تزوجتها بوصية زوجها الجزء العاشر

"بعد يوم"

صووت الاسعاف...والمرضى..هوا الصوت الموحد في المرابطين كيف كل..صباااح..

كاانت متكياا..بلباس .لمرضى..كتعاين يجيو ينقلوها لغرفة القسطرة..

شااافت جنبهاا..لتيليي..لبارح معيطش..وليوم..معيطش..

حولات نضرهاا لسقف..مبغاااش تفكرر..فيييه ..عارفاه غيكون مشغول مع خدمتوو..ومبغاهش يعرف بليي قررات تبداا لعلاج..

حتاا توليي بيخير..ويعرف..

دخلاات سكينة ولبسمة على شفايفهاا..ومعااهاا عدنان..

عدنان:صبااح زين هدا منين صبحناا على زين..

نضال:شوووف عنداك تعلم أسيرم..بمرضي ولا بلي غنتعالج..

عدنان:لاا معلمتوش كوني هانيا اصلاا لبارح وليوم مبانش فلكلينيك..ومتيحاوبش على تيلي

نضال:مهم متعلموش..مبغيتش نشطن إخلاص.

ميل وجهوو مستغرب:شكون إخلاص؟

نضال:(حولات نضرها لسوكا)متقوليش تا هداا غيدخل معانا؟

سكينة:اكيييد لاااا.

عدنان:كفاااش لااا.؟انا طبيب من حقي نقون معاها..اتحتاجوني

سكينة:لا مغنحتاجكش..هادي غير قسطرة تشخيصية..نص ساعة..تا لساعة وهاحنا هنا(شارت لممرضة)خرجووهاا.

عدنان:سطووووب..تا واحد مغيخرج زيين ديالي..انا غنخرجهاا..

زاااد جاار بيهااا..لباياص...

بعد دقايق..كانت مستلقيااا على ضهرهااا...على طاولة الاشعة فغرفة القسطرة..دايرين بيهاا الاجهزة لي مراقبين..انشطة جسمها الحيوية..

زاادت سكينة..مقرباا..لهاا...

حددات لبلاصة لي غدخل منهاا انبوب القسطرة..ولي كان فاسفل بطنها..جنب..

بنجات لبلاصة تخضير موضعيي..فقط...هزات لقطن.

كتعقم..بدواء..لحمر.

دخلاات انبوب القسطرة...

وفلداخل ديالوو دخلات سلك..معندنيي..كيعبر الاوعية الدموية..حتاا كيوصل لشاريين التااجيي..ويشخص الانسداد..

كانت مرااقبة السلك..بالاشعة السينية..وبمجرد موصل لشرايين..ضخاات صبغة..ملونة .بااش تبين..ليهاا حجم الانسداد..

كانت مستلقياا..مكتحس..بوالو..لكن بمجرد مضخات الصبغة..حسات بسخونية..وردة..

شافت فيها سكينة..

سكينة:عادي انك تحسي براسك ماشي هي هاديك..غير صبريي قربنا نساليو..

شخصااات حجم..الانسداد..جبدات..سلك..ولانبوب..بقات ضااغضاا..على لبلاصة بيدها..لثواني..حتا دارت لهاا لفاصمة..

سكينة:غتبقاي متكية على ضهرك..هاد نهار..تا ليل..عاد تقدي توقفيي..

نقولوهاا لغرفة العادية..ومع لخرجة كيبان لهم..عدنان..حدا لباب..زاد بزرباا..عندك سكينة..

عدنان:امضراا؟

سكينة(تنهدات بجهد)لانسداد كليي..90٪ خصهاا ضروري عملية..ولا فاي لحظة تقدر تصاب..بازمة قلبية..

سرط ريقوو بحرقة رجع شعروو لوور

عدنان:يعني ميمكنش يتعالج بقسطرة علاجية

حركات راسها بلا

سكينة:كن كان جزئي ممكن..ولكن فهاد لحالة كنفضل..عملية..

عدنان:صافيي خليهاا ديرهاا..من غدااا..

سكينة:غنتشاور مع نضااال..لبغاات فراه من غدا خصها دخل لبلوووك..

عدنان:بسيف عليها..غداا غندخلوها..

حركات راسها بلا.

سكينة:نتاا مغتكوونش..نتاا عارف سياسة لكلينيك مزيان..لي من عائلة لمريض مخصش يكونو فعملياتهم..الا فحالة متوفرش طبييب بديل..ولكن دابا كاينين اطباء تخدير غير.

عدنان:هاااانتيي كولتيها لي من عائلة لمريض..انا ماشي من عائلتهاا...غندخل..(بلغوات)ومعندكششششششش لحق تمنعينييي فهمتييييي..

زااد غاديي..وهوا معصب..بعد مسمع..نداء باسمو لي مطلوب لمستعجلات.

كانت فغرفة تحقيق...مقابلة..ضوء لي تيتحرك..فوق طابلة...ساهية فيه..وعيونها محجرين بدموع..

تهزاات منين لاح لييها ملف على طبلة..

داوود:قبل 10 شهوور كنتيي رافعاا عليه قضية اغتصااب..شنوو لي خلاااك تسحبيي دعوة؟

سرطات ريقهاا وهي تتشوف فيه..نطقات برجفة.

سامية:الخوووف!

داووود:الخوووف أااا؟؟مناش خفتييي؟من بعد مخصرتي معاه بزاااف.

سامية:نخسر حياتي وحياة ماما..خفت يدفنييي..

داوود:سيباااا فلبلاااد.

أااا؟كاان فلحبس..لكونتي خايفاا لاش سحبتي دعوة وخلتيه يخرج أاا؟

سامية:هوا لداخل..ولكن رجالوو برااا...لمخزن..محمانيش..لكومسير كااان غير خاتم فصبعووو....خليتووو يضن بلي انا قبلت بمصيري..وبلي راضيا نكون تحت رحمتوو..وقدرت نخلي ماما تهرب لبلاد..على غفلة من رجالوو..وهربت..وبقيييت هااارباااا..حتااا لقيتك..ولباقي عارفوو..

تممم نايض..ردخ يدوو على طابل كيشوف فيهاا .مخنزر

داووود:مكااانش علييك تكدبيي علياا من لول.

سامية:تيقينيي كنت بغاا غير نعيش.

داوود:كن كلتي الصراحة..كن دغيا عرفناه شكون وشديناه..مكانش غيخطف مرت أسيرم

سامية:خليييه يسلمنيي..خلييه يعطيني وياخد مرتوو.

داوود:ماشي أسيرم لي يبيعك..على مرتوو..وماشي هوا ليي يبقااا ساكت وغابر..فهاد لوقت(حط يدو على راسو)سكوتوو خالعني

هززز تيليي معيط..لاحمد.

بعد دقايق جاوبو..

داوود:وشش خرج ؟

أحمد:لاا اسيدي..منين جاا لبارح مخرج..من هااد.دار.

داوود:خليي عينيك عليه..لخرج علمنييي

قطع..شاف فسامية.

داوود:غتبقاااي فضياافتناا...الكوميسارية هي أأمن بلاصة لك دابا.

حركات راسهاا بوخا...تمم خارج.شار لنجاة لي برا.

داوود:نجاة خليك معااها...لوقعات اي حاجة عيطيي لياا..

كالس حداه...كيشوووف فيه...كيحرك رجلووو بزربااا..ويدوو...نطق وعينو عليه..

أسيرم:مزااال مكاين والو..

حرك راسو بلاا..

الهاكر:مزال مدخل..

تهزز منين ضربووو..عزوز لراسو

عزوز:خلييه يدخل خليييه..

الهاكر:كيفاش غنخليه يدخل..هادشي ماشي فيدي...انا رديت ليه مودباص ايميلوو..غير غيدخل اطلع لي بلاصتوو

عزوز:وباش عرفاه مغيدخلش غيرو؟

الهاكر:وش شفتيي لمصاايب ديال خدمتوو كلها تم اكيد مغيخليش غيرو يدخل..راك شفتيي داكشي دلاغتصاب لي و..

سكت منين تهززز أسيرم من حدااه..ضاارب لكرسيي لووور..

عزوز:(مقرب من ودنو)سكت الحمار متجبدش الاغتصاب

الهاكر:(بهمس)نسييييت.

شاااف فييه..عزوز..واااقف .كيتنفس بجهدد ..صدايف قميجتو لبيضة..محلولين..على صدروو..العرق باااين على عضلاتوو..بحالا خاويي عليه..لمااا..

زااد حاط يدو على كتفو

عزوز:غيدخل..غلقااوه واحد بحالو ميقدرش يبعد على خدمتوو..

مرجع شعروو لوور..شااد فييه بقبضة يدو...نطق بحرقة..

أسيرم:هييي بيين يديين مجرم..معرفتش كفااش غتكون حالتها داباا..هيي صغيرة..وضغيفة..مغتقدرش علييه..هادشيي كولووو بسبااابيي كولووو بسباابيي..

عزوز:غتكون بيخير.دوز كلس تاكل من لبارح مدقتي نعمة..خصك رجلين علامن توقف..باش تلقااها..

