تزوجتها بوصية زوجها الجزء الثامن

سرررط ريقووو..حاس بسخونية طالعاا معاه ..ودقات قلبوو كتزااد..

حاس بلييي صدروو غيتفتح ويحرر قلبوو لي علن ثورة فهاد ساعة..

نطق بصوتوو لي أقرب من الهمس..نطق اسمهااا..ورجفة فشفايفوو..

أسيرم:إخ..لااااص.

تنهد بجهد..منين شافهاا ناعساا متتجاوبش..

تنهد أكثرر منين شافهاا كيف مكمشاا مخشيااا فيه..

مكرهشش يعنقهاا أكثررر..ويخشيهاا فيها..أكثرررر

نعل أفكااارووو...

حطط يدوو على خصلات شعرهااا...كيشوووف فيهاا. نزل عينوو كيشوف ف.شفايفهااا الموردين...تفكرر قبلتوو لولى ليهااا...نطق بصوت أقرب من الهمس

أسيرم:أشش تديري فياا أاا؟علااش مكنقدرش نتحكم فيا ونتي معايا أاا؟؟جربت بزااف دلاحاسيس..وكنقسم لك بلي كلهم كنت قادر نتحكم فيهم..ولكن هداا..(حط يدوو على قلبو)كيتحكم فياا.وانا معاك.....عارف بليي نتيي مرت صاحبيي ..مخصنيش نشوف فيك..وكنلعن راااسيي على كل نظرة..كنخطف منك..(سرط ريقوو..بلل شفايفو وكمل هضرتو)كنلعن راسي على لقرب لي قربت منك بلا حق..

كنوااعدك بليي نتي غتبقاااي آمانتوو..عمري غنضرك.. ولا نخلي شي حد يضرك..وهاد الاحساس أنا متأكدا مع لوقت غيولي بحال غيروو ..اناا متأكد غنقدر نتحكم فيه...خص غير شوياا دلوقت...شويا دلوقت مزال وغيخفاف

تمم ناايض من حداهاا...شاف لتيلي ديالوو كيصونيي...زااد هازو..خارج من لبيت يجاوب .

أسيرم:وي سناء

سناء:دكتور أسيرم جااتك حالة أوغجونص.

أسيرم:اناا جاي عيطي لعدنان ولكروب

سناء:وخا دكتوور.

تم راجع..لبيت..هز حوايجو وتوجه..لدوش..بلحس يبدل...

لبس قبية فلكري وسروال جينز كحل مع صبىديل بيضة..مرجع شعرو لور كيف لعادة ..وتم خارج..

وقف مكوانسيي...منين شافهاا واقفاا قداموو...شعرهاا معنكشش نازل على وجهاا...شادة عكار فيدهاا موجهااه عليه..

ميل وجهو كيحاول يفهم مالها..

اسيرم:بسم الله عليك اش واقع؟

نطقات وهيي مخنزرا فيه

إخلاص:درتيهااا يااك درتيهااا

وسع عينوو فيها:اشش درت؟؟

إخلاص:أصلااا كان خصني نفهم من لول..نتا من داك نووع...فلول بايسنيي ودااباا(عنكشاات وجهاا)نتاااا وحد متتسوااش

معندك ذرة دلانسانية....

(هزات فوجهو عكارها)غنصفيهاا لكك...

شاف فلعكار وشاف فيها..تنهد بجهد..حرك راسو بلاحول

أسيرم:إخلاص رجعيي تنعسي...أنا مقصتك مقربت لك..نتيي لي جيتيي طحتي فبلاصتي

شارت لراسهاا ضحكات بجهد..

إخلاص:هاهاها طحت من لاموسية لارض ومفقتش...علامن كطنز نتاا كضحك على وحدة نعاسهاا خفيف...لغير حزقات حدايا نملة كنسمع لها

حرك راسو باه..منين تفكر نهار دخلو عندها لدار..ومساقت لخبار..

عقد حواجبو...وشاف فيها

أسيرم؛أش قولتي مال نملة؟

إخلاص:مالهااش مالهااااش ..داباا نتااا قوليي مقربتيش ليا يااك؟

أسيرم:سيري شوفي وجهك فلمراية..عاد أجيي هضريي

زاادت تتشوف راسها فلمراية...وسعات عينها مصدومة

إخلاص:هاداا ماشي اناا غير قرينييي...(شافت فيه..دايرا نص ضحكة)شوف انا زوينة فصبح والله..ودابا باقي مجا صبح هدات غير وقت قرينيي..

أسيرم:دابا نتي قرينة إخلاص

قدات وقفتها:آه طبعا فاش تلقاا إخلاص زوينة..هاديك إخلاص ..فاش تشوفها بحال دابا...هداك القرين.

حرك راسوو...متبع هبالها

أسيرم:اك مستر قرين ولا مدام قرينة..أناا مقصتك مقربت لك نتاا لي طحتي

إخلاص:ههه تتوقع تتوقع فاحسن العائلات..اصلا سمعت فليل متتبقاش لجادبية يعنيي عاديي بنادم يطيح

أسيرم:اهاا لجادبية متتبقاش فليل؟شكون قالها لك؟

إخلاص:علاش ضروري شي حد يكولها..يمكن مرت هداك لي اكتاشفها حطات بوسط فلفايس

أسيرم:مرت نيوتن؟آه ممكن شافت لجادبية ديالك وهربات

رجعات يدها مور ضهرها .كتحرك..كلها وتحرك راسها باه.

إخلاص:ممكن.

أسيرم:إخلاص سيري تنعسي يرحم بااك خليني نمشي لخدمتي

إخلاص(بهمس)قرينها

أسيرم: كن لي بغيتي تكون سير تنعسسس..ومعمرك تعاود تفيق فليل..ماشي لجاذبية لي تتغبر عقلك لي تيغبر..

زاد خارج..فحين هي زادت..لمراية...تتقاد عكارها. وتقاد راسها.تم راجع..شاف فساعة لي كتشير لربعا دصبح..وليها هي لي تتقاد عكارها .

أسيرم:اشش تديري؟؟؟

إخلاص:والوو غير كنعيط على إخلاص

تنهد بجهد:صبر اربي صبررر

زااد خاارج...ساد لباب فحين..هي بقات تتشوف فجيهتوو.

إخلاص:مال هدا؟

(شافت فلمراية..رمات لعكار وجرات لبلاصتها)

إخلاص:بسم الله الرحمان الرحيم ذكرنا سمن ولعسل ..

جرات غطاها ناعساا..

"صباح جديد ونهار جديد.."

نازلا من دروج لابسا كسيورة ..دلحرير فلبلون كاصي..مع كعب عالي فنفس لون..طالقا شعرهاا ودايرا مايكاب خفيف ...

توجهات لصالة...بانوو ليها مجموعين على طبلة دلفطور...ولخدامة متوجها لجهتها

الخدامة:هاهي جات الالة

عبلة:صباح لخير يلاه كنت مسيفطاها عندك.

إخلاص:صباح نور..

توجهات كالساا...

فوزي:فينو أسيرم؟

إخلاص:مشاا لخدمة عيطو عليه بكري.

فوزي:آه غالبا شي حالة صعيبة...(تم نايض)قهوتي شربتها ونوض لخدمتي

عبلة:حبس نوصلك لباب.

فوزي:وش نسيتي رجلك

عبلة:ياك طبيب قالي خص نحركها اوا

حرك راسوو بوخا بقلت حيلة

تمات نايضاا ..معاه..فحين إخلاص..بقاات مع نورا لي نازلا على طبسيلهاا ..هزات راسها فاخلاص

نورا:شنو إحساسك؟

إخلاص(ميلات راسها بعدم فهم) شش تتقصدي

نورا:إحساسك ونتي تتنعسي بين يدين خويا بعد مكونتي شهور قليلا كتنعسي بين يدين صاحبوو..وماشي بعيد بعد شهور خرا..نلقاك بين يدين وحد آخر

جمعات يدها مزيراا عليهاا...سرطات ريقهاا..كتحاول تنزل لحرقة لي ركبات فيها هضرتها..ابتسمات لها..وبرودة نطقات

إخلاص:والله حسن من إحساس وحدا كتنعس معنقااا لوسادة..ملاقياا لا حضن راجل وتا نص راجل

نورا:قليلة لادب

إخلاص:متشرفين مقولتش لك عرفيني عليك..

دخلات عبلة وهي تتعيط لاخلاص..فحين نورا ناضت..

عبلة:فين غادا كملي فطورك

نورا:شبعت..

توجهات عبلة عند إخلاص وهي شادى بوكي دلورد لحمر فيدها..

عبلة:يخلي لي رومانسي...تافخدمتو تفكرك

إخلاص:اش هدا؟

عبلة:ورد..منين وصلت عمك تلاقيتهم جابوه بسميتك..باينا سيفطو أسيرم (مداتو لها)شديي شديي وقراي اش فلبطاقة..

شداتوو...شمات ريحتوو..

إخلاص:زوينة...

هزات لبطاقة حلاهاا...

وسعات عينيهاا منين قرات اش مكتوب فيها .

عبلة:أشش مكتوب؟

صغرات عينيها منين شافت ملامح إخلاص تبدلو..وكلهاا تترعد..

عبلة:ياااااك لااااباس؟؟؟اش مكتوب؟

غوتات بجهد..منين شافت إخلاص طاحت من لكورسي سخفانة

فالمرابطين وبضبط فغرفة العمليات...كاان كيختم عمليتو..العملية لي احتاجها المريض بشكل استعجالي..

عينوو مفيكسين على راس .لمريض...كيسدوو وينهي عمليتو لي كانت ناجحا

أسيرم(موجه هضرتو لممرضة)قطعيي

قطعات لخيط بلمقص..

أسيرم:قطعي..

قطعات بقاات مركزا معاه تابعاه كتحاول تواكب سرعتو.

بعد لحظات خرج من الغرفة...نتر سكراب دلعمليات...لاحو فزبل.

وزاد كيغسل كيدووو...ويعمهااا..

شاف فجنبو منين وقف حداه عدنان..

أسيرم:لمريض دلقلب..وش طبيبة دارت ليه لفحوصات؟

عدنان:معرفتش!

أسيرم:سولها..راك عارف داك لمريض مخصش نزيدو نتعطلو عليه..والا طلقات راسها ايكون حسن

عدنان:وخاا (كيحرك راسو يمين وشمال)

أسيرم:عيتي سير ترتاح

عدنان:غينقلو لمريض لانعاش نشوف معاه ونمشي رتاح

أسيرم:غير سير..أنا غنتكلف..

حرك راسو بوخا..زاد جار رجلووو قالتووو نعاااس...

تفكر بليي خصووو يهضر مع حياة على ود نضال .توجه يقلب عليها فلمستعجلات...

كيدور عينوو...باقاا دنيا هادئة هاد صباح فلمستعجلات...عيط لوحدة من الممرضات.

عدنان:مبانتش لك حياة؟

الممرضة:اتلقاها تتسرط فشي جهة

عدنان:اه منين تبان كلها دوز عندي..اتلقاني ناعس فغرفة لاطباء لفوق

حركات راسها بوخاا...تم غادي..وقف..منين سمع غوات شخص...داخل بجراا هااز بنت صغيرة فيدووو...ودم نازل من راسو ولبنت سخفانة.

كيغوت باعلى صوتو

.....:شييي حد يعاونييي شي حد يعتق بنتيي دكتووور .دكتوووور

ابتسم باستهزاء

عدنان:نعاس نعسناه قبل منديرو الطب..

هزز سماعة وتوجه بجراا ..عندوو..

عدنان:اش وقع لك

....:درناا كسيدة .

هزهاا من عندوو وزاد كيجري بيها لبياص...حطهاا دغيا كيفحصهاا..

عدنان:بنتك بيخير مؤشراتها لحيوية مزيانين...غنديروو لها سكانير نتأكدو بلي معندها والو..وغالباا سخفات حيت خافت...وش نتا لي كونتي سايق؟

..:الحمد الل.

