تزوجتها بوصية زوجها الجزء 25

واقف قدام باب..دارها...بعد تردد...

دق لباب...ثواني تا حلات..شافت فيه مبتاسمة..

روزيتا:فرحت منين جيتي..خصك تعالج باش تكمل حياتك اينيس

ينيس:مبغيتش..التنويم..غنهضر وانا بعقلي .

روزيتا:تنويم ايعاونك تفكر

ينيس:.منسيت والو ..باش نتفكر(حرك راسو بشويا)والوو

شارت ليه يدخل .

ثواني كان فلمكتب ديالها..جبدات مذكرة وعيونها عليه..

روزيتا:اناا عارفا شي لي دوزتي ماشيي ساهل..ولكن هادي هي دنيا..لواحد خصو يواجه صعوباتو..

حرك راسو باه..شار لها تبدا

روزيتا:منين ماتوو..اش وقع لييك ايانيس؟ حالتك.. وحياتك كيفاش كانت...

شاف فلفراغ..سرط ريقو ونطق..

ينيس:حياتي كفاش كانت؟حياتي وقفات بموتهم...

فكل نهار...فكل ساعة ...فكل دقيقة...فكل ثانية...كنت نتفكرهم...صورتهم صوتهم بيين عينيااا... (هز كتافو)مقدرت ندير والو..لا نقراا..لا نعس لا ناكل ...كنت تنعاين حاجة وحدة ..

روزيتا:(حركات راسها بشويا تتقيد) هادشي كيعني انك عانيتي من كرب بعد صدمة ..

شنو كونتي تتعاين؟

ينيس:المحاكمة...لمحكمة...باش نشوووف (كرز على سنانو)صلاح فلحبس

روزيتا:مور مدخل لحبس وااش رتاحيتي؟؟وقدرتي تنعس وتمارس حياتك عادي اينيس؟

هززز عينوو فيهاا..لي ولاو حومر.كرز على سنانووو...وزير قبضة يدو بجهد..

ينيس:مدخلششش...(ضرب فلمكتب تاهزها) هوااااا كاااااع متحبسسسسسس

كالس عند قبرهم...شاد ترابهم بين يدوو...

هز راسوو فيها منين نطقات

زهيرة:واااش كانو موحشيني بزاف؟

رجع منزل راسوو بلا ميجوبها

زهيرة:انا عند بالي غا باغين يهربو من لقراية..مكونتش عارفا غيوقع هادشي ؟ وااش انا سباب؟.

وقف كيشوف فيها...لثواني ..بلا ميتكلم...نطق...

ينيس:انا واعدتهم بلي ماماهم غتجي تاخدهم...ونتي جيتيي...(عيونو تحجرو بدموع)جيتي معطلاا وخديتيهم ميتيين...الا كتسولي واش نتي سباب..وبغاني ريحك ونقول لا..فاه..نتيي سباب ...كن سمعتي لييي ..كن جيتي كاع مكانو ايموتو..ودابا اقل حاجة اديري اتمشي لمحكمة...وتدافعي على ولادك...

تم غاديي متوجه لمحكمة بحكم ليوم..الجلسة..

داز لوقت...كالس حدا باباه...لي محاملش يهضرووو..ولا يشوف فيه ..

كيشوف فلمحامي..ليي كيهضرر...

طلب المحامي من ينيس ..يجي لشهادة...

ثواني تا كان واقف ولمحامي كيسول فيه..

المحامي:هماا كانو صحابك ياك؟

حرك ينيس راسو باه

المحامي:نتاا اكتر واحد عارف لمضايقات لي كانو يتعرضو لها...

ينيس:كان سند .كيتعرض لتنمرر من (خنزر فصلاح) صلاح.. وضرب...رييم قبل متمووت قالت ان صلالااح سباب فمووت سند..

(بالغوات)هاااااد لمجرررم خصووو يموووت كيييف قتلهممم كييييف قتلهمم خصوو يتقتل

خرج من لمنصة متوجه لصلاح شدوووه مبعدينوو..

ضرب لقاضي بلمطرقة:هدووووء...خلي الشاهد يلتازم بلهدوء ولا غنضر نخرجو..

نتر يدو منهم وزاد كالس وهوا كيحاول يكالمي راسوو..

المحامي:سيدي القاضيي..الشااهد قال انه قبل مووت المدعوة ريم اثناء حياتها..اشاارت ليه بان المدعي عليه هواا لي ارتاكب الجريمة ...

وبحيث ان الضحايا بجوج تعرضوو لتنمررر...ولعنف المدرسيي...وبحيت ان المدعي عليه عندو السن القانوني الكامل باش يتحمل المسؤولية فكنطلب منك حضرت الرئيس بأقسى العقوبات.

القاضي: دفاع المدعي عليه عندك مضيف؟

ناض محامي صلاح:نعم سيدي لقاضي

محامي صلاح:سيدي القاضيي كون ان موكلي كيتنمررر وكيتعامل خايب مع الضحايا...كلام لا اساس ليه من صحة ..والى سمحتي لي غندعي لمنصة شهود..اصدقاء معاه فدراسة. غيشهدوو على ان موكلي كان نعم تلميذ..نعم الاخلاق ولانظباط

عطاه القاضي الادن...دخل شاهد..

تهزز ينيس كيشووف فيه..

ينيس:هداا حمزة؟ هدااا صاااحبووو(تهزز من بلاصتوو)معيييطططط لصاااحبووو لييي بحالو بحالوو وااااش بغيتوووو تحمقووونييي نتوماااااا

شدوو بااه باش يكلس..سكت منين ضرب لقااضيي..

سول المحامي حمزة...والا قال غا لهضراا زوينة ولكلام زوين عليه..استدعاا اساتذة كيقريه وتلاميد خرين كلهم قالوهاا زوينة فصلااح...

المحامي :استاذة وبالنسبة لتلاميذك ريم وسند كيف كانت اخلاقهم؟

شافت فيه:بصاارحة كانو تلاميد مشاغبين نوعاا ماا خاصة ريم..وهداا كنا نحطو ليه اعدار انه مراهقين وانهم كيعانيو مشاكل عائلية حيت مور موت باباهم ماماهم تزوجات ومبقا لهم حد

ينيس:اشش تتخربق هادي(شاف فباه.) رييم متتقراش معانا اصلا..هادي كاع متتقريها

ضرب بكتفو على ضهر ولدو:كن مكانتش مسجلا عندها كاع ميخليوها تشهد

ينيس:باباه لمدير ماشي صعيب يسجلهاا(دمووع محجرين فعينو)هدااا ظلم

كلاموو وجهو لباه..ونسا انو مقلق منوو..كان باغيي غير يهضرر ويطمنوو ان كولشي غيدووز..باغي شيي حد يدااافع على لحق..وكيبقا لاب هوا لبطل فعينين لولاد..وهواا تشبت ببطلو لاخر لحظة..

المحامي دصلاح:سيدي القاضي...كنطلب منك اني نستدعي. ..ام الضحايا..

عطاه لادن..واقف كيشوف فيهاا .

المحامي:عندي هنا شهادة طبية ..كتبت ان المريض كيعانيي من مرض السل..وبسبابو مات..نتييي خبيتي مرضوو وخليتييي المؤسسة التعليمية كلها فخطر ...وااش مفكرتيش ان لمرض يقدر ينتقل لهم؟

زهيرة:معندووش.ولدي كان كيعانيي منوو شحال هداا ولكن براا

المحامي:واااش عندك اثبات بلي برا منوو؟

حركات راسها بلا:هوا لاعراض مبقاوش فيه و..

قاطعها المحامي: سيدي القاضيي لمريض قبل موووتوووو كان كيعانيي من سعاال ..وسخانة..شيي لي شهدووو عليه ناس لي مشاركين معاه لجنااح...وطبيب لي زارووو أكد انه عندوو سلل...ورغم حالتو المرضية كان كيهرب من لمدرسة..ويمشيي يداابز ويديير لمشاكل.. شيي لي خلا صحتوو تضعف .وقدر الله انه يمووت ..بعد موتووو ختووو مقداتش تحمل...( هز يدوو) ونتاحراات

نطق محاميي:اعترض سيدييي القااضييي

القاضي:اعتراض مرفووض

محامي صلاح: علااش اتعتارض؟كووولشييي هناا...بنت مراهقة مات باباها..تخلات عليها ماماها وتزوجات..ومات خوووها.. شنوو سبب لي ايخليهاا تعيش...وبحكم ان ليوم معانااا طبييب نفسي فلمحكمة..فغنطلب من سيادتك تسمحليي نطلبو لمحكمة..باااش نوضحو قضية لا..نتحا.ر ..

عطاه القاضي لاذن

المحامي.:سي بنيس تفضل عندنا..

شاف فولدو قبل مينوض

ينيس:نتا عارف ريم منتحراتش .خليهم يعرفو هادشي..

نااض لمنصة شهود.سولو لمحامي دصلاح بعد مأدى القسم

المحامي:بحكم انك طبيب نفسي واش فنضرك ريم..ا نتحرت ولا هاد لاحتمالية بعيدة

شاف فيهم..شاف فصاحبو المدير .وشاف فولدو.

....:المراهقة هي اصعب فترة..كتخلييي شخص منداافع كتر .وحساس كتررر . ابسط المعاناة ..كتأثر عليه ...بحكم ان ريم شاافت خوها ميت..وبحكم داك لكم لهاائل ليي كان متراكم فقلبها من احزان على فقدان باباها.. وزواج ماماها...فهادشي عادي يخليها تنفاجر ..وتخار القوة ديالها..وتفكر فاول حل .كيفكر فيه شخص ضعييف...معندوش جهد..وهوا لموت....يعني باعتباري دكتور نفسي.. فاحتمالية انها رمات راسها واردة جداا ...خاصة ان لمراهقين..هما اكتر ناس ليي كينهيو حياتهم..

المحامي:شكراا ليك..هوا شي مأكد انها رمات راسها .بشهادة ناس..لي حاولو يمنعوها..ولكن مقدووش..

لساان لي كان يغوت...مبقاش قادر تا ينطق مزال ...

كيشووف لمسرحية لي قداموو...كفاااش خلاو من سند وريم جوج دناس خايبين..وخلاو من صلاح هوا الملاك المظلووم...

كيشووف ودموع فعينوو فحجرين..

لمن غيغوتت؟ لمن ايشكي؟لمن ايقوول بغيت العدل ..قااضي الارض ساهل يتبااع..

ولي عندو لفلوس يقدر يخلق لمسرحية لي بغا كيف بغاا...ويخلي كولشي يتيقها ويصفق لها من لفوووق..

عيونوو على لقاضيي لي نطق بلحكم...وكيف كان متوقع لبراءة..لصلاح..

لمحكمة تهزات...كولشيي فرحان..

فرحانين حيت مثلو مزيان..وخلصتهم اتزاد.. فرحانين حيت جيبهم ايعماار..

كالس كيشووف..فزهيرة لي بدورها تتشوف فيه...

ناااضت خارجاا من لمحكمة..بلا متنطق..ولا تغوت..ولا دافع..

داز لوقت...دازت ليام..كان كيعاين ترجع لقرايا لمدرسة لي توقفات فيها مور لمشكل

مخرجش من ديك لمدرسة..بقاا فيهاا...لسبب وحد..بااش ياخد حق صحابو..

واخيراا جا نهار..ورجع لداخلي .لمدير كيف لعادة خلاه على وجه باه .

دازو لمحاضرات. ومبانش ليه صلاح.توجه بثقالة تابع حمزة...غااا دخل..لبيت حلها موراها وسدها..قبل مينطق حمزة نزل عليه براس جابو طايح..

مرحمووووش...ضرب وضرررب وقلبووو مبرددد...

شدووو شانق عليه

ينيس:فييينوووو صلاااح

حمزة:م..معرف .

رجع كيضرب فيه من جديد.

حمزة: هوااا..سافر.

وقف كيشوف فيه..دم نازل من فمووو وكولو مضرووب

حمزة:باباه خلاه يسافر معرفتش اشمن دولة ولكن سافر برا لبلاد

ناض خارج مخليه..

وقف.منين نطق حمزة

حمزة:مقدرتش نشهد ضدوو..كان غيجري عليا من لمدرسة .والا جرا علياا غرجع لدار راجل مي..انا خفت رجع..هوا لي قتلوو حاولت نمنعو ومقدرش..قتل تا ريم...خفت لخوف لي خلاني منهضرش

شااف فيه :عنداك يصحابك ربحتييي باقيي غتخااف بزاااف...فكل ليلة غتسمع صوتهم..فكل لييلة ..غتشوف صورتهم...باقي اتخاف بزااف..اظالم

بقا كيشوف فينيس بلا مينطق..تهززز بلخووف منين سمع صووت رصاص.

