تزوجتها بوصية زوجها الجزء 16

ابتسم ونطق بهدوء

أسيرم:ضارني حيت عارف بلي محدك تتباني بيخير الا ونتي ماشي بيخير(تنهد)غيجي نهار وهاد ضحكة اتخرج من لقلب..غيجي نهار وغتولي بيخير دبصح..كنواعدك

شاف فيها ركبات فلوطو..وكسيرا..منين كسيرات..كل واحد فطريقو..

"بعد ساعات"

كانو مجموعين فوق طابلة دلعشا معادا ماماه لي نعسات بكري.. كل واحد حادر راسو و صمت سيد المكان .. كيتسمع غي صوت الفورشيط و الماس .. تكسر الصمت منين نطق داوود

داوود : نضال فيروزة جرحتها كبقات ؟

هزات فيه نضال راسها .. و نطقات: لا بدات كتحسن ما بقاتش كيف ما كانت

شافت فيها يسرى حاطة الفورشيط .. و حطات يديها تحت دقنها .

. و نطقات : كون كنتي حاضيا بنتك و كتديها و تجيبيها المدرسة كاعما يطرا هادشي كامل .. مي للاسف نتي ماشي ام مسؤولة

باقي ما مكلاتش كلامها .. حتى داوود خبط داك فوشيط حتى قفزو .. و نطق بعصبية

داوود: يسرررررى .. حتارميها راهااا كبرررر منننك ..فهاااد دار صغار متيتهزوش على لكبار فهمتيي؟؟

نضال شافت في يسرى ب استهزاء .. راسمة على شفايفها ضحكة

نضال : غي خليها ا داوود .. ما نديش على بنت قد بنتنا

ناضت يسرى دافعة الكرسي .. و تمات طالعة في دروج..داخلات نيشان البيت لي كالسة فيه .. سدات الباب .. و مشات وقفات قدام المراية .. صدرها كطلع و يهبط .. و العروق في عنقها

بارزين : ههه غي بلاااااتي ا لالة نضااال .. الا ما ديتوووش ليك و نتي كتشوووفي ب عينيييك .. ما سميييتش يسررررى وتشوفي لي قد بنتك اش غدير

اما التحت .. كانو سالاو العشا و كل واحد توجه البيتو .. نضال دوشات ل فيروزة و نعساتها .. و خرجات متوجهة بيت داوود .. وقفات قدام الباب ..خدات نفس طويل .. و دقات ..

نضال:داوود

كان ناعس فوق الكامة .. شاد بين يديه تيلي .. حتى سمع دقات الباب و صوتها ..

داوود:دخلي

حلات الباب كطل براسها و دخلات .. وقفات قدامو كتشوف فيه

نضال: بغيت نهضر معاك ا داوود .. و سمعني بلا ما تقاطعني

داوود : وي كنسمعك و الا كنتي جاية على ود تدي لبنت غا خرجي

نضال : داوود انا غالطة .. عارفة راسي غلطت و غلطي ما كيتغفرش .. كنت صغيرة.. طايشة .. فكرت ب انانية و مشيت .. و خليت اي حاجة زوينة كانت بينا و خليت بنتنا .. مي كنحلف ليك تا ناااادمة .. و كون رجع الوقت مستحيل نخليكم .. انا ما بغيت والو من غير بنتي تكون قريبة ليا .. و تحس بلي عندها ماماها .. معرفتش شحال مزال باغيني نعاود هاد لهضرا انا عييت منعاود فيهاا..عييت منبكي عليك..ولكن بغيت بنتي تبقا معايا..انا ويسرى ممفاهمينش فهاد دار..خلي .

قاطعها

داوود ب اندفاع : مااا فكرتيش بلي بنتك الا عرفات الحقيقة و انك تخليتي عليها .. غادي تحقد عليك و تكرهك .. ما فكرتيش في هادي .. علااااش نتي انانية .. (ناد وقف قدامها عينيه حمرين ) علااااش كتفكري غير في راسك .. (حرك راسو بنفي ) كان كسحابلي تبدلتي في هاد سنين .. مي باقة كيما نتي ..وحدا طايشة .(ضرب بصبعو فراسها)وانااانية و همها تهز بنتي..(غوت تا قفزها) بنتيييييي بلاصتها مع باااهاا .. ما اتخرج من هاد دار الا و هي عروووسة ولا مكفنا شحال قدني نعاود لك هاد لهضرا.. و دابا خرجي عليا

شافت فيه ب عيونها دامعين .. بقات كتشوف فيه شحال ..نطقات بتعب

نضال:انا جيت مقولتش لك اناخدها بمرة..غير على ما يسرى هنا نتا اصلا تتبقا فلخدمة..وامتا مبغيتي اجي شوفها..(تنهدات)اناا عييت مناقصنيش مشاكل معاها ولا مع غيرها

داوود:يسرى؟؟وااش بعقلك دايرا عقلك فبرهوشة وبغاني ندير عقلي فيها. كن تزوجت بكري كن ولدت قدها..(حط يدو على راسو)اعذارك تافهيين..نهار بعدتي بسباب ماما..ودابا بغا تبعدي بسباب يسرى..اعذاارك كلهم تافهين

نضال:انا كنهضر لك على بنتي..ماشي عليا انا..اما انا راني مبعدا كتر من11 لعام هادي..وبان لي غنبقاو بعاد..لعمر كولو..

عطاتو بضهر خارجا..جرها من يدها تا ضربات مع صدرو..نطق وعينو عليها

داوود:انا موافق..خلينا نعاودو نتزوجوو..

خشا نيفوو فعنقهاا..ونطق بهمس"ريحتك"

بعدات عليه.دافعاه بصباعها.حركات راسها بوخا.

نضال:ختار نهار..وانا مستعدا نعقد معاك..عارفاك مغتسامحش ليا وعارفاك باغي تزوج غير على قبل بنتنا.ولكن انا فرحانة حيت غرجعو عائلة وخا كدوب.بعض الكدبات تتفرح

زادت خارجا..طلعات عند فيروزة لي لقاتها فاقت تتنقز على سرير..

زادت عندها بزربا منزلاها

نضال:نتي باقا مريضة احبيبة لاش كالسا تنفزي؟؟

فيروزة:(بالاشارة)غير كنلعب..يسرى تتخليني علاش نتي لا

نضال:نعسي احبيبة مشا لحال..

فيروزة:(بالاشارة)تعاودي لي قصة

حركات لها راسها بوخا..ونعساتها..حداها..تتلعب فشعرها

نضال:كانت وحد الاميرة..عايشا..مع الملك والملكة..والامير صغير..عايشين فقصر كبير وزوين..بسعادة..تا لواحد نهار..مات الملك

.وكان هدا اول صدر اتخسر الاميرة..خسرات اول حب..خسرات لحنين..بقات عايشا مع الملكة والامير صغير..دازت يام..والاميرة تتجد وتجتاهد..باش توصل وتححق حلم الملك..وتتنقد رواح ناس لمملكة..

فدوك ليام..ماماين الاميرة مرضات..مبقاتش عاقلا عليها..وضاع صدر تاني..وبقات غير هي والامير صغير..لي مشغول بامور لمملكة..ونسا الاميرة..تاا جاا واحد لامير من مملكة خرا..بغااا الاميرة وعطاها لحب ولحنان..وتزوجو..وولدو..ثمرة لهاد لحب..لكن الاميرة رجع لها شوق لوعد لي قطعات على لملك..وشافت لوعد كيضيع..بسباب ..داك الامير ومسؤولياتها جديدة ...وحيت كانت صغيرة وطايشا تخلات على كولشي وهربات للملكة..خرا بعيدة..تحولات الاميرة..لشريرة القصة ..معرفتش علاش واش حيت ختارت لحب على قرايتها..ولا حيت ختارت لقراية على لحب..لكن لي متاكدة انها كانت تستاهل..حيت تخلات على ثمرة حبها..

لعنات الساحرة الاميرة..لعنة الحزن..لي بقات تابعاها لسنين..خصرات كاع لاحضان ولحب..كبرات بلا بيهم..كفاش غتعطيهم..

لامير صغير كبر..وبقا مع الاميرة .سند ليها..وديما معاها..ولكن اللعنة..خلاتها تخسر تا لامير..مات وخلاها..هكدا خسرات كولشي..وبقات الاميرة تايها..وضايعاا..وريح لي جات طيرهاا...مبقاتش تطلب سعادة..ولات تطلب غير نهاية تعيسة لي تستاهل..المهم تجي نهاية

شافت ففيروزة..لي غمضات عينيهاا..ونعسات طبعات قبلة..عليهم وتمات نايضا..تجيب لماء منين شافت لقىرعة خوات

نزلات فضلام..بحكم كلشي مطفي وناعس مضويا غير بتلفون..شعلات ضوء منين وصلات لسفلي

.. وقفات جامداا..منين شافتو هوا وياها كيتبادلو القبل..

حسات بقلبها .وقف..شدات عليه..مزيراا..كطلع نفس بجهدد...

بعد عليها دافعها..منين تشعل ضوء..كيشوف فيها مصدوم..

حول نظروو لنضال.لي كانت باقا شادة فلحيط..ميل راسوو جنب..حرك راسو بلا..وعينو على نظراتها لي تمنا لارض تبلعو ولا يشوفهم

مسحات دموعها لي نزلو..وزادت بجرا..

بدورو تبعها..كيجري..

فحين يسرى كانت شادة على شفايفها..نطقات بصوتها الانثوي

يسرى:"احح شحال حلوة..هادي غير لبداية ومزال مزال

قبل دقايق

كانت واقفا مور باب بيتو تتسمع لهم..غززات سنانها من قربو ليها

.ومنين نطق ريحتك..تزيرات فاش علمها بلي موافق يتزوج بيها

يسرى(بهمس)حلمو حلمو تعاودو تزوجو

زادت طالعا لبيت نضال بزربا..خدات من ريحتها رشات فعنقها..طيحاتها على لكوافوز منين سمعات تخرشيش موراها

مع دورة شافت فيروزة فاقت..ضحكات ليها..

يسرى؛فقتي احبيبة اش بان لك تنوضي تنقزي وتلعبي رياضة مزيانة لك..كن جيت غير نفيقك

ضحكات لها وناضت تنقز..

خرجات..بزربا..تخبعات فلبيت تاني منين شافت نضال طالعا..

زاادت نازلا..طلات من دروج بان لها داوود..خارج من بيتو متوجه لكوزينة..طفات ضوء .وزادت واقفا..سمعات خطواتو وهوا خارج من لكوزينة..وقفات فوسط طريقو..واقفا على ريوس صباعها..باش طولتها تناسب طولت نضال..تضرب جسمو مع جسمها..قبل ميزيد..حطات يدها فصدرو..كتماصي..غمض عينو منين تغلغلات ريحتها لاعماقو نطق بهمس"نضال"

بلا متجاوبو قربات شفايفها من شفايفو..

فهاد لحظة تشعل ضوء..

