قصة تزوجتها بوصية زوجها

تمنيتك عصفورا محبوسا في قفص قلبي،

رجوت حياتك لي وحدي،

هل كنت أنانية قاسية ليكون هذا الهجر جزائي،

أم أني مظلومة في بحر القدر وحدي

أيا عزاء قلبي قل له ان بفسان زفافي أعلنت حدادي 🤍

الدنيااا...غير مجرد لحظة...عندهاا نهاية كيف ما كانت عندها بداية....

غتعيييش شنووو معشتييي

غيجي نهار وتموت...

غتبغي شكون مبغيتي..

غيجي نهار وتفارقوو

على داكشي عمر تنسى أنهاا مجرد لحظة..وغتعدي...بحالها بحال جمييع اللحظات.

صوووت الرعد..وضوء البرق معبييي الدنياا...

الجووو ديال شتاا وخاا مزال شتا مطاحت...

خطوات مسموعة فالارجاء...للحظة..وقف صوت خطواتهم...

تمدات يد تحل لباب لي قدامهم ...باب كبير ..مكتوبة عليه ..

"مقبرة الرحمة"

الباب ليي تقدر دخل لييه ونتاا عايش كتمشا على رجليك..او ونتاا ميت مهزوز على كتاف غيرك..

دفعووه..تا صدر صوتو..وتموو داخلين..

غادييين كيميلوو...لقرعة فيد...ولكارو فتانيا. .جوج ديال شباب لي مخلين لقبر مسكن لهم..لجئو لميتين فلوقت لي نبدوهم الحيين.

غادين كيغنيو بصووت عاليي

داااخلين كيميلوون...وهماا كيغنيو..

وليييلة طويييلة يا ليلى ولييلة طوييييلة....

ليييلة ليييلة ياليلى خلينيي نعيشهاا ياليلىى..

حط وحد منهم صبعوو على فموو

هوا:ششششش غيفيقووو(شار لقبور)ششششششش

صاحبو:ششششششش(بدااا يضحط بهستيرياا)وشدات فييك سكرة اساااط وش لميتين كيفيقووو...

زااد كيميل...وقف..مكوانسي...للحظة..مخرج عينووو فشي لي كيشوف قدامو..

هوا:سسسسساااط سسسساط تتشوووف اشش تنشوف..

صاحبو:(حل عينو وسدها)بغلة لقبوووور

هوا:ووووفرتححح فرتحححح....بسمالله رحمان رحيم.منبت الاحرار طلع البدر علينااا...

زااااد بجراا...كيطيحووو وينوووضوو تا خرجوو من باب المقبرة

واااقفااا بكسوتهااا البيضة. كسوة عرسهاا..ضوء البرق كيضرب فيهااا...وريح كطير خصلات شعرهااا الاسود..ويطير جناب كسوتها

واااقفااا...قدام وحد من لمقابير...كتشووووف فيه...بملامح مطموسة..وعيووون محجرة بدموووع..

كتشووووف بلااا اي حركة...

لدقايق وهيي على نفس لحال...

نطقااات بصووت..خافت...وشفايفهاا كيرجفوو..

......:وش نتااا فرحاان داباا أاا؟؟؟فرحان(ميلات راسها)جاوبني وش نتاا فرحان؟؟

نطقاااات بلغواااات

......:جااااااااااااوبنييييييي وششش نتاااا فرحااااان أااا وشش نتاا فرحان.؟؟؟

(سكتات للحظات )

.....علاش درتي هكداا أااا؟علاش حكمتيي عليااا بلموت الف مرة بلاصة منموت غير مرة معاك علاش ؟..كن ديتيني معاااك وهنيتيني بلاصت متخليني نتزوج بغيييرك..علاشش ؟

طاحت على ركابيهاا تتشهق...دموعها كيتلاقاو عند اخر خدها

.....:نتاا عارف عاارف مغنقدررش نبغيي شيي حد من بعدك.عارف مغنقدرش نساك..مغنقدرش نسخا بييك عارف روووحيي هوا نتااا....وعارف بلي قلبيي تدفن معااك.(بالغوات).لاااااااششش وصيتيه باش يدينيي لااااااششش.(بنبرة منخافضة).لااش سخيتي بياا لاااش..؟وشش نتاا غتكون مرتااح لكنت مع راجل اخر وبين يدين راجل اخر .؟أاا غتكون مرتاح احبيبي؟أاا غتكون مرتاااح ؟

هزات يدهاا كدوز ريوس صباعهاا على سميتو لي محفورة فلقبرر...

حركات راسها بلا :نتااا ممتيش بوحدك لاااا أنااا متتت معاااكم ...انا متت معاك نتاا وولدي...إخلاااص ماتت معاااكم...قلبيي ورووحيي تدفنات حداااك..بصحح قبلت نتزوج..وتزوجت بييه هكداا غنكوون كنعاقب راسيي ...على جريمتيي اناا قتلت ولدنااا...اناا مكنستاهلش نعيش..ومكنستاهلش نموت..كنستاهل نتعدب...وزواجي بغيرك اكبر عداب ليااا ...نتاا مغلطتيش منين خليتيه يتزوجنيي نتااا عطيييتيني غير لعداب لي نستااهل...

هزاات حجرة من لارض ..وبدات تحفر..حداا..سميتوو..سميتهااا...تتنقشش وتبكيييي...بصووووت مسمووع..صباااعهاا تجرحو...ولاسم مبغاا يتحفر..بحرا تكتب معاها أول..حرف...

لاحت لحجرة..وكملات لكتبة..بدم صباعهاا....زادت فجرحهمم..خلات دم غير يقطر منهم...تمات نايضاا تتشوف...فسميتها لي مكتوبة بدم حدا سميتوو...

"إخلااااااص "

إخلاص:روووحي وقلبيي دفنوو معاك..وجسميي غيبقا ياخد عدابوو على جريمتوو...نهاار ليي غنشوف بليي قلبيي غيرجع ينبض من جديد ...دااك نهاار غنجيب جسميي تا هوا حداك.. إخلاص غتبقااا ديما مخلصة ليييك وخاا نتزوج الف راجل غييرك..غنبقا ليك بوحدك.

هزاات راسها فسما منين حسات بقطرات شتاا بدات تتنزل

إخلاص:يااربيي خليهاا تنزل كترر خليهاا ...

"حطات يدها على قلبهاا وصوت شهقتها مسموعة..تضرب بيدهااا وتغوت"

خليهااا طفيي غير شوياا من نار ليي حاسا بيهاا خليهاا...يااااربيييي قلبيييي تيتحرق خلييييهااا تنزل كتر خليهاااا

تمجهدات شتاا وريح..لجوو ولاا عاصف...وهيي باقاا على حالتهاا...تتشوووف فسمااا...وكسوتهاا كلها..فزكات ولجزء لتحتانيي عمر بالغيس...قطرات دم نازلين من يدهاا...

قدام باب المقبرة...وقفااات أوووطووو...كحلاا...تحلات لباب...تحطات اقدام فلارض..خلات قطرات لماء تهز...

نزل شخص..بكوستار كحل. لاصق على جسمو لعريض...طلق مظل فنفس لون...وزاد دااخل...

بخطوات مسموعين..وتقال كيزيد

بانت لييه...زاد عندهاا بخطوات سراع..حط لمظل فووق راسهاا وخلا شتاا تنزل عليييه ..

نطق..وعيونو عليها..

......:يلااه

إخلاص:ونتاا مالك؟

......:(كارز على سنانو)غتمرضييي

إخلاص:ونتاا مالك ؟

:أنا طبيب..ومناقصنيش ناس مراض فحياتي..

حط يدوو على كتفها..وجرها..مغطيها بلمظل..حاولات تنتر منو بلا فائدة ...كملات طريقها تابعاه وهي مرفوعة...لي يشوفها يقول غير خرج جثة هامدة من القبر وداها معاه.

شتااا تطيح على وجهووو...شعروو فزك ونزل..رجعوو بيديه لور..

دار موراه

شاف فلقبر..لي كانت واقفا حداه..

