش وبدات تاكل :" وهاد نعمة ضيع ؟"

مدات لها براد :" سخني ليا هاد اتاي "

وكتاكل بشهية :" اممم "

كتعيط :" دادااا الله يعطيك الصحة لمخامر جاو غزالين "

كضحك من لكوزينة :" عي شي مولاي صغير "

وحلات ليها :" كح كح كح "

كضرب فوق عنقها :" اععع دادا "

جات تجري مدات ليها لماء رجعات حمرة حيت تخنقات :" دادا "

شدات فيها :" حرام علك "

حطو ليها اتاي ودفعاتو :" تسدات ليا الشهية "

وناضت كتتمشى وكتغنغن بشوية فخاطرها

شوية حزمات و وقفات على ريوس صباعها كتشطح و تتنغم بالحانها

بدات تصفق :" وااا لعياالااات حطو لي فيدكم واجيييو "

بزاو يشوفو فبعض وجات ام لغيث تجري :" هانا ابنتي اش حبات خاطرك ؟"

وقفاتها حداها :" ويالله اجيييو "

خرجات تال برااا كتحيد الغرابا من يد العيالات وكتسوس فيدها :" تبعونييي تبعونييي "

خنزرات فاش مبغاوش :" يجي مولاي نقولو خسرو خاطر زينب "

وناض كولشي تابعها خايفين و مترددين فنفس الوقت لاتوقع شي حاجة

ولا تكون باغيا منهم شي حاجة جلساتهم فلمراح لمفضل عند عيسى لي كيجلس فيه غير هو

طلعاات الملحف و حزماتو على طرمتها و نفسات صدايف الكسوة حتى رجع صدرها كيبان شوية

وطلقات شعرها على طولو كيضرب فطرمتها

و الذهب كيتسرسر فيدها ولخلخال كيتخرخش

مدات رجليها حتى تعرات ساقها البيضاء كلحليب و حنحنات كتجرب ادائها الصوتي بدات تتحرك فرجليها ولخلخال يتحرك معاها :" ياوليدي را بسم الله بسم الله "

كتحرك راسها منشوية بالنغمة :"اسيدي باب الله"

كتهز فخصرها وتحرك صدرها :"مالي ياربي ومالي من دون النااس واحد فبيتو هاني وانا بايت عساس "

كتجدب وتنوض لعيالات هالي كيضرب فالبرامل هالي كيضرب فلكيسان هالي يضرب فلكوامل :"يا الغادي عيب عليك وا الجاي عيب عليك تبعتي صحاب المالي ونسيتي واليديك" ،

ونص كيردد وراها..

تحيرات وبدات تجدب بجهد :"وا الغادي واش تشوف والجاي واش تشوف والعلوة كاع سيوف حبيبي صارو ومعلموني عيسى ظلم ولعباد تشكم"

منهم لي بدا يتراجع وهي كتصفق باش يكملو

هزات شعرها كضرب بيه وعرقانة بالشطيح:"خليني نبكي خليني نشكي على جارت العلوة سارت وماعلموني العلوة فين ماليك وشكون باقي حاضية العزيري عينو عليك حسن مفرط فيك "

كتشقلب وتجدب:"الواد الواد الواد بوربيهو حقي فيك يا فاضل مانرهنى مانبيعو يا الطالعة بين الجبال ويا الظالم بين لعباد "

عابد دخل كيجري فحالا ضرباتو صاعقة من وقع كلماتها شدو من دراعو موقفو وهو كيرمقها من بعيد..

طالعة من جبل ودايرة وسط فمها عود ديال الربيع :" ايوا لا "

وفيدها عصا كتردع وتخلع بيها الخرفان لي بعدو عليها باش يرجعو يمشيو فنفس الطريق وهازة فيدها القفة ديال الغذا ، الشمس كانت حارة بزاف دايرة فوق راسها تارازة •هي شابو• و مغمضة عينيها الشعا ديال شمس القاصحة كيحرقها

وقفات حدا صخرة كبيرة كتنعم بظل حيدات من فوق راسها الترازة كتلتقط انفاسها وكتلهت بصهد جبدات الماء شربات وروات عطشها و جبدات الغذاء خسرات وجهها :" الخبز واللبن"

تنهدات :" تغذينا بكري الكاملة "

وجمعات داك القفة شبعات منين شافت الخبز واللبن ديما كتتغذا وتتعشى بيه

لمحات معزة هربانة ليها و كتنقز فوق الصخر تبعاتها بالعصا كتغوت :" بقات غير لمعزة تاهي نبيعوها "

كتحري وراها :" اجييي ا مريم اجيي "

مسمية المعزة بالالة على سمية ديال ختها مريم حيت كطير وتنقز و تطلع الشجر فحال مريم

جات تجري لمحات من دورة الارض مغيسة بالماء تلفتات مكانش الماء كان سائل حمر ، اه كان الدم تفزعات وقفزات وتراجعات خطوتين للوراء ، سمعات صوت خافت و مقطع صوت فيه بحة تعب ومرض وقلة الطاقة كتقرب كتحاول تسترق السمع اكثر وتفرز الصوت ولكلام :" سالڤامي "

بشوية :" سالڤامي "

شدات يديها جامعاهم عند صدرها :" تسليم "

كتقرب بشوية :" تسليم "

كتشوف يمين وشمال :" جواد لالة عيشة هادو "

جمعات ملحفها وناوية تعلق متبعة لمعزة قبل متغفلها وتنقز من فوق الغار وتمشي تتجري لداخل وخي تجلس فاطمة شادة فراسها :" الله ياميمتي الله "

