تزوجتها بوصية زوجها الجزء 13

"بعد لحظات"

داااخل بييهاا لمستعجلااات...كيجريي...غوووت باعلى صوووت ...

أسيرم:عيطووووو على جراح قلب وشرايين دغيااااا

بجرااا حطهااا...على لبياص..ولي فلمستعجلات..دايرين بيه...

ركب لييها لاكسجين..ولالات..

نطقات الممرضة منين شافت نبضها نازل فااش بان على ساشة.

.....:دكتووور نبض لمريضة..

شااف فشاشة ورجع شااف فيهاا..

أسيرم:غيررجعع غرجععع..حقنييي لهااا .....

كلس يسعفهاا ...مع لممرضة ولي دايرين بيه...

زادت عندهم تتجري..

سكينة:اش واقع هنا؟

أسيرم:قطعات عروق يدها...وقفت نزيف..ولكن نبضهاا بااقي مرجع خسرات بزاف ددم

تقدمات تتفحصها

سكينة:شنو زمرة دمها

اسيرم:O سلبيي(شاف فلممرضة)وجديي اكياس دم دغياا

الممرضة:ولكن ادكتورة..هاد زمرة مبقاتش لكسيدة لي وقعات..مؤخرا استعملانا O سلبي..حيت هاد زمرة تتعطي لكولشي

أسيرم:ولكن تتاخد غير من لي بحالها على داكشي قلبي على دم ودابااااااا

كتشوف فيه كفااش كيغوت ويهضر..ويامر..

سكينة؛واش تتجيك؟

أسيرم:هي مرتي..مرتي اناا لي قدامك

تنهدات:وحدة مزوجا بواحد بحالك فكرات تنتاحر..غندير جهدي

أسيرم:مبغيتش جهدك..بغيتها هيي..

سكينة:غنقلوها لعمليات..ولكن خصناا دم..

وقفات لممرضة عليهم..

....:ملقيتش من غير كيس واحد

سكينة:مكافيش

أسيرم:نقلييهاااا...انا غلقاا دم..

حركات راسها بوخاا..جرووهاا...مدخلينها لعمليات..

دخلات تتجري مع لمسعفين..تتغوت بجهد

نورا:عتقووو بابا عتقووووه..عاونوووونيييييي..

زادوو كيجريو منين شافووه فوزيي...

نقلووه بزرباا لبياص وهي معاهم..وصلوو لخبار لاطباء لي فلكلينيك..ثواني تا بداو يتجمعوو عليه..شكون هدا لي ياخد شرف انو ينقد مول لمرابطين..

كيفحصووه..وهي واقفا تتبكي وتنخصص..

نطق واحد من لاطباء..

.....:غنقوووله لغرفة لعمليات..وجدوووهاات(شافوفنورا)شنو زمرة دمو؟

نورا:Oسلبي

....:وجدووو اكياس منo سلبي

نطقات الممرضة:كان كيس واحد خداتو مريضة دكتور اسيرم..وراه شويا وغيدخلو لعمليات

نورا:سيريي جيبيييه...تاحد ما اهم من بابا فهاد لكلينيك .نقطة ددم متعطا لغيرو

كانت كالساا مع بنتهاا..كتمشط لهاا..شعرها

شافتها تتحرك..يدها وتهضر بلاشارة..صغرات عينيها تتحاول تفهم..لكن بلا جدوى..

وخا فصبح تقيل حضياها..وفليل..تتحاول تعلم..لغتها..لكن مزال مقادة..تفهمها او تواصل معاها..

ساطت بجهد...منين عرفات ماماها مفهماتهاش..شاارت لها لكتاب رسم..

مداتو لها

نضال:بغيتي هدا..سمحي لي ..غيجي نهار ونفهمك..صبري على ماماك..

شدات لقلم كتبات لها..ومدات لها دفتار..

فيروزة:قلت لك بغيت ضفيرة

وسعات عينيها منين قرات اش مكتوب..ولفرحة بانت فوجها منين..عرفات بنتها قادة تتكتب..

نضال:وخاا غنديرها..لك..

شدات من عندها تتكتب

فيروزة:امتا غنخرجو من هنا بغيت دارنا؟

نضال:باقي لحال احبيبة جرحك جديد..وخصك عناية طبية

فيروزة(بالكتبة)نتي طبيبة..غتبقاي معايا..

هزات راسها منين دخل..باباها..

بدات تهضر معاه بىلاشارة..

فيروزة:بغيت نخرج من هنا انا كنمل..خلينا نمشيو لدار..ماما راه غتقبلني عفااك بابا

داوود:غدا غيجي طبيب..ونقوليه اش قولتي وهوا يجاوبك..

نضال:يلاه رجعي تكاي حبيبتي..ورتاحي..

تمات نايضا..زاد عندها واقف اونفاص معاها..مد لها ميكة شادها فيدو

داوود:عشااك .كولي باش متسخفيش

نضال:(شداتها)شكرا لك..

فيروزة:(بالاشارة)شكون غيعاود لي ليوم قصة

داوود:اناا..خلي نضال تاكل.

زاد كالس حداها..هز قصة كيعاود لها..فحين نضال واقفاا جنب تتشوف فيهم..

شاف فيها بنص عين..غير شافتو كيشوف..زادت تكلس..تااكل..قبل مدوق لقمة..سمعاات سميتها

"دكتووورة نضال الصالحي مطلوبة لمستعجلات"

تمات نايضا

نضال:محدهم عيطو لي وعارفين حالتي الا وحالة مهمة..بقاا مع فيروزة

تمات خارجا .حبسات منين نطق

داوود:مكاين لاش توصيني..مولف نتي تمشي وانا نبقا معاها

كيهضرر فتلي بصوت مسموع...لعرق نازل من جبهتوو..وصدرو كيطلع ويهبط...

بحالا طالع فجبل..ولا كيجري...

فحين هوا كيتجارا مع لوقت باش يعتقها..

....:هاد زمرة قليلة وناس لي تيتبرعوو قلال

اسيرم:عارف بلي زمرة قليلة...وعارف ماشي كلشي عزيز عليه ينقد رواح..ولكن انا خص نقد روحي..

....:نتاا عاونتينا..بزاف فهاد سبيطار صغير وليوم مغناخلاوش على روح غاليا عليك..دكتور كاينين عندنا هنا فلخزان غير ربع داكياس دم ..من o سلبيي..وغنصيفطهم لك..شي نص ساعة ويوصلو

اسيرم:نص ساعة..لا بزاف...عندكم لانبلونص فسبيطار..ديالكم..

....:اه ..فهمت غنجيبهم فيها ..ربع ساعة وانا تم..

قطع علييه..وهوا كيتنفس صعداء...

"بعد اكتر من ربع ساعة"..

كانو ضايرين بيه لاطباء فغرفة لعمليات...كيشوفو فبعض .دخلات لممرضة..ومعاها كيس ددم..

نطق واحد منهم..

...:هاهيا جات خصنا نبداو

...:كفاش غنبداو..بكيس واحد..متخليش حماسك بانك تنقد مول شي يخليك تخربق

.خصنا دم..ولا مغنبداوش..خرجي علمي بنتوو..تقلب على دم من عائلتو..

غادة جاياا...زادت بجرا منين شافت لممرضة..

نورا:واش بداو

الممرضة:كيس واحد مكافيش..خصنا دم

نورا:وااش كتاخدو دم من شخص كيشرب؟

الممرضة:شحال من ساعة باش شرب

نورا:شي جوج

حركات راسها بلا..

رجعات شعرها لور..غوتات بجهد..

نورا:غنتقلبي لي على دم فهمتي تتقلبيي عليه وخا من تحت لارض..ولا مبقات لك خدمة هناا..

الممرضة:واحد سبيطار سيفط دم..ولكن ماشي لباباك لمريض..دكتور اسيرم

نورا:بلغوات:سيري جيبيييييه..

الممرضة:كفاش غنجيبوو اكيد مغيعطيوهش ليي..لكيس هزيتو على غفلة منهم

نوراا:ماشي سوقيي...تاحياة مقبل حياة بابا...وريني فين دم..وانا غنتكلف

طايحا فلارض ..صدمة باينا فيهاا...كتشبه لزومبي كتر متشبه لبشريين...ناضت تتميل...شافت لدم لي باقي فلارض...وحولات نضرها بتقالة..لتيلي...شداتو مصونياوبعد ثواني جوبوها

عبلة:الو لبوليس...بغيت نبلغ على جريمة قت ل

شافت سكينة..فطاقم لي معاهاا..طبيبة التخدير وممرضتها..وطبيب المساعد ديالها..ولممرضة لي بغا تعلق دم....

سكينة:(موجها هضرتها لطبيبة الانعاش وتخدير)خليناا نبداو

شافتهاا تتغوت مور زاج..

سكينة:مديوهاش فيها خليونا نبداو.

المساعد:هاديك بنت سي فوزي..لمخرجناش ادخل..وهي ممعقماش

سكينة:خليهاا ركز على خدمتك..

دخلات الممرضة لي كانت معاها..بعد ملبسات حوايج لعمليات

هي:بنت سي فوزي..كطلب دم.لي هنا يتعطا لباها

سكينة:كفاااش ؟؟واااش نتي مريضة..

المرضة:غنديي دم ولا غتجري عليا

زادت تتجمع اكياس..دم...وخرجات بجرا..

تبعاتها سكينة..شداها من كتفها..برا..

نورا:طلقيهاااا...هاد دم لبابا

سكينة:دم دمريضتييي كوني شكون مبغيتي تكوني معندكش لحق تاخديه

نورا(للمرضة)جري بيه لعمليات

زادت بجرا..يلاه بغات تبعها..شداتها من يدها

نورا:دم بابا معندك فين تمشي

سكينة؛دم مريضتييي...واااش نتي مريضة..بغيتي نخلي مريضتي تموووت؟؟؟؟

نورا:ماشي سوقيي...لمهم بابا غيولي بيخير

سكينة:ولمهم مريضتي تولي بيخير

نورا:.تاحد مخص يفضل شخص على بابا فهمتي..نتي مطرودة..هانتي تخلصتي من مسؤولية تنقديها

سكينة:شكون نتي باش تجري عليا؟؟

نورا:بنت مول شي..والوريثة الوحيدة دهاد لكلينيك

سكينة(بلعصب)واااتييي سيييييري تق...ي تايموت باك عاد اجي جري عليا...خريا دجوج دريال..

وسعات عينيها

نورا:بحالا عيرتيني

سكينة:ماشي بحال رااه عيرتك..عندك زهر تبعانيي حالة صعيبة...امااا كن رضيتك عند باك..

