تزوجتها بوصية زوجها الجزء 24

داارت بثقالة...تتشوف فيه...

كالس على لبياص كيشوف فيها ..بلا مينطق ولا يرمش.

شافت فلارض...مطولا..وعاود شافت فيه

سكينة:نتااا معندكش لحق..طلب مني هاد طلب...حييت نتاا لول لي خليتيني

سرط ريقوو...مخلي تفاحة ادم طلع وتهبط..ولغصة فحلقو مهبطات.

نطق وعينوو متجنبين شوفة فيها

ينيس:اناا مخليتكش..(تنهد بجهد)ماشي لخاطري

ابسمات جنب:لاا اسيدي لخاطرك..مكونتي فحبس مكونتي فانعاش .يعني لخاطرك...اي حاجة خراا متتهمنيش..(غززات سنانها تتشوف فيه)نتااا معارفش باااش حسيت وبابا كي(زيرات على عينيها ساكتا)

حرك راسو باه:عارف.. عااارف ولكن مقادر نبدل والو.(حط يدوو على وجهوو )سمح (شاف فيها)سمحيلي .

عيونها تحجرو بدموع..كتشوف فيه بلا متنطق..ساكتا لثواني.

سكينة:سمحيلي (ابتسمات باستهزاء)..سمحيلي قلها لمرضاك الا تعطلتي عليهم..قلها لصحابك الا مجوبتيهمش فاش عيطو لك ماشي لعروسة خليتيها نهار عرسها(ضحكات بجهد)متقولها لحد نسيت نتا تا صحاب معندكش

عطاتوو بظهرر..غاداا..وقفات حدا لباب...لثواني...ورجعات عندوو..تتشوف فيه..وهوا باقي بلاصتو..هز راسو فيها

سكينة:وخا..غنسمح لكك حيت مجيتيش لعرس..غنسمح لك..على لكلام لمسمو .م لي سمعت من بابا وعلى نضرات ناس.وهضرتهم..انا ضريت..بوحدي ضريت..ونقدر نسمح...(سكتات لثواني) انا مسامحاك بصح مسامحاك حيت مجيتيش لعرس(طلعات حاجبها) ولكن مستحيل نسمح لك على اش درتي...مستحيل نسمح لككك على رعب لي ركبتييه فياا..ولي كان غيرزيني فولدي لي باقي مشفت...ضريتي ولدي ماشي اناا..فوخاا تكون فقبرك مغنسمحش لكك...

شاف فيها ساكت...بلا مينطق

سكينة:اه..سكت....معندك متكول..بلا متحاول دافع على راسك حيت تاحاجة مغتغفر لككك..ذنبك...وكن مااات ولدي ..كن دفنتك..

حركات راسها باه..مبتاسمة

سكينة:فيهاا خييير..احسن حاجة درتي انك مجيتيش لعرس..(بنبرة عالية)حيت بصح كنضن اني زربت منين قررت نتزوج بيييك...اول نهااار شفتك..عرفتك..شخص لييي مكيتعااش معاه..ولكن معرفتش...كفاااش تااا عشت معاك..يعني كنضن غير حيت بغيت نصحح لغلطة لي وقعنا فيها وحنا سكرانين..وهمت راسيي بحوايج مكاينينش..قنعت راسي بليي بغااك وبغاا نكمل معاك...ولكن نهار هجمتيي علياا..منظرك ..وعيونك..كلهاا فكروني فشكون..نتااا..

شافت فيدها مطولا...حيدات خاتمها..وقربات عندو..بثقالة..

ونبرة عادية نطقات

سكينة:نتااا واحد متيتعاش معاه

حطات ليه لخاتم..فيدووو..

سكينة:قد.مزربتي فاجراءات طلاق قد مكان حسن

زيرر على لخاتم...عروق..راسوو برزوو...وجهوو ولا حمرر..مزير..

تطلق مني..ابتاااسم..

حلات لباب خارجا..وقفات منين وقفها صوتو..

ينيس: كنت عارف

شافت فيه..ميلات وجها..بعدم فهم؟

ببحة وغصة..كمل هضرتو

ينيس:نهار كنت فلحبس..نهار عاودتي لي على ماضيك..نهار كولتي بلي تتمناي..شيي حدد يبغيييك..وتزطميي على قلبوو بلا رحمة..(ابتسم كيشوف فعينيها)تزوجتك حيت بغيتك ماشي باش نصحح شي غلط ..اول نهار شفتك..حاولت نهرب منكك...(هز كتافو وعينو على لخاتم)حييت انا واحد متيتعاش معاه..

تنهد بجهد...واختمها ببتسامة..

ينيس:ماعليناا..موقع والوو...نتي عندك لحق..غنطلب منك غا حاجة وحدة..

كتشوف فيه..بلا متنطق

ينيس:حاجة مغتأترش

ميلات وجها لجنب..ونطقات

سكينة:شنو

ينيس:متكر هينيش...ومتكر هيش ولدي فيااا

قرب منهااا...شد يدها حااط لخاتم..

ينيس:خديتو لييك..لوحيه ..ولكن مترجعيهش لي....

زااد خاارج...

سكينة:علااش؟ذكرتي داك نهار..؟فاش كلت لك فلحبس بلي كنت بغا شي حد يبغيني ونزطم على قلبوو لاش ذكرتي داك نهار؟

ينيس:حيت كنت عارف(بلل شفايفو)بلييي غنكون داك لواحد

زاااد خارج مخليهاا...

دموع تحجروو فعينيهاا..شاافت فلخاتم...وخرجات شهقتهاا..تتبكي .بصمت ..

خرج من لكلينيك...ركب فلوووطووو مكسيريي....

مسافة طريق..تا وقف قدام..بابهاا...

ثواني تا حلات لباب .مبتاسمة...نطقات وعيونها عليه..

.كنت عارفة غترجع..

كانت فبيتها تتجمع..حوايجها فلڤاليز...

تحلات لباب داخلا ماماها..

شافت فيها مبتاسمة

إيناس:امتا جيتي؟

رانيا:قبيلا

إيناس:وليتي ديما خارجا مع هاد صحابات..مبقيتش نشبع منك..كاع

ابتسمات..بشويا وشافت فڤاليزتها

رانيا:غترجعي لفاس؟

حركات راسها باه

إيناس:مور طلاق غرجع..لمحامية ..ديالي وديالوو..نصحونا نسلكو مسطرة طلاق الاتفاق...مغيخدش لوقت..جلسة وحدة والا تعطل جوج..

رانيا:ومحاميك لول؟

إيناس:هضرت معاه..مور مدفعتو اعتادر..ومعودتش شفتو قال غيسافر(ابتسمات)يمكن ضربة لي خدا ضراتو

ضحكات رانيااا.....تا دموعها سالووو

سكتات تتشوف فبنتهاا...

رانيا:انا كنت تنهرب منك..

ميلات راسها مستغربا:مني؟كاينا شي ام تهرب من بنتها..واش تنخلع؟؟

رانيا:هوااا طلب مني نقولك لحقيقة..كان خصني وقت باااش نجمع شجاعتي ونهضر

إيناس:اش واقع؟؟واش شي حاجة خايبا انا عند بالي حاجة عادية ولكن ؟(ساطت)خلعتيني اماما

رانيا:انا(نزلات دمعتها)خبييت عليييك..حقيقة موووت هجاار...

عاااوداات ليييهااا..شكوون هجار وكيف ماتت...

واقفاا تتشوف فيهاا..بلا متحرك ولا تنطق....دموعها فطرف عينيها

إيناس:كضحكيي معاياا ياااك؟؟؟

زاادت عندها حطات يدها على كتفها

رانيا:سمحيلي كنت انانيا ولكن خفت يتاهموووك ليك بوحدك...وتشتت عائلتنا منين يعرفو بلي هج..

نترات يدهااا...كتشوف فيها...بعدم تصديق

إيناس:نتييي! كضحكيي معايا؟

متقدييش ديري ليي هكدا ياااك؟

رانيا:بنتي .

بالغوااات:سكتييييييي...كضحكيييي معااايا كضحكيي معايااا...نتيي متقديش ديري فيا هكدااا(كتشهق ) انااا كنت نبكيي قدامك ..كنت تنموووت حداااك...بذنب مدرتوووش...اناا...نعااس وتحرمت منوو لسنين...انا.ديما كننشوفها فحلامي...انا فكل نهار..كنسول ..راسي فاااش غلطت...شنوو لي مكانش خصني ندير ودرت فديك لعملية...

رانيا:بنتييي..عفاااك

خرجات عيونها لحومر فيهااا..

إيناااس:ششششش...انااا كن كنت بنتك...متخليش حلمي يولي كابوس ..متخلينيش نتحرم من اكتر حاجة كنت تنحلم بيهاا...

حطات يدها فشعرها..تتبكي...

رانيا:لمصلحتك

نترات يدهااا...

إيناس:سكتيييييي سكتييييي صافييي بركااا...مصلحتي فنهزز جريمة ونتحمل غلط مدرتوووش لسنين...مصلحتيييي فيين فييين مصلحتييي فييين...اشمن نوع نتييي من البشررر..لي ديري فيااا هكداا..واااش نتي ماما ولا عدوتيي...واااش مكترتااحوووش لمحرقتوووش ولادكم....

زاادت خارجاا..بجرا

رانيا:وقفييييييي سمعينيي

إيناس:(خنزرات فيها)معندي منسمع...براڤو بعد ما بابا حرق خوياا جاات نووبتيي..تحرقيني نتيي..(كرزات على سنانها..ودموعها نازلين على شفايفها)لولاد لي ولدتوهم حسبوهم مااتوو وريحو ضميركم..

كيشووف فيهااا...لبسمة على شفايها ..كتشووف بعيونها لمايلا لرمادي..

رجعات خصلات شعرها لاشقر مور ودنها...وحيدات من قدام لباب

......:مرحبا بيك من جديد..Welcome back

زااد داخل...خاشي يدوو فجيب لكويرة..

وقفاات اونفاص معاه..بعد مسدات لباب

ببتسامة:اخر مرة..متعرفناش ..خلينا هاد.لمرة..نتعارفو(مدات يدها)I'm Rosita but ناس لي قراب ليا كيعيطو لي رووز...

I live in Boston and sometimes كنجي لمغرب causeبابا مغرابي

حرك راسو بشويا..

ينيس:مرحبا روزيتاا

روزيتا: غير روز باركا

ينيس:خليها لي قراب منك..حيت انا مقريبش ومناويش نقرب..

