تزوجتها بوصية زوجها الجزء 19

"بعد نص ساعة"

كانو كالسين بجوج على طبلة دلعشاا..

الشفار:لذيذ لذيذ الله يعطيني صحة

حرك راسو باه:الله يعطيك صحة كن زدتي غير شويا دلملحا كنتي توصلنا لكلينيك

الشفار:(ضحك بجهد)لمرة جايا نقص متخافش

أسيرم:لمرة جايا لقاك كتعرف طيب راسك..مسالي انا نفتي عليك طريقة من دوش

الشفار:ذاكرة ناقصا عندي الخوادري..

أسيرم:اهااه..اش وصلك لهنا؟

الشفار:لفين لدارك؟؟

اسيرم:لااا لهاد لمهنة المحترمة ديالك

الشفار:تاحد ميبغي يمد يدو لحرام..ولكن انا سبق ودوزت لحبس وتاحد مبقا باغي يخدمني ولوليدة عندي عيانة وخص لي يصرف عليها

اسيرم:لمرة لولى لاش دخلتي؟

الشفار:لقيت ختي مع واحد خينا..وتقبت ليه عينوو ببيكار..هي وياه تزوجو وانا كحلت ضوسي...

أسيرم:اه خير مدرتي.

تم خارج بعد مسالا لماكلا..وغسل طباسل..

هز صاكوو...كيجبد اش كان هاز..

الشفار اخويا لقحط عندك هنا .هزيت غير هاد لكيسان وطباسل..لباقي كولشي مسورت مبغاو لبيبان يتحلو

أسيرم:مديرهاش منا قلت صواب لمرا جايا نخلي لبيبان محلولين

الشفار:ليحفضك اساط

أسيرم:هز هزز دوك لكسان..خلي غير واحد باش نسقيو حلقنا

الشفار:ليحفضااك..

تم خارج...مد ليه أسيرم..نمرة.

أسيرم:هادي نمرة دواحد..راه عندو لصال قريبة..سير عندو قولو سيفطني اسيرم...غيخدمك معاه كيقلب على شي دري يعاونو

الشفار:ليحفضكك..خصو واحد مبوودر بحالي

أسيرم:وي وي

الشفار:الله يعاون

أسيرم:الله يعاون ومرة مرة..دوز طيب .ولحتاجيتي شي حاجة.انا هنا

الشفار:ليحفضكك .انا انخلي لك نمرة ..لبغيتيني غير عيطك..

أسيرم:وخاا..سلم على لوالدة

الشفار:موبلغ

تم غادي..ورجع ...

الشفار:اش سماك الله

اسيرم:اسيرم

الشفار:أسيرم امازيغي ولد لبلاد..قولي لاش معيطتيش لي لبوليس؟

ابتسم جنب:نخاف لنموت ودعوتك مزال موصلات..غتصدق مطول فلحبس. ومجرجر فلمحاكم.(غمزو)غتاخد لعقوبة كتر من دنب

خشاا يدو فجيبو داخل..وشفار مبتاسم..كيحاول يفهم هضرتو ومفهم والو

"المرابطين"

نزلات.من لوطو..ديالها..زادت متوجها لدار..وقفات جامدا منين شافتوو قدامها

خالد:مساء الخير

سكينة:واش نتاا م

قاطعها:هضري باحترام مع جارك جديد..(قرب وجهو منها مبتاسم)اه الالة سكينة غتشوفيني فين ممشيتي تايرطاب قلبك لجهتي

خنزرات فيه..بلا متهضر..معندها جهد تعاطا معاه

خالد:نخليك رتاحي

تم غادي...دار لها باي باي

خالد:تصبحي على خير أحبيبة قلبييي..

تنهدات بجهد..غادة مبقاتش حاملا تشوفوو..ولا تسمع صوتو..غادة فجوو..دصمت صوت كعبها هوا لي مسموع ..نسمة دليل كطير خصلات شعرها ونجوم كضوي طريقها..وقفات منين..سمعات..عيط لهاا.

"المخور"

دقات قلبها تسارعو .حسات بيه ايخرج..نفضات افكارها وتمات زايدا.كتلعن هلوساتها بيه.وخيالها

"المخووورة اناا كنعاين فيك تجي تخطبيني ونتي مبدلاني ب ميترو1:60 تناكت عليك وعلى دوقك.."

وقفات جامدا..ودموع محجرين فعينيها....دارت بشوياا...شهقات بجهد منين شافتو كانها كانت فقاع لماء ويلاه لقات لهواء

نطقات بصوت متقطع

"ي ي ن يييس"

ظلام طاح..ولبرد تحرك..وهي باقا فلخدمة..

كترتب مع لكساوي..وتقادهم...

دفع لباب داخل..عندها كيقفقف..

زق زاق:واااش مغتمشيش بحالك؟؟؟

إخلاص:هاد ليام غنعرضو موديلات شتا.. خصنيي نقاادهم..ونوجدو كولشيي.

زق زاق:اييه وااش سمعتيي..لموديلات قالت غيتعرضو فلافتتاح..دلمستعجلات ....ناس لي غيحضرو غيلبسو منهم

شافت فيه ساكت ..

إخلاص:اه دير لي بغات...انا موجدتهم .وقاديت كولشي..تلبسهم لمن مبغات..

تمات خارجا ..دخلات لمكتب..ديالها كتجمع تصاميمها...

شاف فيه زق زاق لي كان تابعها

زق زاق:تطورتي فتصميم دغيا...كتعلمي بزربا..اه عادي منتي نهار وليل مخشيا هنا

هزات صاكها..بسكات..

زق زاق:مالكي اش واقع؟

إخلاص:مواقع والو

زق زاق:يخخ على مزاجية كي دايرا تتقلبي كيي وجه شيخة..

خنزرات فيه..وتمات خارجا..

مسافة طريق..كانو دخلو..لدار..طلعات ديريكت لبيتهاا...

مع لحلا كتبان لها نورة..متكيا على سريرها

نورة:جيتي؟

إخلاص:جييت

زادت كتنتر لحوايج

نورة:باينا فيك مقلقا اكيد عرفتي ببلان لعرض

إخلاص:ديري لي عجبك

نورة:مالكيي مع بابا؟؟؟

شافت فيها..خرجات تنهيدة طويلة..

إخلاص:غندخل..نتوضاا..دازتني صلاة د لعشاا..

تمات داخلا..فحين..هي بقات متبعاها بعينيها..وكتساءل اشمن مشكل بينها وبين باها...

شافت لتيليي..كيصوني..بان لها هوا لي كيعيط..

قطعات عليه...

نورة:عندك لوجه باش تعيط..

دخلات تتخربق فلانسطا...تا طلع لهاا بوسط..بخبر زواااجوو

خرجاات عينيها..وتهزات من بلاصتهاا...

شدات تيلي ويدها تترجف..تتصوني عليه

تعطل عاد جاوبها..يلاه بغات تنطق قاطعها

ماسين:مخنتكشش ومكنكدبش عليك ومكنتفلاااش ومخليتكش وطلعت مزوج غيير بلا متعايري لخبر نشراتو لبنت لي تصورت معاها صبحح...ونشروه باقي لباج..والله يعطيني لكرد انا لي مصور معاها .صافيي تقدي تهضري

ميلات راسهاا..

نورة:باااش عرفتي غنقول هكدا؟

ماسين:رانيي حافضكك..

نورة:اه مزيان..لاش معيط لي

ماسين:فصباح تفارقنا ونتي مقلقا..وانااا منبغيكش تنعسي ونتي مقلقا مني

ابتسمات:وااش غتبقا هكدا ديماا؟

ماسين:علاش كضني انيي غنتبدل..؟كنضمن لك وخا بعد زواج عمرني نخليك تنعسي ونتي مقلقا عليا

نورة:وااش باغي تزوج بيا اماسين؟انا ماشي بنت ليي يسهال تعيش معاهاا ..ماشي ملاك نازل من سماااء..فيا بزاف دلحوايج خايبين

ماسين:كنبغيك..كنبغيك بعيوبك..بعصبيتك..بنرجسيتك..ممنين لواحد كيبغيي راه مكيبغيش غير لحوايج زوينين كيبغييك كيف نتا

نورة:مم بحالا فتنا لحركات ونقط..ووصلا لاعترافات لحب

شاف فلباطة دلخاتم لي شاد..ضحك بجهد

ماسين:انا كنفكر فسمية ولادنا ونتي تتقولي لي لحركات ونقط..

نورة:اه ..واش غدير فلخبر لي تنشر؟

ماسين:نخليوه حقيقة؟

نورة:كفاااش؟

ماسين:ماعلينا..خلينا نتلاقاو غداا لافتتاح بعد..غداا...