""

طلعات كتجري في دروج.. رجليها ما هازينهاش .. ما قادراش تيق .. واش هاداك داوود .. داوود لي كان بنسبة ليها كلشي .. دازو سنين و حاولات تنساه مي ما قادراتش .. كان كسحاب ليها بلي تاهو مزال كيبغيها وخا كاع لمشاكل.. مي فاش شافتو كبوس مرا اخرى .. كتحس ب كولشي زوين تهرس .. قلبها كتحس بيه كيتقطع .. خنجر حافي تغرس فيه .. عينيها دموع كهبطو منهم ما قادراش تحبسهم .. اش غتحبس ؟ .. و هي كنشوف روحها و كلشي بنسبة ليها .. قريب من مرا خرا .. سمعاتو من موراها كغوت

داوود: نضاال نضااااال

يله باغا دخل البيت و يشدها من دراعها مدورها عندو .. شافت فيه بعينيها دامعات .. اما هو سرط ريقو .. هزات يديها حتال الفوق و نزلات عليه ب تصريفقة .. حتى دار وجهو جهة لخرى .. نطقات ب صوت

نضال : غداار .. غ..دار نتا ا داوود .. ياك كولتي هي غير برهوشة..ياك حنا كبر من ااننا نديرو هادشي..

داوود : سمعيني

قاطعاتو بالغوات و دموع هوادة

نضال: اششششش بااااغي تشررررح شنوووو .؟. باااغي تكددددب لياااا عينيييي ؟.. (نهار صوتها ) باغي تكدب لي شفت ا داوود .. انا شفتك كيف قريب منها .. بحال كيف كنا شحال هادا .. علاش ..وافقتي تزوج بياا لكونتي باغيها علااااااااااش خليتيني نحلم بلي غرجعو عائلة لكونتي باغيها .قلت لك قووولت لكك يسرى اش ساوية ولكن بان لي كانت عاجباااك..اه مزيان الله يسهل عليكم نتا ولي قد بنتك

شاف فيها داوود ..شد ليها يديها و هي تنترها ب جهد

نضال : مااااا تقرررربش ليااااا .. مااا تقسنيش ..معندكش لحق تقيسني

داوود : انا سحاااب لي نتيييي .. ريحتك .. ريحتك نفسها دايراها قربااات مني صحابب ليااا نتي ا نضااال كنحلللف لييييك

نضال مسحات دموعها بجهد .. و هزات فيه راسها

نضال: اه بصح ريحتي..نفسها..وطعم شفايفي نفسهم..دافيا بحالي ياك؟طولتي نفسها .وملمسي نفسوو؟(ضحكات باستهزاء)مااا محتاااجش تبرر ليا اصلا ما بينا والو .. حياتك هاديك .. دير فيها لي بغيتي انا هنا غير على ود بنتي غير على قبل فيروزة

دخلات البيت و ردخات الباب حتى سد عينو حط يدو على وجهو .. كسووط .. عارفها راسها قاصح .. ما غاديش تيقو ..

كرز على لسانو.

وزير على لكمة يدو...دار غادي البيت يسرى

فرع لباب..حالو بجهدد لقااها كالسة فوق كرسي قدام المراية كدير ماكياج وضحك .. دورات وجها فاش شافتو..سرطات ريقها..وجمعات ابتسامتها..

و نطقات

يسرى : داوود شي لي وقع فرحني..فرحت حيت عندي بلاصة فقل..

قبل ما تكمل كان هزها من شعرها مخرج فيها عينيه .. عينيه العروق صغار ولاوو حمرييين .. كتحس ب لهيب خارج من عينيه .. لهيب قادر يحرق بلا تردد..عروق عنقو وراسو برزوو ..

. بدات كتحاول تحيد ليه في يديه حاسة براسها ايتفصل.

يسرى : عافاك طللق

جرهاا من شعرها..فلارض..كتف كل وتغوت..خرجهاا من لبيت..

كتغوت بجهد لربي لي خلقها..ولخالتها تعتقها..

فيقات خالتها من نعاس..لي نزلات عندهم بجرا.

لاحها فلارض

داوود : اناااااا ضحكيييي عليااااا الق..ة هاااااا.ء..انا ضحك علياا برهووشة قدكك..

حناا عندها..جارها من عنقها..مطلعها..رجليها تهزو من لارض..

داوود:شاااطوو على مك شفايفك كولتي اجي نجربهم فداووود..لجات لمك دودة سيري قلبي على لي بردك مدوريش بساحتي اناا..

زادت موو تتفكوو.

منين شافت لبنت وجها حمر وتخنقات

زهرة:اش تدير اولدي واش حماقيتي

داووود:اه حماقيت..هاد بنت ختك..مشات دارت ريحت مرتيي..وجايا معلقا فيا فضلاام..هااد بنت ختكك خص ليهاااا تربية..

زهرة:طلقها اولدي الله يرضي عليك..راها صغيرة غير مراهقة

طلق منها..وجمعها معاها بتصرفيقة...طاحت لارض..شادة على حنكها وجنب فمها سايل دم

هز راسو كينهش..شاف فنضال لي واقفا فدروج..هبطات نتيجة غوات يسرى..

داوود(مزير على يدو)قولي لها بلي نتي لي قربتي مني..ونتي لي بستيني ماشي انا..

هزات راسها فيه..تترعد..اخر حاجة تصوراتها يكون قاصح هكدا..يضربها قدام..مو..ويسولها هكدا قدامها بلا ميرمش..

داوود:(بالغوات)قوووووولييييي

يسرى:انا..انا.اه.انا هزيت ريحتك

وودرتها..وانا لي قربت منو(نزلات راسها ودموعها نازلين)سمحيلي

.داوود:اقسممم بالله تااا غااا تاقيييت فيك وجه الله .. غداااااااا بررررب و نفيييق و نلقااا كماارتك في هاد داررر .. حتىى ندددبح مكككك .. فهمتيي نيي..غبريي من قداميي محدي مكالمي

زادت تتحبو رجلين باش تنوض نبقااو عندها..

حسات بلبولا اتخرج لها من تخنزيراتو..

زاد لبيتو ..هز سلاحو وتجاكيتوو...

غير شافت سلاح نزلات لها لبولا..وبدات تفركل وتغوت باش يرحمها..فحين هوا شاف فنضال

.وفيها..وزاد خارج..

رضخ.لباب بجهد.

نزلات يدها من على وجها..كلها تترجف..وتحتها فازك..

يسرى:وش مشاا اخالتي مشاا..مغيقتلنيش

زهرة(تنهدات)اشداك تعلقي فواحد مصعور بحال ولدي..ولد لمخزن ممعاه لعب ابنتي..لمكيرحمش رجال بلحيتهم بغيتيه يرحمك نتي.نوضي تغسلي..وجمعي حوايجك غدا انمشيو

كانت كالسا تبدل لحوايج ..وزق زاق يعطيها رأيوو..

تنهدات كالسا

إخلاص:عييت غنمشي نعس نتا متتقضاش

زق زاق:لقيتي لي لبسك عاد تدوي ناس كيقلبو عليا بلمكبرة متيلقاوني..

خنزرات فيه نايضا

زق زاق:فين غادة صبري توصل لبيتزا نتعشاو..ختك راه غتعطل فلخدمة..

اخلاص:مفياش

زق زاق(ضحك بجهد)لكونتي بغا ديري داكشي ددضعيفات المدلولات..لي مكيصوموش رمضان وكيصومو فاش كيتفارقو مع صحابهم..غييير (بالغوات)خرجيييي من هاااااااد دار المدلولة

كتشوف فيه مخنزرا..قبل متنطق..ناض بجرا..حل لباب

منين وصلات لبيتزا..حطها..وحط كولا ولماء..وكلس ياكل وهي تشوف

زق زاق:مغتاكليش؟

إخلاص(ابتسمات)مكانش كيخليني ناكل حوايج زنقة..شكون كال غيجي نهار ونبغي المكلا صحية بحال لي كيبغي

زق زاق(فمو عامر)كولي كولي..قالك صحي..(باستهزاء) صحاب راسك مزوجا باسيرم مرابط ولا؟

هزات عينيها فيه:باش عرفتيني مزوجا بيه؟

لاح لماكلا من فموو..كيكحب مدات ليه لماء

زق زاق:نتيي؟؟مرت لمرابط صغير نتي نتي

إخلاص(حركات راسها باه)منين تتعرفو؟

زق زاق(ضحك بجهد)كنعرفو وكيعرفني كاين شي حد مكيعرفش زق زاق..عائلة نورا كلها كنعرفها..معداك منعرف منين تسلطتي

إخلاص:كتعرف ماما..عبلة..واش منين خرجات من لحبس بقات فدار بوحدها؟

زق زاق:لا بقات فمصحة دواحد طبيب نفسي..

إخلاص:(بالغوات)كفاااش وااش نورا لاحت ماما فطبيب دلحماق؟

خنزر فيها:اووف كلاخ ولجهل..كيتزلع منك(رجع شعرو لور)شوفي امون بب ..حنا ناس لي طوب..عندنا اطباء النفسيين بحال طبيب عادي..فاش كنبغيو رتاحو ونقادو افكارنا كنمشيو عندهم..(عنكش وجهو)اووه سي نوغمال المرابطي صغير يخليك..(كيمضغ ويقلب عينو)وبقا فيا لحال منين سمعت تزوج كنت فباريس فاسبوع الموضة..قلت خسارة داك زين..وطولة..وتجريدة..والوعي ولقراية..يتزوج بشي وحدة(حط يدو على خدو)احح اقلبيي خصوو لي يفهموو واعي بحالو..وذكي بحالو..ومشهور..وخدام..

خنزرات فيه..ناضت بزعاف

زق زاق:كلسي تاكلي

اخلاص:تاكل فيه سم..بقا لك غير راجلي فلحساب..وااش على قلت رجال فهاد دنياا..

زق زاق:انا مديت حد مشا من عند الله..

زاادت لبيت..تكات..على سرير..تتنفس بجهد .

إخلاص:اش غتكون تدير دابا؟واااش بصح نسيتيني..بصح كولشي كان كدوب.؟وااش دابا نتا معاهاا؟واااش عندكم بصح ولد.؟داباا نتوما عائلة سعيدة..وانا الخايبة فلحكاية كلها..

وااش راك دابا تضحك معاها..وااش كتشوف فيها بنفس نظرات..واش غتنعس فداك لحضن الدافي..وتسمع لدقات قلبك..وش كتهضر معاها..وتقولها بجغوطتي تاهيا...(سدات عينيها نزلات دمعة حارة)ليلة سعيدة اراجلي لعزيز نتمنا ديما تبقا فرحان وخا مع غيري..

(تمات نايضا)ولكن قلبي ممتيقش خصني نخليه يتيق باش يرتاح

زادت خارجا من لبيت

"فجهة خرا"

كاان فلحمام..شااد على كرشوو..كيرد بجهدد..حااس بروحوو..تتخرج...

هز راسو فامراية..كيلهت..لعرق نازل من جبهتوو...وبسيف..باش قادر يتنفس..صوت نفسو المتقطع مسموع..

غسل وجهو ومسحو..وتم..خارج..بمجرد مخطا خطوات قلال شد على راسو منين حس بالم رهيب فييه..نفس مبقاتش بغا طلع..ولوجع تزاد..ورجليه مقدوش يوقفوه..ودنيا ضلامت فعينو..صفبير طويل فودنو..سالا فاش طاح على طولتو

كانو كيتمشاو قدام لبحر..صوت مواجو لي مسموع..ريح كطير حوايجهم..وتا شعرهم..دوزو نهار كولو وهما كيدورو

.ويضحكوو..نسات معاه همها..وكضحك من قلبها..على نكاتو لبيخين..بدورو حس براحة منين شاف ضحكتها..فلوقت لي كاانت مقلقا ضرو قلبو عليها وفرح منين فرحات

شافت فيه.:خلينا نكلسوو

.تحت نجوم؟

كلس فوق رملا..ناعس..

عدنان:وعيييت فيا نعاس بان لي انعس هنا..

ضحكات جنب وتلاحت..كالسا حداه .كيشوفوو بجوج فنجوم..

