تزوجتها بوصية زوجها الجزء التاسع

كيشوف فييه بلاا مينطق تا شي كلمة..حرك راسوو ..

وتم طاالع..

حاطة يدهاا على فمهاا..دموعهاا نازلين..

زادت عند فوزي.

عبلة:وشش عااارف شنوو كولتي أااا...وش عارف شنوو خرجتي من فمك.

زااد محرك من قدامها بلا مينطق.

عبلة(بالغوات)نتااا ليوم خليتي قبر خووك ومرتوو يتشق..كيف خليتي قلب ولدهم يتشق

طلع لبييت .حل لباب..ملقاش لهاا..اثر..يلاه ايخرج..وهي تبان ليه من سرجم واقفاا..برا تتهضر مع لكارد..

تم نازل..بزربا..خرج من لباب..دلكوزينة..لي دغيا كيخرج لجردا..

زاد عندها..جارها من يدها

أسيرم:فيين غادا؟

إخلاص:(هزات عينيها فيه بهدوء نطقات)مخلاونيش نخرج

اسيرم:(بالغوات)سولتتتتكككك جاوبينييي بلاااا متصعريي ميي

وسعات عينيها من غواتوو عليهاا..جاوباتو بنبرة حادة

إخلاص:مغانجاوبش حيت مااشيي سوووقك ندير شنوو مبغييت بلا مدخل لي فحياتيي..

أسيرم:عندااك تنساااي بليي اناا راجلكك...الى مدخلت انا شكون ايدخل ااا؟الى معرفت انا مرتي فين اتمشي ف12 دليل شكون ايعرف ااا؟

إخلاص:راجلي على لوراق ..وكن سولتي بالادب بحال ناس كن جاوبت..ماشي بلغوات فهمتي نتاا داخل صااعر..

تمات غادة..جرها من يدهاا تا ضربات فصدرو..حوطهاا بيدو...

أسيرم:.(قرب وجهوو من شعرهاا..خاشيه فيها)

إخلاص:اش تدير اااا..

قاطعها

اسيرم:(بصوت خافت)سمحي ليي مكانش خصني نتعصب عليك كان خص نسول بلادب.اك.نتي غير جيتي فطريقي.

كترمش عينيهاا...حاسا بقلبها عند فمها...دقاتوو تتسارع..وهي مخشيا فحضنو دافئ..بغات تبعدوو بغات تغوت..ولكن مقداتش..قلبها رافض يخليها تنطق..

سرطات ريقها..خرجات حروف مثلعتمة

إخلاص: م م مبغيتش نبات هنا كنت غنمشي عند نضال (سرطات ريقها)ببعد انا

أسيرم:غير ليوم ...بلا متكولي تتكر هيني غير ليوم..تقدي تكر هيني غداا وبعدوو وحياتك كلهاا ...ولكن ليوم متكر هينيش

هز راسو فيها..

شافت فيه..عيونوو حومر..مصغرهم..

إخلاص:تقدر تبكيي غنفرح لشفتك تتبكي تقدر تبكي.

(خشاا راسوو فعنقهاا ويدو محاوطينهاا)

هزات يدها مور ضهروو...يدها كيرجفوو..بغا تحطهم وهيي مترددة..

أسيرم:..كاع لي بغاوني تحت لارض بغيت غير واحد..ميكرهنيش فوق لارض..وااحد..يخليني نبقاا فوقها مزال..وااحد

حطات يدهاا معنقااه عندهاا..

إخلاص:ليووم مغنكرهكش (سرطات ريقها)ليوم غنبغييك

كانت كالساا..فوسط دار..حاطا لبيسي قدامهاا..

دايرا نضارات شوف..مخليا شعرها مطلوق

تنهداات..بجهد .

سكينة:غدا خصني نمشي لكابيني ديالي

ساطت بجهد..حيدات نضاضر .وتمات نايضا متوجها لكوزينة..كانت لابسا بيجامة دنعاس..بياسة وحدة نص كوم وفوق ركبة..

جبدات قرعة دلما..عمرات لكاس كتشرب...خرجات عينيها مخلوعةومنين..حسات بشي حد كبحل لباب بساروت..

سرطات ريقها ولعرق نازل من جبهتها حاسا بقلبها ايخرج من بلاصتو..

بزرباا هزات لموس فيدهاا..وتمات غادة بثقالة...

طلع حواجبو مستغرب منين شافهاا..منين شافها خارجا من كوزينة ولموس بيدها..

تنهدات بجهد ...

سكينة:هدا نتا..انا كنت بغا ناكل تفاحة،(ابتسمات)

عدنان:انا عند بالي بغا تاكليني.

ضحك لها وتم داخل..

سكينة:وش ليوم مخدامش..

حرك راسو بلا.

عدنان:لا ليوم غنستعمر ليك دار

سكينة:اوا انا لي ستعمرتها..غبتي عليها تا حسيتها ديالي.

ابتسم لها:خودي راحتك

سكينة:وش تعشيتي؟لمكليتيش نعمر لك كنت درت لعشا.

عدنان(طلع حاجب مهبط آخر)نتيي درتيه؟

سكينة:مالك حكرتيني..كنعرف نطيب.

عدنان:آه كتعرفي طيبي لقلوبا.

ضحكات بجهد مصغرا عينيها.

سكينة:خليني نعمر لك تشوف تا تطياب لماكلا.

عدنان:منكولش لا .بصارحة قهراتني لماكلا دلكلينيك..غندخل ندوش بلخف ونجي.

حركات راسها بوخا..

توجهات لكوزينة..فحين هوا توجع لبيتو..

دقايق معدودة..تاا تم.خارج..لابس تيشورط كحل وكيطمة فنفس لون.مع كلاكيط .مخلي شعرو لفازك معنكش

استنشقات عطرووو..وتبسمات.

سكينة:ريحة جيل دوش ديالك تتحمق.

زااد واقف حداها..

عدنان:عينيك لي زوينين(ضربها بصبعو لنيفها)زعما نيفك لي زوين..

هزات لبلاطو دلماكلا..وحطاتو على طبلة دلكوزينة..

سكينة:عاودت سخنتها لك..نتمنا تعجبك

عدنان:ريحتهاا..كتحمق

سكينة(عنكشات وجها جامعا نيفها)نيفك زوين.

زااد كالس..كياكل..ويتبنن..هز يدو على شكل جيم.

عدنان:معندي منكول لك .مرا ددرار..اش بان لك تبقاي ديما تسكني هنا؟

ضحكات بجهد :اه اه اسيدي باش نبقا نطيب لك ديما

عدنان:ومالها لمطيبتي لراجلك لمن اطيبي؟

سكينة:راجلي؟

عدنان:علاه بغيتينا نسكنو بلا زواج؟

بعد عليهاا..

أسيرم:خلينا نمشيو لدارنا.

هزات راسهاا فيه..كتشوف لشعروو لمبلل وحوايجو.

إخلاص:بدل حوايجك بعداا.

شدها من يدها..توجه لوطوو ديالو..حل لها لباب..تركب..وبدورو زاد راكب.

كدور فراسهاا..تتهدات وهي تتشوف فيه.

إخلاص:كن غير بدلتي حوايجك بعدا ونمشيو..هكدا غتمرض.

أسيرم:انا بيخير.

كسيراا متوجه لدار...فجوو دسكات..وقف لوطوو..

إخلاص:لاش وقفتي؟

أسيرم:شويا ونجيي.

حركات راسها بوخا..تم نازل فحين..هي بقا فلوطو متكيا..ومرا مرا تسوط على لحمها لي باقي كيكلها..

دقايق معدودة..تاا ركب فلوطو..

حط ميكات فلكراساا لور

إخلاص:اش هداا؟

أسيرم:تقدية لدار .

مد ليهاا كيس دلفرميسيان.

شداتو مستغربا.

أسيرم:هاداك دواء غتشربيه مور لماكلا..والبوماضا لبيضة لبلاصة لي تتاكل.ولحمرا.لبلاصة (تنهد),لي جرحتي فيها راسك.

حركات راسهاا بوخا..

كسيرا من جديد وعينيهاا عليه..

مستغرباا كيفاش هضرتو قليلة..حدو يشرح..ولا يجاوب..من ملامحوو وهضرتوو عرفاتوو ماشي بيخير.

إخلاص:أسيرم

أسيرم:(عينو على طريق)نعام؟

إخلاص:أناا بيخير يعنيي..الحكة مبقاتش مجهدا..وشي لي وقع صافي داز..مكاين لاش تبقا مقلق.

شاااف فيهاا..بلا مينطق وحولو نضروو لطريق..تنهدات بجهد..حطات يدها على راسها متكياا..على زاج لوطو..هزات تيلي كتخربق..

صغرات عينيها منين لقات مساج من عبلة فواتس

"وش ابنتي اسيرم معاك طمنيني قلبيي بقاا مقبوض عليه؟

جوباتها دغيا.

إخلاص:آه اخالتي حنا راجعين لدار.

عبلة:الله ريحتيني منين راه معاك..متخليهش بوحدو ليوم.

وسعات عينيها..تحت سنانها

إخلاص:بحالا هوا لي كان يتعرا قدام ناس

شافت فيه ضاحكا منين شاف فيها.

إخلاص:كنهضر بوحدي(حولات نضرها لتيلي منين جاها مساج آخر)

عبلة:عارفاك كتقولي مال هادي كتسول على ولدها وانا لضريت.ولكن نتيي ضريتي فلحمك..هواا تجرح فقلبووو..دااابز مع نورة وخلاا فوزي يتقلق ويكول ليه هضراا خايبا

كتبات لها بزربا..بغا تعرف

إخلاص:أش قال ليه؟

عبلة:قال ليه بليي هوا ندم.

إخلاص:علاياش؟

بقات تعاينها تجاوب .طالعا لها بلي تتكتب..ولكن لمساج موصل

هزات راسها فاسيرم.منين علمها بلي وصلوو..

حركات راسها..بوخا..هزات دواها..وتمات..نازلا..

بدورو نزل هز لميكات..وتم طالع..

وقفات منين سمعات صوت لمساج.

إخلاص:يعلم الله اشمن جريدة كتبات..

وسعات عينيها..منين قرات اش كتبات عبلة.

عبلة:بلي هوا ندم.ندم حيت عتقو من الموت ورباه

حطات يدهاا على فمها وعينيها مغرغرين بدمووع.

جمعات تلفونها وزادت بجرا منين سمعاتو عيط لهاا..

ركبوو بجوج فلاسانيور..

عينيه مفكسين لقدام فحين عينيهاا عليه..

هزات يدهاا كتقربهاا..لشعروو..بلا متحس.

شاف فيها منين حس بصباعها كيتلمسوو شعرو

بقاات غير ساكتا معرفات متكول ولا باش تجاوب..ضحك بجهدد..

عدنان:نخليك غنمشي نجيب زوبيدة

ميلات راسها مستغربا:شكون زوبيدة؟

عدنان:عمارة داري..غنمشي نجيبها منقدرش نعس هنا فدار بلا بيها.

حركات راسها بوخا ..مستغربا

تم نايض ..خارج..فحين هي تابعاتو حدا لباب.

سكينة:منين غيجيبها؟غينعس معاها وانا هنا(كتغزز صباعها)باينا فييهااا شي عروبية مدرحاا غير من سميتها.(ساطت بجهد).آه معليناا

تمات راجعا لكوزينة..كتجمع طبلة..وتغسل طباسل..يلاه خارجا طلع لبيتها..وهي تسمع لباب تحل..وقفات مكوانسيا

تتسمع بوسااتوو. وتعنابو

عدنان(كيبوس فيها)توحشتكك احبقلبيي توحشتككككك خوينيزة دياليي لكبيدة ديالي.

