تزوجتها بوصية زوجها الجزء 17

دااز لوقت

صووت لأوبيراا مسموووع....من دارو واقف..فجهة لي معلق فيها تصاور والديه..علق حداهم تصاور..ناسوو..عائلتوو..ومرتو وصحابوو. دلخدمة...

وكل تصويرة معلقة تحتها ورقة فيها معلومات على الشخص..صورهم..فتيلي..وفشاشة حاطة تصويرة فيها جملة

"If u feel weird just look at the pictures"

لحسيتي بلغرابة شوف البوم صور..لحس بلي لي كيهضر معاه كيهضر فموضوع معارفوش..او شخص كيهضر معاه معارفوش..يكفي انه يلتاجئ لتصاور..حاجة فكر انها تقدر تنفعوو فايامو لقيلة لي غيدوز فلمرابطين..

على صوت انغام لموسيقى..زاد لكوزيناا..كيقاد لعشاا..

تعشا بمجرد مطاب..غسل لماعن ونضم كوزينتوو..زاد لدوش غسل يدوو..وحك سنانو وعينوو على لمراية..توجه لبيتووو..

كانت لاجونداا..معلقا فباب بيتو..غير سدها.شاف فيها..كان فيها حساب دمن هنا لست شهور..طير تلت شهور لخرا وخلا تلاتة.. زااد هزز قلم..ضرب على اول نهار من تلت شهور لي بقات

فجهة خرا🍃

نهار كولو وهي ساكتا وهادئة..لهدوء لي ستغربو داوود

كانو بجوج على طبلة لعشا.

داوود:فيروزة وااش تبغي نعاود لك قصة؟

حركات راسها بلا

داوود:,توحشتي ماماك ياك..راها فخدمتها دابا تجي هي مشات تعتق ناس كيف مولفا..

دفعات طبلة بزعاف .ودموعها نازلين..كضرب فطبلة بجهد كتصر صوت لي مقداش تصدرو من لسانها..

داوود:(بصدمة)فيروووزة مالكي

فيروزة : (بالاشارة)كذااااب نتاااا كذااااب .. كتكذذذب عليااا .. ياااك كتقولي لي لي ككذب الله مكيدخلوووش الجنة .نتاا مغدخلش لهاا. علااااش ننااا كذبتييي .. ما ما مشاااتش تعتق ناس .. هي مشات و خلاتني بوووحدي .. علاش مشااات واش حيت انا ما كنهضرررش ؟؟ ..

كتحرك يدها وتبكيي..شي لي خلاه مصدوم..كان خايف تكره مها وشي لي خاف منو طاح فيه..هزز عينو منين بانت ليه نضال واقفاا.ودمعة فعينها محجرا..غير شافتها فيروزة طلعات لبيتها بجرا تبعاتها نضال..شداتها من يدها تتبكي

نضال:سمعي لي ابنتي

نترات يدها

فيروزة:(بالاشارة)نتيي ماشي ماما..سيري بعدي مني

.

دفعاتها بجهد..دفعا لي كانت كافيا تفقدها توازها على دروج وتجيبها طايحا

كانت كالساا...كتشوف فتلفازة..وتاكل شيبس..

وسط دار عامرا كراطن..كولشي مجموع..كاينا غير تلفازة وفطوي...

تهزات من بلاصتها منين سمعات دقان..

زادت بثقالة تحل وهي مستغربا شكون جاي فهاد لوقت..

نطقات بصوت مسموع مور لباب

سكينة:شكوون؟

ينيس:لي كواك

كرزات على سنانها وتنفسات ..بجهد كتحاول تكالمي راسها..

حلات لباب..مع لحلة يلوح عليها شانطة دلفلووس..

شداتها معنقاها..وزاد داخل..كيدور عينو فلارجاء..

حطاتها وسدات لباب..

سكينة:اش جابك دابا؟

ينيس:كلت لك غنجي نعطيك فلوسك.

زاد كالس..حاط رجل على..رجل..هز شيبس كياكل.

ينيس:شفت جامعا رحيل واش غترحلي؟

سكينة:علاش واش غتمنعني؟

ينيس:لا غنكب لماء موراك(دار كيشوف فيها)سمعت لكبيتي لماء مور شي حد غادي..غيمشي ميرجع

سكينة:(شافت جنب كتسوط)لفلوس جبتيهم تقدر تمشي بحالك

ينيس:لڤيديو ..ديالك ونتي كتعاطاي لمقويات(ضحك جنب)زعما لمخد .رات..عندي

زادت عندوو واقفا على راسوو..كتشوف فيه..بصدمة

سكينة:منين جبتيه؟

ينيس:عطاه لي حيت انا كيوت

دخل لوزا ففمو كيمضغ بهدوء وعينو على تيلي..

سكينة:متاكد مدرتي ليه والو؟؟

حرك راسو بلا شويا حركو باه..

جبد تيلي امين كيوريها لڤيديو..وجمعو

ينيس: ايبقا عندي..لفلوسى لي كنتي تعطيه اتعطيهم لي

خنزرات فيه..موسعا فمهاا

ضحك بثقالة..

ينيس:بغيت نشرو ونشوهك ولكن نتي مشوها من عند الله معندي منشوه فيك

حط لها تيلي فيدها..وتم نايض..

سكينة:علااش تدير هكداا؟

شاف فيها هاز كتافوو

ينيس:اش درت؟؟

سكينة:تشديتي بلاصتيي..وو رجعتي لي فلوسي..وجبتي لي لڤيديو ..نتا ممضطرش دير هادشي

ينيس:علاش واش صحابك غير اجي وتقب..لواحد هوا لي يتحمل مسؤولية تقبا لي صنع

سكينة؛خرج..(بالغواات )خرجججج علياااا خرررررج شكوووون سلطك عليااا شكووون واااش باغيي تحمقنييي أااا..؟

شاف فيه..ورجع كلس

ينيس:كنت خارج..ولكن فاش كيآمرني شي حد عقلي بسيشيكمون كينفد لعكس

كتشوف فيه..ونفسها كيطلع ويهبط..بجهد..هازا يدها..سادة عينيها

سكينة:مغنتعصبشش...رولااكس

قارن حواجب كيشوف فيها

ينيس:علاه اش واقع باش تعصبي؟؟لحياة لي فيها انا مخصش لواحد يتعصب فيها..

سكينة:(حلات عينها)شكراا لييك على لڤيديوو..وو كولشيي..واناا مستعداا ندير لك اي حاجة باش نرض ليك خيرك..

تم نايض كيشوف فيهاا..زاد بخطوات تقال..صوتهم مسموع..

وقف اونفاص معاها..كيشوف فيها..قرب شفايفوو من ودنها نطق بصوت شبه مهموس..

ينيس:أي حاجة؟

حركات راسها باه..تبورريشة طلعات معاها منين لحيتو لامسات وجهاا..وبنفس نبرة سابقة نطق

ينيس:خليني نحملك

كانت تتغسل لماعن..دلعشاا...وهي ساهيا..دارت منين حساتو حاوطها بيديه..

إيناس:بعد مني الفقيه..

ضحك بجهدد..

زاد حال تلاجة يشرب..

عدنان:مغياااارة ومكالوو لهااا مغياارة

نفضات يدها وشافت فيه..

ايناس:تا انا غنولي نعطي نمرتي..شفتي داك طبيب طويل زعر تاهوا طبيب تخدير وانعاش..كنفكر نعطيه نمرتي

قرن حواجبو مخنزر فيها

عدنان:عطيه ازين ديالي عطيييه...لمطلعت لكك داك تيلفون من لور وخرجتو من فمك

وسعات عينيها وفمها من جوابو

إيناس:حرام عليا وحلال عليك؟

عدنان:حيت ازين ديالي..اناا كناخد نمرة ومكنعيط لحد غير موهب دجميع نوامر وصافي..اما نتي لعطيتي نمرتك..غيعيطو لك

إيناس:وباش غنعرف انا بلي متتعيط لحد؟

عدنان:نهار كولو فلخدمة..وليل فدار امتا كنعيط أ؟هاكي تاكدي

مد لهاا تيليي..ديالو

إيناس:اييه هز عليا تلفونك اكيد اتكون مسحتيهم

عدنان:نتوما نساا يخخ منكم..زوبيدة حسن منكم..هي تتيق فيا ..

نترات تبلي منوو..

إيناس:توحشتها سير جيبها من عند جار

عدنان:اه غنمشي

تم غادي..دار كيشوف فيها

عدنان:وزييين هادشي

هزات كتافها:اشنو لي زين؟

عدنان:هادشيي..زواجنا ولمدابزات..حبيت جادووغ..

تم غادي..ضحكات جنب مصدومة

ايناس:هداا..زواج ماشي بوسط فلفايس..

دخلات تتقلب فتيلي..لقات فعلا..اغلب اتصالاتو..من لكلينيك..ولخدمة..

شافت لسمية لي داير لها"ررر" بدلتها ب "مرتي ❤️،"

ضحكات بانتصار حطات تيلي..ودارت تكمل..لماعن..

دقايق تا دخل هوا وزوبيدة..لي زادت.تتنقز..

إيناس:كيعجبها تكلس مع جاركم باينا عندو شي مش زوين

عدنان:لا هي اصلا مولاتها لولى عقماتها..كتبغي تكلس حيت كيلعبو..غدا غيخرجها معاهم لجردة

إيناس:شكون مولاتها لولى؟

هزز عينو فيها..وملامحوو تبدلو..

قبل مينطق نقزات لقطة على بوطاجين..

إيناس:هااا هيي بغات تغسل معاياا..شفتي مأدبا عليك هاد لقطة..

زاد عندها مبتاسم..بلخف..هزها مكلسها على لبوطاجين

عدنان:خليها تغسل لماعن..وخلينا نفكرو فحاجة خرا

حوطاتو بيدها..مطلعا حاجب مهبطا اخر

إيناس:بحالاش؟

عدنان:بحال متلا نجيبو لها شي خوها ولا ختهاا..

قرب منهاا..منهاا كيبووس فيها..وهي تضحك وتغوت باش يبعدد..

عدنان:كنموووت على جدك غاا ناكلك..

ضحكتهم مسموعا فدار..وعينين لقطة عليهم بصوت مسموع

زوبيدة:مياااااااو

غوتات فاش دفعاتها غمضات عينيها مستنية راسها تجي طايحة في الارض .. حتى حسات براسها طايحا.. بين يدين داوود حلات عينيها

شافت فيه بعيون مغرغرين بدموع..ونفسها مسموع..