زادت داخلاا..منين عيطو..لها...عقمات راسهاا..ولبسات..لباس لعمليات..وتحل زاج دخلات...

تحركات نورا من تم..

فحين سكينة .شافت فطاقم

سكينة:سرقو مناا دمم....اعضم كلينيك فلمغرب سارقين دم..ومنقدرش نخلي لمريضة ونخرج ندابز ونتبعهم حيت كولشي باغي ينقد مول.شي..فين اسيرم؟

الممرضة:فاش جبت دم كان مع لي جا..(سكات)هاهواا جاي..

شافووه جاي لابس لباس لعمليات..تحل زاج داخل.شافهم مزال مبداوو

غوتت بجهددد..

أسيرم:دمم وصل منين وصيت عليه لااااش مزااال مبديتوووو العملية

سكينة:دم لي جبتي..داااوه

.وتاا داك لكيس لي كان داااوه..

أسيرم:داااوه؟شكوووون دااا دم مرتي

قبل متجاوبو غوتات لممرضة

.....:دكتووورة خصنا نتحركو مؤشرات لمريضة كيتراجعوووا...كنفقدوو لمريضة....(خرجات عينيها)قلبهااا وقف

دكتورة الانعاش:حقنيي لها1 ملغ من الاتروبيين...

سكينة:وجدووو لانعاش لكهربائيي

كيشوووف فيهمم..كفاااش كيتجاراو باش يرجعوهااا...كيشووف فيهم بلا ميتحرك...دم فعروقوو جمدوو..ورجليه جمدات على لحركة...اشهر جراح فلمرابطين...ولاا مجرد سرااب ليوووم..

حاااس بقلبووو غيخرج..من صدروو...قلبوو ليي بااغيي يمشي عندهاا...ويعاتب نبضات قلبها لي وقفو ونبضاتو مزال؟

شافت فيه سكينة وهي تتلهت وشافت فانبضها

سكينة:رجعناه..ولكن لمبديناش فاقرب وقت نقدوو نخسروها بمرة

عروق راسو بارزين..ودمعة محجرا فعينووو...سرط ريقوو..نطق وهوا كارز على سنانوو

أسيرم:شكوون داا دمهاا

سكينة:بنت عمك جااات داتو لعمك.........

زاااد خااارج...من غرفة لعملياات..لاح لباس لفوق دلعمليات..فزبل..وزااد..

متوجه لغرفة عمليات عمووو..بانت ليه فلكولوار...غير شافتو ناضت

نورا:مغنخليكش تدي دم لبابا لمريضتك..

زاد قاجهاااا ..جارها تا لصقها مع لحيط..رفقعهاا بيدو...عروق راسو قربو يطرطقوو..وبعينووو الحمرة كيشوووف فيهاا..

أسيرم:مرتييي هاديك ماشي اي مريضة...مرتي لي ندفنك نتي وباك وطاسلتك على قبلهاااا..

نورا(كتكحب وتهضر)وااش نسيتي بلي بابا رباك أاا ..

طلقهاا طاحت لارض

أسيرم:منين الامر كيتعلق بمرتي كنسا كلشي ..

تم غادي.لغرفة لعمليات..شداتو من رجلو وهي طايحا تتبكي..

نورا:الله يخلييييك..على قبل بابا واش عطاك على قبل خيرو متاخدش..دممم..

أسيرم(مزير على لكمة يدو)تبرعي ليه نتيييي.دمها ميتقاش

نورا:منقدرش انا شربت شوياا..

دفعهاا وتم داخل..

نورا:عفااك عتقووو هاد لمرة..لمات ماما غتشد فلحبس حيت ضرباتوو..هي لعائلة لي كبراتك غتشتهها..قلب على دم فجهة خراا وعتق عائلتناا الله يخليييييك...

دار بثقالة..

اسيرم:ضربااتو؟

قرباتو لو شادة فرجلو من جديد

نورا:اه عونها عفاك..عتق عائلتناا..

انا سرقت دم باش نعتقنا..

دفعها برجلوو

أسيرم:حسابي معاك من بعد..

تمم غادي..فحين هيي..شدات على راسهاا تتنفس منين مشااا..

دازت لحظات...كتشوف فطاقم..وهي كتحس بلعجز..مقدا دير والو بلا..دم..لوقت كيدوز...ولعمر كينقص..واي ازمة خرا غتفقد لمريضة..

حنات راسها باستسلام .منين فكرات بليي دم مغيجيش..

كانت خارجا من مكتبها...شافت لساعة..لوقت مشا..خصها توجه لدار..وقفات مكوانسيا..منين سمعات صوتو..كيتردد..فارجاء لكلينيك...

مقرب شفايفوو..لمكبر صوت..شفايفو لي كيرجفوو بيهم نطق بصوت طاغي عليه الحزن والعيا

أسيرم:نداااء..هاد لمرة مغيكونش نداء لاطباء(حرك راسو بلا)..انا كنعيط لاي واحد فهاد لكلينيك....أنا أسيرم..مرابط.. جراح الدماغ..(كرز على سنانو)اه انا هوا لي تصوريتو فدخلة دلكلينيك...انا هواا ليي هوا لي كيهضروو عليه لجرائد والصحف وكيوصفوه بالجراح الاسطوري..ولي كتجيو على قبلو لهنا.. دوزت سنين طويلة فغرف لعمليات..وانا كنحل فريوس بنادم..ونعتق فرواح...اغلبية سمع بهاد لاسم اسيرم مرابط.

(سكت للحظة).تيقوني كاع هادشي ممنو والو انا واحد عاجز..واحد ضعيف واحد مقادرش يعتق روحو....(حط يدو على صدرو كيضرب فيه)روحيي تتحرق..والماء مقادر يطفيي هاد العافية قلبييي تيتمزززق ..ومقادر ندير والو..انا.ليوم انا كنحتاضر...شكوون ينقدنيي؟؟(بلع ريقو)شكوووون ينقد اسيرم مرابط أا؟؟؟ العجز...(سكت للحظة)اناا عاجزز ليوم وهدا اصعب شعور...مقادر ندير والوو بلا قطرة دم...دم لي جبت لمرتي تسرق من غرفة لعمليات..خليكم(كرز على سنانو) من لبرستيج لخاوي..كاع سبيطارات عامرين بولاد لكلاب..وكنحلف لكم دلمرابطين غنحرق روحهم قدامكم كيف حرقو روحي.فاش اتفيق مرتي..

ولكن عتقوو هاد روح ..شيي حد يعتقني..

"نداء" من طبيب.كيحتاضر..لناس لي فلمرابطين..اي واحد فيكم .عندو زمرة دم،Oسلبيي..ومكيعانيش من امراض تمنعوا من انو يتبرع...يجيي...ويتبرع لمرتي...نتا بالنسبة لك نقطة دم

.انا هاديك راه روحي.

عتقت بزاف دناس وش مغلقاش شي حد يعتقني ليوم؟؟.(نزلات دمعة حارة من عينو شاقة طريقها على لحيتو)مرتي تتقولي معنديش مع تعبير..وانا ديما كنفضل نسكت حيت عارف عندها لحق ..ولكن ليوم حتاجيتوو .و كنتمناا تعبيري الخايب يقيس قلب شي حد و يعتقهاا..(شد على راسوو ساكت للحضات ..وبصوتو ال باح نطق).هيي متتستاهلش اش كيوقع لها..انا باقي باغي نعيشها حوايج زوينين..هي عانات بزاف..مبغيتش نخسرهاا..مغنقدرش بلا بيهاا..انااا كنمووت وااش كتسمووعنيي انا مقادرش نتنفس ولاكسجين لي هنا منافعنيش..دمكم لي غينفعني...عتقوو لي بجغوطتيي..انا مغنقدرش بلا ضحكتها..وعفويتها..مغنقدرش بلا بيهاا..(سد عينوو )عتقوووهااا رااه لقلب مقادر يصبر على حالتهاا..عتقولي بنت روحي هي كتموت وروحي مقادرا على فراق بنتها عت ق..

دار منين تحطات يد على ضهرو

..انا غنتبرع لك..

خرجاات وهي تتجر رجلهااا...منين سمعاات...صوت لوطود البوليس..

حلات لباب ...شافت بوليسي واقف فلباب ..قبل مبنطق..

مدات يدها..

عبلة:انا لي عيطت..(سرطات ريقها)اناا لي قتلتتت راجلي..شدوني عفاكم..

شااف فصاحبوو مستغرب..شار ليه يدخل لدار..فحين هوا حط لهاا لمينوط فيدهااا..جارهاا..

داار كيشووف فيه...كان شااب من لعشرينات..مبتاسم ليه..

....:انا غنتبرع لك ادكتوور..يمكن نتاا متتعرفنيش..ولكن انا بالنسبة لي اسيرم مرابط بطل حياتي...انا ولد شيفور لي دار كسيدة..وعتقتيه..وانا غنعتق مرتك..

ميل راسوو كيشوف فيه...دخلات مورااه بنت ف 19 من عمرهاا..جاراا خوها صغير فيدها..

....:تا انا غنتبرع لك...ماما تتعالج هناا..وبفضلك تتحسن فلوقت ليي بزااف رفضوو يشدوها حيت حالتها صعيبة...نتااا نقدتي روحي تا انا غنقد روحك..انا عنديO سلبي

نطق لولد صغير...

"تاا انا بغيت نعطيك دميي "

...:تا خويااا دمو بحالي وقلت ليه نتا صغير مي بغا يجي معايا

زااد عندهم ..مقاادرش يخرج لهضرا من لموقف ليي تحط فيه..احاسيس كثيرة تخلطات عليه .كفاش هاد شباب غير سمعوو نداءو جاو يجريو قبل تا ميساليه...

بصوت مبحوح...نطق..

اسيرم:شكراا (سرط ريقووو)ليكم...تبعونيي..

توجهوو معااه..فين كيحدوو..دم...دخلووو..بعد ما لممرضة ..عبرات مؤشراتهم...بقاا واقف عند راسهم..كياعينهم..حنا راسوو منين جروو لولد..من حوايجو

الولد:خوود دمي تا انا

مد ليه يديه..حنا عندو شادها ..بايسها..

أسيرم:فاااش غتكبر غناخدوو..دابا نتا صغير

الولد:واس غنعتق ناس بيه..

حرك راسو باه:بزاف دناس

الولد:من ليوم مغنبقاش نجري ونطيح..باس نجمع دميي لناس فاس غنكبر غنعطيي بزاااف ددم..

"حل يدوو ببزاف"

عنقوو اسيرم عندوو..ولغصة فقلبوو..