سكينة:سيد مزروب نطلع لبيتي قبل ميديرو شي عجب وملقا منين نخرج.

زادت خارجة ..ميلات وجها تتش وف فيه.

سكينة:هادي هي زوبيدة؟

حرك راسو باه

عدنان:آه كنت مخليها عند ولد جيران لي لفوق..كيتهلا فيها فغيبتي

سكينة:مصحابنيش عزيزين عليك لقطوط

عدنان:هادي ماشي قطة؟(كيبوس فيها)هاديي بنتيي مرتي حبيبتيي هادي كولشي

ضحكات بجهد:اه متشرفين ازوبيدة

عدنان:نخليك غندخل لبيت

.تم غادي وهوا كيهضر.

وهي تتمسح فيه راسهاا تتبوحط عليه..

هزات عينيها فسكينة..وهي تصدر صوتها..لي كتصدر فاش تتبغي دابز.

حط يدو على راسها..كيماصي

عدنان:كالم حبيبتي هاديك غير ضيفة.

دخل لبيتوو..وخلاها واقفاا خاطا يدها على جبنبها

سكينة:آه انا ضيفة ونتي مولات دار تاكلي فيه سم

""

هزات يدها ضاحكا.

إخلاص:شعرك..شعرك بحالا شاب.

أسيرم:ومن بعد راه معنديش 20 عام سي نورمال يشيب.

إخلاص:آه بصح.ولكن معندكش50 عام باش يشيب.(ضحكات بجهكد)

أسيرم:عينك مزيانين.

إخلاص:عيني؟

أسيرم:حيت شفتيي شيبا وشعر فازك.؟

دار كيشوف فيها بلوكاها بنضراتو.

إخلاص:شيبا أشمن شيبا؟آه آه(جارا ابتسامتها)شييب آه داباا نديرو لك

ٱخلاص:راه تحل تحرك.

تنهد وتم زايد..دخل.لدار وهي تابعاه..

خرجااات تنهيدة طويلة :الله اربيي لواحد مكيرتاح غييير فداروووو.

شاف فيها .

أسيرم:كترتاحي هنا؟

حركات راسها باه..ابتسم لها ابتسمامة خفيفة..

إخلاص:,عطيني لميكا..غنوجد شي حاجة خفيفة لعشا..ونتا طلع بدل..راك غتمرض

حرك راسو بوخا..خدات من عندو لمكات..وطلع هواا لبيت...

نترر لاڤيسيت..لايحها لارض..حل صدايف قاميجتوو...

تكوانسا للحضات بلا حركة...صوت عموو كيتردد فمسمعوو..

"ندمت حييت عتقتك من الموت وتبنيتك."

حط يدوو على راسو..

نفس صوت كيتردد فراسو لكن لقبل سنين طويلة.

كان واقف قدام..قبر باباه...غير كيشوف بلاا متنزل دمعة من عينوو..صدمة باينا على ملامح وجهوو..وجه مرااهق خصر عائلتو فرمشة عين.

حس بيدين تحطو على كتافو..هز راسوو فيه..بلا مينطق

فوزي:لكان باباك ما ت وتد فن فانا باقيي..من ليوم أنا هوا باباك..غتلقااانيي ديماا حداااك..من ليوم عمريي غنخليك..من ليوم اناا ماشي غير عمك..أناا باباك.(جروو معنقو عندو)خليناا نمشيو..لدارك وعائلتك لي عمر ايتخلاو عليك.

خرجج شهقااا طويلة...كانوو كان غاطس فلماء ويلاه لقاا لهواا...شااد على راسوو كيتنفس بجهدد..ولكن مع دلك..باقي حاس بلخنقة...

حلات لباب داخلا..

إخلاص:وجدت طوست واش سالي.

سكتات منين شافتووو على ديك لحال..

قربات عندو بثقالة ..

إخلاص:أسيرم

شااف فيهاا...ميل راسو..نطق بغصة

اسيرم:نتيي قادة تنفسي أاا؟لهواا كاين أاا؟

حركات راسها باه.

أسيرم:علاااش اناا مقادرش نتفس..مقااادرش نتفسس مقااادرش.

قرب من لحيط كيضرب يدوو كيييف شييي حمقق..

أسيرم:فااااش ضريتووو أاااناااا ..؟فيين عمرييي ضريتوووو باااش يندم فيين عمريي ضريتووو فييين؟

قربات منوو..وعيونها محجرين بدموع.

إخلاص:اسيرم تهدن..هكدا كضر راسك تهدن..دوك ليدين لي كضرب هكدا راه كيعتقو رواح تهدن..

شاافت فيه مبغاش يرصاا..كيضرب ويردد "فين عمر؟"

حوطاتوو بيدهاا من ضهر معنقااه..

إخلاص:شش موقع والو تهدن..

رخاا يدوو ودار عندهاا..خشاا راسوو فعنقهاا معنقهاا عندو..

فحين هي تتطبطب على ضهرو.

إخلاص:تهدن..كااالم..موقع والو ششش صافييي تهدن

أسيرم:أنا بيخير(كيتنفس بشويا)أناا بيخير.

بعدات عليه تتشوف فيه.

أسيرم(ابتسم لها)غنبدل ونغسل يدي ونهبط.

حركات راسها بوخا..

تمات غادة فحين هوا كمل تحياد حوايجو.

توجهات لتحت..حطات طوسط ..ولعصير..

زادت لدوش واقفا قدام لمراية..شافت جهة عنقهاا ويدهاا كولهم حومر وفيهم اثر لقماش. كرزات على سنانها

إخلاص:بلااتيي خليي زمان يجمعناا مزال ..لمشربتكش من حليب لحمارة راه منتسماااش..

تمات خارجا منين سمعاتو نازل..

كان نازل لابس قبية كري وسروالهاا...جار كلاكيط فرجلو

إخلاص:جيتي خلينا ناكلو..

أسيرم:غنخرج غنطلع لفوق.

هزات كتافها :فين لفوق ياك حنا آخر دار؟

ابتسم لها:لسطح.بغيت نبقا بوحدي

خرج..وزااد طالع .

من عادتوو كيعشف يكلس بووحدوو..فسطح..داكشي لاش ختار اخر دار فلموبل..باش يكون قريب ليه كثر ..

زااد كالس على صور كيشوف فنجوم..وشارع ...

طلعات بلخف..تابعاه مقداتش تكلس وتخليه..وخا علمها بلي بغا يكلس بوحدوو..

خرجات عينيهاا منين شافتوو على صور كالس..

حطات بلاطو لماكلا لي جابت فلارض..وزادت تتقرب منو بلخف..

دار منين حس بيها

أسيرم:تبعتيني؟

هزات يدها تتكالميه.

إخلاص:حبس تم عنداك..شووف عارفاك تقهرتي ولكن تا حاجة متستاهل لموو ت..يعنيي نتاا ماشي هوا ليتيم لوحيد لي فهاد دنيا

طلع حواجبو فيها

إخلاص:زعما(تنفسات بجهد)انااا متلا انا يتيما بابا وماما لي ولدوني معرفتش وش ماتووا ولا تخلاو علياا..ولكن تحرمت منهم..(ضحكات مصغرا عينيها)بصارحة مقداش نبكي ولا نهضر عليهم حيت معشت معاهم والو..آه ولكن بابا وماما لي تبناوني كاانوو عزاز عليا..بابا دوزت معاه سنين قليلا بزاف مات..وتا ماما مسكينة..ومن بعد تلاقيت مع معاد..تزوجنا وحملت..ومات هوا وولدي(تحجرو عينيها بدموع)من بعد تلاقيت معاك نتاا فاش تزوجتك كان عند بالي كنتعاقب بييك ولكن..نتاا بصح خليتي حياتي جنة. بصح خليتيني مرتاحة والله.بصح

تحرك باغي ينزل غوتات بجهد

إخلاص:لالا عندااك .(كتنفس بزز).شوف اناا بصح تقلقت منك يعني حيت خبعتي عليا..ولكن مبغيتكش تمووت..يعنيي بصح قلت وانا معصبا بلي كرهت ك ولكن اناا مكرهتكش..(هزات كتافها)مقدرتش نكرهك..انا عارفا بلي نتا مستحيل ضر معاد..وحيت خبعتي عليا..غنبقا مقلقا منك..على داكشي مخصك تموت وانا مقلقاا (كتنفس بجهددد)نزل عفااااك..غبتيي علياا عشر يام خليتيني كي لحمقة نعاين امتا ترجع ...اش غندير لغبتي لعمر كوولو؟

مقربا منو ..عاطياه يدها..

إخلاص:شدها ونزل عفاك.

شد يدهاا..كيشوف فيها كفاش تترجف وتنفس بجهد.كفاش خايفاا عليه..ومقداتش تفهم بلي هوا غير كان كالس من كثرة خوفها.

أسيرم:بغينيي..(سرط ريقو)ماشي غير ليوم بغيني لعمر كولو لقدرتي.

(كتحرك راسها باه وعينيها عليه)

إخلاص:غنبغيك والله تا غنبغيك غير نزل

ضحك ضحكة خفيفة..من هضرتها..عارفها تتهضر بلا عقل..

عارف خوفها لي هضرها..عارف مخصوش يحط آمال على هضرتها..ومع ذلك..استحلا خوفهاا عليه..

بدورهاا ضحكات من ضحكتو ضحكة دبسيف.

كضحك حيت ضحك وكن بكا كن بكات..بغااه غيير ينزل..

كتشوف فيه وتشوف فيدها..

نزل وباقا لبسمة على شفايفوو..

قرب منهاا كيشوف فيهاا..ويشوف فيدها لي باقي ممدودة ليه وكترجف..

حط صبااعوو..كيتلمس صبيعاتها رقاق..عينوو على الخاتم..لي قالت ليه غير نوصل لدار نحيدو..وباقيي محيداتو..

تفكر لهضرت يونس لي قاليه بلي غتخلي يديه..وفعلا نفد وعدو..

نطق بصوتو لحرش..ببنبرة شبه مهموسة..لكن مسموعة

اسيرم:نتيي عمرك مخليتي يدي..(هز عينو فيها)وعمرك مغتخليها حيت مغنخليكش

كتحرك راسها باه .مفاهما اش كيقول..بغاه غير يبعد من حدا الصور..

إخلاص:ديماا ديماا.(بزربة شبكات يدها مع يدو)عمر انخليها.

جراتوو مبعداه..

سحبات يدها وبزرباا زادت قدامو..تنفسات بجهد..

إخلاص:خصك دابا تتخطاني لبغيتي تعاود طلع.

رسم ابتسامة خفيفة على شفايفوو..هز يدوو..حطها على راسها كيعنكش لهاا شعرها.

وكيحسب حجمها بعينو..

اسهل حاجة ممكن يدير هي انه يتخطاها.

صغر عينوو كيشوف فيهاا..ويدو بقا تتعنكش فشعرها

أسيرم:على فكرة لبغيت نموو ت مغنقزش من هنا..حيت احتمال عضاميي يتهرسووو..واحتمال جمجمتي تهرس..ونقدر ندخل فنزيف..واحتمال اعضائي داخلية تمزق..

كتشوف فيه..بسكات غير كترمش.

ميل وجهو مبتاسم:بمعنى لبغيت نموت غنختار طريقة ساهلا .كتوجع بنسبة أقل.

هزات راسها فيه..كترمش فيه بعيونها لي كيلمعوو.بدموع لي تغررو فيهم منين كانت تتحاول تنزلوا

إخلاص:يعني نتا محاولتيش تنتا حر؟

حرك راسوو بلاا..كيقاد لهاا شعرها لي عنكش بيدو..حول يدوو لخدها شاد وجها بين يدو..