دفعاتو بجهد ما هامهاش را كانت اتموت .. و تبعات فيروزة

كانت تتشوف فماماها غير شدها باباها..زادت كتجري ل بيتها ..

سدات لباب بجهد..قبل مدخل نضال..

بقات واقفة مكوانسية .. كتحاول تستوعب شنو سمعات . كتحاووول تيق بلي بنتها كرهاتها .. ولكن ما قادراش .. عاااجزة .. تمنات كون كانت صمكة ولا تسمع داك الكلام .. تمنات يرجع زمان و ماديرش غلطتها .. تمنات لارض تبلعها ولا يجي هاد نهارر بنتها صغيرة بنتهاا لي بعد سنين حضناتها واستقبلاتها بحالا عمر فرقاتها..ضحكتها براءتهااا...ونظرات لحب ليها كلهم مشاو فليلة..

. دموع نازلين من عينيها ..زادت هابطا. درجة بدرجة..ملامح وجها مطموسين صدمة باينا عليهاا..

زايدا بثقالة..كانها جثة غادياا..

حسات بيديه على دراعها .. هزات فيه عينيها الحمرات ب شوي و شافت فيه كتحرك راسها بنفي .. كأنها كتقول ليه ما باغاش نتيق .. عض على شفتو .. كون عرفات دموعها شحال كحرقوه ما تبكيش

كحس بيهم كيف الجمرة كتحط على قلبو ..عارفها كتبغي بنتها وكيفاش قبالاتها وكانت مهتما بيها هاد سيمانة اكبر دليل على حبها لكبير..عارف قلبها تهرسس..

وروحها كتحرق..

جرهاا عندوو. معنقها عندو كمسح على شعرها ..

نفس لمسات دزمان.. كيف كان كيدير ليها شحال هادي..ولكن دابا ضروف مختالفة .. شحال هادا كان كمسح ليها على راسها باش تنعس ولا باش ترتاح .. دابا كمسح ليها على راسها باش باشش يخفف من نار لي تتحرق قلب الأم

كرز على سنانو:غندفنهاااا عارف هيي لي علماتها كنحلف لكك غندفنهااا

نطقات : كان غيجي نهار وتعرف..مدير والو مكيهمني والوو (نزلو دموعها)بنتييي كتكر.هنيييي .. انا ما خاااصش نكووون ام انا اسوء ام فلعااالمم

معرف ميقول ولا باش يواسيها من غير انو يزير عليها كتر وهوا باقي كارز غلى سنانو ونار كتغليي فيه لداخل

دفعاتوو عليها بجهد

سكينة:تحملني؟(ضحكات بجهد )نتااا حمق حمااااق سير دوااا لككك فووق منشوووفك تقولييي غنحملككك واااش شويا نتاا فعقلك؟

ميل راسو:لا انا بزاف فعقليي

هزات راسها فيه..

سكينة:علاش نتا مصر انك باغيينيي نحمل..؟؟وااش كان عندك شي ولد ومات؟

ضحك بجهدد

ينيس:واش كيصاحبك راني شارف ولا راني باقي فتلاتينات..لي قدي

سكينة:لي قدك؟

ينيس:باقي عندهم لباك

تلاح على لفطوي كيضحكك...

سكينة:واااش مغتمشيش بحالك؟

ينيس:لااااا فيا نعاس انا فاش كيجيني نعاس لبلاصة لي كنكون فيها كنعس

تنهدات بجهد:نعسس...وغدا فصبحح سير بحااالك..

تمات غادة لبيتها

ينيس:المخورة

دارت مخنزرا فيه:سميتي سكينة

ينيس:اه داكشي لي كلت لمخورة..امتا اتخطبيني؟؟

شافت فيه جارا شفايفهاا..

سكينة:غدااا

خنزرات فيه وزادت لبيتها

ضحك جنب وغمض عينو..

دقايق دازووو تا ناض متوجه لبيتها..

"فجهة خراا..،"

كانوو كالسين بثلاتة فلڤيلاا..دفوزي..كيهضروو..مع بعض

إخلاص؛واش ماما اتبقا غير ناعسا

نورة:دواء لي تتشرب كينعس..غدا وتفيق..اتفرح لشافتك

إخلاص:متكولوش لهاا اني تفارقت على أسيرم مبغيتهاش تزيد تقلق

نورا:كوني هانيا

شافت فزق زاق لي مركز مع تيلي

إخلاص:واااش سمعتينييي؟؟؟

زق زاق:اوووه موون ديوو اناا عمرنيي وصلت لهضرراا وصي لبركاكة ماشي انا ازين

شاف عبلة جايا..تهز من بلاصتو

زق زاق:اووه موون خالتي جااات..

زادت عندهم..ناضت عندها اخلاص..بقاو لثثواني كيشوفوو فبعض

عبلة:جيتي كنت عارفك اتجي..تاحد ميقدر يبعد على ماماه..

زادت عندهاا معنقااها...عناق طويل ...بلا متبادلها اخلاص لعناق

عبلة:غيجي نهار وتقبلينيي..معرفش شنو لي خلاك رافضاني..ولكن...انا ماماك وكنبغيييك

إخلاص(نزلو دموعها)بغيت غير شويا دلوقت..

عبلة:متبكيش بكيناا بيما فيه لكفاية..لوقت انعوضوه..تاحد ميبكي من ليوم تا فقنا

مسحات دموعها مبتاسما..زادت كالسا..حدا نورا وزق زاق..كيتبادلو لهضرا..

زاق زاق:(هز تيلي قدامهم)شووفو هداا شحال زوييين..احح لكاريزمااا تتزلع اوووه مون قلبيييي اوووه

نورا:وش مشفتيهش قد بابا لاش طامع فيه

زق زاق:ماشي ليا لخالتي عبلة كي سمعتي قالت من ليوم مكاين بكاا ..مغتبكيش على فراقها مع باباك..

عبلة:اش تتقصد؟

زق زاق :كي شفتي نتي اخالتي زينة وعندك بزااف دصدرر مطلوبة ماشي بحال هاد لمسلوتة لي خلاها راجلها(شار لاخلاص)

خرجات عينيها بصدمة نطقات

عبلة:كفااااش يخليهااا؟؟

خنزرات فيه..وبابتسامة شافت فماماها

إخلاص:زعماااا خلاني نجييي عندكك..ونبقا هناا

زق زاق:(رجع شعرو لور)اه كن كانت بحالك كاع ميخليها تا دقيقة

عبلة(ابتسمات براحة)هي حسن مني وبزاف..وولدي كيبغييهااا بزاف..عينيه كيكولوو كولشيي..عينيه فاضحينوو..فاش كيكون معاهاا..عينيه كميلو لها..ويركزز مع هضرتها وملامح وجها..ولديي كيعشق مرتوو

دوزات يدها..على شعرر..اخلاص

عبلة::بقاي شويا ورجعي عندوو..هواا ميقدرش يفرط فيك..تانتييي متفرطيش فأسيييرم..

حركات راسها باه..

عبلة(تفوهات)غنوض نعس مشا لحال وتانتوما نوضو

نورا:صافي رتاحي هاحنا غنوضوو..

تمات نايضا..متبعاها اخلاص.

ودمعة فطرف عينيها

إخلاص:هضرتهاا...(تنهدات)يمكن عينوو كدبو اماما

زاق زاق:حناا رجال..كنبدلو نظرات كي لكيلوطات

إخلاص:نتاااا شماتة..هادي هيي وصي لبركاكة ماشي اناا..ليوم لي غنحزق على يماااك..

ناضت منقزاا عليه..تضرب وتعض..فيه ونورا..تفك..كلسات تتلهت..

زاق زاق:وينيي وينيي وينييي جرحاتنييي لمكروووبة لمكرووبة بغييت ربيي يعلققك..(كيقيص وجهو)غنوووض نشووف وجهي فلمراية للقيتوو تقاااس..غيررر شويااا ..

إخلاص(مطلعا حواجبها)اش غدير؟

زاق زاق:غناخد عليك نضرة خايبا..متوحشاا يخخ مكرووبة

تمم ناايض..غادي..شافت فنوراا..لي شادة تيلي ساهياا..

داخلا لانسطاا..كتشوف فلانسطا ديالوو..وتصاوروو..قفزات منين نطقات اخلاص..وبلا احساس وركات على جادوغ..

إخلاص:اش تديري؟

نورا:غير تنسول لممرضة على بابا

حركات راسها باه:نورااا

نورا:وي؟

إخلاص:شنو يعني يكون عندك اب..سيد لي رباني..مات دغياا..عمرنيي عرفت شنوو يعني يكون عندي بابا..

نورا:(جمعات تيلي تتشوف فسماا)بابا..(ابتسمات)هوا لي يقدرر يحط حدود مع ناس كلهم ومعااك..لاا..مع ناس واقف وشامخ..ومعااك ضحكتو يسمعوها من لجزائر..بابا..هوا لي منين كندابز مع شي حد ولغلط فيا..ولكن كيدااافعع علياا..ويوقف معاياا وميخلي يحكر عليا..هوا لي فمرضي كيبقاا غاديي جاي كيف لحمق..وكل دقيقة يقولي وش خديتي دوااك..هوا لي كيهزز هبالي وعمروو قلل مني..كيكبر بياا قداام ناس وخا نكون صغيرة..ووخاا كيغضب منيي..دغيا كينساا وكيسامحنيي..هواا حنين معاياا..حضنوو كيسواا دنيا ومافيهااا..بابا لي منين كنغلط مكيقوليش اوا شتيي قلت لك مديريش هكدا..كيقوليي عادي كتوقع..

هزات عينيها فيهاا..

نورا:بابا هوا كولشيي..تيقني غيملك دنيا فاش ايعرفك عايشاا

حركات راسها بشوياا..

إخلاص:حنين..ويهز بهبالي..ويدافع عليا..وميلومنيش(هزات عينيها فيها)ونتي تتهضري عليه جا فبالي أسيرم.(ميلات راسها)واش هوا بابا..لاب مخصوش يخلي بنتوو ولكن هوا خلاني

تنهدات بجهد وتمات نايضاا..

بعدات وعينين نوراا تابعينها..

نورا:لاب مكيخلي بنتوو غير وهوا على فراش لموت

كان واقف فباب بيتها..كيشووف فيهاا..ملامح وجهاا..كيباانو.نتيجة ضوء الكمرة لي داخل من سرجم..