كتشوف جهة الغار واقفة :" اش ندير ندخل "

رجعات خطوة اللور من جديد :" ولا ركبني شي جن عاشق نصدق لاني من عزبات الدوار لاني من لمزوجات "

جلسات مرة اخرى حطات لحاف فوق فمها وحاطة يدها عليه :" لا لالااالا "

رجعات وقفات :" اللهم لملقى مع جواد لالة عيشة ولااا لملاقية من هوايش لكاملة "

وهي تسبق رجليها ليمنية :" بسم الله ياربي توكلت عليك "

كتسلت بشوية :" بسم الله الرحمان الرحيم "

صوتها بدا كيرقاق بلخوف وكيتردد فالارجاء مع الغار كيرد عليها:" استغفر الله.."

قربات تبكي فظلام لغار مظلم كيمنع رؤية :" لاحول ولاقوة الا بالله "

و جامعة يدها فوق قلبها ومكمشة :" قل هو الله احد "

حسات بيد جرات ليها رجليها من كوعها وهي تقفز كتغووت ربي لي خلقهاا :" اششششش.."

وكتركل فحال الذبيحة :" اشهد ان لااا اله الا الله"

وصوت جاي تحتها كيلهب وكيتنفس بصعوبة :" سالڤامي.."

بقا شاد فيها متمسك بيها معلق برجليها :" بور فاڤور سالڤامي "

بقا شاد فيها و كيلهت وهو كينطق بزز قبل ميطلقها مبقات كتحس بوالو تسلتات وهي كتشهد لبرا شافت رجليها لقاتها كلها دم عرفات بلي الغار فيه شي واحد جريح ولا مضروب

هزات عصا و شعلاتها بالنار بواسطة احتكاك الحجر و دخلات مضوية بيه كان جسم ضخم طايح بطانة فالارض جثة مكتحركش حيدات لغطا على وجهو وهي تشهق :" هذا ملاك نازل من السماء ؟"

بقات كتشوف فيه بيض فحال الحليب ونقي و شهيب حطات صبعها فوق خدو :" صبعي خلا فيه لوسخ "

و كتشوف فيه باستغراب فاللباس لي لابس ونعالة لي فرجلو اول مرة تشوف فحالهم

نزلات عينيها ليدو عامرة دم حطات العصا قدامهم باش تضوي عليها و دفعاتو بزوج يدين كتقلب على مصدر الجرح كان فظهرو جا الجرح بجنب وكيسيح بالدمايات ، خرجات تجري خدات عشوب من الارض مع جبل نابتين فيه اعشاب زوينة وطبية كاين لي كيجي ليها منين ولين ورجعات جالسة كتقلب الجرح كان بالسهام شافتو مليوح حداه حيدو فهمات بلي هو ماشي ولد لقبيلة وماشي بعيد دابا كيقلبو عليه

حطات العشوب فوق من ظهرو وقطعات من ملحفها و كمعاتو ليه بيه مزيراها مزيان

بدا كيتحرك و كيتعرق حطات يدها فوق راسو لقات حرارتو مرتافعة بزاف وهو كينطق كلمة وحدة :" ايسى "

حطات وذنها حدا فمو :" عيسى ؟"

بزربة سدات فمها :" مولاي عيسى "

شافت فيه :" هذا اش كيقول "

هزات كتافها :" اصلا غيقتلوك غيقتلوك كي زوقتيها بمولاي كي خليتيها حرفية "

شرباتو الماء من قلتها و شرباتو لماء ديال عشبة دقاتها مزيان حتى اعطات الزيت لي فيها و لصقات البصلة لي رمات ليها لكاملة فلقفة تحت رجليه كتعاون على خفض الحرارة

خرجات كضور راسها لقات الشمس بدات تغيب وخاصها ترجع دخلات وهو عاد كيفتح عينو بشوية وكينطق :" موتشاز كراثياس "

مفهمات والو :" بقيتي فيا ا الزغيبي "

حطات ليه الخبز واللبن وهي كدير ليه اشارة بيديها :" كول هاد الخبز ديال شعير "

وكدير اشارات فصبيعاتها :" وشرب هاد اللبن ديال لماعز "

كتحرك راسها :" را زيييين للصحة "

وهي تخرج معزتها وخرجات راجعة للدار مع معيزات الكاملة..

كيتحرك بصعوبة وفمو جاف هز داك اللبن كيشم فيه و هبط عليه و كياكل فداك الخبز كان فيه الجوع بزاف رجع تكى كيتحسس لجرحو جبد شي حاجة من جيبو كانت قلادة شكلها فحال البوصلة فتحها و كانت فيها صورة لام واب وطفل صغير

تنهد وهو كيدوز يدو فوق الولد الصغير فالصورة :" ايسى دونضي ايستا اوستيد "

وحط راسو مغمض عينيه كيتفكر اخر يوم قبل وصولو للقبيلة..