نطق فنفسوو

...."عارفك مغتسمعش اش كنقول...ولكن بغييتك تعرف بليي هيي غتبقاا مرتك نتاا...بصحح تزوجتهاا...وغنحميهاا...وغنوفر لها كولشي...ولكن غتبقاا مرتكك..بغيتك تعرف بليي غتكون أمانتييي نمووت ومنضرها غير رتااح"

شاف قداموو..كمل خطواتوو..وصلهاا لووطوو...ركبهاا..رور..وزاد ركب لقدام...

كسيرااا بجهد بحالو...

وشتاا باقا خيط من سماا...نفس شتاا لي غسلات اسم "إخلاص" لي تكتب بالدم على القبر.

"قبل 5 أشهر"

كااان ساايق..عينوو على الطريق. شاب فاواخر الثلاتينات من عمرو بشرة سمراء..شعر وعيون فالاسود..لابس سروال فلكري مع قميجة بيضة لاصقة على فصالتوو ..وفعنقو معلق سماعات طبية..

هز تيلي ديالو كيصوني على مرتو..لي جوباتو بعد ثواني معدودة

نطق ولابتسامة على شفايفو

...:-متقوليش ليا فيقتك من نعااس؟

بصوت ناعس

إخلاص: معاااذ مم لااا..اناا ..ممنعساش

معاذ:(بطنز)همم تيقتك الزوينة ديالي..

ماعلينا..قولي لي اشنو تبغي نجيب منين نجي لدار أا؟

إخلاص(بحماس)بغيت افووكااا مم مكرهتهاش خضراا وندير فوقها لملحة اححح تتحمق

معاذ:ابووكا والملحة(ضحك بجهد)معرفت بنادم ولا بغلة..

إخلاص:اوا نتا لي سولتيني البغل دبصح

معاذ:دوماج دابا راه قريبا لوحدة دليل ناس لي كيبيعو ديسير ايكونو سادين امرتي لعزيزة ..انا فطريق وكولشي ساد

إخلاص:اوا صافي خليني رجع نعس.. وقطع متهضرش ونتا سايق

معاذ:ياك قلتي مكونتيش ناعساا ممم فصبح قولتي اتعاينيني تا رجع..

إخلاص:(طلعات حواجبها..بغنانة)كذبت عليييييك

معاذ:(ضحك بجهدد)تا انا كذبت عليك

ميل وجهوو شاف فلميكة لي فيها لابوكا عارف اش تيعجبهاا..

إخلاص :فاااش كذبتي عليا ؟؟

دور وجهوو لقدام..خرج عينووو بصدمة منين شااف كاميو جاي لجيهتووو...طيح تيليي من يدوووو...

و شدد لفراااان بجهددددد...

صوووت اصطدااام عااااليييي تسمع مع صوت صرخاتهاا من الهاتف وهي معرفاش اش واااقعع بضبط ..من غير اناا مصيبة وقعات لراجلها..

بعد ثوانيي..لوطو ولات شبه مدكوكة.. الدخاان خاارج منهاا..

وصوووت لكلاكصون جااي من لكاميوو ليي مال لجنب بعد مسحق سيارة مع وحدة من شجر لي فالطريق.

أنفااسوو تتخرج بثقالة...حاااس بدم سخون ناازل من رااسوو..

دفع لباب بجهد..ولكن مكان عندو جهد..

انتقل للباب تانية بحكم لولى مطاكياها شجرة بصعوبة حلها..

خرج وهواا جاار رجلييه...قاميجتو لبيضة ولات حمراا بدمم...

زاد بثقالة لعند لكاميوو.. وهوا كيردد

معاذ:أناا طبيييب أنااا غنعااا ووونككك متخااافش اناا معاك

بدا يجر لباب..لي مبغاتش تحل...تا كان ايفقد لامل وهي تحل...نزل منها شيفور وهوا شااد على راسوو...

هضر بصوتو سكران

هوا:أاششش واااااقع؟(شاف فمعاذ)ششش درت

معاد:غير اكسيدون صغيرة..أنا طبيب انا غنعاونك متخافش..هز صناطتو من على عنقوو..وهوا كيردد بثلعتم..ونفسوو بسيف تتخرج

"غنعااا..ونك.."

طاحت ليه صناطة من يدوو ...دنياا بدات تدور بييه.مقادرش يوقف على رجلوو ولا يحرك مزال يدوو...طاااح على طولتوووو..

مرميي فلارض...الارض لي تسقاات بدمووو..

صدرو كيطلع ويهبط..صوت لهثتو مسمووع.. الدنيا كلها اوكسجين وهوا مقادرش يتنفس...

هزز عيينوو

شاف فسمااء ونجومها..

عيونوو لي تغرغرات بدمووع..جاا فبالو حوار داز بينو وبين ماماه فصغروو

معاد:ماما فين بابا؟

.....:راه فسماا اولدي

معاد:وش هوا تيسكن مع نجوم؟

....:اه كيعيش مع نجوم

معاذ:تا انا بغيت نمشي نعيش معاه

....:ششش متقولش هكداك الله يحفظك

معاذ:علاش وش لعيشة مع نجوم حاجة خايبة؟

.....:لا ولكن نتاا باقيي صغير

معاذ:صافيي وخاا..انا غنطلب ربيي منين نكبر يديني نعيش مع بابا لفوووق فنجوووم(شاار بيديه لسماا)

هااز يديه مشيرر لسمااا..

نزلات من عيونو دمعة حارة..منين تفكرر إخلاااص..

معاذ: سمحيليي حيت كدبت عليك آه كذبت منين وعدتك بلي غنبقاا ..معاااك دديييمااا..وعمري نخليك..سممح...

سدد عينووو بعد مخااارت قواااه...ورخاا يدوو لارض

فواحد من أكبر المستشفيات الخاصة لي كاينين فلعاصمة ...ومن أفضل المصحات لي كاينين فالمغرب..

clinique al morabitin

"مستشفى المرابطين"

فقلب الكلينيك وبضبط فغرفة العمليات..كااان صوووت...الاوبيراا...معزوفة Devil's trill sonata

مسموووعة في الارجاء..للوهلة الاولى ..كيعتقد الشخص ان فالغرفة حفلة اوبيرااا خاصة...لكن كاانت عملية .جراحية معقدة ..لي دوزت سااعات...

..تطفات الموسيقى..والهدووء ساااد...دقائق معدودة...خرج شخص من غرفة العمليات..

حيد لباس العمليات..رماه فسلة المهملات.. وزااد كيغسل يدوو...وقف حدااه...وحد من الاطباء..

الطبيب:كانت عملية ناجحة ادكتور بحال ديمااا..مبروك عليك

حركك راسوو بشوياا.ونطق بصوتو الرجولي

....:مبروك علينا كلنا

تم غادي..بعد معنكش شعرو بيدوو

غادي فلكورواار....شخص فاواخر الثلاتينات من عمروو بشرة سمراء.و عيونو سوداء لامعا ..نفس لون شعرو ..ونفس لون لحيتووو ليي مكتاسيا وجهوو...

لابس سكرااب طبي فالازرق المغلوق(مريول طبي)

زااد لمكتبو...مع حل لباب..بان ليه شخص ناعس على الفوطوي..

زااد بثقالة..هز كاس دلماء كان على مكتبوو..وقف على راسوو وخوااه عليه..

تهزز من بلاصتوو..مخلوع.معرف اش واقع..

هوا:اشش وااقع..اش وااقع اناا جااي.(كيلهث...هز راسو فيه)حراام علييك اصاحبيي حشومة عليك برب

مطلع حاجب ومهبط حاجب

....:اش تدير فلبيرو ديالي أعدنان؟

عدنان:(ببتسامة)كنت تنعاينك..بغيت نعرف كيفاش دازت عملية البروفيسور أسيرم مرابط بلاا بيااا.