كانت كالسا...تتشوف فطبيبة لي تتشوف فتحاليها...

نطقات بعد محطات لوراق ..

....:هرموناتك الانثوية عالية...نتي راكي انثى بمعنى الكلمة...شنوو لي خلاك متصححيش الجنس ديالك..شنو لي خلاك تا توصلي لهاد لعمر؟..

شبكات صباعها..وبتوتر نطقات..

نورة:انااا كبرت..فڤيلاج..صغير...ڤيلاج لييي لي عندهم ولد...كيهزوو راسهم ولي عندهم بنت كيحنيوه...كانو كيقولو ان لولد فيه نفع...ولبنت غا صداع راس وتتجيب غا لعار .فتتلقايهم كيزوجو لبنت على 14 ..15.. فعمرر لي لبنت اكبر حلمهاا...لعبة تلعب بيها .پوپويا تهزها..تا تلقا راسها هازا ولد..

(رجعات شعرها مور ودنها)منين تزاديت...وكان عندي ازدواجية لاعضاء .فلول ماما ملحضات والو..وفرحو بيا ..ودبحو ليا على اساس ولد...وسماوني عبد الرزاق..من بعد ماما لحضات بلي انا عندي جوج دلعضاء دلانثى وذكر ..بابا...قاليها تخبع لموضوع..مبغاش يديني لطبيب...خلاني عبد الرزاق..

بديت تنكبر..وانا عبد رزاق..شحال كانو يتنمرو عليا ..دراري لي كيقراو معايا فجامع..حيت كنت رطبا عليهم..ضعيفاا منهم..ومكنميلش لاش كيميلوو...

هما كيبغيو يلعبو كرة..وجراا..

واناا نلبس لحوايج لمونيكات..ونقاد لهم..

وحد نهار لقاني بابا..كنخيط..حويجات لمونيكا..حرقهاا...وحرق يدي ولخيط(شافت فراحة.يددها ودموعها نازلين على اثر لحرق لقديم)

خلاوني نكون كيف بغاو...ولد..كندير خدمة لولد..نقدر نحرث..نسقيي...بهاد لفصالة هادي(ضحكات بجهد) مقدرتش نكمل مور موت ماما...هي لي كانت تحن فيا شويا..فاش جات مرت بابا...كان اول مرة انبلغ .ولد جاتو دورة شهرية(ضحكاات بجهد) مقداتش تسك فمهاا .نشراتهاا فلڤيلاج كولو .وبابا رضني انا لي خايبا وانا لي نشرت لخبار ...ضربني وحبسني..ولكن متقبلنيش كا بنت .مقدرتش مزال نبقاا معاهم..فاول فرصة هربت..

ومشيت لكازا..تماا..لقيت تنمر من نوع اخر...معارفينش واش انا بنت ولا ولد..وانا براسي معارفاش..لباس لولد..لكارط دلولد .لفصالة وصوت دلبنات...

خدمت تم مع واحد لخياط..تعلمت لحرفة..مبقيتش كنخيط غاا لمونيكات وليت تنخيط تا لبنادم..من بعد..تعرفت على وحد لبنت..نورة..كانت جات لكازا..ومن زهري لكسوة لي كانت لابسا..تقطعات لها..قريب من لمحل وجاات ..كنت تنتغاوت مع لخياط لي انا باغي تصميم فشكل وهوا باغيه فشكل...

شافت تصميمي وعجبها..وطلبات مني نخدم معاها..كانت احسن حاجة وقعات لي فهاد دنياا (ابتسمات)وتاهي مشات من هاد دنيا..

مسحات دموع على طرف عينيها..ابتسمات تتشوف فطبية

نورة:سمحيلي سهيت وبديت نهضرر..

ابتسمات لها طبيبة..وبدورها مسحات دموع لي غدروها ونزلو...

الطبيبة:نتي قوية انورة..وهاد لقوة وصبر من خصايل لبنات..مور لعملية..غترجعيي كيف كونتيي..تيقي بياا...غتكلسي ليوم ..وغدا ان شاء الله..غندخلوك لبلوك..تيقيني عملية ساهلة..وغتبدل حياتك..

حل لباب داخل بعد مدق..

الطبيبة:اه جيتي فوقتك..هدا دكتور جراحة عامة. .غيدخل معانا غدا لعملية تصحيح الجنس..

دارت مبتاسمة تتشوف فيه

.تلاشات ابتسماتها منين شافتو

الطبيبة:دكتور منصور..هادي لمريضة لي بغا تصحح الجنس..واناا غنعطيك ملف حالتها باش تاكد كتر

شااف فيهاا وشااف فطبيب..صدمة باينا على وجهو...

طلق من لباب..خارج بلا مينطق..

وقف فلكولوار شاد على راسو.

منصور:كفااش واش انا كنبغي ولد

سرطات ريقها وشافت فطبيبة

نورة:وااش تقدي تبدلي لي طبيب؟

طبيبة:وااش كاين شي مشكل؟

نورة:لا ولكن كنفضل لكانت طبيبة..

حركات راسها بوخا:وخا امدموزيل ميكون غا خاطرك..

...

كانت تتشوف فيه..وهي بقا تتقيد فلمذكرة.

روزيتا:اش وقع منين سمعتو صوت رصاص..؟كفاش تسمع صوت وفمدرسة داخلية. ؟؟

هزز عينووو فيهاا...

شاف فحمزة..وخرج بجرا...منين سمع غواتها

زاد كيطلع على ساحة...

كانت زهيرة ..هازا سلاح...مكانش صعيب تلقاه بحكم ان راجلها دركي..

خرجوو تلاميد..ولاساتذة..كلشيي كيجريي شي هارب شيي باغيي يعرف اش واقع...

طوقوها..سكريتي..لي استغلات غيبتهم..لغداء..ودخلات..

زوهيرة:غييقررب شييي حد غنق..تلووو..

خرج لمدير...بجراا..وقف جنب .لون تخطف..منو منين شافها

زهيرة:جيتي اسي لمدير..جيتيي اسي لممثل...قولي واش نعستي مرتاح..باااش حسيتي ونتا حاط راسك فوق لمخدة؟؟؟

المدير:خلينا نهضرو

( ضربات فصدرها) فاش انهضررر فاااش .انااا أممم خايباا ممزيناش.. ولكن ولادي...ولاادييي ماشيي خايبين...علااش رضتوهم خايبين علاااش؟؟؟؟

"شااافت فلاساتذة" قولتوو ولادي مشاغبيين؟؟؟ولديي سندد كاان كيحلم يوليي بوليسي كفاش لبوليسيي غيدير شغب كفاااش؟؟وخاا كنت عارفا مرضوو مغيخدمو فييين كنت مخليااه يحلم...علاااش طفيتوو شمعة حياتهم علااش؟؟ ريم ..ريييم مرااا وكااادة ..بنتييي ريييم كانت تدير اي حاجة باش ترضيني...ومكونتش نشوف..كفاااش بنت بغا رضا ماماها خايبا ااا؟

(ميلات راسها)كانوو قدام عيني..عند بالي غيبقاو ديما قدام عينيي...غيكبرووو ونشوووف ولادهم...مكونتش عارفاا غتقتلوووهم لياااا..كن كاااع مدخلتهم هنااا...بغيتهم يكونو شي حاجة...دخلتهمم لجهنم بيدييي...بيديييي....(هزات يدها كيرجفو)يدييييي لييي هزوهم...فاش يلاه تزادوو...اناا حملتهم9 شهووؤ كبرتهم وكلتهم شربتهم..باااش نتوماا ...تقتلووهم ليي...اه ماشي غير هوا..ماشي غير ولدو..كاع لي شهد زووور..كاان سباب فموت ولادي..

المدير:ولدي مقتل .حد..ولدك مات بلمرض.

شاارت ليه بسلاح..عيونها حومر...مغرغرين بدموع..

زهيرة:اناا أم خاييا...ونتااا أب...أخيب مني..عند بالك هكدا غتوصل ولدك..تييق بيااا...غيجيي نهاار وولدك ايخلص غالييي...

المدير:هوا مدار والو

زهيرة:تيقتيي الكذبة..(شارت ليه بسلاح ويدها على زناد) قل قوول لحقيقة قل ولدكك سباب قل ولاديي مدارووو والوو...يلاه معايا لمحكمة...لعتارفتي انخليك تمشي(شافت فيهم)يلااهووومعايا شهدو بلحق الله يخليكم..نتي نتي ااستاذة كاع متتقري..بنتي..لااش قلتي فيها هضرا خايبا ..يلاه معايا تشهدي بلحق..

المدير:متخافيش..مغتقدرش ضرب . لحق راك كولتيه

شافت لاستاذة جنب..

شافت فيهم..واحد واحد..ضحكات بجهد

زهيرة:غنشوفكم فجهنم اولاد لكلاااب...

جمعات ضحكتها...وبركات على زنادة..رصاصة وحدة خرجات..وتغرسات فقلب لمدير..

بزربا هزات يدها...وضربات على جهة لاستاذة ..رصاصة..فلكرش ..ولكتف...شتتات رصاصها عليهم.. خلات تلاميد يهربو..واغلب لاساتذة لي شهدوو...طااحو على طولتهم..حولات تجيبها فقلبهم ولا راسهم..بحكم انها ممحتارفاش كاين لي جاتهم فكرشهم..

واقفا تتشوف فحمزة وينيس..

حمزة لي لبولة نزلات ليه بلخلعا..

زهيرة:نتاا شهدتي ضد ولدي .ولكن مغنقتلكش..حيت نتا باقي صغير..باقا دنيا غتقتلك بلاصتي..تيق بيا غتمنا كن متي ليوم معاهم..

شافت فلمدير لي كيبخ دم

المديرة:ععع وونيني...وولديي..لي .لي قت..ل عو..

زهيرة:اعترافك جا معطل...

شافت فينيس لي واقف مصدوم.لون تخطف منو..وهوا كيشوف لساحة ولات كلها..دم

زهيرة:مااامااهم جاات..وخاا جاات معطلا..ولكن جااات...(دموعها نزلو) انا غنمشي لجنهم..مغنقدرش نشوفهم...لبعد موتك شفتيهم..قول ليهم بلي ماماهم جات.. نتا عند لحق انا سباب..وكنستاهل لعقوبة بحال هادو

كيشوف فيهاا..نطق بتمتة .

ينيس:نت.

قبل ميكمل هضرتو..حطات سلاح غلى راسها...وطلقات اخر رصاصة...لوضعات حد لحياتها

كانت فلكوزينة...تتقاد..لعشاء..ودندن...بصوت خافت...

سهات للحظة..تتفكر...فحياتهاا...كيف كانت وكيف ولات..

بنت احلامها كلهم بلون لوردي...اعظم حلم عندها انها تنجح ..وتزوج لولد لي تتبغي..وتكمل حياتها عادية...

مكانتش عارفا شنو يعني انك تغدر . وتغدراات..مكانتش عارفا شنو يعني لحكرة. وتحكرات..

ومكانتش عارفاا شنوو يعني تظل وتظلمات...

عائلتها خلاوها..صاحبتها غدراتها..ولولد لي بغات تخلا عليها وظلمها..وسمها هضرا كلها سم..

فلمقابل...جاا شخص..غريب..اول لقاء بينهم...اول شوفة ..من لبسوو ضناتووو شمكاار..شفااار..

وهواا لي كان على عكس ضنهاا...تزوج بيهاا..ودافع عليهاا..ودخلها لحياتووو...وخلاها مراتو معززا مكرمة..

ابتسمات بخفة...تهزات منين سمعات صونيط دلباب

حادة:يكمااا نسا ساروت..

زادت بجرا تحل لباب...

وقفات تتشوف...مرة تكوون فلخمسينات..لابسا جلابة..ودايرا زيف..فصالتها عامرا ...حروفها كوحل..وعيونها قهويين

شاد فيدها بنت صغيرة...فعمرها العاشر ...عيونهااا كوحل..واسعين..وشعرها كحل طويل ..لابسا كسيوة...وفوقها جاكيطا...هزات راسهاا...شافت فلمرا لي شداها..وعاود شافت فحادة..

ونطقات:واااش هادي مرت بابا؟

"إفران❄️"

كانت غادا معاه...مشبكا يدها مع يدووو ...آخر نهار عندهم هناا...ناويين لغد ليه يرجعوو..

شافت لسمااء...ابتسمات...

إخلاص:غنتوحش هاد لمدينة ..هواها هدوءها...كنتمنا رجعو هنا ...نتااا واعدتيني...غرجعوو نجيو..