تهز منين دخلات تتجري..جارا ممرضة فيدها

إيناس:هادي عندها o سلبي خدامة معايا(كتلهت)منين سمعت نداء ديالك مشيت فيقتها..

الممرضة:اه انا انعطيك دمي ادكتور مكنعاني من والوو.

زادت عند للممرضة لي تتحيد دم

ناض عند ايناس..حااط..يدو على كتفها..

أسيرم:شكراا لييك

إيناس:حناا اطباء أاسيغم..كنقدو روح لمرضى..وكنحاربو على روح واحد مناا..روحك اتولي بيخير..

دقااايق...تااهزز اكياس دم خارج..باش يتوجه..لغرفة لعمليات...جمد..منين شاااف..صفف دناااس برااا.. وكلهم جاايين يعطيوه دم.

شافت فيه الممرضة مستغربا

الممرضة:هادشي كولو o سلبي ..بزاف دناس مغتموتش..ولكن جاو يعطيوه لك ادكتور .وش ناخدوه وخا لقيتي دم مرتك؟

بصوت عالي نطق

أسيرم:شكرااا ليكم..حيت متخليتوش عليا...دمم.لمرتي لقيتوو..بزاف دناس بحاجة ليكم من غيرها..معنديش لوقت باش نشكركم..ولا نطلبكم تبرعو لغيرها..باختصار..رواح ناس عزيزة عند الله..متخلاوش عليهم..متخلااوش عليهم(شاف فلممرضة)غندي هداا باش يبداو..وصيفطي شي جوج اكياس لغرفة لعمليات..

كانو فغرفة لعملية...

الدكتور:لقيت بلاصة نزيف...

تقدمات لممرضة..كتشفط دم..النزيف...

سيطر..عليه..وشاف فطبيب لي معاه

...:سيطرنا على نزيف..ومن زهروو مكانش شي تمزق كبير...نقدنا مول لكلينيك..من ليوم..تصويرة دكتور سمير وعادل هما لي غيكونو فباب لكلينيك

ابتسم ليه..لاخرر...شاف فمؤشراتوو تتراجع

دكتور عادل:لمؤشرات ديالوو تتراجع

دكتور سمير:كفاش تتراجع..وانا سيطرت على نزيف..

الممرضة:دكتوووور ترااجع

دكتور سمير:شحال .؟

الممرضة:50

دكتور سمير:دكتور لانعاش دير شي حاجة متخليهش يزيد ينزل...اشنو سبب هادشي..

دكتور عادل:ياكماا عندو نزيف فبلاصة خرا؟

دكتور سمير:ياك تضرب بلموس وصافي؟

الممرضة:منين جاا كان رعف..

دكتور عادل:راسوو ياكما تضرب فراسو؟

دكتور سمير:على هاد لحساب عندوو نزييف فراسوو

عادل:جرييييووو عيطووو على أسيرم مرابط

سمير:لجاا اسيرم شي مدرناه

عادل:مغنغامروش بحايتوووو....راااه غيموت فيدناا...حنااا هادشي كبر مناا...فرحتك خرجات عليناا..كن سولتي على حالتو ودرتي راديو..كاع ميوقع هادشي...

سمير:دكتور اسيرم شحال من مرة دخل مريض بلا راديو

عادل:دخلوو حيت باغي يعتقوو..لاعب على حياتو..اما نتاا هربتي بيه..ولاعب على طمع ...جرييييو عيطوو لاسيرم.

هزاات رااسهاا..منين دخلات لممرضة..ودم فيدها..

سكينة:خليونااا نبداو

حركات طبيبة لانعاش راسها:انا غنخدرهاا

سكينة:منين جاب دم

الممرضة:مسمعتيش نداء؟

سكينة:كفاش انسمع وانا مخشيا هنا

الممرضة:دكتور اسيرم طلب دم من ناس لمرابطين..وجابووه

سكينة:(تنهدات)دار لي عليه دابا نوبتنا(شافت فاخلاص)مغنخليييكش تخليييه..كنت ديما كنسول راسي على كيتاجاهلني..وليوم عرفت علاش

شافت فزاج..وهوا..كيشوف فيه..جركات راسهاا..باش طمنو..

بعد تخدير...

بدات فلعملية..

سكينة:كنتمنا ميعاودش يحط لها لمواس الماضيين فدار

المساعد:ضررات بزاف..نتمنا غير نقدوها بعدا

سكينة: بسيف علينا..لمنقدناهاش..غيحل لك اسيرم داك راس لي عندك ويقشر لك لبصلة سيسائية..(شافت فيه)شفط دم

هزات راسها فلممرضة:مؤشراتها

الممرضة:فطبيعي

بعد من زاج..خارج..من مساحة غرفة العمليات..غادي فلكولوار وهوا شاد على راسوو...

هزز راسو منين سمع نداء باسمو

"الدكتور أسيرم مرابط مطلوب لغرفة العمليات"

فلحالة لي هوا فيها داباا مقادرش يوقف تا على رجلو كفاش غيهز مشرط..

حطط يدوو على راسوو..لي غيطرطق

وقفات عليه..تتلهت

نورا:عتقووو عفاااك..عتقووو

شاف فيهاا بلا مينطق..

نورا:عفااك..رحموو...سمحليي على اش درت عتق ليي بابا عفااااك عتقوووو.

أسيرم:قلت لك حسابي معاك هوا لخر

فغرفة لعمليات.

عادل:وااش عيطتي ليييه..مالو مجا

الممرضة:مشات بنت سي فوزي تعيط ليه

سمير:اكيد طامع فيه يموت..ويولي فبلاصتوو خصوصا ان بنت فوزي بعيدة على ..

سكت من شافوو دخل..هازو يدو لابس حوايج العمليات..تسد زاج موراه..شاف فسمير

أسيرم:طمع خليتووو لك ...خديتي حقي وحق ناس كلهم..

تكات على لحيط تتفكر فهضرتو

أسيرم:قلت لك حسابي معاك هوا لخر..معاك ماشي مع بااك..

تمم غادي..وهي تابعاه..بجرا..

"بعد ساعات"

كانت خارجا من غرفة لعمليات...بعد معيطوو لها تولد سيزارياان وحدا من مريضاتها .

توجهات لغرفة بنتها..بعد ماا حيدات حوايج لعمليات..بقات غير بسكراب طبي زرق..

دخلات لبيتها...بان ليهاا..متكيي حاني راسو وهوا شاد لقصة..وهي ناعساا..

تنهدات بجهد..زااد بثقالة..غطات بنتها..وحيدات . لقصة من يدوو..حطات يدها على خصلات شعروو ..وعيونها محجرين بدموع..كتفهم علاش هواا قاسي معاها..

عارفاا بليي هي لي تخلات عليه..ووخا هكداك كاع مضرها وكره بنتو فيها..ومنين رجعات..وقف معاها فمرضها..ونسا كولشي..وعرات جرح من جديد..من طلبات لفراق...تنهدات بجهدد...

هزات يدها..مرجعا شعرها لقصير لوور..

زاادت جابداا صاك حوايجها..مبغاش تبقاا بسكراب..جبدات كسيوة فلكحل...ودخلات لدوش..

حيدات سكراب ولبسات..لكسوة..

مدات يدها بغا ترض .سنسلة..ومبغات ترض..وسعات عينيها منين حسات بيديه على ضهرها..

كان نااعس..فغرفة راحة..شاافت فيه لممرضة..وهي تتشوف فصحبتها

....:وااش معندوش داروو يمشي لها كيقيل هنا؟

نطق وهوا ساد عينو

ينيس:وااش سووق مك اطرينبوياا

تهزات منين هضر:بسم الله..دكتووور

ناض كالس وهوا مخنزر فيهاا...

ينيس:شحال ساعة؟؟

الممرضة:قريبة 2 دليل

ينيس:وماذا اعددتي لها؟

الممرضة:هااااء

ضحك بجهدددد...خشا يدو فجيبو

ينيس:حامضاا

توجه كيلبس لقبية على تيشورت بحكم لجوو برد وهما كيهضرو..على اسيرم ونداء..شافو فيه ممسوقش

الممرضة:وااش كنتي عارف دكتور اسيرم مزوج؟

ينيس:لاا ولكن كنت عارف تتحلمي يجيي يتزوج بيك ويخطبك وتعيشو داكشي دحبيني متحبينيش...ايييواا نوضيي على سلامتك

تهزاان من بلاصتها:كدووووب

ينيس:قلتو كان باغي دم وش لقاه

...:اه ادكتور علاش واش كنتي اتبرع اها

ضحك بجهد:كنت انشري ليه وااحد لكيلوو دلباربا يعصروو لها

خرج وهوااا كيضحك بصووت عالي

شافو فبعض..ونطقو دقة

"مريض والله تا مريض"

سرطات ريقهاا..وقلبها عند فمهاا..منين حسات بيدوو على ضهرهاا...طلع ليهاا سنسلة..وهوا مقرب منها..حسات بنفسو عند عنقها.وببحتو الرجولية نطق

داوود:أش كالت لك ماما قبل 6 شهور؟

بعدات عليه..دارت تتشوف فيه..ويدها فعنقها تحت شعرها..وكدور فعينيهاا...متجنبا شوفة فعينو

نضال:والووو مقالت والووو .

داوود:(ضحك باستهزاء)احتارمي خدمتي منين تبغي تكدبي علياا...لكدااب كنعرفوو من عينوو..ونتي بلا منشوف فيهم عارفك كدابة

كلاها مع لاڤابوو..قارن حواجبو كيشوف فيها

داوود:نتي قلتي بفمك كالت لك شي حاجة خلاتك تبعدي...الا مسولتكش ديك ساعة حيت ماشي وقتها..ولكن هضرتك..مغدوزش غير هكداك..اش قالت لككك؟؟

شافت جنب ..ودمعة فطرف عينيها

نضال:طلبات مني نبعد عليك ..انا عيشتك فلحلام وفراحة وراحة..وعلى غفلة تخليت عليك..بلا مضرب حساب..خليتك بلا منعلمك.قبل ..خليتك فعز علاقتنا زوينة ..عودات ليي ..على كفاش تعدبتي ونتاا تتربي بنت فعامها لول..محليتك لخدمتك..ولا ليهاا..طلبات مني نرحمك..ونتا كونتي علا فراش لموت..وصلتي لتما بسبابي..يعنيي اناا كنجيب غير نحس ولعداب لحياتك..هي عندها لحق..ماماك كانت تتبغيني بزاف..وتصدمات فيا عندها لحق..طلبني رحم ولدها..هيي طلباتني نبعد..محدك مولف على بعديي..مبغاتنيش نخليك تولفني من جديد عاد نبعد...(ضحكات جنب)هيي مبقاتش تايقا ااني انبقاا معاك..حيت كيف قلت فعز حبنا بعدت عليك فكفاش انبقا معاك فعز مشاكلنا..على داكشي قررت نبعدد..عندها لحق متيقش فياا..حيت تا انا و متيقاش فراسي..مبقيتش بغا شي حاجة كبيرة من هاد دنياا..اني نبقا نشوف بنتي كافياني..ونتاا..(شافت فعيونووو بعيونها لي كيلمعو بدموع)نتااا بني حياتك مع وحدة خراا..انا متاكدة انا ماماك اتفرح..

