صفحة القصةقصة أقوى مما أدرك
مؤلف القصةقصص سكينة ايت الكبير
الانسان بطبعو كيتغير كيتبدلو فيه افكار كيبدل مبادئو لكن طبعو صعيب يتغير..قليل من الناس لي قدرو يغيرو طباعهم..وهدى من النوع لي بعض طباعها ماتبدلاتش..اي نعم ولات اكثر هدوء واكثر نضجا من السابق..ولات مرزنة ومكتسرعش فقراراتها لكن الطبع لي متخلاتش عليه هي انها فاش كتشوف شي حاجة فديك اللحظة كتولي هي لي عندها الصح واخا الفكرة غالطة والى حاورتيها بالطريقة الغلط نتا لي غتمشي فيها..وغتبقا تسمعك المنقي من خيارك
الوضع لي شاف احمد هو اكيد لي عندو الصح حيت كيبقا وضع خاطئ لكن هدى بالطريقة باش هضر معاها خلاها تخرج حجج لا صحة لها وتدافع على راسها من لاشيء
رغم دلك تجمعو للغدا ساكتيين تاحد مهضر غي صوت الكيسان والمعالق لي كيتسمعو حتى نطقات اكرام:فراسكم آخر الأخبار
هزو ريوسهم بجوج فيها وهي تنطق:مرات باكم حاملة
ترسمات ملامح الدهشة على وجههم بجوج..وبداو كيحاولو يستوعبو هضرتها وهي تضحك هدى قايلة:حلفي هههههه حاملة ههههههه واش غيولي عندي خويا ولا ختي
إكرام:طفرتيه حتى معانا بقا غي شي حد اخر
أحمد:(تبسم)الله يسخر ليها..
إكرام:قالتها ليا داك النهار ديك عمتي
هدى:وعلاش مقلتيهاش لينا؟؟
إكرام:مشاات من بالي وصافي..خلاوها كتوحم
هدى:ياربي تولد ولد
إكرام:ولد ولا بنت راه كيف كيف
هدى:لا ولد حيت حنا جوج خص شي دري اخر
أحمد:يكون غي بصحيحتو وصافي..غنهضر مع الواليد
تغير الموضوع ولى حمل زوجة الأب هو موضوع الساعة ورجعات هضرات مع خوها عادي محاوليين يتناساو...ستأذنات منهم ومشات لبيتها رابطة اتصال ليه وبعد رنات جا صوتو بلحن غليض:الو
هدى:لباس؟؟
عبدو:(كيتفوه)لباس ونتي؟؟
هدى:بخير..كي بقيتي شويا؟؟
عبدو:صاافا كنت ناعس
هدى:ياكما ضراتك يديك؟
عبدو:شويا ديال الحريق
هدى:الله يشافيك
عبدو:امين..اشكديري؟؟
هدى:والو..قنطت
عبدو:تخرجي؟؟
هدى؛(هزات المشيشة عندها)مزال مخصني نخرج حتى نفوت الكونترول
عبدو:ديري الفاصمة ديالك على عينك وخرجي
هدى:واخة دابا نشوف مع ختي
عبدو:لا قصدت زعما نخرج أنا وياك الحاجة ههههه اشمن ختي
هدى:ونخلي ختي بوحدها؟؟
عبدو:جيبيها معاك..ندوز عليك فالعشية نديرو كافي
هدى:فاش غتجي؟؟ونتا يديك مضروبة
عبدو:كنسوق..راه اوتوماطيك
هدى:(برفض)لالا غا خليييك نتلاقاو فشي كافي جي نتا فطاكسي وانا فطاكسي..مريض نتا لي سايق بيد وحدة
عبدو:الفشوش الخاوي
هدى:بااااززز...مكتخافش
عبدو:كنخاف من الله ههههه العشية نعيط ليك ونتلاقاو(سكت شويا)توحشتك
هدى:(نطقاتها بعفوية)حتى أنا والله
عبدو:ههه سبحان الله الميكروبة توحشاتني
هدى:هههههه كتسحر ليا مكاين موالكن
عبدو:(مسح على وجهو)داكشي ديال الله
هدى:ياله سير واحد الساعتين ونتلاقاو
عبدو:واخا
قطعات معاه ومشات برا عند ختها قايلة:إكرام تخرجي ؟؟
إكرام:فين؟؟
هدى:مع مجمر الغمة
إكرام:لا غاسيري عارفا علي ميعجبوش الحال....سيري نتي وياه خرجو فوجي شويا ونيت تبردو الطرح بيناتكم
هدى:(بتساءل)كي كيجيك عبدو؟؟
اكرام:شكلا ولا مضمونا؟؟
هدى:شكلا مالك نتي لي خالقاه ههههه مضمونا
اكرام:مكنعرفش عليه بزااف..كنعرف غي لي كتعاودي نتي..كيبان ولد الناس وكيتعامل زوين
هدى:كيتعامل زويين والى مشديتش الضد كيتعامل زويين بزااف ..لي حليت عليها فمي تحضر ولي شفتها ديالي ولكن اصاحبتي راه مشكاك وعصبييييي بزاااف
إكرام:ونتي كثر منو خص غي لي يجبدك هههه(شدات منها المشة)ياختي على هاد الخنيفيسة
هدى:سميتها عويييشة
إكرام:تفووو إعاقة فالمشاعر ههههههه
هدى:غيخصني نمشي لداري نشوف مانلبس
إكرام:هزي من حوايجي
هدى:ايهاي وليتي تعطيني حوايجك؟؟على ايامك كنت نطلبك بشهورا
إكرام:هههههههه ديك الساعة كنتي معيفينة ههههههههه
هدى:(خسرات فيها سيفتها)بزاااف عليييك(هزات مشتها)اجي أماما نمشي نجيبو حوايجنا
اكرام:هههههه ياله نوصلك هزي حوايجك
لاحت عليها عباية ودارت نظارات وخرجات هي وختها فسيارتها لي كرات تحرك بها داتها للدار تلاقات عمر عند الباب شافها وهي تقول:عيط ليه وصلها ليييه
عمر:كضلميني اختي ههه
هدى:سير الشكااام
دازت فيه مطولاتش معاه الهضرة فحين اكرام نطقات بتساؤل:شكون هذا
هدى:العساس لي داير ليا مجمر الغمة..كنخرا ويعيط ليه يوصلها ليه
اكرام:ههههه ويلي جهل داير عليك العسة
هدى:هانتي كتشوفي
طلعو للدار ومشات كتقلب اش تلبس تجرب هادي وتحط هادي وتشوف هادي تلفاتها حتى قالت:واش اختي غادية تشوفي القايد
هدى:غي عقلي قاليا خصك تباني زوييينة وصافي..شحال مخرجت انا وياه بغيت نبان زوينة
اكرام:لبسي هاد الخضرة زوينة اونصومبل دافي
هدى:صافي واخا..ها خواتمي نمشي ندوز خرقة على لحمي نحيد العرق
إكرام:سيري هههه
مشات دفات الدوش ودوزات غي خرقة تحيد العرق اما وجهها غي كتسمحو بالقطن كتخاف تقيس عينيها..لبسات اونصومبل فالاخضر ولاحت فولار فالابيض مع الصاك فنفس اللون
إكرام:كتعرفي تناسقي هاا ههههه
هدى:شويا وصافي..شدي صبغي ليا
صبغات ليها ضفيراتها بلون بارد وهادئ وزينات الصبيعات بخواتم كثيرة عاد ناضت كتقاد الفولار بطريقة عصرية ..دارت عكر خفيف فاللون الوردي وخلات عينيها بلا شيء..حتى صونا التيلي
عبدو:انا لتحت
هدى:غتسوق؟؟واش حمق راه يديك
عبدو:غي هبطي ولفت
قطع عليها وهي تقول مخاطبة ختها:كيتسناني التحت
اكرام:وصلها ليه؟؟
هدى:وايييه اش كنعاود ليك..راه الحمام كنمشي وكنجي كنلقاه كاتب ليا بالصحة
اكرام:هذا هو الحب هههه
هدى:الحزااق هذااا هههههه(رشات ريحتها)تشاو تشاو
اكرام:سيري اختي ههههه
خرجات دايرا فاصمة لعينيها راخفة الشال بالفعل لقاتو بحديدة من نوع اخر كيتسناها مشات طلعات حداه وقالت:لي فراسك فراسك
عبدو:اجي سلمي بعداا(مد ليها يديه لي مزيانة)
هدى:هههه لباس؟؟
عبدو:عاد وليت لباس..مشيتي حتى تقاديتي
هدى:اوا ضروري قنطت من المرض
عبدو:(نوض الطوموبيل)واخا
هدى:حيد خليني نسووق
عبدو:بعين وحدة؟؟منثيقش ههه
هدى:(ضرباتو لقرفادتو)سايق كاع بيد وحدة وثقت ههههه
عبدو:اوطوماتيك راه هي لي سايقة انا غي جالس ههه ريحي الارض ونتي ملي دخلتي ونتي ناشرة علي زينك وانا ساكت
هدى:(فرنسات ليه عاجبها الحال)اوا بعدا ماقلتي تا كلمة ههههه
شد يديها باسها بحب من الوسط وقال:عيني فاضحيينيي بلا منهضر
أمام مقهى راقي كيف ديما وقف السيارة والطريق كلها وهي حاضية ليخرج فشي حد حيت كينخدم غي الليمنية
عبدو:هبطي سطاسيونيها
نزل بالفعل وتبادلات معاه البلاصة حتى باركاتها وهو حاضيها كي كتباركي باحترافية عاد نزلات تابعاه قال:سواقة مع راسك
هدى:أفوطخ سغفيس هههه
شد فيديها شبكمهم مع يديه وقال:زيدي نتي راه الواحد يديرك فكتافو
هدى:(زيرات على يديه)الوقت كتعلمك..شد فيا راه غنعثر عندي غي عين وحدة
دوز يدو على خصرها بعدما طلق منها من يدها وتمو داخلين بجوج حتى لقاو طبلة ليهم بجوج جلسات فاص ليه وحتى هو كذلك
عبدو:فيك حريق فعينيك؟؟
هدى:مبقاش كيف كان شويا وصافي
عبدو:قاسوك فعينيك نيشاان
هدى:كلي فيا غي العينين هذا هو المشكل هههه
عبدو:لالا..منسمحش ليك..كاين
هدى:طلع ليا المورال وقوليا اش كاين؟؟
عبدو:غضساري ههههه اللهم خليني ساكت
هدى:كي دايرا هاد العلاقة لي مكتسمعنيش كلام زويين هههههه راه غنغضب
عبدو:والى قلت ليك اش كيعجبني فيك غتبقاي تعوجي علي ففمك تما وتنفخي
هدى:هههههههه والله منديرها غي قول
حك لحيتو بصبعو حاضيها كيف كتسنا مدحو كيف شي درية صغيرة كتسنا التدويرة ديال خالها فالعيد...محس براسو غي هو مبسم قايل: فشكلك..مكاينش لي كيجيبني كاااو قد عينيك وعنقك
هدى (ضحكات)ههههههههه واخا عيني فهمت..عنقي لاش؟؟
عبدو:عرفتي فاش كديري هاد الشدة لي باين فيها عنقك اش كديري فيا؟؟غي كنعل فيك الشيطان اما راه عطا الله مايدار هههههههه
هدى:(مدات يديها ليه يضربها)هههههههههههه مسطييييي
عبدو:صافي جمعي هههه ضحكتك كتسمع من الدخلة
ضحكات عليه مزيان وقلبو الهضرة لنحو اخر مجمعة هي وياه على خدمتو ولقا راسو كيعاود ليها ويشرح ليها وهي حاطة يديها بعفوية على حنكها وكتسمع ليه ممسوقاش لا للبلاصة لي هوما فيها لا لشنو كيديرو..وهاد النقطة بالضبط كتعجيو فيها فاش كتكونسونطرا عليه مكتشوفش فبلاصة خرا كتخليه هو مرتاح من جيهتها
شربات هي وياه كافي وبقاو ناشرين رجليهم شادين غي الجموع مرة مخاريين بضحك مرة كيقلبوها عصا غي بالفن مشكلييين كوبل زويين مكاينش لي يشوفهم وميعجبووهش
حتى مرت قرابة ساعتيين وهوما غي هضرة عاد قال:تاكلي ؟؟
هدى:لا مافياش..مشات ليا الشهية
عبدو:(شير طالب الحساب)تخاصمتي معايا وتسدات الشهية احبيبة؟؟
هدى:لوااه هههههه غا أنا وكانتي
عبدو:غا قلت زعما ياكما نكون توحشتك بزاااف
هدى:ورااااه توحشتك
هز فيها عينيه حيت كان كيحط الفلوس وضحك:لي سمعك يقول ماشي هادي لي كضل عليا بعددد منيييي
ناض شد فيديها وخرجو بجوج والبسمة فوجهم كي الحميمات وهي تقول:ديني للبحر بغيت نشم الهوا
عبدو:نديك احبيبة للبحر
طلعات حداه وديمارا نيشان للبحر محسات بيه حتى فك البانضة ليديه وشد الفولون قايل:عصباتني
هدى:عنداك يديك؟؟(قاستها)غضرك اعبدو
عبدو:مرضاتني..غي خليها نوصلو ونرجعها
عيات معاه ومردهااش حتى وصلو حدا البحر وقفو الطونوبيل..داها بحر غير لي فيه لاكوط واقفين بطونوبيل كيشوفو الشمش نوعا ما غربات والبحر شبه خاوي مافيهش الناس بزاااف
هدى:(حلات الشرجم)عرفتي هوا البحر كيكالميني
عبدو:(كيركب البانضة)الجعرا لي فيك خصها غي البحر هههه
هدى:صبر نعاونك
حيدات السمطة وقربات ليه حتى مبقا كيفصل بيناتهم والو..ومع كانت بانضة عصرية كتسد عند قرفادتو ..دورات يديها على عنقو باش تسدها..وفغفلة منها جات عينيه فعينيها لي سليمة وقالت:مالك كتشوف معمرك شفتي الزين
عبدو:(حط يدو على يدها من المرفق)معمرري شفتو..وريه ليا
سداتها وبغات ترجع لبلاصتها شدها بيد وحدة وقربها ليه وعينيه مصغرهم فيها..كيحفظ اكثر تفاصيل وجهها..من عينيها البنية لي نهار اللول سلباتو واكيد مرورا بالشفار لي الى مقربتيش ليهم مغتقشعهمش واش كثار ..بدون ماينسى فمها لي كيبات ويصبح عليه باغي فيه بووسة
صباعو تحطو على حناكها بحب كيداعبهم منتاشي ريحتها فنيفو طامع فقبلة تخليه يزيد يتربط فالميكروبة ديالو كثر وكثر..اما هي راه قلبها كيضرب بحهد ..سنوات معمرها تحطات فموقف تكون مع رجل بهاد القرب لي تقدر تشم فيه ريحتو ولي تقدر تحس فيها انها محتاجة هي الاخرى لهاد الدلع الجنسي
كهرباء خطيرة دازت بيناتهم فلحظة بسيطة بغا هو فيها غي يتسفرد بها اما راه نغالقات على العالم الخارجي كيبان ليها غي عبدو...