واااقف كيشووف بلا مينطق ولا يزيد خطوة عندها...

لدقايق بقاا على حالتوو..

خشاا يدوو فجيب كويرتو..

وتم خاارج..وصل لحدا لباب..شاف لفلوس لي عطاها باقين حدا لباب..ابتسم باستهزاء جنب.

هزز شانطا مدخلها لبيتهاا..رض عليها لباب..

وزاد خاارج..راكب فلوطوو ديالوو..طفاا تيلييي...وكسيراا بجهد مبعد..

دازوو ساعات..جاا صبااح جديد..

" المرابطين 9:00 دصباح"

كانت داخلاا لكلينيك..لابسا سروال جينز زرق ومونطوو كحل بحكم صباح صبح مبرد طالقا شعرها ومكترا لمايكب كي عادتها...

توجهات لاستقبال..تعرف لمواعيد لي عندها ليوم

سكينة:اها وسيدة لي عندها تقب فلقب انا موعد عطيتيها؟

سناء:ممرضتك كالت لي سيمانة مور لفحص يعني بعد غدا

سكينة:خليه غدا..سبقيها.

سناء:داكوغ دكتورة

تمات غادة ورجعات

سكينة:وااش كاع لاطباء جاو

سناء:كفاش كاع جاو..؟لاغلبية جا مفهمتش سؤال؟

سكينة:مول لووز واش مكاينش؟؟

سناء:اه لاا مجاش..(طلعات حواجبها)ولبارح لغا كاع مواعيدوو

سكينة:لغاهم تا لامتا؟

سناء:محددش تا لامتا لغاهم وصافيي..

سكينة:حمق هاد بنادم..

تمات غادة..جبدات تيلي تتصوني..قطعات ..

سكينة:لاش طافيه؟لبارح خرج من داار..معلمنيش وليوم..(كرزات على سنانها)

ورجعات تتصوني..

سكينة:شعلوو امول لووز لمكلخخ..

داارت منين سمعات صوت قالها

مغيجاااوبكشش..

دارت تتشوف فيه..كان راجل كبير..متكي على عكاز..

سكينة:عفوا؟شكون نتا

سي محمد:انا سي محمد..باباين ايناس..وهاد مول لوز لي تتغوتي بسميتوو

سكينة:اه غير بغيتو لخدمة..مجاوبش معلش ..تا يشعل تيلي..

سي محمد:مغيشعلوش..

سكينة:(ميلات وجها مستغربا)صافي تيجي لكلينيك

سي محمد:مغيجيش دابا

سكينة:وامتا ايجي؟

سي محمد:اخر مرة غبر..وصلنا خبارو راه فدولة خراا..ودوز كترر من عاام....ممكن يرجع هاد لمرة قبل عام..مممكن يرجعع مور عام..ممكن عمرر ميرجععع..بلا متعاينيه قلبي على غيرو يعاونك فخدمتك..

تم غااديي كيعرج..وعينيها تابعينوو..ودمعة تغرغرات فيهم

بخطوات تقال غادي..شاد ملف فيدوو..مرة مرة يطل عليه ومرة يشوف قدامو..يعبر طريقوو..

وخا عبر..عبر لكلينيك لسنين طويلة..يقدر يمشي بين كولوارتها بعينين مغمضين..لكن عارف لحاجة..وخا تعياا تحفضها..توقع ديما اتخرج لك..حاجة..جديدة..

كان متوجه لغرفة لمريض .. .جمع لملف فيد..وخشا ليد تانيا فكويرتو لكحلة..وقف منين سمع نداء باسموو..دار بتقالة مبتاسم

أسيرم:سيي محمد؟

سي محمد:نهار زوين هدا منين تلاقينا..كنت غادي عند ايناس وبنتي لي..

زاد عندو معنقو عناق رجولي..

شاف فرجلوو وبهدوء نطق

أسيرم:كي بقيتي؟واش مزال تضرك؟

سي محمد:اواا لكبر كبرناه..وزادت كملات لنا لكسيدة..طبيب قاليي خصها وقت طويل باش ترجع

أسيرم:بشفا ان شاء الله..

سي محمد:اوا امتا ادوز عندي..شي شهورة كنتي تتعيط ليي باش تجي عندي ولكن مبقيتي جبدتي لموضوع

دور عينووو..كيفكر يامات خدا نمرتو من عند ايناس..فاش كان غيمشي عندو حيت نقاه زايد ونضامو قلقو اخلاص..لكن تشغل مع عملية لحاج ولغا لموعد..وموراه جاو بزاف دلحوايج ..نسااه فطبيب نفسي

أسيرم:مكاين لااش..انا بيخير دابا..تعايشت مع شخص لي خلا..مشكل الباكتروفوبيا..وأتاكسوفوبيا لي عندي يقلالو

سي محمد:اعضم علاج هوا انك..تعايش مع شخص عادي وبعيد على هاد لفوبي..(ضرب فكتفوو)ولكن من لافضل تجي عندي..حيت ممكن ابسط ضغط..يرجع لوضع كتر من لول ويتفااقم كتر..

أسيرم:انا بيخير

سي محمد:نتا تعرف يلاه نخليك.اتكون ايناس وصلات..

خلاه وتوجه اسيرم لغرفة يحيى..دق بثقالة..ودخل..جار كورسي كالس قداموو..كيحرك يدوو..كيزير على لكمتها ويرخيها وعينين يحيى عليه..

يحيى:ياك لباس؟

أسيرم:مؤخرا واقع لي مشكل فتحكم فاعصاب يدي..هاد لمشكل جاني مرة..ويقدر يجيني تا فعمليتك..(هز عينو فيه)غنكلف غيريي بيها

يحيى:جااك مرة مغيأترش انا قلت لكك..مكنتيق فحدد.فهاد لكلينيك..غيرك..ةلكلينيكات خرين مفيهمش ناس خبرة..يا نتا يا لموووت..

أسيرم:نقدر نضرك

يحيى:اوا صافي خليني نموووت..لمبغيتيش ديرهاا..

تم نايض..تنهد بجهد

أسيرم:شي نص ساعة ويجيو ينقلوك لبلووك غندير جهدييي..

تم خارج وعينين يحيى تابعينو

يحيى:انا لي عارف اش وقع فغرفة عملية باباك..لشدني غيرك ممكن فوزي يخلي نفس شي يووقع..نتا بوحدك ليي تقدر تعتقني بوحدك سفينة نجاتي

باكتروفوبيا..:فوبيا الجراثيم

أتاكسوفوبيا:فوبيا تنضيم

خرج من عند يحيى وتوجه..لمكتب عموو..ثواني تا سمع دقان فلباب..

دخلو بثلاتة بيهم..فاش عطاهم..لادن..

عينيهم عليه..ومرة مرة كيشوفو فبعض..

دكتور عادل:يااك لاباس لاش طلبتينا ادكتور؟

هزز عينو فيه..

أسيرم:فنضرك علاش انطلبكم؟؟

سمير:ياكما باغي ترقينا حيت عتقنا عمك

أسيرم:نرقيييك؟(صغر عينو)اناا ماشي فقيه اسي طبيب...

نااض بثقالة..زايد عندهم..مد لكل واحد فيهم..شيك.

أسيرم:هادي خلصتكم..مبقاتش عندكم بلاصة هنا

سمير(ضحك بجهد)كضحك معانا ياك ادكتور؟؟؟..اش درنا باش منبقاوش هناا..

أسيرم:اش درتي(ابتسم جنب)وااش معارفش اش درتي؟دم لخديتي ونتا عارف دمريض اخر..على فراش لموت..عندك عادي؟؟؟

سمير:مخديتش هي لي جابتو

(شار لممرضة لي غير حانيا راس وساكتا)

الممرضة:مدموزيل نورا امراتني

أسيرم:طلبات منك دم حيت باباهاا ولكن نتي لاش فرقتي بين مريض واخر...لجينا نسمعو لهاا..انسمعو تا لي كيطلبوو مناا منعتقوش لمريض حيت داز فولدهم بلوطو متلا..؟

سمير:حنا همننا مول شي مدرنا تا غلطا ااننا فضلناه على لغير

أسيرم:القسم..واش عاقل على لقسم لي أديناا؟نعتقوو كولشيي بلا منفرقوو بينهم لا من ناحية شكل ولا جنس ولا ديين..

شاار لباب

أسيرم:كن بقات عندي كن حيدت لك رخصة ممارسة طب..ولكن لي فيدي..اني نحيد لي بحالك من هنااا..خرججج عليا..

زاد عادل ولممرضة خارجين وراسهم حاني

فحين سمير..بقا كيشوف فيه مغزز..على سنانو

سمير:نتاا ماشي لمدير شي خلي سي فوزيي يقررر

شاف فييه..مصغر عينو

أسيرم:لقرار خديتو انا وميغيرجعك هنا لفوزي لغيرو..يلاااه خرججج

سمير:غتخلص غالي

أسيرم:معزيزش عليا لفابور

(شار لباب)

دازو ساعات.....كانوو فغرفة لعملياات...

عينوو على راس لمريض..وعينيها عليه..كتشوف كفاش كيمارس..عمليتو باتقاان..وتركيز شديد..

هز عينو

أسيرم:مؤشراتووو؟

مونيكا:فطبيعي

حول نضروو..لراس لمريض..مكمل عمليتوو...

ابتسمات..منين شافتو سالاا..

مونيكا:براڤو عليك..كاع محتاجيتيني

أسيرم:غنسدو دابا ...

كيهضر وهوا فقمة تركيزو....ولمشرط فيدوو..بلا ادن منو..يدو..تحركات..وخلات لمشرط. يقيس دماغ ...ودم طوش عليهمم

خرجوو عينيهم مصدوومين..كيشووفوو فبعض..

غوتات لممرضة:مؤشراتوو تتراجع

تقدمات مونيكا.

مونيكا:شفطط..شفطوو دم دغيا..خص نعرف بلاصة نزيف ونوقفو

سمعو لهضرتها تنفسات بجهد

مونيكا:الحمد الله لمخ..ومراكز لحساسة متقاسوش..(شافت فاسيرم)كتوقع ادكتوور

وااقف كيشوف فيهمم..وجهوو عمر بدم لمريض...كيشوف بلا اي حركة...