أسيرم:لمت اناا شكون غيبقا مع لبجغوطة ديالي أاا؟

قرب شفايفوو من راسهاا طبع بوسة خفيفة..

وبعد عليهاا..داير يدو فجيبوو..غادي..فحين بقات واقفا بلا اي حركة بلاا متنطق.

اسيرم:دنيا بردات يلاه.

شاف لبلاطو دلماكلا لي فلارض.

نزل هازو.

أسيرم:ديري لراسك حاجة خرا..هداا غيكون عمر ميكروب..كاع مغطتيه..

هزوو وتم نازل..وهي بقاات واقفاا متبعاه بعينيها

وجملتو تتردد فودنها

"لمت اناا شكون يبقا مع لبجغوطة ديالي"

جملة ليي تغللات لاعمااق قلبهاا..وخلات دمووعها على طرف عينيهاا..

تنهدات بجهد وزادت تابعاه..

هابطاا..لتحت..

دخلات لدار..بان لييهاا..كيقاد فدار..

إخلاص:اش تدير؟

أسيرم:دار غبنا عليها بزاف ..توسخات

شافت لساعة لي قربات لوحدة دليل.

إخلاص:هاء راها نقية؟وفهاد لوقت باغي تنقي دار؟..خلي تا لغدا فصبح ونقيها...دابا غنعاود دير لك متاكل وطلع ترتاح.

حرك راسو بلا.:مفياش جوع..كولي وطلعي تنعسي..وبدلي لغطا.

حطات يدها على عنقها تتحك..

إخلاص:آه و دير لي عجبك..انا فيا جوع غنمشي ناكل

زاادت لكوزينة..

هزات طوسط لي كان فلبلاطو..

كلسات تتاكل..

ثواني تادخل لكوزينة .ميل راسو منين شافهاا تتاكل..نفس طوسط لي قالها ترمي.

أسيرم:قلت لك رمييه..لاش تتاكليه.؟

إخلاص:(كتهضر وفمها عامر)ياااك كان على لبلاطو مالو كان فلارض..

أسيرم:كن كانو عينيك يشوفو لجراثيم لي فوقو كاع متهضري.

ضحكات بجهد

إخلاص:كن جيتيني فيامي ..شحال كليت خانز وبنين وماكلا دزنقاا وباقا بصحتي

طلع حواجبو..مخنزر فيها.

أسيرم:باقيي محيدتي تا لغراز اإخلاص..

زااد محيدو من يدها..

أسيرم:غنقاد لك واحد آخر.

حركات راسها بلا:شبعت.

أسيرم: كوليه فوق شبعة..

تنهدات مبغاهش يتشغل بيها وهوا غارق فهمو..صغرات عينيها..منين فكرات بلي يتشغل بيها حسن ميتشغل بهضرت عمو..

كلسات... تتشوف فيه..كفااش..كيوجد.

هزات لعنب من حداها..

يلاه جات دخلو فمها خنزر فيهاا.

أسيرم:غسليه.

زادت غاسلاه..نقزات كالسا على لبوطاجين تتلعب برجلها..وتاكل.

إخلاص:زوين هاد لعنب منين جبتيه؟

أسيرم:من لباتيسري.

ابتسمات ابتسامة خفيفة:عنبهم زوين.

نزلات هازة ..ميكة ددواها..حيدات لبوماضة لي قال لها دلحكة..

ورجعات منقزا كالسا..

حلاتها كدهنهاا لعنقها لي باقي كياكلها.

غسل يدوو..وتوجه عندها..حيدها من يدها.

مقرب وجهوو من عنقهاا..حط صباعو كيدهن لها..بلا متنطق..

تهزات منين سااط بلخف..على لحمها.

بسرعة ميلات راسها..سرطات ريقها تتشوف فيه..

إخلاص:هاا هااد دواء

محاوطهاا مع لبوطاجين..ميل راسوو كيشوف فيها.

أسيرم:مالوو؟

إخلاص(سرطات ريقها)زوين بزاف منين جبتيه.؟

عقد حواجبو .

أسيرم:من عند نجار.

ضحك ضحكة خفيفة..وهي بدورهاا ضحكات على أسئلتها..

بعد عليهاا..منين سمع تيلي كيصوني..هزوو وهوا كيحكب..دغيا جاوب.

أسيرم:وي

"خلينا نتشاوفو"

اسيرم:فينك نتا؟

داوود:دابا انا ناعس فدار صاحبي.(جر بنتو معنقها كيلعب فخصلات شعرها)غداا خلينا نتلاقاو فداري.

أسيرم:اك ولكن علاش؟

داوود:غداا غنخليك تشوف يونس

أسيرم(مصغر عينو)اش تطبخ؟

داوود:خليك غدا تعرف..بون نوي.

حرك راسو بوخا..قطع عليه..شاف فاخلاص. لي نزلات تاتاكل.

إخلاص:متأكد مفيكش جوع؟

حرك راسو باه.

توجه يشرب وهوا كيكحب.

إخلاص:هاااا اش قلت

سرط لماء وشاف فيها مستغرب.

أسيرم:اش كولتي؟

إخلاص:قلت لك متخرجش فازك راك غتمرض..هانتا تتكحب.

اسيرم:انا بيخير.

زادت مخنزرا..وقفات حداه..حطات يدها على راسو.

إخلاص:رااسك سخوون..شفتيي كاع متتسمع لهضراا..

دفعاتو مخرجاه من لكوزينة..

كتسوط بجهد..: عقميي داار. الاخلاص..غسلي عاد كولي ااخلاص..كولي المكلا صحية ااخلاص..ولكن نهار قالت لك اخلاص..متخرجش فازك..مستمعش لها..

واقف كيشوف فيها..مصمر..كفاش تتغوت عليه وتسوط على خصلات شعرها..

إخلاص:مغتقيس والو دابا..طلع لبيتك..(غوتات تاهزاتو)طلعع ترتااح..

حرك راسو بوخا:انا طالع.

طلع وهوا..عاقد غوباشتو..

إخلاص:غنجي لملقيتكش ناعس غنوريك.

توجه لبيتو..ضاحك..عليها..هز بدل غطا سريرو..نتر لقبية..ودخل فبلاصتو بصدرو عريان..

دقايق تا دخلات..هازة كاس فيدها..وميزان لحرارة.

إخلاص:شرب هداا

أسيرم:اش هدا؟

إخلاص:سكينجبير..فلماء سخوون..مع لعسل حرة..دقة ببطلة

أسيرم:آه بحال دنجال

صغرات عينيها منين تفكرات نهار نصحات لمرا دير دنجال لباصر.

كرزات على سنانها بملامح جادة

إخلاص:ششششرب.

مدات ليه ميزان لحرارة.

إخلاص:عبر حرارتك..

شويا وانا راجعا.

حرك راسو بوخا..

تمات خارجا..خشاا لميزان فلكاس..

حيدوو منين سمعهاا جايا .

مدوو لها .خرجات عينيهاا..

إخلاص:ربي ربي اش هادشي40 ااسيرم نووض تمشي لطبيب

أسيرم:لاا بغيتي يضحكو علياا..طبيب وغادي لطبيب.

صغر عينوو..كيتنهد.

أسيرم:مقادرش نووض..

إخلاص:أوووف أووو نتاا لي مسمعتيش ليااا..حرام عليك..

زادت خارجاا..جايباا..فوطة فازكا بغا تحطها على..راسو..

تهز من بلاصتو.

اسيرم:لااا..فيا لبرد

إخلاص:اشمن برد وراسك طايب.

أسيرم:(كيقرقب سنانو)داتيي كترجف..وش متتشوفيش

إخلاص:آه فيك سخانة لباردا..لبس ونتاا مسفح لي..

حطاتها على راسو

إخلاص:خليها على راسك شويا انا غنزيد لي لغطا..

زادت تتجبد لغطاا..فحين هواا..حل لفوطة..حاطها على وجهو..جمعها منين شافها جايا..

زادت عليه..لغطا..قاست..وجهو.

إخلاص:بصح وجهك مكلاصي.

دابا غدفا

أسيرم:هاد لغطا مغيدفيني..تا نمو ت.

شافت فيه..ولخوف باين على وجها من جهتوو..

إخلاص:تبغيني نعس معاك؟زعما غير محد تدفا.

حرك راسوو باه..حكزز مخلي لها بلاصة..

دخلات ناعسا..حداه..جرهاا معنقها..مخشي فيهاا..وهي حاطة.يدها على شعروو..تتلمسهم..تنهدات.

إخلاص:داتك سخونة مفهمتش لاش جايك لبرد.ووجهك بارد

أسيرم:أنا كنمو ت وش نتي تعرفي حسن مني انا لي طبيب؟

نعستو؟

كانت كالساا نسمات خفيفة كطير..خصلات شعرهااا...

كتستنشق..ريحت الورد الفايحة لي حداهاا..

كتشووف فلولاد لي كيلعبوو قدامها..وليدات صغيرين.

تنهدات ونطقات

إخلاص:كن ولدي بقاا عايش كن داباا تزاد.

جاوبهاا صوت خفيف..كخفة نسمة..لي تضرب فوجها

"ولدك واحد منهم."

ابتسمات شافت فجبنبها..بغا تعرف شكون هضر ملقات حد..

تمات نايضاا..كتمشاا بثقالة..

إخلاص:شكون هنا؟

زاادت غادة بيين لورد..وربيع .داخلا وسططهم.

هزات عينيها..كدورهم..لكن ضباب اكتساا دنيا..مخلاها تشوف والو.

تمات راجعا تكلس.

تكوانسات منين شافتوو..جااي..

دمووع تغرغروو فعينيها..وهي شايفاه جاي..كيقرب منها..

وجهوو منور..راسم على شفايفوو نفس لابتسامة لي متعوداا تشوف..لابس لبيض..لي قريب يولي شفاف.

دموعها نزلوو..نطقات وشفايفهاا..كيرجفوو

إخلاص:مم معااااد ..نتااا جيتي عنديي أاا جيتي ديني معاك جيتييي ديني عند ولدنا.

قرب منها بخطوات تقال..وكل ماهوا كيقرب شهقتها تتزاد..

سكات منين داز من حداها..بلا ميوقف لهاا..ولاا يهضرهاا..

دارت تتشوف فييه..

حلل يدووو..زااد عندووو معنقوو وضحكا على وجهووو..

أسيرم:تعطلتيي عليااا.غتخلي لواليد ولواليدة يتقلقو حيت تعطلت.

إبتسم لييه..حط يدوو على كتافوو..وتموو غاديين..متخطين إخلاص..لي دموعها كيتلاقاو عند آخر خدها

إخلاص:فييين غاديين؟(بهمس)نتا ميييت..(وسعات عينيها)علااش دااي معاااك أسيرم...ديني أنااا ماشي هوا(غوتات بجهد)أسيرم متمشييش..أسيررررم..عنداااك تمشيي تانتااااا...ياك كولتي مغتخلينيش أسيررم

زادت بجرااا تابعاااه..كتجري وتغوت...تاا طاحت لارض.

تهزات من بلاصتهاا تتغوت

إخلاص:أسيييييرم

شافت جنبهاا..كان ناعس تهز من بلاصتو منين غوتات ...حطات يدها جهة قلبهاا حاسة بقلبهاا غيوقف..لعرق نازل من جبهتهااا...ودموع باقين فعينيهاا..كأنو لحلم كان حقيقة..لحلم لي راودها نهار سخفات فلكلينيك نفسوو تعاود معاها..

اسيرم:مالك؟وشش شفتي حلمة خايباا؟

حركات راسها باه

أسيرم:غير حلم..موقع والو

إخلاص:لحلم منين تيتعاود تيتحقق أاسيرم

جرهاا عندوو معنقهاا.