روزيتا:كنعشقق لمغرب..هضرتنا..تقاليدنا..كتر من امريكاا..ااني نجي ففصل شتاا..ونتلاقاك..كنضن عندك زهر .حيت بوحدي لي نقدر نعاونك...(ابتسمات) اوف كورز كاينين بزاف ديالين المعالجين نفسيين غير...but ماشي كلهم ايتحملو لمريض يقلب داار ..ولي فيها...

شاارت ليه باش يدخل...تبعها..لمكتبهاا..

روزيتا:باعتباري مكنسكنش هنا..مغنعديو بلحصص هنا فهاد لمكتب ..محدك رجعتيي الا وباغي تعالج...

ولكن قبل منعالجك خصص ..نعرف شنوو هوا اصل لمشكل؟

شارت لي يتكا على واحد لبياص..تمم...

رخاات..موسيقى هاادئة فلارجااء.....

تكاا بلاا ميتزايد فلهضراا باغيي غااا يتهنااا من حالتووو..

روزيتا:خليناا نجربو..العلاج بتنويم لمغناطيسي

شاف فيها مصغر عينو

روزيتا: متخلعش مغاديش.نسيطر عليك وندير لشي بلاصة...داكشي غا فلافلام...نتاا غير اترخيي راسك..وغتسمع لي ..وتجاوبني على اسئلتي...غندخل لجانب لكحل لي فيك...

وخص نتاا تخليني..الا مبغيتيش تجاوب على شي سؤال .تقدر تسكت..غتكون حاس بكولشيي...تيقني .

حرك راسوو بوخاا...تبع تعاليمهاا...

صوووت الموسيقى الهادئة...وانفاسهم لي مسموعة فلغرفة...

هازة قلم..ومدكرة..وفيدها...نطقات..وعينيها عليه

روزيتا:ينيس صغير كيف كان داير؟

ينيس:عاديي..ولد صغير اكبر حلمووو..يغيب لاستاذ .

ابتسمات:وااش كانو عندك صحاب؟

ينيس:بزاااف..

روزيتا:وينيس لمراهق كيف كان داير؟

ينيس:عااديي. تااا

روزيتا:تا اش؟

ينيس:دخلت لتماا.

روزيتا:واااش راك تماا دابا؟

ينيس:اه

روزيتاا:دخلنيي معاااك...اش تتشوف...؟....

شكارتوو فضهروو..وعينوو على لارجاء...زااد داااخل...وهواا كااعي محااملش هااد لبلاصة جديدة ليي جااا لييهاا...

ليسي جديد..اصرر باباه باش يقرا فيه .فمدينة بعيدة..بعد مشاافووو مجااش هوا لول ومراهش فلمستوى المطلوب فمدرستو لقديمة.. .

زااد داخل...متوجه لمكتب لمدير ...صديق باباه...

داازت ايااام...عادية ومملة..وهواا تم...كان شخص انطوائي...

كاع صحاب خلاهم فليسي لقديم..هنا مكيعرف حد..ومباغيي يعرف حدد...

باغي غا يقراا ويووصل ..لنقطة لي بغاا على الله..باباه يخليه يرجع...

كاان كالس..فجردة..شاد كتاب فيدوو...شاف جنبوو منين كلس حداه ولد من عمروو...حروفوو كوحل...وعيونو عسلية...كيشوف فيه مبتاسم..

ينيس:اش باغي؟

ضربو فكتفو:جييت نتوانسوو..اناا صلاح..ولد مول هاد لمدرسة..وبنتي لي خصك صحاب..

ينيس:انا بيخير بوحدي

صلاح:يلاااه اساط.طلقها تسرح...مالك معقدها مكاين تا حد.كيكون بيخير بوحدو..

ابتسمم..ليييه.. دار بينهم حديث تعارفي قصير و.نااضو بجوج داخلين لمحاضرة...كالسين حدا..بعض...كيهضرووو..ويحاولو يقلبو على شي حاجة جمعاهم يناقشوها..

خارجين من لحصة...غادي هوا وصلاح..وصحاب..صلاح معاهم...وقف..صلاح موقفهم

صلاح:يلااه لعبووو

ينيس:اشش غلعبوو؟

نطقوو دراري..كيطلبو منوو يتحرك..زااد معاهمم..

ثواني تا وقفو على ولد..قدهم..لكن حجموو...اقل منهمم ..جسموو نحيل...ووجهو شاحب...لون تخطف منين شافهم..قاد نظاراتوو...وحنا راسو زايد..رجع لور منين تضرب مع...صلاح..

صلاح:سسسسند ..فين غادي

سند:صمت

ينيس:اش تدير؟؟؟ اش باغي منو اصاحبي؟؟

صلاح؛والوو غير بغيتو ينطق تفاحة بلا ميسكت

سند :صمت

هزز يدوو..مصرفقووو...مخلي دمعة فطرف عينو

صلاح:نطقققق

ينيس:ونطقها اصاحبي خلينا نتحركو

سند:(شاد فلحنك ودمعة فطرف لعينن)تت تت تت فا فاا..ح.ة

صلاح(ضحك بجهد)تتتت تتت

كيضحك ويضحكوو لي معاه...

من غيرو لي كيشووف فسند لي حاني راسو بلا مينطق..

ينيس:وااش بينكم شي حساب؟

صلاح:لااا غااا كلعبووو

ينيس:متعاودش تلعب معاااه..

صلاح؛وخاا...(لسند)كوول عنزة ومنعاودش لعب معاك

سند(بتمتة)عن عن عن

بدااو يضحكوو من جديد

صلاح:عن عنن عاااااااان سايق لي طويوطا..

ينيس:خليييه اسااط صافيي

صلاح:وبغيتي تلعب لعب مبغيتيش فارقني

ينيس:ملاااعبش

صلاح:اواا فارقني خليني لعب

وقف قدااام..سند...مطاكيه بجسموو

ينيس:مغنلعبش معاااه وانا هنا....

شاف صلاح فصحابو وهوا مغزز عليه

صلاح:وخاوالبطل..

شار ليهم يزيدو..تمووو..غاديين..

وقف اونفاص مع سند..

هز راسو فينيس..

سند:ششش ششش كراا

قبل مينطق...محسس غييرر متصرفيقة جاتو فحنكوو...خلا وجهو يميل جنب.وسع عينو مصدوم..وبعصبية شاف قدامو..

عصبيتووو تلاشات منين شافها

عصبيتوو تلاشات منين شافها..

بنت واقفااا قداموو..كتشوف فيه بعيونها سودة..وخصلات شعرها لقاتم تيطيرو ريح قدامها ...عاضة على شفايفها بغضب..

حاول يبرد راسوو.ميقدرش يضربها..وهي غير بنت..!

ينيس:بحااالااا ضربتينيي أاا؟

خرجات عينيها فيه:راااه كلتها لداك لحيوا ن دصاحبك..خليه يدوزني أنا عاد يحكر على خويااا

قبل مينطق...ويجاوبها..دخل سند بينهم..كيشير بيدوو ليها باش تهدن

سند:(بتمههه هوواا عع ععونييي ممنهم فففككنيي ممم منهم

حاول يشرح لهاا بلييي..هواا لي دافع عليه...

شافت فينيس لي مخنزر فيه..ابتسمات جارا ابتسامتها

وبخفوت نطقات "سمحليي"

ينيس:ممسموحش.

تنهدات بجهد:ومضربتكش بجهد..الله يسامح

ينيس:غنسمح لك..لخليتيني نرضها لك

حركات راسها بوخا:ردها ولكن ابشويا

زيرات على عينيها وقربات لي وجهاا..

شاف فيها..وشاف فخوها..

بداا يضحك..وسند يضحك معااه.

حلات عينيها مخنزرا:تضحكو علياا؟

دوز يدو على شعرو:حنا رجال مكنضربوش لبنات ابنتيي

هزات يدهاا بجوج..ضرباتهم لكتفهم فدقة..ونطقات"ولكن حنا لبنات كنضربو رجال"

هزات حاجبها تتقلي لهم سم..وهما مخنزرين فيها..ابتسمات بطلاقة..ومدات يدها لينيس

....:انااا ريم ختت سند.

صافحهاا:متشرفين انا ينيس

ريم:ينييس سميتك زوينة...واااش نتا جديد هنا؟

حرك راسو باه.

ريم:هما مغيخليوكش..منين دافعتي على خويا ايبغيو يحكرو عليك

ينيس:لكانو رجال خليهم يقربوو

ريم:لقربوو لكك غير عيط علياا..انا لي قدهم

سند:ممم ممدييش ععع عليها .ححح حمقة شششويا

ينيس:برهوشة هاد ختك..

ريم:نخليكم..عندي محاضرة..نتا تتقرا مع خويا اذن غتكونو صحاب تهلا فيه

ينيس:مصااحبووش..

زادت تتجري...شاف فيه سند وهوا كيقاد نضاراتو

سند:تتتبغغغي تتكون صصااحححبي؟

حرك راسو بلا..حنا سند راسو باسف..حطط ينيس يدو على كتفوو

ينيس:كنتصاحب غا مع دريات .

زااد مخليه..ضاحك

دداااز...لوقت...وجااا لييل...

توجه لغرفة...لي عاطيين..لييه..ينعس..فيه...حل لباب...وعيونو مغمضاا..وسعهم منين بان ليييه..سند على سرير تاني...غير شافو ناض فرحان

سند:غغ غتشارك مم عاياا لبيت

ينيس:خخ نتا عاود

سند:ممم غنقلقشش ..ووو ععد

مد يدو..

شاف فيدو..متجنبهاا..وزااد داخل..

ينيس:صباح منين علموني انبدل لبيت صحابني غيعطيوني واحد بوحدي..(ساط بجهد)دوووماااج

زااد كيبدل حوايجوو..تهزز منين شااف سرجم تحل..وهي داخلا من تم...

خرج عينووو..وهزز تيشورتوو مغطيي..بيه...تحتو

ينيس:ااشش تديري هناا

سدات عينيها:نتا لي اش تدير هنااا عند بالي هنا غا خوياا..

زااد هارب لدوش وهي زادت عند خوهاا..

دقايق تا خرج..شافهم كالسين..وزاد حداهم

ينيس:مشفتي والو؟

ريم:اش غنشوف لي عندكم راه قريناه فلعلوم شفناه تا طلع لنا فراس

بدات ضحككك..بجهدد..ودموعهات سايلين..وخوها مخنزر .

تنهد ينيس لاحول مبتاسم..

ينيس:اش جايا ديري هنا..خصك تكوني فجهة دلبنات كفاش دخلتي لحرم دلولاد

ريم:سلت..ديما كنسلت ونكلس عند خويا..مي دابا..حرمتيها عليا

سند:غغغ غاا اجيي..ووفليل كاااع ررر ججعي

ريم:دابا لي مشارك معاك لبيت مغيبغيش

ينيس(هز كتافو)لبغيتي تجي اجي

ابتسمات ليه:اهاه اش وصلك لهناا..