شاف فيهاا..مبتاسم...جرها..عندوو...حاط يدها على كتافها..محاوطها..

أسيرم:لمدينة غتبقا بلاصتها...يعني اكيد غترجعيي..

إخلاص:غرجعوو ماشي غرجع..

قبل ميجاوبهاا..دارت بزرباا..منين سمعات شخص قال بلغوات"طلققق اشش عندك"

شهقات بجهد..

مدات ليه صاكها:مفييه والووو غاا تلفووون..غتاخدو...وغنعيط لبوليس .وفاش ايشدوك اتصدق مضيع لفلوس كتااار من ديال تلفووون..

شاف فيها أسيرم..رجع ليه صاك بيدو..وزاد قدامها كيشووف فيه..

سرطات ريقها..بخووف..

رجعات بلوور...وزادت بجرا

أسيرم:B m ؟

ضحككك بجهد:هواا هداا مول لبيض وماطيشة...اشش خباااارك

اساااط..

نقزز عليه معنقووو...

رجعات لعندهم تتجري...وجوج رجال معاها...كيغوتوو فينووو فينووو...

شارت بصبعها...خرجات عينيهاا ..منين شافتهم معانقين..

بعد اسيرم عليه كيشوف فاخلاص لي جايبا ناس..

نطق واحد من لي جاو معاها:شفاار ومعنقوو؟

إخلاص:راااه كيتعانقوو باش ياخد اش يغا بلا ميعيقوو ناااس..

زااادووو بجرااا...عندوو ..كيضربوو فيه.. اسيرم كيفكك.

أسيرم:الله يهديكم راااه كنعرفوو.

بعدو عليه وهوا شااد فراسو..

إخلاص:كفاااش تتعرفو منين تتعرفو؟

أسيرم:قصة طويلة أإخلاص..

اعتادرو رجال ومشاو وهما مخنزير فاخلاص ..فحين الشفار بقا شاد على راسوو

...:بقلوووه ليي اعشيريي...دم دم...ناااري قفاااارت...

خنزر فيه اسيرم: مفيك والووو.

شاف فيه وشاف فاخلاص:مرت خويااا...ماشي مشكل بسباب كليت لعصا..كيقولو ضرب لحبيب كاكل زبيب..

شدوو أسيرم من تجاكيتو:أشمن حبيب؟

ضحك بزز:وزعما مرت لحبيب

إخلاص:واش نتا حبيب اسيرم؟

نتر اسيرم يدوو:لااا

ابتسمات .وزادت عندهم:منين تعارفتو نتووما؟

أسيرم:عرض عليا واحد نهار لعشا

...:فداروو.(ميل وجهو)

شافت فيهم مفهما والو .

ضرب فكتف اسيرم: فرحان حيت شفتك..كنت غا خارج نتسخر...نوصي على لعشا ..ناويين نتعشاو ليوم فلاصال

أسيرم:باقي خدام فيها؟

دفعوو صدرو:غااا صدر يعطيك لعربووون

أسيرم(حرك راسو بشويا)ناايس بزازل..

إخلاص(تحت سنانها)فينو صدر انا عندي كتر منو

أسيرم:قلتي شي حاجة؟

إخلاص:اه تعطلنا..دنيا غظلام يلاه نمشيو بحالنا..

شاف فيهم..مبتاسم:يلاه تعشااو معاناا؟

أسيرم:باقي لحال على لعشا..واش لمدرب فلاصال؟

حرك رلسو باه...شار لاخلاص باش يمشيو...دقايق تاكانو فلاصال..

طلع لحلبة..بعد مسلم على لمدرب وطلب يلعبو شي كومبا..

داز لوقت وهما كيلغبوو..واخلاص..وشفار كيشعووو...

شافت فيه..:فين تعرفتي على اسيرم كفاش عرضتيه لعشا؟

شاف قدامو:دخلت نسرق دار وهوا طلب مني نقاد لعشاا ..(ابتسم )ومن هنااا بدات قصتنا.

وسعات فمها تتشوف فيه:نتاا سرقتي راجلي...قصتكم؟؟راجلي قصتو غا معايا بوحدي ؟

هزات صاكها تضرب فيه وهوا كيطلب...

فنفس لحظة..ضرب لمدرب اسيرم..بضربا لقاضية..جابو طايح...

شاف فيه مبتاسم:كفاش طراا تااا غلبتك ليوووم؟

مد يدوو منوضووو.. عنقووو عناق رجوليي

.أسيرم:واش عقلتي أش قلت لك آخر مرة لعبنا؟(غمزو)انا عند كلمتي

ابتسم ليه..وخرج من لحلبة..زاد بجرا يفك شفار من يدين اخلاص..

فحين لمدرب بقا واقف..تفكر حوار آخر مرة.

"المدرب:شي نهار انغلبك ودابا تشوف

اسيرم:آخر ماتش ليا معاك انخليك تربحني متخافش

"بعد ساعات"

سايقااا بجهدد....تابعاا لوطوو..ديالووو...وروز حداها...تتغوت لهاا بااش تزرب.

سكينة:راااه تنطييير...ولكن شكووون هدااااك؟ وعلاااش تابعوووو..اناا مفهماا والووو

روزيتا:ماشي وقت تفهميي ...دابا وقت تعتقييه...يا غيقتلوو يا غيتقتل ....

جبدات تيليي كتعيط..لبوليس ....

بقات سوكاا سايقا...خرجات عينيهاا..منين لوطو..ديالو غبرات من قدامهاا..

سكينة:مبقااااتش تتبان لييي . غبراات ..

حطات يدها على راسها روزيتا:no no

سكينة:غلقاااه..مغيكونش بعد..غلقاااه..وفهاد. لوقت.قولي لي شكون هدااك..؟

روزيتا:هداك قت.ل.جوج صحابوو..ومتعاقبش..هرب برا لبلاد..ونهار عرسكم...

وقفات لوطو تتشوف فيها بصدمة...

وقف لووطو..ديالوو...فجهة خاويا...غير شافوو واقف فرانا بجهد تاهوا وقف ...نزل بجرااا...

وقف فبلاصتو منين شافوو نازل..وفيدوو موووس...

صلاح:لقيتينييي عاود..نتاا هوا نتااا متتبدلش..ديماا تدخل راااسك فلمشاكيل

ينيس:نتااا هوا نتاا...باقييي ولد لق** كيف كنتييي ...(ابتسم جنب)ولكن دابا مكاينش باباك لي يفكك..غتخلص غالي...

صلاح:لقربتييي غندفنك (حرك لموس بتهديد)

ينيس:انا ضيعت عمري وانا كنقلب عليك..وبلفراحة عليا نضيع داكشي لي بقا باش نشوف موتك..

زااد عندوو بجراا...هزز لمووس يضربوو...شدد يدووو مرجعهااا لووور...

بقاااوو يدافعوو..هوا مرجع يدو لور..وصلاح باغي يضرب..

طيح لموس منين ضربوو ..براس لراسوو...

بدااو يضاربوو...كل واحد عاطي حقووو....

جهد دصلاح تلاشا قدام..جهد ينيس. ..شي لي خلا ينيس يطيحو لارض..وينزل عليه بضرب...مبقااا كيشوف والووو قدام عينووو... من غييير سند وريم..

جرووو من قاميجتووو...قطعها على صدرو...ضوء اللوطو تضرب على وشمو"sanadReem"

نزلووو صباااع صلاح...كيشووف فييه.

صلاح:نتاا مغتقدرش تقتلنيي نتاا ماشي خايب بحالي(ابتسم جنب)

هزز راسوو فسماااء...شتاا لي بدات..طيح...نفس لجووو...لي كان نهار ريم طاحت وكانت بين يدو..وهاهوا صلاح لي دابا بين يدو..

شنق عليه كيشوف فيه...مبتاسم

ينيس:بصح انا ماشي خايب

حرك راسو باه:اه اه طلقنيي

ينيس:حيت انا زوين..وكيوت وضريف..غنهنيي لعالم من واحد بحاالك..

نزل عليه براس لنيفوو خلا دموو يسيح...بداا يضرب فييه..بلا عقل .

ينيس: سند وريم...وماماهم..ناس لي فلمدرسة..حتا من باباك ماات بسباابك..

طلع وجهو قاجوو كيشوف فيه مزير على عنقو..كولو دمايات ولا كيف شرويطة

ينيس:كفااش قدرتي تنعس وتعيش هاد سنين كولهاا أا؟(زيرر على عنقو)كفااااااش قدرتييي تنفسسسس وناس تقطع فيهم نفس بسبابك..

زير عليه...عيونوو خرجات..مبقاش قادر يتنفس مزال .روح اتخرج ليه..مطلقوو..تا شافها نازلا من لوطو جايا تتجري..ودغيا رجع شادو

سكينة:ينيييييييس طلقووو عفاااك طلقووو

شاف فيها وشاف فيه:نتيي معاارفاا والوو

حركات راسها :انا عارفاا (نزلو دموعها)وعاارفاا بليي ولدي ميبغيش يعييش بلا باباه...حتاا هماا ..سند وريم..مغيبغيوش دخل لحبس ..خوود حقهم بلقانون

ينيس:لقاانون لي باعهم ورضهم هما لخايبين؟

سكينة:زمااان تبدل...انا متاكدة لحليتي قضيتهم من جديد غتاخد حقهممم...ينييييس عفااااك..متحرمش ولدي من باباه ..يااك نتا كنتي باغي نحمل...معندكش لحق تخليني دابا نربيه بوحدي مغنقدرش .ينييس عفااك اناا كنبغييك نتا عارف هادشي عارف كنموت عليك..انا منقدرش بلا بيك انا وولدي محتاجينك عفااك(صوت لبوليس تسمع)هاا لبوليس وصلوو هوا اصلا هارب من امريكاا وكيقلبو عليه .عفاااك.. خليهم يتكلفو

نزل يدوو من عنقووو...شاف فيها وشاف فروزيتا

روزيتا:بصح .على داكشي منين شفتو قلت لك مغريبش عليا..

نااض...واقف ..زاادت عندو بجراا ترمات عليه...

لبوليس وصلوو ..وحوطو لمكان..حل عينو لي متورما بشويا...شاف لموس لي طايح قريب منو..ابتسم..ودم سنانو باين.

معنقاه..ومعنقهااا...مزيرا على عينيهاا...حلاتهم..بشويا...خرجاتهم..منين شافت وجه صلاح قدامها..كيشوف فيها مبتاسم..

.

صلاح:تتبغيهم وسير عندهم

شافت لبوليس جارينو..طايح...ولموس فيدوو..عامر دم..زيرات على ينيس كثر..

سكينة:ينييييس

بصوت متقطع:س.كينة

حركات راسها بلا:نتا مكتعيطش لي بسميتي اي..

طااح على طولتو وهي طايحا معاه..حيدات يدها بشويا..شافت فيهم وصدرها كيطلع ويهبط..ليدين عامرين بدموو..غوتات بجهددد...

ضربة ليي تطيح ديما تتجي من ضهر.لموس تغرس فضهرو مخليه طايح غرقان فدمو.

"قبل ساعات"

معنقهااا عندو بجهد..لدقايق...مقادرش يبعد...مقادرش يهضرر..

عيونو ويديه لي محاوطينها كيقولو كولشيي...

بعدات عليه منين دخلات زوبيدة بينهم .تتمسح راسها فرجلين عدنان..

ضحكات ودموعها محجرين فعينها

إيناس:عادت زوبيدة لعادتها القديمة.

ابتسم ليها: من حقها تغير من لمرا لي غتشارك معاها دار

هزات عينيها فيه...هز يدوو...مادها لها

عدنان:انا مقدرتش نقولها..مقدرتش نقول بقاي...يمكن داك راجل لمغريبي لعروبي لي افكارو معقدا لي فيا مخلانيش ..لكن انا بغيتك تبقاي(قوس حواجبو)قلبييي كان كيطلبك..نتي مسمعتيش بقاي فخيالك..نتيي قلبك لي سمع لقلبيي..

.(تحجرو عيونو بدموع..ساكت لثواني)

نتي معرفاش باش حسيت منين .ضنيت انك مشييتي..منين ضنيت اني منعاودش نشوفك مزال ..انااا خفت ..ليكون هادشي واقع ومكنحلمش..تيقيني دنيا ولي فيها..كولشي ولا تيبان لي تافه ..كنت باغي نعطي دنيا باش رجعو من جديد.

كتشوف فيه دموعها نازلين..داتها تترجف..وقلبها كيضرب...بلا متنطق غير تتشوف...وسعات عيونها منين نطق.