أسيرم:دازت حسن من ونتا فيها

عدنان:(حط يدو على قلبو)قلبي تحطم بنجاح شكراا

اسيرم:خديتي كونجي اش جابك لهنا؟

حط رجل على رجل فوق لفطوي

عدنان:هوا كنت (هز راسو فاسيرم لقاه مخرج عينوو فيه..نزل رجلو تم واقف)والوو غير نضال جاتها حالة اوغجونص كان خصها ضروري عملية قيصرية..وطبعاا ذكتور التخدير الوحيد لي تيبان لكم هواا اناا

أسيرم:اه ..مزيان..ولكن هادشي مكيخليكش دخل لمكتبي..(تنهد)تحرك خرج علياا خليني نبدل

عدنان:اه تقدر تبدل قدامي انا معزيزش عليا لولاد

أسيرم(خنزر فيه)ولكن أنا عزازين عليا لبنات

عدنان:بنات(تم واقف ) اوكي اوكي غادي نشرب ماء لقاطع ومغتبردش لياا

زاد بشوياا..سد لباب..وحلها..

عدنان:ناس دلكروب وش باقين فلعملية؟

اسيرم:(ميل راسو مخنزر)

عدنان: غلقاهم فلانعاش اوه نسيت..

سد لباب..تم غادي..

وقف..منين بانت ليه جايا بجسمهاا نحيل..ولباسها الكلاس..

غادة بثقالة تدور فعيونها لعسلية الامعة..وتهز فشعرهاا البرتقالي الطويل كتميل جسمعها مع كل خطوة.

كيشوف فيهت متبعها متبع مشيتها ماشي حبا فيها انما كيعاينها طيح

عدنان:يمين شمال..يمين شمال..طيحي.. طيحي..

وقفات عليه ..ضرب فيدوو

عدنان:دومااج

....:شنو لي دوماج

عدنان:اوه ايناس هادي نتي .دوماج لقيتيني غادي

إيناس:اه اصلا مجيتش عندك جيت عند اسيغم

عدنان:(كيعيبها)اسييييغم كيبدل..بدلي دقيقة بختها

تم غادي..

إيناس: نتا بعدا البناج اش تدير هنا...بغيت نفهم كفاش تدخل امتا مبغيتي لبيرو دأسيييرم (كرزات عليها)فاي وقت فلوقت لي مكيحمل تا حد يقرب من حوايجو؟ ولا لجهة مكتبو

ضار عندها...ضحك..بجهد..

عدنان:اولا مسميتهاش البناج سميتهاا طبيب التخدير والانعاش..تانياا هواا ميقدرش يدوز شي عملية بلاا بياا لكروب مكيكملش بلا بياا فعادي انه يرحب بياا ويستقبلني .(دوز يدوو على شعرو بفخر)

خنزرات فيه

.....:اش بان لكك توليي صحافي بلاصة بناج...حيت متتسكتش

عدنان:هاااء كنت غنعرض نفس لفكرة علييك...حيت تدخليي نيفك فحوايج متيخصووكش

تم غادي مخليهاا..مخرجاا عينيها...شدات على نيفها

إيناس:انا تندخل نيفيي.. هاا؟ ms nn c pas vrai(رضات شعرها لور وزادت)

غادي فلكوروار..كيشوف وهوا ضاحك..شاب فاواخر العشرينات من عمرووو..حروفو سودا وبشرتو بيضة..بدورو لابس سكراب طبي فزرق.

بانت ليه وحدة من الممرضات دايزا..

عدنان:وش مبانش لك لكروب ددكتور أسيرم فين هوا؟

الممرضة:كفااش هوا دكتور اسيرم فجراحة دماغ انا خدامة غير فلجينيغال

عدنان:اه ادكتوورة شكراا.

شافت فيه ضاحكة..

الممرضة:غير ممرضة ادكتور

شاف فيهاا..

عدنان:ولي شافك يقول غير طبيب دلقلب..(طلع حاجبو)على ذكر طبيب القلب..معرفت فين غبر هاد معاد..

الممرضة:نخليك ادكتور..خص نشوف وحد لمريض

زادت فحين تبعها بعينو..

وكمل طريقو..وهوا تيغني

عدنان:وقالوو لها الممرضة هيي دااااوييي فالمرضى وحبيبهاا مجروووح وحبيبهاا مجرووووح...

خارج من لبيروو ديالوو لابس

سروال كحل مع صبدرين بيضة.ومن لفوق لابس قميجة بيضة راض نص صدايف ولي لفوق خلاهم محلولين..مخليي عضالات صدرو يبانوو..حاط فوقهاا كرافاط قصيرة بلا ميقادها..وبيست كحلاا..بحكم ليل لجوو بدا يبرد.

غادي بخطوات.تقااال..كيميل راسوو يمين وشمال ...حاس بعضامو تهرسوو...لعملية كانت طويلة .ومعقدة..شي لي خلاه يحس بلعيا...مبقاش قادر مزال يوقف باغي غير يمشي لدار يرتااح..

توقف منين سمع صوت انثوي كيعيط ليه

دار بثقالة..

إيناس:دكتووور أسيييغم

شاف فيها..بملامح غالب عليهم لعياا

أسيرم: إيناس(ميل راسو بمعنا نعام)

إيناس:وش صافي ساليتي كيف دازت عمليتك؟جيت عندك قبيلا سعا لبناج قالي مشغول

أسيرم:(حرك راسو )مزيااان...مزيان

كترمش وتقيس فعينيهاا..بحكم كانت دارت عدسات فلخضر لمغلوق

إيناس:مم بحال ديما ..

تا أنااا ساليت خدمتي أش بان لكك...نمشيو نتعشاو فشي بلاصة..كنضن من لغدا مكليتي؟

شاف فساعتو وشاف فيها

اسيرم:قريبة 2 هادي غير خليها تا لغدا ونفطرو مجموعين بحال ديما

عنكشات وجها

إيناس:وش غنفطرو عوتاني انا ونتا ومعاذ ونضال علاش منقدوش نفطرو غير بوحدناا؟اش بان لك؟نفطرو غير انا ونتا بلا بيهم؟

أسيرم:بوحدنا؟(بطنز)ولخرين مساكن ايبقاو بجوع...؟

يلاه جات تهضر سكتات منين سمعات لممرضة تتعيط..جايا عندهم بجرا

الممرضة:دكتور أسيرم طالبينك فالمستعجلاات جاونا حالات اوغجونص

إيناس:دكتور راه عيااا شوفي مع معاذ لي مكلف ليوم بالمستعجلات..راه يلااه دوز عملية طويلة...

الممرضة:ولكن دكتور معاذ كاع مكاين ليوم

..ولمسعفين تاصلو بينا قالك كاينين شي حالات خطيرة

إيناس:اوا شوفي مع ناس دطب لعام..هوا راه جراح دماغ ماشي مسعف يبقاا حاضيكم

أسيرم:أنا غنتكلف لاغلبية مشاو بحالهم(شاف فساعتو)معاذ شفتوو قبل لعملية وش من تما مبان؟

الممرضة:اه ادكتور

أسيرم(تنهد)ممولفاش ليه

إيناس(ضحكات بطلاقة)اتلقاااه سلت عند مرتوو راك عارف شحال كيحماق عليهاا

ابتسم ليييهاا..

أسيرم:داكشي..

إيناس:الله يجيب لك تانتا لي تسلت عندها

أسيرم:غنسلت عند خدمتي..نخليك مي متقيسيش عنيك بزااف نتي عارفا ديك لبلاصة حساسة

إيناس:ههه غير لعدسات دشوف راك عارف

أسيرم:(ببتسامة جانبية)آه جا معاك القوقي

تم غادي مخليهااا...

ابتسمات بطلاقة تا بانو نيابها

إيناس:ابتسامتك زوينة كتخلي قلبي يفرفر اسي اسيغم مرابط..(جمعات ملامحها)ولكن هادو فلخضر ..خصني نشري وحدين فلقوقي..

تمات غادة بحالهاا..فحين هوا توجه بجرا للمستعجلات

"فالمستعجلاات"

يلاه دخل زااد بجراا منين علموه بلي لاسعاف وصلاات ...