ينيس:جيت نقرا بحال ناس

ريم:تااحد مكيبغي يمشي لداخلية ويبعد على والديه

ينيس:اهاه وعلاش نتي بعدتي

ريم:حيت معنديش(حنات راسها)بابا مات.

ينيس:(باسف)الله يرحمو ديزولي مكونش عارف

ريم:مكاين لاش تعتاذر كلنا ليها...وعندي ماما ..هي تزوجات..وباش تعيش لحب مع راجلها صيفطات ولادها لهنااا..

ينيس:اناا صيفطني هنا بابا..اخر عام عندي..ودرت شي مشاكل فليسي لقديم..ونقطي مكانوش تالهيه..فصفطني لهناا...لمدير صاحبوو .وقنعووو بلي هنا عندي مستقبل حسن مور منتخرج غنمشي نكمل براا

نااض سند ..لدوش مخليهم..

شافت فيه ريم مبتاسمة باسف

ريم:انا مكنعاينش نتخرج..كنعاين غا نكمل18 لعام..ونمشي انا وخويا لشي مدينة..ونخدم..وندخلو ليسي عادي..

ينيس:كفاش غتخدمي عليه ؟سهلتيها

ريم:اواا معندي مندير .على الله ماما تفكرناا.لمتفكراتناش غيقا هدا حلي..حسن منخليهم يحكرو ويتنمرو على خوياا ..نتاا رااك شايف مشكل التأتأة لي عندو

ينيس:خصوو يتعايش معااه..ويقدر عليهم ماشي يهرب

ريم:كفاااش غيدير؟(دورات عينيهاا)لقيتهااااا

شاف فيها متساءل:اش لقيتي؟

جمعات رجلها..وشافت فيه

ريم:كيقولو لحاجة فااش تتولي تتمارسها ديما تتولي عادية..ونتا خص تمارسها معايا بااش خووياا تجيه عاديا

ينيس:(حل فمو) الله يرضي على بنتي وااش كنبان لكك وااحد قليل لادب أاا؟؟؟اش غنمارس معاك؟

هزاات لوسادة..ضارباه بيهاا...

ريم:متقلبشش هضرتييييي..ماال نيتك خاسرة..

شد لوسادة كيضحك..

ريم:غنتنمروو..

ينيس:على خوك؟

ريم:علىى كولشيي..تاا على راسنا..غير هوا حناا مغنجدوش لاعاقات دناس..غنتنمروو بحوايج عاديين باش خوياا..يحاول يتعايش مع هضرت الناس..

خرج سند من دوووش..

ينيس:مووول ربعة دلعنين..على سلامتك خرجتي..

شااف فيه وشاف فختوو..

حنا راسو ..

ريم:ولاش بيتيه يزرب اللهم طواليط ولا نتاا ا عينين مووكاا..

ينيس:وااش خبارك كيقولو ليي قاس موكا كيموت .فما بالك فلي كالس معاها

بدات ضحك ويضحك..وهما كيتنمروو على بعضض...

كيشووف فييهمم..نطق..

سند:عععووود سبسيي سيري تتتنعسي

سكتووو تيشوفو فيه...شافوو فيعض وفدقة طلقوو ضحكتهم

ينيس:يلاه اعود سبسي تحركي تنعسيي..

ناضت ..وهي باقاا كضحكك..

داازت ليااام..وهماا..مع بعضض..فصبح راهم مجمعين فليسي. ويتنمروو على ناس.وفليل كيجيو يتجمعووو

فلبيييت..ويضحكووو..

خاارج هوا لول...بحكم كان عندهم امتحان..وذكاءو مخليه يسالي هوا لول...غادي

بوحدوو..

وقف مني شافوو قدامو متكي على لحييط..كيصفرر..

صلاح:افيين اعن عن..شفتك درتي صحاب؟

سند(مخنزر فيه)سسسييير بببححالك

صلاح:وووالا ممم ششش تتش(كيضحك بجهد)

سند:غغغغنشكيي لللمدير

صلاح:غتشكي لبابا(ضحك بجهد)غتجري عليا من لمدرسة ديالو..ولا غتشكي لباباك لي مات..اما تا ماماك..سمعت تزوجات واحد قدك وسمحات فيكم

لاح شكارتوو..وزااد عندوو..دخل فيه بطيط..

سنند:ممتتهضرشش عليهااا...اولدد ممما ما غغغطيننني

شااد على نيفووو ...موسع عينو فيه..ضحك جنب...

صلاح:تنمرتي علياا وضاربنيي؟؟

زااد عندوو..كيضرب ..فييييه....

خاارج من لامتحان..وقف مكاونسي منين شاافوو كيضربووو...زااااد عندوو بجري..

مبعدو عليه...بكروشيي..

نزل عندوو كيضاارب معاااه...مبعدو تا جاو فكوهم سكريتي

داز لوقت..كانو فمكتب لمدير..

المدير:غتعتادر منوو ونسدوو لملف

ينيس(مخنزر فصلاح)يلااه عتااذر من سند

المدير:(بالغوات)سنددد اعتاااذر من صلاح

خرج عينوو فلمدير ناض مهزوز

ينيس:(بلغوات)ولدككك لي ضاااربووو ولا غير حيت ولددددك غتميكك عليه

المدير:صووتك ميعلاش عليا...هادي من جهة..ومن جهة..سند لي ضرب صلاح لول..وهاهوا سولو قدامك

ينيس:(بلغوات،)هوااااا لي استافزو اش بغيتيه يدير متلاا

المدير:متغوووتشششش

ينيس:لغوتتت اشش غدير اتجري علياا داكشيي لي بغييت

نااض واقف قدام صلااح..

نطق بتمتة:سسس سمحلي

شاف فييه..ينيس..مزير على لكمة يدوو..

ينيس:نتاا مدرتي والوو

صلاح:مرة خراا متقربش..ولاا راك عارف

حرك راسو باه..وزاد..خارج ودموعو نازلين

المدير:نتاا غير حيت باباك عندو معزة خاصة..مغندير معاك تا اجراء..نتا وصلاح فنفس لعمر ولمقام خصك تفاهم معاه ماشي مع غيرو

ينيس(كارز على سنانو ساكت)

المدير:باباك كان باغي يهضر معاك..اجيي تهضر معاه..و

قاطعو

ينيس:مبغييت نهضرر مع حدد

زااد خارج..بانت ليه حدا لباب..عيونها محجرين بدموع..

دقايق تا كانو كالسي بجوج فجردة .كيشوفو فسند لي بعيد عليهم كالس بوحدو..

ريم:هواا كيجي من ولدوو..خوياا من صبح كيبكي ومبغااش نكون معاه..

ينيس:خصناا نخرجو من هاد لمدرسة دلويل

ريم:لخرجنا فين انمشيو وماما مبغانا

ينيس:اتجيو معايا

ريم:زعما نتا باباك باغيك

ضحكات بجهد...شافت فيه..ساكتا

ريم:سمعتو قالك ..لبغيتي تهضر مع باباك؟

حرك راسو باه

ريم:انا معندي باش نهضر ..غنعطيك نمرة دماما..وعيط لها عاود لهاا اش واقع..واش تقدر دير لي هاد لخدمة؟

حرك راسوو باه:أكييييد

جبدات ورقة من شكارتها كتبات ليه..نمرة وعطاتها..لوو...

شاف فنمرة مطول..

ينيس:هاد نمرة مغريباش علياا؟واااش نتييي بنت زهيرة؟

شافت فيه مستغربا:منين تتعرف ماما؟

ينيس:نمرة دسكريتيرة دبابا!

ضحكات .وضرباتو لكتفو

ريم:وطلعتي مرفحح..

شاف فيها مبتاسم جنب...

دقايق تا كان فمكتب..لمدير.

دور نمرت زهيرة..ثواني تا جوباتو

ينيس:خالتي زهيرة ؟

زهيرة:ويي شكون معايا؟

ينيس:انا من مدرسة ريم سند وو

عاود ليها اش وقع..ولحكرة لي تيتعرض لها ولدها

زهيرة:ملقااو بااش يهربو من لقرايا ناضو يخلقو لي قصة..يا والله ومنجحوو لرجعو لدار

قطعات عليه..صوناا لباباه..طلب منوو يهضر معااهاا باش ترجع ولادهاا...دوز ليه ماماه

رانيا:اشش خبارك اولدي؟

ينيس:انا بيخير ولكن..انا وصيت بابا ونخاف ينسا..بغيتك تعلمي سكريتيرة ديالو بلي لموضوع مهم وخص تدي ولادها..

رانيا:اه وخاا اولديي مهم نتا بيخير

ينيس:بيخير بيخير..عفاك غلميها ليوم اماما باش متنسايش

رانيا؛كن هانيي

قطع عليهاا...شافت فراجلها ..مبتاسمة

رانيا:اناا غنخرج.. دايرا مع صحباتي راك عارف ليووم عنديي شلا ميدار...اه واش هضر معاك ينيس سكريتيرة مسكريتيرة؟

شاف فيها:غير المراهقة هاديك..مديهاش فيه..

ضحكات بثقالة:اصلا مفهمتو اش تيخربق..ولكن مزيان منين انسامج فداخلية

.خارج من لمكتب..بانت لييه حدا لباب...

ريم:اشش قالت لك؟

ينيس:غتجيي غتديكم

ريم:مكتكدبش عليا؟

حرك راسو بلا:كنحلف لك تا غديكم

دااازت يوماين..

كان ناعس ففراشوو..كيكحب....

مغطيي..وختوو عند راسوو

دخل عليهم كيشوف فيهم..

ينيس:كيف بقاا؟

ريم:على حالتو

ينيس:خصو يمشي لطبيب

ريم:صيفطو ليه وحد لممرضة..وقالت غا رواح

ينيس:خصو طبيب اش يدير بشي ممرضة..

ريم:وااش ماما بصح غتجي دينا

(شافت فيه..ودموعها نازلين)

ريم:خوووياا صحتوو على قد لحال خصوو ماما..

ينيس:غتجيي...غتجيي..انا غنمشي نجيب ليه شي دواء لكحة..وسخانة

ريم:كي غدير تخرج؟

ينيس:غنمشي نهضر مع بابا وناخد لادن..

ريم:ولفلوس؟

ينيس:انا مرفح(ابتسم جنب)

ناااضت عندووو...عنقاتووو عندهااا

ريم:شكرا ليك بزااف اينيس..نتاا ماشي غير صحبناا نتاا راك كتر من خوناا(ابتسمات)

جبدات مسجل صوت..ومداتو ليه..