أسيرم:متخافيش مغيتحققش..مغنخلي تاحاجة ما ضرك غير رتاحي.

تخشات فيه معنقاه..مقداش تهضر..وتقول ليه بلي هوا لي ضرر فلحلم ماشي هي..نطقات وشفايفها كيرجفو

إخلاص:وش نتا مريض بزاف.تقدر تمو ت

أسيرم:أشمن مرض؟؟(صغر عينو )آه اه لمرض..نقدر نموت لمدفيتينيش

عنقاتوو بجهدد..تكاا وهي مخشياا فييه..

إخلاص:مغنبعدش عليك باش متمووتش

ابتسم بجنب..طبع بوسة خفيفة فراسها..طفا ضوء..وهي مخشيا فيه..كيدوز يدوو على راسهاا..تنهد بجهد..منين طلقات وهي معنقاه..عرفها رجعات تنعس.

هضرتها تعاودات فودنو"مغنبعدش عليك باش متموتش"

خرجات تنهيدة طويلة من اعماق قلبووو..ووبحة نطق

أسيرم:اناا كنموو ت فقربك وفبعدك فكلتا الحالتين..نتي تتقتلينيي

غمض عينوو ونيفو على شعرها كيستنشق ريحتها.

أسيرم:نتي مو تي وانا راضي بيك

صباااح جديد ..ونهااار..جديد..كاان كاالس على طبلة دلفطور..كيدووق من قهوتو ..كيف كل صباح قبل ميمشي لخدمتوا.

لكن على غرار باقي الايام..ليوم كيفطر بوحدوو بللا ميشاركوو فطورو تا حد..هز راسو فلخدامة..لي تتقاد الطبلة.

فوزي:فين عبلة؟

......:راها فجردة اسيدي..

حرك راسوو بوخا..وتم نايض..

توجه لجردة..شافهاا كالسا ..شادة كتاب تتقراه..

هزات راسها فيه منين وقف عليها.

فوزي:فطرتي؟

عبلة:(تنهدات..نطقات بسيف)فطرت

فوزي:لباارح..اناا بصح غوت على أسيرم ..أنا تعصبت..ولكن (جمع لكمة يدو)زاااد فيه..كااان غيصفيها لبنتي حداياا اش بغيتيني ندير نعنقو.

عبلة:أسيرم عمرو هز يدو على بنت لمراا..شحال من مرة غلطاات نورة ..ولكن عمرو قاسها.(هزات راسها فيه)محدوو هز يدو عليها الا ودارت علاش..بنتي وعارفاها.

فوزي:لبنت تتكول بلي مكانتش عارفات ثوب غيحسسها...بنتي مغتكدبش فوجهي فهمتي .(ساااط بجهد)هواا ضيع حفلتها وخلا سيرتنا على كل لساان

خنزر فيها..وبزعاف نطق.

فوزي:خليييك تدافعيي عليه.

خشاا يدوو فجيبوو وتم غادي..متوجه لبيت بنتو..فحين هيي...ساطت بجهد

عبلة:دابا نشوفو فين غيخرج فشوشك.

سدات لكتاب وتمات نايضا..

واقف قدام بيتها..دق جوج دقات..بلا متجاوب..

حل لباب..تم دااخل.

فوزي:نورااا بنتييي

نطقات من دوش..

نورا:بابا أنااا جايااا..عايني غير نلبس.

حرك راسو بوخا..تم خارج..

وقف منين زطم على قريعة صغيرة..حناا هزهاا..

رد بالوو لعلامة..الاندار..مكتوب تحتها"احذر من ان يلامس الجلد والعين"

خرجات مبتاسمة..جمعات ابتسامتها منين شافتوو واقع وشاد لقرعة

ميل راسو.متساءل

فوزي:أشش هدا؟

سرطات ريقها..زادت بزربا حيداتو ليه..شافت فيه مبتاسمة

نورا:هااد لغبراا ..كنزيد عليها شي برودويات وكنغسل بيها صبابطي..

هزز راسو بشوياا

فوزي:صبابطك.

كتحرك راسها باه..

محسات غيير وهوا نازل عليهاا بتصرفيقة..شدات على وجهاا ..مصدومة..

فوزي:صبااابطك..فين عمررك هزيتي تا كاس من طبلة بقااا لك غير تغسليي صبابط..صباااط لي كتلبسيه كترميييه.لغد ليييه..(خنزر فيها)انيي باباك وكنتيق فيك ...وكنتييق فاي حاجة تتكوليهاا..هادشي مكيعنييش انيي حمااار...أشش دارت لكك مرت خوووك باش تشوهيهاا...اششش هااد شررر لي فقلبكك دويي.

شافت فيه بعيون مدمعا..نطقات بتمتة

نورا:بابا اناا

فوزي:نتيي أشش..نتيي هرستيي تقة أب كاان يتييق فبنتوو ويكدب كااع ناااس ...من ليووم...(سرط ريقوو)مبقيييتشش بغيييت نشوووف وجهك فهااد دار

زاااد خاارج..وهيي واقفاا..حطات يدها على راسهاا..تتبكي بصمت..

وقفات قدام لمراية تترجف

نورا:بسبابك خسرت لتالت مرة..خسرت راجل لبغييبت..نهار تزوج بييك..وخسرتوو نهار مات..وخسرت عاود خوياا وبابا

لاحت لقرعة..لارض..خلات لبودر تزلع

نورا:الله يااااخد فيييك لحقق..شكون دخلك لحياتيي شكووون..

تمات زايداا..هزات تيلي كتصوني

بعد ثواني جاوبها

نورا:خوي لي داري ليوم غنجي..

....:علاش؟

نورا:(بالغوات)حيت بابا جراا علياا هاا علااش

خرجات عينيهاا .منين حسات برجلها كيكلوها..شافت فيييهم..كانت زاطما بلحفاا على لبودر.

غوتات بجهد"فاااك فااااك"

.وزادت بجرااا تتغسل رجلها.

حل عينوو بثقالة....شااف جنبوو كاع ملقاها..تهزز من بلاصتوو..

شاف لساعة..كانت قريبة لعشرا دصباح..ليوم ولاول مرة ايفيق..معطل بعد مدوز اكتر من سيمانة فلخدمة..وسويعات نعاسوو كانت قليلة.. ولقاا حضن يرتاح فيه..

تم ناايض..متوجه لدوش بلخف غسل...ولبس حوايجو.قاميجة فلبيض..وسروال دجين كحل..

دار ريحتوو..وجر كلاكيتو..

نزل لتحت.واقف..كيشوف فيها فلكوزينة...تنهد بجهد .منين تفكر هضرتها"غنبغيك ليوم"

عرف بليي نهار داز..واكيد دابا غتعامل معاه ببرودة كيف كانت..

تهزز منين حس بيديهاا على راسووو..

إخلاص:راسك مبقاااش سخوون..

كيشوف فيها بسكات.

إخلاص:سكنجبير نفعككك ..(شافت فيه ساكت)مااالك سااكت؟يكماا

حرك راسوو..بلا

أسيرم:أنا بيخير.

ابتسم جنب..آخر حاجة توقع انها اتصصبح علييه.وتهضر عادي.

إخلاص:متأكد نتا بيخير أاا؟

حرك راسو باه.

إخلاص:اه وخاا اجي تفطر..

أسيرم:عندي شي شغل خصني نمشي

إخلاص:تمشي فين غتمشي؟؟لبارح متعشيتيش ومباغيش تفطر..والله لكانت لك..

جراتوو من يدو مكلساااه..

حطات بلاطو لفطور..

إخلاص:غتشرب عصير ليمون..زوين لمرض..وكل لك لبان كيك..بصراحة معرفتش منوجد لك..خصك تكتب ليي شي شويا من لوصفات لي تتبغي ولي صحيين حيت أنا ماكلتي لا علاقة بماكلتك..

ابتسم لهاا..ابتسامة خفيفة..دوز يدو على دقنو.

أسيرم:لي جات من يدك ناكلها..

إخلاص:(كتهضر وتلعب بيدها)آه ولكن نتاا تتقول بلي ديك لماكلا تتسم صحة

شد يدهاا..كيشوف فيها.

أسيرم:تا سم من يدك ناكلو

كتشوف فيه بسكات بلا متنطق..نترات يدها.ساطت بجهد.مرجعا خصلات شعرها لور

إخلاص:نتا كول انا غنكمل تخمال دار..عارفاك مكترتاحش لماكنتش نقية

أسيرم:نتي كليتي؟

إخلاص:آه قبيلة.

زادت مخلياه..كلا بلخف وناض..منين جاه مساج من داوود.

زادت خارج وقف حدا لباب..

كيدور فعينوو..

أسيرم:إخلاص فين صبرديلتي لبيضة؟

طلات عليه..

إخلاص:انا وحداا فيهم نتا نص صبرديلاتك بويض؟

أسيرم:لي فيها لكحل.

زاادت عندوو.

إخلاص:دخلتها فبلاصت صبابط..

جبداتها ليه..مداتها ليه..

أسيرم:شكرا

شدها كيلبس..وهي واقفا على راسو

إخلاص:غترجع يااك

أسيرم:وعلاه منرجعش ؟

إخلاص:(هزات كتافها)غبتيي مدة ونتاا فلخدمة..قلت راه غتغبر عاود.

هز راسو فيها..تنهد بجهد.

أسيرم:غنستاقل...مبقيتش غنخدم فلكلينيك مزال.

إخلاص:كفاااش ؟؟اششش تتقول؟نتاا وخدمتك..نتااا لخدمة مهمة بالنسبة لك

أسيرم:نتي أهم

إخلاص:وش بسبابي؟

أسيرم:معندكش علاقة ..انا مغنكلش فبلاصة..عندهم شرفي بحال لمااء

كانت كالسا على طبلة دلفطوور..باقا بلبجامة دنعاس...كتااكل بشوياا..ومرة مرة كدوز يدها على شعرها مرجعاه لور..

زادت كالسا حداها..

حياة:نزيد نكب لك شي دكة.

نضال:لاا شبعت..من صبح كناكل..انا تقيلا ونتي قولتي لي متتعرفي والو

حياة:مكاملا تا ساعة دلمكانة.. باش ريحنا

نضال:حياة..راجلك شكون كيطيب ليه لفطور؟

حياة:وشكون عرف لبوه..سيد كيقري فجبل اتلقايه داي شي وحدة من تمم..كطيب ليه.

نضال:الله الله شكون غيخلي هاد لفنيكيشة ويشوف فغيرها

حياة:اختي موكلني مشربنيي..غنجيب وليد يونسني الله يجعلووو يدي تا عشرا..اصلا داكشي حبيني متحبينيش باقي موصل هناا لمغرب..سيد يدوز عام فجبل..وبغيتيه يبقاا وافي لياا..(ضحكات بجهد)غيبقاا وافيي فحالة وحدا

نضال:اما هيي؟

حياة:لعطاوه لبقيرات ونعيجات يحرتهم

ضحكات بجهدد...بادلاتها نضال ضحكة..سرعان مجمعات ضحكتها..

نضال:فنضرك واحد يقدر يبقاا وافي لوحدة وميقيس تا وحدة ل11 لعام

حياة:ممكن بصارحة ممكن ميقيس تاوحدة..ولكن فحالة وحدة

نضال:شنو هي؟

حياة:لكاان كيبغي رجال فراه غيدوز على رجال ماشي لوليات(ضحكات بجهد)اوا تيي نوضي علياا انا كنقولك سيد ميقد يصبر 6 شهور ونتيي تتقولي11 لعاام..مالووو اختي عندووو خشبة ميحسش هوا مسكين..

تقعدات من طبلة بزعاف.

نضال:نتي غتوقفيي ليي زمرر قبل وقتووو..