جالسة فوق نافذة كبيرة متكية على الشباك و مقابلة البحر لا يرحل امواجو هايجة فحال هيجان قلبها وثورانو تماما يدياتها مكمشة و ذابلة كيبانو من خلالها عروق يدياتها البيضاء ،كيترعدو فوق ركبتها

وجهها كان اصفر فاقع و عيونها كانو ذابلين مفيهمش البريق و تحت عينيها اسود تماما ومنفوخ من التعب و قلة النوم و الهموم لي هاز قلبها

شعرها كان فوق كتافها قصير اشقر وعويناتها بين خُضرة السهل و زُرْقة السماء

طرقات فالباب :"رافاييل إِلْ ڤِينو " • رافاييل جا "

ناضت كتجري من بلاصتها وخرجات بلحفاء وشعرها مطلوق هبطات مع دريجات هو كان كيشوف فجهة اخرى كيدوي مع لي معاه تلاحت عليه عنقاتو وكتبكي هو مصدوم حط يدو فوق ظهرها كيدوز عليها :" ماما "

* الحوار بالاسبانية •

كتشهق :" رافاييل فين كنتي "

كضرب فوق صدرو :" واش مازال باغي تشويني "

كتبكي حتى تخنقات :" مبغيتش نخسرك حتى نتا "

رافاييل بقلق :" ارتاحي ا ماما ، انا مابقيتش دري صغير "

شدات راسو بين يديها منزلاه لعندها :" نت باقي صغير فعيني وغتبقا ديما صغير مبغيتكش تخرج مرة اخرة من القصر "

قبل ميجاوبها قاطعاتو :" انا ميهمني حتى واحد من غير تبقا ليا "

تنهد :" ماما من نهار مات عيسى ونتي عندك رهاب "

غوتات وسط وجهو :" عيسى مماتش "

رافاييل :" مات ا ماما خاصك تفهمي حتالاش غتبقاي عايشة هاكا خمسة وعشرين سنة "

كتبكي حاطة يدها فوق قلبها :" كنحس بيه "

عينيها كيلمعو لمحرد ذكر سيرتو لي مكتخطاهاش:" كنحس بيه شي مرات قلبي كيتزير يمكن يكون فشي مشكل ، وشي مرات كنفرح بلا ميكون سبب غيكون حتى هو فرحان "

تنهد :" ماما "

كتحرك راسها بلا :" عيسى عايش "

كيسايرها وكيحرك راسو باه :" عايش فقلبك"

شاف فلخدامة :" اعطيها دوا ديالها "

كضرب فلخدامة لي جات شاداها من يدها :" رافاييل تيقني "

كتغوت :" متكذبنييش مترجعنيش حمقة كيف كيديرولي "

كتبكي وصوتها باح :" تيقني عيسى عايش "

ترخات وهي كتردد كلماتها :" عيسى كيعيط عليا كل ليلة ناخدو "

تلفت فالضيف :" سمحليا سينيور "

ابتسم ليه :" را حنا عائلة وحدة وانا عارفة حالتها"

نطق رافاييل بضيق :" من نهار مات عيسى وهي فنفس الحالة مبغاتش تقتانع بلي مات حتى من قبرو درناه بتخبية حيت مخلاتناش نبنيو قبر "

باستعطاف رد الضيف :" مسكينة كتبقا ام "

عيسى نطق من تحت سنانو بلاما يشوف فعابد :" عابد "

عابد هربو ليه لكلمات بصدمة :" مولاي "

نطق بصرامة :" منلقاكش ورايا "

رجع خطواتو بزربة فهم قصدو مباغيهش يتدخل ولا تعلى عينو وزينب فديك لحالة

دخل متربص بشوية وخطواتو ممسموعاش ولكن لعبيد شافوه من بعيد وبداو يخرجو وحدة وحدة كيبوسو فوق يدو وكيخرجو وهي مكايناش فهاد لعالم خدام كتجدب وتغني و محيرة مزيان

تقدم ناحيتها وهي كترجع باللور كتشطح بطرمتها حتى تزادحات معاه فلول استامرات عند بالها وحدة من النسا حتى رجعات نتحسس انه عضو ذكري وهي تقفز كان غطيح وشدها تلفتات لقاتو وهي تحط يدها فوق كتفو كتبعدو ماعطاها لوقت شد يدها ورماها وراه وهزها حاطها فوق كتافو و طالع بيها فدروج و كيصرفقها بيدو القاصحة فوق طرمتها وكتزعزع معاه وهي

كتضربو لكتفو وظهروو :" نزلنيييي !!"

دفع لباب برجلو و دخل رماها فوق السرير حتى تهز وتحط و هي كتتهز معاه

وقفات وهي كتشوفو سد الباب وحاي جهتها كيحيد فلخواتم لي فيدو :" ضسرتك بزاف "

كيشوف فبعيد وهو كيدوي ببحة وجولية خاصة:" ودرت ليك لخاطر بزاف "

طلع شوفة فيها حتى طاحت جالسة فوق سرير :" ونتي عاد مازايدة فيه "

طلع حاجب :" ظالم حيت مخليتش لي يحط عليك يدو ؟"

حرك راسو باه :" ظالم و غنزيد نظلم ونتي سباب داك لعبيد غيموتو كاملين "

علات فيه عينيهاا :" همااا مادااارو والوو "

بجدية :" معندك لحق تدوي على حد حيت مازال مساليتش معاك "

ضرب بداك لخواتم بجهد فوق لمكتب :" ديك لبسالة ولقفوزية غتخليها فدار باك "

كيقرب جهتها :" بلاصتك فهاد لبيت و مغتعتبيهاش مازال ولاعتبتيها غنقطع رجليك "

زينب :" نعام ؟"

كان واقف قدامها وهي جالسة فسرير كانت مطلعة فيه عينيها وهو حط يدو فوق ذقنها ونزلو ليها راسها للارض :" العين مكتعلاش على الحاجب و صوتك ميعلاش علو صوتي "

زير على فكها بشوية :" و مكاينش لكلام لي يجي فوق كلاااميييي "

زير حتى تقصحات :" منقدرش نغلط فيك ولكن.."