عينو عليهم وهما كيتجراو باش ينقدووه..

لدقايق...عاد تنفسوو صعداء..وبمجرد..منطقات..لممرض..مؤشراتوو رجعات ..

تم خارج..

شافت فيه مونيكاا..وشافت فطبيب لمساعد

مونيكا:انا غنبدا نسد ونتا تكمل واش تقدر؟؟

حرك راسو باه..

واقف قدام باب غرفة لعمليات..كيشوف فيدو .لي صباعياتوو لبويض ولاو حومر بدمم...

لااح حوايج لعملية..وزاد كيغسل يدوو..ووجهو ويحكك..بهستيرية....

وعينوو على لمشرط لي حاطو جنب..تحلات بابا لعمليات خرجات مونيكا بجرا..

مونيكا:اسيرم..مديرش فبالك...نزيف بسيط..سيطرنا عليه...لفضل لييك...لييي عتقتيه من لورم..

شااف فيهاا..وشااف فلمشرط..هزوو..بثقالة كيشوف فيه..

أسيرم:انا كنت غنقتلووو..

حركات راسها بلا:نتا عتقتيه

أسيرم:وااش عقلتي على لقسم لي أذينا فاش تخرجنا؟

حركات راسها بلا

أسيرم:انا عاقل على كل كلمة فيه..(هز عينو فيها)وليوم غنأدي واحد اخر بلاصتوو

مونيكا:اشمن قسم غتأذي؟

أسيرم:كنقسم (سرط ريقو)منعاود نحط رجليي..فغرفة لعمليات..

رماا لمشرط فزبل..وتم غااديي...ومونيكا كتنادي عليه باسموو

كانو فلاكفيتريا دلكلينيك..كيقشر تفاح ويشوف فعادل .

سمير:هضرت مع فوزي..قالي مغيعارضش راي أسيرم

عادل:صافي..محد ضوسينا نقي نقلبو على لخدمة فشي جايحا..

انا غنوض نمشي ساعات وحنا هنا..نوض مبقا لنا بلاصة هنا

سمير:وااش غدوزها ليه برب لدازت..حنا عتقناا..لمدير وهما مجريين علينا

عادل:كنا غنقتلو مريض اخر..وعلى مسمعت مرت سي اسيرم كانت لمريضة

سمير:قال هكداك..ولد لحرام حيت مرتو كالس يدير فيها معلم..

عادل:شي لي درنا غلط..وانا ندمت حيت تبعتك..وعوم فبحرك بوحدك دابا..انا غنمشي..نجمع حوايجي من مكتبي ونتحرك لداري..

ناض عادل .متوجه لمكتبو فحين..سمير خشا لموس دتفاح فجيبوو..وخرج..

واقف قدام باب لكلينيك..كيشوف لشتاا لي تطيح..وناس كتهرب .

بان لي اسيرم خارج متوجه لوطو ديالوو...زااد عندو بخطوات سراع..بعد مخرج لموس من جيبوو..

واقف قدام لوطو..حل باباها..داار منين سمع عيط عليه..."أسيررم مراابط"معع دورة..اينزل عليه..بمووس..

قطرات دمووو..تخلطاات..مع قطرات شتاا لي طايحاا..عينووو..حومر مصغرهم..وهوا كيشوف فيه.

فنفس لحظة كانت نازلا من لوطو ..هي وزق زاق..وقفات مصدومة..منين جات عينيها..عليهم..نطقات بهمس "أسيرم" وبخطوات قليلة قربات لهم بمجرد متضحات صورة قدام عينيها ...من حدة صوتها رفعات..وبلغوات نطقاات..

إخلاص:أسييييييييييييييييييييييييبيييبييبييييرم

كان كالس على طبلة دلفطور..كيوكل بنتوو ومرة مرة كيطل على ساعة...

داوود:كوليي احبيبة..يلاه..

فيروزة:(بالاشارة)بغيت نمشي لمدرسة

داوود:نتي مزال مريضة..وتا صحابك..معندك فين تمشي كولي..

فيروزة(تنهدات معنكشا وجها)

داوود:كوليي و نديك عند عمو منتصر

ابتسمات ليه وبدات تاكل..

نزلات من دروج..لابسا سروال بوي فريند كحل وقاميجا فلبيض..مخليا شعرها لقصير مطلوق..وجها مخلياه طبيعي حدها دايرا مرطب لشفايف..ودايرا نضرات فلحكل..مخبيا اثر دموعها..

توجهات عندهم..مبتاسما

نضال:صبااح لخيير..

هزز راسو فيها مستغرب :صباح نور

نضال:سير لخدمتك أتعطل انا انوكل بنتي

جرات لكرسي كالسا حداها..هزات لمادلين مداتو لهاا..

دفعاتها بيدهاا..

نضال:كولي احبيبة..كولي ابنتي

هزات حليب بشكلاط مداتو لها

دفعاااتوو بجهدد تا طاح عليها

فيروزة(بالاشارة)نتييي ماشيي ماما انا عندي غير بابا..

عاضا على شفايفهاا..متوجعاا..من حرارة لحليب

شاف فيها وشاف فبنتوو بالغوات نطق

داوود:فيرووووووووووزة

دفعات لكورسي نايضا .بجرا متوجها لبيتها

نضال:متجرييش..نتيي مريضة..حاو...

سكتات منين طلعات على دروج..

ناض من لكرسي ديالو..مبعد طبلة..هزز لمشوار..حنا على ركابيه كيمسح لهاا لحليب لي تزلع عليهاا..

داوود:نووضيي غسليي اتكونيي تحرقتيي

هزز عينوو فيهاا ..مد يدوو محيد لها نظاظر..كيشوف فعيونهاا حومر محجرين بدموع..سرط ريقو..وبهدوء نطق

داوود:واااش لحرقة تضر بزاف تا بكاتك؟

حركات راسها بلاا..وهي تتحاول تشد دموعها

داوود:لمكانتش تضركك بزاف غير بكيي..مكاين لااش تحجبي دمووعك...

شهقااات بجهددد..كتبكييي وهييي.كتنخصص ...

نضال:صافي..م..م.بقااتش...باغاني...بنتيي...ب..بنت..بنتييي

وقف ..ااونفاص معاهاا..تنهدد..تنهيدة طويلة ..وجرهاا عندو وهي كالسا..دورات يدهاا على خصروو..حاطا راسها على كرشوو..كتبكيي بجهد...

فحين هوا كيمسح على شعرها بلا مينطق.

"فجهة خرا"

كانت داخلا..متوجها لمكتب ديالهاا..بخطوات تقال زايدا..كيف عادتها لابسا من لمارك ديالها..كسيوة..فلحمر فوق ركبة لاصقاا عليها.مع صندالة كعب عالي فلكحل..طالقاا شعررها..ودايرا مايكاب خفيف..

وقفات منين عيطات لها وحدا من لبنات لي خدامين معاها

....:مدموزيل ..لفتوغرافي لي كان غيصور لنا جلسة تصوير لي عندنا غدا اعتاذر قالك خرج ليه شي سفرر على جنب

نورة:كفاااش نهار قبل عااد عتااادرر.تاا علمنا لمودل..ووجدنا كولشي.(حطات يدها فجنبها كتسوط بجهد)خليي زق زاق فاش يجي يتكلف مغنصدعش راسي معااه..

توجهات داخلا لمكتبهاا..هزات تيليي..منين سمعات صوت لمساج..جاوبات..بزربا منين لقات زق زاق عالمها..بلي غيتعطل ..

دخلات لانسطا كطلع خرجات عينيها منين شافت مساج منوو..

ماسين:اشنوو ابنت سي فوزي واش حاضياني؟

حسات بقلبها عند فمها منين قرات مساجو...تفكرات لبارح منين كانت دور فلانسطا ديالو..دخلااات..لتصاوروو..ضربات على وجها منين لقات دايرا ليه جادوغ لوحدة من تصاور

ناضت شادا على راسها غادة جااياا ..غادا جايااا ولفقصة تتاكل فيها..

تنفسات بجهد..وببرودة مصطنعة كلسات..هزات تيلي وببسمة على شفايفها جاوبات

نورة:هه علاش انحضيك.بصراحة .واقفا على فتوغرافي ومنين شكرك بابا دخلت نشوف خدمتك

حطات تيلي كتنفسسس..بجهددد...

ثواني تا جوبها

نورة:يخخخ طفووو واقف على لمشقوف..

هزات تتقرا لجواب..ملامحها تبدلو..منين شافت ميساجو

ماسين:على حساب معارف انا صحفيي ماشيي فتوغرافيي امدموزيل

بقاات ضرب فراسها..وهي كتردد "حمارة حمارة"ناتفا شعرها عندها..جمعات راسها وجوبات بزعاف

نورا: اه بصاااح..اوه ميغسي على لمعلووومة كن مكولتيهاش لي مغنعرفشش..

حطات تيلييي..

جمع تيليي ديالوو عندوو..ضاحك منين قراا مساجها..شاف فصاحبو حداه خدام..

ماسين:واحد يكولي شنو لفرق بين صحفي وشيخة ولاخرا شنو لفرق بين لفتوغرافي وصحفيي..(تنهد بجهددد)اش دخلني انا لمجمع لحمااق..

....:علاش وش كاين شي فرق بيناا وبينهم..؟

خنزززر فيه..ناض من حداه..

ماسين:غنوووض قبل منفرع مككك..

زاد هاز كاميرتوو

...:اوا هانتا هزيتي ديك لكاميرا وتقيل دور وتصور بيها بوحدك وتقولي كاين فرق..

شاف فيه..سد لباب..وزاد خرج..هز تيلي مصيفط لها مسااج...

بقات تتطرطق صبااعهاا...كتعاين جوابوو..تهزات منين شافت وصل مسااج..

ماسين:باصي نمرتك..انا غنعاونك ولقا لك فتوغرافي مزيان..

عضات على شفايفهاا..ضاحكاا جنب..بدات تنقزززز فبلاصتها ضااحكااا..وبهدوء قدات كلساتها

وبثقالة كتبات"ديزولي مكنعطيش نمرتي لدراري"

خرج عينووو منين قرا مسااجهاا...

ماسين:كنقولك عطيني نمرتك نعاونك فلخدمة..ماشي تصاحبيي معاايااا..

خشا تيلي فجيب..محرك راسوو بلا حول..