ابتسم جنب..بعد عليهاا..جبد تيلي منين سمعوو كيصوني..جاوب وعينو عليها

احمد:وحد سيدة سلمات راسها..كتقول بلي قتلات راجلها..خصك تجي اشاف

داوود:اناا جاي.

قطع وهوا كيشوف فيهاا..

داوود:انا غنمشي لخدمة بقاي مع فيروزة

عطاها بضهر خارج..وقف منين نطقات

نضال:مغتقول والو ؟

شاف فيهاا ضاحك باستهزاء

داوود:اش غنكول لك..حمارة مثلا؟ ولاغنعايرك من سنطة لتحت..ولا غرضخك مع داك لحيط؟(حرك راسو بلا)هادشي مكافيش ومغيبردنيش.

نضال:انااا ماشي حمارة..تقدر تقول انا وحدة منطقية..وحداا ليي بكترة معاشت فصدمات لي عمر توقعاتهم ولات توقع كولشي

حرك راسوو باه.:منطقية آه.منطقية فانك تسمعي هضرت نااس.؟ اه مزيان بقاااي تسمعيي لهم .ها لي يقولك لك داوود زوين قولي زوين ولي يقولك داوود خايب.قولي خايب..سمعي واااااسمعيي...ولكن.فااش تجي مي وتكول لك رجعي لولديي. وانا ابنتي غير شارفا وكنخربق وكنهلوس واش عرفني فعلاقتكم(جرهاا من شعرها مقربها من وجهوو وهوا مخنزر..فيها)ديييك ساعة غترجعي غنفرررع بوووك فهمتينييي..وخلي مي تنفعك

دفعهاا وهي تتشوف فيه..بصدمة.. خشا يدو فجيبو بهدووء ..وخرج..بلا ميهضررر..

كاان كالس فجردة..دلكلينيك..حاط رجل على رجل..وكاروو فليد...كيكميي ويشوف فسماااء...شاف جنب منين كلسات حداه

إيناس:واااش عارف شحال من واحد كيموت بسباب سرطان الرئة ..وسبب لول هوا لكارو لي فيديك..

شار ليه بعينوو:هداا

إيناس:آه هداك

بخووو فوجهاا...قلبات وجها كتكحب

ينيس:غتمووتي..

شاف قداموو..وهوا كيكمي

إيناس:غنوض نمشي لهضرا معاك كيف والو

تمات نايضة

ينيس:اش بقا تديري هنا؟ياك مكتخدميش فليل

إيناس:كنت بغا نطمأن على مغت اسيغم..منين لقاو دم وعمليتها..شاداها سكينة دكتورة مزيانة رتاحيت..

ينيس:سكينة ديك المخورة؟

إيناس:كفااااش؟؟؟اشش تتقول

ينيس:ومالي كدبت ..ليي جا يدوز فييهاا..مكرهتش نشدهاا..ونبداا نضرب فيهاا نضرببببب نضربببب..تانهرس لفقيرة دمها لفقرات..

موسعاا عينيها فيه..

إيناس:وعلااااش؟اش دارت لك

ينيس:والووو غير كنكره بنادم لي كيسكت لبنادم..(طلع حواجبو)اهوا بصارحة انا ماشي عنصري كنك ره ناااس كلهم بلا منفرق بينهم

إيناس:نتا مريض..مرة مرة دوز عند بابا رااه غينفعكك..انا مشيت

تم نايض..لاح لكارو زاطم عليه

ينيس:انا غنوصلك ليل هداا.

إيناس:وعلاش غتوصلني..واصلا نتا اش تدير فليل هنا؟

ينيس:غنضرب طريق تا لدار..باش نعس فلوقت لي نقدر نعس هنا..

إيناس؛معكاز كي داير.

حط يدو على كتفها ..جارهاا..

توجهو لوطو..مسافة طريق..وصلوو..لدار..طلعهاا لبارطما..دعدنان..

حلات لباب..بشوياا..دخلات وهوا معاها..

إيناس:دخل بشوياا غيكون عدنان ناعس مع زوبيدة

ينيس:ناعس معااهاا بوحدوو بلاا بياااا

جبد لووز من جيبووو كينقب..وهوا متوجه لبيت عندنان

إيناس:اجي فين غادي

ينيس:غنتشاركو طعام ..محدك راضيا راجلك يدخل لبنات متحرميش خوك..

تم داخل فحين هي تنهدات

إيناس:زوبيدة راها راها قطة

دخل لبيت عدنان شااعل ضوء..

بان ليه ناعس..زاد ناتر عليه لغطا

ينيس:فينهااااا

تهز عدنان..كيشوف فيه وهوا دايخ بنعاس

عدنان:نتااا شش..نتاا ششتدير هنا امتا جيتي

ينيس:خليك مني فينها؟

عدنان:شكون هي؟

ينيس:زوبيدة

تهزز من بلااصتووو...

عدنان:اش باغيي منهاا..

ينيس:كفاش اش باغي منها..بغيتي دوقها بوحدك اولد لعمم..حنا عائلة خصنا نتشاركو كولشيي

عدنان:بقيتي لوز لوز تا وليتي باغيي دوز لي على زوبيدة..

نااض واقف..

عدنان:بربي وتقرب لهاا تا غطيح بطاانة..

ينيس(مصغر عينوو)فيينها؟

شااف عدنان..لغطا دلاموسية لي تحرك..كانت مخدة تحت لغطا وهي..

ضحك ينييس ضحكة شرر.وهوا يترمااا ..على سرير..وبدوورو عدنان..ترمااا...باش يبعدوو...

نقزات خارجاا..وهي تتغوت

زوبيدة:ميااااااااوووو

شااف ينيس.فعدنان لي بدورو شاااف فييه..

ينيس:قطة؟

واقفا فلباب...تتشوف فيهم

إيناس:ياااك كلت لكك قطة...نتااا اخوياا الله يهديك

كيشووفوو فبعض..وهي تتشوف فيهم مفهمااش نضراتهم...

ينيس:قطة

مطلع حواجبو:اه بنتيي

ينيس(منزل راسو)قطة

تمم نايض..بجرا..شدوو عدنان..مطيحوو على سرير..

ضربوو برجلوو ونااض..كيجري...تبعوو عدنان كيغوت

عدنان:بربيي وتقيسهاا

كتشوف فيهم مفهماا والوو..ولا اش وااقع...

كتسمع اصوات من وسط دار...وتهراس..وترداخ..شويا دخل عدنان هازها فيدوو..وينيس تابعوو

عدنان:اتقرب انفرعك

ينيس:غيير بوسة

عدنان:مغتبوسهاش بفمك لخااانز

ينيس:طلقهاا لجات عندي بخاطرها غنبوسها وبسيف على بوك

نزلهاا..حطها فلوسط

عدنان:يلاه احبيبة سيري عند لي بغيتي

زادت عند عدنان ضحك بجهد

عدنان:بنتي ومتف..

قبل ميكمل هضرتوو.. زادت عند ينيس تتمسخ فيه..وتغرغر صوت لي تتصدرو و تتعبر على راحتها معا

هزهاا بين يدوو..كيبووسهاا

ينيس:عندي واحد لك زوين بحالك ..ولكن بقا برا لبلاد..غنجيبو لك تزوجيه

عدنان:بنتييي مغنزوجهااش بولدك(شاف فزوبيدة)ياكي شفتيه طويل وعريض..قولتي هنا نبات صحاب مك ايعطيك لكروكيط راه ايكهمك غير بلوز

ترما يانيس معاها فسرير...حاطها حداها..كيبوووس فييهاا..ويعض..

زاد عدنان ناعس حداهم

عدنان:جمع ريوكك على بنتي

كتشوف فيهم مخرجاا عينيها..لحرب لي ناضت على قطة...مكانتش اتنوض كن طلعات لقطة بنت..

إيناس:طبيب تخدير وانعاش..وطبيب جراحة العظام(ضحكات باستهزاء)نتوووما اطباء فتلاتينات من عمرهم..كنحلف عليها لبراااهش

شافو فيها بدقة..ونطقو

"خرجيي "

عدنان:طفي ضوء

إيناس:مغتمشيش اينيس

ينيس:لاا غنعس مع زوبيدة

عدنان:تاا انا غنعس مع زوبيدة

إيناس:بجوج بيكم على زوبيدة(خنزرات فيهم شافت فزوبيدة لي نضراتها يقول تتقلي لها سم) تهلاي فيهم..وحاااولوو عليهاا

ردخات لباب ..

دازوو ساعات...عمليتهاا سالات وهوا مبااان...كانت فلانعاش..اتبقا فيه للية تحت لمراقبة وبمجرد ميمشي لبنج اينقلوها لغرفة عادية

وااقفاا على راسها تتقاد لها صيروم..وتاكد من مؤشراتها..

حركات راسها يمين وشمال..عيااات...صبح قرب..وهي نعاس وراحة مداقتهم...

تحلات لباب ...تم داخل..بسكراب طبي فزرق..

شافت فيه...

سكينة:كي دازت عمليتك؟

عينو على اخلاص:مزيان هي

سكينة:هي بيخير..كلشي داز مزيان وهادشي بفضلك

أسيرم:شكرا ليك

سكينة:كفاش قدرتي دير عملية وهي فهاد لحالة؟وبالك معاها

أسيرم:..درت جهدي باش نقدو..وانا عارف بلي نفس جهد لي درت غديريه..(شاف فيها)تقت فيك

ابتسمات ليه..زاد كالس حدا اخلاص .

اسيرم:سيري ترتاحي انا غنبقا معاها

سكينة:عمليتك صعب من عمليتي اتكوني عييتي كتر .انا..

قاطعها .

أسيرم:راحتي معاها

ابتسمات ليه..

خرجات فحين هواا شدد..يدهاا...بين يدوو..وشاف فيدها تانية..لي شاش ملوي ف جيهة لي قطعات..سرط ريقوو وهوا كيحاول يسرط حرقتهاا..

