تزوجتها بوصية زوجها الجزء 15

كان خارج من بيتو لابس سروال جينز كحل وتيشورت زرق مع صبرديلة فتفس لون.. هاز طيلي و الكونطاكط فيدو و هابط في دروج .. لقا ماماه و يسرى كالسين في صالون ..دخل عليهم

داوود : صباح نور

…:صباح الخير اولدي كيصبحتي

داوود : بخير

كانت كتشوف فيه..ساهيا فيه..ريحتو لي مع دخلة تغلغلات لاعماقها... كطلعو من الفوق ل تحت ..

ساهيا فيه..وقفتوو..ضحكتوو حركاتوو..كلهم كيجبدوهاا..وكيخليو قلبها يفرفر.

ساهيا فيه ولبسمة على شفايفها..تلاشات منين بانت لها

نضال و فيروزة .نازلين..

. كتشوف في نضال و تشوف في راسها .. شنو الفرق بينهم .. كيف ما نضال زوينة .. تا هي عندها حقها من زين وبالاحرى هي صغر من نضال وردة باقا رحتها جديدة..هي عمر تخلات عليه..هي اقرب ليه منها

.ابتسمات..ونطقات بصوتها الانثوي

يسرى:فيروزة

فيروزة وسعات عينيها فاش شافت يسرى .. و رخات من يد نضال و مشات كتجري عند يسرى تلاحت عليها معنقاها ..

سرطات نضال ريقها.. حسات غير من تعنيقة راهم قراب..

. شافت ف مامات داوود منين نطقات

..: فيروزة موولفة يسرى

نضال:اه مزيان اخالتي زهرة فيروزة خصها صحاب قراب من عمرها

حرك ليها داوود راسو بالايجاب : اه بصح

خنزرات فيهم يسرى

يسرى:18 ازين ماشي 11 بحال بنتك .

نضال:(طلعات حاجبها )اه لي قدك تزوجو

يسرى تجنباتها شافت في فيروزة كترجع ليها شعرها مور ودنها و نطقات ؛ تووحشتينيي ؟

فيروزة : (بالاشارة ) اه تووحشتك بزاف .. و نتي

يسرى : تا انااا توحششششتك ابنتي الحبيبة

و كلسات حداها كضحك معاها .. و تهضر .. نضال حاضياهم و هي كتشوف فيروزة كيفاش قريبة ل يسرى و جداتها .. وخالقين جوو بلا بيها..

حاضيا يسرى و فيروزة لي بيناتهم واحد الانسجام كبير .. عضات على شفتها مانعة دمعة طيح .. و داوود مراقبها .. عرفها باش كتحس .. و عرفها انها نادمة حيت خلات بنتها ..مي ندامة دابا ما كتفيد في والو .. هو كفهمها كثرر من رووحووو .. هاديك حبيبتو .. بنتووو .. صديقتوو .. ولكن نهار مشات و خلاتو .. هرسات اي حاجة زوينة فيه .. هي ب يديها قتلات داوود .. باش تخلق واحد اخر .. مغرور .. و مصعووور .. و دم سنانو تقيصيه في بنتو ..

نطق : انا غنمشي ل خدمتي .. بسلامة

تم غادي عاطيهم ب ضهر .. و نضال حادياه قرب لها..نطق بهمس حدا ودنها

داوود:بلا ميقلقوك لبراهش راك بعقلك..

تم غادي..ومدورا راسها معاه..حاضياه..

.. دورات راسها لقدام فاش حسات ب شي يد تحطات على يدها .. لقاتها مامات داوود ..

بتاسمات ليها و نطقات : فيروزة بدات كتولفك

نضال :(ابتاسمات ليها)شوية

شافت فيها يسرى بمكر : و نتي اش داك تخليها نهار لول يا الانانية كن بغيتيها تولفك بزاف

دارت شافت فيها مامات داوود بغضب و

نطقات بالغوات : يسررررى

شافت فيها نضال مخنزرة فيها و ناضت غادة ..شافت في فيروزة

و نطقات :فيروزة اجي معايا ا ماما تفطري

جراتها..فحين يسرى هزات كتافها..

يسرى:مدرت والو اخالتي زهرة

زهرة:متفوتيش حدودك..مدخليش فمشاكل لكبار..

تمات نايضة تبعا نضال..فحين يسرى تتلعب فخصلات شعرها

يسرى:مشاكلهم ايولي مشاكلي فاش غنولي مرت داوود اخالتي لعزيزة..حشومة خبز دار ياكلو لبراني

دارت تتشوف فيه..ودموع محجرين فعينيها..نطقات بثلعتم

إخلاص:عا عا عائلة؟

حرك راسو باه:عائلة انا عندي ولد ومرة كنبغيها أإخلاص

رجعات خطوة لور..شادة فلبوطاجين..تتلهت بجهد..حاسة بقلبها ايوقف..حاسة بيه كيتقطع

إخلاص:ولد..ومرى

هزات عينها فيه ودموعها نازلين

إخلاص:باركا من لكدوب..نتا مستحيل تخلا على ولدك..ولا على شي وحدة باغيها..باركا من لكدوب باركاا...

جبد تيلي..من جيبو..دخل لالبوم تصاور..كيوريها..تصاورو هوا وسام ومونيكا

أسيرم:نتي عندك صح..مستحيل نتخلا على ولدي..انا مكونتش عارف بلي كاين..تا مشيت مؤخرا لكندا..ومدة وانا كنفكر..وقررت نجمعهم معايا ..هوا ولدي..من اول مرا بغيت..ومزال كنبغي..

هز عينو فيها..

أسيرم:والا متجمعناش تا لدابا..حيت نتي سباب..شخصية ضعيفة سباب..كن عرفتي اش كنتي اديري من غير لانتحار.؟؟.كنت انعلمك..ولكن نتي رسمتي قصة حب فبالك..ولا عندم لا نتحار كي لماا ..(رجع شعرو لور)اي حاجة قدمتها لك حيت كنتي امانتي..ووصيتي..وتخلصت عليها لبارح .دابا نتي ماشي بحاجتي..عندك عائلة .عيشي معاهم..وخليني نعيش مع عائلتي..

هزات عينيها فيه...وجها مطموس...كتحرك عينيها بسكات..غير تتشوف

إخلاص:كتبغيها من امتا؟

أسيرم:من قبل منعرفك..انا وهي سنين قديمة مع بعض..فارقاتنا لخدمة هي بقات فكندا وانا فلمغرب..من بعد تجمعنا..

إخلاص:وانا؟

أسيرم:نتي امانتي ..واش عمري قلت لك كنبغيك؟لااا نتي لي شريتي لوهام

إخلاص:وااش انا هي شريرة دقصة حبك أا؟؟

أسيرم:صمت..

إخلاص:وااش صافي خسرتك..(هزات غينيها فيه)علاش تا لدابا (بالغوات)علااااااش تا بغيييتك علاااااااااش...علاااش تا بغيتكك عاد نضتيي تتعتارف لي بعائلتك..هادشي ميمكنش..مغنقدرش نتيق هادشيي نتا تتكدب علياا..نتا ماشي من ناس لي كيخبيو شي حاجة ..نتا خبر موت صاحبك ولحتيه لي فوجهي بلا مقدمااات...(هزات عينيها فيه)نتاا اسيرم أسيرم....نتاا مستحيل تقرب لها بلا زواج مستحيل..انا لي مرتك..ومفتيش حدودك معايا كفاش هي أا

أسيرم:انا راجل ااخلاص ماشي ملاك..وكندا ماشي هي هنا..

إخلاص:اشنو واش الله كاين فلمغرب وفكندا لاا...

حطات يدها على قلبها تتنفس..بجهد

إخلاص:صافي وخا..ربحتيني..مبقيتش قادة..(حركات راسها باه)غنتيقك وخا قلبي ممتيقش..غنخرج من حياتك..محدك مصر..(جمعات يدها عندها)ولكن طلاق بلا متحلم بيه..مولف بلحرام كمل فيه..ولكن طلاق لا..غنبقا مزوجا..باسيرم..راجل لي عتقني من لموت اول مرة..وتاني مرة..راجل لي هرس صباعو عليا..وكان ايقطع يدو..راجل لي وقف ضد عائلتو عل قبلي..راجل لي عمر ضلمني ولا جرحني..راجل لي كان يحس بيا قبل مني..ولي ضريتو وضريتو وعمر عطاني بضهر..غنبقا مزوجا باسيرم..الا مبقاش أسيرم غيبقا هنا(حطات يدها على قلبها ودموعها نازلين)نتا عيش مع عائلتك المزعومة..وانا غنعيش مع راجلي لي هنا..غنخلي لك دار..فرح تهنيتي مني..أه ومتخافش مغنتاحرش ..ومغنبكيش..غنعيش معاه(حركات يدها على قلبها)ولكن ماشي نتا..نتا ماشي هوا

تمات غادة..متوجها لبيتها..

فحين هوا هز تيلي..صيفط مساج

"خلينا نتلاقاو فبلاصتنا"

كانت تتهضر فتيلي مع سمسار

سكينة:وي بغيت نبيعهاا...كفاش غتاخد وقت..انا مزروبة محتاجة لفلوس..

....:على هاد لحساب مغتجيبش تمنها

سكينة:ماشي مشكل..لمهم بغيت غدا تسبيق دعشرا دلمليون

....:كوني هانيا غدا يكون عندك

قطعات عليه فحين هوا ضحك بجهد

...:دار واعرا اتباع بنص ثمن..ونص تاني ليا

كملات خطواتها داخلا لكوميسارية...

ملقاتش حل اخر منين تجيب لفلوس هي ماششي من نوع..لي كيخبع لفلوس ولا يدير دهم..دراهم لي عندها شرات بيهم دار..وبقات عايشا نهار بنهار و

بعد دقائق..حل..لها لباب..لكومسير وسدها عليهم..وخرج..

شافت فيه وهوا كيسدها..ورجعات شافت فينيس لي ناعس..يدو..تحت راسو مغمض .عينوو..

قربات منوو..كتشوف فملامحوو...شفايفو..وجهوو..شعرو لحيتوو..كيبان هادئ وبريء وهوا ناعس عكس وهوا فايق

تهزات منين نطق

ينيس:قلت لك خطبيني ومبغيتيش

سكينة:مغنتزوجش محابسي.

تهز كالس..كيتكسل

ينيس:اط نبكي..

زادت كالسا حداه..حطات ليه لكيس..فيه لفطور..

سكينة:جبت لك باش تفطر..لكومسير لي هنا باينا عزيز عليه..تيخليني نشوفك وندخل لماكلا..ياك ما درتي ليه شي حاجة زوينة؟

خنزر فيها:واش وجهي دلحوايج زوينين؟

جبدات ليه..طاس دلقهوة..وبتيبان شوكولا..مداتهم ليه..

سكينة:تعشيتي لبارح؟

ينيس:(خنزر فيها)وااشتيي

سكينة:اش شفت؟

ينيس:كويناك ليلة وليتي تبغيني

تهزات بزعاف..تا تلاحت عليه لقهوة

سكينة:قليل لادب..كنتعامل معاك مزيان حيت بسبابي نتا هنا..غدا انخرجك..ومنعاوش نشوف وجهك

ينيس:توء توء كفاش متعاوديش تشوفي وجهي..محد حيواناتي فيك راك اتشوفيني

حطات يدها على راسها تتنفس بجهد..كتحاول تكالمي راسها..عارفاه هكدا داير مخصش تاخد لامر بحساسية

ببرودة نطقات:اشمن حيوانات؟

هز عينو فيها..وفمو عامر..