ينيس:اش هدا؟

ريم:هدا لييك..فاش غنمشيو..بغينا نخليو لك كادو تفكرنا بييه..هدا لي لقيت عندنا

ابتسم جنب..جرهاا عندو معنقهاا

زاد خاارج ..

توجه لمكتب..طلب من لمدير يخرج...وطلب يهضر مع باباه..

مخليه فلمكتب كيعيط على باباه

ثواني تا جاوب

ينيس:بابا

ببتسامة:اشش خبارك

ينيس:واش هضرتي مع سكريتيرة؟

تنهد:بلا مندخلو فحياة ناس

ينيس:عفاااك ابابا ..خرجناا من هناا...ماشي انا انا ماشي مهم..واكن همااا عفاااك خرجهمم..ندير لي بغيتيي خرجهمم عفاااك...

نترات رانيا منو تيلي

رانيا:ولديي اش خبارك

ينيس:ماما هضري معاها عفاااك

رانيا:اه..تشغلت مع صحباتي ليوم نعيط لها.

ينيس:كوليي لهااا سند مريض..خرجوووه من هنا عفاااك..

قطع عليهم منين تحلات لباب..دخل لمدير..وهوا هاز كاس دلعصير فيدو

المدير:غنخليك تخرج غير حيت نتا ولد صاحبي ولكن 5 دقايق متعطل..

حرك راسو بوخاا وزاد خارج...

دااز لوقت....تهزات منين سمعات دقاان..فلباب..

زادت بجرى حلات:يني..

سكتات منين بان ليهااا صلااح..

وسع فمو:اشش تديري هناا؟؟ لفوقي ممنوع لبنات اش طلعك هنا

ريم:خويا مريض خص نبقا معاه

دخل وصحابو معاه..

صلاح:كن غا يمووت ويهني منوو لبشرية

ضحك بجهد..وصحابو كيضحكوو

صلاح:خرجيي حنا غنقابلو خووك خرجييي

ريم:مغنمشي فين نتا لي خرج

هزز تيشورت فيدوو..مكتوبة فيه"حمااار للبيع"

صلاح:خوووك كتب عليا هادشي فحوايجي

ريم:سند مناضش من بلاصتو

صلاح:اهاه وشكون كتبوو انا؟لا(شاف فصاحبو)نتااا احمزة؟؟ولا نتا اطارق

ريم:مشكلتك هاديك سير قلب متجييش..عندناا..حنا

جرهاا من كتفها مخرجهاا..وهي تضارب معااه...

دفعها وسد لباب...

زاد عند سند..نتر عليه لغطاا...شاف فيه ..وهوا بلا نظاظر كيشوف غير ضباب

هز صلاح تيشورت قدامو

صلاح:نتااا لي كتبتيي هادشي؟

سند:حرك راسو بلا

صلاح:(ضحك بجهد)قراها باش نتيقووك

كيشوف فيهم..ويشوف فتيشورت..لعرق نازل من جبهتوو..سخانة تتاكل فيه وهما كيكملو ليه..كيحاول يقرا ولكن مكيبان ليه والو..مد يدو لنظاظر .نترهم منوو وزطم عليهم

صلاح:قراا بلا بيهم

سند؛ممم ممتتتنششوفشش

صلاح:اه عور نسيت...وعلاش العور كاتب لييي حمار لي لبيع فحوايجيي؟

سند:ممم ككتتبتش

صلاح:وبغيتيني نتيقككك

جروو منوضوو من سرير

صلاح:شنوو اندير ليه دابا ادراري أاا؟؟هااد لبرهوووش ولا يعاير فسيادو ويتهزز عليهم

سند:ممم ككتبتش..

هزز يدوو مصرفقوو:متكدبشش الحما ر

نزل عليه ببونيا جابوو طايح..وبدا يركل فييه كييف شيي حمق...بلا رحمة ولا شفقة

كدق فلباب وتغوت وتبكيي باش يحلووو...زاادت بجراا لمدير.

حلات لباب داخلا

ريم:ولدك كيضرب خوياااا

المدير:دااخلا بلا مدقيي؟؟قليلة لادب ...ممساليش ليكم غنبقا انا مقابل غا خوك خرجب علياا..

عيات تغوت وترغب.محاشاهاش ليها..ورجعات عندهم..

كيجروو فيه دراري...

حمزة:بعد منو اصاحبي غتقتلوو

رجع شعروو لوور ..كيسوط بجهد.

صلاح:يستاهل.كتب لي حمار للبيع

طارق:كلنا عارفين نتا لي كتبها

ضحك بجهد:اتنلعبو ادراري

خرج وهوا ضااحك..حل لباب مع لحلا..ادخل بجراا عند خوهااا.

حنات على ركابيها..تتبكي وتشهق..

وهما واقفين كيشوفو فيهم ضاحكين

ريم:سند سنددد خويااا

حطات راسو على ركابيها..دموعو نازلين..

سند:كككوووللتييي بلييي ممماما غتجيي

حركات راسها باه:اه اخويا غتجيي

سند:ووو للككن أنا كككنشووف بابا للي جاا

ابتسم..كيشوف فلفراغ

سند:ببابا كان ييقول .."سند ريم" وو للكن ريم لي كانت سند..للل سند..

بدات يحكبب..ودم خاارج من فمووووو....حاط يدوو على كرشوو كيتوجع...نزل يدوو..وعيونو فلفراغ..

نطق.."با با"

وسكت...لحظة صمت..تتشوف فخوها لي موسع عينووو...مكيدير تااحركة...

نطقات وهي تتحرك راسها بلا:سندد...كضحك معايا اخويا؟

كيشووفو فيهم وهما مصدومين...لخلعة ركباتهم..خاصة انهم شافو صلاح كفاش ضربووو ولولد مريض مقدر يدافع على راسوو...

كتحرك فيه..وتعيط بسميتو..لكن لامجيب...

غوتات لربييي لي خلقهاااا...جراتو معنقاااه عندهاا..كتبكييي..وتشهق تا نشفوو دموعها..رخات منو نايضا..شافت فيهم...زاد حمزة وطارق خارجين..فحين صلاح عنق لباب مصدوم

صلاح(مخلوع)غيير تيضحك

وقفات عندو..وجها مطموس.اثر دموع عليه:قت..قتلتيي خوويا

صلاح:أاناا ممدرت وووالوو

هزات يدهاا تضرب..فييه...وتغوووت ...وهواةباغي غير يخرج ويهرب...

زااد خاارج...وهي تابعاه..تضرب فييه كيف شي حمقة..بغااات تصفيهاا لييهاا بغاا ترد حقق خوهاا..وهوا باغي غير يتفك منها ليجي باباه ويلقاه هنا..

كيدفع فيه..وهي كضرب..

كاان دااخل...مبتااسم...وخا خدا لوقت مي لقاا دوااء..واخيرا غيشوف لبسمة فوجهة...

وقف جاامد للحضة..منين طااحت قداامووو...فرمشة عين...خرج عينوو مصدووم..هزز رااسوو بان ليه صلاح فطاج لي لفوق كيطل..نزل راسو بشوياا كيشوف فيهاا بعدم تصديق

كيشوف فيهااا...غرقانة فدمهاا..تتشوف فييه...كتاخد انفاسها بصعوبة..

طااح على ركابييه...موسع عينو لي محجرين بدمووع

ينيس:ررريييم...خختتو زوينة

ابتسمات بالم:عع عينين موووكا..

ينيس:شكووون داار فيك هكدات شكووون

حط يدوو فراسو كيبكيي

ريم:(نزلو دموعها)قققتلوو سند..ضضربوووه تا ماات..علااش مبقيتيي؟(نازلين دموعها)ككن غيير ..

سكتات مقداش تهضر

ينيس:اشش تتكولي نتيي.؟سند انا جبت ليه دواء

هزز ميكا قدامها

ينيس:غيشربوو غيوليي لباس

ريم:هوا بيخير مع بابا(كتبخ دم)وانا غغنووليي بيخير فاش غنمشي عندهممم..

حرك راسو بلا..كيغوت بااش يجيو يعتقوها

شد فيدهاا..ودموعو نازلين..مقادرش يهضر غير كيبكيي

ينيس:مم مغيووقع لك والو..لبلاصة منين طحتي مبعيدااشش

ريم:كتوجع...مقداش نتحرك..يمكن كاع عضامي تهرسو(ابتسمات ودموعها نازلين)قولتي باغي تولي طبيب..ولي دلعظاام..تيقنيي اكبر وجع هوا دعظاامك..

جمعات ضحكتهاا...ودمعتها نازلا

ريم:مقدرش نعاونوو...طلعت بصح حمقا..كاينين شي ناس..صوت لعالي مكافيش لييهم...(شافت فسماا)ربيي غياخد حق سند..ربيي مكيضلم حدد..

زيراات على يدووو...وهوا كيشوف فيها..مقادرش يخرج حرف واحد..غير كيبكي

هززاات يدها بشويا..صرفقات خدو..بلمسة خفيفة...

شد يدهاا وضرب خدوو بقوة..شبه قوة ضربة لي عطاتو فاول لقاء

ابسمات

ريم:كن ..تي احسن حاجة وقعات ..للل نا فهاد دنياا..

نزلات يدها بشوياا..خرجات شهقتها وهي مخرجاا عينيهااا...

ينيس:رريييم! ريييم...

جرهاا لعندوووو....معنقهاا بجهدد.....غوت لربييي لخلقوو باسمهااا...

رعداا ضربااات...كان سماااء من لجريمة لي وقعات غضبات...شتااا طاحت ..خيط من سماااء...وتخلطات مع دمهاا

معنقهاا..كيغوووت ويبكييي....

كيشوف فيهم جاايين كيجريوو...تجمعووو عليه...زادوو باغيين يبعدووه عليهاا حالف ميطلقهاا..

فوسط داك لغوااات...سمع صوتها وهي تتعيط لي باسمو

كيشوف فجنبوو واقف..وقدامووو..هي طايحاا...وهوا معنقهاا وكيجرو فيه...

زااد باغي يقرب باغيي يبعدهم..

وقف منين نطقات

روزيتا:ينيييس نتاا لشفتي ينيس لمراهق اش تبغي تكوليه لوقف حداك من جديد؟

معرفاش انه فهاد لوقت كيشوف فراسوو ..وهوا مراهق..قداموو..فهاد لحظة..معارفش يفرق بين زمان..وش هدا واقعو ولاحلم..لي عارف ان لامر بحال دابا بحال زمان كيحرق قلبو..

نطق :كن غاا متي معاهم تووصل معطل حسن من متوصلش كاع

كانت نازلا مع بنتهاا..هازة شكارتها..

وصلات لباب حالة ليها..