إيناس:نقدر نعتارف لك بشي حاجة؟

عدنان:اه عارف تتبغيني غير بلا متعتارفي

ضرباتو لكتفوو..ضحك جنب

إيناس:مكونتش تنعرفك مزيان..بصارحة كنتي تتستفزني..كنت تنشوفك شخص لامسؤول غير تعناب وضحك لباسل..ولكن منين سكنت معاك..وشفت تعاملك..مع بنتك..وكفاش حنين معاها

عدنان:بنتي؟

إيناس:زوبيدة

ضحك بجهد:اه كبدتي

إيناس:وشفت بلي نتا يعني علاقات مع لبنات ماشي كيفةكيبان ..وو بلي نتا حنين..وغير شفتيني كاعيا..جبتيني لهنا..ونهار دافعتي عليا..(ابتسمات)كنضن كنت ضالماك البناج

عدنان:انا بعدا مكونتش عالمك..مكانش عندي معاك ومزال معنديش معاك

شافت فيه معنكشا

عدنان:(ابتسم)اتنضحك معاك عنداك تبكي..وهوا بصارحة جيتي ضريفة منين تعرفت عليك الله يخلي ها سلعة..

وسعات فمها..وتمات نايضا.جرها..مخليها طيح على جسمو

عدنان(صغر)والله تا غير زلقات بغيت غير نقول الله يعمرها..(دور عينو)لحاجة لي كانت مقلقاني منك هي انك طبيبة ممسؤولاش كنكره لاطباء لي كيهربو..ولكن منين شفت كفاش سهرتي بااش تعالجي لمريضة..وكفاش كتعطي نتائج تشخيصك لطبيب اخر وهدفك تعتقي روح ماشي تباني..عرفت بلي كنت غالط .وتا شخصيتك..عند بالي شي ولكن منين عشت معاك كان شي اخر..طلعتي حنين ابنت لعم .وتتسبقي لغير عليك .قلبك كبير ابنت..لعم..

كتشوف فيه..غير تترمش..

عدنان:كبير ولكن معنديش بلاصة فيه ماشي حشومة؟(غمزها)

إيناس:وشكون قالك معندكش بلاصة؟

عدنان:زعما عندي؟

حركات راسها بلا..نايضا عليه..بزربا رضها لتحت وهوا فوقها..مطاكي جسمو..عليها ..بيديه

عدنان:مخيفاش ..الضلام..ولبحر خاوي..ولوطيل بعيد.؟

إيناس:لاش غنخاف ..ونتا معايا

عدنان(ابتسم)خافي مني ابنت عمي..

نزل..مقرب لها..حط شفايفو على شفايفها..بعد كيشوف فيها

عدنان:وليت كنبوسك وكاع متتعيفي لعجب؟

سرطات ريقها:هاديك غير حيت كانت اول مرة ليا فحياتي

قرن حواجبو:شنو زعما ان اول واحد بستك

حركات راسها باه..ابتسم من اعماقو

عدنان:على هاد لحساب ..اول بوسة كانت ديالي ونتي خصك تكوني ديالي..

كتشوف فعيونو:انا اصلا ديالك..

نزل جار شفايفها..حوطاتو بيدها..وهي متجاوبا معاه

فجهة خرا🥀

داز لوقت..

حل عينو بثقالة..وهوا حاس بلمساتها على لحيتو..

نطق بصوتو لمبحوح "بنت روحي جيتي"

حركات راسها باه...وبصوت خافت نطقات

"انا ممشيت فين باش نجي..انا معاك و غنبقا ديما..واش كضن غتكرهني فيك؟واش كضن انخليك من بعد كاع داكشي لي عشنا..واش كضن غنسمح فيك؟انا ونتا جوج دناس بقلب واحد..بصح جمنا القدر..ولكن مغنخليهش يفرقنا فهمتي..والا كان عمرك ايسالي؟غنعطيك من عمري..غنعيشو بجوج..مع بعض عمر واحد كافينا..لمهم مع بعض.(تنهدات)مع بعض انا وياك .(قربات وجها منو)يلاه احبيبي نوض..نتاا قوى من هكدا.متخليش ورم..يغلبك..نتا قوى من هكدا..غلبتي بزاف دلحوايج واش غيغلبك هاد المرض الملعون..؟

قربات وجها..طبعات بوسا على خدوو..نطقات وشفايفها عند ودنو

"نوض على قبلي على قبل بنت روحك" انا عرفت كولشي وعمر انتخلا عليك احبيبي نوض اولد روحي نوض

صباح جديد ونهار جديد

حلات عينيها بثقالة..لقات راسها..ناعسا بين..يدو..ابتسمات منين تفكرات ليلتهم..دلبارح..كانت اول ليلة ليهم مع بعض..ليلة لي بدات مع مواج لبحر..وسلات فغرفة لفندق..ليلة لي خلات زواجهم يولي حقيقي..حاسة بقلبها كيرفرف..وهي بين يديه..

حل عينو..معنكش وجهو..

عدنان:(بصوت نعسان)شحال ساعة؟

شافت جنب:قريبة لعشرا دصبح

جرها لعندو..ساد عينو

عدنان:علاش لوقت داز هكدا دغيا؟

حطات يدها على خدو مبتاسمة

إيناس:اه نوغمال يدوز دغيا..حيت نتا معايا مكتحسش بلوقت

ابتسم جنب:اه جاتك تكبري ابنت لعم من حقك

ايناس:يلاه نوض ماشي عندك ليوم ندوة مع لكغوب داسيغم؟

عدنان:ممم اه مع ل11 غتكون عندنا ندوة طبية..على ورم وحد لمريض..خاصة غير بلكروب وشي وغيحضرو لي كيدوزو سطاج(حل عينو مبتاسم)يعني ماشي ضروري نحضر أا؟

إيناس:اكيد خصك تحضر..يلاه نوض..خص نمشيو لدار..خليتي زوبيدة بوحدها

عدنان:عدنها ماكلتها ولماء..اش غدير بيا.؟متخليش زعما باباها يعيش شويا؟

إيناس:ايه بقا هنا انا غنوض..خص ندوز نشوف خويا..وعاد لبارح سلتنا ليوم لمرضى بزايد..

عدنان:اه صافي وخا انا نايض..

تم نايض..كيحك..فراسو..لبس حوايجو بلخف..وتوجه لدوش..

وقف كيشوف فيها

عدنان:خلينا ندوشو مع بعض

ايناس:عدنااااان ندوة.

ساط بجهد:اك

زاد غادي لدوش...

ثواني تا كان يعيط لها

عدنان:كن دخلتي دوشي معايا

.هكدا مغتخصريش لوقت ونمشيو دقة

ايناس:(كتلبس)انا عارفا لدخلت شحال دلوقت انخسر

عدنان:انا زوج صالح..مغنبززش عليك امرتي زوينة

ابتسمات ..سكت لثواني تا عيط لها

عدنان:وااش لفوطة طاينا تم؟ملقيت هنا والو

ايناس:علاه واش ساليتي تدواش؟

عدنان:دخل لي صابون فعيني ولما منفعني..

شافت وحدة من لفوطات صغار..هزات وتوجهات لدوش.

ايناس:لقيت وحدة صغيرة شد

حل لباب...شدها من يدها..جارها...تضاربات معاه..خارجا.تزلقات طايحا..لارض حدا لباب

ايناس:عدنااان تبت من لبسالة

صوت ضحكتو مسموع..وتسمع صوت غواتها.منين جرها من رجلها..مدخلها لدوش..ساد لباب

حلات عينيها لي منفوخين ب البكا و قلة نعاس .. ناضت متوجها وش خدات دوش خفيف .. لبسات حوايجها .. و خرجات جوبات لي منين عيطو لها من لخدمة..قطعات عليهم

وعيطات لداوود..مجوبهاش..شافتو اونلاين فلواتس سيفطات ليه مساج"عيطو لي من لخدمة جات حالة اوغجونص..ومنقدرش نمشي ونخلي فيروزة بوحدها"

دقايق تا جوبها"سيري..."

تنهدات من جوابو..عارفاه غيجي يوصل ماماه لمحطة..ومحد قالها سيري الا وغيكون فطريق.

خلات فيروزة ناعسة في بلاصتها حتى تفيق .. ما فيها لي يمشي ل شي خدمة .. مورال مزفت .. و عاد الحدث لي طرا ليها البارح ما بغاش يحيد ليها من بالها .. ليلة كاملة م نعساتش .. لكن مريضتها والا مدخلاتش تقدر تموت

خرجات من لبيت بانت لها ام داوود..عند لباب..ابتسمات لها

زهرة:جيت نودعك..(تنهدات)سمحيلي

نضال:نتي مدرتي والو اخالتي

زهرة:لا درت يمكن مكانش خصني نقنع هادي كتر من6 شهور تبعدي من ولدي..علاقتك بفيروزة زوينة بزاف..وولدي بعد شي لي دار لبارح..تاكدت انه باقي كيحسبك مرتو..(حطات يدها على وجها)انا كنت تنحسبك بنتي..وربي شاهد..ولكن منين مشيتي وانا لي شفت داوود كفاش عانا..شحال سهر وهوا كيوكل فيروزة..وسهر معاها فلمرض..ورفض يتزوج..ورجل معاها رجل فلخدمة..حقدت عليك..لعداب لي عاشو ولدي..مغتلخصوش لهضرا..

بنتو كبرها بوحدو ولد كيف لوردة ولا غابة دشوك..انا ومعونتو فيها تا كبرات ووقفات على رجلها..كيف قلت انا حقدت عليك..ولكن..منبغيش لك لمضرة..نتمنا تزوجو نتي وولدي وترجعو عائلة..(شافت فيها)نتمنا شي نهار نقدر نسمح ليك وترجعي بنتي كيف كنتي..نتمناا..

نضال(ببحة)اش ندير باش تسمحي لي؟

زهرة:فرحي ولدي..عوضيه على سنين دلعداب لي عاش

شافت لتيلي كيصوني..آبل من لكلينيك..تنهدات..تودعات مع زهرة وخرجات

دقايق دازو.

كانت فيروزة في عمق نعاسها .. حلا فمها شوي .. و شعرها طايح عليها .. حلات عينيها فاش حسات ب شي يدين كيحركو فيها لقاتها يسرى .. نادت بركات و ابتاسمات ليها ..

يسرى : صباح نور برينسس ..

فيروزة : (بالاشارة ) صباح نور .. ماما فين هي ؟

يسرى شافت فيها بمكر .. و

نطقات

يسرى : معرفتش ولكن انا خصني نمشي ..حتاش ماماك مبغاتميش نبقا هنا..خافت نقولك واحد سر

فيروزة(بالاشارة)انا سر؟

يسرى:حبيبة نتي كبرتي وخصك تعرفي واحد سر مههمم ؟

فيروزة حركات ليها راسها بالايجاب ببراءة

يسرى : في خبارك ماماك ماشي كانت مسافرة ؟

فيروزة :(بالاشارة) ماما كانت مسافرا .. هادشي علاش ما كانتش معايا مشات تولي طبيبة تعتق ناس

يسرى : لا ا حبيبة .. غي ككذبو عليك .. ماماك تخلات عليك .. و مشات تبعات احلامها و ما داتهاش فيك لا نتي و لا باباك .. خلاتك بيبي صغير .. واش كاينة شي ام كدير هادشي في بنتها هم ؟ .. هي خلاتك .. حيت كتكرهك .. ما كتحملكش ..تخلات عليك سنين طويلة بلا متسول فيك..كنتي غير عائق فطريقها..للاسف ماماك مكتبغيكش على داكشي مشات وخلاتك وباباك كدب عليك..حيت كنتي صغيرة ولكن دابا كبرتي..خصك تعرفي الحقيقة

فيروزة عينيها دايزين ب دموع كتحرك راسها بنفي .. ما قادراش تيق .. واش ماماها لي ديما كتحلم بيها صدقات تابعة احلامها و مخليها ..بدات فيروزة كتبكي و تشهق .وكتحرك يدها بهستيرية وهي كتعبر بحركاتها على"لااا..مستحيل..ماما تتبغيني"

. خرجات من البيت سادا للباب موراها .. و ابتسامة شر على وجها .. ما يمكنش .. ما يمكنش تمشي غير هكاك و تخليهم هانين .. ودوز اش دار لها بهدوء..حسات بنشوة لانتصار..وبلي نتقمات منهم على اهانتهم

زادت عند زهرة جراتها باش يمشيو بعد معلماتها انها طلبات طاكسي ولا زادت عينات ولدها ايمشي عليهم لحال

كان ناعس فزنزانة ديالو..تحلات لباب داخل لكومسير..