قرب منها كثر حاكم وجهها بيد وحدة وهي أعنف وضعية وقعات ليه حياتو كاملة كيبوس نهار غيبوس المرا لي متشبث بيها عندو يد وحدة...لغى المسافة بيناتهم وعينيه تقريبا غيتسدو باش يهاجمها بقبلة حميمية لي شحال وهو كيتمناها...اما هي راه بلا متحس سرطات ريقها ومصات شفايفها بشويا من التوتر لي صايبها وهي فيديه..معرفاتش بلي حركتها خلاتو يعض على شفايفو ومقرب كثر...
طبع قبلة خفيفة على شفايفها حتى ضربها الضو هي فأحشائها وكانت قبلة تجريبية من ردة فعلها ملي لقاها غمضات عينيها فالبلاصة عطا لراسو الحق فأنها يضيف قبلة اخرى على الشفاه الوردية لي قدامو..كل مرة كيلمس شفتها بشفايفو كيحس براسو تعطاتو جرعة وطاقة جديدة
وحدة مور وحدة حتى لقا راسو شقمها ببوسة بجغ فيها شفايفها ونيفها دقة وحدة..مصدق خلاتو يبوسها..جبد فشفايفها بحب وبهدوء مراعي ليها لتنوض تغضب ليه...يدو هبطات من وجهها لجنبها وستقرات عليه ..لقات راسها حلات ليه فمها وستوطن بلسانو داخل فمها وكيبادلها قبلة حميمية من نوع اخر..غير كل لي جرب من قبل..
مد يدو فك البانطة من جديد برزطاتو وشدها بجوج يدين من خصرها وفمو كيجر فشفايفها لي كي العسل على قلبو..كيجر فالفوقانية ويهبط لتحتانية قاطع فيها النفس..ملاحظ انه غي متبعهااه..من خصرها لعنقها لحنوكها شدهم بجوج رغم الالم لي كيحس بيه فيدو المعطوبة لكن الرغبة الجامحة لي فيه من جهتها مخلياه ميتسوقش
اما هي راه ترفعات كتسمع غي صوت بوساتو وجسدو لي مغطي جسدها وكل مرة كيميل عليها حتى رجعات لور وتايعها هو ممفارقش شفايفهم
قبلة ورا الاخرى ولسانو كلا لسانها ..كل مايحس براسو عيااها يبدا يقبل حنوكها ويرجع تاني لشفايف العسل لي خمقوووه حتى حس بيها كتدفعو بشويا من صدرو عاد حبس كينهج..وبقا قريب منها..شد يديها حطها على صدروو وفيكسا عينيه فعينها السليمة قايل:شوفي فيا
حلات فيه عينيها حشمانة وولات حمرا..شفايفها كيبريو بريقو بلا صدرها لي كيطلع ويهبط والقلب لي كيضرب على جهد قرب يسكت
عبدو:(قبلها ففمها من جديد مطول)متقولي والووو
هدى:(كتشير ليه قدامو)أتا فين مشيتي ههه(صرفقاتو بشويا)واش معمرك شفتي الزين
وعى عبدو على راسو وستوعب بلي غي كان كيتخيل بلي بااسها..كيفاش كينخيل وهو ففمو كيحس بطعم شفاه لذيذة معارفهاش واش ديالها ولالا..كانت قبلة فمخيلتو للحظات حس بها هو راه قبلة حقيقية كون ما التصرفيقة لي عطاتو وكداتو غيحسابو فعلا غاص معاها فديك القبلة الحميمية لي خلات مشاعرو الجنسية تحرك من جهتها..كيتساءل فدماغو بلي ميمكنش يكون حلم ولا تهيأ..هو حس بطعم فمها ففمو وحس بقربها ليه كيفاش دابا كتخرك فيه
هدى:عبدو مالك؟؟
عبدو:(مسح على وجهو كيسوط)فففففففففف اش هاد الحالة(نزل من الطوموبيل زعفان)
هدى:(مفاهما والو)هذاا مالو
تبعاتو حتى هي وقفات حداه كستستفسر:عبدو مالك؟؟وقعات شي حاجة
عبدو:(كيسوط)ففففففف موقع والو..غي رجعي نكمي ونجي
هدى:موالف كتكمي حدايا
عبدو:عينيك مراض ..سيري الله يرضي عليك
شافتو معصب غي مع جنابو وهي مدارت والو وهي ترجع لور لطوموبيل هازا تيليفونها كتهضر مع ختها وحاضياااه كيكمي مغدد بيد وحدة ..تأملات فيه وطولات الشوفة فجسمو لي ميمكنش تنكر بلي كيعجبها كيبان بحالا هارب من شي فيلم...ملقات راسها غي مصوراه من بعيد عاطي بالظهر وخلاتها عندها ذكرى...وبقات جالسة كتهضر مع ختها وغزلان حتى كمل تلفت بانت ليه منغامسة محسات غي بالباب تحل عليها وقال:اجي
هزات فيه راسها بعفوية وقالت:بردتي؟؟واش درت ليك شي حاجة؟؟
عبدو:(الكارو كالماه)لالا..اجي(مد ليها يدو)
شدات فيها وهبطات واقفة فاص ليه والباب مزالو محلول مستغربة منو مالو كيتصرف هاكا..شافتو مقرب يدها لفمو باااسها وقال:جبت ليك كادو وبلا تقحبين وتسمعيني ديك الاغنية ديال منشدش ولا وكدا غتشديه
هدى:وباشمن مناسبة؟؟
عبدو:ضروري تكون مناسبة؟؟شفتو وعجبني وبغيتو نشوفو عليك
هدى:(ضحكات)هههههه على حسب اش جايب. الى جايب شي حاجة غالية لا ههههه ارا نشوف
هز من لبواط اكون بواط كحلة مدها ليها وقال:غيعحيووك
شدات البواط مبسمة وقالت:باش عرفتي غيعجبوني؟؟
عبدو:عارف ذوقك
هدى:ملي ختاريتك نتا عرفني معنديش الذوق هههههه
عبدو:(صلاها معاها للقرفادة)غنضرب مك
ضحكات وحلاتها حتى كتفاجأ بخواتم كثيرة رقاق شي كيتلبس ك mini bague وشي bague كامل..مزينين بحجيرات فالازرق سماوي كتخطف القلب..كيبريو ..عتالات الفرحة عينيها ووجهها حيت منظرهم خطير ..فرنسات ليه بحب:وااااعرييييين نااااري منيننن جبتيهم؟؟
عبدو كتسالي معاه فاش كتضحك وكتبين ليه ثقيبة تزين فحنكها كيبغي يشدها ياكلها ويخبيها عن العالم ...تبسم ليها وقال:عجبوك؟؟
هدى:ويلي وااااعريييين..شد شد(كتحيد فديالها)
شدهم منها وحطهم فوق الكوسان فالطونوبيل ثم شد منها البواطة قايل:اري نلبسهم ليك
خلاها هي شادة البواطة محلولة وبدا كيخرج كل واحد وكيلبسو ليها وكيف توقعهم جاو على أصابعها كيف تخيل وأحسن..رقاق ونقيين ورطبيين..بحالا هاربين من شي عصر قديم ديال أميرات العصر القديم..
بعداتهم فرحانة عليها كتشوف كي جاوها وقالت:فنييييين شكراااا بزاااف حبيتهم
عبدو:بالصحة احبيبة
هدى:لهلا يخطيييك حيت فكرتي فيااا(بضحكة)مكرهتش نعنقك
عبدو:(حل يديه)ديريها
ضحكات وبالفعل ترمات فحضنووو حتى عكراتو فيديه لكن ضمها بيدو الوحيدة لي قادر يحركها ودماغو مزال عالق ليه فالبوسة لي سلبات عقلو وكيتخيلها فيها...قبل راسها من فوق الفولار وقال:الله يحفظك ليا
هدى:امييبن الله يخليك ليا حتى نتا(طلعات فيه راسها ورجعات لووور حشمانة من انه ترمات فحضنو كي الهيشة)لهلا يخطيك علي
عبدو:(كثرات عليه فالضرافة)امييين هههه اول وحدة كتقوليا لهلا يخطيك علي
هدى:هو شوف نتا مييكروووب ..التخت ديال المكاريب ولكن راااك ضرييييف لي معرفك خسرك
عبدو:(ضحك)كملي كملي طلعي ليا شويا لكرااايد
هدى:واصااافي هههههههههه (شافت يديها)كيبانو بحالا مصنوعين ليا
عبدو:عندك شي شكل فدماغك نصنعوه ليك نتي غي امري وشدي معايا الطريق
هدى:شنو هي هاد شدي معايا الطريق؟؟كنبان ليك راني خارجة الطريق ولا
عبدو:متفهمييش هضرتي غلط(شد يديها)راه كون فيك عرق واحد ديالهم منشوفش فيك...باش نعطيك وقتي ونجي على قبلك قاطع الطريق وواخا كتعفري علي كنحني الراس حيت شايف فيك لي مبقاااش...الثباثة والقناعة
هدى:كاينين بزاف تالبنات مثبثين ومحصنين
عبدو:اوا القلب ولمن رتاح..رتاح لهدى
هدى:(الضحكة فالتة ليها)عنداك تكون مزعوط فيا
عبدو:وشكون عرف(سمع التيلي كيصوني)
مشا هز تيلي من السيارة وشد الخط بالاسبانية كيهضر مغوبش وهي مراقباه ..عجباتها لكنتو بالاسبانية ..حشمات على عرضها وقلبات عينيها منو ..شافت يديها حمقوها وهزاتهم للفوق كتصور فيهم وتدير بيهم بوزات حتى بانت ليها يديه من لور شدات فيديها وفمو مرصاش من الهضرة ..خدات تصويرة ضاحكة وضارت عندو كتوريها ليه..شد التيلي ديالها كيشوفها مزومي شويا وهو يدوز لتصويرة خرا وهي تحيد ليه التيلي ضاحكة عرفاتو باغي يقلبو وقلزات ليه خلاتو غي متبع ليها العين مكمل هضرتو
جهد نصف ساعة وهو كيهضر ومفهمات والو بقات غي كتصور يديها وراسها مدوزة وقيت حتى سالا وهو يسوط:خدمة تالخراا
هدى:اش واقع؟؟
عبدو:غا الخدمة..
هدى:تهاونتي على خدمتك بزاااف؟؟بسبابي
عبدو:لالا..معندهاش علاقة..غي وقع بلان اما انا راه غي كنوقف على شغلي وصافي كاين لي يحضي
هدى:مكتفكرش تدخل بمرة؟؟
عبدو:سي كنفكر..الغربة صعيبة ومكاينش ماحسن من بلادك..نهار ندير ولادي غندخل
هدى:(تبسمات)ههههه كنتخيلك والد هههه شي ميكروب بحالك
عبدو:الى غتولديه ليا نتي مرحبا ههههه
هدى:(ضحكات)هههههه انا ولدت وسديييت صافي
عبدو:(بفضول)خصك تزيدي شويا..شي وحدة بحالك هاكا(مد يدو قاس حنكها)فيها هاد الثقيبة تزين هنا ومثبثة بحالك
هدى:هههههه والى مشبهاتنيش..ينتي الله يرحمها مجابتش مني شبهات باها ولكن كانت زوييينة
عبدو:باش ماتت؟؟
هدى:(محافظة على هدوئها)طاحت ليا من يدي وملي توفات قالو كانو عندها مشاكل تنفسية حيت تزادت فالدار
عبدو:ولدتيها فالدار؟؟
هدى:ههههه ايييه عطاني ربي وقفة ساهلة ولدتها فالدار ومتحنتش دغيا تولدات
عبدو:سبحان الله (شاف فاص ليه وتبسم)كنتخيلك حاملة
هدى:سكت سكت مكنحملش نتفكر داكشي ههههه انا مابقيتش قادة على حمل
عبدو:(بمزح)حتى غتولدي ليا انا عاد مقدرتيش ههههه
هدى:غا بالصحة سمحت ليكم فحقي ههههه (قالبة الموضوع)نحط ديك التصويرة
عبدو:حطيها..
فرنسات ليه وطلعو الاوطو جبدات التصويرة قاداتها وقال:صيفتيها ليا
هدى:مطاكيني منطاكيك ههههه
عبدو:مالي مريض صحاب الحسنات خصهم غا علامن يقلبو
صيفتاتها ليه وحطاتها فنفس الوقت دايرا ليها موسيقى زوينة وكتبان فيها فرحانة ومرتاحة...