نضال:يلاه لبسيها احبيبة

نتراتها منها بزعاف

فيروزة(بلاشارة)كنقدر نهزها بوحدي

تنهدات بلا متجاوبها..حلات ليها..لباب..غادة..بجراا..لطرونسبور..ديال لمدرسة..شارت نضال للمرافقة بيدها..

لي ابتسمات لها..وطلعات فيروزة..

تبعاتها بلعين...تا غبرات من قدامها..

يلاه بغات تدخل..وقفات لوطو ديالوو قدام..لباب..

نزل...بثقالة...هزز راسو فيها مبتاسمة...

توجه عندها بخطوات تقال..

نضال:..على سلامتك.

داوود:صباح لخير

نضال:باقي شي صباح؟

داوود:(دور فعينو)بتوقيتي..

نضال:دخل دخل..نعطيك تفطر اتكون عييتي ليل كلو ونتا خدام

هزز كتافوو..محرك راسو بلا

داووود:مبغيتش لفطور بغيت حاجة خرا

نضال:اشنوو؟

حط صبعو على شفايفو:شي حاجة تتعطى هنا

نضال:بغيتيني نبوسك من تم محشمتيش؟

داوود:اسبحان الله اشريفة راكي مرتي زعما لمبستيني نتي شكون يبوسني بنت جيران؟

ابتسمات:اه نسيت(شارت ليه يدخل)دخل دخل...

داوود:وتبوسيني؟

نضال:ودخل

تمم داخل..مبتااسم...رد لباب...

فحين هي توجهات لكوزينة

نضال:مكرتاحش نسيفطها فطرونسبور من بعد.ديك لاكسيدون..ولكن ليوم عندي لخدمة..ملقيت لها جهد

داوود:لحاجة لضراتك مرة ميعنيش اضرك مرة خرا...لواحد خصوو يعيش بلا ميخاف..

هزز من لكيك لي حطات..ضرباتو ليدوو

نضال:غسل يدك

داوود:وخاا دكتورتيي

زاد.كيغسل فيدو...محس غير وهي محاوطاه من ضهروو...

ابتسمم...بخفة..شد يدها..مقرب راسوو من راسها

نضال:قلتي باغي نديرو عرس

حرك راسو باه

نضال:ولكن انا مبغاش عرس...زعما بغيت غا شهر لعسل ..لعرس نقدو نديرو غا عشا خفيف لقراب..ونسافر انا ويااك وبنتنا فاقرب وقت

دار كيشوف فيها...حاوطها..جارها لعندو

داوود:وفين بغيتينا نمشيو؟

نضال:لاي بلاصة..لمهم تكون فيها

صغر عينوو..كيشوف فيها:رحميي قلبيي

حركات راسها بلا:مشاا زمان رحمة

تهزات على صباعها..مقربا منو..حاطا شفايفها على شفايفوو..بثقالة..بعدات تتشوف فيه..

نضال:ها لبوسة لي بغيتي

حرك راسو بلا:بان لي نسيتي كفاش كيبوسو ناس..

جرها بجهد عندو..قبل ميقرب لها سمع صونيط..دلباب..عنكش وجهوو

داوود:اه كن مقطعونيش نعرف مات شي حمار

زاد لباب..كاعي وهي ضاحكا...

قدات طبلة...وزادت عندو..شافتوو..واقف..ملامح وجهو مطموسة...

نضال:اش واقع واش شي حاجة خايبا؟(شافت لورقة)ديالاش هاديك ؟

سرط ريقو وهز عينو فيها:استدعاء..من لمحكمة..موعد.محاكمتك تقرر

سرطات ريقها تتشوف فيه

نضال:اشش غيوقع دابا؟

داوود:والووو.

نضال:(ابتسمات)وجهك مكيدلش على هادشي؟

داوود:غنشوفو شي محامي زوين..يشد قضيتك..انا معاك..نتي درتي لي خص يدار

زااد عندها معنقهاا...

داوود:متخافيش

خشات وجها فعنقو.:انا مخيفاااش...لحاجة لوحيدة لي تتخلعني هي نبعد عليك...نتا عاينتيني11 لعام..لحكمو عليا بشي11 خرا معليك غا تعايني

ضحكااات بجهددد...

داوود:حنااا منعيشوش نبقاو غير نعاينووو(طبع بوسة فعنقها)ادوييي أاا؟

كيبوس فيهاا وهي تضحكككك...

حاضي ملامح..كيضحك...ضحك لي ماشي من قلبو حيت عارف قضيتها مغدوزش بلخير..

فجهة خراا🥀

كاان كيلبس..فصبرديلتووو.

.تهززز...متوجه لكوزينة...خرج لمكلا دوزبيدة ..حطهاا لهاا...

عدنان:زوبيدة هااا ماكلتك فكوزينة..

زادت عندو تتمسح فيه..

عدنان:وسيري وعاود كوليها فدقة..

هزهاا عندووو

عدنان:يلاه عطيني بوسة...

باسها..ترمات منوو هاربا لجهة لباب...

تبعها مخنزر

عدنان:مغنخرجكش..لي لفوق منا مسافر صبري يجي ويخرجك هوا

بقات حدا لباب..كتصدر صوتها بحماس باش يحل...

حل لباب ..

عدنان:انا غنمشي ونتي..غ

سكت منين شافهاا..قداموو..يلاه كيف هازة يدها باش دق..

جمعاتها مبتاسمة...نزلات هزات لقطة لي تدور..على رجلهاا...باستها وهي ضاحكاا معاهاا..

نزلات من عندها داخلا بجرا..وتصدر مواءها باش تبعها لقلب دار.

شافت فيه:قطتك تتعرضني بلا شوارك

عدنان:دار دارها ..منقدرش نقول لا على ضيافها..

ابتسمات ليه..

إيناس:واش عندك شي وقت؟نقدرو نهضرو؟

كالساا هي..ويااه..فجردة لي قبالت لموبل

سرط ريقو ونطق

عدنان:كن غا دخلنا لدار.

هزات راسها تتشوف قدامها

إيناس:خفت ندخل ومنقدرش نخرج .(ابتسمات)مكنسخاش بزوبيدة

حرك راسوو بشوياا...

كيشوف قداموو..بلا مينطق..وهي نفس شي..

لحظة صمتت..تقطعات منين نطقات...

إيناس:هضرت مع ماما..

شااف فيهاا...بصدمة...فحين هي محركاتش عينيها...

إيناس:إمتاا عرفتيي؟اني انا معنديش علاقة بموت هاجر

عدنان:ماشي بزاف...(نزل راسو)كلت تعرفيها من ماماك حسن

حركات راسها باه...

إيناس:اه عرفت..حمل وحيدتو على كتافي(شاف فيه مبتاسمة)هجار طلعات ختك

حرك راسو باه

إيناس:مكونتش عارفا عندك ختك عند بالي حبيبتك لقديمة

عدنان:معاودش لك عليهاا...حييت..مكونتش باغي نتفكر اش وقع

حركات راسها بشويا:ماشي ضاروري تعاود لي اي حاجة..تا انا كنت مخبعا عليك مشكل لعملية...لمزوجين قد محاولو يكونو واحد..كيبقاو زووج..

عدنان:صمت

إيناس:شكراا لييك

عدنان:علاياش؟

إيناس:نتاا لي خليتي ماما..تعاود لي..انا عارفا كانت غتخبع لموضوع كتر..كن مكونتيش..وانا متأسفا على اش وقع لختك..ربي بغاها.(حطات يدها على كرشها)ومتأسفة على اش وقع لولدك ..و(سكتات لثواني)سمحيلي حيت حملتك لمسؤولية...يعنيي..نتا مقصدتيش...لواحد بعض لمرات يدو كتسبقو وانا عارفا هادشي مزياان...بلا متحمل راسك مسؤولية موتو...ورتاح..مبقيتش بغا ولد اخر..بلاصتو..نفسيتي كانت ماشي تا لهيه ..مديهاش فاش قلت..

كيشوف فيها بلا مينطق....شافت فيه مبتاسمة

إيناس:عارفا انا ونتا مستحيل رجعوو كيف كنا...مستحيل تعاود تشوف فيا كيف كنتي تتشوف ..على داكشي خلينا نتفارقو فراق يليق بولاد لعم..

سرط ريقو...حرك راسوو به...

ناضت واقفااا...

إيناس:نخليك...غنتلقاو نهاار لمحكمة...وو...نهارك مبروك..

حنات راسها.غادة..سكتات..منين نطق

عدنان:واااش نتي ندمتي حيت دفعتيه..كيف ندمت حيت دفعتك؟

شافت فيه...حركات راسها بلا

إيناس:انا ندمت اني مدفعتوش نهار باسني قدامك..داك نهار تصدمت ومدفعتو تاخرجتي. ولكن قدام لمحكمة...(هزات حواجبها)عبرت علييه

حط يدوو على وجهوو..كيسووط بجهدد...بقاا حاطها لثواني...حيدها كيشوف فيهاا..

عدنان:سمحيليي...مغنقدرش نساها..

حركات راسها باه:عارفاا

زااد عندهاا...جرهااا لعندوو..بجهدد..معنقهااا...وهيي بدورهاا مزيراا علييه معنقاااه...

بعد عليه...كيصوط بجهد...مسحت دمعتها على طرف عينيها...وابتسمات ليه

عدنان:واش هكدا كنكونو تفارقنا بحال جوج اطباء كبار وبعقلهم

حركات راسها باه:اه..ادكتور تخدير ولانعاش..

.تمات غادة ..وهوا واقف...مراقبها وهي مبعداا...تا تلاشات من قدام عينو

كاان كاالس..قدام المدفأة .

هااز كتاب فيدوو .كيقراا بتركيز ...

حطو وهز تيلي..شاف لساعة...

كتر من نص وهي فلكوزينة...ومزال مخرجات...يلاه بغاا ينوض شافها جاياا..

لبسمة على شفايفهاا..زايدا عندو بثقالة..

أسيرم:أش كونتي تديري من صبح فلكوزينة؟

رجعات شعرها مور ودنها..وشافت فيه .مبتاسمة

إخلاص:غير كنشوف اش نوجد لغدا..

أسيرم:كلت لك غناكلو برا

إخلاص:لاا .لماكلا دزنقاا خايبا..نتا متتعجبكش مكاين لاش تبدل..وتبززها عليك..

شاف فيها ساكت .قاد كلستو .وطلع عيونو فيها

أسيرم:نتي عارفا ريسطو لي كنمشيو ليه عندو داكشي صحي

حركات راسها باه...مد يدوو لها

أسيرم:أجيي

هزات كتافها:فين؟

شار لها بعينو ليدوو..شدات فيه..وجرها مكلسها عليه.