أسيرم:هيي وش كلات أاا؟شربات؟؟بغييتهاا غير ترجع..مغنبقااش نتحاااسب معاه..غنخليهاا تاا كل اشش بغاات بغيتهاا غير ترجع اعزوز..

"طلق من شعرو وشاف فيه"

مغنقدرش نبقاا غير كالس..غنخرج نقلب..عارف مغلقاهاش ولكن غنخرج نقلب..لعرفتي بلاصتوو عيط ليي..

زاااد خااارج..بزرباا..

عزوز(تنهد بجهد)لاحولة ولا قوة الا بالله

كتخنزر فيه..

إخلاص:زيييد قررب زييد فميي هنااا...مااشي جهة نيفيي.

ساااط بجهدد..شاف فيونس.

....:نحل لييهاا تاكل أسيديي؟

إخلاص:الله رضاا..وعلاش نتاا مخدمك..باش ناكل بيدي؟نتااا لخديديم دياليي غتوكلنييي..وبسكااااات..

هززز يدووو..باااغيي يرصفقهاا...سرط..ريقوو منزلهاا..منين..شاف فيونس واقف على راسووو..

كيشوووف فيهاا..كيطلعهاا ويهبطهاا..

يونس:كنتسااءل شنووو عجبووو فييك..شنووو عندك بااش طيحيي فيك جوج رجال..(طلع حواجبو)عجييييب.

إخلاص:اكييد عجبااتهم فياا شي حاجة..يمكن حيت انا وحدا ضريفاا وكيوت. راك عارف لاخلاق وداكشيي اهممم..من شكل...ولكن لي متاكدة..بلي عمر شيي وحدة..عجبتيهاا..لاا اخلاق ولا شكل..كن غير نعلات ماماك شيطان ونعسات ديك ليلة..

شاف فيها الراجل..شاد ضحكتوو..هزز عينوو..جمعهاا منين شااف تخنزيرتووو..ونظراتووو..لي تيخلعوووو..

رجع لور ناض مبعد..

إخلاص:ادااك لحماار فين غادي باقي فيا جووع.

غوتات بجهد..منين حسااات بيدوو..شادين...فشعرهااا...مرجعوو ..لوور ..حاسا براساا غيتفصل .على شعرهاا..كتشوف فنضراتوو لي كلهم شر .

خلاها ترعد من الداخل..لكن دافعا جبها.

يونس:ماما متجبديهااش على لسااانك..فهمتييي

جبدات ضحكتهاا تتششوف فيه بتحدي

إخلاص:اوووه عزيزة عليك ولد مووو.

ابتسم جنبدد..كيشووف جنب...

هززز يدووو..وعلى غفلة نزل عليهاا بطرشة..جرها من فكهاا..كيشووف فيهاا ..نظراتوو لي كتعتابر مراية شرووو..

يونس:مولدهااااش...انااا مولدش عا هرة بحالهاا...مولدهااااش..مولددشش وحدة..تتخلييي ولدهااااا ...عند ديك لغليييضة دجارتهااا تديرر فييه هي وراجلهااا مبغاااو...وتمشييي تقااابل تكلبييين ديالهاا..مولدهااااش..انااا ..(ميل وجهوو..رسم عليه..ضحكة )قت*لتهااااا بيديي هيي اول وحدة دفنت بيديييييي..

تحجرووو عينيهااا بدموووع..وهي تتشوف فيييه..

قلبهاا دقاتوو تتسارع..هي بين يدين شخص مرحمش ماماه..كفاااش غيرحمهاا..هي بين يدين.. مجرم..ماشيي عادي..مجرم يقدر ياخد روحها فاي دقيقة..

بعد عليهاا..ضحك بجهد..

يونس:الا صحابك راكيي فداار ضيافة..وغتخرجي من هناا سالماا فراك غالطااا..على داكشي منسمعشش حسك...حيت انا ازوينة مصفيتهاش غير لماما..صفيتهااا

داار مقرب لها..حاط يدوو على لكرسي..بهمس حدا ودنها نطق..

يونس:تااا لراجلك لول..وغنصفيها لتانييي

واقفاا حداها كتراقب مؤشراتها..

هزات عينيها فحياة.

سكينة:عينيك يبقاا على الضغط..ولا وقعات اي حاجة عيطي لي.

نضال:حياة مغتبقاش معايا

حياة:كفااش مغنبقاااش معاك؟؟

نضال:غتمشي لدار رتاحي غدا فصباح واجي..على قبل ولدك صهير ممزيانش لك.

حياة:ومالك نتي غتبقاي صهرانة..ياك غير تا ليل..

نضال:اه غنبقا هناا..سوكا هكدا قالت

صغرات عينيها..من هضرتها..هي لي قالت لها بلي ليل تقدر توقف.

سكينة:سمعييي لهضرتهاا..متعاطايش مع وحدة مريضة.

حياة:وخااا لي بغاات..

نضال:تقدي تمشي احياة طلي على ماما؟مغنقدرش نوض عندها دابا..

هزات راسها بوخا وتمات خارجا..

كتشوف فسقف..تنهدات بجهد

نضال:سمعت غواتو..غوت عليك..حيت مبغيتيش يدخل معاك لعملية

سكينة:ماشي مشكل..ولكن .

قاطعاتها.

نضال:خويا كان طبيب قلب..عارفا فلانسداد الكولي..اغلب لحالات كيلجأو لعملية على داكشي طلبت منك..فلول باش متخليش عدنان يدخل لعملية..هوا شخص حساس..وخاا تشوفيه هكداك ضحوكي وزهواني..ولكن ابسط حاجة تتهدوو وتاتر فيه(تنهدات)..انا موافقة خلينا نديروها..

سكينة:هوا خصناا نديروها فاقرب وقت حيت..

قاطعاتها.

نضال:غداا..خلينا نديروها غداا..مخليتش حياة تبقاا معايا..حيت غتخلي ممرضة خرا تقابل ضغطي ليوم ودير لفحوصات لازمين..وغداا نديروها..

ولكن..مبغيتش عدنان يعرف..مبغيت تاحد يعرف..من لي قراب ليااا..مبغيت نتوادع ما تاحد..كنكره الوداع.

سكينة:اشمنن ودااع..العملية غتنجح كوني متاكدة..هواا..بصح..يقدرو يوقعوو مصاعفات..ولكن احتمالات قليلة بزااف..نتي غتبراي..

نضال:ان شاء الله..غنعس..فيا نعاس..لسولك عدنان..قولي ليه غتكون لعملية مور سيمانة..

هكداك غنقول تا انا..

سكينة:صافيي رتاحي..

...

كاان كيددووور بلووطوو...كيقلب كيييف شيي حمق..ويوري تصويرتهاا لناااس صورة لي خداها من البوم صورها ف بيتها..كره راسوو حيت مكانش يصورهاا..كره راسووو..حيت مخلاش تيلي ديالو يعمر بصورهاا..عند بالو غتبقااا ديماا حداه...

الانسان مولف يصور لحوايج النادرة..ولا لحوايج لي غتغبر..اما لحوايج لي ديما قدام عينوو قليل فين كيصورهاا..

..لي شااف حالتووو كيتقطع قلبوو علييه..

ويتساءل.

شنوو لي كيخلي رجاال كيف الجبال ينهااارو؟

شنوو لي كيخليي شخص متوهج كيف النار يولي مجرد رماااد؟

دازووو ساعاات وهوااا كيقلب..ولالقاا ليها أثر..لا خبار من لبوليس ولا خبار من عزوز...روحووو قريبب..تخرج...مغيقدرش يصبرر نهااار آخر..بعيييد عليهاا..

وجهووو صفاار وشفايفووو ولاو مايلين لبيض..مداقش نعمة من دقيقة لي غبرااات..بالوو..وقلبوو وروحوو معاها...

هز صورتها قدام عينوووو..كيشووف فيهااا ...

سهااا للحظة تفكرر اول لقاااء بينهم...مكانش لقااء رومانسي..باش تحفضوو الذاكرة...كاان اسوء لي لقاء بين جوج مزوجين..ومع ذلك حفضاتوو..

"""

شافت نضال فاسيرم كطلبو بعينيها يحاول عليهاا..مبغاتش يواجهاا بلحقيقة بلا تاشي مقدمة..

أسيرم(سرط ريقو)راجلك مااات

ضحكات بجهدد...كتشووف فيهم واحد بواحد وضحككك..بحال شي حمقة

إخلاص:شيي لعبة هادي؟؟ههه بصح اه بصح مكنفهمش فطب ولكن قلب راجلي كينبض(شارت لجهاز)راجليي عايش..وش معااد دار ليي هادشي غير لعبة ولا كفاش أاا(شافت فنضال)وخاا عليك ونتي مشاركة مع خووك ياااك

أسيرم:(شاف فمعاد..كارز على سنانو.تا عروق راسوو بانو ..نطق بصوت عالي)معااد دار اكسيدوون ..مات دماغيا يعنيي قلبوو غيبقا ينبض لساعات قليلا..باقي كينبض غير بالاجهزة...الى حيدناهم غيوقفوو .خليناه تحت لاجهزة حيت فهاد لحالة لمريض كيقدر يتبرع باالاعضاء كيبقا هدا لقرار ديالك غنعاينو رضك..وخصك تزربي حيت لتعطلتيي لاجهزة مغينفعوش لقلب غيوقف ...ومغاديش ينغعونا اعضاءو(هز راسو فيها)البراكة فراسك فقدناا لمريض

زاد بخطوات لووور..وتم غادي..مخليهاا واقفاا مصدومااا...مالميحها مطموسين...بلا اي حركة..غير تتشوف فيه وهوا كيبعد...وجهوو قدام عينيها. .وصوتوو وهوا كيعاود على حالة راجلهاا...