قبل ميكمل هضرتوو طاح على طولتو.

داار كيشوف فيه مصدوم..حنا عندوو كيفحص نبضوو .خرج عينو منين لقاه ضعييف...بالغوات موجه هضرتوو لممرضين

عدنان:أجييييو لهنااا دغيااا دغياا..خصص نهزوووه....

توجهوو عندوو معاونينو يحطو على لبياص..شاف فلممرضة..

عدنان:وجدي الانعاش لكهربائي...يلاااه طلقيي راسك

حلل عينوو بثقالة..تهزز من بلاصتوو كيدور فعينوو...منين لقاا جوج درجال ..واقفين على راسوو..

نطق بتمتة ورجفة

....:شكووون نتوماا نتومااا شكووون

ضحك بجهد..

عزوز:وش كاع المحامين ممولفينش بضيف الله(شار لرجال يحيدو من قدامو)حيدوو خليوني نبان..

شاف فيه كالس.على لكرسي

.هز رجلو حطها على سرير..وتسبيح فيدو..

دوز يدو على مسطاشو

المحامي:لاااش داخلين لدار ..وش نتوماا معارفينش عقوبة تهجموو على دار ناس.. غنتابعكم واحد بوااحد...غنجرجركم فلحباسات

ضحك بجهدد..ورجالو كيضحكوو معاه

عزوز:اول مرة يهددني شي حد بداريي..(قرب وجهو منو)الحبس هواا داريي ...ولواحد مكيلقا راحتو غير فدارو..معنديش مشكل نقت.لك..ونمشي رتاح فدار.

المحامي:اسش باغي مني

عزوز:معاد اصالحي عرفتيه ياك؟

المحامي:لا..

عزوز:(حرك راسوو باه)فكروه فيه ادراري.

المحامي:عرفتوو عرفتوو انا شديت قضيتو وصافي تسدات كانت اكسيدون عادية..

عزوز:شكون عطاك لفلوس؟باش طمس دغيا لقضية

المحامي:تا حد اش من فلوس انا محامي بشرفوو

شاف فلكارد

عزوز:سمعتوه ..بشرفوو..(ضحك بجهد)رجاليي عزازين عليهم لي ڤييغج..(دوز يدو على لحيتو)

الحامي:انا راني راجل اش تتقول نتا

عزوز:نتا راجل؟(ضحك بجهد)مبناش فيك..وحتا لكونتي راجل..رجالي يجمعو تا لحمير معندهمش مشكل

شار لهم بعينوو...زادو عندو

فحين هوا بداا يترعد ويحرك راسوو بلاا.

غير قربو ليه..قلب وجهو..ولبولة نازلا منوو

المحامي:مشفتوووش مشفتوووش..هضر معايا بايميل...مشفتوووش والله مشفتووو غنقول اش عارف..وسمية ليميل وكولشييي غير متقربوش..

دوز يدو على مسطاشو..

عزوز:دابا هضرتي

وقف لوطو...قدام..وحدا من العمارات ..نزل منها..تمشا بثقالة...طلع لپارطما تانيا.يلاه جا يدق خرج..شخص لابس لبسا دلبوليس..

داوود:نتااا هوا مروان؟

مروان:اه شكون نتااا..

ابتسم ليه..داودو.

ضربووو بضربا راس...جابوو طايح..لارض...جروو..دخل ..وسد لباب..

شاف فبنت واقفا مصدومة تتشوف..هز قدامها بطاقة خدمتو

داوود:انا صاحبو من لخدمة..بلفرحة شافني سخف..وجدي لنا شي كاس دلقهوة

حلاات عينيهاا بثقالة...شافت فعبلة ولخدامة كيشوفو فيهااا...واقفين على راسها..

عبلة:إخلاااص بنتي تتسمعيني

الخدامة:زديها شويا دلماااء توكض مزيان..وعطيها لماء وسكر

تهزات من بلاصتهاا...حاسا بدنيا كدور بيهاا...

عبلة :شىربي هدا شربي..

شدات منها لكاس شرباتو

عبلة:(شافت فلخدمة)شوفيي شيفور واش وجد طومبيل دغيا نديوها لكلينيك

إخلاص:مكاين لاش أناا بيخير.

عبلة:اشش وقععع.؟هادشي يمكن حيت مفطرتيش..(شافت فلخدامة)حادة جيبي لهاا تفطر دغيا.

سكتات تتشوف فيهم..جسمها حاضر وعقلها ساهيي...موسعاا عينهاا وشفايفهاا كيرجفو..وجها صفر نقطة ددم متتبان فيه...

تفكرات أشش كان مكتووب فاورقة...لكلام لي خلا رجلها كيترعدو ومقدوو يوقفوها مزال..

نااضت بجراا..لجهة لپوكي..هزات لبطاقة لي كانت طايحا فلارض..

وتمات خارجا بجراا..

عبلة:فيين غاداا صبريي؟تجيب لك حادة تفطريي

تلاقات مع شيفور داخل.

إخلاص:ديني لكلينيك.

زادت معاه فحين عبلة بقات واقفا

عبلة:اش كتب لها فديك لورقة بلخلعا عليها كاع مقريت...اشداك اولدي لشي رومنسية اشدااك

مسافة طريييق...وقف لوووطو قدام لمرابطين . داخلا..بجرا..

توجهات لمكتبووو...حلاات لباب بجهد ...مكاينش ليه لاثر..

يلاه جات تخرج بان لها داخل.يلاه سالا خدمتو لي فلانعاش..حاط يدوو على عنقوو حاس بعضامو تهرسو عليه...نعاس مشافوش ليل كولووو..

هز راسوو فيها منين شافها واقفاا

قداموو...

كيشوف فصدرها لي يطلع ويهبط..عيونها لمحجرين بدموع..وجها لي صفر وشفايفها البويض لي كيرجفو

أسيرم:إخلاص!أشش واقع؟

زاد عندهاا..بخوف..شارت بيدها باش يوقف..

إخلاص:وقف تم...غنسولك وغتجاوبنيي بصارحة..

زادت عندو بخطوات سراع .وقفات حداه..تتشوف فعينوو ..بؤبؤ عينها كيتحركو مع بؤبؤ عينو

إخلاص:أسيرم وش معاد مات مق.تول؟

ملامح وجهوو تبدلو..من سؤالها..شااف فيهاا بجدية...

نطق وهوا كارز على سنانو

أسيرم:شكوون كاالك هاااد لهضراا

إخلاص:ماشييي مهم...شكون ماشي مهم..المهم هوا وش هاد لهضرا بصح...وش معااد تقتل .؟

أسيرم:سمعيي بالنسبة لي مهم نعرف منين جبتي هاد لهضرا

(شادها من يدها)منين جبتي هاد لهضرا ااخلاص؟

نترات يدها بزعاف..نطقات بلغوات.

إخلاص:وااااش معااااد تق.تل آه لاااا؟جااااوبنييي على قد سؤالييي جاوبنيييي أاسيرم جاوبنييييي وش راجليي قت.لووووه

أسيرم(بصوت عالي)آه راجلك تق.تل..معاااد ماااات مق.توول.

(سد عينوو مزير عليهم كيتنفس بجهدد..حلهم شاف فيها)كنت غنعلمك فا..

قاطعاتو..تضرب فصدرو..

إخلاص:إمتااا أااا؟إمتاااا كنتييي أتعلمنيييب أااا..(غوتات بجهد)إمتااااااا اناااا مرتووو اناا من حقييي نعرف من حقييي..

كضرب فيه بجهددد...ودموعها نازلين

إخلاص:إمتااا أااا إمتاااا..

بعدات عليه شادة على راسها...

كتحرك راسها بلاا...دموعها نازلين بسكات وصدمة باينا فوجها..

إخلاص:هوااا عمروو ضر شي حدد عمرر

.علااش علااااش..عمررر أذى شيي حد لي كان يشوفو كيكول الله يرحم ليي ربااك..كان كيقولي ميقدرش يضر شي حد ويجيب لعنة لوالديه..علاااش هواا أاا؟؟؟علااااش هوا علااااش...اناا من نهار مات وانا كنصبر راسي انا الله بغااه..وخداا روحو..ولكن هوااا تغدر هوا تقتل..(حطات يدها على صدرها تتماصي..وبحرقة تتهضر)حبيب قلبيييي غدروووه..وحرقوو قلبي علييبه..

كيشوف فيهاا كفاش كالساا تتبكي..بحرقة..وتهضر..وداتها كلهاا تترجف..حسس بقلبووو كيتقطع على حالتها ..سرط ريقوو..وزير لكمة يدوو...

خدا انفاسو لثواني وزاد عندهاا..

أسيرم:إخلاص

هزات راسها فيه..عيونها حومر بلبكااا...مدات لييه لبطاقة لي جات مع لورد.

إخلاص:اول حاجة تكتبات هنا صحيحة يعنيي تانيا صحيحة

هز من عندها لورقة

أسيرم:"شنوو إحساسك ونتييي مزوجاا بلي كان سباب فان راجلك لول يتقتل..راجلك الحالي عارف كولشي سوليه لمتيقتيشش هضرتي "

كمشهااا فيدووو بعد مقراهااا....عروووق راسووو بانوو فجبهتووو...كيتنفس بجهددد...

أسيرم:غتندممم...كنحلف لك غتدم(سد عينووو كيحاول يكبث عضبوو)

حلهم منين نطقات

إخلاص:من حالتك يعني ان هضرتو بصح..نتااا سباب فم.وت معاد

صغر عينوو كيسوف فيهاا مصدوم من هضرتها...شدد فيدها مقربهاا عندوو...تا ضربات فصدرو..كيحرك بؤبؤ عينو مع حركت بؤبؤ عينها

أسيرم:شوووفيي فعينييي..شوووفيي مزيان...وش كضني أنيي نقدر نضر ..معاد..وش هاد شهور لي عشنا مع بعض مخلتكش تعرفيني...

إخلاص:كووولشيي بنيتوو عليك هاد شهووور تهرس ليوووم...نتاا كدبتيي عليااا...نتاا عرفتييي وخبيتي علياا..الا مكونتيش سباب لاش اتخبي أاا؟كن مجاتنيش هاد لورقة ليووم..شحال مزال كنتي غتخليني فدار غفلووون؟؟اناا جيت عندك ليووم باش تكدب شيي لي مكتوووب..جيييت عندك بااش تقول كولشي كذوب..ولكن نتاا طلعتيي كدبة...صورة لي خديت عليك هاد شهووور طلعات غير كذبة...

دفعاتوو وتمات غادة..شدها من يدها موقفهاا...

أسيرم:تيقيني..كنت غنعلمك فاش نشد لي قتل..مبغيتكش تعدبي..

إخلاص:كن علمتيني مكونتش انتعدب بحال هكدا..كن سمعتها منك..كان لعداب ايكون خف

نترات يدها ومشااات...

هزز يدد قدام عينوو كيشووف فيهاا..ويتفكر لهضرا لي كان قاليه

"الحب زوين ياك ؟زوين لدرجة كيخليك تعطي وعود مغتقدرش توفي بيهم؟ آه عجييب

خلينا نشوفز وش غتبقا شادة هي فيدك بعد متعرف بلي نتا مور موت راجلها"

نطق بصوت مبحوح

أسيرم:نتا ربحتي هي خلات يدي

جمعع لكمة يدووو...كارز على سنانو

أسيرم:ولكن أنا عمر أنخليي يدهاا....غنخلي غير دار عشتك

زااد خارج منين سمع نداء باسمو

"دكتور أسيرم مرابط مطلوب لمستعجلات..دكتور اسيرم مرابط مطلوب لمستعجلات"

توجه لمستعجلات...

بان ليه عدنان..واقف على راس لمريض...

زاد عندو.

أسيرم:عند بالي اتكون ناعس

عدنان:(كيلهت)جيت ندير اشهار خفيف بين لحلمة وختها..