عدنان: (حنا راسو)سمحيلي انا ضريتك..انا سباب فموت ولدنا...انا سمعتك هضرة خايبا وضنيت فيك حوايج خايبين ..(هز راسو فيها ) تا داك لمغريبي لي افكارو عروبية كيقلب على المحبة ابنت لعم..وكيبغي من قلبو ..لمرة وحدة فهاد دنيا..حنا اطباء ..حنا اكثر ناس عارفين..لعمر شحال قصير.(شار بعينو ليدو)شدي فيدي...خلينا نساو كولشي نبداو من جديد..كيف كنا..انا وياك وزوبيدة(ابتسم) سمحيلي ابنت لعم..

حركات راسها بلا...

إيناس: انااا لي خصني نطلب سمااحة .انا اتهمتك بحاجة مكانش عندك فيها يد..وربي دوقني من نفس لكاس.وخلاني نعرف ..بأش عشتي...نتاا لي سمح لي..حيت مقدرتش نوقفو ديك ساعة قدامك..وجرحتك.ولكن الله عاغف..بلي جامي بغيت شي حد كيفك..اعدنان..

هزات يدها حطاها على يدو..كتشوف فيه مبتاسمة..

إيناس:وخا كاع داكشي لي عشناا...انا مستعدا نشد يدك لعمر كولو

ابتسم ليهاا...جرهاا لعندوو تا ضربات مع صدروو...شد وجها بين جوج يدوو...وحط شفايفو على شفايفها..كيبرد شوقو فيهم..

واقفا جامدة فلباب...قلبها نغزها..منين شافتها قالت مرت بابا...

سرطات ريقها...وابتسمات بزز..

حادة: مرت بابا؟

هزات فيه لبنت عينيها:اه مرت بابا بهاء.

دورات عينيها وشافت فيهم بعدم تصديق

حادة:واااش نتي بنتوو؟ أاا واااش بهاااء مزوج ههه كضحكي ياك ؟

هزات راسها فلمراا لي مع لبنت

حادة: وااش نتي ماماه؟

حطات يدها فجنبها مخنزرا: اهاااه لهلا يحيييك انا مرتووو

وسعات عينيها فيها بصدمة:نتي

....:اه انا مالي كييي جيتك؟ زييين زينة عليييك...لطاااي منفوووخة عليييك...وزيييد عندييي بنت معااه ..اها وعنداك تشوفيني كبيرة عليه وفعمر موو.. راه رجال كيبغيو لميمات..

حركات راسها بشويا: بهاء ولميمات !

دفعاتها من لباب .ودخلات وهي جارا لبنت...بقات واقفا مصدومة فلباب..

تهزات منين نطقات..

....: ريييحت لحريييق...من غيير انك سارقا راجليي محدكاااش...

زاادت بجرا لكوزينة..طفات على لبوطة وهي شادة على راسهاا..

حادة: صدق مزوج..ودايرني تانيا. الله ياربي الله هربت من لغدار طحت فلحمار..

هزات تيليي ويدها كيرجفووو .. سيفطات ليه مساج فلواتس(دابا تكون هنا)

غير شافتو قراه ..طفات تيلي...

دارت منين حسات بشخص واقف موراها..شافتها لبنت صغيرة..ابتسمات لها..بزز

حادة: واش بغا شي حاجة احبيبة؟ كااينا كيكة دشكلاط تبغيي ن..

قاطعاتها..

....:اولا متهضريش معايا بحالا راني شي درية صغيرة..راني عايشا كتر من عشر سنين...ماشي حاجة ساهلا داكوووغ(هزات صبعها بجوج)ثانياا متبقايش تقولي لي حبيبة قوليي لي مداام محاسين..

وسعات فيها عينيها...

نفضات قدام وجها:ماعلينا نعديو بمدموزيل حاليا ..تالت حاجة...أاا..بليز لكيك دشكلاط مضر راكي مرت بابا خصك تعرفي بلي لكيك فيه بلكلب وهيدوراتو زايدين نغزة

حادة:هيييدورات لكلب؟

محاسين(نفضات قدام وجها) ماعلينا تا يجي بابا ويشرح لك درس براسي مفاهماهش..ودابا عطيني غير كاس دلماء ولعندك لحامض قطري فيه قوطاايرات.غا جوج عنداك تزلق لك شي قطرة تالتا داكوغ ابب؟

حادة: اه وخااا(كتحرك راسها بصدمة)

حلات ثلاجة..بغا تجبد لحامض .دارت عندها..

حادة: هوا اح..امحاسين شحال فعمرك؟

محاسين: هااه صاڤا پا نو؟ لعمر غير عدد ..ومخصش تسولي لبنات على عمرهم ماشي من لآدب..

زادت خارجا: جيبي لي لماء برا منين تسالي اش تديري

خرجات وحادة مخرجا فمها فيها: مستحيل تكون صغيرة كيف تتبان ..اكيد كبيرة ومتتبانش فيها..

خرجات محاسين لصالون..زادت ضاربا فيد..ماماين بهاء..

محاسين: تمت المهمة بنجاح

ضحكات لها: نوبتي دابا

محاسين: منين تعصبيها..حلي ثلاجة وجيبي معاك وحد لكيكة دشكلاط تما..

كفضات كمام جلابتها...ودخلات لكوزينة

أم بهاء: اش تديري

تهزات من بلاصتها : انا والو غا كنوجد ..

سكتات منين زادت تطل على الكوكوت..

ام بهاء: اش هااادااا؟(كتشمم) تشي اشش هاد لعجب؟

حادة: لمرقة درفيسة.

أم بهاء:طيبتي المسمن؟

حركات راسها باه:طيبتو قبيلا

أم بهاء:وااش هادشي لي بغا توكلي ولدي..زعما راجليي (ابتسمات) فمقام مو تا انا مرضعاه..

حادة: ( شافت فصدررها وفصدر مو) لمغرب كولو

ام بهاء:..كفاش لمغرب كولو؟

حادة:لمغرب كولو كيرضعو من حليب مهم (جرات ابتسامتها بزز)

أم بهاء:ماعلينا قادي لييه شي صلااد دوو دووو (تحت سنانها) سميت بوهاا.

حادة: دوو؟

أم بهاء: دوو لا فوغي لي فيها لا پوووم لا پوووغ لاا فرولة وداكشي خصك تكوني تتشفهمي...أ موو عقل جامد.

خنزرات فيها..وزادت بجرا لباب منين سمعات دقان..

غير خرجات ..بدات موو تشمشم: أحح توحشت رفيسة أح ضبرتي عليها حادكة اولد لكزاوية عند بووك زهر بحال باك ولكن اوليدي مندوزش لك ديك زربا..

مع حلات لباب..شافتوو

بهاء: جيت بزربا تا نسيت ساروت اش واقع؟

حادة: نتاا لي قولي اش واقع؟؟ ميييمة ابهااء ميييمة؟ ( ضحكات بزز) غتلقاا تاهي عندها غا تقاشر. بلا متغرك لمضاهر..لازين لمجي بكري متعرفها عبلة ولا عمبولا ...

ولاش مزوج بيا لكونتي مزوج بيها..كلكم بحال بحال وانا لي صحابني نتا بريئ سعا نتا سطاج لوحش نقزتي دريكت لميمات..اه وديك لبنت لي عندك معرفت هي لي مك ولا نتا باباها..

غير كيشوف فيها كيرمش:وحدة وحدة علامن تتهضري؟

نطقو موراها:علييينااا

دارت تتشوف فيهم ..جامعين يدهم ومخنزرين فيها..

بهاء:لوليدة ومحاسين امتا جيتو؟

كانت كالسااا تتشوف فيه...كانت عارفا مور هاد شخص قصة حزينة..ولكن عمر ضنات انها بهاد سوء..

حطات يدها على وجها....نتراتها تتشوف فمذكرتها..

روزيتا:مور موتهم عانيتي من كرب الصدمة...ومن نوبات لهلع..شي لي خلاك تسافر لبزاف دلبلايص خايبين باش تخلص من هاد نوبات

حرك راسو بلا: مسافرتش باش نتخلص منهم ساافرت باش لقااه..

روزيتا:رجعوو لييك حييت رجعتي واجهتي لماضي من جديد.

ينيس:(هز عينو فيها) حيت رجعت شفتوو

روزيتا: نتا غير تخايلتيه

كرز على سنانو: انا متخايلتوووش انااا شفتووو

سهاا للحظة...تفكر نهار عرسووو...منين شاف صلاح فلوطو لي حداه ..تبعووو مكسيري ناسي...ديك لعروسة لي تتعاين فيييه...

طريق طويلة وهوا تابعووو...تلف ليييه فدحاس...نزل كيقلب علييه..وسط طومبيلات لي واقفين.. كيطل عليهم وحدة وحدة من زاج...

كيف شيي حمق...كيقلب....وقف كيعض فصباعو ..وهوا "كيردد لقيتك"

كانت واقفا تتشوف فيه هي...لي دق عليها بدورها..من وقفتوو وصباعو لي كيعض...عارفا كيعانيي ..عرفا مكيعضهم غير حيت كيلوم راسو على شي حاجة...

بداو طومبيلات كيكلاكسونيو عليه..وهوا واقف بلاصتوو..بلا تاشي حركة...لعرق نازل من جبهتوو...دقات قلبو تتسارع

ينيس:انااا شفتووو...

لاعراض دنوبة لهلع بداو..نوبة لي زمان مجاتووو...ونسا كفاش يتعامل مع لامر..شد على قلبووو...طايح على ركابيه..

نزلات من لوطوو ديالهاا ..كتعاونو...ركباتووو معاها .لدار ..

منين داز ليه لحالة...شداتو نوبة غضب حيت جابتو بلا ميشد صلاح...فمكان قدامها غير تعطيه مخدر ..لي خلاه يغيب على عرسو..

جمعات يدها تتشوف فيه: باقيي خصنا حصص خرا دلعلاج...وغنخرج لك دواء تبعو..غينفعك فنوبات لهلع...وحتا تخيلات لي تيجيوك

ابتسم جنب باستهزاء: وااش كنبان لك حمق باش نتخيل؟ اناااشفتوووو

ضرب فلڤيرو تا هزها: وغلقاه وخاا يكون تحت لارض .

تم نايض.وقفات بدورها

روزيتا:متخرجش ونتا معصب

ينيس:وااش كنبان لك معصب؟غا تتخايلي .

تم خارج..توجه لوطو ديالوو...قبل ميكسيري ركبات حداه

روزيتا(ببتسامة)وصلني غير لسطاسيون لي فدورة

خنزر فيها بلا مينطق وكسيرا...

كانت سايقا لوطو...معرفاش واش دارت صح منين غادة تشوفو كيف طلب..ولا لغلط..لي عارفا انها تابعا قلبها...

مسافة طريق...وقفات فسطاسيون تتعمر لمازوط..

وقف لوطو ديالو...

ينيس:نزلي

روزيتا:اه نقدر نزل وانا مرتاحة حيت مبقيتيش تتبان لي معصب..

تمات نازلا..نزل بدورو واقف حداها

ينيس:شكرا

ابتسمات: غير خدمتي

ينيس:اناا ماشي شي حد لي ساهل يتعامل معاه..ونتي بقيتي مصرة(ضرب فكتفها) نتي طبيبة مزيانة

روزيتا: بحالا كتودعني(ابتسمات) حنا مزال غنتلاقاو ولا نسيتي

ابتسم..داير..جمع ابتسامتوو..منين بانت ليه رقم دلوطو دصلاح..لي كان حفض من اخر مرة..تبع..نطق وهوا كارز على سنانو

ينيس:صلاااااااح

شافت فيه وشافت فين كيشوف

روزيتا: نتا غا تتخايل أ ..

سكتات منين شافتو نازل من لوطو....(نطقات بهمس )صلااح

تفكرات اسموو هي لي ديجا شايفاه فلجرائد فامريكا كشخص مطلوب لعدالة ...عرفات بلي نفسو صلاح لي كيقول ينيس..

نازل ضاحك..تكوانسااا..منين بان ليه ينيس...ابتسم جنب...مزير على لكمة يدو.. وزاد لوطو بجرا

شداتو من يدو

روزيتا:خليه هوا راه مطلوب خليه

نترر يدها وزاد راكب فلوطو مكسيري..تابعو

زادت تتغوت موراه...كتشير لطاكسيات وتا وحدة مبغات تحبس..

كان منضرو هوا وياها قدام عينيها..شافتها كفاش بغا تبعو..زادت عندها شادها من يدها بجهد

سكينة: شكووون نتي لي تبعييي راااجل مزوج أاا؟؟؟

روزيتا:انا طبيبتو ماشي حبيبتو نتي لي مرتو نتي لي حبيبتوو..واعتقييه خلينااا نتبعوووه دغيااااااا

"بعد مدة"

غوتات لربيي لي خلقهاا وهوا طايح بييين يدهااا....

