تزوجتها بوصية زوجها الجزء الرابع

كاانت فبيتها.لابساا عباءة وحجاب مفرشا..صلاية..كتصلي صلاة الصبح..

هازة يدهاا.ودموع محجرين فعينيها..

كيف العادة فكل صلاة تتفكرو..ودعيي معاها..لعلا وعسا يوصلو ليه دعواتها لي نابعين من القلب..لعل وعسى..كونو كان زوج صالح..يغفر ليه دنوبو .

إخلاص:ياربييي يا حبيبي ترحموا وتغفر لييه..كتر من خمس شهور على موتو وباقا كيتو فقلبيي ياربيي تخفف من نار لي تتحرق فيا..انا مبغاش نبكي عليه..مبغاش نحرق روحوو..عارفاه كيتعدب منين كنبكيي..مكانش يبغي يشوف دموعي..ولكن فكل نهار كنعاينو يجيي..ويحل عليا لباب...فكل نهاار كنعاينوو يعيط ليي ..توحشت صوتو..(شهقات بجهد)صوتوو ليي بديت كنسا عليه..كنسا كيف دايرا نبرتو..(حركات راسها بلا)مبغيتش نشوف فيديوهاتو حيت مكنقدرش ..مكنقدرش..يارب زيدني من صبرك وبدل محبتوو صبر..ياربيي خليه من اهل جنتك ورحموا برحمتك..ورحم كاع حبابي لي مشاو وموتى المسلمين .

ناضت جمعات..صلايتها...

زادت واقفا قدام اامراية..مسحات دموعها .

إخلاص:أناا قوية..نتا خليتي مرة ونص موراك..انا قوية ...كلها سنين قليلة وغنتبعك...شويا دصبر مزال(ابتسمات ودموع محجرين فعينيها )غير شويا

"فلكلينيك"

دخل لمكتبوو..زااد لمعقم..كيعقم وجهووو...ساااط بجهددد..لاحوو لارض..

حط يدوو على راسوو..

كيتنفس بجهد..

زااد كاالس .هزز تيلي ديالو..

بعد تردد دوز رقمو

أسيرم:ألووو (سرط ريقو)..انا قررت.. غدا غنجي عندك ..

قطع بعد مأكد عليه الموعد..

تم نايض..توجه لغرفة الحاج..

وصل لباب..يلاه بغا يدخل .بان ليه ولدهم واقف حدا لباب متكي...شاف فيه مبتاسم

هوا:دكتور أسيرم

حرك راسو:رضوان أش كدير هنا؟لاش مدخلتيش؟

رضوان:بغيت ندخل ولكن خايف..خايف تكون هادي اخر مرة نشوف فيها بابا..3 سنين هادي باش لقيتو..فهاد لمدة دوزناها غير فلكلينيك..عندي تقريبا 40 عام ..كلها دوزتها بعيد على ولديا..ونهار لقيتهم مقدرتش نعيش معاه..فلفرحة..كنتمناا نخرجو مجموعين..كنتمناا..نديه عند ولادي لدار..ويعاود لهم دوك لقصص لقدام..كنتمنى. (نزلو دموعو)بغيت نعيش معاه ادكتور عندي40 عام ولكن حرقة اني كبرت بلا بيهم .فبلاد بعيدة باقا تتكل فيا ...باقي فيا داك لولد صغير لي مشبع من والديه ..معرفتش فاش اديتهم تا يسرقوني فصغري ويبعدوني عليهم..ومبغيتش لموت تسرق بابا فلكبر..عارف عمليتو صعيبة لشخص فعمروو ولكن قلبي باغيه يعيش

أسيرم:بصح الورم لي فراس باباك كبير..والسكري ديالو وقف فطريق العملية هاد سنين كلها..مؤخرا تقاد ليه .على داكشي خصنا نزبو على لعملية للاسف مناعتو ضعيفة مغيقدرش يتحمل البنج لمدة طويلة قلبو يقدر يحبس فاي لحظة(تنهد.هز راسو فيه)بصح هادشي كولو كاين ولكن غندير كتر من جهديي. ..غنعطيي كاع داكشي لي عندي

رضوان ابتسم ليه..وحل لباب..دخلو عندهم .كان كالس ومرتو تتوكلو..هز راسوو فيهم

الحاج:ها ولادي جااو..(شاف فمرتو)أسيرم ولا كتر من ولدي3 سنين ومزال ممل منيي

الحاجة:الله يكتر خيرو كن كان شي حد اخر كن لاحك من داك سرجم

شاف فيهم مبتاسم.

أسيرم:لمسمعش هضرتي غنديرها

رضوان:غنعاونك

الحاج:اه ارضوان سخيتي بيا

زاد معنقو ضاحك

رضوان :حاشا ابابا

كيشوف فيهم..هز يدو كيحلها ويسدها.ولحريق فكتفوو جهاد.

رضوان:فاشمن ساعة غتكون عملية بابا؟

أسيرم:ساهي

رضوان:دكتوور ياك عملية بابا ليوم فاشمن ساعة؟

أسيرم:ساعتاي مور لاجتماع غتكون.(تنهد)وهدا وقت لاجتماع نخليكم

شافت فيه..بلامح مطموسة.طلقات ضحكة بصوت عالي...ضحكة لي استفزاتو وخلاتو يخنزر فيهاا..

نضال:غتعدبني؟وش فنضرك لقربتي مني هكداا كتعدبني؟

قربات ليه كتر..كتشوف فعيونو..

نضال:قربك لياا متيعدبنيش قربك لياا كيخليني نعرف..بليي نتاا مزال مخلي لي بلاصة فقلبك

قربات نيفهاا من عنقوو..لحركة لي خربقات ليه حساباتو..زير على لكمة يدوو.وكرز على سنانو

نضال:قربك ليا كيخليني نشم ريحتك ..نفس ريحة لي كنعشق ..ريحة لي اول قرعة هديتها لك اناا فعيد زواجنا لاول...

شد فيدها مزير..بعدها عليه.

داوود:أول واخير عيد زوااج..

جات تهضر.ضرب يدوو بجهد مطاكيها..كيخنزر فيها..عيونو لي كن كانو قرطاس كن طاحت ميتا..

داوود:قربك مني(ابتسم باستهزاء)نهار غترشق لي غنخليك تقربي بااش تشوفيي مزيان..حيت بان لي مبقيتيش تتشوفي .تتشوفي غير اش عاجبك..ولكن متخافيش غنخليك تشوفيي مزيان .ودوك لاحلام لوردية ديالك غيوليو كوحل بوجودي..

تحل لباب دلاسانسور..

بعد عليها..جا يخرج.وقفاتو

نضال:تقدر ضرني معنديش مشكل ..لكان عذابك غيبرد شويا من الجرح لي تسببت لك فيه خود راحتك..تقدر تاديني كيف بغيتي .لمهم غتسامحني...

زااد خارج متجنب هضرتها

نضال:(بصوت عالي )غندير جهدييي بااش تسامح لياا..متكونش سميتي نضال لمناضلتش على قبلك.

تسدات لباب ..ومشا..فحين هي نزلوو دموعها..

نضال:محد زمان جمعنا من جديد..الا وخصني نستاغل الفرصة..ونصحح غلطتي الكبيرة ..عارفا صعيب تسمح لي ولكن ماشي مستحيل

خارج من عندها..هضرتها قد مكانت مستفزة بالنسبة ليه..قد مبغا يمسحها من بالو وينساها..

عكنش شعرو كيتنفس بجهد..

زاد بثقالة منين بان ليه أسيرم ..عيط لييه .بصوت عالي تا وقف كيعاينو

داوود:اش خبارك؟كيف حالة جرحك.

أسيرم:بيخير ماشي شي حاجة مهمة

داوود:اش ماشي مهمة..هادي محاولة قتل .لمرا عندنا فلحبس..ولكن خص ضروري ترفع عليها دعوى باش نقدو نشدوها عندنا مزال

أسيرم:مبغيت نرفع دعوة على حد

داوود:بعقلك؟عمك قال سيدة ضرباتك وكانت اتقتل راجلها..وباغي تخليها..بلا تا عقوبة

أسيرم:انا مضراتني فوالو..راجلها تقدر تمشي تسولو

داوود:هواا مغيب اش غيجاوب فيا.

أسيرم:اعتابرني بحالو

زاد مبعد عليه..

داوود:هادي أخر هضرة عندك؟

أسيرم(هز يدو وهوا عاطيه بضهر زعما اه)

داوود:هاد سنين شحال من واحد بدلات مزال..شخص لي كان يطبق لقانون وميهمو الشخص..ولا يرفض يرفع دعوة على شخص ضرو..كنضن الشخص الوحيد لي مستحيل تبدلو هاد السنين هوا معاد..خصني نشوفو

بعد لحضات كان فلاجتماع مع لكروب ديالو..

واقف كيشوف فيهم..كيف عادتو..كيهضر بكل ثقة وكاريزما..بحال معندو تا مشكل..كيشرح لهم لاهمية دلعملية فهاد لوقت..وبلي لوقت لي نقصوو من خدمتهم غينقد حياة شخص

أسيرم:كل واحد فيكم..قلص من وقتوو..نتوما عارفين بلي هدفنا نقصو سوايع لعملية من 6 ل ربعة..ولكن قبل وش نتوما متأكدين بلي لوقت لي خليتو ايكفيكم

نطق واحد منهم

....:دكتور نقصت ربع ساعة وانا متأكد بلي غنجح بلا ديك ربع ساعة..من اخر اجتماع وانا كندرب عليها قادر نديرها

نطقوو كلهم..

"قادريين"

عدنان:ممتافقش

تم نايض..