أسيرم:تقرير حالتو؟

عدنان:دار اكسيدون..هوا وبنتوو...كان واقف نورمال..شويا طاح..جاتو سكة قلبية بزز باش رجع..واكل ضربا فراسوو..

قرب عندوو..حل عينوو كيشوف مؤشر عينوو..

اسيرم:خودوه ..غديرو ليه راديو لراس..وجيبو لي تقرير.

احتمال الضربة سببات نزيف ولا كسر فلجمجمة..على كل غيبان كولشي.(شاف فيه)فين لبنت؟

عدنان:راها ..حالتها مستقرا.

طالعا فلاسانسور..تتبكي بسكات...خرجات منين تحلات لباب...زادت متوجها لبيت دماماين معاد..

حلات لباب..بلحس..بانت لهاا..ناعسااا...زادت واقفا على راسهاا..

نطقات بحرقة..

إخلاص:خالتي الحبيبة..لاول مرة غنحسدك..كن غير كنت مريضة بحالك كن غييير نقدر نسااا شي لي وقع كن غيييي..

زادت بثقالة تتشوف..فلاڤوكا لي زارعا...شافت لنبتة لي بدات تفتح..وتربتها لي فازكا

إخلاص:نسيت حتا انيي نجي ونسقيهاا...مزيان مني نضال كاينا..(دوزات صباعها عليها)خصكك تحوليي لارض كبيرة باش تقدي تكبريي..

مسحات دموعها..ودارت منين سمعاتها هضرات

....:شكون نتي؟...بعدي بعدي من تم متقيسيش ربيع ولدي.

دخلات الممرضة فهاد لحظة...جايبا لها لفطور .

الممرضة:خالتيي هاني جبت لك فطورك

....:فين ولدي؟هوا لي كيوكلني.مغناكلش بلا بيه

الممرضة:دكتور أسيرم راه عندوو خدمة..معيطين ليه فلمستعجلات..لجا دابا يقدر يموت لمريض.

حركات راسها بوخا

...:غناكل..ولدي بطل(شافت فاخلاص)ولديي كيعتق ناس..بطل بطل.

إخلاص:نتيي عمرك مكولتي لمعاد ولدي ولا حتا لنضال ..كفاش

(حطات يدها على وجها تتبكي خرجات بجرا).

إخلاص:هواا سباب..كفاش هوا سباب اربيي غنحمااق غنحماااق..

زادت بزرباا غادة فلكوروار...تتبكي وتشهق بجهد..

شدات على راسهاا...حاسا بودنها كيصفروو ودنيا كدوور..بيهاا..مقدوش رجلها مزال يهزوها..طااحت على طولتهاا...

جااو كيجريو عندهاا...

الممرضة:شيي حد يجيي..

سكتات منين شافت ممرض جايب كورسي..متحرك..نطق وعينو عليها..

....:أنا غنتكلف..غنوصلها لمستعجلات

حركات راسها بوخا...زادت مكملا خدمتها

طلع كمامتوو.كيدور فعينوو...هزهاا بين يدو .حطهاا على لكرسي وزاد بيها..

نطق بهمس.

يونس:اشنو لفايدة يكون راجلك طبيب؟..وفاش طيحي متلقايهش

ابتسم بمكر..وزاد مدخلها فلاسانسور

بقات واقفا تترمش..معرفات تشوف مال راجلها..ولاتيق بيه وتمشي تقاد قهوة..

هزز عينوو فداوود..شادد.على نيفووو لي مقصح فيه..وقف عندوو..مخنزر .فيه..حط يدو على جهة سلاحوو..

قرب عندوو داوود بزربا..معنقوو..همس ليه فودو

داوود:منصحكش تجبدوو..مبغيتش مراتك تشوف راجلهاا كيودع قدامهاا..داباا بلكالم غتعنقني وتقولي زمان مشفتك

حطط يدوو معنقوو..قال بصوت عالي..

مروان:زمان مشفتكك

حركات مرتو راسها بلا حول..نطقات بهمس"لعب البناية"وتوجهات لكوزينة..

غير دخلات جبد سلاحو موجهو على داوود..

مروان:شكون نتا؟باشمن حق مهجم علياا فداريي..؟

ابتسم ليه بهدووء..جبد بطاقتوو هزا قداموو..

داوود:خلينا نهضروو

هز عينوو كيدورها فدار..بان ليه صالون توجه ليه كالس..ومروان تابعوو..

مروان:الا كونتي كومسير هادشي مكيعطيكش لحقق تهجم علياا وضربني من لفوق..وش نتاا معارفش عقوبة هادشي لي درتي؟باشمن حق تهجم عليا..

جامع يدوو بجوج..كيسمع لهضرتوو..كالس بهدوء..بحالا دار دباه..هز عينو فيه.

داوود:عزيز عليك القانون يااك؟ولعقوبة يااك .فكرني فعقوبة تزوير المحررات؟

شاف فيه مصغر عينو:اشش تتقول؟

داوود:نسيتي معليش نفكرك..كينص الفصل362_ والفصل453 من القانون الجنائي المغربي انه"اذا وقع تزوير المحرر بتغييؤ الحقيقة فيه من قبل شخص قاض او موظف عمومي او موثق.او عدل اثناء قيامه بوضيفته فان العقوبة (ناض واقف اونفاص معاه)هي السجن من 10 ل20 عام

مروان(ميل راسو)وعلاش تتقولي هادشي

ابتسم ليه..حط يدوو على كتفوو بارك عليه بجهد...

داوود:كنوريك اش كيعاينك....قضية معااد الصالحي لي مات هادي شي9 شهور..نتاا كونتيي مع لكمسير لي خداا أقوال مرتوو..لهضرا لي تكتبات لاعلاقة بلي قالت المراا..

مروان:معرفتش خرج عليا

ابتسم ليه..بسرعة تحولات ابتسامتوو لتخنزيرة نقز على عنقوو قاجوو

داوود:اخر مرة تهضر معايا بلا رسميية..معلموكش تحتارم لي زايد كراد عليك..هادي لولاا تانياا...شوف اناا واحد مريض فمخووو واااحد معصببب وعلى سبة..فالا كنت مكالمييي فحمدد ربييي وبلا متجهل ميييي...ودابااا عندك جوج حلول يااغتبت وتعاود اش وقع..ياا غنجر مكك لبنيقة ونخليك تغرق فلحبس ..دييك جبهة لخاويا مغتنفعكشش معاياا...فهمتييي

طلقوو منين شاف مرتوو داخلا...بداا يكحب بجهدد..شاد على عنقوو..

زاد هز كاس دلماء

مروان:خرجي ومدخليش خليني نهضر مع سيد

تمات خارجا فحين هوا زاد كالس

مروان:تيقني انا مكونتش عارف..بلي غيزور شهادتها..انا كنت نسول ولكومسير يكتب..سيدا اصلا مقداتش تهضر حدها سولاتها على صيانة وقالت بلي راجلها ديماا حاضي لوطو ديالوو..وسواقتو مزيانة ماشي من ناس لمتهورين..

صافي خرجنا عادي..فاش ركبت مع لكومسير..هزز تيليي..كيهضر..وشديت لملف كنقرا..ديك ساعة تصدمت بليي شي لي مكتوب لاعلاقة بشي لي تقال.غوت عليه ..وطلب استفسار..صافي لغد ليه لقيت راسي تحولت لجهة خراا..عرفت بلي داك شارف هوا سباب..ومن بعد شهور سمعت بلي مات ولقضية تسدات

داوود:لاش مهضرتيش؟لاش سكتي

مروان:قلت كلمة وحدا لقيتو حولنيي...كن هضرت يعلم الله اش يدير..كان يسيفطني لشي قنت..ولاا يخليني نخسر خدمتي..انا يلاه كان عندي لعرس مكونتش مستعد نخسر خدمتي..

داوود:كفاش نتاا بوليسي أاا؟مقادر تحمي تا راسك كفاش ادافع على حق ناس..فعلا تستاهل انك تخسر خدمتك..هاد لخدمة مخصاش لجبناء لي بحالك.هاد لخدمة نهار لي دخل فيها خسك تكون مستعد انك تخسر كولشي ماشي غير عرسك انما تاروحك.

مروان:كاين لي تيدخل لها غير باش يترزق الله

داوود:سير ترزق الله فبلاصة خرا..بلاصة لي وخا تسد فمك مغضر حدد..حيت دابا بسكوتك مخليي مجرم يلعب بحياة ناس

تم نايض..غادي

مروان:يونس

داخل لسانسور معاها..كلس على ركابوو كيشوف فيهاا مبتاسم..بغيظ

يونس:كاين قلب لحليب وكاين قلب طبيب(ضحك بجهد..حط يدو على شعرها)نتييي هيي لي ساكنا فقلبوو...(حرك راسو بشويا)كتباني بريئة ..بريئة بزاااف..وانا كنكر.ه البنات البريئات..حيت حواء متخلقاتش باش تكون بريئة..لبراءة عندكم غير قناع..ولكن عند اول فرصة كنلقاكم بنات لحرام .(شد مزير على فكها)كتبقاي فيااا حيت نتي دمدومة لوحيدة لي فهاد لقصة...نتي لمظلومة لوحيدة فهاد لقصة..وغلطتك لوحيدة..(ميل راسو بشويا)انه معندكش زهر .تاا اناا (سكت للحظات وكمل هضرتو)تا اناا كانت عندي وحدة فقلبيي و هربات من يدي...(كرز على سنانو)

ناض جابد تيلي ديالو معيط لرجالو.

يونس:لقيتوهااا.

...:لا اسيدي تكول لارض سرطاتها..ولكن كن هاني غلقاوها وخا تكون تحت لارض غلقاوهااااا..ونقت.لوها

يونس:لا..بدلت رأيي..لقاوها وجيبوها لي بين يدي..انا غنتكلف بروحها..

قطع..عليه..شاف فاخلاص..خدا لها جوج تصاور بتيلي..وشد فلكرسي منين شاف لباب تحلات..دلاسانسور..مع لحلا يبان ليه سكريتي..

هزز راسوو فيه..حول عينوو لجهة تانيا..وتم غادي..مخرجها بلكالم ..وقف منين وقفوو صوتو.

.....:فين دايها

عاطيه بضهر..محافظ على لكالم.

يونس:لمستعجلات

....: ياكما نعاونك؟

يونس(حرك راسو بلا)لا شكرا.

زااد جارها فحين..لباب دلاسانسور تسدات على السكيريتي

"فلمستعجلات"

كيهضر مع واحد من الممرضين.

أسيرم:غديروو لهاا هااد تحاليل..ومنين يجي دكتور علي..علمنيي..

....:وخاا دكتور

عدنان:وش شاك فشي حاجة؟

أسيرم:كنضن عندها أنيميا حادة..وجها وعينيها شاحبين..

عدنان:آه يقدر يكون بسبابو سخفات يعني ماشي لخلعة

أسيرم:لخلعة؟(طلع حواجبو)سير تنعس سيير اناا غنتكلف..

عدنان:(تنهد)اناا غاديي..خلي ناس دطب العام يتكلفو بيها نتا بقا غير مع باباها

اسيرم:وي غنكلف علي

عدنان: .لوقعات شي حاجة مستعجلا عيط لي..وسير تانتا ترتاح خلي لمستعجلات لماليه

أسيرم:المستعجلات ديالنا كاملين

تم غادي كيتفوه

عدنان:(بصوت عالي )متجمعش

..نطق.بهمس

عدنان:آه فينك امعاد الله يرحمك يامات كنتي مسير هاد زمر(دور عينو فلارجاء)دابا لمستعجلات براسو خصو مستعجلات

شاف قداموو منين تضرب مع لكرسي لمتحرك..شاف فيها سخفانة وشعرها مغطي وجها هز عينوو فيه.

