هدى كدوز أيام زوينة بزاف فافران مستمتعة بجوها الهادئ و واخدة راحتها مع غزلان كل مرة يمشيو لبلاصة الغرض كان هو الإستمتاع بالجو الهادئ والمناظر الزوينة والثلج..كتحاول تناسا عبدو لي مدواهاش باقي حدو كيشوف ليسطوري ديال غزلان اما هي محيدااه نهائيا ميشوفش حيت عارفاه غينكدها عليها
واقفة غزلان كتقاد فراسها بعدما لبسات كسوة سخونة ومونطو:واش نتي زعما ميهديكش الله
هدى:أنا غنجبد عليه نرتاح اليوم غدا نمشيو لمولاي يعقوب
غزلان:متنعسي حتى نجي
هدى:فيد الله ..أنا راه تستسخت اليوم بالضوران حبيييت ديك العين لي مشينا ليها
غزلان:فنة(رشات ريحتها)شخبار مجمر غمتنا
هدى:غمتي اختي ههههه أنا لي شاربة فقصتووو
غزلان:زعما راك مسوقة(صونا تيلي)ياله بسلامة
هدى:جيتي قتالة
خرجات كضحك تلاقت مع السيد لي تعرفات عليه فافران..وقف عليها بأدب وخدا النمرة وعرض عليها للعشا هي وهدى لكن هدى رفضات تمشي حيت ضلو خارجييين ونيت عياات حيت ملي جاو وهوما غي ضوران
تخشات بلاصتها كتقاد تصاورها شادة جموع مع ختها ابيل وكتكركر مع بنت ختها طلعو حتى أحمد وبقاو مجمعييين حتى جاها النعاس..كانت الطناش تليل ودعاتهم حطات تيلي وزادت فالشوفاج دارت سطوري ديال الشوفاج حطاتها ونعسات
أما غزلان راه مشاو الأوطيل سميتو اوطيل الكبير معروف تما جاي وسط المدينة ولي لاحظوه انه أغلب الناس تما كارين حيت فيه غي الطلبة والسكان ماشي أصليين اغلبية معينيين فالادرات والجماعات من مخزن واطر إدارية ..ناسها فشكل شي مكيشوف فشي كيديوها فراسهم ومافيهمش البسالة..
حطو طبلة زوينة ومستمتعة بجوها مع السيد لي كان ضريف غي هو حاط كويس كيتنغم بيه وكيتعامل معاها زوين..زغبها الله دارت سطوري وتشد فيه الشراب وحطاتو ومايشوفو غي عبدو لي قشع الكاس من بعيييد زائد رجل رااجل وعلاش لا ميقولش ليه راسو هدى معاهم..مع شافو زير على يديه وعض على شفايفو بعصبية..عاودو مرات عديدة وعيا يشد راسو ساعا دوز نمرة هدى مرة وحدة كيصوني مكتجاوبش وهو يصيفط لغزلان:معاك هدى؟؟
مشافتوش حيت سيلونص اما هو راه شاعلة فيه العافية..جالس بلاا حوايج غي التحت..وشاعل الشوفاج على الجهد كيبان حمر وسط البرص لي فيه بالعصب..بداو الأفكار كيجيوه مخلاا مأول وفكر حتى بغا يتسطا وهو يصوني لغزلان ستا تالمرات مجاوبااتوش وغي بالصدفة هزات تيلي لقات تصالاتو ستأذنات من السيد مشات لطواليط دوزات الخط لي تشد بسرعة:الو
قطع عليها وهي تضحك وبسرعة صونات لهدى لي ناعسة مفيقها غي الصونيت ..جاوبات بصوت ناعس:الو
غزلان:صوننا ليا المجمر ديالك ههههه
هدى:حممم مفهمتش(مبوقة بالنعاس)
غزلان:ههههه سيري سيري تنعسي
قطعات عليها ورجعات باش ماتخليش السيد يتسنا ..اما هدى بغات ترجع تنعس وهو يصوني عبدو ساطت بعصبية حيت كسرو فيها النعاس..شدات الخط:الووو
عبدو:فينك؟؟
هدى:(عينيها كيتسدو)شكون؟؟
عبدو:قباض روووحك(صاح بجهد)فييييييينك
هدى:(وكدها غواتو)اووووف عبدووو اش بغيتي
عبدو:(حس بصوتها ناعس لكن وتقول واش يثيق)فين كاينة
هدى:فبلاصة مافيهاش صدااعك ففففففف
عبدو:(عض على شفايفو)هدى...طلب وااااحد والله مانزيد عليه
هدى:(بانزعاج)واش معيط ليا فنص الليل باش تقول هاكا؟؟اش بغيتي
عبدو:قلبي كاميرااا غي نشوووفك ومنصدعكش(حسها غترفض من السوطة لي ساطت)الله يرحم ليك مك اهدى..بردي خاطري
هدى:(مفهمات والو)فاش غنبرد خاطرك
عبدو:اكسيبطي
قلبات كاميرا فاص ليها مافيهاش لي ينوض يدير فولار وبان البيت وهي تأكسبطي..هاد الاخير بمجرد ماشاف البيت رتاح وهو يتنهد براحة..محس براسو غي هاز كارو كيسف فيه وهو يتسمع صوتها بانزعاج:اش بغيتي؟؟
عبدو:(كيحك راسو بصبعانو لي فيهم الكارو)غتسوطيني نتييي
عبدو:كتعطيني العصير هههه ولكن عندك علاش فيك واحد النفس البوطة ومافيهاش ههه
هدى:عزها تعزك
عبدو:صافي غنقطع..نوصي غي عمر على شي فيكيل تلوكاسيون ونشد الطريق لافران ولا عرفتي شنو غنشدها نيشان لفاس ننزل فمطار فاس
هدى:ممكن؟؟
عبدو:بلاتي نشووف
حاضياه مركز وكيحك يديه مرة مرة ولفاتو يتعرا عليها فالابيل من الفوق بحجة راه البرص كياكلو وهو غي سلكوط مكيلبسش عليه..محكراتش حيت عارفاه كياكلو لحمو..كتشوف فورمتو واقفة على الصح ذراعو معامرينش شحوم ولا واقفين بالبروتين انما بماكلة صحية حيت هو بطبعو واخا كيشرب كيقاد ماكلتو ومكياكلش الفاست فود..نظام غدائي صحي
فكرات اشنو كيدير راه غيجي عندها فمدينة غريبة عليها وهو غريب عليها خافت توقع شي حاجة..كتسمع غي صوت انفاسو وصوت البيسي وحتى هو كيسمع غي تحركاتها..
قطع البيي باش يهبط فمطار فاس وهو ينطق:غدا نصبح على مك
هدى:(توترات)معاش؟؟
عبدو :الطناش..
هدى:غيكون شويا غالي حيت الليلة بليتها
عبدو:شويا..مي هانيا اصلا مكنتش كنهبط بزاااف من الصيف لصيف
هدى:شنو دابا على قبلي زعما؟
عبدو:غي الى مابغيتيش تفهمي رااسك وتزيري معايا الحبال
قطع قبل ماتكمل..مسح على وجهو بنفاذ صبر..معصب عصب خطييير خصو غي يشدها يملخها وميبردش حيت متشداتش ليه..كيقول هضرة وكيدير عكسها..موالف هو لي تصاحب معاها وطول كيقوليها فين غادية تبقا تحلون وتفتفت ساعا هادي حاجة خرا..حارة وشخصية قوية كتحكم بالعقل قبل القلب لكن لي خلاه يعجبو اكثر أنه مكتشدش فخاطرها ودغيا كتنساا ..كيتخاصمو ويرجع يهضر وتهضر عادي وتطليييه ومتبقاش فيها الهضرة
صيفط ميساح لعليا كتب ليها:غدا هابط للمغرب ميعرف حد
اما هو مشا جمع حوايجو لي غيخصووه بقا سهران نيييت حتى كمل كلشي وغيز امورو غي بميساجات فالكروب ديال الناس لي خدامين معاه قاليهم غي غيغييب شي ايام ومشا تخشا بلاصتو حل صورتها فالكاليري مبسمة وقال:الله يخرج هاد السفرة معاك على خير
****
رجعات نعسات وراها مبسمة فرحانة فداخلها حيت غيجي عندها وكتزيد تحس بأنوثتها فاش كتشوفو كيضرب الطريق عليها كيخليها تحس بأنها عندو مهمة..غطسات فنوم من جديد.دايرا الغيفي محساتش بتاتا بغزلان امتا جات حتى فاقت الصباح ولقاتها حداها
مشات طرفات ووجدات راسها عاد فيقات غزلان لي فاقت بزز حيت بايتة سهرانة..صحصحات وبدات كتعاود ليها كي دازت الليلة ولوخرا غي حالا فمها فيها
غزلان:ويلي كيجر ليا الكرسي وكيسبقني انا لولة
هدى:ههههههه حلفي سعداااتك
غزلان:حتى نتي سعداتك مالو م٠مر الغمة
هدى:ممالو وللو غي مكيديرش هادشي هههههه كنمشيو بجوج كي الضريرات
غزلان:هو كاع شاد الطريق على ودك
هدى:غي سكتي حتى سايرتو وندمت..جاني راسي زربت ويلي يجي عندي لمدينة غريبة علي اش غيقول
غزلان:على أساس فكازا كنتي عايشة مع شي حد..كنتي نيت بوحدك..ومالكي نتي غتمشي تحلي ليه رجليك راه جاي غي يشوفك
هدى:اوا طلقي راسك..ياله نفطرو ونمشيو نتحمحمو
غزلان:واخا
بالفعل لبسو عليهم وهزو حوايجهم لي غيحتاجو..فطرو ففاس بعدما خداو طاكسي كبير ومشاو تاني فطاكسي اخر لمولاي عقوب كيف كيقولو بارد وسخون..قطعو بلاصة لوحدة ودخلو تحمحمو وتكسلو مزيان ضرب فيهم السخونية ديال مولاي عقوب وخرجو لابسين مزيان ضربو عصير الليمون وزادو مع الطريق كيقلبو فين يتغدااو حيت كانت الطناش
كلاو وناضو خلصو وشدو الطريق لفاس مشات معاها حتى لقاو صالون كيسولو ويبحثو قادات شعرها عكس هدى مدارت ووالو..خلاتو مطلوق فالصالون ينشف على خاطرو..حداها قادات وجهها بماكياج خفيف محافظة على لبسة سبوور فالخزي وتجاكيط مكلفاتش راسها نهائيا فحين غزلان تقادات وتصايبات..
وراها مشاو للمدينة ضارو فيها وتقدارو الباروك حتى ثقلو
غزلان:هادشي غيبقا معاك انا هادشي منهزوش معايا
هدى:ثقيل اصاحبتي ههههه
صونا لغزلان تيلي وزكات مع لاخر..ريحو فكافي بجوج عاوتاني حتى جا ونزلات عندو مودعاها وبقات هي ناشرة طحينها كتسناه..مخلات مدارت..تصورات تفرجات كل مرة كتعاود لكونصوماصيون لي دايز عليها ولي جاي فيها ..بغات غي تنعس تغمض عينيها حيت الحمام رخاها حتى جاها ميساج منو فواتساب المغرب فيه:وصلت
هدى:(كتبات)على سلامتك
كانت الخمسة تالعشية رد عليها:نكمل غي شي وراق ..فين راك؟
هدى:(صيفطات لوكاليزاسيون)فكافي كنتسناك
عبدو:تسناي شويا نسالي ونجي
هدى:اوك متعطلش راني بوحدي
عبدو:واخا
رجعات لفيلمها وجاها الجوع طلبات متاكل وتحرجات بكثرة ما طلبات وتسنات..جلسات شحال عاود كل شويا تقول هاهو غيبان حتى تعسلو عينيها كتشوف فالفيلم وتكمع..
فحين هو غي نزل دار الاجراءات وزاد خارج مدوز الابيل لعمر على حساب طونوبيل مع قاليه غتعطل شد طاكسي لعندها ضارب حطة واااعرة تهزيه تهربي بيه..عاطي للشيفور البلاصة لي غادي ليها حتى وقفو حداها..خلصو ونزل داير شكارة فظهرو كي ديما والشانطة فيديه..صونا ليها جاوباتو بصوت نعسان:راك لفوق
هدى:جيتي(حلات عينيها)
عبدو:مممم
هدى:لا غي لتحت
وقفات شاداها الرعدة بحالا عمرها شافتو ولا تلاقاتو وهي غي الرهبة ديال أنه بجوج فمدينة خرا غير كازا خلاتها تفافا..بعدات على طبلتها شويا باش تبان ليه ..
هدى:هاني
تلفن ليها وقشعها من بعيد..سكاناها مزيااان مستورة وهو يتبسم وتوجه لعندها بعدما دار تيلي فجييو..اما هي قلبها كيضرب بقات واقفة كتشوفو كيقرب عندها وكاع هضوراتها تقاداو ..واش حشمات ولا شنو واقع معاها مفهماتش..ومخلاش ليها فين تستوعب حتى كان وقف قداامها وجرها من ذراعها بزربة داايرها فحضنو ودوز عليها يديه عاااصرها مزياان كأنه كيستامد الدفء من جسمها ..محس براسو برد حتى شم ريحتها الفطرية لي مزروعة فيها حدو نطق:المييكرووبة ديالي
حسات بملمس يديه العراض على جسمها الهزيل مقارنة به..ودفء خطير تسلل لطبقات جلدها رغم انها لابسة..كتحس بتعنيقة حنينة لافاها ومحاوطاها وراسها تحط على صدرو العريض خلاوها بدون شعور تطلع يديها تضورهم عليه بهدوء راسمة ابتسامة خجولة ..باغيا تطاوع احساسها وفنفس الوقت باغيا تحضر عقلها لكن تعنيقتو ليها خلاتها تحس انها فعلا كانت كابتة احساسها بالحاجة لحضن راجل..اما هو راه ضمها حتى دخلها فضلوعو حتى قدرو يديه يميزو قيااسها فالحوايج
دوز يدو على كتافها براحة وبدون جرأة زايدة يمعنى مقاسهاش فظهرها بطريقة مقززة انما كأنو مرر يدو عادي ..هضر بشويا:توحشتك
هدى:(الفم لي يقول حتى انا مكاينش )حممم على سلامتك
بعدها عليه شويا كيشوف فوجهها كيبري باينة فيه الحمام ورمق كذلك الحلق الصغيى لاصق فنيفها عطاها ميزة خاصة..ومكحلة ليه العوينات لي مخلينو طاير عليها..ولفة الحجاب لي مخلياه مرتاح شويا من جهتها حيت فحياتو كاملة عمرو عرف شي وحدة دايرا الحجاب
جرها عاود مساخيييش بيها عنقها بيد وحدة وقال:شوو كي ضريفة
بعدات شويا مزنكة:حشووومة الناس كتشوف
حيد الشكارة من ظهرو وريح فحين حتى هي جلسات كتقاد شالها وكدخل زغيبات خارجيين ليها من جنب مبينة يديها لي معمراهم تاني بخواتم رقاق وصابغاهم بالاحمر دم غزال
عبدو:(حرها هي وكرسيها)قربي لحسك توحشتك
ضحكات قايلة:حشووومة كاع الناس تفرحو فينا
عبدو:مزيانة؟؟(كيفحصها بعينيه)فين صاحبتيك؟؟
هدى:خرجات تشوف شي صاحبتها فاسية
عبدو:فاسية؟؟
قلبات عينيها:واا بديتي تاني وادخل سوق راسك
عبدو:(ضربها لراسها)ريحي من التغوبيش
هدى:كتجي وكتبدا تمكرييب واااه هههههههه
عبدو:سالي الهضرة فيا الجوووع
هدى:(قربات ليه الموني)شوف اش بغيتي
طلب ماكلة وتوالاها معمر بيها عينيه:اوا المرضية شبعتي ضوران؟؟
هدى:اه هههه غزااالة افران واخا البرد فنة
عبدو:سي زويينة..انشوف التصاور
هدى:معنديش بزااف لي تصورتها كنحطها
عبدو:(ببرود)محيداني من السطوريات حيت مكتحطي والو
حصلات حصلة خايبة لدرجة مصات شفايفها كتمعني انها حصلات وحتى هو محكرش حدو قال:وريني
مهضراتش جبدات تيلي كتوريه فين مشاااو وتعاود ليه كتحاول تنسيه اشنو دارت ولكن هو لي جبرها تحيدو باش مينكرش..وراتهم ليه كاملين بلا متحبس..وتا تصورها مع غزلان شافهم
عبدو:بصحتك
هدى:يعطيك صحة..صافي سالا الكونجي
عبدو:حتى جيت انا
هدى:مبقاش ليا بزاف غي شي ثلث ايام ونرجع
عبدو:كون صبرتي كنت غنجي ونديك
هدى:وشنو الفرق؟؟واصلا مكنتش غنمشي معاك
عبدو:بغيت غي نعرف هاد النفس منين جايباها مكترضايش بيا
هدى:علاش كتقول هاكا كون مكنتش منرضا بيك منجلش معاك
جرها من نيفها بصباعو :كليتي
هدى:شبعت هععع
جابو ليه الماكلة طاح فيها عما مجمع معاها مرة ضاحكين مرة ضاربها المهم بجوج..كمل وناض خلص هزو قشهم وقال:غتمشي معايا نجيب الطوموبيل(دوز ابيل)
بقات واقفة حداه كتسناه يكمل لابيل ومن بعد خداو طاكسي صغير..دوز يدو ورا كتافها وهي تقول بشويا:حيد يديك واش مكتحشمش ويلي
.عبدو:(ميل نيت يديه حتى ذرعها من عنقها)ريحي الارض
حيدات ليه يدبه وقرصاتو وقالت:حسابك غنحشم منك ولا هههه راه عدويا يحط فيا شي حد يديه
عبدو:(محيدض يديه)ممفاكش معاك نوريك تحي لافران بلا بيا
هدى:(شافت بديه لي مليوحة على متفها)عبدوو غتقلقني
حيدها بشويا وقال:غتموتي غي بوحدك
خلاها براحتها عارفها مكتبغيش لبسالة غي كيبغي يقجر عليها يشوف واش باقي فصباغتها..عطاه العنوان وهو يجبد تيلي كيكتب شي ميساحات بالاسبانية رمات عينيها غي بشويا وحيداتهم كتشوف فشوارع المدينة من الزاج حتى سمعات صوتو قايل:هنا عفاك
كتحس بيديه كيداعبو يديها خالقين دفء خاص لجسدها كولو..هي مشاعر غريبة عليها ليها زمان معاشتش الاحتكاك مع الطرف الاخر وحتى فزواحها معاشتش دوك اللحظات الحميمية لي تخليها تحس بالنشوة والحنية من جيهة الراجل..لكن مع عبدو كل مرة كيقرب ليها كتحس براسها واقفة حدا رااجل نيت..لا شكلا ولا مضمونا..كتحس بيه ديما مهيب وخالق رجولة خاصة بيه..