ينيس:المنوية

وسعات عينيها من هضرتو..فحين هوا طلق ضحكة مجهدا..

زادت تتدق

سكينة:خرجووني من هنااا

بدات تغوت تا وقف عليها واحد من لبوليس

سكينة:حل خرجني

البوليسي:سكتينا تا يجي محاميك

سكينة:اشمن محامي..جيت غير زيارة

البوليسي:زيارة كاع مكيدخلو لداخل

سكينة:وعلاه لي كيتشدو كتجمعو بنات وولاد

البوليسي:علاش واش ماشي نتوما لي طلبتو بلمساواة

سكينة:(بنفاد صبر)عيط لي لكحلوش

قرن حواجبو :العنصرية تاهي جريمة..

سكينة:زعما لكومسير..لي دخلني هنا(تتسوط)

البوليسي:تايجي وهضري معاه..معندي منندير لك

سكينة:امتا؟

البوليسي:شي ساعة..سكتونا بوحدكم لي هنا صدعكم وصل لفوق هاد لمرة غنسمع صداع

خنزر فيه ينيس

البوليس:غنقولها لكحلوش

طلع لبوليسي..فحين ينيس..بدا يضحك..

شافت فيه مغززة:تهجرو

ينيس:مكنهضرش مع لمحابسيات..

تم نايض..نتر تيشورتو..كيمسح على صدرو..لي ولا حمر..منين زلعات عليه قهوة..سخونة..

شافت فيه مستغربا....زادت واقفا..اونفاص معاه..هزات يدها..حاطهم على صدرو تتلمس

ينيس:اشنو بقا فيك لحال حيت عندي كبر من ديالك

سكينة:واش تحرقتي منين زلعت عليك لهقوة؟

ينيس:لا غير جلدتي بغات تبرونزا

حرك راسو بلا حول..تكوانسا منين حولات يدها لي على صدرو..لوجهو..شاف فيها وهي تتشوف فيه

سكينة:علاش مغوتيش؟ومتوجعتيش فاش تحرقتي؟

كيحرك بؤبؤ عينو على وجها..

ينيس:علاش واش لغوات غيمنع من اني نتحرق؟

حركات راسها بلا ويدها كتماصي لحيتو.:منين كنغوتو لوجع كيكون قليل

ينيس:نتي غالطا منين كنغوتو لوجع كيصاحبو كنشجعوه وكيكبر ....كباااار من دودة لي جاتك عليا .

بعد منها..زاد كالس .وهوا مخنزر..فحين هي بقات واقفا مكاونسيا من هضرتو

كانت فبيتها متكيا..تتلعب بخصلات شعر ولدها..وتتهضر بلونغلي

مونيكا:يلاه احبيبي انا غنقطع..نتلاقاو فاش تجي ولدنا توحشك..باي كنبغيك

....:انا كتر..

قطعات وناضت تبدل

"فجهة خرا"

كانت هابطا من دروج جارا فاليزتها..تفكرات فاش يلاه جات لهاد دار

...نهار لقاتو قاد لها..لبيت..نهار معقلش بلي تزوج وهجم عليها..منين كانت تعصبوو..وطيب شي لي مكيحملش..نهار لقات سراق زيت وعيطات ليه وجا..

ابتسمات بلا شعور من ذكرياتها معاه..سدات عينيها وحلاتهم...

تمات هابطا..بانو لها تصاور..عائلتو..نهار ضيعاتهم وتقلق منها وضغيا راضاها..شافت لحيط..فين كلاها..وقدم لها اول قبلة لي صرفقاتو بسبابها..

نهار كان مهموم بسباب يونس..وكفاش كان كيخاف عليها..كيف شي حمق..جرات لفاليز خارجا..حلات لباب..شافت لدروج دسطح

..

تفكرات..نهار شافتو على صور وصحابها اينتاحر..وكفاش..بدات تسرسب لو..وطلب منها تبغيه..

زادت بزربا لاسانسور..نازلا هربانة من افكارها..ثواني تاكانت..حدا.باب لموبل..شافت مرا شارفا..خارجا..ابتسمات منين تفكراتها..نهار شكات لها على لباصر..وسما عليها مدام دنجالة فاش نصحاتها بدنجال..شافت فدار..هازا راسها ودموعها نازلين..

هنا فين قالها بجغوطتي.هنا فين كانت اول قبلة..اول لمسة..اول ليلة..هنا فين دخل لها مع دم..مكانش بخاطرها تبغيه..بغاتو بسيف..كفاش متبغيش اكتر شخص حن عليها..وخاف عليها وسمع منهاا ماشي عليها..كفاش؟

زادت جارا..لفاليز..وقفات حدا رجلها لوطو..نزلات زاجة..

إخلاص:اش تديري

..

نورا:ركبي معنديش لك لوقت..متخافيش مغنمشيوش لدار غنديك لداري.داك لحمار عيط(سكتات كارزا على سنانها)..

ركبات بلا متزايد معاها..تكات على زاجة..تتفكر..وهي تتبعد على..دار..دازو على سوبر مارشي تفكرات .نهار ..مشات تسوق معاه..كفاش شوهاتو..وطاحت على سلعة..وكفاش دازت فلوطو دناس..ومتقلقلش منها..نهار لي مرضات..وداها..

حطات يدها على جرح لعمىلية..نهار قالها آثر جرح ايبقا غير ذكرى زوينة..كان صادق..دابا آثر جرح..لي فكرشها..اجمل ذكرى

تنهدات..وهي تتصارع مع افكارها..تفكرات مور لعملية فاش دخل عندها لمريض.وبغا يبوسها..كفاش كان ايقطع شفايفو بلمشرط..

شافت فنورا وتفكرات نهار كانت اتعرا..وضرب فلپولا وسترها..وداك نهار وخا تعرات حداه..مقاسهاش .مكانش مكبوت قد مكان خايف عليها..

تفكرات نهار نتاحرات وكفاش بكا عليها..وهي تتحتاضر بين يدو..وكيفاش بكا وهوا كيطلب دم على حساب معاودو لها..تفكرات كفاش هرس يدو..وكان ايقطعهم..وقال لها "واش نتي حمقة نختارهم عليك؟"

تفكراات فاش كان يقلقها كفاش كبطلب سماحة هوا لول..تفكرات هضرتو لحلوة..وحنيتو..وقلبو لكبير..تفكرات نهار قالها.."قلبي ديتيه من زمان"

واش هدا مكانش اعتراف بلحب..؟واش هادشي مكانش حب؟واش ضروري يقول كنبغيك؟كفاش غتكرهو من بعد كاع اش دار..لعالم ينسا وهي متنسا..لانسان بطبيعتو..عند اول غلطة ليك.كيتفكر غير حوايجك لخايبين..ويك رهكك..ولكن لي كيبغيك دبصح هوا لي كيتفكر حوايجك زوينين فاش كاع ناس كيشدوك من جهة لخايبة..

سدات عينيها ودموعها نازلين..ممتيقاش اش واقع..واشمن لعبة تتلعب بيها هاد لمرة دنيا..

داز لوقت..كانت غادة..بخطوات تقال..كتمشي وتجي..حدا باب الدار..غير شافت لوطو وقفات تبسمات وزادت عندو تتجري..

نزل من لوطو..توجها عندو ترمات عليه معنقاه تتبوس

مونيكا:(بلونغلي)توحشتك احبيبي..متخيلش ..شحال توحشتك

حوطها بيديه:تا انا

مونيكا:راف خلينا نطلعو عند سام..تاهوا توحشك..تخيل فين مايشوف شي راجل طويل وعريض بحالك ينقز عليه ويقوليه بابا..

ضحك بصوت عالي..وجرها طالعين.

🥀فجهة خرا🥀

كان طالع..لحلبة لملاكمة .لابس قفازات..وصدرو عريان .لابس..سروال كيطمة كحل غير شافوو طالع ضحك ليه

عزوز:على سلامتك تفكرتيني منين جيت من سفر وانا نعيط..على سلامتك تواضعتي وخليتينا نتلاقاو

زاد عندو معنقو عناق رجولي..

أسيرم:سمحلي كنت مشغول

عزوز:اه طبيب بحالك اكيد مشغول..كيف دايرا مرت خويا

هز عينو فيه:بيخير

عزوز:عند بالي نسيتي بلاصتنا..خلينا نلعبو(بصوت عالي)يلاه ادراري شجعوني

.

...:نتا عمر ربحتيه وخا كنشجعو

عزوز:غيجي نهار ونربحو.غير طم

أسيرم:(ابتسم جنب)هجم عليا..

تقدم عزوز كيهجم..خوا ليه..وغفلو بضربة..

عزوز:نسولك واش عمرك ندمتي حيت..موليتيش ملاكم كيف كنتي باغي؟

اسيرم:ندمت...حيت مدرتش بزاف دلحوايج..باغيهم..(سكت لثواني)عزوز..

عزوز:نعام(ضربو وخوا ليه)

اسيرم:لعندك 6 شهور فهاد دنيا أش كنتي تمنا دير فيها؟

عزوز:نجمع بزاف دلفلووس..نخليهم لمرتي وولدي..ولكن لحمد الله باقي شباب مغتقتلنييش ضربتك..

ضربو جابو لارض..

عزوز:(كيتوجع)مكتقتلش ولكن كطيح..

مد ليه يدو موقفو:والا كانو لفلوس اش غدير؟

وقفو كيرتاحو .مدو لهم كوكا

عزوز:عطيوه عصير سي ط..

سكت منين شافو شدها شربها

عزوز:من امتا؟

اسيرم:من ليوم..جاوبني لكانو لفلوس اش غدير؟

عزوز:نضمن ان مرتي وولدي يعيشو مرتاحين بلا بياا..وميحتاجوش ليا..ولا لغيري..نضمن اني خليت رجال موراياا..اه اصلا مرتي قويا راجل راجل..تا لمت منخافش عليها

بداو لماتش تانيي..

أسيرم:على هاد لحساب مغلطتش

عزوز:اش تتقصد؟

أسيرم:والووو..

هز عزوز..يدو ضربو لكمة..لوجه..ولغريب مطاكاهاش..ميل وجهو جنب ودم خارج من نيفوو..وفموو..

واقف كيرمش..يسد عينو ويغمضهم

عزوز:علاش مدافعتيش

كيحل عينو ويسدهم:مشفتهاش..

غير ضباب لي تتبان قدامو..حاس بضوء..كيضرب فراسو..شدد..عليه..كيتوجع..طااح على ركابيه..ودنيه كيصفرو..وراسو كيفور..بحالا كيصعقوه..

..الم.كبير..ووجع..كبير..شاد على راسو..ودم نازل من نيفووو..وضبابة فعينوو..

كيشوف فيه ويغوت

عزوز:عيطوو لاسعاف دغياا

شدو من يدو..موقفو..هز راسو فيه..وجهو ولا صفر وشفايفو بويض..ودم نازل من نيفو .نطق ونفس بسيف باش كيخرجها

أسيرم:مكاين لاش..شويا دلوقت..غير شويا وغيمشي..

رجع حااط يدوو.على راسوو..وعزوز كيشوف فيه..ودموع فعينو كيشوف فيه كفاش كيتوجع ويتقطع..طاح متكي على ضهرو كيلهت..كيشوف فعزوز لي نزلو دموعو.

اسيرم؛(ضحك جنب)واش تتبكي عليا اعزوز؟

عزوز:نفس شي كان كيجي لولدي..نفس شيي..نتاا مريض..(مسح دموعو)خلينا نشوفو لك طبيب اكيد كاين ما اشطر منك كيف برا ولدي اتبرا..