جلسو شويا وداها فحالها باش ترتاح كي وصلو حدا الدار قالت:شكرا على الكادو حبيتو بزااف والله حتى انا خصني نجيب ليك
عبدو:أنا عطيني غي بووسة راه غيركبني الصعر هههههههه
هدى:(قلزات ليه)هههههههههههههههه هاهي
حلات عليها ختها بعدما صونات فالباب مع حلات مع تلاحت عليها معنقاها بحب باغيا تنقز بكثرة مافرحانة بيه وبالوقت لي دوزات معاه
اكرام:ابشويا ههههه مالك
هدى"فرحااانة(وراتها يديها)شوفي اش جاب ليا عبدو ديالي
اكرام:(شدات يديها)زيدي زيدي دخلي بعدا هههه
سدو الباب ومشاو للصالة وهي تبدا تتفليهم:غزااالييين يااختي..عندو الذوق
هدى:هههه حمقوني شوفي كي كيبريو
اكرام:راه ذهب
هدى:أ لا..غي بلاكيوور
اكرام:(حيداتهم ليها كتقلبهم)واراه ذهب ههههه شوفي الطابع
هدى:ويلي على ذهب..هذا جهل
اكرام:الله يعطيه الخير ههههه زوينين والله
هدى:واش كتهضري بصح؟؟الى ذهب غنرجعهم ليه
اكرام:وعلاش يالحمارة؟؟كبر بيك وجابهم ليك
هدى :حشوومة ويلي فين شايفني حتى يجيب ليا الذهب
اكرام:مالكي متستاهلييش هههه بصحتك حتى نتي فرحي شويا براسك
هدى:شي مرات كنقول واش زعما نستاهل هادشي؟؟حيت راه هو كيعاملنييي زوييين
اكرام:يقدر يكون كيبغيك
هدى:وهاهو كيبغيني..عبدو كيجيني خصو واحد الخاطر لي انا معنديش...جاني فوقت لقا جهدي تسالا
اكرام:شوفي انا اكثر وحدة عرفت مناش دزتي وشنو عشتي ..كون كنت بلاصتك انا تلقايني دابا راني فشس سبيطار تالحماق..بغينا ولا كرهنا نتي اكثر وحدة فينا قوية
هدى:الزمان مخلا فيا غي لي نسا ههههه
اكرام:وهاهو كيعوضك دابا بهاد ولد الناس..الى كتسناي تلقاي واحد كامل مكمول معمرك تلقايه...
هدى:هو راه عيبو واحد الشك والسكرة هههه
اكرام:كيشرب؟؟(بصدمة)
هدى:كيشرب وكيكمي وكيدير الحشيش وواخا هاكاك مقطر ليا من عيني حيت كيعاملني زويييين
اكرام:شوفي داكشي مع الوقت كيتحيد مالو غيبقا حياتو كاملة كيشرب..وعاد مالكي غتزوجي بيه راكي غي مصاحبة معاه
هدى:يكون خير(ضحكات)حتى أنا خصني نجيب ليه كادو
اكرام:هههههه نتي راه مذلولة مع راااسك هههههه متعيقيش
هدى:هههه غا صواب..مسكين هو ديما كيخلص علي وكيديني للبلابص الواعرين
اكرام:هذا هو لي خصو يداار..متفرطيش فيه راه هو لي يصلاح ليك ونتي شرعة اختي ههههههه
هدى:حرام عليك انا راه تهديييت هههههه
اكرام:هادي نتي؟هههههههه محال ههههه نوضي بدلي عليك واجي تاكلي
هدى:(وقفات)شبعانة
اكرام:الحب كهمك
هدى:(بابتسامة واسعة)زعما نكون كنبغييه؟؟ويلي ويلي هههههههه(صونا التيلي)عمرو طويل
هزات التيلي ومشات تبدل عليها شادة الخط قايلة:الحب
عبدو:(بعد تيلي على وذنيه بغرابة)نعام؟؟
هدى؛(طلقات ضحكة عالية)ههههههههههههههههه انكم في العلبة الصوتية
عبدو:هههه وا لا تاني راني غي على سبة..خلينا مبردييين
هدى:باااز الواحد ميدلعكش شويااا
عبدو:ممولفاش ليك..الحب كااع
هدى:اوا شنو ممنحقيش نقوليك حب قلبي
عبدو:لالا قولي سمعيني هههه غي متسنايش انا نقولها ليك
هدى:(هزات مشيشتها)نعيط ليك الاسد ديالي هههههههه تفوووو على نيفووو
عبدو:خليك فمجمر الغمة حسن ههههه مرتاح
هدى:مجمر غمتي انا بوحدي هههههههههه
عبدو:هاد الساعة نتي لي هازا الدقة ههههه شوفي معيط ليك باش نقوليك راني مسافر للصحرا
هدى:علاش؟
عبدو:عرس ولد عمتي وخصني نمشي ملي راني فللمغرب
هدى:اااه واخا..بالصحة سير فوج
عبدو:تمشي؟؟
هدى:مريض نتا هههههه باشمن صفة؟؟سلام هادي صاحبتي
عبدو:هههههههه نقوليهم بنتي ههههه غنشد الطريق اليوم فليل
هدى:الله يديك على خير..ملي توصل عيط ليا
عبدو:ماخصك والو؟؟
هدى:خاصني نتا
فمحل للملابس النسائية كانت هدى كضور رفقة ختها دايرا فاصمة على عينيها بعد مرور ثلاثة ايام باش سافر عبدو..كتسنا ختها تخرج حيت دخلات تقيس ويديها شادة التيلي مجمعة معاه هو لي عاصر على جوان فطوموبيلتو
عبدو:خديتي عبار النظاظر؟؟
هدى:اه..ختاريت كادر زوين هههه
عبدو:خاصينك فلوس؟؟
هدى:لا عطاني بابا وختي
عبدو:كتشدي من عند العالم وأنا لا
هدى:حتى يخصوني الملاين ههههه امتا غترجع
عبدو:اليوم نشد الطريق خصني نرجع لشغلي
هدى:غنتشاوفو قبل ماتمشي
عبدو:لا غندوز نيشان
هدى:(صدمها)ياك؟؟مغنشوفكش؟؟
عبدو:مزير فالوقت بزاااف
هدى:(بقا فيها الحال)واخا لي بغيتي
عبدو:(ضحك)هههه قولي ليا توحشتك ونجي من دابا
هدى:نتا زعما باقي كاع مباغي تفهمني ههههههههه راه صعيب نعبر
عبدو:ههههههه مرة مرة ضسريني هههه
هدى:الله يسمح ليك...شفت واحد لونسومبل واعرة
عبدو:خوديها بالصحة
هدى:سير فحالك ختي خرجات هههه
*********
دازو أيام طويلة فيهم رجع عبدو لديار المهجر مكمل حياتو عادي وفيه كذلك هدى ستأنفات خدمتها مع رشيد والمحل غادي في تحسن بخدمتها لي ديما كيشهد ليها بيها..كدير اشهارات وكتلبس وتصور وتجي لكليانة وتصيفتها بخاطرها حتى ترجع من جديد بدون ماتحس
علاقتهم غادية كيف ديما علاقة "الميكروبة ومجمر الغمة"مرة مناكرين مرة مخاصميين مرة مصالحين..مرة هاهيا جايبة عليه تبوحيطها وفشوشها مرة هو لي مفشش عليها ..تاواحد فيهم ميسخى بالاخر
اليوم ليلة رمضان..واقفة فالكوزينة كتوجد سحورها..دايرا زيف حياتي على راسهاكيبانو منو بعض خصلات شعرها..وبيجامة خفيفة كاندورة ديال ثلاثين درهم بسنسلة رقيقة مزينة عنقها لي لاوية عليه شال لايحاه فوق الزيف تحياتي مع الكاب ممخلياش ليه منين يشوف..
عبدو:(فابيل فيديو)شي طاجين حنين من يديك ولا؟؟
هدى:مالقيتي لي يطيب غي أنا هههههه غي سكت هذا رمضان وانا كنبقا نتشها ومكنعرفش
عبدو:(كيقطع ماطيشة)نوريك انا كنصرع الطواجن
هدى:اوا نتا علمني ههههه شنو نتا مغتجيش
عبدو:يمكن العيد الكبير نجي
هدى:(حلات فمها)أويلي..باقي ليه شهراين..عيقتي والله
عبدو:راك عارفة ياله حليت المحل الجديد هنا
هدى:الله يسهل عليه راه غي كنقنط أعبدو والله..مكرهتش نسافر
عبدو:سيري عند.باك
هدى:انا كنقوليه نسافر هو يقوليا عند باك هههههه بغيت نمشي بعيد
عبدو:ثبثي السفر بوحدك مكاينش متخلينش منوي عاود
هدى:مع غتحبسني هههههه سير بعد مني
عبدو:اري غي بوسة ونتي ضاربة ليا زيف حياتي بحالا دايرا علاش دوشي
هدى؛(قلزات ليه)بصحتي وبراحتي..(غسلات يديها)غنمشي ننعس ياله نفيق للسحور
عبدو:تصبحي على خير..رتاحي ليا احبيبة
هدى:(تبسمات ليه)الله يحفظك ليا ورمضان مبارك
تبسم وقطع مخليها بالفعى مشات كدهن شعرها بسيرومها..مخشية ففراشها فانتظار اول سحور من أيام رمضان المبارك ويالها مرتاح فيه فقط "عبدو"
وكيف مرو الأيام مر رمضان حتى هو طاير لي ستاغلو فالعبادة راه قضى غرض ولي ضرب موعد للافلام والمسلسلات راه قضى غرض حتى هو..ويوم وراءيوم وعلاقتهم مستامرة بوتيرة عادية الاتصالات كل نهار وعاطيين تفاصيل حياتهم على بعض...حتى وصل العيد الكبير ولي قرراتو هدى غدوزو مع باها حيت معندهاش معامن دوزو خاصة أحمد خدام وإكرام مغدخلش..
جمعات حوايجها ومشات بالفعل عيدات مع باها عادي دوزات النهار لول باشما عطا الله محادات حد مضاربات مع حد ولات باغيا غي راحة بالها..
دخلات فوسط النهار لواحد البيت وعينيها مضببين بالدموع طايح عليها الضيم..شدات نمرتو كأول شخص..ومتعطلش باش يرد
عبدو:المرضية ديالي
هدى:مكنحسش براسي مزيان (طاحو دموعها)توحشت ماما ومي
عبدو:(حافض موالها كل عواشر كدير ليه هاكا)وزعما راك مع باباك؟؟
هدى:مكنحسش براسي منهم(كتنخصص)غي مبغيتش نعيد بوحدي
عبدو:اللهم تما ولا فدارك بوحدك غتقنطي..كملتو كلشي هبطي فحالك انا غدا غنجي
هدى:بصح(كتسمح دموعها)قول والله
عبدو:ههه كتحلفيني..والله حتى غنجي
هدى:توحشتك والله نتا بعدا واخة كتفقصني كتعمر علي
عبدو:(جابت ليه الضحكة)ههههههههههههههههه عارف راسي كنفقص غا صبري مكاينش لي يشد.معاك الصبر
هدى:مبغيت حتى حد يشد معايا الصبر قادرة عليه بوحدي ههههه
عبدو:(ضحك)باش نوصلو هنا راه دخلت عليك لدارك وتغاوتنا فالزنقة ههههه بزااف عليا هادشي..
هدى:اوا شنو ههه عفاك جي جي واغي فقصني وجي
عبدو:لالا نجي نيت نشوف حبيبة
هدى:(سمعات الضحكة حداه)شكون حداك
عبدو:(عطا لعليا لقرفادتها)عليا..كضحك
عليا:(مشتتة بالضحك)هههههههههههههه.. عشت وشفت عبدو وحبيبة...هاكاك أهدى قوي ليه
هدى:(كضحك)هههههههه مدرت ليه والو
عبدو:سيري حدا راجلك خلينا نشويو هاد الخرا دغيااا
عليا:خهههههههه العناب لاخر
عبدو:كاع لي لقا راحتو راه عناب..بشااار
هدى:(ضحكات)واش عرفتي كي كتبان ليهم ههههه
عبدو:معنديش مع بنادم انا لي يزعم عليا مكنحملوش.
هدى:سبحان من خلقك هاكا..
عبدو:سيري احبيبة ناكل ونصوني ليك معانا الناس
هدى:واخا بالصحة والراحة
قطعات معاه وتجبدات كتفرنس للسما تحلف عليها ماشي هي لي عاد كانت كتبكي وتنخصص..تنهدات براحة وكدعي فخاطرها يبقاو هاكاك حتى غفات فبلاصتها
*****
اليوم الموالي رغم إصرار باها أنه تبقا لكن رفضات..سلمات عليهم ووصى باعدي راجل من الدوار يوصلها بحكم العيد مكاينينش الطاكسيات وبالفعل. وصلها لكازا لي كانت خااااوية ..وهذا حالها فالأعياد كيبقاو غي السكان الأصليين وعلى مدة عاد كترجع الحركة التجارية فالمدينة..
هبطات لدارها والسقيل كيتسمع الى مخافت تكذب راه العمارة كاملة راحلة..رتاحت شويا فدارها وصيفطات ليه ميساج فيه بلي وصلات كان ساد عرفاتو فالطيارة...أما هو راه بالفعل فالطيارة بجانبو عليا لي ماسكتاتش من الهضرة
عليا:وا هضر..واش أنا راجلي مكيديوش وحتى نتا تسكت..حسن عوان هدى متشبعها حتى هضرة
عبدو:(مغمض عينيه)لصقتي فهاد هدى...حيدي عليها عينيك
عليا:على زينك نتا وياها..قابلة على واحد مكنزز بحالك
عبدو:(ضربها بمرفقو)سدي فمك
عليا:واقوليا واش ناخد الحمر ولا الاصفر
عبدو:خوديهم بجوج...(حل عينيه)كتعرفي شي مارك ديال المحجبات
عليا:باغي تاخد ليها شي حاجة؟؟
عبدو:سي..(حك ذقنو)
عليا:معنديش فكرة مي نسول ليك..(فرنسات)ناوي معاها المعقول اعبدو
عبدو:كنفكر...هدى بنت نقية وزوينة ومادير فكتافك وأهم حاجة بنت دارهم
عليا:كلشي بنات الناس وبنات دارهم..