ميل وجهوو:نتا خايفا

حركات راسها باه

أسيرم:متخافيش

هزات عينيها فيه:لاطباء كيقولو نسبة نجاحها قليل...خايفا لديرها ونتحرم تا من يامي لقليلة لي معاك

ابتسم جنب..رجع خصلات شعرها مور ودنها..

أسيرم:غيكون عندنا وقت..لعملية مغتكونش ساهلا . باش يوجدو لهاا...غتكون قدامنا شي سيمانة أإخلاص..ونقدر نديرها تا ندوز ليام..لي احتمالية نعيش فيهم كبيرة ..

إخلاص:واش لدرتيها غتعيش؟؟.

أسيرم:فاي عملية كتكون نسبة لحياة ولموت..يعنيي اي عملية وخا تكون بسيطة يقدرر لواحد..يموت...ويقدر يعيش..(سرط ريقو)وفحالتي فكنرشح لموت

حطات يدها على لحيتوو...كتحسسها بشوياا...

كتشوف فيه بلا مترمش..غاا كتشوووف...ابتسمات...ابتسامة باهتة

إخلاص:تعلمتيي ..أنك متلوحش لهضرا لقاصحا فوجه عائلة لمريض...خصك تعلم أنك تعطي أمل..اصلا نتا سميتك أسيرم .كتعني الامل بلامازيغية ..ولكن نتا اسم على غير مسمى(ابتسمات ليه) وااش باغي ديرها؟

حرك راسو باه

.عنقااتو لعندها بجهد

إخلاص:حبيبي نتا ياأسيرم...ديرهاا..خلينا لعبو اخر ورقة عندنا ..ياربحو دنيا يا تربحناا..

خارجا من دار...متوجها لمعهد...لبسمة لي كانت فوجهاا..دبلات...

غاديا وهي محملاا تقراا محملا تخرج..لي داز عليهاا ماشي قليل .

ولكن رغم كاع ضروف..مبغااش تكوون ضعيفة...مبغاااش تكلس فدار وتبكيي..وتخلي صاحبتها تعييش حياتها...كيف بغاات..

عارفا بلي تقدر تلاقا معاهم...وكتمنى متشوفهمش حيت حاليا مقاداش تواجهم..وتوقف قدامهم من جديد..

شدات طاكسي...متوجه بيهاا...

شافت لتيلي..عيات تصوني وهوا كاع..مجاوب..من ليل مباان...

حطاتوو...فصاكهاا...

مسافة طريق...وقف طاكسي قدام باب لمعهدد...

بقات واقفا قدام لباب .لدقايق وهي مترددة دخل ولا ترجع...جبدات تيلي بزربا منين سمعاتو كيصوني..

بهاء:حادة عيطتي عليا؟

حادة:آه غير كنت بغيت نعلمك بلي جيت لمعهد.

بهاء:اه صافي راه عندي ساروت ددار..ديزولي مجوبتكش كنت فعملية يلاه ساليت .

حادة:ماشي مشكل..امضرا..كيف دازت؟

بهاء:مزياان..لمريض وضعوو مستقر

ابتسمات:على سلامتو..نخليك غندخل..

بهاء:وخاا لحتاجيتي لشي حاجة عيطي لي

حركات راسها بوخا:اك

قطعات...شافت مطولا فلخاتم لي فيدهاا...

هزات راسها ودخلات...

دااز لوقت وهي فلمحاضرات...

خرجات بمجرد مسلاتهم...

وقفات حدا لباب كتعاين فطاكسي...

سرطات ريقها منين وقفات لوطو ديالو حدا رجليها...

نزل منها..كيلعب بلكونطاكط فيدوو..

شاف فييهاا...ضحك ..باستهزاء .

نزلات موراه خولة..قربات عندوو..شادة فيدو..وعيونها على حادة...

صامد:حاادة جيتيي تقرااي؟

شافت فيه مخنزرا:ونتا سوقك

صاامد:ان عند بالي غدفنيي راسك فلارض..مور اش درتيي...

صوتوو لعالي ...خلا طلبة..يتجمعوو ويشوفو اش واقع..خاصة انهم كانو كيشوفوهم سمن على عسل..ودابا كيشوفوه مع خولة ..بلاصتها هي

صامد:ماااالكم تتشوفووو مالكم مصدومين؟واااش تتسولوو راسكم علاش كنغوت وعللااش كنقلل منها قدامكم..بعد مكونت كيف لحمار كنبغيهاا...اواا اسياديي...هي طلعاااات حاااملااا...وخااا حاملا جااياا تقرااا....غير وكان احادة...فين باه؟انااا واحد فيكم اطلبة...دارها بيها

(ضحكك بجهدد)بغيت غاا نسولك شحال بااش خلصتيهاا...لعلا وعسى نزيد لها فثمن وتواضع معايا(غمزها)

كتشوف فيه..ودمعة فطرف عينيها...كتشوف لطلبة لي دايرين بيها وكيوشوشوو عليهااا...شرف لي كانت محافضا عليه ولا على كل لسان...صامد هوا لخر تا بوسة معطاتوو..وهواا خلاه تبان ارخص وحدة فهاد لمعهد..

نطقات خولة :خلينا ندخلو..ناس لي بلا شرف ..مكاين لاش نوقفو معاهم...خصارة ليام لي كنتي فيهم صحبتي

هضرت خولة خلات كولشي يتأكد..انها بصح رخيصة ...وبدات لاسئلة كتهاطل عليها."حاملا؟ ولد من؟ ويليي طلعتيي ق**.

فوسط هاد لاسئلة طلقات ضحكة..عالية ...

شارت لهم بيدها باش يتكالماو

حادة:كااالم غنجاوبكم واحد بواحد...هواا عندكم لحقة انا ق** حيت عرفت وحدين بحالهم(شارت لصامد وخولة) وبالنسبة لوااش حاملا ..فمعندي منخبي عليكم..للاسف درت تحاليل..طلعو ايجابيين..ولكن من بعد عرفت بليي غير غلطوو لي فنتييجة .تاا فرحت حيت أناا وراجلي لعزيز غيكون عندنا ولد .ومشات فرحتي..

...:مزوجاا؟؟فين راجلك..؟

اسئلة خرا نزلات عليها...معرفات باش تجاوبهم...دارت بثقالة منين سمعات صوتو..

بهاء:واااش كتهضروو عليا هنا؟

وسعات عينيها وزادت بجرا عندو..

حادة:راجلييي..

وعلى غفلة منوو حطات شفايفها على شفايفوو قدامهم

الصدمة..بانت على وجه الكل..

خاصة هواا...سرط ريقوو بعد مبعدات..

شاف فيهاا...وشاف فيهم...

قرب منها..بثقالة... هز يدها مشبكها مع يدو...

وشااف فيهم...

بهاء:انا راجلها..بهاء..طبيب جراح..(شار لراسو بصبعو)جراحة دماغ..(ابتسم)بصارحة دكرت خدمتي غا باش ..نخليكم تعرفو بلي اكتر لمرضى لي كيجيوني هماا نااس لي دماغهم ممرتاحش.معصبين...وبدارجة ديالكم كيفكروو ويفكرووو..تا كيطلع ضغط ويصوطيو دماغهم..

على داكشي باش تعيشوو بزاف راكم عارفين اش خاص ديروو

مرتي ..عايشا ميتا مزوجا مطلقاا...مسوووق تاا واحد فيهاا...هي حرة وقادة براسها...

نطقات وحدة منهم:ولكن هي كانت مع صامد..

بهاء:كانت مع صامد؟؟(شاف فصامد) كيف تتشوفي صامد راه مع لي كانت صاحبتها؟؟.

كان مع كانت وتاو بعضهم...هي ليوووم معاياا انا مزوجين..رابطنا عقد زواج..ماشي جوج كلمات دكنبغيك ومتفرقنا غا لموت وتجي صاحبتها على شكل الموت.(غمزها)داكشي خليه لشمايت

ضحك بجهد:انا ممضطرش نشرح لك..راه قلت لك اش خصك باش تعيشي بزاف...

صامد:كفااش داكشي خليه لشمايت؟ دابا تتقول بلي انا شماتة؟

بهاء(هز كتافو)علاش واش صحابك نتا راجل؟ رجولة عند هي تغوت هنا كيف لمريوة وااا حادة حاملا..؟ومن بعد سوقك سوقهن؟ تتحاسبها ونتا جاي معنق ساطة ديالك جديدة لي كانت صحبتها؟؟ سير اسااط راك غا سامع برجلة سييير

صامد:نتااا

قببل ميزيد عندو شداتو خولة من يدو..

خولة:خلييك منهم..خلينا ندخلوو...

بهاء:ممولفش نهضررر ونشررررح.لبنادم...ولكن محدي شرحت..فغنعطي لمضمون..هاااد لمخلوقة هادي (شار لحادة)مرتيييي ...والا قلل شيي حد منهااا...والى شييي حد فكررر يقلقهاا ويدور فساحتهاا ..غنحييي بوووه...بكل بساطة اطلبة...

شد يدهااا...وجرهاا...كتشووف فيه....وهي غاا كترمشش...

فحين...خولة وصامد دخلوو..

زادت هي لطواليط...وهوا مقدرش يدخل ..وتم خارج..

وقفات تتقاد مكياجها ووتفكر...فهضرتووو..تقة ولكاريزما باش كان يهضرر ..سرقوو عقلها

خولة:جراااح دماااغ..مرفاااح...وراااجل ..وكاريزماا صامد مكيبانش قدامو(عضات شفايفهااا) سيدي بهااااء

سايق لوطوو...فجووو ديال سكات...

تتلعب فصباعها..ومرة مرة..تتهز راسها تشوف فيه..

نطق وعينو على طريق:تتاكلي لحوت؟

حركات راسها باه:كناكلو علاش؟

بهاء:كاين واحد ريسطو قريب من هناا..كيدير لحوت زوين..وانا فيا جوع

حادة:,اه وخا..(دورات عينيها)نتااا جيتي لمعهد.

بهاء:اه ..ساليت خدمتي قلت ندوز نوصلك

حادة:شكرا ليك حيت دافعتي عليا..

بهاء: (خنزر فيها)منيتك تتشكريني...ريحي ريحيي..

حبس لوطوو جنب..

قرب منها...سرطات ريقها وخرجات عينيها

حادة:انا قربت منك غير حيت كنت حداهم...انا ونتا باقي جدا..

هز عينوو فيها..ومد يدو لعنقها

بهاء:لفاصمة كانت تنترات على جرحة...غا نوصلو لدار بدليها..

بعد عليها..وشدات فعنقها...على جرح لي تسبب ليها فيه خوها..