حطات يدهاا على جنبهاا..هزات تيلي ديالهاا..كتعيط..

بعد لحظات جاوبها..

داوود:مكانش صحابني غتوحشيني دغياا.

نضال:اش غنتوحش فييك..بغيت غير نعرف

داوود:اششش؟؟

نضال:بنتي وش عندها شي ختها؟

داوود:لاا

نضال:وخوهاا ؟

داوود:لاا..منين غيجيوها ياك ولدنا غير وحدا..

نضال:ماشي انا نتا؟

داوود:أنااا..غنتليشارجيهم لهاا من بلاي ستور متلاا خصنييي مهممم..

نضال:آه مهم..

داوود:قولي من لخر اش كاين..تابعاني لخدمة..

نضال:من لخر(بلغوات)قوليي اسيي داوود..شحال من مرااا دوزتيي فهاد11 لعام

شاف احمد داخل جايب ليه شي وراق..شار ليه يحطهم..وتم نايض..مبتاسم بغيض .باغي يفقصهاا..

داوود:11 لعام مدة طويلة صراحة..غتكون شي11 مرا لي عرفت لدرت امرا كل عام

نضال:(وسعات عينيها)11 لمرااا

داوود:لاا ماشي 11 قلت لك لدرت مرا كل عام..ولكن انا كندير ربعا خمساا تا ل6 دلعيالات هكداك لعام..عندك مع لحساب ضربي ليا6 ف11

نضال:66

داوود:اياااه 66 امرااا .لي عرفت

شاف فيه احمد..كان لابس..تيشورت فلحمر..وسروال..كحل..استغرب حيت ممولفاش ليه يلبس لمفتوح

أحمد:جا معاك لحمر كوميسير

داوود:عينيك ازوينة

أحمد(شار لراسو مصدوم)انا

داوود،:شار ليه بيدوو باش يخرج

نضال:لمن قولتي عينيك أاا؟

داوود:لرقم67..عجبها تيشورتي لحمر..الحمر ياا لعمر(لحنهاااا)

حركات راسها بوخا..ودمعة فطرف عينها..

نضال:كيف والوو.

داوود:شنوو لي كيف والوو

نضال:67 امراا لي عرفتي فهاد المدة الطويلة كيف كيف والوو

داوود:,آهااااه

نضال:اه حيت انااا ف11 لعااام...فكل شهر كنت تنعرف راجل فشكل..اواا حسب لي لعاام شحال فيه من شهر..وضرب لي لعدد ف11 لعام...

تمم واقف..سرط ريقووو..

كارز على سنانوو.

داوود:حيديي لهضرااا لي كولتيي داباا..

نضال:علااااش..وش قلال..نزيد؟

غوت تاهزها.

داوود:بربيي المعبوود تااا غنجييي ند فنك ومحيدتيي اش كولتيي..

نضال:غنتدفن غنتدفن..قريباا..(باستفزاز)ما بيأتر.

داوود:كتستافزينيي يااك..انااا جااي عند مككك..

قطع عليهاااا...وتم خارج..هز تيلي معيط لاسيرم

داوود:غنتعطل وحد ساااعة..ونتلاقاو فدار..

أسيرم:اك تا انا سايق غندوز لكلينيك..

داوود،:اه مزياان خليك تم غتسيفط لك شي نااس

أسيرم:اشمن ناس؟

داوود:حسب لعام شحال فيه من شهر

اسيرم: 12.

داوود:.واضرب زمر ف11 هداا

أسيرم:132

داوود:اذن غيجيك132 شماتة.

أسيرم:وتا سيييير(جبدها)سير تخدم سيرم

قطع عليه..حرك راسو بلاحول

أسيرم:تغالط ليه سبيطار مع فندق نجمة ونص

ميلات وجهاا..تتشوف فحياة

نضال:قاليي جاااي

حياة:لكوميسير.

نضال:(سرطات ريقها)مغيجيش..غير تيهضر(هزات كتافها..تتقنع راسها)اكييد مغيجييش..باش يصيفيها لي كيف قال.

حياة:اه اه

وقف لوطوو.حدا لكلينيك..نزل بخطوات سراع..دخل..توجه لاستقبال.

اسيرم:سناء كاين فوزي ؟

سناء:مزال مجاا ادكتور .(شدات طابليط قدامها)معندكش لخدمة ليوم دكتور منين كانت عندك ليام لي دازوو عامرين مبرمجنا والو هاد نهار ولكن لبغيتي ندخلو لمرضى لي معندهمش موعد

قاطعها.

أسيرم:خلي طبيب اخر يتكلف بيهم

سناء:(ابتسمات)كيرفضوو جايين خصيصا لكك.

أسيرم:من ليوم انا مكاينش على داكشي خصهم يولفو على غيري

تم غادي فحين هي بقات غير تتشوف..مفهماتش اش قصد.

نطقات الممرضة لي حداها

...:مكاينش ياكما غيمشي من لمرابطين

سناء:سدي فمك المرابطين بلا المرابط صغير متيسوا والوو..

...:اه والله عندك لحق..اصلا لكلينيك كان من زمان باباه..فمغيخليهش

طلع لمكتب..فوزي...شااف سكريتيرتوو..لي مكتبها حدا لباب..

ناضت واقفا

....:دكتور سي فوزي .

قاطعها

أسيرم:عرفت(مد لها ورقة لاستقالة)فاش يجي كولي ليه يوقع هادي.

زااد خارج مخليها غير تبحلق..فلورقاا..

كانت واقفاا حداا لمراية تتغني وتماكي..لابساا من حواايح نضاال لي بسيف بااش دخلوو لهاا

حياة:والله تااا كينزل علياا سررر فااش تندير هاد العوجااب.

نضال:نتي زينة بلا والو

حياة:وبغيت نقول لك نفس لهضرا ولكن لكدوب حرام

نضال:وغيير صبغيني كيف صبغتك..

تمات نايضاا منين سمعات..دقان.

نضال:خليك انا غنحل..

حياة:عنداك يكون لمخزن.

نضال:فين عمرك شفتي لمخزن كيدق بلادب.

يلاه حلات رجعات لور..

حط يدو على لباب..منعها من انها تسدهاا..

غوتات حياة بجهد منين شافتوو..

حياة:سووووليييمة ياربييي سوووليييمة..

دخل سد لباب برجلوو..

شاف فيهاا مخنزر..وجهوو حمرر باينا فيه معصب.

داوود:كتر من 100 راجل ياك

نضال:انا(شارت لراسها)حسبت دلمسلسلات ولقصص لي كنقرا(سرطات ريقها مبتاسماا تمات هاربا)

داوود:اش قلت لكك..غنشد مكك.

راجعاا بلوور..كيدورو على سدار..كضربوو بلمخااد...

وحياة..واقفاا تتغوت وتقولو سوليمة..

وقف اونفاص معاها..

داوود:فهااد لمدة كلهاا كنقول راها فخدمتها مغتكونش مع رجال.ونتي..

حياة:ياااو شفتي قلت لكك حنا لعيالات منسواوش رجال وافيين عليناا.الوفاء بعينو.راجل لي يبغي كيولي حجراا...ومتحركوو بنت لمراا ..يااو كلتهااا لككككك..

نضال:هاااء ياك احياة يااك(شافت فيه)كدبت عليك معرفت تاحد..بالاحرى عرفت فاول لقاء كنهرب..هيي لي كالت بلي رجال مكيصبروش وكيعرفوو بزاف..هي سباب تا كدبت بناتكم

حول نضروو..لحياة .ميل وجهوو..بدورها ميلاتو مع حركتو..

داوود:نتيي الغليضة.

حياة:الغليضة هي مك..(غوتات منين تم غادي عندها)لالا لمخزن فخدمة شعب وشعب ميعصاا المقدم..السووولييمة ياااربييي سولييييمة...

شادة فلحيط..تتغوت..وهوا باقي تا مقرب لها..

حياة:ونضاال ورااه جاي جاي

نضال:راه وقف.

حياة:ماشيي هوا ولدي

نضال:كفااش ولد شهراين..جاي

حياة:وااا سوليمة اربيي ولدي نازل والله تا نااازل..

شاف داوود فنضال بخوف.

داوود:وش لهاد درجة كنخلع..عنداك يكون ايطيح.

زادت نضال..بجراا..

حياة:وصل لركابيااا.

دارت عاطياها بمأخرتها..

حياة:خارج من لور

داوود:على نتوما تتولدو من لوو

قلب وجهوو ساكت.

حياة:,العووجاب اربي لعوجاب سولييمة اربي.

نتراتهاا بزعاف..تمات واقفا محنزرا فيها..

نضال:علاش لبستي هادي.الا مكتعرفيش لها

شافت فيهاا..وبدورو داوود دار كيشوف..

حياة:وحيت تورماا.ديالي مبطحا قلت لبسها مع الكسوة..لبونج يبينا شويا

طلع حوااجبوو كيشووف فيهم..

حياة:دنضال

خباتها نضال مور ضهرها

نضال:عمر لبستها

داوود:الغشش ياربي لغشش..هاني معنديش اش فيهاا.؟.لغشش لغشش.(هز يدو كيعيب غوتا دحياة).السووليمة اربيي سوليييمة

وقفات لوطو قدام باب لكلينيك..نزلاات منها بثقالة..لابسا كسيوة فزيتي فوق ركبة لاااصقاا عليهاا..مبيناا مفاتنهاا...مع بووط طويل..طالقاا شعرهاا..دايراا مايكاب..باين..وخاوياا عليهاا ريحتها..

زااادت تتمااايل..والانظااار عليهاا...هي فاتنا لي شافها..ولي ماشافها فتناتو ريحتها وخلاتو يشوف فيهاا..

داارت منين شدات لووطوو..ديالوو لفران..وصوت لموسيقى..مسموع منهاا..

نزل بزربا...كان لابس ..سروال جينز كحل وصبرديلة فنفس لون مع تيشورت..كري..

زاد عندها ضاحك

عدنان:سبقتيني.

سكينة:نتاا لي تعطلتيي مفقتيي

عندك خدمة ليوم؟

حرك راسو باه.

عدنان:ديما عندي لخدمة..

سكينة:اه مزيان..انا ليوم غنشوف لمريض لي كيجمعنا بجوج..كي غادي مع دوااء..لمفعول دوااء خدم كيف بغيت..فغنضمن لك ان العملية ديالو تقدو ديروها من هنا لشي20 يوم.

عدنان:آه ان شاء الله..تاتهضري مع اسيرم عليه..اوا هي غنتغداو مجموعين؟

سكينة:لااا..غندوز لكابيني ديالي..ومن بعد غندووز..نشوف وحد داار..لقيتها قريبا من لكلينيك

عدنان:صافي سخيتي بيااا بغاا تمشي

ابتسمات .قربات منو جابداه من حناكو..

سكينة:وشكوون يسخى بهاد زين..

بعدات عليه ضاحكا..

سكينة:نخليك

تمات داخلا تتمايل..وهوا تابعها بعينوو..حطط يدو على راسوو..مصدوم..كيتصدم من جرءتها وهضرتهااا...يمكن هادي اكثرر بنت جريئة ايقابل فحيااوو شيي لي كيخلييه يتجبد لهاا..بجنون.

زادت دااخلاا...شافت فواحد من لممرضين كيشوووف فيهاا...نفسوو ليي كانت خدات نمرتو فااش جات..لكلينيك اول..مرة..

رجعات شعرهاا جنب وهي..تتشوف..فييه ..وطلعوو وتهبطوو ..وتعض شفايفها باغراء..

نطقاتت بهمس

سكينة:كيحمقققق.

.....:بحالا قصير عليك شويا لا؟

سكينة:(دايبا فيه)لااا غير انا لابساا طالووو

تهزات من بلاصتها فاش استوعبات صوتو..