ابتسم ليه.حرك راسو بلا

اسيرم:نهار دقيتي بابي قلتي انا احسن جراح اشنو دغيا تقلبتي؟(ابتسم)داك احسن جراح كيقولك كاين لمرض ولكن مكاينش دواء. حالتي ماشي بحال حالة ولدك...(حط يدو فشعرو)ماشي مشكل كلها 6 شهور او قل ويمشي لحريق. حيت بان لي لمسكنات مبقاوش نافعين..واش عارف مناش خايف اعزوز؟

عاطيه بضهر كيبكي نطق

بشهقة:لموت..

حط يدو على فموو..يحجب صوت دموعو

أسيرم:لااا..تيقني لموت عمر خلعاتني..(حط يدو على قلبو)خايف تا بعد موتي يبقا قلبي محروق عليها اعزوز..وروحي تحرق على بنتها اعزوز..كنتحرق على بنت روحي اعزوز...

كلس حداه عزوز..مكمش..شاد راسو بين يدو

عزوز:من امتا؟.

أسيرم(ضحك جنب)ماشي بزاف

عزوز:يعني هوا فلبداية منين ماشي بزاف غيتع..

قاطعو

أسيرم:كان ورم صامت..صامت بحال لبركان لي فقلبي..يعني هوا عندو مدة.. ولكن انا لي ماشي بزاف باش عرفت..لاعراض ديالو مكانتش شي اعراض لي قوية باش نشك اني مريض..

عزوز:وامتا عرفتي؟

سهااا للحظة..رجع بيه زمان لور..

كان خارج متوجه..عند لمريض...لي فلمستعجلات..علموه ..بلي..دكتور اخر ششدو..منين مجاش..تنهد وورجع طالع عند اخلاص...

وقف منين عيطات ليه سكينة لي كانت تابعا نضال..

سكينة:قلت لك رتاح عاد..كمل خدمتك..

أسيرم:انا بيخير..

سكينة:بصارحة انا مشوشا شويا..بصح سكر كان عندك نازل حيت مكلتيش..ولكن..مفهمتش لاش رعفتي..قلت لاخلاص شمس..باش منخلعاش..ولكن..شمس دصبح تتكون باردا..يعني من الافضل دير فحص

أسيرم:عادي ماشي شي حاجة لي تتخلع..باردا ولا سخونة تتضرني..

حركات راسها بوخا..وتمات غادة بجرا تبع نضال..

تنهد بجهدد...وتم غادي...وقف كيسد عينو ويحلهم..منين بدات غير ضبابة تبان ليه..زاد غادي..وهوا كيدوز ..فناس..ولممرضين..

عيون كتيرة متبعاه..مفهموش مالو..غير غادي..كيدوز فشي ويطيح شي..

وقف حدا..لاسانسور..لارقام مكيبانوش ليه..برك..على لي كان وطلع..كان خاوي..تكوانساا فجهة..ساد عينوو..

تنهد منين رجع يشوف طبيعي..

شاف بارك على طاج..رابعا لي ممعندو فييه .شغل..هز يدو باغي يبرك على فين كاينا اخلاص..

حس بيديه تنملات....جمدات عليه..مقادرش يحركها...ابتسم..جنب..سد عينو مزير عليهم

دقايق تا كان خارج..من لكلينيك...هز تيلي فيدو..كيهضر..قطع وتوجه لوطو راكب..

مسافة طريق تا وقف قدام.كلينيك آخر بعيد على لمرابطين..

بان ليه واقف لابس سكراب طبي ..وطبلية بيضة ..طبيب فلخمسينات من لعمر..ابتسم ليه منين شافو وتوجه عندو..

....:استغربت منين كلتي اتجي لهنا. لغيت مواعدي على حسابك.واحد بحالك مخلي لمرابطين وجاي لسبيطار متواضع بحال ديالنا شرف لينا

أسيرم:حيت كنعرفك..على داكشي جيت لعندك باش تخلي لامر بينا..

.....:ياك لاباس واش على ود شي مريض؟

أسيرم:على قبلي انا

توجه معاه لداخل..

غاديين فلكولوار..نطق الطبيب..وهوا مطأطأ راسو

.....: اشمن اعراض فيك ومن امتا

أسيرم:مكانوش شي اعراض قويين..مرة مرة كان راسي يضرني..ولا دنيا كدور بيا..اعراض عاديين لشخص كيدوز ساعات فغرفو لعملية..على داكشي مفكرتش اني نجي..

....:ودابا اشمن اعراض؟

أسيرم:رعفت..

...:ولكن رعاف..ماشي من الاعراض الرئيسية د..

قاطعو..

أسيرم:عارف ..من الاعراض..النادرة..ولكن دوخة..وشوف..والضعف فيدي..هادشي خلاني نجي..

حرك طبيب راسو باسف..خرج تنهيدة طويلة...حيت عارف هاد لاعراض لي دكر ماشي عاديين..

دقايق تاكان فقاعة لفحص..كيدير اشعة الرنين المغناطيسي.. والاشعة المقطعية على راسوو..

بعد مدازت كتر من 45 دقيقة...

خرج كيعاين طبيب فلمكتب..ثواني تا شافو دخل هاز..نتائج فيدو..وملامح وجهو مطموسين..كلس..وهوا كيشوف فاسيرم.نطق وهوا تيتمتم

الطبيب:هواا بصارحة..هوا ..

أسيرم:هضر..أنا طبيب بحالي بحالك..عارف اش غتكول..اشمن نوع؟واشمن درجة؟

الطبيب: من الأورام الدبقية

حرك راسو بشويا:فانا بلاصة؟

...(سرط ريقو)ف (حط يدو على راسو)فاصعب بلاصة

أسيرم:جدع المخ؟

باسف نطق:اه

هز من عندو تصوير لاشعة..كيشوف

أسيرم:فاشمن مرحلة كضنو نشيط ادكتور؟

الطبيب:منقدرش نحكم دابا..غنعرفو منين نديرو تحليل نسيجي للورم

أسيرم:قلت كضن..يعني من خلال الاعراض وحجمو اشمن مرحلة تضن نشيط؟

كحب شويا ونطق:كنضن تانيا..

هز فيه اسيرم راسو وعاود شاف فلاشعة..ابتسم جنب

الطبيب:نتا طبيب ومغنقدرش نكدب عليك..كيف كتشوف لورم حجمو كبير

أسيرم:المرحلة رابعا

حرك راسو بلا:لاا غالبا تالتا..غيكون يلاه جديد فلمرحلة تالتا..ولكن كيف قلت..مور تحليل انعرفو فاشمن مرحلة ناشط

أسيرم:خلينا نديرو هاد تحليل..ومور ميخرجو نتائج عيط لي..والا ربحتك..غتعرض عليا تافقنا؟

خرج من عندو بعد مدار تحاليل لازمين..

توجه لوطو ديالوو..سايق..بكل هدوء...عينو على طريق..

ابتسم جنب:انا واعدتك غنحارب لموت على قبلك..ورجعتك منها..ومغاديش نخليها تديني بعيد عليك..بغيت نعيش..حياة طويلة..طويلة بزاف معاك نتي...

وقف لوطو قدام لكوميسارية...توجه..داخل..طلب لادن يشوف عبلة..وصلوه لزلزالة...

شافها كالسا..ساهيا..

أسيرم:خالتي؟

هزات راسها فيه:أسيرم

أسيرم:فاش كونتي تتفكري أاا؟علاش هكدا درتي؟؟عمي خايب آه ولكن ماشي لدرجة تقتليييه..أخالتي..

عبلة:واش جيتي دافع عليه لعجب

أسيرم:جيت على ودك..بلا متحاولي ترضي راسك خايبا على قبل شي حد..نتي ..وحدة لي نقيا وبلاصتك ماشي هنا..غندير جهدي باش تخرجي فاقرب وقت...

عبلة:إخلاص علاش مجاتش معاك؟

أسيرم:مريضة..

تهزات عندو ..شدات فلقضبان..

عبلة:اش وااقع لبنتي كفاااش مريضة أاا؟واااش نارا فيها شي..

سكتات منين شافتو كيف كيشوف..قارن حاجب.وميل وجهو

أسيرم:نااراا؟؟

سرطات ريقها:واش مكالتش لك اخلاص بلي هي نارا..

عودات ليه كفاش عرفاتها بنتها..

حط يدو على راسو..كيحركو بشوياا

أسيرم:نارااا(ضحك وعينيه كيلمعو)نتي ماماين مرتي أاا؟نتي اخالتي عبلة

حركات راسها باه

أسيرم:يعني بجغوطتي..عندها أم وأب..

نزل راسو وطلعو وعيونو محجرين بدموع

أسيرم:وحتا أخت..عندها عائلة كبيرة

عبلة(دموعها نازلين..كتشوف فيه كفاش فرحان من هضرتها)اه عندها عائلة..عائلة لي كلها مشاكل..لي خصها تهرب منهم..علاش فرحتي أا؟

أسيرم:فاي عائلة كاينين مشاكل اخالتي لي صعيب هوا تكون مقطوع من شجرة..انا لي عارف ان اخلاص تتستاهل أم بحالك(ابتسم جنب)تزوجت بنت عمي..واش شفتي دنيا شحال صغيرة؟

عبلة:صغيرة ..لدرجة حاسبانا غير لعب فيدها..بنتي مقالتش لك بلي انا ماماها..؟

أسيرم:اشنو واش بغيتيها تجي وتقولها لي دريكت..اكيد عندها سببها..بحال هادشي خصو وقت..باش تقبل لوضع

عبلة:واش هي بيخير واش مريضة بزاف؟

أسيرم:لا غير عيانة..نتي عارفاه قليلة صحة..غتولي بيخير..وغتجي عندك..

خشا يدو فجيبو ..تنهد

أسيرم:فاش لقيتي بنتك..علاش ققرتي تبعدي منها وتبعدي عليها باباها..فهاد لوقت خصك تكوني حداها أولا لا؟

بعدات عليه..كالسا..كتشوف فيه بملامح مطومسين

أسيرم:ماشي بسيف..تهضري انا عارفك اش تتسواي..أكيد كاين سبب..رتاحي..ومديريش فبالك..كولشي غيدوز..لجات عندم اخلاص فاش تولي بيخير بلا متعلميها بلي عرفت..مبغيتهاش تحرج حيت خبات عليا..

حركات راسها بوخا تم خارج..

دازو ساعات..كان داخل لغرفتها..فلكلينيك..شافها ناعسا..زاد كيفحصها..بلا ميفيقها..

كلس حداها..ويديه كيقيسو خصلات شعرها..

أسيرم:ورم دبقي فجدع لمخ..(حرك راسو باه)نسبة نجاة فيه قليلة عارف ..ولكن ممكن يكون فلمرحلة 3..فبدايتها..متخافيش..مغنخليكش..مغنخليكش بعد معرفتك تتبغيني..مغنخليكش..والا كاع قتلني؟لموت ماشي شي حاجة لي تضر..كولشي غيموت..(صغر عينو)غير لفرق اني انكون عارف لوقت تقريبي لموتي..مكيهمش لمت..قد مكيهمني اني نعيش معاك(حط صباعو على خدها)تا لعرفت بلي غنموت غدا.. غنعيش معاك ليوم..بكل ثانية..بكل دقيقة..تا لاخر نفس..