وركب فلوطو مكسيري

قبل لحظات..كانت راكبا فلوطو مع زق زاق

زق زاق:بغيت غير نعرف اش عندك فلكلينيك اتعطلي على مون خدمة؟

إخلاص:شحال مشفت خالتي بغيت نشوفها

زق زاق:اشمن خالتك على عبلة عندها ختها؟

إخلاص:خالتي ماماين راجلي لول

خرج عينو فيها:بشاااخ بشاااخ..غير مسلوتة ودايا جوج رجال اما كن كنتي عامرا وايلي وايلي

إخلاص:باركا متنمر عليا وشوف قدامك

حبس لوطوو..

زق زاق:وصلناا..نزلي طلقينا..

تمات نازلا..

مع سمع اسموو دار..مع دورة

.هزز يدوو..نازل عليه بمووس...وبخفة منوو شدد لمووس بيدوو..مبعدو بسنتيمترات قليلا على كرشو.

قطرات دمووو تخلطات مع قطرات شتااا..كيشوووف فيه وهواا كارز على سنانوو..وعينووو..ولاااو مشعرين بعرووق حوومر...نظراااتوو ليي ركبوو لخووف فقلب سميير...جرر لموووس...شااف فيه..منين مبغاااش يطلق..منوو..حس برعدة طاالعااا معاه..

أسيرم:وااش هداا هوا ثمنك؟

نتر سمير يدوو من لموس..

وزااد كيجرييي...غير زاد طلقق لموووس...ومخليي دموو يسيح..لحموو تفلحح..وجرحاا كانت كبيرة..

هز راسوو فييهاا منين سمعاها تتغوت وجاياا عندوو بجرا..نطق بهمس"ياصبر أيوب"

وقفا عليه..كتشووف فيديه...

إخلاص:دم أسيرم دمممم..(نزلوو دموعهااا)دممم دممم ااسيرررم دمممممم ..

أسيرم:انااا بييخير..موقع والو جرح بسيط..

كلهاا تترعد..وكتردد..دم أسييرم..

كرهات دم..وكرهات شوفتووو..من نهار نتا حرات وغرقات فدمهاا..

أسيرم:جرح بسييط أإخلااااص

شاف جنب منين سمع زق زاق..كيهضر

زاق زاق:اووووه مووون ديووو اوووه صافيي رزااونيي فييك يشوينييي فيييهممم..قت.لووووه فعزز شبابوو مشاااف متشوووف.مولدد لناا نعجااات..مدااار سلاااالة نقية..

أسيرم(قرن حاجبو)نتيي لي ناقصاا....

إخلاص:سكتتتت سكتتت مغيووقعع لييه والووز سكتت صافيي سكت..

زادت عند أسيرم..نترات..شال من عنقهاا..ودوراتوو على يديه..وهي تترعد..

إخلاص:شكون هداك لاااش دار لكك هكدااك..؟

أسيرم:كان غير دايز..

إخلاص:خليناا ندخلووو خليناااا..

جراتوو..وهي شادة دموعها بسيف..لمستعجلات..

دقايق دازو

كان كالس..ماد يدوو لممررض كيخيطها لوو بعد مدار ليه بنج موضعي..وهي واقفاا حداه..داتهاا تترعد..وجها صفار و شفايفها بياضو وهما كيرجفوو..تتشوف لحموو مفلحح..ودمم كيبااان...وجرحاا كبيرة..وكتشوووف كيفاش كيخط ليه ..قلبهاا تزيرر عليهاا...

شافت فمونيكاا جات تتجري

.خدات لخدمة من يد لممرض

مونيكا:انا غنكمل ليه.(شافت فاسيرم).مي اسيرم اش وقعع اش هاد جرحة

أسيرم:ماشي مهم .

عينيهاا عليهم..حسات بلي معندها بلاصة حداهم

زق زاق:(مقرب لودنها)وااش هاديك هي حبيبتو ايه مواتيين شيكولاطاا زينهاا جداب لدرجة لعدااب..

شافت فيه..غير شاف فوجها سكت..

تمات غادة..بخطوات تقال..هزات عينيها فدنيا لي كدور بيها..وطااحت لارض لارض سخافة..

غوت بجهد عليها منين شافهاا طايحاا..وناااض عندهااا .كيجريييي

أسيررم:إخلااااااااص

كانت فلبانكا..خلات لكلينيك..وخرجات تجبد..لفلوس دغيا....منين لقات نص مليون ناقصا من لفلوس لي عطاها ينيس عرفات امين ايكون خلص بيها لكلينيك...وهي خصها لفلوس دغيا ترضهم لسمسار..

غير خشاات لفلووس...فصاكها خرجات..

لبانكا كانت قريبة من لكلينيك..محتاجتش تجيب لووطو..

زايدا بخطوات تقال..هزات راسها منين وقف عليها راجل بجلابتوو لبيض...مدد يدوو لها

هوا:شديي لبااارووك شدي

سكينة:حيدد من طريقي

حل لها يدها بسيف..

هوا:لباركوك كيكولوش عليه ناس لاا..

بقات غير تتشوف فيه..وكترمش..

هوا:عطيني اش عندك ندير لهم لبركة..

حركات راسها بوخاا...وجبدات لفلوس مداتهم..لييه..

شدهم وتم غاديي..عيطات ليه موقفااه

جبدات 200 درهم من لبزطام..زايدا

سكينة:نسيتيي هاديي..

خداهاا .وغبر..وهي بقات واقفاا مدهشراا...بشوياا فاقت..وحطاات يدهاا..على فمهاا..مصدومة..

سكينة:اويلي فلوسيي..

زادت تتقلب علييه وتغووت..ونسول وااش مبانش لهم راجل بجلباا بيضة

كانت تتسول واحد لمرة..لي نطقات وهي شافقا على سكينة

....:هداك باينا ابنتي من السماويي...راه نصابة..كتروو هاد ليام فهاد لبلاصة..سيري دعيييه..

حطات يدهاا على راسها:اشش هاد سماوي ولا زمر..انا عطيتو فلوسي بخاطري

....:اعود بالله كالك كيستعملو شي حاجة ماشي تالهيه..باااش ينصبوو سيري دعيه انا نمشيي نشهد معاك

سكينة:واش شفتي باش تشهدي؟

....:وخا مشفتوش كيخورك..ولكن نشهدو في سبيل الله..

ضحكات بجهدد..ولبكية..فيهااا...منين تفكراتو وهوا كيعيط لها المخورة.

سكينة:كيخورونيي..

فهااد لحظة..حسات انهاا محتاجة..لييه..فوووق مكتكوون فشيي مصيبة كيخرج يعتقها..

سكينة:(بغصة)فييين نتاااا..؟

دارت منين سمعات شخص عيط عليهااا...

"فالمرابطين"

كانت واقفا عليها دكتورة سارة ...مقدرش يتكلف بيها ويدوو مضروبة..ومونيكا عيطو لها تشوف يحيى فلانعاش..

سارة:كيف قلت ادكتور غالباا ..خافت من دم..على داكشي سخفات..كاينين ناس لي كيكون.دم عندهم مرتابط بشي حاجة وقعات خايبا فاش كيشوفو شي جرح ..كيوقع لهم..هكداا..من لاحسن تبع عند طبيب نفسي

حرك راسو بوخا وعينو عليها

سارة:وغندير لها شي تحاليل

أسيرم:واش شاكة عندها شي حاجة؟

سارة:نن غير تحاليل عادية روتينية باش رتاحو من جهتها راك عارف(شافت فيدو)يدك ادكتور خص تكمل لها لخياطة..هزيتيها بيدك مضروبة راه..

قاطعها:أنا بيخير

استأذنات خارجا..فحين هواا كلس..

حداهاا كيشووف فيها..

كحز خصلات شعرها جنب مقابل ملاامحح.وجهااا...بهدوء

دااز لوقتت...وهواا باقييي على حالوو كالس حداهاا كيشووف فيهاا..حاضيهاا ...بصوت خافت نطق

أسيرم:مستعد ندوز ليام لي بقاو لي كلهم وانا كنشوف فوجهك..(بحرقة)إخلاااص سمحيليي..حيت كنضررك..وكنعدببك..سمحيليي..(تنهد)جرحيي ليك ايداويه..زماان..وعارف عمرك اتعدريني

(سكت لثواني)أناا كنتحرق..قلبيي كيتحرق ونتي بعيدة..توحشتككككك(جبدها)..توحشت هضرتك..ضحكتتك..دار كر.هتها ونتي مكايناش فيهااا..(ابتسم باستهزاء)حياتي كلها كر.هتها ونتي مكاينااش فيهاااا..بعدككك كيقت.لنييي كتر من لمررض

نزل وجهوو..عندهااا..حاط شفايفوو على شفايفها.مخلي ريقو يبلل من شفايفها ناشفيين..مخلي انفاسوو..يتخالطوو مع انفاسهاا..

بعد بشوياا .. حاط نيفو على نيفهاا...وسع عينو منين شافها .حلااات عينيهاا..

دارت بثقالة تتشوف..فيه...شعرو ولحيتوو زوعر وفيهم بعض لخصلات الشايبا..عيونوو البنية صغيرة..لي مجعدين جنب...

حوااجبوو...نيفوو...شفايفووو كتشوووف لكل تفاصيلوو كطلعووو وتهبطووو...

دقات قلبهاا تسارعوو..وداتهاا رجفااات ..

دنيا تزياارات عليها ...وبلخنقة حسات منين شافتووو..

رجع بيها زمان لوور...وأش دوقها وعيشهاا من مرارة..كفااش بغاتو وطلع مزوج وغير كداااب..كااع داكشي لي عاشت بسبابو داز قدام عينيها..وهاهي داباا تتشوفو فلحظة ضعف.

هزااات راسها فيه...وبقوة مصطنعة نطقات

سكينة:دكتوور خالد

زاد عندهاا كيشوف فيه..جماالهاا وجسمهاا..كلها على بعضهاا تتجدب

خالد(ببتسامة)سكينة..تيقني شويا ومكونتش انعرفك

سكينة:علاش واش كتعرفني؟

خالد:اه كنعرفك كتر من اي واحد فهاد دنياا...

تقدمات لمرا عندها:وختي لكونتي اتمشي لكوميساريا طلقيناا..

خالد:ياك لاباس؟

سكينة:مك..