صوتو وصورتو لي عمر ايتنساو حيت كانو لاكثر شخص بلا قلب صادفاتو فحياتها كلهاا..شخص لي كيعاود لها على موت صاحبو كانو كيعاود على نتيجة مباراة

""

ضرب يدووو بجهدد من الڤلوون...

منين كيتفكرر قدااش كان قاسيي معاهااا...مرحماتهاشش دنياا ومرحمهاش تاهوا بهضرتوو..

سرط ريقوو..رجع راسووو..متكيي على زاج..بقلة حيلة...وضعف...

العجزز هي الكلمة لي تتوصف حالتووو دابا..اكثر كلمة مناسبة ليه..

كيشوف غنجووم ..والقمر..نطق بحرقة..

أسيرم:سمحليي...مقدرتش نحااافظ على أمااانتك....انااا مكنستاهلهااااش أمعاااذ..

كاانت ..تتشوف فسرجم..لي..داخل..منووو نوور الكمرة..

شرجم لي كان مشبك.. بلحديد..كتشوووف بصمت..

دمووع محجرين فعينيهاا...ودم نازل من شفايفهاا..ومطبع...على اثرر ضربا لي عطاها..

كتفكر هضرتوو...منين قال لها بلي هوا لي ق ت ل معاد..وغيزيد أسيرم..تفكرات الحلم لي راودها..سدات عينيها مخليا دموعها نازلين..

إخلاص:عدناك تجييي...عنداك تلقاني..البجغوطة ديالك باقا محتاجااك معندك لمن تخليها..

كانت كالسا على لبياص..كتلبس..صبرديلة..تحلات لباب تم داخل..

عدنان:علااش نضتي؟

نضال:نهار كولو وانا ناعساا..طبيبة عطاتني لحق نوض فليل..غنطلع نشوف ماما..كنلبس باش تا لشافني شي حدد .ميعرفش بلي انا مريضة..

تنهد بجهد..

عدنان:خليني نعاونك..نطلعك عندها..

نضال:لااا..(هزات راسها فيه)انا لي طلبت من سوكا مدخلكش لغرفة لعمليات..مكاين لاش تغوت عليها..

عدنان:وعلالااش؟

هزات كتافها:متجادلش مع واحد مريض.عتادر منها

تنهد بجهد

عدنان:دابا نعتادر منها..اصلا منخليش طبيبة قلبيي مقلقا مني.

نضال:هاي هاي جات نوبتها تاهي..

كلس حداها..حرك راسوو بلاا..

عدنان:لاا هي ماشي بحالهم..معرفتش..كفاش غنشرح لك..ولكن قلبي كيضرب وانا معاهاا...دايرا بحال شي مغنطيس كيجبدنيي لييه..فكاع حالاتهاا..

نضال:بغيتيهااا طحتي على زنافرك اولدي..

كيشوف فيها بلا ميرمش..

عدنان:اش غندير أاا؟

نضال:وش باغي تكمل حياتك معاهاا؟

حرك راسوو باه.

نضال:وهيي اش تتقول فهاد لهضراا.

عدنان:كاين امل يعني من هضرتها كتعطيني امل.

نضال:اوا توكل على الله..هزز شيي پوكي دلورد..وسير لدارها طلب منها سماحة واعتارف لييها..

عدنان:راها فداري.

نضال:ونتوووما نقزتوو اشوااط نووض لبووك تكعد من حداياا..

زادت نايضا متوجهاا عند ماماها..

فحين هواا..

خرج..ركب فلوطو..توجه عند..اقرب محل ورد..خداا لها بوكي دلورد فلحمر..

ورجع ركب..فلوطو..كسيرا لدار..وقف..منين..

داز حداا ذهايبي..ولفتوو انتباهو لمعة لخواتم..

ابتسم..وبهدوء نطق..

عدنان:مزال لحال..على زواج..

كسيرا غاديي..ثواني تا رجع لنفس لبلاصة..

عدنان:ماشي مهم نتزوجو دابا لمهم تعرف بلي ناوي لمعقووول.

تم نازل متوجه عند ذهايبي.

دخل عندوو..

هز راسو فيه:اشش حب الخاطر لي بغيتي كاين..

عدنان:بغيت خاتم دلمارياج..

....:كفاش بغيتيه؟

عدنان:يكون شي حاجة استتنائياا..حييت لي غتلبسوووا مكاااينش بحالهااا...ختاااريتهااا..بين طوفاان دلبنات لي فحياتييي..

حلات لباب بثقالة..دخلات..بانت لها ماماهاا..كالسا تتفرج..تتاكل فتفاح..لي مقطع طريفات حداها..

زادت بخطوات تقال..

نضال:ماما حبيبتييي أناا جييت متوحشتينيش؟

هزات عينيها فيهاا..ونطقات.

....:شششش خليني نسمع..

نضال:غداا غتكون عندي عملية.(سرطات ريقها بحرقة نطقات).انا خايفاا..(سكتات لثواني)خايفاا كيف اول نهاار .كنت غادة لمدرسة..عقلتييي..كفاش ضفرتي لي شعريي..ووصليتيني تا لباب..ووصيتي عليا الاساتذة واحد بواحد..اناا خايفااا..بحال داك نهار..كنت كنتي بيخير متاكدة كنتي غتوصي عليا الاطباء واحد بواحد..

ضحكات لهاا بجهد

....:خوااافة..خوااافة..انااا كااع متنخاف وليت تنعس بوحدي..يلاه شش سيري بخالك خليني نسمع.

نضال:(حركات راسها بوخا)غنمشيي..وخااا..ولكن وش تقديي تعنقيني أاا..؟بحال شحال هاديي فاش كنت تنخااف كنتيي تتعنقيني؟

زاادت معنقاهااا..مزيراا عليهاا بجهد..

نضال:ماما مبغيييتش نموووت..باقيي بغااا نعيش معاه..بغاا نعيش مع بنتي..بغاا نعوضهم على كولشيي..كولي ليي..بلي كلشي غيدوز بيخير..كولي ليي بليي غنبرااا...مبغيتش نخليييك...مبغييتش..نخلي كاع ناس لي كيبغييونيي..

كتشووف فيهاا بلاا تاشيي ردة..فعل...عينيهاا تغرغروو بدمووع..نزلات دمعة منهم..

نطقات..

"واش غتمشيي عند دااك طبيب ضريف لي كان كيجيي عنديي شحاال هادي"

هزات عينيهاا فيهاا ودموعها نازلين..

نضال:معااد ..وش تفكرتيه..هداك ولدك اماما..واناا بنتك..

دورات عينيهاا..مسحات دموعها..

...:مفهمتش علاش عيني كيبكيو..كفاش غنكون ماماك وانا صغيرة علييك..شش سيري خليني نتفرج..فميخياتي

وقف لووطوو قدام..دارو..تم..نازل..قااد..قاميجتوو..ولبسمة على شفايفوو..هزز لورد..فيدوو..وخشاا لخاتم فجيب لوراني دسروالو

عدنان:هدااا تا نقاد ليه شي عشا رومانسي..مزال لحال عليه..خليني نعتاذر لها فلول..

زاااد دااخل..وصل حداا..لباب..حل لباب بساروت وتم..دااخل..

عدنان:سووك..

سكت مصدوم..منين بانت ليه..وااقفا ..وأمين..حداها..مكاليهاا..مع لحيط..كيتفلوطا معاها..

دفعاتوو بجهد منين شافت عدنان..نطقات وهي مصدومة

سكينة:عدناان!

كااانت كاالسااا...فوسط..دار...حطات البيسي قدامهاا..وكاس دلعصير...

تهزات منين سمعات دقان..

سكينة:بفف ياكما نسا ساروت.

توجهات لباب..غير حلاتها..دفعهاا مدخلها..

شادها بزز..تا كلاها مع لحيط.

امين:توحشتكك ازين ديالي.

سكينة(كتبعدو)بعددد...وش نتاا مريض أاا...اش هاد ريحة شارب عاود..بااش عرفتي ران..

قاطعاا بقبلة على شفايفهاا..حاكمهاا بيديه..ممخليها تبعد ممخليها تنطق..

دفعااااتووو بجهد..منين بان لهاا عدنان..

نطقات بصدمة.

سكينة:عدنااان!

كيشوووف فييهم..حاااس بقلبووو غيخرج..حاااس بمووس تغرس فاعماق قلبو...حاس بشي حاجة ماتت فيه..ولكن معرفش شنو هي؟

ابتسم لهمم..بطلااقة..ولحرقة باينا فعينو.