حيد لابيست ولكرافاط .ولبس سكراب بيض...وحط على عنقو سماعات الطبية ..وتوجه لبرااا..

وقفات لاسعاف لولى..

بدا كيفسر المسعف..الحالة لي معاه..

المسعف:رجل ف52 من عمرووو كان كيسوق فحالة سكر..عندو كسر فيدو..وبعض الجروح الخارجية الطفيفة فراسو ..ولكن مع الحادت كان قوي كاين احتماليا يكون عندو نزيف داخلي..

أسيرم: (موجه هضرتو لطبيب مساعدة وومرضة)محمد وفاطمة خوودوووه لقسم الاشعة وديرو الفحوصات الازمة..

فاطمة:وخا دكتور

أسيرم:يلااااه دغيااا طلقونااا

ا

جرووه مدخلينووو..بجراا.وقفات لاسعاف تانيااا...

اسيرم:(كيشوف فالممرضة)علميي لاستقبال يعيط على عدنان نقدوو نحتاجو لغرفة لعملياا..ويعيطووو تا لمعاااد

الممرضة:وخا ادكتور(خرجات عينيهاا منين نزلو لمريض)دكتورر(شارت بيدها لمريض)

شاف قداموو ... شافهم منزلين المريض..

المسعف:شاب ف35 من عمروو للاسف تصاب بضربة قويا على راس مزال معرفينش تأتير ديالها عليه كاين احتمال يكون كسر فلجمجمة.. عندو كسر فيدوو ليمنى..رعف منين كناا فطريق............لقينا فسيارتو بطاقة انتماءو لهاد لكنينيك على داكشي جبناه.....

أسيرم:مممم

سكت منين شافو

كيشوووف فيه بلا ميرمش وبلاا ميدير اي حركة...

كيشوف فصاحبو غارق فدمووو...يلاااه كيف كانو ضاحكين ومجموعين قبل ساعات تغدااو مجموعين وتفارقو على اساس يتلاقاو مور لعملية

مسمعش لنداء الطبيب المساعد ولا لممرضة .. ولا حتا لكلام المسعف...

كيأنهم كيهضروو فعالم..وهوا فعالم اخر

شفايفو كيرجفوو ..عروقوو برزووو...لي شوفهم يقول غيطرطقو...عيونو ولاات حمرا وهي محجرا بدموع

زاد ورجليه كيميلوو...وقف قدامووو...كيشوف فييه...ميل راسوووو...صدروو كيطلع ويهبط...حال فمو بدمة..نطق بتمتة وبصوت خافت

أسييرم:معا...اذ ممم معااااد خوياااا

وااقف بلاا اي حركة..بزاف دلمرات وقف قداام لاسعااف..ولكن هادي اول مرة يحس بلي قلبو وزمااان وقفووو بزوج..

زعزعاتوو لممرضة بيدهاا..وغوتات باعلى صوتهاا

الممرضة:دكتوووووور خصنااا نعتقووو دكتووور معااااذ

جملتهاا فيقاتوو من سباتوو...هوا طبيب...هوااا خصو يعتق صاحبوو.دوز يدو على وجهو كيجمع شتات نفسوو..

نطق بلغوااات...

أسيرم:دخلوووووه دخلوووووه

زادوو مدخلينووو...والانظااار عليهمم...متتيقينش بليي هداا دكتور معاااذ..

شخص لييي كاانت ضحكتوو معمراا غرفة المستعجلات...

كان كلووو أمل وحيوية..وهوا طاقة ليي كيفقدها هاد الجناح...

حطوووه على السرير...وركبو ليه لاجهزة..

أسيرم:اعضاءو الحيوية شحال

الممرضة:100 على 60 ونبض70

أَسِيرمْ:عطيونييي لانبووب... وعطييوه لترر من المحلول الملحي العاديي...(بالغوات)يلااااه تحركووووووو

هما:وخااا دكتووور

بداا طاقم كيتجارااا...كينفدووو تعليمااات طبيب...

في قسم النساء والتوليد...

كانت كالساا فمكتبها..كتجبددد...مكملاش نص ساعة باش سلات عمليتها القيصرية ..

كانت بنت فاواخر العشرينات من عمرها...لابسا سروال كحل مع طريكو كحل.وبروطكال فنفس لون..حاطا فوقها مونطو كري مغلوق....بشرتها سمراا.وشعرها كحل مقطعاه قصير ..ملامحهاا جدابين..وفنفس لوقت جديين وصارمين..الملامح لي عكس شخصيتها..

تكاات على لكرسي...

شاافت مطولا فصورة لي على مكتبها..كانت ديالها وهي شادة بنت صغيرة بين يدها وضحكة مشركا فمها...

هزات تصويرة...كتشوف فيهاا..

تغرغرو عيونها بدموع..

حطاتها دغيا منين سمعات تيلي كيصوني.

.بان ليه لاتصال من المستعجلات

نضال:ألوووو ...اش واقع؟ وش عاااود؟؟ وش هاد ناس غيبقااو غير يبلزوو؟ شي يدير فريو كريو وشي يصدعوه فنص ليل..ماعلينا وش جات شي حالة اوغجونص عاود؟؟

تمااات وااقفااا...والدم تخطف من وجهاات..

نضال:ككككفاااااش معاااااااااذ؟؟...خخووووياااا كففااااااش؟؟اش ضحك لباسل؟

طيحات تيلي وزادت بجرااااا...كتجريي فلكوروار..وشهقاتها مسموعين..منين علموها بلي الخبار صحيح..

وصلات لمستعجلات زااادت بجرااا...عندهم بان ليها أَسِيرمْ مع الطاقم الطبي مجموعين علييه..

وقفااات..عليهمم...

نضال:كيييف هي حالت معاااذ كيييف حالتوو...قولييي وش خويااا غيعيييش قوليييي؟

أَسِيرمْ:مغيووووقع لووو والووو...خووك غيعيشش..(شاف فيها)بسيف عليه غيعييييييش

أَسيرمْ:نبضوو شحال؟

الممرضة:فطبيعي70

أَسيرم:عيطي لدكتور عصام لي فقسم جراحة العظام..كاين احتمالية يكون تصاب بكسور خرين من غير يدووو...ووجدو سكانيير...

قربات ليه نضال..ودموعها نازلين

نضال:كفاااش وقع هادشي يلاه كناا مجموعيين...

زادت عندو ودموعها نازلين..وقفات ليه على راسو..

(شدات ليه يدييه)

نضال:نتاا كيفاش مقدرتيش تحميي راسك لوقعات لك شي حاجة اشش غدير اخلاص ممم..اش غندير انا وماما أااا؟

حسااات بيديه..مزيرين على يدها..نطق بشوياا ..وهوا كيحل عينو..

معاذ:إخلااااص

نضال:دابا تجي أخويا غير رتاح

معاذ:هييي هيي..(كياخد انفاسو)أمااانة عندكمم...

أَسيرمْ:معاذ خلعتيناا عليك اساااط

نضال :هي أمانة عندك هنتاا وليتي بيخير شوياا ديال تهراس وصافي بحرا تشد لارض...(ضحكات فعز دموعها)

شااف فأسيرم

معاذ:وش كنتي تتبكي عليا؟

أَسيرمْ(حرك راسو بلا)شي حاجة دخلات فعيني

معاذ:(بثقالة)متعرفش تكذب خبيي دموعك لموتييي..غيكون شرف ليا لثلاجة بحالك نزل دموع عليا(ابتسم بثقالة)

َ

أَسيرمْ:اششش تتقول أاا ؟؟نتاااا غتعيش شوياا غنديوك لسكانير...وموراه غتشوف بلي نتاا بيخير..

معاذ:وش علمووو اخلاص؟

نضال:غيكونوو علموهاا كيف علمونيي

معاذ:(نزلات من عيونوو دمعة حارة)هيي خوافة .معرفتش وش غيكون عندي لوقت تا توصل لهنا...ولكن لجات ومكونتش...علموووهاا بليي كنبغيها وبلي اي حاجة درتها راه على قبلها ..