نورة:وخااا غنضمو كولشيي غدا..

ماسين:يلاه بون نوي

نورة:بون نوي..(سكتات لثواني)ماسين؟

ماسين:ممم؟

نورة:تااا اناا..كنبغيك.....

قطعات عليه...خلاتو حاط تيلي على قلبووو ..ولفرحة مرسومة فوجهو...

ناضت تتنقز كيف شي حمقاا..شافت فاخلاص لي جمعات صلاية...زادت تترما عليها

إخلاص:امالكي ابنادم؟

نورة:قالييي كيبغينيي وتاا انااا قولتهاا لييه..اه قلبيي غيسكت غيسكتتت

إخلاص(ابتسمات)اوا الالة لعقبة لشيي عراسية

نورة:فنضرك تا انا غنتزوج؟

إخلاص:ومالكي نتي اش ناقصك

نورة:عمر تخيلت راسي بكسوة لعرس..ولا عندي دار او اني ام..معرفتش كنت كنضن عمر ايبغيني شي حدد....ولكن انا تخايلتها..حتا اني حلمت لابسا كسوة لعرس

إخلاص:غتكوني عروسة زوينة

نورة:ورينيي كفاش نصلي...اناا فرحانة..وبغيت نشكر الله على هاد لفرحة..ومكنعرفش بصارحة نصلي..فاش كنت صغيرة كل جمعة ماما واسيرم .كيمشيو لجامع وكنمشي معاهم..ولكن دازت مودة معقلتش كفاش كيصليو...؟

إخلاص:الله الله..كاين لي لحب يخليه يركع لربي ويحمدو على لفرحة..وكاين لي يركع لربي ويطلب منوو صبر.(تنهدااات).وخا انا انوريك

دم جمد فعروقها..ودقات قلبها..تتسارع..حاسة بقلبها غيخرج من صدرها...ويتوجه لعندو..

كتشوف فيه واقف قدامها..بجسمو..طويل..ولعريض..

لابس سروال جينز كحل..وبروطكال كحل..قاميجة فلكحل منقطا بلبيض..وشاد كويرة كحلا فيدو...كيشوف بلا ميرمش..

طاح صاك من يدها..وتقدمات خطوات...كل خطوة ...صورتو تتوضاح..قدامها....

وقفات اونفاص معاه...

كتحرك عينيها على..وجهوو..شعروو طوال وولاو خصلاتو نازلين على جبهتو هوا لي مولف ميطولوش ...ولحية...كتسات وجهوو..

قربات منو..سرطات ريقها..كتنفس بجهد..وهي صدرها كيطلع ويهبط..نطقات بتمتة

سكينة:نتااا..نتاا..عا..يش..متنتخيلش أاا؟؟واش عاود تنتخيل..لكنت تنتخيل..(حركات راسها بلا)مبغيتش نفيق..

قربات يدها..حطاهم..على لحيتووو..

سكينة:نتاا..عايش؟

ابسم بخفة..ونطق..:لا ميت..غير ملقيت ميدار وقلت اجي نخرج من قبري ونمشي نطل على لمخورة..

بعدات عليه..حطات يدها على فمها..تتبكي..حاجبا صوتها..

رجعات شعرها لور لي تعنكش..شفايفها الورديين كيرجفوو..ودموع..نازلين من فوقهم

سكينة:نتااا عايش...قوليي عايش..قولي مكنحلمششش..نتاا معارفش اش وقعع لياا بلا بييك..معارفش اش عشت..بلاا بييك..(ميلات وجها تتشوف فيه)متت الف مرة مرة بلااا بيك الف مرة...

ترمات علييه معنقاااه..تتشهق وتبكيي..دقايق وهي هكداك...هزات راسها فيه..كتشوف فعيونو سودة لي كيتحركو على وجها بسكات..بعدات عليه ..مرة تحط يدها فشعرها ومرة فوجها..دموعها نازلين .وقلبها ايسكت.سكتات تتشوف فيه

سكينة:قرسنييي...خليني نعرف بلي مكنحلمش..عفااك..

كيشوف فيها..وفحركاتها..

نطق..بصوتو المبحوح

ينيس:نقرسكك واش ونتي بين يدي مكافيش باش تعرفي بلي متتحلميش؟

حركات راسها بلا

سكينة:كل نهار كنتخيل راسي بين يدك..قريسني

ينيس:متاكدة بغا نقرسك

حركات راسها..باه..

تقدم..خطوة..جارهااا.من شعرها...مقرب وجهاا ليه..لثواني تضرب فحيح نفسوو فوجها..قبل متهز عينيها جرر شفايفهاا...بجهدد..

كيبوسهم.بلهفة...مبعد عليها....تاخنقها ودفعاتو بيديه

تتاخد نفسهاا..وعينيها عليه...نتاااا..نتااااا...عايششش..والله عايش

طاحت على طولتها سخفانة..

شدها بين..يديه..قبل متوصل لارض

ينيس:واش لهاد. درجة شوفتيي تتفرح؟؟

هزهاا بين يدو...

دازت كتر من ربع ساعة..حلات عينيها بثقالة...شافتو كالس..حداها

ينيس:مزال مهداك الله تتحيدي ساروت من تحت طابي لي حدا لباب؟؟

تهزات كالسا.....

سكينة:نتااا

قاطعهها

ينيس:لكونتي غتسخفي عاود.وتخليني نهزك تا لهنا..ولا نديك لكلينيك..فحسبيني ميت ..(ابتسم بلخف)عبرت ضغطك نورمال لكونتي عيانة نمشيو لكلينيك كنضن سخفتي حيت صدماتك شوفتي

سكينة :انا بيخير..

ناضت تتتشوف فيه..شافها كفاش واقفا دبلانة..كتتاكلو بنضرات عيونها لي عامرين دموع..جرها من يدها مكلسها على رجليه..

دوز يديه على شعرها بلخف

ينيس:اش داز عليك المخورة فغيابي؟

حطات راسها..على كتفوو..محاوطاه بيدها...

سكينة:كلشيي يهوون منين نتاا عايش..كولشييي يهووون..

حولات نيفهاا لعنقوو تتستنشق عطروو كانها تتستنشق لهوااا...حاسة بنيفهاا عند عنقووو...سدد عينوو محاوطهاا بيدوو..

سكينة:(كتهضر وهي مخشيا فيه)هماا فلاخبار قالو..

قاطعها

ينيس:هاديك قصة طويلة.

سكينة:عاودها ليي...انا كنسمعك...غير متنووضش من حداياا..عاودها باش نعرف بليي انا مكنحلمش..

سهااا للحظة..رجع بييه..زمان لور..

دااخل بجراا..لخيمة...بان ليه لولد..كيحبوو...باغي يخرج..من جهة لورانيا دلخيمة..من لتحت..

زااد عندو..بجرا.. هزز مقص فيدو..نزل عليها مشركها..لاح لمقص وهز لولد..خارج..بيه..خطوات وهوا مبعد..بان ليه..صاروخ صغيير..جاي باتجاه لخيمة..

شاف فيه وشاف فلولد لي كيبكيي...

زيرر عليه بيدو..وجراا..جوج خطوات لقدام..وترمااا من لارضية لي كانت عليها لخيمة..طالعة..لارضية..منباطحة وكلها..حجرر..

آخر حاجة سمع صوت لانفجااار...ونار ودخان..لي كيبانو ليه..

حل عينوو بعد كتر من سعتاين...باقي دخاان فلارجاء..ولكن صوت رصاص..موقف..انين خفيف كيسمعوو حداه..بان ليه لولد..واقف...على راسو كيبكي...لولد لي متقسحش بزاف بحكم طاكاه بجسمو...

حاس بدم..نازل من راسو...نقط.نقطة..باردين..على عكس الشمس والحر لي هوا فيها..

دم لي سال نتيجة اصطدامو مع حجرة..

عضامو..عاطينو لحريق..ورجلو حاس بيهم تشلو على لحركة...نفسوو كيخرجها بسيف..

هز عينوو فشمس..نورها خلا عيونو يصغاروو...

وللحظة تساءل وااش هادي هي نهاية؟؟

للحظة..فكر فكاع لي كيعرف..

فكرر فيهم هماا..وواش هدا هوا لقاء؟

فكر فختوو ..وفموو...وفباه..وتساءل واش مغيعاودش يشوفهم مزال؟

ابتسم منين فكرر فيهاا...نطق بصوت خافت "المخورة"

كيسمع لصوت خطوات كيقربوو منوو...هزز عينوو منين وقفوو رجال عليه بس.لاح..مادين سلاحهم..اتجاهو..