عبدو:بالنسبة ليا أنا لي تنشر رجليها معايا فبار غا موسخة...
عليا:دونك حتى نجمة موسخة؟؟
عبدو:نجمة غا باغيا تبعني فالهيت ديالي..هدى لا..هدى كتدير العز والقيمة لراسها..هدى الى مكتمدش يديها لشي ولد المرا ولا تخلي شي قرد يقيس فيها..بنفسها وصاينة راااسها..وحدة خرا مطلقة راه تعطيه فابور..
عليا:شنو زعما عمرك قربتي منها؟؟
عبدو:(غمض عينيه)لا... هي يديها وبحرا وليت كنشد فيها
عليا:متدينة زعما؟؟
عبدو:لالا..كاع ما كتصلي ولكن محافظة على راسها ودايرا قيمة لروحها..وهادشي لي مخليني باغيها
عليا:كتبغيها؟؟
سكت مجاوبهاااش وهي تنغزو قايلة:واهضر
عبدو:(عصباتو)نعل دلمي أنا لي جاي معاك كون خليتك حدا راجلك
***
وصلو للمغرب ويا فرحة المغتربين ملي كيجيو للمغرب ..لقاو عائلة عليا فانتظارهم اما هو مكيتسناه حد حيت أصلا معالم حد واش جاي..يعلم مو؟؟ممسوقاش أصلا ليه...تسالم معاهم ولقا عمر كيتسناه عطاه سوارت طوموبيلتو لي غيدوز بيها فاكونص ديالو ومشا معاه
عبدو:(سايق)شي جديد؟؟
عمر:غنتزوج
عبدو:شي جنية؟؟
عمر:والله حتى غنتزوج هههههه
عبدو:مزيان الله يسخر
عمر:ماباغيش تعرف شكون
عبدو:فوت ليا غي هدى وتزوج حتى بخالتك صفية
عمر:هههههه لالا شكون يقدر يوصل هدى ديالك
-رن هاتفو ديك ساعة باسمها..هزو وجاوب:هدى
هدى:(بصوت ناعس)وصلتي
عبدو:اه..نتي فدارك؟؟أنا نرتاح ونجي نشوفك
هدى:تسناني لتحت عنداك تطلع
عبدو:هههه واخا..الثمنية نكون عندك
ناضت هي بحالا شعلات فيها العافية...غسلات وجهها وسنانها مزيان..ومشات حطات كسوة بيضة هابطة تالتحت وفولار اورنج مع صندالة بلا اورنج نيت..شافت رجليها كانت صابغة بالبيض كي الشيخة قاستهم لقاتهم رطبين وهي تفرنس..توحشاتو بزاااف بزااف .
حطاتهم كي حوايج العيد وبقات كتسناه يجي بيدما يرتاح وشادة الهضرة مع غزلان كيتعاودو حتى صونا ليها علمها بلي غيجي
لبسات حوايجها دغيا.. قادات فولارها بطريقة عصرية ولبسات ليه خواتمو..دارت نظاراتها تالشوف..و مع رشات ريحتها مع صونا عالمها بلي كيتسناها وهي تهز صاكها وتمات هابطة والضحكة سابقاها..كي حلات باب العمارة لقاتو واقف مع عمر..غي شافها حيد نظاظرو وتبسم موجه ليها كيتفحصها بعينيه كلها مستورة مامخلياش ليه فين يهضر..
هدى:مجمر غمتي ههههه
جرها دارها فحضنووو بزز عليها عارفها غتبدا تبعكك ليه.. وزير عليهاا حتى حسات بضلوعها تزيرو..والابتسامة مفرقاتش أفواههم..حتى هي مبخلاتش عليه بعناق حااار مبردة فيه حر الشوق لي جامعة من جهتو
عبدو:(شد وجهها بين يدو وباس جبهتها)توحشتك المكروبة
هدى:حتى أنا ههه(قاست لحيتو)غلاضيتي الحلوف
عبدو:(خرمز وجهها)ياك
هدى:وانظاظري ههههه(كتقاد فيهم)
هز يديها قبلها مرارا وتكرارا قايل:ياله معايا
هدى:فين؟؟
عبدو:بقاي معايا(تلفت لعمر لي كان معاه)مغنلقاوش شي حد حال؟؟
عمر:لا..شوف مرجان تلقا فيه
هدى:اشنو باغي؟؟
عبدو:تبغي ديري hiking
هدى:(بعدم فهم)شنو؟؟
عبدو:تخيمي فغابة هههه
هدى:(بحماس)بحال داكشي لي وريتيني فاش مشيتي لألمانيا
عبدو:اه(كيقاد فشالها)سيري بدلي عليك وياله
هدى:نجيب شي حاجة من لفوق..راه عندي التقدية والدجاج حيت عارفا غيسدو
عبدو:جيبي لي عندك وباش تبدلي
هدى:(بفرحة)صافي واخا(مدات ليه تيلي)شد
مشات راجعة ادراجها بفرحة ..شاف فالتيلي فيدو وهو يرجعو لجيبو حتى سمع صوت عمر قايل:ديوني معاكم هههه
عبدو:ياك غتزوج؟؟واسير جيبها ودير معاها لي بغيتي..
جبد جوان كيقاد فيه وكيبرم هو وياه ويتكيفوو بيدما تهبط حتى بانت ليه نازلة بسورفيت فالأسود مستورة وفيديها ساك كبيير تاع مرجان مسخفها..مشا كيزرب شدو منها وقال:كون عيطتي
هدى:(كتنهج)تيليفوني بقا عندك فففف عيييت
عمر:كلشي ناضي (فرنس)ختي هدى لباس؟؟
عبدو:ديها فمك(جرها من يديها)ياله
ركبها معاه ومشا مكسيري فرحان بيها فشوارع كازا..يديهم متفرقووش وكتشوف فيهم وكتفرنس عاجبها الحال عايشة الحب بشكل زوين غير لي كيحسابها راه عاشتو قبل..
حديث ورا حديث وضحكة ورا ضحكة حتى وصلو لخارج كازا فأحد الغابات المعروفة كيديرو فيها الناس خريجات فالويكاند لكن هاد المرة كانت خاوية حيت كاع الناس معيديين بعاد
هبطات كتشوف غي التواسع والخضورة..مشا لكوفر وتبعاتو لقاتو جابد ماطريال ديال التريب..فرنسات وقالت:واش موجد كلشي
عبدو:كلشي ههه(مد ليها )شدي
بدات كتحط معاه تا خرجو كلشي وقال:أجي نقادو لاطونط
هدى:ههههه ناري حبييييت(حيدات خواتمها ودارتهم فصاكها)..
شافها متحمسة وهو يقول:راه غنباتو
هدى:غنباتو فالخيمة؟؟
عبدو:(كيعطيها وكتحط فالأرض)سي
سكتات شويا كتفكر وهو يشوف فيها من تحت نظاراتو قايل:مغنقربش ليك
هدى:ماشي غتقرب ولالا..غي واش مجاتش حشوومة(بإحراج)أنا وياااك وفبلاصة وحدة
عبدو:كتخافي مني؟؟
هدى:(بثقة)لا..غي جاتني حشووومة
عبدو:حشومة إلى بتي معايا فداري..الى ح****** اما انا راه جايبك غي الغابة الحلوفة
هدى:(عطاتو للقرفادة)الله يقل حيااك الماسخ
عبدو:(زاد كيضحك)اوا نتي لي كتقولي حشوومة...حسبي راسك مقصرة مع صاحبتك
هدى:(بعفوية)أصلا نتا بحال صاحبتي كنعاود ليك كلشي
عبدو:(يديه خدامين)مامخبيا علي والو؟
هدى:لا..وتقول
عبدو:الله يرضي عليك
حطو كلشي وهي تشد شالها لواتو مبينة عنقها وهو يقول:غنقادو لاطونط وغنمشيو نجيبو العواد غي من هنا
هدى:(بحماس)صافي واخا
تبسم عمرو شافها دايرا هاد الضحكة والفرحة والحماس..شدات معاه حتى قادو لطونط وهو يقول:صغيرة؟؟
هدى:نتا لي كد البغل اما انا قاداني...بات فالطوموبيل وانا هنا هههه
درعها بيدو جارها من عنقها:واش خايفة مني؟
هدى:(كتقاد فولارها)راه قلت ليك لا ههههه غي جاتني حشومة وصافي..عندك مخاد؟؟
عبدو:باغيا ديري ليا ديك ديال المخاد بيناتنا كي الأفلام (ضحك)ههههه غنحيدهم ونبجغ مك تما مكاينش لي يجيب ليك الخبار
هدى:وا غي جرب تقرب ليا الى ماندفنك هنا راني بنت الحرام
عبدو:(هز عود)عارفك حاارة..كون باغي داكشي لي فبالك كون راني درتو شحال هادي وفرقت أنا وياك الجوقة كاع منبقا غادي جاي للمغرب حتى ولى بنادم كيقوليا اش عندك؟؟
هدى:(ضحكات بافتخار)اوا قوليهم اش كاين هههه قوليهم كنجي على ود لالة هدى
عبدو:(كيهز فالعواد)يديها بنادم غي فكرو ويبعدو ليا منك مانبرر لحتى واحد
هدى:مالك ميكروب؟؟
عبدو:فراسك غي بوحدك لي مطلوق معاك..اما راني مكنضحك مع حد مكنضسر عليا حد
هدى (فرنسات)سعدااتي ههه
جمعو العود لي يكفيهم..هز ليها الأغلبية وخلاها هازا عويدات وتم سابقها
عبدو:وا زيدي براكة من الفشوش
هدى:وا صبر راه هادشي ثقيل
حطو العواد وتحنى هو كيشعل عافية صغيرة وقال:هي اليوم نذوقو طيابك
هدى:(ببلاهة)مكنعرفش نطيب
عبدو:(هز فيها راسو )كيفما طيبتيه ناكلوه
هدى:راه غتندم هههه(تحنات حداه)طيب ننا وناكلوه راه فيا الجوع
عبدو:(ضحكاتو)سيري خودي شي بسكوي
هدى:واخا
مشات كتقلب فداكشي لي جابو هزات بسكوي كلاتو عاد مشات كتعاون هي وياه..كيقادو مياكلو ومجمعين خاريين بالضحك..
طاح الليل ولاو غي صوت الليل لي كيسمعو..جالسين فكراسا وهازين كيسان ديال أتاي مصايبنو تما نيت حيت راه منسا هو حتى تفصيل جمع كلشي من عند عمر..
حدا بعضهم والعافية قدامهم..وفيديها التيلي كتهضر مع ختها وكتصور ليها الأجواء حتى سالات عاد تلفتات ليه:شفتي داركم؟؟
عبدو:لا
هدى:وعلاش؟؟
عبدو:باقي مكتابش
هدى:كون سبقتيهم
عبدو:سبقتك نتي
هدى:شنو زعما غنكون عزيزة عليك كثر منهم ههه
عبدو:لا حيت عارفك بوحدك لي غتكوني توحشتيني
هدى:مك وباك وخوتك
عبدو:با ممكن ختي حتى هي aaq
هدى:ومك؟؟
سكت شويا حتى شكات واش غيجاوب وهو ينوض قايل:نسيت الكارو فطوموبيل
مشا جاب الكارو فحين هي رجعات كتصفح تيليفونها حتى حيدو ليها من يديها باغي يشوفو..