دوز يدوو..على شعرهاا...طبع بوسة خفيفة فراسها..

أسيرم:شكراا ليك حيت مخلتينيش

داازوو ساعات وهوا مقابلهااا...صبحح صبحح ومتحركش..من حداهاا..عينوو غيررر عليهاا...دخلات سكينة..تشوف حالتها .استغل وجودها..مشااا...طل على عموو...وراقب حالتوو..ورجع عندهاا ...

تنهدات لحالتوو..خرجات ورجعات جايباا ليه لفطور..

داز لوقت ولفطور تحول لغداا..وهيي تتشوف..كولشي بلاصتوو ومقااس نعمة

تحول لغداا..لعشاا..وباقي مفطر متغدا متعشا..حدو يبلل شفايفوو بلما...شاد فيدها .متحركش من بلاصتوو..ومداقش نعاس

تنهدات بجهد:كضر راسك هكدا هي غيمشي لبنج اتفيق كول ليك

أسيرم :انا بيخير..

ساطت بجهد عارفا لهضرا معاه..مغتنفع..خرجات مخلياه..

بقااا على حالتوو..شاد يدها..تاا حنا راسوو عليها وداوه عينيه ..ناعس لمدة

حلهم بثقالة منين حس بيدين كيلعبو ليه فخصلات شعروو..تهززز من بلاصتو...كيشووف فيها..ولمعة فعيونو

أسيرم:,فقتيييي

بصوت عيان نطقات

إخلاص:أسييييرم..

حط يدو على خدها مقرب منهاا..كيشوف فيها بخوف

إخلاص:وااش كنبان زوينة وانا ناعساا!؟

ابتاسم بجنب...حط نيفو على نيفها مقرب لها..وبحرقة نطق

اسيرم:خايبة خايبة لدرجة منقدرش نهز عيني عليك

هزات يدها ..حاطاهم على خدو تتلمس لحيتووو ..كتشووف فييه..شعرو المنكوش حواجب الكتاف..عيونو السودا لمرمشين..وتحت عينوو لي ماايل لازرق...كدوز يدها على لحيتو وتتشوف فشفايفو لبويض..وجهوو عياان..كتماصي لحيتو..ومرة مرة دوز تحت عينو

إخلاص:فاش كنتي ناعس..جات طبية..فحصاتني..وقالت لي بلي حاربتي على قبلي(تحجرو عينيها بدموع)سمحليي حيت خليتك تعيش حوايج خايبين..تا انا كنواعدك من ليوم غنحارب على قبلك..مغنتخلاش عليك لي بغيتيها انديرها

كيشووف فيهاا.. كيحرك بؤبؤ عينو ويشوف فوجها

أسيرم:,بغيت نشوف ديما هاد لعينين محلولين..ومبغيتش نشوف دموع فيهم..خليني ديما نشوف لبسمة على شفايفك..هكدا انا عايش

هزات يدها تانية حطاها على وجهو..

إخلاص:شكرا لك على كولشي

نزلتها من حسات بيها متقلا عليه وعطاتها لحريق..

شد يدها لي بقات على وجهو

أسيرم:انا ديالك شكرا لغريب ماشي ليا

باس يدها لي شاد بلخف..شاف فيها..منين نترات يدها..حطات صبعها على شفايفها

إخلاص:بغيت وحدة هنا

كاالس حداهاا كيشووف فيها...وهي ساهية...بحالا مراهاش فهاد لعاالم...مفيكسيا نضرها لبعييد..

داوود:علاااش

بشفايف كيرجفو وهي تتمتم نطقات

عبلة:ق ت لتوو

تنهد بجهدد..دوز يدو على شعرو بنفاد صبر..نهار كولوو وهي تتعاود نفس لجملة

داوود:علاااااش ضربتيه؟عاودي لي اش وقع بضبط

عبلة:ق تل تووو

ضرب فطبلة بزعاف...شااف فاحمد لي دخل..توجه عندوو هاضر ليه فودنو وخرج

داوود:رااجلك مزاال ممات اخالتي عبلة..(حط يدو على طبلة مقرب منها)على داكشي فكري مزيان فكل كلمة اتقوليهاا..

حيت ولاد لحرام مكيستاهلوش نضيعو حياتنا على قبلهم

هزااات فيه عينيها لي محجرين بدموع..

داوود:فكريي مزيان

تمم خارج ...تلاقا مع احمد فلباب...

أحمد:اش غنديرو لها؟

داوود:جيب لها لعشاا..وتعامل معاها مزيان

احمد :(شار لجوج ددراري مدخلينهم)هادوك كريساو شي وحدة بلموس اش نديرو معاهم

داوود:هبطهم يتبردووو..وتملخ مهم مزيان

باستغراب:لي كانت غتق تل نتعاملو معاها مزيان ولا كريساو نبردوهم..؟

داوود:وااش باغي ضرب مرة قد مكك؟؟ اه هاد لمرة معرفة

احمد:ممولفاش لك تبع لمعارف

داوود:(حط يدوو على كتف احمد) كنعرفها..وعارفها اش كتسواا..واحد لحاجة لي معدبني بيها ربي فهاد دنيا هي كنعرف ولاد لكلاب من وجهم..وهي عارف مضرباتو الا وكاين سبب..وراجلها عارفوو(شار لحلقو)حاصل ليي هنااا.. وهاادووك لي دخلتوو عرفتهم ليوووم .ولمبردتوهمش مزيان وكرهتوهم فهاد لبلاصة..غيخرجووو..ويتعداو على شي بنت ناس خرا ويرجعو لدار ضيافة ديالك

حرك احمد راسو بوخا

تم غادي داوود ..فحين احمد بقا متبعوو بعينو.نطق بهمس"داري"

شاااف فييهاا..مصغر عينووو...

أسيرم:باش كتحسيي؟؟

عقدات غوباشتها:اشنوو زعما ؟

أسيرم:بغيت غير نعرف وش شاد فيك لبنج مزال..

صغرات عينيهاا:صافي مبغيت منك وااالووو...مرة تقول انا ديالك..وفلخرر..بوسة وتكبرتي عليهاا..

عطاتووو بضهر كاحزا لجنب سرير..كيشووف فيهاا..بنص عين .مبتاسم جنب..مستغرب من هضرتها

أسيرم:قادي نعستك

إخلاص:يديي لي مضروبة ماشي عضامي نقدر نتحرك كي بغيت

أسيرم:فياا نعاس..دابا منين فقتي انقدر نعس

دخل حدااهاا...محاوطهاا..بيدوو..وهي عاطياه..بضهر...حاساا بنفسوو عند عنقهاا...ويديه على كرشهاا..

داارت عندو..حركات بؤبؤ عينيها بسرعة..على وجهوو..لي قريب منها كتفحص ملامحوو...

حط يدوو على وجهاا..ونيفو قريب من نيفهاا..تخالطو انفاسهم..وهوا كيسرق نضرات من وجها..

نطق بصوت شبه مهموس

أسيرم:نتي ماشي شبح..نتي كنتي تتباني ليي..كنت كنشوفك..اصلا بين 100 واحد فلكلينيك عيني كانت تتقلب عليك غير نتي..تجاهلتك..(شاف فوجها)غير بغيت نربيك شويا وصافي(ابتسم جنب)ولكن نتي لي ربيتيني...كنت حمق..منين درت هكداك ..ولكن عارف ان هدا ماشي سبب يخليك تنتاحري اولا لا...وحتا لوعد لي عطيتي مكانش سبب...كاينا حاجة خراا...مغنطلبش منك تقوليهاا...غنطلب منك تنسايهاا...تاا حاجة متستااهل انك..تقلقيي..ممم

قرب وجهوو..منها..حط شفايفوو على شفايفهاا..

كاان فجهة الانعاش..كيفحص لمرضا ويراقب حالهم...

حيدد سناطة وتمم..خارج..بانت ليه دااخلا...

توجهات عندو بثقالة..

سكينة:اش خبارك؟

عدنان:بيخير...كي بقات حالة مرت اسيرم

سكينة:مزيانة. اسيرم معاها..(هزات راسها فيه)نتا من لولين لي عرفت فهاد لكلينيك وش غنبقاو هكدا؟

عدنان:علاش مالنا؟

سكينة:علاقتنا مكانتش هكدا..نتاا دااباا كتباان بحالاا متتحملنيش..وكارهني..يعني انا كنعتبرك صديق ومكنبغي حدد يحقد عليااا...نتمنا متبقاش حاقد علياا..

قبل ميجاوبها..شاف فيها..منين عيطات لوو..

إيناس:لبنااااج(شافت فسكينة ساكتا)انا كنت بغاك توصلني لساليتي لخدمة حيت لوطو..خاسرة...ولكن خودو راحتكم

سكينة:انا غادة فكر فهضرتيي...

تمات غادة فحين هوا شاف فايناس

.عدنان:صبري نبدل وانا جااي..

إيناس:داكوغ انعاينك لتحت فلباب د فلمستعجلات..

زادت نازلا..توجهات لمستعجلات...بانت لهاا دنياا..هادئة..زاادت واقفا تتعاينو...لمحوو عينيها وحدة من المريضات..لي كيعالج..طبيب المستعجلات جروحهاا...منضرهاا كيقطع لقلب...والهم باين فوجهاا..

رجعات تتشوف لقدام..بان لها شخص داخل.لابس قب لقبية ولكاسكيط منزلها..ملامحو مباينينش مزيان.شافت فيه بنص عين ورجعات شافت لقدام

دغياا شافت لور منين لبنت غوتااات...بجهد

زاادت تشوف اش وااقع

بقاات تتغوت وهي نايضة راجعا خطوات لوور..

غوتتها رون لمستعجلات

....:متقربش متقرببببشش

نطق بلغوات:فيين كنتي بغاا تهربي الق.. من راااجلككك...أاا؟ادوييي

زاد عندها وقفوو طبيب لي كان يفحصها

الطبيب:خراااج برا وش..

قبل ميكمل هضرتو جبد لموس

....:غتقرب اننحر مكك ..غيقرربب شييي حد فيكم غنحرووو..مرتيي انديهاا وبسكات

كتحرك راسها بلا وهي تتبغي

....:,غيق تلنيي غيضربنييي ...

زااد عندهاا بلا ميقرب شيي حد...خنزر فيهاا منين وقفات قدامو مطاكيا لبنت

إيناس:مغتقربشش لهاا(بلغوات)عيطوو على سكريتييي مغتقربش لها

....:باينا روحك رخيصة

إيناس:روحي ماشي غلا من روحهاا..