شاف للولد كيهضرر معاهم...سد عينووو...قبل ميفهم اش كيكولو

هز راسوو فيهاا..

ينيس:موقع والو ..هما صحابهم مت فصا روخ

وسعات عينيها :صاا رووخ؟

ينيس:غير صويريخ..كيستعملوهم بااش يضربو مناطق صغيرة..

سكينة:من امتا وليتي تفهم فهادشي؟؟

ينيس:تنلعب لبابجي(تجنب سؤالها) وصافي وخرجت من تم..من بعد عاونوني شي ناس..كانو مدنيين بس.لاح كيدافعو على ارضهم...وبقيت معاهم..تا تهدن لوضع..وتحلات سفارة..ورجعت...هداا مكان..تا حد مكان يقدر يدخل لمنطقة فين كنت على داكشي لعسكر منين شافوو لانفجار..نشرو خبر موتي

سكينة(شدات وجهو بين يدها)يعلم الله اش عشتيي تم..يعلم الله اش شفتيي تم

ينيس:(ابتسم)حنا لاطباء مولفين بلموت وريحتو..شوفتو مغتاترش فينا..

سكينة:وااش شفتي عائلتك أا؟غيكونو فرحووو

قاطعها

ينيس:عيطت ليهم..

ميلات راسها:ممشيتيش عندهم؟

ينيس:نتي اول وحدة نشوف..

قربات منوو..كتشوف فعينوو..

حطات شفايفها على شفايفووو...

طبعات قبلتها عليهم..بعدات..ونيفها على نيفو

سكينة:عمرر تبعد علياا عمرر

ينيس:قلت لك محد حيوناتي فيك مغنبعد..غنبعد لكان خبار..موتي صحيح..

سكتات منين حطات شفايفها على شفايفو..وبعدات بشويا

سكينة:متجبدش لموت على لسانك..

شاف فيهاا ..بلا مينطق..

ينيس:بغيت رتااح..بغيت نعس..

تكااا..على لفطوي...

ناضت هازا لزار مغطياه..دخلات حداه..شاف فيها ميل..راسو

سكينة:اخر مرة نعستي بوحدك فقت ملقيتك..

(حطات راسها على صدرو)

صباح جديد ونهار..جديد..فاقت وهي فرحانة ومقداتها دنيا لفرحتهاا..

خارجا من دووش ملويا عليهاا فوطة ....

زادت خوات لقطة لماكلا..وتوجهات لبيت...بان لها كيلبس حوايجو

عدنان:شحال هادي مشفت لفرحة وضحكة على شفايفك

إيناس:ممتيقاش بليي خوياا ..حيي..وخا مزال مشفتوو ولكن غير هاد لخبار طيغات لي عقلي اعدنان..

زادت تتنشف شعرها..دارت منين حسات بيديه على كتافها..كيتماصي على بشرتها لبيضا..حول يدو لشفايفو

بصوت منتشي كيدوز يديه على شفايفو و نطق

عدنان: لحمك بيض الحمامة

تزنكات وطلعات معاها سخونية و ابتاسمات ..حطات يدها على عنقوو

إيناس : سعد لحمامة بين يدين سبع

طلع راسو لفوق و عاود هبطو كيشوف فيها

قرب منها كثر وصوتو تعسل

عدنان: الى كانت الموت هادي انا قابل بيها

حطات يديها على فمو بخوف وبطريقة انثوية : ماتجبدش لموت الله احفظك ليا

حط راسو على راسها :هلكتيني اسّالبة عقلي ...

تنهد مطولا : أوجع قلبي

ضحكات بلخف:مزال انزيد نهلكك غير رتاح لياا..

عدنان:غير هليكني وجيب لي يهلكني معاك..

إيناس:يلاه سير لخدمتك احبيبي يلاه

عدنان:عندي شي شغل عاد انمشي لخدمة..

باسها بلخف فشفايفهاا وخرج..

فحين هي جبدات من لمجر..اختبار لحمل .ودخلات لدوش

خرج من داارر..مكسيري لكلينيك..وقف قدام..محل دتصوير..نزل مبتاسم..دخل..مخرج تا عطاهم..طوف ديالو وديالها وطلب يكبروها ويديروها ليه فكادر..على اساس يرجع عندها غدا يديها..

دااز ...نهار بزربا..لبنات تلهااو مع لخدمة.لكساوي.بحكم غداا..غيعرضوهم فلافتتاح..

وناس دلكلينيك تلاهاو مع لمستعجلات..كيوجدوو..لغداا..حدت غيطلع بسبيطار...لانظار غتكون على كفاش تبنى اكبر مستعجلات فلمدينة فوقت قيااسيي...

فحين ينيس...مكانش قدامو خيار من غير يخليها ويمشي يشوف ختو وموو..عارفهمم تعدبوو وتحطموو فغيابوو...

داز نهار بزرباا..ودغياا جاا لغد..لييه...

كاانت لعشية...هي واقفا جنب..ونورة..تابعا ماماها تتقنع فيها باش تمشي..لكن جوابها هواا رفض...

تنهدات وهي تتشوف فاخلاص

نورة:ونتي؟

مبغاتش ضيع لها فرحتها دلبارح..من غير نفس نطقات

إخلاص:وخاا.

نورة:يلاااه لبسووو يلااااه..

جراتهاا من يدهاا..

غربات شمس..وداز لوقت..وقفات لووطو..قدام لكلينيك..

تمات نازلاا من لوطو..بكسيوة كحلا.لاصقا على جسمهاا طويلة وبليدين.بتوب غليض..كتجرجر...جامعاا شعرها ودايرا مكياج باين..

خصلات شعرها طارو منين ضرب رييح فوجهاا...لبرد محرك وريييح مجهددد...

حداها كان زق زاق لي لابس..كوستار..فلكري .

زق زاق:هااد ريح راه غطيرني انا قالو فلاخبار كلسوو فداركم

زااد بجرا داخل

نزلات بدورها..بكسيوة فلبيض..حاطا فوقها فرو فنفس لور طالقا شعرها ومخففا لمايكاب

نورة:محد شتا مكيناش م..

قبل متكمل هضرتها شافت شتاا لي بدات طييح..

إخلاص:جري جري

زاادووو بزرباا داخلين..غير دخلو..حسوو بسخونية..هزات راسها منين شافتو حداها هاز تبلي فوجها.

نورة:اش واقع

ماسين:داير لايف ..

ابتسمات:اه

ماسين:دخليي لبرد علييك..منين شفتك داخلا..بكسوتك لبيضة..خليتي قلبييي (تنهد)

نورة:لايف اماسين

تمات داخلا..فحين هوا حول تيلي قدامو

.ماسين:لايف اماسين..لمغرب كولو عارف غنطلبها ليوم..الا هي حيت مبلوكيها(ابتسم..مصغر عينو منين شاف فاخلاص)تانتي عارفا ياك

إخلاص:اوا انا من لمغاربة

"فجهة خرا"

كاان واقف عند قبرهاا...شاف لشمس..غربات وشتا بدات تنقط...ولحال مشاا تم..نايض..

حط يدوو..على كتفها

عدنان:خلينا نمشيو اخالتي

...:بحال ليوم..زمان كيطير وكيت اليوم ممشاتش.

ناضت بخطوات تقال...حل ليها باب لوطو..ناوي يوصلها لحال مشا..وطاكسي مغتلقاه..

مع لحلة دلباب .هز لكادر دتصويرتهم..وعينيها .عليه..

عدنان:انهز هدا.وتقدي تك..