عدنان:لوقت لي نقصتو يلاه جاب ربعا دسوايع ونص..جسمو مغيتحملش لبنج..المريض فاخر يام حياتو ..اصلا لمريض كبير فلعمر ..كنقتارح تخليوه يعيش يامو لي باقيا ياك جسمو صمد 3 سنين كاملا ..يقدر يزيد

قاطعو أسيرم

أسيرم:مغيقدرش ولو حتا لنص شهر مغيقدرش.

عدنان:معندنا منديرو

أسيرم:لاا عدناا..شكون نتا باش تخلى على مريض؟شكون نتا باش تقرر وش عاش حياتوو ولا مزال غيعيشهاا؟العمر متيتعاش بلمدة ..(شاف فيهم)لعملية بعد سعتاين..وونص ساعة لي بقات غنقصها من خدمتي..العملية غدوز فربعا دسوايع..وغتنجح.

زااد خارج..

عدنان:حمااق مفيهاش

زااد تابعوو..بجراا..فلكوروار..

وقف اونفاص معاه

عدنان:وش بعقلك؟ضربة دلبارح جاتك فكتفك..ومأترا على يدك..وش حماقيتي باغي دير عملية بيهاا..وش باغي تخلا على خدمتك وضمر مستقبلك؟

أسيرم:معنديش مشكل نتخلا على خدمتي..ولكن محدي فيها مغنتخلاش على مريضي..

تم غادي

عدنان:نتاا مغتقدرش دير لعملية تا فلوقت لعادي فكفاش غتنقص مص ساعة من وقتك.

..كتغلط أأسيرم كتغلطط

جمع لكملة يدوو..كيسمع لهضرتوو..تنهدد..وزاد.

واقف عند لاستقبال..لي كان عامر ..بحرا خوا وجا لوقت يسول

داوود:بغيت نسولك عفاك .وش دكتور معاد خدام هنا؟

شافت فيه مستغربا

سناء:اشمن معاد من معادات؟كاينين جوج دمعادات ..فعطيني كنيتو الله يخليك ولا اختصاصو

داوود:كنيتو..

سمع لتيلي ديالو كيصوني.

داوود:معاد الصالحي.

هز تيلي ديالو..

صوت دموعها وهي تتشهق بجهدد..مسموع..كتهضر وهي تترجف..

سامية:هجمووا..علياا..عفاا...عفااك..عتقنييي عاونيييي..غيقتلوني

داوود(خرج عينو وخرج بجرا)

تبعاتو سناء بعينيها

تنهدات

"شكون هدا لي كيسول على معاد الله يرحموو "

داخلا لكلينيك..لابسا كسيوة فلكحل ولبيض.طويلة.مع صندالة بيضة..طالقاا شعرها..

ودايرا مايكب خفيف..

زايدا بخطوات تقال .

وقفات منين سمعات صوت نضال.

نضال:هاي هاي لكلينيك نور

إخلاص:صباغتك خليها لك

نضال:جايا تشوفي ماما كيف ديما

حركات راسها باه

نضال:اوا الالة منين تشوفيها وتسالي عطي معاك هادو لاسيرم

إخلاص:اش هادو؟

نضال:تسجيلات دلاوبيرا..

إخلاص:اوبيرا؟هادوك لي كيقاقيو كي لفرارج

نضال:(خنزرات فيها)اه هادوك هادوك راجلك مكيقدرش يركز بلا بيهم..عطيهم ليه يسمع حيت عندو عملية مهمة

إخلاص: اك أك..معرفناه كيدير عملية ولا كيحضر جنون.

زادت مخلياها...توجهات عند ماماين معاد..لقاتها ناعسا..

حلات سرجم..شافت فنبتا لي تم..

إخلاص:بديتي طلعيي..خصك ارض كبيرة وواسعة باش تكبري(قربات نيفها استنشقاتها)نتيي هي اخر حاجة جاتني من حبيبي ..بقا عاقلا كفاش كنت نتوحم عليهاا..مكونتش عارفا بلي راه وحم..وباقا عاقلا نهار جابو لبوليس حوايجو وميكة كنتي فيها نتي..كان فوقك قطرات من دموو.(مسحات دموعها )

وزادت هزات لماء سقاتها

إخلاص:بغيتك تكبري وتولي شجرة كبيرة وتكوني صدقة جارية على روح راجلي..

حطات لماء وزادت خارجة..بفا توصل تسجيلات قبل متفيق ماماين معاد.

توجهات لمكتبوو .

دقات ودخلات.

واقف شاد المشرط فيدو.كيحاول يركز ..يدير عمليتو فدماغو قبل غرفة العمليات.غير تحلات لباب..طاح من يدو.

أسيرم:(معصب)متعرفووووش دقوووو؟

إخلاص:دقيت.

هز راسو فيها.سرط ريقو..حاول يكالمي راسو..

إخلاص:هادو سيفطاتهم لك نضال.

زادت حطاتهم ليه على لمكتب وتمات خارجا .

أسيرم:وقفي.

شافت فيه

إخلاص:أشنووو؟

أسيرم:مكونتش باغي نغوت عليك.

إخلاص:وحد كيسمع لاوبيرا فنضرك انتصدم لغوت؟

أسيرم:اك تقدي تخرجيي؟

إخلاص:لااا

زادت كالسا حطات رجل على رجل

إخلاص:كنت غنخرج ولكن منين كولتيها مغنخرجش

دخل من لباب بجرا

عدنان:انا معااك نتا عندك لحق مخص..

سكت شاف فاخلاص

عدنان:بشاخ بشااخ شكوون هاد زين هادي أسااط؟

هزز راسو فيه مخنزر

عدنان:ياكما مريضة؟عطيني نداويها بروجلة

داارت عندوو مخنزرا فيه.

عدنان مبتاسم:ديجاا شفتك اه اه شفتك (حاط يدو على دقنو كيفكر)ولكن معقلتش فين

أسيرم:(خنزر فاخلاص)خرجييي

هزات عينيها فيه..شافت لوضع ممطمنش..تخنزيراتو..كيخلعو

ختارت تخرج مناقصها صداع.

زااد خارجا بلخف..وعدنان متبعها بعينوو.

عدنان:لاش مخرجها اصاحبي خليهاا خليهاا

يلاه جا يدور لجهة اسيرم بعد متلاشات من نظرو ...محس غير ببونياا زعزعات كمارتو .

شااد فدقنوو..حس بيه عوااج من بلاصتوو..

شاف فاسيرم لي كينفض يدوو..

عدنان:(وسع عينو)لاااش ضاربنيي؟

اسيرم:باش تعلم تسد فمك وتجمع عينيك

زااد اسيرم رضخ لباب

عدنان:هاا وش ضربتيني حيت تعنبت شويا عليها؟وانا صحابني على هضرتي دقبيلا...ولكن رااه بصح زويينة..حاس بلي ديجا شفتها ومعقل وكنت تنشوف..

قاطعوو بلغوات

أسيرم:متشووووفش فيهااا..فيهاااا متشووووفش

هزز عينوو فاسيرم لي مخرجهم فيه..من غواتو وتخنزيراتو عارف بليي قفرههاا.

أسيرم:لعودتي شفتيي فيهاا..ولاا عودتيي مدحتيهاا..غنضطر ندخلك لغرفة العمليات بلاصة الحاج..

حط يدوو مزير على كتفوو بجهد

أسيرم:غير حيت صاحبي وعارفك كي داير دوزتها لك هاد لمرة..

بعد علييه..وزااد .كالس..

عدنان(شاد على كتفو..كيشوف فيه مصدوم)شكون هادي؟نتاا أكتر شخص متتسوقش لهضرتيي..ولكن هاد لمرة ضربتيتي..(حل فمو)آه فهت هي صاحبتك؟ممتيقش.أواااااه بعد تلت سنين دلجفاف العاطفي واخيراا غنشوفو أسيرم اونكوبل..

زاد كالس اونفاص معاه

عدنان:وانا كنكول هاد سيدة ديجا شايفها فلكلينيك ...اكييد كانت تتجي عندك..ماعلينا كولي معندهاش شي ختها؟؟

أسيرم:صمت

عدنان:معاك كندوي. وش معندهاش ختها؟

أسيرم:خرج..سير قابل خدمتك..

عدنان:اه غنمشي ولكن كوليييي وشش معندهاش ختها؟

أسيرم:(خنزر فيه)لااا

عدنان:دوماااج ..وشي بنت خالتها والو؟

حط لمشرط من يدووو..وشاف فييه

أسيرم:غتمشييي ولااا ؟

تم ناايض..

عدنان:غنمشي غنمشيي

..نتلاقاو فلعملية باي

زااد خارج..فحين أسيرم..حط بدوو على راسو كيحاول يتكالما..

سد عينوو...وبداا يرسم لعملية..فبالوو..من الاول تاا لخر..كيقراهاا فدماغوو خطوة..خطوة..

مركز بتركيز كبير .بحالا راه فغرفة العمليات..هاز يديه كيحرك لمشرط...

سرط ريقوو..ولعرق نزل من جبهتووو...لحريق قوي فكتفوو..شخص لتجرح جرح عادي كيدوز يام كضرو فمابالك لضربة مووس...

مقدرتش يتحملو مزال..طاح ليه لمشرط من يدوو..شي لي عصبو وخلا يفقددد عقلوو..

خرج ردخخ لباب..بجهدد..بانت ليه واقفاا مع واحد من الممرضين..

زااد بخطوات سراع قاصدها

إخلاص:اه ومعارفش وش غدا غيكون؟

الممرض:غالباا مغيرجع تا السيمانة جايا..ولكن متخافيش راه كاين لي مكلف بيها وحالتها راها مزيانة.