هززز يدووو باغي يصرفقها

....:تحركييي من حداها

قبل ميضربها..تشدات يدوو مرجعها ليه لور

"مرتي تاحد معندو لحق يفقصها من غيري الحمار"

كانت فلاستقبال تتقاد مواعدها مع سناء

نضال:صافي لغي لي هادوو دهاد سيمانة..وغنرضوها للي موراها...

سناء:وخاا داكوغ دكتورة

نضال:اك انطلع عند بنتي رااه خليت عندها غير وحدا من لبنات

سناء:ووليتي محبوسة معاها مبقيتي..تخرجي

نضال:ومكرهتش نتحبس معاها لعمر كولوو...

سناء:اه وفخبارك اش واقع..ونتي محبوسة تم

نضال:اش؟

سناء:سكرتير..

قبل متكمل هضرتها سمعو لغوات من لمستعجلات..لي قريب من لاستقبال..

نضال:اش واقع؟

سناء:معرفتش..غنعيط لبوليس شي مصيبة عاود..

توجهات نضال لمستعجلات..

.....:مرتككك واقفا بيني وبيييين مرتيي

دفعوو هااز لموس عليه

...:غنديي لمرة ونخرج

شاف فايناس لي حركات راسها..بلا..وشاف فلبنت لي كتبكي ومخبعاا..موراها

هضرات بصوت مسموع

نضال:اش واقع هنااا؟

ضحك بجهد:هاي هاي على لفيمينيست تجمعتوو غا نتوما فهاد جاايحاا...غندي مرتي ونمشييي

زاد .عندهم..دفعوو..عندنا..جابوو لارض ..

عدنان:كلت لك متقربش لجهتها

تهز من لارض..ولموس..فيدوو...باغي يضربوو...

حطات يدها على فمهااا...منين ضربوو لجهتووو...

طاكاا بيديه..تجرحات شويا..وبسرعة شد ليه يديه..وضربوو برجلوو لكرشوو..زير على يدوو تا طيح لمووس..

زاادت نضال عند لبنات ..شافت فحالت لبنت

نضال:هوا لي دار لك هاد لحالة؟؟

حركات راسهاا" باه"

نضال:ولد لكلبة

ناض وهوا كيشوف فعدنان قبل مينطق.. تخطات عندنان نزلات عليه بتصرفيقة...شد حنكو مصدوم

نضال:شفتيهاا ولية ونتاا تحكرر عليهاا الحماار أاا ادويي...

...:نتي ضربتيني اناا

نضال:اه انا ضربتك نتاا اش عند بووك مدير غضربني جربب أاا جربب؟

زاادتوو تصرفيقة لحنك تانيي...

هز يدو يضربهاا..ضربااتوو بركلة لمعلم...خلاتووو حاني شااد فيه..وكيتحرك.وهوا كيتقطع بلوجع

زاد عندنان جارها.

عدنان:تبتي

وتوجه عند ايناس ولبنت

حاني كيتوجع..بحر لوجععع...ناااض..هااجم..عليهاا..بجرااا..كي شي ثور هايج...لكن مرضش لبال لثور لي اهيج منووو...قبل ميقيسهاا..تضرب فيه منين جا قداموو

ضربووو براس...رجعو خطوات لور وهوا كيحول فعينوو..طاح على ضهروو...شاافت فيه..مصدومة..شافت فسناء. لي وقفات حداها

سناء:لقيت لبوليس جا معيطتش لهم..

راجع لور..كيشوف فلبنت وايناس..

عدنان:نتي بيخير

إيناس:اه

عدنان:ماشي نتي هي

ايناس:خنزرات فيه

...:اه ولكن .شكون هداك..اش غيدير لووو..

شااف فداوود..لي كيكفض..يدين قاميجتووو...تفكر نهار ضربووو حيت قسحو وهوا كيعالج جرح..ونهار ضاربوو

عدنان:كيدير ليه شلض ملح..

....:اش تتقصد زعما

ايناس:كيقصد فريو كريو

حل فمو موسع عينوو..فيها..ودغيا شاف فداوود..منين سمع صوت ضرب

نزل..على راجل..كيضرب فييه..بلبونيات بحالي راه كيس رمل قداموو..كاع لعصب دنهار ودلبارح خرجهم..فيهمم ..

مناااض عليه غير وهوا راضوو شرويطة قداموو..

داوود:كيف كتستقوى على ضعيف..غيجي لي غيندم مك .جربتي لحكرة..دقتي ضرب..اوا بردها..

شااف فيهمم..مخرجين عينهم فيهم

داوود:عالجو جروحوو...

زادوو هازينوو حاطينو على لبياص..كيف شي شرويطة..توجه..عندو ..حل عينوو فيه..لي تورموو..

جبد داوود مينوطو..داروو لييه..فيد..وجهة تانية فلحديدة دسرير..

نطق لولد وهوا كيتوجع..ودايخ

"عاااش لم خزن .. ا شااف"

سد عينو سخفان

زاد بثقالة..شافها تتشوف فيه..

داوود:تحركيي قدااامي...

جرها من يدهاا..

زادت معاه مبغاش تزايد معاه وتصدع عدنان..

لي شاف فايناس..وهي تتعاون لبنت تكلس...قرب لها لودنها نطق وهوا ضاحك

عدنان:مدام فريو كريو..مناوياش تمشي

سدات عينيهاا..وشفايفو على شفايفهاا..بلا متجاوب معاه...بعد عليهاا كيشوف فعينيهاا...ويدو على خدهاا...

قربات منو جارا شفايفوو..دخلوو بجوج..فقبلة..وبجوج متجاوبين مع بعض...

بعدات عليها ويدها باقيين كيماصيو فلحيتو

إخلاص:فيا نعاس..

جرهاا عندوو..حطات راسها على صدرو محاوطاه بيدها..

خشاا يدو..فشعرها ..كيتلمسوو..وهي متمعا بدقاات قلبووو...كانو لحن هادئ...مخليها ترتاح..وتغمض عينيهاا..

جرهاا من يدهاا..دفعهاا...طالقهاا..منين قربو لغرفة فيروزة..

داوود:اشش كنتيي تتصنعيي ونتي تضربيي فراجل؟

نضال:منين جاتوز رجلة بزااف على مووو رجلة..

داوود:متبقايش تعلقي فين تفلقي..شي نهار اتلقاي مع شي حد ايفرعك..

ابتسمات بجنب:علاش وااش سهلتيني انا؟؟(قربات وجها منو بتحدي)وقعووو بزاف دلحوايج ..نضال لخويويفة مبقاتش..

داوود:اه ضبري مخك...هضرت مع طبيب..غدا انخرج فيروزة..هوا قبل حيت نتي اتحضيها..اتبقاي معاها سيمانة على متجي لواليدة..مبغيتش نجيبها وفيروزة فهاد لحالة..

تمات داخلا بلا متهضروو..

دازوو..سااعات..جاا صباح..جديد .ونهاار جديد...تسللات اشعة الشمس الذهبية..غرفتهم..باقاا ناعسا حداه..راسها فوق يدوو ..ويدها المجروحة..فوق صدروو..

حل عينوو..بثقالة..مصغرهم منين ضرب فيه ضوء شمس..حاس بحريق فراسوو ...عرف بسباب انو مداق نعمة..من ول لبارح .

شاف فيها..يدوو مبعد خصلات شعرها..حلات عينيها بشويا تتشوف فيه..

إخلاص:صباح الخير..

ابتسم لها:واش عاقلا اش وقع لبارح؟

إخلاص:(صغرات عينيها)قلت لك ماشي لبنج..

خطفات منوو..بوسة بلخف .

إخلاص:وقع هكدا..

أسيرم:تتقلبي علياا....

قرب منهاا..تم مبعد منين سمع نداء باسموو..

"اسيرم مرابط مطلوب لمستعجلات"

إخلاص:وااش فهاد لكلينيك مكاين غير اسيرم مرابط

حرك راسو بلا

أسيرم:عارفين بلي محد مرت اسيرم هنا فهوا هناا....غالبا شي حالة خاصة بجراح دماغ..غنوض نشوف..انخليهم يجيبو لك لفطور..

إخلاص:ونتاا وااش مغتفطرش

أسيرم:نشوف لمريض بعدا..

وقف جامد منين حس بدنيا دايرا بيه..

شااف فيهاا..مبتاسم

زاد كيشوف مؤشراتها

أسيرم:كولشي مزيان البجيغيطة

ابتسمان ليه..سرعان متلاشات ابتسامتها منين شافتو دم خارج من نيفو..

إخلاص:اسيرم رعفتيي .

مسحوو كيشوف فيدو

أسيرم:فرعاتني شمس لي دخلات من سرجم نسيت مرديت ريدو.(هز لقطن من طبلة حداها كيمسح دمو).معنديش مع شمس فصبح..

شافت فيه والخوف عليه باين فوجها..ابتسم لها

أسيرم:انا بيخير غنمشي نشوف لمريض..

زااد خاارج .يلاه ايحل..لباب..جمد فبلاصتو منين دنيا دارت بيه..حل عينو وسدهم..وحل لباب باغي يخرج..يلاه كيف حلهاا طااح..على طولتوو ..

غوتات بجهد باسمو منين سمعات ارتطام جسموو فلارض

أسيييييييييرم

غوتااات بجهدد...تكوانسات بلاصتها قلبها ضرب لمية...عيونها تحجروو بدمووع...فهاد لحظة بضبط جاا فبالهاا لحلم لي كان راودها شهوور...لحلم لي شافت معاد داي اسيرم...

فهاد لحظة...قالت صافي راه..خسراتوو تاهواا..

لي خصرات راجلها لول على غفلا ..عادي توقع ان تا تاني وقف قلبو على غفلة...

فقلب صدمتهااا...دخلات تتجري...هي لي كانت دايزا من لكولوار وغير بان لها طايح توجهات عندو بجراا...

مع دخلتها اتفيق اخلاص..من صدمتهاا...نترات صيروم..بجهدد..مخليا دمها يسيح...زادت بزرباا..عندو .بمجرد موصلات حداه طاحت على رجلهاا .

كتبكييي..وتهضرر...وهي تتنخصص

إخلاص:واااش هوا عايش أاا عايش

كتفحصوو وتشوف..فيها..

سكينة:عايش عايش..وش مشفتيهش كيتنفس...بقاي معاه انطلب نقالة..

خرجات تتغوت باش يجيبو نقالة...فحين اخلاص..هزات راسو حاطاه على حجرهاا..ودموعها..نازلين

كدوز يدها شعروو...وتتشوف فوجهوو..ليي ولاا صغرر..وشفايفوو بويض...مشققين...ودم سايح من نيفوو..