عدنان:مالها ؟

يونس:سخفات فلكولوار

تنهد بجهد..هز يدو مشير لجهة اسيرم

عدنان:خلي دكتور اسيرم يتكلف

زاد بلا ميعطي لموضوع اهتمام. .فحين يونس توجه عند أسيرم.راسم ابتسامة حاجباها كمامة وجهو..

شافوو مشغول مع لمرضى ..حط يدوو على ضهروو..نطق بصوتو الخشن

يونس:سيي طبيب

وقف بزربا دار عندو.

داوود:شكون يونس؟

مروان(تنهد)داك نهار قلت لك كان لكوميسير يهضر فتيلي..باقي عاقل بلحرف قاليه"درنا جهدنا باش تخرج من لحبس هادي شهر .ومغنضيعوش داك جهد ورجعك ليه..نتا عارف مكانتك قداش ايونس "من بعد ضحك وقاليه"لالا حاشا نتا ماشي فلوسك اوا لقضية عتابرها تسدات خديت شهادة دمرتو واكيد وقعات على اش بغيت"

داوود:كان كيهضر حداك ؟بلا ميخاف

مروان:نفودو كبيرة ويدو واصلة لاش غيخاف من واحد غير بوليسي عادي خدمتو يجيب لي كاس دلقهوة..كن كان يخاف مغيخليش لملف بين يدي..

داوود:يووونس

مروان:آه كنضن شخص لي خلا لكومسير يزور لاقوال سميتو يونس..ومنين قاليه بلي فكوو شهرر يعني ديجا معاونو..

داوود:هضرتك..(ضرب فكتفو)عاوناتني بزاف

زاد غادي..تم واقف

مروان:سي لكومسير..إلى تحل ملف لقضية من جديد انا مستعد نقدم اقوالي

داوود؛وخدمتك؟

مروان:هماا لي خصهم يحشموو حيت حطو واحد فبلاصة ميستهلهاش..انا معليا والو..غنتحمل مسؤوليتي

داوود:ملف القضية غيعاود يتحل..ولكن انا ممحتاجش لشهادتك..اناا متاكد هاد يونس غارق فمصايب ما كبر..يعني سواا شهدتي ولا لا ..انا غنغرقوو..(ابتسم ليه)

وتم خارج...جبد تيلي ديالو

داوود:الوو احمد..جبد ليي ملفات دلقضايا لي كان شاد لكومسير لقديم .

احمد:اوااه كاع لقضايا اسيدي؟

داوود:لا.شوف تاريخ دلاكسيدون دمعاد صالحي..وجبد لملفات لي قبل داك تاريخ بشهر...

احمد:وخا اسيدي..وعلى لبنت لي تعرضو لها شماكريا..شدينا شي وحدين..خصها تشوفهم

داوود:آه سامية..(حط يدو فراسو)كفاش نسيت بلانها..صافي وخا انا غندوز عندها لدار نجيبها..

احمد:تحياتي شاف.

قطع عليه..هزز يدوو..كيتكسل..

داوود:يونس شكون وشنوو بلانك..قريب غنعرف

سااط بجهدد..ونزل متوجه لوطو..

حلو ليه باب لوطو..كيشوف فواحد من رجالو

عزوز:اش لقيتي فداك لاميل؟

....:والو اميل عادي..بسمية "محسن"مكنضنش غيكون دار سميتو اسيدي

عزوز:ديه لمول سيبير يعرف لناا هاد زمر منين جاي وشكون مولاه وبلاصة مولاه

شافوو فبعض.نطقو دقة

"سيبييير"

عزوز:هداك ليي كيجبد لنا بنادم من تلفون.

ضحكوو عليه بجهد

...:الهاكر اسي عزوز

عزوز:تهجروه كيبقا مول سيبير ارا متزوقو فيه (شاف فواحد من رجالو شاد تيلي كيتمساجا) اش بغات عاود؟

الرجل:الخبز اسي عزوز

عزوز؛هاد مرتك هادي متتعجنش ديما لخبز.

الرجل:فيها روماطيزم فيدين اسي عزوز

عزوز:طييزم..لسمعك سي طبيب غينتاحر لنا قبل ملقاو سيد..سميتو برد العظام الحمار.اشمن روماطيزم .

الرجل:عندك الحق اسي عزوز

عزوز:اكيد عندي لحق راه صاحبي طبيب اي حاجة طبية رجعو لعندي...تحرك عند مرتك..

طلع لوطو سدوو عليه..لباب.بقاو يضحكوو..عليه بلحس..نطق شيفور ضاحك

شيفور:تحرك عند مرتك...ومتنساش تقولها راك كدوز على الاخضر وليابس

زاد بجرا..ركب.مكسيري منين دق..عزوز فزاج.

زااد لغرفة لاطباء..تم داخل باغيي غير ينعس ويرتاح وحد سويعة ..حيد لفوقانيي دسكراب...بقاا بصدرو عريان..هز كينة دراس..من لخزنة ددوايات..

زاد بثقالة هاز لماء .باغي يشربها

.صغر عينوو منين بان ليه شخص ناعس بلاصتوو.. ومغطي..كولو بلغطا..

عدنانء:(شاف فساعتو)شكون هدا لي مزال ناعس تا لهاد لوقت وفبلاصتي من لفوق..

زاد بثقالة..نتر لغطاا..على لوجه..تهزات مخلوعة .. من بلاصتهاا..

كتشوف فيه وهي تترجف صدرها كيطلع ويهبط..وكدور فعينيها بخوف.

نطقات وشفايفها كيرجفو

سكينة:نتاا

عدنان:اه انا بسم الله عليك مالك تخلعتي.؟

سكينة:هاء عادي نتخلع (شافت لساعة)تعطلت غنوض نشوف خدمتي

عدنان:وش نعستي هنا؟

سكينة:اه سمح لي شديت بلاصتك ولكن نتا عارف انا بقا جديدة مزال مقادو لي بلاصة.

عدنان:لا خودي راحتك..ولكن كن خديتي وحد من لغرف ونعسيتي فراحة

سكينة:لا منقدرش نعس بوحدي..هنا لوناسة حسن

عدنان:ولكن مكانتش عندك لخدمة فليل؟

سكينة:آه انا كنعس هنا حيت باقي ملقيت شي دار قريبة لكلينيك داري لولى بعيدة.

عدنان:آه الا بغيتي نعطيك سوارت داري..وداري لفوق ولتحت جيران يعني مغتخافيش

ابتسمات ليه..

سكينة:هوا مكرهتش ولكن حشمت منك.

عدنان:انا هاد ليام راني عامر يعني خوديي راحتك

سكينة:صافي وخا..على ما لقا شي دار قريبة لمرابطين..(هزات عينها فصدرو لعريان)صدرك

عدنان:آه غلبس..

توجه لخزنتو هز تيشورت..لابسوو

سكينة:زوين بزاف

عدنان:(شاف فيها ضاحك)اه كان كادو من نضال..

سكينة:مكتهضرش على تيشورت

عدنان:وعلاش؟

سكينة:نخليك غنوض لخدمة...

عدنان:اك فلعشية نتلاقاو نديك تشوفي داري

ضحكات بتحلوين:كتقصد دارناا

هزات طبليتها وخرجات..خلاتوو واقف مبتاسم..

عدنان:دارنااا.آه اطبيبة لقلب آه منك ومن ضحكتك..

تلاح ناعس فبلاصتوو وضحكاا مرسومة على شفايفو..

خرجات معندو بزربا توجهات لاول حمام...دخلات تتغسل وجها وتنفس بجهد

سكينة:رجعييي عقلك..مكاين لاش تخافي..هوا اكيد مغيتبعكش لهنااا (رجعات شعرها لور )موقع والو رولاكس ازوينة ..لخلعة متصلاحش لك

ابتسمات وخرجات

بقا ساكت للحظات..عاود نطق يونس ..بلغوات

يونس:سيي طبيب

صوتوو دااك الصوت لي مغريبش..عليه..كيقولو الجراح هوا اكثر شخص كيميز..واكثر شخص كيركز..حيت بلا هاد جوج..مستحيل يولي جراح.

فهاد لحظة .قدر يميز نبرة الصوت..ميزها من اول حرف..وتأكد منين عاود عيط ليه.ببساطة..نبرتوو لي خلات ودنو يحسوو برجفة وخلات قلبووو يبغي يخرج بلخوف على إخلاص..نبرة لي مستحيل ينساها...

دار بزربااا...كيشوف فعيون يونس العسليين..

لحظة صمت بينهم..لحظة..لي حركة بؤبؤ عينهم كانت هي لسان الناطق..

من نظراتو ليه عرفو بلي عرفو

سرط ريقوو..حس بسخونية طالعاا معاه..اخر حاجة توقع انه ايعرف بمجرد مينطق..

يونس:مرتكك أسي طبيب..

دفع عليه لكرسي..وزاد راجع لوور.

شاف فيه مبعد .وشاف فاخلاص سخفانة..

غوت بجهد .

أسيرم:إخلاااااص(شار ليونس لي مبعد )متخليوهششش يخررررج..

هزز اخلاص بين يدوو..كيجري بيها لبيااص..فحين بداو يتجراو..وسكريتي..جاو كلشي كيتجارا..ومعارفينش شكون غيشدوو..جهة لي شار لها مكانش واقف فيها غير يونس.

بدورو كان كيجري...جا سكريتي قدامو..زاد بجرا كيلهث..

يونس:هبيل هبيل دخل لمستعجلات راه داز من هنا..جريو..

زادو كيجريو فين قال لهم..فحين هوا تم خارج..بهدوء .توجه لوطو..وصا رجالوو لي كانو يعاينو يكسيرو .حيد لكمامة رماها كياخد نفسوو ...

يونس:شويا دلحشرات(حط يدو على راسو)قدر يعرفنيي من نبرة صوتي..كنت حاكرك اسي طبيب...حكرتووو...

كيفحصهاا بخووف..ويغوت كيف شي حمق...هوا اكثر طبيب هادئ وكالم ..فخدمتوو..وحالتوو دابا متتبشرش بلخير ..

متوجها عندو بجرا وحدا من الممرضات لي وصاها على نوع من الابر..مداتها ليه..شدها ويدو كيرجفوو..تا طاحت من يدو..

شافت فيه مستغربا..

...:انا نضربها لها ادكتور..

ضرباتها لها فحين هواا شدد على راسوو...كيتنفس بجهدد...

أسيرم:تاكدي من ضغطها من جديد مور خمسا دقايق

شاف لسكريتي لي جايين كيجيرو..

اسيرم:شديتوه؟

سكريتي:لاا اسيدي لهبيل هرب

اسيرم:هبيل..(ضرب بجهد طبلة ددوا لي كانت حداه خلاه يطيح لارض) وش بااغيين تحمقووو مييي فهاد لكلينيك...وش ولااا زريبة ولا اشش ليي كاليه راسوو يدخل ليييه ..ديك لمرا مخلين مريض نفسي يدخل ودابااا مجرم أااا؟آخرررر مرة فهمتووو آخر مرة لعاود دخل شي حد مهواش لهاد لكلينيك مغتزيدوش دقيقة هناا..ايي واحد حط رجلوو هناا تاكدوو من هويتوو مزيان..فهمتووووو..اي واحد

السكريتي:وخا اسيدي وش نتأكد من لي خارجين دابا؟

أسيرم:غيكون وصل لدارو..

دار بزربا لجهة..إخلاص..منين علماتو طبيبة بلي بدات تحل عينها..

زاد واقف على راسها..

حلات عينيها بثقالة..كدورها فلارجاء.هزات راسها فيه..نطقات بصوت عيان

إخلاص:أسيرم.

حط يدو على يدها وعينو كيشوفو فعينيها بخوف..

أسيرم:انا حداك (دور يدو على شعرها بلطف)غير هبط لك طونسيوو رتاحي

تكعدات كالسا..تتشوف فيه بصمت

أسيرم:رجعي تكاي.