الكومسير:ينيييس

بعينين مغمضين:مم

الكومسير:تقدر تخرج..دعوة تسحبات عليك

طلع حواجبو..معنكش وجهو..ناض كالس كيشوف فيه

ينيس:متاكد تسحبات دعوة؟

الكومسير:اه تقدر تخرج

ينيس:علاش سحبها؟؟(بالغوات)شكوون كاليه يسحبها

رضها دابا..ترجع

الكومسير:واااش نتا شويا؟؟خصك تفرح ابنادم خصك تفرح..دعوة تسحبات وسيد قال مضربتيهش معقلش على وجه لي ضربو ولكن مكونتيش نتا..دابا نوض تخرج عليا من هنا..ومنعاودش نشوف كمارتك

تم نايض..توجه..معاه وقع شي وراق وهوا كارز على سنانو..مدو ليه حوايجو

هز عينو فلكومسير

ينيس:غتعاود تشوفني حشومة مرة مرة خص نور عليكم هاد سيكتور..

خشاا يدوو..فجيبوو.. وزاد خارج

خدا طاكسي..وتوجه لدار..دخل دريكت لدوش..غسل حالتو..لبس..صوفيطما فلكحل..مع سروال جينز..فنفس لون..يلاه جا يلبس لكبوط..سمع صونيط فلباب..

زااد بثقالة حل..لباب..

قرن حواجبو منين شافها

سكينة:على سلامتك..سمعت امين سحب دعوة فرحت لك

ميل وجهو:دخلي..كنت غنجي عندك..ولكن قلت خص ندوش..تا لرجعت نرجع نقي..

سكينة:فين باغي ترجع؟

ينيس:منين خرجت..

شافت فيه ساكتا..غير تترمش..

سكينة:جيت غير نقولك على سلامتك..انا غادة

زادت تحل..لباب..سدهاا بيدوو..رادخها..دارت مخلوعة تتشوف فيه..

حاوطها بيدو..وهوا مخنزر فيها

ينيس:شحال عطيتيه باااش يخرجني؟

سكينة:والوو

ينيس(مرجع لسانو جنب..كيتنفس بجهد)شحاال عطتييه؟

سكينة:قلت لك والوو

ينيس(بالغوات)شحااااااال عطتيييه هضرييي بلا متخليني ندفن مككك هناااااا دويييييي

سكينة:(بخوف)عشراا دلمليون

بعد عليها كيضحك بجهد..نطق ببرودة

ينيس:حرية ينيس بنيس تتسوا عشرا دلمليون؟؟؟(تنهد بجهد)وااش انا طلعت رخيص تا لهاد درجة؟.

سكينة:غنمشي ..

ينيس:مزال مساليت هضرتي..علاياش تفقتو؟

سكينة:يسحب دعوة.ويعطيني لڤيديو لي كان يهددني بيه

ينيس:آهااه وعطاك لڤيديو؟

سكينة:(سرطات ريقها)بغا عشرا لڤيو وعشرا ليك

ينيس(ساط بجهد)قلبيي جرحاتو هاد لهضرا.. كفاش لڤيديو بنفس ثمني؟

سكينة:لمهم انا ونتا مبينا تا حساب..عيش بعيد عليا

ينيس:وااش صحابك دخول لحياة ينيس بحال خروجها(قرن حواجبو)فينوو؟

سكينة:شكون؟

ينيس:لي خورك فينوو؟

سكينة(ببلات شفايفها)هوا فلكلينيك..ولكن ماشي لمرابطين حول بلاصتو لكلينيك اخر..

ينيس:(حرك راسو يمين وشمال)وخا يكون تا فلوحدين انجبد موو..

زاد هاز تيلي وسوارت لوطو..توجه خارج..

سكينة:فييين غادي

دار عندهاا..دافع صدرو..كينهج..عيونو خارجين بلعصب..نطق بلغوات

ينيس:ندفننننننن مموووووو

سدات عينيها من غواتو..حول عصبيتو لابتسامة

ينيس:كن طلب عليا شي مليار ندوزها ..ولكن ولااد الق...اب لي مكيعرفوووش يستغلو لفرص خص ليي يك...هم بلا ڤازلين

حل عينوو بثقالة..تم..نايض..شاد على راسو..

شاف راسو ففراشو..تفكر..لبارح فاش طاح..وفاش سمعها تتفيقو .

ناض بزربا..كيعيط عليها باسمها

أسيرم:إخلااااص..

وقف منين بانت ليه واقفا فلكوزينة..دارت عندو مبتاسمة

مونيكا:صبح الخير

أسيرم:نتي لي ..(سكت)الهلوسات(ابتسم باستهزاء)

مونيكا:انا وراف جينا عندك لبارح..منين محليتيش راف فرع لباب ولكن متخافش راه قادها..كنتي كتهلوس باخلاص..خليها تكون معاك..نتا ففترة صعيبة خليها تكون معاك..

أسيرم:انا بيخير(شاف فساعة)عندني ندوة تعطلت

داار منين سمع راف عيط ليه

راف:أسيرم

أسيرم:رافييل(بلانجليزية) اش تدير هنا؟

راف:جيت نشوفك مونيكا قالت لي حالتك..انا كنتأسف على اش وقع ليك

أسيرم:انا بيخير..وبلا متعاود تجي..فهمتي(شاف فمونيكا)تانتي بمجرد متسالي عملية لمريض..بلا متخليني نشوفك..

زااد طالع لبيتو

مونيكا:هوا عمرو اينسا لماضي.

راف(تنهد)خلينا نمشيو...

زاد هاز ولدو لي كيلعب ..فوسط دار..توجه خارج هوا ومونيكا..

فحين..اسيرم..توجه لدوش خدا دوش بلخف..وخرج..لبس حوايجو ..سروال جينز كحل مع قبية فلكحل وصفر..هز تيلي وسوارت لوطو وتم خارج

زاد لكوزينة..شرب دواء..دحريق راس..ودتقيا..

وتوجه لباب..بانت ليه مونيكا

.حدا لباب..

مونيكا:سام طيح لعبتو نقدر نهزها..

حرك راسو باه...سمعهم كيقلبو عليها..بانت ليه طايحا..توجه لداخل هازها..

فهاد لحظة وقف لاسانسور..تمات خارجا..لبارح كانت بغا تجي لعندو..سعا زق زاق منعها تخرج ودل راسها..وليوم خرجات بلا خبار حد..

زادت بخطوات تقال..لدار..وقفات حدا دار..منين سمعات اصوات من لداخل..وخطوات مقربين..زادت بجرا طالعا لدروج سطح..كطل..

شافتو خارج..وتابعاه مونيكا وسام..

سد لباب..ووقف..سد عينوو منين عطرها..تغلغل لاعماقو..دقات قلبو تسارعات..حاس بيها كاينا..

دار بزربا..بدورها مع دورتو.زادت طلعات درجة..لحركة لي رد لها لبال..وعرف بلي راها كاينا..شاف مبتاسم فسام..شد فيدو..

أسيرم:خلينا نمشيو اولدي

شافت فيه مونيكا مستغربا..ومحكراتهش على هضرتو..زادو لاسانسور سام وسطهم وهما شادين فيدو..

صورة العائلة السعيدة لي ترسمات فدماغها

دازت نص ساعة وهي كالسا على دروج قلبها تقطع..ولكن تا دمعة منزلات..غير كالسا وتشوف..كتشوف كفاش هي لي كانت فهاد دار وولات وحدة خرا بلاصتها..

كتشوف..وتشوف..ولكن متيقاتش..كاع داكشي لي شافت..كاع داكشي لي قال..قلبها متيقووش رافض يتيق..قلبها متعلق..غير فاش عاشو زمان..ورافض اي حاجة خرا..

تهزات منين صونا لها تيلي..جوبات منين بانت لها نمرة نورا

نورا:لكونتي قريبة من لمرابطين..جريي لعندو..ماما خرجات من لمصحة خايفا ضر بابا طبيب قالي حالتها ماشي تا لهيييه..

إخلاص:اه انا قريبة..انا غادة..

زااادت نايضا..خرجات من لموبل..شدات طاكسي لمرابطين دقايق تا كانت تم..دخلات تتجري..توجهات...تتجري لغرفة باباها...يلاه بغات دخل صونا تيلي..بعدات مجاوبا

نورا:صافي راه لقيتها فدار..فاش تسالي اجي هنا تا زق زاق معايا.

تنهدات بجهد:وخاا.

بان لها شخص خارج..مع شخص اخر من غرفت..فوزي..بمجرد منطق تفكرات صوتو

يحيى:المرابط صغير موجد لعمليتي مزيان..احسن حاجة هي ختاريتو هوا..كنت انفرح فوزي سعا نعس ودازتو لفرحة

ابتسم ليه لي معاه..وتمو غاديبن

وسعات عينيها..تفكرات نهار سمعات هضرتهم..وبلي هوا باغي يخلي اسيرم يدير لعملية..ومن هضرتو دابا فهمات بلي غيديريه ليوم لعملية

كرزات على سنانها:مستحيل نخليك تعتق لي قتل والدييك..

زاادت تتقلب عليه..وتسول...مشات لمكتبو ملقاتوش زادت لاستقبال...

كان واقف مع مونيكا..وعدنان..

حس بنفسو طلعات..استاذن باش يمشي لحمام

شاف عدنان فمونيكا:واش اسيرم مريض؟كيجيني ماشي هوا هداك

مونيكا:اه لا زعما لا غير مفطرش كان مزروب لندوة.

عدنان:تا انا كنت مزروب ومكويتش

مونيكا:كفاااش؟

عدنان:بوصفير فيا بوصفير كنت انكوي عليه(جر عينو )شوفي صفرا

مونيكا:نتا طبيب عيب تبع هاد تخاريف..

ساطت بجهد..ودخلات

عدنان:اه عيب عيب(كيتنفس صعداء)

دار منين جراتو اخلاص من يديه..لاستقبال علموها اتلقاه فقاعة ندوات وتوجها..بزربا..

إخلاص؛واش اسيرم كاين لداخل؟

عدنان:لا راه فلحمام..(مصغر عينو)نتي مرتو ياك لا

قاطعتو:انا حمام؟

عدنان:غتلقايه مشا غيرهنا لول على دورة

زادت بجرا..يلاه جات دفع لباب خرج واحد من لولاد

....:ختي هدا درجال دلبنات على ليمن

حركات راسها بشكرا غير غبر دخلات..

بان لها كيغسل وجهو..هز راسو فيها..