نتراتو منوو..ونظرة عيونها تبدلات..ولات حمرة..ودمعة فيها محجرها..نطقات ودموعها نازلين

...:اش تدير معااك..اشش تدير ليي قت..لا.ت ليي بنتيي هجااار

فالحفلة...كانت واقفاا تا وقفات عليها

نورا:هوا متزوجكش حيت باغيك هواا غير نفد وصية صاحبو..هزيي عينيك شوياا شوفيي مزياان وش مستوانا هوا مستواك أا؟نتيي وحدا متطفلة على حياتنا بلاصتك ماشيي هناا...لا مستوا دراسي ولاا مستوى معيشي ..غير وحداا هبلة وحصل فيهاا أسيررم ..كنصحك طلقيي منوو خليه يرتاح ونرتاااحو (شافت فيها باحتقار)منككككك

إخلاص:نطلقوو ؟؟؟وخاااا (حركات راسها باه،)عايني هنااا وحد دقيقة

زادت مبعداا ..خلاات نور واقفاا تتحرك فشعرها وتسوط بجهد..تا بانت لهاا جاياا جارا أسيرم..قادان وقفتها مصدومة

وقفات عليهاا .وأسيرم غير كيشوف فيهم مفاهم والو

أسيرم:اشش واقع؟

إخلاص:نتااا مطلق

أسيرم:مطلق ؟

إخلاص:اه ختك قتارحات علياا نطلقك وانا وافقت أنت مطلق

أسيرم:(غادي معاها فحماقها)اه وخاا عطيني داري بوحدي وطومبيل وشي60 مليون نوافق على طلاق

إخلاص:معنديش

أسيرم:اذن قلها اقتراحك مرفوض

شافت فيها اخلاص ..مطلعا حواجبها

إخلاص:تخلصي علياا؟أه نسيييت نتي اصلا مربيا ريش بفلوس راجليي(ابتسمات لها)اقتراحك مرفوض (قربات من ودنها)هضرتك كلها مرفوضة بلاصتها زبل حدا مستواك

بعدات عليهاا...جرها من يدها

اسيرم:كنت غنعرفك على شي حد ودغيا جريتيني أجيي أجيي

إخلاص:وش شي حد لي مستواه طالع بحال نورا؟

أسيرم(طلع نورا وهبطها)لالا هابطط كونيي هانياا..

زادت معاه فحين نورا واقفااا تتغزز فسنانهاا..نطقات وهيي تتفور بلعصب

"

براااااااااهششش"

بدات تضحكك بجهدد..كيف شي حمقة..ودموع فطرف عينيها..شافت لناس لي كيشوفو فيها..كفاش تتضحك..وهي واقفا بوحدهاا..شافت فجنابها .مكاينش ليه اتر وتا من نورا مشغولة...ابتسمات على خيالها وهلوساتها بيه

سرطات ريقها بحرقة..شافت..فوزي دخل..زادت خارجا..ضربات مع حياة لي داخلا

حياة:وغبرا هادي زمان مشفناك

إخلاص:غير فدنيا..ونتي اش خبارك مع لحمل

حياة:اوا شهري هداا.قريب ينزل

إخلاص:شهرك وجايا

حياة:تا حفلة بلا حياة مدوز ليجعلي نولدو ليوم..

إخلاص:واش نضال مغتجيش

حياة:عيطت لها..قالت لا..كنت بغيت نعطيها سوارت..راجلي خدا لانتقال لهنا..وغنولي ساكنا معاه

إخلاص:اوا فرحي لك العفريتا

حياة:اوا اختي سيد ميقدرش يبعد عليا كاين لي يسخا بحياة .

شافو ففوزي..لي ضرب فلكسان..غينطق كلمتو..

تمات خارجا .

وقفات لوطو قدام لمرابطين..حل شيفور لباب..طلع وهوا مبتاسم

يحيى:الله اربي شهر وانا هناا شهررر وانا كنتعالج واخيرا لحياة عاد بدات لي..

انطلقات لوطوو..وهوا كيضحك بجهد

يحيى:مقدرش عموو يدير والو حيت عندي دليل عليه..حيت عارف ماضيه...لولد عتق لي دفن بااه(ضحك بجهد)عمر حسيت بهاد لقوة تا لدابا يحيى مكيتقهرش مكاينش فهاد دنيا بي قهروو..

رييح مجهدااا..خلاات..خنشة..ترما على لوطو..يعلم الله من انا بلاصة جات ومقرها تحت..على طومبيلتو..شيفوور..تحجب ليه شووف..متحيدات تاا بان لييه كاميووو..متوجين ديركت عندووو..خرج عينوو..

ويحيى موراه كيضحك..ويردد.."تااحد مقدر يقهرنيي"تااحد م..

قبل ميكملهااا تسمع صوووت اصدااام قويييي....نتيجة لوطو لي تقلبات منين داز فيها لكاميووو..

لوطو مقلوبة..كيااخد نفس بصعوبة..هزز يدوو..بشويا كيتلمس..حاس بزاج..تغرس فجنب عنقوو...ضحك بخفة ودموعو نازلين..

يحيى:غنموو ت غنمووت..

قرب يدوو لجيبوو وهوا كياخد انفاسو لخراا...جبدوو..هازوو ..ابتسم منين شافو خدام..

كانت فطواليط..تتغسل وجها...وخا كاع اش دار باقي كيجي فبالها..باقاا تتخايلو كيف لحمقة ..تتخيل هضرتو وحضورو وضحك وضحك فيها ناس....وخاا ولات بغا تبعد..باقي قلبها اسير عندو...عينيها على لمراية..كتشوف بسكات..

تساءلات .للحظة فين هواا..واش غيكون كيدير.....

"إفران"

كيف لعادة خارج من لاصال..غادي بجرا..لدار...للحظة..طااح لارض...

ابتسم وهوا كيتنفس بجهد..شدد..فرجلوو..ماشي غير يدو لي ميقدرش يتحكم فيها تا رجليه ..

نااض وهوا مبتاسم..معاناتو مع لمرض ولف عليهم وبقاوش ياتروو فيه..

جبد تيلي من جيبوو..مجاوب

أسيرم:الوو

يحيى(كيتنفس بزز)سمعنيي معنديش لوقت سمعني نعاود لك قصة

أسيرم:سي يحيى؟اشمن قصة؟

يحيى:قبل سنين طويلة...كنت فغرفة لعمليات..كانت عملية..(كيتنفس بجهد)ساهلاا اه كانت ساهلا دوزنا مصعب منها..وفقلب لعملية وقف قلب لمريض..(كيلهت)انا طبيب لانعاش وتخدير..مدرت والو..مرجعتش نبضو..محاولتش رجعو.منين جانا امر من طبيب..مندخلوش..لمدخلناش..هوا غياخد لكلينيك..وكاع ليي تم.غيترقااو...لممرضين كان ساهل يتشراو..وتا اناا تشريت..(سكت كيتنفس )سمعنيي..سمعنيي..كلناا خليناه يموت..كلنا..واش عرفتي شكون هداك أا؟ هدااك باباك المرابط صغير..واش عرفتي شكون عطانا لامر منديرو والو هداك..عمكك..لي طمع فلكلينيك دباباك..المرابطين..بناه بااك..وتمسا عليه وعليك..ماشي عليه وعلى خووه (ضحك ودم خارج من فمو)مقدرش..نمووت بلاا..منحرق فوزي معايا..شكرا حيت عتقتيني مرة ولكن دنيا كبااار منككك..ومنيي أ أسي..

سكت مطيح تيلي..خرج عينوو..وموراها شهقة..شهقة كانت تدل على روحو لي خرجات

كانت سايقا متوجهاا..لافتتاح..ولبسمة على شفايفها..بغاا غير تشوفوو وتفرحووو بخبر..حملها..هي لي يلاه كانت فلكابيني دوحدا من صحابتها وعرفات بلي تحليل لي دارت صباح..نتيجة ماكدة..

هزات تيلي منين شافتو كيصوني

إيناس:الوو عدنان.

عدنان:فينك؟

إيناس:انا فطريق لكلينيك..بضبط حدا جردة لي فدورة

عدنان:عاينين تم انا جاي..خمسا دقايق..نكون عندك..

صغرات عينيها مستغربا..بقات تتعاينو..تا بانت لها لوطو ديالو..نزلات بجرااا..عندو..

نزل من لوطو ديالو..توجه عدنها بخطوات تسراع..جرها من كتفها..كيجلدها بعينوو..

عدنان:وااااش نتييي نتييييي لي كنتي فعملية هجااار نتيييي لييي كونتي سباب فموتها

كتشوف فيه ودموع محجرين فعينيها..شفايفها كيرجفو وداتها تترجف..مقداش تنطق..مقداش تجاوبوو..زيرات على يدهاا..

تمات غادة. بغاا تهرب من سؤالو.شدها من يدها موقفها..

بالغوات نطق:نطقيييي جاوبيينييي واااش هادشي بصح جاوبينييييي..واااش نتييي لي كنتيي فعمليتهاا نتي ليي خليتيها تمووو ت خطأك لييي قت ..ل هجاار

.دموعها نزلو.. تتشهق.. ويد شادة بيها فراسها.

وليد تانية شادها..وهي مزيرا عليها

إيناس:اه بصح بصح...كولشي بصح..(كرزات عليها)كولشيييييييي..

وقف جامد كيشوف فيه..والصدمة بينا فوجهوو..ابتسم باستهزاء ..ودموع تحجرو فعينيه

عدنان:كنت غالط فيك..كنت غالط..انا حسبتك..طب.