قاطعاتها:على مفخباركش مسكينة...وقفها واحد من دسماوي ونصب عليها فلوس..يعلم الله اسمن سحوور دار لهاا تا عطاتوو فلوسهاا..راه واحد جارنا مسكين نصيوو عليه ف15 لمليون وصبح ميت بلفقصة..وو

سكينة:صافييييي (خنزرات فيها)موقع والووو وتقدي تمشيي ..فلوس قليلة منضيعش وقتي عليهاا...

تمات غادة..وعيون لمرا تابعاها:ودير لخييير

تبعهاا خالد بخطوات سرااع...شدها من يدها موقفها..نترات يدها بجهد مخنزرا فيه

خالد:سمعيني

سكينة:أشش غنسمع؟؟متعاودش تقربب ليااااا...لقستيني يدكك انهرسهمم لكك فهمتييي

خالد:اناا..ندماان بزاف..تيقينيي...عمر لقيت لي تبغيني بحالك..محد دنياا جمعاتهاا الا وعطاتنا فرصة..انا طلقت..من زماان...خلي..

سكينة:طلقتيي؟وانااا ماليييي...انااا نسيتك..وعايشا هانياا...وانا مع واااحد لييي كنبغيييه وكيبغينييي..

تمات غادة..نطق بلغوات

خالد:نتي بوحدك..كن كنتي مع شي حد ميخليكش تخرجي بوحدك بلفلوس يسرقوووك...انا مغنفقدش لامل...غنتلااقاو مزاال...

كرزات على سنانهاا.كتنفسسس بجهددددد....وزااادت...بزربة

" فالمرابطيين"

حلات عينيهاا كتشوف فعيونوو..حاساا بنفسوو على وجهاا..نتيجة قربوو..بدوروو تكوانساا مقدر يبعد..مقدر يهضر..خايف غير لتكون سمعاتو

ثواني وهما كيشوفو فبعض..ثواني كانت كافيا تريحو..حيت كن سمعات مكانتش اترصاا..هكدا..

هز راسوو مبعدد..وقف منين حطات يدهاا...على خدوووو..

كتشوف فعيونو وعيونها تحجرو بدموع..

إخلاص:'وااش كنبان خايبا وانا ناعسا؟

زمان رجع بيها لور لنهار..سولاتو نفس سؤال بصيغة خرا..

إخلاص:واش كنبان خايبة وانا ناعساا؟

ابتاسم جنب حط نيفو على نيفهاا وبحرقة نطق..

أسيرم:خايبة خايبة لدرجة منقدرش نهز عيني عليك..

هزات عينيها فيه..كتشوف فعيونة سوداا..لي كيلمعوو.رموشوو وحواجبو لكتاف...وشعروو رطب..خصلاتوو نازلين..على جبهتو..شعر لي تتعشق...كتشووف فشفايفوو ..ونيفوو..ولحيتووو..

كتشوف فتفااصيلووو..تفاصيل لي توحشات شوفة فيهم عن قرب...

بللات شفايفها..وعودات سؤالها

إخلاص:وااش كنبااان زوينة وانا ناعسا؟

حرك راسوو..بلاا وعينوو عليهاا..ببطئ نطق

أسيرم:كتباانيي ..خايبة..

تحلات لباب..دخل زق زاق كيجري

زاق زاق:اوووه موون ديووو لااش هاد لمخلوقة مزاالاا عايشااا لاااش

سكت منين خنزر فيه أسيرم..

ناض من حداهاا...وسعات عينيها منين شافت يدوو..تهزات من بلاصتها

إخلاص:يددددددكككك

رجعها مور ضهروو..

أسيرم:غنداويهاا...صافي غنمشي نداويها داباا..غير رتاحيي..

تم خارج...زااد عندها زق زق

زاق زاق:تكاي ونتي فيه..الدودميغناطيس زايد نغيزة..

خنزرات فييه...

إخلاص:انا عيانة سير بحالك..مفيا لي يتعاير معاك..

زاق زاق:انا ساكت..فيين عمري عايرتك..نكارت لخير

قلب وجهوو..كالس حداها.....كيغزز فضفاروو...واسيرم واقف كيشوف فيهم..رد لباب..

وبهمس نطق:خايبة..خايبة لدرجة منقدرش نحيد عينيي عليييك

طلق من لباب..غادي...

بقا كيغزز ظفارو وعينو على اخلاص

زاق زاق:نقولك واحد لحاجة؟

إخلاص:متكوليش

زاق زاق:فااش طحتييي ..غوت عليك بجهدد..وزاد هزك ويدوو كتقطر بدم..وجراا بيك..ولخوف كياكلوو..كنضن بلي كيبغيك

إخلاص:(تنهدات)هواا كيبغينيي عينوو فاضحينو شي لي عشنا مستحيل يكون كدوب....ولكن باغي يبعد عليا..كيقول انه عندو ولد معاها..

زاق زاق:ومن بعدد..لعندو ولد دارو قبل ميعرفكك ياااك..

إخلاص:انا متتيقاش بلي ولدو اصلا

زاق زاق:تيقييه..غير تيقيي ازين..هاا كان ولدو ومن بعد..

إخلاص:كفاش من بعد؟

زاق زق:سمعيني الهبيلة لهي عندها ولد منوو..ومعاها وخا مكيبغيهاش...تانتي خصك ولد منووو...هكدااا..غيكون مضطر يختار بين لي كيبغي وعندها ولد ولي مكيبغي وعندها ولد..

إخلاص:لكان بصح ولدو..واش باغيني ناخد دنب فانيي نفرقو عليه

زاق زاق:مكنضنش ولدوو ديك لاخت راها من برا وناس دبراا غير يزيدوو ويديروهاا..يعلم الله منين جايباه وعلقاتو فيه راها طبيبة وساهلا تزور تحاليل واش متتفرجيش فلأفلام ؟وتا لكان ولدو غيبقا باه هوا مااشي معا موو عطا الله ناس عايشين هكدا..

إخلاص:وكيي غندير نجيب انا هاد لولد؟

ناضت تتنتر سروالها

زاق زاق:هي لولى .انا نورييك اختيي كيف كيديروو يتك..و.او؟

نااضت كالساا..مصدومة منوو

إخلاص:اويليي شطااان اتجمعع علياااا سرواااالك ولاا نجيي نجمعوو لمكك

خنزر فيها:ومالي شفتيني هبطتوو..اييه لمكونتيش تعرفي غير هزيي ولباقي عليه

إخلاص:وااااسيييير بحالك الله يرضيي علييك سير

زاق زاق:ودييير لخيييرر..

تم غادي:هانيي مشيييت(رجع شعرو لور) وتذكريي جيدا يا سفودتي من لم تمسكيه بقاعك ستمسكه أخرى بقاعهاا..

ضربااتوو بوسادة..صغيرة حداها..زاد بجرا حل لباب

إخلاص:متكوليهم والو عنداك تخلعهم

زاق زاق:وصيي لبراكيكين ماشي انا

ردخ لباب سادها..

تنهدات بجهدد..سدات عينيهاا ..بغا غير ترتااح..وهضرت عبد الرزاق تتعاود فودنها ممخليا لها راحة..

دازت كتر من ساعة...

كانت كالساا..كتصمم..فوراقي قدامها..ترسم وتمسح..ترسم..وتمسح..

هزات راسها منين..دقات عليهاا..سكريتيرة..

نورة:ياك لاباس؟

السكريتيرة:واحد باغي يشوفك

نورة:دخليه

السكريتيرة:كيعاينك برا فلوطو ديالو

ساطت بجهد:بااغي يشوفني وبافيني نخرج عندو فهاد شتا رضاا..

السكريتيرة:قالك فتوغرافي نتي طلبتيه

صغرات عينيها:ياكما داك صحفي لمكلخ سيفطوو..وسيفط واحد بحالوو..

تمات نايضاا..لبسات كويرة فوق لكسوة وخرجات.. مع لخرجا..تضرب مع ززق زاق كيلهت

نورة:فين كونتي تعطلتي وفين اخلاص قلت لك جيبها معاك

زاق زاق:واااااا اش غنقوول لككك طاااحت بطانة واااحد راجل ضرب مولااي أسيرم بلمووووس ياااختيي ودم دم...رزاونييي فيييبه..واخلاص شافت لمنظرر مقداتش تصبرررر وطاااحت على طولتها..ضربات راسها فلارض زدااااااو تاهي هناوني منهاا

ضربات فوجها مصدومة:اويليييييي ماتووووو

زادت بجرااا خارجا

زاق زاق:(عض ظفارو)بحالا كترت من الوقائع تا تصدمات..تييي اجييي مماتوش غيير خرجوووو مصارنهم

تبعها بجرا..خرجات براا..

غوتات لعساس:جيييب لي طومبيلتيي..

كان كيطل عليها..شافها تتغوت وماهياش..نزل عندها بجرا

ماسين:اش واقع؟

نورة:خوياا ومرتوو..ختي وراجلها.. يمكن ماتووو ولا الله وعلم اش وقع لهم

ماسين:مساكن بربعا؟

نورة:رااهم غيير..جوج.

دينييي لمرابطين.. لمرابطييين بلا متحاول تفهم

زادت معاه بجرا طالعاا..

سايق بجهدد..وهيي شادة تيلي تتصوني..

ماسين:علامن تتعيطي؟

نورة:على خويا..نتمناا ميكون واقع ليه والو وزق زاق راه ديما كيزيد فيه..

ثواني تا جوبها...

كان واقف مع لبوليس

البوليسي:اي خبار انعلموك اسي أسيرم..وفاش يكون عندك وقت دوز سجل شكايتك

أسيرم:وخااا..

استأذن منين سمع تيلي كيصوني..جبدو مجاوب

أسيرم:وييي؟

نورة:أسييرم نتاااا بيييخير..

أسيرم:وي صافا علاش؟

نورة:زااق زاق قالييي..ضربوووك بلموووس ويمكن متيي

أسيرم:اه تنهضر معاك من لقبور دابا(تنهد )من نيتك تتيقي هاديك

نورة:وإخلاص؟قالي طاحت

أسيرم:اخلاص شافت دم وسخفات..راها تترتاح.

نورة:اه ماشي سوقي فيهاا..نتا بيخير اك مزيان..

قطعات..عليه..شافت ببرودة..

فماسين

نورة:بجوج عايشين..غير رجعني منين جبتينيي

شاف فيها قارن حواجبوو

ماسين:مغتمشيش طمني عليهم؟

هزات كتافها :لاااا(قدات شعرها)رجعنيي بليز

تنهدد بجهد...ودار مكسيري رادها منين جابها..