أسيرم:اش تديري هنا..

زادت تدق فلبيبان..

إخلاص:لي هنااا يخرج..بولو من بعد الله يعطيكم ستر

قارن حواجبو:مكاين حد ااخلاص مكاين حد اش باغا..

إخلاص:مغنخليكش دير لعملية

أسيرم:اشمن عملية..؟(بنفاد صبر)حيدي تابعني شغل

زاد خارج..سبقاتو سدات لباب..

بعد عليها شاد فراسو:اخلااااص حيدي خليني نخرج

دورات ساروت و جرات لپواني تا تهرس

شافت فيه فقلب عينو..

إخلاص:قلت لك مغتخرجش..نتا محبوس هنا وبسيف عليك

دااخل لكلينيك..لي عرف بلي فيه امين..من ناس لمرابطين..

توجه لاستقبال..ولبسمة على شفايفو..

نطق بثقالة ونظرات موضفة لاسقبال عليه

ينيس:امين لعويين فاشمن غرفة؟

...:سمحلي حنا مكنعطيوش معلومات على مرضانا الا لناس لي قراب ليه..

رجع شعرو لور..كيشوف فيها.

معنكش وجهو

ينيس:واااش متتشوفيش اني من عائلتو أا..شوفي وجهي ووجهو نفس شي..وخا بصارحة انا زوين عليه..ولكن غير شوفي ..

حركات راسها متاسفة:لكونتي تتشاركو نفس نسب وريني لكارط ديالك..ونعيط لمريض لبغا يشوفك نطلعك

ينيس:هدا سبيطار ولا اوطيل.؟وااش عندكم رونديفو تا مع لمراض..

طلعات حواجبها..مجبدا ابتسامتها..

بعد..عليها..زاد غادي..

.بان ليه واحد من لاطباء..غادي..تبعو بخطوات تقال..شافوو دخل لغرفة راحة...دخل موراه..بثقالة..كيدور عينو فلارجاء..

نطق طبيب بصوت غليظ وعينو على ينيس

....:شكون نتا؟

ينيس:ليي (ابتسم)لي جديد ..جيت نشوف مدير غنتحول هنا ..ولكن بان لي غلطت

...:من انا سبيطار جيتي؟

ينيس:المرابطين

...:المرابطين؟ولكن سبيطار كبير ولخلصة زوينة لاش باغي تحول..

ينيس:عزيز عليا نبدل لحيوط

ابتسم ليه خارج..نتر طبيب..طبليتو لبيضة..وتوجه لحمام..لي كان عندهم فوسط لقاعة

صغر عينو مشمأز

ينيس:راحة واشمن راحة..

هز طبلية طبيب لبسها...بان ليه ڤيترينا دزاج فيه دوايات...حلها..هاز قرعة صغيرة..عمر لابرة بلمادة لي فيها..خشاها فطبليتو..ولبس ماسك..وتم خارج

توجه لاستقبال ويدو..فجيب طبلية..

ينيس(مغلض صوتو..مقلد صوت مول طابلية)سيفطو لنا المرابطين شي مريض فاشمن غرفة؟

الموضفة:راه فلغرفة 14 (شافت فبطاقتو)مالك اعدنان كتهضر برسمية رتاح احبيبي مسامعنا حد.

قرن حواجبو..

الموضفة:فاش تكون خارج ..غنعاينك فدورة..نمشيو بجوج

ينيس:(مغلظ صوت) غير عاينيني متحركيش..تا نجي.

الموضفة:كن هاني احبيبي اعدنان

تم غادي..حرك راسو بلا حول

ينيس:كاع سيبطارات سلط عليهم ربي واحد عدنان..(حط يدو فشعرو)كاع عدنانات زهوانيين..وينيسات زعما يكونو كلهم زوينين بحالي؟؟

ضحك بثقالة وتوجه..لغرفة امين..حل لباب دخل وسورتو.

شاف فيه..امين..

امين:دكتور..واش ماشي خصك دق؟

زاد عندو..جبد لابرة خاشيها فلحمو..قبل ميبرك نطق

ينيس:اشنوو ديتي عشرا دلمليون ووليتي تقري ناس لادب؟

أمين:(مخرج عينو)شكووون نتاا

يلاه بغا ينوض....نطق ينيس

ينيس:غتنوض..غنبرك على لابرة..لبركت..ثواني قلبك غيوقف..وغتموت..وكلهم ايصحابهم ازمة قلبية..على داكشي اتبت..انا غنهضر ونتا جاوب

لعرق نازل من جبهتو..سرط ريقو

بخوف نطق

امين:وخا وخا..

نزل لماسك من وجهو

ينيس:دخلنا عليك بالله واش واحد زوين بحاليي..خلقا وأخلاقا..طلب فيه غير عشرة دلمليون اولد لكلبة ادويي؟

امين(بتمتمة)كك كك فااش؟

ينيس:كيف سمعتي..(ضربو لراسو)كان عليك طلب كتر الحمار..غلطتي منين رخصتيني..

حرك راسو باه:غلطت غلطلت..شوف اعشيري دوزها لي اأ..نطلب منها عشرين لمرة جايا

ينيس(ضربو راسو)باغي تعاود دخلني لحبس الحمار(زاد ضربو)عشرين قليلة فحقي الحمار

امين:خويا ليحفض..

قاطعو

ينيس:سد فمك..مي متتولدش زو..ل..(خنز فيه مقرب وجهو منو)فين لڨيديو؟

امين:اش..

قاطعو بلغوات

ينيس:تكلبين خليه مع لي قدك..اشمن وكفاش وعلاش

.هادشي كبرنا عليه..فين لڤيديو؟

برك شويا على لابرة..غوت امين بجهد بصوت رجفان

امين:فتيلفووون فتيلفووون

قرن حواجبو:مدو لي

هزز تيلي من حداه مدو لينيس..

هزو ينيس شافو..كيتحل بلوجه ولا لكود

ينيس:خليني نفكر اش اتكون داير فلكود؟تنفييحة ولا الما حياا؟

كيشوف فيه مصدوم..

ينيس:بلا متصدم..هواا..وخا تشوفني طبيب..ومتعلم.وبتاع المدارس..ولكن فيا واحد لجانب ..راك كتعرف عليه دابا

قرب تيلي من وجهو..حلوو..

زاد لجهة باش يحيد لكود من تيلي ..بمرة..طلبو لكود لمكتوب..

ينيس:شنو هوا لكود؟

أمين:(كيدور عينو)مريقة فدقيقة

ضحك ينيس بجهد..

ينيس:راك كاين اعشيري حاضر..

حل تيلي ودخل لجهة ديال لي لڤيديو..لقاه .وشاف فامين

ينيس:آهاه فين مخبيه مزال؟

امين:غير فتيلي ..م..

برك على لابرة.

امين:كنحلف لك..غير فتلفوون فجهة تصاور..وفلابليكي..لي فيها علامة حمرة...والله مكاين فجهة خراا رحمنيييي

حرك راسو بوخا..

خشا تيلي فجيب

ينيس:غنعتابر هدا كادو على ليام دلحبس..اهاه وفين لفلوس؟اكيد مزال مدخلتيهم لبانكا ونتا ناعس هنا..

أمين:معنديش مشف...

برك على لبرة تا خوا نصها..

ينيس:نص اخر وباااخ اعشري

نزلو دموعو منين خوا نص لابرة..حرك راسو بلاا..

امين:ليحفضك ليحفضك متقتلنيش راه عندي احلام

ينيس:تا انا عندي احلام ورشيدة وهناء وسناء وفاطمة..(كرز على سنانو)فيييين لفلوسسسس؟

امين:تحت سرير .فشانطاا..

ينيس:جبدها..

امين:راني داير عملية كيف بغ..

ينيس(قرن حواجبو)واااحد

جبد ليه..شانطة..شاف فيه ينيس مبتاسم

ينيس:تلاتة..

برك على لابرة..شد امين.على يدو..مصدوم ودموعو نزلو

امين:فين جوج؟؟فينها

ينيس:اوبس متنعرفش نحسب

امين :(كيبكي)..فيينهاا . عطيتك كولشيي(حس بيدو تقالت عليه مكيحسش بيها)يديي محاسش بيها..يديي صافي كنموووت...كنموووت اعبااد الله

ينيس:شهد.شهد.

امين:الحمد لله الحمد لله..

ينيس:معارفش الشهادة الحمار؟

امين:ان لله وان اليه راجعوون الحمد لله.

حس بلسانو تقال وعينو تاهما.

قرب ينيس منو..

ينيس؛فهاد لابرة كاين غير لبنج..ولكن تيقني لعودتي قربتي من ساحة المخورة(صغر عينو)سكينة غندفن مكك دبصح...شوفيفة دعيني متشوووفكش..فهمتييي...لعاودت شفتك غرجع على مك لحبس..

طلع لماسك..وهز صاك..وتم خارج..فحين امين طاح..ناعس..وعينو كيتغمضو..

كيردد لحمد لله

كيشوف فيها مطلع حواجبو..تنهد بجهد..

أسيرم:أشش كديري؟؟لاش مهرساها

هزات كتافها:باش متخرجش

زادت كالسا..على لڤاڤو..

كتحرك رجلها ودندن..فحين هوا كيشوف لساعتو..ندوة قربات تبدا..وهوا باقي هنا..

تكا على لباب وعينو عليها..كيشوف فيها..كيفاش..كتحرك رجلها..وكتسوط على خصلات شعرها..ومرة تعنكش وجها ومرة طلقو..

مكرهش يبقا محبوس معاها هنا ..ليام لي بقاو ليه كاملين..مكرهش ميبعدهاش عليه..ويدوز شهور لي باقيين ليه وهوا كيشوف فعينيها..وحاضي ملامح وجها..

نطق بثقالة

أسيرم:علاش ؟

شافت فيه..كدور فعينيها..متقدرش تقولو سبب لحقيقي..حيت عارفا مستحيل يقدر يتحملوو..

إخلاص:مبغيتكش دير لداك لمريض عملية

أسيرم:اهاه وعلاش؟

إخلاص:حيت هوا مجر م..ضحك على وحدة..

أسيرم:انا ماشي قاضي ..انا طبيب..مكنختارش مرضايا..

إخلاص:(هزات كتافها)ماشي سوقي مبغيتكش ديرها لو

أسيرم:اهااه وملقيتي فين تحبسيني غير هنااا.؟؟

إخلاص:على ميدوز وقت لعملية وخرج..اشنوو واش مقادرش تبقا معايا تا شويا؟(شافت فسقف)واش نتا فرحان أاا؟فرحان بلا بياا؟عطيني سر؟كفاش قادر تعيش هاني بحال مواقع والوو....

أسيرم:عيشي ..بحالا راك تتعيشي اخر يام حياتك..غتقدي تعيشي..

ناضت عندو..وقفات اونفاص معاه..

إخلاص:منقدررش فهمتيي(دموعها نزلو)منقدرررش نعيش فرحانة وخا نحس يامي اخر يام حياتي(ضربات فقلبها)قلبييي كيتحرق كيتحرق..منين كنشوفك معاها..كيتحرق منين كنشوفك هاني..معاها..كيتحرق منين كنشوفك مكمل حياتك..وانا حابسا فنقطة فين خليتيني..(ضربات فصدرو)كوليي كفاش قدرتي تخطط لعمليات..كفاااش قادر تكمل حياتك بلااا بيااا أاا كفاااااش ..(حطات يدها على وجها تتبكي)كولي بلي كولشي كدووب كولييي بليي نتا مقادرش تعيش بلا بيااا كوليي بلي لي عشناه هوا لي كان بصحح..ولباقي كولشي كدوووب ..