تبسمات ليه سرحانة فملامح وحهو كتحاول تحفظهم ما امكن..سمورية ديال الشمش واضحة رفقة البرص لي فيه عاطيه ميزة خاصة..والتغوبيشة لي مكتحيدش من وجهو متعرفو واش ناشط ولا زاعف..حس بيها سكتات وهو يضور لقاها كتشوف فيه كي شي بنية صغيرة وهو يضحك:عارف راسي زوييين
هدى:(بدون وعي)والله حتى زويين
تلفت بسرعة ليها وفلت يديها من يديه وبدا كيصفق مشرع فمو بالضحك:برااافووووو لالا تقدمنا ههههههه الميكروبة ولات كتقوليا زويييين
هدى:كيجيو زوينين مبلية انا بليزاكسيسوار هههه كاع فلوسي مشاو فيهم
عبدو:ناخد ليك شي حاجة سوفونير؟؟
هدى:لا..صبر نصوني لغزلان
دوزات ليها الابيل شادة معاها الهضرة وهو كيقلب فتيلي ديالو بتركيز ووذنيه معاها حتى سالات مع كملات دوز بلوثوث مع الاوطو ودار موسيقى لي خدمات بربعة الثواني وطلعات ابيل وكتبان فالشاشة قد الخلا :ليلى
شافت فيه وشاف هو فتيلي هزو قطع ببرود..صقلات شوية كتشاور راسها واش تسولو ولالا..مخداش منها وقت طويل باش ترميها ليه فوجهو:شكون ليلى
عبدو :صاحبتي
سيد الردود الباردة..سيد الانفعالات الخطيرة هو عبد الدائم..سولاتو عادي وجاوبها ببرود كأنه كيحاول يستافزها ويعصبها ..هزات حاجبها بمعنى يااك..تقدات بلاصتها ودارت السمطة شافت فاص ليها ..الوجه باش تسولو من جديد مبقاش عندها وهنا حسات بقلة الاحترام
شافها سكتات وهو يتلفت ليها وقال:مال المكروبة ديالي؟؟
هدى:والو..غزلان مجاياش حتى نتلاقاها فافران
عبدو:مزيان ندوزو وقيت بجوجنا
هدى:(ببرود)مكاين لاش..وصلني بغيت ننعس
تبسم ميك عليها عارفها تنوغشات معاه وقصدا سكت مدواش معاها باغي يشوف ردة فعلها ..سقلات حتى شدو طريق افران وغي الموسيقى لي خدامة شاعل كارو منغم بيه ومرة مرة كيشوف فيها كيلقاها متكية راسها واخر مرة لقاها نعسات..هبط ليها الكرسي بشويا..وخلاها تحيد العيا تالحمام..نقص الموسيقى وبقا كيتكيف
المسافة بين المدينتين ماشي بزااف جهد نص ساعة تالطريق..فاقت على صوت هضرتو فتيلي بصوتو الغليض ..حكات عينيها ونزلات المرايا قادات حالتها
عبدو:(قطع)عيانة
هدى:ممم ديني ننعس
عبدو:جايين ننعسو ولا؟؟
هدى:عيااانة
عبدو:(وقف ومد يدو تحسس حنكها السخون)تقلقتي؟؟
هدى:(عاقدة فيه غوباشتها)عرف ليلى ولا بثينة مكيضرنيش حيت عارفا راسي اش ساوية..وكنجي حتى لعندك وكترخصني
فهمها على اساس لعبات عليها الغيرة لي عيات تخبيها كتبان مفضوحة..هز كارو شعلو وقاال:غي كنضحك معاك..ليلى عرفتها فالمغرب قبل مانعرفك..منكذبش كنت خديت نمرتها وبقات عندي عادي..معحباتنيش ومحيدتهاش ..حتى صونات ليا اليوم
هدى:مزيان..بصحتك..غي هو راه الصرف كيرجع ..تسنا صرفي رااه خااايب
حلات الباب وهبطات معاجبهاش الحال..أبدا واش شداتها الغيرة حيت هي انسانة متصالحة مع ذاتها لكن الوضع انه كون هي صونا تيلي ديالها كون راهم فالكوميسارية بجوج..
نزل وراها نيشان مبرد وعاجباه هاد التقليقة ديالها..وقف عليها جارها من يديها مقربها قايل:غرتي ولا؟؟
هدى:(بثقة)ماشي برهوشة نغير من وحدة مكنعرفهاش..الحمد لله عندي حقي فكلشي ممحتاجاش نشوف راسي قل من شي وحدة
عبدو:واخا..نمشي حتى انا ندوش نحيد العيا ونخرجو نتعشاو انا وياك السهرة طويلة
هدى:(حركان راسها بالايجاب)غنخرجو اه مي بشروط
عبدو:اول شرط اري بوسة بعداا
هدى:(قلزات ليه)ها وحدة ههههه شرطي مغتخسرش الهضرة
شد صبعها عندو وقال:اوا
عبدو:مغنتخاصموش
عبدو:زيد؟
هدى:(قلبات شفايفها كتفكر)مممم ومغتشربش
عبدو:اوا لا...البرد والشراب لا؟؟ميمكنش
هدى:انا مكنشربش وعادي ..شرب اتاي بالعشوب كيدفي
عبدو:منعاودكش مي نحاول..ياله اري بوووسة
كمشات فيه عينيها وشدات حناكو جراتها بيديها ضاحكة بطفولية خلاتو يضهشر من هاد الزعامة ديالها وقالت:الخوييينز كيحلم
جرها من شفايفها حتى هو من شفايفها مزير عليهم بقرصة:دلمها معكرة ليا قول جايا تشوف صاحبها
دوزو ديك الوقفة دقة فيا دقة فيك عاد طلعات وصلها للبلاصة فين نعتات ليه واصلا كانو فنفس الحي حيت افران كولو فيه نفس الشوارع معندك فين تتلف..هبطات قشها ودخلات وزاد هو راجع يريح راسو..مع دخل شعل الشوفاج تدفى الدار..هز تيلي دخل لواتساب لقا ميساج من ليلى لي شافت سطوري ديالو داير بلي كاين فافران
ليلى:جيتي للمغرب؟؟
عبدو:صونيتي؟؟
ليلى:(فالبلاصة)وي..على سلامتك
عبدو:الله يسلمك
ليلى:مشيتي لافران حتى أنا كنفكر نمشي ليها فهاد البرد
عبدو:سي زوين فيها الجو
ليلى:الى رجعتي لكازا نتلاقاو
طلع ليها vu وناض هز حوايجو دوش ولبس عليه تخشا فالفراش دار الغيفي من هنا ساعتين يفيق اما هي غي دخلات كذلك سخنات الدار ومشات كديماكيي وجهها وكتصوني لغزلان تعاود ليها لقاتها مع لاخر وجايبها فالطريق..حطات تيلي وغفات فنوم عميق حيت الحمام سخسخها مفاقت غي على رنة هاتفها ..جاوبات بصوت ناعس:الو
عبدو:(رتاح حيت لقاها ناعسة)باقي ناعسة احبيبة
هدى:(ديك حبيبة عجباتها)مممم عيييت
عبدو:رتاحيتي شويا؟؟
هدى:(بدلع غير مقصود)غي شوياا ..
عبدو:نوضي وكدي نخرجو راه العشرة تقريبا هادي
هدى:واخا..فيا الجوع اعبدو؟؟
عبدو:(حمقو صوتها ناعس )نديك أحبيبة تعشاي غي نوضي
هدى:نوجد ونصوني ليك
قطع مردش عليها خلاها كتعكز..ناضت مساخياش بدفا الفراش..غسلات وجهها وسنانها عاد مشات هزات صايا جلد فالقهوي بارد هابطة مفرفرة تالتحت مع لي بوط وتريكو سخيخن فالبيج كول مونطي مع فولار مصايباه بطريقة عصرية دارت اكسسوارات وماكياج خفيف برزات عيونها عاود وهزات تجاكيط جلد قصيرة وحيت اللبسة مستورة جات معاها التجاكيط ..صونات ليه يجي وبقات جالسة كتسناه حتى صونا ليها وهي تهز صاكها وخرجات لقاتو فانتظارها..طلعات دغيا قايلة:السم هذاا
هدى:تبليت أنا بالحوايج وننسقهم ونقاد من هنا ومن لهيه شووف(وراتو انسطا ديالها فالغوشيغش)شفتي كنضل نقلب
عبدو:مزيااان(شد يديها عندو)فين تبغي تمشي
هدى:(تزنكات من شدتو ليديها)فين بغيتي
عبدو:كاين اوطيل هنا غيسطو زويييين وغتاخدي فيه راحتك
هدى:صافي نمشيو
دار موسيقى وشدو الطريق مجمعييين حتى وصلو لاوطيل ميشليفن كولف..باركا ونزل..شد فيديها لقاها باردة وقال:فيك البرد؟؟
هدى:بزااف هههه زيد ندخلو (طلعات عينيها فلوطيل)غزااال هنا
عبدو:ممم زوييين
جرها داخليين بزربة ودخلهم حتى الدفء ديال المكان..حمقاتها البلاصة..دخلو للريسطو لي فيه طبالي من الخشب و فنفس الوقت لي فوتوي مريحين..مشاو ريحو ففوتوي حيدات تجاكيط حيت دافي الحال وحتى هو..جالس مفرق رجلييه وداير يديه على مرافقو هاز كارو باغي يشعلو وقالت:ياك تفاهمنا
شاف فيها بغا يجاوبها وهو مكمش عينيه:مال عينيك؟؟
هدى:حمرين ياك؟؟(وسعات عينيها بصبعها)شوف مزيان
عبدو:(شد وجهها بيد)اش واقع فعينيك؟؟
هدى:شوف حدا القنت فيهم بحال شي طرف ديال شي حاجة لاصقة كيقولو ليه الظفر خصني نحيدو
هدى:يمكن الما..فلول كنت كنقول غي حمرية عادي ولكن راه كيحرقوني عييني خاصة الى كحلتهم
عبدو:متحكليهمش الى غيضرووك
هدى:(تبسمات بشقاوة)وباش غنطيحك نتا هههه
عجباتو هضرتها الشيء لي خلاه يتبسم حتى بانو نيابو وقال:كتقصدي تمحني ليا عقلي معاك
هدى:أنا باغيا نمحن قلبك هههه اما عقلك منقدرش عليه
دور ابهامو باعجاب على حنكها وعينيه واضح فيهم بلي عاجباه..تقدر تسولو يقوليك عارفها مافيهاش زين خارق لكن شخصيتها كتجذب وهضرتها الحارة كتحمقو.. كيشوف لون البن فعينيها لي كيجيبو كاو..شاف العين الخضرا والزرقة والسوداء لكن البنية بالنسبة ليه هلاك
العيون البنية مع لون الكحل الطبيعي كتخلي الناظر ليها كيذوب..خاصة الى كانو الشفار مكثفيين هاديك صافي كتهلك الناس..ووحدة بحال هدى عندها سحر خاص فعينيها الى شافت فيك بيهم تقدر تطيعهم وتدير لي بغيتي على قبلها داكشي علاش كتبقا تشوف فيه فعينيه باش ينفذ شنو بغات
قرب بشويا بلا ميخوفها باش مديرش ردة فعل وترجع لور..كيمرر صبعو على حنكها كيهدنها بيه وكيحس بملمس رطب كيف لا وهي السيدة ولات مبلية بالعناية ببشرتها وجسمها..كترمش ليه ببطء مسمتعمة بديك اللمسة الحنونة ديالو وكتشوفو كيقرب لجهتها عرفاتو عندو حدود وميقدرش يدير شي حاجة خايبة..طبع قبلة بين عينيها:الله يشافيك ليا
ختارقات ديك ليا قلبها نيشان..بغاها تشافا باش تبقا ليه..محسات غي هي شادة فيديه مزيرة عليهم وقالت براحة:اميييين
جرها من يديها قربها لفات يديها مع ذراعو وبقات حدااه كتبروفيتي فالجو الهادئ المخلوق بيناتهم..بقدر مكيزمتها بقدر مكتحس بالراحة معاه..طلبو اكل وبقاو جالسيين مجمعيين وكتعاود ليه لقاها بروالة..حطات ليه كلشي وهو غي حاضيها كي الهبيل مرة يشد فيها مرة يصالحها..مدوزين ليلتهم غي بيناتهم كيضحكو ويضاربو..ممسوقينش لبنادم
هدى:(غوبشات)هاحنا غنتخاصمو تاني ..علاش تصورت الى مغنحطهمش وبغيت نصيفط لختي
عبدو:صيفطيهم لختك من عندي(مد ليها تيلي)صيفطيهم ليها
هدى:(صدمها)واش حمق
شافتو كيضور عينيه فالارجاء وقال:اجي معايا
جرها ووقفو قدام مرايا كبيرة وقال:تصوري معايا انا بعدا
هدى:وتعطيني تصاوري
عبدو:نفكر(جبد كاميرا)وقفي مقادة
خسرات فيه سيفتها ووقفات كتبان قدامو كي القملة..تبسمات رغم ذالك وخلاتو يشد تصويرة ليهم بجوج بيد وحدة شاد التيلي ويد حطها على خصرها بشويا ..شافها وقالت:جات زوينة
عبدو:حطي هادي
هدى:سميتي هدى ماشي جاكلييين ههههههه جات زوييينة(شافت فيه باعجاب)جيتي زوين
عبدو:(ضحك على عفويتها)باش كتعجيني مكتخليهاش فخاطرك
هدى:اوا قلت الصراحة هههه ياله صيفط ليا تصاوري
عبدو:باش تحطيهم؟؟لا
هدى:قولها من لول نتصور بمشقوفي حسن ليا..نشوف السرباي يصورني
شد تصويرة خرا واقفين كيبان غي هو اما هي فوجهها لا وهو يقول:زيدي نعطيهم ليك
ريحو وهي تفرنس حيت قنعاتو صيفطهم ليها و شد تيلي ديالها كيقلب فالكونطاكت لقا رشيد و ولاد خالها وقال:حيديهم ميشوفوهاش
ميقات فيه وقالت :اصلا محيداهم واصيفط ليا تصاوري
صيفطهم ليها وقال:نمشيو؟؟
هدى:واخا غيكون طاح الثلج
عبدو:سي
طلب الحساب وحط الخلاص وهي تقول:شكرااا
شاف فيها وقال:على واجب احبيية ههههه
شد فيها وخرجو عاود وهوما يلقاو ناقص واحد فالحالة الجوية ومع كانو فالدفا جاهم البرد..جرها لعندو مذرعها وطلعو لطونوببل وقالت:طاح الثلج
عبدو:ضروري..قالو اليو غيطيح فليل وراه بداا
هدى:اححح كيكون غزااال
مشاو شويا بالطونوبيل والثلج كيطيح بشوي فمنظر اقل مايقال عليه خطيييير..حمقها الجو وبقات غي كتشوف كي البنية الصغيرة واحد اللحظة حبس وقال:هبطي تحيدي الصعرة
هبطو بجوج والثلج كيطيح كيسمع غي ضحكتها وهي كتمشي فالثلج وتلمسو بيديها جمعات شويا ولاحتو عليه وهربات وهنا بدات اللعبة..مكاين غي ضرب فيا نضرب فيك مع ياله بدا كيطيح باقي خفيف كيجمعو بشويا ويمرمدو بعضهم وضحكهم مسموع منين ومنييين باختصار دوزات معاه امسية زوييينة بزااف..
طلعو للطونوبيل سارديين بالثلج لي ذاب على كتافهم وبدات كتسوس قايلة:بردت فيك سميي هههههههه
عبدو:ميكروبة نتي هههههه
هدى:ديني لدار تعطلت ههههه
نفذ طلبها وداها للدار وهي تقول:شكرااا بزاااف ناري دوزت وقت زوينة
عبدو:بصحتك احبيبة..سيري رتاحي غدا نصوني ليك
هدى:(ضحكات ليه)بسلامة ههه
تسناها حتى دخلات عاد.تحرك فحين هي راه ناااشطة لاقصى درجة..فرحات معاه بزااف ونساها فداك النكد ديالو
لقات غزلان شادة العسة بتيلي غي شفتها وهي تزيد تضحك:ياكما كلا ليك الحلوة؟؟
هدى:الخرا لي غياكل من عندي ههههههه ناري واحد الجو غزاااال
غزلان:طاح الثلج هههه أنا نيت ياله دخلت كي دازت الخرجة
هدى:(بفرحة)غزالة اجي اجي نوريك التصاور
بدات كتوريها البلاصة وتصويرتها هي وياه وتا لوخرا وراتها
هدى:حمق والله حتى حمق هههههه
غزلان:لي قاطع الطريق على ودك محمقكش هههه باينا كيبغيك
هدى:باقي بعاد على كيبغيني ههههه كنعجبو وعزيزة عليه وميخسرش ليا
غزلان:معرفتش منين نشدك ههههه مهم نشطي هههه
هدى:واييي غنوض نبدل علي ونتخشا حداك
اما هو دخل لدار بدل عليه وتخشا بلاصتو كيشوف تصاورها وحدة وحدة حتى وصل لديالها هي وياه ..عقلو قاليه حطها فسطوري فالانسطا وهي مدرقة وجهها مباينش وبالفعل حطها ومشا تخشا نعس باقي مضعضع بالسفر
*****
فدارهم فكازا
كانت وهيبة فدار راجلها كتلعب فتيلي وتضور فالانسطا حتى طلعات ليها سطوري ديالو وهي تشهق..زومات قربات مخلات مدارت لكن مقشعات والو..سكريناتها وصيفطاتها لعليا مسولاها:واش نجمة هادي؟؟
من حسن حظها كانت فايقة شافت الميساح كتبات:لا هههه وحدة خرا
وهيبة:والفولار؟؟هههههه شكون عفاك
عليا:مغربية معاكم تما هههه خوك تزعط
وهيبة:باش يحط تصاورهم راه نيت مزعوط ههههههه جاو فنييين
حلات ليها مها حيت عالماها شدات البنية كتبوووس فيها وتعنق عندها عزيزة وحطو كاس اتاي بقواعدو الصحراوية حاى جبدات التيلي وقالت:شووفي عبد للدائم اش حاط(وراتها)
خيرة:يحط لي بغا(بفضول)ديك قليلة الحيا نحمة ياك
وهيبة:لا شوفي الفولار...ماشي نجمة
خيرة:يضبر راسو حتى وحدة ماتقبل عليه..حاار وماتصبر حتى وحدة يبعد غي مني ويدير لي بغا لهلا يسهل عليه..