هزات راسها بشويا مسحات دموعها ..وبحدة نطقات

إيناس:متعاودش تغلط..(بالغوات)يلااااه طلق منيي

طلق منها دافعها بجهد..دفعة لي دفعها..تزلقات من طريطوار..رجعات بلور ولاو خطواتها مبعترين فشانطي.. مشاداش توازنها..بمجرد موقفات نشان..سمعات صوت كلاكصون قريب..مع دورة تضرب ضوء لوطو فيها...صوووت فرااان مجهدد تسمع فلارجااء.

.ثواني تا كانت طاايحة.. ودم نازل من تحتها..تتخاد انفاسها بصعوبة..

كتردد بصوت مقطوع..

"ولد .يي..عت.ق ولدي"

رخات يدها لي كانت مزيرا..مخليا ايكوغرافي دحملها يطيرو ريح

دمم وقف فعروقو ..كارز على سنانو..ولعروق فجبهتو بانو..غوت بجهد

أسيرم:ألووووووو ألووووو كووول بلييي تتكذب جاااوبنيييي جااااوبنيييي عميي ميديرهاااش عمييي ميديرهااااااش...

حطط يدوو..على راسوو تفكرر هضرت اخلاص..

غوتتت بجهددد..لربييي لي خلقووو...

زااد لبوطو ضوء لي كان فطريقوو...بداا يضرب فيه .بلكملة يدوو كيف شيي حمق...

تفكرر نهار ماتو والديه..وكفاش عموو عتقوو منين كاع باغي ينتاحر..تفكرر لحظاتو معاه..شحال ضحكو مع بعض...شحال دار على قبلو..لدرجة خلا كندا ولخدمة تم وجا منين طلب منوو..

تفكررر وتفكررر..علاقة عمو مع باه..كانو بتجمعوو ويضحكووو...يكول كيكن ليه حب دنيا كلها..لي يشوفهم يحسد علاقة لخووت..

تفكر وتفكرر...وهوا عارف اي حاجة تفكرها كانت كدوووب...

كيضرب فيدوو..دمهاا..ساال ...عيونو ولاو بحر ددم..حومر محجرين بدمووع .

قلب دااك لولد ..صغييرر..لي غادي كيجري عند عموو فرحان وهوا كيقولو غندير طب ونولي بحالك اعمي..تهرس...كان كيشوفو قدوة ليييه...كان يتمنااا يكبر ويولي بحالو..

وياااضحكة زمان عليه..كان يتمنى يولي بحال قتال باه..

طاح حدا لبوطو ددضوء ..كيضرب فيه..وقوتوو...خارت..

كيردد بهمس."علااااش"

شااف فسماا.ونطق بلغوات

أسيرم:علللااش ..معتقووكش أا؟شحاال من قلب كان يوقف وكنتي ترضوو لنبض لااش مرضوووش قلبك لللاااااش...كوون غيررر عتقوووك ليااا..كن غيير خلااو ليااا بابا..ويااخدوو لكلينيك وياخدوو تا عمري لبغاااو..

كنتيي بين يديه ابابا كنتيي بين يدييين خوووك..انا متاكد انك قبل لعملية كنتيي متيقن انك اتخرج عايش .كنتي تايق فييه ابابا...(ضرب فقلبوو)حرقووو قلبيي عليك..ابابا..(ضرب راسو فلبوطو)باشمننن حقق يحرمونيي منككك باشمنكك حقق يخليوني نكبر بلا بيك باشمن حققق...كنت تنكوول لييه عميي..كنت تنشوفوو تنشوفك فبلاصتووو...كنت تنكووول مغيفوتنيش...حيت خووو بابااا..

وخووو بابا فاات بابا

"غوت بجهددد..."خوووود عمرييي أربييي جهديي سالاااا مبقيتش قاادرر..

شاف فسماا..ساكت غير كيحرك عينو ويرمش...نطق بهمس "خوودني ليه..خليني نكوليه بلي ماشي خوه لي كان فلعمليات خودني ليه "

فوزي:شكرا لحضوركم كولكم كيي شفتوو..تجمعنا ليوم...حييت غنفتاتحوو لمستعجلات جديدد..مستعجلات لي غيكون خدام 24-24 واكيد هدا اول احتفال غنشوف هاد لاناقة كولها

شافت نورة فماسين لي كيصور مبتاسمة

فوزي:,المرابطين...سنين طويلة وهوا كاين..مشاو ناس وجاو ناس..والمرابطين باقي واقف..المرابطين مااشيي...سبيطار..المرابيطين..الوتين والنبض دبزاف دناس..

جمعاتنا هنا لياام...مجمعاتناش غير خدمة.وحدة وهدف واحد .جمعاتنا شي حاجة كبرر..(ابتسم)شكراا لاي واحد قدم شويا ولا بزاف للمرابطين..ولينا شرف اننا نكون وحدين من اعضم الكلينيكات لي كاينين فلمغرب .وخا كنضن بلي حنا لولين

ضحك وضحكو لحضور بافتخار

فوزي:ااننا نبنيو مستعجلات. بمعايير عالمية.فمدة قياسية ...هدا بحد داتوو انجاز...فقل من شهراين تبنا مستعجلات لي ناس كيدوزو عليه كتر من عماين..هادشي كافي يخليكم تفتاخرو بلمرابطين...

هززز يدووو..وهوا كيصفقوو ويشوفو فبعض .

شاف فنورة..

ماسين:غنخليكك..جاني ابل

شداتو من يدو

نورة:بقا معايا

ماسين:جاني فتلفون لخدمة..شويا وانا جاي ...

رخا من يدها خااارج...

زاد لبراا...رعد كيضرب وريح مجهدااا.....جبد تيلي كيهضر لقاه صاحبو مسول وااش طلبها .راه ناس كيعاينو لايف

ماسين؛والساط كن سكتي كنت انطلبها..تلاح اندخل دابا نطلبها

...:دير لايف فباجك ازمر

ماسين:وخااا تلاح

دخل دغيا دار لايف

ماسين:مهم دراري..كتشفوني ياك راه دنيا مضويا هنا....هااد ريح..مجهدااا .وخا هكداك خرجتوني فيها

جبد لخاتم..وعينو على تعاليق

"طلبها دغيا..من صباح نتسناو..وياه ريح واحد دار فلمدينة لقديمة طاحت بيها...طلقنا اصاحبي"

ابتسم وعينو على تعاليق

ماسين:يلاه انا غندخل..وكن مكانتش لاشاعة لي تنشرات مكنتوش اتشوفوني كنعرض عليها زواج..كن عرضتو بلا لايف .مهم الخوت لرفضاتنيي...ديروو عين ميييكاا...

ضحك بجهدد..قلب لكاميرة لجهة لمستعجلات

ماسين:جوج خطوات ونوصل عندها وقلبي ايسكت......

ضحك بجهدددد..جمع ضحكتوو منين شااف حجرة نزلات .من سقف...لمستعجلات...

يلاه بغا يخطي خطواا...

سمععع صوووت قوييي..صوووووت زلزل لبلاصة

صوووت

لمستعجلات لي طاح على طولتوووو....وولا مجرد ركااام.....

كيشوووف فلبناية لي طاحت فرمشت عيين وولات مجرد ركام...حال فمو بصدمة..ودموع محجرين فعينوو...طيح تيلي من يدو..وحرك راسووو...بلااااا..

نطق بخفوت"نوراا"

غوت بجهد"نووووراااااااااااا"

زاااد بجرااا....طاح على ركابيه...كيهززز لحجر...وليجووور....ويغوت عليها كيف شي حمق ..دموعو نازلين...كيطيح وينووض..ويغوتت علييييهاااااا..

فقلب المرابطين..كانت خارجا من طواليط..مع لخرجا ايبان لها

زق زاق:فين غبرتي نتي خرجت نقلب عليك

إخلاص:لااش خارج اتقلب عليا اش خاصك؟

زق زاق:شفتهم كيهضروو على داك لمسلوت لي بغا يطلب يد نورا ليوم واش فخبارك

إخلاص:اه اش فيها؟

زق زاق:تااحد معندوو لحق يديليي نوراتي...اتبقا معايا تا يديها ربي

شافت فيه مصغرا عينيها

إخلاص:بحالا تتغير عليها؟

زق زاق:اوا شنو راه مدوزناش لقليل

إخلاص:تحرك قدامي تحرك..

تمات غادة..وهوا تابعها..شافوو لاطباء كيجريو..وكولشيي خارج براا..

إخلاص:اش واقع؟؟

زق زاق :معرفتش؟؟

شد يد وحد لممرضة

زق زاق:اش واقع؟؟

الممرضة:لمستعجلات دبرا طاح

زادت بجرا فحين هوا ضحك بجهد

زق زاق:قالك لمستعجلات طااح.