إخلاص:شك

داارت بزرباا منين حسات بيه جرها من كتفهاا

أسيرم:أشش تديري هنا؟

الممرض:دكتور اسيرم

أسيرم:شار ليه باش يقابل خدمتوو

زاد فحين هي بقات واقفا تتشوف فيه..

إخلاص:يدييي ضريتينييي

أسيرم:لاااش واقفا معاه؟

إخلاص:ونتااا مالك؟

زاد برك على يدهاا..

أسيرم:مغنعاودش نسول جوج مرات

إخلاص:هوا الممرض لي كيقابل مامات معاد سولتو على طبيب.

رخف قبضة يدووو..طلق منها حط يدو على راسووو

إخلاص(شادة فكتفها)حيواااان قليل الاداب

زااادت بخطوات سرااع مخلياا..كيزفر بوحدوو كيحاول يكالميي راسو

أسيرم(كيسووط بجهد)أشش كيوقع لييي اششش كيوووقع

فلكوميساريا...

كانت كالسا قداموو تتبكي وكلها تترجف..

دااوود:باركا عليك من صبح ونتي تتبكي

سامية:كنتفكر كن موصلتيش اش كان غيووقع..

داوود:مكان غيوقع والو

ناض من بلاصتو..عاطيها بضهر

داوود:شنوو علاقتك بيهم؟لبارح مكانوش كيكريسيوك..

"دار كيشوف فيها"

داوود:شنوو لحساب لي بينك وبينها

سرطات ريقها شافت فيه..نطقات بتمتة

سامية:هوااا...واالو..غير حيت شكيت بصاحبو..وجاب صحابو ليوم تهجمو عليا..باغيني نحيد..

قاطعها..

شار بصبعو لجبهتو

داوود:وش مكتوبة لي فجبهتي حمار؟

سامية(حركات راسها بلا)حاشاا

زاد كالس على مكتبوو..كيشوف فيها

داوود:اذن شنوو قصتك معاهم؟

سامية:جييت لرباط عير بااش نخدم ..ونسيفط لفلوس لوليديا لي كبار وشرفو ميقدو على خدما..وحدة بحالي..مقراتش بزاف..ومخليت فين قلبت معامل شركات..مخبزات.فلخر لقيت خدمة.

شافت فيه قارن حجبانو

سامية:دلحلال والله تا دلحلال..خدمت فلبار اسي الكومسير

حرك راسو باه

داوود:بار حلال ماشاء الله

سامية:هوا(حنات راسها)كنت غير تنمس طبالي..ونحط لكيسان

داوود:لكسان دلعصير؟

سامية:هوا دشراب

داوود:اه حلال حلال..ماعلينا اشمن بار هدا ؟

سامية:هوا بار شويا كلاس..ليام لعادية تتكون موسيقى خفيفة..وكيكونو ناس لي بفلوسهم..كي

داوود:كي؟

سامية:كيقمروو..وفليام دلويكاند كيولي بار دشطيح ولحالة وانا فلويكاند متنخدمش

حرك راسوو

داوود:شكون هادوك؟وش كليان عندك؟

سامية:(حركات راسها بلا)لااا والله عمرني شربت ولا درت شي حاجة خايبا تما..حديت كنسربي ونكمل خدمتي ونمشي بحالي..ولكن وحد نهار كنت تنسربي ولصق فيا واحد..ورفضتو وبقا يام تابعني ورفضتوو..ولي قالي لمكونتش ليه غيخسر لي كمارتي وعمري نكون لغيرو..وهوا لي هجم عليا لبارح فاش عتقتيني..شديتي صاحبو وهوا هرب

داوود:اك سميتو وكنيتو؟

هزات راسها فيه

سامية:معرفاش

بعد سعتاين...

كانو فغرفة لعمليات...كيشوفوو فبعض..

ويشوفو فلحاج..

نطق لحاج لي كيدور عينوو عليهم

الحاج:فينوو أسيرم؟

عدنان:شويا ويجي اعمي

هز راسو فساعة..شار ليهم بعينو..زعما فينو

تحلات الباب..وتم دااخل..بلباسو دلعمليات..هاز يدو بجوج..

توجه لعندهم..

عدنان:فين تعطلتي

أسيرم:خديت مسكن

عدنان:مكنضنش غيدوم لربعا دسوايع.

أسيرم:ماشي مهم

شاف فلحاج..

أسيرم:واجد الحاج

الحاج:تلت سنين وانا واجد..قبل متبداو بغيت نقولكم بلي شنو موقع نتوما ماشي مسؤؤلين عليه..لربي بغاني نعيش غنعيش..(شاف فاسيرم)شكرا لك على كولشي اولدي

أسيرم:منين تفيق الحاج تقدر تشكرني

عدنان:(شاف فلممرضة دلانعاش)غنبداو..

حركات راسها بواخا.

هزز راسوو كيشهد.بصوت مسموع..على ميشد فيه لبنج..

بعد لحظات..شد فيه التخدير..

شاف اسيرم فعدنان.لي حرك راسو باه..بمعنى تقدرو تبدااو.

أسيرم:(موجه هضرتو للمرضة)مشرط..

ساعات وساعات وهماا فلعملية...

بعد ربعا دساعات قل عشرة دقايق..

هزز يدوو..شااف لي حداه.

اسيرم:سد لمريض.

زاد خطوة لور فحين تبلاصا بلاصتو دكتور المساعد..باش يسد لمريض بعد ماا سلا خدمتو بنجاح..

شاف اسيرم فعدنان لي هزز يدوو على شكل برافوو..

شاف فساعة ..لقا باقا 9 ددقايق .وتكمل ربعا دسوايع..دقايق كافيين لطبيب باش يسد لمريض..

زاد خارج..ولكروب كيبارك ليه على خدمتوو..لي دار.

زير يدو وطلقها..لمسكن مبقاش خدام معاه فدقايق لخرا..كمل وخا لوجع..

وقف حدا لباب..باغي يخرج.

داار بزربا منين سمع هضرة الممرضة.

الممرضة:دكتوووور دقاات قلبوووو تتنزل تتنزل

زااد عندهم بجرا

عدنان:(موجه هضرتو لممرضة الانعاش)حقنيه ب1 مغ من الاتروبين

حقناتوو الممرضة..

أسيرم:نبضووو شحال؟

الممرضة:باقيي نازل ادكتور..50

زااد عدنان كيدير لي مساج لقلب...شاف فاممرضة

عدنان:زيدي حقنيه ب4 ملغ من الاتروبين

نفدات اوامروو...وكمل هوا فمساج لقلب..لكتر من دقيقة بدون فايدة

عدنان:باقيي نازل(وسع عينو)نبضووو وقف!

دفعوو اسيرم

اسيرم:اناا غنتكلف هنا نتا تكلف لهيه

زااد كيدير ليه لمساج لقلبوو..بيديه...فحين عدنان توجه لعند لمرضة

عدنان:وجدي حقنة دالادريالين

أسيرم:وجدو الانعااش الكهربائي

كيدير لييه لمسااج لقلبوو..حاس بلحموو كيتقع..ووجع قويي فيدوو. العرق نازل من جبهتوو...كيزفرر بجهددد...

أسيرم:دغياا

وجدوو صدمة لولى..وتانيا وتالتا لكن نبض مرجعش..

عدنان(حرك راسو متأسف)صافيي حبس..

مسمعش لييه ومكمل فمساج لقلبو

عدنان:ساعة موت المريض هي

خارج من غرفة لعمليات.

كيحيد فحوايج لعملية..بزعاااف ...

زااد كيغسل يدووو..ويغسلل وجهووو..

لحظات حتى خرج عدنان موراه

عدنان: أسيررم

شاف فيه..بعيوون حووومر...زااد شانق علييه

أسيرم:شكووون عطااك أاا شكووون عطاك لحق تعلن على ساعة لمووت

عدنان:قلبو كان ضعيف نتاا درتي لي عليك.ولكن قلبوو كان ضعييف

دفعوووو...حط يدوو فشعروو..كيزفرر بجهد..

عدنان:انا غنعلم عائلتوو

أسيرم:اناا غنعلمهم

زاد بخطوات تقال.

شنوو لحاجة لي مدارش صحيحة؟لعملية درسها من لول تا لخر؟كان تايق بلي غتنجح ؟شنو لغلط لي دارر؟

هادوو هما الاسئلة لي كيدورو فدماغووو...

بانت ليه لحاجة ورضوان غير شافوه وقفوو

وقف عليهم ..كيشوف فيهم..

اسيرم:الحا..

قبل ميكمل هضرتو نطقات الحاجة

.....:ان لله وان اليه راجعون...

كلسات وهي تتردد هاد لجملة...فحين..رضوان طاح كالس كيبكي.

زااد مخليهم مورااه..

توجه..لمكتبوو ..هزز سوارت لوطو..وخرج..

بلا ميحيد سكراب طبي

كانت فالدار..كالسا فلكوزينة كيطيب الملويي ..بالشحماا..

تشهات دير بيه كاسكرووط..

بقات على حالهاا...كطيب..وهي تتهضر بينها وبين راسها..

تهزات منين سمعات لباب تحلات

شافت فيه دااخل ..باقي بحوايج لكلينيك..

زاد لكوزينة..حل تلاجة جبد قرعة دلمااء.نزل عليهاا.

كتشوف فيه كفااش كيشرب..استغربات حيتاش مهضرش وخا روينة..وطياب لي كيكره

إخلاص:لاش جيتيي ؟ليوم بكري

حطط لقرعة بعد مشرب نصهاا..وزااد طاالع

إخلاص:مالوو هداا..

توجه نيشان لدوووش...دخل تحت رشاشة طالقهاا عليه..بحوايجوو..