حل لباب وقبل ميخرح شاف فيها

بهاء:بالنسبة لبوسة فمديريش فبالك...انا ونتي بحال لخوت..وعادي لخوت يبوسو بعض..

طلع حواجبو مبتاسم ونزل..مخليها غا كتبحلق بعينيها

حادة:(بريفية) اهيا يما ينو عماس زاغ أوما

اهيا مي عمر بست خويا

"المرابطين"

غادية فلكولوار...كعبها مسموع..هازة راسها ...دافعا صدرها..ومتقدما بخطوات سراع..

حنات راسها بشويا للمرضة لي حياتها بنفس طريقة..

وتمات غادة..شافت لممرضة فلي معاها..وقالت"كلفها دكتور اسيرم بلكلينيك فغيبتوو..شفتهاا غادية لبيتو يعلم الله كفاش اتسالي بناتهم"

وقفات قدام باب لبيت..حلاتها بشويا ودخلات...

شافت فيه ..ناعس على سرير ...زااد عندوو...هزات لوسادة...ووجهاتها لراسو

حطات ليه لوسادة تحت راسوو...وبقات تتشوف فيه وهوا غا كيشوف فيه كيرمش..مقادرش يهضر مقادر يتحرك

عبلة:ونتاا هناا..بين هاد ربعا دلحيوط..بغيتك تفكر فكاع داكشي لخايب لي درتيي...

قربات منو...كتشوف بحقد فعينوو

عبلة:فكاع ناس لي ضريتي..تفكر وتفكر..وبكييي..وطلب من الله يغفر ليك..لعلى وعسى ياخد عمرك...

بعدات منوو خارجا..وهوا متبعها بعينووو...بصعوووبة كيحااول يهزز يدوو....

بعد مجهود قدر يعليها شويا..وسرعان مطاحت....وسد عينو مور مسدات لباب..

🥀بعد يوم🥀

كدور فارجاء لكلينيك...بعد مسالات من فحص لمريضة..عيات متشووف ولكن كاع مبان ليه لاتر...

وقفات منين وقف قدامها..كيشوف فيها مبتاسم..

خالد:نورتيي وانا كنقول مال سبيطار ليوم مضوي

هزات عينيها فيه:صمت

خالد:لاش جايا ليوم كن رتاحيتي مزال

سكينة:انا بيخير

خالد:واااش فكرتي فهضرتي اسكينة..؟انا راني جديي..باغي نكون معاك وربي الولد بحال ولدي.

قبل ميكمل هضرتوو جا طايح لارض بعد منزل عليه براس لنيف..

ينيس:كفاااش غتربيي ولدي بحال ولدك ربيتي تا راسك اولد ل***

كان كالس فلمكتب ديالووو....شااد على راسوو...كيفكرر لهضرااا ليي جمعاتوو معاها...تنهد منين شاف تيلي كيصوني...هزو مجاوب..

عنكش وجهو منين سمع صووت بكاها...

عدنان:خالتي اش واقع؟؟

رانيا(كتمسح دموعها)بنتيي واش جات عندك؟؟

عدنان:لا ليوم مشفتهاش

رانيا:هي هزات حوايجها من دار..فقت ملقيتهاااش..ومكاين عند حد من لمعارف..

عدنان:عادي انها متبقاش فدار...واش مقالتش ليك على بلاصة ناويا تزورها

رانيا:كانت بغا مور طلاقكم ترجع لفاس..كنصوني عليها كيصوني ومتتحاوبش..خفتها تكون مشات لفاااس..وتبقا تم

عدنان:انا غنعيط لهاا...مكنضش تمشي وجلسة طلاقنا قربات..

ساط بجهد...ناض هاز تيلي كيعيك لهااا...ثواني تا جوبات

إيناس:ألو

عدنان(بلغوات)فييييينك نتييي؟(خفض نبرة صوتو)ماماك مشطونة عليك نتي بيخير؟

إيناس:اه انا بيخير..

عدنان:هي خايفا لتكوني رجعتي لفاس

إيناس:لااا(ابتسمات)ممشيتش لفاس..

عدنان:(تنفس بجهد)وفينك نتي؟

إيناس:فالمطار..

ميل وجهوو..مستغرب:لمطاااار؟كتعايني شي حد؟

إيناس:غرجع لفرانسا..

عدنان:اش تتخربقيي نتيي ابنتيي؟؟اش تتكولي نتي

إيناس:متخافش..مور غيبتي..تقدر ترفع دعوة طلاق لغائب ولمحكمة غطلقك....(زيرات عينيها)هاااد لبلاد كتخنقني...على داكشي خصني نبعد...

هززز لكونطااكط...ديال لوطوو..

عدنان:بقاااي تم انااا جاي عند..

قاطعتو...

إيناس:كيعيطوو..وقت طيارتي..بلا متعدب راسك وتجي ..وبلا متحاول توصل ليا...غنحيد اي حاجة تقدر توصلكم ليا..غنحيد إيناس من حياتكم ..ليوم غنتبنى لخطة دينيس...غنهرب من كولشييي...

عدنان:(سرط ريقو بحرقة)ماماك محتاجاك...

ابتسمات ودموعها نازلين:انا مغنقدرش نسمح لهاا..تاحد ممحتاجني تاحدد..

عدنان:أنااا محتاااجك أناااا رجعي ليي أناا متمشيييش ..

عدنان:انا محتاجك رجعي لي انا متمشيش...

لجملة لي جات فبالهاا..لجملة لي تمنات تسمع منوو..وتلوح ڤاليزتها وتجري لعندو..

لجملة لوحيدة لي كانت تخليها باقياا...

لجملة لي بقاات غا مجرد امنية..ممكتابش لها تحقق...

شاد تيلي ساكت...فحين هي ابتسمات ودمعتها نازلا .

إيناس:متحقدش عليا اولد عمي ..

نزلات تيلي من ودنها بشويا ..

.عدنان: صبارييي..إينااااااااس ...

قطعات عليه توجهاات لطيارتهاا بلا اي تردد

..زير عينووو..مور مقطعات..ونطق..بتمتة ...

عدنان؛مت..مشييش ....

نزلات دمعة سخونة من عينو...جمع لكمة يدوو..ضاربها بجهد..فقلبوو حاااس بلعافية شاعلاا فيه...

شاف لتيلي كيصوني..هزو مجاوب

رانيا:فين بنتي؟

عدنان:هزات قلبي ومشات..ومقدرت نقول والووو

ردخ دااك تيليي مع لارض ..وشدد فراسووو..متكيي على لحيط..كالس لارض ويدو باقين شادين فراسو..

وسعات عينيها..وحطات يدها على فمها...زادت بجرا عند خالد تتعاونو يوقف...

ضحك بجهد..وهوا كيشوف فيهم

ينيس:وقفيه مسبتي تا معاود طرح

شافت فينيس صاعرة

سكينة:اش تدير نتااا؟؟أاا؟؟ واااش نتا مريض فعقلك.ولاا؟؟ يااك قلت لك بعد منيي ومن طريقيي..؟

ينيس:انا مرانيش فطريقك..انا فطريق ولدييي...

قربات منو مخنزرا فيه..

سكينة:ولدك..لولد لي كنتي ..غت..ق.تل. .

زير على لكمة يدوو. :,هواا ولديي ومغتبعدني عليه غاا لموت..بغيتي تقلبي ليه على أب آخر يربيه ساهلا دفنيني ..

حركات راسها بلاحول:زيييد..زيييد كر.هنييي فيك غاا زييد..بحالا داكشي لي درتي مكافيش....

ينيس:(ضحك جنب)نتيي كتموتي عليا وخا تعاياي متكدبيي المخورة.

غززات سنانها:بصح مخورة تخورت منين تقت فيك مرة وبغيتك..ولكن هادي وتوبة...

شافت فخالد شاد فنيفوو..

سكينة:خلينيي نشوفف الضربة اخالد..وغنفكر فعرضك(شافت فينيس)عرض زواجك بياا..

ابتسم جنب...كيحرك راسو بشوياا..مزير على لكمة يدو..

شاف فيها خالد ضاحك:ضرب على قبلك عسل..

سكينة:خلينا نمشيو ..

زاادت معااه..فحين ينيس بقاا واقف...حاس بسخونية طالعا معاه وقلبوو تزير عليه..

تم غادي .فطريق معاكسا..طريقهم...غادي بثقالة .شاد فلحييط...نفس لاحساس من جديد...نفس نوبة من جديد. ..بلا اي سابق اندار ..كتجييه فاي بلاصة وبلا متعلم

لعرق نازل من جبهتوو ونفس مقادر يطلعهاا...رجليه مقادينش يهزوه طاح كالس لارض.

جاي سارة فلكولوار .شافت فسكينة :على سلامتك..شفتك مقدرتيش تعطلي على لغيبة

سكينة:الله يسلمك...لخدمة حسن لي

سارة:داكشي لي كاين نخليك

كملات سوكا طريقها..فحين سارة هزات راسها كيف بغات تخطي.. غوتات بجهد..منين شافت ينيس طاح..وزادت عندو بجرا

دارت بزرباا منين سمعات سارة غوتات"بدكتووور ينيس"

شاافت فيه موسعا عينيهاا:ينيييس..

شاااد على قلبووو ...صوت انفاسوو مسموع ..

كيتنفس بصعوووبة....

لعرق نازل من جبهتووو...

بشوياا بشويااا كيخرج من هاد..دنيا ..معارفش فينوو..لي عارف ان روحو تتخرج...ان هادي نهايتووو.....

خلاات خالد..وزادت عندوو..تتجري ...طاحت على ركابيها ..كتشوف فيه بخوووف...كاع داكشي لي دار معاهاا .نساتو فديك لحظة ..

سكينة:ينيييييس ..ينيييييس...(غوتات بجهد)جيبوووو لبيااااص.......

حاط يدو على قلبووو...هز عينوو بشويا فيها...وبتمتة نطق

ينيس:قق.لبيي..

جابوو لبياص..بجرا..عاونوه..يكلس...دخلاتوو لاول غرفة..لقات خاويا..

سكينة:احتمااال..غتجيكك ازمة قلبية..

لاعراض ديالووو...خلاوها تضن انهاا ازمة قلبية ....

لكن بمجرد مشافت دقات قلبوو ..تلاشات لفكرة من بالهاا..

كيتجرااو..حداااه...شي داخل شيي خارج..

مقادينش يشخصوو حالتووو..معارفين مالوو ولا اش خاصووو..

مؤشراتو فطبيعي..ولكن حالتوو لاا...

باقي كيتوجع . باقي كيتنفسس بصعوبة ...

مخرج عينو .ولعرق نازل من جبهتووو..

محاسش باش دايرر بييه ..