هدى:واريح هههه
عبدو:(شاف فيه)اري نشوفو هاد التيليفون اش فيه
هدى:والله وتقلبو حتى نمشي فحالي..حيت مكنوصلش ديالك
عبدو:هاكي هاهو
هدى:حيت نقيتيه
عبدو:خليني نقي ديالك هههه(دخل لواتساب)نشوفو غي معامن كتهضري
هدى:(كنززات ليه عليه)والله ماتقلب واخا تموت
عبدو:(شانق عليها)حييديي خلينا نشوفو اش كيدوز ورا ظهري
هدى: هههههه دايرا عشرة وراك هههه(حيدات ليه التيليفون)سير ريح هههههه تكافيت معاك بقا غي واحد اخر
عبدو:بنت الحرام كتقمشي ...غا كنضحك معاك عارفك مدايراااش
هدى:(طانزة عليه)دايرة دايرة هههههه
عبدو:واخا حتى نلقى ونشوفو ههههه
هدى:مرمدتيني تفو هههه(طفات التيلي)الجو رومانسي
عبدو:(شعل كارو)هي الى عطتيني شي بوووسة حلوة وخلي الباقي عليا أنا ندير كلشي
هدى:(طلقات ضحكة عالية)ههههخخخخخخخههههههه أش كلشي
عبدو:مباغيش نقلل عليك الحيا ولكن نتي راه كتقلبي عليا هههههه
الليل طويل وكيبغي الوناسة..وعبدو رفقة هدى مريحين عاصرين على اتاي كيهضرو وضحكتها كتسمع منين ومنين..كاع المواضيع دواو فيهم
كانت قريبة ليه كيوريها تصاورو ملي كيسافر وهي كتشوف مستمتعة باغيا تعرف عليه كثر وكثر..لي شافها ميقولش هي لي كانت رافضة ترتابط بيه ولا حتى تدوي معاه..كل شويا تسولو فين هنا..نتا ومن مشيتي وكيجاوبها حتى هو
هدى:هادي مراا؟؟
عبدو:غتلصقي ليا مونتيف ههههه صاحبة صاحبي
هدى:وزعما نتا معمرك ديتي شي وحدة(بضحكة)غا كر هانياا
عبدو:ههههه دوزي تريحي..اري تيليفونك ياك وريتك
هدى:ههههه كدير ليا يحال دراري الصغار(ستنشقات هواء نقي)عرفتي الجو غزال بزاااف(جرها تكا ليها راسها على كتفو وحتاضنات ذراعو)أحسن مادرتي كنت محتاجة هاد الخريجة معاك
عبدو (قبل راسها من فوق الفولار)عزيز عليك
هدى:(بدون تردد)بزاااف والله..كنحس بيك كتكملني
عبدو:(تبسم)علاش نتي ناقصة؟؟
هدى:لا ماشي هاكاك(كتشوف فاص ليها)كنحس بيك كتفهمني وكتحن عليا بزاااف
عبدو:زعما؟؟وانا راه كيقولو عليا مافياش الحنانة
هدى:كذووب ههههه حنيييين(شابكات يديهم)وبزااف كاع الله يحفظك ليا
تنهد براحة وزير على يديها ..هضرتها ديما كتشفي جروحو لي مدفونة..كتجيه مكتصنعش كتلوح ليه كلشي..والراحة لي كيحس بها معاها راه معمرو حسها من قبل حيت مكيتجبرش يتصنع..خلاها على كتفو ساقلة كتستمتع بالجو معاه حتى مر وقت طويل مسمعش حسها..حنى راسو ليها لقاها غفات نوعا ما..لمس حنوكها بعذوبة ونطق بشويا:هدى
هدى:مممم راني فايقة غي عيييت
عبدو:نوضي دخلي نعسي
هدى:ونتا؟؟
عبدو:باقي شويا انكمي وننعس
هدى:(حكات عينيها)انا عيييت ندخل نتكا شويا
عبدو:نوضي
ناضت كتفوه وكتقاد شالها تحت نظراتو ليها ..مشات لطوموبيل هبطات المراية وبدات كتدير فسيروماتها حتى جابت ليه الضحك..
خلاها على خاطرها ومرة مرة كيشوف تفاصيلها الانثوية بدون تصنع حتى سالات وهي توجه ليه قايلة:غندخل ننعس الى غتنعس خلي مسافة الامان
عبدو:(كينطر من الكارو)كي دايرا هاد المصاحبة لي بلا منقرب هههه راه لي قلت ليه معمري شديت من صاحبتي بوووسة راه غنجيه *******
هزات حجرة زفات عليه بيها ومشات للخيمة كضحك..قادات مخدة وعينيها تعسلو بالنعاس مخافت مقالت غينوض ليا موالو ...كتسمع صوت الليل الهامس بعث فيها الامان وبدات كتغمض عينيها كتقلب على النعاس اما هو راه عاد حلات ليه السهرة..مشا جاب بيرات من طونوبيل مشافتهمش..برم ليه جوان اخر وجلس حاضيها وكيكمي حتى زها على خاطرو...عاد ناض باغي يدخل ينعس حداها
خلى داكشي كيفما هو وناض لاطونط ينعس..البيرات رخاوه..حلها عليها لقاها مكمشة فقنت وتبسم ..حيد سبرديلتو ومشا غسل رجليه هو لول بالما لي جايبين فالطونوبيل عاد رجع..تخشا حتى هو بعيد عليها غي بشويا مخلي مسافة الامان كي قالت هي...دار يديه ورا عنقو وكيخمم..تلفت ليها كيشوفها مرتاحة والشال ملوي فوق راسها..هابط شويا كيبانو زغيبات خفاف..العيا متمكن منو لكن النعاس مزاروش نهائيا بقا مستمتع بشوفتها ..مد يدو شد يديها الصغيورة باسها ورجعها حداها بحال شي نعمة ورجع لتخمامو..خشا يدو فجيبو وجبد خاتم كيلمع مع ظلام الليل فيه حجيرة وحدة وبقا كيشوف فيه وكيتخيل كيفاش ممكن يجي على يديها حتى حس بها تحركات ورجعو لجيبو..حلات عينيها بشويا وقالت ملي شافتو بعيد مقريبش ليها:عبدو
عبدو:مالك
هدى:بغيت نبول
عبدو:(ضحك)نوضي تبولي
هدى:واخا
ناضت على نيتها بغات تخرج وحبسها برجليه:ريحي نمشي معاك واش مكتخافيش
هدى:مناش غنخاف..حيد راه غنطلقها
عبدو:جنية نتي هههه نوضي نمشي معاك
هدى:(خرجات فيه عينيها)ويلي هههههه
عبدو:غنحضييك من بعيد
خرجو عاود بجوج ومشا جاب ليها ورق من الطوموبيل وقال:هاكي
هدى:هههههه عرفتي اش تفكرت..فاش كنت صغيرة كنا كنبولو حدا الواد غي كنبولو كنمسحو غي بالحجرة هههههه
عبدو:(ضربها لراسها)ههههههههههههههه صافي سكتي..سيري تحت ديك الشجرة وبولي
هدى:دور وجهك هههه
عبدو:واخا
بالفعل ضور وجهو ومشات جلسات نيت حتى بالت ومسحات عاد ناضت وقالت:جيب ليا نغسل يدي
عبدو:مريضة نتي ههههه
مشات غسلات يديها وقالت:ياله نعسووو
عبدو:لي سمع نعسو يقول هادي غتنعس معايا
هدى:حلم حلم ههههه
دخلو بجوج تكاو بجوج وهو يقول:قربي راه مناكلش
هدى:هههه شد يديك..الجو زويين بزاااف رتاحيييت عفاك نبقاو نديروها ديما
عبدو:ولفات ليا الغابة هاد الحلوفة هههههه
هدى:(تكات على ظهرها)ههههههه كتعجبني الخضورية
عبدو:الى مخداماش نسافرو مزال
هدى:ياله هاهو غيولفني نسافر معاه..غدا يقوليا نباتو فالاوطيل بعد غدا يقوليا حاجة خرا
جرها من يدها حتى قربها ليه معنفجها وقايل:مال مك منوية هههههه
هدى:(كضرب ليه يديه)حيد يديك لجدك ههههخخه ضسااريتي نتااا(طلقات ضحكة عالية)
جرها كثر لعندو لاحها فحضنو مزير عليها قايل:بخاطرك خليك هاكا ونعسي ولا بزز مغيعرفوش اش وقع حتى متي
هدى:(قرصاتو فذراعو كتنطر حتى بعدات)غنسلخ جدك ههههههه
بقاو هاكاك قولها وضحك عليها حتى تسدو عينيه هو بالعيا والبيرات لعبو عليه..تقلب على كرشو وتنشر حتى ضيق عليها وهي تخاطبو:واا دااك البغل راه ديتي البلاصة كاملة
عبدو:(مغمض عينيه)نعسيي
هدى:(كتنغز فيه من ذراعو)شربتي ياك السكايري؟؟
عبدو:الصمت
هدى:قليل الادب كتشرب ومعاك بنت
عبدو :الصمت
طلات عليه لقاتو ناعس وهي تقول:عطيني حتى انا نشرب هههههه
عبدو:(هز يديه حتى هبط عليها لذراعها)نعسييي لنوض نضربك
عيباتو وتكات على جنبها مقابلة معاه هو لي مغمض عينيه ياغي ينعس حاضيااه مبسمة بحالا ساحر ليها حتى نعسات حتى هي براااحة فانتظار يوم جديد فقصتها مع "عبدو
شرقات شميسة دافية دفات بيها الارض وعلنات على نهار جديد..غي هوما بجوج والعافية لي طفات ولات رماد..حل عينيه هو لول عاقدهم راسو كيزدح عليه ضور عينيه لقاها عاطياه بالظهر مكمشة والشال طايح ليها على راسها ملوي على عنقها..حك عينيه وتفوه..عاد حقق فيها مزيان ..قرب ومد يدو بشويا لشعرها لمسو بحب وطل عليها بحالا باغي يشوفها كي كتبان ليه عاود بلا فولار..مد يدو قاس وذنيها فين دايرا كثر من حلقة عاطي رونق خاص..وأحى منظر عندو هو يحل عينيه عليها ناشرة عليه زينها الطبيعي
حط يدو على ذراعها وضورها لعندو باغي يستمتع بشوفتها أكثر واكثر..عارف راسو كيخون رغبتها وكيقتاحم حرمة أنها كترفض يشوفها بلا فولار لكن تبع شيطانو لي قاليه تمتع بشوفتها هاكا هادئة ومكتهضرش باش متفيقوش من تمعنو فيها
دوز صباعو على حنوكها وعيونو مكمشيين حاضيين ليها غي خصلات شعرها..محس براسو غي وهو كيمرر يديه على شعرها باغي يتحسس معدنو..يشوفو واش رطب ولا حرش..لمهم عندو يقيسو..فداخلو راه مكرهش يقيس كل طرف منها..ويقتاحم انوثثها لكن كل مرة كتصدو كتخليه غارق فالصبر من جهتها..ماشي حفاظا عليها للحلال انما فقط باش متقلقش عليه
دوز صباعو على شفايفها ودازو فبالو تصورات كثيرة منهم التخيل لي تخيلو وهو معاها فالطونوبيل ولي ياقي كيحسو حقيقة..
مع حركاتو فوجهها تعنكشات فنعاسها وبدات كتعلن على استيقاظها بيديها لي كتحركهم..بعد فورا وخرج من لاطونت مجاتش فين تحلهم مزيان حتى كان هو برا مباغيهاش تنكر عليه...اما هي غي شافت محداها حد وهي تعجز وقادات شالها بزربة وخرجات تبعاتو قايلة:صباح النور
تلفت ليها وقال مبسم:صباح الخير(توجه جيهتها)رتاحيتي
هدى:(ضحكات ليه)وا نتا خليتنا نعسو..شديتي البلاصة كاملو
عبدو:راه قلت ليك.صغيرة هههه..ياله نجمعو هادشي ونمشيو نفطرو
هدى:واخا ههه مسخيتش
عبدو:بيا ولا بالغابة
هدى:بجوج
مشات كتجمع هي وياه ويرحعو كل حاجة بلاصتها عاد عطاها تغسل وجهها وسنانها ..وقال:واش نتي جايبة معاك سونطر ديال هادشي
هدى:وشنو نبقا بلاش
عبدو:لالا غا تهلاي ليا فالحالة
حتى هو غسل عاد.طلعات حداه وشدو الطريق لكازا بعد أمسية زوينة ومريحة ليهم بجوج..فطرو فاحد المطاعم ورجعها فحالها
هدى:شحال غتجلس
عبدو:مزال مطول
هدى:غنتشاوفو
عبدو:ضروري..متخرجيش حتى نجي عندك
هدى:علاش؟؟
عبدو:هاكاك..نقصي شويا الخروج معندك أصلا فين تخرجي
هدى:واخا نتسنا سيادتك حتى تجي وتخرجني هههه سير سير
هبطات مخلياه كيحرك راسو ومشا فاتجاه دارهم يشوف باه وختو ومو عالله تقبل تشوفو
******
مرت أيام وهو كل نهار معاها..كيخرجو كل نهار ومتشوفو ديما ولى مشكل جزء من يومها..حتى السهير مكيمشيش يسهر باش يخرج هو وياها فالنهار..مسافر مدار والو مقابلها غي هي وهي نفسها كذلك
حتى قرب عاشوراء عاد سافر مع صحابو لاكادير فاش رجعات لخدمتها وستأنفات عملها..مخلياه حتى هو يفوج ولكن داير ليها الحصار
هدى:(مدوزة ابيل لغزلان)وا صاحبتي خرجي بكري نمشيو غي نتقداو باروك عيشور
غزلان:ضروري..خاصاني شحال من حاجة
هدى:صافي غي تخرجي صوني ليا
قطعات معاها ورجعات لخدمتها حتى رن ليها عبدو:الو
هدى:الحب ديالي
عبدو:فين كاينة؟؟
هدى:فالخدمة ونتا؟؟
عبدو:ريحنا نشربو شي حاجة
هدى:بالصحة..فوجتي شويا
عبدو:خصيتيني نتي أهدى
هدى:(طانزة)ديك ساعة ديني معاك ههههه
عبدو:كون غتبغي منخليو حتى بلاصة
هدى:اوا ماعندك زهر ههههه
عبدو:شريت ليك واحد اللبسة زوينة
هدى (بدلع)ياختي على الزين لي شرا ليا لبسة زوينة..اش شريتي ليا الميكروب
عبدو:هههه حتى تشوفيها وغتشديها
هدى:فيد الله هههه
عبدو:غنمشي الدراري كيعيطو ليا
هدى:سير ههههه
عبدو:سالي خدمتك ووصلي دارك
قطعات عليه ملات من ديما نفس الموال..حتى سالات وصونات ليها غزلان..دارو يتلاقاو فدرب السلطان وفعلا خلات للمحل للبنت ومشات تلاقاتها ومعروف أيام العواشر كتكون القضية مزوهرة فالزنقة..منيما دزتي كتلقاي الطعارج والحوايج والالعاب لدراري الصغار
غزلان:شوفي انا غنشري طعريجة
هدى:على صغرك ههههه
غزلان:اختي الباروك
وقفو عند واحد كيبيع الطعارج وكيبرح بيهم ..هزات غزلان وحدة جرباتها وقالت:زييينة؟؟
هدى:لالا هههه(هزات وحدة خرا جرباتها)هادي.مزيانة(ضربات فيها)زوينة
كانت مرا حداهم كتقلب حتى هي وجربات الطعريجة وقالت:ديال شي طرح ههههه
هدى:(شدات طعريجة غزلان)سيري اخالتي نجربوهم
وبالفعل دقة من هنا ودقة من لهيه حتى لفتو الانظار وناضو البنات كيضربو معاهم بالطعارج..لقاها مولاهم من الجنة والناس دارو ليه الرواج وهدى عطيها بندير ولا طعريجة ورجع لور ..مع شداتها دقة وحدة بقات كضرب وتخلف ليها المرا والبنات كيضربو...المغاربة غي كيشوفو اللعب والصداع والهرج كيتجمعو وبالفعل دارت جوقة ومع العواشر جلسات كضرب وتكرح حتى تطلق ليها الحلوق وبدات كتغني وتضرب ويرددو معاها منشطة ليهم الحلقة مفوجة على راسها ولي مرداتش ليه البال هو بنادم جابد تيليفوناتو ها لي كيصور ها لي دايرين لايف كاع وهي مرداتش البال حيت كانت منغامسة فاللعب حتى سالات وبردات هوايشها..خلصو الطعريجة ومشا كيموتو بالضحك وكتقاد ففولارها مفوجة نييييت
تقداو شنو خصهم ورجعو للدار بعد ساعتين من الضوران فحين فيديو ديالها دار بوووم فمواقع التواصل الاجتماعي كل واحد وشنو كيكتب"شاهد اجواء عاشوراء فالبيضاء"
"مغربية في أحد احياء الدار البيضاء تشعل مواقع التواصل"
الانترنيب
سيف ذو حدين ..بقدر ماهو فيه ايجابيات بقدر ما سلبياتو كثار ومن يينهم انتشار الشوهة بطريقة سريعة..ولاو الناس كيكونو غي جالسين كيلقاو راسهم تنشرو فمواقع التواصل الاجتماعي بعناوين مختالفة وقصص مختالفة كلها وكيفاش كيرويها بطريقتو مع شويا تاللمسات ..كل واحد وشنو كيزيد
وهذا تماما لي وقع لهدى لي غي بغات تنشط حتى لتاقطوها كاميرات ومعطلوهاش باش ينشروها على المواقع وحيت حنا شعب كيموت على البارطاج راه تبارطاجات فجميع المواقع وبزاف تالصفحات حطوها واراك للتعاليق
"مشروع شيخة جديد"
"اكرام العبدية فيرسيون حجاب"
وغيرها من التعاليق لي فيهم زوينة ولي خايبة..اما هي راه مفراسها والو حتى دخلات لدارها وبدات كتخلص من حوايجها ناشطة حيت فوجات شويا حتى كيرن تيليفونها بنمرة احمد
هدى:خويا
أحمد:اش هادشي أ هدى؟؟أش هاد الفضيحة
هدى:مفهمتش
احمد:اش ديك الشوهة؟؟فين مشيتي كتغني؟؟
هدى:كيفاش؟؟احمد راني مفاهمة والو
أحمد:دخلي دخلي لواتساب نصيفت ليك شوهتك
قطعات ودخلات نيشان لعندو مصيفت ليها لياان دخلات ليه حتى كتصدم وعينيها خارجييين من هول الفضيحة..فيديو ديالها واضح وهي كتغني وتضرب ويزاف تالعيالات معاها كيضربو يعني ماشي بوحدها لي تضرب بيها الطر انما حتى لي معاها لكن هي كانت سيدة الفيديو
حطات يديها على فمها من الصدمة وكتفرج وتعاود وتعاود مصدوومة..كتقرا التعاليق كتلقا غي التعاليق المكبوثة كل واحد وشنو كاتب ..ها لي عجبو ضريبها وحلقها ها لي كيشجعها ها ليكيتزلل عليها..