زيرات على يدو..بجهد كتشوف فيه بنظرات ممفهومينش .نطقات برجفة

إخلاص:نتا بيخير ياك

كلس حداها كيشوف فيها ..مفاهمش مالها ..

أسيرم:هاد سؤ.

قبل ميكمل هضرتو دخلات فيه معنقاااه..

خاشياا راسها فعنقوو..حسس برجفة شفايفها..ودموعها..على لحمو..

داخلا لمستعجلات..تتمايل..

زادت عند وحدة من لممرضات.

إيناس:قالو لي اسيغم هنا في.

قبل متكمل هضرتها شارت لها لممرضة..فين هوا..هي ولي معاهاا كانو يتفرجوو..فرومانسية الطبيب لي معتابرينو ثلجة دلكلينيك..وسعات عينيها..

إيناس:?C'est quoi ça

بقاات واقفاا تتشوف فيهم..سرطات ريقها بحرقة..تفكرات نهار قالها بلي هي مرتو.

إيناس:هي نفسها..(دورات عينيها لي مغرغرين بدموع)طلعتي غير حماغة أايناس

.نطقات بلغوات:شوفووو خدمتكممم.

وزادت خارجا..

بعدات عليه تتشوف فيه..بدورو كيبادلها نظرات مفهمش مالها..

نطقات بهمس:كان غير حلم.

ميل راسو مفاهمش اش تتوشوش

أسيرم:وش نتي بيخير؟ياكما هداك وكلك ولا دار لك شي حاجة؟

إخلاص:(طلعات حاجبها)شكون هدا؟لوحيد لي دار لي شي حاجة هنا هوا نتا

تمات نايضا

أسيرم:فين غادة؟

إخلاص:لاي بلاصة بعيدة عليك..

ناضت غادة..فحين هوا ميل وجهو ساط بجهد

اسيرم:صبر اربيي صبررر..(شاف فلممرض)خلي دكتور علي فاش يجي يتكلف بلبنت.

...:وخا دكتور.

زاد تابعهاا بخطوات سراع..

واقفا حدا باب لكلينيك بغا طلب طاكسي.

إخلاص:داك شيفور وصلني ومشا قليل (ساطت بجهد)اش فيها لعايني تا نخرج..

هزات راسها منين حسات بيه واقف موراها..

أسيرم:تحركي غنوصلك انا لدار.

إخلاص:مبغاش نركب معاك.

أسيرم:مكنعرضش عليك..كلت لك تحركي

جرها من يدها وهي تدابز بغاا تنترر منووو..

حل باب لوطو ركبهاا..

وزاد راكب.

إخلاص:حل بغييت نزل...حلل

أسيرم:كلت لك متخرجيش من دار لاش جايا لكلينيك.؟

إخلاص:كضحك معايا لا؟..اناا لي خصني لومك حييت خبعتي عليا بلي راجلي تق.تل ماشي نتا تلومني حيت جيت

أسيرم:آخر مرة تعاودي تخرجي من دار بلا بيا(شاف فيها مخنزر)هضرا وحدة قلتها.

كسيراا بجهد تا تهزات..نطقات وهي تتسوط

إخلاص:دوز لدارنا نسيت تما تلفوني.

شافت جنب مخنزرا..بقا سايق فجوو دسكات تا صونا تيليي..

دارت تتشوف..لجهتوو..

إخلاص:صونيط تيلي ديالي؟

هز تلفوونها..مجاوب..عينوو على طريق..ابتسم ببرودة.

أسيرم:شفتك دغيا توحشتيني

ضحك بجهد :سي طبيب ..صدمتيني فيك..مكانش عند بالي غتقدر تعرفني من صوتي..پراافو

أسيرم:قريب غنعرف تاوجهك ماشي غير صوتك.

يونس:كنعاين داك نهار كثر منك..آه كيف بقات لمدام؟شفتيي شحال هاد دنيا صغيرة ملقات فين تسخف غير قدامي

أسيرم:بغيتي تقنعني بلي مكونتيش كتحاول تخطفها.

يونس:لالا نتا مزال متتعرفني مزيان على هاد لحساب..تيقنيي وخا تحطها فبلاصة وتعطيني عنوانها وتقولي راه تم مرتي مغنخطفهاش..(ضحك بجهد)انا واحد كيبقا عند وعودو اسي طبيب مرتك اناخدها ولكن ماشي وهي بعيدة من عينيك ..اناخدها من قدامك. ونتا تتشوف ونتا.تتغوت..ونتا تتعدب .ونتا تتقطع..ومغتقدر دير والو..عمرك بكيتي؟تيق بيا غنخليك تبكييي

أسيرم:تووء توء بلا متعدب راسك وتبكيني ..حيت ديجا بكيت بزاف دلمرات..خليني نعيش حاجة جديدة.ولا سد فمك

يونس(حل فموو ضاحك)نهار على نهار كتصدمني فيك .انا قريب نولي معجب بييك..تايق فراسك وخا نتا فبلاصة ضعيفة..تستاهل يديرو عليك كتاب تحت عنوان" نفخا على لخوا."

أسيرم:بصح وعليك كتاب تحت عنوان "داوي خاوي "حييت فيك غير لفم..كن كنتي راجل متهربش وتخبع كيف راس نعامة.

يونس:انا ماشي راجل ..كن غا نتا اسيدي راجل..ولقاني..ليوم كنت ممرض فلكلينيك..غدا اتلقانيي مول ديسير فسوبر ماركيت..واتلقاني فلمحطة دلمازوط..غتلقاني فاي بلاصة اتمشي لهاا اناا هوا خيالك. غتبقا تخايلي تا فوجه مرتك لي ناعسا حداك...انا ليوم كنت تما على قبل ماشي على قبل مرتك هي لي طاحت حدايا...كنت باغي نشوف وجهك بعد ممرتك خلات يدك..وعدي لول وفيتو..اسي أسيرم..تييك تاااك..تييك تاااك..جاا وقت وعدي تاني

أسيرم:غير قيسهااا..جرب قرب لهااا...ولباقي عليا.

قطع عليه..

يونس:ليوم نتا لي قطعتي(قهقه بصوت عالي)دغيا تتعلم اسي طبيب

شاف فييه مفاهمة والو.

إخلاص:معامن كتهضر ؟ وبلا متحاول تكد..

سكتها منين نطق

أسيرم:مع لي ق.تل معاد

شاف فيه مصدومة..نطقات برجفة.

إخلاص:ك.فااش.؟

أسيرم:هوا لي سيفط لك لورد..ومنين سخفتي جابك..لمستعجلات..كيهددني غيخطفك..على داكشي باغيك تبقاي فدار..مكولت والو فلول بغيت تا نشدو.ولكن محدك عرفتي ..عرفي كولشي.(شاف فيهاا )شي سؤال آخر؟

إخلاص(دموعها نازلين)علاش؟قت..لوو علااش؟.

أسيرم:معرفتش..كيكول بسبابي..(شاف فيها)فاش غنعرف علاش .وشنو علاقتي فلموضوع غنكول لك.(رجع شاف فطريق)لبوليس شادين لقضية..متخافيش هوا غيتشد .ونتي بقاي فدار مغيقربش لك.

إخلاص:علاش بسبابك؟اشش علاقتك نتاا بمعاد أاا..فاش ضرك باش ضروو

أسيرم:معنديش جواب.فاش غيكون غنجاوب.

إخلاص:بغيتوو يتشد بغيتوو يتعفن فلحبس..

غطات وجها تتبكي بلحس..

فحين هوا بقاا سايق..نطق بعد لحضات

أسيرم:هوا كان صاحبي..أنا عمر نفكر نضر صاحبي ولا شي حد قريب ليا..ناس لي معاشر محسوبين على رؤوس صباعي..ومستعد نعطي روحي لااي واحد فيهم.

هزات راسها فيه..دار كيشوف فيها.

أسيرم:بمعنى محد دخلت بنادم لحياتي إلا وانا قادر نعطيه حياتي..عقليي على هاد لهضرا .حيت مغناودش نكولها .

دوزات يدها على وجها..كتحاول تجمع..نفسها..مدات يدها.

إخلاص:عطيني تيليفوني

أسيرم:مهرس

إخلاص:كفاش مهرس.ونتا عاد هضرتي بيه.

هزز لاحوو من سرجم دلوطو..شاف فيها

أسيرم:قلت لك مهرس.

وسعات عينيها وحلات فمها فيها.

إخلاص:ز.غين .(كرزات على سنانها)أسييييييييرم وقاااف وقااااااااااف.

شعل راديو ..مجهدوو..مخليها تغوت..وتدابز بوحدها ..

🥀بعد ساعات🥀

كانوو مجموعين كلهم على طبلة دلعشاا..كيااكلوو ويهضروو..

فوزي:هاد سيمانة عندك عامرا؟

أسيرم:آه

عبلة:علاه هوا فين عمر كان عندو لوقت خاوي

فوزي:آه ولكن فهاد سيمانة عندو شي عامليات كياخدو لوقت.

عبلة:الله الله شوف ولدي مسكين كيف ولاا مبقاش كيشوف نعاس.ويزيد يعمر

أسيرم:كلها سيمانة وغدوز.

فوزي:تا انا عندي عامرا..راك عارف كنحاول نبني غرفة مستعجلات..تكون كبيرة..فساحة لي قدام لكلينيك..تكون خدامة 24/24 هكدا غنحيد ضغط على لي عندنا..

عبلة:وامتا اتبداو فلبني؟

فوزي:نتافقو مع مول لارض ويكون خير..

نورة:على هاد لحساب مغنديرش لحلفة فسيمانة جاية..نتا مشغول وخويا تا هوا.لمن انديرها؟

أسيرم:سوا درتيها دابا ولا من بعد مغنجيش

إخلاص:(مخنزرا فيه)ديريها لراسك ماشي ليه

نورا:اول مرة تكولي شي حاجة فحياتك هي هاديك.

أسيرم:داك لكادو.ل

نورا:آه لحفلة بلا خويا مستحيل دار (خنزرات فاخلاص)

عبلة:لكادو..نتاا باشمن وجه تتهضر؟

أسيرم(مستغرب)أنا؟

عبلة:آه نتا انا بلاصة إخلاص منزيدش معاك دقيقة كن طلقتك(شافت فاخلاص)لاش باقا صابرا عليه طلقيه .

حرك راسوو بعدم فهم.طلع حواجبو .وهوا مزير على مخارج حروفو

أسيرم:ططلااق..أشش جااب طلاق لهضرا أخالتي.؟

شافت فيها وشافت فيه..بدورها مفهماتش.اش تتقول .نطقات وهي تتحاول تفقصو

إخلاص:دابا نفكرر فلمضوع اخالتي.

شافت فيها عبلة وشافت فيه..ضحكات بجهد.

عبلة:شوفو ملامح لولد..ابشويااا عليك اولدي غير تنضحك..ولكن تستاهل تخلع شويا..قولي من امتاا تزوجتو؟شهور دازو آها وفين لخاتم؟لعرس درتوه بزربا ومخليتو نديرو نشاط كيف بغينا ولا نوجدو كيف بغينا..ولكن وخا مدرتي الخطبة موالو..على الاقل ركب لمرتك لخاتم..وخا مور لعرس..نتا نسيتيها فمرة.

هزز عينوو شاف فاخلاص لي تدور فعينيهاا..

أسيرم:ماشي مهم لخاتم كيبقا غير حاجة شكلية..

عبلة:لا مهم ومهم بزاف

أسيرم:من بعد وناخد ليها واحد..

نزل راسو كيكمل ماكلتو

عبلة:عارفا من بعد ديالك..ونتا تبارك الله غارق فخدمتك..يعني.عمر.(ابتسمات)ولكن ماشي مشكل محد انا هنااا هادشي خليوه عليا...دقيقة وانا راجعا

تمات نايضا..

نورا:بصحتكم غنوض نعس.