قرب لمستواها وهمس ليها :" قادر نحرق القبيلة بلي فيها لي فرحانة بيها "

حطات يدها فوق يدو كتبعدو وهو مازال مزير :" قادر نهرس ليك جناحك "

بجدية ونبرة صوت حادة :" متخلينيش نوريك شي حاجة مغتعجبكش "

طلق منها :" لدابا انا باقي زوين "

مشافش فينا :" ديري عقلك "

كيقاد فسبيي فيدو :" مبغيتش نخرج على طوعي معاك "

هي كانت غير كتشوف فيه بنص عين :" ولعيالات غتقتلهم "

حرك راسو :" غيموتو مرة جايا زيدي جري معاك ناس اخرين "

كيأكد كلامو :" باش حتى هما نقتلهم "

وقفات و عينيها تحجرو :" مادارو والو "

كتقرب جهتو بشوية وخطوة ثقيلة :" حتى ملي بديت نغني سكتو جيتي لقيتيهم مدايرين والو "

كينتر من سبسي فحالا مكيناش حداه :" غتيتم ولادهم "

كيدوي وسبسي وسط فمو :" ضسارتك لي يتماتهم "

ساط الدخان وسط وجهها :" متخرجينيش على طوعي "

كيدوز صبيعاتو فوق وجهها :" ا زينب "

هي درفات دموعها وسط وجهو وعينيها فوسط عينيه :" مكنحملكش مكنحملكش "

وقف صباعو لي كانو كيتساراو فوجهها :" انا باغيك "

ضربات يدو :" عمري غنكون ليك مرة "

تلفت حيت غيزيد معاها غيجمعها معاها بشي تصرفيقة ولكن هي لسانها قاطي ومبغاتش

تسكت :" منقدرش نعيش معاك "

تلفت بشوية وهي مازال كتدوي :" مكنحسش براسي عايشة مع راجل "

مع الدورة مع جمع يدو ونزلها مع خدها حتى تلفتات للجهة الاخرة شادة فحنكها لي جمد عليها دفعها حتى تزادحات مع الحيط لي وراها و حط يدو فوق دراعها مزير عليهاا :" انا غنخليك تحسي براسك عايشة مع راجل "

رمقها لاخر مرة :" تحملي "

ونزل على شنايفها ولكن هاد لمرة مكانش اسلوبو فتقبيل كالعادة حنين و رومانسي كان اشد عنف من اي مرة اخرى حيت مكانش كيقبلها كان كيعاقبها كان كيعض لسانها لي فيق جروحو وكيمص شفايفها بطريقة وحشية ويدو فوق صدرها كيقيس فيهم بجهد و كيعصرهم بلا رحمة فلول قاومات وضرباتو ولكن مكانش واعي كانو عينيه معميين بشهوتو ليها و غضبو منها فنفس الوقت

نزل يدو بين رجليها وهي بقات ساكنة و بدا كيحرك يدو فوقها

حتى حس بطعم الملوحة وسط فمو فتح عينيه

وبعد لقاها كتبكي ونطقات :" مالك وقفتي ؟"

عينيها جمرة وسط عينيه :" كمل "

بلغوات :" كمل على كل حال معنديش الحق نرفضك "

بسخرية :" حيت بسباب غبائي غنيتم ولاد القبيلة و نسيق نساها "

باسها جنب فمها بواحد لبرود كيقتل :" مزيان ملي فهمتي بلي عنادك مغادي بيك فين "

ورجع كيقبل فيها بشغف وسط فمها وهي مكتتجاوبش معاه مزيرة على يدها كارزة وجامعاها على شكل قبضة متوقفش كان فمها وسط فمو وهو كيحيد ليها فحوايجها وهي غي كتبكي بلا متحرك عيات تحاربو وكتحس بقوتها خارت و ضاعت منها وفنفس الوقت تركيزها مكانش معاها بالها كلو مع النسا ديال القصر شنو وقع فيهم سمعات صوت الغوات بعدات وهي قالبة وجهها جا فمو فوق وذيناتها :" هذا غواتهم ؟"

رمى عينو من بعيد وهي غادية جهة الشرفة حطات يدها فوق فمها :" كيضربو ولادهم لولاد صغار "

جات تجري كتحرك فيدو :" غيموت غيمووت "

بعدم اكترات :" فاش كنتي كتغني مكانوش فبالك "

وهو جارها من اللور معنقها و كيبوسها من عنقها وهي كتبكي :" غيموت وقفوو "

دفعاتو وجمعات اللحااف كتغوت من شرفة كلشي كيسمعها :" حباااس متقيسوووش "

كتضرب فحيوط الشرفة :" طلق منو "

طاحت كضرب راسها مع الحيط بشوية وهي كتشوف مو سخفات :" وقف "

ناضت كتجري جهة لباب لقاتو مسدود تلفات غاديا جايا :" عافاك وقفو الولد كيموت الولد صغير "

كتغوت :" واش مافقلبكش الرحمة لولد غيموت "

رجعات صوتها كتترجعاه :" غيموت خليه يمشي بحالو عافاك "

جلسات فالارض وحنات راسها :" هاني خضعت انا منزلة راسي "

كتنطق بالسيف عليها :" نت سلطان عليا "

تحنات حتى حرقها ظهرها :" انا تحت امرك "