كتحرك راسها بلاا

سكينة: لاااااا لاااا لاا ينييييس لاااااا

هز عينو فيها..مبتاسم جنب

ينيس:كتغوتي على قبلي؟أا؟

دموعها نازلين...كتشهق بجهد..

سكينة:نتااا نتاا متقدرش دييير ليا هكدا..متقدرش تخليني ...نتااا غتوليي بيخير...

هزات يدها كيترعدو..وهما عامرين بدم.

زادت عندها روز: ديري شييي حاجة دغياا.

سكينة:مغيوووقع ليه والوووو...

(شافت فلبوليس لي هازين صلاح) عاونونييي ندخلو لوطوو خص نمشي لكلينيك..مغنقدروش نعاينو لومبيلونص

شافت فيه وهوا كيغمض فعينوو ضربات فوجهوو

سكينة:لالا لااااااا بقااا معايااا معاياااا

ينيس: مالكي مسمومة بغيت نعس غا شويا..

.حركات راسها بلاا ودموعها نازلين

عونوهاا مطلعينوو فلوطوو...باركاا بيدها على جرحو..حاطة...راسو على حجرها..ولقدام راكبا روز ووحد من لبوليس كسيراو دريكت لمرابطين..

يد باركا بيها على جرح..ولاقيا صعوبة حيت راه فضهر..ويد شادة بيها يدو..

"بصوت خاافت نطق"

ينيس:باردييين وكيرجفوو واش متأكدة انك طبيبة؟

(سكت لثواني وكمل) طبيب مكيرجفش بدم

سكينة: هدا ماشي اي دم...هدا دمك نتااا..

حولات يدها لحيتو:انا ضلمتك بزاف .عند بالي مكاين تا سبب ولكن ..اناا موقفتش معاك..انا عطيتك ضهر بحال كولشيي..انا..

حط صبعو على شفايفها..

ينيس:نتيي تتبغيني هادشي كافيني نزيد نعيش 100 عام لقدام..

حركات راسها باه:نتااا غتعيش ..معايا ومع ولدنا مغيوقع لكك والوو.. حيااة طويلة وزوينة

ينيس(بثقالة)بزااف دلولاد عرفتي علاش كنت باغي ولد منك

حركات راسها بلا

ينيس:حيت انا وياك عندنا عائلة ولكن معندناش(ابتسم جنب) حنا عارفين شنو خاص باش تكون عائلة زوينة ماشي غا بسمية ..كنت باغي ديك لعائلة معاك

مسحات دموعها: غتكون عندنا عائلة زوينة بزاااف اينييس..

هز يدو كيمسح دموعها

ابتسم .ودمعتو سايلا فطرف عينو: فاش شفتك اول مرة عرفت بلي غنبكيك

ابتسمات فعزز دموعها..جمعاتها منين كمل هضرتو

ينيس:بلي غتكوني اكتر واحد ايبكي عليا بعد موتي..

طيح يدووو...مغمض عينو

حركات راسهاا بلاا...بدات ضرب فوجهووو..بشويا ..نطقات بلغوات ودموعها كيتلاقاو عند اخر خدها

سكينة: لاااااا الله يخليييك بقااا معايااا لالا.عفاااااك..متغيبشش عفااااك بقاااا معااايااا بقااااا(شافت فروز) دغيااا دغيااا

شدات لفران منين وصلو لكلينيك...

نزلات تتجري..

روزيتا: شيييي حدد يعاااونااا..شييييي حدددد يعاوناا

جاااو عندها بجراا ب نقالة...

حطوه فوقها..ودخلوه بجراا...

زايدا معاه تتجري..

كانو فلاستقبال...تتحرك ستيلووو...وهي تتفوه

نطقات لممرضة لي معاها: ملاحضتيش لكلينيك ولا هادئ مأخرا؟

سناء: اه راااحة ياختييي راا ..

سكتات منين شافتهم داخلين كيجريو

الممرضة: هاديك ماشي دكتورة سكينة

سناء: فمك لاحسووو كلب...هاهي ياربي سلامة منعرف منين جابت هاد لمريض عاود

تمات خارجا عندهم...

تبلوكات واقفا..ضربات فحناكها ..منين شافتو

سناء: اويلييييييي دكتوووور ينيس

شافت فيها سكينة : علييي فينوو دكتور عليي

سناء(كتشوف فيها وتشوف فينيس) دكتور علي رااه فوحدة من لعمليات

سكينة :عيطيي على شيي حد دغيااا(شافت فيهم)ماالكم واقفيين ديوه لبلوووك

سناء:دكتور منصوور .غنعيط لييه..

زادت بجراا...وهما زادوو مدخلينوو لبلوووك...

واقفا حدا لبلوك...شافت منصور داخل وقف كيشوف فيها

"كتشوف مصدومة بلا مترمش"

سكينة: هوا خصر بزاف ددم..

منصور: غندير جهدي باش نعتقو

سكينة: دير جهدك باش تعتقنا(حطات يدها على كرشها) ب ثلاتة

شاف فيها بحسرة ودخل بجرا.

..واقفا كلها تترعد...دموعها نازلين كيتلاقاو عند اخر خدها حوايجهاا عامرين بدم...

هزات يدها لي حوومر بدم تتشوف فيهم ..

هي طبيبة مولفا يديها يتطلاو بدم...ولكن دم راجلهاا...تمنات كن تقطعو يديها قبل ميتلطخو بدمو...

سهات للحظة...تفكرات اول لقاء ليها معاه.

سكينة:اشش درتي لي لبارح..اش تندير هناا.

ينيس:ايييه (ساط بججهد)كنكره بنادم لمكلخ..كن درت لك شي حاجة اتلقاي راسك فبيتي..منقدرش نلعب فلارض عضامي غيضروو..

سكينة:بزاااف علييك..مكاينش شي مكلخ قدك..مستغل وحدا معقلا على والو.

ينيس(طلعها وهبطها)ن ننن نتي ماشي من نوعي..بلا ميصاحب راسك تقدي تحركي فيا شي حاجة باش نستغلك..(عطاها بضهر)ماعلينا..خرجي بحالك ومتعاوديش توريني كمارتك..

سكينة:شفتيني ميتا باش نبقا معاك..

شهقات بجهد تتبكي:انا ميتا عليك بقاا معايا عفااك

طاحت لارض كتبكي.

رجليها مبقاوش قادين يهزوهااا..زادت عندها روز تتواسيها....

شافت فيه: انا منقدرش والله منقدررر نعيش بلاا بيييه..هوا رااه كولشي كولشيي اناا ...مغنقدرش...كان باغيي تكون عندو عائلة سعيدة..وااش هاد لامنية صعيبة تا لهاد درجة .حناا ولينا عائلة ..مبغيتووش يخليني مبغيتوووش

جراتها معنقاها..كتصبر فيها...بعدات عليها شادة على كرشها...نفس كتقطع فيهاا...مقداش تنفس.ولحريق قوي فكرشها..نطقات بصوت متقطع...قبل متغيب و لد ي يي

"ويداي لا تفلتان "

صــباح جديد ...ونـهار جديد..

حلات عينيها..دوراتهم فلارجاء...

ناعسا فوحدة من لغرف دلكلينيك...صيروم معلق لها فيدها...

نتراتوو...نايضة...وهي شادة على كرشها..

زادت كتجر فرجــلهاا...مبان لهــاا..حد لي تسولووو على ينيس...

حلات لباب بغاا تخرج...بان لها منصور واقف مع روزيتاا..

شافت فيهم بعيونها دبلانة...نطقات وشفايفها كيرجفو

سكينة: ييي ينيييس؟ كييف بقااا؟

منصور: البركة فراسك..خسرنا المريض(نزل راسو متاسف) الضربة كانت فبلاصة صعيبة للاسف مقدرش دكتور يقاومها..

قبل متنطق...نطقات روزيتا

روزيتا: ولدك...تا هوا خسرناه..

شافت فيها..مبتاسمة...بدات ضحك بجهدددد ..كيف شي حمقة

سكينة: كضحووو عليااا يااك...كضحكووو عليااا..كضحكووو عليا(طاحت على ركابيها تتغوت)لاااااااااا ولديييي ينيييس لاااااا

غوتاااات لربيييي لي خلقهااا...

تهزات من بلاصتها تتلهت..حاطة يدها على قلبهاا...كتشوف فلارجاء...

حط يدو على كتفها:غاا كوشمار...تهدنيي

شافت فيه.:زاااكيي ولديييي

دخلات روزيتا هازا لماء فيدها

روزيتا:طبيبة علماتني فاش تفيقي تشربي هدا

سكينة:ينيييس ولديييي

روزيتا:ولدك بيخير..لحريق شدك بسباب حالتك..

سكينة: ينيس ووو ينيس...

نترات صيروم..بغا توقف..

سكينة: ينييسسس واااش خرج من لبلوووك..واش عااايش...

زاكي: علاه واااش هداك بنام كيموت

روزيتا:دكتور قال ان من حسن حضو متقاسوش اعضاءو داخلية ..كان نزيف وسيطرو عليه...دوز ليل فلانعاش يلاه نقلوه لغرفة لعادية...

تنهدات حاطة يدها على قلبها...

سكينة:خصني نشوفو

زادت بزربا لغرفتوو..منين علماتها روز برقمها...

حلات لباب داخلا بان لها عدنان وايناس تم..

ايناس:كيف بقيتي؟

سكينة:انا بيخير هوا...واااش مزال مفاق؟

عدنان:ايفوتو لبنج ايفيق فاي لحظة..

حركات راسها باه..

وسعات عينيها منين شافتو كيحل عينو..زادت بجرا عندوو...شدات وجهو بين يدها..

سكينة:ينيييس حبيبي رجعتي

حل عينو بثقالة وبنفس ثقالة نطق

ينيس:شكون نتي؟

ابتسمات بزز: وااش هدا وقت ضحك اينيس؟ممم

نزلات راسها طبعات بوسة على راسوو..

وقفات ..دوزات يدها كتمسح دموعها وتاخد نفسها...يلاه روح رجعات فيها منين فاق .

شاف فيهم: فيااا جوووع باغي ناكل..

شاف عدنان لساعة:شوية غيجيبو لك تاكل.

سكينة: وش ماشي باقي لحال؟

عدنان: راه بيخير غير خليه ياكل..

دخلات روز مبتاسمة..

روزيتا: ينيس .

هز راسو فيها:Hi

روزيتا:هاي(ابتسمات متعجبا) واش نتا لباس؟

ينيس:نتي مغربية؟شكوون نتي؟

شافت فيهم بعدم فهم...

شدات سوكا فيدو: ماشي وقت ضحك اينيس

نتر يدو: شفتك غا تبوسي وتقيسي وتي تكايسي شكون نتي لي تدوقي فيا هكدا

شافت فيييه وشافت فعدنان وايناس وروزيتا

ابتسمات بزز: كييفااش شكووون اناا ؟؟

"ضحك بجهد"

عدنان:لي شافك اصاحبي يقول خديتي ضربة على راسك ...راااه غااا ضهرك..مرتك هادي شكون اتكون. متلا

شااف فيه قارن حواجبو:مرتيي (حرك راسو بلا)ماااشي من دوقيي (شاف فعدنان مطول)شكووون نتاا بعدا لي تتكولي صاحبيي؟

عدنان: لييي

سكت منين خنزرات فيه ايناس

قربات عندوو شادة

فيدو:ينيييس وااش عاقل عليا شكوون انا؟ممم

حرك راسو باه:نتييي مرتي نتي دوقي

وسعات فمها...جرها عدنان مبعدهاا لوور

عدنان: وراااه مرتيي هااادي... ختك ختكككك الحمااار ختك

شاف فيهم بملامح مطموسة وباردة : معنديش ختيي انااا تولدت بوحدي

عدنان:اهاه زرعوك بوحدك

حطات سوكا يدها فشعرها ودمعة محجرا فعينها: اشش واااقع؟؟؟علاش تتقول هكداا...ينييس مرت انااا

زادت روز بخطوة حداها حاطة يدها على كتفها

روزيتا: يمكن معندكمش تفسير لحالتوو عضويا ولكن نفسية ممكن ..يعني هوا تعرض لصدمة وعقلوو مبقااش باغيي يتفكر اي حاجة من لماضي ديالو...الماضي ضرو بزاف..لدرجة ولا باغي ينساها

شاف فيها عدنان قارن حواجبو

عدنان:اشمن اشمن..غيكون غاا لبنج هدااا..مزال شاد فيه؟

دخلات لممرضة...هازة لماكلا...حطاتهاا جنب..