أسيرم:كولشي كذوب

أسيرم:كولشي كدوب..لي كنعييشو دابا كولو كذبة فكدبة..عينيك لي كاذبين وقلبك لي صادق

شاف فعيونها..ابتسم جنب

أسيرم:وااش هكدا بغيتيني نقول أاا!؟لكولت هكدا مغيتبدل والوو لحقيقة مغتبدلش..انا ختاريت عائلتي..ونتي ختاري حياتك..ووقعي على دوك لوراق دطلاق(حط يدو فشعرو)عيشي حياتك..كونتي..بغي راسك..متعاينيش مني نقول كولشي كذوب..متعينيش مني نبرر لك افعالي..عيشي ليك..ليك بوحدك.

خشا يدو فجيبو..وعينيها عليها..كتشوف فيه بلا متنطق..ابتسمات باستهزاء

إخلاص:طلاق..غير بلا متحلم بيه

عقلتي فاش كولتي لي غطلب لفراق غير ونتا على فراش لموت وموفيتيش بوعدك..انا دابا كنواعدك محدك فقلبي عمرك اتحلم بطلاق.

بعدات عليه.كتشوف فلارجاء..

سمع شخص كيدق فلباب .

أسيرم:لباب تهرسات عيط لشي حد يحلها..دغياا

زادت عندو

إخلاص:قلت لك مغنخ..

قاطعها

أسيرم:عندي ندوة ماشي عملية ندوة..هاد لمرة لبغيتي تحبسيني جيبي خبار صحيحة..

دقايق تا حلو لباب..تم غادي..وهي تابعاه..دخل..لقاعة..ندواات..

فحين هي وقفات..كتنفس بجهد..داارت..منين..سمعات ليه عيط لها

إخلاص:ماسين؟اش تدير هنا

ماسين:صدفة زوينة اولا..جيت حيت عندي خدمة مع فوزي..وبنتي لي..

وقف حدا لقاعة..متردد يدخل..

أسيرم:ندوة ولكن علاياش؟؟

شاف لتيلي ديالو كيصوني.

جاوب

عدنان:فينك اصاحبي..واش مغتحضرش..

أسيرم:لا خلي غيري يتكلف.

قطع عليه..كيشوف فتيلي..

بعد يدو من لباب جبد لمعقم عقم يدو..حيت قاسها..وتم غادي..بثقالة..

حاط يدو على راسوو..قارن حواجبو...بانت ليه اخلاص مع ماسين..لي توادع معاها..وتم غادي عند فوزي..عيط لها بصوت عالي.

أسيرم:إخلااااااص

دارت تتشوف فيه ميلا وجهاا

زاد عندها شاد فيدها...نطق بزعاف..

أسيرم:شكووون هدااك معامن واقفااا أاا؟واششش تديري هنااا؟ياااك قلت لك مبغيتش نشوفك خدامة مع فوزيي..تحركيي قدامي لدار داباااا.

جرهاا من يدها..غادي بخطوات سراع..وهي تابعاه..ملامح وجها مصدومين..وكترمش بعينيها كتحاول تفهم اش واقع

كان خارج من لكلينيك..توجه لوطو ديالو بثقالة..كينقب لوز..

يلاه جاا يحل لباب جراتو من يدو..بجهدد..

دار كيشوف فيها..ميل وجهو..كيشوف لحالتها كفاش تتنهج..ومقداش تاخد نفس..لعرق نازل من جبهتها

سكينة:عيييت ..عيييت(كتنفس بجهد)عييت نقلب عليك..مخلاونيش نعرف اشمن غرفة هوا..مد مد مدرتي ليه والووو يااك؟

شاف فيها قارن حواجبو

مد يدو

ينيس:تاكلي لوز؟؟

نفضات يدوو يزعااف..

سكينة:اشمن لوووز أاا؟وااااش نتااا معاارفش قدااش كنت خايفاا...انا معارفاكش مزياان معرفاش اش قادر دير..ولكن لي عارفا بلي تصرفاتك مصيبة فمصيبة..

كيشوف فيها..كفاش كتهضر وتغوت..تكاا على لوطو كيتفرج فيهاا..وهوا مبرد على عكسها..

سكينة:هضررر اشش درتي لييه؟

ينيس:(هز كتافو)اش غندير ليه..والوو غير هضرنا راجل (شار لراسو)لشماتة

مد لهاا شنطة..دلفلوس

سكينة:اش هدا؟

ينيس:فلوسك..لنقصات شي حاجة منهم عاوديها لراسك..

حطات يدها على راسها..كتنفس بجهد..

سكينة:اش درتي ليه؟باش خديتيهم

ينيس:اش غندير ليه؟قلت غير هضرنا..قلت ليه واش انا كنستاهل هاد لفلوس لقلال قالي لاا(ابتسم)وصافي رضهوم لي على امل لمرة جايا يطلب بزاف..

سكينة:كن مكونتش تنعرف امين

.كن تيقتكككك..وااش ىكاين شي حد كيتخلا على بحال هاد لفلوس..

تنهد :ق ت لتووو

حطات يدها على فمهاا موسعاا عينيهاا

سكينة:كفااااش كف كف...نتاا حيا.تك غغض.

قاطعها

ينيس:ايه دراما دي (ضحك باستهزاء)علاش عزيز عليكم دراما بزاف..تيقتي اني ق تال ومتيقتيش اني كيوووت..(ساط بجهد)ودغيا رض لي لفلوس حيت انا مكيكولوش لي ناس لا..

شافت فيه مخرجا عينيها

سكينة:واااش نتااا مريض هادشيي مكيضحكوووش فيه نااس

ينيس:انا(شار لراسو)ومضحكتش معاك

سكينة(سرطات ريقها)ق ت لتييه

ينيس:مضحكتش معاك بصح انا كيوت..

نتر شانطة من يدها

ينيس:غنجيبهم لدارك..انا عارفك مهلهلا..يطيروهم من يدك ونتي ضاحكا..

لاحها فلوطو..وتم راكب.

شاف فيها..زاد عندها..بخطوات.تقال وقف اونفاص معاها..

حل يدها حط لها..لوز فيها

ينيس:امتا اتخطبيني أا؟كيف كتشوفي انا كيوت وطلب عليا ايكتر..اتخطبيني دابا ولا تنعمر هادي(حط يدو على كرشو.

ضحك بثقالة)ماشي هادي (حط يدو على كرشها)كنقصد هاديي..

هزات عينيها فيه..كارزا على سنانها..

سكينة:(بنفاد صبر)غنغوت سير..

هز كتافو :لخطباتني بنت خالتي متلومنينش

تم راكب..ميل راسو:علاش واش انا عندي خالتي باش تكون عندي بنتها..

طلع زاجة..منين سمعهاا..غوتات..وهي حاطة يدها على ودنهاااا..

سيييييييييييييييييير

عنكش كمارتو:بفق كنكولها متبقاش تبغيني بزاف..

كسيرااا.بجهدد..مخليهاا تتفور باعصابها

فقدان الذاكرة المؤقت..كان عارف بليي غيجي وقت ولاعراض اطور..وغيعاني من فقدان الذاكرة المؤقت..لي مع زمان ممكن ايطور لكولي..

لكن مدارش حسابو بلي غيكون فوقت سريع هكدا..فلوقت لي مزال اعراض لمرحلة تانية بانو يلاه اولهم.

زمان رجع بيه..لور..لنقطة من ماضيه لقريب..ونسا اي حاجة عندها علاقة بالحاضر..

جاارهاا من يدها..مخرجها برا لكلينيك..وهي غادا معاه..بخطوات سرااع.خصلات شعرها كطير مع لهوا..ونضراتها على ضهروو لعريض..ويدوو لي مزيرا على يدها..دقات قلبها تتسارع..و.علامات الاستغراب ودهشة على وجها ..مفاهما والو ولا اش واقع..؟

وصل لوطو..نترات يدها منوو..تتشوف فيه..بتهجم نطقات

إخلاص:واااش حماقيتي ؟؟؟أشش تتخربق عليا..؟لخدمة مع فوزي خليتها زمان..(رجعات شعرها لور كتنفس بجهد)اش كدير أاا؟(بالغوات)مرة تبعدنييييي ودابا جارنييييي؟انا راه ماشي لعبة بين يديك انا بنادم بنااادم.. ختار حاجة وحدة

حط يدوو فراسو مزير على شعرو....ملامح وجهو تزيرو تا برزو العروق فجبهتو..لقطات من لحاضر رجعو..تاا بان حاضرو قدامو..ميل وجهو هاز يدوو..كيشوف فليد..لي جرها..منها..لاكثر من دقيقة..

حول نظرو ليها..كيتنفس بجهد..

أسيرم:إخلاص

ميل وجها مخرجا عينها:اشنوو

أسيرم:غير خديت (سرط ريقو)خديت مسكن مجهد..خلاني نسا شي حوايج..

إخلاص:(ضحكات باستهزاء)اشمن مسكن أاا؟عطيه لي باش نساك

حل باب لوطو.بلا ميجاوبها.طلع كسيرا بجهد..مخلي لعجاج موراه..ونضراتها متبعينوو..

عينووو على طريق...ملامح وجهوو مطموسين..مسافة طريق

وقف قدام وحد من لكلينيك..دازت كتر من نص ساعة .خرج هاز فيدو..صور اشعة..ركب .فلوطو..دقايق تا وقف .قدام.مقبرة..نزل بثقالة..زاد كالس بين قبر موو وباه..نطق بصوت مخنوق..

أسيرم:ليوم .نسيت (بلل شفايفو)..نسيت شي حوايج...هادششي كيعني..انا لورم كيطور شويا(عينو على صور الاشعة)كيطور بزاف..

"ضحك جنب"

6شهور رقم ولا بعيد ..(شاف فقبر ماماه )اش بان لك نفرحك أاا؟ونقسموه..

..3..غالبا بقات لي 3 شهور..وممكن يطور كتر ويبقا قل

تنهد بجهد.وعينو على قبر ماماه

وباباه

أسيرم:خليه سر بينا..تا لي عارفين بمرضي خليهم يضنو بلي بقات لي6 شهور (قاس بيدو تراب قبرهم)واااش نتوما فرحانين؟أخيرا عائلتنا غتجمع لمدة طويلة..(هز كتافو).انا بعدا فرحان بزاف..عشت حياة طويلة..درت فيها بزاف دلحوايج زوينين..انا بيخير..لحياة طويلة غتسالي..وغنتجمعو من جديد

جبد من جيبو تيلي..داير ڤيديو كيصور..بصوت هادئ نطق

أسيرم:معرفتش اشنو مزال غنسا مستقبلا..على داكشي..(بلل شفايفو)أناا أسيرم مرابط.38 عاام جراح دماغ..خدام فسبيطار المرابطين..

(حول الڤيديو لقبور)معنديش بابا ومعنديش ماما..بجوج ماتو سنين طويلة هادو..غنتلاقاهم مور 3 شهور..فيا ورم فجدع لمخ مرحلة لخرا غياخد روحي مور 3 شهور

"رجع تيلي لوجهو"

مزوج كنبغي مرتي..(سكت لثواني)كنبغيها بزاف..(رجع شعرو لور)إخلاص داير ليها ألبوم بسميتها فتيلي كان سبق لها تخطفات وملقيتش تصويرة لها..على داكشي فكل مرة كنت تنغفلها ونصورها.بلا متعرف...لنسيت شكلها..غلقا لالبوم فتيلي.. وخا صعيب نساها.(حنا راسو وهزوو).ريحتها كيف ريحت الارض القاحلة لي نزل عليها قطرات شتاا..ريحة لي كنشمها فيها بوحدها ريحة لي كتخلي قلبيي يضرب بجهد..