عدنان:سمحوو لي يمكن جييت فشي وقت ماشي هوا هداك.

سكينة(كتحرك راسها بلا)دارك هادي اعدنان..نتا لي سمح لي..مكونتش عارفا امين غيجي..

كيشوف فيها ويشوف فيه..ضحك بجهد..زااد مقرب عند عدنان..واقف اونفاص معاه..مد ليه يدوو..

أمين:اناا أمين حبيب سوكاا ونتا؟

عدنان:متشرفين(مد يدو)انا عدنان خدام معاها

امين:خدام معاها(شاف فلورد لي فيدو)متاكد جمعاكم غير لخدمة؟

عدنان:آه متاكد..نخليكم..غندخل نبدل حيت معروض..خودو راحتكم دار داركم.

سكينة:امين كان غادي..

توجه..عدنان لبيتوو..

هزز تيلي كيشوف لزابيل دباباه.

لي عيا يعيط..باش يجي..يحضر لعشا..

هزوو مجاوبو بمساج قصير"شويا ونجي"لااح تيلي على سرير..

وتلااح فوق سرير كيشووف فسقف..

تحلات لباب..دخلات بجراا تتشوف..فيه..

سكينة:سمحلي اعدنان..انا بصح حشمانة منك..مكونتش بغاك تشوفني ف..

قاطعها..

عدنان:بلااا متعتادري..بلا مديري بحالا راني كنهمك..

سكينة:نتاا فعلاا تتهمنيي..

وقف اوونفاااص ..كيشوووف فيهاا بعيوون كلها غضب..شدهاا من كتفهاا ملصقها مع لحيط..

عدنان:بلااا متعطيني امل بهضرتك..فهمتيي...بلااا متقوليي بليي كنهمكك..وبلاا متجربيي فيا اعترافات لحبب..ديالك..كلناا زهوانيين اسووكاا..ولكن مكنشووفوش فعينين ناااس وحناا كنعتارفوو لهم..بحبناا..ومكنعطيوهمش أمل..حييت دااك الامل الكذااب..كيبقا تاهوا أمل بالنسبة لهم .

كترمش بزرباا..كتحاول تفهم هضرتوو..كتساءل وش فهم تعاملهاا معاه كانجداب ليه..هي لي تتعامل مع كولشيي هكداك.

سرطات ريقها باسف..

سكينة:عدنان نتا عزيز عليا كصديق..انا مبغيتش نخسررك..

بعدد..علييهاا...حرك راسوو بشوياا..

عدنان:صدييق..

ابتسم لهاا بجنب...وتم..خاارج..

نص ساعة دطريق..وقفاات لوطووو...حدا ڤيلااا ..متوسطة..تمم..نااازل...دخل بثقالة..شاد لورد فيدوو..

مكاانش باغيي يجي ويحضر لعشااا...ولكن ختار انه يهرب من دار ومبيبقااش تم..

دخل بخطوات تقال..وقف حدا لباب...يلاه كيف بغا يدق حلات لباب..

طلعهاا وهبطها بنص عين..

عدنان:كتعاينيني؟

جراتوو من يدو براا..خنزرات فيه..

إيناس:شوووف بابا عياان..خليه فرحان حيت باباك جا يزورو..ديك لهضرا ديالك..وكلامك..لمعسول متقولوش حداه.داكووغ.؟

عدنان:ترحيب زوين بضياف ابنت لعم..

شافت فلورد لي فيدوو..لااحوو لهاا فيدها وتم داخل..

إيناس:اش غندير بييه؟

عدنان:كولييه..

إيناس:معندي مندييير بشي حاجة ديالك

تم داخل شافهم مجموعين على طبلة دلعشااا...

عمووو رجل الخمسينيي ليي كيبان على وجهوو الوقار..كيف كيبان عليه لمرض...كان داير جبيرة فيدوو..

ومرت عموو..مراا فاواخر ربعينات نسخة طبق الاصل من ايناس بشرتها البيضة وشعرها المايل للبرتقالي ..عيونها لخوضر..كانها إيناس..ولكن فعمر اكبر..

وباباه لي لابس جلابة..وطربووش فاسيي...لحيتوز لبيضة طويلة..وضحكة لي مرسومة على وجهووو..عيونو الكحلاا لي طبق الاصل عيون عدنان..وماماه..ليي باين عليها الحشمة والوقار ولبساطة..من عباءتها الكحلا وحجابها الطويل لمغطي صدرهاا..حروفها كحلا وبشرتها بيضة..ولبسمة مرسومة على شفايهاا..

حل يدوو بثقالة..

عدنان:اوووه العائلة سعييدة مجمووووعة...بشااااخ زماان طويل..متجمعتوو هكداا..

زااد كيشوووف فعموو..

عدنان:بنتي ليي تهرستيي؟فييينوو يانييس يجبر لك دووك لعظام.

سكت منين شااف فايناس تتخنزر فييه..

عدنان:آه نسيت هواا براا لبلاد.

ضحك بثقالة..:بااقي راك على حالك.اولد سي راضي..كتعجبنيي فيك الحيوية ديالك وهضرتك..

ابتسم ليه بجنب..زاد مسلم عليه .

عدنان:على سلامتك اعميي..

ابتسم ليه:الله يسلمك..

زااد كاالس بعد مسلم عليهم...

كلسووو مجمووعين..كيتعشااو ويتباادلوو..لحديث..فحين هواا اختاار سكات..

سلاو لعشاا..وتحط..ديسير..كياكلو فجوو دصمت..تكسر صمت منين نطق الراضي

الراضي:اواا الدم عمر يرجع مااء.

وهاد الكارثة كانت خير علينا..كانت سبة باش يتجمع شملنا..اواا جيت نزور طبيب لحماق بعد مدة وخصاام سنين.

حرك راسو بلاحول:سميتهم المرضى النفسيين وخصهم علاج بحالهم بحال الم..

قاطعو.

الراضي:صافي صافي ..عندك صح..اواا مخصنااش نتخاصموو مزال..خص عائلة بنيس تبقااا كييف هيي..مرتاابطة..بحال غهد بابانا..منريبوش اش بناو جدود..على داكشيي..قررت انا وسي محمد..(شاف فإيناس )باباك.

ميلات راسها..كتشوف فيه وتشوف فباباها.

إيناس:اش ققرتو؟

الراضي:غتزوجوو انتيي وعدنان ان شاء الله وتبقا عائلتنا مجموعة..على داكشي جايين طالبين راغبين فيك لولدنا عدنان

كان كياكل غير جبد باباه زواج..حصلات ليه..بدااا يكحب بجهد

عدنان:طالبهااا بلااا خباري؟

قرب من ولدوو..نطق حدا.وذنو

الراضي:نتااا فاش وليتي طبيب تشاورتي معايا؟اواا هانيي جبتك لعائلة الاطباء غتواتاا معاهم..مغتلقاش خير من بنت عمك.

ضحك..بجهددد...ضحكتوو غادة وكتزاد..

عدنان:اناا وهيي(شار لاناس)قولي لهممم قولييي لهممم بليي انا ون.

كتشوف فيه بلا مترمش..عينيها على باباها..نطقات..ببرودة.

إيناس:لي بغاا بابا هي لي تكون.

حطات ماماه..يدها على كتفوو..

...:باركااا متخليني نهز لك الهم..تزوج..ونتا فوق منقولك جيب مرا تقولي مال زوبيدة ماشي مرا..محد بنت عمك معندهاش مشكل لاش غيكون عندك نتا مشكل..

كيشوف فايناس بلا ميرمش..مصدوووم من ردهاا..هي وهواا لي مكيتلاقاوش دايرين كيف الماء والضوء..هوا متاكد..انها متتحملوش.وعارف بلي تتبغي أسيرم..ولكن علاش وافقات دابا..؟علاااش حطاتووو..فهاد الموقف..الخايب لي غيخليه يبان هوا الشرير الوحيد دلعائلة .

نطق..وضحكة استهزاء على شفايفو.

عدنان:نتي معندكش مشكل انك تزوجي, بياا.

إيناس:لبغاها بابا.

قاطعا..

عدنان:باباك..انا راه مغنتزوجش بباباك..بييك..زوااااج هدااا أإيناس(برك على مخارج حروفوو)زوااااااج أإينااتس زواج..معندكش مشكل ..قابلاا بياا؟

حركات راسها باه..تتشوف فيه بتحديي..بلا مترمش..نظرات باردين كيف احاسيسها..

ضحكك بجهددد..."زييينة هاد العائلة"(رجع شعروو لور)والله تاا زييينة..

ناااض وااقف...زاااد عند إيناس..حداا لكرسي..ديالها..حنا..جبد لخاتم..من جيبوو..

عدنان:تقبلييي تزوجيي بيااا (كرز على مخارجو)زواااج أإيناس.

ضحك راضيي..بجهد

راضي:شووف لك لخوينز..جايب لخاتم..وداير راسو فدار غفلون

سي محمد:ولاد هاد زمن هما هادوو..تعيا متفكرر..متوصل لوالوو..

ضحك بجهددد...وعين بنتوو على ضحكتوو...

مدات يدهاا لعدنان ..