كملات شغلهااا...وجمعات لحالة...كلات وسلات...ظلام بدا يطيح وهوا مزال مخرج من الدوش.

إخلاص:ميكوونش مات؟

خرجات عينيها وزادت طالعاا بزربااا...

وقفات حدا لباب كتلهت..حل لباب خارج .شافت فيه وهي باقي تتلهت

أسيرم:مالكي؟

إخلاص:من صبح ونتا فدوش عند بالي متي.

أسيرم:وش لمت غتبكي علياا؟

إخلاص:(ضحكات بجهد )غنديررر حفلة..(سكتات منين شافت ملامحو جدية)اكيد نتا متتفكرش تقتل راسك هنا ويسميوهاا فيا أناا(ميلات راسها)ياك متتفكرش هكدا

تدخل وتخرج فلهضرا..وعينيها على ملامحو دبلانين ..نطقات وهي تتجنب تشوف فعينو المطفيين

إخلاص:مااالك؟

محساات غير بيه جارهاا لعندوو خاشيهاا بين يديه

وقفات لوطو قدام دارو..

نضال:نتمنا تكون مزال تتسكن هنا..نتمنا تكون رجعتي لنفس دار.

نزلات من لوطوو..وزادت.

تدق..

بعد لحظات..حلات.

كطلعها وتهبطهاا...

نضال:سمحيلي غير غلطت

عطاتها بضهر غادة ..وقفات منين سمعات صوتو..

داوود:شكون تما

شافت فيه سامية

....:قالت غلطات

دارت تتشوف فيه..دمووع تحجرو فعينيهاا..

نضال:غلطت

زادت..بزربا..

فحين هوا طلب من سامية دخل وتبع نضال..

غادية بزربا..تا وقفهاا..شادها من يدها

داوود:لاش جايا عنديي؟

ضحكات باستهزاء ودموع محجرين فعينيها

نضال:مكانش صحابني غتنساني بهاد سهولة

"

ابتسم ليهاا ببرودة

داوود:بسهولة(حرك راسوو)اه بسهولة نسيتك...11 لعام كانت ساهلا بالنسبة ليك

نضال:اه كانت ساهلا بالنسبة لياا يمكن حيت كنت غرقانة مع لكتوبة من لقراية لخدمة مكونتش تنحسب لوقت ولا زمان..يمكن حيت لحياة توقفات بالنسبة ليا من نهار خليتيني

ضحكك بجهد..تحولات ملامح وجهوو لغضب...شد فكتفهاا مزير عليهاا

داوود:خلييتك اااا شكوون خلاا لاخر اناا ولا نتيي أاا؟شكوون سمح فيااا وفبنتو اناا ولاا نتيي؟شكون طلب طلاق أنا ولانتيي أاا؟

دموعها كيتلاقاو فاخر خدها..نطقات وهي تتوجع

نضال:يديي كضرنيي

زير عليها كثر

داوود :واناا قلبيي كيضرني..قلبيي كان يتقطع 11 لعام هادي...فكل مرة كنت نفكر بلي راكيي عايشاا بيخير..فكل مرة كنت نتفكر بليي عمر سولتي علياا فكل مرة كنت نتفكر بليي اكيد غتكوني بدلتيني...عمر نعست بلاا منفكر ونفكرر على الله لقاا فاش غلطت معاك..(كرز على سنانو )ولكن مكلقاش...كونتي مرتيي وبنتييي وكولشيي...خليت احلامك احلامييي...رسمت ليناا عالم زويين (باستهزاء)ولكن اشنو؟نتي رسمتي عالمك بوحدك عالم بعيد عليا وعلى بنتك..11 لعااام ضريتينيي فييهاا بزااف ولكن صافيي جا لوقت لي ضري نتي فيه

شافت فييه بتحدي وعيونها محجرين بدموع

نضال:نتاا مغتقدرش ضرنيي حيت مزال قلبك كيحن

داوود(ببتسامة جانبية)قلب؟اشمن قلب؟وش لقلب ليي كاان يعشقكك لقلب لي كان يحماق عليك ؟ داك لقلب لي حرقتييه بيدك بلاا متعايني منوو يرحمكك ..هوا مبقاش باغيك

نضال:(حطات يدها على قلبو )هوا مستحيل يكرهني باقي تنحس بنفس دقات..دقات لي كنت نحط راسي على صدرك ويديوني عيني وانا كنسمع لهم

داوود:حط يدوو على يدها..كيشوف فعيونها

داوود:عندك لحق هوا مستحيل يك..رهك..عرفتي علاش

هزات عينيها فيه..وهما كيلمعو.

سرط ريقو وكمل هضرتو..وعينو فعينها..

داوود:حتااش مباغيش يك ..رهك..مباغيش يحس بتا احساس من جهتك..(شاف شخص دايز شار ليه بعينيه)شفتي هداك لي دايز..بحالك بحالوو..مكنبغيه مكنكرررهوو مكنشفق عليه..ماوالوو...معندوو دوور فحياتيي وجودو او عدمو نفس شيي..هكدا نتي بالنسبة لقلبيي..سواا متيي او عشتيي..نفس شييي

نتررر يدهااا بجهددد...وزاااد..

غادي بخطوات تقال..وقف منين سمع صوتها..

نضال:نفس شييي يااك..موتي او حياتيي نفس شيي..طلبت منكك سماحة تاا طبت ولكن مباغيش تغفرر...شكوون عرفك يقدر لقلب ليي حرقت يبيع لي صك الغفران لشااف جثتيي..

عنكش وجهوو...دااارر بزرباا..باغي يشوف فين يوصل حماقها عاود

تكوانساا..حس بقلبوو ايوقف منين

بانت ليه واقفاا فشانطي..تتشوف فييه مبتاسمة..جبدات سنسلاا تحت قاميجتهاا طبعات عليهاا بوسة خفيفة..ونتراتهاا..

خرج عينوو فيهاا بصدمة..نفس سنسلا لي عطاها نهار زواجهم..وصاها عمر تحيدها تا تموت..

فاق من صدمتو منين سمع صوت لكلاكصون دلوطوو وهي متوجهاا عندها

خرجاات عينيهاا مصدومة

اخر حاجة تصورات انها تكون قريبة منو لهاد درجة..

لدرجة ريحتو تغلغلات فنيفها

لدرجة قطرات لمااء لي فشعروو..ولاو نازلين قطرة قطرة لشعرهاا

جمعات يدهاا تدفع فيه..باش يطلقهاا...رافضة كل الرفض هااد لقرب.

لكن هوا كيف شي جبل متيتحرك..

إخلاص:أشش تدير بعددد منيي...طلققق ازمرر منييي طلق متعنقنيي منعنقكك عطينيي شبر تسااع ..(تدفع فيهاا)طلق منييي طلااااق طلققققق وطلققققق

بعد عليها بخطوات..لور..شاف فيهاا..نطق ببرودة

أسيرم:شكرا

وزاد داخل لبيتوو..خلااها كتسوط بلعصب...وترمش بصدمة

إخلاص:حيوااان مريييض نتااا فمخككك سييير تعااالج .

زاادت لبيتهااا..

وهي باقا تتعاير فيه تحت سنانها..

فضولها جرها لعندو باش تعرف مالو..وعاقبة فضولها مكانتش زوينة بالنسبة لهاا..

دخل لبيتوو حيد لبينوار ددوش..زاد لدرسينغ جبد...

جبد حيوايجو..لبس من لتحت سروال كيطة كحل..فحين لفوق بقا بصدرو..عرياان..

زاد بثقالة لعلبة الاسعافات...وقف حدا لمراية باغيي يعقم جرحوو..

شاف دم ساايح..مع ضهروو..تنهدد بصوت مسموع..عارف جرحة تحلات..ولكن جهد باش يعاود يمشي لكلينيك معندووش.

عقمهاا..ودار لفاصة..على امل غدا فصبح يتوجه عند طبيب يعاود ليه لغراز.

لبس تيشورت..بيض..وسرفيت فلكحل..خلاها محلولة..

وتوجه لتحت.

زاد لكوزينة...

كانت مجموعة ولكن ماشي نفس تجماع ديالو..هوا كل حاجة عندها بلاصة خاصة..هي غير تتحط على كانتها..

قاد لحوايج..كل حاجة فبلاصتها..وعاود ليهاا المسيح..

زاد لتلاجة..جبد الخضراا..

قطعهاا وصلقهاا..

ونفس شي لصدر دجاج..

مباشرة منين تصلقو..شرملهم وحطهم فلمول دلكرتان وخشاهم فلفران.

مسح دنياا..وزاد لدروج هز وحد من الكتوبة .وتوجه لصالة كالس..كيقرا..

هز راسو بانت ليه هابطا..

إخلاص:اش غتاكل لعشا؟

أسيرم(بلا ميشوف فيها)وجدتو راه كيطيب

إخلاص:اه ومدرتيش كاسكروط نحط لك الملوي بشحمة واتاي؟

شدات لوطو لفران وهي بعيدة عليهاا بخطوات..

شافها وقفات وهي بعيدة عليهاا..تنفس الصعداء..

رجعات فيه روح لي كانت تسلبات منوو لتواني معدودة...

وخا هكداك..باقي دقات قلبو متسارعة..وخاا هكداك..باقي دم جامد فرجليه..

أحاسيس كتيرة تخلطات عليه وكان اولهم

الخوف..العصب..لي ستحوذو عليه..

واقفااا فبلاصتهاا..تتشوف فيه..

زاد عندهاا بجرا.

وقف اونفاص معاهاا..كيشوف فييه ...بعيونوو لي حومر ..صدرو كيطلع ويهبط..كيزفر بجهد...

نضال:انا..

مجات تكمل هضرتها تا نزل عليها بتصرفيقة...