وكتسقي روحي ..

(حنا راسو..ساهي..ورجع شاف فلڤيديو.)انا خصني نطلقها..ونعاونها تكون حياتها وتوقف على رجلها بلا بيا..عارف حاجة صعيبة نديرها فهاد تلت شهور ولكن ...خصني نديرو(ضحك بثقالة)انا ماشي مكلخ..وماشي اناني..اني خديت هاد لقرار..اناا لي عارف كيف دايرة..بوحدي عارف شحال ضعيفة..عارف بلي غتهرس..عارف فاي خسارة تتبغي تهرب وتنتاا حر..نقدتها جوج مرات..وكنقدها من تالتة ..

هدا قراري وانا راضي عليه وغنتحملو تا لاخر نفس

طفا لڤيديو وتم نايض..بعد مسيفط مساج..ودار يتلاقا مع لي سيفط ليه حدا لبحر.

مسافة طريق تا حبسات لوطو..قدام منحدر كيطل على لبحر..

شاف جنب منين حلات لباب ودخلات كلسات حداه..

كتشوف اونفاص..بلا مترمش..ملامح وجها مطموسين.

.نطقات بثقة:اش بغيتي عاود؟

كان فلاسانسور..شاد تيلي وكيهضر مع واحد من لكروب داسيرم

....:كنا كنعينوه هوا لي يهضر ماشي دكتورة مونيكا

عدنان:بحال بحال تاهي غتكوم معانا غدا فالعملية

...:ناس دسطاج حضرو على حساب أسيرم..عمرو ضيع شي مؤتمر..

تم خارج منين وصل فين بغا..تسدات لباب مور مطلعات وحدة من لممرضات

كان ساهي كيفكر فهضرتو..فاق من سهوتو منين بانت ليه.

عدنان:اشمن تخصص اطبيبة؟واش نتي جديدة فلكلينيك

شافت فيه مبتاسما

الممرضة:انا غير ممرضة ادكتور وقديمة

عدنان:اه قديمة..هاد زعورية ولبيوضية ممولفينش نشوفوها هناا

الممرضة:وباش عرفتيني زعرا وانا دايرا لفولار؟

عدنان:حواجبك..(ابتسم جنب)وانا وخا مدايرش لفولار ولكن رجل هنا ورجل فجامع..تبغي تعطيني نمرتك نفيقك لفجر.

الممرضة:اهاه بصارحة كلقا مشكل نفيق بوحدييي..قيد

هز تيلي كيقيد..تحلات لباب..منين وصل لتحت...دخلات عينيها عليهم..

عدنان:فتي مالك سكتي..لفجر على حسابي

قارنا حواجبها..مغززا على سنانها

إيناس:امتاا وليتي فقيه اسي لبناج؟؟

شاف لباب باغي يخرج يهرب بروحو..شافها تسدات..جمع ابتسامتو

عدنان:لخير بغيت غيرر ندييير فيهاا لخييير

إينااااس:(مدات يدها)اراا دااك تلفووون

عدنان:كفاش تلفون واش متتيقيش فراجلك أاا؟؟

إيناس:(دورات عينيها)لاا مكنتيقش فيك عارفاك اش تتسوا

مدوو لها وهوا كيدور فعينو..شافتوو كتب على سميتها .مولات الفجر..ونمرة حدو كتب06

ضحكات بجهدد..

إيناس:مولات لفجرر ..آهااه سوارت جامع فيدها..اش مسميني انا؟

قلبات على نمرتها..لقات"ررررر"

إيناس:حرف الغااا..يااك..

كرزات على سنانها..جمع يدو معنكش كمارتو

عدنان:مرتيي زوينة سمعيي نشررح لكك دابا..انا..

قبل ميكمل نقزااات.عليه..جاراه..من شعروو..كتنتف وتعضض..هوا يدفع وهيي ضرب..تا فقد لامل.وشد فشعرها..

عدنان:طلقيييي

إيناس:طلقققققق

عدنااان:طلقيييي نطلقق .

تحل باب لاسانسور على منضرهم وهما مشادين..

شافو فمجموعة دلاطباء كيشوفو فيهم..ابتسموو..بجوج..حطو يدهم على كتاف بعض..خارجين

عدنان:كتوقع فاحسن لعائلات(جار ابتسامتوو)

أسيرم:اش خبارها؟

نورة:كن كانت تهمك متبعدش ..هي ماشي بيخير..ونتا عارف هادشي..(شافت جنب)اصلا ماشي سوقي تكون بيخير ولا لا. متتهمنيش..انا بغيت نعاونها غير(سرطات ريقها)حيت نتا ممري.طلبتي مني..

أسيرم:زيدي عاونيها

جبد وراق..من لوطو..ومدهم لها

أسيرم:هادو رسمات لقيتهم فمذكرتها..بان لي نتي وياها تتشابهو فهاد لحاجة..تا نتي كنتي تترسمي بحالهم

نورة:(شافت فيهم)تصاميم!

أسيرم:مكنتش عارف مرتي..تيعجبها ترسم لحوايج..شتي(ضحك بثقالة) انا مكنستاهلهاش.

نورة:فاش غينفعوني..هادو؟اش باغي توصل..وي تتعرف ترسم..ولكن مكااافي..

قاطعها

أسيرم:علميهاا..خليهاا..تتعلم..

وتشغل راسها..

جمعات عندها..تصاميم..وبصوت مبحوح نطقات

نورة:واش فنضرك هكدا كتعاونها؟(خنزرات فيه)نتااا واحد ضعيف..اناا بغااا دابا نضربك..عرفتييي(مغززة على سنانها)بغييت نضربك ونضربك ونضربكك..حيت رافض انك تعالج نتاااا

ابتسم باستهزاء

أسيرم:شكون كالك اني رافض نتعالج؟(شاف فيها)انا طبيب انورا للاسف..انا مزيان فخدمتي لدرجة عارف مكاينش علاج..وعارف لدخلت لعملية مغنخرجش عايش..انا متاكد كيف ما متاكد..انا قلبك ضارك دابا..

قلبات وجها لجهة لخرا..

نورة:علاش قلبي ايضرني؟؟نتاااا وانا علاقتنا ماشي تا لهيه..نتاا ديما كنتي واقف معايا وأخ بالنسبة ولكن انا لاا..عمري تعاملت معاك مزيان..ودابا غنعاون نارا..غرض لك دين..لي بينا

عنكشش شعرهااا..مبتاسم..

أسيرم:مكاينش دين بين لخوت..نتي غتعاوني ختك على قبل خوك..ماشي بسيف عليك

حركات راسها باه:ماشي بسيف

انا نورا مكاينش شي حد يخليني ندير شي حاجة بسيف..غنشوف وش تتعرف تصمم لكانت مزيانة نقدر نعطيها منصب مع لكليكة ديالي

أسيرم:شكرا ليك على كولشي

شافت فيه..بالغوات نطقات

نورة:متكوليش شكراااا خليهااا معاااك..أاا. لمكونتيش اتعالج على الاقل موت معاهااا..

أسيرم:لمت معاها غتموت مورايا..لبعدت غتعيش..معادلة لي تقدر تجي لبعض تافها..ولكن لي كيبغي كيختار سعادة غيرو عليه..

نورة:كن اناني لمرة وحدة فحياتك..كبرتي معانا ولكن مطلعتيش لنا.

قلبات وجها لجهة تانية..بزعاف

أسيرم:شفت عبد الرزاق معاها.. انا كنشوفو بنت بحالو بحالها..معنديش مشكل يكون معاها..ولكن متخليهاش تلبس إخلاص حوايج قصار.

نورة:(بزعاف)غنخليه يلبس لها اقصر حاجة

أسيرم:مناش نتي غضبانة؟

نورة:والو(هزات كتافها)قولي علاش نهار ختاريتي تفارقها عيطتي لي ومنين رفضت نعاونها صارحتيني بمرضك..علاش ختاريتيني انا؟ونتا عارف بلي انا خايبا..انا ضريتها وضريتك..كاع خديت منها دم.

أسيرم:حيت خديتي دم..نتي تتموتي على قبل دمك.على قبل ناسك.هي ختك..عارفك مغتفوتيهاش.

نورة:ولكن انا شحال من مرة فتك

أسيرم:انا ماشي خوك..مجمعاتناش كرش وحدة بحال نتي وهي..(رجع شعرو لور)لفتيني مكيشكلش هادشي مشكل .المهم متفوتيهاش

نورة:اه بصح كنتي اخر واحد نفكر فيه..وخا كنتي عزيز..ولكن ديما كانو سابقين شي وحدين..عرفت 3 درجال فحياتي ونتا كونت رقم 3 لاخر

أسسيرم:(ضحك بجهدد)انا وتلاتة قصتنا زوينة

كتشوف فيه كفاش كيضحك..مصغر عينوو..لي كيلمعوو..

نورة:نتااا تتموت مخصكش ضحك لي كيموتو كاع مكيضحكو

أسيرم:شحال من واحد غيموت قبل مني..ولكن كيضحك..حيت معارفش امتا غيموت..(هز راسو فيها)غنحسب راسي منهم وصافي

نورا: غيخصني نمشي..غندوز نشوف بابا..

حرك راسو بوخا:نزلي..

حلات لباب..وشافت فيه..

نورة:6 شهور مدة طويلة ..لعلمتها تصميم..وتعلمات دغيا.غتشوف اول حاجة اتصممها. وتخيط.لكان عقلها خفيف غتعلم فقل من 5 شهور

أسيرم:(حرك راسو باه)اه طويلة بزاف..ضروري خصني انا لول نشوفو..بغيت نشوفو وهي لابساه.

حركات راسها..باه..وشافت قدامها ودموع محجرين فعينيها..دارت منين عيط لها

أسيرم:نورا..

نورة:نعام

مد لها سوارت لوطو)

أسيرم'فعيد ميلادك كنتي طلبتيها مني.وشريتها لك.ولكن..منين وقع داك لمشكل مع اخلاص معطيتهاش لك..وبقيت مخبيها لك

شدات سوارت تتشوف فيهم

اسيرم:تركبيها بلهنا

نورة:سولتيني علاش غضبانة أا؟؟(طاحو دموعها على سوارت)اناا مغضبناش منككك..انا غضبانة من هاد دنيا..علاش لي بحالك..يمرضو ويعانيو ولي بحالي يعيشوو مرتاحين أاا؟

هزات عينها فيه..ودموعها نازلين..بللو شفايفها..

نورة:سمعنييي نتاا(ضربات فصدرو بلخف)مخصكش تموت..عفااك متموتش..كنحلف لك غنكون اخت صالحة هاد لمرة..كنحلف لك مغدريش شي حاجة تقلقك..كنحلف لك غنخليك رقم 1ولكن عفااك..متموتش.. دنيا محتاجة محتاجة لواحد حنين بحالك لواحد كيعطي لناس كولشي على حسابووو..نتا حاجة زوينة فهاد دنيا لخايباا مخصككش تموت

ترمات عليه معنقاه..تتشهق بجهد وتبكي..وهي تتردد

. عفاااك..متموتش اخويا متموتش"

محاوطها بيدو..بهدوء نطق

أسيرم:متبكيش..انا كنعرفك وحدة قويا خصك تبقاي هكداك..