إيناس:قااابلااا أولد عميي.

لبس لهاا لخااتم..

جرهاا تا ضربات مع صدروو..نطق بهمس حداا ودنها..

عدنان:نتمناا متندميش.

إيناس:متندمش على شي حاجة درتها على قبل عائلتي .

ضحك جنب:لاا خصك تندمي..حيت زواجناا ايكوووون (برك على مخارج حروفو)زوااااج على حقووو وطريقووو..وخا متنحملكش.

صباااح جديد ونهااار جديد...

كانت متكيااا بلباااس المرضى...وسكينة واقفا على راسها..

سكينة:كييف صبحتيي؟وش نتي بيخير؟

نضال:كنحس براسي مزيان..عدنان مكاينش ياك؟

سكينة:لااا..

نضال:وش مشفتيهش لبارح مقالك والو؟

سكينة:لبارح بات برا دار(تنهدات)ماعليناا شوياا غيجيو ينقلوووك لبلوووك.

شاافت لتليفوونهاا..

سكينة:من لباارح..ونتي تتعايني شي حد يعيط..اش بان لك تعيطي نتي؟نتي مخبياا على ناس بلي عندك عملية..ولكن نتي عارفا بلي عندك..خليهاا سبة بينك وبين راسك وعيطي..

تمات خارجاا..فحين نضال...هزات تيلي...كتعيط ليه..

كاان متكييي...فوق المكتب..ديالووو...لملفااات...ولورااق معرمرين..دنيا.

هززز تيلي لي كيصوني حداه..مجاوب بعينين مغمضين..

داوود:أممم

نضال:صباح الخير..بنتي لي عاد فايق؟

تهزز كالس..دوز يدوو على عينوو.

داوود:زينيي صباحوو.

نضال؛زيني؟كن كنت زينك كن عيطتي لي على الاقل.

داوود:سمحي ليي غرقااان فلخدمة.

نضال:وش راك خدام؟

داوود:آه..داتني عيني هناا..عندي شي قضية مهمة هاد ليام..فاش كنركز فيك مكنقدرش نركز فلخدمة..ولعكس صحيح

نضال:اوا بون كوغااج..

داوود:للقيت شي وقت دابا ندوز عندك

نضال:لاااا..لاا..مكاين لاااش انا عيطت غير نسول..متجييش..نخليك.

بعدات تيلي على ودنها ودغياا رجعاتوو.

نضال:داوود.

داوود:نعام؟

نضال:وش تقدر تصيفط لي تصويرة لبنتي..تكون جديدة..بغيت نشوفها.

داوود:وخااا..غنصيفط لك اخر وحدة تصورنا.

نضال:بغييت بنتيي مبغيتكش نتاا

داوود:دااك تيلفوون خصوو شيي حاجة زوينة بحالي على داكشي غنسيفط لك تا كمارتي..

قطع عليهاا وهوا مبتاسم..

بدورهاا تبسمات...ثواني..تا وصلوها لي طوف فواتس.

كانو تصاورو مع بنتو..وشي تصاور فيهم غير هوا..

تغرغروو عينيهاا وهي تتشوف فيهم..

حطاات تيلي على قلبها معنقااه..

نضال:فيرووزتييي..داووود.

حلات عينيها منين دخلات لممرضة.

....:غنقلووك لبلووك.

كااان ناااعس..فلوووطووو...داااه نعااس فيهاا..وهوا كيقلب..حل عينووو..بثقالة..على صوت تيليي..

دغيااا تهززز..مجاوب..

أسيرم:شيي خبار اعزوز..؟

كان فلووطو هوا ووحد من رجالو..

عزوز:لاا..خرجت انا ووحد من رجال نقلبوو..وصيفطت رجال يقلبو..فينك..خلينا نقلبوو مجمووعين..

أسيرم:معرفتش فيني..

قطع عليه..حااط راسوو على الڤولووون..

تنهد بصوت مسموع .

عزوز:قطع علياااا..

شاااف فتيلي كيصوني..

عزوز:مول سيبير كيعيط.

دغياا جاوبوو..

عزوز:امضراا.

الهاكرز:دخل..دخل يااك قلت لكك كاع خدمتوو مسيرها من لايميل وغيدخل..

عزوز:وشش..لقييتيي لبللاااصة.

الهاكز:صبااار...صبر صبرر..هاهيااا...لقيناااااه...راه فمزرعة لي فطريق لخرجة دلمدينة..بضبط .حد.

....

هززز تيلييي منين..شاف عزوز كيعيط

أسيرم:نتااا قلب..

قاطعوو..

عزوز:لقيناااااه ..

قاااد كلستوو..بلهفة هضر..

أسيرم:العنوان.

عزوز:خلينااا نتلاقاوو نمشييو مجمووووعين..

أسيرم(بالغوات)العنواااان اعزوووز العنوااااان..

عزوز:راه فالمزرعة لي...

مسافة طريق..وقفااات لووطو..قدام باب المزرعة...حل لباب داخل...

تم كيتمشااا تا بانت لي

دااار صغيرة..

كانت دار صغيرة...ودااااير عليهاا ارض..واااسعة.....شجرررر..فكل بلاصة..

وصوووت لاحصنة مسموووع..فلارجااء.

زاااد غاديي..بجراا..وقف منين بانوو ليه جوج رجال..واقفين قدام باب..دار..

شاافووه..شاافو فبعضهم وتموو

.غادين..عندو..نطق وااحد..وهوا كيدفع فصدرو ويتهز عليه.

....:علاااش تتق

قبل ميكمل هضرتو..ضربووو برااس جابوو طايح..

تقدم شخص تاني..وسلاح فيدو.

موجهوو عليه..

....:متحركش لباغي تعيش..

بسرعة..هزز رجلوو..ضربوو..لسلاح..خلاه يبرك..على زناد..خرجات رصاصة..فلهواء..قبل ميطيح..سلاح لارض..

كاان لدااخل...شااد تيلي ديالوو..متكي على الكرسي لي كمشي ويجي..بيه..ابتاسم..منين سمع لصوت سلاح..

يونس:راااجلك الزوين شرفناا..كنعتاارف بلي كان اسرع من لي تصورت..

رمااا تيلييي..زطم علييه...مهرسوو برجليه...

كتحرك فلكرسي..بغااا تفك...

إخلاص:عندااك تحاول..تضروووو (بالغوات)عندااااااااك..

يونس:غنرحب بيه مزيااان..كوني هانيا كنعرف نرحب بضياااف..

زااد جااار..طبلة ..خلاهاا لقدام..كانت مغطياا..حيد لهاا لغطاا..

بانوو ادوات تعديب لي عليها..موس شاقور..منشار مطرقة.....وغيرهم..

وسعات عينيهاا..مصدومة..

إخلاص:اش تتحاول دييير..عندااااك تحاول ضرووو..

يونس:تراا رااا ..مفاجئة..

زاد واقف عند راسهاا..حط سلاح عليه..

يونس:وااااحد...جووووج..تلاااتاااا..

يلاه كيف نطق تلاتة..تدفعاات لباب..بجرااا..تمم.داااخل كيجريي...كووولووو..كيلهث ولعرق..نازل من جبهت و...عينوو مشاات عندهاا.نشان.

نطق..بصوتو المبحوح.

أسيرم: إخلاااااص.

كتشوووف فيه ودموعها..نازلين.

إخلاص:أسيرم..علاااش جيتيي...

أسيرم:(مصغر عينوو)علاش وش بغيتيني نرجع منين جيت؟

حركات راسها..باه..

أسيرم:نديك ونرجع

هززز عيينووو فيوونس...تمم غادي بخطوات سراع..وقف منين قرب يونس سلاح..من جبهة إخلاص.

يونس:سطوووب..متعداااش لحدود..حدك تم....

اسيرم:غندفنك..قلت لك لحاولتي تقييسها غندفنك..مسمعتيش ليي..تيقنييي غندفنك..(برك على مخارج حروفو)أيوووونس.

ضحك بجهد:طولتي باش تفكرني اسي طبيب(ابتسم بغيظ)ولكن المهم تفكرتيني ودابا غنزيد نفكرك مزيان..(شاف فاخلاص)وشش قالك راجلك عليا؟(شاف فاسيرم)وشش قولتيي لهاا بليي شريتي روحك على حساب..روح راجلهاا..

جمع لكمة يدوو مزيرر..عليهااا..

أسيرم:كااان عندك مشكل وحساب معاياا..لاش قربتي لييه.

يونس:بلغلط(ضحكك بصوت عالي)لغلطة ديالك لي خديتي طومبيلتو داك نهار..

قبل اكثر من 10 شهور..

كيف ديما فغرفة الراحة ديالهم فلكلينيك. ..جالسين الكليكة كاملة تايضحكو ليل هدا شي سلاا خدمتوو وشي يلاه غيبدا مناوبتو الليلية....

..قاطعهم تيليفون معاذ لي تايصوني بمكالمة من إخلاص..

معاد:أشنو وش توحشتيني؟

إخلاص:(بالغوات)قووولتييي لي غتجيي تعشااا وجدت كولشيي وباقييي مجيتييي...لمجيتيش دابااا غنجيييي نديررر لك شوهة فييين خدااام

معاذ:انا جاي يلاه ساليت لخدمة..متقلقيش..تقليقة مزويناش ليك

قطع عليهاا.