غنعيش معاك..عمري كولو تا نكمل 100 عام(ابتسم)وغنعيشو معاك وخا غير عام..نتي عشتي بزاف دلحوايج صعاب..غنعوضك على كولشي..غنحارب الورم باش نبقا معاك ونعوضك..والا مقديتش نحاربو..غنعوضك فليام لي عندي..غنخليك تشبعي مني ..غنخليك فاش تفكريني ضحكي ماشي تبكي..غنخليك تفكريني بلخير..نتيي..حبك ليا باقي جديد..فلقلب..دغيا قلبك غيولف على فراقي..مغنخافش عليك..ولكن تيقيني غندير جهدي..باش منمشيش ونخليك(طبع بوسة فجبهتها..نزلات من عينو دمعة حارقة) غندير جهدي حيت مساخيش نمشي ونخليك ابجغوطتي

دازت يوماين..

كان فالمرابطين..توجه لغرفة راحة بعد معيطو ليه على قبل واحد من المرضى..تكلف بحالتو وزاد يرتاح..

حل لخزنة ديالو جبد..كيشوف فالاشعة لي دار على راسو...

كيشوف فلورم لي كبير..وغير من لاعراض باينا كيكبر..دغيا..

دار بزربا منين سمعوو نطق

عدنان:وااااو ورم..

حط لاشعة..وشاف فيه كفاش كيشوف ..

عدنان:ديالمن هاديك؟

اسيرم:مريض

عدنان:متكوليش غتشدو..هاها مغندخلش معاك..غير رتاح..حيت كبير وجاي فلجدع دلمخ يعني نسبة نجاح ديالو(هز يدو مشكل 0) فبلا متغامر

أسيرم(سرط ريقو)اشنو واش نخليه يموت؟

عدنان:لدخلناه لعملية عاد غيموت..خليه يعيش..داكشي لي بقا لي مرتاح..غتلقا عندو شي عام ..عام ونص..

تم نايض..خرج تنهيدة طويلة..

عدنان:فين غادي يلاه جيت خلينا نتعشاو مجموعين

أسيرم:مرتي مريضة وراها فدار بوحدها خص نمشي

مسافة طريق..وصل لدار..زاد داخل..توجه لبيت..بانت ليه ناعسة..تبسم جنب وعينو حاضينها..

زاد عندها..طبع بوسة فجبهتها

أسيرم:اصلا عام ونص كافينا

ابتسم..وزاد لدوش..

خرج..بعد مخدا دوشو..توجه عندها ناعس..محاوطها..

..حلاتهم..منين حسات بيدين محاوطينها..

دارت بثقالة...حطات يدها كتلمس لحيتو وخصلات شعرو لفازكين

إخلاص:امتا جيتي

أسيرم:قبيلا..دوشت وجيت نرتاح

إخلاص:واش تعشيتي

كيشوف فيها مبتاسم:اه كليت وشبعت

قرب وجهو منها..خطف بوسة من فمها بلخف..ابتسمات وعينيها مقلوبين بنعاس..

أسيرم:ولكن منك مكنشبعش..شربتي دواك

دلات شفايفها مصغرا عينيها:نسيتوو

ناض..مهزوز..مد لها لماء..ودواء..من لمجر حداه..

أسيرم:شربيه متعاوديش تنسايه باش تبراي دغيا

إخلاص:انا بيخير تيقني..

شرباتو وهي تتشوف فيه..حطات لكاس..

قربات ليه تا مبقاا يفصل بينهم والوو نطقها بصوتها رقيق الانثوي

إخلاص:أسيرم

أسيرم:مم

إخلاص:انااا بغااا نولي مرتك دبصح ماشي غير على لوراق..(هزات عينيها فيه)انا عطيتك قلبي انا ديالك..

كيشووف فيها غارق فعينيهاا..بلا مينطق اول يرمش...

نزل وجهوو عند شفايفها ...كانهم مغناطيش وجابدينوو بشوياا...فحين هي رجعات متكيا على سرير ...

كالاا جسموو بيدوو...ونزل كيلتاهم فشفايفهاا...حطات يدهاا..فشعروو..متجاوبا معاه...وخا كان نعاس ..غلبها..ولعيا..لكن رغبتها فانها تولي مراتو بصح..كانت اشد...هكدا فكرات بلي عمر ايخليهاا...

كيتلمس فجسمها..وينشر اثروو عليه ..نتر تشيورتو وهي دايباا..غرقانة فيه..كانت مجرد دمية بين يديه..متمتعاا معاه..وفنفس لوقت كينزلوو عليها لافكار لي ديجا نزلو عليها قبل متنعس..وليي..نازلين عليها نهار كولو..وكتزيد تشبت بيهم فرغبتها انها تولي بصح مرتو

نزل وجهوو..عندها..نطق ..جنب ودنهاا..

أسيرم:متاكدة انك بغاني؟

مزيرا على لغطا بيدها..لحمعا تبورش..منين قاست لحيتو ودنهاا.وتضرب نفسوو فيهم..حركات راسها باه..وعيونها مغمضين..وبصوتها الانثوي نطقات

" آه انا بغاااك أمعاد"

..........بلل شفايفوو..وبصوت مبحوح نطق..

أسيرم:نتيي هضرتي وانا فهمت (ابتسم لها بجنب)باراكا متببزيني على راسك..

حركات راسها بلا...وهي تتشهق..قرب منها..حاط..يدو على خدها كيمسح دموعها

إخلاص:أسيررم..عفاك متكولش هكدااا ..سمحيلييي انااا جرحتك

حرك راسو بلاا..

أسيرم:نتي مجرحتينيش انا بيخير..نتي عارفا قلبي بارد..وهضرتك..مضراتوش..

نتي أمانتي..وغتبقاي امانتي....(سكت لثواني) .على داكشي خلينا نقادو علاقتنا..(شاف فعيونها) انا غنبقااا صاحب راجلك ونتي مرت صاحبيي...ونهار اتلقاي لي ينسيك فمعاد..غنخرج من حياتك..ونجمعك معاه..ونخليك تعيشي معاه فالهناا...حيت انا منسيتكش فيه.. انا مبغيتش نكر ه صاحبي..ولانكر ه مرتو (نزل يدو من على خدها منين مسح دموعها)متبكيشش خلي غير واحد فينا يبكي

تمم خااارج...

مخليهاا واقفااا..مكاونسياا...شدات على قلبهاا لي تقطع من هضرتووو طاحت لارض على ركابيها..وهي مصدومة...ودموع فعيونها محجرين..

زاد خارج..حاط يدو على قلبوو..صدرو كيطلع ويهبط..حاس بقلبوو ..كيتقطع..وروحو كتقطع...

جبد تيلي من جيبو..شافو طبيبو لي معيط..جاوبوو..

بعد ساعة

كان كالس قدام طبيب..كيشوف فيه..كيتبادلو نظرات فجوو دصمت..

أسيرم:أشنو واش غتعرضني؟

حط يدو على وجهو:اش باغي تاكل .

أسيرم:اي حاجة معنديش مشكل

(حرك راسو بشويا)من الدرجة الرابعة..ياك

الطبيب:للاسف اه..كيكبر بسرعة..لاعراض غتزيد طور عندك..نتا عارف هاد نوع لي من الاورام دلجدع..كيكونو اعراضو صعاب شوية..

أسيرم:أنا قدها متخافش.

الطبيب:غنخرج لك مسكنات..(ضحك)وخا بصارحة راك عارفها..غتقلل من الم راس....مرضك وخا صعيب..يقدر تنجا بعملية كي شفتي طب دابا طور..

أسيرم:كتنسا اني طبيب ..وكتبيع لي لوهام(ضحك بثقالة)مسكناتك مغتنفعنيش فاش لاعراض غيطورو ويوليو نوبات....(سكت لثواني)عملية..شحال نسبة نجاح عملية ورم دبقي؟

الطبيب:غالبا50٪

أسيرم:دبقي فجدع المخ؟؟

الطبيب:لكان فلمراحل لولى30٪

أسيرم:دبقي فجدع المخ..ناشط فلمرحلة الاخيرة..

تنهد بجهد:قل من10 ٪

أسيرم:يعني ادكتور نتا عارف 90٪ نسبة فشل لعملية ...فبلا متبيعني لوهام..

تم نايض..

طبيب:ولكن خصك تعالج..لمتعالجتيش..فمغتعيش كتر من 6 شهور؟

أسيرم:عارف..ولكن لي عارف كتر..اني لدخلت لعملية..فمغنخرجش عايش..6 شهور كافياني..

طبيب:نتا عارف بلي ممكن تكون قل من 6 لورم كيطور..ومناعتك اضعاف..

أسيرم:(شاف فيه )عارف ومن بعد؟فنضرك اش خصني ندير ..ندخل لعملية نسبة فشلها90٪ ولا نعيش6 شهور لي بقات لي مع مرتي كيف كنتمنا؟

تحجرو دموع فعينو:تعيش..معاها..(حط يدو على وجهو) نتا نقدتي بزاف اولدي ولكن تاحد مقادر ينقدك..خاصة انا لي طبيب على قد لحال

أسيرم:شكرا ليك على كولشي..

ابتسم ليه..وزاد..خارج...

دازو ساعات.. كانت ربعا دلفجر..خرج من بعد مفحص عموو وتوجه لدار..

دخل وطلع..لبيتها..شافها..ناعسا..واتر دموع باقيين على خدها..

أسيرم:واعدتك غرض حياتك جنة..ولكن..موفيتش..سمحي لي..(ابتسم بثقالة) محدك ذكرتي سميتوو..يعني حبك ليا باقي جديد..وهوا باقي فقلبك.(سرط غصتو)يعني مغتقلقيش بزاف لمت مم؟ولكن انا حبي ليك ماشي جديد..وماشي صغير..نتي وليتي كولشي..كولشيي..غنكون اناني..هاد لمرة..وغنخليك معايا..ست شهور ولا قل..مكيهمش..غنبقا حداك..مغنحيدش عيني عليك..مكيهمش وش كتبغيني ولا مزال تتبغيه..غنفكر بانانية.

وغنعيش لي بقا لي كنشوف فيك..نقدر مناكلش ومنشربش ومنعسش ونبقا غير حاضيك.6 شهور مدة صغيرة..ودغيا ادوز..بحال رمشة عين..خص نخلي قلبي يشبع منك..عارف مغيشبعش..ومغيسخاش يخليك..ولكن(زير على عينو)غنقنعو بلي غنتلاقاو فجهة خرا زوينة شي نهار..وغيبقا معاك سنين طويلة ماشي غير شهور..

تنهد بجهد..منين سمعها..تتهضر..بتسم..بجنب..عارفها ..تتهضر فنعاسها..ولكن كيحاول ميستغلش حالتها..

إخلاص:(بعينين مغمضين)أسيرم..سمحلي..كنبغيك..والله تاكنبغيك..بوحدك..انا دكرت معاد غير حيت حلمت بيه..

متنبغي حد من غير ..بوحدك بوحدك..بوحدك

زاد كالس على ركابيه..

أسيرم:اش حلمتي مم؟

دازو ثواني عاد جوبات

إخلاص:جردة..جنة..نتا..هوا..(بخفوت)داك معاه..وخليتيني

زير على عينو..سارط ريقو..كيتنفس بجهد

أسيرم:الا تحقق لحلم ومشيت عندو نتي قادرا تكملي بلا بيا ياكي ؟

إخلاص:,غنموووت .بلا بيك..

كتنفس ناعسا لثواني عاد كملات هضرتها

إخلاص:قطعت يدي..حيت منقدرش نبعد عليك..خفتك تبعد عليا لعرفتيهم والديا..والا مبقيتيش فهاد دنيا..انا مستعدا..نعاود نقطعهم..