سكينة:اناا غنوكلووو ..تقدي تخرجي

ينيس:كنعرف ناكل بوحدي شكون نتي لي توكلين

حركات راسها بشويا تنهدات: طبيبتك

كلسات تتوكلو..هزات كاس دلعصير دليمون

ينيس:اشش هدااا؟

سكينة: عصير دليمووون

ينيس:علااش لونو ليموني؟

سكنية:حييت دليمووون

ميل وجهو: وعلاااش ليموون ليمونيي

حطات لعصير ..هزات اليوغورت

سكينة: كول هدااا .

ينيس:شفتيي تاريخو بعداا؟.

سكينة: اه مزال ممات غير كول.

ميل وجهو : واااش فاش غيموت ايمشي لجنة ولا لجهنم؟

كان داخل لكلينيك...كيف عادتو معليي راسووو لفوووق...دافع صدرو...بخطوات تقال تيتمشااا...

لمرض عمر خلاه يحني راسو...

فجنبووو...كانت..صوت كعبها مسموع...راسمة ابتسامة على شفايفها...

كتشوف فلاطباء ولممرضين...كيحييوه...

يمكن مدة مدخل لغغرفة لعمليات..ولكن باقي اسيرم مرابط اعضم جراح دماغ داز فلمرابطين..وفلبلاد كلها...

وقفوو جوج ديال لممرضات مبتاسمين نطقات وحدا منهم

الممرضة:على سلامتك ادكتور

حرك راسو بشوية:الله يسلمك..

طلعاتهم وهبطاتهم...شبكات يدها مع يدووو..

إخلاص:خلينا نمشيو نشوف نورة

استأدنهم وزااد...

تبعوهم بلعينين

الممرضة:سعداتها بيه

الممرضة2:اشمن سعداتها راه سمعت مريض قرب يموت

الممرضة:منيتك واش لي مريض هكدا؟غا وقفتو تعطيك لخبار...

شاف فيها...وشاف فيدها لي مشبوكة مع يدو

أسيرم:مغيارة

هزات كتافها:وياك راجلي اوا خليني نغير..

ابتسم:لاعتراف فضيلة..

إخلاص: كن كنتي بلاصتي مكونتيش اتجر غا ليد ؟

أسيرم:اشش غنجر؟اناا متنغيرش

إخلاص:كذااب

شافت فيها..نتر نظراتو

أسيرم:شوفييي فوجهي؟؟باينا كنكذب؟؟

وقف منين شاف بعض لاطباء لكبار..لي كيحتارمهم فهاد لكلينيك متوجهين لعندو..

وقف كيسلم عليهم...ويهضر معاهم وهي غير تتشوف...

زاادت منين شافت..حياة تتشير لها تجي

زادت عندها ..مخلياه واقف ..عنقاتها بجهد

إخلاص:توحشتكككك...

حياة:يتوحشككك لخييير....اممتتا رجعتي

إخلاص:غا ليوم...اش خبارك واش خبار نضال

حياة:بيخيرٌ حامدون شاكروون...

ابتسمات لهها وعينيها على اسيرم

حياة:اش بيك تتشوفي فيه؟

إخلاص:زعما واش هوا بصح مكيغيرش منين

حياة:اش اوا تتقولي نتيا؟

إخلاص:والوو غا نساي

حياة:بيتي تعرفي واش كيغير عليك؟؟

حركات راسها باه...ابتسمات حياة..وشيرات..لشي ممرضين دراري كانو جايين....

وقفو عليها

...:باا حياة اش كاين

حياة: ضحكوونا يضحكم سترر

شافوو فيها مستغربين

...:اودي البهجاوية واش متتشبعيش من نكت.

بداو يعاودو لها نكت..ويضحكوو..وصحابهم لي دايزين..سمعوهم وتوجهوو عندهم..ولات جقلة بيهم..

صوت ضحكتهم وصل ليه...كيشوف فيهم مجموعين دراري وبنات كيضحكوو...

سرط ريقو وشاف فليبروفيسورر..استأذنهم وزااد عندهم..غير شافووه واقف..غبرو من تم بجرا .

إخلاص:حيااة فيين غادا؟

حياة:تتشير لهاا تشوف موراها...

مع غضور..غيتضرب وجها مع صدرو..علات عينيهاا فيه...

أسيرم:كان خصني نجر شي حاجة من لول باش تعرفي بلي انا مغياار ومتجمعيش لي هاد جقلة

رمشات فيه :هاااه.

قبل متنطق...جررر..شفايفهاا...تحت انظار ليبروفيسور ....ولممرضين...لي غاديين كيشوفو موراهم

صباح جديد ونهار جديد....حلات عينيها... ناضت كتكسل...شافت لارض..بان ليهاا فراشوو باقي تم...

لبارح اضطرات تنعس معاه فبيت واحد بوجود ماماه.

تحلات لباب..داخل...شاف فيها مبتاسم..

بهاء:صباح لخير...نسيت ساعة..

حادة:صباحوو..واش مرتك فاقت؟

هز عينو فيها:قلت لك ماما هاديك..

حطات يدها على فمها..':بحال مرتك بحال مك وانا مالي...

ناضت من بلاصتها

حادة:صبر تفطر عاد تمشي

بهاء:مفياااش غنتعطل..

حادة:كفاش مفيكش ..بسيف عليك تفطر

شاف فيها قارن حواجبو

حادة: غا.. غيررر ...مبغيتش يقولو مرتو تتصيفطو بجوع لخدمة..غنوجد لك شي حاجة دغيا دغيا..

زادت لدوش .فحين هوا بقا واقف ..متبعها بعينو...

ثواني...تا كان كالس..فطبلة دلكوزينة..وهي واقفا على راسو تتقاد لقهوة...

حادة:ماماك اش كيعجبها لفطور؟

بهاء:تتاكل كولشي..

حادة: معاياش تتفيق؟

بهاء: غتكون عيانة بطريق ..يعني غتعطل

هزز راسوو ..منين دخلات محاسين..شافت فيه وهي تتحك عينيها

محاسين: صبااح لخير ابابا

ضحك جنب:صباااح لخير

حادة:( شافت فيها مخنزرا)هوا خوووك علاش تتقولي ليه بابا؟

محاسين:بابا غير كيكذب عليك راه بابا(مدات يدها تهز لكيك)

حرك راسو بلاحول:سيري غسليي وجهك عاد اجي تفطري (عنكش لها شعرها)

تمات غادة...فحين..هوا كلس كيفطر..حدا حادة

تم نايض:غنوض لخدمة

يلاه غيتهز...شدات ساعتوو فشعرها..غوتات بجهد

حادة: اي شعرييي..

خارجة من دوش...وقفات منين سمعاتهم ..

حادة:اححح ايي بشوية

بهاء:غيير صبرييي قربت

حادة:مقداااش..ضرنييي ...كولوو تشوك..

بهاء:صبرييي راه قربت.

وسعات عينيهاا...وزادت بجرا لبيت ماماها..كتفيق فيها...

تهزات تتشوف فيها..لون وجها مخطوووف .

الام: اش واقع؟

محاسين: نوضيي جيبي لي لكيكة من لكوزينة راه تماا خويا ومرتو كيديرو داكشي لخايب بحال لي تديري نتي وبابا

طلعات حواجبها فيها:تييي اش سايرا تكولي؟اش كندير انا وباك المسخوطة..

محاسين:نفس لاصوات لخايبة(رجعات شعرها لور)

نااضت واقفاا..تتجمع فشعرهاا

ضرباتها لراسها بلخف:متبقااايش تجسسي على ناس لمزوجين..بقاي هنا تا نعيط عليك

(تمات خارجا) قالك خايب علاه باش صابرا عليك نتي وداك خوووك...مكفاهش بيت نعاس داز لكوزينة...

وقفات فباب لكوزينة...شافت حادة تتقاد فشعرها

حادة: كولو تقزر وتشوك.

بهاء:ديزولي نضت بزربة..وشدات فشعرك..

حادة :ماشي مشكل

شاف ماماه..فاقت...زاد عندها مبتاسم

بهاء:لوليدة..

يلاه زااد يبوس لها يدها..عطاتو بضهر .

تبعهاا...فحين حادة بقات فلكوزينة

بهاء:واااش نتيي مزال مقلقا مني؟

خنزرات فيه:تقليقتيي فاش تفيدك أا؟

بهاء:متكوليش هكدا رضااك هوا كولشي

تنهدات بجهد:باغي رضايا ومزوج...بزرباا...انااا لي مك انا لي كبرت فيك...تا وليتي راجل..وفلخر عارضني تا لاخر دقيقة...اجي راه غدا عرسي ....(خنزرات فيه)كن كانت مرا خرا..مغتجيش وتقول لمرتك انا مرتو وهادي بنتوو..كن كانت وحدة خرا..كن سخطات عليك وعمرهااا..تحط رجلها فدارك..

بهاء:كااان عندي سببي الوليدة..

الام،:اشمن سببب أااا؟؟؟

بهاء:صمت

طلعاتو وهبطاتو:حيد من قداميي راه بينك وبين سخط غاا خلفة...

يلاه بغات تزيد..وقفات منين سمعات صوت حادة

حادة:اناا السبب..

شاف فيها..ميل وجهو:حاااادة

حادة:ماماك من حقها تعرف...انا وبهاء زواجنا ماشي حقيقي..هوا تزوج بيا غير باش يعتقني

ميلات وجها مستغربا:كفاش تزوج بييك باش يعتقك؟؟

حادة:عائلتي ..خويا كان باغي يقت.لني منين عرفني حاملاا...وبه...

سكتات منين غوتات :اويلييي على حاملة...وهيااا ناري جاب لي عروووسة مهزوزة....مخلييي بنات نااس وغاديي

بهاء:(بلغوات)صافيييييي لوليييييدة..

سكتات منين غوت

بهاء: متهضريش عليها بخايب...هي راها مرتي شرفيي...وهي عمر قاسها شي حد..صحبتهاا لييي لعباتها عليها..كن مكانتش وحدة نية وقلبها صافي مكان غيلعبها عليها حدد ..على داكشي عفااك...بلا متهضري عليها بلخايب...

شافت فيه..وشافت فحادة..لي دمع فطرف عينيها....عيونها لي حاضيينوو...

حركات راسها بوخا: غنسمع لقصة منهاا...نتاا عارف مكك...عارفاك بلي كدير غاا صحح...

زادت جارا حادة:يلاااه يلاااه عاودي لي هاد قصة صحبتك

جراتها وعينيها على بهاء..سد عينو وحلهم بشوية...كأنو كيطمنها باش تيق فموو وتخويي قلبها عليها ..

خلاهم وتم خارج...

" المرابطين"

وجها ولا حمر...دقات قلبها..تتسارع...بعد منها بشويا..مقداتش تهزز راسها وتشووف فناس..دفنات راسها فصدرو..كضرب بيدها بشويا .

إخلاص: حرااام عليييك ...أشش درتي

شاف فلممرضين..لي كملو طريقهم..وشاف فليبروفيسور..لي كحب واحد.منهم بشويا وتمو غادين..

نطق ولابتسامة على شفايفو: مكاين حد مالك حشمانة؟

هزات راسها بشويا...كتشوف فجنابها...

إخلاص: فيين مشااو هادو؟

أسيرم: ماشي مهم فين مشاو..اخر مرة لقاك جامعا لي جقلة

ابتسمات :مغيار

أسيرم:مكلخة.

شارت لراسها:اناااا

حرك راسو باه: حتاش داكشي لي عشنااا..كافي باااش تعرفي اني..مغيار...ولكن نتيي..دغياا تتنساااي...

حركات راسها بلا: كنتي تتغير عليا فاش كان زواجنا فلوراق..داباا قلت..

قاطعها:حمقة...غيرتي زادت..منين زواجنا ولا حقيقي وعرفت بحقك...

خشااا يدو فجيبو تم غادي .وهوا مبتاسم..

واقفا...مبهوضة..ميلات وجها:فااش عرفتي حقي؟ واش فطياب؟

هزات راسها..مخرجا عينيها..بصوت عالي نطقات

إخلاص: زغيييينداااا ساااااا.فل ...

زادت عندو بجرا ..تضرب فضهروو ..وهوا ميت عليها بضحك.

"دااز لوقت"

كان واقف مع طبيبة..

منصور:صافي وخاا تا نسيفط لملف على حالة لمريضة..

الدكتورة:دااكوغ ادكتور ..