بدات تبكي :" شنو مازال باغي مني "

وقفها من ذقنها حط يدو فوقها بشهوة :" باغيك نتي "

تراجعات خطوة طلع حاجب وهو مراقبها رمات الكسوة حتى طاحت للارض ورجعات عارية تماما كيف تولدات

ابتسم ابتسامة نصر جانبية وهي تنطق :" وقفو "

اعطى اشارة بزوج صبيعات فيدو ، قرب بخطوات ثابنة وصمت ساد بعدما طلق العبيد من لولد الصغير وسكت من لغوات

طلع يدو ومسح ليها دموعها و لاح سلهام ديالو فوق منها وعينيه عليها وهي مازال كتبكي و حادرة عينيها فالارض وطعم الخسارة كيحرق فيها :" هزي عينك فيا "

هزات عينيها فيه حمرين بالبكاء ، خشا يدو ورا وذيناتها غارسهم فشعرها وعينيه وسط عينيها :" مبغيتكش هاكا "

باسها فوق عويناتها :" بغيتك بلخاطر "

هزات راسها موسعة عينيها فيه مصدومة فحالا نزلات عليها شي تصرفيقة من لفوق فهمات بلي هادي لعبة منو باغي يبين ليها بلي الو باغي يقيسها غيقيسها بلخاطر ولا بالسيف والو فراسو شي حاجة كيوصل ليها وقادر يقطع جدور

شطارتها و يجر لجامها ويقطع صوتها :" علاش كدير فيا هاكا "

جمع النفس وهو باقي كيماصي شعرها:" العشبة الى متحكاتش مكتعطيش النفع ،ونتي الى مبككيتكش مكديريش لعقل "

حطات يدها فوق يدو لي غارس فشعرها :" دري صغير شنو ذنبو "

حيد يدو :" متخرجينيش على طوعي حيت منقدرش نآذيك ولكن نقدر نفرغ فبلاصة خرى "

زينب :" بغيت نمشي نشوفو "

تمشى وخلاها وراه :" مازال مابغيتي تتعلمي "

شاف فيها بنص دورة :" متخرجيش من هنا "

شير ليها للكسوة لي طايحة فالارض :" لبسي غتشربي البرد "

وخرج وخلاها نزل للتحت وجات كتجري ام الغيث :" مولاي سمح لي معرفتش كيفاش.."

قاطعها :" تحرق ؟"

حركات راسها بلا :" الحمد لله شفتو فلوقت "

خرج داير يديه ورا ظهرو :" وفيناهوا دابا "

ام الغيث :" حطوه ورا القصر "

تحرك لوراء لقصر فين محموعين لعبيد و وراهم الولد الصغير مجلسينو بالسيف فالارض كان عمرو سبع سنين تحركو حانيين راسهم داز عيسى لجهة الولد الصغير و وقف ليه بزربة باس فوق يدو :" مولاي "

بنبرة حادة :" شنو كنتي كدير فلكوزينة "

جرو من وذنو :" مكتعياش "

حدر راسو :" مولاي "

بدا يبكي :" مغنكذبش مقدرتش نسرق من جنانات ناس غيضربوني ولا يرجعوني عبيد "

تحنى فالارض :" قصدت دار لكبيرة عرفت بلي فقصر مولاي مغنموتش بجوع ، وشرف ليا نرجع عبيد مولاي ، شفت لحوت فلكشينة •كوزينة• كيتقلى وبغيت ناخدو "

شدو من يدو المحروقة :" علاش سرقتي "

كيقلب فيدو :"عقاب السراق قطع يدو ورجلو يخرج زاحف من لقبيلة "

لولد بخوف :" قالو قلب مولاي كبير"

بسخرية :" ومقالولكش موتى القبيلة ؟"

كيحاول يتشجع :" لي دار الذنب يستاهل لعقوبة"

حرك عيسى راسو :" يعني خاص يدك تقطع "

حرك راسو بلا بزربة :" غنرجع مشكل ليك ا مولاي الى كنت بيدي غنخدمك بيها"

كيدوي بحماس :" غنحط معاك القفاف باب كل دار بالليل .."

تحنى عيسى بزربة عندو ساد ليه يدو بفمو وهو كيشوف فلعبيد مخافة يكونو ردو لبال لكلام الطفل :" اش هاد لكلام كتنطق بيه ؟"

حط الولد يدو فوق يد عيسى لي فوق فمو وهمس :" شفتك ا مولاي "

شاف فيه :" وشنو كنتي كدير فليل برا فراسك "

هز كتافو بحزن :" كان فيا جوع "

حادر راسو كيدوي حشمان من كلام لي غيقول :"وكنت كنتسنا فحال كل اسبوع ديك الليلة كيجي شي واحد كيحط قفة باب دارنا "

كيلعب بصباعو بتوتر :" وطليت نشوف واش هو من الانس ولا الجن "

عيسى وقف كيخلع فيه:" تخرج غيقتلك القناص معارفش هادشي ؟"

حرك راسو بلا وهو كيدوي بشوية لايسمعو شي حد :" لا حيت لقناص مكيخرجش بالليل "

طلع عينو فيه :" نت ا مولاي لي كتخرج بالليل وتحط لقفاف باب ديور ناس لقبيلة "

دوى بجدية كيخفي توترو :" لا ماشي انا "

عوج لوليد قنانفو :" مولاي لي كذب كتقطع لسانو "

ضربو ورا راسو :" حتى كترك الكلام كنقطع عليه اللسان "

حك تحت ذقنو :" خاصك تبقا تحت عيني "

شدو من كتفو :" شنو سميتك ؟"

حنى راسو احتراما :" علي "

وهو كيوجه كلامو للعبيد :" علي عبيد ديالي وخدمتو يحرس الكوزينة "

خنزر فيه :" باش ميرجعش يدخل شي فار "

حط علي يدو فوق فمو كيبتاسم بفرح شد يد عيسى باس فوقها :" انا عبدك وتحت امرك ا مولاي "

هز يدو كيدير قسم الولاء :" عمري نخون مولاي "

عيسى تكلم بنبرة حدية وعبارة حادة باش يرهبو :" منسمعش كلامنا كيضور فلقصر ولا.."