طلع صباح لطيف عندهم فافران بعد ليلة عامرة ثلج تزينات بيها الارض بثوبها الابيض وسقات السماء ساكنة افران من حلو سحابها..الثلج عند الساكنة شي حاجة كتفرح حيت كتروج الدنيا عندهم وكيجيو السياح بزااف
فاقت هي لولة مع العشرة سخونة ففراشها شافت حداها كانت غزلان خامرة حيت كينعسو حدا بعضهم..تفكرات ليلة الامس وتبسمات..هزات تيلي كتقلب فيه حتى لقات سطوري ديالو حاطو وهي ووجها مباينش حيت عاطية بالظهر..مشكلش لبها الامر مشكل بتاتا حيت مكتبانش كاع شكون..دارت جيم لسطوري وناضت كتعجز مساخيااش بالدفء..هزات اغراضها ودخلات كتعتاني براسها بروتين عادي فيه غسل الوجه والسنان والترطيب اما الماسكات مكتلحقش مع السفر..حتى فاقت غزلان بدلو عليهم وخرجو يفطرو فمقهى زويين قريب للدار
جلسو طلبو فطور وهي تدير غزلان سطوري للبلاصو حطاتها مع غيحل مجمر الغمة عينيه غيهز تيلي غيلقا ميساج منها قيه صباح الخير..خرج مخلي ليها vu داز اسطوري لقا غزلان حاطاه نيشان فهم بلي خرجو..عقدهم كثر ماهوما معقودين..دوز نمرتها صونا مرة وجوج مجاوباتش ومشا عيط لغزلان لي غي شافت سميتو قالت:هدى مجمر غمتك كيصوني ليا
هدى:(باستغراب)علاش؟؟(خرجات تيلي ديالها من الصاك)ويلي صونا وعاود
هدى:(جاب ليها الضحكة)ههههههه لا نتا مجمر غمتييي هههههههه وصاافي بقات غي افران متشوهناش فيها ..انا غالطة وعارضاك للفطور
عبدو:فطرتي نتي بوحدك بنت ليك انا ؟؟
ضحكات وقربات منو كتحاول تجمع جرأتها..شدات فيديه بلطف قايلة:خراام واش دازت ليا بلا بيك ههههه غا قهيوة لي خديت
عبدو:(زاد قرب كثر حتى ولات المسافة بيناتهم قليلة)مغتحزرنيش انا بهاد الهضرة
هدى:(تبسمات وفيكسات فيه عينيها)اشنو بغيتي نديرو ليك باش تحيد النفخة هههه
عبدو:(دار فيها نظرة طفولية)اري بوووسة
قلزات ليه ضاحكة وقالت:هههههههه الى مقلزتش ليك مكتهنااش
شد ليها صبعها لواه ودارها فجنبوو قايل:غاديال العصا زيدي نفطرو
هدى:صافي بردتي؟؟(ضرباتو بلكمة لكرشو)
عبدو:مرة جايا متخرجيش بلا بيا وبلا متعلميني..التخاور لا
هدى:زيد زيد نتا محسوس غي مع جنابك...غندخلو كاينة غزلان عنداك تبقا تخسر الهضرة راه نسمح فيك ونزيد..تخسار الهضرة لا
عبدو:(غادي داخل)شي أوامر خراا
هدى:وجلس حدايا وصقل
عبدو:(طانز):واخا الواليدة
ضحكات وتبعاتو حتى وقفو على غزلان لي كانت ديما كيبهرها بطولتو وتكضيرتو..تبسمات وقالت:صباح الخير
مد يديه سلم عليها عادي وقال؛صباح الخير أختي لباااس
غزلان:الحمد لله..على سلامتك اخويا
هدى:(ريحات حداه)فيا الجوع
عبدو:فطري
هدى:شوف اش بغيتي
هز كيقلب فحين هي غمزات غزلان حابسيين الضحكة حيت ملي جلس وهو عاقدهم..طلبو فطور وهي تقول:شفت التصويرة
عبدو:عجباتك؟؟
هدى؛زوينة ههه مسولوكش شكون
عبدو:باقي مقلبتش
هدى:واخا
بداو كيفطرو وغي هي وغزلان لي محمعين هو غي مستمع انما داير راسو مستمع اما هو كيحلل فغزلان وفهضرتها يشوف واش خطر تبقا ليه معاها
غزلان:غنمشي نهضر فتيلي
هدى:هههه سيري سلمي لينا عليه
لاحتها ليها غي بضحك وهو ينطق:لا نوضي تقهواي معاه
هدى:(راشقة ليها يقول لي قال هي باغيا غي تنشط)اححح عليك نتا راك واحد المغيار مسموم..غاتهنا مكيعجبنش نوعو
عبدو:(لقا راحتو فاش مشات غزلان)اشمن نوع كيعجبك
شافت فيه بضحيكة خجولة:كيعحبني يكون طويل زعريض وفيه البرص وميكروب وحلوف ووكال (كتشوف شبح ابتسامة كيزور وجهو)وميكرووب ويكون مجمر الغمة هههههههه(قرصاتو فحنكو)رخف فيك النفس حسابك غيطيرو بيا راه غا بوحدك لي عاجباك
عبدو:(بعفوية)توريني فولاد القحاب
هدى:(مسحات على وجهها)وااربي هادشي غي وصيييتك راه غنتخاصم معاك وااه عيقتي
عبدو:فمي هاكاك داير
هدى:صلح فمك فين غنمشيو ليوما
عبدو:مشليفن زوينة حتى هي فيها جو زوين ديال الاطلس
هدى:واخة ههه نمشيييو ..كمل فطورك
فطر حتى رجعات غزلان وعلموها بلي غيمشيو لمشليفن معتارضاتش نهائيا طالما هو معندوش مشكل..وحتى كيعاملها عادي
كملو وشد فيها مد ليها السوارت:سبقيني لطوموبيل
هدى:(قربات منو بهمس)انا لي عارضاك
تبسم وقال قارصها بشويت من حنكها:مرة خرا
مبغاتش تشاد معاه عارفا نفسو كبيرة مغيبغيش خلاتز براحتو وخرجات هي زغزلان لي متحمسة قايلة:غيدينا ليه
هدى؛ممم نمشيو نفوجو باش غدا نرجعو فحالنت..رشيد راه غيخرج ليا من التيليفون
غزلان:عيق هههه انا لاخر غنشوفو فلعشية
هدى:نرجعو وسيري
وقف عليهم حل الاوطو مع طلعات قال:ياك قلت ليك طلعي
هدى:نسيييت
شدو الطريق دايرين مزسيقى خفيفة مجمعين حتى تطلق مع غزلان ولا كيهضر عادي..مرة هو وياها مشادين مرة مضاربين مرة خدامين الدق..وصلو لميشلفن لي كتبعد على المدينة بمسافة مكبيراش بزااف حتى وصلو لمقهى شعبي بغاو باخدو شنو يشربو يدفيهم..
عبدو:ملابساش مزيان..غيجيك البرد
هدى:معرفتش..انا تنحس براسي سخونة
غزلان:(حابسة الضحكة)ياك اختي هههه(نزلات)
عبدو:(فهمها)ههههه سخونة احبيبة
هدى:(ضرباتو لقرفادتو)باسل
هبطات ساطها البرد والثلج كينزل عليهم خفيف مخلي الجو خطير..شافها كتحك يديها وجا دور يديه على كتفها جارها لعندو..حك على كتافها وقال:بغيتي تجاكيط
هدى:لالا مزيان(كضور عينيها فلبلاصة)غزاال هنا
غزلان:(غي كتشوف فيهم عجبوها)فن..اجي اجي نتصور فالثلج
مشات كتصور فيها فحين هو رجع حدا الاوطو جبد كارو كيتكيف وحاضيها كيف شادة الخاطر ليها وكتصورها..حتى كمل ومشاو باش يدخلو لكافي شعبية فيها غي اتاي بالعشوب وبعض الحلويات الاطلسية..
لصقات حداه وغي مبسمة برااحة وقالت:مكرهتش نردمك هنا فالثلج
عبدو:تقدي
هدى:نقد
عبدو:(زاد كيضحك)نخرجو؟؟
هدى:نخرجو هههه
ناضو بجوج كيتسابقو خرجو مخليين غزلان حالة فمها ميتة عليهم مع خرجو..جمع كورة تثلج عطاها ليها لوجهها وناضت رضاتها ليه..سلحها فالثلج وجهها كولو جلخو ليها اما هي راه كتعطيه نيشان للقرفادة حتى شدها لاحها للارض كيعطيها فالثلج فوجهها وضحكتها مسموعة منين ومنين...تبرهشوو بمعنى الكلمة وغزلان كتصورهم وتضحك عليهم مخلياهم عايشين عالمهم لي مافيهش التعناب او الرومانسية فيه غي التجنديخ
مطلقها حتى مرمدها فااثلج عاد نوضها وقال:المرة جايا تعلمي تسكتي
جبدات عليه هدى بعدما بدلات عليها حوايجها فحين هو مشا بدل عليه وجبد بيرات شراهم فطريقو وجلس عاصر عليهم وكيكمي كيتفكر اليوم لي دوز معاها..الراحة لي كيحس بيها ماليها مثيل..مرتاح معاها حيت كيلاحظ تصرفاتها ماشي مبرهشششين ولا فيها الخفة ديال قراناتها
******
طاح الليل فافران والبرد تضاعف والناس كلها مخشي ففراشو داير مدفئة والخشب كيتحرق قدامو كيعيش جو هادئ من اجواء افران..علمها بلي وصل وخرجات لابسة كسوة سخونة فالبوردو نازلة حتال التحت مع ليبوط ودايرا مونطو طويل وفولار كي ديما..راشة ريحتها
كي طلعات جرها بغا يسلم عليها بالوجه وهي تبعد:واانعل الشيطان هههههه
عبدو:البرد والبوسان لا هههههه
هدى؛(كدير السمطة)ميت على البوسان
عبدو:ثيقي بيا الى قلت ليك نتي معمري بغيت فيك شي حاجة تال****
هدى؛(مسحات على وجهها)أستغفر الله ياربي ويلي كون تحشمم
عبدو:سكس زعما احبيبة مزيانة هاكا هههه فري راه مكنويش فيك شي حاجة
هدى:وباغيني نثيق؟؟ايهاي نتا كون كنت شي وحدة غلييضة نييت كون راك متبع ليا لعين
عبدو:(حرك طونوبيل)ههههههه شكون قالها ليك؟؟راني كنشوف ولكن ساترة كلشي
تبسمات ابتسامة خجولة ورمقاتو بنظرة اعجاب وراحة..كتحس بالفراشات كيهروها..فيه كمية من الرجولة كتخليها ذوب ومتبنيش..واللمسة عندو كتنوض فيها أحاسيس ميتة فيها من زمان
بالفعل داها لمطعم اخر فاخر..باركا زنزلو مشاديين والبرد.كيضرب فوجههم..عجباتها البلاصة بزااف مع جلسو صونا تيلي كانت اكرام..جاوباتها فيديو وكتهضر بشويا:حنووونتييي
...:خالتووو فينك
هدى:(عينيها كيبريو)يا قلبي على لي تقوليا فينك..توحشك اخالتو فينها ماماك
اكرام:هاني اختي هههه غبرتي علينا
هدى:السفر ههههه
اكرام:غبرك مجمر الغمة
عبدو:(سمعها)العالم عارفني
هدى:(شافت فيه)هههه كيسمع فيك..نتي صافا
..:خالتو احبكش
هدى:وانا بعد ههه
هضرات معاهم شويا وصيفتاتهم مبغاتش تخليه بوحدو
عبدو:عزيزة عليك بنت ختك
هدى:عزيزة علي كثر من ختي ههههه كنحسبها بنتي
عبدو:بنتك كاع ..سعداتها
هدى:(بابتسامة)كون بقات بنتي كانت تقريبا غتكون قدها
عحباتو ردة فعلها حيت داكشي من الماضي محكراتش على عكس نهار شافت ليلى تقلقات ..
دوزو أمسية زوينة غي هضرة وضحك كيلقا راسو مطلوق معاها وكيتعاود معاها بحالا مريح مع صاحبو حيت من لول فاش تعارفو كيتهاضرو بلا تصنع بلا مجاملات بداوها قطران ومشاوها حلاوة...غي يقول شي حاجة كتكون خبطات يديه ميتة بالضحك ولا تصليييه وهو كذلك
وقف قدام الدار لي كرات وقال:غدا فالصباح فيقي وشدي الكار صافي
هدى:كون هاني تلقاني نصيفت ليك صباح الخير من كازا
عبدو:زعمي وديريها وتشوفي
هدى:ههههه خلينا نفيقو براحتنا ونمشييو غدا اوك
عبدو:ان شاء الله..سيري فحالك.
هدى:هاهيا غادية..تصبح على خير
عبدو:تصبحي على الخير الزين
تبسمات ليه زهبطات مساخياش كيسوط فيها البرد كي دخلات لقات غزلان كاينة..دوشات ولبسات كترعد وتخشات ففراشها حدا غزلان كيتعاودو حتى غفاو مفاقو غي مع الصباح مصوني عليها مهججها..عاد ناضو جمعو حوايجهم ورتبو الدار صونات لمول الدار وتسناتو حتى جا مدات ليه السوارت ومشاو معاه فطرهم والوجهة كازا بلانكا
حطو غزلان هي لولة عاد شد بيها الطريق لدارها كيهضرو ..مع حطها قال:غدا غنرجع لاسبانيا
هدى:(بهدوء والتعب تسفر نايل منها)غتخلي علي بلاصتك هههه بقا شويا
عبدو:مكرهتش..ولكن الخدمة..شغلي كولو تما وخصني نوقف عليه
هبطات هزات باليزتها وهبط معاها كيقاد ليها فالشال ويوصي مسكتش حتى وقف عليهم عمر من حيت لا يدرون
عمر:عبدووو؟؟كنقول واش نتا؟؟(شاف فهدى)امتا جيتي
عبدو:هاد الايام
هدى:بسلامة
مشات وتبعها لاخر بعينبه حتى مشات وقال:الدعوة هانيا عندها
عمر:(باقي ممستوعبش)هانيا..نتا مزيان؟؟جيتي على قبلها؟؟
عبدو:(شداتو الضحكة)واحق الرب الى مقطع على ودها
عمر:صافيييي صاحبي تزعط
عبدو:تستاااهل المييكرووبة يتزعط فيها الواحد
صباح جديد فالعاصمة الاقتصادية تالمغرب..بنادم فايق بكري يجري لحق ابخدمة والاغراض باغي غي يكمل نهارو..النهارات فكازا كيدوزو طيارة مع كيحيد الاثنين كيبداو يتسرسبو الايام
فاقت براحة بعدما فرغات الطاقة السلبية فالسفر..وجدات ليها فطور وهزات تيلي لقاتو كاتب ليها :صباح الخير
دوزات ليه الخط فواتساب لكن مكيصونيش قالت مع راسها راه شاد الطيارة..لبسات عليها وخرجات لخدمتها..مع حلات المحل جات البنت لي ولات معاها وبداو عملهم عادي كأي يوم وعبدو غابر مباينش ليه الاثر حتى لثلاثة عاد صونا تيلي ديالها بنمرتو تالمغرب
هدى:الو
عبدو:فين كاينة؟؟
هدى:فالخدمة..وصلتي؟؟
عبدو:ممشيتش..الفول تغوبوغطا(تأجل)
هدى:نتا لي أجلتيه؟؟
عبدو:لالا ..la compagnie لي أجلاتو مغنمشي حتال غدا
هدى:فيها خير..
عبدو:نتي مزيانة؟؟
هدى:ممم راني فلخدمة
عبدو:نسالي شي اغراض ونجي نتشاوفو
هدى:واخا ههه
عبدو؛ردي لبال لراسك
هدى:واخا
قطع معاها وناض دوش ولبس عليه خارج يفطر مع صحابو لي علمهم بلي باقي جالس فحين هي تلاهات فالخدمة مولفة فالنهار مكيهضروش حتال ليل..