بالصدمة جلسات فطرف السرير كتحاول تستوعب ويديها كيدوزو نمرة خوها لي جاوب فالحين
احمد:شفتي؟؟
هدى:انا والله ماشفت شكون كيصور انا راني كنت غي ضاحكة وكنضرب
أحمد:واش نتي حمقة ولا كتحماقي علي.؟كاين شي حد كيدير هادشي..راه الوقت تخلطااات(بالغوات)فين غادية بهاد الفعايل زعما راك بعقلك
هدى:(عينيها تضببو)علاش كتغوت علي؟؟مالي انا لي بغيييت نتشوه..اش كنت كنديركاع؟؟وباش غنعرف راه صورووني (يدات كتبكي)هءهءهءهءهذهءهء
احمد:سدي فمك دابا ..نشوفو كي يديرو يمسحو هاد الزبل
قطع عليها مغدد مخليها كتفرج فالفيديو وتعاود وبالضبط فأغنية"الرويجل"
طاح فبالها عبدو وهي تصوني ليه باغيا تشكي عليه صونات جوج مرات ومكيجاوبش وحطاتو كتمشي وتجي متوترة عاد صونات لختها عاودات ليها وجلسات متسمعها الهضرة وعلاش درتي ومالك فيه..والفيديو غادي وكيتنتاشر وكاع لي معاها فالفيديو تضرب بيهم الطر معاها
ولى الانسان كيمشي لاعراس كيشطح عادي حتى كيلقا راسو فشي منبر اعلامي مدورين بيه البوز ومع شعبنا كيستر مكاين غي البارطاج...بزاف تالناس حياتهم دمرات بسباب هاد الفيديوات..كاينة لي طلقها راجلها ..وكاينة لي كرفصوها خوتها والوقت لي خص تحضر فيه كاميرا فعلا مكاينش..الوقت فين كتكون الشفرة والاغتصاب والق. ت. ل مكتجبدش كاميرا حيت كلشي كيخاف لكن فالوقت لي فيه غي النشاط وشي موقف محرج كيتجبدو الكاميرات
"أكادير"
كان عبدو مريح كيتكيف مع صحابو كيتسناو واحد فيهم يخرج خلاص باش يمشيو يسهرو حتى وقف عليه عمر قايل:عبدو وقع بلان
عبدو:اش طاري
عمر:اجي معايا
ناض معاه لبيت اخر سدو ولاخر كيتسناه يشوف اش غيعطيه..حتى جبد التيلي قايل:متزربش..شوف راه غي بغاو يشوهوها
عبدو:شكون؟؟(مد يديه)أرا ليا نشووف
مد ليه التيلي فالفيديو نيشان ...ركز عينيه فيه ونيشان قشعها هي بطعريجتها كتغني "مكاين شاي الرويجل حزق وزاد خلى الولاد..خلى المرا فيها ضبرا"
تفرج وعاود مرارا وتكرار حتى عروق راسو تطراساو ويديه زيرو على التيلي ..فوجهو مكتقرا والو لكن فالداخل كان بركان سريع الانفجاااار
تحت نظرات عمر لي كيتسنا ردة فعلو بحكم عارفو عصبي وختار هو لي يقولها ليه حسن مايكتاشفها راسو ويكونو العواقب وخيمة..وبدون مايتوقعها منو تهز داك التيلي وتردخ مع الحيط بصمت مهضرش حدو ردخو حتى جا مشخشخ نصو مع الارض..
عمر:برد أصاحبي هادشي لي مابغيناش
داز فيه وخرج كي الثور..يديه مرعدين ولى حمر وصدرو كيتهز ويتحط..تابعو كيعيط ليه ومهضروووش غي ساااكت..هبط خدا طوموبيلتو وكسيرا بجهد والوجهة الدار البيضاء
عافط عفطة وحدة ويديه مزيرين على لفولون باغي غي امتا يوصل..رن هاتفو كتبان ليه نمرتها..سكتو مجاوبش ودوز الابيل وراها لعمو وعينيه فيهم غي هدى
أما هي عيات تصوني ليه مجاوبهاش وهي تصوني لغزلان كتشكي عليها وتبكي خايفة بزااف من التسريب لي وقع ومتوقعاتوش نهائيا ولوخرا كتهدن فيها...مرت ساعة ونصف بدا تيلي ديالها كيصوني بنوامر مكتعرفهمش..غي كتشد الخط كتسمع:معانا الاخت هدى
هدى:وي شكون معايا
...:معاك معاذ من شوف تيلفي بغينا..
قطعات عليه مصدومة عرفات راسها دارت البوز بفيديوها خاصة كانت كضرب بطريقة محتارفة وعندها خامة صوتية ديال الشياخ القدام ...لاحت تيلي دايرا ليه صيلونص وجلسات كتحسر فهاد المصيبة لي وقعات فيها راسها
الوقت كيمر والفيديو كيتنتاشر بسرعة خاصة انه جا مع أيام عاشوراء يعني خص غي فين يتفرج بنادم..وهدى كل مرة تدخل لفيسبوك كتلقا باج ناشراه وهازاه..والتعاليق كتمرض واخا اغلبية ديالها كانو ايجابيين حيت كتعرف تضرب لكن هي ماشي من النوع لي كيقلب على لبوز او الشهرة..
ندمات أشد الندم انها زعمات تضحك حيت هجروه ليها نيت..تناص الليل تقريبا الحداش ديال الليل..كتسمع الصونيت فبابها..ناضت دايرا فولارها ببيجامة بيتية عادية..حلات الباب باش تفاجأ بعبدو واقف بشورط وتيشورت مخنزر ووجهو مكيبشرش بالخير جاي طاحن للطرييق حارق رادارت وممسوقش خصو غي يوصل عندها
هدى:(تصدمات)عبدو؟؟
كي شافها الجنون طلعو ليه وجلسو فوق راسو..مهضرهاش دخل وردخ الباب دافعها وهي تقول:ياك لبااس؟؟
شاف فيها مغدد وحجبانو معقودين وقال:أش قلت انا؟؟
هدى:(عرفاتو غيكون شاف الفيديو)واش نتا غي وقتما وقع شي مشكل تجي ليا لداري..
عبدو:(قرب ليها علاي ينطحها)اش قلت أنااااا(بالغوااات)أنا أش قلت؟؟؟
هدى:علاش كتغووووت(دفعاتو عليها حيت كان قريب)
كاع السكات لي سكتو فالطريق وكيتكردد غي بوحدة فالطريق طلقو ليها فوجهها بالغوات:كنغوت لدلمك حيت قلت ليك كملي خدمتك وقااااوديلداااارك...حيت قلت ليك سيري للدار ونتي أش درتييي(قرب ليها شدها من ذراعها مزير عليها)أش درتي؟؟مشيتي هازا ليا الطعريجة كتغني ليا فوسط درب السلطان وفينما كان شي قواااد سمع حلوووقك..فينما كان شي حيواااان تفرج فيييييك الشييييخة(كيزير على ذراعها قرب يهرسها)ملييي كنهضر انا وكنوصي كتيقاي علي نتا مريييض نتااا خصك تعاااالج ....هااا علاااش كنهضررررررر(دفعها حتى لصقات مع الحيط)
هدى:(معجباتهاش معاملتوو)متحططططش علي يديييك ..ماشي شغلك فياات..خاطبني ولا ضارب بيا خط زناتي باش تجي تحاسب معااايااا
عبدو:(كيقرب ليها مغدد)واااش عارفا راسك اش دايرا؟؟مريح انا مع كري كيجي بنادم اجي تشوووف صاحبتك اش دايرااا
هدى:(شدات يديها حيت ضراتها)واش انا عارفا غيصوروني راه غي بغيييت نشط وصافي
عبدو:(صعر وبدا كيغوت)تنشطيي؟؟نشطييي فدارك نشطييي معاياا ماشي تنوضي تهزيي طعريجة وسط أمة محمد خصهم غي مايشدوووو(كيقرب باغي ياكلها )فينما كان شي ولد القحبة قيم عليييك ها لي عجبو الصوووت ها لي عجبتيه نتيييي...غيكونو العرارم جااابووووه بصووووتك(ضرب الحيط وراااهاا مرارا وتكرارا)وجايا كتقولي ليا باغيا ننشط
هدى:(حيدات من حداه)هاد العقلية المسخة ديالك خليها عندك انا ماشي خااانزة ..وماشي ذنبي الى شي حد صورنيييي ومتبقااااش تقوليا هاد الهضرة المسخة ديااااالك
عبدو:عاجيك الحال ياااك؟؟مفرحك تشوفي ولاد القحاب كيتعنبوو عليك ...نص فشعرك كيباااااان(شد ليها فالفولار)لاش دايرااااه أصلا الى. كنت غتشيخي فالزنقة؟؟ولا حجابي عفتي غي عليي..متشوفنيش بلا فولار متقربش لياااا وفلخر الامة كتفرج فيك..مكاينش شي عروووبي مغيقيمش. عليييك(شدها من عنقها)
هدى:وااااطلق منيييييييي ...خرج عليا فحالك من داري...المسخيين بحالك لي كيفكرو هاكا
بقا كيشووف فيها مرعد وكيعض على فموو كيشوف قسوحية وجهها ومخرجة فيه عيينها ..خرج لسانو بتوتر ويديه تهزات محسات غي بصفعة جاتها لوجهها حتى طاحت للارض وتسمعات فوذنيهم بجوج صلااااي
كتحس براسها مليوحة فالارض ووجها جمد عليها بالدقة لي عطاها..عقلها مباغيش يستوعب بلي راه صرفقها..عبدو ليكيخاف عليها من نسمة الهوا صرفقها وللاسف متوقفش الامر هنا..تحنى لعندها شدها من شالها نحاه ليها وشدها من شعرها وبدا كيعرعر:القفوزية والغوات غي معايا والنشاط فدرب السلطان...
هدى:(عضاتو فيديه وطلقات حلوقها)وااابعددد منيييي..مضربنييييش بعد منيييييييي اعععععع(كتغوت)
غي شافها كتغوت شعلو فيه عشرة..زادها تصرفيقة خرا بحر جهدو حتى دوخها وزادها الثالثة لجهة الاخرى ختمها بدقة بلور تيديه لنيفها خلات الدم يسيل دقة وحدة وسط غواتها ..كتبغي غي توقف وتضرب حتى هي كيشد ليها يديها لكن حلوقها محبسووش..كتغوت لربي لي خلقها باغا تفك منو حيت عصر عليها..