ناض كيلهت..قرب وجهو منها..بصوت خافت

أسيرم:نتي ماشي ضعيفة مم؟غتقدري ااخلاص..خصك تقدري..حياتك ماشي لعبة ااخلاص

إخلاص:كاين نتا ..كاينا انا..نفسك بنفسي..متي غنمو..

سكتات غرقانة فنعاسها..غير نفسها لي مسموع..

أسيرم:علاش غنبعد عليك بسبابهم فاش كونتي تتفكري ..أا؟انا فرحت حيت عندك عائلة فرحت حيت غنخلي ناس موراك..بصح كنت مقلق من عمي ولكن ماشي لدرجة تموتي.انا عارف عمي مستحيل يفوت ولادو..غتكوني معاه فرحانة..

تنهد وهوا كيشوف فيها..ناعسا..حط يدو فراسوو نطق بصوتو لمبحوح..

أسيرم:(كارز على سنانو)يااااصبرر أيوووب..

تم خارج .بانت ليه..مذكرة..محطوطة وفيها..قلم..

هزها..وزاد خارج .كلس فوسط دار حالها..شاف بلي باديا فيها من تاريخ فاش كان فكندا...

كلس يقلب فصفحاتها..جات عينو على جملة كتباتها..هي

"انا بحاجة لجرعة من صوته..بحاجة لسماع مخدره..بحاجة لأن ألدغ من فحيح انفاسه..فانا كدت أغرق في سكرات اشتياقه"

شاف اسمو مكتوب تحت منها..بتاسم ودموع فعينو محجرين..

كلس يقلب فصفحات..كلهم كانو هضرا ليه..كانت تعبر عن حبها ليه من خلال كتابتها...وبلي متقدرش تعيش تا دقيقة بلا بيه

حط لمدكرة على قلبو مخرج تنهيدة طويلة

أسيرم:طلع حبك ليا كبر من لي كنتخيل أإخلاص..

سد عينو..تفكر هضرتها

"لكنتي غتعاود تهرب علمني نخرج من حياتك بمرة"

ابتسم منين تفكر فاش جاوبها ب"غتخرجي فاش غنكون على فراش الموت.."

هز راسو فسقف كيتنفس بجهد

أسيرم:لخرجت..واش مغتعانيش؟انا باغي نعيش اش بقا لي معاك..ولكن (سد عينو)غنتخلا تا على هاد لحلم..غنخليك توقفي على رجلك بوحدك ااخلاص..انخليك..تعيشي بلا بيا اصغيورة ديالي..غنخلي مورايا مرا قوية..باش نموت مرتاح..

شاف فاخر حاجة كتباتها..

"بغيني ماشي غير ليوم بغيني لعمر كولو"

كتبات هاد لجملة وتحتها..كتبات"كنبغيك بوحدك تا لاخر نفس"

ضرب على جملة بغيني..

وكتب تحتها

"كر هينيي ماشي غير ليوم..كر هينيي العمر كولو"

هز لمدكرة وتم خارج

تتمة لفلاش باك

صباح..جديد.ونهار جديد..كان غادي فلكولوار..بعد مقرا هضرتها دلبارح..وسولها وهي لي اجابتها كانت صادقة..قرر انه يكرها فيه..باغيهاا تكرهوو لدرجة..تكره شوفة وجهوو..باغي يدمر داك لحب زوين لي فقلبوو..لها..فقل من شهر..ومن بعد اتجي خطوة خرى هوا مخطط لها..

غادي خاشي يدو فطبليتو.

وقف منين عيطات ليه..

دار كيشوف فيها..كيسد عينو ويحلهم..وهي كتبان ليه مزداوجا..ومضببا..سرط ريقو.

ودار لجهة لخرا منين سمعها معيطا ليه..عاطي بضهر لاخلاص

استغرب منين شافها..وبنفس لاستغراب نطق اسمها

أسيرم:مونيكا؟

ابتسمات ليه..وتقدمات ولبسمة على شفايفها..نقزات عليه معنقاه بلا اذن..وبصوتها الانثوي نطقات.

مونيكا :توحشتك..

ثوانيي تا وقفات عليهم..

إخلاص:مغتعرفنيش عليها؟

أسيرم:هادي مونيكا كانت خدامة معايا فكندا.

إخلاص:متشرفين المونيكا

ابتسم جنب عليها..ودغيا جمع ابتسامتو بلا مترض لها لبال

مونيكا:هاء (ابتسمات)مونيكا ماشي المونيكا..متشرفينbut ,شكون نتي؟

إخلاص:(شافت فاسيرم قارنا حواجبها)عرفها عليا كي عرفتيني عليها

تنهد بشويا هز راسو فمونيكا..

أسيرم:هادي إخلاص

كتشوف فيه اخلاص مبتاسما..بدورو شاف فيها ورجع شاف فمونيكا

أسيرم:..مرت صاحبي..

......دمعة فطرف عينيها شافت فمونيكا مبتاسما

إخلاص:تشرفت بيك امونيكا..نتي وياه كوبل زوين منين شفتكم من بعيد..عرفتكم تخالقيتو لبعض الله يسخر

دفعاتو وزادت وهوا متبعها بعينو..حس انها غارت..عرف ضرها ووجع قلبها..لكن قلبو كان موجوع كتر..نار كانت شاهلا فيه تتاكلو بلمهل..من ردة فعلها لقوية عرف بلي هادي اول خطوة فخطتو..

مونيكا(باستغراب)اش تتقول هادي..كوبل زوين؟يسمعها راجلي ..

قاطعها

أسيرم:العناق...بصارحة تصرف كيخليني منكونش مرتاح (تنهد)فاش كيعنقني شي حد غير مرتي مكرتاحش .

سرطات ريقها:اه فهمت..سمح لي نتا عارف حنا فكندا مولفي....( سكتات مرجعا شعرها مور ودنها)ايه ماعلينا..تزوجتي..مبروك..فين مرتك..واش شي طبيبة؟

أسيرم:هي لي كانت واقفا هنا..

مونيكا:هاا قلتي مرت صا..(سكتات)اه فهمت مخاصمين..ولكن ماشي لدرجة تنكرها..

ضحكات بطلاقة..

أسيرم:لعندك شويا دلوقت واش نقدرو نهضرو شويا

دقايق تا كانو فمكتبو..شادة تصاور لاشعة..

مونيكا:ورم فجدع المخ فنهاية المرحلة2 ..(هزات عينيها فيه) اه وخا بلاصتو صعيبة ولكن غيتحيد بعملية..

هزات عينيها فيه:ولكن علاش تتوريه لي؟

أسيرم:شحال غتبقاي فلمغرب؟

مونيكا:معرفتش بضبط مي مطولا .ماما عيانة خص نبقا معاها..ولكن اش جاب هادشي للورم لي تتوريني؟

أسيرم:هداك صور الاشعة دمريضي..كان ورم حميد..وصامت لسنين..ولكن دابا ولا خبيت..

مونيكا:اه من زهرو بان فلاشعة حيت لي فلجدع..مكيبانوش فلاشعة تا لمراحل لخرة..ولكن باقي مفهمت..علاش؟

أسيرم:بغيتك دخلي معايا لعملية..

سكت شاف فلباب..منين دخلو ليه لقهوة لي طلب..وخرجو..

كتشوف فيه مستغربا:شنو سبب ؟نتا تتدير عمليات لورم من درجة رابعا..وش دابا حرتي فهدا؟(ضحكات )اشنو وااش توحشتي الثائي العج.

قاطعها..

أسيرم:آخر مريض ليا

تنهد بجهد وهي تتشوف فيه..

هز يدو باغي يهز كاس دلقهوة..

كيقرب يدو..باش يهزو..كيشد غير لخوا..

عيونها حاضيينو..كفاش باغي يهزو وكيهز لخوا..شافتو كفاش زير على قبضة يدو.عرفاتو مشكل فلادراك العصبي

وبصوت مسموع نطقات

مونيكا: من امتا وليتي تشرب لقهوة؟ياك تتبغي شاي الاخضر

أسيرم:دنيا قصيرة على داكشي خصنا نجربو لي كنبغيو ولي مكنبغيو..

حركات راسها باه:باقي معطيتيني سبب؟لاش باغيني ندخل معاك عطي لمريض..لغيرك لمبغيتيش دخل؟

أسيرم:(حط يدو على راسو حاس بلحريق..وعينيها عليه)لمريض كيعاني من انخفاض ظغط دم..على داكشي بزاف كيتجنبو يديرو ليه لعملية..مدة وانا كراقب ..ضغط دمو..وفاسرع وقت خص ندخلو لعملية..وخصك تكوني معايا

مونيكا:وخاا..غنكون معاك..ولكن علاش قلتي اخر مريض؟

أسيرم:حيت هوا اخر مريض..شكرا حيت غدخلي معايا..غنقاد لك لوراق لازمة ..

تم نايض..هز اشعة لمريض..وزاد خارج..وقفات..بغا تخرج..صغرات عينيها..منين لاحضات..صور اشعة على مكتبوو..

خارج..غادي .شاف بلي هز اشعة لمريض..ونسا ديالو..رجع بزربا..مع حل لباب..بانت ليه تتش وف فيه ودموع فعينيها محجرين

مونيكا:ورم دبقي..فلمرحلة الاخيرة..وجع الراس..وفقدان مؤقت لبصر..وعدم الادراك العصبي..متقدرش تحكم فيدك..ومتقدرش تشوف للحظات..هدا هوا سبب ياك؟سبب لي مخليك طلب وحدة ضراتك بحالي دخل معاك لغرفة لعمليات..

نتر منها لاشعة..وعطاها بضهر خارج

مونيكا:نتااا خصك تعتق راسك من لمووت ماشي لمرضى..نتاا مخصكش ضيع لوقت..

شاف فيها..كارز على سنانو

اسيرم:بصح مخصش نضيع لوقت..وجع راس غيتحول لنوبات..العمى المؤقت غيتحول لكولي..ويدي تقدر تشلل..لاعراض كتيرة ..وغطور..على داكشي مخصش نضيع لوقت..خص نقد يحيى معمر..فهمتي خص نقد اخر مريض طرق بابي..قبل منموت..

نترات منو لاشعة

مونيكا:نتا بقا تجري على ود مرضاك وانا غنسول لك ناس كندا على حالتك .عندنا طب مطور على هنا..اكيد غلقاو حل..ااسيرم..

زادت خارجا .مقداش تزيد تهضر بحرقة دموعها..

تنهد وزاد كالس..جبد مدكرة اخلاص...خدا وحدة من الاوراق لخاويين..كيكتب فيها

"فقدان بصر مؤقت..تشنجات فليد..مشكل لادراك العصبي. وجع الرأس."

كتب هاد لاعراض..دور عليهم..وجنبهم كتبت1

رسم دائرة خرا مرقمة ب2

وداخلها كتب..

غثيان وقيئ.ضعف الاطراف السفلية..التعب ..تغيرات فداكرة وشخصية...

وقف للحظات..سرط ريقو وزاد "نوبات"

سد عينو مزير عليهم..بعد مكتب لاعراض لي كيتوقع يستاضف فليام جاية..ويزيدهم على لاعراض لاولية.

لورم كيطور بسرعة ولاعراض تاهما..شي لي مخليه..يقرر يدير عملية لمريض .فاسرع وقت ..

تنهد وتم نايض..

داز كتر من نهار..برودتو..كانت حاجبا لبركان لي فقلبو وهوا كيشوف راسو كفاش كيجرحها..ويتصرف معاها خايب..كيحاول يقصح..قلبوو..ويكمل فخطتو..