رجع لولد :" مغندويش ا مولاي "

مد يدو لجيبو وجبد رزمة صغيرة فيها فرنكات رماها وسط يد الولد :" اول خلصة "

و بقا كيتمشى مخلي علي وراه بين لعبيد لي طوال وكبار وعراض تحمعو عليه بقا كيشوف بعويناتو :" متقيسونيش "

كينفخ صدرو الصغير :" راني عبيد مولاي داخل القصر "

هزوه مرابع رماوه فلماء والصابون وحطو ليه حوايج العبيد و حسنو ليه حيت ميمكنش واحد يدخل القصر وهو موسخ وهو فرحان فحالا غناه ربي لابس حوايج كبار عليه حيت مكاينش قياسو خاصهم يسيفطو مورا الخياط باش يشد عبارو حيت معمر عبيد صغير خدم لداخل فلقصر وخدم القصر لباسهم خاص على الخدم فلفيرمة

برا القصر وكضورعلى الخدم واحد بواحد :" انا عبيد مولاي "

وكيردد الجملة فكل بلاصة و كينقز من هنا للهيه جر عابد من سروالو مع طويل عليه بزاف :" سيدي عابد "

نزل عينيه فيه كيبان كيف نملة بجسمو الضعيف مقارنة مع ضخامة عابد :" اش كاين ؟"

نقز فرحان :" وليت عبيد مولاي "

ضحك عابد حيت غالبا مكاينش لي يتمنى يكون عبيد عيسى من خوفهم و فزعهم منو ولكن الولد صغير كيبان متحمس وعاجبو لحال :" مخايفش يقطع راسك "

حرك راسو بلا :" مغنديرش لحاجة لي تخلي مولاي غاضب عليا "

علا عابد شفايفو :" عبد مطيع "

علي :" وعمري غنخون مولاي "

حط يدو فوق فمو :" عندي معاه سر صغير "

فرحان وكيدوي :" كيجمعني بمولاي سر "

شاف يمين وشمال :" وحتى نت مكتعرفوش "

ووقف حدا عابد كيحاول يوقف مستقيم شاف فيه :" شنو كدير ؟"

كيستقم يدياتو صغيرة :" بغيت نوقف فحالك "

كيهز راسو فوق ومنزل عينو مخرجهم و صدرو منفوخ و مخرج طريمتو صغييرة :" هاكا"

ضربو عابد لطرمتو كي لحامضة صغيرة :" بلاصتك باب لكوزينة "

وقف كيحك فيها :" بغيت نكون فحالك الى كبرت "

وخنزر فحالو :" غنكون فحال هاكا "

عابد :" رجع لبلاصتك مولاي ميعجبوش لحال لاشافك هنا "

هز جلايلو طوال عليه ومشا يجري :" مولاي غيغضب غيغضب "

دخلات النعاج للزريبة •الكوري• كيشربو البيدوات لي عمرات ليهم بالماء كيشربو وسدات عليهم بالعواد وجات داخلة مع الدار تلاحت عليها مريم :" فاطمة ختي هااا عار ميمتك ولبزيزيلة المشروكة

شافت فيها وهي شادة فصدرها :" واش غير خلعتك لي كانت ناقصاني هاد النهار "

مريم شادة فيديها :" لكاملة ليوم تقتلني "

فاطمة :" اش درتي الزغيبية ؟"

مريم :" مشات الفصة"

كضرب راسها :" مشااات الفصة "

فاطمة حلات عينيها مصدومة :" اويلي على الفصة فين مشات "

مريم :" معرفتش معرفتش "

حطات يدها فوق راسها :" هادي لخرة ليك ابنت مي "

مريم بدات كتغبن :" قلة النية جابتها فيااا "

فاطمة :" بالالة كطيرييي غير لمعزة خرجات ليا عقلي فجبل ونتي غتخرجيه ليا فالسهل "

تكات على الحيط كتشوف فمريم :" اش غديري دابا ؟"

مريم بعدات شوية وهي تجمعها مع راسها بتصرفيقة حتى قفزات فاطمة مخلوعة :" اويلي واش تسكنتي "

كتحرك فيها ومريم كضرب فراسها مع الحيط ديال التراب خشن و حرش و قطعات البيجامة من جنب و الدم هابط مع جبهتها وجنب فمها و هزات يدها قمشات عنقها حتى سال الدم قربات لفاطمة وهي تطيح سخفانة بين يديها فاطمة بدات تضرب فيديها مخلوعة :" مريمم مريمم "

شدات فراسها وبالها مع الملاك لي خلات فغار الجبل :" جوادو صرفقو مريم "

وكتصرفق فيها وفاقت مريم كطل على لباب واش جايا لكاملة شافتها حايا تجري تلاحت على فاطمة تاني وغمزاتها وكتعض على فمها :" غوتي لاش سكتي "