سكينة:دكتور أسيرم

هزز راسو باه..

أسيرم:شفتك داخلا قلت نسولك على لمريض..ديالي.

سكينة:آه يلاه هضرت مع عدنان عليه..هواا ليوم عندي معاه موعد..وغنشوف دواء وش عطا مفعولو..لكيعطي المفعول فمن هنا 20 يوم تقدو دخلوه لعملية

أسيرم:20 يوم كافيا..باش لقا لي يتكلف بيه.

سكينة:كفاش؟

أسيرم:والوو..كمليي خدمتك..

تم غادي وهي متبعاه بعينيهاا..

سكينة:لي شافك عاد يعقل على غيرك.(رجعات شعرهاا لوور وغوتات بجهد) دكتووور اسيرررم..

زادت جرا تابعاه..وقف..كيشوف فيها

وقف ..شاف فيها مطلع حاجب مهبط اخر

أسيرم:معنديش لوقت بزاف لعندك شي حاجة قوليها دغيا؟

كطرطق صباعها وترمش بشويا..

سكينة:هوا انا بصارحة أنا مقدرتش نساك من نهار شفتك اول مرة ونتا فبالي وفعقلي وفقلبي...

مبقاش يدوز نهار بلا منفكر فييك ..كتجي فبالي فاي لحظة واي دقيقة

فنظرك اشش ندير أاا؟متقوليش نسااي حيت مقداش نسااااك جربت وووالوو.

ودابا يا غتكون ليا يا غتكون لياا معندكش لحق تاخد شي قرار اخر.

شاف فيها ..وشاف فساعتو

أسيرم:صافي هادشي لي بغيتي تكولي.؟مهم تقدي تشوفي شي طبيب أخر يقدر ينفعك..نخليك تابعني شي شغل

تم غادي..نطق بصوت مسموع

اسيرم:من الاحسن يكوون طبيب طويل عليك

زاد وخلاهااا بلا ميعطي لهضرتها اي اهتمام..حيييت عارفهاا..مخلات مريض ومخلات طبيب بلاا متزعط فيه..

تم دااخل ..غادي فلكولوار...بان ليه دكتوور كيعرفو ..من قسم الامراض السرطانية..

داز من حداه..نطق عليه السلام

عدنان:وعليكم السلام

حرك راسو وتم..غادي وقف منين عيط لو عدنان..

عدنان:بغيت غير نسولك ادكتور..هوا دكتورة ايناس مبقاااتش تتبان لي وحيت نتا من قسم..

قاطعو

...:آه دكتورة الواليد ديالهاا..مريض..على داكشي مجاتش هاد ليام..

عدنان:عميي آه..زعما بغيت نقول باش مريض..وش شي مرض بسيط وش راه هنا فلكلينيك؟

....:على حساب مسمعت دار شي كسيدة خايباا..وكان فلكلينيك قريبا من دارهم..ولكن دابا راه خرج راه فدار..وش معارفش هادشي؟زعما هي من عائل..

قاطعو عندنان..

عدنان:آه شكرا الله يشافيه نخليك..

تم غادي توجه..لمكتبووو...

جبد سكراب...كيحيد فحوايجو...وبالوو مع عموو..هز تيلي كيعيط لايناس...متتجاوبش...صوناا لباباه..بعد لحظات جاوبو..

عدنان:سييي الراضي

الراضي:اش حبيتي اولد سيي راضي.؟

عدنان:وش عيطتي لخووك؟

الراضي:علاش غنعيط لوووو .اش عندي مااانأولووو ..هواا لي مشتت عائلة بنييس..مايسول منسول..هوا لي رض دم ماء

مبعد تيلي على ودنوو مخليه يهضرر ويهضر ويهضرر..

تا سكت..رجع مقرب تيلي

عدنان:خووك داار كسيدة

الراضي:أربييييييي وااش مات

عدنان:بغيتي تعرف سول عليه..ماشي سوقيي انا.

قطع عليه..

كمل تبدلات حوايجوو..بعد لحظات..

دقات بلخف..زادت داخلاا..واقفا قداموو تتشوف فيه..نطق وعيونو عليها

عدنان:هضري؟

سدات عينيها وحلاتهم.

سكينة:بغيتك تعرف وحد لحاجة؟

عدنان:ياك لاباس؟

سكينة:هوا بصارحة مقدرتش نساك من نهار شفتك ونتا فبالي وعقلي وفقلبي

مبقاش يدوز نهار بلا منفكر فيك كتجي فبالي فاي وقت وفاي دقيقة..فنظرك اش ندير أاا؟متقوليش نساي حيت مقداش نساك جربت ووالز..ودابا ياغتكون لياا ياغتكون لياا معندكش لحق تاخد شي قرار اخر..

هزات عينيهاا فيه دوزات يدها على وجها بعد معرضات عليه اعترافها نفس لاعتراف قالتو لجوج درجال وغير لحظات تتفصل بين جوج اعترافان لجوج دناس مختالفين..

كيشوف فييهاا مصدووم..من هضرتهاا..هضرتهاا ليي تغغلات لاعماقوو..جرها من خصرهاا..تا ضربات مع صدروو..نطق وعينوو عليها

عدنان:غنكووون لييك..معنديش مشكل .

قرب وجهوو نازل ل شفايفها وهوا مبتاسم

بعداتوو بيدهاا..

سكينة:اويلييي اعدنان نعل شيطاان.

عدنان:شيطااان هوا اناا

سكينة:سمحليي لحركت لكك هدا(حطات يدها على قلبوو)ولكن اناا غيير تنجرب

عدنان:حركتي بزاف بزاف..اش تتجربي اش؟

سكينة:كنجرب ..(كدور فعينيها)كنجرب نعتااارف..بصارحة ناوياا نبغي شي حد هاد لياام على داكشي قلبت على شي اعتراف زوين..وحفضتو ..وقلت نجرب فيك قبل منلقااه..ونقولو ليه

عدنان:تجربي فيااا(هزز يدووو بلاحول)وش حنااا تخلقنا غير لتجاريب...متخلاقيناش نتحبووو

بعدات علييه..خارجاا..

سكينة:اوااا شكووون عرف..يقدر يطييح عليك الاختيار..ونبغييك..

زااادت خارجاا..فحين هواا تكااا على لمكتب..

عدنان:كنبغييك وش هاد لجملة كيجربو بيهاا ناس؟

هزز تيلي منين سمعوو..كيصوني..حطوو على ودنوو مجاوب.

عدنان:كنبغييييك.

إيناس:شكراا على لاعتراف ديالك ولكن انا مكنحملكششش..

تهزز من بلاصتوو..

عدنان:هادي نتي اش فيك ميتبغاا صحابني مون اموغ لي تتعيط..

إيناس:ايييه متعاودش لي قصة حياتك لاش معيط

عدنان:كي بقا عميي؟

إيناس:الا كان كيهمك عمك غتجيي تزورو داااكووغ..

قطعات عليه..

عدنان:حمااارة قطعات عليااا..(سمع دقان)دخل

تمات داخلا ممرضة كتجري.

الممرضة:دكتور طالبينك فغرقة العمليات

عدنان:كنبغيييك

تكوانسات ..ساكتاا تترمش

الممرضة:بصاااح؟

عدنان:اكيد كدوب..غير تنجرب.

هزات كتافها:اصلا انا مزوجاا..

عدنان:كنتي غديريني تاني

الممرضة:اوا ميقولوش عليك ناس لاا

عدنان:بغيييتك والله تا بغيتك

تموو خارجين..وهماا ضاحكين..بدورها غادة معاه فلخط..عارفاه غير زهوانيي بلااا عقل..شي لي معرفاهش غير هي كاع المرابطين عارفينو..

"بعد ساعة"

وقف لوطوو قدام داار داوود..

تم نازل..هزز تيلي منين سمعوا كيصوني..

أسيرم:وي عزوز.

عزوز:خووويااا..عنديي ليك شيي خبار

أسيرم:ياااك لباس؟

عزوز:سييد ليي نتااا باغي تعرف...مول سبيير قددرر ..اش تتسماا هاديك آه يختاارق لاميل ديالووو...ويعرف عليه شي ضواساا..غيغرقوووه بلمزيان..ممهم هااد لحمار هدا لي خدام معاياا راه..تقيل عشر يااام وهوااا يختااارق فيه مبغاا يتختارق يقووول عزبااا...ودابااا انا غنسيفط للكك..كاع ضواسااا..ولي عليك تعطيهم لبوليس..وهماا غيشدووه.

أسيرم(ابتسم )شكرااا لكك بزااف اعزوز

عزوز:مبيناتناش شكراا ..والا بغيتي نشدو لك بلاصة لبوليس لعبوو معااه العاب الخفة مرحبا..

أسيرم:لااا درتي لي عليك..دابا خرج من لقضية..خلي لباقي عليا..

عزوز:آه لي بغيتيي..

قطع عليه..وشاف فلهاكر لي قداموو..

عزوز:على سلامتكك..

...:سي عزوز..لعزباا ساهلا من هادشي..

حيد نضاضروو..وتكسل.

عزوز:وش غيعررف بليي قرينا لعجب ديالو؟

....:مغيقدرش يدخل مزال لاميل..ديالو..لكان شي حد كيفهم غيفهم .بلي تختارق.., ولكن مغيعرفش شكوون اختارقووو..ولكان شي حمار غيصاحبو غير مشكل عادي..هااد سيد هداا مصااائبووو كتاار..وكيحماااق على شي حاجة سميتهاا الاغتصاب...

عزوز:ولد لكلبة ..كثرووو الهماااج بحالووو

زااد كيدق..حل ليه..لباب جروو مدخلوو..بزرباا

أسيرم:اش واقع مالك؟

داوود:دخل دخل من بعد وتعرف..

دخلووو لوسط داار..بانت ليه كالساا على لفطوي..شادة طابليط..ميل راسو بمعنى شكون هادي.

داوود:هادي نجاة..بوليسية خدامة معاياا..ومن غير انهاا بوليسية..رسااامة..كتحط بنادم كيف هوااا...داااك يونس..انااا شفتووو..فلحلفة..ووصفتووو لنجاة..وهي دابااا كترسموو

.

هزات راسهاا..فيه

نجاة:شاف كيف قولتي لون عينيه

أسيرم:عسليين..(شاف فداوود)ديجا شفت عينيه وحاس بلي سبق شفتهم..ولكن معقلتش فين..عينين غامضين..مخبعييين اسرار كثيرة موراهم..

هزاات طابليط قدامهمم..

نجاة:وشش كيشبه لهداا اشااف.

شدهاا من عندهاا..خرج عينوو..

داوود:تقول هواا..(مد طابليط لاسيرم)شوف وش تعرفوو

شددد طابلييين..منووو..وقفف كيشووووف فيييه..مصغررر عينوووو...للحظة وسعهم..وبصدمة كيشوف فداوود..

نطق .بصوت عالي

أسيرم:تفكرتوووو

كاانت تدووور فداار..صووت الطالون مسمووع..وكيتعاود مع الصدى..

شافت فموول داار..

سكينة:عجباااتنييي...متيسعا ومهوياا

زاادت واقفات قدام باب واحد لبيت مسدود

شافت فيه

سكينة:علاش بابوو مسدودة؟؟

....:آه انااا غنجيب..سااارووووت..لبييت..راه خليتووو فطومبيل..غير حيت باقي كيتصبغ قلت باش متخرجش ريحاا دصباغة..ويتشكاو جيران..شي ناس ساكين حداك..هنا مساكن فيهم ضيقة.

سكينة:الله يشافيهم..جيب لي ساروت..حيت تابعاني لخدمة..

زاااد خااارج..فحييين هيي بقااات.