تنهد يجهد و فنفس الوقت حابساه الضحكة من الموقف

اضطر معاذ ينساحب ويمشي عندها ...فنفس اللحظة تسمع صوت نداء ليه يلتاحق بالمستعجلات

معاذ :(كيجمع فحوايجو )دراري شي واحد يتكلف خاص نمشي لدار لممشيتش ومتعشيتش تم انا لي غنعس ليوم فلمستعجلات

إيناس :(كتشوف فضفرانها ) نو نو نو جو پو پا غايجي دابا واحد المغيض ديالي

عدنان: نخافوك غير تقتلي هاد المغيض ديالك

خنزرات فيه ايناس يلاه غترد عليه قاطعهم

معاذ:اك بلا مدابزو كنتكلف انا..كن غير نضال سلات خدمتها كن صيفطتها..

تنهدد بجهدد..حط كتابوو لي كان مشغول معاه..شاف فمعاد مبتاسم

أسيرم: غير تهنا و سير عند مرتك اصاحبي أنا غانتكلف هادو ماتعولش عليهم

معاذ:مغنساش لك هاد لخير..شي نهار خصك تجيي تعشاا معاناا غيعجبك طياب اخلاص.

أسيرم:محدك تتجرا باش تمشي اذن زوين..ولكن منضمنش يعجبني.

خشاا يدوو فجيب وتم..خارج..

هبط أسيرم للمستعجلات بسرعة وخلا معاد .. جات عندو الممرضة كاتشرح ليه الحالة

الممرضة: لقينا عندها كدمات و اتار العنف ادكتور فجسمها كامل و نزيف ففرجها و ه

قاطعها اسيرم بحسرة : وهادشي كايدل على اغتصاب

الممرضة: اه ا دكتور و عيطنا حتى للدكتورة نضال باش تفحصها ولكن البنت خايفة بزاف باقا مخلوعة الله يكون معاها

اسيرم: معاها شي واحد؟

الممرضة: اه ادكتور معاها ثلاثة ديال الرجال (اشارت ليهم)وشكلهم كيخلع..بصارحة يقدر يكون عندهم علاقة بلقضية.

شاف فيهم اسيرم بنضرة حادة و حل الباب عند المريضة كانت خاايفة و كلها تترعد شعرها مخبل و جسمها فيه كدمات زرقين..قرب منها و كلس فطرف سرير حداها عطا إشارة الممرضات باش يبعدو شوية باش متحسش براسها مخنوقة

أسيرم :(بصوت هادئ) شنوو سمييتك؟

بقات كتبكي مرضاتش علييه

أسيرم : (قاسها فيديها و دغيا خطفاتها عندها حولات نضرها لإتجاهوو )كولي ليا شنو سميتك ؟بلا متخافي نتي فأمان تاحد مغيقيسك ونتي هنا.

دوات وبصوت مغنغن

_سميتي سامية

أسيرم :سامية..سميتك زوينة..سمعيني.. متخاافيش نتي هنا فأمان تا واحد ميقد يدير ليك شي حاااجة

سامية : عااافاالكم متردونيييش لييه راااه غنتااااحر لعاود داني عندووو ..انا هربت منوو ولكن تبعنييي..تبعووونيي المجرمين

أسيرم :(بدا كيعالج ليها فجروحها و فنفس الوقت كيدوي معاها )شكون هاادا كولي ليااا كووولشيي

سامية :هربت منوو..وسخفت فطاكسي..مولاها جابني لكلينيك..يلاه كيف نزلت..بان لي فلوطو هوا ورجال..وهربت لداخل..وتبعوني راه .

(كتنخصص)راااه راه كيتسنا فيا غير قدام الباب باش يعاود يديني ..حكرنييي..ملقااا عندي با لي يدافع عليااا..واحد مريض..دنبيي انييي غليضة..هوا كيكره نسااا الغلااااااض

وكيتعداا عليهم كيشوف فيناا جارتوو....هوااا مريض فعقلو..عطينيي دواء..ينزل من وزني..ولاا قطعوو لي لحمييي....مهم متخليونيش هكداا..

كضرب فراسهاا وتشهق بجهد

سامية:مترجعونيش لدااك لوسخ ولعذاااب...مغنقدرش نصبر..الموووت حسن لييي...حسننن لييي..لرجعتوني عند يونس غنتاااحر

تنهد بحسرة..وهوا كيشوف فيها كفاش..تتغوت وضرب فراسهاا..حالتهاا تهرس لحجر..

أسيرم : (ضار عند الممرضة باش تعطيها المهدء )كنواااعدك مغيديك تااا واحد غتبقاي هنا تا تبراي مغيرجعك حد عند هدا لي سميتو يونس

ناض خرج مكشكش واصل الطوب دالأعصاب

يلاه سد الباب عليها و ضار لقاهم واقفين قدامو.

نطق وهوا كارز على سنانو

أسيرم:شكووون فيكم يونس؟

تقدم واقف اونفاص معاه.

يونس:اووه الحبيبة ديالي تتقلب عليا..واش برااات بغيت ندخل عندها (يلاه غيمد يدو على البوانيي جرها أسيرم لعندو )

أسيرم :(حمر فيه )واش نتا لي درتي ليها هاد الحالة باشمن حققق..أااا باااش حسيتي ونتاا تتحكر على بنت ضعيفة عليك لاحولة ولا قوة ليها أااا..ومن فوق كولشي باغي توري لهاا وجهك.

يونس: (شاف فيدو لي قابطها اسيرم و شاف فيه نترها بزربة منو..وشنق على أسيرم )ونتااا ماااااالك دير غير خدمتك وسكت ..دييك زعامة لخاويا مغتنفعكش معايا..ندير شنو مبغيت ماشي سوقك ازوين..وهي غنخرجهاا من هنا..ولكونتي راجل دخل

حط يدوو على لباب.هزز عينوو فاسيرم لي تحطات يدو على يد يونس..مزير عليها..

ضحك بجنب بلا ميشوف فيه:دير مبغيتي..(خنزر فيه)تاانا غندير مبغيت ياك ما صحاب مك خدام عند بااااااااااك..

ضربووو براااس جااابووو طااايح..يلاه بغاو يزيدو عندو رجالو وقفهم بيدو..ناااض كيشوف فاسيرم..بعيون كلها شر

أسيرم :(طلع النفس بجهد وقرب ليه )واش نتا بنادم و لا حيوان أاات كيفاش قادر تعدا على بنت بلا ما تشفق عليها ..ومن لفوق جاي بوجهك باغي تديهاا

يونس:دخل سوق راسك.

غنديهااا ونتا ساكت.

زااد بزرباا..شنق على اسيرم و ناس بداو يتجمعو زرب عليه ضورليه يدو على عنقو و

خنقو بيها

أسييرم :الككككلب لمرباوكش ولديك غنربيي مككك

دفعو برجلو تا تخبط مع الحيط ديال الزاج تا تفرشخ و طاح عليه..

نزل عليه بالكروشيات ..مبقاا كيسوف والو قداموو بلعصب..من غير ديك لبنت ضعيفة لي تتغوت..

اكره حاجة عندووو يحكر شي حد على شخص ضعييف منووو

وزايدهاا باغييي يديهااا..بحالا لكلينيك ديالوو..

...عينووو تعماو..وتاحد مقدر يقرب يفك..ماشي من عادتهم يشووفوو اسيرم معصب..ولكن لتعصب غير بعد..المستعجلات تروناات..

تقدوو رجال يونس يفكووه..زااد شانق عليهم..ضرب فيه ضرباا فيهمم..تا جاو سكريتيي كيتاجرااو..شادينهم

اسيرم : (بالغوااات)عيطو البوليس يهزوه عليا قبل منحرق الحزاق

هزووه من لارض ويدوو كتقطرر بدم..بسباب زاج علامن طاح..عينوو ولات حمرة بلعصب..كيخنزر فاسيرم..

جرووه من حداه..وقف كيشوف فيه..

يونس:ليووم زطمتي علياا..غيجيي نهااار وغندمككك تيييك تااااك حسابنا بداا..

"بعد شهرر."

كان يونس فلحبس

وخرج بمجرد ..مسحبات سامية الدعوة تحت تهديد وتا معارفو نفعووه

..لكن الضربة لي تضرب فاش طاح على الزاج خمجات ليه و كان الحل هو يتقطع صبعو .. هادشي خلاه حااقد على اسيرم..لي بمجرد مقدم لعلاج لسامية..وضمن ان لبوليس شدوو لقضية..نساا لبلان وكمل خدمتوو عادي..بلا ميضرب حساااب..لعدوو لي تولد ليه ديك ليلة..

كيف العادة.كانوو

جالسين الكليكة فلكافيتيريا..مولفين ..يتغداو ..يتغداو مجموعين غير ليوم كان معاهم تا فوزي

صوت ضحكتهم مسمووع..هزوو راسهم منين بانت لهم جايا.