ميلات وجها جنب شادة على حنكها.

داوود:(بالغوات)نتيييي اششش نتييي أششششش؟؟طووول عمركك برهوووشة وغتبقاااي برهوشة.

(شاد كتافها بجوج مزير عليها)

فاااش كونتي تتفكري أه؟؟فاااااش كونتيي تتفكريي منين وقفتييي وسط طريق ااا؟بغاااا تمووتيي أا بغااا تموتييي..لهاااد درجة حياتك رخيصة

هزات راسها فيه دموعها محجرين فعينيها..حركات راسها بلا

نضال:مبغااش نموت..بغااك تسمح ليي

دااوود:وششش فنضرك هكدااا غتخليني نسمح لكك أا؟

شاف فلوطوو لي كطوط..شدهاا من يدها مبعدهاا على طريق..

وقفها حدا طومبيلتها.

داوود:ركبيي سيريي بحالك

كمليي حياتك كيف كونتيي..كيف كونتي عايشها هادي`11 العام..مبقيتش باغي نشوفكك مزاال قداااميي..طوول عمرك انانياا تتفكري غير فراسككك كييف خليتينيي نهار لول وفكرتي غيير فراسك..دابااااا نفس شييي بغيتي تموتي ومفكرتي لا فخوك ولا فمكك ولا فتاا شي حد قريب لييك

نضال:هكداا تتشوفنيي؟

داوود(حرك راسو بلا)ماشي غير كنشوفك نتي اصلا هكداا دايرا..سيرييي وبلا متبقاي تحاولي تصلحي شي حاجة ماتت من زمان..

عطاهاا بضهر ومشاا فحين..ركبات فلوطو..

متبعاه بعينيها...نطقات وهي كارزا على سنانها

نضال:هانتاا غتشوف الانانية دبصحح..

.كسيرات بجهد..

زاد بخطوات تقال. توجه لبلاصة لي رمات فيها سنسلا فيه..هزهاا وحطهاا على قلبوو ..باقي يديه كيرجفووو من خوفوو عليهاا..

داتو كلها تترجف..خاااف..من انو يخسرها بمرة

شي لي صبرو هاد سنين على بعدها.هي انها عايشا بيخير ومرتاحة..ولكن ميقدرش يصبر على موتها.

توجه لدار .حل لباب بانت ليه سامية

سامية:ياكما درت لك شي مشكل مع المدام؟

داوود(حرك راسو بلا)هي تتفهم خدمتي..ماعلينا انا غنمشي نتي خودي راحتك..

شاف فلبوليسيا لي معاها

داوود:لوقعات شي حاجة عيطي عليا انجاة

نجاة:كن هاني كومسير

دارت ليه تحية بدورو حياها وخرج.

أسيرم:شحمة واشنو؟

إخلاص:لملوي(باست يدها)كيحمققق

سرط ريقو مخنزر فيها

أسيرم:متاكدة نتي بنادم؟

إخلاص:مبغيتيش دير كاسروط لهلا مي بليز بلا دوك لمحاضرات مغنسمعش

أسيرم: كاينين3 دلوجبات فنهار لفطور لغدا لعشا زيادة من راس لحمق

إخلاص:انا عاجبني نكون حمقة ونتا مالك.؟

أسيرم:ماماليش غير فاش نكون مطيبيش داك سمم(هز راسو فيها)أك؟

إخلاص:سم(طلقات ضحكة مجهدا)محدك تزوجتينيي الا غتمشي بقوانيني..الملوي بشحمة.طوااجن..لبيض مقليي..المرقة وتغمااس..الماكلا دزنقاا هادشي حاضر محدي حاضرا فهاد دار

كيشوف فيهاا..قارن حوااجبوو..كارز على سنانو.

إخلاص:اه والا معجبكش هادشي طلقني غنكون فرحانة..

حول نضرو لكتاب..

أسيرم:ديجا قلت لك متولدتش باش نفرحك

زادت كالسا حداه حطات رجلها على طبلا..وشعلات التلفازة

شافت فيه مبتاسمة باستفزاز

إخلاص:ولكن انا تولدت باش نكدها عليك

أسيرم:هبطيي رجلك..

إخلاص:لااااا

أسيرم:طبلة دلماكلا ماشي درجلين

إخلاص(هزات كتافها)ماشي سوقكك

خنزززر فيهاا..

تفكرات تخنيزة لي دار لها فلكلينيك..وتزييرة لي زير على كتفهاا..تا تفرعات..بدون شعور يدها مشات لكتفها..شادة فيها...هبطات رجلها..

كيشوف فيهاا..كفاش سمعات لهضرتو وكفاش ملامحها تبدلو

أسيرم:ضرييتك؟

حركات راسها ب لا

أسيرم:متأكدة

إخلاص(خنزرات فيه)اصلا بعد منيي متهضرنيش..هداا راه عنف ضد المراة القانون كيعااقب عليه فخبارك؟أااا دووك ليدين عندك ماشي يدين بغيت لهم الكرد.

أسيرم:كردييهم

شافت ميلا راسها

إخلاص:ككك كفاش؟

أسيرم:ضريتك ضريني باش نتعادلو

إخلاص:(تدور فعينيها)وش نضربك؟

حرك راسوو باه

إخلاص:وخاا

هزات يدهاا على شكل لكمة تضرب..فيدوو ..لكمة مووور لكمة .وهوا هاز لكتاب كيقرا..وهي تتبرد جنونهاا

إخلاص:بااااش تعلمم تزير على يدييي وهاديي باااش تعلمم متبغيش ماكلتييي وهادييي حتاش تزوجتيي بياا..

شاف فيها كتلهت...هي عيات..ولكن هوا متهز..لكماتها خفاف وكانو موجهين لعضلة يدوو .بحالا دبانة وكتهرو.

أسيرم:(قارن حواجبو)هازة فقلبك بزاف

إخلاص(خنزرات فيه):حيت نتاااا(كارزة على سنانها.معرفات متقول)

اسيرم:غنشوف لعشااا.

زاد نايض فحين هي متبعاه بعينيها..حطات رجلها على طبلة.

سمعاتو من كوزينة ..

أسيرم:حيديي رجلك

إخلاص:(فنفسها)هاد الحمار لوحشي كي داير

ميلات راسها لجهة فين كالس وسعات عينيهاا..منين بان ليهاا لفطوي..ملطخ بقع ددم..

إخلاص:شنوو زعماا ضربتوو بزاف؟

حطات يدهاا..على دم..حيداتهم ..وهما كيرجفوو..

إخلاص:والله تاا دم.

زااد بجرا عندوو لكوزينة .

شاف فيهاا..وهي هازة يدها تترجف.

أسيرم:مالكي؟

إخلاص:وشش ضربتك بزااف أاا؟وشش انا لي جرحتك أاا؟دمم لهيه فين كنتي كالس

هز عينوو فعينيها..كيشوف فيهم لخوف...

ابتسم ابتسامة جانبية من حالتها...خايفا انها ضرو وخا تتكررهوو..

أسيرم:مااشي بسبابك.غير من جرحة دلبارح .

إخلاص:وشش قستك فيها؟

حرك راسوو بلاا.

تنهدات بجهد..

إخلاص:سير لسبيطار..

أسيرم(تنهد)يمكن مقديتش لفاصمة مزيان..ماعلينا.تبغي عصير؟

إخلاص:غير سير تكلس أنا غنكمل..

هزاات طبيسلات..عمرات فيهم لكرتان لي داار..

شافتو واقف كيشوف فيها..

إخلاص:قلت لكك سير!

زاد خاارج ..طلع لبيتوو..

فحين هي حطات طباسل فصالة..

وقطعات ديسير ..دارتو فطحانة مع ليمون..

طحناتووو..

وطلعات عندو..لباب كان محلول بان ليها فلبيت كيحاول يضمض..جرحو من جديد..

زادت عندو..

إخلاص:ارا نعاونك

أسيرم(حرك راسو بلا)شكرا ولكن لا

إخلاص(نتراتها منو)مغنضركش بحال لبارح

زادت تتعقم لو جرحتو..وسعات عينيها

إخلاص:لغرزة تحلات

أسيرم:ماشي مهم.

إخلاص:يااك نتاا واحد لي تتحماق على الصحة والماكلة صحية..وبغيتي تخلي لحمك محلول؟

أسيرم:مبغيتش ليوم نرجع لكلينيك

إخلاص؛ بسيف علييك..ومناقصنيش انا مرضى فحياتي

أسيرم:(طلع حاجبو)متسرقيش جمليي.

عقمات ليه جرحة..ودارت ليه لفاصمة

إخلاص:نتاا سرقتيي مني حياتيي وكحلتيها. فعادي تا انا نسرق منك(جرات ابتسامتها وهي مخنزرا)

أسيرم:اك اك سرقي شنو مبغيتي..غير حاجة وحدا معندكش لحق تسرقيها..

ميلات راسها..مستغربا

إخلاص:شنو هي؟

أسيرم:(حط يدو على قلبو..حاني راسو)قلبيييي

رمشات عينيهاا..تتشوف فيه.هز راسو فيها..كمل هضرتو

أسيرم:قلبييي عمرك مغتسرقيه.

خنزرات فيه.

إخلاص:اصلاا معندي مندير بيه...نتا معند.

.قبل متكمل هضرتها ..سمعات صونيط فلباب..

ناضت من بلاصتها..شافت فيه مستغربا.

إخلاص:تتعاين شي حد؟

حرك راسوو بلا.

نزلات تحل لباب..فحين هوا ناض كيلبس تيشورت جديد..

حلات لباب.استفرباات منين شافتوو..