حتى رن هاتفها بنمرة ماجدة..تبسمات وردات بمزح:أ مرات المخزن ههههه فين غابرة علي
ماجدة:أختي الزواج ههههه تلهييت ويلي..توحشتك الحمارة بزاااف
هدى:حتى انا..أش كتعاودي لباس عليك؟؟
ماجدة:حمد لله ونتي اش خبارك؟؟عقلو يا الكلبات سافرتو بلا بيا
أقوى مما أدرك الجزء العاشر
محتوى القصة
هدى كدوز أيام زوينة بزاف فافران مستمتعة بجوها الهادئ و واخدة راحتها مع غزلان كل مرة يمشيو لبلاصة الغرض كان هو الإستمتاع بالجو الهادئ والمناظر الزوينة والثلج..كتحاول تناسا عبدو لي مدواهاش باقي حدو كيشوف ليسطوري ديال غزلان اما هي محيدااه نهائيا ميشوفش حيت عارفاه غينكدها عليها
واقفة غزلان كتقاد فراسها بعدما لبسات كسوة سخونة ومونطو:واش نتي زعما ميهديكش الله
هدى:خارجة نتي وياه وأنا مالي غي حضي راسك راك باقي مكتعرفيهش
غزلان:كيبان ضريف هههه
هدى:أنا غنجبد عليه نرتاح اليوم غدا نمشيو لمولاي يعقوب
غزلان:متنعسي حتى نجي
هدى:فيد الله ..أنا راه تستسخت اليوم بالضوران حبيييت ديك العين لي مشينا ليها
غزلان:فنة(رشات ريحتها)شخبار مجمر غمتنا
هدى:غمتي اختي ههههه أنا لي شاربة فقصتووو
غزلان:زعما راك مسوقة(صونا تيلي)ياله بسلامة
هدى:جيتي قتالة
خرجات كضحك تلاقت مع السيد لي تعرفات عليه فافران..وقف عليها بأدب وخدا النمرة وعرض عليها للعشا هي وهدى لكن هدى رفضات تمشي حيت ضلو خارجييين ونيت عياات حيت ملي جاو وهوما غي ضوران
تخشات بلاصتها كتقاد تصاورها شادة جموع مع ختها ابيل وكتكركر مع بنت ختها طلعو حتى أحمد وبقاو مجمعييين حتى جاها النعاس..كانت الطناش تليل ودعاتهم حطات تيلي وزادت فالشوفاج دارت سطوري ديال الشوفاج حطاتها ونعسات
أما غزلان راه مشاو الأوطيل سميتو اوطيل الكبير معروف تما جاي وسط المدينة ولي لاحظوه انه أغلب الناس تما كارين حيت فيه غي الطلبة والسكان ماشي أصليين اغلبية معينيين فالادرات والجماعات من مخزن واطر إدارية ..ناسها فشكل شي مكيشوف فشي كيديوها فراسهم ومافيهمش البسالة..
حطو طبلة زوينة ومستمتعة بجوها مع السيد لي كان ضريف غي هو حاط كويس كيتنغم بيه وكيتعامل معاها زوين..زغبها الله دارت سطوري وتشد فيه الشراب وحطاتو ومايشوفو غي عبدو لي قشع الكاس من بعيييد زائد رجل رااجل وعلاش لا ميقولش ليه راسو هدى معاهم..مع شافو زير على يديه وعض على شفايفو بعصبية..عاودو مرات عديدة وعيا يشد راسو ساعا دوز نمرة هدى مرة وحدة كيصوني مكتجاوبش وهو يصيفط لغزلان:معاك هدى؟؟
مشافتوش حيت سيلونص اما هو راه شاعلة فيه العافية..جالس بلاا حوايج غي التحت..وشاعل الشوفاج على الجهد كيبان حمر وسط البرص لي فيه بالعصب..بداو الأفكار كيجيوه مخلاا مأول وفكر حتى بغا يتسطا وهو يصوني لغزلان ستا تالمرات مجاوبااتوش وغي بالصدفة هزات تيلي لقات تصالاتو ستأذنات من السيد مشات لطواليط دوزات الخط لي تشد بسرعة:الو
عبدو:(بنرفزة)معاك هدى؟؟
غزلان:(حسات بيه معصب)لا هدى فالدار
عبدو:كضحكي عليا؟؟نتي خارجة وهي فالدار؟؟فين راكم؟؟
غزلان:والله حتى هي بقات فالدار جات عيااانة
عبدو:أنا هابط لدلمكم نفركع عليكم داك افران نوريكم الشراب
قطع عليها وهي تضحك وبسرعة صونات لهدى لي ناعسة مفيقها غي الصونيت ..جاوبات بصوت ناعس:الو
غزلان:صوننا ليا المجمر ديالك ههههه
هدى:حممم مفهمتش(مبوقة بالنعاس)
غزلان:ههههه سيري سيري تنعسي
قطعات عليها ورجعات باش ماتخليش السيد يتسنا ..اما هدى بغات ترجع تنعس وهو يصوني عبدو ساطت بعصبية حيت كسرو فيها النعاس..شدات الخط:الووو
عبدو:فينك؟؟
هدى:(عينيها كيتسدو)شكون؟؟
عبدو:قباض روووحك(صاح بجهد)فييييييينك
هدى:(وكدها غواتو)اووووف عبدووو اش بغيتي
عبدو:(حس بصوتها ناعس لكن وتقول واش يثيق)فين كاينة
هدى:فبلاصة مافيهاش صدااعك ففففففف
عبدو:(عض على شفايفو)هدى...طلب وااااحد والله مانزيد عليه
هدى:(بانزعاج)واش معيط ليا فنص الليل باش تقول هاكا؟؟اش بغيتي
عبدو:قلبي كاميرااا غي نشوووفك ومنصدعكش(حسها غترفض من السوطة لي ساطت)الله يرحم ليك مك اهدى..بردي خاطري
هدى:(مفهمات والو)فاش غنبرد خاطرك
عبدو:اكسيبطي
قلبات كاميرا فاص ليها مافيهاش لي ينوض يدير فولار وبان البيت وهي تأكسبطي..هاد الاخير بمجرد ماشاف البيت رتاح وهو يتنهد براحة..محس براسو غي هاز كارو كيسف فيه وهو يتسمع صوتها بانزعاج:اش بغيتي؟؟
عبدو:(كيحك راسو بصبعانو لي فيهم الكارو)غتسوطيني نتييي
هدى:معيط ليا باش تقول هاكا
عبدو:(ملك اللف والدوران)قلبي الكاميراا نشوفك
هدى:مدايرتش فولاري..وزايدون ياك نسيتيني وعاطيتي النخال
عبدو:ياك بغيتي تسافري بلا منكدها عليك؟؟(عينيه تفيكساو على البيت)قولي والله حتى نتي فالبيت
هدى:واش نتا مرييييض؟؟عبدو راه عيقتي علاش كيعجبك تنقص مني
عبدو:(زفر)صافي هاني سكتت..فمي راه كيديرها ليا معاك غي عذريني
هدى:(عاقدة حجبانها)كتقارني بالخانزات
عبدو:حشاا..نتي ماشي بحالهم وكون عرفتك بحالهم منشوفش فيك(بتفكير)تبغي نجي لافران؟؟
سكتات شويا وهي تنطق:وتقدر؟؟
عبدو:نقطع دابا فشي فول لغدا
هدى:خلي حتى نرجع لكازا..غتبقا خيطي بيطي للمغرب ياله شهراين باش مشيتي
عبدو:(تبسم بشويا)كتحسبي ليا؟؟فرحيني وقولي ليا توحشتك
هدى:غا لي باغي يدير فيك راااسوو(تفوهات)ناري البرد هنا الموت
عبدو:خليك معايا نجيب بيسي نقطع
هدى:(بسرعة)لالاا ويلي بلاش اش غنقول لغزلان
عبدو:داكشي لي قالت ليك فاش مشات خارجة مع واحد؟؟فين كتعرفو
هدى:ونتا سوقك؟؟بقا غي صاحبتي تدخل فيها
عبدو:مشيتو ضورو ولا تضبرو
هدى:متبقاش تجمعني مع بنادم ..
عبدو:(كيحل بيسي)مكيعجبنيش بحال هاد النوع..خارجة ومخلياك بوحدك وخارجة مع واحد حاط كوييس نيييت
هدى:تبارك الله على الفقيه ديالنا..ياك السكايري نتا بلاصة الكاس كتحط عشرة..شي حد كيحسابك؟؟ولا نتا حادك غي فالمحاضرات؟؟ وعاد ماشي شغلك كلها كيدير لي بغا
عبدو:(حس بيها زمطاتو)ماسوقيش فيها أنا غرضي بيك نتيي..نتي لي ميوصلك حد
هدى:أرا ماتحضي الى بغيت ندير شي حاجة راه نديرها بزز عليك ومغتعييقش
عبدو:(مسح على وجهو بعصبية)سدي الهضرة هنا
عوجات فمها قالبة سيفتها وهو يقول:كاين واحد مع الثلاثة
هدى:غتعذب
عبدو:دغيا..العذاب على ودك راحة الزين اوا ضوري نشوفو كمارتك شحال ماشفتك
هدى:هههه تفو على ميكرووب..مدايراش فولاري
عبدو:مزيان..نشوفو نيييت السالف ههههه
بينات صبعها للكاميرا قلزات ليه:هاك ها السالف ههههه تشوفو كنتي كتربي فيه
عبدو:كتعطيني العصير هههه ولكن عندك علاش فيك واحد النفس البوطة ومافيهاش ههه
هدى:عزها تعزك
عبدو:صافي غنقطع..نوصي غي عمر على شي فيكيل تلوكاسيون ونشد الطريق لافران ولا عرفتي شنو غنشدها نيشان لفاس ننزل فمطار فاس
هدى:ممكن؟؟
عبدو:بلاتي نشووف
حاضياه مركز وكيحك يديه مرة مرة ولفاتو يتعرا عليها فالابيل من الفوق بحجة راه البرص كياكلو وهو غي سلكوط مكيلبسش عليه..محكراتش حيت عارفاه كياكلو لحمو..كتشوف فورمتو واقفة على الصح ذراعو معامرينش شحوم ولا واقفين بالبروتين انما بماكلة صحية حيت هو بطبعو واخا كيشرب كيقاد ماكلتو ومكياكلش الفاست فود..نظام غدائي صحي
فكرات اشنو كيدير راه غيجي عندها فمدينة غريبة عليها وهو غريب عليها خافت توقع شي حاجة..كتسمع غي صوت انفاسو وصوت البيسي وحتى هو كيسمع غي تحركاتها..
قطع البيي باش يهبط فمطار فاس وهو ينطق:غدا نصبح على مك
هدى:(توترات)معاش؟؟
عبدو :الطناش..
هدى:غيكون شويا غالي حيت الليلة بليتها
عبدو:شويا..مي هانيا اصلا مكنتش كنهبط بزاااف من الصيف لصيف
هدى:شنو دابا على قبلي زعما؟
عبدو:غي الى مابغيتيش تفهمي رااسك وتزيري معايا الحبال
هدى:نقص الشك اعبدو(بجدية)
عبدو:نقصي الخريج
هدى:تفووووو (ناضت )فيا الجوع
عبدو:عندك ماطيبي؟؟
هدى:لا ..غناكل غي شي دانون
عبدو:قلبي كاميرا نشوفك
هدى:مدايراش فولاري
عبدو:ديريه
حطات تيلي لبسات فولارها وقلبات كاميرا متاجهة للكوزينة:هاني شفتيني راه متبدل فيا والو
عبدو:(ضرب على نيفها لي ثقباتو)درتي بيرسينك؟؟(عقدهم)
هدى:اه ههههه (هزات تيلي لفوق)قشعتيه؟زوين ياك هههه جا خفيف ..
عبدو:(صدماتو)واش مريضة؟؟شايط عليك لحمك؟؟
هدى:عادي ههه(حطات تيلي كتاكل دانون)عجبني ودرتو ثقبت حتى وذني زدت جوج
عبدو:(معجبوش الحال وبغا يعرعر وخافها تنكر وتسد عليه وهو غدا جاي)قولي ثقبتي لحمك كلك
هدى:ونزيدك باغيا نديرها فبوطي..شهوتي نديرها فبوطي ههههه
مسح على وجهو وقال:ياربي ماباغيش نسبها هاد الليلة راه ضسرات
هدى:سير بعد مني ههههه عجيني ودرتو..وجا زوييين(كتقرب للكاميرا وتوريه نيفها)حبييييتووو
عبدو:سيري ابنتي تنعسي سيري غدا عندنا حسااب طويل
هدى:أنا غدا غنمشي لمولاي عقوب فالصباح نغسل ونتا وقتما وصلتي للفاس علمني باش نتلاقاو صافي
عبدو:(زفر)واخا..ومورا مولاي عقوب ؟؟
هدى:صافي نغسل فيه نضور فالمدينة القديمة ونتلاقاك
عبدو:واخا..سيري تنعسي رتاحي ومتخرجيش
هدى:(خسرات فيه سيفتها)ماشي شغلك..باي
قطع قبل ماتكمل..مسح على وجهو بنفاذ صبر..معصب عصب خطييير خصو غي يشدها يملخها وميبردش حيت متشداتش ليه..كيقول هضرة وكيدير عكسها..موالف هو لي تصاحب معاها وطول كيقوليها فين غادية تبقا تحلون وتفتفت ساعا هادي حاجة خرا..حارة وشخصية قوية كتحكم بالعقل قبل القلب لكن لي خلاه يعجبو اكثر أنه مكتشدش فخاطرها ودغيا كتنساا ..كيتخاصمو ويرجع يهضر وتهضر عادي وتطليييه ومتبقاش فيها الهضرة
صيفط ميساح لعليا كتب ليها:غدا هابط للمغرب ميعرف حد
اما هو مشا جمع حوايجو لي غيخصووه بقا سهران نيييت حتى كمل كلشي وغيز امورو غي بميساجات فالكروب ديال الناس لي خدامين معاه قاليهم غي غيغييب شي ايام ومشا تخشا بلاصتو حل صورتها فالكاليري مبسمة وقال:الله يخرج هاد السفرة معاك على خير
****
رجعات نعسات وراها مبسمة فرحانة فداخلها حيت غيجي عندها وكتزيد تحس بأنوثتها فاش كتشوفو كيضرب الطريق عليها كيخليها تحس بأنها عندو مهمة..غطسات فنوم من جديد.دايرا الغيفي محساتش بتاتا بغزلان امتا جات حتى فاقت الصباح ولقاتها حداها
مشات طرفات ووجدات راسها عاد فيقات غزلان لي فاقت بزز حيت بايتة سهرانة..صحصحات وبدات كتعاود ليها كي دازت الليلة ولوخرا غي حالا فمها فيها
غزلان:ويلي كيجر ليا الكرسي وكيسبقني انا لولة
هدى:ههههههه حلفي سعداااتك
غزلان:حتى نتي سعداتك مالو م٠مر الغمة
هدى:ممالو وللو غي مكيديرش هادشي هههههه كنمشيو بجوج كي الضريرات
غزلان:هو كاع شاد الطريق على ودك
هدى:غي سكتي حتى سايرتو وندمت..جاني راسي زربت ويلي يجي عندي لمدينة غريبة علي اش غيقول
غزلان:على أساس فكازا كنتي عايشة مع شي حد..كنتي نيت بوحدك..ومالكي نتي غتمشي تحلي ليه رجليك راه جاي غي يشوفك
هدى:اوا طلقي راسك..ياله نفطرو ونمشيو نتحمحمو
غزلان:واخا
بالفعل لبسو عليهم وهزو حوايجهم لي غيحتاجو..فطرو ففاس بعدما خداو طاكسي كبير ومشاو تاني فطاكسي اخر لمولاي عقوب كيف كيقولو بارد وسخون..قطعو بلاصة لوحدة ودخلو تحمحمو وتكسلو مزيان ضرب فيهم السخونية ديال مولاي عقوب وخرجو لابسين مزيان ضربو عصير الليمون وزادو مع الطريق كيقلبو فين يتغدااو حيت كانت الطناش
حلات واتساب لقاتو مصيفط ليها تصويرة ديال المطار كاتب:هاني جاي ليك
ضحكات وصيفطات ليه ضحيكة..تغداو بكفيتة مشوية مجمعين
غزلان:غيخصني نصايب شعري
هدى:خليه ينشف براحتو
غزلان:لا غنشووف الزين ههه
هدى:امتا؟؟
غزلان:ملي تلاقاي بعبدو
هدى:مغتمشيش معايا؟؟حشومة عليك غتخليني معاه بوحدي
غزلان:مالو غياكلك؟؟ياك غي كافي اوا حتى انا غندير كافي معاه ونتلاقاو باش نطلعو لافران
هدى:ياله معايا راه مافيها والو
غزلان:اختي هذاك عندك كيخلع نتي كتقدري تخرجي فيه عينيك انا لا ههههه ونيت غتكونو موحشيين بعضياتكم
هدى:تي مالو مخليه ليا الوالي ههههه عفااك بقاي معايا
غزلان:نتقهوا ونجي
هدى:ناري ولينا سلكوطات والله
غزلان:مالي حالة رجلي هههه راه عادي مافيها والو
هدى:يكون خير
كلاو وناضو خلصو وشدو الطريق لفاس مشات معاها حتى لقاو صالون كيسولو ويبحثو قادات شعرها عكس هدى مدارت ووالو..خلاتو مطلوق فالصالون ينشف على خاطرو..حداها قادات وجهها بماكياج خفيف محافظة على لبسة سبوور فالخزي وتجاكيط مكلفاتش راسها نهائيا فحين غزلان تقادات وتصايبات..
وراها مشاو للمدينة ضارو فيها وتقدارو الباروك حتى ثقلو
غزلان:هادشي غيبقا معاك انا هادشي منهزوش معايا
هدى:ثقيل اصاحبتي ههههه
صونا لغزلان تيلي وزكات مع لاخر..ريحو فكافي بجوج عاوتاني حتى جا ونزلات عندو مودعاها وبقات هي ناشرة طحينها كتسناه..مخلات مدارت..تصورات تفرجات كل مرة كتعاود لكونصوماصيون لي دايز عليها ولي جاي فيها ..بغات غي تنعس تغمض عينيها حيت الحمام رخاها حتى جاها ميساج منو فواتساب المغرب فيه:وصلت
هدى:(كتبات)على سلامتك
كانت الخمسة تالعشية رد عليها:نكمل غي شي وراق ..فين راك؟
هدى:(صيفطات لوكاليزاسيون)فكافي كنتسناك
عبدو:تسناي شويا نسالي ونجي
هدى:اوك متعطلش راني بوحدي
عبدو:واخا
رجعات لفيلمها وجاها الجوع طلبات متاكل وتحرجات بكثرة ما طلبات وتسنات..جلسات شحال عاود كل شويا تقول هاهو غيبان حتى تعسلو عينيها كتشوف فالفيلم وتكمع..
فحين هو غي نزل دار الاجراءات وزاد خارج مدوز الابيل لعمر على حساب طونوبيل مع قاليه غتعطل شد طاكسي لعندها ضارب حطة واااعرة تهزيه تهربي بيه..عاطي للشيفور البلاصة لي غادي ليها حتى وقفو حداها..خلصو ونزل داير شكارة فظهرو كي ديما والشانطة فيديه..صونا ليها جاوباتو بصوت نعسان:راك لفوق
هدى:جيتي(حلات عينيها)
عبدو:مممم
هدى:لا غي لتحت
وقفات شاداها الرعدة بحالا عمرها شافتو ولا تلاقاتو وهي غي الرهبة ديال أنه بجوج فمدينة خرا غير كازا خلاتها تفافا..بعدات على طبلتها شويا باش تبان ليه ..