شافت فيه بصدمة ..وبدورو شاف فيها مصدوم

إخلاص:نورا

زاادت بجراا..وهواا كيجرييي...

خرجات من لكلينيك..تتجري لموقع..لمستعجلات...

وقفات جامدا...قلبها مشا وجا وهي تتشوف..لبلاصة ولات كلها ركام..ولعجاجة طالعا منها..كتشوف..لهادو لي قدوو يجبدوو..كفااش كيغوتوو..ودمهم نازل..

زق زاق:نوراا وسي فوزيي خليتهمم لداااخل..

زااد بجراا..كيبكي بجهد..ويغووت عليها

"فجهة خرا"

شد لفران بعيد عليها ...نزل بزعاف..باغي يغوت عليها..هي لي خارجاا فطريقو..مع نزلا خرج عينووو..من شاف دم نازل من تحتها وهي كتردد "ولدي"

حط يدوو فشعروو..عارف لوطو مقاستهاش..ولكن لخلعة كانت كافياا...تخلي حلتها فاسوء حالا..

شااف فعدنان ليي واقف..مصدووم..بلااا ميرمش .....وزااد بجرا ركب فلوطو ديال رجع بلول هارب من لمصيبة لي يقدر يطيح فيهاا..

صوت لفران فيقوو من صدمتوو...نطق بصوت كيرجف

عدنان:إينااا ..اينااااس

زااد بجررااا...عندهاا..طاح على ركابيه...كيشوف فدم نازل من تحتها...زيرات على كرشها...

كتخرج نفسها بزز..دموعها نازلين..ولعرق نازل من جبهتها..حاسا بروحها تتقطع.بلوجه..نطقات بصوت خافت

إيناس:ولدييييي..عتقوو...

عدنان:ولدناا..نتي نتي حاملا(حط يدوو فراسو)اشش درت انا اشش درتت..مغيوقع لك والوو احبيبتيي لانتي لاهوا بجوج بيكم اتكونو بيخير..

هزهاا بين يدوو..كيجري لوطو...

عينو عليها وهي كتسد عينيها

عدنان:بقاااي معاياا ايناس ا.....ينااس متسديهمش بقاااي معاااياااا..

سدات عينيها..ورخات يدها

دازت كتر من نص ساعة .كانو لوقاية لمدنية وصلوو كيحاولوو..يجبدوو فناس تحت لانقاض..شي قدو يجبدوهم من لول .وشيي مزال حاصل..وخصهم وقت..

صوت لبكااا...صوت لاسعاف...وصوت طومبيلات لبوليس..هواا صوت لموحد فلمرابطيين...

لخبر تنشر كيف نار فلهشيم...خاصة ان ماسين كان داير لايف..وكولشي تجمع..فنواحي..وكيتساءلوو..اشش واقع لعروسة..واش تجبدات ولا لاا؟

كولشيي تدخل كيعاون....روينة ناضت..وريح وشتاا ممساعدينهمش نهائيا...

وقف لووطوو قداام...لمرابطين...نزل هازهاا بين يديه كيجري بيها لداخل...

مداهاش...فاش واقع ولا روينة لي واقعا قد مدايها فمرتو لي باغيي يعتق...

حطهاا على لبياص..جارهاا..لجهة توليد ونساء...وخا كانت روينة..عاونوه فجران..منين شافوه..

زاادت عندوو سارة بجرا منين شافتوو

سارة:اشش واقع لهاا؟؟

عدنان:كانت اضربها طومبيل..معرفتشش اشش وقع معرفتتشش...يمكن تخلعات..هي حاملاا...عتقيهاا اسارة عتقييييهااااااا..

شافت فيه باسف.

سارة:غندير جهدي

جراتها مدخلاها ...

وقفات لوطو ديالها نازلا...لخبار وصل ليها ولاطباء لي ختارو ميحضروش لحفلة وياخدوه كونجي...

نزلات تتجري...بانت لها نضال بدورهاا..نازلاا...

زادت عندها

سكينة:نضااال لحمد الله منين مراكش فلحفلة

نضال:مجيتش تلهيت مع بنتي(شادا بكيتها)بزاف كانو لداخل..نتمناا ميكونوش ضضروو..

سكينة:ميكون عندهم باس

زااادو داخلين بجرااا...توجهوو نشان لمستعجلات...

شافوو لناس تم..هالي مهرس ..هاا ليي طايح..سخفان..وها لي كيردد انفاسو لخرا..

زادت بجراا..منين شافتهم كيديرو لانعاش..لقلبي..لواحد من لمصابين..وسعات عينيها

سكينة:دكتور مروان..خليني انا انشدوو عليك

حرك الممرض راسو باسف:كتر من 2 دقايق باش حبس

تقدماات تتدير ليه مساج لقلب

سكينة:هدااا دكتووور شحال دخلنا انا وياه لعمليات باقي غندخلو مزال مخصشش يموت مخصصشششش

سد عينو متاسف:هداا تالت واحد نخسرو ادكتورة..

بعدات عليه..ودموعها نازلين...

دارت بزربا..منين سمعات صوتو..شافتو داخل..دافع واحد لمريض..

ينيس:وجدووو لانعاااش لقلبي رؤويي طلقووونييييي..

وقفات جامدة تتشوف فيه..

ينيس:حيدييي من طريق اسكينة..شوفي لمريض لااخر ماشيي وقت صدمة.

بلا متجاوبوو غير تتشوف

ينيس:واااا لمخورة حيديي ولااا غنجيي نحيد مكك من هاد لحياة السعيدة

بعدات من قداموو..دفع لمريض مركب ليه لاكسجين...

فحين هي زادت بجرا لمرضى خرين

ساعة..جوج..تالتاا ...

لوقت كيدوز..وليهم مباين لاترر...معارفينش شحال بضبط كانو فلحفلة..معارفينش على اشمن عدد يوقفوو..كيديرو كتر من جهدهم باش يعتقوهم..كيتسارعو مع لوقت وزمان..

هزز صخرة...وسع عينو منين بانت ليه يد تحتها تتحرك..غوت للي معاه بجهد

.....:وحداا هنااا تحركوووو

زاادو عندوو بجراا كيجريو...يعاونوه

كان باقي كيقلب ...كيطيح وينوض..كيغوت عليهاا..ويغوت لربي لي خلقوووو...

فحين هي كانت واقفا مصدومة..غير تتشوف بلا اي حركة...كتشوفهم كيخرجو فناس وكل مرة قلبها كيتهزز..وتقول..واااش هي..

دارت بزربا منين جراتها بجهد من يدها...شافت فيها..جايا ببيجامة ددار..فوقها مونطو..تتبكي وتغوت..هي لي كانت فسابع نوما تا فيقها تيلي ..

عبلة:نوراا بنتيي نورة

قبل متنطق...سمعاات غوات ماسين

ماسين:نوراااااااااا

زاااد بجرااا..منين شافووهم جبدوها تحت لانقاض..توبها لابيض .ولا كولو موسخ..وتشرك من جهة كتافها...مخلي دمهاا يسيح...

حطوها مدخلينها لكلينيك..وطلبو حمالة خرا...منين لقاااو شخص اخر كان قريب لها..وشكون من غيرو باها..

دخلوهم لمستعجلات بجراا...

ركبوو لهاا لالات..ولماسك دلاكسجين...

مجموعين عند راسها..كيفحصوهاا ويحاولوو يعتقوهاا...

ومن جهة كاين لي مجموع..عند راس باباها...

شاف فيها طبيب وشاف دم نازل من نيفها....

تنهدد ..باسف..

كان كيدفع فيهم باش يدخل..سكيريتي لي ممخلاوش شي حد يدخل من غير لاطباء ولمرضى ..

امرو طبيب يخليهم..هوا لي عارفهم من عائلة مو شي..

زاد عندو ماسين بجراا...

ماسين:اش واقع لهاا أا هي غتعيش ياااك

طبيب:لاكسين ناقص فدمها..غالبا عندها كسر فرقبتها .ويدها..مغنقدر نتاكد من والو دابا لاطباء متوفريش نص مات ونص كيحاول يعتق لي بقاو..(تهند)واحتمالية عندها نزيف فدماغ..يعني خصها عملية ضرورية..فاسرع وقت ..لكلينيك لخرين ولاو رافضين يستقبلو لمرضاا ديالنا..مغنضمنش لك انها مغتموتش على طريق

قربات منوو تتشوف فيه

إخلاص:واش سبيطار على قدو ومفيهش جراح دماغ أا؟

...:وحد مااات وواحد خارج لبلاد واسيرم مرابط غابر

إخلاص:عيييط ليييه...عيطط خليه يجييي

...:عيطنا ومزال مجااا..