ابتسمات ليه

إخلاص:عمي فوزي دخل

فوزي:كاين أسيرم؟

حركات راسها باه.

زاد دااخل..بان ليه أسيرم.نازل من دروج..

أسيرم:شكون تما؟

إخلاص:عمك.

زادت هي لكوزينة فحين هواا زااد عندو.

أسيرم:دخل تكلس.

فوزي:مجااايش نكلس...جااي نفهم رويينة لي درتيي

أسيرم(ميل راسو )اشمن روينة؟

فوزي:لاااش داير عملية لشخص نتا مضامنش انها تنجح؟

أسيرم: امتا ضمنا غتنجح شي عملية؟

فوزي:مكانش عليك ديرهااا...من نهار حطيتي رجلك فلكلينيك وكاع عملياتك ناجحين..نتاا هوا الواجهة دلمرابطين..ولكن دابا داكشي لي بنيتي فهاد سنين غتدمروو بقراراتك صيبيانية

أسيرم:كن بغيت نكون واجهة دشي حاجة ..(قرن حواجبو)كن راني عارض ازياء ماشي طبيب..

فوزي:منين عارف راسك طبيب..لااااش دخلتيي لعملية ونتاا مضروب..(بالغوات)واااااش معارفش المصيبة لي غطيحناا فيهااا الى قررو عائلتهم يرفعوو علينا دعوة أاا؟

أسيرم:أنا مستعد نتحمل المسؤولية كاملا

فوزي:ضرر غيقيس المرابطين كولوو ونتااا تقدررر تحيد لك رخصتك..وششش غتكون مرتاااح أاا؟

أسيرم:محديي درت جهدي الا واني مرتااح

فوزي:حماقيتييي وليتيي غير تتخربق..غنحاول نغطي عليك هاد لمرة ولكن مراا خرا غتحمل مسؤلية قراراتك

أسيرم: اناا درت خدمتي كطبيب..ونتا دير خدمتك كمدير الكلينيك..متغطيي عليا والو...انا قادر نتحمل مسؤليات قراراتي

فوزي:مبقيييتش تنعرفككك...مبقيييتش

زاد خارج .ردخ لباب..بجهد

كانت فلكوزينة سمعات كولشي..خرجات منين مشا هازا بلاطو دلعصير فيدها.

إخلاص:هوا.

أسيرم:(خشا يدو فجيبو..ببرودة)خلينا نتعشاو

زاد كالس..

تبعاتو حطات لعصير..

كلس كياكل بلفرشيطة الكرتان

وهي تتبحلق فيه..هز عينو فيها بمعنا مالك؟

إخلاص:وش هادشي غناكلو بلا خبز؟

أسيرم:بطاطا فيها نشا وغتزيدي لخبز فيه نشا في بغا توصلي؟

ساطت بجهد

إخلاص:وش صحابك اناا فسبيطار ولا؟وشش نتا متتاكلش لخبز؟

أسيرم:كناكلو(كياكل ويهضر)ولكن معنديش معاه بزاف غير مرة فشحال ..قليل فاش تترشق لي نديرو

سرطات ريقهاا وهزات لفريشط..تتاكل وهي مخنزرا..وسعات عينيها منين حسات بمداقو زوين ماشي بسوء لي كانت تخايلو.

أسيرم(مصغر عينو كيشوف فيها كيعاين رأيها)

إخلاص:خايب خايب غير بلا متسول

أسيرم(حول نضرو لطبسيل)مسولتكش

هزز لعصير كيشرب

إخلاص:كجاك؟

أسيرم:نفس رأيك (شاف فيها)كنضن بول البعير حسن منوو

إخلاص:بصاااااح اذن راك دايقوو..

أسيرم(خنزر فيها)شنو هوا؟

إخلاص:بوول لبعييير...وانا كنمول مال سيد مريض فدماغو اه باينا عندو دماغ لبعير

حرك راسو بلا حول وزاد كيكمل ماكلتو

صباح جديد ونهار..جديد..فاقت تتفوه..ناضت تتحك فشعرها..شافت فساعة كانت لعشرا دصباح.

زادت خارجا من بيتها..بان لها باب بيتو محلول..

طلات بلخف..بيتو مجموع وهوا كاع مكاين..

نزلات لتحت نفس شي مكاينش ليه اتر..

دخلات لدوش غسلات كمارتها..وزادت لكوزينة وجدات فطور خفيف ليها..كلات وجمعات..

وزادت طالعا لبيت..بان لها داخل. لدار

أسيرم:فقتي؟

إخلاص:فين كونتي؟

أسيرم:كان عندي شي شغل.

إخلاص:جرحتك عاودتي لها لغراز لبارح مبغيتيش تمشي

أسيرم:(حرك راسو باه)

زادت طالعا وقفها صوتو

أسيرم:تخرجي؟

شافت فيه..

إخلاص:فين غنخرج؟

أسيرم:شري اش خاصك لدار

إخلاص:اكيد غنكوون فرحانة وانا كنضيع فلوسك..

أسيرم:خمسا دقايق انعاينك فلوطو برا

إخلاص:ولخدمة؟

أسيرم:ربعاا دقايق

زادت طالعاا بزرباا...

دخلات لبيت لبسات سروال جينز كحل..مع كبوط كري حد ركبة سخون .حيت صباح باقي بارد..جمعات شعرها ودارت مكياج خفيف وسريع..

ونزلات بجرا لبسات صبرديلة..فلبيض وخرجات

بغات تخدم لاسانسور مبغاش..

زادت هابطا على رجليها..

تلاقات مع وحدة من جيران شارفة هابطا متقلا .

هزات معاها..وهبطو بجوج تتعاود معاها نسات راسها.

واقف حدا لوطو..كيشوف فساعو ربع ساعة دازت وهي باقي مبانت.

تنهد منين شافها جايا..زاد لعندهم..

أسيرم:لا.

إخلاص:(قاطعاتو)لاسانسور خصر

المرا تطلع وتهبط أسيرم

....:ماشاء الله ماشاء الله..قولتي لي راجلك طبيب؟

إخلاص:آه أخالتيي طبيب .

....:(مبتاسمة ليه)الله يرضي عليك ابني دوز لي....رااه لحريق قتلنييي

أسيرم :(شاف فيها مبتاسم)مرحبا. ندير معاك شي نهار تجي لكلينيك وغندير لك راديو على راس ونعرفو مناش لمشكل

....:لاء ابني لحريق متيجينيشي من لفوقي .(حركات راسها بلا).جايني من لتاحيت.

شافت اخلاص فاسيرم لي بدورو شاف فيها مخرج عينو

....:قالت لي مراتك راك جراح ..جراح..كتحيد لحوايج لخايبين...اوا ابني شي بيصرات قتلوني الشكوة لله مقاداشي نجلس على قاعي..متحيدهومشي لياااا؟

حس بريقوو حصل لييه بداا يكحب بشويا..وجهوو تزير وهوا كيسمع لها..

شاف فاخلاص قارن حجبانو

أسيرم:على مكولتيش لها راني جراح ددماغ ماشي د

هز يدو مدوزها على راسو معرف ميقول

فحين اخلاص.شادة ضحكتها..بدورها مصحابهاش سيدة غتسولو داك سؤال

نطقات لمرا وهيي تتشوف فيه

.....:اواا ابني قل لي وش متنفعنيشيي

أسيرم(شاف فيها مخنزر)أناا جراح ددماغ ماشي ددشي حاجة خراا

...:اه طبيب داخر زمان..الله يرحم الحااج.كاان يختن..ويقلع ضروووس..ويكويي على بوزلوم..كن جيتي فزمانو ابني كن دفلك فيدك تتنفع ببراكتو

شاف فيهاا وشاف فيدووو لي رجعها مور ضهرو

أسيرم:ياك نتي جيتي فزمانو ومال الباروك منفعك؟

إخلاص(شادة ضحكتها..منين شافت اسيرم تفقص)هانتي أخالتيي معليك غير بدنجاال...سخنيييه فلفراان وحطيه فلبلاصة لي ضراتك

أسيرم:مخرج عينوو فيهااا

.....:ايه ابنتي ومن بعد مانعملو اش نعمل بيه ناكلو؟

أسيرم:باااركاا باركاا

حل صدفة قاميجتوو..كمارتو تزيرات سرط ريقو وكمل هضرتو

أسيرم:غنتعطلووو

إخلاص:(كتهضر بسيف وهي شادة دضحكة)لا اخالتي متاكليهاش حيديها ورميها وومرة مرة دوزي بثلج وزيت زيتون..نخليك انمشي

....:الله كثر من مثالك (شافت فاسيرم بنص عين)اه ماشاء الله .. دفليي على يدين راجلك تعطيه لبركة..راه الطب مجاشي بلقراية جاا بالبركة

مشات سيدة فحين هما طلعو لوطو..مع طلعة جبد قرعة المعقم كيعقم فيدوو..هضرتهااا حسساتو بلي خصوو يدوش...ويتغمس فجافيل

اخلاص غير تتشوف فيه شادة..ضحكة ...بالنسبة لها حاجة زوينة يتفقص بلا مدير مجهود..

شاف فيها مخنزر

أسيرم:مداام دنجالة

شارت لراسها

إخلاص:أناا؟

أسيرم:ديري سنطة

حرك راسو بلاحول.

أسيرم:كن كان دنجال يحيد لبواسر كن حيدهم لراسو.

فهاد لحظة مقداتش تشد ضحكتها...طلقاتها مجهدة.. كضحكك من اعماق قلبها تا سالو دموعها...هوا بدورو مبتاسم مراقبها..

هزات راسها فيه..ودموعها نازلين بضحك

إخلاص:تبغي ندفلك فيدك نعطيك الباروك؟.