بعدات عليه..تتمسح دموعها

نورة:واش لورم كيضر أا؟وااش نتا تتوجع؟

حرك راسو بلا

أسيرم:كيف كتشوفيني؟انااا بيخيير مكنحس بوالوو ..اه كن مكونتش طبيب كن كلت راه غلطو فتشخيص..

نورة:مزيان منين مكيضرش.

حرك راسو باه

هز تيلي منين صونا .جاوب وعينو على نورة

أسيرم:وي ؟

فوزي:اجي عندي دابا

قطع عليه..وشاف فنورا..

أسيرم:باباك..غنمشي نشوفو

حركات راسها بوخا..

نورا:نتلاقاو عندو

تمات نازلا..عيط لها..مع دورة..ضرب فيها لفلاش..دتيلي.. فوجها

نورة:اش تدير؟

أسيرم:كانو عندي تصاورك فتيلي لقديم..وبغيتهم يكونو تا فجديد

مقداتش تجاوبو مزال ولا تنطق...نزلات متوجها لوطو ديالها...

وعينو متبعينها ولابتسامة على شفايفوو..

مسافة طريق..تاا وقفات لوطو..فلكلينيك..

توجه داخل..تلاقا مع نورة فلباب..دخلو بجوج..بخطوات..تقال..

دقات فلباب بثقالة دفعاتها داخلا..بان لها باباها كيضحك وماسين عند راسو..ميلات راسها مستغربا.

لمحها فوزي..جمع ضحكتو ونطق

فوزي:بنتي .

دخلات وبرودة نطقات

نورة:كي بقيتي ابابا.؟

فوزي:بيخير..فين اسيرم..من صبح شاد ماسين تنعاينو فيه .

نورة:كيهضر مع شي ممرضة..شويا ويدخل

حولات نظرها لماسين..

نورة:مغتعرفنيش عليه؟

فوزي:كفاش واش متتعرفيهش..هوا صحفي مشهور

نورة:كيهضر على الموضة؟

ماسين:لا كاينين مواضيع اهم من الموضة

نورة:اه بصارحة دوك لمواضيع مكيهمونيش..(ساطت بجهد.ومدات يدها)نورااا مرابط بنت فوزي

شد فيدها..وعينو ف عينيها..

ماسين:ماسين .ماسين وصافي.

نترات يدها..دارت منين تحلات لباب..شافت اسيرم داخل..

سد لباب..وشاف فيهم..صغر عينو منين لمح ماسين

أسيرم:مااسين؟

ماسين(ببتسامة)دكتوور أسيرم..نهار كبير هدا

زاد مسلم عليه بعناق رجولي

نورة:واش تتعرفو بعض

أسيرم(حرك راسو باه)كان مريض عزيز على معاد الله يرحموو

ماسين:كان واعدني لملقيتش قلب ايعطيني قلبو(حط يدو على قلبو)وعطاه لي

ملامح وجهاا..تجمعوو..وصدمة بانت فيهم..بتمتة نطقات

نورة:نتااا..واااش نتاا..عندك قلب معااد؟

حرك راسو باه..وهوا مستغرب من حالتها لي تبدلات..

نورة:نخليكم (حطات يدها فراسها)تفكرت شي شغل..بشفا ابابا.

زادت خارجاا بخطوات..سراع..وعينين ماسين عليها..فحين..اسيرم مشغول بلهضرا مع عمو..

فوزي:كيف قلت بغيتك..تشد لادارة..وتبعد من لعمليات هاد لفترة

أسيرم:(خشا يدو فجيبو)اناا طبيب اش فهمني فشي ادارة

فوزي:سمعت باغي تاخد شي قرار فالاطباء لي دارو لي لعملية...لوليتي فلادارة اتاخد لقرار لي بغيتي مغيدخل حد

تكلف بيهم..دير لي بغيتي..وعااون ماسين..لمستعجلات جديد..قرب يسالي فلبني..خص يتجهزز ..ونتا اتكلف..ماسين كان دار تقرير على لكلينيك..واجلو حيت مرضت..وطلبت يزيد ياجلو تا يصور لافتتاح دلمستعجلات جديد..

ماسين:اه ليا شرف اني نخدم معاك ادكتور..وبصارحة فرأيي تشد لادارة..حيت شويا دنيا ترونات..خص لي يزير شويا.هدا غير رايي..نخليكم..تابعاني لخدمة

تم خارج..

فوزي:شكرا حيت بقيتي معايا هاد ساعة

ماسين:مرحبا اسي فوزي

سد لباب خارج

فوزي:ها اش قلت..رايي من ماسين..وسكرتيرة ديالي تعاون نتا وياها كتفاهمو

أسيرم:هي استقلات.

فوزي:هاا واش قدمات استقالة؟؟معقلتش اني شديتها من عندها..وتا لشديتها غرفضها...انا غنعيط لهاا..ونخليها ..

قاطعو

أسيرم:بلاش..بلا متعيط لها.وااش هضرتي مع خالتي عبلة؟

فوزي:لاا..مهضرتش ومجاتش تزورني..

حرك راسو بشويا:من الاحسن تهضر معاها

فوزي:علاش واقعا شي حاجة؟

دار منين سمعو دقان بلباب..دخلات لممرضة..توجهات عند اسيرم..مدات ليه ملف

الممرضة:صافي تاكدت ادكتور..لعملية غدا مع لعشرا دصباح غنوجدو كولشي

شدو من عندها..وخرجات

فوزي:قلت لك اتكون فادارة اشمن عملية هادي؟

أسيرم:عملية لي ضرووري نديرها

فوزي:مديرهاش

أسيرم:دم واحد (ابتسم

باستهزاء)نتا وهي بحال بحال تتامرو بلا متفسرو..مفهمتش اش جاكم على هاد لعملية

فوزي:انا ومن؟

اسيرم:ماشي مهم..معنديش مشكل نشد لادارة محدك مريض..ولكن هاد لعملية غنديرها..

تم خارج تنهد..فوزيي بجهدد...

فوزي:مخصكش تعتقووو..هوا معتقش بااك ..مخصكش تعتقو

هز تيلي مصوني..ثواني تا جاوبو

فوزي:دوز عندي.ليوم قبل غدا

المحامي:.ياك لباس اسي فوزي؟

فوزي:بغيت نرض لحق لماليه..بغيت نكتب المرابطين بسميت ولد خويا

دازو ساعات...كان فمكتب عموو...لي قنعوو يتكلف بالادارة...

كيشوف فلملفات لي حداه..بزاف دلحوايج خصهم يتقادو فلكينيك..وغيتكلف بيهم..لكن قبل خصو يسالي لعملية دغدا ودوز بيخير..

تكا على لكورسي مرجع راسوو..لوور..هزز يدوو كيزير عليهاا..ويعاود يطلقهاا..

مخايفش من النوبات حيت كيجيوه مراا فشحال..وتاا ان نضر ينقص مغيشكلش مشكل..ثواني او دقيقة مغتاترش..

لكن انه ميتحكمش فيديه..ويدير حركة على غير ارادتو اكتر حاجة خايف منها..مباغيش يغامر..ولكن لمريض مصر يا يديرها ليه اسيرم يا يموت..كيشوف بلي يدو قادر يتحكم فيها..كيف بغاا ولمشكل دعدم تحكم وقع معاه غير مرة..

حاول ينفض افكارو كيف مكان لحال مغيكونش بوحدو..

ناض من بلاصتوو...كيقااد تجاكيتو دلكوير..رجع شعروو..لور..وتم خارج..

نازل ..من لمكتب..باغي يدور ويشوف لاجواء فلكلينيك..كيدور فلاقسام دكل تخصص..ويحاور يعرف اش زايد واش ناقص..

كان داخل لكلينيك..ولانظار عليه..جاو هزوه لبوليس من وسط سبيطار..حاجة مولفين عليها..لكن محاولة ق تل ..طبيعة لجر.يمة خلاتو على كل لسان

بان ليه طبيب لمسؤول على قسم جراحة العظام..توجه عندو وبصرامة نطق

طبيب:تبعنييي.

ينيس:علاش غنتبعك؟بغيتيني هضر هنا

طبيب:لكونتي نتا متخافس على سمعة لكلينيك انا كنخاف

ينيس:خرج ديك لوزا لي فحلقك

طبيب:جاو لبوليس هزووك من لباب..هادشيي كياتر على سبيطار عامة وقسم جراحة لعظام خاصة..وباعتباري..المسؤول على هاد لقسم...كنعلمك بلي نتا معندكش بلاصة بيناتنا..

ينيس:كتجري عليا؟

الطبيب:بلاصتك ففلحبس ماشي معانا..

دار بثقالة منين سمع صوتو موراهم

أسيرم:شكوون نتاا باش تجري عليه؟

توجه عندهم ويدو مخشيا فجيبو

الطبيب:دكتور..لمصلحة لكلينيك..

أسيرم:خدمتو مزيانة مصلحة لكلينيك هوا هنا

الطبيب:سمعة قسم جراحة لعظام ضربات لارض..تاحد مغيجي لعندنا على هاد لحساب

شاف أسيرم فينيس لي ممسوقش كياكل فلوز

أسيرم:عندك لوزز؟

ينيس(مد يدو)تااكل

أسيرم(شدو)سخييي..سخيي..واش فنضرك طبيب سخي بحال هدا غيشوه سمعتنا؟

ينيس:كنكولهم انا كيوت وكيكدبوني

الطبيب:راااه تشدد بتهمة لي ....

قاطعو اسيرم..حل ليه يديه.. بهدوء..

أسيرم:محدووو خاارج الا وتهمة مصحيحاش..هادي واحد(حط حبة دلوز)محدكك مكتخلصوش من جيبك وومخدموش نتااا معندكش لحق تجري عليه هادي جوج(حط حبة تانيا) السمعة (ضحك باستهزاء).بصارحة سسمعت رئيس قسم جراحة لعظامم.طلق مرتو..هي لي رفعات عليه دعوة طلاق..بعض مضربهاا وهرس عضامها..ويعلم الله اش دار لها اخر..مم كنضن بحال هاد لحوايج ايشوهو سمعتنا..لعيالات غيخافو يجيو عندنا على الاقل ينيس كيضرب رجال

ينيس:شمايت اصاحبي

أسيرم:اه هادوك..ولكن تحكر على نسااااا مم سمعتنا تحت صباط ؟

ملامح وجهوو تبدلوو..لعرق نزل من جبهتوو وبتمتمة نطق

الطبيب:اناا سمحلي اسي مرابط غير فكرت فمصلحة لكلينيك.

أسيرم:لكلينيك عندها لي يفكر فمصلحتها. هنا.كيجيو لي مراض..لي مهرس مغيفكرش فواش لي كيعالجو بسمعتو ولا لا..قد مكيهمو لوجع يمشي..حناا مكنخطبوش ونزوجو هنا باش نقلبوو واش لبنت وعائلتها عندهم سمعة .حدنا كنعالجو شي حاجة خرا متتهمش

الطبيب:ولكن سي فوزي كيه..

أسيرم:انا لي كنهضر معاك دابا ماشي فوزي..وكن كان فوزي كيهتم..مغتلقااش راسك هناا..

حناا راسوو:سمحليي بصح المهم انو طبيب مزيان.شغلتك معايا اسي مرابط

زااد وهوا حاني راسو

أسيرم(شاف فينيس)كنت انزيدو لوزا سعا داا غير جوج

حل لينيس يدوو..حط لوز فيه

ينيس:اش غندير بيه لاش راضو لي ؟

أسيرم:رااك عارف اش غدير بيه..

غمزوو وزااد ..خشاه فموو وبصوت عالي نطق

ينيس:غنخشييه ففمي

يتبع...