شافت فمهاا لي طايحا حداا نورة تتببكي بحرقة...شافت فماسين لي غيحماق..

إخلاص:هواا ميقدرش يتخلاا عليهاا عيط ليه خليييه يجي خليييه يعتق ليي ختيييييي

دار طبيب بزربا منين غوت لممرض

الممرض:سيي فوزييي...قلبو وقف

زااد بجراا..كيدير ليه مساج لقلب..بلا تاشي فائدة ..قربات تتشوف فيهم باغين يعتقو باباها..ونبضو مباغي يرجع ...قلبها ضرها عليه..كيف مكان لحال..كيبقا باها

حرك راسو باسف..قبل ميعلن على ساعة لوفاة..

دفعووو..بيدوو..كيشوف ففوزي

أسيرم:معندكششش لحقق تموووت...لموت راحة للي بحالك..ونتاا خصك تخلص غاليي على اش درتي لبابا...

هز لانعاش لكهربائي..شحنووو..وضرب بييه قلبووو ...تااا تهززز

صعقة ..وحدة كانت كافياا ترجع نبضووو...

بعد عليه كيتنفس بجهددد...

غوت طبيب بجهد:نقلوووه لبلوووك نقلوووه وعيطو لدكتور ينيس(ضرب فكتف اسيرم) نتا تكلف ببنتوو .

واقف تتشوف فيه..من هضرتو عرفات عرف حقيقة فوزي..وخا هكداك حسات بلامان..كيف عتق فوزي عارفا غيعتقها...

زاادت عندوو...

إخلاص:عتقهاا طبيب قال عندها نزيف..عتقهاا ..

شااف فيهااا..بسكات..وشاف فنورة...زير على يدوو

أسيرم:مغنقدرش

زااد خارج بخطوات سراع..

يلاه بغات تبعو سماعت صوتها

نورة:إخلااص

زادت عندها بجراا...

ابتسمات وهي هازا راسها فيهم ..كتشوف فماسين..وفاخلاص.فماماها وفزق زاق..

نورة:عمرني تخيلت فموتي غتبكيو عليا..(ابتسمات .)بابا

إخلاص:هوا بيخير نقلوه لعمليات وتا نتي غتكوني بيخير..

زق زاق:غتوليي لباس لمعتقوكش ليا غن(سكت كيبكي)

شدات يدين ماماها..لي غير تتشهق

نورا:متبكيش عليا اماما ..سمحيلي مكونتش شي بنت لي مزيانة

كتحرك راسها بلا:نتي بنتي كبدتيي كبدتيي

نورا:(كتنفس بزز..رجعات ماسك لاكسجين وحيداتو)وااش نتي راضيا عليا اماما؟

عبلة:راضيا ابنتي راضياا(كتنخصص)مغيوقع لك والو انورا والو ابنتي

ابتسمات وشافت فاخلاص

نورة:إخلاص..سمحيليي على كولشي انا ضريتك بزاف

إخلاص:(حركات راسها بلا)نساي لماضي مم انا ونتي دابا جوج دلخوت قدامنا حياة زوينة مم

نورة:ختيي(ابتسمات)عمر كلتها لك يمكن ولكن تيقيني من نهار عرفتك ختي وانا حاطاك فمقام ختي..كملي منين بديت..متوقفييش (ابتسمات)سمحيي ليي

حطات يدها على فمها حاجبة دموعها:مطلبيش مني سماحة ..هدا ماشي وداع انورا ماشي وداع

حولات نظرها لزق زاق

نورة:زاق زاق..وااش تتبكي عليا غيتكمش لك وجهك؟

زق زاق:مكنبكيش لاش غنبكي ونتي مزال معانا

نورة:شفتي لحياة قداش قصيرة..عيشها كيف بغيتي ماشي كيف بغاو كن بنت زوينة مم..صحح جنسك..وفاش ترفع دعوة باش تبدل سميتك..سمي راسك نورة..باش مينساونيش..انا خايفا ينساوني

زق زاق:نوراا وحدة لي كاينا هي نتيي .

حولات نظرها لماسين..حاط راسو على لحيط...شدات يدو

نورة:ماسين

طاح على ركابيه..كيدوز يدو على شعرها ودموع فعينو محجرين

نورة:شكراا حييت..خليتي نحلم..اني لابسا كسوة دلعروسة..شكراا حييت خليتيني وحدا خراا(ضحكات ودموعها نازلين)مصخيتش بيك..ولكن نهار بغيت نبغي من جديد نهار لقلب بغا يوقف..

حرك راسو بلا..باس يدها وشاف فيها

ماسين:مغتخلينيش مم فهمتي مغتخلينيش

جبد لخاتم من جيبو

ماسين:شوفي كنت غنطلب منك زوااج..كنااا غنعيشو مع بعض..متخلينيش عفاااك

مدات يدها

نورة:انا موافقة..نكون مرة لاخر نفس..مسح دموعو..جبد لخاتم..ملبسوو..لهاا..

شبك يدو مع يدها...

دورات عينيها..بينهم

نورة:هوا قاليي..فاش متتعرفش امتا تموت ..كضحكك بحلا عمرك اتموت...وانا كن عرفت بلي غنموت مكونتش غنفرح كيف دابا...هوا عندو لحق ولكن كفاش قادر يضحك وهوا عارف امتا(كتلهت)انا مقداش نض

وسعات عينيها...مقداش تنفس..رجع لها لماسك...

حيداتوو كتشوف فيهم وهي تتقلب فعينيها

نورة:خوياا..أسيررم..

ماسين:غيجي غيجيي غير رضي لماسك..

سكتات تتشوف فيه..

نورة:ماسين

ماسين:ممم اروح ماسين

نورة:حلمت راسي بكسوة لعرس فلبيض...(ابتسمات)بان لي غنسبق لكفن لبيض(حطات يدها على لحيتو)شكراا لييك حيت بغيتيني

نزلات يدهاا...بعد متسمع صوت شهقتهااا...

خرجات من لبلوك..غير شافها تهز

عدنان: إيناس واااش ايناس بيخير؟

سارة:هي بيخير..وقع لها نزيف حاد..وسيطرنا عليه

حط يدو على راسو كيحمد الله

سارة:ولكن للاسف مقدرناش نعتقوو لجنين..

شااف فيها مصدوم...

عدنان:اناااا ليي قتد.لتووو انااا

زااد كيضرب راسوو فلحيط ويغوت كيف شييي حمق...كيضربووو بجهد وهوا كيردد "انا لي قت .لتووو"

"فجهة خرا"

"قبل لحظات"

كانوو جارينها..بجرا لجهة..توليد ونساء...

جاات بجرا منين عيطو عليهاا...

الممرض:جبدوها من تحت لانقاض فشهرها لخر

وقفات مخرجاا عينيها منين شافتها..غوتات بجهدد

نضال:حيااااااااااة...

جرها من يديها..غوت بجهد.

...:يلاااه جبدوها يلاه جبدوها..عتقيهم عتقيهم...

نضال:نتاا جيتي اا واخيرا اتجمعوو..غنعتقهاا غندير جهدي..

تمات داخلا بجراا..داز لوقت وهي فلبلوك

شافت فلي معاها..وهي فاقدا لامل..حركات راسها باسف

نضال:مغنقدروش نعتقوهم بجوج

الممرضة:خلي راجلها يختار فين لي نقدوو

نضال:خص بجووووج يتعتقوو بجووج

الممرضة:لضيعنا لوقت انخسروهم بجوج..

تحل باب لبلوك خارجا..

سدات عينيها ودموع محجرين..فيهم حلاتهم تتشوف فيه

نضال:مغنقدوش نعتقووهم بجوج..نتااا لي خصك تقرر واش نعتقوو لام..ولا لولد؟

حط يدوو فراسوو..غادي جاي فلكولوار..كيضرب فراسوو كيف شي حمق..

وهوا كيردد"ميمكنش"

نضال:معنداش لوقت لي نضيعوووو..(تنهدات بجهد )مخصنيش نقول هادشي ولكن خلينا نعتقوها..نتوما صغار وليام قدامكم تقدو تولدو مزال..وممكن تا لوقع مشكل ومقدرتوش تولدو تربيو شي حد

وقف كيشوف فيها وهوا كيلهت

....:منقدرش منقدرش نضحكي..بيه..عاينتو بزاف

ميلات راسها تتعاين جوابو..