فاطمة مصدومة فيها :" وليتي تخلعيني "

وقنعاتها بدات تغوت :" وااا ميييي وااا بااااا "

كلشي خرج يجري لكاملة مشات تسخف وهي كتقيس فبنتها :" اش وقع للبنت "

ابراهيم كيشوف يمين وشمال :" دخلو لموصيبة باراكة من شوهة فلقبيلة "

دخلوها :" اش وقع ليها "

ابراهيم :" اش وقع فين كانت ؟"

جلس مفقوص :" ياكما شدها شي خماس فشي جنان من جنانات لي تسرق منهم "

لكاملة بخوف :" لا لا مريم من صغرها قافزة متخليش لي يقيسها "

مشا بالهم بعيد ان مريم سرقات من شي حنان وحصلها لخماس و تكرفص عليها هي كانت مغمضة عينيها و فاطمة حداها ساكتة كتغطي عينيها باش متفرشش ويكتاشفوها

بدات تفيق وكتبكي :" مييي "

تلاحت عليها معنقاها :" مييي "

كدفع فيها :" دوييي اش وقع اش وقع ليك "

وكولشي كيتسناها حتى من فاطمة لفضول قتلها تسمع من كثرة اثقانها للكذبة تيقاتها واخا عارفاها كتكذب :" هننن "

كتبكي :" بااا هءءء "

كتشهق فحالا كتبكي ديال بصح و نيفها تورد :" كنت كنحش الفصة •الربيع لي كتاكل البهايم• فالجنان ياك "

كترحع تشهق وبديها تحت عينيها :" وو وو.."

انفاجرات مرة اخرى بالبكاء :" هءءءءء جا ضربني لراسي و تحاماو عليا "

جمع ابراهيم لوقفة :" حطو عليك يديهم "

حركات راسها بلا :" ضربوني باش ياخدو الفصة "

ابراهيم :" اش غيديرو بلفصة ؟"

لكاملة :" الله يهديك اسيدي ابراهيم مهم البنت رجعات لينا سالمة "

ابراهيم رجع يخاصم :" مزيان تبارك الله رجعات عندنا السيبة فالضواار "

مريم بدات تضور فراسها :" با "

ابراهيم كيلبس شربيلو •حذاء•:" انا غنمشييي نربيهم "

مريم تعصرات وتزيرات حيت الى وصلات الخبار لعيسى غيجبد غيجبد هذا لي تعدى عليها وهي لي دارتها براسها وتقدر تحصل :" مشفتش وجههم ا با و..و"

كتمتم :" باينة ماشي ولاد الضوار "

ابراهيم :" يكون الغريب الداخل ؟"

حرك راسو :" ولكن هادو شحال كانو الداخل كان غير واحد "

لكاملة :" يكونو عبيد مولاي كذبو علينا باش منخافوش"

لكاملة شدات ابراهيم :" كون تساعفني متقول والو "

بقلق نطقات كتشوف فيه :" مولاي باقي حرحو جديد من جهتك "

حدر راسو :" الحمد لله ملي رجعات بيخير "

تنهدات الكاملة :" العجل غيموت بلا فصة "

فاطمة :" غنبدا نخرجو يسرح حتى هو غير تهناي ا مي "

نقزات مريم فاش تفكرات غدا نوبتها فالسرحة :" ايييي راسي ااا.."

خبطاتها فاطمة بالسكات تحت الغطاء :" انا انا ا مييي نمشي نسرح خليها مريضة "

لكاملة :" دوزي تحطي لعشا وشوفي شامة فين وصلات فداك اللبن "

ابراهيم :" مابقات خاطر للعشا "

لكاملة :" راني دايرة غير صايكوك •الخبر مقطع و مبلل باللبن•"

فاطمة خنزرات :" نتعشاو بيه ونتغداو بيه "

لكاملة :" لفصة مشات كنت نحطها تاكلوها فحال البقر "

رمات الغطاء عليها :" نعسي راه القايد لي كان كاسينا مفرشنا ومغطينا بخيرو خرج معاه باك للعيب "

تنهدات :" دابا موتو وكرشكم لاصقة على ظهرهم "

وناضت خارجة ومخليا فاطمة مع مريم لي غير خرجات مها ناضت صحيحة فصيحة كتقيس فحرح عنقها وكتشوف ففاطمة :" عندك الصقعة متبراش نبقا عيبة بلا زواج "

حيت فزمان البنت هي لي مخاصش يكون فيها اثر لجروح ولا حروق خاص تكون نقية وجسمها صافي وبيض ومطيبز

فاطمة :" شكون غيرضى بسعدية لكذابة بحالك "

مريم هزات كتافها :" زينة مسرارة ، سالف عذرا وزين عبلة وفصالة العودة "

فاطمة عوجات فمها :" بقات فزين الوجه ونتي عقلك صغر من النمل و لسانك طول من الحبل"

مريم ضرباتها :" مالكي محسادة خفتي نتزوج حتى انا قبل منك "

فاطمة :" انا غنرجع شيخة لقبيلة نعطي الخطبة ونقرا القران ممزوجاش غابقاي ليا بخاطرك "

كضحك عليها :" مرضيتيش لغالية صغر منك تزوجات و زينب لدار لقايد دخلات وشامة صغيرتنااا و غتتزوج "

فاطمة :" نفختي ليا راسي بلهضرة ولا مسكتيش غنعيط ليك على لي متعتقك " •كتقصد تعيط على لكاملة"