نضال:غتجي وغتشوفها وقولها شحال تتبغيها

معاذ:اصلا هاديك امنيتيي ولكن(حط يدوو على قلبو)حاس بلييي ..

قاطعوو أسيرم

اسيرم:معاااذ صاحبييي(ميل راسو)ترجل معااانااا...نتااا طبيب وعارف بلي مكاينش شي حاجة سميتها لاحساس ..فهاد المجال..يلاه غنقلوك لسكانير..

معاذ:بغيتك تواعديني بواحد لحاجة

أَسيرم:منين تنوض على رجلك ونواعدك..

معاذ:لا داباا

أسيرم:اششش؟

معاذ:بغيتك تواعديي بليي غتزوج مرتي مور موتي .....نتا متزوجتيش حيت ربي ملقاكش ببنت ناس لي تستاهلك..وانا غنخلي لك بنت الناس ..هي متقدرش تعيش فهاد دنيا بوحدهاا...انا الوحيد لي عندهااا...وعدنييي تزوج بيهاا. منقدرش نأمنها عند شي حد غيرك اناا عارفك وخا نتا ثلاجة ولكن كتحافظ على الامانة

نضال: (وسعات عينيها)معاااذ اش تتقول اخويااا وشش حماقيتييي؟؟

أَسيرمْ:اششش تتخربق عليا..اش غندير انا بمرتك هاديك مرتك نتاا...وغتبقا مرتك نتا غتولي بيخير..شويا دتهراس وخليتيها اماا لكانت شي ضربة صحيحة غتبيعنا كلنا

دار موراه.منين سمع عصام كيعيط لو

أسيرم:ها دكتور عصام جااا...

معاذ:وعدنيي..وعدد..

زاد اسيرم عند عصام بلا ميعطيي اهتمام لهضرا د معاذ..

هز معاذ فيه راسو متبعو..ابتسم للحظة ..

نضال:قلتي ديك لهضرا وباقي تضحك

معاذ:بابا

شافت فيه..وشاف فين كيشوف..لجهة خاويا وهوا ضاحك..

نضال:باركا متخلع فيا الحمار..مغاديش تخلعني فهمتي

أسيرم:غنديوه يدير سكانير على راسو...عيطت لك حيت يدو ليمنا تهرسات وخفت يكونو عندو شي كسور خرى عل...

سكت منين سمع نضال تتغوت...

داار بزربااا..

نضال:خويااااا...خووووويااااااا....جاتوووو سكتا.أاسيرررم جاتوووو سكتة قلبية ..قلبووو أاسيرم قلبوو وقف.

زاااد عندوو بجراا كيدير ليييه الانعاش القلبي الرؤوي....

أسيرم:غنوااااعدك باااش مبغيتييي غير فيق اصاحبيي فيييق

لمدة دقيقة وهوا كيحاول يرجع ليه نبض بمساااج القلب بلا فايدة...

شار ليهم يوجدووووو الانعاش الكهربائي.

صعقوووو الصعقة الاولى...

أسيرم:نبضووووو

الممرضة:والووو أدكتوووور والووو

صعقووو الصعقة تانية

أسيرم:(بالغوااات)نبضووووووو

الممرضة:والووو ادكتووور

صعقو الصعقة التالتة..نطقات الممرضة بزربة

الممرضة:رجع ادكتور رجع

تنهدد وعرق جبينوو نازل..صدروو كيطلع ويهبط وهوا كيحاول ياخد انفاااسوو....شااف فنضال لي واقفااا جنب تتنخصص بلبكااا...

اسيرم:قلت لك ايعيش...(ابتسم لها)

قرب منو باغي يتأكد من مؤشراتو الحيوية

حل لييه عينووو...كيشوف مؤشرها...

تلاشات ابتسااامتوووو...

حل تانية...

بانت صدمة فملامح وجهووو...

زادت عندو نضال...لي غير من ملامحو عرفات وقعات شي حاجة

نضال:اششش وااااقع..؟

شاااف فيهاا وعيونوو حومرر محجرين بدموع..وصدمة باينا فوجهو

اسيرم:بؤبؤ عييينووو (سرط ريقوو )متسعين بجووووج

نضال: وشش ضرب راسوو فلكسيدة أاا ضرب راسو

أسيرم:آه(حط يدوو على راسو)

(شهقات بجهد حطات يدها على فمها)

حركات راسهااا بلااا...ودموعهااا نازلين

نضال:لا لااا...لااااا...لاااااااااااااا

غوتاااات باعلى صوتهااا وطاااحت على طولتهااااا....

نضال:لاااااا خووووويااااا لاااااا لاااا لاااا خويااااا معااااااذ خووويااا مشااا مشاااا لالا...

تقدم دكتور عصام ..نطق و الحزن باين على وجهو

عصام:خدوووه خص نديرو ليييه تخطيط دماااغ حيييت احتمال يكون عندو موت دمااغييي

ملامح الصدمة..والحزن بااانت على وجهم...

هدا ماشي شخص عادي بالنسبة لهم يمكن اكتر شخص كيدوزوو معااه الوقت فلخدمة...شخص لي قلبووو بيض وعمروو رض شي حد فوق مبغاوه يلقاوه..شخص ليي دغياا يحفر بلاصتو فقلبك..

توجهوو بييه...لفين قالهم الطبيب...

فحيين اسيرم شااد على راسووو...مزال ممستوعب اش واااقع...كفاااش موت دماااغي كفاااش موت دماغي لوااحد يلاه تغداا معاه فصبح..

تمم خااارج من لمستعجلااات...

غااادييي فلكورواار...

شخص لي كانت تتبان فيه القوة والكاريزما...

دابا كيبان غير باقايا انسان...كيباااان مكسووور لاقصى حدددد...

دخل لمكتبو.

دوزز يدووو على راسووو

اسيرم:ميمكنشششش

نزل يدووو بشوياا على عينووو...كيشوووف لدم معاذ ليي عليهمم..

اسيرم:معاااذ.. خوياااا لاااا ميمكنش...باقي لحال اصاحبييي باقيييي

طاح كالس متكيي على لباب...حنااا راسووو ..حاس بلعافيااا تتحرق فقلبووو ...باغيي يغوت ومقادرش....

باغي يكون هداا مجرد حلمم ويفيييييق منووووو....ويلقاا صاحبووو معاه كيف مولف ..

ودابا معليه غير يطلب الله باش يكون تخطيط عكس تشخيص.

"

بعد 40 دقيقة

كان باقي على نفس الوضعية ...

ناض منين سمع دقان...

حل لباب وعينو حومر..حس بقلبو ايخرج منين شاااف الممرضة ..

ميل راسوو

حركات راسها باسف

الممرضة:درنا تخطيط الدماغ لكتر من نصف ساعة(نزلو دموع من عينيها)ولكن مكاينش استجابة الدكتور معاد مات دماغيا ..دكتور معاذ صافي مات ادكتور..

تمم خاارج...هضرتهاا تتعاود فوذنووو...غاادي فلكوروار مرفووووع....حااس بلعالم كولو تيتحرك الا هوا ليي واقف...واقف فجملتها

"معاذ مات "

تفكرر اخر جملة قالهاا ليه فصبح.. قبل ميمشي..

أسيرم(زاد علق ليه سماعات..بطنز)سمع لدقات قلبك نخاف يوقف بكثرة مموحش مراتك

معاذ(ضحك بجهد)كتقول هكداا حيت متتبغيش نهار تبغي اتعذرنيي

أسيرم:اه اه ان شاء الله غير سير(شاف فنضال وايناس)هاهوا عاود ايبات هنا وهوا كيعاود لناا على قصة زواجوو الرومانسية

إيناس:صاا سيي نوغمال

معاذ:هاني غادييي غا عنداك تقلب عليااا..وهاد القلب لوقف ديك ساعة سماعات ديرهم نتا معندهم فاش يفيدوني

شار لهم بيديه وزاد ضاحك

أسيرم:هدا مالو هضر بجدية وش كاين شي حد غيوقف ليه لقلب حيت توحش مراتو

نضال:كلس كلس اش فهمك فحبهم

زاد كالس

اسيرم:بصح اش فهمني

حطط يدووو على قلبوووو...مزير عليه...حاااس بجمرة تتحرقووو

باغي ينطق مقادرش ينطق..باغي يقول كن غير ممشيتيش ومقادرش يخرجها من فمو...باغييي يغوت مقااادرش..حتاا يخرج ولو نص كلمة .