نورة:قلتي باغي تشوفني..على ود لفتوغرافي.فينو؟

ماسين:(حك لحيتو)اناا معجبتكش؟

نورة:نتاا فتوغرافي؟؟يااك قل..

قاطعها

ماسين:بغيتي نخدموو لك مرحباا مبغيتيش لهلا..

نورة:خخ ..داكووغ..تا نصيفط لك لمعلومات فلانسطا..

قلبات وجهاا جنب..:سيفط لك نمرتيي

ماسين:اه سيفطتيها نتصاحبو دابا ولا بلاتي شويا؟

خنزرات فيه:دابااااا

قربااات منوو طابعاا بوسة فخدوو...خرجج عينووو مصدوووم...وشد لفراااان بجهددددد.

"المرابطين"

غادي فلكولوار..توجه..عندهاا..لفين كاينا باغي يطمأن عليهاا..

تم داخل.رد..لباب داخل..مبانتش ليه..فبلاصتها

ميل وجهو مستغرب..قبل ميعيط شافها خارجا من دوش..غسلات وجها قداتو مخبيا ملامح لعياا..

صغر عينو مراقبها..زادت سورتات لباب..وتوجهات عندو..شافت فيدو لي ملوي عليها شاش طبي..

إخلاص:واش تضرك؟

اسيرم:أنا بيخير..لاش نضتي من بلاصتك؟

إخلاص:حيت تا انا بيخير..انا ممريضاش غير سخفت

أسيرم:سخفتي حيت ولات عندك فوبيا من دم..خصك تشوفي طبيب نف..

قاطعاتو:لاا ماشي حيت عندي فوبيا من دم..كن كان دم شخص اخر مغنهتمش..ولكن حيت جرحا كانت فيدك..ودم كان دمك.قلبي تزير عليااا..وسخفت..

شدات يدوو متلمساهاا..

أسيرم:رتااحي..واش بقاا متبعا دواك..مزال محيدتي لغرازيي ..تبعيه تاتحيديهم..

شافت لجهة جرحا لي فيها نتيجة انتحا.رها لخر

إخلاص:هااد جرحة تتفرحني...واترهاا كيفرحني حيت كنتي معايا وحاربتي باش نعيش وفاش فقت كنتي حدايا وتتبغيني

شدات يدو تانياا مشبكاها مع يدها.كتشوف فيه..

إخلاص:بغينيي..بغينيي غير ليووم..(سرطات ريقها )متبغينيش غدا وبعدو لمبغيتيش ...ولكن ليوم بغيني..بحالا تاحاجة موقعات..بحالا عمر تفارقناا..بغيني بحالا فهاد دنياا كاينين غير انا ونتاا ولباقي مكيهمش..

وقفات على صباع رجلها...طبعات بوسا فشفايفوو..لثوانيي بقات حاطة شفايفها..بعدات ولحزن كلا قلبها منين متجاوبش معاها..

سدات عينيها..مبعداا..وقفات منين شدهاا..من يدها..جارها تاضربات مع صدرو..

أسيرم:نهار طلبت تبغيني لنهار بغيتيني..دابا نوبتي.

خشاا يدو فشعرها..جار وجها عندو..نزل عند شفايفهاا حاط شفايفو عليهمم...داخلين بجوج فقبلة كلهاا شوق..

بعد شهر واحد....

نسمة باردة تدخل ل لبيت...كتحرك لخوامي...وخصلات شعرها المطلوق..جووو هادئ...ريحت الارض الفازكة..معبيا البيت..

كانت كالسا...شادة قلم ومذكرة...ساهيا وهي تتكتب..

"داك نهار..بغينااا بعض...بحالاا عمر تفارقنا...بحالا غير أنا ويااه لي كنا فهاد دنياا...بغيناااا بعض..بحالا مغيجيش غداا...ولكن جاا.."

"

قبل شهر

كاانوو كيتباادلوو لقبل..منساجمين مع بعض..

كيقبلو بعض بلهفة..وشوق ..وحب

بحالاا عمر تفارقو..بحالا وراق طلاق مكيعاينوهمش...

بعد علييهاا..منين سمع دقان فلباب..

قرن حواجبو:سورتي لباب

طلعات حاجبها:وعلاه مشفتينيش

زاد حالها..

دخلات لممرضة تتشوف فيهم

هي:ديزولي دكتور غير(شافت فاخلاص)واحد جاب لك هدا قالك من عند الزيك زاك

إخلاص:اه زاق زاق..

زادت ناتراها..من عندها..

خرجات لممرضة وزاد اسيرم راد لباب..فنفس لوقت حلات إخلاص لكيس...جبدات شوميز دونوي فلحمررر...

وغير شافت أسيرم رضاتووو .مخبياه وهي جارا ابتسامتها..

أسيرم:أش صيفطات لك؟

إخلاص:والووو غير شتاا فزكت حوايجي وصيفطات لي حوايج..

أسيرم:وخاا..بدلي لكنتي فازكا..

إخلاص(ضحكات بزز)ه ه أسيرم سيفطهم باردين وكي شفتيي ..شتاا بدات ولبرد بداا ..مبغيتش لبسهم رقاق ونمرض..

قربات منو ..محاوطاه بيدهاا..حاطاا راسها على صدرو

إخلاص:ونضيع نهار لي عطيتيني...

حط يدوو على شعرها ساكت..

للحظات بجوج ساكتين...ودقات قلبهم بوحدها لي تتهضر..

حاطا راسها على صدرووو...مغمضاا عينيهااا..كتنفس بهدوء..وراحة..يام طويلة محساتها..

تكسر صمت سايد منين صونا تيليه...جبدو يلاه بغا يجاوب....

شدات يدو..وهي كتحرك راسها بلا

إخلاص:بغيتي تكون لياا ليووم..عطيتيني لكلمة..

أسيرم:اشنوو واش نهرسو؟

حركات راسها بلا:يكفي طفيه

ابتاسم جنب طافيه...

إخلاص:خليناا نمشيو من هناا

أسيرم:فين بغا تمشي؟

إخلاص:لبلاصة بعيدة....خليناا ندوزوو ههاد نهار بعيد على هنا..

شبك يدو مع يدها...

أسيرم:غنمشيييو ..ولكن قبل جيبي حوايجك لبلاصة لي غنمشيو لها دافيا

..تلبسي رقيق خير من لفازك..

هزات راسها فييه..جارا ابتسامتهاا..:مفازكاش بزاف

أسيرم:غنخرجو فشتا غتفزكيي

كتشوف فيه وهي باقا جارا ابتسامتها بزز

قرن حواجبو كيشوف فيهاا مستغرب:جيبيهم باش متمرضيش

"بعد ساعات"

كانت فبيتهاا..مخشيا بلاصتهاا..كتعض فصبعهاا وهيي تتتفكر اش دارت...كفاش باستوو ونزلات.من راسها..

معرفاش اش كدير...ولاعلاش دارت هكدا...وتا كفاش غيكون مفكر فيهاا..دابا

تهزات منين شافت تيلي كيصوني..ونمرة غريبة..جوبات بثقالة

نورة:ويي شكون معايا؟..

ماسين:معاك هداك لي بستي صباح..

وسعات عينيهاا..مبعداا تيلي..وحاسة بقلبها تهزز..ببرودة رجعاتو

نورة:نتا هوا معامن تصاحبت صباح؟

ماسين(ضحك جنب)ويي هواا هداا..قلتي اتسيفطي لي معلومات على جلسة تصوير ومصيفطتي والو؟

نورة،:اه غنسيفط لكك عنوان لاستديو دتصوير...بغيت تصاور يخرجو زوينين.غيكونو اعلان لمجموعتنا الشتوية..

ماسين:داكووغ..سيفطي لي كولشي فلواتس حيت لانسطا قليل فين كندخل...

نورة:وخاا...

ماسين:اواا

نورة:اوا اش؟

ماسين:مغتكوليش لي مالكي معايا؟

نورة:مالي؟

ماسين:قطعي قطعي تا لغدا ونعرف..

قطع عليها..عنكشات وجها:قاليي قطعيي وعلاش قاطع..(دورات عينيها).اش باغي يعرف.؟

"فجهة خرا"

وقف لووطوو...شاف جنب بانت ليه متكياا ..على زاج ناعساا...ابتسم ..مقرب يدو..كيبعد خصلات شعرها على وجها..حلات عينيها بثقالة

إخلاص:وصلنا؟

حرك راسو باه

إخلاص:من امتا وانا ناعسا..محسيتش بطريق

أسيرم:شي تلاتة دسوايع ونص..

إخلاص:كفاش تلاتة على حنا فين جيناا؟؟

أسيرم:إفران

تم ناازل..وهي تابعااه..وكدور .فعينيهااا شتا تطيح وريح قويا...معنقا راسهاا بلبرد ...

إخلاص:كولتي لي لبلاصة لي غنمشيو لها دافياا..

شاف فيها مصغر عينو:غتدفااي..

جرهاا عندوو...محاوطهاا..وتموو متوجين لدار لي وقفات حداها لوطو..

جبد ساروت كيحل لباب

إخلاص:أسيرم

كيحل لباب:مم

إخلاص:منقدرش نقزز حيت فيا لبرد..وباقا دايخاا بنعاس..ولكن رانييي فرحااانة..حيت عمرر جيت هنااا...(عضات على شفايفها)شكراا ليك

جرها مدخلهاا...شعل ضوء..كدور..فعينيها..دار صغيرة..نقية..ومرتبة...

زادت تدور فيها..كوزينة محلولة على وسط..دار..

بيت دنعاس..وبيت اخرر مسورت..

ومدفئة فوسط دار..لي غير وقفات حداها حسات بالدفئ....

هزات راسها فيه.

إخلاص:دار من هادي ؟

أسيرم:دارناا

إخلاص:نتا ومن

أسيرم:بابا وماما..

إخلاص:علاه واش داركم مكانتش فرباط؟

أسيرم:هاديك سكنا فيهاا فاش بابا بدا خدمتو تم قبل كنا ساكنين هنا..ومن ..بعد ولات هادي لوقت لعطلة..

إخلاص:دار نقياا ومرتبا ونتا متتجيش لها؟

أسيرم:شي ناس مكلفين بيهاا..

زادت عندوو لكوزينة..