ضخم ويديه خباطات مغتقشرش معاه شي حاجة..كتدفع بيديها وتضرب ليه فذراعو لكن ولاو فيه عشرة خاصة انه كتراد معاه
هدى:حيوااان بعد.منيييي(الدم سايل من نيفها)عتقووووونيييي اعععععع(كتكحب)
صعر عبدو وهزيتي واحد وحطيتي لاخر..عبدو لي كان تيخاف عليها ومكيبغيهاش تقلق ليه مبقاش بان عبدو بصورة الرجل الشرقي لي ضرباتو النفس عليها ولي تخيل شلا تخيلات ...ها واحد كيتلذذ عليها..ولاخر كيتمتع بشوفتها..هو أصلا الزنقة كون لقى متخرجش حيت دماغو كانسان مشكاك كيبقا يقول مع راسو
"هذا شاف رجليها"
هذا شاف عينيها وهذا غيشوف يديها وهذا يقدر يقشع شي حاجة من لباسها وكيزيد يتنوا كثر..
محس براسو غي وهو كيضرب فيها بيديه يجوج فلول كانو غي تصرفيقات من بعد ولى كيعطيها فلكمات فينما جاو يا كرشها يا يديها يا ظهرها اما شعرها راه قرب يطيرو من الجذر...فالاول كانت كتقاوم وكتغوت باغيا تهرب لكن من بعد ولات كتغوت وتطلب فيه
هدى:عبدووو لالالالا هءهءهذهذهذ لالاات بعد مني هءهءهءه عبدووو عفاااك مضربنيش هءهءهءهءهء
تفكات منو وهربات كتغوت باغيا تخرج ساعا شدها من شعرها جارها عندو كينهج:أش قلت؟؟أش قلت لدلمك متخرجييييش علاش كديري العكس تهضرتي؟؟اش قلت
هدى:(كتبكي ووجها مجلخ)عفاااك طلق مني هءهءهء حرااام عليييك
طلق منها من الشعر وجرها لبيتها كتبكي لاحها تما وزادها تصرفيقة خراا وغوتات بجهد باغيا تهرب منو حيت بصريح العبارة ولى وحش ومبقاتش عارفاه
تلاح عاود شدها من ذراعها قايل:ملي نهضر ديري هضرتي..كتعرفي نتي حنس الرجال؟؟
)صرفقها)غتعرفي ولاد القحاب حسن منييي..كنعيا نوصي فيييك ونهضر معاك ونتي باغيا تفرعني حسابني بعقلك ساااعا غا كتبرهشي
هدى:(كتغوت)الله يعطيييك موووصيبة هءهذهذهذ انا لي قحبة مدخلة واحد بحالك مريض لحياتي هءهءهءهء واحد بحالك بلاصتو السبيطار
عبدو:انا هو لي كاين ليك وانا معامن غتبقااااي وانا لي غنربيييك حتى تولي بناااادم
سكتات كتبكي مقادراش تغوت حيت سلخها مزيان..جاها انهيار عصبي بكثرة الغوات والسليخ كترعد وتبكي تتشهق وهو محاسش نهائيا..وقف عند راسها كينهج ويديه كيترعدووو عليه كتبان ليه عينيها كيتسدو وشبه مغيبة غي فمها لي كيشهق...
رجع لور ماسح على وجهو وجبد كارو من جيبو شعلو كيترعد ويمشي ويجي كينكر عليها:مزيان انا نسافر من هنا وهي تمشي تشيخ من هنا..وا سير نتا ديرها فبالك
كما الكارو مرعد ولاحو فالارض شاتف عليه ..زفر بعصبية وخرج فحالو مخليها العظم الصحيح ماعندهاش معرفاتش واش تفدعات من شي قنت ولا راسها مشخشخ حيت جميع انواع العصا لي مكلاتوش فحياتها كلاتو اليوم
حلات عينيها بشويا كتحس بيها منفوخة شويا والدم من نيفها محبسش كتسمع غي الصقيل وحسات بيه خرج فحالو وفديك اللحظة بالضبط كتسمع فقلبها تهرس بسبب الراجل لي حبات
"لكنك ارتضيت لي الاذى وانا الذي كنت احسبك أرق على قلبي مني"
الفراغ..الحكرة..الصدمة..والندم هوما باش كتحس هدى لي بقات بلاصتها فسريرها فين خلاها كتنين بالصداع لي فيها..كان يومها عادي حتى تقلب فرمشة عيين بسبب انسان قاليه راسو صور ولوح...كانت عادي حتى جا الشخص لي حطاتو فمرتبة عالية وفرمشة عيين هبطها حتى التحت وشتف عليها
لي مارس عليها عبدو ماشي غي عنف جسدي انما نفسي ..ضرب فالمشاعر ديالها وفنفسيتها وفقلبها ومحنش لدرجة معرفاتوش واش هو عبدو نييت لي كتعرف ولا شي حد اخر
فاش كتكوني حاطة انسان فمرتبة عالية وهو اخر واحد كتوقعي منو انه يضرك وكيجي وكيضرك راه كيخصك تكوني تخوطرتي فدماغك..هدى حطاتو فقلبها وعطاتو حيز فحياتها حتى كسرها
نفس الاحساس لي جاها فاش خسرات بنتها..كيهبط عليها الهدوء ودماغها كيتخربق وكتولي غي كتشوف..بقات مدة طويلة وهي كتشوف فالسقف كتحاول تستوعب اش وقع ليها وصوت مشتها مسموع منين ومنين حيت بقاات فالبيت مسدود عليها فلحظة ناضت بشويا عليها وتوجهات لاقرب مراية..كتشوف شعرها منتوف ونيفها سايل بالدم لي يبس وعينيها تنفخات ليها بلا الالم لي فذاتها من حر الدق لي عطاها
بقات مدة كتشوووف بصمت والدموع هابطييين من عينيها حتى بداو ملامح وجهها كيخسرو كإعلان على بكائها..بدات كتبكي بصوت مسموع ومرتافع وكتغوت وتنتف فراسها وتعض فيديها بهستيرية..حسات بالحكرة ومن شكون؟؟من عبدو
بكاات الليل كامل مسكتاتش من النحيط حتى الفجر عاد توقفات مكمشة فذاتها كي الجنين ومنشورة فالارض بحالا حمقة...والتيلي محبسش من الرنات
كتسمع اذان الفجر وعينيها محلولين كيشوفو فقنت ديال الباب بدون ماترمش والدمعة واحلة فعينيها..ناضت بحالا قرصها شي حد..هزات تيلي وصورات ذااتها كاملة..حيدات حوايحها وصورات شنو دار فيها مخلات حتى تفصيل وفداخلها بدات كتغلي وكتسمم حالفة ترد ليه دقتها وفعلتو وكيف دخل عبدو لحياتها نهار اللول غتخرجو
مشات حلات للمشة وهزاتها عندها معنقاها كتشكي عليها كي الحمقة والسقيل فالدار باعث فيها الرعب خايفاه يرجع يكمل شنو بقا..الى كيشوفها شي حد من بعيد غيحسابو غي تسطات ...كدوز على المشيشة بيديها وكتهضر غي راسها:درتو لفوق وحطني عند رجليييه..حنييت وتمحنت ..وهادي ضريبة لي غثيق فولد المرا
صبرات حتى بان الضو ديال الله ووصلات التسعود وناضت بهدوء عكس البركان لي فداخلها..حطات للمشة الماكلة ومشات كتلبس عليها عباية وفولار وخرجات هازا التيلي ولبزطام دايرا نظارات شمسية عند أقرب طبيب حشمانة من وجهها لي مغسلاتو مقربات ليه خلاتو كيفما هو حتى دخلات عند الطبيب وطلبات شهادة طبية ديال الاعتداء..صواناو ليها عندو وعطاها شهادة طبية خانزة مغرق فيها ليه حيت شاف فيها بطريقة انسانية..ورجليها قادوها لاقرب كوميسارية ...كي وقفات قدامها بقات كتشوف فيها شحال وتفكرات بلي هنا فين تلاقاتو وهنا فين غتساليها ليه
دخلات نيشان وطلبات دير محضر دخلوها عند البوليسي كي جلسات وهو ينطق:اش وقع؟
حيدات نظاظرها وبانو الكدمات فوجهها:تعدا علي واحد السيد
البوليسي:اش وقع؟؟هو لي ضربك
هدى:اه(ببرود كتشوف فاص ليها)تهجم علي لداري وضربني
البوليسي:مكتعرفيهش؟؟
هدى:كنعرفو..باغي يتصاحب معايا بزز..وكيبقا يتعرض ليا وكيبغي يهضر معايا بزز ملي مبغيتش جا ليا لداري وتهجم علي وضربني
البوليسي:عندك الشهود؟؟
هدى؛(جبدات الشهادات الطبيبة)ها سيختيف..والشهود.مكان حد حيت جا لداري بليل..مكنعرفوووش هو لي لاصقني صحاا وتكرفص ليا على صحتي
حنشات ليه مزيااان ونكراتو باش تغرق ليه حيت عقلها تمسح ومبقاش كيبان ليها نهائيا كعبدو ولى كيبان كوحش..نكرات علاقتها بيه وعطاتهم سميتو وكنيتو واي حاجة غتخصو ..غرقات ليه وضرباتها ليه بنكرة خطيرة عاد مشات لدارها معولة تجمع قشها وتبات ماتصبح...كي دخلات مشات نيشان والدموع فعينيها كيتساقطو بغزارة بلا صدرها لي كيطلع ويهبط بالخلعة والصدمة..هاتفها ماحبسش من الرنين ومكتجاوب حد
جمعات حوايجها فشانطة وبدات كتجمع فالاثاث يدون ماتوقف والسخفة شاداها حيت مواكلة والو والمشة كضور حداها
صونات للسيد لي كان جاب ليها الرحيل نهار اللول وعلماتو بلي باغيا ترحل اليوم الموالي..وضلات فالجميع جمعات كلشي النهار كامل مخلات والو ولدموع محبسوووش من عينيها كل ما كتفكر كيفاش ضربها كتشدها البكية وتجلس تنخصص على حياتها وعمرها وكل مدازت من حدا المراية كتشوف الكدمات وكتزيد تأزم
باتت ديك الليلة حاضنة راسها وطافيا التيليفون مكتجاوب حد ومدخلاتش تشوف حتى شنو وقع فالفيديو حتى غفات كتسنط لعظامها لي عاطينها الحريق حتى صبح الصباح وعبدو مسولش فيها مجاش عندها..
ومع العشرة تصباح كانت لابسة حوايجها بعدما صونا ليها السيد وقالت ليه طلع باش يهز الرحيل...وبدا كينزل شويا بشويا وهي كتحط ليه الاغراض لوخرين
عمر:(فدار صفية)خالتي واش شي حد غيرحل؟؟
صفية:امتا رجعتي نتا؟؟
عمر:البارح فليل..واش غيرحل شي حد
صفية:لا
عمر:شي حد.كيهبط الرحيل
خرجو بجوج وتلاقو مع السيد والمتعلم كينزلو الاثاث وهو يسولو عمر:خويا ديالمن هادشي
..:واحد السيدة لفوق
صفية:هدى؟؟
عمر:انا نشوف
طلعات هي وياه كيشوفو فعلا الاثاث خارج من عندها..ناداتها صفية مرة وجوج عاد خرجات ليهم بوجهها لدرجة خرجو عينهم من الخريطة لي دار ليها
صفية:مالك ابنتي؟؟(كتقيس فيها)
هدى؛(ببرود شافت فعمر)ها عمر يعاود ليك
عمر:(باسف)هو لي دار ليك هاكا؟؟
صفية:(بخوف)شكون؟؟اش وقع ليك ابنتي
هدى:(حيدات ليها يديها)صاحب عمر لي ضربني
عمر:(مسح على وجهو)اش درتي اش درتي أعبدوو؟؟
هدى:مدار والو غي جا تهجم علي لداري وضربني وسلخني وحتى قرد من الجيران ماعتقني واخة كنت كنغوت...نهار جا كيغوت هنا سمعوه وملي ميضرب فيها حتى واحد مجااا(بداو دموعها كيطيحو)علاين يقتلني وحتى واحد معتقنييي ودابا عفااك خرجوووو علي من هنا نهز حوايحي وربحو بهاد الداار وهاد الدنياااا(كدفع فيهم)خرجوووووو علي هءهءهءهءهءهءه خرجوووووووووووو(كتغوت)هخرجووزززوز خرجوووووو(كتبكي وتدفع فيهم)الله ياخد فيكم الحق بجوج هءهءهءهءهء كلكم الله ياخد فيكم الحق حتى حد مافكنييي
دفعاتهم بحر جهدها وكتغوت حتى طاحت على وقفتها كتبكي وتغوووون وتنتف فراسها بطريقة هستيرية ..شدها عمر حيت بدات كضرب فراسها معاوناه صفية مأسفيين على حالتها..فحين السيد لي مكلف بالرحيل غيكيشوف
جابو لما رشووها بيه وكيشمشمو ليها الريحة والبعض من الجيران خرجو وهي عاد.مكتزيد تغوت وتبكييي بصوت مسموع خلات عمر يجهل على عبدو...خلاها فيد صفية وهبط لتحت كيدوز الاتصال لعبدو مغدد ويعد رنات جا صوتو قايل:الوو
عمر:اش ديك الحالة يا ولد القحبة داير فالبنت؟؟واش جهلتي؟؟مالك مراجلش
عبدو:ديها فكرك والى جات شكات عليك انا نتوالاها
عمر:واش عارف كي رديتها؟؟الينت راه طايحة وكتغوت كتهز حوايجها راحلة
عبدو:(نتافض)شدها متخليهااااش تمشيي أنا جااااي
هدى:(كتسمح دموعها)عفاك اسيدي هادشي كولو ل ***** غنعطيك نمرة السيد غيحل ليك كاراج حط فيه كلشي
صفية:(عينيها مدمعين)بنتي نعلي الشيطان
هدى:(كتحط ليه الكوارطن ويديها عاطياها الصداع ممدياهاش فيها لكن عيونها كيقطرو)خرجي عفاااك الحاجة
صفية:مديريش فراسك هاكا ابنتي...خليني انا نقولها لموو
هدى:منو لله وللمخزن
مهضراتش باقي غي كتحط للسيد شنو يهز وكيهبط..وفلتحت كانت طوموبيلتو وقفات بجهد حدا عمر لي كيتفرج فالمسرحية لي على وشك انها تنتهي..زطم فكارو ومشا ليه مخنزر:محرامش عليك داكشي لي درتي فالبنت..تبغيييه لختك
عبدو:حيد من طريقي
عمر:نتا لي غتحيد من طريقي
داز فيه وطلع فالدروج بلاصة درجة كيدير جوج ثلاثة..قلبو كيضرب باغي غي يوصلها دغيا وقلبو كيضرب خايف يلقاها زادت حيت عارف راسها قاسح..