ناضت طالعا..تلاقات مع ماماها جايا..ساطت بجهد وكملات طريقها..

زادت عندهم عبلة وفيدها..باطات دلخاتم..

حطات وحدا حدا اخلاص ولاخرا حدا اسيرم.

هزاتها من قدامها حلاتها..لقات فيه خاتم درجال..سرطات ريقها..شاف فعبلة لي تضحك وغرقانة ففرحتها.

عبلة:لبسيه لراجلك ابنتي يلاه..الخاتم بيه كتعلمي راجلك..بلا بيه راه غيسرقوه ليك.

شافت فيه بنص عين..نطقات تحت سنانها

إخلاص:يدك

أسيرم:(بطنز)طلبيها من عمي

خنزرات فيه.ساطت بنفاد صبر..جبدات يدو عندها..لبساتو ليه..نطقات فودنو بهمس

إخلاص:غير مبغيتش نضيع فرحة خالتي عبلة اما انا رميه على وجهك

بعدات عليه شافت فعبلة مبتاسمة

عبلة:يلاه اولدي لبس لها تانتا لخاتم..كنتمنا يجييك حيت معرفاش عبارك خديتو عيني مزاني..

حل لباطة كان فيها..خاتم سامبل موسطاه حجيرة تتلمع..

لمعوو عيونها منين شافتوو..كتعشق لحاجة لبسيطة..خنزرات منين شافت يدو تحطو على يدها..هز يدها مباتسم..ركب ليها لخاتم..وشد يدها مزير عليها..جرها لعندو..وقرب لخدها .

نطق بهمس حدا ودنها..صوتو لمهموس لي خلا لحمها يقشعر.

أسيرم:بلا متحلمي بداك لموضوع.

إخلاص:إنا موضوع؟

أسيرم:طلاق.عمرك تحلمي بيه اتاخديه فحالة وحدا وانا على فراش المو.ت

قرب وجهوو منها طبع قبلة خفيفة فخدها..خلاها تخرج عينها مصدومة..شاف فيهم مبتاسم.

أسيرم:جاها هوا هداك ..بصحتكم غنوض نعس..وشكرا على الخاتم اخالتي.

عبلة:تتحمقو ربي يحفضكم

فوزي:بصحتكم (ابتسم)

حرك راسو بشكرا..وتم طالع..ثواني ناضت تا عبلة وفوزي..بقات بوحدها على طبلة..

حطات يدهاا..على خدها تتحسس مكان بوستو..نزلات يدها تتشوف فلخاتم.نطقات بزعاف.

إخلاص:قليييل الادب..

تمات طالعا عندو..بزرباا وهي معصبة.

دخلات لبيت..تدور فعينهاا مبانش لها..بقات تماا لدقايق..تا شافتو خارج من دوش .ملوي عليه فوطة ووحدا صغيرة فيدو كينشف بيها شعرو..

زادت واقفا اونفاص معاه .تتخنزر فيه

إخلاص:وش كان ضروري من انك تقرب مني قدامهم؟

حرك راسو بلا:انا لي بغيت.

إخلاص:آخر مرة (قربات وجها مخنزرا فيه )آخر مرة تعاود تقرب منييي..وهاد لخاتم غنحيدو بمجرد مرجعو لدار .اصلا انا كنك.ره لخواتم..فمابالك ندير خاتم من شي حد كنك..

محسات غير وهوا جارجهاا...لعندو...ضربات مع صدروو..تتشوف فيه..بغيظ..حاسة بريحة جيل دوش ديالو مختارقا نيفها..

أسيرم:كولتي بلي مكاينش شي سبب تكرهييني عليه ..وبلي انا كنستاهل نتبغا ماشي نتك.ره

إخلاص:امتاا قلت هادشي؟وتا لكولتو شي نهار فكان قبل منعرف بلييي نتاا خبعتيي عليا بلي معاد مماتش عادي.

أسيرم:على هاد لحساب مشاعرك دغيا تتبدل

إخلاص:على حساب بنادم..انا مستحيل ننبقا معاك كي كنت ..كنت كننحاول نعيش معاك..يعني معرفتش كنت تنحاول تنقبلك فحياتي ونعيشو فهدوء..ولكن كنت غالطا..انا دابا مستحيل نقدر نتقبلك..مبغيتش نزيد نك رهك على داكشي بقا بعيد...بعد عليا..متعاوش تقرب لياا شوف حياتك لهيييه..بعيييد

حط يدو على خصرها مقربها عندوو..كيشوف فعينيها بعيونو سوداا ..كيختارقها بنضراتو

أسيرم:هاد لهضرا كان خصك طبقيها على راسك لول..فصبح غير حلي.

قاطعاتو

إخلاص:غير حيت شفت حلم غير حيت خفت..اما انا منقربش لك..وداباا بقااا بعيد عليا(حطات يدها تتبعد فيه)قلت لك بعد ماشي قرب

قربها ليه كثر...

أسيرم:قد هكداا

تدفعوو بيدها:بعددد

كل متتقول بعد كيقربها ليه..تا حسات بانفاسوو لقريبة من وجهاا..وسعات عينيها منين تفكرات نهار باسها..بلا شعور دفعاتوو بجهد و هزاات يدهاااا نزلات عليه .مصرفقاه بجهد

إخلاص:قلتتت كنكر هك قلت لكك بعد..وشش متتفهمشش..

تتشوف فيه وصدرها كيطلع ويهبط..تتنهش بجهد ويدها كترجف..

ميل وجهوو..نطق وهوا على نفس لحال.

أسيرم:حتا مي لي ولداتني عمرها صرفقاتني..

إخلاص:أنااا مقص..

هزز حوايجووو وتوجه لدووش لابسهم...بلا ميهضرها..

خرج..بانت ليه فرشات وناعسا فلارض..

توجه لسرير..ناعس...نطق بهدوء

أسيرم:غنبعد...(سرط ريقو )غنحاول منخليكش تشوفي وجهي بزاف غنخليك تنساي ملامحو

"بعد 10 أيام"

كانت متكياا حاط رجلها على طبلاا.وتتاكل فشيبس.تتفرج.

شافت فحياة لي بدورها تتاكل..ووتبكي..

نضال:مسحي خناينك..

حياة:بقات فيا لبطلة..غتمووت مسيكينة

نضال:ومن بعد..كلنا ليها

حياة:بلا متخليني نبكي عليك اصكعة اتاخدي غير دنب..هدا لي فكرشي..غنقتلو بلبكا لوقعات لك شي حاجة..

نضال:بعيد لباس عليه..وعليا شش فمك لاحسوو كلب..انا مبيا والو غير اطباء لقلب كيبغيو يزيدو فيه.اصلا جبتك معايا باش ترتاحي على ود ولدك ونيت طلع لك لخلصة.

حياة:نرتاح؟؟؟ انا بقا فشهورة لولين مكنحس بوالو لحمد الله من غير جوع

نزلات على ماكلتها من جديد..

نضال(ساطت بجهد)أذنات العصر؟

حياة:مزال..صليتي ضهور؟

نضال:لا كنعاينك تصليها لي..

حياة:انا مزال مصليتها

نضال(خنزرات فيها)رضااا.

حياة:اش بيت نشكي عليك ..راكيي عارفاا مع غيير لحمل ولعكز وتقل

نضال:مكتحسي بوالو من غير..

حياة:صافي هاهوا سالا..اعوذ بالله من شيطان رجيم(تمات نايضا)نوض قبل متأذن عليها لعصر..

زاادت لبيت تصلي سدات عليهاا لباب..فحين نضال بقات .كالسا..

نضال:مضيعا سعتاين من وقتي باش فلخر هي تموت وهوا ينتاحر..

تماات نايضااا...منين سمعات صونيط..دلباب..

توجهات تحل.

حلات لباب ساطت بجهد...

نضال:عاوتاني نتا

داوود:متوحشتينيش ؟

نضال:علاش غنتوحشك ونتا ديماا خارج قدامي.

زااد داخل كلس على لفطوي..

داوود:كنتي تفرجي؟وفين لغليضة؟

غوتات من مور لباب

حياة:الغليضة هي مكك

نضال:ويااك تتصلي.

حياة:اتنقلب على داك زيف طويل

نضال:راه مور لباب.

زادت عندوو..مخنزرا.فيه

نضال:مكولتش لك دخل لااش داخل؟

داوود:(هز شيبس كياكل)نتي طبيبة عارفا هادشي ماشي صحي علاش كتاكليه(هز راسو فيها)كوليي لي ينفعك

نضال:وش سوقك ناكل تا سم.

داوود:آه سوقي لبغيتي منتسوقس..بداي علاجك.

نضال:غيير تتعدب رااسك..نفس نوطة دكل نهار..ونفس لجواب اتبقا تاخد على داكشي بلا متبقا تجي لعنديي..

تم واقف..دوز يدوو على شعروو..سااط بجهد

داوود:وششش بغااا تحمقينييي بغااا تجهلينييي...أاااا؟؟لكونتييي بغااا تمو تيي لشااا داخلااا لحياتي من جديد..كن متيي ونتي بعيدة..نسمع خبارك من ناس

نضال:تا دابا أنا بعيدة ..غير نتاا لي بقاا بعيد...انا بغا غير نشوف بنتيي فهمتي شي اخر متيهمنيش

داوود:قلت لك غنخليك تشوفيهااا..ولكن تتاتعالجي..فاش غتولي بخير غنخليك تشوفيها.

نضال:لاا..بغااا نشوفهااا قبل..اش يعرفني انا بلي غنقدر نشوفها مور منتعالج.

داوود:نتيي عارفاني فاش كنوعد كنوفيي

نضال:آه عارفا..ولكن نقدر.نمو ت يعنيي وعدك مغيكونش عندو اهمية..

قرب من هاا خشاا يدوو فشعرهاا..مقرب وجها من وجهوو..

داوود(بغضب)شوفييي فيااا شوفيييي غتعاودييي تجبديي علييك لموت غنطقع لك داك لساان فهمتيييي وششش فهمتييييي

حولات نضرها لجهة لخرا وعينيها مغرغرين..

نضال:بابا وخويا مشاو على غفلة..كنضن هادشي عندنا وراثي..

دفعاتو مبعدا عليه..مسحات دموعها قبل مينزلو..

نضال:ماعلينا ماشي سوقك فيا ..كيف انا مكنتسوقش سوا متي ولا حييتي.

دااوود:متتسوقيش.

عطاتو بضهر

نضال:آه

جبد سلاحوو..حطو على راسو..

داوود:فاش غنموت غنبقا نزورك فاحلامك اكيد لخايبة..يعني تا وانا ميت مغنتفارقش معاك تا تعالجي

دارت تتشوف فيه

نضال:اش تتخربق نتت..

تكوانسات منين شافت سلاح..على راسوو.

نضال:نزلوو هداك عطاوه لك لخدمة ماشي لعب ..

حط يدو على زناد:اكيد مغيعاقبوش واحد ميت حيت ق تل راسو بسلاح خدمتو.

نضال:نزلووو المريض راه مكيلعبوش بيه

داوود:ياك متيهمكس مو تي؟

نضال:اه متيهمنيش ولكن مو ت فجهة خرا ماشي فدار

غوتات بجهددددد منين برك على لزناااد

تتشوف فيه صدرها كيطلع ويهبط..شهقات بجهد خلات دموعها نازلين...

حاسة بقلبها ايخرج..

تصدم من ردة فعلها

داوود:لاش تتبكي؟ راه محيد رصاص مغنقدرش ندخلو عندك برصاص حيت عارف غتجهل...

سكت من حس بيهاا دافعاه

نضال:نتاا حما ر أاا وش هادشي كيضحكووو بيه ناس أاا دويي الحمااار

بقاات تدفعووو..وضرب فصدروو بجهدد..وتغوت.عليه..فحين هوا واقف بلا اي ردة فعل..