زادت عندهم فيديها حلويات حطاتهم ليهم:

عبلة:منورييين الكلينيك.

ناضو كلهم تايسلمو عليها و يديرو الصواب من غير عدنان ونضال لي عينيهم غير على شنو جابت باغيين ياكلو

نضال خدات من يديها الميكات: شكرا اخالتي عبلة كاتجي مرة فالعام ولكن كاتبرعينا

عدنان : اه ا خالتي ولي تجي ديما

عبلة كاتضحك: بصحتكم اوليداتي

معاذ تايغمزهم يسكتو: تفضلي اخالتي جلسي

عبلة: لا جيت نطل عليكم و ندي عمكم فوزي نخليكم بيناتكم الشباب

فوزي:آه يلاه

عدنان:اوووووه نهار كلس معانا جات طيراتوو شفتوو لحب.

ضربو بلخف راسو باش يسكت

خرجو عبلة وفوزي للمكتب هضرو شوية و هبطات رجعات عندهم لقاتهم باقيين زاهيين..من غير اسيرم لي عينوو مركزة على طابليط

عبلة:اشنوو وش عندك شي عملية عاود

هز راسو فيها مبتاسم:آه تا لعشية..

عبلة: هنيتكم من فوزي و جيت ندي ليكم أسيرم دابا..منين تا لعشية غنسرقك..توصلني لدار...عمك مشغول

أسيرم: مرحبا اخالتي على راسي وعيني .

ناض لبس جاكيطتو: ايه واخا اخالتي (دار عند معاذ) طوموبيلتي باقى كاتصلح تقدر تعطيني طوموبيلتك؟

معاذ عطاه السوارت: واش بيناتنا اصاحبي هاك سير شرف ليا لالة عبلة كاملة تركب فطوموبيلتي

عبلة عنقاتو بحرارة: الله يحفظك اولدي

داها وصلها غافل على السيارة لي تابعاه من لور

.. رجع للمرابطين بلاصة الطوموبيل ودخل بلاما يعطي أهمية للرجال لي هبطو من السيارة لي كانت تابعاه ومشاو مسلتين قطعو الفران لنفس الطوموبيل لي كان راكبها أسيرم

زاادو بزربا ركبووو..فلووطووو..شافوو لور..

...:قطعنا لفران اسييدي

شااف فصبعوو مبتاسم

يونس:بسبابو خصرت صبع..ودابا غيخصر روحووو..معرفش معامن حصل(جمع ضحكتو..خنزر فيهم)تحركووو..خصناا لقاوها شحال قدهاا تغبر ..

....:ولكن اسيدي عندك طيارتك ليوم.

يونس:ونتوما اش تديرو اه؟خدمتكم تلقاوها وخا منكونش انا..تحرك باقي شي سويعات على طيارة..لعدنا ششي زهر نلقاوها فيهم

دوز يدووو على راسوو..كيتنفس بجهدد..

اسيرم:وشش شي لي وقع كااان يستااهل أااا وش كااان يستااهل تااخد رووووح معاد

ضحك بقهقهة ..عالياااا...كيضحك وكولو كيتهز..جاتو هسيرية دضحك

يونس:اكيد كيستاااهل..صببع وااحد مني تتساوي رووح..ولكن نتاا لي غلطتي حيت تدخلتي..

أسيرم:كن رجع بيا زمان لوور..

قاطعو

يونس:مغدخلش ياك

اسيرم:كن دفنتك دااك نهار..

حطط صبعوو على زناد..معصب من هضرتوو لي استفزاتو

يونس:نتاا ماشي فبلاصة لي خصكك..تهز علياا..نتاا فمحل ضعف..

عينو على اخلاص..الخوف باينين فنضراتوو..

يونس:خفتييي.

أسيرم(ميل وجهو)عندااك تقييسهاا.

يونس:مغنقيسهااش..حسابي ماشي معاها..ولكن مغنقيسهاش فحالة هزيتيي..ديك لمطرقا وهرستي عظاام يدك..وخليتيني نتلدد بغواتك

إخلاص:(كتحرك راسها بلا)عنداااك تسمع لييييه عنداااك هاااد لمريض هدااا متخلييهش ينزلك لعندووو..

يونس:واااحد ..جوووج..(حط صبعو على زناد)تلااتة..

برد على زناد..مخلي راصاصة تخرج..جنب .وضحكتووو عالية..فحين اخلاص غوتات بجهد سادة عينيها..وأسيرم حس بقلبووو وقف فديك لحظة.

يونس:لولى فلحيط وتانيا فراسها..(رجعوو حاطوو فراسها)

اسيرم:غندير شنو مبغيتي..غير طلقها ياك حسابك معايا

إخلاص:لااااا وش حماقيتييي أسيررررم عندااااك(بالغوات)متسمعششش ليييه

شاف فيهاا..بنظراتوو..لي غارقين فيهاا..مكرهش يزيد عندها يعنقهاا...ولكن عارف بلي هي بين يدين حمق..خصو يفكهاا..ولو على حساب عمرو.

زاد حدا طبلة..

كتحرك راسهاا بلاااا دمووعهااا نازلين وشفايفهاا كيرجفووو...

نطقات بصوت مبحوح ..صوت لي تبح بكثرة لغوات.

إخلاص:لااا.(كتحرك راسها بلا).لااا

يونس(مشير بسلاح عليها)يااااغتهرسهمم يااا غنطلق..يلاه أسيي طبيب ختااار بين مرتك ..وبييين خدمتككك كجراح

إخلاص:خدمتووو خدمتووو(غوتاااات بجهد منين هز لمطرقة وضرب يدوو بجهد)لااااا لااااا حرااام عليييك حراااام...لاااا لاااا...

حانيي راسوو شااااد فيدووو كيتوجع...حاااس بروووحوو خرجاات..مع عضاموو لي تهرسووو...

هزز راسوو فيه...بعيونو ليي ولات نقطة ددم حمرااء..

أسيرم:يلاااه طلقهااا..درت أشش بغيتي طلقهاا

يونس(ضحك بجهد)أنااا مصدووم.؟.ياااك خدمتك هي اول حاجة فحياتك..آه دنيا بدالة..ولكن أسي طبيب تهراس كيداوا مع لوقت...(شاار لشاقور بعينو)هزوووو وقطع صباااع يديك..هكداا غنتأكد بليي عمرر غتقييس دااك لمشرط.

إخلاص:لالا...قت.لنيييي...أسيرم عنداااك دير شييي حاجة بحال هكدا...شوف موتييي مغيأترش..انا ونتا غير شهور مع بعضناا..ولكن(تتشهق بجهد)خدمتكك هي عمركك ..مغتقدرش بلا بيهاا..

كيشوف فعيوونهاا...رموشهااا لي فازكيين بدموووع..خدودهاا حومر .ورجفة شفايفهاا..

ميل راسووو..

أسيرم:سمحيي ليي ..وعدتك غنخليي حياتك جنة..سمحي لي موفيتش بوعديي .وبكاو عيوونك..

يونس:(حط يدوو على لزناد)كنفهم من هاد لاعتدار بلي ختاريتي يدك..يلااه أمدام توادعي مع راجلك ددابا باش تمشيي لرااجلك لااخر..

إخلاص:بالعكس نتا لي سمحليي كنت حمقا.. أناا قلقتك مني بزاف سمحليي

ضحك بعيون دامعا

أسيرم:كنتي حمقا وغتبقاي طول عمرك حمقاا..وش كضنيي غنختار يديي علييك؟

حطط يدوو على طابل..وهواا تيتوجع مقدرش يحركهااا...هزز شاقور.

إخلاص:اشش تدير..عنداااك عنداااك..أسيرم لااا عفاك لااا عفااك(شافت فيونس لي كيضحك بجهد) طلق عليااا طلق..متخليييهش يديررر هكدااا عفاااك الله يرحم ميمتككك..

تتحتك مع لكرسي وتنزل فلحبل. بغا تفك راسهاا وتنوووض..كتحرك كييف شيي حمقة.كتشهق بجهدد ..كدور راسها يمين وشمال وشعرها مغطيي وجهاا...

حبسات لحركة..هزاات راسهاا..حالا فمهااا..وموسعاا عينها لي عامرين ب دموعها..منين سمعات لضرباا دشقور.

كان ناعس على ضهروو..لابس غير شورط..ولفوق عريان..

تهزز منين حس بيها تتحرك..فيه باش يفيق...

بدورها يلاه فايقا كانت بقا بشوميز دونوي فزيتي

إيناس:نووووض تحرك نووض.

حرل عينو بثقالة..كيشوف فيها

عدنان:اشنووو واقع

إيناس:علااااش مكولتيش ليي بليي نضال مريضة وعندها عملية ليوم

عدنان:منين عرفتي

إيناس:من الممرضة لي .

قاطعها مهزوز.

عدنان:ليووم كفااااش ليوم..اكيييد ممدخلوووهاش بلاا بيااا..

ناااض بجراا..

عدنان:فييين تيشورطي..

شافتو فلارض هزاتوو لاحتو عليه..

لبس بلخف..وتم..خارج..زادت تابعاه..بجرا.

إيناس:غنمشيي معااك.