حاس بروحو تتخرج...

فكل مرة كيجرب نوبة تتكون صعبة من لي قبل منها...

حطات يدها على راسهاا...تتشوف فيه...تفكرات نهار قال لها زاكي...بلي طااح قدام داار..

سكينة(للممرضة)عطييه مهدئ .

دارت منين سمعات صوت انثوي..فدخلة دلباب..

"no, متعطيه والو"

سكينة:شكووون نتي لي توريني خدمتي؟؟

روزيتا(ابتسمات)انا بوحدي لي عارفا مالو

زادت عندوو..بزربة...يد شدات فيدو..ويد فراسو ..

روزيتا: ينييييس...انا معاااك...موقع والووو..نتا بيخير..مغتمووتش..ماشي ازمة قلبية هاديي..غدوز بحال ليي قبل...يلاااه..تنفس ...رولاكس.......

شوياا بشويااا بداا يرجع لعقلوو..شافت فيهم..

روزيتا:30 ثانية باش يرجع لوعيو بمرة..خرجوو عفاااك...لفاق وشافكم غتسببو ليه لاحراج..وغيتعكس فاخد لعلاج..

ميلات وجها:أشش عندوو؟

روزيتا:ماشي وقت هاد سؤال..

شافت سكينة فلي فلبيت..وشارت لهم يخرجوو .

عطاتهم بضهر بغا تخرج..وقفاات عند اول خطوة منين شد لهاا يدها

ابتسم جنب بوجهو الذبلان:قلت لك نتي تتموتي عليااا..

وسعات عينيها وفمها..تتشوف فيه .

سكينة:كفاااش وااش كنتي غا كتفلاا؟؟؟

ينيس:صمت..

نترات يدهاا...وخرجات براا....

ينيس:انا متنتفلاش. معرفتش فين كنت ولكن صوت غواتك كان مسموع عندي..

روزيتا:نتاا كتبغيها؟

ينيس(هز عينو فيها)ونتي سوقك

روزيتا:(تنهدات)لكونتي تتبغيها كمل علاجك على قبلها...انا قريب ارجع لامريكا .مبغيت نمشي تاا تكون واقف على رجليك..نتا طبيب..ونتا اكتر شخص خصك تكون واعي بمرضك..نتاا تتعاني من امراض نفسية..متراكمة ..لمعالجتيهاش...تيقنيي..غضيع حياتك

تمم نايض :انا بيخير...غنمشي نشوف خدمتي .

ناضت واقفا..حطات ورقة..على لبياص..

روزيتا:هاد دواء غيقلل من حدة لpanic attack لي تتجيك

(نوبة الهلع) ولبغيتي تعالج راك عارف فين تلقاني..

زاادت خارجا .فحين هوا توجه لمكتبوو..لبس سكراب طبي ديالو..وزادت كيشوف مرضاه..وهوا متهرب من تفكير فهضرتها

غادي فلكولوار..ابتسم.منين شافها..زاد بخطوات سراع عندها

ينيس:المخورة نتي تتموتي عليا(غمزها)

خنزرات فيه:متورينيش كمارتك خليني محتارماك هنا كزميل فلخدمة

ينيس:كتموووتيي على زميل ديالك

سكينة:(بلغوات)واااااش متتفهمشششش ..أاا؟بعدد منييي؟عطيينيي تساااع..سير عندد زعراا ديالك وفارقنييي عليييك اناااا...راه مغديي مني لاحق لباااطل غا فرقني عليك

ساطت بجهدد.

خدودها ولاو حومر بلعصب..داتها تترجف..شعرها تعنكش خصلاتو نازلين على وجها..كتشوف فيه..كتنفس بجهد..حلقها نشف بكترة مغوتات مبقاتش قادة مزال تهضر معاه..

واقف كيشوف فيه..متكي على لحيط كينقب لوز..قاد وقفتو..خاشي يدو..فسكراب طبي ..ميل راسو وبرودة نطق

ينيس:عييتيي؟؟خصاااك السوفل المخورة..عارف طريقة فيت في باش تربيه(غمزها)

ضرباتو لصدرو مبعداه

سكينة:واااش نتاا متتفهمش لعربية...مبقيتش بغاا نشوف وجهك مزال..انا مبقيتش بغااا نشووووفكك(كرزات عليها)بمممممرة..

ينيس:لمشفتيش واحد زوين بحالي شكون غتشوفي؟نخاف توحمي لي على شي خيبووع ديك سعا غتربيه بوحدك

سكينة(تنهدات بجهد)اخر مرة غنكولها لك.مبغيتش نشوف وجهك وولدي غربيه بوووحديي..ونتاا عارف بلي انا وخالد غنكملو بجوج غيربيه معايا

حرك راسو بوخا:معنديش مشكل نكمل معاكم جوج عيالات حسن من وحدة اولا؟؟دوووبلل نايس ..ناااايس

رجعات شعرها لور تتلهت..

سكينة:بعد منييي الله يخلي لك لوزاتك مبعد منييي

هز كتافو:انا مبعد منك كي شفتي انا مقرب من ولدي ماشي منك

سكينة:بعدد منووو تا هواا فهمتيييي

قرب عندها..جرها من خصرها..مخليها تضرب فصدرو..هزات عينيها فيه...شادة فراسها بزز باش متعنقوش وتشم من ريحتوو ..كتشوف فعيونو لي كيلمعو وهما كيشوفو فيها بكل حب..وهدوء نطق..

ينيس:حيواناتي و بويضاتك خدمو وعياو تعذبو باش يعطيونا هاد الولد وباغا تبعديني عليه(قوس حواجبو)نتي مامزياناش المخورة..كتجرحي القووولايب ديالي ولقولي ..

بعدات عليه مخنزرا فيه

ينيس: (ميل راسو)ولويزاتيي

(هز صباعو مشكل جوج)

كارزا على سنانها:سيييييير سيييييييير

ينيس:انا غادي رولاكس لاتحطمي لي خدمتي ومجهودي دليلة كلها كي شفتي ماشي كاع لبيوتا كيدخلو فشبكة

تم غادي..وهي واقفا مزيرا على يدها كتنفس بجهد. حاضيااه..وهوا مبعد.عيطات ليه بصوت مسموع

سكينة:ينييييس

دار كيشوف فيها

سكينة:غتنسا اش غندير دابا تفهمنا .

ميل وجهو مستغرب:نسا؟مافياش زهايمر ال

زادت جوج دلخطوات مقربا ليه..شدات وجهوو بين يدها .وحطات شفايفها على شفايفو..مسكتاه

بعدات عليه بشويا..سرطات ريقها..

سكينة:نساااا...أش وقع

زيرات على عينيها..وبعدات.عليه..غادة جرها من يدهاا..تا ضرباات..معاه فصدرووو...

ينيس:قلت لك..مفيااش زهايمر..

عنكشات وجها...ودفعاتو بيدها

سكينة:كن غاا كان فيييك..كن غيييير...

بعدات عليه..كتسوط بجهد

سكينة:متبقاااش دير ديييك ريحة...

مسحات على وجهاا..وزادت..وقفات منين نطق

ينيس:انا مخليتكش حيت بغييت نهار لعرس..خليناا..نساو طلاق..خلينااا رجعوو..عطيناا فرصة خراا..انا عارف نتي بغاانيي ..خلينا نكملو مع بعض ...

سكينة:مرجعش لكك عمرر رجعع لككك..ومبغاش نسمع منك شي كلمة خرا مزال

ينيس:عندي بزاف ميتقال (هز كتافو)وغنكوليك كولشي لبغاا تسمعيي..غنعاينك فدار ليوم بليل..لكونتي مزال باغاني اجيي ..والا مجيتيش غنعرف بليي نتي كتبغيني ولكن مقداش تجي(غمزها)نتي فكلتا لحالتين تتموتي عليا المخورة ..

تم غاديي مخليهاا واقفا مزيرا على يدها...

عضات شفايفها وشافت قدامها..يلاه بغات تزيد شافت خالد قدامها

خالد:كنت تنقلب عليك...

سكينة:ياك لباس؟

خالد:لاباس غير توحشتك..نتي قلتي غتفكري فعرض..

قاطعاتو.

سكينة:خالد..عرضك راه وخا نفكر فيه نهار وليل وليل ونهار..غنرفضوو..انا مكنبغيكش..انا غير استغليتك قدام ينيس باش يبعد..عليا.بلا متحاول طمع فيا حيت مغدي مني غا صبع..

صبعات ليه وزادت..

خالد:بااش هوا حسن منيي؟

شافت فيه:وهوا مكيسوااش..ولكن راه حسااان منك وكيسواا علييك..نتاا خنتي مرتك معايا وهوا تزوج بيا وخا لمشكل دلعرس ولكن راحنا فلقانون مزوجين(غمزاتو)مرت راجل انا اخالد..والا طلقت من ينيس فغنموت بايرا حسن منكون مع شماتة..

تمات غادة.

خالد:يااك هادي هي اخر هضرة عندك

سكينة:تاليل ونسيفط لك اوديو نكمل هضرتي ودير لزيات..

داز لوقت🥀

طالع فدروج دلموبل بثقالة ..من لقا سانسور خاسر ..

دنياا دايرا بيه حاس بلعياا...كان ضروري خصو يدخل لعملية .وهوا بالو معاها...واش وصلات؟واش صافي مغيرجعش يشووفهاا...

تمنى كن قدر ينطق ويمنعها..ولكن لسانو خانو..ومدافعش على قلبو...

وقف قدام..باب لبارطما ديالو..حل لباب داخل..

بان ليه ضوء دلكوزينا مشعول. عرفو غا جارو لي رجع من سفر هوا لي مولف يخرج زوبيدة..بوحدو لي كيخلي ليه ساروت..مور مولا ساكن فدار بوحدو.

عدنان(حط يدو على راسو)امتا جيتي من سفر واش ليوم؟واااش وكلتيهاا؟

"مساافرتش ووكلتها"

جوج كلمات خلاو قلبوو يتهزز.من بلاصتو..هزز راسوو فيها...كيشوف فيهاا بلا ما يرمش صدرو كيطلع ويهبط..

إيناس:نتاا مبدلتيش ساروت ددار. وانا ..(تنهدات حانيا راسها هزاتو فيه)مقدرتشش نساافر..انا سمعتك قولتي لي بقاي(هزات كتافها)وخا سمعتها غا فخيالي..مقدرش نهرب منها. انا م..

سكات منين جرهاا عندوو بجهدد...معنقاا بين يدووو...مزير عليهااا فصدرو لعريض.حاسة بضلوعها ايتهرسوو..بين يديه .

حضن دواحد.خايف لتهرب من بين يدو من جديد

يتبع...