هدى:هاني
تلفن ليها وقشعها من بعيد..سكاناها مزيااان مستورة وهو يتبسم وتوجه لعندها بعدما دار تيلي فجييو..اما هي قلبها كيضرب بقات واقفة كتشوفو كيقرب عندها وكاع هضوراتها تقاداو ..واش حشمات ولا شنو واقع معاها مفهماتش..ومخلاش ليها فين تستوعب حتى كان وقف قداامها وجرها من ذراعها بزربة داايرها فحضنو ودوز عليها يديه عاااصرها مزياان كأنه كيستامد الدفء من جسمها ..محس براسو برد حتى شم ريحتها الفطرية لي مزروعة فيها حدو نطق:المييكرووبة ديالي
حسات بملمس يديه العراض على جسمها الهزيل مقارنة به..ودفء خطير تسلل لطبقات جلدها رغم انها لابسة..كتحس بتعنيقة حنينة لافاها ومحاوطاها وراسها تحط على صدرو العريض خلاوها بدون شعور تطلع يديها تضورهم عليه بهدوء راسمة ابتسامة خجولة ..باغيا تطاوع احساسها وفنفس الوقت باغيا تحضر عقلها لكن تعنيقتو ليها خلاتها تحس انها فعلا كانت كابتة احساسها بالحاجة لحضن راجل..اما هو راه ضمها حتى دخلها فضلوعو حتى قدرو يديه يميزو قيااسها فالحوايج
دوز يدو على كتافها براحة وبدون جرأة زايدة يمعنى مقاسهاش فظهرها بطريقة مقززة انما كأنو مرر يدو عادي ..هضر بشويا:توحشتك
هدى:(الفم لي يقول حتى انا مكاينش )حممم على سلامتك
بعدها عليه شويا كيشوف فوجهها كيبري باينة فيه الحمام ورمق كذلك الحلق الصغيى لاصق فنيفها عطاها ميزة خاصة..ومكحلة ليه العوينات لي مخلينو طاير عليها..ولفة الحجاب لي مخلياه مرتاح شويا من جهتها حيت فحياتو كاملة عمرو عرف شي وحدة دايرا الحجاب
عبدو:(يديه وحدة شدات وجهها)بصحتك الحمام
هدى:يعطيك صحة(عينيها كيبريو وحناكها سخنو)على سلامتك
جرها عاود مساخيييش بيها عنقها بيد وحدة وقال:شوو كي ضريفة
بعدات شويا مزنكة:حشووومة الناس كتشوف
حيد الشكارة من ظهرو وريح فحين حتى هي جلسات كتقاد شالها وكدخل زغيبات خارجيين ليها من جنب مبينة يديها لي معمراهم تاني بخواتم رقاق وصابغاهم بالاحمر دم غزال
عبدو:(حرها هي وكرسيها)قربي لحسك توحشتك
ضحكات قايلة:حشووومة كاع الناس تفرحو فينا
عبدو:مزيانة؟؟(كيفحصها بعينيه)فين صاحبتيك؟؟
هدى:خرجات تشوف شي صاحبتها فاسية
عبدو:فاسية؟؟
قلبات عينيها:واا بديتي تاني وادخل سوق راسك
عبدو:(ضربها لراسها)ريحي من التغوبيش
هدى:كتجي وكتبدا تمكرييب واااه هههههههه
عبدو:سالي الهضرة فيا الجوووع
هدى:(قربات ليه الموني)شوف اش بغيتي
طلب ماكلة وتوالاها معمر بيها عينيه:اوا المرضية شبعتي ضوران؟؟
هدى:اه هههه غزااالة افران واخا البرد فنة
عبدو:سي زويينة..انشوف التصاور
هدى:معنديش بزااف لي تصورتها كنحطها
عبدو:(ببرود)محيداني من السطوريات حيت مكتحطي والو
حصلات حصلة خايبة لدرجة مصات شفايفها كتمعني انها حصلات وحتى هو محكرش حدو قال:وريني
مهضراتش جبدات تيلي كتوريه فين مشاااو وتعاود ليه كتحاول تنسيه اشنو دارت ولكن هو لي جبرها تحيدو باش مينكرش..وراتهم ليه كاملين بلا متحبس..وتا تصورها مع غزلان شافهم
عبدو:بصحتك
هدى:يعطيك صحة..صافي سالا الكونجي
عبدو:حتى جيت انا
هدى:مبقاش ليا بزاف غي شي ثلث ايام ونرجع
عبدو:كون صبرتي كنت غنجي ونديك
هدى:وشنو الفرق؟؟واصلا مكنتش غنمشي معاك
عبدو:بغيت غي نعرف هاد النفس منين جايباها مكترضايش بيا
هدى:علاش كتقول هاكا كون مكنتش منرضا بيك منجلش معاك
جرها من نيفها بصباعو :كليتي
هدى:شبعت هععع
جابو ليه الماكلة طاح فيها عما مجمع معاها مرة ضاحكين مرة ضاربها المهم بجوج..كمل وناض خلص هزو قشهم وقال:غتمشي معايا نجيب الطوموبيل(دوز ابيل)
بقات واقفة حداه كتسناه يكمل لابيل ومن بعد خداو طاكسي صغير..دوز يدو ورا كتافها وهي تقول بشويا:حيد يديك واش مكتحشمش ويلي
.عبدو:(ميل نيت يديه حتى ذرعها من عنقها)ريحي الارض
حيدات ليه يدبه وقرصاتو وقالت:حسابك غنحشم منك ولا هههه راه عدويا يحط فيا شي حد يديه
عبدو:(محيدض يديه)ممفاكش معاك نوريك تحي لافران بلا بيا
هدى:(شافت بديه لي مليوحة على متفها)عبدوو غتقلقني
حيدها بشويا وقال:غتموتي غي بوحدك
خلاها براحتها عارفها مكتبغيش لبسالة غي كيبغي يقجر عليها يشوف واش باقي فصباغتها..عطاه العنوان وهو يجبد تيلي كيكتب شي ميساحات بالاسبانية رمات عينيها غي بشويا وحيداتهم كتشوف فشوارع المدينة من الزاج حتى سمعات صوتو قايل:هنا عفاك
خلصو وهبطو منزلين شوانطهم كيبانو بحالا مزوجين ومسافرين..نطقات بتساءل:كتعرف فاس مزيان؟؟
عبدو:اه
شاف الطريق عامرة وشي غادي وشي جاي وهو يشدها من يديها جابها قدامو مفهمات والو..حط يدو على كتفها ودوز ابييل للسيد وهي ترسم ملامح الاستغراب وقالت:مالك
عبدو:بنادم غادي جاي ويبقا يضرب فيك
هدى:شوي لباس ههعع
سكت تا دوا معاه وقال:هاهي(شافت ميرسيديس)
هبط السيد شد السوارت والوراق حيت مغيز كلشي ومشا..دار كلشي فالكوفر وطلعو وهي تقول:كاين البرد نيييت..فين غنمشييو؟؟
عبدو:لافران
هدى:وغزلان؟؟
عبدو:صوني ليها الى سالات نديوها معانا(شاف فيها مديماري)واخا مكرهتش نبقا بوحدك
هدى:(بابتسانة خفيفة)توحشتيني بزااف؟؟
عبدو:(غمزها)شي حاجة بزااف نيت ومفاهمش كري علاش كنتوحشك
هدى:(صلاتو للقرفادة)متبقاش تخسر الهضرة حدايا
مجاتش فين تجر يديها حتى شدها ليها شبكها مع يديه وحطها جيهة قلبو وسايق بيد وحدة قايل:خليها هنا وضربي فين بغيتي
هدى:(رمقاتو بنظرة خجولة)علاش كتعاملني زوين؟؟وانا شرعة
عبدو:حيت نقية من الداخل..مافيكش الكذوب
كتحس بيديه كيداعبو يديها خالقين دفء خاص لجسدها كولو..هي مشاعر غريبة عليها ليها زمان معاشتش الاحتكاك مع الطرف الاخر وحتى فزواحها معاشتش دوك اللحظات الحميمية لي تخليها تحس بالنشوة والحنية من جيهة الراجل..لكن مع عبدو كل مرة كيقرب ليها كتحس براسها واقفة حدا رااجل نيت..لا شكلا ولا مضمونا..كتحس بيه ديما مهيب وخالق رجولة خاصة بيه..
تبسمات ليه سرحانة فملامح وحهو كتحاول تحفظهم ما امكن..سمورية ديال الشمش واضحة رفقة البرص لي فيه عاطيه ميزة خاصة..والتغوبيشة لي مكتحيدش من وجهو متعرفو واش ناشط ولا زاعف..حس بيها سكتات وهو يضور لقاها كتشوف فيه كي شي بنية صغيرة وهو يضحك:عارف راسي زوييين
هدى:(بدون وعي)والله حتى زويين
تلفت بسرعة ليها وفلت يديها من يديه وبدا كيصفق مشرع فمو بالضحك:برااافووووو لالا تقدمنا ههههههه الميكروبة ولات كتقوليا زويييين
هدى:(وعات وشداتها الضحكة)غي كنكذب عليك هههههه
عاود جر يديها باسها من القاع قال:لالا خرحتيييها دابا..فرحيني وقولي ليا كنعجبك
هدى:كون مكنتيش عاحبني مكنتش غنكون معاك
عبدو:اوا لباس كنعجبك
هدى:وفيك بزاااف مكيعجبونيش
عبدو:(يديها محيدهاش من يدو كيتلمس فيها بصباعو)سمعيني نشوف
هدى:تخسار الهضرة
عبدو:زيد
هدى:الحكام الخاوي
عبدو:(مركز)زيد
هدى:الغوات
عبدو:زيد
هدى:ومكتفاهمش هههه صافي غيي هادو ونتا؟؟
عبدو:(شافةفيها مرتاح)كلشي فيك زوييين
هدى:ميمكنش ..غي كتصبغ فيا
عبدو:انا الحوايح لي مكنحملهمش فبنادم نتي مافيكش ..الباقي نقدر نولفو
هدى:شنو هاد الحوايج ؟؟
عبدو:التقحبيين والتبعصيص..عدويا البنت لي كتبغي تبين راسها فالزنقة وتبقا دير حركات وتميع كنكرهها كتبان ليا قح بة..نتي لا..مافيكش
هدى:وباش عرفتيني انا مكنديرهاش
عبدو:عارف..شحال من مرة كنتلاقاو مع شي حد مكتهزيش فيه حتى عينيك معرفتهاش نفخة ولا نتي هاكا دايرا
هدى:هههههههههه ياله واقول ليا شنو اخر كيعجبك فيا(حيدات لاسانطيغ وتقادات فجلسها مركزة انتباهها عليه)قول قول ليا البنات راه كيقولو ليهم الكلام الزوييين باش زايدني نتا هههههه
عبدو:غي قولي شكون عمر ليك راااسك؟؟
هدى:لا (شداتها الضحكة)هههههه داك النهار كتعاود ليا غزلان كي عاملها السيد لي تلاقات بيه وانا نقوليها سعداتك وهي تقوليا نتي عندك مجمر الغمة مكيديرش هادشي
عبدو:مجمر اش ؟؟
هدى؛(تشتتات بالضحك)هههههههههههههههههع مجمر الغمة هههههههه ههههههههه جات معاك
هدى:تفوو على تمكرييب الناس كدلع بحبيبي كبيدة نتي مجمر الغمة
هدى:ههههههه كنسمعها انا باش نسمعها ليك
عبدو؛غي سمحي ليا معمرك غتسمعيها هههههههههههههه (زاد كيضحك بجهد)مجمر الغمة
هدى:جاتك زوينة هههههه اجي نوريك(وراتو الكونطاكت)هاهيا كاتباها عليك
وراتو وزاد كيضحك وشد التيلي حسابها غيشوف ساعا دخل للواتساب وعين فالطريق وعين كيدوز الكونفيخساسيون وهي تطيرو ليه وقالت:ارا من الفضول
عبدو:ههههههههه ريحي
هدى:نقص الشك راه هدى هادي
عبدو:(شد يديها عندو)كيعحبني فاش كتديري ليهم الخواتم هاكا
هدى:كيجيو زوينين مبلية انا بليزاكسيسوار هههه كاع فلوسي مشاو فيهم
عبدو:ناخد ليك شي حاجة سوفونير؟؟
هدى:لا..صبر نصوني لغزلان
دوزات ليها الابيل شادة معاها الهضرة وهو كيقلب فتيلي ديالو بتركيز ووذنيه معاها حتى سالات مع كملات دوز بلوثوث مع الاوطو ودار موسيقى لي خدمات بربعة الثواني وطلعات ابيل وكتبان فالشاشة قد الخلا :ليلى
شافت فيه وشاف هو فتيلي هزو قطع ببرود..صقلات شوية كتشاور راسها واش تسولو ولالا..مخداش منها وقت طويل باش ترميها ليه فوجهو:شكون ليلى
عبدو :صاحبتي
سيد الردود الباردة..سيد الانفعالات الخطيرة هو عبد الدائم..سولاتو عادي وجاوبها ببرود كأنه كيحاول يستافزها ويعصبها ..هزات حاجبها بمعنى يااك..تقدات بلاصتها ودارت السمطة شافت فاص ليها ..الوجه باش تسولو من جديد مبقاش عندها وهنا حسات بقلة الاحترام
شافها سكتات وهو يتلفت ليها وقال:مال المكروبة ديالي؟؟
هدى:والو..غزلان مجاياش حتى نتلاقاها فافران
عبدو:مزيان ندوزو وقيت بجوجنا
هدى:(ببرود)مكاين لاش..وصلني بغيت ننعس
تبسم ميك عليها عارفها تنوغشات معاه وقصدا سكت مدواش معاها باغي يشوف ردة فعلها ..سقلات حتى شدو طريق افران وغي الموسيقى لي خدامة شاعل كارو منغم بيه ومرة مرة كيشوف فيها كيلقاها متكية راسها واخر مرة لقاها نعسات..هبط ليها الكرسي بشويا..وخلاها تحيد العيا تالحمام..نقص الموسيقى وبقا كيتكيف
المسافة بين المدينتين ماشي بزااف جهد نص ساعة تالطريق..فاقت على صوت هضرتو فتيلي بصوتو الغليض ..حكات عينيها ونزلات المرايا قادات حالتها
عبدو:(قطع)عيانة
هدى:ممم ديني ننعس
عبدو:جايين ننعسو ولا؟؟
هدى:عيااانة
عبدو:(وقف ومد يدو تحسس حنكها السخون)تقلقتي؟؟
هدى:(عاقدة فيه غوباشتها)عرف ليلى ولا بثينة مكيضرنيش حيت عارفا راسي اش ساوية..وكنجي حتى لعندك وكترخصني
عبدو:(عقد حجبانو)انا نرخصك؟؟اش درت باش فهمتي هاكا
هدى:نتا عيش حياتك وعرف هادي وديك وانا بقا علي بالهضرة ..فين غادية وشكون هذاك وشكون فلان..هذا ماشي احتقار ليا؟؟ولكن انا لي درتها لراسي
فهمها على اساس لعبات عليها الغيرة لي عيات تخبيها كتبان مفضوحة..هز كارو شعلو وقاال:غي كنضحك معاك..ليلى عرفتها فالمغرب قبل مانعرفك..منكذبش كنت خديت نمرتها وبقات عندي عادي..معحباتنيش ومحيدتهاش ..حتى صونات ليا اليوم
هدى:مزيان..بصحتك..غي هو راه الصرف كيرجع ..تسنا صرفي رااه خااايب
حلات الباب وهبطات معاجبهاش الحال..أبدا واش شداتها الغيرة حيت هي انسانة متصالحة مع ذاتها لكن الوضع انه كون هي صونا تيلي ديالها كون راهم فالكوميسارية بجوج..