إخلاص:اش وقع لك(كتنخصص)م م تقولش تانتا اتخلينيي... .

دخلات سكينة..وجوج دلممريض..حطوه عليها وداوه لقاعة لفحص..وإخلاص تابعاهم...

وقفات شادة فلحيط منين دنيا دارت بيها..زادت بخطوات تقال تتجر رجلها بسيف..داخلا معاهم..

ركبوو ليه صيروم..ولاكسجين...عبرات ضضغطوو وسكر دموو..لقاتهم بجوج نازلين...

تنهدات بجهد على حالتوو..ضربات لي شي براوات...وزادت خارجا..بانت لها واقفا شي شادة على لباب..وجها عرقان وبسيف باش تتخرج لهضرا..

إخلاص:اش واقع لوو؟

سكينة:لاااش نضتييي..نتي باقيي عيانة ولبنج مزال مخرج من جسمك.رجعي لبيتك

إخلاص:مغنتحركش من هنا لمعرفتش مالو..

زادت عندها سكينة..جاراها مكلساها..فلفوطوي..لي فلغرفة..

سكينة:هوا بيخير..نزل لي طونسيو وسكر..هادشي حيت مكلااااش..من ول لبارح..

إخلاص:علاش مكلاش؟؟وعلاش رعف

سكينة:ضربات فيه شمس وسخن دمو على داكشي رعف..(تنهدات)هوا متحركش من حداك على داكشي ..مداقش نعمة...

شافت فيه ودموعها نازلين..مسحاتهم وشافت فسكينة..

إخلاص:امتا ايفيق؟

سكينة:فاي لحظة..يقدر يفيق.وغير يسالي صيروم ديالو وياكل ايولي بيخير..انا غير لمفطرتش تتجيني سخفة فمتخافيش..عادي شي لي وقع لو ايوقع لاي واحد..قطع لماكلا.

وقفات توجهات عندو..كلسات جنب سريرو..شادة..يدوو..

إخلاص:مغنوضش من حدااه تا يفيق..

سكينة:نتي راك مريضة عليه.

دوزي لبيتك ترتاحي

حركات راسهاا بلاا..

دازوو دقايق وهي تتحاول تقنع فيها..وبدون جدوى..

سكينة:غيتقلق عليك فاش يفيق دوزي ترتاحي

شافت فيهاا...ودموعها نازلين..وبتهجم نطقات

إخلاص:مغنتحركشش من حدااه..(حركات راسها بلا)اناا منقدرش نبعد عليييه كفاااش غرتاااح وهوا هنااات؟؟؟وش تتفهمييي اناا والووو بلااا بييه..والوووو..

سكينة:وراه غيفيق غير سيري ترتاحي

حركات راسها بلاا....

دارت بزربا شافت فيه..منين سمعاتوو نطق بصوتو لي باين فيه لعيا

"مالك معكساا البجغوطة"

دااخلاا لكلينيك..بكرشهاا لي وصلات لفمم...غادة كيف شي بطريق...ولي يشوفها ويعرفها يجي ويسلم عليها..كفاش لا وهي لاحضي أي دلمرابطين

توجهات لاسانسور..طلعات لبيتها..حلات لباب بلا مدق..هزات راسها منين شافتها..

نضال:علاااش جيتي؟؟الف مرة كنقول لك متجيش

زادت داخلا

حياة:اواا اش بيت نكوليك..حبيت نجيي نشوف ديك المينوشاا

شافت فيروزة..زادت تتبوس ..فيها..وفيروزة ضاحكا لها

حياة:وهي بيني وبينك..طلعات لباباها نتي غا مسخراا..

نضال:اووه نتمناا تانتي ولدك يطلع لباه(خنزرات فيها)دوزي تكلسي

حياة:لا غنمشي نطل على اخلاص

نضال:(مستغربا)علاش ما اخلاص؟

حياة:سوليمة ياربي مفخبارك والوو...اوا راه هضرت مع سناء..وعودات لي اش وقع... لبنت ....

عودات لهاا كولشيي...خلاتها مصدومة مصمرا بلاصتها

نضال:واااش هي بيخير أاا؟

حياة:اه قالت لي سناء بيخير ولكن كفاش مسمعتيش نداء دم ونتي هنا؟

نضال:يمكن فاش كنت كنت فلعملياات...(نزلوو دموعهاا..)غنمشي نشوف اخلاص...

تحلات لباب..تم داخل..غير شافتو زادت عندو

نضال:بقاا مع فيروزة

خرجات بجرااا..

شاف مستغرب فحياة

داووود:اش واقع الغليضة؟

حياة:(خنزرات فيه)لغليضة هي مك

تمات خارجا .

داوود:ماالكي معايا؟؟

وقفات حاطة يدها على جنبها..مخنزرا فيه..

حياة:محد ك صاحب صحبتي غتكون صاحبي..الا نكرتيها..فنتا وصحابك وعائلتك اعدائييي...

دخل من لباب ضاحك..

منتصر:وعلاش صحابو اش دارو لك؟؟

وسعات عينيها..لقلوبة خرجو منهم..منين شافتوو طولة وتجريدة..وضحيكة مبينا سنانو لبيووض..كتشوف فشعرو زعر طويل..

نطقات وهي ضاحكا..كترمش بجهد

حياة:بيكاربوون دي كابريو

ابسم لها:كتقصدي ليوناردو؟

حياة:اه اه..

مدات ليه يدهاا..

حياة:انا حياة صاحبت صاحبك..انا وياه عشرااان..بزاف..صديقي فوقت ديقيي

منتصر:اه متشرفين انا منتصر

شد يدها شاف فكرشها

منتصر:الله يفكك على خير

كتشوف فيه مرفوعة

حياة:أاا هدااا(حطات يدها كرشها)غيير عركتها صيكوك

تهزات منين نطق..داوود..عند ودنهاا

داوود:عشيرتي..صديقتيي فوقت ديقيي..باقا لك شهر مكامل باش تولدي صيكوك ..راجلك ايفرح فاش عائلتو اتكبر بصاكاكيك؟؟؟

تهزاات مخنزراا..فيه

حياة:انا غادة عند اخلاص..

"شاف فمنتصر"اش بييت نقوليك..عندك وااتساب؟

داوود:حياااااة

حياة:الله يواتزابي لمك رااس.

زادت خارجا..

نااض كالس...حط يدو..على راسو...لي باقي كيدور بيه..

حطات يدها على خدوو..

اخلاص:نتااا بيخير أاا باش تتحس؟

أسيرم:غير شويا ددوخة ولكن انا مزيان..شحال وانا ناعس

سكينة:شي ربع ساعة

تم نايض:كانو عيطو لي على ود شي مريض خصني نمشي

سكينة:خليي تسالي صيرووم عاد نوض

نترو..بشوياا..

أسيرم:خص نوض..

حركات راسها بلا:معندك فين تمشي ونتا مريض عطا الله لاطباء..سمع لهضرت طبيبة..وكلس تا كل بعدا.

أسيرم:شويا ددوخة مغتقتلنيش ..ولكن لتعطلت كتر على لمريض يقدر يمووووت...سيري رتاحي نتي باقا مريضة..

إخلاص:على الاقل كول..عاد سير..

شد وجهاا بينو..يدوو..طبع بوسة فخدها .ليمن وليسر وجبهتها..وختمها بفها...بعد عليها

أسيرم:وهاني كلييت وخا مشبعتش ولكن نشبعوو..مرة خراا..(غمزها)

تم نايض خارج

بقات غير متبعاه بعينيها تترمش..ونفس شي سكينة لي قلبها فرفر..حطات يدها عليه

سكينة:ياربي غير شي واحد رومانسي بحالو ولبغات لموت تجي تجي

زادت خارجا مع سكينة..متكيا عليها..راجعا لبيتها...

دارت منين غوتات عليها بجهد..

نضال:إخلااااااص'

زادت معنقاهاا..كتبوس فيهاا

إخلاص:بعدي قتلتيني

سكينة:اه هوا مقولتيش ليه هاد لهضراا

نضال:اش وقع لك كيف بقيتي

إخلاص:انا بيخير .

خبات يدها مور ضهرها حشمانة..

نضال:ماعلينا شنو وقع وقع ..لمهم نتي بيخير

زادت معاها لبيت..تكاوها ترتااح...دخلات لها لممرضة..لفطور..مبغاش يدوز لها وهوا مواكلشش..

نضال:حسابي دابا مع ديك لكلبة..كولي نتي من بعد ورجع لك..

إخلاص:اشمن كلبة؟

خرجات بلا متهضر وتبعاتها..سكينة..شارت لحياة لي دخلات تبقا معاها...

توجهاات لانعاش تقلب عليها..ملقاتهاااش..وزادت عند سناء تسولها..

كان كالس..فجردة ..كيرتاح من بعد مسالا وحدة من عملياتو..جبد كاروو كيكمييي...

شاف جنب منين كلسات حداه .

جبدات قرعة صعيرة مبيناش اش داخلها من صاكهاا..كتشرب..

رجع شاف قدامو بلا ميتسوق لها...

نورا:ماما فلحبس..وبابا فلانعاااش...وااش غيوقع شي حاجة كفس من هكدا الشريف؟

خنزر فيها:مكنعلمش لغيب...ومتعاوديش لي قصة حياتك

نورا:قليل الادب واااش معرفنيش شكون انا...انا بنت فوزي

بخ لكارو فوجها..

ينيس:تانعرف هاد فوزي عاد نعرفك نتي

نورا:فوزييي مول لكلينيك

ينيس:اه لقجع هوا لي فلانعاش مزال ممات مسكين؟؟اوا معليش صبريي داباا يموووت..

خنزرات فييه .:اش تتقول الحيواااان..

قبل مينطق...جراتهاا من شعرها

نضال:كاااين شي حيواان قدككك

نوضاتها من لكرسي...وعطاتها تصرفيقة جابتها لارض...

نورا:اشش تديرييييي

نضال:سرقتيؤ دم..ليوووم انسيل دمك الكلبة..

نزلات عندها كضرب فييهاااا...

نورا:غنساا راك خت معاد...رجعاتهاا لتحت..تضرب فيها..وبسرعة قلباتها نضال ....

بقاو يضاربوو وهوا كيتفرج...

ينيس:يلاااه يلاااه لي تخسر حمارة..

كيضحك بجهدد...وقفات عليهم..سكينة بغاا تفك...وعلى غفلة منها..طيحوهاا..تحتهم..