تم غادي مكمل طريقوو لغرفة لي فيها معاد...

بقاا واقف منين وصل...كيطل عليه من زااج...دقات قلبو وانفاسو باقا تتطلع غير بالاجهزة لكن هاد لانفاس مغتبقاش لساعات اتختفي بحكم موتو الدماغي...

كانت ختوو طايحا حداا لباب تتبكي وتشهق...والطاقم معاها من لي عاشرو معاذ وعارفينو..مشاركينها دموعهاا...

ناضت عند اسيرم

نضال:خوووويااا مشااا ااسيرم معاذ مشااااا ...وش صافي مغنبقاش نشوفوووو؟وش صافيييي؟هاد دنيا مغيبقاش فيها شي حد نعيط لوو بخويا معاذ..أااا راااس لحنين مشااااا...ليي كاان فيه بابا وخويااا وصاحبيي مشااااا مشاااا حبيب قلبييي مشااا خوياا لحبيب مشاا

زادت معنقاه تتشهق..وتررد

"مشاا"

فحين هوا مدار تا ردة فعل..عينو غير على معاذ...

كانت جااايااا مع وحداا من لممرضات تتجري...شعرها لاسود...معنكش...نازل..على وجها... عيونها البنية الغامقة عامرا بدموع..دموعهاا لي كينزلوو بصمت..على خدهاا..وشفايفهاا كيرددو برجفة.

"ياربي تحفظو"

كانت حاسا وقعات شي حاجة لراجلها منين قطع...واحساسها تاكد منين علموها...خرجات بجامتها...تا لقات راسها قدام باب لكنينك..

رجعات شعرها لور...ويدها تترجف..دمووعهاا نازلين. على خدودها الحومر ..

زااادت بخطوات تقال...

بعدات نضال على اسيرم. منين شافت اخلاص ..

نطقات برجفة

نضال:ااااخلاص..

زادت بلا متعطي اهمية..ليها...

وقفات قدام زاج..حطات يدها ...تتشوف فراجلها لي دايرين بيه لاجهزة...

بقات تتشوف فيه..لمدة بلا متهضر..ولا دير اي حركة...

دارت عندهم بثقالة...

شافت فيهم..هزات يدها لي تترجف شارت لمعاذ..

ميلات راسهاا ..

إخلاص:هوااا إمتاااا غيفيييق ؟؟؟أااا؟

شااافوو فيهااا بأسف ..وحزن باين على وجهم..تاحد مقدر يجاوبهااا..تاحد مقدر يقولها. راجلك..مااات..وعمرو باقي يفيق..

زادت عندها نضال بعد محاولات تجمع راسهاا..

حطات يدها على كتفهاا..تتشوف فيها..ودموعها كيتلاقاو عند اخر خدها..

نضال:أجيي تكلسيي و..

قاطعاتها

إخلاص:أشمن كلاس علامن تتهضري أاا؟؟وش شفتي خوووك كيييف دايرين بييييه لاجهزة شفتيه يااك؟خوووك داباا مقصحح اكيييد داتوو كضرووو اكيييد تيتوجع..ونتي تتقولي لي كلسيي..عفااك انضال قولي لي امتاا ايفيق..فين طبيب لمسؤول عليه فينووو؟؟؟بغيت نشوف راجليي بغيت نعرف امتا يفيق ؟ من حقيي اعباد الله نعرف امتا يفيق راجلي

هزاات نضال عينيهاا فاسيرم لي واقف بلا اي حركة...

شافتها اخلاص وزاادت عندوو بزربة...وقفات اونفاص معاه..

إخلاص:نتااا هوا طبيب لمسؤول على راجلي؟قولي امتا غيفيق أاا؟

هز راسوو فيهاا..شاف فيهاا بعيونوو السووداا..بلا تاشي جواب..كيشوف فدموع عينيهاا كفاش تترجف وهي تتهضر.

رفعات صوتهااا..

إخلاص:رااااه كنسولكك جاوبنيي من حقيييي نعرف جاااااااوبنييي رااه..

قاطعها.

أسيرم:مغيفيقش..

إخلاص:(بتمتة)كككفاااش ووو ..شش هوا فغيبوبة؟(دموعها تيتلاقاو عند اخر خدها)شحال غيبقا فيها شهر شهراين عام شحااال ااا؟

شافت نضال فاسيرم كطلبو بعينيها يحاول عليهاا..مبغاتش يواجهاا بلحقيقة بلا تاشي مقدمة..

أسيرم(سرط ريقو)راجلك مااات

ضحكات بجهدد...كتشووف فيهم واحد بواحد وضحككك..بحال شي حمقة

إخلاص:شيي لعبة هادي؟؟ههه بصح اه بصح مكنفهمش فطب ولكن قلب راجلي كينبض(شارت لجهاز)راجليي عايش..وش معااد دار ليي هادشي غير لعبة ولا كفاش أاا(شافت فنضال)وخاا عليك ونتي مشاركة مع خووك ياااك

أسيرم:(شاف فمعاد..كارز على سنانو.تا عروق راسوو بانو ..نطق بصوت عالي)معااد دار اكسيدوون ..مات دماغيا يعنيي قلبوو غيبقا ينبض لساعات قليلا..باقي كينبض غير بالاجهزة...الى حيدناهم غيوقفوو .خليناه تحت لاجهزة حيت فهاد لحالة لمريض كيقدر يتبرع باالاعضاء كيبقا هدا لقرار ديالك غنعاينو رضك..وخصك تزربي حيت لتعطلتيي لاجهزة مغينفعوش لقلب غيوقف ...ومغاديش ينغعونا اعضاءو(هز راسو فيها)البراكة فراسك فقدناا لمريض

زاد بخطوات لووور..وتم غادي..مخليهاا واقفاا مصدومااا...مالميحها مطموسين...بلا اي حركة..غير تتشوف فيه وهوا كيبعد...وجهوو قدام عينيها. .وصوتوو وهوا كيعاود على حالة راجلهاا...

صوتو وصورتو لي عمر ايتنساو حيت كانو لاكثر شخص بلا قلب صادفاتو فحياتها كلهاا..شخص لي كيعاود لها على موت صاحبو كانو كيعاود على نتيجة مباراة

صوت خطواتو وهوا كيبعدد...هوا شيي الوحيد لي تتسمع...واقفاا بملامح مصدومة...بلا مدير اي ردة فعل..

زاادت عندهاا نضال ...كتزعز فيهاا..تتبكيي بصوت عالي .فحين اخلاص بقات بلا اي حركة

نضال:لاااش هكداا علمهاا لاااش ..لاااش ...اخلاص حبيبة اخلاااا..

هزات عينيهاا فيهااا ..

إخلاص:وش خوك مشااا. ؟داكشي لي قال بصح راجلي صافي مات؟

نضال:(كتنخصص)ربييي .ربي...بغااا...

قبل متكمل جملتهاا..سكتاتهاا غوتاا دلاخلااص...لي طاااحت على طولتهاا...

طاحت لارض..تتغوت بجهدددد

وهي تتردد

"لا لاااااا متخلينيش" وتررد اسموو بالغوات

طاحت عندها نضال تتحاول تكالميي فيها...وهيي غير تتفركل..وتغوووت لربيي لي خلقهااا...قطعات قلب كاع لي دايرين بيها..كفاش لا وموت معاد قطع قلبهم..وهما بعاد فما بالك بيها هي لي مرتو..

نضال:(شادة وجه اخلاص)صبري احبيبة صبرييي كوني قوية .