تم غادي...دار عندها:هوا دكتورة

شافت فيه مستغربا:ويي؟

منصور:هوا (بتردد)لمريضة لي محضرتش لعمليتها كي كانت عمليتها..؟

ابتسمات ليه:ناجحة..غدوز هنا واحد سيمانة...وتقدر تخرج..الا بغيتي نصيفط لك ملف دتفاصي..

قاطعها:لا مبغيت والو شكرا..

تم غادي..وقف منين بانت ليه...جاراها اخلاص وهي على كرسي..متحرك.

إخلاص:نتي بقا عيانة وبغا..تخرجي لجردة

نورة:تخنقت لداخل بغيت نشم لهواء...احقا فين غبر اسيرم دغيا دخل وخرج؟

إخلاص:سمع بلي دكتورة ينيس تضرب ومشا يشوفو ..بلاتي

نورة:امضرا؟

إخلاص؛سمعت راه بيخير..من بعد وندوز نشوفو

نورة:اوا الحمد الله..

هزات راسها...جات عينيها فعينوو...ودغيا حيداتهم

نورة:خلينا نخرجو..

كيشوف فييهاا ....غير ضربو عيونهم ببعض...حنااا راسوو...جابد تيلي ..

هزز راسووو...دوروو فلارجاء لقاها . غبرات من قدامو..

زااد تيقلب عليهاا...هاااز رااسووو..شاف فلاسانسور..عرفها غتكون نزلات ..تنهد...

تم داير ايرجع لخدمتو .مع دورة يتضرب ببهاء

منصور:اوبس...سمحلييي..كنت مرفوع

بهاء:منصووور؟اشش واقع مالك غادي مرفووع واااش بالك مع شي حالة دشي مريض؟

شاف فيه مبتاسم: لااا غييير...

بهاء: غييير اش؟

قاد وقفتوو

منصور:بهاء دابا كيف كنبان لك؟

طلعو وهبطو:كتبان لي منصور؟كفاش اتبان لي زعما؟

منصور:دابا انا كنباان راجل ياااك

بهاء: كفاش واش تتبان راجل؟(ضحك بجهد) واااش منيتك؟

منصور: هواا راجل مخووص يبغيي راجل بحالو ياك

بقااا بهاااء غيير كيشوووف فيه وكيرمش: واااش

منصور: اش

بهاء: وااااش نتاا(ميل راسو)

منصور: أشششش؟؟؟

بهاء: (مطلع حاجب مهبط اخر)اكتيفيتي لوينا..

قاطعو

منصور:ولااا اساط لااا انا كنبغيي لبناات ولكن كنبغيها وخا عرفتها راجل

شاف فبهااء لي غير كيشوف فيييه..مفاهم والو

منصور:نسى اش قلت لك نسسى

ضربوو فكتفوو وزاااد.

غادي كيردد: نتاا راجل..امنصور..مخصكش تبغي لولاد امنصوور..

بقا واقف متبعووو...هزز كتافو وتوجه لمكتب...علماتو لممرضة بلي مريضة تتعاينو...

حل لباب داخل...

شافت فيه مبتاسمة: سيدي بهاء(حطات يدها على فمها بتحلوين) هه اوف بغيت نقول دكتور بهاء

صووت ضحكتهم مسموع من لقاعة...كولشي فرحان بلي سوميستر سلات.

كيشوف فيهم..مبتاسم...

ماسين: يعني هاد سيمانة غيكون اخر لقاء ليا معاكم...نتمنا لكم توفيق...مع لبروف لخرين...

تنهدوو باسف..كيررددو"مكرهناش كن تشدنا نتا عاود...أحسن أستاذ...رجولة..."

وغيرها من لجمل لي كدل على حبهم لييه وارتباطهم بيه...

مدة قليلة لي دوز معاهم...ولكن بحكم لاج لقريب قدر يتفاهم معاهم...

كانت تتشوف فيه..بلا متنطق...

كتفكررر ..نهار كانت فداروو...وشحال من مرة كتلقاه كيهضر بوحدو..

فلول..خافت...ولكن منين قلبات وسولات...لقااات بليي هوااا عايش على انقاض نورة...هواا حابس ..فلحظة فراقها معاه..

هوا ممتقبلش موتها...وعرفات بلي الا متعالجش ..اخرتوو غيحماااق...ولا غيكمل حياتو على هاد شكل...ومستحيل...يبراا..

تمات واقفا...نطقات مبتاسمة..

حسناء: منين سالينا...اش بان لكم نعرضكم لغدااء...على حسابيي...

بداااو يصفرووو...ويغوتوو فرحانين بلعراضة. .

تموو خارجين...جراتها صحبتها

نهى:مالكي كالسا عارضانا ومنوياش تمشي؟

حسناء: (كتشوف فماسين) تا نتااا معرووض اسااد

شاف فيها وشاف فساعتوو: غنت..

قبل ميكمل...هضرتوو..بدااو يغوتو طلبة لي واقفين الباب...ويطلبو فيه..حرك راسوو بقلت حيلة...وزااد معاهم...

داز لوقت...كان كالسين...مجموعين على طبلة دلغداء ..صوت لموااج مسموع...وصووت لکيتارة لي تيعزف عليها وحد منهم تاهي مسموعة...

جو..هادئ ونقييي....

كيضحكووو..وياكلو...ويغنيو...الا هي..

شافت فيها نهى..بقلة حيلة

نهى: اش واقع لك..ممولفاش لك...؟

حسناء: واااش لحب كاين؟

نهى: أااا كفاش؟

حسناء: واااش لواحد يقدر يبغيي شيي حد لدرجة يبقاا يبغيه تا من بعد موتو...(شافت فيها )انا عند بالي دراري مكيعرفوش يبغيو...عند بالي لحب غير كذبة كيتيقوها لبنات لهشاشات...

نهى(بدات تكحب بشويا) وااش نتي بيخير؟؟ راااه ربييي كيف عطاناا قلب...عطاه لهم...

شافوو فيه منين وقف...

ماسين: نخليكم غنتعطل على دار

نهى: بقا بلاتي اش غدير فدار خلينا هنا متلفين لوقت..

ماسين: غنتعطل على لمدام..

حط لغلوس على طبلة

حسناء: قلت لحساب عليا

ماسين: انا لكبير...اذن راه عليا..

ابتسم لها وتم غادي...

شافو فبعض...

"وااش تزوج؟" "ناري دغيا نساها"

ضربات فطبلة وتمات نايضا...

تبعوها بلعين نطق واحد منهم:ماال هادي؟

نهى:مديوهاش فيها هي عيانة..خليونا نكملو ..

تبعاتو بجري كتعيط لييه...وقف..كيشوف فيهاا...

ماسين: نعام؟

حسناء:بغيت نهضر معاك فوضوع؟

ماسين: اش واقع؟

حسناء: اناا ..اناا(هزات عينيها فيه) كنعاني ..من مرض نفسيي..وبغااا نتبع عند طبيب نفسي...وااش تقدر توقف معايا؟

شاف فيها مستغرب

ماسين: كفاش غنعاونك؟

حسناء: انا...كيف عارف..اناا عائلتي ساكنين بعاد..ومعندي حد هناا .ومبغيتش نشارك صحابي بمرضي.بغيتك تمشي معايا..؟

شاف فيها مطول ..تنهد وهي حاضياه بعينو

حرك راسو بوخا: وخااا..معنديش مشكل..

ابتسمات ليه: بصاااح..شكرا غداا نمشيو..

حرك راسو بوخا...ابتسم منين شافها مبتاسمة...وهي من قبيلة مقلقا...

" المرابطيين"

واقف فلباب...مستغرب منين شافها...

كانت كالسا على لكرسي..لابسا جوب قصيرة فلكرونا...مع قميجة بيضة...محلولة جهة صدر ..مدخلاها فلاجوب...

طالقا شعرها...ومكثرا لمايكب...

طلع حاجب مهبط اخر: اشش تديري هنا؟؟

كحات بشويا:كيف تتشوف انا مريضة.

بهاء:كنضن جيتي عند لاختصاصي لغلط..

خولة:لااا...جيت عند الصح..(ابتسمات ليه..سرعان مجمعاتها حاطة يدها على راسها) فيا دوخة...وراسي ضارني..ونتا طبيب..اكيد مغترضش مريضة غير حيت عندك مشاكل شخصية معاها.ولا كدبت..

حرك راسو بلا:مكدبتيش..انا قسمت باش نخدم لمريض.شكون مبغا يكون.

زااد كاالس...هزز راسو فيهاا...

بهاء:شنو لاعراض لي عندك؟

بداات تهضر .وتعطي اعراض من راسها..غير كادبا فيهم...

شار لهاا باش تسبقو لجهة لفحص...

زادت مور ريدوو...تكات ..على سرير...وهي كتكحب وتعطس...مسحات نيفها...

طلعات لاجوب شويا...وزادت حالة...صدايف ..

حطات يدها على خدها ..ناعسا جنب...

تم...داخل..طلعها وهبطهااا...

بهاء:قادي كلستك...نتي ماشي فبيت راجلك...نتي فكلينيك...

كانت كالساا عند راسووو..كتشوف فيه نااعس..

بصوت خافت نطقات

سكينة: عند بالييي غير كيكدب..عند بالي مانسى والو وغير كيضحك...ولكن منين جاا يشوفو باباه وماماه..وتعاملو معاهم...خلاني نعرف بلي هوا بصح...نسى..

تنهدات تتشوف فيها: غالبا..مدة قصيرة ويرجع..ذاكرتو...فقدان الذاكرة لانفصامي..يقدر يكون غير مؤقت..ويرجع مع لوقت..ويقدر يرجع فجأة وفدقة.

سكينة: داباا هوااا..معاقلش عليا..ولا على ختو ..عائلتو على والو..؟

روزيتا: هوا نسى كولشي صدمة نفسية وضغوط لكثيرة...وداخلية ديالوو..خلات عقلو ميقدرش يتعامل مع لامر...(تنهدات) ومباغيش يتفكرر اش وقع

سكينة:لمااضي ديالو واش صعيب تا لهاد درجة

روزيتا( حركات راسها باه)شفت حالات كتيرة...حالتووو كانت اكتر حالة ضراتني فقلبيي...معرفتش شحال دلوقت كان بافي يبقاا حابسوو فقلبو..ولكن تيقينيي...كن بقاا مخبييه..مزال..كن شي نهار وقف قلبووو...

سكينة:شكراا ليييك..حيت وقفتي معاه..وكنتي معاه.

روزيتا: انا طبيبة...يمكن بزاف فاش كيتألمو كيجريو عندكم...ولكن حنا كنجريو عند ناس لي كيتألمو بلا ميزيدو خطوة..انا غرجع لامريكا...ومنين داباا ناسي باباه..فهوا غيعاونوو..

وكيف قلت لك..مدة ويرجع ذكرياتو..

سكينة:واش يقدر ميرجعهمش كاع؟

روزيتا(شافت فيها مستغربا) اه ولكن نسبة ق..

قطعاتها

سكينة: بغيتو ميرجعهاش..يمكن نساني..ولكن..قلبو مغينسانيش انا متاكدة انه غيبغيني...محدو دابا كيف شي ورقة بيضة..بغيت نكتب عليها غير ذكريات زوينة..اي حاجة خايبة..بغيتو ينساها...

(حطات يدها تتحسس لحيتو) بغيت اي حاجة ضراتوو...عمر يتفكرها مزال...

روزيتا: هوا غيبغي يعرف شكون اهوا...حيت هوا دابا..يقدر يشوف فلمراية وميعرفش راسو..لكارط ناسيونال..وشهادة طب .كولشي عندو بلا معنى..

سكينة: انا غنعرفوو على راسو( شافت فيها) اناا غنبني ينيس..لي عمر ضراتو شي حاجة

"عند بهاء"

صدمة بانت على وجهاا..من هضرتوو..جمعات راسها كالساا..

مكرهاتش لارض تبلعها..ولا تسمع اش قال...

زيرات على يدها كتبرد فقصتها...

لبس صباعيات..وقرب منها..

كيفحصها...

بهاء:من امتا ونتي مروحا؟

خولة: معقلتش بضبط ولكن كتااار من سيمانة... كاع فمي تفلح..

شاف لجروح لي ففمها..ولسانها...

حرك راسو بوخا..

بعد عليهاا كينتر ليكات..ويعقم يدو.

بهاء:واااش تتعرقي فليل؟

ابتسمات:ليل.اه..كنتعرق بزاف... وتاا سخانة تطلع ليا

بدات تبرد على وجها باغراء..وهوا ممسوقش لها..عاطيها بضهر.

بهاء:غنخليك ديري شي تحاليل

ابتسمات ليه: طلباتك اوامر..

عيط لممرضة..وقفات اونفاص معاه..

الممرضة: وي دكتور..