نضال:نتاااا باغييي توقف لي قلبي قبل ميوقفوو لي لمرض

(هزات يدها لي كيرجفوو كتمسح دموعها)

قرب منهاا جارها لصدروو معنقهاا..

داوود:سمحيلي انا عند بالي مغتخافيش عليا

نضال:بعددد منييي..طلق بعد انا خفت على بنتي لي غتعيش بلا اب .. بعد منيي

هزز ليهاا راسهاا مخليها تشوف فيه..وعيونها مغرغرين بدموع.

سرطات ريقها ساكتا..نسات تا اش كانت تتكول..

داوود:تيقينيي لوقعات لك شيي حاجة..تيقينيي .لمتعالجتيش..غنعنعمرو برصاص وغنخويه فراسي دبصح

حط يدوو فخدهاا..كيمسح دموعها..صغرر..عينووو..

داوود:اعتابريه وعد ونتي عارفا كن

سكت ..منين حس بشفايفهاا على شفايفوو مسكتاه من انه يهضر مزال

حس برجفة شفايفهاا على شفايفووو...حاس بدقات قلبو تتسارع..كان قلبووو غيخرج من صدرووو...

بركاا ن كان خااامد لسنين...وفار بمجرد قبلة ..منها..

قلبووو لي عرف بليي هاديي لي قرباات حبيبتووو لي فقد لسنين .طويلة..باغيي يخرج ..باغي يمنعهاا تبعد مزال..حيت بلا بيهاا..كيدخل فسبات طويل ..سبات كينسا فيه انه موجود

بعدات عليه..تتشوف فيه..كيف كيشوف فيها..كتبع حركة عينوو..

الصدمة باينا على وجهوو..مبادلهاش لقبلة..بقااا جامد بلاصتو بلا تا شي ردة فعل..بلا تاشي حركة .

حطات يدها على شفايفها

نضال:سمحليي أنا مع..

جرهاا لعندوو بجهد ..شد وجهاا بين يدوو..كيشوف فيها بعيونو ناعسين ودايبين فيها .

حطط شفايفوو على شفايفها .هاد لمرة انساجموو مع بعض..

رجع بيهم زمااان لوور ..لنفس شوق..نفس شوق قبلتهم الاولى ..لي كانت من بعد زواجهم

بعدات عليه بزرباا..منين سمعات لحياة تتغوت..حلات لباب

حياة:ارسووول الله اش طرطق لاش تتغ.

سكتات تتشوف فيهم

..شافت فنضال لي تتمسح فمها..وفداوود لي كينهش..وكيدوزو يدو على شعرو

حياة:العصر تتأذن..بالي بلي خصك تعاودي لوضوء

هز تيلي ديالو منين صونا

داوود:كيعيطو لي من لخدمة نخليكم..

تم خارج..فحين حياة بقات تتشوف فنضال لي شادة على شفايفها مصدومة..

نضال:اش درت انا

حياة:والو غير كنتي اديري ليه فريو كريو

نضال:(خنزرات فيها)صبرر اربيي

بحالا نعستو؟

فلڤيلاا..

كانت نازلاا من دروج بثقالة..تلاقات مع نورة طالعا..شاف فيها..

نورا:باقي مقاديتي راسك؟

إخلاص:مزال لحال.

نورا:اشمن مزال لحال..معلينا كنت جايبا لك هدا ناس فلحفلة ايكونو لابسين لبيض..وهدا من تصميمي..غيجي معاك..

بقات تتشوف فيها بسكات

نورا:آه مالكي راه ماشي حبا فيك عطيتو لك..راه صممت تا لماما وبابا بغيت عائلتي يلبسو من تصميمي

شدااتوو من عندها

إخلاص:شكرا.

نورا:اه بصحتك..غندي هدا لماما.

تمات طالعا ..وقفات منين هضرات اخلاص

إخلاص:واش اسيرم غيجي؟

نورا(هزات كتافها)طلبت منو يجي والله وعلم راه غارق فلخدمة.

حركات راسها بوخا..وهبطات..

عشر يام كلها مشافتوو ..لي عارفا انه غارق فلخدمة فلكلينيك..مجاش لداار وملمحاتوش وخا غير من بعيد..

حدهاا وصلهاا تلفون جديد مع فوزي مصيفطو لها

🥀بعد ساعات🥀

كان صووت الموسيقى الهادئة مسموع.مع اصوات الضيوف لي بداو يوصلو .

انوااار كثيرة..مزينا لڤيلااا..من الداخل..وجردة من براا..

ديكور فلابيض..مازج بين الورد البيض..وثوب الحرير البيض لي على طبالي المعروضين..

صوت لكيسان..دلمشروبات لي تتفرق على الحضور بدورو..مسموع..

شدات كاسها...تتشوف ففوزي

عبلة:وش اسيرم مغيجيش؟

فوزي:معرفتش

عبلة:عيق على مرتو غبر بزاف

عبلة:ورااه عندو لخدمة او وش يخلي ناس تموو ت.

عبلة:(تنهدات)اوفف ياربي يجي(وسعات عينيها بفرحة منين شافتو)هاهواااا جااا ولكن شكون هداك لي معاه؟

فوزي؛معرفتش يمكن صاحبو.كلسي خليه تايجي عندنا

دااخل مع داوود بخطوات تقال..لابس قاميجة لي جاياه لاصقا على فصلاتو مع لاڤيست ديالها فلبيض..مع سروال كحل.

مخلي شعرو رطب معنكش كيف عادتو..

فحين داوود..لابس كوستار كولو فلبيض..

داوود:حاولت لقاا وش عندوو شي قضية قبل ولكن حد الان ملقيت والو قلبت فكاع لقضايا لي كان شدهم لكومسير لقدير دشهر قبل مو ت معاد

أسيرم:علاش بضبط شهر؟

عاود ليه على هضرت لولد

أسيرم:ماشي ضروري شهر هوا شهر..يقدر بنادم يقول شهر .وهوا غيكون كتر من شهر يا وسيمانا ي.

داوود:ولكن انا كيفاش مفكرتش فيها..ضوسيات تاريخهم مضبوط يعني للقضية لكانت قبل شهر ونهار فانا مشفتهاش(حط يدو على شعرووو)برب تا طلعت حمار..ماعلينا مجاك منو تا ابل فهاد ليام؟

أسيرم:,لااا اخر آبل وعدني غياخد مرتي قدام عيني..وانا هاد ليام كنت مشغول...

داوود:ومرتك خليتيها ب.

قاطعو

اسيرم:انا عارف وهي بعيدة على عيني اتكون مرتاحة..ورجال راه حاضيينها..هوا كال غيكون بحال خيالي ولكن اكيد مكانتش عندو لفرصة يدخل لغرفة لعمليات..فحين هاد لحفلة وهاد لبشار انا متأكد غيحضر(حط يدو على كتف داوود)على داكشي طلبت منك تحضر

كانت نازلا من دروج..لابسا كسيوة فلبيض تتجرجر فلارض ..بحكم انها كسوة طويلة..موردا بورد بيض..يديها ومن فوق صدر عندها ثوب شفاف كيبين لحمها..

طالقاا شعرهاا..دايرا مكياج باين..يصلاح لمناسبة

بانت لها نورا بدورها خارجا لابسا كسيوة بيضة لاصقا على طايتها معرياا جهة ضهررر..طالقاا شعرهاا..ودايرا فراسها تاج دلورد مع مكياجها لخفيف

وقفات منين شافت اخلاص

نورا:تحركي دغيا راه لحفلة بدات

إخلاص:لحفلة ديالك هي لتحركتي نتي.

نورا:الكسوة جات معاك..بكم انك رقيقة هاد نوع لواسع كيواتيك.

إخلاص:معرفتها مجاملة ولا معيور

زادت خارجا ونورا تابعاها..مبتاسمة بحقد

وقفااات تتشوف ..حدا لباب

..بدااات تتحك فيدهااا...وعينيهااا...على ناس واجواء لحفلة..

.كتقلب عليه بعينيهااا...معارفاش فين غيكون خاصة انه مكانش حامل يجيي لحفلة..نهار لول ولكن داز لوقت ويقدر يكون بدل رأيوو

بدات تحك بجهد من لول....حاااس بداتهاا كلهاا تاكلهااا...حاساا بشيحاجة تتاكل من لحمهاا...تتحك بجهد تاا سيلات دمها..

رجعات لور بغا ترجع دخل لڤيلا..

شداتها من يدها موقفاها.

نورا:فين غادا لحفلة يلاه بدات زيدي تخرجي؟

إخلاص:طلقيي منييي(نزلوو دموعهاا )طلقييييي

مبغاتش طلق تتشوف فيهاا مبتاسمة بغيظ..

دفعاتها اخلاص..وبدات تحك بجهالة...وتتحيد فكسوتهااا..تحت انظار الحاضرين

لي غير سمعووا غواتهم شافوو جهتهم..

وبداو يوسوشو مع بعض

"اش تدير هاديك..؟لاش تتحيد فكسوتها.؟"

فحين هي مهمها لا ناس ولا تا حاجة حاسة بلحمهاا كيتقطع...

قطعات ثووب رهيف لي على يدها وفوق صدرها..وبدات تحك بجهالة..فحين نورا شادة فيدها حالفة مطلق

إخلاص:طلقييييي طلقيييي خليني ندخل..

نورا:حفلتي وانا لي كنقرر شكون يحضر وشكون لا..

بدات تجرر فيهاا لوسط ..لحفلة.

نورا:حيدي من حدا لباب باش تباني لهم مزيان .ضوء (شارت لپولا لي فوقهم)لي هنا خفيف ومع تقويسة دلباب نن زيدي باااش تبانيي

بصوت عالي

نورا:يلاه احبيبة متخافيش مكاينش ناموس هناا..

غوتات بجهد:طلقيييييي منيييي طلقيييي

غوتاتهم تزاد وخلا ناس يتجمعو لجهتهم

نورا:بلا متزيدي هما زادو عندك

حطات يدها فوق صدرهاا تتحك..وتبكييي..حاسا بروحها غتخرج..دفعات نوراا تاجابتها لارض ..

وهي طايحاا شافت فيها مبتاسماا منين شافت بلي لكسوة قربات تنزلها على صدرها..

غوتات بجهددد دايرا يدها على ودنها ...منين ضربات رصاصة جهة لپولا لي فوق راس إخلاص...

خلاتها متبانش وخلات ضيوف يغوتووو ويهربوو

دخاان خاارج من السلاح لي شااد فيدووو...

نزل يدووو مدد سلاح لداوود ..

شد سلاح من عندوو كيشوف فيه مصدووم..ملاامح وجهوو لي كيفوروو بلغضب .ومكيبشروش بلغييير ...عينوو ولات نقطة ددم..وعروق راسوو برزووو وهوا كارز على سنانووو بلعصب.

داوود:عندااك دي..

مخلااهش يهضررر...زاااد بخطوات سراااع ..وهوا جامع لكمة يدوووو...

دايز بين ناس لي تتغاوت وتهرب..شدووو فوزيي من يدوو..لي شافو فاش ضرب بسلاح.

فوزي:اشش درتييي لاااش مض.

سكت منين شاااف فيييه..يعيونو لي كيجلدو بسياطهم...رخف قبضة يدوو...خلا يزيد وهواا بقا يمسح فعرق راسوووو..

زااااد واااقف...حدااا..نوراا لي طايحااا..

نزل لمستواااهااا...جرهاا من شعرهااا...مقرب راسهااا منووو..

حاسا بشعرها ايتفصل على راسها..وهي موجوعة نطقات

نورا:ايي ضريتينيي..

هزات عينهاا فييه..سرطات ريقها منين شافت نضراتوو لي ركبو فيها لخوف.

أسيرم:شوفييي فيااا...وبرب العزة ويطلعع عنددك يدد فهادشيي لي وقع..تااا منخليي لكلاب مينهشووو فييك فهمتييي.

ردخ راسهاا لارض.