عدنان:(طلعها وهبطها)غتمشي هكدا؟

إيناس:مالها اش فيها

عدنان:محدك قبلتي تزوجي بياا الا وغنقب مككك.

زااد غادي بجرا..فحين هي وسعات عينيها مصدومة

إيناااس:واااات؟

شااافت لشاااقورر لي تضربات ديريكت فيد يوونس..مطيحاا من يدوو سلاح..ومخلياه يطييح..كيتوووجع..ليديييه لييي ..لي تفلحاات..لحموو تحل ودمووو ساااح..

زاادت تتجبد يدهاا..من لحبل..واخيرا نزل ..من يدها لي ولاو حومر وكلهم مجروحين..

حيداتو وفكات رجلها..ناضت بجرا..غادة عندوو تتشهق وتبكيي..بجهد.

وقفات تتشوف فيه..شاد على يدوو..حانيي..ضربا لي ضرب خلاتوو يحني كولو..جنب..يدوو كتقطر بدم.

ماشي غير عضامو لي تهرسو تا لحمو تفلح..صدرو كيطلع ويهبط..كياخد نفسو بصوت مسموع.

العرق نازل من خصلات..شعروو لي نازلين على وجهوو..تتشووف فوجهوو ليي نقطة دم..متدوور فيه..وشفايفوو لبوويض..الناشفين..لمشققين..

كيتنفس بجهدد...زااد عندهاا بخطوات سراع..وقف اونفاص معاهاا..

حط يدو على خخدها..كيمسح دموعها.

بصوتو لباح نطق.

أسيرم:نتيي بيخير أاا؟مدااار لك والووو أاا؟

كتحرك رااسهاا باه..وهي شهقتها لي تتسمع.

هزات يدهاا..حاطاهم على وجهوو..كتلمس لحيتو بريوس صباعها..ودموعها نازلين..

إخلاص:أسيييرررم

أسيرم؛وشش قاسك أاا؟وشش ضربك أاا؟

كيهضررر كيف شيي حمق.

كيسولهاا على حالهاا..

وش مضرهااش ووش مقاسهاش؟كيتفحصهاا بعينووو..كيف شي اب كانت ضايعا ليه بنتو ويلاه لقاهاا.

بغاااه يسكت..بغااا هي لي تهضرر..بغاا تقوليه بزاااف...قلبهااا تقطع على حالتوو..وزاد تقطع..حيت ممهتمش لراسو كل إهتماموو تصب عليها.

نطقات بصوتها لباكي..

مخرجهاا إسموو..مع شهقتها

"أسييرم"

شااف فعيوونهاا..بعيونو ناعسين..قبل ميزيد يهضر سكتاتووو..بقبلة على شفايفوو السخونين..

كانت قبلة..بطعم المطر..قبلة سقااات شفايفوو الناشفين..لي كانوو شبه ارض جافة..جاهاا الفرج على شكل غيث..

بعدات عليه تتشوف..تنفسس بجهدد..حسس بروووحووو رجعاات لييه من قبلتها..هي بدورها معرفاش اش تدير..بغاااه غير تخليه يركز على راسو..

إخلاص:سمع ليي..(شافت فيدو)يدكك..خلينا نمشيو لطبيب.

هز يدو..كيدوزها على شعرهاا..طبع بوسة..فراسهاا..

نطق اسمها"إخلااااااص"تبعاتووو تنهيدة طويلة.

بعد عليها ومن جديد رجع.

كيتحسس وجهاا وجسمهاا كيف شي حمق..لاااحض..جرحهاا لي على وجهاا إثر ضرب لي خدات.

نطق وهواا بارك على مخارج حروفوو.

أسيرم:ضربك؟!

إخلاص:(كتبكي وتهضر)يدك..يدك. اسيرم يدك.

أسيرم:هززز يدووو علييييك..

بلحررر ولعصب زيرؤ على لكمة يدووو...مخلي نقيطات دموو يتعصروو..لحريق دعضاااموو..مكاانش كبيرر من لحريق دقلبو..منين تيتفكر بلي امانتوووو تقاصت

عينوو على يونس..لي طايح شاد فيدوو كيتوجع..

عينووو لييي كتنتااافض بلغضب..وعروقهاا رقاق ولاو نقطة ددم...ولسانوو كيردد

"ضربككك"

مراقباا نضراتووو...عارفااه مغيدوزهااش ليه...

جامعاا وجهو بين يدها...

وبصوتها الباكي تتهضر.

إخلاص:شوووف فياا..خليناا نمشيو..أاا صافي خليه اناا بيخير هوا مجرم..خليناا نمشيو..عفاااك خلينااا نمشيييو..

حول عيونوو ليهاا..كيحرك بؤبؤ عينوو مع حركت بؤبؤ عينها..كيشوووف لدموعهاا لي نازلين على خدها..

أسيرم:سمحيليي..حيت بسبابي بكيتي..مغتعاودش

شافت موراها..منين سمعات صوت شخص داخل..بسرعة شدات فاسيرم..بغا تحميه..خوفا ليكونو رجالو.

دخل كيجري هوا وراجل لي معاه..نطق بلغوات.

عزوز:لااااش جيتي بلا بيا قلت لك عايني

زاد واقف حداه.

عزوز:كيف دايرا امرت خويا بيخير ونتاا بيخر.

أسيرم:خرجهااا

عزوز:كف.

اسيرم(بالغوات)خرجهاااااااا.

إخلاص:(كتحرك راسهاا بلا)مغنخرجش لااا مترجعش عندوو..

شاف فعزوز:لكنت بصح عزيز عليك غير شويا خرجهاا..

دور عينوو منين سمع صوت البوليس..

عزوز:لبوليس وصلوو خليهم يتكلفوو(حطوو يدو جار إخلاص)خلينا نخرجوو لبوليس غيتكلفوو..

جرهاا هوا وراجل لي معاه بسيف..وهي تتضرب وتغوت..مبغااااش تمشيييي..

زااد..واقف على راس..يوونس..حااط رجلووو..على يدووو..بارد عليها..

أسيرم:ياااك قلت لك لقربتي لها غندفنك

نزل من لوطو بزربا..لقا احمد كيعاينو

أحمد :منين دخل مخرج

داوود:ونتاا اش تدير هنا لاش مدخلتيش

احمد :كنعاين امرك..

داوود:(جبد سلاحو)غنشوف لداخل..نتا ودراري حاوطوو لبلاصة..

صوووت الضرب كاان..مسمووع..شااانق على يونس لي ولا كييف شييي شرويطة..فيدوو..دم خارج من فمووو...ونيفوو

اسيرم:الا نتاااا مريض انا راني حمق

دفعوو مطيحوو...

نااض يوونس بجراا..دخل فاسيرم..جااارووو بجهدد..تاطيحوو على ديك طبلة...

هززز مطرقة ..طايحاا..ورجع..ضربو فيدوو..لي مهرساا...مخلييه يتوجع ويشدد..عليها..

نااض بجراا..ضربوو اسيرم..برجل جاابوو..طايح..زااد..كيزحف..منين بان ليه سلاحو..هززوو..وناض..مشير لجيهة اسيرم..

يونس:(كيضحك ودم سنانو باين)باي باي..

شااف فجنب منين سمع صوت داوود..لي مصوب سلاحو عليه.

داوود:متحركشش..لفكرتي تطلق غتموووت.

يونس: للاسف انا مجرم..اول مشيدتوو فكرت اني نطلق(حط يدو على زناد)

كيشوف فاسيرم لي واقف شااد فيدوو..مخنزر فيه..

داوود:للاسف انا بوليسي خدمتي نصفيها للي بحالك(حط يدو على زناد)

أسيرم:الغابة تتحتاج للي بحالنا ولكن لي بحالو لاا..على داكشي باي باي..

بلا سابق اندار برك على زناد...جهة اسيررم.. مخليي رصاصة تخرج تختارق جسمووو.

وبزربااا..حولها لجهة داوود..طلق رصاصة هوا وداوود فنفس لوقت..ختارقات جسمهم بجوج..

كاانت خارجاا مع عزوز..جارينها وهي مقادا تا تمشى..شاافت فيهم منين سمعات صوت رصاص..نطقات ودموع محجرين فعينيها

إخلاص:أسييييرم..

غوتات لربييي لي خلقهااا..باسمووو"أسييييييييرم"

زااادت تتجريييييي..وهي تتبكي وتنخصص.وتررد اسمو بلغوات

وعزوز تابعهاا..وهوا كيردد "سي طبيب"

وقفااات مكاونسياا..حداا..لباب..منين شافتهم بتلاتة طايحين غرقانين فدمهم..

شهقات بجهد..قبل مطيح على طولتها سخفانة..

كانت لعملية غادية..نشااان..للحظة..نبضهاا.نزل..

سكينة:نبضهاا شحال؟

....:50 ادكتورة..لمريضة كتعرض لنزيف..

سكينة:(بصدمة)لاااا...لااااا..ميمكنش

شاافت مصدومة..منين سمعات لصوووت لآلة دلقب صوت..لي تصدر منين لقلب وقف..فوسط لعملية..

غوتات الممرضة:فقدنااااا المريضة

يتبع...