كان واقف قدام باب دارها..عيطات ليه..طلبات تشوفو

وبدورو كان خصو يشوفها..

حلات لباب

مونيكا:اسيرم نورتينا..

دفعها ولد صغير..بيديداتو صغار..خرج موراها ..نطق ..وهوا كيشوف فاسيرم.

...:baddy

ترما على اسيرم معنقو.

أسيرم:How are u doing my hero

هزات مونيكا راسها تتشوف فيه

نطقات بصوت خافت

مونيكا:sam baby go to your bed

سام(دلا شفايفو باسف)ok

توج لبيتو كيف طلبات..

هز عينو فمونيكا لي تتنهح..صدرها كيطلع ويهبط..بلا سابق اندار ترمات على أسيرم معنقاه..

طلقات شهقة..طويلة..ودموعها نازلين..

بعدات عليه تتمسح فدموعها..

مونيكا:سمح لي عارفاك متتحملش لي يعنقك

أسيرم:علاش عيطتي لي؟

مونيكا:سولت على حالتك..خصك عملية..مستعد يجي طاقم من كندا..على قبلك..

أسيرم:نسبة نجاحها؟غتعدبيهم على10٪

مونيكا:هما خبرة..تقدر توصل تا ل15 ٪ اش كولتي

أسيرم:85٪ (ابتسم جنب)نتي كنتي تتفقدي لامل فلمرضى لي نسبة فشل عمليتهم كتر من50٪ ودابا اش تبدل؟

نطقات بصوت عالي:وااش غتبقاا هكداا اأا غتموت وصافي..دير شي حاجة..على الاقل لعلاج بلاشعة..اه عارفاه مغينجحش..ولكن غيزيدك شويا دلوقت

أسيرم:6 شهور كافياني..

مونيكا:لبقا مرضك كيطور هكدا فمغتبقا تا شهر

أسيرم(ابتسم لها)هدا ملف لمريض..راجعيه..

مد لها لملف..يلاه بغا يخرج..شاف سام شاد فرجلو..كيعيط ليه بابا..ابتسم..ليه..

مونيكا(بالغوات)هوا ماشي بابا باباك راه فكندا..نتا لي شفتيه تعلق فيه قلت لك طلع لبيتك..

زاد بجرى وهوا كيبكي..شاف فيها اسيرم كفاش معضبة كتسوط..ويدها على جنبها..

أسيرم:واش لموضوع كان يستاهل انك تخلعيه؟

مونيكا:(حطات يدها على راسها تتبكي)باركا الله يخليك..باركا متكون بارد هكدا..نتاا كتموت كتموت..بكيي..غوت..دير جهدك..باش تعالج..ولكن متبقاش هكداك..قلبي كيتقطع..وانا كنشوفك..كتموت..نتا غتموت.ونتا ممسامحش ليا على اذ درت لك.

أسيرم:غنسامحك..غنسامحك قبل موتي وعد..ولكن عندي..شرط..

مونيكا:شنو هوا؟

أسيرم:غنستغلك..نتي وولدك فحاجة شخصية..

دازو دقايق..وهوا كيعاود لها على اش بغا..شافت فيه بصدمة..

مونيكا:مكلخ..نتا مكلخ..والا نجحتي أا.؟واش كضن مغتحطمش فاش اتعرف بموتك..

ابتسم لها:هي عمر مغتعرف..غيكون فبالها اني عايش معاك فرحان..(صغر عينو)فلوقت لي غنكون غالبا وليت هيكل عضمي..(ضحك بثقالة)غنموت بعيد عليها..فمدينة خرا..ولا فبلاد خرا..غنحرص انها مغتعرفش بموتي وخا نعرف نوصيهم يحرقوني..والا عرفات بعد سنين طويلة..فمغتبكيش عليا.الواحد مكيبكيش على بنادم..قد مكيبكي على ذكرياتو معاه..شحال من غريب مات ومبكينا..(رجع شعرو لور)على داكشي غنخلي لها غير ذكريات لخيبين..مني..تا لعرفات بموتي بعد سنين..غتحمد الله..حيت بحالي مات..

طااح ضلام كان فدار

..دخل لدوش هارب منها .هارب من غواتها بعد مرما لها قرار طلاق فوجها..

كان وااقف كيشووف وجهوو فلمراية..وجهوو لي كيبان ليه مضبب...منين بدات صورتها متتوضاحش هرب لدوش..

خايف للوضع يسوء كتر وتعرف بمرضو..زير على عينو..كيتنفس..بجهد..عارف مزيان بلي مبقاش ليه بزاف..عارف مزيان بلي لدخل دابا لديك لعملية..غيموووت..فاش كان عرف راسو مريض..تشبت بدنيا وقرر يحارب..على قبلها..وعلى قبلو..على قبل يعيشو بجوج..لكن منين عرف نوع لورم..وفين كاين..عرف راسو غيدخل لحرب..خاسرها من اول معركة لاخرها..

هوا طبيب..ودوز نص من حياتو فغرفة لعمليات..دوز نص من حياتو مع لاورام سرطانية ددماغ..عارف لي يقدر ينجا منها بنادم..وليي مكاينش فرصة قدامها..

وفنفس لوقت عارف..لدخل لكلينيك..وبدا علاج الاشعة..غير غيهلك صحتو ويضيع وقتو تمين..حيت بحال هاد لانواع دسرطانات..مكينفعش معاهم لاشعة .

طبيب ..طبيب ولف ينقد..ناس من الاورام ددماغ..وليوم..عارف تاحد مغيقدر ينقدو..

طبيب ماشي شي شخص عادي لي..تبيع ليه لاوهام..ويشريهم..ماشي شخص عادي..باش يتيق..ويدخل لغرفة لعمليات..و

فاول نزيف..

غيطأطا راسو طبيب ويقول

"درنا جهدنا. ولكن فقدنا لمريض..."طبيب دماغ عارف مرضو مزيان..عارف بلي لدخل للعملية غيخرج اه ولكن غيخرج ميت.

شاف لجهة لباب منين سمعها تدق..وتغوت..

تنهد سارط ريقو..

يلاه..كيف بغا يزيد يحل....شد على راسووو .حاس بلمااس ضربوو فيه..وتصفار فودنو..كانهم دقات جرس الوداع..

شد على راسووو..عروقو برزو ووجهو ولا حمر..ولهتة انفاسو مسموعة

..حااس بروحوو تتخرج...عقلوو كيفووور...وجع قويي..أقوا وجع غدوق صحتو فكاع حياتو ..

نزل متكي على لحيط..وهوا كيتوجع...دموع تحجروو فعينو..وهوا كيسمع لها كدق..كيسمع لهاا..كتهضر..

روحو تتقطع من هضرتها

كضرب فلباب..

إخلاص:حل كل ليي اش واااقع معااك...شنوو لي بدلك؟؟؟وااش هي سباب أاا؟؟واااش هي سباب..حلل أسيرم..(نزلو دموعها)وخا لعالم كلو يكرهك انا منقدرش نكرهك .انا عارفاك اش تتسواا...غير قوليي علاش ؟؟؟علاش تبدلتي علياا..اش دارت فيك ليام تارضاتك هكداا...انا عارفا ماشي بسباب معاد لي ذكرت .انا ذكرتو غير حيت شفتو فحلمة..وبقا فبالي..مستحيل تقلق مني لدرجة طلاق بسباب هادشي..حل حل...

زاد كيحبوو لرشاشة..طلق لماا..وكلس تحتهاا..نطق بهمس

أسيرم:نوبات..أعراض لمرحلة تانية(ابتسم جنب)مرحبا بيكم..

حط يدوو على كرشوو..حااس بمعدتوو تتقطع...بدااا يرد....ويكحبب..كيتقياا..ومصارنو حاس بيهم..كيتشواو..حاس بلب هادي هي لخرا ليه

دقايق من وجع راس والغثيان والقيئ..كانو كافيين..باش يخليو اسيرم مرابط..الجراح لي ديما كان هاز راسو..لجراح..لي ديما معلي راسو..

والقوة..والصلابة باينين فجسمو وفيه.

خلاتو دقايق معدودة..كي شرويطة مليوحة..

متكي على ارضية دوش..لماء نازل عليه..مغلط مع عرق وجهوو..

لماء لي متخلطش غير مع لعرق تخلط تا مع دم لي نزل من نيفو..

رجع شعرو لي نازل على عينيه لور..مبين

وجهو لي ولا صفر وشفايفو بويض..نطق بصوت باح

أسيرم:علاااش تا لدابا؟؟أا علاش ماشي قبل منعرفها علاش..؟

.سد عينو ودمعة حارة نازلا على خدووو..

اسيرم:علاش تا بغاتني؟علاش تاكنت غنعيش فرحان معاها؟كنت غنفرح تا انا علاش تا لدابا؟

ناض..من بلاصتو..منين دازتو نوبة..وهوا عارف كانت هادي لول ولي جاي مغيرحموش..كيحاول يشد راسو ويتعامل مع مرضو ببرودة..

لكن فداخل ديالو..عياا..باغي غي يرتاح...بين يدها..ويموت فسبيل حبها..

خرج من دوش بعد مدوش..لقاها قدامو..فلوقت لي كان كيموت بلوجع كانت تتسمع غير صوت لماء..

توجه لبيتو وهي تابعاه..

كانت تتهضر وكيجاوبها..ببرودة..

لكن فداخل ديالو..عياا..وتهد...باغير يحط راسو على صدر حنين..

كيف شي ولد صغير..تلفات عليه مو وباه .ونهار لقا لي تشد بيدو..وولفها..طلق من يدها وتلف فوسط سوق عامر بلبشار..لي يدوز من حداه .يايدفعو يا يزطم عليه .

وسع عينو..منين حطات شفايفها على شفايفوو..قبلة لي مقدرش يقاومها. بروحو المهدودة...قبلة ليكانت نفس ..تنفسها..فعز إختناقو..قبلة لي نتجات على ليلتهم لولى..

"العودة"

كيشوف فيه وهوا متكي..على لحلبة..كتر من ساعة وهوا متكي..وعينو فسقف..مهضر منطق..وعزوز حاول يخليه على راحتو..لكن مقدرش يشد فمو مزال

عزوز:واش غتبقا غير ساكت؟

تهز كالس..كيشوف فعزوز مبتاسم

أسيرم: واش عرفتي علاش جيت عندك؟؟

عزوز:لا

أسيرم:عقلتي فاش كنت فكندا كنتي نتا هوا عيني..بقيتي حاضي اخلاص

حرك راسو باه

أسيرم:واش.واش تقدر تبقا عيني تا مور موتي..ماشي حيت بينا دين..وماشي حيت نقدت ولدك(شاف فيه)دير هادشي حيت انا صاحبك..هي بصح عندها عائلة.وغتكون معاهم..ولكن عمي..وقتو كولو فلخدمة..كل وحد فيهم فاش تيتشغل..وهي لوقع لها شي مشكل مغتعلمهمش..اخلاص وحدة لي نية..ونقية..فعالم موسخ..عارف بزاف غيبغيو يضروها..مغنكونش باش ندافع عليها..على داكشي كن عيني..

شاد وجهو بين يدو..كيهضر وصوتو مبحوح.حاجب غصة دموعو

عزوز:غنكون عينيك..غنشري دار حدا فين غتسكن..مغنحيدش عيني..

حيد يدو..من على وجهو..كيبكي..وداتو تتهز..