اخلاص تتزعزع راسهاا بلاا

إخلاص:لالا ماماتش ماامتشش عفااك عفااك مامتش ...يلاه هضرت معاه يلاه هضرت معاااه عفاااكم قولووو كيكدب عليااا عفاااكم

تتبكييي بجهدد وتغوت لربيي لي خلفهااا...كضرب فراسهاا باش تفيق من الحلم..وتلقاا راجلها حي..

معناقاها نضال...تتحاول تهدن فيهاا...تا سخفات بين يدها...عيطات لهم بالغوات

نضال:عونووونييي عاااونونيي..(تضرب فوجها)اخلاااص فيقييي اختيي فيقيييي..

زادو عندهاا بجراا.

كان داخل لمكتبوو..سد عليه لباب...حطط يدوو على راسووو..عينووو حومرر كينهج

أسيرم:مقدرتشش نعتقكك..مقدرتش

بدااا يهرس فاي حاجة قداااموووو...وهواا كيردد

"مقدرتشش ...مقدرتششش"

طاااح متكيي حدااا لباب...مقدرررش يشددد..دمووعووو...دموعوو لي نزلوو على صاحبوو عشيرووو...من زمان وهما صحاب...من بعد فرقاتهم الدنياا وحد كمل قرايتو فلمغرب ولاخر براا...وعاود تجمعوو فكلينيك وااحد...ودابا تفارقوو بمرة...

مفيكسيي عينووو...بلا ميرمش...عيونو لي مغرغرين دموع..

نطقق بصوت مبحوح

أسيرم:كلهم مشاااو كلهممم مشاااو

بدااا يضرب فراسوو كيف شيي حمق...

اسيرم:مقدرت نعتق تااشي حد فيهم تاااااحددد..

قبل سنوات..كان طفل ف15 لعام من عمروو...كالس قدام لبلوووك..نااض بجراا منين شاف طبيب خارج

أسيرم:عمييي فوزييي كييف بقاا بابا..

زااد عندو بخطوات تقال...

فوزي:غيكوون بيخيير باباك سبع بحالك..لعملية دازت مزيان

اسيرم:(بفرحة)وش بصح الحمد الله وماما؟

فوزي:هيي شادهاا دكتور معتز متخاافش حالتهاا كانت مزيان اتلقاها وقفات على رجلها..نتاا عارف ماشي هادي اول كسيدة لماماك..هاحنا نمشيو نشوفو كيف بقات..(هز راسو بان ليه معتز)ها دكتور معتز جاا..عايني هنا غنمشي نسولوو ونجي متحركش

زااد لجنب لكولوار..

فوزي:كيف دازت عملية مرت خويا؟

معتز:للاسف قلبهاا وقف قبل تاا منبداو لعملية

فوزي(حط يدو على راسو)ان لله وان اليه راجعون

معتز:وخوك؟

فوزي:(بعيون دامعة)جاتوو سكتة قلبية مقدرتشش نعتقووو(بدات يبكيي)خلاااو ولد بحال لوردة خلاوه يتييم..معرفتشش كفاش غنكول ليه بلي والديه ماتوو

داار وهوا شاد على راسو ودموعو نازلين..وسع عينوو منين بان ليه اسيرم وااقف..كيسمع ليييه..

فوزي:اسيرررم ولديي..

زاااد بجرااا ..وهوا كيبكي

"بعد ساعات"

داااخل كيجرييي...دااز لاستقبااال...

عدنان:معاااد معاااد فيينووو

....:فالانعاش ادكتوور...

يلاه بغا يزيد سمعهاا تتعيط...دار عندهاا بانت ليه جايا بجراا..وقفات حداه تتشهق بلبكاا

إيناس:معاااد

عدنان:فالانعاش

زادوو بجراا بجوووج..

توجهوو لانعاش...

كانوو باقيين مجموعين تماا بعض من الاطباء والممرضين..

وقف عليهم عدنان ونفسوو تطلع وتهبط .لسانوو تعقد..مقادرش ينطق.

عدنان:واااش؟؟...بصصصح..

نطقات وحدة من الممرضات

هي:ذكتور ماات ..موت دماغي..

إيناس(حطات يدهاا على فمهاا..ودموعها نازلين

فحين عدنان رجع خطواتوو لووور...طااح على طولتوو...متكي على زااج..

حطط يدوو على راسوو ودمووعوو نازليين..

كيبكييي ويضربب فلارض بيدوو بحال شيي حمق..

كانت حداها فوحدة من الغرف تتشوف فيهاا..

نضال:علاش مزال مفاقت؟

دكتورة:عطيتها مهدئ باش ترتااح..شويا غتفيق..ودرت لها شي تحاليل شويا ويخرجو نتائجهم

نضال:حركات راسها

دكتورة:تانتيي خصك خصك مهدئ

نضال :لا انا بيخير

دكتورة(ضربات فكتفها)البراكة فراسك..كان واحد مناا

شدات على يدها

نضال:شكرا..وسمحيلي امروة عدبتك..فهاد لوقت ولكن معنديش لعقل باش نفحصها..

مروة:الله اوديي..متقوليش هكدا..نخليك نمشي نشوف تحاليل وش خرجو ..

زااد خارجا..حلات لباب ..ابتسمات وحنات راسها شويا ..

مروة:سي فوزي

داخل راجل فاواخر..الخمسينات من عمروو..لابس كوستار فلكحل..وسكارب طبي فلبيض شادو فيدو..

فوزي:كيف بقات؟

مروة:راك عارف ..ماشي ساهلا

تنهد وتم داخل..

فوزي:نضال

هزات راسها فيه..تمات نايضة

فوزي:لا غير كلسي كلسي ابنتي

زاد واقف اونفاص معاها..

فوزي:ليوم لكنينيك ديالنا خصرات واحد منهاا..دكتور معاذ كان من بين احسن اطباء القلب لي عندنا..ومنساو خدمتو لي كان يقدمها فلمستعجلات..كان بمثابة ولدي..بحالو بحال اسيرم الله يرحمو

نضال(دموع محجرين فعينيها)امين

فوزي(شاف فاخلاص)خلااها بحالها بحال الوردة..صعيبا عليهاا..ولكن حنا خصنا نفكرو فناس لخرين..ناس لي يقدوو يخصرو حبابهم

.ومعاد يقدر يعتقهم...نتيي عارفا بليي مبقاش بزاف..يقدر قلبو يوقف..ونتي عارفا بلي معااذ..من ناس لي مسجلين وباغين يتبرعو بالاعضاء..ولكن خصنا موافقة مرتووو..حاوليي تقنعيهاا قبل ميفوت لفووت..

هزاات عينيهاا فيييه..كارزة على سنانهاا...داتها كلها تترعد

فوزي:تقدر هضرتي متعجبكش..ولكن فكري كيف طبيبة..الميت ميقدرش يرجع..فحين لحي يقدر يتنقد

نضال:حالياا انا مكنفكرش كطبيبة انا وحدا مات خوهاا ومرتوو طايحا قدامهاا..ومزال معرفاش كيفاش غدير تعلم ماماهااا..

تمات نايضة..خرجات بزربااا

خرجات من عندوو وتوجهات لبيت ماماهاا..

كانت كالساا متكياا..كيف عادتها..تتشوف فتلفازة.

هزات راسها منين دخلات نضال

نضال:قلت لك شحال من مرة متبقايش تفرجي فتلفازة على صبح...

هزات راسهاا ضاحكة

...:رسوووم دياليي كيبداا داباا.

زادت كالسا حداهاا..شادة على يدها

نضال:ماما(دموعها نزلو)معاااذ مااات

عينيها على تلفازة.

.....:شكون معاد؟

نضال: طبيب لي كان كيجي عندك ديماا

شافت فيه وعيونها فيهم دموع

.....:داك لولد زوين لي تيوكلني ويشربني ويقابلنيي.

نضال:اه ولدك

دموعها نزلوو.عليه.لثواني..

مسحاتهم بيدها

....:علاش كنبكي؟

نضال:على معاد اماما

.عينيهاا على تلفازة..