نزل وراها نيشان مبرد وعاجباه هاد التقليقة ديالها..وقف عليها جارها من يديها مقربها قايل:غرتي ولا؟؟
هدى:(بثقة)ماشي برهوشة نغير من وحدة مكنعرفهاش..الحمد لله عندي حقي فكلشي ممحتاجاش نشوف راسي قل من شي وحدة
عبدو:شكون قارنك؟؟جيتك للصراحة البنت كنعرفها اه مي مابيني وبينها والو
هدى:(باستهزاء)الله يسهل عليك انا قلت شي حاجة..غي كيفما محتارماك حتارمني ووورايا دير شنوما بغيتي ساعا ربي بينك على حقيقتك ودابا أولد الناس رجع منين جيتي ونهار باقي تجبد هدى على فمك نهرسو ليك
جابت ليه الضحكة حتى ضحك بشويا وشدها بيد وحدة من وجهها مراقب تغوبيشتها قايل:حااارة ههههه تهرسي ليا فمي كاع ههههه(جيد تيلي)ها ليلى مسحنا نمرتها
هدى:(فلتات منو ببرود)ماهضرتش باش تمسح نمرتها..راني بعقلي وكنفهم..كون نشوفك معاها فقهوة ونجي نسولك عادي شكون هي منوضش روينة لكن شوف راسك نتا وكيفاش كتصرف معايا فاش كتشم ريحة شي راجل اول حاجة كدير هي الشك
عبدو:(سند على الطونوببل)المشكل ماشي منك..المشكل فيا انا..انا لي مشكاك كنشك فحوايجي
هدى:يعني درت ليك علاش تشك؟؟مكنفهمش اعبدو..حتى كنقول هذا هو بنادم كتقلب
عبدو:نتي ماشي هو انا..نتي دغيا يطيرو ليا بييك انا فبلاصتي
هدى:(باستهزاء)كيفاش دغيا يطيرو ليا بيك؟؟
عبدو:شوفي ابنت الناس باش نحطك فالصورة والعقلية ديال الرجال..بكثرى مالراجل كيعرف الخفيفة والخانزة كيلقا وحدة نقية كيقول غيطيرو ليا بيها
هدى:وانا فنظرك دغيا نطير؟؟نتا ولدابا نراصياش ليك
عبدو:طيري ولا نزلي نتي راصية ..خلينا زوينين ..ليلى ولا زبي واش غتبان قداامك؟؟(قرصها فحناكها)ليلى عندها هاد العوينات؟؟(قاس شفارها)وهاد الزين كولو لي كيحشم وداير القيمة لراسو..فهمي البشااار راه شادني معاك غي حيت نتي حارة وبنت الناس
هدى:(بقات مطمرة)مكنفهمش
عبدو:صافي نساي الهضرة
هدى:من جهتي انا غنساا الهضرة وننساك نتا معاها..حسابك غترعدني هاد ليلى ديالك
عبدو:(قندش)مدياليش ابنااادم شمن ليلى ولا القلاوي
هدى:(قرصاتو فذراعو)متبقاش تخسر الهضرة
عبدو:طلعي ريحي يجي السيد لي درت معاه للدار ونمشيو نخرجو
هدى:عيييت بغيييت ننعس
عبدو:طلعي بلا زمر
هدى:والى مبغيتش؟؟
عبدو:(زمجر)هدىىىىى
خيبات فيه سيفتها وقلبات وجهها ومطلعاتش..فرمشة عين تقلب الجو بيناتهم كيكون فيهم حسن ملي كيكونو بعاد كيتلاقاو كيبقاو يتناكرو
تسناو شويا واقفين والبرد كيتحرك حداهم..مدواهاش وتاهيا مهضراتوش..بغات تمشي وتخليه لكن كيشفع ليه انه ضرب الطريق على ودها..جا السيد ومشا عندو مخلاهش يجي
دقائق وجا مشا نضا معاه شد سوارت الدار وخلصو حيت كانو واقفين حداها وكيعرفو صاحبو يعني هناه..رجع عندها وقال:طلعي ريحي معايا حتى نبدل
شافت فيه بنظرة من نيتك وهي تزيد كتضحك بالفقصة:ياربي راه غندير فيه شي موصيبة هههههههههه منطلعوش نديرو الداري
عبدو:(شافها ضحكات ورتاح)مكرهتش ههههه(قرب عندها لاغي المسافة)عرفتي نتي تجي فيدي متشوفيش الشمش بالشهورا
حطات صبعها على صدرو حابساه ونطقات وعينيها فعينيه ناشرة عليه سحر العيون البنية وقالت:طلع النفس ورخفها عمرها تكون ههههه
عبدو:كيبقا فيا رااسي معاك هههه ضايع
هدى:وانا مضايعاش؟؟
عبدو:(بقا عقلو لاصق فداك الموضوع)فاش مضيعك؟؟طلبي لي بغيتي نديرو ليك كيفما حبيتي البوزيسيون و
قاطعاتو مخسرة سيفتها وضارباه لصدرو:سكت الله يعطيييك المسخ ماشي هاكاك قصدت تفوووو
ضحك عبدو بشقاوة:متبقايش تهضري معايا انا هاكا والبرد هذااا
هدى:ماااسخ مع رااسك.تحرك نمشي ننعس غي شويا
عبدو:واخا..نمشي حتى انا ندوش نحيد العيا ونخرجو نتعشاو انا وياك السهرة طويلة
هدى:(حركان راسها بالايجاب)غنخرجو اه مي بشروط
عبدو:اول شرط اري بوسة بعداا
هدى:(قلزات ليه)ها وحدة ههههه شرطي مغتخسرش الهضرة
شد صبعها عندو وقال:اوا
عبدو:مغنتخاصموش
عبدو:زيد؟
هدى:(قلبات شفايفها كتفكر)مممم ومغتشربش
عبدو:اوا لا...البرد والشراب لا؟؟ميمكنش
هدى:انا مكنشربش وعادي ..شرب اتاي بالعشوب كيدفي
عبدو:منعاودكش مي نحاول..ياله اري بوووسة
كمشات فيه عينيها وشدات حناكو جراتها بيديها ضاحكة بطفولية خلاتو يضهشر من هاد الزعامة ديالها وقالت:الخوييينز كيحلم
جرها من شفايفها حتى هو من شفايفها مزير عليهم بقرصة:دلمها معكرة ليا قول جايا تشوف صاحبها
دوزو ديك الوقفة دقة فيا دقة فيك عاد طلعات وصلها للبلاصة فين نعتات ليه واصلا كانو فنفس الحي حيت افران كولو فيه نفس الشوارع معندك فين تتلف..هبطات قشها ودخلات وزاد هو راجع يريح راسو..مع دخل شعل الشوفاج تدفى الدار..هز تيلي دخل لواتساب لقا ميساج من ليلى لي شافت سطوري ديالو داير بلي كاين فافران
ليلى:جيتي للمغرب؟؟
عبدو:صونيتي؟؟
ليلى:(فالبلاصة)وي..على سلامتك
عبدو:الله يسلمك
ليلى:مشيتي لافران حتى أنا كنفكر نمشي ليها فهاد البرد
عبدو:سي زوين فيها الجو
ليلى:الى رجعتي لكازا نتلاقاو
طلع ليها vu وناض هز حوايجو دوش ولبس عليه تخشا فالفراش دار الغيفي من هنا ساعتين يفيق اما هي غي دخلات كذلك سخنات الدار ومشات كديماكيي وجهها وكتصوني لغزلان تعاود ليها لقاتها مع لاخر وجايبها فالطريق..حطات تيلي وغفات فنوم عميق حيت الحمام سخسخها مفاقت غي على رنة هاتفها ..جاوبات بصوت ناعس:الو
عبدو:(رتاح حيت لقاها ناعسة)باقي ناعسة احبيبة
هدى:(ديك حبيبة عجباتها)مممم عيييت
عبدو:رتاحيتي شويا؟؟
هدى:(بدلع غير مقصود)غي شوياا ..
عبدو:نوضي وكدي نخرجو راه العشرة تقريبا هادي
هدى:واخا..فيا الجوع اعبدو؟؟
عبدو:(حمقو صوتها ناعس )نديك أحبيبة تعشاي غي نوضي
هدى:نوجد ونصوني ليك
قطع مردش عليها خلاها كتعكز..ناضت مساخياش بدفا الفراش..غسلات وجهها وسنانها عاد مشات هزات صايا جلد فالقهوي بارد هابطة مفرفرة تالتحت مع لي بوط وتريكو سخيخن فالبيج كول مونطي مع فولار مصايباه بطريقة عصرية دارت اكسسوارات وماكياج خفيف برزات عيونها عاود وهزات تجاكيط جلد قصيرة وحيت اللبسة مستورة جات معاها التجاكيط ..صونات ليه يجي وبقات جالسة كتسناه حتى صونا ليها وهي تهز صاكها وخرجات لقاتو فانتظارها..طلعات دغيا قايلة:السم هذاا
سكاناها عاود وتبسم قال:رامية عليا زينك تاني رحميني الكازاوية راني دروييش
هدى:(دارت فيه شوفة خجولة)غي شويا وصافي هههه
عبدو:كيعجبني ستيلك ديال اللباس
هدى:زعما؟؟
عبدو:ممم(تحرك)مستور وزوييين
هدى:تبليت أنا بالحوايج وننسقهم ونقاد من هنا ومن لهيه شووف(وراتو انسطا ديالها فالغوشيغش)شفتي كنضل نقلب
عبدو:مزيااان(شد يديها عندو)فين تبغي تمشي
هدى:(تزنكات من شدتو ليديها)فين بغيتي
عبدو:كاين اوطيل هنا غيسطو زويييين وغتاخدي فيه راحتك
هدى:صافي نمشيو
دار موسيقى وشدو الطريق مجمعييين حتى وصلو لاوطيل ميشليفن كولف..باركا ونزل..شد فيديها لقاها باردة وقال:فيك البرد؟؟
هدى:بزااف هههه زيد ندخلو (طلعات عينيها فلوطيل)غزااال هنا
عبدو:ممم زوييين
جرها داخليين بزربة ودخلهم حتى الدفء ديال المكان..حمقاتها البلاصة..دخلو للريسطو لي فيه طبالي من الخشب و فنفس الوقت لي فوتوي مريحين..مشاو ريحو ففوتوي حيدات تجاكيط حيت دافي الحال وحتى هو..جالس مفرق رجلييه وداير يديه على مرافقو هاز كارو باغي يشعلو وقالت:ياك تفاهمنا
شاف فيها بغا يجاوبها وهو مكمش عينيه:مال عينيك؟؟
هدى:حمرين ياك؟؟(وسعات عينيها بصبعها)شوف مزيان
عبدو:(شد وجهها بيد)اش واقع فعينيك؟؟
هدى:شوف حدا القنت فيهم بحال شي طرف ديال شي حاجة لاصقة كيقولو ليه الظفر خصني نحيدو
عبدو:(حط الكارو فالطفاية)كتهضري بصح؟؟(كيحقق)كبيير نييت عمري رديت ليه البال
هدى:فعيني بجوج(وراتو العين لوخرا)
عبدو:مامشيتيش للطبيب؟؟
هدى:شي عام هذا وعطاني الدوا مي والو خصني اوبيراصيون
عبدو:كتهضري بصح؟؟(كيقلب فعينيها مهبط بصبعو تيقلبها)وعلاش ولى حمر
هدى:يمكن الما..فلول كنت كنقول غي حمرية عادي ولكن راه كيحرقوني عييني خاصة الى كحلتهم
عبدو:متحكليهمش الى غيضرووك
هدى:(تبسمات بشقاوة)وباش غنطيحك نتا هههه
عجباتو هضرتها الشيء لي خلاه يتبسم حتى بانو نيابو وقال:كتقصدي تمحني ليا عقلي معاك
هدى:أنا باغيا نمحن قلبك هههه اما عقلك منقدرش عليه
دور ابهامو باعجاب على حنكها وعينيه واضح فيهم بلي عاجباه..تقدر تسولو يقوليك عارفها مافيهاش زين خارق لكن شخصيتها كتجذب وهضرتها الحارة كتحمقو.. كيشوف لون البن فعينيها لي كيجيبو كاو..شاف العين الخضرا والزرقة والسوداء لكن البنية بالنسبة ليه هلاك
العيون البنية مع لون الكحل الطبيعي كتخلي الناظر ليها كيذوب..خاصة الى كانو الشفار مكثفيين هاديك صافي كتهلك الناس..ووحدة بحال هدى عندها سحر خاص فعينيها الى شافت فيك بيهم تقدر تطيعهم وتدير لي بغيتي على قبلها داكشي علاش كتبقا تشوف فيه فعينيه باش ينفذ شنو بغات
قرب بشويا بلا ميخوفها باش مديرش ردة فعل وترجع لور..كيمرر صبعو على حنكها كيهدنها بيه وكيحس بملمس رطب كيف لا وهي السيدة ولات مبلية بالعناية ببشرتها وجسمها..كترمش ليه ببطء مسمتعمة بديك اللمسة الحنونة ديالو وكتشوفو كيقرب لجهتها عرفاتو عندو حدود وميقدرش يدير شي حاجة خايبة..طبع قبلة بين عينيها:الله يشافيك ليا
ختارقات ديك ليا قلبها نيشان..بغاها تشافا باش تبقا ليه..محسات غي هي شادة فيديه مزيرة عليهم وقالت براحة:اميييين
جرها من يديها قربها لفات يديها مع ذراعو وبقات حدااه كتبروفيتي فالجو الهادئ المخلوق بيناتهم..بقدر مكيزمتها بقدر مكتحس بالراحة معاه..طلبو اكل وبقاو جالسيين مجمعيين وكتعاود ليه لقاها بروالة..حطات ليه كلشي وهو غي حاضيها كي الهبيل مرة يشد فيها مرة يصالحها..مدوزين ليلتهم غي بيناتهم كيضحكو ويضاربو..ممسوقينش لبنادم
هدى:بغيت نتصور(مدات ليه تيلي محلول)هاك صورني
شدو وقال:سيري نصورك بديالي غيطلع ليك تصاور زوينين
هدى:هههههه متحكرش ليا تيليفوني
عبدو:قلنا ليك نجيبو ليك ماحسن غا نتي فيك النفخة..وقفي نصورك ..تعوجي نوض نهرسهم ليك
هدى:ننننننن صور مقاد
وقفات فاص ليه دايرا رجل قدام رجل وشادت صبيعاتها ملاصقاهم تبسمات وهو يشدها وقال:مزيانة..بدلي البوز
هدى:هههه واخيرا شي حاجة كتنفع فيها
مخلات فين وقفات وفين جلسات وهو كيصور فيها شاد ليها الخاطر حتى كملات وجلسات حداه كتشوفهم عجبوها وهي تقول:اينا وحدة نحط
عبدو:(نقب من البلا)حتى وحدة
هدى:واكنهضر بصح...اينا وحدة؟؟هادي غزالة(كتزومي)
عبدو:(حيد تيلي ليها)مغتحطيهاش..مغنصيفطهمش ليك اصلا
هدى:(غوبشات)هاحنا غنتخاصمو تاني ..علاش تصورت الى مغنحطهمش وبغيت نصيفط لختي
عبدو:صيفطيهم لختك من عندي(مد ليها تيلي)صيفطيهم ليها
هدى:(صدمها)واش حمق
شافتو كيضور عينيه فالارجاء وقال:اجي معايا
جرها ووقفو قدام مرايا كبيرة وقال:تصوري معايا انا بعدا
هدى:وتعطيني تصاوري
عبدو:نفكر(جبد كاميرا)وقفي مقادة
خسرات فيه سيفتها ووقفات كتبان قدامو كي القملة..تبسمات رغم ذالك وخلاتو يشد تصويرة ليهم بجوج بيد وحدة شاد التيلي ويد حطها على خصرها بشويا ..شافها وقالت:جات زوينة
عبدو:حطي هادي
هدى:سميتي هدى ماشي جاكلييين ههههههه جات زوييينة(شافت فيه باعجاب)جيتي زوين
عبدو:(ضحك على عفويتها)باش كتعجيني مكتخليهاش فخاطرك
هدى:اوا قلت الصراحة هههه ياله صيفط ليا تصاوري
عبدو:باش تحطيهم؟؟لا
هدى:قولها من لول نتصور بمشقوفي حسن ليا..نشوف السرباي يصورني
عبدو:(غوبش فالبلاصة)باش نشد معاك الستون والخاطر وأنا ماكامي ماشارب عرفي راه صابر...متصعرينيش
ساطت بنفاذ صبر ندمها وهي تقول:معمري نساها ليك..عقل عليها(بغات ترجع)
عبدو:(رجعها)تحطي وأنا نوريك اش تحطي
هدى:هانتا حوطنييي ودير عليا الكلااااب..كونطك نتا عامر بتصاورك وعريان مزاال ناااشر باقلك على عباد الله قلت ليك شي حاجة
عبدو:(ضحكاتو باقلك)يهديك الله اشمن باقل ههههه عارفاهم اش كيعنيو
هدى:يعنيو ليبغاو..هضرت معاك؟؟قلت ليك شي حاجة وعندك عامر غي بنات
مبسم ليها وساط بهدوء كيشوف تايعيا وغيدير ليها خاطرها..جرها خلاها تعطي بالظهر للمراية وقال:ريحي
شد تصويرة خرا واقفين كيبان غي هو اما هي فوجهها لا وهو يقول:زيدي نعطيهم ليك
ريحو وهي تفرنس حيت قنعاتو صيفطهم ليها و شد تيلي ديالها كيقلب فالكونطاكت لقا رشيد و ولاد خالها وقال:حيديهم ميشوفوهاش
ميقات فيه وقالت :اصلا محيداهم واصيفط ليا تصاوري
صيفطهم ليها وقال:نمشيو؟؟
هدى:واخا غيكون طاح الثلج
عبدو:سي
طلب الحساب وحط الخلاص وهي تقول:شكرااا
شاف فيها وقال:على واجب احبيية ههههه
شد فيها وخرجو عاود وهوما يلقاو ناقص واحد فالحالة الجوية ومع كانو فالدفا جاهم البرد..جرها لعندو مذرعها وطلعو لطونوببل وقالت:طاح الثلج
عبدو:ضروري..قالو اليو غيطيح فليل وراه بداا
هدى:اححح كيكون غزااال
مشاو شويا بالطونوبيل والثلج كيطيح بشوي فمنظر اقل مايقال عليه خطيييير..حمقها الجو وبقات غي كتشوف كي البنية الصغيرة واحد اللحظة حبس وقال:هبطي تحيدي الصعرة
هبطو بجوج والثلج كيطيح كيسمع غي ضحكتها وهي كتمشي فالثلج وتلمسو بيديها جمعات شويا ولاحتو عليه وهربات وهنا بدات اللعبة..مكاين غي ضرب فيا نضرب فيك مع ياله بدا كيطيح باقي خفيف كيجمعو بشويا ويمرمدو بعضهم وضحكهم مسموع منين ومنييين باختصار دوزات معاه امسية زوييينة بزااف..