عزوز:وااش صافي غتموت...مغيبقاش عندي صاحبي طبيب ..نشوف راسي بيه على دراري..؟

حط يدو على وجهو..مقدرش يزيد..يهضر غير كيبكي

.زاد عندو اسيرم معنقو

أسيرم:افتاخر بيا..افتاخر انه عندك صاحبك طبيب..حياتو كلها كيحارب لاورام ددماغ..وتافقو هاد لاورام..ضدو..وسيفطو ليه ورم.يصفيها ليه..

هز فيه راسو

اسيرم:اشنو واش هاد لقصة مفيهاش لاكشن بحال لحياة لي مولف؟

ضحك جنب وهوا كيمسح دموعو:فيها..

"فجهة خرا"

كانت غادة..جايا..فزنزانة..ومرة مرة ضرب فلحديد بيدها .وتغوت

سكينة:خرجووونييي من هنااااا ..ساعة وراه دازت..خرجووووووني

كان متكي..كيشوف فسقف..وكيدندن..

شافت فيه كفاش مهدن كيدندن..

سكينة:وااااش..نتاااا صافا شويا فعقلك؟انا نطرطق ونتا دندن..

شاف فيها ؛وانا مالي؟

سكينة:انا بغا نخرج من هنا بسبابك

ينيس:عاوتاني وانا مالي؟

سدات على عينيها..حسات بوجع نغزها فكرشها..حطات..يدها على كرشها..وهي عاضة شفايفها

ينيس:اشنوو واش حملتك؟

سكينة(مخنزرا)هاا زعما نتا مجهد لدرجة تحملني فنهار..غير تعصبت فاش كنتعصب تضرني معدتي..

ناض..زايد عندها وهي مبعدا..

كلاها مع لحيط..مطلعها ومهبطها..كتشوف فيه مخرجا عينيها..وهي كتشوفو قريب منها

نطق وعينو عليها

ينيس:خليني نحملك

كانو كالسين على طبلة دلفطور..يااكل دغمة ويحني يدو..يوكل زوبيدة..وهي مراقباه بعينيها..وملامح القرف باينين فوجها...

إيناس:وااااش نتا شويا صافا؟

هز راسو فيها:لا ماشي شويا بزاف..

إيناس:كتاكل وتوكلها بنفس ليدك؟؟نتاا عار على الاطباء..

هز عينو فيها..مصغرهم..نطق وهوا كينغم هضرتو

عدنان:مرتييي الزويييينة...ليي كنبغييي..مرتيي.

مخرجا عينيها فيه..مطلعا حواجبها من هضرتو

إيناس:اش تتحاول دير؟

هزز يدو لي وكل بيها لقطة..شد طرف دلكريب بيها..ومدو لايناس..لجهة فمها..

عدنان:بكترة مكنبغيك خصني نوكلك..

ناضت راجعا بلور .هاربا منو

إيناس:مريض نتا والله تا مريض..

ناض تابعها بجرا..

عدنان:اجييي نوكلك...غير ضغمة..

هاربا فدار وهوا تابعها..ويدو مهزوزة..كيدورو على لفطوي دوسط دار..كضربو بلمخاد..وتغوت وهوا تابعها..

فلحظة..تزلقات بسباب طابي..طاحت على لفطوي..جراتوو من تيشورتو..طاي عليها..

طيحة لي مخلاتش غير جسدو لي يطيح على جسدها..ويتلصق فيه..خلات تا شفايفو يلصقو مع شفايفها.

وسعات عينيها..هز راسو كيشوف فيها ..بصمت..كيحرك بؤبؤ عينو مع حركة عينيها..كيسرط ريقو مخلي..تفاحة ادم طلع وتهبط..

فعز نظراتو فيها...وفعز انسجامهم..حس بيها طلعات فوق ضهروو..لحسات قزيبتها..وقدات .نعستها فوق ضهرو..

هوا طالع على ايناس..وزوبيدة طالعا فوقو .

نطقات وعينيها عليه:نوض خليني نوض.

عدنان:تا تنووض زوبيدة عليا ..ونوض عليك..

جراتوو..منزلا راسو لعنقها.بجهد.وطلات على لقطة..غوتات بجهد..

إيناس:تصب تصب...(بنفاد صبر..وغوتا كبر)واااااااا نوضيي ابنت لمشاش..

غوتتها خلعات لقطة ..وتمات هاربا..وهي كارها عيشتها فهاد دار لي مبقات تنعس فيها براحتها..

إيناس:نووض راه..

سكتات منين حسات بيه خاشي راسو فعنقها..حسات بنفسو فعنقهاا..حسات بقلبها عند فمها..لقلب لي رفرف..منين طبع

قبلة فعنقها.

سرطات ريقها..وهي تتشوف فيه..كترمش عويناتها بصدمة..

شافت لجهة لباب لي تحلات..دفعاتو وتمات غادة..

سكينة:على سلامتك

الكومسير:مصحابنيش ايحبسوك

دازت فيه..وزادت خارجا بجرا..

شاف لكومسير فينيس لي خاشي يدو فجيبو مكالمي.

الكومسير:اش درتي لها تا تقلقات هكدا؟

ينيس:,لاش جاي دابا ..كن صبرتي غير تنحملها..

زااد متكيي..خاشي يدو تحت راسو..وعينو فسقف

الكومسير:تحملها؟؟داكشي لي بقا خصك غير لاغتصاب

ينيس:لاغتصاب موضة قديمة..حنا فعصر السرعة..

حرك راسو بلا حول..وخرج قبل ميحمقو..

🥀فجهة خرا🥀

وقفات لوطو قدام..موبل..نزلات واخلاص مازلا تابعاها..دخلو طلعو بجوج فلاسانسور..

إخلاص:وااش هوا لي عيط لك؟

نورا:قالي انا وختك انتفارقو....ايه وخا معنديش معاك..ولكن..منبغيش شي حد يلوح شي حد من دمي فزنقة..

تحل لاسانسور خارجين..زادت بغا تحل باب دار...تنهدات منين نسات ساروت

إخلاص:اش غديري دابا؟

نورا:(بدات دق وتعيط)زق زاااق زق زاااق

كتشوف فيها اخلاص مستغربا..مفهمتها اش تدير..

قبل متسولها تحلات..لباب..

هزات عينيها فلي حل..

نطق بصوت رقيق..

زق زاق:شحال غنعيش لك انا ديما ناسيا ساروت كتعرفي غير تهزي رجلك ساروت متعرفيش تهزيه

كتشوف فيها اخلاص كترمش...

كانت لابسا..لباس لولاد..وتحسينة دلولاد...لكن لجسم رقيق..وصوت رقيق..وحتا لوقفا وملامح وجها دلبنات..

شاف فاخلاص..

زق زاق:شكون هادي؟(شافت فلباسها)اوووه موون قلبيي اش هاد لباااس..اوووه مون قلبيي..اش هاد شراوط..من انا عصر جيتي؟؟

نورا:تحرك دخل..جر معاك لفاليز

.لبيتك..

زق زاق:شنيي غتشاارك معاياا بيتيي؟؟

خنزرات فيه نورا..ودخل جار لفاليز وهوا كينكر..

إخلاص:واش هدا بنت ومرجلا..ولا ولد ورطب؟؟نتي تتهضري معاه بصفة ولد يعني لاحتمال تاني؟

نورا:حسبيه فجهة لي بغيتي..

إخلاص:واش بغاني نعس فنفس لبيت مع ولد؟

نورا:متخافيش مغيشوفش فيك

زادت داخلا واخلاص واقفا تترمش

دخلو كالسين..ثواني تا وقف عليهم

زق زاق:اشنوو مغتعرفينيش عليها؟

نورا:هدا عبد.رزاق كيعيطو ليه زق زاق..مصمم..فشركتي..جديدة..هادي اخلاص..تقدر تكول ختي.

جبدات رجلها على طبلة..حاسة بتخسيخة

زق زاق:ختك؟؟(ضحك بجهد)من ستيلها نقول راها خت لفام دوميناج..اييه (رمشات عينيها باستفزاز)ما علينا..اش جاي دير هنا..وشحال غتبقا مشاركا معاي مون بيتي؟

إخلاص:ماشي بزاف غير رتاح

نورا:تفرقات مع راجلها.غطول

زق زاق:تفارقتي معاه؟باينا وسعها لك اصكعبة ومشا يقلب على لمزيرا..رجال كلهم بحال بحال..كل ما وسعات من جهة يضيقوها من جهة..

إخلاص:كتهضر على راسك بحالا مراكش منهم؟

زق زاق(غمزها)راجل تجربيني؟

خنزرات اخلاص فنورا:هادي هي متخافيش..اصلا نتي متتحملينيش محدك جايباني الا وبغا فياا لخدمة..

نورا:زقزاق الاطاك

قرب منها واخلاص طاحت كالسا..على لفطوي..شاف فيها..وطول شوفة فصدرها تا عنقاتو عندها

زق زاق:لا صدر ..ولا كر لاش بغيتيه يبقا معاك يمشش فلعضوما ..(رجع زغبة شعرو لور)زق زاق مكيقيسش لي بحالك..زق زاق حدو يحزاق على لي بحالك..

خرجات عينيها فيه

إخلاص:هاااه..انا عندي سيدك سيدك..بقيتي لي غير نتا..معرفتك منا ولا منهم

زق زاق:منك هاها الله ينجيني..

نورا:صافيي سكتونا..

زق زاق:هي لي تتجبدني.

زادت كالسا..كتمضغ لمسكة وطلع فاخلاص وتهبطها..

دازو دقايق فجوو.دسكات..تا نطقات إخلاص.

إخلاص:يمكن بصح..انا خايبا..وماشي شي وحدة لي عندها انوثة..باش يبقا معايا..نتا عندك لحق..اي واحد بلاصتو ايخليني

زق زاق:اصلا انا ديما عندي..لحق..(حركات عينيها)سولو عليا لي مجربني..

إخلاص:بغيت نرتاح..واش كاين هنا شي بيت؟

نورا:غتنوضي على يدك ليمنا..

تمات نايضا..توجهات لبيت..وعينيها حاضيينها..غير دخلات شد على قلبو

زق زاق:احح امون بيتي كفاش غتحمل بحال اشكالها ..

نورا:غنوض نمشي لخدمة..بلا متعصبها..لتموت على يديك..

زاادت نايضا..توجهات لبيتها لبسات..وخرجات..بقا كالس..غير خرجات نورا..ناض مسلت لبيتو فين ناعسا اخلاص..بانت ليه..متكيا..عنكش ملامحو..وزاد لفاليز ديالها..

حلها وبدا يجبد..فلحوايج..وكل ميجبد..شي بياسة..يجر..فحناكو..ويضرب فوجهو بلفقصة..

هز لمقص لي حداه..وبدا يقطع..فهادي..ويشروط هادي..

تكا ناعس على ضهرو..ساد عينو حس بقلبو برد..حل عينو منين بانت ليه واقفا على وجهو..تتشوف فيه..مصدومة..

حطات يدها على ودنها..وغوتات على حوايجها بصوت عالي

زق زاق:تا هادو حوايج يغوتو عليهم ناس؟لحمداوية الله يرحمها وكانت مستيليا عليك

إخلاص:اش داروو لك باش تقطعهم..أاا؟؟اشش دارووو لككك..اش غنلبس انا دابا..