بهاء:دي لمريضة دير تحليل HIV

وسعات فمها..وقفات مصدومة..كتشوف فيه...

خولة:شششنووووو هوااا؟وااااش نتااا حمق راني درت سبة برواح وصداع راس وجييت نشوووفك اشمننن HIV.

HiV=الايدز=السيدا

قرن حاجبو كيشوف فيها: أشش تتكولي نتي أا؟(شاف فلممرضة) شنو هما لاعراض دسيدا؟

الممرضة: السخانة..والعرق..تقرحات فلفم

ولسان وو.

قاطعها: هاد لاعراض فيك ولا لا؟

ابتسمات بزز: كضحك عليا ياك؟ اشش تتكول نتاااا..انا نعست غااا مع صااامد وهوا .م..

سكتات تتشوف فيهم..زادت خارجا بجراا...

جمع يدوو كيشوف فلممرضة.

الممرضة: واش..لغدد..وااش بصح شك...

قاطعها: هي مفيها والو..هاد لمرة بحال هاد نوع..سيفطيه لطبيب نفسي ماشي لياا..

تمم خارج.:عندك نمرتها عيطي لها علميها ان تشخيص لحالة غلط .مولف نغلط

(ابتسم جنب وخرج)

..وهي متبعاه بلعين

الممرضة: خلع درية..ولكن تستاهل..مسرطهاش قلبي سبحان الله...

تمات..خارجا...

زااادت خارجاا...داتها كلها..تترعد...ممتيقاش اش.تتسمع...دموع نازلين من عينيها كيتلاقاو فاخر خدها..

شدات طاكسي توجهات لدار..صامد..مسافة طريق..نزلات..بان لها..يلاه غيركب .

غوتات عليه بجهد..دار كيشوف فيها...زادت عندو..بجرا ..ونزلات عليه بتصرفيقة

خولة: الله يااااخد فيييك لحقق.

كيشوف فيها مبهوووض مفاهم والو

صامد: اش تتقولي نتي؟

خولة: بسبااابك مرضت...بلايدزز بسباااابك...نتااا كنتي اول واحد...ولكن نتااا يعلم الله شحال من وحدة..(كتبكي شادة فشعرها)انااا لي درتها بيدي انااا....شفتكككك لفلوووس ودااار..وكنتي تتبان لي واافييي لحادة ..قلت هناا نبات.

طاحت لارض كالساا..تتبكي...وهوا غا كيشوف فيها مصدوم كيحاول يستوعب اش تتكول...بصح مكيبغيهاش..ولكن كانت اول وحدة...مووور متحطم بسباب حادة .اول وحدة جات قدامو استغلها...يقدر ميكونش ناوي يتزوجها..ولكن مغيخليهاش مخصوصا...حيت بالنسبة ليه وقفات معاه فلقرحة..

كيشوفها كضرب فوجها وتبكي: اناااا لي تبعت لحراام انااا..ولكن ذنوووب حادة ..انااا ليييي عطيتها دوااء باش تجيها دوخة وتشووف طبيب..اناا لي بدلت تحاليل..وخليت عائلتها يشكوو فيها..بسبابي تزوجااات بواحد متتعرفوووش...ولكن صحابني غنااخد راااجل...حسدتهااا...وفلخررر خديت لمرض...علاااش اربييي هكدا وقع لييي.علاش..

كتبكي وتنخصص...شافت لتيلي كيصوني..كتبكي بلا متهزوو..صدعها..يلاه هزاتو باش طفيه..شافت نمرة دلكلينيك...جوبات ودموعها كيتلاقاو فاخر خدها

خولة: وااش غنموت؟

الممرضة: مدموزيل خولة..دكتور بهاء كيعتادر حيت غلط فتشخيص..نتي تتعاني من نزلة برد..تبعي ڤيتامين c بشفا..

نزلات ...تيلي بشويا..وملامح..وجها..مطموسة..هزات عينيها بشويا فصاامد

كيشوف فيهاا بنضرات..غضب ..كيشووف فيهاا..بعدم.تصديق...

ممتيقش أش كيسمع ...ضحك جنب بجهدد..ورجع شاف فيها

صامد: نتييي..نتييي سباب

حركات راسها بلا:صااامد..انا كنبغيك اصامد..كتر منها ..وقبل منهااا...صااامد..اي حاجة درتها درتها على قبلك..

كرز على سنانو: حسابي معااك هوا الخر..

شدات فرجليه .كترجاه...

زااد مخليها طايحا لارض.....

ركب فلوطو مكسيري

صامد: حااادة...اناا راجع لك احياتي..

...المرابطين ....

حل عينوو..بثقالة ..شااف فييهاا...كالساا..حداه...حاطة راسها على سرير ..هي لي غير خرجات روز..طاحت ناعسا بلعياا...منين تضرب مداقت نعاس...

هز يدووو بشويااا ..حاطهم..على خصلات شعرها...

هزات راسها بشويا منين حسات بيدو...كتشوف فيه...بهدوء ..

قدات كلستها ..

سكينة: فقتي..وااش فيك جوع؟

حرك راسو بلا: بغييت..نخرج من هنا..

سكينة:نتا درتي عملية كفاش باغي تخرج فيوماين..

سااط بجهد: انااا ملييت وانا كالس هنااا...

سكينة: اعتابرها راحة..واي حاجة طلبتيها اتوصل ليك..

شاف فيها مطول :بغيت مرايااا

شافت فيه باستغراب: مرايا؟

حرك راسو باه: بغييت نشووف كفااش كنبان...نتي تتكولي انك مرتي..ووحدة تكول انها ختي..ووحدين خرين كيكولو انهم والدياا..ولكن انا معارفش تا شكون انا...كفاااش غنعرفكك أاا؟؟وعلااش انا ناعس هنا...وعلاش نسيت كولشي وعلاش وصلت لهاد لحالة...ولاهم...علاش طبيبة فاش فقت قالت اني نسيت كولشي حيت عقلي رافض يتفكر صدمة...اشمن صدمة؟؟؟

ناضت جايبا ليه مرايا صغيرة...مداتها ليه...كيشوف فراسووو...

ولكن معندوش ادنى انتماء لهاد شخص لي كيشووف...كانو شخص غريب...معندووش .ولا حتى ذكرى معاه..

زيرر على عينوو بغضب...يلاه بغاا يرضخ ديك لمرايا...تبت منين سمعها نطقات..

سكينة:نتااا ينيس..سميتك ينيس بنيس. .نتااا طبيب..جراحة العظام والمفاصل...عندك عائلة زوينة..بزاف...أب كيبغييك..هوا قبل ميكون باباك نتا تتعتابرو أعز صاحب عندك..عمر قلل منك..عمر تخلى عليك..فووق ماا كتبغييه..كتلقااه حدااك...وعندك ماماك..بحالها بحال اي أم..متقدرش تعيش بلا بيها..نتا عينيها وهي عينيك...وعندك ختك..هي ختك وصحبتك..نتا وياها عزاز على بعض..هي مزوجا بولد عمكك..هوا ولد عمك وفنفس لوقت صاحبك...هما بجوج اطباء هنا..هوا طبيب تخدير وانعاش..وهي دلامراض السرطانية...

نتاا كونتي شخص نااجح..ومحبوب فلكلينيك..كولشي كيبغيك..كولشي كيحتارمك...نتا شخص عايش حياة..عادية..وزوينة...

واناا تعرفت عليك هنا..فلمرابطين..منين خدمت هنا..عرفتك..لقااء .مور لقااااء...من اول لقاااء...عرفت.

.(سكتات لثواني تفكرات هضرتو..منين قالها انه من اول لقاء عرف بلي هي لي غتبكي عليه مور موتو)

هزات راسها فيه :من اول عرفت بلي انا ونتا تخلاقينا لبعض..بليي نتاا لي غترسم ضحكة فحياتيي...وانا نفس شي...

تزوجنا ...درنا عرس كبير..وزوين..حضروو حبابنا..وصحابناا...ضحكناا ونشطناا...كنتي لابس كوستار فلبيض...كنتي كيف شي امير ..هارب من حكايات دزنيي...كان احسن عرس...نتا نسيتيه..ولكن انا لاا. ..عمر مغتساااه...حيت كنتي معايا فيه..حيت كان بداية حبنا...

موور زواجنا..عشنا بجوج..حياة زوينة..وهادئة..انا وياااك...قررنا نكبرو عائلتنا صغيرة(حطات يدها على كرشها)انااا حاملااا...بولدك ولا بنتك

.مزال معرفت جنسو..

كتشوف فعينوو..لي كيشوف فيها..بنظرات كلها تتلمع...ولبسمة فطرف شفايفوو...

سكينة:اماا كفاش وصلتي هنا...كان باغي يكريسيني واحد...ونتاا عتقتيني منو..وهوا غفلك..وضربك بموس لضهرك...صدمة..منين ضربك..كانت قوية عليك..خلاتك.تنسى كولشي..حاجة عادية...حيت حناا حياتنا..وحياتك بلخصوص..بعيدة على دم..وضرب...بعيدة على بحال هادشي...هدا سبب صدمتك..

نتاا نسيتي كولشي...حاول تفكرنيي بقلبك...

قربات منووو حاطة ..يدها على قلبوووو..

سكينة:خليي هداا يتفكرنيي...اناا راني فييه..

كيشوف فقلب عيونها...نطق وعينو كيتحركو مع بؤبؤ عينو

ينيس:شنوو سميتك..؟

بسهوة:المخورة

شااف فيها مستغرب...ابتسمات بزز..كارزا على شفايفها..

سكينة:سكينة..سميتي سكينة

نطق بهمس"سكينة"

ابتسمات وهي تتشوف فيه..جمعات ابتسامتها .منين قال

ينيس:الماضي مكيتمحاش وخا نسيتوو...اناا غنتفكرك..وغنتفكر أي حاجة .زوينة نسيتها..

"هزز يدوو حاطها على كرشها"

ينيس: وااش مزال..مقررنا شنو غنسميوه

حركات راسها بلا: واش عندك شي سمية فبالك

ينيس: سند ريم..

وسعات عينيها تتشوف فيه بصدمة...

"فجهة خرا"

كانت كالسا .مع بنتها.كتمشط لها شعرها

محاسين: امتا غنمشيو بحالنا

....: فااش غنزوجو خوك

محاسين: علاه خويا ممزوش؟

جراتها من شعرها تا غوتات: مزوج..مزوج..ولكن فلوراق..مغتفهميش ( تنهدات) باقيي عندي انا ونتي خدمة كتيرة هنااا

حركات راسها بوخا: انا تحت امرك ماما شاف..

تموو نايضين منين سمعو.دقان..

يلاه بغات تحل لباب..وهي تسمعو كيهضر

صامد: حادة..حلييي احادة ..اناا عارف نتي هنا...سمحي لي..انا عرفت لحقيقة ..عرفت اش دارت خولة(كيدق) حاااادة حليييي خلينييي نشرحح لككك خلينيي نداافع علىىى راسيي..

زادت حالة.لباب..دارت يدها على جنبها..

أم بهاء: مكاينا هنا تا وحدة سميتها حادة

صامد: انا متأكذ هدا عنوان راجلها...خليهاا تخرررج..عنديي فينها..

طلعاتو وهبطاتو: قلت لك مكيناش هناا حادة ...خرج عليا ولا نعيط لبوليس

خرجات مور ماماها

محاسين: فكريني فرقم لبوليس راه نسيتوو

شاف فيهم وحرك راسو بوخا: غنمشيي ولكن غرجع...غندي اش خصني

تم غادي..ردخات عليه..لباب..

أم بهاء:درت مزية منين سيفطتها لكلينيك..بغيتي ترجع وخا

زادت بجرا...عمرات سطل دلمااء..

وزادت تتجري لبالكوون..كتعاينو يخرج من باب لعمارة...جراتها..محاسين..من بيجامتها..شافت فيها..هازة قرعة دجاڤيل...

ام بهاء:انا راضيا عليك دنيا وآخرة

رجعات شعرها مور ودنها: تربيتك اماما

هزاتها من عندها..حلاتها..خلطاتها مع لماااء ...غير شافتوو خارج..

زلعاتو عليه...وقف..موسع عينووو.كلووو سرد بلماء .شعرو نازل..على عينو..هزووو..وهز راسو..

مع شاف فيها..صبعات ليييه..وغير شافتها محاسين..تاهيا صبعات ليه

نطقات بجهد: ياااو رجع لسميتك راااجل...لموريتك الكزاوية علاياش قادة

محاسين:( كضحك عليه بجهد) قووو قووو الدجاااجة منتوووفة..

خنزر فيهم وشاف فراسوو وزاد بجرا لوطو..

يتبع...