مريم :" صافي صافي الله يجيب لك السعد فين يغبر نحاسك "

فاطمة :" نتي هي النحس فحياتي غبري نتي ويكون خير "

جبدات عليها الغطاء و تلفتات للحيط و مريم كتضور فعينيها :" فطوم وا فطيم "

مجاوباتهاش غمضات عينيها وبالها كامل مع الراجل لي فالجبل كتتخايلو صورتو بين عينيها و تفكيرها مشغول تقلبات ويدها تحت ذقنها :" منين جا ؟، شنو كيقول ؟"

تنهدات :" مكيبانش واحد باغي يتقاتل "

رجعات تلفتات للجهة التانية :" يكونو قتلوه ؟"

مريم تلفتات عندها :" شكون لي غيتقتل "

فاطمة :" اآ"

دغيا بدلات الموضوع :" تصبحي على خير "

فدار عابد كانو عاد دخلو بالليل ، لغالية كتشم ريحة النصيب •الطياب• :" الله على ريحة "

دخلات ديريكت للكوزينة :" خالتي "

دغيا عتقات الموقف وهو وراها :"مّا "

وباست فوق راسها :" هاد الطويجين باينة مقاد على حقو وطريقو "

خنزرات فيها :" هذا من يدين بنتي مينة تبارك الله عليها يديها كيطلقو غير العسل "

تجمدو تعابير لغالية :" اه الله يعطيها الصحة "

وخرجات من لكوزينة :" مساواتو الله رجعت "

دخلات للبيت لقاتو كيسلت حوايجو:"سيدي عابد "

طلع عينو فيها ودوات :" تبغي نطيب لك شي حاجة ؟"

عابد :" راه ما دارت العشا "

هزات كتافها :" بغيتك تاكل من يدي العشا طيباتو مينة "

شاف فيها مطول :" كتغيري عليا ؟"

حركات راسها :" لا ولكن متاكلش من يدها تمشي تعمل ليك شي سحور وسط الطعام "

قرب ليها وهي تهرب :" فين كتقرب "

خداها من خصرها :" كتغيري عليا "

كتحرك راسها بلا :" لا مكنغيرش "

كيحرك راسو باه بالعكس :" كتغيري "

لغالية كتعوج ةي الحنش بين دراعو :" لاءء"

عضها من ودنيها :" كتغيري "

باسها فوسط وذنيها :" باراكة منقدرش نشوف غيرك نزيدها مناكلش غي من يديك علاش ناوية الغالية ؟"

كتلعب فلكول ديالو :" ناوية نطعمك طول حياتي "

كيقبلها قبلات متفرقة فوق خدها وعنقها :" باغي ولاد منك "

خسر عليها الكلام الحلو لي كانت تعصر من دماغها وهي تخنزر و حيدات يدها من عنقو كدفعو :" معندكش شي هضرة اخرى من غير لولاد ؟"

عابد :" وقتما ندوي معاك تشعلي مباغاش ولاد معايا ولا شنو ؟"

لغالية كتخفض صوتها :" لا ولكن باقي لحال "

عابد بانفعال :" كالنا كنطيبو العنب "

طلق منها :" حتى حاجة مغتخليني نتيق بيك الا الى كانو لولاد بيناتنا "

اعطاها بظهرو :" شي حاجة فيك ممخليانيش مرتاح و باقي راسي كيفكر بزاف "

شدها قدامو ويديها وسط يدو :" هني بالي مبقيتش باغي نفكر "

لغالية بعصبية :" ناوي تشدني بلولااد ؟"

عابد طلع عينو فيها وقبل ميبداو تعابيرو يتغيرو طلقاتها بواحد الضحكة خطيرة نقطة ضعفو ضحكتها الفاتنة :" خفتيني نهرب "

رجعات عنقاتو :" انا لي خاصني نخاف عليك من داك سمتالة "

هزات كتافها :" شكون قال غدا ولابعدو نحمل و تطيحني ولا تشربني شي سم فين غنوليو شكون يقد يدوي معاها "

هز راسها فيه :" مخليتينيش نرمي حوايجها برا "

حركات راسها بلا :" معندنا منديرو بلحاجة لي تخسر خاطر مّا "

عابد :" حتى لحاجة لي تضرك منبغيهاش "

زيرات عليه :" انا بغيتها تبقا غا خليها "

و باستو فوق خدو :" ميكون غير خاطرك ربي يرزقنا بشي ولد ولا بنت يشبهوليا "

بسخرية :" فالزين ماشي فالتسمتيل "

ضرباتو لكتفو بشوية وخرجات كتتمختر للكوزينة تحط لعشا خرجات وتكات على لباب راسها كيدي ويجيب فيها :" هادشي مغاديش بيا لعمورية مغنزيدش الدل ولخاطر بلولاد "

شدات فراسها :" اجي يا مييي شوفيي بنتك غي مكتزيد تغرق "

قبل متكمل كلامها خاطرها تروعات عليها ومشات كتجري للخلا بعيد على لبيت شوية

و نزلات كترض حتى خرجو عينيها تتقيا وتقول ماتقيات صدرها

وقرجوطة ديالها رجعو كيحرقوها بزاف و كتلهت بالسيف باش كتاخد انفاسها و يديها فوق صدرها ووحدة فوق معدتها وصوتها كتتفيا مسموع :"بعععع بعععع .."

وتخنقات رجعات كتكحب وعينيها فالتين حمرو وتحجرو بالدموع..

يتبع...