هز عينو فيها.كيشوف فعيونا..بحدة نطق

"عتقيي ولدي..أنا كنختار ولدي"

شافت فيه بلا متنطق رجعات داخلا..بعد معقمات راسها

نضال(شافت فيهم)غنعتقو لولد هوا ختار لولد

كاان عارف بلي هوا مستحيل يقدر يعتقها..يديه لي مكيقدروو يقطعو تا لخضرة كفااش غيقدر يحل راسها فوسط لعملية...

زااد كيقلب عليه..هوا لوحيد لي تايق فيه..وشكون من غيرو طبيبو المساعد لي مرافقو فاغلب عملياتو

زاد عندو بجرا منين شافوو

أسيرم:بهااااء غدخلللل داابا لبلووك عندك عملية

بهاء(شاد بكيتو)الممرضة لي من كروبنا سلمى..حالتها .

أسيرم:سمعنيي .سلمى غتولي بيخير..ولكن دابا نتاا خصكك دخل لعملية

بهاء:اشمن عملية عمر دخلت لشي عملية بوحدي

أسيرم:بهاء سمعني نتاا بوحدك لي تقدر تعتق ختيي بوحدك

عقلتيي فااش كلت لكك غيجي نهار تصويرتك اتكوون فباب لكلينيك..يلاه هادي فرصتك

بهاء:ونتا؟

اسيرم:(تنهد بجهد)عندي مشكل فلادراك..مكنقدرش نتحكم فيدي..نتاا غدخل وانا غندخل معااك..غنكون معاك ولكن نتا غدير كولشي..درناها شحال من مرة..غديرها تا هاد لمرة..بهاء انا كنتيق فيك غتقدر

هز راسو فيه:وخا دكتور..غنديرها بوحدي..منين غتكون معايا تاحاحة مغتخوفنيي

جروو بجراا..

كيشوف فيها ..وهي متتحركش..

ماسين:نورااا..حليي عينيك...مديريش هكداا أا..شوفي لخاتم..يلاه لبسناه..كولتي تا لاخر نفس...اخر نفس خصوو يكون بعيد انورة بعيد

جرهااا معنقهاا..غوت بسميتهاا بصوت عالي...مع لغوتا طاحت مها سخفانة...

فحين زق زاق بداا يبكيي بجهد

كيدور كيف شيي حمق ويجر فلاطباء

زق زق:عتقوهااا ..عتقوز لي نوراا عتقوهاا..فاش لبيبان تسدو فوجهي هي لي حلات لي باب دارها..عتقووووهااا..

تقدم طبيب كيفحصها..حرك راسو باسف

الطبيب:لبركة فراسكم

طاح زق زق لارض كيبكي

زق زاق:رجعيي لي نورة اربيي رجعهاا..غير خليهاا تزوج ومديهاش..رجعهاا اربيي..والله تاا نعرف ركاعي دلمغرب ولعشا ولعصر غير رجعهااا...والله اربي منبقا ندير شي حاجة خايبا والله..

واقفا جامداا..كتشوف فزق زاق لي طايح كيبكي..فمها لي هزوهاا وهي سخفانة..وفماسين لي معنق نورة..وغواتو معبي دنيا...

جاات عينيها..على اسيرم لي دخل بجراااا..

زادت عندووو...هوا لي تكوانسا فدخلا منين شاف لمنضر..

وقفات اونفاص معاه..نقطات بهمس"ق.تا..ل"

هزات يدها تا لسما نزلات عليه بتصرفيقة

بدات تغوت وتبكي بهستيرية

إخلاص:نتااااا مجرم مجرررمممم...اششش دنبها هي اش دنبهااا هوا لي دار دنب ماشي هي..نتاا عيب على لاطباء عيب..(ضرباتو فصدرو بجهد)هييي كانت بغاا تزوج..كانت غتزووج..هيييي ماتت نهار لبسات لخاتم...هييي ذكراتك فاخر نفس ليهاا ونتا تخليتي عليها..الله ياخد فيك الحق..الله يحرق قلبك كي حرقتي قلبنااا

طاحت تتبكي وتردد "الله يحرق قلبك"

واقف كيشوف بلا مينطق..

قرب بخطوات تقال .لعندها..بعد منها ماسين منين شافوو...نزل اسيرم وجهوو لعندها..

طبع بوسة خفيفة فراسها..ونطق حدا ودنها

أسيرم:سمحيليي حيت مقدرت ندير والو..سمحيليي.(سرط ريقو)شهرر و ثلاثة دسيمانات لي بقاو..وغنجي لعندك..عاينيني مم تفاقنا؟

بعد عليها..منين نطق ماسين

ماسين:صاحبك عطاني قلب ونتا ديتيه..المرابطين لعطاوني قلب ليوم خداوه

بعد عليها منين وقفو لبوليس على راسو

البوليسي:أسيرم مرابط خصك تجي معانا

ميل راسو مستغرب:وعلاش؟

البوليسي:لمستعجلات جديد تبنا على لغش..مواد رخيصة..وماشي باتقان..بشهادة لعمال .

اسيرم:واش دخلني انا؟

البوليسي:نتا مول لكلينيك نتا لي غتحمل لمسؤولية.. نتاا رهن لاعتقال..تفكر نهار عطاه عمو وراق يوقعهم بلا ميعرف ديالاش وقع..ابتسم على تيقتوو فيه .مد يديه..

أسيرم:خليونا نمشيو

ركبو ليه لمينوط دايينو

ناضت كتشوف فيه ودموعها نازلين..عيونها حومر...كارزا على سنانها..كتنفس بجهد...

إخلاص:(بهدوء)بغيتيي طلاق..وخاا..(بالغواات)سيييييررر عندهااا سير عند ولدك...من ليوم مبقيتي راجلي مبقيت مرتك..من ليوووم..مكنكن لك والوو من غير الحقدد...والك..ره..سير تا لجهنممم..مبقيتش بغاا نشوفك فحياتي

قربات عندوو..كتشوف فعينيه..لي محجرين بدموع..

كتشوف فيه ودموعها نازلين..

كتحس بانفاسو الحارقين كيضربو بوجها..نطقات وعينيها فعينو

إخلاص:نتاا مبقيتيش بالنسبة لي أسيرم لي كنت تنبغي..نتاا غير وااحد ق .تااااال ...مجررررمممم

نترات لخاتم من يدها..حطاتو فيديه..

إخلاص:ليام بينا ونار لي شعلتي فقلبي ليوم تيق بيا غتحرقك نتا اللول...وخا تبقا غير نتا فهاد دنيا مغرجعش لك

أسيرم:(ببرود)مبغيتش ترجعي أإخلاص..(زير على يدو)بيناتنا المحكمة..

وتم غادي

إخلاص:دييييوه ..ديييييوه...ومتخليوهش يخرج بلا ..صة لمجرميين تمااا...

جروو لبوليسي..شاف فيه تنهد

البوليسي:انا كندير غير خدمتي..وخا نتا ادكتور خيرك سابق يمكن نتا نسيتي ولكن انا منسيتش لي عتق ميي..لبغيتي شي حاجة غنحضرها لك ونتمنا .

قاطعو مبتاسم:اش غنبغي..كتر من هكدا..حياني ربي تاشفت بنت روحي تتشفا فيا..

شاف قداموو..غادي..ولمينوط فيدوو..ولانظار عليه..شخص لي كان يعتق فناس ليوم متاهم..بق.تلهم...وكن كان لمرابطين يفهم..كن راب عليهم قبل ميقربو للمرابط صغير.

كان يحبها..لا بل كان يهواها

*كانت كجرعة مخدر إنسكبت في وريده ..

وهوا يدري أن المخدر هلاك...فأدمنها

*كان يهواها..

لم يظهر هواه بغزل عنتر لعبلة.

كان كجدار خربته رصاصات حرب ..

جدار جعلها تتكئ عليه فهو لم يسقط بعد..لكن داخله منهار.

*كان يهواها ..

نسي أنها تركته بهواهااا

وتمسك بهاا...عندما رأى الدموع

تسلك طريقا نحو خدها..

نسي آلام السنين عندما نظرت إليه،

فلا سلطة تعلو امام نظرة عيناها

فالعاشق بحضرة المعشوق ميت في هواها.

*كان يهواها.

لم يكن يهتم..أن ينال هواها

فما كان الهوى يوما بدون شقاء

لم يكن يرجو لمسة من يديها

أو قبلة من شفتيها..لم يكن يرجو قربها..

بل رجى بعدها

كان يعلم..انه مفارقها..

فلم يبع لها الأوهام ولا الأحلام

ففارقها قبل أن تأتي شهقة لم يكن لها زافرها

ولم يكن يعلم أن فراقه نذبة لاتزال ..منذ الأزل وإلى الأبد

فلا يأتي الهوى بما نهوى..ولنا فيه ألما وليس لنا دواء

يتبع...