تم نايض..جرها..من يدها

زق زاق:يلاه ندير نديرو شوبينغ

إخلاص:واش بانت لك حالتي دشوبينغ؟

زق زق:البكا موضة قديمة..دابا نتي خصك تولي حسن من المزيرا لبغيتيه يرجع..الشوبينغ انا لي غنديرو..نتي غديري غير شوفينغ..تشوفي وتسكتي..(بصوت عالي)تحركي قبل م زق زاق يتعصب ويبزق على بوك

🥀فجهة خرا🥀

كان متكي..فوحدة من غرف لكلينيك هز عينو منين..دخل..نطق بهمس

فوزي:يحيى

يحيى:(ضحك بجهد)دنيا صغيرة يلاه كيف كونتي تقول لي نتا مريض وغتموت..وليتي نتا لي كتموت..

زاد كيشوف فيه..

يحيى:وانا ولد خووك كيتجارا باش يعتق روحي..اه فعلا دنيا صغيرة .

فوزي:بعد منوو

يحيى:علاش ياك عتق حياتك..ونتا لي قتلتي باه..اشنوو.واش حلال علينا وحرام عليكم؟

داار بزربا منين تحلات لباب..خرج عينو مصدوم

المرابطين..هنا تقدر تسمع صوت الصرخات..وتقدر تسمع صوت ضحكات..تقدر تشم عطر زوين..وتقدر تشم ريحة الموت..

المرابطين..شحال من واحد دخل ليه بروح وخر بلا بيها..وشحال من واحد دخل على باب الموت وتعطات ليه روح جديدة..

هناا غنلقاا بزاف دانواع دلبشر..

اتلقاا ناس همهم مصلحتهم..ناس همهم ربحهم..ناس مكيغامروش..نااس كيحبسو حد عشرا عاد يشدو مريض..

وغتلقا ناس..عندهم ياربحة يا دبحة..كيغامرو بكلشي..وهمهم يعتقو لمريض وخا يخسرو كولشي..ناس اداو القسم ووفاو بيه.

سوا الفئة اللولى..ولا تانية..

كل واحد فيهم عندو ماضي..

كاين لي ماضيه..مجرد ذكريات عابرة..متزيد متنقص..عاش ففراغ ومزال عايش فيه..

وكاين لي ماضيه أتر على حاضرو..وعلى وشك يدمر مستقبلو..

كل واحد كيف كيواجه ماضيه..

يا يتعارك معاه..يا يهرب منو..

لكن كن أكيد المواجهة..غتكون طال زمان ولا قصار..

كانت فلاسانسور..لابسا كسيوة فلبيض فوق ركبة لاصقا عليها ..فوق منها لافيست فلكري كلاس.طالقا شعرها كيف مولفا..ودايرا مكياج خفيف عملي..

حاطة يدها على عنقها..تفكرات قبلتو لي طبع فعنقها..ولي هربات مباشرة موراها وجات لكلينيك..

تحلات لباب..وتمات..خارجا

صوت كعبها الاسود..العالي مسموع فلكولوار..

ثواني تا وقفات قدام..لباب..ابتسمات وحلاتها..

وسعات عينيها منين شافتو..وبدورو صدمة بانت على وجهو..

لعرق نزل من جبهتها..ولون وجها تخطف..صدرها كيطلع ويهبط..وبسيف باش تتاخد نفسها..

تحولات صدمتو لابتسامة..ناض.كيشوف فيها

يحيى:دكتورة إيناس. شتي.دنيا شحال صغيرة كفاش جمعاتنا .

كتشوف فيه وتشوف ففوزي..رخات من لباب وزادت بجراا..فلكولوار..

نطق فوزي وعينو على يحيى

فوزي:كنحدر لقربتي لهاا..بلا متحلم بلعلاج

يحيى:(ابتسم)هي سباب تا جريتي عليا من لمرابطين..وااش مخصنيش نعاقبها؟هي تقتل وانا نتعاقب حشومة اولا لاا

زادت تتجري لحمام..دخلات تتغسل وجها..وتتاخد..نفس...

حطات يدها فراسها..مزيرا عليه..واصوات كتيرة تترردد فودنها

"قتااا الة نتي سباب..غلطتك..مجرمة..",

غوتات بجهد "بااااركاااا"

بدات تنفس ..بشكل هستيري...وعينيها على لمراية...غمضات عينيها..كتنفس بهدوء..

هزات كلينيكس كتمسح وجها.

وبثقة نطقات

إيناس:لماضي فات معندو ميدير لك..كولشي فات.مم صايي نساي كولشي داز..

جمعات راسها وخرجات..غادة بثقالة..بان لها..جاي مع وحدة من لممرضات..كيضحك ويقشب معاها كيف عادتو..

صغر عينو منين شافها دازت حداه..بلا متشوف فيه..ولا تنتابه ليه..

مد لملف لممرضة..

عدنان:دي معاك هدا حطيه فمكتب اسيرم ليحفضك

الممرضة:اها ه مرحبا ابا عدنان..

شداتو وتمات غادة .فحين..هوا عيط . على ايناس..لي مجوباتوش...

طلعات لاسانسور وهي مرفوعة..يلاه كيف كانت اتسد لباب..وقفها..بيدو..ودخل ..

عدنان:عييت نعيط لك واش صماكيتي؟

كيضهر معاها وهي ساكتا

عدنان:اسبحان الله ابنادم..وليتي متتعرفيش تنطقي كاع لحروف ماشي غير الراء.

هزات عينيها فيه دبلانين..زادت خطوة واقفا..اونفاص معاه .

إيناس:واش تقدر تعنقني؟

دخلات فحضنوو..محاوطا صدرو العريض..

رمش بثقالة مستغرب..

إيناس:كولي كولشي ايدوز ..كولي مغيضرنيش..مغيقربش لياا ويضرني.من جديد..

حاوطها بيديه..ونطق بصوت مسموع

عدنان:تااحد مغيقرب لك ولا يضرك..وانا معاك..

هزات عينيها.فيه..

إيناس:وااش وعد.؟

حرك راسو باه:اه وعد..

بعدات عليه..وتمات خارجا منين تحل باب لاسانسور..

زادت غادة .محساتو غير وهوا مشبك يدو .مع يدها .

عدنان:اش بان لك نهربو من لكلينيك ليوم.؟(دور عينو)وخا نتي من دوك لقرايات لمسمومات لي متيبغيوش يهربو..

هزات فيه..وهي مبتاسمة

إيناس:المدير مريض..ولغياب مغيتسجلش علينا..خلينا نهربو..

ابتسم لها..وتم غادي..

حاولات تجبد..يدها..لكن..شبكها..مع يدو ورفض..يطلقها...

زادو خارجين..وانظار لي كيعرفوهم عليهم

وكيتساءلو واش هادي هي نهاية العالم..منين طوم وتجيري..تحولو لقيس وليلى؟؟

دازت كتر من ساعة..كانت..داخلا هي وياه لموبل..وهي محملاش..تخرج ولا تزيد معاه..لكن بسيف على خاطرها..بعد مقطع لها كاع حوايجها وخلاها على ضس

زااد جارها من يدها..دخل لواحد من لماحلات..غير شافوه جاو عندو لبنات لي خدامين تم.بجرا..

صفق فيدوو..وهضر بصوت مسموع

زق زاق:شوفو فياا...عندكم خمس دقايق..نبغي كاع لحوايج دلعود الفرنسي يكونو هنا..

شافت فيه اخلاص مستغربا

إخلاص:اشنو زعما طايتي دلعود لفرانسي؟

ضحك باستفزاز:لا امون بب نتي غير حمار مغرابي ..

خنزرات فيه:غنكون حمارة بصح لبقيت معاك..

تمات غادة شدها من يدها..موقفها قدامو.

زق زاق:طويلة ورقيقة..لمكونتي عود اش غتكوني بكرة؟

خنزرات فيه..بلغوات نطق

زق زاق: كلسي ولا نحزق على يماك..

جاو عندهم لبنات..شادين لحوايج..كانو مخلطين بين كساوي..وسراول جينز..وشوميزات..وصايات وشورطات قصار..

زق زق:يلاه يلاه دوزي تقلبي..

جرها لفين كيقلبو..كتلبس وتخرج عندو..وكل مرة يرجعها..وهوا كيقلب فعينو ويسوط على زغابيه..

زق زاق:لااش عاطينها كساوي طوال .قلبي لقصاار..طلقيني.

زادت تتقلب..فلقصار..وعلامات رضى بدات تتبان على وجهو..

تمات خارجا..بكسيوة مزيرا عليها..فلكحل..صماطي...

حط يدو على قلبو..

زق زاق:اوووه مون قلبيي..جادوغ جادووووغ..

تمات داخلا تبدل وقفها

زق زاق:بقاي بيها..صافي لخرين نقلبوهم فدار..(موجه هضرتو لبنات)جمعو لها لكسيوات لقصار..وطوال عطيوهم لقزمات بحالكم...جمعو شورطات لقصار وتيشورطات..وزيدو لها تا شي بيجامات..لدار..يلاه طلقوني

زادو كيجمعو..ليه..توجه عندهم..يهز سلعة..جبدات لبطاقة لبنكية من صاكها..كتشوف فيها.محملاش تخلص بيها بحكم انها.لبطاقة لي مخلي لها اسيرم تدير بيها مبغات..

شاف فيها زق زاق

زق زاق:متخلصيش

إخلاص:اشنو لا متخلصش عليا

زق زاق:(ضحك بجهد)بغيتي تبروفيطيني يعطيك.دل..لاش غنخلص عليك..على زينك(تنهد)..لمحل دختك يعني ديالي وانا كناخد من هنا بلا منخلص..تحركي تحركي شوهتيني ..

جرها خارج..

هازين لاكياس بين يدهم..وخلا لبعض..تا يصيفطوهم..

إخلاص:لااش مخليناش تاهادو؟

زق زق:خص نمشيو لدار تقلبيهم..معنديش صبر..

تموو خارجين..من لمحل..غاديين..

داز من حداها شخص..نطق وعينوو عليها..

....:زين مخطووب ولا كيتسنا فلمكتاب..

قبل متنطق نطق.زق زق..

زاق زق:سوقك مك ف زين مخطوب ولا متقوووب..ديهاا فجهة داراك قبل منحزق على يماك

خنزر فيه:وحرنا معاكم غير نتوما الوينات..

زق زاق:(غوت بجهد)عتقوووني حشرة بغاا يدوقهاا ليي عتقووونييي...اوووه موون طغمتيي في خطرر عتقووونييي

خنزر فيه..وشاف لعيون عليه..وزاد هارب.

كتشوف فزق زق..مخرجا عينيها..

جرها من يدها

زق زاق :تحركي شحال انعيش لكم

تمو خارجين من لمول..متوجهين..لوطو..حل..لور..وبدا يدخل..فلحوايج..

شاف فيها..كتشوف فيه..

داز من حداهم واحد نطق بهمس.."بس بس"

وكي لعادة نطق زق زاق

""بش بش سيير ولا نْبْشْشْ على مك"

إخلاص:راه اصلا مشا

زق زاق:مكيحتارمو حد..كن غير كانو زينين ..لاحترام ميبقاش ضروري..

كتشوف فيه اخلاص..بدات تضحك..عليه بجهدد...منين تفكرات اش دار..

كضحككك وهوااا كيضحككك...صوت ضحكهم مسموع..

بعيد على لوطو ديالها..كان فلوطو ديالو مراقبها..ابتسم ..من قلبو وهوا كيشوف ضحكتها..سرط ريقو بحرقة

أسيرم: علاش قلبي ضاارنيي(حط يدو على قلبو)علاش ضارني فلوقت لي خصني نفرح ..حيت نتي بيخير بلا بيا..فاول نهار تفارقنا

يتبع...