مساافة طريق..وقفاات لووطوو..ديالو نزلوو..بجوج..

نزل سابقها وهي تابعاه.

إخلاص:مجاوبتينيش؟مبغيتيش بركتي؟أااا...أااا براكتي؟

وقف مخنزر فيها

أسيرم:مغتطفايش؟

إخلاص:بغيت غير نعطيك لبركة(جبدات ضحكتها)

أسيرم:باركتك خليها عندك غتنفعك..ودابا غندخلو لسوبر ماركيت بحال ناس لي بعقلهم اك؟

دورات راسها..حركات راسها باه

إخلاص:كن هانييي

زادو داخلين بجوج.

توجه لجهة ليي فيها داكشيbio

أسيرم:خودي أش خاصك.

هزاات راسها كدورو

إخلاص:مخصني والو من هنا لخصاك شي حاجة خودها نتا

حرك راسو بلا حول..وزااد كيهزز تقدياا..اي حاجة محطوطة فهاد جهة هي طبيعية بلا مواد حافضة..

عمر أش خاصوو وشاف فيها

أسيرم:صافي؟

حركات راسها باه

غادي متوجه لاكيس..وقفو صوتها

إخلاص:اسبحان ابنادم على اساس راني تقديت؟

أسيرم:وش نسينا شي حاجة؟

خنزرات فيه

إخلاص:تبعنييي

زااد تابعهااا...توجهات لجهة دسقااطة .

بدات تجمع فشيبس ها لحارة ها لمالحة ها دتومة

شافت فيه وهي معنقاهم..

إخلاص:نسينا هادوو

حرك راسووو بلااا

إخلاص:بغيييت هادوووو

أسيرم:بغيتيني نشري لك سم بيدي؟

إخلاص:ماشي سوووقيي بغيت هادوو ولا منتحركش..

أسيرم:غتحطيهم وغنتحركوو خودي شنو بغيتي من جهة دbio راه تماا شكلاط

إخلاص:شكلاط ديالهم مر بغيت هادو

زادت حطاتهم فشاريو

أسيرم:حطييهم قلت لككك خايبين..

إخلاص:ماشي سوقك فياا صحتيي ديالي انا بغيتهم..

حيدهم من شاريو ردهم لبلاصتهم

أسيرم:سم متيتكالش عندي فدار

إخلاص؛ناكلهم فزنقة؟

أسيرم:لاااا

زاادت دااخلاا فشاريوو

أسيرم:اشش تديريي وش حماقيتي

إخلاص:لمعطيتيهمش ليي والله لا نضت..

كان حداهم راجل كبير فلعمر كيسمع لصداعهم

نطق الراجل..

.....:غير دير اولدي لخاطر لبنتك

أسيرم:بنتي؟

(خنزر فيها) كن كانت عندي بنت اتكون بعقلها عليك.

إخلاص:مغنوووضش

تنهد بصوت مسموع..كيحاول يكالمي فراسو.

أسيرم:نجيب لك شكلاط حلو من جهة دbio وتنوضي؟

حركات راسهاا بلاا

إخلاص:بغيت هادوك

أسيرم:(بنفاد صبر)غتاخدي وحدة تافقنا وحدة

إخلاص:ككف

قاطعها

أسيرم:فدار غنديرهاا لك..دابا غتاخدي وحدة

إخلاص(تنهدات )صافي وخاا..

زااد هزهاا..ولاحها عليها..

معاينهاش تنوض ودفع شاريوو..بيهاا

أسيرم:اخرر مرة نعاود نجيبك معايا لشي بلاصة

إخلاص(هزات راسها فيه)فين شكلاط لي كولتي لي

.طلقهاا وزاد يجيب لها شكلاط...وقف داير بزرباا منين سمعهاا تتغوت...شاريووو غاادييي بها وهيي تتغوت ووتشير بيدهاا..

سد عين وحل عين منين سمع ناس قالو ارسول الله

حل عينووو كيشووف ..

شاريو طاح..وهي طاحت فواحد جبل دبابي جينييك

زاد عندهاا بزرباا..

كيشووف فيهاا طايحاا وهازا رجلهاا..

مدد يدوو لها

أسيرم:(كارز على سنانو)نوضييي

شدات فيه نايضاا..

شاف فيها

أسيرم:تقصحتيي؟

حركات راسها بلا

إخلاص:طحت على لكاغيط دطواليط.طاكا عليا

شاف فلكااغيط لي طايح..ومشتت فلارض..شيي تبزط وشيي تقطعات لو ميكتوو..وشيي غير ترماا وتشتت

هز عينو ف شخص خدام فسوبر ماركيت كيشوف فييه ويشوف فلكاغييط..

نطق وهوا باقي كيشوف فاسيرم..

......:شي سعتاين وانا كنستف فيه.

أسيرم:غنخلص الخسارة كن هانيي

شااف فيهاا ..وشاف فشاريوو..لي تقلب..وداكشي لي شرا كلوو تزعلع ..

أسيرم:غتمشيي لطومبيل...منسنعش صداعك وخاا (عطاها ساروت)

تحركي

هزات راسها..حركاتو بوخاا..تمات غادة..رجعات تتجري..هزات شيبسها

إخلاص:متنساش تخلصها تا هي..

وزادت خارجا

فحين هواا كلس يخلص نتيجة خطيتوو..ورجع عمرر شريوو ..

كالساا فلوطوو...تتاكل شيبس...طالقااا رجليهااا.....

حسات بلملل وهوا باقي مخرج..

شافت فساروت لي عطاها باش ركبات

كلسات بلاصتوو .

إخلاص:ميكونش زعما بناتهم لي يديماريهاا

بدات تجرب تا ديمارات. لوطو..ضربات فيدهاا..

إخلاص:يااااس ولكن كفاش كيسوقوو هادشيي؟؟

عاودااات ديمارتهااا...بدات تخربق هبطات لفرامان تا تحركات لووطووو..طريق نازلاا ودغيا نزلات

ضربااات فلوطوو لي مسطاسيونا قبل منووو..

تردخات فبلاصتها..رداتو لبلاصتو..وشدات لفران موقفا لوطو

نترات يدهااا..مخرجاا عينيهاا..

شافت رااجل جااي كيجري عندك لوطو ديالووو...شاف فيهاا شاد فراسووو..وجاا كيدق على إخلاص..

حلات لباب ..نزلات عندو

إخلاص:شيباااس

شافت فلوطو ديالوو كاع هرساتها من لور

كملات هضرتها بهمس

إخلاص:مكاااين

.....:فاش كنتي تتفكري اشريفة فاش دايزاا لي فحديدتي؟

إخلاص:سمحلي مصحابنيش غتوصل تا لعندك

.....:معرفاااش تسوكيي اشداااك لشي خرشاشة ..دااابااا اششش غندير انااا فهاد روينة.اااا...بربييي تا تخلصيي لخطية

جااي بثقالة جار شاريو...متوجه لوطو ديالو...شاف فراجل لي كيغوت..ويعطعط .

زاد عندهم أسيرم بزرباا..

أسيرم:اش واقع هنا؟

.....:ونتااا مالك اشش دخلك بيني وبينها

أسيرم:(شار بعينو لوطو)ديالي هادي

.....:هاااد سيدة دااازت فحديدتييي بربيي ومتخلصهاا بربييي ومتخلص

شاف اسيرم فاخلاص..مطلع حاجب مهبط اخر

أسيرم:دخلتي فيه أاخلاص؟

حنات راسها..

إخلاص:درت كسيدة..

أسيرم:نتي بيخير موقع لك والو؟

إخلاص:لاا ولكن قصتها لو غير شويا

.....:كفاااش قستيهاا ليي غير شوياا شوف شوف كيف رضاتهااااا هرسات بوهاا

أسيرم:بلاا متغوت عليهاا خسارتك اناا انخلصهاا..

شاف فاخلاص

أسيرم:دخلي

زادت بغا دخل ..وهوا يشدهاا داك راجل من يدها..شافت فيه مخرجاا عينيهاا

....:برب متحركيي من حداياا والا مخلصنييش أااا؟

كيشوووف فيه كارز على سنانو...شاف فيدوو لي شادينها بعيون حوومررر..

زااد ناتر يدوو من عليها...مزير عايهاا باقصى قوتوو...لدرجة سيد حسس برووحو اتخرج

أسيرم:متتتقييييسهااااش

تحولات نبرتو لاسترجالية لنبرة طلب ورجاء.

.....:يديي اخويااا يديييي مغنقيسهااااش غير طلق غييير طلق.

أسيرم:اخرر مرة تهزز صوتك عليها وترجل علييهاا فهمتيييي(مرجع ليه صباعووو لور)اخرر مرة

.....:والله منعاود والله منعاود نهز صوتي على شي مرا

طلق منووو...خلاه شاد فيدوو تيتوجع...جبد شيك ولاحوو ليه فلارض..يصلح بيه لوطو ديالو...

شاف فاخلاص لي واقفا شادة فكتفها..تتشوف فيه ..وهي مصدومة من تصرفو

أسيرم:قلت لك دخلي!

زادت داخلا فحين هوا زاد ببروة...خوا شاريو..وركب..

كسيرااا بجهد متوجه لدار فجوو دسكات..

هرسات هاد السكات منين نطقات..بتمتة

إخلاص:أنااا

شاف فيها مخنزر

أسيرم:نتييي سكتييي دابااا تا لدار ونتفاهمووو

عضات على شفايفها..عارفا راسها تبرهشات مكانتش بغا توصل لهاد درجة...ونطقات وهي تتشوف فيه

إخلاص:سمحلي وداكشي لي ضيعتي انا انخلصوو

أسيرم(عينو على طريق)كلتت لكك سكتيي

سكتات...شادة على جنبهاا..تتوجع..حاسة بلحمها تم تيتقطع..شاداا على فمها..مبغاش تزيد تهضر تعصبوو...صبرات تاا عياات لوجع تزاد عليهاا...غوتات لربيي لي خلقهاا..