طلعو للطونوبيل سارديين بالثلج لي ذاب على كتافهم وبدات كتسوس قايلة:بردت فيك سميي هههههههه
عبدو:ميكروبة نتي هههههه
هدى:ديني لدار تعطلت ههههه
نفذ طلبها وداها للدار وهي تقول:شكرااا بزاااف ناري دوزت وقت زوينة
عبدو:بصحتك احبيبة..سيري رتاحي غدا نصوني ليك
هدى:(ضحكات ليه)بسلامة ههه
تسناها حتى دخلات عاد.تحرك فحين هي راه ناااشطة لاقصى درجة..فرحات معاه بزااف ونساها فداك النكد ديالو
لقات غزلان شادة العسة بتيلي غي شفتها وهي تزيد تضحك:ياكما كلا ليك الحلوة؟؟
هدى:الخرا لي غياكل من عندي ههههههه ناري واحد الجو غزاااال
غزلان:طاح الثلج هههه أنا نيت ياله دخلت كي دازت الخرجة
هدى:(بفرحة)غزالة اجي اجي نوريك التصاور
بدات كتوريها البلاصة وتصويرتها هي وياه وتا لوخرا وراتها
هدى:حمق والله حتى حمق هههههه
غزلان:لي قاطع الطريق على ودك محمقكش هههه باينا كيبغيك
هدى:باقي بعاد على كيبغيني ههههه كنعجبو وعزيزة عليه وميخسرش ليا
غزلان:معرفتش منين نشدك ههههه مهم نشطي هههه
هدى:واييي غنوض نبدل علي ونتخشا حداك
اما هو دخل لدار بدل عليه وتخشا بلاصتو كيشوف تصاورها وحدة وحدة حتى وصل لديالها هي وياه ..عقلو قاليه حطها فسطوري فالانسطا وهي مدرقة وجهها مباينش وبالفعل حطها ومشا تخشا نعس باقي مضعضع بالسفر
*****
فدارهم فكازا
كانت وهيبة فدار راجلها كتلعب فتيلي وتضور فالانسطا حتى طلعات ليها سطوري ديالو وهي تشهق..زومات قربات مخلات مدارت لكن مقشعات والو..سكريناتها وصيفطاتها لعليا مسولاها:واش نجمة هادي؟؟
من حسن حظها كانت فايقة شافت الميساح كتبات:لا هههه وحدة خرا
وهيبة:والفولار؟؟هههههه شكون عفاك
عليا:مغربية معاكم تما هههه خوك تزعط
وهيبة:باش يحط تصاورهم راه نيت مزعوط ههههههه جاو فنييين
عليا:ههههه الخوينز
بقات وهيية كتحلل وتفسر..متقدرش تسولو بتااتا غتحشم منو بقات حامية فيا البيضة حتال لغد ليه..غي فطرات وجمعات دارها خرجات بملحفتها عند مها سايقة طونوبيلتها وبنتها لور فكرسيها..
حلات ليها مها حيت عالماها شدات البنية كتبوووس فيها وتعنق عندها عزيزة وحطو كاس اتاي بقواعدو الصحراوية حاى جبدات التيلي وقالت:شووفي عبد للدائم اش حاط(وراتها)
خيرة:يحط لي بغا(بفضول)ديك قليلة الحيا نحمة ياك
وهيبة:لا شوفي الفولار...ماشي نجمة
خيرة:يضبر راسو حتى وحدة ماتقبل عليه..حاار وماتصبر حتى وحدة يبعد غي مني ويدير لي بغا لهلا يسهل عليه..
طلع صباح لطيف عندهم فافران بعد ليلة عامرة ثلج تزينات بيها الارض بثوبها الابيض وسقات السماء ساكنة افران من حلو سحابها..الثلج عند الساكنة شي حاجة كتفرح حيت كتروج الدنيا عندهم وكيجيو السياح بزااف
فاقت هي لولة مع العشرة سخونة ففراشها شافت حداها كانت غزلان خامرة حيت كينعسو حدا بعضهم..تفكرات ليلة الامس وتبسمات..هزات تيلي كتقلب فيه حتى لقات سطوري ديالو حاطو وهي ووجها مباينش حيت عاطية بالظهر..مشكلش لبها الامر مشكل بتاتا حيت مكتبانش كاع شكون..دارت جيم لسطوري وناضت كتعجز مساخيااش بالدفء..هزات اغراضها ودخلات كتعتاني براسها بروتين عادي فيه غسل الوجه والسنان والترطيب اما الماسكات مكتلحقش مع السفر..حتى فاقت غزلان بدلو عليهم وخرجو يفطرو فمقهى زويين قريب للدار
جلسو طلبو فطور وهي تدير غزلان سطوري للبلاصو حطاتها مع غيحل مجمر الغمة عينيه غيهز تيلي غيلقا ميساج منها قيه صباح الخير..خرج مخلي ليها vu داز اسطوري لقا غزلان حاطاه نيشان فهم بلي خرجو..عقدهم كثر ماهوما معقودين..دوز نمرتها صونا مرة وجوج مجاوباتش ومشا عيط لغزلان لي غي شافت سميتو قالت:هدى مجمر غمتك كيصوني ليا
هدى:(باستغراب)علاش؟؟(خرجات تيلي ديالها من الصاك)ويلي صونا وعاود
غزلان:شدي جاوبي عندي هههه
شداتو وردات بصوت هادئ:صباح الخير
عبدو:(بصوت غليض)فين كاينة؟؟
هدى:خرجنا نفطرو..تجي عندنا؟؟
عبدو:ومالك كطيري..ملي فقتي صوني ليا فيقيني ونمشيو يجوج
هدى:(معجباتهتش هضرتو)قلت غتكون عياان مبغيتش مبرزطك
عبدو:فين كاينة؟؟
هدى:(شافت اسم المقهى)ف******
عبدو:صيفتي لوكاليزاسيون وملي نجي نتفاهمو على هاد الخروج لي كثر فيك
ياله بغات تجاوبو قطع وهي تخسر سيفتها:وش نكد هههه تفووووو مجمر الويل
غزلان:مالو عزيزي ههههه صوتو كيتسمع حتال هنا
هدى:(كتشرب قهوتها)صابح عاقد علي غوباشتو قول غا خليتو بلا كوية ههههه
غزلان:(ضحكات)وراه مخلياه بلا كوية نييت هههههه اجي نسولك عمرو بااسك
هدى:هههههههههه لالا معمري خليتو كون جي عليه هو كون راه كلاني ههههه سخون يا صاحبتي هههههه(مسخها الضحك)ههههههههه يضور ضورة ويقول ليا عطيني بوووسة
غزلان:اختي انا كون عندي ديك الكسدة نبوسو صباح وعشية
هدى:لا عبديه نتي كاااع هههههه غي سكتي دابا يجي يقلب علينا هنا وديك ساعة شوفي واش غتقولي ليه حتى السلام..خاصني نحضي غي تبان ليا طوموببلتو نخرج نهضر معاه حس مايدخل يتغاوت معايا هنا نصدق مشوهة هههه
وبالفعل ناض دوش ولبس عليه مزيان ضارب طاقية فالاسود مع كويرة دافية ودجيين ولكاط وخرج معول يسمعها قطرانو وهي بقات حاضية من الزاج حيت المطعم اغلبو زجاج مع بانت بيها طونوبيلتو حطات الكاس من بديها ناضت كتزرب..خرجات مجاش فين يباركي حتى بانت ليه واقفة مفرنسة وهي راه ماسخها الضحك عارفاه غيسمعها الموال..توجه لعندها وهي تقسم معاه الطريق مغ غيبدا وهي تقول:بلا غوااات(سدات ليه فمو بيديها)خرجنا ومبغيتش نبرزطك كنت غنصوني ليك ورا الفطور
حيد يديها بنطرة قايل:كطيري..علاش انا أصلا جاي؟
هدى:(تنهدات)وصافي أعبدو وا ماشي شي حاجة ..نتا لبارح ضارب الطريق قلت غتكون عياان عفااك بلا ثداع خلينا ندوزو اليوما زويين حشومة تغوت وغزلان كاينة
ضرب فبها تخنزيرات كبسمع فهضرتها وهي تنطق:واخا انا غالطة سمح ليا
عبدو:علاش مكتسبنيش واش كاين؟؟واش انا عدووك؟؟
هدى:(شداتو من ذراعو)والله مقصدت فيها شي حاجة نتا عارفني كنتصرف هاكاك واش حسابك صافي غنقوليك بسلامة مبقيتش بغيت نشوفك..غي فقنا قلت منبرزطكش
عبدو:برزطيني وصوني ليااا(بدا صوتو كيرتافع)رجل كرسي فحياتك
هدى:(جاب ليها الضحكة)ههههههه لا نتا مجمر غمتييي هههههههه وصاافي بقات غي افران متشوهناش فيها ..انا غالطة وعارضاك للفطور
عبدو:فطرتي نتي بوحدك بنت ليك انا ؟؟
ضحكات وقربات منو كتحاول تجمع جرأتها..شدات فيديه بلطف قايلة:خراام واش دازت ليا بلا بيك ههههه غا قهيوة لي خديت
عبدو:(زاد قرب كثر حتى ولات المسافة بيناتهم قليلة)مغتحزرنيش انا بهاد الهضرة
هدى:(تبسمات وفيكسات فيه عينيها)اشنو بغيتي نديرو ليك باش تحيد النفخة هههه
عبدو:(دار فيها نظرة طفولية)اري بوووسة
قلزات ليه ضاحكة وقالت:هههههههه الى مقلزتش ليك مكتهنااش
شد ليها صبعها لواه ودارها فجنبوو قايل:غاديال العصا زيدي نفطرو
هدى:صافي بردتي؟؟(ضرباتو بلكمة لكرشو)
عبدو:مرة جايا متخرجيش بلا بيا وبلا متعلميني..التخاور لا
هدى:زيد زيد نتا محسوس غي مع جنابك...غندخلو كاينة غزلان عنداك تبقا تخسر الهضرة راه نسمح فيك ونزيد..تخسار الهضرة لا
عبدو:(غادي داخل)شي أوامر خراا
هدى:وجلس حدايا وصقل
عبدو:(طانز):واخا الواليدة
ضحكات وتبعاتو حتى وقفو على غزلان لي كانت ديما كيبهرها بطولتو وتكضيرتو..تبسمات وقالت:صباح الخير
مد يديه سلم عليها عادي وقال؛صباح الخير أختي لباااس
غزلان:الحمد لله..على سلامتك اخويا
هدى:(ريحات حداه)فيا الجوع
عبدو:فطري
هدى:شوف اش بغيتي
هز كيقلب فحين هي غمزات غزلان حابسيين الضحكة حيت ملي جلس وهو عاقدهم..طلبو فطور وهي تقول:شفت التصويرة
عبدو:عجباتك؟؟
هدى؛زوينة ههه مسولوكش شكون
عبدو:باقي مقلبتش
هدى:واخا
بداو كيفطرو وغي هي وغزلان لي محمعين هو غي مستمع انما داير راسو مستمع اما هو كيحلل فغزلان وفهضرتها يشوف واش خطر تبقا ليه معاها
غزلان:غنمشي نهضر فتيلي
هدى:هههه سيري سلمي لينا عليه
لاحتها ليها غي بضحك وهو ينطق:لا نوضي تقهواي معاه
هدى:(راشقة ليها يقول لي قال هي باغيا غي تنشط)اححح عليك نتا راك واحد المغيار مسموم..غاتهنا مكيعجبنش نوعو
عبدو:(لقا راحتو فاش مشات غزلان)اشمن نوع كيعجبك
شافت فيه بضحيكة خجولة:كيعحبني يكون طويل زعريض وفيه البرص وميكروب وحلوف ووكال (كتشوف شبح ابتسامة كيزور وجهو)وميكرووب ويكون مجمر الغمة هههههههه(قرصاتو فحنكو)رخف فيك النفس حسابك غيطيرو بيا راه غا بوحدك لي عاجباك
عبدو:(بعفوية)توريني فولاد القحاب
هدى:(مسحات على وجهها)وااربي هادشي غي وصيييتك راه غنتخاصم معاك وااه عيقتي
عبدو:فمي هاكاك داير
هدى:صلح فمك فين غنمشيو ليوما
عبدو:مشليفن زوينة حتى هي فيها جو زوين ديال الاطلس
هدى:واخة ههه نمشيييو ..كمل فطورك
فطر حتى رجعات غزلان وعلموها بلي غيمشيو لمشليفن معتارضاتش نهائيا طالما هو معندوش مشكل..وحتى كيعاملها عادي
كملو وشد فيها مد ليها السوارت:سبقيني لطوموبيل
هدى:(قربات منو بهمس)انا لي عارضاك
تبسم وقال قارصها بشويت من حنكها:مرة خرا
مبغاتش تشاد معاه عارفا نفسو كبيرة مغيبغيش خلاتز براحتو وخرجات هي زغزلان لي متحمسة قايلة:غيدينا ليه
هدى؛ممم نمشيو نفوجو باش غدا نرجعو فحالنت..رشيد راه غيخرج ليا من التيليفون
غزلان:عيق هههه انا لاخر غنشوفو فلعشية
هدى:نرجعو وسيري
وقف عليهم حل الاوطو مع طلعات قال:ياك قلت ليك طلعي
هدى:نسيييت
شدو الطريق دايرين مزسيقى خفيفة مجمعين حتى تطلق مع غزلان ولا كيهضر عادي..مرة هو وياها مشادين مرة مضاربين مرة خدامين الدق..وصلو لميشلفن لي كتبعد على المدينة بمسافة مكبيراش بزااف حتى وصلو لمقهى شعبي بغاو باخدو شنو يشربو يدفيهم..
عبدو:ملابساش مزيان..غيجيك البرد
هدى:معرفتش..انا تنحس براسي سخونة
غزلان:(حابسة الضحكة)ياك اختي هههه(نزلات)
عبدو:(فهمها)ههههه سخونة احبيبة
هدى:(ضرباتو لقرفادتو)باسل
هبطات ساطها البرد والثلج كينزل عليهم خفيف مخلي الجو خطير..شافها كتحك يديها وجا دور يديه على كتفها جارها لعندو..حك على كتافها وقال:بغيتي تجاكيط
هدى:لالا مزيان(كضور عينيها فلبلاصة)غزاال هنا
غزلان:(غي كتشوف فيهم عجبوها)فن..اجي اجي نتصور فالثلج
مشات كتصور فيها فحين هو رجع حدا الاوطو جبد كارو كيتكيف وحاضيها كيف شادة الخاطر ليها وكتصورها..حتى كمل ومشاو باش يدخلو لكافي شعبية فيها غي اتاي بالعشوب وبعض الحلويات الاطلسية..
لصقات حداه وغي مبسمة برااحة وقالت:مكرهتش نردمك هنا فالثلج
عبدو:تقدي
هدى:نقد
عبدو:(زاد كيضحك)نخرجو؟؟
هدى:نخرجو هههه
ناضو بجوج كيتسابقو خرجو مخليين غزلان حالة فمها ميتة عليهم مع خرجو..جمع كورة تثلج عطاها ليها لوجهها وناضت رضاتها ليه..سلحها فالثلج وجهها كولو جلخو ليها اما هي راه كتعطيه نيشان للقرفادة حتى شدها لاحها للارض كيعطيها فالثلج فوجهها وضحكتها مسموعة منين ومنين...تبرهشوو بمعنى الكلمة وغزلان كتصورهم وتضحك عليهم مخلياهم عايشين عالمهم لي مافيهش التعناب او الرومانسية فيه غي التجنديخ
مطلقها حتى مرمدها فااثلج عاد نوضها وقال:المرة جايا تعلمي تسكتي
هدى:وليت كولي حالتي هههه(كتقاد فولارها)ولكن غلبتك هههههههه
دارها تحت باطو وتمو داخلين فامهم مشرعة بالضحك..خداو اتاي بالعشوووب وجلسو على الجموع
دوزات معاه نهار زوييين زارو كاع نواحي افران وتغداو فبلاصة شعبية بطواجن المنطقة اللذيذة ومشروباتهم الساخنة مرجعهم حتال العشية عاد تمو راجعين وعلماتو بلي غيمشييو غدا
غزلان:شكراا اخوياا
عبدو:مرحبا
هبطات وخلاتو معاها وهي تقول:سير رتاح شويا
عبدو:(يديه كتلعب فحناكها)مسخيتش بيك
هدى:(بعفوية)حتى انا
عبدو؛هههههه تقدمنا الميكروبة
هدى:واش نكذب؟؟نتا ضريف معايا وكتعاملني زوين مكنسخاش بيك
عبدو:باش كتعجبني صريحة(كيقيس شفارها)خليك هاكا نقية من الداخل ونمشي معاك فينما بغيتي
هدى:كيفما عرفتيني كيفما غنبقا..
عبدو:رتاحي ومع ديك التسعود نتعشاو انا وياك الراس فالراس
هدى:ان شاء الله ..باي
عبدو :اري شي بوسة وسيري
هدى:وااا صبعي عياا من تقلاااز هههههه
دخلات للدار هي وغزلان كي الفراشات دوزو نهار زويين معاه وبان عليه بلي كيبغي الاستمتاع..حيت كيبغي يسافر ويشوف ويتشووف..