إخلاص:اش تدير.؟

أسيرم:فاش كنا جايين وصيت لي مكلفين يتقداو..غنوجد لك ما تاكلي..

حوطاتووو من لور وهي حاطة راسها على ضهرووو لعريض

إخلاص:بغاا ناكلك نتااا

دار عندهاا...كيشوف فيهاا..حاضيي عيونهاا...كيشوف فيهاا بلا مينطق

إخلاص:لاش تتشوف فيا هكدا ياك لباس؟

أسيرم:خصك تاكلي.وجهك صفراا..وضعافيتي خصك تاكلي

إخلاص(تفكرات هضرات زق زاق)واش عندك مشكل لكنت ضعيفة؟

عقد غوباشتو:وعلاش ايكون عندي مشكلل؟

هزهاا بلخف حطهاا على بوطاجين..

أسيرم:نتي كيف كتشوفي راسك كيشوفوك نااس بغييي راسك...

إخلاص(كتحرك رجلها)كنبغيني ولكن داك زق زاق..

أسيرم:(ضحك )وااش كتصدعك..مديش عليهااا..هي بحالها بحال مول لوز خدمتهم يتنمرو على ناس

إخلاص:هوا ولد لاش تتكوليه هي

طلع حواجبو:من بعد وتفهمي..

زاد كيقطع لخضراا..

إخلاص:نعاونك؟

أسيرم:لا نتي عيانة رتاحي..

نزلات عندوو..:نتا لي يدك مضروبة ماشي أناا..

نترات منو لموس..كولي اش ندير وندير..

سمع ليهاا..بقاا يوريها اش دير..دخلات لاطة فلفران..وزادت تتغسل لماعن...

ومرة مرة تهز يدها ترض..شعر لور..عنكشههاا...

وسعات عينيها..منين حسات بانفاسوو عند ودنهاا..رجع لهاا شعرهاا لوور...وخشاا نيفوو فعنقهااا كيستنشق عطرهاا..بهمس نطق"أوكسيجيني"

إخلاص:اش كولتي؟

حط يدوو..على ضهرهاا...

أسيرم:سردتي أإخلاص بدلي عليك..

شويا ونجيي..

تمم غادي متهرب منها..توجهات لبيت..

فحين هوااا..توجه..لبيت لي كان مسورت..

دازت كتر من نص ساعة..

فوسط لبيت كان..دوش...دخلات فلماا سخون سادة..عينيها..مرتاحة..وهي تتمنا وتحلم باش هاد نهار ميدوز دغيا..

خرجات بعد مشللات...دورات عينيها..ملاقيا متحط عليها من غير لفوطة...

بدوروو كان خارج من دوش..ملوي على نصوو لفوطة..زااد لماريوو حالوو..وهوا ساهي كيشووف فلحوايج..هزز سروال كيطمة كحلة مخلي صدرو عريان..

هز فيدو تشورت بيض..وزاد كالس على سرير كيشوف فيه..

خرجات من البيت تدور فعينيها..مبانش لها...زادت لكوزينة طافيا على لعشا...دازت..من حدا فين كان..وقفات منين بان لها..

إخلاص:ديالمن كان هاد لبيت؟

عينو على تيشورت

أسيرم:دوالدياا...وهادو حوايجوو..

إخلاص:باقي محافض عليهم

أسيرم:بحالا يلاه لبسهم لبارح..باغي نشم ريحتوو..ولكن مبقاتش فيهم

كتشوف ليه ودمعة فعينيها..محجرة..كفاش ايتقبل فكرة ان باباها سباب..

هز راسوو فيها..شافها لابسا شوميز دونوي فلحمر..فوق ركبة..سماطي..معري من جهة صدر..

شافت لراسها وشافت فيه

إخلاص:زاق زاق هوا لي.(سكتات متوترا من نظراتو لي كلاوها)

أسيرم:اه لواحد مرة مرة خص يدير شي حاجة مزيانة فحياتو

تم نايض.

أسيرم:غيكون لع.

سكت منين سكتاتو ببوسة على شفايفوو..بعدات عليه..تتشوف فيه..بؤبؤ عينو تيتحرك مع بؤبؤ عينيهاا...

بعنف جرهاا لعندوو..نزل لشفايفهااا..كيلتاهم..فيهم...ويديه كتنزل لباسها..

دقايق وهما كيتبادلو لقبل..

بعد عليهاا كينهج..كيتنفسس بجهدد..نفس لي كيتقطع فبعدها..

شدات وجهوو بين يدهاا...وهي تتشوف فيه..نظراتها لي كلهم حب...نطقات وشفايفهاا كيرجفو

"كنبغييييك..."

رجع كيلتاهمها من جديد..تشبطات فيه..وبدورو هزها..لسرير..

"صباح جديد ونهار جديد"

حلات عينيهاا بثقالة...شافت فيه ناعس..حداها ابتسمات منين تفكرات لبارح...كانت ليلتهم تانية ..لي مبعدوش على بعض لا قبل لعشاء ولا بعد...

حطات يدهاا..على خدوو.تتشوف فيه...خايفا يفيق ويصدمها كيف صدمها اخرر مرة...كتشوف بسكات..مبغاش تفيقوو..خايفا يبعد من جديد..

حل عينو بثقالة..مغطيي وجهوو..شاف فيهاا...سرطات ريقها بخوف...لخوف لي تلاشا منين تبسم..ونطق

أسيرم:صباح لخير

قرب منهاا ..حاط نيفو على نيفها..نطق بصوت نعسان

أسيرم:لاش فايقا بكري مزال لحال

إخلاص:مم فاتت لعشرا دصبح..

أسيرم:لوقت معاك كيطير

إخلاص:خلينا نوقفوه

أسيرم:(طلع حواجبو) كفاش؟

ناضت..من حداه .هزات بلخف شوميز..لبساتو وتوجهات..لساعة..حيدات لها لحجرة..شافت فيه ضاحكا.

إخلاص:هاني وقفتووو..

ضحك جنب وهوا حاضيها..

زادت تطل من سرجم..تهزات قافزا

إخلاص:أسيرم ثلج ثلج

أسيرم:مالو؟

إخلاص:(خنزرات فيه)نتا عشتي هنا وكبرتي فكندا..ديما تتشوف ثلج..ولكن انا يمكن شفتو مرة وحداا..خلينا نخرجو..

أسيرم:باقيي لحال(شار لها بيدو)اجي حداياا..

زادت عندو.وهي تترجاه..بعينيها..شدها من يدها..جارها تا طاحت عليه..حاوطهاا بيدوو..معنقهاا..بجهددد.لثواني.رخف من قبضتوو..

أسيرم:دابا سيري.

إخلاص:فين؟

أسيرم:دوشيي..ولبسي..ونخرجو..

تهزات فرحانة...شويا رجعات عندوو..شافت فيه وهوا شاد على راسو..نتر يدو منين شافها تتشوف فيه..

إخلاص:خلينا ندوشو مع بعض....

تهزز..من بلاصتوو كالس..ضحك بجهد

أسيرم:كتخلعيني أإخلاص كتخلعيني

خنزرات فيه:صافي لهلا..

تمات غادة..محسات بيه غير وهوا هازها مدخلهاا لدوش..

بعد أكتر من ساعتاين..

كانوو براا...ثلج كساا دنياا..رضهاا بيضااا...وفرحتها بالبيض دثلج كي فرحة عروسة لابسا لبيض زافينها لدار راجلها

كان واقف متكي على شجرة..لابسس كيطمة كحلا وطريكو حمر مع تجاكيطا دلككوير..فحين هي بقات بكسوتها لككري فوقها جاكيط كوير كحل وطريبيش فنفس لون.

كتشوف وتمنضر...زادت صانعا كورة دثلج...ضرباتو بيهاا...تهز منين جات فوجهوو

أسيرم:تتجبدينيي..

حناا هاز كورة...دثلج..وزااد كيجريي عليهااا...وصوت ضحكتهم مسموع فلارجاء..طاحت لارض..منين وصل لهاا..

هزها موقفاا:نوضي اتفزكي وتمرضي

ناضت..وكلس كينفض لهاا...شافت فولاد صغار كيلعبو ويشوفو فيهم..

إخلاص:لوليدات كيضحكو علينا

أسيرم:حيت شافو بحغوطة بحالهم تتلعب مع واحد كبير بحال(جرها من خدها)

ضرباتو لكتفو:بزاف عليك ازغيندة

عينيها عليهم:بغييت تا انا

أسيرم:اشش

إخلاص:ولاد صغار

وقف كيشوف فيها ساكت..عنكش لها شعرها

أسيرم:خلينا نمشيو نتغداو كاين مطعم قريب مكلتو صحية.نوعا ما..

شدات فيدو :غنموت بجوع

دازت ساعة كانو فلمطلع..طلبوو اش بغااو..وكلاو..

شاف فيها مزير:غنوض نخلص..

إخلاص:عيط لهم يجيو

اسيرم:معليش اندوز نغسل يدي

إخلاص:تا انا انوض نغسل يدي..

ناضت..غادة..لحمام..فحين هوا حط لفلوس على طبلة..وخرج..توجه لوطو ديالوو قبل ميحل لباب طاح..حداهاا..شاد على راسوو...نوبة جديدة..والم..جديد ضوء كيضربوو فراسو ونفسوو تتخرج بجهدد..الم ووجع لي كيهدوه..ولي مستحيل بنادم يولف عليه ويتحملو..لدقايق استمر..مداز تاا خلاه مهدود

كيلهت بجهدد..حط يدو تحت نيفوو حاس بدم بدا ينزل...سمع تيلي كيصونيي..جبدوو.كيحاول يتكالما

إخلاص:فين راك؟

أسيرم:تاحد ميقدر يوقف لوقت ..نهار دااز..وظلام قرب يطيح..(كيلهث)عطيتك كتر من وقتك..

طيحو يدوو مقادرش مزال يهضرر...ناض راكب فلوطو..باغيي يهرب من حداهاا..لتخرج وتشوفو..ركب مكسيري بجهدد..مبعدد...

فعزز سرعتووو....مبقاا كيشوووف والووو..قدامو..كيسد ويحل عينوو ووالو..قبل ميوقف لوطوو...تسمع صووت اصطدام عالي...صوووت قوي كان كافي..باش لي سمعو يعرف بلي هادي نهايتو

"كالثلج تتراكم الأيام بداخلنا ثم تدوب.فتنتهي الايام وتنتهي معها ألامنا"

يتبع...