......:معرفت شكون هاد معاد..ونتي لاش تتقولي لي ماما ونتي قد ماما..خليني نكمل رسوومي سيري بعدي منيي.

تمات نايضة..خارجاا من بيتها..تكات حدا لباب .تتبكيي

.

مسحات دموعها

نضال:مبقييتش قادة..مبقييتش قادة...ياربيي غير شوياا دصبر غير شويااا. عطيني غير شويا مزال

ناضت تتمسح دموعها...زادت لاسانسور..مبغاش يخدم..اضطرات تنزل على رجلها..

توجها لبييت اخلاص...مع حلات لباب ..خرجات عينيهاا منين ملقاتهااش..

زاادت بجراا..تتقلب عليهااا...

زادت لفين كاين معاذ .ملقاتش لهاا أتر...

علموهات بليي وقفات تماا بلا اي حركة..لثواني ومشات..

توجهات لاستقبال تتسول...بدورهم علموها بلي شافوها مع فوزيي ومعاوداتش بانت لهم..

بان ليها فوزي زادت عندوو بجراا..

نضال:مرت خوياا ك..

قاطعها

فوزي:وقعات الموافقة على نقل لاعضاء..شكراا ليك حيت قدرتي تقنعيهاا.

حطات يدهاا على راسهاا..دنيا بدات تدور بيها..شافت مروى جاياا عندهاا..

مروة:نضال تحاليل خرجو معرفتش وش هادا خبار يفرح ولا حزين...ولكن مرت خووك حاملاا

معرفات تفرح ولا تبكي..ولكن الاهم تلقاها..

زادت تتجري...تتقلب عليهاا..مبانش ليهاا لاثرر..

كان خارج من البيروو ديالووو ..بانت ليه تدور..وهي شادة على راسها..

زاد عندهاا..بخطوات سراع

أسيرم:اش واقع؟

نضال:مرت خويااا مرت.. خوياا غبرااات..عييت نقلب..والوو غبرات..مشات عند معاد ووافقات على التبرع..وغبرات(حطات يدها على فمها)هي حاملاا تحاليل خرجوو دابا هي كانت حاملا وكاع معرفا.

وسع عينووو..فيهااا..

زااد بجراا باغيي يطلع ف لاسانسوور..مبغااش يخدم وهواا يزيد طالع على دروووج...

كل درجة كيطلعها كيرجع بييه زماان لوور كاان بحالهاا..كاان بلاصتهاا...فكر فشي لي فكرات فيه هي داباا..حس بليي غدير نفس تصرف لي دار هوا فلماضي..

-

زاااد بجرااا...هارب منوو..طلع فلاسانسور متوجه لاخر طابق...موصل فوزي تا كان لاسانسور سد..واضطر يطلع على رجلووو ..

وصل لسطح دلكلينيك...طلع على لحييط..كيبكييي بجهددد..كيشوووف لتحت...لي لتحت بعاد تا حد مرد لييه لبال...

رجليييه كيترعدوووو...

دموعو تيتلاقاو عند اخر خدووو..

أسيرم:(بالغوات)علااش مشيتوو وخليتونيي علااش؟ ...حراام عليكم...ياك قلتوو غتجيو تجيبوني من المدرسة علااش مشيتو علاش..انا مغنقدرش نعيش بلا بيكم..انا غنجي لعندكم

(حط رجل فلخوا يلاه بغا يترما..جروو عموو طاحو بجوج لارض)

أسيرم:طلق مني بعد منيي نتاا كدبتيي عليا قولتيي غيعيشووو طلقق منييي طلققق الكدااب قولتي كسيدة دماما عادية بحال لي وقع لهاا قبل وفلتات منهاا وطلقق الكداب طلق

فوزي:وش هكداا تتجازي باباك ااا؟بهاد ضعف باباك لي كان باغي يخلي موراه طبيب كبير بحالووو...وولد قويي يشرف بسميتوو هكدا كتجازيه

أسيرم:بعد منيي الكدااب بعد منيي بابا ماات بابا مشاا بعد منييي بعد بغييت نمشي عندهم..بعد

عنقووو عندوو

فوزي:الى باباك مات عمك عايش...نتاا من ليوم ولديي فين غتمشي وتخلي عمك فييه اولدييي

واقفاا فووق الحيط..تتشوف فسمااء...بلا متنطق...بلا متهضرر..

نزلات عينيها لتحت..دنيا دارت بيهاا...

نطقات وشفايفها كيرجفو

إخلاص:يانكونو بجوج فهاد دنيا يا تواحد .

سدات عينيها ورخات راسهاا..

وصل لاخر درجة..وهوا كيلهث العرق نازل من جبهتوو...زاد بجراا.. دافع لباب..خرج عينوو منين بانت ليه طايحا غرقانة فدمها

كانت طاايحاا لارض ودمم ناازل من تحتهات...طاحت من صور لسطح..من زهرها دوخاا لي شداتها طيحاتها لداخل ماشي برا..

زاد بجراا...عندهاا هزززهاا بين يدووو...

وتم غاديي بيهاا كيجري...هااابط بيهاا فدروووج..

حلات عينيها بثقالة..وهي بين يدو...هزات يدهاا حطاتها على وجهوو تتحسس لحيتو.

نطقات بصوت خافت..

إخلاص:حبيبي..متخلينيش

اسيرم(مكوانسي)غتكوني بيخير

إخلاص:متخلينيش ا معا..

نزلات يدها مغيباا

وصلو لتحت ..زايد بيهاا بجراا...غير شافوه تجمعوو..عليه..

بداا يغوت على نضال بجهد

بدورها شافتو جات عندوو بجراا..

نضال:مالهاا اشش وقع لهاا؟

أسيرم:لقيتها طايحاا غرقانة فدمهاا. غالبا خسرات لبيبي

دخلوهاا للغرفة بزربا...ودخلات معاهاا..نضال..ومروة

فحين هواا بقاا براا..

شااف فحوايجوو..كلهم عمر بدم

دم معااد..ودم اخلاص...

لطخووو حوايجوو..

نترر لكرافاط وقميجتوو..وزاد لمكتبووو بصدرو عريان

"بعد ساعة."

خارج..من البيرو ديالو لابس سكراب طبي فزرق..

توجه لانعاش..بانو ليه باقيين تماا..

بصوت عالي نطق

أسيرم:مرتووو وافقاات على نقل لاعضاء..لعملياات دنقل خصهم يبداو دغياا..مور متودعوو عائلتوو..وحنا خصنا نعلمو سبيطارت لخرين..وغنسبقوو لمرضى لي عندنا...وقلبو غياخدوه لمرضى ديالو..(دوز يدوو على وجهو)ولكن النسيج الجلدي وغيرو من الاختصاصات لي معندناش غيستافدو منو لوخرين .

كيشوفوو فييه..بصدمة

أسيرم:بلاا متخليو مووت معااد..يمشي غير هكداك ..خليوه يكون طبيب تا فموتو...

خشاا يدوو فجيبوو وتم..غادي..وعدنان تابعو

عدنان:وقف ..وقف

تم غادي مداهاش فيه

أسيرم حل غرفة دواحد المريض..

المريض:(ضاحك)دكتور اسيرم.

أسيرم:حنا لقيناا لكك قلب لقينا لك متبرع

شاف فيه ولفرحة فعينيه

المريض:وش بصحح يعنيي انااا غنقدر نرجع كيف كنت ؟..نرجع لخدمتيي وحياتي.؟.ممتيقش..عند بالي بلي حلمي نكمل فالصحافة سالا مع مرضيي ممتيقش..فينو دكتور معاد هواا غيفرح عرفتيي هوا كان يقولي لملقيتيش قلب نعطيك قلبيي فينو صاحبك

(ضحك) هوا مكانش مبغانيش نضيع فشبابي

جاامع قبضة يدوو..عيونوو حوومرر...

زاد عندوو عدنان .

عدنان:مالك سكتيي قوليه فين معاد قوليه

أسيرم:معاااد وفاا بوعدو..(بصوت مبحوح)معاد عطااك قلبوو

يتبع...