فلكلينيك

كان كالس فلكافيتيريا..شاد تيليي كيخربق فيه...

هزز راسوو..كيتجبد..بانت ليه جاياا..هازا لقهوة فيدها

خطوات قلال وقفات عليه .

شافهاا بغاا تكلس فلكرسي لي حداه..سبقهاا حط رجلوو

عليه.

مخنزرا فيه إيناس:قليل الادب

عدنان:متشرفين

إيناس:مشفتيش أسيغم؟

عدنان:لا ازين انا ماشي بركاك بحالك باش نبقا حاضي أسيرم.

إيناس(حطات يدها فجنبها)ميي ممولفاش ليه يغبر على لكلينيك ..غنصوني عليه نشوف مالو

عدنان:مغيجاوبكش..(محتاقرها بنظراتو)

ايناس:مالك تتشوف فيا هكدا؟

عدنان:حنا رجال لبنت لي تتعيط لنا ليل ونهار ولي تتبقاا تسول وتسول وتسول كطلع لنا فراسنا ازين.(تنهد)عزيها تعزك

إيناس:اووه وش اناا سولتك؟مي مسولتكش دونك دخل سوق غاسك

عدنان(كيعيبها)غااسي داخل سوق غاسو نتي لي دخلي سوق غاسك

إيناس:ولكن علاش كتعيب هضرتي؟علاش كضحك عليا حيت تنطق غا بلاصة را

عدنان:تتنطقي اش بلاصت اش؟

إيناس:غا بلاصة راا

عدنان:وعلاش تتنطقرا غا بلا را

إيناس:تنقول غا حيت متنقدرش نقول راا

عدنان:وعلاش كولتيها دابا(هز صبعو مشكل3)كولتيها ل3 دلمرات

إيناس:حييت...

قاطعها

عدنان:(تم نايض)لاغلبية فهاد لكلينيك قاري براا ماشي غير نتي لي قاريا ففرانسا ازين..ولكن هنا لمغرب مغاربا ماشي فرنساويين..يعنيي غاا ديالك ودونك وبغكوا وباغسكوو خليها تنفعك لهيه..ماشي هناا.

ضحكات بجهد..وقفات مقابلا معاه..مخنزرا فيه

إيناس:وش سوووقك؟نهضر تا بجابونية سوووقك.نتاا متتشوفش بليي كنحاول ديما مدخلش لفغونسي ولكن واحد بحالك مغانعاينوش يفهم..اصلا كن كان فيك لخير مغتخليش عائلتك البناج

هز عينوو مخنزر فيها..خشاا يدو فجيبو.

عدنان:واحد بحالي ممحتاجش لعائلتو..لسولتي عليا فلكلينيك..غيقولوو عدنان..ولد من؟منعرف؟

ولسولنا عليك شكون ايناس؟بنت بنيس .

.وش طبيبة؟ اه..

ديالاش؟دلاورام السرطانية..

اووه واو..دابا لمريض بورم سرطاني تدير ليه لعملية وتحيدو ليه؟

(حرك راسو بلا)لالا سيدة طبيبة ولكن عمر حطات رجلها فغرفة العمليات..دكتورة صنمة فهاد لكلينيك..اه ولكن عادي هي بنت عائلة بنيس باباها طبيب نفسي مشهور وماما كانت بحالها ..عادي تكوون هنااا..حيت لوتاد لي موقفينها صحاح

كتشوف فيه بعيون محجراا بدمووع..

سكت كيشوف فيها

عدنان:بقا فيك لحال؟فرحتيني

دفعها وزاد..دار منين عيطات ليه..محس غير بلقهوا سخونة على كمارتو

إيناس:زييد فرح..

ردخات لكاس وزادت

شاااف فييه مصدووم..نطق وخوفو عليها باين على ملامح وجهوو

أسيرم:مااالك اش وقع لك؟

شادة على جنبهاا...تتغوت..ودموعها نازلين.

إخلاص:معرفتش ولكن تنتقطع تنقطع

وقف لووطو..جنب..حيد سنطة..وقرب منها..

أسيرم:وش تقسحتي فاش ضربتيه بلوطو؟

حركات راسها بلا

إخلاص:تهزيت فبلاصتي متضربت فتا جهة .

أسيرم:هزيي طريكوك

هزات عينهاا فيه..حركات راسها بلا

أسيرم(بنفاد صبر)وش داباا وقت لعنااد؟راني طبيب ماشي زلايلي

حطات راسها على زااج..تتوجع..

هز ليها طريكوهاا ..بشوياا..كيشوف فجنبها.. مكاينش اتر ضربة..

حسات باطراف اصابعو لباردين تحطو على لحمها..تهزات من بلاصتها..

أسيرم:ضريتك؟

حركات راسها بلا..

أسيرم:غنقيسك..لضريتك كوليها

برك على جنبها بشوياا...

غوتاات بجهد..شدات يدوو غرسات ظفارها فيهم

إخلاص:(تتبكي)ضريتيينيي ضريتيينيييي

أسيرم(دوز يدو على شعرو نطق..بزعاااف ) عندك

Appendicitis

هزات راسها فيه..ودموعها نازلين

إخلاص:اش هادشي؟

أسيرم:التهاب زائدة الدودية..خصناا نمشيو لكلينيك دغياا

كسيراا لكلينيك..بزربااا...

طريق كلهاا وهي تتوجع...حاساا بروحهاا اتخرج...

وقف لوطوو قدام باب لكلينيك..

نزلات..تتجر رجلهاا...وجهاا ولا صفرر لون تخطف منوو..والوجع باين فملامحهاا..

أسيرم:مغتقدريش تزيدي..غنهزك

إخلاص:كفاش اتهزنيي لااا قادا نتمشاا..

أسيرم:مكنسولكش غير كنعلمك..

محساات براسهاا..غير جمعهاا هازهااا بين يدوو..

إخلاص:نزلني خليهم يجيو هما يدخلوني

أسيرم:لاا مغيحاولوش عليك ..غتوجعي غيضروك ..يديي مغضركش

تمم دااخل بيها..فحين هي ساكتاا...تتوجع بصوت مهموس..

للحظة تزاد عليهاا..لوجع...حطات راسهاا على صدروو..تتشهق بصوت مهموس.

شافتووو داخلا هزز بنت بين يدوو..لاغلبية كيشوفو فيه ممولفاش ليه يدخل شي وحدة وبين يديه..تا مرضاه مكيهزهمش..

كيشوفو ويتساؤلو..الى هي كتشوفوو..وقلبهاا كيتوجع..

زادت عندوو بجرا..

إيناس:أسيغم شكوون هادي؟

أسيرم:(بلا ميعطيها اهتمام)مرتييي

زاد بزرباا متجنب اناس..

شاف فسناء فلاستقبال

أسيرم:وش دكتوور علي كاين؟

سناء:آه ادكتووور(عينيهاا على إخلاص)

واقفااا مكوانسياا..كلمة مرتيي تتعاود فودنهاا...

إيناس:مغتووو؟؟(حركات راسها بلا)مسمعتش مزياان ..سمعيي ولا ضعيف هاد ليام ضعيف بزاف

بعد لحظات..واقف على راسها..وعلي كيفحصها..هز راسوو فيه..

علي:تقدر تجي معايا

إخلاص:وش مغتعطينيش شي حاجة تحيد لي لحريق؟

علي:لاا ابنتيي (تنهد )غيخصك عملية..

شافت فيه وشافت فاسيرم

إخلاص:عملية؟؟كككفاش

أسيرم(بحسرة)شي لي بغيتي تكولو ليا على انفراد غير كولو معاها..

علي:عندك التهاب الزائدة الدودية..

إخلاص:ولكن انا كنت بيخير؟

علي:غالبا تحركتيي شويا مع لحركة ونشاط .كيجي لوجع..وهادي فيها خير ليك..ضروري خصك عملية..مخصش نتعطلو حيت لتعطلنا وقدر الله تطرطقات غادي

إخلاص:غنموت؟

حرك راسو باه

أسيرم:وجد غرفة العمليات ..هي غديرها

علي:وخاا وعائلتها فين يبداو لاجراءات؟

أسيرم:انا عائلتها

علي:(مطلع حواجبو )غنوجد

زاد واقف على راسها

أسيرم:التهاب الزائدة دودية هوا التهاب جزء من المصران الغليظ فاسفل لقسم ليمن من لكرش...بزاف دناس كيتصابو بيها وبلاكتر لعيالات...كيخص ضروري تدخل طبيي سريع..باش مطرطق لطرطقات غيوقعوو مضاعفات خطيرين...هي عملية بسيطة سهلة وسريعة..

هزات عينيهاا فيه..بصوت خافت ..نطقات

إخلاص:وشش دابا وقت لمحاظرات أااا؟؟لخص شنو بغيتي تقول بلا متعرض عليا دروسك

شاف فيهاا..مطول..تنهد

أسيرم:بغيت نكول لك

زاد خطوة مقرب لهاا.

أسيرم:"متخااافيش"

هزات عينيها فيه محجرين بدموع..

إخلاص:وشش غنموت؟

أسيرم:مكنضنش عندي زهر لهاد درجة

إخلاص:ولكن كولتو لطرطقات غنموت..حسيت بشي حاجة طرطقات

سرط ريقو ميل راسو كيشوف فيها

أسيرم:هادشي كيعني ان..

إخلاص:لخصصصص

أسيرم:حزقتي أإخلاص!

يتبع...