واقفين..كيدابزو..وهي تحتهم تتفركل..شافت فيانيس..

سكينة:خرجنييييييي من هنااا..

تم نايض..متوجه عندهم..حنا بثقالة..وهي مادة ليه يدها...هز لقرعة ..لي طيحات..نورا..ورجع واقف..

شاف فنورا

ينيس:اشمن نوع هداا؟؟ممكتوباش فيه

كيضاربوو بلاا متجاوبوو....طيحاتها نضال ..على سكينة..وطاحت فوقهاا...هيي كضرب من لفوق وسكينة ..من لتحت

كيشوف فيهم..

ينيس:كيف مكان نوعو ..نسرطوه..

زااد غاديي..ولقرعة..فيدوو..

"بعد يومان"

كاانت فبيتوو..متكياا على سرير شادة تيلي ديالها...كتشوف لساعة..تنهدات بجهدد..منين مرجعش...عيطوو ليه لخدمة..قبل لعشاا..خرج ومزال مرجع..

تكات مغطياا...وافكار كتيرة فبالها...تفكرات اش وقع..تفكرات ماماها .ودمعة نزلات منين تفكرات باباه ...

حسات بغصة فقلبها حيت ماماها مجاتش تزورهاا...اما فوزي...فكتمنا عمر تلاقا بيه مزال..

تفكرات اش وقع هادي يوماين مع اسيرم..وكفاش غير طاح جات فبالها لحلمة دمعاد..وخاا لمصيبة ديونس كانت فسرات بيها لحلمة الا انها بقا تتخلعها...ولات خايفا.من ابسط حاجة..

خايفاا تخسروووو...خايفا يعرف لحقيقة ويبعد عليها ...مستعدا تشد فيه بسنانها ويدها ومتكمل حياتها بلا بيه..

تكات ناعسا

لحظات هماا...داتهاا عينيهاا..حلاتهم..منين حسات بيدين محاوطينها..

دارت بثقالة...حطات يدها كتلمس لحيتو وخصلات شعرو لفازكين

إخلاص:امتا جيتي

أسيرم:قبيلا..دوشت وجيت نرتاح

إخلاص:واش تعشيتي

كيشوف فيها مبتاسم:اه كليت وشبعت

قرب وجهو منها..خطف بوسة من فمها بلخف..ابتسمات وعينيها مقلوبين بنعاس..

أسيرم:ولكن منك مكنشبعش..شربتي دواك

دلات شفايفها مصغرا عينيها:نسيتوو

ناض..مهزوز..مد لها لماء..ودواء..من لمجر حداه..

أسيرم:شربيه متعاوديش تنسايه باش تبراي دغيا

إخلاص:انا بيخير تيقني..

شرباتو وهي تتشوف فيه..حطات لكاس..

قربات ليه تا مبقاا يفصل بينهم والوو نطقها بصوتها رقيق الانثوي

إخلاص:أسيرم

أسيرم:مم

إخلاص:انااا بغااا نولي مرتك دبصح ماشي غير على لوراق..(هزات عينيها فيه)انا عطيتك قلبي انا ديالك..

كيشووف فيها غارق فعينيهاا..بلا مينطق اول يرمش...

نزل وجهوو عند شفايفها ...كانهم مغناطيش وجابدينوو بشوياا...فحين هي رجعات متكيا على سرير ...

كالاا جسموو بيدوو...ونزل كيلتاهم فشفايفهاا...حطات يدهاا..فشعروو..متجاوبا معاه...وخا كان نعاس ..غلبها..ولعيا..لكن رغبتها فانها تولي مراتو بصح..كانت اشد...هكدا فكرات بلي عمر ايخليهاا...

كيتلمس فجسمها..وينشر اثروو عليه ..نتر تشيورتو وهي دايباا..غرقانة فيه..كانت مجرد دمية بين يديه..متمتعاا معاه..وفنفس لوقت كينزلوو عليها لافكار لي ديجا نزلو عليها قبل متنعس..وليي..نازلين عليها نهار كولو..وكتزيد تشبت بيهم فرغبتها انها تولي بصح مرتو

نزل وجهوو..عندها..نطق ..جنب ودنهاا..

أسيرم:متاكدة انك بغاني؟

مزيرا على لغطا بيدها..لحمعا تبورش..منين قاست لحيتو ودنهاا.وتضرب نفسوو فيهم..حركات راسها باه..وعيونها مغمضين..وبصوتها الانثوي نطقات

" آه انا بغاااك أمعاد"

كان نااعس..لعرق نازل من جبهتو.حاااط يدوو على صدروو...كيصدر انين خفيف...كيحرك راسووو بلااا...

كيقرب لهااا ...ولبسمة مرسومة على شفايفهاا..ريح تتحرك شالها البيض...وكسيورتها لبيضة لي حد ركبة.. ..

.و تتحرك من خصلات شعرو لكوحل...مااد لهاا يدوو..كيحرك راسوو باش تشد فيهاا...

ضحكات جنب..ضحكتها السحارة..لي كتغرقوو فيهاا..وبزربا وقفات على رااس..المنحدر. لي تيطل على لبحر.

نطقات وهي تتشوف فيه..لبسمة باقا على شفايفها ودمعة فعينيها

"سمحلي ولكن مقدرتش..ومغنقدرش نكمل مزال(هزات كتافها)جهدي سالا..(ابتسمات ليه)معرفتش وش عندي لحق نقولها لك..ولكن انا كنبغيك..نتا اول واحد يحن فيا..لا دنيا حنات..لا ماما حنات..ولا صحة حنات...

حرك شفايفو باغي ينطق..

حركات راسها بلا مسكتاه..

....:متجاوبنيش ..فات لفوت..خليني نتخايل ان جوابك زوين..عفاك خلي زوبيدة امانة عندك .."

هزات يدها حالاهم..كضحك بجهد..وريح طير شالها البيض..مخلي راسها لقرع يباان...جروو ريح عندوو..مغطي وجهوو..

بلغوات نطقات

"بابا اناا جايااا"

طلقااات يدهااا...راميااا...راسهااا...لتحت..

نتر شال من على وجهوو..غوت بجهدد

"هجااااااااااااااار"

فاااق مهززوز ..لعرق ناازل من جبهتووو...دوز يدوو على وجهو..حس بحلقوو ناشف ..تم نايض..

جر لكلاكيط ديالو... وتوجه لكوزينة..

مع لخرجة ..تتبان ليه...كالساا...لبيسي قدامها...ووراق..كتيرة...جامعا شعرها..لابسا صوفيطة..سماطي غوز وسروال بيجامة كري..جامعا رجلها...ساطت بجهد..

زاد عندها كيجر رجلو

عدنان:اش واقع لاش فايقا؟

إيناس:والوو غير كنحاول نشخص حالة واحد لمريضة..

طلع حاجبوو..فيهاا..مستغرب..

عدنان:آهاه وفاش اتشخصي اش غيوقع؟

أيناس:غنقلب على لحل..ونعطي حالتها..لدكتور..العلوي..

عدنان:وعلاش مديريش نتي لعملية..وتستسلمي لعلاج..

إيناس:دكتور لعلوي هوا طوب فلعمليات..وبسبابو مرضى السرطان كينجيو..

عدنان:جاوبيني ماشي عاودي لي على حياتو

هزات عينيها..فيه..تترمش وهي ساهية..

إيناس:كنكره العمليات..وصافي...

جمعات لبيسي...ووراق لمريض نايضاا...

إيناس:غنمشي نعس..

شدها من يدها..موقفها ..كتشوف فيه وهوا قريب منها..نطق وعينو فعينيها

عدنان:نعسي فبيتي ..مغندفعكش

نترات يدها

إيناس:لاا ..قاديك لبيت لاخر فيه انعس..

عدنان:اه مزيان..حيت منين مشات سكينة من هنا جمعتو...

زاد يشرب..فحين هي صغرات عينيها..سرطات ريقها وتبعاتوو..لكوزينة..تكات على لبوطاجين..جامعة..يدها..

إيناس:سكينة ونتااا...

كيخوي لماء فلكاس وكيهضر

عدنان:مالي ومالها؟

إيناس:نتا وهي كونتو اون كوبل..

عدنان:انا كانت تتعجبني..ولكن ممكتابش..

سرطات ريقها بحرقة:وش بسبابي تفارقتو

عدنان:لااا..

إيناس:كنتي تتبغيها بزاف؟

عدنان:لاا غير مكونتش باغي نخسرها..ولكن منين خسرتها..عادي..مكانتش شي حاجة لي جديدة

إيناس:علاش وااش سبق لك خصرتي شي وحدة..

قرن حواجبو مخنزر فيهاا

عدنان:بحالا دايرا لي لونكيط؟؟؟

إيناس:لاا غييرر...نتا وهي مشاركين دار ولفراش..كان خصك تزوجها .كن علمتيني مغنوقفش فطريقكم

حاوطها..بيدوو..مخنزر فيها

عدنان:لفراااش...وااش تتقصدي لفغيييو كغيييو..؟؟

تفكرات فاش قالتها لو..حركات راسها بلا

ايناس:مقصدت والو لافريو كريو لا غيرها غير حيد

عدنان:سبحان الله..لكلمة لوحيدة لي تطنقي فيها راء مقادة..

دفعاتو..طكاها..واقف جامد بجسمو لعريض قدامها كيف شي حجرة .

عدنان:انا وهي موقع والو بيناا..الحمد الله لحاج رباني وخلاني نعرف ..اش بيني وبين ربي..وخا كنعواج مرة مرة..(عقد غوباشتو)كنعوج بزاااف... .ولكن ماشي لدرجة ندير كبيرة..

وسعات عينيها..فيه..اخر حاجة توقعاتها..هي هاد لهضرا ..من هاد..زهواني..بقات تشوف فييه..وهي ساكتا.

كيشوف فيهاا..وريحتها تغلغلات لاعمااقوو..كيشوف فخصلات شعرها ليموني..لي نازلين على وجهاا...

كيشوف فعيونهاا..لي لونهم جدااب..وكفاش تتحركهم..وترمش..بشويا

نزل عينوو..كيشوف فشفايفهاا..لورديين..

حنااا..بشوياا..مقرب لها تا تخالط نفسهم..

تصدمات وتحجرات من قربوو..

نطقات بتمتة

إيناس:نسيتي أ أش ش علمك لحاج

طلع عينو فيها..لي تكوانسات منين جاو فعينيها..

ببحتو الرجولية نطق

"الحاج علمني منقيسش بنات ناس..ماشي مرتي"

حط شفايفو على شفايفها...

يتبع...