دووور..

سكينة:متيييسعة..هنااا غنحط لفطووياات..مع تلفااازة...داك لبيت لمسدود..لكان كبير غرضو بيت نعاااس..

زاادت وااقفاا حداا..بابوو..تتعاينوو يجيب ساروت..سمعاتوووداخل..دارت بزربا

سكينة:جبتي سار..

سكتات مخرجااا عينيهااا منين بااان لهااا...صدرهاا كيطلع ويهبط..بجهدد..قلبهااا باغيي يخرج من بلااصتوو..راجعاا بخطوات لور..تا ضربات مع لباب..

دموووع تغرغروو فعينيهاا..وبرجفة..نطقاااات..

سكينة:ن نن نتاااا

كيشوووف فيهاا ببتسااامة كبيرة...ونضرااات كلها شرر..كتخرج من عيونو العسلية

نطقق..بصوتو الغليض

.....:شحااال صحااابك غتبقاااي هربااانة منييي.

كان كيشوووف بصدمة..فاسيرم..

داااوود:منين كتعرفو؟اششمن حساااب كيجمع بييينكم..؟

أسيرم:هوااا ق تل (سرط ريقوو)معاااد بسبااابييي..طلعتت أناااا سباب..

كاانت خارجاا من لكوزينة..هازاا بلاطوو فيدهاا..فيهم كسان لقهوة..

سامية:غير سمحووا لي تقتلت علييكم..هااد سيمانة غرجع..لبلااد..الله يكثرر خيركم عمرر انساااه..وهادووك المجرمييين نتمنات شي نهار تقدر تشدهم باش ميضروووش غييريي..

زااادت واقفاا ..خرجات عينيها منين داار أسيررم..وشااافتووو..

نطقااات..بصدمة

سامية:أ أسييييرم

طيحات لبلاااطووو...كتشووف فيه..مخرجاا عينيه..

ميل راسووو كيشووف فيهاا..

نطق وهوا كارز على مخارج حروفو

أسيرم:نتيي.

كااانت كااالسااا..فداار..تدير لغداا وتغنيي..

إخلاص:أجمل مييين فيي الحفلة مييين..ددبدووبة تخيييناا ..ياااليي لاابساا فستااان وييي..

سكتات منين سمعات دقاان فلباب..

شافت..فساااعة..

إخلاص:هداا مالو رجع بكري.آه غيكون عطاا استقالتوو وجااا..

زاااادت بجرااا..تحل لباب..

تكوانساات منين شاافت..تلاتة لابسيين..لبااس بيض..دايرين..قناع ..وهاازين قراعيي كبار..وسعات عينيها

إخلاص:الله شكون نتوما..نزلتو من عطارد ولا المريخ؟

نطق واحد منهم..

.....:حنا من شركة التنضيف جينااا نعقموو داار..نقت لووو الحشراات..

حطات يدها على راسها

إخلاص:أسيرم مقاليي والو على هادشيي؟صبروو وحد دقيقة..

تمات داخلا سدات لباب..توجهات لتيلييي ..

هزاتوو كتعيط لاسيييرم..

والووو مكيجاوبهااش..

تنهدات بجهدد..تفكرات نهار لقاو سراق زييت..نهار علماتهاا نضال..بلييي داير مع شركة كتجي شركة..كتعقم دار..

زاادت بخطوات سراع..

إخلاص:دخلووو ولكن بعدو من لكوزينة حيت كندير لغدا..

حرك راسو بوخاا..شار لهم يدخل..

طلعوو..لفوووق..كيرشوو..دوااء..خلااو دنياا..مدخناااا...

رجعات كتكمل غداها..

هزات تيلي منين شافتو كيعيط ابل فيديوو..

جوبات وحطاتو..

إخلاص:علا سلامتك مجاوبنيي

أسيرم:اااشش واقع..خلعتينيي

إخلاص:آه مواقع والوو.وش غتجي لغدا

أسيرم:آه وخاا شوياا ونجيي..(رد بالو لدخان لي موراهاا)إخلاص اش داك دخان موراك ياكما حركتي لغدا؟

إخلاص:نتاا راك مزوج بوحداا حادكاا اشريف..هداك دخان غير دناس لي كيعقموو..دار جابليي رداا .

خرج عينووو..مصدووم..قرب تيلي منوو

أسيرم:أشمنن ناااس ااخلاص؟

إخلاص:شي وحدين صيفطتيهم يعقم..

حاسة بلسانهاا..ويدهاا تقال عليهاا..

أسيرم:مصيييفطتت حدد ااخلااص..اخلاص هزييي تيلييي شوفييي فيااا

هزاتو قدامهاا..

إخلاص:اناا هااد رييحة(حطات يدها على راسها)اشش واقع ليي..

أسيرم:خرجييي من تمااا إخلاااص خر..

غوت بجهدد..منين طاحت..وتيلي طايح على وجها..كيغوووت كيييف شييي حمققققق...باسمهاا...تهززز تيلييي..ديالهاا..شدووو قدامووو..كيشوووف فييه..كفااش كيغوووت...عرووق راسووو قربووو يطرطقووو..

نطق وعينو عليه..

"غناخدها من قدامك ونتاا تتشوف

.ونتاا تتغوت..ونتاا تتعدب..ونتاا تتقطع..ومغتقدر دير والو"

حييد لقنااع..كيشوف فيه مبتااسم..

يونس:وعدي تاني نفدتوو اسيي طبيب..تقدر تبكيي داباا..حيت مرتك خديتها لك..(حرك رااسوو بلاا)مغتبكييش..قلتي بغيتيي تجرب احساس جديد..احساسك جديد هوا انك غتبغي تبكي ولكن مغتقدرش

ابتسم بغييييظ..جمع ابتساامتوو مخنزر.

قطع علييه..

كانت كالساا..جامعاا رجليهاا عندها..حاطاا عليهم..راسهاا..كتفكرر هضرتوو قبل ميخرج..

كا غادي..دار عندها قبل متسد لباب..

داوود:اناا بصح تبدلت.. ولكن باقي عندي داك لفكر تقليدي ولعروبي لي تتعرفي.

هزات عينيهاا..فيه..كتحاول تفهم اش كيقصد

نضال:اش تتعني؟

داوود:نهار خطبتك من خوك...ونتي بنت 18..حيت بغيتك..وبغيتك تكوني مرتي..دزت من بابكم..بلا منجيي عندك ونكولك..وش تبغي تخرجيي معايا..عجبتيني وكدا..ديك لهضرا لي تتاكل دماغ لبنات لهشيشات

(تنهد بجهد)باقي عندي نفس تفكير..يعنيي..كن بغيت شي وحدة..فهاد لمدة..كانت غتكون داباا مرتييي..ولكن فهاد سنين..وحدة لي كانت فحياتي..مخلاتش لي وقت اني نشوف لجهة خراا..هي فيروزة..(هزز راسووو فييهاا..كيشوف وسط عينيها)الصدفة جمعاتني مع بزاااف..ولكن مقدرتش نبغي شيي وحدة..ولا ندخلها لحياتي وحياة بنتي..بعد تجربتي الفاشلة الأولى..كان جهدي سالاا..الحب لي كان عندي..كنت عطيتوو لك كولوو..مخليتي لغيرك والووو..(ابتسم بجنب)ومنين مشيتي ديتييه معااك..وخليتيي قلبيي..غير لحم ودم معندو تا فائدة من غير انه يخليني نعيش لبنتيي..

شاف فساعتووو..ساط بجهد

داوود:خصني نمشي..دخليي.

تهزات من بلاصتها..منين كلسات حداها حياة..

حياة:وااا شوووهاا تشوهناهاا ليووم

نضال:وهادشي بفضلك.طبعا(قادات لكلسة)لاااش جابداا لبونج لاااش نتيي خديتي حق لمغرب كولو وبغا تزيدي لبونج

حياة:وياختي مبطحا مبطحا..بغينا غير نشوفو كي تجينا مع لكسوة..ونتي بعدا..حوايجك كلهم وااسعيين ومجرجريين..لااش كتلبسي لبونج

نضال:عمريي لبستوو غير ريحيي..كانت عطاتوو ليي وحدة من لبنات لي خدمت معاهم برا باش لبسوو مع الكسوة ..فلحفلة لي كانو دارو ليي فاش جيت فلغرب

حياة:دووك نصرانياات غشاشان اختيييي...(كتقلد داوود)الغشش اربيي الغش

ضحكات بجهدد:سكتيناا اهاد المصيبة..سكتيناا..السوليمة منك

حياة:هاني ساكتا..غنووض نوجد ماناكلو

نضال:نتي غير مع لماكلا..

حياة:علاه كاين ما اهم من سريط فهاد دنيا..

نضال:,,اناا قررت

حياة:(بتركيز)اش؟

نضال:غنبداا لعلاج

سرطااات رييقهااا...كتتنفس بجهدد..

قدات وقفتهاا..كتشوووف فييه..

مطلعااه ومهبطااه..لحوالق لي فودوو..وسناسل لي لابس ..الوشم لي باين من صوفيطمتوو..كتشوف فوجهوو..شعروو الاسود..ولحيتوو..بشرتوو السمرااء..عيوونو العسليين.

لي كياكلوها بنضراتوو لمخنزرين..

طلقااات ضحكة..بجهد..

سكينة:أمييين زمااان مشفتك

ضحك ..بجنبك....دوز يدوو على نيفوو..شاف فيهاا مخنزر

أمين:كتقنعيني بلي مكونتيش هربانة مني ولاا.

هزات كتافهاا..

سكينة؛وعلاااش غهرب منك؟

قربات منوو..حاطة يدهاا على كتافوو...ونطقات بتحلوين..

سكينة:كاين لي يهرب من هاد زين..

أمين؛نتيي عارفاا علاش خصك تهربي مني..وعاارفاا...بليي لبقيتي هارباا اش غيوووقع..

(خشااا يدوو فشعرها..مرجع راسهاا لور..مقرب وجهو منها)على داااكشيي ازوييينة ريحييي وتبتيييي...حييت حيااااتكك بيين يديي..لنويتي تغدريي ولا نويتيي تهربيي..غندمكككك..أك مفهوووم..

طلق منهاا..ضاحك..

منين سمع لباب ..تحلات..وبصوت عالي نطق.

أمين:داارنااا منورااا متيسعااا..

شاف فيه مول دار وشاف فيها

....:مقولتيش لي بلي غيكونو جوج دنااس..

سكينة:هوااا..

أمين:غنسك مع حبقلبي عندك شي مشكل؟

سرط ريقوو..وبخوف نطق:اسيدي لمنطقة محتاارم..

سكت منين شافوو زايد عندوو..بخطوات تقال..رجفة دخلاتوو..وهوا كيشوف فييه..منضروو..ونظراتوو كيخلعوو..لباسوو..ووشاموو..تعرفوو مشمكر غير بيهم..

حطط يدوو على كتف مول..دار ضحك..بجهد

.

أمين:بلاا متخلع اسيدي..غنسكن معاهاا مور زواج..ماشي دابا..حنا ناس محترميين جدااا اصديقي..

تنفس صعداء:والا هكداك..مرحباا بيكم..(شاف فسوكا)هااا سارووت دلبيت..

هزات تيليفونهاا..

سكينة:كيعيطو ليي من لخدمة..من بعد ونشوف لبيت..

أمين:غنشوفو انا ..انا وهي واحد..(دار لها باي باي)سلمي لي على لمرابطين..

غمزها وضحك..بجنب..كان باغيهاا تعرف بلي عارف بلاصت خدمتها..وفعلا نجح..وخلا داتها ترجف بلعصب..

زادت خارجا توجهات لوطوو راكباا...

وداتها باقي تترجف..كضرب فراسها كيف شي حمقة

.