مع وصل للطابق كيبان ليه الرحيل حدا دارها وكيسمع صوت صفية كدوي معاها..عقد سبعة فربعة كثر ماهيا معقودة ودخل مدرم كيشوف جسدها كيحط فكراطن عاطياه بالظهر وهو ينطق بصوت غليض بعث فسائر جسدها جميع انواع الخوف..شافت فاص ليها ووذنيها كيلقطو مخارج حروف كلمة نطق بها:هدى
فديك اللحظة بالضبط كرهات سميتها من فمو وعافتها..جمعات شجاعتها وتلفتات ليه بوجه كولو كدمات فالازرق والاخضر بالاضافة لجرحة ليحدا حاجبها..نوعا ما تصدم حيت مستوعب بلي ضربها ومستوعب بلي قاسها مي مبقاش عاقل واش ضربها بديك الطريقة
بانت على وجهو الصدمة لدرجة مسح على وجهو ممصدقش وهي تنطق صفية بغصب:أش هادشي اعبد الدائم ...أش هاد الشوهة
عبدو:الحاجة خليني معاها
هدى:(بحقد)والله ومتخرج من هنا حتى نقتلك ومنحنش فييييك
عبدو:(كيقرب)خليني معاها(كيشوف فوجهها)
هدى:(باستفزاز)خرجي الحاجة خليييه راه بقا ليه شي شغل مداروش..باقي مربطنيش وسلخني كثر
عبدو:(مسح على وجهو)اجي عندي نهضر معاك
هدى:(لاحت شنو فيديها)نجي نجي(باستهزاء والدموع فعينيها)نجي عندك دير فيا ماكثر وضربني كثرر
تعصر قلبو من شنو شاف قدامو مظنش راه وصلها لديك الدرجة خاصة فاش شاف فيها الخوف من جهتو..ياله يغا يهضر وهي تقاطعو:نجي عندك أ عبدو ياش تكمل ليا شنو درتييي...
عبدو:سمحي ليااا (كيقرب )كنت معصب
هدى (طاحو دموعها)لا نتا لي سمح لياا...سمح ليا بزااف حيت دخلتك لحياتي وحيت درت معاك لي معمري درتووحيت حنيييت ليك الراااس وحيت ثقت فيك وحيت نويت معاك المعقووول...سمح ليا حيت صبرت ليك(طاحو دموعها كثر وزلقات ليها شهقة)حيت صبرت لتعاملك وحيت رخصتيني وصبرت وحيت مكنتش معاك بنت القحبة كيف الخانزاااات لي موالف....سمح ليا حيت عطيتك فرصة تضربني وتديرني تحت الصباط...ومن هادشي كامل سمح ليا حيت كنت حمارة وبغييييتك من نيتي وشديت معاك الطرييييق
كيشوف فيها كيفاش كترعد وكيفاش كتبكي وصلات ليه بانه حكرها لكن فاش نطقات ديك بغيتك تعصر خاطرو عليها وكره راسو انه دار فيها هاكاك...هو انسان عصبي لاقصى حدود الى شفتي كيضحك تقول هذا مكيتعصبش لكن أعصابو على المحك دغيا يتقلب وميعقلش اش كان كيدير نهائيا
عبدو:هدى...خلينا نهضرو عفاااك(كل مرة شاف وجهها كيتفقص)مقصدتش نضربك هاكاك
هدى:حتى انا مقصدتش نهار اللول ندخلك لحياتي..حتى انا كان علي نضرب عليك النهار لول ونزيد ولكن كنت هبييلة حيت قبلت نكون مع واحد مريييض بحالك...كون فيك الخير مغتمشيش لولة لي خلاتها ليك متورخة وخلاتني انا كنخلص(مسحات دموعها)وكيفما دخلتك لحياتي غنخرجك بحالا عمرك كنتي..(عطاتو بالظهر)بيناتنا المخزن
عمر:(دخل)عبدو براكة أصاحبي خلي عليك البنت
عبدو:حيد قالاك نخليها...هادي هي لي مغنخلييش
صفية:هادشي لي درتي مايبغيه لا ربي لا عبدو..شكون عطاك الحق تقيس فالبنت
عبدو:هدى سمعي لياا(مشا حداها هي لي كتدير سكوتش لكارطونة مكتشوفش فيه فقط الدموع لي كيتقطرو من عينيها على الكارطون نيشان وشهقاتها)والله مقصدت نضربك هاكاك ..نتي عارفاني مغنبغيش نأذيييك(شدها من ذراعها حتى غوتات)مالكي
هدى :اععععع يدي يدي هءهءهء واطلق مني(تنطرات منو وغوتات فوجهو)وااابعددد منييي واش باغي تقتلني وتهنى...وااا بعددد منيييي(شادة يديها حيت ديجا مقسحة فيها)فرقني علييييك...مكنحملكش باااقي بعد منييييييي هءهءهءهذهء
عبدو:صافي هاني بعدت(رجع خطوة لور)حطي هادشي من يديك وخلينا نهضرو
هدى:مبقا عندي فاش نهضر معاك. نهار كان خصك تهضر ضربتيني فيه
عمر:(جارو)صاحبي براكة زدتي فيه بعد منها واش مكتشوفش حالتها
صفية:(وقفات ليه فوجهو)سير فحالك ومعمرك باقي تحط رجليك فهاد الموبل..منشوفش وجهك باااقي والى باقي محتارماك على وجه مك أما نتا متستاهلش
عبدو:(صعر)حيد علييي...تقرا علي زابورك نتا وياااها...أنا لي ضربتها وانا لي نداويها
هدى:(واقفة كتبكي )بعد مني واش مباغيش تفهم...وا منهار عرفتك وانا لور لور..رديتيني عبدة عندك بلا منحس..كتمشيني على هواك وكتحكم فيا كي بغيتي وكل مرة كنقول ماعليييش هذا غي عبدو ...عبدو كيعاملني زويين...عبدو كيتهلا ومكيخسرش لياا ونهار حتاجيت عبدو خلاني ودار فيا لي لبراني مداروووش فياااا(قربات ليه كتنخصص)عرفتي اش ضرني كثر هذهءهءهءهءهء كون غي با ولا خويا لي ضربني نقدر نفهمها...لي ضربني هو الراجل لي العالم كولو عارفو ميسواااش وانا كنشوفو هو الدنيا عندي (نفاجرات بالبكا)الراجل لي حطيتو فقلبي وقلت هذا غيصوني...
عبدو:(باغي يتخطاهم يدوز ليها)هدى...غي سمعيني والله حتى نصلح كلشييي(كيدفع فعمر)حيييد من قداامي القلاويييي
عمر:(كيدفع فيه)حتال هنا وبراكة..من امتا ولينا كنضربو العيالات؟؟هادي هي هدى ديالي متقربوش ليهااا..ميقيسها حد ميشوفها حد
عبدو:(كيدفع فيه)هدى ديالييي وبزز على القواد لي حطك...(دفعو بعنف)حييدددد من طريقي
داز فالحاجة وشد هدى من وجهها كيترعد:هدى...غي هادي وسمعيني (بترجي )عفاااك
هدى:(بعدات ليه)واخا نشوفك كتموت معمرك غتحلم نرجع مع واحد بحالك...كرهتك وعفتك وعفت راسي معااااك هءهءهءهء والى حسابك غندوزها ليك راني بنت الحرام...غنصيفتك فين تربا مع الحباسا بحالك السكايري ...مغنخليهاش فيك على الضرب لي عطيتيني
تسمع صوت مرا وراهم بتساؤل:ضربك؟؟
تلفتو كاملين لمصدر الصوت وكلشي شاف بيرود الا هو لي نطق بنفاذ صبر:الواليدة
كانت خيرة بملحفتها فلون ازرق جايا لعند صفية حيت دايرين يتلاقاو باش يمشيو للخياط..وهي طالعة فالدروج كتسمع الصداع والهضرة كثيرة...دقات لعند صفية مرارا وتكرارا ومحل حد وقادها فضولها للطابق الاخر حيت كتسمع الصداع والغوات وماحدها كتقرب وهي كتفرز صوت ولدها لي ميمكنش يخفى عليها..حتى كتسمع الحوار لي خلاها تصدم كثر
صفية:خيرة
مسح على وجهو بعصبية ولي خصو راه كمل فحين مو نطقات:شكون ضرب؟؟(شافت فهدى)هو لي ضربك؟؟
عمر:خالتي اش كديري هنا؟؟
خيرة:(بتساءل)شكون ضرب؟؟(مخاطبة هدى)هو لي ضربك؟؟
صفية:اجي معاياا نشرح ليك
خيرة:(شافت فعبدو)اش درتي المسخوط؟؟
عبدو:(عض على شفايفو)الواليدة سيري من هنا
خيرة:قولي ليا واش هو لي ضربك(مشات نيشان ليها)واش تعدا عليك؟؟
هدى:(عرفاتها مو ونطقات باستفزاز)اه..ضربني..ولدك ضربني وتعدا علي
عبدو:(مشا جر هدى من يدها لي مكضرهاش)سدي فمك واجي معايا
خيرة:(خزرات فيه حتى طلق منها)غتبعد لهيه ولا نصليها مع طاسيلتك
عبدو:(ساط)الواليدة هادشي بعيد عليك
خيرة:قولي ليا اش دار؟؟علاش ضربك؟؟
صفية:خيرة هادشي بعيد علينا
خيرة:(صاحت فوجهها)حيدي عليييي...شهاد الحالة داير فالبنت؟؟اش بينك وبينها حتى تقرب ليها(صلاتها معاه)الله ينعل ترابيك الكلب(دفعاتو)واش باغي تقتلني ؟؟باغي تصفيها لياا؟؟مكفاكش داكشي لي درتي فيا زايدني حتى بدعاوي بنات النااااس؟؟واش انا درت شي ذنب حتى ولدتك؟؟(عاودات صلاتو وهدى كتفرج وغدايدها كيبردو) باغي تخرج على راسك؟؟خرج على راااسك بعييييد الى مرييييض سييير بعيد وخرج مرضك...اش دارت ليك البنت؟؟واااا هضررر(طاحت ليها الملحفة من على راسها)
عبدو:(عض على شفايفو حيت مو ميقدرش يهضر)بيني وبينها الوليدة
خيرة:حتى نموووت وضرب فبنات النااس ولا باغي تبعها لعبد الله؟؟باغي تقتلها كيف قتلتي خوووك؟؟شبعتيه عصا حتى ماااات(كتغوت)واش بعقلك؟؟
عبدو:(ضرب بكرطونة حداه)سكتييييييييييي
عمر:(جرو)واتحرك اصاجبيييي
عبدو:ديها من هنا..خليوني مع هدى(جر هدى)هدى م سمعيني
خيرة:(دفعاتو)سير فحالك من هنا يالكلب..الله يعطييك فاش تلاها
هدى:(شافت فيه بعيون باكية)معمري نسمح ليك ..حياتي كاملة نبقا ندعي فيك حيت بغيتك من قلبي وتكرفصتي علي بهضرتك وبضريبك
خيرة:(دارت ملحفتها)الله ياخد فيك الحق...انا بارية منك بارية منك(دمعو عينها)ندمت حيت ولدت بحالك
زادت كتبكي فصمت ناضو عليها المواجع حيت راه مساهلاش ولدك لي ولدتي من كرشك يدير هاد الفعايل...حتى هدى رجعات لور قايلة:خرج من هنا ونسا بلي عرفتيني
مهضرش باقي مجموعة من الافكار دازو فبالو..جوج من النسا لي كيحب فحياتو تقلبو عليه...وبجوج بيهم حس براسو جرحهم بزاف خاصة هدى...
حس براسو خايب بزااف ودموع هدى مفارقوش عينيه..كانت غادية داخلة للداخل وفقرارة نفسو عارف راسو معمرو غيعاود يشوفها..حنى راسو وساط النفس بعصبية..جمع ماتبقى من كرامتو وخرج من تما وقلبو كيتعصر...
نزل لتحت مزير على يديه والنفس تحقنات فوجهو..كيشوف فمو طلعات لطوموبيل ومشا بها الشيفور كتدمع...صونا التيلي خرجو كيشوف اسم عمو..جاوب فلبلاصة
عبد المولى:ولد خويا
عبدو:اش فلبلان؟
عبد المولى:الاعتداء على هدى ال*****
عبدو:مدخلش..خلي الدعوة غندوزها حبس
يتبع...
Omg .. Est-ce la fin de leur relation ?!