اسيرم:راااجع لك

زاااد داخل بخطواتوو لسرااع...

توجه...لداااخل..كيدور فراسوو مبانتش ليه...طلع دريكت لبيت...

مع لحلة دلباب كيسمع لدموعهااا...ولشهقاتهاا..

كاانت واااقفااا غير بدوبياااس...كتتحككك بجهدد ...

هزز عينوو كيشوف فيهاا...كيشوووف للحمهاا لي كولووو حمر...ودم سايل منين حكاات...

هزات راسها فيه..عنقات راسهاا بيدهاا تتحاول تغطيي راسهاا..

إخلاص:م م

بغات تهضر مقداااش..تحرج لحروف...غيير شهقتهاا لي تتخرج...

سرط ريقووو...كيحاول يسرط غصتهاا...حالتووو قطعات قلبووو...

زااد عندهاا بخطوات..ثقال..وهي راجعاا لوور..يد تتحاول تغطي بيها ويد تتحك بيها..

قرب واقف ..حداها شد لها يدها لي تتحك بيهاا..

أسيرم:متحكييش..ومتحشميش..اعتابريني طبيبك..

هزات راسهاا فيه...رموشهاا مثقلين بدموعها..وعيونها حووومر..مغرغرين..نيفهاا حمر وشفايفها كيرجفو

بغات تنتر يدها ترجع تحك..حرك راسوو بلاا...

جرهاا...لدوش..

مدخلهااا تحت..رشاشة..

خرجات شهقتهاا..منين حسات بلاا باررد نازل على لحمهاا.

حط يدوو على خدها..

أسيرم:حاوليي تنسااي..شوياا وغتخفاف..

حركات راسها بلاا..هزات يدها تتحك من جديد..

شد يدهاا عندوو..

قربات حاطة راسهاا على صدروو..كتحاول تحجب من انه يشوف جسمها لعريان قداموو..

قربهاا منووو خلاا قلبووو يضرب بجهد..حاااس بيييه غيخرج..مغينكرش انه تفتن بيهاا..وهي عريانة..تفتن وشعرهاا لفازك ناازر على صدروو..

لكن هاد لفتنة كلها ماكنتش اشد من لغضب ليي مكتااسيه..ومسيطر عليه..منضرهاا وهي تتحيد حوايجها ونورا شداهاا متحيدش من بالوو وممشاش قدام..عينوو...هي امانتوو لي واعد يححميها من عينو..وليوم مقدرش يحميها من عيون ناااس..

نطق بصوتووو لي كيرجف بلعصب

أسيرم:نوراا يااك..هييي لي عطاتك لكسوة..ومنعاتك من انك دخلي فاش شداتك لحكة..(سرط ريقوو بحرقة)هي ياك.

إخلاص:بلا مدخل نتاا حسابي انا غناخدو منها

زيرر على لكمة يدوو..

مبعد عليهاا..

أسيرم:محدك مرتي الى وحسابك هوا حسابي.

تم داير خارج..وقف ..منين شدات فيدووو..

دار كيشوف فيهاا..وهي مقرباا منوو..ولما نازل على وجهاا..نطقات وهي تترجف

إخلاص:متمشييش

ضحكككك بجهددد..وهوااا كيشوف فلمنضر ليي قدامووو...

واقف بلباس لكارصون.حط صينية .لمشروبات .هززز كاااس دلعصير نزل..عليه..شاف فواحد من رجالو واقف حداه.

يونس:وش متأكد هدا طبيب؟كيعرف يخدم سلام حسن منك متاكد كن كنتي بلاصتو كن جبتيه فراس لبنت(ضحك بجهدد )

....:بناادم لي كيحل راس عباد الله بلا مترجف يدوو..اكيد انه يصيب بولا حاجة ساهلة بالنسبة ليه

يونس(شار لداوود لي واقف)هداك ليي عطاه سلاح هواا لكومسير جديد ياك؟

...:آه اسيدي.

يونس:(حرك راسو باه)نتمنى يبقا بعيد من ساحتيي..ولا غنضطر نبعدو.

....:اش غنديرو دابا اسيدي؟

يونس:لحفلة سالات.قبل متبدا..مكاين لمن نعطيو لعصير..خلينا نمشيو لمخزن خنز دنيا.

هز صينية..وتموو غاديين..وقف منين .سمع شخص عيط ليه كارصون.

شاف فجهة شخص لي معاه..مكانش هاز صينية فيدو شار ليه باش يمشي..فحين هوا.

دااار بثقالة..شاااف فييه..ابتسم منين لقااه لكومسير.

يونس:نعاام اسي لكومسير

زااد عندوو داوود بثقالة..وقف اونفاص معاه.

داوود:ديي معاك هاد لكاس.

حطط لييه لكاس فصينية.

ورجع لوور..فحين يونس تحرك..

بحالو.

زااد خطوات مبعد على لكومسير..حط لكساان..على وحدا من طباليي..وخرج..

كيدور عينوو فجردة..كولشي مشاا..وتا من مالين دار..دخلو لڤيلا..بقا غير لكراد كيدورو..ولخدامين..

عنكش شعروو..وهوا كيتفهوه

داوود:عمر حضرت شي حفلة وطولات

خشاا يدوو فجيبووو وتم ..خاارج..

وقف منين شااف لصينية لي محطوطة على طبلة..

عرفها ديال داك لكرصون بكاسو دلعصير لي كان عامر...

صغرر عينوو...وسععهمم منين تفكرو قال ليه"نعاام أسي لكومسير"

جملة لي مولف يسمعها ومعطاهاش اهمية..لكن هنا فلحفلة غير اسيرم لي عارفوو كومسير

ميل رااسووو كيدوز لقاءهم...بين عيينووو...من وقفتووو وهضرتوو وثقتو فنفسوو .غيعرفوو لواحد بلي مستحيل يكون كارصون عادي فلحفلة..جبدد سلاااحوو

داوود:لقيييتك

زااد بجرااا..خارج حدااا لباب..كيدور فعينوو مباين حد...ثوانيي دازت سيارة سوداا من حداه .

شاف بلي من زاجة كيطل نفس لكارصون..

دار ليه باي باي بااس جووج صباعو رماليه بوساا فلهواا..

شاف لوطوو..تا لبلاكة معندهااش...ضحكك بجهدد منين غبر من قدام عينوو..

داوود:(كارز على سنانو )ارااا مطير اولد لكلبة غنشد غنشدك

زااد داخل وقف قدام صينية..تفكر بلي كان لابس لكات منين كان هازهاا..

دفعهاا لارض وتم خااارج..

سرطات ريقها مكملا..هضرتها

إخلاص:بلاا متقرب لهاا قلت لكك خليني أناا .

خلاهااا تتهضر وتمم..خاارج..

كان نازل فدروج..بانت ليه طالعاا...تكوانساات بلاصتها..منين شافتوو..رجليها جمدو عليه..يلاه بغا دور تهرب ..محسات غير وهوا شادهااا من عنقهاا قاجها..

هابط وهي راجعاا لوور..

درجة درجة ..ودموعها نازلين..خايفاا طيح وخايفاا تمو ت مخنوقة.

أسيرم:اششش كلت لكك أاا...أشش كلت لككك...كلت لكك للقيت عندك يد فلموضوووع...مغنخليي لكلاب مينهشوو فيييك..

كتبعد يدوو وتحرك راسها بلاا..عينيهاا خارجين ودموعهاا نازلين..

تم داخل عمو ومرتو..زادو بجرا كيفكوها منوو لكن..بلا تاشي ردة فعل..منوو .عينو تعماااو بلعصب..

أسيرم:بغيييتييي تعريهااا قداام ناااس دوييي بغيتي تخلي لياا مرتييب اناا يشوف فيها لي يسواا ولي ميسوااا..أاااا

هزز عينوو فعبلة لي تتبكيي...شاف فنورا لي روحها اتخرج وجهاا حمر وعينيها خارجين

دفععها هزز يدوو مصرفقهاا جايبا لارض...مخليهاا تنفس ودموعها نازلين..

نزل لمستواهاا...شدهااا من فكهااا...مزيرر عليهااا..

أسيرم:شوفيييي فيااا شوفييي مزيااان..لعاودتيي قربتيي منها ولاا درتيي فساحتهاا..غنسااا بليي راكييي فمقام ختييي تيقينيي مغرحمكششش

ردخ لهاا راسها لارض..غوتات بجهد وهي..تتوجع..تتبكيييي وتنخصص

شاااف فيهم وجهوو حمرر وعروقو خارجين صدرو كيطلع ويهبط..كينهش بجهد..كيحاول يكالمي راسوو ويكبح غضبو.

اسيرم:أيي واااحد هضر معاهااا من ليوووم أي واحد قلل منها من ليوووم مغيلووم غير راسوو فهمتو..(خنزر فنورا)ليوم مدفنتكش غير على وجه خالتيي وبربيي وتعاوديي تقربيي لهاا..مغادي رحمك

بعدات راسها لور تتزحف ملامحوو خلعوها جامي صعر عليها هكدا...

ناضت تتجري مخبعا مور باباها

نورا؛مدرت والو انا معرفتش اتحسس من ثوب لكسوة تيقني ابابا

(كتبكي بجهد)خنقنييي كان غيق (تتكحب)تلني

شاف فيها وشاف فيه..

نطق بالغوات

فوزي:خررجتييي على طوعك ..وش شوياا دلحكة يستاهل هاد لحالة..هي مكانتش عارفاا .

اسيرم:وش نتااا معارفش بنتك اش تتسواا؟

فوزي:بنتي متكدبش عليا..وش على قبل مرة عرفتيها لبارح غتدفن ختك ااا؟هادشي مبقاش هوا هداك تحكم فاعصابك..احسن مدير هوا انك تفارق مع سباب هادشي قبل متزيد تخرج على طوعك وتخليني نتصرف معاك خايب

سد عينوو وحلهم...حااس بسخونية طالعا معااه..فهاد لحظة مكرهش يحرق دنيا ولي فيها

اسيرم:نتفارق معاها.(بالغوات)كنقووولك مرتيييي مرتييي ماشييي وحدة من بنات ليل ليي تتعرف مغيفرقنيي معاهااا غااا لموووت فهمتييي مغتفرقني لا نتااا ولا بنتك ولاا غيركم..مرتيييي هاااديييك مرتييي شرفيي لي كان كيتعرااا قدااام نااااس ولكن ناس لي بلا شرف اش فهمهم فشي شرف

نطقات باستفزاز

نورا:ش هاد لمستوى وليتي تهضر فيه مع بابا مبقيتيش تتحتارموو كاع ..ولكن اش يستناا من وااحد مزوج مرت صاحبو لي باقي منشف تاا قبرووو..وانا لي خصني نغوت عليك حيت ضيعتي لي حفلتي ماشيي نتاا

شااف فيها ...تم غادي عندهاا

أسيرم:غتسدي فمك ولا غنهرسووو لمككك

تخبات موور باباهااا..

نورا:بابا

زادت هاربا طالعا فدروج

عبلة:تهدن اولدي تهدن مديهاش على هاد قليلة لعقل..(شافت فوزي)حنا كنا بعاد مشفنا والوو..من الاحسن تسكت. وتخليهم يحلو كولشي بلعقل

زااد فووزيي واقف اونفاص معاه

هوا كيشوف فيه..كفاش كيزفر..وصدرو كيطلع ويهبط..كفااش ولاا كيف شي حمق..وهوا طول عمروو شخص بارد ..ابرد من الثلج..كفااش كان ايقتل بنتوو قدام عينو كيف شي وحش..مكيرحم

هز راسو فاسيرم.

فوزي:ندمت...ليوم ولاول مرة ندمت..

ابتسم باستهزاء

اسيرم(ابتسم باستهزاء)اكيد خصك تندم .حيت ولدتي بنت بحالهاا

حرك راسو بلاا

فوزي:لا ندمت حييت عتقتك من الموت و تبنييتك

يتبع...