سكينة:نتيييي لي درتييهاا لراااسك..نتيييييي

دوزات يدها على شعرهاا..ودموعها فطرف عينيهاا..هزات تيليي..مجاوبا

سكينة:ويي نضال.

نضال:انا قابلا نتعالج..ولكن مبغيت تا حد يعرف..من غيرك نتي وعدنان..

ساطت بجهدد..كتنفس بجهد..أخراتها ببتسامة متيسعة

سكينة:واخيرا شي خبار زوينة تتفرح..صافي غداا ان شاء الله..غنديرو لقسطرة..ومن بعد نشوفو نوع لعلاج لي يناسب لانسداد...احسن قرار خديتي..بزاف دناس كيبغيوك..بزاف محتاجين ليك.

نضال:على حسابهم..انا بغا نعيش.

مفييكسيي عيينوو بلااا ميرمش..عينووو لي ولاو نطقة ددم..مزيرر على قبضة يدوو..بعنف تاا ولات حمراا وعروقوو بارزين..نفس لعروق لي واضحين فجبهتووو..ووجهوو لي ولاا حمر..كااارز علىى سنانووو...صدروو كيطع ويهبط بجهدددد..

هضرت داوود..لي كيسولوو اش واقع...بحالاا كاع مكيسمعها..

بحالا راه فبلاصة بوووحدووو...

حاااس بليي قلبووو تجبدد..من صدروو..وروحووو تجبداات..معااه..باااغي يبكيي..باغيي يغوت..مقااادرش..

كانو جااه شلل النوم..فعز فياقووو..

تنفس بجهددد..نفسسس لي خرجات معاه شقهة مسموعة..كيشوف فداوود..وهوا حال فموو..ومخرج عينوو...نطق ..وصوتو تبح مباغيي يخرج..

أسيرم:داااهااا(ميل وجهوو)داااهااا

كيشوف فييه..ويشوف فحالتووو...لحالة لي عمر شاافوو فيها..

داوود:تهدن..شرح ليي بلمهل.. شكون هدا؟ووش..

غوت بجهدد...خلااه يتهززز..من بلاصتوو..

أسيرم:كفاااااش نتهدن..كفااااش.داهااا دااار مرتي مرتييي..إخلاص..مرتييي

حط يدوو على راسووو...كيدور بلاصتوو كيف شيي حمق..

مرتيييي دااالييي مرتيي..مرتيي بين يديه..

زااد خارج بجهد..وداوود تابعو ولبنات تابعينهم..

ركب فلووطوو مكسيري ...

خلاا غير لعجاج موراه..

شاار داوود..لبنات يدخلو..

داوود:دخلوو..نجاة حضيها متخليهاش تزعزع من حدا عينيك

دارت ليه تحية:كن هاني شاف..

دخلوو فحين..داوود..زاد..راكب...تابع.أسيرم..

فطومبيل..كانت بعيدة عليهم..بخطوات..كتعاين أسيرم من لحظة دخل...كانو جوج درجال.. كيطلوو..حاضيينو باش يوصلو خبارو ليونس..

شاف فواحد فيهم فتاني..

....:لبنت لي خرجات..دابا شويا وش ماشيي هيي..لبنت لي باغي لمعلم..

جبد تاني صورتهاا..كيتاكد..حرك راسووو..باه..

...:هيي..اش غنديرو دابا؟

....:محد كاينين غير لوليات..خليناا..نهزوها قبل ميرجع..لكوميسير..

تموو نازلين..

زاادوو كيدقوو....

شافت سامية..فنجاة..

سامية:ياكما داوود رجع؟

نجاة بقااي تم أنا غنشوف

زادت حالا لباب..ميلات وجها تتشوف فيكم..

نجاة:اش كاين؟

دفعهااا..مطيحهااا..وزاد داخل..

بصوتوو الغليظ..نطق..

"فيييينهاا لبنت تانياا"

شااف فسامية..

زاد بزرباا..عندها..شادها.من يدها..ممخليش لها الفرصة تهرب..

تم جارها مخرجها ..وهي تتغوت..كيشوف فيها..كفاش طاحت لارض..كتجرجر وهوا كيجرها..نطق موجه هضرتو لصاحبو

....:اجيي كعدهاا..طلقناا..

شافو مكيجاوبش..داار كيشوف..بان ليه طايح..لارض..سخفان..وهي حاطا..رجلها..على كرشوو..وموجها سلاح لجهتو..

نجاة:نطلق لبنت فين دايهاا صحاب مك فدار بااك...يلاااه هز يدك وحطهم موور راسك..

حرك راسو بوخا:وخاا شاف لي بغيتي

زااد بجراا..دفعهاا..طايحاا..وخرج كيجريي...تهزات تابعااه..كتجري..بسرعة ركب لووطو وتم..غادي..

رجعات لدار..

حطات..رجلهاا..على صاحبو لي باقي طايح..جبدات لمينوط مركباه لييه..

نطقات وهي تترجف..ودموعها نازلين..

سامية:وش مات.؟

نجاة:ضربتو بسلاح..لراسو..غير سخف..شويا ويفيق.

سامية:هداك لي هرب..غيعلمو..غيجي غياخدنيي.

نجاة:متخافيش..غنعيط..لدراري..نديو هدا..ونعلم لكومسير(طلعاتها وهبطتها)عند بالي غير كنضيع لوقت واناا حاضيااك هاد..لياام..ولكن طلعات مورااك قصة..واشمن قصة..قوليلي بلا كدوب(غمزاتها)مهجم عليك حد فدار ؟

سامية:لمراا لولى بصح..كانو بغاو يكريسوني..وعتقني داوود

نجاة:غير كري غنعرفو كولشي اللهم تسرسري.

سامية:منين عاوني..طلبت من شي وحدين..يمثلو بلي هجمو..عليا وفاش جا..شافهم هاربين..وصافي..كنت بغاا نبقاا معاه..باش يحميني..(تغرغرو عينيها بدموع)تيقيني مكونت بغا شر لتا حد..كنت باغا غير شي حد فهاد لكون بحميني...فهاد زمان صعيب تلقا شي حد كيخدم من قلبو..هوا منين تجرح على قبلي..باش يعاوني..تقت فيه..تقت بلي غيحميني..وتيقتي مخابتش..نتي وهوا عاونتوني..ولكن..دابا هوا مغيخلينيش

نجاة:وش لهاد درجة خالعك؟

سامية:هواا (هزات راسها فيها)المووت بعينوو..هواا شرر بعينووو..لكان شي وصف مناسب ليه..فراه جهنم..

دااخل لداار..بجراا..بعد..محلهاا..كيدوور..فعينوو...بااقيي..ريحة كاينا..داار يدوو..على نيفوو..توجه..لكوزينة..

بان ليه تيلي ديالها..طايح..نزل هازوو..

حول نضرتو..لبوطاجين..سرط ريقووو..بحرقة..وهوا كيشوف..غداهاا..ليي كان..كيووجد

طااح كاالسس..حااط يدوو علىى..راسووو..

راسوز لي باغيي يطرطق..بمجرد..مكيتفكر انها بين يديه..معرفش فين..غتكون ولا اش غتكوون تدير..وكيف غتكون حالتها معااهم..

تهزز منين سمع تقرقيب..زاد بجرا وهوا كيغوت..باسمها

"إخلاص"

سكت منين شاف داوود..

زااد عندوو..بجرا..جارو..

داوود:خليناا نخرجوو من هنا..ريحة تتخنق..لوقعات لك شي حاجة دابا..شكون غيعتقها أاا..

نترر يدو وزاد..خاارج..

بمجرد مخرجو..تيلي ديال داوود..صونا..جاوب...شاف فاسيرم منين قطع..

داوود:رجال يونس..كانو بغااو ياخدو سامية

هزز عينوو فيه..والخوف عليها باين فيهم

أسيرم:وشش داوهااا؟

داوود:لاااا..خلينا نمشيو..راهم فلكوميسارية..ونيت نعلم دراري يقلبو على مرتك.

"بعد ساعة"

ضربووو بجهدد...جابوو لارض..طايح..مخلي دموو يسيل..

يونس:قلتيي بنت اأااا بنت غلباااتك...وشدات شماتة دصاحبك أاا بنت..

نطق بتمتة .:بوليس..

قاطعوز بلغوات..

يونس:تكوون شكون مبغااات تكوووون..لبنات اضعف مخلوووق...لبنات تخلقووو بااااش نزطمووو عليهم..ماشيي همااا يضربووووك..وشش فهمتيي..تهزززز...(شاف فرجالوو تانيين)هززوووووه...منشوفوش كيدور حداياا...

زاادوو هازينوو..فحين..هوا عنكش..شعروو..ضحك بجهد..منين سمع تقرقيب موراه..

كان صوت لكرسي لي كالساا..عليه..كيتهز مع حركتها..

كالسا مربوطة..وساد لها فمها بسكوتش..

زااد عندها..حنا مقرب وجهوو منها.

يونس:سمحيلي غوت تا فيقتك

كيتسمع غيير انينهاا..

ابتسم لها..نتر ليها سكوتش

يونس:آه اش كولتي ..قلتي مسموح؟

إخلاص:شكووون نتااا؟لاااش جايبييني لهناا..وفيين انا بعداا

يونس:بشوياا عليك..لغوات مغينفعكش..

إخلاص:اشش بغيتي منيي؟

يونس:مبغيت منك والو..بغيت من راجلك..

إخلاص:أسيرم(بالغوات)أشش بغيتيي من أسيرم أاا..والله وتقرب لييييه..تااا.

قاطعها.

يونس:تا أش؟أش عندك مديري ونتي مربوطة وتحت رحمتي..

نزل وجهو لعندها..حاط يدو..على لكرسي.

يونس:اشش فيدك مديري..نتي غير وحدا ضعيفا تحت رحمتي نقدر نزطم عليها فاي وقت..كفاش مزال عندك لوجه دافعيي..على راجلك..أا.؟

جمعاات دفاال..ففمها..ولاحتهم..علييه..جاو نشان فوجهوو

إخلاص:أتفوو جرب تقييسووو..وتشوف هاد صغيرة اش غدير لك..

ميل وجهوو جنب..كيمسحوو..كارز..على سنانو..بلعصب..

ضاار مخنزر فيها..وبجهد..دفع لكرسيي برجلوو..خلاها طيح..لارض..

غوتات بجهدد عليه

"أسييييبرم"

تهززز من بلاااصتوو..

أسيرم؛دااازت كتر من ساعة..كتر من ساعة..وهاد رجالك..ملقاو عليها خبار؟؟

داوود:تهدن أصاحبيي..راه ناس كيغبرو لشهر..ونتا تتقولي ساعة..

زااد شاق عليه..كيشوف فييه..

بعيونو لي غينفاجرو بلعصب

أسيرم:تعاااود تقوليي تهدن..غنفرع مككك..فهمتيي أاا..؟غيير سااعة..كانت كافياا باش تقتلنييي ألف مرة..ومرة..ونتاا تتقولي شهرررر...غنضربك اداوود غنضربككككك..

بعدد عليه..شاااد على راسوو.

جبد تيلي ديالوو لي سمعو كيصوني..دغيا جاوب ..منين طلعات نمرة ممعروفاش

أسيرم:غتندددددم..كنحلف لكك غتندم..لكنتيي راجل خليني نشوفك

ضحك بحهد

يونس:دغيا وليتي تتعرفني..بان لي وليتي تتبغيني..اك خلينا نتشاوفو..أجي نعطيك مرتك..ولكن جيب معاك حبيبتي..فيفتي فيفتي..

أسيرم:بلااا متحلم تديي سامية

يونس:إذن تانتا بلا متحلم ديي إخلاص.

يتبع...