غزلان:كيبان مزعوووط فيك
هدى:يبغيني باقي الحال مي كنعجبو..شوفي هو ضريف وكيدير ليا خاطري ولكن كيخنقني بالحكام
غزلان:صبري ليه هههه انا غنمشي نرتاح خارجة مع الزين الصافي
هدى:غنمشي ننعس انا عييييت ..كليت ودخت ههه حتال ليل ونخرج انا ومجمر غمتي وغدا يدينا فحالنا
غزلان:(بحماس)غيدينا؟؟
هدى:حسابك يصيفتني فالكار.؟واخا نعواج
غزلان:اححح تحمست هههه
جبدات عليه هدى بعدما بدلات عليها حوايجها فحين هو مشا بدل عليه وجبد بيرات شراهم فطريقو وجلس عاصر عليهم وكيكمي كيتفكر اليوم لي دوز معاها..الراحة لي كيحس بيها ماليها مثيل..مرتاح معاها حيت كيلاحظ تصرفاتها ماشي مبرهشششين ولا فيها الخفة ديال قراناتها
******
طاح الليل فافران والبرد تضاعف والناس كلها مخشي ففراشو داير مدفئة والخشب كيتحرق قدامو كيعيش جو هادئ من اجواء افران..علمها بلي وصل وخرجات لابسة كسوة سخونة فالبوردو نازلة حتال التحت مع ليبوط ودايرا مونطو طويل وفولار كي ديما..راشة ريحتها
كي طلعات جرها بغا يسلم عليها بالوجه وهي تبعد:واانعل الشيطان هههههه
عبدو:البرد والبوسان لا هههههه
هدى؛(كدير السمطة)ميت على البوسان
عبدو:ثيقي بيا الى قلت ليك نتي معمري بغيت فيك شي حاجة تال****
هدى؛(مسحات على وجهها)أستغفر الله ياربي ويلي كون تحشمم
عبدو:سكس زعما احبيبة مزيانة هاكا هههه فري راه مكنويش فيك شي حاجة
هدى:وباغيني نثيق؟؟ايهاي نتا كون كنت شي وحدة غلييضة نييت كون راك متبع ليا لعين
عبدو:(حرك طونوبيل)ههههههه شكون قالها ليك؟؟راني كنشوف ولكن ساترة كلشي
هدى:وعلاش قلة الحيا هههه متشوفش فيا حشوومة
عبدو:واا رزقي رزقي منشوفوش(عطاها لذراعها دقة)نحضي رزقي
هدى:(صرفقاتو)وامتحضييش رزقك كنتي كتعلف فيا هههههه
عبدو:نتي بلا علف زوينة..عيييت نتخيلك بلا فولار نهار شفتك تصدمت
هدى:(بتعفار مصطنع)اييييه الجمال اسيدي هههههه هادشي مزال ماشفتي اهم حاجة عندي
عبدو:لي هي؟؟
هدى:ههههه والو..مافيا والو زويين هههههه فين غنمشيو
عبدو:(شد يديها عندو باسها وحطها حدا قلبو)فين بغات الميكروبة ديالي
تبسمات ابتسامة خجولة ورمقاتو بنظرة اعجاب وراحة..كتحس بالفراشات كيهروها..فيه كمية من الرجولة كتخليها ذوب ومتبنيش..واللمسة عندو كتنوض فيها أحاسيس ميتة فيها من زمان
هدى:فين بغيتي نتا..كنثيق فذوقك
عبدو:امتا غتولي ثيقي فيا
هدى:نهار نولي نبغيك ههههه
عبدو:ياربي تزعط فيا ونخلي مها كي الحمقة
هدى:حرام عليك ههههه تخلي هاد الزين والضرافة
عبدو:(شاف فيها وباس يديها بحب وعضها فيهم)واخا نبغي منقدرش..نديك لبلاصة زوينة كالم
هدى:واخا
بالفعل داها لمطعم اخر فاخر..باركا زنزلو مشاديين والبرد.كيضرب فوجههم..عجباتها البلاصة بزااف مع جلسو صونا تيلي كانت اكرام..جاوباتها فيديو وكتهضر بشويا:حنووونتييي
...:خالتووو فينك
هدى:(عينيها كيبريو)يا قلبي على لي تقوليا فينك..توحشك اخالتو فينها ماماك
اكرام:هاني اختي هههه غبرتي علينا
هدى:السفر ههههه
اكرام:غبرك مجمر الغمة
عبدو:(سمعها)العالم عارفني
هدى:(شافت فيه)هههه كيسمع فيك..نتي صافا
..:خالتو احبكش
هدى:وانا بعد ههه
هضرات معاهم شويا وصيفتاتهم مبغاتش تخليه بوحدو
عبدو:عزيزة عليك بنت ختك
هدى:عزيزة علي كثر من ختي ههههه كنحسبها بنتي
عبدو:بنتك كاع ..سعداتها
هدى:(بابتسامة)كون بقات بنتي كانت تقريبا غتكون قدها
تشوكا لدرجة ملامحو جمدو من هضرتها..كيحاول يستوعب اش قالت واش نطقات..حدو كمش عينيه بعدم فهم:عندك ينت؟؟
هدى:كانت عندي بنية وماتت ليا..الله يرحمها
عبدو:كضحكي معايا؟؟عندك بنت؟؟
هدى:كانت كانت بنتي مااتت ليا ملي عندها شي شهراين هاكاك
مغينكرش بلي تصدم وكل نهار كيكتاشف حاجة لي مرة كيسرطها مرة لا..كتجيه غامضة وباغي كل نهار يكتاشف فيها حاجة واخر ماتوقع هو تكون والدة
عبدو:باش ماتت؟؟
هدى:(ضحكات وعينيها تضببو)واشي كيقول انا سبابها حتى مااتت وشي كيقول تخنقات شي كيقول تزادت فالدار وفرطو فيها هههه المهم انا السباب
عبدو:(لاحظ عينيها حزنو لكن فمها محافظ على الابتسامة)الله يرحمها
هدى:(دارت يديها فوضعية دعاء)ياربي امييين..واخا نمشي لطواليط
عرفها باغيا تهرب من شوفتو ليها حيت باينة فيها بلي تأثرات داكشي باش نطق:سيري احبيبة
ناضت بهدوء من بلاصتها وعينيها مضببين حس بيها بغات تبقا بوحدها تبعها بعينيه حتى غبرات وعقلو بقا كيحلل هضرتها..كتبان ليه كي الصندوق كل مرة تعطيك حاجة
شافها ضربات كثر من خمسة دقايق وناض تبعها ..دق فطواليط ونادى باسمها مرة وجوج حتى خرجات عندو بهدوء:مالك
كيتفحص وجهها بعينيه عزات عليه بانت عادية مباكياش وقال:مزيانة؟؟(شد يديها قربها منو)كنتي كتبكي؟؟
هدى:لا..علاش؟؟مشيت غي لطواليط
هز يديها عندو باسها وطول وقال:حسابني تقلقتي
هدى:علاش؟؟
عبدو:معرفتش..حسيت بيك تقلقتي
هدى:(بتاسمات)زعما على وديت بنتي؟؟
جاتو فشكل تقول بنتي..حدو مد يدو طلع ليها وجهها جيهتو وشفايفو متشوقيين يبوووسها حيت معندوش ياش يعبر ليها كيفاش حس بيها..ونطقات:مكنتقلقش باقي ..داكشي ديال الله
باسها فراسها وقال:ياله تاكلي شويا
شدات فيديه وتمشاو لجيهة الطبلة كيحاول يفهم اش كاين ويستوعب لكن كتبان عادي..مع جلسات قال:شوفي اش بغيتي تاكلي
خدات شنو بغات وجلسو كيهضرو عادي وهو فداخلو باغي يسولها اش واقع مي خلاها على راحتها واخا واكلو الفضول..واحد اللحظة جابها حداه دوز يديه على ذراعها وشبك يديهم وقال:نسولك؟؟
هدى:ممم (شربات من كاسها)
عبدو:كيفاش ماتت بنتك؟؟
هدى:(بابتسامة هادئة)مخنوقة..
عبدو:عاودي ليا
هدى:مكاين لاش مكنبغيش نتفكر..غنمرض فصحتي كثر
عبدو:صراحة صدمتيني واش باقي عندك شي حاجة خرا متعاودي ليا
هدى"ههههههه لا..ونتا؟؟
عبدو:(يديه محبساتش من انها تداعب يديها كيبانو يديه كبار حدا يديها لي مزيناهم بخواتم عديدة)لا ..باغيا تعرفي شي حاجة
هدى:ممم تقدر تجاوب وتقدر لا
عبدو:(شد فولارها بيديه لوخرا)سولي نسمع
هدى:كتعرف شي وحدة خرا علي؟؟
سؤال صدمو..خلاه يفيكسي عينيه فيها للحظات كيقرا البراءة والصدق فعينيها ..حولهم نيشان لبلاصة خرا كيشوف فالكاس لي محطوط حداها كأنه كيفكر..باش غيجاوبها؟؟اشنو قصدات من سؤالها
اما هي راه دخلها الشك من تفكيرو وخلاها تفكر انه كاينة وحدة خرا..مصات شفايفها وبعدات عينيها عليه كتسنا جوابو
عبدو:لا...واخا تعارفنا فظروف مقودة مي انا ماشي زهواني لي نبدل فالنسا..سي كيعحبني الزين وكيطربني ولكن منشدش مع اي وحدة..
هدى"كتحاول تصبغني؟؟
عبدو:نتي راه نعيا نكذب عليك ميشدش فيك هههه(قرصها من نيفها)نتي سبيسيال
هدى:(شافت فيه من جديد)عمرك عاملتي شي وحدة بحالي
عبدو:سي..وحدة كنت كنبغيها
هدى:(ضحكات)نتا كتبغي هههههه ايهاي على مجمر الغمة كيحب حتى هو(صرفقاتو بشويا)ضسرتي الخوينز
ضحك بشويا وبالثقالة كتهبلو فاش كتصرفقو بشويا وبلا متردد كيحس بيها صاحبو قبل من صاحبتو..
عبدو:هههه اوا هادشي لي كاين
هدى:كنتي كتبغيها
عبدو:راه خمس سنين وانا معاها مربيها على يدي
هدى:ربيتي حتى راسك بقا ليك غي بنت الناس هههههه
عبدو:واشوف هادي هههههههه ونتي سووقك ..كلشي تربى ليا الا نتي
هدى:انا مكنترباش انا مربية هههههه باقي كتشوف هاد لالة غنو ديالك
عبدو:(ضحكاتو)هههههه منين كتجيبي هاد الهضور (قرصها فحنكها)
هدى:واهضر هههه كنتي كتبغيها
عبدو:سي ضروري
هدى:(يعدات عليه)ايهاي على ضروري ههههه لالا نتا ضسرتي هههههه(مسخها الضحك)كتبغيها كاااع وعلاش تفارقتو
عبدو:هههههههه(ضحكاتو ردة فعلها)سدي الموضوع هههههه (حطو ليه كويس)
هدى:قاليك ضروري هههه ضسرتي أ مجمر الغمة
عحباتو ردة فعلها حيت داكشي من الماضي محكراتش على عكس نهار شافت ليلى تقلقات ..
دوزو أمسية زوينة غي هضرة وضحك كيلقا راسو مطلوق معاها وكيتعاود معاها بحالا مريح مع صاحبو حيت من لول فاش تعارفو كيتهاضرو بلا تصنع بلا مجاملات بداوها قطران ومشاوها حلاوة...غي يقول شي حاجة كتكون خبطات يديه ميتة بالضحك ولا تصليييه وهو كذلك
وقف قدام الدار لي كرات وقال:غدا فالصباح فيقي وشدي الكار صافي
هدى:كون هاني تلقاني نصيفت ليك صباح الخير من كازا
عبدو:زعمي وديريها وتشوفي
هدى:ههههه خلينا نفيقو براحتنا ونمشييو غدا اوك
عبدو:ان شاء الله..سيري فحالك.
هدى:هاهيا غادية..تصبح على خير
عبدو:تصبحي على الخير الزين
تبسمات ليه زهبطات مساخياش كيسوط فيها البرد كي دخلات لقات غزلان كاينة..دوشات ولبسات كترعد وتخشات ففراشها حدا غزلان كيتعاودو حتى غفاو مفاقو غي مع الصباح مصوني عليها مهججها..عاد ناضو جمعو حوايجهم ورتبو الدار صونات لمول الدار وتسناتو حتى جا مدات ليه السوارت ومشاو معاه فطرهم والوجهة كازا بلانكا
حطو غزلان هي لولة عاد شد بيها الطريق لدارها كيهضرو ..مع حطها قال:غدا غنرجع لاسبانيا
هدى:(بهدوء والتعب تسفر نايل منها)غتخلي علي بلاصتك هههه بقا شويا
عبدو:مكرهتش..ولكن الخدمة..شغلي كولو تما وخصني نوقف عليه
هدى:معليش نصبر أنا
عبدو:(طول يديه تال الكوسان ديالها)سعداتي وليتي مكتسخايس بيا
هدى:كنت باغيا غي نتهنى منك صدقت كنقوليك بقا شويا لالا سحرتي لي هههههههه
عبدو:مسالي كري انا نسحر ليك هههههههه داكشي فيه الرجولة
هدى:ههههههه عارف راسك رااجل
عبدو:بزز عليك وعلى العالم ههههههه ياله هبطي فحالك
هدى:بسلامة
عبدو:اري غيتعنيقة بعدا راه مغنتشاوفووش
هدى:(كضور فعينيها)طلع هبط معايا زربية من السطاح عنقها هههههه نتا راك ضسرتي ههههه اليوما تشد فيدي غدا عنقني بعدو بوسني صافي نديرو الولاد وخلاص
عبدو:نولد معاك شي واحد حار بحالك والى غتجي الموت تجي
هدى:(صرفقاتو لقرفادتو)هاد القرفادة كيعجبني نصرفقها
عبدو:واريحيييي ههههههه تهلاي فراسك والى خصاتك شي حاجة صوني ليا..كولي مزيان وبقاي تعلميني فين كتمشي
هدى:(كتعيبو مخسرة سيفتها)وصيفتي لوكاليزاسيون ومتلبسيش السراول ثوب ومتخرجيش بوحدك..متمشيش لقهوة معروفة ..ردي البال لراسك ونقصي الضحك ..حافضة ياك؟؟صافي أستاذ
ضحك وضرب يديه مع لعضهم وقال:حاافضة نجي لقاك مدايراهش هضرة خرا
هدى:نتسناك انا توريني بزااف علييك ههههههههه تهلا فرااسك حتى نتا ومتغبرش علي
شد يديها باسهم ليها من القاع قايل:يستاهلو شي حاجة هاد اليدين المرة جايا نجيب ليهم شي حاجة
هدى:جي غي نتا متجيبش ليا..مخصنييش انا بركة علي غي نموت بالضحك معاك
ضحك وقال:تلاحي هههههه
هبطات هزات باليزتها وهبط معاها كيقاد ليها فالشال ويوصي مسكتش حتى وقف عليهم عمر من حيت لا يدرون
عمر:عبدووو؟؟كنقول واش نتا؟؟(شاف فهدى)امتا جيتي
عبدو:هاد الايام
هدى:بسلامة
مشات وتبعها لاخر بعينبه حتى مشات وقال:الدعوة هانيا عندها
عمر:(باقي ممستوعبش)هانيا..نتا مزيان؟؟جيتي على قبلها؟؟
عبدو:(شداتو الضحكة)واحق الرب الى مقطع على ودها
عمر:صافيييي صاحبي تزعط
عبدو:تستاااهل المييكرووبة يتزعط فيها الواحد
صباح جديد فالعاصمة الاقتصادية تالمغرب..بنادم فايق بكري يجري لحق ابخدمة والاغراض باغي غي يكمل نهارو..النهارات فكازا كيدوزو طيارة مع كيحيد الاثنين كيبداو يتسرسبو الايام
فاقت براحة بعدما فرغات الطاقة السلبية فالسفر..وجدات ليها فطور وهزات تيلي لقاتو كاتب ليها :صباح الخير
دوزات ليه الخط فواتساب لكن مكيصونيش قالت مع راسها راه شاد الطيارة..لبسات عليها وخرجات لخدمتها..مع حلات المحل جات البنت لي ولات معاها وبداو عملهم عادي كأي يوم وعبدو غابر مباينش ليه الاثر حتى لثلاثة عاد صونا تيلي ديالها بنمرتو تالمغرب
هدى:الو
عبدو:فين كاينة؟؟
هدى:فالخدمة..وصلتي؟؟
عبدو:ممشيتش..الفول تغوبوغطا(تأجل)
هدى:نتا لي أجلتيه؟؟
عبدو:لالا ..la compagnie لي أجلاتو مغنمشي حتال غدا
هدى:فيها خير..
عبدو:نتي مزيانة؟؟
هدى:ممم راني فلخدمة
عبدو:نسالي شي اغراض ونجي نتشاوفو
هدى:واخا ههه
عبدو؛ردي لبال لراسك
هدى:واخا
قطع معاها وناض دوش ولبس عليه خارج يفطر مع صحابو لي علمهم بلي باقي جالس فحين هي تلاهات فالخدمة مولفة فالنهار مكيهضروش حتال ليل..
حتى رن هاتفها بنمرة ماجدة..تبسمات وردات بمزح:أ مرات المخزن ههههه فين غابرة علي
ماجدة:أختي الزواج ههههه تلهييت ويلي..توحشتك الحمارة بزاااف
هدى:حتى انا..أش كتعاودي لباس عليك؟؟
ماجدة:حمد لله ونتي اش خبارك؟؟عقلو يا الكلبات سافرتو بلا بيا
هدى:ياختي المزوجات مكيخرجوووش ههههه عندكم رجالاتكم لي يخرجوكم حنا غا ديال راسنا
ماجدة:(ضحكات)ههههههه السيد وليت نقوليه خرجني كيقوليا من بعد وانا قنطت ههههه
هدى:داكشي كولو لي دوزتيه خروج هانتي دابا كتخلصيه هههههه
ماجدة:نتلاقاو؟؟
هدى:ايييه انا اليوم الخمسة غنسالي..فين نتشاوفو
ماجدة:والمحل؟؟
هدى:كاينة رانيا بنت عمة رشيد حتى هي ثقة كيخليها وماشاء الله عليها قادة
ماجدة:رشيد كيثيق؟؟هههههه ياك رشيد ديما كيثيق فيك غي نتي
هدى:اوا راه من عائلتو ههههه شوفي لخمسة نصوني ليك نمشي لداري نبدل علي ونتلاقاو
ماجدة:واخا..تهلاي جيبي غزلان
هدى:عندها اليوما full
ماجدة :صافي واخا
قطعات معاها وكملات شغلها عادي حتى ضربات الخمسة..هزات مظلها ودعات رانيا ومشات نيشان لدارها كتفحص التيلي والسيد ماصيفت ماسول موالو
.لقاتو حاط سطوري فقهوة مبينة غي البلاصة عرفاتو مع صحابو خلاتو براحتو..ومحكراتش بتاتا
دخلات لدارها خدات دوش خفيف كتكنزز بالبرد ولبسات عليها مدوزة اتصال لماجدة ضاربة ليها موعد فاحدى المقاهي الزوينة فكازا..
خدات طاكسي نيشان للقهوة دخلات ملقاتهاش تاصلات بيها لقاتها فالطريق..خدات طبيلة وطلبات شنو تشرب..دوزات ليه اتصال مجاوبهاش وخلاتو بخاطرو خافتو يكون مشغول مع صحابو ولا دارهم..وماهي الا دقائق حتى دخلات ماجدة تعانقووو بحرارة وجلسو عاصرين على مشروبات..ماجدة عندها بزااف مايتعاود وهدى كتسمع ليها ميتة بالضحك حيت عارفاها ديما مزبلاها..ضحكو وكركرو مزيان
واحد اللحظة فنفس القهوة دخلات بنت زوينة ضاربة سروال كسوة سخونة مبينة ليها منحنيات جسدها الزوين..عندها مؤهلات زوينة من أرداف ومؤخرة طالقا شعرها منسادل على كتافها وكتفوح منها ريحة عطرة..لكن المشكل مكانش هنا المشكل فالشخص لي معاها ولي كان هووعبدو شخصيا واقف حداها مشكل معاها ديو خطييير حيت تاهو ضارب حطة شتوية خطيرة..شدات فيه من ذراعو وقالت بميوعة:فين نجلسو
يتبع...
التنقل بين الأجزاء